Home » Verbatim » 2017 » Verbatim Wednesday 15th November, 2017

Verbatim Wednesday 15th November, 2017

 

NATIONAL ASSEMBLY OF SEYCHELLES

 

Wednesday 15th of November, 2017

The Assembly met at 9 am

National Anthem

Moment of Reflection

Mr Speaker in the Chair

 

SEYCHELLES PRISON SERVICES

 MR SPEAKER

Bonzour tou dimoun, bann dimoun osi ki pe ekout nou an deor.  Ozordi nou a kontinyen nou travay ki nou’n konmanse semenn pase e toudswit ozordi nou pou konmans avek Prison Services ki nou ti sipoze pran yer me nou pa’n kapab akoz letan.  Esperons ozordi nou ava al en pti pe pli vit.  E parey mon di annou sey gard nou kestyon kler e direk.  Olye komanter, annou konsantre lo Bidze ki devan nou sirtou bann sif.  E alor san plis tarde nou a demann nou Parliamentary Assistant pou envit bann zofisye Prison pou nou konmans nou travay.  E Clerk nou lo paz 228.  Mon ti a kontan swet bomaten sa Merkredi byenveni Minis Dezinyen, Minis Mondon, Superintendent Prison Mr Vic Tirant avek son lekip pou nou diskit Prison Services.  Ozordi nou pou al drwat.  Eskize yer nou’n fer zot esper en pti pe letan me mon asire zot konpran sityasyon.  Alor parey mon’n dir nou Bidze pou Prison, Seychelles Prison Service i konmans lo paz 228 e nou ava al toudswit lo kestyon pou nou anmenn klarifikasyon lo Bidze Prison.  Onorab Afif.

 

HON AHMED AFIF

Mersi Mr Speaker.  Bonzour tou Manm Onorab e tou dimoun a lekout.  Bonzour nou bann dimoun ki la devan enkli Designated Minister.  Mon kestyon i baze lo paz 230, latab nimero 2.  E pou konmanse ‘’wages and salaries’’ nou vwar en logmantasyon sorti 18 milyon pou ariv R25 milyon – si ou kapab dir nou konbyen staff zot pe anploye e eski sa bann logmantasyon i annan pou fer avek logmantasyon saler ; Oubyen eski ou’n pran plis staff ?  Parski apepre R600mil an plis tou le mwan ki zot pe peye dan personnel.  Mon ti annan detrwa lezot pti kestyon depan lo ou mon kapab met en sel apre zot a –

 

MR SPEAKER

Petet ti a bon Onorab Afif ki ou met tou.  Mon sir Superintendent Tirant i avek son de Zofisye, Financial Controller Ms Banane avek  Chief Inspector Sam Dodin.  Alor zot a note an mezir ou fer ou bann kestyon petet poz ou bann kestyon pou konmanse e zot a reponn en sel.

 

HON AHMED AFIF

Mersi Mr Speaker.  Mon lot kestyon i lo menm latab anba ‘’office expenses’’ ki osi son montan in sorti 6.3 milyon in vin 7.4.  E mon remarke poudir en gran logmantasyon ladan, i annan pou fer avek uniforms e answit i annan pou fer avek Bill elektrik ek Bill telefonn.  Uniform par egzanp zot pe pey – mon pa konnen me i paret apepre en R10mil par anplwaye ki zot annan, me selman ou a dir mwan konbyen anplwaye i annan.  Me selman mon vwar sa sif i en pe o.  Elektrisite zot pe pey R6mil par zour.  Bill elektrik e mon ti a kontan konnen akoz dan en Prizon Bill elektrik i osi o.  Eski  i aircon?  Kwa ki pe koz sa?  Lo kote telefonn zot pe depans apepre R1600 par zour telefonn e ankor mon ti a kontan konnen dan en Prizon akoz i sitan kantite.  Lo kote transpor ‘fuel, li osi in monte e fuel zot pe depans R3,150 par zour e alor konbyen transpor zot annan e akoz i pe – i sa kantite fuel ? E lo kote bann fares dan transpor li menm zot pe depans R7, 800 par zour baze lo sif ki zot annan isi.  Lo fares.  Alor mon ti a kontan konnen kwa sa ki zot pe pey sa kantite R8mil par zour?  E finalman anba ‘’other uses of goods and services’’ mon vwar bann gro Lagreman ki zot pe pey finalman apepre R45 mil par zour, mon pa konnen si sa i security and enforcement, kwa sa R45 mil par zour e lezot ankor 7.8 milyon ki ekivalan  R21mil par zour pou en lot Lagreman.  Alor si ou  kapab donn nou detay lo la.  Mersi.

 

MR SPEAKER

Zis pou fer remarke Superintendent Tirant ki nou dan Komite ou CI Dodin i kapab reponn ou Financial Controller Ms Banane.  La parol i pou zot.

 

SUPERINTENDENT MR VIC TIRANT

Bonzour tou Manm Onorab e bonzour Mr Speaker.  Parey ou’n eksplike mon pou reponn serten sa bann kestyon ki Onorab Afif in demande antretan ki nou CI Dodin avek, nou FC i prepar zot pou lezot sa bann kestyon ki ou’n eksplike.  Mon pou koz en pti pe an zeneral lo sa ki ou’n demande.  Par egzanp elektrisite.  Ou’n koz en pti git lo elektrisite ; mon krwar poudir ler nou pe regard elektrisite, nou annan en kantite pou fer avek sekirite landrwa.  E nou annan en kantite, kantite elektrisite ki nou pe mete avek bann lalimyer, sekirite ki antour Prizon.  Antye lo son perimeters  i annan bann gro lalimyer ki pe marse e sa i konsonm elektrisite en kantite.  Elektrisite anndan Prizon li menm mon krwar i minim, akoz nou annan  en ler ki lalimyer i ganny met on, e en ler ki lalimyer i ganny tennyen.  So pli gro bulk of sa elektrisite e fares son Bill se pou fer avek sa sekirite ki nou pe sey donn Prizon.  E letan nou pe regarde sa i pa pe kouver zis Prizon Montagne Posée i pe kouver nou Prizon Bois De Rose, i pe kouver Coetivy e tou sa bann lezot etablisman ki Prizon i annan.

Lo kote telefonn, telefonn osi i parey.  Nou annan sa bann phone calls ki nou fer pou nou bann foreigners.  Nou annan en kantite foreigners ki dan Prizon e nou pe fer sir ki nou pe donn zot bann international calls dapre ki in ganny aksepte.  Zot ganny en phone call everyone phone call per month ki zot kapab koz avek zot fanmir ki nou donn zot 10 minit.  Ok.  Apre tou bann vizit ki ganny organize pou bann inmates lokal; ki nou pe fer se ki nou pe telefonn fanmir from Prizon pou donn zot, zot dat pou zot vin kot Prizon me selman sa i en keksoz ki nou’n met devan nou, nou’n vwar ki nou pe fer se ki nou pe al sey demann avek Cable & Wireless oubyen en lot sistenm kot nou ava annan en telefonn mon pa konnen mon en legzanp en 171 ki nou mete lo en telefonn pou nou servi pou nou fer bann phone call an deor Prizon, kot nou annan sa kantite phone call ki nou bezwen fer.  E petet sa i ava kapab redwir sa bann Bill ki nou annan, ki nou pe incur lo nou bann telefonn.

Fuel ; Fuel nou ti’n konmanse letan mon ti’n fek arive, nou ti’n konmanse par fer en bon saving ek fuel.   Mon direktiv ki mon ti’n donnen dan Prizon se ki, sak endividi bann travayer ki ti pe ganny servis a en transpor Prizon  ti pe ganny issue avek R1500 only fuel pandan en mwan pou  li vin travay e al se li.  Ok ?   Me selman apre nou annan sa kontrent avek lakantite travayer ki nou annan pou nou anmenn zot se zot ; akoz ki arive se  ki nou pe  travay lo en sistenm shift kot Prizon e nou annan nou bann  bis ki pe transport nou bann dimoun around Mahe pou tir zot kot zot pou anmenn zot travay e tir zot travay pou anmenn zot se zot.  So en pe dan sa laliny mon krwar lanmenm la ki mon krwar nou annan en pe ogmantasyon dan fuel ki nou peye.  Petet osi si CI Sam i kapab koriz mwan dan bann fuel osi si sa i korek bann fuel ki nou pe supply avek – wi be selman parey mon pe dir zot sa bann fuel ki nou pe servi i fuel ki annan pou fer avek transpor ki pe transport nou bann dimoun.  To and from travay apre R1500 per staff ki ganny en transpor Prizon and that’s it.  Napa ankor fuel ki al anywhere ankor.

 

MR SPEAKER

Onorab Afif ou ok?

SUPERINTENDENT MR VIC TIRANT

Prezan mon ava pas avek CI Sam pou eksplik bann lezot ki –

MR SPEAKER

CI Dodin.

CI SAM DODIN

Mersi Mr Chair.  Bonzour tou bann Manm Onorab.  Zis pou uniform nou pe vwar en logmantasyon konsiderab dan uniform, se ki Prizon right now pe antre dan en prosesis renew nou uniform.  Savedir nou pe sanz uniform pou lannen 2018 e pou sa avek en kantite staff ki nou pe targete pou lannen 2018 – 83, e tou dimoun i bezwen ganny son nouvo attire.  Semiz, kannson, e sa i 3 set pou each member of staff e i enkli soulye e tou bann lezot akseswar.  As for increase in salaries and wages, parey nou kapab konstate lo nou budget document i 6 million increase.  Sa i annan pou fer avek recruitment bann support staff.  Nou’n vwar poudir Prizon e menm nou’n zwenn Komite FPAC nou’n vwar bann admin support i manke e sa i ede pou fer en kantite discrepancies kot nou kapab maintain en serten nivo standar, in terms parey pou nou adres bann issues dan audit report.  Ler bann zofisye pe konsantre loperasyon, Admin deryer, zot annan bann lezot prosesis administrasyon zot bezwen kontinyen fer pou fer sir ki in par avek regulation.  E sa i en recruitment of HR Officers, Director General of Admin and HR, IT Officer, Transport Officer tousala, e sa i pou kout nou en sonm R1 milyon pou lannen prosenn.  Osi nou annan en additional recruitment of Bidze nou’n mete pou recruit 7 Prison Officers ki 0.8 milyon, pou lannen prosenn i pou kout nou.  E dan sa Bidze nou annan R1.1 milyon pou servis probasyon pou 7 staff e osi R1.5 milyon pou peyman allowances ki pou sa bann nouvo staff ki pou vin travay avek nou.  Zot allowances i ekivalan pou 1.5 million.  E nou annan en logmantasyon lo nou Gratwite pou lannen prosenn ; apepre 3 milyon nou pe pey Gratwite lannen prosenn e en logmantasyon 1.6 milyon dan nou Gratwite.  E ek sa ki ekivalan a 6 million increase dan nou Bidze ‘’salaries and wages’’ pour lannen prosenn.

MR SPEAKER

Onorab Afif.

HON AHMED AFIF

Mersi Mr Speaker.  Mr Speaker zot pa’n reponn lo sa 2 lezot Lagreman, enn ki vo R16.3 milyon par lannen, lot ki R7.8 milyon par lannen.  E osi si mon ti kapab demande par egzanp uniform ou’n dir nou zot pe aste nouvo uniform, ou dir mwan i annan 83 staff alor i vin apepre R16 mil par staff – uniform ki zot pe peye.  Eski zot in tender pou sa bann uniform ki enkli son bout R`16 mil pou sak staff   mon vwar i tre o, parske larme i dir ek nou  en set uniform ki enkli konba, T-Shirt avek short pou zot bann militer zot pe pey apepre R6 mil par personn par lannen.  Alor zot, zot pe pey R16 mil mon ti a kontan konnen si zot in tender, si pe fer lokal,  ki mannyer i ganny aranze?  Epi lo kote elektrik, R 600 mil par zour ou’n donn  mwan leksplikasyon mon ti pe zis sizere petet zot ti a konsider met photovoltaic kot zot.  Mon konnen Gouvernman L’Inde Mr Speaker in ofer Sesel e vwala en landrwa kot nou kapab sov nou R 600 mil par zour si ti met photovoltaicPhone call i annan bann posibilite i ou aste bann package kot ou pey zis R1000 mil per month unlimited oubyen 500 ler month unlimited.  Akoz zot pa sey regard sa bann kalite package pou zot bann dimoun etranze ki ou kapab koze?  Larestan mon ase kler, me selman mon ti a kontan detay lo sekirite apre finalman zis donn nou en lide akoz ‘’’materials and supply’ in redwir par lanmwatye sorti 24 milyon pou 13 milyon.  Byensir nou kontan in redwir, be sey eksplik nou kwa ki’n arive dan ‘’materials and supplies’’ parski mon mazinen sa i bezwen manze, ki en sel kou in redwir par lanmwatye?  Popilasyon Prizon mon konnen in redwir me petet pa lanmwatye, akoz in redwir sa kantite.  E finalman ‘’building and infrastructure’’ zot annan  R14 milyon si zot kapab dir ek nou ki grander building ? E konbyen met kare, si zot in tender ?  E konbyen zot pe peye par met kare ?  Mersi.

MR SPEAKER

Superintendent oubyen CI.

SUPERINTENDENT MR VIC TIRANT

Mersi Onorab.  Mon krwar nou pou fer li ankor dan 2 porsyon petet mwan mon a reponn en bout, CI i ava reponn en bout.  Sa zafer uniform leta nou pe regard nou payroll, probably petet nou pa’n donn ou lenformasyon.  Nou annan nou 202 staff dan Prizon.  Nou annan 202 staff ki fer ki kouver nou bann travayer lokal avek bann travayer etranze ok ?  So this is to answer pou sa bout la.  Lo lot kote bout ki mon pou reponn ou se sa decrease ki nou’n gannyen dan ‘’materials and supplies.’’  Nou’n annan par egzanp en – i annan 21 milyon ki’n desann 10 milyon.  Nou’n annan en bes dan nou popilasyon an Zilyet 2016 ziska ozordi, ki’n sorti 695 inmates pou vin 420 ok?  Apre nou’n annan en decrease in cost ki’n due to bann suppliers ki ti deza pe servis nou.  Nou’n asize nou’n re negosye avek sa bann dimoun nou’n fer desann pri marsandiz, ki nou ti pe gannyen ek zot.  Dan nou, bann diskisyon ki nou’n fer avek bann lezot suppliers, parey mon ti dri zot lannen pase letan mon ti vini, nou ti pe pran tou bann dokiman nou pe met lo latab pou al re vizit zot.  E nou’n ale nou’n vwar ki nou’n ganny bann lezot suppliers ki’n kout nou en kantite pli bon marse.  I annan suppliers par egzanp ki nou ti pe pey en mwan R300 ekek mil, ler nou’n al kot en nouvo supplier nou pe ganny li apepre R54 mil an mwens – an term marsandiz ki nou pe resevwar.  So sa i sa bout kot nou’n ganny en bon pe nou rediksyon.  E lot bout se ki, pou lannen prosenn sa R7.2 milyon ki ti pe donn nou pou fer peyman pou Marie Louise tire lo nou.  Savedir sa osi i part of it ki i pa pe reflekte dan sa larzan ki ti la avan.  Apre nou annan dan nou ‘’security and enforcement’’ ki tonm ladan, nou annan en lot rediksyon ankor anviron R8 milyon, ki fer avek bann nouvo Kontra ki nou’n fer avek bann travayer etranze ki pe vin travay Sesel avek Prizon.  Mon krwar zot okouran poudir ti annan en serten ceiling ki nou ti pe pey dimoun dan le pase.  E sa in ganny re negosye, nou’n remet li dan en nouvo Kontra ki nou pe donnen, ki nou’n bes pri pou nou kapab ganny bann dimoun ki pou vin travay avek nou.  So an gro sa i fer ki i kouver nou sa decrease ki nou pe koz lo la.  Selman letan nou total li 7.2 azout 8 milyon i fer nou 15 azout en lot 11 i fer nou 25.  Ki nou fer prezan, se ki in ganny equal out avek sa nouvo larzan ki nou’n gannyen dan nou proze PSIP, ki mon krwar ou’n demann mwan kestyon lo la.  So, dan sa enn PSIP mon ava eksplik ou poudir nou annan nou bann proze ki nou ti mete – mon krwar nou ti anmenn sa dan meeting FPAC e menm dan meeting FPAC mon krwar nou ti byen ganny resevwar avek nou bann proze ki nou ti’n met devan, mon krwar nou total ti en zafer 26 milyon me selman la nou vwar ki nou’n ganny 13 milyon pou nou fer li 14 preski.  E sa i pa pou en proze.  I annan 5 proze ki ladan dan sa 13 milyon.  So sa i pou ed nou pou nou kapab konmans re pran kontrol en pti pe bann keksoz kot Prizon, bann travay ki nou bezwen fer pou nou re aranz Prizon.  Vwala Mr Afif.

MR SPEAKER

Onorab John Hoareau.

HON JOHN HOAREAU

Mersi Mr Speaker.  Mr Speaker mon kestyon i baze lo progranm 3 lo ‘’rehabilitation and re integration’’ kot i annan poursantaz popilasyon Prizon ki’n ganny enroll lo sa progranm ki dir nou i 60 poursan; vedir si mon’n ganny li kler, dan 420 i apepre 152 Prizonnyen ki ganny enroll pou as ou target.  Eski ou kapab zistifye sa 7.5 milyon dan sa 9 progranm ki ou’n mete la? Briyevman dir nou ki sa 9 progranm e ki kantite ki pe ganny depanse lo sa 9 progranm?  Sa endividyelman.  Mersi.  Sorry i annan en lot pti kestyon ankor; lo kote bann contrabands i enn ou bann ‘’current challenges’’ kwa dan sa Bidze ki pe ganny fer pou zisteman pou curb down lo contrabands ki pe antre Prizon? Mersi.

MR SPEAKER

Sirentandan.

SUPERINTENDENT MR VIC TIRANT

Pou sa R7.7 milyon ki ou’n koz lo la pou  – Onorab  pou sa Reabilitasyon, sa R7.7 milyon  i ganny divize an 2.  Yeah i ganny koupe an 2.  Nou annan 3.6 milyon ki pou Departman Reabilitasyon kot Prizon, apre nou annan R3.9  milyon ki’n ganny donnen pou Servis Probasyon ok? Ki Servis Probasyon pe ganny atase avek Prizon.  So sa R3.9 milyon i pou servis Departman Probasyon pandan ki i pe travay kot nou as well.  So kot nou kot Prizon nou annan zis 3.6 ki kouver pou nou Rehab programme.  Mon pa konnen si mon’n reponn ou kestyon.

 MR SPEAKER

CI Dodin.

CI SAM DODIN

Zis pou azout lo sa 9 progranm ki ou’n mansyonnen, nou bann progranm i bann progranm ki oryante dan reabilitasyon Prizonnyen  e sa 9 progranm i treatment programme ki nou ti pe – nou oule target en pti pe bann dimoun ki drugs dependency ,pou met zot lo en progranm kot zot kapab sorti lo la.  Welfare programme –  bann  lasistans welfareEducational programme – ki kouver bann lezot progranm edikasyonnel.  Vokasyonnel sa i en pti pe plis skill work, carpentry, mason.  Nou annan faith-based programme sa son non i dir pou li menm.  Any faith-based programme in terms of bann Denominations ki vin kot Prizon.  Day Release programme parey nou konnen kot nou annan bann Prizonnyen ki al travay deor lo en baz daily.  Sport, Health epi nou annan Restorative Justice.  Sa i sa 9 progranm reabilitasyon ki nou anvi targete pou lannen 2018.

MR SPEAKER

Onorab Prea.

HON NICHOLAS PREA

Mersi Mr Chairman.  Bonzour tou dimoun.  Mr Chairman mon ti a zis kontan petet retourn en pti pe vizavi kestyon ki Onorab Afif in poze, ki nou pa’n vreman ganny leklersisman.  Uniform, eski uniform in tender? Eski i pe ganny prodwir lokalman?  Ok sa i enn.  Building ki size sa batiman pou sa proze 14 milyon la.  Eski i osi i ganny tender?  Ou’n koz lo revwar package bann foreign workers, eski ou osi pe revwar lanplwa foreign workers?  Eski nou pou kontinyen avek Nepale oubyen i annan en lot outsourcing ki nou pe fer vizavi foreign workers konman sekirite?  Apre i annan sa de gro Kontra ‘’security and enforcement’’ ok.  Eski sa osi tou – petet mon pa konnen si i posib pou ou devwale, lekel ki  pe ganny sa bann Kontra ?  Oubyen si Kontra in ganny tendered?  Mersi Mr Chairman.

MR SPEAKER

Apre nou a vin kot Onorab Hoareau pou re kontiny ou kestyon, oubyen i parey menm?  Ou le poz lo sa ki Onorab Prea in poze ?  Ale poz ou kestyon.

HON JOHN HOAREAU

Non Mr Speaker i pa ti ankor reponn en 2enm kestyon ki mon ti demande.

MR SPEAKER

Re dir ou kestyon.

HON JOHN HOAREAU

Mon ti pe demann li lo enn son bann ‘’current challenges’’ se contraband ki antre dan Prizon.  So mon ti pe  demann li kwa dan sa Bidze ki pe prevwar, ki pe ganny allocate pou li kapab zisteman curb down lo sa bann contraband ki pe antre dan Prizon.

MR SPEAKER

Lo contraband, Sirentandan.  Apre ou a reponn kestyon Onorab Prea.

SUPERINTENDENT MR VIC TIRANT

Mersi Onorab.  An term contraband mon krwar poudir, well mon pa krwar mon konnen poudir nou’n recently la nou’n avek pti git resours ki nou ti annan, nou’n fer laranzman ki nou’n met en container anler dan larantre Prizon, ki nou’n fer li vin en search room; e tou dimoun nou’n met en gate avek, nou fer sir ki tou dimoun avan ler i kapab akse Prizon i bezwen pas ladan.  There’s no other way pou ou antre dan Prizon si ou’n vin Prizon.  Ou pou bezwen antre dan en laport, sorti par lot laport e la ou, ou pou anndan dan Prizon.  So nou pe seye pou nou fer ki nou sey koup en pe sa bann kontrabann ki nou konnen ki pe antre dan Prizon ok ?  E mon kapab asir ou ki nou pe anmase en bon pe bann kontrabann ki pe aktyelman antre dan Prizon.  Ok?

 

MR SPEAKER

Onorab Prea kestyon.  Lekel sa 2 gro konpannyen.

SUPERINTENDENT MR VIC TIRANT

Wi epi sa Kontra sa Kontra pou nou bann foreigners; nou bann foreigners i ankor still la pe travay nou pe demande avek Gouvernman pou nou revwar nou bann dimoun ki nou pe anmennen; petet pa konnen si Minis ti a kapab dir en pti keksoz lo la me selman nou pe still kontinyen rod services of bann dimoun ki pe vin travay pou donn nou en koudmen dan nou travay kot Prizon.

MR SPEAKER

Minister Mondon ou oule pran la parol ouswa ou a esper taler?  Minis.

DESIGNATED MINISTER MRS MCSUZY MONDON

Bonzour Mr Chair.  Bonzour tou bann Onorab.  Mr Chair wi Gouvernman in konmans en serten demars atraver Minister Foreign Affairs avek Gouvernman Tanzanian pou nou kapab recruit en pe bann travayer sorti la Tanzanie pou vin travay kot Prizon Montagne Posée.  E nou pa ankor ganny en larepons defini lo la me selman bann demars i an plas, e nou pe panse ki sa i ava ganny en rezilta pozitiv.  E sa i ava permet nou zisteman ranplas en pe bann lezot travayer etranze ki nou annan dan Prizon Montagne Posée.  Mersi Mr Chair.

MR SPEAKER

Onorab Prea.

HON NICHOLAS PREA

Mersi Mr Chairman pou donn mwan laparol.  Zis pou fer en pti follow-up lo sa ki Minis Mondon in dir.  Dan vizit ki nou ti fer Maurice ti annan en MOU nou ti sinyen vizavi pou fer serten lesanz ant Maurice ek Sesel.  La mon tann ou pe dir nou pe regard posibilite pou nou recruit Tanzanian.  Me dan sa laranzman avek Maurice napa okenn posibilite recruitment la Minis.

MR SPEAKER

Minis Mondon.

DESIGNATED MINISTER MRS MCSUZY MONDON

Onorab mon pa asire, mon pa ankor vwar Lagreman mon pa konnen si i kouver osi recruitment, me selman mon konnen i kouver serten lezot keksoz parey lesanz, training, me selman sa osi i ava en posibilite.  Ok?  Mersi.

MR SPEAKER

Onorab ou ok?  Onorab Prea.

HON NICHOLAS PREA

Mr Chairman mon annan zis lezot kestyon ki mon’n poz Sirentandan i pa ankor reponn.  Mersi.

MR SPEAKER

Sirentandan pa ankor reponn wi.  Oubyen CI Dodin.

SUPERINTENDENT MR VIC TIRANT

Onorab Prea in demann nou zafer uniform.  Ok, uniform ki nou annan se ki Gouvernman ti fer vin latwal.  Tou bann latwal ki ti fer vini through en supplier ki ti vin Sesel.  E sa bann latwal pe ganny koud par en Lakonpannyen lokal, me i annan osi ki nou fek pe koz avek en dimoun ki pe supply Lapolis dan son bann uniform, mon’n fek resevwar li kot Prizon.  Nou pe vwar osi si i annan posibilite ki nou kapab ganny serten – par egzanp bann combat uniforms ki nou pou servi pou nou bann dimoun ki pe travay lo field, ki nou pa pe gannyen lokalman oubyen ki nou nou’n al vwar poudir i pe kout nou en kantite i kou en bon pe ser.  So nou pe sey vwar tou bann posibilite kot nou kapab koup, as much as possible depans ki Prizon i fer ok?  Me selman les mon a met zot en pti pe dan portre ki Prizon nou’n fer recently mon krwar sa ti byen ganny resevwar par Assurances Committee letan nou ti koz ek zot.  Avan ki nou pran okenn desizyon.  Avan ki mwan mon pran okenn desizyon, nou’ n apwent en Komite, en pti Komite kot Prizon, ki vwar tou bann tenders ki nou pe al fer sorti avek dimoun.  So sa i ganny diskite lo nivo 3 Zofisye oubyen 4 zofisye mon krwar.  Zot, zot al diskit over sa bann tenders ki nou’n donnen letan nou’n resevwar, e zot zot guide The Superintendent on decisions ki pou pran vizavi servis ki nou pou aste avek en dimoun.  So zis pou montre zot poudir dan latransparans, nou pe fer byen, nou pe sey montre poudir tou keksoz nou pe sey ouver li avek sa bann posibilite.

MR SPEAKER

Onorab Prea ou ankor annan en kestyon ki pa ankor reponn?

HON NICHOLAS PREA

Mr Chairman mersi.  Mon annan ankor 2 kestyon – anyway petet zis lo kote uniform.  Eski sa bann uniform, sa latwal ki’n antre, whoever ki pe koud  la sa bann uniform, eski in pas atraver sa Komite parey ou pe dir oubyen sa Komite fek ganny set up?  Apre mon 2 lot kestyon i lo sa building.  Akoz Mr Chairman sa building ler ou regarde 2018 i annan en Bidze 13.7 milyon, 2019 i kontinyen 10.8 milyon, e 2020 i annan ankor 10 milyon ki fer li par lao R30 milyon.  So sa rezon ki mon pe demande eski i osi in ganny tender?  In go through proper tender e ki size sa batiman?  Apre sa 2 Kontra lo ‘’security enforcement.’’  Mersi.

MR SPEAKER

Sirentandan.

CI SAM DODIN

Mersi Mr Chair.  Pou proze ki Sirentandan in mansyonnen i annan sa 4 proze.  I annan enn i ganny divize an 2 e parey nou’n dir lo SIU, additional work lo SIU ki i annan 2 eleman lo li; nou annan en eleman pou nou konplet lakwizin pou bann foreign manpower e zot dormitwar e sa i lo 250 met kare.  250 e sa lot proze i osi lo apepre 250 met kare ki fer 500 met kare pou sa enn proze – ok?  E konstriksyon Medical Clinic i en proze ki’n ganny mete lo 468 met kare e proze Lakwizin pou agrandi nou storage facility osi e sa proze i lo 600 met kare.  E pou konstriksyon nouvo Admin Block nou ankor dan prosesis pe evalye en pti pe landrwa e pou nou kapab vin ek en konsep – so pou le moman nou napa square metre lo sa.  Be selman due to year – financial year nou’n try to apply for budget lo li pou nou kapab fast track.

MR SPEAKER

Ok?  Onorab Prea.

HON NICHOLAS PREA

Ok, yes.  Mr Chairman mon, ok, petet nou a fini lo sa enn.  Ler nou pe kalkile son pri pe tonm apepre R28 mil par met kare, ki way above the norm ki GICC i vin dir nou isi dan sa Lasanble, ok?  Apre mon annan sa kestyon lo ‘’security and enforcement’’ li osi bann gro sonm.  Kontra, ki mannyer Kontra in ganny donnen si in ganny properly tender out.  Mersi.

 MR SPEAKER

Sirentandan oubyen CI Dodin.

SUPERINTENDENT MR VIC TIRANT

Onorab sa Kontra ki ou pe koze lo ‘’security and enforcement’’ nou pa pe pey okenn Lakonpannyen pou ‘’security and enforcement.’’  Ki nou  pe fer se ki nou pe pey bann travayer foreigners endividyelman isi.  Ok?  La nou prezan nou nou’n fer sa nouvo Kontra, ki fer ki nou pe ganny en nouvo Kontra avek bann diferan sonm.  Selman nou pa pe pey okenn Lakonpannyen as to where saler i vini pou sa bann dimoun.  Nou pe pey sa bann dimoun direk.

 MR SPEAKER

Onorab Mondon.

HON TERENCE MONDON

Mersi Mr Chair.  Bonzour tou dimoun.  Mon annan 2 pti kestyon premyerman ler mon get paz 230 anba ‘’wages and salaries’’ mon vwar depi 2016 i annan en gran logmantasyon 14.7 milyon pou vin 18 milyon an 2017 e la nou pe koz 24.9 milyon.  Mon’n antann leksplikasyon ki’n donnen pli boner lo sa 24.9 milyon, mon anvi konnen sa bann ogmantasyon ki fason, kwa ki i reprezante an term ogmantasyon saler pou bann travayer, ki pe travay Prizon.  Si ou kapab dir mwan apepre an mwayenn par konbyen sa bann dimoun ki pe travay Prizon pou benefisye avek sa gran ogmantasyon dan saler.  Sa mon premye kestyon.  2enm kestyon ler mon fer en senp kalkilasyon mon vwar poudir sak Prizonnyen i pe kout pep Seselwa R18mil R800 par mwan baze, zis lo sa Bidze an total.  E si nou pran zis ‘’goods and services’’ i kout nou pei 11,350 par mwan.  Sak Prizonnyen i kout nou pei.  Mon anvi konnen  dan ou ‘’priyorite stratezik’’ parey ou’n mete pou devlop bann loportinite pou financial soutenabilite finansyel, mon anvi konnen egzakteman, kwa ki ou pou fer, pou kapab rod fason pou redwir sa sonm ki i kout nou pei, ki sak Prizonnyen pe kout nou pei.  La mon pe pran an term zis ‘’goods and services’’ ki kout nou pei 11,350 par mwan.  Mon anvi konnen kwa ki ou pou fer pou kapab anmenn en soulazman osi pou nou pei.  Mersi.

 MR SPEAKER

Sirentandan.

SUPERINTENDENT MR VIC TIRANT

Mersi Onorab nou pou reponn ou kestyon an 2 porsyon.  Mwan mon pou reponn li an term mon loperasyon e CI i a reponn li lo lot bout.  Pou nou redwir cost lo Prizon lo Bidze Nasyonal parey ou pe demande nou proze avek nou plan reform ki nou fer mon krwar nou’n konmans montre ki nou pe bouze avek pou bann progranm ki nou pe fer.  E yer ti en legzanp kot nou’n bouz nou dimoun pe mont Coëtivy, bann dimoun pe al travay e prodiksyon pe al ganny fer Coëtivy pou nou kapab esey fer nou vin ne pti pe sustainable dan nou depans.  Sa ki nou pou prodwi, nou pou repartir li en pe dan Prizon.  E nou swete ki sa i arive pou nou kapab fer redwir cost of Bidze ki nou demann Gouvernman.  Lot kote mon a dir CI Sam pou li reponn ou lo bann zafer –

MR SPEAKER

CI Dodin.

CI SAM DODIN

Mersi Mr Chair.  Zis pou azoute parey mon’n dir oparavan, even though nou pe vwar increase dan saler, i pa neseserman en increment dan saler staff.  Me i annan pou fer avek additional staff ki nou pe recruit.

MR SPEAKER

Onorab Mondon.

HON TERENCE MONDON

Si i kapab donn nou detay an term additional staff konbyen ti annan avan, konbyen zot pou gannyen sa lannen an term etranze avek Seselwa.

MR SPEAKER

CI Dodin.

CI SAM DODIN

An term staff mon pou al par nou bann major programme areas.  Parey nou annan 3 progranm.  Nou premye Administration and Governance nou annan nou 15 staff aktyelman e nou pou recruit en total 27 by lannen 2018.  So nou pou sorti lo 15 nou pou mont 27.  E osi pou custodial nou annan 25 vacancy post ki la,  e ladan parey mon’n dir 7 nou’n mete pou top up li, pou vin 25 savedir bann vacancies ki available, ki nou pou fill sa bann pos.  E osi in terms of Rehab nou annan 3 Rehabilitation programme.  Nou annan nou 3 vacancies ki nou anvi met dimoun ladan pou lannen 2018.

MR SPEAKER

Ok.

CI SAM DODIN

Yes, for manpower i anba custodial.  Selman pou annan

En tandans pou kit zot apar, akoz zot pa lo nou payroll; zot pa ganny peye anba ‘’salaries and wages’’ rather anba ‘’goods and services.’’ 

 MR SPEAKER

Onorab Ramkalawan.

HON WAVEL RAMKALAWAN

Mr Chairman i annan serten larepons ki nou pa ankor gannyen, ki pa kler.  E mon ti ava kontan ki nou ti ganny sa bann larepons dan en fason kler.  Premyerman Uniforms, eski zot in pas dan prosesis tender pou koud sa bann uniform – wi oubyen non?  Dezyenmman Sekirite, eski ankor enn fwa in annan en prosesis tender?  Trwazyenmman pou sa batiman eski in annan prosesis tender ?  E eski zot pe osi servi mendev Prizonnyen pou bann kondannen pou fer sa batiman ?  Mon ti ava kontan ganny sa trwa larepons kler e apre mon annan en lot kestyon direkteman lo loperasyon.

MR SPEAKER

Sirentandan.

SUPERINTENDENT MR VIC TIRANT

Mersi Onorab.  Nou a konmans batiman.  Ok?  Batiman nou pa ankor tender.  Batiman nou fek ganny larzan la, so nou pe al fer prosedir pou nou tender batiman.  Ok.  Sa nou pa ankor nou fek ganny larzan avek Bidze la ki si i vote nou ava pas li through tender pou bann dimoun vin fer sa bann batiman, ki nou pe koze.  Sekirite – sekirite  nou pa ankor fer tender ek personn.  Akoz …

HON WAVEL RAMKALAWAN

….(Mic Off)

 

SUPERINTENDENT MR VIC TIRANT

Pardon ?  Sa ti existing sa, sa ki nou’n erite i la li.

MR SPEAKER

Yes Onorab Ramkalawan ou oule klarifikasyon?  Yes Onorab.

HON WAVEL RAMKALAWAN

Sa i existing ki ariv sa gro sonm, 25 milyon apepre.  Sa i existing. Ok.  Ki zot pe fer – kan i fini sa, kan i fini sa e ki ou pe al fer pou letan i fini?

MR SPEAKER

Sirentandan.  Wi CI Dodin.

CI SAM DODIN

Mersi Mr Chair.  Apre ki nou’n revwar nou striktir avek local manpower nou pe vwar ki dan nou sistenm nou pe met apepre 84 foreign manpower.  E sa pou kout nou en sonm lannen prosenn pou kout nou en sonm apepre R16 milyon parey nou’n vwar anba ‘’security and enforcement.’’  Prezan, sa lannen nou annan  nou 73 zofisye ki deza la, as we speak today e apepre 10 ladan zot Kontra pou fini by end of December.  E lannen prosenn letan nou pou konmanse as January nou pou annan 64 sa bann zofisye e zot Kontra pou fini throughout the year of 2018.   E once zot Kontra i fini nou bezwen replenish back anba – parey Sirentandan pe dir anba sa nouvo peyman.  Parey nou ti vin devan Lasanble lannen pase, nou ti annan bann saler $1500, $1200 e $700.  E nou’n revwar ki nou pou pey lo bann sonm 950 a $900 e pi en supervisor $1200.  E as ki nou recruit lannen prosenn savedir nouvo dimoun i antre nou pou pey lo sa bann nouvo saler.

MR SPEAKER

Onorab Ramkalawan.

 HON WAVEL RAMKALAWAN

Mr Speaker mon pe demande, eski se Prizon ki pou fer recruitment?  Eski zot ki pou fer recruitment – direkteman parey letan zot pe anploy en Seselwa?  Oubyen eski zot pe rod en middleman pou fer sa ?

SUPERINTENDENT MR VIC TIRANT

Normalman nou fer li through prosedir parey Gouvernman i dir ; nou fer tou nou bann konmansman nou fer li through Ministry of Internal Affairs epi ler pou fer recruitment li menm sa zonm se Prizon ki pou fer.  Se Sirentandan Prizon avek whoever son zofisye ki pou interview sa bann dimoun pou nou ganny sa bann dimoun pou vin travay pou nou.

HON WAVEL RAMKALAWAN

Savedir Kontra ki nou pe koz lo la pou ganny sinyen par Internal Affairs – non pa par Prizon.

SUPERINTENDENT MR VIC TIRANT

Prizon avek sa endividi.  Wi.

