Home » This Week in the House » 2017 » Verbatim Tuesday 5th December, 2017

Verbatim Tuesday 5th December, 2017

NATIONAL ASSEMBLY OF SEYCHELLES

 

Tuesday 5th December, 2017

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bonzour tou Manm Onorab.  Bonzour Vis-Prezidan avek ou delegasyon.  Bonzour tou dimoun ki dan Gallery e tou bann oditer ki pe ekout nou.  Mon ti a zis kontan prezant en leskiz pou rezon ki nou’n konmans en pe an retar.  Nou ti annan enn de bann pti keksoz teknik ki nou ti pe sort out.  Avan nou komanse ofisyelman mon ti a zis kontan en Mosyon ki nou move from Komite Stage kot nou ti arive last week, pou nou repran nou Lasanble normal.

 

HON CHARLES DE COMMARMOND

Mr Speaker, bonzour.  Bonzour Vis-Prezidan ek ou delegasyon, tou Manm Onorab e bann envite sorti Anse Royale e tou dimoun ki a lekout.  Mr Speaker pou sorti dan Committee Stage zis ou menm ou deklare ki ou’n antre back dan Komite.  An prensip  i koumsa.  So for that matter nou dir nou Lasanble nou retourn back dan Lasanble sorti dan Komite.

 

MR DEPUTY SPEAKER

Wi rezon ki nou ti kit dan sa staz Vandredi swar.  Ok?  Alor mon ava zis dir Sergeant pou move Mace pou nou retourn dan Lasanble normal.  Bon, avan nou konmanse mon ti a kontan welcome bann, i annan en group Senior Citizens ek en group zenn ki  sorti dan distrik Anse Royale, ki pe swiv nou deba la bomaten e zot akonpannyen par Constituency Clerk ki atase avek lofis Onorab Sylvanne Lemiel ; Ms Charlotte Beauchamps.  Nou welcome zot parmi nou, nou welcome zot pou swiv nou deba la bomaten.  E parey lezot group i fer ler nou pran nou break zot ava akonpannyen par zot Onorab, Onorab Lemiel e lezot Manm Lasanble ki enterese pou enterak avek zot lo – anler  lo balkon avek dan Committee Room 3.  Ankor mon ti a kontan extend mon welcome avek Vis-Prezidan Mr Vincent Meriton – ki akonpannyen par Mr David Esparon from the Attorney General’s Office.  Mon annan Mrs Jessie Esparon Chief Secretary, mon annan Mr Samuel Verghese from AG’s Office, non Mr Samuel Verghese pa la.  Mr Mohammed Afif from the Cabinet Office, Office of the President.  E Ms Shelda Commettant from VP’s Office.  Nou pou al direkteman lo nou, lo nou travay e mon ava demann Onorab De Commarmond pou Mosyon pou Second Reading.

 

HON CHARLES DE COMMARMOND

Mr Speaker avan mon vin lo Mosyon pou Second Reading mon pa konnen si sa televizyon ki la pe marse si i annan problenm avek – ti bon tyeke … well pa ou  ki fer tyeke.  Apre mon annan –

 

MR DEPUTY SPEAKER

Ok.  Go ahead.

 

HON CHARLES DE COMMARMOND

Apre mon annan en propozisyon.  Lo lalis Bills for Second Reading Mr Speaker mon ti anvi nou shift sa dernyen  Bill Ministerial, ler mon demann (Amendment) Bill, 2017 pou vin 3enm – apre Constitutional Appointees’ Emoluments (Amendment) Bill, 2017 nou ava fer sa enn – apre sa de lot ki mon konnen pou annan bokou plis diskisyon lo la, nou ava anvoy li dernyen.  Mon pe zis demann ou laprouvasyon lo la – si i ok.

 

MR DEPUTY SPEAKER

Savedir i a vin Public Service Special Pension, Constitutional Appointees’, Vice-President, Ministerial e dernyen i a vin Presidential Emoluments.  Se sa ki ou pe dir?

 

HON CHARLES DE COMMARMOND

Wi.  Ti ava bon koumsa.  Non ?  Non,  non zis –

 

MR DEPUTY SPEAKER

Ok yes Onorab.–

 

HON CHARLES DE COMMARMOND

Non,  non zis –

 

MR DEPUTY SPEAKER

Wi sa i en propozisyon, yes ok?  Ale re dir mwan Onorab De Commarmond.

 

HON CHARLES DE COMMARMOND

Public Service Special Pension en – apre nou ava al lo Constitutional Appointees, apre nou a vin lo Ministerial Emoluments, apre nou a anvoy sa de Presidential and Vice-President dernyen.

 

MR DEPUTY SPEAKER

Ok.  Dakor.  Ok ?  Bon vwala, non mon pa pe fer deba lo la.  Mon pa pe fer deba lo la.  Wi mon pe aksepte, mon pe aksepte.  Ok ?  Nou pran Public Service Special Pension premye, nou swiv par Constitutional Appointees’, nou pran Ministerial, apre nou ava pran Presidential ek Vice-Presidential.  Ok?  Ok.  Onorab De Commarmond ou a move pou Second Reading.

 

HON CHARLES DE COMMARMOND

Mr Speaker anba Order 64 (2) nou Standing Order mon oule move ki the Public Service Special Pension Bill, 2017 i ganny lir en Dezyenm Fwa.

 

MR DEPUTY SPEAKER

Ok.  Mersi Onorab.  Okenn Manm segonde?

 

HON SIMON GILL

Mosyon seconded.  Bonzour Mr Speaker.  Bonzour tou koleg Onorab, bonzour manm piblik.

 

MR DEPUTY SPEAKER

Mersi Onorab Simon Gill.  Bon mon ava demann Vis-Prezidan pou entrodwir Bill Public Service Pension. 

 

VICE-PRESIDENT MR VINCENT MERITON

Bonzour Mr Speaker.  Bonzour tou Manm Onorab.  Bonzour tou bann dimoun dan Galeri e tou dimoun ki a lekout.  Mr Speaker en Pansyon Spesyal, i en nouvo benefis ki Gouvernman pe entrodwir.  E  atraver sa Prozedlwa dan Lasanble, nou le anmenn en serten rekonpans pou bann zofisye ki’n deservi servis piblik e ki atraver zot diferan responsabilite zot in kontribye en  kantite dan devlopman nou pei.  Bann kategori travayer ki pe ganny kouver anba sa Lalwa i enkli – i konm swivan :- Ners, Zofisye Medikal ek Danter, Ansennyan dan lekol Gouvernman e lezot Lenstitisyon Edikasyonnel Gouvernman, Zofisye Lafors Defans, Zofisye Servis Lapolis, Zofisye Servis Prizon, Zofisye ansyen Lazans NDEA, Zofisye Lazans Servis Tenny Dife ek Sovtaz, Zofisye Tenny Dife e Lazans Sovtaz kot Lotorite Lavyasyon Sivil.  Mr Speaker bann kriter pou resevwar sa Pansyon Spesyal i tel; premyerman sa aplikan ti bezwen dan lanplwa le 1 Zanvye 2005.  I annan 60an. Mon pe fer en mansyon Mr Speaker ki en Zofisye Servis Piblik ki pou ganny sa pansyon i kapab reste dan lanplwa ziske ler i ariv laz retret.  Trwazyenmman sa zofisye in bezwen fer 10an servis kontinyel oubyen 20an aggregate dan bann profesyon.  Tout an satisfezan bann kriter neseser, travayer ki kalifye pou sa Pansyon Spesyal pou resevwar R1000 par mwan.  E ler sa Prozedlwa i aprouve peyman pou efektiv apartir le 01 Zilyet 2017 e  Gouvernman pou pran larzan dan son Fon.  Le 01 Zilyet 2017 e Gouvernman pou pran larzan dan son Fon.  Sepandan sa Pansyon Spesyal, pou ganny peye irespektiv okenn benefis fon Sekirite Sosyal oubyen fon pansyon ler en dimoun i pran son retret.  Gouvernman in osi met an plas sistenm pou fasilit lafason ki sa Pansyon i ganny zere.  Sa Scheme pou sa Pansyon Spesyal, pou ganny zere par Sekreter an Sef kot Departman Ladministrasyon Piblik.  En laplikasyon pou sa Pansyon Spesyal pou ganny soumet ek Sekreter an sef lo form ki dan ‘Schedule 2’.  Bann dokiman ki bezwen ganny soumet ansanm ek form laplikasyon, se en kopi Sertifika Nesans, en kopi Kart Idantite Nasyonal sa aplikan, en kopi Rikord Lanplwa, detay Labank kot son Pansyon pou ganny transfer.  Mr Speaker mon pe soumet sa prozedlwa, Pansyon Spesyal Servis Piblik 2017 avek Lasanble Nasyonal pou konsiderasyon.  Mersi.

 

MR DEPUTY SPEAKER

Mersi Vis-Prezidan.  Bon deba i ouver lo sa Bill.  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou dimoun a lekout.  Mr Speaker mon pou vot an faver sa Bill, akoz mon krwar poudir i annan en gran merit.  Premyerman ler nou get bann dimoun  ki sa Bill pou touse, i annan en group Teachers, Nurse, bann lezot dan medical profession, Seychelles People’s Defence Force, Lapolis e Prizon e NDEA e osi Fireman enkli bann ki travay avek SCAA.  Premyerman Mr Speaker ler nou get sa Pansyon i enn ki pou ankouraz dimoun pou pran sa bann lanplwa; akoz dan lepase ki’n arive, nou remarke ki poudir sa bann kalite travay in soufer bokou avek pti git dimoun ki pare pou pran sa bann travay akoz i annan vreman en kantite challenge ki sa bann  dimoun i bezwen fer fas dan sa bann  louvraz.  Si nou get dizon parey SITE, landrwa kot i train teachers, pandan – dan zot rapor 2016, zot ti fer konpran ki i annan 108 dimoun ki ti konmanse e a lafen Desanm ti annan zis 92.  Nou vwar poudir sa lekol li menm i annan en kapasite apepre 200 manrmay.  So i pe operate at the moment avek 50 poursan ou mwens.  Ler nou get ankor school of NIHSS ki li i annan en kapasite 400 manrmay e an se moman i pe i operate avek zis 141 etidyan. So i montre nou klerman poudir dan sa bann sekter ki nou apel bann key workers, nou bezwen annan en sistenm pou si oule entice bann zenn etidyan ler zot fini S5 pou zot kapab pran sa bann diferan travay.  Dezyenmman Mr Speaker ler nou get sa bann extra duties ki sa bann dimoun i fer, laplipar osi i fer shift duties – apard ki teachers nou vwar poudir sa bann louvraz li menm parey mon’n dir i annan bokou challenge.   Teachers i bezwen travay ennler son dimans i pe pran i pe koriz papye.  I ape prepare pou lannmen travay.  Ler nou pe get sa bann lezot kad; par egzanp Lapolis, zot pe met zot lekor dan bann sityasyon risk.  Solda li osi i pe met son lekor dan bann pozisyon risk ler zot al dizon pou al apprehend bann pirat dan Coast guard.  Nou pe get Ners osi.  Dan lopital zot annan risk anmas maladi e zot osi zot pe fer louvraz nob kot napa en pri ki ou kapab mete pou bann ki pe sov lavi.  Nou pe get en teacher osi, i pe lenfliyans – i pe form karakter en zanfan, i pe osi donn konesans.  I pe ede pou form en citizen ki pou adapte avek sosyete e ki pou annan en rol dan sosyete demen.   I lenfliyans – parey nou dir leternite.  Alor Mr Speaker sa i enn de bann rezon.  Nou kapab vwar osi poudir sa bann dimoun i travay long hours standing osi – an debout.  So zot – souvandfwa zot pa pe travay dan lofis zot lo teren.  Sa larzan se pou ankouraz zot pou reste dan sa servis pou plis letan posib.  Akoz parey in dir i annan en kriter la.  10an continuous service e 20an aggregate.  Setadir pe kalifye bann dimoun ki pe donn en long servis avek Gouvernman.  Mr Speaker mon pe al lo en dernyen pwen la, ler nou pe get sa larzan ki pe ganny donnen konman en Pansyon Spesyal i pou osi motivate sa bann dimoun ki deza dan lanplwa, pou zot prodwir plis, pou zot travay pli serye – i vin konman en rekonpans pou zot valoriz zot travay.  Mr Speaker avek sa detrwa mo, mon krwar mon pou senserman donn mon sipor avek sa Bill ki pe vini e mon demann zot mersi pou ekout mwan.

 

MR DEPUTY SPEAKER

Mersi Onorab Hoareau.  Onorab Arrisol.

 

HON SANDY ARRISOL

Mr Speaker mersi.  Bonzour Mr Speaker, bonzour tou Manm, bonzour VP avek ou delegasyon e bonzour tou dimoun sorti Anse Royale dan Galeri e tou bann ki pe ekoute.  Mr Speaker mon ti a kontan dir de mo mwan osi lo sa Bill.  Ou konnen nou konman Manm Lasanble letan ti prezant Bidze tou resaman, nou tou en fason ou en lot nou’n sey fer sorti serten pwen an sa ki konsern travayer dan nou pei.  Nou tou nou’n sey rode kwa ki nou kapab rode ki meyer pou nou bann dimoun ki travay dan nou distrik.  Nou tou nou’n sey lager en pti larzan an plis pou serten  Minister.  Nou tou nou’n sey rod kondisyon favorab, pou tou bann travayer  – sirtou bann travayer Seselwa.  E nou tou konman en Lasanble nou bezwen aksepte nou’n fer e mon rekonnet sa. E ozordi sa Bill ki devan nou senpleman i pe anmenn sa me i pe anmenn sa pou serten norm kategori parey Minis in mansyonnen.  Bann Ners, bann Profesyonnel medikal, Profesyon teaching, bann dimoun ki dan teaching, Lafors Defans, Lapolis, bann seksyon Prizon, bann ex- Zofisye NDEA, ki ozordi ki tonm anba Lapolis, Fire and Rescue Services Agency ek tou lezot Lazans Sivil Lavyasyon Lotorite pe ganny en pti larzan an plis.  Mr Speaker mwan mon pou donn sipor – parey in ganny dir oparavan e mon osi mon happy avek sa Bill parski nou pe rod ankor sa k meyer pou nou dimoun.  E nou konman en Lasanble toultan nou konman sa pti group dimoun, nou toultan rod sa ki meyer pou nou dimoun.  Nou toultan rod sa ki an plis pou nou dimoun.  Me selman nou dimoun laba deor still zot kontinyen dir ek nou, nou kontinyen rod zis sa ki pou nou e nou pa rod nanryen pou zot.  E la ozordi sa Bill ki pe anmenn devan Lasanble nou pe rod ankor sa ki meyer, sa ki bon pou en lot group dimoun laba deor.  Me nou pa pe rod zis nou lekor isi anndan konman Manm Lasanble.  Lo sa pwen Mr Speaker, mon ti a kontan dir poudir letan mon pe get serten sa bann profesyon i pou enportan ki i annan plis responsabilite ki vin ek sa profesyon ; anvi ki nou pe rod en pti keksoz an plis pou donn zot, mon krwar i pou enportan pou nou annan plis responsabilite an sa ki konsern serten sa bann profesyon.  Par egzanp letan nou pe get Lafors Defans ; ozordi Lafors Defans pe ganny e kantite kritike deor parski dimoun i get zot konman en group dimoun ki zis asiz lo barak ki pa pe fer nanryen me selman  zot pe ganny peye.  Sa osi nou bezwen revwar parey nou ti  diskite dan nou repons Bidze, ki mannyer n ou kapab enkli Lafors Defans pou donn en koudmen Lapolis pou fer serten travay ki dimoun ozordi pe kriy oselo.  E mon kontan ozordi i annan serten keksoz ki’n- i annan serten lanons ki’n ganny fer an sa ki konsern Lafors Defans, pou zot zwenn avek Lapolis sirtou dan letan festivite la Desanm pou donn en koudmen dan bann patrol ki pe ganny organize.  E letan mon lo Lafors Defans, i enportan pou nou dir poudir ki bann zofisye dan Lafors Defans, i pou  enportan pou zot montre respe pou tou sitwayen laba deor – enkli nou konman Manm Lasanble.  Tou resaman ti annan en lensidan kot Speaker ti koz lo la e sa i ankor dan lanmen envestigasyon parey nou dir.  I pou enportan letan nou, nou pe rod sa ki meyer pou zot laba anndan konman  sa pti group dimoun dan Lafors Defans,  i enportan ki nou, nou pe ekspekte respe sorti kot zot parey nou, nou respe zot e nou konpran travay ki zot pe fer Mr Speaker.  NDEA par egzanp ; ozordi NDEA letan nou pe rod en keksoz pou NDEA  e ozordi bann zofisye ex-NDEA, mon  servi NDEA pou dimoun kwa ki nou pe koz lo la, zot in ganny absorbe anba Lapolis e i enportan ki letan zot fer zot travay pou zot ganny respe dimoun, laba deor i enportan ki zot osi zot aprann respe kot zot pase.  Par egzanp dan lepase i annan en kantite kritik lo zot ki nou’n koz lo la kot zot in antre zot in kas laport dimoun, zot in fer sa ki zot in anvi dan en fason letan zot ti ankor anba NDEA.  E letan ozordi zot in ganny absorbe anba Lapolis i enportan ki sa travay ki zot pe fer zot ganny respe nou popilasyon laba deor parski nou tou nou koz kont drog e nou annan en pti group dimoun ki’n donn zot lavi ki’n met zot lavi a risk pou zot pran sa konba kont drog.  Alor i pou enportan pou zot osi, pou zot ganny respe piblik pou nou piblik osi kapab respe zot Mr Speaker.  Se pou sa rezon mwan mon pe dir, letan mon get teachers par egzanp ; ozordi nou annan en leokri pou bann teachers e mon kontan i annan en keksoz pou bann teachers parski letan ou koz ek bann teachers ki’n ganny 40an servis apre ki ti fer en pti Seremoni Prize Giving pou zot i malere pou dir letan zot get zot lanvlop sa ki zot ti gannyen anler ti zis R2mil apre 40an servis.  Mon mazinen sa osi Gouvernman i bezwen revwar ki mannyer nou rekonpans serten sa bann dimoun ki nou’n koz lo la la.  E letan mon lo teachers mon bezwen dir.  R2mil pou 40an  servis eski vreman letan sa ansennyan ki’n fer 40an i koz ek sa enn ki pli zenn i dir ek li ler ou ganny 40an ou pou ganny en pti R 2mil dan nou lanvlop eski i vreman ankouraz bann ki zenn?  Alor mon kontan i annan en pti keksoz an plis ki’n ganny fer.  Be selman letan mon pe get teaching profession e mon mazinen sa i pou zis bann dan Gouvernman bann teachers ki dan lekol Gouvernman e sa i osi fer mwan mazin osi bann teachers ki dan prive par egzanp k pe fer en travay ekselan pou nou bann zanfan.  Eski zot osi letan nou fer sa bann zafer nou koz lo teachers zot pa ganny enkli pou zot osi kapab fer – ganny serten benefis, parski zot osi an retour zot rann en benefis lasosyete.  Alor Mr Speaker avek  sa Bill ki sitan ti pti nou’n  vwar kantite  keksoz ki annan pou nou bann dimoun.  E nou repete konman en Lasanble nou kontinyen lager pou nou dimoun.  Nou kontinyen rod sa ki meyer pou zot, nou kontinyen rod plis larzan, nou’n rod Trezyenm Mwan Saler pou zot, nou’n rod inducement allowance pou serten, nou rod risk allowance pou serten e la sa Bill pe fer provizyon pou nou vot lo en pti keksoz an plis pou nou bann travayer Seselwa laba deor ki devoue en kantite.  Alor Vis-Prezidan, mwan mon pou donn full sipor sa Bill e mon ekspekte ki lezot Manm osi i fer parey.  Mersi bokou Mr Speaker.

 

MR DEPUTY SPEAKER

Mersi Onorab Arrisol.  Onorab Ghislain.

 

HON CHANTAL GHISLAIN

Mersi Mr Deputy Speaker.  Mr Deputy Speaker mon pa pou long lo sa.  Me selman i fer mwan rapel Senkyenm Lasanble letan Onorab LGB  –Onorab De Commarmond ti pe sizere en bann keksoz koumsa par egzanp i ti nonm teachers ek bann Zofisye Lapolis pou kapab konnen ki mannyer nou retenir nou bann profesyon  dan nou bann – profesyonnel dan bann travay koumsa.  Me selman mon kontan omwen in arive menm si in pran en pe letan.  Mon pe sizere ki nou bezwen konmans en bor.  Par egzanp letan mon pe regard sa, mon pe regard sa Bill – wi i kouver sa kategori travayer e letan mon pe regarde twa kar sa bann travayer se zot pe travay dan bann servis esansyel, e nou konnen osi poudir i annan ankor bann lezot travayer ki travay dan bann servis esansyel, menm si dan Bill pa’n mansyonn sa mo ‘esansyel’ me  selman mon pe mazinen ki petet dousman, dousman nou kapab bouz en pti pe pli devan.  Par egzanp mon pe regard bann drayver bis SPTC ki zot pa konn Konze Piblik, zot pa konn bann zour Lafet me selman zot pe travay zot delivre ziska menm 1 er bomaten and all.  Mon pe regard par egzanp bann zournalis ki travay – menm bann cameraman pou kapab donn nouvel bann Manm piblik, zot travay zot osi dan bann servis esansyel si napa sa bann moman kot ler nou tou  nou pe repoze kot lakour me zot, zot la pou fer sir ki nouvel i pase zot resevwar.  Mon pe menm mazinen osi letan nou pe koz lo Nurse osi mon pe regarde si i pou osi kouver bann lezot travayer apard ki Nurse and Doctors, si i spesifye ki bann kategori Travayer Lopital ki pe ganny kouver parski ler mon pe regarde pou fer marse servis Lasante Sesel i pa depan zis bann Nurse me i osi annan bann lezot profesyonnel ki fer marse sa lenstitisyon ki osi zot donn bann servis pou ki – nou osi nou kapab dir zot poudir be nou osi nou bezwen zot pou kapab ankouraze ki zot osi zot vini.  Mon pa konnen ziska ki kote ki kote sa pou kouver, si i ti – dan larepons VP ti kapab anmenn sa, pou nou kapab konn sa.  Se tou ki mon ki  anvi dir lo sa Mosyon e mon pou siporte.  Mersi bokou.

 

MR DEPUTY SPEAKER

Mersi Onorab Ghislain.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Sa ki mon ti ava kontan dir lo sa Prozedlwa ki devan nou, se ki dimoun dan lakour pe ekoute zot tande poudir ok la en lot Special Pension pe ganny entrodwi.  A en moman mon krwar i pou enteresan pou nou bann dimoun piblik konnen kwa, ki sesel koman en leta i donnen an term bann zafer pansyon.  Nou konman Manm Lasanble nou ganny en dokiman Bidze ki nou vwar bann pansyon Konstitisyonnel, Anbasader i annan, ansyen Prezidan, Manm Lasanble, konmsi be piblik laba deor a en moman mon krwar zot ti ava enterese konnen.  Nou tande i annan zafer Liberation Memorial Fund dimoun ki ankor pe ganny Pansyon akoz Koudeta.  Tousala nou dir ek dimoun deor kwa ki Leta Sesel pe donnen akoz at the end of the day i annan en endividi ki li i ankor pe pey tax e pe pey pansyon pou diferan kategori me selman li i pa pe gannyen.  Alor nou enform li pou li kapab sitye li dan tou sa sityasyon.  Sa i premye pwen ki mon anvi fer.

2enm Pwen lo dan Lartik 3 (b) sa Bill i dir ki sa Pansyon pou peye apartir 60an.  Sa Pansyon pou peye parti 60an, selman la nou dan milye en deba kot eski pansyon dezormen Sesel pou konmans pey 6 an.  Si 65an petet VP ti kapab dir nou akoz.  Alor zot pe kalkil la 60an si i ava reste, si i pou kapab sanse a lavenir.  Sa i bann pwen leklersisman ki mon personnelman mon ti ava kontan konnen.  Apre letan nou pou al lo son ‘Schedule 1’ ki donn sa lalis e la mon ti ava kontan konnen – parey Onorab ki’n koze avan mwan ki mannyer Gouvernman in tonm lo sa lalis?  Akoz sa bann dimoun spesifik?  Kwa ki sa bann dimoun i fer an plis ki zot, zot devret gannyen akize poudir sa lalis i diskriminatwar.  Onorab ava mwan in nonm 2 louvraz spesifik.  Mwan mon mazin osi bann dimoun par egzanp ki fouy simityer, zot osi zot kapab anmas maladi.  Mon mazin bann dimoun ki travay met koltar, i en travay ki zot osi zot kapab malad a en serten laz.  Bann dimoun ki plonze i annan en serten nonm lannen zot in nepli kapab fer sa travay e risk i la.  Konmsi sa zis 3 ki mwan mon pe mazinen dan mon latet, be i annan bokou plis ankor ki akoz tou dimoun pou dir ou wi i devret gannyen.  Alor mon ti ava kontan ki Vis-Prezidan dan son summing-up i dir nou akoz sa kategori.  E dan sa kategori parey osi Onorab ki’n koz avan mwan e menm Onorab Arrisol in dir en nurse li  i pa travay li tousel, i annan bann support staff ki vin avek dan tou sa bann profesyon.  Zot eski zot pa pou ganny enkli ladan?  Sa ankor i bann kestyon ki pa zis mwan ki pe demande me sa dimoun ki travay dan Lasante laba pe ekoute i anvi konnen, s dimoun ki travay dan ledikasyon li osi i anvi konnen.  E apre pou sa bann dimoun ki dan sa bann profesyon Nursing, Teaching, dan Larme, Lapolis, Prizon, bann ki ti travay avek NDEA ki ankor dan Lapolis ozordi, bann Firemen mon ti ava kontan dir zot poudir Onorab Arrisol taler in koz lo disiplin.  Lo respe mwan mon ti pou dir zot osi zot louvraz i pa zis letan zot laba dan zot landrwa kot zot pe travay.  Zot reste avek nou dan kominote, e mon krwar zot bezwen osi anmenn zot louvraz ennler dan kominote.  Parski ozordi nou’n ariv en staz kot nou annan en pe problenm dan kominote ki swa depi problenm drog, bann problenm sosyal kot si par egzanp ou en nurse ou kapab fer en pti keksoz apar pou ed en dimoun aze ki reste obor ou i ti pou ede amelyor lavi en lot sitwayen Seselwa.  Ou en Zofisye Lapolis ou vwar en zenn pe fer bandisite obor semen ou koz ek li.  Yer swar par egzanp mon get en lensidan, mon sorti Mont Buxton tar dan 8er i annan  en msye ti pe dormi anba en laboutik e dan lwen mon pe gete de Zofisye Lapolis i pase sertennman zot ti pe fer patrol zot zis regard li e zot ale menm.  Konmsi zot bezwen fer en pti keksoz an plis pou ki mwan mon ava apresye konman en taxpayers poudir ou’ n donn nou sa servis ki nou merite e alor ou merit sa Pansyon.  Ou’n travay 24 lo 24 dan sa profesyon.  E la mon mazin partikilyerman Lafors Defans, ozordi sa konversasyon lo kwa ki Larme i kapab fer an plis ki i zistifye sa Bidze ki nou vote pou zot tou-le-z-an, kwa ki zot kapab fer an plis.  E la i fer mwan rapel poudir nou pa tro vwar zot nou, zot reste dan barak nou donn zot, zot gadyak, zot dezennen, zot dinen, be si zot ti devlop osi bann profesyon kot larme letan en boug i en solda i ti kapab an menm tan en zour i al fer en lekol akoz i kapab fer lekol.  Nou ganny bann dimoun parey Onorab Clifford Andre ki’n fer Larme tre entelizan, kapab annan bann lezot louvraz, zot kapab en zour omwen par semenn travay dan asiste servis piblik ki – mon ti ava ankor kapab zistifye poudir apre ou pou ganny sa Pansyon ou merite.  So mon  demande ki zot fer en pe plis.  E mon dernyen pwen Mr Speaker sa bann ki pe ganny touse la zot prensipalman  dan servis piblik.  Prezan i fer mwan mazin bann dimoun dan prive.  I annan en kantite bann teachers dan lekol prive bann dimoun dan Lasante ki dan sekter prive, alor Gouvernman la li in fer en pa in anmenn en keksoz nouvo.  Be sekter prive prezan i bezwen konmans swiv legzanp parski en Fon ki i ti kapab demann son bann dimoun pou kontribye ouswa li menm li i met en keksoz ladan ki demen letan en dimoun in travay Independence School par egzanp pou sepa mon konbyen letan i pran son retirement, i kapab ganny en keksoz par la.  Bann dimoun i bezwen dezormen asize e kalkile ki mannyer zot pou vin e pe pli inovativ lo la parski li Gouvernman i pe fer sa pou retain bann profesyonnel dan servis piblik, me pa tou dimoun ki pou anvi travay dan servis piblik ki pou anvi travay dan servis prive – dan servis prive wi, sekter prive kekfwa i vwar laba i annan en pe plis leksitasyon pou li e plis rannman me a lavenir solman ki i benefisye.  Alor i bann keksoz ki nou bezwen kontinyen reflesir lo la konman en pei e ki alor tou Seselwa a lafen de fen i kapab benefisye en keksoz ouswa en lot.  So lo sa 2 pwen mon ava termin la e mon ava remersi zot pou zot latansyon.  Mersi.

 

MR DEPUTY SPEAKER

Mersi Onorab Henrie.  Onorab Basil Hoareau.

 

HON BASIL HOAREAU

Mersi Mr Speaker.  Bonzour tou dimoun ki dan Lasanble.  Bonzour Vis-Prezidan e bonzour tou dimoun ki a lekout.  Mr Speaker Bill ki devan nou i pe kree Pansyon pou bann serten kategori travay ki dan public service.  E Manm ki’n koz avan mwan in kestyonnen akoz ki nou’n limit li selman a sa kategori travayer ki’n ganny mansyonnen e osi Onorab Ghislain osi in raise sa menm issue.  Mon krwar premyerman nou bezwen konmans kekpar.  Nou bezwen konmans somewhere e nou’n konmans ek sa kategori ki la.  E mon pa krwar poudir sa kategori i pou en kategori ki pou limitativ.  Lalwa i fer provizyon poudir sa bann kategori in ganny set dan en schedule – ‘Schedule 1’.  E Lalwa i dir poudir Minis i annan pouvwar pou li amann sa Schedule savedir i kapab fer sa by regilasyon.  Pa bezwen ki i vin devan Lasanble demen  pou li mon oule amann sa Schedule me i kapab fer li selman par en senp regilasyon.  Sa  i vedir ki Minis i lib.  Letan i santi i annan en nesesite poudir i kapab devret azoute avek sa lalis si i santi sa nesesite in arise e ki i posib pou fer li Minis ava fer li.  Me mon krwar nou devret konmans somewhere e sa kategori ki la i bann kategori ki mwan mon pou dekrir konman esansyel.  Mon pa pe dir poudir sa i selman bann essential services, i kapab annan plis me sa bann kategori ki la i – sa bann louvraz, sa bann profesyon la i tonm dan sa kategori me annou konmans somewhere.  E parey nou’n dir nou koz lo nou bann nursing profession, se bann dimoun ki travay dir, travay dir pou asire ki nou pep i reste an bonn sante.  E egalman sa i apply pou nou bann Dantis e nou bann Dokter.  Nou annan nou bann teachers se zot ki pe edik nou bann zanfan, zot osi zot travay tre dir, long hours.  Onorab Hoareau in mansyonnen poudir zot menm travay kot lakaz e mon kapab testify tou akoz mon manman ti en teacher e mon konnen  zot travay long hours e i annan  ban louvraz osi ki nou’n mansyonnen ladan ki ase riske par egzanp Zofisye NDEA nou  konnen in ganny repeal me solman zot osi zot pou entitled pou bann pansyon ladan si zot satisfer bann kriter.  Bann dimoun ki travay avek Seychelles Fire and Rescue Service Agency zot bann louvraz ki zot fer i risky e i demanding, so nou pe compensate zot pou lefe ki zot in reste – zot in montre zot rol lwayote atraver zot louvraz ; parski zot pou’n servi at last pou zot nobou kalifye pou sa pansyon swa en total en  continuous service kontinyel pou 10an ouswa en total 20an an.  So i pou bann dimoun ki si zi – letan zot kalifye pou sa Pansyon, zot pou’n bezwen montre serten loyalty atraver zot louvraz.  E mon krwar i enportan ki nou rekonpans zot pou bann sakrifis ki zot in fer Mr Speaker.  Mr Speaker mon ti a kontan prezan koz en pe lo bann kondisyon ki en travayer, sa bann travayer ki nou’n nonmen la i bezwen satisfer avan ki zot kalifye pou sa pansyon.  Premyerman Lalwa pe dir nou ki i bezwen en dimoun ki par le 01 Zanvye 2005 ti dan lanplwa.  Ti dan lanplwa Gouvernman.  Savedir bann dimoun ki ti’n kite avan le 01 Zanvye 2005 pa pou kalifye pou sa Pansyon. Egalman bann dimoun ki’n antre dan Servis Piblik apre le 01 Zanvye 2005 zot pa pou kalifye pou sa Pansyon so nou starting point se ou’n bezwen dan lanplwa by le 01 zanvye 2005.  E i dir ek ou poudir ou’n bezwen ganny anploye dan enn sa bann profesyon ; swa parey mon’n dir swa pou kontinyelman pou 10an ouswa si ou pa’n anploye – ou pa’n ganny anploye dan enn  sa bann profesyon kontinyelman an pou 10an, me pou en total 20an ou’n  ganny anploye dan sa bann profesyon.  An dot mo Mr Speaker, si mon pran en legzanp, pran en legzanp en dimoun  – en travayer, en clerk ;  en dimoun ti ganny anploye konman en clerk dan Gouvernman le 01 Zanvye 2005 ok.   E in travay konman en clerk ziska 2010. Apre 2010 in vin en teacher li.  I pa pou kalifye pou sa Pansyon parske i pou’n travay selman 7an.  La pou le moman i pou’n travay selman 7an dan enn sa bann profesyon.  So li i pa pou kalifye pou Pansyon li.  Akoz – m e si en dimoun in travay 5 an en legzanp konman teacher, apre in travay ankor 5 an koman en Ners, i pou  kalifye li akoz li in travay 10an dan sa bann profesyon ki’n ganny mansyonnen dan Lalwa.  E sa i enportan pou nou bann dimoun konnen lekel bann dimoun ki pou vreman kalifye pou sa Pansyon e sa mon krwar i montre lentansyon kler ki Lalwa pe fer.  Lalwa pe fer i pe rekonpans sa bann dimoun ki dan sa bann servis ki mwan mon id parey mon’n dir i esansyel pou nou sosyete.  E Lalwa i osi demande ki apard sa bann kondisyon ou  bezwen en dimoun ki pa pe resevwar pansyon anba Pension’s Act ouswa ou pa pe resevwar pansyon anba Public Sector Special Pension Act.  Savedir letan nou koz Pension’s Act mon krwar i sanmenm sa bann pansyon  ki nou kontan koze nou dir Pansyon Angle ki nou koz lo la ou ouswa sa Public Sector Special Pension’s Act i bann dimoun ki zot, zot ti entitled pou Pansyon i bann dimoun ki ti’n travay ant 01 Zanvye 1979 a 31 Desanm  2004 e ki i annan diferan kondisyon zot ti entitle pou en Pansyon e sa bann dimoun par egzanp i ti retrie at the age of 60 zot ti entitled pou en pansyon.  E zot si zot pe ganny en Pansyon anba sa Lalwa, zot pa pou entitled en Pansyon anba sa nouvo, sa nouvo Bill ki pe vin devan nou.   E i osi enportan pou note ki poudir dan provizyon Lalwa i annan bann mezir ki’n ganny met an plas pou anpes annan labi, parski nou konnen letan nou koz lo pansyon i annan dimoun ki kapab esey abize.  I anvi kapab claim Pansyon ouswa i annan dimoun ki kapab pe kontinyen menm si sa dimoun i  nepli vivan i nepli entitled lo en Pansyon pou li sey kontinyen claim Pansyon.  E se sa ki par egzanp enn bann mezir ki’n met an plas e ki i pe demande poudir tou le 6 mwan, tou le 6 mwan sa dimoun ki pe resevwar sa Pansyon i bezwen provide Life Certificate avek Lotorite e Lotorite se pou le moman  nou pe dir Lotorite ki pou responsab pou sa Pansyon anba Lalwa anba Bill i dir Chief Secretary in the Department of Public Administration mon konnen poudir pli tar dan Komite pou annan en lamannman ki pou move pou demande ki not the Chief Secretary me se Departman li menm ki responsab pou manage sa Lalwa.  E parey mon’n dir mon krwar sa Pansyon i dan bon direksyon.  Nou pe fer sir poudir nou bann dimoun i kontinyelman ganny rekonpanse pou travay dir e travay for dan sosyete.  E annefe petet sa Pansyon letan mon get sa Lalwa i tonm anliny avek Tenm Bidze.  Tenm Bidze ki ti dir travay pli dir pou tou dimoun e la sa bann dimoun ki dan sa bann servis, sa bann profesyon ki’n travay dir pandan zot lavi e ki’n reste dan sa ban profesyon, ki’n montre zot komitman zot pou ganny rekonpanse atraver en Pansyon.  E parey mon’n dir mon a fini avek poudir sa i selman en konmansman.  E mon asire poudir letan in ler e letan ki nou santi i posib sa lalis i ava agrandi.  Mersi Mr Speaker.

