Home » Verbatim » 2017 » Verbatim Tuesday 21st November, 2017

Verbatim Tuesday 21st November, 2017

NATIONAL ASSEMBLY OF SEYCHELLES

 

Tuesday 21st November, 2017

The Assembly met at 9am

National Anthem

Moment of Reflection

Mr Speaker in the Chair

 

MINISTRY OF AGRICULTURE AND FISHERIES

 

MR SPEAKER

Bonzour tou dimoun.  Nou a swet zot la byenveni pou nou kontiny nou travay ozordi lo Bidze.  E nou a swet parey tou le bomaten byenveni PS Payet avek ou lekip ki pe travay etrwatman avek nou pou donn nou koudmen dan direksyon nou pe pran.  Mon pa mansyonn non personn me mon krwar petet laprosenn fwa mon a mansyonn non dimoun pou piblik konnen lekel ki pe ‘balala’ ler mwan mon pe koze.  Nou a kontiny nou travay parey nou’n fer yer.  Nou pou al toudswit lo Minister Lagrikiltir e parey mon’n dir nou kontan ki PS Payet ek son lekip i la.  E nou a demann Clerk pou apel Minis Pamela Charlette, Minis Lagrikiltir ek Fisheries ek son lekip pou vin zwenn nou dan Lasanble.  E pou zot ki pe swiv dan zot liv, Minister Lagrikiltir ek Fisheries i lo paz 223 ziska 268, (sorry) 263 ziska 268.  E PS Payet si mon’n konpran byen nou pou pran Minister avan epi pli tar nou a pran SAA separeman apre Fishing Authority separeman – se sa?

 

PS PATRICK PAYET

Wi Mr Chair.

 

MR SPEAKER

Tre byen.  Bon lo lapar tou mon bann koleg, nou a swet Minis Pamela Charlette byenveni.  Ou pa nouvo dan Lasanble – ou’n vin avan, deza avan.  Mon ti a osi swet ou 2 PS ki pe akonpanny ou Mr Nalletamby ek Mr Moustache.  E parey nou’n etabli Minis Charlette nou pou al direkteman lo kestyon ek komanter bann Manm me avan sa ki nou fer nou fer sir nou annan en lalis bann Manm ki le koze lo sa Departman ouswa Minister. Parey mon dir lo paz 263 ziska 268.  Tou bann ki le koze lev zot lanmen, nou a pran not.

 

MADAM CLERK

Mr Chair lo kote Parti Lepep mon annan Onorab Sebastien Pillay, Onorab Churchill Gill, Onorab Egbert Aglae e Onorab Waven William.  E LGB.

 

MR SPEAKER

Onorab Simon Gill ti’n lev son lanmen. Onorab De Commarmond, Onorab Ghislain.

 

MADAM CLERK

Onorab Ghislain avek Onorab Gill bann lanmen ki pa ti deza anler ler mon pe pran.  Mersi Mr Speaker.

 

MR SPEAKER

Ok.  Ou’n mete Onorab De Commarmond?

 

MADAM CLERK

Yes.

 

MR SPEAKER

Wi?  Deputy.

 

MADAM DEPUTY CLERK

Mersi Mr Speaker.  Bonzour tou dimoun.  Lo  kote LDS i annan Onorab Ramkalawan, Onorab Afif, Onorab Prea, Onorab Henrie, Onorab Ferrari, Onorab Hoareau, Onorab Esparon, Onorab Andre, Onorab Woodcock e Onorab Mondon.  Mersi.

 

MR SPEAKER

Mersi.  Nou a konmans toudswit avek Onorab Afif.

 

HON AHMED AFIF

Mersi Mr Chair.  Mr Chair mon kestyon i baze lo paz 265.  Si premyerman zot kapab eksplik logmantasyon dan saler ki preski 31poursan.  Eski zot in pran plis staff?  Konbyen staff zot annan?  E ki logmantasyon zeneralman zot in donnen?  Answit ler mon al dan ‘goods and services’ mon vwar poudir i osi in ogmant konsiderableman e enn bann item ladan i annan ‘foreign consultancy’ pros R200mil; si zot kapab eksplik nou kwa ki Minister i bezwen peye konman ‘foreign consultancy’, R200mil.  Zot ‘rent’, mon en pti pe konsernen avek sa nivo rent e mon krwar pli tar mon pou vwar bann lezot Lazans ki pou vini.  Dan zot ka Minister pe pey R3.7milyon rent tou le lannen.  Ler ou pe get li par rapor avek zot ‘goods and services’ ki 8milyon – preski lanmwatye, lanmwatye zot Bidze i zis ‘’rent’’.  E zis pou donn en legzanp yer nou’n fer en Minister Lendistri.  Son Bidze i an antye enkli tou son travayer, tou son operating cost i R5 milyon.  Zot pou zot zis zot rent i pros 4.  Nou annan en problenm la.  Parski avek en Bidze 3.7 ou ti kapab konstri ou en batiman R15 milyon, ou ti a peye dan 5an ou ti a ganny ou pros 800 met kare.  So, konmsi mon en pe konsernen ek bann gro kou koumsa e mon krwar zot devret vreman fer en zefor spesyal pou kapab redwir li.  E finalman mon dernyen  kestyon anba ‘capital expenditure,’ ‘non-produced assets’ si ou kapab eksplik nou sa R17.7 milyon ki zot annan konman en asset pou Minister ?  Mersi.

 

MR SPEAKER

Minis oubyen ou PS.

 

PS MICHAEL NALLETAMBY

Mersi Onorab Afif, bonzour tou dimoun.  Konsern ‘saler’ i annan Scheme of Service ki nou pe entrodwir pou bann technical staff.  Apre ou annan  8 nouvo pos pou additional nou current staff of 21.  Sa  i pou le de Departman Lagrikiltir ek Lapes.  So i annan sa Scheme of Service anviron R500mil e 8 nouvo staff ki kouver dan sa.  An term ‘consultancy’ nou’n fer en provizyon.  Normalman akoz nou annan keksoz ki deroule dan milye lannen, ki nou napa en provizyon pou nou kapab kouver serten analiz ki nou le fer ouswa sipor teknik ki nou bezwen.  Alor nou’n fer en provizyon i pa ki in allocate, me en provizyon ki nou’n fer pou nou si i annan okenn enstans kot nou bezwen en konsiltan pou keksoz nou bezwen – nou’n fer sa provizyon.  An term ‘rent’ well, sa i en keksoz ki nou osi nou’n pandan sa dernyen mon krwar menm avan mon la nou’n demande pou nou fer en building akoz nou vwar poudir rent.  Nou pe rent building avek Pension Fund i R400 par met kare e se sa ki arive.  Nou rent i pa totalman 3milyon i ariv 3.1 milyon, me i annan en lot e sa 3.1milyon i kouver service charge as well.  E i annan  en lot additional lo la se ‘thermal energy ‘ savedir air conditioning ki zot sarz separeman e nou’n bezwen  enkli sa.  Lannen pase zot pa ti’n sarz nou, be sa lannen zot in entrodwir e nou bezwen pey sa separe alor nou bezwen ogmant lo rent a la mezir.  An term ‘capital expenditure’ sa i proze CLISSA ki kouver bout Lagrikilitir ek Lapes e i bann proze ‘enfrastriktir,’ ‘consultancy,’ ‘training,’ lekipman e tou ki sa Bidze i kouver.  Mersi Mr Speaker.

 

MR SPEAKER

Onorab Afif, apre PS Payet i ou le azout en keksoz.

 

HON AHMED AFIF

Mon konforte par lefe ki ou dir poudir ou realize poudir rent i o e mon mazinen ansanm ek PS Finans zot kapab rod fason  a kour term, pou kapab trouv en solisyon parski ler nou pou met zot tou ansanm Agricultural Agency, Bio Security avek Lagrikiltir zot pou depans pros 8 milyon, 8 ekek milyon zis dan rent.  8 milyon zis pou met li an konteks i preski Bidze SIB an antye.  Zot pou zot i zis zot rent.  So nou annan en problenm serye la lo sa kote.  Lo ‘consultancy’ mon’n ekout ou mon’n konpran sa, dernyen kestyon lo sa CLISSA  e sa non-produce assets si ou kapab dir nou egzakteman ki zot pou depans li ladan. Ki i pe finanse egzakteman, consultancy oubyen i pou finans enfrastriktir?  Kwa egzakteman ki i pou finanse?  Mersi.

 

MR SPEAKER

PS.

 

PS MICHAEL NALLETAMBY

Mersi Mr Speaker.  I kouver enfrastriktir, semen  …. ice plants.  I kouver osi bann consultancy e osi bann training pou fermye, peser, lasosyasyon e bann lenstitisyon ki travay avek sa de sekter.  Mersi.

 

MR SPEAKER

PS Payet.

 

PS PATRICK PAYET

Mersi Mr Chair.  Bonzour Mr Chair, bonzour tou Manm Onorab e bonzour tou dimoun a lekout.  Zis pou azoute lo kote rent definitivman en priyorite 2018, nou pou lans tender for a PPP pou Minister Lagrikiltir avek Lapes pou zot annan zot prop building e nou pou servi zot current rent ki zot pe peye pou pey sa kekfwa pandan 5an ouswa 8an ki apre sa building pou vin pou Gouvernman.  So mon krwar i pou Minister Lagrikiltir avek SAA ansanm ki zot pou annan zot prop building.

 

MR SPEAKER

Ok.  Onorab Simon Gill.

 

HON SIMON GILL

Mersi Mr Speaker.  Bonzour tou koleg Onorab, tou Manm piblik.  Bonzour Minis ek ou delegasyon.  Mr Speaker zis en oryantasyon nou pe tous tou Minister avek bann lezot Lazans ki avek li?

 

MR SPEAKER

Non, nou’n dakor ki nou pou pran Minister Agriculture and Fisheries 263 to 268, apre sa nou pou al lo bann Lazans SAA, Bio Security Agency, me la nou pe tous zis Minister.  Se sa PS Payet ki nou’n tonm dakor?

 

HON SIMON GILL

SFA i ok, i annord.

 

MR SPEAKER

SFA i pli tar – sa i pli tar.

 

HON SIMON GILL

So, ok.  Pou le moman mon a pous mon kestyon pou pli tar.

 

MR SPEAKER

Ok, pou SFA?  Tre byen.

 

HON SIMON GILL

Pou bann lezot Lazans.

 

MR SPEAKER

Pou bann lezot Lazans?  Ok very good.   Nou al kot Onorab Prea.

 

HON NICHOLAS PREA

Mersi Mr Chairman.  Bonzour tou dimoun.  Onorab Afif in plizoumwen manz mon bann kestyon, me zis mon anvi en komitman.  I fer 2enm lannen mon’n demann sa.  Anba CLISSA nou konnen i annan larzan pou improve bann enfrastriktir pou al kot bann fermye, bann fermye ki pe struggle same and all that.  Mon ti a kontan Minister i donn en komitman ki 2018 anba sa Bidze CLISSA serten enfrastriktir parey semen i ganny en vre improvement.  Mersi.

 

MR SPEAKER

PS.

 

PS MICHAEL NALLETAMBY

Mersi Mr Chairman.  I annan bann proze parey mon’n dir bann proze semen apre Lazans Lagrikiltir i annan proze zot in mete pou plizyer semen dan zot Bidze.  Zot ava eksplik sa pli tar selman i annan bann proze semen tou.  Mersi.

 

MR SPEAKER

Ok, Onorab Prea, Onorab Sebastien Pillay.

 

HON SEBASTIEN PILLAY

Mersi Mr Chair.  Bonzour.  Mr Chair avan mon pran mon kestyon mon ti a kontan demann en klarifikasyon avek PS Finans.  Sa size ‘rent’ in monte throughout Bidze.  Eski parey zot fer par egzanp ler zot tender bann lots pou sekirite eski i pa posib pou Gouvernman tender par egzanp dir ok sa lannen sa Minister pe rod rent pou Minister Lagrikiltir, Minister lot, Minister lot, e nou pe demann expressions of interest koumsa bann dimoun ava bid e zot a kapab ganny en meyer pri per square metre, rather ki zot pe pey en high price.  Eski sa i en keksoz  ki zot anvizaze fer ?  Apre dezyenmman an se ki konsern zot minor capital outlays mon ti a kontan zot dir nou zot annan aquisition of a twin cab me partou en pti pe nou pe vwar aquisition of vehicle dan sa bann Minister, eski pou sa bann aquisition of vehicles zot pe go through en tender process pou acquire sa veikil pou zot ganny the best opsyon lekel ki kapab ofer meyer prodwi akoz nou konnen natir travay dan Minister Lagrikiltir, i annan bann site ki zot bezwen al lo la.  Zot pa kapab rod en transpor ki pa pou kapab ariv lo en site.  So mon ti a kontan zot klarifye sa de pwen pou mwan please.  Mersi Mr Chair.

 

MR SPEAKER

PS.

 

PS PATRICK PAYET

Mersi Mr Chair.  Mersi Onorab.  Zis pou azoute ki parey yer mon ti dir ki i annan en Komite, i annan en accommodation Committee ki Chair by DPA.  I annan en reprezantan Finans.  I annan en reprezantan Minister ki responsab pou lenfrastriktir, apre i annan en reprezantan Procurement Oversight Unit.  So lo sa Komite once ki en Minister i anvi rent, i anvi par egzanp 400 metre square li i ale i fer sa demann avek sa Komite e sa Komite zot, zot annan en nide kote ki annan bann rent available space ki available currently.  E sa Komite li i source out diferan, i vwar kote ki en pe pli meyer marse e osi, i vwar sa lakantite ki sa Minister in demande.  E once ki in fer son assessment i rekomann sa to Minister Finans pou gete si i annan available offers.  E apre once ki Minister Finans in aprouve Bidze i ganny mete.  Sepandan ki bokou sa bann Minister i akoz zot deza dan sa bann landrwa.  So si kekfwa ou pou ale ou al tir zot ou pou al kekfwa rod en lot landrwa i annan additional cost ki zot pou incur.  So ki sa Komite osi in vwar avek Minister Finans, lekel bann priyorite par egzanp 2018 ki zot pou fer office accommodation?  E pou 2018 nou’n vwar ki Minister Lagrikiltir avek Lapes i paret i No. 1.  E secondly Minister Lanvironnman.  Sa 2 i pou 2018 baze lo zot lakantite rent ki zot pe peye e eventually 2019, 2020 nou pou vwar osi bann lezot.  Mon krwar nou pa kapab zis en sel kou kekfwa al zis source out pou fer tou building.  Nou pa kapab la actually, me selman eventually nou pou annan bann lezot building ki nou pou fer osi.

 

MR SPEAKER

PS Fisheries – yes.

 

PS MICHAEL NALLETAMBY

Wi Mr Speaker.  Mersi.  Wi normalman nou fer prosedir tender pou bann acquisition ki nou fer e sa pa pou en eksepsyon.  Mersi.

 

MR SPEAKER

Onorab Pillay.

 

HON SEBASTIEN PILLAY

Mersi.  Mr Chair mwan mon ti a kontan ki Minister Finans i get sa dan  en lot fason.  As long ki Gouvernman pe rent tou sa bann rates ki pe rent i pou gard pri rental anvil la ser.  I pou gard pri ser.  So mon konpran ou largiman PS e mon apresye sa largiman ki sa bann Minister i deza dan sa bann landrwa, me selman as long ki zot reste dan sa bann landrwa de nou dir sa bann propriyeter zot la e nou kontinyen ek sa rent – as it is going, nou pou vwar nou dan en sityasyon kot nou pe pey par egzanp dan sa ka 3.686 milyon zis pou rent.  Nou ti  kapab fer desann sa 3.686 milyon pou nou kapab pran sa larzan e met dan Minister pou li kapab …. sa larzan dan bann areas ki i pou bezwen.  Somon krwar si ou ti kapab ganny en langazman ki lo nivo sa Komite zot pe zwenn avek bann landrwa kot Gouvernman pe rent e annou vwar si par egzanp sa dimoun pa le fer desann son rent i a bezwen konpran poudir be in the long run la nou pe al tender sa bann rent.  Nou pe al tender bann lots.  Par egzanp Minister Lagrikiltir i bezwen par egzanp 320, 420 met kare ok la la pri ki nou pe rode pou nou kapab vreman sey manage sa sityasyon.  Akoz si nou  al fer building nou pou fer en bon pe building.  Sak Minister pou annan en buildingSo i riske in the long term kout nou bokou pli ser.  In the meantime ki nou pe fer building pou en Minister, lot Minister i ava vwar en rediksyon dan son rent.  So eski i pa posib enn pou sa Komite zwenn avek sa bann dimoun ki pe ofer rent pou sa bann building Gouvernman.  E pou dezyenm pou Minister Finans pran en  microscope e regard sa size rent dan en pti pe pli indepth mon pa konnen kot Oliaji Trade Centre , kot lot, kot lot, kot lot zis pou vwar si vizavi cost ki nou peye pou sa rent nou pa kapab ganny en meyer – en better option somewhere e zisteman i ava ede pou fer desann pri rent dan lavil.  Mon pa konnen si ou pe konpran mwan PS.  Mersi.

 

MR SPEAKER

PS

 

PS PATRICK PAYET

Mersi Mr Chair e mersi Onorab.  Definitivman mon krwar mon konpran propozisyon ki ganny met devan.  Be nou a fer en thorough assessment lo par egzanp en keksoz ki nou’n promet FPAC, pou donn zot lo en thorough lo tou bann rent ki ganny peye dan Gouvernman.  Ki kantite par metre square e  ki kantite pe kout Gouvernman.  E eventually nou annan en plan lekel bann building ki pou fer in the next five years.  E sa osi ki mannyer pou redwir en pe lo available space ki pou available to the private sector.  Me selman proposal ki par egzanp pou fer li par egzanp to tender process, lafason ki pe ganny fer, nou a pran en pe ou propozisyon nou a diskit en pe avek Komite.  Akoz osi en konponan ki letan nou pe al fer en nouvo building ki nou pou bezwen analize osi sa maintenance cost.  Nou bezwen fer sir ki i pou annan en konteni maintenance dan Bidze, ki pou fer sir ki sa building ki nou pe fer i pou kapab maintain li on an annual basis.

 

MR SPEAKER

Onorab Henrie.  Onorab Henrie.  Wi, wi Onorab Henrie, ou menm ou ki Onorab Henrie.

 

HON GERVAIS HENRIE

Non akoz i pe fer zes laba, in deranz mon – Bonzour Mr Chair.  Bonzour tou dimoun.  Mon annan en kestyon, kestyon lo zot paz 264, lo enn zot bann ‘current challenge’s ki koz lo priyoritizasyon Sekter Lagrikiltir ek Lapes dan azanda Nasyonal e par lefe ki dan distrik ki mon reprezante, Mont Buxton anler Mont signal partikilyerman i annan en pe dimoun ki pe fer bann small scale agriculture  e lot zour mon ti osi demann Minis sa kestyon pou enteres plis zenn dan Sekter Lagrikiltir e osi Lapes ; so mon anvi konnen ki konponan sa Bidze ki Minister pe mazin servi pou zisteman ankouraz bann dimoun ki pa dan Lagrikiltir pou pran sa sekter konman  en travay e menm pou bann pti agrikilter pou zot grosi.  So ki konponan sa Bidze zot pe servi ?  Apre dezyenmman lo kestyon ‘compensation to employees.’  I annan en pe konsern dan Minister ki zot bann travayer zot ava koriz mwan si mon mal ;  ki zot bann – sa ki zot gannyen i pa parey lezot sekter.  So mon’n vwar poudir i annan diferan allowance ki zot peye.  Mon anvi zot eksplik nou en pe kwa ki zot bann travayer dan Minister Lagrikiltir i gannyen an term bann allowance, bann risk allowance si i annan, kwa ki zot gannyen e si zot satisfe zot ki bann travayer pe vreman ganny en bon deal kontrerman avek sa lopinyon ki zot, zot annan zot pe partaz avek nou.  Mersi bokou.

 

MR SPEAKER

PS.

 

PS ANTOINE MOUSTACHE

Mersi Chair.  Annefe ler nou regard sa Bidze i napa en  konponan spesifik poudir vwala sa i dedye spesifikman  a bann zenn.  Nou travay se pou kree en lanvironnman pli – propis pou tou dimoun ki dan Lagrikiltir oubyen ki anvi antre dan Lagrikiltir.  Alor pou enn resaman nou ti mont en pti legzibisyon par egzanp dan nou batiman anler Maison Colette, kot nou ti egzibite tou bann posibilite ki annan pou bann zenn pou antre dan Lagrikiltir.  E letan nou dir antre dan Lagrikiltir pa neseserman ki i vin travay avek Minister.  Me sa osi nou ti annan lenformasyon lo la.  Se plito ki loportinite i annan pou donn li en lanplwa dan en domenn petet ki sa zenn napa en lanplwa.  Alor se kree sa lanvironnman.  Alor de menm nou vwar ki bann pti demars ki nou fer detanzantan ; setadir par egzanp en lafwar agrikol ki maintenant nou oule kontinyen avek i oule montre dimoun poudir i annan en lavenir dan Lagrikiltir, i annan  en mwayen pou fer dan Lagrikiltir. I annan en fason pou ganny en pti larzan dan Lagrikiltir.  Nou bann piblisite ki nou fer lo televizyon, poudir be vwala deza menm dan Lagrikiltir nou annan resaman par egzanp nou’n ofer detrwa post dan Lagrikiltir e la nou’n dir spesifikman dan Minister li menm.  Nou’n deza pran detrwa zenn e dan bann lavenir la tre pros avenir sa bann nouvo post ki nou pe ofer, sa bann nouvo debousman se bann debousman ki pou bann zenn dan Lagrikiltir.  Vwala alor se a tou nivo ki nou oule fonksyonnen, se a tou nivo ki nou oule ofer en loportinite e  napa en larzan spesifikman ki dedye poudir vwala sa i dedye pou zenn me plito se pou kree en lanvironnman, me dan ka osi kot nou fer i annan pos ki nou ofer pou lanplwa dan Lagrikiltir.  Mersi.

 

MR SPEAKER

Minis Charlette.

 

MINISTER PAMELA CHARLETTE

Mersi Chair.  Bonzour tou Onorab, bonzour tou dimoun ki pe ekout nou ozordi.  Mon a dir Happy Fisheries Day pou bann dimoun ki dan sa sekter Lapes ki pe ekout nou ozordi.  Zis pou azoute Mr Chair, nou osi nou travay konzwentman avek CA ki Lekol Lagrikiltir.  E parey mon’n dir dan lepase nou annan  de Manm lo Board kot zot kontribye dan devlopman sa lekol, sa Lenstiti li menm.  Dernyen fwa nou ti fer en  vizit laba e nou’n vwar poudir i annan bann challenges ki zot pe face.  Alor nou pe travay konzwentman avek Minister Ledikasyon pou nou kapab fer sir ki nou met sa lekol dan en bon direksyon, e a en nivo ki nou tou nou pou apresye bann zenn agrikilter pou sorti laba.  Mersi.

 

MR SPEAKER

Mersi Minis.  Onorab Ghislain.  Sorry Onorab Ghislain en pti moman.  Onorab Henrie i annan en kestyon siplemanter.

 

HON GERVAIS HENRIE

Non i pa en siplemanter Mr Chair me plito lo – mon ti annan en lot kestyon mon ti’n demande zafer zot Scheme of Service pou zot bann travayer whether zot, zot santi poudir it is a fair deal be solman lefe konman mon annan laparol Mr Chair en pti siplemanter lo sa ki zot in dir.  Mon panse ki lefe ki zot ki the parent ministry ki pe deal avek managing sa de Sekter Lagrikiltir avek Lapes, mon en pe dezapwente ki napa sa ki mon’n demann zot dan sa Bidze, akoz nou le vwar plis Seselwa dan sa Sekter Lapes ek Lagrikiltir, akoz la kantite etranze travayer pe ogmante dan sa sekter.  Be ki mannyer nou pe- i bezwen annan en konponan ok, la sa lannen – 2018 pou napa me a lavenir i bezwen annan.  Konmsi i bezwen annan en konponan ki nou pe market sa de sekter avek bann zenn Seselwa pou dir zot enn i en field biznes kot ou pou ganny bann reveni ouswa i en field kot i annan plizyer varyete travay sirtou da domenn syantifik konmsi mwan mon oule vwar en konponan ladan ki mon ti pou pli anvi siport sa Bidze, akoz i pe donn nou en lespwar pou lavenir.  Mersi.

 

MR SPEAKER

PS oubyen Minis en kestyon zeneral.  Wi PS Nalletamby.

 

PS MICHAEL NALLETAMBY

Mersi Mr Speaker.  Parey Mr Moustache in eksplike rol Minister se parey Onorab Henrie ou’n mansyonnen rol Minister se get sekter globalman.  Ki i arive ozordi se ki sa 2 sekter pa ganny trouve konman atiran e i annan bokou lezot sekter ki pli atir bann zenn, tourism, Financial sector and all.  Ki nou  pe bezwen fer se aranz lanvironnman pou fer sa de sekter vin pli prosper ; pli profitab kot i a vin pli atiran pou bann, nenport zenn e lezot dimoun osi.  So se sa ki’n – sa Bidze annefe Bidze Minister se sa ki i kouver – bann Polisi bann stratezi ki i kapab adres sa bann konsern kot i annan diferan problenm dan bann sekter.  E se sa ki pou kree sa latraksyon anver – nou annan nou bann PR ki nou fer PS Moustache in mansyonnen bann Open Day ki nou fer, bann PR, bann magazin lo televizyon, tousala i sorti dan sa Bidze e i vize ver atir dimoun dan sekter e  an plis fer dimoun konsonm plis lokal.  E se atraver sa bann mezir ki nou pou aranz sekter e atir dimoun ver – Konsernan allowance parey mon’n dir pli boner nou pe re get nou Scheme of Service sirtou bann technical staff e nou an preparasyon sa.  Pou le moman  i annan allowance ki lo marketable skill ki zot apel li, sa ledikasyon sa nivo ledikasyon ki ou arive ou ganny en allowance pou sa.  Apre i annan inducement allowance ki osi enkli dan zot package – dan nou package plito.  So se sa e nou pe travay avek DPA prezan pou nou amelyor en pe sa bann allowance e osi saler de baz pou fer li pli atiran.  Mersi Mr Speaker.

 

MR SPEAKER

Onorab Ghislain.

 

HON CHANTAL GHISLAIN

Bonzour tou dimoun.  Mon kestyon pou Minis an se ki konsern Lagrikiltir nou pe koz bokou lo sekirite alimanter, e nou konnen poudir enn nou bann landrwa ki nou  bezwen met bokou lanfaz lo la se Lagrikiltir.  Letan mon pe regard anba PSIP an se ki konsern Lagrikiltir, mon pa pe vwar nanryen an se ki konsern bann fermye lo Grand Anse Praslin parski letan nou pe regarde mon vwar bokou zot pe koz lo fencing, road, pavement, pou lofis vreman.  E dernyen fwa mon ti demann ou en kestyon an se ki konsern akoz nou konnen  poudir sa bann fermye zot pe rankontre bokou difikilte letan i dir lasesres zot pa pe ganny akse avek delo pou kapab nouri zot plant pou zot kapab kontinyen plante, ki Minister pe fer pou rezourd sa problenm an 2018 ?  E mon ti’n demann ou osi en kestyon lot fwa an se konsern sa basen anler Mont Plaisir zot pe dir i koule e zot pa pe ganny delo ki ti deservi zot en kantite pandan lasesres Minis.  Mersi.

 

MR SPEAKER

Minis oubyen PS.

 

MINISTER PAMELA CHARLETTE

Parey PS in dir nou, nou plito lo Polisi.  Sa bann kestyon ki ou pe demande sa pou ganny – in ganny met an kont dan Bidze SAA pa Minister, plito

 

MR SPEAKER

Savedir taler nou a vwar sa ler SAA i vini.

 

MINISTER PAMELA CHARLETTE

Wi so taler ler SAA i vini nou kapab dir bann proze i nou annan dan bann distrik.

 

MR SPEAKER

Mersi Minis.  Onorab Gill ou ti annan en kestyon relye avek sa ki Onorab Henrie ti’n demande.  Go ahead.

 

HON SIMON GILL

Mersi Mr Speaker.  Mr Speaker mon krwar kestyon ki’n ganny poze tre enportan kestyon.  Me konmsi pa dan nou ledikasyon, par dan nou zefor pou anmenn en transformasyon dan sa Sekter Lagrikiltir or dizon Fisheries osi; konmsi konkretman si nou kapab profit sa loportinite ozordi la pou dir kwa ki nou annan dan sa Bidze an term policy ki zot in define ladan e byensir son larzan e bann lezot keksoz pou siport sa linisyativ pou lazenes, pou ban fermye ki deza dan sa sekter e pou bann dimoun ki pe aspire pou antre dan sa sekter.  Kwa ki i annan ki pou eksit sa dimoun la deor la sa Seselwa pou li vreman dir wi vwala mon vwar sa loportinite e mon annan sa lanvi mon pou desann demen bomaten pou mwan vin kot enn ou bann zofisye pou mwan antre.  Se sa ki nou pe rode, e si zot kapab convince nou sa i pou donn nou tou lanvi pou nou vreman vot pou sa Bidze.  Akoz mwan personnelman mon pa trouve ladan amwen ki i annan en landrwa ki kasyet parla, dir nou kwa ki motiv sa dimoun la deor pou li antre pou kapab dan nivo Nasyonal anmenn sa transformasyon e fer nou vin vreman annan sa sekirite alimanter?  Mersi bokou.

 

MR SPEAKER

Minis oubyen either or the PSs.

 

PS ANTOINE MOUSTACHE

Mersi i senp.  Petet i byen ki nou kapab mazinen ki moman ki sekter i trouv li la, i parey ki i sorti dan en gran fernwar.  E i pe an port ver semen pou lalimyer alor si i mazin sa pou nou kapab attempt tou sa responsabilite ki devan  nou nou bezwen aranz nou lekor.  Parski bokou tro letan nou pa’n benefisye dan fason ki nou ti devret benefisye.  Premyerman konman en Minister nou bezwen arive aranz nou lekor e se sa zisteman se sa ki sa Bidze pe fer.  Aranz nou lekor parski sa nou napa aktyelman la mendev menm entern pou kapab delivre manda ki nou’n gannyen ki nou’n erite.  E se sa alor ki sa Bidze i fer nesesite pou nou rekrit dimoun entern.  Nou annan deza en Polisi dan lanmen nou’n travay lo la.  Nou annan en Polisi.  Nou’n deza osi annan en dokiman ki demar e montre nou semen ki nou pou al ladan.  Nou annan en dokiman stratezik ki dir egzakteman ki nou devret fer pandan sa 5an devan nou.  Alor si nou annan tousala nou annan nou baz Polisi, nou annan nou baz stratezi nou bezwen dimoun pou egzekit sa e nou met bokou lanfaz dan sa Bidze pou rekrit dimoun pou arive dray sa bann dokiman, dray sa bann Polisi, dray sa dokiman stratezik ki devan nou.  E ler nou fer sa nou kapab ariv konmans delivre.  Delivre an tou ka dan sa dimansyon Polisi e stratezi i reste avek nou me delivre lo teren i vin avek bann Lazans partikilyerman Lazans Lagrikiltir, kot i kapte taler nou a vwar, kot i kapte egzakteman ki si sa, ki bann proze, ki si sa ki pe fer pou re lev Lagrikiltir deor laba.  Ki mannyer i ed sak sa fermye ki enterese, menm petet sa ki pa enterese pou re demare e valoriz sa later.  Alor taler nou a ganny en sans pou regard sa.  Mersi.

 

MR SPEAKER

Onorab Gill ou satisfe?  konmsi anyway mon annan e siplemanter kestyon konman MNA pou sa ki Onorab Gill in demande.  Sa stratezi la si ou ti met li dan 5 mo oubyen dan en minit ki ou ti pou dir  PS Moustache?  kwa sa, what is the driving force pou sa stratezi ?

 

PS ANTOINE MOUSTACHE

Driving force se ki nou fer ki nou koup lo lenportasyon arive ogmant nivo prodiksyon manze dan Sesel, senpleman.

 

MR SPEAKER

Ok nou a retourn lo la ek SAA.  Ale Onorab Ghislain ou’n demann ou kestyon.  Onorab prezan, Onorab Jean-François Ferrari.

 

HON JEAN-FRANCOIS FERRARI

Mersi Mr Speaker.  Enn de kestyon silvouple.  Bonzour tou dimoun.  Mon premye kestyon i konsern sa proze CLISSA mon ti a kontan zis avan zot sorti la ozordi dir nou ki valer sa proze CLISSA e konbyen dan sa   bann larzan CLISSA ki’n deza ganny depanse zis avek konsiltan.  Akoz mwan mon’n deza dan en meeting CLISSA ti annan apepre 26 dimoun, ladan ti annan 24 konsiltan apre 2 fermye.  So mon ti a kontan zot kapab dir mwan konbyen –  eski sa i Bidze pou devlop Lagrikiltir oubyen i en Bidze pou donn bann konsiltan louvraz?  So sa i mon premye kestyon.

Mon 2enm kestyon se mon ti a kontan demande  ki Minister pe fer pou devlop bann striktir marketing, bann fasilite pou bann fermye vann zot prodwi, plito ki zot pas zot letan monte desann pe sey al rod en market ki bann planter i plante e ki i annan bann fasilite ki egziste dan pei, bann landrwa, bann biznes prive kot dimoun i ale,  kot sa prive i vin lo laferm i aste son keksoz oubyen sa dimoun i ale i vann laba?  Konmsi ki led nou pe donn planter pou nou ankouraz li pou plante?  Ok.  E ler mon lo sa size mon ti a zis kontan dir ki, mon pa tro kontan sa term ‘Pti Fermye.’  Mwan mon krwar i annan ‘fermye’ apre ‘fermal.’  Sa ki fermye apre sa ki fermal.  Konmsi annou get zot tou byen ki mannyer zot grandi e zot devlope.  Mon lot kestyon lo sa lo lankourazman lo Lagrikiltir i zwenn sa ki Speaker avek Onorab Gill ti pe dir, lo later Lagrikiltir, lo later ki Gouvernman i lwe avek bann fermye, eski i annan en standar?  Eski i annan en lareg ki dir mon pe donn ou en lease 30an oubyen 40an pou ou kapab plant en pye zoranz akoz si ou lease i mwens ki 40 an ou pa plante en pye zoranz.  Akoz mannyer mon konpran i annan dimoun ki pe ganny en lease 10an i annan ki pe ganny 15an, i annan ki pe ganny 20an.  Napa en standar ki mannyer  nou donn sekirite bann fermye pou zot plante pou zot get lwen devan.  Me sa ki zot met dan later ozordi zot kapab rekolte dan 20an.  Eski i annan en standar?  Finalman mon dernyen kestyon i konsern Lapes.  Mon ti a kontan demann Minis ki responsabilite administrativ ki Minister Lagrikiltir ek Lapes, notaman son Departman Lapes i annan lo bann fasilite Lapes dan Por Victoria, bann fasilite osi parey later, lekel ki responsab?  Lekel ki annan Lotorite lo sa bann keksoz?  Eski Minis menm ki Minis Lapes oubyen i annan en lot Minis Lapes?  tou sa bann keksoz ki enportan pou konnen akoz ler en dimoun pe sey fer en devlopman i dir ou non later SFA ki okipe, non, non, non later Minister Lapes ki okipe, non, non, non, non Mr Glenny Savy ki okipe sa atraver Development Committee, non, non, non, non, non sa Por ki okipe.  Lekel ki annan overall responsabilite lo nou Por Lapes e nou fasilite Lapes, ki kapab donn en desizyon e ki zot kapab aret lager  antre zot sakenn redi pou sey gete lekel ki pou annan kontrol lo en bout later.  Minis sey eksplik mwan sa akoz mon dezespereman pe rode lekel ki an sarz.  Mersi.

 

MR SPEAKER

Minis oubyen PS.  I annan 3 oubyen 4 kestyon pou reponn so nou a konmans avek enn zot, pou reponn.  Petet Minis ek sa kestyon later eski ou ki kontrole pou Fishing Authority oubyen bann kestyon Lapes?

 

MINISTER PAMELA CHARLETTE

Mersi Mr Chair lo kote later pou Lapes, par egzanp si later in ganny pass over avek SFA par egzanp Por Providence SFA i ganny en head list from MHILT e apre SFA ki lease out.  Lo kote Ile Du Port sa i annan en Komite i apel FPDC Fisheries Port Development Committee e bann-

 

(Interruption)

 

MINISTER PAMELA CHARLETTE

…(pardon) i Chair by VP Vice-President apre i annan bann lezot Minis avek … I en High Level Committee sa enn, enkli mwan ki lo la, Minister for Tourism, lenfrastriktir, MHILT.

 

(Interruption)

 

MINISTER PAMELA CHARLETTE

Nou kapab donn ou en lalis si ou anvi bann dimoun ki lo sa komite.

 

MR SPEAKER

So i en inter-ministerial committee.

 

MINISTER PAMELA CHARLETTE

Yes.

 

MR SPEAKER

Ok.  PS ou oule azoute.  PS Fisheries.

 

PS MICHAEL NALLETAMBY

Mersi Mr Chairman.  Wi basically se ki MLUH ki zer tou later e apre li kan later in designate pou Fisheries i pass on through en head list kot SFA, e se SFA then ki zer administrativman sa teren.  Pa Minister, me SFA ki annan direkteman zesyon sa teren.  E sa i atraver bann head list ki ganny pase by MIHLT.

 

MR SPEAKER

Onorab Ferrari PS Lagrikiltir sa kestyon lo ‘consultancy’ mon krwar sa dan bokou Departman sa kestyon ‘consultancy’ in sorti petet ou ti a le reponn sa?  Oubyen ou le PS Fisheries?

 

PS MICHAEL NALLETAMBY

Mersi Mr Chairman.  Konsernan CLISSA sa proze i annan 3 konponan.  Enn konsernan devlopman lasenn valer azoute pou Lagrikiltir ek Lapes, direkteman pe target bann fermye ek peser.  E IFAD li i dir ou i procure malgre ki ou dir napa ‘pti fermye’ e ‘gro fermye’ i annan ‘fermal’ ek ‘fer byen’ IFAD i target bann pli pti group fermye e bann pov sa i son target group.  Sa konponan i target direkteman sa bann fermye ek peser pou ed zot amelyor zot prodiksyon, zot kalite zot prodiksyon e lafason ki zot zer zot prodwi apre ki zot in harvest.  E anmenn li si i lo nivo valer azoute o e anmenn lo market.  Sa i konponan limero enn.  Dezyenm konponan i – ti annan en trwazyenm konponan sorry ti annan konponan limero 2 ki’n ganny retire ti en form credit pou bann beneficiary sa proze.  I ti ganny cancel akoz senpleman son loan, son terms ki i ti pe provide pa ti atiran. To a minimum of 8% interest rate lo en loan maximum R150 thousand ki definitivman pa konparab avek sa ki Agricultural Development Fund, SBFA e lezot i prodwi so sa larzan ti pou zis asize la person pa ti pou pran.  Nou’n retir sa larzan nou’n met li ant sa de lezot konponan ki reste.  E sa 3enm konponan ki devlopman bann Lenstitisyon ki siport Lagrikiltir ek Lapes.  Sa i enkli Lazans Lagrikiltir, SFA, lekol Maritim, Lekol Lagrikiltir bann lasosyasyon ki sa – e i osi enkli bann lenfrastriktir.  En bout lenfrastriktir dan sa trwazyenm konponan.  E se sa kot bann consultancy kot i kapab arive e dan tou le de konponan; premye konponan pou asiste devlopman bann fermye e trwazyenm konponan kot nou bezwen en proze semen par egzanp nou bezwen en konsiltan pou design sa semen, or en konsiltan pou ede build kapasite sa lasosyasyon ki annan en manda me petet i napa ase dimoun teknik la pou organiz zot proze, zot servis ver zot fermye.  Alor consultancy i ganny servi la.  Mon vwar li en pe drol ki dan en workshop pou annan 24 konsiltan e 2 fermye.  Be mon pa okouran sa enn sityasyon be i en pe drol selman si i annan.  Son value of the loan from IFAD ti 3milyon Dolar pou 5an.

