Home » Order Papers » 2017 » Verbatim Wednesday 6th December, 2017

Verbatim Wednesday 6th December, 2017

NATIONAL ASSEMBLY OF SEYCHELLES

 

Wednesday 6th December 2017

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bonzour tou Manm Onorab. Bonzour Vis-Prezidan Meriton. Mr Mohammed Afif, Mr Esparon, Ms Commettant, ankor enn fwa welcome dan Lasanble Nasyonal. E bonzour tou dimoun ki a lekout e ki pe kontinyen swiv deba Lasanble Nasyonal. Premyerman mon ti a kontan swivan yer rapor ki Leader Government Business in fer vizavi sa screen anler.  Mon’n ganny en rapor avek Departman IT. Nou annan en problenm avek kab.  E i pa zis dan Chamber ki nou pe rankontre sa bann problenm. I bann problenm ki nou pe erite en pti partou, partou dan batiman avek problenm elektrik, e nou bann problenm elektronik osi tou.  So bear with us bann teknisyen lo IT pe travay lo la, e hopefully by next Sitting nou an kapab ganny en laranzman.  Bon nou pour kontinyen nou travay kot nou’n kite yer.  Nou annan ankor de Bills devan nou.  Mon ava demann Onorab De Commarmond pour move for Second Reading.

 

HON CHARLES DE COMMARMOND

Mersi Mr Speaker.  Bonzour Mr Speaker; bonzour Vis-Prezidan ek ou delegasyon.  Bonzour tou Manm Onorab e tou dimoun ki a lekout. Mr Speaker, anba Order 64, (2), nou Standing Order mon oule move ki Presidential Emoluments (Amendment) Bill, 2017 i ganny lir en Dezyenm Fwa.

 

MR DEPUTY SPEAKER

Mersi Onorab De Commarmond.  Okenn Manm ki segonde?

 

HON SIMON GILL

Bonzour Mr Speaker. Bonzour tou koleg Onorab.  Tou Manm piblik, Vis-Prezidan ek ou tim. Mr Speaker, Mosyon i ganny segonde.

 

MR DEPUTY SPEAKER

Mersi Onorab Simon Gill. Avek sa mon ava demann Vis Prezidan Meriton pour entrodwir Bill. Vis Prezidan parol pour ou.

 

VICE-PRESIDENT MR VINCENT MERITON

Bonzour Mr Speaker. Bonzour tou bann On Onorab, bonzour tou dimoun ki a lekout.  Mr Speaker. Sapit 4 nou Konstitisyon i etablir Lofis Prezidan, i enkli son bann rol, son bann fonksyon, son bann pouvwar e responsabilite.          Pozisyon Prezidan i ganny asiste par en Vis-Prezidan.  I en lenportans kapital dan parkour devlopman nou Nasyon.  Sa i fer ki sa latas e fonksyon ki i bezwen desarze i enn ki egzizan. Prezidan i annan e responsabilite pour servi lepep, asir son prosperite, diriz masin Gouvernman pour mentenir lord ek lape. Promouvwar progre e prosperite.  E permet tou sitwayen viv dan lape e dan larmoni.  An plis, dan konteks Sesel, kot Sef Gouvernman i osi Sef D’Eta, Prezidan i ranpli rol Konmandan-an-Sef Lafors Defans.  Prezidan i osi pran an men responsabilite pou batir limaz Sesel lo lasenn enternasyonal.  Prezidan i azir 24 lo 24 e 7 zour lo 7 dan lentere lanasyon Seselwa.  An rekonesan zot devosyon, e osi pour asire ki zot kontinyen deserve lentere Sesel lo lasenn lokal e enternasyonal. I rezonnab ki en dimoun ki’n deserve pei koman Prezidan, i ganny rekonpanse ler i kit lofis e apre.   Sesel i pa sel pei ki pran swen ek son ansyen Prezidan. Sa i en pratik enternasyonal e en mezir fondamantal, pour asir nivo dinyite pour nou bann ansyen Prezidan. Lobzektif par deryer bann tel benefis, pour permet e asiste bann ansyen Prezidan, dan zot diferan langazman apre ki zot in termin zot manda tel parey bann aktivite enformel dan lavi piblik ki souvandfwa zot ganny demande pou fer.  Malgre serten i tant pour krwar ki ansyen Prezidan i nepli deservi lofis ofisyelman, le fe i reste ki zot bann personalite piblik.  E alor i neseser pour zot resevwar serten soutyen ki ava ed zot kontinyen akonpli zot lobligasyon selon zot leksperyans e zot Stati. Lamannman dan sa Lalwa, i pe fer provizyon pour ki Leta i met a dispozisyon ansyen Prezidan resours, enkli finansman, e sipor administrativ pour ki i annan en lofis pour ki i kapab desarz son bann fonksyon ki Larepiblik i demann zot.  E sa Prezidan pou ganny asiste avek 3 staff, en personal assistant, e private secretary, avek en office assistant.  Apard ki bann travayer lofis, Leta – si sa Lalwa i ganny aprouve, pou met a dispozisyon ansyen Prezidan travayer sekirite e osi transpor ek drayver.  Pour sekirite lakantite zofisye ava ganny determinen par Prezidan.  Pour transpor ek drayver en ansyen Prezidan pour annan de transpor ek 2 drayver a son dispozisyon.  Zot pour osi benefisye avek bennzin lasirans transport ek patant.  Leta pour osi pran responsabilite pour finans e organiz lanterman ansyen Prezidan.  Tou sa bann depans ki mon’n mansyonnen ziske ozordi Gouvernman pe deza peye.  La, apre diskisyon, apre ki nou’n tonm dakor, nou pe met li dan lankadreman legal, da laliny bonn gouvernans, latransparans e kree bann lenstitisyon. Apre lanmor en Prezidan – pour ansyen Prezidan Leta pour pey son vev dapre propozisyon Lalwa en pansyon 75 poursan, sa pansyon ki ekivalan ki sa ansyen Prezidan ti pe gannyen. Me par kont, si sa vev i deside remarye, son pansyon pour koupe. Mr Speaker mon ti a kontan dir ki i annan en pe letan nou ki nou pe travay lo sa amannman.  Nou’n tonm dakor, nou’n konsilte, nou’n fer resers, e nou’n vin avek en Prozedlwa ki rezonnab, konpare avek lezot norm enternasyonal.  Nou’n osi konpar nou bann benefis, bann benefis ki nou pe donn nou bann ansyen Prezidan avek lezot pei.  Pran Maurice ek Kenya par egzanp, 2 pei dan larezyon ki osi pei reveren Losean Endyen ki manm Commonwealth, e manm Linyon Afriken.  Kot i konsern bann konparezon, gete ki par egzanp pansyon, Maurice i donn son ansyen Prezidan 2 tyer son saler, e Kenya 80 poursan son saler. Kot i konsern bann travayer biro Maurice i donn en Clerk avek en typist. Tou le de pei i osi donn fasilite pour biro. Kot i konsern pansyon pour vev, Maurice i donn 50 poursan sa pansyon ki Prezidan, ansyen Prezidan pe gannyen.  Kot i konsern bann allowances, Kenya i donn entertainment allowances 15poursan saler, 23 poursan allowance pour housing, benzene, elektrisite, delo, avek telefonn.  Kot i konsern transpor Maurice i donn en loto avek en drayver e Kenya i donn 3 loto ranplase tou le 3an, avek osi 2 4wheeldrive e ranplase tou le 3an. Lasirans medikal Kenya i donnen pour ansyen Prezidan pour son madanm avek zanfan. Pour benefis madanm, Kenya i fer provizyon dan zot Lalwa. Benefis zanfan Kenya i fer provizyon dan zot Lalwa.  Pour depans fineray Kenya i fer provizyon dan Lalwa. Mr Speaker, sa Lalwa ki mon pe met devan Lasanble pour ganny konsidere, i reflekte norm, fason ki mannyer bann ansyen Prezidan i ganny gete apre ki zot in deserve zot pei atraver lemonn. Diferan pei i varye. I annan ki donn bokou plis, i annan ki donn egal avek sa ki nou pe propoze.  Mr Speaker si nou kapab met lanfaz lo sa lofis, lofis ansyen Prezidan pour kapab diriz nou diskisyon, e mon ti a kontan avek sa de mo soumet sa Prozedlwa avek konsiderasyon Lasanble Nasyonal.  Mersi Mr Speaker.

 

MR DEPUTY SPEAKER

Mersi Vis-Prezidan. Bon deba i ouver lo prensip e merit zeneral sa Bill.  Okenn Manm ki oule entervenir.  Onorab John Hoareau.

 

HON JOHN HOAREAU

Bonzour Mr Speaker. Mersi Mr Speaker. Bonzour tou dimoun a lekout.  Mr Speaker sa ki pe ganny propoze devan nou pour en Prezidan i enkli 25 poursan pansyon anyel koman en gratwite. Malgre ki sa i ganny mentenir dan Konstitisyon,  nou koman bann dirizan koman bann dimoun ki’n ganny elekte dan nou distrik, nou bezwen demann en kestyon fondamantal. Eski sa i moralman byen?  Vreman in ganny mete dan Konstitisyon, petet si en zour nou kapab sanz sa Konstitisyon pour bann Prezidan ki vin a lavenir then nou a kapab koriz serten lenzistis.  Me an se moman vi ki i pe mete nou bezwen donnen. Me nou rezervasyon se ki en pansyon pa devret, en Gratwite pa devret pe ganny donnen lo en pansyon.  Akoz napa okenn fason ou kapab zistifye en Gratwite lo en pansyon.  I parey ou pe dir Trezyenm Mwan Saler pour en pansyoner kan en pansyoner ki pa dan lanplwa.  Si nou pe servi menm barenm pour nou pa donn en pansyoner en Trezyenm Mwan Saler akoz ki nou bezwen donn en Prezidan ki kit lofis en Gratwite lo son pansyon? Dezyenmman, ler nou pe get anba seksyon 3(1) (iv) (c) nou vwar ki sa Lalwa ki devan nou, pe demann nou pour donn allowance, personal assistant, private secretary, office assitance, larzan pour telekominikasyon, IT equipment, utilities, personnel Security as determined by the President, 2 chauffer driven cars enkli larzan pour en surviving spouse, ler sa Prezidan i mor. Mon ti fer li mon devwar pour mwan konsilte, fer en meeting konsiltatif avek bann zabitan dan mon distrik lo sa bann, lo sa size.  Bann zabitan dan mon distrik i dir mwan ‘’anvoy anba’’, ‘’zet anba’’.  Akoz sa bann keksoz dan sa letan ki nou pe viv ladan menm si Vis-Prezidan pour dir nou koumsa bann norm enternasyonal isi laba, konpar nou avek en pei ki i annan en repitasyon koripsyon parey Kenya, mwan mon fondamantalman krwar akoz mon’n ganny anvoye par mon distrik, par bann zabitan dan mon distrik ki vwar pour dir sa bann i bann depans ekstravagans, mon fondamantalman krwar ki mon pa pour siport sa bann kalite keksoz.  Akoz premyerman eski i devret responsabilite Leta pour sonny madanm en Prezidan ler madanm en Prezidan i mor?  Sorry ler en Prezidan i mor?  Ler nou pe get nou sosyete nou vwar pour dir tou dimoun pe trimouse, bann madanm pe leve pe debourye pe al travay.  Zot pe esey pran enn ek enn pour sey met ek ansanm pour zot kapab fer en lavi pour zot zanfan; e nou ler sa bann dimoun pe travay, pe trimouse, nou, nou pe rod deplis pour donn en surviving spouse! I annan plizyer kestyon ki vin an zwe la.  Premyerman si sa Prezidan dan son vye zour li i marye avek en zenn fiy 25an dan son 85enm lannen, eski Leta apre son lanmor, i viv ankor, apre 85 i viv ankor 5an i mor – eski Leta pou bezwen pran sa responsabilite pour donn en pansyon 75poursan, 75 poursan valer pansyon sa ex- former President avek sa spouse, sa surviving spouse?

A en leta lespri normal, nou vwar poudir sa se zis en lekstravagans, en depans initil, en depans ki pa byen. Premyerman sa madanm li menm li i pa’n servi, premyerman avek sa Prezidan, pandan ki sa Prezidan ti dan lofis.  Dezyenmman a en laz 25an petet i sa dimoun pour kontinyen viv pour ankor en bon pe plis lannen, e se sa burden ki pour ganny shoulder par sosyete.  Taxpayers money ki pour bezwen war sa bann dimoun ki pe trimouse toulezour ki bezwen pey pour sa bann depans koumsa.  E sa i mal!  I moralman mal!  Ler nou get par egzanp, kantmenm Vis- Prezidan in dir nou annou get lofis, annou pa get sa endividi, me an se moman nou bezwen get larealite. Annou fer fas avek larealite dan son figir, parey Angle i dir, ‘‘let’s take the bull by its horn.’’ Le nou pep ran par egzanp dan nou sosyete Prezidan Michel ok?  Pandan ki in servi Lofis in fer li en total apepre 9.6 milyon koman son lapey ek son Gratwite.  Pandan 5an, sorry, pandan 5an e in fer li 2 Term edmi savedir 2 fwa sa edmi.  E nou konnen pour dir i annan kont BVI – i annan en kantite sirkonstans kot nou bezwen kestyonn son leadership ler in vann later avek Arab pour en 1 Roupi e nou pa ankor konnen ki bann kestyon ki vin apre sa nou pa ankor kapab ganny larepons – si i annan keksoz ki’n pas anba latab, si napa, sa mon pa konnen.  Me nou vwar poudir in servi son pozisyon koman Prezidan pour li annan serten benefis materyel. Eski i pa kapab donn sa son madanm? Eski i pa kapab partaz son estate ek son madanm ler li i mor? Akfer ki Leta i bezwen shoulder tou sa bann depans?  Annou get en lot legzanp, legzanp Prezidan Rene ki li in osi dan lepase, nou’n question son leadership lo plizyer keksoz enkli sa 10 arpan later ki in aste avek Gouvernman Barbarons pour R60mil.  Nou konnen i annan laferm Mouton L’ Australie, son madanm i annan bokou propriyete eski ankor nou pour bezwen tir ek Leta pour donn son madanm ankor? Annou get defen Mr Mancham. Avek tou respe ki mon annan pour li, i osi i annan en kantite propriyete, i annan en kantite larzan.  Eski ankor nou bezwen tir larzan Leta pour donn son madanm? Alor pour mwan sa Bill i parey en dimoun ki’n tir dile avek bef apre i vire i vwar bef pa kapab donn li ase dile, i pe tir ek park, i pe sey rod fason pour tir ek park. Alor mwan mon pe gete, mon pe debout lo kote sa bann malere, sa bann dimoun ki pe soufer.  Bis pe al monte lannen prosen, elektrik pe al monte, delo pe al monte, fuel in deza fini monte.  E bann dimoun pour santi zot lavi pli dan mal.  Ler sa bann dimoun pe santi zot lavi pli dan mal nou pa kapab afford pour donn ekstravagans avek former President.  Ler nou get osi bann lezot pei, menm si Vis-Prezidan in dir nou bann norm, in sant nou sanson Kenyan, sanson Maurice, mwan mon pe dir pour sa bann pei, si zot annan so good pour zot.  Be nou Sesel nou napa, nou bezwen parey Onorab Ferrari toultan dir, nou bezwen koup nou palto parey nou latwal i ete.  Nou pa kapab koup nou palto pli gro ki nou latwal.  E osi nou kapab fer referans osi dan serten pei kot surviving spouse pa ganny okenn nanryen avek Leta. Par egzanp Lanmerik, ok? Nou kapab get legzanp Cherry Blair ki en madanm determinen. Ler son Mr ti dan lofis koman premye Minis, li i ti kontinyen travay. Cherry Blair L’AngleterreYes mon’n dir ou get legzanp L’Amerique, apre get legzanp L’Angleterer. Ok, Mr Speaker avek sa mon krwar pour dir i pou vreman difisil pour mwan kapab siport sa Bill parey i ete, si napa okenn lamannman ki ganny propoze pour retir sa bann kantite depans ekstravagans, ki nou pei pour bezwen fer pour lofis en Prezidan ki’n fini pran son retirement. An prensip ler ou pran ou retirement, ou kapab al dan bann, fer bann Fondasyon si oule, al dan bann Board of Trustees ensidswit, fer sa bann Board of Trustees, oubyen sa bann Fondasyon, pe zot lofis, pey zot bann depans. Akfer ankor i bezwen retourn lo Leta?  So wi zot annan en rol pour zwe, si zot anvi zwe. Me si zot pa, si zot anvi zwe en rol kontinyel dan devlopman pei, sa i depan zot.  Zot fer li at the cost of zot bann trustees, zot bann lezot keksoz ki zot pe fer.  Avek sa Mr Speaker mon pour remersi tou dimoun ki’n ekout mwan.

 

MR DEPUTY SPEAKER

Mersi Onorab John Hoareau. Onorab Bernard Georges.

 

HON BERNARD GEORGES

Mersi Mr Speaker. Mr Speaker lo sa kote latab nou kontan dir e nou pour repete ki sa ki nou pe rode pour Sesel se ki Sesel i vin en pei normal.  Apre sa bann leksperyans ki nou’n fer depi le 5 Zen 1977, sel keksoz mon krwar ki bann politisyen ki asiz lo sa kote latab, e mon sir lo lot kote latab osi, i anvi se ki nou pei, i vin en pei normal kot bann lareg ki aplike dan bann pei normal, dan bann pei demokratik i ganny aplike osi.  E pti-a-pti, nou pei pe antre dan sa normalite ki nou swete.  Enn bann keksoz ki bann pei normal i fer se ki zot regard zot bann Dirizan apre ki zot dirizan in pran zot retret. E parey Vis- Prezidan in fer nou rapel bomaten, dan bann pei normal, en Prezidan e en Vis-Prezidan ler zot in servi zot letan Lanasyon i rekonnet zot kontribisyon e i donn zot en seri allowance ki komans avek en pansyon e ki kapab al ziska en pansyon pour zot madanm ler zot in mor ki kapab vin en biro ek son staff en loto sekirite eksetera.  Dan en pei normal en Prezidan i envestir tou son letan ek tou son zefor, pour benefis son pei a leksklizyon tou lezot keksoz.  Dan en pe normal madanm en Prezidan i la akote son Prezidan, akote son mari pandan ki son mari pe desarz son bann fonksyon koman Sef D’Eta, son madanm i la obor li pour fer bann keksoz ki pour permet li desarz son bann fonksyon koman Sef D’Eta. E tou le de i fer sa avek en sel keksoz antet. E sa se benefis pei a leksklizyon tou lezot keksoz enkli zot prop benefis.  E se sa ki arive dan en pei normal.  Dan sa konteks, alor ler ou regard sa e ou regard lefet ki en Prezidan pa sey vin Prezidan pour li reste dan sa dyob Vitam Aeternam, i pa vin Prezidan pour li fer larzan pour li vin milyonner, pour ler i sorti, i pour annan en kantite byen, dan sa konteks, ler ou regard sa keksoz, ou realize ki i toutafe normal dan en pei normal ki sa pei i donn sa Prezidan en reward pour son travay ki in fer a leksklizyon son prop gen.  Alor si nou regard li dan sa konteks e nou regard sa Lalwa ki devan nou ozordi, nou pour dakor ki bann keksoz ki pe ganny propoze avek serten leksepsyon kot mon krwar menm dan en pei normal nou pe al en pe tro lwen, me zeneralman sa ki pe ganny propoze i toutafe dan konteks sa ki en pei i devret fer pour en Prezidan ki’n dedye e ki’n devoue son lekor a leksklizyon tou lezot keksoz.  Me nou isi Sesel i malere pour dir ki nou pa dan sa konteks normalite ki nou ti ava swete.  Nou pour arive e sa i kler.  Nou vwar li pe vini.  Nou vwar li pe vini, e parey mon pour dir taler avek la fason ki sa Prezidan aktyel i pe kondwir son lekor, kot i pa pe fer bann gran fla, fla i ankor reste dan son lakaz ki i ti reste ladan Beau Vallon ler i ti Minis; e sirtou ler Prezidan Ramkalawan pour deserve son 10an depi 2020 ziska 2030 nou pour vwar ki nou pe antre dan en peryod normalite.

 

(Interruption)

 

HON BERNARD GEORGES

Nou pour vwar ki mannyer en pei, en Prezidan i devret tenir son lekor…

 

(Interruption)

 

MR DEPUTY SPEAKER

Order! Order! Order! Onorab Georges, Onorab Georges kontinyen. Onorab, Onorab. Order! Order! Order! Onorab George i annan sa drwa pour li koze.  Annou donn li son drwa. I ok Onorab Ferrari.  Onorab Georges kontinyen.

 

(Interruption)

 

HON BERNARD GEORGES

Mr Speaker i annan en dikton ki dir laverite i ofans son met. Prepar zot, prepar zot lot kote. Sa ki nou pe dir la, nou pa pe dormi nou, nou lizye i gran ouver.  Nou konnen ki nou pe fer, nou konnen ki pour arive dan sa pei.  Met zot pare. 15 lo 10 ti lannen pase, vey zot. Mr Speaker zanmen ou devret pas en Lalwa pour en endividi.  Akoz si ou pe fer sa i pour mal. Sa i en prensip normal ki tou dimoun i konpran. Me dan konteks Sesel, nou pa kapab, nou pa kapab ler nou annan sa Lalwa devan nou ozordi blir sa 2 ansyen Prezidan ki sa Lalwa pour benefisye zot.  Nou pa kapab – Nou pa kapab pa fer li. E nou bezwen fer li akoz si nou pa fer li nou pa pour fer lazistis avek nou pep.  Nou pa pour fer lazistis avek nou menm.  Mr Speaker si sa Lalwa i pase ozordi e fodre pa nou per pour dir Mr Rene avek son madanm e Mr Michel pour benefisye avek tou sa bann keksoz ki dan sa Lalwa.  Sa i pour arive.  Kestyon se eski sa 2 endividi – e fodre pa nou per pour nou dir keksoz mannyer i ete.  Eski sa de endividi nou krwar ek madanm Mr Rene – i merite sa bann keksoz ki nou pe met dan sa Lalwa? Oubyen eski plito se bann Prezidan ki pour vini apre, bann Prezidan ki pour vini apre sa enn ki la si zot konport zot byen e zot tenir zot lekor dans la norme parey mon fek dir, Eski se pa plito zot ki devret ganny sa bann benefis ki bann lezot Prezidan dan bann lezot pei i trouv li normal pour zot benefisye avek. Akoz mon dir ki sa de, sa de ansyen Prezidan pa merit sa bann lavantaz ki dan sa Lalwa? Mr Speaker nou pa kapab bliye e i pa pour fair pou nou bliye ki mannyer sa 2 dimoun in vin o pouvwar.  Akoz le 5 Zen 1997, i ankor touzour en problenm dan nou pei.  I pour ale li, i pour fini son problenm en zour.  Me pour le moman i ankor – e i kler ki i annan serten dimoun deor laba sirtou bann ki’n soufer depi le 5 Zen 1977 ki pour war li abnormal si nou pe al donn ankor en benefis 2 dimoun ki’n arive o pouvwar dan en fason ilegal dan pei.  Nou bezwen rekonnet, parey mon’n dir Koudeta pour efase en zour.  Me malerezman ozordi i still ankor la. I kapab ganny dir ki malgre koudeta sa de dimoun in fer en serten kantite byen.  Nou pa la pour dir non. Nou pa la pour dir ki serten kantite byen pa’n ganny fer. Lekol in ganny konstri, Lopital in ganny fer, klinik, lakaz, eksetera, nou tou nou konnen e dan konteks, Prezidan Michel, ansyen Prezidan Michel in bezwen fer fas avek bann problenm ekonomik depi 2008 eksetera e in komanse demantle bann lenzistis 2000, 1977. Malerezman i pa’n al ase lwen i pa’n al ase vit.  E son sikseser ki pe kontinyen fer sa.  Malgre sa, malgre sa konteks i reste ki sa 2 Prezidan i pa’n mal pase koman Prezidan.  E zot in sorti pa avek nanryen ditou parey ou ti ava ekspekte 2 Prezidan ki’n travay dan lentere lepep, dan lentere pei, e ki bezwen ozordi ganny en sibvansyon pour zot kontinyen zot lavi.  Zot pa’n mal fer Mr Speaker.  Onorab John Hoareau in dir ki ansyen Prezidan Rene i annan en zoli rezidans bor lanmer Barbarons. I vre, i vre i annan en zoli rezidans Barbarons. Son madanm nou konnen i pa en sekre, i annan en kantite biznes, i annan propriyete, i annan en income, i pe fer larzan.  Prezidan Michel annou pa bliye i pa’n sorti avek nanryen ditou.  I pa’n sorti avek nanryen ditou. In fer en Fondasyon.  E sa Fondasyon nou tou nou konnen in ganny en gro lavantaz.  Ozordi Prezidan pa asiz kot li anler Sans Soucis, annefe la en lot lavantaz ankor, i annan en gran lakaz dan Park Nasyonal avek en lakaz ki nou tou, bokou dimoun isi Sesel ti ava swete gannyen.  I pa’n sorti avek nanryen ditou.  Me annou regard Espace akoz Espace i en problenm.  E Espace pour mwan i en problenm. Ler ou Prezidan Mr Speaker, ler ou en Prezidan selon bann lareg en pei normal parey mon’n sey etablir taler – e ou anvi fer en fondasyon. Ou pa fer konpetisyon avek ou prop Gouvernman. Ou premye priyorite se pa pran en later, en zoli later o-bor lanmer dan milye lavil pour fer ou Fondasyon.  Ou premye priyorite se pran sa later fer Minister lo la, fer en Lopital, fer en keksoz pour benefis ou pei.

 

(APPLAUSE)

 

HON BERNARD GEORGES

Ou premye priyorite se pa al rod larzan deor pour fer en building pour ou Fondasyon ler ou pour retire. Ou a fer sa ler ou’n fini retire. Ou premye priyorite se pour fer en building pour benefis ou Nasyon ki ou pe servi koman Prezidan!  Me i pa’n fer – i pa’n fer, e ozordi si nou ale nou reward li pour sa bann mankman, nou pa pe fer lazistis dan nou pei.  E nou bezwen donk dan konteks sa ki nou pe fer ozordi regard sa ki sa 2 dimoun in fer, e zot madanm.  La en lot pwen ankor. Ler en Prezidan i Prezidan, son madanm i devret obor li pe fer bann keksoz dan en fason pour benefisye nou pei.  E nou’n vwar – nou’n vwar isi sak fwa i annan en madanm Prezidan en keksoz i ganny kree pour donn li en keksoz pour fer.  Me se pa koumsa ki i devret marse.  Se sa dimoun i devret li menm li idantifye en keksoz e li menm li san ki Leta i siport li or whatever, li menm li i devret pran sa keksoz koman son seval batay, whoever it is bann dimoun andikape or whatever e ed zot pour promouvwar zot lekor.  Pa ki nou kree en Pti Lanpir pour li, pour donn li en keksoz pour li fer.  Se pa koumsa i madanm Prezidan i travay.  E si i le fer sa, ben dan sa ka la napa problenm!  Zis pa ekspekte ki Leta pour donn li en sibvansyon ler i retire. Alor ou annan en swa, swa ou benefisye ou prop lekor atraver ou travay koman Prezidan oubyen ou travay koman madanm Prezidan e ou pa kapab ekspekte apre sa ki Leta pour donn ou en reward or ou efas ou lekor o servis ou Nasyon e dan sa ka ler ou sorti, sel keksoz ou annan se ou pti savings ki ou’n fer lo ou saler.  E la a sa moman leta i vini i donn ou en reward, i donn ou en sipor pour ziska ou mor.  Ou pa kapab annan tou le de. E malerezman ler nou regard dan lepase, ler nou regard sa de Prezidan ki’n ale, nou’n vwar ki se sa ki’n arive.  Pandan ki zot ti la, zot pa’n mal fer, zot dan en serten konteks zot in servi letan ki zot ti Prezidan pour zot prepar zot lavenir, alor nou pa kapab ozordi azout sa bann benefis ki zot menm zot avek en pe perspikasite kekfwa zot in fer pour zot prop lekor.  Alor Mr Speaker mon vin, mon donn en lot legzanp.  Sa 2 ansyen Prezidan, pandan bokou lannen zot in benefisye avek en sekirite eksepsyonnel.  Lannen pase dan sanmenm sa Lasanble, dan letan Bidze, mon ti demann avek Sef Leta Mazor, si i en koensidans ki dan nou de kan Larme, enn i obor sak lakaz ansyen Prezidan. E malgre ki in dir mwan ti en koensidans, nou tou nou konnen annefe ki i pa en koensidans. Alor ler ou’n ganny sa bann benefis. Mon pa krwar ki dan lentere nou pei pour vin azout a sa bann benefis.  Sa ki mon krwar nou devret pe fer ozordi o kontrer se regard dan lefitir e pa regard dan lepase. E mwan parey mon’n dir si sa Prezidan la i kontinyen dan laliny ki in komanse, viv dan en fason modes, pa rod gran biznes pour li fer partou, travay o servis son pei ler i retire mon pour napa okenn problenm pour donn li en serten kantite keksoz.  Me mon pa pour al donn – eskiz mwan en dimoun ki deza en Prezidan ki annan en biro kot Maison Du Peuple avek son staff oubyen lot ki annan en biro dan son Fondasyon lespas avek son staff, e lot biro avek en Sekretarya dan sa biro. I pa fer okenn sans.  Me demen Prezidan Faure i sorti e sel keksoz i annan se son savings avek son lakaz ki ankor reste ladan, a sa moman la mon napa okenn problenm ki ganny en pansyon ki i ganny en loto, ki i ganny en biro.  Sa mon napa okenn problenm sa e mon pa krwar ki i annan okenn dimoun ki ti ava annan sa problenm.  Me sa se dan lefitir.  Sa se pa pour ozordi.  Se pour lannen prosenn, se pour 2020.  Se pour bann lannen ki pe vin apre. En keksoz, en keksoz Mr Speaker ki nou pa kapab e mwan mon pa kapab fer okenn konpromet lo la, se ki ler ou’n Prezidan e ou’n prepar ou lavenir, e ou lavenir i byen, ou pa kapab ekspekte plis ki Lalwa i permet. E Lalwa ozordi i dir ki ou bezwen annan en pansyon. Napa okenn problenm lo la.  Sa se Lalwa ou pa kapab retire, sa ki Lalwa in komans, in fini donnen.  Alor nou pa pe retir okenn keksoz ki sa bann Prezidan in fini gannyen anba Lalwa.  Sa i en prensip nou pa kapab sanze.  Alor zot ava kontinyen ganny zot pansyon. E zot pansyon i ava still kontinyen en pansyon 75 poursan.  Si zot madanm i devoue son lekor, e i dedye son lekor koman en madanm; i sorti travay pour li vin ed son msye ler son msye i Prezidan dan son fonksyon Prezidan mon napa okenn problenm ki sa madanm i ava ganny en pansyon ler son madanm in fini mor, akoz sa set en prensip ‘Widows and Children’ ki nou ti annan depi lontan.  Ler en boug i al travay e son madanm i reste kot lakour i vey zanfan, i dres lens, i netway lakaz, kwi manze pour permet son msye al travay pour anmenn larzan kot lakour, ler son msye i mor i toutafe normal ki sa madanm i ganny en pansyon. Me nou’n fini depas sa isi Sesel akoz tou dimoun i annan en basic pansyon. Donk Mr Speaker, mon ti anvi pran laparol en pe boner pour montre, o plito pour sey met en konteks dan sa ki nou pe fer.  An prensip dan en pei normal, sa bann keksoz ki pe ganny demande i ok. Malerezman ozordi dan konteks ki nou ete, nou pa ankor arive a sa nivo normalite ki nou ti ava swete. E pour sa 2 Prezidan ki’n fini retire, oubyen madanm sa enn ki’n mor, mon pa krwar ki konteks aktyel i permet ki nou kapab aksepte tou sa ki dan sa Bill ki devan nou.  Nou ava aksepte sa ki nou bezwen.  E sa ki normal e sa ki akseptab dan en pei normal, me sa ki an plis mon krwar nou pour bezwen dir annou retournen dan en lot dat, dan le fitir ler nou pei in vin normal, ler tou keksoz in antre dan en bon konteks, ler Prezidan i travay o servis pei e non pa a son prop servis a sa moman la nou a kapab regard sa Lalwa ankor enn fwa.  Mersi Mr Speaker.

 

MR DEPUTY SPEAKER

Mersi Onorab Georges. Onorab Roucou.