HON WAVEL RAMKALAWAN

Mon lot kestyon lo uniforms.

MR SPEAKER

Tender. Sirentandan.

CI SAM DODIN

Pour uniform staff, pou uniform kondannen, nou pe koud uniform ek bann pti suppliers around.  Pou uniform staff nou’n fini draft en Lagreman pou nou fer sa dimoun sinyen.  Sirentandan ti pe koz lo uniform Prizonnyen kot sa nou donn bann pti supplier bann dimoun around pou en lavaler kekfwa 20 thousand ki pa sot nou threshold 3 quotes at least bann individual around.  Me pou staff sa nou’n fini draft en Lagreman, en Kontra ki nou’n anvoy kot POU pou analize e fer sir tou keksoz i annord, me nou pa ankor issue sa enn Kontra.

MR SPEAKER

Onorab Ramkalawan.

HON WAVEL RAMKALAWAN

Letan ou pe dir ou’n fini drafte en keksoz, eski ou pe dir nou ki la aprezan i pe al through the tender process?  Eski se sa ki ou pe dir oubyen ou’n fini ganny en dimoun ki ou pe zis fer en formalite ?

MR SPEAKER

CI Dodin.

CI SAM DODIN

Lagreman ki’n ganny draft pa ankor ganny issue avek personn.  E – sa definitivman i depan son amount i pou al lo prosesis tender or which schedule ki i tonbe anba regulation.

HON WAVEL RAMKALAWAN

So i al lo tender – (Mic Off)

 MR SPEAKER

Wi, wi nou pe rod klarifikasyon e – go ahead.

HON WAVEL RAMKALAWAN

Savedir la napa okenn dimoun ki pe koud uniform staff e ki tou keksoz pe al dan tender process, dan en fason transparan, normal pou nou vwar?

MR SPEAKER

CI Dodin oubyen Sirentandan.

SUPERINTENDENT MR VIC TIRANT

Pou uniform en pe mwan deryer letan nou ti’n fek vini, ti annan latwal parey mon ti eksplike.  Ti annan latwal ki ti pe order pou aste, pou fer koud uniform, pou bann staff Prizon.  E sa bann latwal letan ti ganny – ti donn avek –  ti annan en supplier ki ti aste sa bann latwal, ki ti ganny peye.  Prezan  nou ansyen – HR – nou ansyen DG ti fer request of 3 tenders pou koud uniform.  E i ti gannyen 3.  I ti gannyen 3, wi ti gannyen 3 dimoun pou fer koud uniform.   Me nou, nou pa ankor issue avek sa enn ki sipoze in gannyen or the cost pli ba or pli o whatever the cost ki ete.  Nou, nou pa ankor issue sa dokiman sanmenm sa ki nou, nou pe fer pou issue  avek sa dimoun.  Selman ti ganny aksepte 3 quotation mon krwar ki  ti vin kot sa endividi.

MR SPEAKER

Onorab Ramkalawan.

HON WAVEL RAMKALAWAN

Mr Speaker i annan konfizyon, lo sa zafer Uniform.  E mon sipoze zot konnen ki nou fer ler i annan konfizyon, ziska ki nou ganny leklersisman.  La pou le moman i annan konfizyon – lo sa kote uniform prosedir e tou.  Enn ler ou ganny lenpresyon ki poudir, i annan dimoun in fini gannyen pe koud, enn ler ou ganny lenpresyon ki poudir napa nanryen ki’n koud.  Napa nanryen ki pe fer.  E bann larepons mon bezwen dir ki pe sorti kot bann Lotorite, Prizon i pa kler.  Mr Speaker dan sa ka lefe ki keksoz pa kler it’s not above board nou pou demande ki nou freeze en pe la.  Annou freeze e sa i ava ganny klersi.  Nou pa pe koupe.  Nou pa pe koupe – nou freeze pou ki sa i ganny klersi an menm tan osi ou lo Komite High Level laba zot ava nobou ganny sa dan en fason kler.  E apre lo sa kote sa batiman, ki Mr Tirant in dir ki la prezan ki zot pe balans – ki zot pe ganny larzan ki zot pou al – me selman zot in bezwen pour ki en sif 13 milyon, i vin dan Bidze, zot in bezwen kanmenm fer serten kalkil e kestyon ki mon pe demande la, se eski sa 13 milyon i balans avek bann kalkil ki zot in fer?  Eski i vreman realis?  E parski la pou 2018 nou  pe koz 13 milyon, pou 2019 nou pe koz 10 milyon.  Nou pe koz 23 milyon la, e son lot lannen ankor en lot 10 milyon!  So nou ape koz 33 milyon e 33 milyon nou pe koz en batiman, en batiman parey Caravel House anvil.  So eski sa bann chiffres la i kler, oubyen eski i annan keksoz ki nou bezwen tal ankor pou nou vwar byen ?  Ed nou.

MR SPEAKER

CI Dodin apre nou a donn laparol Onorab Sebastien.

CI SAM DODIN

Mersi Mr Chair.  Pou 2019 ek 2020 it is just the ceiling ki la.  As ki Ministry of Finance i fer son forecast lo nou PSIP, zis ceiling ki la nou pa ankor appropriate li avek proze – ok? I bann forecast ceiling lo nou Bidze.  Pou bann proze yes nou ti annan MLUH, zofisye MLUH ki ti vin mezir landrwa concept building ki’n donn nou bann paramet square metres.  Zot ti vini on site MLUH, nou servi bann teknisyen MLUH pou vin ed nou dan sa estimasyon.

MR SPEAKER

Wi Onorab.

HON WAVEL RAMKALAWAN

Mon trouv i drol sa mo ceiling. E petet la Finans ti ava kapab dir nou en ceiling ou a ganny en chiffre ron ou a ganny en 10 mil ou a ganny en 15 mil, be sa sif la i 10, 810mil.  10. 810 milyon ki vedir i pa zis en ceiling sa.  I en keksoz pli spesifik.  Sel keksoz ki manke avek li se konbyen sou.  Ti’n kapab azout 75 sou e parski i en –

MR SPEAKER

PS Payet ou oule dir en keksoz lo la pou klarifye anmenn en pe lalimyer dan Lasanble?

PS PATRICK PAYET

Mersi Mr Chair e bonzour tou Manm Onorab e tou dimoun ki a lekout.  Zis pou azoute si nou pran lo paz 25 PSIP nou pou vwar ki i annan detay tou bann proze 2018, 2019 ziska 2020.  So i annan bann proze ki’n ganny allocate lo sa 10.8 milyon avek sa 10 milyon 2020 osi.  I annan bann lezot proze.  So i lo paz 25 – PSIP.

MR SPEAKER

Onorab Sebastien Pillay.

HON SEBASTIEN PILLAY

Mersi Mr Chair.  Mr Chair mon krwar i enportan ki nou klarifye sa ki’n ganny demande pou klarifye.  Kestyon i senp, eski i annan okenn dimoun ki pe koud liniform ozordi – si wi oubyen non?  Eski i annan okenn dimoun ki’n fini ganny Kontra pou koud liniform – si wi oubyen non ?  Eski i annan okenn tender ki’n ganny fer pou okenn dimoun koud liniform – si wi oubyen non ?  Ler nou’n reponn sa wi oubyen non, nou a klarifye laplipar sa bann keksoz.  Mersi.

MR SPEAKER

Mon krwar sanmenm sa kestyon ki Onorab Ramkalawan ti’n demande.  Onorab – pardon Sirentandan Tirant, kestyon i kler – eski mannyer nou’n konpran si mon’n konpran byen, konmsi nou pa ankor donn personn, tou le 3 tender in gannyen, en DG avan in fer, me i pa ankor fer nanryen; eklersi nou en pti morso lo la kot nou ete.  Mon krwar sa kestyon i kler.

SUPERINTENDENT MR VIC TIRANT

Wi parey mon ti eksplike petet mwan ki pe mal eksplike oubyen kwa.  Parey mon ti eksplike se ki ler ti  fer donn sa tender pou koud uniform ti annan en tender process ki ti pase ki 3 dimoun ti anvoy zot quotation, ti vin kot sa dimoun ki ti responsab kot nou.

 

(Mic Off)

 SUPERINTENDENT MR VIC TIRANT

Pardon? wi wi, pe koud wi.

 

MR SPEAKER

Be si pe koud savedir in deza donn en tender.  Sirentandan. Be si pe koud Sirentandan savedir i annan en dimoun ki’n ganny tender in ganny pou li koud.  E lekel sa dimoun mon krwar sa dimoun pe rode. En pe leklersisman.  Onorab Ferrari letan zot pe diskite wi ou kapab demann ou kestyon.

HON JEAN-FRANCOIS FERRARI

Non, non mon ti anvi zis demann avek Sirentandan.  Par egzanp i dir nou poudir latwal in vini, in ganny allocate en dimoun.  In ganny allocate latwal i la, sa latwal ki zot ti resevwar ler zot ti aste, ki zot in sipoze vann avek en dimoun.  Mon pa konnen oubyen donn avek en dimoun ki evantyelman pou koud?  Zot in donn sa latwal en dimoun e sa dimoun pe koud?  Egzakteman.  So ki mannyer zot in donn sa latwal.  In donn li oubyen? Zot in donn li e i pe koud – akoz zot in donn li sa latwal i pe koud.  Lekel sa dimoun ki pe koud baze lo sa latwal ki zot in donn li ?  Se osi senp.

MR SPEAKER

Mon krwar zot in konsilte zot de la CI Dodin ou oubyen Sirentandan i devret anmenn leklersisman?

SUPERINTENDENT MR VIC TIRANT

Ok sa Lagreman ki nou ti pe al anmenn kot sa madanm pou koud, ki’n ganny aksepte i apel Gift World.  Yes.  Son lakonpannyen i apel Gift World.  Ok?

(Interruption)

 MR SPEAKER

Hold-on, order! les li fini.  Sirentandan kontinyen dir nou Gift World e dir li si li ki ganny latwal.  Eklersi nou en pe.

SUPERINTENDENT MR VIC TIRANT

Ok li sa endividi Gift World in ganny sa Kontra pou li koud sa bann lenz pou Prizon.

MR SPEAKER

E i pe koud?

SUPERINTENDENT MR VIC TIRANT

In konmans koud.

MR SPEAKER

Ok.  Onorab Ramkalawan.

 HON WAVEL RAMKALAWAN

Mr Speaker nou anvi petet zis dir non si nou fer nou homework avan nou vin la nou fer nou homework nou konnen ki poudir latwal i Providence dan batiman Leve Debrouye e pe ganny koud e ki napa okenn tender.   Se sa ki nou pe rode.  Nou konnen egzakteman kot i ete.  E sa prosedir ki pe – sa ki nou pe tous lo la i kont tou bann prosedir ki nou pe – i kont tou bann prosedir finansyel.  E ki si nou, nou pe rod lager kont sa bann keksoz ki kapab annan koripsyon, nou pa kapab aksepte sa ki pe arive.  I enposib pou aksepte, e Minis i bezwen met en soz e alor Mr Speaker tan ki prosedir pa ganny swiv byen, nou pou demande ki imedyatman sa sonm ki la i ganny frozen.  Nou konnen ki poudir Prizon i bezwen uniform, me selman la i annan en problenm.  I annan en problenm prosedir pa’n ganny swiv e nou, nou pa kapab aksepte si sa i pase.  So Mr Speaker sa i ganny frozen.  E an plis ki sa Mr Speaker i pou – nou pou osi trouv li difisil vi ki tou bann plan pa ankor, konmsi zot pa ankor ganny en lide konkret lo sa 13 milyon, ki nou pe koz lo la ki deza dan Capital Project ensidswit ki – I’m sorry mon krwar ki nou pou bezwen konman en Lasanble responsab met en freeze lo la ziska ki keksoz i vin kler ; parski sansan nou menm apre ki pou bezwen al fer sa netwayaz.

MR SPEAKER

Mersi Onorab mon a donn laparol Minis Mondon, Designated Minister apre mon a donn laparol Onorab Gill.

DESIGNATED MINISTER MRS MCSUZY MONDON

Mersi Mr Chair.  Mr Chair mon ti pe zis al dir nou kapab demann Prizon pou al rod tou ban dokiman, tou bann lenformasyon ki i annan avek bann prosedir ki in fer, kot i konsern Uniform.  E zot kapab al rode epi provide sa lenformasyon pou nou kapab apre kapab pran en desizyon kot i konsern uniform pou Prizon.  Mersi Mr Chair.

MR SPEAKER

Tre byen. Mersi.  Wi en pti moman, en pti moman nou pou vin lo sa lot gro sonm osi sa ceiling la.  Les mwan – annou ekout Onorab Gill apre nou a pran en desizyon ki nou pou fer si nou pou retournen -nou a koz lo la en pti moman.  Onorab Gill.

HON SIMON GILL

Bonzour Mr Speaker.  Bonzour Designated Minister ek ou lekip.  Bonzour tou koleg Onorab.  Bonzour tou Manm piblik.  Mr Speaker mon osi mon oule ganny serten leklersisman lo non tou bann dimoun Lasanble ki la, e manm piblik.  Mon krwar i annan serten lenformasyon kle ki bezwen eklersi.  E mwan mon ankor pa kler ziska konmela.  I annan en prosedir tender pou koud liniform ki’n ganny fer; premye keksoz.  I annan en prosedir ki Mr Tirant in dir.  I annan en prosedir tender pou kou liniform.  Ti annan 3 dimoun ki’n donn son quotation pou koud liniform.  Ladan i annan en ki zot in deza vwar son pri or ki zot annan leksperyans travay avek ki i bon.  Me 2enm eleman ki zot pa ankor award sa tender sa enn dimoun or sa Lakonpannyen ki’n sipoze donn en pli bon pri.  Kestyon se akoz ?  Akoz?  Now baze lo lenformasyon ki’n sorti ki Onorab Ramkalawan in donnen la e ki’n ganny konfirmen se ki menm si sa prosedir tender in ganny fer, avan menm prosedir tender i ganny konplete, in deza annan en desizyon ki’n ganny pran ki latwal in sorti dan lanmen Prizon in al kot en dimoun.  Sa nou’n tann dir Onorab Ramkalawan dir ‘’Leve Debrouye.’’  Now sa ‘’Leve Debrouye’’ la eski depi lontan i annan en tradisyon atraver bann lannen ki’n pase, pou koud liniform pou Prizon?  Eski sa i leka ?  Si nou ganny sa kler nou ava kapab pe ganny en lenformasyon adisyonnel ankor mwan mon pe kestyon devan.  Eski sa landrwa ki pou ganny sa latwal pou koud liniform pou Prizon eski lontan i annan en relasyon travay avek Prizon?

MR SPEAKER

Ok.  Kestyon i kler Onorab, ou kestyon i kler.  Be selman mazinen ki sa Minis Dezinyen in fek dir, i annan en nesesite pou rod bann dokimantasyon pou anmenn bokou plis laklerte lo sa bann konsern, ki Lasanble i annan.  I bann konsern reel.  Nou’n ganny dir si mon kapab fer en somer, nou ganny dir par Sirentandan ki latwal pe kou, liniform pe koud e in dir Gift Box, oubyen en Gift something.  Gift World, pardon.  Gift world ki pe fer.  Be prezan nou sa ki nou pe rode, se ki Onorab Ramkalawan pe rode se eski in swiv process normal?  E Onorab Ramkalawan konman Chair FPAC, i annan drwa pou demande akoz i pe anvi konnen si bann regilasyon finansyel in ganny swiv.  E Minis  in donn nou en garanti ki a rod sa lenformasyon, i ava anmennen se sa Minis, ou ava anmenn devan Lasanble e si pou freeze oubyen i pa pou freeze, oubyen si pou redwir oubyen pa pou redwi nou ava al diskit sa dan lalimyer sa lenformasyon ki Minis pou anmennen pou donn nou.  Onorab Ferrari.

HON JEAN-FRANCOIS FERRARI

Mersi Mr Speaker.   Mon annan en kestyon lo menm stil kestyon, e sa i konsern whilst nou konman en Lasanble e konman en Manm FPAC mon apresye serten statement ki Sirentandan in fer lo rod bann meyer pri  pou bann suppliers dan Prizon.  Mon ti a kontan demann li, eski i annan, akoz sa i partou across Gouvernman ; eski i annan bann lezot sityasyon kot i annan bann Kontra ki ti egziste avan, ki zis zot in rollover  konmsi pou dir be sa dimoun ti abitye koup l’herbe la be nou a gete nou a kontinyen fer li koup l’herbe akoz i abitye koup l’herbe la.  Kanmenm Kontra in fini zot pa re tender zot in aziste.  Eski i annan lezot apard koud lenz, eski i annan lezot sa bann Kontra.  E mon pe demann sa kestyon akoz si rolling over avek bann dimoun ki’n abitye travay, i pa strikteman legal; ou bezwen re tender ler ou bezwen – pour ki toultan ou pe ganny bann bon pri.  Alor eski i annan dan supply manze oubyen dan supply lot, lot, lot sa bann tender ki zot in roll over?  Sa i mon kestyon.

 MR SPEAKER

Apard sa kestyon liniform?

HON JEAN-FRANCOIS FERRARI

Apard sa kestyon liniform.

MR SPEAKER

Ale demann ou lot kestyon Onorab.

HON JEAN-FRANCOIS FERRARI

Mon 2enm kestyon se ki mon ti a kontan si Sirentandan i dir nou, si son problenm transpor in ganny adrese, akoz i pa’n lev sa problenm.  Eski bann transpor i annan transport, dan milye lannen pase i ti pe ganny en pe shortage transportasyon, masin loto, pickup sa bann keksoz koumsa.  Sa i 2enm.  Mon 3enm kestyon, mon vwar poudir Minis anba Rehabilitation  and Re integration i annan plizyer progranm.  Eski Sirentandan, eski  ou pa’n kapab devlop en progranm Koudriyez, en progranm pou bann madanm e bann msye Prizonnyen pou zot kapab dan ou pe rod sa sustainability, eski ou napa en progranm koumsa e ki ou ti a kapab vini lannen prosenn dir nou poudir tou ou lenz, liniform e Prizonnyen e staff pe ganny koud dan Prizon e nou’n fer en saving?  Eski ou pe al dan sa direksyon?  Mersi.

MR SPEAKER

Sirentandan 3 kestyon la ki mon krwar i pertinan.  Ou le reponn oubyen ou le CI Dodin reponn?  Kontra, transport, koud lenz dan Prizon.

SUPERINTENDENT MR VIC TIRANT

Mersi Onorab.  Ok mon a konmans par sa zafer koud lenz ki ou’n koz lo la.  Nou annan, nou annan 2 madanm ki normalman koud bann lenz pou bann madanm anndan.   E mon krwar pou nou kapab fer sa mwan mon ti a swete osi ki Prizon ti kapab fer li akoz ler nou ti al vizit Prizon Maurice nou ti vwar poudir bann kondannen Morisyen pe fer soulye, pe koud lenz, pe fer tou keksoz.  E dan nou Progranm Reabilitasyon fotespere ki nou kapab avek nou Direkter Reabilitasyon, nou kapab entrodwir bann dimoun  pu fer zot aprann koud pour ki demen nou a kapab servi zot pou kapab fer ki nou – ankor nou anmenn cost down to Bidze Prizon.  Zis zot koud pou Prizonnyen.  Ok?

Pou problenm transpor  mon krwar poudir nou problenm transpor pou al ganny rezourd avek sa larzan ki’n ganny unfrozen, sa larzan ki ti freeze dernyen fwa, mon krwar nou pou ganny sa larzan la pou nou kapab aste transpor.  Me ankor en lot zafer ki nou pe bezwen fer en sprint pou nou kapab aste akoz lafen lannen pe vini mon krwar si nou pa kapab pas li vitman, nou pou perdi sa larzan ankor.  So i fek ganny unfrozen la.

Lo bann lezot komodite ki nou pe aste avek bann servis ki nou ti pe gannyen par bann endividi, ki ti deza pe supply nou manze oubyen servis li menm, i annan ki nou’n based on sa bann delivery servis ki nou ti pe gannyen avan  avek pri ki nou’n kapab fer redwir, nou pe kontinyen avek serten sa bann dimoun.  So

MR SPEAKER

Onorab Ferrari.

HON JEAN-FRANCOIS FERRARI

Dan lentere ou Lorganizasyon Sirentandan mon ti a kontan demann ou si par egzanp ler ou renouvle en Kontra, en pli bon Kontra ki ou, ou zize en pli bon Kontra, eski ou pa rod en validasyon kek landrwa swa avek Minister Finans, swa avek Procurement Oversight Committee, atraver en korespondans?  Mon krwar sa i bann keksoz ki vreman enportan ki Prizon pa pran zis lo li menm li pou li fer sa, me i  rod validasyon, pou fer sir poudir sa Lagreman in ganny regarde par en lot Lorganizasyon e in ganny dir poudir i ok nou kapab move ahead.  Eski zot pe fer sa prosedir oubyen non?

MR SPEAKER

Hold-on en pti kou Sirentandan, mon krwar Onorab Ramkalawan ou annan en kestyon dan menm laliny.  Apre ou a reponn tou le de.

HON WAVEL RAMKALAWAN

Wi Mr Speaker parski la prezan lo sa ‘’security’’ anba ‘’other use of goods and services’’ i annan sa ‘’security and enforcement. ‘’ Sa sonm 16. 311milyon la ki mon krwar nou’n koz en pe lo la ki ankor enn fwa keksoz pa ankor tro kler.  I en gro sonm e petet mon ti pou propoze ki sa osi tou i vin anba sa bann lenformasyon konkret ki nou bezwen, e ki parski tou fason zot pou bezwen retournen ki sa osi tou nou ti ava kontan ganny lenformasyon konkret.  E apre sa i annan sa ‘’other service agreement 7.8 million,’’ tousala se bann gro sonm ki ankor enn fwa ganny en pe plis detay lo la.  Parski la pou le moman menm anba konmsi zis i en gro sonm pou nou ganny plis detay lo la, parski i pa satisfezan la pou le moman ki mannyer i ete. So si Minis letan ti retournen ti ava donn nou tou sa bann –

MR SPEAKER

Petet nou a met sa parmi bann lezot lenformasyon ki Sirentandan avek CI Dodin i ava anmennen.  I annan 5 lezot dimoun avan nou pran en Break ki ti a kontan poz zot kestyon, petet i ava fasilit keksoz si zot pou retournen pou anmenn klarifikasyon pou nou.  Mon ava donn laparol Onorab Henrie apre Onorab Adelaide.

HON GERVAIS HENRIE

Bonzour Mr Chair.  Bonzour tou dimoun.  Mon pou retourn en pti pe lo kestyon Reabilitasyon avek Reentegrasyon.  Mon krwar sa size drog parfwa i pe vin en pe konmsi en palto fann deryer pour ki en kantite- nou pe depans en kantite larzan.  E nou annan en Lazans ki pli tar dan nou deliberasyon nou pou get son Bidze  mon anvi konnen vreman ki plan Prizon pou sa size reabilitasyon drog ki zot annan en konponan bidzeter, right?  Akoz si zanmen sa Lazans i kapab fer en travay spesifik,  en progranm spesifik pou Prizon, mon vwar ki petet li i ti ava kapab annan en alokasyon bidzeter pou fer, e olye ki Prizon li menm i run en progranm e ganny en alokasyon bidzeter.  So  mon ti ava kontan konnen ki zot plan spesifik e ki nou, nou kapab mazinen alor si eski zot ki fer ouswa ki Lazans i annan en progranm spesifik avek zot.  Mersi.

MR SPEAKER

Sirentandan.

 SUPERINTENDENT MR VIC TIRANT

Mersi Onorab.  An term sa leklersisman drog dan Prizon nou, nou fer nou mye pou nou fer ki nou anpes drog antre dan Prizon.  E mon krwar tou bann sekirite ki nou pe sey met an plas par egzanp letan nou pe fer nou search room, larzan ki nou’n demande pou nou kapab fer en search room korek pou nou kapab met bann lenstriman, ki pou ede pou anpese ki drog i rantre dan Prizon.  E nou, nou fer as much ki nou kapab, me nou swete parey ou pe dir nou ti a swete ki si i annan  lezot Lazans ki la pou donn nou en koudmen osi, nou toultan pare pou nou aksepte pou anpese ki drog i antre dan Prizon. So wi si i annan nou pare pou nou fer li si Bidze i ganny donnen  pou kapab fer.

MR SPEAKER

Be petet ou ti pe koz Onorab Henri lo kestyon Reabilitasyon, son progranm lekel ki pe fer.  Mon ti a kontan zis azoute konman Vis-Chairman High Level Committee ki i annan en Komite ki pe regard sa e mwan mon lo la.  I annan manmzel Nourrice ki Head.  Nou kapab donn Lasanble detay zot progranm ki – ki pe ganny fer i annan diferan dimoun ki enplike – enkli SIFCO – ek Larelizyon osi.  Be nou  kapab donn li pou save letan, nou kapab donn zot en progranm.  Ou annan en lot kestyon parey Onorab Henrie, siplemanter ?  Oubyen ou ok. ?  Yeah.

HON GERVAIS HENRIE

Ok.  So nou ti ava welcome mon pran sa konman en lasirans ki nou pou ganny sa progranm, akoz nou anvi konn son konponan bidzeter pou nou vwar akoz sinon nou pe depans larzan isi laba.  Konmsi ki nou ava kapab channel sa bann larzan dan en sel landrwa.

 MR SPEAKER

Kestyon i bon.  Eski mon korek Sirentandan poudir  nou kapab don en kopi sa progranm?

SUPERINTENDENT MR VIC TIRANT

Yes sir.

MR SPEAKER

Ok.  Ale Onorab.

 HON GERVAIS HENRIE

Zis konman mon annan laparol petet en sizesyon akoz pou kestyon koup Bidze, ozordi i annan teknolozi, akoz mon’n vwar la kantite larzan ki zot pe depanse lo bann international calls ki zot pe donn bann foreign inmates, ki zot kapab apply dan Prizon.  Par egzanp bann software parey bann fibre, dimoun pe fer call lo WhatsApp ki zot kapab apply sa e fer ki koup zot kou telefonn.  Silvouple konsider sa.  Mersi.  E sa zot kapab sirveye si i dan en biro normal.

MR SPEAKER

Sirentandan.

SUPERINTENDENT MR VIC TIRANT

Nou  a konsidere Onorab.  Nou a regarde kwa ki nou kapab fer.  Parey mon pe dir nou mwan mon bi prensipal kot larzan Gouvernman i konsernen mon sey as much as possible pou sey koupe kot mon kapab.  Me ler mon pe dir koupe mon pa dir koupe pou nou fer met ditor dan keksoz. So kot nou krwar nou kapab koupe nou koupe.

MR SPEAKER

Onorab Adelaide.

HON FRANCOIS ADELAIDE

Mersi Mr Chair.  Bonzour a tous.  Mwan mon annan en pti kestyon lo ‘’uses of goods and services.’’  7 ‘’minor capital outlays. ‘’ I annan’’ acquisition of tool.’’  Mon vwar i annan 236 mil en lot seksyon i annan 158 mil. Apre en lot seksyon i annan 1. 105 milyon i fer en total apepre 1.5 milyon pou ‘’acquisition of tool.’’  Petet mon ti anvi ganny en lenformasyon apepre sa 5 tools ki  en pe pli ser ki Lotorite Prizon pe al aste.  Mersi.

 MR SPEAKER

Sirentandan oubyen Mr Dodin.

 CI SAM DODIN

Mersi Mr Chair.  In terms of tools parey nou pe vwar kot Rehab i bann lekipman en pti pe ki nou konsern avek pou fer fonksyonnen progranm Reabilitasyon.  Nou pe koz parey workshop, bann masin kekfwa ou pou servi dan workshop e osi bann mon kapab dir bann stationaries pou aste materyo pou fer bann laklas avek bann inmates.  Osi anba custodial program osi i annan sa tools – lakizisyon sa i kouver e pti pe an gro bann lezot lekipman ki sa progranm custody, parey custodial program i kouver sa lozman ek sa sekirite lo kote Prizon me selman pli for en pti pe lo lozman.  I annan manze dan lakwizin, i annan bann lekipman ki servi parey si en fridge i kase, nou cooker i kase la i sa landrwa ki nou tap in.  Nou pa met acquisition ‘’oven’’ anba en specific Code me selman tou sa bann acquisition i ganny fer dan sa landrwa respektif ki la.

MR SPEAKER

Onorab Aglae.

 HON EGBERT AGLAE

Mersi Mr Speaker.  Bonzour tou dimoun.  Mr Speaker mon retourn lo sa progranm 3 kot i konsern Reabilitasyon avek Reentegrasyon. An vi ki i annan sa Bidze 7 milyon ki pe ganny mete pou fer sa progranm marse, mon ti a kontan ganny en leklersisman anvi ki dan lepase nou’n vwar bann diferan Lazans ouswa entity, bann NGOs ki vini pou ed Prizon dan sa laliny Reabilitasyon, Reentegrasyon, mon premye kestyon i eski Prizon i pey sa bann entities pou vin rann sa servis, ok?  E mon 2enm kestyon i vi ki yer swar osi lo televizyon nou’n tann sa progranm Coëtivy e Mr Speaker ou’n dir poudir pou annan en progranm pou ganny met devan, eski sa larzan pe ganny servi pou Coëtivy anba sa menm Bidze Reabilitasyon?  Mon ti a kontan konnen please.

MR SPEAKER

Sirentandan.

HON REGINA ESPARON

Mersi Mr Speaker. Mon kestyon i relye avek sanmenm sa kestyon.

MR SPEAKER

Ale Onorab Esparon.

HON REGINA ESPARON

Pou mon demann avek Minis konbyen larzan dan sa Bidze ki al anver Prizon Marie Louise e Coetivy dan Bidze 2017 e si ti annan provizyon dan Bidze 2018 pou annan larzan pou fer depans pou Prizon Marie Louise anvi ki la nou’n tande poudir in fermen e si wi konbyen?  E si sa larzan pou ganny deplwaye dan lezot landrwa kote sa larzan pou ale ?  Mersi Mr Speaker.

MR SPEAKER

Lo menm – diferan.  Ok wi Sirentandan Onorab Aglae avek Esparon lo Reabilitasyon ek Kou.

CI SAM DODIN

Mersi Mr Chair.  Yes lo kote program Rehab.  I annan dan Bidze R153 mil ki nou’n mete pou 2018, sa nou’n met li anba educational workshop pou bann Prizonnyen.  Sa i ede parey mon’n dir pou nou kapab fer, en keksoz ki dan lepase ti annan parey bann pti sesyon avek ALDEC ti lo en baz en pti pe free, me par kont nou’n konstate ki i annan en serten fees ki sa bann Lenstitisyon pe demann nou.  E pou lannen prosenn nou’n fer sa provizyon pou nou kapab petet pey pou bann fasilitater ki pou vin fer sa bann progranm kot nou kot Prizon.  E lo kote Rehab parey ou’n dir bann investment of course nou’n diskite ki bann investment ki nou fre, bann larzan ki Prizon i anmanse atraver bann progranm parey resettlement day release pou nou re invest li back dan reabilitasyon Prizonnyen.  Sa of course i lo latab e konsiderasyon i annan pou sa.

MR SPEAKER

Onorab Georges, sorry go on, go on, kontinyen.

CI SAM DODIN

For Marie Louise ou napa okenn larzan ki’n ganny mete pou running cost of Marie Louise dan lannen 2018.  E par kont Coetivy li menm li vi ki i annan – nou’n refer Bidze in terms of program areas, savedir pou Coetivy son Bidze i inclusive dan custodial.  I pa separe as such akoz nou pe tant pou met Bidze as per program areas.

 MR SPEAKER

Onorab Georges.

HON BERNARD GEORGES

Mesi Mr Chair, en pti kestyon tre senp.  Eski mon ti a kontan demann Sirentandan –  eski rate lenfeksyon Prizonnyen sirtou HIV avek Hepatitis C i en konsern? E si wi eski zot adres sa konsern dan sa Bidze? E si wi par konbyen larzan ?  Mersi.

MR SPEAKER

Sirentandan.  Apre Onorab Esparon ou annan en pti kestyon adisyonnel ki’n sap nou.  Onorab Aglae osi son kestyon mon krwar pa si ou’n reponn.

SUPERINTENDENT MR VIC TIRANT

Mersi Onorab.  Pou nou kot Prizon nenport ki maladi ki okenn nou bann inmates i gannyen i vreman i nou konsern akoz nou pe – zot la avek nou.  Me selman an term  bidzeter ki nou fer se ki nou travay an  close kolaborasyon avek Minister Lasante ki zot, zot pe fer tou le neseser kot nou pe ganny asiste par bann profesyonnel e nou ganny latizann e nou ganny tou from Minister Lasante ki pe siport nou.

MR SPEAKER

Mr Dodin.

CI SAM DODIN

Zis pou azoute parey mon’n dir anba educational program and workshop sa larzan i enkli osi pou ou kapab held bann sesyon avek bann inmates, en pti pe lo bann danze, bann risk, tousala i enkorpor ladan ko tou fer bann sesyon every now and then lo bann risk lo kote zot lifesyle  -mon kapab dir an gro.

MR SPEAKER

Onorab Aglae i santi son kestyon pa’n ganny reponn epi Esparon ou osi ou annan en pti kestyon.  Espere Onorab Aglae, klarifye apre Onorab Esparon a dir apre zot a reponn.  Wi.

HON EGBERT AGLAE

Mr Chair sa ki mwan mon ti pe demande anba sa progranm 3 la se ki i annan en Bidze ki zot pe demande 2018 – 7 milyon anba Reabilitation and Reintegration, sa ki mwan mon anvi konnen sa larzan i ganny depanse pou kwa, ki progranm, parey in nonm enn de progranm, me mon santi poudir sa larzan i en ta larzan ki pou fer zis sa kalite progranm ki in nonmen.  Eklersi nou lo la.  Petet si napa lenformasyon parey pe fer  i ava re donn nou apre.  Mersi.

MR SPEAKER

Onorab Esparon.

HON REGINA ESPARON

Mersi Mr Speaker.  Mon ti anvi demann avek Sirentandan anvi ki Prizon Coetivy i lo en zil ki ganny manage par IDC, eski depans pou run sa Prizon i ganny fer totalman par Prizon, isi Mahe oubyen eski i annan serten poursantaz finansyel sorti kot IDC?  Mersi.

 MR SPEAKER

2 kestyon reabilitasyon Onorab Agale avek IDC kontribisyon Minis oubyen Sirentandan pou Onorab Esparon.  Apre sa i reste nou 2 dernyen entervenan.  Sirentandan.

SUPERINTENDENT MR VIC TIRANT

Mersi bann Onorab.  Onorab Aglae mon krwar mon a konmans par sa bout Rehab ki ou’n dir ki annan sa R7.7 milyon ki ou ti pe demann en pti pe lo la.  Sa R7.7 milyon parey mon’n eksplik ou i kas an 2.  Nou annan R3.6 milyon ki donn pou progranm reabilitasyon Prizon e apre nou annan R3.9 milyon  ki donn  pou servis Probasyon.  Akoz Probasyon in ganny merge avek Prizon, prezan sa Bidze 3.9 i pou siport bann staff Probasyon.  Nou nou’n ganny zis R3.6 milyon dan nou progranm Reabilitasyon.

MR SPEAKER

Ok Onorab Aglae.  Ok Onorab Esparon.

SUPERINTENDENT MR VIC TIRANT

Prezan Onorab Esparon nou ki pe run to cost Coetivy.  IDC pou ed nou avek serten bann sipor ki nou bezwen from zot dan zil.  Par egzanp nou delo, elektrisite bann keksoz koumsa.

MR SPEAKER

Onorab Esparon.

HON REGINA ESPARON

….Pa bezwen peye sa – si IDC pe donn zot delo, elektrisite i pa en keksoz ki zot peye from zot Bidze sa?

MR SPEAKER

Sirentandan.

CI SAM DODIN

Mr Chair yes i donn nou sa ban servis, me nou tousala i tonm anba sa ‘service agreement’ ki nou pey zot, sa fees.

MR SPEAKER

Onorab Loizeau.  Apre Onorab Ramkalawan.

HON NORBERT LOIZEAU

Mersi Mr Chair.  Bonzour tou dimoun.  Mr Chair mon anvi demann – mon kestyon i pou prensipalman lo ‘’maintenance and repairs.’’  Mon anvi demann enn ant zot devan, si sa 1 milyon ki mon’n vwar in prozekte dan Bidze pou sa lannen, si i enkli travay maintenance and repairs’ pou bann dimoun an deor ki vin fer travay dan Prizon ouswa i enkli osi bann travay maintenance and repairs ki bann Prizonnyen zot menm pe fer?

MR SPEAKER

Sirentandan.

CI SAM DODIN

In terms of ‘’maintenance and repairs’’ anba la i annan diferan seri aktivite, parey nou annan ‘’office building’’ savedir ‘’maintenance of building’’ li menm.  Nou annan bann lezot fasilite striktir.  Nou annan transpor.  Parey building li menm li sa nou annan en tandans pou nou servi nou bann inmates lo ki nivo sa travay ki annan pou fer.  En pti penn, enn pti travay plonber ki nou bezwen fer sa nou annan manrmay ki annan skill pou nou fer sa.  Parkont transpor sa nou servi outside garaz pou nou kapab fer maintenance lo bann transpor e osi parey nou bann coldstore, bann lekipman freezers ki nou servi sa nou annan an menm tan ki nou annan manrmay ki asiste pou gete en pti pe ki mannyer pe pase.  Me selman nou annan bann outside service providers ki antre pou vin fer sa bann louvraz as when ki i annan maintenance pou fer.

MR SPEAKER

Onorab Loizeau.

