::
Home » Verbatim » 2017 » Verbatim Monday 13th November, 2017

Verbatim Monday 13th November, 2017

NATIONAL ASSEMBLY OFSEYCHELLES

 Monday 13th November, 2017

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou dimoun.  Bonzour Vis-Prezidan, PS Payet ek  lekip.  Tou bann dimoun ki pe ekout nou an deor Lasanble, zot osi, bonzour.  E fotespere zot in pas en bon weekend.  Parey mon ti dir semenn pase, i annan diferan let ki mon’n gannyen.  Mon ti eksplik ka Mr Jules Hoareau ki satisfe ki mannyer keksoz in ale.  Ti osi annan Sef Ziz avek ansyen Prezidan Michel ki ti annan en demann – anfe zot ti egzize ki mon lir zot let vi ki zot non in ganny mansyonnen.  Mon’n reflesir lo la e mon’n konsilte diferan Avoka.

E ler mon pou lir pou ansyen Prezidan Michel, zot ava vwar, mon a donn zot rezon, akoz prensipalman mon krwar i neseser pou mon lir sa let, pou mon respekte legzizans ki zot in demande, zot Drwa konman Seselwa anba Konstitisyon.

Alor mon a lir pou the Honorable Chief Justice premye.  I lir koumswit ;

 Dear Honorable Speaker,

 RE: ADDRESS BY HONORABLE JEAN-FRANCOIS FERRARI.

  I am writing to you because I am deeply concerned about the contents of all of the comments of Honorable Jean-Francois Ferrari on November the 8th 2017, and would like my right of reply respected persuant to Article 102 (6) of the Constitution of Seychelles. 

He stated;

’’Lo kote Zidisyer sa i en pli gro katastrof.  Repitasyon sa lebra enportan Gouvernman in degrade, akoz bann pratik malisye ek bann lazanda personnel sa ki ansarz, ankouraze par Mr James Michel ek son group dezespere pou protez son byen mal aki, e pou anpes prosekisyon.

Repitasyon Sef Ziz i dan labou, akoz bann pratik ilegal.  Nou’n trouve kot i pe kas i pe kas anba Prezidan Larepiblik.  Be i paret ki bann Lotorite i per met lord dan sa lenstitisyon.  ‘’

This is an understood in English to mean as follows –  and I’m still quoting …  ‘’Insofar as the Judiciary is concerned, this is an even bigger  catastrophe.  The reputation of this important arm of Government has fallen in disrepute, on account of a number of malicious practices, and the personal agenda of the person in charge, encouraged by Mr James Michel, and his desperate group, to protect his illegally acquired assets and prevent any prosecution. 

        The reputation of the Chief Justice has been tarnished because of these illegal practices.  We have seen how she has been undermining the President of the Republic, but it appears that the authorities are afraid of putting order in this institution.  ‘’

        Honorable Ferrari has breached the standing orders of the Assembly – Rule 54 of the Standing Orders (1) which provides  in relevant part.  (1);- ‘a member shall confined his or her observations to the subject under discussion.  And may not introduce matters, not relevant  thereto.’ 

(5) ‘the conduct of the President, Vice-President, Speaker, Deputy Speaker Ministers, Leader of the Government Business, Leader of the Opposition, Members of Judges of Superior  Courts, and Magistrates, and all Constitutional appointees and their families, shall not be referred to, expect upon a motion moved for that purpose.’ 

        Honorable Ferrari’s statement, is both inflammatory and defamatory and made under the cloak of the Parliamentary privilege. 

        The privilege  he uses is a very great one, but it carries with it a responsibility, corresponding obligations, that it should always be used responsibly with under the rules set by Standing Orders and not abused.

        The Judiciary is not a catastrophe. It is  functioning smoothly and efficiently.  I have not been charged or convicted of any illegal practices.  I have not engaged in any malicious acts or acted with the personal agenda, but work hard everyday, to ensure that the Judiciary is fulfilling its mandate.

        The President is not so insecure as to be undermined when matters of public interest are discussed.  I have at all time acting accordance to the obligation of my office. 

        Honorable Ferrari’s statements are not backed by any facts and made with no regard to the business before the Assembly, in what can only be seen as furtherance of a personal agenda. 

Irresponsible statements such as those Hon. Ferrari, if goes unchecked, will hold the Assembly back from its other fruitful attempts to move forward from the less transparent areas of Seychelles’ past, which steps the Judiciary fully supports. 

        I am therefore asking for an apology and a retraction of this untrue statement. 

Yours sincerly,

Dr. Mathilda Twomey

Chief Justice 

        Sa i sa premye let ki mon ti koz lo la semenn pase.  E mon ti dir osi  i annan en let ki Prezidan James Michel ansyen Prezidan Larepiblik, ti ekrir ki i ti egzize ki mon lir e in menm dir ki mon, mon pa’n met lord, alor pe propoze ki, mon pe endorse sa bann keksoz.

Parey mon’n dir ler en Manm i fer, son Statement i pa vedir lezot Manm i siport sa Statement oubyen ki Speaker i a dakor avek.  Me i Drwa sak Manm e responsabilite sak Manm dir sa ki zot oule dir.  Alor parey mon’n dir, advise ki mon’n gannyen se ki, vi Sef Ziz e ansyen Prezidan zot pozisyon ki mon lir sa let.  Alor I beg your indulgence parey Angle i dir.  Pasyante en  pti pe ek mwan.  Mon a lir let Prezidan Michel.

‘’Mr Speaker dan son lentervansyon Nasyonal Lasanble le 9 Novanm Manm Lasanble, pou Mont Fleuri in fer serten lakizasyon malisye osi byen ki bann alegasyon san fonnman kont mwan.

Jean-Francois Ferrari in akiz mwan pou esey retourn pei, mon quote ‘’.,.esey retourn pei dan bann vye pratik lepase.’’ Unquote.  I konn tre byen ki mon’n retir mwan konpletman dan lavi politik Sesel.  Mon pa enterfer e mon napa lentansyon enterfer dan travay Gouvernman ni dan fonksyonnman Parti Lepep.

Lefe ki mon Prezidan Honoraire  sa Parti, i pirman senpleman en post Honorific an siny rekonesans pou mon travay pou sa parti politik, ki mon’n ede kree e rekonesans pou mon prensip ki mon pa’n zanmen trair.

Dezyenmman Jean-Francois Ferrari i akiz mwan ki mon ek en group dezespere ; in ankouraz degradasyon Zidisyer pou protez mon byen mal aki e pou anpes prosekisyon.  Mon oule fer kler, ki zanmen e ‘ZANMEN’ in ‘italics’ mon’n enterfer dan travay prosesis e fonksyonnman Zidisyer.  Mon oule Jean-Francois Ferrari pou prouve kan e ki mannyer mon’n ankouraz degradasyon Zidisyer?  Mon oule met o defi Jean-Francois Ferrari ek nenport ki lezot endividi, pou fourni laprev ki mon byen se bann byen mal aki.  Mon osi oule met li o defi pou annan kouraz son konviksyon e redir an deor Lasanble Nasyonal e an piblik, san ki i annan rekour a son privilez iminite parlmanter, sa bann lakizasyon ek alegasyon difamatwar kont mwan.  I ava permet nou enn fwa pou tou, adres sa bann lakizasyon vize e persistan.  I ava osi permet Jean-Francois Ferrari, pou inisye prosedir prosekisyon kont mon si i kapab prouv son bann alegasyon e akizasyon.

Dan dot sirkonstans mon ti ava kapab egzers mon drwa pou selon Jean-Francois Ferrari pou difamasyon, me kontenir ki pe kasyet li anba kouvertir ‘Iminite Parlmanter, i krwar ki sa i donn li tou drwa pou abiz son privilez, avek epinite pou kalomye e ensilte nenport endividi, san risk oubyen lakrent okenn represay legal, de lapar son bann viktim.  An se ki konsern ou personnelman, mon konsider lefe ki ou pa’n rapel a Lord Jean-Francois Ferrari ki lo akizasyon e alegasyon ki in fer kont mwan, konman en siny ou endorsement son propo, e donk en mank serye, lenparsyalite lo ou par.  Mon egzize e se mon drwa anba Konstitisyon Larepiblik Sesel, ki ou sirkil  mon repons a tou Manm Lasanble Nasyonal e ki ou lir dan zot prosen sesyon.  Mon osi egzize ki Jean–Francois Ferrari i rétrakte son bann akizasyon ek alegasyon kont mwan.  Lefe ki entervansyon Jean-Francois Ferrari in ganny lazman kouver par medya Nasyonal,  mon’n deside pibliy mon kopi mon let dan sa menm medya Nasyonal.  ‘’

Alor vwala parey mon’n dir mon’n reflesir mon’n rod konsey ziske mon pa en avoka e parey tou letan mon dir zot nou tou nou pe travay pou nou fer sa ki byen pou Sesel, e mon’n ganny demande pou i meyer ki mon lir let Sef Ziz e let ansyen Prezidan Michel, ki mon’n fer la.  Onorab Ferrari ou annan komanter.

HON JEAN-FRANCOIS FERRARI

Wi mersi Mr Speaker.  Bonzour tou dimoun.  Mr Speaker parey ou mon’n pran konesans sa 2 let ki’n vini.  Mon ti a kontan dir avek Lasanble, ki mon pa apologize  pou okenn keksoz ki mon’n dir.

             (APPLAUSE)

HON JEAN-FRANCOIS FERRARI

Mon ti a kontan lo premye pwen dir ki Lapwentman Konstitisyonnel in inisye en prosedir ki’n involve Sef Ziz.  E alors  mwan mon pa pou enterfer ladan, e sa Sef Ziz i ava sa keksoz i ava ganny regle ant Sef Ziz ek Lapwentman Konstitisyonnel.  An sa ki konsern ansyen Prezidan Michel, mon ti a kontan dir devan sa Lasanble piblikman devan Lepep Seselwa, ki mon absoliman pare imedyatman pou lev – pou surrender mon Liminite Parlmanter, imedyatman pou permet ansyen Prezidan Michel pou met en case Ankour kont mon pou li kapab vin vindicate sa bann pozisyon ki’n mete dan son let.

        (APPLAUSE)

HON JEAN-FRANCOIS FERRARI

So imedyatman ki en case i ganny fayle kont mwan Mr Speaker, mon ava demann avek Lasanble ki mon ‘Liminite i ganny lev-e, pou ki ansyen Prezidan Michel i kapab go ahead avek sa case, ki ti a kontan mete kont mwan. Mon napa nanryen pou kasyet, mon pa pe kasyet anba okenn ‘liminite.’  Tou sa ki mon’n dir mon dir dan Lasanble e mon’n dir an piblik e Msye Michel i free pou li fer sa ki anvi.  I en sitwayen i kapab fer sa ki anvi.  Mersi bokou.

MR SPEAKER

Mersi Onorab Ferrari.  Dan sa ka mon krwar ou’n fer ou Statement i kler pou tou dimoun in tande.  Dan sa ka nou ava esper konm dir Franse ‘’…la suite au prochain numéro.’’  Savedir nou a esper konsilte.  Wi Onorab Ramkalawan ou annan en komanter?

 HON WAVEL RAMKALAWAN

Mr Speaker bonzour.  E bonzour tou dimoun.  Mr Speaker nou siport tou sa ki Onorab Ferrai in dir.  E lemoman, lemoman ki i ava arive, nou ava swiv bann konsey legal.  Mwan personnelman mon ava anmenn sa Mosyon devan Lasanble pou lev ‘iminite’ Onorab Ferrari pour ki Prezidan Michel i ava kapab anmenn li Ankour pou pourswiv li. E sel keksoz ki nou anvi dir, letan i ariv sa moman nou lev ‘iminite’ nou espere ki i anmenn en case Ankour.

MR SPEAKER

Ok. 

HON WAVEL RAMKALAWAN

…ki i pa zis atraver sa let, li osi tou – konmsi zis pou sey fer per dimoun.  Akoz lo nou kote napa personn ki per.  Mersi bokou.

        (APPLAUSE)

 MR SPEAKER

Bon mon’n … Order!  Order!  Ok, ok.  Nou annan kantite business pou fer sa semenn.  Nou lasemenn i tre ranpli.  Mon’n note.  Mon’n not komanter Onorab Ferrari ek Onorab Ramkalawan.  Parey touzour mon’n dir.  Mon ava reflesir lo la mon a pran konsey legal nou a vwar ki nou pou fer apre.  Me mon annan osi en lot kominikasyon avan nou konmans nou biznes ozordi.  Ozordi nou bezwen eskiz Onorab Jany De Letourdie, e osi pran par dan sa ki’n ariv li pandan weekend.  Zot in kas dan son lakaz, zot in pran tou son larzan, son tablet ek lanmizik.  Enkli son lakle lakaz.  Alors mon ti a fer en lapel konman en koleg MNA, ki okenn dimoun dan sa rezyon ki ganny aprose pou aste sa bann keksoz vole, silvouple pa aste.  Kontakte Onorab De Letourdie oubyen isi Lasanble.

Mon krwar nou’n ariv sa staz la kot nou bezwen prezan koze poudir dimoun tou dimoun i bezwen donn koudmen pou anpes sa bann vol arive.  E ler i bezwen pran son lazournen pou al resanz tou son lakle lakaz pou al kot Lapolis, tousala i pe met nou retar konman en pei.  Alor mon ti a dir zot ozordi nou pou eskiz li – i pa pou dan Lasanble, akoz in ariv li sa maler kot li.

 

DEPARTMENT OF INVESTMENT

MR SPEAKER

Avek sa parey mon’n dir taler nou a kontiny nou travay.  Nou welcome Vis-Prezidan Meriton i touzour en plezir pou resevwar bann dimoun finans, PS ek son lekip pou nou vwar dan Bidze.  E bomaten en parey zot konnen nou pou pran 2.  Nou pou konmans avek Departman Envestisman Department of Investment e Dr Fanny i la.  Department of Investment i lo paz 73 dan zot gro liv.  E nou pa pou parey nou pou [fer semenn pase. Nou’n konmanse nou pa pou les okenn lentrodiksyon nou pou al direkteman lo okenn query ki zot annan.  Page 73,  avek sa nou a vwar si annan okenn mon krwar Dr Fanny i al avek son Administrative Officer Mis Joubert.  Ms Selman Joubert ki o-bor li – si mon’n byen konpran.  E mon a donn laparol Onorab Afif.

HON AHMED AFIF

Mersi Mr Chair.  Bonzour

Vis Prezidan e ou delegasyon.  Mon ti a kontan demann avek Departman Lenvestisman, zis pou eksplik nou en pti pe sa logmantasyon apepre  R4 san 11 mil lo paz 74 dan ‘’wages and salaries’’  ki reprezant apepre R34 mil ekstra par mwan.  Si zot kapab eksplik nou ki labaz zot in pran nouvo dimoun ; si en Scheme of Service e ki rezon i annan.  Mersi.

PS DR STEVE FANNY

Bonzour Mr Speaker.  Bonzour Onorab Ramkalawan, Leader of Government Business.  Bonzour tou bann Onorab e bann dimoun ki pe ekoute.  parey ou vwar nou ogmantasyon dan nou Bidze i R500, 511mil.  Sa 411 – ki arive sa i en Bidze ki nou’n mete i pe al kouver nou pe al pran nouvo dimoun.  I pe al kouver the pension, nou annan Gratwite dimoun ki pe al gannyen.  E sanmenm sa ki vin sa amount.  Konmsi mon anvi parey mon dir mon pou go straight to the point exactly ki sa bann keksoz i relye.  Parey mon dir, nouvo staff nou pe fe provizyon.  I annan Gratwite.  Apre nou annan 2 staff ki pou lemoman zot in ganny mete lo Kontra.  I annan serten benefis, e se sa ki’n ganny enkli dan sa Bidze.

MR SPEAKER

Onorab Prea.

HON NICHOLAS PREA

Mersi Mr Chairman.  Bonzour Mr Chairman.  Bonzour tou dimoun. Mr Chairman mon ti a zis kont lo paz 73 ; Ozordi nou  2017  c pe mon vwar sa reflekte en pti pe avek SIB, kot by now nou bann challenges nou pa devret vwar lack of this, lack of that, lack of policy predictability, lack of clarity, lack of investment portal platform.  Mon zis mon ti a kontan ki prosennman ki Dr Fanny i vin dan Lasanble i vin prezant son Bidze and all that, nou ganny nou bann challenges ki pli reel ki pli fer sans at this point in time kot nou ete.  Ok?  Nou Sesel nou depan lo Departman Envestisman ; nou depan lo SIB, SIB osi tou mon pou fer menm komanter taler.  Annou travay pou nou kapab anmenn envestiser.  Mon’n Maurice tou dernyerman mon avek Onorab Basil Hoareau.  I annan en businessmen ki aparaman i oule envestir 12 milyon Ero. I deza pe envestir Sesel.  Son proze i ankor stuck somewhere.  Ok so mon ti a kontan ki prosennman nou vwar keksoz pli pozitiv e ki sa 2 Departman a kapab bouz Sesel devan.  Mersi Mr Chairman.

MR SPEAKER

Dr Fanny.

 PS DR STEVE FANNY

Note Mr Speaker.

 MR SPEAKER

Ok ou’n note.  Onorab Henrie.  Onorab Ferrari sorry avan apre Onorab Henrie.  Onorab Adelaide, sorry.  Ki ti lev son lanmen.  Non Onorab John Hoareau.  Ale Onorab Ferrari.

HON JEAN-FRANCOIS FERRARI

Ok mersi.  Bonzour tou Manm.  Mr. Fanny mon pa kapab les pase sa lokazyon pou mon get en pe ou bann challenges ki ou annan.  Mon vwar pou dir ki ou’n mete pou dir challenge se ki annan piecemeal decision-making.  Mon ti a kontan demann ou eksplik nou en kou ki rol ou Departman.  Akoz ler envestiser i anvi envestir lo Por Victoria, Ok ?  I annan en proze ouswa i anvi fer en cold store oubyen i anvi fer en keksoz.  I annan bann dimoun dan Sesel ki annan bann lentere lo Por.  Zot, zot enterfer pou rod sa bann lenvestisman pa ganny fer.  Zot met presyon lo Gouvernman, lo SIB, lo SSI pou ki sa bann lenvestisman pa ganny fer.  E sakenn sa bann dimoun pe travay piecemeal; sakenn i annan en kopo lo sa Por.  Ok?  E mwan mon pou ensiste ki ou, ou dir avek nou vi i nou pe donn ou sa Bidze la,  ki ou rol pou ou, ou departman  access validite sa proze.  E ou departman pran en desizyon sa ki ou ganny gide par bann lentere personnel komersyal e biznes lezot dimoun ki deza pe travay dan Por?  Mersi.

 MR SPEAKER

Dr Fanny.

 PS DR STEVE FANNY

Mersi Onorab Ferrari.  Mon pa pou al mon pou eksplike ki mon mean ler mon dir piecemeal mon pa pou al spesifikman dan sa legzanp Por.  Me solman ki mon mean le mon dir sa.  Lot fwa mon’n asize mon’n lir speech Leader of the Opposition.  E Leader of the Opposition i annan serten keksoz i fer sorti ladan 2 keksoz ki mon vwar i sorti byen ladan.  I koz lo Lean Government apre i koz en pe lo bann bottleneck.  Mwan mon bezwen onnet pou mon dir ek zot ki mon challenge.  Mon osi mon fer fas avek en pe sa bann bottleneck.  Ler mon koz laba piecemeal decision-making parler mon osi i annan letan mon pe sey bouz serten lenvestisman.  Parler mon osi mon bezwen fer fas pou mon kapab bouz sa bann lenvestisman.

Parey mon vin la kot Vis- Prezidan, Vis-Prezidan i konnen mon vin kot li, mon dir Vis-Prezidan these are my challenges.  E li i sey anmenn sa bann challenges, pou nou kapab rezoud pou fer fason, ki envestisman i rantre dan pei.  So in an global sa ki mon pe mean ‘ler mon dir piecemeal bann piecemeal decision ; i sa bann challenge ki ou gannyen.  Akoz lenvestisman i pa zis Departman Lenvestisman, fodre nou konpran sa byen en -lenvestisman i everybody dan tou diferan sekter.  E everybody i bezwen kordinen pou nou anmenn envestisman dan Sesel.  Alors se sa – bann sa kordinasyon, pa toultan a la satisfaksyon ki nou ti ava voudre vwar li.  There’s room for improvement.  Mon krwar nou pou improve. 

MR SPEAKER

Vis-Prezidan.

VICE-PRESIDENT MR VINCENT MERITON

Mersi Mr Chairman.  Mr Chairman mon kontiny kot Dr Fanny in fini.   I annan lespas pou amelyorasyon.  E wi partou dan tou sekter i annan potansyel pou annan envestisman.  Onorab ou’n koz lo Por.  E wi i annan en gran lenvestisman ki byento ler nou .a fini adres tou bann konsern ki ganny met devan, nou pou kapab anmenn en gran proze kot Seselwa i pou an mazorite.  So, i enn bann keksoz ki Prezidan Faure in met dan faz lo la.  E byento pou annan lezot proze ankor ki zot ava vwar kot Seselwa, i pou i pou ganny sans li Kapital lokal envestir dan bann proze ki form parti osi en travay entegral Departman Lenvestisman avek SIB, pou asire ki pa zis FDI, me osi Kapital lokal i zwe en rol pli enportan dan devlopman pei.  E i annan larzan lokal.  E i dan nou lavantaz, ki ler nou ganny sa Dolar an plis, i reste dan nou bann labank isi.  I pa neseserman pe anvole pe al deor.  So nou dakor ki annan en kantite travay pou nou fer.  Pou nou kapab tir bann clash – bann personnalite.  Me osi enportan annan en lenfrastriktir legal, ki permet seksyon en Departman travay ek lot Departman, ki kapab partaz lenformasyon e kolabore pou permet ki bann proze ki pa ganny bloke zis akoz nou annan en difikilte administrativ oubyen legal.  E se pou sa rezon ki i annan travay ki pe ganny fer dan ‘Ease of doing business.’  E i annan en kantite keksoz in ganny fer.  Planning par egzanp in fasilit en kantite son bann prosedir ki yer ti met nou retar ki ozordi i kapab pe met nou bouz pli byen.

I annan kestyon servi platform elektronik pou pas lenformasyon.  E ki nou kapab kole avek kanmarad.  So i se sa bann travay ki nou pe fer pou amelyor sa.  E i annan travay kip e ganny fer e mon ti a kontan asir zot ki lannen prosenn keksoz pou konpletman diferan.  Petet fason ki’n sa in ganny mete, ki pa neseserman vreman en langaz Bidze, en langaz Parlmanter.  Me solman i montre ki tou Departman dan tou lentansyon adres sa bann defi pou permet sekter prive e sekter lokal zwe en rol pli enportan dan devlopman ekonomik.  Mersi Mr Chair.

MR SPEAKER

Onorab William.

HON WAVEN WILLIAM

Mersi Mr Speaker.  Bonzour Vis-Prezidan avek ou lekip.  Mr Speaker mon ti a kontan demann Mr Fanny s i kapab eksplik sa Lasanble en pti pe lo ‘challenges’ 3enm bullet point.  Si i kapab donn ou serten ban legzanp.  Akoz ki arive;se ki nou tann bokou konplent lo the ‘ease of doing business.’  E mon konnen ki Vis Prezidan in tous  en pti pe lo la, la.  Me konmsi si i annan en travay assessment pou vwar lo tou bann Lazans Gouvernman konsernan ki annan pou fer avek the ‘ease of doing business.’  Eski i annan en louvraz resers evalyasyon fondamantal pou nou kapab bouz en pti pe pli devan.  Akoz mon problenm la, se ki nou tann dir ouswa lo papye i ganny ekrir, me solman sa realite sa pratik keksoz ou a krwar i dousman.  Konmsi eski vreman i annan en travay serye fondamantal lo the use of ‘ease of doing business’ lo tou sa bann l’entité Gouvernman ki annan pou fer avek larg lanmen Seselwa pou kapab fer biznes.  Mersi.

MR SPEAKER

Dr Fanny.

PS DR STEVE FANNY

Mersi Onorab.  Onorab lo ‘ease of doing business,’ wi i annan louvraz tanzib ki pe ganny fer.  ‘Ease of doing business’ li menm i en massive amount of work.  I … mon ava zis donn ou en legzanp bann departman ki nou bezwen deal avek pou nou ganny ‘ease of doing business.’  Sanmenm sa mon ti dir lo konmansman ki investment is not zis nou Departman.  Investment i tou dimoun. Nou annan Company Registrar, SLA, Planning Authorities, AG’s Office, CBS, SRC, Port Authority, the Supreme Court Commercial Division,  sa i enn de legzanp ki mon pe dir ou tou sa bann dimoun nou bezwen travay avek pou nou fer sa ‘ease of doing business.

