Home » Verbatim » 2017 » Tuesday 14th November, 2017

Tuesday 14th November, 2017

 NATIONAL ASSEMBLY OF SEYCHELLES

  Tuesday 14th November, 2017

 The Assembly met at 9am

National Anthem

Moment of Reflection

Mr Deputy Speaker in the Chair

 

DEPARTMENT OF FOREIGN AFFAIRS

 

MR DEPUTY SPEAKER

Bonzour tou Manm Onorab, bonzour PS avek ou delegasyon e en bonzour spesyal tou dimoun ki a lekout e ki pe kontinyen swiv deba Bidze lo Bidze 2018.  Mon oule ankor enn fwa fer en lapel Lasanble i komans 9er e si nou anvi fini sa deba, mon krwar nou bezwen annan en pe disiplin vizavi time keeping.  So premye laklos i sonnen pour averti nou, by the time dezyenm laklos i sonnen nou tou nou devret ariv dan Chamber.  Ok?  Mon swete ki mon pa pour bezwen repet sa ankor.  Nou ava al … nou napa okenn Kominike pour nou fer bomaten, nou pour al direk lo nou travay.  E dapre schedule ki PS Payet in anvoye se Minister Gouvernman Lokal ki pour avek nou bomaten.  PS?  Ok go ahead PS.

PS PATRICK PAYET

Bonzour Mr Chair.  Bonzour tou Manm Onorab e tou dimoun ki a lekout, zis pour azoute Mr Chair mon ti anvi fer en kontrandi lo rekomandasyon ki Lasanble ti met devan Gouvernman regarding Bidze Minister Foreign Affairs.

 

MR DEPUTY SPEAKER

Ok.  Go ahead PS.

 

PS PATRICK PAYET

Nou’n asize internally avek Gouvernman e nou’n pran prenon kont rekomandasyon pour koup Bidze Foreign Affairs par 1.2 – milyon son Bidze orizinal ti 104.889. 350milyon e avek sa reduction in Bidze 1.2 milyon nou pe propose en nouvo balans 103. 689. 350milyon e sa, sa balans ki nou pe rekomande pour Lasanble aprouve.  Mersi.

MR DEPUTY SPEAKER

Mersi PS.  Ok sa i swiv sa deba ki nou’n fer yer lo Bidze pour Minister Foreign Affairs.  Onorab Simon Gill.

HON SIMON GILL

Bonzour Mr Deputy Speaker. bonzour PS Finans, bonzour tou Koleg Onorab, e bonzour tou manm piblik ki pe ekout nou, Mr Deputy Speaker mon ti oule entervenir lo sa size ki PS in koze – lo size Foreign Affairs.

MR DEPUTY SPEAKER

Non, non nou’n fini avek Bidze Foreign Affairs yer, nou’n fini avek, me zis vot ki nou pa ankor pran, nou pour pran vot pli tar, me selman…

HON SIMON GILL

Wi avan ler mon vote, avan ler mon vot lo la.

MR DEPUTY SPEAKER

Non, non, Onorab.  Onorab yer nou ti pe, zis en moman mon a welcome Designated Minister avek son delegasyon please.  Mon zis anvi welcome Minis Dezinyen parmi nou Mrs Macsuzy Mondon ki responsab pour Minister Gouvernman Lokal avek son PS pour Local Government Mrs Marie-Celine Vidot Special Advisor Local Government, Mr Dan Frichot Principal Project Officer, Mr Daniel Adeline e Financial Controller Ms Marlene Valentin, Minister bear avek nou en pti pe moman, nou annan zis en pti klarifikasyon nou pe fer vizavi Statement ki PS in fer.  Lo, nou pa pour ouver deba ankor lo la Onorab nou’n fini deba yer ti zis en matter of kot PS Foreign Affairs Anbasader Michel Murray ti bezwen al diskit avek PS Finans pour sort out propozisyon ki’n ganny met lo latab yer.  PS in pronons li dan bomaten, i annan en koupe dan Bidze par R1.2 milyon ok? Prezan mon pa konnen si sa desizyon in ganny pran, PS si ou santi nou merit pe pran en vot nou dan en pozisyon pour nou pran en vot, nou a pran en vot, nou a tir Bidze Foreign Affairs out of the way apre nou a kontinyen avek nou travay.  Ok?  Onorab Afif.

HON SIMON GILL

Mr Deputy Speaker ou pe tir laparol avek mwan?

MR DEPUTY SPEAKER

Non, non ou’n demande pour ou entervenir nou pa pe entervenir ankor lo la, si ou annan en klarifikasyon mon a les ou fer en klarifikasyon, ale Onorab Simon Gill.

HON SIMON GILL

Ok, Mr Deputy Speaker avan ler mon donn mon vot lo sa Bidze Foreign Affairs, mon oule fer enn de pwen lo la.

MR DEPUTY SPEAKER

Deba…

          (Interruption)

 MR DEPUTY SPEAKER

Order!  Order!  Order!  Onorab Simon Gill deba in konklir yer lo Bidze Foreign Affairs.  Ou’n demann en kestyon apre ou’n sorti dan Lasanble ou pa’n retournen.  Deba tou le 2 kote latab ti agree e tou le 2 Leaders in pronons zot.

HON SIMON GILL

Napa problenm deba, i pa en deba sa, napa deba lo la.

MR DEPUTY SPEAKER

Si ou annan en klarifikasyon…?

HON SIMON GILL

Mwan mon pe dan mon pwen klarifikasyon mon pe demande ki sa, nou Lasanble, i demann avek Foreign Affairs pour li donn nou en detailed Report lo bann Exit Interview avek sa 21 staff ki’n kite anler dan sa Minister.  Mon konsernen avek 21 staff ki’n kite dan sa Minister!

                (APPLAUSE)

HON SIMON GILL

Nou Lasanble i devret konsernen avek sa sityasyon e Sef Foreign Affairs Mr Morel i devret pe kapab pe vini pour vin donn nou en lasirans ki nou pour stabiliz sityasyon anler dan Foreign Affairs.  Nou pa kapab annan sa kalite tretman avek 21 travayer, 21 fanmir ki pe soufer e nou krwar poudir tou keksoz i ok.  I pa ok!  Nou bezwen al dan profonder sa sityasyon dan Minister Foreign Affairs Mr Deputy Speaker.  Mersi bokou.

MR DEPUTY SPEAKER

Mersi Onorab, Onorab Ferrari nou pa pe ouver deba.  Attends!  Mwan ki annan laparol ok?  Sa size ti lev-e yer, mon krwar a 2 repriz PS ti ganny demande konbyen staff ti annan avan e konbyen staff ki i annan aprezan, ki Lasanble pa ti vreman ganny en repons.  Nou pran note komanter ki Onorab Simon Gill in fer sorti, PS Finans i a kapab liaise avek PS, Anbasader Murray e Clerk osi i ava follow-up pour nou kapab ganny sa lenformasyon.

E parey Onorab Simon Gill in dir nou ava regarde anmezir nou ale ler nou fini deba, si i annan en bezwen pour nou anmenn Anbasader Claude Morel avan nou sorti dan Staz Komite, pour en dernyen klarifikasyon lo sityasyon Foreign Affairs.  Petet mon a sizere la si nou ankor annan, nou pe esper sa klarifikasyon annou hold sa vot, annou hold sa vot ziskan ler nou a’n ganny tou klarifikasyon, apre nou ava vote ok?  Onorab Afif.

HON AHMED AFIF

Mersi Mr Speaker.  Mr Speaker mon ti oule zis demann en klarifikasyon lo sa koupir1.2, zis si PS Finans ti kapab dir nou ki Head ki’n koupe ‘’wages and salaries’’ 600mil par egzanp avek ‘‘use of goods and services’’ 600mil, si i kapab zis konfirm sa pour nou.  Mersi.

MR DEPUTY SPEAKER

Mersi Onorab Afif.  PS.

PS PATRICK PAYET

Mersi Mr Chair.  Tousala i dan ‘’goods and services’’ 1.2 milyon.  Me nou kapab donn Lasanble en detay kote specific, ki Code, anba ki Code in koupe.  Selman i anba ‘’goods and services.’’

MR DEPUTY SPEAKER

Ok.  Mersi PS Payet.  Bref Onorab Ramkalawan.

HON WAVEL RAMKALAWAN

Bonzour Mr Chairman, bonzour tou dimoun.  Ti annan zis … dan sa menm laliny Mr Chairman pou regarde si dan ‘’goods and salaries’’ pou regarde lo kote dan ‘goods and services’’ lo kote salaries osi si sa osi tou in annan en touse?  Apre dezyenmman ti annan en larepons ki Foreign Affairs ti sipoze donn nou yer.  E mon ti lo size Paspor dimoun Diplomatik; ti annan en konfizyon kan sa Paspor Diplomatik ti ganny issued e Foreign Affairs ti sipoze fer sa pti resers zis pour donn nou dat ki Paspor Diplomatik ti ganny issued.  E mon krwar ki ti ava bon pour nou letan nou pe … parey ou pe dir Mr Chairman ki nou osi ganny sa larepons pour nou klersi sa konfizyon once and for all.  Mersi bokou.

MINISTRY OF LOCAL GOVERNMENT

 MR DEPUTY SPEAKER

Wi, ok.  Mersi Onorab Ramkalawan nou note.  Clerk i a note e nou ava fer sa request avek Foreign Affairs, bon nou ava al direkteman lo nou travay pour ozordi e bomaten la nou pour komans avek Minister Gouvernman Lokal e sa i lo paz 409 ziska 415 dan zot gro liv Estimates of Revenue and Expenditure, ok.  Sesyon i ouver pour demann kestyon pour Minis Dezinyen Mrs Mondon avek son delegasyon.  Onorab Loizeau.

HON NORBERT LOIZEAU

Mersi Mr Speaker bonzour Minis avek ou delegasyon, bonzour tou Manm, bonzour tou dimoun a lekout, Mr Chair mwan mon annan zis en pti kestyon lo paz 411 lo ‘’wages and salaries in in kind’’  kot lannen pase mon vwar ti annan 800, ti 26 milyon e la mon vwar in ogmante par anviron 5 milyon.  Mon ti a kontan Minis, PS donn en pti leksplikasyon kwa sa logmantasyon, si i annan nouvo pos ki’n ganny kree.  Akoz mon pa konnen si petet i kapab les nou konnen si i annan sa eleman Regional Council osi petet ki’n antre ki si PS i kapab donn nou sa lenformasyon.  Mersi.

MR DEPUTY SPEAKER

Mersi Onorab.  Minis oule reponn?  Go ahead Minis.

DESIGNATED MINISTER MRS MACSUZY MONDON

Bonzour Mr Chairman.  Bonzour tou bann Onorab e tou bann dimoun ki a lekout. Mr Chair wi nou annan en increase 5.5 milyon dan nou Wages and Salaries pour lannen 2018.  E sa se akoz nou pe upgrade en bon nou bann pos e sa i pour kout nou apepre R2.3 milyon nou pe osi.  Nou’n fer provizyon pour revizyon ki pour annan dan Scheme of Service kot i konsern bann support staff sirtou dan Minister.  E nou annan osi bann vacancies ki nou bezwen ranpli lannen prosenn.  E parey zot konnen Sekretarya Portfolio Minis Dezinyen i osi prezan kouver Home Affairs e nou’n annan nouvo dimoun ki’n transfer ki’n vin travay dan Sekretarya Minis Dezinyen.  E se sa en pe sa bann increase ki nou’n gannyen bann pos ki pour kouver.  An menm tan osi Mr Chair nou annan osi revi saler de baz nou bann DAs dan bann distrik.  Mersi Mr Chair.

MR DEPUTY SPEAKER

Mersi Minis.  Onorab Valmont.

HON JUDE VALMONT

Bonzour Mr Chair.  Bonzour Minis e ou delegasyon.  bonzour koleg Onorab.  Mr Speaker dan sa laliny logmantasyon lo Wages and Salaries mon ti a voudre demann Minis si, zot in ti annan sa issue lo kote proze sirtou pour monitor proze, kalite proze ki ganny delivre valer pour larzan, alor mon demande si zot in nobou fer restriktirasyon pour konsolid sa Seksyon proze e empower zot bann project Officer?  E 2enm kestyon se ki eski sa Gouvernman sa Bidze li menm i fer provizyon pour okenn peyman litilite, akoz mon konnen Local Government pe ganny sa issue peyman elektrisite lo kote lalimyer lo bann laplenn.

E trwazyenm kestyon Mr Chair se pour mon Koleg ki Roche Caiman i pa nobou, mon pe ed li, eski Minis i kapab enform Lasanble si i annan okenn logmantasyon dan Bidze pour alokasyon bann progranm dan distrik, pour ede anmenn sipor adisyonnel pour distrik lo kote bann Progranm Sosyal?  Mersi.

 

MR DEPUTY SPEAKER

Mersi Onorab Valmont, Minis.

DESIGNATED MINISTER MRS MACSUZY MONDON

Mersi Onorab, mersi Mr Chair wi zisteman Minister in fer en restriktirasyon e sa i konpri spesifikman oubyen mainly si mon kapab dir sa seksyon kwi zisteman pe manage bann proze dan distrik; e nou lentansyon se ki nou anploy plis dimoun pour travay dan sa seksyon, actually nou’n tir li koman en Seksyon nou’n agrandi li nou’n fer li vin en Divizyon.  E nou oule anploy plis bann project officers ki pour travay dan sa seksyon akoz lakantite proze ki Minister i bezwen enplimante dan en lannen kapasite ki nou annan i, nou ganny bokou difikilte pour nou kapab enplimant tou bann proze ki nou annan.  Apre i annan ankor enn de staff byensir pour lezot seksyon.

Kot i konsern increase pour alokasyon dan distrik; wi kot i konsern bann aktivite ki nou organize dan distrik nou annan en increase sa lannen pour nou kapab organiz en pe plis aktivite, sirtou aktivite pour lazenes dan distrik.  Me petet bann Manm Onorab osi i okouran poudir i annan en Youth Animators Scheme ki nou pe al enplimante, donk nou’n ganny en larzan pour nou kapab pey sa bann Animater ki pour zisteman pey fasilitater pour sa bann aktivite dan distrik.  Me an menm tan osi nou’n ganny en R400mil ladan pour nou kapab fer en pe plis aktivite dan tou nou bann distrik.  Mersi Mr Chair.  I annan en kestyon kot i konsern increase dan elektrisite; nou’n fini konsidere Onorab dan alokasyon pour bann distrik lannen prosenn.  Mersi.

MR DEPUTY SPEAKER

Ok Onorab Valmont.  Onorab Clifford Andre.

HON CLIFFORD ANDRE

Mersi Mr Chairman.  Premyerman bonzour tou dimoun Minis ek ou Delegasyon, bann dimoun ki a lekout, mon ti a kontan demann Minis pour eksplik nou dan R23.9 milyon konbyen travayer son Minister i anploye?  Apre letan mon’n get bann ‘’major achievements’’ mon vwar serten ki zot dir zot in akonplir tel ki konstriksyon Daycare, me mon osi okouran e PS ler mon ganny Meeting avek li, avek Mr Adeline nou’n defer sa ki pour nou Anse Aux Pins akoz nou pe revwar lokasyon parey letan ou ti vini avek vizit Prezidan.  So nou pe demande ki sa i ganny anvoye dan sa Bidze so kekfwa i ava annan sa virement par Minister Finans.  En keksoz ki mon’n vwar dan ou’’ current challenges ‘’lo paz 410, Minis in met shortages of staff as per existing funding post, sa enn.  Mon pour vin en pti pe lo la en pti kou la apre, apre ou annan ‘’shortages of vehicle for daily usage,’’ so pour premye eski ou pe ganny problenm avek DPA, pour ou ler ou kree pos pour ou met dimoun ladan; akoz yer nou’n ganny dir poudir si i annan en DG kot ou le pey DG R100mil kan normalman bann DG pe ganny R20mil zot pa pour aprouve, me si i annan en nesesite pour aprouve.  So akoz sa bann sityasyon pe arive dan en Gouvernman kot nou tou nou oule i efikas e i performan?

2enm se ou’n dir ‘’shortages of vehicles ‘’letan mon pe get lo ou ‘’goods and services’’ ki ou’n donnen mon pa konnen akoz ou pa’n demande pour aste en loto, letan mon pe get ‘’minor capital outlay’’ mon vwar ‘’acquisition of cars’’ i zero, si ou annan problenm akoz ou met zero?  Sa i, apre letan ou dir Long Service Award mon vwar R25, 000, konbyen dimoun pe ganny sa Long Service Award?’’  Ou annan ‘’Local Consultancy’’ kot ou’n dir R245, 000 e anba en lot ‘’Local Consultancy Fee’’ kot ou’n met R204 eksplik nou en pti pe Minis.  Anler anba 6.8 nou annan en ‘’Sports and Recreational Supplies’’ eksplik nou sa en pti pe.  Apre nou’n vwar kot i annan bann issues pour bann Venues sportif, mon’n diskit ankor avek PS ekspre mon pe anmenn sa, mon ti dir li mon pour anmenn sa e mon’n fer li mon devwar pour mon fer sa.  Anse Aux Pins lalimyer i kase, Ladministrasyon Distrik ki i annan larzan pour fer, konmsi i pa pe fonksyonnen, i pa kase i pa pe fonksyonnen, larzan ki nou ti vote lannen pase pour fer sa, sa lalimyer Minis mon pa konnen akoz i pa marse si elektrik i pa arive si kwa, be selman eksplik nou en pti pe.

Apre otour laplenn pour sa bann, nou dir nou oule fer aktivite mon 100 poursan dakor e mon pour partisipe dan sa bann aktivite.  Me selman letan i annan en problenm larzan in ganny donnen akoz sa bann zafer pa ganny fer.  Se sa ki mon pe sey dir.  So si pa pour fer, mwan pa pour vote pour met larzan ladan mwan, plito napa larzan pa fer.  Mersi.

MR DEPUTY SPEAKER

Mersi Onorab.  Minis.

 DESIGNATED MINISTER MRS MACSUZY MONDON

Mersi Mr Chair, mersi Onorab, Onorab nou annan 149 staffs lo nou payroll ok.  E tou nou staff i Seselwa dan Minister.  E kot i konsern bann ‘’current challenges’’ wi nou ti’n met ‘’shortage of staff’’ me selman parey mon’n fek dir restriktirasyon ki nou’n fer ki nou’n submit sa i reponn i lot kestyon osi an menm tan ki nou’n submit kot DPA nou restriktirasyon in ganny aprouve e nou’n ganny nou bann post ki nou’n demand.  Ok donk nou napa en problenm dan sa kote.

Kot i konsern shortage of vehicles e ki ou’n dir nou pa’n met nanryen dan Bidze, nou pa’n mete, akoz avek en pe savings ki nou’n kapab fer sa lannen, nou’n zis selman kapab aste en transpor pour Minister.  E actually nou’n aste 2 transpor e sa i ava ede pour amelyor en pe sityasyon, se pour sa rezon ki nou pa’n demann larzan ankor pour vehicle an 2018.

Kot i konsern ‘’Consultancy,’’ larzan ‘’Consultancies ‘’i ganny partaze pour diferan, i annan ki annan travay ki ganny fer o nivo distrik, i annan ki annan travay ki ganny fer dan Headquarters kot Minister li menm.  Mersi Mr Chair.  Mon ti a kontan demann PS pour pran sa pti bout kot i konsern lo reparasyon lo bann Sport e bann Recreational facilities dan distrik.  Mersi Mr Chair.

MR DEPUTY SPEAKER

Mersi Minis.  PS Vidot.

PS MARIE-CECILE VIDOT

Ok, bonzour Mr Chair, bonzour tou Onorab, bonzour tou dimoun a lekout.  Mersi Onorab Andre pour ou kestyon.  mon panse sa lannen mon’n travay en bon pe nou 2, ok.   So

MR DEPUTY SPEAKER

PS met ou mic on, yeah koste o-bor ou ok.

PS MARIE-CECILE VIDOT

So kot i konsern fasilite sportif mon krwar nou’n an diskisyon wi nou annan larzan pour nou kapab aranz sa bann flood lights, me mon krwar i enportan osi nou et onnet avek bann challenges ki nou annan, i domaz nou annan zis en Agency ki fer sa bann floodlights lo nivo Nasyonal e lo nivo distrik li menm, lannen prosenn sirman ankor enn fwa parey zot in donn mwan en ed sa lannen nou pour bezwen sey vwar ki mannyer nou kapab ganny plis Kontrakter ki pour kapab fer sa travay.  Me lefe i reste wi larzan i la dan Bidze me i annan zis en sel dimoun pour le moman dan pei ki fer sa e poz nou bokou retar, i poz nou bokou difikilte.  Mersi.

MR DEPUTY SPEAKER

Mersi PS.  Onorab Andre.

HON CLIFFORD ANDRE

An vi ki sa repons ki PS in donn mwan akoz zot pa kekfwa met dan Bidze en pti pe plis pour sa bann zafer lalimyer, kot zot ava annan serten spares ki pour permet reparasyon lo sa bann lalimyer ganny fer en pe pli vit akoz nou ganny bokou, bokou difikilte – pa difikilte be selman bokou demann avek bann zenn ki anvi train i annan sakenn son tour pe train prezan aswar i fer ki i annan serten group ki i anvi vin train Mr Speaker me selman zot pa kapab akoz i annan sa problenm lalimyer.  Apre an vi ki ou repons lo kreasyon e logmantasyon ki Minis in donnen e mon krwar zot pour fer en Divizyon kot Mr Adeline pour Head sa Divizyon, mon pe demande Mr Adeline i vin ek mon lo site anba direktiv PS nou’n vwar bokou proze ki li i ganny aprouve e larzan i ganny donnen e proze Minis avek PS eskize pour mwan dir i pa alaoter – i pa pe ganny fer pour rektifye problenm ki initially sipoze pe ganny rektifye.  E nou pe gaspiy larzan fouy en trou kote gos re fermen re fouy kote drwat akoz letan nou’n gete i sipoze koumsa.  So mon espere anba direksyon Mr Adeline ki sa bann proze letan i vini e sanmenm sa parey mon’n dir dan mon repons nou’n demande pour nou partisip dan sa bann proze ki nou a kapab donn en input demen letan nou annan en proze ki pe fer ki serye ki pour rektifye problenm ki bezwen ganny rektifye.  Mersi.

MR DEPUTY SPEAKER

Mersi Onorab Andre mon pour donn la parol Onorab Aglae ki i annan en kestyon ki’n mont atraver repons ki Minis ek PS in donnen.  Onorab Aglae.

HON EGBERT AGLAE

Mersi Mr Speaker bonzour Minis avek ou PS, ek ou Delegasyon, en pti follow-up question PS baze lo larepons vi ki ou’n dir i annan zis en sel Kontrakter ki kapab aranz sa bann lalimyer, eski la dan sa bann letan ki nou ladan pa in ler si fodre revwar en lot Kontrakter ouswa ouver sa travay avek lezot Kontrakter ki kapab pour fer sir ki sa bann louvraz i ganny fer a tan e dan en dele letan rezonnab.  Mersi.

MR DEPUTY SPEAKER

Mersi Onorab.  PS.

PS MARIE-CECILE VIDOT

Ok mersi Onorab.  Mon krwar nou pour dakor, nou pour totalman dakor ek ou wi, nou pa pour kapab kontinyen ek zis en Kontrakter ki fer sa bann lalimyer menm si i annan son spesifisite moman in arive pour nou sey ogarde.  Most probably nou pour ouver en Tender pour ki lezot dimoun ki kapab, i a kapab partisipe, ok nou pa pour kapab kontinyen annan tou sa kantite lenfrastriktir sportif avek en sel Agency ki fer sa.  Mersi Onorab.

MR DEPUTY SPEAKER

Mersi PS.  Onorab Loizeau lo sanmenm sa size?

HON NORBERT LOIZEAU

Wi Mr Chairman.

MR DEPUTY SPEAKER

Ok go ahead.

HON NORBERT LOIZEAU

Mr Chairman mon anvi demann Minis vi ki pour koup Cost, vi ki laplipar sa bann lalimyer pe servi elektrisite eski dan Bidze zot in fer plan ki i annan larzan pour ki nou ava servi bann sistenm photovoltaic ki i ava vin en pe pli abordab mwens elektrisite.

E osi mon annan en pti kestyon konsernan increase dan Bidze pour distrik.  Mon anvi demann Minis si i osi enkli sa lokasyon ki zot donn bann team Sport ki Anrezistre anba distrik si dan sa increase i enkli zot, si wi, si i annan en increase lo lakantite larzan ki zot pour gannyen sa voyaz?  Mersi.

MR DEPUTY SPEAKER

Mersi Onorab.  Minis, yes go ahead Minis.

DESIGNATED MINISTER MRS MACSUZY MONDON

Mersi Onorab, mersi Mr Chair.  Napa, domaz napa en increase dan lokasyon pour spor.  Nou Bidze i reste parey Bidze ki nou ti gannyen pour 2017.  Mersi Mr Chair.

MR DEPUTY SPEAKER

Ok lo Minis oubyen PS zot sa size photovoltaic, lalimyer photovoltaic?  PS petet.

PS MARIE-CECILE VIDOT

Mersi Onorab Loizeau mon krwar nou letan nou vin devan Lasanble nenport ki sizesyon ki nou gannyen, rekomandasyon nou sey pran li an men; petet akoz pour le moman la nou annan zis zafer elektrik apre i annan en sistenm ki ou servi ou telefonn en dimoun, sa Manager, somebody i kapab kontrol sa sistenm lo son telefonn.  Me petet parey ou’n dir nou devret sey al dan sa resers ki meyer apros nou kapab fer pour redwir sa kou elektrik, ki pour reponn en pti pe konsern La Pointe Larue pe demande akoz i vre ki sa bann court elektrik i pran bokou, e training napa zis en lekip lo laplenn nou annan dan plizyer lekip ki servi.  Mersi Onorab.

MR DEPUTY SPEAKER

Mersi PS. Onorab Letourdie.

HON JANY DE LETOURDIE

Bonzour tou dimoun, mersi Mr Chair mon ti a voudre konnen, mon konnen poudir Ladministrasyon Distrik parfwa zot annan bann reveni par egzanp lokasyon Sant Kominoter, mon ti a voudre konnen kote mon pour vwar li reflekte dan Bidze silvouple?  Mersi.

MR DEPUTY SPEAKER

Mersi Onorab.  PS.

PS MARIE-CECILE VIDOT

Mersi Onorab De Letourdie ou pour vwar li, i depan en, i depan si ou pe koz rental, bann aktivite ki fer dan Sant Kominoter, sa ou pour vwar li anba ‘’miscellaneous vote.’’ Apre si i annan bann lokasyon spesifik par egzanp i annan distrik ki pe rent serten parey Daycare ou pour vwar li spesifik anba vote ‘’rent of Daycare ‘’oubyen si i annan Offices ou pour vwar li anba ‘’rent of Offices’’ me zeneralman son revenue i anba ‘’miscellaneous vote. ‘’ Mersi.

 MR DEPUTY SPEAKER

Mersi PS . Onorab Letourdie.

HON JANY DE LETOURDIE

Mersi Mr Chair, mon pe zis anvi konnen par egzanp lokasyon Biro Sant Sosyal par egzanp, eski sak distrik i fer son pri oubyen, i annan en norm ki ganny mete pour tou distrik si zot dir zot pour lwe R5, 000 partou oubyen i annan pour le 2, 500 oubyen ki mannyer i marse en pti pe sa silvouple?  Mersi.

MR DEPUTY SPEAKER

Mersi Onorab.  PS.

PS MARIE-CECILE VIDOT

Mersi Onorab De Letourdie, i depan sa Sant li menm.  Nou annan 3 kategori swa, nou annan Sant ki aircon, nou annan ki mwayen Sant, apre nou annan ki en pe pli ansyen.  So depandan Sant ki ou pe servi e sa nou annan en pri, nou pa kapab fer provizyon en kopi pour ou pli tar si ou bezwen.  Mersi.

MR DEPUTY SPEAKER

Wi, mersi PS.  Onorab William.

HON WAVEN WILLIAM

Mersi Mr Chair.  Bonzour tou dimoun a lekout, Mr Chair permet mwan avan mon demann mon kestyon pour mon kri baz mon kestyon.  Mr Chair nou pe koz desantralizasyon, nou pe koz pa kit personn deryer, e nou pe koz inclusivité, mwan mon kestyon pour Minis se ki (1) mon’n regard devlopman Administrasyon Distrik e mon santi poudir resours baze lo pledwari ki Manm Lasanble in fer, e kontinyelman fer e pour nou dekouver poudir ozordi Bidze pour nou kapab siport bann progranm dan distrik pa’n ogmante.

Minis letan ou’n koz lo sa sif ou pe dir zot pe kre en Scheme pour bann encadreur e ki i annan R400mil R400, 000 letan ou diviz li par 25 distrik e ou diviz li par 12 mwan Minis i preski nanryen ditou, ki sipor ki sa bann encadreur pour gannyen pour kapab fer marse progranm?  Epi mon ti a kontan adres kestyon avek PS Finans, PS mon ti ava demann ou silvouple, mon dir silvouple akoz mon konn sityasyon mon distrik e mon’n ganny anvoye pour mwan koz pour mon distrik, mon pour demann ou pour sey regarde anba NSC, anba mon pa konnen si bann progranm Kiltirel ki baze santral, si zot pa kapab koup serten larzan, pou donn o nivo distrik.  Menm avek Lazans pour Kontrol Drog, akoz ki arive se ki letan i annan progranm o nivo distrik se o nivo distrik i the first point pou nou deal ek sa bann problenm Minis.  Silvouple, PS gete si pa kapab koup en pe; par egzanp mon pour dir ou i annan sa District Team, i pe fer travay formidab ou pe koz bann dimoun ki annan kalib ki pe zwenn, e ki zot vin diskite zot pa gannyen sa allowance.  Ou pe koz bann dimoun ki nou apel bann Emergency Brigade R500 par mwan Minis – i pa normal, mwan mon pe demande ozordi ki PS Finans silvouple regard en pti pe dan nou direksyon; akoz se o nivo lokal ki bann keksoz ganny deal avek.  E mon konnen soufrans dimoun ki nou pe pase, mon konnen soufrans Biro Ladministrasyon Distrik i gannyen.  Minis mon pe get ou Manda, mon pe get ou bann ‘’challenges’’ me avek sa Bidze Minis, mon pa pe vwar ou pe adres problenm.  Mersi.

MR DEPUTY SPEAKER

Mersi Onorab William.  Minister.

DESIGNATED MINISTER MRS MACSUZY MONDON

Mersi Mr Chair.  Mersi Onorab.  Mon zis anvi fer en pti koreksyon la, pour sa bann encadreur nou annan sa nouvo Scheme pour bann encadreur nou annan R1.2 milyon ladan apre R400mil i pour bann aktivite ki nou pe organize.  Onorab wi petet mon dakor ek ou nou, kantite keksoz ki nou anvi fer dan distrik, e souvandfwa nou arive ki petet nou napa ase resours pour nou kapab fer tou bann aktivite ki nou kapab fer.  Be sa ki nou sey fer se ki nou sey reparti sa ki nou gannyen avek bann diferan distrik.  E tre souvan byensir e sa i limit lakantite akoz i annan distrik ki tre proactive, i annan distrik ki avangard ki organiz en kantite keksoz an menm tan osi nou konnen nou annan distrik ki petet pa pe bouz parey.  Me selman sa ki nou anvi fer se donn lankourazman sirtou sa bann distrik ki nou santi i anvi bouze e donn zot sa resours ki zot bezwen pour zot kapab travay.  Avek sa 2 mo mon ti a kontan pas la parol avek PS Finans.

MR DEPUTY SPEAKER

Mersi Minis.  PS Payet.

PS PATRICK PAYET

Mersi Mr Chair e mersi Onorab pour bann propozisyon i en keksoz ki nou a bezwen r travay avek Minister responsab pour Gouvernman Lokal; revwar ki lankadreman zot anvi vwar lo bann diferan progranm ki egziste sportif, Kiltirel.  Mon konnen nou annan the Trust Funds ki nou anvi etabli anba Social Program of Government, sa keksoz osi petet nou a re diskite avek Gouvernman Lokal pour vwar ki i annan plis sa synergy dan tou sa bann resours ki nou pe mete en pe partou, partou.

MR DEPUTY SPEAKER

Mersi PS.  Onorab William.

HON WAVEN WILLIAM

Mersi Mr Speaker. Mr Speaker zis pour fer en pti pe leklersisman avek Sekreter Prensipal pour Finans, PS mon’n demann ou si par egzanp o nivo NSC, o nivo Lazans pour Kiltir, si pa kapab koup en pe akoz ki arive se ki aktivite i ganny konsantre santralman, eski i annan sa posibilite pour kapab koup en pe, donn en pe Minister Gouvernman Lokal akoz ler ou regarde i annan en ta keksoz o nivo distrik par egzanp mon pe dir ou bann lekipman sportif pa pe byen ganny mentenir.  E i pa normal pour bann zenn o nivo distrik se sa bann main Atlet i ganny dekouver ki pour al dan bann Team Nasyonal.  Alors mon pe demande si Minister Finans i kapab regarde akoz mon krwar i annan posibilite si nou kapab koup en pe lo gaspiyaz, donn lo kote distrik.  Mersi.

MR DEPUTY SPEAKER

Mersi Onorab.  PS Payet ou ti oule reponn?

PS PATRICK PAYET

Mersi Mr Chair zis pour azoute wi sanmenm sa ki nou bezwen fer en thorough legzersis, pour nou vwar ki kantite alokasyon in ganny mete anba NSC, Minister responsab pour Sport, Kiltir, avek Lazenes.  Nou a fer sa exercise e nou ava vin devan Lasanble osi pour vwar sa bann vot ki pe ganny allocate dan sa 2 Lenstitisyon

MR DEPUTY SPEAKER

Mersi PS.  Onorab Clive Roucou.

HON CLIVE ROUCOU

Mersi Mr Chair, Mr Chair mon annan 2 kestyon pour Minis, premyerman lo paz 410 mon pe get ‘’Land Fee Tendering process’’ e sa in afekte en bon pe bann proze dan mon distrik.  Mon pe gete ki plan Minister pour remedye tel sityasyon?        Epi lo paz 411 anba ‘’Use goods and services’’ ‘’maintenance and repairs’’ mon vwar en logmantasyon anviron 3 milyon mon ti anvi en pe leklersisman spesifikman kwa ki sa i entails?  Mersi.

MR DEPUTY SPEAKER

Mersi Onorab. Minis.

DESIGNATED MINISTER MRS MACSUZY MONDON

Mersi Mr Chair. Mr Chair parey Onorab i konnen i annan tout en prosedir depi ler nou komans demann en Administrasyon Distrik pour anvoy son lalis proze e kot nou pour nou kapab komans travay lo bann proze ziskan ler nou fini ganny bann dernyen aprouvasyon, pour nou kapab komans en proze.  E sa i pran, i kapab pran par ler plis ki 8 semenn e by the time ki tou bann travay in fini ganny fer pour nou kapab enplimant en proze.  Sirtou sa lannen nou’n santi sa akoz nou’n konsantre bokou lo bann proze Kominoter ki nou’n fer dan bann distrik e bann proze ki nou’n enplimante sa lannen i sirtou bann proze ki en pe, ki pli gro e ki son kou i plis ki nou’n fer anba dan lepase.  Donk sa in fer ki tou nou bann proze ki nou’n enplimante sa lannen in bezwen pas atraver en pli gran prosesis ariv osi kot Tender Board avan ler ki nou kapab enplimant nou proze.

E kot sa i konsernen i napa bokou ki nou kapab fer eksepte sa ki nou’n fer pour lannen prosenn.  Nou’n demann nou bann DAs pour depi Septanm, Out, Septanm pour zot kapab konmans travay avek zot bann MNAs dan distrik e komans compile zot bann proze pour lannen prosenn e mannyer ki nou kapab akseler en pe pli vit avek bann proze ki nou annan.

