::
Home » Verbatim » 2017 » Verbatim Tuesday 12th December, 2017

Verbatim Tuesday 12th December, 2017

 

NATIONAL ASSEMBLY OF SEYCHELLES

 

Tuesday 12th December, 2017

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bonzour tou Manm Onorab.  Bonzour Vis-Prezidan; bonzour Mr Afif e Ms Commettant.  E osi mon ti a kontan swet en bonzour tou bann etidyan UNISEY ki’n vini bomaten pou vin swiv deba Lasanble Nasyonal.  E osi tou bann dimoun, bann oditer ki dan lakour ou nenport ou ki pe swiv deba Lasanble Nasyonal.  Bomaten nou pou parey nou Order Paper nou pou kontinyen nou travay kot nou ti kite semenn pase e ozordi nou annan en Bill pou Second Reading, Vice-Presidential Emoluments (Amendment) Bill e apre swivi par 2 Mosyon.  Pou lo kote bann papye mon krwar tou Manm in ganny en kopi Licensing Authority son Financial Report pou 2015 ki mon krwar in ganny sirkile depi semenn pase.  Sa i rapor mon krwar ki sorti kot Oditer Zeneral.  Bon nou pou al direkteman lo nou travay.  Ok.  En moman Onorab Pillay.  Onorab Aglae – wi.

 

HON EGBERT AGLAE

Bonzour Mr Speaker.  Mr Speaker anba Law 36 mon le raise a matter of privilege.  Mr Speaker permet mwan; semenn pase ler nou ti pe debat lo President Emoluments dan mon bann lentervansyon ki mon ti fer, ki nou’n vwar i annan swiv la mon’n vwar mon dan medya, mon’n vwar mwan lo rezo sosyal e mon le met ofet o kler menm pandan apre deba mon ti fer resorti Mr Speaker ki mon bann mansyon mon’n demann en kopi mon verbatim, ki ti napa okenn mansyon tortir, disparisyon, viktimizasyon oubyen touy dimoun.  Mon repete ti napa okenn mansyon tortir, viktimizasyon, disparisyon e touy dimoun.  E se – Mr Speaker Onorab Adelaide e Onorab Woodcock ki dan zot lentervansyon ti fer sa bann remark.  E mon le met sa o kler devan Lasanble e devan tou piblik ki pe ekoute pou dir mwan Onorab Aglae pa ti fer sa bann statement e ki ozordi mon vwar mon drwa konman en Manm Lasanble, pe ganny abize dan en fason ou en lot.  Mersi.

 

MR DEPUTY SPEAKER

Mersi Onorab Aglae.  Onorab Sebastien Pillay.  En moman Onorab Sebastien Pillay.  Lo menm zafer?  Non.  Ok, Onorab Woodcock.

 

HON WAVEL WOODCOCK

Mr Speaker parol ki Onorab Aglae ti dir devan sa Lasanble, se ki sa bann fot ki bann ex-Prezidan in fer se bann fot ki vo lapenn.  Me kestyon ki nou bezwen demann Onorab Aglae, se ki bann fot ki vo lapenn?  Akoz i annan plizyer fot ki sa bann Prezidan in fer dan lepase ki’n afekte drwa pep Seselwa.  Sanmenm sa ki i annan sa public uproar deor ki en Onorab in dir en keksoz koumsa ki i pa ti merit dir.  Par lo la Mr Speaker Onorab Aglae i lo Komite Anti-Viktimizasyon i a fer en statement sitan iresponsab devan Lasanble Nasyonal?  Mr Speaker mwan mon krwar ki Onorab Aglae i merit apologize avek sa pep deor i merit apologize ek manm piblik deor pou sa statement.  Napa okenn fot ki byen.  Ou pa kapab dir en fot ki en Prezidan in fer dan lepase i byen ouswa sa for ti vo lapenn.   Mr Speaker mwan mon krwar sa i mal e mon krwar ki Onorab Aglae i bezwen apologize avek piblik deor.  Mersi Mr Speaker.

 

MR DEPUTY SPEAKER

Mersi Onorab Woodcock.  Onorab –

 

HON WAVEL WOODCOCK

I bezwen retract sa ki in dir.

 

MR DEPUTY SPEAKER

Onorab Adelaide.

 

HON FRANCOIS ADELAIDE

Mersi Mr Speaker.  Bonzour Mr Speaker.  Bonzour tou dimoun a lekout.  Mr Speaker mon’n tann Onorab Aglae nonm mon non, me mon ti a fer li konnen poudir se dimoun deor ki’n al get verbatim.  Dimoun deor ki’n ekoute e zot in get televizyon e mon krwar sa bann dimoun pa fou si zot in pran sa stand e zot in santi zot vreman konsernen.  Mwan lo mon kote, mon napa okenn repons pou parol enbesil me dimoun in zize e se dimoun ki’n dir e se dimoun ki’n ekrir.  Mersi.

 

HON CHARLES DE COMMARMOND

 …this is unacceptable Mr Speaker. 

 

MR DEPUTY SPEAKER

Onorab! Onorab.  En moman, en moman, Order! OrderOrder! Order!  Onorab Adelaide zis mon anvi ou retract sa bout parol ‘enbesil.’

 

HON FRANCOIS ADELAIDE

Ok Mr Speaker mon retract sa bout.  Mersi.

 

(APPLAUSE)

 

MR DEPUTY SPEAKER

Mersi.  Ok.  Mon pozisyon, mwan ki ti pe Chair ler sa ensidan ti arive.  Mon pozisyon i senp.  Onorab Aglae i annan son drwa eksprim son lekor dan sa Lasanble.  In eksprim son lekor e dapre verbatim in vin direkteman parey in dir.  Le de Onorab in mansyonnen si sa bann fot i enkli tortir, disparisyon, mert and so on.  Lo mon kote mon Lofis pa ankor ganny okenn let sorti kot okenn manm piblik ki’n santi ki sa Statement in kapab afekte li dan en fason ou en lot.  Ok?  Mon pa’n ganny okenn request pou mwan kapab lir dan sa Lasanble e osi petet pou mwan osi demann Onorab Aglae pou li fer en apology.  Medya Sosyal in kapab fer son bout me mon Lofis i travay dapre serten lareg.  E mon respond to dapre serten lareg ki both mon Lofis e Lofis Speaker i servi.  Ok. So vwala mon ruling pou le moman, Onorab Aglae in fer son entervansyon ok?  Me uproar i deor dan piblik e mon lofis pa ankor ganny nanryen formel.  Yes Onorab Ramkalawan.

 

HON WAVEL RAMKALAWAN

Mr Speaker.  Bonzour.  Bonzour Vis-Prezidan, bonzour tou bann Manm Onorab.  Mr Speaker mon krwar ki, mon respekte sa ki ou’n dir, selman mon krwar ki enportan pou nou veye kwa ki nou dir.  Letan nou fer en blank statement ki poudir ‘‘fot ki’n ganny fer i bon, parski in anmenn nou pei kot i ete ozordi,’’ nou bezwen realize ki poudir e nou koman Manm Lasanble nou pe koz pou nou konman Manm Lasanble.  Letan nou fer bann blank statements nou bezwen ekspekte osi ki sa piblik laba osi deor i idantifye son lekor ladan e ki dimoun i pou reazir.  Menm si i pa’n nonm tortir i pa’n nonm touye.  Me ou’n nonm ‘’fot ki bon ki’n anmenn nou pei kot i ete ozordi.’’ alors nenport enterpretasyon i kapab rantre ladan e sa petet i ava en leson pou tou bann Manm Lasanble e mwan mon krwar ki si Onorab li i santi ki poudir i pa ti pe dir sa bann zafer, parey i dir, fer li kler ki poudir la i la bann keksoz ki mon krwar bann fot ki pa akseptab epi bann tortir ensidswit.  Parski Mr Speaker mon fek sorti L’Angleterre mon e  mon ava dir ou bann dimoun- mon’n zwenn bann dimoun ki’n ganny egzile, bann dimoun ki’n soufer, bann dimoun ki’n al dan prizon, bann dimoun  ki zot propriyete in ganny pran, bann dimoun ki annan manm zot fanmir ki’n disparet.  Mon pe koz ek lafanmir Ah-Time e sa bann kalite statement i pa akseptab.  Akoz sa bann dimoun i ankor pe pas dan en troma.  E lefe ki konman Chairman, konman Chairperson Komite Laverite ek Rekonsilyasyon Nasyonal, mon krwar ki nou konman en Lasanble espesyalman Statement ki Onorab Aglae in dir i pa anmenn nou dan sa direksyon i fer nou retourn an aryer.  E se pou sa rezon ki mwan konman enn parmi bann pli vye Manm Lasanble, mwan mon ti pou ankouraz Onorab Aglae konman e zenn Manm Lasanble pou li senpleman, pou li senpleman fer en apology.  Pou li senpleman dir be pa ti mon lentansyon pou mwan hurt dimoun e si dimoun in ganny hurt, mon prezant zot en leskiz.  E sa mo frer, i pou montre grander d’esprit e ou en zenn politisyen i pou anmenn ou pli devan.  Se tou ki mon kapab dir ou konman en gran frer.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Bon mon a dir – avan mon donn laparol Onorab Aglae, mwan osi mon ti anvi fini dan sa laliny pou dir dan sa letan ki nou ete, dan sa Sesel ki le de parti isi anndan pe ede pou kree, sa nouvo direksyon kot nou pe ale e ki Prezidan Faure osi tou in lans li dan sa direksyon, kot nou anvi anmenn nou pep ansanm, nou anvi anmenn linite, nou anvi vwar linite dan nou pei e mon krwar pou premye fwa sa lannen sa laspe linite i pe konmans manifeste atraver nou pep.  Nou’n vwar sa zour Lazournen Nasyonal tousala, kot pou premye fwa nou’n vwar kot dimoun in ralye ansanm in met diferans politik ater.  Petet mon osi tou mon pou al dan sa laliny i depan antyerman lo ou konman en Manm ok?   Reflesir lo la nou ankor annan 2 zour, 3 zour Sitting.  Ok?  Reflesir lo la ou annan ou bann koleg, ou bann koleg ki pli aze.  Ou’n ganny en word of advice from en koleg lo lot kote, kote Lopozisyon.  Reflesir lo la si ou santi ou osi parey manm piblik deor in santi ki sa statement in hurt zot, it is up to you pou si oule retract si oule apologizeYes Onorab Aglae.

 

HON EGBERT AGLAE

Mr Speaker mon konpran sa ki ou pe dir e sa ki Onorab Ramkalawan in fer resorti.  E dan mon lentervansyon parey mon’n dir mon pa’n met sa bann pwen ki’n ganny dir, me in annan dimoun ki’n ganny – pe santi li direkteman afekte par sa fot ki mon’n dir ki’n arive, mon a demann en leskiz formel.  Nou Lasanble i annan bokou travay enportan pou nou bouz devan. Nou dan en koabitasyon.  Nou annan nou pep deor k pe rod en meyer lavi, pri lavi desann, annou al lo bann azanda enportan.  Lepase in arive sa ki’n fer son fot i ava sa.  Me mon demann zot sorry si in arive ki mon’n ofans okenn endividi personnelman, me lentansyon sete pou mwan pa … Mersi, Mr Speaker.

 

(APPLAUSE)

 

MR DEPUTY SPEAKER

Mersi Onorab Aglae.  Mersi bokou e mon swete ki menm manm piblik osi deor i ava aksepte ou formal apology.  Thank you very muchYes Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair bonzour.  Bonzour tou Manm Onorab.  Parey Mr Chair ou konnen mwan avek Onorab Ramkalawan nou pa ti dan pei pandan apepre en semenn, semenn pase e nou pa ti la pou Sitting semenn pase kot nou pe reprezant Lasanble Nasyonal kot en seminar ki ti ganny organize par lasosyasyon bann parlmanter Commonwealth Westminster, e ti bann sesyon tre sarze – kot nou’n ganny sans involve avek menm Public Accounts Committee, House of Commons, L’Angleterre.  E enn bann pwen for dan sa bann diskisyon, well in annan de pwen for, me enn bann pwen for ki’n annan se ki Sesel in vin en Manm lo Komite Egzekitiv CAPAC which is the Commonwealth Association of Public Accounts Committees, ki li i anmenn tou bann pei Commonwealth ansanm.  E nou ganny reprezante lo sa Komite par Chairman FPAC ki Onorab Wavel Ramkalawan.  E 2enm pwen enportan ki’n arive se ki nou’n osi pran par dan bann diskisyon serye avek OECD, an se ki konsern bann size lo bann Lalwa biznes enternasyonal.  E mon le dir la ki nou’n prezant byen for pozisyon Sesel dan sa bann diskisyon.  E mon pe osi enterakte avek bann kan mon pe ganny loportinite avek bann diferan Lazans Gouvernman ki annan pou fer avek sa domenn, pou demann zot pou et en pe rezilyan ler zot pe al dan bann diskisyon pou asire ki zot prezant lopinyon e pozisyon nou pei e non pa les zot ganny gide par zis bann lopinyon ki ganny avanse par parfwa bann pei ki annan zot prop lentere a ker.  Mon remersi ou pou sa loportinite, zis pou donn Lasanble sa pti revi Mr Chair.  E nou ava kontinyen nou travay.  Mersi.

 

MR DEPUTY SPEAKER

Mersi Onorab Pillay.  Yes Onorab Simon Gill.

 

HON SIMON GILL

Bonzour Mr Speaker.  Bonzour tou koleg Onorab, Vis-Prezidan, tou manm piblik ki pe ekout nou.  Mr Speaker mon kontan mannyer nou’n demare ozordi bomaten kot Onorab ki responsab pou enn bann distrik ase enportan dan nou pei, parey tou lezot distrik Onorab Aglae apre ki in fer son lentervansyon in ganny demande pou apologize.  E in montre ki i annan sa kapasite, abilite pou li desann e apologize.  Me an menm tan ki sa sityasyon, ki sa aksyon in arive mon krwar i egalman enportan dan sa lespri ki n ou pe dir nou pe travay dan nou Lasanble dan sa konzantir politik Sesel, i egalman enportan ki lo tou lede kote latab, nou osi tonm dakor ki nou bezwen donn respe tou dimoun.  Mon pou pran sa mon pou kit la lanmenm avek ou Mr Speaker.  Mersi bokou.

 

MR DEPUTY SPEAKER

Mersi Onorab Simon Gill.  Onorab Afif.

 

HON AHMED AFIF

Mersi Mr Speaker.  Bonzour Vis-Prezidan.  Bonzour tou dimoun a lekout.  Se zis pou dir ou Mr Speaker ki lo mon kote byensir lo sa kote latab, nou fyer ki Sesel in kapab ganny reprezante a en tre o nivo, lo nivo Commonwealth e sirtou dan Komite FPAC ki nou, nou konnen mwan konman en Manm Komite FPAC mon konnen nou’n fer bokou travay sa lannen e menm lannen pase e sa kalite travay nou pe partaz avek lezot pei dan Commonwealth ki mon krwar non selman i fer paviyon Sesel mont pli o, me osi i pe fer Sesel bouz pli devan.  Mon kontan sa bann apwentman kot Manm FPAC ozordi i reprezant nou lo lezot komite aletranze dan Commonwealth.  E mon krwar bann remark ki’n ganny fer par Onorab Sebastien Pillay, i montre vreman ki Sesel pe ganny rekonnet e ki nou zefor pou anmenn nou tre lwen.  Alor mon felisit zot lo lapar nou tou e mon konnen ki nou pou kontinyen fer travay pou met Sesel devan.  Mersi Mr Speaker.

 

MR DEPUTY SPEAKER

Mersi Onorab.  Mon osi lo mon kote de lapar tou Manm menm sekretarya pou felisit delegasyon ki ti al L’Angleterre e osi pou felisit Chair FPAC Onorab Ramkalawan pou vin en Manm Egzekitif CAPAC.  E parey tou le de kote in eksprimen sa pou ed nou bokou pou nou kapab share leksperyans e anmenn bann keksoz ki bon dan nou Komite FPAC.  E osi tou pou nou osi partaz leksperyans avek lezot pei Commonwealth.  Bon avan nou kontinyen nou travay mon ti a zis kontan de lapar Lasanble Nasyonal, eksprim nou senser kondoleans avek Onorab Stephen Pillay pou la perte son manman e parey petet bokou zot in okouran servis pou fer demen 2.30 edmi Anse Royale.  So demen Lasanble pou meet half day ziska midi.  Sa ki ava allow bann Manm avek bann staff ki oule attend service pou zot kapab fer li.  Onorab Pillay nou senser kondoleans.  Bon nou ava pran nou travay prezan.  Mon ava demann en Mosyon pou Second Reading.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour Vis-Prezidan ek ou delegasyon.  Bonzour tou Manm Onorab is prezan.  Ankor enn fwa nou pas nou senpati avek Onorab Pillay lo nou kote latab.  Mr Speaker anba Order 64 (2) nou Standing Order mon oule move ki Vice-Presidential Emoluments (Amendment) Bill, 2017 i ganny lir en Dezyenm Fwa.

 

MR DEPUTY SPEAKER

Mersi Onorab De Commarmond.  Yes Onorab Gill.

 

HON SIMON GILL

Ankor enn fwa bonzour. Mr Speaker Mosyon i ganny segonde.  Mersi.

 

MR DEPUTY SPEAKER

Mersi Onorab Simon Gill.  Bon mon ava demann Minis pou prezant prensip e merit Bill.  I mean Vis-Prezidan.  Vis-Prezidan Meriton laparol i pour ou.

 

VICE-PRESIDENT MR VINCENT MERITON

Mersi Mr Speaker.   Bonzour Mr Speaker.  Bonzour tou Manm Onorab.  Bonzour tou dimoun ki a lekout.  A mon tour mon ti a kontan osi aport mon kondoleans a Onorab Pillay ki nou lapriyer i ed ou dan sa moman difisil.  E mersi pou montre sa bravour ki ou’n vin travay isi ozordi.  Mr Speaker swivan diskisyon ki nou ti annan semenn pase, mon pe anmenn ozordi en lamannman dan Lalwa ki gouvern peyman Vis-Prezidan.  Sa lamannman Mr Speaker i pou tous 3 gran size.  Revwar fason ki mannyer nou defini sa kestyon Gratwite.  Lezot benefis e fasilite ki en Vis-Prezidan i gannyen ler i pran son retret.  Peyman pansyon pou vev.  E peyman pou lanterman en ansyen Vis-Prezidan.  Mr Speaker mon osi konsyan ki semenn pase ler nou ti diskite, nou ti tonm dakor lo serten amannman ki pou ganny fer a sa amannman e mon konnen ki sa i devan latab pou ganny konsidere.  E se avek sa de mo mon ti a kontan prezant sa avek Lasanble Nasyonal pou konsiderasyon pou nou kapab desid lo la.  Mersi Mr Speaker.

 

MR DEPUTY SPEAKER

Mersi Vis-Prezidan.  Bon deba i ouver lo merit e prensip zeneral sa Bill.  Okenn Manm ki le entervenir?  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon krwar ki travay kin ganny semenn pase i definitivman eklersi semen pou sa Bill ki pe pase ozordi.  E i annan zis serten pwen ki mon krwar ki swa nou pou al direkteman dan Staz Komite pou nou kapab regard sa bann lamannman.  E mon krwar la mon pa konnen lekel ki pou prezant sa lo kote Manm lo Bills Committee, swa Onorab Hoareau parski mon vwar ki Onorab Georges pa la.  Me selman ou konnen i enportan pou mon fer en serten leklersisman parski a menm tan osi parfwa deor i annan serten konfizyon.  Premyerman Mr Speaker, i enportan pou ki tou dimoun – ki piblik i konpran ki sa Bill ki nou pe pase parey bann lezot Bills ki nou’n pase semenn pase, i pa sa ki’n fer lentrodiksyon pansyon pou bann ansyen Prezidan avek ansyen Vis-Prezidan.  Sa ti deza la e i pa tonm anba Biro Prezidan.  Zot pansyon i tonm dan en lot parti Bidze pou bann dimoun ki ganny apwente konstitisyonnelman.  Alors se pa sa Bill ki nou pase la ki dir la i la prezan ki Prezidan oubyen Vis-Prezidan pou ganny en pansyon.  I deza annan.  Sa Bill i pe senpleman formaliz li.  Me an menm tan osi, i enportan pou ki tou dimoun i konpran ki poudir travay ki’n ganny fer semenn pase, avek travay ki pou ganny fer ozordi i pou definitivman met keksoz annord.  I pou met keksoz annord pou ki aprezan sa diskresyon, sa diskresyon ki tonm anba Biro Prezidan sa i ale i sorti.  Sa diskresyon i sorti e dezormen se sa Lalwa ki pou kontrol kwa ki en ansyen Prezidan i gannyen, kwa ki – dan sa ka ki nou pe pase la, kwa ki en ansyen Vis-Prezidan i gannyen.  E parey nou’n swiv dan bann deba lo Bidze nou ti freeze R13milyon anba Lofis Prezidan.  E dan sa 13milyon ki petet Vis-Prezidan letan i ava pe donn son larepons, i ava kapab eksplik nou pou regarde dan sa 13milyon ki mannyer i ti pou ganny de partaze.  E la nou pou vwar ki poudir o fet sa ki Lasanble in fer in redwir sa Bidze e i osi redwir sa Bidze – e i osi redwir atraver sa diskresyon.  Par egzanp nou’n koz lo lakantite transpor ki ozordi osi tou nou pe fer, nou pe fer en diferans.  Nou pe koz lo fuel, nou pe koz lo lofis.  Sa bann depans parey.  Tousala fodre ki nou dimoun i konpran ki pe ganny redwir.  Pe ganny koupe e alor sa Bidze i fer ki depans ki Leta pou fer i pou vin bokou mwens.  E – me selman sa travay ki nou pe fer la i pa konplete.  Akoz i pa konplet se parski lefe ki nou’n mete ki lo kote sekirite lo bann – pou bann ansyen Prezidan – e la dan sa ka ansyen Vis-Prezidan sa pou ganny determinen atraver Komisyoner Lapolis par Komisyoner Lapolis e letan sa i arive ki la prezan nou ava kapab determinen dan sa Bidze, ki Lasanble Nasyonal ti freeze, ki porsyon ki ava ganny release pou ki i ava kouver sa bann depans neseser.  Me selman la deswit, deswit fodre dimoun i konpran ki poudir i annan bann lenstans e la spesyalman li bann ansyen Prezidan kot ti pe annan sepa konbyen transpor ki sa pou redwir.  E letan ou annan ou en kantite transpor, i vedir osi lakantite fuel i monte sa pou desann. Lakantite Manm staff ki ti pe annan avan sa osi tou pou koupe ki alor letan nou ava ganny sa chiffres egzakt, la nou ava konnen ki mannyer sa i pou ale dan Bidze.   So mon krwar sa i enportan e si Vis-Prezidan ti ava ed nou byensir pou nou kapab, pou nou kapab ganny en estimate lo ki kalite travay ki nou’n fer e ki mannyer sa pou diminyen, mon krwar manm piblik deor i ava apresye.  Mr Speaker i kontinyen annan en issue enportan an sa ki konsern pansyon e pou ansyen Prezidan, e pou ansyen Vis-Prezidan.  E sa se sa provizyon konstitisyonnel ki’n deza ganny aborde depi semenn pase, ki fer ki lo pansyon ki en Vis-Prezidan pou gannyen i pou osi ganny en Gratwite.  Sa i en prensip ki nou lo nou kote nou pa dakor avek.  Nou, nou krwar ki poudir letan ou’n ganny pansyon ou ganny pansyon.  Parski letan ou’n ganny pansyon retrete, e ou pa pe vreman aktiv.  Ou pa pe vreman pe fer tousala e se pou sa rezon i annan provizyon pansyon.  E alors nou pa vwar kote en Gratwite lo Pansyon i rantre.  E mon krwar ki – e sa i enn bann pwen ki nou pou kontinyen met devan, parski lo la nou pou demande ki i annan en lamannman konstitisyonnel.  E mon krwar ki poudir lide, lide i deza letan nou pe koze, lide i deza ganny aksepte.  Sa prensip i deza e ganny aksepte par tou le de kote ki ou ganny ou pansyon e an plis ki sa non selman ki ou ganny ou pansyon me Leta li menm i rantre dan bann depans fineray, Leta pou donn ou en transport, ki konmsi Leta i deza pe fer serten keksoz pou ou letan ou’n pran, letan ou’n pran retret – tout an rekonesan ki poudir sa lofis sa de lofis i ede Lofis tre enportan dan pei.  Alor Mr Speaker bomaten nou, nou dakor lo bann lamannman ki nou pou pase e nou pou pase bann lamannman, me selman mon bezwen dir ki lo nou kote nou pou abstain.  E la ankor enn fwa parfwa i annan serten keksoz ou bezwen eksplike.  Ou bezwen eksplike parski dimoun parfwa i regard vot- swa ou vot an faver swa ou vot kont, abstention pa ladan.  Me nou anvi dir ki i annan 3 fason pou vote e bomaten letan, letan ou dakor ek en bout, nou dakor sa lord ki nou pe mete dan sa Lalwa kwa ki en ansyen Vis-Prezidan pou gannyen.  Me lo lot kote i annan en bout ki nou pa dakor avek.  E sa se sa bout Gratwite.  E sa bout gratwite i form parti sa travay ki nou pou kontinyen fer; dan ‘lekspresyon Kreol’ sa bout Gratwite i form parti sa lalit.  Si nou vot tou an faver savedir sa eleman Gratwite osi tou i ok.  Alors Mr Speaker se pou sa rezon ki nou pou abstain.  Nou pou abstain akoz nou dakor ki poudir nou pe met lord e nou rekonnet travay ki nou pe fer, ki poudir depans lo Leta i pou mwens me lo lot kote nou anvi ki depans i vin mwens ankor me pou sa depans vin mwens, la pou le moman nou pa kapab fer nanryen akoz i dan Konstitisyon.  E si nou ti dir koup sa bout Gratwite Onorab Hoareau ti pou debout e ti lir Lartik Konstitisyon avek nou.  E i ti pou annan tou rezon pou li fer sa,  reprezantan Attorney Zeneral osi tou ti pou dir non non, non, non, non sa i pou fer li vin kont Konstitisyon,  e  probableman  apre Onorab Hoareau ti pou ganny demande pou li anmenn en case devan Lakour Konstitisyonnel pou entrodwir Gratwite.  Alor i en lalit ki nou bezwen kontinyen anmennen e alor se pou sa rezon ki nou pou abstain e mon fer nou pozisyon byen kler la depi o konmansman.  Me an terminan Mr Speaker, mon ti ava kontan mon osi tou etann en mo welcome pou nou bann zenn ki sorti Liniversite e deza la zot pe regard nou e zot pe konpran en pe ki mannyer nou travay i deroule.  E demen se zot ki pou letan zot in graduate se zot ki pou al Ankour ki pou al dir pa ti konstitisyonnel ti konstitisyonnel sa ki nou fer dan sa Lasanble, alor mon anvi swet zot tou bonn sans dan zot letid e fer sir ki nou ganny bann bon avoka.  Ok.  Vin bann avoka zet sa ‘z’ ater.  Avek sa de parol Mr speaker mon krwar ki nou ava kapab kontinyen avek nou travay.  Mersi bokou.

 

MR DEPUTY SPEAKER

Mersi Onorab Ramkalawan.  Okenn lezot Manm ki le entervenir lo sa Prozedlwa?  Onorab Sebastien Pillay.

 

HON SEBASTIEN PILLAY

Mersi Mr Speaker.  Ankor enn fwa bonzour e osi bonzour tou ban etidyan Liniversite Sesel.  Mon le – avan mon konmanse Mr Speaker zis zwenn avek Lasanble pou eksprim mon kondoleans pou Onorab Stephen Pillay.  Mwan osi mon’n perdi mon manman en bon pe letan pase me selman i pa zanmen fasil.  Mr Speaker sa Lalwa ki devan nou la i vin apre ki nou’n deza pas lot Lalwa ki konsern Presidential Emoluments.  E mon krwar en bon pe travay, oubyen en bon pe diskisyon in ganny fer lo sa Lalwa pou ki i ariv ozordi a en nivo kot nou kapab tonm lo en consensus, pou servi en term ki en politisyen ti kontan servi dan Lasanble dan lepase, pou ki nou kapab bouz devan.  Sa ki reste enportan selman pou nou konsidere, se lefe ki malgre ki en Prezidan, en Vis-Prezidan la demen dan 10an, 15an, i sorti dan sa Lofis nou pou bezwen toultan regarde si pou annan en rol ki sa dimoun pou zwe oubyen sa fonksyon former Vice-President i zwe.  E entervenan ki’n koz avan mwan in koz lo lobligasyon ki Leta in annan anver sa Lofis e mon krwar i kler k i montre ki konman en sosyete nou valoriz bann pozisyon ki bann dimoun in annan e bann sakrifis ki zot in fer, tout an prenon kont kot nou konsider konteks ki nou, nou ladan pou asire ki nou pa al an deor.  Nou pa al an tro.  E mon krwar i annan ase merit pou nou move from sa ki nou annan par egzanp bann konparezon ki nou’n annan pou regard konteks Sesel.  E nou’n fer sa dan en fason tre kler, tre net e mon krwar ki baze lo diskisyon ki nou’n gannyen, ki’n arive – mon pa ti dan Lasanble me diskisyon ki’n arive tou dernyerman nou kapab bouz devan.  So mon krwar i annan bann lamannman ki’n ganny propoze par Bills Committee.  Mon pa konnen si pou annan lezot entervenan, mon ti ava demande ki nou konmans prosedir pou nou move dan Committee Stage e pou nou vreman regard sa bann lamannman e fini avek sa Prozedlwa e pou nou kapab regard lezot travay ki lo Order Paper.  Mersi Mr Chair.