 

MR SPEAKER

Onorab Ferrari.

 

HON JEAN-FRANCOIS FERRARI

Mon ava – silvouple reponn mwan lo kestyon bann striktir marketing e lo lease later Gouvernman, me selman konmsi zot pe konfirm avek sa Lasanble ki finalman ler  sa konponan  loan in sorti ladan fermye pa’n ganny nanryen li, zis  konsiltan ki’n ganny dan premye volim apre dan dezyenm volim konsiltan menm ki’n gannyen konmsi se sa ki mon sey konpran.  Nou ganny larzan pou Lagrikiltir, me finalman i pa arive kot fermye.  Eski mon byen mon mal?

 

MR SPEAKER

PS Nalletamby.

 

PS MICHEAL NALLETAMBY

Mr Speaker mersi.  Onorab ek respe mon krwar ou mal.  Sa proze in fer semen, in fer baraz delo, in distribye delo, in aste lekipman, in replenish store Lagrikiltir, e in fer bokou training osi.  So i annan en kantite ki fermye in devret in benefisye avek apre.

 

MR SPEAKER

Ok.  Marketing.

 

PS ANTOINE MOUSTACHE

Enn bann defi mazer ki nou’n arive konpran ki sekter i fer fas avek, se zisteman ki mannyer ler in prodwir i defalke son prodwi. Alor enn nou bann preokipasyon sa lannen e ki kontinyen ankor lannen prosenn, se pou idantifye partner lokal avek ki nou kapab travay.  Nou selman sa me osi amelyor lanvironnman fizik kot deza i annan en debousman pou prodwi fermye.  Travay pe ganny fer aktyelman lo bazar Victoria e i sipoze terminen lafen lannen.  Se zisteman pou amelyor lanvironnman.  Me de plis ki sa deza menm nou’n avek nouvo Board STC nou’n deza annan kozri pou eksplore ki mannyer STC i kapab ed nou pou marsan prodwi lokal.  Que ce soit prodwi legim, me egalman lavyann ki prodwi lokal.  Deza menm petet zot ti antann Chair STC ti pe dir ki lavyann lokal i meyer.  Alor in arive konpran poudir kot li atraver son fasilite ki li i Chair i annan en posibilite pou debousman e nou’n deza eksplore egzakteman ki mannyer nou pou fer sa.  Se en kestyon maintenant angaz dimoun ki pe prodwi pou zisteman lye avek STC.  Pa ki napa deza me ki nou le fer li bokou plis.  Ou’n antann petet ki nou’n demare sa lannen avek lafwar agrikol.  Nou’n fer enn Praslin ti en sikse ekstraordiner menm ki ti napa partisipan, me la an Desanm nou le fer li Praslin ankor e Mahe e sa nou le montre dimoun ki plante poudir i pa neseserman ki ou bezwen tay bazar Sanmdi bomaten.  Nou annan lezot debousman ki annan e dimoun i a konnen si nou fer li regilye dimoun a konpran ki pe arive.  Ou menm ou’n eksplore ki mannyer nou kapab valoriz sa car park ki la devan Weeling Mont Feuri, ki mannyer nou kapab fer li.  E se sa nou ankouraze.  Alor se sa dan direksyon kot ou anvi ale.  An se ki konsern Lease Agreement minimum lease se 10an e nou ale  ziska 60an.  E sa i lye fortman avek envestisman ki fer dan sa domenn.  Annan de fwa en dimoun i konmanse, en fermye i konmanse i pa tro sir ki mannyer i pou ale.  Alor se sa ki letan nou donn li en lease, koumsa petet si i annan okenn sirkonstans ki pase nou kapab rekonsidere, me sa i a diskresyon Minister me an kolaborasyon avek sa fermye.  Dayer i pe lease sa later 32 sou par met kare par an, e sa zisteman, se zisteman pou ankouraz li.  E tou sa ki nou fer e sa ki nou pe fer dan sa progranm dan lavenir, se pou zisteman idantifye ankor plis later, demark later koumsa plis dimoun i kapab ganny en sans pou lwe sa bann later.  I annan dimoun ki al lo later la e ki nou progranm se pou vwar, ki mannyer nou kapab servi sa later e fasilit zot zisteman avek en lease.  Mersi.

 

MR SPEAKER

Ok, Onorab Ferrari.  Onorab Churchill Gill.

 

HON CHURCHILL GILL

Mersi Mr Chair.  Bonzour tou dimoun.  Mon premye konsern i lo sa Lease Agreement.  Mon vwar i annan keksoz ki manke ladan.  Mon ava eksplike.  Fermye Praslin ler i ganny en bout later.  Mon pe koz Dawn Dew Farm i ranpli avek bann gro, gro pye dibwa e zot vwar zot, zot bezwen al rod loan pou zot kapab zis netway landrwa.  E ki mannyer en fermye i pou ankouraze pou li al pran en later, si i bezwen vwar li pe al fer tou sa la  ek e gro depans avan ler menm i konmans plante.  So mon krwar ki dan sa lease en keksoz dan sa direksyon i bezwen ganny fer pou tir sa kou, lo sa dimoun pou li kapab ankouraze prezan akoz tou mannyer i bezwen al depanse pou li konmans fer son travay me selman i pa ava depanse pou li koup pye dibwa pou netway later.  Apre mon 2enm keksoz konsernan sa ki PS i fek pran parol pe dir pou marketing.  Mon krwar pou kapab ranforsi sa ki i pe dir pe fer lo prodwi lokal.  Dan Polisi i bezwen annan en keksoz ki pe promot prodwi lokal e redwi lenportasyon.  Sa keksoz i bezwen pe ganny fer kontinyelman ziske ler sa i morde.  Apre dan sa 17 milyon pou lenfrastriktir, nou ti oule konnen si i annan keksoz pou Praslin ladan?  Mersi.

 

MR SPEAKER

Minis konmsi ou ti annan  keksoz ou ti oule dir taler par rapor ek bann kestyon ki Onorab Ferrari ti’n le dir – mon pa’n vwar ou lanmen eskize.

 

MINISTER PAMELA CHARLETTE

  1. Mersi Mr Chair.  Non zis pou rekonfor en pti pe Onorab Ferrari.  CLISSA i vin assess nou tou le 6 mwan.  IFAD i vin assess nou tou le 6 mwan lo sa proze CLISSA. So si ti annan keksoz ki  kekfwa ki ti en pti pe pa byen zot ti pou definitivman met sa dan nou latansyon.  Sirtou kot i konsern ki mannyer nou pe servi larzan.  So zot vini zot assess nou pou zot vwar ki mannyer sa bann larzan pe ganny zere.  Mersi.

 

MR SPEAKER

Prezan i annan 2 kestyon sorti kot Onorab Gill.  Apre mon a donn laparol oubyen petet avan donn zot laparol mon krwar Onorab Woodcock osi sorti Praslin ou annan en kestyon dan menm laliny.  Ale Onorab Woodcock, apre lekip i a repran.

 

HON WAVEL WOODCOCK

Mersi Mr Speaker.  Bonzour Minis ek ou delegasyon.  Annefe mon kestyon, tou sa bann  ki mon annan i lo menm laliny avek Onorab Gill pe demande sirtou  kot i konsern lease bann alokasyon later lo Praslin akoz par lefe e mon krwar pa ki i zis Praslin.  Dan lepase ler zot in lease later parey Onorab pe dir zot in lease later avek kot bann dimoun in bezwen fer bann devlopman lo sa bann later, swa parey in dir in bezwen koup bann gro pey dibwa, in pran loan pou eklersi sa landrwa ouswa menm konble sa landrwa.   E sa in kree en problenm pou plizyer bann dimoun ki dan lepase sirtou bann dimoun ki ozordi zot in ariv en laz kot zot nepli kapab kontinyen sa travay ki zot ti pe fer oparavan, e zot in envestir en kantite larzan.  E menm, en kantite larzan e ki ozordi zot vwar zot dan en sityasyon, kot zot pe ganny demande prezan pou relinquish sa bann later e bokou sa bann dimoun pe menm threaten ozordi pou al met bann case Ankour akoz depans ki zot in depanse pou devlop sa bann teren, pou netway sa bann teren.  Alor mwan mon pe demande ki ou Minister pe fer pou compensate sa bann dimoun.  Akoz mwan mon krwar dan le fitir in the long term Minister avan ki zot allocate later avek bann fermye ti a vo mye ki zot eklersi sa bann landrwa, prepar sa bann teren avan ler ki zot lease-out, olye ki bann dimoun ki vini zot pe depans sitan kantite larzan lo sa bann later.  Eski zot pe fer provizyon pou  compensate sa bann dimoun ki’n fer sa bann devlopman ki incur sa bann cost? Mon 2enm kestyon.  Ti annan dan SONA Prezidan ti fer en lanons ki pou annan en 50milyon ki pou ganny allocate pou relans Sekter Lagrikiltir e osi Fisheries – e mwan mon kestyon ki mon anvi demande se ki zot pe anvizaze fer, ki fason zot pou servi sa larzan?  E eski sa larzan in ganny provizyon dan Bidze pou sirtou re lans Lagrikiltir lo Praslin?  Minis ou rappel vizit ki ou ti fer Praslin ou ti aprann poudir i annan zis 25 a 30 poursan bann fermye Praslin  ki per servi 80 poursan, use of later ki zot in ganny allocate kapasite zot later e zis apepre 70poursan bann fermye pe under utilise zot later alor dan sa larzan pe ki ganny met akote kantite ki zot pe set aside pou Praslin pou re lans Lagrikiltir lo Praslin ki bann fermye i kapab make maximum use of zot later zot in ganny allocate.  E mon dernyen kestyon i regardan sa High Level Komite ki sipoze ganny etabli li Praslin ki would made of ou Minister, SFA, MNAs DAs e sa 2 Lasosyasyon Peser lo Praslin pou get en pe dan bann lenfrastriktir pou ranforsi Sekter Fisheries lo Praslin.  E osi ti annan en propozisyon ki en Komite pou ganny etabli pou deal avek bann issue Lagrikiltir en pe parey bann issue ki Onorab Ghislain in koz lo la.  Eski sa i dan zot plan avek Komite pou nou deal avek bann issue osi pou bann fermye lo Praslin?  Mersi.

 

MR SPEAKER

Minis mon krwar sa premye de kestyon tou lede MNA Praslin i relye avek tou fermye; sa zafer lease e prepar landrwa e kondisyon.  Laparol i pou zot.

 

MINISTER PAMELA CHARLETTE

Mr Chair mersi.  Onorab mersi pou ou kestyon.  Mon a pran pou Lease Agreement regarding bann investment oubyen ‘compensation’ parey ou pe dir.  Minister i napa en Bidze pou ‘compensation’ me selman si i annan bann demann konpansasyon nou osi nou vin fe evalye pou gete apre nou diskit avek Minister Finans akoz nou napa vreman en Bidze pou ‘compensation’  e ler ou pe dir – di ou pou koz lo compensation so how far do we go pou nou kapab compensate  en dimoun akoz nou konnen poudir tou bann dimoun ki’n ganny later dan lepase pa’n gannyen okenn – pa’n – in bezwen fer li menm. Me selman dan nouvo prosedir pou alokasyon later sa in ganny konsidere e bann nouvo batch later ki nou pou allocate sirtou anba sa – nou annan en Bidze pou nou survey anba SAA pou nou survey bann nouvo later e ladan nou pou fer sir ki bann lenfrastriktir i ganny mete, me selman parey mon pe dir ou oparavan sa Bidze i tonm sirtou anba SAA.   Regarding sa 50milyon ‘lenfrastriktir,’ ankor sa nou’n separ li ant SAA avek SFA.  So napa ladan ki’n ganny allocate avek Minister akoz lenfrastriktir se zot ki vreman manage  e zot ki enplimant sa bann proze.  Mersi.  Regarding Komite Fisheries sa nou’n fini apwente mon ti siny let mon pa konnen si ou’n ganny en – pa ankor?  Onorab laba in gannyen so nou a fer sir ou ganny ou let ou osi.  Nou a fer sir ou gannyen.  Nou’n fini anvoy let nou a byento konmans, mon krwar le 25 sipoze Sanmdi sipoze annan premye meeting.

 

MR SPEAKER

Ok.  Toul ede MNA Praslin ou satisfe.  Onorab Gill?  I annan enn ki onorab Gill i dir pa ankor reponn son kestyon.  Wi PS Moustache.

 

PS ANTOINE MOUSTACHE

Mersi Chair.  Alor Onorab pou kontan anfen tou le de Onorab dan bann Zil Pros pou kontan pou dir i annan tou en seri devlopman ki pou annan lo sa de zil – dan prosennman e sa zot ava antann li pli byen letan SAA i vin devan pou eksplike en pti pe sa bann devlopman anba diferan sours finansman.  I annan Livestock Trust Fund; i annan CLISSA, PSIP, e menm e sa pou kouver pirman bann lenfrastriktir e lezot keksoz ankor.  Vwala alor i ava osi enteresan pou konnen ki resaman nou’n travay lo en nouvo Lease Agreement ki’n fek ganny aprouve par Cabinet e i revwar en pti pe sa bann vye modalite ki ti an plas.  Alor i pou pli korek, i pou dan so letan setadir sa letan ki nou pe viv la, e sa i fer ki sa osi nou kapab koz en pti pe plis lo la letan SAA i vin lo plato bomaten.  Nou definitivman oule ki tou demars marketing ki nou fer a lafen dizour i ganny re pran par group fermye, regroupman fermye.  Sa enn ki nou pe fer an partikilye lo Praslin nou ti ganny zis 5 fermye pou konmans avek.  Me dezyenm fwa ki nou pou fer le 2 desanm nou’n deza annan lentere ki sorti apepre 12 fermye savedir ki in double.  E nou oule ofer nou landrwa L’Amitie kot nou batiman, konman en landrwa kot zot rankontre pou vann zot prodwi alor zot kapab kont lo la.  Me nou sete ki apartir maintenant zot arive konpran pou dir sa loportinite i la pou sot lo la e regroup zot lekor o tan ki posib si zot fer li regilye dimoun a konnen e ki zot kapab vini tou le lafen di- mwan par egzanp e vann zot prodwi.  Mersi.

 

MR SPEAKER

Onorab John Hoareau.

 

HON JOHN HOAREAU

Mersi Mr Chairman.  Bonzour tou dimoun.  Mon premye kestyon i Baze lo progranm enn anba ‘office expenses’ mon vwar ki kontinyelman monte, mon ti ava kontan ganny en leksplikasyon akoz.  E dezyenmman anba ‘current challenges’ ou’n mansyonnen ki ilegal fishing e unregulated fishing activities i enn zot bann major challenge alor mon ti le konnen anba sa Bidze, kwa ki zot pe fer pou kapab adres sa sityasyon.  Mersi.

 

MR SPEAKER

PS.

 

PS MICHAEL NALLETAMBY

Mersi Mr Speaker.  Mersi Onorab.  Pou ‘office expenses’ nou pe etabli en novo unit ki apel Economic Intelligence Unit, Fisheries Intelligence Unit e sa pou involve nouvo staff; savedir i annan nouvo lekipman, nouvo consumable nouvo sa ki pou administre.  E nou pou annan osi bann nouvo lezot keksoz ki nou pe fer bann aktivite parey nou’n mansyonnen, bann promosyon and whatnot, bann adverts and promotion ki osi pou ganny kouver.  So i obviously elev en pe nou Bidze la.  I annan veikil nou pe antisipe annan nouvo veikil so additional cost of insurance e bann zafer maintenance ki pou konmsi – Konsernan dezyenm kestyon in sap mwan.

 

MR SPEAKER

Onorab Hoareau ou 2enm kestyon.

 

HON JOHN HOAREAU

Mon dezyenm kestyon i lo zot ‘current challenges’ ki zot in dir ki ilegal fishing avek unregulated fishing i enn zot major concern.  So mon ti oule konnen kwa anba sa Bidze ki zot pe fer pou kapab adres sa sityasyon.  Mersi.

 

MR SPEAKER

PS Nalletamby.

 

PS MICHAEL NALLETAMBY

Mersi Mr Speaker.  Mersi Onorab.  Ankor an pratik sa se SFA atraver son monitoring, control and surveyance system ki revwar ban pratik ilegal dan Lapes.  Nou, nou etabli bann Policies e atraver bann diferan Lorganizasyon ki nou groupe avek parey IOTC nou’n devlop bann prensip pou redwir ou elimin bann pratik ilegal.  Lapes ilegal ki arive me pou met an mezir bann lapros ki nou pran se nou Monitoring Control and Surveyance Unit within the SFA ki ganny aplike nou pe – parey VMS e nou pe get fason ki nou kapab fer sa lo bann pti bato osi, pou nou kapab vwar kot ale si zot pe lapes dan bann landrwa ki zot pa sipoze parey dan Marine Park.  Si vre zot al lapes osi nou bezwen konnen akoz i annan issue of fuel concession osi ki tonm ladan.  So i annan sistenm monitoring control and surveyance ki nou pe enhance e SFA ava donn en pe plis detay lo la kouver bann issues ilegal activities.  Mersi Mr Speaker.

 

MR SPEAKER

Onorab Aglae.

 

HON EGBERT AGLAE

Mersi Mr Chair.  Bonzour Minis ek ou delegasyon.  Minis mon premye kestyon i konsern mon okouran poudir i annan en Agricultural Master Plan ki Minister ti’n travay lo la.  Mon ti a kontan konnen petet ki zistans sa plan i ete dan son lenplimantasyon?   Ki son time frame ki zot pe ekspekte pou kapab ariv lo en nivo kot nou  kapab revamp sa Sekter Lagrikiltir tou an prenon kont sa bann defi.  Mon 2enm kestyon i konsern later lagrikiltir vi ki ti annan serten issue ki zot ti fer resorti lannen pase menm dan Bidze kot i konsern MLUH serten devlopman lo later Lagrikiltir, eski zot in arive zwenn avek sa Minister pou etabli en pwen  poudir serten later ki Lagrikiltir i ganny  rezerve zis pou Lagrikiltir e osi vwar osi  avek MLUH bann later potansyel ki kapab ganny mete pou Sekter Lagrikiltir.  E dernyerman Mr Moustache taler ou’n tous en pti gin lo sa lanons ki Chairman Board STC ti fer resorti kot pou ed fermye avek zot marketing, me petet mon ti a demann ou ki –  petet ki laliny ki zot anvi pran ki konkret pou fer sir k itou fermye i kapab ganny fasilite ouswa akse – pa zis bann gro fermye ki petet ki annan larzan ki nou  vwar zot tou kou zot devan, kot bann pti fermye osi i ganny sa loportinite atraver sa mezir ki STC pou ganny pran.  Mersi.

 

MR SPEAKER

PS Moustache.

 

PS ANTOINE MOUSTACHE

Mersi Chair.  An parlan Agricultural Master Plan nou apel li SNAIP Seychelles National Agricultural Investment Plan i pou roul pandan peryod 2015-2020 e i konpri 5 progranm ladan.  Etan ki i en Master Plan nou servi tou lezot proze ki nou enplimante dan Lagrikiltir pou delivre dapre sa Master Plan.  Nou annan proze CLISSA, nou annan tou sa bann proze ki tonm anba PSIP anba LTF me nou annan osi bann proze ki FAO  i asiste avek nou.  Tou sa bann proze i annan vreman bokou menm e tre divers ki adres diferan domenn  dan Lagrikiltir e tousala i kontribye pou egzekit sa Master Plan.  E sa Master Plan alor i fer ki son envestisman i vin endirek atraver proze ki nou benefisye avek.  Kot i konsern Agriculture Land zoning selman 2 semenn pase nou ti travay lo sa enn pou Praslin e la nou’n arive konpran ansanm egzakteman kote later Lagrikiltir pou ete Praslin.  E i annan landrwa ki ti deza Lagrikiltir e ki nou’n dir vwala nou sezi sa, me i annan lezot pti landrwa osi nou’n fer demann avek Minister ki responsab pou later koumsa sa bann landrwa, sa bann Zone i vin Zone adisyonnel pou Lagrikiltir alor nou le azout lo nou total ki nou deza annan. Prosennman nou pou regard Mahe e nou ava fer li menm avek lide ki evantyelman nou kapab sezi sa ban landrwa e dir sa bann landrwa i netman e selman pou Lagrikiltir.  An se ki konsern loportinite avek STC pou fermye ki enkli tou fermye tre byento nou a vwar ki mannyer nou pou ankouraz tou dimoun, tou dimoun ki prodwi dan en fason regilye e sibstansyel koumsa zot a kapab ganny en debousman avek STC.  E mon sipoze sel fason ki nou kapab fer sa si nou arive konpran  ki modalite ki nou bezwen itilize pou fer sa.  E sa parey mon dir nou pou travay lo la tre prosennman.  Mersi.

 

MR SPEAKER

Onorab Aglae. A quick question. 

 

HON EGBERT AGLAE

En pti follow-up Minister mon ti a kontan petet vi ki ou’n nonm SNAIP mon konnen son konpleksite sa SNAIP e i pran  diferan lankadreman ladan, me bokou fermye zot menm zot, zot pa pe azour ek sa.  Petet en rekomandasyon mon ti a met devan se ki annou pran sa SNAIP dan son konpleksite anler la petet nou anmenn li lo nivo nou bann rezyon sirtou  Lagrikiltir parey Sid Was kot parey Port Glaud mon kapab vwar mwan dan sa SNAIP.  Grand Anse a vwar li, Baie Lazare kot i ete dan sa SNAIP ladan.  Mersi.

 

MR SPEAKER

Ou’n note PS Moustache ?

 

PS ANTOINE MOUSTACHE

Note tre, tre fortman – note ki deza nou pe egzekit li.

 

MR SPEAKER

Onorab Regina Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker lo paz 265 lo ‘capital expenditure’ mon ti anvi demann Minis si dan sa 17milyon i osi annan  larzan ki’n ganny bidzete pou fini sa proze Peser Glacis.  Mersi.

 

MR SPEAKER

Minis oubyen PS Fisheries Mr Nalletamby?

 

MINISTER PAMELA CHARLETTE

Mersi Mr Chair.  Mersi Onorab.  Ou proze Glacis i tonm anba SFA so taler nou a gete ki Bidze in ganny allocate pou li.

 

MR SPEAKER

Onorab William

 

HON WAVEN WILLIAM

Mersi Mr Speaker.  Bonzour Minis avek ou lekip e tou dimoun ki a lekout. Mr Speaker mon ti a kontan demann PS pou dir konkretman lefe ki nou konnen poudir ozordi sa eleman marketing i en gro problenm e si vreman nou reisi kapab donn sa 137 ki pe esper en bout later, later pou prodwi i pou annan en lefe.  Lo kote marketing i pou pli agrave. Mon ti a kontan mwan demande si Gouvernman  pou revwar sa quota lenportasyon.  I vre ki Mr Moustache in koz lo zot pou koz avek STC me pa zis STC ki fer lenportasyon eski nou pe vwar en sanzman dan Lalwa quota lenportasyon akoz parey mon dir se ki tou dimoun i kapab ale prodwi swa dan domenn elevaz zannimo, ouswa dan prodiksyon legim avek fri, me selman konman en pt marse, konman en Pti Leta Zil sa eleman marketing, i pou reste en gro problenm si serten keksoz pa ganny fer par egzanp koup ki quota epi subsidization.  Dezyenmman mon ti a kontan demann PS pou lapes si Gouvernman in evalye lenpak ekonomik la lefe ki 90poursan purse seiners pa pe lapes dan delo Sesel ?  E osi i annan en komite i apel  – mon krwar i appel en Fisheries Marketing Committee.  Kwa ki pe ganny fer ?  Eski i annan en fon ki’n ganny allocate pou vreman ed nou bann peser, an menm tan bann dimoun ki pe al dan valer azoute ?  Dernyerman Mr Speaker mon ti a kontan demande si Minister pe osi konsider annan en pe plis enteraksyon avek fermye, parey Onorab Egbert in dir, akoz mon santi poudir bann fermye zot bann pli bon konsiltan.  I vre nou pe vin  bann konsiltan etranze me bann fermye ki annan leksperyans zot kapab ede.  Par egzanp eski ozordi Minister i annan en komite ki zwenn avek Minister detanzaot, pou kapab kontribye bann lide pou fer marse sa sekter?  Mersi.

 

MR SPEAKER

Minis.

 

MINISTER PAMELA CHARLETTE

Tous en pe lo lenportasyon.  Nou’n diskite avek Trade Department regarding importation e sa i pou bezwen parey ou’n dir en sanzman dan Lalwa. I annan nouvo Lalwa ki pou vini, me selman nou an kor pe diskite how about to do it akoz i annan sa eleman WTO ki nou bezwen pran an konsiderasyon.  Sa i par egzanp en Anti- Dumping Law ki pou kekfwa lannen prosen 1st quarter ki nou’n kapab akoz nou pou bezwen en pe expert advise how about to – ki nou pou kapab enplimant li.  E sa i pou vin avek bann lezot mezir ki nou pou met an plas – petet lo par egzanp lo kote quota e osi lo kote tarif oubyen pri ki nou kapab mete lo bann import – lenportasyon.  So sa i en keksoz ki nou pe konsidere e kekfwa lannen prosen 1st quarter nou a kapab met an aplikasyon.  Mersi.

 

MR SPEAKER

PS Nalletamby oule azoute?

 

PS MICHAEL NALLETAMBY

An se ki konsern bann purse seiners. ki pe aret lapes i annan bann group purse seiners Espagnole sirtou ki’n ganny demande pou arete par zot prop administrasyon Gouvernman.  Me nou avek Central Bank avek sipor Central Bank nou pe fer en letid an se moman la pou evalye egzakteman sa lenpak.  Nou ti’n konmans fer en travay avan IOTC an Me, me i pa ti’n kouver globalite tou sa sekter e bann lezot afilyasyon lo la.  Me nou pe fer en travay avek Central Bank la pou nou met li pli o profon ki son vre lenpak lo lekonomi pou purse seiners.  An se ki konsern sa Marketing Committee ti ganny formen by –  par SIB e malerezman in dormant, me  nou’n annan en diskisyon avek SIB kot nou pou relev li e petet Minister menm i a pran responsabilite sa Komite pou nou kapab gete ki mannyer nou marketing plis lo kote lapes sirtou apre – ti en Export Marketing Committee gete ki mannyer nou kapab devlop plis sa marse etranze pou lapes.  Tout an prenon kont ki i annan son risk, pri pwason lo mare lokal ler nou eksport plis.  Selman tousala i a bezwen vin an konsiderasyon, i annan diskisyon ki arive a se moman.  Mr Speaker mon ti oule zis osi repran en pti git lo sa zafer quota lo enportasyon malgre ki nou pe koz, nou pe diskite avek Trade Division pou gete ki bann Lalwa ki nou bezwen met an plas pou kapab fasilit sa –

 

MR SPEAKER

Sey fer li kout PS.

 

PS MICHAEL NALLETAMBY

Yes, Mr Speaker.  Wi mon pe zis fer resorti ki nou osi form parti dan bann free market, free trade areas, SADC, tripartite pe vini African Union e sa pou napa quota ki pou applySo nou pou bezwen nou lokalman fer keksoz arive.  E i konmans avek nou pou konman konsonmater pou demann pou aste manze lokal.  E lenportasyon pou otomatikman pou bezwen redwir, si nou, nou aste sa ki lokal.  Mersi Mr Chairman.

 

MR SPEAKER

Onorab William ou annan en supplementary?

 

HON WAVEN WILLIAM

Yes Mr Speaker.  Mr Speaker lefe ki ankor lo sa laspe marketing, mon ti a kontan demann Minis ki lanfaz, ki lanfaz pe ganny mete pou asiste bann prodikter ouswa fermye sirtou avek bann lekipman pou kapab transform zot bann prodwi brit pou donn valer azoute?  Akoz ki arive se ki parey mon dir nou kapab prodwi en kantite pou annan sa problenm market me osi i annan sa laspe valer azoute akoz mon konnen poudir i annan  plizyer pei ki envesti ladan kwa ki pe ganny fer pou kapab enn fer sir ki bann prodwi pa perdi zot valer?  Mersi.

 

MR SPEAKER

Minis i lanfaz lo lekipman pti fermye ek valer azoute zot bann prodwi.  Minis.

 

MINISTER PAMELA CHARLETTE

Mersi Mr Chair.  Ankor sa i pou ganny – in ganny mete anba SAA avek SFA par egzanp nou’n agree avek lo nou pti Komite Fisheries ki nou annan avek bann lezot lasosyasyon ki nou pou konsantre lo en pti pe lo plis bann processors plito pou le moman la pou donn zot sa pti boost, pou kapab amelyor zot sityasyon pou kapab fer sa bann valer azoute.  Sa i en keksoz ki nou’n deside an konsiltasyon avek sekter, plito bann lasosyasyon.  Pou Lagrikiltir mon krwar osi sa anba SAA i annan sa proze pou mechanisation ki pou ede pou anmenn en pti pe plis teknolozi oubyen inovasyon dan Lagrikiltir.  Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chair.  Bonzour tou dimoun.  Mon kestyon pou Minis i konsern paz 266 kot anba zot progranm SP3 – zot fer provizyon pou ‘new unit training,’ nouvo unit pou server, sofware, e tou lede i relye ek Fisheries.  Mon premye morso kestyon i mon anvi konnen lekel ki pe devlop sa sistenm?  E konbyen i pou kout Minister?  e mon d dezyenm morso kestyon i tous sa duplication ki posib akoz duplication i kout Gouvernman en kantite, mon anvi konnen si ou Minister zot fer en travay konsiltasyon avek Departman Blue Economy; akoz semenn pase nou’n aprouv Bidze Blue Economy e pou 2018 i annan en sonm 26.9 milyon ki’n ganny allocate anba ‘capital project’ e ler zot get zot bann progranm i annan en kantite pou fer avek resers.  Koleksyon data, e sa osi i reflekte anba zot Minister. Mon anvi konnen ler zot pe formil sa Bidze si vreman zot in fer en travay pou fer sir ki napa duplication.  E pou fer sir ki bann lezot sekter par egzanp ki manke la mon pa vwar ase provizyon pou parey in ganny dir pli boner pou bann fermye.  Nou vwar konsantrasyon i lo Fisheries e parey mon’n fer referans la de keksoz i tous Fisheries menm, mon anvi konnen ki zot preparasyon Bidze vreman pou kapab garanti ou ki napa bann duplication dan ban proze ki pe ganny fer.  Mersi.

 

MR SPEAKER

2 morso kestyon Minis. PS Nalletamby.

 

PS MICHAEL NALLETAMBY

Mersi Mr Chairman.  Mersi Onorab Mondon.  Sa nouvo unit ki nou pe etabli se sa ki mon ti mansyonnen pli boner se sa Economic Intelligence Unit pou Fishery Sector, pou Fisheries.  E sa pou annan  de morso en bout dan SFA en bout within Ministry.  Nou pe ganny lasistans sipor avek premyerman FAO pou konmans ed nou etabli sa unit e provizyon ki nou’n fer ladan se bann training akoz nou pe anmenn nouvo staff pou osi travay dan sa unit, e nou  pou bezwen train zot dan sa bann diferan teknolozi e model ekonomik ki ganny devlope.  So sa training pou ganny fer.  I pa ankor idantifye lekel ki pou train lekel akoz sa i pe ganny etabli an se moman.  I pou annan en tender process normalman nou fer nou bann consultancy atraver tender process.  E i pou annan en server obviously ler ou pe devlop en data base ou bezwen annan en baz kot ou store ou bann data e sa server pou ladan, pou servi pou sa plito.  An si ki konsern duplication well mon mazinen poudir Blue Economy i kouver bokou plis ki zis lapes e i sipoze kouver plis ki lapes.  Mon pa asire ki data, ki kantite data zot pe al kouver me obviously dan zot travay, zot pou bezwen en pe lenformasyon ki zot pou bezwen garde.  Me an menm tan pou dir poudir nou annan souvan bann diskisyon avek Blue Economy Departman Blue Economy, e zot siport atraver zot travay sekter Lapes ki en konponan dan sa Blue Economy.  E i annan konplemantarite plito ki duplication pe arive.  I annan serten keksoz petet ki tonm, ki ganny met anba Bidze mon pa’n tann zot Bidze byen mon pa ti ganny sans ekoute, me i annan bann travay ki nou ansanm ki zot, zot siport devlopman da Sekter Lapes parey zot fer dan lezot sekter ki tonm dan sa Blue Economy.  Mon pa krwar i en duplication me plito konplemantarite.

 

MR SPEAKER

Ok.  Onorab Mondon.

 

HON TERENCE MONDON

Vitman Mr Chair si i  kapab dir nou ki striktir i annan an plas ki permet ki i annan sa konplemantarite konmsi,  eski zot annan en striktir ki zot fer sir ki zot kapab pe travay akote avek Blue Economy pou fer sir ki zot travay pa pe overlap dan bann proze ki zot pe antreprann?  Mersi.

 

MR SPEAKER

Kolaborasyon Blue Economy and Fisheries.  PS Nalletamby.

 

PS MICHAEL NALLETAMBY

Mersi Mr Speaker.  I annan diferan komite ki egziste, i annan en Komite …Committee pou SWAYO Fish en SWAYO Fish project ki osi annan konponan lapes Blue Economy.  I annan anba SEYCAT bann Komite ki’n ganny egziste, ki egziste plito ki group de Departman ensi ki lezot e se de la  ki annan bann diferan diskisyon ki arive konsern lapes pou Blue Economy o pli larz e se la kot i fit ek kanmarad.  Mersi Mr Speaker.

 

MR SPEAKER

Onorab Andre – briefly.

 

HON CLIFFORD ANDRE

Mersi Mr Speaker.  Bonzour tou dimoun.  Mr Speaker letan mon pe get Bidze Minister in ogmante pres par, in double plito sorti 19milyon pou vin 32 milyon e ladan i annan sa 17 milyon ki lo paz 24 bann detay i en international loan.  Mon ti a kontan demann Minis pou  eksplik nou ki kondisyon sa loan dapre dokiman sa 17.6 milyon ki sa loan?  E si dan sa konteks sa logmantasyon i pou pran konsiderasyon bann issues ki bann peser ki ti travay lo bato ton ki letan tonaz in monte zot in konstaman fer sa en konsernen zot in apros Gouvernman pou get en pti pe dan sa sityasyon si sa pou kouver sa negosyasyon oubyen sa bann sityasyon pou relev sa?  E 2enm kestyon se pou demann Mr Moustache ki’n dir nou ki zot pe sey met lord e zot annan en Polisi e sa saler zot bezwen ogmant staff, me letan nou pe gete logmantasyon dan saler i zis apepre 1.8milyon, so pou mwan i pa tro signifikan pou kapab posibleman fer sa bann aktivite.  Apre an referans avek IUU i annan bann Regional Centres ki nou’n donn zot en Bidze 12 milyon, eski Minister Lapes ek Lagrikiltir sirtou lapes akoz IUU i tonm dan lapes, si zot pa kapab kordin avek sa Regional Centre pou kapab gete kote sa data base, konmsi nou annan en keksoz ki – nou pa pe depans bokou larzan.

 

MR SPEAKER

Ok. Kordinasyon.  Minis apre PS Moustache.

 

MINISTER PAMELA CHARLETTE

Mersi Mr Chair.  Mon krwar PS ava pli eksplik pli byen sa CLISSA ankor akoz sa 17 milyon i konsern sa loan CLISSA plito.  Mersi

 

MR SPEAKER

PS.

 

PS MICHAEL NALLETAMBY

Mersi Mr Chairman.  Konsernan sa loan CLISSA e sorti IFAD i en loan parey mon’n eksplike pli boner i 3 milyon Dolar e sa 17 milyon se sa balans ki reste ki pe al ganny enplimante lannen prosenn.  son term i 0.9 poursan lentere e repeyman 15an apre en peryod –  ki enkli en peryod gras 3an. Sa i term sa loan.

 

MR SPEKAER

Ok.  Onorab Andre ou ti annan en dernyen bout ou ti’n demande lo –

 

HON CLIFFORD ANDRE

I annan de bout i pa ankor dir mwan. Negosyasyon pou bann seamen ki’n travay lo bato ton letan tonaz in ogmante zot in konstaman fer sa en issue.  Apre bann  seafarers, apre nou annan sa IUU Regional Centre.

 

MR SPEAKER

PS.

 

PS MICHAEL NALLETAMBY

Mersi Mr Chairman.  Konsernan seamen i annan en komite ki Minister Lanplwa in etabli pou nou kapab diskit en pe sa bann kondisyon sa bann semen.  E sa i en travay ki pe ongoing.   Konsernan kordinasyon mon krwar i deza egziste ant SFA avek sa Regional Centre e Coast guard lo konsernan sea patrol e surveyance nou lanmer.  Mersi Mr Chair.

 

MR SPEAKER

Dernyen – PS Moustache ou anvi azout en keksoz?

 

PS ANTOINE MOUSTACHE

Mr Chair mon ti le zis – lendikasyon egzakteman akoz saler pa bokou se senpleman akoz isi nou preokipe selman avek Minister.  I annan selman detrwa staff ki nou ti a kontan anmenn anndan ; setadir rekrite me egalman aranz en pti pe Scheme of Service egzistan parski Lagrikiltir in toultan en sekter ki en pti pe ater alor nou oule aranz sa alor se sa ki i pa bokou a lafen dizour.

 

MR SPEAKER

Mersi 2 dernyen kestyon Onorab De Commarmond epi Onorab Ramkalawan apre nou a pran en vot.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Minis ek ou delegasyon e tou dimoun ki al lekout e tou Manm Onorab.  Mr Speaker i annan 3 – 4 pti keksoz la ki mon oule Minis i tous lo la.  Enn ler taler ti pe koz rent e sa PS Finans i kapab re vwar si i kapab konsider revwar imedyatman rent across Government pou tender pou kapab fer desann pri dan sa Bidze mon asire ou pou anmenn en savings ki kapab ede pou fer lezot keksoz.  Sa si ou ti fer li imedyatman  mon garanti ou ti pou annan en rediksyon dan sa depans e sa ti pou bon pou nou pei.  2enm keksoz ler mon pe regarde dan lalis proze pou Fisheries and Agriculture mon vwar i annan Marine Aqua Culture Project ki’n fini.  In completed i mete.  Si Minis i kapab eksplik nou, well dir nou konbyen in koute, kote i ete sa proze e ki benefis in anmennen pou nou?  An menm tan dan lalis proze ki i annan, zis novo proze i plis ki R100milyon, eski Minister i annan kapasite pou realiz tou sa proze lannen 2018 ki pe vini?  Sinon ki mannyer i kapab fer pou redwir sa kou  olye – e sa tou bann proze ki Gouvernman ki pou finanse, ok?  Government of Seychelles.  Ki mannyer alor i kapab fe si i napa kapasite pou delivre tou sa?  Ki mannyer la osi i kapab annan en rediksyon pou anmenn en benefis ki  sa larzan i kapab ganny servi pou lezot area enportan  pou devlopman Lagrikiltir li menm ouswa lezot landrwa.  Sa i en lot pwen e dernyen pwen.  Ozordi nou pe vwar plizyer peser in telefonn mwan over the days la ki’n pase ki zot in antre ek pwason e zot pa pe kapab vann.  Mon pa konnen si sa i pou al dan lot bout Bidze ki nou pou koze taler me sinon ki Minister pe fer pou ed peser dan sa direksyon?  E petet Mr, PS laba,

 

MR SPEAKER

PS Nalletamby.