E nou bezwen sa kordinasyon, pou nou kapab fer sir ki Sesel i bouze.  Mon konnen i annan pou demann nou lo ‘ease of doing business’ mon a zis reponn sa kestyon avan i ganny demande.  Ki tyenm Sesel i été?  Nou dan Sesel nou fer en kantite.  Mon krwar VP in fini koz lo la lo in terms of Company Registrar, kot Planning Authority, eksetera. ‘Ease of doing business’ fodre nou osi nou ganny en konpran. Ki mannyer i mezir i  mezir .en pei lo sa ‘Ease of doing business.’  Ler ou ganny mezire, ou ganny mezire pou par kantite progre ki ou ou’n fer.  It’s the rate and speed.  Nou, nou kapab pe fer en kantite progre dan Sesel.  Nou kapab pe met nouvo Lalwa, nou kapab pe met en kantite keksoz.  Me selman si ou konpetiter i pe fer li pli vit ki ou,  zot pou par devan ou.  Alor i pa mezir zis progre li.  i mezir 2 keksoz.  Progre apre i pe mezir lavites sa progre.

MR SPEAKER

Ok?  Onorab Mondon.

HON TERENCE MONDON

Mersi Mr Speaker.  Mon kestyon ankor i adres ‘Ease of doing business.’  E nou konnen Minis ti dir ki nou 87enm.  E Sesel pa ti sanze son pozisyon.  E mon anvi konnen ki provizyon dan Bidze ki vreman zot in fer pou kapab adres sa size ‘Ease of doing business.’  Akoz nou pe perdi en kantite par rapor bann envestiser.  Akoz Maurice i bokou pli vit ki nou.  Parey i ganny dir.  Prezan ki zot target pou 2018 ki nou kapab vwar sa pozisyon Sesel kot i konsern ‘Ease of doing business’ i vreman amelyore.  Mersi Mr Speaker.

 MR SPEAKER

Dr Fanny.

 PS DR STEVE FANNY

Nou the Ease of doing business mon krwar, nou pa bezwen al met n kantite larzan dan Bidze.   Savedir dan Bidze nou pa pe target ‘Ease of doing business’ pou nou met larzan pou nou dir ki  nou ‘’ease of doing business’  si nou met sa kantite larzan i neseserman pou monte.  ‘Ease of doing business i depan lo en system of mindset.  I depan lo sa kordinasyon between tou sa bann irespektiv bann Lorganizasyon Gouvernman, bann diferan Lotorite, pou nou asiz lo en latab, pou nou asize rekonnet nou bann challenges.  E pou nou se travay ansanm pou nou pous Sesel pli devan in terms of ove come  sa bann challenge.  Ozordi ou asize ler ou gete Maurice in mont en kantite.  Ki mannyer in mont en kantite?  I pa’n mont en kantite par mazik li.  Pandan 2an bann Mauricien ti pe fer resers about the financial landscape, investment landscape e tou sa bann keksoz.  Zot in pran letan pou zot fer resers.  Ler zot in vwar tou bann  problenm ki zot bann problenm, zot in asize, zot in kordinen tou dimoun i lo menm wavelength zot in pous zot pei devan.

Nou osi Sesel mon krwar fodre nou ariv lo sa nivo ki nou tou nou pous Sesel devan.  Nou pa kapab annan serten konmsi, kot i annan enn pe mazin son bout.  Lot pe mazin son bout.  Akoz mwan mon dir parler nou mazin tro bokou risk, nou pa mazin loportinite.  I annan en kantite loportinite out there, ki Sesel i kapab vin en better hub for investment.  Mersi Onorab.

MR SPEAKER

Onorab Mondon.

 HON TERENCE MONDON

Mr Speaker mon anvi demann Dr Fanny kan sa pou arive, sa mindset pou sanze pou zot.  Nou pe met larzan dan Bidze tou-le-z-an pou zot fer sa.  Me selman ou pe dir nou ki mindset ou Gouvernman pa pe sanze.  Kan sa pou arive?  Mersi.

 MR SPEAKER

Dr Fanny.

PS DR STEVE FANNY

Mersi Onorab.  Onorab nou annan en Komite nou annan bann meeting ki nou fer regilyerman avek diferan stakeholders ; lannen prosenn nu pou intensify nou bann zefor.  Parey mon dir ek ou the ‘ease of doing business’ menm si par egzanp lannen prosen ou pa vwar Sesel in jump up – pa savedir ki nou pa pe fer nanryen.  Akoz i annan Lalwa pou pase.  I annan en kantite keksoz pou ganny fer.  me Selman i annan en Committee e nou krwar ladan  e nou pe travay dir pou fer fason ki Sesel i become an investment hub.  Sesel in deza very attractive for investment,  don’t forget that. 

Me selman parey ou’n dir i annan room for improvement.  Nou pe travay, Departman pe travay sa bann lezot Departman Gouvernman pe travay.  E nou pou fer fason ki nou fer li en pti pe pli vit.

MR SPEAKER

Onorab De Commarmond.

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Vis-Prezidan ek tou ou lekip.  Bonzour tou bann Manm Onorab e tou dimoun ki a lekout.  Mr Speaker eski Mr Fanny – Dr Fanny i kapab dir nou Lasanble akoz in dir i annan bann bottleneck bann problenm bann lanpesman,  eski i kapab lor nou ensiste nou Lasanble i anvi travay avek li.  E nou believe transparans.  E alor dan sa kote si i kapab dir nou konkretman kote bann lanpesman i été? Kote bann bottleneck i ete.  Konkretman en.  E avek sa Bidze ki devan nou la.  E li pandan tou sa letan ki in la ki sa ki in fer pou anpes sa bann bottleneck, pou ed li redwir.  Ek sa Bidze ki devan nou ki nou pe donn li, ki mannyer i pou davantaz redir retir tou sa bann bottleneck, pou permet biznes kapab al en pe pli vit dan Sesel, sirtou bann envestisman etranze.  Or envestisman Seselwa lo en gran lespas.  E an menm tan ek sa Bidze, eski i byen ki i vwar ki annan Departman Lenvestisman avek SIB tou lede, eski i krwar i kapab sa 2 lenstans i kapab vin ansanm pou annan en sel Bidze?  Oubyen i byen ki i separe.  Mersi.

 MR SPEAKER

Konkretman e briyevman Dr Fanny ; pou fer zot rapel ki Seychelles Investment Board SIB – pou pase apre.  E petet Vis-Prezidan i a fer komanter en  pe pli tar lo la.  Dr Fanny.  Bottlenecks apre ou, ou achievements. 

 PS DR STEVE FANNY

Ok.  Fer konmsi mon a donn en legzanp konkret Onorab.  Si ozordi i annan en kantite dimoun i vin kot nou, kantite Seselwa, investors zot dir ek ou koumsa, ‘’mon annan Kapital.  Mon anvi invest dan Sesel mon annan x amount of Kapital, mon anvi invest Sesel.  Alor ki sekter mon’n invest ladan?‘’ In mazin son sekter.  One of the main challenges ki nou annan dan Sesel – for example, se later.  Mon demann ek sa investor – industrial land.  Sa i en challenge serye ki mon  bezwen fer fas avek.   Alor mon bezwen sey koz avek mon ban counterpart parey mon annan gran nou annan gran – good working relationship avek Industrial Estate Authority laba.  Me selman napa ase later.  Sa i en challenge –  2enm … En lot challenge ki mon anvi konnen, parler nou pe sey pous serten lenvestisman.  Me selman ler nou, nou pe pous sa lenvestisman, i pa neseserman ki bann lezot departman i vwar sa i vwar nou vizyon parey nou, nou pe vwar.

MR SPEAKER

Onorab De Commarmond,  i pe esper ou pou son 2enm …

PS DR STEVE FANNY

2enm pwen Onorab De Commarmond ki mon pou al lo se ki ok, SIB avek Departman Investment i 2 diferan keksoz.   Now mon’n si ou asize ou pe regarde i annan letan par egzanp lannen pase i annan dimoun i dir ek mwan, eski ou krwar nou devret merge sa 2?  Mwan  toultan mon’n  dir sa 2 si ou asize ou get zot manda zis ou get dan liv Bidze, ou regard sa de manda sa 2 manda i 2 manda ki konpletman diferan.  Now le kestyon ki ou bezwen demande eski i anmenn efficiency?  Eski i anmenn effectiveness?  Eski i anmenn sa prodiktivite ?  Apre ou demann eski sa i baze lo lonm enternasyonal of best practice ?  Akoz ler mon asize mon regarde mon regard bann pei parey L’Angleterre mon regard Maurice, mon regard Egypt ; mon regard en kantite bann lezot pei – nou, nou en part Gouvernman.  SIB i en Board.  I annan en lepok ti annan dimoun ti vini ti dir koumsa, akoz nou pa fer en Board pou fer marketing financial services.  Mon ti dir zot sa Board si ou fer pou napa sans.  Akoz sa Board i ti pou zis pe fer  en duplication of what is SIB doing. 

 Me nou, nou fer Board nou!  Nou, nou en parti Gouvernman nou.  Nou annan en lot manda.  E alors sa 2 fodre nou kit li separe.  Akoz si nou al dowse sa argimant, demen bomaten ou pou konmans demann ou lekor pou en lot kestyon.  Eski ou sipoze annan  Tourism Board apre Minister Lenvestisman avek Minister Tourism?Demen ou pou demann ou lekor en lot kestyon ankor e pou sipoze annan en Board kot ou annan en Departman Health Care Agency apre ou annan Minister Lasante?  Sa bann wi, larepons i wi, ou sipoze.  Egzakteman eski ou sipoze annan SIB akoz i annan Departman Envestisman.  Larepons i wi akoz zot manda i totalman diferan.

MR SPEAKER

Onorab Andre.

HON CLIFFORD ANDRE

Mersi Mr Speaker.  Bonzour tou dimoun.  Mr Speaker mon’n Mr Chair mon’n tann Dr Fanny in dir ki, letan zot pe get envestisman i annan problenm later.  Mon krwar kekfwa nou bezwen revwar pa donn later tou en menm dimoun, 2, 3, 4  Plot later apre zot revann zot fer larzan ; tandis ki bann ki oule i pa pe ganny sa later pou fer sa proze.

Mon’n get sa ‘strategic priority 2018 – 2020’ lo paz 73 pwen (2) avek pwen (3) mon ti a kontan ganny en pti pe plis leksplikasyon, akoz sa ki mon’n ekoute Dokter pa’n satisfer mon ki pou anmenn en benefis pou nou pei, oubyen sa larzan i pou ganny byen servi.  Apre lo son detay ki’n donnen ki nou annan an referans avek son saler Mr Speaker ki R2.3 milyon, mon ti a kontan Dokter i dir nou konbyen staff i annan ki pe ganny sa saler.  Apre letan mon get lo limero (5) ‘’maintenance and repairs’’ so 5.5 i koz ou ‘’machinery and equipment.’’  E i annan en sonm ki’n mete la R8, 500 pou IT equipment. Mon osi mon al pli ba kot ‘’machinery and equipment’’ selman sa i tonm dan ‘’minor capital outlays’’ mon vwar acquisition of IT equipment i annan en seri acquisition.  So eski ki nou pa kapab met sa ansanm?  Oubyen mon ti a kontan en pti lesplikasyon.  Lot sete an referans avek pwen 7.  ‘’Other uses of goods and services.’’  7  (1) kot i dir ou ‘’Government building and infrastructure. ‘’ Mete ‘’service agreement and outsourcing.’’  So ‘’Government building and infrastructure. ’’ Apre 6 i mete ‘’office building rent.’’ Mon ti a kontan annan en pti leksplikasyon, akoz mon prezimen renting oubyen sa 2.  Si ou kapab eksplike.  Mersi.

 

MR SPEAKER

Dr Fanny.

 PS DR STEVE FANNY

Ok in terms of kantite staff ki lo sa Bidze, ki nou pe koz lo la.  I annan 8 staff an tou ki lo sa Bidze.  Ok Onorab ?  So this is the amount of staff ki nou pe koze.  Now in terms ofmainteance’ – selman ou’n demann bann kestyon en pe soz.  Mon ava get mon notes la – ‘’maintenance and repair’’ parey ou vwar ‘’maintenance and repair’’ i zis R10 mil ki nou pe demande an plis.  Akoz dan nou Departman nou annan nou en transpor – aprezan nou met en pti provizyon ki si i bezwen bann spare part bann keksoz koumsa, nou’n kouver li avek sa R10 mil.  Ok? Rent, rent i tonm anba ‘’other goods and services.’’  Ok?  Rent i … nou pey en rent of 92 thousand Rupees per month.  E nou kot nou rent nou’n zis antre la.  Parey ou konnen Gouvernman ki fer son rental santral e sa la figures pou rent.  Apre ki ti ou lot kestyon Onorab sorry …?

 HON CLIFFORD ANDRE

Mersi avek ou permisyon Mr Chair.  An referans avek ‘’rent’’ mon’n dir li anler 7.1 i annan ‘’Government building and infrastructure’’ ki san R116 mil.  Solman mon pe sey rode akoz i annan enn anler, epi ou annan rent anba ki ou’n dir R93mil i tonm apepre ek 1.1 milyon.

Lot ki mon ti demande sete sa diferans ant IT equipment dan ‘’maintenance and repairs’’ avek dan ‘’minor capital outays.’’  So mon pti pe dir ou si ou ti pe aste si son repairs avek son maintenance pa vin as part and parcel of each – so akoz ou bezwen met li anler kan i kapab vin part and parcel of each.   Akoz …

MR SPEAKER

PS Payet petet ou a kapab klarifye.

 PS PATRICK PAYET

Mersi Mr Chair.  E bonzour tou Manm Onorab.  E bonzour manm piblik ki pe ekoute.  Zis pou azoute ki lafason i nou klasifye ki Bidze sanmenm sa ki nou annan bann diferans dan ‘’maintenance and repairs’’ avek ‘’purchase avek new asset. ‘’ E dan ‘’maintenance of repairs’’ si par egzanp ou pe al aranz sa IT equipment ; par egzanp ou pe aranz li, ou pe maintain li, sanmenm sa ki nou met en provizyon dan Bidze.  E si ou pe aste nouvo asset sanmenm sa ki nou’n met li anba ‘’minor capital. ‘’So nou fer sa diferans pou ki dimoun i vwar kwa ki dan ‘maintenance’ e kwa ki dan ‘purchase.’ 

E secondly anba ‘’other  use of goods and services ;’’  Service agreements  i pou bann cleaning expenditure.  Savedir s ii annan en Kontra ki’n ganny sinyen pou Netwayaz ; ouswa bann lezot  keksoz, sa i ganny klasifye anba sa ‘Vot.’  E anba ‘’rents and rates’’ i spesifikman zis ‘rent’ ki ou pe en largiman ki ou’n sinyen zis for rent.  Sanmenm sa ki osi i annan sa diferans.

MR SPEAKER

Vis-Prezidan i osi anvi azout en mo.

VICE-PRESIDENT MR VINCENT MERITON

Mersi Mr Chair.  Mr Chair Onorab Andre in koz lo kestyon en resours ki vreman manke, kot i konsern devlopman se later.  E parey zot konnen i annan  serten  Komite ki’n ganny .etablir pou asire ki later ki ganny donnen i ganny servi dapre sa lobzektif pou lekel ki’n ganny donnen.  Epi dezyenmman Onorab ou’n koz lo bann defi ki annan 2018/2020.  Zisteman mon a dir  i annan en Komite o nivo kot i konsern ‘Ease of doing business.’  Ki zisteman i tous sa bann lapse ki nou’n koz lo lapli boner.  Savedir sa lankadreman legal.  Ki mannyer AG’s Office, Registration Division i kapab travay, pou kapab clear bann backlog ganny bann dimoun pou kapab donn sa servis vitman.  Nou konnen akoz i enn bann defi ki nou gannyen kot i konsern anrezistreman.

Nou konnen osi ki lo nivo Planning kot tou bann Lazans i travay ansanm.  I annan bokou legzizans kot i konsern lanvironnman.  Bokou legzizans kot i konsern EIA eksetera.  Bokou legzizans kot i konsern lasante, bann demann ki annan. I annan en fason revolisyoner kot nou pe rantre ladan pou regete ki mannyer nou kapab reste fidel avek bann kondisyon ki nou’n mete vizavi lasante ek lanvironnman. Me an menm tan fasilit fason ki nou konsider en biznes.  E osi an menm tan kot Licensing Authority, gete ki mannyer ankor nou reget fason ki mannyer nou  donn en license.  Konmsi fer li en fason nouvo ki par egzanp ou kapab donn en license  en dimoun me ki dan dizon dan 6 mwan i vin ;i li i bezwen asire ki tou sa bann kondisyon ki’n gete i ganny gete.  So i annan tousala ki bezwen ganny fer sak bann Lazans i bezwen ganny vwar son Lazans ek son bann prosedir administratif ki i pe travay dan laliny ‘ease of doing busines  E an menm tan i annan en platform ki bezwen kree elektronik-man.  Parey in ganny fer kot Planning ki DICT ti travay ek Planning. Parey in ganny fer avek Zidisyer ki DICT ti vin travay ek Zidisyer.  Pou fer keksoz flow, fer keksoz marse.  Ki dimoun kapab ganny lenformasyon vit.  Departman i kapab konekte avek kanmarad pou ki sa bann prosesis ki mon’n koze i marse.  E i annan sa Komite ki’n ganny mete anba mon direksyon, pou kapab fasilit sa akoz sa nou santi i en keksoz ki pe anmar nou, i pe retard nou.  E ki nou kapab tir li dan semen e bouz pli vit.  Mersi Mr Chairman.

MR SPEAKER

Onorab Gill.

 HON SIMON GILL

Mersi Mr Speaker.  Bonzour Mr Speaker.  Bonzour tou delegasyon avek Vis-Prezidan, tou koleg Onorab e manm piblik. Mr Speaker, nou pe tous size lenvestisman dan Sesel.  Dernyen fwa letan nou ti dan Lasanble pe diskit Bidze 2017, mon ti lev en pwen an relasyon avek bann target spesifik.  Ki pou anmenn nou akseler sa process foreign direct investment.  E osi nou bann investement portfolios.  Now, kestyon ki nou poze, eski i annan en moman kot nou kapab pran tou sa bann akter ki relevan avek en proze lenvestisman, met zot lo en latab kot tou dimoun i vini, sa Dosye i la lo latab, e tou sa ki annan son komanter i fer son komanter there and then nou aprouv proze nou fer sa proze marse. Eski  i difisil pou nou ariv lo sa moman dan sa pei ?  Nou pa kapab les Licensing esper file or esper li ganny konekte avek elektronik.  Nou pa kapab esper kot Registrar esper lot esper lot.  Annou met tou sa bann dimoun lo otour en latab, e zot ganny fer  konpran lirzans e nesesite sa lenvestisman lokal oubyen external pou nou kapab bouze. Sa i mon premye kestyon.  2enm kestyon ….

 MR SPEAKER

Onorab.  Ekoute, hold-on, hold-on.  Ou 2enm kestyon i a vin en pti moman.  Vis-Prezidan oule reponn sa since sa bann diferan Lazans i tonm anba ou Portfolio.

VICE-PRESIDENT MR VINCENT MERITON

Mersi Mr Chairman.  Mr Chairman pa tou Lazans ki tonm anba mon Portfolio, me anba sa High Level Committee ki’n ganny kree.  Wi i ava annan sa kolaborasyon.  Me senpleman fodre dir ki en kantite meeting in ganny fer. Me ki Onorab Gill pe dir annou fast track sa bann laplikasyon, akoz nou pran tro bokou letan pou donn en dimoun ki annan larzan dan son pos, larzan dan son kont, ki anvi envestir isi ziske ler i perdi lentere apre i al en lot landrwa.  Sa  k i pe dir.  E sa toutafe i lo priyorite pou kapab fer sa marse an kolaborasyon avek SIB.  Mersi Mr Chair.

MR SPEAKER

Mersi VP.  2enm kestyon Onorab Gill.

 HON SIMON GILL

2enm kestyon Mr Speaker eske i posib pou nou ganny en dele letan kan nou pou vwar realizasyon sa mannyer fer dan Sesel? Nou ti ava voudre in fini ganny fer depi yer.  Me probableman donn nou en dele letan rezonnab pou nou kapab bouze.  Eske i posib?  2enm kestyon, mon annan  3enm mon annan.  Mersi.

MR SPEAKER

Non, non.   I annan en lot dimoun pou koze i annan de kestyon Onorab – I mean Dr Fanny.  En dele letan.  Timeframe.

VICE-PRESIDENT MR VINCENT MERITON

Mr Speaker nou ava vin isi an Zen anver prezant en Rapor.  Zen 2018.

 MR SPEAKER

Dernyen kestyon Onorab Henrie.

HON GERVAIS HENRIE

Mersi Mr Speaker.  Mon pou demann 2 kestyon ki, dan sa liv la.  Dr Fanny dabor in dir pou dir i annan 8 staff.  E ler mon pe get son saler ki lo latab 2 la lo paz 74 8 staff apepre R2.3 milyon.  So mon anvi konnen an mwayenn ki kalite saler ki zot pe peye dan sa Departman? Akoz mon pou fer sa konparezon ankor avek Departman Lenformasyon par egzanp. Ki letan i pe koz ou li i annan in prozekte ,14 staff pou lannen prosen.  Son saler i preski menm parey, savedir dan bann Departman ki tonm anba Vis-Prezidan i paret dan bann Departman i annan bann disparite dan saler ki zot pe pey dimoun.  Apre dezyenmman letan mon pe get son touzour lo latab 2 lo paz 74, pou son ‘’office expenses’’ in annan en logmantasyon from son Bidze 2017 avek son revised figure.  E apre sa figure ki pou 2018.Donk mon anvi konnen kot zot baze, kot, zot baze e ki kalite rent ki zot pe peye? Akoz mon pe mazinen pou dir i annan en kantite sa ‘’office expenses’’ i kouver rent.  Mersi.

MR SPEAKER

Ok 2 kestyon.  Saler mwayenn – rent.  Dr Fanny.

 PS DR STEVE FANNY

Well mersi Onorab.  Dan nou Departman mon annan en kantite, mon annan graduates.  Alors sanmenm sa ki ou vwar zot ganny peye ase byen.  Ou’n dir mon kalkil saler mwayenn tou dimoun mon ti pe sey fer en ti kalkilasyon basically, mon ti pou pran that total apre mon zis divide  li by the number of staff e ou ganny en nide saler mwayenn ki nou pe peye dan nou Departman.

Rent parey mon’n dir oparavan rent  i 92 si mon regarde 90 or 92.  E nou, nou baze par lao kot Dolce Vita.  Maison de Mahé i apele sa ; Maison de Mahé. 

MR SPEAKER

Maison de Mahé.

 (Mic Off)

 PS DR STEVE FANNY

Son square metre i 235 square metre.  Son kou  per square metre i R391 per square metre.

MR SPEAKER

Ok.  Saler mwayenn Ms Joubert.  Petet antretan nou ava al letan ou pe fer ou kalkilasyon nou ava donn Onorab Gill letan poz son dernyen kestyon.  Quickly.  Onorab Gill.

HON SIMON GILL

Yes Mr Speaker mersi.  I annan plizyer pwen kit aye avek sa.  Premye zafer eski  ler en investor lokal oubyen aletranze in vini avek son larzan, i dir ou, ‘’la mon annan mon valiz larzan laba pou mon envestir.’’  Eske i annan sa prosedir kot ou’n dir,  ‘’Bon.  Mon bezwen anvoy sa later lo tender.’’  Konmsi i koumsa sa?  Fodre anvoy lo tender?  Si sa dimoun i bezwen later pou li envestir?  Ou’n dir ou annan en challenge ok?   Eski dan moman dan sirkonstans kot ou later, eske ou dir, ‘’fodre mon anvoy sa later lo tender pou gete, si napa lezot dimoun ki enterese pou pran sa bout later pou envestir, avan ler mon donn ou?’’ Eske i annan sa?

MR SPEAKER

Kestyon i kler.  Ase, la prezan ou’n ganny ou dernyen kestyon Onorab Minister you aware of that?  Eski i annan en tender?