 

HON CLIVE ROUCOU

Mersi Mr Speaker.  Bonzour Mr Speaker, bonzour Vis-Prezidan avek ou delegasyon.  Bonzour tou Manm Onorab. Bonzour tou dimoun dan lakour ki pe ekoute.  Mr Speaker, mon pour komans mon lentervansyon egzakteman parey mon ti komanse yer.  Mr Speaker kareman mon pa pour siport sa kalite Bill!  Ankor e ankor mon krwar sa Gouvernman aktyel pa serye, pa serye e zot napa okenn pep Seselwa a ker.  Ankor nou’n vwar ekstravagans lo kote Gouvernman kan en gran mazorite lepep Seselwa pe viv dan lamizer e bann sityasyon terib.  Alor mon zis pe demann mon lekor, si vre sa Gouvernman Parti lepep i senser ler zot koz lo lazistis sosyal? Mr Speaker ler mon’n get sa Presidential Emoluments Bill, i fer mwan mazin Mao Tse Tum ki pa ti enterese avek son pep. I ti enterese avek La Russie.  I pa ti enterese si son pep ti pe soufer li. Pour li sa ki ti enportan se li, son lantouraz, e son promes avek La Russie.  Alors sa Gouvernman ozordi pe fer egzakteman, i pa enterese ek son pep. I enterese avek tou bann ki obor zot e tou bann ki’n komans avek zot. Alors zot pe take care avek kanmarad.  Mr Speaker, nou Konstitisyon i permet en Prezidan pour asiz 2 Term 5an avek en lapey plis ki R90 mil par mwan. Alors pandan 1an i fer Prezidan plis ki R1 milyon e pour 5an pour en Term i fer li plis ki 9.6 milyon. Alors dan ka Prezidan Michel kot li in fer 2 Term, mon ti a kit sa pour lepep Seselwa pour zot konte kant a pour Per Fondater ki’n fer li pour 27an mon ti a kit pour lepe Seselwa pour konte. Alors mon pe demande ki zot pe rode ankor?  Ki zot pe rode ankor? Zot menm zot ki pa konnen ki savedir bill delo, pa konnen ki savedir bill elektrik, pa konnen ki savedir bill elektrik, pa konnen ki savedir fuel lo laponp, pa konnen ki savedir road tax.  Alors ki nou pe rode pour donn zot ankor kan lepep Seselwa, fanm, zonm pe sey aziste, pe sey aziste pour fer de bout zwenn. Me laplipar di-tan i pe viv dan bokou difikilte.  Nou’n annan nou 3 ex-Prezidan, me mon pour diriz espesyalman lo Prezidan Rene avek Prezidan Michel.  Zot ki’n met sa pei dan fernwanr.  Zot ki’n met sa pep dan lamizer.  Zot ki’n ganny 10 arpan later pour plis ki 63mil roupi. Zot ki annan Espace, zot ki annan biznes. Zot ki annan Laferm Mouton, zot ki annan Laferm Mang. Tousala zot in gannyen ler zot in vin Prezidan.  Tousala zot in vol sa pep, tousala zot in trair sa pep.  Alors ki mannyer zot pe demann ankor sa pep pour siport zot, pour donn zot? Mr Speaker, mon mazin en pti zistwar, sigal ek fourmi.  Alors fourmi ti konnen Liver pour vini. Be sa de Prezidan pa konnen Liver in vini zot?  Akoz nou, nou bezwen pran zot met dan nou lakaz sof zot? Zot in diverti kontan, zot in zwen lanmizik. Zot in danse la prezan sa pep ki pe trimouse i bezwen okip zot ankor.  Mwan mon dir ase!  Ase e ase!  Mr Speaker, parey Onorab George in dir i fer provizyon ki zot, zot ganny zot pansyon 75poursan. Be 75 poursan pa en pti git larzan.  Be pour tou sa kantite lannen, oule ankor? Be sa i moralman e etikman mal!  Si zot ti annan en leker pour tou Seselwa, menm vis Prezidan mon pa krwar i ti devret vin devan sa Lasanble ki responsab pour vin demann sa ankor.  Ase zot in pran tou dile ek bef.  Isi nou lo sa kote LDS nou pe esey resonny sa bef, zot, zot oule tete ek park tou.  Be ase, mon dir ase.  Bef in fin, koson in fini, kabri in fini, be kot zot pour al rod ankor sa dile? Silvouple les sa laferm avek LDS trankil nou ava sey resonny nou zannimo. Zot in ganny ase avek sa pep. Zot in pran ase dan sa pei. Pa rod ankor. Mr Speaker pour kontinyen, nou vwar kot sa Bill pe demann nou pour nou okip madanm Prezidan, be lekel ki pour okip nou madanm nou bann zonm la anndan?  Be nou, nou pa’n travay nou.  Be mwan mon madanm pa’n debout obor mwan. Onorab Arrisol son madanm pa’n debout obor li, Onorab Woodcock son madanm pa debout obor li. Be mwan akoz mon bezwen okip madanm Michel menm si i napa enn la. Okip madanm Prezidan Rene? Be in anmas ase, zot tou zot annan biznes. Zot tou zot annan later, zot tou zot in gannyen, ‘byen malaki’ oubyen non pangar mon per pangar mon a dir ‘byen malaki’ mon a ganny pourswiv mwan osi.  Tousala mon per.  Mon per pour konmsi ler ou pe kalkile – nou ki’n travay, nou ki nou madanm in obor nou akoz nou, nou bezwen soutir zot?  Nou’n war ki sak fwa sa bann Prezidan zot madanm in la. Nou’n vwar en Pti Lanpir in fer.  Prezidan Rene NCC ti ganny fer pour madanm Rene anler Bel Eau. Lot madanm Rene nou war CARE in fer dan Freedom Square.  Lot pti madanm Michel nou vwar Fondasyon Zanfan in fer.  Be zot, pa zot in ase gannyen zot ase fer?  Nou menm pa ni konnen ki zot in fer ki zot pa’n fer!  Alor Mr Speaker pour mwan, mon pran en parol Onorab Ferrari – mwan osi mon dir menm parol, latwal i ganny koupe e koud lo groser nou palto e nou groser.  Annou pa al rod gro, gro palto, oubyen pti palto.  Annou fer li dapre nou mwayen.  Vis-Prezidan in vini in fer nou krwar ki Kenya i byen. Kenyan pei pli koronpi nou tou nou konnen. Akoz ou pran en legzanp lo en pei parey Kenya?  Be L’Amerique li i pa donn okenn madanm vev nanryen li?   Be akoz Kenya ou pran legzanp Kenya? Alors Mr Speaker, pour mwan sa Prozedlwa pa dan sa letan aktyel kot nou bann frer pe trimouse.  Yer swar menm lo Nouvel nou’n vwar kot delo pe al monte, elektrik pe al monte. Elektrik pe al monte.  Par kont Minis Finans, Minis Larose ti dir ki 2018 pour en lannen kot pep Seselwa pour zwaye.  La nou’n vwar delo in monte, nou’n war elektrik in monte.  Ki mannyer zot pou zwaye?  Me par kont nou anvi fer Prezidan Michel, Prezidan Rene zwaye. Pep Seselwa LDS ti dir zot granmersi, nou’n fer 15 lo 10. Granmersi sanson nou pa ti pour wat tousala. Pep Seselwa letan pour arive. Sa ki pour arive la se ler en prezidan i ava travay, nou ava konnen kwa ki i merite.  Be tou sa ki’n pase, zot in mal fer sa pep, zot in trair. Alors pour mwan senserman, mon pour trair mon pep Plaisance, si mwan mon vot pour sa Bill.  Mers Mr Speaker.

 

MR DEPUTY SPEAKER

Mersi Onorab Roucou.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun. Mon 4enm Manm lo kote latab LDS pour koze.  Akoz lot kote latab ziska bomaten personn pa ankor le lanmen. Rezon, mon pa tro sir pour kwa. Alor nou ava kontinyen koze. Les zot kontinyen tranpe. Nou pe diskit en Bill ki vreman enportan Mr Speaker.  Anfet, mon sote 4er bomaten, in difisil pour mwan ganny sonmey ankor akoz ou konnen letan nou dan Lasanble nou annan en responsabilite tanzantan. Ou laplipar letan ki repoz lour lo nou zepol. E ozordi pour nou diskit lo sa Bill, i enn sa bann lokazyon.  Akoz yer mon’n dir pour dir i annan en lopinyon piblik laba deor.  Mon pa bet mwan pour mon konnen pour lopinyon piblik par fwa i mal. Selman i en divan ki nou bezwen pa lager kont, e nou bezwen navige pour anpese ki nou pa kraz lo brizan.  Alor mon’n pran en pe letan pour mwan reflesir lo sa Prozedlwa. Nou ti annan en kantite letan. Anfet nou LDS, nou’n fer plizyer konsiltasyon piblik akoz sa Bill ti annan en form enn ki ti ganny pibliye avan.  E mon’n asiste meeting Glacis. Mon konnen Beau Vallon ti fer. La Digue, bann dimoun in ganny sans vin ekoute, donn zot lopinyon. I annan lezot distrik ankor petet ki mon pe bliye. Savedir nou koman en parti, nou’n fer li nou devwar pour konsilte avek nou bann siporter pour ganny zot lopinyon lo sa size. Takamaka osi tou i enn bann distrik ki’n, Baie Lazare, Anse Aux Pins an ka mon bliye ok?  Mon pa pour mansyonn tou me mwan demann leskiz si mon mank en distrik. Mont Buxton pa’n fer akoz mon meeting ti bokou pli boner dan lannen. Be an fen letan nou pe diskit sa Bill, i annan en provizyon Konstitisyon ki nou konsyan, provizyon 58 (1) e 58 (3) letan nou pe koz lo la, sa Bill ki fer provizyon pour pansyon ansyen Prezidan.  E donk mon pour sey pran lapros ki Onorab George in pran pour dir sa Bill ki devan nou i pa about endividi li, i about en lofis, the presidency. Lofis pli o dan nou pei e nou konsyan sa. Me nou osi konsyan konteks nou listwar politik.  Nou’n annan en Prezidan, premye Prezidan, the founding father ki malerezman i nepli avek nou.  I pa’n ganny letan deservi son manda antye. Apre in vin enn ki’n enpoz son lekor lo nou. In overstay son welcome.  En lot in vini in pas par laport deryer atraver pas baton ki’n reste 12an.  Lot 4enm in vini osi atraver pas baton.  E mwan ansanm avek bokou lezot, nou ankor pe priye ki evantyelman Sesel parey nenport ki pei normal, i ganny li en Prezidan ki ganny elekte premye fwa atraver bwat vote. E nou pe priye e mon konvenki ki 2020 LDS pour donn Sesel sa kado.

 

(APPLAUSE)

 

HON GERVAIS HENRIE

Prezan Mr Speaker, sa Bill ki devan nou i evok bokou lemosyon. Akoz nou pe koz larzan, e nou pe osi koz dan konteks politik ki nou pei in ladan depi an ‘76.  E yer mon’n etidye en pe Parti Lepep koman en parti politik, zot reaksyon, zot fason ki zot enterakte avek Lopozisyon e sa i napa nanryen a sa ki mon pe al dir avek ladministrasyon Msye Faure. I konsern Parti Lepep koman en parti ki form parti Egzekitiv. Donk yer letan nou diskit Ministerial Emoluments Act, ti annan de keksoz ki nou dan LDS koman parti mazoriter isi anndan nou ti fer, nou ti donn zot 2 loportinite. Premye loportinite ti sorti kot Onorab Ferrari, ki ti dir avek zot, letan zot bezwen nou sipor pour fer pase en Bill osi enportan parey ozordi.  Se ki zot bezwen fer li dan en fason calm, se ki zot bezwen fer li dan en fason konvenkan zot largiman.  Dan en fason elokan menm mon ava dir.  Me pli enportan kalm.  Me nou pa’n vwar sa.  Zot Depite Sekreter Zeneral zot parti in tap lanmen lo latab ek nou pour fer per. Manm ki pli zenn dan zot parti in koz dan en fason pli arogan.  E zot Prezidan zot parti ki Vis-Prezidan dan en fason pour mwan pa vreman konvenkan me plito bat latet. Dezyenm propozisyon ti sorti kot Onorab Afif.  I ti donn zot en konpromi.   I ti dir zot pour dir ok nou ava aprouve ki lofis Minis Dezinyen a ganny sa allowance 10 poursan an plis konpare avek bann lezot Minis. Me si zot dakor ki sa i pran le fe aparti Juillet, letan tou lezot Seselwa pour benefisye partikilyerman bann ki pour ganny 35mil e anba, Progressive Income Tax i antre so ki tou dimoun ti ava pe benefisye, e li osi ti ava ganny sa.  Me ankor zot pa pran en pozisyon konpromi. Alor ki zot oule.  Enpoz lo nou? Onorab Arrisol ti fer zot rapel tre byen pour dir apre tou nou ki mazorite la anndan.  E pa akoz for, par bat latet ouswa cool arogan pa pour marse avek nou.  Alor ozordi ki mannyer zot pour pran lapros vizavi sa Bill?  Mon’n ekout Vis-Prezidan bomaten. A mon’n avi i ti’n merit vin donn nou enn son bann diskour, pli enpresyonan devan sa Lasanble depi ki in ganny sa responsabilite. Mon krwar yer si i ti en bon politisyen i ti pou’n tat delo.  I ti ava kapab mazin en pe par fason, sa latmosfer ki yer nou’n fini, ver 4:30 ou 5er mwen en kar. Annan en nide apepre ki mannyer ozordi keksoz pour ete.  E mwan mon’n fer sa e sa pour sa rezon ki mon’n lev granmaten.  Mon pa’n kapab dormi akoz sa desizyon i repoz for lo nou zepol. E be bomaten mwan mon santi pour dir in evit pran sa size, sa size sansib a men.  In evite dir nou laverite. Konmsi in zis vini pour dir sa Bill, la la bann provizyon konmsi sa i en fe akonpli.  Me mon plis ki sir i konnen poudir, nou, nou pa neseserman antyerman dakor avek sa Bill dan son form ki ete.  Mon dir sa akoz LDS in donn letan Parti Lepep sanz sa Bill.  E vin avek en propozisyon ki rezonnab.  Me ki zot in fer?  Ki zot in fer pour sanz sa Bill dan son premye form ki nou’n ganny sans vwar, ki’n ganny pibliye dan tou medya, e lo medya sosyal.  Kwa ki diferan?  Kwa ki diferan.  E eski zot panse dan pli profon zot menm, eski zot panse ki sa i keksoz pli rezonnab ki zot kapab vann nou koman en parti politik, e konvenk piblik Seselwa laba deor, pour dir this is the best deal ki nou pe donn ou?  Akoz sa apre tou se lepep Seselwa ki pour peye.  Depi sa fuel, depi sa loto, depi sa lofis, depi sa telefonn.  Depi sa sekirite, depi son lanterman, pep Seselwa ki pour peye.  Alor eski i meyer propozisyon ki zot in donn nou? Parey nou’n dir LDS in fer konsiltasyon piblik lo sa size.  E nou pa bann dimoun ki telman pa rezonnab nou.  Nou konsyan ki Konstitisyon i fer provizyon.  Nou konnen ki Konstitisyon i dir nou e nou konnen ki piblik laba deor pe santi, e nou konnen dan konteks politik enternasyonal poudir pansyon pour bann Prezidan i en keksoz, i en norm enternasyonal.  Leta Ini par egzanp depi 1912 anyelman zot donn zot Prezidan en pansyon.  Me selman in pa’n vin dan en Lalwa ziska bokou pli tar mon krwar ver 1958, I stand to be corrected.  Be selman ki ti arive, zot ti annan en ansyen Prezidan ki ti kit lofis, e i ti tonm dan en lamizer. E zot ti regard li pour dir be sa i pa normal.  Parski sa i en endividi ki’n servi lofis pli o nou pei. E i bezwen viv dan dinyite. Parski in rann en faver nou pep. Me i pa kapab an ekse, i pa kapab dab lopilans.  I bezwen en keksoz rezonnab.  I bezwen en keksoz ki moralman akseptab. E Vis-Prezidan in byen dir.  Menm dan serten pei anfet mon’n double check, Leta Ini i enn.  Zot donnen bann vev, zot donnen, mon’n double check, e i annan pei ki menm donn bann zanfan. Si par egzanp zanfan i anba 18an, e menm pli vye ziska laz 24an par egzanp, si zanfan i ankor dan full time lekol, zot donnen. Be selman nou dan Sesel, nou pa blir nou pase, nou pa blir dan konteks politik istorik nou pei. E nou pa ankor dekouver delwil.  Napa en pye larzan deryer Maison Du Peuple, napa en pye larzan deryer Arpent Vert, napa en pye larzan deryer lakaz Seselwa.  E sertennman napa en pye larzan deryer State House. Savedir nou bezwen donn dapre nou mwayen. Nou bezwen être rezonnab. Prezan mon’n dir pour dir nou konsyan ki Konstitisyon i fer provizyon. Sa Konstitisyon letan i ti ganny ekrir, mwan mon panse i ti ganny ekrir dan en fason ki in protez serten endividi. Parski i pa bann boug bet sa ki ti pe asiz otour sa latab Nasyonal House ki’n ekrir sa.  Mwan mon ti ankor en etidyan listwar dan ‘A Level sa letan, i ti enteres mwan bokou pour witness en moman istorik nou pei e alor mon’n swiv byen largiman ki bann dimoun in fer.  E ozordi mwan mon krwar pour dir i annan en Lartik ki enzis dan sa Konstitisyon. E si fodre nou sanze demen, a lavenir nou koman en Lasanble i tonm dakor pour dir i annan keksoz nou bezwen sanze ansanm avek zot.  E nou swete parey yer zot ti pe dir, challenge nou pour koup nou Gratwite. Mwan mon pa krwar pour dir i normal pour dir Prezidan ganny Gratwite; lo pansyon, lo pansyon – pa normal. Koman en Lasanble responsab, nou bezwen en zour tonm dakor pour dir pour nou sanz sa. I a ganny son pansyon. Me i pa kapab ganny Gratwite lo pansyon.  Pa normal sa.  E nou bezwen tonm dakor. E prezan nou’n ganny demande pour aprouv sa Lalwa ozordi.  I annan pour Prezidan, e Vis-Prezidan.  Me avan ki mwan mon fer sa, lo non bann dimoun Mont Buxton, mon bezwen asire ki mon bann dimoun dan Mont Buxton i konnen be ozordi letan nou pe koze 10.05 bomaten zot MNA Gervais Henrie pe koze, ki nou 2 ansyen Prezidan ki ankor vivan, nou ansyen Vis Prezidan ki ankor vivan, e en veuve madanm Mancham i gannyen.  Ki zot gannyen ozordi letan nou pe koze.  Ki dat ozordi?  Le 6 Desanm, 2007 10. 05 bomaten. Ki zot gannyen?

 

(Mic Off)

 

HON GERVAIS HENRIE

2017?  Pa konfiz mwan.  Alor, premyerman mon vwar 2 transpor, mwan pas pase, 2 jeep nwanr( annan 4?)  Pour ki sa, lekel ki ti peye?  Sa ki ansyen Prezidan Michel i mars ladan.  Lekel ki ti peye sa?  Sa fuel lekel … ozordi letan nou pe koze lekel ki peye?  Sa bann sekirite. Mon’n sey rod en pti lenformasyon, mon’n aprann poudir i annan apepre ant 17 a 19 bann dimoun ki ti travay dan sa seksyon ki ti apel Presidential Special Force ki atase ek li.  Zot met soulye bout pwent, kannson nwanr, semiz karo, karo toultan an deor akoz i annan revolver anba la sa. Zot travay ek li. Sa bann boug i lo payroll lekel?  Konbyen larzan zot pe gannyen?  Mon aprann pour dir ziska apepre 50mil roupi i annan zot sa bann boug la ki ganny peye par mwan. Lekel ki peye sa?  Dan ki fon i sorti sa?  Nou’n tande pour dir ti annan en Kominike Lapres ki ti sorti ler i ti kit State House pour dir ti annan 5 zofisye senior sorti State House ki ti ganny seconded pour vin la anba L’Espace parmi, madanm Lise Bastienne, Manmzel Sarjana Janosecvic Manmzel ou madanm Pamela Payet, Mr Gervais Moumou, e madanm Dorine Monthy. So zot lo payroll lekel sa bann dimoun?  Lekel ki peye?  Eski sa biro kot zot ete Espace, Leta Sesel ki pe peye?  Mwan mon’n mont Sans Soucis a plizyer repriz. Mon’n al hike dan sa bann rezyon. Mon’n vwar pour dir Tazar arme ki pe veye kot lakaz Mr Michel i reste.  Alor i an plis sa sekirite ek sa 17 a 19 dimoun ki mon’n dir, i atase avek li.  Alor lekel ki peye sa?  Mr Rene li i annan 2 jeep ki i mars ladan. E li i annan apepre 7 sa bann dimoun dan lenz sivil.  Ankor i reste, i annan en Kan Larme ki swa pour training, keksoz koumsa laba Barbarons, ankor lekel ki peye sa.  Donk, dan sa Bidze ozordi ki nou’n aprouve, ki nou pour fini vot lo la le 12 Desanm, ozordi letan nou pe koze, konbyen zot pe gannyen? E kwa ankor ki nou merit kapab donn zot?  Ziska ki zistans ki nou kapab ale ki ganny konsidere koman akseptab?   I enportan ki nou kapab met li byen dan konteks.  E pour nou fer sir pour dir Sesel nou pa kapab konpar li avek li Maurice ki bokou pli ris ki nou e Kenya non pli.  E Kenya li i en i annan en politik malgre mon annan en gran respe pour sa pei.  Mon paran in viv laba.  Mon annan en kantite zanmi.  Be selman nou pa anvi – mwan mon pa anvi ganny konpare avek Kenya dan konteks politik akoz i annan koripsyon laba.

E Mbeki ouswa Kenyatta ouswa avan, tousala zot in organiz zot lekor avan zot in kit lofis.  Nou’n vwar sa Ghana. Karfour i aranz son lekor. E i ti kree en lasasen piblik avan i kit lofis.  Donk, sa ki mwan mon’n dir, mon krwar i enportan ki nou koman taxpayers, nou konnen ki kantite nou pe donnen, e kantite ankor nou kapab donnen.  Donk, letan mon pe get bann Clause dan sa Lalwa ki’n demande, par egzanp sa zafer poursantaz ki zot pour vin donn Prezidan an term pansyon, e Gratwite mwan mon kont.  Mon ti ava prefere vwar pour dir ganny Cap lo en sif pour dir en Prezidan, ozordi nou Konstitisyon i fer provizyon i pa pour kapab al plis ki 10an, i kapab servi 5an, i kapab – Donk i dir sepaman i ganny li tan larzan. Mon krwar i ava ase rezonnab si nou ti pour al dan sa direksyon. Menm parey ozordi zot pe fer provizyon pour annan en Personal Assistant, en private secretary, en office assistant.  Be zot saler mannyer pour ganny determinen sa? Parski si ou’n pran sa bann dimoun. Par egzanp letan mon’n mansyonnen. Akoz sa i lenformasyon piblik, madanm Lise Bastienne li i ti en Sekreter Zeneral dan biro Prezidan.  Be konbyen larzan i ti pe gannyen laba anler?  Prezan letan i desann isi anba, eski sa saler i reste?  Eski i mars avek li?  Donk si mon ti pour pran 2 legzanp, par egzanp Chief Press Secretary ozordi State House Chief Secretary pe ganny li apepre R43mil. Eski alor manmzel Sarjana Janosecvic ler ti desann la ozordi si i ti pe travay Espace i pe ganny li 43mil? Chief Protocol Officer ozordi pe ganny li apepre R51mil.  Eski Mr Moumou letan in sorti laba si in desann la anba i pour ganny 51mil.  Lekel ki peye? Nou bezwen konnen, nou bezwen konpran dan ki konteks zot pe demann nou pour kontinyen donnen, donnen.  E si nou pa satisfe, nou bezwen dir ase. Prezan zot oule ki i ganny office expenses, pey tou bann lekipman. I annan en legzanp ozordi. Nou koman MNA, nou ganny sa ki apel constituency allowance pour siport nou lofis, akoz travay ki nou fer dan distrik. I lenformasyon piblik sa, nou pa pe kasyet. Nou ganny apepre R1 mil pour run sa lofis ki pey nou rent, i pey nou utilities.  Apre nou annan en Constituency Clerk ki ganny apepre R8mil 50, i lo payroll Lasanble.  Be i annan en formil la.  Zot oule donn li en lofis, donn li menm zafer parey MNA R17 mil, i a rod en pti lofis R7mil, R8mil. E apre i ava ganny en Clerk.  Ki ava annan menm zafer parey nou.  E apre sa, i bezwen annan sa ki mwan mon apel en subset Clause. I bezwen pour en peryod letan fix.  Parski ozordi annou pran laz Mr Rene.  Be i annan en moman kot sa dimoun – Ok ou’n sorti State House, to be fair annou dir i annan serten dosye ki ankor pe travay lo la.  E Prezidan aktyel, i dir ek li be ok, reprezant mwan isi, reprezant mwan laba. La par egzanp Lekonomi Ble ozordi i en trend dan lemonn. Nou annan en Prezidan ki annan en gran lekspertiz dan bann zafer plant pwason.  Nou pe ganny problenm avek resofman koray alor i kapab koz ek Losean pour rezourd sa bann problenm.  Be i kapab fer kontinyen serten travay.  Be nou a dir li be ok, zis 5an apre arete, apre pran ou retret, sunset Clause, arete 5an ou se non 3an.  I bezwen annan en moman ki fini. E dezyenmman, personnel security. Ki kantite zot gannyen? Parey mon’n dir i annan sa bann dimoun dan lenz sivil ki mars ek zot, an plis i annan larme dan liniform ki vey se zot.  Ki kantite ou kapab gannyen?  Menm zafer avek surviving spouse, si ou pour dir ok i en norm enternasyonal, i rezonnab.  Me li osi i bezwen annan en  Cap.  I zis en sonm fix ki dir sepaman, ou pour ganny ou parey pansyon dimoun aze, R5,050. Akoz nou ekspekte poudir bann first lady, bann dimoun ki First Lady, lamazorite, zot, zot pa bann dimoun bet, madanm Mancham i en zournalis par profesyon.  Madanm Rene osi in travay en pe dan medya.  Tre entelizan, i ti en teacher.  So i annan, zot osi zot in travay e zot in bezwen mazin zot lavenir, e met en pti larzan de-kote. Envestir dan en biznes.  Prezan mwan akoz mon pour retourn lo sa zafer Prezidan.  Mon pa dakor avek sa zafer poursantaz. Mon ti a prefere ki en sonm ki Cap, sepaman i dir ok, ou pour ganny R5mil pa plis. Parski Prezidan en, i en Seselwa li.  Sa Prezidan i bezwen ganny li dabor, i pour ganny li son pansyon ki Konstitisyon i fer provizyon, i pour ganny li en Gratwite ziske ler nou a tonm dakor tou le de kote latab pour sanz sa clause dan Konstitisyon. I a ganny sa, plus i ganny sekirite. Sekirite sa R5,050.  En ki dan Konstitisyon tou bann dimoun aze, 63an i gannyen. Plus i ganny Fon Pansyon. Be i bokou en si nou azoute. Par mwan, fini tonm ant 150 a R200mil par mwan.  Nou pe koz sa pansyon Prezidan, former President, nou pe koz son Gratwite anyel. Nou pe koz lo Sekirite Sosyal ki i pour gannyen. Fon Pansyon, i pour ganny li ant 150 mon kapab estimen. 150 mil a R200 mil.  Be pa ase? Prezan ladan menm nou konnen pour dir Prezidan Rene ti dir i pa oule sekirite Sosyal. O kontrer oli sa Fon la ki ti dir bann dimoun osi ki pa pour pran a R5,050, met apar, ki’n arive avek sa?  Donk, mon panse ki mon’n koz dan sa fason, mon pa’n fer mon largiman vin personnel.

 

(Interruption)

 

HON GERVAIS HENRIE

Wi akoz mon’n dir byen komansman pour dir this Bill is not about individual.  It’s about the office of the presidency! E mwan mon ava dir.  Mwan mon enn bann dimoun ki’n ganny zoure, ki’n ganny maltrete, ki dimoun in fer kalonmni lo mwan lo Facebook parmi bokou siporter LDS akoz mon ti dir zot pour dir pansyon Prezidan i dan Konstitisyon.  I en Konstitisyon ki nou ti vote an ‘93.  Premye fwa mon Gervais Henrie, mon ti vot kont sa Konstitisyon, son 2enm fwa mon ti vot an faver. E mon konnen ki mon’n vote. Mon konnen pour dir i ladan. E mon respekte sa Konstitisyon. So mon’n dir pour dir sa deba, parey Onorab George in donn nou en tone pour dir it’s about the office of the presidency.  Mon krwar mwan pour dir si i annan en endividi, en pozisyon Konstitisyonnel ki dwatet ganny en pansyon dan sa pei se Prezidan.  Tou larestan apre nou kapab dir non nou pa pour gannyen. Akoz this is the highest office in the land.  And I respect that. Selman ki mon oule zot fer.  Ki mon oule Vis- Prezidan i konpran nou. Se ki annou donn en keksoz ki rezonnab; ki zis, ki nou kapab vann avek nou bann dimoun dan distrik.  Akoz mwan letan mon pe asiz la telefonn, text pe antre, dimoun pe dir mazin nou laba deor. Nou ki pe ganny 50, 50. Nou ki pe bezwen fer 2, 3, 4 dyob.  Sa bann dimoun ki vin Prezidan, demann zot konbyen lit fuel i vann ozordi.  Demann zot konbyen en larou i vann. Demann zot si zot konnen konbyen pour pey en Bill telefonn?  Zot pa viv en lavi parey nou. I annan en moman kot zot bezwen sorti dan sa bubble e viv en lavi parey nenport ki Seselwa. E sa ki mwan mon pe dir si nou bezwen trouv en konpromi, i ava annan en subset Clause ki nou bezwen donn sa bann dimoun pour zot viv en kou parey lavi normal.  Sa zafer’ cradle to the grave’, nou pour anmenn zot ziska. Kote?  Dan lanfer tou?  Nou pour al avek zot. Be i annan en moman ki nou bezwen dir ase. E savedir nou bezwen tonm lo en konsansis, en keksoz ki rezonnab ki nou kapab demen mwan vann avek bann dimoun dan Mont Buxton pour dir get sa, mon konpran pour dir dan Mont Buxton, dan Lenn partikilyerman la i annan en madanm ki mon pe mazinen ki kontan son Msye Rene.  E mwan pour al dir li be get sa nou pa’n tro mal fer avek li, nou’n donn li en pti keksoz.  Be selman nou’n bezwen tonm lo en desizyon ki annan en konpromi ant le de kote latab. Alor mon esey koz dan en fason tre kalm, pour fer zot konpran, pour zwenn nou dan milye, sa lasal isi, e pour nou fer keksoz pour Sesel, akoz Sesel ‘’I pli gran ki nou’’, nou’n ganny dir. Mersi bokou.

 

MR DEPUTY SPEAKER

Mersi Onorab Henrie.  Bon mon napa personn ankor lo mon lalis.  Si napa en show of hands mon pe al ferm deba.  E mon pour donn laparol Vis- Prezidan. Ok?  Si napa okenn Manm ki pour koze, ok, deba i one sided, i zis lo en kote.  Si zot pe zwe tranpe mwan mon pour ferm deba.  Mon close mon lalis. E mon a donn Vis-Prezidan laparol.

 

HON CHARLES DE COMMARMOND

Mr Speaker personn pa pe tranpe.

 

MR DEPUTY SPEAKER

Mon’n demande…

 

HON CHARLES DE COMMARMOND

..Wi ou’n demande be i annan dimoun ki’n leve.  A moman apropriye a leve. Be  les bato marse.

 

(Interruption)

 

MR DEPUTY SPEAKER

Wi, mon’n servi. Order! Order! Order! Mon ki annan laparol. Ok, mon’n demande. Mon’n dir napa personn ankor lo mon lalis, si napa, mon ferm deba, mon donn laparol Vis-Prezidan pour fer konklizyon.  Ler mon’n fer sa, mon’n vwar zis en Manm ankor lo kote LDS ki’n lev lanmen, e prezan mon’n servi sa term, ‘’mon pa konnen si zot pe zwe tranpe.’’ Ok? La mon annan de Manm.  Mon annan 2 Manm ki’n lev lanmen. Mon annan Onorab Simon Gill, mwan annan Onorab Andre. Ok? Onorab Ghislain. Ok?  La mon’n note.  Ok. Mon donn laparol Onorab Simon Gill.

 

HON SIMON GILL

Mersi Mr Speaker. Bonzour ankor. Bonzour tou koleg Onorab. Bonzour Vis Prezidan. E manm piblik ki pe ekout nou. Mr Speaker, apre ki mon’n ekout kontenir bann entervenan lo sa Prozedlwa ki devan nou, mon krwar i apropriye pour nou or pour mwan lo sa kote dir nou move e nou al dan Committee Stage pour nou kapab ekoute.  Dan en fason konkret ki bann provizyon realis ki lo lot kote latab LDS presizeman, i annan pour sizere pour ki sa Prozedlwa ki devan nou i ganny amande, pour ki nou kapab bouz devan.  Mr Speaker I beg to move. Mersi bokou.

 

MR DEPUTY SPEAKER

Mersi Onorab Simon Gill.  Mon take note of ou entervansyon – ou pozisyon, be napa okenn amannman sibstansyel ki’n ganny put forward.  Mon pa konnen si i pour vini, mwan annan ankor detrwa Manm la ki’n lev lanmen.  Mon a donn zot laparol, apre nou ava regarde si dan bann entervansyon ki vini i annan bann propozisyon will take it onboard. Onorab De Commarmond.

 

HON CHARLES DE COMMARMOND

Mr Speaker, mon oule segonn sa propozisyon.

 

MR DEPUTY SPEAKER

Ok.  Me parey mon’n dir propozisyon in ganny fer. Me napa amannman ki’n ganny propoze.  Se sa rezon.  Ok?  Se sa rezon ki mon pe dir, mon annan ankor detrwa manm. Mon pa konnen si amannman pour vin atraver sa detrwa Manm ki pour entervenir.  Then, nou ava al dan sa direksyon.  Nou deza annan en pe amannman ki Bills Committee in fer, ki nou a kapab pran tou ansanm avek sa ki ganny propoze lo floorOk? Yes Onorab Gill.

 

HON SIMON GILL

Mr Speaker. Si ou pe dir mwan pour dir napa propozisyon konkret mwan a demann lot kote pou sizere.  Wi, kwa ki zot oule sizere. Mete pour lepep i ava tande ki zot pe dir.  E lo sa baz apre ki mon’n ekout bann sizesyon, mon pe demann ou ki mon ava entervenir lo bann sizesyon ki annan.  Mersi. Otreman que sa mon ferm mon lentervansyon.

 

MR DEPUTY SPEAKER

Wi, wi, ou drwa pour ou fer ou entervansyon i ganny rezerve. Ou napa traka lo la.  Ok?  Onorab Afif.

 

HON AHMED AFIF

Mersi Mr Speaker. Mr Speaker mon ti a zis siport ou sizesyon ki ou permet larestan Manm. Nou pe koz lo merit la. Alor permet zot koz en pe lo sa merit apre nou ava al dan Staz Komite parey ler in ariv son ler.  Me mon krwar e tan ki detrwa dimoun in deza koz lo merit mon krwar i pa normal pour anpes lezot koz lo merit.  E alor mon siport ou sizesyon.  Mersi.

 

MR DEPUTY SPEAKER

Ok. I fer en propozisyon. Savedir zot pa pe fer sorti amannman pour le moman.  Zot oule koz lo merit zeneral sa Bill. Oule fer ou entervansyon? Ou annan ou 7 minit, oubyen si oule nou pran en Break la apre nou retournen 11er.

 

HON SIMON GILL

Mon sizere nou Break, Mr Speaker.

 

MR DEPUTY SPEAKER

Ok. Alright, savedir nou ava adjourn.  E nou ava repran nou travay 11er.

 

(BREAK)

 

MR DEPUTY SPEAKER

Bon nou a kontinyen nou travay.  Mon a donn laparol Onorab Simon Gill.