 

MR DEPUTY SPEAKER

Mersi Onorab Sebastien Pillay.  Yes Onorab Ramkalawan.

 

HON WAVEL RAMKALAWAN

Mr Speaker lo en point of order mon anvi nou re balans en parol ki mon’n dir oparavan.  Ofet mon pe rod gidans avek lofis Attorney Zeneral, parski dan Konstitisyon i pa fer provizyon pou Gratwite.  I pa fer provizyon pou Gratwite pou en former VP.  Alors mon krwar ki lefe ki Konstitisyon pa fer provizyon, mon krwar sa bout Gratwite i bezwen tonbe.  Onorab Hoareau i konnen li i riye letan mon dir sa.  Non, non in riye letan mon dir sa, akoz i konnen ki poudir Konstitisyon pa fer provizyon pou Gratwite!  E mon rapel aprezan Mr Speaker parski sete mwan letan ti pe pas – letan ti pe – dan Premye Lasanble letan  ti pe fer sorti sa pwen, letan ti pe- zot ti’n met sa dan  lamannman konstitisyonnel e sete mwan ki ti, sete mwan ki ti dir fodre pa ki en VP i vin lo menm nivo avek Prezidan.  So si e la mon asire prezan la lefe ki Konstitisyon pa fer provizyon nou pa pou kapab enkli Gratwite pou ansyen VP.  Mersi.

 

MR DEPUTY SPEAKER

Ok mersi Onorab Ramkalawan.  Okenn lezot Manm ki oule entervenir.  Bon i annan en demann pou Lasanble pran bann amannman ok?  Zis nou ava fer – yes Onorab Ramkalawan.

 

HON WAVEL RAMKALAWAN

Selman zis pou – zis ankor enn fwa pou ede dan sa, pou ede dan sa deba, kot zot ti fer li antre e ki ofet, ofet i vin unconstitutional zot ti fer li rantre dan Vice-Presidential Emoluments Act letan zot ti pas son Lalwa.  Letan zot ti pas son Lalwa zot ti fer antre Gratwite me selman personn pa’n challenge sa Gratwite.  Dan son Lalwa le 14 Out 1996, sa i antre.  Me an prensip i pa dan Konstitisyon e alor la ki nou pe re vizit sa Lalwa , mon krwar ki i ava enportan osi pou Bills Committee regarde ki mannyer nou pou kapab anmenn en lot lamannman ladan pou ki clause 3 (1) (b), 3 (1) (b) anba the Vice-President Emoluments Act ki nou pe regarde i osi ganny deleted.

 

MR DEPUTY SPEAKER

Zis petet pou bann Manm.  Zis regard Lartik 68 (13).

 

(Interruption)

 

MR DEPUTY SPEAKER

68 (13), 68 (13).

 

HON WAVEL RAMKALAWAN

Mr Speaker.  This is the Sitting Vice-President.  It’s not the former.  I annan en distenksyon la – at the Sitting.

 

MR DEPUTY SPEAKER

Ok. 

 

HON WAVEL RAMKALAWAN

E si ou regard Lartik ki kontrol pou the President.  For the President which is 58 ok, mon ava en pti keksoz mon ava lir sa avek ou.  58 (5), 58 ok

 

MR DEPUTY SPEAKER

53 non?

 

HON WAVEL RAMKALAWAN

58 (5); 58 (3) premyerman i dir ek ou ‘the salary allowance, pension or gratuity payable under this Article or a person who has seized to be President shall be a charge on the consolidated fund’.  Sa i etabli li.  Apre sa 58 (5) i dir avek ou ‘where a person who has previously held office as President under this or a previous Constitution is elected to the office of President’, non, non.  58 (2) (la i la la i la)  58 (2), 58 (2)where the person holding the office of President seizes to hold office otherwise then by being removed under Article 54, the person shall receive such pension, gratuity or allowance as may be  prescribed as an Act’So i swiv sa me sa 58(2) i pa ganny repete pou Vis-Prezidan.  Alors sa gratuity i bezwen tonbe otomatikman.  E lefe ki nou pe regard sa Lalwa, nou bezwen met li annord e re tir li enn fwa pou tou.  E la nou ava anliny avek Konstitisyon.  Mersi bokou Mr Speaker.

 

MR DEPUTY SPEAKER

Ok, mersi Onorab Ramkalawan.  Ok.  Onorab Pillay.

 

HON SEBASTIEN PILLAY

Mersi Mr Chair.  Mr Chair parey nou pe ganny sa diskisyon la nou osi ou pe regard Konstitisyon, i kler ki Lartik 58 pa ganny repete dan en menm format pou Vis-Prezidan.  Se alor ki Konstitisyon i silent lo la.  I pa fer ki sa provizyon Lalwa li menm li, i kont Konstitisyon.  Sa Lalwa i stand alone, me selman vi ki i en pwen kontansye ki nou pe debat lo la, nou bezwen tonm lo en Lagreman lo ki mannyer pou nou move forward.   So letan nou ava move dan Staz Komite nou ava diskite ki mannyer nou pou regard sa pozisyon Lalwa strikteman lo li tousel.  Mersi Mr Chair.

 

MR DEPUTY SPEAKER

Ok.  Bon i annan en Mosyon pou nou move dan Staz Komite.  Okenn Manm ki segonde?

 

HON SIMON GILL

Mosyon segonde Mr Speaker.

 

MR DEPUTY SPEAKER

Onorab Simon Gill in segonde ki Lasanble i move dan Staz Komite, pou nou konsider bann amannman.  Annou pran en vot lo sa Mosyon.  Tou Manm ki an faver ki nou al dan Staz Komite pou konsider bann amannman?  Okenn Manm ki kont?  Ok.  Madam Clerk.

 

MADAM CLERK

Mersi Mr Chair.  23 Manm an faver e personn kont.  Mersi.

 

MR DEPUTY SPEAKER

Mersi Madam Clerk.  Mon a demann Sergeant pou move Mace.  Ok.  Mon ava demann, mon pa konnen si en Manm Bills Committee ki pou move bann amannman.  Onorab Basil Hoareau ou le move bann amannman?

 

HON BASIL HOAREAU

Wi.  Mr Chair mersi.  Mon annan bann lamannman ki devan me selman i annan sa lamannman ki i paret ki Onorab Ramkalawan pe propoze.  Mon ti a kontan zis fer en pe komanter lo la vitman.  Annefe lo kote Konstitisyon Onorab Ramkalawan in spot on.  I kler dan Konstitisyon sa ki in dir i korek.  E me parey Onorab Pillay in dir, vre Konstitisyon pa fer provizyon pou ki en Vis-Prezidan i bezwen ganny en Gratwite letan i kit Lofis, tandis ki pou Prezidan i annan provizyon ki dir i mandatwar i bezwen gannyen, anba 58 (2).  Me kantmenm – having said that lefe i reste ki i pa kont Konstitisyon pou ki pou donn en Vis-Prezidan en keksoz ki Konstitisyon – pa dir.  I silent lo la basically.  I pa kont Konstitisyon.  Me lefe i reste ki i vre Konstitisyon pa fer provizyon pou ki en Vis-Prezidan letan i kit Lofis, letan i dan Lofis wi i bezwen ganny son gratwite me letan i kit Lofis Konstitisyon pa dir i bezwen gannyen.  So mon kit sa la, mon pa konnen ki mannyer nou pou debat lo la si nou pou kit sa Lalwa mannyer i ete la, at least si nou pa tous sa lamannman ki la nou kit li la parey i ete.  Ouswa mon annan lezot lamannman mon pa konnen – mon annan lezot lamannman mon a propoz sa ban lezot lamannman apre prezan nou ava debat lo sa enn ki annan.

 

MR DEPUTY SPEAKER

Ok.  Go ahead Onorab.

 

HON BASIL HOAREAU

Premye amannman Mr Speaker to the Bill se ki nou pou amann kot the marginal note kot Clause 2, Clause 2 dir Amendment of cap176’ nou pou sanze nou pou dir sanz sa ‘176’ with ‘245’ akoz sa cap Lalwa i Vice-Presidential Emoluments Act ki cap ‘245’ not ‘176’.  E lot lamannman se dan Clause 2(a) nou pou tir – nou pou delete definisyon ‘surviving spouse’ vi ki ou evantyelman nou pe dir ‘surviving spouse’ pa pou ganny okenn benefis, nou tir definisyon ‘surviving spouse’.  Apre dan Clause 2 (b) dan paragraf (1) nou pou insert the word ‘the’ ant the word ‘in’ ek ‘chapeau’So by – konmela i pe read by inserting in ‘chapeau’ so it should be by inserting ‘in the chapeau’.  So sa i dan Clause 2(b) Roman (i).  dan Clause 2(b) Roman (ii), pou nou- Roman (iii) rather e sanmenm sa i annan en kontansyon,

 

(Mic Off)

 

HON BASIL HOAREAU

…apre ki mon’n fini lo la?  Ouswa.

 

(Mic Off)

 

HON BASIL HOAREAU

Ok.  I annan – pou le moman nou pe dir poudir the word gratuity has not been spelled properly so nou pe zis spell son –

 

MR DEPUTY SPEAKER

 Ok petet annou – les li kontinyen avek … Nou pran li?  Nou pran li?  Ok.  Onorab Ramkalawan – ok.

 

HON BASIL HOAREAU

Ale mon a pas parol ek Onorab Ramkalawan pou sa enn la.

 

MR DEPUTY SPEAKER

Mersi Onorab Hoareau.  Onorab Ramkalawan.

 

HON WAVEL RAMKALAWAN

Mr Chairman,  in the original act ok, in the original Act ki nou pe amend son 3(1) (b) ki nou pe touse la i dir ‘at the end of each year or where the payment for any reason seizes before the end of a year on the occurrence of such event, a gratuity of an amount equal to 75% of the gratuity payable to the Vice-President’ under clause section 2 (b)(ekout en pti kou), la i la.  Mon krwar ki sa- parski i dir kwa ki en dimoun i devret ganny peye.  I dir 3(1) annou konmans ek 3(1).  3(1) ‘there shall be paid to a person ceasing to hold the office of the Vice-President, otherwise  and by being removed under article 74(5) of the Constitution’:– (a) monthly pension payable in arrears of an amount equal to 75% of  the monthly salary of the Vice-President under paragraph 2(a).  Sa i ok.  Sa i okParagraph 2(b), 3(1) (b) ki koz lo Gratwite.  OkIn the original Act.  So nou bezwen zis delete paragraph 3(1) (b).  So, dan nou lamannman, nou bezwen senpleman dir in paragraph, by deleting paragraph (b) 3, 3(1) (b) ok? Akoz mon sipoze ou napa sa – ou annan the original Act.  Se sa ki mon – Onorab Hoareau i ava-

 

MR DEPUTY SPEAKER

Ok, savedir dan sa amannman –

 

(Mic Off)

 

HON BASIL HOAREAU

Sa ki mon krwar Onorab Ramkalawan pe dir se ki i poudir kot nou pe in sub paragraph 3 by repealing section 3(1)(b).  Me solman si sa i ganny fer, si sa i ganny fer nou pa ankor vot lo la, si sa i ganny fer otomatikman nou pou  bezwen amann 3(1)(a) nou pou nepli annan (a) prezan sub paragraph (a) pou nepli la.  Akoz nou ti annan (a), akoz ti annan (a) and (b).  So nou pou bezwen zis apre the word section 3(1) apre Konstitisyon the word ‘Constitution,’ met en comma prezan kontinyen ‘a monthly pension’.  So tou le de sub paragraph (a) and (b) pou bezwen ale e i pou merge dan 3 e aktyelman pou napa- i pou merge the 3(1)So sa si i ganny aksepte that is how it will be.  Wi mon pa konnen ki lo la ok?  So mon kontinyen lo, lo…

 

MR DEPUTY SPEAKER

Kontinyen Onorab.

 

HON BASIL HOAREAU

Lo, apre dan – in sub paragraph 4 nou pou basically delete sub paragraph ‘(c) and (d)’, ‘(c) and (d)’ i ale e ‘(e) and (f)’ i vin ‘(c) and (d)’ so we – nou pou renumber ‘(e) and (f)’ as ‘(c)) and (d)’ ok.  E prezan nou pou bezwen fer – i annan bann lamannman ki pou ganny fer san sa present- sa new ‘(c)) and (d)’ kot personal security ki prezaman i dir ‘as may be determined by the President’ e nou pou tir the word ‘determined by the President’ e ranplas zot par sa word bann foreign words, ‘prescribed by the Minister in consultation with the Commissioner of Police’.  Ok.  Apre dan paragraf ‘(f)’ li i ‘one chauffeur-driven vehicle’ ki apre mon krwar pou- nou pou tir sa word ‘fuel.’ Apre ‘vehicle’ nou pou osi zis pou fer li konsistan avek sa lamannman ki nou ti fer dan Presidential Emoluments Act.  Nou pou azout sa mo after the word ‘vehicle’ nou pou azout sa mo swivan ‘as may be prescribed by the Minister’.  Apre i pou reste parey.  So i pou lir ‘one chauffeur-driven vehicle as may be prescribed by the Minister including road tax and insurance’.  Apre dan Clause 2(c) nou pou ranplas ‘3C, 3D, 3E’ avek ‘3B, 3C and 3D’.   Apre dan trwazyenm fwa kot sa word ‘sections’ akoz sa word ‘sections’ i ganny servi 4 fwa dan Clause ‘2(c)’ kot i ganny servi trwazyenm fwa nou pou ‘sections’ nou pou fer li vin ‘section’.  E likewise kot ‘marginal notes’ i ganny servi zis apre sa lamannman kot nou’n amann sections i vin ‘marginal notes’ nou pou tir sa ‘(s)’ pou fer li vin ‘marginal note’.  Apre nou pou delete section ‘3B’ ki deal avek surviving spouse.  So that would be it.

 

MR DEPUTY SPEAKER

Ok, mersi Onorab Basil Hoareau.  Ok?  Okenn lezot komanter lo amannman.  Ale Onorab Ramkalawan.

 

HON WAVEL RAMKALAWAN

Non Mr Speaker mon anvi fer kler prezan la lefe ki napa sa eleman kontansye ki apel Gratwite.  Wi nou ava vot an faver Onorab Gill.  Mersi.

 

MR DEPUTY SPEAKER

Ok, mon kapab, mon kapab ganny en vot.  Nou a pran en vot lo bann amannman.  Ok.  Yes Onorab Ferrari.

 

HON JEAN-FRANCOIS FERRARI

Zis – mon ti a zis kontan si Deputy AG i dir nou whether in gannyen sa proposal proposition of Amendment for gratuity as proposed by …? If that is clear then I have no other further questions.

 

MR DEPUTY SPEAKER

Ok, Onorab Ferrari.  Mon ti a  zis kontan welcome Mr David Esparon parmi nou, Deputy AG, me nou  travay ki mannyer nou fer se Lasanble an diskisyon e negosyasyon avek Mr Esparon nou pran bann  amannman ki’n ganny propoze isi dan Chamber e nou koz avek li e apre nou, nou prepare, Clerk and Deputy Clerk’s Office  e i anvoy kot AGs office.  Ok?  So sa in fini ganny note.  Alright?   Bon mon ava demann si napa okenn deba lo bann amannman mon ava demande ki nou pran e vot lo bann amannman.  Tou Manm ki an faver? Ok zis en pti moman, en pti moman i annan en pti mo from Onorab Basil Hoareau.

 

HON BASIL HOAREAU

Mr Speaker one thing mon’n realize si nou fer sa lamannman ki Onorab Ramkalawan in dir la – ki nou’n sa – nou pou bezwen amann section 3 (2) tou, also akoz 3(2) i dir ou i fer referans kot gratuity.  So nou pou bezwen tir the word ‘gratuity’ akoz i dir ou ‘a person or gratuity is payable under subsection (1) shallto whom such person a gratuity is paid is elected President or paid in salarySo kot ‘or gratuity’ should be removed.  So basically dan sa subsection 3 (2) Premye ‘or gratuity’ is deleted. 2enm ‘or gratuity’ ankor is deleted.  Apre 4 (d) kot gratuity i ete is also deleted and a comma after ‘salary’, is also gone.  Is also removed.

 

MR DEPUTY SPEAKER

Ok.  Ok clear.  Bon nou ava pran en vot lo amannman. Tou Manm ki an faver bann amannman?  Okenn Manm ki kont? Madam Clerk.

 

MADAM CLERK

Mr Chair mersi.  25 Manm an faver e personn kont.  Mersi.

 

MR DEPUTY SPEAKER

Ok mersi savedir bann amannman in pase.  Mon ava zis demann Sergeant pou retourn Mace pou retourn Lasanble.  Mon a donn Vis-Prezidan dernyen parol.  Si i oule dir de pti parol avan nou pran en vot final lo sa Bill.  Yes Onorab –

 

(Mic Off)

 

MR DEPUTY SPEAKER

Wi.  Ok,

 

Madam Clerk

 

Formal Second Reading.

 

MADAM CLERK

Mersi Mr Chair.  A Bill of an Act to amend the Vice-Presidential Emoluments Act cap 254.  Thank you.

 

MR DEPUTY SPEAKER

Ok.  Mersi.  Ok Vis-Prezidan ou le dir okenn parol; fer en concluding remark?

 

VICE-PRESIDENT MR VINCENT MERITON

Mr Speaker mersi.   Mon napa okenn concluding remark. Mersi bokou.

 

MR DEPUTY SPEAKER

Mersi Vis-Prezidan.  Bon nou ava pran en vot lo Bill as amended.  Ok.  Mon ava demann tou Manm ki an faver?  Bill ki devan nou as amended ansanm avek bann amannman ki nou’n fer ki nou’n vot lo la.

 

(Mic Off)

 

MR DEPUTY SPEAKER

Nou pe vot on Second Reading on merits and principle.  Yes.  With the amendments, with the amendments.  Ok?  Okenn Manm ki kont?  Madam Clerk.

 

MADAM CLERK

Mr Chair 20 Manm an faver e personn kont.  Mersi.

 

MR DEPUTY SPEAKER

Bon ok mon ava demann en Formal Third Reading pou Mosyon.

 

HON CHARLES DE COMMARMOND

Mersi Mr Speaker.  Mr Speaker anba Order 71(1) mon le move ki the Vice-Presidential Emoluments (Amendment) Bill, 2017 as amended i ganny lir en Trwazyenm Fwa.

 

MR DEPUTY SPEAKER

Mersi Onorab De Commarmond.  Yes Onorab Simon Gill.

 

HON SIMON GILL

Mr Speaker Mosyon i ganny segonde.  Mersi.

 

MR DEPUTY SPEAKER

Ok Mosyon pou Formal Third Reading i ganny segonde.  Mon a demann tou Manm ki an faver pou lev lanmen?  Okenn Manm ki kont?  Madam Clerk.

 

MADAM CLERK

22 Manm an faver Mr Chair e personn kont.  Mersi.

 

MR DEPUTY SPEAKER

Ok mon a demann Madam Clerk pou fer Formal Third Reading.

 

MADAM CLERK

Mersi Mr Chair.  This Act may be cited as the Vice-Presidential Emoluments (Amendment) Act of 2017.  Mersi.

 

MR DEPUTY SPEAKER

Bon savedir sa Bill Vice-Presidential Emoluments (Amendment) Bill, 2017 parey in ganny amande par Lasanble Nasyonal, in ganny aprouvasyon Lasanble Nasyonal.  E petet mon ti a kontan felisit Lasanble Nasyonal la bomaten.  Semenn pase nou’n met tou lemosyon deor e mon pa’n anpes okenn Manm eksprim li, akoz mon ti konnen poudir ti en Prozedlwa ki ti pou annan lemosyon.  Ti annan bokou keksoz ki petet ti lo leker serten Manm.  Ok?  E zot in ganny sans eksprim zot.  E mon kontan la bomaten ki en Bill ki similar pou Presidential Emoluments (Amendment) Bill semenn pase in ganny pase dan en fason pli byen, pli amikal kot napa bann lemosyon ki’n deverse parey semenn pase.  E avek sa mon ti a kontan remersi Vis-Prezidan parmi nou.  Mon ti a kontan remersi Mr Mohammed Afif, Mr Esparon e Ms Commettant parmi nou e mon ti a kontan eskiz zot.

 

(THE VICE-PRESIDENT MR MERITON AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon nou ava kontinyen nou travay.  Ok.  Yes.  Zis pou lenformasyon Lasanble avek manm piblik sa 2 Lagreman ki devan nou bomaten pou nou  ratifye nou ti fer en rankont, ti annan en demann ki nou ratifye sa de Lagreman avan nou pran Recess akoz sa de Lagreman in fini ekspire e nou bezwen annan en nouvo Lagreman.  Sinon Sesel nou konman en pei nou stand pou nou perdi serten benefis ki ladan si i kontinyen mars li vye Lagreman ki’n ganny extended.  E sa 2 Lagreman ti ganny sinyen par le de Gouvernman an Fevriye 2017.  Maurice i pa bezwen pas atraver Lasanble Nasyonal pou ratifikasyon, me nou avek nou sistenm travay i bezwen ratifikasyon nou Lasanble Nasyonal.  E dan en dernyen meeting ki nou’n fer avek bann zofisye lapes semenn pase, nou’n pran en desizyon avek bann Manm ki ti prezan se ki ler sa 2 Lagreman i ganny prezante nou al dan Staz Komite akoz i vreman teknik.  Nou pou al dan Staz Komite pou nou kapab permet PS  Finance – PS Fisheries son delegasyon, ki mon krwar pou enkli Minis tou pou vin kapab eksplik en pti pe sa 2 Lagreman.  Ok?  So la en pti pe la fason ki travay pou ale me an vi ki nou ti pe ekspekte ti pou annan plis deba lo sa Bill la bomaten e Minis Charlette ek son delegasyon pa ankor arive e zot in donn nou la parol la ki zot pou ariv isi 10.30 mon ava sizere ki nou pran en early break.  Ok?  E ler pou nou retournen mon ava sizere nou retourn 11er mwen kar.  10. 45 si i ok avek zot?  10.30, ok?  Delegasyon Fisheries pou ariv la 10.30, so nou a retournen 10.30, pou nou pran sa 2 Lagreman.  Ok so nou ava adjourn ziska 10.30.

 

(BREAK)

 

MR DEPUTY SPEAKER

Bon mon a zis demann en pti leskiz pou sa pti retar.  Nou ava kontinyen nou travay e mon ava demann Onorab Charles De Commarmond pou li move son Mosyon.

 

HON CHARLES DE COMMARMOND

Mr Speaker mersi.  Mr Speaker i annan 2 Mosyon ansanm vi ki i konsern menm Lagreman mon kapab fer en sel move tou le 2 Mosyon ansanm, nou a fer en sel diskisyon –

 

MR DEPUTY SPEAKER

Wi mon krwar i a byen nou a move tou le de.   Me apre nou a pran vot separeman. En.  OkGo ahead Onorab.

 

HON CHARLES DE COMMARMOND

Mersi Mr Speaker.  Mr Speaker mon le move ki sa Lasanble i ratifye Lagreman ant Gouvernman Sesel ek Maurice lo Lagreman Lapes ant Sesel ek Maurice dan delo Sesel sinyen le 20 Fevriye 2017. E similtaneman mon le move osi ki Lagreman ant Gouvernman Maurice ek Sesel – Lagreman Lapes byensir dan delo Maurice sinyen menm dat le 20 Fevriye 2017.  Avek sa mon ti ava prezant en pti gin ki nou pe koz lo la lo sa kestyon Lagreman Lapes Mr Speaker.  Depi le 11 Mars 2005, en Lagreman Lapes ti ganny sinyen ant Maurice ek Sesel par Minis Zafer Etranzer Sesel sa letan.  Sa ti pou permet bato Maurice ek bato Sesel lapes dan delo kanmarad.  E sa Lagreman in ganny renouvle i ti ganny fer pou 2an e in ganny renouvle tou le 2 an.  Sa in ale pou en pe letan, e sa letan licence ti pou Maurice ti 70mil Dolar e Sesel i ti pey 60mil Dolar par bato.  Savedir Maurice ti pe pey pli ser ki Sesel.  E nou vwar pou dir sa letan osi e o firamezir ki i devlope Sesel i annan li – Lagreman ti ganny fer pou sakenn 15 bato.  E Sesel li ozordi i annan 13 bato ki port son paviyon e Maurice i annan 2.  Apre ki Lagreman i ganny renouvle tou le 2an, zot in vwar poudir zot bezwen revwar sa bann fees la e fer ki zot ti tonm dakor lo 90mil Dolar par bato pour tou le de.  Be la de diskisyon in ale e ki Maurice li ti reste lo 70mil Dolar akoz i ti annan zis de bato; napa bokou e la Sesel ti pe pey 90mil.  So in annan sa bann diskisyon koumsa.  Be prezan o firamezir ki Lagreman dernyen fwa la a 2017 ki nou pe vwar ti devret ganny sinyen ankor, i pa’n ganny fer akoz zot ti le diskit davantaz, akoz i annan en bon pe keksoz anba sa Lagreman ki devret ganny pran an konsiderasyon.  I annan lesanz lenformasyon ki sakenn i anmanse dan delo kanmarad.  Lo bann statistik lo lapes li menm pou zot esanze.  E i annan osi kestyon delimitasyon EEZ Sesel.  Sesel nou dir nou EEZ.  Me nou EEZ konpare avek sa ki li Maurice ek L’Union Europeen i tonm dakor dan Losean endyen baze lo osi bann kestyon demaraz kote sa bann pwason i sot balizaz kanmarad kote ki zot pe dir.  Ti annan osi bann final touch ki bezwen ganny mete lo la pou zot tonm dakor la la laliny balizaz lo tel tel rezyon – tel tel landrwa.  E sa i fer ki dernyen kou osi baze lo bann nouvo lenformasyon, zot ti pe zot ti pe revwar sa license li menm akoz la baz benefis sa Lagreman se osi lo license.  E olye al license par bato zis koumsa menm zot ti pe diskit lo license par bato me selman lo catch lo sa ki zot ratrape.  E la pli ou atrap plis pli ou license fees i pou monte.  E la Sesel ti ava benefisye.  Oparavan ki mannyer ti ete la Sesel i pa telman benefisye se Maurice ki benefisye en pti gin plis ki Sesel.  So kondisyon ti pe dir annou re vwar li koumsa.  Parey mon dir ti annan en lefe – en – tanporerman ti annan en logmantasyon 15 poursan ki ti’n ganny mete lo license fees.  Tou sa la ankor ti en pe kontansye akoz zot ti re vwar dan sa dernyen Lagreman, ki nou pe koze la.  Be sa Lagreman pa’ n ganny fer li, in ganny delay, akoz konmela nou pe dir ki sa bann Lagreman parey olye ganny fer zis an deor koumsa menm par bann reprezantan Gouvernman, nou pe dir ki Lasanble Nasyonal i devret pe gete.  E sa i form par nou rol oversight.  Nou rol osi enformatik konmsi konnen ki pe pase dan nou pei e in dir ki i enportan ki Lasanble i donn son laprobasyon; son ratifikasyon, konmsi nou dir wi nou dakor tel keksoz pe ganny fer Sesel avek en lo pei.  E dan sa lespri, i enportan ki sa i vin devan nou Lasanble.  E prezan nou’n sey met li devan Lasanble pou en pe letan, me i pa’n ganny fer akoz nou osi antre nou, nou ti bezwen konpran byen sa Lagreman, konnen ki pe pase, akoz i annan diferan keksoz Mr Speaker ki nou tande.  E i enportan ki nou tande sa bann keksoz.  Par egzanp peser li i annan son – letan – in tann en pti bout en pti mo i dir Maurice pe benefisye en pti pe plis ki nou anba sa Lagreman deswit i sot anler i dir delo pli gran pou nou pwason plis i kot nou ki mannyer nou, nou perdi?  Alor be i pa pe konpran detay alor i normal ki peser i konplent.  Sa Lagreman i enportan fer sorti.  I pa pe koz pwason-d fon li.  I pa pe koz pwason kazye li.  I pe koz pwason laflot.  Ton ensidswit.  E pwason laflot vre i pas bokou dan nou delo, me apre ki in depas nou delo en lot pei, en lot bato i kapab tranp pou li zis an deor balizaz e i pran tou so nou pa kapab dir nou, nou al met fees telman o, kot personn pa enterese pou vin lapes kot nou e apre nou perdi, nou in the process akoz ler personn pa vini, nou pa ganny nanryen okenn fees me selman zot in met tou zot bato stasyonnen  an deor nou balizaz, an deor nou EEZ whatever  e la zot pran tou pwason.  Sa osi nou bezwen pran an konsyans de sa e Sesel osi i bezwen pran konsyans ki ti a bon sa bann pwason letan i ganny lapes – sirtou dan nou delo nou kapab anmenn li back dan nou Por pou ed nou Por Lapes Sesel.  Me i annan lot keksoz.  Ler nou pe tay nou bann bato Sesel i pe tay avek sa bann pwason.  Ler pwason – sanmenm sa ki ou vwar i annan sa Lagreman kantmenm dan delo Maurice napa otan pwason ki dan delo Sesel me letan bato dan delo Sesel i pe tay ek pwason a la flot ler i depas nou balizaz, nou bezwen arete si napa sa Lagreman.  Ou bezwen les li ale e la i al tonm dan lezot- lanmen lezot peser.  E alor ek sa Lagreman i permet nou kapab kontinyen swiv sa pwason e ratrap li menm dan delo Maurice.  E vice versa sa lot Lagreman ki mon’n dir li i permet Mauricien osi letan i pe swiv son pwason in sorti dan son balizaz in tonm dan delo Sesel i kapab kontinyen pran sa pwason e ratrap li.  Mr Speaker sa Lagreman si nou pa ratifye li e pa permet Gouvernman pou agree e met li a perspektiv i pou vedir ki parey i pe ganny fer la tou le trwa mwan i ganny extend, i ganny extend, i ganny extend lo vye kondisyon.  Sa bann nouvo kondisyon ki sa de Gouvernman pe gete sa i annan en Komite ki pe zer sa Lagreman, ki zot pe met devan parey taler mon ti pe dir nouvo fason kalkil fees lo catch, i pa pou kapab ganny fer akoz nouvo Lagreman pa pe ganny agree lo la.  E se sa rezon ki nou Lasanble i enportan ki i donn son blessing, i ratifye, pou ki i permet Gouvernman finalize son bann negosyasyon ki i pe fer e come up avek sa bann nouvo kondisyon, pou Sesel benefisye.  Parey mon dir tan ki i pa ganny fer alor nou kontinyen perdi nou Sesel; akoz sa extension ki ganny fer tou le trwa mwan e la dernyen extension in ganny fer yer.  Yer pou ziska le 11 Mars 2018.  Tou le 4 mwan savedir pa 3 mwan, tou le 4 mwan.  Desanm, Zanvye, Fevriye, Mars.  3 mwan – i byen tou le 3 mwan.  E sa i fer ki sa extension ki’n ganny fer depi yer la i baze lo vye kondisyon parey mon pe dir zot.  Ou vwar alor i enportan pou nou benefisye e improve lo sa Lagreman ki egziste.  Nouvo kondisyon osi, i a permet ki si ou le la nou dan en peryod tranzitwar tan ki sa nouvo Lagreman pa ganny fer tou keksoz ki pe ganny fer la i zis tranzitwar, me nou, nou pe dir alor i enportan ki Lasanble i pa tarde ek ratifikasyon sa Lagreman pou ki nou finaliz tou sa bann nouvo kondisyon ki nou pe dir.  Me i enportan ki nou anmenn sa dan Lasanble.  Akoz i enportan pou la mon’n koz en pti pe an bref, parey taler ou osi ou’n tous enn de pwen Mr Speaker, me i enportan petet ki a en serten moman nou parey ou ti dir taler ou – nou ganny bann teknisyen Minister konsernen ki vin dan nou  Lasanble e en Lagreman avek sitan lenportans i konsern nou dezyenm Sekter ekonomik Lapes, i enportan ki nou peser, nou pep, i konpran en pe osi  son teknik, son detay si i annan serten kestyon, omwen at least annan en serten ledikasyon, annan en serten lenformasyon lo konteni sa Lagreman.  E ki taler petet bann teknisyen i kapab donn nou si nou annan kestyon pou demande pou leklersisman ki zot, zot pli konn sa bann keksoz ki nou i a kapab eksplik nou.  I enportan ki nou pep i konnen akoz Lagreman letan i fer la apre nou pa kit li zis avek SFA ouswa ek Minister Lapes pou li konmsi manage sa li menm.  Be i enportan partisipasyon pep.  Partisipasyon ou peser, alor kan en aksyon ilegal pe ganny fer baze lo sa Lagreman, baze lo lezot Lagreman Lapes nou bann peser ki la deor i a donn koudmen Gouvernman pou monitor pou veye pou kapab fer sir ki bann keksoz ki nou pe agree lo la, ki nou Gouvernman i pe antre ladan sa bann kalite Lagreman.  I ava osi konesans de tou dimoun e osi tou dimoun nabou partisip dan defans oubyen dan promouvwar bann keksoz pozitiv sa Lagreman.  Avek sa Mr Speaker mon pou move alor ki nou Lasanble i konsider ratifikasyon sa 2 Lagreman ki mon’n prezante briyevman.  Mersi.