 

HON CHARLES DE COMMARMOND

Non, non lot.

 

MR SPEAKER

PS Moustache.

 

HON CHARLES DE COMMARMOND

PS Moustache i kapab dir nou taler letan in reponn kestyon in dir poudir ou a krwar nou pe sorti dan en fernwar  prezan pe konmans vwar lalimyer.  Mwan mon anvi demann li tou sa letan in dan sa  Minister li ki mannyer in les nou dan sa fernwar?  Mersi.

 

MR SPEAKER

Petet sa kestyon lo pwason ki pa vann, Minis taler nou a pran avek SFA.  Me lezot kestyon Minis.

 

(Interruption)

 

MR SPEAKER

Order!  Order!  Minis.  Minis.

 

MINISTER PAMELA CHARLETTE

Mr Chair wi sa kestyon lo lapes nou a plito esper ler SFA i vini.

 

MR SPEAKER

SFA ok.

 

MINISTER PAMELA CHARLETTE

Sirtou lo Aquaculture akoz sa i en keksoz ki tonm anba zot.  Wi, wi.

 

MR SPEAKER

PS Moustache.

 

PS ANTOINE MOUSTACHE

Petet ekspresyon ki mon’n servi petet pa neseserman korek me se en moman tre difisil ki nou’n veki, longman menm nou fer sa ki nou’n kapab.  Me mon krwar prensipalman nou defayans pandan sa moman sete ki nou ti annan tre, tre, tre pe mwayen pou nou attempt okenn proze dan Lagrikiltir.  Mon krwar se la ki’n fer keksoz difisil.  Nou’n fer sa ki nou ti kapab dan mwayen ki ti dan nou laporte.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mwan mon anvi letan zot reponn mon kestyon zot reponn avek en pe plis lenerzi akoz konmsi depi bomaten ou a krwar nou tou nou dan depresyon.  Mon pa anvi nou dan depresyon.  Premyerman mon anvi dir Mr Speaker be si Lagrikiltir pa ganny  lankourazman lalimyer byensir pou tennyen.  Si later Lagrikiltir i ganny pran ; si letan fermye zot pe soufer labatwar i fermen Praslin, lot i fermen lot i fermen byensir pa Mr Moustache i pou alim lalimyer.  Li osi tou i pou viv dan sa fernwanr.  Mr Speaker mwan mon anvi premyerman demann la mon vwar konmsi zot bouz bouz en pe partou, ki zot pe fer pou atir nouvo dimoun dan sekter olye ki parmi bann Lazans mon vwar dimoun zis pe bouze, ki zot pe fer pou ankouraz parski i annan en kantite larzan laba deor.  Donor Funding pou siport bann fermye, pou siport bann dimoun dan lapes tou.  Ki zot pe fer pou ankouraz sa?  ki zot pe fer osi pou donn sekirite osi ?  Ozordi i annan en kantite fermye ki zot anler Hangard, ki zot anler Anse Boileau partou  kote akoz zot in fer zot lenvestisman e in pas dan bann problenm dan bann moman fernwanr zot trouv zot ozordi pe al Ankour.  Ki zot pe fer pou soulaz sa bann fermye pou zot  nobou relanse? E dan speech Bidze ti mansyonn zis negosyasyon avek FBOA avek SEFA, me i annan ankor bann Lorganizasyon, i annan 6 Lorganizasyon Lapes, i annan 4 bann fermye, eski sa bann la osi pou ganny konsilte?  E apre Mr Chairman si zot kapab dir avek  nou, nou’n demande rapor lo bann proze Providence la bann failure, i annan de rapor ziska prezan nou’n ganny promet me nou pa ankor gannyen.  Sa 2 Rapor mon ti ava kontan ki nou ganny sa.  Mersi bokou.

 

MR SPEAKER

Peter avan ki Minis ou reponn.  Mon krwar Onorab De Commarmond ti annan en bout ki pa ti ankor reponn.  Se sa.

 

HON CHARLES DE COMMARMOND

Wi, wi i annan de bout kestyon ki pa’n ganny reponn zafer ‘rent’

 

MR SPEAKER

Ale dir.

 

HON CHARLES DE COMMARMOND

…e lot lo sa zafer bann proze ki pa pou kapab ganny realize, ouswa si zot pou realiz tou proze zot pou kapab annan kapasite pou fer sa.  E kot nou pou ganny savings.

 

MR SPEAKER

Minis apre PS.

 

MINISTER PAMELA CHARLETTE

Non bann proze i plito SFA avek SAA osi.  So ler zot a vini zot a devwale ki mannyer zot pou kapab enplimant sa bann proze.  Me mon konsyan ki vreman i annan en kantite proze, i annan bann ki nou pa’n kapab ganny funding pou fer.  E sa i osi lo kote kapasite osi nou bann Lenstitisyon pou fer marse sa bann proze.  Sanmenm sa ki nou’n priyoritiz en pe lo kote kapasite sa bann lenstitisyon pou kapab fer marse sa bann proze ki nou pe mazinen pou fer 2018 sirtou.  Mersi.

 

MR SPEAKER

Savedir sa spesifikman nou a vin taler letan nou pran Lazans.

 

MINISTER PAMELA CHARLETTE

Yes.

 

MR SPEAKER

Bon avek sa nou’n kos lo tou – sorry ou pa ankor reponn kestyon PS Payet ou ti le reponn?

 

PS PATRICK PAYET

Mersi Mr Chair.  Zis pou reponn lo proposal ki LGB in met devan regarding ‘rent’.  Nou a prenon kont son  proposal e nou a diskit avek POU avek Komite pou fer sir ki avek bi ki i annan plis latransparans e secondly pou redwir en pe kou dan ‘rent’ ki pe egziste dan Gouvernman.

 

MR SPEAKER

Ok.  PS Nalletamby ou ti pe al reponn lot bout.

 

PS MICHAEL NALLETAMBY

Donor Funding nou kontinyelman avek diferan partner atraver Foreign Affairs e nou menm ek bann bilateral partner ki vini nou kontinyen demann zot bann – solisit plito bann sipor teknik e finansman atraver; par egzanp IFAD nou pe get en dezyenm proze ki zot in resanman sorti isi avek en tim pou get design enkli sa tou ki pou annan nouvo finansman.  E nou dan faz la pou revwar sa proze ki posibleman ver lafen sa enn proze boner 2019 nou konmans avek sa dezyenm proze ki kouver ankor Lapes ek Lagrikiltir.  Nou’n zwenn plizyer partners bilateral par egzanp Anbasader L’Inde kot nou pe eksplor bann posibilite ankor soutyen finansman e teknik e osi petet lekipman.  E an se ki konsern ankouraz dimoun nouvo dimoun antre dan Lagrikiltir ek Lapes se sa ki nou pe sey etabli.   Nou annan en sityasyon ozordi kot bann lenfrastriktir pa neseserman o nivo.  Bann marse i annan difikilte.  So si nou pa pe aranz sa bann keksoz, nou pa pou gannyen dimoun antre akoz dimoun pe vwar zis pert.  So nou pe sey fer fason ki nou aranz sa bann keksoz par egzanp ki mannyer nou debous lapes pwason.  Nou pe sey get sa bann sityasyon Providence par egzanp, bann processing plant.  I pou an plis ki sa market direk ou vini ou vann ou pwason fre i a vin en dezyenm market kot sa bann dimoun i pran sa pwason koman en input.  So nou pe expand sa processing value chain kot dimoun i a kapab vwar plis posibilite debousman.  E de la zot pou vwar loportinite pou fer en biznes profitab.  E se sa kot i ava annan latraksyon pou antre dan sa sekter tou le de Lapes ek Lagrikiltir.  Nou pe osi travay ek par egzanp Lekol Lagrikiltir, Lekol Maritim, nou travay ek proze CLISSA par egzanp pou nou ed zot amelyor serten keksoz kot i ava vin pli atiran pou bann zenn vin zwenn dan sa sekter e de la zot join  sa de Sekter Lapes.  An se ki konsern bann lasosyasyon, wi nou zwenn ek tou, tou lasosyasyon e zot enplike dan tou nou bann – ler nou al Praslin par egzanp nou fer sir nou zwen ek sa de lasosyasyon ki egziste.  Nou al La Digue e mon krwar weekend osi la nou annan en meeting avek Lasosyasyon Peser Baie Lazare.  Nou kontinyelman zwenn ek zot e nou enplik zot dan nou bann diskisyon.  Mersi.

 

MR SPEAKER

Mersi PS, nou a pran en vot lo paz 263 to be appropriated to Minister Lagrikiltir e Fisheries 32.9 milyon.  Tou bann ki ‘pour lev zot lanmen?

Clerk.

 

MADAM CLERK

Mersi Mr Chair.  27 Manm an faver.   Mersi.

 

MR SPEAKER

Avek sa Lasanble in aprouv Bidze pou Minister Lagrikiltir ek Fisheries e avan nou pran en Break mon ti a kontan dir ki ler nou retournen nou pou pran sa 3 lezot Agencies ki tonm anba Minis Charlette savedir SAA, Seychelles Agricultural Agency, National Biosecurity Agency e Seychelles Fishing Authority.  Nou pou sey fini sa bomaten koumsa ki nou a liber Minis Charlette e k son bann zofisye pou nou pran lot Minister apre midi.  So nou a pran en  Break.  Mon konnen i kourt me nou a pran en Break ziska 11er e mon espere Minis Charlette ou bann zofisye i a pran en bon tas kafe so pou revey zot en pe.  Nou a retournen 11er.

 

(BREAK)

 

 

SEYCHELLES AGRICULTURAL AGENCY – (SAA) NATIONAL BIOSECURITY AGENCY  (NBA) & SEYCHELLES FISHING AUTHORITY (SFA)

 

MR SPEAKER

Nou a kontinyen avek nou travay e parey nou’n dir nou pour pran sa 3 me nou a pran zot dan lord, nou a komans avek SAA Seychelles Agricultural Agency e nou ti a swet la byenveni CEO SAA ek CEO Biodiversity i la devan.  Ok paz Seychelles Agricultural Agency i lo paz 269 Clerk, Deputy Clerk tou bann ki anvi koz lo SAA.  Ok?

 

MADAM CLERK

Mersi Mr Chair lo kote Parti Lepep mon annan Onorab Sebastien Pillay, Onorab Simon Gill, Onorab Chantal Ghislain, Onorab Sylvanne Lemiel, Onorab Churchill Gill, Onorab Egbert Aglae e Onorab Waven William.  Mersi.

 

MR SPEAKER

Sa etan dir PS, mon krwar nou bezwen gard, tenir kont ki nou ti dir nou pour anvi liber Minis ek son Teknisyen midi, me mwan demann mon si nou pa ti devret pran tou le 3 Agency apre nou a pran vot.  So nou pe koz tou le 3 Agency apre nou pran en vot separe si fodre, ok?  Byen.  Savedir, eski ou kapab lir ankor…

 

PS PATRICK PAYET

Kekfwa Mr Chair nou ava demann CEO SFA pou desann pour vin lo latab.

 

MR SPEAKER

CEO SFA i pe vini?  Ok petet pour fasilit avek keksoz pour nou fer sir ki tou dimoun in ganny zot non Deputy Clerk lir pour kote silvouple, lev zot lanmen ankor pour Deputy Clerk ek Clerk la ki nou pe koz lo tou le 3 Agency, Mr Renaud ou kapab, Minis eski ou oule Mr Renaud, petet asiz laba ziska ler nou a pran, si i annan kestyon lo Fishing Authority ou a kapab vini parske devan la i deza … Minis ou ok avek ou configuration ou bann dimoun obor ou ek sa ki laba, oubyen ou anvi fer sanzman?  Ou ok?  Tre byen Clerk lir pour kote Parti Lepep sa bann dimoun ki pour koze.

 

MADAM CLERK

Ok mersi Mr Speaker mon annan Onorab Charles De Commarmond, Onorab Sebastien Pillay, Onorab Simon Gill, Onorab Audrey Vidot, Onorab Chantal Ghislain, Onorab Sylvanne Lemiel, Onorab Churchill Gill, Onorab Egbert Aglae e Onorab Waven William se tou.

 

MR SPEAKER

Deputy Clerk.

 

MADAM DEPUTY CLERK

Mersi Mr Speaker lo kote LDS mon annan Onorab Ramkalawan, Onorab Henrie, Onorab Letourdie, Onorab Ferrari, Onorab Adelaide, Onorab Hoareau, Onorab Esparon, Onorab Andre, Onorab Woodcock, Onorab Arrisol, Onorab Pillay, Onorab Roucou e Onorab Afif.  Mersi.

 

MR SPEAKER

Mon a dir ki i en gran lalis touzour bear in mind ki nou’n deza pas bomaten pour nou koz lo Lagrikiltir koman en Departman nou’n vot zot Bidze, sa 3 i Lazans silvouple premyerman pa repet kestyon ki Minis oubyen son 2 PS i poze bomaten, in reponn bomaten.  Dezyenmman sey gard zot kestyon koman kestyon lo Bidze sa 3 Lazans pa Statement!  E katriyenmman petet annou sey gard maximum 2 kestyon sak dimoun sansan nou pa pour fini, nou pe al byen pour le moman e mon pour tre strik lo sa bann pwen i mon’n dir en fason ki nou kapab liber Minis omwen kantmenm nou pa a fini midi, me selman en pti pe apre midi.  Avek sa nou al toudswit lo kot Onorab Afif.

 

HON AHMED AFIF

Mersi Mr Chair.  Mr Chair mon kestyon pour baze lo paz 272 lo Seychelles Agricultural Agency, mon ti a kontan en leksplikasyon premyerman akoz ‘wages’ in mont par anviron 10poursan si zot kapab donn nou anviron konbyen dimoun?  Epi pour mwan redwir en pti pe mon kestyon mon pour al direk lo ‘other uses of goods and services’ kot mon pe vwar en gro sonm R4milyon pour ‘consultancy’ anba Agricultural Agency; R4 milyon dan ‘goods and services’ si zot kapab zistifye sa ansanm ek Lasirans ki mon vwar i vreman o sa total Insurance si zot pe pey pour Lasirans Fermye.  E finalman ‘rental‘nou’n koz lo la bomaten nou’n koz en pti pe.  So mon konpran be alor eksplik mon en pe sa high consultancy e akoz zot saler in mont par apepre 10 poursan?  Mersi.

 

MR SPEAKER

Petet avan mon donn la parol PS oubyen CEO mon ti a kontan dir zot osi sey gard zot repons direk.  Mon konnen mon pe paret en pe parey Teacher me selman nou bezwen letan.  So reponn kestyon as directly as possible rather than fer en gran statement.  Mersi pour zot konprenezon.  PS oubyen CEO.

 

CEO SAA FINLEY RACOMBO

Mersi Chairman, bonzour tou dimoun, tou Manm Lasanble direkteman ‘wages,’ kwa ki konsern ‘wages ‘se par egzanp dan Lagrikiltir nou bezwen ranforsi kapasite e ki nou pe fer?  Nou pe fer serten recruitment Zofisye Teknik sirtou kot nou pour annan en kantite proze e pour nou kapab annan ranforsi sa Unit Project.  An tou nou pe recruit nou 7 dimoun ki enkli en senior project officer e apre lezot technical staff.  Kwa ki concern ‘consultancy,’ parey bomaten in ganny mansyonnen konmkwa ki nou pe revwar nou bann later, reservi later, i annan later ki i annan okipan lo la, later pa ankor servi, me selman zot lo la e zot pa kapab fer okenn demars.  Nou’n ganny finansman pour kapab 3.6 milyon pour survey bann later lagrikiltir e met tou keksoz annord e ki bann Fermye kapab bouz devan, bann ki lo la e an menm tan fer alokasyon serten later an plis.  Insurance zisteman se kontribisyon pour Lasirans Fermye ki Gouvernman in komit e i bezwen kontribye 1.1 milyon an Roupi dan sa Fon pour pey Lasirans pour Fermye.  Mersi.

 

MR SPEAKER

Onorab Afif.

 

HON AHMED AFIF

Mersi Mr Chair, zis mon ti a kontan demande si zot in tender pour sa consultancy survey 3.6 milyon – kan zot ti fer li?  Mersi.

 

MR SPEAKER

CEO Racombo.

 

CEO SAA FINLEY RACOMBO

Mersi Onorab.  Mersi Mr Chairman.  E non nou pa ankor Tender me nou pour tender, nou bezwen tender akoz nou pour bezwen surveyor.  Mersi Mr Chairman.

 

MR SPEAKER

Onorab William.

 

HON WAVEN WILLIAM

Mersi Mr Speaker, mon ti a kontan demann CEO pour Lazans Lagrikiltir pour dan sa Bidze la anba proze CLISSA ki bann proze, letan ou pe get dan baz ki i annan proze, mon pa pe vwar bann proze ki (1) Prezidan in fer son vizit, Minis ler in fer vizit ki bann proze ki pour tous bann Fermye Grand Anse Mahe?  Mersi.

 

MR SPEAKER

CEO.

 

CEO SAA FINLEY RACOMBO

Mersi Chairman, mersi Onorab, Chairman se kwa ki konsern Grand Anse Mahe, nou deza annan serten proze delo avek semen ki deza pe ganny fer i pour roll over pour lannen 2018. Nou annan sanzman tou bann sistenm irigasyon delo dan Grand Anse antye pour sa bann Fermye an menm tan pour nou Stasyon pour nou.  E dezyenmman kwa konsernan semen, se sa semen ki nou apel “Liti Valley” la ki pour agrandi ranforsi e mont anler ziskan kot bann laferm i ete dan leo.  E sa i pour, i deza, kwa ki konsern semen i deza kot Planning Authority e i pour kontinyen dek ki i ganny permi, soz go ahead.  Mersi.

 

MR SPEAKER

Onorab William.

 

HON WAVEN WILLIAM

Mr Speaker mon dezyenm kestyon i adres avek CEO Biodiversity; mon anvi demande lefe ki dan lepase sa lannen menm nou’n koz bokou lo Senir Plim me mon pa vwar en konponan, mon vwar poudir ti annan sa zensek pour tomat mon trouve poudir Minister pe adres sa, me lo kote Senir Plim nou pa ankor vreman ganny en update lo la akoz i ankor en gro problenm dan kanton e pour bann fermye osi tou.  Mersi.

 

MR SPEAKER

CEO Naiken.

 

CEO NBA MARC NAIKEN

Mersi Mr Chair mon a dir bonzour tou Manm Onorab. Bon dan Bidze nou annan en konponan ki al lo kontrol ek sirveyans alor okenn larzan ki nou’n demande i pour osi enkli tou bann incursions sa i enkli Senir Plim. Update se ki finalman se ki nou’n kapab idantifye sa zensek e finalman nou pour come up avek en proze ki FAO pe travay lo la, la an se moman, pour nou kapab annan en long-term strategy.  Son stratezi se ki nou pour bezwen sanz metod lalit sorti lo lalit chimique pour nou al lo en lalit pli biolozik e pour annan nesesite pour nou entrodwir en parasitoid ki pour kapab kontrol sa zensek.  Annefe par lefe ki i partou i anler dan bann gran pye dibwa pour kontinyen spray i pour en waste of resources.  Me pour nou kapab fer en proteksyon soutenab nou pour bezwen anmenn parasitoid.  E sa zensek i sorti somewhere Namibia.

 

MR SPEAKER

E kan pour komanse?

 

CEO NBA MARC NAIKEN

E dek ki nou ganny finansman nou pour kapab demare, me nou osi pe esper sa laprouvasyon sa proze FAO ki pour kapab donn nou sa technical backstopping ki enportan, akoz i annan eleman idantifye sa parasitoid e osi anmenn li Sesel adapte li e release li dan la natir.

 

MR SPEAKER

Ok Onorab William?  Ok, Onorab Roucou.

 

HON CLIVE ROUCOU

Mersi Mr Speaker.  Bonzour tou dimoun, Mr Speaker mon kestyon i lo paz 271, table 3 P2 mon anvi demann Minis pour lannen 2017 e pour lannen 2018 napa gran ogmantasyon dan Bidze pour servis Veteriner, mon pe demann Minis si i annan okenn plan pour servis Veteriner enkli son lenfrastriktir tou.  Epi lo ‘current challenges’ mon vwar kot in koz lo delays pour receive bann Veterinary drugs mon pe demann Minis kwa konstrent e ki zot pe fer pour remedye sa?  Mersi.

 

MR SPEAKER

Minister.

 

MINISTER PAMELA CHARLETTE

Mr Chair regarding Veteriner sa i ganny en pe bidzete dan SAA apre i annan en pti Bidze dan NBA me selman avek nouvo striktir la pour NBA tou pour al ganny transfer anba NBA.  Nou’n fek ganny approval sorti DPA ozordi menm e evantyelman transfer Funds osi pour ganny fer byento me selman mon a les kekfwa CEO both CEO pour donn en pe plis lenformasyon lo la.

 

MR SPEAKER

CEO Racombo.

 

CEO SAA FINLEY RACOMBO

Mersi Chair.  Mersi Minister, dan Bidze SAA ou pour trouv en reduction, akoz depi Bidze Revised nou ti’n deza pas serten vot avek Biosecurity menm ki Official transfer pa ti ankor pe fer.  Akoz ki ti pe arive zot, zot ti pe fer tou bann lenspeksyon lo bann Points, lenspeksyon lavyann, lenspeksyon lo Por, lenspeksyon legim lo Erport eksetera. Alors zot ti bezwen serten finansman pour zot fonksyonnen e se pour la ki dan SAA tour serten diminisyon, e la ki Ofisyelman i sipoze transfer 2018 kot Bio alors sa ki la i pour osi ganny transfer dek ki i ganny approval.  Mersi.

 

MR SPEAKER

Ok Onorab Roucou?  Onorab Aglae.

 

HON EGBERT AGLAE

Mersi Mr Speaker, bonzour Minis ek ou delegasyon ankor, Minis mwan mon ti oule demann en kestyon kot i konsern sa 50 milyon ki ti ganny mete pour Livestock Fund, petet mon ti a demande ki mannyer ki zot pe zer sa larzan fer sir ki bann Fermye ki dan bann bezwen sirtou bann ki annan mankman serten fasilite pour zot kapab ganny bann led neseser, pour zot kapab retourn dan sa Sekter Lagrikiltir ki pour fer zot vin pli prodiktiv?  An menm tan ti annan serten vizit ki Prezidan ti fer avek bann Fermye, serten fermye petet osi ki zistans ki zot in arive ladan pour kapab ed sa bann fermye avek sa Fon, anba sa Fon menm ki zot ti dir.  Mersi.

 

MR SPEAKER

Minis oubyen CEO Racombo.

 

CEO SAA FINLEY RACOMBO

Mersi Chair.  Mersi Onorab, anba pour lafen milye a lafen 2017 SAA in ganny konfirmasyon e pe enplimant pour apepre R20 milyon proze lo lenfrastriktir. In deza komanse e sa i vin ansanm avek kwa ki Prezidan ti pledge ki nou azout en lot 20milyon akoz mazinen s 50milyon ti pour partaz an 3 sa en, i annan en lot valer proze 20 milyon, alor kwa ki ‘n komans ganny fer?  Se bann gro proze ki pe roll over, ki pa ankor fini.  E kwa ki pour 2018 ankor se serten gro proze konsern semen, basen delo, bann water catchment, bann lezot lenfrastriktir parey nou’n koz Labatwar Praslin, Red Meat Labatwar, nou pe koz Labatwar komansman Mahe ki nouvo bezwen nouvo Labatwar e tousala pe rantre anba sa ki ti pledge ki larzan pour available.  Mersi Chair.

 

MR SPEAKER

Minis.

 

MINISTER PAMELA CHARLETTE

Mersi bokou Chair.  Zis pour mon en pti pe leksplikasyon regarding sa 50milyon ki Mr Aglae in demande; sa 50 milyon i Infrastructure Fund pour tou lede Sekter Lapes ek Lagrikiltir, 25milyon in sorti dan Bidze Gouvernman e 25 milyon in sorti dan LTF Fund e sa 25 milyon LTF Funds sa se SAA ki pe zere e sa lot 25milyon in ganny allocate avek SFA.  So vwala partisyon sa 50milyon ki kekfwa mon’n donn en pti pe plis klarifikasyon.  Mersi.

 

MR SPEAKER

Onorab Stephen Pillay.

 

HON STEPHEN PILLAY

Mersi Mr Chair. Chair mon kestyon i baze lo paz 272- 273 sa survey ki Agricultural Land Survey mon pe get sa 3 Prensip ki in dir pour al pour en konsiltan akoz MLUH ki deza annan tou sa bann mendev pa pe ganny demande pour fer sa vi ki later i tonm anba MLHILT ki ti a tir sa 2.6 dan Bidze.  273 mon vwar dan menm, menm latab i annan 33 ektar later ki’n ganny allocated dernyen promoter si nou kapab gannyen lekel sa promoter. Dezyenmman 283 pour Biosecurity Agency sa Bidze i apepre 2 milyon pour ‘stray dogs’ akoz ki i anba zot, pa ti ava pli bon 2milyon ti ava’n plito pour SSPCA e si sa incinerator i annan okenn lyen avek sa bann lisyen eran ki zot pour al mete si zot pour al brile letan zot in touye ouswa kwa.  En pe lis detay lo la please Mr Chair.  Mersi.

 

MR SPEAKER

CEO Racombo epi CEO Naiken.

 

CEO SAA FINLEY RACOMBO

Mersi Chair, mersi Onorab, Onorab mon pour reponn sa 2 premye kestyon ki ou’n demande me selman ou pour bezwen repet dezyenm kestyon, akoz mon pa’n sezi li byen.  Premye larepons sa Consultancy Survey MLUH ti deza annan en legzersis apepre 4an pase ki ti avek MLUH ti ede, me selman letan i ede i sarz nou.  I sarz nou en pri me an menm tan MLUH li i napa surveyor anndan li osi i bezwen outsource.  Alor pour nou i pour pli fasil e pour al pli vit nou prefere ki nou tender out nou menm kot nou ganny sa Surveyor prive kot i vini i fer travay pli vit ki kapab soumet pour aprouvasyon.  As part of MLUH i pour pran, dernyen fwa i ti pran plis ki 1an avan i kapab donn en travay, bon akoz son limitasyon ki i annan, i annan pli bokou en kantite proze ki i pe deal avek li os.  Me si ou ti kapab repet dezyenm kestyon Onorab mon pa’n sezi byen silvouple.

 

MR SPEAKER

Onorab Pillay.

 

HON STEPHEN PILLAY

Mr Speaker mersi.  Pour eklersi 273 i annan 33 ektar bann later unsurveyed dan Agricultural Land ki’n ganny allocated to a promoter si ou kapab dir nou lekel sa promoter?  Epi Mr Chair zis pour ansanm avek sa kestyon pour SFA ki pa’n antre ladan lo sa progranm Mariculture ki 6milyon ki zot pe fer avek, kote en pe plis detay,  akoz nou deza annan en gro landrwa, nou pa bezwen en gro landrwa pour plant pwason ankor, mon pe demann en pe plis detay lo la.  E sa bann electricity transformers pour Fish Processing Factories Providence Estate la pour sa 9 Unit, avek sa 2.6 milyon konbyen total pour arive ki nou pe depanse lo sa bann Unit ki pa ankor antre an servis?  Mersi Mr Speaker.

 

MR SPEAKER

Be mon krwar ou’n demann en kestyon kote SFA, Minis eski ou team devan pour repons oubyen ou le SFA vin devan?  Akoz ou CEO i deza la me i akote.

 

MINISTER PAMELA CHARLETTE

Wi mersi Chair mon krwar sa i en typo error dan sa latab.

 

MR SPEAKER

Dan sa latab Onorab Pillay.

 

MINISTER PAMELA CHARLETTE

I sipoze non… 273,

 

(Mic Off)

 

MINISTER PAMELA CHARLETTE

…ya wi , wi i pa zis enn, i pa zis en promoter be selman i annan diferan dimoun.

 

MR SPEAKER

CEO Racombo.

 

CEO SAA FINLEY RACOMBO

Onorab nou pa ankor konnen akoz nou pa ankor allocate.

 

(Interruption)

 

CEO SAA FINLEY RACOMBO

… has been allocated se bann ki deza lo la wi.  Parey mon’n dir boner, (sorry) se bann ki deza lo la e ki napa okenn dokiman dan lanmen.  Mon a kapab sirkil ki kantite apre.  Mersi.

 

MR SPEAKER

Mersi CEO.  Onorab Churchill Gill.  I annan kestyon …?  Non sorry wi CEO Naiken sipoze reponn enn lo Biodiversity, apre i annan enn pour…

 

CEO NBA MARC NAIKEN

Mersi Mr Chair.  Mersi Onorab pour ou kestyon.  Konsernan Stray Dogs nou annan en nouvo Lalwa ki tre byento pe vin devan Lasanble pour Control of Dog’s Act e pour sa kapab ganny materyalize nou pour bezwen annan en Pound, nou pour bezwen annan bann dimoun ki fer letour e anmas bann lisyen eran, sa pour ganny mete anba servis Veteriner pour fer sir poudir sa bann nwizans ki lisyen pe koze lo bann lans, bann landrwa frekante i redwir.  E dek ki sa Lalwa vin an viger nou pour annan resours pour nou kapab fer sa bann travay.  Mersi Mr Chair. Concerning incinerator Mr Chair tou bann none compliance ki i annan dan Sekter Biosecurity dezormen pour ganny brile devan sa dimoun ki pa’n comply.  Mersi.

 

 

(Mic Off)

 

CEO NBA MARC NAIKEN

Non lisyen pour ganny zere parey ou’n menm propoze enn fwa ki nou’n apprehend bann lisyen nou’n les en serten peryod letan pase pour sa Met vin reklanmen, si i pa reklanmen then nou pas avek bann Sosyete Zannimo pour zot kapab zere, e bann ki dan kondisyon ki pa agreab then nou met dormi.  Mersi Mr Chair.

 

MR SPEAKER

SFA.

 

CEO SFA RONNY RENAUD

Bonzour Mr Speaker e tou bann Onorab e tou ban dimoun ki pe ekoute, i annan mon krwar si mon konpran byen i annan 2 kestyon.

 

MR SPEAKER

Koz en pe pli for CEO Renaud.

 

CEO SFA RONNY RENAUD

Ok.  Mon krwar si mon konpran byen i annan 2 kestyon, enn sa kestyon se breakdown basically lo sa larzan ki asosye avek sa R6 milyon pour Mariculture Development.  Mon kler sa?  Sa premye.  Apre dezyenmman i annan pour fer avek sa bann zafer electricity transformers.  Ok?  Good.  Premye sa breakdown kot i konsern Aquaculture pour sa 6 milyon i asosye avek sa proze pilot sa broodstock facility ki pe al ganny met an plas dan Zone 6 laba Providence.  E i kouver bann materyo, bann supplies parey koman bann fish feeds pour menm bann koleksyon sa bann broodstock zot menm, bann medication, bann kemikal ki asosye avek sa aktivite broodstock.  I annan mentenans fasilite osi.  In fact i annan en lalis ki mon kapab fer sa aksesib a tou e natirelman osi pour kouver son operational cost ki pour bann zafer elektrisite, delo, fuel ;i pour annan en bato ki atase avek sa fasilite li menm i pour kouver sa bann keksoz parey.  Dolman mon kapab fer zot ganny en kopi lalis sa breakdown.  Sa premye keksoz. 2enm keksoz, dezyenm kestyon sete an relasyon avek sa zafer electricity transformers – e sa an realite i asosye avek sa bann transformers i pour sa Zone antye.  Akoz an realite i annan en kantite fasilite ki pa ankor vin an plas lo laba kot Providence Fishing Port; kot i annan bann diferan endividi ki’n ganny alokasyon later dan sa Zone.  I annan bann devloper osi ki annan sa bann Units ki zot sipoze met an plas zot proze Fish Processing.  Apre an plis ki sa natirelman i annan elektrisite bezwen elektrisite pour sa fasilite Aquaculture.  Apre ekstansyon 2enm faz sa Por Providence i annan lezot fasilite osi par egzanp i annan nouvo ice plant e pour tousala i annan en serten kantite demann lo elektrisite ki inisyalman ler nou pti fer Bidze lendikasyon ki nou ti’n gannyen par egzanp, se ki nou ti pour bezwen apepre 2 transformers adisyonnel.  E se sa ki nou’n met sa kou ladan, baze lo lenformasyon ki nou ti’n gannyen from PUC.  Me plitar nou’n vwar poudir ler sa Misyon Bidze ler nou ti pe rod plis lenformasyon lo bann demann e sa bann devloper nou vwar i annan lezot kou ki asosye avek sa, i annan in fact nou pour bezwen 3 transformer an plis rather than 2.  E kot i pour anmenn nou en kou total ler nou get sa bann transformers zot bann lezot switch gears; lezot lekipman ankor ki asosye run bann cab from one transformer to the other, i pour ariv nou apepre dan en ant R6 a 7milyon koumsa.  So sa i en keksoz ki pour sa zis sa demann elektrisite ki nou konnen i pour ganny sa kou adisyonnel pour ganny kouver anba sa R25 milyon ki Minis ti’n koze oparavan.

 

MR SPEAKER

Onorab Pillay vitman.

 

HON STEPHEN PILLAY

Wi zis en pti leklersisman vit Mr Speaker pour sa Aquaculture 6 milyon; sa i zis en letid ki zot pe fer si zot pe pran kont safety issues parey nou’n tande poudir i kapab atrakte lezot pwason bann landrwa kot pe al fer – si vreman, vreman i neseser dan sa lenstan Sesel la pour la al fer sa Aquaculture 6milyon, 2 milyon an plis pour elektrisite si i pa devret swa anvoy pour en lot lannen.  Be ki rezon ki sa Aquaculture ki mwan mon vwar i pa, deza nou annan en gran lanmer pour al fer en pti bout kare pour met pti pwason ladan pour plante.  Mon pa vwar nesesite.  Mersi Mr Speaker.

 

MR SPEAKER

CEO Renaud – vitman.  Zistifye.

 

CEO SFA RONNY RENAUD

Mon ava dir mon pa exper dan Aquaculture.  Me selman sa ki mon konnen se ki Gouvernman in met devan en policy, in fact in met devan en plan kot pour devlop sa kalite lapes e nou’n al devan avek nou’n asosye nou avek lezot partner pour nou kapab devlop sa sekter.  Prenon kont poudir ki presyon pour toultan annan lo kot i konsern nou stock lapes espesyalman lapes demersal, demersal fisheries i annan en kantite presyon lo la.  E sa in ganny prezante dan demersal nou kestyon Management Plan ki’n ganny prezante ek Gouvernman in ganny aprouve pour sa.  Avek lezot stock osi ki nou konnen par egzanp banbara eksetera.  So sa.  Me s fasilite ki la, la i en fasilite ki asosye avek pour nou ganny bann parents stock ki pour kapab, ki nou pour kapab apre ganny sa bann pti, sa bann ptipti, bann eggs eksetera pour devlope, sete sa kot nou pe fer sa letid. Sa i en lapros, i en stratezi ki lo nivo sa High Level Committee lo Aquaculture, ki’n pous sa stratezi in pran depi en pe letan kot lo kote prezan sa in pass on avek SFA pour fer sir ki i enplimante lo la. So an term sa, sa i sa staz.  E sa ki mon kapab dir zot osi se ki en parti finansman pour sa aktivite, i osi pe ganny kouver avek anba Linyon Eropeen pour promouvwar sa kalite aktivite – prenon kont sa bann konstrent, sa bann presyon ki i annan lo nou existing stock kot i konsern lapes demersal silvouple.  Ok.

 

MR SPEAKER

Minis petet ou a kapab dir nou si i annan en study vyabilite ki’n ganny fer vi nou annan diferan proze prawns lot, lot ki nou’n komanse apre in bite dan semen.  Eski premyerman in annan en viability study ki’n ganny fer?  E dezyenmman kote ki pe fer sa?  Eski i annan en lot pei Malta, L’Australie ki pe fer ki nou kapab vwar legzanp?  Minis.

 

MINISTER PAMELA CHARLETTE

Wi, mersi Chair, Chair sa proze, sa Mariculture Plan in komanse mon krwar depi 4an pase e in go through en long process of – parey ou dir feasibility study i SIA e osi Peer Review sa ki en pti pe pli enportan pour nou se sa Peer Review ki bann lezot dimoun ki expert dan sa sekter in kapab fer bann komanter e in donn nou go ahead pour nou kapab enplimant sa plan. Me en keksoz ki mon oule osi le dir se ki sa plan se ki sa plan i pa cast in stone.  I en plan ki pe kontinyelman evolye e devlope pour kapab customize li presizeman lo nou sityasyon nou konteks Sesel. Osi mon oule fer resorti ki sa pilot ki nou pe komanse, se i presizeman pour nou konnen ki bann, kekfwa ki bann lenpak ki pour reel e osi ki mannyer nou pour kapab mitigate li e osi ki bann, si nou fer mistake we’d rather do it dan sa proze pilot.  Me osi i annan osi bann lezot keksoz ki pour vin avek Mr Chair.  So lo kote Gouvernman nou krwar pour diversifye lekonomi e nou pour bezwen go annan sa bout Aquaculture oubyen Mariculture.  I annan bokou lezot pei ki pe komanse sirtou dan larezyon, so nou osi nou krwar nou kapab sot lo sa bandwagon, akoz nou vwar poudir i en, i pour en lendistri ki pour annan bokou valer si nou kapab fer li dan en scale ki pli apropriye pour nou.  So basically wi nou annan zistifikasyon.  E mwan osi mon pe propoze ki petet SFA i vin fer en prezantasyon avek National Assembly, pour zot vwar vreman ki i annan dan sa plan, ki bann letap ki nou pour pas ladan e osi ki bann Funding ki nou pour bezwen either through Gouvernman oubyen through bann lezot parti prenant par egzanp bann lezot external funding ki deza nou pe gannyen through EU.  Mersi.

 

MR SPEAKER

Ok.  Mersi Minis, petet pour klarifikasyon pour bann ki ti pe anvi demann kestyon lo bann proze parey nou a esper prezantasyon SFA ler i vin kot Lasanble. Onorab Churchill Gill.