 

HON SIMON GILL

Mersi bokou Mr Speaker. Mr Speaker mon pour repran parey mon ti’n komanse pli boner kot mon’n dir la fason ki mon’n trouve deba in deroule.  E nou ti pe move pour nou kapab expedite nou travay dan Lasanble Nasyonal ozordi.  Me sirkonstans ki’n evolye in kree en loportinite pour mwan fer detrwa, de pwen pour ki i kontinyen or nou kontinyen avek en prose refleksyon lo direksyon ki nou oule nou pei ale.  E byensir tout an tenir kont bann sirkonstans istorik ki nou pei in pas atraver. I vre ler ou pe koz lo ou ex-Prezidan. E ou ex-Vis-Prezidan.  Or ou pe koz lo sa de Lofis dan konteks strik Sesel nou pa kapab evite mansyonn nou 2 ex-Prezidan. Parey in zisteman le ka bann entervenan ki’n koze.  E nou pe koz Mr France Albert Rene.  Nou pe koz Mr James Alix Michel, e byensir nou pe koz lo Mr James Richard Mancham. Koman 3 zonm ki donnen bann sirkonstans istorik, zot in servi Sesel dan la mezir sirkonstans in permet zot derservi Sesel e dan la mezir bann levennman istorik ki Sesel in pas atraver. Pe enport ki nou oule dir.  E pe enport bann diversans dan lopinyon ki nou kapab annan lo sa kote latab avek lo lot kote latab.  E menm dan nou sosyete, pli larz e menm dan larezyon e lemonn, i annan en keksoz ki nou pa pour kapab zanmen pa aksepte pour tonm dakor lo la.  Or si nou aksepte pour dezagree, nou ava aksepte pour dezagree, me le fe i reste ki Mr Mancham in fer en kontribisyon dan levolisyon istorik Sesel.  E Mr France Albert Rene dan son moman ki in antre, i osi in fer en kontribisyon pozitiv dan levolisyon istorik Sesel e lepanouisman sa pep devlopman sa pep lo tou nivo! Nou pa kapab pa aksepte sa. Menm si nou dezagree pour aksepte. Lemonn antye i konnen e Seselwa antye i konnen.  Malgre tou limitasyon ki France Albert Rene in annan. Malgre tou limitasyon ki Mr James Alix Michel in annan.  E malgre tou limitasyon ki Mr James Richard Mancham in annan.  Sa 3 zonm, zot in fer kontribisyon pozitiv dan levolisyon sa pep e dan levolisyon nou sosyete.  Nou pa kapab pa aksepte sa.  Me nou rekonnet koman bann dimoun senser e onnet, nou rekonnet, ki nou pa’n fer fas avek 3 zonm parfe.  Nou’n fer fas avek bann zonm ki enparfe.  Malgre zot in okip sa lofis pli o ki’n annan dan nou sosyete.  Zot bann zonm avek bann limitasyon.  Zot bann zonm avek bann defayans ki tou zonm i annan. E ki nou tou isi i ralye dan sa Lasanble, nou bann zonm nou osi avek bann limitasyon. Nou bann zonm avek bann defayans.  Labaz se ki nou pa parfe.  Me sa pwen la pa anpes nou rekonnet bann bon eleman ki i annan dan nou tou isi dan sa Lasanble.  E nou valoriz nou kontribisyon ki nou pe fer dan levolisyon sa pei, dan devlopman e lepanouisman sa pep.  Nou valorize nou lenportans. Lot keksoz ki ekstrememan enportan Mr Speaker ler nou pe koz lo sa Bill. E ler nou pe koz Sesel. Nou, nou en prodwir sosyete Seselwa. Nou’n ne, nou’n grandi, nou’n ganny edike.  Nou’n fer nou letid dan Sesel.  Nou’n fer nou letid dan liniversite, aletranze e kot nou’n ganny soutyen sa pep.  E anba leadership pa lot dimoun, sanmenm sa bann zonm ki nou pe koz lo la ozordi ler nou pe sey rode kwa ki nou pour kapab donn zot koman en package pour zot retire lo la. E ki zot pe deza gannyen byensir. Me pour nou, mon pe dir petet normaliz e regilariz bann keksoz baze byensir lo sirkonstans aktyel. Now nou kapab pous largiman bokou pli lwen ki sa. E i enportan ki nou pa fer sa fot.  Si nou pe aksepte ki sa bann zonm pa’n fer kontribisyon pozitiv dan Sesel, be nou pe endirekteman aksepte, acknowledge ki nou menm nou, ki nou menm nou, nou pa bann bon dimoun.  Nou pa bann bon eleman.  Be mon pa krwar nou koumsa mwan! Parey mon’n dir nou bann dimoun ki annan en kantite keksoz pozitiv ki pe sorti avek nou, pe enport nou laz.  Akoz, akoz ozordi, nou ganny en sans, ganny en ledikasyon ki sa i en ledikasyon ki’n ganny manifeste dan larealite Sesel atraver en prensip ki’n ganny definir dan en moman, dan listwar nou pei. Sesel ti napa ledikasyon iniversel pour tou dimoun.  E sa i en keksoz ki nou bezwen acknowledge. E lekel ki’n anmenn sa? Sesel nou ti napa lasante pour tou dimoun dan sa pei, lekel ki’n anmenn sa?  E tou bann lezot devlopman, bann benefis ki ozordi, Seselwa pe zwir, lekel ki’n anmenn sa.  Eski in sorti anler in tonm ater?  Non.  I pa’n sorti anler in tonm ater. Se sanmenm sa bann zonm ki nou apel zot bann zonm enparfe ki’n diriz sa pei e fer nou kapab zouir sa ki nou’n zwir toute au long trazektwar nou lavi depi ler nou’n ne zeska la ozordi kot ozordi nou pe desid zot lavenir. E nou bezwen realist. Nou bezwen realist Mr Speaker. Ozordi zenerasyon ki pa ti ankor ni menm ne ler sa bann zonm ti’n ne.  ler sa bann zonm ti pe lalit dan Sesel, zot pa ti ankor ne.  E ozordi levolisyon sosyete in fer sanmenm sa bann zonm fanm ki pa ti ankor ne desid lo desten, lo lavenir bann zonm ki’n lite, ki’n sakrifye zot lavi.  Ankor enn fwa mon pe dir, bann zonm ki nou dir zot pa bann zonm parfe. Parey nou, nou pa bann zonm parfe.  Mon krwar i enportan, nou’n ariv dan klwazon listwar Nou’n ariv dan en klwazon listwar kot mon pe dir annou fer atansyon – annou fer atansyon – annou fer atansyon bann pozisyon ki nou pran i pa devret pous nou pou al lo bann pozisyon ekstremis.  I pa devret pous nou pou al lo bann pozisyon egzazerasyon populiste.  I pa devret pous nou dan sa nouvo kozonktir listwar pou nou aplik bann menm filozofi ki nou, nou dir pa bon kot nou aplik li ozordi.  Nou pa kapab Mr Speaker, pou la bonn mars Sesel, pou la bonn mars nou sosyete annan okenn viktimizasyon ki kontinyen dan sa pei.  E Msye Faure in fer kler sa.  Nou bezwen sa nouvo zenerasyon ki pe pran labar Sesel, bann zenerasyon ’60, zenerasyon ’50, nou bezwen… toultan mon’n dir sa, dan tou nou lenperfeksyon, annou sey forge en nou mannyer panse la deor.  Annou gete ki mannyer nou kapab kontribye dan en fason pozitiv pou ki nou donn respe tou bann dimoun ki’n deservi e ki pou deservi Sesel dan sa lofis pli o ki nou apel la Prezidans nou pei. Se sa kiltir ki nou bezwen ede pou batir.  Se sa nou mannyer panse ki nou bezwen ede pou batir e pou konstri dan nou sosyete.  Si zot pou demann mwan si ozordi ki mon vwar sa, ki mon koz sa, mon pou dir zot, i zis parey bann ki ti ek nou bann ki’n anmenn lalit e bann ki isi dan sa Lasanble ozordi, ler zot pres bann nouvo keksoz, bann nouvo fason fer, nou donn zot respe, malgre zot ti lo sa kote latab ek nou e nou respe zot e se sa ki nou pe appeal avek zot ozordi. Se sa ki nou pe appeal avek zot, se pou donn respe sa Lofis Prezidan e Lofis Vis- Prezidan. E nou tou (Onorab Flory Larue), nou tou nou bezwen donn respe tou sa bann dimoun ki’n deservi sa pei e tou bann dimoun ki pou deservi Sesel.  Me mon pou zwenn avek Onorab Georges, ler mon’n ekout son lentervansyon in fer en lentervansyon ki rezonnab e in donn merit kot i devret annan merit.  Me nou pa pou kapab aksepte e i pa en bon fason fer pou nou pran nou bann dimoun ki’n serve sa pei, pran zot, roul zot dan labou dan rigol. Nou pa pou kapab aksepte sa.  Ankor enn fwa parey mon pe dir zot bann dimoun ki pa’n parfe akoz napa dimoun parfe dan sa pei.  E ozordi dan lemonn Mr Speaker, pou mwan konklir, dan lemonn antye i aksepte konman en standar ki nou fer sir or ki tou bann sosyete i fer sir, ki bann zonm, fanm ki’n deservi zot Nasyon i pa trouv zot dan lamizer.  Pa ki mon pe dir bann zonm, fanm ki’n servi Sesel zot mizer, mon tre lwen ek sa.  Me sa ki enportan nou soulinyen ozordi kontrerman avek sa ki’n ganny dir ki le kontrer avek bann pratik enternasyonal se ki ler ou dan Lofis Prezidan nou pa kapab aksepte e toler ou pou fer biznes e pou prepar ou pou ler ou exit office.  Nou pe koz dan fitir direksyon Sesel e nou pe koz zisteman ki mon persuadé ki sa Lalwa ozordi mannyer nou pe propoze pou amann li, ki dan nouvo direksyon ki nou pe vwar Sesel ale.  Sa Bill la mwan la, mwan pa la, Mr Speaker, sa Bill pou retourn dan Lasanble Nasyonal pou vin ganny amande ankor, akoz nou oule propaz en nouvo kiltir ler nou Leaders i dan Laprezidans e ler nou bann Leaders i dan lofis konman Vis-Prezidan e sosyete pou drwa zot sa garanti pou zot ler zot kit lofis kapab viv en lavi dan dignité, viv en lavi onore akoz zot ava’n deservi sa pep dan en fason onore, dan en fason digneAnd this is the way forward, Mr Speaker.  This is the way forward e nou pou amande.  Nou konnen zot in dir i annan bann lekse, nou konnen sa bann provizyon mannyer i ete, dan sa Prozedlwa pa pou pase parey mannyer i ete, nou konnen sa e nou pe diskite nou pe dyaloge, nou pe esanz bann notes, nou pe esanz bann pwendvi. Konklizyon Mr Speaker, let us move forward ki sa pep i ava vwar nou isi dan sa Lasanble ozordi konman bann dimoun ki pa’n pratik okenn lekse, pa zis akoz LDS i an mazorite dan sa Lasanble.  Me ki nou’n zwenn ansanm avek Parti Lepep, nou’n kapab converge lopinyon e permet Sesel pou bouz devan e permet bann Leaders ki serve sa pei, ganny le minimum pou ki nou kapab normaliz e regilariz bann keksoz ki nou santi pa tro annord.  Mr Speaker, lo sa not mon ava dir mersi pou donn mwan laparol pou koze e mon swete ki sa lentervansyon pa’n ofans personn e ki nou kapab bouz devan trankilman e nou fer bann lamannman pou nou kapab al pran bann nouvo travay ki nou annan pou fer apre midi.  Mersi bokou Mr Speaker.

 

MR DEPUTY SPEAKER

Mersi Onorab Simon Gill.  Onorab Andre.

 

HON CLIFFORD ANDRE

Mersi Mr Speaker.  Mr Speaker, Onorab Gill in dir nou ti annan ki ti lo lot kote latab, ozordi nou vwar nou lo sa kote latab.  Mwan mon enn ki lot kote latab e mon’n fer mon semen pou mon vin lo sa kote latab, rezondet se akoz mon’n vwar keksoz diferaman; i annan dimoun ki dir ek mwan mon lizye in ouver, wi mon pou dir zot, mon lizye in ouver e alors mon’n mars dan sa semen ki mon krwar pou annan prosperite pou Sesel.  Mr Speaker, ozordi letan nou ekout radyo, nou get televizyon, nou tann bann sanson Nwel pe zwe, bann advert lo televizyon i annan bann dekorasyon nwel me eski i pou vreman zwaye pou nou pep son Progressive Income Tax i pa pe gannyen an Zanvye? Delo in monte, elektrisite in monte, bis in monte, fuel in monte.  Vi-Prezidan taler letan nou ti pe dir lanfer, i dir nou pe al dan lesyel, eski in monte akoz nou tou nou pe viz ver lesyel? Nou bezwen fer kler.  Bokou nou bann dimoun, nou sitwayen Sesel pa pou santi li zwaye akoz i pou konnen la Desanm i pou bezwen met dekwa de kote pou li fer sir ki Zanvye i pa vwar li dan bann sityasyon difisil.  Me ki nou vwar depi yer, nou vwar bann Bill ki pe vini e sa bann Bill i sipoze pe pran konsiderasyon bann ansyen Prezidan avek bann Vis- Prezidan.  Mon krwar i en letan opportune, oporten parey nou dir an Kreol ki Vis-Prezidan li osi en zour pou vin ansyen Vis- Prezidan oubyen kekfwa i ava ansyen Prezidan si kekfwa Prezidan Faure i deside pas baton avek li… Konstitisyon pa

permet alors nou ava fer en…

 

interruption)

 

HON CLIFFORD ANDRE

Lekel sa?  So i li ki pe anmenn en keksoz parey.  Mr Speaker, letan mon’n sey fer en pti pe resers, mon’n war ki Uruguay… i ok?

 

(interruption)

 

HON CLIFFORD ANDRE

Kontinyen? Ou ti le koze? Ok, Onorab Hoareau, ok si ou pe koz laba… Kwa sa?

 

(interruption)

 

MR DEPUTY SPEAKER

Onorab Andre kontinyen address The Chair.

 

HON CLIFFORD ANDRE

Mon a dir mersi pou sa kopi lamannman ki Onorab Hoareau pou fer mon gannyen, me selman ler mon’n gete, mon’n get Uruguay, Prezidan Uruguay i enn bann Prezidan pli pov ki annan dan lemonn. Akoz i pli pov, i pran 80 poursan son $12 mil ki gannyen i donnen pou li fer sir ki lezot dimoun ki pov i kapab zwir keksoz byen.  I osi fer sa, i reste dan en pti lakaz lo en laferm e i pa reste dan sa State House ki Uruguay i annan.  Sa i en legzanp tipik me i kontinyen travay pou son pep. I pa demann en rekonpans pou li travay pou son pep, li in swazir pou li vin Prezidan.  Alors letan nou pe get sa Mr Speaker, mwan mon pou dir ki mon pa pou vot an faver sa Bill akoz mwan mon krwar ki Seselwa i deserve pou li ganny son Progressive Income Tax an Zanvye 2018!  E sa i ava ed li pou li kapab carter bann logmantasyon ki zot pe dir. Zot dir poudir i pou konmans Progressive Income Tax an Zilyet be letan i pou ganny son Progressive Income Tax an Zilyet i pou napa nanryen dan son pos, akoz i pe pey pou tou sa bann logmantasyon.  Sa Mr Speaker, i apel donn ek lanmen drwat, pran ek lanmen gos. Akoz nou fer sa avek nou pep, tandis ki la nou pe get sa Bill ki devan nou i dir nou deza, deza en ansyen Prezidan i pe ganny li 75 poursan son saler ki i ti kit lo la.  E sa i konsekan; par lao R70 mil.  Pansyon sa.  Ladan zot pe demann nou ankor pou regilariz sa ki Onorab Gill in dir, regilariz donn li 25 poursan son total pansyon, ki i gannyen ankor; odela de sa!  Fini, donn li lofis, donn li Personal Assistant, donn li Private Secretary, donn li office assistant.  Apre nou pou donn li telekominikasyon savedir son telefonn pou ganny peye, odela Mr Speaker ladan i mete konmsi pe pran nou pou en bann fou bet; IT equipments, savedir dan Bidze nou’n vwar i annan modern IT equipments, high tech IT equipment savedir nenport ki high tech equipment pou ganny servi.  Ok?  So annou get en pe nou pep dan sa sityasyon ki zot vwar zot ladan ozordi, nou, nou pe dir nou pou donn tou sa bann kalite lekipman avek en ansyen Prezidan.  Mon konpran i annan en rezondet.  Personn pa’n dir poudir en ansyen Prezidan pa bezwen ganny serten keksoz me sa Mr Speaker i tro e i ekstravagan.  Odela de sa i met i pou ganny utilities savedir tax, larzan tax pou pey son delo, pou pey son elektrik, pou fer tou sa bann zafer koumsa.  Kan nou letan i monte sa sitwayen i bezwen vwar ki mannyer i pou ganny larzan pou li peye li.  Nou pou bezwen menm pey pou office furniture ladan i mete Mr Speaker, and ‘any other items which may be prescribed.’  ‘Any other items,’ Mr Speaker.  Pa i tro bokou? Pa i ekstravagan? ‘Any other items.’ Nou pou donn li personal security, dan sa Lalwa ki la i met ‘as may be determined by the President.’ Odela de sa ou pou donn li 2 chauffeur-driven vehicles.  Pa dir ki kalite.  Lotrozour Foreign Affairs i vin kot nou i dir nou bann Lanbasader i ganny Sonata, maximum standar Sonata.  Sa Mazda laba Cuba in ganny met anba langar akoz i tro ser, pou revann. Li i pa ni dir nou si i pou ganny en BMW oubyen si i pou ganny en Sonata, oubyen ki kalite well vehicle nou a gete ki mannyer i ete.  So odela de sa Mr Speaker, letan bann sitwayen nou travay, nou’n pey nou tax, nou’n fer en pti savings, nou pou vwar dan sa transpor ki nou pou donn li, sa 2 transpor ki i pe demande pou donn li, nou pou met bennzin ladan tou. Nou pou pey road tax tou. Nou pou pey son lasirans tou. Savedir son pansyon ek son gratwite i pa pou fer nanryen. I pa pou fer nanryen avek li. Fini sa, Mr Speaker, letan i mor, nou pou donn son madanm ki avek letan i mor, ki in marye avek letan i mor 75 poursan larzan ki nou pe donn li ozordi.  Savedir sa madanm ou ganny 75 poursan. Mr Speaker, nou pe abiz lo sa pep.  Nou pe abiz lo sa pep.  Onorab Gill in dir avek nou ledikasyon, lekel ki’n anmennen? Konstitisyon Sesel ki dir nou, nou annan en Drwa pou Ledikasyon.  Konstitisyon ki dir nou sa. Mr Speaker, ledikasyon pa pou nanryen sa dimoun i pey son tax, Minis Ledikasyon Mr Joel Morgan ti dir ou pey tax pou ledikasyon. Annou aret fer dimoun krwar poudir i ganny pou nanryen, ok?  Lasante pa pou nanryen li i pran ou tax epi i vin devan ou Lasanble pou demann ou larzan pou li fer marse Minister Lasante.  Nothing is for free in this worldThere is no free lunch!  There is no free lunch!  Ki nou pe fer la?  Nou pe demann donn ansyen Prezidan free breakfast, free lunch, free dinner.  Be zot, be sa i tro bokou!  Mr Speaker mwan mon pou dir ki nou Konstitisyon i kler, i dir ki i annan serten eleman de baz, serten keksoz de baz ki en ansyen Prezidan i gannyen.  Si nou bezwen amann Konstitisyon pou nou tir en pe, selman parey in dir sa ki ou konmans gannyen p kapab retire akoz i en Drwa.  Sa ki ou pa pe gannyen nou kapab tire e mwan mon pe dir nou tir tou le zot apard son pansyon avek son gratwite akoz i prescribed by Konstitisyon. Letan letan oporten i arive, nou ava fer le neseser pou nou rektifye lezot eleman dan nou Konstitisyon. Mr Speaker, en terminant mon pou dir ki nou sitwayen, mwan mon pou ensiste ki son Progressive Income tax, Vis- Prezidan kekfwa ou a get sa, son Progressive Income Tax i ganny li an Zanvye. Nou’n fer en savings letan nou’n diskit Bidze plis ki R80 milyon e letan nou nou’n gete zot ti pe demann 73-74 milyon pou fer sa legzersis alors i annan larzan.  Letan nou get en pti kou ki mannyer keksoz i fonksyonnen.  Nou’n etabli, Prezidan Faure in etabli serten pozisyon kot nou vwar bann gro gro saler, R60mil pe ganny peye avek bann Sekreter D’Eta i en pti pe tro bokou!  akoz nou pa rod en fason pou nou koup sa bann zafer, yer Onorab Gill in dir i pe challenge sa Lasanble pou met nou pansyon ater, nou Gratwite pa pou pran nou gratwite, me mon krwar i enportan poudir avek sa bann ki ganny gro saler, al fer ou biznes kit sa larzan la nou ava donn nou bann zabitan, nou bann sitwayen pou li kapab benefisye li osi! Ok?  Mr Speaker, dan deliberasyon FPAC ki ti fer live Mr Allan Butler Payet ti vini i ti dir dan piblik poudir li i pe ganny peye par State House. Bomaten Onorab Henrie in demande lekel ki pe peye, State House?  Savedir larzan tax ki pe pey Mr Payet ki nepli travay dan Gouvernman. Eski i byen? Eski i ethical? Eski i pa en pratik corruptive?  Nou bezwen gete sa Mr Speaker e mon ti a demann VP si letan i permet pou li tous lo la.  E mon konpran parey mon’n dir ki i bezwen annan serten benefis, me selman en Prezidan ler in vini, pa zis li ki’n travay, pep Seselwa antye in travay and if someone deserves pou ganny en benefis se pa Prezidan me se pep Seselwa akoz zot ki’n sibir. Zot ki’n sibir. An 2008, nou ti demann zot pou ‘Ser Sang,’ mon ti ladan mwan, demann zot pou ‘ser sang,’ mon ti kapab diskit avek en dimoun depi Anse Aux Pins, anvil retourn Anse Aux Pins, akoz en bwat margarin in mont en pti pe; pe sey eksplike menm. Ozordi zot vini zot pe pran plis ki sa logmantasyon ki ti lo sa bwat margarin.  Prezan ou le ki sa i sorti kot sa zabitan, kot sa sitwayen ki li i pa pe ganny nanryen, me selman i bezwen donnen. Annou aret pran nou pep pou bann fou bet.  Annou arete fer sa.  Annou fer sir ki sa benefis ki Sesel i annan, annou partaz li avek nou pep Sesel. Annou aret fer krwar poudir wi nou bezwen donn sa ki pli o toultan i pou gannyen.  I ganny 80, i ganny plis ki R70 mil letan ou met ankor avek son gratwite i fer apepre en 100mil par mwan, pa ase ? Be kote i manze li?  Ok.  Nou bezwen konpran ki poudir nou bezwen get nou pep dan Sesel, nou bezwen fer sir ki zot osi zot annan en lavi ki konfortab pou zot zanfan.  Nou oule fer sir ki ozordi nou bann zenn i pa al dan bann sityasyon delenkan.  Me si kot li i napa bann keksoz ki pou satisfer li ki nou ekspekte? Avek sa Mr Speaker, mon le donn zabitan en Anse Aux Pins en garanti ki mon pou vot Kont sa Lalwa ki devan nou akoz mon krwar ki ‘zot bann zabitan Anse Aux Pins ki bezwen benefisye e non pa en ansyen Prezidan oubyen ansyen Vis-Prezidan parey taler nou pou diskite. Mersi Mr Speaker.

 

MR DEPUTY SPEAKER

Mersi Onorab Andre.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker, mon pa pou long lo la me Selman san ki mon anvi ki mon kontribisyon se ki nou annan en Lalwa devan e nou konnen ki dan Konstitisyon i preskri serten keksoz, me ler mon pe ekout bann largiman ki pe ganny avanse, mon vwar i annan en merit pou en tel Lalwa me selman mon pe vwar i annan en kantite bann reazisteman pou aranze, mon pe zis demande ki nou move on avek sa, si nou pou vot an faver si nou pou aprouve, nou aprouve, si nou pa pou aprouve, nou pa pou aprouve.  Akoz letan mon pe regarde, wi nou’n koz bokou larzan, lo larzan en kantite. Nou koz en kantite dan sa Lasanble, annou aret koz lo larzan pou nou, annou koz en pe lo larzan pep Seselwa nou osi nou tou. I annan drog ki nou bezwen deal avek. I annan bann zanfan delenkan ki nou bezwen deal avek. I telman annan problenm dan sa pei pou sa Lasanble deal avek.  Se sa mon kontribisyon. Mersi.

 

MR DEPUTY SPEAKER

Mersi Onorab Ghislain.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, mon anvi zis dir ki pa zis touy dimoun ki krim, sa i en krim sa Lalwa e mon’n fini pare pou mwan’ Zet li anba. ’ So annou al dan Committee Stage, nou’n pare pou nou fer sa travay. Mersi Mr Speaker.

 

MR DEPUTY SPEAKER

Mersi Onorab Ferrari.  Onorab Larue.

 

HON FLORY LARUE

Mersi Mr Speaker.  Bonzour tou dimoun.  Sa Lalwa ki pe ganny propoze i fer nou pran konsiderasyon nou pase, me osi nou fitir.  I fer nou regard spesifikman nou Dirizan e sa dirizan ki asiz dan lofis pli o dan nou pei, nou Prezidan.  Ozordi konman en Seselwa ki’n ne apre 1977, mon ti pran en rol konman en politisyen akoz mon ti nepli kapab debout a kote pou regard ki mannyer sa pei in ganny pie par son bann leaders akoz mwan mon krwar ki se Prezidan ki pran desizyon final e responsab pou sa ki arive dan sa pei.  Pandan mon lavi mon’n konn 3 Prezidan o pouvwar e tou le 3 pa’n ganny elekte dan zot syez. Mr Rene ti vin par Kou D’Eta avek fizi e bokou Seselwa ti perdi zot lavi.  Mr Michel ti ganny pas baton avek li pou li pran en manda dan milye semen. Mr Faure in anmas sa baton ler Mr Michel ti large. Ozordi atraver sa Bill nou pou konsider bann benefis ki sa bann ansyen Prezidan i gannyen ki pou osi pou ganny benefisye par Mr Faure, Prezidan aktyel, letan i ariv son ler e osi tou Prezidan ki vin apre.  Konman en zenn ki’n etidye anba bann Polisi SPPF sa letan, Polisi sa parti ti fer ki en par listwar mon pei depi le 29 Zen 1976 ziska le 5 Zen 1977 ti disparet. Sa peryod ki apel Premye Repiblik konmsi sa peryod pa’n zanmen arive ouswa egziste.  Nou pa tann nonm sa peryod ditou letan nou aprann nou listwar, nou tann mansyonn tou listwar Sesel ti konmans le 5 Zen 1977. Mr Rene ti zwe en rol dan fer mwan ek bann dan mon zenerasyon, annan en linyorans lo sa ki ti arive.  Bann dimoun ti ganny met dan prizon si zot ti rebel kont son sistenm, sa ti nou Prezidan a sa lepok.  Bann madanm parey Madanm Carlette Tolle, en manman avek pti zanfan ki son partner ti’n disparet anba sa sistenm anba bann sirkonstans ki ti drol ek bokou lezot anba manda Mr Rene ti ganny met dan prizon akoz Mr Rene ti vwar li e plizyer ankor konman en danze pou lasosyete.  Ziska prezan mon pa ankor konpran ki mannyer i ti desid tousala.  I ti vwar en manman ti en danze pou li.  Nou ti vwar lanmor Mr Gerard Hoareau a laz 35an Londres le 25 Novanm 1985 e levidans i montre ki Mr Rene ki ti nou Prezidan sa letan ti annan en lyen direk avek lanmor sa aktivis politik, ki ti napa drwa vin Sesel. Mr Rene konman Prezidan Sesel ti pous bokou Seselwa dan sa pei.  I ti Prezidan.  Ozordi sa bann menm dimoun e zot fanmir ki’n retourn Sesel i pey tax e zot pou kontribye dan peyman sa bann emoliman ki  nou pe met dan sa Bill.  Eski sa i moral, Mr Speaker  Mon ti a kontan ki nou demann Mr Vis-Prezidan si i krwar si i moralman korek? Mr Rene konman en zonm ki’n ariv laz 80 an, 83 an pardon, pa’n fer nanryen pou demann pardon pou bann fot ki’n komet konman Prezidan.  Prezidan sa pei ki i ti pran avek vyolans e disan ki ti lo son lanmen le 5 Zen 1977, ansanm avek Mr James Michel.  I pa’n vin devan pou eksplik nou ki lakoz ki nou bann frer ek ser Seselwa ti bezwen al eparpiye otour lemonn, kot sa ti son desizyon. Sa ki ti esey retournen parey Manmzel Kathleen Pillay ti ganny trennen e imilye lo koltar airport Pointe Larue Sesel e ganny forse pou retourn lo menm bor e ti napa drwa retourn dan son pei akoz desizyon en Prezidan sa letan. Konbyen Seselwa ki’n bezwen kit pei dan milye lannwit an trennan zot zanfan dan en pei etranze, akoz Mr Prezidan Rene ti deside, pou viv dan lafreser dan en pei ki zot pa konnen e menm pa koz langaz.  Konbyen dimoun ki’n antann lanmor en pros, papa, manman ouswa gran paran e pa’n kapab vin rann omaz zot pros akoz Mr Albert Rene ti anpes zot antre dan pei sa letan, ti son desizyon konman Prezidan pou anpes Seselwa retourn Sesel.  Me dan sa Bill mon pe ganny demande pou vote e pou pey son lanterman avek tax dimoun ki’n retournen ki ti ganny abize dan sa sistenm.  Sa bann dimoun zot ankor la avek nou.  Vis- Prezidan, Mr Speaker, in mansyonn bokou gro parol tel ki responsabilite Leta anver bann ansyen Prezidan, me zot, zot ankor la oli zot responsabilite anver Leta? Ki a lafen tou sa ki zot in konstri nou vwar 40 poursan nou pep pe viv dan povrete e lavi i kontinyen monte.  In mansyon moralite ek etik, me oli vre moralite dan sa Bill letan sa bann dimoun pa debout devan pou demann pardon akoz Onorab Gill in dir zot fer fot. Eski zot merite sa larzan? Mon demande akoz mon pa vwar li zis ki in pran pei pardfors, in ganny tit Prezidan akoz li ki ti deside avek son group dimoun e prezan akoz sa nou oblize donn li sa rekonpans.  Eski nou drwa li?  Pandan mon refleksyon lo sa size, mon koz avek plizyer sitwayen dan diferan kous popilasyon, e preski tou i santi ki sa imsye pa ankor fer en pa pou rekonsilye son pep.  Pandan son manda, son fanmir in benefisye e zot ankor pe benefisye e zot viv bann lavi eze e sa Bill i demande ki nou kontinyen gard lavi son madanm letan i mor ankor avek lopilans.  Son parti politik SPPF, SPUP ozordi Parti Lepep in pran 40 morso later e bokou sa bann dokiman in sinyen par Msye Danny Faure ki ozordi li Prezidan. Ki li i osi i pou benefisye ek sa Lalwa letan i pran son retret.  La ki i o pouvwar, eski li i pou rann Seselwa Maison Du Peuple ki pou sa pep e tou sa 40 bout later ki Parti Lepep in aki? Mr Speaker, mon ti a kontan la ki Vis-Prezidan i devan nou konman Prezidan Parti SPPF e li osi i pou benefisye direkteman avek sa Lalwa letan i pou pran son retret pou dir nou si in pare pou son parti rann pep Seselwa sa ki sa parti in pran letan ot ti o pouvwar e zot in abiz sistenm. Mon santi mwan boulverse Mr Speaker.  Wi sa i pou bann ansyen Prezidan e bann ki pou osi vin dan lefitir, me la, ozordi dan sa moman, dan nou pei nou annan divizyon koze par bann ansyen Prezidan.  Se pour sa ki nou’n bezwen met an plas sa bann Komite Anti Viktimizasyon e Laverite ek Rekonsilyasyon akoz tro souvan zot in abiz zot pouvwar.  E ki nou pou fer isi dan sa Lasanble. An mezir nou get sa Prozedlwa ki pe demann nou regard bann benefis pou donn bann ansyen Prezidan, mon dezapwente Mr Speaker, ki Gouvernman pa ankor oner bann promes pou konpletman rekonsilye sa pei an form rekonesans, parey nou pe ganny demande pou fer pou bann Sef Gouvernman. Nou listwar politik parey mon’n dir toultan konmanse le 5 Zen 1977. Me Gouvernman pa ankor pran en pa pou osi regard bann Manm Lasanble Nasyonal Premye Repiblik.  Zot in onor Msye Mancham me non pa bann Premye Repiblik, par kont le 29 Oktob 2014 Mr James Michel ti siny en Lalwa ki ti vin efektiv le 01 Zanvye 2015 pou rekonpans bann Manm Lasanble Nasyonal Dezyenm Repiblik ziska 1993.  Mr Pierre Laporte, Minis Finans sa letan ti dir dan Speech Bidze pou 2015, ki i ti me a kote R7.7 milyon dan sa Bidze pou alokasyon pou ganny fer an 2015 le 01 Zanvye. En Bidze sa letan ki ti antitile ‘’Staying the course towards sustainability. 7.7 milyon ti ganny allocate pou bann politisyen Dezyenm Repiblik.  I ti pe fer kanpanny pou ganny sipor bann ansyen politisyen; i pa ti servi moralite ek etik li.  E osi pa bliye ki anba Mr James Michel an 2009, Sesel ti deklar li faid.  Parey Onorab Clifford Andre in dir Seselwa in fer tou kalite sakrifis pou sirmonte, zot in ser sang. Eski zot krwar ki li in fer en bon louvraz? Mr James Michel? E eski i merite ganny tou sa ki pe propoze ozordi? Onorab Georges in koz lo Espace, sa pli gro moniman lo sa bout konblaz ki letan nou pase nou regarde. Eski in benefisye sa konman Prezidan?  Sa bann keksoz ki pou vini dan lefitir pou en lot deba.  An traver Mr Chair mon le dir Vis-Prezidan se isi… pardon Mr Speaker, se isi nou responsabilite moral pou nou dan LDS avek en rezilta 15 lo 10 ki ti fer en kanpanny lo laverite e rekonsilyasyon, dimoun in swazir pou met nou la pou met en lord an traver sa Lalwa, pou ganny regilarize akoz ziska prezan Konstitisyon i donn en pansyon, apre i donn en Gratwite.  Tou larestan se Prezidan aktyel ki deside pou donnen; savedir tou sa ki’n donnen dan sa lannen pase Mr Danny Faure ki ti deside pou donnen.  E la nou pou regilariz sa.  Si zot bann zonm bann zonm ki’n fer fot parey Onorab Gill i dir ki zot in fer pou sey fer bann zes ouswa aksyon pou remed sa bann fot?  Eski zot in demann pardon? Eski zot in rann sa ki ot i pran par abiz zot pozisyon?  Akoz Mr Speaker, Onorab Gill i osi dir ki fodre nou respe sa lofis, Mr Speaker ki zour ki nou pou respe sa pei?  Sa bann dimoun in vol sa pei e in abiz zot pozisyon, fodre zot rann tou sa ki zot in pran an plis e dan fitir nou bann Prezidan e Vis-Prezidan a redonn respe merite nou pei Sesel e donn sa lofis son dinyite ki i devret annan. I pa korek ki sa Gouvernman pa’n osi fer neseser pou regle sityasyon bann dimoun dan Premye Repiblik parey mon’n dir.  Zot, zot ti ganny retire an traver Koudeta par fizi avek vyolans ki ti retir zot dan zot louvraz.  Mwan, Mr Speaker, mon pou anmenn en Private Members Bill pou demann sipor Gouvernman pou rekonnet sa pti gin Manm ki reste depi Premye Repiblik ki ti travay Mr Mancham pou anmenn en vre rekonsilyasyon total Sesel depi son Lendepandans le 29 Zen 1976.  Sa propozisyon devan nou i mansyonn bann benefis ki larzan tax Seselwa i bezwen donn sa bann ansyen Prezidan.  Annou pa oubliye ki pandan tou sa lannen, mon pa ti la sa bann letan, (Onorab Ghislain) me la mon la ozordi, ekout byen.