VICE-PRESIDENT MR VINCENT MERITON

Mr Chairman mersi.  I depan bann proze magnitude; bann laranzman ki nou annan si ete eta si Gouvernman, Gouvernman si dimoun prive ki vin avek en sonm konsiderab.  Gouvernman i kapab an konsiderans son proze.  E i kapab donn li en bout later san pas dan tender. Me Gouvernman i kapab osi annan float serten bout later i dir si sa bout later in ganny dedye pou en tel kalite devlopman, bann dimoun ki oule vin devlope met sonn tender devan i a ganny konsidere.  Mersi Mr Chairman.

MR SPEAKER

Dr Fanny ou’n nobou kalkil pou Onorab Henrie saler mwayenn?  PS Payet.

PS DR STEVE FANNY

…(Mic Off)

 PS PATRICK PAYET

Mersi Mr Chair zis pou azoute ki kekfwa mon a donn en pe plis detay lo ki Constitute saler.  Letan nou’n kalkil zot nou’n pran tou Gouvernman tou Lenstitisyon Gouvernman nou pran payroll Avril pou nou kapab estimate Bidze.  Nou’n pran payroll Avril e pou lannen pou 1975, 1.9 milyon. E apre zot annan Trezyenm Mwan Saler ki R120 mil.  Scheme of Service ki’n i pou bann ki general par egzanp administrasyon bann drayver.  E R38 mil i annan en dimoun ki pou ganny Gratwite R15 mil.  Apre i annan en vacancy pou en monitoring and evaluation officer sa i en vacancy 2017 ki zot pe pran.  E son lenpak  lannen prosen 159  mil.  So sa an total.  Son average letan ou regard  zot payroll Avril i apepre R20 mil.

 MR SPEAKER

Onorab Henrie ou satisfe.  Dernyen kestyon Onorab Afif avan nou pran en vot.

 HON AHMED AFIF

Mersi Mr Chair.  Mr Chair pou mwan, mon kestyon i vreman vize pou gete si dan Bidze nou kapab redwir ankor en pti pe. Mon vwar i annan bokou Lazans Gouvernman ki pe fer menm keksoz.  E la nou get par egzanp ou annan Minister Lendistri Lantreprenarya Devlopman Inovasyon Biznes.  I pe fer preski mon mazinen en kantite ki Department of Investment pe fer.   Answit nou annan SIB li osi i pe vini ek en Bidze nou pe al get li la.  Ou annan Departman Lenvestisman ou annan Departman Lendistri.  Eski pa’n ler petet dan Mid-Year Review pa ozordi pou zot kapab anmenn devan nou en striktir ki plis streamline  pli uniform, ki a save sa Bidze detrwa milyon Roupi.  Parske tou sa bann landrwa pe lwe biro, tousala pe anploy la i fer 2 PS probableman.  Zot tou pou annan Direkter Zeneral eksetera. Mon pe zis rod en fason pou nou save Bidze aret Gouvernman grosi,  dan en fason ki dimoun deor pa pe vwar keksoz pe bouze.  Me selman nou ti a kontan vwar plis rezilta.  Eski i annan sa posibilite dan Mid-Year Review ki zot ava annan en striktir pli uniform ki a koup sa Bidze en pe larzan.  Mersi.

 MR SPEAKER

Anfet tou kestyon i al dan menm laliny ki Onorab De Commarmond ti’n demande pli boner.  Eski sa petet i en keksoz ki  Vis-Prezidan letan ou pe chair sa High Level Committee ou kapab konsidere avan nou pran en vot lo sa Bidze pou Mid-Year Review?  Vis- Prezidan.

VICE-PRESIDENT MR VINCENT MERITON

Pou reponn en larepons kout Mr Speaker.  Konmsi i dan laliny Prezidan Faure pou fer en Gouvernman efikas.  Avek plis dimoun kapasite avek mwens dimoun, avek plis kapasite pou kapab deserve bann rol ki Gouvernman in etablir dan son progranm.   I osi nou pe swiv sa lapros bonn gouvernans, se swiv pratik enternasyonal, kot ou sepa Polisi avek lenplikasyon.  Kot Departman Envestisman, i kree sa lanvironnman atraver sa travay ki nou dir sa gro proze ‘Ease of doing business.’’ E kot SIB li i travay avek bann partner bann operater pou kapab gete ki envestir dan pei.  I annan en Komite Minis ti deza koz lo la, zot rapel?  Ki Gouvernman pe revwar bann fonksyon, gete ki mannyer eski i pas tes sa optimal use of resources ki annan, tout an restan fidel avek bann prensip enternasyonal kot sa osi i kapab ganny konsidere.  Apre nou a vin avek propozisyon, devan Gouvernman apre devan Lasanble.  Mersi Mr Chairman.

MR SPEAKER

Mersi VP e sa pou aplik pou sa ki nou pe departman ki nou pe al vwar apre.  Avek sa nou a pran en vot lo paz 73 Appropriation total to be appropriated – Department of Investment 4.959 million.  Tou bann ki pour lev zot lanmen.  Clerk.

MADAM CLERK

Mersi Mr Chair.  21 Manm an faver.  Mersi.

MR SPEAKER

Avek sa Dr Fanny avek Mi Joubert nou a dir zot pli zot Bidze pou lannen 2018 in ganny aprouve par Lasanble.  Nou a remersye zot in vini pou vini bomaten e nou eskiz zot.

(DR FANNY AND HIS DELEGATION WAS EXCUSED FROM THE HOUSE)

 

SEYCHELLES INVESTMENT BOARD

 MR SPEAKER

E la nou pou al lo Seychelles Investment Board.  Pou bann ki annan zot gro liv devan zot i lo paz 81.  E nou a demann CEO ek son Deputy pou vin devan.  Ms Antat eski ou ti a kontan ki ou HR i vin kot ou oubyen ou ok zot de Mr Gabriel?  Ou ok?  Very good.  Bon paz 81 e parey Vis-Prezidan in dir i annan serten travay ki pe ganny fer.  E mon krwar nou devret ankor – since Vis-Prezidan in koz lo manda e travay ki pe ganny fer anba son direksyon.  E sa ki  Prezidan Faure in fer.  Annou sey regard still bann sif the Budget ki nou pe regarde pou vote.  So kestyon i devret vize lo Budget rather than manda, pou le moman akoz manda pe ganny revwar.  So paz 81  kestyon.  Onorab Afif.

HON AHMED AFIF

Mersi Mr Chair.  Mr Chair mon ti a kontan demann Departman Envestisman konman  mon pe regard Bidze lo paz.  Pardon SIB Seychelles Ivestment Board.  Ou vwar nou menm ou konfize tou sa bann non. Paz 83  si mon al mon regard Bidze 2017  pou al 2018 ‘’wages and salaries,’’ in mont konsiderableman par 44  poursan – petet si premye zot kapab donn nou leksplikasyon si zot in pran plis dimoun.  Oubyen zis bann dimoun ki deza la ki zot pe zot en Scheme ki pe fer li mont sa kantite. 2enm lo bann lezot kou ki’n monte, mon vwar ‘’transportation and travel cost’’ in mont ase konsiderableman. E ler nou regard dan detay pou Seychelles Investment Bureau nou vwar osi bann’’ consultancy’’ ki ase eleve.  E nou vwar ‘’travel’’ li menm ki ase eleve.  So alors si ou ti kapab dir nou en pti pe.  Kwa sa bann kou e donn nou en zistifikasyon akoz zot sa nivo?  e si osi ou kapab enkli ladan ‘’Board Members and allowances’’ ki mon vwar li e i ase eleve preski R50 mil par mwan, zis pou bann Board members.   Alors sey eksplik sa?   Mersi

MR SPEAKER

CEO Antat.

 CEO MS ANGELIQUE ANTAT

Mersi Chair.  Bonzour Manm Onorab tou dimoun a lekout.  Onorab Afif mersi pou ou kestyon.  Bidze SIB li menm an gro in sorti R8.1 milyon pou vin  R9.7  milyon.  E lamazorite sa logmantasyon i dan saler parey ou’n remarke. E sa i akoz pandan lannen 2017, nou’n annan bokou revizyon dan saler ki nou’n fer pou bann staff aktyel dan SIB.  E sa in leka pou 14 travayer SIB.  E os, nou’n anploy 6 nouvo staff pou lannen 2017 ki’n fer pou kontribye osi dan sa ogmantasyon.  Ki prezan nou bezwen met li  dan Bidze 2018.  Akoz sa i koumsa, i akoz nou pa’n vreman anploy sa bann dimoun pandan en lannen antye ; i kapab zot in konmans Avril oubyen sa revizyon in konmans depi Avril.  Alors nou bezwen met sa ladiferans pou 2018.  Osi Mr Chair pou lannen 2018 nou pe revwar nou Scheme of Service ki date depi  2013.   E sa pou fer pou annan en pti logmantasyon dan saler spesyalman nou bann  teknisyen.  E vi  ki  Departman Administrasyon Piblik pe revwar en pe zot bann Scheme of Service pou bann travayer administrative, i fer ki pou afekte nou Bidze osi.  E sa in  fer an total in fer sa logmantasyon ki ou pe vwar dan nou Bidze.

MR SPEAKER

Onorab Afif ou ok? 

 CEO MS ANGELIQUE ANTAT

Pou reponn ou kestyon  konsernan transpor, ki mon ti anvi fer resorti  i ki nou pa’n vreman demann en gro logmantasyon dan nou ‘’office expenses’’ oubyen dan nou ‘’goods and services.’’  Ki no’‘n fer nou’n re nou fer bann revizyon dan nou bann spending akoz an 2017 sa lannen nou’n get tou nou bann defisit ki nou’n rankontre ; nou’n fer nou analis, e nou’n re allocate sa bann depans dan zot bann landrwa respektif.

So ou pou vwar poudir malgre nou ‘travel’ in monte.  Me dan ‘’maintenance and repairs’’ oubyen lot landrwa dan en lot Code ou pou vwar i annan en gro rediksyon.  E konsernan ‘‘travel’’ i pa vedir ki nou pe al lo plis promosyon pou 2018.  Wi nou pou fer promosyon akoz ‘out of sight out of mind’ nou pa anvi Sesel i ganny oubliye.  Me selman konsantrasyon pou osi lo formasyon ki pou ede fer nou bann travayer vin pli efikas.

Kot i konsern ‘konsiltan’ parey Vis-Prezidan ti’n dir oparavan, nou pe revwar nou bann sistenm  ki nou annan deza kot SIB – avek sipor Board Lenvestisman Sesel.  Nou pe reget dan lafason ki bann proze i ganny fasilite kot SIB ; ki fer ki i annan bann nouvo petet sistenm.  Par egzanp en Investment Facilitation Portal ki nou pe sey get ladan, ki zis par al lo internet ou click en bouton ou kapab soumet ou proze.  E sa ou kapab ganny gide lo staz ou proze zis lo internet ki fer li pli fasil.  E osi kot i konsern ‘konsiltan’ nou pe get dan en sistenm  verifikasyon ki pli vit pou bann envestiser ki  vin kot nou.  Nou’n vwar pou dir sa sistenm  ki  nou pe servi i pran bokou letan e i fer bann envestiser fristre.  Alors nou anvi get en sistenm  ki pli vit, ki pli fasil,  me selman kwa ki enportan i ki nou pa pe konpromiz sekirite pei.  E en lot keksoz ankor ki nou pe get ladan  konsernan ‘konsiltan’ i nou anvi revwar nou website.  Ki ler nou pe get bann lezot Board Lenvestisman parey Sesel zot pe tanzantan moderniz zot website. 

E nou pou nou in al pou plis ki  4an e nou vwar le nesesite pou revwar nou website.  Si zot in get ‘Nasyon’ oubyen ‘Today’ zot ava vwar pou dir nou’n deza met piblikasyon dan i tender pou sa website.  E osi  en lot keksoz konsernan ‘konsiltan’ nou pe gete si i annan en posibilite nou pa’n dir nou pou fer, pou nou rebrand SIB.  Akoz i annan bokou komanter ki petet nou brand i en pti pe pli relye avek tourizm e i pa vreman relye avek lenvestisman dan pei.  So sa i en posibilite e nou pa ankor i pa en fet akonpli.

Kot i konsern ‘Board allowanc’e parey bokou zot zot kapab zot in kapab lir ou Lalwa zot in vwar,  dan nou Lalwa i permet ki nou annan en Appeals Board.  So si i annan envestiser, i pa kontan avek larepons ki nou’n donn zot konsernan zot proze.  Pou lemoman nou napa en Appeals Board ki in setup me nou Lalwa in permet.  Alors nou anvi met en Bidze pou sa Board fonksyonnen lannen prosen.  E ki nenport envestiser – espesyalman en Seselwa ki si i pa kontan sa repons ki nou, nou’n donn li konsernan son proze, i kapab al fer rekour kot Appeals Board.  Mersi.

MR SPEAKER

Onorab Afif.

HON AHMED AFIF

Mersi Mr Chair.  Mr Chair mon ti  a kontan petet propose dan ankor lo laliny redwir depans.  Parske anba sa ‘’other goods and services’’ ki sorti 1.3milyon i ariv 1.6, mon ti a kontan sizere pou zot konsidere ki sa amount pou ‘consultancy’ par egzanp ou tip e dir zot bezwen al fer website pou al pou konnen ki bor ou proze i ete.  Ler mon regard akoz Sesel i deryer, i pa vreman sa li.  I annan pou fer ek permi, elektrisite registration, eksetera.

Since zot pe fer en review of tou sa bann bodies, akoz nou pa met on-hold and reduce ‘consultancy’ par R250mil dizon.  Met sa on-hold.  Apre lo kote Board Fees redwir ankor par dizon R10mil par mwan ankor, 120 mil ankor.  So zot a koup zot en R350mil.  That way zot still ganny en ogmantasyon.  Me solman tou dan sa lespri pou streamline pou fer zot revwar en nouvo striktir.  Si zot kapab konsider sa.  So dizon redwir sa Bidze par ankor R350mil.  E zot ava refer alokasyon within sa bracket.  Mon krwar i a i en keksoz nou pa pe tous ‘’wages’’ nou pe koz zis ‘’other uses of goods and services.’’

MR SPEAKER

CEO Antat.  2 propozisyon.

 CEO MS ANGELIQUE ANTAT

Mersi Mr Chair.  Mersi Onorab pou ou kestyon.  Mon a pran sa bout Board Fees avan akoz i en pti pe pli fasil.  Dapre sirkiler ki’n ganny sirkile par Minister Finans, ler mon get bann fee ki bann Board pou gannyen vizavi avek bann  Board ki annan kot SIB, i pa pou posib pou nou koup sa Board Fees, akoz ler mon kont li i tonm preski egzakteman ek sa kou ki nou’n demande.  So i pa pou posib pou nou koup Board Fees. Konsernan ‘konsiltan’ si nou get byen nou lo kote sa bann konsiltasyon, ki nou pe demande osi i pa pou posib akoz nou’n bezwen fer en pti pe rediksyon lo kote Board Fees konsiltasyon avek  Finans.

Alors i pou tonm dan nou Bidze ki nou’n demande pou nou kapab fer sa bann proze ki nou pe demande vin realistik ; akoz i pou tou dan lentere Sesel ler nou pe mete.  I annan  lezot framework, practice ki nou ti a kontan adopte me Selman nou dir annou put on- hold until ki nou kapab fer sa bann ki la vin realistik.  Apre petet lannen prosenn nou a vin nouvo demann.  Me selman nou pa pou kapab koup nou bout nou Bidze pour ‘konsiltan’ pou lannen 2018.

MR SPEAKER

Onorab Mondon.

 HON TERENCE MONDON

Mersi Mr Chair zisteman mon kestyon i relye avek bann fees ki bann manm Board i gannyen avek – Chairman.  Mon ti a kontan si ou kapab donn nou detay konbyen zot pe gannyen. E ou’n fer mansyon lo Appeal Board ; ki provizyon zot pe fer pou bann manm, sa Appeal Board konbyen zot pou gannyen ?

E an pasan mon ti a kontan nou Lasanble i note ki dan zot challenges SIB in dir klerman ki ‘Ease of doing business in deteryore.  I pa toutafe sa lenformasyon parey Dr Fanny ti pe dir nou.  En pe kontradiktwar pou ou dir definitivman in deteryore ki mon krwar mwan osi.  Mersi.

MR SPEAKER

Board Fees.  Appeal Board Fees.  CEO.

 CEO MS ANGELIQUE ANTAT

Mersi Mr Chair.  Mersi Onorab pou ou kestyon.  Kot i konsern Board SIB li menm ki sa Board the main Board nou apel li.  Chairman i ganny li R3, 400 ‘gross,’ ki fer pou en lannen i ganny li R40 mil an total.  Other members i ganny li R3,048 ki fer an total pou 9 lezot manm i ganny li R329 mil pou en lannen –  an total pou 9 Board members.Nou pe osi fer provizyon dan nou lamannman Lalwa ki annan en sekreter pou sa Board.  Akoz an se moman i mon ki Sekreter e i pou fer ki anba sa sirkiler ki Finans in anvoye kot nou, R1200 par mwan pou en Sekreter Board ki tonm R14 mil pou en lannen pou en Sekreter Board.  Sa i pou the main Board. 

 Kot i konsern Appeals Board ankor ki tonm dan framework ki finans in sirkil kot nou.  En Chairman i ganny li R3, 600 san par mwan.  Ki fer ki dan en lannen i ganny li R43 mil. Other members ki enkli 3 manm e sa 3 manm i en Chairperson, sa i Chairperson ki mon fek dir en Manm Attorney Zeneral, en manm ki sorti dan private sector e en manm ki sorti kot en Non- Governmental Consumer Welfare Organisation, zot, zot pou ganny zot sakenn R3, 040 par mwan ki fer ki R109 mil roupi pou en lannen.  E osi en Sekreter pou sa Board R1200 par mwan pou en lannen.  Sa i konsern Board Fees . 

 MR SPEAKER

Onorab Mondon.

HON TERENCE MONDON

Wi. Mr Chair mon anvi konnen kantite case – cases zot annan Appeal e sa Board i pe zwenn how frequent sa Board pou zwenn? E kantite ka zot annan ki konsern ‘appeal’ an relasyon avek kantite larzan, nou pe donn sa bann manm.  Eski vreman zot annan travay pou fer?  Mersi.

MR SPEAKER

CEO. 

CEO MS ANGELIQUE ANTAT

Mersi Mr Chair.  Mersi Onorab pou ou kestyon.  I a toultan leka ki en proze pa’n ganny aprouve ki vin kot SIB.  I annan proze ki en lenvestiser pa satisfe avek sa repons.  Meaning bann kondisyon ki nou pe donn li.  Alors sa dimoun i kapab vin kot sa Board pou li vin diskit sa bann kondisyon ki nou, nou pe donn zot…E osi nou’n remarke ki Annan bokou lenstans sa bann dimoun i pa vin kot Board zot al kot bann Minis zot al kot Prezidan.  So alors nou anvi met en striktir an plas – en Board an plas, kot zot kapab konnen en dimoun legal legalman anba Lalwa zot kapab ganny sa rekour.  Mersi.

MR SPEAKER

Konbyen ki nou’n zwenn pou 2017 par egzanp?  Ou annan Appeals Board.  Ou pe donn Chairman R3, 400, ensidswit.

CEO MS ANGELIQUE ANTAT

Non nou pa kapab konfirm sa Mr Chair.

MR SPEAKER

Ou pa kapab ok Onorab Mondon.  Petet CEO i kapab anvoy sa lenformasyon atraver office Speaker.  Onorab nou a vin kot ou Onorab Ferrari en pti moman.  Onorab Henrie.

HON GERVAIS HENRIE

Mersi Mr Speaker.  Mon annan 2 pti kestyon.  Dabor CEO in koz in pran en pe letan pou koz lo ‘consultancy fee. ’ Nou’n vwar pou dir anba SIB i annan 2 alokasyon.  Enn 237 enn 316 ki tonm en total  563 mil.Mon kestyon mon anvi petet i a poz li a PS Finans.  Akoz throughout sa Bidze anba diferan Heads nou pou annan  sa size’ consultancy.’ So mon ti ava kontan ki ou donn nou en lendikasyon apepre konbyen dan sa Bidze ki pou ‘consultancy.’  Partikilyerman anba bann Portfolio ki tonm anba Vis- Prezidan si mon kalkilasyon i bon la, i annan en sonm apepre R16 milyon an montan dan diferan anba Prezidan e Vis-Prezidan, Blue Economy Lenformasyon, La Defans, bann zafer drog. Akoz pou mwan, mon kestyon se ki nou pa konnen lo kwa neseserman nou pe vote.  Lekel sa bann dimoun.  Ki kalite ‘consultancy. ’ It’s like a blank cheque ki nou pe donn zot.  E lo sa kote latab nou pe ensiste lo kestyon koup gaspiyaz asire napa dalon ki pe ganny faver biznes, nou pa pe donn en blank cheque.  So nou anvi konn sa.  Sa i mon premye kestyon.

2enm; letan mon get bann sif ki SIB in prezante dan zot Bidze.  E ki mon’n fer dan weekend mon’n konpar li avek zot bann figures  ki zot ti prezant nou dan Budget Book lannen pase. E mon vwar pou dir i annan bann areas ki en sel kou pou zot Bidze in ogmante.  Dan ‘wages’ par egzanp ouswa menm dan zot forecast pou 2019 ek 2020.  So mon anvi konnen en sel kou ki zot in reve pou fer ki lannen pase 12 mwan pase zot pa ti pe mazinen.  Mersi bokou.

MR SPEAKER

CEO.  PS Payet mon krwar i annan en bout ki konsern bann ‘consultancy’ anba diferan Departman ki tonm anba Vis-Prezidan antretan ki CEO petet osi kapab klarifye sa pou Onorab Henrie.

PS PATRICK PAYET

Thank you Mr Chair.  Thanks Onorab zis pou azoute kekfwa nou a bezwen fer en pe kalkilasyon pou nou donn egzakt sif konbyen an total kekfwa anba Lofis Prezidan  avek Vis-Prezidan. Zis pou azoute ki lafason Bidze nou’n fer for the past 2 years avek program Performance-Based Budgeting ou pou vwar ki par egzanp  CEO in mansyonnen nou allocate en ceiling, baze lo bann  program ki egziste ozordi.  Apre bann nouvo progranm kekfwa ki zot anvi fer a lavenir dan future dan Bidze.  Sanmenm sa ki ou vwar kekfwa i annan azisteman.  E once ki nou donn sas ceiling sa Minister oubyen sa Lenstitisyon zot, zot vwar ki mannyer ki bann priyorite zot bezwen baze lo zot bann progranm ouswa bann target ki zot fer. Sanmenm sa aki ou pou vwar ki annan bann re alokasyon within sa ceiling, me Selman ki fwa zot, zot in vwar li bann priyorite neseser, pou lannen prosenn ; ki par egzanp SIB in vwar li dan son ‘consultancy’.  Apre dan ‘travel’ vi ki i pre fer pli promosyon ek marketing.  Mersi.

MR SPEAKER

CEO oule azoute? Apre Vis- Prezidan.  CEO oubyen oule Vis- Prezidan koz lo la.  Ok VP.

 VICE-PRESIDENT MR VINCENT MERITON

‘Mr Chair zis mon pou dir ki bann ‘consultancy’ i rezilta en mank dimoun ki travay ek ou a plen tan avek konesans en ekspertiz spesifik, dan domenn kot nou bezwen dan letan. E osi zot ava apresye ozordi ki dan ‘Nasyon’ avek dan ‘Today’ i annan bann avertisman pou bann ‘consulltancie’s pou serten skill kot nou napa.

Lekonomi Ble par egzanp  i en domenn ki ou’n advertise pou en serten pozisyon napa, then nou dir ok ou resort pou ‘consultancy’.  Pa neseserman etranze me osi lokal.  Kot napa lokal. then nou rod etranze me ki pou vin pou benefis Sesel.  Selman zot ava apresye ki  atraver bann lapros ‘consultancy’ e lapros inovativ lager antoure ek bann partner enternasyonal par egzanp, kot nou’n kapab atir Sesel nou’n ganny nou sa innovative financing ki avantyer nou pe diskite  R26  milyon ki’n mete.

So i en keksoz ki dimoun i kapab servi bann rezilta tanzib ki sa bann consultancy i servi i napa dalon.  Ou kapab vini atraver kestyon atraver bann FPAC napa blank cheque napa dalon – nepli … nou pa pratik koumsa.  Mazin lapros ki Prezidan Faure in dir bonn gouvernans latransparans avek rann kont.  Demann kestyon larepons i ava ganny donnen.  Me Selman napa dalon napa blank cheque.  Mersi Mr Chairman.

MR SPEAKER

Onorab William.  Onorab William en pti moman i annan leklersisman.  Onorab Henrie.