 

HON CHURCHILL GILL

Mersi Mr Chair.  Mon kestyon CEO Lagrikiltir; eski dan sa Bidze i annan provizyon pour koneksyon elektrisite lo bann laferm Praslin akoz pour le moman Fermye pe ganny bann bill 30mil, 28mil pour konekte elektrisite. Apre provizyon delo mon vwar ou’n komans mete me selman eski Minister ki pour fer sa delo ariv kot sa bann diferan plot parey zot fer ek elektrisite? Apre pour SFA dan ‘building and infrastructure’ i annan en sonm 40milyon apre dan non-produced assets i annan 161 milyon mon pe gete si i annan okenn keksoz pour Praslin ladan?  Mersi

 

MR SPEAKER

Onorab Lemiel i annan en kestyon parey nou a fer en sel demande apre CEO Racombo a reponn.

 

HON SYLVANNE LEMIEL

Mersi Mr Chair.  Wi mon kestyon i preski parey, akoz mwan osi dan distrik mon annan dimoun ki’n ganny allocate later me plis ki 5an zot pa’n kapab met elektrisite.  So i pa zis pour Praslin mon ti a kontan konnen si dimoun lo Mahe osi ki’n ganny allocate avek later pour en peryod letan pase ki pa’n kapab met elektrisite, si i annan provizyon dan Bidze pour zot kapab ganny asiste?  Mersi.

 

MR SPEAKER

Avan ou reponn CEO Racombo, Onorab Woodcock i annan enn lo menm laliny menm pour Praslin mon sipoze Onorab Woodcock.

 

HON WAVEL WOODOCK

Yes lo menm laliny ki Onorab Gill e osi Onorab Aglae in demande konsernan sa 50 milyon, mon ti a kontan konnen anba sa 50 milyon ki’n ganny allocate pour Lagrikiltir ek Lapes ki bann proze ek bann lenfrastriktir zot anvizaze fer pour … Konmsi ki zot in met a kote pour Praslin?  Mersi Chair.

 

MR SPEAKER

CEO Racombo.

 

CEO SAA FINLEY RACOMBO

Mersi Chair, mersi bann Onorab, elektrisite nou’n fer provizyon, nou’n fer provizyon dan Bidze akoz nou lentansyon parey PS Moustache ti dir bomaten nou komans tour laklerte e dan trou laklerte nou krwar letan nou komans met lenfrastriktir devlop later nou bezwen met bann basic infrastructure ki neseser pour ease akse ek sa bann later pour bann dimoun ki pour al lo la.  Partou nou pe fer tou le posib kot tou sa bann lenfrastriktir de baz i ganny met an plas.  Letan nou koz delo Praslin; delo Praslin Baie St Anne, Grand Anse nou oule amelyor tou sa bann sistenm delo ki deza egziste, mon konnen poudir sa ki nou’n temwannyen se ki i annan serten par ler pandan lannen i annan serten leakage dan bann pipes, apre i annan serten basen ki’n vye.  I annan enn ki zot dir i koule me i pa koule li, me zis akoz son flow nou pran flow from restan PUC e letan mwan Oktob in arive lasesres nou pa pe gannyen sa bann delo pour ranpli sa bann basen, me ki nou pe fer se ki nou pe rod lot sours pour supplément sa bann ki letan nou ganny problenm avek overflow PUC.  Dan tou bann rezyon Agrikol nou pe, bann manrmay i dan bwa partou pour idantifye sa bann sours delo e menm ki ou idantifye prezan ou bezwen ganny permisyon PUC, nou bezwen les zot konnen.  E de la si zot pa pour servi zot donn nou go ahead e a nou pe supplément sa bann zafer la.  Alor dan Bidze 2018 nou pa priyorite se amelyor tou sa bann zafer e bann landrwa parey Baie St Anne, Cap Sami  – Côte D’Or kot nou pe devlop later laba ouver ankor later nou pour met tou bann lenfrastriktir de baz konpran ki enkli elektrisite parey ou ‘n demande.  Proze lenfrastriktir ankor Onorab Woodcock mon annan en lalis la Praslin i annan en kantite ladan mon pa konnen si mon pour lir ouswa mon a sirkile apre.

 

MR SPEAKER

Non zis, mon krwar ou a donn Onorab, letan i enportan CEO Racombo ou a donn Onorab son lalis pour Praslin akoz sa i konsern li spesifikman.  Mersi, Onorab Arrisol.

 

HON SANDY ARRISOL

Mersi Mr Speaker.  Bonzour avek ou delegasyon, bonzour tou bann ki dan Galeri e tou bann ki pe ekout nou dan lakour. Mr Speaker mon kestyon i baze lo baz priyoriter sa se later pour prodiksyon agrikol – mon ti a kontan demann Minis ki son Minister pe fer akoz dan zot ‘current challenges’ osi i dir i annan 135 dimoun ki ankor pe espere pour ganny en morso later, alor mon ti a kontan demann Minis ki son Minister pe fer lo size bann dimoun ki’n ganny later avek Minister Lagrikiltir, me selman i pa pe servi sa later?  Par egzanp Sandy Arrisol in ganny en kare later akoz i ti anvi me prezan Sandy Arrisol li i pran son later i donn Stephen Pillay pour plante lo la pour li e li Sandy Arrisol i anmas en larzan.  Savedir Sandy Arrisol pa ti anvi en morso later, ki zot Minister pe fer pour pran sa bann later ek sa bann dimoun ki pa enterese pour ki sa bann, sa 133 ki nou vwar lo lalis omwen i a benefisye en morso later pour li plante li osi.  2enm kestyon mon ti a kontan demann Minis i tonm anba lo menm latab ki nou pe koz lo la mon vwar i annan sipor pour devlopman bann nouvo Bazar, fasilite Bazar ki enkli Mahe, Praslin ek La Digue mon ti a kontan Minis i eksplik nou lo Bazar Sir Selwyn Clarke ki baze dan distrik St Louis Mr Prezidan in vizite mon’n tann koz lo la be selman letan mon fer letour tou le Sanmdi zanmen mon vwar okenn gran keksoz ki’n ganny fer.  Mon vwar en bin site in ganny konstrir apre mon’n vwar, mon’n tande i annan en konstriksyon pe ganny fer me malerezman Bazar i ankor en pti pe deplorab, bann Bazardye in ganny en nouvo latant ki ti rouz avan la in zonn, me selman avek sezon lapli i still zot pas en kantite soufrans pour zot vann zot prodwir.  E dezyenmman i annan pour fer avek Labousri kot bann Bouse i ete mon anvi dir Minis avek Mr Speaker ki la, tou Manm Lasanble kot bann Bouse i vann zot lavyann i vreman deplorab, zot laport in kase, zot napa okenn fasilite sekirite, dimoun i kontinyen antre i vole…

 

MR SPEAKER

Ok, ok Onorab.

 

HON SANDY ARRISOL

Mr Speaker mon a fini mon pti detay en pti kou, zis pour mwan ganny sipor Minis silvouple, mon pa’n koz ditou bomaten prezan ki mon koz en kou mon silvouple.

 

MR SPEAKER

Be nou pa pour al lo tou Bazardye ki la, Minis in ganny son pwen, mon krwar ou’n fer ou pwen ou annan en dernyen kestyon Onorab?

 

HON SANDY ARRISOL

Wi mon ti a kontan mon dernyen kestyon koz lo Sekirite.

 

MR SPEAKER

Ale.

 

HON SANDY ARRISOL

Lekel Lakonpannyen ki’n ganny Sekirite pour vey Bazar Sir Selwyn Clarke parske bann prodwir dan Bazar menm i annan Sekirite, menm i annan baro i kontinyelman perdi.  Mersi bokou Mr Speaker pour sa pti git letan.

 

MR SPEAKER

Ok, Minis apre nou a vin kot Onorab Gill.  Me Minis reponn premye kestyon.

 

CEO SAA FINLEY RACOMBO

Mersi Chairman, mersi Onorab, Onorab in lev en bann size konplike la, Chairman i tre enteresan sa bann 135 dimoun lo lalis la nou pour re organiz sistenm alokasyon later.  Nou’n deza annan en papye ki Gouvernman in aprouve koman nou pour allocate later akoz ki arive konmela? En dimoun i apply later i vini i fer en pti interview ou dir li anmenn en business plan i al kot en zanmi laba i fer en business plan pour li donn li, letan i vini i donn ou la, la ou business plan ou donn li en bout later apre i pa fer nanryen lo la ok?  Pa tou ki fer sa enn de, me selman i annan osi ki pe underutilize later akoz problenm.  I annan problenm akse napa semen, nepli anmenn zafer pour anmenn pannyen lo latet konmela, napa delo, napa lezot fasilite provizwar i pa pour kapab fer bokou keksoz.  I pa kapab fer bokou keksoz prezan ki nou pe fer, ki nou bezwen fer se r organiz sa bann dimoun la ki nou trouve i annan potansyel, i annan sa lanvi pour li devlope me selman i pe ganny bann difikilte e sey asiste li avek serten lenfrastriktir de baz kot i kapab ed son lekor apre. Me bann kantmenm ou ed li i pa en zefor pour li fer nou annan en prosedir osi, nou annan en prosedir repran later, me selman malerezman letan ou pour tir lo later apre ou bezwen al pas bann prosesis Rent Board letan ou fini Rent Board ou bezwen al Ankour eksetera i pa sorti li, prezan i vin en problenm. Sir Selwyn Clarke, Sir Selwyn Clarke i annan en proze pour amelyor li, me selman i mon pli gro latet fermal sa enn, i en problenm kantmenm ou sey amelyor li anndan me ou pa kapab bouz en pe plis.  Dimoun i vin plis, plis Vander, plis Peser, plis Bouse me selman lespas i reste parey, bon ki mannyer nou partaz sa bann lespas la i vin problenm, pour amelyor li.  In vye, zour ou aranz li en bout, lot bout i kase, zour ou komans repar kot Bouse apre ou trouv sewage system ou pa konnen kot i ale finalman akoz Victoria in agrandi li i en vye sistenm, konblaz in fer ou pa konnen, ou perdi semen kote sa sewage i ale li.  I annan problenm refoule pandan weekend konnen kantmenm ou dir peser pa grat pwason letan i pe vann pwason i trouv 4,5 dimoun pe grat pwason Sekirite pa kapab met lord en sistenm Sekirite ki nou’n dir Minis nou bezwen re gete, nou bezwen re tender lekel sa Sekirite ki pour bezwen pran sarz sa Bazar la.  Akoz napa nanryen ki pe marse avek Sekirite e nou’n fini pe pran aksyon nou vwar ki problenm sa Sekirite si i pa kapab rann sa servis nou bezwen rod lot.

2 se enm kwa ki pe amelyore, amelyore pe sey amelyor par faz, wi mon osi mon pas Bazar tou le Sanmdi bann dimoun pe demann mwan be oli ou ti dir pour aranze.  Prezidan in pase in dir pour aranze pa ankor aranze.  Ki zot pe fer, zot bezwen akoz nou napa landrwa pour met sa bann Vander dan lizour, ti tonm dakor ek zot ti diskit ek zot, tonm dakor ek zot pour ki zot kontinyen fonksyonnen e bann reparasyon parey sa kouvertir ki pour met lo devan la i pe fer out of sight, bon?  Akoz letan i pour fini out of sight akoz materyo ti bezwen enporte tou depi letan ki in tender in fini gannyen alokasyon bid la Kontrakter i bezwen fer vini materyo akoz i en nespes kouvertir, en nespes perplex sepa kwa ki pa soley i traverse me selman lasaler pa traverse bezwen fer vini.  La aktyelman dapre schedule of work weekend pase zot sipoze fouy bann, kot pour met bann pilye pour kapab letan zot in fini mont kouvertir an deor, zis vini en weekend ouswa aswar annandler zot travay aswar la konmela vini met an plas.  Si ou pour get lo kote leskalye kot Bouse laba, zot deza pe fouye pour met pilye.  Bon vwala ki mannyer travay pe ale akoz i pour annan en melanz fonksyonnen an menm tan ki travay pe ale an menm tan alors pour, nou napa landrwa pour met sa bann dimoun.  E sa bann dimoun zot konnen zot in ganny dir, mon annan en lot problenm.

 

MR SPEAKER

CEO Racombo petet a en moman donnen ou a fer en prezantasyon atraver swa en kestyon oubyen Mosyon lo Bazar akoz pour annan en kantite problenm ek Bazar ou menm ou dir i en latet fermal petet i en lot moman akoz si ou pour al sorti kot Bouse ou pour al kot latant nou pa pour fini konmela.  Onorab Arrisol.

 

HON SANDY ARRISOL

Mr Speaker mon dakor avek ou lo sa pwen nou a fer li en lot voyaz selman mon santi Mr Racombo pa’n reponn mon premye kestyon an relasyon avek later, ou’n koz lo later an relasyon avek bann dimoun ki pa kapab devlope, mwan mon pwen se ki i annan dimoun ki son later i dan plato napa okenn difikilte semen, napa okenn difikilte sarye problenm se ki li in ganny later atraver kontak.  Prezan li ki i fer li lo son later li i pa devlope li, i pas sa later avek enn son dalon, son dalon ki plante lo la akoz son dalon i en gran fermye li i anmas larzan, sa mon pwen.  Pa bann ki pe sarye pake lo latet parey nou dir.  Mersi.

 

MR SPEAKER

Ok, mon krwar en pti pe parey dimoun ki ganny lakaz apre i lwe kan i pa bezwen lakaz, sa ki Onorab Arrisol pe dir; pa pe dir sa bann ek difikilte li, i pe koz bann ki pe sublease zis zot asize zot pa pe plante.  CEO.

 

CEO SAA FINLEY RACOMBO

Chairman mon pa konnen ki mode model biznes sa dimoun i fer.  Me si en dimoun i ganny allocate later i bezwen fer travay son later, nou ki nou gete anndan, se ki nou oule sa later i ganny prodwir to the maximum.  E ki, koman i pe ganny prodwir se li i travay son business model non?  Me selman i pour malonnet osi si en dimoun zis i vin rod later pour pas avek kanmarad, i pa byen e mon ti a kontan konnen Onorab lekel sa sityasyon plitar.

 

MR SPEAKER

Arrisol, Onorab Arrisol ou a vinabou donn li si i annan okenn kontak e si i a vinabou Bazar, lo Bazar nou a kapab ganny sa bann klarifikasyon.  Savedir la mon krwar sa ki ou challenge CEO Racombo se ou pa pe dir zis Onorab Arrisol ou pe dir tou bann MNA dan distrik si zot konn ka parey sa ki’n ganny leve par Onorab Arrisol, anmenn devan CEO Racombo pour li pran aksyon.

 

CEO SAA FINLEY RACOMBO

Yes Chairman avek levidans osi en.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon anvi demann premyerman lo kestyon sekirite kot SFA mon aprann poudir i annan 5 mwan ki Kontra in fini kan zot pour tender?  Kan zot pour donnen?  Biosecurity Unit la kot zot pe lwe, e ki zot pe lwe sa parske sa rent i 1.7 milyon e pour ki sa batiman? Foreign Consultancy anba zot papye la i donn R648mil anba ‘rent’ e apre sa en lot 362mil anba ‘professional service’s ki fer en total 1 milyon si nou ti kapab ganny en pe leksplikasyon lo la.  Mr Speaker vitman Ministry, bomaten nou’n vwar Ministry of Agriculture zot pe rod en twin cab ki 650mil tandis ki Biosecurity li son twin cab pour ariv 1.5 milyon ki son deal?  Apre sa i annan bokou konsern – mon respekte tou bann dimoun ki dan sa proze Mariculture e mon kontan zot devosyon, me selman mon zis anvi dir ki i annan bokou kestyon lo la from Sekter Prive ki vwar sa koman en proze prive e apre la zot ankor lo sa staz pe fer resers.  E lefe ki in mansyonnen poudir pour annan en prezantasyon, eski nou ti ava kapab pour le moman tenir sa sonm konmsi annou tenir sa ziska ki nou ganny sa prezantasyon e apre sa nou kapab vreman pran en bon desizyon eklere.

 

MR SPEAKER

Ok.

 

HON WAVEL RAMKALAWAN

E finalman Mr Speaker lo 292 an relasyon avek ‘capital projects’ si i kapab, mon vwar non-produced assets 161 million donn nou en leksplikasyon lo la?  E apre sa ‘building and infrastructure’ sa 40 million, donn nou en breakdown silvouple.  Mersi bokou.

 

MR SPEAKER

CEO Renaud petet premye lo Sekirite apre CEO Naiken lo rental apre Minis i a koze. CEO Renaud.

 

CEO SFA RONNY RENAUD

Ok mersi Mr Speaker. Tendering pour soz Sekirite i korek ki son Kontra, zot Kontra in fini expire by, in fact plitar dan lafen di mwan Novanm la nou pe soz tender pour sa.  Apre i annan lezot servis osi ki i pour pas parey by lafen di mwan Novanm la nou pe tender soz par egzanp pour mentenans nou bann ice plant sa osi i parey akoz zot Kontra osi in expire.  Mersi.

 

MR SPEAKER

CEO Naiken.

 

CEO NBA MARC NAIKEN

Mersi Mr Chairman.  Bon regarding sa landrwa kot nou pe lwe, nou pe lwe avek Maxilliano Zaqari e i R97, 000 per month ki mon krwar i R225, per meter square.  Sa total 1 milyon i al pour 1an (x 12).  Tandis ki twin cab nou pour aste 2 twin cab pour sa sistenm kontrol bann dimoun ki fer letour zot al met bann labwet, met sprayers; akoz parfwa ou pa kapab met kemikal dan menm transpor ki ou met sa bann travayer ki pe al met sa bann labwet.  I annan en Standar Enternasyonal ki nou bezwen respekte.  E nou bezwen 2 Mr Speaker pour nou kapab efektivman fer kontrol pli efektiv letan nou kote Sid nou osi kapab fer kote North similtaneman.

 

MR SPEAKER

Minis ou oule fer komanter?

 

MINISTER PAMELA CHARLETTE

Mr Chair mersi. Onorab Ramkalawan regarding sa Mariculture pour nou i pa en problenm, me selman zis i ava delay sa proze li menm avek Procurement; sa bann lekipman.  Me selman mon krwar ler ou a fer desizyon, ou a fer desizyon informed decision once ki nou’n go through sa prezantasyon.  Yeah?  Ok.  Mersi.

 

MR SPEAKER

Ok, Onorab Ramkalawan tou ou kestyon in reponn?

 

CEO SFA RONNY RENAUD

Zis en pti konsern Onorab, Chair se ki nou annan sa fasilite ki tou son bann lekipman ti’n fini arive par egzanp bann structures e la an Desanm nou ti pe al, nou ti’n fini apwent, nou ti’n fini tender e ganny konstrikter pour sa.  Kontrakter pour met li an plas e kestyon se, eski nou hold enplimantasyon sa lenfrastriktir li menm oubyen nou fer li, nou enplimant li?  E konmsi pour mwan se whether nou pe koz nou ki lespas letan nou pe koze vizavi pour annan sa konsiltasyon avek Lasanble before we move sa ki i annan gran lenpak petet finansyer vizavi bann zafer Contractor ok.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker si, sa bout la ki pe mansyonnen savedir dan Bidze 2017 i pa pour dan Bidze 2018 si ou’n fini fer vini, ou’n fini tender i pour dan Bidze la.  Alors sa proze i kapab kontinyen parske i tonm anba 2017 e apre sa son bout ki a al dan 2018 sa letan zot, zot menm zot fer zot prezantasyon.  Mr Speaker zot lo ‘foreign consultancy,’ ‘foreign consultancy’ mon pa’n ganny bon leksplikasyon e apre zis koman en pti pwen, en pwen final ki petet nou kapab koz lo la plis ankor, se pour SAA pour lankourazman bann, par egzanp Anse Boileau i annan sa gran bout later 4 ektar, eski zot pa santi si nou anvi ankouraz dimoun konmsi annan en model farm kot i annan tou sa bann teknolozi be it bann ki anba kouvertir, irrigation technology. Konmsi tou bann keksoz pour ki bann dimoun konmsi ki enterese zot a kapab vini zot ava vwar, apre zot ava ganny sa lankourazman pour zot rantre ladan.  Parske la pour le moman napa nanryen.  Mersi bokou.

 

MR SPEAKER

Minis oubyen CEO ou le reponn sa dernyen kestyon?

 

CEO SAA FINLEY RACOMBO

Thank you Chair. Onorab Leader Lopozisyon zot dan laliny zisteman dan laliny e i dan nou progranm nou pe set up demonstration farms, Anse Boileau zisteman kot ou’n mansyonnen se nou Stasyon Resers, now i anba CLISSA i annan serten finansman pour ki petet nou bezwen rod en pe sipleman pour nou set up bann shade house, bann sistenm kouvertir, sistenm drip irrigation eksetera pour ki nou pour envit Fermye, i pour vin en sistenm extension osi pour ranforsi en pe extension sa one, two men, one- to-one par tro marse.  Akoz an menm tan ou napa ase staff kalifye, be zour ou annan sa bann Stasyon koumsa plis model Farms nou pour selekte enn detrwa Laferm ki Fermye pe devlope zot menm e ed zot pour anbelir ankor en pe e servi koman bann model farms pour lezot fermye ki vin an gro, i servi koman en sistenm lenformasyon, Ledikasyon i pour zot al devlop pour zot.  E vwala nou dan menm laliny e ki nou pour envit bann zenn akoz konmela i annan en kantite bann zenn ki enterese ek sa bann zafer, nou pe mekaniz en pti pe fer vin en pe masin, senp masin pour ki i ease zot travay lo later kot zot kapab.  Vwala nou dan laliny e i dan progranm.  Mersi Chairman.

 

MR SPEAKER

Avek sa i annan ankor plis ki 12 dimoun ki anvi entervenir, vi ki Lagrikiltir avek Lapes i devret sorti anba sa tit Cendrillon dan Gouvernman, ki devret annan son lenportans sirtou pour sekirite alimanter, mon sizere ki vi ki midi in sonnen nou pran en break i en sekter tre enportan oubyen i 2 sekter tre enportan nou a retournen 2er pour nou kontiny nou enteraksyon menm si mon ti dir nou pour sey fini midi mon krwar nou pa devret tret Lagrikiltir avek Pwason parey mon dir koman The Cinderella of Government.  Alor nou a retournen pour nou pran zot bann si avek ou bien entendu si i ok avek ou Minis ek ou lekip pou retournen 2er? Minis Charlette.

 

MINISTER PAMELA CHARLETTE

Yes i ok Mr Chair,

 

MR SPEAKER

Tre byen mersi tou dimoun nou a pran en Break nou a retournen 2er.

 

 

(BREAK)

 

MR SPEAKER

Bonn apre midi tou dimoun nou a kontinyen avek nou travay.  E mon ti a kontan ankor fer en lapel pour bann MNA pour demann kestyon direk e kourt e osi en lapel avek tou le 3 CEO pour reponn direk e osi fer li kourt, akoz nou annan en lot Minister pour nou pran apre midi.  Nou a kontinyen e mon a donn la parol Onorab Andre.

 

HON CLIFFORD ANDRE

Mersi Mr Chairman.  Bonn apre midi tou dimoun, Mr Chairman mon ti a kontan refer Team ki avek Minis la lo paz 291 mon kestyon i adrese a SFA plito 291 kot i annan Seamen Fishing Programme Protocol kot mon vwar i annan en logmantasyon sorti 4 milyon in ariv 5 milyon, mon ti a kontan demann zot lekel ki pe benefisye atraver sa Seamen Protocol?  Lo paz 292 letan nou pe get logmantasyon dan Saler nou bann Anplwaye in sorti 25 milyon in vin 27 milyon so en logmantasyon apepre 2.5 milyon mon ti a kontan konnen si, kwa sa logmantasyon si i bann nouvo Scheme of Service si i sa i le ka si bann travayer in ganny konsilte lo sa nouvo Scheme of Service?  Epi si DPA in aprouv sa bann sa.  Letan mon pe get en pti pe dan lo paz 2 – 294 latab ki avan Progranm 5 son latab avan kot i met P1 an referans avek bann transpor kot i annan en alokasyon 700mil ki’n ganny fer, mon ti a kontan konnen konbyen transpor zot pe sanze akoz parey in dir i annan bann ki date depi lepok Tsunami 2004 e letan mon pe al lo detay ki’n donnen mon ti a kontan demann SFA pour eksplik nou en pti pe sa 2.4 milyon ki lo ‘travel cost.’  Apre…

 

MR SPEAKER

Onorab ou’n demann 3 kestyon, me ou trwazyenm kestyon i reponn lo sa latab menm i dir ou ‘’SFA needs to replace 5 vehicles used by the Monitoring and Enforcement Division.’’

 

HON CLIFFORD ANDRE

Non sanmenm sa mon pe dir i annan 700mil.

 

MR SPEAKER

Wi.

 

HON CLIFFORD ANDRE

Mon’n demann li konbyen transpor i pe ranplase, se sa ki mon’n demande mwan pour li dir mon konbyen transpor.

 

MR SPEAKER

Ok CEO Renaud.

 

HON CLIFFORD ANDRE

Mon pa ankor fini.

 

MR SPEAKER

Be degaze donn li, nou sey demann 2 kestyon sak dimoun sansan zanmen nou pour fini annou sey, tou Manm silvouple annou sey demann 2 kestyon.  Mon konnen i annan en kantite detay zot oule demande, be deside lekel ki pli enportan pour bann CEO reponn.  Akoz nou bezwen fini pour nou envit Minis Larue, Minis Lazenes, Sport, Kiltir pour vini, CEO Renaud.

 

HON CLIFFORD ANDRE

Mon ti’n fini demann kestyon si mikro i on.

 

CEO SFA RONNY RENAUD

Ok thank you Chairman i annan sa Seamen’s Revenue ki ou’n koz lo la, mon napa lenformasyon aktyelman lo sa, mon kapab provide Lasanble dan konmsi byento la, ler mon sorti mon kapab provide Lasanble kot i konsern sa larzan kot i konsern Seamen’s Revenue ki ou’n mansyonnen.  Dezyenmman kot i konsern transpor 700mil wi ou’n byen dir poudir nou ti annan lentansyon pour ranplas 5 nou bann transpor; deza i annan 3 ki pa fonksyonn ditou.  Me an term Bidze sa ki dan diskisyon avek Minister zot in agree pour provide larzan pour enn sa transpor pour lannen prosen e zot in dir nou pour, zot in rekomann avek nou pour servi savings ki nou annan, pour sa lannen pour aste en dezyenm.  So basically nou pour ganny sans ranplas zis 2 – between now avek lannen prosen.  Ok sa.

 

MR SPEAKER

Okenn, sorry okenn kestyon ki ou pe al reponn Onorab Andre.

 

CEO SFA RONNY RENAUD

I annan Scheme of Service mon panse non?

 

MR SPEAKER

Scheme of Service.

 

CEO SFA RONNY RENAUD

Ou kapab repet sa kestyon Scheme of Service silvouple mon pa’n ganny li byen.

 

HON CLIFFORD ANDRE

An referans avek sa 2.5 milyon logmantasyon an term saler si bann staff in ganny konsilte e ki mannyer sa bann keksoz pour pase?  Mersi.

 

MR SPEAKER

CEO Renaud.

 

CEO SFA RONNY RENAUD

Ok an term Scheme of Service in annan konsiltasyon entern, sa mon kapab asir ou.  E i annan en prosedir ki’n komanse depi, ti komans depi 2012 apre lannen pase osi in annan en lot prosesis.  E boner sa lannen osi ankor until resaman in annan n lot prosedir entern kot i konsern pour update sa ki nou ti propoze avek DPA.  Mersi.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Chair.  Mr Chair mon kestyon bomaten mon ti’n demande, Minis in dir i pour reponn, me selman mon krwar dan Mr Racombo in pas an pasan letan i ti nonm sa basen mon pa konnen si sanmenm sa basen i ti pe pas lo la.  Me selman mon annan en lot pti kestyon pour azout avek, i annan bokou fermye osi laba Grand Anse Amitié ki’n koz avek mwan, pe dir mon poudir zot anvi sey rezourd zot problenm delo; par egzanp zot anvi fer bann pi kot zot me selman prenon kont avek sa water table ki ase, ki o laba kot zot, eski dan zot lopinyon koman banneExpert dan Lagrikiltir eski i vyab pour fer bann pi osi parey.  E si wi ki bann, ki zot pe fer pour bann Fermye kapab ganny asiste avek bann Grant pour zot kapab fer sa pour zot ed, ed zot lekor an menm tan ki Minister pe fer pour kapab ed zot?  Mersi

 

MR SPEAKER

CEO Racombo.

 

CEO SAA FINLEY RACOMBO

Mersi Chairman. Mersi Onorab, Onorab wi bomaten mon ti pe sa zafer delo Grand Anse Praslin la mon ti pe refer lo sa ki ou ti pe demann Minis bomaten plis nou pour, letan mon ti pe dir nou pour al rod delo an plis pour met ladan akoz i ganny afekte avek lasesres nou annan en proze Dan Kakao kot nou pour, i annan en sours laba, sa enn laba mon pans pa si nou pour bezwen al kot PUC nou pour donn li sa siplemanter, pour li kapab plen.  Be sa basen pa koule li, nou’n fini fer tyeke lo la i pa koule zis akoz i pa pe ganny sa overflow from sours ki nou pe pran o?.  Konsernan pi i paret Amitié i below sea level.  I pa anpese ki nou fer en trial pour gete ki kalite salinité sa delo i ete.  Si i fresh i pa zwenn delo salinité then nou a kapab petet konsider en proze, me nou’n fer fas avek sa problenm Anse Royale par egzanp ki below sea level e i annan en fermye ki’n ganny afekte en kantite avek sa sistenm me nou, i pa anpese ki nou seye en pe dan fon Grand Anse Praslin, Amitié e vwar avek en posibilite en trial petet, a la apre nou a kapab deliber lo la.  Mersi.

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Mr Speaker mon kestyon pour CEO SFA anba ‘goods and services’ mon vwar i annan 2 Head la anba Agricultural Supplies stock feed R400mil apre Veterinary Drugs R200mil ki fer en total R600mil, mon ti a kontan en leksplikasyon dan ki domenn e ki fason ki SFA i depans sa larzan?  Lo paz 292 anba ‘maintenance and repair’ i annan 2 milyon, 412mil la mon ti a, pour maintenance and repair’ mon ti a kontan demann CEO eski pour maintenance batiman ouswa pour lezot keksoz parey bato, mon konnen zot annan en Bato Resers?  E eski sa larzan i ganny depanse zis pour SFA oubyen i en pratik kot zot osi ed lezot Lazans pour fer maintenance?  Mr Speaker sa mon 2 kestyon.  Epi bomaten Minis ti dir letan SFA pour vini i ava eklersi mon lo proze Peser Glacis.  Mersi.

 

MR SPEAKER

Efektivman CEO.

 

CEO SFA RONNY RENAUD

Premye kestyon, ok premye kestyon sa ki mon konpran sa ki nou pe koz Agricultural bann Veterinary, bann keksoz Veteriner la sa i annan pour fer avek proze Aquaculture.  Sa se klasifikasyon ki anba bann Procurement soz kot nou klasifye bann prodwir pour Aquaculture bann feeds eksetera Agricultural Products konmsi, sa premye keksoz.  2enm keksoz se sa 2.4 milyon mon ti pe zis sey gete ki bor i feature ankor…

 

MR SPEAKER

Eski ou vwar li?  Petet PS Finans ou kapab ed li.

 

CEO SFA RONNY RENAUD

Onorab mon konnen poudir sa i kouver anba Consolidated.  Me selman i annan son bann diferan breakdown ki atraver sa bann diferan progranm.  Mon konnen par egzanp nou annan proze pour maintenance and repair’ lo sa bato Amitié i form parti i annan sa.  Apre i annan osi ‘repairs and maintenance’ pour nou bann batiman osi ki nou annan, Lab eksetera e tou sa bann fasilite ki nou annan sa i ganny kouver anba la.  Me selman si nou ti al dan bann diferan progranm nou ti pour vwar kote sa 2.4 in ganny eparpiye lo la.  Mersi.

 

MR SPEAKER

Onorab Esparon eski i kler?

 

CEO SFA RONNY RENAUD

Sorry i mank mwan konsernan Glacis en.  Glacis i, nou’n fer son premye faz ki sa rock armoring ki nou’n fer pour sa, me i reste son market avek son gears store parey, e sa ti pour fer premye faz e 2enm faz, ki’n arive, se ki nou annan en delay pour enplimant sa dezyenm faz la ki kouver sa 2 fasilite akoz nou’n bezwen go back and re tender sa dezyenm faz par rekomandasyon Tender Board.  Akoz zot in fini donn nou laprouvasyon depi Mars sa lannen me akoz in annan retar dan enplimantasyon in depas 6 mwan zot in konsey nou, zot in demann nou pour re tender sa.  E se sa aktyelman ki pe arive la.

 

MR SPEAKER

Onorab Lemiel.  Onorab Esparon.

 

HON REGINA ESPARON

Mersi Mr Speaker CEO pa’n klarifye si anba sa ‘maintenance and repairs’ i osi, zot osi fer depans pour lezot Lazans, CEO akoz mon pe demann ou sa akoz mon annan mwan en proforma invoice avek mwan kot larzan in ganny servi anba SFA pour pey travay ki’n ganny fer lo Bato NDEA.  Se sa mon pe demann ou eski zot fer depans pour lezot Lazans osi oubyen zis pour bann depans SFA akoz letan mon pe get sa mon pe get li koman en form koripsyon.  Mersi Mr Speaker.

 

MR SPEAKER

Eski ou okouran CEO Renaud?

 

CEO SFA RONNY RENAUD

Chair mon konnen poudir anba Kontra ki nou annan avek, in fact sa bato i pour SFA nou annan en MOU avek NDEA pour ki zot, zot operate in fact sa i en dokiman ki nou annan ki zot, zot operate e zot operate sa bato anba sa MOU e ki nou, nou i annan bann mentenans mazer, repairs mazer ki nou ki fer.  Me selman sa i en keksoz ki ti arive o komansman ki ler sa bato apre ki ti’n vini aparaman, ti annan problenm ki ti arive avek kot ti bezwen annan sa repair ase mazer lo la, si mon pa tronpe e ki nou prezan sete anba Lagreman sete SFA ki ti fer sa.  Me pour son run, pour son on going running course e son bann general servicing, la son loperasyon se NDEA ki fer sa. E sa i anba sa MOU, ok nou kapab fer zot ganny en kopi MOU ki nou annan avek soz konsernan sa.  Ok?

 

MR SPEAKER

Ok Onorab Esparon ou a ganny kopi MOU pour ou rektifye si ou invoice i tonm anba la.  Onorab Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun, en kestyon pour SFA e enn pour SAA, SFA mon vwar anba PSIP paz 36 i annan en sonm R1.2 milyon pour upgrading of ice plant, mon pe gete si i annan okenn travay upgrading or okenn lezot travay maintenance ki pour ganny fer lo ice plant Anse Royale?  SAA; mon pe regarde eski tou Staff Lazans sirtou bann ki travay dan Lands Management eski zot anba en Scheme?  Si non, eski Bidze 2018 in fer provizyon pour sa?  Si wi, eski pour annan en revizyon pour aranz en pti pe zot saler?  Mersi.

 

MR SPEAKER

CEO Renaud apre CEO Racombo.

 

CEO SFA RONNY RENAUD

Speaker mon kapab konfirmen poudir ki Anse Royale i enn sa bann ice plant ki ase aze e nou’n fer provizyon pour nou upgrade son, sa fasilite laba ok.

 

MR SPEAKER

CEO Racombo.

 

CEO SAA FINLEY RACOMBO

Mersi Chair. Onorab tou nou bann Seksyon la i annan son Scheme.  E bann ki dernyen ki’n ganny revize nou ti ganny larepons sorti kot DPA le 22 Novanm 2016.  Parkont i annan zis enn konsernan Land Management ki nou, nou ti pe demande ki zot fit-in parey bann dimoun kot Biro Later laba akoz zot fer preski menm fonksyon.  Nou’n ganny larepons ki non pa posib akoz pour nou, nou en lot zafer, nou ziz nou allocate later apre nou manage sa later, alors nou pa kapab tonm menm Scheme parey kot MLUH laba i tonbe.  Me selman apard sa enn ki zot ti donn nou an 2013 zot in dir nou i pour revize 2018 lannen prosenn.  Mon pe esper Zanvye vini pour mwan ekri zot pou dir in ler la, son ler in arive.  Mersi.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker.  Bonn apre midi a tous.  Mr Speaker mon premye kestyon i konsern acquisition of Patrol Vessel ki anba ‘minor capital outlay e i annan en Bidze 2.5 milyon pour sa, mon pe demande si Seksyon Patrol si i pa tonm anba Coast guard e si napa duplication of work la? E ki litilite sa – si mon kapab ganny en leksplikasyon lo la? Dezyenmman mon ti oule ganny en leksplikasyon lo ‘office rent’ akoz an vi ki mon konnen SFA i annan son prop building,office rent’ pour SFA ki ariv 1. 6 milyon apepre R133mil par mwan.  So si mon ti kapab ganny en leksplikasyon lo sa 2 pwen Mr Speaker.  Mersi.

 

MR SPEAKER

CEO Renaud, 2 kestyon pour Onorab, sorti kot Onorab.

 

CEO SFA RONNY RENAUD

Ok mersi Mr Speaker, premye kestyon sa Patrol Vessel se nou annan konmela en pti bato ki bannla i konn li koman Mahe Marou e li i fer Mahe Marou e i pti Bato Patrol ki nou bann dimoun Enforcement i servi pour fer bann inshore Patrol, near shore Patrols.  Me enn bann keksoz ki nou apre menm annandler ler letan i ase favorab nou osi fer Praslin inner islands, bann koumsa. Me sa ki nou’n vwar poudir se ki sa bato la se ler letan i komans lev en pe, e nou pa kapab ale fer patrol.  Par egzanp menm pour sorti anndan dan Por Victoria pour nou al en pti an deor Ste Anne lanmenm nou annan bokou problenm avek sa.  So basically nou pe rod en bato ki pour annan sa fasilite ki pour permet nou al en pti pe au dela de Praslin, La Digue me an menm tan osi ki kapab permet nou fer patrol anytime, lizour koman aswar e menm extend nou patrol lo bann lezot, en pti pe lo zistans ki ariv lo border Mahe Platea.  Sa i provizyon ki nou pe fer anba sa Bidze. E lot keksoz osi se ki, avek sa bato ki nou annan konmela napa fasilite pour par egzanp si ou bezwen fer long peryod pour 1 oubyen 2 dimoun fer sa ki nou apel en resting konmsi.  Apre napa en fasilite osi parey nou konnen nou bann Enforcement, bann dimoun dan Enforcement i bann madanm. So ou pour annan sa sityasyon kot ou bezwen en bato ki kapab osi okipe avek sa fasilite pour li reste serten plis letan lo lanmer, e se sa ki nou’n fer provizyon anba la.

 

MR SPEAKER

Rent.

 

CEO SFA RONNY RENAUD

‘Office rent ‘sa ki ou pe koz lo la i annan pour fer avek nou komitman anba pour host IOTC isi Sesel; kot nou pe lwe en parti batiman avek Seychelles Pension Fund kot zot apel ex-Social Security Building laba kot nou pe lwe apepre 551 met kare.  E an plis ki sa nou, avek sa osi nou osi provide akomodasyon pour save sa Misyon IOTC isi enkli i kouver osi bann laspe sekirite osi pour sa kot sa fasilite.  Sa i mon ki mon kapab dir lo la.  Ok?