HON NORBERT LOIZEAU

Mr Speaker mon anvi demann sa msye mon pa konn son non – or Sirentandan vi ki  aktyelman dan Prizon i annan kondannen ki ler zot ti annan liberte zot ti fer bokou – zot konnen sa bann travay teknik ki msye in dir nou ozordi e aktyelman konman en kondannen  zot pe kontinyen fer sa louvraz dan Prizon e sa – mon a nonm ou enn Tim –  Florentine ki pe fer bokou louvraz dan Prizon dapre konpran, aranz camera, refrizerasyon – menm elektrik.  Vi nou ki nou pe mazin savings nou eski nou pa krwar vi ki i annan sa bann dimoun dan Prizon napa zis enn i annan plizyer ki kapab fer sa bann louvraz vi ki nou pe mazin savings, olye anmenn  bann dimoun an deor pou fer sa – eski nou pa kapab les zot sa bann manrmay ki mon konnen zot kapab fer, fer sa travay ki an retour ler zot fini zot santans, zot ganny en keksoz zot osi.

MR SPEAKER

Sirentandan.

SUPERINTENDENT MR VIC TIRANT

Mersi Onorab. Kot Prizon parey ou pe dir nou annan sa progranm Reabilitasyon ki nou pe fer e dan nou progranm Reabilitasyon nou sey o – kantite posib servi nou bann dimoun dan Prizon ki le pare pou ede pou vin travay.  Nou pa fors personn dan Prizon, nou pa kapab fors Prizonnyen.  So nou annan bann dimoun ki vini ki vin fer sa bann travay pou nou e parey ou pe dir nou annan elektrisite, nou annan bann manrmay ki pe aprann – ki konn fer plumbing ki ed nou avek nou  bann travay plumbing ki nou annan me sa toultan i anba sipervizyon enn nou gard ki pe ganny fer.  So wi nou welcome sa bann aktivite.  Nou menm annan mason ki fer bann travay pou nou osi.

MR SPEAKER

CI Dodin.

CI SAM DODIN

Zis pou azoute en pti pe par kont nou bezwen toultan kit sa eleman bidzeter ladan, akoz si par kont nou lo en shut down for the day nou pa kapab afekte roulman Prizon fer krwar nou lo en shut down situation, for one month nou bezwen toultan kit sa eleman bidzeter dan sa Bidze akoz nou pa konnen ki kapab arive.

MR SPEAKER

Onorab Ramkalawan.

 HON WAVEL RAMKALAWAN

Mr Chairman mwan mon se vreman en kestyon ki annan pou fer avek prosedir, se la ki nou’n – kan eski Prizon pou retournen avek sa bann detay pou nou bouz lo la ?  Apre zis en pti kestyon.  Konbyen Prizonnyen – mon pa konnen si in deza ganny reponn, si in ganny reponn mon demann leskiz.  Konbyen Prizonnyen etranze i annan dan nou Prizon?

MR SPEAKER

Pa ankor ganny reponn sa enn.  Ale Sirentandan.  Konbyen Prizonnyen etranze e petet kot zot sorti?

SUPERINTENDENT MR VIC TIRANT

Si nou kapab pran en lot kestyon antretan ki CI Sam pe rod sa silvouple.

MR SPEAKER

Sorry mon’n mank sa en.  Sirentandan re dir.

SUPERINTENDENT MR VIC TIRANT

Mon dir si nou kapab pran okenn lezot kestyon  ki annan  pandan ki CI Sam pe rod sa lenformasyon.

MR SPEAKER

Non, Onorab, unless ki annan okenn dimoun ki annan dernyen, dernyen kestyon, me Onorab Ramkalawan ti dernyen kestyon.  Mon krwar nou – Onorab Prea en dernyen pti kestyon letan zot pe konsilte.

HON NICHOLAS PREA

Mersi Mr Chairman., pti kestyon, mon kontan CI in dir ki nou servi Prizonnyen as much part of rehab sa ki mason, sa ki sarpantye pou fer bann travay which is very good.  I ed zot en pti pe dan zot reabilitasyon.  Mon ti pou demann sa me CI boner in dir i annan bann recruitments zot pou fer anba Bidze 2018.  Ler zot fer bann recruitments locally eski zot tap-in bann Job Centres ki pe fer sa travay kot zot interview bann dimoun e zot prepare par egzanp par dosye CV.  Si par egzanp Lotorite Prizon i bezwen recruit ki zot pas atraver oubyen sa bann Job Centres i forward en lalis dimoun ki pe rod travay kot zot and so on.  Eski zot pas atraver service of bann Job Centres?  Mersi.

MR SPEAKER

Sirentandan.

SUPERINTENDENT MR VIC TIRANT

Mersi Onorab.  Normalman ki nou se ki nou advertise.  Nou advertise bann post lo zournal or wherever ki nou kapab.  Epi bann dimoun i apply epi zot pas atraver sa prosesis interview ok.  E la interview Board i deside lekel ki i pou apwente oubyen non.

 MR SPEAKER

Mon krwar avek sa nou annan lenformasyon ki ou a kapab anmennen CI Dodin lo bann expatriate Prizonnyen.  Nou’n tonm dakor ki nou pou retournen akoz nou annan serten lenformasyon adisyonnel ki nou ti a kontan gannyen avan nou vot lo Bidze.  Mon krwar zot konnen lekel sa bann lenformasyon lo sa kestyon tendering pou uniform; lo kestyon Kontra ki Onorab Ferrari in lev-e, lo Kontra si in rollover oubyen si in sanze? Epi nou annan kestyon Sekirite ki Onorab Ramkalawan in demande, mon krwar tousala nou a tonm dakor ansanm ek PS Payet, Clerk’s office, Superintendent of Prison availability zot Minis Dezinyen nou a re zwenn pou nou klarifye tou sa bann keksoz , epi nou a pran en vot.  Tou fason nou annan apre sa Seychelles Fire and Rescue Services Agency ki pe vini.  Alor nou a pran en Break nou a remersye Superintendent Tirant, CI Dodin avek zot Financial Controller Ms Banane pou letan ki zot in pas avek nou.  Zot a rod sa bann lenformasyon e nou a tonm dakor antre sa 3 group parey mon dir Finans zot menm avek Clerk’s office kan zot pou retournen avan nou fini aprouv Bidze.  Avek sa wi Superintendent Tirant.  Superintendent Tirant ou ti oule dir en dernyen mo oubyen non?

SUPERINTENDENT MR VIC TIRANT

Nou pe zis donn lenformasyon Onorab Ramkalawan lo son foreign

MR SPEAKER

Ale CI Dodin.

CI SAM DODIN

Popilasyon Prizon la nou annan in terms of poursantaz 7.5 poursan etranze dan Prizon e lo en popilasyon 420 Prizonnyen sa i fer nou en total 31 Prizonnyen etranze.  Zis pou mwan azoute in terms of ‘’security and enforcement,’’ Mr Chair, mon annan detay la devan mwan, me selman mon krwar i quite extensive pou mwan pas lo la.  Mon pa konnen si mon a print pou mon fer konnen – me selman a fer gannyen me selman nou annan nou tabulation avek nou la.

MR SPEAKER

Ok.  Avek sa nou a pran en Break.  Mersi pou bann Lotorite Prizon e nou a retournen 11er.

 

(BREAK)

SEYCHELLES FIRE & RESCUE SERVICES AGENCY

 MR SPEAKER

Nou a repran nou travay.  E mon ti a kontan swet labyenveni Mr Morel.  Mr Andre Morel ki Chief Fire Officer.  Avek son Financial Controller ki osi HR Mr Roy Lemiel.  E parey mon ti dir taler -Bidze pou Seychelles Fire and Rescue Services Agency i trouve lo paz 247, 247.  E nou ava al Mr Morel ou’n abitye ou ti vini lannen pase e nou ava al toudswit lo enteraksyon avek Manm sorti diferan kote.  Onorab Afif.

HON AHMED AFIF

Mersi Mr Chair.  Bonzour Mr Morel ek ou delegasyon.  Mon kestyon i baze lo paz 248 ek  249.  Si ou kapab donn nou anba ‘’other uses of goods and services’’.  Latab limero 2 i annan en logmantasyon sorti  6.1 pou vin 6.5 milyon.  E ladan i annan en Kontra ki anba ‘’service agreements and outsourcing’’ ki R2.94 milyon si ou kapab donn nou detay sa Kontra.  Eski in tender par egzanp?  E dezyenmman lo  paz 249 lo latab ki swiv menm, si ou kapab donn nou anba ‘’building and infrastructure capital expenditure’’  zot annan  R10.1 milyon e answit pou machinery R8.5  milyon.  Donn nou en pe detay si in ganny tenders isi zot annan pri pou building par egzanp – ki grander – konbyen zot pe sarze par met kare, zot in kalkile?  E donn nou en pti pe leksplikasyon.  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Bonzour Mr Chairman, bonzour tou bann Manm Onorab e manm piblik an zeneral.  Kekfwa mon a konmanse an menm tan ki mn a reponn ou kestyon Onorab Afif.  Pou Bidze  2018 Lazans Servis tenny dife in ganny li  R71. 243.44milyon.  E en logmantasyon 15. 745. 34 milyon.  Anba ‘’wages and salaries’’ i annan 33. 898. 11 milyon r en ogmantasyon 4 milyon  59mil 34 roupi.  Sa ogmantasyon in relye avek si oule 14 post. Nouvo post ki nou pe recruit bann staff. E osi en lazisteman anba Scheme of Service bann allowance 2 allowance ki vin anfors dan milye 2017.  Anba ‘’goods and services ‘’i annan  18. 717. 33 milyon.  En logmantasyon  1.2 milyon roupi.  Sa osi i relye avek bann logmantasyon pou bann staff ki pe rantre e osi

lezot travay expenses dan lezot area .

        Anba non- financial assets i annan 18. 628 milyon e increase par 10. 486 milyon.  En pe dan sa laliny sa 10 milyon ki Mr Afif pe demande ladan i annan 8. 600milyon pou Stasyon Anse Royale.  E  1.5 milyon pou renovasyon extension bann batiman ki egziste, sa pou bann nouvo lofis, e osi lezot fasilite ki nou bezwen.  Lezot sa ki reste sa 8.4  milyon  8.478 milyon i pou en Grant sorti kot L’Inde, ki pou aste bann fire tender sirtou avek.

Lo kote sa ‘’service agreement’’ kekfwa mon a les Mr Lemiel tous en pti morso  lo la ki vreman sa i kouver.

 FINANCIAL CONTROLLER MR ROY LEMIEL

Bonzour Mr Chairman.  Bonzour tou Manm Onorab.  ‘’Service agreement’’ in fact nou.  Mon pa konnen si Mr Afif i pe refer lo sa ‘’service agreement lifeguard’’.  I annan ki annan en gro sonm li i tonm 2.9 milyon sa i al dan zot saler avek zot overtime bann allowances ki zot gannyen.  Mon krwar sa pli gro sonm ki anba ‘’other uses of goods and services’’. 

MR SPEAKER

Onorab Afif.

HON AHMED AFIF

Mersi Mr Chair.  Zis klarifikasyon ou dir  pou lifeguard ki ou pe pey apepre R8 mil par zour pou bann lifeguard.  Zis dir nou si konbyen lifeguards ki zot … konbyen Kontra ki zot annan?  Si i ti ganny tender lekel ki annan sa bann tender?

        E dezyenmman lo kote building ou’n dir pou dir enn i pou Anse Royale lot i pou bann biro.  Zis donn nou grander sa bann batiman an met kare e konbyen zot i anvizaze konstriksyon par met kare? I enportan pou nou.  Mersi.  E si zot pe tender?

CHIEF FIRE OFFICER MR ANDRE MOREL

Mersi Onorab, mersi Chairman.  Lo kote pou Stasyon Anse Royale, nou’n fer plan e baze lo kalkilasyon ki sa dimoun ti fer plan akoz i napa zis en son batiman lofis i annan lezot fasilite ki al avek  tou ansanm.  E in donn nou apepre si mon diviz sa i pou ariv apepre 9.6 milyon.  Me selman sa i zis pou en larzan ki pou konmans sa bann batiman pou antour sa proze son batiman son fire tender son zonm firemen ou travay ladan.  I pou ariv R17.6 milyon antour.  Sa ki nou’n estimen pou batiman li menm i apepre R9.6 milyon.

MR SPEAKER

Onorab Afif.

HON AHMED AFIF

Grander batiman – kou par met kare?  I enportan pou nou konn sa

MR SPEAKER

Mr Lemiel ou osi kapab reponn enterakte si ou santi ou anvi ed Mr Morel.

CHIEF FIRE OFFICER MR ANDRE MOREL

Onorab pou lemoman mn napa sa lenformasyon avek mon be mon ava fer zot gannyen.

MR SPEAKER

Ok, byen, nou a pas parol avek Onorab Sebastien Pillay.

HON SEBASTIEN PILLAY

Mersi Mr Chair.  Mr Chair anba provizyon Bidze ki zot ki Seychelles Fire Rescue Service Agency i gannyen, baze lo ‘’wages and salaries ‘ mon ti a kontan ganny en pti lesplikasyon an se ki konsern overtime.  Par egzanp ler par egzanp zot bezwen deploy bann zofisye dan bann aktivite ozordi parey i konmans vin mandatoire ki zot annan bann zofisye la. Lekel ki kouver sa konponan overtime a bann zofisye i fer?  Akoz parfwa zot pa kapab vreman prepare pou konnen ki kantite aktivite ki kapab pe ganny fer.  i kapab annan en aktivite ki en Lazans  Lorganizasyon i deside fer e zot, zot bezwen deplway  en konponan zot pou al laba pou asir safety so lekel ki kouver sa cost  si sa cost i vin anba zot Bidze?

E mon ti a kontan PS Finans prezan regarde si par egzanp dan sirkonstans kot Seychelles Fire Rescue Services Agency i provide sa lasistans ou en lot Lazans oubyen en lot entity oubyen en lot lorganizasyon, eski i annan en provizyon ki swa sa Lazans ki pe demann sa servis i swa annan en fason ki i annan en  peyman ki ganny fer, pou kouver overtime pou sa bann zonm?  Akoz mon pe mazinen si sa pa met en strain lo zot Bidze ki zot in ankadre pou travay ki zot bezwen fer pandan sa lannen.  Mersi Mr Chair.

MR SPEAKER

Chief Fire Officer.

 CHIEF FIRE OFFICER MR ANDRE MOREL

Mersi Onorab.  Pou lemoman  tou bann travay  si ou gete tou travay ki fer ofisyelman en levennman ofisyel nou provide sa servis e nou kouver sa anba nou Bidze.  Me solman si annan bann travay excess  par egzanp dan ka konze piblik, ouswa vreman extra en pe long napa larzan nou rod en fason pou nou kapab pey zot overtime.  Me selman nou ti annan serten defayans.  En pe letan pase, kot nou’n pa kapab kouver sa bann overtime e in akimile en pe akoz no ti annan en problenm zonm.  E tou dernyerman nou’n ganny larzan dan avek Gouvernman pou nou kapab clear sa bann overtime ki akimile pou en pe letan.  Mon kapab dir depi 2015.  E nou pou clear la ziska Desanm 2017.

MR SPEAKER

Onorab Churchill Gill.

HON CHURCHILL GILL

Mersi Mr Chair.  Mon kestyon i anba latab 2  progranm 2 ‘’emergency operations’’  i annan en ogmantasyon  18  milyon konpare avek lannen pase, si nou kapab ganny  en leksplikasyon sa 18 milyon pou sa ogmantasyon?  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Parey mon’n dir taler sa ogmantasyon ki’n vin dan 18 milyon, sa i pou bann zonm apre bann stasyon ki kouver bann stasyon anba loperasyon.  Parey bann stasyon ki nou fer Anse Royale met extension batiman avek bann rent i met li anba loperasyon.  Sanmenm ou vwar sa son mi koumsa.

MR SPEAKER

En kestyon siplemanter sorti kot Onorab Pillay ek Onorab Afif.  Wi .

HON SEBASTIEN PILLAY

Mersi Mr Chair.  Mr Chair prenon kont ki nou annan serten konsern eksprimen lo overtime pou bann zofisye Fire and Rescue.  Si  ti pou posib pou PS Finans klarifye si lo sirkonstans kot zot pe provide lasistans pou bann lezot antite.  Ki mon pe prezimen zot pa pou’n bidzete anba zot Bidze pou zot menm e vwala kot zot pou annan serten defayans.  Eski Minister Finans i pran konsiderasyon sa sityasyon? E dezyenmman osi prenon kont ki anba zot Lalwa anba zot Scheme of Service, i pa tonm dan en kad me plito ganny, – koriz  mwan si mon mal, i plito ganny aprouve si oule administre par DPA. 

        Eski i annan okenn move pou fer ki si mon mal koriz mwan – eski i annan okenn move pou fer ki anvi ki sa i en ka spesifik en servis, nou ti a kapab a l etablir en Scheme of Service spesifik, ki ti a kapab anba kontrol e SFRSA e la li i ti ava fer bann adjustment lo son Scheme as and when neseser prenon kont nesesite ki Lazans i ladan ozordi.

MR SPEAKER

PS Payet.

CHIEF FIRE OFFICER MR ANDRE MOREL

Mersi Onorab.  Pou ou premye kestyon lo kote overtime ankor.  Si bann Departman ouswa bann lorganizasyon ouswa bann endividi demann bann servis par egzanp stand- by ouswa bann keksoz koumsa, sa nou sarz zot.  E nou sarz zot e sa bann dimoun i ganny peye dan sa Lazans ki nou sarz sa bann dimoun.

Selman parey mon’n dir taler si en keksoz ofisyel sa nou tir li dan nou bann par egzanp nou al stand- by pou le 18 Zen si i annan bann keksoz bann aktivite.  Sa i ganny peye anba nou        Bidze.  Lo kote Scheme of Service sa i ganny administre kontrole par well DPA ki deside nou, nou fer me zot DPA  avek Minister Finans  ki pou deside si sa ki nou’n mete dan sa Scheme zot pou aprouve ouswa non.  Nou napa vreman kontrol lo la.

MR SPEAKER

Onorab Afif.  Mon ti krwar Mr Morel in dir ou PS Finans i aprouve ler zot in anvoy kot zot se sa ?  PS Finans oule azoute.

PS PATRICK PAYET

Mersi Mr Chair.  Kekfwa zis pou azoute osi ki  Akoz ki i pas kot DPA avek finans.  Parey yer mon krwar nou’n diskite pou fer sir  ki i annan synergy dan Scheme Lapolis, Defans, Prizon avek Fire Rescue Services.  So nou bezwen diskite ki pou fer sir ki nou pa met kekfwa enn en pe i annan en dekalaz en pe tro bokou, ki demen ou vwar kekfwa dimoun pe kite pe al dan sa lot Lafors.  So nou fer sir ki at least i ganny diskite avek DPA avek Minister Finans.

E secondly lo premye kestyon regarding overtime i keksoz ki parey dan Chief Fire Office in mansyonnen ki si en keksoz  Nasyonal definitivman zot pou bezwen konnen ki lekel bann aktivite Nasyonal ki pou annan.  E zot organiz zot in such a way ki sa overtime i cater.  Tandis ki si par egzanp i annan bann lezot aktivite ki an deor la ki zot sarz bann lezot Lenstitisyon.  Mersi.

MR SPEAKER

Mersi synergy and fairness.  Onorab Afif.  Wi.

 HON AHMED AFIF

Mersi Mr Chair.  Mr Chair mon pa lti ankor ganny larepons pou sa Kontra 2.9 milyon ti’n dir pou dir ti annan apepre 3 bann lifeguard.  Mon ti pe demande lekel  sa ban n lifeguard konbyen si zot in tender pou sa bann lifeguard silvouple?  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  I napa tender pou lifeguard, lifeguard i anba SFRSA.  Solman zot anba “goods and services”.  Zot pa direkteman anba nou payroll endividi wi.   I napa i napa en keksoz Kontra deor ki en dimoun i annan en Kontra pou li operate lifeguard anba SFRSA.  I annan 18 staff. 

MR SPEAKER

Onorab Afif.

 HON AHMED AFIF

Alors sa i vedir sa bann kou ki ou’n mete anba “goods and services” i bann kou loperasyon.  Bann kou loperasyon parey fuel deplasman keksoz koumsa.  Ok. alright.  Mersi.

MR SPEAKER

Onorab Ramkalawan i relye avek sa?  Non.  Onorab William.

HON WAVEN WILLIAM

Mersi Mr Speaker.  Bonzour Minis avek ou lekip.  Mr Speaker mon ti a kontan demann Mr Morel mon rapel lannen pase san relasyon avek paz 249 kot i konsern “capital expenditure” pou lekipman. E osi i konsern zot in souleve anba paz 248 bullet point 7 kot lack of equipment.   Mon rapel ou ti annan 10milyon ti’n ganny freeze lannen pase.  Akoz lefe eski nou pe devlope bann kalite batiman ki nou pe gannyen pli o.  Nou ti vwar pou dir ti annan nesesite pou specialized fire tender.  Mon pe demande konmsi si sa demann e ki valid ouswa nou pa bezwen.  Akoz mon pa vwar okenn landrwa ouswa okenn diskisyon si vreman nou bezwen sa specialized fire tender equipment.  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Wi nou ankor bezwen sa masin.  E i an mouvman.  Depi mon kapab dir depi an Avril  nou’n konmans bann prosedir akoz nou bezwen rod bann spesifikasyon nou travay bann spesifikasyon.  E nou met li annord nou’n anmenn kot Procurement Unit pou li a gete si i korek.  Apre nou’n bezwen tender lokalman akoz sa i en prosedir ki zot dir nou bezwen fer. E tousala i pran letan ler ou’n fini tender ou bezwen esper serten letan pou gete si i annan dimoun ki’n bid, e donn zot en serten letan pou various period gete si  napa lezot komanter.  Apre nou’n tender li  aletranze kot 5 lakonpannyen ti partisipe.   E i annan enn  ti desann en pe ba.  Ki pa’n obzekte e Tender Board pou demann nou zis zistifikasyon mon’n donn zot zistifikasyon lo la.  E zot aksepte nou largiman.  E nou’n pran enn. I annan 2 ti pa ti met kriter savedir ti zistifye 2.  Enn ti ariv R10.4  milyon e lot ti ariv R11.6 milyon.

E nou oule allo sa enn ki  R10.4 milyon, akoz nou’n vwar i en masin ki sa ki zot pe ofer sa ki nou’n demande i anliny avek  sa  ki nou bezwen.  Malgre i annan R400 mil an plis lo la.  E tender in fini donnen.  E mon mazinen i en masin ki pou pran apepre  1an,  12 mwan, 15 mwan pou konstri.  I parey en batiman.  E mon espekte ki kekfwa by lafen 2018 sa masin i ava’n konplete.

MR SPEAKER

Onorab William.

HON WAVEN WILLIAM

Mersi Mr Speaker.  Mon ti a kontan demann avek PS Finans lefe sa bann lesplikasyon ki nou’n gannyen e mon pa trouv sa i ganny reflekte dan Bidze.  Eski sa larzan i ankor la? Mersi.

MR SPEAKER

PS.

PS PATRICK PAYET

Mersi Mr Chair.  Anyway lenformasyon ki mon’n ganny mete, ki akoz zot pa’n servi li dan 2017,  i bezwen paret dan 2018.  Me laranzman ki nou pe sey negosye osi ki at least i. al dan sa deposit ki zot peye sa lannen.  E balans ki zot pey 2018 i al dan en special account ki zot kapab peye.

MR SPEAKER

Onorab Roucou.

HON CLIVE ROUCOU

Mersi Mr Speaker.  Mr Speaker mon kestyon pou Mr Morel an vi avek sonn Bidze  71  milyon.  Mon pe demande s ii kouver osi Lasirans pou bann zofisye an ki an vi zot natir travay?   Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Lo kote lasirans vreman nou’n antre en an diskisyon avek en Lakonpannyen Lasirans.  Me sa ki zot ti pe ofer, mon pa’n pou lemoman agree.  E, sa demars i ankor pe kontinyen.  E mon panse ki nou pa’n met li dan Bidze vreman akoz nou pa’n tonm lo en Lagreman.  Akoz sa ki ti pe ofer i menm parey sa ki nou kapab gannyen si en injury i arive pou lemoman avek en travayer anba sistenm Gouvernman.  Nou ti pe rod en keksoz pli bon me solman nou pa’n kapab finaliz li a sa lenstan la.

MR SPEAKER

Onorab Mondon.  Onorab Roucou ti annan en adisyonnel?

HON CLIVE ROUCOU

Mersi Mr Speaker.  Mr Speaker pou lenformasyon piblik mon ti  a dan menm laliny mon ti a kontan konnen Mr Morel ti ava dir nou lekel sa Lakonpannyen Lasirans silvouple.

MR SPEAKER

Mr Morel.  Ou pe diskit avek.

CHIEF FIRE OFFICER MR ANDRE MOREL

Nou ti’n apros SACOS.

 MR SPEAKER

SACOS.  Good Onorab Mondon.

HON TERENCE MONDON

Mersi Mr Chair.  Mon premye kestyon i tonm anba lifeguard services.  Dan Bidze lannen pase ti annan en logmantasyon 1.3 milyon anba lifeguard services.  E leksplikasyon nou ti gannyen se ki nou pou donn sa servis en Praslin apre Anse Royale.  Mon anvi konnen ki’n arive lo kote Anse Royale.  Lo kote sa lifeguard service.  2enm kestyon mon anvi konnen pou zot uniform konbyen i kout zot pou en set uniform?  E ki frekans zot fe sa prokir-man.  E ki bann prosedir zot servi ler zot pe pou ki uniform?

E mon 3enm kestyon i sa landrwa Anse Royale ki’n ganny swazir pou fer sa Fire Station.  E mon anvi konnen vi ki i annan plan pou Anse Royale vin en 2enm lavil.  E eski ou santi ou konfortab ki demen sa landrwa i pa pou vin dan en sant en 2enm lavil olye met li petet an deor?  Mon anvi konn zot rasyonnel akoz zot krwar dan menm 2enm lavil Anse Royale i pou ok pou annan en Fire Station dan landrwa kot zot in swazir.  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Premye kestyon lo kote lifeguard ankor enn fwa nou pa’n kapab ouver bann post baze lo finansman.  Akoz i dan nou plan stratezi pou nou met parey mon ti dir ler mon ti vin la dernyen fwa.  Ki nou annan plan pou nou ouver bann lezot post, bann lezot landrwa.  E i pa’n ganny materyalize ankor sa lannen.

E lo kote uniform mon krwar i pa bokou pou dan Bidze mon krwar i R400 mil.  En set uniform i kont nou 300 R300 pou nou koud en set uniform.  S zis pou lenz.  Pa soulye avek bann lezot akseswar avek.   R350.  An tou ..

MR SPEAKER

R350.

CHIEF FIRE OFFICER MR ANDRE MOREL

Wi R350 par en set.  En set uniform. 

MR SPEAKER

Pou koud.

CHIEF FIRE OFFICER MR ANDRE MOREL

Non, non zis latwal. Zis koud sorry.   Latwal nou donnen.  Yes. 

MR SPEAKER

Ok.  Onorab Mondon.

CHIEF FIRE OFFICER MR ANDRE MOREL

Pou Anse Royale sa.

MR SPEAKER

Mr Morel tenny ou micro. 

HON TERENCE MONDON

Mr Chair mon ti anvi fer konparezon avek bann lezot.

 

(Interruption)

 HON TERENCE MONDON

Mon ti a kontan ganny konbyen i koute pou en set uniform i kout ou Lazans ki enkli soulye, kannson and so on, and so on.  Mon ti a kontan ganny sa lenformasyon. E si zot fer li lokalman ouswa ki prosedir zot servi.

MR SPEAKER

Mr Morel eski zot ganny koud isi menm.

CHIEF FIRE OFFICER MR ANDRE MOREL

Wi mersi Onorab.  Nou uniform i koud lokalman.  Solman latwal nou fer vin deor.  E nou annan 4 landrwa ki pe koud nou uniform.  I pa en sel landrwa e i bann dimoun ki pe koud uniform depi lontan. E en set i kout en si en  uniform konplet i son kasket, son sang, son soset, son i kout apepre en R1500 bogi, soset bann keksoz koumsa.

MR SPEAKER

Onorab Woodcock.

CHIEF FIRE OFFICER MR ANDRE MOREL

Lo kote Anse Royale.

MR SPEAKER

Go on.

CHIEF FIRE OFFICER MR ANDRE MOREL

Mon krwar sa pwen kot nou’n ganny sa later i mon kapab dir plis stratezi.  Apropriye akoz nou dan en junction kot nou kapab deplas dan 3 direksyon.  Si i ariv dan bor dan Les Cannelles nou lanmenm la.  Si i desann Anse Royale ouswa al Bougainville ouswa Takamaka.

MR SPEAKER

Ok.

 CHIEF FIRE OFFICER MR ANDRE MOREL

Pa tro krwar sis a spot i pou afekte loperasyon ouswa aktivite ki pou annan dan sa Fun Park dan sa kontrer mon krwar i pou en keksoz a[apropriye.  Akoz nou’n deza san sit la.  Nenport keksoz ki arive dan sa area la letan i annan aktivite nou deza prezans.  Akoz letan i fer aktivite la toultan zot demann standby.  Savedir pou napa standby ankor nou pou deza la permanant.

MR SPEAKER

Mersi Mr Morel.  Takamaka i ganny kouver.  Onorab Woodcock.

HON WAVEL WOODCOCK

Mersi Mr Speaker.  Bonzour Minis tou Manm Onorab.  E tou dimoun a lekout.  Mr Speaker mon kestyon i kronm swivan mon kestyon i sirtou konsernan sa Fire Station ki baze li Praslin ; annefe mon ti fer en vizit resaman mon’n anvoy en email avek tou bann issues ki bann firemen Praslin i annan enkli bann lifeguard Praslin.  Mon kestyon pou konmanse i konsernan  PH ki bann travayer bann firemen i travay ki zot a ti’n ganny peye depi 2015 ziska la mon’n aprann  pou dir sa pe ganny rezourd.  E si zot in met dan in fer provizyon pou bann lannen ki pe vini 2018 pou ki bann firemen zot ganny peye on time pou zot bann pou bann  PH ki zot  in travay ?  Apre en konsern ki ore ganny lefe se ki napa ase staff lo Fire Station Praslin la apepre 28 staff pou lakantite shift ki annan ler i kree en serten konsern sirtou bann staff ki sorti lo Mahé pou vin Praslin.   Ki zot ganny zis 5 zour pou konze par mwan ennler zot bezwen se akimil sa bann zour.  Si ou vwar li en difikilte par lefe ki napa  ase staff e zot bezwen bann lezot shift.  Eski zot pe get dan posibilite e si zot in met provizyon dan Bidze pou zot recruit plis staff lo kote.  Pou al annefe mon napa pou dir tou bann stasyon i annan en mankman konman mendev, en mankman firemen.  Eski zot in met provizyon dan Bidze pou ganny plis staff lo sa bann Fire Station sirtou Praslin.  En lot konsern ki mon anvi met devan se ki sa allowance manze ki zot pe donnen R600 en konsern ki bann staff bann fireman in met devan sirtou bann ki’n ganny displace sorti Mahé pou vin Praslin.  E osi sa displacement allowance R400 i annan ankor sa enn  ki sa allowance i pa ase pou zot bann needs.

Vizit osi ki mon’n fer dormitwar mon’n vwar pou dir i annan en mankman serten lekipman.  Napa ase fan, i so aswar pou zot dormi.  Eski zot pe get dan welfare sa bann firemen.  Kot i konsern lifeguard i annan en konsern konmkwa i annan zis en dinghy pou kouver 2 lans.  Cote D’Or avek Anse Lazio.  E sa dinghy i pa ase pou kouver sa 2 landrwa.    E nou Annan zis 6 lifeguard ki pa ase pou sa kantite lans ki nou annan lo Praslin sirtou sa 2 gran lans Cote D’Or avek Anse Lazio.  Mon’n aprann osi ki annan bann  beach vehicle me solman ki zot pa pe servi akoz mon pa konnen si kekfwa pou ki rezon.  Mon ti a kontan konnen akoz ki sa bann beach vehicles pa pe ganny servi.   Zis finalman Mr Speaker.  Napa ase lekipman pou stimulation pou bann training pou bann firemen lo Praslin.  Eski zot pe get dan posibilite pou fer provizyon plis bann lekipman pou bann training pou bann new recruits.  E osi i annan ankor osi kronm kwa ki lo sa Fire Station ki bokou bann fireman bezwen reste lo la.  Zot napa bann en gym ouswa en bann aktivite leisure, en games room.  Zis en landrwa ki zot dormi zot bezwen reste la e mank en pe sa bann keksoz pou zot kapab sirtou pou bann zot letan lwazir.  Mersi Mr Speaker.

MR SPEAKER

Mr Morel.

 CHIEF FIRE OFFICER MR ANDRE MOREL

Mersi Onorab.  Ou lalis kestyon i en pe long.  Solman mon a bezwen reponn tou.

MR SPEAKER

Leisure activity kekfwa zot kapab rod zot menm.  Aprann lezot.

CHIEF FIRE OFFICER MR ANDRE MOREL

Lo kote PH parey mon’n dir taler,  pou serten rezon manpower nou’n akimil en pe e nou pe enkli sa ziska 2017. Me selman baze lo finans ki nou’n gannyen nou pa’n kapab enkli li ankor pou 2018.  Me selman nou a gete an mezir nou ale si nou kapab enkli sa lo bann kekfwa bann saving ki nou fer.  Lo kote staff wi nou understaffed sanmenm sa nou’n ganny 14 la pou lemoman parey mon ti dir taler me solman nou ti demann plis nou’n ganny 14.  E nou pa kapab pou lemoman nou pa kapab ogmant staff lo Praslin akoz sansan i pou vin en defayans pou nou osi lo Mahé akoz nou osi lo Mahé i pa ase zofisye pou nou kapab travay, sirtou lo shift. 

 Lo kote mil allowances a R600 ki ganny mete sa pa nou ki determinen i dan PSO nou pa kapab sanz sa.  Island posting zot pa ganny R400 zot ganny R1200 Praslin.  Sa R400 zot pe dir ou sa i dan PSO e nou, nou met ankor R800 zot larzan manze ki kouver ki fer li vin R1200.

Lo kote fan, fan nou’n fini well lo kote nou’n fini ranplase ti annan en konsern nou’n fini ranplase. Stimulation vreman i annan en training area laba i mank serten lekipman.  Me solman lo kote stimulation mon krwar en zofisye osi i kapab kree bann keksoz ki i santi pou al fer fas avek i kapab fabrike.  Kekfwa vreman lo nou kote administrasyon nou ankor kapab met sa bann keksoz an plas. Lo kote Gym vreman nou napa en gym Praslin me selman i Annan serten keksoz ki nou mete pou lemoman.  I annan basketball, i annan volleyball langar i annan.  Me nou pe fini etablir pou nou Mahé nou Gym in preski fini an konfor an plas byen.  Apre nou ava bouz bann lezot landrwa ki nou  vwar  ki me selman sa i dan nou plan pou nou donn zot bann fasilite ki neseser akoz konsernan mon osi avek sa bann keksoz koumsa.  Lo kote lifeguard in fini aste en dinghy pou kot Cote D’Or.  E en masin avek en container pou zot kapab store sa fasilite ladan.  Mon panse mon’n reponn tou ou kestyon Onorab.

MR SPEAKER

Ou pa pe al demann Gym ankor pou zot.  me si nou tou nou donn gym partou me pou napa larzan pou fer nanryen.  Ale Onorab Woodcock.

HON WAVEL WOODCOCK

Zis en kestyon siplemanter.  Bokou bann staff ki pe travay dan Fire Station Praslin zot sorti Mahé.  Eski Fire Brigade zot annan en plan lonterm pou ranforsi en pe recruitment lo Praslin or pou ankouraz bann Pralinwa pou pran sa karyer.  Mersi.

MR SPEAKER

Wi ou non?

CHIEF FIRE OFFICER MR ANDRE MOREL

Wi Onorab akoz sa i nou priyorite Akoz priyorite pou bann dimoun ki lo ki zabitan sa bann zil pou zot apply.  Me solman parler nou pa gannyen.

MR SPEAKER

Mersi.  Lalis in frenmen i reste 8 dimoun pou koze nou bezwen fer fini avan midi pou nou, nou pa ankor pran lapolis ki ti sipoze pase bomaten ; sorry mon pa pe pran okenn lezot dimoun apart sa 8 dimoun. Onorab Aglae

HON EGBERT AGLAE

Mersi Mr Speaker.  Mon pou fer referans lo paz 244  latab 9 kot i konsern lifeguard services.  Vi ki annan pase dan sa menm Lasanble ti annan bann target ki tin ganny mete pou additional landrwa kot pou ganny kouver atraver lifeguard.  Sa lannen mon vwar in met 5, e ler mon pe get zot Bidze 2018 forecast 2019 20 mon vwar ki zot Bidze pe redwir.  Eski sa i vedir ki nou pa pou gannyen sa bann target zot pa pou met sa bann target?

E dernyerman se Mr sirentandan si ou kapab dir mon si sa bann lans sirtou bann lans ki frekante parey Port Glaud, Anse Royale in ganny nonmen i annan landrwa lo La Digue osi, pe ganny mete ladan pou lannen prosen  2018.  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Parey mon’n dir taler nou pa’n ganny nou koudmen pou nou kapab ouver sa bann larzan pou nou kapab ouver sa bann pos ki nou ti dir.  E napa nanryen ki’n enkli dan sa Bidze, e osi pou 2018.  Mon panse ki kekfwa Minister Finans i ava konsider sa pou met en serten larzan pou mou kapab ouver sa bann pos akoz i vreman enportan, ki sa bann pos i ganny kouver.

MR SPEAKER

Onorab Aglae.

HON EGBERT AGLAE

Savedir si ou pe dir mon ou’n mete dan ou Bidze Finans pa ‘n aksepte?  Sa ki mon pe konpran.

CHIEF FIRE OFFICER MR ANDRE MOREL

Nou’n fer provizyon me solman i pa’n ganny enkli ladan.

MR SPEAKER

Ok.   Onorab Henrie en kestyon.