Sa lannen nou’n annan proze ki menm pe antre ziska Mwan Out – par egzanp.  E sa in donn nou osi ankor en pe retar konm tel parey mon’n dir an menm tan ek lakantite project officers ki nou annan dan Minister pour travay lo sa bann proze, me mon panse Onorab avek travay ki nou pe fer si nou ganny tou nou bann proze lafen lannen in fini ariv dan Minister, nou kapab komans travay boner lannen prosenn e nou ava vwar poudir nou ava annan mwens delay avek lenplimantasyon nou bann proze a lavenir.

Kot i konsern’’ maintenance and repairs’’ sa R3 milyon sa parey, mon krwar zot ava dakor avek mwan sa nou regard otour nou dan nou distrik, nou bann Sant Kominoter, nou bann Ladministrasyon Distrik i demann bokou reparasyon e sa lannen nou’n demann Finans en pe larzan an plis, pour nou kapab komans en seri travay maintenance lo tou nou bann lenfrastriktir ki nou annan dan bann distrik.  Byensir sa i zis sa larzan i pa sifizan me sa i zis en komansman pour nou kapab komans travay avek pour lannen 2018 lo nou bann lenfrastriktir ki nou annan dan nou bann distrik.  Mersi Mr Chair.

MR DEPUTY SPEAKER

Mersi Minis.  Onorab Aglae.

HON EGBERT AGLAE

Mersi Mr Chair, Minis dan ou bann ‘’current challenges ‘’parey mon pe gete, ou’n tous en pti gin lo la, ou’n koz en pti gin lo bann retar ok?  Enn bann retar plis ou mwen se shortage of staff mon ti a demande ki ou Minister pe fer si zot annan en plan ki zot in deza met an plas la pour enplimante 2018 pour fer sir ki bann staff ki zot manke i kapab ganny recruit pour fer sir sa bann retar pa egziste – i eliminen.

2enm kestyon ki mon anvi demann ou Minis, i prosedir Tender ki bann proze li menm li i pas atraver; en legzanp Minis se ki parey ou annan en proze ki kapab kout ou pre R10mil avek en proze R150, 000, R200, 000, ler ou pe gete i pe preski pas dan menm prosedir parey sa gro proze, eski la ki PS Finans i la, si i pa kapab vwar en mekanizm pour elimin en pe sa bann birokrasi retar ki egziste pour fer ki bann proze ki kapab ganny fer dan limedya desizyon i ganny pran vitman pour kapab enplimante.  E dernyen pwen se Minis ou mansyonn sa larzan pour ed bann encadreur 1.2 milyon mon ti a kontan si ou dir nou ki mannyer sa larzan pour ganny disburse si en fason équitabilité lo 25 distrik ouswa pour annan distrik pour baze lo kantite encadreur ki li i annan pour ganny disburse sa larzan.  Mersi.

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mersi Onorab.  Mersi Mr Chair.  Onorab wi dan striktirasyon ki nou pe fer, nou pe fer provizyon, mon krwar mon ti’n mansyonnen oparavan pour nou kapab anploy en pe plis par egzanp project officers e ranforsi kapasite dan sa nouvo Divizyon ki nou’n kree, pour kapab zer tou bann proze ki nou annan o nivo distrik.

Dezyenmman, mon anvi zis dir en pti mo avan ler PS Finans i pran laparol pour en mannyer bann Onorab osi i okouran enn bann delay osi ki nou gannyen o nivo distrik souvandfwa ki nou bezwen mon krwar fer en pe travay en pe plis lo la, se wayleave.  Tanzantan nou ganny dir nou’n fini ganny permisyon pour wayleave e apre letan nou retournen o nivo distrik nou vwar poudir sa dimoun menm ki ti’n donn permisyon apre i retournen i dir non prezan i retir son permisyon oubyen i pa pe donn ankor permisyon.  Donk sa enn osi bann keksoz ki koz retar e mon krwar nou bezwen en sistenm kot nou lannen prosenn kot nou pour bezwen anrezistre, fer sa bann dimoun sinyen letan zot dir nou ki zot dakor ki zot donn nou way leave en mannyer ki nou pa fer sa bann va et viens nou annan serten proze ki mon krwar nou’n bezwen cancel sa lannen zis zisteman akoz sa sistenm way leave, sa mon ti anvi zis fer resorti o nivo distrik ki en mannyer petet letan zot pe fer zot bann konsiltasyon o nivo distrik kapab met en pti pe plis lanfaz lo la.

Kot i konsern sa R1.2 milyon propozisyon ki Minis Kiltir in fer pour sa bann encadreur akoz sa Youth Animators Scheme ti sorti kot sa Minister, se ki zot pour ganny zot R3mil par mwan allowance ok.  Mersi Mr Chair.

MR DEPUTY SPEAKER

Mersi Minis.  PS Payet ou annan okenn keksoz pour azoute?

PS PATRICK PAYET

Mersi Mr Chair.  Mersi Onorab zis pour azoute ki i annan diferan threshold ki par egzanp ki al lo Procurement Committees e osi ki al kot National Tender Board. E anba sa threshold osi anba Public Finance Management Act avek Regilasyon bann Minister i bezwen rod at least 3 kotasyon; par egzanp bann pti maintenance ki zot pe fer, zot bezwen rod 3 kotasyon.  Si i arive kekfwa dan sirkonstans napa 3 kotasyon zot bezwen kapab zistifye akoz sa desizyon in ganny pran.  Kekfwa i arive kekfwa i annan en specific area kekfwa i annan zis en specific Kontrakter ouswa service provider ki kapab donn sa servis dan Sesel, kapab arive, so sa i bezwen kapab ganny mete lo dokiman e letan Oditer Zeneral i vini pour vin verifye prosedir, ki’n ganny follow i kapab vwar ki sa bann prosedir i dan la baz latransparans.  Dan sirkonstans emergency i annan bann prosedir ki nou’n met an plas avek DRDM avek Committee Development, ki zot kapab fer sa bann proze si i annan case emergency.  Tousala i bann keksoz ki nou fer sir ki i annan dokiman ki demen si Minister Finans i kapab verifye ouswa Oditer tou keksoz i dan la baz transparans.  Kekfwa en keksoz ki nou bezwen asiz avek Local Government pour vwar sa bann prosedir ki egziste ozordi, kwa kekfwa ki nou kapab amelyor dan sa bann prosedir – sa i en keksoz kekfwa nou ava asiz avek Local Government pour vwar si nou kapab improve lo la.  Mersi.

MR DEPUTY SPEAKER

Ok mersi PS.  Ok mon annan 4 Manm ki pe demann kestyon lo la.  Onorab Aglae mon adonn ou parol premye nou ava pran tou le 4 lo sa size, Onorab Simon Gill, wi ok i annan 5 Manm, mon ava pran tou le 5 ansanm apre Minis avek PS i ava … Onorab Aglae.

HON EGBERT AGLAE

Ok mersi Mr Chair pour allow mwan en pti siplemanter.  PS dan ou larepons vi ki sa bann prosedir tender an menm tan ki nou konnen ler nou pe koz tender i annan bann Kontrakter ok?  E enn bann defi ki met retar dan bann challenge Local Government se Kontrakter pa pe comply, pa pe committed e louvraz pe ganny retarde e distrik i perdi larzan; menm si i annan bann pledwari ki bann distrik i fer avek Local Government nou dir tel ou tel Kontrakter pa pe delivre, swa nou pa oule li dan nou distrik lo okenn proze, nou lo sa Tender Board mon konnen Tender i sipoze Nasyonal Ouver, zot kontinyen allow sa bann Kontrakter pour partisip dan bann proze, dan bann tendering process an di-z-an ki zot konnen poudir sa Kontrakter i annan problenm avek zot, alor Minis ouswa PS ki bann mechanism ki zot annan an plas pour fer sir ki ler en Kontrakter i donn problenm nou pa kontinyen donn li travay pour donn ankor plis problenm.  Mersi.

MR DEPUTY SPEAKER

Mersi Onorab Aglae, sa bann kestyon ki pe arise lo repons Minis avek PS annou sey gard li bref.  Onorab Loizeau.

HON NORBERT LOIZEAU

Mersi Mr Chair.  Mr Chair mon kestyon i lo, nou’n koz en pe lo sa larzan ki pour pey bann encadreur, mon pour vin en pe lo la, vi ki nou annan en problenm drog dan distrik, dan tou distrik parey mon ti dir sport i en fason pour tir zenn anpes zot al lo drog ek lalkol.  E vi ki dan bokou distrik aktyelman la i annan serten bann endividi ki pe pran lo zot menm pe kre bann Lakademi kot pe anmas bann zenn fer zot fer swa dan basketball, Bel Air nou annan enn laba ki pe mars ekselan, eski mon anvi demann Minis si dan sa larzan i pour enkli en keksoz pour sa bann dimoun ki pe form sa bann Lakademi menm si zot pa anrezistre anba distrik.  Me selman zot pe fer en keksoz ki byen pour anmas bann zenn, eski i annan en keksoz pour zot osi?  Mersi.

MR DEPUTY SPEAKER

Mersi Onorab Loizeau.  Onorab William.

HON WAVEN WILLIAM

Mersi Mr Chair, Mr Chair lo repons ki PS in donnen depi vizavi bann prosedir pour akse, pour ganny bann aksyon pour rezourd problenm o nivo distrik, PS e napa okenn larzan ki’n ganny donnen anba sa Vot pour Emergency; konmsi mon ti a kontan ki zot vreman vwar sa sityasyon byen, letan en sityasyon i devlope o nivo distrik, la aktyelman mwan annan mon 2 ka e letan ou regard bann ka emergency be finalman letan i depas 1 semenn, 2 semenn ou dir be “ be i pa ti emergency.’’ Selman i emergency akoz bann prosedir, akoz finansman i pa akseswar o nivo distrik ki ou ti kapab petet imedyatman pran aksyon.  E mon kontan ou’n koz lo prosedir pour kapab rezourd sa.

Epi PS lo kote distrik, lo kote fon letan nou pe regarde problenm parey mon dir i kapab ganny deal avek o nivo lokal, me si ou pa ganny sa resours o nivo lokal, i fer keksoz agrave i kout Gouvernman plis kan i ti kapab kout li pli meyer marse i ti ganny deal avek o nivo lokal.  Mersi.

MR DEPUTY SPEAKER

Mersi Onorab William. Onorab Sophola.

HON NOLINE SOPHOLA

Mersi Mr Speaker, bonzour Minis e tou dimoun prezan, Mr Speaker mon kestyon i viz ver encadreur, eski Minis i kapab dir nou ki si i annan en job description si sorry, ki job description sa bann encadreur pour fer e si, pour nou kapab annan en pli bon fason pour nou kapab monitor vreman ki zot pe fer dan distrik, akoz souvandfwa i annan dimoun i ganny plase dan distrik zot pe travay me nou pa konnen vreman ki zot pe fer e nou pa kapab dir si zot pe byen fer oubyen mal fer.  Mersi Mr Speaker.

MR DEPUTY SPEAKER

Mersi Onorab Sophola.  Nou annan ankor 2.  Onorab Simon Gill.

HON SIMON GILL

Mersi Mr Speaker, kestyon i senp Mr Deputy Speaker, dan Bidze ki pour Local Government mon ti ava voudre si nou ganny leklersisman, ki bann provizyon ki zot in fer pour kapab ranforsi kapasite Project Unit dan Minister pour ki nou kapab ariv lo en nivo lefikasite dan sa Unit pour ki nou napa zis en dimoun ki pe deal avek 200 file, me nou annan nou probableman 3 oubyen 4 dimoun pour ki nou expedite project preparation, documentation son moman ki pe pibliye, son analysis eksetera, eksetera ziska ler finalman in ariv lo site pour konstrir.  Mon krwar i annan en challenge dapre mon pwennvi i annan challenge dan sa Unit e si mon kapab ganny convince ki dan Bidze i annan sifizaman resours pour kapab beef-up sa Unit silvouple pour ki nou kapab redwir lespas letan dan project cycle; premye.

2enm mon oule donn en pwen sipor pour size ki’n lev-e avan konsernan bann antrenner, bann endividi ki pe pran li lo zot menm pour ankadre lazenes Seselwa dan bann diferan Disiplin sportif, ki swa son Lakademi oubyen bann lezot Disiplin sportif ki pa neseserman dan zer en Lakademi, me i paret mwan mon pa trouv nanryen dan sa Bidze – amwen ki mon’n mal gete mon ti a voudre ki nou kapab re spesifye ki kote proze Finansyel in ganny fer dan Bidze; pour nou kapab donn sa vre sipor pour sa bann dimoun ki pe devoue e donn zot letan pour ki nou kapab fer nou zenn kapab devlope e vin sa vre zenn responsab pour kapab pran la relev direksyon nou pei.  Mersi bokou Mr Deputy.

MR DEPUTY SPEAKER

Mersi Onorab Simon Gill.  Onorab Sebastien Pillay lo menm laliny?

HON SEBASTIEN PILLAY

Wi Mr Speaker bonzour, bonzour tou dimoun i tonm dan menm laliny akoz i pour de koul from larepons ki Minis pour donnen.  Mon ti le regarde si nou pa ti kapab ganny en Lagreman antre nou tou le 2 group MNA ki zot annan zot distrik, nou osi bann MNA ki annan zot distrik ki pour sa lannen dan bann savings ki nou kapab fer across bann diferan areas vi ki nou anvi vwar plis proze ganny enplimante e sirtou parey bann linisyativ sportif ki pe ede dan bann distrik e nou vwar poudir napa en konponan Bidzeter sibstansyel i ganny mete pour sa akoz nou pa agree sa lannen poudir pour sa lannen vi ki nou annan lezot size ki nou pe deal avek lo nivo distrik drog eksetera, ki nou pran serten larzan dan bann savings ki nou fer ki Minister Finans dan realignment ki i pe fer, dan serten savings ki i pe fer ki nou pa act serten sa bann savings ver Minister Local Government, pour ki zot a kapab enn enplimant en pe plis proze, Minister Finans a donn nou en break down lo nivo sak distrik ki nou kapab fer an plis.

E dezyenmman lo nivo sipor pour bann Klib Sportif ki pe gannyen lo nivo distrik e se i ava ede dan bann distrik pour zisteman retir bann zenn dan bann eleman ki pa pe marse.  Si lo tou le de kote latab nou kapab ganny sa Lagreman mon krwar i pwen i pour siport nou lakoz pour nou bann distrik de tout fason, so mon pa konnen si sa i en keksoz ki kapab arive e si Minis Finans i kapab dir nou sa i en keksoz ki kapab arive akoz menm par egzanp lo sa size emergency par egzanp ler ou annan en depans ki bezwen ganny fer deswit dan bann distrik la nou pa’n tro ganny movetan la me si sa movetan i vin komansman lannen nou pour vwar nou dan en sityasyon en pe konplike dan bann distrik.  Mersi Mr Speaker.

MR DEPUTY SPEAKER

Mersi Onorab.  Bon mon ava donn laparol premye Minis apre PS Finans i ava antre.  Minister.

DESIGNATED MINISTER MRS MACSUZY MONDON

Mersi tou bann Onorab pour zot kestyon. Mersi Mr Chair, Mr Chair mon a pran sa kestyon kot i konsern bann endividi dan distrik ki pe met an plas serten progranm, i annan ki zot in apel li akademik volonterman dan bann distrik pour kapab retir zisteman nou bann zenn anba bann diferan lenfliyans, letan travay ti pe ganny fer pour lo sa Scheme byensir petet nou, nou ti napa sa bann lenformasyon me selman napa nanryen ki anpes nou e napa larzan ki’n ganny mete spesifikman pour sa bann progranm an deor, menm sa R400mil ki nou pe gannyen, i pirman pour en pe sa bann progranm ki Minister, Departman Lazenes in prevwar anba son bann progranm pour li, me selman napa nanryen ki anpes nou pour vwar avek sa bann DA dan bann diferan distrik ek bann MNA osi byensir ki i en bann nouvo linisyativ ki i annan dan bann distrik ki pe mont,e e pour vwar ki mannyer nou kapab vwar lannen prosenn ki kalite sipor ki nou kapab donn sa bann nouvo group, be sa bann nouvo linisyativ pour nou fer sir vreman sa bann travay ki nou pe fer i pour anmenn en benefis pozitiv pour nou bann Kominote.

Kot i konsern bann encandreur MNA La Digue pour bann Minister Lazenes, Kiltir pe travay lo en job description, me selman sa ki nou konnen travay ki zot pour ganny fer zisteman se pour travay avek bann zenn pour nou kapab ankadre zot, met zot dan bann aktivite.  Ankor enn fwa nou bi se pour tir zot dan sa bann lezot keksoz negativ ki zot souvan ganny antrennen ladan.  Me sa nou kapab apre byensir letan nou pe, pe travay avek bann distrik pour nou vin enform zot lo sa progranm o nivo distrik nou ava donn zot osi bann job description sa bann encandreur.  E byensir tou sa bann travay ki pe ganny fer o nivo distrik lannen prosenn i bann travay ki pour anba sipervizyon Ladministrasyon Distrik. Mr Chair PS i ava pran sa kestyon Mr Gill kot i konsern ranforsi kapasite pour bann proze e koz osi lo sa issue en pti pe emergency apre PS Payet i ava pran lezot kestyon.  Mersi Mr Chair.

MR DEPUTY SPEAKER

Mersi Minis.  PS.

PS MARIE-CECILE VIDOT

Mersi Mr Chair, mersi Minis mon pour reponn kestyon, klarifikasyon Onorab Gill konzwentman avek pour Onorab Aglae, Onorab Gill taler mon ti dir i enportan nou onnet dan travay ki nou fer, yer e bann lannen ki ti avan nou ti fer lenplimantasyon proze dan en Seksyon, 1 Seksyon ki apel proze avek 8 dimoun.  Laba dan sa Seksyon nou ti fer Small Projects, nou fer Community Maintenance and Facilities, nou’n fer Environment and Emergency laba menm a lafen dizour nou ti dan en lakwizin pe kwi tou manze lanmenm.

So avek restriktirasyon mersi ankor enn fwa pour zot sipor e nou’n kapab ozordi vwar nou ek en Divizyon; sa Divizyon i anmenn en DG ki ava kapab oversee (1) Seksyon Proze ki fer spesifikman proze avek Capital Project, laba nou pe enzekte 13 dimoun lead by a Principle Project Officer; nou ava annan en Seksyon ki zis ki fer Community Facilities And Maintenance napa nanryen pour fer avek pti proze li, li a fer maintenance tou sa bann building ki nou’n koz lo la.

Answit nou ava annan en lot Seksyon ki fer spesifikman Emergency And Environment.  So sa i pour donn nou lespas pour nou kapab pli byen zer bann diferan travay ki i annan pour fer dan sa Divizyon – pa zis pti proze e sirman as we go along sa bann Staff osi i ganny konsidere dan nou training plan pour kapab kontinyelman elev zot kapasite.

Pour mwan al kot Onorab Aglae wi, mon pour zis senplifye sa kestyon Onorab pour nou debar en Kontrakter i en prosesis tre long e mon pour dakor ek ou nou annan ankor, in fact mon pa pour ezite pour dir Port Glaud nou’n rankontre sa problenm sa lannen kot en Kontrakter i vini i pa performen nou, nou sel keksoz ki nou kapab fer nou bezwen zistifye i pa performen pour kapab fer sa prosedir debar i al kot Procurement ok?  Now kot i konsern emergency wi Onorab Williams Local Government nou ki fer rapid response mon pa pour akont zistwar, mon pa pour al dan tou sa bann detay me selman rapid response i reste ek nou and as you rightly say mon’n tann Onorab Pillay i dir nou napa keksoz, nou annan Onorab Pillay la nou annan detrwa dife dimoun pe reste sa ki nou bezwen sey sort out.

E letan nou pe ogard Bidze lannen prosenn nou ti a’n swete nou’n ganny en pti larzan nou pa’n ganny nanryen anba Emergency Minor Cases – sa parey zot in dir letan nou koz lo rapid response en pe dibwa i blok en semen kot dimoun pour pase nou bezwen ale pour al tire, en pye dibwa i tonm lo en lakwizin pa en gran travay nou kapab ale sov sa dimoun ki vilnerab re alleviate son sityasyon, en ros i tap lakaz, enn nou kapab ale al tire.  So nou ti a swete sa environment i malgre nou koz DRDM me Local Government nou ki fer Rapid Response e avek permisyon Mr Chair mon ti a osi fer mansyon anler i annan dife nou ki donn basic, nou ki bezwen donn en pake pampers, nou ki bezwen donn en pake biskwi, nou ki bezwen donn sa premye manze, sa premye breakfast tousala i ganny konsider anba sa Emergency Minor Procedure.  Mersi tou Onorab mon swete mon’n kapab klarifye tou bann kestyon.  Thank you.

MR DEPUTY SPEAKER

Mersi PS Vidot.  PS Finans oule azout keksoz?

PS PATRICK PAYET

Mersi Mr Chair kekfwa sa last kestyon akoz mon krwar PS Vidot in touch lo tou le 2 kestyon regarding Procurement avek Emergency, lo konsernan savings si i egziste bann lezot entities ki nou kapab vire anvoy dan bann Local Government.  I zis mon krwar ki nou mid-November actually la e kapasite mon krwar Local Government pour implement sa bann proze avan Desanm i pa pou fasil.  So sanmenm sa ki mon krwar nou en pe difikilte – menm si nou pour vwar enn de savings partou dan bann lezot Minister, Departman me pour zot enplimant proze ziska Desanm …

HON SEBASTIEN PILLAY

Mr Speaker if i may demann sa kestyon….

MR DEPUTY SPEAKER

Ok, yes Onorab Sebastien Pillay.

HON SEBASTIEN PILLAY

Ki mwan pe koz lo la mwan, mon pe koz lo par egzanp PS in eksplik nou poudir anba sa Emergency pa’n ganny larzan e sa i pour kre en problenm kot pour zot kapab fer bann pti travay deswit dan bann distrik kot sa i kapab arive i kapab en pye dibwa Mont Buxton, i kapab Mont Fleuri, i kapab Baie Lazare en dife i pour difisil pour zot napa sa Bidze.  Zot bezwen rod, tap laport lezot Lazans.  Ki nou pe propoze mwan ki si nou pe fer serten cuts dan sa Bidze 2018 ki pe vini annou tonm dakor la ki en parti sa bann savings ki nou kapab fer i al towards serten progranm Local Government pour fer ki par egzanp parey sa pwen en pti plis sipor pour bann lekip sportif, si i kapab annan, en pti pe plis sipor pour bann encadreur pour fer bann travay o nivo distrik, en pe plis larzan pour fer par egzanp 2 proze, 3 proze an plis swa Mont Buxton ouswa Plaisance, swa La Pointe Larue, swa nenport lezot distrik; ki mon pe sey dir, mon pe sey dir at least sa lannen annou met sa focus sey move sa focus lo Local Government avek lezot Lazans nou santi i kapab ede lo nivo Kominoter and then next year petet prezan nou a regard lezot areas,. Mon pa pe dir tou, me selman serten poursantaz ki nou kapab met ladan, pa pour sa lannen PS mon pe koz lannen prosenn.  Mersi.

MR DEPUTY SPEAKER

Ok PS oule fer komanter?

PS PATRICK PAYET

Non, mersi Mr Chair mon krwar i en Lagreman ki Lasanble i bezwen agree, baze lo bann savings ki nou pe, ouswa bann Budget cuts ki nou pe idantifye ziska prezan ziskan ler nou fini finaliz Bidze.

MR DEPUTY SPEAKER

Ok mersi PS.  Bon mon ankor annan 14 Manm lo lalis mon konnen sa Minister i tous zot tou, nou tou ki pe reste dan en distrik, ki pe viv dan en distrik, nou tou ki annan, ki’n ganny elekte direkteman dan en distrik i nou konsern, nou ti pour pran Departman Prizon 10er, nou pour pran Departman Prizon 11er prezan.  So mon pour donn sans pour nou kapab fini avek Local Government.  Me mon pe demann, mon pe ensiste, mon pe demann avek tou bann Manm ok, fer, vin direkteman lo zot kestyon pa fer en Statement; e mon a demann osi Minis avek ou Delegasyon devan pour et bref dan repons kot omwen kot par 10.30, 10.35 nou a’n kapab fini avek Local Government, ok?  Prosen lo mon lalis se Onorab Stephen Pillay.

HON STEPHEN PILLAY

Mersi Mr Chair.  Bonzour a tous.  Minis ek ou delegasyon ou annan en 2 pti kestyon, 1 lo sa bann Kontrakter ki pe koz lo la ki napa mendev, ki kou i pour kout zot pour transfer parey sorti kot DRDM – Environment ki nou bann dimoun dan distrik, dan kad distrik zot annan access ek sa bann dimoun a nenport ki moman, akoz sa pa pe marse pour le moman nou bezwen ler mon call DA, DA i call Lanvironnman, Lanvironnman i anvoy en lot dimoun kan ti en keksoz ki ti kapab ganny rezourd dan en demi erdtan, si nou ti annan tou sa bann, dan plas fer savings sa bann transfer sorti kot Lanvironnman SLTA, LWMA mendev i ganny transfer anba Local Government – sirtou Au cap anvoy kot Au Cap napa problenm nou a deal avek, e sanmenm sa fer sa ‘rapid response’ ki ava efektiv dan district level.Lo sa bann delay Kontrakter Tender Process ki nou annan sa mon krwar sa i en Blacklist tire sa bann dimoun ki lo, pa pe deliver.  PS i konn byen Au Cap ki mannyer nou pe pas ladan avek detrwa proze si fir a pri nou tire.

E lot kestyon lo Council, lo paz 412 ‘’setting up of District Council’’ e ki la pe al fini nou pe al fer Regional Council ki sa 2 milyon 80, 2.80 si i pour kontinyen ganny re entegre dan distrik pour nou servi.

Epi dernyen Mr Chair ki Minis kapab get klarifye ek mwan lo sa ‘’Compensation of Employees pour upgrading of post DA, Office Managers ek office assistants’’ ki mon pe kalkile i tonm apepre 7,373 par Mwan e vi i annan serten distrik parey Au Cap nou annan zis DA avek office managers, napa office assistant si i annan en poursantaz dan sa larzan ki pour Office Assistant ki kapab ed sa office manager ki fer louvraz 2 dimoun an menm an dan sa distrik mon krwar ou konn byen sa senaryo.  Mersi Mr Speaker.

MR DEPUTY SPEAKER

Mersi Onorab Pillay.  PS Vidot ou le reponn sa bann kestyon?

PS MARIE-CECILE VIDOT

Mr Chair mersi mon kapab demann en pti klarifikasyon lo sa sonm ki Onorab in dir taler pour ‘’Regional Council?’’

MR DEPUTY SPEAKER

Go ahead.    Onorab Pillay.

HON STEPHEN PILLAY

Yes Mr Chair 412, paz 412 P2 ‘’Local Governance support and development setting up of District Council 2080.00; akoz sa kekfwa nou kapab fer en savings lo la i anvoy kot distrik Au Cap.  Mersi.

DESIGNATED MINISTER MRS MACSUZY MONDON

Mr Chair mersi.  Mon ti a kontan demann petet new FC pour klarifye sa en pti gin akoz mon vwar li in tonm laba ‘’Local Governance and support development ‘’me selman otan ki mon konnen kot i konsern ‘’Regional Council’’ nou napa en Bidze spesifik sa lannen pour nou kapab fer lenplimantasyon Regional Council, FC petet ou ti kapab donn en pti pe klarifikasyon lo sa 2080.00 please.

 MR DEPUTY SPEAKER

Ok Financial Controller.

 MS MARLENE VALENTIN

Mr Speaker bonzour, bonzour tou dimoun dan Lasal, bonzour tou bann MNA, mersi Mr Pillay pour ou kestyon, regarding sa 2 milyon i pour desantralizasyon bann servis ki sipoze al dan bann distrik; par egzanp i pour annan bann aktivite zenn, i pour osi posibleman annan bann aktivite lo kote Kiltirel kekfwa ki distrik pour bezwen organize; apre a part of the sa Lazans se pour kontinyen avek setting up of the Regional District Council.  Mersi.

 MR DEPUTY SPEAKER

Mersi Financial Controller.  Ok PS Vidot ou le pran larestan vizavi kestyon Onorab Pillay.

PS MARIE-CECILE VIDOT

Mersi Mr Chair.  Onorab Pillay mon a dir ou mersi pour ou sipor sa lannen ankor enn fwa, mon krwar en sans ki mon gannyen pour profite pour remersi ou.

E kot i konsern nou ‘rapid response’ tou distrik i deza konnen en?  Sirtou when it comes to emergency nou bezwen annan nou pick up, nou bann dimoun Lanvironnman, nou bann dimoun dan bann respektif Agencies in the event of ‘rapid response’ zot vini zot donn nou en koudmen nou pa bezwen alor al all over the place i sipoze la Au Cap kot son bann dimoun ki i annan bann heavy machinery tou sa i sipoze, tou distrik i sipoze annan sa lenformasyon in the event ki nou bezwen nou itiliz lo nivo distrik.  Mersi.

Kot i konsern staffing wi mon konnen poudir Au Cap in soufer pour en, pa zis Au cap me en bon pe distrik me selman rest assured dan Bidze nou’n kapab ganny en pe Fundings pour nou ranpli nou bann post ki, i annan ki nou’n fini komanse i ongoing e nou pe swete nou a kapab fini rektifye sa staff shortage lo nivo Ladministrasyon Distrik.  Mersi Onorab.

MR DEPUTY SPEAKER

Mersi PS. Onorab Wilbert Herminie.

HON WILBERT HERMINIE

Mersi Mr Chair. Kestyon, ki provizyon anba Bidze pour tree lopping?  Epi mon lot pwen dan sa lannen kantite proze ki zot in terminen e kantite i reste pour zot fini avan lannen i terminen?  Mersi.

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mersi Onorab.  Mr Chair to date ok, nou annan 115 proze ki’n konplete; nou annan 97 ki’n komanse ki an progre ok, nou annan 17 ki nou pe al siny Kontra; nou annan 4 ki lo evaluation stage.  Epi enn de bann proze ankor ki tendering nou annan apepre 4 ki Tendering nou annan 5 ki pe al fer survey lo la be sa nou konnen nou bezwen anmenn li pour 2018.  Nou annan 3 ki anba responsabilite SLTA, i annan 10 ki nou’n bezwen cancel, ok. Parey mon’n nonmen taler pour plizyer rezon ki en proze i bezwen parfwa ganny cancel.  Sa i bann lenformasyon ki mon annan.  Kot i konsern Bidze pour tree lopping, mon a demann PS pour donn detay.

MR DEPUTY SPEAKER

Mersi Minis.  PS.

PS MARIE CECILE VIDOT

So mersi Onorab Herminie sak distrik ti ganny R100 mil pour koup son pye dibwa dan nou Bidze.  So simple as that sa lannen, R100mil.

MR DEPUTY SPEAKER

Ok, mersi PS.  Onorab Herminie.

PS MARIE-CECILE VIDOT

Nou ti ….

MR DEPUTY SPEAKER

Yes PS.

PS MARIE-CECILE VIDOT

Nou ti dakor nou ava fer nou bann proze apre nou ava ogarde ki i reste dan nou savings vizavi nou proze; e letan nou ti diskite avek distrik, nou ti dir at least nou kapab annan R100MIL pour nou koup nou pye dibwa.  so sa lenformasyon i the MNA dan zot Meeting ki zot fer tou le mwan.   Mersi.

MR DEPUTY SPEAKER

Mersi PS.  Onorab Herminie vit, vitman.

HON WILBERT HERMINIE

Yes zis en pti follow up, PS in dir R100mil be kantite proze ki zot in kapab take up anba la e kan sa alokasyon ti ganny fer?

MR DEPUTY SPEAKER

Yes PS.

PS MARIE-CECILE VIDOT

Bon Onorab nou a kapab donn ou en kopi Procurement Plan ou ava vwar tou ou detay lo la apre ou ava demann nou bann kestyon adisyonnel; nou kapab donn ou ler Lasanble, ler nou fini dan Lasanble menm.  Tou distrik nou kapab donn zot en kopi zot Procurement Plan – anfet mon’n vin avek i pour donn ou tou ou detay ou a kapab demann additional questions apre.  Mersi.

MR DEPUTY SPEAKER

Mersi PS.  Onorab Mondon.

HON TERENCE MONDON

Mersi Mr Chair, Mr Chair mon oule met lanfaz lo koleksyon reveni avek bann Byen Leta, alor mon kestyon i en kestyon ki mon pe repete ki mon ti demann Minis pandan Bidze lannen pase, konbyen ki Parti Lepep pe pey Gouvernman pour rental sa landrwa ki zot pe okipe ki avan ti Biro Administrasyon Distrik e kan eski peyman rental ti komanse?

Ankor lo reveni, konbyen ki Administrasyon Distrik Takamaka i kolekte an zeneral pandan lannen pour bann servis ki ofer akoz mon pa vwar li i reflekte dan Bidze.

E mon ti anvi demann Minis si i kapab, si i pare pour donn son langazman ki Parti Lepep i ava rann Gouvernman sa landrwa ler zot, ler sa nouvo Daycare i konplete ; afen ki Klinik i ava kapab extend son servis ki ou pe ofer o nivo distrik?

E en dernyen pti kestyon Lasosyasyon Dart ki pa ankor ganny en landrwa, pour zot apre depi ki Sant Cascade ti brile, ki kalite sipor ki zot pe donn sa Lasosyasyon pandan lannen 2018?  Mersi Mr Chair.

MR DEPUTY SPEAKER

Mersi Onorab.  PS. 

PS MARIE-CECILE VIDOT

Mersi Onorab Mondon, Onorab mon panse ou annan sa lenformasyon ou ok, so letan avan letan nou ti dan vye building Biro Ladministrasyon Distrik o-bor Klinik, apre Parti Lepep avek Gouvernman kot nou Daycare i ete ozordi pour Parti Lepep sa landrwa. So prezan nou annan en Lagreman ki ler nou, nou sorti dan sa existing Daycare pour nou al dan sa enn nouvo ki nou pe konstrir, nou rann Parti Lepep son landrwa kot nou Daycare i ete e zot, zot rann Gouvernman sa Biro kot nou, nou ti ete Ladministrasyon Distrik ti ete avan at no cost.  Vedir napa okenn rental sa i en Lagreman ki i annan akoz nou, nou bezwen rann zot se zot pour nou ok, nou a rann nou pour nou.  So simple as that mon osi mon pa rapel ti dan ou letan sa laranzman la sa enn.  Apre dezyenmman kot i konsern Lasosyasyon Dart wi Cascade napa son Sant Kominoter, les Onorab De Commarmond koz lo son Sant, me selman nou nou’n fer provizyon en pti larzan dan Bidze pour nou konsider son Sant pour nou kapab kouver tou son dimoun ki ti pe servi son Sant dan lepase.  Mersi Onorab.

MR DEPUTY SPEAKER

Ok mersi.  Onorab Mondon vitman.

HON TERENCE MONDON

Mersi Mr Chair, en morso mon kestyon pa’n ganny reponn o nivo distrik konbyen zot kolekte.  Zis pour koreksyon PS laranzman pa ti dan mon letan, ti apre ok, e mon ti a kontan ganny en kopi sa Lagreman ki ou’n koz lo la.  Mersi.

MR DEPUTY SPEAKER

Mersi Onorab.

PS MARIE-CECILE VIDOT

Mersi Onorab, kot i konsern reveni nou napa sa lenformasyon ek nou la, les nou, nou ava rode nou ava donn ou pour nou konnen akoz ou’n demann nou spesifik Takamaka konbyen reveni nou anmase.  So nou ava fer provizyon sa lenformasyon pour ou.  Mersi

MR DEPUTY SPEAKER

Ok, mersi PS mon ankor aviz bann Manm annou pa tro anmenn kestyon lo Polisi, annou al direkteman lo Bidze lo sif ki dan Bidze.  Onorab Henrie.