HON GERVAIS HENRIE

Wi zis en pti leklersisman akoz Parti Lepep pou dan ladministrasyon dan Egzekitiv pou 5an.  E si tou-le-z-an par egzanp 2 Heads la Prezidan ek Vis-Prezidan pe depans par an.  Apepre 16 milyon, e i napa en zefor par egzanp ki letan en Seselwa ki  Leta Sesel in train apre zis i kit servis piblik nou pa ankouraz li pou reste donn li en bon saler, nou les  li ale apre nou pran li menm li sa Seselwa pou vin fer consultancy.  So nou konman en pti pei nou bezwen annan en zefor kit zot la, ki nou pa depans 16 milyon par an.  There needs to be a en kontrol bidzeter – en disiplin par osi ankouraz ou Seselwa reste an servis piblik.  I zis en komanter an pasan, ou pa bezwen reponn.  Mersi.

MR SPEAKER

Onorab William.

HON WAVEN WILLIAM

Mersi Mr Speaker.  Mr Speaker anliny avek ‘’investment avek marketing allocation’’  mon ti a kontan demann CEO lefe ki mon vwar ki anba ‘’major achievements’’ ti annan en Committee on Fisheries Export Marketing ki’n ganny kree.  Mon anvi demande eski par egzanp Tourism Board zot ganny alokasyon pou fer ‘marketing,’ eski osi petet pou promot en pti pe Lekonomi Ble fer dimoun al ladan.  Eski sa Komite pou zot pe konsider donn sa Komite en Fon pou fer marketin?  Lefe ki sa sekter i osi enportan me zot pe santi  pou dir zot pe santi pou dir zot ganny defavorize akoz napa sa Fon malgre ki sa Komite in ganny kree pou zot kapab os marketing.  Mersi.

CEO MS ANGELIQUE ANTAT

Mersi Mr Chair.  Mersi Onorab pou kestyon apre ki nou’n fer 3 rankont avek sa Komite.  ‘Nou’n remake ki partisipasyon ti diminyen. E nou ti osi remarke ki apre bann diskisyon ki nou ti konmans fer avek sa Komite k ii annan pou fer avek leksportasyon pwason, ki ti annan bokou bann repetisyon bann diskisyon ki deza kot Minister Lapes zot ti pe diskite.

Ki mon ti fer avek mon tim, mon ti al vwar Minis Charlette  e nou ti koze nou nou ti dir ki vre i annan repetisyon.  E Minis Charlette ti propoze ki deza sa Komite ki kot li i pe fonksyonnen, i pe mars byen, akoz ki nou pa merge sa 2 Komite ek kanmarad e SIB i a vin en reprezantan lo sa Komite.  Kot i konsern Bidze sa nou pou bezwen kontinyelman diskite, akoz i pa vreman tonm dan Bidze SIB pou nou kapab al fer bann promosyon ki en pti pe pli gro – lo gro lanpler.  Nou pou bezwen rod lezot fason.  Me selman i annan bann aktivite promosyon normal ki SIB i fer ki nou pou bezwen pran kont ladan.

Kot i konsern Board Tourizm, en pe semenn pase mon’n zwenn avek son Sef Egzekitiv, Madanm Francis e nou’n diskite.  E 2018 nou pou synergize nou aktivite ek kanmarad.  Ki sa i vedir i ki dan plas SIB i al dan en pei pou al fer en aktivite promosyonnel ki pou kout nou bokou larzan.  Nou  a plito  antre dan en aktivite ki STB i deza ladan ;  ki a fer ki nou ava kout en pe lo nou depans.  E nou a pli byen servi resours Leta.  Mersi.

MR SPEAKER

VP.  Quickly.

 VICE-PRESIDENT MR VINCENT MERITON

Mr Chair mersi bokou.  Mr Chair nou train Seselwa pour Larepiblik lapros ki mon vwar Mr Henrie pe dir nou pran la ozordi train zis pour Gouvernman, non sa bann letan lepase.  Ozordi nou train, nou bezwen anbelir sekter prive pou kapab zwe en rol dan devlopman pei.  Nou bezwen fer sir ki nou mesaz i kler ; pa anvoy bann mesaz ki konfiz dimoun deor.  Pa kapab mon, i pa kapab Gouvernman ; i en mesaz kler.  Nou train pou pep pou Larepiblik  e se sa by the way i progranm Parti Lepep.  Mersi Mr Chairman.

MR SPEAKER

Vis-Prezidan mwan mon’n mwan mon’n konpran ki in dir sey gard zot Egzekitif.  Mwan mon’n konpran i dir esey regard zot konman Egzekitif.

           (Interruption)

MR SPEAKER

Order! Order!  Mon krwar komanter ti gard dot konman Egzekitif olye tourn zot lezot al vin konsiltan i kout pei pli ser.

        (Interruption)

MR SPEAKER

Onorab en pti moman onorab, onorab William ok en pti kou VP Onorab William.  Apre VP. 

HON WAVEN WILLIAM

Mr Speaker as a follow-up question, mon ti a kontan demann CEO petet mon pa konnen si Vis-Prezidan ouswa PS Payet ti a kontan reponn.  I annan bokou bann Seselwa ki dan sekter donn valer azoute pwason.  Me zot santi i en pti pe difisil parfwa pou ganny lasistans, pou al partisip dan bann Fairs deor kot i annan loportinite pou zot kapab ganny sa deboursman.

Mwan mon anvi konnen konmsi si Gouvernman  i annan en Fon ki’n ganny mete de kote mon pe mazin fer li ?  Akoz si nou anvi ed nou bann  dimoun pou bouz pli devan pou al deor pou al rod larzan pou anmenn dan pei.  Eski gouvernman pe konsider met en Fon akote si napa pou ed sa bann dimoun?  Mersi.

MR SPEAKER

CEO very briefly, akoz i annan ankor 3 dernyen kestyon.

VICE-PRESIDENT MR VINCENT MERITON

Mr Chairman  ou a remarke ki ler Prezidan oubyen bann lezot Minis al deor kot i konsern bann gran Lafwar oubyen bann gran rankont.  Nou sey otan ki posib anmenn serten delege sorti  dan sekter prive.  Depandan ki kalite lobzektif sa meeting pou kapab fer sir ki pa zis Gouvernman kip we al koze me osi kot sa bann dimoun ki konn enplike dan fer sa bann keksoz marse zot la. E nou a pran  sa an konsiderasyon ler bann delegasyon plis an konsiderasyon.  Me selman pa bezwen dir ki Minis ek Prezidan konmsi i annan en gran delegasyon,  i annan en rezon akoz nou fer sa pou fer sir  ki sa ki pe travay zot osi zot vwar ki Gouvernman pe fer pou anmenn en ve tonbe pou Seselwa.  Apre Mr Chairman nou apresye nou bann Seselwa ki ozordi in kre bann pti consultancy firm zot pe fer larzan pou zot, i devlopman propriyete entelektyel ki nou pe promouvwar dan sa Lasanble dan sa pei.  Mersi Mr Chairman.

MR SPEAKER

I annan 3 kestyon mon ti a demann zot sakenn … Order!  … sakenn demann en kestyon akoz letan pe ale.  Nou a v pran en vot i annan Onorab Ferrari  Onorab Andre, Onorab Sebastien Pillay.  En kestyon sakenn.  Onorab Ferrari.

 HON JEAN-FRANCOIS FERRARI

Mersi Mr Speaker.  Mr Speaker avek respe mon oule retourn lo sa kestyon ‘consultancy.’  Akoz i pou reveni throughout nou deba.  E mon ti a zis kontan akoz mon pe demann mon kestyon demann avek Mr Payet si i kapab ganny nou en sonm for all the votes throughout the Budget, how much is Government spending for ‘consultancy’  ‘consultancy fees.’

 MR SPEAKER

… pou pli tar, pa pou konmela?

 HON JEAN-FRANCOIS FERRARI

Pa pou konmela.

MR SPEAKER

Ok ale demann ou kestyon.

HON JEAN-FRANCOIS FERRARI

Mr Payet i ava rod sa.  Mon kestyon se eski Mr Payet i kapab dir avek nou PS, ki nou annan en sistenm pou kontrol lefikasite e litilite consultancies?

        Mon demann mon leskiz avek CEO SIB mon pa pe target SIB, mon pe koz lo  consultancy across the Board.  Eski nou annan en sistenm ki fer sir ki nou ler nou fer consiltancy i apropriye i relevan  e son outcome i ganny verifye ?

Si nou napa sa, eski nou kapab met an plas en sistenm ki pou fer sir ki nou larzan pe e ganny tre byen depanse.  E ki pa parey Vis-Prezidan in dir akoz en dimoun i vini ale i setup en consultancy firm fodre konmsi akoz in setup en consultancy fodre nou donn li detrwa consultancy?  Non!

MR SPEAKER

Kestyon i kler.

HON JEAN-FRANCOIS FERRARI

La i la.  Mersi.

MR SPEAKER

Onorab Andre en kestyon.  Onorab Andre.

HON CLIFFORD ANDRE

Mersi Mr Chair.  Mon ti a kontan demann avek CEO SIB anvi k ii pe demann R9.6 milyon dan Bidze.  Ki SIB kantite larzan in anmenn dan Lekonomi Sesel, pou nou kapab vwar pou nou kapab konpare sa ki’n antre ek sa ki nou pe donnen.  Mersi.

MR SPEAKER

Ok Onorab Sebastien  Pillay en kestyon.

HON SEBASTIEN PILLAY

Mersi Mr Chair.  Mr Chair mon ti anvi zis fer en referans avek ‘new initiatives funded.’’ Anba pou staff ‘’retention avek motivation’’ SIB in met R343 mil 4san pou ‘staff retention and motivation.’  Ok?  Eski sa i pou enkli osi training and lezot capacity building pou bann staff?  Sirtou vi ki sa domenn lenvestisman i kontinyen sanze de zour o lannmen.  Mersi

MR SPEAKER

CEO. PS pou reponn sa 3 kestyon apre nou a pran en vot.  CEO.

 CEO MS ANGELIQUE ANTAT

Mr Chair mersi.  Onorab si mon kapab reponn ou kestyon avan.  Training pa tonbe dan Scheme of Service, i pou tonm ou pou vwar li dan ogmantasyon nou ‘’kou voyaz’’ ki nou pe fer – formasyon.  So si ou vwar pou dir nou kou voyaz in monte i akoz i annan pou fer avek en parti i annan pou fer formasyon ki nou pou fer.  E i osi annan en Code pou training me sa i plis pou training lokal.  Ok ? 

 MR SPEAKER

Reveni ki ou’n anmennen?  Pou Onorab Andre?

CEO MS ANGELIQUE ANTAT

An term reveni i vre, ki annan en bes dan nivo lenvestisman ki’n antre pei Onorab.  E se pou sa rezon mon pou pe vin avek sa nouvo linisyativ pou nou kapab ranforsi e double lakantite lenvestisman ki pe rantre dan pei.

Me selman si ou ava fer byen sa remark, si ou vwar pou dir nou lenvestisman in desann, i akoz oparavan nou ti pe get lenvestisman an term bann gro lotel ki ti pe etablir zot, so sa ti fer ki nou to lenvestisman ti vreman o.  Me prezan ler nou’n entrodwir Moratwar in fer ki in desann.  Me sa i pa vreman reflekte e lakantite lenvestisman ki pe antre dan pei.  En lavantaz ki mon’n vwar Moratwar in fer in kree pou pei e ki nou vwar bokou bann pti lenvestiser spesyalman bann Seselwa, antre dan bann sekter ki pli inovativ.

Nou vwar Seselwa pe anvi ki anvi transform salte fer li vin lenerzi.  Nou vwar bokou nouvo linisyativ.  Me selman en keksoz ki nou SIB nou anvi fer nou anvi evolye avek zot.  E se pou sa rezon mon’n vin avek sa bann nouvo linisyativ, ki fer ki nou Bidze i konsernan ‘konsiltan’ i pe mont en pti pe plis e osi konsernan nou bann staff ki kalifye pou zot kapab reste avek nou.

MR SPEAKER

Ps Payet.

 CEO MS ANGELIQUE ANTAT

Mon sif pou lannen 2015 in sorti 136 milyon Dolar pou vin 127 milyon Dolar an 2016.

MR SPEAKER

Ok. PS Payet.

 PS PATRICK PAYET

Thank you Mr Chair.  Zis pou azoute dan ‘consultancy’ nou ava consolidate en latab i ava donn zot per entity.  E nou ava partaz sa si demen ouswa Merkredi avek tou bann MNA.  Zis pou azoute osi  ki mannyer nou ankouraz ‘consultancy’ si annan bann proze spesifik.  Ki par egzanp kekfwa dan sa Lenstitisyon zot napa sa mendev pou fer li.  Me selman i en specific project timeframe kekfwa ou anvi fer li  dan 3 mwan.  Fini avek sa consultancy.  I pa pou la gradyelman.  Savedir si ou annan en travay ki ou bezwen fer toulezour, sa ou bezwen anploy sa dimoun.  En keksoz ki nou’n travay avek DPA e as per PSO, si ou annan en travayer Gouvernman ki anvi donn consultalncy i bezwen donn demann approval avek DPA. So i pa pou kapab zis fini fer consultancy bezwen demann approval avek DPA.  Secondly as per i bezwen annan sa approval DPA al anrezistre pou license tou bann neseser, i bezwen fer li.

Secondly osi tou consultancy par lao R50 mil ou bezwen tender – properly as per the document prosedir parey i demande.  Me selman en keksoz ki nou ti pe regarde ; par egzanp i annan keksoz ki ou remarke ki i annan lenstans ki sa Lenstitisyon i outsource keksoz.  Kekfwa zot ti kapab fer li in-house.  Sa i en keksoz ki nou pe revwar avek within  Government osi pou fer sir ki zot pa outsource keksoz ki zot outsource keksoz ki zot bezwen.  Par egzanp en keksoz kekfwa letan nou dir get dan Bidze Finans.  Letan ou pou fer Strategic Planning in Ministries or Lenstitisyon.  Sa i en keksoz ki ou bezwen fer li in-house ou pa kapab fer li outside; akoz ou ki konpran ou Lenstitisyon i pa outside ki – me selman ou diskite avek outsiders.  So sa i bann keksoz ki nou pou bezwen revwar osi a lavenir.

MR SPEAKER

Alor avan lafen di-mwan  nou pou ganny en pe plis lenformasyon lo bann consultancy.  Tre byen avek sa nou ariv lo  nou a retourn lo paz 81 – 81 total pou ganny apropriye pou Seychelles Investment Board se 9.697 milyon.  Tou bann ki pour lev zot lanmen   Clerk.

MADAM CLERK

Mr Chair mon’n rikord 24 Manm an faver.  Mersi.

MR SPEAKER

Mersi.  Savedir ki  Bidze pou 2018 pou Seychelles Ivestment Board in ganny aprouve par Lasanble.   Avek sa in ariv ler pou nou pran en break.  Ler nou pou tournen nou pou vin lo paz 75 nou pou pran NISTI, National Institute of Science and Technology and Innovation.  Nou a pran en Break – nou a remersye CEO Antat Mr Gabriel ou Deputy ek ou HR pou zot letan zot pas ek nou.  Nou la pran en Break e nou a retournen 11er.

                 (BREAK)

 

NATIONAL INSTITUTE OF SCIENCE AND TECHNOLOGY AND INNOVATION        (NISTI)

 MR SPEAKER

Nou repran nou travay bomaten.  Pe parey mon ti dir avan poz kafe nou  pou pran NISTI e son Bidze i ganny vwar lo paz 75.  Mon ti a kontan swet labyenveni Lasanble CEO NISTI Mr Xavier Estico avek son asistan manmzel Angela Marie.  E avek sa nou a pran okenn kestyon ki okenn Manm i annan lo Bidze NISTI.  Onorab Afif.

HON AHMED AFIF

Mersi Mr Chair.  Bonzour Mr Estico  e tou dimoun.  Mon ti a kontan pou konmanse zis regard zot lo paz 77 kot i annan detay zot Bidze zot pe depans R1.8 milyon par lannen kote saler, si ou kapab dir nou konbyen dimoun pe anploye atraver NISTI? Parske sa i reprezant R155mil par mwan.  An swit mon pou al direk lo item ‘’other uses of goods and services’’ menm paz.  Kot i annan en logmantasyon sorti 1.2 milyon pou vin 1.6 milyon par lannen.  E ladan nou vwar de gro items’’ security’’ li menm li R480mil par an.  Epi ou annan ‘’Board Members Fees’’ R386 mil ankor.  Konmsi nou pe pey en kantite larzan zis pou sekirite avek Board Members Fees.

        Apre anba ‘’office expenses’’ en pti pe pli o, ou annan osi  R743mil par an.  Dan lakel i enkli R18mil tou lemwan zis pou Internet.  R18 mil tou lemwan pou Internet.  i ou kapab eksplik nou en pti pe akoz ou vwar sa zistifye parske nou, nou vwar sa i vreman o.  e nou pa konpran an term ki rannman e sa depans ki nou pe depanse ozordi.  Mersi.

MR SPEAKER

CEO Estico.

CEO MR XAVIER ESTICO

Mersi Mr Speaker.   Mon a konmans dir bonzour Mr Speaker.  Bonzour Vis- Prezidan.  Bonzour Manm Onorab e osi bann piblik  ki pe ekout nou.  E mon al direk lo repons Onorab Afif.  NISTI lo nou payroll  i annan nou 8 staff.  Dan sa 8 staff i annan mon konman Chief Executive Officer, i annan 4 Principle Research Officer. Nou annan enn pou Knowledge Management, ek Education – enn pou Inovasyon ; enn pou Teknolozi enn pou Resers ek Devlopman, akoz sa i striktir NISTI.

        Apre nou annan nou en Senior Research Officer kot seksyon RND.  Nou annan nou mon asistan, ki mon personal assistant.  Me letan nou napa en Administrater, i ed mwan ek administrasyon.  E osi nou annan en driver.  Ok ?  Mon pou al lo ou 2enm kestyon lo ‘sekirite’ akoz ‘’goods and services’’ vreman in ogmante sorti 1.2 milyon pou ariv  1.5 milyon pros 1.6 milyon.  I konmsa – nou NISTI nou’n move lo en site ki ti okipe par STB.  Nou ti napa en sekirite otan letan nou ti dan la Le Chantier Mall.  Gouvernman in allocate sa propriyete antye ek NISTI konman Landlord 

Letan nou’n move lo la ti annan en ‘servis sekirite’ ki ti pe servi STB avek 2 shift par semenn.  E nou’n kontinyen lo sa Lagreman.  Somehow zot in nepli dan biznes.  E Procurement Unit in dir nou fodre nou tender.  Letan nou tender nou tender li avek market rate la.  Savedir e mon pa pou al dan detay figures sa akoz sa tender i pe process la.  Savedir nou’n fer provizyon ki nou pou annan 3 shift lo sa site.  Nou kit en biro me selman nou kit en gran propriyete e nou’n envestir lo sa propriyete par lao 2 milyon ekek Roupi pou fer li aret koule e penn li e osi refurbish sa pou nou kapab ganny en landrwa pou nou kree en lekip. E alors sekirite i enportan lo sa site.  E sa ki pou zistifye nou sekirite pa pou en 60 poursan kou lo market letan nou’n tender.  Akoz nou’n operate toultan lo on vye rate avan akoz zot ti deza lo sa site – pour sa. 

        Lot kestyon si mon pa tronpe i lo Internet.  Wi letan nou’n move, nou ti annan en package avek nou service provider i en Cable & Wireless letan nou ti la nou ti annan 2 biro, e nou ti annan en package apepre 467  non, non  R4, 769. 50 par mwan.  Sa package nou’ transfer avek   NISTI Bel Ombre.  Letan nou’n konmans operate laba Bel Ombre, preski nou pa kapab operate ek sa.  Akoz kon figirasyon mannyer i ete e osi nou’n ogmant nou lekip.  Nou ganny difikilte kolektivite e speed internet. 

Nou’n kriy nou service provider lo site nou dir li.  Avan nou’n al kot nou service provider nou’n sey fer bann  amelyorasyon par egzanp bann boosters.  Akoz bann biro mannyer in design sa biro, i lwen ek kanmarad nou’n met bann boosters from the router.  Still nou pa pe gannyen.  Prezan nou kriy zot, nou demann zot pou vin regarde ; zot in propoz nou plizyer package.  Ant sa package la avek sa bann ki nou’n … sa enn pli bonmarse.  Me nou pa’n al direk lo sa package nou.  Nou’n al 3 mwan test speed – test kolektivite.  E finalman nou’n ale lo sa package ki pou fer sa ogmantasyon, ki en envestisman – e sa i ti vin en moman  apropriye akoz nou ti pe sey handle en sityasyon ki nou ti bezwen.  An realite NISTI i servi bokou Internet akoz mannyer, nou loperasyon i ete.

E sa letan nou ti pe handle en group zanfan ki ti bezwen Internet tou le swartoulezour, akoz zot ti pe prepare pou zot al Washington pou zot sistenm robotic.  Alors nou ti bezwen sa sipor.  E an plis sa in ed nou pou nou kapab swiv sa bann zanfan.  Donn zot sa sipor livestream akoz nou pa ti kapab livestream ni SBC pa ti kapab ed nou.

Sa lenvestisman i pa pou vin tou-le-z-an. I en lenvestisman kanmenm ou pou ogmant staff, i en lenvestisman one time ki pou siport nou pou fer nou loperasyon marse.  Mon krwar mon’n … Anr – Board Members, Board Members ok ; Board Members nou annan nou mon pou donn zot breakdown en Chairman  i ganny li R3, 800 par mwan ; konmsi i ariv en package R45, 600 par mwan.  Nou annan nou Chairman en Vice-Chairman avek 7 lezot Manm.  Vice-Chairman li i ganny li en package R3, 430 ki fer 41, 160.  Apre nou annan nou 7 lezot manm, ki ganny 3, mil 4 i fer – 256 mil 032.  Anba Lalwa NISTI fer provizyon pou en Sekreter.

     (Mic-Off)

CEO MR XAVIER ESTICO

Pou en Sekreter e sa Sekreter i ganny lo R1200.  I fer li R14mil par an.  I fer en total parey ou’n dir 386 mil anyel pou Board Fees.  E sa breakdown.  

MR SPEAKER

Onorab Afif okenn …?  Ou ok?

 HON AHMED AFIF

Petet zis mon ti a kontan demann ou si ou kapab vitman dir nou ki souvan sa Board i zwenn ?  E ki  bann major achievement ou kapab dir nou, nou pe depans R5milyon preski dan en lannen.  Ki ou kapab dir nou konman en rezilta tanzib ki Sesel pe vwar pe depans R5milyon tou le lannen atraver NISTI.  Mersi.

MR SPEAKER

CEO. 

 CEO MR XAVIER ESTICO

Mersi Onorab.  Nou annan 4 meeting par an.  4 quarters – quarterly.  E mon dan dokiman Statement mon’n liste 13 pwen ki nou’n achieve.  Me selman mon a el aboule akoz i zis kekfwa pou mon validate ki mon’n ekrir.  Tanzib i kapab quantitative i kapab qualitative me selman  mon pou al lo enn kit re enportan.

Apre in apwent NISTI 2014.  Gouvernman i form en High Level Steering Committee ki pe ganny Chair par Vis- Prezidan i pa ti dan nou manda sa.  I kriy nou NISTI i dir nou, ‘’nou pou assign zot en manda pou fer en Polisi e stratezi pou nou al en konwledge-based economy.

        An realite sa letan ti Prezidan ki ti Vice-President.

Dan sa striktir dan knowledge based-economy i annan 4 pilye.  I annan lekonomi li menm ek son bann incentive i annan ledikasyon skilled workforce ; i annan National Innovation System e apre i annan ICT e gouvernans konman labaz.  I donn nou en challenge pou fer en research strategy.  Mon ti dir avek zot nou pa kapab ale fer zis en research strategy.  Akoz ou bezwen pran li Science Technology Innovation tou ansanm.  E sa nou’n anbark lo sa proze.  Nou ti konmans avek en letid tou le 4 pilye ti fer sa letid. Nou to servis metod World Bank  pou assess kote Sesel i ete an relasyon avek lekonomi rekonesans.

        Nou ti fer sa letid 2014 ki ti donn nou bann indicators.  E sa deza i donn nou en lide.  Baze lo sa bann indicators qualitative, nou ti bezwen konnen kote nou ete.  Nou ti anbark en konsiltasyon masiv.  Nou ti ganny en gran … tou dimoun Sesel … vreman ti byen.  Ek sa ti annan 4 Minis ti vin prezante ki mannyer  Lasyans teknolozi i kapab rantre dan kominote? E sa bann data ki nou’n gannyen avek piblik bann syantis – bann dimoun ki ti deza SDS Dr Sherwin … en kantite ti vini partisipe.  Nou’n pran tou nou’n met ansanm akoz nou ti krwar nou konstans pou dir en Polisi i bezwen konsiltasyon piblik.