 

MR DEPUTY SPEAKER

Mersi Onorab De Commarmond.  Okenn Manm ki segonde?  Onorab Ferrari.  Mon donn ou la parol pou segonde.

 

HON JEAN-FRANCOIS FERRARI

Mr Deputy Speaker mon segonde.

 

MR DEPUTY SPEAKER

Ou segonn tou lede Lagreman en.  Tou le de Mosyon.  Ok.  Bon i annan en request Onorab De Commarmond mover Mosyon in prezant sa 2 Lagreman i annan en request parey mon’n dir bomaten swivan meeting ki nou’n fer ek bann zofisye Minister Lapes pou nou al dan Staz Komite, pou nou bring in the technicians, pou nou kapab.  E si sa i arive Manm i kapab fer en entervansyon oubyen Manm i kapab direkteman poz serten kestyon pou ganny klarifikasyon, serten klarifikasyon.  OkSo mon ava demande ki i ava annan en Mosyon pou move dan Komite.  Onorab Afif.

 

HON AHMED AFIF

Mersi Mr Speaker.  Mr Speaker mon ti ganny sans semenn pase pou mon osi rankontre avek bann Zofisye Minister Lapes avek bann Zofisye SFA e zot in profite dan sa letan pou zot eksplik nou en pti pe benefis ki i annan dan sa bann tel Akor ki permet bann aktivite ekonomik tel ki bann bato ki pe anmenn en paviyon Maurice pou zot lapes dan nou delo pareyman bann bato ki annan paviyon Sesel pou al lapes an deor delo teritoryal Sesel.  Pou mwan sa kalite kolaborasyon i ankadre dan sa Lagreman i permet sa de pei pou kapab eksplwat resours dan en fason ki byen, dan en fason sertennman ki soutenab a kondisyon ki tou le de kote i annan fason sirvey lapes ki pe ganny fer.  Mon krwar keksoz ki enportan ki nou bezwen kapab toultan adrese se i byen i annan en Lakor, kot i ankadre ki kalite pwason ou kapab lapes e mwan sa ki mon’n ganny dir se ki napa okenn moman ki sa lakor pou permet okenn bato Mauricien pou vin lapes lo nou plato ki obor Mahe ki dan zanmirant ki pli lwen, sa bann bato Mauricien pa annan drwa; annefe nenport ki bato ki ganny license  pou fer lapes ton avek lasenn oubyen lapes semi-i endistriyel; pa annan drwa vin lapes lo plato e sa zot ti donn reassurance.  Mon krwar lenportans osi se ki malgre ki nou pe dir tousala i enportan ki nou annan kapasite pou sirvey sa bann aktivite.  Akoz i fasil dir zot pa annan drwa fer li me apre parski ou napa resours dan sa bann landrwa ou trouve ki sa bann bato finalman i konmans lapes lo nou plato.  E mon krwar sa i enn bann sanze ki nou devret, nou devret fer sir nou konpran ki mannyer ban risk i marse e SFA e Minister Lapes i devret donn nou en reassurance ki zot annan tou mezir an plas pou fer sir ki nou delo pa ganny eksplwate dan fason ki sa lakor pa permet.  Sinon Mr Speaker mon krwar poudir in deza ganny fer dan lepase apartir 2005 comme Onorab De Commarmond in eksplike Mars 2005, in marse nou pa’n ganny okenn lendikasyon poudir sa in anmenn problenm dan Sesel.  Annefe la ozordi mon konpran i annan 2 bato ki i annan paviyon Maurice ki pe flote e zot aktyelman dan delo Sesel zot pe fer zot aktivite dan enn nou bann por endistriyel.  Alor pou mwan i annan serten re tonbe ki bon, e alor mon pa vwar okenn danze dan sa bann lakor.  Mon krwar sel keksoz nou devret ankouraze me byensir parey mon’n dir avek tou bann kondisyon an plas pou fer sir sa aktivite i ganny kordinen byen anba sipervizyon pou ki nou resours i ganny eksplwate dan en fason soutenab.  Mersi Mr Speaker.

 

MR DEPUTY SPEAKER

Ok Onorab Ferrari.

 

HON JEAN-FRANCOIS FERRARI

Mr Speaker vi ki nou’n vote pou nou antre dan Staz Komite, eski ou le antre la konmela?  E nou ava – pour ki bann teknisyen ki la i a kapab korize oubyen azoute, donn en pe plis leksplikasyon dan sa ki nou pe dir.

 

MR DEPUTY SPEAKER

Mersi Onorab Ferrari.  Onorab De Commarmond.

 

HON CHARLES DE COMMARMOND

Wi mon ti le- mon ti pe ekspekte Onorab Afif nou ti’n agree pou li move sa Mosyon, me selman anyway me nou a move – mon move ki nou antre dan Staz Komite sa Mosyon.

 

MR DEPUTY SPEAKER

Ok, mersi Onorab De Commarmond.

 

HON CHARLES DE COMMARMOND

Si en dimoun ti kapab segonde.

 

MR DEPUTY SPEAKER

Onorab Pillay.

 

HON SEBASTIEN PILLAY

Mr Speaker mon pe segonn sa Mosyon pou nou al dan Staz Komite pou les bann teknisyen donn nou leksplikasyon.

 

MR DEPUTY SPEAKER

Ok.  Nou ava pran en vot pou antre dan Staz Komite.  Tou Manm ki an faver? Okenn Manm ki kont? Ok. Madam Clerk.

 

MADAM CLERK

Mr Chair mon’n rikord, mon pa okouran si Onorab Pillay ti vote e avek Onorab Ghislain.  Si posib nou a repran en kont silvouple?  Mersi.

 

MR DEPUTY SPEAKER

Ok annou repran en vot.  Tou Manm ki an faver pou al dan Staz Komite?

 

MADAM CLERK

Mr Chair 20 an faver.  Mersi.

 

MR DEPUTY SPEAKER

Ok okenn Manm ki kont?

Onorab Ferrari ou kont non?  Ok.  Bon mazinen ki Onorab Pillay pe servi sistenm vote Westminster non?  Wi.  Ok, Madam Clerk konbyen ou’n gannyen?

 

MADAM CLERK

Mr Chair 20 Manm an faver e personn kont.  Mersi.

 

MR DEPUTY SPEAKER

Ok, mersi.  Bon nou ava demann Sergeant pou move Mace e mon a demann Parliamentary Reporter pou apel Minis avek son delegasyon.  E ankor parey mon’n dir bann Manm ki – zot kapab fer en short intervention lo sa 2 Lagreman, oubyen si i annan Manm ki le al direkteman lo poz bann teknisyen bann kestyon pou zot ganny bann klarifikasyon.  Yes Onorab Ferrari.  Yes ok.  E petet ankor pou zot lenformasyon e lenformasyon piblik, sa Lagreman ant Sesel e Maurice e Maurice ek Sesel i la depi 2005.  So i annan apepre 12an depi ler i la sa Lagreman e i ganny renouvle tou le 2an.  Bon mon ti a kontan dir en gran bonzour e welcome Minis Pamela Charlette Minis pou Lapes ek Lagrikiltir avek son delegasyon ki enkli Sekreter Prensipal pou Lapes Mr Michael Nalletamby, son Special Advisor pou Lapes Mr Roy Clarisse e Mr Calvin Gerry Deputy CEO pou SFA.  Bon Minis nou’n move tou lede Mosyon me selman nou pou pran vot separe e Leader of Government Business in fini prezant Mosyon.  I annan de pti entervansyon in ganny fer e prezan nou pou open the House pou okenn klarifikasyon, okenn kestyon ki ou panel i a kapab reponn.  Bon, mon a konmans avek Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mwan osi mon’n enn sa bann Manm ki’n asiste en meeting avek bann teknisyen Minister Lapes avek Lotorite Lapes e mon remersye zot pou sa bann leklersisman e – me mon santi ki piblik an deor e bann stakeholders i enportan pou zot tann enn de bann largiman, enn de bann leksplikasyon piblikman lo medya pou reasire zot.  Akoz nou konnen Mr Speaker ki an sa ki konsern nou resours Lapes nou en nasyon ki byen zalou e nou vey byen nou resours e nou pa, nou pa kontan, si i annan okenn moman ki nou santi i annan lezot pei ki pe tro benefisye lo nou.  Dan sa 2 Lakor ki devan nou mon ti a kontan fer de pti pwen e demande ki bann teknisyen oubyen Minis li menm i konfirmen oubyen i presize bann – si sa ki mon pe dir mon’n byen konpran e si mon’n byen eksplike.  Mon premye pwen se ki i enportan pou piblik konpran ki sa Lagreman i deza egziste.  I deza la.  E i deza an fors.  Me selman e in an fors depi 2005 donk i deza la depi 12an.  E ki tou le de pei pe benefisye dan sa Lagreman.  Donk i pa en kestyon ki nou pe vin vot en keksoz nouvo.  I egziste e nou pe vin met li azour pou fer sir ki nou pei i benefisye o maximum dan bann kondisyon e bann term sa Lagreman.  Pou le moman nou pa pe benefisye akoz bann negosyasyon ki’n ganny fer pandan sa 2 dernyen lannen in – Gouvernman Mauricien e Gouvernman Seselwa in tonm dakor lo en ogmantasyon bann tarif ki ganny peye pou permisyon e license pou lapes dan delo resiprok.  Sa bann tarif in ganny ogmante parey Onorab De Commarmond in dir pli boner sorti 70mil Dolar par an pou mont 110mil Dolar pou bann purse seiners pou bann bato Mauricien ki lapes dan delo Sesel e en pe mwens pou bann bato ki anrezistre Sesel ki lapes dan delo Maurice.  Donk i annan en logmantasyon ki’n ganny prevwar me nou pa kapab ganny sa larzan akoz nou ankor lo vye Lagreman.  Imedyatman ki nou Lasanble i ratifye sa nouvo Lagreman e remet li azour nou pei i ava pe kolekte en pe plis reveni avek bann bato ki anrezistre Maurice. E sa Mr Speaker i normal akoz resours lapes, resours lapes ton i bokou pli enportan dan delo Sesel ki dan delo Maurice.  E sa nou – tou dimoun i konnen e bokou i demande be akfer nou bezwen al les Mauricien vin lapes kot nou e zot zot pou le nou lapes kot zot.  Ki nou pou al lapes dan delo Maurice?  Ki nou pou al lapes, napa pwason laba.  An realite i annan en pe laverite ladan, me selman sa ki enportan se ki sa lakor i permet nou, i permet nou swiv pwason ler i dan sa rezyon lemonn e bann bato ki anrezistre Sesel i kapab kontinyen zot lapes san okenn restriksyon.  Me sirtou, me sirtou i pe envit bann bato ki anrezistre Maurice pou vin lapes e pou servi nou bann fasilite por dan Por Victoria e sa sirtou a sa moman ki nou pe koze kot bann dimoun ki kon sernen avek lapes ton, i konnen ki nou vwar dan Por avek lenplimantasyon bann quota ki IOTC in egzize dernyerman nou vwar bokou bann sener Espagnole e Français ki’n anmare dan por zot pa pe lapes akoz zot in fini lapes zot quota.  Alor si nou kapab ganny lezot bato ki fer marse nou Por, ki fer aktivite dan por i en keksoz ki nou welcome.  Me selman nou pa devret per non plus ki bann Mauricien pou vini pou vin ek en laflot bato enkrwayab ki pou vin take over tou nou pwason.  Pandan sa bann dernyen lannen menm si lakor i prevwar pou 15 sener in annan toultan maximum 2 sener e pou le moman i annan de sener ki pou lakonpannyen SAPMER ki anrezistre Maurice e ki lapes souvan dan delo Sesel e ki fer laplipar son bann aktivite transbordman dan Por Victoria.  E la nou benefisye avek sa aktivite ekonomik me nou osi benefisye avek sa license fee ki nou peye, ki pou ogmante avek sa nouvo Lagreman.  Donk mon krwar sa i en keksoz vreman enportan ki bann peser zot bezwen ganny reasire ki lo kote nou stok, lo kote nou resours, napa gran menas lo nou.  An realite mon kapab dir ki nou’n ganny re asirans e mwan mon’n pas atraver sa Lagreman, nou’n ganny reasire ki sa bann bato ki anrezistre Maurice ki lapes dan delo Sesel, zot pou bezwen swiv bann menm prensip dan ban menm lobzektif ki’n met ater par Minister Lapes SFA e IOTC.  An sa ki konsern stock management an sa ki konsern soutenabilite sa Lendistri, an sa ki konsern bann rules, bann regilasyon lapes e bann metod lapes, e sirtou avek sa lakor nou pou kapab annan en korperasyon syantifik avek en operater, ki nou vwazen e ki enportan – sa i en keksoz ki bann dimoun i bezwen, i bezwen vreman met en kantite valer lo la.  Nou pa kapab zer resours si nou napa en Korperasyon syantifik. E si nou dir nou pa pe korpere avek nou bann vwazen akoz zot, zot napa pwason zot napa ton kot zot, zot napa sa bann fasilite nou pa pou gannyen sa bann lenformasyon e sa pou nou i vreman tre enportan.  Mon repet briyevman e mon ti a kontan ki Minis e son bann teknisyen i fer li kler ki bann lespes ki permisib, akoz sa i tre enportan.  Lekel bann lespes nou dapre nou konpran bann lespes non selman ki migratwar me ki, me highly migratory, plis ki migratwar.  E donk bann pwason lo fon bann pwason-d fon pa pe ganny afekte ditou akoz sa i konsern lapes ton.  E ton avek  sword fish, sailfish bann pwason dan sa kategori ki highly migratwar alors nou pa bezwen enkyet pou nou pwason-d fon, nou pa  bezwen enkyet pou nou 200 reken dan lagon D’Arroches (ah) pa 200 sa 20 reken (laughter).  E donk sa i ganny proteze byen anba sa Lagreman.  Mon ti a kontan osi dir ki i annan bokou kontrol anba bann diferan Seksyon ki nou annan isi sirtou part 5 anba Seksyon, Seksyon 4 i annan enormeman kontrol.  I annan fasilite pou annan bann obzervater lo bato.  I annan fasilite, i annan reporting obligations ki sa bann bato i bezwen raporte sinon zot ganny fine.  I annan bann regleman ki dir ki sa bann bato ler zot pe lapes dan delo Sesel zot bezwen soumet zot a Lalwa ki aplikab Sesel – parey si en bato i anrezistre Sesel i bezwen soumet a Lalwa ki aplikab Maurice, me selman i enportan pou nou konnen poudir i annan en overriding Lalwa ki en Lalwa rezyonal ki bann lakor rezyonal anba Indian Ocean Commission ki overriding ek tou sa bann mezir pou ou protez nou resours e pou deside ki kalite lapes, ki kantite FADs , kantite bann supply vessel sa bann keksoz koumsa.  Tousala i ganny byen delimite pou fer sir ki napa personn ki kas bann Lalwa ki’n ganny mete pou protez nou bann stok.  Donk Mr Speaker mwan mon satisfe ki sa 2 Lagreman in ganny byen negosye e ki i donn, i donn – i anmenn bokou pou Sesel an term reveni finansye e osi an term Korperasyon Rezyonal e an term management nou stok nou pa bezwen enkyet.  Mon krwar ki Lasanble i devret menm nou en pti pe an retar me nou devret ratifye sa 2 Lagreman.  Mersi Mr Speaker.

 

MR DEPUTY SPEAKER

Mersi Onorab Ferrari.  Mon annan en lot Manm mon ava les entervenir apre mon ava pas la parol avek panel.  Onorab Esparon.

 

HON REGINA ESPARON

Mersi Mr Speaker.  Mr Speaker mon ti a kontan dir ki malerezman malgre ki sa rapor in deza egziste depi 2005 peser ek bann met bato i reste dan linyorans e ozordi ler ou koz ek en peser, zot annan en lenkyetid lo leksplwatasyon nou bann resours maren.  E avek sa Lagreman zot pli enkyet ankor.  Pou nou ki’n asiste rankont avek SFA nou konpran ki benefis en tel rapor pou anmennen me Mr Speaker mo n krwar ki i annan sa nesesite pou ki SFA i sansibiliz peser e met zot okouran lo benefis ki sa rapor pou anmennen pou nou Lendistri Lapes parski zot santi ki Lotorite souvandfwa antre dan bann Lagreman, siny bann Lakor e zot pa ganny konsilte.  Mr Speaker mon konpran zot konsern mwan.  En lot lenkyetid se eski Sesel i annan mwayen sirveyans ek monitoring ki efikas pou konnen ki kalite aktivite ki pe ganny komet dan nou delo malgre ki i annan sa Lakor.  Eski bann regilasyon pe ganny swiv?  Sa osi i en konsern ki peser i anvi konnen.  Akoz Mr Speaker si nou bann peser i okouran zot osi zot kapab sirvey en pe bann aktivite ki pe arive dan nou delo e raport avek Lotorite. Alor Minis i enportan pou annan plis konsiltasyon avek peser atraver zot lasosyasyon.  Mersi Mr Speaker.

 

MR DEPUTY SPEAKER

Mersi Onorab Esparon.  Onorab Woodcock ou le entervenir apre nou a donn la parol panel.  Go ahead.

 

HON WAVEL WOODCOCK

Mon osi mon enn sa bann MNA ki’n attend sa meeting.  En pti pe dan menm laliny ki Onorab Regina in koz lo la.  I annan bann konsern, bann alegasyon deor parmi bann peser konmkwa ki sa bann bato Mauricien i annan ki’n vin lapes lo nou plato.  Mwan mon ti a kontan konnen si sa bann alegasyon i vre e ki bann fason ki zot pou monitor sa bann bato pou anpes zot lapes lo nou bann plato pou fer sir ki zot pe fer – zot pe lapes within the boundaries zot pe lapes bann pwason pelagic olye bann pwason demersal.  Mon lot kestyon i ki bann benefis ki sa bann bato Mauricien lapes dan lanmer Sesel pou anmennen?  E mon trwazyenm kestyon la pou le moman i annan zis de bato Morisyen ki pe lapes dan lanmer Sesel, eski zot pou ekspekte en logmantasyon dan lakantite bato Mauricien ki pou vin lapes dan lanmer Sesel apre si nou deside vot an faver sa Mosyon?  Mersi.

 

MR DEPUTY SPEAKER

Ok mersi Onorab Woodcock.  Okenn lezot Manm ki le fer en pti lentervansyon avan mon donn la parol panel.  Onorab Henrie.

 

 

HON GERVAIS HENRIE

Bonzour Mr Chair.  Bonzour tou dimoun.  Briyevman mon’n anvi zis 2 kestyon mon ti ava kontan panel i note e donn en larepons.   (1) par lefe ki nou’n a[rann pou dir sa Lagreman i egziste depi 2005.  So zot in al re negosye, sa i pou en nivo.  Mon anvi zot dir nou ki leson zot in tire dan bann keksoz ki’n pase konmsi de kwa ki zot in amelyore?  Kwa ki zot in amelyore dan sa nouvo Lagreman pou asire ki le de pei i ganny the best deal dan sa Lagreman ki son term konservasyon bann lespes ; ki son term loportinite pou bann zenn, ouswa nouvo loportinite resers bann keksoz koumsa.  Sa i enn.  Apre dezyenmman nou konnen pou dir deor i annan en laswaf ki Seselwa ti ava kontan vwar Sesel konman en pei bouz dan lenvestisman lendistri ton ki son term nou prop laflot.  Alor mon ti a kontan demann zot si i annan en lespas anba sa Lagreman ki Sesel ek Maurice konman 2 pti leta zil i fer en joint venture dan sa leksplwatasyon sa lespes, pou ki nou benefisye akoz nou konnen pou dir bokou sa bann pei I  mean bokou sa bann bati  ki pe lapes i bato ni Seselwa ni Mauricien.  Me zot bann bato Espagnole ou Français ki zot lapes anba nou paviyon.  Alor mon ti a kontan konnen si i annan lespas pou ki sa i ganny konsidere.  Sa i 2 pwen ki mon ti ava kontan zot reponn.  Mersi bokou

 

MR DEPUTY SPEAKER

Mersi Onorab Henrie.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair Lagreman ki devan nou i paret ase straight forward, anvi ki i konsern partisipasyon laflot lapes, 2 diferan  pei me selman i annan en lot lapse sa size ki vreman enportan se soustenabilite nou bann resours e ki mannyer sa i ganny manage.  Sirtou lo pwennvi enforcement ki SFA i bezwen fer.  E osi lo pwennvi lo bann policies ki nou met an plas pou nou vwar ki bann lezot aktivite i kapab pe arive dan Sekter Lapes.  Mon konnen ki zot, zot tre kler lo ki mannyer sa Lagreman i fonksyonnen.  Me i annan en pwen ki bezwen ganny dir lo lenpak ki sa bann kalite lapes i annan, e lo volim sa kantite lapes ki pe annan dan nou delo.  So mon ti a kontan petet zot klarifye par egzanp lo nivo nou Fisheries Management Plan ki mannyer i pe ganny fer sirtou lo nou Mahé Plato lo nou bann no-take zones an se ki konsern sa kalite lapes spesifikman.  E apre petet osi dir nou si lo pwennvi enforcement zot pe osi konsider annan en closer monitoring lo ki bann kalite catch, ki sa bann bato pe pran ler zot pe lapes ; swa lo pwennvi lasenn swa lo pwennvi semi-endistriyel.  Akoz i a annan serten konsern ki par egzanp serten bato i indiscriminate dan sa ki zot pran dan delo, zot pran tou.  Depi marswen, depi lare depi tou kalite lespes maren ki zot kapab zot ti tyonbo ki ganny tyonbo zot pe anmase.  So eski zot pe annan an plas en sistenm ki ava efektivman monitor pa zis kot sa bann bato  i ete.  Mon konnen sa zot pou servi bann teknolozi par egzanp Coast Guard e nou’n tande ki SFA osi alongside lezot Lazans pe envestir dan bann regional monitoring system.  Me osi lo bann bato kot nou annan bann observers bann dimoun koumsa.  Rezon mon pe demann sa Mr Chair i akoz bokou bann dimoun par egzanp ki fer domain charter in rekonnet ki resaman in annan bokou plis serten lespes pelazik ki pe ganny tyonbo en pe pli pre avek bann delo kotyer ki oparavan.  E sa zot in atribye li  avek zisteman avek bann quota ki ti ganny reach par bann tonnye bann purse seiners e ki fer dapre largiman in annan plis sa bann sa kalite lapes ki pe go on.  E sa i en lendistri ki dan li menm ki pa pe ganny eksplwate, akoz si nou ti kapab par egzanp al dan sa domenn pou vwar si nou pe fer par egzanp game fishing par egzanp konman enn bann posibilite ki nou kapab anmenn lezot income akoz en pwason ki ganny tyonbo 3, 4 fwa, sa dimoun ki tyonbo li i pey en kantite larzan zisteman pou fer sa kantite lapes.  Mon konnen i pa en size spesifik ki annan pou fer ek sa.  Me i len size ki relye avek lefe ki aktivite ki sa bann lapes endistriyel i annan, e lapes semi- endistriyel i annan, i annan en lenpak lo stok pwason.   E sa lenpak i fer ki sa kalite aktivite ki kapab vreman lucrative pou pei en kantite Seselwa i kapab lans zot ladan.   Nou petet pa pe fer ase.  E mon ti a kontan fer en pledwari par lefe ki nou konnen pou  dir dan Caraïbes i annan siklonn bokou bann dimoun ki abitye al fer sa aktivite dan Caraïbes pe rod lezot landrwa pou fer.  E Sesel i kapab enn bann landrwa kot sa bann dimoun i kapab vini.   So sa i kapab vin en additional value added income ki pe vini dan pei ki pou fer sa.  E ki bann lezot keksoz kapab dekoul sa lendistri.  So mon konnen sa i pa vreman en keksoz ki zot pou al ladan.  Me mon ti a kontan zot focus lo sa pwennvi soustenabilite.  E pou vwar ki mannyer nou pe monitor pou asire ki zisteman nou stok pa pe ganny deplete e ki nou napa osi sa laspe indiscrimination par egzanp, kot i konsern lapes kot sa bann bato pe anmas nenport kwa dan delo e i kapab pe afekte Ecosystem nou Zone Maritim.  So e dernyen pwen Mr Chair.  Mon konnen pou dir i annan en legzersis pou travay lo Marine Special Planning.  Sa Lagreman li menm i bezwen pe mars ansanm avek nou bann demars pou bann planifikasyon.  So eski tousala pe ganny met an plas pou ki nou annan sa bann diferan Zone ki’n ganny byen etabli kote sa bann aktivite pe ganny fer.  E ki napa okenn lenpak advers lo nou lapes?  Parey mon’n dir i byen ki nou annan sa bann Lagreman me selman nou bezwen toultan fer sir ki nou pe regard soustenabilite resours ki nou annan.  Mersi Mr Chair.