HON GERVAIS HENRIE

Mersi Mr Speaker.  Mon konsyan sa ki ou fek dir be selman mon kestyon i al en pe dan sa direksyon, selman an menm tan mon byen kontan mon vwar mon bann koleg Parti Lepep in reveye ozordi akoz sa i en Minister ki zot kontan travay avek.

Mon kestyon i senp ki Minister Gouvernman Lokal son Bidze ozordi petet pour piblik deor i bezwen konsyan poudir lannen prosenn pour en unusual year pour zot, akoz sa zafer Local Council, Regional Council ki pour antre, so i pa pour neseserman business as usual pour nou, konmsi nou’n gaspiy en kantite letan lo demann sa bann kestyon mon panse akoz keksoz pour sanze.

So mon kestyon i se ki zisteman ki konponan sa Bidze ki pe koz lo the setting up of Regional Council e ki mannyer i pour afekte travay, ki konponan sa Bidze e ki mannyer i pour afekte travay Ladministrasyon Distrik sirtou akoz par egzanp DA, eski DA dezormen pour kontinyen parey i ete ouswa nou pour advertise the post.  Sa i enn.

E dezyenmman mon anvi demann en kestyon lo kestyon efikasite Local Government, akoz zot la pour zot amelyor lavi dan dimoun dan Kominote, selman pour tou sa letan ki zot egziste dan en distrik pour en dimoun ki pe ekout mwan demann ou lekor konmsi ki ou Ladministrasyon Distrik in fer si ou pa al kot li zanmen pour li sanz ou lavi pour ou sorti pwen A pour ariv B ouswa pwen C.  So ki prezan dan sa Bidze kwa ki Minister i mete ki kapab evalye zot performans; akoz depi bomaten la mon’n tann diferan challenges ki zot in dir, be ki mannyer zot evalye pour asire ki DA the whole structure, i pe vreman sanz lavi dimoun dan Kominote akoz dan mon larepons Bidze mwan mon ti koz lo valer pour larzan, it’s taxpayers money ki nou pe donnen la pour anmenn en gro Bidze.  So sa i 2 kestyon, mon swete mon’n ase kler.  Mersi bokou.

MR DEPUTY SPEAKER

Mersi Onorab.  Minister.

DESIGNATED MINISTER MRS MACSUZY MONDON

Mersi Onorab, Mr Chair kot i konsern Regional Council avek sanzman dan desizyon parey bann Onorab i konnen, nou’n deza komans an term ek travay pour nou kapab enplimant dabor District Council.  Nou’n fer en bon pe travay konsiltasyon Meeting dan tou bann distrik e avek sipor byensir tou bann Onorab.  An menm tan osi i annan serten travay o nivo Minister ki nou ti’n komans fer pour fer sir ki tou bann prosedir, tou bann keksoz i an plas pour lenplimantasyon District Council.

Prezan avek sanzman ki’n annan pour nou prezan go for Regional Councils nou’n bezwen revwar en pe tou sa bann travay ki nou’n deza fer, pour nou kapab prezan enplimant Council o nivo rezyon.  Donk an se moman la nou pe travay lo tou bann keksoz ki nou bezwen met an plas pour nou kapab fer sir ki nou pare lannen prosenn Onorab pour lenplimantasyon Regional Council e sa i ava kouver zisteman bann kestyon osi ki ou pe demande an preparasyon Administrasyon Distrik e ki pour arive avek bann Das; ki mannyer zot travay pour ete lannen prosenn ok, e sa byensir letan nou fini nou pare pour nou share pour nou partaz li avek tou bann dimoun konsernen.

Dezyenmman kot i konsern Bidze nou pa ankor neseserman ganny en Bidze allocate pour Regional Council ok?  E bann travay preparasyon ki nou pe fer, nou pour pe vwar ki mannyer nou kapab servi a lenteryer Bidze, nou Bidze ki nou annan pour 2018 pour nou kapab fer serten sa bann travay.  Me Bidze pour lenplimantasyon li menm Regional Council lannen 2018 nou napa en Bidze pour le moman petet i en Bidze ki ava vin apre dan Supplementary Budget mon pa konnen.

Me kot i konsern prezan travay, monitoring travay evalyasyon performans Ladministrasyon Distrik, mon ava les PS koz lo la Mr Chair.

MR DEPUTY SPEAKER

Mersi Minis.  PS.

PS MARIE CECILE VIDOT

Mersi Mr Chair.  Mersi Onorab Henrie mon pour reponn ou kestyon kourt ok?  Annou komans koumsa Minister Gouvernman Lokal i annan en rol fasilitater; sa rol i bezwen antre byen sa – fasilitater; either than sipoze ki nou enplimant direkteman apre nou annan bann progranm ki nou’n koz lo la plis nou pour ganny ankor en pe lannen prosenn.

When it comes to sa bout efikasite tou MDAs i bezwen annan en Strategic Plan i bezwen annan bann key indicators e nou osi nou annan pour nou.  So donk en si nou pour koz Service Delivery kot ou pe demande ki en Ladministrasyon Distrik ki mannyer nou kapab mezire, nou kapab mezir li Cross Sector nou enplike dan laplikasyon lakaz i vin fer kot nou anything to Daycare … kot nou anything sosyal i kot nou.  So nou, nou kapab senpleman dan 2 mo mezir bann konplent ki antre dan nou data dan nou rikord e son feedback si keksoz sa bann dimoun in ganny adrese oubyen non; either then bann keksoz ki i annan pour fer direkteman ek nou parey pti proze.

MR DEPUTY SPEAKER

Mersi PS.  Onorab Lemiel.

HON SYLVANNE LEMIEL

Mersi Mr Speaker.  Bonzour Minis avek ou delegasyon, bonzour tou bann Manm Onorab, Mr Speaker mon kestyon i pour vin dan menm laliny ki Onorab Henrie in demande, kot i konsern standar dan Ladministrasyon Distrik, akoz mon konnen dan lepase in annan bann standar ki’n ganny set e mon pe gete lo kote sa Bidze ki nou pe gannyen an 2018, eski i annan en konponan larzan ladan ki’n ganny mete pour kapab beef-up Inspectorate Section pour kapab vwar ki tou Ladministrasyon Distrik pe delivre, pe donn sa servis neseser e si, mon oule konnen si sa standar pour tou Ladministrasyon Distrik i ankor an plas; eski sa standar i ankor an plas?

Apre osi mon oule konn lo kote Bidze ki’n ganny mete la Minis ou’n koz lo ‘’maintenance ‘’bann Ladministrasyon Distrik letan in annan sa logmantasyon R5 milyon ekek, ou’n koz lo maintenance bann Ladministrasyon Distrik ek bann Sant Kominoter, eski pour lannen prosenn zot in fini fer en lalis, bann Ladministrasyon Distrik ki pe al ganny renovate e lekel sa bann Ladministrasyon Distrik ki pe al ganny renovate lannen prosen?  Mersi.

MR DEPUTY SPEAKER

Mersi Onorab.  PS.

PS MARIE CECILE VIDOT

Mersi Mr Chair.  Mersi Onorab Lemiel.  wi bann standar i ankor egziste; anfet nou’n re travay lo son frame work nou’n met li dan en pti proper booklet e mon pour agree ek ou, nou ti annan Inspectorate ti en Seksyon ki nou ti annan staff shortage.  Pour lenformasyon nou’n gannyen en Principal Evaluation Monitoring Officer e nou’n kapab osi beef-up sa Seksyon pour kapab rann nou bann standar pli efikas lannen prosenn, sa in form parti nou rekritman nou bann staff.  Now kot i konsern Bidze maintenance mon annan plezir pour enform ou ki Anse Royale in ganny konsidere lannen prosenn dan totalite enkli son roofing akoz anba Regional Council letan in Officially announced ki pour annan 7 rezyon, Anse Royale i pour enn sa rezyon kot nou pe mazin konsidere anba ‘’extension of Offices’’ ‘’renovasyon maintenance.’  So rest assured nou’n konsider Anse Royale osi nou’n konsider sa 7 lezot, 1 plis 6 rezyon including Inner Island ki pour ganny konsidere koman priyorite pour nou akey Regional Councils.  Mersi.

MR DEPUTY SPEAKER

Mersi PS.  Onorab Afif, yes.

HON AHMED AFIF

Mersi Mr Chair, Mr Chair mon kestyon i baze lo paz 411 latab nimero 2 e i anba sa Heading ‘’other uses of goods and services,’’ mon vwar 2018 en logmantasyon sorti 32.9 milyon an 2017 pour vin 35.2 e dan detay nou vwar laplipar i pour ‘’Sekirite’’, en gro sonm ladan ki R19. 2 i pour ‘’Sekirite,’’ mon pe zis fer en pti kalkilasyon pour regarde ki mannyer ou ganny sa 19 e mon pe dir dizon ou pe diviz li par 25 District Council e toulezour District Administration Office toulezour ou pe depans apepre R2, 000 pour sak distrik lo ‘’sekirite,’’ e ler mon konpar sa sif avek sa ki mon vwar lo teren par egzanp Anse Etoile mon pa pe vwar external Security Guards laba me selman nou pe depans R2mil par zour, alor mon pe kestyon en pti pe sa sif pour kapab donn mon en leksplikasyon konvenk mwan konm kwa i byen.

E dezyenmman en pti pe relye ek kestyon ki’n demande avan lo kote reveni parske tou le weekend nou vwar Sant pe ganny servi, larzan pe ganny kolekte e zot dir i al anba ‘’Miscellaneous Income,’’ me mon’n regard dan ‘’Miscellaneous Income ‘’Gouvernman mon pa vwar en Heading pour ‘’Local Government ‘’e mon ti a kontan petet PS Finans i dir nou kote sa larzan i ale parske i napa en ‘’revenue code’’ pour li.  Mersi.

MR DEPUTY SPEAKER

Ok mersi Onorab.  PS Vidot.

PS MARIE-CECILE VIDOT

Mersi Mr Chair mon a reponn sa enn pour ‘’Security,’’ letan nou ti fer provizyon sa 19 milyon pa ti ankor antre dan prosesis Tender Security selman nou, nou ti fer nou provizyon pour nou Security e sa lannen lapros ki’n ganny pran, se ki in pran Ministry of Local Government, Ministry of Education e Ministry of Health ansanm – this is one.

Savedir si dan en distrik sa Security Firm i ogard tou sa bann konponan ki tonm anba sa 3 Minister ok?  So nou, nou Award in fini ganny fer pour lenformasyon e nou pour le moman nou pour annan 17 Firm ki pe deservi pour nou, 17 Firm wi ki pe deservi pour nou e nou total ki pour ariv nou par Mwan nou kapab donn ou en kopi apre si sa, nou total par Mwan i pour ariv nou 1.5, 31, 1.531, 812.33 par mwan.  E nou total annually i pour ariv nou 18.38,1747.96 ok so vwala kot nou’n ariv lo sa sif, e answit nou annan son Contract cost per lo -t ki nou kapab donn ou pour reponn sa figure, mon’n reponn ou kestyon Mr Afif? Ok Minister, Mr Chair Minister in demann mwan pour enform Lasanble ki revenue ki distrik i anmase i al dan son Bank Account anba son’’ Miscellaneous Vote,’’ ok.  So sak distrik i annan son Bank Account e son reveni ki i anmase i al anba son vot, ‘’Miscellaneous Revenue’’ dan son Bank AccountThank you.

MR DEPUTY SPEAKER

Ok.  Onorab Afif.

HON AHMED AFIF

Ok, savedir sa larzan ki al dan Bank Account i pa antre dan Bidze alors parske klerman i al dan en Bank Account, so savedir nou pe depans larzan nou ti a kontan konnen alors ki mannyer sa larzan pe ganny depanse from Bank Account akoz i pa pour antre dan Bidze si i dan Bank Accounts.  E i pa sipoze koumsa, in sipoze sanze depi lannen pase, alor mon ti a kontan komanter en pe Finans akoz i pa ankor sanze.

MR DEPUTY SPEAKER

Mersi Onorab.  PS Payet ou le fer en komanter?

PS PATRICK PAYET

Mersi Mr Chair.  I en keksoz vre kekfwa ki nou pa’n fer le nesesite kekfwa pour sanze, be selman sa flexibility ki nou’n travay lo en Policy pour fer sir ki Account ki ouver separately pa dan Treasury Account i ganny servi for specific; i pa zis akoz kekfwa zot mank Bidze zot kapab ale tap in ladan, i pour specific be nou kapab donn zot en pe detay kwa ki specific ki nou’n agree avek Local Government ki zot kapab servi anba sa Bank Account e osi nou kapab donn zot en Consolidated for the past 2 years, ki kantite reveni ki’n kolekte dan sak distrik e kantite depans ki’n ganny fer osi dan sak distrik.

MR DEPUTY SPEAKER

Ok, mersi PS.  Onorab Afif.

HON AHMED AFIF

Wi, ziz pour dir avek PS Finans poudir Rapor Oditer Zeneral pour 2016 i pa’n koz lo Local Governments, me selman definitivman an 2015 zot ti raise konmkwa sa prosedir i kot zot pe anmas larzan zot pe met dan en Bank Account epi zot pe depanse pour nenport ki Bidze ki zot fer, i pa en prosedir Legal; parske sa larzan ki zot pe depanse pa’n pas devan Lasanble, zot in anmas zot larzan zot in deside ki mannyer zot, zot anvi depanse i pa vin devan Lasanble e sa i mal.  E i kont Regilasyon Finansyel e mon ti a kontan demann PS Finans si zot kapab fer sir poudir dan sa lannen ki pe vini sa i arete, tou larzan ki zot anmase i ganny bank i annan en revenue code e tou larzan ki zot anvi depanse i ganny planifye i vin devan Lasanble e i ganny aprouve.  Mersi.

MR DEPUTY SPEAKER

Ok. PS.

 PS PATRICK PAYET

Yes, mersi Mr Chair e mersi Manm Onorab, definitivman pour 2018 nou a revwar lafason ki sa pe ganny fer ki nou a fer sir ki zot pe swiv Lareg Public Finance Management.  Mersi.

MR DEPUTY SPEAKER

Ok.  Mon ankor annan 10 Manm lo mon lalis annou si nou anvi fini li avan nou pran en Break – sak Manm kestyon spesifik, bref ok.  E en kestyon par Manm ok, i annan bokou kestyon ki’n fini ganny demande i zis annan repetisyon ki pe monte.  Ok Onorab Esparon.

HON REGINA ESPARON

Mersi Mr Speaker.  Mr Chairman bonzour, Minis ek ou delegasyon.  mon ti a kontan demann Minis, PS anba ‘’maintenance and repair,’’ mon vwar, be mon kapab demann mon kestyon, mon vwar R3 milyon eski sa i enkli pour community center Glacis ki sipoze ganny renovate; epi pli a mon vwar ‘’Sports Infrastructure ‘’eski sa enkli sa Changing Room ki nou’n ganny promet pour fer lo laplenn Glacis.  E mon ti a kontan demann PS relocation of DA’s Office avek Daycare eski pe tonm anba Capital Project oubyen i pour tonm anba la.

Pli ba mon vwar R3 milyon ki’n ganny mete pour bann Small Projects, mon kestyon eski sa larzan i ganny divize egalman pour tou distrik oubyen dapre proze ki distrik i annan?  Parske souvandfwa ou demann DA i dir ou son larzan in fini, mon dir li be demann plis si in fini e PS….

MR DEPUTY SPEAKER

Onorab, Onorab ou deza….

HON REGINA ESPARON

Mon ti a kontan demande, zis en pti klarifikasyon Mr Chairman anba ‘’materials and supplies ‘’mon vwar agricultural supplies, mon ti ava kontan demande si Gouvernman Lokal pe venture dan Lagrikiltir oubyen sa i lanbelisman.  Mon pa konnen mwan en leksplikasyon PS.  Mersi.

MR DEPUTY SPEAKER

Onorab ou’n demann 4 kestyon finalman dan plas 1.  PS.

PS MARIE-CECILE VIDOT

Mersi Onorab Esparon ou Changing Room.  Nou pe konpran nou pe esper sa lannen sa enn ok.  Dezyenmman wi nou pour sey fer nou mye pour nou konsider ou Sant Kominoter Glacis e bearing in mind ki pour mwan al lo 3enm pwen nou pe fer en change of use kot ou; ou Ladministrasyon Distrik pour vin ou Daycare e ou Daycare pour al ou Ladministrasyon Distrik e sa nou pe fer li anba Capital Project nou’n enzekte en Lazans spesifik pour li ok?

MR DEPUTY SPEAKER

Ok mersi PS.  Onorab Churchill Gill.

HON REGINA ESPARON

Sa 30 milyon pour Small Projects ki mannyer i ganny divize par distrik egalman oubyen dapre proze?  Mon ti zis kontan klarifye.  Mersi.

MR DEPUTY SPEAKER

Ok.  PS vitman.

DESIGNATED MINISTER MRS MACSUZY MONDON

Mersi Onorab.  Mr Chair dan lepase parti nou’n partaz larzan Pti Proze egalman parmi tou bann distrik.  Me selman sa lannen sanmenm sa rezon ki nou’n demann tou bann distrik pour anvoy zot bann proze boner pour nou kapab ganny letan pour nou al sers, i pour annan en posibilite ki petet pour annan distrik ki pour ganny en pti pe plis oubyen en pti pe mwens ki kanmarad depandan lo bann proze ki ganny soumet.  Mersi Mr Chair.

MR DEPUTY SPEAKER

Mersi Minis.  Onorab Churchill Gill.

HON CHURCHILL GILL

Mersi Mr Chair senp kestyon, mon anvi demann Minis pour letan in beef-up Seksyon Proze si nou Inner Island nou pour ganny nou Zofisye pour nou akoz pour le moman Zofisye i sorti Mahe i desann?  Mersi.

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mersi Onorab, wi avek restriktirasyon ki nou pe fer Mr Chair i pour annan en Project Officer ki pour Inner Islands pour travay spesifikman avek bann distrik Inner Islands.  Mersi.

 MR DEPUTY SPEAKER

Mersi Minis.  Onorab Ferrari.

HON JEAN-FRANCOIS FERRARI

Mersi Mr Chairman, kestyon lo staff mon ti a kontan demann 2 kestyon, eski an vi sa shortage staff ki zot annan dan serten Ladministrasyon Distrik, eski zot pe ankouraz bann staff ki deza egziste pour zot multitask pour zot pour le moman en attendant ki lezot keksoz i antre pour multitask, e eski ou pe donn zot training pour zot monte; akoz i annan en kantite staff ki’n la en bon pe lannen ki ankor pe fer dite, ki ankor pe vey telefonn zot kapab fer pli byen, eski konmsi from within the system e mon ti a kontan demann Minis lo zafer staff vi ki Minis i konnen poudir nou pe fer en kantite zefor pour nou redwir en pe bann travayer ki donn nou lide superfluous be selman sa i en pozisyon eski Minis anba Minister’s Support Secretariat eski Minis i ava pare pour sa lannen ki pe vini les tonbe sa Special Advisor ki pe al recruit, i ava fer nou fer en pti saving; sirtou si sa Special Advisor i en Politisyen ki’n perdi Eleksyon dernyen fwa; oubyen i en dimoun ki ti pe travay en landrwa ki pe ganny en pti plas; eski Minis i ava lead by example e i ava permet nou pour sa lannen ki pe vini, vi ki tou Bidze i tight i ava donn en bon legzanp lezot Minister, pour zot osi koup en pe lo sa bann Advisor, ki zis pouse parey.  Anyway vwala.  Mersi.

MR DEPUTY SPEAKER

Mersi Onorab.  PS ou ava reponn premye apre Minis i a reponn 2enm kestyon.

DESIGNATED MINISTER MRS MACSUZY MONDON

Mersi Mr Chair.  Mersi Onorab, wi Onorab mon krwar si i en annan en landrwa ki nou bann dimoun i multitask ki multi-skilled ki pare pour met lanmen dan lapay anytime si zisteman dan nou bann Ladministrasyon Distrik e nou, nou osi nou annan nou Training Plan ki fer provizyon zisteman pour train zot e ou a vwar poudir tanzantan i annan bann dimoun dan Ladministrasyon Distrik ki osi ganny promosyon pour zot kapab pran en plas en pe pli o.

Kot i konsern sa recruitment provizyon ki’n ganny fer dan Bidze pour sa post Special Advisor sete pour the least 6 Months of the year, me mon pran ou pwen Onorab ki mon ava reflesir lo la.  Mon ava reflesir lo la.

MR DEPUTY SPEAKER

Mersi Minis.  Onorab Valmont lo sa size?  Vitman, bref.

HON JUDE VALMONT

Mersi Mr Depite zis pour follow- up sa kestyon ki Onorab Ferrari in demande, Minis sa bann Staff ki deza la dan Ladministrasyon Distrik nou konnen ki i annan sa issue ki interview i ganny fer zot pa ganny sa travay de kalite, alor pour bann ki deza pe travay la dan bann Ladministrasyon Distrik ki napa ase staff, i annan okenn revi Saler e or zot Scheme travay ki pour ganny revwar petet pour antretan ki zot pe fer training pour ed zot pour nobou ganny en pti lankourazman an plis.  Mersi.

MR DEPUTY SPEAKER

Mersi Onorab Valmont.  Onorab Adelaide lo menm size?

HON FRANCOIS ADELAIDE

Wi Mr Speaker zis akoz mon p ti pe demann kestyon be selman an vi ki mon’n tann Minis dir sak distrik pour ganny zot Bidze separe avan mon vot lo sa Bidze mon le konnen konbyen Baie Lazare pour gannyen silvouple?  Mersi.

MR DEPUTY SPEAKER

Ok.  Minis.

 DESIGNATED MINISTER MRS MACSUZY MONDON

Mersi bann … Mr Chair kot i konsern pour Onorab Pointe Larue, wi bann dimoun dan pour annan en revizyon dan saler bann support staffs dan Ladministrasyon Distrik lannen prosenn parey nou’n dir be byensir nou bezwen fer training e fer sir ki zot meet kriter avan ler ki nou donn zot sa.

Kot i konsern alokasyon pour bann distrik normalman, nou pour fer alokasyon apre ki Bidze in ganny aprouve, e la ki nou tou bann diferan alokasyon avek bann diferan distrik.  E byensir Onorab si ou anvi en kopi Bidze letan in pare pour ki in ganny allocate avek ou distrik, nou kapab donn ou en kopi Bidze.  Mersi.

MR DEPUTY SPEAKER

Mersi Minis.  Onorab Woodcock.

HON WAVEL WOODCOCK

Mersi Mr Speaker mon kestyon i an konsernan bann Proze Kapital anba Ministry of Local Government; i annan sa proze Daycare Grand Anse Praslin ki kout R3 milyon ti sipoze komanse sa lannen en alokasyon 2.5 milyon ti’n ganny mete, mon kestyon i kan ki zot pour komans sa proze e ki zot time frame pour fini sa Daycare? E osi konsernan Playground Ladministrasyon Distrik Grand Anse Praslin ki sipoze annan en deal avek Paradis Des Enfant la ki Paradis Des Enfant in bankrupt ki zot pour fer regardent refurbishment e maintenance lo sa Playground Ladministrasyon Distrik Grand Anse Praslin?  E zis en pti keksoz lo konsernan alokasyon pour distrik pour bann diferan Komite ki i annan, konbyen larzan ki pe ganny allocate pour bann sirtou Komite Dezabilite e bann Klib Sports?  E eski zot pe konsider pour ogmant alokasyon ki zot donnen pour bann Klib Sportif lo Praslin par lefe ki in annan en kou adisyonnel pour transportasyon bann nou Team sorti Praslin pour vin Mahe.  Mersi bokou.

MR DEPUTY SPEAKER

Mersi Onorab mon krwar lo sa alokasyon bann Klib Sport, PS en moman PS, sanmenm sa ki mon pe dir nou pe fer repetisyon lo sa alokasyon avek Klib Sport Minis ek PS in pronons zot lekor lo la napa ogmantasyon.  Ok?  Se sa ki Onorab Sebastien Pillay in mansyonnen si i annan savings pli tar a kapab revwar sa.  PS oubyen Minis zot ava reponn sa 2 lezot kestyon lo Daycare avek kot Ladministrasyon Distrik Grand Anse Praslin.  PS.

PS MARIE-CECILE VIDOT

Mersi Mr Chair.  Grand Anse Praslin Daycare, Onorab Woodcock Daycare sa lannen konstriksyon parey nenport tou nenport Proze Kapital nou bezwen al Development Committee e tou le 3 nou Daycare sa lannen nou ti bezwen al fer appeal devan Development Committee pour nou kapab, pour li kapab ganny enplimante e nou ti ganny aprouvasyon le 26 Juillet sa lannen pour nou komans Daycare.  Daycare in komanse wi parey ou dir nou ti devret komans pli boner be nou reste angaze pour nou fini nou Daycare parey ou konnen en moman donnen ti annan en restriksyon lo la, nou pa pour al dan tou sort detay me selman ou konnen ti annan en restriksyon lo la e si tou keksoz i al byen nou ava fini Oktob 2018 ou Daycare.  Playground zis an pasan nou’n fini donn tou MNAs ek DAs zot Procurement Plan 2018 i a depan scale ki oule fer refurbishment to Playground met li lo Procurement Plan 2018, nou a konsider li anba ou alokasyon ki ou pe diskite ek nou pour 2018.  Ok.

MR DEPUTY SPEAKER

Ok. Mersi PS Onorab Sebastien Pillay, ou pa pe …?  Ok, mersi Onorab.  Onorab Arrisol.

HON SANDY ARRISOL

Mersi Mr Speaker bonzour Minis avek ou delegasyon, Mr Speaker mon ti a kontan demann Minis anvi ki lo paz 419 i annan 133 milyon pour Local Government me dan son ‘’current challenges’’ mon vwar i annan en konpetans komitman bann Kontrakter pour delivre bann proze dan distrik, mon ti akoz, mon aprann poudir plizyer sa bann pti Kontra Minis i ganny donnen avek Zann ouswa Mari serten dimoun dan lafanmir menm ki deal avek sa, alor an vi ki mon pour vot R133 milyon mon ti a kontan demann Minis atraver PS pour mon ganny en lalis bann dimoun ki fer bann pti kontra dan mon distrik netwayaz, koup pye dibwa, fer nenport kwa, avan mon vot pour mon akoz mon osi mon donn en koudmen vot sa 133.  E mon kontan letan PS in dir poudir R100mil pour koup pye dibwa dan distrik St Louis parske mon konnen lafanmir Mellon pe ganny problenm avek senir plim ‘Dan Koko’ e lafanmir Dogley kot zot park zot transpor i annan en menas avek pye dibwa ki lo later Gouvernman.

2enm kestyon mon ti a kontan demann Minis si dan sa 133 milyon i enkli miray sa madanm anler ki Curio Road ki’n tonbe i annan 4an pase dan kontour Manmzel Emmie, Mrs Emmie anler si dan Bidze 133 i enkli zot miray silvouple, menm sa lafanmir ki la zot pa koz ek mwan zot pa kontan mon, mwan mon pe demann sa pour zot akoz mon kontan zot.

Mon dernyen kestyon mon ti a kontan demande mon vwar i annan ‘’Revised Salary for District Administrator’s Office Management sa i lo paz 411 la tab nimero 4, Office Managers and Office Assistant due to increase in the workload at district level, mon ti a kontan kekfwa zot donn nou en kontrandi konbyen sa bann dimoun zot pe gannyen la e si sa ki zot pe donnen si i attractive avek workload ki sa bann dimoun pe fer, pour retenir zot dan travay akoz mon vwar i enn zot bann ‘’current challenges’’ ki zot pe fer fas avek.  Mersi bokou.

MR DEPUTY SPEAKER

Mersi Onorab.  PS.

PS MARIE-CECILE VIDOT

Mersi Onorab Arrisol.  Onorab tou Award i bezwen al lo Tender, so menm si nou pour annan ou ser ou frer, ou madanm ou msye at the end of the day Komite Evalyasyon ki deside lekel Kontrakter ki gannyen baze lo Procurement Act 2008.  Sa i enn.

Dezyenmman kot i konsern revi saler nou pour bezwen esper DPA akoz nou pour bezwen annan revised Scheme pour nou vreman konnen konbyen exact nou pe kalkile; dek sa legzersis in fini fer nou a donn ou sa lenformasyon.  Apre mon pour zis reponn Case Mrs Emmie Pillay senp you have to liaise with DRDM.  I pa en Case ki avek nou Minister Gouvernman Lokal.  Mersi.

 MR DEPUTY SPEAKER

Mersi PS.  Onorab Ghislain.

HON CHANTAL GHISLAIN

Mersi Mr Chair.  Mr Chair letan mon pe regard lo paz 4, dan 404 i annan dan ‘’Major Achievements’’ pour 2000, 409 sorry mon pa’n anmenn mon linet ozordi, 409 anba ‘’Major Achievement’’ pour 2016, 2017 i annan en bout kot i dir bann proze, Pti Proze distrik ki zot enplimante i annan 300 ki zot enplimante par lannen, savedir 2016 zot in enplimant 300 e taler dan prezantasyon zot in dir sa lannen in enplimant zis 117 Pti Proze; Sa ki’n ganny dir koriz mwan byen si 115 or 117, en konplete 115 ok me selman zot dir zot fer akout 300 par lannen la nou’n ariv, mon kestyon i la nou’n ariv mwan Oktob, Novanm, Novanm sorry and Bidze pe al fermen avek sa kantite proze ki i annan dan distrik pour fini konplete, eski zot pe kapab fini konplet tou sa bann proze dan distrik akoz ler nou regard dan Bidze lannen pase ti annan over R30 milyon ki’n ganny Bidzete anba Pti Proze; ler mon pe dir over akoz letan nou pe regard bann lezot landrwa i annan 30 milyon pour Pti Proze spesifik apre i annan bann lezot landrwa par egzanp bann Larzan anba Pti Payot avek bann lezot ki vedir kantite larzan pour enplimante bann Pti Proze dan distrik i over 30 milyon, dan sa over 30 milyon eski Minis zot kapab dir nou ki kantite sa larzan ki’n ganny depanse e ki kantite ki reste pour ganny depanse?  Mersi

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mersi Mr Chair. Mr Chair mon krwar mon anvi fer en koreksyon la, ler mon ti donn detay proze taler mon ti dir sa ki’n konplete, sa ki an progre, sa ki dan staz evalyasyon ok, e letan nou’n dir wi on average nou fer 300, me selman sa ki mon’n dir osi se ki sa lannen nou pe fer mwens proze akoz nou’n focus bokou plis lo bann proze Kominoter.  E nou proze i pli gro ki bann proze ki normalman nou abitye fer, nou pa’n fer preski ditou mon krwar sa bann ptipti proze endividyel ki nou ti abitye fer dan bann lannen oparavan.  Donk i normal ki nou lakantite proze ki nou pe fer i pour desann.  E nou pour konplet an mazorite Onorab nou bann proze ki nou annan by deadline, by lafen lannen e apard enn de ki nou pour bezwen carry forward ,akoz parey mon pe dir sa enn i ankor pe fer Survey, sa enn ki petet i ankor kot Tender i posib ki pour annan en de proze.  E sa tou-le-z-an sa i annan proze ki nou carry forward, me mon krwar zefor ki nou’n mete sa lannen pour nou kapab zisteman redwir lakantite proze ki nou carry forward tou-le-z-an pour nou kapab apre bezwen pe remet li dan bann, anba nouvo larzan ki nou gannyen.

Kot i konsern bann larzan ki nou bann savings kekfwa ki nou pour fer i pour bann savings ki nou santi nou pou’n fer zisteman nou pe met li dan ‘’extension of offices ‘’sa lannen, donk nou pa pour fer vreman gran savings dan nou larzan proze pour lannen 2017.  Mon mazinen si i ava annan savings ki nou fer i pour par anba R5 milyon.  Mersi Mr Chair.

MR DEPUTY SPEAKER

Mersi Minis.  Onorab Ghislain.

HON CHANTAL GHISLAIN

Mr Chair eski Minis i kapab dir nou dan sa over 30 milyon ki kantite ki in depanse e ki kantite ki reste?  Mersi.

MR DEPUTY SPEAKER

Minis.

PS MARIE-CECILE VIDOT

Mersi Onorab Ghislain completed 11.1, outgoing 15.3, nou annan bann major ki pe ale 8.716.  Nou bezwen donn 1 milyon SLTA e i pour reste nou en balans apepre 3 milyon ki nou pe enzekte dan ‘’extension of offices. ’’   Mon pour azout en pti lenformasyon la pour ‘’extension of offices’’ nou ti fer en legzersis nou ti prezant devan Development Committee i ariv nou 23 milyon pour fer tou sa bann renovasyon pour nou cater.  So ki nou nou’n fer la nou’n break bann sa 7 distrik parey mon ti dir taler Regional ki nou bezwen e sa pe ariv nou 8 pwen keksoz milyon pour nou kapab fer at least sa 7 Regionals resevwar Regional Council, so aprezan whatever savings ki nou pour gannyen sa lannen, nou’n deza komans enzekte ladan par egzanp Anse Aux Pins nou’n komans fer serten travay, St Louis nou’n deza komans serten travay pour nou kapab servi sa savings a arive adres sa.

MR DEPUTY SPEAKER

Onorab Ghislain.

HON CHANTAL GHISLAIN

Minis ou’n dir poudir sa bann savings, i pe al fer pour extension bann Sant ki pour al fer Regional, Regional fek ganny dir la, eski sa ti dan Bidze sa pour extension sa bann Lofis ti dan Bidze pour sa lannen ouswa i la ki zot, zot in deside lo zot menm pour zot fer sa – pe pran larzan ki sipoze al dan distrik pour fer bann proze marse dan distrik pe al fer lezot keksoz avek.  Mersi.

MR DEPUTY SPEAKER

Mersi Onorab.  PS.

PS MARIE-CECILE VIDOT

Onorab Ghislain i en kestyon priyoriter Regional Councils so whatever savings ki nou annan nou bezwen prepare pour nou resevwar Regional – rather ki nou pran sa savings nou rann, nou pe resevwar Regional Council ,nou bezwen larzan pour extend nou bann Biro pour accommodate sa bann dimoun.  So nou pa ti a’n annan larzan pandan extension of DA’s Office sa lannen, ok nou pa ti gannyen dan Bidze 2017 so nou santi nou annan en savings so nou prepar nou bann distrik touzour avek sa savings.  Mersi.

MR DEPUTY SPEAKER

Mersi PS.  Onorab Ramkalawan.

HON WAVEL RAMKALAWAN

Mr Speaker tre senp eski zot kapab dir avek nou si dan Bidze i annan plan pour fini sa pti laplenn deryer Sant Sosyal La Digue, pour Souvenir pour nobou ganny en Sant Kominoter, parske Klinik ki dan Sant Kominoter tou bann dimoun Souvenir ki pe konplent about napa en Sant Kominoter e an menm tan osi Daycare sa Lakaz Kolonnel ki toultan zot pe dir konmsi renovate sa pour ganny en Sant Kominoter laba La Digue?  E apre eski dan zot Bidze zot annan plan pour ki letan zot fer bann adverts pour aret servi kouler Parti Lepep kouler zonn avek rouz e met li en kouler neutral.  Thank you very much.

 MR DEPUTY SPEAKER

Mersi Onorab.  Minis oubyen PS.

PS MARIE-CECILE VIDOT

Mersi Mr Chair, mersi Onorab Ramkalawan.  Nou’n komans fer en pe travay lo Souvenir nou swete nou kapab, nou pe fer son toilet, i annan sa zafer nou bezwen level sa laplenn so nou’n komans fer en pe travay e nou ava kontinyen depandan nou Bidze lannen prosenn.  Non nou pa’n fer provizyon pour en Sant Kominoter Souvenir even si Klinik i dan sa Sant nou an diskisyon, nou deza annan sa Sant parey ou konnen pli ba apre Grand Anse nou annan anba kot ex-NSC Hall dan diskisyon avek Lotorite Distrik nou pour bezwen vwar itilizasyon sa akoz i en gran sirfas.