 

(APPLAUSE)

 

HON FLORY LARUE

Annou pa oubliye ki pandan tou sa lannen zot tipe gannyen, me la nou pou regilariz li.  Mwan, Mr Speaker, mon ti plifere ki sa Lalwa i ganny aplike avek bann ansyen Prezidan solman letan zot in deklar tou zot aki e montre ki mannyer zot in ganny sa bann later e benefis.  Selman letan en odit konplet finansyer in ganny fer ki pa montre okenn move aksyon, la sa Lalwa i a kapab vin aplikab pou zot. Konstitisyon i dir zot bezwen gannyen pansyon, pou le moman kot nou ete i zis apepre sel keksoz ki mon kapab aksepte me non pa okenn lezot benefis akoz mon pa santi ki pandan zot letan dan Gouvernman zot in fer sa ki zot in devret fer.  Zot in les lezot e zot lekor abiz pouvwar e serten in toler zot labi e i ankor pe tolere.  Mon santi ki Sesel in sibir anba lanmen sa bann msye e nou ankor annan tro bokou kestyon pou zot e zot annan tro pti gin larepons pou nou.  Mersi Mr Speaker.

 

MR DEPUTY SPEAKER

Mersi Onorab Larue.  Bon nou annan 5 minit eski i ok pou Onorab Basil Hoareau oubyen… okSo ou pou pran 20 minit, dig-in i pou en long day, i reste mwan 5 lo mon lalis pou koze. Nou ava adjourn nou ava repran 2 er.

 

(BREAK)

 

MR DEPUTY SPEAKER

Bonn apre midi tou Manm Onorab, bonn apre midi Vis Prezidan avek delegasyon e bonn apre midi tou Oditer ki pe kontinyen swiv deba Lasanble Nasyonal swa lo radyo oubyen lo televizyon.  Bon nou a kontinyen nou travay e prosennman lo lalis mon annan Onorab Basil Hoareau.

 

HON BASIL HOAREAU

Mersi Mr Speaker.  Mr Speaker mon pour kontinyen par dir ki premyerman sa ki devan nou Lasanble ozordi se en lamannman tou an existing Act.  An dot mo in deza annan en Lalwa ki apel Presidential Emoluments Act e sa Lalwa ti pase an ’93, 1993 e ki nou pe fer ozordi nou pe debat lo en lamannman to the Act.  E sa Lalwa, e sa Bill ki la ki devan nou son fondasyon i lo Lartik 58 (2) nou Konstitisyon.  Lartik 58 (2) nou Konstitisyon ki ti ganny adopte an gran mazorite par pep Seselwa letan ti annan Referendum lo sa Konstitisyon e fer provizyon ki en Prezidan i devret ganny Gratwite, Pansyon ouswa Allowance ki ganny prescribed dan en Act.  E Lartik 58 (2) i servi the word “shall” savedir i dir fodre sa Prezidan i gannyen.  E i annan en rezon akoz nou ti annan Lartik 58 (2).  Mon krwar bomaten sa i at least i pwen ki mon krwar bokou nou lo tou lede kote latab in kapab zwenn.  Onorab Georges in koz lo la malgre ki mon pa’n dakor lo tou sa ki in dir, me in aksepte ki letan en Prezidan i kit Lofis ou bezwen tret sa Prezidan avek dinyite.  E se rezon, se sa nide deryer Lartik 58 (2).  E i pa en provizyon ki nou ki’n evante, i en provizyon ki la depi lontan.  L’Amerique letan zot ti pas The Former President Act 1958 rezon debt deryer sa such a Law ti egzakteman pour antas dinyite avek sa Lofis.  E sa in toultan rezondet deryer tou sa bann Lalwa.  Partou kot ou pase dan lemonn ou pour vwar, letan ou fer en research lo lezot Lalwa lezot pei Onorab Henrie in dir nou in fer sa bomaten, ou vwar ki bokou, laplipar mazorite pei i annan bann benefis ki zot donn zot bann former Presidents letan ki in kit Lofis Mr Speaker. E sa parey mon’n dir se ou donn dinyite sa Lofis e sa dimoun letan in cease to be President.  E ki nou vwar dan sa lamannman ki pe anmennen la?  Annefe an sa ki konsern Pansyon ek Gratwite in deza dan Lalwa depi ’93 li.  Sa ki pe ganny sanze se sa formula ki mannyer i ganny kalkile, i pa en gran, i napa en gran lamannman lo kote Pansyon ek Gratwite. Mr Speaker ki nou vwar, se i annan bann lezot lamannman ek bann lezot benefis ki pe ganny propoze, benefis par egzanp an relasyon ek Clerical Staff, Personal Assistant, Private Secretary ki allowance ti kapab ganny donnen pour sa bann, pour bann dimoun ki kapab travay avek Biro en Prezidan letan in kit Lofis.  E osi lezot Office expenses ki vin avek. Nou’n koz osi Lalwa pe fer osi provizyon pour donn Personal Security to the former President ek 2 transpor chauffeur-driven vehicles.  E se sa bann benefis ki pe ganny propoze.  E Onorab Georges bomaten in dir poudir sa bann benefis pa unreasonable li, me li in take issue avek sa bann endividi Prezidan Rene, Prezidan Michel si zot devret pe ganny sa bann benefis.  Sa ki in met lanfaz lo la.  Mon pour adres sa plitar.  Me sa ki, pwen ki enportan se ki Onorab Georges in aksepte tre, tre klerman ki sa bann benefis napa nanryen ki unreasonable dan ki pe demande pour donn Prezidan; napa nanryen ki ekstravagan ladan e sirtou letan ou konpar li avek lezot pei, sa ki lezot pei i donn zot bann former Head of States.  Lot keksoz ki sa lamannman pe demande e ki pe kree pour premye fwa sa, se surviving spouse, Pansyon pour surviving spouse.  E sa i vre premye fwa pe ganny anmennen e i annan, i ankor, mon mazinen nou’n pran sa avek lezot pei ki’n fer parey.  Mr Speaker avek ou permisyon, a sa pwen mon ti a kontan konpar, fer en comparative study petet vitman konpar bann lezot pei ki zot donnen.  Annou pran Kenya, Kenya in ganny deklare koman en pei koronpi me i en, me mon konnen me sa ki mon konnen Onorab Gervais Henrie bomaten in dir, in dir ek nou pa servi Kenya, me apre in vini in dir ek nou ‘be ou konnen i annan serten pei ki donn menm surviving children of sa Former Head of State letan serten benefis’ e sa legzanp ki i ti donnen mon konnen in pran kot Kenya, sa legzanp ki i ti donnen i ti Kenya letan i ti dir ek nou poudir ‘i donn manrmay anba 18an apre i donn manrmay anba 24an ki’n full education. ’ Nou konnen ou ti pran sa ek Kenya.

 

(Laughter)

 

HON BASIL HOAREAU

Me lefe i reste ki Kenya i donn, Kenya vre petet i en pe top heavy dan sa ki i donnen pour servi en mo ki Onorab Ferrari i kontan servi “i donn entertainment allowance, full medical and hospital cover both for local and overseas treatment, i donn ziska en Zardinyen vre epi parey mon dir i donn Children’s Pension e i donn bann zanfan ki pour ganny sa se letan si sa former President in pass away e zot zanfan i anba 18an ouswa i anba 24an e i dan fulltime study.

Jamaica, nou pran Jamaica par egzanp, Jamaica zot, zot annan Premye Minis, zot osi zot annan Children’s Pension; zot osi zot donn Children’s Pension pour zanfan ki anba 19an ouswa ki anba 23an me in full time education zot osi zot donnen. Nou, nou pa pe koz Children’s Pension la Sesel nou, zot down en Widows Pension zot osi, zot donn Housing Allowance zot donn menm Zardinyen zot osi; zot osi zot par lao, zot donn plis ki nou, nou donnen, on top of sa bann Pansyon ki Prezidan osi i gannyen.  Nou pran Guyana li osi i donn Surviving Spouse Pension, annefe Ghana se ki i enteresan avek Mr Speaker se ki nou letan nou pe koz surviving spouse ki’n legally married avek former President.  Guyana in menm fer common law relationship i dir ou en surviving spouse menm si ou dan common law relationship avek sa former President.  I montre ou ki zistans in arive. Guyana i annan, i donn menm en allowance pour vakans tou le lannen, tousala zot donnen, i donn ou 2 First Class Return Ticket, non nou pe montre zot ki lezot pei i, nou pa pe donnen tousala nou, me nou pe fer sa konpreansyon pour montre poudir sa ki nou pe donnen Sesel sa ki nou pe propoze i rezonnab. E i osi donn medical expenses, i osi menm fer peyman pour telefonn e elektrisite tou Guyana i donnen tousala zot donnen. Nou al L’Amerique, L’Amerique, former President i ganny support staff, office staff, travel funds, medical treatment tousala e menm zot ganny Sekirite ou konnen, e menm surviving spouse contrary, kontrerman a sa ki Onorab Roucou in dir pli boner i ganny en pansyon osi. So mwan mon pe fer sa konparezon, mon pa pe dir ki nou devret donn nou bann former President tou sa bann benefis ki lezot pei i donnen, me senpleman pour fer vwar poudir gete ‘sa ki nou, nou pe propoze la i pa unreasonable’ i rezonnab.  E annefe i siport sa ki Onorab Georges in dir bomaten poudir sa ki nou pe demande i byen, i rezonnab nou pa pe al overboard pou dir donn tou keksoz me at least donn en former President en keksoz ki i kapab permet li kontinyen viv dan dinyite e osi koman en former Head of State i pour annan en rol pour li zwe, i pour annan en rol pour li zwe Mr Speaker.  E Onorab Georges bomaten in dir e annefe par koensidans zis avan i dir sa parol mon ti’n note down sa poudir i devret, nou pa devret pas Lalwa pour en endividi.  Me malerezman sa ki nou’n vwar la se ki nou pe, se ki letan nou pe debat sa Lalwa se ki nou pe regard bann endividi, olye get sa Lofis e get keksoz dan en fason obzektif an relasyon ek sa Lofis e get sa ki meyer pour Sesel nou’n deside met endividi an premye e met sa Lofis par deryer li e dir ‘ou ki pour benefisye, alors ou pa devret benefisye alors nou pa pour donn ou. ’ Me mwan sa ki mon krwar poudir nou devret get Lofis, get Lofis.  Si endividi in fer en keksoz mal ozordi dan Sesel nou annan Anti-Corruption Commission, nou annan Ombudsman, nou annan tousala fer konplent les zot deal avek sa.  Si endividi in fer en keksoz mal i a ganny dealt with par Lalwa.  Annefe sa ki enteresan se ki e mon krwar i pertinan pou dir pa tou former Presidents ki otomatikman i ganny sa bann benefis.  Lartik 58 i dir ou klerman e menm The President’hs Emolument’s Act i osi dir ou klerman ‘si en Prezidan in ganny retire in ganny impeach anba Lartik 54, in ganny impeach letan i dan Lofis in ganny retire, i pa pour entitle pour sa bann benefis; savedir si en Prezidan in fer en gross misconduct e i ganny tire dan Lofis i pa pour entitle pour sa ok?  Me i kler poudir si i pa’n ganny tire i pour benefisye.  I pour benefisye e pour mwan sa i byen si i pa’n ganny tire. Mon pa dir petet en zour petet nou kapab amann Lalwa dir poudir pe gete ‘si en former President apre ki in kit Lofis in ganny convicted pour en lofans ki in fer pandan ki i ti o pouvwar i pa devret ganny sa bann benefis mon krwar sa i en provizyon rezonnab.  Nou kapab anmennen sa plitar; napa nanryen mal avek sa, me annou pa dir annou pa donn, annou pa pas en Lalwa akoz i annan serten endividi ki pour benefisye avek.  Sa ki mon issue avek parske nou kapab propoze, zot kapab anmenn en Private Members Bill e mwan mon dir ek zot si zot annan en Private Members Bill to without effect mon pour vot an faver pou dir ‘si en former President ouswa Vice-President apre ki in retire i pe ganny son bann benefis, me evantyelman i ganny convicted pour en criminal offence kot in abiz son Lofis ouswa kot in abiz son Lofis e i pour perdi tou sa bann benefis, mwan mon pour siport sa.  Sa i en keksoz rezonnab, me annou pa dir nou pa pour donnen unless ki i annan rezon valab.  E nou’n vwar poudir rezon valab letan nou get li dan en fason obzektif ler pou dir sa Lalwa pe demann bann keksoz ki rezonnab Mr Speaker. Mr Speaker letan mon’n get sa i fer mwan asize mazinen en keksoz, annefe i annan serten pei mon pa pour nonm sa bann pei, akoz ou pour konnen lekel par egzanp pa tro lwen ek nou, i annan bann pei kot ou vwar bann non ki fer politik ou a dir i annan en dynasty of some sort kot ou vwar serten non, papa i fer politik, piti i fer politik, pti zanfan i fer politik.  Ou pour vwar sa, non nou pa pe koz Onorab Ferrari mwan Gervais Henrie…

 

(Laughter)

 

HON BASIL HOAREAU

Wi, me koumsa ok?  Ki ou vwar se i kontinyelman in vin koumsa, i annan serten pei ki koumsa.  Mon pa anvi Sesel i vin koumsa, mon pa anvi kot demen zis bann dimoun ki sorti dan bann fanmir ris ki santi zot kapab fer politik; ouswa zis dimoun sorti dan fanmir ris ki aspire pour li ariv to the, pour li hold the highest Office in the land. Akoz mon dir sa?  Ou bezwen parske sa dimoun ki li i ris li, li i kapab dir ou ‘be kantmenm ou pa pe donn mwan tou sa bann benefis i ok, mwan mon annan larzan mwan.’ Mon vini mon antre da politik mon vin Prezidan pour 2 Term 10an apre 10an mwan mon larzan pour ed mwan, mon larzan ki mon annan mon kapab afford pour rod personal security, mon kapab afford pour mon ganny rod mon bann transpor, sa i kapab arive, lefe ki si ou annan en dimoun ki sorti dan en fanmir normal, en fanmir ki pa ris, li zis annou pran Onorab Henrie ok en dimoun ase zenn santi li i annan sa kapasite pour li demen al aspire to hold the highest office in the land napa problenm sa ok, me eski letan i kalkile i dir be ok fer konmsi mon annan 40an, i annan 40an i dir be letan mon fini hold mon annan 50an mwan, letan tou dimoun i konnen letan ou’n fini hold Office of the President ou pour al anploye, ou pa pour al anploye ou, i pa pour fer sans i pa pour byen pour en Prezidan al ganny anploye dan avek en swa dan Prive ouswa dan Gouvernman i enposib, i pa pour arive.  So at least sa dimoun i konnen poudir be gete letan mon fini mon Term mon annan sa bann perks benefis ki pour ed mon pour kontinyelman mentenir en lavi din avek dignity.  Sa i enportan.  Me eski si nou pa donn sa bann benefis, eski ou pour annan sa bann dimoun ki pour aspire to be, pour vin hold the Office, The highest office in the land? Pou napa; ou pour napa ou pour annan 2 kalite kategori ou pour annan swa dimoun ki ris, ouswa ou pour annan dimoun ki letan in fatige, letan in fini fer son karyer i pe al retire in any event, ouswa in devret retire li i dir ‘be ou konnen kwa be la mon krwar mon ava al sey run pour Prezidan prezan akoz tou fason i ti bezwen retire li be ou pa pou ganny bann dimoun in their prime.  Sa ki mon pwen, dimoun kot letan i kapab donnen i annan sa lenerzi e sa abilite ou pa pour ganny zot, zot pour toultan petet letan zot pe fini zot karyer la ki zot ava deside vin sa, ouswa parey mon’n dir mon pour kit politik pour dimoun ki i annan larzan. Mwan mon dir annou met bann Kondisyon ki pour permet tou dimoun ki anvi vin Prezidan Sesel i santi zot alez pour zot vin Prezidan sa pei.  E mwan Mr Speaker kot i konsern sekirite osi i tre enportan.  Ozordi desizyon ki en Prezidan i pran Sesel i pa neseserman ki son lenpak i reste selman, selman Sesel, desizyon en Prezidan ozordi i kapab annan lenpak dan lezot parti Lemonn e sa i enportan ou kapab letan ki ou pran en desizyon ou tous serten group teroris par egzanp be i enportan ki ou ganny sa sekirite.  I enportan pour dir sa Prezidan letan i pe pran sa desizyon i konnen poudir be gete mwan zour mon retire still mon pour annan sekirite mon pa pe mazin la, be la mon annan sekirite la letan mon dan Lofis, me eski letan mon’n sorti dan Lofis mon ganny exposed?  Ou pour fer sa Prezidan son lanmen anmare, ou bezwen fer li santi li konfortab letan i dan Lofis ki son desizyon i pe pran i pa pour ganny afekte dan le fitir Mr Speaker.  Mr Speaker deba i annan diferan pwennvi, me sa bann deba mon pa dir i annan serten keksoz, bann keksoz ki’n ganny dir ki mon pa dakor avek me i en deba ki normal.  Annefe letan mon’n fer mon resers parey mon’n dir, mon’n vwar lezot pei kot mon’n nobou ganny akse ek zot bann deba ki’n pas serten dan serten bann Parlman parey Guyana, ti en deba ki ti so, deba ti so lo la.  I normal, e i normal osi pour pep Seselwa letan demande e dir be sa mon larzan ki mannyer i pe depanse, normal pour demann kestyon napa problenm ek sa.  Me nou osi bezwen get sa i enportan pour nou koman nou politisyen e osi pour nou pep get sa dan en fason rezonnab, get sa avek sa Lofis.  Me i enportan pour demann kestyon, i enportan pour nou fer en deba lo la.  Me annou at the same time annou pa sey fer bann pwen pour sey score, bann pwen zis pour dir, pour politik, i enportan nou get li dan en fason tre obzektif.

 

(Interruption)

 

HON BASIL HOAREAU

Non ozordi, ou ti dir mwan yer koz kalm, mon pe koz kalm ek ou e mon espere ki mon kapab convince ou Onorab Ferrari. Mwan Mr Speaker mon pou dir ki mon hope ki petet nou kapab trouv en middle ground antre nou la dan sa Lasanble pour nou nobou at least pa bezwen ki nou zet sa Bill an, dan son totalite me nobou pran serten keksoz ki nou kapab dir be ok an komen nou dakor ek serten keksoz.  En pwen petet ki mon dakor petet pou dir a sa moman la petet surviving spouse nou pa devret pe pran kont la, sa mon pour dakor avek sa la, annou pa pran surviving spouse la, annou kit benefis selman pour former President, annou retir surviving spouse, sa mon dakor avek.  Sa mon dakor avek e mon krwar ki si nou obzektif i annan serten keksoz ki nou kapab tonm dakor lo la e nou a fer sa Bill pase si fodre annan lamannman nou ava amande, e se sa mon ki mon pe dir Mr Speaker.  Mr Speaker mon pour fini par fer en ptipti referans ek Progressive Income Tax ki Onorab Andre in koz lo la, nou osi lo sa kote latab nou’n koze lo Progressive Income Tax pandan Bidze e nou osi nou’n dir e nou mentenir ki i devret ganny entrodwir an Zanvye 2018!  Sa i en keksoz ki nou’n dir sa nou, nou’n dir depi dan Bidze nou, depi dan Bidze

 

(Interruption)

 

HON BASIL HOAREAU

…nou dan Lezislatif nou, nou pa dan Egzekitiv, me nou pe demande parey zot nou pe enplor Gouvernman –  nou pe enplor Gouvernman- e ozordi se Vis-Prezidan ki pe reprezant Egzekitif devan nou Lasanble, mon enplor avek Vis-Prezidan pour donn sa Progressive Income Tax an Zanvye 2018.  Mersi.

 

(APPLAUSE)

 

MR DEPUTY SPEAKER

Mersi Onorab Basil Hoareau.

 

(Interruption)

 

MR DEPUTY SPEAKER

Ok order!  Order!  Onorab Sandy Arrisol.

 

HON SANDY ARRISOL

Mr Speaker bonn apre midi, bonn apre midi Vis-Prezidan, bonn apre midi tou Manm Onorab.  Mr Speaker i fer dezyenm zour ozordi ki Lasanble Nasyonal pe diskit lo Prozedlwa pour donn larzan en pti group dimoun.  Yer nou ti pe rod donn larzan pour Sekreter Zeneral Parti – ozordi nou pe rod larzan pour Per Fondater avek Prezidan Onorer.  Sa se Msye Rene avek Prezidan Michel.  E sa ki nou osi bezwen pran kont se ki pour Bidze, nou dan sa Lasanble nou’n ganny dir tou sort kalite leskiz, nou’n ganny rakonte tou sort kalite zistwar akoz serten Minister oubyen travayer Seselwa pa kapab ganny en bon deal.  Yer nou’n koz lo la, ozordi tou sa bann pwen in ganny resorti ankor.  Me parkont nou vwar Vis-Prezidan ozordi ankor avek en Proze Lalwa ki pe demann nou pour donn serten benefis 2 dimoun; oubyen trwazyenm dimoun si i enkli son madanm pour zot ganny serten benefis e sa bann benefis zot deza pe donn en bal ladan.  Alor i annan en keksoz ki Seselwa i bezwen konpran byen laba deor, SPPF li letan i fer son Kanpanny, i fer Kanpanny avek en bi, se pour li vin o pouvwar; secure son 5an apre pandan sa 5an la zot get zis zot dalon parey nou vwar egzakteman sa ki zot pe fer ozordi.  Zot pe rod ansyen Prezidan avek Mr Michel ki fek sorti ki’n taye dan son pos alor i pe rod larzan.  SPPF letan zot fer zot Kanpanny zot promet dimoun tou sort kalite lesyel ek later apre zot vini zot pran zot plas, zot asize apre zot rod zis sa ki bon pour zot dalon, zis bann ki pre obor zot parey nou pe fer egzakteman ozordi.  Mon kontan Onorab Hoareau in koz lo Guyana, selman i annan en keksoz in pa’n dir nou lo Guyana, Guyana, Ghana ozordi dan Sud L’Amerique i ganny konsidere koman en pei pli prov e koripsyon laba pe fer letour.  Set egzakteman sa bann kalite privilez zot dir pour gannyen pour donn zanfan, pour donn madanm egzakteman sa ki’n amenn Guyana, ozordi pour tonm lo son zenou.  Alor nou, nou pa anvi nou pei i fer fas avek sa.  Nou, nou bezwen parey nou dir partaz larises egalman avek sa ki nou annan.  Mr Speaker Lalwa sa Bill ki devan nou pe fer ki nou donn serten benefis 2 dimoun spesifik, sa Mr Rene parey in ganny dir avek Prezidan Michel.  Bomaten letan Onorab Gill ti pe koze in donn nou en lektir byen kalm ozordi, i en pti pe pli kalm ki yer en lektir lo ki fason gran mersi Mr Rene in donn nou ledikasyon.  E apre Onorab Andre in fer li konpran poudir sa enkli dan nou Konstitisyon napa personn ki kas ou latet ki met ledikasyon dan ou latet, me ledikasyon sa i ou si ou anvi gannyen, si ou anvi aprann, ou aprann.  Me apre i annan en bout lenformasyon ki Onorab Gill pa’n donn nou koman enn sa bann ansyen dimoun, letan i ti pe koz i annan plizyer bann zenn ki pa ti la letan sa bann dimoun ti pe fer sa lalit, i annan en bout lenformasyon i pa’n donn nou.

 

Sa lenformasyon ki Onorab Larue in koz lo la, letan nou get Mr Rene par egzanp, letan Onorab Larue in koz lo Mr Rene bann keksoz ki in fer, sa osi i en bout listwar ki toultan letan Onorab Gill i koz nou lo Kolonyal i pa mansyonn nou ki’n pase anba Mr Rene. I enportan mon pa konnen si Shillington in re ekri listwar, me i pa’n azout sa bout dan sa nouvo liv ki in fer, ki ti ganny tire kot Ledikasyon, be sa osi i form parti nou listwar letan zot koze dan Lasanble zot bezwen dir. Mr Rene ozordi Bill pe demann nou pour donn li serten keksoz, be parey in ganny dir, Mr Rene depi ler in pran pei parey in ganny dir bomaten in ganny li en zoli morso later borlanmer, i annan son Lasose e i pe ganny privilez en Kan Larme ki peye par taxpayers money ki asiz obor li, e letan nou get Madanm Geva Rene ki reste anler Legzil, li osi koman en ansyen Madanm Prezidan i ganny li en privilez en Kan Larme, e Mr Rene letan i ti la, i ti fer sir ki Fondasyon NCC i ganny kree senpleman pour Mrs Geva Rene sa letan ganny en keksoz pour li fer oubyen an menm tan pour li ganny en pti sours reveni koman en imen, ler i kite avek Mrs Geva Rene i kontan Mrs Sarah Rene ki nou vwar?  Mr Rene i ouver CARE Club, pa bezwen grense zot nou, nou pe dir larealite lavi nou pe montre zot kote sa bann dimoun in benefisye anndan nou pei pandan tou sa lannen e zot, zot pa anvi koz lo la zot nou, nou pour koz lo la nou.  CARE Club in ganny fer pour ki Mrs Sarah Rene i ganny anmase ok?  e ozordi Mrs Rene nou aprann parey in ganny dir bomaten i annan plizyer morso later ki i annan plizyer biznes e zot koman SPPF zot pe anmenn en Bill pe demann nou pour aprouve, pour fer sir ki sa bann menm group dimoun zot ganny ankor lo ledo Seselwa! Be manrten komedi Onorab Sophola, be eski i normal sa?

2enm Bill pe fer provizyon ki Mr James Alix Michel i ganny serten privilez ankor anba sa Lalwa.  Ki kalite privilez ki Mr Michel oubyen Mr Rene pour gannyen, be selman i enportan parey in fer listwar lo Mr Rene, be ti a bon nou pas en kou lo Mr Michel, letan Mr Michel in la koman Prezidan ki kantite privilez li in gannyen koman Prezidan, e la letan in la dan son pos koman Prezidan, kwa ki’n pase anba son direksyon, nou’n tann envestigasyon lo FIU avek NDEA letan kont in arive ziska prezan lenvestigasyon pa ankor fini nou’n ariv R217 milyon larzan Seselwa anba gidans Mr James Alix Michel.  Linyon Estate La Digue anba direksyon Mr James Alix Michel i dwa Gouvernman R30 milyon zis tax enkli bann endividi ki dwa 1.5 milyon tousala anba son direksyon.  Letan zot in donn en bal zot in la koman Prezidan zot, zot in ganny tou sort privilez zot, zot in donn bal dan nou larzan zot in fer sa ki zot ti kapab siporte par en mazorite SPPF ki ti la dan Senkyenm Lasanble e zot pa’n dir absoliman nanryen.  Prezan sa bann menm dimoun zot tournen zot dir ek nou fodre sa bann dimoun i ganny sa, i ganny sa, i ganny sa, i ganny sa, i ganny sa, be sa madanm laba anler St Louis li, li i pour kontinyen espere Progressive Tax i pour komans Zilyet pour li akoz Gouvernman napa larzan, selman zot pour vwar larzan pour donn Mr Michel, pour donn Mr Rene avek Mrs Rene sa dimoun St Louis pa pour ganny nanryen?Toultan, mon kontan ki mannyer zot koze letan zot pe koz pour rod larzan pour donn enn zot dalon, zot fer letour lemonn ek nou zot pas L’Amerique, zot desann L’Angleterre, zot al en kou Guyana, en ler zot al en kou, zot fer tou sort, zot fer letour lemonn pour donn zot dalon en pti larzan, ler pour sa Seselwa la zot dir li i a vin au fur à mesure zot pronons byen, la liaison tou zot fer ‘fur à mesure…’

 

(laughter)

 

HON SANDY ARRISOL

…sa Seselwa li i a ‘fur à mezir’ ler pour donn zot dalon zot fer letour lemonn nou sa ki nou, e zot desann Kenya tou en, zot al Kenya tou obor nou la, zot fer letour pour donn zot dalon en pti larzan.  Mwan mon pe dir ek zot ozordi pour enportan pour dimoun laba deor konpran en keksoz, poudir SPPF toultan i konn zis zot lekor.  E zot konn dimoun 3 Mwan avan Eleksyon, zot vini avek fridge, flat screen, La Digue zot ti ganny kabinen, zot ganny rigol, zot ganny transe apre ler zot ganny Eleksyon zot kit pti dimoun ater zot, zot get zot lekor tousala in ler pou arete. Prezan dan sa Proze Lalwa i pe dir ek nou, nou pour bezwen donn allowance ekivalan Asistan, Private Secretary, Lofis, Mr Rene in azout en bout Maison du Peuple laba mon tande in met lift tou in aranze byen tinted ou pa vwar anndan!  At what cost, lekel ki ti peye sa larzan SPPF, larzan piblik, larzan taxpayers money?  Savedir i deza annan en Lofis, i deza annan Sekreter.  Mr Michel i dan deza annan Espace en building ki in gannyen Prime Land pour nanryen laba prezan in vin son pti Royaume kot li i reste, SPPF letan zot ti dan Lasanble pour zot sa ti ok sa en mazorite dan Lasanble les sa pase.  La ozordi i sitan annan “Espace dan lespas’ i pe lwe building avek lezot dimoun.  Be akoz i pa ganny en Lofis ladan pa i deza annan lespas pour li ganny en lot building, en lot Lofis pour li?   Se lepep Seselwa menm ki pour donn “Espace dan lespas?  Zot i en pti pe tro bokou. Annou desann lo Sekirite, Sekirite ozordi nou aprann poudir Mr Michel i ganny li 19 Bodyguard pour mars avek, kestyon ki mon anvi demann Vis-Prezidan ki la ozordi, ki pese ki Msye Michel in fer ki i per?  Parske Mr Rene mon vwar li i desann ek son 2 jeep kantmenm en pe tola, tola i pran en pe letan pour ariv Anvil napa problenm, selman i annan 2 jeep li, li i dan enn, deryer i annan 2 Sekirite be akoz Mr Michel i bezwen mars ek 19?  En Platoon Larme – i fer Parad tou le 5 Zen pour li mars avek?  Mon krwar i en pti pe an tro, legzanp ki nou bezwen donnen Vis Prezidan ki la ozordi dan Lasanble Nasyonal Mr Speaker tou le Sanmdi i Bazar li, tou le Sanmdi Msye Vincent Meriton ki la Vis-Prezidan i Bazar, i Bazar mwan mon zwenn li li i zwenn mwan.  I koz ek tou sa dimoun dan Bazar avek diferan lopinyon politik, me selman li desann ek son sak rouz, mwan mon desann ek mon sak ver i ok sa, i koz ek tou sa dimoun dan Bazar.  Personn pa bat li, personn pa kras lo li, personn pa dispit ek li e en Bodyguard i napa dan Sanmdi i busy sitan pe rod tou sa ki i bezwen pe rode, apre i sorti trankilman. Be Msye Michel i mars ek 19…li i mars…

 

(Interruption)

 

HON SANDY ARRISOL

Mr Speaker Vis-Prezidan pa sipoze enteronp mwan li en, la i mon sans koze apre i ganny taler en, ok, so nou….

 

MR DEPUTY SPEAKER

Kontinyen Onorab.