HON GERVAIS HENRIE

Mersi Mr Speaker.  Mon ti oule demann zis de en kestyon konsernan bann bato ki sa Lazans i annan parske mon vwar dan zot detay “goods and services” dan “transport and equipment”  i annan ships 200 plus 75 konmsi i annan de en alokasyon 200 apre alokasyon 75 mil.  Apre ankor dan “machinery and equipment” i annan lease of patrol vessel pou boats i annan en 100  mil la.  Sa i dan “minor capital outlays” dan “machinery and equipment”  7 a.  So si ou ti kapab donn nou en pe lesplikasyon lo la silvouple.  Mersi.

MR SPEAKER

Mr Morel.  Mr Lemiel.

FINANCIAL CONTROLLER MR ROY LEMIEL

Mersi Onorab.  Sa ki nou pe fer lo la se pou maintenance repair and maintenance ; sorry sa lot kestyon please, Mr Henrie.

HON GERVAIS HENRIE

Olye en lokasyon si pou lease of patrol – vessel.

FINANCIAL CONTROLLER MR ROY LEMIEL

Sorry sa i en mistake letan nou’n fer antre dan sistenm dan sa tools.  I sipoze vin pou aste bato  pou lifeguard.  So nou pou   sa larzan from sa vot pou anvoy li dan vot nou kapab aste sa 2 bato pou lifeguard. 

MR SPEAKER

Pa pou lease?

 FINANCIAL CONTROLLER MR ROY LEMIEL

Non, non pa pou lease.  En mistake …

 MR SPEAKER

Ok.  Kler, happy Onorab Henrie?   Ok Onorab Prea.

HON NICHOLAS PREA

Mersi Mr Chairman.  Mr Chairman mon pou retourn lo sa size lifeguard paz 244   si mon ti kapab ganny en pti pe plis lesplikasyon sa “goods and services” 3 pwen keksoz milyon anba lifeguards.  Donn nou en pti pe detay lo la.  Apre si zot annan en mwayenn monitor lifeguards ; akoz toultan i annan konplent lo la sirtou sa group Beau Vallon.  2 semenn pase ti annan en lensidan ki ti arive apre ki sa dimoun sa viktim ti’n fini met dan lanbilans ki bann lifeguards ti appear.  I montre ou pou dir i annan en lacks of letan la avan zot in appear.  I annan  posibilite ki sa ki mon pe dir i annan Manm sa group Beau Vallon i posib zot pe servi sibstans tou.

So mon ti a kontan psi ou ti kapab monitor sa bann travayer.  Anba ‘’capital expenditure’’ anba programme 2 paz 251, mon vwar ok 2018 i annan en Bidze ki mon panse nou pe al, konmans konstri Anse Royale.  Ok i annan en forecast pou 2019 i e forecast pou 2020.  Savedir zot annan infrastructure ki zot pe al konstri and so on.  Zot annan menm lenvestisman dan lekipman ki mon pe vwar.  Eski i vedir ki Beau Vallon osi petet pe ganny konsidere pou ganny substation?  Mersi Mr Chairman.

MR SPEAKER

Mr Morel wi oubyen non?

CHIEF FIRE OFFICER MR ANDRE MOREL

Wi Onorab.  Selman i pe vin 2019 baze lo PSIP ki annan dan sa.  Lifeguard nou try nou best toultan nou fer bann checks bann surprise checks; me solman  mon pa pou dir ou nou konnen letan en dimoun prezan si kekfwa en zofisye pli sinyor pa ase.  Ou konnen zot fer ou  – fer kapab fer keksoz i pa normal.  Me selman nou fer sir nou konsernen lo la nou osi pou dir lo kote disiplin nou ase konsernen.  E malerezman sa bann keksoz i arive selman ler nou konnen nou pran aksyon vreman.

MR SPEAKER

Mr Morel.  Onorab Lemiel.

CHIEF FIRE OFFICER MR ANDRE MOREL

Anba ‘’goods and services’’ mon krwar i kouver pou en pe saler osi pou bann lifeguards. 

 MR SPEAKER

Onorab Lemiel.

HON SYLVANNE LEMIEL

Mersi Mr Chair.  Mr Chair mon ti a kontan demann avek Minis or CFO kan ki nou pou konmans vwar konstriksyon sa stasyon Anse Royale.  Mersi.

MR SPEAKER

Mr Morel.

HON SYLVANNE LEMIEL

Eskiz mwan mon le konn son mwan – mon konnen an 2018 nou’n ganny nou Bidze.  Me ki mwan nou pou vwar i konmanse?

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab mon krwar konman boner 2018 sa stasyon  pou konmanse.  Boner 2018.  Akoz plan i deza preski  …

 (Interruption)

 MR SPEAKER

Savedir ou pe dir Zanvye ?

CHIEF FIRE OFFICER MR ANDRE MOREL

Yes.  Mon krwar  2018 boner i pou konmanse.

MR SPEAKER

Vwala ou pe dir Zanvye ke mon krwar Mr Lemiel i a fer sir ki Madanm Lemiel Onorab Lemiel ki an Zanvye ou ganny ou stasyon.

 (laughter)

 MR SPEAKER

En pti joke Roy.  Onorab Ramkalawan.

HON WAVEL RAMKALAWAN

Mr Speaker.  Mr Chairman mersi bokou. Dan sa Scheme of Service i annan eski ou pe fer  bann provizyon parske i annan bokou lo kote bann travayer ki par egzanp zot fer course zot pass apre zot pa ganny nanryen.  Allowance konman bann shift leaders serten ki gannyen serten pa gannyen.  E an menm tan dan sa Scheme of Service konmsi pou annan i dan ou Bidze pou par egzanp zot landrwa menm anba pou met koltar i annan  en kantite promes ki’n gannyen i annan en kantite labou letan lapli i tonbe. E promes apre promes breathing apparatus ki pa pe marse.  Konmsi eski kid an sa Scheme of Service zot pou sey fer en fason pou pran tou sa bann konsiderasyon pou improve kalite, zot bann dimoun.  Letan ou pe nonm Anse Royale Mr Speaker mon anvi demann li spesifikman wi nou’n vwar larzan pou sa e Mr Morel pe dir avek nou sa i en bon landrwa.

Wi i en bon landrwa akoz i dan plato ensidswit.  Ti kapab osi met flat dimoun ti pou dir i en bon landrwa. Si ti dir pou met flat sa Minister Lakaz ti pou dir i en bon landrwa pou met lakaz.

Me eski zot pe osi pran konsiderasyon ki pou dir sa landrwa la, i en landrwa ki  deza pe ganny servi pou kwa ki pou public meetings, kwa pou en landrwa rekreasyonnel.  E ki avek en Fire Engine la – I mean premyerman sa landrwa li menm l ii pou limite.  Risk insurance, risk insurance se sa mon pe dir ou 2 pwen ki bann firemen La Digue ti mete.  Eski zot pe mazinen pou fer rantre en risk insurance pou zot bann firemen?  E apre sa training programme training programme pou bann landrwa ki ganny license.  E la ankor enn fwa sa i en pwen bann firemen La Digue, kot napa okenn training ki zot pe zot la lazournen.  Si ti annan en larzan zot ti pou kapab al fer training dan sa bann landrwa touristik pou ki si i annan en dife zot ti ava kapab take over.  E an menm tan osi zot a fer coast lifeguard.  Sa lesplikasyon ki ou’n donn nou i konsernan i anba “goods and services’’konmsi eksplik nou ankor byen sa.  Lo ki baz ki sa bann dimoun i ganny anploye e si zot pe ganny anploye avek Fire Services, akoz avek zot Agency akoz zot lapey i pa dan ‘’wages’’?  E dan sa menm konteks eski La Digue i en landrwa ankor enn fwa kot i annan bokou demann lo nivo i annan bokou aksidan lanmer kot dimoun i noye.  Me parey pou Praslin, eski zot annan lentansyon met lifeguard lo La Digue vi ki en zil ki mazorite touris ki pas Sesel i pas laba osi tou ?  Mersi bokou.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Ou premye kestyon lo kote Scheme tou sa bann konsern ki ou’n fer sorti nou’n fer rantre dan sa Scheme, akoz nou ti refer nou Scheme an Out ki ti finalize nou ti foward kot DPA avek Minister Finans.  Tou sa ki ou pe dir nou la konsernan allowance, sertifika, tousala nou’n met ladan risk allowance tousala in antre ladan.

E training programme nou annan en training programme ki pou lo nivo zeneral e si en dimoun par egzanp La Digue parey ou e dir mon si en sa zofisye li laba, sa dimoun ansarz i santi i anvi al fer en training kot en lotel.  Zis i aranze kot sa lotel apre  i progranm son training i al fer.  Pa bezwen okenn larzan sa mon krwar zot kapab bann dimoun zot kapab plan zot menm zot laba.  Pa bezwen larzan sa enn.  Lo kote lifeguard pou La [Digue i osi dan nou plan parey mon ti dir taler, i dan nou plan stratezi sa 5 landrwa kot nou ti sipoze met lifeguard La Digue, Grand Anse, sirtou Grand Anse i dan sa plan.

Pou landrwa Anse Royale parey kekfwa mon’n dir taler i pa pou vreman en problenm mon panse pou  fonksyonnman sa landrwa la avek nou prezans la.  Kontrer mon krwar i pou en lavantaz.  Nou pou dan sa site la.  Mon panse kekfwa akoz zot pe fer stage la zot kapab bouz li en pe pli en pti pe pli laba.

MR SPEAKER

Ok.  Wi Onorab Ramkalawan enn ptipti.

HON WAVEL RAMKALAWAN

Mr Speaker mon anvi demann  swivan sa lo kestyon bann lekipman ki’n kase.  Konmsi ki mannyer mon konpran zot annan bokou bann  lekipman ki’n kase ki pa pe servi.  E ki le 17 Novanm letan le 17 Novanm la i sipoze annan en vizit, non Prezidan i sipoze vin vizit zot.  E ki mannyer mon konpran zot in fini ranmas tou sa bann lekipman ki ‘n kase konmsi pou donn lenpresyon pou dir tou keksoz i ok.  E sa i sorti kot, mwan mon pa ti konnen pou dir pe vin kot zot.  Tousala se bann konsern ki ou bann prop dimoun i met devan e ki mannyer min menm dan sa Gym zot annan anba se bann firemen menm ki kontribye pou zot ganny sa Gym.

        Konmsi alors zot pe zot montre zot devosyon zot lanmour.  Me ou pa krwar konmsi ti pou bon kit tou sa bann lekipman ki pa bon, pou ki Prezidan ti ava vwar e ki si ou bezwen en Bidze nou ti ava kapab donn ou me savedir ki la ou pe donn lenpresyon  pou dir tou keksoz i ok. 

 MR SPEAKER

Ok kestyon i kler.  Mr Morel.

CHIEF FIRE OFFICER MR ANDRE MOREL

Mersi Onorab.  Non i pa vreman ki nou’n fer tir tou bann vye lekipman ki la.  Lekipman i preski parey li.  Me selman zis nou’n tir en pe.  Ou konnen akoz ler dimoun vin vizit kot ou bezwen fer netwayaz mon panse sa i normal.  Ou pa kapab kit tou keksoz akoz kot zis nou’n tir en bout ki vreman pa kapab aranze.  Nou bezwen met li en landrwa.  Solman mon krwar i normal ki en dimoun ler i pe vin vizit kot ou ouswa ou met li en pe lapropte.

Lo kote ….

MR SPEAKER

Gym.

 CHIEF FIRE OFFICER MR ANDRE MOREL

Lo kote gym tou sa lekipman ki dan gym i pou SFRSA – zis enn de pwa ki bann firemen in anmenn sa depi ler nou ti fer sa gym pre 3an pase.  Napa okenn lekipman ki fek rantre dan sa gym la avek sa vizit ki pou vini non.  I pa vre.

MR SPEAKER

Onorab pe dir ki zot kontribye zot menm me i en bon keksoz si zot kontribye zot lasante pe benefisye.  So napa nanryen mal avek sa e mon byen kontan ou pe netway ou salon pou Prezidan vini.  Onorab Ghislain.

HON CHANTAL GHISLAIN

Mersi Mr Speaker.  Mr Speaker mon kestyon pou CFO mon ti a voudre konnen zot fire tender ki zot al attend to emergency la.  Mon ti a voudre konnen leta i ete akoz aparaman mon’n aprann ki i pa tro, tro kalipa.   Sa enn premye ki al lo sin premye pou al attend to the emergency.  E si vreman i annan en pe lespas dan Bidze, akoz nou pa esey fer sa Scheme  of Service pou bann zofisye firemen lo baz ki CFO in dir?  Mersi

MR SPEAKER

Briefly Mr Morel.

 CHIEF FIRE OFFICER MR ANDRE MOREL

Mersi Onorab lo kote fire tender mon pa konnen si ou pe koz La Digue, non Mahé nou annan 7 fire tender ki operasyon.  Tousala i fonksyonnen.  Me solman parey ou konnen avek masin toultan i annan en defect ki pou arive.  E ler i arive nou try nou best pou nou repar li.  vreman i annan masin ki malgre son laz be i ankor pe donn en bon servis e nou pa pou servi en masin ki pa operasyonnel pou nou attend en scene  ladan.  Sa i nou prosedir.

MR SPEAKER

I pe ganny byen maintain. 

 CHIEF FIRE OFFICER MR ANDRE MOREL

Yes akoz  nou annan masin ki annan 24an la i ankor pe respond lo emergency – savedir i montre nou landrwa ki maintain byen masin.  Me solman parey …

MR SPEAKER

Onorab Ghislain vitman.

HON CHANTAL GHISLAIN

CFO mon aprann ki sa enn ki al lo scene premye sa premye fire tender ki al attend to emergency premye ki sorti.  mon aprann ki zet ler i zet en pe ler i prezan pa tro bon i annan 23an apepre.

MR SPEAKER

Premye masin Mr Morel.

CHIEF FIRE OFFICER MR ANDRE MOREL

Non nenport masin en dimoun i kapab servi li konman en first attendance.  I pa savedir i kapab pran zis sanmenm sa .  Akoz first attendance ou kapab servi nenport masin.  Me solman ki ou pe dir mon konnen ki ou ti pe dir i vreman i annan en pti defect ler me selman i pa afekte son deplwayman pou lemoman.  Si nou vwar ki i en konsern nou a tir lim dan fleet. 

 MR SPEAKER

Ok Onorab Sophola.

HON NOLINE SOPHOLA

Mersi Mr Speaker.  Mon kestyon pou CFO kot fire fighters i konsernen ki rasyonnal pou determin son inducement oubyen displacement allowance? Eski pou annan en ogmantasyon dan sa sonm ki zot pe gannyen? E 2enm pou Island posting, eski sonm ki sonm pou allocate pou La Digue i parey pou Praslin?  E lifeguard mon’n tonm i nonm Anse Royale, me ou pa’n nonm La Digue e kantmenm sa kestyon in ganny poze mon bezwen demande pou fer dimoun La Digue konnen mon pe demande.  Eski sa kestyon eski lifeguard pou ganny mete La Digue?  Mersi.

MR SPEAKER

Ok kestyon i ok mon krwar Onorab Ramkalawan ti demande taler.  La ou’n demande Digwa a tann ou osi.  Ale Mr Morel.  Mr Morel.   Order!  Order!

CHIEF FIRE OFFICER MR ANDRE MOREL

Parey mon dir lifeguard pou La Digue i osi dan plan Grand Anse La Digue ; me solman nou pa’n gannyen pou lemoman.  E lo kote Island posting zot island posting allowance i R1500 konpare avek R1200 parey mon ti dir taler pou La Digue.

MR SPEAKER

Mersi  2 dernyen kestyon Onorab Andre apre Onorab Ferrari.  Onorab Sophola ou ti Annan en siplemanter?

HON NOLINE SOPHOLA

Non, i pa’n eksplik mon sa rasyonnal pou donn inducement oubyen sa displacement allowance.  Mersi.

MR SPEAKER

Mr Morel.

CHIEF FIRE OFFICER MR ANDRE MOREL

Mersi Onorab.  Inducement allowance i ganny determinen par bann ran.  E sa i ganny determinen par DPA. 

MR SPEAKER

DPA.  Onorab Ghislain.

HON CHANTAL GHISLAIN

I annan en bout mon 2enm kestyon i pa’n reponn mon krwar PS ki sipoze reponn sa.  Mersi.

MR SPEAKER

PS.

 PS PATRICK PAYET

Mersi Mr Chair, mersi Onorab.  Zis pou note ki nou ti ganny en request pou Seychelles Fire Rescue Services Agency.  Pou met zot Scheme an 2018.  E premye request ki zot ti mete ti R11.2 milyon.  E nou’n advise ki nou pa pe kapab accommodate li 2018  letan nou ti fer premye proposal for Budget ceiling avek bann Lenstitisyon Gouvernman.  E secondly zot ti fer en second proposal again pou revised en pe, pou vwar bann konponan ki zot kapab mete.  E sa ti pou ariv R4.5 milyon.

E nou’n vwar ki letan nou’n regard en pe Scheme Seychelles Fire Rescue Services Agency.  Ki zot Scheme ordinerman ki’n regarde at least  i annan 5an ki nou kapab reviz li.  Me zot Scheme mon krwar pa ti ankor arive sa time ki ti pou annan revizyon.  Vi ki nou ti annan bokou Scheme ki ti pe almost 96 million rupees ki ti pe vin loperasyon 2018.  Nou ti vwar ki  avek sa evalyasyon lo Komite ki pe revwar saler Gouvernman  2018 nou ava pran kont bann additional Scheme ki pou vin into force into operation tre byento bann ki ankor dan pipeline.  E Seychelles Fire Rescue Services osi nou ti pou revwar li an 2018  si nou pou kapab enplimant li e kan nou kapab enplimant li vi kot ti deza annan en Scheme of Service.

 MR SPEAKER

Mon ti dir i annan 2 dernyen kestyon Onorab Andre ek Onorab Ferrari.

HON CLIFFORD ANDRE

Mersi Mr Chair.  Mr Chair mon pe get program nimero 2, avek program nimero.  Nimero 2 i lo paz 250 ek nimero 3 i lo 251.  Mon pe demande ki an vi ki sa 2 progranm i annan en sonm konsiderab, si mon kapab ganny en lenformasyon dan sa 2 progranm si pou osi Annan fire hydrants ki pou ganny mete dan bann diferan landrwa, vi konmela nou vwar dife pe al en pe pli lwen.  E ki mon’n ganny dir s i ede pou dimoun komans konbat serten dife avan ki Fire Services i vini.

MR SPEAKER

Mersi pou ou kestyon.

HON CLIFFORD ANDRE

Apre mon lot kestyon.

MR SPEAKER

I annan zis en kestyon.  Mersi pou ou kestyon.  Onorab Ferrari.  En kestyon apre Mr Morel i ava reponn.  Onorab Andre tenny pou ou.  Onorab Ferrari.

 HON JEAN-FRANCOIS FERRARI

En senp kestyon anba dernyen progranm mon vwar i annan fire training ok?  E pou sa ladan mon vwar i annan 1.6 milyon lannen pase 1.6    osi.  Well 2017   2018   mon ti a kontan si Mr Morel i kapab dir avek nou ki mannyer i marye sa bann sa sonm pou fire training avek osi training fees ki dan “goods and services” ki annan ankor R470 mil pou training.  Konmsi ki akoz i annan training anba  “goods and services” apre i annan spesifikman en vot R1.6  milyon anba ‘’fire training.’’ 

 MR SPEAKER

Mr Morel 2 dernyen kestyon Onorab Andre avek Onorab Ferrari.  Oubyen ou le Mr Lemiel oubyen PS  Payet i reponn?

CHIEF FIRE OFFICER MR ANDRE MOREL

Bon mon ava reponn premye kestyon Onorab Andre.  Lo kote fire hydrant nou, nou fer nou rekomandasyon me selman PUC ki  enstale.  Akoz pa nou ki enstale fire hydrant.  Nou, nou fer rekomandasyon bann landrwa ki nou vwar i neseser.  E PUC ki met li an aplikasyon.

MR SPEAKER

PS Payet oule azoute?

PS PATRICK PAYET

Mersi Mr Chairman.  Mersi Onorab, e zis pou azoute ki training fees ki dan Bidze zot alokasyon Bidze ki pou zot training ki zot donn zot staff. Savedir diferan training par egzanp si zot anvoy staff training fer sir zot ankadre zot.  Tandis ki dan sa bann kid an revenue, i bann ki zot sarz bann lezot private sector once ki zot pe donn sa training.  Par egzanp li mannyer pou servi enn de bann fire lekipman bann keksoz koumsa.  So zot charge private sector osi. 

 

MR SPEAKER

Onorab Ferrari ou ok avek sa, sorry mon konnen i annan 4 zot ki’n lev zot lanmen apre ki mon’n dir i reste zis 2.  Nou bezwen al en pti pe pli vit.  E apre midi mon pou ek Lapolis.  Akoz nou annan en kantite bann gran Minister pou nou kouver.  Avek sa Mr Morel in donn larepons pou tou bann keksoz ki’n kouver bokou size.  Nou annan en vot pou nou pran lo paz 247  total to be appropriated 71.2 million.  Tou bann ki pour lev zot lanmen.  Vote.  Clerk, Clerk.  Ok, silvouple tou bann nou pe vot lo larzan ki pou ganny appropriated i lo paz 245 vwar dan total to be appropriated i anba 71.2.  I en detay  ki sennla

HON AHMED AFIF

Mon ti’n demann en  detay lo grander batiman.  Parske i en gro poursantaz i R8 milyon pou en batiman.  Nou pa ni konn son grander ni konbyen pe koute par  met kare.  Plis ki 10 poursan ou Bidze nou pa konnen egzakteman kwa.

 

MR SPEAKER

Me konmsi mon‘n konpran Mr Morel i dir i pou anvoy sa lenformasyon dir i pa konnen ou pe dir nou pa kapab vote si napa en lenformasyon? Wi Mr Morel ale donn nou.  Eksplik nou en pe.

 

CHIEF FIRE OFFICER MR ANDRE MOREL

Mr Chairman sa main batiman li menm i napa en sel batiman.  Konmsi en sel block of block.  I annan workshop mekanisyen, nou annan en training facility ki annan son tower ansanm.  Apre nou annan bann lezot pti keksoz ki al avek.  Sanmenm sa aki fer ki fer li tonm dan sa pri.  Well baze ki sa dimoun ki’n fer plan taler in baz li apepre en R9.6 milyon antour i annan fencing – i annan proparater, tousala i ; sa 17 milyon i pou masin avek lekipman zonm.  Nou pa ankor tender nou.   Non, non nou pa ankor tender nou.

 

MR SPEAKER

Ok Onorab Afif ler i ava’n ganny son bann  lenformasyon i ava dir nou.    Ok.  Alright.  Silvouple – Order!  Order !  Wi Onorab De Commarmond ?

 HON CHARLES DE COMMARMOND

Wi Mr Speaker sa ki mon pe dir i pou en lenfliyans osi lo sa vot ki nou pe al pran.  I annan 4 milyon ki manke si oule pou sa Scheme of Service pou firebrigade.  Mon pe zis sizere ki bann larzan ki’n ganny freeze avan dan Bidze ki  4 milyon ladan i kapab ganny servi pou sa Scheme pou fdirebrigade.  Mersi.

MR SPEAKER

Me sa i pou over and above sa ki pe ganny appropriated la ki ou pe dir. Pli tar.  La nou pe vot lo sa ki’n ganny propoze pou appropriated.

 HON CHARLES DE COMMARMOND

Ki kapab ganny konsidere dan sa bout ki’n ganny freeze.

 

MR SPEAKER

Ok.  Alright sa i pou pli tar.

HON CHARLES DE COMMARMOND

Si Finans si i ti kapab donn en commitment lo la.

 

MR SPEAKER

Finans in note.  Mon krwar ou pa devret dan en commitment la ou’n note ou a konsidere ou pwen i ganny konsidere.  Nou pran en vot tou bann ki pour sa sonm pou ganny appropriated pour Fire Rescue Services Agency lev zot lanmen?   Clerk.

 

MADAM CLERK

Mersi Mr Chair 28 Manm an faver.  Mersi.

 

MR SPEAKER

Tre byen.  Mr Morel ek Mr Lemiel zot Bidze on ganny aprouve par Lasanble.  Nou pou pran en pause.  Midi in sonnen nou pou retournen 2er.  E mon ti a kontan dir ki ler nou tournen nou pou pran Lapolis.  Department of Police  e ler nou pou konmanse mon krwar nou bezwen al en pe pli vit lwe nou pou konmanse mon pou demann trou dimoun ki le koze pou lev zot lanmen nou pran en lalis apre nou pou fermen.  Nou pa pou kapab ler in ariv enn erdtan apre i ou deside i en siplemanter kestyon we going to ‘go to question that are directly related to the Budget.  Napa okenn fringe kestyon. Nou a konmanse 2er.  Bonn apeti.

 

 

(BREAK)

 

DEPARTMENT OF POLICE AND NDEA

 

MR SPEAKER

Bonn apre midi tou dimoun.  E petet nou a fer en lapel spesyal ki mon konnen Deputy Speaker in koz lo la.  Ki dimoun i atan pou nou konmans nou travay.  Mon remarke la lanmwatye kote latab isi pa ankor vini, me nou ti 2er nou pou konmanse.  Ok, alright ok Onorab Ferrari ok.  Bon bonn apre midi tou dimoun mon ti a kontan swet labyenveni Komisyoner Lapolis evidaman Minis Mondon ki’n la bomaten ou ti la avek nou.  Komisyoner Lapolis avek ou lekip ki’n vini pou koz lo pou reponn kestyon lo Lafors Departman Lapolis.

Me petet mon ti a kontan si i ti premye fwa i vin dan Lasanble profit sa lokazyon pou felisit Deputy Commissioner Songor.  Mon’n konn li en pe letan, letan mon’n travay Les Mamelles.  E mon krwar pou tou dimoun ki pe ekout nou i relativman zenn.  Kantmenm ou vwar seve konmsi ou a krwar i konmans en pe kler. Me selman i en legzanp  ki Komisyoner in travay ek li NDEA in krwar ler ou annan disiplin travay dir i anmenn rezilta.  Alor Deputy Commisioner Songor mon konnen Onorab Georges pa la in al ankour.  Me mon osi si i ti la i ti pou zwenn mon pou felisit ou vivman ki ou pe Les Mamelles fyer.  Bon parey mon ti dir bomaten nou bezwen al pli vit e nou pe sey restrikte Lapolis bann kestyon pou en erdtan.  E mon pa pe dir mon pe anpes zot koze me sey direk.  Nou konn Komisyoner in vin dan Lasanble in pas plis ki en erdtan edmi ek nou pu reponn tou nou kestyon.  I nouvo relativman.  I annan en plandaksyon ki’n donn sa 2 Leaders pou vwar.

E ankor annou konsantre lo Bidze, rather than manda oubyen bann fringe kestyon parey mon ti dir taler.  E parey mon ti dir pou nou annan en lord ki sa ki anvi koze lev zot lanmen e Deputy Clerk mon a donn nou sa responsabilite pou note non tou dimoun ki anvi koze.  Bon tou dimoun ki anvi koze, Onorab Andre in lev son lanmen.  Deputy Clerk, petet Clerk i a ed ou.  E letan Deputy i pe pran sa bann lenformasyon mon a demann Onorab Andre pou poz  ou kestyon.

 

HON CLIFFORD ANDRE

Mersi.  Mr Speaker zis en kalifikasyon.  Akoz lafason ki  Bidze i reste parey NDEA avek Lapolis mon vwar Deputy Commissionner ki ti kot NDEA, eski nou pou pran tou lede ansanm oubyen nou pou pran NDEA avan ?

 

MR SPEAKER

PS Payet mon krwar nou pe pran tou lede  ansanm apre nou a pran en vot pou tou lede se sa?

 

PS PATRICK PAYET

Wi.  Mersi Mr Chair Parey zot vwar lo paz  235 Seychelles Police i annan programme 1 ziska programme 5.  E programme 5 i Drugs and Enforcement so i enkli ladan.

 

MR SPEAKER

  1. Yes Onorab Prea. Wi, sorry.

 

HON NICHOLAS PREA

Mon pe zis sinyal Deputy Clerk.

 

MR SPEAKER

Ok, pa mwan ki pe pran Deputy.  Ou’n pran ou’n gannyen?  Ou’n ganny Onorab Pillay? Wi Onorab Stephen Pillay ou lo la.

        Ok, zis mon a lir pou Onorab Afif, sorry mon pa’n petet ou devret lir ou menm mon pa konpran ou lekritir.  Eskize.  Lir Madanm Deputy. 

 

MR SPEAKER

Lir tou sa lalis pou nou konnen tou dimoun ki pou koze silvouple.

 

MADAM DEPUTY CLERK

Onorab Afif, Onorab Wilbert Herminie, Onorab  Jude Valmont, Onorab Churchill Gill, Onorab Regina Esparon, Onorab Noline Sophola, Onorab Egbert Aglae, Onorab Wavel Woodcock, Onorab Stephen Pillay, Onorab Nicholas Prea

I annan okenn Manm ki mon’n manke?  Onorab Mondon avek Onorab Andre Onorab Ferrari, Onorab Lemiel.

 

MR SPEAKER

Onorab William, Onorab Ramkalawan.  Ok Onorab Henrie ou’n mete? Onorab Andre ou kapab poz ou kestyon.  Mon’n dir sa kler.  Ou konnen les mon eksplike.  Nou’n dir nou bezwen al pli vit nou bezwen pli efikas.  Mon re dir sa ki mon ti pe ‘dir avan serten Manm in antre.  Deputy Speaker in dir sa yer, anvoy sey ariv a ler.  Ler nou dir 2er ariv 2er.  Rezon ki nou’n deside prezan mwan mon’n deside akoz ki mon vwar ki ennler en dimoun i sorti i ale.  2 keksoz i arive.  I retournen sa in ariv 2 fwa sa semenn i demann menm kestyon ki enn in demande pli boner.  Lot keksoz en dimoun i vini i relax en pti kou i lev-e i demann kestyon.  Nou bezwen serye nou pe demann kestyon pou nou fer sir ki keksoz i marse vit e we’ve got to be good time managers.  Time is money.  Vwala se tou.  Onorab Andre.

 

HON CLIFFORD ANDRE

Mersi Mr Chair.  Mon pou demann Komisyoner pou dir nou si avek sa salary sa saler ki’n donn nou i tonm in cash i tonm 169 milyon.  Si i enkli bann logmantasyon ki ti koz lo la letan i ti vin dan Lasanble.  Epi pou li konfirmen ki the  basic salary of en polisye pi pa R12 mil o kontrer i R7500 akoz i annan ki payslip zot payslip letan ou add allowance ki fer li mont R12 mil.  Apre mon pe get dan … letan nou desann pli ba kot i dir overtime i annan R743 mil so sa i pou enkli tou bann overtime k ii pe espekte bann polisye pou fer.

E la DPA ti vin kot nou ti dir nou ki bann compensation PS i la i ava koriz mon compensation i ganny pran konsiderasyon par Departman zot menm.  Mon vwar ladan i annan zis R2.5 milyon.  Eski sa i korek, oubyen letan pou kalkile pou enkli bann lezot pou NDEA ; akoz mon’n gete dan programme 5 mon pa vwar compensation lo Budget pou NDEA.  So sis a bann dimoun ki’n transfer, sa sistenm i arive si i ganny pran an konsiderasyon anba sa 2.5 la? Apre i annan an referans avek fares, mon vwar fares i 8 milyon.  Kekfwa mon vwar hire of vechicles solman ki tonm anba fares.  Kekfwa ComPol i kapab eksplik nou en pti pe sa chiffe pou ki nou a kapab ganny en pli lesplikasyon.  Apre i annan bann bed linen ki lo la i mete bed linen me selman konman en Avoka pa konfli lentere.  Me konman en Avoka mon vwar sa bann dimoun dan kaso e zot fanmir ki anmenn en matla pou zot. So mon pe zis demann en pti pe sa bed linen pou ki pou kwa sa?  Mersi.

MR SPEAKER

ComPol.

 COMMISSIONER OF POLICE MR KISHNAN LABONTE

Mersi Mr Chair.  Pou ou premye kestyon lo “salary and wages” pou fer kler ki ler mon ti rantre le 9 Oktob Bidze Lapolis ti’n fini ganny soumet.  Propozisyon ki mon tri fer ki mon annan e mon’n soumet Action Plan  avek Leader Gouvernman, Leader Lopozisyon, Speaker, Deputy Speaker. E sa i mon plan tousala ti’n fini prepare ladan.  Petet pou klarifye sa bann keksoz mon a fer Madanm Lebon ki’n la depi avan i kapab dir kwa sa bann keksoz.

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Sa konpansasyon 2.5 ki ou’n mansyonnen i konpansasyon ki nou mete pou bann exiting employees, apre bann employees petet ki lo Kontra.  E zot pe renouvle zot Kontra.  Alors i annan sa konpansasyon payable e sa i ganny peye anba la.  Me sa 2.5 ki primarily pou bann exiting employees.  2.5 i zis pou Lapolis.  Bann exiting employees.  Bed linen sa i pa pou i pa en Bidze ki pou bann detenir dan kaso, akoz sa Kordgard li sa dimoun ki ansarz son Kordgard li i fer son rekizisyon son bann keksoz ki i bezwen pou son kaso.  E sa si i annan ladan ki i bezwen i ava annan provizyon anba sa Bidze ‘’linen’’ pou li gannyen pou son kaso.  Me bann barak osi i servi en serten proporsyon linen e tousala i ansanm.

MR SPEAKER

Onorab Herminie i relye ou kestyon?  Go ahead.

 HON WILBERT HERMINIE

Mersi Mr;Speaker.  Bonn apre midi ComPol ; mon kestyon i lo i relevan avek sa larepons ki Madanm Lebon in donnen.  Mon tip e zis gete a ba sa 2.5 la i pou kouver bann ex-zofisye

National Guard ki ti transfer from Lapolis pou Larme ?  Mersi Mr Speaker.

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mon war yer si mon ti pe ekoute SPDF ti reponn sa kestyon.  Bann peyman konpansasyon pou sa bann group zofisye napa nanryen pou fer avek Lapolis.  Tou dapre bann meeting ki’n ganny fer ek DPA avek SPDF Sa pe ganny taken care of sa 2 departman.  Napa nanryen pou fer avek nou zot bann konpansasyon.

MR SPEAKER

Onorab Jude Valmont.  Wi Onorab Herminie ou annan en supplementary?  . 

 HON WILBERT HERMINIE

Mersi Mr Speaker.  Yer lo kote ladefans zot ti pe take up sa issue SVPD e mwan mon kestyon spesifik lo National Guard. 

 MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mon .a les Depite Songor reponn sa kestyon silvouple.

MR SPEAKER

Deputy Songor.

DEPUTY COMMISSIONER MR ROMANO SONGOR

Mersi Mr Chair.  National Guard Officers bann ex letan zot ti transfer avek PSSW zot ti ganny peye tou zot bann benefis, konpansasyon pro rata Gratwite.  Me selman zot in continuous service pandan 2an lo Kontra 2an avek PSSW.  I annan bann ki ti letan zot ti sorti Praslin ti annan apepre 14 zot.  zot ti rantre zot ti ganny peye pou Kontra 5an.  Akoz zot ti bann new recuit.  So larestan tou ti’n fini ganny peye.  Mersi Mr Chair.

MR SPEAKER

Mersi Depite.  Onorab Valmont.

HON JUDE VALMONT

Mersi Mr Chair. Bonn apre midi tou koleg Onorab, Minis e delegasyon.  ComPol mon konnen ou pa’n ou annan en pti moman letan ki ou’n pran ansarz Lafors.  Me mon swete ki ou’n ganny sans pas dan en pe bann stasyon sirtou bann mother stations – mwan mon pou koz plis spesifikman lo stasyon ki kouver mon distrik e kouver Anse Aux Pins en bout Au Cap e menm Cascade.

Mon aprann ki dan shift i annan – i cater pou pran apepre 12 en douzenn zofisye.  Me pou lemoman i annan sityasyon ki annan 9 ou 10.  Me mwan mon ti a voudre demann ComPol ; akoz mon demann ou sa kestyon se ki lefe ki nou malgre nou apresye zefor ki zofisye pe fer,  me nou pa san poursan satisfe avek prezans lo teren.  Alor mon pe demann ComPol si i santi ki apre sa bann vizit si i santi dan en shift konman en landrwa parey Anse Aux Pins mother station si i ase en douzenn zofisye dan en shift or i santi ki i bezwen sipor, sipor Lasanble pou nou pouse pou menm increase lakantite zofisye ki annan dan en shift, pou increase vizibilite e work capability, bann zofisye Anse Aux Pins.  Mersi.

MR SPEAKER

ComPol.

 COMMISSIONER OF POLICE MR KISHNAN LABONTE

pou reponn ou kestyon senpleman nou  pou bezwen increase  manpower Lapolis an zeneral.  Premyerman nou pou vwar Lafors Lapolis an se moman i annan apepre mil dimoun.  Me ladan i annan en bon pe ki mon kontan dir i bann dan Sensitive Security.  Ler ou gete i donn ou en fo lenpresyon nou Lafors Lapolis zot pa pe fer louvraz desarz Lafors travay Lapolis operasyonelman.  Zot plito pe vey bann building Gouvernman eksetera.   Me sa lot lannen sa lannen ki pe vini mon anvi ki zot detase avek Lapolis.  E i akoz i donn en fo lenpresyon e nou recruit plis dimoun anba Bidze Lapolis.  Mersi.

MR SPEAKER

Onorab Regina Esparon.

HON REGINA ESPARON

Mersi Mr Speaker.  Mr Speaker lo paz 237 anba “current receipt” mon’n vwar i annan  “service of special Police” avek National Guards.  Mon ti anvi Komisyoner eski National Guard avek special service Police la.  Eski in, ganny entegre totalman anba Lapolis?

MR SPEAKER

ComPol oubyen Depite.

HON REGINA ESPARON

E dezyenmman enn bann ‘’current challenges’’ se “recruitment policy could not be fully implemented due to Budget constraints,” eski in annan demann dan sa Bidze pou ki zot ganny Bidze pou kapab recruit nouvo Zofisye Lapolis?  Mersi.