Apre nou’n fet validasyon nou’n arive.  2 semenn pase nou’n prezant ek Cabinet.  Nou’n lans nou dokiman.  E sa ki sa dokiman ki in pran nou 18 mwan – nou’n ganny en konsiltan – nou servi en konsiltan.  Me selman anba mon direksyon konman CEO e osi nou’n ganny en reviewer from rekomande par SADC.  Akoz? Lasyans Teknolozi Inovasyon, i en nouvo domenn mondyal.  E lekspertiz dan son Polisi e stratezi, napa bokou.  E mwan pou mon mon ti, demann SADC son Siege advise.  Zot ti donn nou en profeser ki pe ed lezot pei pou review sa Polisi.  E osi ki mon ti ganny lenformasyon mon menm  Malaisie avek ISTIC ki ti fer lenformasyon.  E osi Singapour pou konpran ki mannyer en Polisi Lasyans Teknolozi i fonksyonnen.

E sa i en keksoz tanzib, me parkont i bezwen annan son enplimantasyon.  Dan sa prosesis, i ti enportan ki Egzekitif i konpran kote NISTI pe ale.  Mon ti en platform ki o u zwenn Egzekitiv se PS Principles Secretary and CEOs Forrum.  Mon ti anmenn sa devan zot, e i dokimante dan Minutes alors akoz i pou  entegre dan tou Sekter Gouvernman ek progranm zot bezwen konpran.

Me kote Lasanble Nasyonal ki Lezislatif, mon’n fer sa zefor.  Mon ti apre ki mon ti ganny challenge lo mon Bidze lannen pase, i ti mon ti konsernen poudir i annan en mankman.  Mon ti apros biro Mr Speaker.  Mon ti vin vwar li mon dir li mon oule ganny en lantretyen avek Lasanble.  I ti donn mon direksyon mon ti ekrir mon ti anvoy mon dokiman sa mon ti anvoye.  Mon’n anvoy osi rasyonnal akoz NISTI i bezwen stand alone ki i vin en Audit UNESCO ki’n ed nou pou fer.  E osi son akt.  E mon Chairman ti akonpanny mon An Avril lannen pase pou vin isi dan sa Komite, pou prezante ki mon pe fer.  Me malerezman letan mon ti vini ti annan zis kote konman Parti Lepep e apre mon’n konsilte avek Lonorer Onorab Hoareau.  I pa’n vin par ekspre.  I ti kwensid en compassionate reason.  Mon krwar lo zot kote ti annan  en dimoun ki ti … zot ti bezwen attend.

        Me mon pa’n reste la mwan.  Mon’n re demann sa sekreter pou mon ganny en lantretyen, pou mwan kapab osi fer Lezislatif  konpran kote nou oule ale.  E mon Bidze from now on zeskan 2025 i focus lo la.  E sa focus … e mon krwar nou bezwen donn Sesel en sans osi ; i pa zis Sesel  ki pe koz lekonomi rekonesans, nou konpatriyot dan L’Afrique pa krwar zot pa pe bouze.  Zot pe bouz vit dan sa direksyon.  E nou osi nou bezwen al dan sa direksyon.   I pa en style ki nou oule adopte.  World Bank in fini donn data ki  Sesel i dan en letap ki bezwen fer sa tranzisyon.  E nou NISTI sa Lenstitisyon kle pou nou kapab fer bouze sa.  E sa i enn bann keksoz fondamantal.  Me i annan plizyer ankor mon kapab dir ki tanzib, ki vizib, e kekfwa i pou pran bokou letan pou dir zot.

MR SPEAKER

Petet ou ava sirkil sa Stratezi tou dimoun pou nou annan.  Onorab Prea apre Onorab Ferrari.

HON NICHOLAS PREA

Mersi Mr Chairman.  Zis mon ti a kontan demann Mr Estico  lo ‘’goods and services’’ i annan en R120 mil ‘’Housing.’’  Ok i en i tonm anba ‘’wages and salaries in-kind,’’ si ou kapab donn nou en leksplikasyon lo la.

Apre zis mon a port latansyon osi lo i annan pou ‘Landscaping and beautification mon mazinen pou netway en pti pe dan compound and so on.  Bokou konsern i lev-e an deor zot fencing.  I harbour voler e last week, ti annan voler ki ti pe kasyet pou antre dan bann lakaz pre anba Beau Belle.  Sa konsern i lev-e plizyerman.  Ler ou pe regarde R90  mil pou fer sa travay i tonm 7,  500 tou lemwan.  Si petet sa dimoun ki sa i kapab netway en pti pe osi tou.  Akoz ki mannyer mon konpran zis an deor sa fence i tonm anba responsabilite NISTI.  Mersi.

MR SPEAKER

CEO.

CEO MR XAVIER ESTICO

Mersi Onorab Prea.  Mon anvi  kekfwa i a zis en loportinite osi pou mon eksplike. ‘’Goods and services’’ sa ‘’Housing’’ letan nou ti met nou’n fer nou’n sey … i annan en problenm kad dan Lasyans Sesel.  Nou fer advert pou atir en Principle Reseach Officer pour Teknolozi.  Nou’n met 3 fwa.  Menm larzan nou’n vote nou pa gannyen Seselwa.  Nou bezwen anploy en etranze.  E sa i vin son housing allowance R10mil tou lemwan.

Fence ; STB ti landlord sa landrwa.  Zot ti annan bokou plis resours ki nou.  Me parkont avek sa ki nou annan nou pe fer en pe … mon pa anvi, nou pe fer en pe pli byen.  Akoz nou travay kominote nou.  Sa madanm … tou sa laliny fence zot koz ek mwan.  E mon fer kit 2 met ek fence, me selman mon’n dir ek zot osi nou netway lo nou kote, zot osi zot bezwen netway lo zot kote.  Akoz Kasi i pous lo tou lede kote.  Me selman mon anvi ed zot osi pase koup tou.  Wi nou annan voler.  Voler in antre e mon’n konpran sa byen bomaten.  E mon’n koz ek sa sekirite lo site.  Mon pa ti konnen mon ti ankor la letan voler i rantre  6er diswar.  Gard in tay ek zot, zot in antre dan nou fence zot in al kasyet dan lapay.  Sa madanm i call mwan, mon ti ankor biro 6er ekek.  I dir mwan i annan voler.  Me selman lapolis in met lanmen lo zot, zot in, al vole somewhere Mount Simpson. Mon’n reprimann sa sekirite bomaten.  Akoz li i vwar voler pe antre, i deor pe demann li kestyon.  In donn leksplikasyon.  Savedir i annan sa problenm.  Me selman se sa nou dir.  Sa i en propriyete Leta.  Nou landlord.  Mon valoriz bokou sa propriyete i annan en kantite potansyel.

E nou NISTI nou anvi fer sa propriyete vin sa ki i anvi vini.  I pa zis biro sa.  Nou annan plan nou pe diskite avek Lotorite,  pou nou fer li vin en Lasyans en landrwa kot letan i vin, Sesel i en Lenstitisyon Lasyans Teknolozi Inovasyon.  E  mon a pran letan pou prezant zot nou plan.  Nou pe esper FC.  Nou letan lapli i difisil akoz fatak … I difisil.

En lot proze ki nou’n fer mon’n apros Fisherman’s Cove.  Nou oule pe travay ansanm ek Fisherman’s Cove akoz zot servi nou car park pou ed nou pou mentenir sa landrwa.  E osi fer li valoriz li pou li vin en landrwa osi pou donn valer.  I annan bann zoli plan la nou kapab fer konman en Botanical Garden, netwaye.  Tou sa bann proze ki nou pe travay ek nou counterpart.  Mersi.

MR SPEAKER

Tre byen.  Onorab Henrie.

HON GERVAIS HENRIE

Mersi Mr Speaker.  ,mon kestyon kekfwa PS Finans i kapab donn ou en leksplikasyon.  Pou Revised Budget 2016, ki nou ti gannyen lannen pase ok, pou lannen pase sif ki zot ti prezant avek nou, sete apepre R4.6 milyon pou NISTI. 

So aprezan sa lannen sa sif i revize pou vin 6.3 – ou pe swiv mon la ?  Ok, mon konpran pou dir sa i kapab annan pou fer avek sa Proze Kapital ki Mr Estico fek koz lo la ti ariv 2.1.  Me selman lannen pase touzour zot ti prezant nou dan liv Bidze en sif 1.5 pou ‘‘capital expenditure’,’ So eski lo menm proze renovasyon sa batiman son total i vin 3.6?  Ou pe swiv mwan?  So lannen pase dan liv Bidze ti annan en sonm an 2015  ki ti  1.5 pou ‘’capital expenditure.’’  E la ankor nou vwar en lot 2.1  letan mon plus li ansanm i fer 3.6.  So mon anvi konnen si i vreman in ariv sa sonm?  Sa i mon premye kestyon.

2enm lo paz 76 lo latab 2 dan ‘’consolidated expenditure estimate’’ sonm ki zot ti prezant nou lannen pase pou 2016  son Revised Budget dan ‘’Goverrnment and management administration’’ ti 2.5 apepre.  La sa lannen i vin 4.5 ; konmsi pou mwan sa 2 sif i pa parey zot ti prezante lannen pase dan Liv Bidze avek la, akoz i annan en logmantasyon.  So mon zis wonder kote e sa i sorti?  Si nou ti kapab ganny en lesplikasyon malgre en sif ki’n deza pase me pa pou … ki pe vini.  E Mr Speaker se 3enm dernyen.  Nou konstate pou dir ‘’consultancy’’ NISTI i pe al depans li i annan  4 konponan consultancy i pou ariv en total apepre R553 mil.  Si nou ti kapab ganny en lesplikasyon kwa sa bann consultancy e whether i pou lokal ouswa enternasyonal.  Mersi bokou.

MR SPEAKER

PS.

 PS PATRICK PAYET

Mersi Mr Chair.  E mersi Onorab.  Zis pou azoute ki aktyel 2016 ki dan Liv ozordi pou tou Minister avek Budget  bann entities e Departman, i sa actual ki’n ganny odite par Oditer Zeneral.  Me kekfwa nou a bezwen refer back pou bann lannen, sa provizyon ki nou ti mete pti en estimate me, selman kekfwa nou bezwen al en pe plis detay why sa increase ki nou kapab provide apre.  Zis pou azoute ki sa ‘’building and infrastructure’’ i ti en provizyon.  Me selman once ki tender i sorti s i annan ogmantasyon e Kontra i ganny sinyen dapre tender.  E sanmenm sa ki nou vwar i annan sa bann diferans ; i kapab below ouswa above dapre tender prosedir.

Me selman kekfwa pou donn ou sa varyans between estimate ki nou ti mete dan Budget book avek actual, zis parey mon’n dir sa i audit audited accounts.  E nou a kapab donn en pe plis detay lo varyans akoz  sa apre.

 MR SPEAKER

Ok. 

 CEO MR XAVIER ESTICO

‘’Consultancy’’ wi nou annan provizyon.  Parey nou’n dir nou’n servi en konsiltan pou nou … e letan nou’n lans sa,  pe fer byen resorti en Polisi i en frmework.  Si ou pa enplimant li i reste dan i reste en dokiman.  E mon profit lokazyon pou dir, i ti fer resorti konmsi en obzervasyon – pli gran problenm ki i annan i enkli Sesel se nou mank Policy literature – i konnen ki i annan dan sa Polisi – e ki nou merit fer.

E letan zot a ganny sa dokiman lo paz 40 i kler.  Zot a gannyen, mon kapab retournen.  I kler ki nou anvi 2016 ek 2020.  Letan mon ti al Lasanble ti annan bann  indicative costing.  Par egzanp nou oule fer en platform data.   Data scientifique Sesel i pa partou.  E quality nou bezwen fer li byen.  Nou’n fini idantifye tou meta data Sesel.  E ki mannyer nou share nou data nou deza sa ; sa Bidze pe demann nou pou nou kontinyen ek ki nou’n fer.  Nou’n anmenn en platform lo High Level Steering Committee Mardi devan 3 Minis ; Minis Morgan – Minis Ledikasyon, Minis MIEDBI malerezman Minis Finans ki lo sa Komite ti dan Lasanble … lekel ki ti annan ankor?  Apre tou lezot ofisyel ki la, e zot in apresye ki nou pe sey fer.  Ki nou link bann meta data.  E sa i deza akoz zot in vwar nou annan 3 Principal Research Officer zot pa bann spesyalis nou bezwen outsource sa pou sa akoz i tonm dan knowledge management.

        Nou’n travay avek Microsoft Indian Ocean pou en pe letan zot in al silans.  Me nou pa bezwen esper zot nou.  Nou’n bouze nou.  Zot in anvoy nou proze Microsoft India e mon’n zwenn zot Maputo lately.  E sa ki nou nou’n fer i bokou en pe pli avanse ki zot pe panse.  E mon pe dir dan nou konfyans NISTI ; NISTI pou fer  a diferans ok? 

 MR SPEAKER

PS.

CEO MR XAVIER ESTICO

So sa konsiltan i pou vini kote nou annan osi kot knowledge nou annan sa konponan inovasyon sosyal – non, non National Innovation System ki enn bann keksoz pli weak dan nou pei.  Nou toultan krwar pou dir the weakest way the weakest link of the chain donn dimoun larzan biznes i a marse.  E konbyen bad debt  i annan?  Akoz i annan en death valley  zot pa arive …. akoz napa en sistenm inRadius ki kapab fer sa bann dimoun pran en lide anmenn komersyalizasyon.  E sa nou bezwen consultancy pou nou enn mon’n ekrir UNIDO, UNIDO pe ed nou pou map out nou’n fer sa Cape Verde, zot in fer sa Kenya be pa zis map out.  Nou bezwen annan en sistenm ki met sa bann konponan ansanm.E sa i pou vin consultancy.  Ou donn en dimoun 1 milyon roupi i pa succeed li.  I bezwen en sistenm Inovasyon pou innovate.   E nou NISTI nou bezwen fer sa.

I annan osi kot RND; gro kestyon ti demann mwan letan mon al Cabinet, ‘’Mr Estico  konbyen Gouvernman – nou demann Gouvernman i envestir isi dan resers ek devlopman Sesel ?’’  Napa en dimoun ki kapab reponn sa kestyon.  Akoz nou pa fer letid.  Nou napa en baseline pou anmenn kot Gouvernman.  Nou dir Gouvernman envestir dan RND konbyen larzan?

Nou’n ratifye sa Protokol dan sa Lasanble e SADC pe demann e ki nou envestir en poursan nou GDP dan RND.  Me konbyen nou pe envestir la?  Nou’n fer sa letid pou nou kapab anmennen en baseline kot Gouvernman pou dir, ‘’la nou la, kote nou pe ale?’’  Nou napa sa resours dan NISTI pou fer sa.  Akoz nou travayer NISTI i pa zis fer sa i al an deor.  I al an deor pou al e sey ede osi dan Lendistri.

MR SPEAKER

CEO mon krwar ou’n reponn sa kestyon lo ‘’konsiltan.’’  Onorab Ramkalawan.

HON WAVEL RAMKALAWAN

Mersi bokou Mr Speaker.  Mr Speaker premyerman mon ti a kontan nou ganny en keksoz kler, an relasyon avek sa propriyete, kot sa batiman i ete.  I pa anrezistre lo Gouvernman sa propriyete.  E mn ti ava kontan konnen ki laranzman – ki laranzman ki i annan avek Gouvernman Sesel pou zot kapab dir ki sa i pour Gouvernman.  E si zot ti a kapab donn nou detay. Parski mon pa vwar ‘rent.’

Dezyenmman ‘’sekirite ;’’ Dan ou Bidze se  R40 mil par mwan.  E la pou lemoman zot annan ‘sekirite’.  Zot annan sekirite e sa firm sekirite ki pe vey zot se ‘First Response.’  Ok ‘First Response’ eski i ti annan okenn tender in the first place pou sa firm sekirite ganny sa tender?  E pa santi pou dir R40 mil i bokou tro o pou … par mwan pour sa sekirite?  Dezyenmman lo Board ankor.  Board i zwenn 4 fwa dan en lannen.  I zwenn zis 4 fwa dan en lannen.  Me solman zot pe ganny peye tou lemwan.  Pa panse pou dir ankor enn fwa nou ti ava kapab fer en keksoz ?

Apre zis pou retourn  lo sa kote resers.  Kot i vre ki zot Bidze anviron R5 milyon.  Me solman lefe ki zot dan tou sa bann demars.  Ou still konvenki ki zot devret separe e mon pa tonm anba par egzanp Liniversite Sesel konman en brans kot resers.  I mean mwan letan mon ti Liniversite Birmingham, zot ti pe fer resers pou zot dekouver the Black Rose.  Pourtan ti napa gran soz, me solman research.  E ki konmsi rezon ki mon pe dir sa Mr  Speaker, se pou nou kapab an kor enn fwa parske depi bomaten I am sure ou’n tann nou, konmsi i annan tro bokou bann diferan landrwa.  E nou resours ler la, i ganny disperse.  E resours i ganny disperse, me Bidze i ogmante.  E nou, nou pe rod en fason  lo ki mannyer nou kapab slimline nou Budget e annan ‘Effective Government.  Mersi bokou.

MR SPEAKER

CEO.

 CEO MR XAVIER ESTICO

Mersi Onorab.  Mon a konmans avek kekfwa lo sekirite.  Bon sa R40mil prozeksyon.  Parey mon dir letan tender i vini nou dokiman nou vwar ki kantite pe bid.  Sa ki nou ti peye la nou ti met 2 shift.  Konmsi 2 shift par zour.   Sa existing – sa enn ki’n sorti lo site.  Sa nouvo ki’n vini la letan zot in al lo menm rate.  Me selman POU fodre – konmsi fer en lagreman tanporer pou zot kouver sa ‘Site Sekirite’ lo sa menm rate zeskan ler nou tender. 

Me la napa en firm sekirite ki pou vey sa site ek 3 …  akoz mon krwar i annan en soz ki sirtou aswar ou bezwen met 2 shift pou rezon sekirite – ki ou pou kapab al lo sa menm rate.  E i pa garanti ki sa enn pou gannyen, akoz nou pe fer nou pe swiv strict … An realite nou’n tender 2 fwa.  Akoz nou’n re tender akoz  ti annan enn de issues.  Lo kote … mon krwar mon’n reponn ou sa …

 MR SPEAKER

Propriyete.

CEO MR XAVIER ESTICO

Propriyete sa mwan mon … as far k i mon konsernen, letan pe rode kot NISTI pou été e si in fer parey en foutbol tap isi tap laba –  finalman DPA i dir i annan en propriyete STB pe sorti.  E nou’n sey move letan nou’n move nou pa kapab antre – unfit.  Nou’n repare, nou debourye – nou’n antre.  Mannyer mon konpran set en propriyete  ki pou Leta.  Mon pa konnen.  E Leta in le fer nou landlord ofisyelman ek en papye.  E mon a les Lotorite pli o zot a leklersi.  Liniversite; zofisye pli o Liniversite se Vice-Chancellor i enn nou bann Board member.   I konpran byen kot nou pe ale.E mon a profit sa  lokazyon pou remersi li pou son servis akoz i pe arete i pe fini an Desanm Board i fini.  E in ed nou pou tras sa larout.  I konpran byen nou fonksyon.  Nou travay ek Liniversite.  Nou pa en Lenstiti Resers nou.  Nou plis ki sa.

Apre mon pou fer kekfwa pou en ‘pwen refleksyon’ dan sa Lasanble.  I pli fasil Lenstitisyon ki konpatib par egzanp en Lenstitisyon akademik anba Liniversite.  Nou’n aprann nou leson NIE.  I en Lenstitisyon akademik merge ek Liniversite.  Sa Lenstitisyon ti pe florish – ti pe fer high quality teachers, Masters programme ; apre tou sa letan ki pa marse demerge retournen re konmans ankor.

Guy Morel Institute i akademik li.  Annou regarde letan nou … Plito nou kolabore nou annan kolaborasyon ki fer marse serten keksoz ansanm me nou pa menm keksoz.  E tou pei  ki pe devlope dan model ki nou pe adopte,  i annan en Lenstitisyon parey NISTI i en stand alone.  E lefe nou pe pous Polisi – nou pe fer sir i entegre dan tou nou pa resers nou, nou pe fasilit resers.  Me selman nou partake dan resers.  Par egzanp letan bann laboratwar, nou’n fer odit.  Laboratwar i enportan.  Nou pe al validate sa odit.  Nou pe travay pou vwar ki mannyer bann laboratwar i kapab optimizm zot procurement ; bann keksoz koumsa ki nou fer.  Nou pa … kontrer donn Liniversite son lespas pou li etablir son resers.  Pa donn Liniversite distraksyon.  Mon krwar fodre nou konpran byen.  E apre osi i kler ki zot konpran manda rasyonn-al akoz NISTI in ganny formen.  E sa i dokimante.  Sa konsern  ‘’Liniversite in lev-e  30an pase in vini,’’ i la.  I dokimante dan dokiman. Me selman finalman letan UNESCO in fer sa odit rasyonnal plito ou annan en Lenstiti koumsa ; ki ede pou lasyans devlope dan Sesel.

MR SPEAKER

Mon krwar ou kestyon in reponn Onorab Ramkalawan.

HON WAVEL RAMKALAWAN

….(Mic Off)

 CEO MR XAVIER ESTICO

Anr Board.  Wi Board.  Board i zwenn   Ou konnen Board i  zwenn.  I annan sa direksyon … i … Me selman mon a dir pou mobiliz Board pou zwenn plis i pa tro pratik.  Me selman mon Chairman ek Vice –  mon Chairman … mon relasyon ek  mon Chairman  i pa big bother … nou travay ansanm.  E letan nou travay kontinyelman ansanm pou vwar.  I annan en bout i very tough Chairman.  I annan keksoz i pa oule les mwan fer – i diskite – nou vwar nou … of Board.  Me selman nou a pran sa not nou a gete si nou kapab zwenn en pe souvan ki si i neseser e nou annan en koneksyon.  Nou krwar nou a pran sa konsiderasyon.  Mersi.

MR SPEAKER

Onorab Ferrari.  Onorab yes Onorab Ramkalawan.

HON WAVEL RAMKALAWAN

Petet lefe ki i napa sa zot pa pe zwenn sa kantite fwa.   E enn bann problenm ki nou vwar isi Sesel se bann gro Board tou Board i annan sepa konbyen dimoun.  Eski la ankor enn fwa nou pa ti kapab streamline li.  Eski ou bezwen Board avek sa kantite manm?  Oubyen eski nou bezwen en Board ki pli ptipti?  E apre sa lo sa nouvo sekirite  I mean –  eski olye pou nou al depans sa kantite larzan zot deza  dan bann zafer Lasyans.  Annan en Sistenm Camera.  En Sistenm Camera en Sistenm Alarm, ki sa dan li menm li, annan  li kestyon modernite, olye reste avek sa lot bout.

Me Mr Speaker mon pe regard sa R480 mil e Mr  Estico i dir avek nou sa i en prozeksyon.  Me, solman nou konnen pou dir souvandfwa letan prozeksyon e apre letan nou pou regarde se sanmenm sa chiffre ki pou ganny depanse.  Mon pe kalkile lo nou nivo responsabilite whether nou pa devret deza la koup sa sonm, koup sa sonm pou li vin en sonm rezonnab.  Par egzanp pou nou koup li par lanmwatye.  Pou nou koup  li par lanmwatye pou li vin rezonnab anmezir ki ou lenstiti zot regard bann lezot fason.  E apre sa letan nou fer Mid-Year Review nou kapab koz lo la ankor.  Mersi.

MR SPEAKER

CEO. 

CEO MR XAVIER ESTICO

Mersi.  Mon krwar nou tou responsabilite nou regard byen nou konsyan kou.  Me selman zot pe met li dan konteks.   Vre nou bezwen evolye al dan teknolozi akoz nou reprezant sa.  Me selman anmezir letan nou pe met teknolozi camera  -camera i detekte li.  Apre bezwen en rapid response li.

Non, non be zot tou pe sey rev up sa sityasyon Law osi.  Mon krwar prepozisyon se ki nou a kapab … akoz sa i en gran site sa, i pa zis … i en gran building sa.  I en gran building.  I pa 2 biro sa.  I en gran propriyete sa.  Konmsi mon krwar poudir pou al koup sekirite lo la, nou pe met en building Gouvernman an danze.  Mon krwar nou ava travay a longer di-tan revwar ki mannyer nou kapab fer desann pou sekirite.  Me selman mon konsernen.  Mon konsernen ek sekirite.  Sa i en gran … I en building ki annan en kantite valer sa.

