Home » This Week in the House » 2017 » Verbatim Monday 20th November, 2017

Verbatim Monday 20th November, 2017

NATIONAL ASSEMBLY OF SEYCHELLES

 

Monday 20th November, 2017

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou dimoun dan Lasanble e an deor Lasanble.  Fotespere tou dimoun in pas en bon weekend, en weekend beni e ki nou, nou tou nou komans Lasanble ozordi pare pour en travay dir, en lasemenn sarze pour nou desarz nou responsabilite.  Mon ti a kontan swet tou nou bann dimoun ki dan Gallery vin ekout Sitting ozordi zot osi en bon lasemenn.  Ozordi dan nou Lasanble en pe partou deor dan Sesel e dan Lemonn i en zour ase spesyal.  Ozordi i mark Lazournen Nasyon Ini, Universal Children’s Day, Zournen Iniversel pour Zanfan.  E i osi mark 27enm Laniverser ler Konvansyon lo Drwa bann Zanfan ti ganny sinyen – ratifye par Gouvernman Sesel.  E ozordi nou pour fer listwar – si oule dan Lasanble, akoz mon aprann ki premye fwa ki nou pour demann en zanfan pour vin adres Lasanble.  E mon sir ki tou zanfan, tou paran, tou Seselwa i a vinabou ekout sa zanfan Seselwa adres nou.  Nou okouran ki Sanmdi oubyen weekend bann zonm ti fer zot Lafet.  Ti annan serten selebrasyon ki ti’n organize par Minister Lafanmir, pour zonm ek garson.  E mon krwar i enportan dan tou sa bann demars, ki nou touzour gard lafanmir e zanfan an partikilye dan lalimyer, dan nou panse, dan nou deliberasyon ek dan nou bann aksyon ki nou fer koman en Nasyon.  E alors san plis tarde mon a envit en zenn zanfan Beau Vallon Lekol, sorti distrik Beau Vallon e Lekol Beau Vallon pour li zwenn nou dan Lasanble pour li adres nou e dek in antre mon a koz en pti pe lo son background.  E sa mon ti a kontan avan ki sa zanfan i antre remersye NCC ki’n travay direkteman avek Lasanble, pour fer sa posib.  E koumsa mon krwar nou devret kontinyen travay avek tou bann Agency, ki ansarz diferan group dimoun dan nou popilasyon.  Shayanne asize fer ou konfortab regard tou dimoun dan lizye e breath in e relax.  Tou sa ki la bann bon, bon papa, bon, bon tonton, bon, bon tantin, bon, bon manman ki ou pe adrese ozordi e lepep pour ekout ou.  Les mon a dir avan Shayanne mon donn ou la parol, les mon a eksplik pour tou bann ki pe ekoute e pour nou tou dan Lasanble, en pti background lo Shayanne Hoareau ki sorti Beau Vallon.

Shayanne i dan S2 Lekol Segonder Beau-Vallon i annan 13an e i premye dan en fanmir 4.  I pasyonnen e i en Speaker, i en kozer eloquent.  Tre souvan i reprezant son Lekol dan diferan aktivite lo nivo Nasyonal.  Dan son letan lwazir i kontan zwe gitar e i osi en bon santer, savedir Social Committee mazinen pour zot Christmas Party.  I en etidyan ki devoue e ki ekselan dan travay ki i fer spesyalman an Franse.  I annan bokou respe dan son Kominote kot i reste, ki vedir Beau Vallon.  I en zenn zanfan avek en lentere tre, tre kler pour fer son Kominote e mon prezimen ki Kominote avoisinanteosi en meyer landrwa pour tou zabitan son Kominote.  Konmela i form parti Lasosyasyon Etidyan e i osi Prezidan Peer Educators son Lekol, sa group ki apel zot lekor Peer Educators; savedir ban manrmay ki pe edik zot kanmarad, parey zot menm laz.  i espere ki plitar i a vinabou ariv Head Girl ler i ariv dan S5 ,koumsa ki i kapab fer bann sanzman pli pozitiv dan lanvironnman Lekol. Dan lavenir – plitar i ti a kontan travay avek zannimo e Proteksyon Zannimo.  Vwala en pti pe background lo Shayanne Hoareau ki 13an e Shayanne prezan pez sa bouton ki dir talk devan ou e ou annan laparol – La Nasyon pe ekout ou.

 

MS SHAYANNE HOAREAU

Mr Speaker Manm Onorab Lasanble Nasyonal e tou Seselwa ki a lekout, bonzour!  I vreman fer mwan en gran loner konman Reprezantan bann zanfan seselwa pour adres Lasanble Nasyonal bomaten.  Mon apel Shayanne e mon annan 13an.  Le 20 Novanm 1989, Nasyon Ini ti drafte Konvansyon pou Drwa Zanfan. Gouvernman Sesel ti siny sa dokiman le 20 Septanm 1990.  Sa i a vedir ki napa enn antre zot isi ki pa’n deza tann koz lo sa dokiman.  Sa dokiman i adres tou keksoz ki en zanfan i bezwen, menm avan i ne ziska i ariv laz mazer, ki isi Sesel i 18an.  Tou sa ki i demande i bon pour en zanfan, mon pa mazin tou sa Lartik par ker malgre, i bon osi pour paran e i bon pour nou la kominote osi.

En kantite keksoz i’n ganny fer isi Sesel, pour nou bann zanfan kapab rezouir sa bann Drwa, e fer nou grandi konman bann sitwayen responsab.  Drwa pour ne, pour ganny lasante, pour al Lekol menm, e Drwa pour viv ek nou paran menm letan zot separe.  Tousala i posib gras a devosyon Gouvernman Sesel anver sa Konvansyon, e pour sa nou dir en gran mersi.  Avan mon al pli lwen permet mwan, Madanm ek Msye Onorab, penn zot en portre ki sityasyon nou bann zanfan dan Sesel pe viv ladan ozordi.  En letid an 2015 i montre ki 3 dan sak zanfan dan en laklas S1 ziska S5 i’n ganny abize seksyelman.  Laplipar i ganny abize par en manm zot fanmir. Pli zenn lo rikord en pti baba aze selman 3 mwan ki ti mor akoz labi seksyel.  Isi menm Sesel!  Zanfan pe fer aksyon seksyel a en tre zenn az, e souvan avek enn ou plis partner.  Pli zenn zanfan isi in tonm ansent laz 10an, 10 an – pourtan Lalwa pa permet zanfan ganny konsantman seks avan laz 15an, e pour ganny kontraseptiv fodre ou esper 18an.  Konbyen bann pti manman fodre i annan, avan sa Lalwa i ganny revwar?  An plis ki sa, zanfan i ganny akse avek lalkol an bonnavini pourtan, Lalwa I dir ‘fodre ou annan 18an avan ou kapab aste lalkol.’’ Be kote nou gannyen?  La, sigaret osi parey.  Drog, pa koz lo la !  Avan menm nou ariv laz mazer, omwen 14 poursan zanfan ant 11 a 16an, i’n teste tou sord kalite sibstans.  An plis, zanfan pe ganny servi pou vann drog, serten menm, in bezwen vin prostitye pou kapab siport labi drog zot paran.  E pa bliy sa bann ki depi dan vant zot manman zot i’n teste drog e zot ne dan lefe drog!   Pa fini, dan lafanmir osi, i annan zanfan ki grandi lo zot menm, paran i okipe, paran i travay, paran i separe e zanfan li i soufer.  Lakantite lesey swisid parmi zanfan pe ogmante.  Lekol nou tou nou konnen Nivo Akademik pe desann, in desann e pe kontinyen desann. Kote problenm i ete?  E pour ki sa problenm?  Sa i rezon akoz nou bann zanfan, nou’n vin adres Lasanble Nasyonal ozordi. Mwet ou dan soulye Dylan Rose  ki ti aze zis 12an.  Olye zwe foutbol, al lekol, i ti bezwen viv dan semen, dormi kot i arive, manz sa ki i gannyen ziska ler i ti perdi son lavi.  Lekel ki ti a swet sa pour son zanfan?  Pourtan, i annan en Lartik ki koze ki dir i annan en proteksyon lo zanfan parey Dylan.  Msye ek Madanm, tou sa ki nou vwar lo televizyon pe ariv devan nou laport ozordi.  E malgre tou sa danze, tou sa ledikasyon, latitid serten bann adilt pa sanze! Zanfan i kontinyen ganny neglize, ganny maltrete, ganny bate.  I annan fason pli apropriye pou elve e disiplin en zanfan e la, mon oule remersye Konsey Nasyonal pour zanfan, NCC, ki angaze dan ledikasyon bann adilt lo tousala.  Si zot, bann adilt, zot anvi vwar nou vin pli bon fodre zot ki montre nou legzanp.  I annan en dikton ki dir. ‘Children see and children do!  Nou santi ledwa pe ganny montre lo nou.  Mon granpapa in toultan dir, i annan 3 lezot ledwa ki vir lo ou ler ou pwent ledwa lo en lot dimoun.  Tou sa ki pe arive, i reflekte dan nou sosyete  nou sosyete, nou zanfan, nou pa dakor avek vyolans !  Nou pa oule vyolans antre nou zanfan, zanfan anver zot paran, zanfan anver zot Ansennyan, vol, mert, tousala pa bon pour nou !  Mr Speaker, Manm Lasanble Nasyonal, tou Seselwa ki a lekout, ozordi, mon pe fer listwar par vin premye zanfan pou adres Lasanble Nasyonal nou pei sesel.  Lartik 3 nou Konvansyon i dir “dan tou desizyon ki ganny pran fodre meyer lentere en zanfan i ganny pran an konsiderasyon.  Nou ti a kontan ganny ekoute, menm sa ki nou dir de fwa i pa fer sans pour zot!  Sa i fer mwan rapel en lensidan ki ti arive L’Amerique e ki mon ti vwar lo internet,  Drayver en gro kanmiyon ti’n mal kalkil oter son masin e i ti pri anba en pon, semen ti bloke e ti annan  bokou panik; bann Enzenyer, Mechanic, Lapolis e plizyer Profesyonnel ti vin sey rod en solisyon.  Letan zot ti pe diskite, en pti garson ti vini lo son bisiklet, i ti apros sa ki ti ansarz e demande si i kapab koze.  Me personn pa ti oule ekout li.  Finalman en msye ti vini e demann li ki i bezwen. Sa pti garson ti alors dir ek li, akoz i pa tir divan dan larou sa kanmiyon?  Toudswit, sa msye ti fer sa e sa kanmiyon ti kapab sorti.

Mr Speaker, Manm Onorab, laverite i sorti dan labous en zanfan. Nou annan nide, en bon pe nide e nou kapab ede pour rezourd bann problenm ki parfwa ki bann adilt i’n kree.  Konbyen devlopman ki pe ganny fer san mazin byennet bann zanfan?  Bokou bann Housing Estate par egzanp, napa fasilite pour nou zanfan zwe!  E pourtan, nou bezwen landrwa pour taye, sante, zwe tou kalite ziska tar si i fodre.  Donn nou sans pou epanouir avek aktivite Sportif, Kiltirel e Tradisyonnel.  I nou Drwa pour nou konn nou listwar e gard nou Kiltir Kreol vivan.  Me si ou pa montre nou, lekel ki pour ed nou protez nou Leritaz pour demen?

Mr Speaker, nou osi nou annan rev, nou osi, nou annan nou bann vizyon pour lavenir, pa zis vwar nou konman bann sours problenm ki pe arive dan nou sosyete.  Me plito get nou konman, bann resours ki kapab ede rezourd bann problenm.  Se NOU lakle ;

se NOU lavenir, me pa bliye nou osi le prezan, nou pa zis bann depans nou.  Nou osi bann bon lenvestisman.  Kontinyen tret nou avek dinyite e respe koumsa nou osi nou ava grandi ek sa menm valer.  Si ou dir nou bonzour, nou osi tou nou pou dir ou bonzour.  Wi, nou konnen ki Drwa i vin avek responsabilite.  Nou annan nou bout, paran i annan pour li e tou bann Dirizan sa pei i osi annan en rol pour zwe pa zis dir zanfan i annan Drwa, aprann kwa sa bann Drwa, e kote ou kapab ede.  Siport bann servis ki’n ganny mete pour nou bann zanfan, fer zot vin pli for, vin e pli efikas pour anpes bann move dimoun pran lavantaz lo nou.  Mazin bann pli vilnerab, bann zanfan abandonnen, bann zanfan pli mizer e bann zanfan ki grandi dan dezabilite.  Pa tret zot koman bann dimoun bet, o kontrer, ede pour  kree en meyer lanvironnman pour zot ; devlop tou zot potansyel maksimonm posib.  Mr Speaker, Manm Lasanble Nasyonal, nou depan lo zot pour bann adilt pour protez nou lentere.  Deza par donn nou sa pti moman letan, zot bann Onorab, zot in montre zot langazman anver nou.  Nou promet pour travay dir, pour nou osi kapab kontribye pour anmenn nou pei pli devan.  Mersi pour ekout nou malgre zot okipe avek Bidze. Pour enn fwa sa Lasanble, in vin Lasanble bann zanfan.  Nou remersye tou dimoun ki’n ekout nou.  Viv tou zanfan Sesel e Viv nou Lasanble Nasyonal!  Mersi.

 

(APPLAUSE)

 

MR SPEAKER

Mersi bokou Shayanne pour sa mesaz tre pwisan.  Mersi NCC pour fer li posib, nou a fer sir ki ou mesaz Shayanne i ganny pase avek sak Manm Lasanble e natirelman piblik atraver bann Print Media i a ganny sans vwar.  E nou espere ki menm si ou pa ankor ariv dan S5 pour ou vin Head Girl ou a kontinyen vin en Leader dan ou Lekol Beau Vallon, pour anmenn tou sa ki pozitiv pour bann zenn manrmay, bann zanfan dan ou Lekol.  E fotespere tou bann Lekol tou bann zanfan ki pe ekoute, i a pran mesaz Shayanne o serye.  E nou osi bann adilt nou a realize ki nou bann zanfan se en bann lenvestisman pour lavenir.  Alor avek sa Shayanne nou a remersye ou, nou a eskiz ou e Reporter i a kondwir ou deor.  Bon kontinyasyon e bonn zournen.

 

(MS SHAYANNE HOAREAU WAS EXCUSED FROM THE HOUSE)

 

MR SPEAKER

Bon avek sa nou a kontinyen nou, lo nou Order Paper e nou travay bomaten.  E nou ariv lo item 5 kot Public Bills, i annan First Reading i devan zot mon a demann Clerk pour fer First Reading.  Si mon pa tronpe i annan 4 Bills pou fer First Reading.  Clerk.

 

MADAM CLERK

Mersi Mr Speaker.  Bonzour tou Manm Onorab.  Dan lord parey i aparet lo nou Order Paper.

  • This Act may be cited as the Constitutional Appointees Emoluments (Amendment) Act of 2017.

 

  • This Act may be cited as the Presidential Emoluments (Amendment) Act 2017.

 

  • This Act may be cited as the Vice-Presidential Emoluments (Amendment) Act of 2017.

 

  • This Act may be cited as the Ministerial Emoluments (Amendment) Act of 2017. Mersi Mr Speaker.

 

(MINISTRY OF INDUSTRY, ENTREPRENEURSHIP DEVELOPMENT AND BUSINESS INNOVATION) & (INDUSTRIAL ESTATES AUTHORITY)

 

MR SPEAKER

Mersi Clerk.  Mon ti a kontan a sa pwen nou repran nou travay Komite lo Bidze parey nou ti fer semenn pase e mon a demann nou Sekretarya pour envit nou Minis pour Lendistri and Entrepreneurship Development avek Inovasyon, Onorab, Minis Cosgrow ek son Lekip pour zwenn nou dan Lasanble.  E paz, sorry mon pa’n dir paz lo zot gro liv pour Industry, Entrepreneurship i paz 655 ziska 657.  Bon mon ti a kontan swet bonzour e byenveni Minis Cosgrow, Minis Wallace Cosgrow avek ou lekip.  Pour lenformasyon tou bann Manm, nou annan PS Payet e son Kontroler Zeneral ek son Lekip ki la fidèlement toulezour pandan nou deba – me osi akonpanny, ki pe akonpanny Minis Cosgrow i annan Mr Roger Toussaint ki Sekreter Prensipal pour Industry Entrepreneurship Development and Business Innovation ; nou annan Mrs Lena Desaubin ki Chief Executive Officer pour Industrial Estates Authority e nou annan Mr Kilindo, Mr Allan Kilindo ki Deputy CEO Industrial Estates.  Alor zot konnen e pour mwan dir Minis ek ou lekip ki nou dan Komite parey zot konnen any ou bann Teknisyen i kapab entervenir.  Avek sa parey mon dir nou pe pran paz 655.  E petet PS Payet ou a dir nou lekel bann Heads ki nou pe pran la pour nou diskite avan nou donn laparol oubyen deside lekel ki pe koze.  Ki paz e lekel Head.

 

PS PATRICK PAYET

Mersi Mr Chair e bonzour Mr Chair, bonzour tou Manm Onorab e tou dimoun ki a lekout.  Zis pour azoute kekfwa si nou ti kapab pran tou le 2 Head ansanm, the Ministry of Industry, Entrepreneurship Development avek Business Innovation ki lo paz 655 ziska paz 657 apre Industrial Estates Authority ki en lot Head lo paz 663 ziska paz 668.

 

MR SPEAKER

Savedir nou pran tou lede ansanm apre nou a fer en sel vot?  Tre byen nou a fer parey nou’n fer labitid, tou bann ki anvi koz lo sa 2 Heads silvouple met zot lanmen, Clerk ek Deputy Clerk i a pran non.

 

MADAM CLERK

Mr Speaker kote Parti Lepep mon annan Onorab Sebastien Pillay, Onorab Wilbert Herminie, Onorab Sylvanne Lemiel, Onorab Churchill Gill e Onorab Waven William.  Mersi.

 

MADAM DEPUTY CLERK

Mr Speaker lo kote LDS mon annan Onorab Ramkalawan, Onorab Afif, Onorab Henrie, Onorab Ferrari, Onorab Woodcock e osi Onorab Pillay.  Mersi.

 

MR SPEAKER

Mersi Clerk avek Deputy Clerk pour sa lenformasyon.  Mersi.  E avek sa nou ava al toudswit lo nou deba – lo sa Minister anba responsabilite Minis Cosgrow e nou a donn laparol premye dimoun pour koze, nou donn la parol Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip.  Bonzour tou dimoun ki a lekout.  Mr Speaker mon kestyon i baze lo Bidze, me selman Mr Speaker mon dir ki i an relasyon avek policy, mon ti a kontan ganny en leklersisman lefe ki nou pe al vot lo sa Bidze vizavi sa bout Industry ki konsern distrik, mon anvi konnen egzakteman ki Polisi vizavi bann SMEs o nivo distrik akoz pour le moman nou pe vwar much pe arive vizavi bann lentere dan distrik.  Mersi bokou,

 

MINISTER WALLACE COSGROW

Mersi bokou Mr Speaker, mersi bokou Mr Chairman.  Bonzour Mr Chairman, bonzour tou Manm Onorab, bonzour tou manm piblik ki pe ekoute.  Onorab mersi pour ou kestyon.  An term Polisi Lendistri, Polisi pour SMEs dan distrik depi komansman sa lannen menm letan Departman Entrepreneurship Development ti tonm anba mon responsabilite letan mon ti ankor dan  Employment e menm la letan ki Minister in sanze, e in zwenn ansanm avek Minister Lendistri nou Polisi Devlopman pti biznes SMEs dan distrik, se ki nou oule idantifye – par egzanp bann Propriyete, bann later kot nou kapab devlop bann Sant Lantrepriz pour bann Pti Biznes.  I deza annan detrwa dan detrwa distrik, me selman nou Polisi se ki nou oule fer plis ankor dan bann distrik pour ki nou kapab donn bann SMEs loportinite pour zot ganny landrwa pour zot kapab fer zot bann pti biznes.  So sa i en pe nou Polisi an term distrik, me selman an term an zeneral e bann lezot Polisi pour SMEs i osi apply.  Me selman lenportans se ki nou anvi donn plis loportinite landrwa fer biznes pour bann Pti Biznes dan distrik.  Mersi Mr Chairman.

 

MR SPEAKER

Onorab William.

 

HON WAVEN WILLIAM

Mersi Mr Speaker.  Mon ti a kontan fer en sizesyon avek Minis ; lefe ki nou pe koz desantralizasyon e plizyer, a plizyer repriz ou’n koz lo la me lefe ki pa much nou pe trouve mon a demann ou Minis si ou kapab – (1) konsider travay avek Ladministrasyon Distrik, mon pa konnen si i ava anvoy en Zofisye enn fwa, par mwan, me nou bann dimoun ki anvi fer en Pti Biznes i vwar li vreman difisil pour kapab demare lefe ki tou keksoz pe ganny santralize.  E tro bokou letan nou pe koz desantralizasyon, me nou ankor toultan pe vwar plis santralizasyon kot i konsern – (1) resours imen avek resours larzan.  Mersi.

 

MR SPEAKER

Minis.

 

MINISTER WALLACE COSGROW

Mr Chairman mersi. Onorab mersi pour ou sizesyon.  Nou ava kapab eksplor posibilite pour desantraliz en pe plis nou servis ki nou fer bann Pti Biznes atraver SEnPA.  Mersi.

 

MR SPEAKER

Onorab Churchill Gill ou annan en kestyon relye ?

 

HON CHURCHILL GILL

Mersi Mr Chair, bonzour tou dimoun lo sa kestyon Polisi ki Onorab fek leve, dapre larepons Minis mon ti a kontan konnen ler zot in fini idantifye landrwa kot i kapab fer en micro entreprise, ki son prosedir prezan?  Akoz par egzanp nou Eve Island nou annan sa lespas ki kapab fer sa. Me selman nou ti a kontan konnen ki ou prosedir, si ou Minister ki prezan i pran sa i fer building oubyen otherwise.  Mersi.

 

MR SPEAKER

Minis.

 

MINISTER WALLACE COSGROW

Ok Onorab bon kestyon.  I annan 2 fason fer en?  I annan en fason kot par egzanp Eve Island kot i annan bann plot later kot nou kapab allocate avek bann endividi, baze lo bann prosedir ki i annan pour alokasyon later.  Or i kapab par egzanp si dan en distrik napa sa kantite later parey Eve Island nou kapab idantifye serten landrwa pour fer bann Micro Entreprise Centre kot either Gouvernman i envestir or Gouvernman i annan dan bann private partnership avek bann Entité, kot nou kapab met a dispozisyon later e zot, zot envestir e zot devlop bann Center, kot i kapab benefisye bokou dimoun alafwa.  Ok? So i annan 2 fason fer.  So nou, nou pe travay lo tou lede fason nou ; tou lede fason kot i drwa – annan drwa kot dimoun i kapab devlop zot prop biznes, apre bann ki napa mwayen pour devlop en building zot kapab ganny allocate en lespas dan en building ki’n ganny devlope par en devloper.  Mersi.

 

MR SPEAKER

Onorab Woodcock ou annan en related question?  Sorry Onorab Woodcock.  Minis eskiz mwan en pti kou, Onorab Gill ti annan en pti leklersisman.

 

HON CHURCHILL GILL

Wi, savedir si nou annan dimoun Praslin ki enterese pour antre ladan an partnership ek Gouvernman sa dimoun i kapab apros Gouvernman?

 

MR SPEAKER

Minis.

 

MINISTER WALLACE COSGROW

Ok.  Wi. Once nou’n idantifye si i annan dimoun ki enterese, nou kapab konsider zot propozisyon.  Ok, nou pour kapab konsidere zot propozisyon.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker. Mr Speaker mon kestyon i en, i lo menm laliny ki Onorab William in demande, avan mon a komanse avek lo paz 664, anba Estate Management i annan en sonm pour 2017 Revised Budget ti 15.9 milyon, me an 2018 nou vwar en rediksyon par 5.5 milyon ki Bidze pour 2018 i pour 10.4 milyon, e mon pe mazinen avek sa bann devlopman ki sirtou lo Industrial Estates Authority, Industrial Estates lo Praslin, mon pe ekspekte en pti pe plis depans.  Par lefe osi ki mon’n aprann ki IEA ti pe pran konsiderasyon pour osi ouver en Lofis Praslin pour desantraliz en pe sa servis.   Eski sa i dan zot plan pour 2018?  E mon lot kestyon osi se ki sa lannen IEA ti ganny lotonomi avek Gouvernman pour zot zer later Gouvernman olye ki zot ti bezwen pran, olye ki MLUH ki ti pran bann desizyon lo kote zesyon later Ile Eve, me i annan serten konsern ki pe ganny souleve sirtou par konsernan sa 3 later pour Vijay Construction – 3 morso later.  E i annan bann lenterferans par MLUH so atraver Planning kot later ti’n, IEA ti’n pran desizyon pour allocate sa bann later avek bann Businessmen Praslin, be la aparaman, zot oule repran en bout sa later pour fer bann lezot keksoz avek.  So mon ti a kontan ganny en pe leksplikasyon akoz ki i ankor annan sa lenterferans MLUH avek atraver Planning avek IEA pour anpes zot pran bann desizyon ki zot merit pran.  Mersi.

 

MR SPEAKER

Minis oubyen CEO IEA oubyen Mr Toussaint, PS.  Any of you pou kapab reponn.

 

MINISTER WALLACE COSGROW

Ok Mr Speaker mon pour pas sa kestyon avek CEO, apre si i annan en pti bout pour azoute mon ava azout en pti bout apre.  Mersi.

 

MR SPEAKER

CEO, Mrs Desaubin.

 

CEO MRS LENA DESAUBIN

Bonzour tou Onorab, bonzour Mr Speaker e tou dimoun a lekout.  Konsernan kou pour IEA ki’n desann nou ti’n mete nou konsern pour nou kapab annan en biro Praslin e ki nou en dimoun ki kapab fer bann travay akoz Eve Island i pe devlope e i annan bann Planning Application eksetera ki nou bezwen fer.  Pour le moman ki nou’n bezwen fer, se nou’n rod en dimoun ki travay dan Gouvernman e apre ler e dan weekend, i al fer en pe travay pour nou pas bann travay lo Eve Island Praslin.  Ki nou pour bezwen fer prezan se priyoritiz nou bann kou akoz i tre enportan ki Praslin i annan en Lofis pour IEA.  Konsernan konstriksyon later ki IEA, in fer le neseser pour repran avek Vijay Construction ek Allied Agencies, avek bann leres landrwa ki dimoun ti annan later lo Praslin under Tenancy Agreement – IEA i pe travay avek Minister konsernen.  E dernyen kominike, dernyen meeting ki nou’n fer, nou’n refize ki sa later i ganny pran pour bann lezot devlopman e zot in aksepte ki sa later pour donnen pour bann pti dimoun fer bann biznes lo Praslin.

 

MR SPEAKER

Minis ou anvi azout keksoz avan? Onorab ou anvi klarifikasyon, Minis.

 

MINISTER WALLACE COSGROW

Ok mersi Mr Chairman, Mr Chairman zis pour azoute petet Onorab in demann en pti kestyon konmsi akoz ki MLUH vi ki later in ganny donnen dan lanmen IEA akoz kantmenm MLUH konmsi i antre dan bann travay ; petet zis pour klarifye, MLUH i sa Lotorite lo later Sesel.  So souvandfwa i annan bann lezot bezwen ki pei i annan, MLUH i get later, bezwen later pei.  So souvandfwa avek diferan Sekter nou bezwen annan serten understanding  ‘give and take,’ me selman parey CEO in eksplike zot in fer, zot in met zot lobzeksyon e mon krwar zot lobzeksyon in ganny ekoute.  Me selman an zeneral MLUH being sa Lotorite Gouvernman ki i annan zesyon later, sorry zesyon later an zeneral, mon krwar i annan negosyasyon ki touzour kapab pran plas.  Mersi.

 

HON WAVEL WOODCOCK

Mon dezyenm kestyon, I mean mon follow-up question ; i annan propozisyon par Planning pour en Land Use Plan pour IEA, mwan mon kestyon se ki lekel ki pour enterpret, ki pour antreprann sa Land Use Plan lo Praslin? Eski i pour tonm anba responsabilite IEA ouswa Planning ki pour fer sa e konbyen zot pe mazinen i pour koute pour sa Land Use Plan pour IEA ?  E akoz ki napa en Land Use Plan avan prezan ki la zot anvi en Land Use Plan oli detaye e pli spesifik pour Ile Eve?  Mersi.

 

MR SPEAKER

CEO

 

CEO MRS LENA DESAUBIN

Onorab prezan ki Land Use Plan pe fer.  Me en attendant IEA i pe travay avek sa Minister konsernen e tou later pour Praslin ki pour IEA, in ganny repran.  Me selman zot pe kategoriz li dan bann landrwa ki’n deza annan kategoriz bann landrwa pour met konstriksyon ki deza la.  Ti annan zis en bout kot Vijay eksetera ki pa ti ankor devlope me savedir prezan menm ki i pe fer Land Use Plan sa bann later i pour still tonm anba IEA.  E IEA pour kapab fer le neseser parey mon’n dir avan pour donn sa bann later sa bann dimoun Praslin ki pe espere pandan lontan.  Mersi.

 

MR SPEAKER

Onorab Stephen Pillay.

 

HON STEPHEN PILLAY

Mersi Mr Speaker.  2 kestyon Mr Speaker enn Minis Inovasyon, Antrepriz, e Biznes Inovasyon, i konsern sa increase lo ‘’salary’’ 1 milyon, 461, 670 si i kapab donn nou en pti detay, se ki i pour nivo staff oubyen en bann nouvo Scheme of Service pour existing staff e par konbyen whatever ki pour soz.   Mon vwar sa R121, 000 par mwan.  Epi mon pe regard pour Industrial Estates  -si i kapab donn en pe plis detay akoz zot ‘’rent building’’ i tonm apepre 270, 000 par mwan, vi ki mon mazinen Industrial Estates i annan tou sa bann building ki i annan ki zot annan lo konblaz, akoz zot pe pey en rent 270, 000 par mwan ?  Mersi Mr Speaker.

 

MR SPEAKER

Minis oubyen ou PS.

 

MINISTER WALLACE COSGROW

Mr Chairman brefman sa increase dan ‘’salaries’’ i cater pour nouvo staff.  Nou Departman Minister li menm ti ganny kree an Zilyet, sorry ti ganny met ansanm an Zilyet e nou annan serten nouvo staff ki nou bezwen recruit.  An tou i annan 1, 2 ,3 , 5 , 7 i annan 8 staff, 8 staff an tou ki range from Security Officer, Housekeeper, Communication Officer, Policy Analysis, Monitoring and Evaluation Officer, HR eksetera, so i annan 8 staff an tou ki bezwen ganny recuit, Minister i ptipti.  Pour le moman nou annan nou zis 12 dimoun pour le moman.  So nou annan bann travay ki nou oule fer sirtou an term Policy avek Monitoring ki nou bezwen dimoun – nou bezwen dimoun pour travay.  So se sa ki ou vwar proze in ganny fer, Bidze in ganny fer pour cater pour sa bann dimoun ki pour vini.  E baze lo nouvo striktir osi ki nou’n travay ansanm avek DPA pour nou kapab gannyen.  on pa konnen si PS i anvi azout en keksoz anything lo la ouswa  si…

 

MR SPEAKER

PS Toussaint ou annan keksoz pour azoute ?

 

PS ROGER TOUSSAINT

Mersi Mr Speaker.  Bonzour bann Onorab.  Mon krwar Minis in fer sorti le pwen.  Me zis sa ki mon ti a kontan azoute se Minister i nouvo.  Avan i ti zis 2 Departman prezan nou annan en nouvo Ministerial Secretariat ki si oule i fer agrandi nou staffing.  E natirelman sa i annan en kou ki al avek.  So lo kantite travayer Minister in eksplike.  Me nou annan provizyon pour apwent ankor detrwa 5 ou 6 staff anmezir ki nou ganny office accommodation, ki pour le moman nou annan en pti pe eparpiye dan diferan lokasyon.  So the sooner ki nou kapab ganny nou lofis, nou a kapab pour zisteman apwent plis lezot staff pour nou kapab desarz sa manda, ki nou’n ganny demande pour fer.  Mersi.

 

MR SPEAKER

Onorab Gill ou ti annan en kestyon relye ?

 

HON CHURCHILL GILL

Wi Mr Speaker.  Mon krwar i byen dezapwentan pour Praslin pour nou pa kapab ganny en Lofis pour IEA akoz i en nesesite.  Mon krwar PS i devret get ladan fer sir nou ganny sa lofis. Apre konsernan sa Land Use Plan mon ti anvi zis ganny lopinyon CEO akoz mon mazinen pour letan IEA ki pe zer Eve Island mon krwar propozisyon ki fason i devret ganny fer, i devret sorti kot zot menm si sa Minister, apre li i take the lead, mersi.  Eski i pe ganny fer koumsa oubyen Minister ki pe enpoz ki mannyer pour fer?  Mersi.

 

MR SPEAKER

CEO ou kapab reponn

 

CEO MRS LENA DESAUBIN

Konsernan Eve Island Land Use Plan, set en travay konsiltasyon avek nou.  Se pourquoi ti annan en bout ki ti pour al Komersyal nou’n ensiste ki i reste pour Lendistri.  Mersi.

 

MR SPEAKER

Onorab…
CEO MRS LENA DESAUBIN

Konsernan ‘’rent,’’ sa ‘’rent’’ i ganny osi apard ki nou Lofis, nou napa en Account Section.  Nou’n demande ki i annan en dimoun ki asize akoz nou annan bokou kliyan, bokou lessees  e nou pa ankor kapab fer nou kont nou menm nou, nou kont pa nou ki fer Minister Finans, akoz napa dimoun, napa Accounts Section proper kot nou ; me selman nou’n bezwen pran enn, sa enn akoz i bezwen enterakte avek tou bann dimoun ki vin fer zot statement of account tir zot kont.  E pour donn nou balans bann dimoun ki dwa pour nou kapab fer swivi eksetera sa nou’n bezwen osi lwe ankor 2 lofis pour nou kapab fer swivi eksetera.  E sa nou’n bezwen osi lwe ankor 2 lofis pour kapab annan fasilite akoz ni en Resepsyon nou napa, pour annan en fasilite pour nou kapab fer nou travay en pe pli konfortab.

2enm sa ‘’rent’’ osi i pa zis pour landrwa kot nou biro i été, i osi sa ki nou pey Pension Fund tou le mwan pour 3 Workshop ; pa Workshop bann landrwa kot i annan bann pti biznes 3 landrwa ki i annan ‘Leve Debourye’ i annan 2 ankor Container Workshop ankor ek en lot dan PIE.  Mersi.

 

MR SPEAKER

Onorab Pillay i ok? Alright Onorab Lemiel.

 

HON SLYVANNE LEMIEL

Mersi Mr Chair, bonzour Minis avek ou delegasyon.  Mr Chair mwan mon kestyon i al pour IEA – mon pe regarde a tan ki i annan bokou dimoun sirtou dan mon distrik osi i ankor annan dimoun ki pe fer zot bann konstriksyon kot zot lakour zot pe ganny en bon pe problenm avek Minister Lasante ; bann lakaz i pre, mon pe gete dan zot Bidze, si i annan provizyon e menm mon vwar zot in mete dan zot stratezi ki zot pour donn en pti pe plis later Endistriyel bann dimoun, mon pe regarde pandan lannen 2018, si Bidze pe fer provizyon pour sa either pour annan en pe plis later survey or whatever ki zot annan pour fer pour donn en pti pe plis bann dimoun ki pe travay kot zot lakour, later lo kote Endistriyel.  Mersi.

 

MR SPEAKER

CEO Desaubin.

 

CEO MRS LENA DESAUBIN

Pour le moman napa later ki available dan PIE, ni Perseverance ki anba Lotorite IEA, akoz Perseverance nou annan zis en pti bout so … Be parkont nou’n fer en demann avek Gouvernman ki zot re konble en lot bout later, pour kapab donn en pe plis dimoun later pour kapab fer bann pti biznes ki pe ganny problenm zisteman dan bann distrik.  2enm, i annan bokou bann dimoun dan, ki annan later for so many years pa’n devlope, e nou pe fer bann le neseser ki Gouvernman pour cancel sa bann Lease Agreement e pour re donn later pour bann dimoun ki lo lalis latant for so many years.  Mersi.

 

MR SPEAKER

Onorab Lemiel ou ok?  Onorab Ferrari.

 

HON JEAN-FRANCOIS FERRARI

Mersi Mr Speaker, Mr Speaker 2 kestyon, mon vwar swivan sa ‘’rent’’ ki CEO in ganny en kestyon lo la, mwan mon ti a kontan komans par demande, si zot kapab dir ek Lasanble konbyen lespas ki anba responsabilite – rental space ki anba responsabilite IEA ; par egzanp dan building ‘’Leve Debourye’’ ki pa ankor lwe?  Akoz mwan mon pas la tou le swar, mon gete, bomaten mon gete, mon vwar i frenmen, so dir nou byen egzakteman swa in lwe i pa ankor occupied oubyen pa ankor lwe?  Si i pa ankor occupied e si i annan biznes e sa dimoun ki pe fer biznes  – tranpe avek pour zot al fer lot zafer avek, sa nou anvi ganny li kler.  E mon kestyon donk i swiv, se si i annan sa lespas ki pour anba zot responsabilite akoz zot pa pran 2 ou 3 Biro ladan? Konmsi mwan pour mon i pa tro fer sans zot Propriyeter oubyen Manager sa building selman zot al lwe avek en lot dimoun.  So antre dan sa building zot osi e sey eksplik nou akoz zot pa ankor fer li pour le moman.  Mon 2enm kestyon i konsern bann Lease Agreement ; mon vwar isi ki i annan Programme 2 Subprogramme 1 zot pe allocate en Bidze R1.3 milyon for Lease Management Enforcement and Inspectorate, menm si mon vwar sa i pa bokou, i pa bokou akoz i paret mwan napa bokou zefor dan sa Departman.  Mon ti a kontan akoz mon CEO la fek dir taler e bokou dimoun deor i dir ki bann Businessmen i dwa IEA en ta larzan e i annan bann ki pli dominer ki zot, zot menm dir ki tan ki sa Gouvernman i la zot pa pour peye. Yeah.  Alors …

 

MR SPEAKER

Ok.  Kestyon?

 

HON JEAN-FRANCOIS FERRARI

… eski Minis i kapab dir nou, ki zefor pe ganny fer pour anmas sa bann larzan?  Me sirtou nou koman zot partner dan sa Lantrepriz, eski zot pare pour donn avek nou en lalis tou bann dimoun ki, tou bann biznes oubyen bann prive, ki in arrears avek zot Lease Payment pour ki nou kapab nou koman en partner ed zot pour chase sa bann dimoun fer sir zot pey zot larzan   Mersi.

 

MR SPEAKER

Mersi Onorab petet nou a donn CEO avan apre Minis i a reponn, CEO.  Mon krwar sa i plito konsern ou Agency petet ou a reponn apre Minis.