Playing Field La Digue i ava tonm dan nou bann Sports Infrastructure letan nou pe travay lo la e nou’n fer, nou pa’n mazin sa bann kouler parey ou pe dir me selman nou a pran sa an konsiderasyon si i le ka.  Mersi.

 MR DEPUTY SPEAKER

Mersi.  PS petet mwan ki konn en pti pe sa rezyon si Onorab William, i permet mwan, ti annan kot Lakaz Mazor i ete Souvenir ti pour fer en proze Daycare la, me zis ki nou’n vwar lakaz in zis tonm dan en leta rin mon kapab dir e ziska prezan napa okenn proze ki’n ganny fer la, eski petet pour reasir bann dimoun La Misère Kominote La Misère eski pour annan fasilite pour en Daycare La Misère?  PS.

PS MARIE-CECILE VIDOT

Mersi Mr Chair pour le moman lo nou plan pa ankor mansyonnen Daycare pour La Misère; prezan kot i konsern sa vye Lakaz Kolonnel i lo State Land so i tonm anba Ziridiksyon MIHLT Lotorite Distrik Grand Anse MNA – DA i a bezwen fer propozisyon ki pour fer avek sa landrwa ki zot ti a swete vwar ek sa landrwa.  Mersi Mr Chair.

MR DEPUTY SPEAKER

Mersi PS.  Onorab William vitman.

HON WAVEN WILLIAM

Mersi Mr Chair pour donn mon la parol zis pour donn en pti pe leklersisman lo kestyon Onorab Ramkalawan e ou menm Mr Chair i ti’n order Lotorite Distrik i annan bann plan e bann zabitan osi in ganny mon kapab dir enformen ki bann plan ki pour annan e plan i Ankour.  So zis pour lenformasyon.  Mersi.

MR DEPUTY SPEAKER

Ok mersi bon mon annan en dernyen MNA ki pour demann kestyon, apre nou pour dan en pozisyon pour nou pran en vot, Onorab Simon Gill fer li bref, fer li vit, en kestyon; Onorab Andre ou’n ganny sans…

HON SIMON GILL

Mon krwar… Mr Speaker les lot kote okenn ki anvi demann kestyon zot ava demande.  Mersi bokou.

MR DEPUTY SPEAKER

Ok, nou’n ariv en, nou’n ariv lafen kestyon lo Bidze Gouvernman, Minister Gouvernman Lokal, nou’n ariv en moman pour nou pran en vot lo la, petet zis PS i ava gid mwan, i sa sonm R133 milyon, 56 mil, is that right PS?

 PS PATRICK PAYET

Wi.

MR DEPUTY SPEAKER

Ok, so nou pran en vot lo sa sonm pour Minister Gouvernman Lokal sa R133. 56 milyon.  Wi PS nou’n pran note sa ki Minis in dir vizavi sa recruitment of the Advisor en ok?  Alright annou pran en vot lo Bidze Gouvernman Lokal, Minister Gouvernman Lokal – all in favor?  Madanm Clerk, anyone against?  Okenn Manm ki vot kont? Madanm Clerk.

MADAM CLERK

Mersi Mr Chair.  24 Manm an faver, personn kont.  Mersi.

MR DEPUTY SPEAKER

Ok savedir Bidze pour Minister Gouvernman Lokal in ganny aprouve par Lasanble Nasyonal.  Bon avek sa mon ti a kontan remersi bann Zofisye ki’n akote Minis Mondon e nou ava eskiz zot parmi nou, ankor mersi.

 

(PS VIDOT AND HER DELEGATION WAS EXCUSED FROM THE HOUSE)

MR DEPUTY SPEAKER

Nou ava osi profit o menm moman la nou ava pran en Break nou ava adjourn ziska 11.15.  E 11.15 ankor mon demann bann Manm nou rantre sharp 11.15 pour nou kapab kontinyen avek nou travay.  Nou ava adjourn ziska 11.15.

 (BREAK)

 

REGIONAL CENTRES

 MR DEPUTY SPEAKER

Mon a zis demann Ms Samia pour zis regard en pti kou deor si i annan ankor Manm ki pa ankor antre. Mon krwar nou mank nou 1 oubyen 2 pour nou annan en quorum. Ok, mon krwar nou annan en quorum la, mon pou tre strik prosennman mon antre dan Lasanble napa en quorum mon pou pran en adjournment.  Zour zot ava deside oubyen ler zot ava deside pour antre zot ava les mwan konnen.  Si napa en quorum mon pou adjourn. Ok?  Nou bezwen pran travay serye nou tou nou anvi fer en travay ki bon.  Nou tou nou anvi bouze pour nou kapab fini omwen premye semenn Desanm, me nou bezwen serye.

PS gid mwan ou a dir mwan ki bann Departman ki avek nou.

PS PATRICK PAYET

Mersi Mr Chair nou pou konmans lo Regional Centre eski lo paz 226 ziska paz 227, e sa i form parti the Ministry Of Home Affairs.

MR DEPUTY SPEAKER

Ok, mersi PS, mon ti a kontan welcome Mr Joseph Bibi, Mr Ronny Matatiken, Mr Georges Adeline, Ms Bessy Banane konman son Financial Controller, e Ms Vengadasamy advisor mon krwar non, yes. Bon, ok?  Parey PS in dir nou komans lo paz 226 ok, e lasal i ouver pour kestyon. Onorab Andre.

HON CLIFFORD ANDRE

Mersi Mr Chair.  Mr Chair mon war dan sa konteks i annan 1,2,3 ou 4 lenstitisyon ki nou pe donn en Bidze ki’n sorti an 2017, 2milyon e an 2018 en prozeksyon 12 milyon.  So, i annan en logmantasyon 10 milyon ki mwan mon personnelman krwar i tro signifikan pour nou kapab travay avek.  Me pour demann sa mon pou posibleman demann zot si zot pa pe fer duplicacy of travay, akoz mon get mon vwar pou dir i annan acquisition of coastal dan zot strategy ki dan zot paz 226. Strategy priorities of 2018 to 2020; the acquisition of radio station ‘’GMDSS capability’ so, letan mwan mon ti kot coast guard nou ti annan GMDSS lekipman. So eski akoz mwan ki ti negosye avek IMO sa lepok, eski sa bann lekipman in vin redundant ki nou bezwen annan lo pour 2018?  E ki nou bezwen met dan Bidze pour nou ganny larzan pour nou fer sa?  So, mon ti a kontan en pti pe plis lesplikasyon an term rol avek ‘’purchase of equipment.’’ Nou pe get salary dan nou ‘’goods and services’’ ki in donn nou Mr Speaker nou vwar ki lo Bidze i 2.6 milyon roupi, konbyen staff i annan? E Kolonnel Adeline i kot Coast Guard so eski Coast Guard ki pe run sa? Ki mannyer pou annan relasyon avek?  Apre nou pou get pour defans pli tar parey nou’n dir yer, so sa i.

Mon lot kestyon i letan nou pe get ‘’other maintenance and repairs’’ dan nimero 5, kot i ‘’maintenance and repairs’’ nou vwar i annan under ‘repairs and maintenance’’, be pli anba lo 7 nou vwar osi ‘’maintenance services.’’  E sa i 173 mil tandis ki anler i 1.6 milyon; so akoz nou annan ‘’maintenance and repairs’’ i aparet zis dan diferan bout me selman i ‘’still maintenance and repairs’’ e son sonm i konsiderab Mr Speaker. Nou pe dir dan 7 ankor kot ‘’other uses, other use of goods and services’’ nou annan ‘’local consultancy fees.’’ Dan ki sekter si nou pe, nou annan Coast Guard, nou annan kot Mr Bibi, nou annan kot Mr Matatikenn zot la – konmsi. Kote ki nou pe ganny sa bann, what are they doing?  Sa ki mon pe sey demande.  Apre nou annan ‘’acquisition of equipment’’ dan ‘’minor capital outlay,’’ nou annan ‘’acquisition of IT equipment, apre nou annan acquisition’’ dan menm soz, ‘’acquisitions of office equipment.’’     Mon pa pe tro konpran akoz nou annan furniture ki mon prezimen i ‘’office equipment, nou annan telefonn ki office equipment,’’ nou annan IT equipment ki ‘’office equipment.’’ So, akoz nou, what is this office equipment PS – letan nou annan IT, IT mon prezimen i computer ek printer epi in met ‘’furniture’ so ki lot keksoz nou pe rode ankor dan lofis, eski mon pa konnen mwan mon pe sey mazinen, akoz i bann sonm konsiderab en R260mil, apre nou annan nou R243 mil roupi. So, telefonn nou pe koz 238 mil, containers ki en lot zafer ankor nou pe R307miil, so, esplik mwan en pti pe akoz mon krwar nou pe donn larzan kot nou devret donn larzan, nou kapab pran en pe sa larzan pour fer progressive tax ,income tax an Zanvye mon krwar nou kapab fer sa. Mersi

MR DEPUTY SPEAKER

Mersi Onorab. Minis oule reponn?  Go ahead please.

DESIGNATED MINISTER MRS MACSUZY MONDON

Mersi Onorab, mersi Mr Chair. Mr Chair petet dabor mon ti a kontan eksplike poudir sa 3 sant, sa 3 sant, i 3 sant ki travay ansanm pour en sel bi menm si sakenn i annan en pti pe son rol spesifik.  E lannen pase zot ti napa en Bidze as such, zot ti ganny Bidze mon krwar dan supplementary sa lannen si mon pa tronpe pour zot kapab fonksyonnen, akoz zot ti pe fonksyonn avek larzan ki ti pe ganny, donasyon ki zot ti pe gannyen avek bann lorganizasyon enternasyonal tel ki parey Linyon Eropeen apre UNODC. Donk zot ti pe fonksyonnen avek larzan zot i premye fwa zot fek ganny mete anba Home Affairs apartir Me, Zilyet sa lannen, e i premye ki zot pe demann en Bidze pour zot kapab operate avek akoz sa bann fon ki zot ti annan avan in nepli la in fini in nepli rantre. E zot bezwen en Bidze pour zot kapab travay avek.  REFLECS 3 i pe konsantre son zefor lo devlopman konman sa sant dan larezyon ki offer bann training ok, e ki zisteman pour ki ede e ki annan pou fer avek ranforsman Lalwa avek sekirite lo lanmer.  E li son travay i pour zisteman analiz bann lenformasyon dan nou rezyon e ed en pti pe avek deteksyon ed lapolis ek son konba kot bann krim organize ki servi zisteman a lavwa maritim.

An menm tan osi, i involve en pti avek trafik imen piratri parey mon krwar nou tou nou konnen – mon pa pou al dan tou bann detay me se li ki o milye e ki donn sipor administratif NISCC avek RC.  RC li so rol ek son responsabilite se pour kordonn e oper dan en kapasite rezyonal ankor avek bann Lalwa ki egziste o nivo lokal, e an menm tan osi annan en entervansyon bilateral e enternasyonal dan sa siperfisi ki son manda in permet li pou li kapab operate.  Sa i enkli natir e lalit kont krim, trans nasyonal, polisyon maritim, piratri e lezot ki annan en danze sekirite e sovtaz maritim dan larezyon. E 1 son bann lobzektif se pour promouvwar son korperasyon ek kordinasyon, ranforsi kapasite endividyel e osi kolektif atraver bann progranm ki enplimante bann lantrennman ki donnen.  E an menm tan osi kordonn bann loperasyon lo lanmer pour konbat okenn menas kont sekirite maritim.

Kot i konsern NISCC li i sa sant ki kordonn tou lenformasyon dan domenn maritim ki kouver sa siperfisi ki egal nou zone Eksklisiv ekonomik.  Sa sant i anmenn tou bann akter ansanm, bann akter mazer ansanm dan domenn sovtaz e sekirite anmer anba en sel twa pour li kapab partaz zisteman e kordonn tou bann lenformasyon ki li i ranmase.  NISCC in ouver parey RC osi, zot in komans ouver ofisyelman travay ofisyelman le premye Zilyet 2017.  E letan nou pe koz, nou pe war nou pe demann en coastal radio, sa stasyon radyo i enportan pour kominikasyon enternasyonal e i enportan ki sa sant i gannyen. E an menm tan osi, bann lenformasyon ki li i bezwen ranmase bann lekipman ki nou’n mete dan Bidze i bann lekipman ki sa bann sant i bezwen kapab, i bezwen pour zot kapab travay avek zisteman pour asir sa sekirite maritim, ki nou bezwen annan e an menm tan pour ki Sesel osi i kapab meet son lobligasyon ki i annan avek bann lezot pei ki pe ed li kot i konsern sekirite maritim.

E Mr Speaker parey ou’n entrodwi, nou annan sa 3 dimoun la nou annan Mr Bibi ki pe Head REFLECS 3, Mr Matatiken ki Chief Operation Officer pour RC osi e nou annan Georges Adeline ki li osi in ganny segonde par SPDF, pour li kapab asiste nou dan setting up of NISCC.  E Bidze ki nou pe demande zisteman sa bann 3 sant napa bokou travayer.   Bidze ki nou pe demande lannen prosenn se zisteman pour nou kapab pey saler bann travayer ki nou pe anploye pou travay dan sa bann sant pour nou kapab administre sa sant.

Sa building kot sa 3 sant i baze i preski vid si zot oule al vizite zot ava vwar nou bezwen kontinyen ekip li e an menm tan osi i en nou building ki nou’n gannyen nou bezwen fer sir osi ki nou annan larzan maintenance pour nou kapab maintain li e gard li osi dan en bonn eta.  Akoz mon krwar i en building ki tre enportan.  E an menm tan osi nou bezwen bann larzan ‘’goods and services’’ pour nou kapab fer marse sa bann sant.  Mr Speaker avek, Mr Chair avek sa bann remark byensir apre bann diferan Heads i ava pran bann kestyon en pe pli teknik, ki relye avek sakenn son bann sant.  Ler ou regard li petet nou vwar mon krwar an tou i 12 milyon, nou vwar li i en gro sonm, me ler ou’n partaz li REFLECS 3 i annan li 3.3 milyon. RC i annan li 1.9 milyon e NISCC Mr Speaker i annan li 4.7milyon on average.  Mersi Mr Chair.

MR DEPUTY SPEAKER

Mersi Minis.  Onorab Andre.

HON CLIFFORD ANDRE

Mersi Mr Chair.  Minis mon pour beg to difer ki Linyon Eropeen pa pe donn larzan pour sa proze, akoz mwan personnelman konman en reprezantan Lasanble dan ACPEU an Zen Malta mon ti demann en kestyon kot L’Union European dan prezans Onorab William ti ganny konfirmen ki i annan 4 milyon ki disponib pou nou tap ladan.

So, si nou pa pe fer sa legzersis pou dir ki zot pe arete fund sa i pa tro korek Minis e mon krwar nou still kapab rod sa larzan.  E letan mon pe gete letan nou pe koz saler sa ki nou’n gannyen lo dokiman 227 ‘’salary in cash’’ nou pe koz 2.6 milyon.  So, mon mazinen lezot keksoz sa bann lekipman i annan ki plase kot Coast Guard -Koriz mwan si mon mal Mazor Adeline, i annan ki plase kot Coast Guard e sirveyans pe ganny fer kot Coast Guard pour serten nivo sa bann travay ki sipoze ganny fer.  So si nou pe zis recruit bann dimoun nou deza annan sa lafors kot Coast Guard, kot nou osi pe dir SPDF redeploy en pti pe bann dimoun pour kapab fer serten travay.

E mon still krwar ki ‘REFLECS pe fer en travay duplicacy, so, nou bezwen kapab vwar kote nou kapab koupe.  E mwan mon krwar sa i en landrwa ki nou kapab koupe menm an metenan nou lobligasyon enternasyonal ver bann pei ki nou’n angaz nou.  Me selman mon krwar ki larzan i en pe tro bokou ki nou pe donnen pour sa.  Akoz nou get ‘’office expenses’’ kot in sorti 362 in mont 2 milyon, 2.2 milyon.  In signifikan letan nou pe koze.  Bann building i la, mwan mon’n ale mwan menm bann furnitures in dan building annefe mon deza annan en case kot Zidisyer ti pe servi bann fasilite, i annan internet tou zafer.  So, poudir ki nou bezwen lekipman 2.2milyon i en pti pe for.  E nou’n war kot travel cost kekfwa i ava en keksoz ki nou kapab konsidere, me selman avek en pti rediksyon. ‘’Maintenance and repairs’’ building i mwens ki 2an Minis, e si nou pe pran maintenance and repairs lo en building ki mwens ki 2an pour 2 milyon roupi i signifikan.  Mersi.

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mr Chair mon a zis fer en komanter, wi L’Union European i kontinyen donn nou sipor i pa donn nou sipor pour loperasyon ok. i pa pe neseserman donn nou sipor.  Nou, nou pe run en Sant nou bezwen annan en local component ki nou, nou bezwen mete pour nou kapab fer li marse.  Ok?  Nou pe mazin sa lannen annan apepre en douzenn staff Onorab ok ki pou travay dan sa Sant.  E sa i pou enkli dimoun parey Chief of Operations, mon annan watch standers, nou bezwen executive assistant, nou bezwen anploy en drayver ok?  E nou pa kapab zis asize avek en Sant vid nou bezwen nou osi koman en pei met serten larzan dan Bidze pour nou kapab zwe nou rol e pour nou kapab fer en travay ki annan pour nou fer.  Avek sa 2 komanter Mr Chair prezan mon ava les bann teknisyen si zot annan keksoz pour zot azoute, lo bann konsern ki Onorab pe fer resorti.  Mersi Mr Chair.

MR DEPUTY SPEAKER

Ok.  Mersi Minis.  Kolonnel Adeline go ahead.

COLONEL GEORGES ADELINE

Mersi Mr Chair.  Bonzour Mr Chair.  Bonzour tou bann Manm Onorab ek tou bann dimoun ki pe ekout.  E mersi Minister pour pas mwan laparol.  Mon ti a kontan de la par de NISCC port en pti plis, met en pe pli zimaz en pli profon pour zot kapab ganny li byen. Akoz parey ki Minister in fer resorti i annan 3 Sant; pour sa larzan i annan 3 Sant i annan NISCC, i annan REFLECS 3, apre i annan RC osi.  Mwan konman Chairman pour NISCCNational Information Sharing and Coordinating Centre ouswa an Kreol nou kapab dir li Sant Nasyonal pou Partaz avek Kordin Lenformasyon.

Sa Sant li menm li i ganny housed li menm li dan REFLECS Building.  Nou tou le 3 sa Sant nou dan en sel building, se pour se la nou ganny prezant sa Bidze ansanm pour sa lannen.  Sa Sant Nasyonal li, i la pour li kapab anmenn tou bann Lazans ansanm, ki vreman konsernen avek domenn maritim.  E mwan koman Chairman – parey zot tou zot kapab konnen mon ti Komandan Coast Guard pandan plizyer lannen.  E mon annan bokou leksperyans.  E se pour se la ki mon’n ganny dezinyen pour mwan met sa Sant lo son lipye.  Apre ler mon’n fini met li lo son lipye, mon pour donn li avek en direkter.  Me pour le moman i zis konmansman parkour. I pou pran nou anviron 4an pour nou kapab fini vreman etabli sa Sant, akoz nou napa larzan pour nou fer li dan 1an.

Sa Sant li menm li, pour annan 3 konponan.  Parey Onorab in fer sorti i annan sa Coastal Radio Station.  Sa Coastal Radio Station ki nou anvi etabli, li menm li i en lobligasyon enternasyonal ki nou menm nou, nou’n sinyen.  E nou pa pe delivre.  Savedir nou pa an konformite avek sa ki nou’n sinyen.  Ler nou pou’n fini etabli sa Coastal Radio Station ki nou pou kapab koz avek bann dimoun ki servi delo sale, bann lendistri, peser e nenport ki, ki dan detres, ki bezwen nenport lenformasyon lo nivo meteolozi ouswa kwa nou pou kapab donn li.  Pour le moman nou napa, akoz Cable & Wireless ki ti pe donn sa servis.  me Cable & Wireless in aret donn sa servis akoz i pa rantab.  E nou bezwen annan sa servis Sesel.

Nou bezwen annan, si nou anvi meet nou lobligasyon enternasyonal.  E se pour sa rezon ki NISCC avek Maritime Safety Administration, nou’n vin ansanm pour nou kapab met sa Sant lo son lipye.  E dan sa Sant pour annan sa Coastal Radio Station ki pou ganny finanse, i pa dan sa Bidze sa Coastal Radio Station ki nou pe koz lo la ki GMDSS compatibility, ki anvoy be sinyal detres ki nou kapab acknowledge kan i neseser.  E i pa dan sa Bidze pour sa Coastal Radio station sa i pou en partnership ant SCAA, SMSA, Seychelles Fishing Authority apre i pou annan lezot Lazans pou met larzan pour aste sa radyo.  Akoz sa radyo li menm li i pe kout apepre R33 milyon, napa R33 milyon dan sa Bidze.

Sa i premye faz ki NISCC i bezwen fer pour ki komitman Sesel i an konformite avek son lobligasyon.  E sa, nou annan bann kotasyon ki nou’n gannyen, nou ankor pe analize e ler nou finalize nou a gete lekel ki pou ganny sa kontra pour kapab enstal sa radyo isi.  E taler in koz lo container, sa radyo li menm li i pour annan en Relay Station anler Mont Signal.  Mont Signal napa nanryen laba, nou pou bezwen en container pour nou kapab met sa Relay Station dan sa container.  E SCAA zot in aste sa bout later e zot pa ankor pare pour fer sa batiman.  Letan SCAA zot in pare pou fer zot batiman, nou a transfer sa bann lekipman dan sa batiman ki pou permanent.  Se pour sa rezon ki ou’n vwar container lo la.  E i pour annan son zenerater i pour annan tou son keksoz.

Dezyenmman sa i pou son receiver; dezyenmman sa coastal region ki ou pe koz lo la i pour annan son transmitter ki i pa sipoze pros ek kanmarad ki nou sipoze al met li kot stasyon BBC ti ete, pour li kapab transmit bann sinyal radyo, bann sinyal detres dan larezyon.  Letan bann dimoun ki dan delo saler pe demann sekour nou tann Sesel e nou a kapab al sov zot lavi.  Sa i enn.  Dezyenmman NISCC nou pou etabli en Sant pour Search and Rescue.  Parey Onorab in fer sorti Coast Guard i fer search and rescue.  Coast Guard i fer search and rescue wi, me selman letan i ariv search and rescue SCAA i desann i vini, SMSA i desann i vini, i antre dan Sant Loperasyon kot militer i ete.  Pa byen.

Se pour sa rezon ki NISCC i pa pou pran rol okenn son bann Manm; son bann Manm permanan ki annan lo la i annan SCAA ki form core team. Ki form core team ki form parti i annan NISCC, SCAA, Seychelles Police, i annan SFA, i annan militer li menm li – SPDF, nou annou apre DRDM ki nou’n le met li ansanm ladan. Apre nou annan nou SFA.  Tou sa i form parti sa core member.  Sa bann dimoun ki mon’n nonmen zot pou depute en zofisye pour vin asiz dan NISCC – sa sant ki pou Seselwa. Ki pou napa etranze ladan i pour nou!  Nou ki pou dir kan pou fer marse, nou ki pou dir kan pou fermen, nou ki pou donn larzan.

Me selman erezman nou’n ouver Sant le 1 Zilyet san lannen nou’n vwar pou dir UNODC in fini donn larzan avan-ler ki nou pe demann zot larzan isi.  UNODC in fer nou kado en lekipman ki vo pwen 5 – 500 mil Roupi deza.  Nou pa ankor met larzan ladan zot in vwar sa lentere, akoz zot in dir Sesel ti’n bezwen ganny sa Sant akoz sa Sant li menm li ki pou konekte avek tou lezot Lazans dan la rezyon ensi ki RC osi e REFLECS.  E zot in deza donn larzan.  E dezyenmman UNODC in vwar pour dir ki sa sant i annan telman valer, de ki letan nou Sef D’Eta ti al vizit travay vizit Malta akoz nou 3enm konponan sa Sant i pou annan en Fusion Centre.  Ki pour annan zimaz satelit ki pou sorti dan lezer ki pou vin dan sa Sant, pour nou kapab al redwir kou olye al marse fer patrol ek bato ou kapab ganny en zimaz lo en siperfisi ki ou, ou ti anvi.

E erezman i ti pou kout Gouvernman Sesel plis ki – mon kapab dir 128 milyon Dolar pour nou kapab fini ganny sa bann satelit – sa bann zimaz satelit avek tou son bann lenstalasyon. Me UNODC, in deza met nou an kontak avek en service provider, ki an Desanm le 12 i pe vini pour nou kapab gete ki mannyer nou pou enplimant sa.  Se sa en pti pe sa NISCC.  Se en konponan ki pour Seselwa, i pour run par Seselwa e Seselwa ki pour annan lotorite ladan. I napa nanryen pou fer avek sa bann Regional Centres.  E i en Sant i pa inik dan son lekor li menm li.  Dan tou pei i annan, me selman nou prezan ki nou inisye sa sant pour nou kapab konekte avek bann lazans ki deor.  Parey mwan mon dan militer, i pa pou en top heavy military organization sa.  I pour en lorganizasyon sivil.  E mwan mon pe diriz akoz mon leksperyans mon pe partaze, e ler mon’n fini kapab etablir li pour annan son direkter ki pou kapab kontinyen avek sa travay.  Sa en pti pe larepons.

MR DEPUTY SPEAKER

Mersi Kolonnel Adeline.  Mon ava pas kestyon pour Onorab William.  Onorab William.

HON WAVEN WILLAM

Mersi Mr Speaker.  Mr Speaker mon ti a kontan demann panel lefe ki sa Sant Rezyonal i ekstrememan enportan i pa zis pour Sesel me pour la rezyon, eski zot annan okenn sipor an term commited Grants ki pe forsee pour 2018 ki pa’n antre dan sa detay Bidzeter.  E si wi konbyen?  E an menm tan lekel bann pei ankor, akoz mon konnen ki pou dir i annan bokou lentere, nou apel sa bann literal countries ki enterese avek sa rezyon, si i annan okenn konponan swa promes pour ede?  Mersi.

MR DEPUTY SPEAKER

Mersi Onorab.  Mr Matatiken.

MR RONNY MATATIKEN

Bouzour Mr Speaker.  Bonzour tou Manm Onorab e bonzour tou dimoun a lekout.  Mersi Onorab Andre pour ou kestyon boner e osi pour adres kestyon ki Mr William in demande.  Mon ava pas en pti apersi lo RC li menm.  E i kapab reponn en pe zot bann pwen ki zot annan.

MR JOSEPH BIBI

Anba progranm Sekirite Maritim pour ki bann pei loteral Losean Endyen, i pou anmenn sekirite maritim dan larezyon.  An prenan kont ki progranm L’Union European Lafors Naval Atalanta pe terminen an Desanm 2018.  E osi progranm NATO Ocean Shield ki ti terminen an Novanm 2016 – e la nou’n fek aprann ki Nasyon Ini in extend zis pour ankor 1an combined tax force dan larezyon; alor e desizyon rezyonal in ganny pran an Djibouti ki ti an 2013 pour en Sant Rezyonal.  E Sesel ti ganny selekte.  Ti annan diferan pei ki ti tender sa, me Sesel ti ganny selekte par L’Union European pour etabli sa Sant prenan kont nou lokasyon zeografik, stabilite politik e nou kapasite pour ranforsi Lalwa Maritim.

Alor sa Sant ti ganny etabli anba en Stati Diplomatik e i form par en progranm L’Union European pour sekirite maritim dan Losean Endyen.  Petet pour en pti referan zeografik, nou annan en Zone depi la pwent Djibouti ziska Sud L’Afrique.  E tou bann pei Les e i ti ganny West Losean Endyen e i ti ganny inogire le 1 Zilyet e i baze kot ansyen Baz Gard Lakot.  E la ti annan en Lagreman akoz La COI ki hold tou bann Fon L’Union European dan larezyon e la en nou ti siny en Host Country Agreement avek La COI . I annan 11 pei larezyon enkli L’Union European pour le moman.  Pour kontribisyon L’Union European in met a dispozisyon swivan; lekipman pou ekip RCOC 180mil Ero.  E la tender process pe fini ganny fer la L’Europe la aktyelman, pour ki tou lekipman ki pour RCOC pe ganny tender e nou pe atann son larive.

L’Union European in met miz an plas 235 mil Ero pour tou bann pei larezyon; savedir pour annan sak reprezantan en leta dan sa sant isi Sesel, ki pou Djibouti, Comore, Somalien, La Reunion, Madagascar tou bann manm Sud L’Afrique, Mozambique e lezot ankor.  Pour elaborasyon e etablisman e stratezi maritim Nasyonal pour tou larezyon, Linyon Eropeen in met an dispozisyon 160 mil Ero pour devlop kapasite dan tout larezyon.  E transmisyon e prosedir lenformasyon 342 mil Ero.  E soutyen Bidze operasyonnel 314 mil Ero.  Me mon bezwen fer resorti pour ki, sa larzan pa vini dan kont Sesel.  Sa larzan i reste dan fon la COI pour tou loperalizasyon sa bann Sant.  E L’Union European in met a dispozisyon 4.9 milyon Ero pour loperasyon.  Me nou pa kapab servi sa fon tan ki Sant pa ouver e pa operasyonnel.  E pou kontribisyon ki ti form par tender process sak pei – manm, Sesel ti deside pour kontribye sa bann depans swivan.  Staff lokal 22 staff operasyonnel, me a dispozisyon en batiman sekirite; donn elektrisite e delo, e telefonn e enternet e dan bann breakdown pour fer sa sif ki Minister ti’n mansyonnen boner nou annan tou bann breakdown ki fer sa konponan. Mersi Mr Speaker.

MR DEPUTY SPEAKER

Mersi Mr Matatiken.  Onorab William ou kestyon i pa ankor ganny reponn ok?  Ok, Mr Matatiken eksplik en pti pe koman sa sant pou al an operasyon. Briyevman Onorab William repet ou kestyon pour Minis briyevman.

 HON WAVEN WILLIAM

Wi bref, mon ti anvi konnen si ti annan okenn committed Grant pour lannen prosen ki’n ganny committed -ki pa’n antre dan sa Budget.

MR DEPUTY SPEAKER

In eksplike ladan – ok?  Ok?  Ok.  mon annan ankor 2 Manm, mon annan Onorab Afif avek Onorab De Commarmond.  Mon a pran Onorab Afif.  Ou’n lev ou lanmen apre ou’n montre mwan siny ki … mon ti krwar ou pe dir mwan koup ou.  Ok.  Ale Onorab Afif.

HON AHMED AFIF

Mersi Mr Chair, Mr Chair mon’n ekout en pti pe bann entervansyon e mon’n ekout byensir larepons osi larepons ki’n ganny donnen.  Mon ti a kontan zis si Minis oubyen petet Mr Adeline i kapab konfirm avek nou pou dir dan tou sa bann depans ki nou pe al fer ki preski R13 milyon zot konfirm avek nou ki dan tou sa bann purchase, sirtou lekipman, outsourcing bann lagreman ki zot pou fer li tou an swivan bann lareg tender e fer sir ki Sesel i ganny sa ki nou apel – konmsi valer pour larzan?  Dan tou sa ki nou pe fer. Parski parey you ti pe koz bann gro, gro sif parey 33milyon pour radyo, lot proze ti pou kout 128 milyon Dolar ki en sif en pe etonan.  Selman si ou kapab asir nou ki se sa ki nou pe fer – mwan personnelman mon napa en problenm si ou asir nou pou dir ou pou al fer tou prosedir finansyel pour fer sir nou pey valer pour larzan. Mersi.

MR DEPUTY SPEAKER

Mersi Onorab.  Minis.

DESIGNATED MINISTER MRS MACSUZY MONDON

Mersi Onorab.  Mr Chair wi sa 3 Sant in fini tonm anba Portfolyo Foreign Affairs, so, definitivman zot pou bezwen fer sir ki zot swiv tou bann prosedir finansyel ki annan an plas, pour zot kapab fer tou zot tranzaksyon.  Onorab mon kapab donn ou mon kapab donn ou sa garanti.  Mersi.

MR DEPUTY SPEAKER

Ok?  Onorab Ferrari.

 HON JEAN-FRANCOIS FERRARI

Mersi Mr Speaker.  Mr Speaker mwan mon annan en kestyon lo ‘’goods and services.’’ Mr Speaker avek bokou respe e mon salye bann militer ki la, ki’n met zot lavi lo laliny pou defann nou, zot konnen ki mannyer mon annan respe pour zot.  Me selman mon krwar pou dir dan sa Bidze zot pe al en pe overboard.  E mon ava dir zot en bann rezon.  Nou bezwen marse avan nou taye, nou bezwen aranz nou lakaz avan nou rod loto.  Mon konpran, ki bann sef sa bann lazans zot ti a kontan war en keksoz ki fully functional, be mwan mon ti ava dir pou dir si pou li functional lemonn pou krwar pour dir ki larzan i annan dekwa Sesel, nou pa bezwen kontinyen ed zot. Nou bezwen koup nou latwal dapre grander nou suit ki nou kapab fer.  E par egzanp mon krwar ki, parey mon dir nou bezwen fer nou lakaz.  Dan sa Bidze dan ‘’goods and services’’ Mr Speaker i annan 1.1 milyon zis pour ‘’acquisition of cars’’ -sa pour 3 loto.  Mon konpran konmsi pa ganny mwan mal msye, mon pa pe dir zot pour dir zot bezwen mars lo bisiklet oubyen zot bezwen mars apye selman mon ti a kontan ki parey nou pe demann tou bann Minister pou fer en zefor.  Nou pe demann zot osi pou fer en zefor aste zot lekipman meble zot biro met tou zot bann keksoz ki zot bezwen pour zot travay; annou delay en pti pe bann depans parey. La nou annan 1.1 milyon pour transport, pour ‘’acquisition of cars’’ an 2018 nou annan ankor R923 mil pour ‘’acquisitions of cars’’ an 2019.  Mwan mon ti ava dir Mr Speaker – e i mon kontribisyon e mon demann ki mon fer se ki sa par egzanp i en Vot ki nou delay li en pe.  Nou delay li ziska 2019 keksoz, annou setup nou lakaz annou meble nou lakaz e annou sey gete ki mannyer nou kapab do, nou kapab li en pti pe careful lo sa vot la.  E sa i ava fer nou, e zot ava donn en gran legzanp msye, en gran legzanp nou pei pour zot osi pare pour zot fer en zefor pour nou balans sa Bidze, si zot kapab aksepte pour zot delay sa depans 1.1milyon.  Mersi Mr Speaker.

MR DEPUTY SPEAKER

Ok, avan mon donn repons panel, Onorab Henrie, lo sanmenm sa size Onorab Henrie?  Briyevman.

HON GERVAIS HENRIE

Swivan kestyon Onorab Ferrari pour ki zot montre en pe disiplin fiskal.  Mon anvi demann, petet PS Finans ava eklersi nou lo la.  Par lefe ki sa proze inisyalman ti komans avek langazman L’Union European dan bann demars Piracy, Anti-Piracy. Eski in annan odit ki’n ganny fer lo avan mannyer bann larzan in ganny depanse; ki i annan bann keksoz ki sa odit in highlight ki prezan ler sa Bidze in vin kot zot Minister Finans zot in dir be tyonbo en kou lo la ouswa lo tel keksoz.  Ouswa i zis en keksoz ki akoz Militer, nou bezwen fer in pase. Mon anvi konn sa mersi bokou.

MR DEPUTY SPEAKER

Mersi Onorab.  Minis.

MR RONNY MATATIKEN

Mersi Mr Chair mon a pran premye kestyon pour Onorab Ferrari.   Pour eksplik sa kou pour transportasyon ki nou pe demande, en pwen ki nou pa’n fer sorti se ki sa RC osi i pou operate 24 lo 24 pour tou  son kou loperasyon.  E nou’n demann, nou’n met en demann en H1 oubyen en pti bis pour transportasyon staff akoz zot pou travay lo shift.  E pour i annan en pickup truck ki’n demande sa i pou referans avek NISCC, zot in demann en pickup ki kapab met bann bwat zouti bann kek lekipman deryer e en transpor ki kapab fer 4-wheeldrive akoz kot lokasyon stasyon radyo kot i pou ete Mont Signal, Ma Josephine i bezwen en pickup twin cab ki 4-wheeldrive se sa kou Mr Onorab.  Mersi Mr Speaker.