MR SPEAKER

Ok.  Onorab Ferrari.

HON JEAN-FRANCOIS FERRARI

Rapidman Mr Speaker – 2 keksoz ; enn, ler mon pe ekout CEO i fer mon mazin CEO ansyen CEO STC.  Ki dir ki Gouvernman in kit en gro det avek li ki i ti pou fer avek?  In bezwen pass-on lo kliyan.  CEO la nou dan en sityasyon kot si sa landrwa i tro gran – si sa landrwa pa apropriye, fodre nou rann.  Akoz nou pa kapab aksepte bann kado an pwazon-nen koumsa.  Bann keksoz ki pe met en burden lo pei.  Donk mwan mon pe dir sa konman pa pou NISTI, me pou tou bann lorganizasyon – pa zanmen pran en kado an pwazon-nen zis akoz Gouvernman i dir ou move ladan.  Si demen Gouvernman  i dir Lopital Beoliere move dan Mahé Beach., zot pou demann  ou R100 milyon pou refurbish.  ‘’Gouvernman ki’n anvoy nou laba.’’  So mon krwar ri annan i devret annan en lot rasyon-al ladan.  Mon 2enm pwen se tou bann lorganizasyon resers pou raise finansman atraver sa bann lorganizasyon enternasyonal ki pe demann nou pou met an plas sa bann sistenm e i annan bann fianansman deor R5milyon pa ti  devret annan en gran problenm sa ki annan pou gannyen pou nou kick-start sa pou fer li marse.  Eski i annan okenn zefor akoz tou bann lorganizasyon resers atraver lemonn zot lev-e zot al rode en pe finansman.  Eski NISTI pe zis fye lo Gouvernman pou donn li son Bidze tou le lannen E li i pa pe fer okenn zefor, pou li rod en pe finansman ki mwan mon konnen i available all around the world?

MR SPEAKER

CEO?

CEO MR XAVIER ESTICO

Mersi Onorab Ferrari.  Mon pou … kekfwa ou’n mank en pe lo komansman.  Si NISTI ti depan zis lo Bidze Gouvernman, nou pa ti pou la nou.  Napa en lorganizasyon ki’n fer plis network ki NISTI.  E sa in kout … e sa network ki anmenn reveni  – ki anmenn lenpak.  Nou annan nou …UNESCO nou’n met en proze dan UNESCO.  Nou’n deza fer en letid pou UNESCO akoz UNESCO in met en presyon lo nou Sesel pa pe donn data anba  UIS.  Unesco Information System ki EMIS i donn en pe – nou nou’n bezwen fer li pou UNESCO.  Nou …. devlop sa.  UNESCO ….

HON JEAN-FRANCOIS FERRARI

….(Mic-Off)

CEO MR XAVIER ESTICO

Non, non, non nou’n ganny nou 18mil Dolar ki nou … ki nou’n ….  Nou annan nou 18 … ki nou’n fer proze nou’n gannyen en pe larzan ek UNESCO.  Mon’n al negosye direkteman avek UNIDO, IAIA, UNet ti partisip dan nou workshop.  Nou’n siny en Bilateral pou anmenn … nou Sesel nou napa kab nou.  Nou’n al siny en Bilateral avek Department of Technoloiy Sud L’Afrique akoz zot pare pou donn nou diferan sekter Gouvernman bann sipor dan Lasyans Teknolozi.  Nou’n siny en Plan of Action.  Nou’n demann zot pou … nou pe build sa platform kot keksoz i antre Sesel.  Finansman – Finansman nou’n gannyen mon‘n dir ou – 18mil nou’n gannyen avek UNESCO.  UNET pa ankor donn nou  ki kantite i pou vin mete.  I pa tou keksoz ki larzan.  I annan teknikalite – i annan konesans  ki kapab vini e ed nou pou fer koman konsiltan ki zot fund.  E i kout  larzan.  Akoz …ekskiz mwan en kou Onorab, apre nou annan avek ISTIC  Malaysie nou’n fer bann MOU.  Nou’n devlop bokou network ki nou …. E apre en keksoz ki fer ki  ou kapab ganny larzan se, proze.  Sa bann lorganizasyon i lans ‘Calls’ e sa  bann ‘Calls’ i fodre ou annan bann spesifikasyon pou atir menm avek lorganizasyon isi lokal nou’n met 2 proze dan pipeline avek sa ki la Botanik ….ki mannyer i apele ….non, non pa SeyCAT …ki msye Alcindor i ansarz?  UNDP.  I dir fantastik proze be solman i pe konsidere.  Nou ekri proze nou mete.  E EU nou annan en proze nou pe travay avek Energy Commission.  I annan en kantite … be  la i pa fasil – ou krwar i fasil pou atire?  i annan konpetisyon dan lemonn – tou pei pe sey tay ek menm kantite larzan.  Fodre ou proze i byen – ou zistifye pou ou ganny larzan.  Napa en kantite larzan laba.  E EU ou pou fer fas ek en kantite funding problem.  E mon krwar  stratezi pou sa pa zis fye EU.  Se sa operation ki enportan.  E sa nou pe travay lo la.  Nou bezwen annan stratezi 2 kote.  Konsernan konsernen ou 2enm pwen lo CEO sepa  lo pwazon anpwazonnen, nou pa’n … sa pa en kado anpwazonnen.  I en loportinite lavenir e nou, nou pou fer sa landrwa vin en landrwa ki ou menm ou pou fyer.  E nou annan proze kle.  Mon annan en konsiltan la lo site.  Nou’n koz lo  atir … ki mannyer ou fer lekonomi konesans si napa konesans dan pei?  Liniversite pa pou prodwi – nou kapasite pa kapab prodwir sa pool of knowledge ki nou bezwen.  Lot, lot  lenstitisyon i dir pou atir lenvestisman – lenvestisman i larzan.  Larzan san konesans pa fer progre.  Nou’n ou pe travay  dan en  fason li nou anmenn sa konesans lokal isi apre larzan a swiv. 

 MR SPEAKER

Mon krwar Onorab Ferrari ou kestyon in ganny reponn?

 HON JEAN-FRANCOIS FERRARI

Well Mr Speaker mon oule zis dir poudir tou bann CEOs i  bezwen konsyan larzan…

MR SPEAKER

Ok.

 HON JEAN-FRANCOIS FERRARI

Akoz ozordi nou pe koz Bidze.  Larzan i enportan.  Resers i enportan.  Larzan i enportan konmsi ki mannyer nou finans sa bann resers.  Nou pa kapab pe dir poudir nou’n met en proze nou’n fer sa nou’n anvoy lot selman, nou pa ankor ganny nanryen en zour nou ava gannyen.  Nou bezwen cost sa bann keksoz e se sa  nou preokipasyon ozordi se pou nou gete konbyen lannen nou pou cost en lenstitisyon nou pou finans en lenstitisyon ki nou ekspekte ki en zour i self-financing me i pa pe vini in ganny zis 180mil Dolar.  Sa i nou preokipasyon koman bann dimoun ki pe etidye Bidze. Mersi.

MR SPEAKER

Ok zot point is made.  2 dernyen kestyon Onorab Mondon ek Onorab Gill.

HON TERENCE MONDON

Mersi Mr Chair.  Zisteman Mr Chair, 8 staff dan en gro batiman i en gaspiyaz lespas en.  Petet ou ti kapab pe lwe sa batiman ganny reveni pou finans en landrwa pli apropriye pou NISTI akoz i en gro batiman mon konnen laba pou 8 staff.  Mon 2enm pwen mon oule fer ki saler ki zot ti pe ofer?  Mon en pe konsernen ler ou dir zot advertise en post Principle Research Officer, ki zot pa ganny Seselwa.  Mon  anvi konnen ki saler ki zot ti pe ofer pou sa pozisyon.  Mersi.

MR SPEAKER

Ok.  Nou a esper dernyen kestyon apre nou a  demann CEO pou reponn.  Onorab Gill.

 HON SIMON GILL

Mersi Mr Speaker.  Mr Speaker senp pti kestyon.  Mon oule demann Mr Estico dan ou Plan Stratezi eskize mon pa ti la dan ou Prezantasyon- mon  pa ti dan pei – dan ou Plan Stratezi mon pe sey gete si i anmenn lespas ladan, ki ou’n defini pou entegre tou  sa bann teachers Lasyans dan Sesel   Ki mannyer ou route zot in avek NISTI?  Sa i enn e 2enm eleman …. Pardon ?

MR SPEAKER

Kontinyen Onorab Gill.

HON SIMON GILL

E i annan  bann lezot lenstitisyon ankor – ou’n koz  lo kote Liniversite Sesel lo  … i annal SBS e lezot lenstitisyon dan Sesel ki plan zot annan pou fer bann Science FairTechnology Fair kot ou evoke innovative thinking dan nou lazenes dan  bann zelev dan Liniversite Sesel, dan bann lezot lenstitisyon skoler ki nou build up sa human capital ki ou pou pe koz lo la la; akoz Sesel pa kapab kontinyen depann lo sa bann lezot pei pou kapab  ganny nou human capital pou nou vreman bouz devan pou nou  vreman  bouz devan get beyond 2030 or 2063 parey ou pe evoke EU ki enn bann desizyon  ki ou pe sey  tap dan sa human capital ki zot annan.  So mon ti a voudre ou montre nou sa.  E apre sa mon krwar ou ava ok. Mersi bokou.

MR SPEAKER

Ok.  CEO.

 CEO MR XAVIER ESTICO

Onorab Mondon ou’n demann mwan kestyon lo …wi.  Mon krwar stratezikman – stratezi i en bon keksoz.  Ou antre dan en landrwa parfwa ki ou apel sa en Beach Head apre ou devlope.  Sa landrwa nou annan plan pou fer li rantabiliz li.  Board in fer  konsernen ek sa.  Nou deza …dan sa Bidze ki nou annan  la nou’n repar en gran landrwa ki ti vid pou vin en landrwa kot nou kapab host workshop.  E zot kapab vizite.  Apre osi v in vizite zot a vwar ki pe pase.  Zot pa kapab zis dir.  Nou pa fer bokou piblisite nou.  An plis ki sa, nou’n devlop en aplikasyon …. Blood Bank Sesel i en gro emergency problem nou’n devlop en Apps ki ozordi Blood Bank i ganny manage lo en platform.  Nou annan en kantite keksoz ki nou pe fer, me solman i pa en waste.  Nou bezwen annan en beach head pou komanse en landrwa kot nou kapab antre organiz nou koman en team e sa landrwa i annan plan pou fer larzan.  Nou a met en  Plan Konpreansiv si zot oule.  Nou a met devan Lasanble.  Nou … mwan nou …tou mon fakilte ki mon’n gannyen koman en  entelektyelkonman en profesyonnel mon anvi donn tou. Mon konsyan mwan.  Mon pa pou vin ros lo later mon anvi donn tou.  E 2025 mn anvi vwar Sesel arive kot nou oule ale.  Mon senser mwan.  Mon en Seselwa parey nou tou …..

MR SPEAKER

Ok, nou pa dout sa me Onorab Gill i demann ou lo anmenn zot ansanm.

CEO MR XAVIER ESTICO

Onorab Gill mon remersye ou pou sa kestyon, akoz mon’n vin mank sa bout.  I annan en sistenm ki apel STEM Education.  Lasyans Teknolozi Engineering, Matematik.  Nou NISTI avek sa pti resours nou’n fer snapshot study –  konpreansiv akoz i pa sa dokiman.  Nou’n vwar nou STEM i an dekadans Sesel e tou dimoun i selebre, zot mete,’Ahr Matematik i pov, Lasyans i pov.’’  Me ki nou fer?  I annan en stratezi pou sa.  Ki nou’n fer, nou’n apros Minister Ledikasyon – witness i la, tou bann CDOs Curriculum Development Officer in zwenn nou pou regarde ki mannyer nou devlop en STEM Ledikasyon Sesel.  Depi pre-school dpi ler i konmanse zeskan i ariv …  Ou pa esper zanfan  ariv Liniversite pou li apresye Lasyans.  I bezwen konmans apresye li depi pre-school.  Me selman kot nou’n konmanse nou?  Nou’n konmanse Segonder. Lannen pase lo verbatim i la, Onorab Hoareu in witness – nou’n lans en klib Lasyans Teknolozi Inovasyon Beau-Vallon.  PS Ledikasyon i pran avyon i mont ek nou Praslin.  Nou’n al ouver enn Grand Anse Praslin e si mon pa tronpe Onorab Woodcock ti prezan.  Me nou fondamantalman, nou pe dir, i pa zis NISTI.  Dan sa terms of reference se kominote i bezwen ede.  Met resours pou fer sa bann klib e ogmant kalite nou Science Fairs.  E sa i an diskisyon nou pe travay avek.

E sa i pa pou reste la.  Nou target se by lannen  2000, mon a vin dan sa Lasanble ; tou lekol segonder i annan enn sa lekol.  E ki nou’n fer ek Beau-Vallon?  I annan 200 zanfan ki montre lentere.  Ou konnen ki savedir 200 zanfan ki reste lekol pou pa al dan semen apre lekol?  Letan nou ti fer, letan nou ti fer, akfer nou’n  fer sa … Akfer robotic?  Dimoun in dir, ‘’Akfer robotic?  Se pou donn en stimuuar pou dir zanfan Seselwa  iannan sa kalib.  Zot al Washington in fer Sesel proud.  I annan en meday Bronz la.

I annan 40 pei Africain, ki partisipe.  Nou’n sorti nou pas par devan zot bokou.  Nou’n pas … Sa bann zanfan pou vin laba se ler pou al dan tou sa lekol pou partaz sa leksperyans.  Lekol prive osi in call mwan – lot fwa mon’n ale, i dir, ‘’be Mr Estico ou’n pe bliy nou !’’  Nou pe fer Lasyans ganny sa buzz.  E Minister … pa nou ki fer ; Minister Ledikasyon i custodian of education, me selman zot i pare pou travay ek nou.  E nou pou fer li.  Nou pou mete en STEM System ki pou atir dimoun ki demen nou pa pou bezwen … Nou pa pou zanmen … Nou pou toultan mank kad.  Me selman nou a prodwir bann kad syantis, teknolozis, inovater, enzenyer.  E matematik pou retournen.   Pou Matematik 21 lekol primer in  antre dan en proze ki nou’n anmennen NISTI ki mannyer ledikasyon Matematik i ganny ansennyen.  Computer-Based Learning ki zanfan pa ganny en konpleks si pa kapab avanse.  Savedir nou pe dir digital dan lekol, sa zanfan dan matematik i a progres dapre son kapasite pou li kapab konplekse.  Ledikasyon in embark lo la.  Nou’n anmennen.  Nou en fasilitater e Ledikasyon pe buy-in  e nou pou bouze.  Mersi.

MR SPEAKER

Ok.  Kler.  Eski i relye Mr Mondon, Onorab Mondon?  I relye ek sa ki pe ganny dir wi vitman.

HON TERENCE MONDON

Mr Chair i pa’n reponn mon kestyon lo saler, ki mon ti demande.

MR SPEAKER

Saler pou konsiltan.

HON TERENCE MONDON

Wi pou sa Research Officer. 

 MR SPEAKER

CEO. 

CEO MR XAVIER ESTICO

Debaz lo saler 12, 900 apre ek zot allowance. 

 MR SPEAKER

Onorab Ramkalawan – vitman.

HON WAVEL RAMKALAWAN

Mr Speaker, apre ki nou’n ekout tou sa, apre i nou’n konpar avek serten lezot Bidze.  Nou pou propoze ki Sa Bidze sekirite i ganny koupe.  Par egzanp letan nou pe regard Minister gro batiman, i pey  R180 mil son Bidze pou en lannen.  Ministry for Land Use and Habitat pou en gran batiman i servi 240 e nou krwar pou dir son Bidze pou sekirite li osi i devret tonm lo 240 mil.  Alors nou pe propoze ki i ganny …

MR SPEAKER

Ou pe propoz en rediksyon?

HON WAVEL RAMKALAWAN

…ki i ganny koupe an 2 yes.

MR SPEAKER

Onorab De Commarmond.

HON CHARLES DE COMMARMOND

Mr Chair mon pe obzekte sa ki pe ganny propoze, dan lesans ki mon mon konpran kot ou pe vini.  Me an menm tan mon’n ekout tou sa ki’n pase dan Lasanble atraver lesplikasyon CEO.  E mwan mon ti ava demann lot fason ; mon ti ava dir ki lefe ki’n ariv bann vol ensidswit e ki nou vwar ki pe ganny dir retir sa sekirite ki la, re tender pou ou kapab revwar sa management sa depans sekirite avan.  Epi ou kapab donn en feedback pou vwar si vreman sa ki ou pe dir.  Akoz ou bezwen letan osi pou vwar sa, me selman mon krwar mwan lefe ki vol fek arive ensidwit tir sa dimoun la, tir sa sekirite la re balans sa zafer sekirite.  Sa mon propozisyon lo …

MR SPEAKER

Ou pe dir kit son Bidze sekirite parey in ganny propoze la.

HON CHARLES DE COMMARMOND

Solman refer sa tender. 

MR SPEAKER

Onorab Ramkalawan.

HON WAVEL RAMKALAWAN

Mr Speaker premyerman prosedir ki’n ganny pran i pa’n prosedir normal.  Kot zis en lot in rantre e tou. E i napa en proper tender process, e sa firm sekirite ki’n ki lala konmela, ankor enn fwa nou konnen ki sa bann ki sa bann keksoz ki pase.  E in napa vol.  Fodre pa ki nou fer sa fot.  In napa vol kot NISTI, sa ki’n’ ganny dir son compound in ganny servi pou voler kasyet.  Alors sa i sa i en gran diferans.  E Mr Speaker nou pe tenir sa pozisyon e fodre ki zot kapab servi R240 mil konman en barenm.

MR SPEAKER

OU kapab dir mwan lo ki paz e ki Vot?

HON WAVEL RAMKALAWAN

Non, non.  Mr Speaker i lo son good and detail ‘’goods and services’’ son detay Bidze ki i donnen ki pou al annan … An plis ki sa Mr Speaker mon krwar ki fodre nou vin realis. I mean Kordgard i lanmenm la de pa si ou deza annan en sekirite la ki kapab raise the alarm i pran 3 minit pou  Gard kapab respond.  E avek sa bann Law reorganizasyon ki pe annan dan Lapolis I don’t see why ki zot pa kapab pran ka avek sa.

MR SPEAKER

Onorab De Commarmond.

HON CHARLES DE COMMARMOND

Chair mon konpran tou sa ki pe pase.  Me mon demande kekfwa Minister Finans olye zis nou koupe la, mon … ler mon’n ekout sa ki pe pase grander propriyete  and whatnot konmsi olye zis koupe, dir Minister Finans withhold en bout sa Bidze sekirite.  Revwar sa ki nou pe dir.  Sa prosedir e tou.  Then a kapab donn nou en feedback pou kapab vwar si Lasanble i kapab siporte.

MR SPEAKER

Ou pe propoze alor ki nou vot lo Bidze ki’n ganny apropriye?

HON CHARLES DE COMMARMOND

Me solman i withhold sa.

MR SPEAKER

Wi Onorab Ramkalawan

HON WAVEL RAMKALAWAN

Ok konmsi i pe dir freeze 240 mil ladan ?  Ok.  Si sa i en …

MR SPEAKER

Avek sa nou a les PS Payet avek CEO  Estico diskite lo sa baz Sekirite, me an menm tan nou dakor pou nou vot sa ki’n ganny propoze konman Bidze pou NISTI. Tou bann ki ‘pour sa Bidze avek sa provizo proviso ki PS i diskit avek zot sekirite, lev zot lanmen tou bann ki dakor?   Clerk.

 MADAM CLERK

Mersi Mr Chair 13 Manm an faver.  Mersi.

MR SPEAKER

Ki vedir lezot i abstain.  Avek zot 13 Manm nou Lasanble in aprouv Bidze pour NISTI, avek sa proviso ki PS Payet i diskit avek CEO Estico pou vwar si zot kapab regard sa Bidze Sekirite  sirtou fer li th proper process of tendering.  Pou gard li rezonnab.

Avek sa nou pran en break – midi in sonnen.  Clerk mon krwar apre midi nou pe konmans avek Attorney General’s Office?  Nou a pran en break.  Mon a remersi Mr Xavier Estico avek son asistan Ms Marie, letan ki zot in pas avek nou.  Mersi pou tou sa bann leklersisman nou swet zot tou de bon pou anmenn Teknolozi Lasyans ek Inovasyon kot tou bann zenn Seselwa.  Tou dimoun bonn apeti.  Nou a re zwenn 2er.

          (BREAK)

 

OFFICE OF THE ATTORNEY GENERAL AND REGISTRATION DIVISION

 

 

MR SPEAKER

Bon apre midi tou dimoun an deor Lasanble ki a lekout.  E mon ti a kontan swet la byenveni dan nou sesyon Lasanble apre midi Prokirer Zeneral Attorney General Mr Frank Ally ki ganny akonpannyen avek son delegasyon.  E parey nou’n fer bomaten parey nou’n konmanse, nou ava al toudswit lo kestyon e paz 30 i kot Bidze …  is it paz 30 Bidze Attorney General’s Office?  Konmsi paz 30 i, Registration Division ki paz 30.  Sorry ……. Attorney General’s Office 24. Ok? AG’s Office i 24.  Yes Onorab Ramkalawan.

HON WAVEL RAMKALAWAN

Mr Speaker bon apre midi.  Bon apre midi tou dimoun petet mon ava profite pour premye fwa ki nouvo Attorney General i vin dan nou Lasanble pour mwan felisit li e letan mon la.  Ok, alors mon ti a voudre dir avek li nou felisitasyon.  E an menm tan osi Mr Speaker, mon krwar ki i toutafe apropriye – mon vwar Mr David Esparon dan nou Lasanble – nou’n koz bokou lo son maler ki’n pas ladan kot nou lapar Lasanble, extend avek ou ankor enn fwa dan sa moman difisil, pour lafanmir.  Mr Speaker lo kote Bidze pour Attorney General letan nou’n regarde son bann … i napa okenn gran logmantasyon; letan nou’n regard tou son bann depans nou’n vwar ki poudir i ok e lo nou kote nou pare pour nou pran en vot.  Pour nou vot an faver.

MR SPEAKER

Onorab Government Business pa la.  Eski Mr Onorab Pillay oubyen Onorab Gill i oule fer komanter lo la?  Onorab Pillay.

 HON SEBASTIEN PILLAY

….(Mic Off)

 MR SPEAKER

Ok. Anyway i annan en propozisyon.  Mon krwar mon pa rapel petet mon oubliye pour dir ki dan ABC, nou ti diskite avan i annan serten Departman – serten entity ki dan Bidze, ki’n ganny prezante ki nou santi i pa annan enn gran nesesite pour fer gran deba, akoz napa gran sanzman dan sa ki zot in demande.  Annefe i annan serten ki’n redwir son Bidze.  Alor nou ti’n dir ki serten nou pa pour gaspiy letan pa dir gaspiy letan me pour nou al pli vit nou pa bezwen pas lo la.  E tou lede kote ti dakor, menm si Onorab De Commarmond pa la.  Me mon ki ti pe Chair tou lede kote ti dakor.  Onorab Georges.

HON BERNARD GEORGES

Mersi Mr Speaker.  Mr Speaker mon pour siport sa propozisyon.  Me mon ti a kontan zis silvouple pa dan en fason mon napa mo kreol pour mwan pedantic, me pa dan en fason pour trenn sa deba, me zis mon pa kontan tit Attorney General’s Chamber in the singular.  Ti sipoze Chambers ‘au plurielle.’  Alor avek sa pti remark mon ava siporte.

MR SPEAKER

Mersi Onorab Georges.  Mon toutafe dakor avek bann presizyon koumsa – akoz nou bezwen fer keksoz byen. So ou pwen i byen note.  So eski nou kapab pran en vot ki nou dakor avek Bidze ki’n ganny propoze.  E mon a ankor refer zot kot paz 24 kot total to be appropriated is R24.909 million.  Tou bann ki pour lev zot lanmen?  Pti moman silvouple bes zot lanmen.  PS i dir mon i annan en pti konsern.  PS Payet eksprim ou konsern.

PS PATRICK PAYET

Mersi Mr Chair bon apre midi.  Zis pour azoute akoz i The Attorney General Chambers and Registration Division i just one vote anba Appropriation Bill.  So nou pour bezwen pran total vot ki total R36milyon 473 mil.  So si nou pour fer.