 

MR SPEAKER

Mersi Onorab Hoareau.  Onorab Roucou.

 

HON CLIVE ROUCOU

Mersi Mr Speaker.  Bonzour vis-Prezidan ek ou delegasyon.  Bouzour tou Manm Onorab.  Bonzour tou dimoun sorti Anse Royale.  So Mr Speaker sa Bill ki devan nou mon krwar i annan son lenportans espesyalman ler mon get sa bann kategori travay ki dan sa Bill.  Spesifikman ler mon get nursing profession and teaching profession so mon konnen egzakteman ki i entails ladan.  Mwan konman en ners pou sa dernyen 20an e en lecturer NIHSS pou plizyer lannen mon konnen ki kantite difikilte i annan  dan sa 2 profesyon.  E larestan profesyon zot osi zot annan zot merit.  Alor sa pti logmantasyon dan pansyon pou en soutyen pou nou bann travayer.  Pou en soutyen pou en lankourazman osi ki ava permet nou bann zenn, vwar sa sans pou zot zwenn sa bann profesyon.  Nou’n tann Onorab John Hoareau taler koz lo bann statistic lo nivo teaching, lo nivo nursing kot i vreman ba.  Tousala pou sa pti pansyon i ava ede dan enform lankourazman.  Me par kont mon krwar sa bann kategori ki’n ganny swazir i vreman annan limitasyon.  Mon konstate ki wi, i bezwen annan en pwen  konmansman.  Ler mon get nursing mon al en pti git pli devan ki Onorab Ghislain.  Ler nou get nursing konman en profesyon e nou’n koz lo Medical and dental profession, i annan ankor bann  kategori, bann kad travayer ki ede e fer sa Minister Lasante spesifikman bouz devan.  La nou vwar bann Lab Technician, Physiotherapist, Occupational Therapist, tousala i bann kad travayer ki zot lenportans i egal avek pou sa Dokter e pou sa Ners.  Alors mon ti a sizere ki ler Vis-Prezidan pe fer son konklizyon i a kapab balans en pe lo nou bann lezot kad travayer.  E lo sa pwen konmansman, lo sa pwen konmansman 2005, Zanvye 2005 la mon pe mazin en kantite mon bann ankadrer e  mon bann lecturers ki’n anmenn mwan pandan mon letan letid, pandan mon 3an ki ti bann dimoun ki’n travay en kantite letan, en kantite letan me par kont avan 2005 zot ti’n sorti dan profesyon.  Tou sa la mon ti  a demann Vis-Prezidan pou mazin lo la pou fer desann en pti pe pli ba sa 2005, koumsa i ava ankadre en pe plis bann profesyonnel ki’n devoue zot letan pou plizyer lannen dan sa bann profesyon.  Alors mon garant, mon donn – mon dir Vis-Prezidan ki mon pou donn li sa sipor.  Mersi.

 

MR DEPUTY SPEAKER

Mersi Onorab Roucou.  Onorab Lemiel.

 

HON SYLVANNE LEMIEL

Mersi Mr Speaker.  Bonzour Vis-Prezidan ek ou delegasyon.  Bonzour tou mon  bann koleg e bonzour tou bann dimoun sorti Anse Royale.  Mr Speaker mwan mon pou vreman bref lo sa Bill.  Mon krwar ki sa Bill in vin a en moman oportin ; en bon moman kot petet Gouvernman in vwar ki a sa letan la i pou kapab soutenir sa bann sonm larzan ki i pou annan pou peye towards pansyon pou sa bann kategori dimoun.  Me ler nou gete osi mon krwar plis ki zanmen in ler pou nou valoriz nou bann travayer.  Valoriz nou ban dimoun ki donn en kantite.  Zot donn zot letan.  Letan ou pou pran legzanp en  teacher ; ozordi ou pou vwar kot en lekol ki kantite travay en teacher  pe fer, plis ki son travay ki i merit fer.  En teacher ozordi i vin en travayer sosyal, i vin en dokter, i ranplas nou manman, i ranplas papa.  Konmsi nou bezwen pe vwar en pti pe dan sa bann laliny kot nou donn zot en pti pe plis lankourazman.  E ler ou regarde osi ou vwar poudir nurse, teachers menm zot pe kite sa profesyon, zot pe ale akoz petet i mank sa lankourazman e petet i mank valorizasyon zot travay ki zot in fer.  So mon krwar avek lentrodiksyon en Special Pension pou sa kategori dimoun i ava petet ankouraz zot pou zot reste dan sa profesyon e kontinyen petet zot travay menm si apre ki zot in sot zot 60an.  Petet pou zot kapab kontinyen.  Petet osi mon bann lezot koleg in koz lo la mon krwar letan i ava vin opportune pou Gouvernman petet i a byen osi ki nou vwar lezot sekter.  I a byen nou revwar, nou vwar zot osi ki zot kapab petet zot ganny en pansyon mon refer avek sa ki Onorab Henrie in dir.  Ozordi ou pran sa bann dimoun ki pe met koltar dan semen, mwan mon menm mwan ler mon get sa bann dimoun konmsi zot en bann dimoun ki vreman donn tou.  Zot en bann dimoun- la i annan en madanm i en zabitan Anse Royale, sa  madanm i travay parey en zonm konnen konmsi le ou get sa bann keksoz koumsa ou dir be wi konmsi sa group dimoun i bezwen konmsi ganny en lankourazman en pe an plis kantmenm zot in ariv zot 60 an zot ti a dir, ‘’zot mon pou kontinyen akoz i annan en pti keksoz ki pe vini en pti pe an plis pou nou.’’  So mwan mon welcome sa Bill e mon pou vot an faver sa Bill, akoz mon krwar ki i en bon keksoz me selman petet VP i annan bann dimoun ki pe demann bann kestyon sirtou bann dimoun akoz Onorab Basil Hoareau in eksplike, me selman petet i pou enportan i annan en rezon akoz petet ban ki’n sorti apre sa 20 an zot in fini fer 25an 35 an servis sirtou teachers.  E zot, zot pa pou benefisye petet ek sa.  So petet ti a bon i ganny eksplike en pti pe akoz la ou pe ganny bann dimoun ki pe dir ou be demande si nou, nou pou kalifye nou’n sot  20an nou’n sorti avan 2005 si nou, nou pou kapab gannyen.  E osi enn mon bann koleg osi in koz lo la kot bann supporting staff parey teachers i annan zot asistan teachers eski sa bann dimoun zot, zot pa pou kalifye?  So sa osi petet i demann en pti pe leksplikasyon pou sa bann dimoun an deor laba pou zot konpran petet akoz ou konman en support teacher ou pa pou gannyen?  Ok, so Mr Speaker mersi pou donn mwan sa sans pou anmenn mon kontribisyon.  Mersi.

 

MR DEPUTY SPEAKER

Mersi Onorab Lemiel.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker nou vwar devan nou en Lalwa ki pe koz lo en Pansyon Spesyal pou serten kategori nou bann travayer Seselwa.  Dan mon repons lo Bidze mon ti dir avek Minis, mon ti demann avek Minis pou konsider en logmantasyon dan Sekirite Sosyal oubyen Pansyon parey nou dir li pou nou bann dimoun aze.  Mon ti osi demann li pou konsider annan en Trezyenm Mwan peyman pansyon oubyen Sekirite Sosyal pou ban dimoun ki aze.  Sa in reste en konsern ki preokip bann dimoun, nou bann Trwazyenm-Az ki annan parmi zot ki’n travay dan sa bann sekter.  Rezon akoz mon’n konmans koumsa, pou mwan montre ki poudir i annan teachers ki lo Pansyon ozordi.  I annan solda ki lo Pansyon ozordi, i annan Lapolis, dan sa sekter dan sa Schedule ki’n etabli ki zot lo pansyon ozordi.  E zot pa pou ganny afekte par sa akoz i annan bokou zot Vis-Prezidan, ki’n arete travay avan 2005.  Alors i enportan pou nou kapab vwar si akoz ozordi mon’n ariv 60an, sa dimoun in ariv 60an in travay dan militer plis ki 20an, dan teaching, dan nursing, plis ki 20an posibleman plis ki 20an aggregate oubyen continuous service plis ki 20an, me selman in arete avan 2005 i pou ganny afekte.  I pa pou gannyen sa logmantasyon.  So i enportan pou nou kapab met sa an konteks.  Eski Gouvernman i kapab revwar dan en lot lanpler ki mannyer, mon konnen parey Vis-Prezidan i kontan dir nou a la mezir ki i permet, so nou bezwen vwar ki mannyer nou anglob lezot Seselwa pou li osi kapab santi letan in ariv 60an mwan mon ti a demann Gouvernman pou rekonsider, letan nou pe diskit parey Onorab Henrie in dir, a sa staz nou pe diskit lo si nou pou sanz laz pansyon, Sekirite Sosyal nou pe  dir si ou pran enn ou pa ganny lot.  Nou revwar sa.  Akoz si i annan serten kategori ki pou benefisye a en serten laz, en pti pe an plis mon krwar nou bezwen osi kapab get nou dimoun an zeneral, ki’n travay pou li osi kapab benefisye a en serten laz menm si i pa sa kantite.  I a santi en soulazman dan son pansyon sa letan, sa laz ki pran pansyon pou li al kapab pran repo e get son bann pti zanfan.  Taler nou pou vin lo en bann lot pansyon.  Get son bann pti zanfan, get son bann fler, get son bann lapen si i annan, get son pti lisyen si i annan, ou konpran?  Nou pou bezwen, nou pou bezwen permet zot fer sa avek en pe konfor pou zot osi kapab zwir retret dan trankilite e avek en konfor finansyel ki zot in fer.  So Mr Speaker dan sa konteks mon ti a kontan demann Vis-Prezidan nou konnen dan tou pei, mazorite pei at least i annan en pansyon ki Militer li i zwir, Lapolis i annan enn.  O firamezir ki mwayen i permet mon krwar nou bezwen al dan sa direksyon akoz ozordi nou napa en kantite solda.  Lapolis pe demande pou li recruit an plis e i dir in ganny Bidze pou li recruit 11 ki fer ki menm si nou annan sa pansyon e nou pa donn zot en alokasyon pou zot kapab ogmant dimoun ki zot anploye – mon pa tro krwar i pou fer gran lefe.  Alors nou bezwen vwar ki mannyer nou met tou sa bann sityasyon dan perspektiv.  Nou’n koz lo sa lalis.  Nou’n dir poudir sa lalis pa exhaustive.  Mr Esparon pe asize la.  Mr Esparon in travay avek Attorney Zeneral pou en bon pe letan.  I pa pou gannyen sa pansyon li.  Me selman leta nou pe gete kot Attorney Zeneral i bann landrwa kot zot deal avek bann keksoz ki konpleks.  Kriminel, bann dimoun ki’n touy dimoun, e zot deal sa e letan nou pe koz travay aswar mon krwar mazorite dimoun ki dan en lanplwa konmela i fer sa louvraz, i annan ki al avek kot li e zot, zot travay Sanmdi, zot travay Dimans, zot travay aswar, zot reste dan zot lofis ziska tar, wi en pe.  Letan i annan Rapel zot reste ziska tar.  So nou bezwen anglob sa.  Mon pe dir sa akoz letan nou pe gete kot Lakour, bann staff i travay avek bann dimoun ki danzere parey nou dir.  Nou’n donn Sekreter D’Eta pou prevansyon en bodyguard – at the expense of the State.  So i annan lezot landrwa osi kot dimoun i travay avek bann keksoz ki danzere, zot pa pe demann en bodyguard me selman nou bezwen get zot osi a en serten tan pou nou kapab fer sir ki nou pa pe favoriz zis en group nou sitwayen.  Mon konpran parfetman nou bezwen annan en landrwa konmanse.  I byen.  Nou  bezwen annan en landrwa konmanse, nou pa devret tro tarde pou nou get en pti pe lezot dimoun, pou li osi kapab benefisye dan devlopman ki li i anmenn dan son pei avek leker e avek satisfaksyon.  So prenon kont sa bann detrwa pwen mon ti a kontan demann Vis-Prezidan pou li dir nou akoz, akoz ki nou’n met sa cut off date of le 01 Zanvye 2005.  I enportan pou dimoun konpran si i annan en leksplikasyon ki plozib, pou li kapab konpran akoz parey mon’n dir i annan  ki avan i ganny 20an i pou santi li defavorize dan sa konteks.  So Vis-Prezidan avek sa, mon pou donnen sipor, me selman mon pou bezwen sa bann leksplikasyon ki mon’n demande pou benefis bann dimoun ki pe ekoute.  Mersi.

 

MR DEPUTY SPEAKER

Mersi Onorab Andre.  Onorab Paul Ernesta.

 

HON PAUL ERNESTA

Bonzour Mr Speaker, Vis-Prezidan e delegasyon, tou bann  dimoun Anse Royale ki la avek nou e nou bann koleg Onorab e tou dimoun a lekout.  Mr Speaker basically mon kontan ozordi nou’n konmans avek en lazournen lo en bon term, kot nou vwar lapresyasyon travay e bann linisyativ ki Gouvernman i anmennen pou nou dimoun.  E sa se pa lot ki kot nou vwar kot nou par toultan i met lentere son pep devan.  E  i annan bokou bann konsern ki’n ganny sorti, bann risk ki vin avek bokou bann- sa bann profesyon tou sa 8 profesyon ki’n ganny koz lo la.  Mon pa pou neseserman aborde akoz in fini dir preski tou.  Me selman en keksoz ki mon konstate tou sa bann profesyon e tou sa bann dimoun, nou annan plis bann lezot profesyon ankor parey ki’n ganny dir ki nou annan bann travayer ki lwayal.  Nou annan bann travayer ki annan sa komitman dan zot louvraz ki fer zot travay avek lanmour.  Si nou konstate letan nou gete Bill pe demande pou bann ki’n dan 20an servis.  20an servis i pa en pti gin letan.  Si nou get byen nou retourn back 20an pase kot nou bann dimoun ti pe travay lo en saler minimum R3500.  Avek sa zot ti annan pa mal difikilte ki zot ti pe fer fas avek.  E plis ek sa se zot sa group dimoun ki’n amenn sa evolisyon kot nou ete ozordi.  Napa lot meyer fason pou nou kapab dir zot mersi e se atraver sa , sa pti incentive ki zot pe ganny zot R1000 tou le mwan ziska, pou lavi si oule i en fason ki Gouvernman pe dir zot mersi.  E plis ek sa letan zot pou ganny zot laz retret adisyonn  ek sa zot pou osi pe ganny zot bann benefis pansyon, ki merite par lao sa.  Keksoz ki mon pou demann petet avek Vis-Prezidan in dir ki sa i pran lefe depi Juillet 2017.  Petet nou ti a kontan konnen ki prosedir pou son disbursement pou ganny fer e kan sa moman pli kourt ki bann dimoun pou kapab benefisye avek sa tel incentive   Letan nou’n tann deliberasyon Mr Speaker, nou’n tann osi kot nou’n tann respe e sa bann dimoun i bann group dimoun ki’n annan respe e Onorab Arrisol in dir sirtou in fer referans kot Larme kot nou tou nou bezwen, Larme i bezwen annan respe e egalman in dir respe osi kot nou sorti kot nou bann Manm Onorab e nou, nou annan en rol primordyal pou nou kapab fer pou nou kapab donn respe nou popilasyon, respe ki pou tou  sitwayen ki afen keksoz i ava kapab pe mars byen dan nou pei.  E so Mr Speaker mwan mon pa pou tarde mon pou zis reasir Vis-Prezidan mon sipor lo sa Mosyon, akoz ou konnen ki  i annan travay ki’n ganny fer par sa bann dimoun e nou konnen zot osi zot pe esper sa pou zot kapab zwir zot bann moman.  E i annan bann petet ki’n fini retire, i annan ki ankor pe travay pou zot kapab osi anmenn zot lavi en pti pe konfortab en pti pe pli meyer.  Mersi Mr Speaker.

 

MR DEPUTY SPEAKER

Mersi Onorab Ernesta.  Onorab Afif.

 

HON AHMED AFIF

Mersi Mr Speaker,.  Bonzour Vis-Prezidan e ou delegasyon.  Mr Speaker sa Bill ki devan nou i enn ki mannyer mon lir li, i vreman in ganny kree pou retenir dimoun, serten dimoun ki deza dan sekter piblik.  Gouvernman in met en dat ki Zanvye 2005 mon panse sa dat in ganny mete senpleman pou dir si ou ti dan lanplwa sa zour ou byen apre, e answit ou zwenn sa bann kondisyon savedir ki ou’n fer 10an, an servis oubyen 20an an aggregate ou pou ganny R1000  apard ou pansyon normal.  Ankor enn fwa mon krwar rezon sa in ganny fer se pou retenir serten kalite travayer.  E sa in ganny liste – probableman mon mazinen akoz ozordi zot pe vwar poudir bokou sa bann dimoun zot pa pe kapab retenir.  Nou’n vwar problenm ek Ners, e sa bann lezot mon asire ki dan Gouvernman zot santi zot devret ganny en lankourazman e se pou sa rezon ki zot i anmenn sa.  Mon krwar i annan en merit pou annan en leksplikasyon akoz par egzanp serten lezot kategori travayer tel ki dimoun ki’n travay dizon lo en airline, Air Seychelles, Nasyonal mon pe koze ki prezan li osi i dir, ‘’be mon’n fer travay ki riske, mon ti 40 mil pye pe anvole zour Nwel ek le 01 Zanvye eksetera, zour Lannen akoz mwan mon pa pe gannyen.’’  Pou annan sa bann largiman ki pou monte. ‘’ Mwan mon ti dan zenerater mon ti pe grese mon ti pe fer serten travay dan bann zour konze piblik, weekend, bann zour Lafet, akoz mwan mon pa pe gannyen ?’’  E mon krwar mon pa pe sizere Mr Speaker ki nou devret azout sa lo la.  Mon pe zis dir i enportan ki nou eksplike rasyonnal akoz sa i ganny limite pou sa bann travayer.  Enn bann rezon mon panse par egzanp dan le ka en Airline oubyen en parastatal se ki zot, zot annan mwayen an deor  bann konstrent DPA pou zot donn lezot incentive zot travayer ; par egzanp si ou dan en airline ou  kapab ganny rebate ou kapab ganny plizyer lezot keksoz ki amelyor alors ou kalite lavi ozordi e probableman sa i a ed ou pou ou kapab met keksoz de kote ler ou pou ariv ou laz pansyon.  Me mon krwar sa leksplikasyon e lezot ki  Gouvernman i annan, i devret ganny fer pou ki dimoun i konpran zisteman akoz nou pe pran sa bann tel pozisyon.  Vreman Mr Speaker ler mon lir sa Bill an gro apard serten bann pti lerer typo ki mon krwar nou pou al dan Komite probableman pou nou aranze, mon vwar merit i byen.  Mon krwar ki avek sa Gouvernman sertennman dan servis piblik i pou fer en konmansman pou li kapab ganny bann kondisyon ki favorab, pou gard sa bann servis esansyel e sa ban profesyon nob ki nou krwar nou devret ankouraze ganny plis dimoun pou zot vin a la oter ki pep Seselwa i ekspekte zot.  E avek sa Mr Speaker mon ti a dir mon pou- nou lo sa kote latab sertennman nou pou siporte e nou espere sa i ganny enplimante dan en fason ki korek kot nou kapab mentenir en bon civil service.  Mersi.

 

MR DEPUTY SPEAKER

Mersi Onorab Afif.  Bon mon annan ankor 4 Manm ki oule entervenir lo sa Bill.  2 lo sak kote latab.  Nou ava pran en Break.  Nou ava adjourn ziska 11er e mon ava demann bann envite ki sorti dan distrik Anse Royale, zot ava zwenn nou deor pou pran en pti tas dite e an menm tan pou annan antretyen avek zot Manm Onorab e lezot Manm Lasanble ki enterese pou zwenn nou.  Ok avek sa nou ava retournen 11er.

 

(BREAK)

 

MR DEPUTY SPEAKER

Bon nou ava kontinyen nou travay deba lo sa Bill Special Pension.  Mon annan Onorab Woodcock.

 

HON WAVEL WOODCOCK

Mersi Mr Speaker.  Bonn apre midi Vis-Prezidan.  Bonzour Vis-Prezidan avek ou lekip.  Bonzour tou dimoun a lekout, tou Manm Onorab.  Mr Speaker mon sa Bill ki devan nou la i enn ki vreman enportan.  Annefe nou bezwen apresye e rekonnet kontribisyon ki sa bann Civil Servant in fer dan nou pei.  En kantite nou nou’n benefisye.  En kantite nou, nou la ozordi se akoz sa bann servis ki nou’n gannyen avek sa bann civil servants, bann teachers, ners e plizyer lezot ankor.  E nou lo sa kote latab nou’n toultan krwar ki nou bezwen donn a good deal bann dimoun ki’n kontribye e apre zot in pran zot retret zot bezwen ganny en kondisyon ki bon, zot bezwen ganny en pansyon ki enn pou apresye zot osi e enn parey Onorab Afif in dir ki pou ankouraz plis dimoun pou pran lanplwa dan sa bann diferan sekter.  E Mr Speaker parey mon’n dir mwan mon pou siport sa Mosyon.  I en Mosyon ki –  mon pou siport sa Bill akoz i en Bill ki bon e nou nou’n toultan an faver.  Nou’n toultan an faver ogmant pansyon bann travayer Seselwa parey annefe Mr Speaker nou menm nou ki ti pouse pou ogmant pansyon ki ozordi Sekirite Sosyal ki ozordi tou bann  Trwazyenm- Az pe  benefisye.  Menm si ti annan en bann ki ti pe dir sa ti bann propozisyon popilis e iresponsab, me ozordi tou bann trwazyenm az pe benefisye avek en pansyon 5mil R50 e alor nou konnen e nou agree ki sa ki pe ganny propoze la i en keksoz ki bon ki pe benefisye plizyer dimoun.  Me kot nou konsernen Mr Speaker se anba ‘Schedule 1’, parey Onorab Gervais Henrie in koz lo la ki sa lalis bann Civil Servant bann Public Service Officers bann essential services parey en Onorab lot kote latab in dir,  nou bwar poudir i annan bann  lezot Civil Servant ki ti merit osi ganny konsidere.  Mon konpran largiman ki Onorab Basil Hoareau in met devan ki dan lefitir nou kapab azoute.  Me selman ki kalite kriter vreman nou pe servi ?  Eski – lekel louvraz ki pli enportan ki en lot, pa tou sa bann civil servant zot pe fer en kontribisyon ki enportan.  En kontribisyon ki osi merit ganny rekonnet ?  Ki zot osi zot merit ganny en serten benefis.  E osi nou bezwen klarifye en de sa bann louvraz, sa bann profesyon, anba ‘Schedule 1.’  Parey teachers eski i pou osi enkli bann librarian?  Eski i pou enkli bann Lab Technician?  Zot osi zot pe to some extend kontribye dan laprantisaz nou bann zanfan e kot i konsern bann ners osi eski i pou enkli bann lezot medical staff parey bann Pharmacist.  Eski zot pou enkli ladan or eski zot pou ganny kit an deor tousala ?  E Mr Speaker mwan mon santi poudir anba ‘Schedule 1’ i annan plizyer bann lezot Civil Servant bann Public Service Officers that should be included.  Parey en konparezon nou fek sorti dan en sityasyon Lapeste kot bokou nou bann staff ki travay airport zot dan bann high risk job ozordi kot tanzantan ou tann en kalite plague pe monte e sa bann Zofisye Imigrasyon, Customer Officers ki ganny kontak direkteman avek bann touris ki pe antre eski zot osi zot pa pe merit ganny ankouraze pou pran sa lanplwa pa – ganny enkli osi dan sa pansyon?  So Mr Speaker nou bezwen gete.  Pa zis sa ki nou lo la.  Annefe be si nou pou donn pansyon akoz nou pa donn tou bann civil servant sa pansyon olye ki nou pou bezwen streamline, swazir sa enn i pli enportan, sa lot pa tro enportan.  konmsi nou bezwen get en pti pe pli  serye ladan.  Kot i konsern Lartik 3 (b) dan sa Bill, ‘’a public officer shall be eligible for special pension under this Act if he or she was in Government Service on 1st January 2005.’’  Sa i apre ki in travay 10an continuously ouswa 20an aggregate me selman fodre in dan servis Gouvernman as of the 1st January 2005.  Me Mr Speaker what about tou sa bann profesyonnel?  What about tou sa bann lezot civil servant e mwan mon konn en kantite  sa ban dimoun ki pa pou tonm – ki pa pou kalifye akoz sa zafer le 01 Zanvye 2005 ki avan sa zot pa’n dan – zot in aret lanplwa avan le 01 Zanvye 2005 ki zot pou perdi bokou bann teachers; bokou bann ners, bokou ban Zofisye Lapolis ki’n travay pou 1an e menm bokou plis lannen ki sa ki zot pa pou benefisye.  E mwan mon vwar sa i vreman in fact Mr Speaker menm la pandan nou break la mon’n ganny detrwa call, enn mon ansyen teacher ki li in pran son retret avan sa dat, ki i pa pou benefisye avek sa.  Eski zot pa merit ganny rekonnet pou zot servis ki zot in ofer?  Eski nou pou – ou konnen Mr Speaker mwan mon vwar poudir sa i en defayans dan sa Bill ki nou bezwen regete.  E i annan plizyer zot deza  zot pa pe benefisye akoz amannman ki ti ganny anmennen dan Lalwa Fon Pansyon ki zot, zot pa pe benefisye e la ankor zot pa pou benefisye akoz lannen ki zot in pran zot retret e sa Mr Speaker mon vwar i en keksoz ki mal.  I en keksoz ki nou bezwen get ladan dan sa Bill pou fer sir ki tou bann civil servant, tou bann dimoun  ki’n kontribye over tou sa bann lannen they should also benefit zis parey bann dimoun ki pou pran – ki ankor dan lanplwa from the 1st of January 2005.  Avek sa Mr Speaker mon pou siport sa Bill, me selman mon pou demann Vis-Prezidan pou konsider sa bann dimoun ki’n pran zot retret avan sa dat.  Mersi Mr Speaker.

 

MR DEPUTY SPEAKER

Mersi Onorab Woodcock.  Onorab Vidot.

 

HON AUDREY VIDOT

Mersi Mr Speaker.  Bonzour Minis ek ou delegasyon tou Manm Onorab e tou dimoun a lekout.  Mr Speaker nou Lasanble a plizyer repriz nou’n lev bann deba pou rekonnet sa bann group travayer ki nou pe diskite ozordi.  Nou apresye lefe ki Dantis, bann Zofisye Prizon enkli bann Fire Service Officers ki apard ki bann ki avan, nou’n toultan  repete pou rekonnet zot sa voyaz zot osi zot ganny ankadre dan sa group dimoun ki nou pe koz lo la.  E nou ti a kontan ki sa Lalwa nou kontan ki sa Lalwa in vin dan en moman kot zis resaman dan nou Bidze pou 2018 nou’n vwar poudir 2018  nou pou annan en group – nou bann group travayer ki pou ganny rekonnet en pti pe anmenn en pti pe plis income kot lakour, menm si zot pa pe benefisye atraver en pansyon parey sa enn ki nou pe diskite, me touzour i en langazman kot Gouvernman pe montre pou rekonnet nou bann travayer don zot sa sipor e anmenn sa reveni e benefisye atraver; swa ogmantasyon dan saler oubyen menm atraver pansyon.  Zis pou retourn back ankor lo sa Lalwa, petet nou ti sa dir ki aktyelman la parey deba in ganny diskite nou pe dir ki nou ti a bezwen dan sa servis ki Gouvernman pe – i pou konmanse parey in dir le 01 Zanvye 2005, savedir bann travayer ki’n dan Servis Piblik parey in ganny dir apre le 01 Zanvye 2005 pa pou ganny kouver.  Alors mwan Mr Speaker mon ti ava demann avek Vis-Prezidan petet si i pa devret ganny amann sa Bill, pou kouver sa bann dimoun ki petet ti’n zwenn sa servis me apre le premye, zis apre le 01 Zanvye zot in arete oubyen zot kapab meet sa kriter pou zot kapab ganny – zot osi tonm ladan pou siporte, me selman mon pou siport sa bann pwen ki’n ganny fer resorti.  E mwan mon pou byen kourt mon pou dir ki mon pou siport sa Bill akoz byensir mon siport sa bann group travayer pou byensir ler zot in arive zot 60 an bann ki pe pran zot retret a sa laz ki’n pran sa – zot pou pran sa desizyon ki apard ki zot fon pansyon zot pou vwar menm si zot pa pou ganny zot Sekirite Sosyal si Lalwa i vini la 65, pou 65an at least zot annan apar zot pansyon normal avek Fon Pansyon zot pou annan  sa mil roupi ki zot pou benefisye.  So la i fer mwan mazinen mon – enn parmi mon bann travayer dan mon distrik ki en teacher ki’n donn ziske ozordi pou son laz 63an i annan 36an servis koman en teacher ,so li osi i ava benefisye atraver sa pansyon.  So mon pou donn mon sipor a sa Bill.  Mersi Mr Speaker.

 

MR DEPUTY SPEAKER

Mersi Onorab Vidot.  Onorab Simon Gill.

 

HON SIMON GILL

Bonzour Mr Speaker.  Bonzour Minis, Vis-Prezidan, delegasyon e tou koleg Onorab, manm piblik ki pe ekout nou.  Mr Speaker ozordi bomaten depi ler nou deba in konmanse lo sa Prozedlwa konsernan pansyon pou diferan kategori group travayer mon kapab dir menm diferan kategori me serten kategori Spesyal dan nou sosyete; i annan bokou bann lentervansyon ki’n ganny fer e bokou kestyon in ganny poze, dout lo vre rezon det sa prozedlwa in ganny met an kestyon.  Serten pe demande menm ki lezot kad i ganny azoute lo sa lalis.  I annan en keksoz ki nou bliye e nou bliy tro vit parfwa.  Kwa ki nou bliy tro vit ?  Nou bliye poudir i annan en lepok pansyon pa ti zanmen dan langaz Kreol Seselwa.  Pansyon pa ti en langaz ki bokou nou ti koze me avek evolisyon politik bokou nou in sey tay avek sa terminolozi pansyon.  E ozordi plis ki zanmen nou trouv bokou politisyen pe bouz e anmenn sa banner Pansyon.  En keksoz ki laverite e ki lepep Seselwa fodre zanmen bliye se ki parti ki mon’n swiv pou lannen e des années – parmi son bann prensip, ki’n touzour defann se zisteman pou fer sir ki nou akord en rekonesans avek plizyer sekter nou popilasyon, ki’n fer en  kontribisyon enportan, tre enportan dan nou pei.  Ler nou ti entrodwir pansyon pou nou bann dimoun aze tou dimoun aze san leksepsyon ti gannyen en pansyon.   Ti napa okenn lezot konsiderasyon ki ti ganny pran pou donn pansyon.  E byensir ozordi an 2017 ler nou etidye sa parkour evolisyon pansyon nou realize poudir nou pa’n fer en retour an aryer lo size pansyon.  Me tou le kontrer.  Nou’n evolye e adapte avek bann sirkonstans e dinamik letan e nou popilasyon in kapab ganny bann benefis.  Malgre nou dir en kote ki ti demande e lot kote konmsi pa’n demande, sa ki laverite se ki prensip pansyon  rekognisyon kontribisyon nou bann travayer dan Sesel, i reste en prensip ki ankre dan nou manifesto e i reste ankre dan nou Konstitisyon depi menm ‘64 ler Mr Rene ti lans Parti SPUP.  I enportan ki nou realize sa.  E si nou sityasyon i permet nou an mezir ki nou evolye lo sa kote latab kot mon asize la nou, nou pou kontinyen spearhead e demande ki tou nou bann travayer i ganny rekonnet pou kontribisyon ki zot fer.

 

(APPLAUSE)

 

HON SIMON GILL

E a sa moman i enportan ki nou dir avek nou Vis-Prezidan ki pe prezant sa Prozedlwa pou asire e ki i donn nou en serten commitment ozordi, ki donnen ou sirkonstans e bann posibilite reel ki ganny prezante dan nou pei ki  lemoman ki nou ankor la o pouvwar, nou pou kontinyen demann Minister konsernen pou etidye e evalye sityasyon e fer sir ki nou kontinyen get bann lezot kous nou sosyete, bann lezot profesyon e bann lezot sekter dan nou pei.  Sa i tre enportan ki nou  montre en kontinyite e nou montre ki nou sistematik e gard sa latansyon lo benefis po nou bann travayer e bann diferan kategori travayer firamezir ki nou lekonomi i avanse, firamezir ki kapasite nou  pei i permet nou pou alonzir sa lalis e donn sa sipor, donn sa lankourazman nou nasyon pou zot kapab rantre zot osi e benefisye.  Mr Speaker  mon napa lentansyon fer sa lentervansyon tro long mon krwar lesansyel sa Bill ki Onorab Gervais Henrie i oule mon koz lo la ki i pa’n realize mon pe koz lo la depi ler mon’n konmanse, e i enteresan ki zot pa pou kapab trouve, akoz i pa ankre zot bann prensip fondamantal me nou’ n vey bann konzantir politik pou nou fer politik avek pansyon.  Nou la kote latab i ankre dan nou prensip e nou pou kontinyen bataye pe enport ki arive  pou nou fer sir ki sa ki annan merit e bann posibilite reel i donn nou  e prezante nou pou bouze, e fer sir ki tou nou sitwayen i ganny rekonnet.  Mr Speaker mon pou aret la, an dizan ki sa prozedlwa ki devan nou i montre en evolisyon enportan.  I montre en progresyon enportan, e i mark en moman istorik dan nou Lasanble ozordi, akoz mon’n ganny lendikasyon atraver bann lentervansyon ki tou bann Onorab lot kote latab pou donn en sipor sa prozedlwa ki devan nou.  E mwan osi mon pou donn sipor sa prozedlwa Mr Speaker.  Mersi bokou.