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mersi Madanm Onorab.  Mon sipoze lo sa premye bout ou pe adres bann ‘’current receipts’’ wi ? Wi.   Bon i annan en fot la kot “service of special Police National Guards” i devret anba.  E ‘’provision of security pou bann small vessels’’ i devret par lao anler.  I annan en pti fot la.  Sa ki zot dir slash National Guard la i menm li PSSW – Public Security Support Unit.  E provision of security i sa i pou bann “small vessels” lo lanmer.  Parey nou dir SVPD.

MR SPEAKER

Ok Madanm Onorab? Ale poz ou subsidiary. 

 FINANCIAL CONTROLLER MRS ANGÉLE LEBON

Recruitment dan Bidze nou’n ganny zis 11 konstab.  Ki nou annan drwa recruit anba sa Bidze la ki nou’n gannyen zis 11.

MR SPEAKER

Tenny ou micro Madanm Lebon pou li poz son dernyen.  Ou ok?  Bon Onorab Lemiel.

HON SYLVANNE LEMIEL

Mersi Mr Chair.  Bonn apre midi.  Mon kestyon i al koumsa dan Bidze lannen pase ti annan en larzan ki ti’n ganny dedye pou aranz Stasyon Lapolis Anse Royale.  Me ziska la nou pa ankor vwar nanryen ki’n ganny fer.  E an menm tan Anse Royale i annan en plot ki allocate pou li fer en nouvo stasyon.  E ler mon pe get dan Bidze ankor.  Pou ziska 2020 mon pa vwar nanryen ki’n ganny mete konsernan sa.  Eski nou kapab ganny en pti lesplikasyon?  Mersi.

 COMMISSIONER OF POLICE MR KISHNAN LABONTE

An se moman i annan renovasyon kip e fer Anse Royale.  Apre de semen pase mon’n vizit Kordgard Anse Royale, i annan renovasyon ki pe fer.  E ler mon’n vizite mon konsern se ki ti napa en fasilite twalet pou bann gard ki pe travay.  E zot ti, pou bezwen al fer zot bezwen si aswar kit Kordgard al dan en lot lakaz gard pou al fer sa.  Mon ti donn lotorizasyon kantmenm mon ti napa larzan mon dir Madanm Lebon sey rod larzan pou fer en twalet ek son bathroom  akote ; akoz mon dir zafer sorti pou al dam en external toilet sa letan Sesel nou’n fini sa.  Mersi.

MR SPEAKER

Onorab Wavel Woodcock.

HON SYLVANNE LEMIEL

Mr Speaker.

MR SPEAKER

Yes Onorab Lemiel.

HON SYLVANNE LEMIEL

Mon oule ganny en  leklersisman lo kote Kordgard Anse Royale relocation ; eski i dan plan mon pa vwar nanryen dan Bidze e sa ti en koze ki ti’n ganny koze depi lannen pase ti dir pou met dan Bidze  sa lannen.  ComPol ou nouvo, me sa i ti’n fini ganny dir poudir pou met dan Bidze.  Me selman mon pa konnen ki arive.

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mersi Madanm Onorab.  Pou lannen 2017dan  ‘’capital budget’’ ki nou dir PSIP nou ti ganny zis  R450 mil pou Anse Royale Police Station.  E ou menm ou, ou kapab mazinen ki scope of work ou kapab mete dan R450 mil.  Ti tre limite.  Nou’n sey fer bidding, nou’n sey fer selective bidding dimoun pa ti enterese.  Parske sa larzan ti tro ptipti.  Epi pou sa scope of work ki nou ti pe ensite lo la.  Epi travay  ti bezwen ganny fer ek sa Kordgard in full operation.  E sa in retard travay en kantite.  Akoz ou bezwen bouz dimoun isi, bouz dimoun laba pou nobou fer.  Prezan anmezir ou pe fer sa reparasyon dapre scope of work, ou dekouver lezot pouritir.  Ou konpran?  E i pa en travay fasil me selman in fek konplete sa travay anba sa  450 mil.  E mon pa ankor monte ganny en sans mont Anse Royale. pou al fer certificate of completion.  Me bomaten mon’n anvway mon maintance supervisor i dir mon travay in konplete parey scope of work and even better ki nou ti ekspekte.  Epi i annan additional works ki ComPol in demann toilet pou ganny fer anndan dan Anse Royale.  Se tou.

Dan sa lannen nou’n ganny PSIP 3.3 milyon.  E i ti dedye pou La Digue pou nou repar La Digue avek Santral Headuarters.  Me swivan en vizit ki ComPol in al fer La Digue weekend, desizyon li a ganny pran ki mannyer nou pou servi dan full extent of that PSIP.  Mersi.

MR SPEAKER

Onorab Woodcock.

HON WAVEL WOODCOCK

Mersi Mr Speaker.  Bonn apre midi Komisyoner, Minis.  Mr Speaker mon konpran ki Komisyoner sa Bidze i en Bidze ki inherit, me selman mon bezwen demann li sa kestyon si i satisfe avek sa Bidze ki in gannyen.  Par lefe ki nou fek annan en meeting semenn pase kot Komisyoner ti la Minis pou Tourizm regardant sa bann latak sirtou bann vol avek vyolans lo bann touris e menm lo nou zabitan lo Praslin. Par lefe ki annan plizyer keksoz ki ti pe demande ki ti pe menm demann bann businessman pou ede avek ede sponsor parey en police van, en mobile Police Station, e osi pou re ouver Kordgard dan ouver Kordgard kot Cote D’Or.  Konmsi mon kestyon i eski Komisyoner i annan ase resours pou li sa Bidze i ase pou li ganny bann resours ki nou bezwen pou ranforsi lafors Lapolis lo Praslin.  Par lefe k ii annan en kantite keksoz ki manke, en kantite keksoz ki manke.  I annan mankman resours imen parey mon’n dir plizyer lezot keksoz ankor.  E en keksoz ki Ko misyonner ti koz lo la se pou refer bann Zofisye Lapolis retourn dan lafors lo en baz part-time.  Eski provizyon in ganny fer dan Bidze pou sa lannen ki pe vini ?  Eski ou satisfe avek sa Bidze?  Eski i pou donn ou sa bann resours ki ou pou, bezwen pou ou kapab fonksyon fer fonksyonnen pou Lapolis Lafors Lapolis Mahé e osi sirtou lo Praslin?  Mersi Mr Speaker.

MR SPEAKER

ComPol.

 COMMISSIONER OF POLICE MR KISHNAN LABONTE

Mersi Mr Chair.  Onorab parey ou’n dir pa mon ki’n fer sa ki’n propoz sa Bidze.  E pou Praslin konmela mon krwar i annan apepre en karantenn polisye Praslin ek La Digue.  Mwan a mon avi Praslin i bezwen apepre en 75 polisye.  Nou konnen kot Cote D’Or i annan problenm, Praslin i annan problenm.  Depi Lendi i annan apepre 16 zofisye ki’n monte.  E ler mon telefonn Praslin i dir mon in dosil en pe konmela.  Me pou mentenir sa 16 zofisye ozordi nou bezwen don tou keksoz ki nou’n mete li koute.  Pou donn sekirite nou pou bezwen larzan.  En lot keksoz se ki mon ti dir weekend ler mon ti Praslin, se nou pou bezwen re ouver sa Kordgard Baie Ste Anne fer li vin en full functioning Police Station, parey Grand Anse.

Nou pou bezwen kontezan zofisye.  E nou pou bezwen larzan pou rekrit sa bann zofisye.  Parey Madanm Lebon in dir ki an se moman nou’n ganny ki dan saler i zis pou 11.  Nou pou bezwen larzan pou rekrit plis zofisye.  E menm zafer i aplik pou La Digue.  La Digue nou pou bezwen ankor plis dimoun.  E partou i pa zis La Digue Praslin i partou nou pou bezwen met prezans gard.  E an plis lo Praslin mon ti dir mon ti anvi i mon dezir pou relans sa sistenm special constable.  E bann ansyen dimoun ; i pa neseserman dimoun i gard me bann dimoun ki annan lentere i travay en travay, me apre dan weekend ti annan dan letan Kolonyal i ti mars byen ganny en saler zot vin travay pou dezer tan e sa i beef-up nou existing Police Force.  E zot ti fer sa e mon annan nide prodwir sa Praslin.  Mersi Mr Chair mon krwar mon’n reponn ou kestyon.

MR SPEAKER

Onorab Woodcock ou ankor annan.

HON WAVEL WOODCOCK

Zis en pti si siplemanter plito en propozisyon.  Mon ti a propoze avek sa bann larzan ki nou pe koupe kekfwa Minister Finans i kapab koensid anmenn anvoy en pti pe plis larzan pou nou recruit en pti pe plis zofisye lo Praslin. Or pey en pe plis Zofisye Lapolis lo Praslin.  Mersi Mr Speaker.

MR SPEAKER

Propozisyon I am sure PS Finans pe ekoute Onorab Gill.  Onorab Churchill Gill.

HON CHURCHILL GILL

Mersi Mr Speaker. Mr Speaker dan menm laliny mannyer ComPol in eksplik nou la, i neseser, ki nou bezwen ganny ankor en pe plis larzan pou li kapab adres sa bann problenm ki nou pe gannyen Praslin.  Alors mon pe demann sa Lasanble ki nou tonm dakor nou donn li en pe larzan pou li adres sa bann problenm.  Mersi.

MR SPEAKER

Mersi Onorab.  I pa en kestyon vreman.  Ok.  Mon krwar ComPol ou dakor ek sa?  Wi ComPol. 

 COMMISSIONER OF POLICE MR KISHNAN LABONTE

Mon’n ganny enformen ki par zour sa 16 dimoun ki nou’n anvoy laba landrwa reste, manze eksetera i pres R36 mil par zour pou maintain zot.  Akoz nou bezwen transpor pou donn zot, zot bezwen fuel eksetera i koute sa bann keksoz. Me nou bezwen larzan pou fer si zot oule bon travay e mon pare pou donn bon travay me solman ou bezwen donn larzan annan resours.  I fer mon mazin ki Onorab Pillay ti dir, ou pa kapab dir mon fouy en transe ou dir mon en pti kwiyer ou dir mon fouy transe.  Mon pa pou fini fouy transe, mon a mor transe pou reste lanmenm pou get mwan.

MR SPEAKER

Me selman …

(laughter)

 MR SPEAKER

Onorab Pillay byen kontan.  Bon mon krwar selman pou bann dimoun Praslin in realize pou reasir Seselwa ki i annan en sanzman.  I annan en pe pli calm ki bann etelis zot santi zot en pti pe rekonforte.  Mon krwar nou osi Mahé nou espere nou ariv dan menm staz.  Onorab Afif.

HON AHMED AFIF

Mersi Mr Chair.  Bonn apre midi Komisyoner ek ou delegasyon.  Mon kestyon i plito pou PS Finans.  Mon pe regard en pti pe lo paz 237  e detay 237 byensir lo sa bann file ki zot ti don nou. E par egzanp 2018 ler lo paz 237 ‘’wages’’ i met 201 milyon.  Dan sa file detay “wages” i donn 170  milyon.  E eski ou kapab eksplik nou akoz i annan sa.  Mon mazinen sa i  en fot dan printing oubyen dan prezantasyon.  Si ou kapab donn nou en pe klarifikasyon, akoz tou larestan i swiv parey.  Bann detay prezan pa match sa ki dan sa gro liv.  Mersi

MR SPEAKER

PS Payet.

PS PATRICK PAYET

Mersi Mr Chair.  Mersi Onorab.  Mon krwar ki i annan 2 file ki nou’n anvoye.  I annan enn pou akoz avan NDEA ti separately vi ki le premye Novanm letan si nou pran tou lede i pou fer sa adisyon.  Mersi.

MR SPEAKER

Ok, Onorab Afif?  Onorab Ghislain.

HON CHANTAL GHISLAIN

Bonn apre midi Mr Speaker.  Mr Speaker mon kestyon pou Komisyoner aparaman le premye Novanm ti’n dir pou pey bann azen NDEA zot bann dues – ziska la zot pa ankor ganny peye ki latest lo la silvouple?  Bann ki’n sorti ki letan ki’n arête epou transfer avek Lapolis.

COMMISSIONER OF POLICE MR KISHNAN LABONTE

Mersi Mr Chair.  Zanmen mon’n deza fer resorti ki NDEA ti pou ganny  peye le premye.  Sa dat le premye se le premye NDEA ti pou nepli NDEA pou entegre avek Lapolis.  Me nou pe fer prosesis pou NDEA ganny peye.  Bann Agent NDEA ganny zot konpansasyon, akoz bomaten mon ti an kontak avek Mr Afif, Cabinet Secretary, akoz nou demann dokiman from Cabinet Secretary pou anvoy kot DPA – pe esper sa,  pou zot kapab konmans process peyman.  Mersi.

MR SPEAKER

Onorab Prea.

HON NICHOLAS PREA

Mersi Mr Chairman.  Ok.

 MR SPEAKER

ComPol ou ti le …

COMMISSIONER OF POLICE MR KISHNAN LABONTE

En garanti ki avek PS Finans ki avan Desanm avan le 31 Desanm tou pou’n pare.

MR SPEAKER

Ok, Onorab Ghislain.  Onorab Prea.

HON NICHOLAS PREA

Mersi Mr Chairman.  Bonn apre midi tou dimoun.  Mon annan detrwa pti kestyon be mon oule repons ase bref.  Anba progranm 4  lo paz 244 mon vwar R8 milyon dan “capital expenditure’’.  Eski sa ki pe al ver construction of the DNA Lab, si nou kapab ganny bref-man en pti pe details kot i pou ete, ki grander?

‘’Office expense’’ mon vwar apepre R6 milyon zis pou elektrisite.  Petet donn en pti break down konbyen stasyon i on average ki zot pe servi.  Si i annan posibilite petet ankor bomaten nou’n koz sa vitman vizavi prizon pou regard bann posibilite epou redwir sa bil elektrisite ki a donn zot savings petet pou up en pti pe lezot landrwa.  Apre mon annan ankor 2 pti  minor questions ankor anba “goods and services”.  I annan sa “other service agreements,” 7.6 milyon.  Si nou ti kapab ganny en pti pe detay lo la.  Apre ‘’office building rent’’ pli ba lo sa paz.  1.4 milyon.  Apepre 1.4 milyon.  Kwa sa kote lapolis pe lwe lofis.  Mersi Mr Chairman.

MR SPEAKER

Madanm Lebon mon sipoze montre ou i annan pozisyon pou reponn sa bann kestyon.

FINANCIAL CONTROLLER MRS ANGÉLE LEBON

Mersi Mr Chair.  Mersi Mr Onorab.  Bon premye sa 8 milyon ki ou’n vwar dan paz 244 i sa konponan lokal ki Gouvernman pou kontribye towards the contruction of DNA lab.  Epi pou elektrisite 2018 nou elektrisite i ariv  5. 8,  5.850 e sa i enkli antye tou bann konponan Lapolis bann Kordgard, bann barak nou Santral everything e sa.

Lannen pase ki ti 6 ekek milyon.  Nou’n fer en konsonmasyon rediksyon e la sa lannen nou’n forecast li pou 2018   5.8, ok.  Apre lekel ki ti lot?  7.6 milyon i saler SVPD i anba “goods and services”. 

 MR SPEAKER

Ok, wi.

FINANCIAL CONTROLLER MRS ANGÉLE LEBON

‘’Office building rent’’ sa i pou nou bann lakaz ki nou lwe La Digue Praslin, pou nou bann Zofisye.  Apre letan nou bann zofisye i mont lo Praslin i mont lo La Digue, nou bezwen donn zot en landrwa reste.  Annan de ler napa plas pou accomodate zot tou dan bann barak.  E nou bezwen annan sa Bidze pou nou kapab pey nou bann Guesthouse e nou bann a lokasyon pou zot.

MR SPEAKER

Onorab Sophola.

HON NOLINE SOPHOLA

Mersi Mr Speaker.  Bonn apre midi tou dimoun. Mon kestyon Mr Speaker ti pe viz ver nouvo Kordgard pou La Digue.  Parey Madanm Lebon in dir i dan Bidze i pou regarde malgre ki pa dan Bidze la me i pou regarde ki mannyer  zot pou fer pou nou gannyen.  Mon dir li mersi.  Me mon pou al pli lwen ki sa, pou dir pandan vizit ComPol petet ou’n vwar ou menm leta ki sa bann barak i ladan.  E sa  osi mon ti a dir zet en koudey lo la regarde ki mannyer nou kapab ed sa bann dimoun.  E si nou ganny en nouvo batiman li tousel mon krwar i pa pou fer marse ase La Digue.  E ki mon a sizere ComPol   si ou ti a kapab travay lo en plan, rotasyon bann zofisye lo zil pou ki nou kapab ganny meyer servis.  Mersi.

MR SPEAKER

En sizesyon ComPol.

COMMISSIONER OF POLICE MR KISHNAN LABONTE

Mersi Mr Chair.  Onorab en gard zanmen i kot i konmans travay i mor lanmenm.  I bezwen pou li ganny progrese dan son karyer i bezwen transfer al diferan distrik diferan unit pou li monte.  Si i reste La Digue i pa pou monte.  E osi ler ou reste en sel landrwa i annan tandans ki  ou pa prodwir ase ou’n fini abitye avek ou bann dimoun.  E i mon prensip ki sa bann dimoun mon pa pe dir pou 5sanz deswit me selman nou bezwen met plis dimoun a lavenir La Digue.  Menm Praslin La Digue pou kapab donn pli bon servis piblik.  E osi an referans avek Kordgard Baie Ste Anne mon ti pe dir ki nou bezwen fer li en Kordgard fonksyonnen.  E osi mon lentansyon fer menm zafer pou Anse Etoile.  Anse Etoile ki nou konnen ki annan en pe plis electoral vote i pa pe fonksyonn konman en Kordgard an antye.  Sa i en anomalie mon krwar ki nou pou bezwen revwar.  E pou kapab fer sa fonksyonnen vin en Kordgard normal tou son bann manpower son transpor i pou bezwen annan pou ganny plis larzan.  E mon pe koz larzan, mon pa pe koz de pti milyon roupi sepa lekel pou fer sa.  Mersi.

MR SPEAKER

Onorab Stephen Pillay.

HON STEPHEN PILLAY

Mersi Mr Chair.  Bonn apre midi a tous.  En pti bout an plis lo sa 8 milyon ki mon oule demann en pe klarifikasyon lo la pou sa DNA Lab.  Mannyer mon konpran e kontribisyon lokal towards the building only.  Me eski Minis ek ou delegasyon i krwar i pou rantab pou Lapolis manage or zer sa lab li menm tousel, vi ki  sa konponan external pe vini dan train staff whatever lekipman ?

Eski zot pe pran ka ki zot kapab  ganny en lot partner prive ki vin ansanm dan sa lab sirtou pou zis Lapolis 2 dimoun i perdi par an si ou pou travay zis 2 fwa par an I mean sa groser konponan si zot pe enterese anmenn prive oubyen kekfwa lasante ladan pou fer bann lezot test pou sa lab servi dan, akoz mon pa’n vwar okenn forecast  18, 18, 20  dan PSIB.  Mersi Mr Speaker.

MR SPEAKER

ComPol oubyen Minis

COMMISSIONER OF POLICE MR KISHNAN LABONTE

Mwan mon pwennvi Designated Minister i okouran.  Mon’n deza dir li avan menm mon ti vin Komisyoner.  Mon pou zis get sa striktir ler in fini an plas, akoz mon pa anvi ki sa i reste avek Lapolis.  Mon anvi sa i ariv avek en lot Minister ouswa en lot landrwa .akoz Lapolis napa kapasite pou kapab manage sa eksetera.  Lapolis i pou vwar petet pli tar ler bann finansman i vini  pou Lab nou krwar i pou Lapolis li menm li ki pou donn sistenm operasyonnel.  Ler ou met sa fonksyon avek en lot departman i kapab menm anmenn revenir.  Akoz manm piblik i kapab Avoka i kapab fer zot test  DNA pou  bann zafer par an eksetera.  Sa servis i kapab donn manm piblik pou en larzan.  E menm Lapolis si i rod sa servis i sipoze i devret peye.  E sa i mon avi lo kote laboratwar.  Mon pa konnen si Minis i pete elabore si i annan plan petet pou anmenn bann dimoun prive onboard.

 MR SPEAKER

Onorab Aglae.

HON EGBERT AGLAE

Mersi Mr Chair.  Bonn apre midi ComPol ek ou delegasyon.  ComPol mon premye sizesyon dan bann parkour kot ou pe vizit ou bann stasyon, si ou ti kapab pas Stasyon Lapolis Port Glaud e mon garanti ou tou mon sipor kot i konsern sa stasyon.  Mon premye kestyon ComPol se bann kot i konsern bann ‘’current challenges’’ lo paz 236 kot ou met bann resignation bann zofisye eksperyanse ek bann train officers.  Eski depi letan ou pe pran ou, ou’n pran ou pos ou pe apros sa bann vye travayer ki annan bokou leksperyans e ki Sesel  taxpayers money in train zot si ou pe apros zot pou zot kapab vini donn en koudmen redres sa Lapolis.

Dezyenmman i konsern enn ou bann  Sensitive Security ki tonm anba Lapolis menm.  I annan serten konplent deor  k ii pe ganny bann to preferansyel kot i konsern Kontra. E i pe compete avek bann pti Lakonpannyen.  Eski ou pare pou revwar en pe pou konpromi en pti git pou ki bann lezot i annan en fairness dan zot loperasyon?  E dernyerman ComPol se kot i konsern bann vizit, mon vwar ou’n mete pou ogmant bann lakantite vizit.  Eski atraver sa bann vizit ki ou pe koze i pou dan lakominote? E vi ki ou annan sa kontrent mendev ki mannyer ou anvi adres sa lavenir.  Mersi.

MR SPEAKER

ComPol.

 COMMISSIONER OF POLICE MR KISHNAN LABONTE

Bon konsernan mendev parey mon’n dir ou mon plan se increase si mon ganny larzan mon increase mon manpower, ou bezwen anploy dimoun ou bezwen pey zot apre donn zot en saler.  Konsernan Kordgard Port Glaud.  Kordgard Port Glaud mon rappel ler mon ti ankor dan Lapolis pe fonksyonnen konman en Kordgard fonksyonnen li menm.  Me konmela i pa leka.  E nou pou bezwen revwar tou sa bann keksoz ki’n pase dan lepase. Me ankor ou bezwen larzan pou fer sa.  Sa ki konsern bann ansyen polisye.  Si i annan ansyen polisye ki oule vin join Lapolis ki zot annan se zis fer aplikasyon akoz bomaten mon’n gannyen toulezour mon gannyen.  Mon fer rod zot file e apre nou process sa bann file e sa i aplik pou menm Sensitive Security ki anvi sorti.  I annan kapasite pou gard pou fer travay gard nou pran zot.  Akoz mwan mon anvi sey pran dimoun ki pou kapab ki Annan ase bagaz edikasyonnel pou kapab enterakte avek piblik akoz nou la pou donn en servis nou pa la pou zis pou fer prezans gard konte.  Mon pe rod kalite e osi kantite.  Pa zis kantite pa kalite.  Mersi.

MR SPEAKER

Onorab Mondon.

HON TERENCE MONDON

Mersi Mr Chair.  2 pti kestyon.  Mon premye kestyon, se eski mon konnen ComPol ou annan en kantite travay pou fer.  Me an menm tan eski i annan okenn travay entans kip e ganny fer an paralel pou fer sir sa gaspiyaz labi i ganny adrese en fason ki kapab anmenn en pe plis ou kapab fer en pe plis avek menm Bidze lannen prosenn.  Mon anvi konnen si i annan en travay pe fer an paralel e ki fason i pe ganny fer?  E dezyenmman mon vwar en provizyon en milyon  pou akizisyon CCTV e mon anvi konnen si sa provizyon i adekwa pou adres pou kapab mete dan bann landrwa stratezik.  Ouswa  i pou adres bann ranplasman bann camera ki kekfwa ki pe mal fonksyonnen.  Mon anvi konnen to what extend sa en milyon pe adres ou defi ki ou’n fer resorti dan ou Bidze.  Mersi.

MR SPEAKER

ComPol.

 COMMISSIONER OF POLICE MR KISHNAN LABONTE

Petet mon ava les Madanm Lebon.  Sa bann zafer larzan CCTV bann camera apre mon a pran lot pwen.

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mersi Mr Onorab.  Sa en milyon ki nou’n mete anba akizisyon CCTV se pou nou met CCTV bann cameras dan bann nouvo landrwa.  E se tou ki nou  Bidze in permet nou mete zis en milyon.  Nou ti a voudre kapab met plis ogmant sekirite dan bann landrwa kle.  Me se tou ki Bidze in permet nou mete.  Me i annan serten diskisyon kip e pase ant Lapolis ek DICT konmsi pou merge sa technical knowledge pou asiste kanmarad ladan  E i plis pou akizisyon pou bann nouvo camera. 

 MR SPEAKER

ComPol.

 COMMISSIONER OF POLICE MR KISHNAN LABONTE

Mersi Mr Chair.  Ler mon’n vini apre midi mon’n distribye 4 kopi mon Action Plan, i koumsa mon’n prezant sa 2 Leader Mr Speaker Deputy Speaker.  Ou pou vwar parey mon ti dir ler mon ti vin dan Lasanble.  Mon focus pou sa short and medium term  i pou lo disiplin training, comunnity policing e effective use of resources. Ler mon dir resources i konpri tou, i konpri transpor, i konpri resours imen tou keksoz.  E byento pou annan en lot Polisi lo transpor.  Mon’n fini drafte mon pa ankor fer sorti.  Lo tou keksoz pou annan serten Polisi ki pou gouvern mon  Plan D’Aksyon.  Mersi.

MR SPEAKER

Onorab William.

HON WAVEN WILLIAM

Mersi Mr Speaker.  Bonn apre midi ComPol avek ou lekip.  Mr Speaker mon ti a kontan demann ComPol lefe ki nou pe al vot 360 ekek milyon roupi, pou Departman Lapolis avek tou son bann sekter,  mon ti a kontan demann li lefe ki i pa’n ganny sans prepar sa Bidze.  Eski personnelman i panse pou dir sa Bidze i ase baze loi bann demann en konsern ki i annan ?  Si pa ase konbyen ankor i pou bezwen si i kapab dir nou?  E dezyenmman ComPol si ou kapab dir nou lefe ki wi zanmen larzan i ase.  Lekel bann brans Gouvernman la mon pe koz i kapab Zidisyer ouswa lo kote Lalwa,  ki bann keksoz an plis ki devret ganny fer ki a kapab ed ou pou fer en pli bon travay?  Epi mon lot sizesyon se ki Sesel in sey MOU avek n Departman Lapolis L’Inde i apel EPRD Europe Police Research and Development i annan en ta siport ki zot kapab gannyen mon a demann ou pou rod kopi sa MOU.  L’Inde i pare pou ed Sesel an term lekipman ek teknik.  Si ou kapab reponn mwan?  Mersi.

MR SPEAKER

Petet ComPol ou a reponn sa 2 dernyen on krwar ou premye kestyon Onorab Andre ti demande si ase larzan.  E ale reponn son lezot kestyon.

COMMISSIONER OF POLICE MR KISHNAN LABONTE

Mersi Mr Chair.  Konsernan pou quantify konbyen larzan ou pou bezwen, konmela i pa pou ase pou mon met mon bann pan an mars i pa pou ase sa larzan.  Konbyen i arive sa mon pa kapab dir amwen ki ou donn mon en letan ou dir mon kalkile apepre.  Mon pa le fer li en sel lannen me petet nou phase out over 3, 4 years.  Koumsa ki ou kapab travay ou pa kapab donn mon en ta larzan apre zis mon touf avek mon pa fer nanryen.  Me sa i konsern larzan.  Si ou donn mon letan nou pou kapab quantify sa donn ou apepre konbyen i pou arive.  Lo kestyon mon bann partners bon sa konponan criminal justice system i konpri Law inforcemrnt Lapolis.  I konpri seksyon Attorney Zeneral e Zidisyer.  Pou annan en  pou tou le 3 kapab fonksyonn byen fodre tou le 3 i kolabore avek kanmarad.  An se moman nou kolaborasyon avek Lofis Attorney Zeneral i pros, nou travay byen nou file i al kot zot zot gete e mon satisfe avek sa.

MR SPEAKER

Onorab Loizeau.  Onorab William ou annan en siplemanter?

HON WAVEN WILLIAM

Yes Mr Speaker, mersi.  Mon ti kapab demann ComPol konmsi la deswit la akoz ankor lo konsern.  Eski i annan okenn Lalwa ki ou santi i bezwen ganny amande deswit?  Mersi.

MR SPEAKER

ComPol.

 COMMISSIONER OF POLICE MR KISHNAN LABONTE

I annan en Lalwa i annan en ta Lalwa ki ou, devret amande ou angaz dimoun pou konsidere.  Par egzanp enn ki mon ti koz ouvertman Praslin mon ti koz lo non Kishnan Labonte pa lo non Komisyoner.  Mon ti koz lo Prison Act.  Sirtou mon ti tous remisyon.  Mon krwar sa nou devret re vwar sistenm remisyon.  Remisyon i bezwen earn i pa devret otomatik.  I pa devret ler en boug mon pou kondann 4an 3an 3 mwan 6an dapre Lalwa konmela i automatically ganny redwir.

Avan sa boug al prizon son santans i ganny redwir.  Sa i pa devret mars koumsa.  I devret earn i kondann son 6an e remisyon i devret baze lo son kondwit dan prison.  I devret koumsa.  Apre en lot keksoz ki mon ti dir Praslin ouvertman dan meeting se remisyon i devret aplik zis pou first offenders, a mon avi ; ankor Kishnan Labonte ki pe koze pa Komisyoner.  First offender – dimoun, offenders i pa devret ganny remisyon, sa i mon pwennvi.  Lalwa pou amande si ou asize ou dir mon vini.  I annan en ta Lalwa fodre amande.  Mersi.

MR SPEAKER

Onorab Loizeau.

HON NORBERT LOIZEAU

Mersi Mr Speaker.  Kantmenm mon ti’n lev lanmen mon a demann en pti kestyon.  Mr Speaker

(laughter)

MR SPEAKER

se pou sa rezon ki mon ti dir Deputy Clerk pran akoz apre. Toutfason pran ou sans.  Mon krwar mon a donn Mr Gill osi pou balans keksoz vi ki annan sa ariv an retar.  Me mon krwar i ti anvi koze.  Ale Onorab Loizeau.

HON NORBERT LOIZEAU

Me Speaker mon anvi demann Komisyoner si sa dan sa Bidze i annan osi ki’n ganny mete pou ed bann lekol avek menm bann sitasyon ki pe arive la kot bann lekol.  Petet pou ed bann Warden vi k vizibilite Lapolis dan semen sirtou prensipalman kot lekol Bel Au nou pa pe trouve nou, pou vwar bann Warden zot tousel si i annan lo kote vizibilite Lapolis i annan en pe ki pou kouver en pe dan sa domenn.  Mersi.

COMMISSIONER OF POLICE MR KISHNAN LABONTE

Mersi.  Parey mon’n dir pa mon ki’n prepar sa Bidze.  Me dan mon Plan i annan dan effective use of resources ki konsern spesyalman visibility policing kot pou annan crime advise and awareness campaign.  I annan sa i mon pe koz an zeneral.  Me i pou annan ki nou pou bezwen fer.  bann kanpanny fer piblik aware krim.  I annan me i pa’n ganny bidzete.  Mon pa konnen si dan lepase ansyen Komisyoner in mete.  Me i pa’n ganny bidzete dapre Madanm Lebon.  Me selman dan mon plan short and medium term mon annan sa.  Mersi.

MR SPEAKER

Mon a demann leskiz Deputy Clerk.  Aktyelman i pa ti’n tik obor ou non, mwan ki’n mal regarde.  Alor Deputy Clerk blanm i pou mwan savedir mon retir sa ofer ki nou’n; donn lot kote. Onorab Ferrari.

HON JEAN-FRANCOIS FERRARI

Mersi Mr Speaker.  Mon annan 4 kestyon.

MR SPEAKER

Onorab Ferrari.

 HON JEAN-FRANCOIS FERRARI

Mr Speaker mon ti a kontan demann Komisyoner dan area ki dapre mon rekonesans pou mwan mon leksperyans ki mon’n vwar i kapab annan e annan dan lepase bokou labi se dan rental of vechicles ki Lapolis i fer.  Mon ti a kontan demann ou dan sa area ki bann mezir ki zot in pran pou fer sir ki par egzanp bann dimoun ki’n dir zot in ouver car hire akoz zot in ganny garanti pou dir Lapolis pou lwe tou zot loto.  I annan dimoun ki dir zot, zot deal ek Lapolis se ki Lapolis i pey zot tou zot kraze tou zot keksoz tou ;zot letan kantmenm loto i off the road Lapolis i pey zot.  I annan en sours pou labi.  Alors mon ti a kontan demann zot si ou’n reflesir lo la e ki ou ki bann nouvo mezir ou pou anmennen pou zer sa kote ou Bidze?

2enm keksoz  s lasirans pou sanmenm sa bann pou bann loto Lapolis li menm.  Mon ti a kontan demann ou si ou annan Broker lekel Broker pou Lapolis?  Mon ti a kontan demann ou i annan bokou dimoun ki pe sirtou Praslin mon’n vwar ki pe konmans bann aktivite lo rezo sosyal konman Crime Watch konmsi zot ou vwar pou dir piblik i enterese pou zot osi kolabore avek Lapolis.  Ki kalite lankourazman ou ti a kontan donn zot pou ou kapab network en pe plis avek zot?  E finalman pran sa enn kestyon pou PS Finans, se kekfwa piblik Lasanble zot a konnen konbyen larzan nou konman Lasanble nou save nou pei ler nou’n fer sa bann Mr Irish ale akoz la mon vwar dan sa Bidze la napa nanryen pou sa bann foreign consultant e still Lapolis pe marse.  Konmsi eski nou’n vreman fer rann en servis sa pei ler nou’n demantle sa bann lorganizasyon ki pa ti pe accountable pou tou sa bann larzan.  Mersi.

MR SPEAKER

ComPol apre PS Finans ou ava reponn sa enn dernyen.

COMMISSIONER OF POLICE MR KISHNAN LABONTE

Mersi Mr Chair.  Ler mon ti vin dan NDEA an Mars bann lwe transpor ti dwat/ gos.  Zot tip e depans en kantite pou transpor, pou lwe transpor.  E Christine i kapab konfirm sa, i la  Ms Dogley, nou’n redwir en kantite, kantite.  Akoz zis pa kontrole.  E mon’n dir oparavan ek en Onorab ki mon’n fini drafte en Polisi pou transpor dan Lapolis akoz   mon krwar transpor in mal ganny manage dan Lapolis.

Mon garanti ler mon Polisi pou sorti pou vwar en rediksyon ki petet osi nou pou annan car hire ki nou pou bezwen rann.  Akoz nou’n redwir lo care hire, kot mon ti ete dan NDEA mon krwar mon pou redwir.  Lot kestyon Broker petet mn a les Madanm Lebon koz lo la lekel Broker.

 MR SPEAKER

Madanm Lebon.

FINANCIAL CONTROLLER MRS ANGÉLE LEBON

Mersi Mr Chaire.  Mersi Mr Onorab.  Si mon kapab azout en pti bout lo car hire.  Lannen pase ler mon ti antre dan Lapolis nou ti annan 45 car hire.  E nou ti fer en travay enorm sa letan Deputy Songor ti ankor CSP nou ansanm nou ti fer en travay enorm e ozordi Lapolis nou annan nou zis 23 car hire. 

E i annan ankor travay pou fer ladan.  Nou’n koze deza nou 2 Komisyoner Labonte, i annan travay enportan pou nou fer lo kote transpor.  E nou pou fer li, nou pou drese.  Me i annan en kantite sa bann labi ki ou’n nonmen.  Petet dan letan lontan, dan mon letan pa fasil anba mon watch akoz mon byen dominer e mon met mon lipye ater tre byen, wi mon met mon lipye ater tre byen, e sa ki pa fodre pa fodre anba mon watch. 

E lo kote Lasirans.  Wi nou ase comprehensive tou nou bann transpor Lapolis.  E nou fe rli atraver Broker.  E sa Broker i Fidelity. 

 (Interruption)

 MR SPEAKER

PS Payet oule koz lo sa savings ki’n ganny fer?  Order!  Order! PS Payet pe donn lesplikasyon ale.

PS PATRICK PAYET

Mersi Mr Chair.  Mersi Onorab.  Zis pou azoute ki lannen pase letan nou ti prezant Bidze ti annan Budget cuts dan FIU, 10 milyon e NDEA apepre 10  milyon li osi so apepre 20 milyon.  Dan lannen pase ti ganny redwir dan Budget cut  NDEA avek FIU.  Mersi.

MR SPEAKER

Onorab Ferrari ou annan en siplemanter?

HON JEAN-FRANCOIS FERRARI

En pti … vreman mon ti a kontan si ou kapab dir en pti keksoz sa bann zafer Crime Watch ek networking ki ou pa ti reponn.  Me solman mon ti a kontan demande mon konnen pou dir ler ou pran en Broker, i pa kit ou pli ser, i pa kit ou pli ser akoz se lasirans ki donn en commission sa Broker.  Mwan mon ti a kontan demande e devan Minis e sekreter.  Eski bann Departman Gouvernman ki pe  depans sitan kantite larzan lo Lasirans.  Eski zot, zot pa kapab negosye en perforation rate ek sa bann lakonpannyen lasirans.  Pou ki at the end of the day nou, nou pei nou Bidze ki benefisye.  Mersi.

MR SPEAKER

Petet PS Payet ou ki devret reponn sa vi ki i pa pe koz spesifikman lo Lapolis mon krwar Onorab pe koz zeneralman dan Gouvernman.  PS.