 

MR DEPUTY SPEAKER

Mersi Onorab Pillay.  Onorab Aglae.

 

HON EGBERT AGLAE

Mersi Mr Chair.  Bonzour Minis ek ou delegasyon mon osi mon ti ganny sans attend sa meeting Mr Speaker.  Mon kestyon i vin lo sa rol oversight petet Lotorite Lapes li i pou bezwen pe fer anba sa Lagreman.  Ozordi Maurice i annan li 2 bato ki pe fer sa lapes anba sa Lagreman.  Demen i kapab deside ogmant son laflot.  Petet premyerman mn ti a kontan Minis ti a eksplik nou petet ki devlopman an term sirveyans, an term kapasite lo zot Lotorite pou kapab fer sir ki i annan en proper monitoring an fors ki bann data ki pe ganny kolekte an term kantite tonaz pe ganny respekte an vi ki Sesel i annan en Lagreman ek IOTC pou serten quota ki ti ganny etablir.  E osi lo kote en Fleet Development Plan si ou ti kapab eksplik nou si Sesel nou annan enn ki azour ki nou pe mazinen a lavenir, si ou kapab eksplike pou bann peser osi konnen e Lotorite.  Mersi.

 

MR DEPUTY SPEAKER

Mersi Onorab Aglae.  Bon si  napa okenn lezot konsern mon ava pas laparol avek panel mon ava petet demann Minis avan, pou fer en pti lentrodiksyon apre ou a kapab pas laparol avek ou PS e Mr Clarisse.  Minister.

 

MINISTER PAMELA CHARLETTE

Mersi bokou Mr Speaker.  Bonzour tou dimoun.  Mersi pou don nou sa loportinite, pou nou vin reponn en pe kestyon menm si nou’n deza mon bann teknisyen in deza avan vin koz ek zot.  Zis pou konmanse, mon a tous lo enn de pti pwen ki’n leve apre mon ava donn mon bann teknisyen ki pli konverzan lo kote teknik pou advise zot en pti pe.   Ok mon krwar Onorab Ferrari in tous en bon pe pwen.  Konsernan bann lavantaz ki sa Lagreman i annan.  Sirtou lo kote monitoring avek statistik ki nou pe kontinyelman anmase pou nou kapab nou kot Minister fer nou Policy.  Me osi pou SFA pou li ogmant son sirveyans e monitoring spesyalman when it comes to bann rezolisyon IOTC.  E osi bann lezot Lagreman  ki nou annan.  Par egzanp nou deza pe annan, monitoring  lo kote bann EU agreement e menm kapasite menm lenformasyon i pou ed nou en kantite.  Mon toutafe dakor avek Onorab Esparon kot i dir ki wi nou bezwen involve plis bann peser.  Konsiltasyon i vreman enportan.  E nou a pran sa en konsiderasyon SFA Ii a pran sa an konsiderasyon pou li go out to piblik – to bann peser sirtou,  e lasosyasyon.  Mon krwar i enportan.  Konmela nou annan bon korperasyon, bon kolaborasyon avek zot.  E nou toultan pe koz ek zot.  So  sa i ava en keksoz ki nou a konsidere pou nou  pou zot fer.  Onorab Woodcock ou’n koz en pe lo si kekfwa nou annan nide sa kantite bato pou ogmante ?  Leksperyans i montre ki menm si avan zot ti annan 10 bato zot ti allow for pou 10 bato.  Nou’n toultan annan 2.  Me sa Lagreman ki nou annan, i pa vedir ki menm si en bato i vini i apply en license avek nou, nou pou bezwen donn li, akoz i bezwen go through bann lenspeksyon ki nou fer.  Whether bann gears ki pe servi oubyen lo lenspeksyon bato li menm.  E i annan bokou kriter ki bezwen k bezwen satisfer nou oubyen  bann standar ki bezwen satisfer nou avan ler ki pou ganny sa license.  Ok.  Onorab Pillay in mansyonn bokou lo soustenabilite pwason nou resours.  Mon krwar sa i en preokipasyon Minister e osi preokipasyon SFA.  Akoz nou anvi ki lapes i vin soutenab, e pou sa sanmenm sa ki annan sa bann diferan progranm oubyen proze.  Parey nou Marine Special Management.  Nou Plateau Management ki’n fini ganny aprouve e ki i ava ganny met an aplikasyon pou nou kapab fer sir i annan en soustenabilite nou resours.  Mr Speaker mon a prezan pas avek bann teknisyen ki kapab donn en pti pe plis an detay lo bann lezot konsern ki’n ganny leve.  Mersi.

 

MR DEPUTY SPEAKER

Mersi Minis Charlette.  PS Nalletamby.

 

PS MR MICHAEL NALLETAMBY

Mersi Mr Speaker.  Bonzour Onorab.  Mr Speaker mon pou zis azout lo sa Minister in dir mon krwar in kouver en bon pe bann Onorab in koz lo la.  Mr speaker mon ti a kontan anvi tous enn de bann pwen ki’n ganny kouver Minister in kouver en bon pe.  Me premye keksoz se pou asire ki bann lespes ki sa Lagreman i permet se bann lespes migratwar.  Me  menm dan sa bann lespes ; par egzanp bann reken serten bann form reken i ganny restrikte ou pa ganny drwa lapes.  Plito bann lespes parey Onorab Ferrari in dir, ton swordfish, the like.  So bann lespes demersal totalman an deor sa Lagreman.  Annefe nou Lalwa i pa permet foreign investment pou lapes dan sa bann demersal.  Sa i en keksoz i enportan fer sorti Mr Speaker.  Avek sa ankor lo pwen Onorab Ferrari, avek limitasyon ki nou annan avek Yellowfin anba IOTC resolution 1701, i fer ki aprezan nou annan detrwa plizyer bann bato ki pe reste dan Por.  Me i annan 2 ; par egzanp bato SAPMER zot ankor anba quota – anba limit.  Zot quota ki nou ti donn zot.  Me avek bann lezot bato parey sa ki pe lapes mwens i pou donn nou plis sa lespas pou aktivite dan Por kontinyen.  Si non nou pou annan laplipar bato ki’n anmare.  So i ogmant nou lespas pou nou kontinyen bann aktivite dan Por e menm petet IOT ek son bann resours pou son aktivite li menm.  Mon krwar Onorab Esparon in koz lo sansibilizasyon pou nou fer sir dimoun i konpran.  E sa nou gete ki mannyer nou kapab met li lo nou bann website kot dimoun i ganny akse avek nou bann Lagreman parey kot nou kapab menm annan meeting.  E ler nou al fer meeting nou fer bokou bann meeting avek bann lasosyasyon e la nou kapab eksplik zot ankor an detay bann konteni sa Lagreman.  Onorab Henrie in koz en pe lo diferans sa 2 Lagreman sa enn avan ek sa enn la; sa pli gro diferans se sanzman dan sa pri license ki nou pe peye.  Ti annan en sityasyon kot apre nou ti’n revwar pri bato ki flag Sesel nou prop bato in mont pa la o sa ki Mauricien ti pe peye e la nou’n fer li fer sir dan sa Lagreman nou annan plis sa lavantaz ki Mauricien.  Sa i enn bann sanzman.  Apre i annan bann lezot sanzman teknik of lesanz lenformasyon observers met observers a bor pou fer bann plis bann MCS bann monitoring control surveillance.   I ogmant en pe kontrol lo sa aktivite atraver sa Lagreman.  Nou’n fer en pe amelyorasyon dan sa bann term koumsa.  Lo kestyon soustenabilite ki Onorab Pillay in koz lo la.  I annan 2 issue in koz lo la e Mahé Plateau Management Plan.  Sa in ganny aprouve by Cabinet e lannen prosenn nou pe konmans aplik li.  Me Mahé Plato sa Lagreman pa fer provizyon pou sa bann bato ki’n lapes lo Mahé Plato. An term soustenabilite lapes ton sa nou Fisheries Act i kouver lafason ki lapes i ganny fer la.  E nou osi subjected to bann rezolisyon IOTC ki govern tuna fishering antye dan losean Indien.  So sa Lagreman  i osi subject to sa bann catch control measures ki evantyelman i ganny deside.  Nou osi  nou enplike ladan dan sa bann diskisyon ler i pe ganny fer.  So i kouver sa bann mon krwar Minister in reponn kestyon Onorab Aglae ki ti annan 2 bato an 2005 – ti napa okenn bato an 2005 nek an 2013 ki zot ti vin ek 2 bato.  E la nou’n fer provizyon nou’n ogmante sorti 10 pou vin 15 senpleman akoz nou, nou annan 13 bato. E nou ti pe fer lespas pou nou menm.  Me ankor dapre bann rezolisyon IOTC i annan kontrol lo ki mannyer nou ogmant laflot dan sa bann Lagreman.  I retenir nou en pe lo sa bann.  Mersi Mr Deputy Speaker.

 

MR DEPUTY SPEAKER

Mersi PS Nalletamby.  Mr Clarisse i annan okenn keksoz oule azoute oubyen Mr Gerry?  Yes Mr Clarisse.

 

SPECIAL ADVISOR MR ROY CLARISSE

Mersi Mr Speaker. Bonzour tou Onorab.  Zis pou azoute bref man Mr Chair, apard Mahé Plato kot sa bann bato pa ganny drwa vin lapes i osi annan 9 Zone restrikte dan delo Sesel.  Otour bann zil Amirante e bann Zil Elwanye kot sa bann bato napa drwa lapes annefe sa bann zone restrikte i rezerve spesifikman pou nou bann bato  lokal.  E parey Minis avek PS in fer resorti, i annan gran improvement ki’n ganny fer lo sa Lagreman pou met li anliny avek bann konvansyon enternasyonal sa Lagreman  i ase lye depi 2005 nou’n fer sir ki nou’n met li anliny avek bann Konvansyon Enternasyonal sirtou ki  konsern Lalwa lanmer IOTC the United Nation Fisheries Agreement e lezot.  E parey dann bann dan vye Lagreman pa ni ti kouver ki lespes ki sa bann bato i ganny drwa lapes ki la nou’n ferm sa laport e fer sir ki zot restrikte e pou lapes zis bann lespes tuna and tuna-like parey in mansyonnen.  Sanmenm tou ki mon anvi kontribye pou lemoman Mr Chair.  Thank you. 

 

MR DEPUTY SPEAKER

Mersi Mr Clarisse.  Mon annan ankor enn de query from bann Manm.  Onorab Esparon.

 

HON REGINA ESPARON

Mersi Mr Speaker.  Mr Speaker zis pou re demann Minis letan mon ti fer mon lentervansyon mon’n koz lo sistenm sirveyans e zot pa’n adres sa ditou.  Parski letan ou koz bann peser la.  zot pou dir ou zot pa pe vwar ou pou dir mon Coast Guard ki pe sirvey nou delo teritoryal.  Me selman mazorite peser zot pa pe vwar Coast Guard konmsi vizit dan bann landrwa kot zot, zot pe al lapes.  Nou konnen pou dir Maurice zot sirveyans zot sirveyans ziska Plato Mascareines.  Me pou Sesel ki zistans nou pe ale?  Ou konpran mwan?   Alor mwan mon krwar i enportan avek en tel Lagreman pou nou ranforsi nou sistenm sirveyans nou sistenm monitoring konmsi nou bezwen ranforsi li, pou fer sir ki nou pe vreman veye ki pe arive dan nou delo teritoryal.  Mersi Mr Speaker.

 

MR DEPUTY SPEAKER

Mersi Onorab Esparon.  Onorab Ferrari.

 

HON JEAN-FRANCOIS FERRARI

Wi mersi Mr Speaker.  Mon ti a kontan ki nou panel la i res eksplik avek Lasanble annan tye sa ki zot ti dir zot ti eksplik nou semenn pase kronm kwa i annan bann strict reporting requirement, ki ler enn sa bato i antre dan delo Sesel i bezwen sinyale e ler i sort ii bezwen sinyale.  Konmsi Minis avek respe mon krwar ki parler zot pran li en pti pe alalezer sa zafer eksplik bann stakeholders.  Konmsi eksplike e avek respe Mr Nalletamby – bokou sa bann dimoun zot pa pou ale lo internet zot konmsi zot anvi tann ou dir pa bezwen trakase akoz i annan bann keksoz an plas konmsi pou sa bann boug pa pe vin fer piyaz dan nou delo akoz nou annan bann keksoz.  E sa ki zot anvi tande.  E donk sa i en follow-up avek sa ki Onorab Esparon in dir.  E mon ti a zis kontan demann en pti kestyon teknik ki par egzanp ler ou dir mon ler ou dir nou 13 bato avek Sesel de bato Mauricien.  Sa ler zot peye zot pey par bato sa enn ki le ale.  Pa tou le 13 ki al lapes dan delo Maurice?  Sa enn ki al lapes ki peye.  Is that right?  Konmsi nou pe gannyen larzan avek sa de akoz zot lapes toultan full-time isi.  Me dan sa 13 la konbyen dapre zot ki ale dan delo Maurice regilyerman pou zot al lapes?   Mersi.

 

MR DEPUTY SPEAKER

Ok mersi Onorab Ferrari.  Onorab Vidot.

 

HON AUDREY VIDOT

Mersi Mr Chair.  Mon lo menm laliny lo kote monitoring petet panels i kapab eksplik nou Lasanble pou piblik stakeholders ki a lekout, letan sa bann bato in antre dan delo Sesel.  Mon mazinen i annan zot ti’n deza annan serten catch ki zot in vin avek.   Ki mannyer nou kapab asire ki sa bann catch ki letan zot, zot pou lapes dan delo Sesel i pa an plis oubyen an mwens? E ki monitoring zot pe fer pou asire ki parey letan nou pe dir.  Sesel  i annan en bon deal napa keksoz kip e ganny sorti nou bann pwason pe ganny lapes dan nou delo pe ale.  Me nou pa konnen kantite ki sistenm monitoring zot pe fer en pe lo la.  Please. 

 

MR DEPUTY SPEAKER

Ok mersi.

 

HON WAVEL RAMKALAWAN

Point of order Mr Chairman.  Nou pe perdi dan sa deba.  I think nou devret annan en kestyon en larepons.  Parski la mwan mon’n fini perdi parski mon’n bliye kwa ki Onorab Esparon ti demande, kwa Onorab Vidot in demande.  E taler letan nou pou ganny larepons nou pou ganny en container ki nou pa pou soz.  Si nou ganny enn, enn en kestyon en laperons i vin pli kler osi pou dimoun ki pe ekoute – pou bann peser ki nou pe eksprim sa konsern parski sansan  it’s gonna be lost and the exercise it’s gonna be a waste of time. 

 

MR DEPUTY SPEAKER

Bon mon’n konmans koumsa mon’n les detrwa Manm entervenir apre mon’n donn laparol panel.  E mon kontiny en pe parey mon’n ganny ankor 3 Manm ki’n lev lanmen.  E la prezan mon pe donn panel sans pou kapab reponn sa bann konsern.  Minis oubyen PS.  Ok Mr Clarisse.

 

SPECIAL ADVISOR MR ROY CLARISSE

Mersi  Mr Chair.  Mr Chair mon pou reponn sa kestyon lo catch reporting ki zot in demande.  Annefe anba Lagreman letan en bato pe antre dan delo Sesel en bato Mauricien pe rantre dan delo Sesel.  24 erdtan avan i bezwen enform Lotorite Lapes ki pozisyon ki i pe antre konbyen pwason i annan abor par lespes.  Letan ki pe kit delo Sesel ankor i bezwen en form Lotorite Lapes 24 erdtan davans kote  sa pozisyon ki i pe sorti e ankor ki kantite pwason i annan abor par lespes.  Pandan sa peryod ki’n antre ki pe lapes dan delo Sesel tou le 3 zour i bezwen raport en anvoy en raport kot Lotorite Lapes ankor ek sa bann menm lenformasyon, ki kantite pwason i annan abor par lespes.  Me parkont toulezour i bezwen rikorde dan son logbook i annan en tou bato i annan en logbook onboard ki zot raporte ki zot raporte konbyen kout senn zot in fer, konbyen pwason ki zot in atrape  dan sak senn en estimasyon e konbyen ki zot annan abor.  E pou SFA osi kapab kontrol sa ki zot pe raporte, i annan observer ki ganny mete abor.  E de plis letan sa bann bato i ariv lo Por pou debarke, i annan bann dimoun ki al fer something abor bann lenspekter pou konsolid sa ki zot in raporte ek sa ki dan zot logbook.  An plis ki sa sa Lagreman pe fer provizyon pou nou entrodwir electronic reporting.  Sa lenformasyon ki nou pe ganny li tou le 3 zour, pou nou ganny li otomatikman tou le 24er ki li avek zot pozisyon.  So ou konnen tou le 24er kote sa bato ti ete son pozisyon.  E ki kantite pwason i annan abor.  Mr Chair s ai  pou fer avek catch reporting an term kantite nonm bato  Sesel  ki lapes delo Maurice on average nou annan 3 bato.  Purse seiners ki pran license pou lapes dan delo Maurice me nou annan nou bann industrial longliners osi tou, ki nou ganny apepre en 8, 9 lapes lo delo Maurice par an.  Thank you Mr Chair.

 

MR DEPUTY SPEAKER

Ok mersi Mr Clarisse.  Mr Gerry ou ti le azout keksoz?  Go ahead. 

 

DEPUTY CEO MR CALVIN GERRY

Mersi Mr Speaker.  Bonzour tou bann Onorab.  Pou konsernan monitoring tou bato ki pran license pou lapes dan delo Sesel, so sa pou ranpli en logbook e pare zot ganny zot lenformasyon VMS ler zot dan nou delo.  Tou sa bann lenformasyon ki zot pe gannyen according to nou Lalwa nou kondisyon tou le erdtan nou kapab    zot aktivite ki zot pe fer.  Me solman mon pou azout ankor se ki nou pe met an plas ankor i camera.  Nou annan bann observant annan de ler ki human observer e nou pe met osi camera pou nou kapab compliment osi  aktivite.  Akoz en en dimoun an de ler pa kapab partou lo bato pou kapab obzerv tou bann aktivite ki pe arive.  Ler nou pou’n met camera osi pou nou kapab ede pou kapab kontinyen monitor tou sa bann aktivite ki pe arive, avek sa bann bato ki pe lapes dan nou delo.  E pou azoute ankor i annan en lot sistenm osi ki mars ansanm avek VMS en sistenm IES duplicate an de ler nou kapab ganny lenformasyon ki fer nou kapab compliment an de ler pou verified sa lenformasyon ki nou’n gannyen avek VMS. Ouswa fer krwar i ariv okenn lensidan parey VMS i annan en defer pou kapab ganny en lot back-up ki nou pou kapab konfirm son pozisyon ki’n arive avek sa.  Annan de ler nou fer li dan lepase okenn aktivite ki nou santi i en pe suspect nou pran tou le de sa bann data.  Nou tyeke nou fer sir zot tou le de i ansanm i mars avek ansanm.  Ankor pou catch i annan en ta fason ki nou monitor catch ki ganny mete dan logbook en bato ki fer transshipment i bezwen fer sir ki tou sa bann catch i tale.  Kantite ki ou’n lapes kantite ki ou pe tranship kantite ki ou pe fer, kantite ki’n debarke lo en Por.  Nou fer sir ki sa i ganny tally ki vin so sa.  Parey in dir ankor i annan bato in antre dan Por nou re fer sampling pou kapab re validate pou konfirmen sa lenformasyon ki i annan avek lwa purse seiner i korek.  Sa overall ki mon annan pou dir.  Mersi.

 

MR DEPUTY SPEAKER

Ok mersi Mr Gerry.  Okenn lezot klarifikasyon okenn Manm.  Onorab Pillay.

 

HON SEBASTIEN PILLAY

Mersi Mr Chair.  Mr Chair ler zot in donn bann larepons zot in koz lo catch reporting, zot ion koz lo son pozisyon e pwason by species ki ‘n atrape apre ler i kite ankor pozisyon by species eksetera.  Eski zot in deza par egzanp fer met an plas en sistenm kot zot in fer spot-check par egzanp.  Pou vwar si ok tel bato pe report koumsa.  Konmsi pou vwar pou teste zot sistenm pou gete as effective as  ki zot pe dir nou i été.  Sa ki mon ti a kontan konnen.  Akoz se sa ki dimoun an deor i oule konnen.  Ou pe dir ou annan sa sistenm me eski sa sistenm i efektiv.  Akoz nou, nou osi nou pe tann en kantite keksoz.  Nou pe tande i annan i annan lapes ilegal isi lapes ilegal laba.  E nou nou konnen. Pou dir se nou Sesel ki annan sa delo kot i annan pwason.  Otour nou napa ankor sa.  Nou ki annan pwason la.  Nou ki annan bon pwason.  Tou dimoun i oule lapes kot nou.  Mon pa konn lezot pei.  Me selman s aki mon pe vwar se nou ki i annan.  Partou kot ou ale.  Now eski prezan zot sistenm monitoring i pe capture sa bann data ki zot pe capture.  Ki mannyer zot anmas sa lenformasyon konkretman? Parey ou dir mon ou annan sa bann observers abor bato. Ok konbyen observers zot kapab mete par bato eski zot annan ase dimoun pou fer observers ?  Re asir nou ki annan i annan sa  sistenm an plas e i efektiv.  Se sa ki nou pe rode.  Eski sa sistenm i efektiv ?  Mon oule zis dir Mr Chair akoz ou osi ou’n ganny sans nou tou nou’n vwar lo bann zil elwanye menm dan zanmirant lakantite FAD ki nou’n vwar ki’n end up lo la.  nou pa konnen ki zistans sa bann FAD in ganny deployed nou pa konnen si in ganny deployed dan sa bann no-take zone konmsi se sa ki nou oule konnen.  Eski zot annan en sistenm kot menm ler sa FAD i ganny deployed zot konnen i pa pe ganny deployed dan en no-take zone.  Ou konpran se sa ki mon ti a kontan zot klarifye avek serten lanfaz.  Mersi.

 

MR DEPUTY SPEAKER

Mersi Onorab Pillay.  Onorab Afif.

 

HON AHMED AFIF

Mersi Mr Speaker.  Mr Speaker mon kestyon i vize ver lafason zot fer monitoring e pou gete si  i annan en fason ki par egzanp ler en bato dizon i annan paviyon Mauricien, ou mezir li avan i rantre dan nou delo, kantite pwason i annan ou’n mezir li apre ki’n antre in sorti.  Dizon in lapes dan nou delo in sorti avek pwason.  Mon konnen nou pe ganny en license fee ki 110 mil oubyen zot annan en tarif.  Eski i annan okenn provizyon pou kapab bato Européen ozordi ler i vini i transborde dan nou Por.  I annan en tarif ki ou sarz li lo la.  Parske in lapes dan nou delo e ou pe ganny en larzan plis ki sa license fee.  Eski zot annan provizyon pou kapab sarz sa bann dimoun pou lefe ki apard son license fee in tir pwason dan nou delo in al avek?  Mersi Mr Speaker.

 

MR DEPUTY SPEAKER

Mersi Onorab Afif.  Bon mon ava demann panel pou klarifye sa de pwen.  Mr Clarisse.

 

SPECIAL ADVISOR MR ROY CLARISSE

Mersi Mr Chairman.  Mr Chairman an term ki konsern catch reporting i annan bann sirveyans ki ganny fe lo lanmer par SFA swa an kolaborasyon avek Coast Guard swa an kolaborasyon avek program rezyonal sirveyans COI.  Letan sa bann sirveyans in ganny fer.  letan sa bann sekter i mont abor sa bato.  Zot get tou lenformasyon ki annan lo sa bato.  Kote ki’n lapes,  kote ki i annan license ki kantite pwason in raporte dan son logbook.  Ki kantite pwason i annan an mer si son VMS pe marse.  Zot annan en checklist tou keksoz ki zot merit pe gete lo  sa bato. E sa ki ed zot pou osi kapab fer sa bann spot check an mer pou determinen si sa bann bato pe raporte dapre ki zot sipoze pe raporte.  Me apre i pa zis en kestyon en bato spesifik akoz en bato letan i pe lapes SFA in deza annan lenformasyon listwar ki kantite ki en bato i kapab lapes dan en zour on average.  So si i annan dan lenstans kot ou vwar en bato pe raport en catch ki vreman o i deklans en alarm ki fer letan sa bato pi vin l ;dan Por i ganny enteroze en pe plis akoz si ou annan kapasite pou fer de kout lasenn par zour ki ou pe lapes mon pa konnen mon 20 tonn dan en sak kout lasenn.  Me en sel kou ou vwar ou’n ganny 80 tonn.  I pou deklans en alarm ki SFA i ava rode egzakteman ki sirkonstans eski sa i average ki lezot bato pe fer.  so i en pe bann kontrol pou kapab verifye sa bann data ki nou pe gannyen abor apard sa ki kaptenn i raporte avek observer pou gete si i vre.  An sa ki konsern bann FAD kot zot ganny deployed, tou bann supply vessels i annan observer onboard ki rikorde ki kantite FAD bato i al avek ki kantite kote zot deployed sa bann FAD.  So annefe anba IOTC i annan sa ki apel en FAD Management Plan ki sak pei i bezwen raporte ki mannyer i pou fer pou efektivman manage bann FAD ki sa bann purse seiners pe travay avek.E menm sa bann observer ki lo bato zot osi letan zot vwar FAD zot osi zot raporte.  E zis parey i en bato lapes pa ganny drwa dan en Zone restrikte ouswa lo Mahé Plato menm letan zot FAD i antre dan sa bann zone zot napa drwa retrieve sa bann FAD.  Annefe zot annan drwa zis pou transit through sa bann Zone.  E letan zot pe transit sa bann zone zot bezwen osi enform SFA davans pou dir mon pe transit en Zone restrikte.  Mersi Mr Chair.

 

MR DEPUTY SPEAKER

Ok mersi Mr Clarisse.  Ok Onorab Ramkalawan.

 

HON WAVEL RAMKALAWAN

Mr Speaker en kestyon tre senp konbyen lenspekter SFA i annan?  E konbyen bato ki pe lapes at any one time?  Eski zot krwar zot kapab kontrol, eski sa ratio i ase pou kontrole?  Mersi.

 

MR DEPUTY SPEAKER

Ok Mr Gerry.

 

DEPUTY CEO MR CALVIN GERRY

Nou annan apepre 8 lenspekter.  E nou kapab annan par egzanp la ek EU i annan apepre Sesel i annan 13 bato.  Me pa toultan sa 13 bato ki antre dan Por an menm tan.  E apre SFA osi i kapab dir en bato espere lenspekter pe vini pou fer ou bann landing pou fer ou catch. I pa bezwen zis an ka si ou vini ou antre i pou annan pou li vin fer son bann aktivite.  Parey en legzanp ki’n arive la sa bann sityasyon avek yellowfin nou’n dir sa bann bato fodre nou pe sample fodre espere.  S aparey sa kiv pa ouver esper nou, nou pe vini pou nou fer sa.  Zot bezwen fer li. Akoz ler bato pe rantre dan delo Sesel ouswa pe pran en license i bezwen abide pou nou Lalwa.  I pa zis konmsi i kapab fer li sa ki li i oule fer.  So sa.

 

MR DEPUTY SPEAKER

Yes Onorab Ramkalawan.

 

HON WAVEL RAMKALAWAN

Zisteman mon kestyon se ok letan i rantre dan Por?  Be letan i laba deor nou konnen ki i pe fer?   What if i lapes i pa raporte e apre sa i fer transshipment deor.  E apre ton i ale.  Ki zot annan konmsi pou nobou kontrol sa?

 

MR DEPUTY SPEAKER

Ok Mr Clarisse.