 

HON SANDY ARRISOL

Non, non sa ki mon pe dir i vre e Vis-Prezidan i konnen e plizyer dimoun Bazar zot vwar sa, i la li tousel.  Unless i annan gerila dan bann kasyet, kasyet ki nou pa vwar ki mon pa tro krwar parske li i pa en zonm Gerila.  E Vis-Prezidan i en legzanp.  Konmsi mon pe rode akoz ki Msye Michel i bezwen ganny 19 zonm pour mars avek li kan li menm li koman en endividi i bezwen kapab feel free e tousala lekel ki peye sa?  Deza Leta ki pe peye anba SPDF e la mon menm aprann poudir i annan en Dokter spesyal in vini pour li, en Cubain  ki SPDF menm ki peye ki pour kekfwa taler Onorab Hoareau i kapab convince sa pour nou ki tousala peye par Leta ki pe get en sel dimoun, konmsi nou bezwen balanse.  Yer nou’n dir lo pour lo kote Sekreter Zeneral Parti poudir nou’n sey negosye avek zot nou dir get sa pour Seselwa ordiner pour komans Zilyet alor nou a kapab komans Zilyet pour Sekreter Zeneral.  Zot in ensiste non fodre Zanvye i komanse.  Nou pa kapab kontinyelman pour en senp pti group dimoun dan sa pei pour zot kapab kontinyen ganny tou sa ki zot devret gannyen.  Me Mr Speaker mon krwar i pour enportan pour nou fer sir ki letan nou pe koz lo sa bann zafer ki tousala i bezwen balans byen, nou pa kapab kontinyelman annan, la pe demann nou donn zot Drayver, donn zot 2 loto be ki mannyer en dimoun i kapab mars dan 2 loto?  En dimoun i kapab al dan en sel transpor, me parkont la Onorab Hoareau in fer en pwen tre kler taler poudir dan Konstitisyon i dir poudir sipoze ganny son Gratwite avek son Pansyon sa i la.  Be letan ou kalkil sa Pansyon ek sa Gratwite eski sa 2 Msye, Mr Rene ek Mr Michel pa kapab ladan ganny son Sekreter li, i swazir en dimoun ki li i ti a kontan vin son Sekreter i peye i gete konbyen i kapab koute i peye, i deza annan Lofis, zot deza pe servi Internet oule dir mwan nou ki pour pey Internet pour zot get lo Facebook dan Lari Bazar ki pe pase?  Mon krwar i en pti pe tro. E Lalwa i menm fer provizyon pour ki zot Fineray se Leta ki pour deal avek.  Mwan mon rapel Minis Finans ti vin dan Lasanble i ti dir ek nou apartir 2018 tou tax lo bann zafer Fineray i pour ganny desann apartir Zanvye, be alor ,sa osi Leta ki pour cater pour zot?  Mwan mon krwar parfwa i annan e pti pe tro ekstravagans dan tou sa bann zafer Mr Speaker, mwan mon krwar parey nou pe dir i pour enportan pour nou konnen vreman ki Vis-Prezidan pe vin avek?  Kwa ki zot vreman anvi ladan, parske tou sa bann zafer ki zot in demann nou la pa pour kapab ganny donnen parske, sa 2 dimoun letan nou pe koz 2 dimoun i sanmenm sa 2 ansyen Prezidan ki Msye Rene avek Msye Michel zot deza pe ganny tou sa ki ladan.  Be lot kestyon ki mon demann mon lekor, be si sa Lalwa pa ti vin devan Lasanble la pour sey dir nou a donn en pti kwiyer dan sa enn, donn en gro kwiyer diri dan sa enn, donn en kwiyer bouyon dan sa enn, be ki bal sa 2 dimoun ti ape donnen alor pandan tou sa letan?  I annan i ganny 2 loto, i annan i ganny 3 loto, i annan i ganny 19 bodyguard, i annan i annan 4, 5 Lofis, alor konbyen bal pandan tou sa letan zot ti pe sey donnen.  Mon konpran kekfwa Msye Faure avek Msye Meriton la zot pe sey met en lord dan tousala, be tou sa bann zafer in pase e in pas lo ledo Seselwa e in pas avek laprouvasyon mazorite SPPF ki ti la dan 5enm Lasanble ki zot pa’n fer absoliman nanryen apard zis vote, vote, vote e apre la ozordi avan lannen fini nou, nou ganny en Bill ki pe dir ek nou donn larzan.  E letan mon pe mazin sa, mon mazin plizyer travayer ki pe ensiste avek nou zot silvouple sa Progressive Tax i pour bon pour nou nou’n ganny dir, i pour annan en pti larzan dan nou pos ed nou, fer sir ki Zanvye i ava la, be Gouvernman i dir ek ou non, non, non! Ou pour bezwen komans an Zilyet.  Alor Mr Speaker mwan mon pe dir si napa larzan pour Seselwa an Zanvye ganny Progressive Tax i pa kapab annan larzan pour nou donn 2 dimoun ki deza in benefisye dan sa pei.  Nou granmoun ti dir ek nou lontan ler ou travay met en pti larzan 2 kote pour plitar, pour letan ou’n vye, pour letan ou’n malad, letan en Prezidan zot saler i bokou pli o ki tou lezot Seselwa zot napa en pti rezerv dan zot Kont pour zot kapab soutenir zot lekor plus zot pansyon avek Gratwite ki Leta i deza pe donn zot ki fer provizyon dan Konstitisyon.  Parey Onorab Hoareau in dir, eski nou bezwen vwar larzan an plis pour donn sa bann dimoun benefis an plis, mwan mon krwar i en pti pe ekstravagans.  E nou lo sa kote e parey mon pe dir nou pa pour kapab siporte sa parske letan Onorab Clifford in dir Anse Aux Pins i ti a preferab vwar sa larzan nou kapab benefisye nou bann travayer laba deor.  E la nou annan en kantite travayer ki pe esper en pti keksoz mwan mon ti preferab donn sa bann dimoun dan nou distrik ki bezwen, me pa donn ankor menm dimoun parey in ganny dir.  Alor mon ti a kontan Mr Speaker dir poudir i pour enportan pour nou balans tou keksoz, fer tou keksoz byen, fer tou keksoz kler, sa 2 dimoun nou pe koz lo la enkli zot madanm ki pour ganny en keksoz a lafen letan zot in mor i pour enportan pour nou mazin bann Seselwa ordiner laba deor, bann travayer Seselwa; par egzanp dan distrik Takamaka avek dan distrik Pointe Larue kot zot MNA i kontan pa fer mansyon lo zot.  Alor Mr Speaker mon ti a kontan dir mersi pour sa 2 pti mo ki mon’n dir e apre taler letan nou ava al dan Committee Stage nou a gete kwa ki Vis- Prezidan ki la i ava annan pour li partaz avek nou.  Mersi bokou.

 

MR DEPUTY SPEAKER

Mersi Onorab Arrisol.  Onorab Loizeau.

 

HON NORBERT LOIZEAU

Mersi Mr Speaker.  Bonzour Vis- Prezidan, bonzour tou dimoun. Mr Speaker mersi pour ganny en sans pour koz lo en size vreman enportan e pour mwan letan mon get sa Bill ki devan mwan, mwan i annan zis en keksoz mon ti anvi dir avek Vis Prezidan, pran sa Bill re draw li al avek State House les sa bann boug kontant zot avek sa pti keksoz zot pe gannyen la.  I annan zis en keksoz, si mon ti ou ti pour annan zis en keksoz mon ti pour fer selman ou pa ankor fer li.  Mr Speaker mon dir sa ou konnen akoz?  Akoz mwan ler mon get sa ki pe arive la, mon pa vwar li en moman apropriye pour fer en keksoz koumsa.  Ler Seselwa pe struggle, bann fanmir pe struggle, la i annan en madanm son fanmir fek mor pe struggle pour fer son Lanterman zot, zot pe mazin pour donn sa bann dimoun tou sa bann keksoz? E ozordi pri, lannen prosenn pri bis pe al monte, elektrisite bokou zot, zot in koz lo la, fuel.  E sa bann keksoz i pa afekte ansyen Prezidan li, akoz li i ganny tou li, in deza pe ganny en Pansyon sepa konbyen mil, i pe ganny Pansyon lo Gratwite, lepep Seselwa pa gannyen sa.  Lepep Seselwa zot, zot kontinyen trimouse pour zot kapab ganny en keksoz e mwan mon vwar li i unfair lo lepep Seselwa sa ki zot pe anmenn devan, se pour sa rezon mon pe dir Vis-Prezidan tir son Bill al avek. Mr Speaker ler mon get sa Bill parey lezot dimoun in koz lo la in dir i annan 2 Prezidan ki nou pe mazinen ki pour al benefisye ek sa, sa se Mr Rene e Mr James Michel.  E parey taler oparavan Onorab Larue in fer resorti sa 2 dimoun zot, zot ti vol pei zot, zot ti overthrow Mr Mancham zot ti vin par lafors e zot ti pran pei, nou pa ti ganny letan sa bann letan, pandan tou sa bann letan Mr Speaker zot in donn bal e ler zot ti dan Lofis sa bann letan, zot in kontinyen donn bal.  Dan letan Parti Inik zot in donn bal; pa zis zot ki’n donn bal i annan ki’n benefisye, bann ki vole zot tire zot met laba, lot i pran en pti kou la zot tir li zot met laba.  Tousala in arive anba watch sa 2 dimoun.  E zot, zot pa’n fer nanryen nou ti menm tande ki i annan pye larzan State House zot rapel en letan?  Nou ti ekri lo la larzan ti pe donnen zi dimoun i monte zot bann rol e zot ti donnen. Mwan mon krwar Mr Speaker sa bann dimoun zot in byen pase; zot in menm tro byen pase 40an, 40an oule dir mwan zot pa ankor kapab annan en pti keksoz pour ou menm pour zot fanmir kapab anter zot?  Nou ki bezwen met dan en Bill pour donn zot tousala.  Be mwan lekel ki pour anter mon, pa mon fanmir?  Mon fanmir ki pour anter mwan.  Mon pa dir Leta anter mwan.  Mr Speaker mwan mon krwar sa ki zot pe gannyen la i ok, zot pe ganny zot, zot Pansyon, zot pe ganny zot Gratwite lo Pansyon ki annan dan Konstitisyon ki nou pa kapab fer nanryen lo la fodre omwen nou amande, kontant zot avek sa ki zot pe gannyen.  Sa bann zot pe rode la pran sa fou sa laba!  Mr Speaker e la, mon anvi pas en pti gin dan bann keksoz ki zot anvi gannyen la; 2 loto, 2 loto pour Prezidan, ki pour al fer ek 2 loto?  Tou son lavi in antoure ek jeep me la in ariv en letan ki ou kapab aste en loto pour ou menm! Mwan mon anvi demande si konnen pri en larou loto, pa konnen?  La i en moman pour li konn pri larou en loto konn pri ki mannyer pour li al lo laponp fuel pour zot kapab ganny en keksoz, fer li zot menm.  Fodre nou donn zot?  Mwan lekel ki donn mon loto?  Mon ganny Duty Free selman mon aste, zot nou bezwen donn zot? E la en Biro, ki mannyer nou kapab donn en boug en Biro ki’n kit Biro in taye, i pa’n taye in kit Biro?  Nou oule donn li Biro.  Eleksyon ki’n pase la ki ti arive apre ki LDS ti ganny 15 lo 10 ki ti fer?  Taye kit zot anpandan i ti kit Biro la prezan nou oule donn li Biro, ki ou pour al fer dan Biro ou taye ou kit Biro?  I pa bezwen Biro.  Mwan mon krwar – Sekreter, be en Sekreter Mr Speaker?  Akfer?  Ler ti dan Lofis in rezouir tousala.  La si i anvi al fer son Fondasyon, son bann lezot keksoz, mon krwar i merit kapab fer.  Sa bann kontak ki i annan ek Arab, ek lot mon krwar i merit dan en pozisyon pour li kapab fer sa.  E sa laz ki in arive ki Biro ou pe rode?  Ki Sekreter ou pe rode sa laz?  Sa laz ou merit pe relax enjoy ou lavi.  Si nou, nou santi i annan en pti zafer nou anvi anvoy ou deor koman Prezidan pour al prezante, la nou a pey tou bann expenses ou ale, ou al fer ou zafer apre ou a tournen, ki oule plis ankor?  Relax ou lekor sa laz ki’n arive. E Sekirite Mr Speaker, mon pa, nou merit fer en fason ki dan Sesel nou kapab mars lib, ki nou per?  En pti pei 85, 90, 000 dimoun nou’n arive per kanmarad?  Parey Onorab Arrisol in dir taler Vis-Prezidan, vre mon osi en ler mon war ou mon dan Legliz dan ban dan Sanmdi, mon vwar ou, ou vini, ou sote be personn pa’n touy ou.  Pourtan dan ban i annan dimoun ki asiz par deryer ou ledo, personn zanmen in deza trangle ou.  Ki i per?  Mr Speaker letan ou senm laterer la aprezan ou viv dan lafreyer, sanmenm sa ki arive,

 

(APPLAUSE)

 

HON NORBERT LOIZEAU

…ou senm laterer ou viv dan lafreyer.  Be mon marse Anvil mwan, mon marse Anvil mwan, mwan napa bodyguard mwan, mon pa fer personn ditor, mon pa fer personn nanryen.  Fodre en boug ensinifyan i a vini a vin sey antre kot mwan, pour sey vin atak mwan, me selman fodre i vin byen.  Sa i enportan. Mr Speaker taler Onorab Henrie in koz lo en keksoz, i annan en term in servi “cradle to the grave’ e sa konmsi mannyer zot in fer zot pour kapab fer tou pour lepep Seselwa ziskan ler ou pour al dan ou trou Simityer selman sa bout Simityer la zis Prezidan Larepiblik, zis Prezidan ki pour benefisye, ok?  Zis Prezidan ki pour benefisye mon konnen ok sa mon napa problenm petet son post ki i ti ete i merit ganny sa mon napa problenm. Me ler nou, nou krwar depans in fini lo la Mr Speaker apre ki nou’n vini nou’n anvoy son pti fler, pti kouronn petet i annan enn de ki pa’n tro, tro kontan li in larg 2 pti ros lo son serkey pour tir zot lakoler nou pa konnen.  I annan en madanm ki pour vini la, i annan en madanm ki pour vini ki pour vin rod son pansyon aprezan ler nou, nou krwar nou’n fini avek en fardo en madanm i vini i vin rod en pansyon, en pansyon lo pansyon Prezidan, akoz li in marye ek Prezidan.  Parey Onorab Hoareau ti dir taler.  Mwan mon pa kont.  En madanm i ganny son Pansyon Prezidan si ou’n viv ek sa Prezidan dan Lofis, ler in dan Lofis e ler in sorti dan Lofis ler i mor ou ankor la, la nou a ganny en konpran.  Petet nou a donn li en pti keksoz me ou pa kapab pa la dan Lofis apre ki ou ou’n ganny sepa konbyen lannen apre ou deside zwenn en zenn pti madanm aprezan bann moman koumsa la ou pa pour kapab rod en vye dimoun ou laz.  Ou bezwen rod en zenn pti manrmay pour kapab zwe, zwe ek ou, tous, tous ou konpran?

 

(Laughter)

 

HON NORBERT LOIZEAU

Non, be sa i serye sa, ki zot pe riye?  Zot pe, ou bezwen rod en dimoun ki pour kapab okip ou,

 

(Laughter)

 

HON NORBERT LOIZEAU

Mr Speaker ou pe size mwan ou?  Pour ki i kapab okip ou apre detrwa lannen ou mor nou ki bezwen okip li aprezan.  Li i annan 25an en pti ma tante 25an apre nou, nou bezwen okip li donn li son bann bezwen zis akoz li in al rod en fardo apre li lanmor in pran li?  Mr Speaker sa set en bann keksoz ki mal e pli boner Vis-Prezidan in koze in dir i dir apre bann travay nob ki Prezidan in fer 24 lo 24 zot in travay me parkont i annan bann travay ki pa’n nob.  Mwan mon pe mazinen ki kalite travay nob ki zot in fer ler zot pe asize aswar pour mazinen ki mannyer pour met Mr Dingwall a dan Prizon, dan Kaso?  Ler nou, nou pe asize obor semen Gard Bate i monte i taye i dir nou fodre nou sorti?  Mon rapel tousala.  Pa ti kapab asize, Se sa bann travay ti pe fer ler zot ti pe oppress nou, se sa bann travay 24 lo 24 ki zot ti fer ki aprezan nou bezwen donn zot sa tel rekonpans?  E mon pour tourn lo en pwen ki Onorab Gill (i fek antre), ki Onorab Gill ti fer taler?

In dir ki sa 2 Prezidan zot in fer tou sa bann keksoz.

 

(Interruption)

 

HON NORBERT LOIZEAU

…be koman ou vini pwen i monte, koman ou vini pwen i monte, be wi Mr Speaker be i dir ki ledikasyon se sa bann dimoun ki’n fer annan ledikasyon iniversel Lasante, napa ki pa’n dir, be si pa ti ranvers Mr Mancham konmsi Mr Mancham pa ti pour fer tousala?  Konmsi napa okenn dimoun ki ti pour fer sa?  Mr Gerard Hoareau li i pa ti pour kapab fer sa ek sa bann nide ki i ti annan petet si en zour i ti vin Prezidan, i pa ti pour kapab fer sa?  Zis zot ki ti pour kapab fer sa?  Alors akoz sa nou bezwen donn zot nou, nou krwar ki sa bann keksoz nenport ki Prezidan ki ti vin o pouvwar i pour fer.  E Onorab Andre in fer resorti taler ki sa i dan Konstitisyon e alors tou dimoun ti pour fer.  E Mr Speaker la mon al lo en lot keksoz ozordi nou isi lo sa kote latab, nou’n ganny vote pour en bi nou, lepep Seselwa ozordi si ou trouv in met nou la, la se pour nou tenny sa lanmizik ki zot ti pe danse.  Pour nou tenny sa bal zot ti pe donnen.  Zot ti pe donn bal zot, en ta bal zot in donnen Onorab Gill i konnen – bann later 10 arpan 60, 000 bann bal zot in donnen ok?  Zot in danse zot bal e sa i fer mon mazin, dernyen fwa mon pas Bazardye i dir mwan i pe koz avek en ansyen en dimoun ti travay dan Gouvernman i dir li ‘en be bannla i dan problenm ale al ed zot’ ou konnen ki i dir “sa boug i dir, i dir non Mr Ramkalawan in tenny lanmizik zot pa kapab danse konmela.  Konmsi zot pa kapab anvoy lanmen partou i nepli annan.’’Mr Speaker en terminant mon anvi dir avek Vis-Prezidan mon konsyans pa pour kler si mon vot lo en Bill koumsa, mon pa pour kapab get Zitta Hertel en fanm 75an ki ankor malgre i pe ganny sekirite i ankor pe vann de pti legim Bazar, akoz sa pti larzan pa ase.  Mon pa pour kapab letan mon monte vwar Tant Merina apre Lekol en madanm 65 ekek lannen ki akoz sa pti larzan sekirite ki pe gannyen pa ase i bezwen ed bann paran al sers zot bann manrmay lekol pour li kapab ganny en keksoz.  E zot sa bann dimoun, apre tou sa byen pase ki zot in byen pase nou oule donn zot plis ankor.  E mwan parey mon’n dir mon pa pour santi li byen pour mon get sa bann dimoun dan zot figir si mon vot lo en Lalwa koumsa.  Mr Speaker mersi pour donn mwan sa sans pour mon entervenir.

 

MR DEPUTY SPEAKER

Mersi Onorab Loizeau.  Onorab Aglae.

 

HON EGBERT AGLAE

Mersi Mr Speaker.  Bonn apre midi VP, bonn apre midi tou Manm e tou dimoun a lekout.  Mr Speaker ozordi nou pe debat lo en size vreman enportan.  Nou pe koz bann dues ki en Prezidan apre ki’n deservi son Lofis ki the highest office ki i annan dan en pei ki i gannyen ler i sorti. Mr Speaker le pwen enportan ladan se ki Sesel ozordi in pas dan bokou transformasyon e mwan mon annan en prodwir lannen ’80 savedir en prodwir dan letan Mr Rene e i annan Prezidan ki’n swiv, Prezidan Michel ozordi nou annan Prezidan Faure, Mr Speaker parey tou kou i annan serten Onorab i dir lot kote Onorab Georges ler ou pe fer en Lalwa ou pe fer en Lalwa ki pour benefisye sa ki vini demen e se sa ki sa Lalwa pe fer ozordi, e en Lalwa i pa get en endividi.  Dan Konstitisyon term ki ganny servi i ‘The President” i pa ni dir Prezidan Michel, ni Prezidan Rene, i dir “The President” e a lavenir parey Onorab Georges in dir 2020 i pour annan son Prezidan ki pour vini sa Lalwa, i pour aplik pour sa ki pe vini 10an, 20an, 30an a lavenir sa Lalwa pour deservi sa Prezidan ki ler i kit Lofis.  Mr Speaker ler ou fer en pti parkour lemonn menm si Onorab Arrisol in dir annou pa get lezot pei nou’n fer parkour nou dan Lepep nou kontan fer sa i normal pour nou fer sa bann legzanp pour sitye nou kot nou ete ozordi e get bann balans ki egziste o tour nou akoz nou pa en pei i viv an izolasyon.  L’Amerique li menm par egzanp Prezidan Obama ki’n ale i pe ganny tou son bann perks; ler mon kalkile i pe ganny son Pansyon ki an tou pe ariv li R2.8 milyon par lannen, i pe ganny li en expenses allowance avek son bann Lofis son bann keksoz ki SENA in etabli ki pa desot $500, 000 savedir apepre R7 milyon – pe enport si sa Prezidan ler i ti dan Lofis in fer dibyen pour son pei, ouswa in fer dibyen pour lemonn.  I entitled pour li ganny sa. Mon reste lo L’Amerique ankor koman en legzanp ki i annan serten Onorab ki ler in koze ki dir ler sa Prezidan zot in menm dir Prezidan Rene in vole, zot in dir Prezidan Michel in fer isi in fer lab pe enport, ozordi nou annan en Prezidan Trump Lanmerik ki i en Prezidan konsyansye e i annan bann bokou bann size kontrovers ki fer li letour ozordi.  E lepep Ameriken lamazorite i annan ki regrete poudir in vot pour sa Prezidan, demen eski ler i ale vi ki Prezidan Trump i en Bilyonner li, eski SENA pour dir nou pa pour donn li son dues akoz deza annan larzan, i deza annan biznes isi laba, en SENA responsab pa pour kapab fer sa akoz dan Lalwa i mete, ou bezwen donn li menm si i annan. Mr Speaker mon al La France Prezidan Hollande, en Prezidan ki li menm li i mwen popiler dan Listwar Franse, in sorti dan Lofis li osi in ganny son bann dues, i pe ganny li la valer 5 milyon par lannen pour kouver son depans.  I annan lakaz, i annan en serten size ki ti ganny diskite dan medya Franse konmkwa i annan detrwa propriyete.  Nou pa konnen ki mannyer i ti gannyen me selman i ti annan, in gannyen son bann perks.  I pe gannyen son Sekirite e son bann fanmir, Lalwa dan zot Konstitisyon i preski zot pe ganny gete. Mr Speaker nou al Sud Afrique, Prezidan Mbeki in sorti, li dan son Lalwa i fer ki li i pe pli benefisye ankor, i pe ganny 100 poursan son saler ler in sorti li ok, i pe ganny li lavaler R2.1 milyon par lannen pour son bann expenses ki i gannyen, son Lofis son bann zafer.  Malgre ti annan bann size konsyansye par Sud Africain zot in donn li.  In benefisye akoz i dan Lalwa. Ozordi Sesel nou annan nou 2 Prezidan ki nou pe koz lo la, Prezidan Mancham, defen Prezidan Mancham in ale in kit nou ti annan bann moman letan ki sa 2 dimoun ti dan zot Lofis, mon komans ek Prezidan Rene ki mwan mon’n, ler mon’n ne mon’n vwar li ki’n transform Sesel kot i ete ozordi, i annan bann desizyon ki pa’n dan faver tou dimoun, i normal ler ou en Prezidan pour pran bann desizyon parey kot pa tou dimoun ki pour kontan, i annan bann direksyon ki pei in bezwen pran, i normal sa.  Sa pour dan benefis pep Seselwa, akoz pa tou dimoun sa bann letan ki ti kontan ki ti pe arive.  Ler Prezidan Rene ti la ti pe elimin sistenm Klas, ti en sistenm Sosyalis.  Port Glaud ozordi mon distrik si ou vwar in ariv koumsa ki’n devlope dimoun ti pour reste dan kap ros, ti pour reste anler laba.  Zot mazinen sa, bann dimoun mon pa pe koz lalang zot konnen, se bann desizyon ki ti ganny pran pour devlopman inclusive pour tou dimoun.  Tir nou dan la mizer e ozordi si i annan en Onorab Aglae isi dan sa Lasanble, se gras a sa sistenm ki ti la ki’n fer mon ariv la ozordi. E lot kote latab byensir sansan ti pour annan zis serten dimoun parey Onorab Hoareau ti dir taler, zis bann dimoun ki pour annan larzan ki ti pour dan politik Sesel.  I enportan sa.  Bon apre in vin Prezidan Michel in pran, menm si in dir “pas baton” in pran dan en moman difisil, pei ti dan kriz ekonomik e Prezidan Michel ti brav enough pour pran en desizyon pour nou antre dan en Progranm Ekonomik.  Ozordi Sesel son rezerv i plis ki 500 milyon.  Onorab Afif in dan sa parkour li osi Mr Speaker e in pran en zonm brav menm si ti annan bann bokou, bokou contention poudir la, la nou fini, nou pa ti fini Sesel ti perse, ozordi Sesel i ganny rekonnet. Lo nivo Mondyal nou en legzanp. Mon dakor taler Mr Onorab Gill in dir sa 2 dimoun pa’n parfe zot in fer fot, la lekel la anndan ki pa fer fot?  Lekel ki pli parfe?  Nou tou nou fer fot Mr Speaker pa akoz sa bann fot ki’n arive si nou pe mezir sa bann for ki’n ganny fer e nou get nivo ki pei in arive mon dir i vo lapenn sa bann fot ki zot in fer.  Akoz pei in sorti kot in ete Sesel dan sa fernwar nou’n ariv la ozordi. Mr Speaker i enportan Onorab Flory pe koz 40 poursan lapovrete, si nou retourn 20an, 25an, 30an pase si ti en letid ti ganny fer nou ti pour dir 98poursan petet Seselwa ti pour dan lapovrete.  Ozordi si nou’n kapab sorti lo sa sif ariv lo 40 poursan i vedir ki pei in fer progre.  E si nou konpar lapovrete i annan en dikton ki dir “kwa ki defini lapovrete? ” Onorab Andre in fer en analiz avek en Prezidan laba Uruguay José –Hose ki ti la an 2010 ziska 2015 li in fer swa pour li pa pran son bann pansyon li, in donnen in donn en porsyon – e rezon ki in fer ki in met devan ki in dir sa Prezidan akoz i pa pe pran menm si dimoun i dir li Prezidan pli mizer i dir ou non, li i pa pli mizer, “i dir ou en dimoun ki mizer se en dimoun ki travay pour li kapab keep up avek son bann luxury lifestyle expenses, e ki touzour anvi ankor plis” e li in tir son lekor ladan i pa’n met li avek bann keksoz materyel in viv li en lavi senp.  Sa i son swa sa. Me ozordi mon tourn lo konteks Sesel pour nou 2 Prezidan ki’n travay, bokou Seselwa ki’n petet zwenn Prezidan pour diferan keksoz, sa Prezidan in ed zot.  In ede e in transform pei pe enport Seselwa Mr Speaker ki sorti ki’n viv 25an deor, 30an deor sorti L’Australie, L’Angleterre in vini zot in amazed pa devlopman ki’n annan dan sa pei.  Se gras a Polisi sa Gouvernman ki ti la ki’n fer sa arive, byensir ti annan bann problenm – pa dir ti napa problenm in arive koripsyon anba son watch.  In pase bann problenm tirbilans me annou pa bliye ki Prezidan pa’n diriz pei li tousel li. Ttou Seselwa in ede, i annan Sekter Prive zot osi zot in ede si i annan koripsyon dan sa pei.  I annan zot bann prop siporter osi ki’n ede dan Gouvernman ki’n osi kre koripsyon.  Ler nou pe montre ledwa Mr Speaker i bon nou montre ledwa an byen e dan son sans realite.  Mr Speaker en Prezidan ler i kit en Lofis parey in dir i bezwen sorti avek en dinyite la li.  Mon konnen lot kote i annan en azanda anver serten nou Prezidan, zot ti a kontan vwar li dan semen pe mandyan me i imoral pour nou fer sa arive.  I parey en zanfan ki dezobeir son paran, son paran i bat li, i koriz li pour li vin pli byen e ler sa zanfan li i ariv en laz mazer 18an, 25an in travay son paran in vyei nou pour dir be non, mon pa pour ed mwan paran mon akoz i ti bat mon, mon gard en lanmertim anver li, mon pa pour soutir li, mwan pour pran li mon pour met li Kazern.  Sa si ou en Kretyen ou krwar dan Bondye ou pa fer sa avek en endividi.  E ou pa fer sa avek ou Prezidan ki’n diriz sa pei.  Nou’n ganny stabilite dan sa pei nou pa’n al dan lager nou fer fas avek Pirat Somalyen ozordi nou Prezidan in pran bann desizyon ki pa’n fasil, in kre lennmi, ler ou en politisyen ou kre lennmi, pa tou dimoun ki pour kontan ou, i normal sa, koman MNA tou lede kote latab nou kre lennmi, ou kree lennmi akoz par ler serten desizyon ki ou pran i defavoriz serten me selman the bigger objective ki enportan sa porte pour anmenn pli devan.  E se sa ki nou bann Prezidan in fer dan sa laliny, nou’n anmenn en lalit transformasyon.  E Prezidan Faure in ariv lo en lot letap kot i kontinyen anmenn sa lalit.  E ler i sorti nou bezwen annan en Lalwa ki pour get li menm si li i pa’n annan gro biznes gro isi, gro laba i enportan ki nou Prezidan i sorti dan dinyite.  Mr Speaker pour terminen bokou pe koz lo Espace, zot dir Prezidan i dan Espace tou son Lofis, meyer keksoz se ki Espace bokou bann pti biznesmenn pe lwe Espace laba pour fer zot living zot fanmir.  Nou mazinen sa.  I annan ki’n dir akoz pa servi sa landrwa avan met Lopital isi laba, be in konstrir Lopital la obor nou la i annan en gro Vilaz Perseverance; kot nou ete la ozordi dan sa Lasanble menm si bokou pa ti oule in ganny servi pour fer en Lenstitisyon, Zidisyer i obor nou, dan bann Klinik dan bann distrik lekol in ganny konstrir tousala.  Me Mr Speaker i dan Bill akoz zot osi zot pe koz lo la, si nou anvi koz lo Bill, annou koz lo Bill.  Mr Speaker pour terminen en keksoz menm si nou pe dir ozordi bann travayer ordiner pe esper PIT mon osi mon ti a kontan ki sa PIT ti ava vini an Zanvye ok? Mon ti a kontan me sa larzan ki nou pe pey Prezidan anba sa Emoluments Act i pa ase menm si nou pour dir nou pa pour vot kont, nou pour vot kont, i pa ase pour kouver sa 75 milyon, i pa arive sa kantite ok?  Nou pe koz lo PUC selman ennler nou bezwen Mr Speaker analiz serten keksoz, vre PUC in fer en Lanons be lekel ki ti instigate pour annan en Lanons dan sa Lasanble?  Ler Onorab Afif i monte i dir PUC 600 milyon nou pe sibvansyonnen eski, PUC akoz zot pa vin lo en nivo rantab?  La, la desizyon i ganny pran, PUC i fer monte son tax be zot ki ti pe koz lo la ou dir aret sibvansyon SPTC 20milyon sepa 30 milyon nou pe dir aret sibvansyonnen, be ler i aret sibvansyonnen be kot i ganny larzan pour fer monte?  I bezwen fer monte son tarif, annou get byen nou bann Politik ki nou fer malgre.

 

(Interruption)

 

HON EGBERT AGLAE

Mr Speaker pour terminen mwan mon pour vot pour sa Prozedlwa akoz mon santi…

 

(Interruption)

 

MR SPEAKER

Order!  Order! Order! 

 

HON EGBERT AGLAE

Demen si Prezidan, mon annan mic, mwan ki annan floor silvouple.

 

MR DEPUTY SPEAKER

Order! Order! Kontinyen Onorab.

 

HON EGBERT AGLAE

Mon pe terminen Mr Speaker, Mr Speaker si nou pe mazin 2020 Onorab Wavel Ramkalawan pour pran Prezidans, i pour osi benefisye anba sa Lalwa.  Alors mon demann zot lot kote si i annan serten pti lamannman pour nou fer, annou fer li si nou pa kontan nou pa pour donn surviving spouse, mwan osi mon dakor ek sa akoz mwan osi si demen mon’n marye personn pa take up avek mon madanm ki mon’n marye.  Mon dakor, nou ava negosye, nou ava aranze me selman ler nou pe fer en Lalwa annou fer en Lalwa ki pour tou dimoun benefisye.  Mersi.

 

MR DEPUTY SPEAKER

Mersi Onorab Aglae.  Onorab Esparon.

 

HON REGINA ESPARON

Mersi Mr Speaker.  Mr Speaker sa Prozedlwa ki devan nou ki pe demande ki nou amann Lalwa ki gouvern Pansyon Prezidan pour fer ki i resevwar lezot benefis ki pa dan Konstitisyon tel parey donn li 2 loto, bodyguard, Drayver, Biro, Sekreter eksetera e osi pour fer provizyon pour ki ler i mor son madanm osi a ganny en pansyon.  Mon pour dir si mon pour aprouv sa mon konsyans pour ravaz mwan Mr Speaker.  Si mon lev mon lanmen mon vot pour sa Lalwa mon pa pour kapab get fanmir Alton Ah-time dan zot lizye parske zot ankor pe pler zot frer ki ti disparet pandan sa bann letan ki sa bann menm 2 dimoun ti la o pouvwar, enn koman Prezidan e lot koman Vis- Prezidan. Mon pa pour kapab get Maryse dan son lizye akoz i ankor pe pler son garson Damendra ki ti disparet pandan letan ki sa bann menm Prezidan ti la o pouvwar.  Mr Speaker lafanmir Andre Poponneau, lafanmir Hoffman, lafanmir Jean Guillaume, lafanmir Hassan Ally e lezot ki’n disparet pandan letan ki sa menm 2 dimoun ti la o pouvwar e zot pa’n fer nanryen, mwan konsyans pour ravaz mwan.  Mr Speaker en kantite keksoz mal in pase anba presidency sa 2 dimoun pandan letan ki zot ti la, akoz zot pa’n fer nanryen, eski zot ti konplis?  Eski ti bann krim organize par Leta, oubyen zot ti zis pa enterese?  Si mon lev mon lanmen pour mon vot pour sa Prozedlwa mon pa pour kapab get mon prop clerk ki son garson Ricky Hermitte ti ganny touye dan bann sirkonstans misterye pandan letan ki sa bann menm dimoun ti la o pouvwar e zot ti anvoy Tonton Makout zis ki al dan Simityer pour fer sir ki in mor, in antere e zot misyon in akonpli.  Mon ti la pour temwanny sa Mr Speaker.  Mr Speaker si mon lev mon lanmen pour mon vot pour sa Lalwa mon pour en ipokrit ler mon pour zwenn lafanmir defen Simon Desnousse mon pa pour kapab get zot dan zot figir; si mon vot pour sa Lalwa ler mon pour vwar lafanmir Chang-Him mon konsyans pour sarze. I vre ki dan Konstitisyon i fer provizyon pour Gratwite Prezidan e mon demann mon lekor, akoz ki sa bann dimoun ki ti ekri Konstitisyon pa’n fer provizyon pour sa bann, ki sa Lalwa pe demande ozordi e larepons set bann i akoz bann ekstravagans pa ti neseser, letan nou pe koz lo Gratwite lo Pansyon i fer mwan retourn an aryer e demande eski Vis Prezidan, demann avek Vis-Prezidan olye sa fame Fon ki li menm Mr Rene ti dir i pour kree pour li met son larzan Sekirite Sosyal ladan akoz i pa ti bezwen.  Savedir i ti annan ase, i ti’n akimil ase larises lo ledo sa pep pandan bann letan ki ti la o pouvwar alor i pa ti bezwen sa larzan.  Ti a enteresan konnen lekel ki pe zer sa Fon e konbyen larzan i annan ozordi, alor akoz ki nou bezwen vote pour donn li ankor.  Granmoun i dir ou ler i donn ou manze e dan ou lasyet i ankor annan, pa demann ankor, akoz sa i apel malelve, voras.  Si Mr Rene ti dir nou son kof i plen e i pe al met sa larzan dan en Fon e alor akoz ozordi nou pe rod donn li ankor?  sa osi i apel malelve e voras Mr Speaker.  Ler mon get tou sa bann Prozedlwa ki pe vin devan nou pour demann plis larzan dan pos sa ki deza annan adekwa, i fer mwan mazin bann ki pa pe ganny nanryen.  Mr Speaker mon mazin bann dimoun ki akoz bann cut-off date ki nou’n met dan serten Prozedlwa ki’n fer zot defavorize pour ganny en rekonpans e la mon mazin Mrs Pierre ek Mrs Tirant 2 ansyen Ners ki’n pas atraver bann tel sirkonstans.  Ozordi si mon vot pour sa Lalwa mon pa pour pe fer zot zistis.  Zot napa nanryen zot Mr Speaker, ozordi ler mom pe get sa bann soufrans ki nou pep pe pas atraver ek pri lavi ki pe kontinyelman ogmante e nou, nou pe vin dir donn li ankor e si zot mor, donn son madanm, mon dir Mr Speaker mon pa, nou pe tro ale e la mon kontan Onorab Basil Hoareau e osi Onorab Aglae in dir tir surviving spouse ladan.  Pti a pti zot pe santi ki sa amannman pe demann zot pe demann en pe tro, bokou ekstravagans e mon krwar ki ler sa deba pou’n terminen pour annan ankor ki zot pour dir tire.  Mr Speaker i osi bon note ki si sa Prezidan in pey son Pension Fund sa madanm pour ganny serten benefis anba Pension Fund akoz son Fon Pansyon i fer provizyon pour bann surviving spouse. Mr Speaker pour terminen mon pour dir ki mon pozisyon pa pour sanze, me selman mon pozisyon pa pour sanze.  mon debout a kote sa enn ki napa, sa enn ki mon pe fer tande son Lavwa.  Mersi Mr Speaker.