 

CEO MRS LENA DESAUBIN

Mon pour koz lo sa building ‘Leve Debourye.’ Mon ti ava envit ou lo sa building Onorab Ferrari ou ti a gete si sa i conducive pour fer en Biro proper pour en Lazans ki run IEA.  Akoz IEA i bezwen lo Sant kot i été, pour li kapab vwar tou bann dimoun kote i été – pour li kapab fer son louvraz korekteman.  E sa landrwa osi sa bann pti Biro ptipti bout ki la i pa conducive pour nou.  Mon ti ava envit ou ler ou pare pour vin ogarde.  Note  –  dan nou PIE dan Providence Industrial Estates i annan 12 Unit, tou le 3 i plen.  ‘Leve Debourye’ i annan 51 Unit i annan zis 3 ki vid – 3 akoz nou’n dir li rann lakle, akoz zot pa oule peye.  Container Workshop i annan 10, Union Vale i plen li osi e Diolinda Avenue Workshop i annan 9 Unit.  I annan zis 3 landrwa ki vid dan sa.  Parkont i annan bann dimoun ki’n la depi en pe letan depi ler in ouver i pa vini, i pa oule peye e i pa le sorti.  E pour sa i annan bann prosedir ki ganny fer avan Legal avan ou kapab tir en dimoun ou bezwen pas par prosedir premye let, 2enm let, 3enm let epi ou anmenn li lo en Rent Board.  Pour le moman yer Vandredi i annan enn fek ganny evict dan sa bann batiman e i annan anviron 20 Case i deza Ankour kot Rent Board.  E toulezour i form parti nou travay pour nou kapab follow-up avek bann debtors.  Nou bezwen fer bokou Meeting i annan ki nou donn zot nou dir zot be ok anmenn nou en plan pour gete ki mannyer ou kapab pey ou bann det.  I annan i dir ou wi i pa vini se pourquoi nou anmenn dimoun nou bezwen fer, nou bezwen anmenn dimoun Ankour pour dimoun kapab pran zot responsabilite –  peye.

 

MR SPEAKER

Le Minis ou pa ti a kontan azoute avan Onorab i demann son Supplementary Question, Minis Cosgrow.

 

MINISTER WALLACE COSGROW

Ok mersi Mr Chairman mon ti a kontan zis azout lo en Policy point of view en?  Ok zis avan sa mon ti a kontan retaliate en pti pe lo sa ki CEO in dir ki petet i pa konn conducive laba kot ‘Leve Debourye’ pour fer Biro pour zot akoz in ganny design pour fer light Industrial. So i pa conducive pour fer biro.  Selman mon konpran ou konsern.  Apre 2enm an term Polisi se ki parey ou konnen in deza ganny anonse earlier sa lannen, ki prezan se IEA avek son Board ki i annan pouvwar pour allocate later avek bann dimoun ki demann later e osi pa zis later me bann spot par egzanp bann slot dan bann landrwa Endistriyel ; so IEA ek son Board i annan pouvwar – Board i nouvo, Board i annan pouvwar pour oversee tousala.  So i enportan pour note ki sa pouvwar avek IEA ; sa Board, sa pouvwar i avek IEA pa kot Minister kantite dimoun i ekri let i demann mwan en bout later dan Zone Endistriyel, me selman mon refer li avek IEA, avek son Board pour zot diskite.  Mon annan mon input byensir mon kapab dir poudir be gete sa, sa, sa i petet i en Sekter ki nou bezwen, so sey konsidere.  Apre osi mon krwar nou lokasyon, later nou bezwen asize get byen, ki Sekter ki nou bezwen devlope Sesel, ki Sekter Lendistri ki nou bezwen devlope.  So tousala i bezwen ganny pran kont ler bann alokasyon i ganny fer enkli dan bann landrwa par egzanp ‘Leve Debourye’.  So en pti pe lo Polisi mon ti a kontan mon’n anvi fer sa lentervansyon.  Mersi.

 

MR SPEAKER

Onorab Ferrari ou annan … ? sorry PS Toussaint avan Onorab Ferrari i demann ou Supplementary.  PS Toussaint ou ti anvi azoute.

 

PS ROGER TOUSSAINT

Zis pour konplimant sa ki Minis in fer resorti, nou pe tret li koman priyorite pour revwar Industrial Estate Act, pour nou kapab si oule re design bann Polisi ki pour en pe pli efektiv an sa ki konsern alokasyon later.  E pour nou kapab fer kler ki kalite later pour ou pour tel, tel kalite proze.  E kot sirtou kot bann ki zis pe ganny later zot demann pour en serten purpose, e apre plitar zot deside swa vann, swa pa fer sa travay ki zot, zot ti’n, sa proze ki zot, zot ti anvizaze fer.  So nou oule fer kler ki i annan en serten dele letan kot sa i kapab ganny rekonsidere e si fodre repran, repran allocate avek lezot ki dan bezwen.  So i en priyorite ki Minister in deside met lanmen lo la pour revwar sa Act e bann Polisi, pour nou kapab dan en fason pli efektiv adres sa sityasyon later.  Nou konnen poudir later i en gro problenm isi Sesel sirtou for Industrial purpose e nou pa kapab pran sa size leze.  So that’s why we are taking this as a very important issue.  Mersi.

 

MR SPEAKER

Onorab Ferrari.

 

CEO MRS LENA DESAUBIN

Wi mon’n i annan, ou’n demann mwan en lot laliny, en lot lenformasyon lo bann Lease of Debtors ki i annan ; parey petet zot konnen poudir IEA in ler ti vini an, ler an 2017, an Mars 2017 ki tou bann arreas sorti kot MLUH ti ganny anvoye kot IEA.  I annan bokou, ti annan bokou Debtors, me nou’n nobou fer le neseser nou’n redwir li par en kantite.  Nou ava anvoye ou en lalis e i enportan pour note ki depi an Zanvye ziska Oktob la IEA in nobou anmas R12 milyon, R12 milyon, 600 ekek mil pour Gouvernman – en kantite ladan i annan pour fer bann arrears.

 

MR SPEAKER

Onorab Ferrari.

 

HON JEAN-FRANCOIS FERRARI

Yeah, zis pour dir mersi CEO, mon ti a swet, mon ti a sizere ki mon anvoy sa lalis kot FPAC koumsa bann Manm FPAC kapab vwar sa.  Mon 2enm kestyon se, ler en dimoun pa’n peye i ganny evict, eski zis i ale koumsanmenm, eski zot annan en Polisi pour chase, pour fer sir ki sa bann pratik kot ouver en malversassions avek Gouvernman apre zis ou ganny me deor ou ale ou al fer en lot pli lwen, lot pli lwen eski zot kapab donn en komitman sa Lasanble poudir non selman zot pe evit bann dimoun ki pa peye me zot go back e anmas sa larzan ki sa bann dimoun ti’n devret pe peye?  Mersi.

 

MR SPEAKER

CEO.

 

CEO MRS LENA DESAUBIN

Parey mon’n dir Onorab sa bann dimoun i ganny met Ankour i sorti akoz laplipar letan pour nou kapab fer en bann sorti se nou bezwen al rod zot partou antre an negosyasyon pour pran lakle ek zot.  I annan i donnen, i annan i refize donnen e ler nou ganny lakle nou kapab donn en lot dimoun ki pe espere en landrwa pour li fer son extra travay.  Me ler Lakour i anmenn Ankour Lakour i kondann li evict li, me osi fer li peye sa i ki i dwa Gouvernman.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker, bonzour Minis avek ou delegasyon.  Mon premye kestyon i pour Lazans, mon pe vwar anba zot stratezi lo paz 664 ‘’ensuring that land allocated for Industrial purposes are being used for as planned.’’

Nou pe koz en pe lo bann bad tenant be pour bann dimoun ki pe deza pe pey zot lease, me selman pa pe kapab devlop zot later menm ki zot bann fasilite i la, serten la mon pe mazinen parey Mr Yvon Legaie ki lo son later i pe pey son lease, be selman lo son later i annan bann scrap metal ki prezan i pa pe kapab devlope – pour bann Case koumsa ki Lazans pe fer pour ed sa bann dimoun pour kapab devlop zot later ?  Mon 2enm kestyon i pour Minis lo kote ‘’seed capital ‘’mon ti anvi konnen kantite ‘’seed  capital’’ kantite dimoun in ganny asiste avek ‘’seed  capital’’ epi zot ti annan lentansyon pour zot fer monte sa amount.  Mersi Mr Speaker.

 

MR SPEAKER

CEO oubyen PS.

 

CEO MRS LENA DESAUBIN

Onorab mon’n dir tout a ler poudir bann dimoun ki i annan later dan PIE ki pa pe devlope, prosedir pe ganny fer pour ki sa later i ganny pran e donn en lot dimoun.

 

MR SPEAKER

Onorab Herminie repoz ou kestyon.

 

CEO MRS LENA DESAUBIN

Repoz ou kestyon silvouple.

 

HON WILBERT HERMINIE

Mon kestyon ti senp mwan, zot pe dir koumsa bann dimoun ki pa pe peye bann bad tenant zot pe deal avek, mon kestyon se ki bann dimoun ki pe pey zot later, me selman pa pe kapab devlop zot later akoz pour le moman sa later pe ganny servi koman scrap yard kot i annan bann scrap metal, lo la ki Lazans pe fer pour ed sa bann dimoun kapab devlope.  Mersi.

 

MR SPEAKER

CEO.

 

CEO MRS LENA DESAUBIN

Wi ou pe koz mwan lo Yvon Legaie ?  Wi Yvon Legaie i enn parmi ki’n pey en premium.  ou pa kapab an 2016 sa later ti ganny donnen avek Yvon Legaie kan ti napa en beacon.  Ti deza annan en dimoun lo sa bout later ti ganny divize an 4.  Ou pa kapab donn en bout later i pa byen donn en bout later, si sa later pa ankor divize in deza annan en dimoun lo la dimoun pa le sorti e ou pour napa landrwa pour met beacon.  Yvon Legaie in pey premium i pa pe peye tou le Mwan parey ou’n dir Mr Onorab.

 

(Interruption)

 MR SPEAKER

Order!  Order! 

 HON WILBERT HERMINIE

Mr Speaker mon krwar kekfwa CEO pa pe adres ditou lo la…

MR SPEAKER

Order!  Order!  CEO esper en pti moman.  Dan nou deba dan Lasanble nou pe debat lo Bidze en Head, si i annan dimoun endividi ki’n peye i pa’n peye etik i demande ki ou respekte sa nou pa vin diskit lo en endividi dan sa Lasanble.  Nou vin diskit lo Prensip avek vot spesifik dan Head sa Minister oubyen sa Departman oubyen dan ka ozordi Industrial Estates Agency.

HON WILBERT HERMINIE

Mr Speaker avek respe…

 

MR SPEAKER

Onorab Herminie.

HON WILBERT HERMINIE

Policy tou i tonm anba la.

MR SPEAKER

Onorab Herminie mon ti ankor fini koze.  Mon krwar ler nou demann kestyon annou zis fer sir ki nou pa met nou lekor dan en sityasyon kot nou ganny lanpayaz apre.  I enportan sa.  Akoz nou bezwen fer keksoz byen, Onorab Herminie demann ou kestyon CEO Desaubin.

HON WILBERT HERMINIE

Mr Speaker mon’n demande mon kestyon, mon’n servi en legzanp koman en dimoun mon pa ti pe al dan spesifik, mon pe zis dir akoz premye kestyon mon ti’n demann CEO i pa’n ganny en konpran ; prezan mon’n re demann li avek en legzanp pour sey eklersi mon pa pe vin nonm non personn mwan, mon ti pe zis eksplik ki arive ek bann later ki dimoun in peye la, la i dir mwan la sa dimoun in pey en premium solman sa dimoun pa pe kapab devlop sa later akoz i annan bann lezot enfrastriktir ki lo la, akoz sa dimoun i anvi komans son biznes be i pa kapab.  So, mon’n demann mon kestyon ki Lazans pe fer dan sa direksyon pour ed sa bann dimoun ki dan sa ka koumsa.  Mon krwar kestyon i spesifik la.

 

MR SPEAKER

Madanm CEO mon krwar son kestyon i kler, ou’n promet pour donn FPAC atraver kestyon Onorab Ferrari lalis bann dimoun ki’n peye, ki pa pe peye ou’n dir nou konbyen ou’n anmase depi Zanvye, la i en kestyon zeneral – silvouple pa mansyonn non personn ki pa’n peye, akoz i pa nou rol.  Silvouple.  Ou kapab reponn ou kestyon.

 

CEO MRS LENA DESAUBIN

Onorab pour kapab tir en dimoun ki lo en later, son later avek son ta scrap metal i annan en prosedir.  Son fee ou bezwen pas kot Biro Attorney Zeneral.  Si Gouvernman pa ankor kapab fer le neseser pour donn Mr Legaie sa later i en problenm …

 

(Interruption)

 

CEO MRS LENA DESAUBIN

… be ki ou le ?

 

MR SPEAKER

Non, be zis dir pa ankor vinabou okenn dimoun.  Nou dir pa mansyonn non dimoun. Akoz Mrs CEO mon pe koz koman Speaker nou pa pour kapab ankouri ganny let nou bezwen lir dan Lasanble.  Zis koz zeneral ou.  Wi Minis?

 

MINISTER WALLACE COSGROW

Mersi Mr Chairman, ok Mr Chairman mon konpran kestyon Onorab.  Onorab pe dir si en dimoun i annan en bout later ki sa later i ekipe, i pa kapab devlope e konmsi ki nou pozisyon? En ka spesifik koumsa mon konpran osi sa ki CEO pe dir, se ki i annan keksoz lo sa later ki pe anpes sa dimoun devlope e nou, nou pe fer prosedir pour tir sa bann keksoz lo sa later.  Prezan ka sa dimoun spesifik si i pa kapab devlope definitivman nou pa kapab fer problenm avek li akoz se pa li lafot pour li pa kapab devlope.  So ka spesifik koumsa nou ava kapab take up e i kapab ganny take up avek IEA or nou menm kot Minister e avek Board IEA.  So Onorab rest assured ki nou a kapab take up sa bann Case koumsa.  Mersi.

 

MR SPEAKER

Onorab Herminie ou satisfe ?

HON WILBERT HERMINIE

Wi, mon ti annan zis mon dezyenm kestyon, mon krwar Minis in antre ladan in met en pe leklersisman.  Mon 2enm kestyon pa ti ankor touse selman.  Mersi.

MR SPEAKER

Ou 2enm kestyon avek CEO?  Minis.

MINISTER WALLACE COSGROW

Mersi Mr Chairman, ‘seed capital ‘pour sa lannen i premye lannen parey zot tou zot konnen ti annan an tou 278 Laplikasyon e dapre Bidze ki nou’n gannyen avek Minister Finans lo, i 5milyon sak lannen pour sa next 5an ok?  So komitman se ki maximum i R50mil, son maximum ki nou ti kapab ede se 100 dimoun.  I annan 100 ki’n ganny aprouve to en total of 480, sorry 4.9milyon, R4.96 ekek milyon, ok?  Akoz i annan 2 ou 3 dimoun ki pa’n demann maximum. Me  selman in fini ganny aprouve Komite ki ti ganny set up in fini travay lo tou Case, bann dimoun ki’n ganny aprouve si mon konpran zot ini fini ganny fer konnen.  Bann ki pa’n ganny aprouve mon’n fer, mon’n donn lenstriksyon ki zot ganny en let e ki dimoun i konnen kote zot stand.  So se sa kot nou ete avek ‘seed capital’.  E an term si pour increase mon Onorab mon ti a voudre lannen prosenn or the years after, i increase i vin plis.  Mon ti a voudre me selman i pour depan tou lo sityasyon finansyel Gouvernman e Minister Finans i a kapab o fir e an mezir ki sa Scheme i marse.  E mon osi mon krwar i devret depan osi lo performans sa premye batch dimoun ki’n gannyen.  So depandan lo performans e Bidze permet nou kapab konsidere en?  Mwan mon ti a voudre i ogmante akoz i annan dimoun ki’n demann nou ki’n dir nou si nou kapab fer en pti pe plis ok?  Mersi Mr Speaker.

 

MR SPEAKER

Onorab Henrie.

HON GERVAIS HENRIE

Mersi Mr Chair, bonzour tou dimoun.  Mon kestyon i tourn otour lo paz 656 lo latab 2, petet mon ava demann PS pour Finans – ki mon’n vwar se ki dan sa kolonn 2017 Revised Budget e sa bann sif ki dan sa liv la 2017 – I mean pour – ya i konpletman diferan avek bann sif zot ti prezant nou lannen pase.  E mon vwar ki’n annan logmantasyon sirtou dan ‘’Compensation of Employees,’’ ‘’office expenses’’ ki’n almost double, akoz sif ki ti prezante lannen pase par egzanp ti 207, 000 me la in vin 405 apre dan ‘’minor capital outlays’’ ki’n sorti 103 pour ariv 317.  So mon anvi konnen, akoz in annan sa logmantasyon?  E sirtou si mon memwar i servi mon byen, ti napa Bidze pour sa Minister dan Supplementary Budget ki nou’n fek konsidere, so kote sa larzan i sorti?

Apre lo paz 657 i annan en sonm dan ‘’building and infrastructure’’ pour 2016 ki pa ti ganny prezante avek nou lannen pase. So mon anvi konnen ankor kisisa sa depans 1.2 milyon.  Mersi bokou.

MR SPEAKER

PS, mon krwar sa enn i konsern ou.

 

PS PATRICK PAYET

Yes. Mersi Mr Chair. Mersi Onorab.  Zis pour azoute ki Entrepreneurship Development ti form parti an 2017 komansman, ti form parti the Ministry of Employment.  So i ti’n entegre tou lede ansanm.  An menm tan ti annan en Department of Industry kot anba VP’s Office, so ki nou’n fer avek nouvo Minister ki’n ganny kree nou’n met tou, Consolidate tou lede Bidze ansanm.  E dan Supplementary letan nou ti prezante ti annan en bout ki nou ti fer en Budget cut anba the Ministry of Employment, apre nou ti demann laprouvasyon Lasanble for en nouvo Bidze – sa 1.5 pour fer sir ki sa Konsolidasyon i take into consideration.  So ou vwar se akoz avan nou’n pran en pe travayer dan Minister Lanplwa, Entrepreneurship Development avan apre nou’n pran en pe dan Departman Industry nou fer, nou’n consolidate li sanmenm ou pour vwar sa increase.  Me pour an Mars an 2016 sa nou ava regarde me i, nou ava revert back akoz sa bout 2016, me  sepandan i kapab akoz pour Departman Lendistri but we will revert back during the day.

 

MR SPEAKER

Onorab Henrie ou ok?  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon oule refer Departman IEA avan son Bidze an relasyon ek son ‘’goods and services’’ mon ti a kontan ganny en leksplikasyon in regards to ‘’maintenance and repairs’’ i annan en sonm apepre R557, 000 ki pe ganny Bidzete, mon ti a kontan ganny leksplikasyon as to ki swa sa bann sonm i al ver an relasyon avek ‘’maintenance and repairs.’’  Apre mon vwar en konponan pour Landscaping anba IEA, ankor enn fwa mon ti a kontan ganny en klarifikasyon as to ki sa sonm i vedir akoz i annan en sonm apepre 311, 000 mon krwar la, R159, 000 annefe pour Landscaping ; apre sa mon ava demann mon lezot kestyon.  Mersi Mr Chair.

 

CEO MRS LENA DESAUBIN

Ok.  Anba ‘’repairs’’ sa Bidze i ganny mete pour fer bann travay lo bann ‘micro entreprise ;’ ‘par egzanp la dernyen fwa nou ti bezwen refer tol antye kot Union Vale i ankor annan bann  lezot travay pour fer.  I annan ‘Leve Debourye’ ki tanzantan i annan bann defo laba ou bezwen travay lo la.  E leres sa bann landrwa ki nou pe okipe koman micro entreprise.  Kot ‘’Landscaping,’’ i pa landscaping i ‘’landscaping and maintenance,’’  ‘’road maintenance’’ eksetera e ladan se 3 landrwa ki nou fer landscaping epi sa larzan i ganny servi pour pey bann, en pti Kontrakter pour li osi netwaye, akoz Lazans ki netwaye LWMA i pa pran konsiderasyon bann landrwa ki napa koltar.  I annan en kantite landrwa kot PIE ki pa pe ganny netwaye, alors sa larzan i ganny servi osi pour pey en dimoun pour delittering, pour koup lerb e pour debous bann rigol laba.

 

HON SEBASTIEN PILLAY

Mersi Mr Chair – prenon pour nou pran tandans ki nou pran dan Lasanble, eski par egzanp an relasyon ek bann Kontra ki zot pe donnen akoz, mon pe met sa akoz i annan konsern lo nivo bann Tenants PIE ki parfwa petet i annan litter ki reste la eksetera bann keksoz koumsa, so mon ti a kontan ki prosedir zot fer pour award sa bann Kontra pour sa bann Landscaping lekel ki pe fer li oubyen ki prosedir ki zot fer?  E dezyenmman parey ankor zot, zot annan anba bann ‘’security and enforcement’’ avek bann lezot ‘’maintenance services,’’ mon ti a kontan konnen ankor enn fwa ki prosedir zot fer pour award sa bann Kontra pour sa bann servis ki ganny provided, si zot pe servi prosedir tender oubyen si i annan lezot prosedir ki zot pe servi ?  Mersi Mr Chair.

MR SPEAKER

CEO.

 

CEO MRS LENA DESAUBIN

Kot i annan’’ Sekirite’’ ler mwan mon ti vini, i ti deza annan en Kontra, son Kontra in fek vini e ki nou pe al lo tender pour lannen prosenn.  Kot ‘’Landscaping’’ i konsernen, sa i en prosedir 3 tender epi nou ti an diskisyon avek Tender Board pour kapab fer pour gete ki mannyer zot ti donn nou laprouvasyon ; akoz Landscaping i en lar e pa bokou dimoun ki kapab fer landscaping.

 

MR SPEAKER

Wi.

HON SEBASTIEN PILLAY

Mr Chair mon krwar nou tou ki’n desann Providence ler nou pe koz Landscaping i en lar, be selman la ou ‘n dir mwan poudir sa landscaping i enkli delittering, i enkli lezot travay ki sipoze ganny fer, so mon ti a kontan klarifye sa dimoun ki ape fer sa lar konmsi sa servis ki sa dimoun pe fer sa lar landscaping la, eski ou’n regard en pti pe bann Tenants Providence zot satisfaksyon pour servi sa lar?  Sa en pwen.  Apre lo en pwen mon ti a kontan Mr Speaker si CEO ti kapab provide Lasanble avek tou bann later ki IEA in allocate pandan sa lannen lo bann baz, bann diferan baz e bann Lagreman, e si zot annan Lagreman neseser parey tou bann lezot later i devret ganny allocate lo la?  Mersi Mr Chair.

 

MR SPEAKER

CEO.

CEO MRS LENA DESAUBIN

Kot oule mon reponn ou lo zafer alokasyon later?

HON SEBASTIEN PILLAY

Wi, wi.

 

MR SPEAKER

Landscaping?

 CEO MRS LENA DESAUBIN

Landscaping avek netwayaz dan PIE, se bann ziska konmela mon pa’n vwar okenn bann tenants ki’n vin konplent parske zot tou zot in vin zot dir omwen i annan lapropte e i en pti pe fleri ‘Leve Debourye’ partou i fer Landscaping e Anse Boileau osi mon napa okenn konplent.  Kot i konsern alokasyon later – depi ler IEA, depi an Zanvye nou pa ankor allocate okenn later akoz napa later pour allocate prezan ki nou pe komans fer, i annan zis 3 bout later ki ti ganny pran mon bann dimoun, e desizyon ti ganny pran pour re donn sa bann dimoun zot 3 bout later.

MR SPEAKER

Onorab Afif, dernyen kestyon.

HON SEBASTIEN PILLAY

Wi Mr Chair, Mr Chair zis en konsern ki mon’n ganny eksprimen, eski par egzanp i annan travayer ki travay IEA i annan drwa bid pour bann Kontra ki IEA i donnen, e si ou kapab dir nou, par egzanp par plot number V19190 i pour enn bann plot ki pour come up lo sa lalis  Si ou ti kapab fer nou konnen lekel ki pe ganny allocate sa bann nouvo plot? Mersi.

MR SPEAKER

CEO.

CEO MRS LENA DESAUBIN

Pour le moman mon pa kapab dir ou le … mon’n dir nou pa ankor allocate okenn later – Board ki deside.  E mon ava pran nimero sa parsel – dir mwan epi mon ava donn ou lenformasyon.

MR SPEAKER

Onorab Afif, ou a donn CEO apre.  Onorab Afif.

(Mic Off)

 CEO MRS LENA DESAUBIN

Kot travayer i konsernen pour mwan, mon pa vwar i normal pour en Drayver ki annan 37an ki pe travay dan Gouvernman i ankor ganny R5, 400 par mwan.  Ler ti fer Tender, ti demann 3 kotasyon pour en travay R35mil apepre, nou ti napa larzan nou ti’n kapab afford apepre R15mil pour fer sa travay, nou ti deside Management, pour les sa Msye fer li dan 6er bomaten apre son ler travay e dan son weekend pour simant en pe son lapey R5, 400 e an plis son madanm i endikape.

(Mic Off)

CEO MRS LENA DESAUBIN

Mersi.  Nou konnen poudir sa Msye i en Drayver sa i kalite Saler ki Gouvernman i donnen pour en Drayver.

 

HON SEBASTIEN PILLAY

….(Mic Off)

 MR SPEAKER

Onorab, CEO ou’n dir ou’n pran en desizyon e ou’n donn ou bann rezon.  Onorab Afif.

HON AHMED AFIF

Mersi Mr Speaker.  Mr Speaker mon ti a kontan demann petet Minis si i kapab zistifye pour nou akoz dan sa Bidze nou pe pey pour son Minister plis ki R5 milyon e answit pour Industrial Estates mon konpran parske son travay i diferan, me nou osi annan en Departman Lenvestisman ki li nou pe pey R5 milyon li osi, pour Minister R5 milyon, nou osi annan SIB sa lot 2 zot tonm anba Portfolyo Vis-Prezidan, nou pe pey R10 milyon pour li, so ler ou pe regarde an tou ou pe ganny ou R20milyon ki pe ganny depanse pour bann purposes Investment ki enkli SIB, i enkli Departman Lenvestisman, i enkli Departman Lendistri Entrepreneurship Development and Business Innovation ; nou pe koz Business Innovation nou osi annan anba Biro Vis- Prezidan Institute of Science Technology and Innovation, eski ou pa krwar i annan scope dan sa Bidze pour nou streamline en pe ki tousala i tonm anba en sel Minister oubyen en sel Management ki prezan i ava sov Gouvernman en kantite larzan akoz mon rapel 25an pase nou ti annan zis Departman Lendistri e sa letan i ti pe fer preski ekivalan sa ki nou pe vwar ozordi.  Ti annan en kantite Lendistri ti monte, bann ki fer tol, bann ki’n komans fer konstriksyon Providence Industrial Estates.  Me la ozordi nou vwar nou pe depans bokou plis larzan, nou pa vwar bokou nouvo ki pe vini, me selman zis groser Management pe grosi e mon pe demann ou Minis si ou pa vwar scope pour a lavenir redwir sa bann depans e streamline li fer nou depans mwens larzan.  Mersi.

 

MR SPEAKER

Minis.

MINISTER WALLACE COSGROW

Mr Chairman, mersi Onorab, mersi pour ou kestyon.  Petet mon a komans li koumsa si ou pe get Manda, Manda Minister Lendistri Entrepreneurship Development avek Manda Departman Investment, i 2 manda diferan.  Nou, nou plis ou mwen get devlopman Lendistri internally dan Sesel I mean, nou get devlopman Lantreprenarya nou met bann conducive environment pour devlop sa bann, sa 2 areas ok including Business Innovation.  Letan ou pe get, mon pa neseserman kalifye pour koz la par Lendistri Investment me selman mon kapab donn mon pwennvi, letan ou pe get Investment i plis ou mwen anmenn lenvestisman dan Sesel e osi kree en lanvironnman conducive pour Seselwa osi envestir dan Sesel.  So i 2 manda diferan si i kapab zwenn ansanm petet i annan serten landrwa ki nou kapab konpromi e zwenn ansanm, petet i annan serten landrwa ; me selman pour mwan i pour en pti pe difisil pour zwenn nou la petet la an se moman.  Petet a lavenir 2 Portfolio i kapab zwenn ansanm.

An term Inovasyon Biznes avek sa ki NISTI pe fer, pour mwan i konpletman diferan, NISTI i get Science and Technology an zeneral dan pei dan nenport ki Sekter.  Nou, nou pe get Inovasyon dan Biznes parkont nou travay vreman pre avek NISTI ; nou travay vreman pre avek NISTI e NISTI i ede osi pour anmenn sa konponan inovasyon dan biznes.  Me selman i fer bokou plis lezot keksoz ki nou, nou fer.  Ok?  So an term NISTI pour mwan mon pa vwar li i kapab zwenn avek nou, akoz i annan bokou plis manda ki sa.  Me selman an term petet Investment dan lefitir si nou align byen nou bann priyorite mon krwar petet Investment i kapab – dan lefitir, tonm anba en Minister dan mon pwennvi.  Mersi e petet PS….

 MR SPEAKER

PS.

PS ROGER TOUSSAINT

Mersi Mr Speaker, mersi Onorab Afif en tre bon kestyon, en bon sizesyon, ki mon krwar Gouvernman a konsider seryezman.  Me parey Minis in dir pour le moman nou pe travay a very close kolaborasyon avek Departman Envestisman, osi byen ki SIB.  Sirtou kot i konsern lanvironnman pour Biznes.  I enportan ki nou improve nou rank lo ‘doing business’, an sa ki konsern World Bank.  Pour le moman nou sityasyon is not too good, me sa i en sityasyon kot SIB avek nou Minister bezwen travay, in very close collaboration pour nou kapab improve the ‘ease of doing business.’  Nou konnen ki sa i cross cutting; i annan en kantite keksoz pour fer avek Minister ki nou reprezante la me osi i annan keksoz pour fer avek SIB.  E sa nou deza pe travay ansanm me petet ou sizesyon i ava pran ka, pour ki a lavenir nou vwar nou kapab realiz sa pour ki depans Gouvernman i ganny redwir significantly.  Mersi.

 

MR SPEAKER

Onorab Ramkalawan.

HON WAVEL RAMKALAWAN

Mersi bokou Mr Chairman e bonzour tou dimoun. Mr Chairman mon ti ava kontan premyerman, nou’n ganny en promes ki nou pour ganny sa lalis bann dimoun ki pa ankor peye e ki bann later ki’n ganny allocated ki napa okenn devlopman lo la, mon ti ava kontan konnen kan nou ti ava kapab ganny sa, premyerman.  Dezyenmman lo sa batiman Anse Boileau ki tonm anba Industrial Estates Authority ziska prezan dernyen parol ki nou ti gannyen letan nou ti pe pas sa Supplementary Appropriation, sete ki sa batiman i ankor vid, e ki mannyer mon konpran IEA pa ti oule pran kontrol sa batiman. Alors si i kapab dir nou, parske i annan en lenplikasyon finansyel direkteman dan Bidze, konsern sa rent.  Konbyen egzakteman sa rent i arive e si zot pour retourn sa avek Fon Pansyon pour nou kapab ganny li kler?  Lo kote bann fasilite letan ou pas lo kot, espesyalman Providence i annan serten landrwa ki pa ankor fer semen, e ki bann fasilite pa la, e sa byensir i fer en kantite, i koz en kantite lenkonvenyan, eski dan sa Bidze zot in fer provizyon pour zot once and for all, met tou bann fasilite pour ki konmsi i pa ava paret konmsi en pe dezord, dezord ; me an menm tan osi letan zot ava repran sa bann later ki i pa ava paret en pe dilapidated me i ava en real Industrial area.  Apre Mr Speaker mon ti ava kontan demande lo kote, parske i resanble ki sa pwen ki’n ganny leve pli boner konsernan sa konfizyon ant MLUH avek Industrial Estates Authority i en keksoz ki kontinyen.  E la spesifikman lo sa kote zot Prensip Polisi eski MLUH ki domin zot lo ki mannyer bann later?  Parske mon ganny lenpresyon ki poudir i annan serten later ki napa okenn diskisyon ki ganny fer e ki zis annan konfizyon.

E final lo kote letan CEO in dir avek nou ki i annan serten later ki’n ganny rann avek bann dimoun ki avan ti annan zot later e apre ti ganny pran, mwan pour mon sa mon met li dan ka viktimizasyon, eski nou kapab ganny dir si i annan bokou bann lezot dimoun ki pandan en kantite lannen zot in fer en aplikasyon, me ki zot aplikasyon konmsi olye ganny konsidere in al anba en latab kek par? Mon ti ava kontan ganny sa kler.  Mersi bokou.

 

MR SPEAKER

CEO petet bann ki konsern ou Lazans spesifikman epi Minis son enteraksyon ant MLUH avek ou Minister ou a reponn.  CEO ou parol pour ou.

 

CEO MRS LENA DESAUBIN

Mon ava demann Depite CEO pour li koz lo Anse Boileau, akoz li ki ti pe travay lo la ansanm avek Seychelles Pension Fund akoz Board of IEA ti dir poudir zot pa pour kapab pran sa akoz i mostly commercial i ava donn plis detay lo la.

MR SPEAKER

Deputy Kilindo.

DEPUTY CEO MR ALLAN KILINDO

Bonzour Mr Chair, bonzour tou Onorab e tou dimoun a lekout, Onorab pour reponn kestyon lo size Anse Boileau sak mikro antrepriz Anse Boileau ti ganny fer atraver en PPB avek Fon Pansyon – aprezan letan nou ti vwar, letan nou ti’n ganny enformen pour nou pran sa responsabilite, anfen past Management IEA ti fer sa negosyasyon avek Fon Pansyon be letan building in pare ti annan, i annan bann eleman dan sa building ki ti plis ou mwen Komersyal, ki pa neseserman anliny avek manda IEA, so la, la kot in annan en pe sa contention akoz ki i annan en letan ki ti annan ki petet Board pa ti tro incline pour pran sa zafer.  Mon a pran en legzanp dan sa lenstalasyon i annan en Restoran, nou ti pe mazin konmsi ki mannyer si pour annan sibvansyon Gouvernman ki mannyer nou, nou pour kapab defann sibvansyon en Restoran? Sa i enn parmi bann rezon akoz.  Be la dernyerman nou’n asize nou’n realize poudir i manda IEA pour nou responsab bann Sant Mikro Antrepriz pe enport  si i annan sa bann, enn de bann pti eleman komersyal avek.  Diskisyon ki nou ankor pe annan la, se ki nou pe adres sa size sibvansyon ki mannyer nou pour annan sibvansyon lo la, si pour annan en general sibvansyon, sorti kot Gouvernman oubyen pour annan sa eleman Komersyal ki i a fer cross subsidization.  sa eleman Komersyal, sa 2 bout eleman Komersyal li i a ganny son full rate ,ki a provide en pe sa cross subsidization pour sa bann parti endistriyel, pour Sant Mikro Antrepriz.  Mon pa konnen si mon’n fer mon lekor kler Onorab.

 

MR SPEAKER

CEO ou oule azoute?

CEO MRS LENA DESAUBIN

Kot i konsern Onorab, konsernan list of undeveloped properties nou ava kapab anvoy ou sa apre midi ler nou ale ; nou deza annan tou bann lalis later ek bann ki pa ankor devlope ki nou pe travay lo la. Konsernan bann semen nou deza annan en semen Zone 6 ki i la nou’n komanse depi an Zanvye me i pe trennen, akoz sa semen nou ti pe esper SLTA kapab provide koltar pour met lo semen, se i zis sa mwan la ki’n dir poudir i pour kapab donn koltar.  So prezan nou a kapab bouze e nou ava trouv sa semen i ava fini, an Zanvye osi nou’n negosye osi avek kot MLUH PS Choppy ti pe fer bann travay pour nou depese avek semen ki fer Zone 20 e ki desann kot Landfill par deryer.  Akoz nou ti krwar, nou’n dir poudir ou pa kapab annan zis en larantre ek en sorti dan PIE, so semen Vijay Construction ki’n fini ganny Kontra e pour le moman zot pe komanse.  E sa semen dan PIE,  nou’n demande larzan pour nou kapab fer semen Zone 6, me nou pa’n ganny bokou larzan e, me selman nou’n antre an konsiltasyon ek en Kontrakter, in dir nou i a kapab fer en par morso epi avek Gouvernman i ava negosye pour gete ki mannyer pour pey li par bout ouswa par son larzan ki ou anmase la, – CSR.

Kote Zone 20 ler bann Kont IEA, ti ganny transfer kot IEA ti annan en Suspense Account e dan sa Suspense Account i annan R16 milyon e nou pe pran sa larzan dan sa 16 milyon, sa i bann one-off savedir ler en dimoun dan Zone 18 ler ti ouver e en pe dan Zone 6 osi bann dimoun ti deside pey one-off, savedir zot pey tou pour nou kapab ganny larzan pour fer semen.  E la nou’n  – semen pe ganny fer dan Zone 20 e sa larzan ki ladan i pour ganny pran pour pey Vijay ki’n ganny sa Kontra pour li fer semen.  By next year i pour mank larzan e sa nou ava fer provizyon avek Minister Finans pour kapab fini kouver sa semen e kot lenfrastriktir i konsernen.  E kot i annan viktimizasyon, regarding land allocation, sa 3 dimoun ki ti ganny son later ki ti vin fer zot Appeal kot IEA an Zanvye 2017 zot Dosye ti ganny revwar ansanm avek Board e lo baz ki pa ti normal pour pran zot later se pourquoi nou ti deside rann sa 3 dimoun son later.  Lo lalis bann dimoun ki lo lalis espere depi tou sa letan i annan plis ki 15an, nou ava anvoy zot lalis ansanm apre midi.

 

MR SPEAKER

Oule Minis i a reponn apre ou a fer en sel dernyen, kestyon relye Minis petet ou a reponn sa kestyon interface ant ou Minister avek Minister MLUH.