 

SPECIAL ADVISOR MR ROY CLARISSE

Mr Chair si mon kapab azout en bout dan repons pou klarifikasyon.  An term bann bato purse seiners zot pa ganny drwa anba rezolisyon IOTC fer transshipment dan nenport ki landrwa within IOTC area.  Apre VMS pou ou fer transshipment osi ou bezwen annan en carrier vessel e carrier vessel i ganny monitor par VMS so ou kapab vwar letan ou annan 2 bato ki ansanm ki pa sipoze ansanm ou kapab kestyonnen.  Me an term transshipment at sea bann purse seiners pa fer transshipment at sea e pou nou garanti osi pou dir zot pa fer transshipment at sea, akoz en bato ki fer transshipment at sea ou bezwen annan sa bollard ki anpes sa de bato bat ansanm letan ou pe fer transshipment i annan crane i annan bann lekipman ki ou bezwen pou fer transshipment at sea me bann purse seiners zot, zot restrikte zot pa ganny drwa fer okenn transshipment letan zot an mer.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Mr Speaker, avek tou respe, sa larepons ki mon’n gannyen la i parey ki ou dir dan Lalwa voler pa ganny drwa vole.  Me voler i vole.  Si mon pou vole ou pe dir mon bollard mon napa drwa annan bollard.  Me mon pa pou servi bollard pou servi en lot keksoz.  Mon pou annan en lot teknik.  Se sa ki voler i fer.  e se sa ki kontinyen fer nou annan dout so whether vreman anba Lalwa wi Lalwa i la, Lalwa i parfe Lalwa i dir pa fer sa pa fer sa.  Me selman keksoz i ganny fer.  Me nou osi  koz  lo letan 2 bato i obor kanmarad zot kapab vwar.  Konbyen dimoun ki pe obzerv sa dan zot anba kot SFA konmsi pou regarde konmsi scan sa losean antye.  Parske mon’n deza al lo en bato ton e letan zot in letan nou’n regard dan zot sistenm radar depi kot nou teritwar i konmanse bord ek Somalie ziska anba dan Aldabra, ziska e letan nou regarde sa bann i annan ase alors nou demande konbyen zot bann travayer ki zot annan.  Ki pe fer sa at any one time ki pe regarde napa 2 bato ki obor kanmarad la. Pou nou kapab annan tou sa bann lefikasite.  E  ki mon pe demann sa se pou nou regarde si fine nou pe siny en Lagreman.  Nou pe siny en Lagreman ki nou tou nou dakor i devret annan.  Me selman eski Sesel i pa pou perdi atraver sa bann keksoz ki pe arive?  E ki mannyer nou, nou pou fer pou fer sir ki Sesel pa perdi, e mon krwar sa i enn bann konsern ki tou bann Manm ki’n koze eksprimen.  Mersi.

 

MR DEPUTY SPEAKER

Mersi Onorab.  Antretan mon ava pran en dernyen klarifikasyon Onorab Pillay.

 

HON SEBASTIEN PILLAY

Mersi Mr Chair.  Mr Chair zisteman.

 

MR DEPUTY SPEAKER

Panel i ankor pe diskite.  Mon a pran en dernyen from Onorab Pillay.

 

HON WAVEL RAMKALAWAN

Mr Speaker mon ava dir ou en keksoz, akoz mon’n lev sa pwen pli boner.  I enportan pou panel kapab donn nou larepons imedyatman.  Parski si zot pe pran tro bokou letan, i vedir ki zot pa’n work out lo sa bann zafer.  E nou pe koz lo lentere Sesel la.  E si zot napa en larepons en larepons imedyatman savedir lentere Sesel i riske pe perdi.  Fodre zot konpran nou osi  lo la.  Parski tou sa bann kestyon ki nou pe demande the answers i devret lo fingertips. 

 

MR DEPUTY SPEAKER

Ok Mr Gerry.  Ale Mr Gerry.

 

DEPUTY CEO MR CALVIN GERRY

Ok pou VMS bann dimoun pe obzerv VMS nou annan 5 dimoun pe fer sa.  E nou’n met ek sa sistenm osi nou’n met serten ki mannyer ou kapab dir sa.  Sete en algorithm konmsi ki annan de ler parey ler pou antre dan en Zone ki pas sipoze antre pou annan en alert bann buffer ki nou’n mete avek.  Ouswa parey ler bato osi pe vin avek bann zistans ki nou mete avek i vin konman en alert.  Wi sistenm i kapab   annan de ler avek me selman nou’n mete sa bann.  E ki osi sa bann lenformasyon kan i arive i kapab anvoy en alarm kot en manrmay nou pa travay 24  lo  24  en manrmay i kapab    par son i en alert i gon on the system from home or from Internet nou view li nou gete nou konfirmen si keksoz i ok.  Pou osi menm parey osi pou observer nou napa san poursan.  Akoz kantite bato nou annan pou kapab met swa lo la i vreman i en challenge.   But we try our best to cover it.  Parey Seychelles flag nou fer sir 100% i annan.  Pou EU   annandler parey mon larestan nou sey nou mye pou nou kapab accommodate  lo la.  E i en keksoz ankor ki nou pe kontinyen travay pou fer training avek Seychelles Maritime Academy avek nou menm nou pou train bann observer pou nou kapab sey nou mye pou kapab gannyen 100% coverage lo la.

 

MR DEPUTY SPEAKER

Ok mersi Mr Gerry.  Dernyen klarifikasyon Onorab Pillay.

 

HON SEBASTIEN PILLAY

Mersi Mr Chair.   Mr Chair zisteman se sa nou pe nou oule anmenn panel pou zot kapab dir nou.  Nou napa problenm ek ratifye sa nou.  Me nou oule ki zot dir nou kwa ki zot annan, kwa ki zot bezwen pou ki nou kapab kler ki nou bezwen fer nou tou ansanm akoz sa i len travay kolektiv sa.  So question pou defann serten keksoz.  En kestyon kwa ki zot napa ?  Zot napa dir nou zot napa.  E ler zot bezwen rode pou zot met an plas pou fer sir i annan.  Se sa ki nou ti oule zot konpran.  Mwan mon klarifikasyon se ki eski zot pe servi par egzanp ou bann prop bato nou bann peser ki al lapes as part of sa monitoring?  Eski zot pe ankouraz bann peser pou anvoy bann alert kot zot ? eski i annan en relasyon ki zot pe etablir akoz sa bann dimoun osi i kapab provide zot ek en additional pair of eyes vizavi zistans  ki zot ale pou zot vwar si i annan bato ki  pe antre dan bann Zone, ki zot pa sipoze pe antre ladan.  E si wi si zot pe fer li.  Eski ki zot fer ler zot ganny sa bann lenformasyon?  Akoz  mon osi ler mon pou kit la mon pou al find out avek bann peser ki pe fer long line eksetera bann peser pou nou mon asir zot pe enterakte avek SFA avek sa size.  Mersi Mr Chair.

 

MR DEPUTY SPEAKER

Mersi Onorab Pillay.  Ok  Mr Gerry oule reponn?   Go ahead

 

DEPUTY CEO MR CALVIN GERRY

Pou nou pe travay avek bann peser lokal.  E mon krwar pli gro challenge pa bato ki license ; bann bato ki pa license ki nou vreman nou apel zot ilegal ki fer bann aktivite dan nou delo.  Annandler fer kwa par egzanp sa lannen menm  i annan rapor ki’n arive bato Sri Lanka ki’n vin lapes dan nou delo.  In raport ek nou nou’n fer neseser pou li lyez avek Coast Guard pou kapab deployed sa.  Wi annan de ler i vin en pti challenge akoz nou SFA nou napa resours pou nou kapab fer long range parey fer kwa en bato pe lapes anler Denis Island lo border lo nou EEZ pou  nou kapab deploy sa pou kapab fer le neseser.  Nou pe fer neseser la pou nou kapab fer li pou nou kapab ganny  pou nou kapab improve lo la 2 long range nou pe travay for avek Coast Guard i annan sa MOU avek zot.  ouswa menm avek Air Force pou zot kapab deploy  sa pou konfirmen ki pou annan pos pou sa.

 

MR DEPUTY SPEAKER

Ok.  Mon pran ankor 2 dernyen klarifikasyon. Onorab De Commarmond apre Onorab Ferrari.

 

HON CHARLES DE COMMARMOND

Mersi Mr Speaker.  Mr Speaker mon krwar mon i annan kek keksoz ki pa pe ganny ase share avek nou en?  Parey bann bato Seselwa bann pa anba sa Lagreman.  Mon pe koz nou bann bato long line nou bann bato ki al en pe zistans dan nou teritwar pou lapes, to what extent ki zot ganny lenformasyon lo sa bann bato ki nou pe koze anba sa Lagreman?  Par egzanp zot non mon konnen zot annan Seychelles Flag me i kapab li i deor laba zot sanze I don’t know.  I serten detay ki permet zot konmsi pa akoz nou bann bato i pe led nou pou idantifye sa ki pe fer ilegal fishing sa ki pe fer serten malpractice dan nou lanmer.  Me nou ed li osi pou li kapab ganny sa lenformasyon.  Konmsi to what extent ki nou, nou share avek peser  lenformasyon pou permet li kapab ed Gouvernman ed SFA, ed Minister Lapes dan sa domenn kot i konsern sirtou bann bato anba sa Lagreman?  E an menm tan si ou ti kapab ed nou elabor en pti pe plis lo bann obzervater Seselwa ki abor bann bato.  Par egzanp to what extent nou pey zot en pti pe an plis, nou pey zot byen pou ki zot pa zis donn detay lo bann lespes ki zot tyonbo, oubyen serten pti detay be konmsi  ki raport en pe pli zot ava ranpli anvi raporte dir ou sa ki pa zis sa ki oule tande.  Me sa ki vreman pe pase.  Si ou annan en plo bon kondisyon avek zot.  Akoz nou annan ase lenformasyon ki kot SFA bann obzervater lenformasyon ki zot ranmase parfwa i pa ganny servi e share korekteman par bann Lotorite menm kot SFA.  So i annan serten keksoz dan sa direksyon ki kapab fer ki Lotorite vreman i pa ganny li byen sa ki pe pase dan nou lanmer.  Sirtou kot i konsern sa bann bato.  Alor i enportan ki sa  bann obzervater la e dan en fason osi pou ankouraz bann zenn pou al pran en job, dan sa dan en louvraz dan sa direksyon pou zot devlop zot konmsi mon ti anvi ki en komanter i ganny fer dan sa direksyon, pou donn nou en lankourazman pou fer nou vwar pou dir SFA Minister Lapes i on top of things kot i konsern zisteman sa Lagreman ki nou pou donn zot koudmen ler nou ratifye pou dir nou al devan avek.

 

MR DEPUTY SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon pe follow-up lo sa pwen tre enportan ki Leader Lopozisyon in fer.  Akoz parey nou’n dir plizyer fwa piblik i oule konnen pou dir son resours pre ganny proteze.  Alors dan Annex part 4 section 5 anba tit observers 2 (a) the party swa Maurice swa Sesel swa Mauritius swa Seychelles vessels ‘shall take on board one observer.’  ‘Shall take on Board one observer.’  Dan – eski sa i ganny fer toultan oubyen eski zot annan bann kontrent ki pa permet sa?  Mersi.

 

MR DEPUTY SPEAKER

Mersi Onorab.  Mon a donn laparol panel.  Mr Clarisse.

 

SPECIAL ADVISOR MR ROY CLARISSE

Mr Chair si mon kapab reponn dernyen kestyon premye apre kekfwa SFA i a kapab reponn sa lot lo non observer.  Annefe sa ki Onorab Ferrari in fer referans  lo la dan sa Lagreman anba seksyon 5 (2) (a) i nouvo dan sa Lagreman.  Akoz dan vye Lagreman ti napa sa provizyon pou met observer on board.  Sa i en provizyon ki dan nouvo Lagreman ki bann bato i bezwen pran observer on board.  E nou’n etablir li tou bann prosedir ki zot bezwen fer pou zot met en observer on board.  E menm si sa observer SFA pou met en observer lo bato Mauricien sa kou pou sa observer i ganny pran kont par amater bato Mauricien pa par SFA or Sesel.  Thank you Mr Chair.

 

MR DEPUTY SPEAKER

Ok mersi Mr Clarisse.  Mr Gerry oule azout keksoz?  Go ahead.

 

DEPUTY CEO MR CALVIN GERRY

Pou lenformasyon ti Onorab konsernan si en bato si demen i kapab sanz son non sa bann lenformasyon available.  Parey pou sanz en bato i kapab sanz son non selman nou pou konnen.  Akoz avan ki en bato ki nou donn li license nou fer sir nou fer en lekspektasyon nou follow son history pou nou kapab konnen.  Keksoz kekfwa dan lefitir  ki nou kapab met devan pran sa bann lenformasyon fer available to public ana de ler ki pa zis nou pa zis kit li anndan avek SFA.  Sa i en keksoz ki ou krwar ki a bon demen tou dimoun i ava konnen lekel sa bann bato ki vini.  Se akoz parey ou pe dir kekfwa zis nou met lo Internet an de ler dimoun serten dimoun pa al deor lo Internet  pou rod sa pou rod sa lenformasyon.

 

MR DEPUTY SPEAKER

Mersi Mr Gerry.  Mr Clarisse.

 

SPECIAL ADVISOR MR ROY CLARISSE

Mr Chair si mon kapab zis siplemant sa repons ki Mr Gerry in donnen. Annefe letan mon ti SFA mon konnen pou dir lizye ki nou annan  lo nou lanmer laplipar letan i bann peser akoz zot ki plizoumwen lo 4lanmer laplipar di-tan.  E laplipar bann ka ilegal ki’n ganny raporte lo lanmer se par bann peser zot menm.  Akoz zot la zot vwar.  E mon konnen pou dir SFA ti pe travay lo en template en reporting template pou pas avek lasosyasyon pou travay ek bann lasosyasyon pou edik bann peser zot vwar en bato 6 pye, ki mannyer zot anmas sa lenformasyon e raport sa lenformasyon ek Lotorite, pou Lotorite kapab swivre menm pas avek Coast Guard pou al fer apprehension pou sa bann bato.

 

MR DEPUTY SPEAKER

Ok.  Mersi.  Mon a donn le 2 Leaders dernyen parol.  Onorab Ramkalawan.

 

HON WAVEL RAMKALAWAN

Mr Speaker I am sorry be montre konsernen avek sa zafer monitoring.  E dan dernyen Rapor IOTC ti osi mon konnen  ki la nou pe koz an zeneral parske nou pe koz lo ton.  Ki Mauricien ki  i Espagnole ensidswit.  Dan dernyen Rapor IOTC ti annan en claim ki pou dir bann Espagnole par egzanp pa pe zot reporting i pa 100 poursan.  Ti annan en keksoz lo la.  Me mon anvi demande eski sa kantite bycatch.  Sa kantite bycatch ki ganny ki finalman ariv dan Por, letan zot balans li avek lakantite ton ki ganny atrape.  Eski vreman i koresponn oubyen eski nou dan en sityasyon kot akoz napa gran keksoz dan bycatch ki i posib pe ariv en keksoz laba deor.  I posib i pe ariv en keksoz laba deor kot menm si nou pe dir ki dezormen zot tou bann bato ton i bezwen anmenn tou zot bycatch,  me nou konnen ki pou dir napa larzan ladan e bycatch zis pou ranpli zot kiv ki pou napa.  Eski vreman nou konnen ki nou pe fer?  Eski nou vreman asire ki nou lendistri ton nou pe benefisye to the maximum oubyen voler i pli efektiv ki gard?  Mersi.

 

MR DEPUTY SPEAKER

Ok Mr Clarisse oubyen Mr Gerry?  Mr Clarisse.

 

SPECIAL ADVISOR MR ROY CLARISSE

Mersi Mr Chair.  Mr Chair a sa ki konsern bycatch pou lemoman menm anba IOTC i napa lobligasyon pou sa bann bato ton anmenn zot bycatch dan Por.  Se pou sa rezon k ii vre parey Onorab Ramkalawan in dir.  Estimasyon se ki en bato ton i ganny li apepre 4 poursan bycatch letan i pe lapes ton.  Rezolisyon pou bann bato ton obligatwarman anmenn zot bycatch dan Por, i pran lefe le premye Zanvye 2018.  E definitivman Lotorite pou bezwen kapab beef-up son kapasite pou li kapab monitor.  So la louvraz pou la pou monitor pou fer sir ki sa bann bato zot pe desann avek sa bann bycatch zot pe land sa bann bycatch ki zot atrape.  Pou fer travay ankor lo sa bann bycatch letan in ariv dan Por pou abzorb li sa i ankor en lot konsern ki mon agree.

 

MR DEPUTY SPEAKER

Ok, mersi Mr Clarisse.  Onorab De Commarmond.

 

HON CHARLES DE COMMARMOND

Ou vwar Mr Speaker i annan keksoz ki manke.  Sa ki ou pe dir prezan in antre dan sa Lagreman la.  Enn konfirm ek nou.  E sanmenm sa rezon taler mon pe demande lo kestyon bann observer Seselwa ki al  abor sa bann bato i vre sa bann bato ki pey zot.  Me nou Lotorite lefe ki zot kapab fer en travay an plis lo sa bann bato pou donn avek Lotorite Seselwa vreman kwa ki pe pase.  Si nou donn zot serten  incentive petet.  Sa, sa rezon ki mon pe poz kestyon.  Eski akoz sa bann tranzaksyon ki kapab arive e ki pe arive dan serten sirkonstans.  Swa nou pa konnen swa nou pe ferm lizye lo la.  e i devret ganny rapporte korekteman  pou nou kapab konnen ki mezir ki nou, nou pran ouswa si nou bezwen met keksoz klerman dan Lalwa dan bann Lagreman.  E alors – ou pa’n reponn mon sa kestyon ki nou, nou fer konsernan bann observer Seselwa ki al abor sa bann bato, eski nou donn zot en incentive an plis?  E sa bann lenformasyon lo sa bann bato.  Par egzanp letan ou konnen sa bann bato zot pe par egzanp dir nou ki teritwar dan Sesel ki zot pe pli zou mwen konsantre sirtou sa bann anba sa Lagreman  Maurice Sesel Maurice?  Zot al sid was losean Indien, dan Nor Was, Nor Es ki bor ki zot pli konsantre?  Prezan nou si nou konnen i annan bann bato Seselwa ki al dan sa direksyon souvandfwa.  Petet en lalis nou devret donn sa bann bato ki s kaptenn i met li somewhere ki konmsi ki alert letan ki i vwar en bato i fasil pou fer referans avek a dir sa enn la ; me sa pa lo lalis sa, ki deal i port en paviyon Mauricien me selman i pa lo lalis ki mon’n gannyen avek SFA avek Lotorite Sesel.  I a ed li pou nou kapab don en koudmen dan sa monitoring.  So sa bann keksoz ki kekfwa nou pe met devan ki zot kapab pran konsiderasyon, si zot pa pe fer li deza.  Si zot pe fer li donn nou en serten garanti ki e ki mannyer en fason en korek i pe ganny fer.  Mersi.

 

MR DEPUTY SPEAKER

Mersi Onorab.  Panel Mr  Gerry oubyen Mr Clarisse?  Mr Gerry.

 

DEPUTY CEO MR CALVIN GERRY

Pou lenformasyon pou sa bann observers ; sa bann observers i freelance e sa bann bato ki pey zot.  E zot ganny en bon ki (mannyer ou kapab dir sa) renimirasyon ki vini avek sa.  Selman parey sa larzan sa bann bato i transfer avek Gouvernman apre Gouvernman i fer le neseser pou pey zot.  Wi kekfwa keksoz nou kapab konsidere dan lefitir ki mannyer nou kapab add-on to that of benefisye of sa.  Me selman i annan de kalite la observer.  i annan scientific observer avek bann compliance observer.  Sa bann observer ki la i scientific lenformasyon ki nou pe anmase i lo bout syantifik  en pe lo catch lo sa.  Demen kekfwa nou pe konsidere osi si nou pou met compliance observer ki bann dimoun kapab vini pran aksyon abor en bato krwar i vwar keksoz ki pa sipoze mal.  La sa bann keksoz koumsa ki’n vini bann remonasyon pli bon ki kapab vini avek.  Apre sa nou kapab kominizm tousala avek bann electronic observer bann keksoz parey camera ouswa electronic reporting ki vini pou nou kapab fer sir tou keksoz pe la.    I annan lespas pou nou kapab improve pou nou kapab ogmant li, pou nou kapab fer li vin pli byen lo la.

 

MR DEPUTY SPEAKER

Ok, mersi.  Lenformasyon pou donn bann bato lokal lo area kot bann bato pe flag paviyon Maurice.

 

DEPUTY CEO MR CALVIN GERRY

Sa pou lenformasyon iv in parey Mr Clarisse in dir.  I annan sa template ki nou pe travay lo la, pou nou kapab share lenformasyon ki pe vini  ki pou vin soz sa.  I deza annan  work-in-progres dan sa direksyon pou sa.

 

MR DEPUTY SPEAKER

Ok.  Dernyen Onorab Afif.

 

HON AHMED AFIF

Mersi Mr Speaker.  Mon ti a kontan zis pou kapab klarifye sa ki ou’n fek fer ressorti pou dir bann obzervater zot freelance e zot ganny peye par bato.  So pou mwan mon pe mazinen mwan mon fer krwar mon ansarz en bato ou sipoze pe monitor mwan ou.  Be mon ou pe monitor mon akoz ou pe sey anpes mon fer keksoz ki mal.  Me si prezan sa diskresyon pou mon rod mon prop  obzervater met abor mon ki pey li i freelance,  ki lasirans pe donn nou ki keksoz pou mars byen.  Parske i anba kontrol sa bato la.  I kapab fer sa ki oule.  Mon krwar i en gro danze.

 

MR DEPUTY SPEAKER

Mersi Onorab.  Mr Gerry.

 

DEPUTY CEO MR CALVIN GERRY

Wi ki mannyer Kontra i vini, sa bann bato i pey Gouvernman.  Parey SFA i vini i dir ou koumsa nou pou met obzervater avek ou.  Parey pou trip apepre 20 zour.  Actually nou pey zot en lanmwatye avan parey 15 zour avan.  Apre ladiferans nou pey zot letan zot retournen.  Prezan sa bato  li sa lakonpannyen i pey Gouvernman.  E prezan Gouvernman i pey sa dimoun.  A Kontra ki nou annan i avek SFA sa observer.  It’s not with avek sa bato.  Sanmenm sa ki vini benefis ki nou pou fer sa bato lapes fodre ou peye pou met sa dimoun abor.  SFA ki rod observer nou ki train nou ki fer tou.  Sa i vin konman en kondisyon ki vini avek sa.

 

MR DEPUTY SPEAKER

Ok, mersi Mr Gerry.  Bon.  Ok Yes Onorab Ramkalawan.

 

HON WAVEL RAMKALAWAN

Zis en pti  komanter zeneral.  Ou konnen mon pa pe blanm personn mon.  Mon apresye travay ki zot fer.  Me selman mon krwar ki konman Seselwa konman Seselwa sa enteraksyon ki nou’n fer la bomaten.  Mon krwar nou bezwen realize konbyen bilyon,  mon pa pe koz milyon.  Konbyen bilyon ki Ero ki Dolar ki Sesel in perdi dan sa lendistri ton.   By now apre konbyen lannen nou dan biznes ton?  Plis ki 20an?  Plis ki  20an.  Mr Speaker ou realize ki pou dir i annan en kantite keksoz nou pa ankor vreman etabli.  Nou pa ankor vreman ganny li byen.  E nou ankor pe al fer plan nou pe al diskit sa, nou pe.  Mr Speaker ozordi Sesel zis letan ou regarde bann dimoun ki’n vin isi.  Ki’n vin fer bilyon, bann Espagnole, bann Français  sa Thai Union – IOT zot, zot in ale zot in fer bilyon.  E i fer mon mazin ankor kot i annan en fwa dan en konversasyon avek bann kaptenn Espagnole bann boat owners zot ti vini  pou zot negosye.  Letan demann zot be ki mannyer in pase zot larepons tit re senp.  Nou lo nou kote tou keksoz in byen pase. Prezan nou dir lo kote Sesel.  Zot dir nou pa konnen lo kote Sesel me selman nou, nou’n byen pase.  E i montre nou  ki pou dir nou bezwen beef-up  lo sa kote  e si ozordi nou pe koz bann kota lo over fishing lo tou sa bann zafer.  Se parski petet nou’n mal manage sa resours.  E mwan mon lafreyer se ki nou trouv nou, nou vin en pe parey Altantique kot a bann bato ozordi zot in sorti laba zot in deplete sa resours.  E ki keksoz i vreman pa bon.  E pou mon personnelman se sa enn  mon lafreyer ki mon’n deza eksprimen avek Minis an relasyon avek sa relasyon sa Lagreman.  Ki li Maurice li Maurice i konn pou dir i annan sa kota pou lemoman i pe servi 2 bato. Me selman aprezan lefe ki Sesel li a pe sey kontrole lo lakantite bato  ki pou rantre dan nou lanmer.  Me lefe ki li Maurice i annan plis ki aprezan sa bann Lakonpannyen Bato ki pa kapab rantre direkteman  dan Sesel zot pas atraver Maurice e zot vin dan nou lanmer.  E nou trouve ki pou dir byento olye 2 bato olye 3 bato ki pou dir zot pe servi zot kota to the maximum.  Senpleman akoz ; parski ankor enn fwa annou pa bliye nou pe deal ek Maurice la.  Nou pe deal ek Maurice e Maurice  i annan bann zwer laba ki a tou moman fodre nou alert.  E nou konn sat re byen.  E mwan mon ti ava demande ki vreman ki vreman avek sa Lagreman SFA i beef-up –  pa zis lo kote Mauricien me osi lo kote bann lezot pou ki nou kapab lafen  2018 dir ki nou’n vreman Sesel in vreman in vreman benefisye atraver sa lendistri.  Parske sansan nou, nou pou anmas bann lakourt e bann labank dan L’Europe, labank dan Maurice labank dan Thaïland sa bann labank ki bann kont pou gonfle.

Tandis ki nou Sesel nou, nou ava nou, nou kont pou reste pti git. Alors mon pe zis eksprim sa konsern e latas byensir i tonm lo zot pou garanti ki Sesel i ganny the best deal possible.  Mersi bokou.

 

MR DEPUTY SPEAKER

Ok mersi.  Mon a donn laparol Minis.

 

MINISTER PAMELA CHARLETTE

Mersi bokou  Speaker.  Mersi bokou Onorab.  Onorab nou konsern i parey pou ou sanmenm sa ki tou dilon sa lannen SFA in sey fer bann structural review.  Me malerezman finansman towards the structure li menm pa’n bokou.  Alor nou’n priyoritiz bann post plito sirtou lo kote management.  Me mon krwar dan sa lannen ki pe vini 2018 nou pou kontinyen fer tande pou dir si zot le pou dir SFA i efektiv nou pou bezwen met dimoun ladan.  E bann dimoun kifer bann travay parey zisteman parey monitoring, surveillance sa bann dimoun ki pou fer SFA pli efektiv dan sa ki i fer.  So i zis ki nou a kontinyen travay avek Minister Finans pou nou kapab gete dan tou dilon lannen ki mannyer nou kapab ogmant en pe sa kapasite ki nou annan deza.  Mersi.

 

MR DEPUTY SPEAKER

Ok mersi.  Petet osi zis pou  kalme en pti pe konsern  nou’n okouran pou dir sa Lagreman i selman pou 2an.  Renewable apre 2an.  So mon mazinen monitoring ki bann zofisye pou fer.  Si zot vwar okenn keksoz dan sa 2an i sanze then nou a kapab revwar zot pozisyon avan zot renouvle en Lagreman.  Bon avek sa mon pou nou ava retourn dan nou ava retourn konman en Lasanble.  Mon a demann Sergeant pou replas Mace.  Mon pa pou eskiz Minis avek son delegasyon zot kapab reste avek nou.  Ok mon ava demann mover Mosyon pou fer son konklizyon avan nou pran en vot.  Onorab De Commarmond.

 

HON CHARLES DE COMMARMOND

Mersi brefman mon krwar sa legzersis in en bon legzersis sa Mosyon alor i en Mosyon ki nou devret donn en sipor Mr Speaker akoz sansan nou reste an ayer.  E bann konsern ki bann Manm in met devan i bann konsern enportan e Minis mon anvi dir ou ki anba ou direksyon nou annan lespwar.

Mon vwar zot in ekout nou ou ek  ou delegasyon zot in ekout bann konsern serye enportan ki Lasanble i met devan.  Sirtou kot i konsern monitoring.  E nou demande ki vreman en travay enportan  i ganny fer.  e nou lo nou kote Lasanble nou pou swiv.  Nou pou swiv de pres.  Nou osi lans en  pledwari si oule avek nou bann peser ki deor la, pou donn en koudmen.  Pou donn en koudmen pou kapab monitor e raporte kwa ki pe pase.  E nou, nou pou donn koudmen akoz nou konnen osi sa parey ou’n dir Mr Speaker ki sa Lagreman i pou re vin ankor devan nou petet.  I dan 2an nou pou reget li ankor.  E a sa moman nou espekte ki SFA, Minister Lapes i improve lo sa bann keksoz ki nou pe dir pou kapab ede pou kapab konmsi donn en pli bon konfyans ankor, pli bon lespwar nou pep pou dir la i la nou ti ekoute lot fwa bann pwen ti enportan.  Nou’ n met an pratik.  E bann ki nou pa’n kapab mete la i la bann rezon.  Me selman i annan bann keksoz ki senp ki pa difisil ki  mwan mon krwar i devret ganny met an pratik. Me osi kestyon ledikasyon nou dimoun la sirtou nou peser in konpran in konnen ki bann lespes ki anba sa Lagreman i permet lapes kote ki permet lapes e bann lenformasyon ki devret ganny raporte e tousala mon krwar in en legzersis enportan kantmenm. E kot i konsern bycatch Mr Speaker, nou a petet gard sa pou en konversasyon a en lot moman me i en kestyon enportan ki Minister Lapes i devret swiv li tre pros.  Nou konnen i annan issues deor la kot i konsern bycatch e i en issue vreman serye.  E nou Lasanble mon konnen nou pou byento petet an 2018 la nou pou bezwen get sa zafer bycatch avek en pli bon microscope pou fer sir nou Seselwa nou peser nou bann viziter Seselwa dan sa direksyon kot i  konsern lapes i benefisye avek sa lendistri enportan ki konsern en parti ki nou manze nou food security.  Avek sa mon a demann nou Lasanble pou donn en sipor e ratifye sa de Lagreman ki devan nou.  Mersi.