 MR DEPUTY SPEAKER

Ok.  Minis lo kestyon Onorab Henrie.   Minis.  PS.

PS PATRICK PAYET

Wi, mersi e mersi Onorab. Zis pou azoute ki internal audit aktyelman pandan 3 semenn zot pe travay, pe revwar bann travay ki’n ganny fer dan le pase e once ki Rapor i sorti, nou ava regarde bann ki rekomandasyon ki ganny mete par internal audit.  E zis pou azoute osi ki request ti bokou e Minister Finans an diskisyon avek Minis avek son tim nou’n kapab koupe pou fer sa rekomandasyon 12 milyon.

MR DEPUTY SPEAKER

Ok mersi PS.  Onorab Ferrari.

HON JEAN-FRANCOIS FERRARI

Wi, Mr Speaker, mon ti a kontan servi en fraz ki Kolonnel Adeline in servi.  Nou annan lobligasyon enternasyonal me nou pa pe delivre.  Nou bezwen montre kominote enternasyonal e larezyon pou dir nou napa tou keksoz pou delivre.  Nou napa en Min Lor. Nou pe seye nou pe fer en pti zefor, me nou pa kapab delivre tou en sel kou.  Se sa mon pwen ki mon le sey fer. Pour ki lemonn ler i get nou i dir zot in fer en zefor nou ava ed zot.  I en lorganizasyon ki enportan nou dakor.  I merit ganny fer.

Me selman mwan mon pe zis demande ki nou pa kapab fer tou keksoz en sel kou – nou sey gete ki mannyer nou kapab stagger en pe bann depans pour ki nou, lemonn i war ki nou pe fer zefor e nou osi nou fer Bidze. Sa i zis mon pwen mon pa pe convince – me anyway.

 MR DEPUTY SPEAKER

Mersi Onorab Ferrari.  Onorab De Commarmond.

 HON CHARLES DE COMMARMOND

Mersi Mr Speaker.  Mr Speaker sa 3 Sant i kordin dan en fason ansanm zot fer en travay ant zot menm pour zot kapab anmenn sa bann zafer lenformasyon kordin lenformasyon, e partaz lenformasyon lo en oter pli o posib.  E nou vwar nou profesyonnaliz Seselwa in shine ladan – i kler. E kontrer nou vwar ladan ki sa Bidze i pa ase, si ou kalkile pour zot delivre sa ki le pep Sesel, sa ki Gouvernman e sa ki sa bann lezot organizasyon UNODC menm Gouvernman Angle, ki’n kontribye dan sa Sant li menm ki’n fer i enportan ki nou alor nou montre ki sa ki nou bezwen kontribye ladan.  E sa Bidze i a ed sa bann Sant pour kapab anmenn sa bann travay ki zot pe fer lo sa nivo at least ki lepep i ava kontan i ava apresye ki i a ed li ek son sekirite.

Akoz lalit kon piratri, drog, bann krim lo lanmer, illegal fishing, tousala ankor i en par responsabilite sa bann Sant la.  San sa bann lenformasyon ki ou fer? Si ou napa sa bann lenformasyon korek ki ou fer?  Ou tande i annan pirat pe vini ou pa konnen kan e … konmsi sa i pou la baz pou plizyer lezot travay e se sa nou vwar i en Sant Kordinasyon e tou bann lezot organizasyon pe dir ‘’Champion’’ Sesel.  So, that’s why nou’n ganny si ou le sa kontra pou ou kapab dir nou fer sa sant Sesel ensidswit.  Ler, mon ti annan privilez pour attend louvertir an Zilyet ler Minis Morisyen ti fer sa louvertir nou ti vwar bann mankman ki annan.

E sa Bidze la i a ed sa Sant pou kapab si oule komans operate lo sa nivo ki sa bann lorganizasyon pe bezwen vwar. Nou’n osi ganny lasans Onorab Leader Lopozisyon e mwan menm al kot British High Commissioner avek bann lezot dimoun ki ti la; nou’n osi koz lo travay enportan ki sa bann Sant pe fer e ki mannyer nou devret pe donn sipor. Lo zot travay lavantaz lo ki mannyer zot devret operate lo sa nivo ki nou ekspekte pou ganny benefis pour le pep ganny benefis la.

Be an plis ki sa mon le tous 2 pwen avek sa Bidze mon le vwar osi ki bann travayer dan bann Sant in ganny ekspoze plis; ekspoze plis dan bann workshop enternasyonal dan bann misyon ki zot ale  pour zot kapab ganny davantaz konesans pour kapab delivre lo en oter pli neseser e ki nou pei a pli bezwen.  Zot kapab ed nou ankor – dan letan nou pe koz lo travay dan travay ki FIU ti fer avan, travay ki si ou le travay ki Anti-corruption Commission pe fer tousala i annan link avek tou sa kestyon kordinasyon lenformasyon e tousala.

I annan en kantite benefis ki nou kapab gannyen parey mon pe dir.  E lot pti pwen avan mon fini se sa kestyon REFLECS. REFLECS nou konnen ti annan en pe letan kot sa bann travayer, serten sa bann travayer pa ti’n ganny byen peye zot ti annan bann bout larzan ki’n reste ki mon krwar Lapolis oubyen en seksyon ki ti bezwen pey zot.

Eski ozordi sa mon krwar pa ankor tro kler, petet Minis ki ou la ou ti a kapab eklersi nou lo whatever arrears ki annan pour bann travayer REFLECS ki pozisyon sa i ete si vreman tousala in fini ganny peye, akoz nou pa kontinyen en dimoun pase vin dir nou, ‘’mon case pa ankor ganny rezourd tel isi tel laba.’’  Akoz sa bann dimoun ki la zot bezwen zot lespri an pe e annan si ou le dir en peace of mind pour kapab donn zot best dan sa bann Sant enportan e nou kontan alors ki Home Affairs pe fer son travay avek sa banns ant pour anmenn zot lo sa oter ki nou bezwen.

E vwala mon ti a kontan fer sa kontribisyon, pou montre sipor pou sa Bidze ki la at least me si non nou devret get dan le fitir pou nou kapab ogmant sa Bidze pou fer ki Sant i grandi e vin ankor pli fantastik.  Mersi.

MR DEPUTY SPEAKER

Mersi Onorab De Commarmond.  Onorab Ramkalawan bref.

 HON WAVEL RAMKALAWAN

Mr Speaker i vre letan nou regard dan ‘’other goods and services’’ nou bokou bann, bokou bann chiffre me mon krwar ki lefe ki sa i nouvo, se premye fwa ki nou konman en Lasanble nou pe regard Bidze pour sa bann Regional Centres e mon krwar ki nou’n apresye leksplikasyon ki’n ganny donnen.  E an menm tan i annan sa eleman kan i pou fully operational; ki bann lezot benefis ki i pou gannyen.  Alors mwan mon krwar ki tou sa bann konsern ki pe ganny lev-e se bann konsern ki reel, parske en keksoz ki nouvo nou pe sey regarde ki mannyer nou pou balans tou keksoz.  E sa mon sir ki tou bann Sef ki la zot ava apresye sa.  Ki mwan mon pou propoze se ki sa i pou enn lefe ki i pou enn bann nouvo eleman nou pou annan bann Mid-Year Review lo tou bann depans lo ki mannyer bann keksoz pe ale.  E mon krwar ki letan nou ariv dan Mid-Year Review nou anvi fer zot konfyans – nou anvi fer zot konfyans zisteman akoz enormite ki sa travay e sa lespas ki nou bezwen sipervize.

E an menm tan osi petet nou ava dir avek zot annou sey regarde ki mannyer atraver sa sant nou kapab osi kolekte serten reveni.  Parske zot osi zot pou partaz lentelizans – zot pou partaz lentelizans ki konmsi i pa zis vin en kestyon ki konmsi nou pe donnen, me osi kwa ki nou pou kapab resevwar. Resevwar dan tou nou bann diferan analiz.   Alor mwan mon anvi zis propoze ki nou avek tou bann konsern ki nou’n met devan zot bann Manm Onorab Andre, Onorab Ferrari mon krwar in met bann konsern, Onorab William tou bann konsern reel. Annou pran tou sa bann konsern an konsiderasyon letan nou ava zwenn zot pou Mid-Year Review e petet atraver FPAC zot ava kapab annan sa dyalog ki nou tenir pou nou regarde ki mannyer keksoz pou marse.

Alor mon pou move ki nou pou donn zot tou sipor; nou donn zot tou sipor pou nou kapab fonksyonnen e dan milye lannen nou regard zot, nou regarde ki mannyer nou pe fer.  Ek sa Mr Speaker mon krwar nou kapab vote.

 MR DEPUTY SPEAKER

Mersi Onorab Ramkalawan.  Bon lo sa pwen mon krwar nou dan en pozisyon pour nou kapab pran en vot.  E mon pour zis mansyonn zis Regional Centres -Minis in eksplik tou sa 3 Sant ki tonm anba la.  So, nou pran en vot alors lo paz 226 Bidze pour sa 3 Regional Centres a en sonm 12milyon 659 mil roupi 90 sou.  Tou manm ki an faver? Okenn Manm ki kont?  Ok. Madam Clerk?

MADAM CLERK

Mersi Mr Chair 23 Manm an faver, personn kont.  Mersi.

 MR DEPUTY SPEAKER

Mersi Madam Clerk savedir sa Bidze in ganny aprouve pa Lasanble Nasyonal.

Bon avan nou adjourn mon annan en 2 pti lanons mon oule fer toudswit apre ki nou adjourn la FPAC pe rankontre dan Komite Rm 3 ansanm avek Vis-Prezidan e PS Payet avek son lekip, pou diskit lo sa size vizavi Bidze Lafors Defans. Kot nou ti arive yer.  An vi ki VP pour avek nou pandan lunch time nou pa pour fer VP retournen. I pou vin dan Lasanble 2er kot nou ava pran Bidze Lofis Prezidan ok? PS Payet in flag mwan lo la; nou ava pran Bidze lofis Prezidan 2er swivi par Bidze prizon e apre Lapolis ok. So, nou ava fer li koumsa pour apre midi zis nou’n sanz en pti pe lord nou travay.  Avek sa mon ti a kontan remersi Minis Dezinyen parmi nou Mrs Mondon avek son delegasyon.  PS ou pou touzour la avek nou avek nou lekip.  E avek nou ava adjourn e nou pran nou travay 2er apre midi.

 

(BREAK)

DEPARTMENT OF DEFENCE FORCES

 MR DEPUTY SPEAKER

Bonn apre midi tou Manm Onorab, mon a dir bonn apre midi Vis-Prezidan, Mr Rosette, Mr Dupres ankor welcome dan nou Lasanble.  Mon a zis prezant en leskiz avek nou bann oditer deor ki pe swiv deba.  Rezon ki nou’n ganny sa retar se bann travay ki pe kontinyen ganny fer deor menm pandan Break atraver bann meeting.  E parey mon ti’n anonse dan Break Komite Finans zot pe rankontre avek Vis-Prezidan e bann zofisye Lafors Defans avek Finans pour regard sa negosyasyon ki ti’n konmanse yer vizavi Bidze Lafors Defans.  So alors se sa rezon ki nou’n bezwen retard en pti pe nou Sesyon pour apre midi.

PS Payet ou osi welcome bonn apre midi avek ou lekip dan Lasanble.  Mon pa konnen mon pa ankor ganny okenn lenformasyon si ou’n ariv dan okenn Lagreman.  Petet mon a demann Chair FPAC Onorab Ramkalawan.

HON WAVEL RAMKALAWAN

Bonn apre midi Mr Chairman, bonn apre midi VP e Kolonnel Rosette e son delegasyon e tou Manm.  Mr Chairman pandan Break parey ou’n dir nou’n fer meeting avek Vis Prezidan e bann zofisye sorti kot Lafors Defans avek FPAC ti annan osi 3 lezot manm ki ti prezan. Ti annan Onorab Simon Gill, Onorab Clifford Andre e Onorab Sandy Arrisol.  Nou’n ganny sans pour nou kestyonnen e ganny lenformasyon lo serten aspe dan SPDF lo zot Bidze.  E mon kapab dir ki lanfaz prensipal ti ganny mete lo ‘’salaries and wages’’ lo lapey bann larzan ki ti tou bann keksoz ki ti annan pou fer avek Gratwite peyman ensidswit.  E SPDF in donn nou serten lenformasyon ki nou kapab dekrir konman sansib e ki mon pa pou partaz avek Lasanble antye, me sa ki nou’n tonm dakor se ki en sonm 10milyon en sonm 10 milyon Roupi anba ‘’salaries and wages’’ nou freeze li, nou freeze sa sonm 10 milyon ziska ki nou fer Mid-Year Review kot nou ava pe dyaloge avek SPDF, atraver FPAC e la nou avan regarde ki pozisyon egzakt –  Si sa larzan i pou kontinyen reste frozen oubyen si i pou annan serten alokasyon ki ava ganny fer.  Me la pour le moman se sa ki nou’n tonm dakor.

E an plis ki sa, nou’n santi ki i annan bann lezot eleman lo Bidze Defans ki nou kapab, ki bann Manm si bann Manm i annan bann kestyon zot ava kapab demande.  E nou pe dir ki fasilman nou kapab pran en 30 en 45 minit ti’n ganny mete dan progranm orizinal, me selman mon krwar pa si pour annan, mon krwar ki bann Manm i fer konfyans ki sa ki FPAC in diskite avek Lafors Defans.  E parski tou kestyon ki nou’n demande nou ganny lenformasyon.  Avek sa Mr Chair se sa rapor ki mon annan lo kote FPAC.  Mersi bokou.

MR DEPUTY SPEAKER

Ok mersi, Onorab Ramkalawan.  PS Payet ou le azout keksoz oubyen nou a zis open the floor for any other questions?  PS?

PS PATRICK PAYET

Non, Mr Chair i ok pou open the floor.

MR DEPUTY SPEAKER

Ok, si i annan okenn Manm ki annan lezot kestyon vizavi lafors defans parey Onorab Ramkalawan i Chair FPAC in koz lo sa saler, compensation for staff and all that. Me si zot annan kestyon lo ‘’goods and services’’ eksetera. Ok, Onorab Ferrari.

HON JEAN-FRANCOIS FERRARI

Mersi Mr Speaker e mon kapab dir pou dir nou’n fer en kantite travay me de dernyen pti pwen ki 2er ti pe sonnen nou pa’n ganny sans kouver. Mon ava demann vis Prezidan la en se lo zot bann Lasirans, lo zot bann polisi Lasirans ki SPDF i depanse.  E la par egzanp i annan pros R6.850milyon Lasirans ki i en cost pour lannen 2018.  Mon ti a kontan demande si Minis i satisfe ki SPDF pe ganny the best rates possible akoz i en gro Lasirer i pe donn en kantite biznes, so eski i pe ganny the best rate possible? Eski i annan en Broker prive ki travay pour zot? E si wi, eski zot tender out so Brokerage? Sa i enn.       2enm mon kontan zis remind, fer mazinen Kolonnel avek Vis-Prezidan ki la nou’n tous sa langar SPDF kot Seychelles Defence Accademy ki pour le moman pe ganny okipe par Zil Air. E ki dapre lenformasyon Zil Air pa pe pey nanryen pour sa langar.  E SPDF i annan plan i bezwen en langar.  E alors konman Manm sa Parlman mon ti a kontan fer resorti byen for ki premyerman nou bezwen met en pri pour Zil Air kapab peye pour rent sa landrwa imedyatman i bezwen konmanse.  E avek posibilite pour gete depi konbyen letan Zil Air i la i pa ankor peye e i kapab peye.  E dezyenmman si SPDF i bezwen en langar pour son bann loperasyon Air Wing zot bezwen donn Notis sa lakonpannyen prive pour zot rod zot prop landrwa.  So sa.  Akoz premyerman zot bezwen sa reveni e dezyenmman nou pa ou le al fer en lot depans pou al fer en lot langar.  So sa i mon 2 pwen.  Mersi.

MR DEPUTY SPEAKER

Mersi Onorab.  Vis-Prezidan oubyen Kolonnel Rosette.

COLONEL MICHAEL ROSETTE

Mr Chair tou bann Manm Onorab, bonn apre midi e mon ti a remersye Onorab Ferrari pour sa kestyon.  An se ki konsern Lasirans ki SPDF i peye nou annan Lasirans pour 3 avyon nou pou annan en 4enm avyon Dornier ki pe vini an 2018 ki nou pou bezwen kouver son Lasirans enkli bann crew ki anvol sa bann avyon.

E an se ki konsern bato tou bann bato Coast Guard nou bezwen kouver zot anba en Lasirans an ka i ariv en aksidan nou kapab kouver.  E tou nou bann dimoun osi, bann personnel SPDF ki travel swa ki legzersis overseas, nou osi kouver zot anba en lasirans an ka i annan en aksidan avek zot.  E sa Broker ki’n ganny kontrakte pour le moman se Fidelity.  E nou ti tender out e nou’n vwar avek bann lezot Lasirans ti dan lepase e ler sa i fini si sa Lasirans i pou lannen prosenn, nou pou bezwen swiv bann prosedir tender lekel ki pli apropriye pour nou kapab donn sa lasirans pou asir nou.

E an se ki konsern langar nou konnen en Konpannyen ki pe lwe sa langar e sa langar menm si SPDF sa later ek sa langar ki lo la tou bann later SPDF se bann later ki pou Gouvernman Sesel.  E nou bezwen vwar avek Gouvernman e antre an kontak e an kominikasyon sa partner sa Konpannyen ki pe okip sa langar pour le moman pour kapab swa rekouver larzan swa sorti pour nou kapab ganny sa langar.

Parey nou’n mete dan nou Plan Bidze osi, nou annan plan pour en lot langar. Me i enportan parey mon dir nou annan en lot avyon ki pe vini nou pou bezwen lespas pou met en lot avyon e nou osi dan le fitir nou le vin parey bann gran lafors enternasyonal, kot nou kapab akey bann konfrer bann lezot pei ki vin Sesel, fer bann legzersis oubyen zot arete pour en routin bann lezot avyon militer zot kapab servi nou fasilite kot Air Force konfortableman. Akoz nou konnen SCAA pour le moman bann fasilite ki annan pour zit park avyon i limite i en pe difisil pour zot cater pour tou bann avyon militer ki pas Sesel. Mersi.

 MR DEPUTY SPEAKER

Mersi Kolonnel Rosette.  Onorab John Hoareau.

 HON JOHN HOAREAU

Mersi Mr Speaker.  Bonn apre midi tous.  Mr Speaker mon ti a anvi konnen si Departman Ladefans in met an plas serten mekanizm pour li kapab met lord dan zot payroll, akoz dapre rapor Oditer Zeneral in montre ki i annan bokou iregilarite ki’n arive….

 MR DEPUTY SPEAKER

Onorab, Onorab mon krwar payroll, mon’n fer kler ki payroll in fini ganny touse.  Se sa lanons ki FPAC in fer.  Nou bezwen get lezot seksyon dan Bidze me payroll in fini ganny klarifye.

HON JOHN HOAREAU

Ok.  Me mon ti annan tout menm en lot kestyon Mr Speaker, mon ti le konnen si lo kote ladefans zot in kapab regle kont avek sa bann ex-zofisye ladefans ki ti tonm anba SVPD si zot in kapab fini pey tou sa bann dimoun zot larzan?  E si zot pa’n peye si i tonm lo Bidze sa lannen si i lo Bidze konpansasyon pour employees?  Mersi.

 MR DEPUTY SPEAKER

Kolonnel mon krwar sa in ganny lev-e plizyer fwa dan sa Lasanble dan sa lannen petet enn fwa pour tou klarifye pour sa bann zofisye deor. Kolonnel.

COLONEL MICHAEL ROSETTE

Mersi Mr Chairman.  Mersi Onorab Hoareau pour sa kestyon.  Nou’n tous en pe pandan nou sesyon lo SVDP e nou kapab asir ou ki bann SVPD zot in tonm anba 2 antite.  Par ler zot in tonm kot nou anba SPDF e par ler anba Lapolis e zot in anmenn plizyer case kot PSAB.  E sa pe fini ganny sort ou apartir sa lannen.  Ou pa pou tann li vin ankor lannen prosenn akoz nou pe fer fason ki zot tou, i annan in fini ganny pey yer i annan pa satisfe me nou pe sey fer fason avek larzan ansanm avek Minister Finans asire ki tousala i ganny sort out pandan sa lannen, ki i pa a ganny repet ankor lannen prosen. Mersi.

 MR DEPUTY SPEAKER

Ok.  Mersi Kolonnel Onorab Afif, en moman Onorab Afif.  Onorab John Hoareau en swivi.

 

HON JOHN HOAREAU

Wiz is en pti follow-up si sa msye i kapab, Kolonnel i kapab dir nou donn nou en deadline kan ki sa pou ganny sort out? Mersi.

MR DEPUTY SPEAKER

Ok. Mersi Onorab.  Kolonnel.

COLONEL MICHAEL ROSETTE

Mon’n dir avan sa lannen, mon krwar le 31 Desanm i dernyen zour dan sa lannen. Nou ava sort li out avan le 31 Desanm.

MR DEPUTY SPEAKER

Kolonnel in dir avan lafen lannen, avan 31 Desanm. Onorab Afif.

HON AHMED AFIF

Mersi Mr Chair, Mr Chair mon kestyon i baze lo paz 38 latab limero 2 ‘’other uses and services’’ e anba la. Oubyen plito ‘’materials and supplies,’’ materials and supplies kot nou annan R16.8milyon pou food and ration, savedir manze mon prezimen pour bann militer.

Alors si ou kapab donn nou ki mannyer zot ariv lo la; par egzanp eski tou dimoun ki on duty pe ganny 3 meal par zour ki mannyer zot in kalkil sa?  E ki mannyer zot in tender pour zot ariv lo en pri ki rezonnab – etandonnen ki zot pe order en kantite manze.  Parske zot pa pe order zis takeaway pour en semenn, me pour en lannen pour en larme.  Alor ki mannyer zot in fer sa prosesis?  E dezyenmman si ou kapab konfirm avek nou, ki parey dan rapor Oditer Zeneral an 2015 ti dir poudir ler zot fer peyman pour larme i annan en sel transfer ki ganny fer atraver Trezor pour al Nouvobanq e answit sa ti ganny peye e sa ti annan en komitman ki sa pou arete.  Eski zot kapab konfirm avek nou ki larme ozordi dan son counting system i pe annan en sistenm ki pou reflekte tou sa a bann kou, ki parey lo paz 38 ki tou bann kou i ganny reflekte dan sa fason e sa system accounting pe mars korekteman?  Mersi.

MR DEPUTY SPEAKER

Mersi Onorab.  Kolonnel.

COLONEL MICHAEL ROSETTE

Mersi Mr Chairman e mersi Onorab Afif pour ou kestyon. Nou kapab konfirmen ki militer tou bann solda ler zot on duty zot ganny 3 meal par zour zot ganny breakfast, lunch avek dinner.  E fodre nou konpran ki mannyer militer i operate nou annan baz ater, nou annan bato, nou annan bann lezot antite ki lo bann zil e nou annan avyon par-ler ki deplase. Plizyer kontrakter ki ganny kontrakte petet pou donn manze.  E sa ki la pou le moman pa tou ki petet si in ganny tender out akoz zot ti la depi lontan letan sa letan prosedir ti’n ganny met an plas.  Me si nou santi bann solda zot menm zot, bann zofisye militer zot santi sa kalite manze ki zot pe gannyen i pa a la oter oubyen i pa bon definitivman nou bezwen apros sa caterer nou bezwen dir li pa bon e rod en lot nou bezwen tender out rod en lot.

An se ki konsern par egzanp lo zil apre i annan serten unit epi bann bato, zot, zot bezwen donn zot manze pou kwi dan zot lakwizin abor.  Avyon li i fer en lot fason, pour zot kapab ganny zot manze.  Me mon asire ki zot bann solda i ganny manze apropriye pour zot kapab viv konfortableman e kapab operate dan okenn misyon ki zot ganny deploy ladan.  An se ki konsern bann accounts SPDF petet ou fer sorti serten pwen, mon krwar si petet finans ti kapab donn nou en pli bon garanti ki sa ki ti’n ganny mete lannen pase pe ganny pratike right now e mon krwar i pe ganny fer a latransparans parey in ganny demande.  Mersi.

MR DEPUTY SPEAKER

Ok mersi Kolonnel.  PS Payet.

 PS PATRICK PAYET

Mersi Mr Chair.  Mersi Onorab zis pour azoute ki apre ki nou ti diskit Bidze 2017 e nou ti zwenn avek Departman Ladefans pou fer sir ki premyerman zot payroll zot operate via Trezor.  So, la zot operate parey lezot lenstitisyon Gouvernman.  So i parey pour lezot payroll.  E secondly parey zot konnen bann lezot departman Gouvernman zot process tou zot peyman via Trezor.

E sa osi nou’n rektifye, nou’n fer sir ki zot fer via Trezor eksepte zot annan en kont ki avan zot, ti kot Nouvobanq nou fer li Labank Santral e sa i specific si i annan security operation; specific.  Me selman tou bann lezot tranzaksyon i pas parey normal parey bann lezot lenstitisyon Gouvernman via Trezor e tou peyman i fer Trezor.

MR DEPUTY SPEAKER

Mersi PS.  Onorab Afif.

HON AHMED AFIF

Zis en pti follow-up si ou kapab donn nou en legzanp kwa sa en ‘’security corporation’’ en peyman ki pas anba la?  Eski en laplipar i pas anba la oubyen zis en pti minorite bann peyman?

MR DEPUTY SPEAKER

Mersi Onorab.  PS.

PS PATRICK PAYET

Mersi Mr Chair.  Mersi Onorab i zis sa ‘’security equipment’’ ki anba sa ‘’minor capital outlays’’ zis sa specific; lezot Code i pas via Trezor.

MR DEPUTY SPEAKER

Mersi PS. Onorab Sebastien Pillay.

HON SEBASTIEN PILLAY

Mersi Mr Chair.  Mr Chair zis an pasan i annan en size ki’n souleve pandan detrwa en pe letan la.  Mon ti le zis konnen ki Lafors Defans i annan sa lekip foutbol, si zot asiste sa lekip foutbol atraver Bidze Lafors Defans oubyen si zot ed sa lekip foutbol dan okenn fason, Red Star Defence Forces si zot ed li aste zwer ouswa dan okenn fason.  Non zis mon ti pe klarifye sa zis pou piblik deor pour ki nou klarifye sa bann keksoz.  Mersi.

MR DEPUTY SPEAKER

Mersi.  Kolonnel.

COLONEL MICHAEL ROSETTE

Mersi Mr Chairman e mersi Onorab pour sa kestyon.  Mon krwar in annan bokou dimoun in koz sa mon le asir sa Lasanble e bann piblik ki pe ekoute ki tim Red Star Defence Forces i en klib.  Menm si i annan afilyasyon anba nou parasol SPDF, akoz i ti ganny kree konman en tim anba SPDF.  In progrese ozordi in arive ariv dan premye divizyon e i pa fasil pou mentenir en tim dan Premye Divizyon.  Mon oule asir zot ki i operate parey en klib i annan en kantite sponsor nou’n rod sponsor.  E menm bann zofisye volonterman nou fer kontribisyon pour kapab fer marse sa tim; menm si bann zwer etranze ki’n fer vini se mazorite dan Management bann dimoun menm zot lapey lafen di-mwan zot kontribye en pe pour kapab met dan sa klib pour kapab fer li marse.  Petet SPDF zot war SPDF – i still reste SPDF bann solda ki al practice nou kapab asiste zot par egzanp en transport SPDF pour anmenn zot kot laplenn kot pe practice.  Me nou kontribye finansyerman direkteman dan sa klib.  Ok.  Mersi.

MR DEPUTY SPEAKER

Mersi Kolonnel.  Ok Onorab Sebastien. Onorab Ramkalawan swivi lo la.

HON WAVEL RAMKALAWAN

Yes, mwan mon ti anvi zis petet demann en kestyon, lefe ki i afilye avek SPDF e lefe ki nou konnen pou dir Red Star football club ti en lekip ki ti afilye avek SPPF Anse Aux Pins; ki mon pou dir mon pa trouv li apropriye, mon pa trouv li apropriye dan sa moman kot nou pe viv kot nou pe separ anything ki annan ki pou fer avek politik avek civil service ki zot tim sa tim i apel Red Star Defence Forces.  Eski, lo en baz prensip mon pe koze la vi ki sa size in lev-e eski zot ti ava al dan en pozisyon kot zot ti ava apel zot tim Defence Forces Team olye e retir sa bout Red Star avek silvouple. Mersi bokou.

 MR DEPUTY SPEAKER

Mersi Onorab.  Kolonnel ou le fer komanter?  Kolonnel.

 COLONEL MICHAEL ROSETTE

Mr Chairman mon ti a oule remersye Onorab pour sa kestyon, me selman fodre nou vwar zistwar ki mannyer sa bout Red Star in antre akoz ti annan de tim e ti anba menm coach. Ler sezon ti fini lannen pase Red Star nou ti mont dan Premye Divizyon, Red Star ti mont de Dezyenm Divizyon sorti dan 3enm divizyon. E Defences Forces ti ganny promosyon pour al dan Premye Divizyon.  E sa coach avek Management ki ti met sa propozisyon.  Mwan mon pa kapab komant lo non akoz sa ti ganny fer dapre Management sa tim.  Mwan personnelman mon pa lo management sa tim mon kapab anmenn sa pwen ki’n fer sorti, mon krwar zot pe ekoute zot in tande, e zot ava petet revwar.  Me selman letan ki’n fini anrezistre i annan tou en prosedir pour al refer avek federasyon pour al re-kase, re-anrezistre oubyen desann dan 3enm Divizyon ki pa bon pou sa tim.

Petet i ti a bon sa tim Red Star i pa afilye ler i ti merge avek SPDF – nou pa konnen e nou pa asire sis a letan i ti en nouvo tim Red Star ki ti dan 3enm divizyon si i ti vreman afilye avek politik dan sa moman ki i ti mont dan 2enm Divizyon. Mersi.

MR DEPUTY SPEAKER

Yes, Onorab Ramkalawan.

HON WAVEL RAMKALWAN

Non mon krwar ki sa bann zafer desann dan 3enm Divizyon pa, parske ler Victoria Suns avek St Louis ti merge ti apel St Louis Suns.  I mean zot ti reste dan premye divizyon, Sunshine savedir zot ti reste dan premye divizyon. But anyway pwen – pwen mon krwar in ganny fer.  Mersi.

MR DEPUTY SPEAKER

Kolonnel in note.  Kolonnel en sizesyon ou apel ou tim Bombers.  Bon Onorab Henrie.

 HON GERVAIS HENRIE

Mersi Mr Chair mon annan en kestyon ki mon oule demande apropo telefonn dan larme, son sonm ki zot peye i vreman bokou i pe ariv apepre 3.9 milyon.  E so mon le konnen si i annan en zefor pour redwir sa sonm e petet akoz i osi bokou koumsa ler ou vwar e rapor Oditer Zeneral i single out biro en Minis ki en mwan i ti pe pey 53 mil roupi?  So ouv war pou dir i bokou e nou bezwen met latansyon lo la.

So, sa i premye kestyon e dezyenmman dokiman bidze paz 42 kot i koz lo ‘’land defence and security’’ la i fer mwan mazin zot annan 2 mon konnen si zot apel li baz me selman anler L’Exiles apre Barbarons. Akoz sa bann zot ankor laba akoz ler mon get en pti pe rol sa ‘land defence and security’’ ler i dir pour ‘’Presidential Security,’’ ‘’security of office bearers and VIPs’’ – eski i pe ganny konsidere ladan?  E ler mon vwar dan zot ‘’goods and services’’ zot pe annan building ki zot pe peye eski zot pe lwe okenn fasilite ouswa Barbarons ouswa L’Exiles? Mersi bokou.

 MR DEPUTY SPEAKER

Mersi Onorab.  Kolonnel.

 COLONEL MICHAEL ROSETTE

Mersi Mr Chairman e mersi Onorab pour ou kestyon.  An sa ki konsern telefonn i vre ki ou war i bokou nou’n deza redwir nou’n deza konmans met kontrol mon krwar nou’n konmans koz lo la en pe nou pe met plis kontrol pour kapab redwir plis.  Me selman ler nou gete anliny avek serten loperasyon ki nou fer, avek lezot lafors enternasyonal par-ler ou bezwen fer bann call enternasyonal paler ou bezwen fer bann call enternasyonal. Par-ler osi i annan bann zofisye ki lo standby ki bezwen ganny call emergency i annan telefonn avek zot me selman nou pe fer fason pour redwir li ankor pour koupe pou kapab koupe. An sa ki konsern sa bann antite Barbarons avek L’Exiles mon krwar nou’n koz en pe lo la dan pli boner dan FPAC.  E sa2e unit zot bann rol pe ganny tackle pou ganny revwar dan le fitir mon krwar.  Apre ler i vin sa bann unit sa bann antite zot bann rol i ganny revwar dapre bann travay ki nou pe ganny fer, Lasanble i a ganny enformen lo la zot bann bi si i pou reste si i pa pou reste. Mon krwar pe ganny travay pe ganny fer lo la.

 MR DEPUTY SPEAKER

Mersi Kolonnel.  Onorab Henrie.

 HON GERVAIS HENRIE

Mersi Mr Chair, petet en konsey pour Ladefans par egzanp ler mon pe get breakdown pour Prezidan avek Vis-Prezidan zot telefonn zot pou met, ‘’telephone, local and rental ‘’apre ou pou vwar ‘’telephone international.’’ So, i annan en separasyon kekfwa ti ava ed nou pour nou konpran zot kou telefonn.  Me selman mon ti anvi demann zot, eski zot annan ler zot pe dir zot pe egzers kontrol. Mwan par egzanp en sivilyen in deza dir mwan pou dir i ti’n ganny en kart telefonn in donn bal apre son konsyans in dir al rode pour ki sa kart, lekel ki pe peye zot find out sete Ladefans ki ti peye e call enternasyonal in ganny fer ti annan en dezord dan sa zistwar.

E dezyenmman mon kestyon ki mon ti’n demande si ti annan pour L’Exiles avek Barbarons whether i annan okenn rent ki zot peye ki kouver anba ‘’’office building’’ si i annan ki zot pe peye. Mersi.

MR DEPUTY SPEAKER

Ok.  Kolonnel.

COLONEL MICHAEL ROSETTE

Mr Speaker mon pou refer lo la ki pour telefonn nou pe mete kontrol, sa ensidan mon pa okouran sa enn me selman la depi sa lannen nou pe mete kontrol.  E nou napa okenn Grant pour sa bann lezot antite swa Barbarons, swa L’Exiles nou napa nanryen lo la. Mersi.

MR DEPUTY SPEAKER

Ok mersi Kolonnel.  Onorab Ramkalawan.

HON WAVEL RAMKALAWAN

Mersi Mr Chairman.  Mr Chairman mon anvi retourn lo size Procurement.  Par egzanp lo bann manze, mon pa’n ganny en larepons kler letan in ganny dir sa ti la e zis nou’n kontinyen.  Eski in annan okenn tender kler ki’n ganny fer pour ki bann dimoun ki prepar bann repa; konmsi zot in pas through sa, atraver sa prosedir?  Akoz i kontinyen annan kestyon, i kontinyen annan kestyon e nou pe koz 16.8 milyon roupi dan en Bidze.

Parske i menm mon pour mon pour al pli lwen pou dir ki i menm annan, annan referans koripsyon lo lafason ki serten keksoz i ganny fer.  Ki poudir i annan serten dimoun fanmir en O Zofisye dan larme ki li i ganny sa Kontra i servi keksoz lanmenm la e, konmsi mon anvi ganny en keksoz kler lo ki prosedir ki zot pou servi.