 

MR DEPUTY SPEAKER

Mersi Onorab Gill.  Onorab Georges.

 

HON BERNARD GEORGES

Mersi Mr Speaker.  Mr Speaker sa Onorab osi pou donn son sipor sa Bill.  Me mon ti ava sezi sa lokazyon pou fer enn de remark ki kekfwa nou bliye, e parey Onorab ki’n koz avan mwan in dir fodre pa nou bliy nou listwar.  E nou listwar ozordi i enn kot i sanble mwan avek sa Bill ki devan nou ki tou dimoun i dakor i merite i pa en levolisyon e en adaptasyon ki nou pe fer, me i plito en repair job lo en keksoz ki nou ti’n kase.

 

(APPLAUSE)

 

HON BERNARD GEORGES

Mr Speaker mon dir sa, mon di sa an tout senserite.  Sa trwa profesyon ki devan nou – ki dan sa Schedule akoz i annan trwa e sa se nurse ek dokter eksetera.  Teacher epi Lafors disiplin, Lafors Liniform – gard, NDEA, Prizon, Fireman eksetera.  E i vre, i vre ki sa trwa profesyon i merit ganny zot stati eleve dan lasosyete. Akoz pandan tro lontan, pandan tro lontan  nou tou isi Sesel san eksepsyon nou’n met dan nou lespri ki ler ou en dimoun ki’n fer ledikasyon en pe fay, fay ou vin en nurse, ou vin en teacher oubyen ou antre dan gard.  E sa e en move persepsyon e se en persepsyon ki nou’n mal pran e in fer ki trwa profesyon ki devret ganny valorize in ganny devalorize.  E si mon siport sa Bill ozordi se akoz mon vwar en realizasyon e en nesesite pou nou ranvers sa move trend ki nou’n fer akoz sa trwa profesyon se pa trwa profesyon fay fay o kontrer se trwa profesyon ki parmi bann meyer profesyon ki nou kapab ekspekte ki bann zenn demen ava pran e ava garde.  Donk, donk sa ki pe arive la ozordi i en rekonesans ki nou pa’n regard sa trwa profesyon dan fason ki nou ti regard zot, dan fason ki nou ti devret regard zot e nou pe donk catch up avek nou prop lekor.  Me mon ti dir taler ki, sa ki nou pe fer se ki nou pe  repar en keksoz ki nou’n kase e mon ava vin lo sa pwen la avek ou permisyon Mr Speaker.  Mr Speaker mwan mon sorti  dan en fanmir civil servant.  Mon papa ti en travayer Gouvernman, mon gran papa ti en travayer Gouvernman, mon  de tonton ti en travayer Gouvernman.  Papa pou mwan in konmans travay konman en clerk dan Gouvernman R35 par mwan ziska ler in monte, in monte in monte ziska in pran son laz retret.  Mon fer en parantez la pou dir ki mon riye sak fwa ki serten dimoun lo lot kote latab i met mwan dan tim gran blan.  Akoz annefe, annefe mwan mon sorti dan en fanmir ki ti travay pou Gouvernman e ki ti anmenn zot saler zot lapey dan lakour tou le mwan.  Civil service ki mon konn tre byen akoz parey mon’n dir zot mon’n grandi ladan i diferan avek okenn lezot travay.  E i diferan pou sa rezon.  Premyerman en dimoun ki al dan servis sivil i en dimoun ki pe rod en lanplwa permanan.  Ou antre dan travay Gouvernman  e ou pran ou retret dan travay Gouvernman. Dezyenmman civil service i atir dimoun e atir dimoun de kalite pou vin travay dan sa servis piblik akoz i promet en keksoz.  E sa nou vwar dan tou lemonn antye.  I promet ou en pansyon ler ou retire.  Sete sa ki ti fer dimoun pa al travay pou piblik, pa al travay dan lantrepriz piblik, dan lantrepriz prive pardon, al travay pou servis piblik akoz ti annan sa pansyon parye Onorab Gill in fer nou rapel bomaten ki ou ti pou gannyen ler ou fini.  Alor sa ti premyerman donn ou en incentive me dezyenmman i ti fer ki ou ti retenir ou job.  Ou pa ti sorti.  Ou pa antre dan Gouvernman apre sorti pou al travay pou en lantrepriz prive apre return dan Gouvernman.  I pa sa lespri Gouvernman.  Be ki nou’n vwar ?  ki nou’n vwar zis apre levennman ki sa parti politik ki Onorab Gill in toultan swiv, in fer an 1977, premye keksoz ki sa Gouvernman ti fer se kas sa striktir Servis Piblik ki ti egziste.

 

(APPLAUSE)

 

HON BERNARD GEORGES

E zot ti fer sa pou en senp rezon.  Zot ti  fer sa akoz dan zot lespri civil service ti en Lenstitisyon kolonyal oubyen neo kolonyal alor ti fodre kase akoz larevolisyon son premye job li se kase sa ki egziste.  E se sa ki ti arive.  E ozordi ki nou’n vwar imedyatman apre, imedyatman apre sa, ki nou’n vwar, nou vwar avek tou respe ki mon annan  pou bann dimoun ki travay dan DPA avek dan servis piblik nou’n vwar servis piblik konmans  deklinen.  In tonbe, in tonbe, in tonbe, in tonbe.  Son lefikasite nou menm nou dan sa Lasanble ou’n fatige dir ki son lefikasite in nepli sa ki i ti devret ete.  E i normal.  I  normal.  Ler ou tir incentive ki en dimoun i annan pou li vin travay pou servis piblik ou fer li vin parey en dimoun ki travay dan en Departman oubyen dan en lantrepriz prive, ou nepli annan sa permanans, sa lwayote.  Mon a donn zot en legzanp.  Premye keksoz zot in fer zot in sanz non Permanent Secretary pou fer li vin Principal Secretary pa nou ki ti fer sa.  Zot ki ti fer e zot ti fer sa ekspre akoz dan zot lespri ti pa fodre annan permanans anymore.  Ti pa devret ankouraz dimoun pou reste o kontrer ou ti devret tanzantan sanz sistenm, re boulvers li.  E malerezman Mr Speaker sa ki’n arive se ki avek boulvers, nou’n vwar ki serten dimoun in ganny met de kote.  Mwan mon annan bokou dimoun  ki mon konnen ki travay dan  bann lantrepriz piblik dan bokou pei.  E zot fyer ki zot travay dan lantrepriz piblik.  Zot annan mwens larzan tou le mwan ki si zot ti pe travay dan en lantrepriz prive, me zot annan en keksoz ki zot konnen zot pou gannyen e sa se zot pou annan en job an permanans, e ler zot pou ariv a laz retret zot pou annan zot en pansyon konvenab ki Gouvernman pou pey zot.  E fodre pa nou sou estim sa lespri sa lide akoz i en lide parey Angle i dir ‘tried and tested. ‘ I marse e fodre pa nou nou vin en leksepsyon.  Mon dir sa Mr Speaker mon’n fer sa letour pou mon retourn lo mon pwen depar e mon pwen depar se ler ou pe donn en pansyon en seksyon servis piblik parey nou pe fer ozordi nou pe fer en retour au source.  Nou pe retourn la kot nou ti ete akoz nou’n realize ki sa ki nou’n fer antretan pa ti byen e nou bezwen repar sa ki nou ti’n kase.  Pou sa rezon Mr Speaker mwan mon krwar ki sa Bill ki devan nou, i en Bill ki premyerman rekonnet en defayans e dezyenmman anmenn en sipor, anmenn en reparasyon pou sa defayans.  I still, i still annan serten keksoz parey tou bann Manm in dir mon pa pou repete bomaten.  I still annan serten keksoz ki fodre nou fer.  Fodre i paret mwan ki nou extend sa kategori dimoun ki dan sa Schedule.  E mwan mon ti ava dir ki fodre nou extend li konpletman, fodre nou extend li pou tou bann dimoun servis civil.  Fodre tou dimoun ki travay i konnen ki akoz travay dan Gouvernman zot annan en lavantaz par lao bann lezot.  Pou rezon ki bann Onorab Afif  in fer sorti taler, ler ou travay dan en lantrepriz prive menm si i enn ki pou Gouvernman ou annan serten incentive.  En dimoun ki travay pou Air Seychelles i annan serten incentive, rebate.  En dimoun ki travay dan bann Offshore zot annan en incentive zot saler i bokou pli o.  Fodre nou fer sir ki nou servis piblik i a la menm oter, i attract kalite dimoun, dimoun de kalite, dimoun konpetan e i tenir son rol vizavi bann lantrepriz prive.  E se koumsa ki nou pei mon krwar Mr Speaker pou annan li en backbone travayer servis piblik ki pou fer sa pei delivre e ki nou dan sa Lasanble nou pa pou bezwen tanzantan dir zot pa’n fer, zot pa pe fer, zot pa pe delivre, zot pa pe desarz zot fonksyon.  Alor pou sa rezon Mr Speaker mon pou anmenn mon sipor a sa Bill.  I annan  lezot pwen ki’n ganny fer sorti mon pa pou pas lo la la, akoz dapre konpran nou pou al dan en Staz Komite kot nou pou re vwar serten sa bann kestyon ki serten Onorab in poze e aziste rezon, i annan serten  repons ki mon konnen Vis-Prezidan pou anmennen, e ki nou, nou pou bezwen modifye sa Bill pou fer sir ki sa ki nou pe la ozordi i en bon pa, me i en premye pa anver en revalorizasyon nou servis piblik.  Mersi Mr Speaker.

 

MR DEPUTY SPEAKER

Mersi Onorab Georges.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa Prozedlwa ki devan nou mon pa ti mazinen i anmenn tou sa bann keksoz ki nou pe tande.  Me i byen.  I byen akoz pou mwan mon kontan i bon ekout bann ki’n donn lanmen fer sa bann sanzman then koze ozordi.  I enportan fer resorti Mr Speaker ki lalit ki nou parti i n anmennen e ki in abouti a moman apropriye atraver bann kontribisyon Onorab Ferrari e tou i ti en lalit ki ti byen.  En lalit ki ti fight pou bann teachers, bann nurse, bann Police Officers pou fer ki zot kondisyon lavi i amelyore e ki zot pansyon i ganny ankor davantaz ganny gete.  I enportan osi fer re sorti ti neseser fer kase sa sistenm ki ti la avan.  Akoz?  Akoz ti annan  bokou lenzistis e la an pasan mon a zis mansyonn en pti moman pou bann ki pli zenn, ki pa konnen.  Dan sa letan pa tou dimoun ki ti gannyen pansyon e dan letan kolonyal ti annan sa ki nou apel established and non-established workers.  Zis en bann  dimoun ki ti ganny pansyon e en bann lezot dimoun pa ti ganny ditou pansyon e sirtou si ou pa’n travay parey Onorab Georges in dir si ou pa ti travay dan Gouvern la forget about it.  E nou letan sa bann sanzman ki alor in ganny fer dirize par bann dimoun avan mwan –mon’n zwenn dan semenn mon’n kontinyen, me bann parey mon pe dir Onorab Ferrari mon lev mon sapo avek zot akoz zot in donn koudmen fer keksoz enportan pou sa pei e pou fer ki ozordi, ozordi tou dimoun, tou dimoun i ganny pansyon dan sa pei. E ki nou fer alor?  Ler sa bann sanzman ti pe arive pou fer sa lazistis pou kre sa sosyete pli zis, pli byen pli fraternel, in fer ki i annan mankman ki’n arive ; along the line i annan bann bout ki’n perdi.  I annan serten dimoun akoz par egzanp kestyon timeline ; kestyon kot parey pou sorti dan en staz pou al  lot staz par egzanp en dimoun ki trwa mwan petet i pa’n travay – sa bann keksoz koumsa in fer ki i annan dimoun ki’n mank son pansyon.   En dimoun ki par egzanp in konmans travay apre in al en kou apre letan i retournen, bann moman letan ki in fer ki i annan serten dimoun alor in manke sa bout pou kalifye pou zot pansyon.  Ozordi nou pe sey anmas tou sa la.  Nou pe sey anmas tou sa la pou kree sa lazistis  pou fer ki sa dimoun ki’n manke.  Par egzanp letan nou’n fer bann sanzman along the line ou vwar en dimoun ki ti kot Lapolis i sorti in al dan teaching, in fer li zis 5an, 6an kot lapolis apre i al dan teaching, apre i sorti i al dan prive swa i al en lot louvraz ouswa i deside aret travay.  In fer li zis 13an travay li.  In konsekitiv li me ler ou met ansanm i pa pou kalifye.  Ki nou pe dir ozordi sa dimoun ti dan sa bann servis enportan, dan sa bann vokasyon parey nou dir teaching, nursing, dan Lapolis, se sa bann travay koumsa la si en sosyete pa get dan en fason spesyal sa bann kategori  travayer – en sosyete i fasil pou tonbe e nou vwar poudir i enportan tyonbo zot for.  E la nou pe dir alor olye dir en dimoun ki’n fer 10an zis dan teaching pou li kalifye pou son pansyon then fer ki menm ki in dan teaching ek ki in en bout osi dan nursing oubyen dan lapolis oubyen i ti dan Fire Brigade apre in sorti in al lo Airport.  Airport i annan en lot Scheme alor i tonbe i perdi nou pe dir tyonbo sa bann dimoun osi la met – akoz zot dan menm kategori profesyon, menm kalite profesyon, pran zot konsider alor sa bout teaching, sa bout nursing, sa bout Lapolis met ansanm pou fer sir ki i pa perdi son pansyon ki i ti’n perdi, ozordi si ou kalkile i annan serten pa bokou i annan serten ki ti’n perdi.  Nou pe dir alor ek sa Lalwa la re tyonbo zot pou fer ki zot pa perdi.  Prezan in donn en letan savedir ki apartir Zanvye, le 01 Zanvye 2005 sa dimoun i bezwen dan lanplwa or in pas sa letan 60 an.  60an i en osi en laz enportan akoz sa dimoun i bezwen, swa in retire by that time oubyen i ankor dan lanplwa e alor in ganny 60an i pe ganny son pansyon normal alor la sa i a kapab ganny konsidere.  Dan semen si oule dir en moman letan avan i annan bann dimoun mon rapel enn mon teacher well in teach detrwa nou la John Adam, enn de lezot dimoun ankor i osi tonm dan sa kategori kot ler ti fer sa sanzman pansyon ‘79, serten dimoun in perdi be ti annan en Lalwa pou fer en Pansyon Spesyal ki ti ganny entrodwir pou koriz serten sa bann bout kot dimoun in perdi e la serten ti ganny anmase.  But still nou’n remarke ozordi e i annan detrwa ankor ki’n manke, ki’n perdi e sa Lalwa ki la i pe sey tyonbo sa bann dimoun dan sa bann kategori profesyon ki’n ganny mansyonnen.  E si nou gete sa bann profesyon in osi elarzi en pti gin akoz sa letan par egzanp ti napa NDEA parey ti ete, be NDEA apre in anba Lapolis in sorti be i still dan lapolis menm.  Alor i fer ki en dimoun ki’n al kot – milisya pa tonm ladan Onorab Ferrari me i fer ki NDEA alor i ganny enkli dan sa bout pou li osi pa perdi akoz i still dan Lapolis.  E la i annan serten in retourn back dan lapolis akoz mannyer bann sanzman in vini.  Prensipalman se sa e mon kontan osi avek sa prozedlwa la ki devan nou i fer ki i pe  ganny back date apartir 2017, le 01 Zilyet 2017.  I bon akoz in fini vote si ou le dan Bidze larzan ti la me Lalwa pa ti ankor vin devan nou Lasanble alor bann dimoun pa ganny pini i a ganny back date e sa i enportan e si sa i ganny er en pe vitman la vi ki lafen lannen pe vini i ava en pti zafer ankor ki ava enportan pou sa bann dimoun ki tonm dan sa kategori.  I annan en keksoz ki mon ti ava voudre ki Minis i eksplike, i dir nou akoz sa rasyonnel – akoz sa dat spesifik ki in donnen le 01 Zanvye 2005, petet i a bon en leksplikasyon lo la pou fer dimoun konpran akoz.  E i  enportan reflesir lo en pwen ki’n ganny avanse si i annan dimoun still ki pou ganny manke avek sa dat ki nou’n mete.  I enportan reflesir e konnen si napa bokou dimoun ti bon nou tyonbo.  Nou pa kapab toulezour osi vin devan Lasanble, ozordi nou fer enn apre nou amande apre nou fer en lot.  Annou fer enn ki nou konnen nou tyonbo tou sa ki annan pou tyonbo ki personn pa manke from now on.  I annan en lot kategori, mon annan dimoun taler menm dan break ki’n telefonn mwan, ki pe dir be look i byen ki zot pe fer Lasanble, Gouvernman sa ki pe fer fantastik me i annan en bout osi ki manke se ki i annan ki’n fer en bout letan dan sa bann service  ki nou pe koze la, dan sa bann travay, sa bann profesyon, teaching, nursing, police ensidswit, i dir be apre in al petet kot PUC ,ouswa en lot landrwa dan Gouvernman in fer ankor detrwa zan e prezan pou fer son 20an akoz i pa gannyen 20an, alor i perdi son pansyon i pa ganny son pansyon kontinyel i ti napa 10an kontinyel in aggregate i pa ganny son 20an, alor i perdi menm.  Me parkont i ti dan Gouvernman for that purpose so i enportan mazin lo la.  Mon pa pou ensiste la, konmsi pou nou afekte sa prozedlwa la, i enportan Gouvernman i reflesir dan sa direksyon, pou vwar si i annan serten dimoun dan sa lespri ki’n ganny  manke ki ganny eksklir mon krwar i annan bann konsern ki’n ganny leve pli boner ti bon sa osi i ganny taken into consideration pou pli tar.  Pou pli tar pou vwar si i annan en lenplikasyon, ki grander sa lenplikasyon.  Si nou pa pe ouver a can of worm e si konmsi si nou pou kapab bare.  Si alor nou vwar poudir i en keksoz ki fer sans ti a bon regard ladan.  Si nou krwar alor in ganny tyonbo par lezot Lalwa pansyon ki’n vin an plas then that’s ok be selman i enportan nou vwar akoz i enportan pansyon letan dimoun sirtou in travay in donnen i enportan ki sa i ganny gete dan en fason byen.  Me selman i enportan osi anpasan Mr Speaker dir ki sa ki nou pe pase la la, i osi en mesaz pou nou dimoun.  Mon krwar i annan en pwen malgre tou Onorab Georges in fer avanse ki i enportan pou kontiny lo la en, sa bann profesyon nob la, sa bann profesyon enportan ki nou pe dir, ki nou konnen pliye en sosyete i tonm osi lo la.  Sa bout disiplin, sa bout edikasyonnel, sa bout ki get nou lasante pou fer sir ki nou byen pou kontinyen travay.  I enportan ki sa bann profesyon nob i vin bann legzanp.  I vin konmsi ki nou kree incentive o firamezir.  Nou amelyore.  I ti annan  la nou fer pli gran, nou fer li pli attractive pou ki dimoun nou pep, i vwar en meyer lavenir dan swazir sa bann metye e parey ou’n dir i pa parey avan.  Avan konmsi ou ti en pe letan ou  napa lezot hope ou dir mon ava al la, mon ava al Lapolis, mon ava al en teacher, en pe dan lespri ki mwan mon ti vin en teacher.  ou dir la kot ou pou ale ki konmsi  kapab annan en ou konpran, ou pa’n al tonm dernyen laba  ou annan en pti hope.  Me la i pa parey.  Sa lespri ki mwan mon ti vin en teacher pa devret parey.  I  devret petet en lot nivo pli o.  en lot nivo ki dir i enportan pou vin en teacher avek tou  kapabilite pou vin en pli bon kalite teacher ankor.  Be pou sa i  bezwen annan osi sa bann incentive enportan, pou fer sir ki demen nou annan meyer head teacher, meyer dimoun pou diriz nou ledikasyon, meyer dimoun ki vin dokter, nurse, ensidswit,  e meyer Police Commissioner and whatnot, meyer dimoun pou tenny dife ki ava kapab fer ki nou sov lavi dimoun, nou sov sa bann danze ler nou ganny bann best of the best konmsi e se sa bann zafer pansyon, bann zafer kondisyon travay, bann zafer Scheme pou sa bann kategori travayer i enportan i ava fer ki nou zanfan lekol i annan en very high hope.  I a vwar sa zetwal laba kot i pou ale, kot i pou anvi arive, kot konmsi i pou fer sa latitid pozitiv pou li ki ava fer ki nou a ganny en meyer sosyete avek sa.  Having said that Mr Speaker.  Mon krwar bann pwen enportan in ganny met devan, e nou tou parey in ganny dir nou pou siport sa prozedlwa akoz i bon pou nou travayer.  Annou ale vitman nou ava fini  avek li.  Nou ava la de lavan nou a donn Vis-Prezidan son sipor lo sa Prozedlwa.  Mersi.

 

MR DEPUTY SPEAKER

Mersi Onorab De Commarmond.  Bon mon ava donn ….

 

HON CHARLES DE COMMARMOND

An pasan, an pasan zis pou mansyonnen i annan bann amannman mon krwar Bills Committee in travay lo la.  Mon bezwen profite pou felisit Bills Committee.  In fer en travay ekselan e toulezour, tou letan ki annan Bills zot vreman fer en travay ki formidab.  Mon’n attend zot bann meeting ki zot fer e sanpyon, zot menm zot, zot ava move sa bann amannman pou nou Lasanble.  Mersi.

 

MR DEPUTY SPEAKER

Mersi Onorab De Commarmond.  Avek sa mon ava donn  Vis-Prezidan Droit de Reponse.  Non mon’n fini ferm mon – ou pa’n, ou pa’n lev ou lanmen ou pa’n endik mwan ki ou sa.

 

(Interruption)

 

MR DEPUTY SPEAKER

Order ! Order ! Order!  Order!  Non pa ti’n vwar be mon a donn ou laparol  mon a donn ou laparol.  Ale Onorab Ferrari.  Ok?  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon pa pou pran bokou letan.  Mon osi mon share lopinyon ki annan lo sa kote latab ki sa Bill finalman i rezilta en move sityasyon.  Nou egzakteman kot nou ti ete 35an pase, kot nou’n ganny en Gouvernman ki fer bann pti bout pou sak group dimoun.  I pa zanmen, nou annan en Gouvernman ki pa kapab fer ler i donn en pansyon oubyen en logmantasyon, i pa kapab fer pou tou dimoun.  I toultan swazir en pti group e sa se metod ki zot bann Dirizan in servi toultan ozordi nou a donn teachers, demen nou a donn sarpantye, ennler nou a donn militer.  E dan militer  ennler nou a donn Gerila.  Nou a donn Tonton Makout, nou a donn Milisya, nou a donn Kada, konmsi sakenn pou vin son tour sa.  Sa se bann kado.  Nou pa gannyen en sistenm ki enn pou tou dimoun e mwan mon pa dakor ek sa lide ki i annan bann travay nob e i annan bann travay ki pa nob. Mwan dan mon  liv larelizyon ki apel labib i mete poudir tou travay i annan son valer !  Tou travay i annan son valer !  Nou pa kapab – sa i bann latitid Kominis, Kastroist, Maoist ki zis kas, kas bann pti keksoz par bout!  E mwan, e mwan mon ava dir zot pou reponn Onorab De Commarmond, mwan o mwan o mwen an 1983 a laz 21  mon lizye ti ouver.  Onorab De Commarmond en kote son lizye in ouver la, Onorab Gill tou le de i ankor fermen.  Mwan mon lizye in ouver depi laz 21an.  So pa rod mwan akoz i annan en kantite keksoz mon kapab dir.  Alors mon pe dir  Mr Speaker,  mon pe dir ki kan – mon pe demann avek Vis-Prezidan kan eski nou pou ganny en Lalwa ki pou egal e ki pou pran konsiderasyon tou nou travayer.  Si nou kapab donn 500 tou nou travayer nou donn 500 nou pa al donn mil en sel group. Nou sey gete dapre sa morso gato ki nou annan nou sey partaz li ant bann dimoun e nou lev nou lev nou pei antye.  Sanmenm sa nou annan bann ghetto nou annan  en landrwa nou  aranze, en landrwa nou pa aranze, nou pa pe fer en travay, nou pe fer en case-by- case-basis.  E toultan nou Gouvernman i travay lo la.  Ozordi nou’ n met tou sa bann dimoun nou dir nou ava donn zot en pansyon, nou kontan nou.  Mwan mon kontan pou sa teacher, pou sa nurse ek sa Fireman i gannyen be mon leker i fermal pou sa enn ki pa’n gannyen.  Akoz sa fakter, sa fakter ki al anmenn let dan bwa li osi i ganny morde ek lisyen ?  I pa en  travay danzere li osi ki i fer? Akoz kan – nou pou kit li ater nou ?  Ok.  Sir Kevin ki’n ganny – e tout fason Sir Kevin ki ti ganny bate avek en manrmay dan lekol la, pa R1000 ki i bezwen, i bezwen en crash helmet.

 

(laughter)

HON JEAN-FRANCOIS FERRARI

I bezwen en crash helmet akoz i pa pou arive, i pa pou arive son laz pansyon si nou kontinyen koumsa.  Ki nou pe fer…

 

(laughter)

 

HON JEAN-FRANCOIS FERRARI

…ki nou pe fer,  ki nou pe fer Mr Speaker nou’n degrad en sityasyon partou, nou’n degrade apre nou sey donn en pti plaster – en keksoz koumsa.  Se la kot nou pa pe mazin, pa mwan zot ki kontan servi sa mo holistic, sa ‘holistic approach’ konmsi ki tou dimoun i ganny met – i ganny pran.  E mwan  sa – ozordi mon kontan e mon pou apiye ki mon bann ser e frer teachers, Lapolis, militer i ganny keksoz me selman annou sey gete ki mannyer nou kapab fer keksoz ki en vre lazistis sosyal.  Ki pa en lapliferans sosyal.  Akoz dimoun laba deor zot pa kontan.  Zot anvi nou tou nou Seselwa nou tou nou imen, nou tou nou zanfan Bondye anba’’ en sel soley’’ parey zot dir, me selman i annan ki ganny pike, i annan pou gannyen i annan pa pou gannyen.  I menm parey – i dan sa lespri ’’ek nou pa ek nou sa.’’  I dan menm lespri sa.  Ou konpran ?  E alors annou move on.  Annou move on akoz si nou pa met ladan –akoz  dan tou sa bann lepok, dan tou sa bann kategori.  Par egzanp sa lepok ti napa Broker.  Ti napa Broker

 

(APPLAUSE)

 

HON JEAN-FRANCOIS FERRARI

…ki mannyer – nou pa’n kapab donn en pansyon en Broker akoz sa lepok pa ti ankor arive Sesel sa zafer Broker – ok ?  La ozordi Broker in arive me Broker i pa dan lalis li – ou konpran?  Tousala bann keksoz koumsa nou bezwen gete.

 

(laughter)

 

HON JEAN-FRANCOIS FERRARI

Nou bezwen konpran byen Onorab De Commarmond i konpran mwan byen li.  Ou konpran.  Nou bezwen fer keksoz byen pou tou dimoun e se sa ki mwan mon priye e mon swete pou mon pei sesel ki mon kontan, ki tou dimoun i byen pase tou dimoun i ganny en pti morso manze, en pti bout dipen ler dipen i ganny partaze.  Mersi Mr Speaker.

 

MR DEPUTY SPEAKER

Mersi Onorab Ferrari.  I byen ler nou fini lo sa not kot tou Manm i kapab riy en pti pe.  Bon mon pou donn laparol Vis-Prezidan pou fer son konklizyon e osi tou adres bann klarifikasyon.  VP.

 

VICE-PRESIDENT MR VINCENT MERITON

Mersi Mr Speaker.  Mr Speaker sete en an pase ki mon ti vin isi pou reponn kestyon lo akoz nou anploy sa kantite dimoun ki ti’n fek ganny anbose, ganny anploye dan Gouvernman, mwan avek Sekreter an Sef kot DPA ki sa kestyon ti leve.  E nou ti donn langazman Prezidan Faure ki travay pe ganny fer pou annan en Pansyon Spesyal pou tou kategori travayer ki zot profesyon i an demann e ki zot travay i en travay ki a risk.  Byen koze i fer byen konpran.  Annou move on.  Nou tou nou lizye  i ouver akoz nou tou nou krwar dan en meyer lavenir pour Sesel  e pou nou zanfan.  Mr Speaker parler ler nou retourn da listwar nou swazir ban keksoz ki konvenab pou nou.  Ler ti annan pansyon lepok kolonyal ti annan established avek non- established.  La la kot ti konmanse en pti group zis bann established ki ti gannyen e bann non established pa ti gannyen.  Se pou sa rezon ki nou’n dir fer keksoz konpreansiv dan son entegralite e dan son fason pli entegral, holistic ki nou ti entrodwir, nou ti ranplas sa pansyon kolonyal par pansyon Sekirite Sosyal.  Eski sa i en lerer ?  Eski sa i rezilta en keksoz ki move?  Dimoun a reponn sa. Me apard entrodwir en pansyon ki ti tous tou dimoun n ou ti osi mentenir en pansyon ki parey dan seksyon 3(c) i dir ti annan en pansyon ki ti kouver bann dimoun ziska le 31 Desanm ‘78 zot ti ganny sa ki nou apel en Pansyon Kolonyal ki ti baze lo en formil ki ti baze lo ou lapey pou gete konbyen ou ti pou gannyen.  Depi le 01 Zanvye ‘79 ziska le 31 Desanm 2004 ti annan Pansyon Sekter Piblik ki li osi ti R1000 e li osi 60 an.  Korek.  Bann kriter i mete avek son 10an.  Apre le 1 zanvye 2005, la la nou pe vin avek sa pansyon pou nou kapab adres bann defi ki bann Onorab in koz lo la.  So napa okenn lerer, napa rezilta okenn keksoz ki mal, me en parkour dan evolisyon ki mannyer nou pou valoriz dimoun ki travay.  Ki mannyer nou pou valoriz dimoun ki travay dan sekter piblik pou ki nou osi kapab sey retenir nou bann travayer akoz ozordi sekter prive i pey bokou pli byen, zot bann package i bokou pli eksitan e atiran pou bann dimoun e nou bezwen annan en keksoz pou gete ki mannyer nou adres bann defi.  So Mr Speaker, bann entervenan in tous lo en kantite pwen.  Be mon krwar lesansyel in ganny fer ki nou bezwen get sa bann sekter, sa bann sekter ki nou’n nonmen akoz sa bann sekter i bann landrwa ki difisil ganny dimoun, akoz zot kondisyon travay i difisil e lanvironnman travay i difisil.  Dimoun pou al travay dan sa bann sekter i pti git i rar.  I scarce parey Angle i dir e nou bezwen osi retenir bann dimoun pou travay dan sa bann domenn ki’n mete.  So i en incentive pou gard dimoun dan bann servis esansyel e sa bann servis ki an gran demann dan servis piblik.  Prezan Mr Speaker, bann pwen ki’n leve in koz lo pou ranforsi sa kestyon ki manke ki kantite dimoun ki ozordi i antre dan profesyon ansennyan, ki kantite dimoun ki antre dan profesyon ners.  I annan en defi e nou bezwen adrese.  Travay pe ganny fer lo kote Gouvernman avek tou sekter lasosyete pou kapab gete ki mannyer nou pli responsab vizavi formasyon nou bann ansennyan, formasyon nou bann ners, me osi ankadre zot pli byen dan zot landrwa travay protez zot landrwa travay pou zot kapab delivre bokou plis akoz zot annan en rol pou zwe dan formil si ou le ki mannyer determin e moul desten lavenir nou pei.  Tou travay taler en dimoun in dir.  Tou travay i enportan e sa bann travay ki sa ban dimoun pe fer ou pa kapab azout en kou avek sa.  Mr Speaker en lot pwen ki’n ganny fer resorti se ki sa R2 mil ki i gannyen apre 40an pa nanryen ditou.  Sa i zis en token sa.  Tou bann benefis statiter depi ou konpansasyon, ou Gratwite i ganny peye li.  Sa en token.  Serten Lorganizasyon i kapab pey 5mil i pey 5mil, sa ki kapab pey 6mil i pey 6mil.  En bann ki pey 2mil i pey 2mil.  Annou konpran keksoz dan konteks pou ki dimoun deor pa krwar poudir apre 4 an ou ganny zis R2mil ki pa neseserman fo, nou pe tre ekonomik avek laverite.  En lot keksoz ki enportan fer sorti se ki SPDF en pwen in ganny fer e nou konnen poudir nou’n ganny dir ki SPDF pou donn en koudmen osi Lapolis baze lo demann ki’n ganny fer pou mentenir lord, sekirite ek lape sirtou pandan sa bann peryod, peryod festivite ki annan.  Be selman nou’n dir ki sa ban dimoun i bezwen respe dimoun.  Zot le ganny respe zot bezwen respe.  Nou dakor avek sa e Mr Chairman SPDF i annan bokou keksoz zot dir dan barak. Be zot dan barak me osi zot pe travay i annan en kantite keksoz ki zot pe fer ki permet sa stabilite ki annan dan pei.  Mr Speaker konmsi tousala i bann valorizasyon ki nou bezwen met devan pou dimoun kapab apresye ki travay sa bann dimoun dan sa bann sekter i konmans avek.  Mr Speaker akoz sa bann sekter akoz pa lezot?  Konmsi Pti a pti nou arive.  Zwazo pa fer son nik dan en sel zour.  Annou konmans avek sa group ki la e tou dimoun in dakor avek sa lo tou le de kote latab.  E dimoun in dir akoz pa enn akoz pa lot.  Annou konmans ek sa ki nou’n konmanse la.  Sa bann sekter ki i annan bokou legzizans,  sa bann sekter ki difisil ganny dimoun e deza mon krwar dan Lalwa in deza mete dan seksyon- dan ‘Schedule ki Minis i kapab anmenn ‘Schedule e in ganny dir par zot menm o firamezir ki bann posibilite lekonomi i donn nou sa sans byensir Gouvernman pou fer en travay pou kapab gete ki mannyer son bann dimoun i ganny valorize.  Me  selman avek sa valorizasyon parey zot in dir e mon dakor avek zot nou bezwen annan disiplin dan travay pou ki i annan valer dan travay pou ki bann dimoun ki vin rod en servis i ganny en meyer servis parey Gouvernman Prezidan Faure in donn langazman ki nou pe travay pou delivre.  Mr Speaker nou’n ganny demande akoz sa pansyon i 60 an?  Nou pe konsistan avek bann pansyon avan ki ti 60an son 1 an e oubyen son 20an aggregate.  Nou pe fer li konsistan e dan nou- e ler nou ti pe konsevwar sa pansyon ti napa kestyon sanze pou fer laz retret vin 63 apre 65 parey i ete ozordi anba Fon Pansyon avek Sekirite Sosyal.  Be sa 2023, la i dan lentere travayer ki ganny son 60an pou li kapab benefisye antretan apre Lalwa i ava sanze.  So i dan lentere travayer ki zwenn tou bann kriter pou zot kapab benefisye.  Sa pansyon nou pe met devan pou kapab sey tyonbo bann dimoun ki pa’n ganny tyonbo me selman pou bann dimoun ki tonm dan sa peryod la i bezwen zwenn sa bann kriter.  Sa bann kriter i bann barenm ki nou mete pou fer sir ki bann dimoun ki’n travay zot letan i ariv son laz ki i ti la en serten letan, i zwenn sa kriter e ki osi i kapab benefisye.  Mr Speaker lezot pwen ki’n fer sorti ankor i koz lo lenportans lezot profesyon.  Wi lezot profesyon if er en kantite.  Se tou servis piblik ki travay ansanm ki delivre en servis.  Me parey mon’n dir nou pe konmans en serten landrwa e dousman, dousman nou a devlope, ban kad i ganny fer, nou evalye bann sityasyon e kot nou kapab apre vin devan avek bann diferan Scheme of Service, ki osi en keksoz e apre en pansyon ki son keksoz i en finalite ki bokou pli larz ki sa.  Mr Speaker en kestyon in ganny demande taler ki arive avek bann dimoun ki’n konmanse – ki’n konmans travay apre le 01 zanvye 2005.  Mon krwar la i annan en lakor lo tou lede parti ki nou bezwen gete ki mannyer nou adres a e Gouvernman in donn son lakor de prensip ki nou get sa pou gete ki- pou fer sir ki bann dimoun ki ti la le 01 Zanvye 2005 e ki’n vin apre i a kapab osi benefisye tou a gardan an konteks bann lezot kriter ki nou’n mete.  Mr Speaker en kantite kestyon ki mon’n dir i ganny repete, be mon krwar lanfaz i reste ki nou valoriz travay ki sa bann dimoun i fer  an menm tan ki nou pe travay pou gete ki mannyer lezot sekter, lezot profesyon dan sekter piblik i ganny valorize atraver bann lezot mwayen pou kapab permet nou etidye, evalye sak sityasyon e gard latansyon lo bann benefis ki zot gannyen e gete ki mannyer nou kapab amelyore dan lavenir e dan fitir.  Mersi Mr Speaker mon krwar mon’n tous tou bann pwen.  Si i annan okenn kestyon ki mon pa’n touse e atraver Committee Stage nou a kapab adrese.  Vwala mersi Mr Speaker.