 

MINISTER WALLACE COSGROW

Ok, Mr Chairman mersi.  Onorab parey mon’n dir boner MLUH i sa Lotorite lo tou later dan pei, okenn bout later ki anba zesyon IEA si i annan okenn devlopman okenn keksoz definitivman. i annan sa konsiltasyon, i bezwen annan sa konsiltasyon e mon ensiste ki i annan konsiltasyon between IEA avek Minister.  Petet mon pa konn lepase akoz mon osi mon fek pran sarz sa bout Portfolio an Zilyet, me selman mon ensiste ki la letan i annan bann devlopman nou annan konsiltasyon IEA ki pe manage later avek MLUH ki zer later an zeneral.  So mon ensiste ki i annan sa.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Yes, Mr Chairman, me swivan sa larepons mon anvi demande akoz ki MLUH i kontinyen annan enterferans dan travay Industrial Estates Authority?  par egzanp sa problenm ki Praslin pe koz lo la, se enterferans direk kot i annan MLUH zot atraver zot bann kontak ki zot annan, oubyen atraver bann demars ki dimoun in fer zot, zot pe donn Industrial Estates Authority en problenm.  E so i kontinyen annan sa konfli ki enn fwa pour tou i devret fini kler, e an plis ki sa dan sa menm konteks akoz ki serten dimoun ki deza annan kare later atraver bann serten negosyasyon, zot, zot pe ganny bann lezot morso.  E la ankor enn fwa mon pe dir sa se parske i vin atraver enterferans MLUH.  E laba kot zot in nonmen lo kot Dumpsite la, kot Dumpsite kot lontan ti fer Crémation, konmsi mwan mon reste ebete ki mannyer i annan serten etranze ok, serten etranze mon pa konnen si zot in ganny Paspor Seselwa, all of a sudden ki zot ti komans dan en pti laboutik Providence Estate kot zot ti pe koup tiles, kot ti pe koup granit ozordi zot, zot in ganny sans pour zot vin gro, me tandis ki Seselwa li i reste ptipti.  Alors mon pe kestyonn lo sa kote fairness lo lafason ki keksoz i ganny deroule, e si napa gous ki pe pase kek par, e mon pa pe akiz bann nouvo parske zot, zot in fek vini.  Me, e an plis ki sa Mr Chairman – si ou permet mwan mon ava dir akoz ki ozordi nou dan en sityasyon si nou fer sa lalis lo bann dimoun ki’n ganny later Endistriyel, ou pour vwar bokou bann ansyen MNA Parti Lepep ki zot, zot in ganny later e ki konmsi ki sistenm ki zot servi?

 

MR SPEAKER

Onorab, ok.  Demann dernyen kestyon.

 

HON WAVEL RAMKALAWAN

E zis en dernyen pwen Mr Speaker ki vin direkteman kot ankor enn fwa lo sa zafer alokasyon, kot si en dimoun in ganny allocate en bout later akoz son biznes in ganny allocate sa depi lontan, akoz son biznes ki i ti pour fer i ti pour bezwen 6, 000 met kare par egzanp ; me aprezan i fer vini tou son bann materyo pour li fer sa biznes ki i ti’n ganny allocated sa bout later apre sa souden sa 6, 000 met kare i vin 3, 000 met kare, kot i pa kapab fer sa biznes, konmsi ki zot fer pour zot aranze e sa lot bout i ganny donnen avek en lot dimoun ki aprezan li sa dimoun i dan Lendistri, me selman i trouv li son masin i la e i pa kapab fer parske la parey konmsi ou dir ek en boug fer en Boeing 747 lo Praslin, me selman napa en runway pour li takeoff apre.  Mersi Mr Speaker.

 

MR SPEAKER

Ok, mon krwar pour sa kestyon later lekel ki’n gannyen mon krwar CEO ou’n dir ou pour anvoy lenformasyon pour Lasanble e sa i en kestyon ki nou a commenté lo la ler nou gannyen ; i en kestyon lenformasyon ki ou’n demande, lo kestyon prosedir e fairness, bonn Gouvernans nou a komans avek ou CEO ou a dir nou si ou annan komanter pour fer lo la apre nou a donn parol PS epi nou a donn parol Minis avan nou vote.  CEO.

 

CEO MRS LENA DESAUBIN

Mersi Mr Speaker.  Mon ti a kontan dir avek tou bann dimoun, bann Onorab ki bezwen okenn bann lezot lenformasyon siplemanter, zot kapab touzour ekri ouswa demann nou.  Me selman sa ki enportan, se ki o nivo latransparans e accountability tou bann zefor in ganny fer, le neseser kot IEA pour nou kapab travay dan sa direksyon.  E sa ki pli enteresan ankor, se prezan dimoun nepli annan Assignment of Lease akoz avan menm i annan bann Seselwa ki’n ganny en bout later epi ki’n deside vann.  E depi nouvo Board in vini, depi ler nou’n pran manda e nouvo Board in vini napa okenn Assignment of Lease ki’n fer.  Mersi.

 

MR SPEAKER

PS, savedir ou pe donn nou en garanti ki i annan bon good practice ?  Yes ok, PS apre Minis.  Minis oule round up ?

 

MINISTER WALLACE COSGROW

Mersi Mr Chairman, pour round up mon krwar i annan 2 keksoz ki enportan en pour nou note, parey mon’n dir oparavan se ki boner sa lannen Polisi se ki IEA ek son Board i allocate later ; savedir ki in pase avan parey ou’n dir CEO pa ti la, mon pa ti la me selman CEO avek son, sorry Board IEA ki i annan permisyon pour allocate later.  E CEO in dir poudir komansman sa lannen zot pa ankor allocate okenn later, so zot pe sort out tou keksoz, met tou keksoz annord apre alokasyon i ava ganny fer.  So rest assured ki bon Gouvernans avek latransparans i antre dan alokasyon later kot IEA, akoz i pa en endividi, i pa en Minister me selman i en group dimoun ki asiz lo en Board ki’n ganny Manda pour fer sa.  So rest assured ki sa latransparans ek accountability i antre parfetman ladan.  Mersi.

 

MR SPEAKER

Bon nou, me petet ki nou a fer la nou’n ganny sa lasirans ki zot pour regard zot practice, petet ki nou a fer ler nou’n ganny sa bann lenformasyon kot sorti kot CEO, nou a ganny sans pour nou atraver lezot mekanizm pour nou poz kestyon lo si nou vwar keksoz ki pa regilye.

 

HON WAVEL RAMKALAWAN

Be sa bann kare later ki’n zis ganny donnen e ki la pour le moman i pe asize zis, akoz zot ti MNA avan zot in gannyen, ki si lo…

 

MR SPEAKER

Be sa pa pour vin… CEO, mwan mon’n konpran ou pe anmenn tou sa lenformasyon ansanm dan en package se sa ?  Mrs Desaubin.

 

CEO MRS LENA DESAUBIN

Wi nou pe donnen epi nou fer le neseser akoz tou dimoun ki ganny bout later i annan en Grace Period of 18 Mwan, si son 18 mwan in pase son later i pour dan prosedir pour fer cancellation pour donn en lot dimoun.

 

MR SPEAKER

So ou ava anmenn sa lenformasyon lo tou dimoun ki i annan, ki tonm dan sa kategori osi, se sa?

HON WAVEL RAMKALAWAN

Bann ki kasyet anba bann Lakonpannyen, apre zot vann Shares sa osi tou nou pour gannyen?  Akoz Mr Chairman mon pe dir sa akoz i annan en bon pe trik mardaz ki pase.  Mersi bokou.

MR SPEAKER

Ok, alright Onorab.  Onorab ou’n fer komanter…

 

CEO MRS LENA DESAUBIN

Wi Onorab nou pour donnen, nou pe fer tre atansyon akoz i vre sa ki ou pe dir, nou’n vwar bann dimoun ki komans fer bann Lakonpannyen pour zot  kapab transfer lo Lakonpannyen, be tousala Lakonpannyen en lot dimoun tousala nou pe get li byen avan.  Nou anploy nou en Senior Legal Officer kot nou, e li avan tou bann file i pase, i pas kot li i diskite bann Management epi i al lo Board.

 

MR SPEAKER

Savedir ou Board i ava vwar si i annan okenn Shareholding ki en pti pe suspect, se sa?  Tre byen mersi bon.  Nou tou ki ti’n lev zot lanmen pour koze a koze, PS in koze, PS Payet, nou pour pran en vot lo paz 655 pour Ministry of Industry, Entrepreneur and Business Innovation an menm tan nou’n osi diskit Industrial Estates Authority lo paz 563.  So nou pe pran vot pour sa 2 Heads se sa?

 

PS PATRICK PAYET

Wi Mr Chair.

 

MR SPEAKER

Tre byen pour IEA mon a zis remind zot lo paz 663 to be appropriated 17.486 milyon e pour Minister li menm li lo paz 655 appropriated 5.3 million, tou bann ki pour sa 2 lev zot lanmen?  Clerk.

 

MADAM CLERK

Mr Chair 22 Manm an faver.  Mersi.

MR SPEAKER

Tre byen Lasanble in aprouv … PS Payet ou ti le dir en pti keksoz?

 

PS PATRICK PAYET

Non, kekfwa letan ou fini Mr Chair akoz i annan 2 lezot Lazans ki tonm anba sa….

MR SPEAKER

Wi nou pe vin lo la, en pti moman mon pa ankor fini dir avan nou al lo la nou pour vini en pti moman, zis mon oule dir pour rikord ki Lasanble in aprouv Bidze pour Minister Lendistri, Devlopman Biznes Inovasyon e osi pour IEA Industrial Estates Agency, nou bezwen dir sa lo rikord.  Prezan avan nou pran en Break parske nou bezwen pran en Break.  PS ou a dir nou lekel sa 2 lezot Lazans e ki paz ki zot ete ler nou tournen apre Break pour nou diskite.

 

PS PATRICK PAYET

Non, Mr Chair zis pour advise Lasanble, ki i annan bann Lazans ki avek diskisyon, ki zot pa’n ganny kriye pour vin diskit zot Bidze, akoz napa major increase.  I annan….

MR SPEAKER

Me selman nou’n deza dir PS, nou’n deza anonse ki i annan, me la nou le konnen for next ler nou sorti bwar dite ; rezon mon pe demann sa ki dimoun i konnen ki nou pe vin diskite, pour zot deside si zot le demann kestyon oubyen non, ler nou antre.  Mon pe swiv Lareg strik, si ler nou antre ou pa la, oubyen ou pa met ou lanmen pour ou demann kestyon, malerezman nou bezwen annan en lord, nou swiv bann dimoun ki’n eksprim lentere pour demann kestyon.  Dir nou ler nou antre kote, ki paz ki nou pour diskite pour tou dimoun konnen, zot a fer zot desizyon pandan Break.

 

PS PATRICK PAYET

Wi, Mr Chair zis pour azoute ki akoz son Minis i prezan e mon pe rekomande ki nou pran en vot lo sa 2 Lazans.

 

MR SPEAKER

Lekel?

 

PS PATRICK PAYET

Lo Small Enterprise Promotion Agency lo paz 663 apre Seychelles Bureau of Standard lo paz 669.  Sa 2 vot, si nou kapab pran li la vi ki zot, son Minis i prezan ozordi.

 

MR SPEAKER

Clerk ou’n gannyen sa 2 Agency, zot paz, re dir zot paz pour tou dimoun fer sir nou’n gannyen nou gete pandan Break.  PS.

 

PS PATRICK PAYET

Lo paz 658 lo Small Enterprise Promotion Agency apre 669, Seychelles Bureau of Standard, si nou kapab pran en vot lo sa 2?

 

MR SPEAKER

Ler nou tournen sa oubyen ou oule la konmela?

 

PS PATRICK PAYET

La.

 

MR SPEAKER

Ok, eski nou kapab pran en vot ?  Tou bann ki pour lev zot lanmen?  Tou bann ki pour lev zot lanmen?

 

MADAM CLERK

Mersi Mr Chair, 17 Manm an faver.  Mersi.

 

MR SPEAKER

Tre byen savedir Lasanble in aprouv Bidze pour Small Enterprise Promotion Agency lo 658 e lo 669 nou’n osi aprouv for the record Seychelles Bureau of Standards – kler?  Bon, second vote, be nou’n konte, Clerk ou pa’n konte, non be PS Payet ou pa’n dir nou, nou pe pran vot pour sa, tou lede ?  Seychelles Bureau of Standards epi lot Small Enterprise.  Yes PS Payet ?

 

PS PATRICK PAYET

Non, i 2 diferan Head.

 

MR SPEAKER

2 diferan vot?

 

PS PATRICK PAYET

Yes.  Wi,

 

MR SPEAKER

Annou re pran ankor, mwan ki’n mal konpran, alor mon ti krwar ou pe dir nou tou lede Lazans i pour ansanm.  So annou pran premye, 658, savedir Seychelles – nou’n fini pran Seychelles Enterprise Promotion Agency prezan nou pran Bureau of Standards lo 669.  Tou bann ki pour lev zot lanmen?  Clerk.

 

MADAM CLERK

Mersi Mr Chair.  18 Manm an faver.  Mersi.

 

MR SPEAKER

Savedir Bidze pour Seychelles Bureau of Standards i ganny aprouve par Lasanble e avek sa mon ti a kontan eskiz Minis, PS, CEO IEA e son Depite Mr Kilindo e mersi zot, mersi pour vini bomaten e bon kontinyasyon.

 

(MINISTER COSGROW AND HIS DELEGATION WAS EXCUSED FROM THE HOUSE)

 

MR SPEAKER

Bon prezan PS ou a dir nou avan ler nou tournen 11er nou sorti nou Break, dir nou eski nou pour pran Agency for the Prevention of Drug Abuse and Rehabilitation oubyen nou pe pran en lot Head?

 

PS PATRICK PAYET

Non, li menm li.  Konfirmen Mr Speaker.

MR SPEAKER

Dir nou ki paz nou pe pran li.

PS PATRICK PAYET

I paz 43 a 48 apre paz 5 dan PSIP as well.

 

MR SPEAKER

43 a 48 apre paz 5 lo PIP

PS PATRICK PAYET

PSIP.

 

MR SPEAKER

PSIP, sorry ; 43 zis mon fer sir nou konnen kot nou été.  Very good, tre byen.  E avek sa mon krwar mon ti a kontan lo non tou bann Koleg pour dir welcome back Onorab Ernesta ek Onorab Larue fotespere zot in pas en pe letan snowballing dan lanez, zot in aprann bokou keksoz – welcome back.  Nou a re zwenn 11er.

 

(BREAK)

 

(AGENCY FOR PREVENTION OF DRUGS ABUSE AND REHABILITATION)

 

MR SPEAKER

Nou a repran nou travay.  E mon ti a kontan, e parey nou’n tonm dakor nou pour pran Agency for the Prevention of Drugs Abuse and Rehabilitation ki tonm anba biro Vis-Prezidan.  Nou ti a kontan swet labyenveni Vis-Prezidan Meriton, Sekreter D’Eta Dr Herminie avek ou lekip pour nou diskit sa Lazans ki tonm anba zot responsabilite.  E parey nou pe fer depi nou’n, depi enn de zour, nou’n dakor ki nou pour pran non tou bann dimoun ki anvi entervenir lo de kote latab, lo sa budget line.  E mwan a demann Clerk ek Deputy Clerk pour pran lalis. Konmsi pa ti devret pran lalis Clerk, ou a krwar tou dimoun i anvi koze.  Anyway, non, nou bezwen fer sir nou pran lalis pour dir dimoun.  Eski nou’n gannyen?

 

MADAM CLERK

Mersi Mr Chair.  Zis pour mwan konfirmen si Onorab De Commarmond son non i lo lalis. Mersi.  Onorab De Commarmond, Onorab Sebastien Pillay, Onorab Basil Hoareau, Onorab Simon Gill, Onorab Audrey Vidot, Onorab Ernesta osi, Onorab Jude Valmont, Onorab Chantal Ghislain, Onorab Wilbert Herminie, Onorab Lemiel, non, ok, Onorab Churchill Gill, Onorab, Noline Sophola, Onorab Egbert Aglae, e Onorab William, Mr Speaker, zis minus non Onorab Sylvanne Lemiel. Mersi.

 

MR SPEAKER

Deputy?
MADAM DEPUTY CLERK

Mersi Mr Speaker.  Lo kote LDS, tou Manm pour demann kestyon, eksepte Onorab Hoareau.  Mersi, avek Onorab Larue.  Mersi.

 

MR SPEAKER

Ok.  Mersi.  E parey nou’n fer, nou lo Staz Komite, e okenn dimoun, VP ki oule i entervenir ler i annan okenn kestyon pertinan, evidaman ou kapab fer li.  Nou a komans toudswit avek Onorab De Commarmond.  Ok ou annan rezon mon ti dir le de Speaker nou pour esey kit zot dernyen ki annan dimoun along the way ki anvi annan en kestyon zot glis sa, oubyen balans li an desandan kot zot Leader.  Alor nou a komans kot Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair avan mon komans demann mon kestyon mon oule zis deklare ki mon ti ganny propoze lo sa Bord ki pour form sa Lazans, mwan menm avek Onorab George.  E mon pour demann mon kestyon dan en purview en pe zeneral. Mersi Mr Chair, mon ti a kontan demann Vis-Prezidan pour sa Bidze sa lazans ki nou pe vot lo la konbyen Lazans an tou i enkli dan sa Bidze ki nou pe vot lo la spesifikman?  Apre mwan a demann mon lot morso kestyon.  Mersi Mr Chair.

 

MR SPEAKER

Ou pe demann Vis-Prezidan, oubyen PS Payet.

HON SEBASTIEN PILLAY

Mwan pe demann. Mon krwar SS Herminie i ava reponn Mr Chair.  Mersi.

MR SPEAKER

Ok.

SECRETARY OF STATE DR PATRICK HERMINIE

Mersi bokou Mr Chair.  Bonzour tou bann Manm Onorab, le E Leaders bonzour. Mon krwar sa kestyon i tre enportan pour nou konpran ki mannyer nou’n ariv a sa sif 50.2 milyon. Nou progranm an gro i baze lo 4 pilye.  E sa se prevansyon e ledikasyon, demann pour drog (Drug Demand Reduction) harm reduction, savedir pour anpes bann problenm segonder ki arive an rezilta litilizan son drog sa ki nou apel prevansyon segonder, e apre Aftercare, savedir kontinyen avek tretman apre ki en dimoun in sorti dan Sant Reabilitasyon.  Bon sa i nou progranm.  Par lepase diferan konponan sa progranm ti pe ganny fer par diferan akter dan sosyete.  Ti annan DAC, ti annan Mont Royale, ti annan DDRU.  E apre ti annan Wellness Centre.  Le 01 Out ler Lasanble Nasyonal ti pas Lalwa pour form Agency, tou sa bann Agency ti vin anba, tou sa bann akter ti vin anba en Agency.  E zisteman sa Bidze ki la devan nou, set en konsolidasyon Bidze sa bann antite ki’n merge ansanm.  I annan 5.4 milyon ki zot ti aprouve lannen pase pour Mont Royale, pe vin anba Agency.  I annan 3.4milyon ki zot ti aprouve lannen pase pour DAC pe vin anba sa Agency.  Minister Lasante avek Minister Finans apre ki zot in annan en diskisyon, zot in deside transfer 9.2milyon sorti pour Wellness pour vin anba Agency.  E apre nou, pour nou Lazans nou ti ganny 10milyon avek zot, e sa in monte in vin 25. 9milyon, e 10milyon i anba PSIP.  Savedir pour en proze ki fer donk ki nou Bidze in mont par apepre 14milyon, a 4milyon sorry.  Bon sa en pe sa Bidze ki la devan nou.  Mon krwar nou’n fer nou kler.  Mersi.

 

MR SPEAKER

Onorab Pillay.

HON SEBASTIEN PILLAY

Mersi Mr Chair.  Mr Chair mon ti a kontan demann Sekreter Zeneral pour eksplike, donn nou en pe plis detay lo sa 10milyon anba PSIP ki zot pe pran ki li i pe vin sa logmantasyon pli sibstansyel ki zot pe gannyen anba sa Bidze.  Donn nou en pe plis detay lo kwa ki sa i entail? E ki mannyer sa pour ganny enplimante ki i ava fer ki nou pe vwar son enplimantasyon, swa 2018, oubyen si i pour annan okenn lezot sirkonstans son lenplimantasyon, petet ki pour tonm son lannen answit.  Mersi Mr Chair.

 

MR SPEAKER

Ou kestyon i vize ver Sekreter D’Eta, oubyen Sekreter Zeneral?

 

HON SEBASTIEN PILLAY

Sekreter D’Eta mon’n dir Mr Chair.  Mersi.

MR SPEAKER

Ok.  Sekreter D’Eta.

SECRETARY OF STATE DR PATRICK HERMINIE

Mersi bokou Mr Chair.  Sa 10.2milyon, i pour komans fer en Sant Reabilitasyon.  En Sant Reabilitasyon i form en parti enportan nenport ki progranm kont drog.  I en landrwa kot bann dimoun, bann kliyan, bann dimoun ki’n ganny afekte, zot al reste pour pas atraver en prosesis tretman, ki enkli tretman pharmaceutical e osi swivi par tretman ki nou apel psikososyal, avek bi pou reentegre li dan sosyete e fer li vin en endividi ki prodwir pour lakominote.  Son bi evantyelman se ki ler i retourn dan kominote i konpletman drug free e i kapab partisip dan devlopman kominote.  Bon, 10.2 milyon i sonm ki Minister Finans in donn nou.  Avek 10.2 milyon ou pa konstri okenn Sant Reabilitasyon. Akoz Sant Reabilitasyon i annan plizyer konponan. I annan son konponan dormitwar, i annan son konponan tretman, i annan son konponan kot ou bezwen kwi manze pour sa bann dimoun, zot lasal manze. I annan konponan rekreasyonnel. Savedir i bezwen annan en laplenn pour zot fer sport.  I annan konponan sa ki nou apel skill acquisition kot zot aprann mason, aprann sarpantye e lezot keksoz, pour zot kapab annan en dyob letan zot retourn dan kominote; nou annan bann lezot terapi par egzanp art therapy, zot aprann zwe lanmizik, music therapy, ouswa computer.  Par egzanp Praslin nou fek entrodwir computer kot zot komans aprann servi en computer.  Bi toultan, se ki ler zot retourn dan kominote i annan serten keksoz ki zot kapab fer. Mersi.

 

MR SPEAKER

Onorab Nicholas Prea.

 

HON NICHOLAS PREA

Mersi Mr Chairman.  Bonzour tou dimoun. Mr Chairman mon kestyon pour al en pe lo Bidze 2017 ki Lazans in gannyen sa dernyen 10 mwan, 11 mwan.  Petet zis kapab eksplik si nou kapab ganny leksplikasyon lo par egzanp mwan war 3, milyon 600 mil anba ‘’capital expenditure’’ lo kwa sa in ganny depanse?  Donn nou en pti detay sa 4.4 milyon, 4.5 milyon ‘’good and services?’’ Apre ler mon pe regard Bidze 2018, progranm pe mazin pour tret 200 pasyan.  Si i kapab donn nou en pti detay.  Avek sa 200 pasyan ki zot pe mazinen pour enroll, ki kantite staff ki zot pour anploye?  E si nou annan sa bann staff lokal oubyen nou pour vwar ankor en influx of foreign labour?   Mersi.

 

MR SPEAKER

SS.

 

SECRETARY OF STATE DR PATRICK HERMINIE

Onorab sa 3.6- premyerman mon krwar i enportan ki nou apresye ki nou, nou pa ti ganny en Bidze per se.  Nou ti ganny zis 10 milyon e ti dir avek nou gete ki nou kapab fer avek 10 milyon.  Ok?  E dan sa 10 milyon nou’n asize, nou’n sey gete kwa ki priyorite pour nou, e nesesite pour nou komansman. E sa 3.6 nou ti met li de-kote avek bi pour renovate ex-CID Building Mont Fleuri.  Mon krwar ou konn sa building Mont Fleuri.  Nou ti oule fer sa building vin nou Headquarters kot tou nou bann staff ti ava baze enkli nou ti ava annan nou en Drop-in Centre pour bann kliyan, right?  Me malerezman, malerezman in ale vini, ale vini e bann keksoz ki an deor nou kontrol. Akoz i annan en kantite bann prosedir ki ou bezwen swiv. E ki fer ki a lafen de fen, a lafen dizour nou pa’n arive servi sa 3.6milyon pour fer sa ki nou ti anvi fer.  Me selman nou’n vwar ladan pour nou kapab konplet en survey ki nou konsider koman primordyal pour nou kapab komans avek nou progranm kont sa fleo drog.  An sa ki konsern sa 4.4 i pirman bann petet mwan a les bann teknisyen koz lo la.

 

PRINCIPAL PLANNING OFFICER GERALDA DESAUBIN

Mersi pour ou kestyon Onorab. An se ki konsern sa 4.4 i enportan note pour dir ki lazans li menm, well Sekretarya li menm, ti komans, ti ganny access avek son Bidze an Out, menm si Budget ti ganny donnen an Avril, nou ti komans servi li an Out, zisteman akoz nou ti ganny advice par Minister Finans ki nou bezwen esper prosedir pour nou vin en Lazans. Esper Lazans ganny aprouve par Lasanble.  So sa 4.4 nou pa ankor vreman fini servi li zisteman, akoz nou’n fek komans servi li an Out.  Pandan bann letan depi Avril ziska Out nou tip e ganny lasistans avek President Office.  Sa ki nou’n servi pour le moman ziska Out i bann normal office expenses, delo, elektrisite bann keksoz koumsa e osi ‘’wages and salaries’’ pour nou bann staff. Mersi.

 

MR SPEAKER

Zis pour lenformasyon piblik ek tou dimoun, Ms Geralda Desaubin i Principal Planning Officer.  Wi Onorab Prea.

 

HON NICHOLAS PREA

Mersi Mr Chair mon annan en dezyenm bout lo Bidze 2018, lakantite pasyan ki zot anvizaze pour trete pour enroll?  E ki kantite staff ki pour ganny anploye vizavi sa?  Mersi.

 

MR SPEAKER

SS.

 

SECRETARY OF STATE DR PATRICK HERMINIE

Onorab si ou vwar dan nou Bidze, nou’n fer provizyon pour nou kapab anploy bokou plis dimoun.  I annan counselors, physiologist, dokter, bann dimoun ki nou pour bezwen pour travay avek nou dan sa progranm.  Laverite se ki ozordi nou vreman ill-equipped koman en Nasyon pour nou deal avek sa problenm drog.  Koman en legzanp i annan nou 240 manrmay ki lo en progranm Methadone a nivo distrik.  E nou annan zis 2 counselors ki pe travay ek zot, ki fer ki vin en counselor par 120 kliyan.  Norm enternasyonal se ki ou bezwen annan 1 counselor omwen par 10 a 15 kliyan, pour li kapab annan okenn lefikasite. E sa problenm nou osi vwar dan nou Progranm Rezidansyel Praslin, ok kot nou annan kapasite pour pran 46 manrmay, me nou tenir lo 25 akoz nou annan zis en counselor. Ok?  I pa kapab deal avek 46 manrmay an menm tan. Ou’n demann en bon kestyon, staff si pour lokal.  Sa sityasyon i sitan irzan ki nou menm nou nou’n fer reprezantasyon devan DPA avek Minister Finans ki nou bezwen fer en leksepsyon pour bann dimoun ki travay dan sa Progranm Drog.  I en travay kit re difisil.  Ou pe deal avek bann pasyan kit re difisil, agresiv e nou bezwen met ater en package ki pran kouraz bokou counselors pour vin travay ek nou.  Ozordi dan sa pei nou’n train en kantite social workers, me kot ou vwar zot lo Air Seychelles pe travay koman cabin crew; zot pe travay koman zournalis avek tele TELE Seychelles – ou vwar?  Me napa nanryen ki pour antis zot pour vin dan sa progranm.  Me plan ki nou, nou annan pour sa prosenn 2, 3 an magnitid sa problenm i sitan gran, nou pe koz nou, nou krwar akoz nou pe fer en survey la, e bann lobzervasyon inisyal ki nou, nou pe vwar, nou krwar nou annan fasilman 5 mil adikt dan Sesel. Ok? E pour nou kapab deal avek sa kantite dimoun dan en popilasyon 90mil nou pour napa swa me al enternasyonal pour nou rod led.  Nou’n komans, Prezidan ler ti al Maurice in demann led pour rezon langaz.  Ok? Bann psikolog ouswa bann counselors i kapab koz avek bann kliyan ki pa tre edike an ka akoz langaz Kreol.  Me Maurice osi i annan son prop problenm.  So nou pour bezwen al enternasyonal avek British High Com, in pare pour anvoy expert pour vin train bann dimoun lokal.  Nou bezwen run bann crash courses, dan councelling, peer education, e nou pa kapab esper 3an akoz magnitid problenm.  Zis pour mwan donn ou en nide. Nou krwar nou annan nou apepre en 5mil minimonm adikt dan Sesel dan en popilasyon 90 mil. Switzerland kot mon ti ete apepre en mwan pase, zot annan zot apepre 20mil adikt, dan en popilasyon 8.5 milyon. Ok?  E zot annan zot 138 fasilite pour deal avek sa 20 mil adikt.  So sa i magnitid repons ki nou bezwen donnen si nou oule en solisyon avek sa problenm drog. Mersi.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Chair.  Mr Chair mon ti a kontan demann Secretary of State Herminie sa 3 kestyon.  I annan dan zot priyorite en plan pour fer en survey. E zot in mete dan Bidze, eski sa in ganny Bidzete e konbyen? E konbyen letan sa survey pour fini pour nou konnen the extent of drug addiction Sesel?         Epi lo progranm 3, ‘’treatment and rehabilitation’’, nou’n vwar pour dir, i dir pour dir zot in parey pour siport, ‘’support will be provided to all NGOs involved in the treatment and rehabilitation of drugs ‘’en?  Eski nou konnen pour dir dan zot Lalwa in dir pour dir avan ki sa bann support i ganny fer, i annan bann kriter ki sa bann lenstitisyon i bezwen meet.  Eski lazans pe fer sir pour dir bann kriter, tou sa bann lenstitisyon i meet sa bann kriter avan ki larzan i ganny, ouswa led i ganny donnen a sa bann lenstitisyon? Vi ki la mon’n war pour dir zot pou donn pour tou. Eski zot pe fer sir pour dir Lalwa pe ganny complied with?  Epi 3enm dan zot professional expenses mon vwar en sonm pour ‘’local consultancy fees’’ ki amount to R564 mil.  Kwa egzakteman sa ‘’consultancy fees? ’’ It’s for what?  Mersi.

 

SECRETARY OF STATE DR PATRICK HERMINIE

…. (Mic Off)

 

HON BASIL HOAREAU

 …. professional expenses.  Yes. Yeah.

 

SECRETARY OF STATE DR PATRICK HERMINIE

…. (Mic Off)  Ki paz.

 

HON BASIL HOAREAU

It’s under’’ professional expenses. ‘’

 

MR SPEAKER

Ki paz?

 

HON BASIL HOAREAU

I pa dan, i dan en lot dokiman ki’n ganny donnen ek nou, i pa dan…

 

MR SPEAKER

Ok.   SS.

 

SECRETARY OF STATE DR PATRICK HERMINIE

Premyerman sa Respondent-Driven Survey ki ou pe koz lo la nou ti tender li e ti annan zis en dimoun ki annan konpetans isi Sesel pour fer sa.  E sa sete Mr Benjamin Vel. Nou ti le ki Minister Lasante i fer sa, be Minister Lasante i dir ki zot bogged down, ki zot pour napa letan pour fer alor nou bezwen al prive. In swiv tou bann prosesis e sa survey i ongoing, i pe al dan son 2enm staz; savedir son 2enm staz se data entry avek analysis.  Tou bann lezot aspe in fini ganny fer.  E nou ekspekte ki komansman Desanm nou ava annan bann baseline data ki kredib lo sityasyon drog dan Sesel. I annan plizyer obzektif sa survey.  Enn se pour fer sa ki nou apel size estimation pour nou konnen ki kantite droger ki nou annan dan Sesel?  Ki kalite drog zot pe servi?  I osi enportan pour nou konnen ki kantite zot ki pe ganny afekte avek lezot maladi parey SIDA e Hepatit C? Ki zot nivo ledikasyon? Ki lanvironnman zot sorti ladan pour nou kapab sey etablir en kolizyon ant litilizasyon drog ki ekstrememan o dan Sesel, e avek bann diferan fakter lanvironnman, osi byen biolozi.  Nou apel sa en IBBS, en Integrated Biological Behavioral Survey.  E i pe tre byen ale, e son kou i estimen a R3milyon roupi. Pardon?  E nou’n napa okenn swa akoz nou’n annan nou zis en dimoun ki’n bid.  E sa i en survey ki unless nou al enternasyonal i pour ser. Nou’n deside pran en konsiltan lokal akoz i en survey spesyal ki annan pour bi al rod, akoz i annan plizyer group dimoun, prostitye, droger, bann dimoun ki fer omoseksyalite, zot pa vini devan dan en surveySo ou bezwen fer sa ki ou apel en Respondent-Driven e i ser akoz ou bezwen pey sa bann manrmay pour zot al rod zot dalon, al rod 3 zot dalon, 3 zot dalon i al rod sakenn 3 zot dalon, e ou ale koumsa.  Ok?  Nou apel sa snowballing.  Ok sa i en servis spesyal ki ganny fer dan bann sirkonstans koumsa. Bon sa ki konsern NGO, mon lopinyon personnel ok, se ki Gouvernman pa pour zanmen lo li menm li kapab deal avek sa problenm drog; i pour neseser ki nou ankouraz bokou NGOs. Se pour sa rezon ki nou, nou ti demann Minister Finans inisyalman pour enkli en sonm minimonm 5 milyon.  Apard ki CARE avek CAR i gannyen pour nou kapab siport bann NGOs.  Akoz apre tou zot pe fer sa pour pei. Ok? Nou annan NGOs ‘’Nou La Pour Ou,’’ ‘’Living Well’’ ki en faith-based NGO, ‘’Annou Sov Nou Zanfan’’, ‘’Mothers Against Drugs’’, ‘’Parents For Hopes’’ tou sa bann NGO i egziste e zot lentansyon, se zisteman pour ede dan sa lalit kont drog.  Me zot tou zot en pe dorman pour la senp rezon ki zot napa resours, zot napa lofis, e zot napa dimoun kapab pour fer zot progranm marse.  So i ekstrememan enportan, ki nou met lanfaz NGO.  I annan plizyer pei kot nou’n ale Maurice, Repiblik Czech se NGOs ki pe lead sa lalit kont drog.  E normalman zot ganny en Grant avek Gouvernman.  Osi byen ki zot kapab parey tou lezot NGOs rod zot larzan. Bon ou’n mansyonnen ki anba Lalwa nou annan pouvwar pour get standar; wi nou annan pouvwar. Si zot pe ganny larzan avek Gouvernman e nou pa satisfe avek standar ki zot, zot pe fonksyonn anba la, nou annan dwa koup sa, rekomande ki sa i ganny koupe. Me pour sa arive, nou bezwen etablir sa ki nou apel en Unit Akreditasyon ki permisib anba Lalwa.  E la pour zot lenformasyon, mon ti Cape Town semenn pase, e UNODC in dakor pour anvoy en expert komansman Fevriye, zisteman pour fer sa ki zot apel quality assurance, pour etablir national standards anba ki nenport ki dimoun ki oule antre dan en drug related activity, i pa kapab fonksyonnen, i pour bezwen respe sa bann standar.  So pour nou i ekstrememan enportan akoz fonksyon (1) Agency se pour fer sir ki standar Nasyonal i enn de o nivo e ki annan rezilta ki nou ti a voudre vwar.  I fasil pour fer en kantite biznes; pa zis avek vann drog, be dan demand reduction, osi i annan en kantite landrwa kot zot set up bann Rehabilitation Centre, zot fer bann Stent, en 3 semenn, 1 mwan, 2 mwan, me nou tou nou konnen ki sa i pa evidence-based.  E i pa ganny fer lo en baz Lasyans, i pirman en biznes pour ganny larzan, son rezilta se ki 99 poursan bann manrmay zot relapse e retonm dan drog ankor. Lo ‘’local consultancy,’’ nou annan plizyer consultancy.  Akoz pour nou – i annan de konponan i annan sa ki tonm anba education and prevention, i bann consultancy ki DAC ti pe run avek bann dimoun par egzanp pou fer film, pou fer avertisman, ler zot fer zot colloque zot rod en konsiltan pour vin adres zot.  Sa DAC ti pe fer.   Nou osi nou’n met plizyer ‘’consultancy. ’’ E en keksoz mon ava dir Mr Onorab se ki consultancy i ekstrememan ser isi, ekstrememan ser en.  Seselwa, konmela bokou dimoun i konn kont ziskan milyon e souvandfwa bann consultancy i 1milyon, sote an montan.  E sa 500 mil ki nou, nou’n gannyen i pa pour sifi pour nou fer bann consultancy ki nou, nou santi i pertinan.  Vwala rezon akoz nou ti al kot UNODC, e nou’n diskite, e UNODC in dakor e komet son lekor pour premye 3 mwan, right, pour ed nou avek formilasyon en National Drug Master Plan.  Mon fek koz lo national standards e quality assurance.  I annan lezot consultancy ki nou oule fer sa ki nou apel en prototype willingness model, pour nou aplik dan Sesel e gete kwa ki fer zanfan Seselwa willing pour li pran drog.  Sa ankor nou’n ganny komitman Sud  Afrique.  Donk sa 500mil i pour plis bann local costOk?  Pour lwe en landrwa, pour donn manze dan midi, pour bann partisipan, eksetera, eksetera. Nou ti a voudre go local lo sa bann keksoz, me malerezman nou pa’n ganny ase larzan e bokou nou travay pour depan en kantite lo bann sipor enternasyonal, ki nou pour gannyen avek WHO, UNODC, CANCO, Harm Reduction International. Yes, se tou.

 

MR SPEAKER

Onorab Afif.

 

HON AHMED AFIF

Mersi Mr Chair. Mr Chair mwan kestyon i vize en pti lo bann kou loperasyon ki nou pour peye anba sa Bidze pour 2018. ‘E mwan pour al direk dan par egzanp ‘’maintenance,’’ nou pe vwar tools, zot pour bezwen aste 200mil lavaler tools, si ou kapab donn nou en pe detay? Apre anba ‘’other goods and services,’’ i annan bann kou ki mon war i vreman eleve par egzanp rent 2.6 milyon ki plis ki R200mil rent par mwan. Mon war sa i en pe for. Sekirite, I mean R3 milyon zis pour sekirite, i desot menm ‘’sekirite ki en lenstitisyon parey Lezislatif i peye, i desot sa 3 fwa. ‘’Board member fees,’’ mon konnen ou annan en gran Board, me ou pe pey R1.7 milyon par lannen zis pour pey bann Board members.  Kestyon eski Board in deza zwenn ziska ozordi?  Ou pe R6mil apepre par Board member. E akoz i sitan o par rapor avek lezot Board membership fees ki nou’n konnen. Answit ou ti annan osi en anba ‘’other goods’’ en 2 milyon ki’n mete napa okenn detay zis ‘’other goods’’ i apel R2 milyon.  Sa R2milyon i tonm anba paz 44, ‘’other uses of goods and services’’ anba ‘’other goods and services.’’ ‘’Other uses of goods and services?’’ Zis R2milyon.  Napa okenn detay.  So tousala mon vwar i vreman eleve – i pa zistifye. Me mwan ti a kontan ganny leksplikasyon.  Mersi.

 

MR SPEAKER

  1. SS.

 

SECRETARY OF STATE DR PATRICK HERMINIE

Yes, ou konsern is in order. Premyerman ‘’rent’’, pour le moman nou, nou pe rent lofis all over the map, right?  Nou annan kot Oliaji Building, nou annan 2 lofis, enn pour mwan avek Personnel Assistant avek Executive Director – en lot.   Victoria House, nou pe rent plizyer lofis kot nou fer bann counseling, bann testing, kot bann kliyan i vin pour fer counseling avek testing. Apre nou annan Barrel Trading, the whole Drug and Alcohol Council, i baze laba.  So nou en pe partou, eparpiye.  E vwala rezon akoz ki nou ti le refer sa ex-CID pour nou anba en sel twa. Me sa i pa’n posib.  Aprezan nou pe lwe.  E pour nou kapab met tou nou Sekretarya an antye ki osi enkli legal counsel, international cooperation officer, monitoring and evaluation officer par lao tou sa bann ki nou annan par egzanp bann planning officer eksetera. Nou pe lwe 2 landrwa. Ok? Nou pe lwe 2 landrwa Providence, enn i apel Oceanic Investment, e lot i apel Properties PTY LTD.  E vwala akoz ou pe ganny ou sa gro sif ‘rent’ preski R200mil par mwan.