 

(APPLAUSE)

 

MR DEPUTY SPEAKER

Mersi Onorab Esparon.  Onorab Adelaide.

 

HON FRANCOIS ADELAIDE

Mersi Mr Speaker.  Bonn apre midi a tou, Mr Speaker mon pa pour long, me selman i en Bill ki Baie Lazare osi ler zot in anvoy mon dan Lasanble ler zot ti tann poudir pour annan en Bill ki pour pase zot ti eksprim zot konsern.  Avan mon komanse Mr Speaker les mon solider avek ou permisyon, avek lafanmir Bouchereau avek David Baie Lazare ki’n ganny atake bomaten e fotespere ki Lapolis avek tou bann Lazans, zot a fer le neseser pour ki sa bann dimoun zot ava ganny atrape e ki Lafanmir Bouchereau avek Lafanmir David zot a dezormen santi zot an sekirite.  E la mon pe lans en lapel avek bann dimoun Baie Lazare dan Neighborhood Watch in ler pour nou angaz nou e protez nou distrik.  Mr Speaker merit sa Bill definitivman mon pa vwar li mal akoz mon panse ki si en Prezidan in deside travay pour son pei dan en fason drwat e zis, mon krwar i toutafe normal ki  i erit en pti keksoz a lafen son Manda koman Prezidan.  Me nou bezwen fer sir, nou bezwen fer kler ki Prezidan i bezwen disiplinen e donn sa Lofis son valer.  Nou pa kapab annan nou en Prezidan ki ler i o pouvwar i fer bokou petet bann demagozi apre ler i kite i le ki sa prop pep ki’n deside fer soufer i donn li en larzan, i donn li en pansyon pour li kapab kontinyen enjoy e sa pep li i reste deryer dan difikilte.  Mr Speaker mon pe dir sa mwan osi mon enn ki’n ne dan letan SPUP SPPF mon’n viv sa bann letan me les mwan met lo rikord ki sa bann Prensip pa’n zanmen ne dan mwan, Prensip SPUP/SPPF/Parti Lepep pa’n zanmen ne dan mwan akoz mwan ler mon’n konn sa parti mon’n get fason ki zot fer keksoz e mwan mon fyer ki ozordi mon lo sa kote latab e pe defann zentere Seselwa e pe defann zentere zabitan Baie Lazare.  Mon’n tann Onorab Aglae dir ki si sa bann keksoz in arive ti merit arive.  Mr Speaker mon krwar poudir mwan si mon ti annan sa pouvwar mon tir sa Parti Lepep en sel kwa enn fwa pour tou la, akoz nou pa kapab dir touy dimoun i normal.

 

(Interruption)

 

HON FRANCOIS ADELAIDE

Nou pa kapab dir touy dimoun, nou pa kapab dir disparet dimoun i normal.

 

(APPLAUSE)

 

HON FRANCOIS ADELAIDE

Mr Speaker nou koman bann et imen mon krwar sanmenm sa ki separ nou avek lezot zannimo. Mon pa kapab konpran akoz ki si ou, ou anvi vin en Prezidan si i annan en dimoun ki i annan en diferan lopinyon kont ou, ou bezwen touy li, ou bezwen fer li disparet, ou bezwen fer son fanmir soufer.  Mr Speaker sa i pa zis e pour mwan tann en Onorab dir sa parol ozordi i vreman en laont pour sa parti.

 

(APPLAUSE)

 

HON FRANCOIS ADELAIDE Mr Speaker mon ti a kontan avan ki mon donn sa 2 Prezidan en pansyon mon koman en zenn ki ne an 1974 mon ti ava kontan konnen ki’n pase dan sa pei.  Mon santi mon sagren mon pa konn listwar mon pei, ler mon ti Lekol dan bann Lasyans Politik zot ti fer mon krwar poudir an ’77 ti annan en group Revolisyoner akoz zot ti pe fer pep Seselwa soufer.  Me si i ti vre mon pa ti pour vwar enn mon paran ki ti pe siport Demokratik.  Si vreman sa Parti ti vreman en Revolisyoner e ki ti pe get dan lentere tou Seselwa mon pa ti pour zanmen vwar en msye dan mon distrik pe dir ki ‘sa sistenm pa bon, lontan nou ti pli dan bon.’  mon dakor ou’n anvi pran en desizyon dan ou lavi ou’n anvi fer Revolisyon, nou tou par ler dan nou lavi i annan keksoz ki nou pa kontan, nou anvi fer Revolisyon nou anvi sanze.  Be nou sanz li byen pour ki dimoun apre i rekonnet e i apresye e i aksepte me sanz koumsa avek fizi i pa marse. Mr Speaker pa tro bokou letan nou dir ki nou pa kapab worsen en Kondisyon dan Konstitisyon pour afekte Droit Acquis en lot dimoun, me si nou mazin tre byen Mr Michel li menm li dan sa Lasanble ler i ti deside pran revanz avek bann Manm, se Lopozisyon ki ti fer, i ti deside koup tou Pansyon sa bann dimoun,

 

(APPLAUSE)

 

HON FRANCOIS ADELAIDE

Ozordi si nou deside koup son Pansyon i pour en problenm?  Eski i pour en problenm?  Avek vanzans i pa’n anvi en dimoun eparnye, i pa’n anvi en dimoun monte i ti krwar li ki pli o dan sa pei e la ozordi i vin plenny ek nou anmenn en Bill pour nou aprouve pour donn li en pansyon pour donn li Sekirite pour donn li pansyon pour son madanm ler i mor, pour donn li loto.  Mr Speaker mon vreman kapab konmsi parey mon dir i Merit sa Bill mon dakor avek, me selman i fer mon mazin 2 fwa.  Mr Speaker ler nou pe koz Sekirite, les mon dir ankor ek sa Lasanble dan sa Lalwa i demande ki sa Prezidan ki sipoze pe retire i pour ganny en Sekirite.  Me sa pour a diskresyon Prezidan petet i byen, petet i kapab mal osi, mon mazin Mr Faure ler li osi i ti pe grenp son leskalye sikse ki ti arive ek li?  Pa Mr Michel ti le kas anba, ti le zet li anba dernyen-er ti tir li Minis Finans kote ti anvoy li?  Zis pour li al donn ponnyendmen bann dimoun pe retire.  Eski nou si nou vreman – eski nou si nou vreman anvi fer Lazistis nou kapab les Mr Faure donn Mr Michel Sekirite, eski nou pour kapab fye lo la?  Akoz mind you Mr Faure i en dimoun li in seye grenpe son leskalye sikse, me napa letan ki zot pa’n met bar dan son larout, li osi i en dimoun li i santi; kantmenm zot dir i ti pe al antre Per.  E i en boug ki santi petet i pa a dir ou la, be selman mon konnen i pe ekout mwan, mon konnen i pe santi sa bann douler ki zot in fer li, lo Zil mon krwar i annan radyo mon krwar i pe tande, eski nou pour kapab les Mr Faure donn Mr Michel en Sekirite? Mr Speaker dan Komite ler nou ava diskite lo, konpran mwan byen, mon pa pe dir mon pa pour donnen mon, ler nou ava diskit lo sa bann modifikasyon, sa bann azisteman la petet mon ava konnen ki nou pour fer. Mr Speaker lo kote nou pour donn Pansyon pour son spouse mwan osi mon annan rezervasyon parey tou bann Manm lo sa kote latab ki arive?  Ler i ariv en serten laz sa bann Prezidan zot nepli mazin zot madanm, zot deside rod zenn madanm, eski nou si nou anvi nou Prezidan nou ex-Prezidan viv pour pli bokou letan nou kapab donn li en zenn madanm?  Be sa zenn madanm pour touy li ladan, zenn madanm pour fer sir i touy li, eski nou kontan nou Ex Prezidan,

 

(laughter)

 

HON FRANCOIS ADELAIDE

…non Vis-Prezidan pa pour ou sa, pa pran li personnel,

 

(laughter)

 

 

HON FRANCOIS ADELAIDE

…mwan en dimoun ki’n fer Biolozi mon konpran, mon konnen.

 

(laughter)

 

HON JEAN-FRANCOIS FERRARI

Pa pour touy li kantmenm i a fatig li en bon pe…

 

HON FRANCOIS ADELAIDE

Mr Speaker be si nou anvi viv en pe letan avek nou ex- Prezidan nou anvi vwar li, nou anvi get li, be nou pa kapab donn li en pansyon pour son spouse.  Si a mwen parey nou ti dir in vin ek son madanm, son madanm in vye i avek li be i ok, koumsa i ok, me pour nou donn li en zenn madanm, pour nou donn li larzan pour li, pour en zenn madanm touy li – non Mr Speaker mwan mon krwar sa poudir sa ki’n fer sa Bill mon krwar in al en pe an tro. Mr Speaker nou lo sa kote latab mwan mon anvi zis met en keksoz en pe kler.  Nou dan LDS nou pa bann pti stati la Sainte Enfance ki ler ou vini ou pez bouton nou vini, nou sakouy latet nou dir wi, sa lontan ki ti fer sa!  Zot vini zot pas en Lalwa – Minis, Prezidan i la i pez en baget la, zot latet i fer koumsa – zot sakouye, be nou pa koumsa nou!  Nou, nou bezwen diskite avan.  Nou bezwen fer sir ki nou konnen poudir sa ki nou pe donnen nou devret pe donnen. Mr Speaker parey mon’n dir ler nou ava al dan Staz Komite nou ava gete ki zot pour modifye, akoz mwan fransman mon mwan mon pour donn zot zis en Pansyon e si zot dir zot anvi ganny bann lezot Incentive mon dir non sorry nou pa pour gannyen.  Me selman mon a gete ki laranzman ki zot fer la apre mon ava deside ki mon pour fer.  Finalman Mr Speaker avan mon terminen mon pour donn Mr Michel en pansyon.  Mon pa mind mwan! Eski in handover en pei byen ler i ti ale?  Ki mannyer Mr Faure i ankor pe rod Kontra, nou pa konnen kot Kontra i ete ti dan kof, ti dan vault, pa ti dan vault!  Ki mannyer nou pour donn li en pansyon?  Eski i respe Seselwa li pour li ganny respe?  Be si ou pa respe ou Nasyon mannyer ou le ou Nasyon respe ou?  Mr Speaker mwan mon krwar sa i en keksoz ki Parti Lepep i devret pe aprann, respe son sitwayen si demen i le son sitwayen respe li.  Transpor, Mr Speaker wi nou pour donn li 2 transpor ki i pour fer?  Zis i pour anbaras nou dan Sanmdi?  Nou, nou sorti dan Sid nou pe desann zis pour anbaras nou?  Nou sorti Baie Lazare 8er nou bezwen ariv midi?  E sa transpor i pour annan en lord mannyer pour marse osi i pa pour dray 5 kilomet.  fodre i annan drayver ki konn dray, Mr Speaker be sa i en konsern pour nou e tousala osi nou pour konnen, eski sa drayver i pour en drayver ki zis li menm i pour rode ouswa i pour drayver ki pour ganny train ki konnen ki mannyer pour drive defensively?  Pour ki i pa ava vin en burden lo semen.  Nou, nou pe dir sa akoz nou Baie Lazare nou soufer e nou pa anvi ki ler nou donn li en loto swa 2 loto i met retar dan nou semen.  Mr Speaker sa kalite Bill ki Vis- Prezidan in anmennen mon kontan ozordi in anmenn sa Bill, si nou pa ti blok Bidze pour Lofis Prezidan pour bann ki ti pour kontinyen enjoy zwir, depans nou larzan mannyer i anvi e ler nou’n blok sa Bidze laba zot in forse anmenn en Bill; zot in forse kantmenm zot santi zot anbarase zot in forse anmenn sa Bill.  E mwan on pour dir zot poudir tan ki keksoz pa ganny fer lo sa Bill Mr Speaker sa nou pour zet anba.  E sanmenm sa ki nou ti dir dan nou Kanpanny sa bann Bill koumsa nou pour ‘Pil lo li ziskan ler nou ganny nou en Bill ki byen, en Bill ki bon, nou pa oule sa bann Bill swa i bezwen ganny amande la apre nou ava gete ki nou pour donn zot.  Mersi Mr Speaker.

 

(APPLAUSE)

 

MR DEPUTY SPEAKER

Mersi Onorab Larue ok.  Mersi Onorab Adelaide.  Onorab Aglae.

 

HON EGBERT AGLAE

Mr Speaker mon annan en matter of privilege anba 36 mon anvi met devan kler Statement ki’n dan mon lentervansyon ler mon ti koze, ti napa okenn zafer touy dimoun ki Onorab Adelaide Mr Speaker in fer sorti, mon pa’n zanmen nonm touy dimoun.  Mersi Mr Speaker.

 

MR DEPUTY SPEAKER

Ok mersi Onorab Aglae.  Bon Onorab Woodcock mon pour donn ou, Onorab Woodcock mon donn ou 5 minit ou a fer ou lentervansyon.  Non akoz ler nou rantre mon oule i a reste 2 Manm enn lo sak kote pour nou fini ok?   Mon donn ou 5 minit la fer ou lentervansyon ok?

 

HON WAVEL WOODCOCK

Mr Speaker sa ki mon annan poudir i pour pran en pti pe plis letan ki sa selman mon ava gete ki mannyer mon kapab sey summarize li. Mr Speaker mwan pour komanse par zis permet mon pour mwan pa kondann sa lensidan, i annan en lensidan fek arive resaman la Praslin kot Anse La Farine kot 2 etranze in aste propriyete Anse La Farine in larg zot lisyen mesan ki’n atak bann touris ek bann Seselwa ki ti’n vin lo lans e ki ti pe fer ekskirsyon e sa i vreman, vreman sagrinan.  E mwan mon pe fer an Lapel avek Lotorite konsernen pour get sa sityasyon akoz i vreman, vreman alarman ki pe arive lo Praslin. Lans Sesel i piblik e sa bann keksoz nou bezwen fer en fason ki pa ariv ankor dan nou pei kan bann etranze i vini i aste propriyete isi zot pa pe merit anpes nou pep antre lo lans. Mr Speaker mon ava al lo sa Bill ozordi sa lamannman The President Emoluments Act, Mr Speaker fransman i en lensilt pour pep Seselwa, i vre ki Konstitisyon i deza fer provizyon pour pansyon 75 poursan lo dernyen Saler Prezidan ki tonm en pti pe plis ki R70 000 par mwan.  Parey bokou manm in dir i normal pour en Prezidan ganny en pansyon i en nonm enternasyonal mon krwar Onorab Henrie ki’n dir sa, nenport ki Prezidan ki vini i entitled en pansyon.  Me i annan en provizyon dan nou Konstitisyon, e dan sa Act ki mon senserman krwar i kont lespri Konstitisyon.  Sa se Gratwite lo Pansyon Prezidan Mr Speaker ki bokou nou nou’n echo sa ozordi ki imoral. Onorab Henrie in dir sa ki mon pour dakor avek ki nou pour bezwen dan lefitir get en fason pour anmenn en lamannman pour nou deal avek sa zafer.  Napa okenn pei ki donn Gratwite lo Pansyon e dan Emoluments Act zot le fer provizyon 25 poursan Pansyon pour Prezidan e sa en keksoz ki mon vwar Mr Speaker ki vreman imoral konbyen dimoun ki’n travay ler, mon pe mazin bann civil servants bann Ners, bann Dokter, bann Zofisye Lapolis ki ler zot fini zot Lanplwa zot ariv laz Retret zot pe ganny en pti pansyon ouswa in travay 5an ou 2an lo Kontra zot pe ganny zot en pti R5, 000 en pti R10, 000 e bokou pli ba ki sa la nou le donn en Prezidan on top of son Pansyon nou pe donn li en Gratwite lo son pansyon osi Mr Speaker.  Be sa i en keksoz Mr Speaker ki mwan pour mon, mon vwar li i en Lenzistis e ki dan lefitir nou bezwen fer fason pour nou deal avek sa mon pa konnen si atraver en Bill ki nou pour anmennen e mon pe espere ki lot kote latab osi zot ava siport nou ler nou anmenn en Bill pour tir en keksoz sitan imoral dan nou Konstitisyon.  Bann lezot propozisyon ki’n ganny mete dan sa Bill.  Mr Speaker se en fars, Mr Speaker en Ex Prezidan ou pour donn li en personal assistant, private secretary, office assistant be sa i en pti pe tro bokou, avek tou sa bann larzan ki pe gannyen ou’n le donn li en Lofis ankor, telekominikasyon, tou bann meb utilities ek lezot keksoz as prescribed.  Mr Speaker dan (SI) ki mon mazinen zot pour anvizaze vin avek dan le fitir.  Deza la bann Prezidan la ozordi zot pe ganny Sekirite i annan ki pe viv dan Barak zot pe ganny veye par Tazar kot zot ale akout 20, 30 ekek Sekirite avek zot, akfer tousala?  Sa se bann egzazerasyon Mr Speaker e sa i bann keksoz ki nou lo sa kote latab nou pa pe kapab siporte, Mr Speaker 2 loto ek 2 drayver; ankor enn fwa Mr Speaker i en egzazerasyon mon pa konnen si kekfwa zot osi zot ti a kontan ganny en Saler Lexus R1.2 milyon parey Ex-Speaker Lasanble ti pe mazin aste avan ler ki nou ti remport Laviktwar 15 lo 10, me selman Mr Speaker 2 loto i en egzazerasyon total e nou pa pour kapab siport sa dan sa Lasanble. Dan Lunch break Mr Speaker mon ti sot en pti kou Anvil e konsern ki bokou bann dimoun in koz avek mwan lo la sa zafer 75 poursan Pansyon, lo Pansyon prezidan pour bann ex-Wife pour bann surviving spouse bann ex Prezidan ki pass away ki mor; sa Mr Speaker se en lot Lenzistis ankor, i annan bann ex-President Wife en surviving spouse in fact mon pe mazinen la ki ler in mor, ki ler son msye in mor li i pa’n zanmen servi koman First Lady e pa zanmen a kote son msye ler ti pe desarz son responsabilite koman en Prezidan- yet Mr Speaker nou le donn li en Pansyon 75 poursan saler, I mean Pansyon ki son Mr Prezidan ti pe gannyen.  Si demen Mr Speaker en konparezon mon pe servi en legzanp si Prezidan Michel demen i deside re marye avek mon pa konnen Monica Lewinsky, en madanm ouswa madanm oubyen ki de fwa pli zenn ki li, se sa madanm, se Monica ki pour ganny sa 75 poursan Pansyon son ex-Mari Prezidan ziska ler i mor, se taxpayers money ki pour peye Mr Speaker, eski sa i en keksoz ki fair? Mr Speaker mon pour vin, mon pour bezwen fer sorti sa akoz zis mon dir poudir sa parol in ganny dir dan sa Lasanble, Onorab Aglae in admet ki i vre ki Prezidan Michel ek Prezidan Rene in fer fot e in dir Mr Speaker devan sa Lasanble in dir nou kapab get verbatim ki i byen ki zot in fer sa bann fot.  Mr Speaker mwan mon anvi demann li ki mannyer en Onorab i kapab dir en keksoz koumsa devan sa Lasanble Nasyonal?  ‘Sa bann fot i byen’.

|
(APPLAUSE)

 

HON WAVEL WOODCOCK

Eski i ti byen pour fer dimoun disparet dan sa pei Sesel; eski i ti byen met ou prop pep dan Prizon, eski ti byen met en manman, en papa dan Prizon, eski ti byen touy dimoun, eski ti byen bat dimoun, eski ti byen fors dimoun an Egzil e eski ti byen viktimiz sa pep sirtou anba Parti Inik?  Mr Speaker ti mal napa okenn fot ki byen, tou fot i mal!  E zot bezwen apologize e demann pardon sa pep pour tou sa bann fot ki zot fer e sa i enkli Coup D’état osi.

 

MR DEPUTY SPEAKER

Onorab ankor en minit.

 

HON WAVEL WOODCOCK

Pres mon pe wrap-up Mr Speaker. Onorab Gill in dir i annan en bann lo sa latab, lo sa kote latab ki pa konn lavi dan lannen ’60 ouswa avan Coup D’état.  Me nou fanmir in viv Coup D’état i annan ki’n ganny touye, bate, ganny met dan Kaso, Onorab Hoareau i konn sa tre byen li, son Granpapa in pas ladan, zot lakaz brile, zot Propriyete sezi donn bann dalon sa bann ex-Prezidan.  Menm si nou pa’n ne dan lannen 60’ e ’70 Onorab Gill me nou’n viv anba Parti Inik, nou konnen ki savedir viktimizasyon, nou konnen ki savedir ‘’ek nou pa ek nou’’ anba sistenm SPUP/SPPF/Parti Lepep nou konnen ki savedir pa ganny License pour fer Biznes, nou konnen ki savedir ganny pouse dan travay; nou konnen ki savedir ganny pini akoz afilyasyon Politik anba sa 2 Prezidan.  Bokou nou bann zenn nou viv sa e ozordi nou dan sa kote nou pa pour kapab aksepte bann keksoz koumsa ankor dan nou fitir e sanmenm sa ki nou santi poudir nou pa kapab kontinyen ankouraz sa bann tel aksyon kot zis en bann dimoun ki pe benefisye.  Mon pe fini Mr Speaker sa mon konklizyon Onorab Gill in osi dir ki nou pe fer egzazerasyon politik lo sa kote latab, Mr Speaker mon anvi dir Onorab Gill ki egzazerasyon Politik se kan ou fer Coup D’état avek fizi me pa ler kan ou refize donn bann fat cats ankor plis larzan pour ranpli zot trou san fon.

 

(Interruption)

 

HON WAVEL WOODCOCK

Onorab Hoareau in dir ki zot in demande ki Progressive Income Tax i vin an Zanvye, selman still PIT pe vin an Zilyet, sa i montre ki zot alignment pa bon, la ou Vis-Prezidan la dir li anmenn li an Zanvye,

 

(Interruption)

 

HON WAVEL WOODCOCK

…dir li anmenn sa PIT an Zanvye pa zot sorti dan menm Parti…

 

 

MR DEPUTY SPEAKER

Wrap-up…

 

HON WAVEL WOODCOCK

Ler nou pe demande la prezan ki zot anvi demande lot kote latab.

 

MR DEPUTY SPEAKER

Order!  Order!  Order!

 

HON WAVEL WOODCOCK

Selman pe lager pansyon pour sa 2 Prezidan?

 

MR DEPUTY SPEAKER

Order!  Order!  Onorab wrap- up.

 

HON WAVEL WOODCOCK

Mr Speaker zot a lager pour Pansyon bann Ex Prezidan ek zot ex-madanm, 2 loto, Lofis tou sa bann perks, me pour lepep Seselwa zot pa pe kapab lager pour li ganny en pti sou an plis?  Mr Speaker nou dan sa kote latab, lo sa kote latab nou pa pour kapab toler sa bann kalite Lenzistis dan nou pei Sesel –

 

(APPLAUSE)

 

HON WAVEL WOODCOCK

…e si zot kontinyen vini avek sa bann kalite zafer, sa bann kalite keksoz koumsa nou pa pour vote a faver sa Bill, nou pour vot kont sa Bill Mr Speaker.  Mersi.

 

MR DEPUTY SPEAKER

Mersi Onorab, bon nou pour pran en Break.  Nou ava retournen 4er, non nou ava retournen 4er i reste 2 Manm enn lo sak kote latab apre Vis- Prezidan i ava fer son konklizyon ok?  Nou ava retournen 4er pour nou kontinyen.

 

(BREAK)

MR DEPUTY SPEAKER

Bon nou a kontinyen nou travay.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker i would not go solo mon pou al dapre nou Bill la ki annan devan nou.  Ou konnen i bon Mr Speaker ki nou met en pe keksoz an perspektiv konsernan sa ki nou pe diskite la.  Premyerman nou konnen nou poudir i annan en Lalwa ki egziste, ki pansyon Prezidan, Vis-Prezidan i donn anba la.  Me avan ler Bidze ti vin devan nou Lasanble nou’n vwar ki sa depans pou sa bann pansyon ti sorti dan Bidze President’s Office konmela – State House.  E prezan letan nou ti pe diskit sa nou’n tonm dakor ki sa pa pou kapab kontinyen koumsa, i bezwen separe, i bezwen sorti.  E dan bann Dirizan nou pei ki enkli nou Prezidan, Leader Lopozisyon, mwan menm, Speaker, letan nou’n zwenn nou’n diskite lo sa issue.  Vis-Prezidan ti la li osi.  Nou’n diskite lo sa issue e nou’n vwar poudir nou bezwen fer keksoz pli transparan, pli proper, pa sorti – sa i devret annan son Lalwa e annou fer amannman dan Lalwa pou anmenn si oule en nouvo Lalwa ki devan nou la pou nou diskit e re vwar ki mannyer properly sa i ganny fer dan en pei demokratik, transparan e modern.  E prosedir ki nou’n fer Egzekitif in vin avek en propozisyon premye e sa propozisyon nou’n diskit li dan Bills Committee nou’n vwar poudir i annan en bon pe sanzman ladan ki bann dimoun pa ti dakor avek e nou’n dir retourn avek sa kot Egzekitiv pou zot re vwar.  E nou ti’n sizere kwa serten keksoz ki nou oule i ganny amelyore, i ganny sanze, i ganny amande.  E Bills Committee in fer son bout li.  E letan nou’n anmennen an menm tan nou’n tonm dakor ki nou fer serten seri konsiltasyon, meeting dan distrik ensidswit nou menm al La Digue, zot in al Praslin, zot in al diferan distrik pou ganny lopinyon dimoun e an menm tan feeling nou pep deor pou gete ki mannyer nou pou aziste e amelyor sa ki nou pe propoze avek nou pep, akoz i konsern larzan piblik.  E alor serten nouvo lamannman dan sa Prozedlwa dan Lalwa ki ti egziste savedir sa lamannman ki devan nou in ganny propoze.  In anvoy ankor kot Bills Committee e la in vin devan nou Lasanble.  E an menm tan, nou bezwen pronons lo la.  Be i annan de keksoz prezan.  Bills Committee mon krwar i annan serten keksoz ankor ki zot pe dir ki pa tro lo la, ki fodre sanze ankor.  E an menm tan i annan de keksoz ki nou kapab fer, nou Lasanble i kapab fer avek sa Prozedlwa ki devan nou la.   Pran zis de keksoz.   Enn ou rezet li parey i ete la, nou Lasanble an mazorite nou rezet li ;  nou dir nou pa oule sa.  Nou vot kont nou tou e sa Lalwa, propozisyon ki devan nou i pa vin an fors e i out.  E prezan si sa i koumsa ki nou kapab fer i vedir ki pansyon Prezidan, Vis-Prezidan i kontinyen li.  I kontinyen parey i ete konmela anba Lalwa.  So nou Lasanble i kapab swazir sa pou fer.  E dezyenm keksoz ki nou Lasanble i kapab fer vizavi sa propozisyon sa Prozedlwa ki devan nou,  sa propozisyon sa amannman dan  Lalwa egzistan ki ti la depi ‘93 e ki dan Konstitisyon sa bann keksoz i dan Konstitisyon osi se amann li, vwar ladan serten keksoz ki nou pa dakor avek, ki nou oule sanze e mon krwar deza la letan  mon’n ekout bann Manm koze i annan serten propozisyon par egzanp  pe dir ki the wife of the Former President li i pa devret ganny okenn pansyon – ensidswit, serten lezot amannman nou annan pou nou diskite, tonm dakor dan en fason sivilize Mr Deputy Speaker.  Dan en fason sivilize, konpran avek lentelizans ki sakenn de nou nou annan.  E non pa, non pa pou maltret dimoun pou denigre dimoun pou go so low.  Mwan sa ki mon pe dir onnetman, annou fer li dan en fason byen e si par egzanp Lasanble i annan bann Manm ki konnen, ki vwar ki konnen, ki annan laprev ki annan bann  move keksoz ki’n arive dan pei swa bann keksoz koripsyon, bann krim ki zot pe dir ensidswit zot annan laprev tou sa i annan bann lenstans, Prezidan Faure letan in vini la in fer sir i annan bann lenstans ki ganny kree par egzanp Anti-Corruption Commission. Be i pa la dan nou Lasanble pou nou vin dir en Prezidan ti fer isi ti fer laba, nou Lalwa ki mannyer i ete, Lalwa nou Lasanble i anpes nou fer sa Mr Speaker.  E ki i devret fer mwan mon challenge sa bann dimoun ki pe dir sa bann keksoz go to the existing bodies, ale al kot sa bann soz al met sa bann konplent e fer le neseser.  E si,  e si,  dapre Lalwa mannyer i ete si serten sa bann dimoun i ganny trouve koupab, e ganny kondannen otomatikman zot perdi zot pansyon !  I rezourd tou sa bann konplent, sa bann problenm ki zot pe dir – i rezourd.  So si annan problenm annou fer li dan sa fason ki Lalwa i egziste ki bann formil i la e ki bann keksoz i kapab ganny fer.  Alor la, mwan mon zis demande Mr Speaker ki nou pa al dan bann zistans ki pa fodre ale.  Annou fer ki nou Lasanble i en Lasanble konpran, en Lasanble ki fair;  en Lasanble ki byen e annou ziz bann keksoz dapre son bann merit.  La kot nou’n arive i kler.  Lopozisyon i annan mazorite dan Lasanble, si i anvi bann keksoz pa bouze i kapab fer li pa bouze.  Personn pa pe konmsi challenge sa.  I kler.  I koumsa.  Tou dimoun i konpran sa.  Nou piblik deor zot menm zot, zot konpran.  Zot anvi servi zot mazorite zot kapab fer nenport kwa avek.  E alor ki nou pe demande, e ki nou’n tonm dakor dan nou diskisyon se ki tou dimoun in vwar poudir sa Lalwa – Prozedlwa ki devan nou i annan son merit.  Son merit i derive from the Constitution.  E Lalwa ki deza egziste.  I annan son merit, e alor serten keksoz ladan i pou bezwen ganny garde.  E nou, nou pe dir alor nou bezwen amann sa ki fodre amande e nou’n tonm dakor lo serten amannman.  Onorab Afif, Onorab Georges nou’n diskite, e mwan mon demande Mr Speaker ki nou pas nou a vot lo merit.  Alor sa Bill nou al dan Staz Komite, nou a propoz sa bann amannman avek nou Lasanble, nou a tonm dakor lo la, sa ki fodre tire, sa ki fodre mete, sa ki fodre whatever nou pou amann sa ki egziste la epi nou deside ki nou pou fer.  Si nou pou pa vot pou sa Lalwa ouswa vot pou li apre ki nou fer bann amannman.  Pou mwan keksoz i osi senp ki sa.  I pa sipoze that complicated e mon demande dan tout lonnekte, dan tout senserite, dan tout senplisite ki nou go dan sa direksyon.  Mersi Mr Speaker.

 

MR DEPUTY SPEAKER

Mersi Onorab De Commarmond.  Petet zis mon a fer en keksoz kler ek tou bann Manm e bann dimoun ki a lekout deor.  Mon krwar i fer 2 fwa kot Manm i fer referans avek travay Bills Committee e mon osi mon en Manm lo Bills Committee.  Nou responsabilite mon krwar ti sorti byen dan rapor.  Nou scrutinize bann Bills.  Nou pa kapab debat lo prensip e merit bann BillsBills Committee i regard en Bill, i regarde si i annan bann defo bann fot ladan kot prezan nou anmenn ban amannman parey nou’n fer parey nou’n propoze lo sa bann.  So nou napa en say lo prensip e merit sa Bill ok?   Zis mon’n – ou anvi fer sa kler kekfwa in mal sorti –

 

HON CHARLES DE COMMARMOND

Se sa ki i bezwen vin la ki nou bezwen diskit, konmsi sansan nou ti a’n diskit tou sa dan Bills Committee.  E prezan letan nou fer sa travay Bills Committee i bezwen vin la prezan dan Lasanble pou nou fine tune li.  Se sa ki reste.  Sanmenm a mon pe dir serten lezot amannman ki nou pa’n kapab finaliz sa dan Bills Committee.  I bezwen vin la dan nou Lasanble pou nou diskit lo la.

 

MR DEPUTY SPEAKER

Dan deba ki vin dan Lasanble se la kot nou debat lo prensip e merit zeneral e la kot bann amannman i kapab vini.  Ok.  Mersi. Onorab Afif.