 

MR DEPUTY SPEAKER

Mersi Vis-Prezidan.  Bon nou ava pran en vot lo merit zeneral Bill.  Mon demann tou Manm ki an faver?  Ok. Okenn Manm ki kont?  Madam Clerk.

 

MADAM CLERK

Mersi Mr Speaker mon’n rikord 24 Manm an faver e personn kont.  Mersi.

 

MR DEPUTY SPEAKER

Ok savedir sa Bill in pase.  Bon eski nou pou, nou a ganny en Mosyon pou al lo Staz Komite.  Nou annan amannman.  Oh yes.  Clerk ou a fer Second Reading please. 

 

MADAM CLERK

Mersi Mr Speaker.  A Bill of an Act to provide for the Special Pension to certain categories of Public Service Officers.  Mersi Mr Speaker.

 

MR DEPUTY SPEAKER

Ok.  An vi nou annan plizyer amannman, mon ava demann en Mosyon pou al dan Staz Komite.

 

HON CHARLES DE COMMARMOND

Mr Speaker mon move ki nou al dan Staz Komite sa Bill.  Mersi.

 

MR DEPUTY SPEAKER

Ok.  Mersi Onorab De Commarmond.  Mosyon, mon a demann en Manm pou segonde.

 

HON SIMON GILL

Mosyon i ganny segonde Mr Speaker.  Mersi.

 

MR DEPUTY SPEAKER

Mersi Onorab Gill.  Ok nou ava pran en vot lo Mosyon pou al dan Staz Komite.  Tou Manm ki an faver?  Okenn Manm ki kont?   Ok.  Madam Clerk.

 

MADAM CLERK

Mr Chair, 20 Manm an faver e personn kont.  Mersi.

 

MR DEPUTY SPEAKER

Ok.  Mon ava demann Sergeant pou move Mace.  E nou ava antre dan Staz Komite.  Mon ava demann Manm ki pou prezant bann amannman pou fer li, pou konmanse.  Ale Onorab Georges.

 

HON BERNARD GEORGES

Mersi Mr Chair.  Mr Chair tou bann Manm i ava annan devan zot rapor Bills Committee lo sa Bill, Bill limero 23 2017.  Premye dokiman 4 dan zot bundle.  Ladan i annan en seri propozisyon ki Bills Committee pe fer pou amann serten lerer tipografik serten mankman, ek osi propoz enn de amannman en pe pli sibstansyel.  Eski mon kapab demande si Vis-Prezidan ek Attorney Zeneral zot annan devan zot sa bann amannman ?   Mersi.  Kekfwa Mr Chair avek ou permisyon mon ava konmanse epi mon ava pas laparol avek enn de Manm nou Bills Committee ki’n travay lo bann keksoz plis spesifik premyerman nou premye lamannman i dan long title li menm kot nou pe azout en Lartik ‘a’ dan long title pou li vin ‘for ‘a’ special pension’ olye zis ‘for special pension’.   Ki mannyer nou pou prosede pou nou pou tonm dakor lo sakenn oubyen nou pou zis proceed? 

 

MR DEPUTY SPEAKER

Mon sizere annou pran tou amannman apre nou ava pran en vot lo la si tou i aksepte avek.  Go ahead Onorab Georges.

 

HON BERNARD GEORGES

Vis-Prezidan in sinifye son lakseptasyon avek nou bann propozisyon.  Donk zis pou zis pou piblik.  Dezyenmman oubyen zis pou bann Manm sirtou zis an ka zot annan okenn refleksyon pou fer.  Dezyenmman nou’n modifye definisyon ‘’’Continuous service’’ akoz i ti annan enn de fot ladan.  E nou’n re propoz li.  Nou’n sanz dan definisyon ‘Government Service’ en fraz ‘for the purpose of this Act’ e nou’n met zis ‘including’.  E dan definisyon ‘public officer’ nou’n fer ‘’professions’’ and ‘’services’’ vin o pliriyel.  Mon poz la.  Clause 3 Mr Chair i sa Clause ki’n ganny en pe debat lo la bomaten.  E sa se sa lannen 2005 kot pansyon i sipoze konmanse depi pou bann dimoun ki ti dan lanplwa depi le 0i Zanvye 2005.  Vis-Prezidan in eksplike bomaten ki sa in fer akoz ziska le 31 Desanm 2004 i annan en lot Scheme Pansyon e donk sa enn pou konmans depi an 2005.   Be lafason ki sa Clause in ganny drafte i annan serten difikilte avek li.  E nou’n vwar sa difikilte bomaten ; sa se eski fodre ou dan lanplwa 2005 oubyen eski  i menm si ou konmans travay apre 2005 ou pou ganny pansyon ler ou’n fini 10an oubyen ou 20an e ou’n ariv laz 60an.   Sa propozisyon lamannman ki nou’n fer e ki devan zot lo zot paz,  in bezwen ganny re modifye an konsekans sa deba ki nou’n gannyen bomaten.  Mon ava Onorab Basil Hoareau pou lir nou son propozisyon lamannman amannman a lamannman.  Mersi.

 

MR DEPUTY SPEAKER

Ok, mersi Onorab Georges.  Onorab Basil Hoareau.

 

HON BASIL HOAREAU

Mersi Mr Chair.  Mr Chair mon krwar pou lemoman mon pou sif ek sa paragraf A ki sa lamannman i vin avek pou fer sir pou dir akoz pou lemoman parey Onorab Georges in dir ki lenpresyon ki Lalwa i donnen se ki bann travayer ki’n join Public Service apre 01 Zanvye 2005 pa pou tonm anba pansyon.  Me nou anvi amande pou fer sir ki bann travayer sa bann group travayer i ganny kouver.  E lamannman ki nou pe propoze a paragraf Clause 3 (a).  E se ki nou delete konpletman e nou substitute li par sa bann mo swivan.  ‘’was in Government Service on the 1st of January 2005 or join the Government Service after that date.’’  So sa pou fer sir poudir ou annan de kategori travayer ki pe ganny kouver la se bann ki ti dan lanplwa le 01 Zanvye 2005 ouswa bann ki’n zwenn apre ok? ‘’ Was in Government Service on the 1st on January 2005 or join the Government Service after that date.’’  Epi Mr Chair sa i en lamannman pou nou ki in ganny propoze par Bills Committee an antye se lo kote paragraf (b) nou pe dir i annan paragraph (b) and (c) – ki nou pe dir la dan sa Clause 3 nou pou replace paragraph (b) and (c) avek sa bann nouvo paragraf.  Ki pe swivan.  So paragraph (b) i pou lir koumsa  ‘(b) has completed 10 years of continuous service or 20 years of aggregate  service in a profession or services specified in Schedule 1. 

        Sa i vin sa nouvo paragraf (b) ok.  Apre son nouvo paragraf (c) i vin ‘has attained the age of 60 years.’   E sa present paragraph (c) li prezan i pou ganny renumber i  pou vin paragraph (d).  Sa enn ki dir pou dir si ou pe resevwar pansyon anba Pension Act or Public Sector Social Pension ki prezaman i subclause (c)  i a vin subclause (d).  E apre sa nou pou azout en nouvo subclause 3 (2).  Aktyelman Mr Chair zis pou korize dan kot subclause 3 nou pou fer li i zis subclause 3 la nou pou fer li subclause 3 (1) 3 bracket (1)  – 3(1) so nou pou annan subclause 3 (1) ki apre i vin son (a) (b) (c) avek now (d).  Prezan nou pou annan en further subclause 3 (2)

So 3 bracket (2) – 3 (2)  li i pou lir swivan li ;  ‘the provisions of this section shall apply to a public officer who satisfies all the condition of this section after coming into force of this Act.’  So nou pe fer kler ankor pou dir en travayer ki li in zwenn Public Service apre ki sa Act i vin anfors, si li evantyelman i ariv laz 60an e in travay pou 10an continuous service dan enn sa bann profesyon – ouswa in travay pou aggregate period of 20 years dan sa bann profesyon li osi i pou ganny kouver. So sa i pou sa nouvo subclause 3 (2) i pou kouver bann travayer ki join Public Service after coming into force of this Act.  Mon lir 3(2) ?

 

MR DEPUTY SPEAKER

Yes. 

 

HON BASIL HOAREAU

‘The provisions of this section shall apply public officer who satisfies all the conditions of this section after the coming into force of this Act.’’  Ok? 

 

MR DEPUTY SPEAKER

Savedir dan 3 (1) c i zis ‘has attained the age of 60 years?’ 

 

HON BASIL HOAREAU

Exactly.

 

MR DEPUTY SPEAKER

Anything ki vin apre nou tire?

 

HON BASIL HOAREAU

Wi apre si sa present (c) subclause (c) now  become subclause (d).  So olye dan 3 (1) ou annan (a) (b) (c) and (d).  Ok.  So savedir after c ki dir ‘has attained the age of 60 years’ apre ou pou annan (;) semicolon apre la ou pou annan the word ‘and,’ ‘and’ to it.  Ok?  Pou li read avek paragraph subclause (d) apre la ou pou annan sa subclause 3 (2). 

 

MR DEPUTY SPEAKER

Ok. 

 

HON BASIL HOAREAU

Mon a repas laparol avek Onorab Georges pou annan lezot lamannman ki nou pou koz lo la pli tar.  Me solman pou kontinyen nou a zis Onorab Georges kontinyen.

 

HON BERNARD GEORGES

Mersi Mr Chair.  Mr Chair in fact mon pe regard en pti pe sa lamannman ki nou fek koz lo la la, e mon pe demann mon lekor si annefe 3 (2) kot nou dir ‘shall apply to a public officer satisfies all the conditions’ enn sa bann kondisyon se employment an 2005 ki dan 3 (1).  Alor kekfwa nou devret mete ‘save for’ – ‘save for ‘section 3 (1)’ the provisions of this Act.’  Akoz sa ki nou pe fer i 3 (2) se nou pe nou pa pe retourn li annan yer  2005 pou bann ki pou ganny 60an apre ozordi.   Yes?  So 3 (2) Onorab Hoareau eski ou dakor ki nou met ‘save for’ section 3 (1)?  3 (1) a yes, ‘the provisions of this Act shall apply to the public officer who satisfies.’  Mersi.  Mr Chair pou kontinyen briyevman dan devan zot lo 3 (c) ki prezan in vin 3 (1) d  nou pe met nou pe sanz ‘Consolidated Funds’ nou pe fer li vin ‘the Consolidated Fund’ akoz i annan zis enn.  Dan Clause 4 nou pe propoz en modifikasyon olye kot i met ‘the public officers specified  in Schedule 1 who are citizens of Seychelles eksetera.  Nou pe propoz ‘subject to this Act public officers employed in the professions and services in Schedule1’ rezon pou sa se ki i annan 2 kriter fodre ou entitled pou en pansyon e fodre ou osi demontre ki ou annan drwa a en pansyon.  Donk se pou sa rezon ki nou’n met sa la.  ‘Entitled and  eligible’ fodre ou annan tou lede fodre ou pa kapab, annan zis enn.  Lo deryer zot paz ki devan zot.  nou’n sanz san Clause 5 (2) ‘monthly rate’ pou li vin ‘monthly sum’ apre nou’n tir ‘the amount of’ dan 5 (3) zis pou li ‘the pension shall be reviewed periodically’  nou’n sanz ‘retail price index’ pou vin ‘consumer price index pou plito nou pe propoze.  Dan Clause 6 en pti fot kot son Clause i met i dan pliriyel ‘they’ nou nou’n remet li dan sengilye ‘he or she’ avek en lamannman an konsekans.   Dan 6 (2) – 6 (2) zot dir ki sa pansyon e sa set en pwen ki Vis Prezidan in dir bomaten.  Sa pansyon sa R1000 la pou ganny bann dimoun pou ganny li adisyonnelman avek okenn lezot benefis ki zot pe deza gannyen.  E sa ki ti’n mete se ‘irrespective of’ nou pou fer li pli kler nou’n met li ‘in addition to’ pou fer kler ki sa i vin an plis.   Dan Clause 7 nou pe propoze ki olye met sa responsabilite lo ‘Chief Secretary’ dan DPA met li lo DPA li menm.  Natirelman ‘’Chief Secretary’ i a deside lekel dan Departman DPA ki pou manage sa pansyon.  E nou’n osi krwar ki Clause 7 (2) ki dir ou ki mannyer ou laplikasyon pou ganny fer pa ti devret la, me i ti devret dan Clause 8 ki dir ou ki dokiman pou azoute avek ou laplikasyon.  Alor nou pe propoze ki 7 (2) i vin 8 (1) e si sa i aksepte nou bezwen tir sa 1 avek 7, akoz i pou annan zis en seksyon.  Plito en subsection.  Donk dan Clause 8 lalis bann keksoz ki en aplikan pou sa pansyon i bezwen fourni nou pe demann ki i fourni bann employment records e non pa zis en employment records akoz i posib ki i pou’n fer plizyer sa bann post dan ‘Schedule’ i pou annan plis ki en record.  Epi kot (d) 8 (2) (d) kot i demann the bank account details nou ti santi ki ti napa ase detay e nou dir ki detay kont kot sa pansyon pou ganny peye.  E ki lentansyon.  Me sa lentansyon pa ti manifeste dan son drafting.  Dan Clause 8 (2), 8 (2) prezan i pou vin 8 (3) ;  I annan enn de pti lamannman ki nou’n mete olye sa mo ‘call for’ ki DPA pou kapab call for ’okenn rikord nou’n fer sa mo ‘request’ e nou’n azout non selman ki fodre sa dimoun i ‘eligible’ me osi ki i annan en ‘entitilement’ pou sa pansyon ek sa demann i kapab ganny fer avek sa landrwa kot i ti travay.   Dan draft ki devan nou i met the Department me Department pa ase gran  selon nou, e nou met sa nou’n elazi li pou li vin ‘employing organisation where the applicant is or was employed’.  8 (3) se bann amannman an sekans ki devan zot wi prezan 8 pou bezwen renumbere  1, 2, 3 pou vin 2, 3, 4.  Nou’n sanz sa mo ‘pensioner’ dan Clause 9 nou pe propoz sanz ‘pensioner’ pou li vin ‘person receiving a special pension’ ki pli egzakt e ki mwens kontansye.  E nou’n zis azout en lartik definir dan 19 (1) to bring into effect the ‘provisions’ of sorry zis enn to bring into effect the ‘provisions’ of this Act – sa mo ti manke.    Vwala Mr Chair bann opozisyon lamannman ki Bills Committee pe fer.  i annan lezot ki pou ganny prezante la sa se bann lamannman ki Bills Committee ti pe propoze.   Mon krwar ki i nou merite dir.  Antan ki Bills Committee an piblik ozordi sa ki nou’n dir parmi nou lekor prive.  Se ki sa Lalwa ti’n kapab vin devan nou dan en byen meyer fason.  I annan tro fot linatansyon e annan i annan tro defayans ki nou’n bezwen korize.  Set en keksoz ki nou ti dir dan nou Rapor Anyel mwan pase.  Mon profite ki Depite Attorney Zeneral i la ozordi pou demann li silvouple pas sa mesaz avek seksyon drafting.  Nou konpran – nou konpran ki sirtou a sa moman i annan en kantite presyon pou drafte Bills pou anvoy devan nou.  Akoz se bann Financial Bills.  Nou konpran sa.  Me still i annan serten fote ladan ki ti’n kapab ganny avoided.  Mersi.

 

MR DEPUTY SPEAKER

Meri Onorab Georges.  Onorab Basil Hoareau.

 

HON BASIL HOAREAU

Mersi Mr Chair. ,Mr Chair further amendments ki mon ti a kontan propoze.  E premyerman Mr Chair,  mon ti a kontan propoz en lamannman avek Clause 2 ki sa the definition section of the Act when the Bills become the Act se pou include pou delete the definition  ki ‘Life Certificate ‘ki’n ganny donnen ek   life certificate la pou prezaman.  E substitutely avek sa nouvo definisyon.  Life Certificate means certificate means certificate issued by any of the persons specified in ‘Schedule 3’.   Sa i pou premye.  So sa i pou definisyon ‘Life Certificate’ i ganny sanze par pou vin sa enn ki mon fek lir.  E nou pou osi fer lamannman dan ‘Schedule 1’ ki aktyelman nonm sa bann profesyon.  Ki pe ganny propoze se ki kot    Medical and dental profession, Teaching profession.  Apre i annan kot i dir Seychelles People’s Defence Force ki pe ganny propoze pou vin ‘Members of the Seychelles People’s Defence Force. ’ ‘Members’.  Ok?  ‘Members.’  Apre kot sa i dan paragraph (d) savedir ‘members of the Seychelles People’s Defence Force’ savedir nou azout sa     Seychelles Defence Force nou azout the words ‘members of the. ’  Similarly avek kot i met ‘Seychelles Police’ nou met ‘members of the Seychelles Police Force.’  ‘Members of the Seychelles Police Force’ dan paragraf (e).  Dan paragraph (f) nou pou insert before the words ‘Seychelles Prison Service’ nou pou insert the following ‘Prison Officers other’ apre i al lir ‘Seychelles Prison Service.’  So ‘Prison Officers of the Seychelles Prison Service.’  Dan paragraph (g) ki pe koz lo ‘Officers appointed under National Drug Enforcement Agency’ nou pe koz lo nou insert the word ‘enforcement’ before the word ‘officers.’  So i a vin ‘enforcement officers appointed.’  E dan paragraf (h) kot nou pe deal avek Seychelles Fire and Rescue Service Agency nou insert the words in front of the word Seychelles the following ;     ‘Fire Officers of the Seychelles Fire and Rescue Service.’  E sa pou pran ka avek sa bann ‘Schedule 1’.  Apre nou pe vi ki nou’n fer referans nou’n fer Lamannman nou’n dir pou dir Life Certificate i pou mean Certificate  issued by any other persons specified in ‘Schedule 3’.  Then nou pou bezwen insert en ‘Schedule 3’.  Akoz presently the Bill dan zot contain ‘Schedule 3’.   So nou pou bezwen insert en ‘Schedule 3’ e se sa lamannman ki nou pe proze se ki i annan en ‘Schedule 3’ ki pou li pou lir swivan.  ‘The following persons are eligible to issue a Life Certificate .’  E la i annan 9 kategori dimoun e premye pou annan Branch Bank Mlanagers,  secondly 2enm No.2 – Attorneys-at-Law Notaries.  No.3 – Judicial officers, No.4 – Medical practitioners, No. 5 Priest or equivalent.  So I take it the Pastor pou li osi pou li kapab donn sa.  6  – Members of National Assembly, 7 – district administrators, 8 – No.  8 – Headteachers and No.  9 last category – Nurse managers.  Nurse managers.  So sa i bann lamannman ki pe ganny propoze Mr Chair.

 

MR DEPUTY SPEAKER

Yes Onorab Georges?

 

HON BERNARD GEORGES

Mersi Mr Chair.  Mr Chair mon krwar piblik kekfwa ti a anvi konnen ki sa bann amannman se pa bann amannman Bills Committee ki pe propoze me selman Onorab Hoareau pe propoz – akoz i annan serten ki al dans le fond ki nou napa drwa konman Bills Committee pou nou fer. Mr Chair mon annan enn de pti enn de pti komanter.  Premyerman mon napa okenn problenm avek definisyon ‘Life Certificate’ avek ‘Schedule 3’.  Me parkont bann lamannman avek ‘Schedule 1’, i annan en pti problenm.  Mon konpran lentansyon akoz mannyer i ete i en pe vag.  Premyerman dan (d)  en pti pwen.  E sa set enn ki nou menm Bills Committee ki nou’n manke.  Seychelles People’s Defence Force i sengilye oubyen i plural?  I Defence Forces oubyen i Defence Force? Forces.  Alor mon ava propoz en pti lamannman pou fer li vin Defence ‘Forces. ‘ An sibstans mon vwar lentansyon deryer sa propozisyon e sa pou fer sir lekel dan sa bann profesyon ki ganny drwa sa pansyon.  Me si ou lev en kestyon e sa se dan Nursing profession dan Teaching profession.  Eski supply teacher ou support teacher i kouver?  Eski nursing assistant i kouver?  E mon krwar i en kestyon Polisi ki Vis Prezidan i bezwen gid nou lo la.  Akoz si non, nou bezwen fer sir lekel ki nou pe mete dan sa 2 kategori akoz nou’n fer sir lekel ki pe ganny kouver dan bann lezot kategori.  Donk en dimoun ki pe anploye konman en Clerk oubyen accountant kot SPDF oubyen kot, .Lapolis pa ganny kouver.  Akoz i pa en member of the SPDF oubyen en member of the Seychelles Police Force.  Mon ti ava demann sa kestyon e si nou pe aksepte sa bann lamannman nou pou, bezwen fer en lamannman  ki nou’n propoze dan Clause 4, kot i dir ‘the public officers employed in the profession or services in ‘Schedule 1’. Akoz prezan i nepli ‘profession or services’   i actually bann manm ki pe ganny ki pe ganny kouver.   En lot propozisyon nou ti ava kekfwa olye met tou sa bann amannman –  se met en chapeau avek ‘Schedule 1’ ki ti pou lir something like ‘professional staff employed in the following profession’ par egzanp.  Alor la i ti ava kler me menm la i pa ti pou telman kler akoz eski en supply teacher i en professional staff oubyen i … ou konpran?  I annan bann keksoz.  Me tou sa ki mon kapab fer se lev sa pwen.   Mersi.

 

MR DEPUTY SPEAKER

Mersi Onorab Georges.  Onorab De Commarmond.

 

HON CHARLES DE COMMARMOND

Zis pou  azout lo sa ki lo Onorab Georges fek dir la bann zafer dan Health Sanniter?  Li i dir li al premye soz laba lo fron batay i annan bann – i pa pou kouver la, me dan sanmenm sa lespri, eski i ganny konsidere ?

 

MR DEPUTY SPEAKER

Ok.  Okenn lezot Manm ki oule aport okenn lamannman?   Non.  Si napa mon ava pas laparol avek Vis-Prezidan pou fer komanter.

 

VICE-PRESIDENT MR VINCENT MERITON

Mr Char.  Zis pou bann Ners mon krwar i Registered  and Qualified Nurses avek pou bann Teachers i bann Qualified Teachers.   Si nou kapab zis kalifye li pou ki anbigite lo la.

 

MR DEPUTY SPEAKER

Ok, i vedir nou bezwen nou bezwen fer rantre dan ‘Schedule’ non?  Onorab Georges ou byen Onorab Hoareau?  Pou kalifye sa bann profesyon.

 

HON BASIL HOAREAU

Ya.  Me pou SPDF ek Lapolis selman bann members of the of the Force – of the Forces?  Of the 2 Forces ?   Ok, savedir i pou members i byen.  So nou pou petet bezwen amann sa lamannman ki nou’n fer dan Clause 3.  Mon pe mazinen kot nou’n dir ‘has completed 10 years of public service or 20 years of aggregate service in a profession rather nou tir or service specify nou dir in a ‘’profession’’ akoz tousala i pou bann profesyon ki’n ganny – ki prezan nou pou’n fer kler.  So olye nou tir ‘the words or service’ dan Clause dan sa lamannman ki nou’n propoze avek Clause 3 savedir dan son subclause (b) of Clause 3 (1) nou tir the words ‘or service’ pou fer li in line ek sa ki nou’n mete.

 

MR DEPUTY SPEAKER

Onorab Georges.

 

HON BERNARD GEORGES

Yes Mr Chair e nou bezwen fer en lamannman konsekans osi avek Clause 4, parey mon ti dir nou pa pou kapab met ‘subject to this Act’ public officers’ employed in the profession and services’ li osi.  Nou bezwen retourn lo ki mannyer i ti ete avan – ‘subject to this Act’ bla, bla, bla ‘public officers’ specified in ‘Schedule 1’.  Akoz la prezan nou pe spesifye li  actual dimoun.  Me mon annan en 2enm kestyon e sa se swit a sa ki Vis-Prezidan in dir dan (a) avek (c) Registered and qualified – what?  Members of the nursing profession se sa?  Or akoz i pou osi include Midwives eksetera.  So members of a (c) osi ‘qualified members of’?  Mersi.  E ki lev e ki les en dernyen pwen.  Medical and dental profession – ki lekel?  Menm zafer ?  ‘Registered and certified members of’.   Mersi.   E Fire and Rescue Services of CAA nou ti dir?  ‘Officers of the’.  ‘Fire officers of the?  Officers of the’.  E (h) i ‘Fire Officers of the’ oubyen i zis ‘officers of the’?  ‘Officers of the’…  Mersi.  Mersi Mr Chair.

 

MR DEPUTY SPEAKER

Ok mersi Onorab Georges.  Okenn lezot komanter oubyen lamannman.  Ok Vis-Prezidan.

 

VICE-PRESIDENT MR VINCENT MERITON

Pardon Mr Chair.

 

MR DEPUTY SPEAKER

Yes komanter lo bann amannman.  Eski bann amannman i ganny aksepte.

 

VICE-PRESIDENT MR VINCENT MERITON

Zis petet Mr Chair i annan bann dimoun ki’n liste pou sertifye la.   I annan bann  kid an sengilye en bann ki dan pliriyel.  I byen sa?   Depi limero 6 ou annan Members of the National Assembly, District DA i ok, Headteachers ek Nurse managers.

 

HON BASIL HOAREAU

….(Mic Off)

 

 

VICE-PRESIDENT MR VINCENT MERITON

In the plural ok. 

 

HON BASIL HOAREAU

….(Mic Off)

 

VICE-PRESIDENT MR VINCENT MERITON

So tou bann dimoun i dan pliriyel zis en pti ….

 

HON BASIL HOAREAU

….(Mic Off)

 

MR DEPUTY SPEAKER

Ok.  Alright.  Bon Vis-Prezidan ou bann amannman i ok.  In ganny taken onboard.  Deputy AG i ok?   Alright ou’n pran tou note en?  Nou kapab…  Bon mon ava demann en vot lo amannman.  Tou Manm ki an faver   Nou pe pran en vot lo bann amannman ki’n ganny propoze.  Tou Manm ki an faver?  Ok okenn Manm ki kont?  Madanm Clerk.

 

MADAM CLERK

Mersi bokou Mr Chair.  25 Manm an faver e personn kont.  Mersi.

 

MR DEPUTY SPEAKER

Ok, savedir bann amannman ki ganny propoze par Lasanble in ganny aprouve.  Bon mon ava demann Sergeant pou retourn nou dan en Staz dan nou Staz Lasanble – formel.

E mon a demann Onorab De Commarmond pou en Mosyon pou en Third Reading

 

HON CHARLES DE COMMARMOND

Thank you Mr Chair.  Mr Speaker anba 71 (1) Standing Order mon oule  move ki Public Service Special Pension Bill, 2017 as amended i ganny lir en Trwazyenm Fwa.  Mersi.

MR DEPUTY SPEAKER

Okenn Manm ki segonde?

HON SIMON GILL

Mon son segonder Mr Speaker.

MR DEPUTY SPEAKER

Ok.  Nou pran en vot lo, ok nou pran en vot.  Tou Manm ki an faver?  Okenn Manm ki kont?  Madanm Clerk.

MADAM CLERK

Mr Speaker mon’n rikord 25 Manm an faver e personn kont.  Mersi.

MR DEPUTY SPEAKER

Ok, savedir Bill as amended in ganny aprouve par Lasanble Nasyonal.  E mon ava demann Clerk pou fer en Formal Third Reading.

 MADAM CLERK

Mersi Mr Speaker.  This Act may be cited as a Public Service Special Pension Act of 2017.  Mersi.

MR DEPUTY SPEAKER

Ok, mersi.  Bon nou ava pran en adjournment e nou ava retournen 2er pou nou kontinyen nou travay.  Vis- Prezidan mersi,  mon krwar nou pou vwar ou menm ou apre midi avek ou delegasyon.  Nou ava adjourn e nou ava retournen 2er.

 

(BREAK)

 

MR DEPUTY SPEAKER

Bonn apre midi tou Manm Onorab.  Bonn apre midi Vis-Prezidan avek ou delegasyon.  E bonn apre midi tou bann odite ki a lekout ki pe kontinyen swiv deba Lasanble.  Nou ava kontinyen nou travay e nou ava pran 2enm Bill ki devan nou.  Mon ava demann en Mosyon pou Second Reading. 

 

HON CHARLES DE COMMARMOND

Mersi Mr Speaker.  Mr Speaker anba Order 64 (2) nou Standing Order mon oule move ki The Constitutional Appointees’ Emoluments (Amendment) Bill, 2017 i ganny lir en Dezyenm Fwa.

 

MR DEPUTY SPEAKER

Mersi Onorab De Commarmond.  Okenn Manm ki segonde?

 

HON BASIL HOAREAU

I second the Motion Mr Speaker.

 

MR DEPUTY SPEAKER

Mersi Onorab Basil Hoareau.  Bon avek sa mon a demann Vis-Prezidan pou entrodwir son Bill. Vis Prezidan.

 

VICE-PRESIDENT MR VINCENT MERITON

Mersi Mr Speaker.  Mr Speaker mon oule propoz en lamannman dan Lalwa ki gouvern saler bann zofisye ki ganny apwente anba Konstitisyon.  Plis spesifikman reviz saler Ombudsman ek saler Chairperson Komisyon Elektoral.  Dabor saler ombudsman pe ganny propoze pou sorti lo saler salary band 8 step 15 pou bouz lo step 2 salary band 11.  Tandis ki pou Chairperson Komisyon Elektoral mon pe propoze ki bouz lo saler band 8 step 5 sorti lo salary band 6 step 1. Dezyenmman sa Prozedlwa pe fer provizyon pou ki Ombudsman avek Chairperson Komisyon Elektoral sakenn i resevwar en pansyon apre ki zot in termin zot servis dan sa 2 pozisyon parey i leka pou lezot Apwentman Konstitisyonnel.  Zot pansyon i ava ganny kalkile lo formil ki’n ganny spesifye anba Lalwa.  Avek sa 2 mo Mr Speaker mon oule soumet sa bann lamannman avek Lasanble pou konsiderasyon.  Mersi Mr Speaker.

 

MR DEPUTY SPEAKER

Mersi Vis-Prezidan.  Bon deba i ouver lo merit zeneral sa Prozedlwa.  Okenn Manm ki oule entervenir?  Onorab Basil Hoareau.

 

HON BASIL HOAREAU

Mersi Mr Speaker.  Mr Speaker lamannman ki pe ganny anmennen par sa Bill ki devan nou,  i pe en i pe amann en Lalwa ki deza egziste.  Constitutions Appointees’ Emoluments Act i en Lalwa ki egziste Mr Speaker e in la depi 1993.  Ti ganny inakte  – ti vin an fors le 25 Oktob 1993.  E la nou pe fer lamannman in deza ganny amande plizyer fwa.  E la nou pe fer en lot lamannman avek sa Lalwa.  E lamannman prensipal ki pe ganny fer se ki i pe fer ki Ombudsman e Chairperson of Electoral Commission i kapab ganny en pansyon apre ki zot in retire apre ki zot in cease to hold zot respective officers.  Pou lemoman Lalwa  fer referans avek Ombudsman e avek Chairperson of the Electoral Commission.  Me selman i pa donn zot en pansyon.  I pa fer provizyon pou zot ganny en pansyon apre ki zot cease dan to hold zot lofis.  E sa ki i pe fer i pe, met sa bann Constitutional Appointees’ anliny avek lezot Constitutional Appointees. ’ Parske Lalwa pou lemoman par egzanp i donn en pansyon Attorney Zeneral letan i cease pou li hold son lofis. E egalman i donn en pansyon Auditer General letan ki  i nepli i sorti dan son lofis.  E ki nou pe fer ek sa Lalwa nou pe fer sir pou dir tou bann kosyon Appointees  i ganny put on equal footing.  I annan egalite parmi zot.  E pe fer sir parey mon’n dir Ombudsman e Chairperson of the Electoral Commission as long ki zot satisfer bann lezot kondisyon dan sa Lalwa, zot kapab zot osi ganny en pansyon.  E mon krwar sa i en step in the right direction.  Parske i bann dan sa bann post ki parey nou’n dir Constitutional Appointees bann post ki ganny kree par nou Konstitisyon.  E i bann post ki esansyel dan promouvwar e fer sir ki nou al demokrasi i ganny respekte ; parske Ombudsman i fer en louvraz tre enportan.  I fer en louvraz ki kot i fer sir pou dir bann drwa endividi pa ganny abize.  E si bann drwa pe ganny abize li i kapab deal avek bann konplent.  Li osi i annan en rol tre enportan kot i konsern koripsyon.  Kot i konsern koripsyon kot l ii annan pouvwar pou li investigate si i annan koripsyon.  So i bann zot annan bann iresponsabilite trez enportan dan nou sosyete.  E parey mon’n dir dan promouvwar demokrasi e fer sir ki nou pei  bann lenstitisyon i travay e zot operate within the of Lalwa e Konstitisyon.  E mon krwar i enportan ki en dimoun ki’n fer sa servis dan – ki’n servi konman Ombudsman i evantyelman si i meet bann kriter i ganny son pansyon.  Egalman Electoral Commission Chairperson  of the Electoral Commission nou konnen Electoral Commission li osi i annan en responsabilite tre serye.  Se li ki la pou fer sir ki eleksyon i ganny deroule dan en fason zis.  E dapre Lalwa se li ki la  ki pou osi annan mandate pou li rekomande bann lamannman ki devret ganny fer.  Avek nou Electoral Laws so i osi annan en rol tre enportan pou li zwe.