PS PATRICK PAYET

Mersi Mr Chair.  Mersi Onorab. Kekfwa nou a bezwen fer en assessment, nou ava regarde si par egzanp si zot al direk avek sa Insurance Companies konbyen pou arive.  E si zot la through a Broker konbyen pou arive so nou a fer en assessment e evalyasyon lo la.  Mersi.

MR SPEAKER

Onorab Henrie.  Komisyoner sorry ou ti pe al dir en pti keksoz.

COMMISSIONER OF POLICE MR KISHNAN LABONTE

Konsernan Crime Watch ki Onorab Ferrari in koz lo la, ler mon ti Praslin ti annan en ki ti’n arete en Neighbourhood Watch.  Mon ti pe dir DA Barbe sey reignite sa akoz mon ti sa annan dimoun i vin ansanm apre ki pou mon met zot anba en parasol special constable.  Akoz se la ki apre ki zot pou ganny Lotorite.  Akoz konmela zot pe fonksyonnen napa Lotorite zot kapab petet vin en group Vigilante eventually me selman nou oule ki i en keksoz ki byen organize i tonm anba Lapolis.  E sa mon’n dir si i ti kapab reinisye sa apre nou, nou rantre ler in konmans fer meeting.  Mersi.

MR SPEAKER

Onorab, wi Onorab Henrie.

HON GERVAIS HENRIE

Mersi Mr Speaker.  Mon kestyon i ankor lo sa kestyon transport.  Akoz i annan plizyer konponan dan zot “break down goods and services” zot annan en prozeksyon pou car hire par egzanp apepre 3.9 milyon zot osi annan  “other transportation cost” ki tonm apepre 765 mil apre “acquisition of cars” 3 milyon, apre zot annan “transport equipment” (motor vehicles) 5.4 milyon.  Apre plus zot annan fuel tou sa bann transpor.  E sa ki mon’n mon anvi demande se ki akoz mon vwar son prozeksyon depi 2019 2020 i konstan.  Donk mn ti anvi konn en pe plis lo sa zefor ki zot pou fer vreman pou organize sa zafer transpor.  Osi tou i annan en lensidan pa tro lontan Beau Vallon Lekol Segonder Beau Vallon Kordgard Beau Vallon manrmay ti pe fer dezord i dir nou napa transpor, Kordgard Beau Vallon pou Lekol Beau Vallon Segonder.  So mon ti anvi konn sa.

Apre mon vwar ‘’information award’’  apepre 330 mil.  Eski Lapolis i pey dimoun pou donn lenformasyon?  Donk nou ti ava anvi konnen apepre konbyen par an zot depanse si dimoun vreman i ankouraze par sa pti incentives finansyel.  Mersi bokou.

MR SPEAKER

ComPol oubyen Madanm Vidot. Madanm wi Madanm Lebon.

FINANCIAL CONTROLLER MRS ANGÉLE LEBON

Mersi Mr Chair.  Mwan mon pou adres bann chiffe Onorab Henrie.  Bon wi from 2017 a 2018  mon’n prozekte en increase dan car hire, me selman vi nou bann Polisi ki nou pe al met an plas, nou pou ganny en savings la ki nou kapab met dan bann landrwa ki atraver lannen nou vwar poudir baze lo bann diferan loperasyon zot vin harder dan bann sa pa en problenm

        Lo “bus taxi ferry fares”  i annan en increase.  Sa “bus taxi ferry fares ” i bann bato Cat Cocos nou bann mouvman Police personnel to and from Mahé bann Islands apre nou donn serten tiket zot immediate family ki viv ek zot ouswa kib bezwen al vwar zot.  Apre nou donn bis TATA nou donn bus pass nou bann gard pou zot mouvmante letan zot dan en liniform ennler ou krwar gard be tousala i konpri sa ‘’bus taxi ferry fares ” aswar letan nou bezwen saroy nou bann gard ki lo serten duty aswar.  Ouswa ki fini tar ouswa ler i annan bann levennman bezwen vin travay 4er bomaten.  Nou servi osi bann transport anba sa “bus taxi ferry fares ”. 

Apre ou’n demann “other transportation cost” “other transportation cost” i bann parey ler i annan break downs letan nou pe rod dimoun ki’n perdi.  I annan bann “other transport cost” ki nou servi ennler nou bezwen servi helicopter whatever tousala i pas dan sa konponan Bidze ki al.  Apre ou tim annan en lot ankor ou ti demande.  Sa ComPol i ava reponn.

MR SPEAKER

ComPol.

 COMMISSIONER OF POLICE MR KISHNAN LABONTE

Bon konsernan si nou pey lenformasyon.  Ek nou foreign partners nou pa pey okenn lenformasyon si zot donn nou.  Sa i en soz nou donn zot, zot osi zot nou.  Akoz nou fer travay pou zot ; sa in koumsa dan toultan in koumsa i pou koumsa i pou reste koumsa.

Me ki konsern serten lenformasyon wi nou peye mon pa pou al an detay yer mon’n peye.  E sirtou i annan ki i depan sa lenformasyon ou vwar in anmenn en rezilta ler i annan konviksyon ou bezwen rekonpans zot.  Me selman la i pa forum pou broadcast pou mon dir.  Me selman si en zot oule vin gete zot konnen zot 2 Leader i oule konnen mon krwar nou  dir ou me solman nou pa pou dir ou lekel nou bann informer.  Lenformasyon nou peye.

MR SPEAKER

Onorab Ramkalawan.  Onorab Henrie ou ti annan en dernyen.

HON GERVAIS HENRIE

Zis en pti adisyonnel  lo lenformasyon Madanm Lebon in donn nou la.  Savedir pou piblik la letan nou vwar en gard i antre dan bis i zis asize i pa vedir ki i pa pey bis? Zot, zot pey SPTC apre en larzan? So SPTC i gannyen en larzan?

MR SPEAKER

Madanm Lebon.

FINANCIAL CONTROLLER MRS ANGÉLE LEBON

Ler zot al sanz zot kart zot al charge up zot kart, bill in vin kot nou.  Nou annan nou non, nou annan nou formalite an plas ki kontrol sa.  E i mars tre byen.  Nou asiste nou bann gard.

MR SPEAKER

Onorab Ramkalawan.

HON WAVEL RAMKALAWAN

Mersi bokou Mr Chairman.  Mr Chairman mon premye kestyon se ok ComPol in dir avek nou ki dan Bidze 2018  i annan provizyon pou li recruit zis 11 dimoun.  Mon ti ava kontan demann li dan son plan stratezik ki in prezante, e mon a dir li mersi bokou pou son Plan.  Konbyen recruit ki li i krwar i pou bezwen pou li dan 2018 pou li kapab balans son Lafors se sa byensir i annan en lenplikasyon finansyel.

Dezyenmman, n pli boner in osi mansyonnen k ii ava dan en pli bon pozisyon pli tar pou li konnen egzakteman ki kantite larzan ki i pou bezwen pou li vreman annan sa Lafors Lapolis ki tou Seselwa pe rode.  E mon osi mon’n met lanfaz lo sekirite.  Alors  mon ti a kontan demann li konbyen letan i krwar  ki i pou dan en pozisyon pou li fer sa.  Pou nou regard bann zafer Bidze pou gete si nou pou bezwen donn lankourazman  3 mwan  6 mwan mon krwar Mid-Year Review ki pou kapab balanse.  Parske la nou pe koz lo Supplementary Appropriation pou Lapolis e mon krwar ki tou Seselwa i ti ava kontan ki sa i marse.

Apre mon 3enm kestyon Mr Speaker kekfwa  Minis PS Finans i kapab ed nou.  Depi  ki nou’n konmans sa legzersis Bidze.  Sak fwa nou koz lo lasirans i annan en broker ki monte.  Fidelity Insurance Broker e mon ti ava kontan si PS Finans ti ava kapab dir avek nou konbyen landrwa dan Gouvernman ki pe servi sa Broker?  Ki bann prosedir pou sa arive?

Parske Mr Speaker mon lafreyer e mon bezwen eksprim li mon lafreyer, se ki sa i en lot fason kot Parti ki O Pouvwar in servi pou li ganny larzan pou li donn biznes ; parski Ladres letan nou regarde i annan en premye ladres i Maison Du Peuple apre sa nou osi vwar en Ladres Kingsgate House.  So si i annan sa koneksyon Maison Du Peuple parski i senp sa e la mon ti ava demande konbyen lasirans zot ki peye.  Yer Larme in dir nou zot pey 6 milyon.  Mr Speaker 6milyon Lasirans i al kot Lakonpannyen lasirans i ganny 10poursan i vedir ki sa Broker i ganny li R600 mil.

MR SPEAKER

Ok, mon krwar i kestyon ki al en pe dan laliny ki Onorab Ferrari in demande.

 

(interruption)

 HON WAVEL RAMKALAWAN

Wi me selman nou anvi bann detay.  Mersi.

MR SPEAKER

Nou a donn laparol ComPol avan apre PS Payet.  ComPol ti annan 2 kestyon premyerman.

COMMISSIONER OF POLICE MR KISHNAN LABONTE

Bon konsernan manpower mon krwar i difisil an se moman pou kapab dir ou on top of my head.  Me selman ler mon’n fer en, analiz lo Praslin La Digue mon krwar i pou bezwen at least 75 dimoun minimum Praslin La Digue.  Fodre ou mazinen ki dan mon plan,  i annan training akoz ler gard i al antre dan en lakademi pou train, ou bezwen dimoun pou ranplas li.  Akoz mwan mon training i a tou nivo.  Ou pou bezwen dimoun pou train e si mon pe koz lo Anse Etoile mon pe koz lo re ouver Kordgard ou pou bezwen plis manpower.  E mon kapab fer sa travay e si ou met en rapor avek Lasanble 3 mwan – apre Zanvye.

MR SPEAKER

Mersi.  PS Payet ou ti a kontan fer komanter lo sa dernyen kestyon Onorab Ramkalawan ?

PS PATRICK PAYET

Mersi Mr Chair.  Mersi Onorab.  Zis pou azoute ki nou a fer en total assessment lo tou bann dan Gouvernman, tou lasirans ki peye.  E tou bann Insurance Company ouswa bann broker ki involve e nou fer Lasanble gannyen.  Dan tou Minister.  Sa nou kapab tir through system.

        E osi pou prosedir nou a diskit en pe avek POU lafason kekfwa prosedir ki pe arive kekfwa i annan kekfwa ki’n bann practise kekfwa ki zot in abitye avek sa Insurance Companies dan lepase, zot in kontinyen kekfwa i annan detrwa Minister me selman zot mon konnen i annan detrwa ki al through ; par egzanp letan zot pe renouvle.  Zot kontinyen vwar tou sa bann Insurance Companies zot rod kotasyon, sa osi nou a donn zot en pe detay lafason ki pe ganny fer anba diferan Minister osi.

MR SPEAKER

Mersi PS nou pa pe pran kestyon ankor.  Me si zot annan en point of order oubyen privilez nou a pran.  Point of Order Onorab Ferrari.

HON JEAN-FRANCOIS FERRARI

Mr Speaker mon ti a kontan si nou kapab gete si i annan okenn Manm dan sa Lasanble ki benefisye, personnelman atraver sa vot ki nou pe vote konmsi ki ler nou vot lo en keksoz sa Manm li i pou gannyen, keksoz i bezwen abstain e pa vote.  Akoz i bezwen deklar son lentere dan sa bann keksoz. So mon krwar sa i en prosedir normal.  Ki sa Manm i bezwen fer.  Mersi.

MR SPEAKER

Mersi Onorab.  Onorab De Commarmond.

HON CHARLES DE COMMARMOND

Mersi Mr Speaker.  Mr Speaker premyerman permet mwan pou mwan eklersi serten fo lenformasyon k pe ganny pase dan sa Lasanble.  Enn mon a eksplike – (ekoute Onorab Ramkalawan)

MR SPEAKER

Silvouple.  Order!

HON CHARLES DE COMMARMOND

Mon non pa’n ganny mansyonnen.  Me i kler zot pe target mwan, mon ava eksplike … (ekoute sanmenm sa ou problenm ou, ou pa oule ekoute)

 (interruption)

MR SPEAKER

Order!  Order!  Order!  Order!  Onorab De Commarmond Order!  Mwan mon’n sa ki mon’n tann Onorab Ferrari in demann en point of order in fer en pwen zeneral.  Kot i dir si i annan okenn dimoun ki santi ki annan lentere dan sa Bidze i propoze ki sa dimoun i abstain, i pa’n mansyonn non personn. E mon krwar si mon’n konpran byen Onorab Ramkalawan in koz lo en konpannyen  en Broker.  Me i pa’n mansyonn non personn.  Sa mon konpran.

HON CHARLES DE COMMARMOND

Me prezan mwan mon bezwen eksplike e montre kote mon lentere i ete ladan.  Pou mwan dir …

 

(interruption)

 HON CHARLES DE COMMARMOND

…. be atann, ekoute !

MR SPEAKER

Order!  Order!  Order!

 HON CHARLES DE COMMARMOND

Mon bezwen eksplike akoz i annan misconseption ater la.  Ou konpran mwan?

MR SPEAKER

Eksplike Onorab, pou nou pran en vot.

HON CHARLES DE COMMARMOND

Par egzanp ou’n nonm R6 milyon Lasirans ek SPDF taler ek Larme pou avyon.  I pa korek sa lenformasyon i pa korek akoz avyon SPDF i atir direk.  Ou Konpran anyway non mon pe zis dir ou taler ou’n nonmen, SPDF, i pa korek, mon pe dir right.  An tou leka pou ou lenformasyon i pa zis Fidelity ki Broker dan bann serten biznes Gouvernman … soz entity Gouvernman.  I annan lezot.

MR SPEAKER

Onorab De Commarmond.

HON CHARLES DE COMMARMOND

Prezan mon lo sa Head la mon pa pe vote mwan akoz mon annan en lentere direk e tou Head ki mon pou annan lentere direk Mr Speaker …

MR SPEAKER

Order!  Order!  Order! 

 

HON CHARLES DE COMMARMOND

I will show you! I will tell you, and I will not vote!  I kler sa.  I normal.

MR SPEAKER

Onorab De Commarmond, ok, ok, non, non Onorab Gill.  We’re going to take a vote.  Ekoute Order!  Ekout byen PS Payet in reponn kestyon Onorab Ferrari.  In dir zot donn li en pe letan i a rod sa lenformasyon i ava anmennen.  PS Payet i pe travay ek nou depi lannen pase nou tou nou annan respe pou li.  I annan kredibilite ; he knows his onions konmdir Angle.  Donn li sa letan i ava anmenn sa lenformasyon e Onorab De Commarmond ou’n dir ou pa pou vote, mon pa krwar ou devret pran sa personnelman ki dimoun pe atak ou.

HON CHARLES DE COMMARMOND

Non mon pa pe pran li personnel. Zis selman mon pe dir ou.

MR SPEAKER

Alright. 

 HON CHARLES DE COMMARMOND

Zis Selman Mr Speaker.  Mr Speaker selman ki annan en lot pti keksoz se ki Fidelity napa nanryen pou fer avek Parti Lepep.  Mersi.

MR SPEAKER

Ok, tre byen, alright tou dimoun ki ti’n lev lanmen mon repete.  Apard ki en fot mon’n fer mon’n rekonnet mon fot ki Deputy Clerk pa ti’n tick obor non Onorab Loizeau tou sa ki ti’n lev lanmen i ganny okenn sans koze.  Nou pou pran en vot lo paz 257.  Please Order! Ou ti vin an retar Mr Gill.  You came late!  Ou Mr Onorab Pillay ek Mr Onorab De Commarmond ti antre apre 2er! And from now on mon pe dir zot I am going to be strict lo 2 keksoz.  Zot ariv alert dan sa Lasanble.  E si i annan dimoun ki pou pran en de zournen off, Standing Orders i kler lo la.  You have to ask leave from the Speaker’s Office!  Ou pa kapab sorti en lanterman Praslin pa dir mon nanryen espekte mon reste trankil !  There has to be other.  E ler mon ti’n pe al fini vot mon ti pe al felisit Madanm Lebon.  Akoz petet nou devret annan plis dimoun parey Madanm Lebon.  Mon pa kontan sa term dominer mon kontan sa term disiplin!  Nou bezwen disiplin nou lekor.  Nou pa kapab ariv 2:15 espekte mon Speaker mon bezwen met ou lo lalis.  Non mon pa pou met ou.  So I am sorry.  Ou pa pe koze.  Napa point of order.  I’ve ruled you are not talking ! 

Nou pran en vot lo paz Seychelles Police lo paz 235. Total to be appropriated 360 milyon.  Epi nou annan osi National Drugs Force Agency.  Clerk dir mon kote ki paz pou nou lir sa 200 – 235 ; so si zot gard lo 235 non 235 is the Seychelles Police Force, me i annan en lot pou Drugs Enforcement.  I ansanm ok ?  Very good.  Tou lede savedir, i vin 260 million.  Tou bann ki pour lev zot lanmen?  Clerk. 

Order!  Order!

 MADAM CLERK

Mersi Mr Chair 24 Manm an faver.  Mersi

MR SPEAKER

Mersi Clerk.  Avek sa Bidze pou Departman Lapolis ansanm avek Drugs Enforcement Agency i pase.  E ankor mon ti a kontan felisit zot konman Speaker mon ti a kontan felisit ou lekip ComPol zot kler, zot konnen ki zot pe fer, zot kler mon felisitasyon Madanm Lebon felisitasyon Deputy Songor e tou de bon pou lavenir nou ava eskiz zot.

 

(THE DESIGNATED MINISTER MONDON AND THE POLICE DELEGATION WAS EXCUSED FROM THE HOUSE)

 MR SPEAKER

Avek sa nou a demann Parliamentary Reporter pou apel Minister Lasante.  Nou ankor annan en pti pe letan,  vi ki letan i presye nou ava komans avek Minister Lasante.  E nou pou swiv menm prosedir; sa ki kontan pou – i anvi entervenir, Minister Lasante i lo paz … Yes Onorab Ramkalawan ?

HON WAVEL RAMKALAWAN

Mr Speaker, i 3.20.  Pour nou konmsi pa en pti git epi Break, ki mon ti ava propoze se si nou pran Break la e nou retourn pli boner.

 MR SPEAKER

Ok ?

 HON WAVEL RAMKALAWAN

Dizon nou retourn mwen zen kar ….

 MR SPEAKER

Napa problenm.

 HON WAVEL RAMKALAWAN

so then nou ava al en sel.

MR SPEAKER

Si napa obzeksyon nou a pran en Break la e nou a retourn 4 mwen en kar pou nou pran Lasante.  Savedir dir Lasanble bann zofisye mon ekskiz en pti kou zot a ganny letan bwar en tas kafe ankor.  Mersi.  Nou a repran 4er mwen en kar.

 

                        (BREAK)

 

 MINISTRY OF HEALTH

 MR SPEAKER

Bon nou a repran nou travay I kontinyen.  E nou a swet byenveni delegasyon ki’n akonpanny Minis Lasante Minis Jean-Paul Adam pou enteraksyon lo zot Bidze.  E mon a dir zot ki Bidze Minister Lasante i lo paz 419 onwards.  E so PSIP  i 13.  Ok?  Avek parey nou’n fer e in mars byen – well ase byen.  Zot in ganny sans pou vwar Bidze Minister Lasante tou bann ki anvi entervenir silvouple lev zot lanmen pou Clerk, Deputy Clerk pran zot non.  Bon avek sa pou nou al vit petet parey nou’n fer avan Deputy ou ti a kapab zis fer sir ki nou’n ganny tou dimoun, yes. 

 HON REGINA ESPARON

Mersi Mr Speaker.  Mon ti pe zis klarifye nou pe al pran Minister Lasante antye oubyen nou pou pran bann lezot Lazans osi ansanm laparey Health Care Agency? Oubyen nou pou pran zis Minister Lasante la?

MR SPEAKER

Let us be guided by Minis ek PS Payet ek PS Valentin.  Minis.

MINISTER JEAN-PAUL ADAM

Bonn are midi Mr Speaker.  E tou bann Manm Onorab e tou ban dimoun ki pe swiv nou.  Mr Speaker mon krwar ki baze lo lafason ki nou’n organiz nou lekor ti pou pli senp pou nou fer enn par enn.  Alor premye I annan Minister Lasante, mon bann koleg ki obor mon ki konsern Minister Lasante.  Apre nou pas lo Lazans Servis Lasante Health care Agency apre Public Health Authority, National Aids Council eksetera.  Si zot agree Mr Speaker.  Mersi.

MR SPEAKER

Clear.  Madam Esparon.  So nou pe al lo 421 paz 421.  Onorab Roucou.

HON CLIVE ROUCOU

Mersi Mr Speaker.  Mr Speaker mon anvi ganny kler.  Sa lanmen ki’n leve la  zis pou Minister Lasante epi en lot pou Health Care Agency – ale koumsa kwa?

MR SPEAKER

Sorry ou’n dir … ?

HON CLIVE ROUCOU

Non ki mon pe demande sa volim lanmen ki’n leve la pou Minister Lasante, epi nou pou re lev ankor pou Health Care Agency ale avek tou bann Inite?

MR SPEAKER

Well since nou pe pran tou lede separe, nou a pran nou a konmans avek Health Minister Lasante apre nou a aprann Health Care Agency separe.  Wi.  Ok? Onorab Sebastien Pillay.

HON SEBASTIEN PILLAY

Mersi Mr Chairman.  Mon ti a kontan demann Minister Lasante an relasyon avek sa bann  size AMSA ki nou kontinyen tann nonmen,  mon ti a kontan ki Minis i donn nou en kontrandi lo la vizavi policy,  ki nou pe pran lo la.  E mon krwar apre mon a demann mon kestyon spesifik anba Health Care Agency ki mon krwar li ki’n ganny Vot pou kouver sa depans.  Mersi Mr Chair.

MR SPEAKER

Minis Adam.

MINISTER JEAN-PAUL ADAM

Mersi Mr Speaker.  Mon krwar sa kestyon i relevan plis an term Health Care Agency – mon pa konnen si mon a pran li la ?

MR SPEAKER

Wi petet ou kapab pran li nou pa repet sa kestyon ler nou pran Health Care Agency pli tar.  Oubyen oule pran pli tar?  Minis.  Ou a repoz ou kestyon taler lo Health Care Agency.  Onorab Valmont.  Ou annan en kestyon lo Lasante lo Minister go on. 

HON SEBASTIEN PILLAY

Mon ti anvi ganny en klarifikasyon avek Minister Lasante, vi ki nou pe pran sa bann lezot Lazans ki an ki konsern par egzanp bann rental ki Minister Lasante i peye, pou bann Dokter pou bann diferan landrwa kot zot pe rent eski ‘nou pou kapab pran li la oubyen nou a pran li anba sa dedicated Agency si sa larzan i vin anba Health Care Agency oubyen anba Minister Lasante.

MR SPEAKER

Minister – Minister –  oule pran li pli tar oubyen oule pran li la? Oule pran li la?

MINISTER JEAN-PAUL ADAM

I pou pli relevan pou pran li anba Health Care Agency Mr Speaker.

MR SPEAKER

Ok.  Onorab Valmont.

HON JUDE VALMONT

Bonn apre midi Mr Speaker en pti sizesyon pou evit konfizyon, si petet atraver osi nou kapab lev nou lanmen apre nou tou la, apre demann nou kestyon petet – kantmenm ki separe dan plas lev lanmen 1 fwa, 2 fwa, 3 fwa, nou fer en sel lev lanmen. Nou demann kestyon nou ale koumsa.  Mersi.

MR SPEAKER

Nou pe sizer sa baze lo sa ki Minis Lasante in dir.  Minis Lasante in dir pe pran sa 2 separeman i pe pran Minister Lasante apre i a pran Health Care Agency.  Mon krwar mon’n byen konpran.  E pou sa rezon nou’n dakor annou pran Minister Lasante, apre nou a retourn lo Health Care Agency.  Ok?  Ou le reponn ou kestyon?  Ok, go ahead. 

 HON JUDE VALMONT

Mersi Mr Speaker.  Bonn apre midi Minis ek ou delegasyon tou koleg Onorab.  Minis resaman nou vwar demars ler nou pe get dan liv Bidze i annan mon vwar in fer provizyon pou saler ogmantasyon saler bann Ners.  Mwan mon ti a kontan demann ou demann mon premye kestyon se sa issue service delivery nou kontan demars pe ganny fer pou ogmant saler bann Ners.  Me solman mon demande ki Minister pe fer pou ogmant servis delivery?  Mwan mon pran legzanp parey mon distrik mon bann zabitan i al Anse Aux Pins;  dan plas ou vwar en pasyan i asize lo ban 8er bomaten pou espere pou vwar en Dokter 4er apre midi i vwar, alor mon demann Minis ki zot pe fer pou improve service delivery?  Mersi

 

MR SPEAKER

Minis.

 

MINISTER JEAN-PAUL ADAM

Mersi Mr Speaker.  E mersi Onorab.  Ankor enn fwa bonn apre midi tou dimoun.  An se ki konsern revi bann saler.  Mon ti a kontan dir ki Minister Lasante pe fer demars pou fer revizyon dan tou bann diferan Scheme ki konsern bann travayer Lasante ant 2018  ek 2019.  Dan premye faz sa bann revi, nou pe fer revi pou bann Ners, apre osi pou bann Health Care Assistant e parey in deza ganny dir osi i annan serten amelyorasyon osi pou bann mortuary assistants  ki dan Bidze 2018.  Apre pli tar e serten sa bann Scheme pe ganny revwar an faz.  Alor par egzanp pou reponn sa kestyon performans ki Onorab in fer sorti, dan premye faz sa sanzman nou ple ogmant bann saler debwaz inisyalman atraver en allowance ki nou apel en retention allowance.  Me ki apre pli tar apre ki nou’n fer revi, sa i ganny abzorbe 4dan zot saler debaz.  Me dan 2enm faz revi nou anvi etabli bann kriter ‘performans’.  E dan sa bann kriter ‘performans’ nou pou kapab mezire par egzanp dan sak sant lasante oubyen dan sak Ward.  E menm lo baz sakenn endividi baze lo bann target ki nou anvi akonpli konman en Sekter Lasante lo ki mannyer sa dimoun i ganny serten benefis baze lo son performans.  Alors sa i en keksoz ki nou pe travay gradyelman avek bann diferan antite.  I enportan pou mazinen pou dir, bann travayer Lasante i otour sa bann dimoun diferan Lazans.  Alor i annan – lamazorite i dan Lazans Servis Lasante.  Me i osi dan Lotorite Lasante Piblik ;  i osi i annan en pe dan Minister.  E i enportan ki tou sa bann travayer i ganny regarde dan en fason sistematik.

Alors sa eleman performans i pou mars ansanm avek sa revi dan sistenm lenformasyon Lasante ki pa’n ganny met an aplikasyon apre prosennman.  E sa pou permet nou pli byen mezire e kapab donn serten benefis pou bon performans e ki pou annan konsekans amelyor servis pou pasyan.  Mersi Mr Speaker.

 

MR SPEAKER

Onorab Ghislain ou kestyon i related?  Ale go ahead.

 HON CHANTAL GHISLAIN

Mr Speaker mon kestyon ti relye lo service delivery ; an prenon kont sa kantite lazan  ki Minister Lasante i gannyen toultan dan Bidze, wi bann nurse pe demann zot logmantasyon ki byen mon respekte zot lopinyon mon respekte zot travay, i annan ki fer bann bon travay – an ki konsern service delivery letan nou pe regard en pasyan en zenn pasyan kip e mor 23an zis akoz en cannular ki ganny mal mete – mon ti anvi demann Minister Lasante epou sa kantite larzan ki pei i enzekte dan Minister Lasante ki zot ti pe fer lo servis delivery? Be mon krwar Minis in reponn.  Si i ti kapab eklersi osi sa kestyon kot sa fiy ti  perdi son lavi akoz en canular ki ti’n mal mete.  Mersi.

MR SPEAKER

Minis.

MINISTER JEAN-PAUL ADAM

Mersi bokou Mr Speaker.  E mersi Onorab.  Pou sa case spesifik mon pa okouran sa detay.  Mon krwar ki petet nou kapab rod en pti pe plis lenformasyon, apre nou ava vwar.  Me i enportan pou note mon krwar sa ki mon oule dir se mon krwar pa, si i annan en dimoun ki’n perdi son lavi dan sa sirkonstans ki ou’n koze.  I annan petet en lot case ki petet ou pe fer referans  lo la.  Me mon krwar pa zis fodre nou vwar si li menm li sa case.

        Me si montre en pti pe zisteman, problenm parfwa ki nou annan vizavi persepsyon dimoun vizavi servis Lasante.  Akoz ki nou fer pou nou amelyor service delivery?  Alor premyerman dan nenport ki ka ki dan bann ka vreman ekstrenm ; par egzanp kot i annan en lanmor, nou fer en revi entern dan zer premye faz, pou vwar si i annan okenn keksoz ki in ganny manke selon nou fer sa revi baze lo bann Protokol ki an plas deza la dan Minister.  E pou tou bann ka parey, letan en revi ganny fer si nou vwar pou dir ti annan en mankman, mezir i ganny pran imedyatman pou adres sa bann diferan eleman.

Dan serten ka ki pli konplike, parfwa ou kapab menm demann len revi ekstern savedir ou demann c  en lekspertiz an deor Minister Lasante oubyen an deor Lazans Servis Lasante pou fer sa revi. Nou pe travay aktyelman avek Board Heallth Care Agency, pou nou kapab Annan sa dan en fason pli sistematik.  E osi ki nou kapab donn sa lenformasyon dan en fason pli swivi avek bann dimoun ki ganny afekte.  Me zisteman pandan konteks Sesel se pa fwa nou pran bann ka endividyel, akoz wi anfonsman en rezilta ki 100poursan, me nou pran bann ka endividyel e nou tant pou dir sistenm pa bon akoz en ka.

Dan realite se dan  99 poursan ka souvan  performans ti bon.  E nou touzour amelyor performans, e nou konnen e nou konsyans i annan moman kot performans pa aloter.  E sa kot i pou mars ansanm avek sa sistenm mezir performans, ki mon’n koz lo la k nou pe al met an plas o kou 2018.  I pa mars zis pou ners.  I pou maars pou tou profesyonnel Lasante nou bezwen kapab mezir zot performans e don zot e n rannman vizavi zot performans.  Mersi Mr Speaker.  Mon ava note ki  bann kestyon ki la i tous en pe lo Lazans Servis Lasante me i osi parey nou dir en pti pe cross cutting kouver en pti pe pli larz ki sa.  Mersi Mr Speaker.

 

MR SPEAKER

So basically ou ti a kontan en pe plis lenformasyon lo sa ka spesifik ki Onorab in mansyonnen?  Bon Onorab Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis lo paz 423 anba “maintenance and repair” mon vwar i annan en bes from 690 mil pou 434 mil.  Mon pe demande si dan sa sonm ki la i osi annan larzan ki’n ganny met akote pou fer en pe remedial work lo Lopital North East Point? An vi ki kondisyon i kontinyelman deteryore. Mon konnen pou dir i annan en ongoing maintenance ki pe fer me selman still Minis zefor pa ase.  Akoz Lopital lafason ki ete lizyenn pa bon.  E la mon’n vwar semenn pase nou’n pas laba bann vye lili in ganny tire dan lanmenm la dan yard – dan kote ant Hospice ek Lopital konmsi.  I demann en bon remedial work – konmsi pou lev en pti pe vizaz sa lopital.  Sa i enn.

Dezyenmman Minis nou ti a kontan demande lo paz 422 lo “training and professional development” eski sa osi nou pe mazin training pou bann nursing assistant avek bann ancillary workers ki pe travay dan Lopital North East Point?  Eski zot osi zot kapab ganny en pe training anba sa Head silvouple? Mersi.

MR SPEAKER

Minis.

MINISTER JEAN-PAUL ADAM

Mersi Mr Speaker.  E mersi Onorab.  Bon premyerman pou klarifye sa paz 423 i konsern bann ‘’ maintenance and repairs’’  ki pou bann batiman ki anba Minister.  Tou bann Sant Lasante par egzanp North East Point, i tonm anba Lazans Servis Lasante Health Care Agency.  E alors sa nou pou pas en pti pe an detay lo la apre.  Me sa nou annan sa proze pou nou revwar en pti pe pou fer serten renovasyon lo North East Point.  E nou konnen poudir i annan sa bann konsern serten bann vye meb.  Ki bezwen ganny adrese.  Serten keksoz in deza ganny fer an  2017 i en proze ki kontinyenE en lot keksoz ki mon ti a kontan dir, se ki sa nou pe travay dan en direksyon kot tou nou bann diferan Sant Lasante,  nou pou kapab kree en maintenance contract avek en konpannyen ki pou kapab permet nou swiv pli byen sa bann kestyon maintenance akoz parey nou’n fer sorti, i en defi pou nou aktyelman avek en kantite diferan Sant Lasante ki pandan plizyer lannen nou pa’n fer ase maintenance e la i kit nou pli ser pou nou al fe sa bann maintenance.  E  pou nou fer li dan en fason pli sistematik mon krwar sa i en solisyon, ki nou pe diskite.  I annan serten keksoz ki nou pe fer deza dan sa direksyon.  E North East Point i pou enn bann landrwa kot nou pe regard pou fer sa.

An ki konsern formasyon ;  Minister Lasante i organiz formasyon pou tou bann diferan kad dan Sekter Lasante.  Mon ava les Sekreter Prensipal koz en pti pe plis lo sa maintenance spesifik pou anba Minister e osi lo bann formasyon ki zot organize.  Mersi Mr Speaker.

MR SPEAKER

PS Valentin.

PS DR BERNARD VALENTIN

Mersi Mr Speaker.  Mersi Minis.  Wi i korek ki bann lazan ki’n ganny allouer pou Devlopman  Profesyonnel Kontinyel, i pou Sekter Lasante an antye.  Savedir i kouver bann profesyonnel.  Me i osi kouver bann support staff ki nou annan.  So nou annan nou dan Sekter Lasante apepre en 1500 travayer Lasante.  E tou sa bann dimoun i kapab benefisye, i entitled pou benefisye anba sa bann larzan ki’n mete pou ‘’continuous professional development’’. So pou lannen pase sa lannen par egzanp bann dimoun ki nou’n kouver anba sa bann vot ‘’professional development’’ i pros mil.  Akoz nou’n fer bann pti training nou’n fer bann workshop nou’n fer tou sord kalite aktivite ki pou amelyor kapasite nou bann staff pou delivre sa servis ki nou anvi zot delivre.  Ou a remarke pou dir depi dan detrwa lannen tou le Zen, Zilyet nou fer sa ki nou apel en Symposium.  Premye lannen nou ti fer lo Health Care Ethics.  Ki ti kouver en sel kou apepre 125 dimoun e nou’n kontinyen fer sa tou le Zilyet kot nou vreman, vreman met lanfaz lo bann keksoz ki pou tous tou nou staff, pou travay ansanm konman en tim.  E sa i zis enn bann aktivite training ki nou fer.  Me osi i annan plizyer ki nou fer.  E nou osi anvoy en kantite nou bann staff aletranze pou fer bann attachment e ladan tou staff i benefisye.  Mersi bokou.

MR SPEAKER

Onorab Esparon.

HON REGINA ESPARON

Mersi Mr Speaker.  Mon ti a kontan demann PS apre ki sa bann staff in ganny sa training eski i annan okenn pti incentives an term finans si ou kapab donn zot silvouple  pou ankouraz zot?  Mersi.

MR SPEAKER

Minis.

MINISTER JEAN-PAUL ADAM

Mersi Mr Speaker.  Mersi Onorab.  Annefe dan sa i enn bann kestyon ki nou pe adrese dan revi bann diferan Scheme.  E serten sa bann formasyon ki ganny fer aktyelman i anmenn serten benefis.

Me i vre pa bokou akoz napa bokou formasyon spesifik ki ganny site dan Scheme.  Me dan revi ki nou pe fer dan sa 2enm faz, enn bann keksoz ki nou anvi regarde, se pou nou kree plis rekonesans pou bann spesyalizasyon – bon byensir nou tou nou konn spesyalizasyon dokter.  Me osi nou anvi bann spesyalizasyon ; par egzanp pou bann Ners.  Alor par egzanp nou anvi ankouraz plis ners pou vin par egzanp bann orthopedic nurse. 

Si nou pran legzanp North East Point nou anvi osi kree en spesyalizasyon pou Geriatric care ; savedir bokou plis sipor pou bann dimoun aze.  Ki dan bokou dan lezot pei i annan bann Lopital Spesyalize ki regard sa bann eleman.  Sesel mon krwar i annan serten keksoz ki nou’n kapab bouze dan sa direksyon.  E enn fwa fodre nou mazinen ki dan en Scheme ou bezwen fer sa si ou pou fer en lavantaz an term larzan, ki pou lye avek en formasyon i bezwen en sertifikasyon ki ganny rekonnet.  Alor bokou bann formasyon ki nou fer sa k nou apel bann ‘’ continious professional development’’ ‘i bann formasyon kourt ki pa forseman annan en rekonesans aktyelman dan Scheme.  

        Me ankor dan i annan plizyer eleman, letan nou pou al devan dan revi Scheme ki nou kapab adres sa.  Par egzanp enn bann eleman dan performas, se pou asire ki bann travayer Lasante in fer sa formasyon neseser.  E i responsabilite sa zofisye Lasante, sa travayer Lasante sa travayer Lasante pou fer sir in fer son formasyon.  E sa i pou enn bann keksoz pou nou ziz li osi lo son performans.  Si in byen fer sa bann formasyon, e alor nou kapab i kapab ganny serten lavantaz an term sa bann incentives ki pou li avek performans.  E dan bann formasyon ki nou pe al fer en pti pe plis spesyalize, ki lye avek serten Sertifikasyon nou pou kapab osi lye sa avek en reminerasyon spesifik dan Scheme.  Me i vre pou lemoman napa bokou sa bann formasyon ki  vin ek son lavantaz.  Mon kapab dir.  Lavantaz finansyel.  Mersi Mr Speaker.  Mersi Onorab.

MR SPEAKER

Onorab Lemiel.