 

MR DEPUTY SPEAKER

Mersi Onorab De Commarmond.  Bon nou’n ariv moman pou nou pran en vot lo sa 2 Lagreman.  In fini fer son konklizyon.  Mover Mosyon in fini fer son konklizyon.  Ok.

 

HON JEAN-FRANCOIS FERRARI

I en komanter pozitiv ki mon pe fer.  Mon zis anvi dir ki i annan en Lagreman ki egziste deza.  Sa i en improvement lo sa Lagreman ki egziste.  I pa parfe.  Nou’n vwar atraver sa bann kestyon ki i annan bann difikilte SFA i annan bann challenges, e dan sa deba sa ki nou’n anvi kominike avek SFA se ki nou anvi ed zot pou zot beef-up zot lorganizasyon pou zot kapab meet sa bann challenges ki la devan.  Sa Lagreman donk  i en improvement nou pou get Sesel pou ganny en pti pe plis larzan.  Mon vreman kontan vwar pou dir konpare avek lot vye Lagreman i obligatwar aprezan pou zot pran en observation officer lo bato.

 

MR DEPUTY SPEAKER

Fini Onorab Ferrari.

 

HON JEAN-FRANCOIS FERRARI

Non be…

 

MR DEPUTY SPEAKER

Mon a donn ou laparol adres nou….

 

HON JEAN-FRANCOIS FERRARI

Konmsi mon pe mon santi poudir i annan bann keksoz ki nouvo. E mwan mon ti a kontan personnelman si mon pa koz pou tou bann Manm laba lot kote pou dir ki mwan mon ti a kontan nou. Nou ti a kontan ankouraz zot, dan sa direksyon i pa parfe.  Pran on- board sa bann konsern  ki nou annan.  Nou annan bokou konsern e sirtou kominik avek nou.  Kominik avek piblik akoz zot pa kominik avek piblik nou.  Zot pa ase an tou ka.  Kominik avek piblik rod sipor bann stakeholders e nou a kapab avanse dan sa direksyon.  Mersi.

 

MR DEPUTY SPEAKER

Mersi Onorab Ferrari.  Bon nou ava pran en vot lo premye Lagreman ki ant Gouvernman Sesel e Gouvernman Maurice lo lakor lapes ki ti ganny sinyen le 20 Fevriye 2017.  Tou Manm  ki an faver ?  Okenn Manm ki kont?  Ok.  Madanm Clerk.

 

MADAM CLERK

Mersi Mr Chair.  Mon rikord 20 Manm an faver personn kont.  Mersi.

 

MR DEPUTY SPEAKER

Ok savedir sa premye Lagreman in ganny aprouve.  Nou ava pran en vot lo 2enm Lagreman ki ant Gouvernman Maurice ek Gouvernman Sesel lo menm Lagreman lo Lagreman Lapes ankor sinyen le 20 Fevriye 2017.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Speaker parey taler 20 Manm an faver e personn kont.  Mersi.

 

MR DEPUTY SPEAKER

Ok savedir sa 2enm Lagreman osi tou in ganny aprouvasyon Lasanble Nasyonal.  Ok avek sa mon ti a kontan remersi Minis Charlette, PS Nalletamby, Mr Clarisse e Mr Gerry ki’n vin isi parmi nou pou donn nou en pti pe plis klarifikasyon lo sa 2 Lagreman.  Minis mersi bokou avek ou delegasyon e nou ava eskiz ou ki zot parmi nou.

 

(MINISTER CHARLETTE AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon nou’n termin nou travay lo Order Paper.  Assembly Business Committee pou meet 1er pou nou diskit travay si nou pou retournen apre midi e mon santi ki omwen nou  bezwen retournen apre midi nou annan bann nou annan First Readings ki nou bezwen fer ok.  Nou annan bann business nou bezwen diskite dan Assembly Business Committee pou nou regard apre midi avek demen – ok ?  Zot an vi ABC i meet now?   I annan en demi-erdtan pou zot pran en dezennen.  Annou stick to 1er akoz nou fek resevwar bann Bills osi tou.  Nou’n sirkil avek sirtou bann Manm Bills Committee pou nou regarde.  Nou – mon prezant en leskiz avek bann Manm Lasanble lafason ki bann Bills pe vini i an deor nou kontrol ok?   Nou’n ganny dir i annan plis ki 2 semenn nou’n ganny dir i annan  8 Bills ki pe vini eskan yer eskan bomaten nou pa ti ankor resevwar nanryen.  Me la ki nou’n resevwar 4 ansanm ok?  Se sa rezon ki mon dir Assembly Business Committee pou meet la 1er pou nou diskite pou nou regard nou travay.  E se sa ki nou pa kapab vreman pran desizyon lo travay demen nou’n met li pending ki nou pou meet demen.  Ok?  Avek sa nou ava adjourn e parey mon’n dir Assembly Business Committee i meet 1er  dan Speaker’s Conference Room e nou ava repran nou travay 2er.

 

(BREAK)

 

MR DEPUTY SPEAKER

Bonn apre midi tou Manm Onorab e bonn apre midi tou dimoun ki a lekout e ki pe swiv Lasanble Nasyonal ankor mon prezant en leskiz pour sa retar ki nou’n gannyen akoz serten dokiman ki Lasanble ti pe espere.  Bon nou ava, nou annan en Revised Order Paper devan nou, nou ava al direkteman lo la.  E mon okouran ki i annan en pti fot lo sa premye Mosyon, sa premye Mosyon i sipoze ganny move by Onorab Afif ok?  So nou ava, mon a demann mover Mosyon Onorab Afif pour li move son premye Mosyon.

 

HON AHMED AFIF

Mersi Mr Speaker, bonn apre midi tou bann Manm e tou dimoun a lekout, Mr Speaker sa Mosyon ki devan nou i lir konm swivan:- This National Assembly resolves that a Select Committee be set up immediately with Terms of Reference as below.

 

  1. Examine and question Witnesses related to the incident between Honorable Jean-Francois Ferrari and Lieutenant Colonel Philip Naiken of the SPDF on November 25th

 

  1. Present a Report to the National Assembly of its findings and recommendations by December 18, 2017.

 

Mr Speaker sa Mosyon ki devan nou, i demann en kestyon, i demann en rezolisyon senp e zis demande ki nou etablir en Select Committee avek en Manda tre spesifik, pour li egzaminen e kestyonn temwen ki i annan pour fer avek sa lensidan ant Onorab Jean-Francois Ferrari e Lieutenant Kolonnel Philip Naiken e sa lensidan ti arive le 25 Novanm mwan Pase. Answit prezant en rapor avek en dele Lendi ki vini, Desanm le 18.  Mr Speaker mon krwar mon ekspekte sa Lasanble pour siport sa Mosyon pour la senp rezon ki en Manm Lasanble Nasyonal, i santi ki son privilez in ganny abize.  E ler en Manm nou Lasanble Nasyonal i santi poudir en lot Lenstitisyon pe perdi respe pour nou, atraver son aksyon en dimoun petet, mon krwar nou koman en Lasanble nou devret pran li o serye.  E fason pour pran li o serye se pa pour fer konklizyon baze lo zis sa ki ou tande, me pour fer li dan en fason rezonnab; en fason rezonnab se detrwa nou zwenn ansanm e dan tout clarité san okenn persepsyon oubyen lakizasyon etabli bann fe ki’n arive devan nou e answit nou kapab tir serten konklizyon.  Zot a rapel ki sa lensidan ti provok en deba dan sa Lasanble, menm ki i ti en pe kourt e ki ti menm fer sa Lasanble deside pour demann Gouvernman pour etabli en pozisyon kler lo la e si i pa ti fer sa Lasanble ti pour santi li dan en pozisyon kot vreman nou ti pe mank respe pour Nasyonal.  E alor mon krwar la sa Mosyon ki devan nou i pa pe anpes Gouvernman oubyen SPDF oubyen nenport ki Lenstitisyon fer okenn travay ki zot anvi, me mon krwar i plas lobligasyon osi klerman lo Lasanble Nasyonal etan ki ti enn son Manm ki’n ganny afekte ki li osi endepandaman i deside pour li fer en lanket ladan e pa zis en Lanket ekri en Rapor prezant avek sa Lasanble e sa Lasanble i kapab deside ki zot panse lo la e ki devret arive swivan bann keksoz ki ganny trouve dan sa Rapor. Alor vwala Mr Speaker mon pe met sa Mosyon devan Lasanble mon ekspekte i ganny segonde e aprouve e mon ti a kontan sipor tou dimoun parske i pe zis anmenn plis laklerte lo en keksoz ki afekte nou tou.  Mersi bokou Mr Speaker.

 

MR DEPUTY SPEAKER

Mersi Onorab Afif.  Okenn Manm ki segonn Mosyon.  Onorab Arrisol?

 

HON SANDY ARRISOL

Mr Speaker bonn apre midi, bonn apre midi tou Manm mon ti a kontan segonn Mosyon anmennen par Onorab Afif.  Mersi bokou.

 

MR DEPUTY SPEAKER

Ok, mersi Onorab Arrisol.  Bon Mosyon in ganny segonde mon ti a demann okenn Manm ki oule entervenir?  Ok, si napa Manm ki oule entervenir nou pour, Mosyon in ganny segonde nou pour pran en vot?  Ok napa Manm ki oule entervenir, bon nou pran en vot lo sa Mosyon?  Tou Manm ki an faver?  Okenn Manm ki kont?  Ok.  Madam Clerk?

 

MADAM CLERK

Mersi Mr Speaker mon’n rikord 14 Manm an faver e personn kont.  Mersi.

 

MR DEPUTY SPEAKER

Ok savedir sa Mosyon in ganny aprouve e mon ti a kontan demann le kote, le 2 Leaders pour nominate zot bann Manm ki pour form par lo sa Komite.  E parey Mover Mosyon in dir louvraz sa Komite i vreman short ok i annan en dele letan, i annan en dat spesifik ki i pour fer son Rapor avek Lasanble Nasyonal.  E mon ti a kontan osi enform Lasanble ek piblik poudir okenn Manm sa Komite pa pe ganny okenn allowance pour sa travay.  Ok?  Mon a demann Leader Lopozisyon pour prezant son bann Manm.

 

HON WAVEL RAMKALAWAM

Mersi bokou Mr Speaker.  Lo kote LDS i annan Onorab Flory Larue, Onorab Bernard Georges, Onorab Ahmed Afif e mwan menm Onorab Ramkalawan.  Mersi bokou.

 

MR DEPUTY SPEAKER

Ok mersi.  Onorab De Commarmond.

 

HON CHARLES DE COMMARMOND

Lo kote Parti Lepep Mr Speaker nou annan Onorab Simon Gill, Onorab Sebastien Pillay, e Onorab Basil Hoareau.  Mersi.

 

MR DEPUTY SPEAKER

Mersi Onorab De Commarmond, bon Komite in ganny formen e zot in ganny selekte pour dapre zot ToRpour fer sa travay.  Mon a donn la parol Onorab Ramkalawan.

 

HON WAVEL RAMKALAWAN

Mr Speaker petet dan mon kapasite koman Leader Lopozisyon lo sa Komite an term seniority dan Lasanble mon ti ava demande ki si zis apre ki Lasanble i adjourn ozordi sa , tou bann Manm ti ava zwenn dan Room 3 pour nou zis etal nou travay ki mannyer pour nou go about ;parske nou annan zis 1 semenn pour nou fer sa travay pour ki nou ava kapab etablir tou nou bann prosedir travay vi ki terms of reference i deza dan sa Mosyon in fini ganny aksepte alors zis pour nou silvouple tou bann Manm dan Room 3 apre Lasanble i adjourn.  Mersi bokou.

 

MR DEPUTY SPEAKER

Mersi Onorab Ramkalawan e mon a demann avek Lofis Clerk osi pour fer provizyon pour zot ganny lasistans Sekretarya la, mersi Madanm Clerk.  Bon nou ava pran 2enm Mosyon ki lo Order Paper. Mon ava demann Onorab Ramkalawan pour move son Mosyon.

 

HON WAVEL RAMKALAWAN

Mersi bokou Mr Speaker.  Mr Speaker, Mosyon ki devan nou Lasanble ofet i eksprim dezir nou Lasanble Nasyonal – e mon met byen lanfaz nou Lasanble Nasyonal e an dizan sa mon pe dir ki tou lede kote latab pandan deba lo Bidze nou’n eksprim sa dezir ki Personal Progressive Income Tax i ganny entrodwir an Zanvye olye atann 2018 Fevriye, Zilyet (sorry, la mwan osi mon komans konfiz tou bann mwan la). Donk lefe ki sa dezir in ganny eksprimen mon krwar ki i toutafe normal ki nou Lasanble Nasyonal, apre sa travay lo Bidze kot nou’n kapab montre ki mannyer Gouvernman i kapab fer serten Lekonomi ki Lasanble i anvoy en mesaz pour Gouvernman e demande pour Gouvernman i reazir lo la.  E sa lapel ki ozordi Lasanble Nasyonal pe lanse se pour demann Gouvernman pour rekonsider zot pozisyon an sa ki konsern lentrodiksyon sa Tax.  Savedir lefe ki nou pe koz lo travayer, nou pe koz lo lentere travayer, nou pe koz lo pri lavi nou pe koz lo tou sa bann size ki afekte travayer ozordi, e lefe osi ki i annan bokou depans bann logmantasyon ki pe komanse le 01 Zanvye nou, nou pe dir ek Gouvernman regarde nou’n nobou ed zot ek zot Bidze e alor silvouple pran an konsiderasyon bann sityasyon pli difisil ki bann travayer pour pas ladan, e alor donn zot sa benefis apartir le 01 Zanvye.  E sa benefis mon pa bezwen repete me selman kantmenm mon ava met lanfaz lo la, parmi bann benefis ki nou pe koz lo la, se ki bann travayer i ava kapab anmenn dan lakour plis larzan par egzanp bann travayer ki pe resevwar ant R8, 500 ziska R10mil zot ava kapab trouv zot avek en sonm adisyonnel anviron R1, 200 dan zot pos, e la deswit nou konnen ki poudir R1, 200 dan Bidze en fanmir i enportan.  R1, 200 non selman ki i ava kouver anviron R350 ki zot pour peye an plis lo pri bis ki’n ogmante, me R1, 200 i ava kapab permet zot pey zot bill delo, pey zot bill elektrisite ki ankor enn fwa in ganny anonse ki poudir pour annan en logmantasyon.  E alor sa i ava ede pour soulaz sa bann diferan fanmir e byensir avek en bon planifikasyon zot ava kapab osi lo nivo lo Bidze manze, lo Bidze lekol parske Zanvye nou konnen ki i en Mwan kot bann zanfan i pe al dan en nouvo laklas e ordinerman bann fanmir i kontan fer sir ki zot uniform zanfan i nef ensidswit.  E alor tousala Mr Speaker i ava ed bann fanmir pour zot kapab deza an Zanvye komans ganny en pti keksoz an plis pour, zot ava konnen ki poudir zot annan en pti keksoz an plis pour zot kapab fer fas avek lavi li menm.  Donk nou, nou krwar ki poudir senserman Gouvernman i kapab fer sa, in annan bann lekonomi.  E bann sonm larzan ki nou’n freeze i annan bokou ki letan nou pour, si nou pour regarde ensidswit mwan mon krwar ki i pour tonm dan sa 2enm parti e an tou sa ki nou lekonomi ki nou pe koz lo la, la pour le moman i R93.6milyon e mon realize ki poudir i annan serten dan sa sonm ki pour bezwen neseserman ganny depanse; sa nou rekonnet.  Me an menm tan osi Mr Speaker letan nou’n koz lo bann lezot mezir sa, sa lekonomi ki nou pour fer, me i annan en lot eleman osi tou ki nou’n koz lo la pandan deba lo Bidze e sa sete pour nou regarde ki mannyer Komisyon Reveni Seychelles Revenue Commission zot kapab pli byen fer atraver bann nouvo staff ki zot pour rekrite.  Me non selman nouvo staff ki zot pour rekrite, me atraver parey Minis li menm li in dir sa bann Eksper Forensic dan bann lodit ki pour regarde ki mannyer Gouvernman pour ranmas bokou plis tax.  E nou, nou pe osi nou kontinyen met lanfaz lo la ki serten landrwa kot nou krwar Gouvernman i bezwen osi regard seryezman o komansman lannen menm, se bann tax.  Fer bann tax vin pli o lo license Casino ki pour le moman la nou vwar bokou Kazino pe ouver partou kote la i annan enn nouvo ki pe, ki’n ouver Bel Ombre e apre sa la nou pe vwar, nou tande poudir i annan en lot ki pe al ouver obor Maison du Peuple e tousala Mr Speaker i fer ki i annan bokou nou bann dimoun i ganny tante avek sa bann zwe larzan, e ki nou vwar?  Poursantaz ki bann dimoun ki zwe i gannyen i ti git tandis ki reveni ki, profi ki sa bann biznes i fer i vreman o.  E alors tousala i ede pour afekte so nou, nou pe dir ki Gouvernman i devret kapab ogmant Tax lo License Casino, nou pe osi dir ki i bezwen annan en pli bon kontrol lo lakantite lalkol ki ganny prodwir lokalman, pour zot nobou ranmas lakantite tax ki zot devret ranmase e sa dan li menm li ankor enn fwa i ava ede, pour ki reveni i ava ogmante.

E nou’n koz lo lobezite osi e nou pe demande ki sa Sugar Tax ki Gouvernman ti dir pour entrodwir lo bann labwason gazez, ki i annan bokou disik ladan e ki ede pour fer nou bann zenn manrmay zis grosi e ki i annan en lefe pour nou kapab met, pour ki Gouvernman i kapab vin avek sa Sugar Tax, ki i ava ede pour nou kapab non selman annan plis reveni me i ava osi annan en lefe direk an sa ki konsern lasante nou bann zanfan, lasante nou bann adilt. Donk Mr Speaker nou, nou krwar ki poudir Gouvernman i kapab fer sa e ki anmezir ki i fer sa, i kapab pran bann pozisyon vreman responsab e dan sa fason nou bann travayer i ava kapab benefisye.  E annou pa bliye ki poudir sa Progressive Income Tax i pour fer ki tou dimoun ki resevwar en lapey ki par anba anviron R35mil zot pour kapab benefisye e anmenn en pti keksoz an plis dan lakour.       E donk mon krwar ki mesaz ki Lasanble i anvi pase se, annou pa esper Zilyet parske Gouvernman osi i bezwen balanse zot bann logmantasyon zot pa pe esper Zilyet zot, tou bann logmantasyon ki zot in anonse i pe komans le 01 Zanvye 2018 e alor si bann logmantasyon pe komans le 01 Zanvye 2018 donn bann travayer osi sa benefis leprev apartir le 1 Zanvye 2018.  Mr Speaker avek sa 2 mo mon demann tou bann Manm pour siport sa Mosyon e ki sa dan li menm li i ava anvoy en mesaz tre kler lo kote Gouvernman e alors i ava benefisye nou pep dan sa lalit pour pri lavi.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan, bon Onorab Simon Gill ou oule segonn Mosyon?

 

HON SIMON GILL

Mr Speaker mersi bokou.  Bonn apre midi tou Koleg Onorab e manm piblik ki pe ekout nou, Mr Speaker mon oule move pour segonn sa Mosyon prezante par Onorab Ramkalawan.  Mersi.

 

MR DEPUTY SPEAKER

Mersi Onorab Simon Gill, oule entervenir oubyen ou a entervenir plitar?

 

HON SIMON GILL

Plitar mon ava entervenir Mr Speaker.  Mersi.

 

MR DEPUTY SPEAKER

Ok, bon Mosyon in ganny segonde okenn Manm ki le entervenir?  Onorab Esparon.

 

HON REGINA ESPARON

Mersi Mr Speaker, mwan pour donn mon sipor sa Mosyon akoz mon santi i annan son merit.  Avek en tel laranzman mon garanti ki sa merd fanmir ki pe komans pey bis R7 an Zanvye a benefisye.  Avek sa logmantasyon dan pri elektrisite ki pour afekte bokou lakour a vin koman en rekour o komansman lannen olye ki nou esper li fer Zilyet. Mr Speaker akoz ki preski tou sa bann logmantasyon pour pran lefe an Zanvye alor i toutafe normal pour ki sa Progressive Income Tax i komans an Zanvye sa i a donn sans sa lakour pour zot kapab aziste zot bann depans.  E la i fer mon mazin bann dimoun dan mon distrik ki’n koz ek mon avek lensertitid lo ki mannyer zot pour fer fas avek sa logmantasyon ki pe vini an Zanvye. Mr Speaker avek sa logmantasyon dan pri karbiran nou pe ekspekte ki pour annan lezot servis ki pri pour ogmante; tel parey pri transpor tel parey pri transportasyon e sa pour afekte bokou fanmir.  Mon swete ki ler sa Mosyon i pase Gouvernman e Minis Finans a santi sa nesesite pour ki sa tax i komans enplimante an Zanvye parey Mosyon pe demande.  E parey Leader Lopozisyon in dir nou’n fer sifizaman savings dan sa Bidze pour kapab fer sa o komansman lannen.  Mr Speaker sirman sa pour anmenn, pour annan sa, pour anmenn sa soulazman pour sa merd fanmir sirtou sa manman tousel ki ozordi i vwar li dan lensertitid e pe get 2018 dan sonm.  Avek sa 2 mo Mr Speaker mon pour donn mon sipor sa Mosyon.  Mersi.

 

MR DEPUTY SPEAKER

Mersi Onorab Esparon.  Onorab Woodcock.

 

HON WAVEL WOODCOCK

Mersi Mr Speaker, Mr Speaker mwan osi mon pour donn mon sipor sa Mosyon.  Mr Speaker annefe nou lo sa kote latab nou pour ensiste e nou pour kontinyelman demande ki sa Progressive Income Tax i vin an Zanvye.  Lo plizyer bann deba resaman mon krwar pa zis lo sa kote latab, menm lot kote latab nou tou nou’n fer resorti ki i enportan ki sa PIT i vin an Zanvye. Mr Speaker parey nou tou nou’n vwar e manm piblik deor pe konplent ki pri lavi pe kontinyelman monte.  E Mr Speaker pep Seselwa pa kapab esper ziska Zilyet pour zot ganny en pti logmantasyon an plis lo zot saler.  Parey Onorab Ramkalawan in fer sorti osi Onorab Regina, ki komansman Zanvye parey ti ganny anonse dan Bidze ki tiket bis pour monte pour vin R7 e pa zis tiket bis ki pe monte an Zanvye; annefe i annan plizyer keksoz ki pri in monte, annefe la konmela menm nou’n vwar en gran logmantasyon dan pri fuel e plizyer bann keksoz e menm bann komodite de baz ou vwar en logmantasyon dan pri sa bann komodite.  E dan sa lespri ki nou pe koze, dan sa lespri fer desann pri lavi, dan sa lespri ki nou pe koze pour nou met en pti pe plis larzan dan pos Seselwa i enportan ki sa Progressive Income Tax i vin an Zanvye. Mr Speaker si ozordi Gouvernman lot kote latab zot pe rod en logmantasyon, zot ti ape rod en logmantasyon pour Minis Dezinyen ganny en extra 5, 500 lo son saler R60mil mon krwar ki lepep Seselwa i pli merite pour zot ganny en pti larzan extra, en pti larzan an plis dan zot pos, annou pa bliye ki pa zis Minis nou fek ozordi e menm semenn pase nou’n debat lo Pansyon lo bann ex-Prezidan e Mr Speaker si nou pe debat larzan pour bann ex-Prezidan, bann Minis mon krwar i toutafe normal e mon krwar ki i enportan ki nou osi pran kont ki nou annan en pep deor ki ozordi plizyer zot pe struggle pour zot met ends meet; plizyer zot pe struggle pour zot kapab soutenir zot fanmir pour zot kapab siport zot fanmir akoz parey nou tou nou konnen i annan en logmantasyon dan pri lavi.  E nou sa Lasanble e sirtou lo sa kote latab nou pe donn en langazman pour nou gete ki fason ki nou kapab asiste Gouvernman pour fer desann pri lavi e enn sa fason se pour anmenn sa Progressive Income Tax an Zanvye.  E sa lapel ki nou pe fer avek Prezidan Faure avek tou son Cabinet pour get dan sa posibilite e nou pe ensiste ki sa Progressive Income Tax Mr Speaker i vin an Zanvye.  Tou travayer ki pe earn ant 5, 050 ziska R35mil pour benefisye, deza bann ki pe earn par R8, 550 sou pe benefisye me osi bann ki pe earn par lao sa, zot osi zot kapab benefisye avek sa Progressive Income Tax par lefe ki lo premye R8, 550 sou personn pa pour pey Tax lo la, zot pour komans pey tax apre lo larzan ki zot fer par lo R8, 550 sou.  Savedir tou Seselwa pour benefisye, pa tou Seselwa Mr Speaker, Seselwa sirtou ki pe earn parey mon’n dir an R5, 050 a R35mil zot pour benefisye avek en larzan an plis dan zot pos.  Zis mon donn en legzanp en pti pe parey mon ti donnen dan mon entervansyon apre prezantasyon Bidze pour 2018, mon ti fer resorti ki en dimoun ki pe earn en saler R12mil i pour benefisye avek R1, 283 dan son pos; en dimoun ki pe R15mil pour benefisye avek R960 extra an plis dan son pos; en dimoun ki pe ganny li pour ganny en saler ouswa ki pe ganny li en Saler R25mil pour benefisye li avek R460 dan son pos; en dimoun ki menm en dimoun ki pe ganny li en Saler R30mil i pour benefisye avek en extra R210 dan son pos. Mr Speaker parey Onorab Leader Lopozisyon in dir dan Bidze nou’n freeze plis ki R80 milyon e Minister Finans ti dir ki ti bezwen li apepre R75milyon pour kouver kou pour fer PIT vin an, sorry R75milyon pour kouver kou pour fer PIT vin an Zanvye. Mr Speaker lannen pase ti annan en gran skandal lo sa kantite larzan tax, unpaid tax deor ki pa ankor ganny peye e ki i en pti pe plis ki R1 bilyon e sirtou avek bann Mezir ki Minister Finans pe met an plas pour anmas sa bann arrears, sa bann tax ki pa ankor ganny peye mon krwar i pour posib si Minister Finans i fer sa travay i ava vin posib pour kouver sa gap ki Progressive Income Tax pour mete dan reveni Gouvernman.  Si i fer son louvraz i pour kapab anmase sa bann bilyon deor, Minis i ava rod sa bilyon deor e sa i a ganny ase ladan pour kouver, pour fer posib pour sa Progressive Income Tax vin an Zanvye olye an Zilyet. Alor Mr Speaker mwan mon pour donn mon sipor sa Mosyon e mon pour kontinyen demande e mon pour ensiste, in fact mon pour fer Lapel avek tou dimoun lo tou lede kote latab, tou bann Manm Onorab annou siport sa, i en Mosyon ki bon, i en Mosyon ki pour anmenn plizyer benefis pour nou pep deor.  Annou met en pti sou, annou met en pti larzan an plis dan pos nou bann frer ek ser Seselwa la deor ki pe esper avek pasyans.  Mersi Mr Speaker.

 

MR DEPUTY SPEAKER

Mersi Onorab Woodcock. Onorab Ernesta.

 

HON PAUL ERNESTA

Mersi Mr Speaker bonn apre midi, bonn apre midi tou mon bann Koleg an menm tan tou bann dimoun a lekout, Mr Speaker mon osi parey ou bann Koleg ki’n koze avan mwan mon pour aport mon sipor pour Mosyon.  E mon pa pour anvizaze koz bokou annefe akoz sa i en keksoz ki nou tou dan sa Lasanble nou ti a swete vwar pour nou tou nou bann dimoun, kot nou bann dimoun kapab viv zot en lavi en pe pli eze.  Ozordi dan pei i annan sa resers ki pe ganny fer sa study ki pe ganny fer lo nivo lapovrete e nou osi nou’n koz bokou lo la.  E anmenn sa Progressive Income Tax into force early Zanvye lannen prosenn sa i kapab ede soulaz en pe sityasyon nou bann dimoun. E an menm tan sa pour arive mon pour demann osi bann Businessmen letan nou bann dimoun parey in ganny dir pour zot kapab ganny en pti pe plis larzan dan zot pos annou pa ogmant komodite, pri komodite bann keksoz esansyel dan magazen, annou pa ogmant nou bann servis akoz an menm tan letan zot pe ogmant nou bann servis e sa pour fer ki nou pour retourn nou back to square one.  Akoz nou’n vwar dan lepase par leksperyans sak fwa kot nou bann dimoun ordiner, nou bann sitwayen i ganny en benefis lo zot saler, e nou vwar ki lo lot kote i annan sa logmantasyon ki arive, sa nou konpran me selman annou sey konpran en pe nou bann dimoun. E apre i annan lot keksoz ki pour arive, mon sey konpran rezon petet pour bouz PIT Juillet, i annan petet bann prosedir ki pour bezwen ganny met an plas e la nou demann zot tou dimoun, nou tou bann Biznes, tou bann Lorganizasyon travay zot kapab fer li.  Annou pa donn sa leskiz nou pa ankor pare pour nou prepare ziska Zanvye pour nou kapab pous li an JuilletSo i enportan ki la letan nou, nou pe konsider, nou pe aprouv sa Mosyon nou pe demann zot tou bann Lorganizasyon travay pour fer sir ki zot met zot bann prosedir annord pour ki e fason Zanvye ki letan i arive nou’n pare pour fer sir ki bann dimoun at the end zot a pa kapab benefisye avek sa Progressive Income Tax.  So avek sa mon pa pour tarde Mr Speaker parey mon’n dir mon pour raport mon sipor e mon konvenki ki nou tou isi nou, akoz se sa ki nou oule sa ki meyer pour nou dimoun.  Mersi Mr Chair.