E alors mon krwar i enportan  ki sa bann dimoun apre ki zot in zwe zot rol deservi sosyete wi zot ganny peye pou sa.  At the same time zot pe deservi sosyete ki zot nobou ganny zot pansyon.  E mon krwar sa parey mon’n dir i en keksoz ki byen i met zot n egalite avek lezot parey Attorney Zeneral ek Audit General.  Sa bann dimoun pa pou ganny en pansyon zis par lefe ki zot in servi dan sa lofis. Parey mon’n dir zot bezwen meet serten kondisyon.  Enn bann kondisyon se ki zot pou’n bezwen satisfer si zot bezwen swa annan ariv laz 60an letan zot retire zot pou kapab ganny pansyon letan zot ariv laz 60an e zot in servi dan sa lofis.  Ouswa en lot letan ou azout zot lannen ki zot in servi dan sa lofis oubyen ouswa avek en lot lofis bann ki nou apel ‘designated offices’ dan sa Lalwa zot in servi en term at least 48 mwan.  Ouswa zot kapab osi ganny sa pansyon ler zot i ariv laz 55an provided zot in servi dan sa lofis pou en minimum period of 144  mwan. Se pa zis en matter ki ou’n vini ou’n servi apre len pe letan apre zis ou pou ganny ou pansyon.  Me non i annan bann kondisyon parey mon’n dir at least pou 48 mwan e ou annan 60an e a laz 60an ki pou ganny sa pansyon.  E laz 55an ou kapab gannyen provided ou’n servi 144 mwan.  E sa i en pe similar avek pou bann Manm Lasanble Nasyonal kot nou osi si nou’n servi 44 – 48 mwan e letan nou ganny 60an nou pou kapab entitled to a pansyon ouswa a laz 55an ou kapab entitled to a pansyon provided ou’n servi ou’n servi pou 144 mwan.  E Mr Speaker lot lamannman ki ase signifikan ladan dan sa Lalwa se ki i pe fer referans i pe osi address sa issue kot ou pansyon i kapab ganny sispann.  I annan de letan ki en pansyon i kapab ganny sispann anba Konstitisyon, anba sa Lalwa e sa i fer referans ek pou lemoman Lalwa i dir ou pran en lofis dan public service.  Si ou pran en lofis dan public service ou pansyon i ganny sispann.  Malgre ki ou ti entitled to a pension or even si ou ti dan prosedir pe resevwar sa pansyon, lemoman ki ou take ou ganny appointed dan en post dan public service ou perdi. E mon krwar e mon pe mazinen la petet sa Lalwa pe adres petet kot i konsern Constitutional Appointment Authority.  Parske i annan serten Manm ki prezaman lo sa lo CAA e zot ti pe ganny pansyon zot ti pe ganny pansyon anba sa Constitutional Appointees’ Emoluments Act.  Me pansyon i pou bezwen ganny sispann akoz CAA is part of the public service.  Me la ki lamannman pe al anmennen lamannman pe dir nou i pou ganny sispann selman si i ou take a full-time post in the public service.  Savedir si ou dan public service me i pa en full- time post i pa pou ganny sispann.  Ou vwar?  E mon mazinen petet bann manm CAA zot pou kapab largiman pou kapab ganny anmennen pou dir they are not in a ouswa serten dimoun ki lo CAA pa dan en full-time post in the public service anymore.  Avan i ti pou ganny tyonbo par lefe ki i pa dir full-time i dir ou lemoman ki ou dan public service.  Me la i dir avek  ou you must be in full-time.  E full-time in menm ganny define what is full-time.  I dir ek  ou full-time i en dimoun ki travay pou plis ki 25 erdtan par zour dan sa post.

 

(Mic Off)

HON BASIL HOAREAU

Par semenn mon’n azout ankor en erdtan dan en zournen. (laughter) Wi. Par semenn si ou travay plis ki 25 erdtan par semenn ou pou ganny konsidere petet pe travay full-time dan sa post.  E an dot mo en dimoun pa pou perdi son pansyon ki entitled anba sa Lalwa si menm si  i dan en post  public service me i pe travay par semenn mwens ki 25 erdtan Mr Speaker.  Sa i sa 2 lamannman prensipal ki sa Lalwa pe ki sa Bill pe propoze avek Constitutional Appointees’ Emoluments Act.  Mersi.

MR DEPUTY SPEAKER

Mersi Onorab Hoareau.  Okenn lezot Manm ki oule entervenir?  Onorab Afif.

HON AHMED AFIF

Mersi Mr Chair.  Mr Chair sa amannman ki devan nou mon krwar i ase kler.  I pe azout sa de dimoun ki Chairperson of the Electoral Commission answit Ombudsman.  E i met en formil dan sa lamannman ki mon krwar i en formil ki en pe parey sa ki nou’n vwar pou lezot Constitutional Appointments.  Mon ti annan en kestyon mon ti a kontan petet Vis Prezidan dan son final Statement i kapab klarifye pou nou.  Si par egzanp Oditer Zeneral e Attorney Zeneral zot osi zot ganny en pansyon parske mon konnen pou dir anba Konstitisyon i fer provizyon pou donn zot en pansyon a kondisyon i annan en return Law en Lalwa ki definir sa.  E mon ti a kontan konnen si zot osi zot ganny enkli, ladan parske si ti annan misyon i paret-man pou dir sa pa tro kler pou lemoman pou mwan.  Pou larestan i kler pou dir sa bann amannman ki pe vini ladan i lozik e mon personnelman mon krwar lo sak kote latab, nou pou siporte.  Me selman mon ti a kontan byensir si zot kapab donn sa klarifikasyon.  Mersi Mr Speaker.

 

MR DEPUTY SPEAKER

Mersi Onorab Afif.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker bomaten mon’n argimant lo sa prensip ki tou dimoun ki dan en kategori i bezwen ganny trete parey.  La nou dan ka kot tou bann Constitutional Appointees’ ti annan bann diferans zot tretman.  I annan ki ti pa ti ganny pansyon.  E la sa i mon krwar de dernyen ki ti reste ki prezan i met en lord, kot tou sa bann dimoun ki servi dan sa bann post enportan e mon a revin lo lenportans sa bann post tou sa bann dimoun a sa nivo la, i ganny en serten tretman ki devret permet zot deservi sa bann travay avek sa bann post avek lentegrite.  So sa i premye.  E mon satisfe ki i annan en – ti annan en lenzistis la ki pe ganny korize.  Me selman mon krwar i tre enportan.  Pou piblik pou dimoun ki swiv nou pou zot konpran akoz sa bann dimoun ki nou appel bann Constitutional Appointees’ bann dimoun ki’n ganny apwente dan bann pozisyon Konstitisyonnel parey Omudsman, Chairman of the Electoral Commission e lezot bann Ziz eksetera.  Akoz eski i neseser ki ler nou met zot dan sityasyon kot zot fer zot travay byen nou garanti zot si zot fer zot travay byen zot pou ganny trete avek respe e avek merit ki zot ki al avek sa pos.  I enportan par egzanp pou nou dir ki ler nou apwent en Chairperson Komisyon Elektoral, ki pa egziste pou lemoman.  Mon krwar pou lemoman i annan zis en CEO Electoral Commission, Chief Electoral Chief Electoral ki mannyer i apele sa – ki son tit ?  (Non, Mr Gappy ki i ete pou lemoman) ?

 

(Mic Off)

 HON JEAN-FRANCOIS FERRARI

I en Chief Electoral Commissioner?  Ok?  Nou – ler nou apwent en dimoun lo sa post.  I enportan ki nou met an plas bann mezir pou fe sir ki nou ganny bon eleksyon.  Ler nou apwent en Ombudsman nou fer sir ki son tretman i byen pou ki i kapab delivre pou servi lepep Seselwa avek lazistis ek lonnekte.  Ki nou fer ler nou vwar pou dir i annan bann Constitutional Appointees’ ki pa fer zot travay byen moralman parey nou ti eksepte zot fer ?  Mon krwar i pou en pe i pa pou apropriye pou mon nonmen, lekel mon pe koz lo la.  Mon krwar tou dimoun i konnen.  Lekel ki mon pe fer referans avek ;  ki’n ganny anmennen devan Lakour pou plizyer breach pou plizyer mankman e ki lakour  in vwar son travay pa lo standar.  Nou dan sityasyon la ozordi.  E mon ti ava kontan si Chairperson – si Vis-Prezidan ki la i klarifye avek nou.  Si tou sa bann dimoun menm bann ki pa’n perform alaoter ki nou ti espekte ki ozordi nou pe rekonpans zot avek en kado pou lapenn zot pa’n perform lo sa nivo.  Sa pou mwan i tre enportan.  Mon annan en 2enm pwen e mon’n konsilte avek Onorab Georges la mon’n demande en Constitutional Appointee’ ler i ganny eleve dan en post koumsa.  Dan ki sirkonstans ki son pansyon oubyen son bann benefis i kapab ganny retire ?  E eski i annan bann sirkonstans ki fer avek son mankman avek son travay e ki pa deservi sa lofis avek sa lonnekte ek sa probité e sa lefikasite ki devret fer.  Onorab Georges i dir mon pou dir e mon krwar Onorab Basil Hoareau in konfirmen pou dir sel fason ki sa i kapab zot kapab perdi zot tretman si zot al pran en louvraz dan public service apard sa koriz mwan kekfwa Deputy Attorney General – mon mazinen koriz mwan si annan okenn Lalwa ki egziste ki  kapab sanksyonn nou bann dimoun ki fer sa.  Akoz mwan mon annan lentansyon at least fer en case enn sa bann Contitutional Appointees’ dan – tre byento.  So e i enportan pou nou konnen akoz nou tou nou imen.  Nou tou nou fer fot.  I annan parmi nou, nou fer fot.  Nou al dan legliz oubyen nou prêt nou al demann li pardon.  I annan parmi nou, nou mor ek nou boul kantmenm nou’n fer nou fot nou mentenir nou pa pou aksepte ok?  E i annan parmi nou ki ler nou fer nou fot nou retrouv nou devan Lakour.  E mwan mon le konnen si i annan en Lalwa ler enn sa bann msye oubyen sa bann madanm akoz zot tou zot bann imen si zot fer fot si zot pa delivre ki nou pou fer avek ki nou pou fer dan sa bann ka.  Kekfwa la i en lokazyon pou nou dir ki i annan serten sa bann benefis i pa devret retroactive.  Akoz i  pou difisil pou nou rekonpans dimoun ki pa’n perform alaoter.  Anyway mon pa pou ensiste tro bokou lo sa pwen mon krwar tou dimoun in konpran mwan.  E i en keksoz  ki moralman nou pou bezwen pas en zizman moral e pran en desizyon moral devan Lepep Seselwa lo la.  Mon annan en kestyon lo ki en pe pli teknik ki mon santi mon  bezwen annan en repons akoz Vis-Prezidan in, dir nou Vis-Prezidan oubyen Onorab Hoareau ki in dir nou kalkilasyon sa pansyon i ganny fer lo menm baz avek bann menm oubyen Mr Afif Onorab Afif in dir lo menm avek bann menm kalkilasyon.  Me selman mon vwar en keksoz la ki pa son kalkilasyon pa parey pou lezot.  Kot i konsern kantite letan travay  ki kalifye ou i annan en minimum, me selman pa tou ki annan en maximum. La mon vwar 180 mwan.  Mon vwar dan seksyon (d), (b), (e),  ‘in respect of each month of service up to a maximum of’ 180 mwan.  Me pa tou dimoun i annan ki sa maximum sa 144 mwan.  Zot ava klarifye, zot ava klarifye apre.  Akoz mon krwar i enportan pou nou. Akoz si mwan mon annan lentansyon si mwan konman MNA mon annan lentansyon reste dan Lasanble e mon krwar bann dimoun Mont Fleuri pe dir mon reste.  Reste zis reste  ankor en bon pe lannen nou bezwen ou la.  Me si mon ariv 180 mwan mon pou ganny peye plis.  La mon ariv 144 mwan konmsi konpran sey ou ava eksplike Onorab Hoareau?    Eksplik mwan akoz mon bezwen donn en repons sa bann msye ek sa bann madanm, Mont Fleuri akoz zot anvi mon reste.  Zot pe dir mon i enportan ki sa travay nou pe fer la.  So sa i mon bann pwen ki mon pe fer.  E mon krwar ki Vis Prezidan i kapab donn nou sa bann leklersisman.  Akoz i vreman enportan devan Lepep Seselwa sirtou sa pwen ki ler ou fer en keksoz ki pa byen oubyen ou mank ou devwar oubyen ou fail.  Ok pa – akoz ou’n fail.  Ou pa’n  mal – ou pa’n vole ou pa’n fer fot me ou’n fail.  Ou pa’n kapab administre en lofis.  Nou bezwen gete ki mannyer nou kapab fer sir ki en dimoun pa ganny rekonpanse.  Me ki i parey tou dimoun, tou Seselwa i annan i ganny son let i ganny dir nou pa bezwen ou servis ankor.  So ki mannyer nou pou fer sa?   Mersi Vis-Prezidan.

 

MR DEPUTY SPEAKER

Mersi Onorab Ferrari.  Ok mon pou zis avan mon donn Onorab Andre laparol mon a zis donn ou laparol Onorab Basil Hoareau.

 

HON BASIL HOAREAU

Mersi Mr Speaker.  Zis pou koriz en mistake I believe ki Onorab Ferrari in fer.  Non mon annan drwa anba Standing Orders i provide sa.  E ou ti’n donn mon drwa ou ti’n dir mwan korize non ? (laughter) Mr Speaker ki Onorab Ferrari mistake ki’n fer ki i annan de i annan enn ki kalifye – pou kalifye i bezwen reste si ou pe fer li a laz 55an ou bezwen 144 mwan ou’n servi.  Ouswa 60an ou’n bezwen fer 48 mwan at least.  Sa 180 mwan la, i pou kalkilasyon konbyen ou pe gannyen.  180 ki pe dir ek ou pou dir ou sipoze gannyen akoz ou pa tro bon lo maths mon pa’n tro al ladan me selman ki fer pou sak mwan ki ou’n travay ou ganny en poursan.  Ou ganny en poursan pou sak mwan ki ou’n travay lo on the basis of ou dernyen saler ki ou ti pe gannyen.  Apre pou li kalkile konbyen i donnen i donn ou lo sa total i donn ou 5 – 12enm lo sa total.  Me selman i dir ou sak mwan maximum mwan ki ou kapab kalkile se 180 mwan.  E pou kalifye – e sa i parey pou tou annefe i ti menm parey pou bann Manm Lasanble. Me mon krwar aktyelman se en Lalwa ki pou lemoman apre sa case Delorie versus Attorney Zeneral, sa Lalwa National Assembly Members Emoluments Act, pou nou ki similar parey la in ganny deklare unconstitutional.  So right now i pa egziste pou Manm Lasanble.  Me selman is a bout ki ou’n fer referans basically se ki mannyer ou kalkile, konbyen ou pou gannyen ;  as supposed to .. Me i ti parey pou tou.  Ok? 

 

MR DEPUTY SPEAKER

Mersi Onorab Hoareau pou klarifikasyon.  Onorab Andre.

 

HON CLIFFORD ANDRE

Mersi Mr Speaker.  Mr Speaker Onorab Hoareau in fek konfirmen ki pou dir pou bann Manm Lasanble pa egziste pou lemoman, sa ki i ti pe eksplik nou, an vi ki nou annan en case Ankour alors kekfwa ti ava annan apropriye ki tou ti’n ganny anmenn ansanm.  Selman met sa de kote.  Mwan mon konpran lozik deryer sa Bill.  Mon konpran ki nou bezwen fer tou keksoz an liniformite pou en kad dan sosyete ki bezwen benefisye parey.  Mon kestyon i tous lo sa Bill ki devan nou.  Sirtou an referans avek 2 (c), 2 (c) (i) parey nou dir.  (i)  Ladan i koz lo sanzman saler band pou mont dan en lot band.  Menm zafer avek c (2) i koz lo dan en lot band pou mont dan en lot band.  Mon ava fer spesifikman kwa ki mon pe demann klarifikasyon pou Vis-Prezidan letan i reponn i ava donn en klarifikasyon.  2 (c) (i) i dir nou pou dir in paragraph (a) by repealing the words ‘step 15 of salary band-8’ and substituting thereof the words ‘step 2 of salary band-11’. 

        Mon enterpretasyon i annan en logmantasyon.  Kekfwa mon mal an term sa band ki pe gete.  2 i dir in paragraph (b) ‘by repealing the words step 1 of salary band-6 and substituting therefore the words step 5 of salary band-8’.  So mon ti a kontan ki nou ganny en pe lesplikasyon e ki nou bann dimoun deor in ganny en lesplikasyon kler lo ki sa de provizyon pe dir menm si mon konpran ki pansyon i bezwen ganny fer provizyon dan Lalwa cater pou sa de pozisyon Chairman of the Electoral Commission avek Ombudsman.  Mersi Mr Speaker.

 

MR DEPUTY SPEAKER

Mersi Onorab Andre.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair, Mr Speaker sorry sa Prozedlwa ki devan nou i dwat e senp si ou gete seksyon 2 konmsi pe met Ombusman avek Electoral Commissioner on part lezot Apwentman Konstitisyonnel parey lezot ki pe ganny deza en pansyon ki tou son keksoz i annord s ii an deor so i pe reglimantaliz sa.  2enm keksoz se k ii enportan pou resorti se seksyon 4 sa Prozedlwa.  Kot la sa ki nou pe dir se ki ozordi lasosyete nou pei ptipti nou.  Prezan ou ganny tou en dimoun i kapab pe fer li ouswa ou vwar li dan 2 sirkonstans e tous en larzan from ‘Consolidated Fund’ Fon Gouvernman anba bann Apwentman Konstitisyonnel.  Par egzanp dizon ou annan en Minis apre ki in sorti  konman Minis pou nenport ki rezon i pe tous son Pansyon Minis. .Pran ou Speaker.  Speaker ti Minis avan la in fini dan Lasanble i vin Speaker.  Son pansyon ki ti pe gannyen konman Minis avan i pou bezwen arête touse si i pran lapey Speaker ki pli o.  Sa i kler i mars koumsa i normal.  La nou pe dir akoz Speakership li i en full-time job la.  Parkont ou kapab ganny ou en lot  Minis, ki osi in pran son retret, son pansyon e i pe ganny son [pansyon Minis.  Me selman i annan lezot Apwentman Konstitisyonnel ki pa neseserman en full-time job.  Pran ou kot CAA ki Onorab Andre fek touse se egzakteman sa kot ou pa bezwen i pa en full-time job si i ti en full-time e si ou gete laba son alokasyon larzan i pa parey pou lezot, i mwens.  Alors si ou ti annan ou en Gouvernman i  mazinen i dir la i la en bon Minis in sorti in retire, me selman nou ankor kapab servi  li, Gouvernman Lepep pei, i ankor kapab servi l i pou fer en lot louvraz enportan.  E la sa allowance ki i pou gannyen si mwens e bokou mwens ki son pansyon i pou vin en kontradiksyon la.  I pou vin en kontradiksyon e pei pou perdi akoz en bon eleman dan en fason korek.  Dan en fason byen.   Mwan mon pe get li koumsa dan mon fason pou mon.  E mon krwar alor sa amannman i fer zistis i fer li byen.  Sa dimoun i a kapab tous son pansyon – dizon Minis mon’n servi Minis konman en legzanp i ti kapab en Vis Prezidan, en Prezidan en lot Contitutional Appointee’ ensidswit.  En Manm Lasanble ki’n retired   diferan kalite keksoz ki anba Konstitisyon i  koumsa i kapab Ombudsman ensidswit.  Now prezan alor sa dimoun i kapab tous li an menm tan son pansyon son allowance i fer li kapab desarz sa i son pansyon i en pansyoner dan en fason, me an menm tan i kapab osi desarz sa lot responsabilite sa lot fonksyon.  E la pei i benefisye lo bann leksperyans bann konesans son bann dimoun son bann zanfan.  E mon vwar sa alors i pe aranz sa alors ki i fer i etablir sa ki nou apel full-time oubyen part-time job li ganny konsidere par egzanp si 25 erdtan mwens dan en semenn ou travay, i ganny konsidere konman part-time.  Alors i plis ki sa i a vin full-time.  E sa parey mon pe dir i aranz e aziste e serten keksoz serten sa bann Apwentman Konstitisyonnel ki la devan nou.  Mon krwar mon i pa permet definitivman i pa permet anba Lalwa e mon pou eklersi klarifye sa ki sa menm dimoun i tous li de pansyon letan in fini.  I pa permet sa – zis i permet pou sa peryod letan sa allowance ki bokou mwens ki sa pansyon byensir ouswa ki bokou mwens alor pou li kapab permet kapab desarz responsabilite. E lo kestyon pansyon ki mon pe dir pou Ombudsman ek Electoral Commissioner ouswa Chairperson, i sa in ganny eksplike mon krwar dan detay e sa i by en i tonm parey pou lezot.  Se tou ki mon pe vwar e alors sa Prozedlwa mon krwar i en i en Prozedlwa ki met keksoz an perspektiv e nou pa devret annan gran kontrayete gran kontradiksyon lo la.  Mon ti ava demande ki nou Lasanble i aprouv sa propozisyon sa Prozedlwa ki devan nou.  Bann Bills Committee parey labitid i fer son travay ekselan, i annan serten pti serten amannman sa mon krwar zot ava vin avek a moman apropriye.  E si nou kapab nou av bouze nou a donn sipor sa Prozedlwa akoz mon krwar i bon.  Mersi.

 

MR DEPUTY SPEAKER

Mersi Onorab De Commarmond.  Onorab Arrisol.

 

HON SANDY ARRISOL

Mr Speaker bonn apre midi.  Bonn apre midi VP avek ou delegasyon ankor enn fwa.  Mwan mon anvi zis ki dimoun  laba deor i konpran egzakteman ki pe arive la anndan la apre midi.  Pangar ou pou ganny dir sa Lalwa Pansyon ki nou pe pase la apre midi e sanmenm sa Lalwa Pansyon pou bann ansyen Prezidan selman nou pe kouver li avek en rob e nou pe apel li  Ombudsman oubyen Electoral Officer.  I enportan pou dimoun laba deor pran egzakteman ki nou pe fer dan Lasanble.  Sa ki nou pe koz lo la i 2 keksoz i annan Chairperson the Electoral Commission, apre nou annan Ombudsman i  2 pozisyon ki nou’n koz lo la  ki enskrir dan nou Konstitisyon. I pa 2 pozisyon ki 6eenm Lasanble i kree la apre midi pou nou vot lo la pou don sa 2 group dimoun en pansyon.  I enportan pou nou dimoun konnen laba deor.  Pou dir sa 2 pozisyon ki nou pe koz lo la i egziste dan Konstitisyon ki Seselwa ti vot lo la.  Prezan ki nou pe fer apre midi, anvi ki zot ganny konsidere konman bann Constitrutional Appointee’ i annan bann provizyon ki zot gannyen.  i egzakteman sa ki nou pe koz lo la se pansyon.  Alor i enportan pou zot kapab ganny sa pansyon i annan sa proze de Lalwa ki vin dan Lasanble ki ozordi nou pe koz lo la ki ganny konsidere konman bann Bills parey nou apel li.  Alor pou zot kapab ganny sa provizyon ki nou pe koz lo la sa i vin devan Lasanble nou diskit lo la, nou debat lo la apre si nou dakor nou vot an faver.  Selman i enportan osi Mr Speaker pou piblik konnen laba deor lekel bann Constitutional Appointee’ dan pei?  Eski zis bann Manm Lasanble 6enm Lasanble?   Lekel ankor bann lezot dimoun ki ganny konsidere konman Constitutional Appointee?.  Eski bann Ziz zot tonm dan sa bann kategori?  Eski Prezidan i tonm dan sa kategori?  Eski Vis-Prezidan bann Minis i tonm dan sa kategori?  Sa osi i enportan pou manm piblik laba deor ki pe swiv nou ki pe ekoute pou zot pa vwar pou dir nou ‘n met en lot rob lo sa enn pou nou fer krwar pou dir sa lot.  I enportan letan zot pe swiv zot swiv li byen.   Mwan mon ti a kontan ki letan VP i reponn nou eklersi byen sa.  Vis Prezidan fer konnen egzakteman ki Lasanble pe fer apre midi e lekel bann dimoun dan sa pei ki ganny konsidere konman Constitutional Appointees.  Akoz toultan sa i ganny anmare lo ledo Manm Lasanble.  Nou menm ki ganny pansyon, nou menm ki ganny plis saler, nou menm ki vot pou nou dalon, nou menm ki kree post pou nou dalon. Alor i enportan pou la apre midi pou nou kapab eklersi tou sa bann zafer en fwa pou tou.  Sanmenm tou mon kontribisyon mwan.  Mersi bokou.

 

MR DEPUTY SPEAKER

Mersi Onorab Arrisol.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mwan mon annan zis 2 kestyon.  Annefe an mezir ki sa deba in leve la, mon krwar i annan 2 keksoz ki pa enportan pou nou konnen fer sir ki tou keksoz i egal.  Premyerman kestyon ki Onorab Afif in demande nou’n sey tyeke dan Lalwa.  Eski Oditer Zeneral  li i gannyen pansyon?  Akoz anba Konstitisyon i sipoze gannyen me mon pa vwar li dan sa lalis.  Akoz i en Constitutional Appointee’ osi.  E Attorney Zeneral – ou vwar Mr Speaker mwan mon pe get Lartik 158 (9) nou Konstitisyon i dir saler Allowance, Gratwite ek Pansyon ki en Oditer Zeneral pou gannyen i pou dan en Act.  Mon pa vwar sa e mon mazinen ki menm keksoz i apply pou Attorney Zeneral si mon pa tronpe – mon pa’n trick Attorney Zeneral mon ti pe get Oditer Zeneral ler Onorab Afif in demann sa kestyon.  Wi Attorney Zeneral i gannyen li, i dan Lalwa ok.  So Oditer Zeneral.  E 2enm pwen set en refleksyon ki mon’n fer ler Onorab Ferrari in demann sa kestyon e ki Onorab Basil Hoareau in reponn.  E sa se bann dimoun ki ganny apwente anba Konstitisyon bann Constitutional Appointees’  zot ganny en pansyon si zot in fer 48 mwan.  Si mon konpran byen.  E zot pansyon son maximum i 180 mwan ; alor 180 mwan i 15an.  Me si ou fer 25an ou pa pou ganny plis pou sa 10 dernyen lannen, sa nou konpran.

Me sa 144 mwan ki aplik pou serten ki permet en dimoun ki’n ariv 144 mwan ganny son pansyon a en laz 55an.  Eski i aplik pou tou sa bann oubyen i aplik pou zis serten?  Mon krwar nou ti ava enteresan mon napa larepons malerezman sansan mon ti ava’n ede, i ti ava mon krwar enportan pou dan laliny sa ki nou Vis Prezidan in dir pou fer sir ki tou keksoz personn pa ganny kit deryer tou keksoz i egal pou nou ganny en pti lenformasyon lo sa 2 pwen.  Mersi Mr Speaker.

 

MR DEPUTY SPEAKER

Mersi Onorab Georges.  Lefe ki ou pa’n fer referans avek amannman mon mazinen nou pou al Staz Komite pou    amannman ok?  I annan okenn Manm ankor ki le entervenir lo sa Bill  ki devan nou?  Si napa mon ava donn Minis drwa repons e klarifikasyon I mean Vis- Prezidan.  Vis-Prezidan laparol i pou ou.

 

VICE-PRESIDENT MR VINCENT MERITON

Mersi Mr Speaker.  Mr Speaker nou pe zis entrodwir lentansyon parey nou ti’n dir, napa  okenn keksoz ki nou pe met anba tapi.  Seselwa in konn lir i konn ekrir i kappa analize.  So nou napa okenn rezon pou vin kasyet.  Lo azanda i annan kestyon pansyon ek bann benefis pou ansyen Prezidan avek ansyen Vis-Prezidan.  S ai pe vin apre.  So i pa korek i pa byen.  I pa moratikman byen pou dir nou pe sey kasyet.  Nou’n vini avek bonn fwa pou kapab anmenn en pwen devan e byen koze i fer byen konpran, mal koze i fer diskisyon.  Mon napa okenn lentansyon pou fer okenn diskisyon okenn konfizyon.  Annou pran li zis dan lespri.  Si nou travay i ok nou ganny nou saler, sak labourer i merit son saler se sa ki nou pe diskite.  Bomaten nou’n diskit travayer atraver pansyon.  La nou pe diskit bann Constitutional Appointees pou zot ganny osi zot pti pansyon.  So dimoun deor pa pou kontan vwar nou pe sey ganny pwen lo bann keksoz ki nou devret pe focus avek serye lo la.  Mr Speaker bon eleksyon ki ou fer avek en dimoun ki dapre ou i pa’n byen travay?  Mon krwar i  kler ki sa dimoun ki’n apwent ou i annan bann prosedir i devret egziste pou li kapab revoke ou lapwentman.  Si vreman ou’n sitan mal fer.  Ou dakor Onorab ou ti pe koz Union.  So i annan sa bann lespri nou devret servi bann prosedir ki nou annan anba Konstitisyon e, anba Lalwa pou nou kapab gete.  Me selman nou pe sey focus lo sa lofis lo sa responsabilite ki sa  lofis i annan se pou sa rezon ki nou pe anmenn sa bann amelyorasyon dan zot kondisyon pou fer met zot osi kapab zwe en rol pli efikas.  Me selman mon dakor avek ou sa  ki mal travay nou bezwen annan mekanizm pou nou kapab adrese.  Se sa rezon det sa transparans, rann kont, avek bonn gouvernans.  I ouver nou tou nou kapab vwar e gete ki mannyer nou pou servi.  Dezyenmman mon’n ganny demande eksplike ki savedir sa bann step la.  Annou gete seksyon 4, seksyon 4 (b) 2 (b) dan 2 (b) dan paragraf – dan seksyon apre paragraf 2 azout paragraf (a) Chairperson Electoral Commission non, non pardon eskize seksyon 5 eskize, so sa bann step la savedir la nou pe koz lo saler pou  Chairman Constitutional Appointment Authority – byen koze i fer byen konpran. I sorti lo step 15 salary band-8 tyonbo en kou – step 15 salary band 8 oli li ok, zot annan enn sa?  Napa.  Ok savedir pou sorti step 15 salary band-8 ou mont atraver dyagonalman, ou mont 1, 2, 3 selman ou tay atraver a gos pou vin lo step 2 salary band-11 – ki fer en logmantasyon R7 mil.  2enm keksoz nou pe koz saler ok kot nou pe konmanse.

 

(Mic Off)

 

 

VICE-PRESIDENT MR VINCENT MERITON

Step 15 salary band 8 i R16,993mil e ler ou monte ou fer li vin step 2 salary band 11 i vin R23,031mil i dan Public Domain sa.  Sa i saler Chairperson CAA.  Pa konfiz mwan sa i saler Chairman Constitutional Appointment Authority korek la?  Ok?  Mon’n fini ek sa enn la.  Onorab Andre ou pe swiv ou ?  Prezan mon pe al lo saler manm Constitutional Appointment Authority i sorti  lo step 1 salary band 6 step 1 salary band 6 i R11, 186mil i mont atraver i ariv step 5 salary band-8 (mon a gete si  i byen)  La i la li menm i vin R15, 452 korek?  Korek?  So far la i la ki nou pe koze Mr Speaker.  Prezan pou Oditer  Zeneral pou Attorney Zeneral wi parey i annan provizyon dan Konstitisyon e prezan nou pe enable li  dan Lalwa.  Mon pa kapab dir menm keksoz pou Oditer Zeneral.  Me i deza dan Konstitisyon – nou kapab mon napa  lobzeksyon ki nou kapab enkli li osi si i ok  pou nou kapab osi pou mars a par pou fer sir ki i annord.  Alright.  Ok, mon krwar mon’n reponn bann kestyon Mr Speaker si ou permet.

 

MR DEPUTY SPEAKER

Ok, mersi Vis-Prezidan.  Bon in ariv moman pou nou pran en vot lo merit zeneral sa Bill ki devan nou mon a demann tou Manm ki an faver.  Okenn Manm ki kont ?  Ok Madanm Clerk.

 

MADAM CLERK

Mersi Mr Speaker, mon’n rikord 15 Manm an faver e personn kont.  Mersi.

 

MR DEPUTY SPEAKER

Ok bon mon ava ganny en Formal Second Reading. 

 

MADAM CLERK

Mersi Mr Speaker.  A Bill of an Act to amend the Constitutional Appointees’ Emoluments Act (Cap 256).  Thank you.

 

MR DEPUTY SPEAKER

Mersi Madanm Clerk.  Mon a demann en Mosyon pou nou al lo Staz Komite.

 

HON CHARLES DE COMMARMOND

Mr Speaker nou antre dan Staz Komite pou kontinyen diskit detay sa Bill.

 

MR DEPUTY SPEAKER

Okenn Manm ki segonde?

 

HON SIMON GILL

Mosyon i ganny segonde Mr Speaker.

 

MR DEPUTY SPEAKER

Mersi Onorab De Commarmond.  Mersi Onorab Simon Gill.  Mn a demann Sergeant pou move Mace.  E mon a demann Onorab Georges Chairman Bills Committee pou prezant bann amannman.

 

HON BERNARD GEORGES

Mersi Mr Chair.  Mr Chair mon ava konmanse.  E apre mon a pas laparol  kot i neseser avek lezot Manm Mr Chair premye lamannman i menm lamannman pou Ombudsman avek pou Chairperson of the Electoral Commission, e sa ki nou pe propoze se olye azout sa ki paret dan Clause 2 (d) pou mwan pa dir 2 (d) ki en dimoun ki reste Mont Fleuri e 2 (c) nou pe propoze fer sa de vin en nouvo seksyon, ki pou vin 2 (A) avek 4(A) e larezon deryer sa se ki en pansyon i pa ganny peye a en dimoun ki Ombudsman oubyen ki Electoral Chair of the Electoral sa dimoun in fini arete.  Alors se pou sa rezon ki nou’n konmans avek ‘a person ceasing’, e apre i annan en pti lamannman ki nou’n azoute ‘shall be eligible to’ olye zis ganny ‘a pension’ pou fer li en pe pli kler.  Dan labsans Vis- Prezidan mon kapab sezi sa pwen ki Onorab Afif in fer e ki Vis-Prezidan in dir i napa problenm.  E fer menm propozisyon pou Oditer Zeneral.  Alors si sa i aksepte, i akseptab mon pou propoz en lamannman avek seksyon 3 dan Constitutional Appointment Emoluments Act e ki pou lir egzakteman parey ki nou’n fer avek Ombudsman avek Chairperson, dan en fason ki pou annan en nouvo seksyon 3 (a) ki pou lir.  ‘A person ceasing to hold the office of Auditor General shall be entitled to a pension’ eksetera parey sa 2 lezot.