 

MR SPEAKER

Onorab Vidot. Onorab Hoareau.

 

HON JOHN HOAREAU

Mr Speaker mon pour refer ankor lo sa size Patrol Vessel, a mon avi mon krwar poudir Coast Guard i annan tou sort groser bato ki ti a kapab petet ede pour fer sa kalite patrol, me petet si zot ti a konsidere pour antre avek en MOU avek Coast Guard pour fer ed zot dan sa nivo.  Mersi.

 

MR SPEAKER

CEO Renaud – sizesyon.

 

CEO SFA RONNY RENAUD

Chair, nou deza annan MOU ki nou’n prezante avek Coast guard kot nou fer sa kolaborasyon ler nou pe al en pe plis an deor Mahe Plateau dan sid koumsa kot oubyen lezot landrwa dan nou Exclusive Economic Zone.  Nou fer sa, e sa i ganny kouver, me selman pour lo kote bann Zil pre anndan epi bann Zil ki en pe pros ziskan par egzanp dizon Ile Platte, Ile du Nord koumsa, sa i responsabilite ki nou annan e anba Fisheries Act kot nou bezwen fer sir ki nou fer nou patrol, nou annan sa patrol ki koman en Lotorite nou pe egzers li, sa ki fer ki i annan lenterferans.

 

MR SPEAKER

CEO in demann ou si i annan kolaborasyon, ou‘n dir i annan i ok?  Onorab Vidot.

 

CEO SFA RONNY RENAUD

Ok.  Mersi.

 

HON AUDREY VIDOT

Mersi Mr Chair.  Bonn apre midi tou Manm Onorab, bonn apre midi Minis avek ou Delegasyon, mon kestyon i annan referans lo 2 vot anba lo paz 294, premye anba ‘maintenance and repair’ mon ti a kontan demann avek CEO si Management pe adres sa sityasyon Fungus dan serten bann Lofis kot building SFA dan Bidze 2018 oubyen pour konplet li la avan lannen fini 2017. E mon dezyenm i an referans avek ‘materials and supply’ eski SFA pe envestir pour nouvo lekipman pour IT, Seksyon IT pour i adres en pti pe sa bann problenm kot server i down e sa i vin en gran lenkonvenyans ki paraliz serten travay bann staff.  Mersi.

 

MR SPEAKER

CEO.

 

CEO SFA RONNY RENAUD

Premye keksoz se sa issue Fungus in leve la e nou pe adres li konmela menm anba nou kapasite Bidzeter konmela e sa nou pe adres li.  Kot i konsern IT sa osi i annan lenvestisman ki nou fer, nou’n fer provizyon Funding kouver both pour nou bann zafer server, in fact i pa zis en kestyon server i en kestyon osi nou pe separ, nou pe annan sa issue kot i konsern bann service providers osi kot nou bezwen ogmant nou kapasite akoz nou share li, nou share kapasite ansanm avek Coast guard vizavi sa sistenm VMS ki nou annan e sa nou pe adres li osi dan in fact dan existing avek bann, avek osi Bidze ki vini.

 

MR SPEAKER

Onorab Vidot.

 

HON AUDREY VIDOT

Just en follow-up Mr Chair, konbyen apepre lofis ki’n ganny afekte e konbyen zot pe fer mazin pour depanse pour fer pour aranz sa bann pour rezourd sa problenm?  Sorry.

 

MR SPEAKER

CEO.

 

CEO SFA RONNY RENAUD

Inisyalman nou annan nou 4 Lofis ki direkteman in ganny afekte, me nou osi pe pran, me nou osi ler nou’n fer par egzanp enn bann aksyon ki nou’n fer, nou’n fer serten tretman fumigation eksetera.  E sa i en keksoz ki nou’n inisye koman en laspe emergency me selman sa ki nou pour osi fer, se gete koman the next konmsi parey mon pe dir apre sa 2 ou 3 Mwan koumsa nou pour gete osi dan lezot lofis osi ki nou pa’n apersevwar affectation.  An term son kou mwan napa sa sif la avek mon pour le moman but nou kapab fer sa available.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Chair.  Bonn apre midi a tous, mon krwar sa enn i pour Biosecurity Agency mon pe vwar en ‘allowance ‘2 milyon, 2.34, 2 milyon, mon pe gete si dan sa ‘allowance’ si i entitleChemical Allowance’ pour bann travayer ki pe travay Grand Anse. Mon dezyenm kestyon se ki dan ‘major achievement’ pour SAA mon vwar poudir i annan 50 new bloodline pour koson sa, mon pe demande si balans in pare, apre si Labatwar i annan son bon sistenm izyenik pour ki ler bann dimoun i desann sorti Baie Lazare zot a ganny sa bon servis.  Mon trwazyenm pti kestyon Mr Chair lo kote …

 

MR SPEAKER

Onorab nou pe dir sey gard 2 kestyon…

 

HON FRANCOIS ADELAIDE

Non, non zis enn ptipti lo kote Seychelles Fishing Authority, sa enn i pour ‘security enforcement’, mon vwar i annan 2.32 milyon mon pe demande si petet dan sa Bidze i annan larzan pour sekiriz nou bann brizan, pour vey nou bann brizan e veye ki bann devaster pa vin detri nou brizan e plitar i kapab afekte nou.  Mersi.

 

MR SPEAKER

CEO briyevman.  CEO Naiken mon krwar i ti pe viz ou kestyon non, Onorab Adelaide?  Komans ek enn.

 

HON FRANCOIS ADELAIDE

…..(Mic Off)

 

MR SPEAKER

Komans ek enn.

 

CEO NBA MARC NAIKEN

Mersi Mr Chairman, me selman sa kestyon ki’n demande akoz Store pa tonm anba NBA, alors si pe koz lo Store Onorab i pour al kot SAA pa kot NBA.  Sorry.

 

MR SPEAKER

SAA.  CEO.

 

CEO SAA FINLEY RACOMBO

Mersi Chair.  Mersi Onorab, Onorab sa bann zafer Store la, i en keksoz ki nou pe lager pour konvenk Lotorite konm kwa ki Store Lagrikiltir i en risk, e i pa kapab tonm dan menm kategori avek bann lezot Store.  Akoz?  I annan bann kemikal ki hazardous, nou ankor pe sey fer zot konpran e zot in dir nou zot ti reviz sa Scheme me zot ti donn en pe allowance, serten nivo allowance ki nou pa aksepte, nou pa dakor akoz i annan problenm, i lo staz re diskite ki nou pe diskite ki sa zot tou zot pe apel risk allowance zot.  Zot pe globalize li koman en lot Allowance mannyer zot apel sa, i annan en lot non ki zot in donn sa.  Me nou selman nou, nou oule ki sa i ganny spesifye, i ganny spesifye akoz, akoz kemikal menm si nou pe sey eliminen pour anmenn bann Bio me i still ankor egziste isi  la ankor annan en hazard e nou, nou krwar poudir nou ban dimoun i devret re ganny gete atraver serten reminerasyon swa allowance, swa kwa but sa ki zot, zot pe apel risk allowance nou ankor pe lager lo la e mon krwar mon pour reisir tre byento.  Mersi.

 

MR SPEAKER

CEO.

 

CEO SFA RONNY RENAUD

Kot i konsern SFA se bezwen ranforsi kapasite Enforcement mon krwar dan Lapes nou tou nou rekonnet poudir i annan en kantite issues; depi sa bann zafer bwe ki ganny, bann bwe de mar kaz ki ganny, ki bezwen ganny mentenir, bann bwe lapas ki bezwen ganny ki dimoun i vole annandler.  Nou annan tou sa bann issues.  So an term devastasyon nou bezwen ranforsi nou kapasite e sa Bato Patrol avek rekritman 2 Staff ankor dan Enforcement, i devret kapab ranforsi nou kapasite in the short run.  Me pour lavenir nou bezwen re gete la stratezi travay kot nou bezwen kolabor plis avek sirtou bann lezot bann lasosyasyon ki konsernen avek lapes.  Pour sa enn bann rezon nou osi pe ankouraz setting-up bann Lasosyasyon soz, akoz sa ki nou pa realize e sa ki nou koman SFA nou konpran dan nou bann diskisyon, se bann enforce, pli bon enforcement pour bann Regilasyon Lapes oubyen pour safety, oubyen soustenabilite resours se pour enkli bann stakeholders pli enportan ladan ki bann peser.  E atraver en striktir apropriye lo nivo bann lokalite sa i devret ed nou pour nou kapab fer nou travay pli byen.  Mersi.

 

MR SPEAKER

Onorab Adelaide – vitman.

 

HON FRANCOIS ADELAIDE

Yes i pa’n reponn mon lo kote balans avek Labatwar si tou zafer in ok.  Mersi.

 

MR SPEAKER

CEO.

 

CEO SAA FINLEY RACOMBO

Kwa ki konsern balans kot Labatwar, nou’n aste en balans nef nou’n donnen, parey ou konnen Labatwar i prive la, selman nou’n aste en balans pour fer sir poudir Fermye i ganny sa lasistans.  That is one.  Dezyenmman se ki sa Labatwar la, sa labatwar i dan move kondisyon e se pour se la ki nou annan nouvo proze ki pour ganny finanse gradyelman pour nou kapab ganny en nouvo Labatwar, nouvo Labatwar nou’n fini annan son konsep, tou son zafer, nou’n fini fer serten travay lo la e i sipoze demare lannen 2018, me antretan koman i pran letan avek lokater or Owner sa enn Labatwar ki egziste la Minister Lasante pe sey ed li lo kote serten nivo lizyenn.

 

MR SPEAKER

Be i lokater oubyen i owner? CEO mon pe koz, mon pe demann ou si ou’n servi sa mon lokater oubyen owner, eski i lokater oubyen i owner?

 

CEO SAA FINLEY RACOMBO

I sipoze owner.

 

MR SPEAKER

I owner, ok.

 

CEO SAA FINLEY RACOMBO

Akoz petet PS Finans i kapab donn nou en pli bon leklersisman lo la.

 

MR SPEAKER

PS Finans petet eklersi nou parske nou tou, mon vwar detrwa kestyon lo figir diferan Onorab, tou i tonm lo ou ledo ler keksoz i vin en pe lour.

 

(laughter)

 

PS PATRICK PAYET

Mersi Mr Speaker.  Mersi Onorab e mersi pour kekfwa pour klarifye en pe, zis pour azoute ki sa Labatwar ti ganny tender kekfwa nou a provide zot avek en pe detay, ti annan zis en operater ki ti, ti annan 2 operater ki ti tender letan sa ti ganny tender, sepandan napa en Kontra ki’n ganny sinyen, napa en Kontra ki’n ganny sinyen.  E aktyelman la nou ti komans diskisyon depi lannen pase avek SAA pour fer sir ki tou bann konteni Kontra par egzanp bann farmer, bann livestock production zot bezwen avek SAA agree konbyen zour zot kapab donnen ki letan zot anmenn zot prodwir, zot animal pour ganny touye ki sa operater i pran.  So tou sa bann detay ki la nou pe travay avek nouvo Minis pour fer sir ki i annan en Kontra e once ki nou’n, mon krwar nouvo Minis osi in komans diskisyon avek Lokater be sa i en, pour Gouvernman, me selman i en Lagreman ki nou bezwen agree avek li.

 

MR SPEAKER

Onorab De Commarmond i le en kestyon siplemanter lo sa lot kestyon.  Wi Onorab.

 

HON CHARLES DE COMMARMOND

Mr Chair sa sityasyon koumsa enn nou dimoun pe soufer, nou bann fermye napa Labatwar, pa kapab repran sa?

 

MR SPEAKER

Non me pa zis sa, konmsi mon konpran CEO in dir ou’n fek aste en balans ou’n donn li, me si i pe operate son zafer.

 

(Interruption)

 

HON JEAN-FRANCOIS FERRARI

E Mr Speaker nou pey li, eski nou pe pey sa dimoun pour li run sa Labatwar an menm tan oubyen pe pey li?

 

MR SPEAKER

CEO.  CEO eski i pe ganny peye oubyen non?

 

CEO SAA FINLEY RACOMBO

Chair mon konpran i annan en subsidy k i gannyen.  Ziska prezan SAA napa nanryen egzakteman pour fer avek sa Labatwar Mr Chair.

 

MR SPEAKER

Lekel ki, sorry nou pe, mon krwar nou pe rod klarifikasyon, mon pa pe akiz personn me nou pe rod klarifikasyon, be Labatwar i tonm anba lekel Minis?

 

(Interruption)

 

MR SPEAKER

Non i enportan pour Fermye konnen, mon pe koz koman en …

 

(Interruption)

 

MR SPEAKER

CEO ou al verifye apre ou a dir nou.

 

CEO SAA FINLEY RACOMBO

Mr Chair si pour al, wi mon kapab klarifye byen me selman nou SAA nou donn sipor nou fermye e nou pran koz nou fermye bann konplent ki zot vin kot nou avek se pour se la ki kestyon balans ki ti’n kase pa ti oule met lot, prezan nou nou’n aste en balans nou’n met la me zour, si i arive ki nou bezwen repran, nou repran nou balans.

 

(Interruption)

 

MR SPEAKER

Ok.  Alright ok.  Ok. Alright CEO ekoute silvouple order! Order!  Donn Minis sans pour anmenn en pe klarifikasyon.  Minis Charlette.

 

 

MINISTER PAMELA CHARLETTE

Mersi bokou Mr Chair. Mr Chair an Prensip sa Labatwar devret anba SAA me parey PS in klarifye ti annan en pe discrepancy dan bann dokiman ki nou, ki now mon’n, mon pe pran file mon’n kriy sa dimoun ki sipoze pran sarz sa Labatwar, e i annan bann diskisyon ki pe ganny fer lo ki mannyer si pour aste, si i pour aste, ki mannyer i pour peye.  Nou pe fer bann laranzman akoz deza i pe pey Lease lo la, i annan Lease later ki pe peye me selman sa bann asset li menm li i pa ti ankor ganny peye.  Alor sanmenm sa ki nou pe bezwen re diskite avek li, met tou keksoz annord.  E osi i annan en pe discrepancy kekfwa sanmenm sa ki i pa’n pey sa asset akoz i annan en pe discrepancy lo par egzanp dan bann dokiman ki ti gannyen dan tender, i annan en lalis lekipman par egzanp ki ti’n sipoze hand over.  Me apre ti annan en Court Order ki previous Korperativ ti mete ki ti, i annan bann asset ladan ki ti bezwen ganny pran ek li.  So sanmenm sa ki nou bezwen met tou keksoz annord avan ler ki nou fini avek sa Labatwar.

 

MR SPEAKER

Ok mersi Minis.  Onorab Gill ou kestyon i lo Labatwar?

 

MINISTER PAMELA CHARLETTE

Yes.

 

MR SPEAKER

Onorab Gill, Onorab Hoareau, apre Onorab Ramkalawan, quickly Onorab Gill.

 

HON CHURCHILL GILL

Mon oule senpleman dir ki pour letan sa owner or lokater ti pe anmas reveni mon krwar sa balans son kou i devret tir lo sa rent.  Mersi.

 

MR SPEAKER

Ok, Onorab Hoareau, Basil apre Onorab Ramkalawan.

 

HON BASIL HOAREAU

Mersi Mr Chair, very short ; eski sa dimoun ki pe rent sa Labatwar in breach son Kontra, si in breach, akoz pa pran avek li?

 

MR SPEAKER

Wi, Onorab Ramkalawan,

 

(Interruption)

 

MR SPEAKER

Order silvouple, Onorab Ramkalawan.

 

HON WAVEL RAMKALAWAN

Mr Chairman mon pa pe ganny en konpran la, ki mannyer sa later i pour Gouvernman ok? Sa later i pour Gouvernman sa Labatwar an prensip i pour Gouvernman, Gouvernman i donn en subsidy, R200mil tou le mwan; fermye pa ganny en balans, Gouvernman ki bezwen aste en balans e la Labatwar pe al fer Montagne Posée ki mon’n tande?  Non nouvo Labatwar i resanble ki zot pe al rod en lot site pour al fer en nouvo Labatwar.  Mr Speaker, Mr Speaker sa sityasyon i pa akseptab pour Lasanble Nasyonal e ….

 

MR SPEAKER

…e avan sa petet nou a reponn ou kestyon, CEO eski pe al fer en nouvo Labatwar Montagne Posée?  CEO Racombo.

 

CEO SAA FINLEY RACOMBO

Wi Chair i dan progranm pour fer nouvo Labatwar akoz pa kestyon loperasyon sa enn, i kestyon landrwa i linite i sere, i dan ex-Industrial Zone ki nepli Industrial Zone i en nespes Offshore Zone la konmela e son sewage system pa bon – ditou i pe al direkteman dan delo sale, napa landrwa pour extend pour met son cold storage system alors se la ki ou bezwen e lekipman i 40an vye, tou sa bann lekipman in sitan vye e ki vwala….

 

MR SPEAKER

Ok, Mr Racombo ou’n reponn mon kestyon, i annan plan pour al fer enn Montagne Posée, Onorab ou kapab kontinyen.

 

HON WAVEL RAMKALAWAN

Mr Speaker knowing ki mannyer keksoz i ete, e mwan mon ape soufle en souflet la, parske nou konnen ki mannyer Gouvernman i fonksyonnen apre sa nou pour vwar sa menm operater ki pour ganny sa later e li tou sa bann keksoz ki Gouvernman pe dir i pa kapab fer, li i pour fer sa pour li.  Alor parey mon dir Mr Chairman sa i pa akseptab pour nou Lasanble nou, nou pe met en lobligasyon lo SAA pour zot rantre fer le neseser e fermye i ava pli benefisye, sa R200mil ki zot pe donn sa Labatwar la, be plito fermye pe ganny R200mil partaz antre zot, sa bann fermye i ava aret al Ankour pour plennyen bann subsidy, plito larg lanmen sa bann fermye e nou Lagrikiltir i ava rekonmanse olye zis nou … Apre Mr Chairman depi bomaten i annan en mo ki mon fatige tande, mon konnen nou dan Lagrikiltir nou bezwen fer resers be konmsi Sesel ou a krwar tou keksoz ou bezwen fer resers, rod en konsiltan, rod laba, me pourtan bann dimoun ki dan prive zot pa pran en ta letan pour zot fer resers, zot vini zot pran aksyon e petet la ankor enn fwa mon pour met lanfaz avek Minister Lagrikiltir ek Lapes ek tou zot, aksyon! Se sa ki lepep Seselwa i anvi.  Mersi bokou.

 

MR SPEAKER

Ok mersi Onorab. Onorab De Commarmond apre mon a repran mon lalis pour nou kontinyen pour nou fini, Onorab De Commarmond.

 

HON CHARLES DE COMMARMOND

Mr Chair se egzakteman sa ki mon ti pe sey dir letan mon’n dir fodre repran sa Labatwar, remet li anmars e sa i bann fot ki Minister Lagrikiltir in fer over the past e mon ensiste ki sa i ganny repran pour ki Fermye i benefisye dan nou pei.  Mersi.

 

MR SPEAKER

Mersi Onorab, point is taken mon sir Minis mon pa pour demann personn pour respond Minis Charlette i relativman nouvo, mon vwar li koman en fermye, mon vwar li mannyer i pe sey debourye e mon krwar i a pran sa en mains.  Minis Charlette sa i a vin part of ou Legacy pour repran Labatwar refer li marse.  Onorab Ferrari.

 

HON JEAN-FRANCOIS FERRARI

Mersi Mr Speaker.  Vitman 2 kestyon, mon bann kestyon i menm kestyon ki mon ti demande lannen pase avek SFA, R300mil ti ganny vole dan Seksyon Fuel eski sa larzan in ganny recovered?  R500mil ti an retar lo peyman Warehouse Providence, eski sa in ganny peye, en Warehouse 4,200 met kare ki ler, tanzantan mon al get en kou part trou mon vwar blok ladan mon tande in lwe avek GICC e mon pa vwar okenn reveni la lo paz, mon pe gete lo paz 291 mon pa vwar okenn, okenn reveni konm kwa GICC pe pey en larzan pour sa, mon pa konnen si GICC ki bezwen peye oubyen IDC alors sa i mon kestyon.

 

 

MR SPEAKER

Ou 3 kestyon i ver lekel Onorab?

 

HON JEAN-FRANCOIS FERRARI

Pardon?

 

MR SPEAKER

Ou kestyon i pour lekel?

 

HON JEAN-FRANCOIS FERRARI

I pour CEO SFA.

 

MR SPEAKER

CEO SFA, ok.

 

HON JEAN-FRANCOIS FERRARI

E Indian Ocean Marine nou konnen poudir Gouvernman i annan shares ladan, eski, eksplik nou en pe lekel bann lezot shareholders, eski nou’n ganny peye en dividend depi konbyen letan nou’n ganny dividend?  Mon dernyen kestyon Mr Speaker e sa i kestyon pour en Mr Naiken dan NBA e mon dir piblikman, e mon’n dir li taler tou travayer i mazinen poudir i annan ase plas dan sa landrwa Union Vale pour zot tou travay e bann travayer pa konpran akoz zot bezwen al lwe en building anler laba pour zot kapab ganny en ta, pour zot kapab depans en ta larzan, eski sa landrwa la i tro vye pour zot?  I pa bon pour zot, selman i bon pour lezot travayer, kan eski zot pour fer en keksoz pour zot revamp sa landrwa, annan en proper Veterinary service eksetera, la i la.  Mersi.

 

MR SPEAKER

Alright – premye repons sorti kot CEO SFA apre nou a vin kot CEO Naiken, Mr Renaud.

 

CEO SFA RONNY RENAUD

Indian Ocean Marine wi sa ki mon’n vwar par egzanp sa lannen, se nou’n ganny peye en dividend from Indian Ocean Marine.  Fransman dir ou mon konnen poudir SFA aparaman i annan en soz, i annan share ladan ok.

 

(Interruption)

 

MR SPEAKER

Order! Order! i pe vini, i pe reponn esper en pti moman, ale CEO Renaud dir nou shares….

 

CEO SFA RONNY RENAUD

Non mon kapab provide zot avek sa lenformasyon, la mon napa avek mwan, ok.  Dezyenmman Warehouse IDC, sa Warehouse pa pour IDC parey mon pe dir, mon deza dir ankor dan lepase pour SFA, nou pe rent en bout avek IDC e nou annan en rent ki nou’n, in fact en Lakor, en Lagreman ki nou’n donn zot, nou’n donn IDC parey nou pe, en Lease Agreement, we have that.  E lot keksoz ki zot in pey nou, sa ki mon aware tou sa letan zot ti pe pey nou en fee baze lo laranzman ki zot ti annan dan lepase, me la depi Septanm i annan en nouvo laranzman ok, anba sa Lease Agreement.  2enm kot i konsern…

 

MR SPEAKER

Me, be CEO Renaud mon krwar sa ki Onorab Ferrari pe demande i en pe lenformasyon.

 

CEO SFA RONNY RENAUD

So si oule ganny sa bann lenformasyon nou kapab fer ou…

 

MR SPEAKER

Ou pa konnen ek laranzman.

 

CEO SFA RONNY RENAUD

Pardon?

 

MR SPEAKER

Onorab, Onorab silvouple ale kontinyen, sa laranzman ki ou pe dir, sa nouvo laranzman.

 

CEO SFA RONNY RENAUD

I en Lease Agreement kot zot par egzanp nou’n donn zot 12 mwan renewable ankor 6Mwan akoz sa se time period kot nou anvi re take back the whole, nou pe lwe 1, 500 met kare avek zot larestan i pour nou i, son sonm final mon kapab donn ou me sa ti en kestyon, ti en desizyon ki ti pase dan nouvo Board tou sa bann keksoz in ganny fer avek nouvo Board SFA.  I think it comes to about R85 per square meter, ok?  Sa i sa Lease Agreement – above anything else, eski i annan okenn keksoz ankor pour.

 

MR SPEAKER

Onorab Ferrari.

 

HON JEAN-FRANCOIS FERRARI

Non, eskiz mwan Mr Renaud nou pe sey zis klersi en sityasyon, sorry no pressure, mon pe zis demand par egzanp mwan mon ale tou le semenn mon al get en kou, mon kart en laport mon get en kou anndan i annan blok, i annan blok eski en Konpannyen Konstriksyon ki la anndan?  Sanmenm sa ki mwan pe sey rode mon eski, akoz mon anvi sey konpran lekel ki pe benefisye dan sa e si ou dir mwan dan sa Lagreman i dat avan ou dan lot Board nou konnen par egzanp CEO IDC ti lo Board, ti lo ansyen Board koman Vice-Chairman so eski napa bann konfli dan tousala?  Mersi.

 

MR SPEAKER

CEO.

 

CEO SFA RONNY RENAUD

Well sa ki’n pase si ou pe demann mwan zizman ki vizavi sa previous Board mon krwar tou dimoun i konnen kwa ki’n pase parey in ganny prezante devan zot, c’est pas a moi pour fer sa zizman selman nou nou’n pran queue from sa nouvo Board avek mon menm nou’n pran queue from what was discussed dan Lasanble lannen pase.  E nou’n repran sa e Board in dir, in dir in agree avek dan diskisyon ki nou’n annan avek IDC ki nou pour donn li 12 mwan plus another 6 Months pour fer sir ki sa, me selman nou pe lwe li par tou Warehouse antye, me an parti akoz nou osi nou annan lentansyon fer serten keksoz avek sa fasilite e pour nou kapab rent li avek bann ki fish; bann ki dan aktivite lapes.  Sa ki nou – sa ki desizyon ki lo nivo Board nou ti pran e se sa ki mon’n enplimante.  Mersi.

 

MR SPEAKER

Onorab Henrie apre nou a vin kot Onorab Ramkalawan.  Onorab Henrie.

 

HON JEAN-FRANCOIS FERRARI

En lot pti bout kestyon, sa 300mil ki’n perdi nou pa’n tande eski, e ki’n retournen?

 

MR SPEAKER

CEO Renaud.

 

CEO SFA RONNY RENAUD

Mon ti kontan presizyon vizavi, 300mil pour kwa silvouple?

 

MR SPEAKER

Onorab Ferrari.

 

HON JEAN-FRANCOIS FERRARI

Ti annan R300mil ki ti perdi dan Fuel e nou pa konnen si i annan okenn swivi ki ti ganny fer, nou ti ganny promet konm kwa i annan en Lanket pour ganny fer e sa larzan pour ganny rekipere, eski in ganny rekipere a ou konesans?

 

MR SPEAKER

Eski ou okouran CEO Renaud.   Yes.

 

CEO SFA RONNY RENAUD

Ok sa ki mon aprann poudir sa lenvestigasyon ti ganny fer dan sa e mon krwar in pas sa on avek mon krwar Minister Finans, avek Minister Finans ki ganny konfirmen la.

 

(Mic Off)

 

CEO SFA RONNY RENAUD

Mon pa konnen, mon pa aware.

 

MR SPEAKER

Onorab Henrie.

 

HON GERVAIS HENRIE

Mersi Mr Chair, mon annan 3 kestyon selman enn pour sak sa bann, mon kapab demande?

 

MR SPEAKER

Ale go ahead.

 

HON GERVAIS HENRIE

Ok, premye pour CEO Naiken, prenon kont natir travay bann staff Biosecurity Agency kot sipor ler zot pe board bato dan milye kannal e lezot risk ki asosye ler zot pe ouver bann container lo Por, ki konponan sa Bidze ki kouver e ankouraz zot dan zot travay e eski ou santi ki en Inducement allowance i ase?  Kestyon pour CEO Racombo lo paz 271 ki kouver ‘rent of Agricultural Land’ mon ti a kontan si ti ava dir nou Lasanble lo dan plato Barbarons la kot Ex-Indian Ocean Nursery i ete, si i annan kare later la ki pe ganny lwe avek Lakonpannyen konstriksyon Endyen avek Sinwan pour zot fer Lagrikiltir e koman nou dan sa rezyon la ti osi annan, i annan bann Seselwa ki’n ganny later pour devlope pour Lagrikiltir me selman en lenfrastriktir napa sirtou semen, si i annan en provizyon dan Bidze 2018 pour fer sa proze silvouple. E finalman pour CEO Renaud lo paz 291 dan latab 2 Reveni i annan sa konponan ice, mon anvi konnen si zot fer tes lo ice ek delo kot bann ice plant, ki frekans e ki rezilta zot pe gannyen lo sa bann ice ki zot fer?  E lo kote banbara i annan en reveni la pour SFA me selman i annan zis 4 operater dan sa biznes konmsi en pe parey en Cartel zot kapab donn dakor antre zot, ki SFA pe fer pour ouver sa Lendistri e ed en pe bann zenn sirtou pran sa koman en pti biznes.  Mersi.

 

MR SPEAKER

CEO Naiken premye, apre CEO Racombo, apre CEO Renaud.

 

CEO NBA MARC NAIKEN

Mersi Mr Chair, mersi Onorab pour ou kestyon, bon Scheme of Service pour bann Biosecurity Officers lo Por avek lo Erport in ganny revize, zot Inducement R2, 000, zot ganny osi en commuted allowance e osi zot ganny en Location Allowance R600.  So nou’n fek fer travay lo zot package pour amelyor en pti pe zot take home package.

 

MR SPEAKER

CEO Racombo, Barbarons.

 

CEO SAA FINLEY RACOMBO

Mersi Chai. , Chair Barbarons aparaman ti annan 2 sipoze kontrakter ki ti annan sakenn en plot later e la enn in sorti Seselwa ki’n pran, me i bann keksoz ki nou’n erite.  Mon osi mon demann sa kestyon ki mannyer sa in kapab arive. Nou pour bezwen annan en prosedir dan nou nouvo sistenm alokasyon later ki nou’n revize la, prosedir se ki si ou pa Seselwa ou bezwen swiv Regilasyon.  Si ou’n Natiralize ou Seselwa nou bezwen verifye si ladan dan sa Lakonpannyen i annan ki’n Natiralize e nou pe al met an plas nou nouvo sistenm alokasyon ek retrieve later la, e si i pa tonm dan kategori nou pour bezwen repran.  Mersi.

 

MR SPEAKER

CEO Renaud.

 

CEO SAA FINLEY RACOMBO

Semen, sa semen maintenance rents i devret pe lead kot tou sa bann Laferm.  Mersi.

 

CEO SFA RONNY RENAUD

Ok test lo ice nou fer regilyerman mon pa kapab konfirmen si nou fer li tou le mwan, me mon konnen nou fer li ase regilyerman atraver nou, nou annan en Seksyon dan soz ki fer Post Harvest i get nou bann sistenm par egzanp ice plant kot nou annan sa vizit tou le mwan me selman nou fer sa bann tes, sa mon kapab konfirmen.  Pour sa rezon parfwa nou vwar serten problenm ki kapab arive avek kalite delo ki nou pe resevwar dan nou bann plan, nou pran bann corrective action sa premye kot i konsern ice plant.  Dezyenmman kot i konsern banbara i annan si ma memoire i ankor la se apepre en 21 si mon pa tronpe bann bato ki fer sa lapes, apre i annan 4 parey ou pe dir, 4 processors.  Pour le moman i annan en Polisi, i annan en Sea Cucumber Management Plan ki fek ganny aprouve e pour komans ganny enplimante boner lannen prosen la, i pe vini an Zanvye avek tou son bann Kondisyon ki ladan. E se apartir sa apre ki nou’n komans enplimant sa nou pour fer en review an 2018 pour gete ki mannyer pour ale pour nou kapab gid nou vizavi koman prezan nou tackle bann lezot issue; par egzanp vreman nou fer sa ki nou apel en update lo nou Stock Assessment, nou osi get osi kapasite vizavi sa bann zafer processing si nou pour les ankor dimoun antre dan processing akoz i kapab met plis presyon pour lezot dimoun osi i le antre dan sa lapes ki nou anvi – nou konnen ki i en lapes ki ase danzere e nou konnen osi i en lapes ki ase benefisyel, me i vin avek bokou lezot konplikasyon.  So i pour annan sa Assessment lannen prosen, ver milye lannen prosen pour nou kapab determinen ki direksyon nou pour ale vizavi sa.  Whether nou pour bezwen scale down ankor oubyen non si i en Cartel oubyen pa en Cartel pour le moman mwan ankor ase nouvo pour mon kapab dir poudir donn en lopinyon lo la.

 

MR SPEAKER

Ok, Onorab Ramkalawan apre Onorab Simon Gill.

 

HON WAVEL RAMKALAWAN

Mr Speaker, 2.

 

MR SPEAKER

Wi, ekout en pti moman konmsi i annan en lanmen ki’n leve CEO briyevman vreman nou bezwen fini.

 

CEO SAA FINLEY RACOMBO

Pou eklersi Onorab Henrie mon fek ganny en note la sorti kot al fer resers deza ION i annan Steve Albert ki’n pran en laferm apre i annan 1 sa Lakonpannyen i reste i en naturalized Indian.

 

MR SPEAKER

I en naturalized Indian? 

 

CEO SAA FINLEY RACOMBO

Yes e lot se en Seselwa Brian Payet.  Vwala.

 

(Interruption)

 

MR SPEAKER

Yes Onorab Henrie.

 

HON GERVAIS HENRIE

Mr Chair i, sa Mr Albert li i paret in gannyen apre ki en Lakonpannyen in sorti.  So baze lo larepons ki CEO Racombo in donn nou i evidan ki in annan, ki fason ki sa 2 Lakonpannyen inisyalman ti gannyen e ki baze lo kestyon ki Onorab Arrisol ti demande bomaten, konmsi ti ava bon si nou ganny en commitment avek Minis pour annan en, mon ava apel li en investigation dan sa bann zafer Lease later Lagrikiltir i sanble i annan en dezord si pa i annan dimoun ki pe profit mank sirveyans e ki ti ava bon pour met en stop ek sa bann keksoz.  Mersi bokou.

 

MR SPEAKER

Mon krwar sa Minis if i may baze sirtou lo larepons ki CEO in donnen taler, mon krwar sa i en bon sizesyon.  Sirtou ki personn lokal bann fermye ki’n trimouse depi lontan pa ganny defavorize akoz dimoun ki annan Kapital.  Onorab Ramkalawan.

 

HON WAVEL RAMKALAWAN

Mr Speaker mon annan 3 pti pwen ki swiv from bann keksoz ki nou pe tande la e mwan mon anvi ki poudir nou al en pe lo aksyon.  Premyerman Labatwar in lwe avek en dimoun, Gouvernman i donn li en subsidy R200mil tou le Mwan, li menm li i en Fermye e Fermye i bezwen peye letan zot anmenn zot zannimo pour touye, alors ki benefis ki fermye i gannyen ladan?  Mwan mon ti ava dir en kote sa, dan ki bout PS Payet i kapab dir avek nou ki sa R200, 000 tou le Mwan ki pour tonm plis ki 2 milyon, sa nou koupe dan Bidze, nou pa ni freeze, nou koupe dan Bidze ki poudir sa subsidy i bezwen aret ganny peye.    Premyerman.  Dezyenmman SFA i lwe en Warehouse R85 par met kare, i annan 1, 500 met kare R80, R85 par met kare i annan 1, 500 met kare ki zot pe lwe, eski zot ti pas atraver en tender pour konmsi pour regarde en bidding system pour regarde lekel dimoun ki pe pey, oubyen zis zot in fer en kado?  Parske sa Mr Speaker ozordi minimum ki en dimoun i peye par met kare pour en Warehouse i anviron R250, sa i vedir ki zot pe vin rod lo larzan avek nou selman zot, zot pe fer kado.  Avek sa ki nou pe gannyen ozordi i a tonm R127, 500 par Mwan kan zot ti kapab pe ranmas R300mil par mwan, sa Lasanble pa kapab vin fer kado, sa Lasanble i serye e apre Mr Speaker i annan en kestyon ki’n ganny demande, lekel bann shareholders, SFA li osi tou i en shareholder dan Indian Ocean Marine, nou pa ankor gannyen larepons e mwan mon ekspekte ki poudir sa bann kalite larepons i sipoze at the tip of the, ki mannyer i dir sa?

 

MR SPEAKER

Your fingers.

 

HON WAVEL RAMKALAWAN

At the tip of your fingers ki ou konnen ki poudir letan mon asize lo Board Direkter i annan Mr Racombo, i annan Mr Naiken, i annan Mr Renaud, i annan Minis Charlette e nou konnen lekel ki reprezant lekel e nou, nou anvi konnen parske sa Lasanble i enportan pour li konnen e letan nou konnen aprezan nou kapab demann, mon ti a kontan sa 3 pwen i ganny regarde e ki si sa Lease nou ti ava kontan ki SFA deswit i bid parske sa Lease ki zot in sinyen la i pa bon R85; fer en open bidding parske si ozordi Mr Speaker STC li i kapab pey Parti Lepep R500mil pour en pti kare vizavi kot Island Construction ti ete ki bokou pli pti ki sa ki, be nou pa la nou, nou pa Lakrwa Rouz nou.  Mersi.

 

MR SPEAKER

Ok. Minis Charlette mon krwar i annan 2 pwen petet pour fer en swivi, se sa kestyon Labatwar ki evidaman nou bezwen klersi sa, i pa paret ki pour fermye Zeneralman pa pe benefisye dan lesanz ki subsidy pe al kot en dimoun oubyen en group, alor petet mon ti a sizere in the line of zot bann diskisyon ki ou fer en investigation ladan an menm tan ou revwar sa kestyon ki enplik SFA pour lwe sa landrwa e par laswit ou ti a vini ou ti a donn nou en pe leksplikasyon a en moman donnen, si nou koz lo Bidze la i annan en sizesyon pour tir sa 200mil ki nou pe donn subsidy sa dimoun e mon krwar nou ava pran en desizyon lo la, avan nou pas lo sa 2, i reste 3 dernyen dimoun pour koze, Onorab Ferrari ou annan en quick kestyon apre mon a les, apre kot Onorab Gill…

 

(Interruption)

 

HON JEAN-FRANCOIS FERRARI

Tre enportan Mr Speaker, SFA i enn bann rar Lorganizasyon ki’n actually donn nou zot Revenue an detay, napa en Head ki dir Revenue from Lease of Warehouse, mwan mon anvi konnen kote sa pti larzan mizerab la i 85 par met kare, kote i pe ale konmsi, i avek Finans i pa vin kot SFA?  Mersi.

 

MR SPEAKER

Ok, Minis, tre byen, Minis sa osi ou a note pour dan ou investigation ki ou pe al fer. Onorab Simon Gill.

 

HON SIMON GILL

Mersi Mr Speaker.  Bonn apre midi Mr Speaker.  Bonn apre midi Minis, bonn apre midi tou Koleg Onorab, Mr Speaker en ta tanpet ozordi lo sa kestyon Minister Lagrikiltir, Lapes e lezot ankor, me mon konpran bann restriksyon ki i annan on pa pour demark tro bokou kestyon…

 

MR SPEAKER

Kestyon, kestyon…

 

HON SIMON GILL

Mon krwar i enportan, kestyon Mr Speaker ki nou bezwen demande, se ki mannyer nou kapab sorti dan sa lenpas ki nou ladan.  I deza annan solisyon ki’n fek ganny donnen la ‘sanz Gouvernman’ …

 

(Interruption)

 

MR SPEAKER

Silvouple, order!