Nou menm nou, nou ti a swete, nou ti ganny nou larzan pour nou kapab fer en keksoz pour nou, me malerezman sa pa le ka.  Bon ‘’security’’, mwan osi le moman ki mon’n vwar R3 milyon ‘’security Wellness’’, mon premye reaksyon se ki mannyer i en sif koumsa?  Akoz mon konnen kantite nou ti pe peye ‘’sekirite Lasanble’’.  E larepons ki nou’n gannyen avek Finans, se ki sa i en provizyon, i provizyonnel, dan lesans ki i pa pour ganny zer par nou, i pour ganny zer par mon krwar Finans baze lo rekomandasyon ki Minister Lasante ti fer avek Finans; ki zot ti pour bezwen 6 sekirite lizour, 6 sekirite aswar, e baze lo la, Minister Finans in ariv lo sa sonm R3 milyon koman en sif provizwar.  E petet PS apre i ava eksplik sa pour nou.

An sa ki konsern ‘’Board members.’’ Board members ou annan rezon pour dir sif i o, akoz inisyalman nou Lazans – nou Lazans i annan 2 rol.  Enn se service delivery, apre lot se regulatoryOk?  Ler nou ti fer nou premye prezantasyon avek Cabinet, nou ti ganny demande ki sa 2 rol i ganny enkorpor, nou ti demande ki sa 2 rol i ganny enkorpor dan enn.  E se avek sa ki nou ti al kot Minister Finans, me apre nou ti retourn lo Cabinet e Cabinet ti eksplik nou ki nou pa kapab ganny tou le de, nou pour ganny zis enn. Nou swazir swa ant Regulatory, ouswa koman en Service Provider.  E nou ti pran koman en Regulatory Body, e ou annan rezon ki sa sif ki’n antre la i probableman enkli osi nou koman en service provider.  Ki pa sipoze le ka.  Ou swiv mwan? Donk, mon krwar i pou safe pour nou kapab tir sa bout ki annan pour fer avek service provision.  E sa in ganny fer avan ki Cabinet ti pran sa desizyon.

 

MR SPEAKER

Onorab Afif.

 

HON AHMED AFIF

Mersi Mr Chair.  Si ou kapab donn nou en lendikasyon konbyen sa sif i ete pour ‘’service provision.’’  Probableman lanmwatye sa ki la devan nou.  En sizesyon, nou devret desann pour omwen 25 milyon.  Non si ou dir mwan lanmwatye sa sif ki devan nou i ‘’service provision. ‘’

 

SECRETARY OF STATE DR PATRICK HERMINIE

Service nou pour bezwen kontinyen provide.  Me selman nou pa pour ganny  peye Board, sa Board Agency pa pe ganny peye pour provide sa servis, i pour ganny peye zis pour son fonksyon regilatwar.  Ok?  Nou servis pou bezwen kontinyen provide.  Ou konpran mwan?  So nou pa kapab tir 25 milyon koumsa.  Bon, Board i enn bann Board pli gran.  Parey zot konnen Board ti ganny aprouve par zot menm.  E i annan plizyer – PS mon pa kapab mazin sif egzakt. Konbyen i annan?  20 manm. Board zot dir mwan i annan 20 manm. Ok?  E par mwan, non, non, non, son Chair i ganny 4mil ekek; Vice-Chair mon krwar i ganny 3 mil ekek – i koumsa.   Definitivman pa arive 6mil par personn en?

 

(Mic-Off)

 

SECRETARY OF STATE DR PATRICK HERMINIE

  1. Pardon?

 

MR SPEAKER

Silvouple, Order!

 

SECRETARY OF STATE DR PATRICK HERMINIE

Lalwa i dir fodre nou meet once every three months.  Lalwa i dir sa.  I pa vedir ki ou pa kapab zwenn tou le semenn.

 

MR SPEAKER

Onorab Afif.

 

HON AHMED AFIF

Mersi Mr Chair.  Aktyelman avek 20 manm, ou pe ganny ou R7 mil par Board member per month.  Wi, baze lo R1.7 milyon.  So i vreman eksesiv.  Zis pour donn en ledikasyon, e petet ou kapab donn ou feedback. Bomaten nou’n aprouv pour en Minister, which is a Regulatory Body ki sonm Bidze i R5 milyon.  Ou kapab konpran en pe nou konsern, ler nou pe vin aprouv pour en nouvo Lazans, fek komanse. I komans avek 50.  I en konsern.  En konsern serye pour zis ‘’Board fees’’ li menm, i deza 3 fwa sa ki i devret ete!  Ler ou pe get sa bann ‘’rent’’ i eparpiye partou – nou pa ni konnen konbyen ou pe peye par met kare dan sa bann landrwa. E mon krwar osi zot Board osi pa ankor zwenn ziska ozordi.  So mon pa konnen ki vreman i pe planifye pour R7 mil par mwan pour sak manm. Mon vwar sa Bidze i vreman eksesiv.

 

SECRETARY OF STATE DR PATRICK HERMINIE

Mr Afif.  Onorab Afif parey mon’n eksplik ou e sa mon ava les PS eksplik ou, i pa 1.7 milyon, in vin 1.7 milyon akoz Finans ti enkli 2 Board fees; enn pour koman en Regulatory Body, lot koman en Service Provider.  Sa desizyon in ganny ranverse par Cabinet since. Ok?  Pour donn zis en Board fee pour en Regulatory Body.  Savedir i pour bezwen tir en kopo ladan. E sa mon ava les PS Finans koz lo la.  An sa ki konsern meeting Agency, bon mon krwar zot bezwen apresye ki dan civil service, mon annan leksperyans civil service, e mon annan leksperyans Lasanble Nasyonal, keksoz i fonksyonn konpletman diferan.  (Huh) E dan civil service i annan plizyer konplikasyon ki ou pa zanmen antisipe.  Par egzanp ler Board ti ganny nominen par Prezidan Larepiblik, mwan mon ti dan mon naivite, mon ti call en Board meeting le 22 Septanm, right? Mon ti ganny enformen imedyatman par Chief Secretary ki mon napa drwa call en Board meeting toultan bann manm zot non pa ganny gazette.  Ou swiv mwan?  Bon, ok?  Annou fer le neseser pour gazette.  Annou tonm dakor lo fees ki zot gannyen e konbyen letan ki zot pour la, zot term. Mon ti prepar en papye pour Cabinet ki ti ganny aksepte.  Ler ti’n ariv kot AG’s Office pour fer le neseser, i lev en devlopman ki chairman CARE, li ki dwatet lo sa Board e non pa son Direkter. E mwan ti ganny advice par Chief Secretary ki mon pa kapab fer nanryen.  Toultan Lasanble pa fer sa amannman. E ou konnen mon krwar mwan pase, ouswa 2 mwan pase Lasanble in fer sa amannman. Apre lev en lot problenm pour kapab gazet sa bann non, e sa se ki NDEA nepli egziste e dan lopinyon legal, Chief Secretary i bezwen al kot Lasanble pour tir NDEA lo sa Lalwa, avan ki Board i kapab zwenn.  Semenn pase mon’n ganny advice par Lofis Vis-Prezidan ki sa i pa neseser, e donk alors mon krwar ki semenn prosen Board i ava zwenn san okenn hiccups legal ouswa administrative.  Me apre, apre ki DPA in ava’n gazet sa bann non dan gazet obviously.  Ok? Mwan a les laparol avek PS pour eksplik sa zafer ‘’Board fees’’.

MR SPEAKER

PS Payet.

 PS PATRICK PAYET

Mersi Mr Chair.  Zis pour azoute ki letan nou ti pe fer provizyon Bidze, diskisyon e proposal from Lazans, zot ti propoz ki zot ti pour fer tou le de Regulatory avek Lazans dan zot kote e zot ti propoz en rate ki parey Lazans Planning Authority ouswa National Tender Board pe gannyen ozordi.  Me selman letan nou ti al Cabinet, nou ti met kot zot ti sipoze ete dapre the policy ki ti, ki’n ganny aprouve par Cabinet. So definitivman sa 1.7 milyon i kapab redwir apre ki nou’n ganny aprouvasyon avek Cabinet ki i just half of the amount ki nou pour bezwen.  I apepre 850 mil par lannen.  Son 20 Board ki annan.

 

MR SPEAKER

Onorab Afif.

HON AHMED AFIF

Ou pa’n reponn lo sa ‘’other uses of goods and services,’’ 2 milyon ki dan detay ki zot ti donn nou. E answit bann ‘’tools ‘’par egzanp R200 mil, kwa sa?

SECRETARY OF STATE DR PATRICK HERMINIE

I devan mwan en?  Petet pour fasilit nou. Ki bor egzakteman dan sa 4 progranm ou pe fer referans pour sa 2 milyon?  Silvouple?

MR SPEAKER

Onorab Afif.

 

HON AHMED AFIF

Mr Chair mwan mon’n vwar li anba detay ki Finans ti provide e mwan a donn ou son paz ki i lo la.  Mon krwar i lo 3enm paz selman mon a presize.  I lo 3enm paz, i en gran Code, i apel ‘’tools’’ 200mil.  E i annan lezot 200 mil ankor.

SECRETARY OF STATE DR PATRICK HERMINIE

Onorab pour sa 2 milyon i zisteman … non anvoy nou sa 200mil – pran 2milyon anba ‘’treatment and rehabilitation,’’ nou pe run Wellness nou.  Wellness nou pe run son Detox, Wellness i annan 2 Unit.  I annan li Detox, i annan li Acute Psychiatry, ok?  Anler Detox se nou ki pe run.  I annan bann latizann ki nou pe fer vini, nouvo kalite latizann parey Espranor, Naltrexone, nou’n komans en progranm Naltrexone, ki nou oule kontinyen akoz nou pe ganny bann bon rezilta avek.  Nou annan bann lezot supplies medical ki vin normal avek fonksyonnman nenport ki klinik.  Ok?  An sa ki konsern ‘’tools,’’ ‘’tools’’ i pour bann skills acquisition, right? Par egzanp Praslin enn bann defi ki nou vwar Praslin se ki souvandfwa ler i ariv 3 mwan a 4 mwan, nou anvoy bann manrmay dan kominote Praslin pour zot fer work rehabilitation. E enn bann landrwa kot i annan defi, kot zot sove, zot retourn sou, zot retourn anba le fe Eroin; i tou bann konportman ki kont kontinyasyon lo sa progranm. E enn bann desizyon ki nou’n fer, pran se zisteman, evantyelman pour build Day Workshop.  E dan sa Day Workshop ou bezwen met lenstriman; enn pour ki mannyer zot fer aprann mason, lot bann lekipman pour fer sarpantye.  Apre zot bezwen tools.  Nou konsep nou, i en konsep sa ki nou apel en therapeutic community.  Ok?  Sa dimoun ki la anndan i pa vin la malad, asiz lo en lili depi bomaten ziska tanto; se li ki kwi son manze.  Se li ki netway, ki fer landscaping otour son landrwa rezidans kot i ete.  Se li ki pour fer lagrikiltir.  Ou konpran mwan?  E tou sa bann keksoz, ou bezwen zouti pour ou kapab fer.  Ok?

MR SPEAKER

Onorab Simon Gill.

HON SIMON GILL

Mersi Mr Speaker.  Bonzour, bonzour VP avek ou delegasyon, bonzour tou koleg Onorab.  Mr Speaker mon ti a voudre SS i eksplik nou malgre in dir nou ki Minister Lasante in shy away avek zot survey ki zot pa’n kapab pran.  Mon ti a voudre konnen ki mannyer Minister Lasante avek sa bann profesyonnel Lasante, ki zot annan i entegre dan sa prosesis reabilitasyon e tretman sa bann adikt?  Mon annan en lenpresyon konmkwa ki sa Lazans, son striktir ki mannyer mon pe tande, i pour run endepandaman avek Minister Lasante; tandis ki nou annan en bon pe profesyonnel laba.  Mon ti ava voudre ganny sa en pe kler, e si dan li menm li i pa ti ava kapab zwe en rol pour mitigate bann costOr si i pour konplik fonksyonnman, lefikasite e efficiency sa Lazans si nou fer li le kontrer.  Vwala mon kestyon.  Mersi bokou.

 

MR SPEAKER

Mersi Onorab.  SS.

SECRETARY OF STATE DR PATRICK HERMINIE

Yes.  Premyerman.  Wellness i bann Dokter ki’n ganny segonde par Minister Lasante. I bann nurse ki’n ganny segonde par Minister Lasante, ou vwar? Ant nou avek Minister Lasante i annan en sistenm referral etrwat.  Ou vwar?  Bokou sa bann kliyan zot vini avek sa ki nou apel komorbidite.  E nou, nou anploy psychiatrist nou.  Ok, nou annan en psychiatrist. Ler ou tann bann dimoun pe dir zot vin rod Methadone kot Dokter Herminie, i fo.  Akoz mwan mon pa preskri okenn Methadone.   Mon pa get involve dan Methadone.  Mon annan mwan en psychiatrist asiste par 2 zenn dokter ki fer sa.  E si li dan son asesman en pasyan, i vwar ki i annan en komorbidite serye, e ki probableman sa komorbidite i lakoz ki sa manrmay pe servi drog; par egzanp i ganny depresyon, i annan plizyer lezot pti cause, then nou annan en sistenm referral kot sa pasyan i ganny refer avek Physchiatric Ward, kot Physchiatric Unit e zot, zot zer sa. Right? Physchiatric Unit koman en parti Lopital i responsab pour 2 keksoz; Minister Lasante. (1) Acute Intoxication, (2) overdosage.  Dan nou progranm i en progranm kot i annan plan admission avek plizyer steps, en treatment process; Detox, Rehab, Aftercare, Harm Reduction lo en kote.  Harm reduction pour ou lenformasyon, nou ankor pe fer li ansanm avek Minister Lasante.  Me semenn prosen nou annan en meeting avek Minis pour nou gete ki mannyer nou fer sa tranzisyon.  E li i ganny run par en nurse sorti Minister Lasante.  Dan sa Respondent-Driven Survey 95 poursan staff ki pe travay avek Mr Vel, se bann travayer Minister Lasante.  Ok?  Savedir nou pe tap partou dan bann ekspertiz kot bann dimoun i pare pour vin ede.  Si en dimoun pa anvi vin ede ou pa kapab fors li.  Ok?  Me kot i pare pour vine de, i pa zis ek Minister Lasante, nou servi bann lezot ekspertiz, pa zis Mr Vel.  Me nou annan nou Mr Dupres par egzanp ki run en consultancy pour nou.  E byento i pe al train bann apepre en 30 dimoun dan en Course Spirityalite ki nou apel sa 12 Steps.  So nou sey pran tou resours a nou dispozisyon.  Parey ou vwar, pour run en progranm lonterm i pa rol Minister Lasante sa.  Ou konpran?  E bokou pei o monn, Minister Lasante i sa ki nou apel en Competent Ministry.  Si ou al dan bann pei parey Sud L’Afrique, bann Rehab Centres i ganny run par bann former addicts.  Ok? Mon fek sorti South Coast Recovery ki the best centre dan Sud L’Afrique, ok i ganny run par en mekanisyen ki tyen cocaine addict avan.  E landrwa kot mon’n vwar pli bon dokimantasyon pli bon tretman, pli bon rehab, se zisteman laba.  Ok?  Minister Lasante boner sa lannen ti komans sey run en Methadone programme, e zot ti rankontre plizyer problenm kot zot ti bezwen demann nou pour vin donn en sekour.  E vwala ki mannyer nou, nou’n end up avek 120 manrmay an plis lo sa progranm Methadone. Ok?  Ok. Mersi.

MR SPEAKER

Onorab Bernard Georges.

HON BERNARD GEORGES

Mersi Mr Chairman.  Mr Chairman parey Onorab Sebastien Pillay mon bezwen deklar en lentere dan sa Bidze sa lazans ki devan nou akoz mwan en manm Board lo sa Lazans.  Mr Chairman avek ou permisyon si ou kapab prefas mon kestyon pour Sekreter D’Eta akoz i annan mon konnen en lide dan latet serten dimoun ki nou devret pe anpes drog antre Sesel, e pran en ka serye avek bann trafiker.  Mon ti a kontan prefas mon kestyon an dizan ki sa se pa rol sa Lazans, sa Lazans son rol se pour tret bann dimoun ki’n ganny afekte avek drog e ki NDEA avek Zidisyer ava deal avek bann trafiker.  Mon kestyon pour Sekreter D’Eta se sa enn; etandonnen sa kantite adikt ki nou’n ganny dir i annan isi apepre 5 mil, ki rol oubyen ki lefikasite en sant rezidansyel pour annan vizavi en progranm tretman lo baz kominoter?  Eski i annan enn ki son reisit pour pli bon ki lot?  E dezyenmman lo sa menm sa size, akoz ki nou bezwen koman en nasyon annan en Sant Reabilitasyon vizavi plizyer pti sant dan bann rezyon?  Eski i annan en lefikasite? Eski i annan en lefikasite lo kote kou osi?  Ki kantite dimoun ki pour kapab ganny pran anba sa progranm reabilitasyon pour ki nou a kapab ariv a en solisyon?  Ki nou a kapab tret 5 mil dimoun dan en peryod letan akseptab – e non pa ki nou pour vin zis en lazans ki pe manage en problenm  -e non pa, nou pa pe rezourd li.  E finalman i annan en keksoz nou pa’n koz lo la ditou e sa se lalkol.  Ki i annan dan sa Bidze pour nou tackle sa lot problenm, e sa se problenm labi lalkol?  Mersi Mr Chair.

MR SPEAKER

Mersi Onorab.  SS.

SECRETARY OF STATE DR PATRICK HERMINIE

Mersi Mr Chairman.  Bon en progranm kominote i difisil pour ou zere – um?  Pour la senp rezon ki labondans drog dan sa pei i enkrwayab.  E dan en progranm kominote souvandfwa, sa dimoun apre 4er i retourn dan sa menm lanvironnman ki in the first place ti fer li komans servi drog.  I vin an fas avek bann triggers, nou apel sa triggers lo en daily basis i o dan progranm kominote.  Ou menm ou konnen ti annan Progranm Les Mamelles, Progranm Pointe Larue nou pe tenir, en?  Nor Mahe nou ankor pe tenir.  I annan bann progranm ki pe marse, me selman nou’n met an plas bann sistenm, nou annan en sistenm Aftercare efikas ki pe fer swivi lo sa bann manrmay.  Ou vwar?  Me i difisil e ou bezwen bokou staff.  Par egzanp mon ti dir, si par egzanp nou annan nou 25 distrik e dan sak distrik nou pe met apepre 20 manrmay lo en progranm kominote, nou pour bezwen minimonm – nou pour bezwen minimonm apepre 40 counselors pour fer li annan okenn sans lefikasite.  E ou realize ou menm ki kantite taxing sa i ete.  Ou’n koz lo sa rezidansyel.  Mon krwar sa i en tre, tre bon kestyon.  Akoz sa persepsyon kot mon krwar en sant rezidansyel pour rezourd nou problenm, pa pour rezourd nou problenm.  Nou bezwen 10 sant rezidansyel.  Sa fodre nou konpran.  I napa quick fix avek sa solisyon.  I annan pei i annan 130an zot pe sey lager, pa’n reisir.  Parey mon’n dir Switzerland zot annan 138 fasilite pour deal avek sa.  E nou, nou annan nou enn Praslin ki premyerman pa ti ganny koman en sant rezidansyel.  I en konsep plis prizon.  Bann bunkers an beton eksetera.  Donk en sant rezidansyel si i annan en kapasite 200 e la mon krwar i enportan ki mon eksplike, ki nou, nou pe sey fer en Vilaz Reabilitasyon.  E non pa en Sant.  Dan sa Vilaz, i pour annan 4 Sant.  Ou annan ou en Sant pour zonm, en Sant pour madanm, en Sant pour zanfan anba 18 an, fiy, e en Sant pour garson anba 18an, garson anba 18an.  Nou pa ankor koz lo madanm ansent ek zot zanfan la.  Ok?  So nou pe koz nou 50 dimoun par sant.  I pa bokou sa.  Ler ou prenan kont ki magnitid nou problenm.  Nou problenm ozordi se ki nou ill-equipped, ankor mon dir nou ill-equipped pour deal avek sa problenm.  Nou ti dwatet pe komans deal ek sa problenm dizon 2011 ler ti annan premye red flag.  Nou ti war 1200 nou bann zenn pe servi Eroin par lavenn.  Koman en Nasyon nou pa’n fer nanryen.  E azordi nou’n 6an pli tar avek en problenm ki’n plis ki vin 5 fwa ki sa ki ti ete avan.  So son response pour bezwen masiv si nou oule en solisyon parey nou pe koz sa.  Sanson nou pour bezwen zis kapab esey zer sa problenm.  Antretan nou drog ki pe antre dan pei i komans sanze.  Nou napa zis Eroin.  Mon ti Kenyan semenn pase, 3 madanm Seselwa dapre lapres Sud L’Afrique, dapre Lapres Sud Africain in ganny tyonbo avek cocaine e in ganny tyonbo avek Methamphetamine Methamphetamine napa tretman sibstisyon pour li.  Ok? Hence plis rezon akoz nou bezwen en sant rezidansyel. Son le fe li sikoz ki i kapab fer ek son fanmir menm touy son manman i pli pir ki pour Eroin. So nou bezwen komans prepar nou pour sa.  Nou pe asiz nou lo en bonm ki mon pa konnen si in fini pete, ouswa pres pour pete, me nou bezwen komans fer en keksoz la ozordi, akoz si nou pa fer li Onorab sa pei pour vin en failed state. Akoz nou napa zenn, right?  Mon al dan en restoran weekend ou konnen lekel ki pe kwi manze Kreol?  Endien.    Aprezan ler ou sorti dan restoran ou konnen lekel ki pe fouy dan bin pour ganny PET?  2 zenn Seselwa.  I pa en sityasyon ki akseptab.  Me i rezilta sa sityasyon drog dan Sesel ozordi.  E nou bezwen deal avek li head-on.  Nou bezwen take the bull by the horn e fodre pa ki nou per.  Napa nanryen pour nou per. Ou vwar?  Nou annan lekonomi, nou annan kriminalite, nou koz lo kriminalite toulezour – lo Facebook partou, nou kapab anmenn Komisyoner Quatre, Komisyoner Labonte, Komisyoner Elisabeth, kriminalite pou ganny konbat le moman nou kapab tir sa bann manrmay lo drog.  Ou kapab met en milyon solda si oule – ou pa pour rezourd sa problenm. Akoz natir sa problenm Eroin ler sa garson pe crave, i pare pour fer nenport kwa pour li kapab ganny son Eroin.  Akoz Eroin in take over son sistenm. Mersi.

MR SPEAKER

Onorab Georges.  Okenn kestyon siplemanter?

HON BERNARD GEORGES

Mersi Mr Chair, 2 pti kestyon siplemanter. Sekreter D’Eta 200 manrmay i antre dan en sant.  Konbyen letan zot pase ladan avan ki zot sorti?  E ki to residiviz pour annan?   Ki to backsliding pour annan lo sa 200 ler zot sorti.  Premye pwen. E dezyenmman pa blir lalkol.  Mersi.

 

MR SPEAKER

SS.

SECRETARY OF STATE DR PATRICK HERMINIE

Tre bon kestyon.  Mon pour bref.  An sa ki konsern to retansyon.  Dan son pli bon sant kot nou, nou’n ale, zot to retansyon i 60 a 70 poursan – Si zot fer en progranm 12 mwan a 18 mwan.  Ou vwar?  Problenm ou konnen, problenm avek en pasyan adikt, se ki li menm li i pa oule tretman li.  Souvandfwa en kantite sa bann dimoun ki vini la manman ki met presyon. Aprezan ler i komans detox fizikman, i komans vwar lavi konpletman diferan.  E la i oule komans swiside … I vreman, i vreman konplike pour deal avek zot.  Ou vwar?   So retention rate i en fakter ekstrememan enportan osi byen ki relapse rate.  Me si ou annan ou en progranm rezidansyel avek son sipor neseser, e dimoun kalifye pour fer li, e pour en period apropriye, 12 mwan a 18 mwan ou kapab sov dan 200 zanfan – en 60 poursan ki ou pe koz ou petet Mr Afif i kapab fer sa vitman pour mwan, 120.

`       Lalkol; – bon nou annan nou en Departman ki deal zis ek lalkol, e sa se Mont Royale.  Ok avek rezidansyel.  An se moman nou annan nou 15 fanmir, ki pe swiv en progranm laba.  Prevansyon ek ledikasyon lalkol i pour tonm anba nou Divizyon Prevansyon ek Ledikasyon.  E Aftercare osi pour tonm anba nou Divizyon Aftercare.   Rezidansyel zot pour tonm anba Mont Royale. Akoz nou pa kapab mix alkolik avek droger.

 

MR SPEAKER

Ok?  Bon avek sa nou a remersye Sekreter D’Eta. I annan en kantite entervenan ki oule koze.  Midi in sonnen nou a pran en Break.  Vis-Prezidan ou dakor, nou a retournen 2er, Vis-Prezidan i ok avek ou?  Alor nou a pran en Break pour dezennen.  Bonn apeti tou dimoun nou a repran 2er.

 

(BREAK)

 

MR DUPUTY SPEAKER

Bonn apre midi tou manm Onorab, bonn apre midi VP, SS Herminie avek ou delegasyon e PS Payet avek ou delegasyon kot Minister Finans.  E mon osi swet en bonn apre midi tou bann oditer ki pe kontinyen swiv nou deba lo Bidze 2018.  Nou ava kontinyen alor kot nou’n kite bomaten e prosennman lo mon lalis mon annan Onorab Audrey Vidot.

 

HON AUDREY VIDOT

Mersi Mr Chair, bonn apre midi Minis avek ou delegasyon tou Manm Onorab e tou dimoun ki a lekout. Mon kestyon i al konm swivan pour Dokter Herminie; ki benefis sa Program Tretman e Reabilitasyon propoze par Lazans, konpare avek Progranm Detox oubyen Cold Turkey kot nou dir nou fini konpletman lo drog.  E 2enm anba ‘’current challenges’’ lo paz 43 mon’n vwar ki i mansyonnen ki i mank serten komitman par serten sekter, lekel sa bann sekter petet ki zot santi zot ankor pe ganny bann challenges avek?  Mersi.

 

MR DEPUTY SPEAKER

Mersi Onorab.  Mon a donn parol SS Herminie.

 

SECRETARY OF STATE DR PATRICK HERMINIE

Mersi Mr Chair, premyerman mon krwar nou bezwen met bann keksoz a perspektiv Onorab.  Cold turkey i en metod detox, ok?  An prensip nou annan nou 3 metod.  Ou annan nou sa ki apel ‘methadone assisted,’ kot i servi methadone pour li detox heroine.  Apre i bezwen ‘detox methadone’ akoz methadone i adiktiv; apre ou annan ou ‘detox symptomatic. Savedir i ganny problenm ladyare, ou donn li tretman pour ladyare i pa dormi, ou donn li tretman pour pa dormi; tou bann sentonm ki asosye avek withdrawal ou donn li – ou trete, ou tret sa bann sentonm.  E detox i metod pli dir e pli difisil kot i pa ganny nanryen e i pa servi heroine pour 7, 8 zour e sa i sorti dan son lekor e li i sibir tou sa bann sentonm withdrawal.  Dimoun i koz bokou lo detox i metod pli difisil, sorry cold turkey, i metod pli difisil akoz withdrawal i pa en gran, gran plezir.  I annan zot ki bokou zot, zot krwar pe al mor.  So i annan pti gin sans dan lemonn ki servi en sistenm Cold Turkey.  E ler zot servi sa i annan lezot keksoz ki vin an zwe – izolasyon sa sant, ok -pour zot pa kapab ale. Dezyenmman bann pasyan fodre zot tre, tre, tre motive ok? E trwazyenmman ou bezwen annan en sekirite formidab pour fer sir ki tou keksoz i ok akoz sa leta zot kapab fer en kantite keksoz. Isi Sesel malerezman nou napa bon leksperyans avek cold turkey e bokou zot preski zot tou zot tant pour relapse; i kapab annan leksepsyon, i kapab annan en dimoun ki tre motive e kapab fer li.  Me sa i pou plis ki en leksepsyon ki normal ou vwar? So, i pa enn bann keksoz ki nou pou met dan nou progranm si en dimoun i ou le al cold turkey lo li menm li ok fair enough.  Me nou leksperyans pour nou se ki nou servi sa 2 lezot metod.  Menm methadone assisted nou pe redwir e sorti lo la, ok?  E nou le tret zot zis symptomatic koman metod prensipal pour nou deal avek detox. An sa ki konsern mank komitman, mon krwar en kantite sa bann problenm in ganny rezourd, par lefe ki ozordi nou annan en Agency.  E bokou bann aktivite i santralize.  Nou’n lager pour Agency depi day 1, me i annan plizyer lezot akter ki krwar ki non eksetera, i zis en coordinated body – e nou’n ganny en kantite problenm.  I annan Minister i pran ziska detrwa mwan – ok – pour ekrir en let.  I annan lot zot fer en bann kalite Procurement ki ou pa ganny en konpran akoz, ou konpran mwan?  So, e i annan Minister ki pa ti pe donn korperasyon, akoz zot pa vwar sa en priyorite pour zot – ou vwar?  Me ozordi anba en vertical programme, i mars bokou pli byen akoz bann dimoun i dan sa progranm e pli committed to the programme.

 

MR DEPUTY SPEAKER

Mersi Dr Herminie.  Onorab Clive Roucou.

 

HON CLIVE ROUCOU

Mersi Mr Speaker, bonn apre midi tou dimoun.  Mr Speaker mon annan 3 kestyon pour dokter Herminie.  Mon premye kestyon i lo paz 45, programme 1 ‘’governance management and administration, pour compensation of employees.’’ Mon’n war en logmantasyon anviron 4milyon mon ti ava demann en leklersisman lo sa pwen?  Epi 2enm kestyon lo paz 47 programme 3 ‘’treatment and rehabilitation’’ mon ti anvi en leklersisman lo konbyen pour koute pour en dimoun pour en mwan at least?  Mon 3enm kestyon se Dokter Herminie in koz lo Wellness ler in zwenn, mon anvi demann dokter Herminie si bann ners oubyen bann travayer kot Wellness zot okouran oubyen ki zot pwen kote zot pe debout avek Minister Lasante avek ou Lazans akoz pa sa ki pe tro ganny eksprimen lo kote avek bann … espesyalman bann ners  kot Wellness. Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Bon sa logmantasyon i premyerman, i annan bann dimoun ki ti dan administrasyon par egzanp DAC par egzanp Ms Theresine, i pour nepli pe ganny peye anba son saler aprezan pou sorti anba Santral – governance.  Ok, savedir son saler ki ti sorti anba DAC avan i vin kot nou.   Sa osi i aplik pour serten travayer dan Mont Royale.  An plis ki sa nou’n ganny permisyon mon kapab dir pour nou recruit 5 counselors, 5 security officers, 5 peer educators, 2 monitoring and evaluation officers, 1 programme officer avek 5 nurses ok? Mon annan lentansyon fer sa bann recruitment pandan lannen 2018 pour fer sa progranm fonksyonn en pe pli byen.  An sa ki konsern konbyen i arive tretman par personn par mwan, i en kalkil ki nou kapab fer me mon kapab fer ou ganny sa lenformasyon pli tar Onorab. Mon napa la ek mwan egzakteman.  E pozisyon bann nurses, mon krwar i annan en legzersis ki zot in deza fer, petet ou a donn en pe leklersisman.

 

PRINCIPAL PLANNING OFFICER GERALDA DESAUBIN

Mersi Onorab pour ou kestyon.  Pour le moman tou bann nurse ki pe travay avek nou lo kote Detox Centre, Wellness tousala in ganny segonde sorti Minister Lasante pour vin travay avek Lazans.  Me selman parey SS ti dir bomaten i annan meeting ki pe ganny fer tre prosennman avek Minister Lasante zisteman si pour tonm dakor si nou pou kontinyen avek sa secondment oubyen si Lazans i pou take on sa bann nurse li menm, oubyen sa bann nurse zot annan en opsyon si zot deside kontinyen avek Lazans oubyen si zot le reste avek Minister Lasante.  Mersi.

 

MR DEPUTY SPEAKER

Mersi Ms Desaubin.  Onorab Roucou.

 

HON CLIVE ROUCOU

Mersi Mr Speaker, Mr Speaker mon ti ava kontan demann Dokter Herminie pour li fer nou ganny en lalis bann dimoun ki dan ‘Governance’, silvouple?

 

MR DEPUTY SPEAKER

Ok?

 SECRETARY OF STATE DR PATRICK HERMINIE

Sertennman Onorab.

 MR DEPUTY SPEAKER

Mersi SS Herminie.  Onorab Waven William.

HON WAVEN WILLIAM

Mr Chairman kestyon in ganny demande.  Mersi.

 

MR DEPUTY SPEAKER

Ok, mersi Onorab William.  Onorab Clifford Andre.

 

HON CLIFFORD ANDRE

Mersi bokou Mr Chair.  Bonn apre midi tou dimoun.  An vi ki nou vwar SS Herminie in dir nou, ki i annan en pe problenm avek travayer pour sa spesyalite, mon ti a kontan demann li si tou bann dimoun ki’n vin, konmsi ki’n vin aquire dan sa spesyalizasyon, ki ti pe fer sa travay avan, si zot tou zot in reste la par egzanp kot Mont Royale lezot landrwa kot ki konsernen avek sa?  E apre an referans avek ‘’wages and salaries’’ mwan mon ti a kontan konnen konbyen dimoun ki anploye ki pou lo zot payroll?  Akoz la Ms Desaubin mon krwar in dir, ki letan zot pe ganny segonde bann ners, alors segonnman mwan mon konpran i marse letan mwan mon ti dan Gouvernman, sete kot ou sorti ou vin ek ou saler, me selman ou ti pou atase avek sa. So, si sa segonnman pe marse, savedir pour annan pour annan saler ki pour an plis akoz sa bann dimoun pa pe ganny peye avek Lazans.  Sa ti a bon ki nou ganny sa bann detay parey nou gannyen pour State House so, sakenn ek zot saler ki i ale.  Letan nou pe gete lo kote ‘’allowance, allowance’’ nou vwar i annan 3.8 milyon.  E letan nou pe gete in annan bann ‘’allowance’’ ki ‘’excluding PSE contract’’ – i annan ki … Letan ou pe get bann ‘’PSE contract’’ i pti git li, bann ki pou lo ‘’PSE contract.’’  So, mon rode akoz lezot ‘’allowance’’ i sitan gro.  E letan mon pe gete ‘’other allowance’’ ou annan 2 heads of other allowance enn i 537 mil lot i 252 mil, me letan nou pe get ankor ‘’the professional services.’’ ‘’the professional services’’ nou vwar ki annan en allowance ki ankor ki mete i apel ‘’other allowance’’ li menm ankor R150 mil roupi.  So mon ti a kontan – mon ti a kontan konn en pti pe akoz nou pe met diferan allowance dan diferan landrwa, pour diferan spesifikasyon. Sa i (1) – an referans avek ‘’allowance’’ avek ‘’saler. ‘Apre nou annan uniform 225mil mon ti a kontan sa pti lesplikasyon lo uniform.  Nou annan elektrisite ki ladan in vin 987mil SS so, mon ti a kontan konn en pti pe akoz sa batiman pa ankor fer li menm.  So sa kot i pou ale?  Ki mannyer?  Ler nou pe get osi ki konsiderableman delo i 640mil ki ase signifikan; ou ava eksplik nou sa.  Mon annan – ou’n dir nou ki letan sa bann dimoun pou vini si nou pe fer en Residential Centre se zot ki pou fer bann netwayaz, bann pti reabilitasyon, whatever.  E letan nou pe get i annan ‘’cleaning expences’’ in ganny mete 295 mil selman.  So, si zot pe fer netwayaz sa i kapab redwir significantly.  Nou annan ‘’fares’’ – nou annan ‘’air fares’’ I mean in met ‘’fares’’ la,  apre in met bann diferan soz -li in met 1milyon 34 mil.  Mon ti a kontan en pti pe lesplikasyon lo la.  I annan ‘’domestic air fares’’ i ‘’overseas air fares’’ so si nou pe dir ‘’domestic’’ eski nou dir zis Praslin pour nou ale vini?  So, sa i en kestyon.  Lot ankor SS zafer ‘’rent’’ 2.5 milyon, ou’n koze lo la boner lo ‘’ren’’t be selman mon ti a kontan en pti plis lesplikasyon an term ‘’rent ‘’akoz mon santi i en pti pe o.  Epi nou annan ‘’office building rent’’ i tonm sa, 2.5, apre nou annan 190mil. So, akoz nou annan sa variance dan sa bann zafer.  Apre nou annan, letan ou pe gete ‘’printing equipments’’ en, in met ‘’acquisition of printing equipments’’ 238 thousand – 238mil; eski nou pe koz pou lofis oubyen …?  Sa en pti pe lesplikasyon.  Nou get … I annan 2 Heads pour ‘’acquisitions of furnitures’’ si sa bann batiman pa ankor fini 242 mil pour ‘’furniture – (1) – lot in met 350mil.  Kote pour mete, si par egzanp ou dir mwan – ou dir poudir ou pe lwe landrwa la, ki deza annan sa bann – mon mazinen i deza annan son bann furnitures.  So, sa i bann lesplikasyon ki mon ti ava kontan gannyen.  Mersi.

 

MR DEPUTY SPEAKER

Mersi Onorab.