 

HON AHMED AFIF

Mersi Mr Speaker. Bon apre midi Vis-Prezidan; bonn apre midi tou dimoun a lekout.  Mr Speaker tou dabor permet mwan dir lo sa kote latab nou, nou en bann Manm Lasanble ki an mazorite byensir, me nou bann dimoun responsab.  Nou pa bann dimoun ki vin la pou blok personn – nou pa bann dimoun ni bann Manm Lasanble ki anvi fer okenn dezord me nou anvi lazistis e nou anvi keksoz ki ganny fer dan en fason byen korek e ki reflekte dezir bann dimoun ki’n vot nou pou vin dan sa pozisyon kot nou ete. Mr Speaker mon ti a kontan komanse an dizan ki mon konpran tre byen sa lanaliz ki Mr Vincent Meriton in komans avek bomaten.  In dir par egzanp ki Maurice, Kenya e mon tann plizyer lezot ankor entervansyon kot zot fer referans avek pratik ki egziste parey La France, La Guyane eksetera. E i byen nou fer konparezon  enternasyonal  sa ki byen, me an menm tan ki nou pe fer sa bann konparezon sa bann konparezon zot menm, i montre nou serten keksoz ki nou bezwen pran kont ler nou pou desid lo kwa ki devret dan  antre dan lamannman ozordi.  Par egzanp Maurice ki zot dir i annan bann provizyon en pe parey pou nou. Me Maurice i  annan 14 fwa popilasyon Sesel.  Me savedir i annan 14 fwa plis dimoun pou pey pou sa enn former President ki zot annan.  Kenya i annan 500 fwa plis dimoun ki pou pey pou sa enn ou de former President ki zot annan.  Alor zis avek sa konparezon tousel i pou difisil pou fer sa konparezon.  I kapab donn 3,4 loto si zot anvi.  E i annan 500 fwa plis dimoun pou pey sa loto ki nou.  Parske son popilasyon i pli gran pou menm 2 dimoun.  Alor baze lo sa tousel, mon pou dir nou, nou bezwen fer keksoz e koup nou latwal selon nou mwayen.  Mr Speaker permet mwan parski bokou dimoun pa tro konpran egzakteman kwa ki egziste ozordi e kwa ki nou pe amande.  Zot konfize ek sa bann zafer 75poursan pansyon apre sanze i dir donn 25poursan eksetera.  I tre senp.  Ozordi en Prezidan, i ganny li 3 konponan dan son package – si oule dan son saler tou  le mwan – tou le lannen i ganny en Gratwite e trwazyenmman apre son Term ler i fini son Term ganny en lot Gratwite – tou le lannen i ganny  li 25 poursan; savedir 3 mwan ekivalan sa ki i gannyen antre lannen.  I ganny sa li.  Ler in fini son 5an i ganny li lanmwatye tou larzan ki in gannyen pandan sa 5an.  En Prezidan ozordi i ganny li par mwayen depan lo ki staz ki komanse, R10milyon tou le lannen.  Par mwayen R2milyon par an.   Se sa saler en Prezidan.  Ki nou pe koze pou en former President prezan.  Annou get ki egziste ozordi.  Tre senp i dir ou li i pa pou gannyen sa 3 li.  Sa enn dernyen ki apel Gratwite ler ou’n fini ou term i pa pou gannyen – parski i napa en term li former President.  En former President pou lavi li, me  solman i a ganny sa premye li; i a ganny son saler zot apel li en pansyon e i a ganny son Gratwite 3mwan saler an plis baze lo son pansyon.  Me solman sa pansyon ki i pou gannyen Mr Speaker. i pou 75 poursan – 3 kar sa ki en President normalman i gannyen akoz ki i en former.  Sa i en premye bout.  Akoz nou vwar dan sa lamannman ozordi zot pe propoze ki nou met sa mo ’the last drawn monthly salary’.  Akoz sa i antre?  Tre senp ankor akoz ou annan diferan – mon pa pou dir diferan gran Prezidan me ou annan diferan saler ki en Prezidan i komans avek.  Par egzanp Prezidan Michel i fer 12an mon krwar i 12an e alor in mont 12 mars peron.  Tandis ki Prezidan Faure i lo premye mars peron.  Alor Prezidan Michel ler i sorti i espekte ganny 3 kar saler ki i ti abiye gannyen.  E i ekspekte ganny 3 kar Gratwite i ti abitye gannyen.  Me si ou lir Lalwa byen i kapab ganny enterprete non i pa sipoze paran sa dernyen saler ki in sorti avek li.  I a pran saler Prezidan ozordi ki lo premye mars peron.  E alor i pou ganny en pe mwen.  Sanmenm sa premye lamannman ki antre i dir donn li ‘based on the last drawn monthly salary.’  Se sa ki lamannman pe fer.  Lefe ki i pe ganny en saler e en Gratwite anba – si mon pa tronpe dan Lartik 58 dan Konstitisyon i permet ki en Prezidan i ganny en saler e en Gratwite malgre ki nou tou dan sa Lasanble nou rekonnet poudir pa lozik – pa normal ki en Gratwite ganny peye lo en pansyon parske nou osi koman  Manm Lasanble nou pa sipoze – nou pa pou gannyen en Gratwite  lo nou pansyon.  Petet dan tou larestan dyob ou napa sa.  Eksepte the former President ek former Vice-president.  Alor i annan sa ki dan Lalwa – me mwan mo pa en avoka, me mon ganny konseye par bann dimoun legal ki dir ou annan Drwa Aki kot ozordi i pe deza ganny en saler i pe deza ganny en Gratwite ou pa kapab retir sa benefis ki i annan.  Malgre i annan largiman ki – e nou’n tann bokou bomaten, kot nou pe sey met keksoz an konteks kot nou pe pran nou listwar resan e nou pe dir vreman  laba deor dimoun ki pe ekoute dimoun ki’n pas martir; dimoun ki konn serten soufrans zot pa vwar sa zistifye.  Me solman larealite  se si ou annan en drwa ak  nou lo sa kote latab nou  pa la pou vin azir dan en fason enzis oubyen ki an kontravansyon Lalwa Siprenm nou pei.  Alor dan sa ka pou mwan i difil pou argiman pou retir – pou retir en Gratwite avek sa pansyon ki egziste.  Dezyenmman Mr Speaker ozordi anba President’s Emolutions Act napa san bann allowance ki sa lamannman ozordi pe anmenn.  Sa lamannman ozordi pe demann donn sa ansyen Prezan sipor administratif – Sekreter – private secretary – avek office assistant.  I pe demann pey en biro – tou son bann fre eksetera.  Nou pa trouv sa zistifyab.  E les mon a eksplike akoz mwan mon pa trouv sa zistifye.  E pa bezwen krwar poudir a okenn moman a okenn nou lo sa kote latab nou ti a kontan vwar okenn Prezidan ganny denigre.  Nou pa ti a kontan e sertennman i pa nou lentansyon pran en Prezidan e trenn li dan milye semen.  Ditou.  Ditou parski nou en parti Politik tre responsab.  E lo sa kote latab dan Lasanble nou pou asize dan en fason responsab e nou respekte tou dimoun e nou respekte tou lenstitisyon. E   nou respekte Lalwa.  Me larealite Mr Speaker se ki ler ou regards sa sif ki mon ti nonmen taler en Prezidan ki’n dan son syez pandan 5an,  e pran li 10an in fer li omwen 20 milyon roupi  – 20 milyon roupi pandan son term 2an ki Lalwa i permet e nou konnen ti annan ki fer plis ki sa.  Me si ou’n fer sa kantite larzan e pa bliye ki depans zot annan.  Income Tax zot pa peye – zot pa peye income tax zot.  Nou, nou pey 15 poursan zot pa peye – Prezidan pa peye li.  Prezidan si i fer vin keksoz pou li personnelman, – personnelman i pa pey VAT.  Son Biro tou sa ki i fer vini, pa pey VAT.  Sa Lalwa.  Mon pa pe konteste sa mwan.  Mon pe zis dir sa se larealite.  Alor si ou pe ganny ou 20milyon roupi pandan 10an ou napa fre.  Ou napa loto pou peye; ou napa drayver pou peye; ou napa telefonn pou peye, ou napa elektri9k pou peye ou napa okenn kou.  Sirman – sirman ou en Prezidan in ganny byen vey par Leta, e in permet ou mwayen pou ou kapab met keksoz de-kote pou zour ou pa pou la dan sa Syez – dan sa pozisyon.  Me si ou’n kapab met en keksoz de-kote e an plis ki sa, Lalwa i permet ou ganny 3 kar ou dernyen saler; i permet ou ankor ganny en Trezyenm Mwan – Trezyenm, Katorzyenm ek Kenzyenm mwan Lalwa i permet ou sa.  E nou pa pe dir fodre tire.  Ou pe ganny tousala ou pa pey tax lo la ou, me sirman avek tousala ou annan posibilite avek ou koman en ansyen Prezidan ki’n fer plis ki 10an pou ou kapab – si zanmen demen ou krwar ou bezwen kontinyen annan en pti biro en sekreter fer serten korespondan, me ou kapab deboury lo ou menm!  Nou, nou krwar zot kapab e zot annan tousala!  Zot annan tou sa fasilite, tandis ki deor nou popilasyon pe koz lo 40pursan ki san lapovrete – nou pe koz lo serten kou lavi ki pou monte – nou konn tre byen e nou konn poudir benefis i pa pou vin toudswit.  Nou krwar dan sa konteks Sesel kot nou ete, avek larealite ekonomik mwan mon pe dekrir la, ki mannyer ou kapab zistifye ki sa Prezidan i kapab bezwen servi nou larzan koman taxpayer prezan pou nou kontinyen soutenir sa bann loperasyon, apre ki nou’n donn li en bon pansyon, en bon Gratwite  e ou’n donn li tou sa saving pandan omwen 10an.  Mon pa vwar sa zistifye e alor mwan mon dir ki dan 2(b) 4(c) ek (d) pou mwan i pa fer sans ditou.  Par kont sekirite, e la mon aksepte norm enternasyonal ki tou Prezidan ansyen Prezidan i bezwen ganny en sekirite sa i normal sa.  I bezwen annan li dimoun ki vey li – mon pa expert dan sekirite, me solman nou annan mon krwar dan konteks Sesel, ou ganny ou detrwa dimoun pou vey ou i pa pou en gran problenm Sesel.  E nou’n sit avan legzanp nou Vis-Prezidan ki mars libreman e i en legzanp.  E nou konnen ki napa menas lo li.  E nou konnen napa menaz lo li.  I pa devret annan okenn menas lo li.  E nou, nou konnen lo sa kote latab si okenn dimoun i sey menas en dimoun parey Vis-Prezidan Meriton nou pou reazir.  Nou pou reazir – nou pou premye pou vin defann li; parski nou pa krwar personn i devret kapab fer en keksoz koumsa. E nou devret annan respe pou tou bann Dirizan e nou bann Dirizan osi i bezwen annan respe pou lepep Seselwa.  Sa i enportan.  Mr Speaker, item (f) i koz lo 2 loto.  Eski i neseser avek tou sa benefis ki nou’n koz lo la ki Leta i donn li ankor 2 loto?  Pou sekirite pour mwan mon konpran mwan, me mwan mon ti a sizere pou sekirite ki annan dimoun ki konpran domenn sekirite parey Komisyoner Lapolis parski se vreman zot ki kapab deside ki kalite sekirite ou bezwen.  Les li deside si i bezwen escort, si i bezwen 2 dimoun, 3 dimoun enn kot la mo pa konnen zot ki konn sa se pa nou – pa nou koman lawmaker ki pou deside sa.  Me akoz zot a fer en desizyon e zot a deside?  .  E zot a preskrir li dan Regilasyon, – Regilasyon i ganny mete parey i ganny fer Presentation of Papers –  e zot a prezant avek  Lasanble Nasyonal si i dakor si i pa dakor e zot fer li dan en fason transparan.  E mon pa krwar i devret sa Prezidan ki la ozordi ki bezwen desid lo sekirite sa enn ki li i pe al ranplase parski   ou kapab annan ou en sityasyon kot en Prezidan ki vini i pa kontan sa enn ki li ii pe al ranplase e ler pe vini ou pe donn li vreman bataz pou li kapab penaliz sa lot.  Me tandis ki ler – mon krwar nou devret permet en dimoun ki petet mon kapab konsider enparsyal parey Komisyoner lapolis les li deside.  2 loto mon pa vwar sa zistifye – 2 loto.  Mon vwar en loto wi.  En loto wi e menm i kapab ganny argiye si sa loto se nou ki devret kouver fuel, lo road tax e menm lasirans.  I menm kapab a ganny argye.  Me si i en transpor Letan petet nou kapab osi argye poudir id devre lo fer Leta.  Me sa set en keksoz ki ankor i devre ganny preskri; savedir ler i preskri parey Foreign Affairs i fer i  a dir ou ki kalite loto; ki zot krwar ki oter; ki nivo i devre ete byensir an relasyon ek en ansyen  Prezidan.  Mon krwar lo kote si nou kontinyen dan sa Lalwa nou al lo fuel ek expenses ankoz enn fwa mon krwar si ansyen Prezidan par maler i ariv li en lanmor; me then eski nou pou dir ki i pa rezonnab ki Leta i pey pou son lanterman?  Mwan mon krwar i pa en gran keksoz pou Leta fer e petet la mon pe koz dan ka en Prezidan ki tou dimoun i koz byen, in fer byen pou son pei.  Personn pa pou tro kritik sa.  Alor sa i kapab pase.  Surviving spouse son madanm ki si zanmen li i ale i bezwen kit dernyen ankor enn fwa avek en benefis ki en Prezidan in gannyen, si i annan li en madanm mon krwar sa madanm de tout fason i pou’n ganny otomatikman veye par sa Prezidan.  I pou annan son mwayen.  E nou konn larealite ozordi e mon dakor avek Onorab Georges bomaten ler i ti fer son lentervansyon i ti dir petet annan pa lye li avek sa bann dimoun.  Mon konpran sa mwan.  Me par ler i enposib pou ou divors ou avek larealite e konteks dan lakel tou Seselwa ki pe ekout nou ozordi pe mazinen.  I pe vreman relye sa avek 2 dimoun e zot madanm.  E alor sa mon krwar i difisil pou dimoun lo sa kote latab; difisil.  Nou pa pou kapab aksepte sa e alor Mr Speaker sete en pti pe sa ki mon ti a kontan kouver apre midi.  Mon ti a kontan dir ki nou, nou pou azir dan en fason responsab nou pou azir dan en fason zis.  Nou pou asire ki en Prezidan i ganny li son dinyite ki i merite akoz i sorti dan biro pli o ki annan dan pei.  Byensir nou ekspekte ki in servi byen e nou ekspekte ki nou fer keksoz ki larestan lemonn kan i regard nou Lalwa i regard nou ansyen Prezidan, i regard li byen.  Par egzanp sa ansyen Prezidan i bezwen reprezant Sesel aletranze pou nenport ki konferans akoz ki Leta pa kapab pey pou li pou li al voyaze pou li al reprezant nou?  Pa bezwen en ekrir dan Lalwa sa.  Sa i normal ki si in ganny demande par Leta – dizon Minister Zafer Etranzer i deside ki ansyen Prezidan pou reprezant Sesel i bezwen annan en Bidze ki li i a kouver; pou sa voyaz spesifik.  Alor sa i ok i a pey son voyaz son Class voyaz i devret dapre son Stati eksetera – sa nou napa problenm ek sa nou.  Ou bezwen tret li dan en fason ki i annan son dinyite dan en fason ki vreman ou met ou pei alaoter ki i devret ete ler i pe reprezant Sesel koman en ansyen Prezidan.   Mon al en pti pe Mr Speaker ki mwan mon krwar ki sa kote latab nou kapab aksepte nou’n travay en pti pe avek zot lo lot kote pou nou anmenn  ler nou pou al dan Committee  Stage  e mon rekomande ki nou al dan Committee Stage– nou annan serten lamannman pou reflekte en pti pe sa ki mon’n dir – zis ou reponn en pe sa ki mon’n tann lot kote latab pe dir ki par egzanp nou, nou pe vreman met bann ansyen Prezidan ater atraver keksoz ki nou pe dir nou pa pe apresye ki zot pe fer e ti annan referans poudir par egzanp Msye Michel i ti’n en Dirizan dan bann Reform.  Zis en pti remark mon ti a kontan dir, byensir i ti Prezidan sa letan, i ti  byensir i ti prezidan sa letan, me si ti vreman pou sa bann reform – si ti vreman pou sa bann reform eski i ti trouv li ti neseser pou li pran sa boug ki ti dirizan  dan sa reform e demot li?  Tir li e park li State House sa letan?  E mon krwar sa se bann keksoz ki mon ti a kontan zis met devan zot – met devan zot pou refleksyon.  Ti annan remark par egzanp ki dan sa lasanble nou, nou koz lo serten keksoz tarif par egzanp e answit ou pou vwar PUC i swiv sa ki nou dir.  Be si PUC e Gouvernman i bezwen ekout nou, dan sa ka les nou vin run pei – les nou run pei.  Parski i pa osi senp – i pa osi senp pou dir be ou pe ganny sibvansyonnen alor zis fer monte tarif.  I pa osi senp ki sa.  Petet ou kapab fer monte tarif, me i ganny akonpannyen par lezot mezir ki pou anpes dimoun soufer.  So mwan mon oule zis dir Mr Speaker, pou konklir ki napa keksoz osi senp dan lavi.  Nou lo sa kote latab nou anvi azir dan en fason responsab – nou anvi ki nou annan en Lalwa ki kler pa parey ozordi i ete, kot i annan serten Bidze pe met de-kote dan Bidze – Bidze Nasyonal ki napa personn ki konnen ki pe pase avek.  E ki a diskresyon Gouvernman pou depans mannyer zot anvi.  E nou konnen i pe ganny depanse mannyer zot anvi.  Parski dan sa Bidze sa lannen nou’n trouv 13milyon ki nou’n freeze – 8milyon ladan  zot dir nou pou Lentelizans – 5milyon pou pey pou staff – staff ki akonpanny Prezidan.  E pa bliye Prezidan i pe ganny li 10milyon par lannen  – well pandan en term 5an e ler i pou retire  – ansyen i pou ganny li apepre 5milyon – pa 75poursan i en pe mwens ki 75poursan akoz i pa pe ganny sa End of term gratuity sanmenm sa i en pe mwens ki 75poursan.  I ganny apepre 50poursan.  Mr Speaker avek sa mon ti ava kontan propoze ki nou al dan Committee Stage e answit nou ava kapab fer bann klarifikasyon lo lamannman ki devret ganny fer.  Mersi Mr Speaker.

 

MR DEPUTY SPEAKER

Mersi Onorab.  Ok Onorab mon krwar the way forward parey Onorab Simon Gill in fer sorti bomaten amannman i bezwen ganny propoze i ganny segonde apre nou take it onboard akoz si nou vot lo merit la koman i ete nou pou kill the Bill.

 

HON CHARLES DE COMMARMOND

Mr Speaker….

 

MR DEPUTY SPEAKER

Nou bezwen amande avan si nou vot lo merit as it is ….

 

HON CHARLES DE COMMARMOND

Non Mr Speaker…

 

MR DEPUTY SPEAKER

Okenn amannman pa ankor ganny aranze bon si mon donn….

 

HON CHARLES DE COMMARMOND

In avanse …

 

MR DEPUTY SPEAKER

Mon pe konpran konklizyon lo tou lede kote, mon pe konpran konklizyon le de kote kot i annan en serten konsansis. E mwan osi tou mon anvi gid zot ki nou pa touy sa Bill konpletman.  Ok?  I annan serten propozisyon ki Onorab Afif in fer parey Onorab Gill in dir bomaten si i annan amannman anmenn amannman and then nou konsidere nou take a vote.  Si nou al direkteman lo vot lo merit as it is, nou pe kill sa Bill.  Wi.  Ok?  VP? Mon a donn ou laparol Vis-Prezidan.

 

VICE-PRESIDENT MR VINCENT MERITON

Mersi Mr Speaker.  Mr Speaker mon kontan ton deba apre midi.  Nou pe anmenn en dyalog sivilize; nou pe retir bann lemosyon nou pe retir bann politik bonmarse nou pe focus lo bann keksoz ki devan nou.  Mr Speaker si Onorab Afif in dir ki zot bann reprezantasyon i ganny dirize par en mo ‘responsab’ mwan mon a dir ki sa Prozedlwa ki mon’n anmennen i en Prozedlwa ki rapel avek bann keksoz ki rezonnab.  Akoz i rezonnab akoz bann ansyen Prezidan zot in travay.  Zot in envestir zot lekor zot letan, zot leksperyans plennman dan lentere pei – mon anvoy detrwa mo ki Onorab Georges ti dir a lenklizyon zot prop lentere Nasyonal so much so ki zot fanmir in kase prezan ou vwar zot pe bezwen rod nouvo madanm pou  kapab viv zot lavi normal.

 

(laughter)

 

MR DEPUTY SPEAKER

So si en dimoun in travay sak penn i merit son saler e se sa ki nou pe dir senp Mr Speaker.  Mr Speaker dan bann lannen ’70 premye raport World Bank lo Sesel ti sitan insignificant ki ti dir ki nou en lekonomi subsistence savedir bann economist mon pa konnen si ou konnen Onorab Afif se ki sa ki nou prodwir i pou nou konsonmasyon.  E sa ki nou kapab eksporte i offset sa pti git ki nou bezwen enportan.  Me avek en tel sityasyon nou pa kapab dir ki okenn Prezidan Dirizan in pilye lekonomi ki pa ti la – ti napa en lekonomi – ti en lekonomi Lagrikiltir avek Lapes ki pa ti ankor devlope.  2enm keksoz Mr Speaker ki mon ti a kontan dir dan bann lannen’70 ton pa ti ankor ganny eksplore Lendistri Ton pa ti ankor devlope dan Losean Endyen.  Se selman la ki nou’n komanse e avek en nouvo lelan en nouvo Gouvernman ki nou ti kapab antre lo la plennman ki’n vin en pliye nou lekonomi.  Tourizm Mr Speaker, i ti en lendistri ki ti annan potansyel me ti ankor lo lorizon e nou pa ti ankor devlop li.  Set avek en sityasyon ekonomik koumsa ki Prezidan Rene ti pran kot pol nou pei avek en plan pou devlop sa bann baz ekonomik ki ti kapab delivre en bann lazistis sosyal ki ankor (Onorab Adelaide) ki ankor valab ozordi – bann prensip lazistis sosyal; legalite loportinite ek lazistis pou met en sistenm lasante iniversel ledikasyon pou tou Seselwa lozman sekirite sosyal.  E nou’n delivre Mr Speaker.  Tou lede Prezidan in delivre.  Se pour sa rezon ki mon dir ki sa Lalwa i rezonnab.  Mr Speaker bann komanter ki’n ganny fer lavant later pou en roupi ek bann Arab.  Me selman mon kontan ki sa prezan i deryer nou akoz lazournen le 01 Desanm zour Lazournen UAE tou dimoun ti ansanm pe koup gato.  I montre ou ki i enportan. Nou apresye sa lenportans, sa partenarya ki nou annan avek sa devlopman nou pei.  Nou oule devlop nou lendistri sekter prive lokal me nou osi – me nou osi mentenir nou partenarya ki no annan avek lenvestiser aletranze.  Byen koze i fer byen konpran; nou pe tir lemosyon nou pe dir nou pe get devan.  Mr Speaker nou pa tire dile avek bef; kontrer nou ‘n anmenn bef pou kapab devlope pou kapab devlop nou pei.  E en keksoz ki mon kontan ki Onorab Afif in dir; se ki nou pa asasin karakter dimoun.  Nou pe sey travay pou gete ki manner nou kapab annan respe pou nou bann elders akoz se sa ki zot dir zot tou annou respe nou bann elders – nou 2 ansyen Prezidan.  E mon kontan ki Onorab Georges in fer sorti in dir sa bann bon keksoz ki mon’n pret sa bann mo taler ki mon’n sey servi.  Me sa Lalwa i pou en lenstans; i pa pou en endividi.  Se sa ki nou pe sey kree.  Nou’n ganny dir i difisil pou separ lenstans ek endividi akoz Sesel mannyer nou ete.  Me solman Onorab Aglae in byen dir Prezidan France Albert Rene ek Prezidan James Alix Michel, zot dir i annan en ta milyon pou en Term ki zot in travay pou en dernyen Prezidan, pou dernyen 5an zot ti ganny R8.8milyon avan ler ou ti tir tax – kontrer an 2013 ou pe peye tax napa egzanpsyon e ler ou vini tir tax i reste ou R7.4milyon.  Ou krwar sa i antre dan son pos?  Ou konnen ki mannyer en kantite dimoun ki’n ganny ede?  Kantite dimoun ki vin devan pou vin rod serten soutyen?  I en realite ki zot osi zot fer fas avek; ki yer en Onorab ler in pran laparol in dir ki en dimoun in ganny anvoye kot li pou li kapab donn en lasistans.  So Mr Speaker mon krwar sa Lalwa, parey in ganny dir eski demen ler Trump i ale eski SENA pou blok li?  Non. I en lenstitisyon ki pe ganny met an plas pou kapab ganny proteze.  Zot in fer dibyen Onorab Georges in dir.  Wi nou’n fer en kantite dibyen.  En kantite dibyen, me selman fodre dir ki i annan lerer ki’n ganny komet akoz en parti ki’n la pandan 40an si i pa’n fer lerer, i pa’n fer nanryen pou son pep.  En kantite keksoz in ganny fer pou son pep ki ozordi nou kapab fyerman annan en Konstitisyon dan Sapit 3 ki koz bann drwa ki enn bann Konstitisyon modern ki zis Sud L’Afrique ki pli avanse ki nou.  Ou pe koz Drwa Lavi parmi lezot; drwa en Hearing ki fer; Laliberte Lekspresyon; Laliberte Asosyasyon ek Lasanble – sa ki marse i marse; Drwa pou partisip dan Gouvernman; Drwa pou annan prosperite; Drwa pou Health Care; Drwa pou Ledikasyon.  E tousala Mr Speaker i pa zis ladan; i ganny tradwir dan bann progranm spesifik e ki annan larzan ki bezwen pou met avek.  So nou pou vin lo la ki sa bann keksoz i pa zis vin dan laverti, me i en travay asarnen, fokalize ki Parti SPUP; SPPF; Parti Lepep ti travay avek bonm dimoun an ’93 pou ozordi nou koz ek lafyerte ki i la.  Pa par laverdir msye, madanm manmzel.  Mr Speaker mon ti a kontan fer en pwen en.  Mon krwar en kantite in ganny dir lo bann Premyer Danm ki bann pozisyon in ganny kree pou bann Premyer Danm, pou zot travay.  NCC; me NCC In zwe en rol pou montre ki Sesel i enportan; ki nou bann premye pei an ‘90 pou nou kapab ratifye Konvansyon Iniversel proteksyon zanfan.  E Sesel in ganny felisite pour sa.  E i annan travay ki in fer dan pei.  CARE; CARE in ganny kree e ozordi i en zouti enportan.  Nou ti dakor avek mwan nou tou ler nou ti pas sa nouvo Lalwa ki CARE i en partner ki mannyer pou protez nou zanfan kont drog atraver aktivite prevansyon.  So i en keksoz ki pa zis kree en propozisyon pou en dimoun i annan travay ki’n ganny fer.  Mr Speaker mon retourn lo sa kestyon ‘Respe.  I enportan ki nou respe e pa ridikiliz nou bann Prezidan.  Plant pwason – grow fish.  I dir sa ‘grow fish.  Angle pa nou ki’n envante – grow fish in ganny servi par bann dimoun L’Angleterre Queens’s English ki dir.  So konmsi sanmenm sa mon dakor ler Onorab Afif i dir responsab e nou pa ridikiliz bann dimoun ki travay pou anmenn pei kot i ete ozordi.  Mr Speaker, nou pe dir ki pei in ganny; pie par nou bann Leaders.  Me non kontrer nou’n travay – nou’n kontinyen pou anmenn pei kot i ete ozordi e nou pe demande ki bann langazman i ganny onore  – i ganny onore  – Onorab Larue in dir ki bann MNA ek bann Dirizan premye Repiblik i ganny onore e la travay ki pe ganny fer pou zot osi kapab ganny rekonnet.  So Mr Speaker nou’n koz bann lakizasyon personnel.  Me sa 217 milyon Roupi me les lanket ganny fer!  Annou pa konpar – annou pa atas sa avek nou Prozedlwa ozordi.  Si en dimoun in vole, be then nou deal avek.  I annan en kantite lenstitisyon ki’n ganny kree dan pei pou adres bann keksoz ki mal.  Ou pe konpran sa?  So be solman annou get li separeman silvouple.

 

(Interruption)

 

VICE-PRESIDENT MR VINCENT MERITON

… Seselwa o firanmezir, be nou ‘n devlope an pansyon ki nou’n vin avek teknik.  Konmsi byen koze i fer byen konpran nou pe aranze. Mr Speaker, nou’n ganny dir la – Onorab Afif in demande akoz 2 loto?  Konmsi mon vwar en Prezidan i annan son loto ki i ladan apre i annan en loto devan li; eski avek sa bann lamannman ki nou pe dir i pou annan en convoy ki pou kapab diriz li?  Si wi en keksoz ki nou kapab diskit lo la.  Mr Speaker mon ti a kontan fer en keksoz kler nou bann Prezidan parey nou bann dimoun Trwazyenm-Az i pa en fardo li i en kado.  I en kado ki ou serye pou nou kapab fer devlope nou pei zot.

 

(Interruption)

 

VICE-PRESIDENT MR VINCENT MERITON

Konmsi sanmenm ki mon pe dir annou kapab servi bann mo ki pa pe ofans lezot dimoun akoz i annan en kantite lezot dimoun deor pe ekout nou e nou pa ti a kontan pe ganny vwar pe mank respe pou bann dimoun ki’n travay.  E nou konsyan i sarze si nou pa dir – si nou mank respe pou sa bann dimoun ki’n zwe en rol dan devlopman nou pe.  Mr Speaker prensip lazistis sosyal; legalite loportinite lazistis nou ankor stand by this ozordi.  Me solman mon a fer kler ki si i annan en dimoun anba bannyer gouvernman oubyen anba bannyer Parti Lepep i soz son soz i bezwen soz li menm.  Sa dimoun ki’n fer son aksyon i bezwen reponn pou konsekans son bann aksyon.  Ler en dimoun i fer son bann aksyon ki an deor norm, i pa kapab asize e dir ki i annan polizyon avek Parti Lepep oubyen avek Gouvernman.  E Prezidan Faure taler in ganny dir eski nou kapab – nou kapab kont lo Prezidan Faure pou li pa diriz ek vanzans?  Non i pa diriz ek vanzans!  I pe demontre kapasite ki en Prezidan i annan ozordi ki sa 2 lezot prezidan pa ti kapab; akoz ler zot ti pe diriz pei ti annan 2 kote Lasanble – Nasyon ki ti anba direksyon en parti e lot kote Egzekitif ki ti anba menm parti.  Me keksoz i diferan ozordi e Prezidan Faure i pe onor langazman ki i ti gannyen avek nou – ek lepep Seselwa avek Lopozisyon – dan sa framework koabitasyon. Pas baton zot rapel pas baton?  Nou ti’n tonm dakor sa.  Nou ti kapab pa fer me avek sa bon lantant nou ti’n dir pas baton – anmenm – fer 8enm amannman Konstitisyon.  Nou’n pas Lalwa pou kontinyen kree bann lenstitisyon pou ranforsi nou demokrasi.  Zot vwar zot in tonm dakor zot osi ladan.  Mr Speaker, nou’n pas – nou apwent bann dimoun – prezan nou’n apwent bann dimoun san get kouler politik me ki i annan kapasite pou zwe en rol dan nou pei.  Nou pe anmenn Lalwa Special Pension yer ti aprouve.  E ozordi mon’n anmenn sa Lalwa ankor dan sa lespri bon gouvernans e onor langazman ki Prezidan Faure i annan anver sa 2 ansyen Prezidan, pou kapab fer sa ki nou ti pe fer ziske ozordi administrativman dan en lankadreman legal.  Byen koze i fer byen konpran.  Se dan sa loptik ki mon krwar i enportan pou nou kapab adres sa bann size.  Mon’n dir taler Onorab Afif in dir nou pa kapab konpran Maurice ek Kenya akoz Maurice i 14 fwa pli gran ki nou.  E Kenya i 500 fwa pli gran ki nou.  Me kou en lekol; kou en loto i preski parey!  E i bokou pli ser isi Sesel.  So petet en rezon akoz nou devret fer li plis, me nou pa oule fer li plis akoz nou santi nou bezwen être reel e mazin lepep osi ki la deor ki li osi pe travay.  Mr Speaker Prezidan Faure pa penalize.  I respe e i kontan Prezidan Michel e i respe e i kontan Prezidan Faure.  E Mon kontan ki nou pe dir ki si Prezidan – ki si ansyen Prezidan i bezwen fer en voyaz deor, e ki Leta i kaba finans sa.  Be pou nou kapab finans sa fodre nou unfreeze sa bann Bidze ki’n freeze pou kapab permet ki sa bann keksoz i pran plas e i marse.  Mr Speaker zis mon ti oule aport serten klarifikasyon dan fason ki sa i ganny prezante pou nou pa ganny li mal ki dimoun deor pa manm le pwen ki nou pe sey fer pou kaba met annord dan kadreman – e met an lankadreman legal ek en keksoz  pe ganny fer oparavan.  Mersi Mr Speaker.

 

MR DEPUTY SPEAKER

Bon nou’n ariv en staz pou nou pran en vot lo merit….Onorab Afif en moman mon ti’n fer sa propozisyon – mon ti’n – mon’n vwar Vis-Prezidan ti’n lev lanmen – mon ti krwar i ti pe al dan sa laliny Onorab De Commarmond ek Onorab Afif – me i deside fer son Repons – in donn son Drwa Repons e i pa’n donn okenn sans okenn propozisyon and all that so mon  take it koman son pozisyon final e nou pran en vot lo merit …. Lo prensip zeneral sa Bill.  Eski sa pozisyon?

 

(Interruption)

 

MR DEPUTY SPEAKER

Mon konpran – Onorab Hoareau – mon konpran ou pozisyon Onorab De Commarmond mon konpran ou pozisyon – okThe Right of Reply ki Vis-Prezidan in fer devan nou i annan propozisyon ki’n sorti lo zot kote – i annan propozisyon ki’n sorti lo kote isi in donn en Right of Reply in pa’n pran nanryen an konteks.  Ok?  So nou pran en vot.  Sa ti son Right of Reply nou pran en vot lo merit.

 

(Interruption)

 

MR DEPUTY SPEAKER

Be si nou pran en vot Bill i mor nou pa kapab al Staz Komite.

 

HON CHARLES DE COMMARMOND

…(Mic Off)

 

MR DEPUTY SPEAKER

Ok.  So nou pou pran en vot lo merit ….

 

(Interruption)

 

MR DEPUTY SPEAKER

Ou’n fini donn ou Right of Reply Vis-Prezidan.

 

VICE-PRESIDENT MR VINCENT MERITON

Mr Speaker zis mon ti pe fer serten pwen kler avek konprenezon ki apre nou pou al dan Staz Komite pou nou kapab adres sa bann size ki nou’n ton dakor lo la depi bomaten.

 

MR DEPUTY SPEAKER

Bon, nou pe swiv nou Standing Order – Ok.  Nou pe swiv nou Standing Order.  Mon ti’n sey gid zot apre le 2 Onorab in koze.  Mon’n sey gid zot.  Mon’n vwar Vis Prezidan in lev lanmen mon ti krwar li osi i pe tonm dan menm laliny me Vis-Prezidan in deside fer son Right of Reply san pran kontak propozisyon le 2 kote.  Ok?  Petet mon a demann le 3 avoka gid mwan en pti pe akoz nou’n ariv sa staz.  Onorab Basil Hoareau?

 

HON BASIL HOAREAU

Mr Speaker nou kaba touzour avek liv sispann Standing Orders.  I vre ki nou bezwen pran en vot lo nou al fer lamannman dan Komite, me mon kapab propoze ki anba Lartik 91 nou sispann Standing Orders pou permet nu ki nou a sispann provizyon ki dir Lartik Order 67 ki dir nou bezwen al dan Komite pou fer lamannman – ki nou kapab fer lamannman la avan ki n ou al dan Komite.  So mon move in terms of Order 91 – Order 91 of the Standing Orders ki nou sispann Lartik 67 so that we can proceed with the amendments letan Lasanble is in session.