 

MR DEPUTY SPEAKER

Mersi Onorab Ernesta. Onorab Aglae.

 

HON EGBERT AGLAE

Mersi Mr Chair, bonn apre midi tou Manm, Mr Chair nou pe koz lo en size ki mon krwar firm belief ki tou lede latab, Mr Speaker nou pe koz bokou lo lapovrete dan depi lannen pase e lepep Seselwa i ariv en moman ki li in dir nou bezwen get zot lo en fason fair and square.  Alors PIT i en fason pour fer serten keksoz nivle; akoz souvandfwa ki’n arive se ki ler Gouvernman i pran en bor e i donn en lot bor nou vwar poudir i annan en déséquilibration, ler ou donn en logmantasyon dizon R500 ki apre ou ale ou fer monte tax lo detrwa keksoz i vedir ou donn en bor ou pe pran lot bor. E sa Mosyon pe demande ki lefe sa PIT i ganny pran an 2018 i pour ekilibre sa pran rann, sa pran isi rann laba e ki tou Seselwa i ava vwar li dan en fason avek sa bann logmantasyon ki’n arive la karbiran pe monte, pri bis in monte, PUC i fer monte pour li, i ava ede soulaz sa pep; menm si i pa pe al ganny en gran larzan dan son lanmen me selman i pour vwar li lo en balans kot i kapab egzers son bann prosedir depans.  E an menm tan Mr Speaker mon oule profite pour koz lo SRC i sa entity ki li ki responsab pour anmas larzan tax isi dan pei ki nou vwar poudir dan bann deba ki nou’n fer dan Bidze ki SRC i bezwen met son lipye ater kot i neseser.  Iannan tro bokou dimoun Entities ouswa Biznes ki pe get away avek bann fo Deklarasyon Tax ki pa pe pey tax ouswa ki pey Invade tax e sa pe kout Gouvernman bokou milyon.  Alors si nou ti kapab anmas tou sa bann larzan parey i sipoze ganny anmase i pour kouver bokou sa bann depans ki Gouvernman i bezwen vwar li pe fer ozordi, sa 75 milyon ki ti pour kre en trou ti kapab ganny ranmase ladan e sa ti pour ede soulaz sa pep. An menm tan Mr Speaker mon oule fer en propozisyon ek Gouvernman petet a lavenir i ava vin dan laform en Mosyon, mon krwar in ler pour pei adopte li annan li en Tariff Commission dan sa pei, i annan bokou pei parey Lanmerik i annan bann pei Lazi zot annan zot en Tariff Commission e sa Komisyon son travay li i ava vwar sirtou parey dan konteks Sesel bann Public Entities ki Gouvernman i Bidzete ki anmenn en servis kot dimoun, lepep i bezwen peye okenn tarif ki sa bann entities i deside fer monte i bezwen pas atraver sa Komisyon.  Sa Komisyon i ava balanse si i annan en Merit pour li kapab ogmant son tarif, kwa ki pe fer li mont son tarif e si i annan okenn demars ki kapab ganny fer avek sa bann entities pour redwir zot kou ouswa zot depans e i ava ede osi idantifye bann move pratik ki sa bann entities pe fer avek.  E an menm tan sa Komisyon i ava ede osi kree bann Regilasyon an term Lois, Polisi pour ki i ava annan en plan Gouvernman lo ki mannyer, annou pran PUC, PUC i kapab vini sa lannen i dir ou i pour mont tarif, ankor dan 2an i kapab vini dir ou, swa i fer desann ouswa i fer monte ankor plis.  I bezwen annan en plan lo ki fason nou get Lekonomi Mondyal ki mannyer i pe marse, nou get Lekonomi pei mannyer pe ale e Gouvernman atraver Komisyon i ava annan en plan avek tou sa bann entities – SPTC lo ki mannyer keksoz pour ale e ki bann prosedir, ki dele letan timeframe ki nou kapab abzorb en logmantasyon tarif ouswa anmenn en rediksyon tarif.  Mr Speaker dan bann pei kot i annan sa bann Komisyon keksoz in marse i annan bann Trading ki’n ganny regulate byen e pei li menm li in kapab fonksyonnen e anmas son Tax parey i sipoze.  Se avek sa Mr Speaker ki mon swete ki sa pti logmantasyon ki bann Seselwa i gannyen anba atraver zot PIT, servi li dan en fason responsab pa get li koman en larzan ekstra pour depanse, me met li la koman en benefis ki pour ed zot dan zot lavi toulezour, avek sa mwan pour donn mon sipor pour sa Mosyon.  Mersi Mr Chair.

 

MR DEPUTY SPEAKER

Mersi Onorab Aglae.  Onorab Afif.

 

HON AHMED AFIF

Mersi Mr Chair, (pardon) Mr Speaker, Mr Speaker mwan mon pour siport sa Mosyon pour demande ki Gouvernman i konsider lentrodiksyon PIT apartir le 01 Zanvye. Mr Speaker sa lamannman ki’n ganny fer oubyen ki pe ganny propoze dan Income Tax i en fason pour re distribye larises parske pour tou bann travayer sa ki pe sanze pour zot, se ki dan zot pos si ou pe ganny ziska R35mil dan zot pos lafen di mwan zot pour ganny en pe plis larzan.  Sa dimoun ki pour ganny mwens, sanmenm sa mon dir i pe re distribye larises se Gouvernman.  Me selman nou pa bliye osi poudir de lot kote bann ki par lao R35, 000 parske i progressive Tax i monte pour annan serten travayer ki pour bezwen pey plis.  E alor li Gouvernman i pour rekiper en pe, set en fason pour redistribye larises.  Si nou regard bann sif ki ti ganny prezante dan Bidze par Minis Finans an Novanm, i kler poudir pour laplipar travayer Seselwa zot pour vwar en benefis e nou konnen laplipar travayer Seselwa i klerman par anba R35mil par mwan.  E alor definitivman toudswit lo en pwennvi ekonomik ou pour vwar R150 milyon de plis dan pos travayer e R150 milyon an mwens dan kof Gouvernman ki vedir ki sa ekstra ki travayer in gannyen zot a kapab servi li esperons – dan en fason responsab pour zot kapab deal avek sityasyon pri bis ki pe monte e pri elektrisite ki i ankor li osi i lye avek pri fuel e i osi i pour monte.  Mwan pour mon, mon napa problenm an prensip avek sa, me selman parey mwan ti dir dan mon repons lo Bidze an Novanm, mon ti dir ki i neseser a mon avi ki Gouvernman li osi i bezwen regard en pe klerman ki mannyer i kapab pa dekouraz sirtou bann ki atraver sa Income Tax pour santi li i pe ganny mwens, kot li parske zot osi zot pe travay e mon krwar i devret seryezman komans mazin lo serten Scheme, kot i kapab donn en incentive pour sa bann dimoun ki pe kontribye plis prezan atraver tax – atraver sa reform ki pe ganny fer dan Income Tax.  Mon krwar i devret annan en fason pour donn en pti pe plis pour ankouraz osi sa bann dimoun ki ozordi atraver sa mezir zot pour bezwen pey en pti gin plis, mon pe mazin bann Scheme tel ki pour ed Lekol, bann Scheme ki pour ed zot en Lasirans pour Lasante, e bann fason ki zot a dir be mon’n pey en pe plis mon ganny en pe plis ki laplipar dimoun; me an menm tan akoz mon’n pey en pe plis mon vwar serten benefis ki ankouraz mon pour kontinyen travay dan sa landrwa oubyen menm si mon pa ankor vin travay dan sa landrwa, mon a deside ki malgre sa rezim i pour takse mwan en pti pe plis ki mon abitye, mon still vwar li vo lapenn pour vini parske nou anvi osi ankouraz Seselwa vin Sesel ki pe travay aletranze. Mr Speaker mon ti ava osi kontan demande an menm tan ki zot anmenn sa boner ki Gouvernman i konsider ki reviz sa tarif pli o sa 30poursan a lonterm parske 30poursan i en tarif ki tro for pour en pti pei i tro for si nou konpar, mon’n ti deza fer sa konparezon avek lezot pei tel ki Maurice, tel ki Singapore e menm IMF mon konnen zot in toultan rekomann en Polisi kot dir ou zot streamline bann tax fer li vin pli senp e gradyelman koste obor en tarif ki ou santi ou, ou kapab viv avek.  E enn ki bokou Seselwa i abitye avek i 15 poursan, alors komans koste avek 15 me la nou’n sorti 0, 15, 20, 30 mon krwar i enportan pour zot komans mazinen par Zanvye me selman komans mazin lo la ki sa 30 i en pe tro for; komans redwir li e komans konverze lo en sif tel ki 15 poursan. So avek sa Mr Speaker mon ti a kontan siport Mosyon ki ganny anmennen par Onorab Ramkalawan mon krwar i pour ed en kantite dimoun toudswit i pour donn zot en soulazman me an menm tan parey mon pe dir mon ti a kontan Gouvernman i azir dan fason responsab pour fer sir ki tou dimoun dan Sesel i satisfer li ki sa Reform i pour anmenn benefis pour nou tou e pa pour zis en kategori travayer.  Mersi Mr Speaker.

 

MR DEPUTY SPEAKER

Mersi Onorab Afif.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon krwar i kler nou tou nou dakor lo sa Mosyon nou pe dir ki konmsi ti a bon sa Income Tax la i komans an Zanvye olye an Zilyet.  E i pour bon pour tou dimoun ki pour benefisye anba sa Reform Taxation, mon krwar bokou pwen in ganny dir kot bann mezir ki Gouvernman pe al pran li bann Mezir austere i pour ganny fer an Zanvye akoz alor delay benefis ki travayer li i pour gannyen e an menm tan nou pe, Lasanble an totalite pour siport sa Mosyon akoz nou vwar e nou tou nou anvi ki vreman i komans an Zanvye i annan serten konsern ki mon ti anvi met devan.  Pour nou fer sa lot fwa nou demann avek PS Finans e i ti klarifye ki nou Lasanble ki pour bezwen omwen R75 milyon pour permet komans sa Progressive Income Tax an Zanvye olye an Zilyet.  Nou tou nou dakor nou bezwen sa kantite larzan me mwan pa pe vwar mon konkretman sa larzan.  Nou’n koup Bidze ler nou fer nou bann legzersis nou nou’n diskite par R15. 6 milyon sa i kler nou’n koupe savedir nou annan la 15. 6 milyon, me i pour mank nou 60 milyon nou bezwen 75 i pour mank nou well 59milyon nou’n freeze R90 milyon ler mon get bann detay be selman sa freeze ki nou’n freeze i vin ek kondisyon li.  Si sa bann landrwa kot nou’n freeze i reponn sa bann konsern ki nou Lasanble ti’n met devan zot savedir nou pour bezwen larg sa bann bout larzan ki nou’n freeze.  Dizon alor lo sa total 90 milyon, dizon nou ganny en 20milyon malgre konmsi en bann i large kekfwa en bann nou koupe menm, dizon nou ganny ankor en 20 milyon still si ou kalkile i pour mank nou ankor en 40 milyon, 39 a 40 milyon pour nou kapab met an pratik sa ki Mosyon pe dir savedir pour sa Progressive Income Tax an Zanvye.  Alor la a mwen nou ganny en garanti avek Minis Finans or PS Finans letan i vin dan nou Lasanble ki konkretman SRC i kapab donn Gouvernman en garanti ki kapab anmas en pe larzan vitman e ki mon krwar i kapab fer mwan si i serye li i kapab fer ki o komansman lannen omwen i donn sa garanti e la nou kapab antre e dir vwala i annan bann landrwa kot nou ti vwar nou pa’n anmas sa bann tax nou ti pe koz bann lotel lot fwa akoz i annan serten gro lotel ki’n komans pey tax si i annan lezot ki pa ankor peye ti kapab, alor si nou ganny serten garanti si ou komansman lannen sa bann tax pe ganny ranmase nou kapab, mom garanti mon sir ki nou kapab gannyen 39, 40 milyon pou rantre ladan pour kapab fer ki sa Mosyon savedir sa provision Progressive Income tax i kapab komans an Zanvye.  Me selman mon vwar i annan serten lezot defi, i annan serten lezot problenm.  Mon konnen mwan ki Bidze pei pe pas devan IMF tre byento la, mon krwar, la, la anytime e si Gouvernman zis i sanz son tune koumsa in dir i pour fer en keksoz apre nek i sanze dan milye semen – IMF osi i riske vwar nou pa serye, mon pa konnen nou annan en progranm avek li mon pa konnen ki mannyer sa pour pase, mon pa Expert dan Finans dan sa sans la mon pa konnen ki mannyer sa pour pase.  Savedir Minister Finans i pour bezwen kapab pronons li lo la.  Nou, nou Lasanble nou fer nou bout nou, alor si nou al fer sa sanzman an Zanvye i kapab annan lezot keksoz ki kapab arive, eski bann landrwa travay in pare; akoz sa i pour definitivman anmenn en sanzman dan Payroll, eski bann landrwa travay i pou’n pare pour fer sa lazisteman? Kestyon mon pa ankor konnen me i bann kestyon e bann konsern ki mon pe met devan nou Lasanble. En lot pwen enportan a reflesir lo la, se eski SRC pou’n pare li akoz li osi li i bezwen swiv lenplimantasyon sa ki nou pe demande la, i bezwen swiv lenplimantasyon, i bezwen fer oversight lo la, eski li pou’n pare li?  Eski pour annan bann dimoun garanti an plas ensidswit, pangar nou komans en keksoz apre i vin en nespes dezord apre ki nou pa kapab kontrole i vin en melimelo epi i pa bon.  Alor sa Reform alor dan Income Tax nou, nou pe get li depi pros nou, e mwan mon ti ava kontan ki Minis Finans, Gouvernman i pronons li en pe vitman lo la.  Nou, nou Lasanble i fer en keksoz li, nou Lasanble in vwar an totalite ki sa ti a bon i komanse an Zanvye e se sa rezon det sa Mosyon e nou mwan mon demann tou dimoun isi, tou Manm Onorab pour siport sa Mosyon.  Ozordi la nou vot pour sa Mosyon pour dir Gouvernman fortman look nou, nou krwar i annan en posibilite e travay dir, travay for dan sa posibilite pour menm ek sa bann challenge ki mon’n met devan – IMF ensidswit regarde koman nou kapab dir ek li be tyonbo en kou nou konnen wi nou ti’n dir sa, si pa posib fer sa lazisteman la, la nou promet nou’n vwar laport ouver nou kapab anmas sa bann tax isi, si konmsi ti ava annan tou sa bann keksoz ouswa dan bann Mezir soz ki nou pe freeze mon pa konnen si nou kapab somebody i montre nou ki mannyer nou kapab ganny li sa 75milyon.  Or en lot dernyen pwen nou kapab dir avek Gouvernman pa bezwen ou ganny tou 75milyon deswit la.  Pran en bout ki nou’n kapab koupe, komans ek sa e donn nou parey mon ti pe dir taler sa garanti ki dan premye 1, 2 mwan, 3 mwan la ou kapab mop-up sa bann larzan tax ki nou ti vwar lotrozour larzan tax ki ti sipoze antre ki pa’n antre ki o u beef-up ou SRC.  Nou’n vwar i annan serten sanzman ki’n arive ki garanti serten larzan antre ki i ava ed nou fer sa.  Nou tou isi nou ti ava kontan e vreman kontan ki sa i ganny fer o pli vit posib e Zanvye parey nou pe dir.  Alors dan sa bann direksyon, sa bann pwen ki mon’n avanse ti ava bon ganny konsidere me selman ti a bon an menm tan Gouvernman i pronons li lo la – i siport nou me si non ki i eksplik lepep kwa ki posib fer, kwa ki pa posib fer.  Avek sa mon ti ava demande mon osi ki tou dimoun i siport sa Mosyon.  Mersi Mr Speaker.

 

MR DEPUTY SPEAKER

Mersi Onorab De Commarmond.  Bon Onorab Simon Gill oule entervenir?  Ou ti’n rezerv ou right pour ou, ou ti segonde ou’n rezerv ou right pour entervenir ou le entervenir?  Ou dernyen lo lalis.

 

HON SIMON GILL

Mon dernyen lo lalis?

 

MR DEPUTY SPEAKER

Non.  Non en moman – en moman Onorab Pillay ou ti – ok.  Ale. Ok, Onorab Pillay.

 

HON SEBASTIEN PILLAY

Mersi Mr Speaker bonn apre midi, bonn apre midi tou Manm, mon vwar poudir bann Manm lot kote latab i byen kontan mon pe al koze.  So mon byen kontan mon de retour.  Wi Mr Speaker mon’n tre enpresyonnen ekout Onorab Afif akoz mon vwar poudir in realign son lekor en pti git avek sa Progressive Income Tax.  E la mon vwar poudir in fer en largiman tre for an faver sa Progressive Income Tax e dan en matematisyen a lot in move en pti pe from sa streamline approach ki IMF i kontan pran, pour li anmenn en flat rate ki nou konnen parfwa i pa neseserman aplikab dan tou ziridiksyon.  Me selman Mosyon ki devan nou i en Mosyon ki menm mwan dan mon Ladres lo Bidze, mon’n siport ki nou annan komansman Progressive Income Tax pli boner posib.  Rezon pour sa i senp, se nou pe bezwen regard kous popilasyon ki pour benefisye e sa i plis ki 50 poursan lafors travayer ki pour benefisye.  Nou pe vwar poudir lamazorite dimoun ki pour san sa bracket income ant 8, 555 ziskan R35, mil lamazorite travayer Seselwa i dan sa bracket apepre en pti pe plis ki 80 poursan travayer Seselwa i dan sa bracket.  E sa i fer ki lamazorite dimoun pour benefisye, me selman koman Lasanble nou bezwen osi et konsyan lenpak bann desizyon ki nou pran e ki lenpak sa bann desizyon pour annan ler nou pour roll out lannen fiskal lannen prosenn.  Mon konnen sa ki mon pour dir petet ki pa tou dimoun ki pour dakor avek me selman i lopinyon, i analiz ki mon pe fer lo sa sityasyon ki nou trouv nou ladan.  Premye analiz ki mon’n fer baze lo bann largiman ki’n ganny avanse lo bann travay ki nou’n fer avek Bidze lo bann suspensions dan Bidze ki’n annan e bann cuts, ler nou pe regard bann koupir li menm ki nou’n fer, nou’n fer koupir dan Departman Lenformasyon, Departman Foreign Affairs, Departman Lenformasyon i 1.952 milyon, Departman Foreign Affairs i 1.055 milyon, Trezyenm Mwan Saler pour travayer IOT i 5.3 milyon, kontribisyon pour NATCOF i 1.5 milyon, kontribisyon Paradis des Enfants i 3.5 milyon, Poverty Alleviation Programs i 1.9 milyon e kontribisyon pour Federation of Employees 286mil.   Sa ki fer ki nou annan nou koupir ki’n tire dan Bidze 15milyon.  Prezan lo bann sonm ki nou’n sispann should we apel li freeze pour NISTI par egzanp nou’n freeze R240mil me kot nou’n dir ki Sekirite i devret ganny redwir pour lanmwatye e ki Tender Process once completed i bezwen revert back to FPAC; ki vedir neseserman nou bezwen annan en travay ki FPAC ki pour bezwen fer lo sa morso Bidze, ki fer ki esansyelman sa larzan pa available pour nou kapab fer sa revizyon ki nou devwar dan Progressive Income Tax.  Dan Departman Ladefans i annan en sonm R10milyon ki nou’n sispann ankor e sa i baze lo Gratwite Konpansasyon pour SPDF ki zot bezwen ankor enn fwa provide details e ki Lasanble i donn son langazman, ki once zot provide sa detail la nou ava deside ki pour fer ki ankor enn fwa nou perdi sa loportinite pour nou kapab pran sa 10milyon outright pour nou kapab met li dan Progressive Income Tax.  Lofis Prezidan annefe nou’n fek diskit sa 2 Lalwa i pour annan en konponan dan sa 13 milyon ki nou’n freeze laba ki ankor enn fwa i pour al ver sa bann Lalwa ki nou’n pase. STB i annan en sonm 240milyon kot zot pour bezwen re tender sa Consultancy ki ti pe al pour ansyen Minis St Ange, Lazans Prevansyon lo Drog i annan R940mil sa i konsern son Board Fees ki bezwen ganny revwar baze lo current rate, i annan Sekirite pour Wellness Centre ki bezwen ganny baze lo bann Security Cost 2017.  Sa i 1.8 milyon; i annan 10.2 milyon ki en proze anba PSIP ki ankor enn fwa zot bezwen provide bann dokiman pour montre, ki zot pe al komans sa proze ki fer, ki ankor enn fwa sa larzan i reste anba sa Bidze me nou pa ankor kapab tir li outright.  National Intelligence Agency i annan 3.5 milyon ki’n ganny tenir ankor enn fwa akoz li nou pa ankor pas son Lalwa.  So ler nou pe regard sa bann freeze nou’n deza fer bann commitments koman Lasanble lo sa bann freeze, ki fer ki nou pour annan en travay an plis ki nou bezwen fer Premye  Term Lasanble lannen prosenn – ki fer ki nou pour napa sa larzan ki pour available ki pour en pti pe laliny ki Onorab De Commarmond in fer ki, nou bezwen prezan regard sa roll out of PIT ki nou oule Zanvye si nou en 100% of roll out PIT savedir ki PIT i komans 100 poursan Zanvye pour tou dimoun, ouswa nou regard posibilite phase li kot i pour annan dimoun definitivman ki pour benefisye avan lezot, mon leskiz pour bann dimoun ki pe ekoute ki tou dimoun ti a kontan benefisye, me selman i mon devwar, mon responsabilite osi pour kosyonnen kan nou riske pe vwar nou dan en sityasyon kot nou kapab petet posibilite petet anmenn plis konplikasyon. Lot konponan Bidze ki ti en pe, ki for me se konponan Bidze Prizon, kot i annan liniform ki bezwen al dan Tender 1.364 milyon nou annan clothing, kot Prizon ankor nou annan 16 milyon pour ‘Security and Enforcement’ kot Prizon i bann sonm ki mon krwar nou bezwen careful akoz nou bezwen fer sir ki, once Lotorite Prizon i komans fer son travay nou pa kapab deny li Fon e nou pa bezwen kre sitasyon ki nou annan bann Bidze Siplemanter, enn bann keksoz ki dan nou Lasanble nou’n toultan dir poudir nou bezwen, Gouvernman i bezwen toultan fer sir ki depans son wallet dapre larzan ki i annan ladan; ki fer ki nou trouv nou dan en sityasyon en pe konplekse akoz mon krwar Lasanble as a Whole i anvi PIT i komanse Zanvye e mon krwar Minister Finans pe ekout sa mesaz.  Me i reste lefe ki nou bezwen rod sa larzan pour nou ranpli sa trou ki nou pour kite avek Progressive Income Tax.  Se pour sa rezon ki mon krwar meyer nide ki nou kapab propoze se ki dan plas nou annan en roll out konplet Progressive Income Tax, nou fer li par faz ki nou ava annan kous travayer ki pour benefisye avan e i ava annan kous travayer ki ava benefisye down the line, ki i ava fer li pli fasil pour nou sistenm, nou Lekonomi oubyen sistenm Finans abzorb kou ki sa pour anmennen.  Mon krwar sa i ava en meyer nide, dan plas ki si nou al pour en total roll out e nou vwar ki kou ki nou pour al incur e baze lo progranm IMF ki nou annan e Onorab Afif i konn tre byen ki mannyer once sa progranm in ganny etabli, e ou sorti an deor sa progranm lafason ki zot tret sityasyon sirtou ki nou pe, nou lo faz final, pe diskit nou Bidze ek zot malgre ki nou progranm li menm in terminen, nou still annan en faz Assessment e en faz sipor ki nou ankor anba la avek IMF.  Se pour sa rezon alors ki dan son summing-up mon ti ava fer en pledwari avek mover Mosyon pour li konsider sa propozisyon ki dan plas nou bouz towards 100 poursan fer li, nou bouz avek en phase approach zisteman en pti pe dan nide ki Leader zafer Gouvernman in anmennen pour ki zisteman, nou a kapab abzorb the cost of doing it, e i ava annan dimoun ki pour benefisye.  Akoz i ava annan dimoun ki pour benefisye?  Se akoz deza la bann dimoun ki pe ganny 8,550 pe benefisye me i ava zis fer ki en lot eleman sa konponan se ki si en dimoun pe ganny 8, 550 i ale i fer en dezyenm louvraz ki pey li R6mil, i pa pe al ganny takse pour son R14mil son larzan i ava vin pour li.  So sa i ava vin en konponan adisyonnel.2enm konponan adisyonnel ki i ava antre se ki bann dimoun ki pe ganny par lao 8, 550 ki pe ganny takse lo sa nivo ki zot pe ganny takse zot tax i ava redwir.  E sa nou ava kapab travay, Minister Finans i ava kapab lo en modalité ki ava kapab phase li, ki dan plas nou annan sa lenpak direk nou ava vwar en lenpak en pti pe pli minim e ki back an Zilyet avek tou bann Mezir ki Minister Finans pe met an plas dan revizyon dan tax, dan bann lezot revizyon nou ava kapab vwar Progressive Income Tax antre.  Zis pour fer rapel Lasanble pour pa bliye ki nou pour annan en kou lo Bidze ki pour arive la lafen lannen avek Trezyenm Mwan Saler e definitivman avek sa nou pour vwar ki pour annan plis disposable income e ler nou annan plis disposable income Mr Speaker, nou konnen ki dimoun pour depans plis; mon pa pe dir personn ki zot pour fer avek zot larzan, e zot larzan zot in travay pour ganny zot larzan me selman mon krwar koman Lasanble osi nou bezwen lans en mesaz, en mesaz ki nou popilasyon i vin pli konsyan, i vin pli responsab anver larzan ki zot gannyen, nou fer plis sakrifis, plis savings.  E en lot mesaz kler ki nou bezwen lanse ankor Mr Speaker, se ki la ozordi par egzanp once nou pe move dan sa laliny kot nou oule avans Progressive Income Tax, bann servis ki pe ganny ofer Ledikasyon, Lasante i pour esansyelman pour nanryen pour sa kous saler pour nanryen.  Se pour sa rezon ki nou pour bezwen annan en meyer apresyasyon pour enn sa bis, ki sa zanfan i voyaz ladan dan lekol , sa Laklas kot lekol ki i asiz ladan lo sa sez e lafason ki nou tret bann, nou servis Medikal e down the line nou ava vwar bann lezot Mezir ki nou pour bezwen met an plas. So pour mwan Mosyon i en bon Mosyon mon pour siport Mosyon, me mon pour siport Mosyon lo bann baz ki mon’n prezante akoz mon santi poudir whilst ki nou donn the best deal nou popilasyon nou bezwen osi konsyan lenpak ki sa i kapab annan dan nou lekonomi.  Mon remersi ou Mr Speaker pour ou latansyon e mon remersi Lasanble pour son latansyon.

 

MR DEPUTY SPEAKER

Mersi Onorab Sebastien Pillay.  Onorab Simon Gill.