Dan menm fason lo kote Lasirans letan ou’n dir ti la nek zis zot in kontinyen, konmsi nou anvi konnen osi be ki mannyer in the first place, eski ti annan en lapel pour bann, pour bann diferan Lof pour regarde lekel ki pli bon, oubyen eski zis en dimoun in ganny donnen sa konman en pti zanmi.  Prezan nou dir ‘’pran sa pou ou, pran sa pou ou.’’  Mon krwar ki nou anvi ganny en keksoz kler; par egzanp osi tou par egzanp lo bann lezot keksoz ki letan zot pour aste.  Konmsi pour nou fer sir ki i annan proper prosedir pour Procurement, parski si non tousala i retonm ankor dan Rapor Oditer Zeneral i tonm, i tonm devan nou dan FPAC.  Parski nou, nou anvi elimin sa bann keksoz.  Mersi bokou.

MR DEPUTY SPEAKER

Mersi Onorab. Kolonnel.

 COLONEL MICHAEL ROSETTE

Mersi Mr Chairman e mersi Onorab pour sa kestyon.  Parey mon’n dir pour donn en pe plis leklersisman dan le pase SPDF i pa ti pe pase atraver bann prosedir tender, pour tou keksoz.  Ti annan ti pase ti annan pa pase.  Me nou pe met klarite pour nou kapab apply, pour kapab pas devan sa bann prosedir kot nou ganny respekte.  Me la pour le moman nou still annan Kontra avek diferan Konpannyen ki pe provide i pa zis enn i annan plizyer ki pe provide.  Nou pou vwar dan le fitir parey mon’n dir si nou pa satisfe nou le kas Kontra oubyen son kontra in fini nou pou bezwen pas atraver bann prosedir tender dan lefitir pour asire ki i transparan i kler.  Se sa ki nou le fer sorti.  Mersi.

MR DEPUTY SPEAKER

Ok.  Mersi Kolonnel.  Onorab Stephen Pillay.

HON STEPHEN PILLAY

Mersi Mr Chair.  Mersi tou dimoun bonn apre midi mon ti annan en kestyon konsernan sa koupman saler ki zot in koz lo la taler.  Mon pe zis re-emphasize se pour nou annan garanti napa bann solda Coast Guard, Airforce ki pe al ganny mal pase.  Akoz parey ki mon pe dir dernyen fwa, mwan mon annan en konsern lo Bidze pour P1 – ‘’policy and management’’ i menm i preski plis ki ou Bidze pour Maritime Defence, Air Defence, Land Defence. Konpansasyon tou sa 3 brans i total i mwens pour’’ policy and management. ’’ Mon ti a krwar o kontrer anler i pli lean, anba kot ou al kot serzan, kaporal kot solda i annan plis ki anler. Akoz mon pe get menm pour training anba SP1 i en kar ki ‘’policy administration. ’’ Si ou kapab donn mwan en pe plis detay lo la Mr Chair. Epi en pti detay lo sa ‘’foreign consultancy fees’’ 3.26379million.

Si nou napa bann Lagreman Bilateral avek nou bann zanmi pros dan militer parey ti zwenn lo bato avek Konseye, akoz konmsi nou pa pe servi nou bann lyen Bilateral pour kouver en pe mon mazinen bann consultancy fees.  Epi lo sa lo ki mon fek fini koze boner.  Mersi.

 MR DEPUTY SPEAKER

Mersi Onorab.  Kolonnel.

 COLONEL MICHAEL ROSETTE

Mersi Mr Chair.  Mersi Onorab pour sa kestyon.  Mon krwar lo sa kestyon ki ou’n lev-e premye nou’n deza tous lo la e deza pe taken care sa.  Me dezyenmman an se ki konsern sa ‘’consultancy fees, foreign consultancy fee ‘’ i en fee ki nou servi pour bann foreigners Indian sirtou ki avek nou konman bann teknisyen, ki pe travay avek nou pour pey zot rent bann lezot keksoz.  Kekfwa sa Code ki Minister Finans in allocate i pa the right appropriate Code right now, me zot pe fer fason pour koriz sa pou pa aparet koman ‘’consultancy fee.’’ Mersi.

 MR DEPUTY SPEAKER

Ok mersi Kolonnel.  Onorab Valmont.

HON JUDE VALMONT

Mersi Mr Chair.  Sa kestyon mon adres, bonn apre midi a tous. Mon kestyon mon adres kot Kolonnel – ler mon get paz 37 lo ‘’current challenges’’ dernyen bullet point, mon vwar ki scheme of service SPDF i pa enkli bann sivilyen.  Otan ki nou apresye kontribisyon ki nou bann solda i fer, me selman nou apresye kontribisyon ki nou bann sivilyen i anmennen dan Lafors.  Alors mon ti a demann, mon ti a voudre demann Kolonnel si tou sivilyen ki travay ki siport Militer zot annan en Scheme of Service e si zot satisfe. Militer i satisfe ki zot pe fer zot mye posib pour aranz kondisyon sa bann travayer parey zot pe war dan sa bann ‘’challenges’’ la zot pe ganny problenm retain sa bann staff.

E mon pe koz spesifikman lo sa ki mon konnen mon konn en group cleaners, mon pour pran sa ki mon konnen Mr Chair en.  En group cleaners mon konnen i annan enn ki’n travay 27an e aparaman logmantasyon ki zot in gannyen depi 27an i en logmantasyon sorti 5, 600 pour vin 6 mil ekek par R600. Alor mon kestyon mon redemande, eski zot satisfe ki zot pe fer mye pour siport sa bann dimoun sa bann sivilyen ki siport Militer?  Mersi.

MR DEPUTY SPEAKER

Mersi Onorab.  Kolonnel.

 COLONEL MICHAEL ROSETTE

Mersi Onorab pour sa kestyon.  Nou okouran sa bann ka akoz sa bann sivilyen zot tonm anba common kad Gouvernman.  E resaman ler nou vwar sa nou pe sey fer fason avek DPA pour kapab rektifye sa bann problenm, pour amelyor saler sa bann cleaner ki ti tonm dan sa kategori.  Mersi.

 MR DEPUTY SPEAKER

Onorab Valmont.

 HON JUDE VALMONT

Yes mersi Mr Chair, petet mon kapab dan en pti note pour PS, PS si ou kapab pran sa pti note pour ou koz avek DPA ansanm avek Militer pour gete ki zot kapab fer pour siport sa bann sivilyen ki siport nou Lafors. Mersi.

MR DEPUTY SPEAKER

Ok Ps in note ou pwen, ok. Onorab Mondon.

 HON TERENCE MONDON

Mersi Mr Chair.  Mon kestyon i relye avek Prokirman dan servis ‘’reparasyon ek mentenans’’ anba Air Defence.  Anvi ki SPDF napa enzenyer kalifye, mon anvi konnen ki fason ki zot kapab access bann kotasyon ki zot gannyen pour fer travay lo zot avyon. Pou fer sir ki zot pe ganny bann pri ki rezonnab oubyen valer pour larzan.  Mersi Mr Chairman.

MR DEPUTY SPEAKER

Mersi Onorab.  Kolonnel.

COLONEL MICHAEL ROSETTE

Mersi Mr Chair e mersi Onorab pour ou kestyon.  An sa ki konsern avyon mon krwar nou annan 3 kalite avyon dan nou Laflot.  Nou annan en Twin Otter, nou en White Dwelf avek en Dornier.  An se ki konsern Dornier i fabrike dan L’Inde e nou ganny sipor avek manufacturer avyon dan L’Inde.   I pli fasil ki pour nou al kot li ki ti manufacture ki pour li kapab donn nou bann quote pour bann pyes.  Apre osi, nou annan Air Seychelles osi ki run bann Twin Otter, nou annan IDC osi ki annan White Dwelf alor i annan bann lezot.  Nou an kontak avek sa bann lezot lorganizasyon e war avek zot osi bann lorganizasyon ki zot fer vini bann pyes pour nou kapab asire ki ler i fer vini, nou fer vini par menm konpannyen. Alor nou ganny en meyer pri.  Akoz si nou pe fer vini, par egzanp Air Seychelles pe fer vini pour Twin Otter, nou osi nou pe fer vini avek menm Konpannyen.  En ler nou ganny en pli bon pri, en pli bon deal – ou vwar, ki sa. Mersi.

MR DEPUTY SPEAKER

Mersi Kolonnel.  Onorab Arrisol, Onorab Arrisol, ok, Onorab Adelaide.

HON FRANCOIS ADELAIDE

Mersi Mr Chair.    Bonn apre midi a tous.  Mr Kolonnel lo Rapor Oditer Zeneral, 2016, nou trouve pour dir lo kote transpor, fuel, e bann lezot keksoz i vreman annan en dezord.  Vi ki Lafors Larme, zot sipoze, en Lafors ki annan bokou disiplin.  E ler nou pe gete nou war i annan en bon pe dezord.  So eski ou pe garanti nou avek sa Bidze ki nou pour donn ou ki lot lannen nou pour war en lot Lafors Ladefans, avek plis disiplin avek bokou sa bann rekomandasyon ki pour ganny mentenir?  Mersi.

MR DEPUTY SPEAKER

Mersi Onorab.  Kolonnel.

COLONEL MICHAEL ROSETTE

Mersi Mr Chair.   Mersi Onorab. Mon krwar Lafors i reste disiplinen li. Labi si i annan se endividi.  Pa Lafors.  Lafors nou reste disiplinen.  Me nou’n fini dir ki nou pe pran bann mezir. Fason ki fuel i ganny donnen i ganny sanze.  E nou pa krwar sa labi ki ou pe dir pour arive si ti arive i pa pour arive ankor. Nou pour bezwen fer kontrol lo la pli byen.  Mersi.

MR DEPUTY SPEAKER

Mersi Kolonnel.  Bon nou’n ariv a lafen nou kestyon lo Bidze Lafors Defans.  Mon ava dir zis PS pour gid nou lo nouvo sif avan nou pran en vot.  PS Payet.

PS PATRICK PAYET

Mersi Mr Chair.  Sif ki lo paz 36 i reste parey; 293. 617. 630 milyon.  Me selman avek en freeze 10 milyon anba ‘saler.’ Mersi.

MR DEPUTY SPEAKER

Ok. bon nou ava pran en vot alor lo Bidze Lafors Defans.  Tou Manm ki an faver?  Okenn Manm ki kont?  Ok Madam Clerk?

MADAM CLERK

Mersi Mr Chair.  Mon war Onorab Wilbert Herminie fek antre nou pour go according sa ki ti la ler nou’n vote, it will be 15, 15 Manm an faver.  Personn kont. Mersi.

MR DEPUTY SPEAKER

Ok, savedir ki Bidze Lafors Defans in ganny aprouve par Lasanble Nasyonal. Ok?  Avek sa nou ava eskiz Kolonnel Rosette avek Mr Dupres.  Me petet zis avan zot bouze, zis en pti reminder pour bann zofisye e pour zot osi dan le fitir ler zot vin dan Lasanble nou annan en dress code, strik, e nou ti a kontan ki zot ti kapab swiv sa dress code akoz tou bann lezot zofisye ki vin dan Lasanble i fer sa. Ok?  Nou ava eskiz zot parmi nou.  Mersi.

 

(COLONEL MICHAEL ROSETTE AND HIS DELEGATION WAS EXCUSED FROM THE HOUSE)

 

THE OFFICE OF THE PRESIDENT AND THE OFFICE OF THE VICE-PRESIDENT

 MR DEPUTY SPEAKER

Bon PS Payet nou pour pran President’s Office. Ok. nou annan PS, Ms Samia, ou a apel PS.  PS eski nou pran, i tou le de i vin ansanm sa? Lofis Prezidan ek Vis-Prezidan tou le de ansanm en?

PS PATRICK PAYET

Wi, tou le de.

MR DEPUTY SPEAKER

Nou komans lo paz 3 en, dan nou gro liv. Bon nou a welcome lekip ki pour akote Vis- Prezidan; nou annan PS Marie, nou annan Financial Controller Marie osi. E nou annan Anbasader Dick Esparon ki osi in attendance. Ok.  PS Payet.

PS PATRICK PAYET

Mersi Mr Chair, zis pour azoute ki akoz total Departman Lofis Prezidan avek Vis-Prezidan lo paz 3 i 166. 3 milyon.  E si nou al lo paz 4, nou pour vwar ki i annan 2 appropriation.  I annan enn, latab enn lo paz 4 an premye anler lo’ reveni.’ Paz 4 wi, 2018 i 79 milyon 802 mil 750, sa the main appropriation pour Lofis Prezidan avek Vis- Prezidan.

E anba ‘’other appropriation,’’ nou annan 86 milyon, 532 mil, 710 Roupi. E sa i Constitutional Appointment Emolument ki baze, i lo paz 24, premye seksyon ‘’summary of expendisture,’’ sa i 73 milyon.  E apre nou annan ‘’overseas travel,’’ 13 milyon ki dan ‘’other goods and services.’’ Savedir Mr Chair pour ozordi nou pour pran zis sa premye vot 79.8 milyon, e menm si pour annan kestyon lo sa bann lezot Vot letan semenn prosen nou pran vot ‘’other wages’’ avek ‘’other goods and services. ‘’

MR DEPUTY SPEAKER

Ok.  Mon krwar i kler pour bann Manm.  Onorab Afif.

 HON AHMED AFIF

Mersi Mr Chair. Mr Chair mon ti a kontan komans lo paz 4 li menm. E latab nimero 2 anba ‘’wages and salaries.’’ Savedir si mon’n konpran PS byen dan sa 97.7 million dizon nou bezwen tir 73 milyon – ki mon krwar pour Constitutional Appointment.  Savedir nou tir sa i reste 25 milyon. Savedir President’s Office ek VP’s Office pe depans R2 milyon par mwan lo ‘’wages.’’ Alors si ou kapab donn nou vitman konmsi kwa sa ki zot pe depanse, konbyen staff zot annan pour R2 milyon par mwan ki zot pe peye. Mon konnen i annan 3 Sekreter D’Eta, detrwa Direkter Zeneral. Eksplik nou ki mannyer i ariv 2 milyon par mwan?

MR DEPUTY SPEAKER

Mersi Onorab. Vis-Prezidan, oubyen PS.  PS Marie.

PS MARIE-CLAIRE MARIE

Bonn apre midi Mr Chair e tou bann Manm Onorab e tou bann dimoun ki a lekout.  Mersi pour ou kestyon Onorab Afif.  Sa 24 milyon i konpri 90 staff ki nou annan aktyelman.  Nou pe pans pour nou dapre nou legzersis ki nou’n fer nou pour bezwen ankor 5 staff.  Sa pour anmenn nou 95 staff.  Apre nou annan 1 milyon ki pour fer avek allowances.  Se sa ki fer ki annan sa 124 milyon.

MR DEPUTY SPEAKER

Mersi PS.  Onorab Afif.

HON AHMED AFIF

Ok, savedir ou pe dir par mwayen sak dimoun pe ganny R22 mil anba President’s Office. I en pti pe par lao … akoz sa i ekskli saler Prezidan, Vis- Prezidan. Sa i zis bann staff sa. Prezan ou pe dir mwan par lao sa 24 milyon i annan ankor pour allowances, oubyen i enkli ladan?  I enkli ladan. I enkli zot, selman an tou sakenn pe ganny R 22 mil par mwan?

MR DEPUTY SPEAKER

Yes PS.

PS MARIE-CLAIRE MARIE

Mersi Mr Chair. Sa i akoz i annan bann pozisyon ki zot saler i o. Nou annan bokou bann senior or ou kapab dir high level positions. Parey Secretaries of State, e tou zot bann Sekretarya eski Sekretarya pour S.S ki pour Poverty Alleviation ki li i pa tonm ladan.  Non, non, sorry i tonm ladan.

Pour Drug Prevention, son agency ki li i pa tonm ladan.  Larestan tou i la – si ou pe ganny mwan kler mannyer mon pe dir. Konmsi zis Agency ki annan pour fer avek Drug Rehabilitation ki pa ladan. Apre tou i tonm dan sa 24 milyon. E enkli ladan nou annan bann very senior positions parey Secretaries of State, ki enkli ladan; nou annan bann allowances osi ki antre ladan.

MR DEPUTY SPEAKER

Mersi PS.  Onorab Afif.

HON AHMED AFIF

Ok.  Mersi pour sa.  Si zis ou ti kapab donn nou sa 4 pli o pozisyon ki zot annan e dan sa R2 milyon, konbyen pe ganny depanse pour sa 4 pli o?  Mon mazinen Secretary of State, Director General, Special Advisor avek Direkter. E probableman i annan en 15 dimoun ki kouver anba la.  Be sa larestan 75 dimoun?  Zot saler ki bor i ete?

MR DEPUTY SPEAKER

Mersi Onorab. PS.

PS MARIE-CLAIRE MARIE

Mersi Mr Chair. Oule konn saler bann high level positions ki annan dan, si mon’n pe konpran ou kestyon?  Bann Secretaries of State, en average? Zot pe tonm dan, ler ou met tou ansanm ek zot allowances i tonm 55 thousand. Wi.

HON AHMED AFIF

Si zis ou kapab dir ek mwan, ok, 55, i annan 3 zot Direkter Zeneral i annan 2 zot, mon ti le zis ganny en breakdown pour nou ariv 2 milyon par mwan.  Akoz mon pa pe arive.

MR DEPUTY SPEAKER

Ok.  PS.

PS MARIE-CLAIRE MARIE

An menm tan osi dan in highlight an menm tan, akoz mon ti pe koz zis lo pozisyon, demann mwan pozisyon, an menm tan osi nou annan nou Trezyenm Mwan Saler ladan ki pe form parti sa 24 milyon.

HON AHMED AFIF

….(Mic Off)

PS MARIE-CLAIRE MARIE

Pardon.

HON AHMED AFIF

Trezyenm Mwan i ok, akoz sa lannen osi ti annan, sa i ok. Selman zis donn mwan en breakdown ki pe azoute, pe ariv R2 milyon. Akoz si ou pran sa 3 pli o, ou ganny R150 mil, 165 mil roupi.  Sa 3 pli for.  Apre ou annan detrwa ankor, ou azoute menm.  Be kwa ki ou pe azoute ki ou pe ariv 2 milyon. Sa ki mon en pe konfize.  Mersi.

MR DEPUTY SPEAKER

  1. PS.

PS MARIE-CLAIRE MARIE

Mersi Mr Chair.  So ou pe, oule konbyen pozisyon dan sak nivo, par egzanp konbyen SS i annan?  ok, pour le moman …

MR DEPUTY SPEAKER

PS petet sa ki mwan mon pe konpran i pe demann ou anba sa payroll ou annan ou en serten kantite travayer, me konbyen ki dan bann pos, par egzanp konbyen S.S ou annan, konbyen Special Advisors ou annan, konbyen DGs ou annan ki dan sa de lofis; President’s Office avek VP’s Office?

PS MARIE-CLAIRE MARIE

Mersi Mr Chair. Well nou’n konpran sa kestyon, me selman pandan ki ava pe note, mon ava pas a en lot kestyon akoz nou pa’n anmenn sa lalis isi, pou kapab annan tou sa breakdown. Letan ki i ava pe note, nou ava sa …

MR DEPUTY SPEAKER

Ok.  Onorab Afif.

HON AHMED AFIF

Mon ti annan zis en dernyen kestyon apre mon a les petet lezot Manm. Mon vwar ki annan pour ‘’security and enforcement ‘’ki sibstansyel e si ou ti kapab eksplik nou kwa sa ‘’security and enforcement’’ R13 milyon.

MR DEPUTY SPEAKER

Ok.  Mersi Onorab.

HON AHMED AFIF

Pa kapab State House akoz nou konnen pourdir State House i ganny sekirite avek militer e zot saler i ganny kouver, tou keksoz i ganny kouver. Kwa ki nou pe peye ki apel ‘’security and enforcement’’ R13 milyon?

MR DEPUTY SPEAKER

Mersi Onorab.  PS.

VICE-PRESIDENT MR VINCENT MERITON

Mersi Mr Chair. Mr Chair anba sa Vot bann ansyen Prezidan avek ansyen Vis-Prezidan i ganny asiste.  Sa i akoz zot bezwen sipor administrativ an deor pansyon pour kapab ed zot.  Nou a mazinen osi ki nou ti komans diskit lo en Prozedlwa pou bann ansyen Prezidan e ansyen Vis-Prezidan e enn fwa ki sa Lalwa i vin devan Lasanble, kot nou ganny sans diskite, tonm dakor lo bann benefis, sa i ava ganny regle dan en fason apropriye.

Annou pa bliye osi ki pansyon bann ansyen Prezidan avek ansyen Vis-Prezidan i pa en nouvote i anliny standar enternasyonal.  E nou pe met an plas en sistenm pour kapab regilariz lafason ki nou fer li dan latransparans pour kree, pour retir okenn dout. Aktyelman pour sak ansyen Prezidan, nou pe allocate parey nou ti dir lannen pase R172 mil par mwan. Pour ansyen Vis- Prezidan, R20 mil par mwan, pour nou osi asiste Lepou enn nou ansyen Prezidan ki’n kit nou lavaler R70 mil par mwan. E tousala Mr Chairman, i bann provizyon ki pe al ganny mete dan Lalwa pou kapab ankadre tou bann dimoun ki’n servi Sesel.  E bann detay nou ava ganny sans diskite ler mon vin avek Lalwa si i permet avan ler nou fini Bidze.

Par an, Mr Chairman, i ariv enkli Lasirans Medikal, enkli antretyen bann veikil, i ariv R6 milyon.  Ladiferans Mr Chairman i al pour ‘Lentelizans’ parey mon ti eksplike lannen pase. Mersi Mr Chair.

 MR DEPUTY SPEAKER

Mersi Vis-Prezidan.  Onorab Arrisol.

HON SANDY ARRISOL

Mr Speaker mersi.  Bonn apre midi sa 2 Madanm Marie.  Mr Speaker zisteman lo pwen ki Onorab Afif in fer resorti, e ki Mrs Marie napa sa lenformasyon. Mon krwar i enportan parski mwan dan mon speech mon ti demann Minis Finans pour donn nou en lalis bann Sektreter D’Eta, bann DGs avek zot saler konbyen zot pe gannyen. Avek bann Sekreter D’Eta. Ok? Parski zournalis deor avek manm piblik zot ensiste ki dir bann Manm Lasanble ki ganny pli gro saler Sesel. So ozordi mon’n aprann ki annan 55mil ki i 2 fwa plis ki sa ki mon pe gannyen.

So mon ti anvi ki lo sa menm laliny letan Madanm Marie napa sa lenformasyon avek li pour zot fer Lasanble ganny bann lenformasyon. Mwan mon ti a kontan ganny bann lenformasyon diferan saler ki nou annan dan pei sirtou dan sa ki konsern dan Biro Prezidan avek Vis- Prezidan. Parski zot ganny transpor.  I annan ki mwan aprann i annan menm ganny bodyguard, bann Sekreter.  So i ava enportan pour donn nou konbyen i arive, konbyen i kout pei sa par egzanp zis pour en Sekreter D’Eta ki’n ganny apwente la, in ganny konsidere koman en senior officer parey Mrs Marie in dir. Konbyen zot pe gannyen avek zot transpor, zot bann allowance e konbyen i koute.  E pour manm piblik deor, bann zournalis ki pe ekoute pour zot tande, pour zot konpran.  Sa i mon premye pwen.

Dezyenm pwen mon ti a kontan dir letan nou pe koz lo bann gro saler, ti a bon si State House avek Biro Prezidan, Vis- Prezidan ek Prezidan zot get osi bann lezot pti travyer ki zot annan; dan zot lespas anndan, bann ki kwi manze, ki fer snack, bann ki deor en pti pe, letan zot pe tous osi lo bann zafer saler. Mersi bokou.  Sa ti mon pti kontribisyon.

MR DEPUTY SPEAKER

Mersi Onorab.  PS oule fer komanter?

PS MARIE-CLAIRE MARIE

Mr Chair mersi bokou.  Onorab Arrisol mon’n note ou bann pwen ki ou’n fer resorti.  Zis pour azoute pour dan nou bann revi ki nou komans fer komansman sa lannen, nou pe vwar bann lezot staff ki dan lezot kad.  I annan azisteman saler ki’n komans ganny fer sirtou pour drivers, pour Officer Assistant, menm pour bann housekeeping staff osi.  And it is ongoing.

So zot deza an menm tan osi alongside nou pe parey nou dir an Kreol pe vwar dan zot welfare.  Mr Speaker, Mr Chair an menm tan osi zis pour donn en nide lo kantite bann senior appointees ki annan.  Par egzanp lo kote bann ki dan par egzanp chief ki zot post title i koman Chief Presidential Protocol, oubyen Chief Press Secretary ki zot ganny lo nivo PS menm.  Nou annan 2 sa, nou annan de PS lo kote President’s Office.  Nou annan enn kote, kot VP, nou annan 3 Secretaries of State; nou annan 3 Special Advisor lo kote VP, nou annan 2 Special Advisor lo kote PS, sorry, kote President Office, sorry.

(Mic-off)

PS MARIE-CLAIRE MARIE

Pardon? Nou annan en DG kot VP, biro VP, apre nou annan en pos DG ki vacant lo kote Administrasyon.  So sa ki mon pe mazinen at the top of my head right now pour dir zot kantite senior positions ki nou annan.  Mon krwar mon’n touse tou ki fodre.

MR DEPUTY SPEAKER

Mersi, mersi PS.  Onorab Arrisol ou annan en swivi.

HON SANDY ARRISOL

Yes zis en pti swivi lo sa ki Mrs Marie in dir.  Zis parey mon’n dir Mrs Marie, sorry, mon ti a kontan kekfwa pli tar, kantmenm pa ozordi, zis fer nou ganny sa bann lenformasyon silvouple, zot Post Title avek zot saler, bann lezot benefis ki zot gannyen parey mon ti demande dan mon speech atraver PS Finans.  Mersi bokou Mrs Marie.

MR DEPUTY SPEAKER

Mersi Onorab. PS ou’n note non? Ok? Onorab Basil Hoareau.

HON BASIL HOAREAU

Mersi Mr Chair.  An relasyon avek sa kestyon ki Onorab Arrisol in demande. Mon ti a zis kontan demann PS Marie si i kapab konfirmen ki sa legzersis ki i pe dir pour ganny fer an relasyon ek bann travayer, se i en legzersis ki tonm an kad revizyon saler anba the Public Service Salary Act ki Minis in koz lo la e ki in dir pour dir par May 2012 i annan en Komite pour ganny etablir ki par May 2018 rather zot pou’n bezwen donn en rapor lo la.  Mersi.

 MR DEPUTY SPEAKER

Mersi Onorab.  PS.

PS MARIE-CLAIRE MARIE

Mersi Mr Chair. Mersi Onorab Hoareau pour ou kestyon. Sa i en legzersis ki nou, nou’n ti komans fer nou menm apar sa.  I pa vreman tonm dan sa kad sa enn ki Minis Finans i dir pour al fer. Sa i pour vin en lot legzersis apar.

Prezan ki pour arive ler i an fer sa lot legzersis si i annan azisteman ki sa ki nou nou’n fer i bezwen vin an plis lo la, i ava ganny fer.  Me nou nou’n deza komanse fer serten keksoz, akoz nou ti vwar i neseser.

MR DEPUTY SPEAKER

Mersi PS.  Mon annan de dernyen kestyon.  Mon pa pe pran ankor.  Ok. Onorab Henrie.

HON GERVAIS HENRIE

Mersi Mr Chair.  Mr Chair mon annan en difikilte la mwan, akoz i vin en pe parey sa kestyon consultancy ki mon ti demande lot zour, nou pe ganny demande pour vot serten keksoz ki nou pa tro siny, akoz i zis en konponan ki met dan Bidze.  So i annan sa Lalwa konsernan pansyon bann ansyen Prezidan, Vis-Prezidan ki pour vin devan Lasanble. Mon krwar i en pe dezonnet lo lapar Gouvernman, pour sey anmenn sa Bill apre Bidze. Konmsi la mon krwar nou ti’n merit fini konnen ki nou pe al donn zot.  E en konponan, sif ki Onorab Afif in site, 13 milyon, mon annan or si prezan zot in kas li i tonm 6 milyon. Mwan mon annan gro difikilte avek sa. E mon ti ava swete ki koman en Lasanble nou pran en desizyon pour dir sa bout i pa dan alokasyon, ki nou pour vote lo sa enn Heads, akoz tan ki nou pa war bann detay sa Bill. Mon pour mwan i pa akseptab pour nou konsider li dan sa Bill la. Akoz i en kabri dan en sak. Mersi.

MR DEPUTY SPEAKER

Mersi Onorab Henrie. Vis- Prezidan.

VICE-PRESIDENT MR VINCENT MERITON

Mersi Mr Chairman.  Mr Chairman nou rapel boner sa lannen. Mon krwar annefe an May, nou ti diskite avek bann Leaders lo nesesite met dan lankadreman legal sipor ki nou donn nou bann Dirizan ki’n servi pei dan lepase. Nou dwa zot sa.  E se dan sa lespri ki nou ti tonm dakor san get okenn sa kestyon partizan, oubyen okenn sa kestyon politik.

Dimoun ki’n servi pei i merit ganny sa proteksyon nou ti tonm dakor.  Nou’n deza, nou ti travay lo en premye versyon. Be ti annan serten keksoz ki apre diskisyon ki nou ti dakor ou bezwen sanze. E i pa nou lentansyon, i  pa en kestyon dezonnet, be i en kestyon le fe ki biro Prokirer Zeneral avek sa kantite travay ki annan pour li fer, sa kantite Lalwa ki i annan pou li  fer. Sa proze i avek zot e mon kapab vini avan ler ki Bidze i vini, pour nou kapab pran sa, pour nou kapab met lord ladan. So i pa en kestyon mank volonte. I pa en kestyon dezonnet. Me i en kestyon timing ki nou bezwen kapab finalize, apre met tou annord.  Mersi Mr Chairman.

MR DEPUTY SPEAKER

Mersi Vis-Prezidan. Onorab Henrie – swivi.

 HON GERVAIS HENRIE

Wi, swivi.  Donk baze lo larepons Vis-Prezidan, mind you mon’n dir Vis-Prezidan, mon pa’n dir nou dir nou Vis- Prezidan akoz i Vis-Prezidan nou tou.

Eski par egzanp i ti a kapab donn nou Lasanble detay ozordi, par egzanp nou ansyen Vis-Prezidan ki zot pe gannyen deza?  Akoz si zot annan sekirite, lo ki payroll zot ete. Eski i en Bidze ki dan pour State ouswa i lo Payroll larme? Dan interview ki i ti fer avek FPAC, mon ti tann tre byen, Mr Butler Payet ti dir in ganny seconded by State House pou travay Espace. So i lo payroll lekel?

Ozordi mon anvi konnen ki zot pe gannyen deza. E ki apre pour nou war ki zot pe vin avek. Si non pour mwan zot riske pe ganny tro bokou ki zot merite.  Mersi.

MR DEPUTY SPEAKER

Ok. Vis-Prezidan oule klarifye.

VICE-PRESIDENT MR VINCENT MERITON

Mr Chairman byen koze i fer byen konpran. Les mwan a vin avek tou bann konponan ki annan dan sa Prozedlwa.  Me selman mon kapab dir kler ki sa msye ki ti fer prezantasyon devan FPAC i pa lo payroll State House.  Mersi Mr Chairman.

MR DEPUTY SPEAKER

Mersi VP.  Swivi Onorab Ferrari.

HON JEAN-FRANCOIS FERRARI

Mersi Mr Chairman. Mr Chairman byen koze i fer byen konpran.  E parey koze i dir nou pa kapab met saret devan bef. Nou pa kapab fer li.  Alors mwan ti a kontan demann avek Vis-Prezidan sa vot la ki met ‘’security and enforcement’’ napa sekirite pour State House ladan, Vis-Prezidan in dir nou. Savedir i pa pe afekte State House si nou pa vot sa Bidze. Dan enforcement i dir, ladan 70mil pour en madanm en ansyen Prezidan.

Sa definitivman nou kont, lala, la pour la ozordi aret deswit, koup la. Lala demen bomaten koupe a.  I pa posib Mr. ou konnen Mr Speaker, sorry mon eksplike, mon pran en pti letan mon eksplike. Toultan sa i en patern, nou pran nou donn en madanm en Mr Mancham, apre nou kapab donn bann madanm lezot dimoun ankor.

Konpran konmsi nou donn en dimoun ki pa ek nou apre nou pran nou kapab donn lezot dimoun ankor. Non!  ‘Pa ek nou,’’ ek nou pa pe gannyen. Sa dimoun ki’n travay i ganny en pansyon, e en zoli pansyon i gannyen.  Selman i pa kapab gannyen tou sa bann keksoz. So mwan mon dir Mr Speaker e Vis Prezidan avek tou respe, ‘’security and enforcement’’, nou pa pe vote.  Mwan mon pe demande ki sa i ganny freeze. Pa konnen dan lezot Manm i ava koze, apre nou ava gete nou ava pran en pozisyon. Anmenn Lalwa Vis-Prezidan avek sertennman … e nou anvi vwar sa Lalwa.

Akoz tan ki Lalwa pa vini, i annan ki pe donn bal dan sa larzan. E la sa 13 milyon la, i baze lo sa bal ki’n ganny zwe tou sa bann lannen.  Konpran? . I baze … i zis renew.  Nou pa kapab kontinyen koumsa.  Vis- Prezidan mon krwar ou dakor avek sa.  E ou ava fer le neseser pour nou kapab avanse.  Mersi.

MR DEPUTY SPEAKER

Ok. Avan … VP, avan ou fer komanter. Onorab Ramkalawan ek Onorab Afif lo sa menm sa size?  Ok.  Onorab Afif.

 HON AHMED AFIF

Mersi Mr Chair, mon ti a kontan zis dir ki mon pa ankor ganny larepons lo sa ki mon’n demande taler, breakdown personnel. Ou’n komans donnen, ou’n donn mwan en pe bann personnel ki Secretary of State, PS, Special Advisor, Special Advisor DG ki mon’n kont 13 dimoun an tou, zot saler i ariv apepre R485 mil par mwan, i very far from sa 2 million still.  Me mon ti anvi konnen lekel sa bann larestan dimoun ki ganny 1.5 milyon parske si i annan 77 dimoun pe ganny 1.5 milyon sakenn pe ganny R19, 400.  So lekel sa bann lezot dimoun ki pe gannyen. Sa i enn.  Me i annan lezot depans apard sa ‘security ‘ki mon’n mansyonnen ki tre o dan sa Bidze e mon war rent, office building rent – 3 milyon. Ankor en lot 1 milyon antou 4.5 milyon.

E ‘consultancy i annan R1.3 milyon, ‘consultancy,’ plus ankor en lot 87.  So vreman nou anvi ganny en leksplikasyon ki sa bann gro sonm ki zot pe peye rent ler i State House.  Eki zot pe pey rent?

MR DEPUTY SPEAKER

Mersi Onorab.  PS.

PS MARIE-CLAIRE MARIE

Mersi Mr Chair.  Mersi Mr Afif. Mon’n dir mon’n donn zis detrwa kot i konsern bann pozisyon mon’n dir sa  at the top of my head, akoz mon napa lalis avek mwan.  Mon’n zis donn legzanp detrwa bann key positions.  Be selman apre nou ava fer ou ganny lalis ek tou bann detay parey Arrisol ti’n sizere taler ek tou bann pos. Prezan si oule avek tou bann saler – en mannyer i ava donn en pli bon leklersisman lo la. Now kot i konsern building rent, nou annan Kontra pour bann lofis kot Oliaji Centre.  Apre i annan provizyon our nou, i annan provizyon pour nou lwe lofis pour Lofis Poverty Alleviation zot pe al pran nouvo lofis pour baze kote Providence. Prezan nou a zis donn ou detay, kote kot Oliaji i ariv i R276, 552 per month pour kot Oliaji sa.  Son met kare i 668 square metres.