 

MR DEPUTY SPEAKER

Ok en moman – Onorab Andre.

 

HON CLIFFORD ANDRE

Mersi Mr Speaker.  Mr Speaker Lartik 67 i koz lo 72 erdtan pou…

 

(Interruption)

 

MR DEPUTY SPEAKER

Ok.  Les li.  Mon konpran ou pozisyon Onorab Basil Hoareau.  Ok i kit sa diskresyon lo mwan koman Chair pou mwan servi mon pouvwar pou mwan sispann sa.

 

HON CLIFFORD ANDRE

Non pa koumsa ki fer.  67 ‘…and provided that the Chairperson may relax this provision in favor of simple amendments.’ So menm ou pou vwar i zis an referans avek bann lamannman senp.

 

HON BASIL HOAREAU

…(Mic Off)

 

HON CLIFFORD ANDRE

So 72erdtan avek lamannman senp ki annan.

 

(Interruption)

 

MR DEPUTY SPEAKER

Ok.  Mersi Onorab Andre.

 

HON CLIFFORD ANDRE

Solman si  sa i the worst comes to the worse, ou met sa proposal to a vote apre nou ava vote nou  a gete lekel ki gannyen.  Simple.

 

MR DEPUTY SPEAKER

Onorab Georges.

 

HON BERNARD GEORGES

Mersi Mr Speaker.  Mr Speaker, pozisyon devan nou i sa enn.  I annan en Mosyon ki’n ganny fer ki Order Standing Orders i ganny sispann pou nou sot Staz Komite.  Onorab Basil Hoareau in mansyonn Order 67 e sa i ti pou vin apre.  E en fwa ki nou’n deside sot – si in annan en vot pou nou sot Staz Komite, la nou ti pou bezwen sispann Staz Komite prezan, akoz serten  sa bann propozisyon pa’n ganny 72erdtan avan.  Me napa nanryen ki anpes Onorab Basil Hoareau move son Mosyon ki nou sot Staz Komite e ki nou fer zis en vot apre ki nou’n met bann propozisyon amannman devan.  I pa sanz nanryen akoz vote whether ou vot la oubyen ou vot pli tar, dimoun i still kapab vot – mannyer zot anvi.

 

MMR DEPUTY SPEAKER

Ok? 

 

(Interruption)

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mr Speaker mon ti oule vot zis sa Mosyon Onorab Hoareau.  Mersi.

 

MR DEPUTY SPEAKER

Ok les Onorab Hoareau refraz ou Mosyon – replas ou Mosyon.

 

HON BASIL HOAREAU

Non mon ‘nm fini bouze ki in terms of Order 91 nou sispann Standing Orders – annefe nou sispann  part of provizyon of Order 65 – Order 65 e mon osi pe propoze  parey mon‘n dir pour nou sispann osi Order 67.  Si nou sispann tou le de nou pou premyer bouz dan – nou sot Staz Komite e dezyenmman under Order 67 nou pa pou bezwen annan sa issue lamannman –  lamannman  i kapab ganny  propoze now.  So mon pe propoze ki nou sispann sa.

 

MR DEPUTY SPEAKER

Ok Onorab De Commarmond pou pe segonde.

 

HON CHARLES DE COMMARMOND

Wi mon segonde e …

 

MR DEPUTY SPEAKER

Ok annou – bon nou ava pran en vot lo sa propozisyon lo sa Mosyon ki’n move par Onorab Basil Hoareau.  Tou Manm ki an faver?  Ok?  Okenn Manm ki kont?  Ok.  Madam Clerk?

 

MADAM CLERK

Mersi Mr Chair 13 Manm an faver, e 8 kont.  Mersi.

 

MR DEPUTY SPEAKER

Ok savedir sa Mosy9on in pase.  Bon mon ava demann bann amannman.  Mon konnen i annan lot kote i annan enn ki’n sorti lot kote – mon ava demann bann mover bann amannman pou table bann amannman.

 

HON BERNARD GEORGES

Mersi Mr Speaker.  Nou pa dan Staz Komite.  Mr Speaker Premyerman les mwan apologize avek Lasanble lefe ki zot in reganny serten propozisyon lamannman bann Bills ki nou’n fini fer depi yer.  Alor silvouple inyor sa bann premye paz e al lo paz avan dernyen ki lo Presidential (Amendments) Bill.  Serten sa bann amannman Mr Speaker se bann amannman ki Bills Committee pe propoze – serten lezot sa bann amannman i sorti atraver bann propozisyon ki’n ganny fer dan sa Lasanble e ki’n ganny revwar par sa 2 Leaders ozordi.  Si mon kapab avek ou permisyon komans – pito si mon kapab avek ou permisyon avan ki mon al lo amannman fodre ki tou dimoun i konpran egzakteman ki nou pe fer alafen sa prosesis.  Sa ki pe ganny propoze se sa ki swiv.  Premyerman lo Pansyon avek Gratwite lo Pansyon i reste.  Allowance pou en biro avek pou  staff en biro pou ganny retire; sekirite pou ganny amande pou fer ki se Minis an konsiltasyon avek Komisyoner  Lapolis  ki deside sekirite pou en ansyen Prezidan atraver en (SI) ki pou vin as a Paper Laid  devan Lasanble  pou ki Lasanble i kapab scrutinize e olye 2 veikil – enn.  Nou pe koz lo ansyen Prezidan la.  En Veikil e son Kou Lanterman sa pe reste.  Donk sa ki pou reste sa, Pansyon avek Gratwite lo Pansyon; sekirite ki Lapolis i ava sizere; en Loto ek Feneray.  Pansyon pou bann madanm Prezidan pa pe ganny aksepte – pa la – ganny tire.  Pou achieve sa bi bann amannman swivan pe ganny propoze – Premyerman dan Clause 2 definisyon ‘surviving spouse’ i  ganny retire akoz i pou nepli apply.  Dezyenmman dan Clause 2 – 2(b) dan 2(b) pti 1 (i) met en mo ‘the’ ant ‘in’ avek ‘chapeau’.  Pou li lir byen insertingin the chapeau’ dan Clause 2(b) nou koriz lafason ki ‘gratuity’ in ganny ekri i mank en ‘t’.  Dan Clause 2(b) pti (iv) nou tir paragraf (c) avek (d) ki annan pou fer avek biro ek  staff biro.  Dan paragraf (e) kot i met personal security as may ‘determined by the President’ sa i ganny sanze e i vin personal security as may ‘prescribed by the Minister in consultation with the Commissioner of Police.’

E finalman kot i met ‘two chauffer-drive vehicles’ sa i vin ‘one chauffeur-driven vehicle.’  E akoz sa bann sanzman (c) ek (b) pe ale.  E alor sa (e)) ek (f) konmela i pou bezwen ganny aple (c) avek (d).  E finalman dan Clause 2(c) kot i annan 2 propozisyon ki pe ganny azoute enn se ‘Fineray’ e lot se ‘Pansyon madanm ou plito ‘Vev Prezidan’ nou pe gard Feneray, me nou pe tir Pansyon madanm alor nou pe delete sa nouvo Clause plito sa nouvo seksyon 3(b) ki pe ganny propoze e an fonksyon sa  – an fonksyon sa ler nou pe retourn dan son chapeau, (c) nou bezwen delete ‘3A’ ‘B’ ek ‘C’ me  pou renumber zot nou pa pou renumber zot ‘3C’ ‘3D’ ek ‘3E’ akoz i annan  zis en sel nouvo seksyon ki pe antre nou pou bezwen renumber zot ‘3B’ ‘3C’ avek ‘3D’.  Vwala Mr Speaker propozisyon ki pe sorti atraver Bills Committee ek bann deba ki’n arive ozordi.  E se sa donk bann amannman ki pe ganny propoze e ki devan sa Lasanble.  Mersi.

 

MR DEPUTY SPEAKER

Ok.  Onorab Basil Hoareau.

 

HON BASIL HOAREAU

Mon segonn sa Mosyon to be for the amendment.

 

MR DEPUTY SPEAKER

Ok.  Mersi Onorab Hoareau.  Onorab Ferrari.

 

HON JEAN-FRANCOIS FERRARI

Mersi Mr Speaker.

 

MR DEPUTY SPEAKER

En moman Onorab.  Zis pou prosedir nou annan bann amannman ki devan nou, mon pe zis allow en pe deba lo bann amannman.  Onorab Ferrari.

 

HON JEAN-FRANCOIS FERRARI

Ok deba lo lamannman Mr Speaker.  Mon komanse par dir ki mon vreman, vreman dezapwent avek Vis-Prezidan akoz finalman Vis-Prezidan pe dir nou ki in pa’n vwar okenn merite dan tou sa largiman ki nou’n fer depi bomaten e i pe aksepte sa bann amannman akoz nou pe fors li pou aksepte san bann lamannman.  In pran laparol pou li zistifye tou sa bann kakao ki nou depi b bomaten nou’n dir pa ti’n devre arive e still Vis-Prezidan in redonn tou sa bann keksoz e sa i fer mwan vreman dezapwente.  Me solman mon pa kapab fors en dimoun pou rekonnet bann lerer lo lapar lezot ki’n fer.  Alors sel keksoz ki mon kapab fer se dir mon dezapwentman parey mon pe dir la pou le moman.  Mon 2enm pwen Mr Speaker, se bann premye amannman mon ok ziska bann paragraf (e)paragraf (e) – donk Seksyon 2(e) ok?  Sa enn ki konsernsekirite pou Prezidan.  Bomaten mwan mon ti demande ki nou azout ‘in consultation with the Commissioner of Police’ pou en bon rezon.  Se pou larezon ki mon ti a kontan vwar a lavenir i se Lapolis ki asir sekirite bann Prezidan current e retire, akoz mon krwar se koumsa dan en monn siviliz apard dan bann pei kot i annan bann Koudeta kot i annan bann Larme ki o pouvwar bann Zeneral ki servi Larme koman bann zofisye sekirite,  mon krwar nou devre move away from that.  E mon pe dir sa pou mwan stretch lespri sa lamannman ki devan nou ozordi.  Be mwan osi Vis-Prezidan in donn nou en avan gou ki li i pa rekonnet okenn problenm mon kapab zis par asosyasyon ekspekte ki sa 2 Prezidan osi pa pou vwar okenn nanryen mal dan annan par egzanp 19 gard sekirite.   I pa pou vwar nanryen mal ek sa.  Ok?  Mon ti en Prezidan mon bezwen 19 gard sekirite; mon bezwen 19 dimoun pou vey mwan solda oubyen Lapolis.  Sa se mon Drwa mon bezwen.  Alors mwan mon anvi vwar dan sa Lalwa en keksoz ki dir ki i pa pou kapab annan bann lekse koumsa.  Akoz mwan mon konnen sa bann msye la mon’n frekant zot mon konnen ki zot, zot pa pe ekoute sa ki nou pe dir la.  Demen zot pou ale, zot pou dir ek Komisyoner Lapolis mon bezwen 19 Solda.  Mon bezwen 3 bomaten – 3 midi- 6 aswar 2 ler mon deplase 8 ler mon al konze.  Se pour sa ki mon ti a kontan demann bann Manm Bills Committee sey gid nou en pe ki mannyer nou kapab met en limit akoz nou pe deal ek bann dimoun ki napa – ki pa rekonnet bann lerer – bann lekse lepase.  So ki mannyer nou kapab fer keksoz pou nou mete ladan?  Sa i mon premye pwen.  Mon 2enm pwen paragraf (f) Onorab Georges in dir nou ki nou’n ranplas ‘two chauffeur-driven vehicles with one chauffeur-driven vehicle.’  Son fraz i kontinyen an dizan including fuel, road tax and insurance.  Mon propozisyon i koumsa; vi ki sa loto pou en loto Gouvernman, Gouvernman i bezwen pey road tax.  Akoz si Gouvernman pa pey read tax kekfwa sa msye ki’n ganny sa loto i pou krwar i ankor Prezidan e i pou roule san pey road tax, akoz zot pa rekonnet poudir i annan lekse dan lepase.  Alors i byen ki Gouvernman i pey road tax e road tax i bezwen kontinyen.  And insurance ankor parey.  Ler ou pe deal avek bann dimoun ki krwar zot par lao Lalwa, zot kapab dir mwan mon pa pe peye.  Savedir i the en ki Gouvernman i pey ek lasirans pour sa loto.  Finalman loto i pou nou – nou pa oule i al kraze apre nou, nou perdi nou loto.  Parkont fuel mwan mon oule propoze ki fuel i ganny tire sa mo ‘fuel.’ I ava vin’ including  road tax and insurance pour ki akoz si  pa met fuel dan sa loto – loto pa pou roule.  Ou bezwen mete fuel.  E mwan mon ti a kontan vwar ki a lavenir bann dimoun ki pa konnen en lit fuel i ete.  I pa konnen.  Pourtan pep i soufer.  La la i sote R18 nou pe i annan problenm.  E sak fwa nou pep i al lo SHELL e nou nou al lo SHELL nou santi sa douler.  E nou anvi ki tou bann dimoun i konnen i santi i partaz nou douler e zot ekonomiz en  pe;   ki loto pa pe monte desann tou lazournen pe al rod komisyon madanm – pe al rod lot pa rod lot pe al rod lot.  Savedir mwan mon pe dir ki nou met ladan to be read prezan as 2 – ‘one chauffeur-driven vehicle’ savedir i ganny en loto en drayver with road tax and insurance.  Sa i mon e kontribisyon – mon ti a kontan ganny zot lopinyon lo la.  Mersi.

 

MR DEPUTY SPEAKER

Mersi Onorab Ferrari.  Onorab Henrie.

 

HON GERVAIS HENRIE

Mersi Mr Speaker.  Kontribisyon ki mon ti le fer pareyman Onorab Ferrari mon  osi mon’n en pe dezapwente avek Right of Reply Vis-Prezidan, akoz nou’n lev serten issues ki mon ti ava menm swete donn en keksoz ki ti ava donn ou en lespwar pou demen.  Partikilyerman bann lamannman ki’n fer mwan 4an zeneral mon satisfe avek parske mon’n ganny bokou plis ki  mon ti pe espekte.  Me solman dan Clause 2 (b) pti (iii)  mwan mon ti koz sa zafer poursantaz Gratwite.  E mwan mon ti pe dir bomaten pou dir mon pa satisfe ek sa zafer ek poursantaz.  Mon ti ava prefere vwar ki sa sonm ki Prezidan i gannyen konman pansyon i ganny cap. Separeman  i dir ou i ganny R50 mil and that’s it.   Akoz ozordi par egzanp si nou pou dir Prezidan Michel i pe kapab tous  li 75 poursan son Gratwite – non pansyon i  pou tonm li apepre kekfwa si mon matematik i byen dizon 68 thousand per month, sa zis pansyon.  E plus parey mon ti pe dir li osi i ganny sekirite sosyal akoz son laz.  Plus Fon Pansyon in kontribye i pou gannyen.  Prezan tousala ansanm i bokou e ki kapab viv dan Sesel – ki pou mwan a lavenir si nou olye zwe ek sa poursantaz nou cap nou dir i ganny 40mil pansyon and that’s it.  E ankor mon ti koz lo sa zafer Gratwite ki mon dir menm si i dan Konstitisyon me sa Konstitisyon i pa’n ganny Gratwite grave dan ros – nou konman en Lasanble nou merit annan sa kouraz pou dir dan bann lannen ouswa mwan plito ki pe vini nou ava sanz li sa zafer Gratwite  ki konmsi pansyoner i ganny Gratwite i ganny Gratwite lo Pansyon,  i imoral.  E mon pa’n tann nanryen Bills Commiittee pa’n fer okenn nanryen lo la.  Mon konpran sa provizyon 58 (3) Konstitisyon ki anmar zot.   Me omwen ti ava donn dimoun laba deor ki pe ekoute en lespwar pou dir wi nou, nou konsernen konman en Lasanble e zot konsernen konman en Gouvernman.  E zot ava pare pou adres sa lenzistis.  Mersi bokou.

 

MR DEPUTY SPEAKER

Mersi Onorab Henrie.  Onorab Georges.

 

HON BERNARD GEORGES

Mr Speaker mon pa vwar lezot lanmen, me solman …sorry.

 

MR DEPUTY SPEAKER

I annan.  Ou ti pe al fer komanter.

 

HON BERNARD GEORGES

Non mon ti anvi zis reponn sa bann kestyon me mon a fer a lafen.

 

MR DEPUTY SPEAKER

Ok.  Onorab Afif.

 

HON AHMED AFIF

Mersi Mr Chair.  Mr Chair mon dakor zeneralman avek sa ki Onorab Georges in propoze.  Selman mon bezwen osi parey larestan Manm eksprim mon dezapwentman avek the Right of Reply VP.  Sa ton ou’n reply lo nou kote i pa fer nou kontan.  Sa ton ki ou’n servi.  Mon bezwen fer referans avek sa lensidan ki ou mansyonnen nou ti al atrap kouto pou koup gato SAVOY ki demontre poudir nou pe dakor nou dakor avek sa kalite keksoz tranzaksyon ki’n ganny pase ki nou Leader ki ti laba i dakor avek tou sa ki pe pase.  Mon le dir klerman poudir sa i en pe donn lenpresyon deor, ki pa korek.  Sa lensidan ti arive avek kan lo nou kote lo nou Leader i ganny envite detanzaot pou National Day.  Pou La Chine ki par egzanp ki ti fer Eden i ti ale.  India ti fer Kempinski, i ganny envite i ale, i bezwen ale.  La Russie i ganny envite i ti al SAVOY.  Pou L’Angleterre ti al  UK High Commision isi.  UAE i ti ganny envite SAVOY –  i pa konnen lekel ankor ki ganny envite.  E i son lobligasyon konman en Leader pou ale.  E akoz in ale e ler i laba zot dir zot anvi koup en gato, in al devan se pa li ki envit lezot dimoun pou vin koup gato.  E si in ganny trouve pe koup en gato laba mon pa krwar i normal pou servi sa konman en lendikasyon ki li  i pe siport aksyon en lot dimoun ki ti la dan sa letan e keksoz ki’n ganny fer atraver UAE ; par egzanp dimoun La Misère ki ti bezwen bwar delo e konmsi nou, nou pe toler sa bann keksoz ; delo sal e nou pe toler tousala.  Mon krwar i donn en move lenpresyon bann remark zeneralman ki mon krwar zeneralman in ganny fer lo nou kote nou dezapwente avek sa. E mon krwar nou devret al dan en direksyon kot nou montre nou aksepte sa ki mal.  E enn fwa ki nou aksepte sa ki mal nou pare pou nou travay  dan fason konstriktiv pou nou bouz devan.  E mon krwar nou devret rekonnet sa bann keksoz.  Mon osi  konpran sa rezervasyon ki Onorab Ferrari pe koze lo fuel i kapab annan en labi ladan.  E petet nou devret propoze ki fuel i ganny retire.  E nou kontinyen avek road tax ek lasirans parske finalman sa transpor sete en transpor Leta.  E mon krwar sa i devret enn bann enkli dan bann lamannman.  Mersi Mr Speaker.

 

MR DEPUTY SPEAKER

Mersi Onorab Afif.  Okenn lezot Manm ki le entervenir lo bann amannman?  Si non Onorab Georges oule fer komanter?

 

HON BERNARD GEORGES

Mersi Mr Speaker.  Mr Speaker mon ti a kontan zis fer en presizyon ; sa bann lamannman se pa bann lamannman Onorab Georges Onorab Georges pou bezwen mont Mamelles li osi tanto.  Mon pe koze akoz mon Chairman Bills Committee e mon krwar tou dimoun i konpran Bills Committee son jobs se pou capture sa ki sorti dan deba met li an parol e propoz li.  Alors sa se bann amannman i dan en fason neutral ki ganny met devan Lasanble pou Lasanble aksepte oubyen rezete.  3 keksoz – 3 pwen in ganny fer e mon krwar nou merit donn en lesplikasyon.  Premyerman Onorab Ferrari in demande ;  ki mannyer eski Lasanble i kapab kontrol sekirite ki ganny donnen a en ansyen Prezidan.  Sa ki nou’n fer dan nou propozisyon, son Bill avan ti pe dir ki se Prezidan ki pou deside ki ansyen Prezidan pou gannyen dan laform sekirite.  I ganny sorti ozordi ki sa i pa en bon fason akoz en Prezidan i kapab pini, oubyen donn en lavantaz son predeseser si non si  i kontan li oubyen si i pa kontan li.  Alor pou fer sa dan en fason transparans  kot Lasanble i ava annan toultan oversight, nou’n dir i ava ganny fer par en regilasyon (SI) par Minis apre Minis in konsilte avek Komisyoner Lapolis.  Alors Minis pou konsilte.  E Minis prezan i ava fer en (SI) kot i ava spesifye ladan ki kalite sekirite i propoze donnen e sa pou aplik pou trou ansyen Prezidan sa (SI) i ava vin devan Lasanble.  E Lasanble ava annan en droit de regard lo la.  En Oversight i ava kapab si nou santi konman en Lasanble ki i pa apropriye, anmenn en Mosyon pou fer sa ganny sanze.  Donk sa se lafason ki sekirite i kapab still ganny overseen par Lasanble.  Mon a sot sa kestyon fuel e mon al  lo kestyon Onorab Gervais Henrie ki dir ki  li i ti a kontan olye annan en poursantaz pansyon ki sa en sonm spesifik.  Sa i posib.  Napa nanryen ki anpes nou fer sa Mr Speaker.  An sanzan Lalwa san ki nou bezwen al sanz Konstitisyon, nou kapab sanz Lalwa senpleman, me fodre nou konnen egzakteman ki sa sonm.  E sa nou napa li devan nou ozordi akoz nou pa kapab redwir – Konstitisyon pa permet nou redwir en benefis  ki en Prezidan oubyen en Vis-Prezidan oubyen en Ziz Lakour Siprenm, pou donn 3 legzanp pe gannyen pandan ki i pe gannyen.  Ou pa kapab fer sa ou kapab fer li  pour bann ki pe vini nou pa kapab fer li pou sa enn ki pe vini – pou sa enn ki la.  E donk sa i en lamannman ki nou kapab fer dan lefitir, me i pa enn ki nou kapab fer ozordi.  A mwens ki nou annan devan nou sa sonm.  Me mon krwar ki a sa staz ki nou’n arive i preferab akoz nou pe al dan en gran desizyon se aksepte sa la, epi nou kapab vin avek en lamannman –  menm a sa Bill en fwa ki nou tonm dakor lo sa prensip annan en fix pou tou Prezidan.  Mon krwar sa ki i ti pe dir li osi se ki olye annan en sak Prezidan annan en diferan pansyon, baze lo sa ki i ti pe gannyen e ki nou bezwen aziste par en Gratwite, i a pli fasil pou ,tonm dakor lo en sonm fix.  Me mazinen ki i pou bezwen pou en prosen letan.  E finalman lo fuel i annan pen propozisyon ki fuel i ganny koupe dan sa lamannman.  Si sa i pou leka fodre en dimoun i propoze ki nou koup ki nou amann sa lamannman ki devan nou parti ‘fuel’ e ki ganny segonde e ki nou annan en vot lo la avan ki nou retourn lo bann amannman.

 

MR DEPUTY SPEAKER

Ok. Mersi Onorab Georges.   Onorab Ferrari.

 

HON JEAN-FRANCOIS FERRARI

Mr Speaker, mon pe move ki dan Clause 2 (f)….

 

MR DEPUTY SPEAKER

Onorab si ou pe fer bann amannman lo bann amannman ki’n propoze i vin (f) i ganny ranplase par (d).

 

HON JEAN-FRANCOIS FERRARI

Wi.

 

MR DEPUTY SPEAKER

I vin en new Clause (d) la.

 

HON JEAN-FRANCOIS FERRARI

Ki sa nouvo 3 (d)  i lir ‘one chaffeur-driven vehicle including road tax and insurance.’  E donk lamannman i ava lir ; ‘mon pe demande by deleting the word ‘fuel’.  By deleting the word ‘fuel’. 

 

MR DEPUTY SPEAKER

Mersi Onorab amannman  lo en amman in ganny propoze okenn manm ki segonde?  Onorab Afif?

 

HON AHMED AFIF

Mersi Mr Chair.  Mr Chair mon ti a osi kon tan propoze ki…

 

MR DEPUTY SPEAKER

Ou pe segonn sa lamannman ?   E lamannman pa ankor segonde.  I annan en lamannman ki’n ganny propoze par Onorab Ferrari.

 

HON AHMED AFIF

Mon ti oule zis azout lo sa lamannman.

 

MR DEPUTY SPEAKER

Ok.

 

HON AHMED AFIF

Mon ti oule zis propoze ki anba 2(b) 3 (d) nouvo 2(b) 3(d) ki nou dir’ one chauffeur–driven véhicle including road tax and insurance as may be prescribed’.  Konmsi dan sa ka nou pe fer ki sa kalite loto i ganny mete dan  Regilasyon.  Mon ti oule propoz sa.

 

MR DEPUTY SPEAKER

Ok.  Mon’n ganny 2enm propozisyon lo lamannman.  Okenn Manm ki segonde?  Ok Onorab John Hoareau?

 

HON JOHN HOAREAU 

Mr Speaker mon segonn sa lamannman.

 

MR DEPUTY SPEAKER

Ok.  Yes Onorab Georges?

 

HON BERNARD GEORGES

Mon ti pe al propoze en lamannman a sa lamannman ki amann sa amending Bill ki devan nou.  Mon krwar sa ki Onorab Afif i anvi se pa ki road tax avek insurance ki prescribed se loto.  Alor ‘a chauffeur-driven vehicle as maybe prescirbed including road tax’ and so on.  Mon krwar prescribed i devret vin la.

 

MR DEPUTY SPEAKER

Ok.  Onorab Basil Hoareau.

 

HON BASIL HOAREAU

Mr Speaker an relasyon avek fuel, mon pe mazinen si nou pa kapab olye tir li altogether nou met en fuel allowance me up to a maximum amount.   Mon ti pou propoze ki nou met li petet up to R3500.

 

MR DEPUTY SPEAKER

Ok.  I annan en lot propozisyon.  Ok ou propozisyon pa pe ganny segonde, pa pe ganny aprouve.  Ok Onorab Georges zis donn nou sa lamannman lo sa lamannman pou nou pran en vot lo la?

 

HON BERNARD GEORGES

Yes Mr Speaker.  Mr Speaker lo nou paz devan nou kot i komans avek paragraf (f) par repealing – replacing the words ‘two chaffeur-driven vehicles’ nou  bezwen sanz sa e mete by replacing the words ‘two chaffeur-driven vehicles including road tax and insurance with the words ‘one chaffeur–driven vehilce as may be prescribed, including road tax and insurance.’ 

 

MR DEPUTY SPEAKER

Ok.  Bon amannman in ganny mete kler devan nou.  Nou kapab paran en vot lo sa  amannman?  Nou kapab pran en vot ki’n ganny propoze par Onorab Ferrari in ganny segonde, e in ganny mete an kler.

 

HON JEAN-FRANCOIS FERRARI

….(Mic Off)

 

MR DEPUTY SPEAKER

Amannman i lir dan 2 i a vin 2(d) ‘one chaffeur–driven vehicle- as may be prescribed, including road tax and insurance.’  Ok ?  Nou kapab pran en vot lo la?  Tou Manm ki an faver sa amannman?  Okenn Manm ki kont?  Ok.  Madanm Clerk?

 

MADAM CLERK

Mersi Mr Chair zis pour mwan konfirmen si Onorab Henrie son lanmen ti anler  pou vote ?  So sa i fer 5 vot an faver Mr Speaker e 2 Manm kont.  Mersi.

 

MR DEPUTY SPEAKER

Ok sa pti amannman lo  amannman in ganny  mazorite.  Bon eski- yes Onorab Afif?

 

HON AHMED AFIF

Mr Chair mon bezwen fer sa pwen mon pa konnen si nou’n ariv sa staz kot nou pe …

 

MR DEPUTY SPEAKER

…nou pe al pran en vot lo sa bann amannman.

 

MR DEPUTY SPEAKER

Mon ti a kontan fer sa pwen Mr Chair ki nou vreman santi fortman kont sa statement ki ti ganny fer konsernan UAE e involvment Leader Lopozisyon e avan nou pran en vot mon ti  ava ensiste ki Vis-Prezidan i fer en statement retracting ki prezan Leader Lopozisyon i reflekte son endorsement bann aksyon ki ti ganny pran par ansyen Prezidan pandan son lepok e ki li i ti pe siport sa bann tel aksyon parski se sa lenpresyon ki’n ganny donnen.  Mon  ti a kontan ki ou fer kler, poudir sa i pa leka.  I enportan nou ganny sa statement avan ki nou pran en vot.  Mersi.

 

MR DEPUTY SPEAKER

Ok.  Vis-Prezidan.

 

VICE-PRESIDENT MR VINCENT MERITON

Mr Speaker mon remark ti  pou get dan lavenir, akoz komanter ki ti leve bomaten.  Mon pa ti fer referans ek lepase me kontrer mon ti pe  koz an relasyon avek partenarya lenvestisman e bon relasyon ki egziste ant nou 2 pei, me pa reflekte bann keksoz ki’n arive dan lepase anba administrasyon avan.  Mon  ti ava kontan fer kler lo la akoz – e osi Mr Speaker ti annan en kantite  lezot dimoun osi laba – mon pa ti pe single out Leader Lopozisyon.  Mersi Mr Speaker.

 

MR DEPUTY SPEAKER

Ok.  Onorab Afif.

 

HON AHMED AFIF

Mersi Mr Chair, mon aksepte ou klarifikasyon.  Mon ti a kontan osi remersye ou Mr Speaker ki ou’n servi ou lotorite anba Seksyon 91 pou permet ki nou kapab fer sa bann amannman la.  Akoz si ou pa ti servi ou diskresyon nou pa ti pou kapab fer sa bann amannman e alor siport sa Bill.  Alor mon remersye ou Mr Speaker.

 

MR DEPUTY SPEAKER

Mersi Onorab Afif.  Mon krwar sa in vin – mon’n vwar sa lekspresyon tou le de kote ; Onorab De Commarmond – Onorab Gill – Onorab Basil Hoareau e osi lo kote ou menm Onorab Georges – Onorab Henrie ki’n eksprim pou nou pa touy sa BIll konpletman.  Akoz mon krwar staz kot zot ti’n arive, si nou ti’n pran en pran en vot nou ti pou’n touy sa Bill.  Ok.  So annou pran en vot lo bann amannman ki’n ganny propoze ki’n ganny met devan par Onorab Georges, e mon konnen an konsiltasyon avek  Onorab Basil Hoareau lo kote Parti Lepep.  Tou Manm ki an faver sa bann amannman?  Nou pe vot lo amannman la  en apre nou a vot lo Bill as amended.  Nou pe vot lo…

 

(Mic Off)

 

MR DEPUTY SPEAKER

I byen.  I annan en Mosyon  ki nou’n pran sa bann amannman ok?  Nou bezwen vot lo sa bann amannman ok?  Tou Manm ki an faver?  Bann amannman  ki’n ganny propoze par Onorab Georges?  Okenn Manm ki kont?  Madam Clerk?

 

MADAM CLERK

Mr Speaker mersi.  12 Manm an faver e personn kont.  Mersi.

 

MR DEPUTY SPEAKER

Ok savedir bann amannman ki’n ganny propoze, in ganny aprouve par Lasanble.  Prezan eski nou kapab pran en vot lo Bill as amended. Tou Manm ki an faver?  Okenn Manm ki kont?  Ok.  Madam Clerk? 

 

MADAM CLERK

Mersi Mr Speaker.  16 Manm an faver e 9 Manm kont.  Mersi.

 

MR DEPUTY SPEAKER

Ok.  Savedir vot lo 2nd Reading  lo Bill as amended in pase e Bill in ganny aprouve.  Mon kapab  demann en Formal Third Reading.

 

HON CHARLES DE COMMARMOND

Mr Speaker anba Order 71 (1) nou Standing Order mon ou le move ki the Presidential Emoluments (Amendment) Bill, 2017 as amended i ganny lir en Trwazyenm Fwa.

 

MR DEPUTY SPEAKER

Mersi Onorab De Commarmond.  Onorab?

 

HON SIMON GILL

Mosyon seconded Mr Speaker.  Mersi.

 

MR DEPUTY SPEAKER

Mersi Onorab Simon Gill.  Mon ava demann Madanm Clerk pou fer Third Reading?

 

MADAM CLERK

Mersi Mr Speaker.  This Act may be cited as the Presidential Emoluments (Amendment) Act of  2017.  Mersi.

 

MR DEPUTY SPEAKER

Bon.  Yes ….

 

HON CHARLES DE COMMARMOND

(Mic Off)

 

MR DEPUTY SPEAKER

Wi.  Nou…

 

HON CHARLES DE COMMARMOND

Third Reading nou pa’n vote.

 

MR DEPUTY SPEAKER

Ok.  Ok.  Bon ok annou pran en vot lo Third Reading.  Tou Manm ki an faver?  Ok.  Okenn Manm ki kont?  Ok mon a redemann Clerk pou fer en  Formal Third Reading.

 

MADAM CLERK

Mr Speaker 16 Manm an faver e personn kont.  This Act may be cited as the Presidential Emoluments (Amendment) Act of 2017.  Mersi.

 

MR DEPUTY SPEAKER

Mersi Madam Clerk.  Bon avek sa mon ti a kontan remersi Vis-Prezidan…

 

HON CHARLES DE COMMARMOND

Mr Speaker,  Vice-Presidential Emoluments (Amendment) Bill, 2017 i dan menm laliny, mon krwar mon pe propoze ki nou kapab osi deal avek li.  I pa pou al dan debat sa akoz i menm prensip – nou fer menm amannman ki deza…

 

MR DEPUTY SPEAKER

Mon krwar  i en new Bill.  I a donn nou letan si fodre nou pran sa bann amannman ki dan plas nou pou ale ankor  pou nou al sispann Standing Order 67 i a donn nou letan petet le de kote, pou anvoy sa bann amannman an ekri e nou ava pran li Mardi.  Ok?  Nou ava pran li Mardi prosen koman i fresh Bill bomaten e nou ava – mon pa panse ki pou annan deba parey ozordi akoz i en Bill ki similar  – i pou pos Vis-Prezidan.  E nou ava pran sa bann amannman – nou ava pran sa Bill Mardi prosen –Mardi bomaten.  Ok?  Avek sa  mon ti a kontan remersi Vis-Prezidan – Mr Afif – Mr Esparon ki’n   pas akor en lazournen parmi nou.  Mon ti a kontan osi remersi tou bann Manm ki’n entervenir lo sa Bill e osi remersi staff SBC ankor ozordi ki’n kit zot en pti pe an retar e tou bann oditer ki’n kontinyen swiv nou panda sa 2 zour deba lo sa bann Bills.  So nou adjourn pou ozordi e nou ava rezwenn Mardi le 12 9er bomaten.

 

(ADJOURNMENT)