 

SECRETARY OF STATE DR PATRICK HERMINIE

Bon en ta kestyon. Onorab i annan ou 2 ‘‘rents’’ mon konmans ek dernyen, pour la senp rezon ki nou annan ou, nou pe bouz Providence dan 2 building.  Apre dan Victoria House nou pour retenir sa bann lofis ki nou annan pou fer ek testing avek counseling.  Nou bann kliyan dezormen, i ava annan bokou problenm parfwa i annan zot, zot touse, zot fer bann lezot keksoz la ki zot sipoze pe fer.  So, nou pa le anmenn zot Providence.  So, tou keksoz ki annan pou fer avek kliyan par egzanp counseling osi byen ki pour teste lirin eksetera, sa pour kontinyen ganny fer Victoria House.  Ok? Savedir ou annan ou en ‘’rent’’ pour Victoria house e en lot ‘rent ‘’pour Providence.  E si ou le konn konbyen i arive 316 roupi par met kare pour Oceanic Investment e 432 roupi pour City Property PTY LTD.  Me pour mwan dir ou nou, nou pa negosye rent nou.  Dan Gouvernman i annan en Komite ki fer sa e apre zot, zot allocate sa avek nou.  En Komite ki ganny chair par madanm Yvonia Richardson.  An sa ki konsern furtnitures kot nou pe ale napa furniture; savedir nou bezwen aste nouvo furnitures pour met dan sa bann building. Ok?  Pa oubliye ki nou, nou annan zis 2 lofis nou, me laba nou pou annan nou bokou plis lofis pour bann diferan seksyon; ki swa pour MNE, ki swa pour research officer ki swa pour statistician zot napa nanryen.  Ofet sa bann dimoun i annan zot in anploye zot pa pe kapab travay normalman, akoz napa landrwa pour asize.  Ou vwar? Lo ‘’cleaning expences ‘’ou’n dir ki sa bann dimoun pour fer son bann keksoz zot menm.  Sa dan sa therapy community, sa dan Sant Reabilitasyon ler in ganny fer.  I pa ankor ganny Budget li, akoz i pa egziste. Sa ‘’cleaning expences’’ ki ou vwar la, sa i pour Wellness Centre  -deor avek anndan, apre Mont Royale osi tou, apre Dove Praslin.  Dove Praslin mon mazinen apre nou pou rezourd sa, me plis Mont Royale avek Wellness Centre, apre nou lofis sertennman nou pou bezwen ‘’cleaning. ‘’ Elektrisite; dan sa bann batiman ki nou pe ale nou pou bezwen pey elektrisite ek delo i 2 gro batiman air-condition eksetera e bann estimasyon ki’n ganny fer par bann expert se vwala ki pou arive.  Uniform nou Management Committee in tonm dakor ki dezormen bann staff pou met uniform pour annan liniformite standar dan zot prezantasyon vizavi bann kliyan.  I form parti nou code etik.  Nurse zot bezwen uniform e apre bann counselors avek bann outreach workers, ki mainly bann peer educators, zot osi zot bezwen uniform akoz zot, zot al lo Ghetto partou pour rankontre zot bann peers, ki ankor pe servi drog.  Payroll nou kapab fer ou gannyen fasilman nou annan en payroll la. Si oule nou ava kapab fer ou ganny sa.   ‘’Allowances i annan plizyer allowances.’’  I annan ‘risk,’ ‘location,’ ‘on call,’ ‘marketable,’ ‘inducement’ tou sort kalite ‘’allowance’’ ki nou kapab fer ou ganny bann detay si ou anvi.  E petet si ou ti kapab servi ou lenfliyans pour met en pe presyon; mon konnen Lasanble pa annan drwa increase en Budget, pour nou ganny sa ki nou ti pe rode en programme allowance ki in some sort ‘’retention allowance’ pour fer sa bann dimoun vin dan nou progranm. Aprezan nou pe koz lo staff en tre, tre bon kestyon; an zeneral – an zeneral DAC tou son staff in reste.  Mont Royale tou son staff in reste.  Dove tou son staff in reste.  Sel landrwa kot in annan staff in ale ler nou nou’n vini se Wellness. Ok? Me Minister Lasante in segonn nou avek lezot staff, pour vin travay dan Wellness.  I sel landrwa kot in annan problenm.  Otherwise to keksoz i ok.  Mon krwar mon’n reponn ou. Yes.

 

MR DEPUTY SPEAKER

Mersi SS Herminie.  Onorab Andre.

 

HON CLIFFORD ANDRE

Wi, klarifikasyon, SS ou’n dir nou Mont Royale mon krwar staff ki’n ale, Wellness ou’n dir mwan?  Ok.  konbyen staff ki’n ale Wellness?  Apre an vi ki ou’n ki pou dir sa Sant i pa ankor pare letan nou get ‘’food and ration’’ ki ou’n mete R2.8 milyon, manze pour ki sa enn la sa?  Konmsi ti a bon nou ganny en pti pe akoz si napa personn, R2.8 milyon i en pe for.  Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Ok.  Onorab, konbyen staff in ale.  Ou konnen detox sa Detox Centre ti form parti entegral Acute psychiatry.  Um?  I ti en parti Acute psychiatry.  E bann staff ki ti pe travay laba ti pe travay tou le de landrwa, parey psychiatrist ti psychiatrist anler Detox e psychiatrist anba dan Wellness.  Ler nou ti antre zot ti annan opsyon pour swa kontinyen dan Acute psychiatry ouswa reste anler dan Wellness.  E dan … mon okouran ti annan 2 nurse ki ti kle dan Detox en zot in al travay avek Mental.  Me nou’n ganny bann lezot nurse ki petet pa osi eksperyanse but nou pou train zot.  Nou pou train right, ki’n vin travay avek nou.  Dan en sans i napa staff ki’n ale per se, me plis annan en rotasyon staff fer par Minister Lasante li menm li. An sa ki konsern ‘’manze’’ – catering Minister Lasante i annan en Kontra R1.8 milyon avek Skychef pour Wellness antye. Ok?  R1.8 milyon avek Skychef pour Wellness antye.  Ou pe koz ou 40 pasyan ok? Pour 40 pasyan sa i enkli breakfast, lunch avek dinner.  E ler nou ti fer nou kalkilasyon mon krwar ti ariv R125 par pasyan par zour ok?  Apre nou annan Dove, Dove Praslin i rezidansyel, e parey ou konnen tou sa bann keksoz i free breakfast, lunch, dinner tou keksoz i free -500mil.  Apre nou annan nou Mont Royale – Mont Royale nou annan nou bann pasyan alkolik ki laba zot ganny zot manze lunch, breakfast dinner tousala free e en lot 500 mil.  Sa i eksplik ou, ou 2.8 milyon.

 

MR DEPUTY SPEAKER

Mersi SS.  Onorab Andre ou, ok, ou clear?  Ok?  Onorab Ernesta.

 

HON PAUL ERNESTA

Mersi Mr Chair.  Bonn apre midi Vis-Prezidan ek ou delegasyon ek ou bann koleg Onorab, ek tou bann dimoun a lekout, bonn apre midi.  Mr Chair mon kestyon i pou SD lo size lo sa group bann dimoun ki pe travay Praslin.  Parey ou’n mansyonnen ou menm zot deza pe fer fas avek pa mal challenges. (1) i annan konsern zot saler li menm e zot allowances, ki zot in promet sipoze ganny promet ki zot pa ankor ganny. E apre bann resours zot very under-resourced ki plan ou lorganizasyon i annan pou kapab improve, sa bann areas ki mon’n mansyonnen.  Apre dezyenmman i annan bann keksoz ki ekstrememan enportan.  Nou rekonnet ki, taler ou menm ou ou’n dir i annan bann dimoun ki kontinyelman, bann pasyan ki kontinyelman, nou dir sa bann repeated pasyan, kontinyelman repete 1, 2, 3, 4 – menm i annan ziska 8 fwa.  E prezan zot in ganny melanze ansanm avek bann nouvo pasyan e prezan sa alafen i kapab kree en serten presedan zot osi zot krwar sa i en zafer normal zot kapab vini pran tretman apre zot sorti apre zot kapab sorti.  Eski zot annan en progranm spesifik, pour kapab address sa konsern pour evite ki nou annan bann continuous pasyan ki kontinyen pe antre?  Thank you.

 

MR DEPUTY SPEAKER

Mersi Onorab.  SS.

 

SECRETARY OF STATE DR PATRICK HERMINIE

Dove Praslin i definitivman i under-resourced.  Parey mon’n fek dir i annan zis en counselor avek zis en nurse en?  Ou vwar?  E phycologist i sorti Mahe, Phycologist ek psychiatrist i sorti Mahe 1 fwa par semenn – 1 fwa tou le 2 semenn, pour kapab asiste laba.  Ou vwar?  So, ou kapab apresye ki degre challenging i challenging.  Se pou sa rezon ki nou nou’n demande, nou’n gannyen pour nou anploy plis dimoun.  Parey sa bann counselors ki nou pou gannyen, i annan nou pou anvoy Praslin, pour ede rezourd problenm.  Vi ki nou annan dokter ki konmans travay ek nou, Dokter Seselwa, li osi pou al help out Praslin e nou osi nou pe recruit 2 psikolog, 2 zenn Seselwaz ki zot osi zot pou help out Praslin.  Nou okouran zot anba en kantite presyon i pa fasil, me nou bezwen lager avek sa ki nou annan pour le moman.  E o fir an mezir amelyor sityasyon.  Vwala ankor mon repete sa ‘’retention allowance,’’ sa ‘’programme allowance ‘’2500 nou ti demande pour sa bann staff, i enportan ki nou gannyen sa – pour ankouraz zot pour reste; i pa fasil pour travay avek adikt. Krwar mwan i pa fasil.  I ekstrememan difisil.  Repeated cases; nou, nou annan en Polisi kler lo la.  Ou annan ou en dimoun ki’n 15 fwa Wellness, 15 fwa en? Ler ou get dan son rikord in pas 15 fwa e nou, nou annan en pozisyon kler.  Nou annan serten lareg, ki lemoman ki ou kas sa ou, out.   Si ou sove dan Sant – si ou sey anmenn drog dan Sant – si ou fer agresyon kont ou bann koleg ouswa staff – ou out.  E ler ou out, ou vin lo bout lake.  Nou pe ganny en kantite problenm la, ki dir ou donn en ‘’2enm sans’’ e ou konnen i ‘’ankor,’’ be son problenm ki in deza ganny li en ‘’2enm sans’’ – son premye sans li,  in servi drog ki en sibstans illegal.   I pe ganny li 2enm sans e i pe vin ganny trete, sa ki i al prizon.  E prezan ladan menm i oule sove.  Ladan menm li i le anmenn drog dan Sant.  E nou, nou polisi se’ Zero Tolerans’ lo la e sa bann zafer kot ou vwar en boug in retourn dan Sant apre en semenn – 2 semenn mon kapab dir ou in fini akoz mon vreman, vreman firm lo la.  Mersi.

 

MR DEPUTY SPEAKER

Mersi SS.  Onorab Ernesta.

 

HON PAUL ERNESTA

Mersi Mr Chair.  Dan larepons SD si mon’n konpran byen sa 2500 ‘allowances’ pour sa bann dimoun zot pa pe gannyen la actually?

 

MR DEPUTY SPEAKER

SD.

 

SECRETARY OF STATE DR PATRICK HERMINIE

Pa pe zis pe gannyen, me i pa’n aprouve osi.

 

MR DEPUTY SPEAKER

Yes Onorab Ernesta.

 

HON PAUL ERNESTA

Mon konpran konsern e mon’n ganny sans mwan osi annan serten lenteraksyon.  Mr SD, sa mon pa konnen mon krwar sa lo kote Finans i kapab rann kont sa, akoz si nou vreman anvi reisir dan sa travay, mon krwar i ekstrememan enportan ki at least zot ganny sa allowance akoz sa bann dimoun pe vreman travay dan bann sirkonstans e bann kondisyon enposib.  Mersi.

 

MR DEPUTY SPEAKER

Ok en sizesyon pour bann zofisye pran.  Ok, Onorab Esparon.

 

HON REGINA ESPARON

Mersi Mr Deputy.  Mr Deputy mon ti ava kontan ki SS i eklersi nou anba ‘’goods and services’’ anba Gratwite.  Gratuity i annan ‘’compensation to workers’’ anba 2 heading, i annan R113mil avek R52 mil ki fer en total R167mil.  Mon ti a kontan demann SS anvi ki son Lazans i nouvo, e mon panse ki tou son bann travayer i nouvo pe ganny anploye anba sa Lazans, dir nou konbyen travayer ki pou ganny konpansasyon dan lannen 2018?  E pli ba i annan ‘’Long Service Awards’’ ki annan en sonm R5mil ki’n ganny mete ankor vi ki Lazans i nouvo eski i annan dimoun dan Lazans ki pe ganny, ki pou ganny ‘’Long Service Awards’ dan 2018 ki sa pe prozekte la; oubyen eksplik nou si merit sa bann travayer avek tou zot dues?  Mersi Mr Speaker

 

MR DEPUT Y SPEAKER

Mersi Onorab Esparon.  SS Herminie.

 

SECRETARY OF STATE DR PATRICK HERMINIE

Wi mersi Onorab Esparon.  Ok, parey mon ti eksplike lo konmansman sa Lazans i amalgasyon 4 lezot antite.  E ladan ou annan ou Mont Royale.  Mont Royale lontan i egziste li – depi 2001 e zot bann travay Mont Royale, zot, zot due pou ganny Gratwite; travayer Mont Royale.  Akoz anba lalwa i dir ler zot in vin zwenn Lazans avek tou kondisyon ki zot ti annan dan sa lorganizasyon kot zot sorti.  Savedir bann ki due pour zot Gratwite Mont Royale pou gannyen dan sa 167 mil. Aprezan ou annan ou DDRU li osi i en vye antite e zot osi zot pou gannyen anba sa 167mil.  So, sa 2 lorganizasyon.  Sel group ki nef menm DAC, DAC en bon pe letan i la, mon krwar 10an Ms Theresine non?  Depi ‘94.’  So en bon pe letan i la.  Sel group dimoun ki pa entitle pour gratuity, se bann ki tonm anba Sekretarya Governance, good governance.  Laplipar bann dimoun i nouvo ladan.  Ok?

 

MR DEPUTY SPEAKER

Ok.  Mersi SS.  Onorab Esparon.

 

HON REGINA ESPARON

Zis en pti klarifikasyon Mr Speaker, CARE, CAR, avek DAC zot bann NGOs e zot osi pe ganny serten larzan anba CEPS. Eski an se moman vi ki zot tonm anba Lazans, eski sa larzan pe ganny transfer dan Agency, oubyen zot pa pou ganny ss larzan avek CEPS, an vi ki zot bann NGOs? Mersi

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Ok.  Onorab Esparon DAC i pa en NGOum?  DAC i en Council kree administrativman e ti tonm anba Minister Sosyal, ok? Sa DAC pa en NGO.  CARE avek CAR i 2 NGO, CARE son responsabilite, pa son responsabilite, son rol ki i zwe se avek bann zanfan lekol, pour build up rezilyan ledikasyon eksetera.  Apre ou annan CAR, CAR li i pour Legliz Katolik ok?  E zot, zot run progranm rezidansyel, ok?  Sant D’Accueil de La Rosiére en pe parey baze lo Sant D’Accueil de Terre Rouge Maurice.  Ok?  Zot konpri sa.  Sa 2 antite zot pa tonm anba Lazans zot, zot bann NGOs e nou, nou pe  ankouraz bann lezot NGOs parey zot right, ‘Nou La Pour Ou’, ‘Living World,’ ‘Annou Sov Nou Bann Zanfan’ nou pe ankouraze sa bann NGO, the more the merrier.  Akoz i pou ed nou dan nou travay.  Tradisyonnelman mon krwar i annan plis ki en 3, 4an CARE plis ankor, mon ti ankor Speaker, CARE – zot ti ankor en lazans separe avek Gouvernman.  Anba lalwa Agency i posib pour zot ganny larzan atraver Agency, ok? Me  menm si zot pa ganny larzan atraver Agency an vi ki i sorti anba Consolidated Fund, then nou, nou annan pouvwar anba Agency pour met en kestyon zot progranm si nou pa satisfe avek.  Si nou pa satisfe avek rezilta eksetera, eksetera, osi pour CAR menm zafer.  Anba sa Bidze 2018, mon konprenezon se pou CAR and CARE zot Bidze i an deor Lazans koman 2 NGOs – petet PS ava koriz mwan.  Mersi.

 

MR DEPUTY SPEAKER

Ok.  Mersi SS.  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i en pti pe lo laliny Onorab Ernesta regardan Sant Reabilitasyon Detox Dove lo Praslin. Lo paz 44 latab 2 pour ‘’governance, management and administration’’ zot annan en sonm R13.5 milyon e pour ‘’treatment and rehabilitation’’ i en R28.8 milyon. Mwan mon kestyon ki mon ti a kontan konnen se konbyen larzan ki zot in allocate dan Bidze, pour sa Sant Dove?  Ou’n admet boner i annan en problenm manpower Praslin; par lefe ki kapasite sa sant i kapab pran 46 drug addicts, me selman zot annan 25 dimoun, e pour le moman zot annan zis 1 counselor.  Mon ti a kontan ganny en sif kler kantite dimoun zot anvizaze anploye pour lannen 2018 e osi pour lenformasyon piblik deor?  Akoz i annan en pe konsern ki dimoun pa tro, tor vreman konnen ki fason ki bann drug addicts i kapab enroll lo sa progranm Praslin.  So, eksplik mwan en pti pe ki bann prosedir ki bann dimoun – sirtou bann drug addict lo Praslin pour kapab enroll lo sa progranm.  Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Ok, mersi Onorab.  Praslin parey ou konnen i le sel progranm rezidansyel ki nou annan, e i annan avek plizyer challenges.  Akoz parey ou konnen sa inisyalman, i ti pou vin en Juvenile Prisonum?  Apre pli tar zot in fer li vin en Sant Reabilitasyon e mwan mon pa krwar i pli ideal.  Mwan personnelman mon kont bann sistenm kot ou annan bann lili beton – ou met en matla lo la pour en dimoun dormi; toilette feray eksetera – ou konpran mwan?  So mon krwar en Sant Reabilitasyon i bezwen pli modern ki sa.  Pou Praslin anba DDRU akoz zot, zot tonm anba DDRU ok ‘’treatment and rehabilitation’’ son operational cost nou annan nou apepre R2 milyon – um?  R2 milyon pour 2018.  E parey mon’n dir taler 500mil ladan i pour ‘catering’ ‘’manze.’’ Me i annan lezot aktivite ki … Me nou le elarzi sa nou.  Akoz dan Praslin laba e petet ou konman zot MNA ou kapab koz ek zot, enn bann problenm ki nou ganny avek Dove Praslin la bann manrmay ki abscond se laplipar manrmay Praslin.  Akoz zot dan zot lanvironnman.  Ok?  Zot sot fil, ‘zot sot fil’ 10met oter avek ou razor blade partou anler – en?  So zot, zot en pe problematik met zot Praslin.  Prezan nou napa swa akoz zot annan zis zot, zis sel landrwa pour nou mete.  Me prezan ki mannyer zot enroll?  Nou enrollment i senp nou.  Tou dimoun ki enroll i bezwen anrezistre avek Victoria House. Nou annan nou en lofis anrezistrasyon ok?  Aprezan i antre lo lalis.  E ler i antre lo lalis apre en moman done pour li ganny call pour li vin fer sa ki nou apel bann egzaminasyon – lo li teste li bann egzaminasyon medikal osi byen ki psikolozik. Apre sa ler in fini fer sa avek fer bann tretman motivasyonal, motivational eksetera, la i ava antre dan en Sant Detox.  E pour le moman parey ou konnen nou annan nou zis Wellness avek kapasite 20 dimoun.  E Wellness Psychiatry avek son tim ki enkli psychologist, counselors eksetera zot, zot ava deside dan ki progranm i pou ale.  Si i pou al dan en Progranm Methadone, si pou al dan en progranm Naltrexone, ouswa si i pou al dan en progranm rezidansyel.  Ok?  Mersi.

 

MR DEPUTY SPEAKER

Mersi SS Herminie.  Yes Onorab Simon Gill.  Kestyon?  I en follow-up.

 

HON SIMON GILL

Wi, wi ti annan en follow-up me in pase.  Mon kapab lev in, in donn en repons selman mon krwar i enportan nou fer follow- up lo la.  Akoz avan-ler nou al lunch mon pa’n ganny en sans demande akoz nou’n fini Break.  Lo kote zot building finalman, eski zot annan en plan pour zot finalman al dan en sel landrwa kot zot ladministrasyon zot bann lezot Sant Loperasyon lo Mahe mon pe koze la dan en sel landrwa. Si zot annan plan ki kote ki kou prozeksyon ki zot in fer?  Dezyenmman bann landrwa kot zot in ale la eski in ganny tender?  Lekel sa bann dimoun kot zot pe ale – lekel? Mersi.

 

MR DEPUTY SPEAKER

Mersi Onorab Gill.  SS Herminie.

 

SECRETARY OF STATE DR PATRICK HERMINIE

Onorab sa konsep ki administrasyon ki i anba en sel twa, i en keksoz ki nou’n vwar preski dan tou pei; kot nou’n ale.  Ki swa i Indonesia; ki swa i Repiblik Czech; ki swa i Switzerland. E nou, nou ti le pran kopi sa konsep, akoz i annan en kantite travay an term litilizasyon resours – en kantite lavantaz, an term itilizasyon resours.  Vwala rezon akoz nou, nou ti le fer exCID vin nou HeadquartersOk?  An menm tan i ti ava annan en Drop-in ek en Daycare laba.  Ou vwar?  Me malerezman – nou pa’n – Cabinet pa’n aprouv sa ki nou ti pe demande.  I ti pou ariv en sonm apepre 8 a 10 milyon roupi.  Bann teknisyen i dir sa landrwa i kapab ganny renovate, me selman nou ki’n grandi Mont Fleuri – Onorab Ferrari, Onorab Steven Pillay nou konnen sa building pli vye ki nou e in fer avek laso – mon pa konnen ki mannyer nou pou renovate li.  So vwala akoz nou war nou avek 2 building Providence pe lwe, ok?  Me selman nou, nou krwar nou plan se ki ganny met ater en ki en nouvo Headquarters in ganny konstri la.  Sa ki nou, nou ti a voudre.  An sa ki konsern tender, pou bann landrwa kin ou a pe bouze nou pa antre ladan nou.  Parey mon’n dir ou i annan en Komite ki responsab pou ‘’rent’’ dan Gouvernman anba DPA – Chair par madanm Richardson, e li ki fer tou sa bann zafer e apre i vini i dir avek nou gete nou pou donn zot laba.  Nou’n ganny sa.  E nou, nou ale.  Nou menm nou, nou pa antre dan okenn tender process.

 

MR DEPUTY SPEAKER

Ok.  Mersi SS Herminie.  Onorab Simon Gill.

 

HON SIMON GILL

Mr Speaker petet Sekreter Prensipal, Finans i kapab konfirmen si sa i en nouvo lapros e si zot in endorse sa nouvo lapros.  Mersi.

 

MR DEPUTY SPEAKER

Mersi Onorab Gill.  PS.

 

PS PATRICK PAYET

Mersi Mr Chair.  Bonn apre midi tou Onorab e tou dimoun ki a lekout.  Zis pour azoute ki aktyelman depi 2 a 3an pase, nou’n komans sa nouvo striktir ki at least ou annan en Komite ki diskit lo lofis akomodasyon pour Gouvernman an antye.  I kapab anmenn en pe plis synergy dan diskisyon.  Sa Minister li i bezwen dir ki kantite staff, ki bann level staff ki pe rod akomodasyon.  E Minister, e sa Komite in fini annan en lendikasyon, en PS ki kantite square metres i bezwen annan.  En CEO ek son Sekreter, e tousala i annan bann detay ki bann lendikasyon konbyen square metres i bezwen annan.  E baze lo sa, DPA li avek sa Komite i vwar lekel available space ki available dan lavil ouswa an deor.  E la apre Komite i agree, i advice sa Lazans ouswa sa Minister konsernen.  So sa i nivo Komite ki’n ganny kree e aprouve par Cabinet.

 

MR DEPUTY SPEAKER

Ok.  Mersi PS.  Onorab Stephen Pillay.

 

HON STEPHEN PILLAY

Mersi Mr Chair.  Bonn apre midi a tous.  3 pti kestyon Mr Chair.  Enn i konsern, mon’n deza koz lo la avan. Enn i konsern sa saler P1 paz 43 – ‘’management, admin and admin services’’ 5 milyon 569 roupi. 55; e mon oule konpar li avek sa pour P3 pour ‘’treatment and rehab.’’ Konmsi ou gete i preski parey.  Mon pe rode akoz ki zot Bidze i form pli gran parti se ‘’management,’’ e zis en pti git lanmwatye ki pour ‘’treatment and rehab,’’ zistifye sa pour mwan please.  E dezyenmman lo paz 45, lo sa ‘’new spending initiatives’’ mon vwar en plas CEO ladan, en pe plis detay lo la.  Mon konnen Board pa ankor vini, mon pa konnen si pour advertise.  Kantite lezot manm ki pour anba sa 3.7 milyon ki pour dan administrasyon?  Epi 43 ankor lo Vilaz Port Launay, 10.2milyon.  En pti klarifikasyon lo la si i neseser sa 10.2milyon si nou pour koupe.  Rezon se mannyer mon konpran sa 10.2milyon i pour annan ankor en 10milyon lannen prosenn 2019 pour konstri, 10.2 si i pe zis netwaye, met prop pare pour fer sa lenfrastriktir?   E zis nek lannen prosen, 10milyon pour netwaye, epi 10milyon pour konstri?   Mon pa pe tro ganny en konpran ladan.  Mersi Mr Speaker.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Tre, tre bon kestyon Onorab.  Sa konparezon ki ou’n fer dan saler, i senp, dan progranm 1 tou dimoun pe ganny peye anba Lazans.  Dan progranm 3 bokou bann staff i ganny peye swa anba Minister Lasante ouswa anba Abu Dhabi Fund.  Ok?  Par egzanp physiatrist, zot, zot pe ganny peye anba Abu Dhabi Fund e sa i bann laranzman ki nou’n vin zwenn la sa.  E i pour kontinyen pour 2018.  So i eksplike akoz saler i plizoumwen parey, malgre laba petet ou annan en plis overhead, plis dimoun.  Ou vwar?  Bokou zot pa ganny peye anba Lazans.  Lo kestyon CEO, CEO i en legzizans anba Agency Act ki zot ti pase le 01 Out ki bezwen annan en CEO avek en Deputy CEO.  Savedir nou bezwen fer provizyon pour pey zot osi.  E vwala rezon akoz i annan sa saler pour zot. 10.2milyon, mon dakor antyerman avek ou.  Mwan mon pa happy avek le fe ki nou pe fer sa zafer piecemeal, ok?  10.2 milyon.  Nou annan en problenm.  E nou bezwen head on vin deal ek sa problenm.  Ou konpran mwan?  Probableman ozordi avek bann kou Sesel, 10.2milyon parey ou pe dir pour kraz sa bann vye building anler lo plato, prepar teren eksetera, si i reste 3milyon, i reste 3 milyon.  Prezan ou bezwen esper lannen prosen, apre ou bezwen esper lannen apre.  Ok?  3an, 4an i pase ou napa en sant rezidansyel apropriye pour ou deal avek en masiv problenm ki toulezour, – toulezour i pe agrave dan en fason eksponansyel.  Ou vwar? So …?   Me petet PS i ava dir nou akoz i koumsa.  Me vwala akoz i koumsa. Nou orizinalman, nou ti’n donn bokou plis ki 10.2, me se sa ki zot in tonm dakor lo la.

 

MR DEPUTY SPEAKER

Mersi SS.  PS oule klarifye?

 

PS PATRICK PAYET

Mersi Mr Chair.  Zis pour azoute Mr Chair mon krwar ki tou bann proze Kapital i bezwen ganny diskite dan Development Committee.  E en keksoz ki nou anvi vwar, nou pa ankor vwar en plan ki nou kapab annan en proper cost estimate of konbyen pour arive.  So sanmenm sa ki mon krwar Development Committee before ki nou kapab met tou larzan dan sa Bidze, nou ti a kontan kekfwa vwar son proper plan. Vwar an detay BOQ e nou kapab met li.  Be provizyon ki nou’n mete la 10milyon pour zot komanse 2018. E once ki tender process i a ganny fer pour fer sa sant nou ava regarde dan 2019, ki kantite larzan pour fini.  E en building mon krwar si letan nou pe koz nou 40, 50milyon i pa pour fini dan 1an, i pour fini kekfwa dan 18 mwan. Sanmenm sa ki Minister Finans in vwar i pa’n kapab met antye sa bann provizyon dan 2018 pour li.  Me selman once ki aprouvasyon dan Development Committee i gannyen, e nou a fer dan provizyon pour nou kapab met son balance of Budget neseser.

 

MR DEPUTY SPEAKER

Mersi PS.  Onorab Pillay.

 

HON STEPHEN PILLAY

Wi, mersi Mr Chair.  PS wi mon konpran ki ou pe dir mwan, me ki mannyer san en plan la dan PSIP zot in Bidze pour 18 ek 19 20 milyon san en plan.  Mon pa pe konpran ki mannyer si i 40 milyon.  Ou pa konnen ki i pe al fer, konbyen, i pour zis 200 pasyan.  Si ou bezwen 40 milyon ou annan en plan, ou a detaye whatever pour sa.  Ou pa zis vin demann 200 – pa ankor ni en plan, sa mannyer mon konpran zis pour netwaye, site – epi site i kapab ganny abandonnen – re … si ou pa ganny 10 milyon lannen prosen pour konstri, site i pour zis abandonnen.  E an menm laliny akoz, eski i annan lezot opsyon, landrwa brile, lezot landrwa in the future, SBC building, whatever, pa pe get zot opsyon long term dan plas zis degaze pran sa 20milyon, 10milyon, parey PS in dir napa en plan solid pour le moman la, pour devlope.  Mersi Mr Speaker.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Onorab Pillay, i annan en plan ki, petet pa ankor ariv a nivo Minister Finans, me i annan en plan finalize ant nou avek MLUHOk?  E sa plan pour ganny revi enternasyonal mwan prosen par en expert Ostralyen ki pe ganny finanse par UNODC pour gete si i apropriye eksetera, eksetera.  En plan i egziste; tou son bann nesesite, son bann requirements i la.  E rough and dirty estimation, nou krwar ler pou’n konplet in kapab ariv en 40, 45 milyon roupi, ok rough and dirty. Me solman i pa en keksoz ki nou pe zis fer li koumsa. E enn – in en nesesite, e dezyenmman nou pe rod tou bann ekspertiz enternasyonal, pour annan input ladan, ki a lafen dizour nou ava annan nou pour la premiere fois, en vre Sant Reabilitasyon dan Sesel.

 

MR DEPUTY SPEAKER

Ok, mersi SS.  Yes Onorab Pillay.

 

HON STEPHEN PILLAY

En leklersisman lo pour PS Payet please.  Lo sa R3.47 milyon pour CEO ek son staff – i konbyen staff i pe mazinen pour paz 45 lo ‘’approved new spending initiative.’’ Konbyen staff pour CEO ek son, oubyen Herminie whatever. Selman PS Payet ti pe dir pa nouvo staffCEO avek son …

 

MR DEPUTY SPEAKER

Ok Onorab.  Mersi.  PS Payet. SS.

 

SECRETARY OF STATE DR PATRICK HERMINIE

Onorab sa excess ki ou pe koz lo la en, pour CEO, Deputy CEO, apre i enkli sa ki mon’n dir taler.  5 counselors, security officers, peer educators, MNA officers, programme officers, zot, zot tonm anba progranm 1.  Ok?  An term renimerasyon.  Me an term zot travay, zot pour ganny deploy dan diferan progranm.  Ou vwar?  E osi CEO i bezwen en office assistant, Deputy CEO osi i bezwen en office assistant.  So pour, tou sa ki mon’n dir ou la, se bann nouvo dimoun ki nou pe al anploye.  E ki eksplik sa diferans ki ou pe query.

 

MR DEPUTY SPEAKER

Ok mersi SS.  Onorab Aglae ou ti annan en follow-up lo la ou, oubyen akoz, follow-up, en pti follow-up.  Ok?  Mon pour pran de pti follow-up la apre nou ferm sa enn seri kestyon. Nou ava, ou ava pran ou kestyon normal.  Onorab Aglae swivi par Onorab Ramkalawan.

 

HON EGBERT AGLAE

Mersi Mr Chair.  En follow-up question lo sa size ki’n monte.  Petet SS Herminie vi ki ou’n dir ki i annan en plan ki pe materyalize, ok?  E vi ki Cabinet osi ti pran en desizyon ki i pa dan sa landrwa kot pour devlope pour napa zis en Sant Reabilitasyon. I sipoze annan 3 lezot progranm ankor ki pour swiv – sirtou i annan en konponan Lazenes.  Eski dan sa plan ki ou, ou deza pe travay lo la i pe konpri tousala, ouswa sakenn entities pe vin ek en plan pour sa landrwa?  Mersi.

 

SECRETARY OF STATE DR PATRICK HERMINIE

Non be non sa ….

 

MR DEPUTY SPEAKER

Ok Onorab, ok?  En moman, en moman SS.

 

SECRETARY OF STATE DR PATRICK HERMINIE

Sa plan … mersi Mr Chair …

 

MR DEPUTY SPEAKER

… en moman, en moman Dokter Herminie.  Mon ava pran lot osi pour Onorab Ramkalawan apre ou ava reponn tou le de. Onorab Ramkalawan.

 

HON WAVEL RAMKALAWAN

Mr Chairman mon perdi en kou la.  Mon konfiz en kou. PS Payet i dir napa en plan, se pour sa rezon ki zot pa’n kapab fer nanryen. E ki sa ki zot pe donnen la i zis koman en komansman pour en plan. Mr Herminie, Dr Herminie i dir avek nou, son plan i la, in byen avanse pe al lo international review.  Lekel ki mon pour krwar?  Silvouple?  Mersi.

 

MR DEPUTY SPEAKER

Ok, mersi Onorab. SS Herminie.

 

SECRETARY OF STATE DR PATRICK HERMINIE

Ok.  Onorab Ramkalawan, nou plan i en konsep – um?   I annan plan kot i annan bann pti soz isi ground floor, lot, lot, lot.  Nou pa ankor ariv sa staz.  Me en konsep ki nou pe travay lo la avek bann arsitek MLUH.  Nou’n tonm dakor lo konsep e avan ki nou la lo en plan detay avek ground floor … la mannyer i marse, nou oule ki expert ki’n travay laba – ou a dakor ek mwan napa bokou expert Sesel dan sa domenn.  Zot ava review . E menm South Africa zot in tonm dakor pour donn nou en koudmen review e apre la nou a bouz lo, nou bezwen fer li byen. Ou konpran mwan apre la nou ava bouz lo en plan detaye, ki i ava annan avek li en costing, QS i antre, lot, lot, lot.  Ou konpran mwan?

Lo si mon pour reponn kestyon Onorab Aglae, lo kestyon sa plan pour nou, i pour nou.  Ok?  Mon konpran pour en sant pour bann zenn me sa se Minister Lafanmir ki pour vin avek pour zot.  Akoz i 2 konsep diferan sa.  Right?  En manrmay ki lo drog par egzanp, avek en manrmay ki beyond control i anti-sosyal pour nenport ki rezon, zot tretman i konpletman diferan.  E ou pa kapab pe melanz sa 2 group manrmay ansanm.  Ou vwar?  E tou mezir pour ganny pran ki sa de group zanmen zot vin an kontak ek kanmarad.  E tou sa i baze lo bann pratik enternasyonal, best practices. Nou pa bezwen al lwen, nou al la Maurice, nou pour vwar ki koumsa i ganny fer.  Ou vwar, so sa ki nou, nou pe vin avek i pour Agency.

 

MR DEPUTY SPEAKER

Mersi SS.  Vis-Prezidan ou ti le azout keksoz?

 

VICE-PRESIDENT MR VINCENT MERITON

Mr Chair mersi.  Bonzour tou Manm Onorab. Zis pour azoute, pour anmenn leklersisman lo sa ki pe ganny diskite, ki Gouvernman ti aprouv konsep sa Vilaz Reabilitasyon.  E napa en plan ki’n tournen, ki’n pas atraver tou bann lenstans ki kapab verifye tou bann pti detay.  Me selman an vi lirzans sa size ki i annan en leokri Nasyonal laranzman in ganny fer, avek Minister Finans pour park en serten sonm larzan pour ki an 2018 apre an 2017, 19 – antretan ki bann plan in ava finalize pare ganny aprouve.  Mersi Mr Chairman.

 

MR DEPUTY SPEAKER

Mersi Vis-Prezidan. Onorab Aglae ou kapab demann ou kestyon prezan.

 

HON EGBERT AGLAE

Mersi Mr Chair ankor.  Kestyon ki mon anvi demande la, i konsern bann NGOs, vi ki Lazans i nouvo, e nou pe war bann diferan NGOs – entities pe tonm anba Lazans e zot pe ganny serten finansman.  Nou osi nou konpran pour dir i annan serten sa bann Lazans, NGOs ki ganny funded, petet aletranze, mwan mon kestyon se ki mannyer SS, ou pour annan kontrol petet pour fer sir ki bann larzan ki pe antre, i al ver lobzektif, nou lobzektif prensipal se reabilitasyon, e sa lalit kont drog, ki bann progranm i ganny swiv parey i sipoze ganny swiv ki zot in set, target.

Dezyenmman, kot i konsern Reabilitasyon nou’n aprann ki prizon pe al anvoy 100 prizonnyen Coetivy pour fer reabilitasyon.  Ki rol ou Lazans i annan pour zwen ladan? E ki son konponan bidzeter si ou pe antre ladan ou osi, ou Lazans? E mon dernyen kestyon, i pa en kestyon i en sizesyon, mon ti a kontan ki ler ou plan, tou ou bann keksoz in finalite, ou kapab zwenn avek distrik, Lotorite Distrik sirtou Port Glaud, vi ki sa sant pour kot nou.  Nou anvi ganny en dyalog direk lo sa devlopman li menm avek ou.  Mersi. .

 

MR DEPUTY SPEAKER

Mersi Onorab Aglae.  SS Herminie.

 

SECRETARY OF STATE DR PATRICK HERMINIE

Onorab tou NGOs ki pour fonksyonnen dan Sesel, i pour bezwen meet serten kriter.  Enn bann premye keksoz ki nou pe al fer se etablir en Unit Akreditasyon.  Ok?  Pa tou NGO’s ki fer menm keksoz. I annan NGOs ki for dan harm reduction; i annan NGOs ki for dan prevansyon.  I annan NGOs ki fer reabilitasyon. Isi Sesel pour le moman napa, me parey nou konnen annou sov nou zanfan, se sa ki zot oule fer.  Ou vwar? Me zot pour bezwen operate anba serten standar ki pour ganny etablir par Lazans.  E si zot pa kapab meet sa bann standar then zot pa kapab operate.  Nou, nou, mwan personnelman mon krwar ki Leta – Gouvernman atraver Consolidated Fund i bezwen ed bann NGOs.  Akoz sa bann NGOs pe fer en travay Nasyonal e nou atraver sa Unit Akreditasyon, nou quality assurance, nou ava fer sir ki zot pe fer travay dapre standar ki zot ti pe sipoze fer.  Me pour en NGO debout lo son de lipye fasilman finansyerman, i pa en keksoz ki fasil sa.  Ou vwar? Sekter prive premyerman i pa tro keen pour ed nou.  I annan zis 2 lorganizasyon ki’n ed nou koman en Agency pour fer serten proze.  Larestan zot pa oule tann nanryen pour fer avek nou.  E mon konnen ki bokou NGOs zot ganny en kantite problenm pour zot raise funds. Ou vwar? Zot osi zot bezwen donn en Rapor Odit. Ler nou, nou demann zot en rapor lo zot depans finansyer e osi lo zot bann aktivite – anba Lalwa zot anba lobligasyon fer li.  Sa i bann fason ki nou pour kontrol li.  Ki nou bezwen ankouraz plis NGOs posib.  Prizon fransman dir ou laverite, nou napa okenn lenformasyon lo sa Progranm Reabilitasyon, ki prizon pe al run.  Sertennman si zot annan lentansyon pour run en Progranm Reabilitasyon, sa osi i bezwen vin under the purview of the Agency ki standar i ganny respekte.  Ou vwar?  Akoz i annan counselors, zot annan lot, lot, lot.  E ki zot pe operate lo sa ki nou apel en drug free area within a prison. Ou konpran?