 

HON SIMON GILL

Mersi Mr Speaker.  Bonn apre midi tou Koleg Onorab e manm piblik ki pe ekoute.  Mr Speaker linisyativ pran par Onorab Ramkalawan atraver Mosyon in ganny byen resevwar, tout an rekonesan ki Politisyen i son louvraz pour li fer bann demann, e pour fer bann sou misyon lo non lepep, lo non bann Elektora pour kapab donn en pe plis kot dapre nou bann zizman nou krwar i kapab donn en pe plis.  E Mr Speaker napa en dimoun rezonnab isi dan sa Lasanble ki pa’n koz lo nesesite pour ki Gouvernman atraver Minister Finans, i etidye tou bann opsyon, e lo mwan kote mon ankor pe esper bann opsyon ganny soumet par Minister Finans, ki montre en nou en semen ker lo ki fason Gouvernman i kapab komans lenplimantasyon Progressive Income Tax apartir Zanvye 2018.  Mon swete ki semenn Lendi ler Minis Finans pour retourn dan nou Lasanble apre ki i pe ekout sa nouvo sou misyon Lasanble Nasyonal ozordi apre midi, i ava kapab pe vin devan avek bann opsyon reel, konkret ki montre posibilite reel pour ki Gouvernman ankor enn fwa i komans avek lenplimantasyon sistenm Progressive Income Tax apartir Zanvye 2018 e non pe Juillet.  I pa mon lentansyon repet tou bann largiman ki’n anmennen me parfwa koman en dimoun ordiner, ou tir ou dan sa lankadreman en Manm Lasanble Nasyonal ou asize kot ou dan trankilite, ler dir be bon la mon pe ekspekte annan en pti larzan an plis lannen prosenn, deswit ou tann PUC i vini i dir ou la mon bill delo pour monte, mon bill elektrisite pour monte.  Ennler ou demann mwan konmsi eski PUC li delo elektrisite ti pe esper zis konmsi 2018 pour nou ganny dir nou pe ganny en pti larzan, epi pour li fer ogmante son bill delo, elektrisite?  I en koensidans dan lekonomi Sesel, dan sosyete Seselwa.  Ennler ou dir be ki kalite koensidans i kapab ete sa?   Ler ou donn mwan dan lanmen drwat, ou pran lanmen gos ou vini ou retire.  Me ennler mwan pa kapab konpran sa kalite koensidans mwan.  Eski PUC li i pa ti kapab esper pli bokou letan avan ler entrodwir son bann logmantasyon li, eske i pa ti kapab esper Zilyet li, ler travayer pour ganny son logmantasyon li, en logmantasyon endirek byensir. Ou konnen Mr Speaker politik popiler – populiste i anmenn ou parfwa pour fer sa bann largiman parey toultan rekonesan ki management en lekonomi i en direksyon en lekonomi sitan frazil e depandan parey Sesel parfwa si ou pa byen zer li, si ou pa fer bann bon kalkilasyon tre stratezik, i pour annan tandans mesaz ki ou anvoy la deor dan ou popilasyon i kontredir i antre an konfli ek kanmarad; e se sa ki bokou dimoun baze lo bann keksoz ki mwan pe swiv pe demande be eski nou pe think mwan mon demande ki nou think, we really think seriously.  Akoz nou pe bezwen pe kapab pe balans tre byen dan en Sosyete parey nou ete e dan en moman parey nou trouv nou ladan ozordi dan sa pei.  Mon pa la pour donn lektir personn dan Sesel ozordi; mon respekte tou bann dimoun ki pe travay, pe donn zot kontribisyon, mon konpran poudir tou sa bann dimoun zot annan zot kadreman, zot profesyon e zot merit nou respe me nou bezwen osi pe respekte sa sitwayen ordiner la deor ki nou dan Lasanble ki nou dan en pozisyon ozordi dan 2017, e probableman pour bann lannen ankor annan sa privilez pour reprezant zot e defann zot ki osi enkli sa bann Profesyonnel, sa bann Teknisyen, Technocrat ki pran bann desizyon or ki advise Gouvernman lo bann desizyon posib pour pran.  E nou la pour zot tou, nou la pour nou kapab fer sir ki nou diskite, nou dyaloge e ki nou kapab met lanfaz lo bann size, dan bann moman ki nou santi i apropriye pour mete e zisteman Progressive Income Tax Mr Speaker i en size ki’n pran latansyon tou piblik Seselwa.  Or ki’n ganny latansyon tou piblik Seselwa e an partikilye lo tou kote latab nou pe demande pour mwan pa fer sa lentervansyon long, nou pe demande ki Gouvernman atraver Minister Finans i vin dan nou Lasanble prosennman semenn prosen ler i vin pas son Bill, bann Bill pa ankor avek nou isi e ler finalman nou pour donn laprouvasyon nou Bidze ki vin avek ban opsyon reel e bann posibilite reel pour ki piblik Seselwa e Sesel an antye, i kapab apresye sa travay, sa zefor ki zot ava’n fer pour ki Progressive Income Tax i pran lefe apartir Zanvye 2018 olye Juillet.  Mon pa pour dakor avek pwen Onorab ki isi devan mwan la, ki isi akote mon la Onorab Pillay ki’n dir annou fer enplimantasyon kot nou rod lekel ki nou enplimant avan en pe nou enplimante, en pe nou pa enplimante dan en fason progresyon.  Nou bezwen pran en desizyon pour ki sa Progressive Income Tax i ganny enplimante 100poursan an Zanvye 2018 e si pa pour kapab an Zanvye 2018 ki pli boner avan Juillet 2018 i kapab ganny enplimante full force pour ki tou sa ki ti pour benefisye i benefisye dan en sel moman e ki Sesel, Seselwa i kapab plan son lavi e nou kapab bouze epanouir nou an 2018.  Mr Speaker parey mon’n fer o komansman mon pour donn sipor sa Mosyon.  Mersi bokou.

 

MR DEPUTY SPEAKER

Mersi Onorab Simon Gill.  Zis pour bear in mind ki ler PUC ti devan nou la, ti pe demann Lasanble pour aprouv son bann proze ti met nou okouran ki zot annan bann det an deor, bann dimoun ki pa ankor peye plis ki R100 milyon, ok?  Zis bear sa in mind si mwan ti dan Chamber mon osi mwan krwar mon ti pour reakte en pe dan sa fason parey Onorab Simon Gill.  Mon ava donn mover Mosyon the Right of Reply.

 

HON WAVEL RAMKALAWAN

Mersi bokou Mr Speaker.  Mr Speaker premyerman les mon remersye tou bann Manm ki’n koz lo sa Mosyon mon kontan ki tou dimoun pe pran en lapros pozitiv, me non selman pozitiv, dan en fason populiste me pozitiv dan en fason kalkile anmezir ki nou koz lo tou bann eleman pour a pir nou pep me nou pe osi balans son realite ki mannyer eski sa pour kapab ganny fer.  E la mon krwar ki sela kot nou pep li menm li i bezwen pe mars avek nou parske parfwa i annan sa tandans pour dimoun panse ki nou dan sa Lasanble, nou devret zis donn aprouv tou keksoz zis pour donnen, e i menm annan serten dimoun ki letan zot pe fer bann analiz politik zot dir fodre ou rode pour donnen parske se sa ki pour fer ou ganny vot.  Me mon krwar ki i enportan pour nou koman en Lasanble parey nou’n fer apre midi kalkile, balanse, met bann sif devan e atraver sa regarde kwa ki posib.  E mon ankor enn fwa dir tou bann Manm mersi bokou anmezir ki nou’n regard bann konsern reel; par egzanp letan mon’n ekout Onorab Alcindor avek Onorab Woodcock ki’n koz lo bann sitwayen zot menm ki mannyer bann keksoz pour ogmante e ki mannyer atraver sa logmantasyon nou koman en Lasanble, nou bezwen rod en fason pour nou amorti sa logmantasyon pour ki dimoun i kapab pli byen viv.  Letan Onorab Ernesta in koz lo lapovrete e ki mannyer nou bezwen otomatikman regard sa pep pli pre me in enteresan osi ki mannyer in met sa lapovrete, koz lo lapovrete me met li anliny avek bann businessmen.  E ofet sa sete en pwen ki mwan toultan mon’n leve dan sa Lasanble ki fodre ki bann dimoun ki dan biznes zot osi pran zot responsabilite; annan sa konsyans sosyal e moral. Onorab Gill in koz lo PUC me selman mon krwar pa zis PUC, tou biznes an zeneral, i pa akoz ki travayer i ganny en logmantasyon ki otomatikman i bezwen annan lenflasyon ki ogmante.  Be fodre ki i annan en kontrol somewhere, fodre ki bann businessmen i ava kapab dir “be regarde dimoun pe annan plis larzan be i pa neseser pour mwan neseserman fer mon pri monte, me sa i ava permet mon annan en pli gran varyete dan mon laboutik, akoz petet avek en pli gran varyete e dimoun avek plis larzan dan zot pos, zot ava kapab annan en pli bon seleksyon.  E petet sa fanmir ki pe ganny en pe plis larzan olye aste en prodwir ki mwen ser petet i ava kapab al lo kalite.  E sa kalite sa i ava donn li, i ava kapab permet nou pep pour lev son nivo.  Donk mon krwar ki bann biznes zot bezwen regard keksoz dan sa fason e okenn logmantasyon i bezwen annan en sans sa logmantasyon. Mon konnen par egzanp ki ok nou’n koz lo nou annan en Marse Lib nou napa pri kontrol, me selman Mr Speaker mon bezwen dir ki parfwa i etonn mwan – san ki Dolar in ogmante, san ki Roupi in devalye, san ki’n annan en nouvo kargezon ki’n antre dan pei baze petet lo en nouvo pri ki sa menm komodite zis i ogmante.  Mwan mon krwar la i en enportan pour Gouvernman regard tre pre ladan.  E mon krwar ki Gouvernman san ki i enpoz li pour fer pri kontrol i kapab dan en serten sans pour dir be “be tyonbo en kou si letan ou ti fer vini sa komodite dan pei Dolar ti R13 e sa komodite i ankor la, i ankor sa kargezon nou’n sarz ou tax lo R13 be ki mannyer lo sa menm kargezon ou komodite i ogmante.  I bezwen annan en Disiplin somewhere e mon krwar ki nou tou dan en fason konsyansye nou bezwen ede pour sa arive e donk sa pwen businessmen, lapovrete, lenflasyon otomatikman nou bezwen adres zot.  Bann fo Deklarasyon Tax ki Onorab Aglae in koz lo la, mon krwar ki sa i en lot keksoz ki pe ede pour fer pri lavi ki monte e mon dakor antyerman avek li ki i neseser pour ki i annan dan Seychelles Revenue Commission e la mon pa konnen si sa bann group bann Oditer Forensic i ava kapab ede.  Parske ozordi mon mazinen i ase fasil pour nou kapab konnen konbyen bann komodite i vann.  Nou annan tou bann sistenm kominikasyon e i devret ase fasil pour ki finalman sa dimoun letan i, letan son komodite i arive pour vwar ki poudir en fo Deklarasyon ki in fer. E atraver bann fo deklarasyon pour ki i annan aksyon ki ganny pran parske finalman sa bann fo Deklarasyon se pep Seselwa apre ki bezwen anmas les pots cassés. Mr Speaker pour montre ki mannyer sa deba in vreman ris e pourtan e sa bout la i fer mon vreman enpresyonnen sa Mosyon in vin lo Order Paper 2.30 apre midi e nou’n vwar ki poudir nou annan bann Manm Lasanble dan sa 6enm Lasanble ki kapab parey Angle i dir “think on their feet” ki nou kapab vini e fer bann entervansyon ki kourt, me ki ranpli avek sans e petet dan lavenir nou devret annan, nou devret adopte sa koman en model kot nou vini nou koupe, nou transe, nou adres sa ki bann pwen ki valab, bann pwen ki pertinan e pour nou kapab bouz devan.  Par egzanp letan Onorab Afif in koze letan i pe regard sa koman en mwayen pour ki nou kapab annan redistribisyon larises dan sa pei, e sa i en, sa dan li menm li i en size tre enportan ki nou pour bezwen balanse parske enn nou bann problenm dan sa pei, se ki deplizanpli sa ki ris pe vin pli ris e sa ki pov pe vin pli pov e bann benefis i al plis pour bann ki deza annan. Alor ki mannyer nou balans sa pour ki i annan sa redistribisyon larises dan nou pei.

Onorab De Commarmond mon apresye sa ki’n vin avek an relasyon avek progranm IMF, sa osi tou nou bezwen regarde me selman an menm tan IMF fodre toultan nou fer atansyon e lo nivo Lafrik an zeneral IMF en pe parey bann lezot Lorganizasyon sorti dan was e letan nou ti dan Seminar Westminster nou ti vreman apresye lafason ki Onorab Pillay ti koz lo OECD ki mannyer sa bann pei zot, zot enpoz lo nou letan zot koz bann standar enternasyonal zot pa’n konsilte ou be ou pa Enternasyonal, nou pti Sesel nou, nou pa form parti Enternasyonal nou?  E letan ou demann zot, zot annan sa lodasite pour dir “be sa in ganny agree dan ‘G20, be zis ‘G20’ be nou, nou pa kapab annan en parol ‘G20’ ki set standar enternasyonal be nou, nou napa en pti parol pour nou dir?  Donk IMF ankor enn fwa se bann sorti dan was zot pour dir avek ou koup isi, koup laba; bann WTO tousala bann boug ki pour dir avek ki mannyer ou pour, ou pa devret donn en sibvansyon bann Fermye selman zot bann pei Lanmerik, Lerop zot, zot pe donn sibvansyon zis pour ki zot kapab fer, zot kapab konbat konpetisyon sorti dan bann pei mwen devlope.  Alor fodre nou fer atansyon avek IMF osi tou pour nou parfwa dir avek li “tyonbo en kou la parske sa ki ou pe dir ek nou la i pa tro korek e nou osi tou nou, nou bezwen balanse.” E si nou pe koz an term nou pep parey mosyon pe demande be IMF i bezwen konpran nou.  Si nou pe koz met plis larzan dan pos nou pep pour li kapab pli byen debourye pour nou sorti dan sa 40 poursan lapovrete mon krwar ki nou bezwen dir avek IMF konpran nou, parske si non nou ava dir avek IMF “be kisisa ou kontan letan nou annan, letan i annan lapovrete” e ofet sa set enn bann gran lakizasyon kont IMF spesyalman avan ki zot in sanz en pe zot fason regard keksoz kot ou a krwar zot ti pe ankouraz mentenir lapovrete, mentenir en serten nivo pour ki serten pei dan was zot, zot nivo ti ava pli o.  In annan, e la nou bezwen mazinen ki wi IMF nou pe, nou annan sa progranm avek li nou pe konsilte avek li, nou pe konsilte avek li, me selman nou bezwen dir avek li ki nou osi tou nou annan kontrol nou’n ganny nou laz mazer, nou pa pe zis, pa ki li dan en serten sans nou bezwen vin kot li konmsi li nou manman ki nou bezwen tonm a zenou devan li.  Wi i vre ki Lekonomi ki mannyer ti’n ale nou ti’n, nou ti pe al ariv lo nou zenou in vini in ed nou be la ki mannyer nou krwar nou pe debout en pti git nou ava kapab koz avek li dan en fason serye.  Mon konnen in annan en pwen contention ant sa ki Onorab Pillay in prezante e Onorab Gill ki asize obor li in dir “i pa dakor ek sa ki Onorab Pillay in dir” mon kontan sa Lespri selman mon konnen i poudir si 2 Manm lo nou kote ti’n dir sa Onorab Pillay ti pour dir avek nou “aranz zot alignment” me nou konpran sa nou konpran sa e i enportan sa pwen, Onorab Pillay li in dir “ annou fer li dan en fason progresiv, annou entrodwir Progressive Income Tax dan e fason progresiv si nou pa kapab met li antye” tandis ki Onorab Gill li i pe dir, “non!’’  I pa dakor ek sa bann zafer progresiv annou fer li en sel kou” wait ou a krwar i annan en Sosyalis ek Kapitalis la ki konmsi fodre nou vey en pti git la.  Me mon konpran, malgre ki mon konpran pwen pertinan ki Onorab Gill pe dir “pour ki tou dimoun i ava benefisye” an menm tan mon bezwen dir e zot tou lede zot mon 2 koleg mon bezwen dir ki mon tant pour mon dakor avek Onorab Pillay, akoz ki mon dakor avek sa ki Onorab Pillay in dir? Progressive Income Tax nou’n ganny dir pour met li an aplikasyon i pour kout pei R75 milyon si nou pe met li an Zilyet wi, wi si nou pe met li an Zanvye fodre nou troub 75 milyon, me sa ki nou 2 Onorab Afif nou’n fer en pti kalkil, nou’n fer en pti kalkil ki poudir, nou’n fer 2 kalkil premyerman si ou ti pour entrodwir Progressive Income tax an Zanvye pour bann dimoun ki pe resevwar R10mil e mwens. Poursantaz dimoun i anviron 45 poursan ki pe tous en lapey R10mil e mwens.  E pour 45 poursan lo sa 75 milyon i fer ki ofet ou bezwen 34 milyon e sa ki nou’n kapab koupe e la bann kalkil ki Onorab Pillay in fer, sa ki nou’n kapab aktyelman koupe dan Bidze i tonm 47 milyon anviron.  Ok anviron 47 milyon e donk 47 milyon ki nou’n koupe i fer ki 34milyon i rantre ladan, alors konfortableman Gouvernman ti ava kapab atraver Bidze ki nou’n travay lo la i ti ava kapab entrodwir Progressive Income Tax omwen pour tou bann dimoun ki pe resevwar mwens ki R10mil e sa parey nou’n koz lo la i ti ava, i reprezant 45poursan nou popilasyon e sa dan li menm li ti ava en benefis imedyat pour bann dimoun ki annou apel zot bann dimoun ki pe resevwar en lapey ki mwens.  E alor dan sa 10mil dan sa bann dimoun ki pe resevwar mwens ki R10mil, se la ki nou trouv mazorite sa 40poursan ki nou apel, ki tonm dan bracket lapovrete,.  Alor deswit nou ti ava kapab pe ede pour ki i ava annan en soulazman akoz dimoun ti ava annan en pe plis.  Me selman sa 2enm kalkil ki nou’n fer si nou ti ape koz tou bann dimoun konmsi entrodwir li pour tou bann dimoun ki resevwar Mr Speaker en lapey mwens ki R20mil sa i reprezant 65poursan nou popilasyon, 65poursan e letan ou balans 65poursan lo sa 75 milyon i tonm anviron 49 milyon ok, e 49 milyon i zis 2 milyon par lao sa sonm i tonm, (sorry en pti kou menm) i ava tonm 49 milyon, e 49 milyon i tonm 2 milyon par lao sa sonm 47milyon ki nou’n koupe.  E alors 2 milyon nou krwar ki poudir i ase rezonnab e Gouvernman i kapab abzorb sa atraver bann lezot mezir ki pour met an plas pour li ramas reveni dan en fason pli konkret.  Alor efektivman Progressive Income Tax i ti ava kapab ganny entrodwir parey Onorab Pillay in propoze dan en fason progresiv le 01 Zanvye pour tou bann travayer ki resevwar en lapey mwens ki R20mil. E la Mr Speaker sa ki enportan se ki nou ava pe tous sa lower income earners me non selman lower income earners, me nou ava kapab pe al en pe pli o en pe, nou ava kapab pe tous en pe nou bann profesyonnel kot zot osi tou sa sonm ki zot ava anmenn dan lakour an plis i ava kapab varye ant, i ava kapab varye anviron en R800 en R1, 000 anviron sa.  Alor atraver sa 2 kalkil ki nou’n fer e avek sa ki, se pour sa rezon ki mon’n dir ki mon dakor avek sa ki Onorab Pillay pe, in met devan sa pwen ki’n met devan nou krwar, mon krwar ki poudir Gouvernman i dan en pozisyon pour li komans entrodwir sa Progressive Income Tax pour ki dimoun i kapab ganny en benefis imedyat e sa i ava rezwenn sa pwen ki Onorab Afif in koz lo la pour ki sa distribisyon larises i komanse imedyatman.  Alor mwan mon konnen ki poudir nou annan nou en Minis Finans ki swiv byen nou bann deliberasyon, ki swiv byen nou bann deba e mon konnen ki poudir i en dimoun ki konsyansye e ki anvi vwar sa pri lavi desann e mon fer en lapel direk avek li, mon fer en lapel direk avek Minis pour regarde ki mannyer nou kapab fer sa.  E lo nivo Onorab De Commarmond ti osi mansyonn ti nobou, ti mansyonn osi konsernan bann progranm ok, mon krwar Onorab De Commarmond ki ti mansyonnen bann progranm pour fer bann payroll, be lenformasyon ki mwan mon’n gannyen se ki zot deza i annan bokou bann soz pe deza travay lo la e ki si ti pour annan sa i ti pour fasil pour enplimante.  Akoz i en kestyon sanz, sanz enn de keksoz e bann formil, e bann formil parey nou konnen ozordi nou annan bann, nou annan nou bann profesyonnel Seselwa menm nou pa ni pour bezwen met en Tender pour en Lakonpannyen etranze vini nou bann Seselwa i kapab fer sa.  Alor avek tou bann largiman ki’n ganny mete devan Mr Speaker i kler ki poudir nou kapab Gouvernman Sesel i devret ekout sa ki nou’n dir; pran nou o serye dan sa Lasanble, pran sa pep Seselwa o serye e avek sa bann logmantasyon ki pe vini ki dan elektrisite kot PUC in fini anonse – me parey ou’n dir ou menm Mr Speaker PUC in dir avek nou i annan plis ki 100 milyon laba deor be avek son bann logmantasyon e ki pour napa Progressive Income Tax i kapab ogmante tandis ki si nou fer sa petet dimoun i ava kapab pey zot bann pti aryeraz, pey zot bill e keksoz ava aranze.  Ankor enn fwa mon pour dir tou bann Manm mersi bokou e sa Mosyon i pa zis mon Mosyon me i Mosyon Lasanble Nasyonal siporte par tou bann Manm Lasanble Nasyonal ki i lo kote Parti Lepep, ki i lo kote LDS.  E se pour sa rezon ki nou mesaz ki nou pe anvoye kot Gouvernman i en mesaz sorti kot lepep Seselwa.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Bon nou’n en ariv en moman pour nou pran en vot lo Mosyon mon a demann tou Manm ki an faver? Okenn Manm ki kont? Onorab Ghislain ou kont?  Non? Ok, Madam Clerk.

 

MADAM CLERK

Mersi Mr Speaker ek plezir 26 Manm an faver – Full House e personn kont.

 

MR DEPUTY SPEAKER

Mersi Madam Clerk.  Savedir Mosyon in ganny aprouve par tou Manm Lasanble prezan.  Bon parey petet Onorab Gill, ti moman nou pe al adjourn en pti moman si ou pa mind please, ok petet mon ti a zis kontan remersi bann Manm ki ti lo ABC dan meeting taler lafason ki nou’n tackle meeting e ki mannyer nou’n ganny serten consensus pour nou fer serten keksoz.  E mon ti a kontan remersi Clerk ek Deputy Clerk dan bann moman ki zot ti pe delibere lo Mosyon, i annan bann lezot keksoz ki’n vini parey zot in vwar bomaten nou’n ganny bann, nou’n ganny 4 Bills san son folder, son sleeve, san Official Gazette e nou Standing Order i fer en request ki nou ganny li konplet avek nou Official Gazette.  Finalman nou’n gannyen e Sekretarya in fer en 2nd Revised Order Paper ki nou’n ganny sans sirkile avek tou bann Manm pour nou kapab fer en First Readings. Me nou annan enn ladan, 1 sa bann Bill ki i pa’n ganny enkli lo Official Gazette.  So Onorab Georges i pour donn en pti leksplikasyon lo la e apre nou ava pran, nou ava regarde bann ki nou pour pran First Readings.  Me i annan 3 nou pran First Readings.  Wi ok mon ava eskiz ou Onorab Simon Gill ok, ok.  Ok so Onorab Georges eski nou ava fer sa premye 3 First Reading apre ou ava eksplik lo sa katriyenm Bill?  Yes?  Ok.  So mon krwar tou Manm in ganny en kopi sa 2nd Revised Order Paper nou ava fer sa 3 premye First Reading ki dapre nou Standing Order i ok pour nou fer.  Madam Clerk.

 

MADAM CLERK

Mersi Mr Speaker mon pour al dan lord parey i aparet lo Revised Order Paper.

 

Excise Tax; This Act may be cited as The Excise Tax (Amendment) Act of 2017.

 

Customs Management (Amendment) Bill.  This Act may be cited as The Customs Management (Amendment) Act of 2017.  E an dernyen.

 

Seychelles Revenue Commission Amendment Bill of 2017.  This Act may be cited as The Seychelles Revenue Commission (Amendment) Act of 2017.  Mersi.

 

MR DEPUTY SPEAKER

Ok.  Mon krwar tou Manm parey mon dir in ganny en kopi.  Sa i bann Bills ki semenn prosenn nou pour fer Second Reading e nou pour debat lo la i ava donn bann Manm ase letan pour prepare.  Me mon ava demann Onorab Georges zis pour klarifye sa 4yenm Education Bill.

 

HON BERNARD GEORGES

Mersi Mr Speaker.  Mr Speaker annefe si bann Manm i regard zot bann Bills devan zot, zot pour vwar ki sa 3 ki fek ganny First Reading se Bill No. 29, 30 ek 31 e zot tou zot ganny dir anler ki zot en Supplement to the Official Gazette e zot tou zot in date le 11 Desanm; setadir Lendi.  E zot tou zot in ganny mansyonnen tou le 3 dan Gazette nimero 96 ki nou’n resevwar apre midi ki annefe i date le 11 Desanm.  Donk sa 3 Bill i ok.  E i ok akoz anba Order 61 (5)..

 

MR DEPUTY SPEAKER

5.

 

HON BERNARD GEORGES

…i mete tre klerman ki “every Bill presented to the Assembly together with explanatory statement shall be published in the Official Gazette.” Alor i bezwen ganny pibliye dan Official Gazette pour li ganny prezante devan sa Lasanble.  Sa ki drol se ki Educational (Amendment) Bill li osi i date le 11 Desanm e Bill No.32 me li i pa feature dan sa Gazette le 11 Desanm, ki li menm li i en Extraordinary Gazette.  Alor sa Educational (Amendment) Bill pa ankor ariv a en pozisyon kot anba Standing Orders, i kapab ganny prezante devan Lasanble, akoz i, malgre ki nou kapab prezimen ki in ganny pibliye dan Official Gazette akoz i mete “Supplement to the Official Gazette” nou konnen ki annefe i pa’n, akoz nou annan sa Official Gazette devan nou e li i pa’n ganny liste ladan.  Alor pour sa rezon mon krwar desizyon i byen ki nou pa’n kapab fer First Reading Education (Amendment) Bill.

 

MR DEPUTY SPEAKER

Mersi Onorab Georges.  Me ankor dan Lespri akomode, nou Lasanble i fer bokou pour nou kapab accommodate bann sityasyon parey, e nou’n ganny dir ki i annan plis ki 2 semenn nou’n ganny dir i annan 8 Bills ki pour vini, ki Lasanble i bezwen debat lo la, akoz preski tou pe pran lefe le 01 Zanvye 201.  Se sa rezon ki nou’n revise Order Paper last minute apre midi pour nou kapab pran sa 3 ki annord e ki dan Official Gazette. Nou konnen ki sa Education (Amendment) Bill osi tou i enportan.  E Minister Ledikasyon in fer round en pe partou pour eksplik bann paran, pour eksplik bann Teachers nesesite ki sa amannman i vini i pran lefe an Zanvye 2018.   I malere lafason ki in ganny fer sa i pa’n arive, i pa le ka me koman Speaker whoever ki dan sa Chair i annan sa pouvwar, privilez ki i kapab fer First and Second Reading ok?  Sispann serten Standing Orders fer First and Second Reading.  Lefe ki nou’n ganny sa Bill dan nou lanmen, bann Manm tou in ganny sa Bill dan lanmen me zis nou pa ankor ganny sa Official Gazette ok, mon ti ava demann bann Manm akoz en Bill ase sibstansyel in ganny sirkile bomaten parmi lezot Bills.

 

(Mic Off)

 

MR DEPUTY SPEAKER

 …ok be nou a fer sir ki zot gannyen avan zot ale la, ok nou a fer sir zot gannyen – ok?

Pour komans regard sa Bill dan evantyalite ki nou pour bezwen fer First and Second Reading Mardi prosen ok?  Akoz semenn prosenn osi tou Lasanble pe al dan Recess ok? Onorab Georges.

 

HON BERNARD GEORGES

Wi.  Mersi Mr Speaker mon, an koneksyon ek sa Education (Amendment) Bill Order 61 (6) i donn en 2enm opsyon e sa se ki si Prezidan i krwar ki en Bill i telman irzan ki ou pa bezwen comply avek bann keksoz parey Gazette i kapab anvoy ou en let e a sa size, e dan sa ka i posib pour nou pran sa Bill.  Mersi.

 

MR DEPUTY SPEAKER

Ok.  Mersi savedir bann Manm zot kapab komans pas ladan nou a fer sir Sekretarya avan zot ale zot a ganny sakenn en kopi, akoz i ase sibstansyel.  Bon nou’n fini business lo Order Paper pour sa semenn so nou pour napa Sitting demen me zis mon fer en reminder pour tou bann ki nou annan servis defen manman Onorab Stephen Pillay ki pe fer 2.30 Anse Royale, bann Manm ki le attend.  E nou annan osi nou pe fer provizyon pour en bis kit isi kot Lasanble, si i annan Manm ki le pran pasaz dan bis ansanm avek bann staff ki pe al servis.  Antretan i ava permet osi tou the new Select Committee demen si zot le komans en pe zot travay zot a kapab komans zot travay e an menm tan i a permet Bills Committee osi tou, pour fer en pe travay lo sa bann Bills ki vini pour nou regarde si i annan bann amannman ki nou pour bezwen fer.  Ok?  So avek sa mon a remersi tou Manm Lasanble pour travay ozordi ki nou’n akonplir, mon remersi bann staff SBC, staff Sekretarya e tou bann dimoun osi tou ki a lekout ki pe swiv nou.  E nou ava adjourn e nou ava rezwenn Mardi le 19 – 9er bomaten.

 

(ADJOURNMENT)