 

HON SIMON GILL

E mwan mon pour al pli lwen ki ‘sanz Gouvernman.  Me avan ler menm sanz Gouvernman probableman nou devret sanz sa bann dimoun ki pour 30an zot la dan sa Minister e nou pa…

 

MR SPEAKER

Onorab Gill. Onorab Gill we will not go that route.  Onorab demann ou kestyon.

 

HON SIMON GILL

Mr Speaker mersi.  Be koz avek sa bann dimoun ki dir ‘sanz Gouvernman…..’

 

MR SPEAKER

Demann ou kestyon otherwise mon pour aret ou, demann ou kestyon Minis oubyen son CEO i a reponn.

 

HON SIMON GILL

Minis, eski ou kapab dir nou dan ou nouvo stratezi, ki i annan pour nou bann Fermye la deor?  Ki i annan pour nou bann dimoun ki pe prodwir lavyann koson, poul la deor, mon ti demann sa kestyon pli boner e zot ti promet mwan ki zot pour donn en repons.  Mon oule konnen konkretman ki mannyer nou kapab tir sa dimoun ki dan lenpas la deor, ki en fermye pour li kapab rantre prodwir?  Ki mannyer nou kapab met bann kontrol avek lenportasyon dan sa pei pour ki bann fermye ki pe prodwir zot pa trouv zot ganny stuck avek zot prodwir e pa kapab vann.  I annan laranzman ki’n ganny fer avek STC, eski tou fermye dan sa pei i konnen sa bann laranzman pour ki sa ki zot pe prodwir i kapab ganny vann e ki zot pa trouv zot pe andet zot?

 

MR SPEAKER

Tre byen Onorab, kestyon.

 

HON SIMON GILL

Dernyen pwen Mr Speaker mon’n tann enn nou bann Sef isi devan ki’n koz lo en larzan ki zot annan pour envestir pour al get bann zafer lisyen eran pour touye, probableman mon pa’n ganny li tro kler, me ozordi nou annan bann Lorganizasyon parey SSPCA, i annan lezot ankor ki deal avek sa bann zafer lisyen, eski olye envestir larzan pour al detri lisyen or touy lisyen, akoz pa donn sa finansman sa bann Lasosyasyon de bonne foi, de bonne volonté ki nou annan pour zot kapab etablir bann lespas pour anmas sa ann lisyen eran?  E sa bann larzan ki Gouvernman i donn bann Lorganizasyon or bann NGOs pour deal avek sa bann zafer lisyen dan sa pei, nou ti ava voudre ki i annan en distribisyon egal avek tou sa bann Lorganizasyon ki pe deal avek sa bann zafer.  Sa mon krwar i bann pwen pour le moman Mr Speaker si ou donn mwan ankor en lespas, mon annan ankor 3 lezot kestyon.

 

MR SPEAKER

Tre byen 2 kestyon, non, non napa okenn lespas ankor, 2 kestyon Onorab.  Minister epi CEO Naiken, ou ki ti koz lo lisyen eran taler; Minis apre CEO Naiken.  No more question from that side.  Yes Madam.

 

MINISTER PAMELA CHARLETTE

Mersi bokou Chair, mersi Onorab.  Mon krwar nou stratezi i kler, nou bezwen focus lo fermye ek peser fer sir ki zot ganny lenfrastriktir apropriye through bann Lazans ki enplimant sa bann proze.  En lot kote se akse avek Finans ki nou pe travay vreman for lo la avek SBFA ki nou ti annan deza MOU ki nou’n travay lo la me selman ki nou pour al revwar.  I annan sa SME Scheme osi nou pe travay for avek Business ek Departman Lendistri konmela avek Entrepreneurship.  I annan diferan venue ki nou pe eksplore.  Mon konnen zot pour dir mwan nou fatige fer Resers, nou fatige eksplore be selman dan sa sityasyon ki nou ete, nou bezwen fer sir ki nou fer keksoz apropriye nou pa retourn parey dan lepase.  Nou bezwen fer keksoz ki realistik e ki pour enpakte nou bann fermye oubyen nou bann peser.  Lo kote lenportasyon bomaten mon ti mansyonnen ki i bezwen annan sa Lalwa ki pour vin anfors lannen prosenn, e sa osi nou pe travay konzwentman avek Trade Department dan Minister Finans pour nou kapab fer sa arive.  E bann lezot Mezir ki pour apropriye avek parey mon ti nonmen bann zafer lo kote tarif, lo kote lenportasyon osi, sa osi i en keksoz ki nou pe, pa mazin lo la, me eksplore akoz i posib me selman nou bezwen vwar ki lenpak sa pour annan.  Apre osi lo kote market parey mon’n dir sa, i annan sa proze avek STC ki nou’n deza komans negosye an Novanm nou’n donn en deadline Novanm pour nou kapab come avek en MOU.  E apre sa pour annan en plan ki mannyer, nou pour bezwen enplimant detrwa sa bann lobzektif ki nou pour annan dan sa MOU.  E i plito pour fer sir ki bann Fermye i ganny akse avek market, pa zis lo kote STC sirtou – me osi ki mannyer zot kapab, STC i kapab ed nou pour promouvwar, oubyen pour promot en pe lo prodiksyon lokal.  Mersi.

 

MR SPEAKER

Minis mon krwar sa dezyenm kestyon ki Onorab Gill in demande i en kestyon dan mon avis tre pertinan, lo kestyon si zot pa kapab servi bann charitable, bann Lorganizasyon Charitable parey in mansyonnen SSPCA, avan mon krwar CEO Naiken ou ti mansyonn sa taler lo lisyen eran.  Me mon krwar sa kestyon ki Onorab Gill in demande i en kestyon pertinan ki petet nou devret pran en policy pour vwar ki mannyer zot kapab partner ek sa bann dimoun ki pe fer keksoz ki dan sa direksyon, ki fatig touris, ki fatig dimoun, ki aboye tou lannwit, tapaz ensidswit, ensidswit.  Minis.

 

MINISTER PAMELA CHARLETTE

Mersi Mr Chair.  Nou ti annan en MOU avek SSPCA en pe letan pase me selman nou ti ganny en meeting ek zot e mon krwar nou pour revwar sa MOU pour gete ki mannyer ki nou, ki mannyer zot, zot kapab asiste nou dan en fason ou en lot.  E kekfwa nou a fer sa avek bann lezot Lorganizasyon ki dan sa domenn welfer zannimo. E apre osi i annan en Lalwa lannen prosenn ki nou, once ki nou fini sa Lalwa pour Stray Dog nou pour anmenn en Lalwa pour Welfer bann Zannimo e sa i ava ganny enplimante apre kan sa Lalwa i vin anfors.  Mersi.

 

MR SPEAKER

Mersi.  I annan Onorab Prea apre Onorab Pillay, apre ou.  Onorab Prea apre Onorab Sebastien Pillay.

 

HON NICHOLA PREA

Mersi Mr Chairman.  Mon pour tre vit.  SAA, Bazar konbyen rent pe ranmase, sa Restoran konbyen pe peye?  Pti Labatwar Lavyann Rouz Praslin kote?  Konbyen?  Eski nou pour aret tan Laferm Anse Kerlan pe kriy travayer tou le Mwan pour vin touy poul, akoz li lavyann blan.  Nou pe koz Labatwar lavyann rouz Lagrikiltir lo Zil. Pour SFA devlopman Por Lapes Bel Ombre napa nanryen dan stratezi 2018 – 2020.  Savedir i ankor en konsep.  Anba ‘other uses of goods and services’ i annan en sonm 19.38 milyon ki napa okenn detay e nou ti a kontan ganny en pe detay.  Mersi Mr Chairman.

 

MR SPEAKER

CEO SAA apre CEO SFA.

 

CEO SAA FINLEY RACOMBO

Mersi Chair.  Mon al Praslin Labatwar Praslin i en gro problenm. Labatwar ki touy koson, akoz dimoun Praslin i ankor pe touy koson deryer lakaz, ki pa izyenik eksetera.  E sa i annan en demann en bon pe letan pe demande e nou, nou krwar in ler pour gete.  An menm tan Lasante pe met presyon lo nou pour ki i annan sa.  Alor i pour kout 2. 5milyon dan Bidze. Bon Restoran Bazar son lokasyon i 2, 500 par mwan ok?  Vwala mon krwar se tou.

 

MR SPEAKER

CEO SFA – Bel Ombre.

 

CEO SFA RONNY RENAUD

Mersi Mr Chairman.  Por Lapes Bel Ombre son, i annan sa proze ki nou’n demare pour fini lo kote.  Me selman lo kot i konsern extension son Jetty i ganny kouver anba Port Development bann proze ki i annan pour fer avek Port Development sa.  Me selman bear in mind poudir ki nou ankor annan sa sityasyon kot pa ankor finaliz tou bann keksoz anba sa Land Use Plan, sa premye keksoz.  Ok. 19 milyon i kouver fuel concessions ki pour Lapes.

 

MR SPEAKER

Onorab Letourdie konmsi ou a krwar konmsi mon ti’n oubliy ou avan nou al kot Onorab Pillay?  Ou annan laparol.

 

HON JANY DE LETOURDIE

Mersi Mr Speaker pour pa bliy mwan.  Bonn apre midi tou dimoun, kestyon vize direk pour SFA sorti direk kot travayer SFA, travayer sa pti gin zot ki i annan ki travay dan ice plant Mr Renaud, zot pe regarde si i annan en keksoz pour zot omwen dan Bidze lannen prosenn, pour omwen anploy 2 travayer pour zot kapab ganny relief.

 

MR SPEAKER

CEO Renaud.

 

CEO SFA RONNY RENAUD

Sa i en keksoz ki nou’n, ki’n deza met a mon latansyon.  E nou lentansyon se ver dezyenm lanmwatye at least nou devret annan ankor travayer pour ice plant; akoz nou konnen i pa kapab, nou pa kapab kouver donn par egzanp release bann ki deza la dan serten landrwa pour zot par egzanp pran zot Dimans off parey kan i neseser.  So, so nou pe travay lo la pour nou fer sir ki nou annan en kouvertir.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon annan zis en kestyon pour SFA akoz laplipar lezot Lazans in ganny kouver atraver bann lezot kestyon; i annan sa Fuel Incentive Scheme ki ou’n mansyonnen CEO SFA i annan bokou konsern parmi bann Peser ki pe servi sa Scheme, e piblik an zeneral ki santi poudir zot pa pe ganny benefis avek sa Scheme akoz zot pa pe vwar en rediksyon dan pri pwason.  Me selman mon konnen lavi bann peser i dir pour zot kapab anmenn sa pwason ater.  So ki zot pe fer SFA pour asire ki pa bann Peser ki aste, pa dimoun ki aste 3, 4 ,5, 6 bato apre zis i claim sa bann Konsesyon, me i bann peser ki aktyelman aktivman pe al lapes ki pe benefisye avek sa konsesyon.  E ki kalite enforcement e monitoring ki zot pe met an plas parey dan Seksyon 49 zot Lalwa in dir zot pour annan serten vizilans lo lanmer lo la par SFA, pour ki zot kapab nobou fer sir ki sa gro konponan larzan ki no pe met dan Bidze i ganny byen servi.  Mersi Mr Speaker.

 

MR SPEAKER

CEO SFA

 

CEO SFA RONNY RENAUD

Fuel Concession i en konsern pour tou dimoun; both pour nou koman en Lazans akoz nou konnen poudir i annan labi.  Peser menm in vini in dir nou in point nou kote labi i ete e dan serten ka nou’n pran aksyon.  Mwan mon’n pran aksyon.  Nou pe travay lo en stratezi la espesyalman an relasyon avek sa rediksyon dan Fuel Concession pour nou enn, ranforsi nou kordinasyon entern par egzanp dan sak distrik nou annan en Fisheries Statistics person ki pour kolekte sa bann lenformasyon ki zot, zot donn nou vizavi lekel peser ki al lapes oubyen. Dezyenmman i annan nou bann dimoun Enforcement internally so sa kordinasyon pour verifikasyon konfirmasyon i natirelman pran aksyon.  Par egzanp en keksoz ki kler dan nou bann diskisyon se ki, si en dimoun i abiz, i pe abiz nou Fuel Concession i ganny retire lo lalis, prezan se li ki bezwen prouve poudir vreman i pe lapes.  Se pa li ki bezwen prouve avek SFA poudir i bezwen oubyen i anvi ganny sa Fuel Concession i bezwen demontre poudir i pe lapes rather than ki nou, nou bezwen.  So i en stratezi ki nou pe devlope pour fer sir ki nou kapab, enn, fer sir ki larzan piblik pa ganny abize, apre dezyenmman pour ki nou osi sa ki abiz lo sa Fuel Concession then i ganny retire lo lalis.  Mersi.

 

MR SPEAKER

Dernyen kestyon Onorab De Commarmond – vitman.

 

HON SEBASTIEN PILLAY

Mr Chair mon ti a kontan zis propoz avek CEO, ki zot fer en sistenm rotasyon pour sa bann Zofisye ki al lo bann landrwa kot bann Peser i sorti, pour asire ki zot pe vreman monitor sa sityasyon e ki zot annan bann spot checks ki zot fer zisteman pour vwar si napa personn ki pe abiz sa Konsesyon.  Mersi.

 

MR SPEAKER

Sizesyon aksepte. CEO? Onorab De Commarmond.

 

HON CHARLES DE COMMARMOND

Mersi Mr Chair. Mr Chair vitman ler mon get lo lalis proze mon vwar i annan serten proze ki napa okenn sif avek, eski sa i vedir ki i annan serten proze enportan ki napa finansman pour Lagrikiltir ek Lapes tou lede ansanm?  Eski i annan plan pour en lizyenn Bazar Victoria? E Mr Speaker sa Labatwar Praslin pa Gouvernman ki ti fer, akoz ki in ganny vann e ki prezan ozordi napa Labatwar laba?  Kote sa bann desizyon in vini?  Mersi bokou.

 

MR SPEAKER

Bon kestyon, CEO.  CEO SAA.

 

CEO SAA FINLEY RACOMBO

Mr Chair. Mersi Onorab. Onorab premyerman mon al lo Labatwar Praslin.  Sa enn repons mon pa pour kapab donn ou akoz letan mon’n kestyonnen mwan mon konpran ti’n vann.

 

MR SPEAKER

E ou pa konnen.

 

CEO SAA FINLEY RACOMBO

Mon pa pour konnen akoz mwan mon’n sorti dan Lagrikiltir pour en bon pe letan, kantmenm mon rod file mon pa trouve.

 

(IMic Off)

 

CEO SAA FINLEY RACOMBO

…non, ti pe fer demars pour repran.  Pa ti repran.

 

MR SPEAKER

So eski i prive oubyen i pour Gouvernman, i prive?  Onorab Woodcock i dir i prive.

 

CEO SAA FINLEY RACOMBO

I prive, sa later in fini prive.  Sa batiman in fini prive.

 

HON CHARLES DE COMMARMOND

Eski Gouvernman ki ti fer sa mon konnen, se Mrs De Saint Jorre ki ti fer.

 

CEO SAA FINLEY RACOMBO

Dan sa lepok wi, Gouvernman ki ti fer.  Later ki ti pour Gouvernman ok, akoz sa letan mon rapel….

 

MR SPEAKER

Ok.  Alright.

 

CEO SAA FINLEY RACOMBO

Mwan mon pa konnen mon’n sey trace back akoz i ti pas avek MLUH letan ti privatize tou keksoz.

 

MR SPEAKER

Ok bon.  Ou pa konnen.  Alright.

 

CEO SAA FINLEY RACOMBO

Bon mon pa pour kapab donn sa repons akoz i paret sa file pa ni kot mwan Mr Speaker.

 

MR SPEAKER

Petet Minis Charlette sa i en lot latas ki ou kapab fer dan ou investigation.  Nou’n koz lo Labatwar Mahe extensively, petet ou a sey vwar ki status Labatwar Praslin.  E si in prive ki bann dimoun Praslin pe rod zot Labatwar, parey en Onorab kote isi, mon pa konnen si Onorab Gill oubyen Onorab De Commarmond in dir, be repran.  Si bann Fermye i bezwen i pour benefisye bann Fermye.  Onorab Woodcock ou pa en kestyon, ou pe anmenn laklerte lo sa?  Pa en kestyon?

 

HON WAVEL WOODCOCK

Yes Mr Speaker en leklersisman en pti pe lo la.  Lenformasyon ki mwan mon’n gannyen, sa Labatwar Praslin sa Labatwar pour fer ti en Donasyon par Belgique.  So sa i enportan pour nou ganny sa lenformasyon lo la, akoz i en pe shady.  Nou pa konnen dan ki sirkonstans ki sa Labatwar in ganny re vann.  So ti a bon ki nou ganny tou sa bann lenformasyon.

 

MR SPEAKER

Ok tre byen.  Be Minis la mon krwar ou a vwar si vre i ti en Donasyon Belgique e ler nou’n ganny Donasyon si nou re vann Donasyon.  Mon krwar i en kestyon ki nou bezwen regarde si nou pa’n rreach okenn Clause dan nou relasyon avek okenn pei zanmi.  Me nou pa pour ouver deba lo la, les Minis investigate apre i a vin kot nou.  Eski Finans, PS eski Finans i anvi i nou pran en vot baze lo sa ki’n ganny propoze – 2 milyon pour tire lo sa 200mil ki i donn subsidy pour sa Labatwar?  Eski ou, wi retourn dan ou plas, avan nou fer sa ou ti annan en komanter CEO Racombo briyevman.

 

CEO SAA FINLEY RACOMBO

Yes Chair sa propozisyon la i annan pour tir sa 200mil i pa dan nou Bidze sa.

 

MR SPEAKER

I pa dan zot Bidze?

 

CEO SAA FINLEY RACOMBO

Non, non i dan Bidze kot Finans laba sa.  Mersi.

 

MR SPEAKER

Minis, PS Finans donn nou en pe leklersisman.  PS Payet.

 

PS PATRICK PAYET

Mersi Mr Chair zis pour azoute ki sa 200mil i anba Livestock Trust Fund ki i annan en Board ki oversee sa Livestock Trust Fund.  So i pa dan Bidze actually.

 

MR SPEAKER

Be PS Payet pour lenformasyon tou dimoun ki pe ekoute, ki senn la ki zer sa Livestock Trust Fund?

 

PS PATRICK PAYET

I annan en Board.  I annan Reprezantan Farmers Community, i annan Reprezantan Minister Lagrikiltir SAA avek Reprezantan Minister Finans osi.

 

MR SPEAKER

Ok.  Mon krwar Minis Bastienne, Minis Charlette i annan en pe travay pour li al fer pour anmenn leklersisman pour nou.  Dernyen kestyon wi.

 

HON CHARLES DE COMMARMOND

Mon dernyen kestyon pa’n ganny reponn Mr Speaker, mon 2 kestyon pa’n ganny reponn lo sa kestyon sa bann proze ki napa finansman avek si i enportan akoz napa finansman, zot in met li lo lalis.  Epi 2enm Bazar dan Victoria.

 

MR SPEAKER

Bazar Victoria nou ti’n tonm dakor baze lo kestyon Onorab Arrisol, ki CEO Racombo ti pour al fer en pe travay pour li anmenn lenformasyon devan Lasanble separeman.  Alors sa nou ti’n tonm dakor lo la, me bann proze ki ou pe koz lo la ki pa’n ganny finansman, CEO eklersi nou en kou lo la?

 

CEO SAA FINLEY RACOMBO

Chairman se bann proze ki nou anvi enplimante me nou pa’n ganny finansman.  Se pour se la ki en lalis san finansman.  Mersi.

 

MR SPEAKER

Be pa i, sa bann proze i Livestock oubyen Crops sa?

 

CEO SAA FINLEY RACOMBO

I melanze Mr Speaker, akoz i annan en kantite landrwa rezyon agrikol kot nou bezwen re aziste bann sistenm delo, sistenm semen eksetera.  Me selman i pa’n permet ki kantite proze ki nou pe demande, kot Finans i kapab donn nou tou sa finansman en sel kou.  Petet letan ou ariv lo Revised Budget or avek serten lezot negosyasyon avek serten organizasyon petet serten sa bann proze kapab ganny serten finansman pour 2018.

 

MR SPEAKER

Non, mon demann sa kestyon akoz mon krwar PS Finans ou’n mansyonn Livestock Trust Fund?  Ok PS eski ou le azoute lo sa ki Mr Racombo in dir CEO Racombo.  PS Payet.

 

PS PATRICK PAYET

Non zis pour azoute ki sa ki anba Social Program i 500mil ki nou’n donn li pour son operation cost, son Board Fees apre bann operation ki i fer.  Me tandis ki tou sa bann larzan ki i anmase dan sa Livestock, sa bann kilo, sa bann R5, R8 i al dan en Fon kot Trezor e zot servi sa pour bann proze Kapital.  Nou kapab prezant zot avek Lasanble bann Proze Kapital ki SAA in agree avek Development Committee ki pour ganny finance e zot Board osi in agree ki pour ganny finance dan sa Livestock Trust Fund.

 

MR SPEAKER

Ok, 2 dernyen klarifikasyon Onorab Ramkalawan – wi.

 

HON WAVEL RAMKALAWAN

Mr Chairman sa dernyen larepons ki Mr Racombo in donnen, mon krwar ki i annan en keksoz la lo zot bann detay ki zot in donnen non, non sa i al pour SFA sa enn la, i al pour SFA ki mon pe vwar.

 

MR SPEAKER

Ale be demande SFA vitman.

 

HON WAVEL RAMKALAWAN

Kot i annan en sonm 19 milyon, 300 sa Fuel Incentives, me, be si i dir ki in pa’n ganny larzan ki mannyer i annan bann sonm anba parey Onorab De Commarmond pe demande, i annan larzan dan zot bann ‘other goods and services.’ Be ki mannyer zot pa’n ganny larzan si i annan Bidze la?

 

MR SPEAKER

CEO ou annan, wi ou kapab reponn?  SAA en repons.  PS Payet eski i annan larzan oubyen napa larzan?

 

CEO SAA FINLEY RACOMBO

Non anba ‘other goods and services’. Chair si i pe refer SAA – PSIP mon annan 7 milyon, 7.9 milyon ok?  E ladan mon annan en lalis proze ki’n ganny approve, ‘maintenance’ – ‘drainage’ Mahe, Praslin ki nou bezwen detaye, nou bezwen kot nou bann Laboratwar Grand Anse nou bezwen met sekirite, security soz, ki obligatwar la konmela bezwen met enn.  Nou bezwen repar Store Praslin, Store Lagrikiltir Praslin nou bezwen repare.  Nou bezwen konstrir azoute avek nou Soil Lab en Seed Testing Lab pour nou teste bann legren ki rantre, e avek kree en Gene Bank.  Nou annan parey bomaten Onorab Sef Lopozisyon ti pe demande bann Shade House pour enstale koman demonstrasyon.  Nou annan renovasyon Lofis Praslin osi ki vye laba ki nou bezwen amelyor en pti pe.  Nou annan fencing…

 

MR SPEAKER

So, sorry ou pa pour kapab lir tou, savedir ou annan larzan pour fer proze?

 

CEO SAA FINLEY RACOMBO

Mon annan larzan anba PSIP.

 

MR SPEAKER

Se sa ki Onorab De Commarmond ti pe demann ou taler.  Ou annan proze ki ou dir unfunded. Savedir ou annan larzan?

 

CEO SAA FINLEY RACOMBO

Non mon annan larzan me Onorab De Commarmond ti pe demann en lot zafer li.

 

MR SPEAKER

Ok.

 

HON CHARLES DE COMMARMOND

Mr Chair brefman ki nou pe sey dir, e lefet nou get sa lalis proze e most of the time ennler sa bann proze pa tou ki zot kapab realize pandan lannen, zot pa kapab sey vwar si i annan serten priyorite pour fermye kot i pour tous fermye direkteman e mon asire sa bann pti proze pa pour tro gro, ki zot kapab fer ki sa bann pti proze i ganny touse petet en pe avan, ouswa ou konnen parey bann zafer parey bann semen ensidswit ki pour vreman, vreman ed fermye.

 

MR SPEAKER

CEO that is not an unreasonable demand.  Ou pa kapab fer ki sa zot priyorite.

 

HON CHARLES DE COMMARMOND

Wi mon demande, fodre revwar sa.

 

MR SPEAKER

Bann ki ptipti ou fer aksyon parey Onorab in dir taler aksyon, aksyon.

 

CEO SAA FINLEY RACOMBO

Chair mon’n dir depi bomaten poudir i annan en kantite aksyon nou’n komanse depi lanmwatye 2017 bann semen, delo, sanz tiyo, eksetera ki nou pe fer e pe kontinyen 2018 e i pour tonm anba Livestock Trust Fund.  Vwala.

 

MR SPEAKER

Ok, les ou Minis koze.  Minis ou le dir en pti mo?

 

MINISTER PAMELA CHARLETTE

Non kekfwa mon a eklersi.  Par egzanp depi ler CEO in komanse, depi ler mon’n vini osi nou’n fer nou en lalis bann, pandan mon vizit ki mon’n ale nou’n fer nou bann lalis bann demann ki nou’n gannyen avek bann fermye; bann keksoz ki nou vwar i bezwen ganny priyoritize, me malerezman sa lalis i never ending.  I annan proze ki pa pour ganny funding anba sa Bidze SAA antyerman.  Menm si nou pour pran sa LTF Fund nou pour, akoz sa 25 milyon ki in donn nou in tire dan LTF Fund. So in deza ganny allocate avek en kantite proze.  So nou annan ankor bann proze ki dan bann distrik kekfwa ki pa pour ganny priyoritize pour 2018, me selman nou a fer sir ki dan lannen apre i a ganny konsidere.  Me selman nou annan bann, en lalis proze ki nou napa funding.

 

MR SPEAKER

Ok.  Mersi Minis dernyen kestyon klarifikasyon avan nou pran en vot, lekel ki bann Shareholders Indian Ocean Marine SFA CEO?  Mon krwar sa i en kestyon ki ti ganny demande taler pa ti ankor ganny en repons.

 

CEO SFA RONNY RENAUD

Speaker pour le moman mon ti dir mon napa sa bann repons.  Mon pour fer zot gannyen dan mon lalis.  Wi.

 

MR SPEAKER

Ou napa sa repons, ou pour rode pour anmennen pour donn nou e kan?

 

CEO SFA RONNY RENAUD Lalis pour fer gannyen…

 

MR SPEAKER

Ou a kapab donn nou avan lafen lasemenn?

 

CEO SFA RONNY RENAUD

Korek.  Mersi.

 

MR SPEAKER

Mersi CEO.  Avek sa nou pran vot Minister Finans atraver ou PS eski nou pour pran sakenn, eski nou kapab komans avek Seychelles Agricultural Agency SAA apre nou al lo lezot 2.  Is that the way you want to proceed?

 

PS PATRICK PAYET

Wi Mr Chair, nou pour pran sakenn, sa 3 vot sakenn i annan son vot.

 

MR SPEAKER

Sakenn pour li.  Bon annou komans avek premye Seychelles Agricultural Agency, remind mwan ki paz nou ete la pour mwan, akoz mon en pti pe perdi.

 

PS PATRICK PAYET

Paz 269.

 

MR SPEAKER

69?

 

PS PATRICK PAYET

49 milyon.

 

MR SPEAKER

Very good, to be appropriated Seychelles Agricultural Agency 269 to be appropriate 49.445 million.  Tou bann ki pour lev zot lanmen?  Clerk.

 

MADAM CLERK

Mersi Mr Chair, 32 Manm an faver.  Mersi.

 

MR SPEAKER

Savedir Bidze pour Seychelles Agricultural Agency

 

MADAM CLERK

Eskize Mr Chair 24,. 24 Manm an faver.  Mersi.  Sorry.

 

MR SPEAKER

24?

 

MADAM CLERK

Yes.

 

MR SPEAKER

Very good the Bidze pour Seychelles Agricultural Agency in ganny aprouve.  Nou ava al prezan lo National Biodiversity, Biosecurity Agency lo paz 280, 280 zot to be appropriated 20. 735 milyon; 20 million, 20.735 million.  Tou bann ki pour lev zot lanmen?

 

MADAM CLERK

Mersi Mr Chair.  26 Manm an faver.  Mersi.

 

MR SPEAKER

Savedir Bidze pour National Biosecurity Agency in ganny aprouve par Lasanble. Nou ava al finalman lo Seychelles Fishing Authority lo paz 289, 289 to be appropriated 286.2 million.  Yes PS Payet.

 

PS PATRICK PAYET

Mr Chair mon krwar ti annan 6 milyon ki zot ti demann freeze pour Aquaculture.

 

MR SPEAKER

Pou freeze pour sa kestyon was it Mariculture?  Ok minus 6 million, tou bann ki pour 286.251 minus 6 million ki’n freeze – tou bann ki pour lev zot lanmen?  Ok.

 

MADAM CLERK

Mersi Mr Chair 22 Manm an faver.  Mersi.

 

MR SPEAKER

Tre byen SFA zot Bidze in ganny aprouve with a proviso ki sa 6 million pour sa Aquaculture or Mariculture whatever culture it was – in ganny frozen for the time being. Avek sa mon ti a kontan remersye Minis Charlette, Minis Lagrikiltir ek Fisheries evidaman Minis Charlette ou annan en kantite challenges devan ou.  E mon ti a kontan dir ki mon krwar ki tou Lasanble i rekonnet sa bann challenges ki ou annan 2 sekter tre, tre enportan sirtou pour sekirite alimanter.  Nou ti a kontan remersye ou pour letan ki ou’n pas ek nou depi bomaten, nou pran letan akoz mon krwar bann Manm ti enterese pour klarifye keksoz e la i annan serten homework, serten investigation ki ou pour bezwen al fer.  E nou espere tre prosennman nou a ganny bann larepons.  Avek sa nou a eskiz zot, remersye zot e swet zot bon kontinyasyon ek kouraz dan zot travay pour ed fermye ek peser.

 

(MINISTER PAMELA CHARLETTE AND HER DELEGATION WAS EXCUSED FROM THE HOUSE)

 

 

MR SPEAKER

Mon krwar in ariv ler pour nou pran en pti pause café.  Nou ava break e nou a repran 4er pour nou komans avek Minister Kiltir, Lazenes ek Spor.  Nou a pran en pti Break nou a retournen 4er.

 

(BREAK)

 

DEPARTMENT OF YOUTH AND SPORTS & DEPARTMENT OF CULTURE

 

 

MR SPEAKER

Nou a swet bonn apre midi Minis Larue, Minis pour Sport, Zenes e Kiltir ek ou PS, ou delegasyon, ou Advisor e nou a fer parey nou’n fer depi nou’n komanse, Onorab Ramkalawan.

 

HON WAVEL RAMKALAWAN

Mr Chairman avan nou komanse, mon ti ava kontan port a latansyon Lasanble ki SFA pa’n koz laverite avek Lasanble Nasyonal.  E mon ti a kontan port sa a latansyon PS Payet.  Letan zot ti pe koz lo zot Warehouse i ti dir avek nou, zot pe lwe li R85 par met kare e 1, 500 met kare.

 

MR SPEAKER

Wi.

 

HON WAVEL RAMKALAWAN

E sa ti dapre bann kalkil baze lo sa ti pour fer R127, 500 par mwan.  Ki nou’n dekouver se ki dan Bidze lo paz 14 son total ki zot in mete pour sa lannen an antye 2018 i R143, 000 ki zot pour anmase ki tonm R12mil par mwan.  E non pa R127, 500.  Mon pe met sa a latansyon Lasanble espesyalman a latansyon Minister Finans, parske se sa kalite keksoz ki nou pa anvi pase dan Lasanble letan nou pa ganny bann chiffres egzakt e kot i annan en bann manboulouk.  Mersi bokou.

 

MR SPEAKER

Mersi Onorab.  I pa zis ki nou a met latansyon PS Payet koman PS Finans, be mon krwar Clerk nou a fer sir ki nou osi port anmenn sa a latansyon Minis Charlette ki ti la ler sa bann fe ti ganny devwale, ki dan son investigation i anmenn en pe klarifikasyon pour nou ler i retournen Lasanble pour koz lo Labatwar ki zot pwen ki nou’n dir li i devret investigate.  Mersi Onorab pour anmenn sa a latansyon Finans avek nou menm nou Lasanble e mon dakor avek ou ki nou la pour fer sir ki keksoz i drwat e ki nou ganny lenformasyon ki kredib pour piblik.  Avek sa ankor enn fwa mon ti a swet Minis ek tou ou delegasyon.  E PS Payet nou tonm dakor ki nou pour pran Ministry Youth Sports and Culture koman en Minister lo paz 559 ziska 573.  PS Payet nou dakor lo la?

 

PS PATRICK PAYET

Wi Mr Chair nou pour pran tou le 2 Departman of Youths and Sport apre Departman Kiltir as well as en Minister.

 

MR SPEAKER

Ok.  So 559 pour tou bann Manm Lasanble.  E Minis parey nou’n fer parey nou pratik prezans se ki tou bann Manm ki le koze i lev zot lanmen epi ou, ou annan posibilite pour les u bann teknisyen osi reponn kestyon anmenn klarifikasyon.  Mon ti a kontan beg pasyans e indulgence SBC, akoz nou en pti pe an retar e nou riske kontinyen en pti pe dan labrin, tou bann ki le koze lev zot lanmen e Clerk e Deputy Clerk a pran zot non.  Mon a demann Clerk pour lir non tou bann dimoun kote Parti Lepep epi Deputy Clerk i a lir tou bann dimoun dan LDS ki le koze.

 

MADAM CLERK

Mersi Mr Chair.  Lo kote Parti Lepep mon annan Onorab Charles De Commarmond, Onorab Sebastien Pillay, Onorab Audrey Vidot, Onorab Paul Ernesta, Onorab Jude Valmont, Onorab Chantal Ghislain, Onorab Wilbert Herminie, Onorab Sylvanne Lemiel, Onorab Churchill Gill e Onorab Waven William.  Mon pa’n mank personn?  Eskize.

 

MR SPEAKER

Ou’n gannyen?

 

MADAM CLERK

E mon azout Onorab Noline Sophola e Onorab Egbert Aglae lo lalis.  Mersi.

 

MR SPEAKER

Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Afif, Onorab Georges, Onorab Ferrari, Onorab Woodcock, Onorab Loizeau, Onorab Larue avek Onorab Mondon, Onorab Adelaide osi tou azout lo lalis.

 

MR SPEAKER

Ok mersi.  Nou al toudswit lo nou kestyon e nou a donn la parol Onorab William.

 

HON WAVEN WILLIAM

Mr Speaker mon ti a kontan ganny en pti leklersisman avek ou avan mon demann mon kestyon, eski nou pour poz kestyon pour tou sa bann sekter ki anba Minister?

 

MR SPEAKER

Non nou’n dir nou pe poz kestyon lo sa 3 Departman ki baze lo paz 559 ziska 573, it’s the Department of Youth and Sports apre PS ou’n dir nou fer zis sa 2 oubyen met Kiltir ansanm?  Department of Culture li i lo 565 ok?  Nou kler.  Onorab William.

 

HON WAVEN WILLIAM

Yes, bonn apre midi Minis avek ou lekip.  Mr Speaker mon ti a kontan demann Minis lefe ki nou okouran poudir enn, anba Minister Gouvernman Lokal napa okenn alokasyon ki’n ganny donnen pour mentenir bann lekipman sportif lo nivo distrik, e sa i tonm anba NSC e en louvraz pa pe ganny byen fer, mon ti a kontan demande anba ou Policy pour promot sport o nivo distrik si ou Minister a konsider tir serten larzan anba ou Minister pour donn avek Minister Gouvernman Lokal ki distrik Local Government avek Ladministrasyon Distrik a kapab fer en pli bo travay pe ganny fer konmela?  Mersi.

 

MR SPEAKER

Minister.

 

MINISTER MITCY LARUE

Mersi Mr Chair.  Mersi Manm Onorab.  Mon pa konnen si petet sa kestyon ti a byen petet ler nou al lo NSC nou kapab demann li en pti pe pli afon – si nou pa mind?  Letan nou koz lo NSC koman sa Antite nou adres sa kestyon, akoz i annan Sports For All.

 

MR SPEAKER

Si oule Onorab, eski ou ok avek sa, taler ler nou a vin lo NSC ou a repran ou kestyon?  Ok.  Onorab Mondon.

 

MINISTER MITCY LARUE

Mersi.

 

HON TERENCE MONDON

Mersi Mr Chair.  Mon kestyon i pour al lo menm laliny akoz ler mon konpar Departman Youth and Sports avek zot Bidze an konparezon avek Departman Kiltir mon vwar en Bidze ase enferyer, konpare e sirtou ler nou pe get lo lanfaz ki nou bezwen mete lo spor koman en alternativ pour nou adres nou bann problenm sosyal mon pa vwar ki zot in fer en, ase travay lo sa Bidze pour devlop nou spor.  E mon pe get zis gouvernans spor i pe ariv 9.7 milyon konpare avek Departman Kiltir zis son gouvernans – management i 19.3 milyon, wi i posib i annan plis travay.  Be selman mon ti ava, mon ti a plifere vwar kote i annan en pli bon balans letan nou pe get Departman Spor avek Youth.  Petet ler nou ariv sa bann kot Sport Council nou a kapab demann kestyon spesifik.  Sa ti en remark ki mon ti anvi fer Mr….

 

MR SPEAKER

E ou kestyon ou pour demann taler kot NSC ler NSC i vini, Minis eski oule fer komanter lo sa remark oubyen PS Kalebi?  Minis.

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon.  Lo kote Departman Kiltir nou annan apepre 7 Seksyon ki tonm anba nou responsabilite e sa Bidze i reflekte en pe bann travay ki at least kote gouvernans i servi, pour asire ki sa bann Seksyon i travay byen e zot delivre en pe lo zot servis ki zot sipoze fer.  Lo kote Sports sa mon ava pas la parol avek PS Palmyre si i ti kontan fer sa remark.  Mersi.

 

MR SPEAKER

PS Palmyre ou le fer en remark lo remark?

 

PS FOR YOUTH & SPORTS FABIAN PALMYRE

Non rezon i senp laplipar larzan i kot NSC ek SNYC pour lenplimantasyon.  Parey zot konnen Departman i follow Policy Monitoring Evaluation, e kekfwa pour azoute vi ki Departman Youth ek Sport i fek kree Novanm lannen pase, so pa trakase lannen prosenn nou pour vini nou pour demann en pe plis, be selman avan nou demann plis nou pe evalye pour fer sir ki napa gaspiyaz.

 

MR SPEAKER

Onorab Aglae.

 

HON EGBERT AGLAE

Mersi Mr Chair.  Bonn apre midi, mon kestyon i al pour Departman Youth and Sports Mr Speaker, ler mon pe get dan zot ‘major achievements’ an 2016 -2017 kot zot in koz lo bullet point 2devlop a Policy for Out of  School Activities for Youth’ mon ti oule en pe leklersisman lo la akoz se ki nou pe vwar se ki, Minister Ledikasyon i annan serten progranm ki li i fer, si sa zot pe marye ansanm – an menm tan ou pour vwar en bout kot Local Government i antre ladan, kestyon petet mon pour poze si nou pa pe vwar en diplikasyon ki sa pe anmennen ansanm petet pour sinerzi resours?  E vi ki i annan sa progranm ki zot mete, mwan mon pa’n okouran poudir i annan sa si zot kapab donn mwan en pe detay osi ki mannyer sa progranm i marse? Mersi ouswa Polisi.