 

MR DEPUTY SPEAKER

Ok.  Mersi SS Herminie.  Onorab Aglae.

 

HON EGBERT AGLAE

Zis en pti follow- up Mr Speaker.  Savedir si mon pe konpran SS baze lo progranm bann NGOs bann ki afilye avek sa labi drog ek lalkol la, vi ki Lazans i fek formen, mon konpran, me eski ou annan en metod petet pour evalye zot progranm ek si zot soumet en kalandriye, en Plan Aksyon avek ou ki zot anvi fer pour fer sir ki keksoz i mars dapre norm?  E dezyenmman, vi ki ou dir ou pa okouran sa travay reabilitasyon, vi ki nou annan en problenm drog adiksyon dan prizon, petet mon ti a swete ki tou bann akter i zwenn ansanm pour kordin en loperasyon ki marse, ki efektiv.  Mersi.

 

MR DEPUTY SPEAKER

Mersi Onorab.  SS Herminie.

 

 

SECRETARY OF STATE DR PATRICK HERMINIE

Non mon dakor avek ki i bezwen annan plis kordinasyon antre nou si prizon if ever i run sa Progranm Reabilitasyon.  Ou premye kestyon ti …?

 

MR DEPUTY SPEAKER

Onorab Aglae.

 

HON EGBERT AGLAE

…(Mic Off)

 

SECRETARY OF STATE DR PATRICK HERMINIE

Non, non premyerman parey mon dir ou nou pour set up sa Quality Assurance Unit – Akreditasyon. Me selman la deza nou pe atraver nou MNE Division, nou pe tyeke lefikasite bann progranm CAR par egzanp; nou ale nou vini en granmaten, nou teste – vwar si progranm vreman pe marse. Si zot vreman drug free, si zot clean.  Nou pe fer sa isi nou. Be pa, sa Unit li menm li pa ankor vin for parey nou ti a dezire. Se pour sa rezon ki nou pe rod de MNA pour ede dan sa prose.  E bokou sa bann kalite travay la, MNA zot pa gannyen koumsa lo labour market isi sa. Ou vwar?  Ou bezwen al train zot. Donn zot bann training neseser, e nou annan en komitman par UNODC avek WHO pour fer sa bann kalite training pour nou bann dimoun.

 

MR DEPUTY SPEAKER

Ok.  Mersi SS Herminie.  Onorab Arrisol.

 

HON SANDY ARRISOL

Mr Speaker mersi.  Bonn apre midi a tous.  Mr Speaker mwan mon krwar nou pe depans en pti tro larzan la avek sa pti group dimoun nou pe koz lo la.  Mon pe dir sa senpleman akoz letan mon pe get Bidze, letan mon’n tann in dir 10milyon pour netway sa landrwa, mon pe demann mon lekor akoz pa solda, oubyen en group prizonnyen ki al netway sa landrwa, olye depans 10 milyon pour depans kot mon’n tann koze la.  Apre mon ti a kontan Mr Speaker letan mon lo la pour mwan dir poudir letan mon pe get Bidze ki sa lazans pe demann nou i R50 milyon.  I plis Bidze ki nou Lasanble Nasyonal in demande pour lannen prosen. Lasanble Nasyonal in demann 41 milyon, sa Lazans pe demann 50 milyon Roupi.  E letan nou tande pour dir sa bann manrmay ki lo sa progranm zot pour manz manze Skychef, selman nou, nou zanfan lekol pe manz school meal, nou tann tou sord kalite rental ki bann zofisye pe rode dan konfor, dan aircon, nou tann tou sord kalite parol.  E mon’n tann Onorab Herminie, I mean Mr Herminie dir pour dir bann manrmay ki antre dan son sant, zot pour lo en Zero Tolerans kot si okenn Polisi i ganny kase, zot pour ganny met DEOR! Savedir otomatikman zot pour al cold turkey parey nou dir.  Alor mon pe rode akoz nou pe rod 50 milyon.  Prezan mon kestyon mon ti a kontan demande, Mr Speaker lo sa 50 milyon, letan nou annan en kantite dimoun deor ki pe rod en pti mwenza ki travay ki kontribye pour sa pei, zot, zot pa pe gannyen.  Mon premye kestyon.  Letan mon pe get lo paz 43, lo premye latab dan 28 milyon ki konsern tretman avek abitasyon mon ti a kontan demande konbyen sa group  manrmay sa bann droger la, zot, zot pour kontribye dan sa Tretman avek sa Reabilitasyon?   Konbyen zot, zot pour donnen avan, avan nou pran larzan piblik pour nou envestir avek zot?  Dezyenmman mon ti a kontan demande Mr Speaker, letan mon pe koz lo Board.  Par egzanp letan taler mon’n get Board pour sa Board ki sa Lazans pe etablir sipoze annan 20 manm, e zot Bidze 1.7 milyon ki nou’n tann koz lo la letan ou diviz li sakenn pour ganny R7 mil.  Mon ti a kontan profite demann PS Finans akoz mon rapel letan SIB ti vini, zot ti dir ek nou pour dir Minister Finans in etablir en norm pour bann Board.  Eski norm i etablir pour en serten kalite group pour Lazans, pour Minister, i annan en pti minimonm napa ceiling?   I annan ceiling napa minimonm?  Mon ti a kontan PS Finans i eksplik mwan.  Mon lot kestyon Mr Speaker an relasyon ek Bidze. Mon ti a kontan demann Mr Herminie an relasyon avek voyaz, mon’n tann li in mansyonn bokou voyaz kot in ale, pour get bann lezot progranm.  Mon ti a kontan demann li letan ou voyaz Mr Herminie ki klas ou voyaze?  Akoz sa osi pour annan en Bidze. I pour annan en lenpak lo Bidze ki nou pe vote.  E mon dernyen kestyon mon ti a kontan demann ou, bomaten letan ou’n vini mon’n aprann ou’n vin avek bodyguard guard, e en bodyguard ki arme.  Mon ti a kontan zisteman demann ou kot ou bodyguard?  Eski i en lazans, i en azan SPDF?  Akoz sa osi, Lazans ki pour pey li. Akoz sa osi pour annan en lenpak lo sa Bidze, R50 milyon ki ou pe demann nou koman en Lasanble.  Mersi bokou.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Premyerman mon krwar ou pe fer en gro fot pour dir nou pe depans larzan lo en pti git dimoun.  I pa en pti git dimoun. Mon pe koz 4 mil a 5 mil zenn. Ant laz 18 an a 35an.  Ok?  E pa krwar, pa krwar, mon toultan dir akoz mon rapel let mon ti komans kanpanny kont HIV/Aids, 25an pase, nou ti’n entrodwi tretman. Napa kalite lensilt ki mwan mon pa ti gannyen ek dimoun ansanm ek Doctor Vel, Doctor Shamlaye ler nou ti pe sey entrodwir.  Ozordi sa bann dimoun ki ti ensilte nou, ozordi zot pe benefisye ek sa tretman. Pa krwar ki sa problenm ki zis pour en pti git dimoun.  Sa problenm i devan laport tou dimoun.  E potansyelman i kapab ariv devan laport nou tou ki la ozordi.  Mon ti kapab pran en latitid koumsa.  Mon dir mwan mon annan en garson ek en fiy.  Mon garson i en civil engineer, in kalifye lannen pase, i pe travay, i pa lo drog, mersi Bondye.  Mon fiy dan 5 mwan i pret serman Hippocratic – i vin li en Dokter pratike.  Mon pa bezwen, mon dir be mwan mon ok?  Akfer mon bezwen fatig mon latet avek sa.  I pa mars koumsa sa.  Osi lontan ki ou vivan ou a risk pour ou vin en adikt.  Ok?  E nou tou nou zanfan i a risk pour vin en adikt, nou pti zanfan i a risk.  Nou annan ozordi zanfan ki pe ne, zanfan bann madanm Eroin, ok ki pe ne avek zot laservel, pa devlope.  Se zot ki vin bann zanfan problematik dan lekol.  Ok?  Zot frontal lobe pa parey pour lezot dimoun.  Apre nou rose akoz zot annan cognitive issues, zot pa aprann dan lekol.  Sa problenm i manifik. Ou problenm kriminalite i pa en pti git dimoun.  I 5 mil zenn ki pe rod larzan pour kapab ganny the next fix.  E en fix ozordi i R400 en line, e en line i 0.1g Eroin.  Ok? Se sa ki nou pe koz lo la la. Study in montre partou dan bann pei ki le moman ou envestir $1 dan prevansyon, ou fer ou en savings $5 dolar dan tretman e $7 dan kriminalite.  Bokou nou, nou pa vwar sa. Bokou NDEA pa ganny okenn problenm pour 65 milyon akoz, akoz i bato, fizi, i lot, i lot.  . Hollywood, ok – ‘very Hollywood,’ me selman, nou’n vwar pandan legzistans 10an NDEA, lensidans drog dan sa pei in sorti in vin 5, 6 fwa plis. Ozordi partou dan lemonn, ok partou dan lemon zot rekonnet, sel fason pour ou kapab deal ek sa problenm, ou bezwen fer paradigm shift.  Ou bezwen sorti lo supply reduction pour bouz lo demand reduction.  E bann pei parey Australie, parey Switzerland, right, rezilta konkret, tanzib, in arive.  E nou osi, nou bezwen komans dan sa direksyon.  Sa bann pei i annan 20an, 25an zot pe fer sa.  Nou, nou napa 25 semenn.  Ou vwaar so nou bezwen komanse e nou pa kapab dir en pti git dimoun.  Nou, nou pa’n zanmen dir 10 milyon pour netway landrwa.  Ok?  Mwan mon ti pe, PS ti pe eksplik ou sa zafer 10 milyon ki mannyer i marse.  Me ou, ou’n spin sa, ou dir 10 milyon, pour netway landrwa. Zis parey ou’n spin sa Board.  Ok?  Ou dir 1.7 milyon.  Be PS fek eksplike.  Fek eksplike ki lanmwatye ladan, i pour bezwen sorti apre Cabinet Decision ki nou pa kapab ganny tou le de allowance ansanm. Be  in eksplike bomaten.  So ankor sa i en spinning.   Lo kestyon, lo kestyon kontribisyon sa i en polisi Gouvernman.  Eski dwatet annan en kontribisyon par bann adikt ler zot vin tretman?  Mwan personnelman mon dan en refleksyon profon, lo sa size.  Me byento Agency ava pran en desizyon.  Ok?  Nou bezwen pran an kont ki sa set en maladi kronik – lasante piblik. Ok?  E ki bor i tonbe? I tonm anba primary care? Secondary care? I annan bann eleman Konstitisyonnel, e legal. Reperkisyon ki nou bezwen pran an kont, ok, avan ki nou entrodwir en fee. Me sa ki mwan mon kapab dir ou, ok, tretman adikt i ekstrememan ser.  En sant pli bonmarse la Sud L’Afrique i ariv 20mil Rand par mwan, 20mil Rand par mwan.  e son sant pli ser i ariv 45mil Rand par mwan. Ti annan en group Endonezyen ki ti oule vin isi.  Ok?  E zot, zot ti pe target bann kliyantel UAE, Saudi Arabia akoz laba osi zot annan en gro problenm Eroin, $4500 par mwan.  Zot, zot build zot sant rezidansyel lo en zil.  E zot … mon pe zis donn ou en nide ki kantite ser, i ser pour tret Eroin.  I pa en keksoz bonmarse. E si pour annan peyman ouswa non, ler agency, nouvo Agency pe drafte polisi en desizyon ava ganny pran.  Me mon dakor avek ou ki ozordi i annan en kantite labi, en mank lapresyasyon.  Me sa mank lapresyasyon Onorab, i pa zis dan rehabilitation drog. Partou dan Sesel i annan mank lapresyasyon. Konbyen dimoun ki sorti pran pilil tansyon, ouswa pilil dyabet zot pran zot zet dan bin?  Zot pa servi tretman.  Onorab Clive Roucou i konn tre byen. Problenm adherence. Ok? It’s a major public health issue.  E ou ganny sa osi avek bann droger.  So tou sa bann keksoz nou bezwen pran lid an sa konteks, avan ki nou pran en desizyon e zis nou discard sa bann dimoun koman en pti group.  An sa ki konsern ‘’travel. ‘’ Gouvernman i annan en Polisi lo ‘’travelling.’’ Ok? Mwan mon pa desid sa Polisi. Gouvernman i annan en Polisi lo ‘’travelling’’. E Polisi Gouvernman i annan ki aplik pour Minis, pour SS, pour CEO, e mwan mon tonm dan kategori pour SS.  Me pour ou lenformasyon, mon ‘’travel’’ pa ganny peye par Lazans.  Mwan ‘’travel’’ i tonm anba President’s Office. Ok? La dan sa Bidze ki devan ou la, napa en sou pour Dr Patrick Herminie.  En sou.  Sa i pour en Agency ki pe ganny etablir, e lannen prosen ni dokter Patrick Herminie ou pa pour vwar la.  Son nouvo CEO, whoever i pour son nouvo CEO, i ava vin defann son Budget.  Ou swiv mwan?  Bodyguard petet mwan ava les VP, mwan osi zot dir mwan mon bezwen bodyguard. Mr Vis-Prezidan i kapab eksplik sa.

 

MR DEPUTY SPEAKER

Ok.  Mersi SS.  Vis-Prezidan.

 

VICE-PRESIDENT MR VINCENT MERITON

Mersi Mr Chairman. Mr Chairman pour anmenn en lalit asarne kont en fleo ki pe anvair pei, ou met ou lekor a risk, sirtou latet sa lorganizasyon ki pe anmenn bann plan ki tre syantifik; bann plan ki tre detaye, bann plan ki byen sible. E se pour sa rezon ki Lapolis, nou’n met a dispozisyon sipor bodyguard pour son proteksyon. Mersi Mr Chairman.

 

MR DEPUTY SPEAKER

Mersi Vis-Prezidan. Onorab Arrisol.  Yes Onorab Arrisol.

 

HON SANDY ARRISOL

Mersi Mr Speaker.  Mersi Mr Herminie, Vis-Prezidan pour zot larepons.  Mr Speaker mon ti a kontan dir Mr Herminie dan spinning i form parti deba dan Lasanble Nasyonal – zis parey ler ou, ou rann nou larepons, ou fer en kantite letour osi letan ou rann nou en pti larepons lo kestyon ki nou demann ou.  So i form parti sa pti prose ki nou osi nou fer.  Selman an relasyon avek sa pti group dimoun mon ti a kontan dir pour dir i en fleo ki pe afekte tou dimoun.  Sa nou tou nou konnen.  Selman sa ki dimoun i enterese konnen laba deor, se par egzanp ou menm ou’n dir pour dir i annan dimoun ki’n al Wellness15 fwa. Savedir ler ou’n antre Wellness 15 fwa ou pa enterese, me senpleman ou fanmir pe fors ou.  Alor letan ou pe get en Bidze 50 milyon kestyon, mon premye kestyon ki mon’n demann ou se alor sa dimoun li ki anvi sa tretman ki li i kontribye pour en lot dimoun, pour lasosyete kapab ed li sorti dan sa ki anvi sorti – si i anvi sorti?  Akoz mon rapel si mon pa tronpe kot CAR zot ti annan en kontribisyon ki mon krwar ou peye, e 3mil, ti annan en progranm ki ti fer lo SBC, kot ou pey en 3mil, se pa 4mil pour premye 3 mwan. Omwen sa fanmir, sa dimoun i montre lentere, me pa zis nou pran taxpayers money nou pe envestir dan en group dimoun ki ou a krwar zot menm zot, zot pa tro enterese, e zot pour antre en fwa, zot pour antre 15 fwa e nou, nou depans larzan avek zot menm.  Sete sa mon pwen. Mersi bokou.

 

MR DEPUTY SPEAKER

Mersi Onorab Arrisol.  SS Herminie oule fer en komanter lo la?

 

SECRETARY OF STATE DR PATRICK HERMINIE

Wi mon krwar mon’n adres son problenm.  E parey mon’n dir nou pe met serten lord dan sa bann keksoz.  I pour neseser pour nou osi sanz the  Misuse of Drug Act, moda 2016 – ki pour efektivman kapab permet nou fer en kontra ki nou sinyen ek zot, vin en court order letan sa Kontra i ganny breach.  I pour neseser bann sanzman dan Lalwa. Ozordi in ganny demontre dan plizyer letid ki letan ou annan sanksyonn. Ok ou servi li koman en leverage pour tretman i marse.  Ou vwar?  Be selman mon pa kapab fer li toultan napa en sanzman dan Lalwa, ki permet nou fer li.  Nou kapab fer li zis pour bann ki court order.  Nou annan 70 sa bann manrmay, me malerezman nou napa landrwa pour met zot.  I annan en kantite bann keksoz nou pe planifye, me pour annan nou en bon, Agency, ki mon pa oule pran sa bann desizyon lo mwan menm.  Nou ava diskite, e nou koman en Agency nou ava pran, nou ava pran en desizyon kwa ki pli apropriye pour Sesel an prenan kont ki nou popilasyon i deza en popilasyon avek pa mal latitid – ou konpran?  Ou vwar fasilman. Ou al Prague, ou al Maurice, ou vwar polites pasyan anver dokter ek ners. Ou mont Wellness i en lot zafer, ou vwar?  E parfwa i annan labi fizik, labi verbal tou kalite – e i en latitid.  E nou bezwen met an plas en sistenm ki deal avek sa latitid Seselwa.

 

MR DEPUTY SPEAKER

Mersi SS.   Mon pour vin lo ou apre si non nou pa pour fini. Ok.  Onorab Sophola.

 

HON NOLINE SOPHOLA

Mersi Mr Chair.  Vice-Prezidan, SS Herminie ek ou lekip, e tou dimoun a lekout, bonn apre midi.  SS an Oktob ti annan en survey ki ti ganny fer La Digue, mon pa konnen, koriz mwan si sanmenm sa ki tonm anba Respondent-Driven Survey, oubyen en lot non?  Me an tou ka sa ti ganny fer pour bann heroin users La Digue.  E mwan asire ki ler sa in fini ou’n ganny rezilta e zot analize. E mon kestyon i ki plan ki ou annan pour sa group dimoun? Eski Bidze 2018 in fer provizyon pour met sa plan an mars?  Si wi konbyen larzan ki’n ganny allocate pour sa plan?  Mersi.

 

MR DEPUTY SPEAKER

Mersi Onorab.  SS.

 

SECRETARY OF STATE DR PATRICK HERMINIE

Ok.  Sa respondent, sa ki ou pe koz lo la se zisteman sa respondent-driven survey ki ongoing, nou’n fer li lo Mahe, lo Praslin avek lo La Digue.  Nou pa ankor fini fer bann analiz. Ofet la bann staff pe zwenn pour gete ki mannyer zot pour proceed avek analiz.  Me nou obzervasyon inisyal se ki La Digue i annan en gro problenm heroin.  Ok? En masiv problenm ki nou menm nou letan nou ti pe rod nou sample size nou ti soke avek lavites ki nou ti ganny sa size.  Ok?  Olye 10 zour, ti pran nou zis de zour.  So i deza annan en problenm eroin lo sa pti zil ki nou bezwen tackle.  Parey mon pe dir, idealman i ti ava bon – nou oule run en progranm La Digue nou. Nou annan nou en peer educator ki ti en former addict ki lo nou, ki pe ganny peye par ESP pour fer sa travay.  I vin Mahe pour fer.  Me li i kapab travay La Digue.  Nou annan nou en nurse ki pe travay Praslin, i sorti La Digue ki li osi i kapab run en progranm kominoter La Digue.  Me parey mon’n deza eksplik ou La Digue nou annan problenm, nou napa landrwa pour nou fer nou progranm.  Mon’n kontakte tou bann dimoun, mon’n ekrir let partou e ziska prezan mon pa ankor ganny en larepons pozitiv.  Petet mon a pran sa loportinite pour demann ou, pour sey ed nou ganny en landrwa kot nou kapab fer en Daycare La Digue, nou annan dimoun ki pare pour run, ki pare pour fund e run sa landrwa.  Ou vwar?  Me antretan bann manrmay La Digue ki bezwen bann tretman rezidansyel, zot, zot al Praslin ansanm avek bann manrmay Mahe.  Sa ankor i montre ou – i montre ou nesesite pour nou annan, pour met an plas, lenfrastriktir, lenstitisyon, sant rezidansyel pour nou deal avek sa problenm.  Akoz sa problenm pa en pti problenm, i en gro problenm.  I en gro, gro, i en manman problenm parey nou dir sa.  E La Digue pa’n ganny eparnye; Praslin pli pir ankor. Ok?

 

MR DEPUTY SPEAKER

Ok.  Mersi SS.  Bon mon ankor annan 10 dimoun lo lalis. Annou sey fer nou kestyon vin pli direk.  E SS osi si ou kapab donn ou repons en pti pe pli an bref pour nou kapab fini.  Mwan annan Minis Charlette osi ki’n arive ek son delegasyon ki nou anvi pran ozordi avan nou ferm lazournen.  Onorab Sophola.

 

HON NOLINE SOPHOLA

Mersi SS.  Vedir si nou ganny en landrwa rezidansyel, sa i pour antre dan Bidze 2018.  Oubyen in fin antre? E mwan ti a kontan konnen si ou kapab dir nou la ki sonm ki’n ganny allocate avek sa?

 

MR DEPUTY SPEAKER

Ok.  Mersi Onorab.  SS Herminie.

 

SECRETARY OF STATE DR PATRICK HERMINIE

Nou annan 2 milyon ki kouver La Digue.  Me solman sa i en keksoz ki dinamik.  Mon pa kapab dir ou 500 mil, 200 mil.  I pour tou depan lo kalite progranm nou met an plas, dinamiz sa progranm osi byen ki finding sa RDS ki nou pe fer lo La Digue.  Sa pour determin kantite resours ki nou allocate lo La Digue.

 

MR DEPUTY SPEAKER

Mersi SS Herminie. Onorab Mondon.

 

HON TERENCE MONDON

Mersi Mr Chair.  Bonn apre midi tou dimoun.  Mon annan de pti kestyon.  Premye, SS in dir nou ki i annan en Kontra. Wellness Centre i annan en kontra 1.8 milyon avek Skychef ki tonm apepre R150 mil par mwan.  Mon anvi konnen konbyen zot annan Wellness ki pe ganny manze pour sa R150mil par mwan.  E dezyenmman mon anvi konnen si zot in fer okenn legzersis, ler zot pe prepar sa Bidze pour gete kote kot zot kapab fer savings. Par egzanp, si bann Kontra ki egziste zot gete, zot sey revwar bann kontra pour fer sir pour bring down en pe zot depans. Mon anvi konnen si zot in fer sa legzersis?  Apre ler mon pe get telefonn, alokasyon pour telefonn i tonm 757 mil e parmi i annan en letablisman ki pe depans 508 mil ki tonm apepre R42mil par mwan pour telefonn.  En letablisman, mon anvi konnen lekel letablisman ki pe depans 42mil par mwan zis pour telefonn. Si i kapab eklersi mwan Mr Chair.  Mersi.

 

MR DEPUTY SPEAKER

Mersi Onorab.  SS Herminie.

 

PRINCIPAL PLANNNING OFFICER GERALDA DESAUBIN

Onorab Mondon.  Mersi pour ou kestyon.  Si mon pour komans lo premye sa kontra 1.8 milyon avek Skychef – Parey SS ti eksplike taler, sa i en keksoz ki nou lazans nou’n vin zwenn la. I ler Minis Finans in demann avek Minister Lasante pour transfer Bidze Wellness kot nou, sa i sa fon ki zot in transfer, ki zot in dir nou sa i Kontra ki zot annan avek Skychef pour provide manze Wellness.  Me selman i enportan pour note ki lannen prosenn sa Bidze Wellness i pour ganny zere par Lazans. So Lazans prezan li i a deside si i neseser pour nou kontinyen avek sa Kontra, si nou pour war li tro ser, then en desizyon a ganny pran, si nou pour koupe oubyen non parey SS ti pe dir.  I annan plan fer bann kliyan kwi zot manze zot menm.  Mon mazinen ki sa i ava vin en savings lo nou kote.  Me selman pour le moman sa i en sityasyon ki an deor nou kontrol, akoz i en larzan ki’n zis in ganny transfer kot nou sorti kot Minister Lasante.  Lo kote telefonn sa pli gro bout telefonn ki ou pe vwar i annan pour fer avek program 4 which is ‘’Aftercare’’ avek ‘’Community services.’’ Parey nou’n eksplike depi bomaten nou napa bokou landrwa rezidansyel.  E pli gran group nou bann kliyan, nou bann pasyan ki dan okenn progranm avek nou i tonm dan servis kominoter.  E la nou bezwen kominik ek zot bokou. Nou kominik bokou on a daily basis.  Nou pa kominik ek zis zot, nou bezwen kominik ek paran, lafanmir, en kantite. Akoz nou fer bokou bann sesyon avek zot on a daily basis kot zot vini, zot vin anba Victoria House, Mont Royale, you name it, bann landrwa kot bann sesyon i ganny fer.  En kantite kominikasyon i ganny servi.  Mersi.

 

MR DEPUTY SPEAKER

Mersi …

 

SECRETARY OF STATE DR PATRICK HERMINIE

Onorab Mondon mon a zis azoute ki i ariv R125 par personn par zour.  Sa Kontra avek … R125 e sa pour breakfast, lunch, dinner.  So mon krwar i ase rezonnab.

 

MR DEPUTY SPEAKER

Ok.  Mersi.  Onorab Letourdie.

 

HON JANY DE LETOURDIE

Mersi Mr Chair.  Bonn apre midi tou dimoun.  Mr Herminie mon konnen poudir la sa ki nou pe adrese se sa R50 milyon pour prevansyon, pour ed nou bann adikt.  Me selman nou konnen osi pour dir i napa zis sa R50 milyon ki Gouvernman Sesel i bezwen envestir.  Akoz i annan anba Lapolis osi i annan Drug Enforcement malgre zot, zot pe fer en lot zafer zot pour konbat kont drog.  Zot osi zot ti pe demann 60 milyon letan ou adisyonn li ankor i fer en lot kou.  E menm si nou pa’n aprouve pour prizon pour le moman zot osi zot ti pe demann apepre 3milyon.  Tousala se rezilta bann drog ki’n antre dan pei ki’n fer nou ganny sa kantite adikt prezan.  Pou ed mwan fer mon desizyon lo ki fason mon pour vreman vote si ou ti a kapab silvouple eklersi mwan lo sa enn de pti pwen.  Ki mannyer zot anvizaze pour zot travay avek Lapolis?  Ki poursantaz lasirans ki nou pour reisir par sa kantite larzan ki nou pe depanse, nou pe demande? Eski drog pour kontinyen antre dan pei?  Lekel ki pour ganny enport drog?  Eski ler nou pe sonny bann adikt, eski nou pa pour annan en lot nouvo lalis bann dimoun ki pe espere si drog i kontinyen antre dan pei?  E finalman eski ou pe mazinen ki en zour nou ti pour nepli, kekfwa nou ti a kapab nepli bezwen sa sant?  Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Kolaborasyon avek Lapolis.  Nou, nou pa oule vin en informant pour Lapolis malgre nou ganny en kantite lenformasyon.  Nou dan biznes trete koman dimoun medikal nou dan biznes trete.  I annan lenformasyon ki si nou pour gannyen definitivman nou pour enform Lapolis.  E enn bann keksoz se nouvo drog sirkilasyon dan pei.  Nou fer tes lo en monthly basis pour gete si i annan nouvo drog ki pe ganny entrodwi.  Akoz sa i annan lenplikasyon lo ‘’enforcement, ‘’o training lisyen, son abilite detekte mannyer i antre, idantifikasyon eksetera, eksetera.  So koumsa nou travay, nou dir ek be gete la ou annan ou Methamphetamine i bezwen konnen kwa sa, i bezwen konnen mannyer i ete.  I bezwen train son lisyen.  Lisyen ki train pour heroin pa neseserman i train pour Methamphetamine ouswa i pa neseserman i train pour marijuana.  Ok?  Ou apel sa en drug discrimination test dan canine lentervansyon. So basically i annan sa kalite kolaborasyon ki nou annan avek zot.  Be nou, nou pa al, apre Lapolis, Sef de Polis i osi en manm lo Board Agency. Lasirans ki nou pour reisir Onorab sa i en bon kestyon.  En kestyon ki toulezour nou leve, mon leve dan bomaten mon dir be nou pour reisir letan ou get magnitid sa problenm?  E nou bezwen reisir akoz si nou pa reisir nou pour fouti.  Si nou pa reisir nou pour fouti koman en nasyon, e mwan mon garanti ou nou pour vini en failed state!  Byento nou pour komans ganny bann gangs; dimoun bat kanmarad, touy dimoun, disparet eksetera. Ou vwar?  Fodre nou reisir. E vwala akoz ou bezwen vote pour nou 50 milyon en premye pti lepa.  Nou bezwen, ofet nou bezwen 150 milyon, me selman apre bokou negosyasyon nou’n dir ok nou ava komans avek 50 milyon.  But we have to succeed.

Nou napa en swa failure.  Failure is not an option! Prezan ou dir ek mwan eski en zour nou pa pour bezwen sa sant.  Napa ki’n arive okenn par dan lemon ki mwan donn ou en larepons wi.  Nou pour redwir lensidans drog.  Sa i nou lobzektif, me drog i en keksoz ki von dan, nou apel sa dan drug control, ‘’the balloon effect.’’  Ou pez isi, ou met Eroin anba kontrol Methamphetamine i pete laba.  Ou pez Meth, Cocaine i lev isi.   Ok dan drug control zot apel sa ‘’the balloon effect.’’  So i pour en batay.  Mwan mon ava donn ou ankor de bon lannen.  Ok?  E si mon’n kapab etablir striktir an plas pour nou anmenn en lager efikas, i annan en kantite expert sirtou lo Facebook.  Ou vwar en kantite bann expert.  Zot ava vin donn en koudmen pour nou kontinyen e finalman rezourd sa problenm, akoz mon osi mon bezwen repoze en moman dan mon lavi.  Me omwen mon ava dir ou Onorab De Letourdie i pa en travay fasil.  E semenn pase mon ti Sud Afrique profeser ti dir dan prognosis is poor.  Konmsi sa normalman bann Onorab Roucou i konnen sa ou servi lo en pasyan.  Me letan ou pe koz lo en progranm, i dir ou the prognosis is poor – i pe dir i pa en travay fasil.  Me enn ki bezwen ganny fer, i bezwen ganny fer.  E nou pour escalate, pour nou response.  Ok? Response ki nou annan ozordi Methadone, residential i en bout response.  Ozordi Lerop zot in escalate sa response. E pran bann mezir ki ozordi mon pa krwar nou pep in pare pour deal avek sa bann mezir.  Me pour ariv en moman kot nou pour bezwen pran sa bann mezir, pour nou kapab deal avek sa bann problenm.  Mersi.

 

MR DEPUTY SPEAKER

Mersi SS Herminie.  Onorab De Letourdie.

 

HON JANY DE LETOURDIE

I annan 2 Mr Herminie pa’n reponn.  Eski drog pour kontinyen pe antre dan pei?  E lekel ki pour ganny drwa fer enport drog?

 

MR DEPUTY SPEAKER

SS.

 

SECRETARY OF STATE DR PATRICK HERMINIE

Drog sa ou pe koz lo supply reduction, law enforcement. Mon krwar Lapolis, commissioner de police i dan en pli bon pozisyon pour reponn sa kestyon.  Selman mwan mon apresye, mon difikilte pour fer drog’ Aret antre dan pei.  I pa en keksoz ki ou fer overnight ou konpran mwan?  Ou vwar i annan pei ki sitan fristre ki zot in komans servi bann metod extra-judicial pour deal avek sa problenm drog – ou konpran mwan?  Me nou pare you konnen nou annan en pei kot i annan the rule of law e ou bezwen operate within the rule of law.  E si i pour fasil ouswa i pour difisil i pour tou depann lo lefikasite Lapolis.  Me selman i pa fasil.  I pa fasil, akoz money drives the trade.  E kot i annan larzan ou annan koripsyon, e ou annan en ta bann lezot simagri ki arive.

 

HON JANY DE LETOURDIE

Ki ou pour pe servi pour tret sa bann adikt avek? Se pour sa mon pe demande lekel ki pour pe ganny drwa pour servi drog menm pour tret avek?

 

SECRETARY OF STATE DR PATRICK HERMINIE

Non, non nou annan plizyer progranm. Me nou progranm nou ok se evantyelman, tir zot lo nenport ki kalite drog.  I annan diferan fason fer li.  Dan en serten prezidansyel ou kapab zis detox zot, anvoy zot. E komans fer psychosocial, right away san okenn tretman. Dan en konteks kominoter, i pa en bon nide pour zis detox, anvoy dan kominote, akoz zot pour retonm dan drog ankor.  Ou konpran mwan?  Se pour sa rezon ki ou annan en ‘methadone assisted programme – maintenance, ok? E sa progranm evantyelman i ganny redwir, redwir zeskan ler i kapab viv san drog.  Akoz Methadone osi i adiktiv, nou apel sa tapering.  Ok? Apre nou annan nou en lot progranm ki nou fek entrodwir e sa ‘Naltrexone.’  ‘Naltrexone son lavantaz se ki i pa adiktiv. Me selman i anpes en manrmay crave pour li retourn lo Ghetto. E nou pe ganny rezilta ki pa, ki ase ok, ki ase ankourazan so far.  Bokou zot in kapab retourn dan travay.  Ti annan apepre 39 manrmay lo la.

 

MR DEPUTY SPEAKER

Ok.  Mersi SS Herminie.  Onorab Jude Valmont.

 

HON JUDE VALMONT

Bonn apre midi.  Mersi Mr Chair. Bonn apre midi Vis-Prezidan e delegasyon, tou koleg Onorab, e tou piblik ki pe swiv nou.  (Onorab Ferrari reste en pti trankil mwan a demann mon kestyon apre ou a demann pour ou) Mr Chair parey you konnen mwan mon en MNA ki sorti dan enn sa bann distrik ki ganny bokou challenge avek drog.  Alor mwan on behalf of bann paran ki mon’n swiv dan, ki zot zanfan e bann konpanny, mwan ti a voudre zis dir en mersi Lazans pour tenir sa lannen, kontinyen tenir Pointe Larue, nou apresye.  E la mon a demann mon kestyon.  Mon pe refer to paz 44 latab 2, program 4 ler i dir ‘’community support services,’’ mon ti a kontan demann SS ki zot in akonpli keksoz konkret, mon konnen zot ti ganny R10 milyon, zot in ganny, zot in nobou servi zis 6.3 milyon – ki zot in akonpli sa dernyen lannen? E ki sa Bidze 50milyon pour lannen 2018, mon pe demann sa pour bann paran e bann konpanny Pointe Larue, ki keksoz konkret, rezilta ki nou kapab anmennen 2018, ki nou kapab war o nivo kominoter? Mon dezyenm kestyon sa zis pour benefis piblik, pour nou konnen egzakteman konbyen apepre en doz Methadone i kapab koute, apepre en 30 mililit koumsa.  Naltrexone parey? Trwazyenmman mon ti a kontan demann PS Finans si i annan nouvo NGOs?  Nou konnen i annan dimoun ki kontinyelman vin devan.  Mon konnen i egziste dan bann distrik, dimoun ki anvi vin devan, vin ed Lazans pour konbat sa fleo.  Lefet ki 5 milyon ki pa’n aprouve ki bann nouvo NGOs i kapab fer.  Kote zot pour ale, e pour ganny led pour ed nou konbat sa fleo.  E zis en pti sizesyon – katriyenmman se, PS mon ti a voudre met lanfaz vi ki gravite sa problenm drog, mon ti a voudre mwan osi fer parey Onorab Ernesta met en lanfaz lo sa ‘’allowance retention.’’ Akoz nou konnen nou bezwen met tou dimoun, heads on, lager ek sa fleo; tou dimoun kot nou kapab donn en led mon krwar, petet nou pa elimin li me selman nou a fer en diferans. Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Nou’n achive dan en kour dele letan, pli gran achievement se ki nou’n kapab met sa progranm dan en kad legal. Ok? E hence kreasyon Agency.  An menm tan nou’n run, nou pe run plizyer progranm o fir an mezir ki nou pe batir nou striktir.  E ozordi la ki mon pe koze nou annan nou 300 manrmay ki nou’n tir lo Ghetto.  Ki drug free. E ki pa servi Eroin.       Si nou les sa 300 manrmay retourn lo Ghetto, kriminalite pour vin en gro problenm demen bomaten. I deza en problenm.  So sa dan li menm li i en gran achievement. Ou pe dir avek mwan ki i annan dan sa Bidze?  I annan en kantite dan sa Bidze.  Me pli enportan se pour permet nou recruit, rod bann nouvo dimoun pour kapab permet expand sa bann progranm.  Ou konpran mwan? Pointe Larue nou’n komans Pointe Larue, be selman sa problenm drog Anse Aux Pins, Cascade, Takamaka, English River, tou distrik.  E aprezan nou bezwen komans par rezyon.  Par egzanp bann madanm i annan rezyon Nor, ok, ki pe fer tre byen.  Ok?  Apre ou annan rezyon santral zot osi zot pe fer tre byen.  Apre i annan bann 4 diferan rezyon ki pour le moman zot pe fer tre, tre byen lo zot progranm ki zot lo la, enkli sa progranm Naltrexone parey mon’n koz lo la.  So i annan serten sikse, i pti git, me nou bezwen persiste, e mwan mon konpran ki dealer i komans santi, i komans santi. Akoz dan sa biznes drog la 50 poursan Eroin i ganny konsonmen par 10poursan hardcore droger.  Si nou kapab anmas sa 10poursan, e retir zot dan sa illicit market, nou pour touy en kantite sa bann dealer users.  Ou vwar – si nou kapab fer sa.  E sa i enn nou bann target.  Petet pour neseser ki nou escalate zot. Methadone i tretman pli bonmarse.  Parey ou konnen i annan bann lezot substitution therapy, Subitex, Espranor, lot, lot, me Methadone li i ariv R90 par personn par semenn. I i the cheapest ki i annan, Subitex i 160, i double, i de fwa sa. Methadone i annan son bann problenm, i tre adiktiv, apre i annan diversion.  I fasil pour divert li.  So vwala.  Apre lo kestyon ki nou pe fer.  Ou konnen Onorab Roucou in deza vin koz ek mwan lo part time.  I annan en kantite dimoun ki annan skills ki ti a voudre travay part time lo progranm.