Vis-Prezidan mon pe sezi sa lide e mon pe fer sa propozisyon.  Donk dan nou laplikasyon, dan nou – (pardon) dan nou Rapor ki devan zot ozordi nou pou bezwen azout ant sa ‘Delete Clause 2 (a) e ‘Delete Clause 2 (b)  fer rantre insert ‘Clause 2 (c) to read apre ‘3(a) a person ceasing to hold the office of the  Auditor General’  eksetera.  E apre nou ava dir vwala.  Donk i ava annan 3, 3 opozisyon 2A , 3A, 4A, 2A Ombudsman, 3A Auditor General, 4A Chairperson of the Electoral Commission.  Si sa i ganny aksepte nou ava pas lo Clause 2 (d). 

 

MR DEPUTY SPEAKER

Petet zis en pti moman Onorab Georges.  Eski sa osi pou sanz son objects and reason? 

 

HON BERNARD GEORGES

Non Mr Chair nou pa bezwen in fini mor li.  konman Bill i  vin devan Lasanble i nepli enportan.

 

MR DEPUTY SPEAKER

Pour nou purpose ozordi nou pa bezwen tous sa.  Ok?

 

HON BERNARD GEORGES

Nou pa bezwen.  Object and reasons  i pou piblik.

 

MR DEPUTY SPEAKER

I pou piblik.  Ok.  Ale.

 

HON BERNARD GEORGES

Avan ki mon pas lo nou prosen seri amannman Mr Chair avek ou permisyon mon ava demann avek Onorab Hoareau pou entervenir.

 

MR DEPUTY SPEAKER

Meri Onorab Georges.  Onorab Hoareau.

 

HON BASIL HOAREAU

Mersi Mr Chair.  Mr Chair zis en pti keksoz mon anvi point out avek sa lamannman ki nou’n fer pou Auditor General ki pou vin 3A ;  annefe petet nou devret fer li parey in ganny fer pou Attorney Zeneral i konmans Attorney Zeneral ki li 7 (d) i dir ou ‘if a Seychellois National’ nou devret met sa osi akoz ou pa’n fer sa pou Ombudsman akoz Ombudsman dan Konstitisyon i bezwen en Seselwa.  Same for Chairperson Electoral of the Commission tandis ki Auditor General can be a non-Seychellois.  So pou nou fer sir – se sa pou Attorney Zeneral in fer poudir ‘if a Seychellois National’.  Akoz Attorney Zeneral i kapab en non- Seychellois.  So mon mazinen avek 3A nou konmans li avek ‘if a Seychellois National.’  Apre i kontinyen parey Onorab Georges in dir.

 

MR DEPUTY SPEAKER

Ok mersi Onorab Basil Hoareau.  Onorab Georges.

 

HON BERNARD GEORGES

Mersi Mr Chair.  Nou pas donk lo nouvo seri e sa se clause 2(d) lo paz pti paz 5 lo nou Bill.  Zot ava vwar ki i annan enn de pti lamannman ki nou pe fer la e i ava annan en pe lamannman en pe pli sibstansyel ki Onorab Hoareau Onorab Basil Hoareau i ava mansyonnen.  Premyerman si zot vwar 2(d) Roman (i) I mete par inserting in subsection (1).  Se pour sa rezon ki nou’n demande tir son (1) avek (8) anler akoz i pa fer okenn sans.  In section (8) by inserting in subsection (1) akoz nou’n fini mansyonn sa – ‘’(n) avek (o) Chairperson of the Electoral Commission avek Ombudsman, nou pe demann ranvers sa zot Lord.  Met Ombudsman avan e Chairperson of the Electoral Commission avan akoz nou fek vwar sa; nou fek vwar sa ki se sa Lord anba 2(A) avek 4(A) lo paz kote gos.  E kekfwa si Auditor General i pa dan sa lalis, i pour bezwen antre la osi.  Mon napa text orizinal devan mwan, alor mon pa kapab ede.  Kekfwa en dimoun ki annan si Auditor General pa dan lalis anba seksyon 8 (1) fodre nou fer li antre la.  I pa ladan alor, mon ava propoze ki in fact permet mwan Mr Chair pour zis poz sa la e pas laparol avek Onorab Hoareau akoz Onorab Hoareau, i annan en lot fason en lot – oubyen pli tar?  Pli tar sorry.  Alor mon ava zis mon ava zis propoze ki nou azout apre ‘’(n), ‘’(o) nou azout (p)  – Auditor General.  E natirelman son (;)semi column i ava bouze i ava vin apre Auditor General.  E si fodre tou larestan bann paragraf dan sa lalis, i ava sanz par ‘’(n).  Ler nou ariv lo Clause 2(d) little (iii) nou pa kontan dan sa lesplikasyon ki ganny donnen dan lafason ki’n ganny donnen.  E donk nou’n nou pe propoz sa bann lamannman swivan: 2(d) little (iii) kot nou mete olye by inserting after paragraph (a) the following Explanation – nou le sanz sa e nou pe dir – nou pe propoze by inserting after subsection 4(b) the following new subsection e donk, sa lesplikasyon nou pour koup sa mo ‘Explanation’ e i pour vin limero in brackets- (5).  So i pour vin en nouvo sub section which is (5).  E sa nouvo subsection pou lir: (5) ‘’for the purpose of subsection 4(a) instead of this paragraph, a person who works more, eksetera.  E sa i ava fer ki, nou pour bezwen azout en nouvo paragraph Roman (iv) ki pour dir: by re numbering sub section (5) as (6) akoz i annan deza en subsection (5) e li i pour vin sub section (6).  I zis parey en re remaniman sa draft.  Donk Mr Speaker sa se Mr Chair sa se mon bann propozisyon.  Me mon realize ki an fezan sa, i sanz en lot keksoz ki Onorab Basil Hoareau i ava eksplik nou.

 

MR DEPUTY SPEAKER

Ok.  Onorab Hoareau.

 

HON BASIL HOAREAU

Mersi Mr Chair.  Mr Chair si nou pe get bann lamannman ki’n anmennen, pour tou lede, pour tou lede pour Ombudsman avek Chairperson of Electoral Commission i dir ou koumsa, i pour ganny son pansyon subject pour serten provizyon dan seksyon (8).  Par egzanp i pe koz lo (8)(3) (3A) (4) e (5).  8(3) i aktyelman en provizyon ki i met sa bann kondisyon parey mon pe dir poudir ki si ou’n ariv laz 60an ou ganny e ou’n servi pour 48mwan – ou kapab ganny pansyon.  E 8(3) aktyelman ti ganny entrodwir an 2016 e apre nou osi nou ti amande nou ti tir li sorti 63years pour vin 60years an Desanm lannen pase.  E 8(3) prezan i fer i annan en kategori sa tou sa bann Constitutional Appointees ki subject to 8(3).  Savedir par egzanp kot nou’n nonm ou sa bann Designated Office kot nou ganny (A) (B) (C) and so forth i fer li, i kler.  I fer li subject to – I met tou sa bann paragraf dan sa 8(3).  Be sa lamannman malgre ki in dir poudir Ombudsman ek Chairperson of Electoral Commission i subject to 8(3), pa’n fer en Constitutional Amendment, pou fer ki dan 8(3)c ‘’(n) avek ‘’(o) I ganny enkli dan sa bann paragraf.  So esansyelman se ki nou pou fer li kler poudir menm en Ombudsman ouswa Chairperson of Electoral Commission zot bezwen meet sa bann kriter; akoz in deza dan Lalwa, zis zot, zot pa’n ganny mete dan 8(3)c.  So lamannman ki pou ganny propoze se ki e la I kouver osi aprezan Auditor General obviously.  So laranzman e Auditor General mon krwar in ganny in ganny incorporated dan 8(1) konman now under (p) non?  Korek? Ok.  E then ki nou pour fer, nou pour dir poudir basically lamannman ki pour ganny li se ki ok se ki se ki in subsection 3(c) subsection 3(c) by deleting the word’’ and’’ after (m) after the word ‘’and’’ after bracket (m) and inserting the following: ‘’(n), bracket‘’(o) ‘’and’’ and the word ‘’and’’ and bracket (p), pour kouver sa sa 3 nouvo pos ki pour ganny pansyon – pour fer zot osi subject to section 8(3)c.  Ok? Ou’n ganny li?  Ok?

 

MR DEPUTY SPEAKER

Ok mersi Onorab Hoareau.  Okenn lezot komanter lezot amannman?  Sinon Vis- Prezidan oule fer komanter lo bann amannman?  Ok en moman Vis-Prezidan.  Onorab Henrie

 

HON GERVAIS HENRIE

Zis pour klarifye Mr Chair parske bomaten dan sa Bill ki nou’n pase Public Service Special Pension ti annan en dat ki ti ganny mansyonnen i dir ‘’…from Zanvye 2005. ’’ So la nou pe prezimen poudir okenn dimoun ki’n dan sa pozisyon depi 3enm Repiblik, i qualify?  Provided i meet bann kriter?

 

HON BASIL HOAREAU

Non mon pe zis leave, akoz sa ti ganny fer an 1993.  E sa an relasyon ek sa avek 60an ou’n bezwen – fodre ou’n hold Lofis after the 21st of June 1993.

 

MR DEPUTY SPEAKER

Yes Onorab Ferrari.

 

HON JEAN-FRANCOIS FERRARI

Zis pour azoute lo la menm si ou’n byen travay ouswa zis ou’n asize dan en biro pandan 7an 10an – de fwa 7an ou pa’n tande ou pa’n fer rapor, ou pa’n konmsi…?  Konmsi i vreman zot pa kapab konmans sa in office from January 2018?

 

HON BASIL HOAREAU

 …(Mic Off)

 

HON JEAN-FRANCOIS FERRARI

Pardon?  Non konmsi – konmsi konpran mon pwen Mr Speaker.

 

MR DEPUTY SPEAKER

Onorab.  Ok.  Vis-Prezidan oule fer okenn komanter lo amannman?  Ok amannman Deputy AG i aksepte sa bann lamannman?  Deputy?  Mr Esparon?  Ou’n take note ok?   Bon nou ava pran en vot alor lo bann amannman.  Tou Manm ki an faver?  Ok.  Okenn Manm ki kont?  Madanm Clerk.

 

MADAM CLERK

Mr Chair, mersi.  Mon’n rikord 13 Manm an faver e personn kont.  Mersi.

 

MR DEPUTY SPEAKER

Bon savedir Bill in ganny aprouvasyon Lasanble Nasyonal.  Nou ava move lo 3enm Bill lo pour ozordi.  Ok mon a demann en Mosyon pour Second Reading.

 

HON CHARLES DE COMMARMOND

Mr Speaker anba Order 64(2) lo Standing Order mon le move ki the Ministerial Emoluments (Amendment) Bill, 2017 i ganny lir en Dezyenm Fwa.

 

MR DEPUTY SPEAKER

Mersi Onorab De Commarmond.  Okenn Manm ki segonde?

 

HON SIMON GILL

Mosyon segonde Mr Speaker.

 

MR DEPUTY SPEAKER

Mersi Onorab Simon Gill.  Mon a demann Minis pour entrodwir Bill.  Vis-Prezidan pour entrodwir Bill laparol i pour ou.

 

VICE-PRESIDENT MR VINCENT MERITON

Mersi Mr Speaker.  Mr Speaker en senp lamannman mon pe propoze dan Lalwa saler bann Minis pour fer Minis Dezinyen resevwar en allowance ki pour ganny peye tou le mwan.  Sa allowance pour ganny kalkile baze lo formil ki’n ganny spesifye dan Lalwa, ki 10poursan son saler.  Si Prozedlwa i aprouve peyman pour konmans fer le 01 Zanvye 2018.  Mr Speaker nou pe anmenn sa lamannman akoz responsabilite adisyonnel ki Minis Dezinyen i annan.  E ankor parey dan lespri diskisyon, ki nou annan lazournen antye ki nou annan ozordi, nou rekonnet bann dimoun ki travay byen, nou rekonpans zot travay ki zot fer.  E fodre dir ki Minis Dezinyen, i ansarz en kantite Komite o nivo.  I ranplas Minis dan labsans Minis.  E konmela parey zot okouran, avek nesesite ki Sesel son mark i ganny fer lo nivo enternasyonal – dan en moman letan toultan i annan o mwen en Minis.  La ozordi i annan 2 Minis ki pa la e Minis Dezinyen i responsab pour sort zot Portfey osi probableman mon kapab pe koz anba koreksyon, ki i premye fwa dan listwar ki en Minis Dezinyen, i dan labsans Prezidan avek Vis-Prezidan i ansarz pei.  So tou sa bann responsabilite Mr Speaker i demande ki nou byen reget dan son saler, e se pour sa rezon ki mon pe anmenn sa amannman.  Mersi Mr Speaker.

 

MR DEPUTY SPEAKER

Mersi Vis-Prezidan.  Bon deba i ouver lo merit zeneral Bill.  Onorab Andre.

 

HON CLIFFORD ANDRE

Mersi Mr Speaker.  Mr Speaker depi bomaten nou pe pas en pe letan pour nou revwar en pti pe ki mannyer pour aranz serten keksoz ki nou konsider koman pa tro byen.  Bomaten letan nou’n koz lo pansyon pour serten kategori, mon pa’n vote akoz mon santi ki tou Seselwa – mon repete tou Seselwa, i fer en zefor spesyal pour li travay pour son pei.  La nou pe vwar en lot Lalwa i vini, i apel Ministerial Emoluments (Amendment) Bill mwan mon pe dir aotvwa avek fyerte, menm si mon krwar ki Minis Dezinyen i deserve en ogmantasyon, mon pa krwar sa lepok ki nou ladan i lepok apropriye pour nou fer sa.  Mon pou eksplik mon lekor – lannen sa lannen mon ti pe al dir lannen pase mon ti krwar nou’n fini sa lannen – sa lannen ki nou ladan nou’n koze; – Prezidan in vin devan nou in dir nou ki mannyer pour esey fer ki kou lavi i desann pour nou pep.   Minis Finans in vin devan nou lo en Bill ki pa ankor annan finalite lo la in dir avek nou ki poudir Progressive Income Tax pour konmans an Zilyet 2018.  Me ozordi nou vwar nou avek en Lalwa, kot Vis-Prezidan pe demann nou pour nou amann en Lalwa donn 10 poursan ogmantasyon.  I deserve.  Pa ganny mwan mal i deserve en ogmantasyon.  Me selman mon krwar nou pep antye i deserve en ogmantasyon.  Mon dir sa Mr Speaker letan nou get nou Konstitisyon, i kler.  I dir – mon pour al zis 2 paragraf ladan i dir; ‘’…reaffirming that these rights including the rights of the individual to life, liberty, and the pursuit of happiness, free from all types of discrimination.  Considering that these rights are most effectively maintained and protected in a democratic society, where all powers of government spring from the will of the people.’’  Mr Speaker 10 poursan donn nou tou.  Donn pep Seselwa sa 10poursan.  La nou koz pansyon lo en sekter ki nou konsider spesyal.  They have a right.  They are special.  Me selman be lezot pa spesyal?   Apre midi mon al pran pikir Malaria pour mon Misyon ki mon pe ale semen prosen, mon bat avek en ansyen Onorab; Madanm Gamatis.  I dir ek mwan, be ki mannyer nou pe get zis laba nou pa pe get en kou dan sa kote!  Mon dakor avek li 100poursan!  Sanmenm sa ki mon pe vin anmenn devan poudir nou bezwen get tou nou dimoun!  Tou Seselwa!  Mwan mon pour vot kont sa Lalwa – pa akoz mon krwar Minis Mondon pa deserve.  I ti mon Headteacher letan mon ti lekol.  I ti pran roten ek mwan!  Ozordi – ozordi mwan mon krwar in pran roten byen, akoz sa direksyon ki mon al ladan, i en direksyon ki efektiv e ki enportan.  Kekfwa i annan serten lot kote latab pa ti’n pran roten ase, sanmenm sa zot in sanz en pti pe – ok.  I ok sa nou konpran akoz, i arive dan sa konteks, sanmenm sa zot pa pour ekoute ki mon pe dir letan zot in fini dir.  Selman mon krwar nou bezwen nou bezwen nou bezwen serye, Mr Speaker nou bezwen serye.  Mon konpran nou travay.  E mon vwar kote nou pe vini, me selman parey mon dir ozordi kot kou lavi i for lo nou pep.  E zot ti ganny dir ki poudir ‘’nou pour met larzan dan pos Seselwa.’  Ozordi – ozordi zot pa ankor gannyen sa!  Nou pe sey lager.  nou’n ouver freeze nou’n sey freeze nou’n dir donn zot an Zanvye silvouple zot osi zot a ganny sa pti R400 – R500 I annan kekfwa ki pour ganny R700 dan son lanmen.  Bis – pri bis pe monte an Zanvye li! Pri bis pe monte an Zanvye – VP – ok?   So nou sitwayen pour santi sa pezman lo zot pos.  Parkont nou Minis Dezinyen ki fer bokou travay pa pou santi sa, akoz i pour annan 10poursan an plis dan son pos – en allowance.  Vis-Prezidan ou dir avek nou i okip bokou Komite.  Be fer en allowance lo sa bann Komite, si i neseser; koumsa i ava ganny sa allowance lo sa Komite.  Akoz nou pep, nou pep pe soufer!  Nou pep pe soufer.  Yer en madanm i telefonn mwan – mon bezwen dir koumsa akoz i enportan – en madanm i telefonn mwan.  Well in sey call mon i dir mwan detrwa zour pase, i ganny mwan e mon koz avek li i dir mwann an parlan ozordi PUC pour vin koup son delo.  Ok?  Li i ganny li bann ‘invalidity benefits’.  I dir mwan dan weekend, in sey kontakte SS Patrick Herminie – SS Patrick Herminie in dir li pa pour kapab ed li al kot MNA Anse Aux Pins ki Clifford Andre, ‘’Gouvernman I donn R25mil pour donn dimoun!’’  Mon pa konnen si lot kote zot gannyen – mon’n bezwen eksplik sa madanm – ekout mwan VP – mon’n bezwen eksplik sa madanm – mon’n eksplik sa madanm poudir sa pa kot – mon pe montre ou ki mannyer i annan dimoun –

 

(Interruption)

 

HON CLIFFORD ANDRE

…mon a kontinyen?

 

MR DEPUTY SPEAKER

Kontinyen Onorab Andre.  Ok. 

 

HON CLIFFORD ANDRE

Sa madanm in dir mwan ….

 

(Interruption)

 

MR DEPUTY SPEAKER

Ok Onorab Hoareau.  Kontinyen Onorab Andre.

 

HON CLIFFORD ANDRE

Mersi.  Mon – sa madanm in dir mwan poudir se sa ki li in ganny dir.  So mon bezwen eksplik sa madanm, pa korek.  Gouvernman pa donn MNA R25mil pour li distribye avek zabitan distrik.  I pa korek.  So sa ankor i bezwen ganny fer kler.  E mon pe dir sa akoz nou pe koz lo en ogmantasyon pour en pozisyon kot ankor i annan sitwayen ki vwar li dan bann difikilte, dan bann difikilte sosyal kot li i bezwen sey rod bann pti – I bezwen make ends meet parey nou dir.  E i vwar li difisil.  Mwan mon pa krwar ki sa letan i apropriye, pour nou fer legzersis parey.  E se pour sa rezon akoz mon pa’n vot lo sa de Bill.  Akoz mon krwar ki si i annan larzan ki involve – i annan ogmantasyon; parey VP i dir i annan ki’n sorti lo R16mil in mont lo R23mil.  I annan ki sorti lo R11mil in mont lo R15mi – so letan i enplik sa bann kalite aktivite mon krwar nou bezwen get en pti pe afon si letan i o porte – parey nou dir oubyen nou a kapab delay sa pour nou kapab fer li letan tou dimoun i ava benefisye.  Kekfwa an Zilyet ti ava letan pli apropriye, letan sa dimoun pe vwar son Progressive Income Tax dan son pos li osi, menm letan Minis Dezinyen ti ava vwar son Progressive Income Tax dan son pos, ki ti ava ez en pti pe sa presyon e an referans avek sa travay ki i fer ki mwan personnelman mon pour dir ou i en travay ekselan.  En travay ekselan.  I deserve it.  So i bezwen gannyen me selman pa la kot dan sa konzantir ki nou ladan.  Byen koze i fer byen konpran – mal koze nou pour fer diskisyon.  Mon’n koz byen pour fer konpran ki dimoun in dir avek mwan e mon’n anmenn sa pour montre sa soufrans ki annan bokou lo bann zabitan pe pas ladan; menm si zot osi zot pe travay dir, dir pour fer nou pei ariv pli devan, pour ki nou tou nou kapab benefisye nou tou nou kapab zouir.  Mr Speaker nou’n annan bann envestigasyon ki nou’n konmanse – nou konman Lasanble konman FPAC.  Ozordi – taler nou pour tous en lot Bill ankor I annan larzan ki nou dir isi nou pa ankor kapab met lanmen lo lekel ki responsab afon, me selman nou a pe dir ki i annan ki bezwen gannyen!  I annan ki bezwen ganny larzan!  Avek sa Mr Speaker mon pour termin lanmenm e mon pour dir aotvwa mon pour vot Kont sa Bill.  Mersi.

 

MR DEPUTY SPEAKER

Mersi Onorab Andre.  Onorab Valmont.

 

HON JUDE VALMONT

Mersi Mr Chair.  Bon apre midi.  Bon apre midi Vis-Prezidan e delegasyon e tou Manm Onorab e tou piblik ki pe swiv nou.  Mr Chair mwan mon pour koz lo merit sa Bill, mon pa pour al an deor nou napa ase letan.  Mwan mon vwar mon pour koz an faver – akoz ou konnen ennler nou pa get zis sa dimoun, nou get responsabilite ki vin avek.  Parey Msye Vis-Prezidan in fer sorti Minis Dezinyen, i annan en bon pe Komite ki i lo la.  I osi Minis pour Zafer Entern e osi Gouvernman Lokal.  Alor i demann li – I pa zis dan lofis i toultan lo teren.  Nou bezwen rekonnet sa e nou bezwen get sa.  I en madanm.  I en merd fanmir.  Toultan i an deor alor; mon pe koz pour aport sa sipor.  Onorab avan mwan in refer sorti ki i pour vot kont.  Sa i pour premye Bill ki i pour vot kont depi bomaten.  Malerezman sa de ki i pa’n vot lo la, nou bezwen refer sorti ki CAA logmantasyon i R7mil.  Si mon pa mal Msye Vis-Prezidan koriz mwan pour Minis sa logmantasyon i zis R5, 500.  Alor nou bezwen vwar sa.  E osi, nou bezwen vwar rekonesan Gouvernman pe fer, pour amelyor sityasyon nou bann Seselwa.  Nou’n vwar PIT ki pe vini; nou’n vwar VAT ki pe ganny redwir lo serten keksoz e la ozordi menm tol osi VAT pour napa lo la – tax – alor tousala I bann laprev ki Gouvernman pe fer.  Alor parey Vis-Prezidan in dir, byen koze i fer byen konpran, nou pe fer li step par step.  E la in ariv sa moman pour siport Minis mon dir mon avek zabitan Pointe Larue nou siport li.  Mersi.

 

MR DEPUTY SPEAKER

Mersi Onorab Valmont.  Bon mon annan plizyer Manm ki’n eksprim zot lentansyon pour entervenir.  In ariv 3.30 mon sizere nou pran en Break.  Nou ava adjourn e nou ava kontinyen 4er – ok?  Nou a repran 4er.

 

 

(BREAK)

 

MR DEPUTY SPEAKER

Bon nou a kontiny nou travay.  Onorab Henrie.

 

HON GERVAIS HENRIE

Yes mersi Mr Speaker bonn apre midi tou dimoun.  Mr Speaker mon le dir 2 pti mo lo sa Bill ki devan nou.  Mon konsyan ki la depi bomaten, nou pe anmenn plizyer bann amannman dan bann lalwa ki tous bann pozisyon Konstitisyonnel e pour Minis Dezinyen sa osi i en provizyon ki dan nou Konstitisyon Lartik 115?  75 wi, wi 75 en en.  Lartik 75 i fer provizyon pour en Minis Dezinyen – en pozisyon ki ti la dan nou Konstitisyon depi orizinalman dan nou Konstitisyon.  E sa lepok si mon pe konpran byen, nou ti napa pozisyon Vis-Prezidan.  Letan dan Konstitisyon orizinal; savedir i ti en Minis avek responsabilite i an plis ki par egzanp si Prezidan pa ti la alor li ki ti pour ‘keep an eye’ pour fer sir ki napa en lot Koudeta; tou keksoz pe mars byen.  Be mwan mon krwar poudir sa lepok la, si zot ti serye, mon krwar Gouvernman ti’n merit mon anmenn en Lalwa ki ava define son saler – en pe parey I annan en Vice-President Emolument Act.  E si Gouvernman ti serye tou sa letan zot ti’n merit fer sa. Gouvernman pa’n zanmen fer, prezan pozisyon Vis-Prezidan in vini Minis Dezinyen i reste.  E ozordi mon vwar difikilte ki Gouvernman, i ladan parske ler nou get saler bann Minis zot ava dir ki wi Madanm Mondon i dwatet ganny en pe plis, akoz son responsabilite.  An fet an se moman i annan 2 Portfolio li. I annan Local Government plus Home Affairs i tonm avek li.  Be selman dan bann Minis, Minis Ledikasyon i ganny plis larzan ki li.  I ganny R1000mil an plis ki li – letan zot saler ministeryel.  E kekfwa zot anvi koriz sa sa anomaly ozordi.  Be selman mwan prezan mon vwar difikilte devan mon eski i le moman apropriye?  Parske la depi bomaten letan nou pe koz tou sa bann zafer ‘saler’ – dimoun laba deor pe tan zis ogmante – pour isi pour laba, nou koman bann Manm ki reprezant popilasyon laba deor mon vwar li koumsa mwan Lopinyon Piblik; i parey en divan ki pe anmenn bato dan en direksyon.  Nou pa merit les li anmenn nou nenport ki sa divan nenport landrwa ki sa divan, akoz nou riske al end-up lo koray e kraze – lo brizan.  Me selman nou servi li, pour diriz nou byen.  E sertennman – sertennman pa bezwen al kont li – sa Lopinyon Piblik.  So nou bezwen konpromi.  Prezan mon pe demann mon lekor mwan, eski i ti le moman pour Gouvernman anmenn sa la?  E vre rezon akoz zot pe donn eski i apart zis sa responsabilite an plis ki Vis- Prezidan in dir nou?  Mon ti ava kontan zot donn nou en pe lesplikasyon, akoz zot pe donn sa ogmantasyon?  Akoz sa ogmantasyon i pou fer li apepre R66mil par an.  Sa i apepre larzan ki sa manman tousel (Onorab Valmont) pe anmenn dan lakour, akoz en manman tousel ozordi ki lo minimum wage, ki son bis pe al monte li le 01 Zanvye i pe ganny sa menm saler sa menm saler ki Minis Dezinyen pour gannyen an plis.  Alor eski moralman i byen?  Sa kestyon ki mon pe demann mon lekor ozordi.  Larestan travayer depi bomaten zot pa ankor ganny nanryen – gran poursantaz travayer.  Sa ki nou konnen se ki an 2018 pour annan en Komite ki pour ganny met ansanm, pour fer serten rekomandasyon pour ki Gouvernman i konsider en ‘ogmantasyon saler’ an 2019.  Alor eski le moman i apropriye pour sa ogmantasyon, malgre ki bokou dimoun poudir – pa bokou dimoun en pti group dimoun i ava santi ki a R5, 500 i kwa sa?  Be R5, 500 i saler minimum pour bokou dimoun bokou dimoun ki pe fer fas avek kout lavi – e bokou dimoun ki lo sa saler ki pe fer 2enm louvraz si pa en 3enm – en 4enm pandan weekend, pour li kapab debout zwenn.  Sa menm dimoun ki pe ganny sa saler ki ozordi en lakaz ki i pa ankor gannyen i bezwen lwe, i plis ki sa R5, 500!  Kote i reste alor?  I bezwen reste dan en lakaz ki ankonbre.  Alor eski i le moman pour donn ankor plis pour bann ki pe deza gannyen – bann ki deza pe ganny en gro saler?  Sa Lopinyon Piblik laba deor – sa divan nou pa bezwen al kont li – nou pa kapab ale al kont li.  E mwan ozordi, mon pe mazinen dir wi i annan responsabilite; selman i deza pe ganny en pe keksoz an plis.  Par egzanp bann Minis la pli par zot pa pe pey fuel parey larestan dimoun CC loto pe monte, zot, zot pa tande sa bann zafer akoz zot, zot pe ganny en loto provided by Leta; telefonn zot in deza vwar zot dan en laliny kot Cable ouswa kot Airtel pe peye?  Zot saler nou kapab kalkile dan dokiman Bidze ki nou’n trouve. Be bann lezot perks ki pa ekrir dan dokiman Bidze kantite zot pe gannyen ankor?   Alor eski moman i byen?  Eski le moman i apropriye?  Eski moralman nou kapab siport sa?  Eski nou kapab al kont sa lopinyon laba deor sa divan ki pe pous dan serten direksyon?  Sa ki mon anvi bann Onorab ozordi I reflesir lo la apre midi.  Mersi bokou.

 

MR DEPUTY SPEAKER

Mersi Onorab Henrie.  Onorab Paul Ernesta.

 

HON PAUL ERNESTA

Mersi Mr Chair.  Bonn apre midi Mr Chair Vis-Prezidan avek tou ou lekip avek tou Manm koleg avek tou dimoun a lekout.  Mr Chair letan Mr Speaker sorry letan mon’n ekout lot kote latab mon santi serten mankman lo nivo lonnekte.  Mon kestyon parey in ganny demande eski I moralman byen pour nou donn en allowance nou Designated Minister ki preski R450 an plis ki minimum wage?  Dan Bidze nou’n fek aprann Onorab Valmont ti demann en kestyon senp – lo kote nou bann allowances konman bann Onorab ki’n gannyen.  An mwayenn annou dir en Chairman Komite i ganny li R3mil – en Vis-Chairman I ganny li R2, 500 e en Manm I ganny li R2mil.  E nou’n osi aprann ki annan menm Onorab ki lo plis ki 5 Komite.  Mon pran zis sa 3 mon pran zis sa 3 premye Chairman i fer li R3mil Vis-Chairman I fer li R2,500 e en Manm i fer li R2mil,  sa Mr Speaker li menm i fer ki en Manm en Manm an mwayenn mon pour kont zis sa premye 3 I fer li R7500 zis lo 3 Komite ok?  Malerezman kanmenm zot pe dir lo mon bann dalon, me nou konnen nou tou pour être realis akoz nou, nou bezwen realis Chairman i lo zot kote Vice-Chairman i lo zot kote…

 

(APPLAUSE)

 

HON PAUL ERNESTA

… an tou I fer prezan letan i fer prezan sa menm sa Chairman sa menm dimoun I pe tous li an mwayenn lo 3 Komite R7,500.  Me annou get lot kote; eski i moralman byen pour nou donn Designated Minister en allowance R5, 500?  Mr Chair Mr Deputy Speaker – mon pour dir wi.  Akoz VP in dir li menm responsabilite Designated Minister ozordi i adisyonnel – i an plis.   Lontan VP osi ti deza dan sa pos, I ava agree avek mon ki sa louvraz sa pos ti zis ceremonial mon a dakor.  Ozordi i annan responsabilite an plis ki ganny azoute avek.  VP in dir e in menm lo Komite High Level, i ranplas tou Minis; letan mon dir tou Minis tou Minis letan i absan.  E VP in dir ankor ozordi 2 Minis dan pei pa dan pei ozordi, pe pran son responsabilite.  E i fer premye fwa ki Designated Minister nou vwar pe pran en responsabilite ki letan Prezidan e Vis- Prezidan pa dan pei e se li ki pran sa responsabilite.  E i pa’n neseserman pran zis sa responsabilite e in fer sir in desarz sa responsabilite byen.  Eski nou pa pour donn li son dues kot i merite?

 

 

(APPLAUSE)

 

HON PAUL ERNESTA

Mr Chair – Speaker mwan mon krwar, letan i apropriye.  Letan i apropriye pour nou donn Designated Minister son merit kot i merite.  E sel Minis mon dakor Onorab Henrie in rekonnet ki Minis Ledikasyon i ganny pli mwens ki li, me so i toutafe normal – I mean pli o eskize mon korize, me I toutafe normal pour nou donn li son merit kote i pe merite.  Nou pa pe donn li ogmantasyon saler la; nou pa pe koz ogmantasyon saler nou pe dir avek tou sa responsabilite avek 3 Komite ek tou sa responsabilite ki annan lo li, nou pe dir donn li zis R5, 500 Mr Speaker.  E mon krwar nou tou ki la nou bezwen onnet.  Annou arête fer politik bonmarse.  E se sa ki zot in vin fer ozordi.  Annou rekonnet travay dimoun letan i merite.  Egalman letan nou ti vot pour nou prop saler pour nou allowances, be nou kapab fer parey.  Annou donn nou bann dimoun kot i merite.  Annou pa fer viktimizasyon; annou pa get sa madanm.  Annou pa get li akoz i en madanm.  Annou get sa pos.  Annou get sa pos ki vin avek.  Se sa ki nou bezwen fer nou bezwen donn li son merit.  Demen bomaten parey zot pe aspire pour zot osi pour zot vin  en zour State House zot pe reve pour zot en zour vin State House ,eski letan zot pour vin State House zot pa pour donn zot Designated Minister en allowance?  Annou aret fer krwar!  Annou être onnet annou être reel annou être zis dan sa ki nou fer.  So Mr Chair mon pa pour al lwen.  Bomaten mon kontan premye laparol ki Onorab Andre in pran bomaten la apre midi, in koz kont pour donn R5, 500 Designated Minister, me parkont me parkont pour CAA in mute lo la.  E in donn R7mil.  I ok ek sa!  Come on.  So Mr Chair mon pour demann tou nou bann koleg annou revwar nou alignment; annou retournen; annou reflesir annou vot an faver zis sa R5, 500 pour kapab permet Designated Minister kontinyen fer son travay.  Annou kontinyen donn li sa lankourazman la i moman apropriye.  Parey nou’n vot nou prop Bidze pour nou donn nou lekor an mwayenn R10mil allowance bann ki pe gannyen, nou kapab donn parey.  Mon kontan nou pe koz travayer Seselwa, me selman ler zot ti vot pour zot Bidze zot pa ti realize ti annan sa travayer Seselwa kot ti pe ganny minimum wage? 