 

MR SPEAKER

PS Palmyre.

 

PS FOR YOUTH & SPORTS FABIAN PALMYRE

Mersi Mr Chair e mersi Onorab.  Ki nou pe dir, se sa ki Prezidan Faure ti mansyonnen, sa ki nou apel Youth Animators Scheme i ti sipoze, i ti ganny konsevwar, i ti sipoze ganny enplimante par nou Minister, me selman apre i pour annan serten devlopman mon krwar in fini vin piblik ki prezan sa progranm in al kot Local Government.  Selman nide ti ganny konsevwar apre lenstriksyon Mr Prezidan kot nou Departman, i apel Youth Animators Schemes.  Sa ki nou pe fer lo la.

 

MR SPEAKER

Ok Onorab Aglae.  Onorab Adelaide.

 

HON FRANCOIS ADELAIDE

Mr Chair mon kestyon in fini reponn.  Mersi.

 

MR SPEAKER

Ok.  Onorab Sophola.

 

HON NOLINE SOPHOLA

Mersi Mr Chair.  Bonn apre midi tou dimoun, Minis anba dan paz 585 SP4 i dir ‘provide equal opportunities to athletes in the region,’ mon pe regarde Minis konbyen larzan ki’n ganny mete pour kapab vreman donn sa mo “equal” son vre valer pour Inner Island? Mon dezyenm ki provizyon ki Bidze 2018 in fer pour amelyor standar e renovasyon bann batiman sportif sirtou lo La Digue? E mon trwazyenm i al pour Departman Kiltir Minis eski ou kapab dir nou, si i annan larzan dan Bidze 2018 pour repar bann batiman ki ganny mete anba Heritage presizeman sa lakaz SAD lo La Digue?  Mersi.

 

MR SPEAKER

Minis, 3 kestyon petet si oule ou PS osi Kiltir ed ou, me ou annan la parol.

 

MINISTER MITCY LARUE

Petet premye kestyon ki Onorab in demande i al, i pa dan scope sa ki nou pe diskit lo la akoz nou ariv ziska 573, ok sa enn nou a reponn letan nou tonm lo Antite ok?  2enm mon a demann PS pour reponn silvouple.

 

MR SPEAKER

 

PS FOR CULTURE CECILE KALEBI

Mersi Mr Chair.  Mersi Onorab pour reparasyon sa batiman ki ou pe koz lo la i annan en Scheme anba Seychelles Heritage Foundation, ki ti’n ganny kree pour ed bann Antite prive ki ti a kontan repar sa batiman.  Kot Departman Kiltir osi nou annan en National Monuments Board ki osi get bann batiman me selman fodre i en batiman i ganny deklare koman en Batiman Nasyonal.  Mersi.

 

MR SPEAKER

Onorab Sophola.

 

HON NOLINE SOPHOLA

Mr Speaker, dan mon konesans in fini ganny deklare, an met fwa zot in dir pour vin aranze, pour vin aranze me nanryen zot pe fer e la sa batiman pe tonm an rin e i pour kout nou pli bokou prezan pour nou kapab aranz li.  Mersi.

 

MR SPEAKER

PS savedir in fini ganny deklare, klasifye koman Leritaz Nasyonal, eski i annan larzan pour zot ede?

 

PS FOR CULTURE CECILE KALEBI

Ok.  Mersi Chair.  Nou’n kapab get avek Seychelles Heritage Foundation anba sa Scheme ki mon pe koz lo la, pou repar bann vye batiman, ki mannyer sa i kapab ganny trete koman en priyorite?  Mersi.

 

MR SPEAKER

Onorab Valmont.

 

HON JUDE VALMONT

Bonn apre midi.  Mersi Mr Chair.  Bonn apre midi Minis e Delegasyon dan sa laliny menm Moniman Pointe Larue Ladministrasyon Distrik i annan 1an nou’n koz lo Bidze i osi mon krwar i ganny konsidere koman en Moniman Nasyonal, mon ti ava apresye si zot get ladan akoz li osi i pour ale i pour kit zot – i en batiman 100 ekek lannen.  Mersi.

 

MR SPEAKER

PS ou a get ladan.

 

PS FOR CULTURE CECILE KALEBI

Nou a pran note, thank you Mr Chair, mersi Onorab.  Nou ava pran note pour sa konsiderasyon.  Mersi.

 

MR SPEAKER

Onorab Churchill Gill. Ssorry Onorab Stephen Pillay.

 

HON STEPHEN PILLAY

Wi Mr Speaker mersi.  An relasyon avek sa 2 kestyon mon krwar i enportan, kekfwa nou a demann sa kestyon, en kantite pour demande ler Heritage Foundation i vin la dan Lasanble pour reponn kestyon.  I pe vini li?

 

MR SPEAKER

PS konmsi nou ti dir Heritage Foundation i parmi bann ki pa pe vini akoz zot napa, pa’n demann gran soz, me selman toutfwa i tonm anba Minis Sport, Kiltir avek Lazenes alors si ou annan kestyon lo National Heritage Foundation

 

HON STEPHEN PILLAY

Plitar…

 

MR SPEAKER

I osi anba, non mon krwar i tonm anba PS akoz zot pa pe vini si mon pa tronpe.  PS, alors ou kapab demann ou kestyon, PS Kiltir i la, Minis Kiltir i la, si oule demann ou kestyon lo National Heritage Foundation ou kapab demann la.

 

HON STEPHEN PILLAY

Mersi Mr Chair.  I annan detrwa kestyon selman mon ti a prefere Heritage Foundation i la, me problenm se ki lo PSIP pour renovation of existing Kiosk i annan en son 1640 from 2017 Revised Budget me an 2017 nou ti aprouv zis 700mil kote sa larzan an plis zot in gannyen pour fer sa devlopman; vi ki ti napa lannen pase ti annan zis 700mil pour fer sa bann Bidze.  E Minis kekfwa i a kapab dir nou, bann konpansasyon pour bann Kiosk ki bann Owners pe sorti pandan renovasyon, konbyen bann nouvo Kiosk ki zot in mete, pe al mete konbyen nouvo Kiosk pe al konstrir an 2018? E ankor ‘Security and Enforcement’ lekel ki gannyen?  Anba details la Mr Speaker, ‘foreign consultancies’ R240mil lekel? Lekel ki ganny bann Kontra dan 596Contract Seychelles Landscaping.’ E 597 Mr Speaker telman enportan se konbyen rent arrears SHF i annan an tou si i pe sot milyon nou pe koze arrears ki prezan nou pe donn larzan plis dan Bidze e kekfwa i kapab fer nou ganny en kopi bann Lease Agreement bann arrears ki i annan, bann existing.  Mersi Mr Chair.

 

MR SPEAKER

Minis tou sa bann kestyon i viz lo Fondasyon Leritaz e mon pa konnen si oule reponn oubyen si oule, wi.

 

MINISTER MITCY LARUE

Mersi Mr Chair.  Mr Chair lefe nou pa ti pe vin diskit lo detay sa antite mon pa’n vit avek bann detay.  Me selman nou annan bann detay.  Mon napa la avek mwan ozordi akoz mon pa’n vin avek detay be selman mon kapab demen ler mon tournen nou kapab donn zot detay lo la.  I ok sa Onorab?

 

MR SPEAKER

Me petet demen osi nou ti’n deside konzwentman ansanm avek PS Finans, Lasanble ti’n vwar i annan serten Lorganizasyon ki nou ti dir nou pa pe forseman anmenn devan, serten en Lazans plito, akoz ti napa gran me sa vi ki ou’n demann sa kestyon petet mon a sizere Minis ki demen sa ki ansarz Seychelles Heritage Foundation i osi akonpannyen ou, pour anmenn okenn clarité oubyen keksoz ki neseser.

 

MINISTER MITCY LARUE

Ok.

 

MR SPEAKER

Ok.

 

MINISTER MITCY LARUE

Ok Mr Chair mersi.

 

MR SPEAKER

Ok, alright bon nou ava al lo lot entervenan Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis ek ou delegasyon.  Mon premye kestyon i lo paz 559 ‘current challenges’ kot i met ‘lack of personnel to oversee Praslin and La Digue’ mon pe gete si provizyon in fer dan sa Bidze 2018 pour ou kapab adres sa?  Apre mon dezyenm kestyon i lo 562 anba table 4 ‘other goods and services’ lannen 2017 ti annan 1 milyon ki ti’n bidzete e  pour 2018 i 2.2 milyon alors mon ti a kontan ganny en leksplikasyon lo la kwa ki’n fer sa logmantasyon? Mon dernyen kestyon i lo paz 567 ankor dan ‘other goods and services ‘2017 ti 5 milyon 2018 i 9.6 milyon, sa osi en leksplikasyon sa ogmantasyon.  Mersi.

 

MR SPEAKER

Minis oubyen PS.

 

PS FOR YOUTH & SPORTS FABIAN PALMYRE

Mersi Mr Chair eski mon kapab demann Onorab pour re sa latab, table 4 page 562.

 

MR SPEAKER

Onorab Gill.

 

HON CHURCHILL GILL

Table 4 anba ‘other use of goods and services’ 2017 ti 1 milyon me selman 2018 in ogmante pour vin 2.2.

 

MR SPEAKER

 

PS FOR YOUTH & SPORTS FABIAN PALMYRE

Mersi ankor enn fwa Mr Chair e Onorab.  Pour premye kestyon lo kote mank ‘personnel pour Inner Islands’ sa i ankor en defi nou pa’n ganny finans pour sa.  Me selman nou pe sey regarde intern si nou kapab fer bann keksoz ki nou apel trade- off as in parey dan mon Sekretarya sakrifye en manm pour ganny enn.  Me selman sa i ankor an diskisyon nou pour bezwen sey aziste larzan e osi ganny permisyon pour fer.  Me selman nou vwar li en priyorite nou pour al sey fer me selman mont i ava apresye ou sipor si i reste en pti zafer pour aktyelman nou pa fer sa sakrifis e nou actually ganny funding vi ki mon vwar poudir nou pe koupe kot pa fodre, but selman mon krwar i fer menm sans ki kot fodre ou azoute. Lo kote latab table 4 ou’n fer referans a sa diferans 1.125 milyon 2017 e 2.258, akoz sa diferans? Kekfwa la a sa moman i enportan fer sorti poudir i annan en fot la en, yes i annan en fot akoz ki ti arive son vre sonm i 2 milyon 2.218. 870 ok?  Sa i fer – pour mwan eksplik ou byen sa mon pour bezwen refer ou a paz 560, ok?  Si ou regard lo paz 560 kot ‘other use of goods and services’ ki dan son total, kwa ki manke ladan se ‘security enforcement’ pour Minis.  Ler Minis, ex-Minis Idith Alexander pa ti servi sa konponan sekirite dan lakour.  Me Minis Larue i servi e sa in fer ler i ti vini nou ti bezwen azout sa R115mil pour li ganny sekirite dan lakour.  E osi, e tou fason i pa merit la li sa en.  Ok non – i merit la i ti’n ganny mal plase.  Non eskize akoz ‘other use of goods and services’ actually 2 million.  Wi i ti’n merit azoute; i ti’n ganny mal plase i ti somewhere kot i pa merit ete prezan li i merit la  e i annan 115mil pour ‘security and enforcement’ e 972, 900 pour ‘office building’ ok?  I ti zis kot mon krwar i bezwen kote Finance – Code, sa bann zafer Code zot in mal mete.  La i annan R972, 900 pour ‘rent building’ ok?  Bann building ki nou rent e 115mil. Si ou pran 115mil ou azout avek sa R972, 900 i ariv ou 2, 333, 840milyon sa i vin total ki nou Departman in gannyen pour ‘other uses of goods and services’ me selman dan nou Departman i annan 2 progranm ek sa bann term PPB ki nou servi.  Ler prezan nou partaz son bout ‘other use of goods and services’ dan sa progranm la ki ou pe refer to, ki program 1 li son bout i tonm 1.12, lo la i ekri 1.125 me selman ou bezwen azout sa bann bout ki mon’n dir ou e prezan ler ou’n fer tou sa bann kalkil son Bidze i actually 2. 218, 870milyon.   Ok?  So prezan si ou pour al remark en diferans, vre diferans i vreman zis R39, 640.

 

MR SPEAKER

Onorab Gill ou ok avek sa?  Onorab Gill in kler parske mwan i pa tro, tro kler dan mon lespri, me tou fason pa mwan ki’n demann kestyon, Onorab Gill.  Wi Onorab Gill.

 

HON CHURCHILL GILL

Non, Mr Chair mon konpran ki in dir mwan.

 

MR SPEAKER

Wi.

 

HON CHURCHILL GILL

Me selman sa adisyon ki in donnen i pa korek akoz sa diferans i still la, in eksplike kwa sa diferans li selman apre i dir i annan en diferans R39mil sa i pa korek.  Selman i donnen son leksplikasyon sa 900mil pour rent, apre sa porsyon ‘sekirite ki sa i eksplik mon kestyon.

 

MR SPEAKER

So ou happy with that?

 

HON CHURCHILL GILL

Wi.

 

MR SPEAKER

Ok Onorab.

 

HON CHURCHILL GILL

Non i annan en lot….

 

MR SPEAKER

I annan en lot kestyon ki pa ankor reponn?

 

HON CHURCHILL GILL

Wi anba paz 567.

 

MR SPEAKER

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon.  Sa logmantasyon 1.76 milyon ki ou pe refer lo la, se pour kou ki nou pe met anver reouvertir nouvo Mize Listwar kot batiman exSupreme Court.  Sa bann adisyonnel ki nou pe demande i annan pour fer avek kou elektrisite ki pour monte avek kou son setup menm sa proze.  Parey ou konnen pour en nouvo Mize nou bezwen fer son bann egzibit, fer desann son bann materials, quadral materials ki deza dan storage; nou bezwen tir zot, netway zot, met zot byen dan zot ankadreman e alors sa logmantasyon ki nou’n demande i pour servi pour sa. Pour sa lot 2.7 milyon ki ou’n koz lo la pour relocation of ki nou pe mazinen pour met staff Administrasyon ek enn de Nasyonal – dan en lot lokasyon sa i an relevans avek sa Rapor Fungus ki ti fer sorti, e alors nou pour bezwen retir sa bann dimoun dan batiman National Library met zot dan en lot landrwa ki en pe pli apropriye, pour nou kapab osi fer renovasyon lo sa batiman e rezourd en pe bann problenm ki nou’n ganny koze, dan batiman Libreri Nasyonal.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  En pti pe lo laliny ki Onorab Gill in demande anba pour Departman pour Lazenes ek Spor kot i konsern ‘lack of personnel to oversee Praslin and La Digue’, Mr Speaker mon krwar sa i en konsern ase serye e mon krwar ki Minis Finans i get ladan en pti pe pli serye.  Nou oule ki nou bann zenn i sorti anba sa bann fleo drog ek lalkol yet nou pa pe pare pour envestir pour nou ganny plis bann personnel bann dimoun pour travay bann Departman Spor avek Lazenes.  E mwan mon krwar ki Minister Finans i bezwen seryezman konsider fer provizyon sa bann personnel ki nou bezwen lo Praslin.  Mon lo kestyon i annan pour fer avek en Lanons ki Minis Spor i fer lo Medya Nasyonal lo SBC konm kwa i pour annan en proze Gymnasium ki pour ganny fer Ile Eve pour 2018 me ler mon pe get anba proze Kapital mon pa pe vwar sa proze i enkli anba la. E mon lot kestyon i annan pour fer avek bann Staff National Arts Council, mon’n aprann poudir i annan bann staff ki’n travay laba 12an a 17an e zot ankor lo bann Saler vreman, vreman ba, i annan ki ankor lo saler 5mil a R6mil e mon pe demande si i annan en Revised Scheme Saler pour sa bann staff ki travay National Arts Council.  Mersi bokou.

 

MR SPEAKER

Minis i annan 3 kestyon oubyen PS.

 

MINISTER MITCY LARUE

Mersi Onorab.  Petet lo kestyon Personnel pour Praslin ki mon krwar i enportan ki nou kontinyen sa demars pour nou annan en dimoun ki ansarz pour Praslin espesyalman lo kote Lazenes, akoz pour kapab monitor en pti pe nou bann progranm pour vwar si bann progranm pe ganny enplimante, e ki mannyer pour fer sir bann keksoz i arive lo Praslin ok?  Akoz ou pa kapab annan dimoun sorti Mahe tou lazournen pour monte Praslin. Dezyenmman sa lot kestyon lo Eve Island sa nou ava abord li letan nou pour diskit lo NSC. Epi lo kestyon National Arts Council nou pa pe diskit sa antite la ozordi akoz i pa lo lalis pour diskite me selman i annan keksoz pour fer avek salary increase pour bann… I annan dan zot Bidze.  Mersi.

 

MR SPEAKER

Onorab Vidot.

 

HON AUDREY VIDOT

Mersi Mr Chair.  Mr Chair mwan mon pour, mwan mon ti a kontan demann Departman pour Youth and Sports pour met, mon konsernen letan mon pe regarde kot ‘current challenges’ lamazorite ki’n ganny fer sorti pe enport sa 2 case issue ki challenge ki sa 2 Onorab oparavan in koz lo la, si nou pa, zot pa pe rod fason pour adres sa mon pa konnen si Minister Finans pa pe siport zot pour donn zot ase finansman ladan, pour adres sa bann issue akoz Lazenes i bezwen ganny latansyon neseser pour nou kapab ede pour adres bann issues ki nou annan ek nou bann zenn ankadre zot.  Si nou pa pe rezourd bann current challenges napa finansman pour kouver mon pa vwar nou pe al lwen avek lazenes. E mon dezyenm mon ti a kontan ki Departman i eksplik nou en pti pe lo sa, si zot pa pe ganny resours pour adres sa bann challenges, ki mannyer 2018 ek 2020 nou pe mazin pour enplimant popilariz en pti pe bann aktivite dan distrik pour enplimant bann Polisi pour Lazenes.  Sey fer mwan konpran ki mannyer sa 2 i balanse?  Mersi.

 

MR SPEAKER

PS – Youth.

 

PS FOR YOUTH & SPORTS FABIAN PALMYRE

Mersi Mr Chair.  Mersi Onorab.  By now i enportan ki nou konpran mannyer i fonksyonnen, keksoz i fonksyonnen e Departman ki mwan mon PS i pa enplimante li.  Enplimantasyon i ganny fer par NSC fer par SNYC e parey nou’n konnen la i kapab menm Ministry Local Government i antre.  Mon manda, mon rol se devlop Polisi e anvoy, devlop progranm partnership avek sa bann antite.  sa bann antite ki enplimante, lot rol mon Departman se monitor lenplimantasyon, epi evalye ek Rapor pour fer rekomandasyon.  La ki nou pe dir pour et fran depi ler mon’n vini mon’n remarke poudir i annan keksoz ki nou kapab amelyore, me selman mon bezwen finansman pour bann monitoring officers.  E Praslin si nou pour get fasilite, si nou pour get progranm mannyer i ganny enplimante, si nou pa pe satisfe nou bezwen rode ki bann rezon.  Sa dimoun ki pe enplimante i pa pour dir ou li, fodre ou annan en dimoun ki pe monitor li ki pour fer sa e la sa zofisye ki nou pe koze, i mank nou Praslin, La Digue.

 

MR SPEAKER

Onorab Vidot.

 

HON AUDREY VIDOT

PS mwan mon konpran ou parfetman an term Polisi.  Zot Departman i annan sa bann challenges ki zot pe rankontre pour kapab adres sa bann problenm.  Si zot in dir poudir zot mank sa bann keksoz ok, zot pa pe ganny ekoute oubyen pa pe enterese pour adres sa bann issues, ki mannyer zot ekspekte atraver zot bann Polisi pour zot kapab zot bann lezot Departman enplimant bann keksoz ki zot in mete dan zot strategy priorities pour 2018 a 2020?  Sa ki mon konsern.

 

MR SPEAKER

PS  lenplimantasyon.

 

PS FOR YOUTH & SPORTS FABIAN PALMYRE

Mersi Mr Chair, ya mon dakor ek ou e mon krwar sanmenm bann rezon nou vin dan Lasanble e i pour zot vwar.  E mon repet ankor nou bezwen monitoring officers pour fer sir lenplimantasyon progranm Polisi i ganny fer byen.  E mon byen kontan mon remark lo tou lede kote latab mon annan sa sipor so mon a dir zot mersi bokou e fotespere Minister Finans i ava kapab – mon konpran mwan akoz nou konnen i annan ceiling, i annan limitasyon finans kekfwa zot a kapab vwar en landrwa pour anvoy kot Departman Youth and Sports pour nou kapab fer sa bon monitoring.  Mersi.

 

MR SPEAKER

Onorab Larue.

 

HON FLORY LARUE

Bonn apre midi tou dimoun.  Mersi Mr Speaker, mon ti a kontan demann Minis letan nou get lo paz 559 enn zot bann ‘major achievement’ 2016 i ‘The Duke Of Edinburgh Award. ’ Mwan mon ti partisip dan ‘Duke Of Edinburgh Award’ so mon konnen kisisa.  Mon ti a kontan demann zot lekel bann lekol ki pe enplimant sa progranm silvouple dan lannen 2017 akoz Anse Royale i pa pe fer li zot napa akse avek.  Apre mon ti a kontan osi demande lo ‘District Award’ sa pri Distrik Kiltirel – mon ti demann sa kestyon lannen pase mon ti ganny dir par Mr D’Offay ki ti napa lannen pase me i sipoze annan sa lannen.  Sa i en Award ki sipoze ganny donnen tou le 2an.  Oli plan?  Eski i pe ganny enplimante? Lo kote Kiltir enn zot bann ‘current challenges’ ki zot in dir i zot le expand and decentralize, so ki mannyer zot pour fer sa si zot pa kapab enplimant en progranm ki deza annan 2an.  Mersi.

 

MR SPEAKER

PS Youth apre PS Kiltir.

 

PS FOR YOUTH & SPORTS FABIAN PALMYRE

Mersi Mr Chair.  Mersi Onorab.  Mon pa pour annan lalis exhaustive tou bann kekol, selman of the top of my head mon konnen Lekol Beau-Vallon i aktiv Lekol International School.  Me selman i vre an prensip pour dir i demann en zefor pour fer sir ki nou annan plis partisipasyon.  Deza ki mon kapab dir ou kapab nou’n fer se ki nou’n zwenn avek Minis Ledikasyon akoz nou bezwen sipor Lekol e nou pe, e nou’n zwenn avek Minis Morgan pour demann li sipor, pour met en pe adisyonnel sipor bann lekol, pour ki nou ganny rapel – akoz tou keksoz i la, i zis lentere sa bann lekol ki nou bezwen travay lo la rod bann stratezi pour fer manrmay enterese.  Mersi.

 

MR SPEAKER

Ok. PS Kalebi, oule repet kestyon Onorab Larue pour PS Kiltir.

 

HON FLORY LARUE

Mersi Mr Speaker apropo pri Distrik Kiltirel ki sipoze take place sa lannen 2017 i en progranm ki sipoze pas tou le 2an, me selman mon pou re zis demann Mr Palmyre silvouple anliny avek sa lalis eski ou kapab anvoy lalis lekol akoz la ou’n nonm zis Beau Vallon i annan plizyer Lekol piblik e dapre mon pe konpran avek Lekol Anse Royale i ki zot napa manpower – i pa ki zot pa oule enplimante, zanfan i enterese Shayanne yer ti dir nou dan nou Lasanble ki zenn i anvi aktivite zot enterese zot pe rod manpower.  Mersi.

 

MR SPEAKER

PS Palmyre.

 

PS FOR YOUTH & SPORTS FABIAN PALMYRE

Ok pour mon asire Onorab vi ki ou dir ou ti partisipe ki tre byen savedir nou a kapab ganny ou sipor.  Award Leaders i volonter ok?  Bann Animater bann ki fer e la kot nou bezwen sipor akoz ordinerman i bann Teachers.  Me tou dernyerman nou’n vwar bann Teachers pa pe montre sa lentere e sa mon krwar problenm ki ou pe dir.  E se sa ki mon dir nou’n koz avek Minister Morgan pour sey regarde ki mannyer nou kapab ganny sipor.

 

MR SPEAKER

Onorab Larue dernyen kestyon.

 

HON FLORY LARUE

Mon still anvi Mr D’Offay i ogard sa kestyon.  Me selman mon ti oule advise Mr Palmyre ki anliny avek Lekol apre Meeting ki mon’n fer mon zwenn zenn dan Liniversite Sesel ki enterese, mon’n ekri lekol pour demann zot bann detay about sa progranm mon pa ankor ganny nanryen.  I annan dimoun ki enterese pour ed zenn dan distrik Mr Palmyre selman si napa sa Lorganizasyon nou pa gannyen sa lenformasyon, la mon lenformasyon letan mon rode avek Minister mon pa ganny ditou.  So zis pour met en pwen…

 

MR SPEAKER

Ok ou’n fer ou pwen petet PS Palmyre mon krwar ou kapab pran kontak avek oubyen Onorab Larue pran kontak avek PS Palmyre si oule bann zenn Anse Royale.

 

PS FOR YOUTH & SPORTS FABIAN PALMYRE

Mon ti a, Onorab Larue mon ti a byen kontan zwenn ek ou, mon ti a kontan zwenn sa bann zenn, pa bezwen anvoy kot lekol okenn par, anvoy direk kot Mr Palmyre.  Mersi.

 

MR SPEAKER

Tre byen, ok mersi PS Onorab Lemiel.  Wi Onorab Larue ou annan ankor en kestyon pour klarifikasyon,.

 

MINISTER MITCY LARUE

Mr Chair mon krwar i pour demann Mr D’Offay pour reponn sa kestyon, dezyenm kestyon Onorab Larue.

 

MR SPEAKER

Ok.

 

SPECIAL ADVISOR EMMANUEL D’OFFAY

Mersi Mr Chair.  Mersi Onorab.  District Awards nou’n fini pey tou distrik e i pa pour ganny lanse avan 2019 pour la senp rezon se lefe ki larzan in ariv dan bann distrik nou bezwen prezan travay ek sa bann distrik pour asire poudir sa ki zot in dir zot in fer lo zot proze, zot met li an aplikasyon.  I pa vo lapenn nou kontinyen lans Award nou kontinyen donn distrik larzan me apre i pa pe ganny enplimante.  So unless ki District Award premye i lanse ki’n lanse i take off nou pour met li on hold.

 

MR SPEAKER

Onorab Lemiel.

 

HON SYLVANNE LEMIEL

Mersi Mr Speaker.  Mon kestyon i, enn i pour Departman Lazenes anba bann ‘priyorite stratezik’ lo paz 560 zot in dir en pwen kot zot pour popilariz enplimant Polisi Lazenes avek Spor; mon ti a kontan konnen ki fason zot pour fer sa?  E konbyen zot pour allocate dan zot Bidze pour fer sa. Mon dezyenm kestyon i pour Departman Kiltir; lo nivo distrik mon konnen Anse Royale nou ti annan bann Library dan bann Sant Kominoter dan bann Ladministrasyon Distrik mon le konnen si i annan larzan dan bidze 2018 pour fer sa Library Anse Royale i vin operasyonnel?  Mersi.

 

MR SPEAKER

PS.

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon, wi sa lannen nou’n met an provizyon anba Bidze Library, pour nou fer renovasyon en pe sa plas nou ti gannyen dan District Administration pour nou kapab ekip li avek en pe nouvo liv.  Akoz sa bann liv osi dan Ladministrasyon Distrik nou konstate i pa ti dan bon eta e alors nou’n fer provizyon sa lannen dan Bidze.  Mersi.

 

MR SPEAKER

Onorab Lemiel ou ok?  Alright, PS.

 

PS FOR YOUTH & SPORTS FABIAN PALMYRE

Mersi Mr Chair e mersi Onorab Lemiel parey ou’n vwar nou Bidze i en pti pe limite parey mon byen kontan Onorab lot kote latab laba in dir e ki nou pe fer, se par egzanp linisyativ nou’n pran nou’n pran kontak avek CEPS nou’n broad zot directory tou bann Lorganizasyon Lazenes pe meet tou bann NGOs Youth, mon pe meet avek tou zot bann Chairperson letan i permet.  E nou pe ganny bann dyalog e en kantite keksoz enteresan i sorti avek sa bann zenn.  E prezan mon koz ek zot lo ki mannyer depandan zot konsern akoz Youth parey ou konnen i cross cutting depan zot konsern spesifik ki mannyer pour tackle.  Me selman lo kote Formel konmsi nou menm nou Departman nou annan parey nou pour vwar poudir byento nou pe vin avek en Communications Plan, pour sa i anba direksyon Minis pour fer sir ki tou keksoz ki nou Departman i fer annefe ki nou Minister i fer, i pour annan vizibilite, nou pour fer en pe tapaz.  E ou a vwar mon pe sey fer mon zefor mwan osi lo Facebook kot mon kapab, mon sey popilariz li, so lo son bout Formel menm nou annan en plan, Minis i annan son plan ki apel son Communication Plan for the Ministry ki byento zot pour tann sa Minister Youth Sports and Culture menm tro bokou me selman pour le moman nou pe sey fer mannyer nou kapab.  Mersi.

 

MR SPEAKER

Minis Larue.

 

MINISTER MITCY LARUE

Petet mon ti a kontan elabor en pti pe lo la.  Parey PS in dir nou pe travay lo en plan kot kominikasyon akoz nou bezwen kordin tou nou bann Antite akoz laplipar prezan pour pran Culture, ou pran NSC, ou pran SNYC tousala i annan pour fer avek lazenes dan diferan, li nivo Spot, lo nivo Lazenes osi, lo nivo Kiltir.  E nou pour menm pe travay avek bann diferan Minister par egzanp Ledikasyon Local Government, Lafanmir nou pour travay ek tou sa bann Minister ansanm ek bann NGOs pour nou kapab travay lo en plan aktivite pour lazenes.  Savedir bann zenn depi dan Lekol Post Segonder menm Primer ziska bann lazenes dan distrik, akoz nou anvi ki tou dimoun i annan en keksoz pour zot fer, en lokipasyon apre zot ler Lekol, apre ler travay, dan bann weekend pour zot kapab angaze, nou involve bann zenn, nou fer zot angaze pour tir zot en pti pe dan sa bann move lenfliyans.  So i en travay ki nou pe fer e definitivman an Zanvye 2018 nou pour lans lo en tre o nivo e nou pour pas lenformasyon avek piblik pour zot konnen.  E nou anvi bann distrik i vreman angaze avek nou Minister pour nou kapab fer sa travay arive.  Mersi.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker.  Mr Chair, bonzour tou dimoun.  Mr Chair mon anvi demann panel devan vi ki lo paz 575 lo zot strategic priorities zot in koz lo zot ‘provide skillful and qualified workforce,’ ladan, eski PS i kapab dir nou si zot annan, si dan Bidze i annan alokasyon pour en proper program konmsi pour bann Youth Worker lo SNYC la – bann Youth Worker  ..

 

MR SPEAKER

PS Youth.

 

HON NORBERT LOIZEAU

… akoz mon’n zwenn bon pe zot, zot lost, zot pa konnen….

 

MR SPEAKER

Ok, si i annan en progranm….

 

HON NORBERT LOIZEAU

Non mon ankor annan en lot kestyon.

 

MR SPEAKER

Ale go ahead.

 

HON NORBERT LOIZEAU

Apre si zot pe mazin, si i annan pour, si i annan en logmantasyon dan alokasyon zot Bidze ki zot gannyen pour fer bann progranm, bann pti aktivite dan distrik.  E osi dernyen Mr Speaker permet mon, eski zot in revise, i annan en revizyon lo allowance ki sa bann endividi ki pe travay avek bann team, School Teams kot bann Lekol vi ki zot pe travay avek 2 Team par 4 fwa par semenn e zot santi ki zot allowance R500 i en pti pe, si i annan en revise lo la?  Mersi.

 

MR SPEAKER

Mersi Onorab, PS Youth oubyen Minis.

 

MINISTER MITCY LARUE

Ok mersi Onorab mon krwar nou ava reponn tou ou bann kestyon pour ozordi anba letan nou diskit lo Antite SNYC akoz tou sa NSC avek SNYC.

 

MR SPEAKER

Ok.  Onorab ou a repran bann kestyon lo bann Youth Workers plitar.  Nou al kot Onorab Ghislain.

 

HON CHANTAL GHISLAIN

Mersi Mr Speaker.  Mr Chair mon kestyon i annan pour fer avek bann Atlet ki High Level Sports, mon pe regarde si zot pe pran li la, non ok.

 

MR SPEAKER

Minis.

 

MINISTER MITCY LARUE

Sa osi nou pour pran li anba NSC.  Mersi.

 

MR SPEAKER

Ok, Onorab Ernesta.

 

HON PAUL ERNESTA

Mersi Mr Chair.  Mr Chair letan mon, mon vwar lo paz 559 anba bann ‘current challenges’ e mon vwar ki i annan en konsern ki i annan en ‘lack of qualified personnel ‘e an menm tan anba zot achievement mon vwar zot in fer en Youth study zot in complete en Youth study pour sa lannen, mon kestyon i ki Polisi Minister i annan pour asire ki nou ganny nou bann bon e travayer lazenes konpetan.  E akoz konmela nou kapab dir nou letan nou get nou lazenes nou vwar bann travayer lazenes zot koman bann Animater ouswa bann mobilizater, mon bezwen avek sa syek ki nou ladan, sa lepok ki nou ladan nou bezwen bann travayer lazenes kalifye e kapab.  E apre mon dezyenm kestyon avek sa Bidze ki zot annan la actually, ki mannyer zot pour adres bann konsern ki’n deza ganny sorti dan sa Youth study ki zot in fek fini fer?  Mersi Mr Chair.

 

MR SPEAKER

PS.

 

PS FOR YOUTH & SPORTS FABIAN PALMYRE

Mersi Mr Chair e mersi Onorab mon pour kapab reponn ou bout kestyon akoz en bout i al, en pe i al kot SNYC e zot kapab pran sa.

Ou’n mansyonnen poudir ‘lack of qualified personnel’ mon pa konnen si zis an pasan ou a krwar ler mon koz lo la, akoz nou, nou ti pe refer pa lo Youth Worker me selman Youth Worker mon a kapab koz lo la nou pe, ler, parey mon ti dir pli boner nou Departman ti formen an Novanm 2016, ler Departman Sport ti zwenn ek Youth oparavan zot pa ti ansanm, zot ti dan diferan, enn ti kot Vis- Prezidan, enn ti kot Community, ler in zwenn mon krwar i annan nou pour konpran ki i pran ou en pe letan.  Par egzanp enn bann challenge nou ti annan, nou ti napa en HR e li i ti enportan akoz nou ti bezwen HR pour recruit lezot, me selman mon byen kontan pour dir nou annan en part-timer la en. Be prezan lo kote sa Youth study son wellbeing and quality of life i ti en keksoz ki nou ti fer an partnership avek SNYC.  E i vre sa ki ou pe dir pour nou ganny bon rezilta nou bezwen bann qualified Youth Workers.  Nou deza pe komans fer bann demars bann, mon ti ganny en Meeting ek bann dimoun DPA akoz enn bann challenge se Saler ok?  So nou pe, i annan 2 konponan i annan pour regard dan zot kondisyon, zot package, apre i annan Training, tou lede nou pe regarde, nou pe al pran kontak avek The Guy Morel Institute pour zot devlop en progranm e osi nou pe, nou’n komans dyalog avek DPA pour reviz Package e byensir i pour annan son konponan finans kot soz ok?  So byento nou a bouz ladan.

 

MR SPEAKER

Ok.  Onorab John Hoareau.

 

HON JOHN HOAREAU

Mersi Mr Speaker.  Mr Speaker mon kestyon i baze lo sa larzan ki’n ganny met dan Bidze pour koman Konpansasyon pour Employee’s anba SP2 pour Archives e National Library Services, mon ti oule konnen konbyen travayer i ganny kouver anba sa, pour ganny kouver anba la e si sa i include risk allowance oubyen si i include kouver medical compensation e osi si tou travayer i pe ganny li lo en baz ekitab?  Sa i premye kestyon. E dezyenm kestyon se lo paz 572, lo lenplimantasyon Progranm Fungus, Action Plan 2018- 2020 mon ti oule konnen konbyen larzan anba ‘maintenance and repairs’ pe al towards sa Progranm?  Mersi.

 

MR SPEAKER

PS Kiltir.

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon.  Anba National Library Services nou annan 38 Staff e an se moman zot pe receive en Location Allowance an ki pour fungus ki R1, 500 e sa i ekitab tou travayer pe ganny sa Location Allowance. National Archives li i annan 34 staff e osi zot osi pe ganny R1, 500 Location Allowance. Lo kote ‘maintenance and repairs’ dan Bidze ou pou regarde dan nou ‘building and infrastructure’ lo paz 573 ou pour vwar se i annan 2milyon ki’n ganny mete anba ‘building and infrastructure’ e sa i sa larzan ki pe ganny konsevwar i 1 milyon pour renovasyon National Library avek 1 milyon pour konsevwar en nouvo proze pour Arsiv.  Dan nou ‘maintenance and repairs’ sa i vin bann routin maintenance lo bann lezot Library ki nou annan parey nou annan Pointe Larue, nou annan Praslin, nou annan La Digue osi avek la Anse Royale ki nou pe mazinen.  So sa ‘repairs and maintenance’ i plito pour nou routine maintenance me sa renovasyon mazer nou’n ganny 1 milyon anba ‘building and infrastructure’ pour Library, avek 1 milyon pour konsevwar en nouvo Arsiv.  Mersi Onorab.

 

MR SPEAKER

Onorab Hoareau.

 

HON JOHN HOAREAU

So ou pe konfirm ek mwan poudir anba sa Bidze napa nanryen ki’n ganny mete pour kouver Konpansasyon medikal?

 

MR SPEAKER

PS.

 

MINISTER MITCY LARUE

Mersi Mr Chair.  Mr Chair larzan Konpansasyon pour travayer ki’n ganny afekte avek Fungus sa i pa dan nou Bidze i pour dan Contingency Fund.  Akoz? Akoz nou pa ankor finaliz kantite larzan ki zot pour gannyen.  Sa i avek AG’s Office e AG pe travay lo en sistenm ki mannyer pour, kantite Konpansasyon pour donn bann travayer.  Alor in ganny met anba Contingency apre ki nou a kapab pour peye, akoz nou oule pey li lannen prosenn boner.  Mersi.

 

MR SPEAKER

Onorab Herminie.

 

HON WILBERT HERMINIE

Mersi Mr Chair. Mr Chair mon pour demann mon kestyon ler Lazans i vini.  Mersi.

 

MR SPEAKER

Ok.  Onorab Andre

 

HON CLIFFORD ANDRE

Mersi Mr Speaker.  Mr Speaker mon ti a kontan demann PS Lazenes ki kantite dimoun i pour bezwen encandreur avek monitoring officers i pour bezwen akoz letan mon pe get son Bidze menm pour lannen prosenn i preski parey.  Mon ti a kontan refer Departman Kiltir lo paz 571 donn mwan en pti git leksplikasyon lo sa 5.4 milyon ki dan ‘building and infrastructure’ apre dan ‘goods and services’ lot detay Service Agreement and Outsourcing 1.7 milyon, apre i annan en 2 milyon pour ‘Acquisition of aircon’, donn nou en pti leksplikasyon.  Mersi.