Apre pour kot City Properties i ariv 60 thousand per month pour 330 met kare.  Mon krwar i apel City Properties non?  Right, wi.  Sa enn ki nou pe al pran pour kote pou Poverty Alleviation. Zis pour les konnen letan nou pe swazir lofis nou pa al nou tousel akoz i annan Komite ki ganny zere par DPA, se zot ki involve ladan.  So nou, nou zis al along letan zot pe vizite pour assess, pour vwar lekel ki pli konvenab, me nou pa fer sa desizyon nou menm. Sa City Properties i baze Providence.  Wi.

MR DEPUTY SPEAKER

Ok.  Onorab Afif.

HON AHMED AFIF

E lo ‘consultancy’ si ou kapab donn nou detay?

PS MARIE-CLAIRE MARIE

Mersi ‘consultancy’ i tonm apepre R1 milyon. E mon annan en lalis ki lo la i enkli main … sorry mon ti pe konfiz avek service agreements. Consultancy i baze pour Poverty Alleviation. Akoz zot annan bann’ consultancies’ ki zot pe fer zot osi lo zot kote pour zot kot i konsern zot Departman, bann studies ki zot pe fer.

MR DEPUTY SPEAKER

Ok. mersi PS. Onorab Ramkalawan.

PS MARIE-CLAIRE MARIE

I annan en sum ou pe refer to akoz sa bann ‘consultancy,’ sorry akoz bann ‘consultancies i annan diferan amount. So i annan en amount spesifik ou pe refer to then mon konnen lekel ki vin kot nou spesifikman, lekel ki al pour Poverty, Departman Poverty Alleviation. So it would be important to specify lekel sonm ki ou pe dir.

HON AHMED AFIF

Ok mon a dir ou sa 3. Enn i local consultancy 87, 250. 2enm i 58, 170, e 3enm i 1.275 milyon.  Sa 3.

MR DEPUTY SPEAKER

PS?

PS MARIE-CLAIRE MARIE

Wi sa local consultancy fees, sa wi i pour kot Poverty Alleviation, sa 1.1 ki ou pe nonmen pour zot sa.  Wi.

MR DEPUTY SPEAKER

Ok. Onorab Afif? Non, ale go ahead.  Non?  Onorab Ramkalawan.

 HON WAVEL RAMKALAWAN

Mersi Mr Chairman. Mr Chairman, mon en pti git konfize la.  Akoz nou pe appropriate 79 se sa chiffre ki PS in dir 79. 802 million. Me selman aprezan letan nou desann table 2, letan nou pe regard sa ‘’consolidated expenditure estimates.’’ Aprezan mon konfize pour mwan vwar – parski i melanze. Sa 166 milyon i melanze; ki par egzanp pour ‘’governance, management and administration’’ i 61 milyon. President’s Office 13 milyon, Vice-President’s Office 3.8, Cabinet Office, 80, Poverty Alleviation 7.8; ki konmsi aprezan i difisil pour mwan vwar sa 79 milyon parmi sa bann chiffre la ki i ete.  Konmsi mon ti ava kontan ganny en leklersisman so that nou konnen egzakteman The President Office konbyen ki vin ladan; dan Vice-President Office, konbyen ensidswit. So that nou konnen pour dir nou pe deal avek sa 79 milyon la i la son breakdown.  Sa i mon premye kestyon, apre sa mon ava …

MR DEPUTY SPEAKER

Ok.  PS Payet.

PS PATRICK PAYET

Mr Chair kekfwa mon a diriz en pe Lasanble kekfwa.  Ok si nou … sa total 79. 8 milyon, nou komans lo paz 5 table 3, ok. Premye progranm ‘’government, management ek administration.’’ E si nou al lo paz 6 kekfwa nou ava en pe pli kler lo sa SP 1.

Lo SP1 nou annan 8 milyon ‘’compensation of employees.’’ Apre nou annan 45 milyon ‘’goods and services.’’  Sa i enkli dan sa Bidze 79 milyon.  Tandis ki ‘’executive travel’’ 8 milyon, sa i pa ladan akoz li i dan ‘’centralized travel vote.’’ Savedir son bout SP1 anler i ladan.  Ok?

2enm lo paz 7 si nou pran sa lot SP1 ankor – ok 7.9 milyon anba ‘’compensation of employees,’’ apre nou pran sa 3.3 milyon anba ‘’goods and services.’’ Ok?  Sa i pour sa 2enm progranm anba President’s Office.

3enm progranm anba Vice President’s Office lo paz 8, nou annan ‘’wages’’ 3.2 milyon. Apre ‘’goods and services ‘’0.2655 million, sorry, 0.55 million.

4enm progranm anba Cabinet Office lo paz 9 si nou pran sa SP1 sa dernyen latan anba, SP1 3.2 million ‘’compensation ‘’avek son ’’goods and services’’ 0.2.  Tandis ki sa SP2 – 73 milyon sa i centralized vote pour ‘’constitutional appointees.’’ Apre sa 3 milyon i enkli dan son ‘’oversees travel.’’ Sa i exclude. E dernyen progranm ‘’Poverty Alleviation’’ lo paz 10 nou annan ‘’wages’’ 1.6 million avek ‘’goods and services’’ 6.2 million.  Sa i enkli dan sa total. Savedir son total nou annan 55. 6 milyon anba ‘’goods,’’ e 24 milyon anba ‘’wages ‘’ki total sa 179 milyon.

MR DEPUTY SPEAKER

Yes Onorab Ramkalawan.

 HON WAVEL RAMKALAWAN

Konfize.  Konmsi i en pe … Konmsi mon ti ava demande premyerman ki lannen prosenn kekfwa i en pe pli kler ki anba President’s, konmsi nou separ li pour nou kapab konnen egzakteman ki nou pe deal avek.

Mr Chairman mon bezwen retourn ankor lo former Presidents. Eski nou ti ava kapab ganny en breakdown lo sa R172 mil par mwan. Ki i konpri sa?  Sa R172 mil par mwan ki pe ganny peye e sa R70 mil pour Madanm, pour Vev Mr Mancham.  Mon ti a kontan ganny en breakdown, silvouple?

MR DEPUTY SPEAKER

Mersi Onorab.  Ok, PS Payet oubyen Vis-Prezidan.

VICE-PRESIDENT MR VINCENT MERITON

Mr Chairman dan sa 172 mil i enkli alokasyon pour siport bann travayer tel ki sekreter, drayver, bann dimoun admin, kou pour telefonn, kou pour fuel, e lezot depans ki relasyonnen avek sa Mr Chairman.  Mersi.

MR DEPUTY SPEAKER

Mersi. Mersi Vis-Prezidan.  Onorab Ramkalawan.

HON WAVEL RAMKALAWAN

Mr Speaker, ok i annan sa bout, apre mon ava fer en komanter zeneral. Be sa 8 milyon pour ‘lentelizans’ la, what is sa dan sa, anba sa Bidze 13 milyon la, ‘’security and enforcement’’ sa lot bout ‘lentelizans’ . Ou konnen Mr Speaker mon bezwen dir akoz depi sa bann zafer FIU, sa mo ‘lentelizans’ i fer nou per; akoz zis zot koz, konmsi ‘lentelizans’ i parey en kouvertir ki pran tou keksoz anba la.  FIU ti koz lo ‘lentelizans’ e apre leta nou ti demann kestyon bann diferan brans ‘lentelizans’ dan pei zot dir nou zot pa konnen ki lentelizans zot ti gannyen. Be konmsi sa ‘lentelizans’ la, sa 8 milyon kisisa sa silvouple?

MR DEPUTY SPEAKER

Mersi Onorab.

VICE-PRESIDENT MR VINCENT MERITON

Mr Chairman annefe i 7 milyon ler ou’n tir tou sa bann kalkil ki nou’n fer.  Be sa parey dan lankadreman fonksyonnman tou pei, i annan sa striktir ‘lentelizans.’ E mon pa anba liberte pour mwan koz lo bann detay ki annan sa lo kestyon ‘lentelizans. ’ I ganny striktire. Ou konnen bann ‘lentelizans’ i klasifye e i annan keksoz ki i sitan sansib ki ou pa kapab koz lo la Mr Chairman.  Mon ti a demande parey nou ti tonm dakor lannen pase ki sa i reste dan domenn lenformasyon sansib ki nou pa devwale.  Mersi msye …

MR DEPUTY SPEAKER

Ok.  Mersi VP. Onorab Ramkalawan.

HON WAVEL RAMKALAWAN

Mr Speaker, mon konpran sa ki Vis Prezidan pe dir nou. Be selman malerezman Mr Chairman, sete egzakteman sa ki’n arive avek FIU avek NDEA. Sa bann laranzman ki napa Kontra.  Kot larzan zis i sorti, e apre sa nou trouv nou pe tay deryer sa bann larzan.

Par egzanp si ou pe dir mwan sa i sansib ensidswit – be nou ti ganny sa osi tou avek FIU.  E la ozordi nou bezwen pe, nou ankor pe sey fini nou lenvestigasyon.  E konmsi nou pa anvi, nou, nou pe rod klersi tou keksoz.  Nou pa anvi ki letan en Prezidan i sorti dan Lofis, e apre sa bezwen sey tay dayer li atraver FPAC pour rod en Kontra, pour rod en lot isi, laba.  Parski sa zafer ‘lentelizans’ Mr Speaker, kestyon ki mon pe … nou’n regard, nou’n regard SPDF, SPDF osi tou in mansyonn ‘lentelizans.’  Taler nou’n ganny bann nouvo agencies ki’n fek formen, ki mannyer i apel sa bann. National Intelligence, ok, anba SPDF; anba SPDF la mon lir lo paz 39 enn bann keksoz ki zot mansyonnen koman zot se ‘National Intelligence.’

Konmsi la nou annan en bout ‘National Intelligence’ anba SPDF, nou annan ‘intelligence’ anba State House; nou’n ganny dir dan Bidze ki pour dir pour annan en ‘Intelligence Agency’ ki pour ganny formen.  Nou’n ganny, nou’n osi ganny dir ki Rock avek Rapick zot osi zot en ‘lentelizans.’  Be konmsi dan sa pti pei la zis konmsi, zis konmsi zis ‘lentelizans?’ Konmsi nou’n vin pli pir ki CIA Mr Chairman.  E ki se sa ki pe fer nou poz kestyon. E ki menm parey avek FIU, e la mon anvi dir rezon ki mwan mon pe, mon pa pe demann devwal ‘sekre lentelizans pei.  Be selman ler i annan tro bokou e apre nou tande ki pour dir kont in al dan SOLAS BEO in al dan CALENDULAR  in al dan se pa ki lot ankor, Tech Ltd.  Apre nou rod Kontra i dir napa State House. Kontra i sorti Irlande. Kontra i aparet dan loto.

Mon konnen ou konpran mwan.  Ou konpran mwan, akoz i zis vin, i zis fer keksoz vin difisil.  E pour mwan dir ou laverite, e an plis ki sa, mon ava dir ki Onorab Ferrari in dir ki konmsi nou’n met bef devan, in met saret devan bef.  Ou kapab mete en saret devan bef prezan ou fer bef pous sa saret.  Be nou, nou pa anvi sa bef pous saret. Parski la, e mwan mon konnen pour dir laba deor dimoun pe swiv byen sa deba. Dimoun pe swiv byen sa deba akoz napa en deba ki’n annan plis entervansyon piblik, lentere piblik lo Facebook ki sa zafer former Presidents.

Be i resanble ki sa Lalwa Me in fini vin an aplikasyon.  Se sa ki vin problenm la Mr Chairman. Lalwa in fini Me in fini vin an aplikasyon.  Lannen pase letan nou ti pe aprouv Bidze avek tou respe ki mon annan pour Mr Mancham, Mr Mancham ti ankor vivan e ti napa provizyon pour donn son madanm en 70 mil, parski ti napa nanryen pour spouses of former Presidents.  Be la zis nou vwar ki pour dir la nou’n ariv Novanm, e li i pe ganny 70 mil tou le mwan. E sa ki pour arive Mr Chairman, ou bann dimoun laba deor pour dir be sa fanmir i deza en fanmir ki ris, zot pour dir deza en fanmir ki ris – ok?  E nou tou nou konnen ki pour dir lafanmir Mancham i en fanmir ki ris. I mean i pa en sekre ki mon pe koz lo la.  E li dan son larises la ozordi nou, nou bezwen donn li 70 mil par mwan? E koman Manm Lasanble parey Onorab Arrisol i dir apre ou konnen ki arive Mr Chairman, Vis-Prezidan, laba deor ou ganny bann dimoun ki fer bann progranm lo televizyon, ki dir ki bann politisyen zot menm zot ki anmenn dan lakour plis larzan, zot voras, zot pran larzan lepep Seselwa.  Tandis ki dimoun laba deor pe soufer.  Be la nou pe war en lot, en lot zistwar.

E aprezan nou pa konnen kote tou sa bann larzan pe ale.  E ki se sa ki met nou dan en pozisyon ekstrememan difisil le fe ki Lalwa pa ankor pase.  E la par egzanp ou’n nonm medical insurance osi tou.  Tousala i bann kestyon ki mon’n mansyonnen. Mon mansyonnen medical insurance dan mon Repons, Bidze.  Mon ti, mon’n koze lo la pour ki omwen dimoun ki annan en medical insurance i kapab ganny en larzan.  Be la sekreter, drayver, ladministrasyon, lot, lot.  E an plis ki sa, sa i zis en bout.  An plis ki sa i annan lot bout ‘sekirite.’  Lakantite zofisye sekirite ki atase ek sa bann dimoun e se la ki – ankor enn fwa parski dan sa deba osi tou Mr Speaker, Mr Chairman, pour annan sa ki par egzanp sa ki Mr Faure in dir.  Mr Faure in dir ki li i anvi letan i sorti State House, i mars koman en zonm lib.

Be selman la sa ki nou pe war la, sa bann ki la avan zot, zot pa kapab mars koman dimoun lib?  Mon vwar Mr Rene i marse dan son loto tou le Dimans, tou le Sanmdi, i tard en pe trafik wi.  Me selman i aste, i ariv Anse Aux Pins i aste, ou menm ou Vis-Prezidan nou konn byen. Vis-Prezidan in fact ou en legzanp. Mon bezwen dir ou, ou legzanp lo sa kote sekirite.  Tou le Sanmdi, dimoun i war avek ou tant Vakwa dan bazaar, ou marse, sa okenn … san okenn.   Ou pa per personn. Mon osi tou menm parey.  Marse libreman, me la nou pe koz 13 milyon e mon krwar i difisil.

Mon pa konnen si nou ava profit sa lokazsyon la nou a pran en tas dite Mr Chairman. Annou pran en tas dite byen so, parey Mr Speaker i kontan dir. E apre sa nou ava retournen.  Parski ki la osi tou lo kote, ok avek tou respe pour Mr Dick Esparon. Poverty Alleviation. Mon kontan letan mon vwar Mr Esparon lo televizyon. Be selman mon war li mars avek Mr Simeon i mars ek tou bann dimoun dan Zafer Sosyal. Prezan ou konnen sa bann zafer duplication ki nou pe demann nou lekor kestyon. Parski lo kote ok, zot pe fer bann survey, me nou antann pour dir ki mannyer i apele laba kot i fer statistik MISD?

National Bureau of Statistics zot fer bann survey lo lapovrete, Mrs Helena De Letourdie ki okip sa. Zot fer bann survey, la nou antann lot survey.  Lot survey pe ganny fer, tou sa bann keksoz. Tousala se bann keksoz ki nou koman en Lasanble i nou responsabilite pour nou demann kestyon parski apre letan tax i monte, i ariv 30 poursan lot, lot dimoun i vire i dir be ki pe arive?  PUC i trangle nou dan en fason, lot, lot.  Mr Chairman mon krwar annou pran en tas dite e apre sa nou ava retournen, nou ava kontinyen … parski …

MR DEPUTY SPEAKER

Onorab Ramkalawan mersi. Mon krwar mon ti pe al pran en desizyon osi dan sa laliny.  Petet mon pa konnen si nou pour retournen pour nou dwell ankor lo la. Oubyen si nou postpone en vote lo sa Bidze ziskan ler nou kapab klarifye. Akoz mon pa pe war nou kapab klarifye apre.  Ok? Nou’n dwell apepre 30 minit lo sa size. Ok. Nou annan en lot Head ki depi bomaten bann zofisye i la. Si nou pran sa lot Head. E an menm tan pran tou bann zofisye, I mean Vis-Prezidan avek son bann zofisye i a ankontre. Mon konnen i pour en pti pe plis homework pour bann zofisye Finans avek Vice- President.

Si fodre, demen si nou ganny lagreman demen zot retournen, apre nou a fini avek Lotorite Prizon.  Mon pe met sa akoz mon pa krwar ki apre sa tas dite nou pour kapab rezourd sa sityasyon ki nou ladan. Onorab De Commarmond.  Parol …

HON CHARLES DE COMMARMOND

Mersi Mr Chair.  Mr Chair mon krwar ki problenm prensipal la i lo sa laspe ‘sekirite. Leres issues mon krwar i ok.  Be lo sa pwen sa zafer ‘sekirite’ i lye osi avek sa Lalwa ki nou pe koze. Lalwa ler i pour vin devan nou Lasanble son Bidze, mon krwar i pour menm Bidze, i pour napa prezan ki pour al rod en lot Bidze pour li.  Sanmenm sa Bidze ki pour ganny servi pour fer marse, pour enplimant si oule konteni sa Lalwa.  Si nou ti kapab ganny en leklersisman avek PS ek Vis-Prezidan lo la pour nou kapab konnen klerman en fason nou kapab petet pran en vot lo la avan nou al pran en bBreak.  Sa mon sizesyon.

MR DEPUTY SPEAKER

Mersi Onorab.  Petet dan menm laliny PS mon pa konnen gid nou si sa bout la nou kapab freeze li.  Nou vot lo Bidze VP’s Office, President Office, nou kit sa bout deor ziskan ler son Lalwa i vini.  PS?  Yes PS? PS mon krwar nou ankor annan letan. Tou fason i Bidze 2018 sa.  So menm si nou pran li ver lafen tou nou bann deba and all that.  I Bidze ki pour aplik 2018. Ok?  Non, Onorab espere. Vis-Prezidan ou ti’n lev ou lanmen.

VICE-PRESIDENT MR VINCENT MERITON

Mr Chair mon ti pe propoze parey in ganny propoze nou al bwar en pe dite apre nou ava tournen.

MR DEPUTY SPEAKER

Ou panse VP ki nou pa kapab rezourd sa akoz nou annan. Depi bomaten nou annan bann zofisye Lotorite Prizon ki pe ale vini.  Ok?

VICE-PRESIDENT MR VINCENT MERITON

Mr Chairman nou a ganny en pou parler pandan ki nou pe ganny en pe dite, then nou a tonm dakor lo en lagreman.  En?

MR DEPUTY SPEAKER

Bon. Ok nou ava, alor nou adjourn.  Ok mon pour donn 20 minit nou a retourn la 4er 20 pour nou kapab repran nou travay. Ok nou adjourn ziska 4. 20.

 

(BREAK)

MR DEPUTY SPEAKER

Bon nou a repran nou travay. Mon av … ok, mon a donn laparol Vis-Prezidan, regarde si nou pour tonm lo en konsansis, Vis-Prezidan.

VICE-PRESIDENT MR VINCENT MERITON

Mersi Mr Chair.  Mr Chair mon ti oule zis senpleman aport serten klarifikasyon dan nou deba ozordi apre midi.  Rezon det sa Seksyon se parey Prezidan Faure ti’n donn son langazman pour fer en Lalwa pour met dan en lankadreman legal en pratik ki’n pran plas pour 24an – pour ki en Prezidan ki servi larepiblik i annan serten benefis ki mars avek ler in pran son retret.  E parey nou’n tonm dakor mon ava anmenn sa Lalwa nou ava ganny sans diskite, pour nou kapab met devan e les lepep apresye ki nou, nou pe fer anver nou bann ansyen Sef D’Eta.

Mr Chairman, napa nanryen mal ki Manm Lasanble i ganny en bon saler, akoz i dan en lankadreman latransparans, bonn gouvernans ki pei i ladan.  Egalman napa nanryen mal e i byen ki Gouvernman pe travay lo bann diferan Scheme of Service, bann Kontra son bann travayer, bann lezot sistenm pansyon pour nou osi ed nou bann travayer ordiner.  Se dan sa lankadreman ki nou ti oule sitye sa diskisyon. Mr Chairman sa ki sa Lalwa pour anmennen se ki en international best practice ki dan lemonn i annan bann kondisyon, bann benefis ki bann ansyen Prezidan, i gannyen ki nou pa pe fer nanryen ki nouvo.

Mon krwar i en pratik ki fer dan lemonn e mwan si parey nou pe dir, nou freeze sa 13 miyon roupi, i pa en keksoz ki nou ti’n avek pour ganny en kalite reaksyon. Be selman Lasanble ki deside, nou, nou ekoute, nou la pour travay avek zot be selman mon ti a demann zot si vreman ti kapab konsidere pour konsider konm parti nou vot. Mersi Mr Chairman.

MR DEPUTY SPEAKER

Mersi Vis-Prezidan. Onorab Ramkalawan.

HON WAVEL RAMKALAWAN

Mr Speaker, Mr Chairman.  Mon krwar ki annan serten keksoz la ki nou bezwen balans byen.  Sa pei i pe pas dan en transformasyon. E mwan mon krwar ki parti sa transformasyon se pour nou sorti koman en pei kot larme.  E se pour sa rezon ki dan mon diskour letan mon ti pe reponn mon ti dir fodre revwar rol larme kot fodre ki nou sorti kot ‘larme,’ ‘ansyen Prezidan, ‘‘lentelizans,’ ‘sekirite,’ well sekirite nou pep konpare avek ‘sekirite’ pour zis bann endividi i nepli ganny priyorite.

Be ki nou’n vwar?  Nou vwar ki dan Diskour Bidze pour sa lannen Minis Larose in dir dan Bidze 2018 i annan provizyon pour kreasyon en Lazans Nasyonal pour Lentelizans. Alokasyon Bidze pour sa i R3.5 milyon.  So la nou pe koz kreasyon en Lazans Nasyonal pour kout 3.5 milyon. Lo lot kote nou pe koz 8 milyon dan Bidze State House.  Be mon krwar in ler pour nou arete ek sa bann zafer.  E an plis ki sa en leta en nou pe, nou koman bann Manm Lasanble, wi nou fer fas avek sa deba toulezour. Lo kote pansyon.  Lo kote isi, lo kote laba. Be an menm tan osi nou krwar ki letan en dimoun i arete koman en Prezidan, parey avek nenport lezot dimoun. Parey koman nou, koman en Manm Lasanble, letan nou arete nou sorti avek nou pansyon.  Nou sorti avek nou pansyon.  E si Leta i santi ki pour dir nou annan serten keksoz ki nou kapab fer ki en trip pour reprezant Sesel, ki i en trip pour fer lot keksoz, mon krwar ki la Leta i ava asiste. Parski mon krwar an menm tan osi ki pour dir letan i annan sa bann pozisyon kot par egzanp en ansyen Prezidan, oubyen en dimoun i ganny duty free par egzanp.  Si pour li aste en loto i pour ganny duty free.

E alor i devret kapab lo osi tou kouver.  E son pansyon i pa konmsi ganny en pti pansyon. Son pansyon i mars an relasyon avek Prezidan ki an servis. Prezidan ki pe aktyel.  Alors i pa konmsi i en pti git keksoz.  Si en Prezidan in byen travay;  si en Prezidan in byen travay e letan i step down, e i anvi par egzanp fer en fondasyon. Posibilite pour li ganny sponsorship pour en fondasyon i enorm.  I kantite. Alor ankor enn fwa mon krwar ki nou bezwen prezerv nou Leta Seselwa.  Nou bezwen balans tou keksoz byen. E alor Mr Speaker, Mr Chairman pour sa bann rezon, nou lo sa kote nou pa pe sanze nou pozisyon.

Nou pa kapab sanze nou pozisyon.  I ava immoral pour nou sanz nou pozisyon. E mon krwar ki pozisyon i koumsa. Ki sa 13.5 milyon i ganny frozen pour le moman.  Ok. I ganny frozen pour le moman nou ava regarde kwa ki ganny anmennen dan Lalwa.  Nou ava regarde ki lepep Seselwa osi tou i dir lo la. E letan Lalwa i vini, nou ava konsidere. Me selman parey mon pe dir, I mean, ou’n fini war dan ki direksyon mon pe ale. La pour le moman i ava, nou ava freeze li e apre sa si fodre kit li frozen e pli tar lannen prosenn letan Bidze i prezante ki i ganny koupe konpletman, sa i ava en lot keksoz.  Lo sa zafer … mon retourn ankor lo sa zafer sekirite, Seselwa in ganny ase avek sa zafer sekirite, 8 milyon dan Bidze State House pour ‘lentelizans’ pa akseptab, totalman pa akseptab.  E alor Mr Chairman nou pe demande ki sa sonm 13.5 milyon i ganny frozen pour le moman ziska ki nou ava ekout pli devan. E apore sa letan Lalwa i vini, avek tou bann komanter ler la nou ava, nou ava kapab bouze.  E alor sa sonm i R13. O51. 24 milyon.

So parey nou’n freeze 10 milyon dan Bidze larme, nou’n freeze 10 milyon dan Bidze larme, be la nou ava freeze 13 milyon dan Bidze State House pou le moman.  Be selman mon krwar ki, well mon’n koz lo serten diplikasyon e osi lo kote lapey.  E la nou bezwen dir Mr Chairman, State House in vin en landrwa ki top heavy, i  top heavy. I annan li 3, well 2 Sekreter D’Eta, anyway i annan 3 Sekreter D’Eta ki pe ganny zot en lapey 55 mil sakenn.  I annan Principle Secretaries ki zot lapey ankor enn fwa probableman anviron sa bann menm bataz.  I annan bann Konseye Spesyal ki zot lapey i o.  State House dan en peryod 5an in double son Bidze lapey. E nou isi dan sa Lasanble nou’n koz lo la ki pour dir i bezwen annan en keksoz ki arive.  I bezwen annan en keksoz ki arive akoz State House li menm li i a pe pran tro bokou larzan dan Bidze kot i konsern salaries and wages.  I tro bokou e mon profite pour mwan en lapel avek State House pour dir lead by example, akoz sa ki zot pe fer la i pa pe en kestyon ki zot pe lead by example.  E menm Mr Speaker sa sonm 55 mil, sa sonm 55 mil ki in nonmen pour bann Sekreter D’Eta, mwan menm kestyonnen si letan ou pour azout ankor i pour napa ankor ki pour soz ek bann allowances.  I enkli sa 55? I enkli sa 55?

Me non, non, non nou bezwen, nou bezwen vin direk la. Nou bezwen vin fran akoz nou vwar i annan tro bokou parski la menm travelling. Nou’n war letan nou ti pe koz lo supplementary appropriation travelling in ariv 8 milyon; in ariv 8 milyon; letan nou’n tyek supplementary appropriation ki i pe kout tro bokou. I mean en vizit dan distrik letan nou pe regard lakantite car hire ki bezwen lwe ensidswit, tro bokou.  E la mon pour dir State House pe kout lepep Seselwa tro bokou.  Mersi bokou.

 

        (APPLAUSE)

 MR DEPUTY SPEAKER

Mersi Onorab. Vis-Prezidan.

VICE-PRESIDENT MR VINCENT MERITON

Mr Chair, zis de pti mo mon pa ti anvi prolong sa diskour.  Be selman annou get keksoz dan konteks, byen koze i fer byen konpran.  Prezidan Faure i ti vin, i ti propoz devan Lasanble serten sanzman ler ti akse dan Laprezidans. Prezidan Faure swivan bann apwentman ki in fer in vwar nesesite pour li kapab dan son travay reflekte en bezwen obzektif dan pei pour adres ek bann defi.  Eski i met son lanmen dan son pos, oubyen i krwaz lanmen i dir tou keksoz i ok? Non.

Prezidan Faure en zonm aksyon e in dir mwan bezwen kree en Sekreter D’Eta ki pour deal avek kestyon Prevansyon Kont Drog avek Reabilitasyon.  I ti bezwen fer li, wi i ti bezwen fer li, e nou tou nou tonm dakor ler mon ti anmenn Lalwa pour dir en keksoz ki neseser pour vi ki tou dimoun i travay ansanm pour rod en solisyon.  Pa i vre?  I vre Onorab Ferrari. Nou osi tonm dakor pour kree en Sekreter D’Eta Pour Lapovrete.  E travay in ganny fer pour anmenn tou bann Lazans ansanm pour gete ki meyer fason pour adres bann defi ki devan nou.  Be avek sa bann responsabilite, ou bezwen resours pa vre.  E kote ou ganny resours.  Nou vin rod isi dan Lasanble avek zot avek en, dan sa lespri koz kler, trust, pour nou gete kot nou pe ale.  So i pa top heavy li.  Akoz bann nouvo responsabilite ki in pran i bezwen ganny resours osi; ou pa ekspekte i pran responsabilite selman i pa ganny resours pour deservi.

So si nou get sa dan sa konteks nou ava apresye ki nou, i sa bann travay, sa bann responsabilite ki i annan i demann dimoun pour travay e sa bann dimoun ki pe travay avek Prezidan pe delivre.  Ler i fer vizit, be ou bezwen fer vizit akoz si i pa fer vizit nou dir Prezidan i asiz zis dan son biro aircon State House i pa vizit dimoun.  Be ou bezwen annan serten, ou pa ekspekte mars dan bouret. Ou pe ekspekte li serten lankadreman ki i mars avek pour kapab fer sir, ki bann keksoz, bann zofisye i akonpanny li e i fer serten swivi apre keksoz i marse. Pa i vre?

So keksoz pe marse li.  E mon krwar la nou’n vin devan zot avek en Bidze ki nou krwar i rezonnab, be selman Lasanble zot an mazorite zot deside, nou pe sey anmenn en dyalog, en deba, en diskisyon, en zistifikasyon pour zot kapab apresye sa angle, sa perspektiv ki nou met keksoz devan.  Mersi Mr Chair.

MR DEPUTY SPEAKER

Mersi Vis-Prezidan.  Onorab Sebastien Pillay.

HON SEBASTIEN PILLAY

Mersi Mr Chair.  Mr Chair mon krwar nou’n ariv a en pwen lo deba kot nou pe diskit neseserman rezondet pour funding serten policy initiative ki’n vin anba sa, ki’n vin avek nou avek sa Bidze.  Me sa ki enportan pour nou konpran, se ki napa en Prezidan dan lemonn ki fonksyonn san en Bidze.  E dan tou pei dan lemonn i annan bann diferan konteks ki zot in servi, pour zot osi etabli bann baz, ouswa met lanfaz lo sekirite pei, ouswa pour tackle bann size Nasyonal parey lapovrete, parey drog.

So lesansyel i bezwen reste ki prezidans i bezwen respond a bezwen ki pei i annan; e sel fason pour li respond se ki i bezwen annan resours osi pour li travay, pour li kapab delivre lo sa manda ki i annan.

Ozordi di nou fer letour lorizon e nou regard lamazorite pei ozordi; par egzanp, si nou pran zis Lanmerik par egzanp, nou regard son analiz, son sistenm sekirite, ou vwar pour dir ou annan FBI, ou annan CIA, ou annan NCIS ou annan NSA, ou annan diferan eleman ki ganny met an plas.  Maurice tou dernyerman, Maurice osi in deside pour li revwar striktir ki li i annan.  Japon osi tou dernyerman in deside pour li revwar striktir ki li i annan.  Akoz zisteman akoz sak pei pe sey fer par fason pour zot kapab response e vin pli responsive avek bann threats ki pe arive. Now nou’n dir poudir nou annan bann Lazans dan pei ki fer bann travay.

Nou’n met bokou lanfaz zot travay ki Lapolis i fer.  Nou’n vwar Lafors Defans vin devan nou avek en plan konkret lo la fason ki zot pour fer serten reorganizasyon.  So nou vwar ki i annan bann repons tanzib, baze lo travay Bidze ki nou ti fer lannen pase.  E sa bann travay i pour kontinyen.  So ozordi nou pe soulev sa bann pwen e i byen ki nou annan sa bann pwen i ganny souleve lo tou le de kote latab akoz nill, okenn dimoun napa solisyon pour tou keksoz.

Me lesansyel i reste se ki ou bezwen provide en Bidze pour serten aksyon kapab ganny fer, e ou pa kapab, ou bezwen osi vwar ou analiz dan konteks ki ok, ozordi i en lot Prezidan ki la, demen en lot Prezidan pour sanze.  Si sak fwa a sak repriz ki nou annan en sityasyon kot nou annan en sanzman Prezidans, si sa enn i sorti lo lot parti i sorti dan en lot.  E bann desizyon ki nou fer i pa baze lo regard konpleksite ki sa lofis i annan, me plito nou regard zis bann lezot size.  Posibilite ki nou afekte travay ki sa Prezidan pe fer i l a, i reel.  So nou bezwen osi, nou osi etre responsab pour nou dir ok; ozordi nou annan en Bidze devan nou ki nou kapab, i annan propozisyon ki’n ganny fer la.  I annan en largiman ki’n ganny fer lo sa propozisyon ki’n ganny fer, nou bezwen met keksoz dan konteks ki nou ladan ozordi.

Me nou pa kapab, nou pa kapab dir poudir Sesel nou’n met nou apar, akoz nou pe met nou lo sa nivo.  Si ou regard sa ki petet nou pe mete, i pa neseserman en kar, sa ki bokou lezot pei pe mete, an relasyon avek sa menm travay ki sa Bidze i oule fer.  E nou, nou bezwen pare pour nou regard sa dan en fason pour dir ok Prezidan in prezant son Bidze pour la Prezidans.  In prezant sa Bidze ki i bezwen pour li travay avek.  E se nou ki bezwen fer desizyon lo la.  Ok?  So si ou anvi fer desizyon lo la ou bezwen fer li lo en baz largiman, me pa fer li en baz arbitrer.  Now propozisyon se ki i annan sa Lalwa ki vini, mon konpran sa Lalwa ki vini, me selman dan dele ki sa Lalwa pe vini – e sa Lalwa li menm li ler i vin devan Lasanble pour annan diskisyon ki pour arive lo sa Lalwa.  Tousala i pour anmenn en serten retar lo bann keksoz.  E nou bezwen konpran poudir sa freezing ki nou pe fer lo sa larzan i pa en saving; i pa reprezant en savings. I reprezant en freezing anba sa ‘Vot ki si demen sa Lalwa i vini nou pour bezwen retir sa larzan e remet li laba.  Nou pa pe varye sa head Bidze dan okenn fason.

So, mon pa konnen ki Onorab lot kote i sitan ankoler akoz in pas bomaten in fer tou koze dan Lasanble, i paret pour dir li i le koz tou koze dan Lasanble.  Ou konpran?  Ou bezwen respekte poudir mwan ki annan floor e sel dimoun ki kapab dir mwan arete se sa ki dan sa Sez la anler.  E i pa ankor dir mwan nanryen li.  So ou bezwen respekte mon Drwa koman en Manm Lasanble pour koze.  Unless ki ou anvi fer parey ler ou ti fer dan Coup D’eta.  Me selman sa i en lot zafer entirely.  So mwan mon konpran propozisyon ki Leader Lopozisyon in pran.  Nou ava gete kote deba i ale.  I en propozisyon ki mon konpran kot i pe vini.  Mon pa neseserman tonm dakor avek, me mon konpran son propozisyon – zis parey dan tou largiman ou bezwen konpran largiman, counter argument.  So nou a gete prezan kote ki nou ale avek sa largiman.  Mersi Mr Deputy Speaker.

MR DEPUTY SPEAKER

Mersi Onorab. Mon’n note Onorab Ferrari.  Onorab De Commarmond.