So ki nou’n mete, nou’n met en larzan dan nou progranm pour fer bann ‘’service agreement’’ avek bann dimoun ki ava annan sa letan par egzanp Onorab Roucou en ners eksperyanse i kapab siny en lagreman sepa 6erdtan, ouswa 10 erdtan par semenn ek nou, i ava vin travay e nou, nou ava donn li en Kontra.  Ok nou annan nou bokou counselors deor ki pare pour vin fer sa.  So la aprezan sa i ava permet nou atraver sa ‘’service agreement’’ ki nou annan dan nou soz.  Nou pe lager lebra kase en?  Nou pe servi tou sa ki nou kapab.

 

MR DEPUTY SPEAKER

Ok.  Mersi SS Herminie.  PS Payet.

 

PS PATRICK PAYET

Mersi Mr Chair.  Mersi Onorab pour sa kestyon, zis pour azoute ki anba ‘’social programme of Government’’ i annan en provizyon ki nou’n mete 1.4 milyon.  E sa i bann alokasyon ki pe mete ki travay avek civil society.  E ki nenport NGO i kapab apply for Small Grant.  Parey zot ti fer sa lannen zot in komanse avek tou bann NGO ki annan sa provizyon pour 2017.  2018 Gouvernman i kapab donn zot en direksyon lo ki kekfwa sekter ki zot vwar ki priyorite pour zot al ladan.  E si Gouvernman i vwar ki ‘’Drugs Rehabilitation’’ i bann progranm ki nou vwar nou bezwen met lanfaz, i kapab advice zot be ok sa 1.4 milyon nou’n oule vwar ki bann alokasyon pour bann NGO dan sa sekter.  So sa i bann diskisyon ki nou kapab gannyen avek civil society.  E zot, zot oversee, i annan reprezantan Gouvernman, zot oversee sa bann Grant programme, son konsep ziskan ler i materyalize.

 

MR DEPUTY SPEAKER

Mersi PS Payet.  Onorab Loizeau.

 

HON NORBERT LOIZEAU

Mersi Mr Speaker.  Bonzour tou dimoun. Mr Chair mon kestyon i relye avek en repons ki SS Herminie ti reponn bomaten, lo kestyon Onorab Afif lo sa 3 milyon pour sa study ki pe ganny fer.  Si mon’n konpran ou byen, i annan en msye ki ou’n dir li i expert dan sa domenn, e li pe fer sa study.  Savedir napa okenn tender ki’n ganny fer, li in ganny sa li?  Um?

 

MR DEPUTY SPEAKER

En moman SS.  Onorab fini poz ou kestyon.

 

HON NORBERT LOIZEAU

Eski vi ki dapre mon’n konpran napa tender ki’n ganny fer.  Vi ki parey nou konnen okenn travay, okenn Kontra ant 750 mil an montan i bezwen go through en tender process. Malgre ki sa msye i en expert dan sa domenn, eski zot pa krwar zot pa’n fer prosedir normal, kot ti merit annan en tender ki ganny fer akoz i annan plizyer dimoun ki ti enterese ladan e zot in ganny kit deor.  E pti komanter an pasan. Mon’n tande ki zot pour pran bann ners ek Minister Lasante. Minister Lasante pe pas dan bokou problenm kot menm zot napa ners, i annan en mankman lo bann ners kalifye Seselwa pour travay dan Lopital kot zot bezwen enport ners etranze, Endyen.  E la ozordi zot dir zot pour pran ners avek Minister Lasante.  Si pa konmsi ou pe met en lot fardo lo Minister Lasante?  Mersi.

 

MR DEPUTY SPEAKER

Mersi Onorab. SS Herminie.

 

SECRETARY OF STATE DR PATRICK HERMINIE

Onorab sa survey in pas atraver tou prosesis tender e nou annan zis en dimoun ki’n bid e sa se Mr Bejamin Vel e personn ankor.  Ok? In dan papye pour, dan Nasyon en semenn in ladan e personn pa’n soz.  Nou ti bezwen komanse akoz zis li.  E i annan en komite pour Tender Board, right?  E zot, zot in satisfer.  Akoz si Tender Board pa donn laprouvasyon nou pa kapab proceed nou. Ou konpran mwan? So tou sa ki ou’n dir i korek 750 mil eksetera e tou sa prose in ganny swiv ã la lettre.  So napa nanryen, tou keksoz i above board.  Right?  Me an vi ki nou annan zis en dimoun i ti reste nou zis en opsyon – go overseas. Me nou, nou’n pli vomye servi en Seselwa.  Lo kestyon nurse ki pe vin dan nou progranm, ou konnen ozordi for intent and purposes, Lopital Victoria in vin en Lopital Adiktolozi.  Right?  Nou si nou reisir, nou pour tir en kantite presyon lo Minister Lasante.  Bann kliyan ki vin avek HIV, bann kliyan ki vin avek PSI.  Donn nou Needle Exchange Programme, nou annan 581 manrmay, right?  Ladan 487 i pozitiv pour PSI, 75 poursan.  So ou vwar lanpler sa lepidemi.  E tousala i al refoul kot Minister Lasante.  Kantite zot ki ganny problenm leker ki admit avek overdose, ki admit avek withdrawal.  So i dan lavantaz Minister Lasante pour nou run en progranm parallel, pour tir tou sa bann presyon lo li.  Minister Lasante ki li i bezwen fer, i bezwen given ki annan en sanzman sa ki nou apel burden of diseases li i bezwen komans etablir en Addictology Unit laba dan sa lopital pour deal avek bann problenm lye avek Addictology.  Sa ki Minister Lasante i bezwen pe fer non pa run Methadone Programme.  Ou vwar? Lo kestyon recruitment, parey mon’n dir, nou, nou bezwen go overseas.  Nou it advertise pour nurse, e nou ti ganny zis enn. Premye kou nou pa ti ganny personn, apre ler nou’n re advertise ankor nou’n ganny enn ki’n vini.  So pour nou fer fonksyonnen nou bann progranm probableman nou bezwen fer sa ki Minister Lasante, go overseas e recruit nurses.  Napa swa.

 

MR DEPUTY SPEAKER

Ok mersi SS.  Onorab Adelaide.

 

HON FRANCOIS ADELAIDE

Mersi Mr Chair, mon kestyon pour panel se ki bomaten nou’n ganny dir pour anvoy bann detay pour bann lapey.  PS osi in promet nou sa bann detay me nou pa ankor gannyen.  Mon kestyon pour panel se ki i annan R15milyon dan ‘’wages and salaries’’ lo paz 44, mon ti oule ki zot donn mwan en detay lo sa top senior vacancy, pa vacancy job ki annan, son saler ki al avek, son allowance ki al avek. Konmsi son total gross salary apre.  Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Sa 15 milyon ki ou pe lir la i consolidated sa.  Ok?  Savedir pour progranm an antye. Sa progranm i diviz an 4 sou progranm, ou vwar? So sa i consolidated.  I komans avek son CEO e apre i include tou lezot staff dan Mont Royale, DAC, DDRU, DOVE Praslin eksetera – ou vwar?  E si oule sa payroll, nou napa problenm, nou kapab met a ou dispozisyon.  Me mwan ava dir ou pa pour vwar pour mwan ladan akoz mwan pa ganny peye anba Agency.  Mersi.

MR DEPUTY SPEAKER

Ok, mersi SS.  Onorab Adelaide.

 

HON FRANCOIS ADELAIDE

Mr Chair le problenm se ki nou kontinyen ganny promet sa bann zafer, me nou pa gannyen, i form parti dan Bidze, nou ti a …

 

SECRETARY OF STATE DR PATRICK HERMINIE

… (Mic Off)

 

HON FRANCOIS ADELAIDE

… non, non , non pa zis pour ou. Akoz PS in promet nou depi avan.  So nou ti a kontan ganny tou sa bann detay pour ki nou pa bezwen demann bann kestyon.  Mersi.

 

MR DEPUTY SPEAKER

Ok.  Onorab, ou’n demann pour sa Lazans la ozordi. PS Payet a fer ou gannyen.  Ok?  Onorab Herminie.

 

HON WILBERT HERMINIE

Mersi Mr Chair.  Ler mon pe gete SS in fini fer le pwen, me selman pour konsonmasyon piblik sa survey ki zot in fer la sa premye konponan, ti a bon mon ganny en pe lenformasyon lo ki bann distrik konmsi ki’n ganny pli afekte ki zot pe vwar dan sa survey.  Mersi.

 

MR DEPUTY SPEAKER

Ok, mersi Onorab.  SS Herminie.

 

SECRETARY OF STATE DR PATRICK HERMINIE

Sertennman e mon krwar le moman ki analiz in fini ganny fer, mon krwar Lasanble Nasyonal i pou enn bann premye landrwa kot nou pour oule prezant rezilta sa survey dan nou kad sansibiliz bann policy makers dan Sesel.  Ya zot ava ganny tou bann detay ki nou pour anmase.

 

MR DEPUTY SPEAKER

Ok, mersi SS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon pa pour al lo bann travay medikal, me mwan annan de pwen.  Enn mon sizere ki sa fees pour bann Board Members ek Directors vi ki i telman en Board telman gran ki ganny limite par 4 rankont par lannen, e mon’n fer kalkil ki si sak manm Board, sa 18 manm bord i ganny 2500 roupi sakenn pour 4 mwan, i fer 10mil par an, par 18 i fer 180mil; Chairman i fer li 5mil i fer azout 20mil, Vice-Chairman 16mil i fer an tou 216 mil roupi.  R216 mil ki mwan mon santi i vreman rezonnab.  E alors mon ava fer en propozisyon ki sa bann Board fees i ganny, omwen pour sa lannen ki pe vini.  Akoz nou vwar pour dir tou keksoz pa an plas.  E i annan ankor bann keksoz ki pe ganny enstale. Mon pour fer en rekomandasyon ki dan sa 1.7 milyon, i ganny koupe e i reste R216 mil.  Sa i mon premye kontribisyon. Mon 2enm kontribisyon se ki mwan mon vreman annan en problenm enorm avek sa R10milyon 210 mil Kapital.  Mwan mon santi premyerman ki pour al fer en proze koumsa lwen avek Lopital, lwen avek zot servis, lwen avek bann Legliz, lwen avek … you name it dan fer fon Cap Ternay i pa pe marse.  E mon propozisyon i swivan; se ki sa mon pa anvi tous okenn larzan operasyonnel, me selman sa i en lenvestisman dan en keksoz ki i annan bokou kestyon lo la; vi ki PS Vis- Prezidan i la, vi ki SBC pe komans konstriksyon son SBC House o menm moman lannen prosenn ki nou les SBC House akoz – propozisyon avek Mr Herminie la se ki sa sant i ava pare dan 3 an ki mannyer Bidze in ganny donnen la, i ava pare dan 3an.  E an menm tan SBC House pou’n pare zot pour vacate en landrwa Hermitage ki’n ganny konstri – koman en Lopital ki annan son sekirite, i annan son double sekirite, i annan son Guard House, i annan tou son bann keksoz imedyatman koman SBC i move out, en renovasyon i ganny fer pour tourn sa landrwa koman en Residential Centre pre avek Lopital, pre avek tou bann servis ou sant nou kominote kot bann dimoun i santi par dan sa ki pe arive.  So sa i mon 2enm propozisyon.  E si sa i ganny aksepte, sa i pour vedir ki sa 10milyon 200mil pour tonbe.  Mon zis felisit Onorab Arrisol avek son propozisyon ki serten dimoun i bezwen peye.  Ki swa sa pasyan, ki swa sa paran, akoz i bezwen fermal dan pos serten dimoun, dan en meyer ki zot ava annan en lankourazman, oubyen kantmenm pa en lankourazman, en forse pour zot reste dan sa bann progranm.  In ler pour nou arete ki tou dimoun ler keksoz i fer keksoz mal, nou met zot dan en lotel nou donn zot manze Skychef, nou donn zot tou keksoz, nou tret zot koman bann pti baba, e zot relapse ankor, e zot revin ankor, zot relapse ankor, e zot napa okenn zefor pour zot fer.  So mon call mwan ozordi se pour dir bann paran e bann pasyan zot bezwen kontribye dan sa Fon!  E la nou ava ganny en pe plis larzan pour nou donn Dokter Herminie pour li fer son bann progranm.  Sa i mon kontribisyon.  Mersi.

 

MR DEPUTY SPEAKER

Mersi Onorab Ferrari.  SS Herminie si oule fer en pti komanter lo la, akoz i plizoumwen bann propozisyon.

 

SECRETARY OF STATE DR PATRICK HERMINIE

Onorab, en keksoz ki ou vwar avek bann Sant Reabilitasyon partou, se son izolasyon.  Uh? I pa dan sant lavil, i pa dan en sant en kominote.  Me enn son landrwa se i dan, partou kot nou’n ale, i dan izolasyon.  Ou ale dan loto, ou ale dan tren ou pe ale menm – ou pa ankor ariv dan sa landrwa, right?  Dan sa Sant Reabilitasyon la, i pour annan li son Klinik, i pour annan li son Dental Clinic ki i pour kapab fer li fonksyonn dan en fason otononm.  Pa oubliye ki en dimoun ki ganny admit dan sa progranm la, i pa en dimoun ki annan en problenm leker ouswa whatever, i bezwen pas atraver en tes medikal e i bezwen ganny vwar fit pour li antre tre dan sa progranm. Souvandfwa sa bann manrmay la, zot faz malad i zis ler zot dan sa withdrawal. E i preski enposib pour en dimoun mor avek withdrawal heroin.  Ou konpran mwan?  Sirtou si i annan bann latizann la, ki pour deal avek sa bann sentonm.  So sa kestyon izolasyon i pa en problenm per se, o kontrer i en lavantaz.  E pli ki izole, pli ki i bon.  Me pa en sityasyon kot parey Coetivy kot bezwen pran avyon eksetera, bla, bla.  So ou pe deal avek bann healthy, bann zenn zonm ki healthy.  Me zot problenm i la anler avek sa craving.  Lo kestyon SBC, SBC dapre mon lenformasyon i pe pran li 2an apre ki in komanse pour li konplete.  Onorab krwar mwan nou napa letan la.

 

(Interruption)

 

SECRETARY OF STATE DR PATRICK HERMINIE

Non nou napa letan.  Dezyenmman SBC, SBC mon lenformasyon se ki SBC pa pe sorti la konpletman.  I annan bann Lekol Zournalis ki pe ganny etablir la ok?

Trwazyenmman building SBC, ou’n al laba, mon’n al laba, nou tou nou’n al laba, i pa en landrwa pour fer rezidansyel.  Rezidansyel sa boug, nou konsep en rezidans i bezwen annan li bann landrwa pour li ganny skill acquisition, kot i fer work rehabilitation.  Kot i fer sport, ou konpran mwan?  I en landrwa koumsa ki en sant rezidansyel.  Se sa ki ozordi nou annan bann problenm.  Coetivy nou pa konnen ki nou fer avek, anvoy manrmay Coetivy.  Total failure.  Akoz?  Akoz nou pe run en Rehab Centre dan en open prison.   Ou konpran mwan?  Nou bezwen pour lanmor de Dieu premye fwa annou fer en Sant Reabilitasyon ki meet standar enternasyonal ou vwar  e landrwa kot SBC i ete pa kapab.  Pour ou fer bon la anler probableman i demann kraze an antye. Me mon demann mon lekor si pour annan ase lespas?

Akoz sa Sant Reabilitasyon i pour pran li 6 arpan later.  E mon krwar pa si la anler kot SBC ou annan 6 arpan later. Lo kestyon kontribisyon, parey mon’n dir sa i en keksoz ki bann manm lo Agency, Onorab George lot, lot nou ava pran en desizyon lo la. Si bezwen kontribye ouswa nou, ki son reperkisyon, si nou kapab menm fors en kontribisyon. Nou bezwen etidye tou sa bann pros and cons, me pa en keksoz ki nou, nou kont konpletman, me nou pe zis get son bann detay.  Mersi.

 

MR DEPUTY SPEAKER

Ok.  Mersi SS.  Onorab Ferrari.  Ale Onorab Ferrari apre …

 

HON JEAN-FRANCOIS FERRARI

Zis briyevman pour mwan dir ki nou bezwen koup nou latwal dapre nou latwal, nou bezwen koup nou lenz dapre nou latwal.  Idealman nou pe konpar nou avek bann pei devlope, La Suisse. Eski nou kapab konpar nou ek La Suisse?  Annou komans dan en nivo akseptab ki nou kapab peye ki nou kapab manage!  Nou pa kapab komans dan en keksoz ki konpletman ideal. Nou bezwen gete ki mwayen nou annan.  Annou komans lo bann mwayen ki nou annan apre nou a gete si nou pe ganny sikse.  La nou pe al met ankor 40milyon dan en sant nouvo. Zis mazinen pour anmenn en bis pour anmenn travayer la anler, pour anmenn lot.  Ler zot koup kanmarad pour al rode Lapolis pour monte, pour monte desann.  Be zot konnen ki kantite kou sa bann keksoz i ete?  Annou fer nou fer keksoz dapre nou mwayen.  Mwan mon an faver nou fer sa ki nou kapab pour lalit avek sa fleo drog.  Sa ki nou kapab.  Be annou pa fer keksoz ki nou telman an deor nou mwayen, ki nou pa pour kapab donnen.

 

(Interruption)

 

HON JEAN-FRANCOIS FERRARI

La nou pe dir 40 milyon.  Sa ki nou kapab peye, sa ki nou kapab.  Dapre nou mwayen. Se tou ki mon annan pour dir. Mersi.

 

MR DEPUTY SPEAKER

Mersi Onorab.  PS Payet ou ti le elabore lo repons SS Herminie.

 

PS PATRICK PAYET

Mersi Mr Chair.  Zis pour azoute ki Polisi ki nou’n met an plas pour Board fees nou annan en detay klasifikasyon lo tou bann entities lo ki zot ganny klasifye.  E ki nou advise bann Board espesyalman sirtou bann Board parey bann Lazans Rehabilitation, Drugs, ouswa bann lezot Lazans ki zot at least, zot meet tou le mwan. Akoz par egzanp la nou konnen in the first phase, zot pour annan issues pou diskite during the first year.  Apre eventually once ki kekfwa sa Lazans in byen etablir, eventually kekfwa pour meet quarterly. Baze lo approval ki Cabinet in donnen, si zot meet tou le mwan, i pour kout zot apepre 759mil par lannen.  Sa ti en provizyon ki zot ti’n mete avan, be Cabinet in donn son approval kote zot sipoze ganny klasifye; anba ki kategori dapre sa Polisi of Board fees.  Apre secondly, zis pour azoute osi, tou bann proze Kapital avan ki i ganny soumet dan Cabinet of Ministers i bezwen ganny diskite lo Development Committee.  So once ki zot in fini finaliz zot plan avek tou zot bann detay, sa pour ganny soumet kot Development Committee e apre i ava ganny soumet avek Cabinet of Ministers.  Mersi.

 

MR DEPUTY SPEAKER

Ok.  Mersi PS.

 

HON JEAN-FRANCOIS FERRARI

Mon dernyen pwen Mr Speaker se – eski zot kapab fer li parey nou dan Lasanble, si ou pa asize, ou pa vini sa bann meeting Board meeting ou pa ganny peye.  Akoz milyon zis dan Board meeting.  Met en sistenm, ou vini ou attend ou ganny peye.  Ou pa vini 2 fwa ou ganny met deor.  Sa i la bann sistenm ki nou bezwen fer. Mersi.

 

MR DEPUTY SPEAKER

Mersi Onorab Ferrari.  Onorab Chantal Ghislain.

 

HON CHANTAL GHISLAIN

Mersi Mr Chair.  Mr Chair mon kestyon i annan pour fer avek en Progranm Naltrexone ki zot pe fer. I annan bokou dimoun ki pe konplent ki sa progranm pe al arete.  Eski sa i vre?  E akoz?  E apre i osi annan ki pe dir ki sa Progranm Detox i sipoze tonm anba Psychiatric Ward ki ou lopinyon lo la vreman?

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Bon, mon osi mon’n ganny bokou dimoun pe inbox mwan. Pe text mwan pe dir ki zot zanfan i lo Naltrexone, pe al arete.  Progranm Naltrexone, ki nou pe run pa pe arete.  Apre ki mon’n fer envestigasyon i paret ki i annan en parallel Naltrexone Programme ki pe ganny run kot Minister Lasante.  Mon’n koz ek Minis, mon’n koz ek CEO, ni enn, ni lot pa okouran sa progranm.  E paret mwan sa progranm ki zot, zot oule arete.  Me sa progranm napa nanryen pour fer avek Agency sa.  E bann dimoun ki pe dir ki Dr Herminie ki pe ferm sa progranm la, i konpletman fo.  Akoz nou, nou Progranm Naltrexone, i on.  E nou, nou ti annan en lagreman ki nou ti fer le 22 Septanm avek Minister Lasante, bann progranm ki zot pa kapab kontinyen avek, nou fer en tranzisyon e nou fer bann referral neseser, e i anvoy sa bann progranm kot nou.  E ler sa bann manman i von kot ou, ou kapab dir ek zot akoz se sa ki mon pe dir ek zot, zot pran kontak avek nou Lofis anrezistrasyon, e nou, nou ava absorb zot lo nou Progranm Naltrexone, napa en problenm. Lo kestyon Detox; Mon krwar i enportan ki i annan en kantite bann manboulouk, en kantite keksoz ki ganny fer lotour sa.  Ou konnen par bann vested interest en, i enkrwayab.  I annan serten keksoz ki ou pa antre ladan, zanmen ou pour konnen ki mannyer keksoz i fonksyonnen.  Mon pa pour al dan sa bann detay.  Me selman mwan mon ava dir ki dan nou progranm detox nou annan physiatrist ki konpetan.  Ok? Sertifye psychiatrist.  Ler bannla i vin dir en bann zafer Dr Herminie pe mal donn Methadone – sa tousala en bann propagann! Mwan zanmen mon’n deza fer en Ward round anler Wellness, zanmen mon’n deza fer en preskripsyon Methadone, e zanmen mon’n deza fer en requisition pour Methadone. Zanmen!  Get tou rikord kot Minister Lasante. Ok?  Nou annan nou en dokter Serbian – Melana.  Nou annan nou en Dokter ki ti L’Angleterre pe travay ek nou isi Sesel.  Nou annan nou en Dokter Seselwa. Se zot ki pe run the Detox Programme.  E mwan mon satisfe ki sa 3 dimoun i tre konpetan, e bann ners ki ek zot, zot osi zot tre konpetan e zot pe fer en tre bon travay.  Mwan mon run en Public Health Programme, e mon pa run en Clinical Programme. En Clinical Programme i part of a Public Health Programme.  Yes.

 

MR DEPUTY SPEAKER

Mersi SS.  Onorab Ghislain.

 

HON CHANTAL GHISLAIN

Tou le de sa de latizann sa Naltrexone e osi Methadone zot bann drog ki kontrole.  E eski Lazans li, sa ki bezwen enport sa bann drog kontrole.  Eski Lazans zot annan drwa, ki mannyer zot, zot kapab enport sa zot?

 

MR DEPUTY SPEAKER

Mersi Onorab.  SS.

 

SECRETARY OF STATE DR PATRICK HERMINIE

Tre bon kestyon.  Methadone an prensip zis Minister Lasante ki kapab fer vini.  E nou, nou requisition avek Minister Lasante. Naltrexone sa ki annan dan stok kot Minister Lasante i pour Lazans ki ti en Donasyon ki Gouvernman Endyen ti donn Lazans.  Ok? Me selman Naltrexone i pa en control drug li.  I pa en opiate, malgre i anti-craving.  Ok nou pe al dan teknikalite la.  So en pharmacist i kapab fer vini avek permisyon Central Pharmacy isi, i kapab fer li vini.  Me nou tou latizann ki nou, nou rode par egzanp nou pe al komans rod en Espranor la Buprenorphinenou fer li atraver Minister Lasante.  Akoz i annan en bann keksoz enternasyonal ki ou bezwen respekte.  Ou pa kapab zis en zour bomaten ou dir ou le fer vini Methadone, ouswa oule fer vini Subitex or whatever, non.  Ou bezwen fer laplikasyon.  Ou bezwen esper en serten de le letan.  Apre ki en ‘recognized body ‘dan ou pei i kapab fer sa vini.  Ou vwar?  Mersi.

 

MR DEPUTY SPEAKER

Mersi SS Herminie.  Onorab Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Nou pe ganny demande pour nou aprouv en Bidze 50milyon pour en Lazans ki nou tou nou konnen i vreman enportan.  Son travay ki i pe fer. Selman mon pe sey konvenk mon lekor, si mon’n ganny convince akoz the extent of the problem, ki baz ki nou pe dir i annan sa kantite addict dan Sesel?  Savedir sak 18 Seselwa i en addict.  La anndan i annan de nou la ki addict.  Konmsi kot sa sif i sorti pour nou kapab zistifye?  Akoz sa bann 50milyon i bezwen database, scientific-based driven.  E mon kontan ki annan sa survey ki pe fer pour nou konn extent of the problem.  Selman de kestyon ki mon anvi konnen; enn – bann latizann ki zot pe servi ozordi ki depi bomaten nou’n tann nonm plizyer.  Konbyen i arive dan sa Bidze?  Konbyen i arive sa konponan sa latizann pour nou konnen konbyen nou pe depanse as a country?  E ki son success rate?  Sa i mon premye.  Konbyen i arive e son success rate?  E dezyenmman kestyon ki Onorab Roucou in demande boner lo sa bann dimoun ki ganny sa bann tretman konbyen zot kout pei?  Ti napa en larepons spesifik.  Konmsi an term zot latizann, eski zot ganny en allowance avek Social Protection Agency.  Ki zot gannyen?  Ki zot pe kout nou? Sa ki mon anvi konnen.  E vitman i annan en konponan 1milyon ‘Entomology ‘dan zot Bidze.  An menm tan zot annan pest control tou selman. So prezan mon pe demande be akoz zot annan sa 1 million pour entomology ki something to do avek zensek sa non?  So mon anvi konnen akoz zot annan sa dan zot Bidze?  Mersi bokou.

 

MR DEPUTY SPEAKER

Mersi Onorab.  SS Herminie.

 

 

SECRETARY OF STATE DR PATRICK HERMINIE

Ok Onorab mon krwar ou premye kestyon i enn ki pertinan.  Nou bezwen run en progranm ki evidence-based – ou vwar? Vwala rezon akoz premye keksoz ki mwan mon ti komisyonnen se Respondent- Driven Survey pour nou kapab ganny sa ki nou apel size estimation.  Ok, nou dir pour dir nou annan 5mil, i en obzervasyon, petet nou mal, petet nou mal, i bokou mwens, me petet nou mal i bokou plis. UNODC i argye ki i 10mil.  Me zot osi zot napa levidans.  Ok? So sa Respondent-Driven Survey i ava etablir enn fwa pour tou ki kantite, ki magnitid sa problenm.  Me, me, annou get statistics dimoun ki nou konnen, i apel Zan, Paul, Pat, Pierre, Peter, nou konn li sa bann dimoun.  Zot pa laba pour nou fer survey pour sey rod zot. Nou konn zot.  Nou annan nou 300 ki lo progranm, Praslin Naltrexone, Methadone, 300 zot.  Nou konn zot non, zot N.I.N, kot reste.  Nou annan nou 882 ki lo waiting list.  Nou konn zot non, kot zot ete, e zot avek N.I.N.  Nou annan 581 ki pe swiv en Needle Exchange Programme.  Zot osi nou konn zot non, zot tou lo zot. I posib ki annan bann ki lo Needle Exchange Programme ki zot osi zot lo waiting list, eksetera.  Ok?  So annou ignore sa pour en moman, e annou pran zis sa 300 avek sa 890.  Ou pe ariv dan pres 1200.  1200 zenn ki nou, nou konnen i annan en problenm Eroin.  Right.  An 2011, ler ti fer sa Respondent Driven Survey zot ti dir i annan en estimasyon 1200 zenn ki posibleman i lo Eroin baze lo sa analis syantifik ki ti ganny fer. Me ozordi nou pa pe fer analis syantifik lo sa 1200. I 1200 endividyel konkret.  So sa sif dan li menm i donn ou en nide ki magnitid sa problenm.  Sa sif dan limenm ki nou, nou konnen an, Paul, Zak ok i plas nou dezyenm dan lemonn an term heroin users per capita apre Kazakhstan.  Right?  Ler nou pour fer sa Respondent-Driven Survey probableman nou pour No. 1 dan lemonn par devan Kazakhstan.  Right?   Ler nou pour fer sa respondent driven survey probableman nou pour nimero enn par devan Kazakhstan.  .  Sa kalite statistics ki nou pe koz lo la.  Ou pe swiv mwan?  Sa magnitid sa problenm.  E nou pe fer sa letid zisteman pour nou ganny en nide konkret. Lo kestyon ‘’allowance’’ nou Polisi i kler lo ‘’allowance.’’ ‘’Allowance’’ zis bann manrmay ki al dan lanplwa.  Ok?  Par egzanp bann ki lo kominote, bomaten zot vin pran zot Methadone, ouswa zot Naltrexone.  Apre zot fer zot sesyon Psychotherapy.  Zot fer bann lezot aktivite, apre midi zot al dan en lanplwa.  Ok?  Zot al travay kot ABCD.  E bann ki al dan lanplwa, zot, zot ganny asiste avek en allowance.  Akoz nou bezwen komans kiltiv dan zot, en latitid ou bezwen travay pour ou ganny en keksoz an retour.  Me solman akoz ki larzan li menm i en trigger.  Ler en manrmay i annan larzan dan son lanmen, i tant pour li al rod heroin. nou pa donn zot sa larzan.  Nou donn zot madanm. Akoz bokou zot, zot pa pey alimoni.  Nou donn zot manman, nou donn zot gran manman avek ki zot reste pour depans sa larzan. Premye group.  2enm group, se bann ki pe fer peer educationOk?  Akoz zot travay 8er, 4er avek nou.  E zot fer outreach activities, al lo bann Ghettos, koz ek bann dimoun.  E fer diferan aktivite.  E nou, nou pe ed zot ankor, zot osi en allowance minimonm salary.  So sa Polisi kot zot ganny larzan pour vin lo progranm nou’n aboli net.  Ok, aboli net.  E zot ganny larzan ler zot lo progranm zis letan zot antre dan en lanplwa kelkonk. Ok sa i nou, i nou nouvo Polisi. I annan en kestyon ou’n demande lo latizann?

 

HON GERVAIS HENRIE

… (Mic Off)

 

SECRETARY OF STATE DR PATRICK HERMINIE

Ok, wi, wi ok, nou’n met 2 milyon, 2 milyon.  Me selman sa i pa reprezant, i pa reprezant tou latizann en. Akoz bokou latizann i vin atraver Minister Lasante.  E ler nou requisition ek Minister Lasante nou pa peye.  Par egzanp Methadone nou pa peye.  Me selman nouvo latizann Espranor problenm ek Methadone se ki i annan en kantite diversion.  Swa i Travayer Lasante li menm ki divert, akoz i vin dan gro boutey eksetera, i fasil pour zwe avek son soz.  Ouswa adikt li menm, ki pa bwar, zot met dan labous apre zot krase, apre zot partaze, zot vann lo Ghetto.  Ou konpran?  Zot apel sa lakras.  So i annan sa bann keksoz ki arive.  Nou, nou pe entrodwir en nouvo latizann ki apel Espranor.  Le moman zot met lo zot lalang i fonn.  E i enposib – i enposib pour zot divert.  Right? E li i en pe pli ser.  E li i pour pran nou pour 200.  Nou pe target 200 zenn, i pour pran nou plis ki 1milyon Roupi zis pour kapab run en progranm lo Espranor. Vwala son kou. Aprezan si ou pour demann konbyen i arive par pasyan, mon krwar i en letid ki evantyelman nou bezwen fer, pour gete whether it is cost effective at all.  Ou vwar?  Par rapor avek kriminalite avek lasante.  Ok?  Entomology, 1milyon i pour bann testing kits. Nou fer en kantite test.  Mwan mon ensiste ki nou kontinyelman fer tes pour bann gloves.  Akoz dan ‘Harm Reduction,’ i napa zis ‘needle exchange’ ek Methadone.  On annan ou condoms.  Ofet ou annan ou nef pilye ‘harm reduction.’  E tou sa bann keksoz ou bezwen aste glove, ou bezwen aste bann lenz proteksyon pour bann nurse ki pe al travay avek sa bann dimoun, zot outreach material, zot annan zot sak ki zot al avek. Tou sa bann keksoz i form sa ki zot in met anba Entomology, ouswa sa en term ki sorti kot Minister Lasante ki nou, nou pa tro servi dan Drug Control.  I plis bann zafer moustik eksetera.

 

MR DEPUTY SPEAKER

Mersi SS Hermine. Onorab Henrie.

 

HON GERVAIS HENRIE

Zis en pti klarifikasyon lo kestyon ‘’allowance’’ la. Mon konpran pour dir bann ki al fer peer education, zot ganny ‘’allowance’’ ki ekivalan minimonm salary.  Be pour bann lezot i konbyen?

 

SECRETARY OF STATE DR PATRICK HERMINIE

I enteresan Onorab Valmont – Onorab Valmont bann manrmay Pointe Larue zot ganny 2900 allowance – non? Wi.

 

MR DEPUTY SPEAKER

Ok. Onorab Valmont i annan sa lenformasyon.  Ok, Onorab De Commarmond.

 

HON CHARLES DE COMMARMOND

Mersi Mr Chair.  Bonn apre midi, bonn apre midi Vis- Prezidan ek ou lekip, ek SS, e tou Manm, e tou dimoun ki a lekout.  Mr Chair i annan de pti keksoz ki mon ti oule SS Herminie i fer komanter lo la, lo paz 46 nou vwar pour dir i annan osi en anba progranm 2, ‘’prevention and education,’’ i annan en sonm larzan ki ganny mete lo la.  E mon oule demann li si i kapab eksplik nou en pti pe lentansite ledikasyon vizavi sa problenm ki nou pe rankontre.  E an menm tan to what extent – nou konnen i annan en relasyon ant drog ek artis.  Ler mon dir relasyon savedir ki i annan osi en travay ki artis i fer.  E an menm tan letan i annan bann aktivite nou war pour dir petet i annan en logmantasyon lo konsonmasyon drog.  E an menm tan to what extent konmsi ki artis pe ede dan sa lalit kont drog?  E yer ti annan louvertir Biennale deza.  E an menm tan ti annan serten proze spesifikman geared towards bann problenm drog.  E koman pour sey kapab eparnye sa.  E i annan serten progranm ladan, ti vreman, vreman for.  Eski dan ou progranm pour ou, ou ede avek ou rediksyon dan kou, zot pe pran sa an konsiderasyon e ep enkli sa dan ou Progranm Ledikasyon, Prevansyon, e Reabilitasyon?  Mersi.

 

MR DEPUTY SPEAKER

Mersi Onorab De Commarmond.  SS Herminie.

 

SECRETARY OF STATE DR PATRICK HERMINIE

Bon Onorab prevansyon ek ledikasyon i kle.  I kle an term long term.  Ou vwar?  I kle dan lesans ki i nou pli gran lespwar pour anpes nou bann zenn antre dan drog.  Sesel nou bezwen kiltir.  Son problenm se ki nou annan en kiltir labi sibstans kot en manrmay i grandi pour vwar li normal servi lalkol sigaret, menm drog dan lakour.  Kantite manrmay i dir ek ou paran, ‘’mon’n aste drog ek mon belmer.’’ ‘’Mon papa ki’n fer mon goute.’’ ‘’Mon papa ki’n fer mon fimen.’’ Ou konpran mwan?   I annan en kiltir.  E nou, nou bezwen sanz sa kiltir e fason fer. Fodre nou fer li pour sa pei!  Fodre nou fer li.  Akoz nou, nou annan en kiltir dan, kot nou oule zis enjoy.  Nou oule tou keksoz gou, apre nou oule bann bon, bon rezilta.  I pa posib.  Ou bezwen fer serten sakrifis i annan bann pei Singapore si zot kot zot ete ozordi si ou pe ganny ou plis ki 30 poursan zot bann manrmay dan en cohort dan en lannen, ki pe kalifye pour al liniversite e Sesel zis 3 poursan, set akoz zot annan en diferan kiltir vizavi ledikasyon e vizavi lanmizman. Ok?

Dan Dimans ou vwar bann manrmay pe taye lo lans, Lendi i pe al fer legzanmen.  Ki mannyer ou ekspekte li fer byen?  Nou kiltir ki nou nou’n etablir se ki Dimans ou annan legzanmen, exam week la pe vini, ou asiz lo ou deryer ou study.  Ou vwar napa lalkol. E paran i bezwen, e sa pli gro travay ki Ms Theresine i annan.  E mon’n dir ek li i bezwen al dan lakour dan kominote, dan landrwa travay, dan lekol, en kirikilenm, etablir en kirikilenm komansman P1 ziska S5 e Politeknik, pour manrmay aprann lo danze drog.  E nesesite pour zot pa servi drog.  E nou’n annan en ‘Success Story’ avek lanvironnman.  Ok? Ou zenerasyon, mon konnen zot ti kontan manz lavyann torti, me ozordi bann manrmay parey mon de zanfan, zot pa oule manz lavyann torti ditou.  Zot dir ou i mal.  Akoz? Akoz en ledikasyon lanvironnman ki zot in gannyen.  E se sa ki nou bezwen fer ek nou bann zanfan, se fer zot vwar labi sibstans koman en keksoz ki pa normal, ou pa bezwen annan li dan lakour.  Lo kestyon drog avek artis, mon byen kontan ki ou’n apresye sa legzibisyon, ki mon krwar Mr Georges Camille in monte.  E sa nide nou ti devlope nou de Mr Camille.  Ofet i ti vin avek sa nide, i ti rod nou sipor. E mwan apresye ki i en gran sikse.  E nou, nou travay en kantite avek bann artis.  En kantite zot bann ki fer poem, lanmizik, ki oule menm run en music therapy pour nou, me nou bezwen annan bann fasilite an plas, striktir an plas, me nou rekonnet rol ki artis i kapab zwe dan sa lalit. Akoz ankor bokou nou bann zenn, ou vwar partou nek zot danse, zot isi.  I annan manrmay i konn bann sante la zot konn sa pli byen ki ABC, ou vwar?  Si ou dir li 12 – 3 x 12 i pa konnen, me i annan tou bann sanson ki i konn, bann Rap, bann lot, bann lot, ou konpran?  So nou bezwen koman artis i kapab antre e pas mesaz avek zot, pour fer zot vin bann sitwayen responsab.  We have to change.  Nou bezwen annan en sanzman dan kiltir.  E ledikasyon e prevansyon i zwe sa rol pour zwe sa rol prensipal e lannen prosen apre ki Ms Theresine in etablir son lekor, nou ekspekte li vin avek en Bidze 2 fwa, 3 fwa plis ki sa enn. Akoz sa i lakle.

 

MR DEPUTY SPEAKER

Ok.  Mersi SS.  Onorab De Commarmond.