 

MR SPEAKER

PS Kiltir.

 

PS FOR YOUTH & SPORTS FABIAN PALMYRE

Mersi Mr Chair e mersi Onorab, idealman apre nou a kapab fer nou louvraz byen, nou ti a kapab, nou ti a byen kontan ganny 4; sa pour eksplike i en monitoring officer pour Youth e enn pour Sport lo Mahe.  Apre nou ganny 1 Youth, 1 Sport lo Inner Islands.  Me selman byensir si i pa permet at least 2 ti ava tre byen.

 

MR SPEAKER

Onorab Andre ou ok avek sa?  Ok.

 

PS FOR CULTURE CECILE KALEBI

Mersi Mr Chair, e mersi Onorab pour ou kestyon.  Anba sa ‘building and infrastructur’e sa detay se nou annan 3.4 milyon ki al towards repayment to GICC sa i pour Rental Agreement pour batiman ex-Supreme Court pour nouvo Mize Nasyonal.  Apre nou osi …

 

(Interruption)

 

MR SPEAKER

Go on, go on PS Kalebi.

 

PS FOR CULTURE CECILE KALEBI

Yes nou osi annan R500mil ki al pour setting up of nouvo Mize e nou osi annan 1.5 milyon ki’n ganny mete osi pour renovasyon pour setting up nouvo Mize.  Nou lot si Onorab ti kapab repet sa lot kestyon pour ‘goods and services’ please.

 

MR SPEAKER

Onorab Andre.

 

HON CLIFFORD ANDRE

Yes, sa lot i pour sa Service Agreement Outsourcing 1.7 milyon apre sa 2 milyon ki mon vwar ‘aircon acquisition. ‘

 

MR SPEAKER

 

PS FOR CULTURE CECILE KALEBI

Ok pour sa 2 milyon pour ‘acquisition of aircon’ sa i annan pour fer avek acquisition centralized aircon system ki sipoze plase kot National Library.  Apre pour ‘Maintenance and Service Agreement’ nou annan 2 Maintenance Officers ki nou kite on staff e sa i pour cater pour zot Kontra ki nou pran avek zot.  Mersi.

 

MR SPEAKER

Onorab Andre ou ok avek tousala?  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker 2 kestyon, 2 pti kestyon mon’n fer en total en depans ‘rent’ pour Departman Kiltir avek pour Departman Sports ler ou met tou lede ansanm pour Departman Kiltir i plis ki 4 milyon pour Departman Sports, Lazenes ek Sports i 2.1 milyon i fer 6 milyon.  Mon ti a kontan konmsi zot eksplik Lasanble ki mannyer, kantite landrwa zot lwe e ki mannyer nou kapab annan Bidze ki sitan gran koumsa?  Dezyenm se pour dan Departman Kiltir mon vwar poudir zot depans apepre R100mil par Mwan zis pour telefonn dan Departman Sport e Lazenes i ok i rezonnab, me dan Kiltir i apepre R100mil par mwan i en kantite, i en gro sonm, eski zot kapab zistifye sa silvouple?

 

MR SPEAKER

PS.

 

PS FOR CULTURE CECILE KALEBI

Mersi Mr Chair, mersi Onorab pour ou kestyon.  Pour nou rental kote Departman Kiltir nou annan Pension Fund Complex ki nou rent Praslin, sa i pour Library.  Nou osi annan nou’n met provizyon pour lwe Bel Etang 1 Unit sa i pour bouz Libreri Nasyonal. E  an konsiderasyon avek rekomandasyon fungus recommendation ki’n dir ki nou pour bezwen fer renovasyon lo National Library nou’n fer provizyon pour nou ganny rental kot Helena Building Ile Du Port – sa nou pour met National Library Jupiter House pour bouz National Archives Services e Le Chantier Mall pour bouz Administrative Block, e tou sa bann Seksyon i baze dan National Library.  Alors se sa ki ou pour vwar en gro logmantasyon rental dan nou Bidze.  Nou osi parkont annan rental ki nou peye pour bann volunteer, Chinese volunteers ki nou gannyen ki ede avek montre laprantisaz lanmizik kot Lekol Lanmizik e alors en konponan sa Bidze i al ladan. Lo kote pour telefonn Departman Kiltir i annan apepre 6 Seksyon ki tonm anba li e nou annan Mize, nou annan Archives, National Library, nou annan Lekol Lanmizik, nou annan osi International Corperation, nou annan National Heritage e alors sa 100mil i ganny disperse en pe dan sa bann lezot Seksyon.  Mersi Onorab.

 

MR SPEAKER

Onorab Ferrari.

 

PS FOR YOUTH & SPORTS FABIAN PALMYRE

Ok mersi Mr Chair, mersi Onorab, ok parey mon’n eksplike nou annan, zot in remarke i annan sa ‘Duke of Edinburgh’ ki osi i tonm anba mon Departman li i lwe kot Orion Mall avek Pension Fund i lwe 160 square meters at R230 per month, i annan Sekretarya PS ki nou lwe 289 square meters at R220 per square meter.  E annefe mon osi Accounting Officer Sekretarya Minis, so pour Sekretarya Minis 150 square meters at 220.

Annefe Onorab ek Pension Fund, annefe avek Fon Pansyon i pe, lannen prosenn i pe al annan en increase. So ou kapab mazinen lenplikasyon me selman anba 300 mon krwar i ankor rezonnab akoz mon’n fer en pe research i pa fasil pour ganny rent 300 ou pli ba.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Ok Mr Speaker 2 pti kestyon, 1, se konsernan sa Deputy Director CONFEJES mon ti a kontan konnen si i en dimoun ki deza dan Lanplwa ki pa ganny e dezyenm saler oubyen si en dimoun ki pour transfer, sa i enportan. Dezyenm kestyon mon ti a kontan si dan Departman Kiltir PS i kapab koz en kou avek nou lo sa Seksyon, sa Seksyon International Corperation i aparaman dapre lenformasyon ki mon gannyen i teribleman overstaffed par bann dimoun ki pa pe, ki napa en gran sa nou, nou fer International Relations nou menm nou koman bann Manm, so koriz mwan oubyen, koriz mwan si i byen ki bann kalite staff ki zot annan ladan e ki level silvouple.

 

MR SPEAKER

PS International Corperation ou Kiltir.

 

PS FOR CULTURE CECILE KALEBI

Mersi Mr Chair. Mr Chair mersi Onorab, Mr Chair kot Departman Kiltir nou annan zis 1 staff ki tonm dan International Corperation e i terribly understaffed akoz sa menm dimoun ki fer International Corperation i bezwen fer International Corperation pour tou sa bann Seksyon ki mon’n nonmen e sorry?

 

HON JEAN-FRANCOIS FERRARI

….(Mic Off)

 

PS FOR CULTURE CECILE KALEBI

Non i zis en dimoun

 

MR SPEAKER

Zis en dimoun ou pe dir?

 

PS FOR CULTURE CECILE KALEBI

Ki mon annan, Ms Najoie Philoé i Liaison Officer dan International Corperation.  Mon annan zis 1 dimoun ki fer International Corperation.

 

MR SPEAKER

Savedir ou understaffed ki olye overstaffed.

 

PS FOR CULTURE CECILE KALEBI

Very understaffed if anything, sorry…

 

MR SPEAKER

Wi Onorab, sorry PS mon’n koup ou eskize ou ti pe dir en keksoz, ok?  Onorab Valmont, PS Palmyre.

 

PS FOR YOUTH & SPORTS FABIAN PALMYRE

Mersi Mr Chair, mersi Onorab, Deputy Director CONFEJES i aktyelman baze Senegal,  In fini bouz dan pozisyon i ti oparavan mon Technical Advisor, in bouze son saler in bouz ek li.  Nou ki pey li wi.

 

MR SPEAKER

Kote in bouze, in al Senegal?

 

PS FOR YOUTH & SPORTS FABIAN PALMYRE

Wi CONFEJES i Senegal.

 

MR SPEAKER

Ah bon ok sorry mon pa’n… Onorab Valmont.

 

HON JUDE VALMONT

Mersi Mr Chair.  Bonn apre midi ankor enn fwa si pour sa ki Onorab Ferrari zis mon pour azout en pti keksoz lo la, ki son rol egzakteman sa Deputy Director CONFEJES e ki lavantaz i anmennen pour Sesel pour benefis piblik.  Dezyenm mon refer lo paz 559 bullet No. 5 ‘current challenges,’ mon vwar mankman mekaniz pour ed zenn partisip dan bann progranm an rezilta konstrent finansyer, mon’n tann Minis tous en pe lo Communication’s Plan mon ti a voudre konnen ki mannyer sa Bidze 2018 i adres sa challenge.  E mon trwazyenm kestyon i lo 560 latab No. 2 program 2 Youth and Sports Development, mon vwar en logmantasyon sorti an 2017 apepre 1.4 milyon; pour 2018 la i pe prozekte pour 2. 6 milyon alor mon ti a voudre konnen ki rezon sa logmantasyon?  E ki nou pour vwar an plis an 2018?  Mersi.

 

MR SPEAKER

PS.

 

PS FOR YOUTH & SPORTS FABIAN PALMYRE

Mersi Mr Chair, mersi Onorab mon a pran ou logmantasyon avan, sa logmantasyon 1.4 pour vin 2.6 sa i tonm anba progranm parey mon ti eksplike nou annan 2 progranm anba PPB sa enn i apel Youth and Sports Development Monitoring and Support.  Li ki son, akoz logmantasyon, se ki nou’n ganny en post-funded ok, dan sa pour fer Program Development Monitoring.  Nou osi annan salary enhancement bann dimoun ki ti deza la i annan promosyon pour 3 dimoun, i annan Renewal of Contract dimoun ki ti deza la, sa lo kote konpansasyon saler. Lo kote bann servis nou annan bann Air Fares Domestik pour al Praslin, La Digue, lo kote transportasyon parey pick up akoz anba sa progranm sa larzan la ‘Duke of Edinburgh’ i tonm ladan zot al kanpe zot bouz en ta keksoz, mon a kontinyen Onorab?  Ase i annan ankor 10 so plito ou save letan en.

 

MR SPEAKER

Mon krwar Onorab ou ok?  Be i dir ou i ankor annan 10.

 

PS FOR YOUTH & SPORTS FABIAN PALMYRE

Ok, lo kote CONFEJES ok, CONFEJES ok, mon pour bezwen eksplik ou en pti git CONFEJES.  CONFEJES  i Konferans Ministeryel bann pei Francophone en e zot ed bokou, si ou ti regard Nouvel ou pour vwar dernyen fwa ti annan en working group ti vini, zot ti ziz bann proze bann zenn Antreprener e ou ti ava’n mazinen poudir 6 Seselwa ti ganny funding pour zot bann pti antrepriz e CEO SNYC i a kapab donn detay egzakt me selman nou’n ganny deza 300mil ouswa 300mil sote an term finans e sa CONFEJES ki peye.  Prezan nou Deputy i pour laba, ki i arive, parey ou konnen nou elwanye nou en pti Zil nou osi Anglophone e sa osi ti en dezavantaz pour nou, nou pa ti pe konn tou keksoz e ler li in ganny sa sans in al laba i pour anmenn en kantite re tonbe pour nou.  I fer nou konnen lo kote Sport, Lazenes, Lantreprenarya i pour anmenn bokou benefis.  Saler ki nou pe pey li i minim konpare avek re tonbe ki nou pour gannyen.  Mersi Onorab.

 

MR SPEAKER

Savedir i en Seselwa ki Abidjan.

 

PS FOR YOUTH & SPORTS FABIAN PALMYRE

En Seselwa Mr Chairman.

 

MR SPEAKER

Ok, Onorab Georges.  Wi i annan en kestyon ki pa’n ganny reponn?

 

HON JUDE VALMONT

Mersi Mr Speaker.  Mon trwazyenm kestyon lo paz 559 sa bullet No. 5 la lo ki mannyer Bidze 2018 i adres sa challenge?  Mersi, sa challenge mankman mekaniz pour ed bann zenn partisip dan bann progranm an rezilta konstrent finansyer, sa pa ankor ganny reponn.  Mersi.

 

MR SPEAKER

Me pa sa ki Onorab Vidot ti demande taler?

 

MR SPEAKER

Minis.

 

MINISTER MITCY LARUE

Ok mon ava, ok petet zis pour donn leklersisman.  Parey mon’n dir taler nou en Minister, nou annan Sports, nou annan Kiltir, nou annan Lazenes nou, nou servi nou bann manpower e menm resours pour nou kapab dres nou bann problenm, nou bann aktivite ki nou anvi organize.  Savedir nou servi resours, si pa egzanp i annan en zafer pour fer avek Sport. Sport i annan son bann resours apre nou, nou kapab donn mendev ansanm pour nou fer akoz nou kapab fer li avek resours ki nou annan dan tou nou bann antite, ok?  I pa neseserman nou bezwen Bidze Siplemanter bokou plis ki sa ankor.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Chair.  Mr Chair mon annan en kestyon sakenn pour Sport ek Kiltir.  Lo kote Sport Mr Speaker mon demann sa kestyon la par MNA sa distrik ki’n prodwir bann frer Raform Kitson Matthieu, (sorry)  Hudson Mathieu, Kitson Julie e ki’n akey Erica Nioles, Janette Thelermont, ekseteraMon kestyon se sa, mon pa vwar dan Bidze okenn larzan pour siport e Reward bann Atlet oubyen en Scheme ki pour ed bann Coach devlope, mon konnen nou’n koz bokou lo la me mon pa vwar a mwens ki mon pa’n byen regarde okenn sipor pour sa bann keksoz e mwan en pe per ki si nou pa siport zot nou performans lo bann, dan bann Tournwa Enternasyonal pour tonbe.  Sa se lo kote Sports zot ava eklersi mwan silvouple lo la.  Lo kote Kiltir avek ou permisyon Mr Chair mon ti a kontan felisit Minister pour sa Byenal ki nou pe swiv pandan sa moman e demann zot dan konteks, kan eski akoz mon pa vwar ankor dan Bidze nou kapab esper ganny en Galeri Lar Nasyonal avek nou bann lobze Lar ladan, e osi akoz mon pa vwar li, ki’n arive avek proze Musée de la Marine?  Mr D’Offay i riye akoz i konnen mon ti pour al demann sa kestyon silvouple.  Mersi.

 

MR SPEAKER

PS Sport avan apre Minis, wi.

 

MINISTER MITCY LARUE

Ekoute mersi Mr Chair.  Petet premye kestyon Onorab ou repons par egzanp pour bann Atlet O Nivo – zot performans bann Reward ki nou donnen sa i pour tonm anba Bidze NSC nou a kapab donn zot detay lo la.  Mersi. Prezan demann PS…

 

MR SPEAKER

Ler nou ava ariv NSC nou a koz lo la; Ok PS Kiltir

 

PS FOR CULTURE CECILE KALEBI

Mersi Mr Chair,  Mersi Onorab pour ou kestyon, lo kote pour Galeri en koleksyon Nasyonal pour Lar nou annan an se moman en koleksyon Art Work ki anba responsabilite Departman Kiltir ki ti pe kontyen en koleksyon Nasyonal.  E nou pe re travay lo la pour met li azour ki nou kapab finalman ganny en landrwa pour met li, alors sa i en proze ki nou pour pous li pour 2019. Lo kote Musée la Marine sa proze i ankor la, nou pe travay lo son konsepsyon me selman an se moman nou priyorite kot Departman Kiltir an term proze, se pour nou enplimant bann renovasyon pour Arsiv ek Library.  E nou ankor an diskisyon avek Minister pour Later pour nou kapab idantifye en lokasyon soutenab pour sa Mize.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Chair.  Zisteman lo la Mr Chair mon note ki e mon ensiste ki dan Bidze la nou bezwen rod en fason, rode en larzan 1milyon, en R2 milyon pour nou National Arts Collection ki pe ganny mansyonnen la i bezwen antre.  Parske nou pe koz Byenal e sa bann prodwir la lekel ki pour aste, nou pa pe aste ditou kantmenm nou annan sa ki avan la, nou ensiste ki bezwen annan en larzan pe aste pe met la.  E dezyenmman lo sa kestyon landrwa, landrwa nou ensiste osi ki zot fer en negosyasyon enportan e irzan, avek owner sa later vizavi National library ant Kenwyn House avek soz la Le Chantier Mall, sa bout later la ,si zot ti gannyen i ti ava ideal akoz i lo bor kanmarad e letan kontrer ou’n tir, ou’n fer sa building laba, ou’n tir keksoz dan National Library pour ou kapab repar li akoz sa bann zafer Fungus epi ou kapab fer ou National Arts Collection ladan dan sa National Library li menm.  Konmsi i en travay la i devret ganny konsevwar dan sa fason – mon ensiste ki zot travay lo la vitman fer negosyasyon avek sa owner e les Gouvernman sirmont ladan.  Mersi.

 

MR SPEAKER

Minis responsab pa reponn konmela i annan en sizesyon ki’n ganny fer mon pa konnen pour ki sa later ou al bezwen sey al fer serten resers.  Me Onorab Georges ou ti annan en kestyon siplemanter.

 

HON BERNARD GEORGES

Mr Chair avek ou permisyon wi.  Mon kestyon annefe pa telman siplemanter me mwan ava demann ou lendilzans lo paz 565 mon vwar ki nou’n resevwar €90mil koman en don avek UNESCO, eski sa larzan mon konpran, si mon konpran li byen in ganny depanse lo progranm nimero 2 lo paz 569 oubyen i pe ganny depanse en lot landrwa?  E pandan ki mon la mon ava remersye LGB pour son sipor pour Galeri Lar.

 

MR SPEAKER

PS.

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon.  Sa Don ki nou’n gannyen koman nou achievement se ti pour en proze ki nou ti submit avek UNESCO pour funding pour komans met lanfaz lo proteksyon nou Kiltir entanzib.  E alors UNESCO in aksepte nou proze e sa proze in ganny soumet par Seksyon Leritaz Nasyonal.  E nou’n ganny aksepte pour sa proze, i annan 4 aktivite an prensip anba sa proze.  Enn nou’n fer en Workshop deza pour sansibiliz manm Lakominote lo kisisa sa Konvansyon UNESCO 2003 lo Proteksyon Kiltir Entanzib.  E osi pour ganny en pe sansibilizasyon ek manm piblik.  Mersi Onorab.

 

MR SPEAKER

Onorab Afif

 

HON AHMED AFIF

Mersi Mr Speaker.  Mon kestyon i baze lo paz 560 e mon ti a kontan demann Departman Sport pour eksplik ‘consultancy’ ki zot annan pour R480mil.  E zis pour remind PS Finans ki ankor la nou pe vwar en gro rent R2.1 milyon anba Departman Sport ankor zis pour donn en legzanp avek sa larzan si ou pe peye pandan 5an, 7an ou ti a’n fer R9 milyon en batiman i ti a donn ou 440 met kare.  So ankor enn fwa vreman nou pe spend en kantite larzan dan Bidze ki pa devret la. Pour Departman Kiltir mon kestyon akoz zot pe depans R15mil par zour pour elektrisite, ou’n dir ou annan 6 Lorganizasyon anba ou sakenn dizon R3, 000 par zour eski ou vwar sa rezonnab?  Sekirite R1 milyon eski zot in tender pour sa Sekirite?  Konbyen dimoun ki pe travay eski ou vwar sa rezonnab?

E ou mansyonn poudir centralized aircon pour R2 milyon eski zot pe vwar sa bann sistenm i marse sa bann central aircon parske mon vwar bokou landrwa pli ale pe servi bann split unit, ki paret en pti pe pli reliable malgre petet i kout en pti gin pli ser me mon kit sa avek ou.  Mersi.

 

MR SPEAKER

PS Palmyre.

 

PS FOR YOUTH & SPORTS FABIAN PALMYRE

Mersi Mr Chair, mersi Onorab.  Si mon’n sezi byen ou kestyon ou pe demann en pe detay lo ‘consultancy,’ ‘consultancy’ nou annan parey nou’n koze taler Duke of Edinburgh e zot, zot pe bouze ek teknolozi zot pe al lo en keksoz ki apel Online Record Book e sa aparaman bann zenn pour kapab servi zot bann telefonn portab tablet, pour zot fer zot bann keksoz ki avan zot ti pe fer antre manually.  E sa nou pour bezwen Konsiltan sorti deor akoz i en progranm sorti deor pour vin train nou bann Award Leaders.  Nou osi, taler mon’n mansyonn sa Communications Plan ler kestyon ti ganny demande mannyer pour popilariz nou bann progranm; nou annan nou National Youth Policy pe al fini an 2018, savedir nou pour bezwen antre dan sa faz review, nou pour bezwen fer bann surveys.  E nou osi annan bann bout kot nou konsilte ek bann zenn bann ptipti ‘consultancy’ kot nou bann zenn ok nou donn zot en pti larzan pour a gran sa, so ler ou azout tousala i ganny an total.

 

MR SPEAKER

PS Kalebi lo telefonn.

 

PS FOR CULTURE CECILE KALEBI

Mersi Mr Chair.  Mersi Onorab pour ou kestyon.  Mr Chair lo kote sa bill elektrisite ki nou servi, kot Departman Kiltir nou annan servis ki spesyalize, nou annan National Archives, National Museum, Record Center e sa i landrwa ki nou bezwen kit nou aircon on akoz i nature of nou bann dokiman ek nou bann exhibit ki nou prezerve. Alors sanmenm sa ki ou pe vwar sa logmantasyon e osi la avek nouvo batiman Mize ki nou pe gannyen i 2 storeys e nou ekspekte nou pour ganny en logmantasyon lo la.  Lo kote sa ‘centralized aircon,’ sa ‘centralized aircon’ ti’n mete dan Bidze provizyon pour re etabli sa sistenm ‘centralized aircon’ ki ti deza egziste dan Libreri Nasyonal.  Me parkont i ava depan lo renovasyon ki ganny fer ek bann rekomandasyon pour vwar si vreman nou ava re etabli sa ‘centralized aircon’ or parey Onorab pe sizere nou al pour split units.  Lo kote sekirite pour le moman i annan zis en Sekirite ki nou ti fer tender e sa i en Security ki nou pe offer sa servis Sekirite kot NCPA, Bidze in fer provizyon pour nou tender-out Kontra Sekirite pour met kot nouvo Mize, akoz son lokasyon dan Sant Lavil i mean nou pour bezwen en Sekirite adisyonnel e osi kot Record Center.  Mersi Onorab.

 

MR SPEAKER

Onorab Pillay.  Sebastien Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann Departman Kiltir premyerman an relasyon ek sa Fungus Action Plan ki zot pe met an plas i annan en kestyon ki’n tous sa, me i pa’n tous bout sa size i annan pour fer avek sa bann reparasyon ki zot pe fer dan Libreri Nasyonal e sa nouvo building ki pe tonm anba PSIP, mon ti a kontan konnen si sa i ase larzan pour zot kapab once and for all deal ek sa sityasyon akoz lannen apre lannen i repete nou tann solisyon laba so mon ti a kontan ganny klarifikasyon from Departman Kiltir, from Minis e from PS Finans kan egzakteman ki nou konnen poudir sa zafer pe al ganny deal avek once and for all.  Mersi Mr Chair.

 

MR SPEAKER

Minis petet ou kapab donn nou sa lasirans ki sa i a ganny rezourd.

 

SPECIAL ADVISOR EMMANUEL D’OFFAY

Onorab mersi pour kestyon, mersi Mr Chair.  E keksoz ki fodre konpran larzan nou pa pour konnen ki kantite nou pour bezwen la ziska ler nou’n sorti an Desanm dan sa batiman MLUH ki responsab pour re vin get sa batiman dan son totalite, re met li parey i ti ete oparavan e nou, nou ekspekte Minister Kiltir i ekspekte ki ler batiman i rann nou’n anmenn dimoun ki responsab pour mikrob, vantilasyon, bakteri, fungus, ki ler nou rantre dan sa batiman nou annan en Sertifika ki certify the building i safe.  Si non nou pa pour antre ladan.

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair. Mr Chair so given lenportans nou Larsiv akoz i form par nou listwar e sa bann dokiman lenportans ki zot annan pour nou listwar, kwa egzakteman prezan provizyon ki’n ganny mete dan sa Bidze ki pe permet zot kit sa bann dokiman enn fwa pour an sekirite mon pe koz petet lo sa 1 milyon ki zot in gannyen anba PSIP e prezan mon pe demande eski sa 1 milyon i ase pour zot kapab fer sa travay?  Akoz petet bokou dimoun pa pe konpran lenportans sa bann dokiman me nou pour konpran son lenportans ler nou’n perdi li.  So mon ti a kontan konnen si Minister in ganny Bidze adekwat pour fer sa travay e si non zot pa’n gannyen eksplik nou kwa ki zot ti’n demande pour nou kapab ganny en nide petet lo kwa egzakteman ki sa i entail?  Mersi.

 

SPECIAL ADVISOR EMMANUEL D’OFFAY

Onorab sa larzan ki nou’n gannyen i pour demar en proze kot nou pe assess pour nou fer en Larsiv dan son totalite e deza nou an negosyasyon avek Departman MLUH pour nou dabor ganny en bout later ki son landrwa ideal e nou pe, akoz ou pa kapab met en Larsiv dan nenport ki landrwa tro ba, ou bezwen met li landrwa pli o posib.  Nou an negosyasyon por ganny en bout later kot National White House ti ete lontan ki tre o deryer NCC so nou pe, sa milyon ki nou’n gannyen se pour ed nou konsevwar komans son konsepsyon, nou menm annan lezot pei bann Lanbasad ki pare pour donn nou lasistans pour anvoy bann Expert pour ki ler nou fini Larsiv nou pa retourn ankor dan bann problenm lepase.

 

MR SPEAKER

Kestyon ki poze Minis avek ou lekip, se antretan, mon pa konpran sa zafer building nou pe espere later zot rode, me antretan kestyon ki Onorab Pillay pe demande ki tre, tre enportan ki nou pour fer pour sov sa bann parske si nou perdi li i fini . Sa ki kestyon, i pa zis Onorab Pillay ki’n demande, mon osi mon’n ganny demande sa ki ou pour fer ou ti Minis Kiltir si nou perdi keksoz ki’n la pour 40an nou pa pour ganny li ankor i ale, i fini nou pa pour vwar li lo map.  Ki nou pe fer sa ki nou oule konnen?

 

SPECIAL ADVISOR EMMANUEL D’OFFAY

Nou’n fer dan Bidze i annan e nou pe fer, i annan provizyon dabor nou pe relocate ok, relocation of Archives anmenn li en lot landrwa nou pe fer tou sa ki nou kapab.  Wi si zot ti kapab donn nou en pe larzan ki kot in freeze nou a kapab fer plis nou ti swete ganny en pe plis larzan, me nou pe fer ek sa ki nou annan.

 

MR SPEAKER

Alor Lasanble i a bezwen defrost en pe.  Onorab Ramkalawan dernyen kestyon avan nou vote. Onorab Ramkalawan.

 

(laughter)

 

HON WAVEL RAMKALAWAN

Mersi Mr Chairman. Mr Chairman mon en pti git, petet mon bezwen en pti git gidans Val de Pres nou dan son size la?  Non nou pa dan son size.

 

MR SPEAKER

Non Val de Pres i tonm anba Leritaz Fondasyon.

 

HON WAVEL RAMKALAWAN

Wi, Mr Speaker mwan mon ti ava kontan demann 2 pti kestyon sa nouvo Mize la ki zot pe gannyen, eski ladan pour osi annan en Seksyon kot i ava annan tou bann kado ki Prezidan Faure avek Prezidan Michel osi tou in gannyen, konmsi nou ankor konnen kote zot ete sa bann kado.  Sa i enn.  Dezyenm; be sa Mize la mon pe kalkile si dan Bidze zot annan okenn provizyon pour, en bon provizyon pour maintenance vi ki sa, fodre nou mazinen ki’n fer ek laso li, ek laso e nou konnen ki son problenm laso, i pour annan mwazi, i pour annan sa dampness toultan e zot sorti dan problenm Fungus, la ki lot kalite zafer ki zot pour al gannyen.  Apre sa Mr Speaker sa, si zot ti kapab dir avek nou ankor enn fwa la mon pa konnen mon nepli konnen parske zot bann Departman zot, i annan en bann diplikasyon mon kapab apel sa open air cinema, nou lo son size la, i pa tonm ladan li.  I tonm anba?

 

MR SPEAKER

PS eski i tonm anba zot Bidze sa?  Non.

 

HON WAVEL RAMKALAWAN

Ah MLUH pa zot.

 

MR SPEAKER

Ok.

 

HON WAVEL RAMKALAWAN

Ok apre Mr Speaker mon bezwen demande, Minis eski ou annan ou en Special Advisor dan ou, ou annan en Special Advisor i travay avek ou?  E si wi ki son Bidze, Special Advisor Mr D’Offay, ou napa lot ankor?  Ou annan 3 Special Advisor zisteman sanmenm sa ki nou anvi…

 

(Interruption)

 

MR SPEAKER

Hold on.  Order! Order! Order! Les Onorab demann son kestyon, Minis i a eksplik son 3 Special Advisor.  Yes Onorab.

 

HON WAVEL RAMKALAWAN

Wi, wi si ou ti ava kapab donn ou detay sa 3 Special Advisor ki zot fer e konbyen zot pe kout nou dan sa Bidze?  Mersi bokou.

 

MR SPEAKER

Minis.

 

MINISTER MITCY LARUE

Mersi Mr Chair wi mon annan 3 Special Advisor – 1 pour Youth – 1 pour Sport, avek 1 pour Kiltir.  Mon annan 1 la devan mon Mr D’Offay, mon annan lot la pour Youth, apre mon annan lot laba pour Sport.  Savedir zot travay se ki zot advise Minis dan sa bann Departman i annan travay ki zot fer par egzanp zot osi donn koudmen travay lo policies ki nou annan, zot fer en pe travay lo monitoring osi akoz en bon pe travay ki nou fer pour fer sir ki bann travay pe marse, zot monitor en pti pe, zot travay an kolaborasyon avek bann diferan antite pour vwar ki mannyer pour ale, donn konsey, gidans apre raport avek mwan pour nou konnen ki mannyer keksoz pour bouze; si i annan okenn konstrent, okenn problenm pour nou rektifye ansanm.  Letan par egzanp letan i annan bann meeting ki nou fer zot pran minutes Meeting zot osi, zot fer en follow-up  lo bann desizyon ki’n ganny pran, follow-up…

 

MR SPEAKER

Minis.

 

MINISTER MITCY LARUE

Apre zot fer swivi lo bann Lasirans Lasanble osi, se zot ki fer bann swivi lo Lasirans Lasanble e pour fer sir ki bann dimoun i donn bann swivi pour nou reponn e zot advise en pti pe Minis lo policy bann stratezi ki nou bezwen pran i annan en kantite travay ki zot fer.  Zot pa reste nanryen fer, konbyen i kout nou?

 

MR SPEAKER

Ok, Onorab Leader Lopozisyon ou ti le Bidze?

 

HON WAVEL RAMKALAWAN

Curator i pa ankor reponn.

 

MR SPEAKER

Curator, Mr D’Offay ou le Museum?

 

SPECIAL ADVISOR EMMANUEL D’OFFAY

Non Mr Chair mers bokou mon pa ti a kontan reponn li Museum, mon ti a kontan reponn lo Special Advisor lefe ki mwan mon…

 

MR SPEAKER

Special Advisor pa’n demann, eskize Mr D’Offay Special Advisor pa’n demann kestyon pour ou, in demann kestyon pour Minis, ler ou a ganny demann kestyon ou a reponn, la i Minis ki’n reponn kestyon. Onorab Ramkalawan.

 

HON WAVEL RAMKALAWAN

Mr Speaker, ok sa 3 ki Minis in mansyonnen mon ti anvi demann li si Manmzel Beguitta Jeannevole i osi travay dan ou Minister silvouple.

 

MR SPEAKER

Minis.

 

(Interruption)

 

HON WAVEL RAMKALAWAN

Non, non mon pe regarde si i annan en Bidze pour li pour mon konnen ki pour fer…

 

(Interruption)

 

MR SPEAKER

Order!  Order!  Minis wi oubyen non?  Wi ok.

 

HON WAVEL RAMKALAWAN

Wi be zisteman Mr Speaker mon anvi konnen ki i fer e konbyen i pe kout nou, konbyen i pe kout nou, wi Mr Chairman mon anvi dir avek Onorab Pillay, Sebastien Pillay mon pour demann sa kestyon akoz Gouvernman i ranpli avek bann failed Parti Lepep MNA ki zis antre dan Gouvernman e pe kout nou en kantite larzan.

 

(Interruption)

 

MR SPEAKER

Ok Onorab, Onorab Order! Order! Order! Order! Order! Minis espere, Order! Onorab Pillay, espere Onorab, Order! Minis espere.

 

MINISTER MITCY LARUE

Mersi,

 

MR SPEAKER

Minis espere.

 

MINISTER MITCY LARUE

sorry.

 

MR SPEAKER

Kestyon ki’n ganny demande i tre spesifik Minis, in demann lo en dimoun evidaman si sa dimoun i la, i bezwen annan en cost e in demande konbyen i arive.  I senp. Minis.

 

MINISTER MITCY LARUE

Mersi Mr Chair, wi sa dimoun i travay dan Departman Lazenes i en Direkter Zeneral pour Policy e son Bidze i dan son lapey dan Bidze.  Mersi.

 

MR SPEAKER

Eski ou konnen konbyen i arive Minis oubyen ou pou napa sa lenformasyon?  Order!

(Interruption)

 

MINISTER MITCY LARUE

Ok son Saler i 21mil.  21.

 

 

MR SPEAKER MR SPEAKER

Ok bon, ok bon nou reponn tou kestyon nou’n pran tou kestyon tou dimoun ki le, nou bezwen pran en vot e PS Payet nou pe pran en vot lo paz 559 Departman Youth and Sports apre nou pe al lo paz 565 Department of Culture , PS, PS Payet.

 

PS PATRICK PAYET

Mr Chair selman nou pour pran en sel vot akoz zot anba en sel.

 

MR SPEAKER

Wi, wi se sa mon pe dir, selman mon pe gid Lasanble, premye i lo 559 i Departman Youth and Sports to be appropriated 12.3 milyon epi nou pe osi vot lo Departman Kiltir, akoz nou’n pran kestyon lo tou le 3 Departman lo 565 e ankor pour zot to be appropriated Departman Kiltir i 63.9 million.  Tou bann ki pour lev zot lanmen?

 

MADAM CLERK

Mr Chair 19 Manm an faver. Mersi.

 

MR SPEAKER

En Onorab pa ti ankor tro sir si i pour vot wi ou byen non, mersi Clerk savedir ki Bidze pour Departman Zenes ek Sport e Departman Kiltir in ganny aprouve par Lasanble Nasyonal.  Mon krwar a sa pwen in ler pour nou pran en break i annan ankor lezot Heads pour nou tous lo la ki tonm anba Minis Larue i annan Seychelles National Youth Council; i annan National Sports Council apre i annan CINEA Creative Industries and National Events Agency – mon sizere ki vi ki, Onorab Pillay.

 

HON STEPHEN PILLAY

Nou annan Heritage Foundation osi Mr Speaker just en klarifikasyon.

 

MR SPEAKER

Sorry mon pa’n konpran.

 

HON STEPHEN PILLAY

Mon krwar nou annan Leritaz Nasyonal osi…

 

MR SPEAKER

Wi, wi se sa i annan lenformasyon ki Minis pour anmennen lo National Heritage Foundation me petet sa i pour vin, ou a vin demen.

 

HON STEPHEN PILLAY

Non Mr Speaker mannyer mon’n konpran i pe vini demen.

 

MR SPEAKER

Wi, wi Minis se sa non?

 

HON STEPHEN PILLAY

Heritage Foundation pe vini demen?

 

MR SPEAKER

Minis Larue eski….

 

MINISTER MITCY LARUE

Mon kapab anmenn lenformasyon i depan lo ou Mr Chair.

 

MR SPEAKER

Eski Lasanble….

 

HON STEPHEN PILLAY

Nou fek agree bomaten, sorry Mr Speaker with all do respect, nou fek agree bomaten poudir Heritage Foundation pour vini demen – I thought

 

MR SPEAKER

Wi, well mon osi mon’n konpran en pe dan sa laliny me Minis in dir si zot oule i ava anmenn li.

 

HON STEPHEN PILLAY

Yeah nou oule i vini.

 

MR SPEAKER

Ok?

 

HON CHARLES DE COMMARMOND

Non, nou ti’n ganny lenformasyon diferan avan.

 

MR SPEAKER

Sorry LGB.

 

HON CHARLES DE COMMARMOND

Konmsi ganny en lenformasyon diferan avan, mon ti a kontan PS i eksplike ki….

 

MR SPEAKER

PS eksplik nou en kou, avan nou’n fini pran en vot me eksplik nou pour demen.

 

PS PATRICK PAYET

Pour demen, ki nou ti’n agree avek Seychelles Heritage Foundation akoz i annan sa 2 kestyon la, nou kapab anmenn lenformasyon, Minis i ava anmenn lenformasyon pour klarifye akoz nou ti’n fini agree pour zot pa vin devan lo demann kestyon.

 

MR SPEAKER

Petet pour rezourd problenm nou ti’n fini dakor parey nou’n dir National Arts Council pa pour vini, Seychelles Heritage Foundation, me si i annan kestyon ki zot oule demande ki Minis i kapab anmennen, i a kapab anmennen me si prezan demen Minis ou santi ki ou napa ase lenformasyon ki bann Manm i santi zot le i vini i zot drwa pour zot demande.

 

HON STEPHEN PILLAY

Akoz Mr Speaker Leader Lopozisyon osi in demande…

 

MR SPEAKER

Petet wi, Order!  Order!  Onorab Pillay wi ale fer ou pwen.

 

HON STEPHEN PILLAY

Wi akoz en bon pe ti pe demann lo Leritaz Leader Lopozisyon in demande osi i ti ava apropriye pour li vini li osi demen.

 

MR SPEAKER

Ok, ok, alright.  The Rule, i rule therefore menm si nou ti’n dakor vi ki Lasanble i annan kestyon pour demande, nou a demann sa ki responsab mon krwar i Ms Rose pour National Heritage Foundation pour li akonpanny Minis demen, wi Onorab Pillay.

 

HON SEBASTIEN PILLAY

Mr Chair mon oule zis fer referans avek en Meeting ABC ki nou ti gannyen mon pa tann personn lo kote pe koz lo la, i drol.  Me selman i ti ganny Chaired par Deputy Speaker avek Onorab Afif, e Onorab… so nou ava fer tou bann Lazans vini.

 

MR SPEAKER

Onorab Pillay, ou pa’n tande ki mon’n dir mon’n Rule?  Onorab Pillay ou pa’n tande ler mon dir?

(Interruption)

 

MR SPEAKER

I annan en menm Speaker dan sa Lasanble.

 

(laughter)

 

MR SPEAKER

Onorab Pillay i annan en Speaker li osi i siny Pillay,.

 

(laughter)

 

MR SPEAKER

Me i annan zis 1 menm.  E mon’n dir demen sa ki responsab pour Seychelles Heritage Foundation i pour akonpanny Minis. Nou a pran en Break, nou re zwenn demen bomaten 9er.

 

(ADJOURNMENT)