HON CHARLES DE COMMARMOND

Mersi Mr Chair. Mr Chair mon’n ekout byen sa ki pe pase dan nou Lasanble ozordi.  Pour mwan i kler, zot a pe koz vizit, depans ek transpor pour vizit ki Prezidan i fer, oubyen lofis Prezidan.  Be lekel ki ti rod ‘vizit?’ pa Onorab Ferrari premye li menm pour rod vizit pour al vizit dan son landrwa, dan son distrik. Be sa bann vizit i koute e i enportan selman ki nou Prezidan i vizite.  I vizite pour li kapab konpran sityasyon ki nou pe viv ladan e pour anmenn sanzman neseser pour fer ki lavi nou pep i ganny amelyore.  Enn.

Dezyenmman nou a pe koz lo ‘travel.’  Be tou ‘travel ‘ozordi ki Prezidan i fer i enkli menm Lasanble lo la.  Mr Chair, Ou menm ou, ou’n fer ale dernyen fwa la zot de Onorab Basil Hoareau.  Me tou sa bann i koute sa bann travel.  E mwan get li sa bann travel koman en lenvestisman.  Savedir ki Prezidan pe envestir e i bezwen anmenn son profi.  Sa ki mon bezwen balanse e mezire vizavi sa ki nou pe depanse ek travel.  Be sa bann mezir … sa bann profi i bezwen ganny mezire zisteman avek swivi ki sa bann travel i anmennen. Nou bezwen la swivi pour anmenn sa benefis pour nou pep.

E an menm tan se sa le problenm, le problenm se ki Ladministrasyon oubyen menm Gouvernman, diferan Minister i bezwen fer sa swivi pour anmenn sa benefis.  E lot pwen ki mon kapab fer sorti ankor se ki nou, nou bezwen get li osi dan lesans ki zot oule freeze ‘lentelizans.’  Sa bout ki i le freeze la, i enkli ‘lentelizans,’ e osi sekirite pour State House.  Sa ki zot oule fer, sa osi i form par ladan.  Ok?  So alor Mr Chair i enportan ki nou fer detrwa keksoz osi.  Annou konpare sa depans ki travel biro Prezidan i fer, konpare ek travel nou Lasanble, lepep a kapab war osi en pe.  E an menm tan nou vwar la pour dir desizyon in ganny pran.  Zot in deside pour vot non, pour freeze sa bout an antye. Zot desizyon i kler napa nanryen ki nou, nou kapab sanze.  E lepep Seselwa i bezwen konpran; lo nou kote isi, napa nanryen ki nou kapab sanze vizavi sa desizyon ki pe ganny pran.

E pour fini mwan mon krwar mwan i annan zis en keksoz Mr Chair, i annan zis en keksoz sa i konsern revanz lo Prezidan Michel. Se tou.  Mersi bokou.

MR DEPUTY SPEAKER

Mersi. Onorab De Commarmond.  Onorab Ferrari.

HON JEAN-FRANCOIS FERRARI

Tre rapidman Mr Speaker. Eski sa 13 milyon i afekte Bidze sekirite State House?  Non.  Eski sa 13 milyon i afekte performans travay Prezidan Danny Faure?  Non.  Eski sa 13 milyon pei?  Non.  Apard Bidze ki pe fouy en trod an Bidze sa larzan i pe zis al pour bann keksoz ki pei, sa bann dimoun pa merite.  Ler ou’n en Prezidan, ou pa konnen i annan ki’n Prezidan, ki’n dan Gouvernman 40an, i pa ni konnen konbyen en larou loto i vann, konbyen en lit bennzin i vann.  Akoz pandan 40an ni en larou loto i pa’n aste. Ok?  I pa konnen tousala.  Tou son larzan i ti’n merit anmase, akoz nou an faver ki i ganny en pansyon, en bon pansyon, pli bon pansyon ki nenport Seselwa, sa ansyen Prezidan i ava gannyen. Be ler in ganny son pansyon, ler in ganny son pansyon, nou pa pour kapab nou …. (Wi ale, les li koz en kou laba ek son 200 reken. Mon pa konnen i pe …)

MR DEPUTY SPEAKER

Onorab Ferrari laparol i pour ou.  Kontinyen Onorab Ferrari.

HON JEAN-FRANCOIS FERRARI

Non pe zis dir. Nou, zot i enkrwayab ki mannyer zot in sanze.  La zot pe rod larzan pour donn bann dimoun ki deza annan en ta larzan. Egzakteman.  Be egzakteman. Nou, nou anvi …

MR DEPUTY SPEAKER

Order!  Order!  Order!  Order!  Onorab Pillay ou ti koze taler.

HON JEAN-FRANCOIS FERRARI

Ler ou’n travay ou ganny benefis.  Ler ou retire, ou ganny en pansyon.  Nou, nou dir senpleman anmenn sa Lalwa pansyon, met devan Lasanble, nou konnen konbyen i annan, in deza determinen dan Constitutional Appointment Emolument Act, met ladan, nou a vote, nou a donn Bidze.  Ou sa de msye avek msye Joe Belmont. Nou ava, zot ava ganny zot pansyon.  Apre nou ava gete akoz, nou ava sey konpran akoz enn i bezwen R70 mil pour son sekirite, msye Belmont li i bezwen zis R20 mil. Mon pa le dir akoz mon krwar. Selman i bezwen annan serten rezon.  Sa bann keksoz ki nou anvi met lord ladan.  Alors mon bann koleg, nou pe esey ed sa pei.

Zot, zot pe sey zis partaz larzan avek bann dimoun ki deza annan larzan.  Nou, nou pe sey balans en Bidze pour ki nou pep i kapab viv en pe pli byen demen.  I annan i dir nou L’Amerique  i fer koumsa, be nou, nou pa L’Amerique nou! Nou pa L’Amerique ! Nou Sesel! Nou bezwen viv dapre nou mwayen!  E Mr Speaker, mwan mon demande mon krwar Leader Lopozisyon in fer byen kler ki mannyer nou tou nou santi lo sa size.  Alors annou pa perdi letan, nou tou letan i presye. Annou pran en vot lo la. Minis, Vis-Prezidan i ava anmenn Lalwa, nou ava konsider son Lalwa, e nou pour vote Lalwa.  Akoz nou anvi en Lalwa ki ankadre sa bann keksoz. Ok?

Me selman nou pa anvi en Lalwa ki pour al donn sekreter, drayver, administrasyon, telefonn – fuel la mon fek dir i annan dimoun 40an pa’n zanmen aste en lit bennzin i vann. La nou pour al donn ankor fuel?  Be nou pa kapab fer sa.  Mon krwar i pa moral Mr Vis-Prezidan.  Alors annou termin sa deba.  Annou vote, e nou ava move on.  Mersi.

MR DEPUTY SPEAKER

Mersi Onorab Ferrari. I annan ankor 3, 4, 5 Manm ki oule fer komanter lo la.  Mon ava donn Onorab Basil Hoareau, laparol.

HON BASIL HOAREAU

Mersi Mr Chair. Mr Chair mon krwar i enportan ki nou annan en deba.  E i en size sensitive e osi tre enteresan.  E mon krwar pour dir i enportan ki tou Manm ki anvi koze dan sa Lasanble i ganny sa drwa koze. Pa akoz Onorab Ferrari in fini koze ki nou devret termin deba.

Mr Speaker, letan nou koze, nou koz koabitasyon dan sa Lasanble. Nou koz koabitasyon ant Egzekitiv e Lezislatif, e i enportan ki letan nou koz sa koabitasyon nou annan sa ki nou apel equality of arms.   An dot mo letan nou pe, sa 2 Brans pe travay ansanm, i annan en balans, i annan en fairness.

Nou pa kapab krwar isi dan sa Lasanble ki letan nou koz lo koabitasyon, nou devret servi nou pouvwar ouswa abiz nou pouvwar.  Mon rekonnet, mon rekonnet poudir i devwar sa Lasanble pour li depouy en Bidze ki vin devan li.  I devwar sa Lasanble pour fer siny ki larzan ki pour pep Seselwa i ganny servi dan en fason ki byen e ki zis.  E sa Lasanble i devret fer sa louvraz byen. Me nou devret fer siny osi ki nou pa pe abiz nou pouvwar Mr Chair.

Nou devret fer li byen.  Nou devret fer siny ki nou pa enterfer avek louvraz Egzekitiv dan lesans ki nou koup Bidze an relasyon ek Egzekitiv e nou anpes egzekitiv performen e delivre pour sa pep.  Letan nou pe koz lo bann pansyon e bann benefis pour former Presidents and Vice-President, mon krwar i fer mwan mazin letan nou ti amann Konstitisyon isi dan sa Lasanble pour nou enkli pansyon pour nou bann Manm Lasanble.  Sa osi nou ti pe kree larzan pour Manm Lasanble. Parski Manm Lasanble, lakour Konstitisyonel ti’n deklare ki nou pa entitle pour ganny pansyon.  Nou ti deside amann Konstitisyon, nou ti pran sa desizyon, nou ti vot an faver pour kree larzan, pour ki nou bann Manm Lasanble letan nou fini nou manda e nou meet bann kriter nou kapab ganny peye.

E Onorab Ferrari mon krwar ou pour dakor ek mwan, parski i annan bann Manm Lasanble ki’n deza annan larzan, ki pour ganny plis larzan atraver sa pansyon.  So mwan ki mon pe dir se k, annou pa mazin zis nou lekor dan sa Lasanble. Annou get keksoz dan en fason fair e obzektif.  E kot i byen annou siporte parski pour annan en zour en lot Prezidan, pour napa zis sa de former Presidents, pour annan ankor lezot Prezidan ki pour vin former President. E i enportan ki nou get sa Lofis, annou get lenportans sa Lofis.  Annou pa get sa dimoun.  Annou pa get sa dimoun.  Mersi Mr Chair.

MR DEPUTY SPEAKER

Mersi Onorab Basil Hoareau.  Onorab Andre; Onorab Clifford Andre.

HON CLIFFORD ANDRE

Mersi Mr Speaker.  Mr Speaker i vre e in konfirmen ki pour annan en lo Prezidan byento.  Alors, alors Mr Speaker, si nou vwar pour dir i pa apropriye sa ki pe ganny anmennen, dan sa lespri koabitasyon, dan sa lespri diskisyon nou bezwen diskite. Nou bezwen freeze kot fodre freeze.  Leader Lopozisyon in dir nou pour freeze, anmenn sa ki fodre anmennen, nou ava gete. Si fodre koupe, nou ava koupe.  Si fodre donnen, nou a donnen.

Nou pe dir annou get sa konsep ki ladan ozordi akoz pep Seselwa ki travay parey nou dir an kreol i trimouse i osi i bezwen benefisye.  Li ler pour benefisye nou anvoy son progressive taks 3 fwa, la nou’n anvoy an Zilyet.  Donn li son pti larzan i osi dan son pos an Zanvye.

(APPLAUSE)

HON CLIFFORD ANDRE

Akoz nou bezwen toultan ki letan nou pe get enn zis en kote ki ganny gete.  Onorab Hoareau i vini i dir nou nou’n amann Konstitisyon pour ganny pansyon.  Me Lakour ti’n fer en direksyon.  So Egzekitiv … Lakour ti’n fer en lord ti’n dir.

MR DEPUTY SPEAKER

Order!  Order!  Kontinyen Onorab.

HON CLIFFORD ANDRE

Taler Onorab Sebastien Pillay i dir letan li i pe koze zis ou ki annan dwa dir aret koze laba i pe koze – (aret malelve, depi yer mon dir ou aret malelve). Ok so apre sa egzekitiv ti vwar li neseser pour anmenn, pour anmenn en propoz en lamannman ki lot kote osi ti vote, i pa ti zis nou ki ti vote.  Zot in vote, so pa bezwen fer pep Seselwa krwar ki zis nou ki’n vote.  E ki nou, nou anvi ki tou keksoz i pour nou.

Parey in dir i annan bann Sekreter D’Eta ki pe ganny 55 mil. I annan dimoun ki pe ganny plis saler ki nou, nou gannyen. So pa bezwen fer pep Seselwa krwar ki pour dir Lasanble i landrwa kot pli o saler i gannyen.  Sa ki’n travay parey in dir, i pa konn pri fuel i bezwen al en kou lo SHELL, dan transpor pour met en kou fuel. Al en kou kot Ben Trading laba sanz en kou larou.  Konpran ou, aste en kou.  So mwan Mr Speaker, nou’n ganny dir la pour dir L’Amerique i fer sa, L’Amerique i fer sa – be wi. Trump in vini in sanz en kantite keksoz; ki ti egziste.  Alors nou, nou pe al dapre nou sityasyon. Nou vwar ki sa pa apropriye, oubyen i demann ki nou revwar, nou pour fer li!  Si fodre ‘Zet anba’ Mr Speaker nou pour ‘Zet anba!’  Mersi.

MR DEPUTY SPEAKER

Mersi Onorab Andre.  Onorab Henrie.

HON GERVAIS HENRIE

Mersi Mr Chair.  Bokou keksoz in ganny dir la apre midi.  Me mon santi pour dir serten entervenan, zot pa pe mislead the House zot pe sey konfiz piblik laba deor, zot in servi bann fraz nou pe revanze; nou pea biz nou pouvwar akoz nou mazorite.  Mr Chair pour benefis bann dimoun nou laba deor i enportan ki zot konpran kisisa ki pe arive la ozordi apre midi.  Dan deba pli boner nou’n al war en ‘headings’ dan Bidze State House ki apel ‘’‘security and enforcement.’’ E nou’n komans lev kestyon lo la.

E nou’n vwar pour dir anba la, in annan en peyman ki pe fer 172 mil par mwan ki pe pey sekreter drayver avek lezot serten fonksyonner dan Biro ansyen Prezidan Michel.  Prezan kestyon ki nou, nou pe poze se ki akoz nou oule met sa freeze lo sa sonm 13 milyon, nou pe demann nou lekor konbyen i pe kout, konbyen Mr Michel e msye Rene ki 2 ansyen Prezidan pe kout Sesel ozordi? So annou met keksoz dan perspektiv.  Par egzanp, Prezidan Michel pe ganny ‘sekirite.’  Be sa bann ‘sekirite ‘keksoz ki nou pa ankor ganny dir la ozordi.  Lo ki payroll zot ete?  Zot lo payroll Larme, zot lo payroll State House, konbyen zot ki annan. Transpor letan zot mars ek li, lekel ki peye sa fuel?  Sa i enn.  Son sekirite.

Dezyenmman i pe ganny son pansyon apar li – dan Constitutional Emolument Appointees Allocation.  E letan nou pe gete sa sonm ki in bidzete ozordi, si mon matematik i byen i pe tonm apepre 68mil, sa zis son pansyon apar sa. Plus nou’n tande pour dir i pe ganny 172 mil ki pe enkli sekreter – bann keksoz koumsa.

Prezan ozordi eski par egzanp sa peyman 172 i legal?   Ki bor dan okenn bout, dir mwan si i annan ki dir pour dir fodre li koman en ansyen Prezidan i merit pe ganny sa. Ki en Vev Mr Mancham i merit pe ganny R70 mil par mwan.  Kote ki ekrir dan en morso Lalwa?  I annan en Lalwa nou’n tande pe vini.  E ler la ki nou pe dir be freeze ziska ler i vini nou a met keksoz annord.  So pa bezwen konfiz dimoun po dir nou pe revanze, ouswa nou pe abiz nou pouvwar.  Nou pe met keksoz an perspektiv akoz koman en avoka Onorab Hoareau pour konn tre byen poudir si en keksoz i pa dir legalman donnen, lo ki ground ki ou pe donnen.  I iIegal!  Nou annan en ladministrasyon Parti Lepep ki pe ankouraz, ki son Prezidan zot Parti i segon dan ladministrasyon, pe fer bann peyman ilegal ki taxpayers ki pe peye. Eski zot, zot soutir sa bann keksoz koumsa?

E Mr Speaker zis avan mon fini, en kestyon ki mon bezwen demande pour ‘’Poverty Alleviation programme 5,’’ eski nou pour pran li en sel, akoz lo osi i annan serten size ki nou bezwen kestyon, nou bezwen lev-e lo son alokasyon, partikilyerman lo son ‘’transportation’’ and ‘’travel cost’’ bann keksoz koumsa. Mersi bokou.

MR DEPUTY SPEAKER

Onorab Henrie re lev sa seksyon ki ou’n mansyonnen?

HON GERVAIS HENRIE

‘’Poverty Alleviation programme 5’’ lo paz 10.  So mon pe gete si letan nou pou pran sa vot si i pour ansanm akoz personn mon krwar pa ankor demann kestyon.  Me i annan kestyon ki nou anvi demande lo sa alokasyon. Mersi bokou.

MR DEPUTY SPEAKER

Ok.  I reste mon ankor, 2 Manm, VP mon pour donn ou en pti sans pour apre, me mon’n vwar ou 2 fwa ou’n lev lanmen. Oule fer en pti komanter apre mon a les sa 2 Manm oubyen … Ok? Onorab Afif.

HON AHMED AFIF

Mersi Mr Chair. Mr Chair mon kestyon i baze lo detay anba President’s Office, ‘’other use of good and services.’’ I annan en total 3.3 milyon ki ganny mete koman ‘’other service agreements.’’ Mon ti a kontan konnen kwa sa? I annan sa 13 milyon ki nou’n koz lo la. Apre pli ba i annan en lot 3.3 milyon ankor. Si zot kapab donn nou detay kwa sa. ‘’Other service agreements.’’

MR DEPUTY SPEAKER

Ok. Mersi Onorab.  PS ou kapab klarifye. Ok. Antretan ki nou pe esper PS, Onorab Basil Hoareau ou annan en pti pwen ou ti le lev en pti pwen? Ok. Go ahead.

 HON BASIL HOAREAU

Mersi Mr Chair.  Mr Chair mon anvi fer en pwen, raise en Point of Order anba 56, (1)d pour koriz en misapprehension ki Onorab Andre in fer.  Onorab Andre in dir pour dir Lakour, mon take it ki dan sa case Delorie versus Attorney General ki lakour Konstitisyonnel ti fer son Deklarasyon.  In dir ki lakor ti donn en direksyon pour amande   pa korek.  Lakour ti sizere ki si nou devret fer li vin legal, si nou devret fer li vin legal, si nou devret fer sa pansyon vin legal nou bezwen fer en lamannman. Ti en sizesyon, pa en direksyon.

MR DEPUTY SPEAKER

Ok, ok. In zis reponn … Annou Onorab Andre, Onorab Andre ou’n fer en, ou’n pronons ou in zis dir … Ok, ale, ale, bref, bref, bref Onorab.

HON CLIFFORD ANDRE

Mr Speaker mon ti a kontan koriz Onorab Hoareau lo en mis apreansyon ki in donn piblik. Mon pa ti dir Lakour in fer en Lord pour dir sa.  Mon pa ti dir i en direksyon. Mon ti dir … (Ase malelve, ekoute!)  Mon ti dir pour dir in donn en direksyon, be pa avek nou.

(Interruption)

HON CLIFFORD ANDRE

Ekoute mon pa’n dir.

(Interruption)

 MR DEPUTY SPEAKER

Ok.  Order! Order! Order! Order! 2 avoka sa.  Onorab Hoareau ou’n fini fer ou pwen. Onorab Andre.

HON CLIFFORD ANDRE

Mersi, mersi, mon ti dir ki pour dir Lakour li in fer son Deklarasyon, son direksyon pour li Lakour, epi sa Egzekitiv, Egzekitiv ki’n pran sa linisyativ pour li anmenn sa kot nou. Se sa ki mon ti a kontan … Mersi.

(Interruption)

 MR DEPUTY SPEAKER

Ok, ok.  Order!  Order!  Order! Order!  Order! Ok PS, PS ou’n pare avek klarifikasyon. Go ahead PS.

PS MARIE-CLAIRE-MARIE

Mersi Mr Chair. Mersi Onorab Afif pour ou kestyon.  Sa amount 3.3 million i annan pour fer ek ‘service agreements.’  Wi, ladan i annan bann Kontra ki nou donnen parey kot i konsern ‘’Pest Control,’ maintenance ki annan pour fer sirtou … osi nou annan bann ‘‘maintenance aircon’’ eksetera.  Sa ki tonm ladan.

Nou annan ‘maintenance aircon,’ nou annan maintenance pour building, i annan …

 HON AHMED AFIF

…..(Mic Off)

PS MARIE-CLAIRE-MARIE

Pardon?  Wi, wi, i annan … bann masin ki servi pour kestyon sekirite, tou sa i tonm ladan osi. Wi.

MR DEPUTY SPEAKER

Ok.  Mersi PS.  Onorab Afif.

HON AHMED AFIF

I pa tro kler akoz aircon i annan en Code separe pour li. I annan R483mil 300 roupi.  Sa i deza dan en lot Code i apel air-conditioning equipment, i deza annan sa.  So i pa kapab kouver aircon. Mon anvi konnen kwa sa bann Kontra, sa ‘service agreements?’

MR DEPUTY SPEAKER

Ok.  PS.

PS MARIE-CLAIRE-MARIE

Sorry refer sa Code ki ou’n dir, ou pe nonm ‘equipments’ sa ki ou’n nonmen avan?

HON AHMED AFIF

Sa ki mon ti pe demann ou se ti annan R3.3 milyon anba ‘’other service agreements’’ ki pa tro lwen avek sa 13 milyon zis par anba ti annan ‘’other service agreement.’’ Mon oule konnen kwa sa. Prezan ou’n dir mwan pour dir i kouver bann ‘’maintenance’’ par egzanp pour aircon.  Me aircon i deza kouver separeman anba en lot kategori maintenance ki R483 mil so li in fini ganny kouver li, i pa ladan li. Air-conditioning equipments, selman i tonm anba, tousala i tonm anba zot tonm anba ‘’maintenance and repairs. ‘’

MR DEPUTY SPEAKER

Ok mersi Onorab.  PS.

PS MARIE-CLAIRE-MARIE

Mersi Mr Chair.  Sa ki ou pe nonmen anba i son lekipman bann spares and all.  Sa ki mon pe nonmen anba Lagreman sa i son maintenance of the equipment of the aircons ki diferan sa.  Wi. I pa zis pour aircon li. Parey mon’n dir i annan pour building ladan, i annan bann x-ray, masin lekipman sekirite; par egzanp kot dimoun letan i pour antre dan State House bann lekipman ki zot bezwen pas atraver, tousala son bann maintenance osi.

Apre kot i konsern aircon, nou annan diferan morso lo premises State House.  I annan en kantite aircon. In fact i annan 1 ou 2 lakonpannyen ki fer sa bann maintenance akoz i annan en kantite.  Sorry 1,2,3,  –3 Lakonpannyen ki fer sa bann maintenance akoz i annan en kantite aircon. So apre ou annan ‘Pest Control’ parey mon’n dir, i annan bann masin x-ray sekirite, e enn ladan osi nou annan enn ki fer ou kapab dir i attend lo premises ek tou bann maintenance an zeneral. Bann general maintenance; akoz nou pa pe, nou pa’n anploy en dimoun akoz i kantite maintenance ki annan.

I annan en lagreman avek en dimoun la ki fer son maintenance an menm tan i vin ek son staff tou, i fer sa maintenance.  Wi.

MR DEPUTY SPEAKER

Ok Onorab Afif.

HON AHMED AFIF

Ok zis en … mon konpran ou leksplikasyon.  Selman i ekivalan apepre R10mil par zour.  Ki ou pe depanse. 10 mil roupi par zour pour aranz detrwa aircon avek bann pti maintenance.  Mon vwar i en pe ser.  Eski ou kapab konfirm avek nou pour dir zot in fer en tender pour sa bann laranzman, oubyen zis en keksoz ki’n deza egziste parey SPDF, prezan zot pe kontinyen avek.  Parski R10 mil par zour pour maintain detrwa aircon mon konnen i annan detrwa aircon, e masin ki get anba loto bann pti lekipman, bann keksoz koumsa, 10 mil roupi par zour, enkli Sanmdi ek Dimans i paret en pe for pour mwan.

MR DEPUTY SPEAKER

Mersi Onorab. PS.

PS MARIE-CLAIRE-MARIE

Parey mon’n fer resorti, pa zis aircon ladan, mon’n dir, wi .. an zeneral. Ou vwar letan en dimoun i pe undertake maintenance work an zeneral i pe vin get en pe sewage osi.  Ou vwar si i annan bann blokaz isi laba ki i annan pour fer lo premises.

So i annan son konponan aircon mon’n dir apre i annan bann x-ray machines, bann lekipman.  Apre i annan son bann problenm maintenance ki demande lo premises, i bezwen get sewage, si i annan kwa ek se swa pour aranze.  So i pa zis en kestyon zis aircon.  Wi.

Son … i bann Kontra ki ti egziste.  Ki nou’n fer nou pandan sa 1an letan ti pour renouvle, nou asize nou’n diskit ek zot pour vwar si sa pri ki nou ti pe pey zot i rezonnab.  So nou’n kontinyen avek sa, akoz nou pa ti dan en sityasyon pour al tender out akoz nou ti bezwen ki sa servis i kontinyen.  So this is nou’n go along avek menm dimoun ki ti pe fer li.  Wi.

MR DEPUTY SPEAKER

Ok.  Mersi, mersi PS.  Onorab, mon pa’n donn ou laparol. Ok. Dernyen entervenan.  Onorab Ramkalawan apre VP i ava entervenir. Onorab Ramkalawan.

HON WAVEL RAMKALAWAN

Mr Chairman mersi bokou. Mon bezwen kantmenm Mr Chairman eksprim mon dezapwentman. Dezapwentman premyerman avek Onorab De Commarmond.. Onorab De Commarmond i sorti dan meeting FPAC ansanm avek Vis-Prezidan, ansanm avek bann dimoun dan Larme kot nou’n regard Bidze Lafors Defans.

E letan nou’n regard Bidze Lafors Defans nou’n osi koz lo, letan nou’n regard mendev, nou osi koz lo sekirite State House. Pour Onorab De Commarmond, en Manm FPAC, letan i sorti meeting pour li dan Lasanble Nasyonal, devan sa Vis- Prezidan pour dir ki letan nou pe sispann sa 13 milyon nou pe afekte sekirite State House, i non selman misleading, me pour mwan Mr Speaker i apel degoutan.

 

(APPLAUSE)

HON WAVEL RAMKALAWAN

I degoutan.  Ok?  E si se sa kalite latitid ki nou pran letan nou sorti dan en meeting, kot nou’n regard keksoz dan en fason konfidansyel e apre nou vin mislead, mwan mon dezapwente – en kantite. Dezyenmman Onorab Hoareau, in koz lo pansyon.  Mon pa ganny en konpran akoz ki Onorab Hoareau dan son entervansyon, in vin koz lo pansyon.  Akoz sa size ki nou pe koz lo la, bann dan sa Bidze, i napa nanryen pour fer ek pansyon.  I napa nanryen pour fer ek pansyon ansyen Prezidan.

Pansyon ansyen Prezidan pa ganny peye anba State House.  Me pansyon ansyen Prezidan i ganny peye anba en lot seksyon. Constitutional Appointees ensidswit.  Sa ki … e pour li melanz sa ki Onorab Hoareau in dir, pour li fer antre sa soz pansyon, akoz nou pa pe koup, napa personn ki pe rod koup pansyon, parski i deza annan en lot Lalwa, e sa lot Lalwa ki deal avek pansyon ansyen Prezidan i totalman diferan avek sa ki nou pe koz lo la.  Nou pe koz lo bann dues ki. So alor ankor enn fwa fodre nou balanse.

Me finalman, finalman Mr Chairman, mwan mon anvi dir e i kler ki nou’n dir avek Minis Finans; dan sa Bidze, nou pe travay pour nou koup kot nou devret koupe a fen ki tou travayer Seselwa i ava kapab ganny zot progressive income tax apartir le 01 Zanvye. Ok?  Apart 01 Zanvye nou anvi ki tou Seselwa, i ganny li son progressive income tax pour ki i a kapab anmenn dan lakour en pe plis larzan.  E alor mon trouv i drol, mon trouv i drol ki nou lo nou kote, isi lo kote LDS, nou a pe lager pour travayer Seselwa, tandis ki lo lot kote laba zot, zot pe lager pour bann dimoun ki pe ganny bann pli gro lapey.

 

(Interruption)

MR SPEAKER

Oder!  Order!

 HON WAVEL RAMKALAWAN

Zot pe lager lebra kase pour bann dimoun ki ganny pli gro lapey. E la Mr Speaker, Mr Chairman, mon bezwen dir ki mon kontan vwar ki pour dir Vis-Prezidan, Vis-Prezidan li in pran li en lot latitid. Vis Prezidan li i pe pran li en latitid rezonnab pour nou kapab sey regarde; pour nou kapab, be tandis ki son bann manm i kler ozordi konmdir Onorab Sebastien Pillay, ki zot alignment i vreman an dezord. Zot alignment in ganny bage konpletman.  E avek sa Mr Speaker mon krwar ki lo sa pwen lo Poverty alleviation, lo Poverty alleviation, mon krwar nou kapab kouver sa dernyen pwen e apre sa mon krwar in ariv 5er soz nou kapab bouze. Mersi bokou Mr Chairman.

MR DEPUTY SPEAKER

Ok mon pa pe pran. Non i pa, nou pe zis reponn en statement ki lot kote in fer.  Tou lede kote i fer statement. Tou lede kote i fer politik, tou lede kote i sey defann son pozisyon. Si nou pour kontinyen reponn, reponn, nou pa pour zanmen fini.  Zis … non, non.

HON CHARLES DE COMMARMOND

….problem nou a reponn li en lot fason.

MR DEPUTY SPEAKER

Onorab, Onorab.

Ou’n ganny ou sans, ou’n ganny ou sans Onorab Pillay, Onorab De Commarmond osi tou in koze.  Onorab De Commarmond i pa kestyon mon pa donn ou en sans pour koze. Ok?  O tan posib mon fer li mon devwar.

HON CHARLES DE COMMARMOND

Parol ki’n ganny servi i pa korek.

MR DEPUTY SPEAKER

Mon pa ankor donn ou laparol Onorab De Commarmond. Ok? Ki mon pe dir lo sa deba sakenn i fer statement.  Me si nou pour kontinyen reponn en statement, enn lot kote latab. Nou pa pour zanmen fini. Ok?  Zot in fer zot statement lot kote in fer statement. Ok?  Ale.  Order! Order! PS, PS Payet. Diriz nou -eski i annan sa bout ‘poverty alleviation ‘ki nou pa ankor touse?

 PS PATRICK PAYET

Mersi Mr Chair.

MR DEPUTY SPEAKER

Oubyen nou’n pran tou ansanm?

PS PATRICK PAYET

Non i tou ansanm, akoz mon krwar taler letan PS Marie in touse par egzanp anba ‘consultancy’ ki in touse in dir i enkli ‘poverty alleviation’.

 MR DEPUTY SPEAKER

Ok savedir sa lofis in fini osi ganny kouver.  Ok Vis-Prezidan oule dir en dernyen parol avan Lasanble i pran en desizyon, i pronons li.  VP?

VICE PRESIDENT MR VINCENT MERITON

Mr Chairman mon pe tenir en laliny dwat. En laliny Bidze ki zot tou zot dakor avek, e ladan in dir i annan en keksoz pour tou Seselwa enkli bann lapey pour bann travayer dan Gouvernman, ki sak fwa, sak budget line i vin devan, Onorab Afif in lev lanmen. Akoz sa logmantasyon? I vedir ki Gouvernman i ti son lentere pour kapab get dan welfare son bann travayer, e kestyon larepons in ganny donnen byen e tou dimoun i satisfe.

So ou pa kapab dir ki en kote pa pe siport travayer kan i en keksoz ki kler ki’n ganny met ater.  Dezyenmman, mon dernyen pwen mon oule fer avan mon ale.  Sa Bidze ki mon ti vin avek ki mon ti defann lannen pase, menm ler, pa menm dat, ti annan en laprouvasyon lo Bidze State House, e ladan mon ti dir ki nou pey bann ansyen Prezidan 172 mil.  So Onorab i pa ilegal akoz ou ti aprouve isi.  So ziske ler mon met en lankadreman legal, i legal pour nou kapab fer li marse.  Mr Chairman, annou tir lemosyon, annou tir nou deba lo dimoun.  Annou focus lo bann size, lo bann lankadreman pour get a lavenir. Mersi Mr Chairman.

MR DEPUTY SPEAKER

Mersi VP. Bon mwan ti a zis kontan PS i diriz nou lo kwa ki nou pe al vote. I annan propozisyon in ganny fer. Onorab. Poverty Lofis, ‘poverty alleviation’ in fini ganny pran ansanm.  PS in fer kler.

PS PATRICK PAYET

Wi akoz i osi dan sa ‘main appropriation, 79 milyon 82750, i annan 5 progranm.  E ‘poverty alleviation’ i dan progranm 5 i osi enkli ladan.

MR DEPUTY SPEAKER

Ok.  Bon PS gid nou lo sif ki Lasanble pour pronons li lo la.

PS PATRICK PAYET

Wi, nou, i 79 milyon 8, 2750, me nou pe freeze 13milyon 51mil  240.

MR DEPUTY SPEAKER

Ok mersi PS.  Bon nou ava pran en vote lo Bidze. Mon’n dir ankor PS in fer kler e depi boner in fer kler. Kwa ki ti anba sa 79 milyon. In dir anba tou sa bann progranm lekel sa bann lofis ki’n ganny kouver anba la. Mon’n ferm deba lo la.  Nou’n ariv en moman pour nou pran en vote.  PS in donn nou direksyon dan sa 79 milyon i annan 13 milyon ki pe ganny freeze.  Onorab.

(Mic-Off)

MR DEPUTY SPEAKER

Non, napa ankor deba.  Sanmenm sa parey mon’n dir avan nou ti pran Break, nou’n dwell tro bokou lo en size, i posib prezan zot pa’n kapab al dan detay en lofis.  Me sa Lofis dan deba, sa Lofis mon’n tann PS Marie in koz lo la e PS Payet in koz lo la. So nou’n ariv en moman pour nou pran en vot lo Bidze Lofis Prezidan ek Vis- Prezidan.  Nou pe koz lo Bidze parey PS in dir.  Dan sa 79 milyon i annan 13 milyon ki pe ganny freeze.  Alor mon a demann en show of hands.  Tou Manm ki an faver? Okenn Manm ki kont? Ok. Madam Clerk?

MADAM CLERK

Mr Chair mersi.  11 Manm an faver, personn kont.  Mersi Mr Chair.

MR DEPUTY SPEAKER

Ok.  Savedir sa Bidze parey mon’n dir 79 milyon me 13 milyon i ganny retire, i ganny freeze pour le moman. In ganny aprouve par Lasanble Nasyonal.  Bon avek sa mon ti a kontan eskiz Vis-Prezidan, PS Marie avek Ms Marie, Financial Controller. E Anbasader Dick Esparon parmi nou.

 

(THE VICE-PRESIDENT AND HIS DELEGATION WAS EXCUSED FROM THE HOUSE)

MR DEPUTY SPEAKER

Bon anvi, anvi ler ki’n arive, e konsiltasyon ki mon’n gannyen avek PS Finans, nou pa pour pran Departman Prizon la akoz i posib ki i en Departman ki pour anmenn bokou kestyon, i pour long.  Nou a plito komans li demen bomaten.  E PS ou ava aviz nou osi, mon krwar mon’n, nou annan enn 2 Minister ki posib nou pour kas en pti progranm.  Me pour demen bomaten nou agree Prizon premye? Prizon premye, apre o fir e an mezir ou ava aviz nou lekel Minister ki pour swiv.  Ok?

Bon avan nou adjourn ankor mon ti a kontan remersi PS Payet, Mr Thésee, Ms Varghese avek ou lot asistan, Ms Croisée mon krwar non? Wi. Pour spend lazournen ek nou ozordi pour ed nou dan sa deba.  Wi nou a remersye osi tou SBC tou ki touzour fidel pour transmet deba avek nou bann oditer deor.  Avek sa nou ava adjourn e nou ava repran demen 9er bomaten.

 

(ADJOURNMENT)