HON SYLVANNE LEMIEL

Mr Speaker i konsern Health Care Agency.  Mersi.  Mon kestyon i konsern pou Health Care Agency. 

MR SPEAKER

Nou’n dir taler nou pou repran pou Health Care Agency – nou a donn laparol Onorab Noline Sophola.

HON NOLINE SOPHOLA

Bonn apre midi.  Mr Speaker pou Health Care Agency mon kestyon.  Mersi.

MR SPEAKER

Onorab Waven William.  Ou osi pou pli tar.  Onorab Afif.

HON AHMED AFIF

Mersi Mr Chair.  Mr Chair mon kestyon lo paz 423  laliny anba “use of goods and services”  kot i annan “other use  of services”  19. anfen R20  milyon.  Mon ti a kontan dan R20 milyon dan breakdown ki mon annan i dir pou dir “security and enforcement” zot annan 5  milyon.  Sa i zis – i pa include pou Health Care Agency sa – i zis Minister Lasante.  Zis zot Headquarters 5 milyon for ‘’security’’ si ou kapab eksplik nou sis a on ganny tender ; akoz zot pe depans R15 mil par zour pou sekirite?  Mon ti a kontan konnen.  An swit pou bann “rent’’ zot annan ankor 4.8 milyon pou “rent.” Sa osi mon ti a kontan konnen kwa ki Minister pe lwe 4.7, R4.8 milyon.  Ki grander i ete konbyen zot pe peye par met kare?  E dan ‘’minor capital’’ zot annan plizyer item, me mon vwar i repete 2019  i repete 2020 .  Par egzanp “acquisition of hi-tech equipment” 1.5 milyon i repete ankor,  2019 1.5 milyon “hi-tech equipment” ankor “hi-tech equipment”  2020.  Ki  nou pe depanse hi-tech? Akoz zis Minister which is regulator.  Answit ou annan ‘’aquisition of IT euipment’’ li osi san mil, 800 mil, 900mil, tou le lannen.  Me zot en Minister pa zot ki pe ofer Lasante.  Pareyman   pou ‘’fire fighting’’ 450, 450, 450 – en bann gro, gro sonm ki pe konsonm zot “uses of good and services”  e mwan mon ti a kontan zot eksplik nou kwa.

E finalman anba “other fixed assets capital expenditure” pou 2018 i annan en gro sonm R42  milyon.  Kwa sa?  Petet zot kapab donn nou detay.  Mersi.

MR SPEAKER

Minis.

PS DR BERNARD VALENTIN

Well annou konmans par sa gro sonm R42 milyon, sa se en larzan loan ki Gouvernman Indien in pas ek Gouvernman Sesel, pou akizisyon Health Informaption System.  Zot in park anba Minister.  Me selman i en larzan pou manage evantyelman  par Health Care Agency.  Apre dezyenmman lo kote “rent’’ sa sonm i gro akoz Minister Lasante pe sorti dan Red Roof i pe al dan en pti building akote i, apel Maison Hermitage la obor Legliz mon paster.  E pou sa building nou pou pey en sonm apepre R280 mil par mwan.  E i en building apepre 1100 met kare.  So sa en rezonn akoz sa rent i significant koumsa.  I pa ti en larzan nou ti annan sa lannen, akoz nou ti dan Minister.  Apre ou’n koz osi lo akizisyon ‘’hi-tech equipment’’ ou a remarke pou dir dan Minister i annan osi NIHSS e NIHSS i akerir souvan bann lekipman k zot servi pou training. Epi osi zot pe fer en devlopman zot sant kot zot pe akerir en bonpe pe lekipman pou proteksyon sekirite.  Mon krwar enstal en sistenm sekirite camera, eksetera, eksetera.  Zot osi anvi met bann lekipman pou fire fighting, bann keksoz koumsa.  Tousala i kontribye pou fer sa bann sonm.  Me solman si oule plis detay mon kapab zis lir dan sa liv i dir ou egzakteman bann detay.

MR SPEAKER

Onorab Afif.

PS DR BERNARD VALENTIN

Apre ou’n mansyonn ‘’sekirite’’ i annan sa zafer ‘’sekirite’’ ki sa sonm wi.  Sa i akoz sekirite Lopital Sesel in met anba Minister, akoz Minister se la kot Lopital.  So ‘’sekirite’’ kot Lopital Sesel e se ki Lopital Perseverance sa lannen in ganny mete anba Minister.

MR SPEAKER

Onorab Afif.

HON AHMED AFIF

Mersi Mr Chair.  Mr Chair ler mon pran annou pran sa 42 milyon mon’n konpran lesplikasyon annou retourn lo ‘’rent’’ ‘’rent building’’ ou dir R280 mil par mwan,  i ariv R3.4 milyon par lannen.  Me ou rent i bokou pli o la. I 4.6 milyon ou annan en milyon roupi an plis.  Plis ki en milyon roupi actually an plis.  Alor kwa sa sa extra?  Answit ler ou pe eksplik bann lekipman, akoz zot pe repete tou le lannen eski sa i zot pa kapab rod en sel lekipman dan en sel lannen?  Akoz tou le lannen.  Akoz tou le lannen menm sif pe ganny repete.  So mon pa tro konpran ou adire zis en sif ki zot in kopye li atraver.  So sa i vreman sa 2 kestyon lo ‘’sekirite’’ – Health Care Agency i annan li en sonm apar li.  Ki pe vey Sant Lasante.  So sa enn al i R15 mil.  Me Health Care li i annan en sonm apar pou li vey Lopital.  Akoz sa lot sonm i a par?

MR SPEAKER

PS Valentin.

 

PS DR BERNARD VALENTIN

Well sa ‘’sekirite Lopital Sesel’’ i pou Lopital Sesel e Lopital Perseverance, ki zot in mete anba Minister.  Be dan Health Care Agency i annan lezot landrwa ki bezwen sekirite.  Annefe tou sa bann Health Centres i bezwen sekirite.  So posibleman sa bann lezot sekirite ki ou vwar kot Health Care Agency i pou sa bann lezot fasilite ki anba Health Care Agency. 

MR SPEAKER

Ok, Onorab Afif?  PS.

HON AHMED AFIF

Mon ti a kontan demande si zot ti tender pou sa bann Kontra Sekirite ?  Parske pou sa bann larestan ki ou pe dir mwan zot pe fer, ki sipoze anba Health Care.  Health Care i annan 10 milyon li pou ‘’sekirite’’ apard sa.  Mon vwar li vreman o an term parske 10  milyon i vin R30 mil par zour.  Mon kapab konpran  pou Health Care.  Me pou zot, akoz l ii bezwen annan sa mon trouv sa en sonm ki vreman o.  E mon dernyen kestyon. Eski zot in tender pou, sa bann Kontra Sekirite?  Eski zot in tender pou ‘’rent’’ osi?

MR SPEAKER

Financial Controller ou pe get tou lede Health Care Agency avek Minister Lasante?

FINANCIAL CONTROLLER MS JACINTH BONNE

Bonn apre midi Mr Speaker.  Bonn apre midi tou Manm.  I regards to security avek sa new tendering process ki Gouvernman pe vin avek pou 2018.  Lasante osi tou, vi ki i annan en gran konponan son bann lokasyon, ki i bezwen sekirite in form parti dan sa tendering  process.  E anba sa process an plis ki en sekirite, i kout sak lokasyon nou bezwen met 2 sekirite prezan.  E ler ion fer alokasyon, pou vi ki sa i tonm anba Health Care Agency solman alokasyon i met anba Minister Lasante akoz zot in anba Lasante akoz zot in get as sa Centre pou Lasante.  Me solman i avek bann Health Centres ki baze deor, me solman son cost li in  increase akoz sa number of security baze lo sa new tendering  process.

 MR SPEAKER

Onorab Henrie.  Minister oule azoute.  Avan mon al kot Onorab Henrie.

MINISTER MR JEAN-PAUL ADAM

Wi Mr Speaker mersi.  Mersi Onorab.  Zis mon ti oule remarke, mon i enportan pou nou regard sa sekirite avek atansyon akoz bann defi ki nou annan avek nou sistenm avek nou Lopital par egzanp.  Se ki son lakes i tro fasil aktyelman pou en dimoun ariv dan Lopital.  E i koute alor letan ou pe fer sekirite dan lopital.  Nou annan osi defi deplizanpli avek bann pasyan ki vyolan, e i en gran difikilte epou nou ozordi.  Alor mon apresye sa demars pou nou byensir verifye pou dir nou pe ganny valer pou nou larzan.  E mon krwar atraver sa prosesis nou ava fer sir ki nou fer li.  Me nou bezwen konsyan ki annefe mon krwar ki kou pou sekirite, pou kontinyen ogmante dan Sekter Lasante, akoz i en keksoz ki primordyal pou nou kapab fer fonksyonnen nou Minister e bann diferan Sant Lasante.  Mersi Mr Speaker.

MR SPEAKER

Onorab Henrie.

 HON GERVAIS HENRIE

Mersi Mr Chair.  Bonn apre midi  tou dimoun.  Mon annan en kestyon dabor lo – zot annan en konponan ki apel ‘’government building and infrastructure’’ ki annan 2 sonm 870mil, mon ti oule en lesplikasyon lo la si i diferan avek sa alokasyon ‘’rent’’ ki nou’n koz lo la avan.  E apre dan ‘’professional expenses’’ pou ‘’local consultancy’’ mon vwar i annan 4 konponan ‘consultancy’ ki zot in bidzete ki pou ariv apepre en sonm 2.8 milyon.  So mon ti ava kontan ganny en pti lesplikasyon lo la dan ki domenn ki zot pe mazin allocate sa bann consultancy an 2018?  Mersi.

MR SPEAKER

PS.

 

PS DR BERNARD VALENTIN

Sa ‘’government building’’ eksetera ki ou’n dir, sa i normalman bann cleaning services,  ki nou rode.  Financial Controller i a donn ou detay en pti moman.  E pou ‘’consultancy’’ ’local consultancy’’ sa i diferan expert ki nou rode from time to time.  Par egzanp pou 2017 nou’n bezwen nou en dimoun ki konpran bann zafer filing system, e nou’n anploy li pou led nou aranz nou bann paper files. So nou’n pey li anba sa Vot.

I annan en Dokter osi ki nou’n, anploye en Dokter Seselwa ki’n retournen e ki i pa’n oule anploye parey long term so nou’n anploy li as a local consultant pou ed nou pou revwar en pe nou bann striktir ki nou’n met An plas pou HIV/AIDS eksetera, eksetera,  e nou’n pey li anba sa Vot.  So i annan bann travay koumsa ki nou fer e ki nou pey anba sa Vot.  E i pou arive sa sonm.  Akoz sa bann dimoun fer bann travay ase sofistike.  Ok dan 2018  i annan par egzanp en etranze ki nou pe rode pou ed nou avek Statistic.  Nou Sistenm Statistic.  I demann amelyorasyon so nou pe anmenn en Nigerian ki pou ed nou pou nou etablir en Monitoring Evaluation System.  I osi annan en madanm Belge ki son msye i pe travay ek Liniversite Sesel, ki’n apros nou e nou oule recruit li  pou ed nou avek nou bann resers dan bann domenn ki nou feb.  So i pou ed nou avek nou operational research akoz nou anvi etablir en bon sistenm research dan Minister.  Nou annan en Unit aktyelman ki pe fonksyonnen i annan zis en Seselwa ladan.  So nou ou en pe plis dimoun pou ed nou dan resers.  So i sa bann domenn koumsa ki nou pou peye anba sa Vot.  So i plizyer domenn koumsa ki nou pou peye anba sa Vot.

 

MR SPEAKER

Minister oule azoute oubyen ou ok?

 

MINISTER JEAN-PAUL ADAM

Non mon ok Mr Speaker.

 

MR SPEAKER

Onorab Henrie.

 

HON GERVAIS HENRIE

Financial Controller ti pou donn nou en detay lo sa zafer cleaning in dir.  Me solman Dokter Valentin la in donn nou 2 legzanp tre spesifik e tou lede de etranze Belge ek Nigerian.  E ou annan en konponan foreign or international consultancy me solman pou lokal lokal consultancy ou pa’n donn ou osi bon detay parey dan sa 2 ka ki ou’n donn nou.  Mersi.

 

MR SPEAKER

PS Valentin.

PS DR BERNARD VALENTIN

Project ; nou annan en dimoun ki ed nou avek project ozordi.  E sa dimoun i ganny peye anba Vot local consultancy.  Apre mon’n donn ou sa Dokter, apre nou annan osi bann dimoun ki … akoz … akoz  annan de ler si nou pa recruit zot vitman, zot ale zot al dan en lot lorganizasyon.  So ki nou fer nou secure zot dan Minister.  Anba Vot ‘’local consultancy’’ an atandan ki nou pe esper DPA process zot file.  Par egzanp si i annan en dimoun ki annan en skill spesifik e nou anvi i vini.  So ki nou fer, nou recruit li as a local consultant pou  6 mwan.  Nou pey li anba sa vot an antandan ki bann prosedir i ganny fer pou li ganny recruited.  E pandan 2017 nou’n fer sa par egzanp en communications expert Seselwa ki nou’n recruit.  E ki nou’n recruit li anba sa Vot pangar i ava al dan en lot Minister e nou ava perdi li.  So si nou tarde nou perdi dimoun i annan en kantite dimoun ki nou’n perdi akoz zot al lezot landrwa.  E ki nou fer alors nou servi sa loportinite sa ‘’local consultancy’’ pou secure zot in to the Ministry an atandan ki nou process zot bann employment avek DPA. 

MR SPEAKER

Ok.  Onorab Henrie ou ok? 

HON GERVAIS HENRIE

Avan ki Financial Controller i donn nou bann detay eski Dr. Valentin, i kapab konfirmen ki poudir, eski zot annan dimoun in-house ki zot donn en consultancy ouswa tou i dimoun an deor?  Mersi.

 

MR SPEAKER

PS Valentin.  Ok Onorab Ferrari.  Sorry FC ou ti le – ou ti annan lenformasyon ou le pase.  Wi Financial Controller.

 

FINANCIAL CONTROLLER MS JACINTH BONNE

Mersi Mr Speaker.  Pou cleaning services ki mars en pe parey security  akoz li osi tou i annan sa tendering process ki Gouvernman in progranmen pou konmanse 2018; e i mars en pe parey sekirite pou cleaning in pas anba Lasante menm si i relye avek bann Health Centres ki pou plizoumwen Health care Agency. 

 

MR SPEAKER

Ok.  Onorab Ferrari.

 HON JEAN-FRANCOIS FERRARI

Mersi Mr Speaker.  Mr Speaker mon annan 2 kestyon ki cross cutting across Minister e HC.  Premyerman mon ti a kontan demann avek Minis si i kapab eksplik nou bann building vi ki zot pe lwe bann nouvo lespas, ki pe arive avek Red Roof e k pe arive sirtou avek ex Dentist ki zot in depans en kantite larzan ki Green Island in depans en bon pe larzan lo la ki ti pou fer en Laundry pa’n fer nanryen?  E ki plan NIHSS building?  Sa i mon premye kestyon.  Ki mannyer zot pe optimiz the use of space that already exists?  Mon 2enm kestyon se lo en size ki pe re vini atraver sa Bidze, Lasirans.  Mon vwar ki tou bann HCA, Minister li menm e tou lezot Lazans zot annan bann depans Lasirans pou kouver zot bann transpor oubyen bann lezot keksoz.  Mon ti a kontan konnen si – lekel zot Broker e eski zot tender out sa servis pou zot ganny en better price from the Insurance Company?  Sa i mon 2enm.  E mon 3enm kestyon i kestyon pour Minis –  konman ansyen Minis Finans, Minis mon kapab dir ki mwan mon ase dezapwente ki dan sa lannen ou pa’n inisye bann mezir cost recovery, ki nou’n diskite dan sa Lasanble, pou nou gete ki mannyer nou kapab ganny en pe reveni pou nou pey nou bann travayer, dokter, ners, porter, tou nou bann travayer en pe pli byen.  Ki mannyer Minister, ou konman en Minis ki annan sa leksperyans dan Finans mon pa’n vwar okenn mezir pou recover certain cost pou ou kapab annan en servis Lasante pli efikas.  Minis eski ou kapab dir nou ki si ou’n deside ou pa pou fer li sa, oubyen si i annan ban kontrent ki anpes ou fer li sa, me selman eksplik nou akoz ou pa pe ede lo sa revenue side me nou annan en Minister Lasante ki depan 100 poursan lo Gouvernman.  Mersi.

 

MR SPEAKER

PS Valentin premye 2 kestyon apre Minis a pran 3enm.

MINISTER JEAN-PAUL ADAM

Mr Speaker si ou permet mon ti ava petet dir enn de pti mo lentrodiksyon apre mon ava les Dr. Valentin donn enn detay.  Mersi Mr Speaker. E mersi Onorab pou kestyon.

MR SPEAKER

Ok.  Go ahead.

 

MINISTER JEAN-PAUL ADAM

An se ki konsern bann batiman ki nou pe lwe pou Minister i form parti amelyor en pti pe kondisyon; par egzanp dan Trwa Rouz nou annan serten biro ki dan en Leta par egzanp kot i annan Fungus, kot ou annan serten sityasyon difisil ki sa bann staff pa kapab vreman travay dan en fason konvenab.  E osi evantyelman dan nou plan redevlopman Minister Lasante pou sorti dan Trwa Rouz tou fason dan en batiman separe.  Me pou nou kapab amelyor en pti pe kondisyon imedya pou serten bann travayer nou pe fer sa serten parti dan Sekretarya prensipal, ki pe al dan sa nouvo batiman ki pa lwen avek Complex Lasante e i pou permet nou bouz lezot biro kot nou annan problenm Fungus eksetera, kot nou kapab bouz zot dan Trwa Rouz e fer serten travay.  Alor par egzanp enn bann landrwa kot nou annan sa problenm se dan Rikord Medikal, kot aktyelman nou’n fini pran desizyon ki nou bezwen bouz zot be nou bezwen lespas pou nou bouz zot.  E alor letan sa Sekretarya i bouze, i permet nou fer sa bann keksoz.  E nou bann diferan batiman ki nou lwe konman bann proze enterim, i antre dan laliny Plan Redevlopman Lopital ki nou pe fer. Savedir nou pe antisip bann sanzman ki nou bezwen fer dan lansent Lopital pou nou kapab annan en meyer kondisyon e osi amelyor kondisyon pou bann staff ki la.  Malerezman nou pa kapab fer tou keksoz an menm tan.  Nou bezwen fer li par faz.  An se ki konsern Lasirans mon krwar PS i ava donn en pti pe plis detay, me nou annan- byensir akoz nou en gran Minister nou pran lasirans avek kantite diferan konpannyen, diferan Broker.  Nou fer parfwa direkteman avek sa bann Konpannyen atraver Broker depandan kote pri i pli konvenab.  Mon ava les Sekreter Prensipal lo la.

An se ki konsern cost recovery mon apresye ki Onorab in lev  sa pwen akoz i en size ki nou’n debat lo la longman.  E definitivman enn bann lakle pou nou amelyor servis dan Lasante, se pou regarde ki mannyer nou kapab premyerman redwir gaspiyaz oubyen redwir bann sityasyon kot nou  – lot larzan pe ganny depanse dan en fason initil.  E osi maksimiz reveni.  I annan plizyer keksoz ki nou’n deza fer, nou’n sey amelyor nou servis procurement par egzanp e osi an term sa – en pti pe konsern Lazans Servis Lasante; me an term sistenm lenformasyon ant Procurement ek Store Lasante. ki permet nou fer sa dan en fason pli byen.  E si ou vwar a zeneral nou’n ganny mwens lensidan kot nou’n mank serten Reagents par egzanp.  Mon pa pou dir ou i parfe me nou’n kapab fer en serten progre dan sa direksyon.  Nou’n osi travay avek Minister Finans pou idantifye bann fason kot nou kapab ganny plis reveni ; par egzanp nou annan en kantite expatriate ki servi nou sistenm Lasante e ki nou kapab ganny atraver en swivi pli pros nou kapab fer sir ki nou maksimiz reveni, akoz tou bann travayer expatriate ki dan pei e la kot nou santi evantyelman nou kapab annan en sistenm Lasirans pou par egzanp tou travayer expatriate ganny kouver anba en Lasirans dan en premye faz.  Apre bann lezot eleman an term cost recovery, i neseser pou nou vreman fer en deba nasyonal lo sa bann size.  E nou, nou pe fer en serten analiz kot nou, me baze lo prensip fondamantal ki dan nou Konstitisyon, ki Lasante i gratwit.  Lasante primer i gratwit me akse avek tretman lasante i gratwit nou pa kapab dir en dimoun ki i pa pou ganny tretman akoz son kapasite pou li peye.  Sa i en prensip fondamantal.  E sa nou  pa kapab sanze akoz i en keksoz ki vreman de baz pou nou me nou kapab regarde bann – atraver sa bann diferan mezir ki mon’n mansyonnen ki nou kapab adres en pe sa size cost recovery.  Mon konnen sa deba pa pou fini la Mr Speaker e Onorab nou pou kontinyen koz lo la.  Mon pou pas laparol avek Sekreter Prensipal.  Mersi.

 

MR SPEAKER

PS.

 

PS DR BERNARD VALENTIN

Yes Mr Speaker pou Lasirans i vre ki nou pa’n tender me selman sa ki nou fer en pe parey tou dimoun i fer nou nespes shop around, pou gete kote ki nou ganny en pli bon laranzman pou sa ki nou anvi asire.  So right now, right now nou pe travay avek Secura en Broker ki apel Secura nou pe travay avek Reliance, nou pe osi travay avek Fidelity, me osi i annan de sityasyon kot nou al direk.

 

(Interruption)

 

MR SPEAKER

OrderPS kontinyen.

 

PS DR BERNARD VALENTIN

Wi nou shop around e normalman letan nou shop around nou gete ki sa ki dimoun i ofer.  E souvandfwa nou demann quotes e zot donn nou quotes e baze lo sa bann quotes nou fer en desizyon.  E parey mon pe dir ou i annan sa bann Konpannyen ki nou pe travay avek.

 

MR SPEAKER

Onorab Ferrari.

 

HON JEAN-FRANCOIS FERRARI

Mon ti a zis kontan e commitment avek Ladministrasyon Lasante ki, zot ava fer bann prosedir ki ava satisfer nou e Minister Finans ki zot pe ganny the best product at the best price.  Mon konnen i pa toultan evidan en Sekter parey Lasirans, me mon krwar Minister Finans in promet en review sa bann keksoz.  Sel keksoz ki nou pa anvi PS se ki nou zis rollover bann pratik ki la depi 40 an nou pe rollover menm dimoun, menm dimoun pe benefisye, zis en dimoun ki pe manze me la 3 dimoun ki ti pe manze la avan sa- sa 3dimoun pe manze, be selman mon krwar zot in ganny mon mesaz.  Mersi.

 

MR SPEAKER

Minis i ok mon krwar mesaz i kler.  Onorab Adelaide.

 

HON FRANCOIS ADELAIDE

Mersi Mr Chair.  Bonn apre midi a tous ankor en kou.  Minis mon pe get en kou lo sa Bidze pou Minister Lasante, ‘’motor vehicle. ‘’ Mon pe gete si zot in fer okenn provizyon petet pou de ouswa 3 lanbilans pou sa lannen?  Mon dezyenm kestyon se ki mon’n tann dir zot pe rod statistisyen si mon pa tronpe zot in ganny 2.  Mon pe demann zot ki renimirasyon zot pe donn sa de dimoun e si zot advertise sa travay lokalman avan ?  Apre mon dernyen pti pwen Minis mon pe gete si petet kot Biomedical vi ki mon tande i annan labi ki kot nou annan bann teknisyen pe fer burglars bar avek barbecue grill, si Minister Ledikasyon pe anmas okenn reveni avek sa bann travay ki zot pe fer ?  Mersi.

 

MR SPEAKER

Minis.

 

MINISTER JEAN-PAUL ADAM

Si mon kapab zis demande Mr Speaker, Onorab sa de pos ki ou’n mansyonnen se bann statistisyen.  ….

 

MR SPEAKER

Sa ki PS ti dir taler.

MINISTER JEAN-PAUL ADAM

Wi nou fer en demars byensir pou nou gannyen lokalman me dan sa ka i en ka spesifik lye avek en standar WHO ki nou anvi etabli dan nou pei.  Alor i en sityasyon ase mon kapab dir spesyalize pou sa sirkonstans.  Apre an se ki konsern lanbilans i annan – nou pou tous sa ankor letan nou pou al dan Lazans Servis Lasante, akoz tou lanbilans i tonm anba Lazans Servis Lasante e nou annan anba sipor ki nou pe gannyen avek L’Inde mon bliye si 10 si 11. 10 lanbilans dan Bidze 2018 ki pe vini.  Ti annan en lot bout kestyon eskiz mon Onorab ki mon’n manke?

 

MR SPEAKER

Onorab Adelaide.

 

HON FRANCOIS ADELAIDE

Wi Minis petet mon pe zis demann en pti gin lo kote – vi ki kot Biomedical i annan bann teknisyen ki pe fer burglars bar avek barbecue grill, mon pe demande si Minister pe anmans okenn reveni avek sa bann materyo, vi ki zot pe servi resours Minister Lasante.  Mersi.

 

MR SPEAKER

Minis.

MINISTER JEAN-PAUL ADAM

Bon Mr speaker e Onorab  mon pa tro konn sa sityasyon burglars bar ki ou pe koz lo la.  Petet ou ava kapab donn mwan en pti pe plis detay apre.  Me sa ki nou fer kot seksyon Biomedical annefe bokou fwa zot fer bokou travay ki al an deor mon kapab dir zot scope akoz nou sey maksimiz resours ki nou annan.  Alor par egzanp i annan en Biomedical Engineer ki sa  bann dimoun ki’n ganny anploye, zot rol i sirtou pou zot travay lo  bann lekipman elektronik ki servi dan Lopital ouswa maintenance, son reparasyon, son revi, eksetera.  Me nou bann travayer i osi fer serten louvraz siplemanter ki sa, avek serten, par egzanp i annan serten lili par egzanp ki ganny kondisyonnen.  I annan serten laport ki zot fer travay ki sa i en pti pe an deor zot louvraz ordiner e nou apresye ki zot in pare pou fer sa.  E dan serten- mon pa konnen si sa bann burglars bar i tonm ladan, ou ava petet donn mwan en pe plis detay nou ava konnen dan ki sirkonstans sa i été.  Me mon konnen ki i annan bann louvraz ki lye avek bann fasilite nou Lopital ki ganny fer ki an plis ki sa bann louvraz enzenyer.  Osi pou dir ki nou’n kapab ogmant lakantite travayer dan sa seksyon e nou annan enkli 2 nouvo Seselwa ki’n antre dan bann pozisyon Biomedical dan sa seksyon.  Mersi Mr Speaker e mersi Onorab.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker.  Mr Speaker mon ti a kontan demann Minis refer li lo paz 423 an vi ki in dir ki zot pe travay lo logmantasyon, pou bann Ners, me letan mon get menm si nou annan en logmantasyon dan Bidze apepre  43milyon en logmantasyon 43milyon nou vwar ki lo paz parey mon’n dir 423 kot i dir  compensation for employees in sorti 18 milyon in desann, sorti 10.8 milyon in desann 17.1 so apepre 1.7 milyon rediksyon.  Konmsi ki mannyer sa pe cater pou sa ki Minis pe dir ?  Dezyenmman i annan sa ‘’building an infrastructure’’ 4 milyon ki mon pa krwar in ganny en leksplikasyon.  Me 42 milyon mon satisfe avek.  Apre nou pou al lo paz 425.  An vi ki in annan en logmantasyon dan Bidze e en rediksyon dan saler ‘compensation to employees’’ ki mon’n fek refer lo la me ler mon get SP1 ki Minister’s Support Services in annan en logmantasyon R400mil sorti 1.3 pou vin 1.7 ki sa pe cater for Minister ?  Me letan nou get dan ‘’ research policy planning and evaluation’’ lo menm paz nou vwar ki poudir son Bidze in desann par lanmwatye.  Eski sa research i senpleman research an term pou – letan bann maladi in fini arive?  Oubyen nou pe fer resers dan vwar ki maladi oubyen ki mannyer nou pou tackle maladi? Apre Minister pou lo nou goods and services ki nou annan an referans avek sa R17 milyon, si Minis i kapab dir nou konbyen staff ki zot anploye? E dan ‘’goods and services’’ i osi annan sa ‘’housing R300mil’ so akoz si mon konpran byen i bann Seselwa ki travay dan Minister.  So sa R300 mil pour ki fonksyon?  Apre Minister letan nou pe get dan limero 7, dan ‘’goods and services’’ ou’n koz lo security i ok.  Mon vwar i annan en ‘’government building and infrastructure’’ ki R870 mil e sa i aparet 2 fwa.  Eski i en fot oubyen i korek menm pou li aparet 2 fwa?  Apre ‘’upgrading of medical equipment’’ Minister letan nou get i 150 avek R60 mil eski sa i sifizan pou fer sa upgrading ki vreman pou donn en servis ki alaoter?  Mersi.

 

MR SPEAKER

PS avek Minis.

 

MINISTER JEAN-PAUL ADAM

Mersi Mr Speaker.  Mersi Onorab.  Mon pou bezwen demann klarifikasyon lo serten sa bann kestyon.  Sa enn dernyen letan ou pe dir upgrading i baze lo ki – i lo paz 425?

 

MR SPEAKER

Ki paz Onorab Andre?

 

HON CLIFFFORD ANDRE

I lo ‘’goods and services’’ dan ‘’minor capital outlay’’ 7 (a) i annan 2 ‘’upgrading of medical equipment’’ 60 thousand, upgrading of medical equipment 150 thousand’’ so i lo sa ‘’goods and services’’ ki nou’n gannyen mon pa konnen si Minister i annan kekfwa PS i kapab share sa avek ou?

MR SPEAKER

PS Valentin oubyen PS Payet oubyen Minis?

PS DR BERNARD VALENTIN

Well mon a konmans en pe lo bann kestyon ki ou’n demande i annan sa issue konpansasyon ki ou dir in desann pou travayer.  Korek?  Sa i Minister e sa sonm konpansasyon in desann akoz  2017 ti annan en Scheme of Service ki ti enplimante pou NIHSSSo i ti annan en back payment osi ki ti ganny fer pou sa – ki of course i pou nepli annan 2018.  E sa i account pou sa desann.  Ou’n koz osi lo ‘’housing’’ ki nou peye konman Minister.  Zis mazinen ki i osi dan Minister annan NIHSS e NIHSS pou le moman i annan 3 travayer etranze.  So sa ‘’housing’’ i normalman pou bann travayer etranze.  Apre mon pa konnen si Minis ti oule re pran lezot.

 

MINISTER JEAN-PAUL ADAM

Mersi PS e mersi Onorab.  An se ki konsern sa pwen ki in  fer lo kote saler – mon krwar pou war akoz ou’n koz lo sa kestyon increment pou Ners sa ou pou vwar li dan Bidze Health Care Agency e sa i lo paz 431 kot ou pou vwar ‘’compensation of employee’s kot i 346. 697milyon e in tonm ladan.  E parey PS in eksplike, sa rezon dan Minister akoz in diminyen.  An se ki konsern mon Sekretarya akoz ki i annan sa logmantasyon apepre 400 mil, se ki letan mon ti fek vin Minister Lasante ti annan en peryod kot bann dimoun ki ti travay avek mwan, mon Personal Assistant, mon Sekreter ti ankor tonm anba payroll Finans, i pa ti ankor ganny transfer anba payroll Minister Lasante e sa prezan pe ganny fer.  E zot saler antye pou 1an in antre dan Bidze pou 2018 e si ou pou vwar se ki si ou regard sa tandans an term sa ki nou pe depans pou ‘’ministerial support services ‘’i pe desann.  Konpare avek par egzanp 2015 nou pe kontinyen redwir li.  I annan sa lot kestyon ki mon pe demann Onorab an se ki konsern – ou ti’n nonm en sonm 870mil selman mon’n manke ki paz ou ti pe –

 

HON CLIFFORD ANDRE

Avan sa Minister i annan sa 4 milyon ki lo paz 423 pou ‘’building and infrastructure ‘’; apre sa 850 i lo limero 7 dan ‘’goods and services,’’ ‘’government building and infrastructure’’ i aparet 2 fwa, 870 thousand, 870 thousand e letan mon pe gete i annan menm Code.  So kekfwa PS i kapab eksplik nou sa.

 

MR SPEAKER

PS.

PS DR BERNARD VALENTIN

Si menm Code, menm sonm i vedir en repetisyon.

 

MR SPEAKER

E savedir i e fot? Ok.  Financial Controller ou anvi dir en pti keksoz.

FINANCIAL CONTROLLER MS JACINTH BONNE

Mr Speaker, mersi.  Mon ti a kontan eklersi lo sa ‘’government building.’’ Si ou pe gete menm si i menm code i 2 diferan progranm, i 2 diferan progranm.  Sa progranm 22 la.  I avek NIHSS plizoumwen.  I pou relye ek NIHSS sa 5enm  progranm.  Menm si  i menm Code solman i 2 diferan progranm.

 

MR SPEAKER

Savedir i pa en fot. Ok.  Kler Onorab Andre?

 

HON CLIFFORD ANDRE

…..(Mic Off)

 

MR SPEAKER

Wi, wi, ok.  In ekplike.

 

HON CLIFFORD ANDRE

Sa 4 milyon?  Sa 4 milyon.

 

MR SPEAKER

4 milyon PS.

 

HON CLIFFORD ANDRE

Dan ‘’building and infrastructure’’ lo page 423.

 

MR SPEAKER

Anba ‘’capital expenditure, 5 milion.

 

PS DR BERNARD VALENTIN

Mersi Onorab sa i pou renovasyon NIHSS.

 

MR SPEAKER

NIHSS? Ok Onorab Andre?  Onorab Woodcock.

 

HON WAVEL WOODCOCK

Mr Speaker mon kestyon i plizoumwen pou Health Care Agency.  Mon kestyon mon ava demann pli tar. Mersi.

 

MR SPEAKER

Ok.  Onorab Mondon.

 

HON TERENCE MONDON

Mersi Mr Chairman.  Mon kestyon i swiv sa kestyon Onorab Afif lo sa size 42 milyon, 42.13 milyon pou sa health information system.  Mon anvi konnen in mansyonn en loan avek Gouvernman Endyen mon anvi konnen ki kondisyon sa loan ; akoz mon konnen Endyen parfwa zot donn en loan avek serten kondisyon atase avek.  Ki petet sa dimoun ki pou fer sa Kontra li menm, eski in fini donnen, in fini tender, sa ki pou enplimant sa sistenm?  Mon anvi konn en pti pe lo si Kontra in fini donnen, ki i annan dan sa Kontra, ki bann kondisyon ki Minister Lasante pou bezwen swiv ?  Mersi Mr Chair.

 

MR SPEAKER

Minis oubyen PS.

MINISTER JEAN-PAUL ADAM

Mersi Mr Speaker e mersi Onorab.  Annefe sa loan i bann kondisyon tre konsesyonel i 1.5 poursan, i baze lo partenarya ki nou annan avek L’Inde. E sa fasilite i baze lo bann sistenm modern ki egziste partou dan lemonn.  E dan L’Inde tou bann Lopital modern, tou bann lopital zot vreman alaoter zot annan sa bann sistenm.  E nou ti fer en premye tender, me apre ki nou’n konsilte avek DICT, nou ti santi ki ti neseser pou nou fer en 2enm tender pou nou ranforsi kalite bann Lof.  E dezyenm tender nou’n ganny vreman en kantite propozisyon ki’n ganny fe e sa revi i ankour aktyelman.  I annan 5 Konpannyen ki ganny shortlisted e desizyon final pou ganny fer dan bann semenn ki pe swiv.  E sa i atraver en Komite ki’n ganny etabli ki enkli DICT, Lasante e si mon pa tronpe Finans osi, Procurement osi lo sa Komite.  Mersi Mr Speaker.  Mersi Onorab.

 

MR SPEAKER

Onorab Mondon ou ok.  Onorab Pillay.  Stephen Pillay.

 

HON STEPHEN PILLAY

Mersi Mr Chair.  Bonn apre midi a tous.  Mon kestyon i lo ‘’training’’ – Bidze training ki pou professional staff ki an de bout ki tonm R2.7 milyon ansanm.  Si sa i enkli – sa Bidze i pou bann staff ki pe fer academic oubyen management courses parey en staff ki travay dan records office ki le fer en academic an plis akademikman, fer li fer en ‘O level, ‘A level e bann ki pe fer bann course management parey kot SIM – si sa Bidze i kouver zot cost pou sa bann course koumsa oubyen si pa la kote ki kouver?  Mersi Mr Speaker.

MR SPEAKER

PS.

 

PS DR BERNARD VALENTIN

Mersi Mr Speaker.  Normalman bann course ki en pe pli kourt nivo Sertifika an menm tan petet nivo Diploma i ganny kouver kot Minister anba sa bann Vot ‘’professional development.’’ So i osi kouver sa bann management course ki ou’n dir me selman i osi annan lezot dimoun ki ganny training anba bann Vot ki kot ANHRD; savedir si en dimoun i anvi spesyalize, fer en gran Masters dan management par egzanp sa nou pas atraver sistenm ANHRD pou li ganny son funding. 

 

MR SPEAKER

Onorab Pillay.

 

HON STEPHEN PILLAY

Wi Mr Speaker byen apresye sa larepons.  Me en konsern ki deor la, se ki i annan course ki pe fer deor anba sa ki sa bann staff pe ganny demande pou kontribye pou zot course.  Eski sa i vre oubyen Minister pe pey tou zot course ki zot pe fer?

 

MR SPEAKER

PS ou okouran?

 

PS DR BERNARD VALENTIN

Well i annan en Polisi kot nou demann en pti kontribisyon avek bann staff ki normalman i fer sa bann course.  Wi i annan en Polisi koumsa.

 

MR SPEAKER

Konbyen ki poursantaz kontribisyon?  Eski i annan en Polisi ki across the board ki tou dimoun i konnen i bezwen pey 10 poursan, 50 or whatever.  PS.