MR SPEAKER

Savedir PS ou pe dir nou aprouv paz 30 ansanm ek paz 24?

PS PATRICK PAYET

Wi ansanm.

MR SPEAKER

Se sa. Savedir Attorney General Chambers is R24.909 million e Registration Division e mon konnen Madanm Pierre Ms Wendy Pierre i la avek R11.564 million pour Registration Division – se sa ?  Onorab Ferrari.

HON JEAN-FRANCOIS FERRARI

Speaker avek ou permisyon mon ti annan en kestyon lo Registration Division.

MR SPEAKER

Ok, go ahead.

HON JEAN-FRANCOIS FERRARI

Ok, mon ti a kontan profit prezans Attorney General avek son staff avek nou la, pour demande si sa logmantasyon ki mon vwar – sa pti logmantasyon ki mon vwar dan ‘’wages’Registration Division.

MR SPEAKER

Ok, alright.

HON JEAN-FRANCOIS FERRARI

Eski i pour mitigate bann defi ki annan?  E ki kalite lasirans ki zot kapab donn nou, poudir i annan bann siny konkret ki bann backlog pe ganny resolve?  E eski mon kapab demande si osi si pandan sa peryod ki’n annan sitan backlog i annan enn de dimoun ki’n dir mon ki zot in i annan enn de keksoz ki’n manke ki’n kapab perdi dan zot posesyon ki’n kapab perdi.  Eski zot kapab asir nou ki mannyer sityasyon i été pour le moman?

MR SPEAKER

AG ou ti le ou Financial Controller reponn?  Am I right to say you are the Financial Controller?

REGISTRAR GENERAL MRS WENDY PIERRE

Yes.  Registrar ok.  Bon apre midi Mr Chair, tou Manm Lasanble avek bann viewers ki pe swiv nou la apre midi.  Ok lo kestyon Onorab Ferrari that is a very good question.  Parey nou tou nou konnen for Biro Lanrezistreman i enn bann biro kot wi pa zis konmela menm, me selman dan lepase nou’n annan bokou backlog ok?  E sa in ganny kree by the fact, akoz ler mon vini 3an pase, in ganny kree by the fact ki nou’n ganny en triple konmsi kantite dokiman ki nou’n gannyen in triple.  OkAnd the number of staff ki pour travay lo sa bann dokiman in reste menm parey.  Now the very good thing se ki apre bokou diskisyon avek bann Lotorite konsernen, nou’n ganny en dimoun ekstra mid year la, nou’n ganny detrwa dimoun.  Osi for next year nou’n ganny en pe travayer; savedir bann lanmen an plis ok?  An plis ki sa nou’n ganny nou en overtime pour kapab … ou konnen bann staff ti pe fer travay apre ler san ganny en pti keksoz.  So la prezan i Gouvernman in donn nou en overtime pour pey sa bann dimoun, e zot travay Lendi ziska Sanmdi.  Si ou demann mon wi mon pe vwar en pe laklerte akoz ler mon pe regard bann dokiman par egzanp – i annan dokiman ki nou panse zot bezwen en pe vit; par egzanp bann charge ki ti pe pran bokou letan, nou vwar la poudir within one week ou bezwen pe ganny ou charge.  Selman i enportan pour mwan refer sorti poudir sa bann dokiman, ler i pe vin kot nou, i enportan ki dimoun osi in travay lo la, i asire poudir tou keksoz i korek akoz i annan bann letan kot nou gete zot anvoy dokiman ki pa annord, bann dimoun konsernen pa neseserman vin fer zot check parey zot sipoze.  Prezan i pran letan pour nou, nou ki bezwen fer sa pour zot.  OkSo selman mon pe vwar poudir i pe annan bann improvement.  Dokiman pe pas en pti pe pli vit apre nou’n vwar en pti pe internal osi akoz prosedir i enportan.  Nou’n revwar nou prosedir ki mannyer nou pour streamline osi, ok?  Ki vedir ler ou pe anmenn ou dokiman par egzanp mon donn ou en pledge pour en transpor, nou pe dir bann dimoun ki vini zot menm ki zot anmenn zot dokiman deswit bann staff, i travay lo la ou ganny ou resi, apre nou stanpe apre nou sinyen.  So internally i annan en bann keksoz ki nou, nou pe fer ki nou pour siport staff adisyonnel avek overtime.  Akoz i en sistenm li ou konpran mwan?  Prezan nou pe regard osi bann sistenm ki nou annan IT base, ki pour anmenn en pti pe plis sipor.  So ki nou, nou pe regarde by next year – mon pe target mid next year mon krwar nou pour ok.  Thank you very much.

MR SPEAKER

Wi Onorab Ferrari.

HON JEAN-FRANCOIS FERRARI

Sorry en kestyon adisyonnel, se mon ti a kontan demann PS Finans si Gouvernman pe fer okenn revi lo bann fees pour sey gete si sa bann servis ki Registration Division pe ofer, pe ganny peye a son zis a son valer korek pour ki bann reveni Gouvernman osi i apropriye pour sa kalite servis.  Mersi.

MR SPEAKER

PS.

ATTORNEY GENERAL – MR FRANK ALLY

Mon krwar PS i pas laparol avek mwan.  Bon bonn apre midi tou dimoun; bonn apre midi bann Manm Onorab, Mr Speaker.  Mon krwar premyerman kote lo sistenm duty sa i pour en kestyon polisi pour Minister Finans pour bezwen deal avek petet i neseser revwar en pti pe bann registration fees.  Mon krwar pandan bokou letan registration fees in reste par egzanp R100 e sa i en keksoz ki ansanm avek Minister Finans, nou dwatet gete si nou kapab ogmante ki pa pour kree en fardo – en gro fardo petet lo bann dimoun ki pe fer sa bann tranzaksyon.  Lo kote fer sir ki bann dokiman Stamp Duty i ganny kalkile, e i ganny peye mon krwar sa i en legzersis ki nou pour antreprann.  Byento Registrar General pour rankontre avek bann avoka avek bann dimoun ki servi sa servis, par egzanp bann accountant.  E nou bezwen fer sir kot i annan bann lakin kot nou boulonnen.  E sirtou par egzanp lo kote transfer bann Par – mon krwar sa i en loop hole ki nou bezwen tackle e pour nou kapab ogmant en pti pe reveni ki Gouvernman i gannyen.  Bann transfer later osi, mon krwar sa osi nou pour bezwen vwar.  E sa Stamp Duty, Commissioner pour pran bann mezir neseser.  Mon pa krwar en gro problenm, me selman kot i annan bann serten deficiency, mon krwar nou pour bezwen tackle pour nou kapab ogmant reveni.  Mersi.

MR SPEAKER

Onorab Woodcock.

HON WAVEL WOODCOCK

Mersi Mr Speaker.  Mon konnen ki ti annan diskisyon par Registration Division pour get dan posibilite pour desantraliz en pe zot servis.  Eski i dan Bidze sa lannen pour zot annan en lofis lo Praslin?  Mersi.

MR SPEAKER

Registrar.

REGISTRAR GENERAL – MRS WENDY PIERRE

Mr Chair thank you Onorab Woodcock.  Yes sa mon krwar nou ti’n konmans serten diskisyon selman dan Bidze la pa’n prevwar.  Me selman i think this is very important akoz at least kanmenm i pa en fully fledged biro.  Me selman at least en biro enformatik kot koumsa nou bann dimoun Praslin La Digue i ganny zot en pwen, kot zot olye desann olye telefonnen zot kapab al zwenn sa zofisye konsernen.  Me selman sa i en diskisyon kot nou’n gannyen avek Minister konsernen. And I think this is a very good point ki nou pe seriously consider.  Thank you.

MR SPEAKER

Onorab Afif.

 HON AHMED AFIF

Mersi Mr Chair.  Mon kestyon i baze lo paz 32 e mon ti a kontan zis en pti leksplikasyon bref pour eksplik logmantasyon anba ‘‘office expenses’’ ki’n sorti anba R1.2 milyon pour vin anba R1.6 milyon; apepre R400 mil logmantasyon.  Apre ‘‘other uses of goods and services’’ R1 milyon pour vin R1.6 milyon zis sa de i fer R1 milyon –  si zot kapab donn nou briyevman.  Nou annan detay breakdown pour sa me selman nou pa konnen kwa ki’n ogmante ladan.  Par egzanp i annan enn ladan pour ‘‘other uses of goods and services’’ i pe donn nou ‘‘other service agreements’’ eski se sa ki pe ogmante?  Zis donn nou en pti pe detay silvouple.  Mersi.

MR SPEAKER

Registrar.

REGISTRAR GENERAL – MRS WENDY PIERRE

Thank you Mr Chair thank you Onorab Afif.  Yes anba the ‘‘office expenses’’ kot i annan ogmantasyon we say konsiderab, se in regards to electricity, ok?  Sa elektrisite nou ganny bill by the Ministry of Land Use Habitat e zot, zot fer sa in regards to nou kantite square metre ki nou okipe.  So nou vwar poudir yes it’s true sa i en amount ki konsiderab me selman we had to make provision for it.  Yeah.  And then in regards to ‘‘goods and services’’ parey last year when I came mon ti mansyonn en zafer lo travay ki nou pe fer in regards to treatment, restoration and digitalisation; konmsi sa bann vye dokiman sa ki nou ti pe dir ti annan sa problenm konmans sa Sinyofungus bann Fungus and osi digitalisation.  Konmsi at least as nou bezwen rod bann lezot fason osi pour li kapab increase nou speed avek accessibility pour nou bann dokiman.  So this is where digitalisation comes in.  So pour sa ki ou’n vwar i en gro porsyon is in regards pour sa proze ki nou pe kontinyelman fer – from last year we started. 

 MR SPEAKER

Onorab Basil Hoareau.

HON BASIL HOAREAU

Mersi Mr Chair.  Mr Chair mon anvi met en kestyon Mr Frank Ally sa dimoun ki ansarz Registration Division konman The Attorney General.  Nou’n vwar ki dan Bidze Minis in dir nou kot i konsern Intellectual Properties i pour kree en lofis santralize.  Mon mazinen poudir anba Industrial Property Act i pour tir bann serten keksoz an relasyon avek Copyright, Trademark petet pour tir anba Lofis Registrar General.  Eski i panse poudir pour tir en pe sa bann load sa bann backlog ki nou annan Lofis Registrar General –   eski i meyer evantyelman nou separ serten bann louvraz; par egzanp konman Registrar of Companies nou annan en dimoun ki spesifikman Registrar of Companies similarly Lasosyasyon avek Business Name?

MR SPEAKER

AG?

ATTORNEY GENERAL – MR FRANK ALLY

Bon mon krwar sa. i annan nou annan en propozisyon petet pa pour kre en Registrar of Companies, me pour nou kapab kre bann seksyon – let’s say, dan Registration Division.  Mon konnen poudir nou en pti pei, nou miltiplir … nou annan en kantite lenstitisyon nou pe kontinyen miltiplir lenstitisyon – whether sa i bon pour nou pei oubyen non.  Oubyen eski nou pour plito konsantre resours kapasite dan en sel par egzanp Divizyon.  E dan sa bann Divizyon, nou kree bann pti unit oubyen seksyon.  Par egzanp Registration Division nou kapab annan nou en Deputy Registrar oubyen Registrar of Companies oubyen Asistan Registrar ki deal esansyelman avek konpani son lanrezistreman e son bann administrasyon.  E nou kree par egzanp en Asistan Rezistrar oubyen en Deputy Registrar ki deal avek Intellectual Property.  Mon konnen poudir i annan diskisyon avek Minister Finans an relasyon avek CIP Office pour al anba Minister Finans oubyen kwa … E dan Registration Division pour le moman, sa bann zofisye ki deal avek intellectual property zot, zot spesyalize zot deal avek intellectual property.  Zot pa partaz zot letan avek en lot unit oubyen en seksyon.  So mwan mon menm mwan mon vizyon se ki, pour nou annan en Registrar General ki fer fonksyon Registrar General pour fer epanouir sa lofis; plito ki nou annan en Registrar General depi bomaten ziska tanto ki siny bann dokiman.  So sa ti a plito ganny fer par bann Asistan Rezistrar, oubyen bann Deputy Registrar.  E Registrar General li menm li i get en pti pe bezwen sa lofis e devlop sa lofis e fer li pli efficient.  E petet fer bann propozisyon avek Gouvernman pour lanrezistreman i kapab fer pli vit e pou sekiriz bann dokiman.  E la prezan petet sa bann Deputy Registrar oubyen Asistan Registrar zot ki pour plito siny bann dokiman.  So that bann dokiman pa napa en bottleneck kind of – ki finalman i kre sa problenm.  Mersi Mr Chairman.

MR SPEAKER

Onorab Andre.

HON CLIFFORD ANDRE

Mersi Mr Chair.  Mr Chair mon ti a kontan demann avek Madanm Pierre konbyen staff ki annan ki pe run sa Registrar General’s Office, akoz letan nou pe get son Bidze pour ‘‘salary’’ i R7.6 .  E apre lot issue letan mon pe get kot ‘overtime’ mon vwar i zero – i pozitiv savedir Registrar General pa pour fer okenn overtime, akoz ler nou pe gete i annan serten lenstitisyon i pe dir nou ki overtime i konsiderab. So dan sa konteks pour konfirm ki sa i korek.  E lot keksoz se si lannen prosenn Registrar General pour run sa progranm, kot i pe tir bann later sirtou Praslin ek La Digue lo Vye Sistenm, pour met lo Nouvo Sistenm akoz par ler i kree serten konplikasyon parey ou’n dir i annan retar, me sa retar i koze par serten sa bann sityasyon mersi.  E i kout bann dimoun bokou pli ser pour zot kapab anrezistre en later mersi.

MR SPEAKER

Registrar.

REGISTRAR GENERAL – MRS WENDY PIERRE

Thank you Mr Chair.  Thank you Onorab Andre.  As to ou premye kestyon nou annan nou 33 staff prezan la dan biro.  Apre nou annan nou 8 vacancy.  Me i en challenge anler pour nou ganny staff en.  I annan bann pozisyon senior anliny avek sa ki AG Mr Ally in fek dir.  Nou annan nou en challenge pour nou ganny bann dimoun a serten nivo senior.  Ok? So nou pe kontinyelman enterakte avek bann lezot Departman ANHRD University of Seychelles, pour nou kapab ganny … akoz i vin en … actually i konfirm sa ki i pe dir  ki annandler Registrar oubyen Deputy Registrar, nou bezwen spend en pe letan pour nou stanpe avek sinyen.  Kan nou sipoze pe konsantre lo keksoz en pti pe strategic.  So and then for 2018 nou ganny nou ankor 7 staff.  So an total sipoze an 2018 i fer nou 48 staff – ok?  So sa nou pe travay dir pour nou kapab ranpli sa bann pos which we hope pour ed nou en kantite an term workload that we’ve got.  Konsernan ‘overtime’ yes nou ti’n nou’n fer en pti remark lo la; akoz nou’n remarke ki overtime it’s been catered for in 2017.  So sa i en kestyon mon panse kekfwa PS i kapab donn en pti pe plis klarifikasyon lo la.  And then an term sa dernyen in terms of transferring from the old system to the new one, sa i pa an prerogativ pour mon i tonm anba Survey Ministry of Land and Habitat.  Me selman nou, nou annan en rol konsiderab pour zwe ladan akoz nou ki rezistre.  So sa i bezwen travay lekip – I’m not sure what is the ki sa dat presi kan pour take place sa project.  Me selman nou form parti sa lekip.  Thank you.

MR SPEAKER

Mersi avek sa nou’n eklersi dout ki enn de dimoun ti annan – pour nou pran en vot – mon redir ankor lo paz 24 Attorney General’s Chambers with an’ sR24.909 million apre lo paz 30 Registration Division R11.564 million.  Tou bann ki pour lev zot lanmen?  Lev zot lanmen tou bann ki pour?  Clerk?

 

MADAM CLERK

Mersi Mr Chair 27 Manm an faver.  Mersi.

MR SPEAKER

Tre byen resounding approval pour Biro Attorney General avek pour Biro Registrar General.  Avek sa nou a remersye zot pour letan ki zot in vini it was short and sweet.  Nou a swet zot tou de bon e nou a eskiz zot.  Bonn kontinyasyon.

 

(THE ATTORNEY GENERAL MR ALLY AND HIS DELEGATION WAS EXCUSED FROM THE HOUSE)

 

DEPARTMENT OF PUBLIC ADMINISTRATION

 

MR SPEAKER

E nou avan envit Departman Administrasyon Piblik Madanm Richardson pour li vini avek son Financial Controller Mrs Rosalie.  E pour bann ki pe regarde i pour lo paz 11 ziska 17 dan liv ki devan zot.  Page 11 to 17 – Departman Public Administration.  Madanm Richardson ou kapab pran o-bor Vis-Prezidan e Madanm Rosalie o-bor Madanm Richardson.  Madanm Richardson pe reponn kestyon lo lapar Chief Secretary Madanm Jessie Esparon.  E evidaman son Financial Controller Madanm Marie-Anette Rosalie i la li osi pour kontribye.  E Madanm Richardson pour okenn moman ou santi ki ou Financial Controller pour pran la parol pa ezite akoz nou dan Staz Komite.  Kestyon pour Public Administration nou a konmans avek PS mon krwar pa si ou annan kestyon ou annan komanter?  Yes PS.

 PS PATRICK PAYET

Mersi Mr Chair zis pour azoute mon krwar ki lo paz 12 mon krwar zis pour met en pe lo konteks i annan ‘the main appropriation table 1 revenue’ ki R40, 780 460 mil.  So sa ki nou pour pran vot apre i annan ‘the other appropriation’ which is R87 milyon e sa i bann klasifikasyon ki nou’n fer i ‘‘other wages and salaries’’ ki ‘‘the summary of expenditure’’ lo paz 24 avan.  E sa i comprise of pension R21.9 milyon Gratwite R33.4 milyon e Konpansasyon R27.6 milyon sa menm sa sa total R87 milyon.  Me selman pour DPA li menm the main appropriation i zis R40.78 milyon.

MR SPEAKER

Ok, vwala mersi PS pour sa klarifikasyon.  Kestyon bann lezot klarifikasyon sorti kot bann Manm.  Yes Onorab Afif.

HON AHMED AFIF

Mersi Mr Chair.  Mr Chair si mon ti kapab demann PS Payet petet pour presiz en pti pe anba ok nou konpran en pti pe ‘‘wages’’ ou’n tir Gratwite avek Konpansasyon alors sa balans se sa ki reste pour DPA.  Prezan lo kote ‘‘use of goods and services’’ kwa ki bezwen ganny tire dan sa R50 milyon ki prezan sa ki reste pour zis pour DPA?  Akoz DPA nou pe mazin konman National House pour sa bann travayer laba prezan ler ou pe get R50 milyon ou pe dir i en gro sonm, me kwa ki zot tire ladan ?  Donn nou sa klarifikasyon silvouple.

MR SPEAKER

PS.

PS PATRICK PAYET

Mersi Mr Chair; kekfwa si mon pran detay ki’n sirkile avek bann Manm 2018, 2019, 2020, nou pour vwar anba detay i annan Konpansasyon R27.6 milyon apre Gratwite R37.46 milyon.  Sa i 2 ki pe ganny klasifye anba ‘‘wages.’’ Sepandan anba ‘‘housing’’ i annan R19.15 milyon e sa i pour bann graduate housing allowance.  E secondly i annan Pansyon akoz klasifikasyon pansyon i pa pe afekte direkteman travayer Gouvernman ki dan public service; i bann Pansyon ki zot peye pour bann lezot travayer ki zot in kite, sanmenm sa ki nou’n met li anba ‘‘wages and salaries in kind’’ ki pe ganny klasifye anba ‘‘goods and services.’’  So sanmenm sa ki ou pour ganny R19 milyon avek sa R21.9 milyon ki son total i apepre R41 milyon; apre son R9 milyon i just son lezot operational cost.  Me selman sa de gro anba ‘‘goods and services’’ i ‘’housing allowance ‘’R19.4, milyon apre Pansyon R21.9 milyon.  Nou klasifye li anba ‘‘goods and services’’ akoz i pa anba ‘the workforce of Government’ i pa Pansyon workforce of Government me i bann Pansyon ki dimoun in retire. 

MR SPEAKER

Onorab Afif.

HON AHMED AFIF

Ok mon’n konpran sa leksplikasyon savedir lo paz 12 kot ou’n met ‘‘goods and services’’ R50.1 milyon nou bezwen tir apepre R42 milyon ladan ki nou tire dan sa 50, parske i napa nanryen pour fer ladan sa.  Alor si sa i leka, si ou kapab eksplik nou akoz ‘‘transportation and travel’’ i sorti R2.5 milyon 2017 pour ariv R4 milyon an 2018?  Parske la i annan en logmantasyon konsiderab.

MR SPEAKER

PS.

DIRECTOR GENERAL – MRS IVONIA RICHARDSON

Bonzour Mr Speaker e tou Onorab.  E mersi pour kestyon Mr Onorab.  Sa sonm R3 139.79 milyon i kouver pour aktyelman i pa zis neseserman pour depans DPA.  Sa osi tou i en depans ki pour kouver Technical Corporation Travel. Avan oparavan tou bann travel expatriates ti anba Departman Ladministrasyon Piblik.  Tousala in ganny delegate ekspekte Technical Corporation.  Sa bann Technical Corporation i annan bann Dokter Sinwan i annan bann Cuban avek osi i annan Dantis Alman.  Sa nou kit li anba DPA akoz i anba Technical Corporation.  Annefe Bidze 2018 ki nou pe demande i reprezant en logmantasyon R1 92 milyon an plis ki 2017.  Sa logmantasyon i pour kouver konmansman lannen 2017 nou ti bezwen pey apepre R300 mil an bill ki ti reste pour 2016 ki nou pa ti peye.  Savedir sa in redwir en pe nou Bidze 2017 e nou pe kouver sa an 2018.  An plis nou pe fer provizyon ki ler in ariv lafen 2018, nou pou’n kapab pey tou nou bill 2018 nou pa pour al dan 2019.

MR SPEAKER

Ok Onorab Afif?  Onorab Andre.

HON CLIFFORD ANDRE

Mersi Mr Chair.  Bon apre midi tou dimoun.  Mr Chair ler mon pe get dan ‘‘wages and salary’ ‘dan detay ki nou’n gannyen avek Minister Finans, i annan R77 686 milyon mon ti a kontan konbyen staff ki DPA i annan pour li pey sa saler?  enn.  Dezyenm letan nou get lo ‘gratuity’ nou vwar R65 225 mil eski sa i Gratwite pour tou Seselwa ki pe travay ki pas kot zot – oubyen sak Minister i annan son akoz nou’n vwar sak Minister i vin avek son Gratwite.  So si sa i zis pour zot?  Mon 3enm kestyon ‘housing’ PS in dir nou i R19 milyon, eski sa i pour ki sennla sa bann sa ‘‘housing allowance?’’ Ouswa konbyen etidyan in dir nou bann etidyan konbyen i annan ki anrezistre pour ganny sa housing allowance, ki sa sonm.  Akoz mon krwar i R2mil par mwan oubyen R4mil par mwan so konbyen bann etidyan i annan lo la pour lannen ki tonm R19 milyon?  Mersi.

MR SPEAKER

DG Richardson.

DIRECTOR GENERAL – MRS IVONIA RICHARDSON

Mersi Onorab.  Mon ava eksplike.  Dan sa R77 186 milyon i kouver … i annan lapey pour bann staff DPA e i osi kouver compensation pour workers.  Ler sa … dan sa R77 milyon i annan R12 580 milyon ki pour staff DPA … zis pour staff DPA e i annan sa R65 225.19 milyon ki sa i kouver tou Konpansasyon avek Gratwite pour tou staff ki anploye dan Gouvernman.  I ganny … in ganny allocate parey PS Payet in dir avan R37 464.54 milyon pour Gratwite – bann Gratwite ki pey tou le 5an la.  Apre i annan konpansasyon pour ler dimoun i kit travay tou sa ki kit travay zot ganny zot larzan i ganny peye par DPA.  I centralised sa larzan.  Sa i pwen …

MR SPEAKER

Wi Onorab Andre.

HON CLIFFORD ANDRE

Zis pour klarifye.  So Konpansasyon pa devret gannyen dan en Minister, be DPA ki allocate sa konpansasyon ler i kite?  Akoz nou’n vwar Minister ki’n anmennen bomaten nou’n vwar ‘’Compensation.’’ So eski ou pe dir nou i annan en pti …?  Akoz nou osi nou bezwen konpran si nou pe fer sa demen nou pe fer sir ki letan nou pe fer napa … nou pa pe donn an plis en landrwa, me selman i pe ganny peye sorti kot zot.