 

HON CHARLES DE COMMARMOND

Mr Chair zis en pti bout ki mon ti oule SS i dir nou.  Sa ki in vwar in ganny prodwi dan sa Biennale, ou avek ou tim la ek ou group, ki ou pe fer sa progranm, Prevansyon, Progranm Reabilitasyon, to what extent ki ou pour servi sa ki artis pe fer pour enhance ou progranm pour ou.  Sa mon pwen ki mon oule, konmsi konkretman dir nou ou pour vin vizite ek ou tim laba, ouswa zis sa i pour reste kot i ete, ou pour kot ou ete laba, e pi ou poudir zot ti annan sa?  Konmsi akoz mon krwar letan zot vizite, zot trouve i annan en lefe, i annan en power travay artistik, e ki i kapab penetre petet lespri sa bann zenn pour kapab ed zot sanze.  Mersi.

 

MR DEPUTY SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Mon krwar i en bon nide akoz dan sa partisipasyon i annan en kantite nou bann manrmay ki’n partisip ladan.  Sirtou Aftercare, bann manrmay ki dan Aftercare ki’n akont zot zistwar e ou sizesyon nou pour pran li seryezman.  Nou ava fer sir ki bann vizit i ganny fer … kwa ki’n ganny fer.

 

MR DEPUTY SPEAKER

Mersi SS Herminie.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman i vre ki tou bann keksoz ki’n ganny dir apre midi i al dan bon direksyon. E Dokter Herminie in enpresyonn nou avek bokou son bann larepons.  E an menm tan osi in dir bokou laverite.  Me selman mon bezwen dir avek Dokter eksepte ki mon konn ou political past.  E ki si ozordi nou a pe koz an term nou pour vin en failed state, ou’n zwe en gran rol pour anmenn nou kot nou ete ozordi!

 

(APPLAUSE)

 

HON WAVEL RAMKALAWAN

Mon bezwen dir sa.  Mon bezwen dir sa, parski sa problenm drog, sa problenm ki nou ladan ozordi, i pa’n fek komanse yer li! I pa’n fek komanse Septanm lannen pase, in en problenm ki’n la, nou’n deny, nou’n kasyet, nou’n isi napa kalite, drug traffickers ki nou konnen in ganny soutire. Me se sa ozordi ki nou pe anmas lepo kase.  Sa ki nou pe anmase ozordi nou pei se lepo kase.  E letan nou pe koz osi lo lalkol e sa i en lot soz ankor ki problenm lalkol i bokou pli grav me ki nou ankor pe vwar? Nou pei pa ankor kapab ganny kouraz poudir ‘Pti Ponm’ i enn bann lalkol ki zwe en gran rol pour detri- pou detri nou lazenes.  Ki nou sey fer?  Nou sey kasyet ankor pour dir par anba 5 poursan, sepa 10 poursan zis pour les sa pase!  Mr Chairman byensir problenm i grav. E nou tou nou’n koz lo la. Problenm i grav. Me nou bezwen osi sitye nou.  E la ozordi, nou pe taye, Fire Brigade, nou pe rod tou bann keksoz pour tenny sa dife.  Akoz i pe – e se pour sa rezon ki kestyon ki leve la se eski zis avek taye pour nou sey tenny sa dife an antye, eski nou pa bezwen osi realis letan nou pe koz 50 milyon; Letan nou pe koz sey fer en fason pour geri tou bann dimoun; sa 1200 ki ou’n dir ki zot konnen, eski nou pa devret pe komans lo en petet lo en pli pti nivo.  E olye ki nek zis nou met bann gro sonm, pour nou kapab an menm tan osi pe fer konmsi koman en – nou bezwen apel li koumsa koman en experiment, pour nou regarde be sa la i la nou pe met sepa 25milyon se pa 30 milyon; se pa ki kantite larzan pour nou regarde ki mannyer nou pe fer. E apre pour nou kapab ganny nou rezilta pour nou!  Parey ou pe dir.  Parey ou menm Dokter ou pe dir.  Latitid Maurice bann adikt ki dan bann sant, zot konportman vizavi Wellness Centre, totalman diferan.  Totalman diferan.  Sa i donn nou en keksoz dan li menm. I montre ki nou ki pour dir isi nou pa kapab zis adopte en model laba deor.  Nou bezwen rod nou prop model.  Alor mwan mon kestyon se eski vreman, eski vreman nou pe gannyen sa model ki pour apropriye pour Sesel?  Sa i enn.  E eski sa ki nou pe met larzan ladan sa 50 milyon i pour apropriye?  Oubyen eski nou bezwen en lot kalite model?  E se la kot mon dir si nou pa kapab pran li pa par pa, etidye.  Pa avek bi ki konmsi nou pour les nou bann zenn kit nou.  Me an men tan osi pour nou regarde ki bout ki marse parski an menm tan osi in annan bann success stories, lokalman bann manrmay ki’n pran lo zot menm.  Cold turkey, i annan en kantite manrmay ki’n sorti.  Akoz se parski zot in annan sa will pour zot dir, ‘’Mwan mon pour sorti ladan!’’  Tandis ki sa bann ozordi i annan en kantite konmsi zis in al lo en progranm, bann manrmay ki al 15 fwa, i pa vreman, napa sa will power.  So eski nou, eski sa ki nou pe met larzan ladan i en model ki nou …?  Dezyenmman, letan nou pe Mr Chairman, mon bezwen dir, lanfaz lo sours sa bann drog. Parski sa ki nou pe koz lo la se sey rezourd bann sentonm.  Me son sours, mwan personnelman mon ti ava kontan ki nou pe met 50milyon dan konbat drog.  Mon ti ava kontan nou met 100milyon – 100milyon pour nou anpes sa pwazon ariv dan nou pei.  E an menm tan osi, an mezir ki nou pe, mwan mon pa en Dokter, ou ki Dokter – me an mezir ki nou pe konbat son sours cold turkey, mwan laverite lotrozour ti annan en mankman drog, ti annan tou sa bann adikt ki ti a pe tonm malad ki ti pe al Lopital ensidswit, mwan mon dir tanpi si i servi koman en dibyen, cold turkey les zot malad.  Donn zot latizann, vin lopital pe vomi.  Pe soz ensidswit, donn zot latizann.  Aret sa, me apre sa, olye ki nou pei pe depans sa kantite.  Alor ki mannyer eski nou balans sa resours ki nou pe mete avek sa konba kont sa sours li menm?  E mon kapab konpran ki, kekfwa ou kapab mazinen be si sours i, si rakor i fermen ou pour perdi ou plas travay.  Sa osi tou i en lot – tan ki napa voler, si napa voler, Gard osi tou, bann sistenm sekirite zot pour, e nou tou nou konnen ki pour dir la Mr Chair mon ti ava dir dan ou pozisyon osi tou.  Obviously ou a pe vann en keksoz, parski sa lavant i konsern ou osi tou direkteman.  Alor Mr Chairman, mwan finalman mon anvi demande, mon anvi demann Dokter Herminie vreman, dan tou sa ki nou pe koze sa Bidze 50 milyon – eski dan tout senserite nou pa krwar ki nou devret redwir li en pe?  Nou devret redwir li en pe pour nou parey ki nou pe fer bann survey an menm tan osi, pour nou komans avek en progranm ki nou adopte nou progranm pour nou kapab – parski la pour le moman in annan efektivman parey ou’n dir letan mon ti al vizit, letan Komite zil ti al vizit Coetivy, enn nou rekomandasyon sete ferm sa Sant Reabilitasyon.  Parski sete zis konmsi nou ti pe, en gaspiyaz – pa ti pe marse.  I mean landrwa li menm li to everything was not condusive to that.  Ti annan en kantite problenm ki ou osi ou konn byen.  Alor komans ptipti, komans ptipti pandan 1an – pandan 1an, redwir sa Bidze, focus lo nou progranm e letan ou’n ganny tou sa bann statistic normal e ki nou’n dir la i la sa ki pour nou Sesel. Lannen prosenn letan ou vini si sa enn la i marse, ou dir avek nou i bezwen 100milyon, i pour fasil pour nou dir la i la, i annan en rezilta konkret la, nou ale. Mersi bokou Mr Chair.

 

MR DEPUTY SPEAKER

Mersi Onorab Ramkalawan.  SS Herminie.

 

SECRETARY OF STATE DR PATRICK HERMINIE

Wi. Mersi bokou Mr Chair. Mersi Leader Lopozisyon.  Ou vwar Polisi – (um) e mon pour fer ou ganny sa liv.  Mon pour donn ou sa liv pour lir.  (Um) I apel insanity.  Ok?  E i en analiz lo politik L’Amerique pandan sa dernyen 40an vizavi drog, kot zot in ponp de milyon, e de milyon, e de milyon Dolar Ameriken, trilyon in arive an tou, pou zot kapab konbat drog.  E ozordi, ozordi la ki nou pe koze problenm drog L’Amerique i bokou pli grav ki i ti ete 40an pase ki in fer ki Prezidan Trump in bezwen deklar en Public Health Emergency.  Ok?  Onorab, polisi kot nou esey deal avek zis supply e nou ignore demand, it’s a failed policy.  (Um) It is insanity akoz nou pe kontinyelman fer menm keksoz lannen apre lannen, apre lannen e nou ekspekte en diferan rezilta.  Pour napa en diferan rezilta!  E isi osi tou to a certain extent.  Mon’n asiz la anler.  Be kantite milyon nou’n donn NDEA?  Ok, en pake!  En pake R650milyon!  Ok?  Be rezilta ozordi i montre ki nou sityasyon drog i pli grav akoz i pa sifi deal zis avek ‘’supply,’’ ou bezwen osi deal avek ‘’demand!’’ Bann pei ki’n fer sa shift -parey mon pe dir ou Switzerland, Canada lot.  Menm L’Angleterre ozordi pe revwar son politik drog.  Menm L’Amerique i annan serten leta ki pe revwar son politik drog!  Zot pe met plis lanfaz lo ‘’demand.’’  Ok?  Redwir ‘’demann.’’  Donn tretman, reabilit sa bann dimoun.  Ok?  Reabilit zot e nou pour vwar en pli bon rezilta.  Isi si nou larg sa 300 manrmay ki nou’n met lo reabilitasyon ek nou la, i pour en dega dan kominote! Me nou pe ale dousman, dousman.  Mwan mon pa dakor avek ou ki nou bezwen tenny dife pti a pti. Akoz sa dife i sitan gro ki nou pa kapab pran seo.  Nou bezwen pran Firebrigade pour tenny sa dife.  Se sa mon krwar ki problenm se ki pandan tro bokou lannen nou’n asize parey ou’n dir dan denial, e dir ki nou napa en problenm.  E soudain nou vwar nou annan en masiv problenm.  E ler nou annan en masiv problenm, nou bezwen annan en masiv response.  Nou pa kapab zis asize, dir ‘’be ou konnen la en gro problenm annou komans ptipti, ptipti.’’ Onorab en progranm drog en – en keksoz ki nou’n vwar partou kot nou’n ale se ki kontinyelman evolye.  Evolye.  I annan stratezi ki ou vin avek, i pa marse, ou bezwen sanze.  Ou bezwen vwar ou kliyantel ki mannyer i ete, ziskan ler ou ganny ou enn ki homemade.  Sa zafer nou pa pour ganny li dan 1an, nou pa pour ganny lid an 2an.  Nou pour ale, nou pour fer fot, nou pour aprann nou pour amelyore.  Me selman nou bezwen komans en landrwa.  50 milyon Roupi pour mwan, i pa en ta larzan akoz ou pe deal avek 4 progranm.  Um?  Ok? Nou ava koup dan Board fees, ou ava koup dan security anler Wellness, ok?   Me selman letan ou komans koup dan progranm prevansyon DAC, i annan sitan soz.  Ler ou komans koup dan ‘’treatment en rehabilitation,’’ i annan bann reperkisyon.  ‘’Aftercare’’ i lakle.  Ofet Aftercare nou bezwen plis larzan ankor.  Akoz pour ou progranm reisir fodre ou annan en sistenm ‘’Aftercare’’ ki for – Halfway House.  Ok, kantite zot i retourn dan kominote e ki arive ek zot?  Zot retonbe.  Ozordi dan bann pei zot pe fer bann Halfway House, Halfway Home pour zot reste ladan 6 mwan a 1an – dan en lot lanvironnman.  Ou konpran?  I en keksoz ki pran letan.  Me ler ou pe dir mwan 50milyon, balans li avek Bidze, balans li avek Bidze prizon, (um) kriminalite, Lapolis kantite. Avek Bidze Minister Lasante ki zot depanse pour tret sa bann dimoun.  I peanuts en?  I pa en ta larzan.  E parey mon’n dir ek ou letan ou envestir 1 dolar ou fer savings 5 Dolar dan Lasante e 7 Dolar dan Kriminalite.  I etablir sa.  It’s a factOk?

Lo kestyon Cold Turkey, lezot, sa i en diferans lo lapros.  Ou’n annan rezon ki dir ki ou pa en Dokter. Nou koman en Dokter nou annan en duty of care.  Ok?  Nou annan en duty of care pour nou sonnyen, irespektiv lakoz sa maladi.  Ok?  Me nou, nou annan en duty of care pour sonny zot, e pour mwan sa problenm drog i en maladi kronik.  E Prezidan ti dir dan son ‘’State Of The Nation’’ ki dezormen nou pe deklar adiksyon en problenm Lasante Piblik.  E alor nou bezwen trete. Zot dir tou kalite, ‘’anvoy sa bann manrmay lo zil!’’ ‘’Demerd zot!’’ Be sa bann manrmay i bezwen reste dan en landrwa lo zil.  Ou menm ou’n al Coetivy, mon ti vwar ou interview ki ou ti fer lo Coetivy. E ki pli bon landrwa ki Coetivy, ou pour anvoy zot Ile Sesse?  Kote ou pa kapab anvoy zot Ile Sesse?  Zot pour ganny devore par lera.  So ou bezwen annan en duty of care vizavi sa bann manrmay!  Zot nou kouzen, zot nou neve, zot nou frer, zot manm kominote e nou bezwen ed zot, zot in pri, zot in pri.  Ou swiv mwan – Father?  Nou’n koz lo, sorry akoz i Pret Anglikan e mon bann zanfan i Anglikan aprezan mon’n pran sa labitid apel li Father – e – Ok!  (laughter)  Ou dir ek mwan convince zot, se ki mon pe sey fer.  Advocacy, advocacy, advocacy, koze fer dimoun – mon konpran en Switzerland, zot ti bezwen fer Referendum pour aksepte zot progranm drog.  En Referendum Nasyonal.  E ti pase.  Me ti annan advocacy, advocacy, advocacy!  Ou dir ki mwan mon responsab.  Mwan mon ti asiz la anler ek marto.  Ok?  Zot ki ti pran bann desizyon lo Lalwa. Ok?  Alor pa tro blanm mwan. Mwan mon pa ti zanmen leve pour vot pour en Lalwa, ou rapel ou – 4enm Lasanble.  En?  So sa i en joke an pasan.  Me selman pour bann politisyen ki pe aspire, nou pour inherit whoever ki la demen i pour inherit sa Sesel.  Ou konpran mwan?  E sa Sesel si nou pa aranz li, la nou komanse la krwar mwan 50milyon i pa en gro deal.  Nou bezwen bokou plis.  Si nou pa aranz li la, la, la, konmela, nou pour dan en masiv problenm koman en Nasyon.  Ozordi si Endyen i deside pran son sak ale, tou Endyen, pei i collapse.  Napa mason, napa sarpantye.  Napa dimoun pour netway semen.  Ou vwar?  So mwan mon dernyen pledwari, mon pa konnen ki lezot mo mon pou servi, se donn sa progranm en sans.  Parey ou pe dir donn li en sans.  Nou pe dir a en nivo pli ba.  Mwan mon pe dir ki sa nivo i bon, i bon, donn li en sans i pour marse. Mon konvenki ki i pour marse.  There is nothing to fear but fear itself.  It would work and failure is not an option!  Failure is not an option!  E mwan pe dir ou sa koman Leader Lopozisyon osi Onorab Charles De Commarmond koman Leader of Government Business, it is important en, ki nou komans lager kont sa fleo.  I enportan.  E silvouple donn sipor sa Budget.  I pour nou zanfan.  I pour lavenir nou pei.

 

MR DEPUTY SPEAKER

Mersi SS Herminie.  Mon a donn laparol Vis-Prezidan.

 

VICE-PRESIDENT MR VINCENT MERITON

Mersi Mr Chair.  Mr Chair dokter i sitan dezespere ki i fer lapel ek Bondye atraver Father pour kapab ganny sa Bidze pase. Me nou konnen ki nou tou nou dezespere, akoz nou bezwen lafors e sipor Divin pour kapab tir Sesel dan sa fleo ki i ladan.  E mon krwar bomaten keksoz ki nou tou depi bomaten nou pe koz lo la se ki nou dakor ki nou bezwen fer en diferans.  Nou tou nou’n dir ki si nou pa azir ozordi pour napa demen.  E nou pe tonm dakor nou tou ki, sak desizyon ki nou pran ozordi apre midi atraver nou vot i annan en reperkisyon lo nou fanmir.  E Dokter in fer sorti e mwan ti dir an Out ki sak Dolar ki ou envestir dan sa lalit, oubyen prevansyon, oubyen reabilitasyon, i fer ou 12 Dolar ki ou fer savings.  Mr Chair taler Onorab Ramkalawan in koz lo balans resours ki mannyer nou pour adres sa size.  Lapolis in ganny li 58milyon pour li travay avek sa fleo kot i konsern ranforsman.  Zidisyer i annan pour li.  Sa Lazans i annan 50 milyon ki i pe demande. Prevansyon osi i annan en ta milyon osi ki i pour bezwen.  E la les mwan fer sorti ki sikse sa progranm i pour depan lo ki mannyer son bann lezot Lebra i marse avek li, depi Lapolis, depi Zidisyer. Depi prevansyon dan kominote, depi travay sa Lazans li menm.  Sa i anbreye i ansanm.  Si nou sey tous enn san get lo nou dan en problenm. Nou pe zis vid larzan parey nou pe vid delo dan en pannyen.  Mr Chair i demande ki nou get sa ansanm dan son lentegralite pour nou kapab fer sir ki nou fer en diferans.  Ki sa ki a risk ozordi?  Sa leta high income country ki nou ladan.  Nou lanplwa – Dokter fek koz lo lanplwa i a risk.  Nou Lendistri Tourizm, nou war kot nou bann touris pe ganny atake ozordi ankor pour ganny larzan pour kapab satisfer sa bezwen pour ganny en drog.  Nou laplenn sportiv.  Kontrer mon ti a kontan felisit St Louis ki’n al Praslin in ganny sa lakoup. E yer ti annan motorcade ki’n blok transpor.  Ki kontinyen ki nou bann zenn i kontinyen fer sports e ki zot prop ki nou bann zenn pa bezwen ler i per pour ganny tes, ler i al ganny teste al zwe foutbol, i pran en kapot i fer son dalon ki pa’n teste, i anmar dan son kannson ler i pe taye sa i tonbe, ler refri i vwar i pran li i met li deor; ki sak dimoun i kapab pratik sport prop.  Ki nou sport i vin prop pour fer sir ki nou bann zenn an mezir zot grandi avek en konpa pour zot trouv zot demen; ki nou lafanmir i kapab annan en bataz ler nou pe koz lo prevansyon; ki nou’n donn ase larzan dan kominote atraver Gouvernman lokal atraver, Minister Lafanmir pour nou kapab annan bann platform ki zenn zanfan ek paran i kapab vin ansanm san neseserman diverti-kontan avek lalkol. Ki nou apresye ki i gou viv san lalkol; i gou viv san drog. Ki nou lekol – semenn pase nou’n war bann fleo ki nou pe fer fas avek. Nou lekol i ganny menase par sa bann kestyon drog ek lalkol. So i en problenm pour nou i pa kapab vin business as usual. In annan gran leokri fer par tou dimoun. E ler mon ti vi nisi mon krwar response ti overwhelming.  Tou dimoun in dakor ki nou bezwen azir e sa Lalwa ti pase a linanimite e tou dimoun ti dakor, ki nou bezwen met en lankadreman legal pour nou travay avek. Be nou vini pli tar ozordi pour nou kapab pran sa response met li lo lot nivo.  E mon ti a demann zot tou pour kapab aprouv sa Bidze dan son entirety.  Akoz si nou get li par bout nou pa pour marse.  Nou pa pour marse akoz sa Bidze i pe get keksoz lo nivo diferan nivo, Multipronged Approach’lo nivo prevansyon ki tre, tre enportan.  Ms Ivana nou bezwen donn li resours pour travay avek lekol, pour li kontinyen travay avek CARE pour senplemant sa ki CARE pe fer dan lekol e dan kominote nou pe get li nivo tretman pour nou bann zenn ek zanfan ki’n pri ozordi ki reste nou piti, nou frer, nou ser, nou mari ki nou bezwen adrese, e ki fer reabilitasyon pour kapab apre donn zot sa ki nou apel ‘’Aftercare’’ dan kominote.  Sa bann progranm ki nou annan dan kominote, kot CARE, kot Dove e lezot keksoz la, pa pour marse, pa pou aport fri, si i pa ganny konplimante par sa Vilaz ki nou pe dir.  Sa vilaz i en parti entegral sa travay ki nou pe fer. Annefe nou devret en vilaz an 2018, pa bezwen esper 2019. Annou ale, annou envestir larzan akoz dimoun i bezwen sa.  It cannot be business as usual akoz?  Akoz? Sa bann zenn ki ganny recruit la, ki ganny entrodwir avek drog, zot osi zot bezwen vin en dealer pour zot kapab satisfer zot bezwen, zot bezwen ganny ankor 8 a 10 dimoun pour kapab ganny en marse!  So sa zafer i kontinyen parey Angle i dir i vin exponentially mont drwat.  Napa fason desann.  So si nou tret sa koman business as usual, then nou pe desid sor en Nasyon zis a la lezer.  E mon krwar tou sa ki dimoun in dir i montre serye.  I montre sa lantouzyazm ki nou bezwen pour kapab adres tou sa defi ki devan nou, pour fer sir ki desizyon ki nou pran demen lannen prosenn, dan 5an, dan 10an, nou war i komans port fri, e ki Sesel in pa’n vin parey sa ki Dokter i dir en failed state. Nou tou nou responsab ladan.  Nou tou nou’n nou ti zwe politik lo la.  Be ozordi mon dakor ki ou’n dir, ‘’no spinning dan sa zafer’’.  E ler mon ti vini an Out, Onorab Ramkalawan ti dir nou pa pe fer politik lo drog e lo sa kote nou ti dir pa fer politik lo drog.  E ozordi nou pe chart the way forward lo ki mannyer nou pour adres sa.  Mr Chairman, mwan annan zis parol pour dir parey Dokter in dir, me parol nou bezwen pour nou kapab pas sa avek nou popilasyon pour vwar ki nou serye pour adres sa problenm dan son antyerte.  Mersi Mr Chairman.

 

MR DEPUTY SPEAKER

Mersi Vis-Prezidan.  Yes Onorab Georges oule dir en parol.

 

HON BERNARD GEORGES

Mersi Mr Chairman.  Mr Chairman mon konnen i en pe malelve pour koz apre Vis- Prezidan.  Me mon ti a kontan dir de parol an tan ki Portparol Lopozisyon lo Drog e en Manm Lazans.  E mon ti a kontan zwenn avek sa 2, an fen sa 3 dernyen dimoun ki’n koze, e demann ki nou vot avek lentelizans apre midi – pour 2 rezon.  I pa drol ki mon’n demande pour vin Portparol Lopozisyon lo Drog.  Se pa neseserman akoz mon MNA Mamelles although sa i annan en gran rol pour zwe.  Me se osi akoz mon lakaz in ganny kase en premye fwa par en dimoun ki ti pe rod larzan drog, e tou lor mon madanm in ganny vole.  Mon lakaz in ganny kase en 2enm fwa par en adikt ki ti pe rod larzan pour al aste en line. In ganny kase en 3enm fwa; ozordi, sak laport lo nou lakaz nou bezwen annan en lasenn ek en kadnan lo la.  Se pour sa rezon mon’n demann avek Leader Lopozisyon apwent mwan koman Portparol lo drog.  Akoz mon krwar sa bann kalite keksoz parey, nou tou nou dakor dan sa Lasanble fodre enn fwa pour tou, nou kapab met li ater.  E se pour sa rezon osi ki ler nou ti desid, ler nou ti vot lo Lalwa, dan sa Lasanble mon’n demande pour mwan vin en Manm lo sa Lazans.  Akoz mon krwar i annan travay pour fer e i annan lavwa lo sa kote osi pour nou anmennen dan sa Lazans. Dernyen parol bomaten, apre midi la avan nou vote, mon’n fer en pti kalkil.  Onorab Afif pa’n fer ozordi, mwan mon’n fer.  Si i annan 5 mil adikt e nou pe demann 50milyon sa i vin R10mil par adikt par an, i vin R800 par mwan, i vin R26 ki nou pe depanse par adikt par zour.  E mon krwar ler nou regard li dan sa konteks nou a vwar ki annou pa focus lo bann detay lo kote larzan pour ale.  Mon krwar sa se Lazans ki pour deside.  Se Lazans ki pour desid ki mannyer larzan pour ganny depanse si i pour ganny byen depanse or not.  Annou dan sa konteks – e mon sipliy avek tou dimoun dan sa Lasanble mazin sa fleo, vot pour sa Bidze, e les, e les sa Lazans, e mwan mon pour en manm kle lo sa Lazans – pran bann desizyon lo ki mannyer larzan pour ganny depanse dan en fason, ki nou ava koup nou latwal pa telman akoz lo grander nou larzan, me nou a koup li lo grander nou problenm.  Mersi Mr Speaker.

 

MR DEPUTY SPEAKER

Mersi Onorab Georges.  Ok, Onorab Ramkalawan.

 

HON WAVEL RAMKALAWAN

Yes.  Onorab Georges in eksprim li lo sa Komite me nou, nou bezwen pa zis regard son kote filozofik.  Nou Bidze nou bezwen regard an term Roupi avek Sou.  Se sa en Bidze. I annan de keksoz ki, i annan 2 pwen ki mon ti ava kontan fer resorti.  Premyerman lo sa 10milyon ‘’capital project.’’  Ok ki ankor, zot ankor dan staz kot zot pe balanse.  Rezon ki mon pe dir sa osi tou, parski si nou, letan nou met sa 10milyon ‘’capital project ‘’lo kote, ki ankor lo staz konsep ensidswit, i fer ki zot vre Bidze i tonm anviron 40milyon.  Ok?  E lo sa 40milyon letan nou pe balans ‘’lapey’’ ok bann ‘’salaries’’ i tonm lanmwatye.  Ok?  I tonm 37.5%.  Ki mon santi i en pe for.  Parski la tou nou koze in vin lo ki mannyer pour nou tackle sa problenm drog.  Me konmsi i resanble ki letan nou pe koz 37.5poursan zis lo ‘’lapey,’’ ki konmsi nou vin en pe parey Nasyon Ini.  Kote olye regard bann Nasyon, konmsi pe regard ManagementSo lo sa pwen mon pe regarde si nou pa kapab regard ankor bann lapey.  Ok?  Regard en pe sa bann salaries.  Parski i resanble ki zot Management i top heavy.  I top heavy.  E si sa bann larzan kot nou kapab koupe pour anvoy li dan progranm li menm, so to speak.  E la mon anvi fer kler Mr Chairman, ki nou napa problenm avek bann progranm.  Letan par egzanp pe nonm madanm – Sister Theresine avek son progranm. Tou bann Progranm napa problenm kot i pe … CAR, kot i pe – DOVE laba Praslin.  Tou lo kote progranm.  Parski sa bann program ti deza dan Bidze avan.  Ok?  Selman i zis ki in met zot tou ansanm. Be selman nou osi vwar ki pour dir letan zot ti separe, zot total baze lo sa ki ou’n dir nou ti tonm anviron 11milyon.  Ok?  Ti tonm anviron 11milyon. E ki la aprezan definitivman in annan en logmantasyon.  E se pour sa rezon ki sa kestyon in leve lo kestyon zot ‘’salary,’ zot soz ‘’saler.’’  Parski si par egzanp ou annan ou – ok la pour al annan en CEO, pour al annan en Deputy CEO, tousala se bann extra larzan.  Se bann gro sonm.  Si  … ou konnen sa top bout la, se pa bann ners ki pour al ganny, se pa bann dimoun ki pour al travay direkteman avek bann addicts, ki pour al ganny sa bann larzan.  Se plito sa Top Management, konmsi bann dimoun ki pour dan biro.  Alors nou a pe parey ki ou’n fer ou pledwari avek nou, Vis-Prezidan osi tou in fer, nou pe demande pour nou regarde ki mannyer nou kapab fer en keksoz la, pour ki i al direkteman pour nou tackle sa issue.  E mon plis ki sir ki Dokter – I mean ou reaksyon, i montre mwan ki poudir ou pe konpran.  Se pour sa rezon ki nou pe koz lo Board.  Konmsi tousala bann zafer – ‘‘sekirite’’, tousala napa nanryen pour fer direkteman at this point in time avek the treatment itselfSorent’, konmsi tousala bann zafer ki annou … mon pe demande ki nou kapab balanse.  Mon ti ava kontan en reaksyon sorti lo zot kote Mr Chairman.  Mersi bokou.

 

MR DEPUTY SPEAKER

Mersi bokou Onorab Ramkalawan.  Mon esper PSPS Payet ou ava gid nou.

 

PS PATRICK PAYET

Mersi Mr Chair.  Zis pour azoute ki lo kote ‘Board fees nou’n vwar avek sa nouvo Polisi i annan, i kapab annan en savings 940 mil.  Wi, 940 mil.  Lo kote ‘sekirite’, provizyon ti’n ganny fer pour increase the number of security officers, kot Wellness Centre.  Aktyelman la zot annan 3 ki travay ki travay 6er bomaten ziskan 6er diswar, 3 ki travay 6er diswar ziskan 6er bomaten.   E provizyon ki ti ganny mete, se pour annan 6.  E si nou maintain the existing – i kapab annan en additional savings R1.8 milyon.  So proposal se pran sa bann additional ki nou kapab re divert en pe lo bann progranm areas.

 

SECRETARY OF STATE DR PATRICK HERMINIE

Salaries; i bann lenstitisyon diferan.  Ou konnen ou annan DAC, lot, lot, lot.  I difisil.  Si ou pou cut salaries ou bezwen fer serten dimoun redundant.  Apre i annan en kantite bann dimoun ki nou pe al anploye.  Par egzanp 5 nurses, counselors.  I bann dimoun ki i vre, saler.  Be selman zot travay direkteman avek sa bann dimoun dan progranm.  Ou konpran mwan?  So anler li menm li CEO, Deputy CEO, i en lobligasyon anba Lalwa, pour nou anploy zot.  Ou vwar?  So i pour difisil pour nou koupe, e si nou pour al koup dan emoluments lezot progranm, nou riske vwar nou pe fer dimoun redundant kan ofet nou bezwen plis dimoun dan progranm.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Yes. Ok.  La deza nou pe koz en savings 2.8 milyon ok 2.8 milyon – ok petet sa ki mon ti ava propoze.  Sa 2.8milyon annou pa koup li net pour nou tir li dan Bidze.  Ok?  Annou the famous word ki’n pase dan sa Bidze, annou freeze.  Ok?  Annou freeze li e sa i ava en mesaz konmsi kot nou pe dir regarde ki mannyer zot ete.  E letan nou ariv half-yearly review, half-yearly review, letan zot vin koz avek nou, zot pe dir be regarde, in annan sa savings la.  E kekfwa i kapab fer virement poudir be sa prezan i ava al dan plis progranm.  Nou rezonnab lo sa size drog – parey nou pe dir. Parski nou pe … menm parey osi avek zot ‘’capital project’’ sa 10 milyon.  Annou sey regarde ki mannyer nou kapab olye konmsi ki zis nou met li ki konmsi nou’n … Annou osi annan serten kondisyon ki ava rezonnab; ki ava rezonnab.  E tou bann, sa Vot ki nou ava pran la i ava en Vot ki al ver en latitid rezonnab e responsab avek bi ki nou ganny rezilta.  E si zot dakor avek sa then nou ava donn zot, zot Bidze.  Mersi bokou.

 

MR DEPUTY SPEAKER

Mersi Onorab Ramkalawan.  Ok.  Bon nou’n ariv en, lo en moman pour nou pran en desizyon.  Mon ava zis demann PS Payet pour gid nou kwa ki’n ganny aksepte e lo ki sonm ki Lasanble pour vote.  PS Payet?

 

PS PATRICK PAYET

Mersi Mr Chair.  So proposal se total Bidze 50milyon, 598mil 100roupi i ganny propoze. Sepandan nou freeze the ‘Board Fees’ 940 mil.  E ‘security’ 1.8 million.  Apre dan PSIP, once ki plan i finalize, an totalite nou prezant ankor devan Komite FPAC ouswa devan Lasanble.  Sa 3 vot. Mersi.

 

MR SPEAKER

Ok. 

 

HON WAVEL RAMKALAWAN

An tou sa ki nou pe koz lo la la, se en sonm 12.7 milyon – 12.7 milyon ki under review ensidswit.  Avek sa Mr Chairman, nou pour napa problenm pour nou donn en …

 

MR DEPUTY SPEAKER

Ok.  Bon.  Nou ava alor pran en vot lo sa nouvo sonm ki PS in donnen pour Lazans Prevansyon Drog.  Tou Manm ki an faver?  Vis-Prezidan ou pour vote ou osi, non?  Ok?  Tou bann Manm ki an faver, relev lanmen?   Okenn Manm ki kont?  Ok napa.  Madam Clerk?

 

MADAM CLERK

Mersi Mr Chair.  21 Manm an faver.  Personn kont.  Mersi.

 

MR DEPUTY SPEAKER

Ok.  Savedir Bidze pour sa Head in ganny aprouve par Lasanble Nasyonal.  Bon avan nou eskiz VP parmi nou avek son delegasyon nou annan 2 ‘Heads ki tonm anba VP’s Office.  E mon ti’n anvoy en pti note ansanm avek Leader Government Business – Onorab Sebastien Pillay sirtou, pour nou profite ler VP i la pour nou pran sa 2 Vot.  Mon ti’n anvoy en pti note kot PS Payet.  PS ou ava gid nou, ou ava anonse lekel sa 2 Heads ki nou ava pran en vote lo la?

 

PS PATRICK PAYET

Mersi Mr Chair, premye i Departman Risk avek dezas paz 51 e i pour en sonm R6.67 milyon e 2enm i the National Intelligence Agency  i en provizyon R3.5milyon ki nou’n mete ziska ler Lalwa i ganny pase, pour ki nou pour vin avek en plis detay.  Me selman sa i zis en provizyon.

 

MR DEPUTY SPEAKER

Ok.  Petet zis pour lenformasyon piblik deor. Rezon ki nou pa pe, nou annan bann ‘Heads ki nou pa pe call  -dan Assembly Business Committee, bann ‘Heads parey ki napa gran logmantasyon dan zot Bidze, ki pa pour soulev kestyon and all that – nou ti pran en desizyon pour nou pa call zot in pour vin pas atraver sa prosedir parey lezot pe fer, ki apre zis nou kapab pran en vot lo la. Ok mon a zis donn laparol Onorab Ramkalawan.

 

HON WAVEL RAMKALAWAN

Mr Chairman sa vot lo National Intelligent Agency, sa 3.5 milyon parski nou pa konnen egzakteman ki i ete, Lalwa pa ankor pase.  Nou ava vote me selman sa 3.5 i ganny frozen konpletman li.  Ziska ki nou ganny li klerman.  Epi Lasanble i ava release li.  VP i dakor avek sa.

 

MR DEPUTY SPEAKER

Yes mon krwar PS osi in dir poudir Lalwa pa ankor vini.  Ok nou ava pran premye vot lo DRDM.  PS ou a donn nou ou sonm.

 

PS PATRICK PAYET

Sonm i R6.67 milyon.

 

MR DEPUTY SPEAKER

Ok, tou Manm ki an faver?  Nou pep ran vot lo DRDM en?  Okenn Manm ki kont?  Onorab Churchill ou kont?  Ok?  Madam Clerk?

 

MADAM CLERK

Mr Chair ou pa mind mon fer bann Manm relev zot lanmen anler ankor en pti kou silvouple?  Mersi.

 

MR DEPUTY SPEAKER

Vot lo DRDM.  Tou Manm ki an faver?  Ok, Madam Clerk.

 

MADAM CLERK

Mersi Mr Chair.  19 Manm an faver.  Mersi.

 

MR DEPUTY SPEAKER

Ok, savedir vot pour DRDM in ganny aprouve.  Nou ava pran en vot lo National Intelligence Agency, i sa Lazans ki nou’n ganny demann Lasanble pour vote, me sa Bidze i ganny freeze ziskan ler son Prozedlwa i vin devan Lasanble.  Ok?  E sa sonm PS?

 

PS PATRICK PAYET

I R3.5 milyon.

 

MR DEPUTY SPEAKER

Ok.  Nou ava pran en vot lo la. Tou Manm ki an faver?  Okenn Manm ki kont?  Ok.  Madam Clerk?

 

MADAM CLERK

Mersi Mr Chair.  14 Manm an faver, personn kont.  Mersi.

 

MR DEPUTY SPEAKER

En moman, en moman.  Ok zis mwan a demann en leklersisman.  Mon krwar vot i bezwen mazorite lo lakantite Manm ki prezan.  Onorab Georges nou ti pe regard sa bomaten non?

 

HON BERNARD GEORGES

Wi Mr Chair. Mon pe demann mon lekor, mon pa konnen, mon napa devan mwan Standing Orders.  It’s a majority of members present and voting.  Dan sa ka i ok.

 

MR DEPUTY SPEAKER

Ok.  Le fe ki lezot Manm in abstain plizoumwen, so i pase. Ok?  Savedir vot pour National Intelligence Agency, me nou konnen pour dir sa vot i ganny freeze, in pase par Lasanble. Ok?  Bon nou, mon krwar ler ki’n arive nou annan Minis Charlette ki’n arive ek son delegasyon, me nou a zis prezant li en leskiz.  PS mon krwar i ava pli bon nou ava komans fresh demen bomaten avek Minis Charlette, Minis pour Lapes avek Lagrikiltir.

 

(Mic Off)

 

MR DEPUTY SPEAKER

Non si nou komanse la nou konn tre byen ki mannyer i pour ale.  Plito nou komans demen bomaten, freshOk?  PS.

 

PS PATRICK PAYET

Wi nou ti pe propoze pour … in the morning pour nou pran Minister Lagrikiltir avek Lapes apre lo apre midi pour pran Minister Youth, Sports and Culture.  Mersi.

 

MR DEPUTY SPEAKER

Ok?  Bon savedir nou ava pran Minis Charlette ek son delegasyon, zis mon prezant li en leskiz ek son delegasyon.  Zot ava vini demen bomaten pour nou komanse 9er.  E avek sa mwan ava dir Vis Prezidan Meriton, SS Herminie avek ou delegasyon.  E nou ava eskiz zot avan nou adjourn.

 

(THE VICE-PRESIDENT AND THE SECRETARY OF STATE MR HERMINIE AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Ok, demen nou komanse 9er sharp, e ankor mon fer en lapel ki tou Manm i a ler.  Ok?  Avek sa nou ava adjourn e nou ava repran nou travay demen bomaten 9er.

 

(ADJOURNMENT)