 

PS DR BERNARD VALENTIN

Well Polisi i one third, me selman nou get osi sityasyon sa staff.  Par egzanp si sa staff i en staff ki devoue, me selman son sityasyon familyal pa permet li kontribye sa one third, donk nou fer bann derogasyon dan bann sityasyon koumsa.

 

MR SPEAKER

On a case-by-case basisOk Onorab Pillay ou ok?  Onorab Roucou.

 

HON CLIVE ROUCOU

Mersi Mr Speaker.  Bonn apre midi tou dimoun.  Mr Speaker mon premye kestyon i lo paz 425, kot ‘’capital expenditure building infrastructure’’ mon anvi ganny kler sa 4 milyon si sa 4 milyon ki Minis Larose ti koz lo la pou renovasyon Dagnostic Centre.  Sa i mon premye kestyon avan mon demann mon kestyon siplemanter lo la.  Epi mon 2enm kestyon i lo paz 422 ankor i vir ver ‘’training and professional development’’ ki PS in kos lo la lo training e amelyor kapasite nou bann staff.  Yet mon vwar li sorti 23 milyon pou desann 15 milyon.  Mon ti a kontan ganny en rezondet lo la.  Epi mon 3enm bout lo en larepons kot Minis in rann  konsernan bann travayer Biomedical, kot in salye travay ki zot pe fer an plis, espesyalman pou aranz lili e pe tir lili anndan e yet mon ti a demann li osi rezon pou zot tir lili met lili.  Akoz zot pe ganny e bedding allowance.  Mon pa pe konpran  ki savedir sa.  Bedding allowance pou bouz lili, zis met anndan met deor.  Mersi.

 

MR SPEAKER

PS ‘’training and professional development apre ‘’bedding allowance.’’

 

PS DR BERNARD VALENTIN

Lo paz 422 ki ou’n dir ‘’training and professional development’’ sa i en progranm.  Anba sa progranm i annan 2 sou- progranm.  Si ou al lo paz 426 ou pou vwar sa 2 sou- progranm e enn sa sou- progranm i ‘’in-service professional development’’ e lot i NIHSS.  E NIHSS i Pre Service Health and Social Development.  So -e in annan sa bes zisteman akoz i annan serten keksoz ki nou’n peye sa lannen pou NIHSS ki nou pa pe peye lannen 2018.  Enn i sa bann zafer ‘’compensation’’ ki nou’n koz lo la deza epi osi i annan serten renovasyon ki nou pe fer sa lannen dan NIHSS ki nou pa pou fer lannen prosenn akoz i pou’n fini fer.

 

MR SPEAKER

Onorab Roucou.

 

HON CLIVE ROUCOU

PS pou sa 4 milyon lo paz 425 ‘’building and infrastructure ‘’mon anvi konnen si i annan relasyon avek sa ki Minis Larose ti dir dan son deliberasyon semenn pase.

 

MINISTER JEAN-PAUL ADAM

Mersi Mr Speaker e Onorab.  Annefe mon krwar sa 4 milyon ki pe koz lo la lo paz 425 i menm 4milyon ki Onorab Andre ti koz lo la i pou NIHSS.  Apre i annan en lot 4 milyon ki anba Health Care Agency ki pou renovasyon sa Dagnostic Centre.  E sa annefe i pe konmanse sa lannen.  I pe konmanse la prosennman e sa sonm dan Bidze pou 2018 se pou konplet li.  Mersi Mr Speaker.  Mersi Onorab.

 

MR SPEAKER

Onorab Roucou ou pa ankor tann ou ‘’bedding allowance?’’

 

HON CLIVE ROUCOU

Non.  Mon ti pe al demann li konman Minis i reponn nou lo sa renovasyon, mon anvi demann li lo ki kalite renovasyon Dyagnostic Centre pe fer as i en building mon krwar ki zenn, e ‘’bedding allowance’’ please.

 

MR SPEAKER

Minister.

 

MINISTER JEAN-PAUL ADAM

Mersi Mr Speaker.  Sa i tonm anba Health Care Agency parey mon ti pe eksplike. Me sa travay renovasyon i enkli plizyer eleman.  I form parti redevlopman Lopital.  I annan bann porsyon laboratwar ki pou bouz dan Diagnostic Centre.  Fodre nou mazinen osi ki i annan en kantite, kantite pasyan i servi sa tou le zour e i annan mon krwar bann dimoun ki vizite e zot pou vwar poudir i annan en serten kantite wear and tear ki ou bezwen adrese an term bann – letan ou pe pase avek bann lili eksetera; alor nou bezwen fer sir ki sa i annord alor i annan renovasyon pou amelyore apre i annan renovasyon pou remet li dan son leta konmsi nef.  Alor sa i form parti sa proze.  E parey mon ti’n – prezan pou vin lo sa kestyon ‘’bedding allowance’’ lo Biomedical mon ti’n deza eksplike ki Biomedical serten fwa zot fer en serten louvraz ki an deor zot – term referans de baz.  E annefe si ou regard par egzanp sa kestyon lili dan zot ‘term referans’ lili pa dan zot ‘term referans’, zot ‘term referans’ i bann lekipman elektronik e medikal ki konsernen avek Lopital.  Me nou’n agree avek zot akoz normalman si ou pe regard dan en Lopital enternasyonal ou pou servi – ou pou annan en Unit annefe spesifikman pou par egzanp lili anba ou Divizyon Maintenance.  Sesel nou napa sa nou pe fer li – sa bann dimoun  dan Biomedical in aksepte pou fer li konman en louvraz siplemanter.  E nou’n kree sa lespas dan zot workshop, pou zot kapab fer sa avek bann nouvo lili ki nou’n resevwar sorti dan L’Inde e ki’n ganny enstale.  E parey mon ti’n deza brief sa Lasanble dan en lot moman letan mon ti vin isi, nou konsyan poudir evantyelman nou bezwen annan en workshop dan Lopital pou ki permet nou pli bye – akoz nou tou nou konn sa problenm par egzanp ki lili par egzanp ki ganny tire dan ward i reste la e nou bezwen annan en proper workshop.  E nou bezwen osi en keksoz ki nou pe travay lo la, se en tim maintenance spesyalize ki pou ganny enplimante dan Lopital osi.  Mersi Mr Speaker e mersi Onorab.

 

MR SPEAKER

Onorab Roucou.

 

HON CLIVE ROUCOU

Minis mon’n konpran tre byen sa leksplikasyon ki ou’n donnen, me yet sa bann dimoun pe fer sa bann travay lo sa bann lili dan leta zot 8er 4 er zot 8erdtan travay.  So eski ou pa krwar sa pe afekte zot travay konman bann swadizan enzenyer ki devret fer bann travay lo bann lekipman medikal?  Be yet zot pe travay lo lili me selman zot pe ganny en allowance ankor.  Ou pa krwar sa i unfair?

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab.  Mon krwar fodre nou kler ki bann travayer dan seksyon dan Biomedical pa travay 8er 4er.  Zot travay dan bann shift, zot travay apre ler, dan milye lannwit dan plizyer fwa akoz zot travay i mars avek bann lekipman ki dan Lopital.  Alor letan ou pe donn zot en responsabilite ki siplemanter e sa anliny avek bann prensip ladministrasyon dan Gouvernman, letan ou pe donn en dimoun en responsabilite ki an deor son konpetans e an deor son responsabilite de baz ki sa i ganny kouver atraver en allowance.  Mersi Mr Speaker e mersi Onorab.

 

MR SPEAKER

Mersi Onorab Roucou.  Onorab Sebastien Pillay apre Onorab Ramkalawan.

 

HON SEBASTIEN PILLAY

Mersi Mr Chair.  Mr Chair mon ti a kontan demann Minis en kestyon baze lo lenplimantasyon proze.  Ki bann defi zot in rankontre vizavi lenplimantasyon bann proze Kapital, vi ki sa i en size Polisi me nou pe met larzan anba diferan Lazans, ki bann defi zot in rankontre ki’n fer ki zot pa’n kapab konplet serten proze?  E ki ban defi zot in etabli vizavi recruitment akoz nou’n vwar zisteman dan Bidze siplemanter serten konponan larzan ki’n retournen vizavi wages and salaries. Mersi Mr Chair.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab.  Annefe lenplimantasyon proze i enn bann pli gran defi ki’n annan aktyelman an term kapasite.  Mon krwar nou tou nou konsyan ki letan ou pe enplimant proze dan sekter Lasante i en sekter ki spesyalize.  E nou napa bokou dimoun dan nou pei ki annan sa leksperyans oubyen sa konpetans.  E sa Unit ti vreman ti pti dan Minister Lasante.  Oparavan mon krwar ti zis 3 dimoun.  Sa lannen nou’n ogmant la kantite travayer, nou’n ogmant par 5 lakantite dimoun ki pe travay dan sa Unit.  Me nou – lakantite proze e osi son – ki sa bann proze i dan diferan landrwa zeografik, alor ou pe anvoy zofisye Baie Lazare, Takamaka, Praslin, La Digue.  E menm avek sa bann nouvo zofisye ki nou’n kapab rekrite nou kapasite mon kapab dir i pa touzour alaoter ki nou ti ava swete.  Me nou pe kontinyen batir sa kapasite.  Lot eleman ki nou’n fer bokou zefor pou nou reste an konformite avek bann lareg Procurement.  E souvandfwa ankor akoz eleman spesyalize avek Lasante i vedir ki sa in pran plis letan parfwa ki nou ti antisipe e nou apresye siport ki nou’n gannyen avek Procurment Unit me i en landrwa kot nou bezwen met zefor.  Nou bezwen annan plis Specialist Procurement medikal dan Minister Lasante.  E nou bezwen menm mon krwar konsider annan en petet lo en retainer en larsitek medikal, akoz sa i diferan avek en arsitek normal.  E si ou regard par egzanp Lopital Lafanmir ki nou’n enplimante kot nou’n ganny lasistans avek en partner kot in anploy en larsitek medikal e ou vwar poudir rezilta i pozitiv, ki ou annan en dimoun ki vreman annan leksperyans in fer plizyer Lopital dan lezot pei e alor i kapab fer sa dan en fason sistematik e i pli fasil osi lo nou kote pou nou swiv. E ki nou pe fer a lavenir nou pe diskit avek Minister Finans e avek Board Lazans Lasante, pou nou osi par egzanp sirtou pou bann Sant Lasante pou nou al dan bann Kontra Maintenance.  Savedir kot nou fer en tender, nou envit bann Konpannyen pou fer maintenance lo en Sant Lasante pandan en peryod, e ki sa i ganny tender byensir da en fason regilye.  E i permet nou fokaliz nou zefor lo bann gro proze devlopman, e adres sa mank maintenance regilye ki’n arive dan lepase.  Alors sa an gro Mr Speaker e Onorab i bann defi ki nou’n fer fas avek an term lenplimantasyon proze.

 

MR SPEAKER

Onorab Ramkalawan apre Onorab Aglae.

 

HON WAVEL RAMKALAWAN

Mersi bokou Mr Chairman.  Mr Chairman – cleanliness Lopital i tonm anba zot oubyen Health Care Agency?  Health Care Agency ok?  Mr Chairman mon premye kestyon se letan zot in koz lo rent pou sa building zot in dir i pou kout R280 mil par mwan e sa i fer en total 3.4 milyon.  Me dan Bidze zot pe 4.8 milyon.  Eski i en fot?  Sa i mon premye  – parski si i 3.4 milyon i pa devret annan 4.8.  Lo size tender zot in dir ki pou sekirite zot in tender out, zot ti pas dan Procurement Unit be nou’n regard lo Website National Tender Board e napa okenn, napa okenn landrwa ki’n mete ki poudir i annan okenn Awards ki’n ganny fer.  Alor si zot kapab eksplike egzakteman kwa ki’n arive avek sa tender process pou Sekirite.  E o fet nou’n regard depi 2015 ziska 2017 e napa okenn Awards ki’n fer.  E apre dan zot Bidze oubyen dan zot  – napa okenn plan pou refer en building NIHSS konmsi pou tir li laba?  I annan en plan?  Ok.  Mersi.  Be zisteman be dan zot petet parski menm dan supplementary ti napa pou pey bann staff ek bann dimoun ki fer part time NIHSS over time ki zot in fer depi Out 2017, zot pa ankor ganny peye.  Mersi bokou.

 

MR SPEAKER

Mersi Onorab.  PS ek Minis oubyen –

 

MINISTER JEAN-PAUL ADAM

Mersi Mr Speaker e Onorab Leader Lopozisyon.  Mon ava pran detrwa pwen apre mon ava demann PS pou klarifye lezot.  Pou an se ki konsern sekirite pou klarifye nou ti annan en Konpannyen Sekirite ki in ariv dan difikilte ki si mon pa tronpe in fer fait.  I pa’n kapab kontinyen ofer sa servis.  Alor lefe ki plizoumwen en zour ziska lannmen nou’n bezwen sey rod en solisyon pou sa.  Nou’n arive lo e laranzman avek en Konpannyen ki dan Gouvernman, VIP security ki anba Lapolis ki pe donn nou sa servis dan en fason enterimer e prosedir pou tender pe konmanse.  Mon krwar petet ti en pti konfizyon, kot mon krwar FC ki in dir in dir ki nou pe swiv sa prosedir ki Gouvernman pe met an plas pou fer tender.  E atraver sa centralized process.  I menm zafer pou Sekirite ek pou Cleaning.  Me sa i ankour aktyelman ok?  Akoz nou’n ariv dan sa sityasyon kot nou’n bezwen annan en laranzman enterimer ziska ler nou al dan sa prosesis tender parey Gouvernman i prevwar.  Apre pou NIHSS, i annan 4 milyon ki’n prevwar pou nou komans sa travay pou nou fer dan nou plan redevlopman lopital dan sa vye sit NIHSS, nou anvi re devlop li konman sa lekol apropriye  pou formasyon nou bann Travayer Lasante.  E nou pe servi sa sonm pou nou demar dan sa direksyon.  Apre sa bann lezot size mon ava les PS petet koz lo la.  I annan sa kestyon bann allowance’ part-time ‘ek ‘rent.’  Mersi.

MR SPEAKER

PS oubyen Financial Controller oule klarifye ?

PS DR BERNARD VALENTIN

Mersi Mr Speaker.  Donk sa 4 milyon’rent’ la in annan en demann ofisyel fer par WHO ki zot expand zot services dan Sesel e sa pou enkli nouvo travayer.  E mon krwar Gouvernman Sesel in aksepte sa demann.  E right now WHO pe house dan Minister.  I annan en Lagreman ki WHO i house dan Minister.  Donk lefe ki deza dan Blue Roof kot zot ete i konzeste.  Napa plas ankor pou zot met dimoun.  So ki nou’n fer nou nou’n met en contingency si an ka WHO i bezwen expand nou ava annan en posibilite pou ofer zot e landrwa a koz tou fason sa bann dimoun pe travay WHO, se posibleman bann dimoun ki pou recruit locally e ki pou bann Seselwa e ki pou benefisye sipor ki WHO i donn Minister Lasante.  So nou’n met sa konman en contingency si an ka nou bezwen rent lofis pou sa purpose.

Konsernan ‘part-timelecturer avek overtime ‘sa i pou ganny peye anba ‘’training fees ek consultancy’’ ki deza dan Bidze NIHSSSo i annan provizyon deza dan Bidze pou pey sa bann overtime avek sa bann part time lecturers ki ou’n mansyonnen pou NIHSS.

 

MR SPEAKER

Onorab Ramkalawan.

 

HON WAVEL RAMKALAWAN

Ok.  So, zot pou ganny peye e nou konpran sa contingency ensidswit.  Retourn ankor lo sekirite.  Ki mannyer nou konpran se pa sa group ki ou’n nonmen la ki pe ansarz sekirite Lopital.  Ki mannyer nou konpran i annan 2 Lakonpannyen prive ki pe run sekirite Lopital.  Enn i apel MARPOL lot i apel XWO.  Sa de la napa – ?  Pa Lapolis sa ?

 

MR SPEAKER

Eski Financial Controller ou okouran si ou pe pey sa de konpannyen MARPOL ave lot.

 

MINISTER JEAN-PAUL ADAM

Mr Speaker wi i korek selman sa i ganny sub-contract anba VIP services ki nou’n koz lo la.

 

MR SPEAKER

I ganny- sorry Minis nou pa’n konpran kwa?  I ganny sub- contract anba?  Financial Controller ou le klarifye? Minis.

 

MINISTER JEAN-PAUL ADAM

Mersi Mr Speaker.  Zis pou klarifye wi efektivman i annan sa Konpannyen.  Nou’n fer laranzman avek VVIP me zot kapasite pa ase alor i annan sa laranzman osi avek en Konpannyen enterimer ziska ler nou fer sa full tender.  Mersi Mr Speaker.

MR SPEAKER

Onorab Ramkalawan.  Sorry PS Payet ou anvi azout en keksoz.

PS PATRICK PAYET

Mersi Mr Chair.  Zis pou azout tender Security i annan lekol Community avek Minister Lasante sa in ganny fer anba sa Centralized Procurement Unit within the Ministry of Finance e tender ti’n konplete. Ti annan en delay letan mon krwar 2 semenn pou any Appeal ki si i annan Kontrakter ki pa’n gannyen pou zot re appeal.  I annan appeal ki sa Centralized Procurement Unit pe deal avek aktyelman through the Procurement Oversight Unit e once ki i konplete si i annan savings the tender process sa larzan i pa ganny servi pou tou sa le 3 Lenstitisyon.  I annan Community, Ledikasyon avek Lasante.  So sa i en tender process ki’n ganny fer.

 

MR SPEAKER

Process is being followed.

 

HON WAVEL RAMKALAWAN

Mr Speaker, mon krwar ki zot bezwen aksepte ki poudir zot an defo la, akoz sa 2 Lakonpannyen se 2 Lakonpannyen prive.  Sa MARPOL i kapab annan sa POL ladan zot krwar i Police be i pa vedir sa.  E sa lot osi tou napa nanryen pou fer avek Lapolis.  E i resanble se sa kalite, sa bann kalite laranzman ki nou pa anvi arive, akoz zisteman nou konnen ki poudir dan sa zafer sekirite,  i annan en kantite bann zes ki pe arive e  se la kot bann gro sonm larzan i zis pase.  E mon ti ava kontan demande ki parski – ok zot pe deza peye la, zot pe deza peye ziska Desanm; ki an prensip zot pa’n swiv bann regilasyon finansyel.  E nou pa konnen depi kan zot pe, depi kan zot pe fer li.  Sa i enn.  E apre sa manke zot poudir be sa i pou en kontinyasyon lannen prosenn e – non, nou pa kontan ditou parski sa, la zot definitivman pa pe swiv regilasyon finansyel.  E mon ti ava kontan konnen ki zot annan poudir lo la.

 

MR SPEAKER

PS Finans sa ki ou’n fek dir ou pe dir ki pou konmansman Zanvye 2018, i annan sa process ki pe pas atraver e menm pou annan appeal bann ki pa ganny Kontra.  Se sa ki ou’n dir.  Oule azoute ?

 

PS PATRICK PAYET

Zis nou ti’n anyway, nou ti’n anvi fer li konmansman Zen ouswa Zilyet, me selman sepandan akoz nou konnen i annan Trezyenm Mwan Lapey, akoz par egzanp si ou kas en Kontra dan milye lannen apre ou konmans en lot Kontra i kapab arive ki sa lakonpannyen pou pey son  travayer Trezyenm Mwan Lapey i kapab en problenm akoz dan Lalwa i dir ou fodre ou’n travay enn an pou ou ganny Trezyenm Mwan Lapey sanmenm sa ki nou ti deside as Gouvernman pou konmans donn Kontra konmansman Zanvye 2018, parey Cleaning Agency as well – pou Security avek Cleaning.  So konmansman 2018 pou annan nouvo Kontra dapre tender ki’n ganny fer.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker mon bezwen dir ki se sa bann keksoz osi ki nou pa kontan lo nou kote.  Nou vini nou demann bann kestyon straight forward e nou ekspekte ganny larepons ki – nou ekspekte ganny larepons ki vre.  Nou ekspekte laverite.  Be la si nou pa ti’n al fouye nou ti pou – tou dimoun ti pou’n krwar ki poudir se Lapolis ki pe donn sa, Lapolis ki pe donn sa sekirite.  E the whole House ti ava’n ganny misled an krwayan ki poudir en keksoz i pe mars tel fason.  E ki ti’n pas dan tender process – tou keksoz ti’n ok, Parski la nou kapab demande lo sa kote fairness akoz ki sa 2 Lakonpannyen ki’n ganny swazir ?  Akoz ki zot in ganny preferans lo tou sa bann lezot Lakonpannyen Sekirite ?  E mon kapab dir Mr Speaker ki en bann konplent ki, enn bann konplent ki nou, nou gannyen vizavi bann Lakonpannyen Sekirite se zisteman ki i annan  bann, i annan bann kontour, ki ganny kase kot serten dimoun i ganny  Kontra e i menm annan serten Lakonpannyen Sekirite enn parmi la, ki li i pase i dir ou poudir ou pou ganny laba mwan mon pou ganny isi, ou ou pou ganny laba.  Konmsi i annan en kalite, i annan en kalite trik ki pe pase.  E akoz ki zot al rod zis sa 2 e zot pa’n donn bann lezot?  I anmenn unfairness.

 

MR SPEAKER

Be selman PS ou pe donn nou garanti, ki konmansman Zanvye 2018 the process would be transparent e pou swiv regilasyon finansyel not withstanding bann problenm ki nou’n gannyen sa lannen.  Hold-on Onorab.  PS Payet.

 

PS PATRICK PAYET

Wi Mr Chair sa mon konfirmen from pou Zanvye 2018 tender, prosedir in ganny follow – transparans.

 

MR SPEAKER

Onorab Pillay ou ti annan en keksoz ou ti oule dir.

 

HON SEBATIEN PILLAY

Mersi Mr Chair.  Mr Chair prenon kont ki sa size Sekirite i monte pa en fwa, pa 2 fwa me plizyer fwa depi ler nou’n konmans diskisyon Bidze, mon ti a  propoze ki zis parey zot in demande pou bann Brokers, parey zot in demande pou tou keksoz ki nou kapab, hold on, I’ve got the House, I’ve got the floor silvouple. Si nou kapab ki PS Finans i provide nou avek lalis tou bann Konpannyen Sekirite ki pe travay koumsa – nou ava dan en pli bon pozisyon akoz mon konpran ok lo lot kote zot pe raise serten pwen e i vin serten pwen kontansye nou, nou pa konn sa issue – e i vin konplike pou nou tou.  So nou ava fer sa an mezir menm bann landrwa, bann lakaz kot bann Dokter pe rent nou a ganny bann landrwa nou a konn en pti pe pli byen.   Mersi Mr Speaker.

 

MR SPEAKER

Mon a pran en dernyen pwen avek Onorab Ferrari avan nou a kot Onorab Aglae.  Onorab Ferrari.

 

HON JEAN-FRANCOIS FERRARI

Mr Speaker mwan mon krwar ki enn bann problenm avek Onorab Pillay se ki i downplay en sityasyon.  I serye sa.

 

(Interruption)

 MR SPEAKER

Order!  Onorab Pillay ou’n koze taler.

HON JEAN-FRANCOIS FERRARI

Onorab Pillay atraver ou Mr Speaker, nou dan en sityasyon kot i annan en peyman ilegal ki pe ganny fer – akoz pa’n follow procedure.  I annan en konpannyen ki pe benefisye avek en peyman ilegal.  Sa i apel Reseler.  Ok ?  La nou dan – la sityasyon ki nou ladan la.  Mwan mon anvi ki nou mezir gravite sa sityasyon, akoz nou travay la se pou nou vey sak sou, sak roupi larzan piblik.  E nou anvi, nou anvi ki en note i ganny mete pou fer sir ki bann ki pa’n swiv bann prosedir i ganny Call to Order.  e bann ki’n benefisye par bann prosedir ki pa normal i osi ganny Call to Order.  Se sa ki mon anvi mwan.  E ki- e ki, mon a terminen Onorab Pillay avek respe, e ki apartir le 1 Zanvye, apartir le 1 zanvye nou pa vwar sa bann zafer ki pe rollover.  PS in dir nou sa me mon demann mon lekor depi lannen pase nou pe dir nou pou met lord ladan.  Nou pa pe met lord nou sorti dan Broker nou tonm dan lot, nou tonm dan tou sa bann keksoz.

 

MR SPEAKER

Ok.  Alright Onorab Ramkalawan.  Apre Onorab, Onorab Pillay.  Onorab Ramkalawan apre Onorab Aglae.

 

HON WAVEL RAMKALAWAN

Mr Speaker mon pe zis, anything ki ilegal nou bezwen koriz li o pli vit posib.  I annan, nou Novanm la.  Nou Novanm.  Nou annan nou 15 zour devan  nou pou Novanm fini.  Mwan mon ti ava demande ki Minister Lasante, i pran sa sityasyon o serye e ki deswit zot lans en tender.  Lans en tender parski pou sa mwan Desanm la nou pe koz, nou pe koz en sonm anviron  R500 mil zi pou Lasante pou zot Health Care e nou kote well  mwan personnelman mon pa vwar it is fair.  Mon pa vwar it is fair ki en Lakonpannyen li i pou ganny R500 mil dan en fason ilegal akoz in napa okenn tender process e en lot lakonpannyen ki petet li i ape struggle akoz i pa pe ganny – i pa’n pas dan tou sa  bann zafer, oubyen i napa kontak ki li i pa pe ganny nanryen.  So eski Minister Lasante ti ava kapab imedyatman lans en tender – parski se zis pou zot – pou Lopital Victoria e ganny konmsi normaliz zot sityasyon pou ki le 1 Desanm, zot konnen ki poudir tou zot keksoz i annord e ki lafen Desanm letan zot ava pe pey sa Lakonpannyen R500 mil anviron, i keksoz ki annord.  Se sa ki mon pe demande.

 

MR SPEAKER

Ok avan mon demann Minis pou respond nou a pran sa dernyen kestyon from Onorab Aglae apre ou a respond Minis.

 

HON EGBERT AGLAE

Mersi Mr Chair.  Minis mon kestyon i lo paz 422.  Enn dan bann ‘’current challenges’’ kot ou’n fer sorti poudir ou annan mankman bann qualified health personnel parey dan help planner statistisyen, resers, bann syantis,.  Vi ki Sesel i annan bann MOU ki’n ganny sinyen parey  bann pei larezyon nou annan Maurice, nou annan La Reunion, nou annan L’Inde, nou annan UAE, nou annan Sri Lanka eski, apard ki bann recruitment bann Dokter ki zot servi anba sa bann MOU zot pa kapab osi fer bann recruitment ,anba sa bann demann ki zot annan?  E 2enm se kot i konsern zot ‘’strategic priorities 2018, 2020’’ kot zot pe promot en bon stil lavi, public awareness bann keksoz koumsa, me ler ou pe get Bidze bokou larzan i ganny mete dan tretman ki dan prevansyon.  Eski a la longer ditan zot pe mazin met en pti pe plis lenvestisman kot i konsern prevansyon e ki a lavenir i ava diminyen lo nivo tretman ?  Mersi.

 

MR SPEAKER

Minis lo prevansyon apre ou a regarde si sa i fezab ki Onorab Leader Lopozisyon in propoze pou sa restan lannen. Minister.

 

MINISTER JEAN-PAUL ADAM

Mersi Mr Speaker e mersi Onorab.  Mon ava pran parey ou’n sizere kestyon Onorab Aglae.  Lo sa pwen ki’n fer sorti lo faz  lo prevansyon i enn bann stratezi dan nou progranm.  Enn bann defi i vre se pou nou kapab montre an term monneter tou larzan ki pe ganny envesti dan prevansyon ; akoz aktyelman i annan diferan progranm prevansyon ki anba diferan lezot progranm e ki ou pa pou forseman vwar tou sa bann eleman prevansyon anba en sel latet kot ou pou vwar li la sa larzan prevansyon.  Me si ou regard bann endikater performans, akoz nou pe al dan Performance-Based Budgeting e nou pe al – Minister Lasante nou dan sa laliny ;  si ou regard nou bann endikater performans i baze bokou lo adres bann kestyon prevansyon.  Par egzanp Minister Lasante nou’n regard kestyon dyabet e  pou nou sey redwir lakantite dimoun ki kapab ganny admisyon Lopital pou bann konplikasyon ki lye avek dyabet.  Sa i en kestyon alor ki konsern travay avek bann dimoun ki pe soufer avek dyabet, avek zot fanmir, avek bann travayer dan kominote, avek bann Sant Lasante e asire ki nou kapab redwir sa lenpak a long term.  Nou pou kontinyen gradyelman met ankor plis resours dan sa – dan prevansyon, akoz se la  kot nou kapab fer plis lenpak.  An menm tan larealite se ki an mezir ki  la popilasyon i vyeyi, e ki nou vwar lenpak zisteman bann kestyon parey dyabet ki nou vwar kriz obesite ki nou annan dan nou pei, nou pou annan plis demann pou bann servis spesyalize.  Nou pa kapab anpese sa.  Sa pe arive tou fason, me larzan ki nou met dan prevansyon ozordi i pou ed nou pli tar.  Alor nou anvi dan bann Bidze pli tar kapab pli byen montre lakantite larzan ki vreman pe antre dan prevansyon.  E si  mon pa tronpe dan National Health Account ki nou’n fer sa lannen nou’n demontre da en fason ki kantite larzan ki pe antre ladan e ki nou vwar ki sa la kantite pe ogmante 12 poursan, alor nou pe kontinyen met plis resours dan prevansyon.  E mon krwar enportan pou regarde se bann endikater ki nou’n swazir dan Lasante i vreman bann ki baze lo ariv lo rezilta dan – pou bann progranm prevansyon.  Mon pa konnen si mon’n – i annan en lot parti ou kestyon ki mon’n manke.

 

MR SPEAKER

Wi ou’n reponn kestyon prevansyon avek – son kestyon se bann korperasyon larezyon – si nou maksimiz benefis nou kapab tire dan sa bann Korperasyon.

 

MINISTER JEAN-PAUL ADAM

Mersi Mr Speaker e mersi Onorab.  Pou sa bann – annefe nou pe fer bokou zefor pou nou ganny o maximum benefis atraver sa bann diferan Lagreman.  Enn bann Lagreman ki la depi en bon pe letan, se nou Lagreman avek La Reunion.  E nou annan en nouvo progranm la kot menm nou kapab anvoy bann dokter pou spesyalizasyon La Reunion.  Nou annan osi posibilite ki deza pe pase pou anvoy bann Ners pou fer serten formasyon spesyalize e osi pandan lannen 2017 nou’n fer o mwen de formasyon par egzanp avek La Reunion isi Sesel kot bann expert in vini  in fer bann formasyon isi.  Avek Maurice resaman avek vizit ki Prezidan Faure in fer laba nou annan posibilite pou nou regard bann travayer ki nou kapab gannyen sorti Maurice me i enportan ki nou regard nivo e kalifikasyon sa bann travayer pou asire, ki zot an  konformite avek nou ekspektasyon isi, me nou santi ki sa i en keksoz ki nou kapab devlope.  Apre atraver bann progranm COI si ou regard par egzanp sityasyon ki nou fer fas avek kot i konsern La Peste ;nou’n servi en kantite sa rezo ki apel Sega Net kot nou’n esanz lenformasyon avek bann pei dan larezyon pou nou ganny lenformasyon neseser pou nou pran ban desizyon kle kot i konsern proteksyon kont La Peste e osi bann lezot risk dan larezyon.  Nou annan osi en progranm rezyonal ki for an se ki konsern Sida, prevansyon Sida e sa i en keksoz ki pou kontinyen.  Nou pou kontinyen regarde ki mannyer nou kapab ofer sirtou plis formasyon pou nou bann travayer atraver sa ban partenarya.

Pou re vin lo kestyon ki Leader Lopozisyon in fer sorti mon ti a kontan re asir tou Manm  e tou piblik poudir napa okenn lentansyon par Minister Lasante, oubyen Gouvernman pou nou donn fo lenformasyon.  Annefe nou ti pe sey rod en fason en pe vitman isi e pa tou lenformasyon petet ki ti a nou dispozisyon.  Me mon oule konfirmen premyerman ki MARPOL pa dan sa bann Konpannyen en.  Napa MARPOL ok.  I  en Konpannyen ki appel WXO.  E sa parey mon’n deza eksplike, sa Konpannyen in antre letan sa Konpannyen avan i fer faid.  Prezan konman Gouvernman nou’n al anver VVIP Security inisyalman e nou’n travay dan sa direksyon.  Sa kestyon lo ki mannyer ou fer – sa dan sa sityasyon kot dan milye lannen kot ou’n parey PS in eksplike, i en kestyon ki Gouvernman i kapab revwar.  Mon konnen zot santi poudir lareg pa’n ganny swiv.  Mwan mon pou rod gidans Finans pou gete si lareg in ganny swiv oubyen non.  Me mon ti a dir ki enportan pou regard e pou swiv sizesyon Onorab Pillay, ki nou regard tou bann Kontra  sekirite ki Lasante i annan akoz sa WXO i pou Lopital, me i en kantite diferan Kontra ki’n ganny fer pou tou sa bann diferan Lasante e en kantite diferan Konpannyen.  I pa zis en konpannyen, i annan en kantite diferan Konpannyen ki annan sa bann diferan Kontra dansa ban diferan Sant Lasante e parey nou’n deza eksplike sa eleman sekirite i enportan an se moman.

Sizesyon Leader Lopozisyon pou nou fer en tender o pli vit posib, personnelman konman Minis Lasante mon krwar sa i en tre bon nide.  Me mon pou dir anba gidans Minister Finans lo posibilite fer li dan sa dele letan ki ou’n site.  Si i posib pou fer li mon krwar nou napa okenn obzeksyon, me i annan en serten prosedir ki bezwen ganny swiv e ti’n ganny planifye tou fason pou Zanvye 2018.  Alor si nou kapab fer li pli boner par en mwan, mon napa problenm pou fer li personnelman mon pou dir zot sa me mon pou rod gidans, mon dir sa anba gidans Minister Finans si nou annan sa kapasite pou nou enplimant li.  Ok? E mon pa konnen si FC ti le –

 

MR SPEAKER

PS Finans petet ou a vwar si direct tendering i posib parski i annan serten shortcut ki ou kapab fer avek permisyon Finans si i annan legzizans ki neseser.  PS?

 

PS PATRICK PAYET

Mersi Mr Chair.  Zis pou azoute ki lenformasyon ki nou’n gannyen avek POU WXO ti deza kot Minister Lasante, e zot ti ganny en extension of Kontra baze lo nouvo landrwa Lopital Victoria avek Perseverance.  E avek lanfaz pou konmans lezot Kontra an Zanvye.  Me selman demen letan nou ava retournen nou ava donn zot en pe plis detay ki kantite kou ki pe koute pou sa extension of Kontra e ki ban lezot landrwa ki WXO i annan dan Minister Lasante.  Me selman ki nou’n gannyen se extension of Kontra.

 

MR SPEAKER

Mersi pou sa klarifikasyon posibilite PS Finans.  Onorab Ramkalawan en dernyen mo.

 

HON WAVEL RAMKALWAN

Yes Mr Speaker ankor enn fwa zis pou mwan dir ki dan – lo website National Tender Board napa okenn par kot sekirite Ministry of Health i ganny mansyonnen ki poudir in ganny en Award.  Petet nowhere.  Me selman Mr Speaker zis mon a fini lo sa not ki petet lefe ki demen nou pou pran Health Care Agency, Health Care Agency tou, petet zot a kapab vin avek tou zot bann dokiman akoz zot osi tou napa okenn par kot okenn zot bann sekirite lo anba National Tender Board in ganny en Award.  So pou nou pa – konmsi vin avek tou zot bann lenformasyon, so that nou ava konnen.

 

MR SPEAKER

Zis pou klarifye PS Payet, vi ki nou demen bomaten nou pou konmans avek Health Care Agency.  Eski ou pe anvizaze ki nou pou kapab ganny sa lenformasyon ki Onorab Sebastien Pillay in demande oubyen ou pe propoz li pou pli tar?

 

PS PATRICK PAYET

Nou ava regarde avek lenformasyon kot POU avek National Tender Board ki kantite zot kapab provide by demen bomaten.

 

MR SPEAKER

Ou bezwen petet tanto enn ou zofisye burn the midnight oil – bon ok.  Mersi avek sa nou pou pran en vot lo paz 421.  Pardon.  Non, non i annan lenformasyon ki pou anmennen nou pou pran en vot lo paz 421 pou Ministry of Health – it is the Budget summary to be appropriated R91.8 million.  Tou bann ki pour lev zot lanmen?

Clerk?

 

MADAM CLERK

Mr Chair mersi.  24 Manm an faver.  Mersi.

 

MR SPEAKER

Avek sa savedir Lasanble Nasyonal in aprouv Bidze Ministry of Health as stated lo paz 421 pou 2018.  Mon ti a kontan dir Minis vi ki mon konnen ou bann zofisye Health Care agency i dan Gallery zot la, petet nou pa dir eskiz ou, parski deza in sonnen 4er nou a fer en sel round-up.  Mon ti a kontan dir ki demen 9er nou pou konmans ek Health Care Agency.  Nou a remersye bann dan ou lekip ki in vin pou Ministry of Health e ki pa pou la demen ki in vin pas zot letan avek nou.  Les mon anonse ki demen nou pou konmans 9er e nou pou swiv menm prosedir.  Sa ki konnen i pa kapab vin 9er, pa vin demann mwan pou koze apre sa.  9er tou dimoun i la e nou pou fer menm prosedir akoz mon vwar li i mars pli byen, sakenn a donn son – zot a ganny letan tanto pou etidye zot konnen i devan zot Health Care Agency son Bidze e zot a lev zot lanmen si zot anvi koze.  Avek sa Minis ek ou lekip mon remersye ou.  Pas en bon sware tou dimoun.  Nou a vwar zot demen 9er.

 

(ADJOURNMENT)