 

(APPLAUSE)

 

HON PAUL ERNESTA

Come on!  So Mr Chair Mr Speaker, mon a dir mersi.  Mon pour demann nou tou pour nou vot an faver sa Bidze.  Mersi.

 

MR DEPUTY SPEAKER

Mersi Onorab Ernesta.  Onorab Roucou.

 

HON CLIVE ROUCOU

Mersi Mr Speaker.  Sir bonn apre midi Mr Speaker – bonn apre midi Vis-Prezidan.  Mr Speaker Mr Speaker pour konmanse mon dir kareman, ki mon pa pour siport sa Bill.

 

(APPLAUSE)

 

HON CLIVE ROUCOU

E i sagrinan, i sagrinan, ler mon tann Onorab Ernesta avek Onorab Valmont pe fer zot deliberasyon.  Mon anvi met lo rikord e mon anvi dimoun Pointe Larue e Takamaka senserman si vre sanmenm sa 2 dimoun ki zot ti vot pour zot pour met dan Lasanble, pour vin zot lavwa?

 

(APPLAUSE)

 

HON CLIVE ROUCOU

Mr Speaker mon anvi dir Onorab Valmont, ki Minis Dezinyen isi lo sa kote latab napa personn ki annan okenn problenm avek li.  E Minis Dezinyen i pa sel merd fanmir isi Sesel.  Alors R5,500 ki Onorab Ernesta i dir i pa nanryen zis mazinen i annan manman ki mont avek R5,500 pour fer 2 bout zwenn.  Alors Mr Speaker pour kontinyen lo menm laliny mon anvi dir Onorab Valmont avek Onorab Ernesta, sa menm manman – sa menm merd fanmir ki vin avek R5,500 an Mars elektrik pour monte, delo pour monte bis pour monte, alors li Minis Dezinyen kot dimyel avek dile I kontinyen roule otour li merd fanmir pour pe soufer!  Mr Speaker, mon napa okenn problenm avek travay ki Minis Dezinyen in fer e ki i fer.  Vis- Prezidan in dir nou ki Minis Dezinyen in pran Lofis dan letan ki li i pa ti la e Prezidan pa ti la – mon anvi demann Vis- Prezidan konbyen fwa sa in arive?  Probableman konm dir li menm in fer listwar – in fer zis en fwa.  E mon demande konbyen fwa pour ariv ankor e mon pa krwar i pour ariv ankor.  Alors avek ogmantasyon R5, 500 pa fer zistis pour nou pep Seselwa.  Bomaten nou’n koz lo Pansyon – nou’n koz lo pansyon bann travayer dan Servis Piblik Esansyel e nou’n vwar deza en paramet, kot en group pe gannyen kot en group pa pe gannyen.  Kot nou ti pe koze bomaten nou ti pe anvi fer sir ki tou travayer Seselwa i ganny enkli dan sa Pansyon.  Ankor nou vwar poudir zistis pa pe ganny fer.  Mr Speaker R5, 500 pour Minis Dezinyen pa normal.  Seselwa pe trimouse; merd fanmir pe trimouse, alors mwan o-fon mon leker – o-fon pour sa kote latab mon pa krwar R5, 500, i ale e nou pa pour donn li.  E mwan mon pour vot kont.  Mersi Mr Speaker.

 

MR DEPUTY SPEAKER

Mersi Onorab Roucou.  Onorab Basil Hoareau.

 

HON BASIL HOAREAU

Mersi Mr Speaker.  Mr Speaker si mon ti’n antre dan Lasanble petet zis mon krwar nou ti break 3.30 si mon ti ekout Lasanble depi ler Onorab Andre ti’n koze, mon ti pour dir ki lot kote ki zot pe koz keksoz ki zot serye avek – keksoz ki zot senser.  Me mon’n ekout Lasanble osi depi 2er e dimoun deor in ekoute sa Lasanble depi 2er, nou vwar ki mannyer letan nou anvi fer politik bonmarse nou kapab fer; ki mannyer letan nou anvi vot an faver en keksoz nou vote, me letan nou anvi pa vote e nou anvi fer politik bon marse zis pour kritike ouswa pour score political points, nou fer.  E se sa ki lot kote in fer sa apre midi Mr Speaker.  Sa i kler.  I kler, kler, kler.  Mr Speaker nou’n vot pli boner lo Constitutional Appointees Emolument Act – ladan ti annan ogmantasyon klerman pour bann Manm CAA e Chairperson.  

 

(Interruption)

 

HON BASIL HOAREAU

Non ti napa Electoral Commission Onorab Larue petet ou’n bliye al get Lalwa ou a vwar.  I ti kler i ti selman pour CAA. E CAA ki nou’n vwar nou vwar poudir en manm en manm ordiner ki annan 4 zot in sorti R11, 186mil pour vin R15, 452mil ok?  Pour R15, 452mil ki fer letan ou kalkile i apepre R16mil lo sa 4.  Nou vwar osi Chairperson CAA li i sorti R16, 993mil in ariv R23, 031mil ouswa apepre en diferans letan mon azout tou ansanm apepre R23mil ki pe increase ki pe bezwen ganny peye pour bann Manm CAA.  E pour mon si lopozisyon ti senser menm largiman ki zot pe anmennen la zot ti ava anmenn avek ogmantasyon CAA.

 

 

(APPLAUSE)

 

HON BASIL HOAREAU

zot ti ava dir poudir gete Seselwa ordiner pe trimouse; Seselwa ordiner pe lager avek sa lavi e akoz nou pe increase pour Manm CAA?  Me ki nou’n vwar tou dimoun in trankil; personn pa’n fer en tapaz lo ogmantasyon ki CAA pe gannyen.  E Onorab Henrie pe demann mwan akoz mon ti vot kont – mwan – mon ti vot – akoz mon pa ti vot kont?  Mon ti vot an faver akoz mon ti vwar sa increase ti byen e egalman sa increase ki la i kapab zistifye.  Rezon ki zot ki annan 2 fwa 2 mezir.  Zot ki pran en stance lo en Lalwa, me apre, me apre zot pran en stance en diferan stance lo Lalwa menm kot menm prensip i adopte i annan increase dan saler sa enn – dan allowance.  E nou pour vwar taler Onorab Henrie, nou pour vwar Onorab Henrie si taler ou pour kit ou lanmen anba parey ou ti pas pour CAA ok?  E mon krwar se sa mesaz.  Mesaz se ki lopozisyon in vin fer politik bonmarse avek sa, zot in vini zot in konmans kritike akoz i Designated Minister.  E me selman parey mon dir CAA ti ok, tou keksoz ti byen tou keksoz ti normal.  Annou aret pran Seselwa pour bann fou bet annou aret fer krwar avek Seselwa poudir nou pe lager pour zot, kan nou deside ferm nou lizye bous nou lizye li serten keksoz ki pase.  E mon ti a kontan – mon ti pour kontan parske se sa amannman la, i annan en amannman ki pour bezwen anmennen pour bann MNA ganny en Pansyon!  Mwan mon poudir ek zot, mon pour vot kont sa lamannman mwan!  Zour i pou anmennen pour ganny sa Pansyon.  Mwan Basil Hoareau, mon pour vot Kont sa amannman!  Mon ti a kontan vwar lot kote fer parey.  Onorab Andre join me – letan sa amannman i vini – letan pour donn Pansyon bann MNA – letan sa amannman i vini – i pour bezwen annan en amannman; parske in ganny Deklare kot Konstitisyon.  Zour National Assembly Members Emolument Act, i ganny amande pour fer pansyon ganny peye pour bann MNA mon dir ek zot, zwenn ek mwan parske, mwan Basil Hoareau, mon pe vot Kont sa Lalwa!  E mon demann zot pour zwenn mwan.  Mon ti a kontan! mon ti a kontan! (Interruption)   Parske letan, letan i konsern nou pos, nou pran en diferan stance.  Ozordi nou pe koz R5mil – R5, 500 e nou pe fer tousala.  Mwan mon pe dir poudir mon krwar Madanm Mondon, i annan en responsabilite anba Konstitisyon nou konnen poudir I travay dir i pran letan bann Minis i absan se li ki assume zot responsabilite; likewise letan Prezidan pa la, e Vis-Prezidan osi pa la li ki assume sa responsabilite.  Mwan mon pou vot an faver me selman mark my words Pansyon MNA mon pe vot Kont!

 

(Interruption)

 

MR DEPUTY SPEAKER

Mersi Onorab Basil Hoareau.  Bon mon pa pe enteronp Manm, i normal, i en deba ki so ki eksitan me zis fer sir mon pa oule tann okenn komanter advers lo en Manm ok?   Se la kot nou fer politik; kot tou lede parti I fer politik ok e nou kontiny sa deba ki en deba ki ris.  Bon Onorab Woodcock.

 

HON WAVEL WOODCOCK

Mersi Mr Speaker.  Mr Speaker si en keksoz ki sa deba ozordi pe montre nou se ki lot kote latab zot napa leker pour pep Seselwa.  Se nou dan LDS ki annan leker pour pep Seselwa.  Ler pe ekout sa kalite largiman ki sa bann Manm pe anmennen lot kote latab, i demann ou si vreman zot annan lentere sa pep a ker?  I enteresan Mr Speaker ki Onorab Ernesta in mansyonnen ki i annan serten Manm, ki lo 5 Komite Lasanble Nasyonal.  Be lot kote latab I annan 5 zot Manm ki lo 5 Komite!  Ladan menm i annan 1 ki pa attend en sou Committee Meeting me selman i pe ganny peye tou le mwan.  E nou tou nou konnen lekel sa Manm.  (Interruption)  Mr Speaker mwan mon konpran tre byen akoz Onorab Ernesta ozordi pe lager pour Minis Dezinyen ganny sa 10 poursan – sa allowance 10poursan son saler tou le mwan.  Sa pa lot ki akoz CC Member Parti Lepep pour Takamaka se Designated Minister.  I pe defann son bourse manze. I bezwen lager pour son Designated Minister.  I kler sa.  Nou konpran. Nou konpran ou bezwen siport ou CC Member.  Mr Speaker mon pou fini avek sa.  Mwan mon konnen byento mon pour annan 1 sorti La Digue pour vin donn mon en sipor lo Grand Anse.  Mr Speaker i enteresan zot pe koz ozordi lo allowance lo saler ki bann Manm Lasanble Nasyonal pe gannyen dan 6enm Lasanble; annou pa bliye lekel ki ti vot lo ogmantasyon saler Lasanble Nasyonal.  Be se zot menm ki ti vote.  Se Manm 5enm Lasanble! Onorab De Commarmond pa ti la? Onorab Pillay – Onorab Ghislain pa ti la ler zot ti lev lanmen anler pour zot saler?  Zot ti la zot!  Se zot ki ti vot pour ogmantasyon.  La ozordi zot pe zwe bon boug?  La ozordi zot pe lager prezan pour ogmant pour donn zot Designated Minister en saler, kan nou dan sa kote latab – annou pa bliye ki Bidze, Bidze fek vin devan nou lo sa kote latab nou ti pe lager pour ki Progressive Income Tax i vin an Zanvye – le 01 Zanvye.  Me ki nou’n vwar?  In ganny pouse pour Zilyet me selman allowance 10 poursan Designated Minister nou kapab pouse pour vin an Zanvye?  Eski sa sanmenm ki apel leker pour tou Seselwa sa?  Zis bann gro pwason ki pour kontinyen benefisye dan sa pei?  What about nou frer avek ser laba anba?  Mr Speaker sa Ministerial Emolument Act – sa amannman dan sa Act, ki pour fer provizyon pour en allowance 10 poursan lo saler pour Designated Minister ki pour tonm en sonm R6mil; mazinen poudir Minis Dezinyen, i deza pe ganny li en saler R60mil par mwan avek son Gratwite osi ki i gannyen tou le lannen; on top of sa nou donn li en allowance R6mil ankor – san bliy bann lezot Komite ki i lo la, san bliy bann lezot perks ki vin avek; fuel pour nanryen la pri fuel in mont par lao R18 plis ki R18.  So i fer tou bann lezot perks tou bann lezot benefis ki nou dan Lasanble nou pa gannyen.  Ou vwar nou pe konplent lot kote latab – nou pe konplent sa nou?  Nou pa pe konplent sa nou! Mr Speaker dir mon en keksoz – mazinen en Onorab i kapab vin devan sa Lasanble eiI fer en statement parey.  I a dir koumsa ki Minis Dezinyen i en merd fanmir.  I en manman.  I annan manman ki ni menm R6mil par mwan i pa pe gannyen!  I pe viv lo R5,050 ki minimum salary.  Onorab Valmont dan ou distrik I annan plizyer sa R5050 ki pe viv lo la tou le mwan.  Grand Anse Praslin i annan plizyer sa bann manman ki vin kot mwan ki tap mon laport, ki mon bezwen call SPA pour rod en fason pour zot ganny en ogmantasyon an plis.  E la ozordi nou pe lager lebra kase pour nou donn en Designated Minister avek sa gro saler R60mil, avek tou sa bann benefis ankor R6mil?  Kan Progressive Income Tax ki ti pour met plis larzan dan pos sa pep zot pa’n kapab fer li vin Zanvye zot dir anvoy li Zilyet?  Ki mannyer i apele mon bann frer ek ser?  Mr Speaker pa zis li ki manman!  Pa zis Designated Minister ki manman.

 

(laughter)

 

HON WAVEL WOODCOCK

I annan en kantite manman –

 

(laughter)

 

HON WAVEL WOODCOCK

… mon serye mwan!  Pa zis Designated Minister ki en manman dan sa pei Sesel.  I annan en kantite manman ki pe soufer ankor dan sa pei – ki pe struggle to make ends meet ki zot pa pe kapab siport zot fanmir – ki zot bezwen depan lo Welfare – what about them?  Eski nou pa ti kapab fer sa Progressive Income Tax vin boner, pour benefisye tou sa bann dimoun?  Mon bann frer avek ser sirtou lot kote latab avan ler nou montre ledwa lo nou prosen, annou mazin bann keksoz ki nou’n fer dan lepase.  Annou mazin ki mannyer zot in rod pour benefis zot lekor dan lepase.  Ou konnen zot pa ti’n prevwar poudir sa Lasanble ozordi ti pour 15 lo 10 ki Lopozisyon ti pour mazorite; ler zot ti pe aranz zot bann perks ,ler zot ti pe vot ogmantasyon zot saler, zot pa ti pe mazinen poudir ozordi LDS ki ti pour mazorite dan Lasanble Nasyonal.  E la ozordi zot ki pe kriy pe sot anler pe kriy lasasen, akoz enn de nou la pa vwar li neseser nou pa pe an faver donn Designated Minister en extra R6mil allowance tou le mwan?  Mon bann frer avek ser mwan mon pa pour kapab fer sa.  Si mon fer sa mon pa pour kapab debout – mon pa pour kapab debarke lo Erport Grand Anse Praslin, si mon vot pour sa R6mil.  Ni menm lasose Praslin mon pa pour kapab debarke!  Akoz mon bann frer avek ser I en kestyon moralite!  Sa letan sa syek ki nou pe viv ladan, pour met plis larzan dan pos Seselwa, kot nou pe rod pour fer desann kou lavi, pour nou azout ankor sa sonm sa kantite larzan lo en Designated Minister – mon bann frer avek ser, i pa sa letan.  E mon pa pour kapab siport sa allowance e sa amannman dan Ministerial Emolument Act, 2017.  Mersi Mr Speaker.

 

MR DEPUTY SPEAKER

Mersi Onorab Woodcock.  Onorab Simon Gill.

 

HON SIMON GILL

Mersi Mr Speaker.  Mr Speaker dan bokou pei ler pe diskit kestyon larzan i en keksoz ki vin bokou sansasyonnel.  I annan serten bann Parlman ki listwar in rikorde bann Manm parti dan Gouvernman e Lopozisyon zot in esanz bann lensilt – koudpwen in mele.  I annan in anvoy sez lo kanmarad.  Sa dan serten bann pei, letan bann size i so, sa bann kalite lesanz i ganny fer.  Be dan Sesel konmsi mon admir labote diskisyon dan sa Lasanble.  I vreman en mervey akoz nou ankor kapab tenir nou, ler bann latak personnel i leve i ganny dirize lo bann Manm Lasanble ki la avek nou sa osi i enteresan.  Me selman parfwa nou bezwen swazir kwa ki nou diskit lo la e kwa ki nou pa diskit lo la.  E dan moman apropriye, serten bann size ki’n leve ozordi, i ava ganny adrese.  Espesyalman serten size ki Onorab Wavel Woodcock in mansyonnen; dan moman apropriye i pour ganny deal avek.  (Laughter) Lot keksoz ki enportan pour koz lo la, se byensir sa size allowance, ki nou pe rod donn Minis Dezinyen.  Mon konpran i en sonm apepre R5, 500 ki byensir tou bann dimoun ki’n swiv e ki konpran bann sif i preski ekivalan avek nou saler minimum dan Sesel.  E sa ki fer keksoz bokou pli konplike ankor,  ki mon ava admet serten bann entervenan dan Lopozisyon, se ki nou pe rod sa allowance pour nou Minis Dezinyen dan en moman ki Minis Finans in vini e in dir ki Progressive Income Tax pour pran lefe an Juillet.  E mon konpran tre byen sa loportinite ki Lopozisyon in sezi pour fer bann lentervansyon avek bann konteni parey zot in fer.  Mon konpran sa ekstrememan byen.  Me i annan osi en lot eleman.  E sa i anmenn mon lo mon 3enm pwen.  Lot eleman se ki i annan sa pos ki apel Minis Dezinyen ozordi i Madanm Macsuzy Mondon ki ladan be personn pa konnen prosennman si Eleksyon i arive en lot dimoun ki antre dan sa pos.  E probableman konteni travay, konteni responsabilite pour ogmante.  I enportan ki nou note sa.  Lo ka Minis Dezinyen ki ozordi i Madanm Macsuzy Mondon, i en fanm ki menm Onorab Clifford Andre in dir i deserve sa allowance.  Mersi Onorab Andre pour realize ki Minis Dezinyen i deserve sa allowance.  E Minis Dezinyen pa zis deserve sa allowance akoz i Minis Dezinyen.  I en fanm ki travay parey bokou fanm Seselwa i travay dir pour fer bann bout zwenn, parey Onorab Roucou in mansyonnen.  Me byensir Onorab ki’n koze dan Lopozisyon, pa kapab fer en konparezon avek nivo responsabilite ordiner, avek en madanm ki dan en pozisyon konman Minis Dezinyen!  Napa en parallel sa.  Menm si nou realize ki zot 2 fanm ki zot tou zot mere fanmir e ki zot tou zot annan en responsabilite pour fer viv zot fanmir.  Sa osi nou konpran tre byen sa me i napa parallel – i napa parallel.  I de diferan responsabilite, ki nou pa kapab konpare.  Sa madanm ki nou pe koz lo la ozordi ki son non in mansyonnen in fer 46an servis dan Gouvernman; 46an servis dan Gouvernman.  35an servis avan ler in pran en pozisyon koman Minis; 11an dan pos Ministeryel – e 35an in konmans konman en senp Teacher – Headteacher – Direkter Zeneral e bann lezot pozisyon ki’n okipe ankor.  I en fanm ki annan en tenasite e en kouraz ek determinasyon ekstraordiner.  E se sa bann fanm ki dan sa bann kalite domenn ki pli boner bomaten, nou’n rekonnet zot nou’n donn zot en posibilite pour zot ganny en pe plis.  E i sa bann fanm parey sa bann fanm model ki nou bezwen plis dan Sesel nou bezwen kiltiv plis sa dan Sesel.  Nou bezwen kiltiv plis sa dan Sesel.  E i ekstrememan enportan ki nou pa perdi de vi lo bann largiman ki nou’n anmennen pli boner.  Mr Speaker sa i anmenn mon lo mon 4enm pwen.  Mon 4enm pwen ki mon le koz lo la I an referans lo serten bann entervansyon ki’n ganny fer e lo size nou bann Manm Lasanble.  Bann larzan ki nou gannyen lo bann Komite in ganny mansyonnen – bann larzan ekstra ki nou gannyen apart nou saler sa ki 3 Komite – sa ki lo 4 Komite i gannyen.  Bann sonm i diferan, i varye, me nou gannyen par lao nou saler le mwan.  Lot keksoz ki enportan mansyonnen an relasyon avek nou menm nou e sa i en challenge.  Nou dan mwan Desanm – lo non defann tou Seselwa lo non defann tou bann travayer Seselwa, ki pour bezwen esper Juillet pour sa Progressive Income Tax pran lefe – zot kapab ganny en pe plis larzan retenir dan zot pos, annou tonm dakor Mr Speaker,  ki nou tou Manm Lasanble, nou retenir nou pozisyon lo en prensip ki nou’n koz lo la ozordi; annou pa pran sa Gratwite ki due pour nou an Desanm la!

 

 (APPLAUSE)

HON SIMON GILL

Annou pa pran nou Gratwite ki due la an Desanm pour nou ‘’WALK THE TALK.’’

 

(APPLAUSE)

 

HON SIMON GILL

Annou retenir.  And this is the challenge ki mon pe challenge tou bann Manm Onorab dan sa Lasanble ozordi.  Annou fer sa sakrifis nou osi.  E lo sa baz si nou fer sakrifis – E lo sa baz si nou fer sakrifis nou a pe vreman montre poudir nou vreman nou pe solider avek sa pep travayer la deor, ki Onorab Woodcock in koze tre for, dan sa Lasanble ozordi apre midi.  This is the challenge pour nou Manm Lasanble.  E sa I pran depi Speaker Deputy Speaker avek tou bann Manm ordiner dan sa Lasanble.

 

(APPLAUSE)

 

HON SIMON GILL

Annou tonm dakor avan ler nou fini sa Lasanble ki nou al dan Recess annou pran en rezolisyon atraver Mosyon ki nou pa pour pran Gratwite ki fall due lafen lannen!  Nou retourn sa larzan wi dan Consolidated Fund.  E nou ava rod nou ava rod en Fon pour nou anvoy ladan.

 

(Interruption)

 

HON SIMON GILL

Lot pwen mon 6enm pwen Mr Speaker, ki mon anvi koz lo la ozordi i konsern en pwen tre enportan.  Mon pe ekout tou sa ki zot pe dir pa bezwen trakase.  Mr Speaker mon lot pwen ki mon pour koz avek nou menm nou, e pour sa pep la deor ki pe ekout nou; si i annan en keksoz ki nou lo sa kote latab la nou’n toultan lager me malerezman pa toultan ki nou reisi – me nou pa pour zanmen give up.  Nou pa pour zanmen give up nou pour kontinyen lager bataye pour sa travayer ordiner ki la deor.  Nou pa pour vin fer politik popilis nou isi.  Mon pa dan sa kalite biznes.  E mwan mon believe – mon believe dan defann travayer.  Mon believe sa.  E egalman bann entervansyon ki zot in fer zot montre poudir zot osi zot deryer sa prose pour defann travayer.  E si nou tonm dakor lo la annou pa esey fer krwar poudir, nou isi nou isi – nou isi lo sa kote latab ki nou napa lentere travayer a ker.  Nou annan lentere travayer a ker.

 

(Iaughter)

 

HON SIMON GILL

Si Onorab Ferrari pa pey ase son travayer, sa i a reponn son kestyon li menm li.  Mon pa la pour mon vin fer sa bann largiman e ni pour ziz personn.  Si en dimoun i konnen ki savedir lavi byen e ki’n viv in pas atraver sa ben lavi, mwan mon konn tre byen sa ben lavi.  E dan sa ben lavi ki mon pas ladan I annan bokou zot lo lot kote latab laba pa’n pase ladan.  Mwan mon’n viv lamizer.  Mon konnen ki savedir lamizer mon konnen ki savedir pa dinen aswar!  Mon konnen ki savedir pa bwar dite dan bomaten avan ler mon al lekol!  Mon konnen ki savedir etidye aswar lir liv avek veyez koko!  Mon konnen sa.  Mon pa’n viv bann lavi dan liks parey bokou zot in viv lo lot kote latab laba!  E ozordi ler mon ariv kot mon arive la, se akoz mon lizye (Onorab Ferrari) i vreman gran ouver.

 

(APPLAUSE)

 

HON SIMON GILL

E mon felisit ou papa ki’n donn koudmen pour ouver mon lizye.  E mon swete ki i kontinyen gard ou lizye byen ouver e ki ou pa shoot ou dan lipye!

 

(APPLAUSE)

 

HON SIMON GILL

Nou bezwen fer atansyon bann politik ki nou vin fer dan sa Lasanble!  Nou bezwen fer atansyon politik ki nou vin fer pour ki sa pep ki la deor ki pe ekout nou.  I enteresan sa bann kalite sityasyon politik ki nou pe fer dan sa Lasanble e byento sa pep Seselwa pour get nou bokou pli byen – akoz sa pep Seselwa vreman lizye in ouver e I vwar avek sa transformasyon politik ki’n arive dan Sesel apre dernyen Eleksyon, lepep pe vwar vreman ki kalite sityasyon pe pase dan zot pei.  E zot lizye pep li gran ouver – pe pli gran ouver.

 

(APPLAUSE)

 

HON SIMON GILL

Mr Speaker mon dernyen pwen dernyen pwen ki mon pour der etan ki mon Simon Gill mon konsernen konman en Manm Lasanble, demen bomaten mon kapab viv kot nenport landrwa mon le dan sa pei – pa neseserman ki si akoz ozordi nou annan en Prezidan ki si State House, i dan nou kote ki demen bomaten si en mirak i arive ki mon dan Lopozisyon mon pour kapab viv dan Lopozisyon.  Sa pa pour sanz mwan ditou!  Nenport ki landrwa mon ete mon pour kontinyen lager pour lazistis.  E si i annan en zistis ki nou bezwen fer dan mon konklizyon Mr Speaker ki mon pour dir ozordi se en zistis ki mon bezwen fer se zisteman annou tonm dakor pour donn Minis Dezinyen sa allowance R5,500 ki mon krwar i byen deserve pour li gannyen.  This is justice!  Annou pa sezi bann moman pour nou fer bann statement ki pa neseserman apropriye dan sa Lasanble!  Mr Speaker mersi bokou e mon swete ki nou bann koleg lot kote laba, nou ava kapab tonm dakor pour nou les sa vot pase e ki Minis Dezinyen i ganny son allowance – ki senserman i merite.  Parey nou diskite bomaten ankor enn fwa, serten bann kategori travayer ki nou’n aprouv ganny en pe plis, zot osi zot merite.  I ekstrememan enportan.  E bann dimoun ki ganny larzan part-time ki Onorab Basil Hoareau in fek koz lo la, zot pa full time, me i annan bann ogmantasyon plis ki R7mil ki nou’n fek aprouve isi menm dan sa Lasanble ozordi.  E i enportan ki lepep osi la deor I note.  Taler mon’n tan dir 2 fwa 2 mezir – non.  1 fwa 2 mezir se sa ki nou annan en problenm avek; 1 fwa 2 mezir e nou bezwen fer atansyon.  Mr Speaker mersi bokou pour donn mon laparol.

 

(APPLAUSE)

 

MR DEPUTY SPEAKER

Mersi Onorab Simon Gill.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon byen kontan ki Onorab Gill in dir nou poudir son lizye in ouver, me selman i pa trouve.  Lizye i ouver me selman i pa trouve.  Akoz i annan en kantite keksoz ki pe pase lo pei e se egzakteman ki Prezidan i apel sa dekonekte. Ou lizye i ouver me selman nou pe lager pour en dimoun ki ganny R60mil pour li ganny ankor R5mil selman nou pa pe lager pour sa dimoun ki ganny R5mil e ki pa kapab sonny son fanmir.  Se sa basically pour en deba ki nou lo la e mon ti a kontan dir ler mon konmanse Mr Speaker mon osi mon kontan en deba byen anime byen eksitan, me selman nou bezwen fer en diferans ant ‘’tapaz’’ e ‘’substance’’ ok?

 

(Iaughter)

 

HON JEAN-FRANCOIS FERRARI

 Pa tou Avoka Ankour ki kriye ki ganny case. Ok?  Pa tou dimoun ki debout anvil ki kriye ki ganny en largiman.  I annan ‘’tapaz’’ apre i annan ‘’substance’’ ok?  Apre i annan bann ki vote parey Onorab Hoareau apre i kritik sa vot – i kritike li menm li apre midi poudir – li Onorab Ernesta li ou a krwar li i parey sa bann dimoun ki pe asiz lo en brans, ki sye sa brans ok?

 

(Iaughter)

 

HON JEAN-FRANCOIS FERRARI

Sa bann keksoz koumsa mwan mon krwar nou bezwen fer nou travay en pe pli byen.  E mwan mon lans en lapel e mon konnen ki Vis-Prezidan pour konpran mwan.  Mwan mon lans en lapel – anfen i pa telman mon rol, me solman poudir be dan Parti Lepep la lot kote la zot bezwen en pe leadership?   Be LGB be lead ou tim!  Akoz i pa posib akoz ou tim i bezwen konpran – se pa an kriyan avek nou – se pa an ensilte nou ki zot pour ganny en vot lo nou kote.  Sort ou bann tim ou tim – fodre I realize par-ler, par-ler i bliye ki zot dan minorite zot!  Zot bezwen koz avek nou eksplik nou pa kriy ek nou; pa akiz nou; pa maltreat nou; a mwens ki zot menm zot pa anvi sa Bill I pase ok kekfwa zot pa anvi sa Bill pase.  Ok?  Kekfwa zot pa anvi sa Bill i pase.  Akoz –

 

(Interruption)

 

HON JEAN-FRANCOIS FERRARI

non, non, non personn pa bezwen demann pardon personn.  Personn –

 

(Interruption)

 

MR DEPUTY SPEAKER

Ok. Ok.  Order! Order!  Order!

 

HON JEAN-FRANCOIS FERRARI

Mon fek koz lo tapaz Mr Speaker –

 

MR DEPUTY SPEAKER

Wi.  Order!

 

HON JEAN-FRANCOIS FERRARI

La nou reganny ankor en doz tapaz.

 

MR DEPUTY SPEAKER

En moman Onorab – en moman.  Bon mon allow sa interjection, me annou pa disturb pour anpes sa lot Manm ki’n ganny dwa parol pour li kapab eksprim li.  Onorab Ferrari kontinyen.

 

HON JEAN-FRANCOIS FERRARI

Sa i mal!  Annou konport nou annou ekoute ler lot kote i dir.  E se sa zot problenm.  Zot bezwen eksplik nou zot bezwen zistifye zot pwen e ler zot vwar zot pa kapab zistifye en pwen zot ankoler zot kriye!  Be zot pa pour al nowhere avek sa!  Nou demann zot parey nou demann Vis-Prezidan pour ler I pour fer son summing-up pour donn nou son rasyonnal deryer sa bann keksoz.  Ou konpran ler zot lo latab i annan en Manm Onorab Hoareau ki dir i pa pour vot pour saler MNA.  Be sa i toutafe normal.  Bann ki travay bann parey nou ki travay nou pour vote pour nou saler, akoz nou konnen ki valer ki transpire ki nou mete dan sa travay.  Nou konnen ki nou mete ladan.

 

(APPLAUSE)

 

HON JEAN-FRANCOIS FERRARI

Bann ki asize – bann ki kritik Komite se sanmenm sa bann boug ki pa lo Komite ki pa pe travay!

 

(APPLAUSE)

 

HON JEAN-FRANCOIS FERRARI

Nou, nou konnen.  Nou konnen ki valer nou anmennen dan sa Lasanble.  E nou konnen ki diferans nou’n fer dan 6enm Lasanble konpare avek 5enm Lasanble – kot zot ti vote n Bidze dan zis 2erdtan; kot ti napa okenn deba kot ti napa … (Pa bezwen eksite Onorab Hoareau mwan mon pe zis fer mon pwen). Mon pe fer mon pwen mwan.

 

MR DEPUTY SPEAKER

Kontinyen.  Kontinyen Onorab Ferrari.

 

HON JEAN-FRANCOIS FERRARI

Nou, nou konnen nou, nou konnen ki sa R27mil ki mazorite nou i gannyen, se nou travay pour nou R27mil.  Nou napa R60mil laba anler.  Nou pa pe demann allowance ankor nou pa pe demann nanryen.  Nou, nou pe travay akoz nou, nou vin travay ok?   Alors zis les nou travay si zot annan bann keksoz pour zot anmenn devan zot ava anmenn devan.  E sirtou mwan mon ti a kontan dir bann ki pe dir pa bezwen pran zot Gratwite, be bann ki pe dir pa bezwen pran zot Gratwite zot parti in fini pran zot Gratwite laba, tou fason zot pa pe gannyen zot!

 

(APPLAUSE)

 

HON JEAN-FRANCOIS FERRARI

In fini ganny sezi laba Maison Du Peuple.  Akoz zot dwa.  Zot Parti in sezi – konpran?  Se sa la realite ki bann dimoun deor i bezwen konpran.  Se sa ki zot bezwen konpran ki ler zot pe dir sa bann keksoz – ki zot pe dir, i pa onnet, i pa senser.  Nou, nou pozisyon I reste menm pozisyon nou bezwen zistifye sak Sou, sak 25Sou, sak Roupi ki Bidze ki nou tire dan sa Bidze.  Ler nou vwar en nesesite nou, nou bann dimoun ki premye ki pare.  E nou’n fer sa across the floor nou’n fer sa souvan pour nou gete ki mannyer nou kapab fer pour nou improve Scheme of Service bann travayer Lakour oubyen lezo. t Nou’n fer sa nou.  Sa ki nou pa pour fer se pour nou travay e pour nou donn en se dimoun.  E mwan bann dimoun ki mon’n koz avek – avan sa deba in konmanse, zot konnen ki mon ti annan en lespri byen ouver lo la, e apre ki mon’n realize poudir, i annan en lot azanda– i annan en lot azanda deryer sa e sa lot azanda in ganny prezante par Mr Ernesta.  Se li ki’n prezant azanda; akoz i pa ti’n merit koze la lo la akoz son CC Member ki pe benefisye.  E la mon’n vwar poudir be i annan en nen – i annan en pikan dan sa zafer.  I annan en zaret.  I pa – son rezon ki zot pe donn nou, i pa en rezon zistifye.  Akoz la sa ki mon I toutafe normal ki ozordi Mr Speaker ki be kekfwa Madanm Macsuzy – Madanm Mondon, i bezwen sa larzan akoz i mont Takamaka pour li al fer kanpanny – ou vwar?

 

(APPLAUSE)

 

HON JEAN-FRANCOIS FERRARI

So akoz en largiman ki pa ti devret zanmen dan sa deba.  Ou konpran?  Se zot – mwan mon repet ankor sa ki mon dir o konmansman, kontan pa kontan si zot anvi.  Si zot anvi  en solisyon – si zot anvi en vot pozitiv lo en keksoz ki zot believe lo la, vin avek bann largiman solid; vin avek bann largiman konkret; pa vin avek bann largiman politik – pa vin avek bann largiman bankal akoz i zis pa pour marse – ok?   E la mwan mon kapab dir ki zot pa’n convince mwan ditou poudir mon devret pe vot pour sa pour en ogmantasyon pour en allowance pour Minis Dezinyen.  E menm fransman onnetman mon pa ti konnen ki lapey Minis Dezinyen.  La nou’n tande ki lapey Minis Dezinyen R66mil oubyen R60mil.  Come on – come on annou tenir nou en pe; annou tenir nou en pe annou fer keksoz konmsi ki pour ki pe rod lazistis – ki  en keksoz ki fair – en keksoz ki moralman byen.  Ok?  E alors mwan mon ava dir, i pa le moman pour sa Minis Dezinyen son pos pe ganny peye dan en fason adekwat ok?  Si i annan dimoun I ava argimante ki Minis ki pli senior ki li ki pa Minis Dezinyen.  Me sa i ok osi, akoz ou kapab dir par seniority par seniority i kapab ganny en pe plis ki en lot.  So tou sa bann largiman pa tonbe sa bann largiman.  Alors annou zis dan en fason calm – dan en fason rezonnab met, sa de-kote pour le moman, re anmenn li devan ler i pour pare – ler i pour pare  -ler i pour apropriye pour en kalite ogmantasyon koumsa.  Ler nou santi poudir nou kapab donn nou frer nou ser ki bezwen en pti pe plis en pti zafer, la zot ava re vin ek sa, nou a re met devan nou a re met lo latab e nou ava konsider li dan en fason kalm; dan en fason responsab; e dan en fason moralman byen.  Pour le moman annou zis kot sa trankil ater e annou mwan mon rekomande ki nou vot kont sa ogmantasyon ki nou move on lo lot Bill ki i annan.  Mersi.

 

MR DEPUTY SPEAKER

Mersi Onorab Ferrari.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker i domaz e fer lapenn ki mannyer nou Lasanble pe ziz en keksoz ki senp.  Sa kalite politik ki nou pe fer sa Lasanble ozordi, i mal.  I pa byen.  E mwan, mon oule dir ki sa kalite politik sa kalite desizyon ki Lasanble pour pran ozordi sa bann kalite largiman ki anmennen lo sa kote, i montre klerman diferans ant le de kote Lasanble.  E pour mon i sagrinan, akoz mon vwar en bon pe ipokrizi ki pe pase.  E an menm tan i fer mwan dout.  Fransman i fer mwan dout ki mannyer nou koabitasyon pe marse.  Taler – taler pli boner ozordi, nou’n fek vot lo en lalwa en Prozedlwa lo CAA kot nou’n fer nou’n fer ogmante allowance bann dimoun lo CAA e ki nou’n dir par egzanp son Chairperson I sorti I sorti R16mil pour vin R23mil; savedir anviron R7mil an plis.  E nou konnen ozordi ki CAA i annan 7 dimoun lo la en Chairperson avek 6 lezot e sa 6 lezot in sorti R11mil pour vin anviron R15mil ki R4mil a R5mil an plis; e ki fer an tou anviron R32mil an plis par mwan.  (Mr Speaker eski Onorab Larue i kapab les mwan koze?  Mon pa ni pe kriye mon pe koz trankil – si i ti kapab aret disturb reste trankil pour li ekout mon pour li kapab konpran kekfwa i a ed li pour fer en bon vot taler.  Mersi.)  E sa i fer ki R32mil par mwan sa i CAA e dan 1an i fer R384mil.  Nou Lasanble taler fek vote.  E mon letan nou ti vot lo sa Prozedlwa ki fek pase, mon pa ti gete lo la lekel bann dimoun ki dan CAA.  Mon pa ti konmsi fatig mwan.  Mon konnen lekel sa bann dimoun ki lo la, me selman mon pa ti gete poudir sa i annan madanm De Commarmond – madanm Georges – msye isi -msye laba mon pa ni ti fatig mwan.  Akoz mon krwar ti en keksoz ki ti byen ki ti fair e ki nou pe fer zistis en bann sanzman ki pe fer ki neseser.  E well i domaz in vin la, me mon krwar ki nou tou nou ti pe konpran ki nou pe fer e nou’n siporte.  E zot osi lo zot kote zot in donn sa koudmen zot in siporte e zot in les pase.  La prezan R5,500 pour Minis Dezinyen akoz vre en anomaly petet pa’n vwar avan mon krwar Onorab Afif in fer sa byen kler, e ki fer ki aprezan nou pe zis aziste li par sa allowance.  Be petet pa ti kapab anmenn sa Bill la ti’n dir President’s Office laba tir en allowance dan zot larzan laba pran donn sa, oubyen donn Minis Dezinyen ouswa anba son Minister en vot – met ladan.  Konmsi ti a’n kapab fer li, be nou pe fer li byen.  Me zot, zot pa pe konpran lo zot kote e nou pe fer en bann ensinifyan, en bann politik avek.  Pourtan sa madanm Minis Dezinyen i 46an – mon krwar plis 46an dan Gouvernman, in konmans ater la konman en Teacher in monte; konmsi zis pour nou aziste sa mon vwar nou pe fer desizyon pa pour vote – pa isi pa laba.  Mwan mon ti ava demande dan tou senserite, dan tou lonnekte, nou bann koleg dan Lopozisyon, konmsi pa pran sa latitid; pa pran sa latitid.  Plito mon ti ava demann zot reste trankil pa bezwen vot kont.  Les les sa pase.  Les sa pase akoz nou pe fer zistis dan nou pei bann keksoz ki neseser.  Mon konpran, nou pe koz lo lezot travayer.  I annan lezot keksoz dan Bidze, ki nou’n pase ki dan lentere travayer.  I annan lezot keksoz ki pe vini ankor dan lentere travayer.  Nou napa problenm avek sa.  Nou, nou en Parti ki nou travayer i enportan e ki toultan e ki toultan nou pour kontinyen defann lentere travayer.  The issue ozordi, i pa sa the issue ozordi i senpleman nou pe aziste detrwa pti keksoz la parey mon dir e ki nou pe met sa an perspektiv.  E alor konmsi si nou pour fer en issue about that, be then mon krwar nou annan keksoz ki vreman mal avek nou.  Nou menm nou senserman mon pe demande Mr Speaker, annou fer en analiz nou konsyans konmsi lo desizyon ki nou pe pran la – ki nou pe al pran taler la, e annou, annou mazin pli gran ki sa; annou pa ale dan sa kalite direksyon ki mon santi ki nou Lasanble ti pe konmans diskite.  E mon krwar Mr Speaker ou pour dakor avek mwan.  E la mwan mon pa ni pe maltreat personn. – Mon pa ni pe konmsi dir okenn nanryen kontradiktwar – whatever.  Mon zis senpleman pe dir silvouple annou annan en grander lespri e annou konpran ki nou pe fer dan nou Lasanble; e annou fer en zizman ki byen.  E annou – i moralman osi byen e ki an menm tan lentere travayer nou bezwen kontinyen gete.  Sa i kler.  E byento ki nou ava annan keksoz ki nou a diskite an plis lo kestyon lentere travayer, nou ava la ansanm pour donn sipor kanmarad nou ava la ansanm pour kontinyen sa lalit – ki mon asire zot osi lo lot kote, zot pa zot pa pe met travayer de kote.  Zot pe ansanm rod en fason pour nou amelyor sityasyon.  Nou’n pas Mansyon pou serten kategori travayer bomaten osi.  Tou sa bann keksoz, mon krwar i bann keksoz enportan – annou get li an gro – annou get li ansanm.  E i senpleman pa bokou larzan ki nou pe koze.  Mwan si ti vreman en kantite larzan mon ti pour dakor lo sa kote, pour nou dir tyonbo en kou pa le moman – pa isi, pa laba, be nou pa ni pe koz bokou larzan.  Ou konpran?  So mon ti ava demande ki nou revwar nou pozisyon e annou siport sa, akoz i annan lezot keksoz ki nou bezwen travay ansanm annou pa les sa pti zafer la konmsi pour met de-rey bann keksoz pozitiv e enportan ki nou pe pran konman en Lasanble e konman de parti.  Mersi bokou Mr Speaker.  Mon ti ava demande pour ki nou revwar nou pozisyon sirtou Lopozisyon konmsi annou revwar sa sityasyon ki devan nou e annou donn sa sipor.  Mersi bokou.

 

MR DEPUTY SPEAKER

Mersi Onorab De Commarmond.  I reste mwan 2 Manm pour entervenir Onorab Arrisol.

 

HON SANDY ARRISOL

Mersi Mr Speaker bon apre midi ankor enn fwa.  Mr Speaker mon osi letan mon tan mon ekout bann Manm lot kote SPPF koze zot pa’n convince mwan ase pour mon kapab siport sa Bill.  Me parkont mon kontan lafason ki Onorab De Commarmond in konmanse ek ki in fini.  Letan in konmanse in konmans avek en leksitasyon e letan in fini dan zar konmsi i ti anvi gele pou dir nou donn sipor sa Bill.  Be selman mon ti a kontan dir Onorab De Commarmond, mon ti a kontan dir Onorab De Commarmond Mr Speaker ti a bon sa konsey ki’n donn nou, donn osi Onorab Gill obor li. Parske Onorab Gill sa latitid ki mont avek kriye, dan zar i pe fer nou per dan sa Lasanble pa marse.  E i pa pour fer personn per ankor dan sa Lasanble.

 

(APPLAUSE)

 

HON SANDY ARRISOL

Nou, nou ti pe koz lo donn Minis Mondon en pti larzan an plis.  Zot in al lo CAA.  Prezan kestyon ki mon demande eski CAA, i pe gannyen i en saler oubyen allowance ki pe ganny tou le mwan e prezan nou’n donn zot ankor en larzan an plis bomaten?  Zis parey nou pe fer avek Minis Mondon ki pe ganny en saler tou le mwan, e nou pe donn li enn an plis ankor?  Eski sanmenm sa ki nou pe dir parey Onorab Gervais Henrie in dir Madanm Mondon, i en bon madanm i travay byen e nou tou nou konnen, selman sa ki nou dir eski la, i en moman apropriye pour nou fer sa lazisteman.  Me parkont ki nou’n ganny dir Onorab Ernesta in vini in sant nou lo zistwar Komite.  Lot i vini i dir koabitasyon pa marse – selman dan interview zot Prezidan zot swadizan divorse ek zot parti zot dir koabitasyon pe marse. I paret mon zot alignment pa bon lot kote Mr Speaker.

 

(APPLAUSE)

 

HON SANDY ARRISOL

Onorab Ernesta i vini, i dir ek nou, ou al Roche Caiman i en pti pe pli pre avek lavil – mon krwar i kout R150 oubyen R200 pour fer alignment laba.  Onorab Ernesta i vini – mon kontan parske li i pe siport son CC Member parey nou’n ganny dir li i pour asize son CC Member pour fer konpanny pour tap laport pour li – mon dakor i pe siport sa.  Be i konfli lentere.  I vini i koz avek nou lo Komite.  I annan plizyer nou ki asiz lo Komite dan Lasanble Nasyonal.  Be Mr Speaker anba nou Standing Orders nou ki gouvern nou konman en pti Konstitisyon pour nou Lasanble, i dir avek nou klerman poudir nou bann Komite i bezwen consist lo nou bann Manm ki dan Lasanble.  E i fer provizyon ki i annan 7 Manm ki asiz lo sa Komite depandan lo lafors politik ki egziste dan sa Lasanble ozordi.  E sa ki Onorab Ernesta pa konnen Mr Speaker dan 4enm Lasanble ler mwan mon ti dan Lasanble, SPPF ti an mazorite zot.  Onorab Ernesta ti la li.  Nou, nou ti dan minorite.  Ti annan en pti gin nou an minorite e zot tou zot SPPF ki ti pran Chairmanship.  Ozordi ler nou ki ansarz Komite zot gonfle zot kriy lasasen?  Nou ki pour ansarz nou Komite dan Lasanble Nasyonal.

 

(APPLAUSE)

 

HON SANDY ARRISOL

Dezyenmman – dezyenmman lo Komite mon anvi dir poudir ler nou, nou ti dan Komite, nou ti dan 4enm Lasanble nou ti ganny allowance R2mil letan nou ti asiz lo Komite?  Tousala in ganny aranze ler zot bann SPPF zot ti an mazorite dan 5enm Lasanble.  Zot in anmenn sa pour anrisir zot lekor donn zot en allowance.  La ozordi Onorab Ernesta ki pa konsilte avek son Leader i vin donn nou en leson lo Komite!  Mr Speaker sa i senpleman en msye ki i annan son madanm i pa konnen kan son madanm i ganny laniverser; i pa konnen ki manse son madanm i kontan manze; i pa konnen konbyen lasanm i annan dan son lakaz alor ou alignment pa bon Onorab Ernesta – ou pour bezwen dres ou e retourn Takamaka pour demann ou dimoun lesplikasyon lo la.

 

(APPLAUSE)

 

HON SANDY ARRISOL

Mr Speaker nou pe koz lo en pti ogmantasyon pour Minis Mondon e nou’n antre dan tou sa bann zafer.  Onorab Valmont i osi in vini parey i abitye fer parey i ti fer pour Bidze i rod lesplikasyon as if li osi konman en Manm ki lo Komite, i pa konnen ki pase dan son lakaz.  Selman sa ki napa kouraz pour dir dimoun dan zot distrik dimoun Pointe Larue dimoun Takamaka kote la, menm dimoun ki lo tou Komite.  Parey zot in dir vre lo zot kote laba zot group i koup lanmwatye. I annan Premye Class, Second and Third Class.  Zis parey ler pour voyaze sel dimoun ki al L’Angleterre me menm dimoun ki al Yaoundé.  Alor si zot annan pti problenm antre zot la rezourd li ‘Antre zot’ pa fer zot problenm vin dan Lasanble pour anmenn sa lo en pti kestyon ki nou pe koz Minis Mondon.  Parske sa I fer zot Vis- Prezidan ganny gro latet.  Alor i pour enportan parey Onorab De Commarmond in dir annou pa fer politik bonmarse; annou pa fer politik ‘demi bonmarse’ selman sa ki enportan pour Onorab Hoareau konnen poudir nou tou ki’n ganny elekte nou tou ki dan sa Lasanble, sel landrwa kot nou ganny peye pour nou fer politik se isi dan Lasanble Nasyonal!

 

(APPLAUSE)

 

HON SANDY ARRISOL

Fer politik bonmarse – fer politik pour nanryen – fer li lanmwatye peyman, fer li atraver resi, se la ki nou ganny peye pour nou fer politik!  Alor Mr Speaker i pour enportan parey Onorab De Commarmond in dir ler nou vini pour nou koz lo en Bill, annou koz lo Bill; annou pa rod Komite; annou pa rod allowance akoz nou tou ki la zis parey Onorab Hoareau in dir, koup Pansyon pour bann Manm.  Mr Speaker mwan mon en legzanp mwan.  Mwan ler mon ti deor zot ti koup mon pansyon mon pa’n mars lo mon zenou mon survive – si demen bomaten zot anvi koup Pansyon mwan mon napa okenn problenm avek sa, akoz mon enn bann ki ti ganny koup pansyon par bann SPPF siporte par Onorab Hoareau ki dan sa Lasanble ozordi.  Mon’n tann Onorab Simon Gill koz lo koup End of Year Gratuity ki nou gannyen – Onorab Gill mon siport li selman pa zis dir Speaker, Deputy Speaker, Manm Lasanble, ou a konmans osi ek ou Prezidan Parti – ou ava anmenn ou Minis Dezinyen ladan, nou a desann avek bann Minis apre nou ava vin pli ba; selman nou tou nou ava fer parey.  Koumsa nou ava aret koz parey nou ti koze bomaten toultan fer keksoz pour en pti kategori dimoun.  Koup pour sa enn, donn sa enn, pa donn sa enn pran lo sa enn.  In plis ki ler pour zot align zot lekor bann SPPF.  Dan sa Lasanble nou ki an mazorite zot, zot an minorite!  Pa vin tap latab koz for dan zar zot pe fer nou per!  Mr Speaker mon ziska aprezan mon pa convince unless Minis Dezinyen ki la dan tou son sagesse parey Vis-Prezidan sorry dan tou son sazes – parey i abitye vin dan nou Lasanble i eksplik nou tou keksoz i met annord – pour fer nou kekfwa – kekfwa; be selman mon ava aret la pour le moman.  E mon ava esper li dan tou son sagesse konpare parey Onorab Hoareau i abitye fer nou krwar dan sa Lasanble, nou, nou pa pe vin fer krwar dan sa Lasanble nou! Nou, nou keksoz serye e keksoz konkret!  Mersi bokou Mr Speaker.

 

(APPLAUSE)

 

MR DEPUTY SPEAKER

Mersi mersi Onorab Arrisol.  Onorab Afif.

 

HON AHMED AFIF

Mersi Mr Speaker.  Mr Speaker mon pou konmans parey Onorab De Commarmond ti konmanse; I malere ki sa Lasanble nou ariv e nou pep ran sa direksyon ki nou pe ale me mon ti a kontan dir ou Onorab De Commarmond si nou pe al dan sa direksyon se pa gras a nous a kote latab.  Se kan ou annan bann Manm lo ou kote ki konmans dir poudir nou, nou pe fer politik bonmarse.  Kan zot konmans akiz nou konmkwa nou bann politisyen ki iresponsab.  Nou abitye ek sa nou.  Nou abitye ek sa nou.  Akoz an 2015 (nou pa bliye nou) zot ti vin dir avek lepep Seselwa dan Lopozisyon, zot annan politisyen iresponsab zot pe propoze ki bann saler pour bann Pansyoner i monte, i vin R5, 050.  ‘’Sa se bann politik bonmarse!’’ Koumsa zot ti dir.  1an plitar menm dimoun ki dir sa I monte en sel kou la i annan larzan pour fer sa, akoz nou ti kontinyen dir poudir Pansyoner i bezwen ganny li R5mil.  En sel kou politik bonmarse in disparet.  La ozordi apre midi nou pe tan ankor nou pe koz lo serten prensip – prensip ki nou krwar i annan Manm sertennman lo sa kote ki krwar ki i annan en issue timing.  Ler nou pe koz lo ogmantasyon pour en Minis.  I pa sifi pou dir e i pa normal poudir ki nou lo sa kote nou pe montre lipokrizi.  Akoz ipokrizi lo en kote ler nou, nou pe dir CAA bann Manm, i devret ganny en ogmantasyon nou bous lizye nou vote,  i ok.  Me ler I ariv pour R5mil nou, nou pe dir pa normal.  Be mon krwar nou devret al en pti pep li lwen nou bezwen regard tre byen ki CAA i fer e kot i ete e kote i pe ale.  CAA avek son bann Manm ti pe ganny li en saler ki ba an relasyon avek responsabilite ki CAA i annan. Ki CAA i fer?  I apwent Ziz.  I apwent dimoun enportan e mwan mon konnen parske mon koz detrwa ek sa bann Manm CAA e mon konnen poudir laplipar zot ti annan en lepok zot ti pe menm al delivre let koman Commission Members.  Mon konnen parske mon koz ek zot.  Be si sa I le ka zot under paid.  Zot ti napa menm en Sekretarya.  Zot pe apwent Ziz zot pe p an responsabilite.  Eski nou trouv li en keksoz abnormal pour sa bann dimoun ganny zot en ogmantasyon ki met zot dan R20mil ekek?  Eski nou trouv sa abnormal, kan mon konnen laplipar zot par minimum akoz kalite travay ki zot annan ozordi bann case eksetera, zot fer zot 2 zour par semenn preski a plen tan zot pe travay.  Zot pa desote sa 25 erdtan ki lamannman nou fek pase, me zot pe travay.  E sa se i pa en gran kantite larzan ki nou pe koze.  Me i apropriye pour sirkonstans ki nou pe vot lo la.  Zot pe koz lo sakrifis sakrifis ki nou konman Manm Lasanble nou devret pe fer, me mwan mon ti pour dir zot en keksoz tre senp – pa ni menm get travay ki nou fer dan nou distrik; travay ki nou pe fer o Komite eksetera.  Sa wi i en travay I en travay enportan.  Me si zot pe koz an term finansyel; si zot pe koz an term finansyel get an 2017 – an 2016 ler nou tip e konsider Bidze 2017 ki kantite ki nou ti reisir koupe?  Zis Larme ti R120milyon – R120milyon.  Sa se gras a travay sa kote latab, ki vreman nou’n pouse.  Mon rapel byen lo lot kote zot pa ti dakor avek sa zot tip e menm demann mwan ki mwan ler mon ti dan Finans ki mon ti fer?  Mon ti aprouv sa bann Bidze lizye fermen.  Sa letan.  Be nou’n koupe nou ti koup FIU omwen R10milyon.  Mwan mon rapel lannen pase FIU in vin isi avek en Bidze pour R50milyon ekek.  Sa lannen konbyen in vin avek R24milyon ki nou’n koupe R30milyon!  Pa travay tousala?  Pran nou Gratwite azoute pour 33Manm.  Konbyen ou pou gannyen?  Konte Mr Gill – zis en koupe R30milyon ekek; pa sakrifis ki nou’n fer sa?  Sa lannen mon’n azout 13 lorganizasyon ki nou’n swa koupe swa nou’n freeze R87.6milyon!  Pa travay sa Lasanble Nasyonal sa?

 

(APPLAUSE)

 

HON AHMED AFIF

Zot pe rod ankor sakrifis?  Be nou pe fer en kantite!  Zot pe koz lo Komite zot pe kritik – annefe zot pe kritik zot lekor ler zot dir bann Manm Komite pa devret pe ganny sa larzan.  Me zot pa ti kritike ler I ti annan en sel Leader Lopozisyon dan Lasanble Nasyonal ki ti asiz lo tou Komite?  Personn pa ti dir nanryen lo lot kote latab?  Zot pa ti koz lo la?  Pour mwan mon krwar sa bann lakizasyon ki zot fer anver nou lo sa kote latab mwan mon kalm lo la mon pa pour eksite parske zot dir ou normalman ler dimoun i eksite i en siny ki zot napa rezon.  Mwan mon kalm lo la mwan.  Mwan mon pe dir annou regard sad an konteks kot nou ete Sesel ozordi.  Sa amannman devan nou, pe dir ki en Minis Dezinyen I devret ganny en keksoz an plis.  Mon krwar largiman prensip personnelman, mon napa problenm.  E mon krwar lo sa kote latab bokou dimoun napa problenm lo sa prensip; napa problenm avek sa nou.  Me an menm tan nou pe osi dir ki Gouvernman I rekonnet en problenm bidzeter.  I santi dan en lespri ki ozordi i pa pour kapab anmenn Income Tax pli boner li bezwen fer li an Zilyet akoz i deza short lo larzan; I deza mank li R75milyon.  Be mwan mon pe dir lo sa kote latab, si sa i largiman dan menm lide e prensip then si nou pour aksepte 10 poursan ogmantasyon, pous sa dat pous sa dat osi pour le 01 Zilyet 2018.  Oubyen si zot le fer pour tou Seselwa ganny en ogmantasyon, dan zot saler annou fer sa mars ansanm e dan sa ka nou kapab fer li e mwan mon krwar personnelman nou kapab fer li.  Parske zis sa ki nou’n freeze e zis sa ki nou’n koupe in deza an plis ki sa shortfall ki Minis Finans ti dir nou i pour annan.  Alor pour mwan mon krwar mon ti a propoze Mr Speaker ki petet nou regard sa dat ki dan sa amannman ki dir poudir I devret konmans le 01 Zanvye e probableman annou met li le 01 Zilyet 2018.  Mon krwar koumsa I ava ale.  Mwan mon le travay dan en fason ki montre poudir nou pa dan en kote ki iresponsab nou.  Nou pa en kote ki azir dan en fason irasyonnal nou.  Nou anvi fer en keksoz ki pozitiv.  Me nou anvi lepep Seselwa i realize ki nou osi nou konsyan problenm laba deor.  Nou konsyan lenportans pour nou azir dan en fason zis.  Savedir mezir ki aplik pour enn i napa – i napa en mezir ki nou pour fer pour en dimoun nou fer dan en lot fason pou lezot.  Nou bezwen toultan azir zis.  Alor si nou krwar i travay dir i devret ganny plis parey tou travayer – nou krwar Income Tax zot devret ganny plis dan zot pos, annou pous sa dat pour le 01 Zilyet.  Sa i vreman mon kontribisyon lo la.  Mon krwar ki nou devret al dan en bon direksyon.  Nou pa devret al dan en direksyon ki nou devret akiz kanmarad atraver latab e vreman fer la anndan vin parey en playground.  Mon krwar nou devret serye nou devret fer largiman ki sansib nou pa devret akiz personn e nou devret al dan en fason responsab devan.  Alor mon fer sa konman mon kontribisyon e mon espere ki nou kapab ganny en lakor dan lot kote.  Mersi Mr Speaker.

 

MR DEPUTY SPEAKER

Mersi Onorab Afif.  Oule non si ou annan en propozisyon ou annan en amannman ou kwa?  Ale Onorab De Commarmond.

 

HON CHARLES DE COMMARMOND

Well mwan mon konnen nou’n fini pas Lalwa bomaten, be i pa ankor assent Prezidan pa ankor met son sinyatir lo la, si sa direksyon ki zot pe mazinen therefore annou fer osi pour CAA parey!  Wi in fini vote – mon konnen be selman pa ankor assent.  Si nou tonm dakor la i ganny pran an konsiderasyon – annou al dan sa direksyon.

 

MR DEPUTY SPEAKER

Ok Onorab.  Onorab Afif.

 

HON AHMED AFIF

Mr Chair zis pour dir ki si in fini pase in fini pase.  I depan lo zot Egzekitiv e lo assent ki zot anvi fer.  Nou nou’n fini pas sa Lalwa.  So nou pa kapab go back pour al re-amande.  So mon krwar i pa fer sans dapre nou Lalwa.

 

MR DEPUTY SPEAKER

Yes.  Ok mersi Onorab.  Mon ava donn laparol Vis-Prezidan i ava fer son bann remark konklizyon.  Vis-Prezidan laparol i pour ou.

 

VICE-PRESIDENT MR VINCENT MERITON

Mersi Mr Speaker.  Mr Speaker bomaten ler mon’n vini ler dan bann moman refleksyon, mon’n demann – parey toultan letan mon vin isi gidans ki Bondye I gid nou e ki i montre nou semen pour kapab adres bann defi ki devan nou.  E ler ou get sa Order Paper ki devan nou, tou sa bann Prozedlwa i annan pour fer avek resours finansyel.  E sa pour sa Lord Dizour ki devan nou, i osi an menm tan montre ki mannyer nou pe batir bann lenstitisyon, pour kapab ranforsi nou demokrasi e pou kapab viv e fonksyonn an akor avek bann prensip ki nou’n mete, kot i konsern latransparans, bon gouvernans avek rann kont.  I annan ankor lalwa ki pe vini pou kapab adres sa bann defi, ranforsi bann lenstitisyon e kot i fodre donn resours finansyel pour zot kapab fonksyonnen.  Nou fek pas atraver legzersis kot nou’n depouy Bidze.  I annan serten larzan ki’n ganny met de kote ki’n ganny freeze kot pe esper serten Prozedlwa pour nou kapab vin devan.  E bomaten nou’n pas premye morso Lalwa se sa Pansyon.  Nou bezwen aranz keksoz.  Nou’n dir nou’n konmans lo en parkour lo en evolisyon depi ’78 – ‘79 ziska 2004 – 2005 an montan nou’n fer amannman kot i fodre, dan en fason sivilize.  E kot nou pa’n anvoy ros lo kanmarad; nou pa’n mank respe pour kanmarad I form parti ranforsi dan demokrasi e batir bann lenstitisyon atraver lankadreman legal ki kapab permet nou zwe en rol pour Sesel.  Pa pour okenn politik partisan, pa pou okenn parti politik me pour Sesel ek Seselwa dan lapros ki nou’n pran.  E nou’n tonm dakor ki i annan ankor en lespas pour nou amelyore e nou’n dir an fil a mezir annou analiz sityasyon e Lalwa i permet nou pour kapab amelyore fer sanzman.  Mr Speaker 2enm morso Lalwa ki nou’n pran se amannman Konstitisyon – bann pardon amannman Lalwa ki diriz peyman bann Apwentman Konstitisyonnel.  E la ankor nou’n vwar kot revwar serten travay ki ganny fer e met li azour avek norm Nasyonal e osi enternasyonal pour kapab fer sir ki nou pe valorize travay ki bann lenstitisyon i ganny fer.  E dan sa ka la ankor en kou nou ti pe sou estim travay – konmsi undervalue travay ki sa ki sa bann lenstitisyon i fer.  E se pour sa rezon ki nou tou nou ti tonm dakor pour elev sa bann nivo, e larzan i ganny konsernen.  E mon krwar nou tou nou’n vot avek en leker avek en konsyans.  La ozordi apre midi nou’n pran sa Lalwa ki konsern Ministerial Emoluments Act.  I mal ki olye focus lo parey nou ti dir bomaten lo lenstitisyon, lo lenstans, prezan nou tonm nou lo dimoun.  E i mal ler ou pe depouy konmsi lavi dimoun an piblik konmsi ou pe – konmsi karakter i ganny met devan – konmsi i pa lo la nou pa abitye koumsa nou.  E konmsi i mal ler nou bann deba I reflekte konmsi, i pa reflekte sa matirite ki nou, nou ete e 6enm Lasanble Nasyonal i en Lasanble Nasyonal ki matir.  E mon krwar sa ki nou pe fer I pe zwe en rol dan ranforsisman sa demokrasi ki nou ladan.  Si nou tonm dakor bomaten ki nou’n ranforsi Konstitisyon Constitutional Appointment Authority e nou’n get lezot lenstans ki fer marse sa Repiblik,  la sa voyaz in ariv tour pour nou get pozisyon Minis Dezinyen.  E sa pozisyon in ganny undervalued pour 1an, akoz sa bann responsabilite an plis ki’n gannyen.  Ler avan mon ti dan pozisyon zot dir ti koup riban Seremonyal be avek nouvo lapros ki Prezidan Faure in pran, i pe donn sa pozisyon en nouvo konteni.  E avek plis responsabilite, ou bezwen serten resours ki al avek.  Oule balanse?  Oule konpare?  Ou pa kapab konpare.  Be selman i nou pei pour kapab gete ki mannyer i aporsyonn son bann responsabilite avek son bann resours, pour ki sak sa bann lebra e sak sa bann lenstans i zwe en rol dan devlopman pei.  Nou’n undervalue – underestimate sa pozisyon pour 1an e dimoun ki dan sa pozisyon i pe bezwen zwe bann rol enportan ranplas Prezidan e Vis-Prezidan pa la in fer, e i annan ankor ka ki pour arive ki pour ganny fer.  Toultan pozisyon Minis Dezinyen i pe ranplas en Minis ki pa la.  Mon’n dir taler nou annan 2 Minis ki pa la I annan osi bann gran Komite Nasyonal ki ganny mete avek tou bann lanvergir ki anmenn tou bann Minister ansanm, pour kapab rod en lapros kordinen lo nivo nasyonal pour permet ki pei I al avek.  Se pa sa dimoun ki mon le focus lo la, be bann responsabilite ki son Biro i al avek.  Avek responsabilite, i vin resours pour nou kapab desarz sa bann responsabilite.  Personn pa anvi fer politik bonmarse akoz politik bonmarse pa ariv nou ziska tar pa ariv nou ziska bomaten.  Annou tonm dakor parey nou fer depi bomaten, donn en sans sa biro pour li kapab fonksyonnen. Mazinen nou annan en pli gro latas devan nou demen ler mon pe vin avek pansyon e benefis ansyen Prezidan avek Pansyon e benefis Vis-Prezidan ki mannyer pour lour.  Si la nou pa kapab tonm dakor lo en keksoz ki en pe pli straight forward, be ki nou pour fer demen?  Mon fek sorti Abidjan mon koz vantar dan palto dan kravat, pour dir Sesel koabitasyon pe marse – ki nou konpran kanmarad; donn mwan en sans ler mon al deor semenn prosenn ler mon kontiny sa diskisyon sa narrative dan lentere Sesel.  Nou ini ansanm nou.  Be par-ler nou tante pour nou score sa bann pwen.  Tou i konmanse e mon napa lot keksoz pour dir zot me annou donn en sans sa travay ganny fer silvouple.  Mon konnen zot kapab.  Mon konnen tou lede parti tou lede kote i kapab konpran ki mannyer nou kapab bouze dan lentere Seselwa.  Mr Speaker mon ti a kontan remersi ou.  Thank you.

 

MR DEPUTY SPEAKER

Mersi Vis-Prezidan.  Bon moman in arive pour nou – ou le dir en parol Onorab Afif?  Ale.

 

HON AHMED AFIF

Mersi Mr Chairman.  Mon anvi beg ou indulgence en pti moman pour nou zis demande si mwan mon ti a kontan propoze ki nou al dan en Committee Stage akoz mon propoz en lamannman, e mon ti a kontan konnen si nou kapab al dan sa amannman pour amann sa dat pour vin le 01 Zilyet 2018.  Mersi.

 

MR DEPUTY SPEAKER

Ok.  Ou’n fer en propozisyon boner be I pa’n al pli lwen ok?  Vis-Prezidan in fini fer son konklizyon, be nou napa ankor amannman sibstansyel, nou annan zis en pti amannman ok? Petet… Wi Vis-Prezidan?

 

VICE-PRESIDENT MR VINCENT MERITON

Mr Speaker mwan mon ti le fer en dernyen pledwari ler ou get scrutiny ki Bills Committee in fer – sel kestyon ti en kestyon teknik.  Annou reste lo la.  Annou al debourye.  Nou a gete ki nou kapab fer; konmsi sa en keksoz.  Depi bomaten nou ti … i paret mwan nou ti’n dakor pour fer sa, la apre mon pa konnen kote in al mal.  Get papye ki devan nou, nou tou nou annan sa papye ki devan nou.  I black on white.  Annou tonm dakor annou tonm lo sa laliny silvouple.

 

MR DEPUTY SPEAKER

Ok mersi Vis-Prezidan ok.  So amannman ki’n ganny propoze pa’n ganny segonde ok nou pour al direkteman lo en vot Ok?  Yes Onorab Georges.

 

HON BERNARD GEORGES

Lo prensip Mr Speaker.

 

MR DEPUTY SPEAKER

Wi, wi lo merit zeneral sa Bill.  Prensip e merit zeneral.  Ok nou pour pran en vot lo prensip e merit zeneral sa Bill.  Tou Manm ki an faver?  Okenn Manm ki kont?  Ok Madanm Clerk.

 

MADAM CLERK

Mersi Mr Chair.  Mon’n rikord 11 Manm an faver e 15 Manm kont.  Mersi.

 

MR DEPUTY SPEAKER

Ok savedir mon krwar prosesis i aret lanmenm.  Nou pa pour kapab kontinyen.  Sa Bill pa’n ganny aprouvasyon lo Lasanble Nasyonal.  Ok?  Zis pour gid bann Manm pour demen nou annan 2 lezot Bill pour demen parey Vis-Prezidan in mansyonnen nou annan Pansyon Ex-Prezidan apre lot Bill Pansyon Ex-Vis-Prezidan ok?  Demen bomaten nou ava pran sa bann Bills.  E i reste zis pour mon remersi tou Manm, remersi Vis-Prezidan – Mr Esparon Mr Afif, Ms Commettant ki’n pas lazournen avek nou ozordi, e osi remersi SBC – nou’n al en pti pe pli tar ozordi.  E tou oditer ki pe swiv deba Lasanble Nasyonal.  Avek sa nou ava adjourn e nou a repran nou travay demen 9er bomaten.

 

(ADJOURNMENT)