MR SPEAKER

PS Payet petet ou, ou a kapab klarifye pour Onorab.

PS PATRICK PAYET

Wi mersi Mr Chair.  Zis pour klarifye ki i annan bann lenstitisyon ki annan lotonomi ki zot pey zot prop Konpansasyon zot menm.  Par egzanp mon konnen ki i annan Departman Prizon, SPDF, Lapolis.  I annan apepre 4 a 5 lenstitisyon ki zot, zot pey zot Konpansasyon avek zot bann Gratwite.  E si letan nou pour diskit lo zot Bidze nou pour vwar ki annan sa bann Code osi pour sa bann lenstitisyon.  Akoz zot pour zot i diferan kalkilasyon konpare avek DPA ki mannyer zot fer li.  So zot in ganny en pe lotonomi – zot pa bezwen anvoy kot DPA.  Zot annan zot prop administrative prosedir ki zot follow.

MR SPEAKER

Onorab Mondon.

HON TERENCE MONDON

Mersi Mr Chair.  2 pti leklersisman; mon anvi konnen lo dan latab 1 paz 12 akoz sa ogmantasyon R10 milyon?  Kwa ki DPA i pe fer an plis ki R10 milyon sorti 2017 pour vin 2018.  E dezyenmman dan zot prozeksyon menm 2019, mon vwar en sonm  R122 milyon -R123 milyon preski dir, sorti R77 milyon pour 2018 deza zot pe fer prozeksyon R122 mon anvi konn en pti pe la baz sa kalkilasyon, akoz en sel kou nou pe vwar en gro ogmantasyon ki zot pe prozekte an 2019.  Mersi.

MR SPEAKER

DG oubyen PS Payet.

 DIRECTOR GENERAL – MRS IVONIA RICHARDSON

Mersi Onorab sa R122 milyon i prensipalman pour peyman Konpansasyon pour nou bann staff parey nou fek mansyonnen avan – Konpansasyon Gratwite ki ganny peye pour tou travayer Gouvernman.  So i pour tonm anba la.

MR SPEAKER

Ok Onorab Mondon.

HON TERENCE MONDON

Mon dezyenm parti mon kestyon sa R10 milyon dan zot Bidze Minister DPA li menm, akoz sa ogmantasyon?

MR SPEAKER

DG.

DIRECTOR GENERAL – MRS IVONIA RICHARDSON

Dan Bidze DPA li menm i annan en logmantasyon R2.8 R2.868.36 milyon pour kestyon saler pour staff DPA zot men.  Dan sa R2 milyon i annan logmantasyon ki pour reprezant 5 nouvo pozisyon ki nou pe demann kree dan an 2018 e 6 pos ki vid ki nou swete anpli an 2018.  Sa 5 pos premye ki mon dir ou i pour 2 zofisye Monitoring Principal Officer, Monitoring and Evaluation Officer apre en Principal Personal Management Support Officer.  Dan sa Monitoring and Evaluation Officer la sa 2 pos avek sa lot pour performance, i tonm anba sa proze reform sa proze ki nou annan ki annan sa 4 pilye.  I annan 2 pilye anba Minister Finans, Strategic Plan avek PPPB.  Avek Departman Administrasyon Piblik i annan Monitoring Evaluation avek Performance Management.  Savedir nou bezwen, sa bann zofisye pour nou fer marse sa bann proze.  I neseser pour nou evalye sa bann progranm avek performans dan Lazans avek Departman Gouvernman, pour fer sir ki Polisi proze progranm Gouvernman i a lakor avek bann lobzektif.  E pour sa bann sa Principal Officer, i neseser pour etablir performance management dan Departman e sa bann zofisye pour responsab pour kordin performance management system, dan bann Minister Departman avek Lazans.  Sa bann lorganizasyon zot pour annan zot bann dimoun ki pour fer marse dan zot lorganizasyon.  Kot DPA nou pour annan sa overall rol.  Nou pour monitor swiv partou pour fer sir ki keksoz i mars byen.  Sa i pour sa 3 dimoun.  Apre nou pe demann 2 Benefits Officer.  I annan en proze ki pe vin dan Lasanble pour sa Special Pension, nou pour bezwen de dimoun an plis ki pour travay pour sa.  Apre nou annan 6 pozisyon ki kanmenm nou sa i deza la ki kanmenm nou advertise pos, nou pa ankor kapab ganny dimoun.  I annan 3 Management Officer ki nou bezwen pour nou kapab fer louvraz marse.  I annan dimoun ki’n kite pour nou ranplase apre nou annan en Personal Assistant, nou annan en pos Direkter Zeneral ki nou bezwen ranpli apre nou annan en lot pos Personal Performance Management Officer.  So nou pour ranpli sa pour nou kapab ranpli nou bann challenge ki nou’n mete.  Nou annan shortage of staff. So sa i ava fer nou annan nou bann dimoun pour nou nobou fer keksoz pour nou fer keksoz bouze pour nou pa tarde pour nou nobou donn servis apropriye.  Mersi.

MR SPEAKER

Mersi DG.  Onorab Prea.

HON NICHOLAS PREA

Mersi Mr Chairman.  PS dan son repons in kouver mon kestyon lo sa Special Pension.  Mersi.

MR SPEAKER

Ok.  Onorab Ferrari.

HON JEAN-FRANCOIS FERRARI

Mersi Mr Speaker.  Mr Speaker de pti kestyon ‘‘training fees’’ avek ‘’consultancy fees,’’ now lezot Departman ki’n pas avan nou in donn nou en rasyonnal lo sa bann depans vi ki you are under-staffed, eski zot pe servi sa bann fees pour fer en pe training?  Eski zot pe actually train for new staff not just upgrading the skills of old staff?  E vi ki zot annan ‘consultancy fees ‘akoz eski zot pa trouve ki zot kapab pey en dimoun en pe plis e zot ava ganny response to your … pour zot adverts?  Akoz DPA mon pe dir sa Madanm Richardson DPA son portre dan piblik se ki i pa le peye.  E pa le lezot osi peye.  That’s the picture.  Nou konpran zot pe manage the Wage Bill of the Government which is the important to be done.  Me selman eski zot osi zot pe soufer menm lareg parey lezot?  Donk sa i mon kestyon akoz mon santi poudir i zot napa staff, zot pa pour kapab perform, e tou bann travay ki nou espekte pour zot fer pa pe fer.  So how much training how much have you thought using the consultancy fees plito pour anploy dimoun e donn zot en meyer saler?  Mersi.

MR SPEAKER

DG.

DIRECTOR GENERAL – MRS IVONIA RICHARDSON

Mersi Onorab.  Sa provizyon ki nou’n fer pour ‘consultancy’ se pour anploy nou deza anploy en konsiltan ki pe ed nou avek nou records management.  Sa nou ti bezwen bann led spesifik e i pe donn nou sa.  E nou annan sa proze ki nou pe fer regard dan Gouvernman ki mannyer rikord i ganny kite, i ganny zere fer sir ki tou keksoz i reste la i annan security.  So sa nou annan sa dimoun ki pe travay lo la.  E pour ‘training’ nou annan nou bann nou annan training ki nou donnen pour nou bann staff nou anvoy zot training.  E nou pe fer osi menm pour training across Government lo kote customer service – bann common service standard pour ogmant dan sa bann sa.  Ler i ariv pour staff DPA nou deza annan en management Scheme of Service pour DPA e nou’n fer provizyon pour ogmante allowance pour Scheme of Service, ki nou krwar i ava motiv nou bann staff pour kapab fer en pe pli byen.  I pa fasil pour nou ganny en dimoun, dimoun pa tro oule vin travay kot DPA mon krwar akoz zot vwar nou annan en kantite louvraz prezan zot pa tro, tro anvi vini.

MR SPEAKER

Onorab Ferrari.

HON JEAN-FRANCOIS FERRARI

En pti additional question PS depi actually depi semenn pase mon ti pe rode lekel sa Lotorite dan pei ki pe anvoy en pe sa bann ‘consultancy fees’ e la mon ganny dir midi mon rankontre en dimoun i dir mon DPA ki veye.  DPA has a say in it; konmsi Minister i fer demann Minister Finans i tyeke, me DPA osi i tyeke pour fer sir ki larzan ‘consultancy fees’ i ganny byen … i ganny depanse la kot i devret ganny depanse bann prosedir i ok.  Eski ou kapab reasir nou poudir zot fer sa travay?  Mersi.

MR SPEAKER

PS.

DIRECTOR GENERAL – MRS IVONIA RICHARDSON

Mersi Onorab.  Mon a reponn sa kestyon. DPA annefe i regard tou consultancy i demande ki tou consultancy dan Gouvernman ki foreign ki pran dimoun etranze, sa i vin kot DPA.  Be ler i ariv ‘consultancy lokal’ i annan The Procurement Act ki bann lorganizasyon i devret swiv e zot devret swiv.  Si i dan zot threshold zot fer si i pa dan zot threshold zot fer li dapre procurement.

MR SPEAKER

PS bomaten ou ti fer kler ki par lao R50 mil i bezwen tender pour consultancy se sa?  Onorab Gill.

HON SIMON GILL

Mersi Mr Speaker – Chairman.  Bon apre midi Mr Speaker bon apre midi koleg Onorab.  Mr Speaker zis pour met lo rikord laprev bann protokol ki’n ganny etablir avek ou Lofis ler LGB pa la, mon prezimen lenformasyon i annord se sa lot dimoun ki o-bor li ki la ki responsab.

       (laughter)

MR SPEAKER

Onorab, Onorab ki ou kestyon?

HON SIMON GILL

Lot kestyon ki mon ti le propoze sa i pa en consultancy i en …

   (laughter)

 MR SPEAKER

Kestyon, Onorab, kestyon.

HON SIMON GILL

I en pa ni tanporer ni permanan, ni nanryen me mon krwar i en protokol ki’n ganny etablir.  Mr Speaker kestyon ki Lasanble i bezwen pa gaspiy letan lo la, apre midi ki pa protokoler ki pa ni permanan me ki en sityasyon reel, en problenm reel ki Sesel pe fer fas avek bann Departman bann Minister pe fer fas avek, i paret mon DPA avek tou respe i paret i en … mon pour demann leskiz avek sa terminolozi ki mon pour servi konmsi i en bebet.  I en bebet ki anpes tou bann Minister kapab bouze.  E tou bann Minister ki nou zwenn nou diskit avek i dir nou mank mendev nou mank isi nou mank laba nou’n anvoy nou propozisyon an kot DPA Minister Finans in endorse, me DPA ki en problenm.  Now madanm ou isi devan nou avek ou lekip probableman, ou pa sa dimoun ki pour reponn sa kestyon, me mon demann leskiz ankor enn fwa …

MR SPEAKER

Demann ou kestyon nou a vwar Onorab.  Demann ou kestyon.

HON SIMON GILL

Me kestyon in ganny demande, eski nou kapab ganny en lenformasyon lo ki mannyer sa relasyon DPA i marse, avek bann lezot Minister departman ki bezwen mendev?  E ki zot pa pe gannyen, e zot dir DPA ki responsab pour pa donnen?  Epi nou, nou monte nou koz lo lefikasite, nou koz lo efficiency pour zot delivre me zot pa kapab delivre, ankor enn fwa akoz DPA ki en problenm.  Mr Speaker vwala mon problenm.

MR SPEAKER

Kestyon i kler.  DG petet ou kapab reponn sa kestyon pour ou dir poudir … Non mon krwar sa ki Onorab, VP eski ou le reponn sa kestyon?

DIRECTOR GENERAL – MRS IVONIA RICHARDSON

Mon a reponn wi, akoz lo kote Departman Ladministrasyon definitivman nou pa popiler akoz nou met kontrol nou bezwen kontrol en ‘wage bill’ e nou bezwen fer sir ki annan fairness e equity dan Gouvernman.  Mannyer nou aplik saler – si en lorganizasyon i anvi donn en par egzanp en Office Assistant en saler ki way above lezot Office Assistant i gannyen, nou pa pour kapab les sa arive nou.  Nou bezwen kontrole akoz nou bezwen fer sir anployer – Gouvernman i en anployer, e nou bezwen fer sir ki nou bann dimoun i swiv saler.  E nou annan en Salary Act ki nou fer sir zot swiv.  I annan nou’n fer en kantite Scheme of Service ladan ki annan bann clause ladan ki nou fer provizyon pour bann dimoun progrese ladan.  Sa Scheme of Service i pa zis saler me Scheme of Service i donn zot, zot career path ki mannyer zot bouze; ki mannyer zot avanse dan zot profesyon.  Nou fer sa … sa lorganizasyon i devlop zot Scheme of Service nou, nou aprouve nou gid zot.  E sa i donn sa bann allowance an plis ki zot gannyen.  E nou bezwen swiv e nou annan Bidze nou bezwen fer sir ki ler zot anvoy zot request kot DPA pour demann larzan an plis, nou bezwen fer sir ki zot annan larzan.  La ozordi nou pe pas en Bidze ki nou pe aprouv en serten sonm; demen zot pe demande pour ganny plis larzan pour sa ki zot in gannyen.  Nou, nou bezwen kontrole.  Nou bezwen dir nou bezwen rod larzan dapre sa ki ou’n rod ou pos – dapre larzan ki ou annan dapre pozisyon ki ou annan.  Nou bezwen travay etrwatman avek Minister Finans.  So nou fer sa zot krwar ki nou pa donn larzan akoz nou pa donnen.  Me i pa leka nou bezwen annan sa equity e fer sir ki nou swiv prosedir neseser.  Kantite fwa zot anvoy osi keksoz … lorganizasyon i anvoy en keksoz ki pran letan.  Zot anvoy keksoz par morso plito ki anvoy tou ansanm pour nobou process zot keksoz pour fer fini.  I pran letan.  Sa osi tou annan de ler prezan bann lorganizasyon ler bann dimoun pa zot case, i pran en pe letan zot blanm nou zot dir zot keksoz i kot DPA.  Annan de ler petet nou pa ankor gannyen tou lenformasyon.  Mersi.

MR SPEAKER

Ok, VP.  En pti moman VP ou ti annan en keksoz ou ti le dir?  VP ou annan en keksoz ou le dir?

VICE-PRESIDENT MR VINCENT MERITON

Wi Mr Chair zis mon ti le dir fodre pa ki Lasanble i annan en persepsyon negativ – en nyaz lo performans DPA.  DPA i osi la pour zwe rol dan ki mannyer Gouvernman i fonksyonnen i annan bann prosedir ki nou’n aprouve i annan lalwa ki nou’n aprouve dan lekel ki DPA i travay mon krwar i en nesesite ki i annan en dyalog ki nou koze reste konekte parey nou kontan dir pour ki Lasanble i pli azour e ofe avek bann prosedir ki i annan.  E zot annan pti git dimoun e mon konnen ki bann zofisye DPA i anba en kantite presyon mon fer vizit en kou al marse ou dir bonzour ou vwar zis file apre ler ou get par deryer file ou vwar sa zofisye pe travay.  So nou bezwen apresye bann time limit ki’n ganny etabli pour sak bann zofisye delivre.  Nou bezwen apresye fodre bann dosye i konplet parey Madanm Richardson in vin dir e osi fodre nou apresye ki depi bann pos e bann permisyon i annan an kolaborasyon avek Finans pour ki sa bann keksoz i marse.  I annan demann pour nouvo Scheme of Service i annan kantite diskisyon ki pran plas be mon krwar wi par-ler dan piblik dimoun i dir DPA i annan en persepsyon negativ e mon krwar nou bezwen apresye travay ki zot pour fer; an menm tan ki Gouvernman i travay pour konmans donn lotonomi bann lorganizasyon dousman, dousman an mezir zot kapasite i ganny batir pour kapab deal avek sa.  Sakenn i annan son rol pour zwe.  E nou le tir sa bann nyaz ki annan ki DPA i en mons ki i pa fer keksoz bouze e ki bann dosye ki ganny mete a-tan – si nou bezwen esper 3 semenn nou konnen ki nou bezwen esper 3 semenn, pour ki i pa vin en keksoz ki pe si oule ki annan sa persepsyon negativ me o kontrer ki nou tou nou apresye travay ki annan pour fer.  Mersi Mr Chair.

MR SPEAKER

Dernyen quick kestyon Onorab Gill.

HON SIMON GILL

Mersi Mr Speaker.  Mr Speaker kestyon ki swiv dan preparasyon Bidze, baze lo bann sif ki’n vwar la, pour tou bann Minister, malgre i annan ki nou pa ankor ariv lo la.  Ki involvement DPA dan preparasyon sa bann Bidze pour sak sa bann Minister?  An relasyon avek zot kapasite ki zot bezwen pour zot kapab delivre avek servis?  Eski DPA in annan en involvement direk ladan oubyen ou’n les bann Minister fer zot Bidze zot in fer en demann DPA pa’n entervenir oubyen defann zot demann, epi finalman ou antre pour ou kontrole ler zot demann plis staff?  Vwala mon kestyon.  Mersi.

MR SPEAKER

Petet PS Payet ou kapab koz osi lo prosedir ki piblik avek ou Minister enkli nou Lasanble nou servi.  Me selman kestyon i dirize pour DG petet ou le fer komanter.

DIRECTOR GENERAL – MRS IVONIA RICHARDSON

Mersi Onorab.  Nou annan sa legzersis ki nou apel manpower budgeting exercise – sa nou fer li konzwentman avek Minister Finans ler nou gete bann lorganizasyon nou get zot nominal role, nou get bann dimoun ki zot pe demande nou gete si zot bezwen.  E nou get avek Minister Finans e nou fer li ansanm avek lorganizasyon sa i sistenm ki nou servi pour determin dimoun – travayer pour personal emoluments dan Bidze.  Mersi.

MR SPEAKER

PS Payet ou ti le azoute?

PS PATRICK PAYET

Zis pour azoute Mr Chair ki souvandfwa – ki nou remarke i annan bokou organisation ou donn zot detrwa pos par egzanp i annan dan zot man power budgeting exercise donn zot 5 pos pour Bidze 2018, e zot arive ki zot pa pe kapab recruit sa 5 pos ariv Zen zot annan savings e zot revin devan ou e zot demann ou additional pos 3 ankor, akoz zot annan savings.  Me souvandfwa bann keksoz ki nou koz avek zot an diskisyon avek DPA, si ou donn zot sa 3 pos i pour annan lenpak dan Bidze 2019.  E as Minis Finans e DPA ou bezwen fer sir ki ou plan keksoz mwayen term baze lo lankadreman lo kantite larzan ou pour annan 2018 e osi 2019.  So tousala nou get involve en pe bann organisation avek DPA, pour fer sir ki tou dimoun Finans, DPA avek sa respective entity i onboard letan nou pe prepar Bidze.

MR SPEAKER

Onorab Henrie.

HON GERVAIS HENRIE

Mersi Mr Chair.  Baze lo larepons ki Madanm Richardson in donn Onorab Gill kot in dir zot annan sa Salary Act ki zot swiv e alor zot donn direktiv bann departman ki mannyer an term rekritman.  Me selman dan dizon sa dernyen 2an, nou’n vwar en keksoz ki’n arive dan Gouvernman e mon le ki ou pour donn en leksplikasyon ki mannyer sa in kapab ganny zistifye kot en sel kou par egzanp nou’n vwar en seri recruitment bann CEO kreasyon bann pos Deputy CEO – en kantite Special Advisors in ganny apwente souvandfwa bann dimoun ki ti dan politik oubyen bann ki’n sorti dan 5enm Lasanble ou si non ti debout dan Eleksyon ki’n perdi in ganny anmase vitman dan Gouvernman.  Ou’n vwar kreasyon sa ki nou apel bann Secretaries of State en sel kou in monte Bidze wage saler Gouvernman ki lo sa kote latab, nou annan en pe difikilte avek, alor mon ganny lenpresyon poudir DPA i annan landrwa ki i bezwen met obzeksyon avek sa lagrandisman en sel kou an term staff avek saler me i annan landrwa ki i pa kapab kontrole they get away with it.  So mon le en lesplikasyon lo sa e vitman e dezyenmman dan Bidze i annan lanons en Komite Rekritman avek Resours Imen ki pour ganny formen an 2018 apre pour zot kapab propoz avek Gouvernman en revizyon saler so mon anvi konnen ki relasyon i en kestyon en pe Polisi me selman akoz i en lanons bidzeter ki relasyon sa Komite pour annan avek DPA?  Mersi bokou.

MR SPEAKER

DG

VICE-PRESIDENT  MR VINCENT MERITON

Mersi Mr Chair.  Mr Chair ler Prezidan Faure ti aksed o pouvwar i ti vin State House i ti anmenn en prensip parmi son trwa tenants ti bon gouvernans.  E i ti santi dan serten landrwa pour bezwen epol Sef Egzekitiv avek en Depite Sef Egzekitiv e kree serten pozisyon pour kapab adres bann defi ki reflekte konsyans Gouvernman e konsyans Prezidan Faure pour tackle bann size ki i pour fer fas avek.  Se pour sa bann rezon ki mon ti vin isi an novanm lannen pase pour eksplike ki mannyer sa bann 21 dimoun ti ganny anploye swa konman Sekreter D’Eta oubyen konman CEO oubyen konman Deputy CEO.  E sakenn i annan en rol pour zwe spesifik dan en lorganizasyon.  Me apre sa i pa’n aret lanmenm sa in annan en seri bann Lazans bann Bord bann Konmisyon ki’n ganny kree pour desarz sakenn en responsabilite ki zot annan anba Konstitisyon, ki mannyer pour fer marse Gouvernman.  So i pa’n zis gonfle en sel kou, me en keksoz ki’n monte apre in ale.  Me an menm tan nou pe kontinyen met lanfaz ki mannyer, nou pe donn en meyer servis an – enn, bann Scheme of Service training e gete ki mannyer nou pour kapab pli byen servi nou bann garson nou bann fiy, pour zwe en rol dan Gouvernman pour fer sir i diriz sa lapse Gouvernans – parey mon eksplike dan sa 3 tendences – ki la transparans, rann kont avek bonn gouvernans.  Mersi Mr Chairman.

MR SPEAKER

Onorab Ghislain.

HON CHANTAL GHISLAIN

Mersi Mr Speaker.  Mr Speaker mon kestyon pour DPA dizon ki rol ki DPA i annan, an se ki konsern dan saler par egzanp saler pour bann zofisye Lapolis konpare avek sa disparite ki i annan dan zofisye Lapolis, dizon par egzanp en nouvo recruit konpare avek en nouvo recruit dan Fireman; osi en Serzan dan Lapolis avek en Serzan dan Fireman ?

MR SPEAKER

DPA.

DIRECTOR GENERAL – MRS IVONIA RICHARDSON

Mersi Onorab.  DPA pa fer bann saler pour Lapolis; zot tonm anba zot own Police Force Act.  Pour Fire Services Agency nou fer i parey pour nenport lezot Lazans.  Me selman pa pour Lapolis ni pour SPDF.

MR SPEAKER

Wi Onorab?

HON CHANTAL GHISLAIN

So mon kestyon i dizon par egzanp ler nou regard saler bann Ners, konpare avek bann Teachers preski balanse sa de akoz ki prezan lefe ki Lapolis i fer pour li e menm pos ki Lapolis ki en Serzan e dan Fire Brigade i osi en Serzan, ouswa en nouvo recruit konpare avek akoz ki DPA i osi pa balans saler sa Fireman ki konparab avek en zofisye Lapolis?

MR SPEAKER

PS Payet.

PS PATRICK PAYET

Mersi Mr Chair.  En keksoz mon krwar letan nou’n evalye nou’n vwar en pe bann disparity ki egziste letan nou’n donn en pe lotonomi bann lenstitisyon.  E anba sa komite ki’n formen ki annan DPA avek Minister Finans as part avek zot ToR. sa i en keksoz ki nou pe revwar.  Pour vwar par egzanp letan ou donn Scheme of Service par egzanp Teachers avek Ners, zot bezwen mars ansanm.  E Lapolis Ladefans Prizon avek Fire Brigade i bezwen mars ansanm li osi.  So sa Komite pour fer sir ki once nou annan sa evalyasyon avan 6 mwan nou pour fer sir ki sa i arive.  Ok.

MR SPEAKER

Onorab Henrie ou ti annan en pti klarifikasyon.

HON GERVAIS HENRIE

Wi Mr Chair akoz mon pa’n satisfe avek larepons ki mon ti’n demande pour mon kestyon.  Mon ti ava prefere ganny mon larepons avek en profesyonnel dan servis piblik olye ki en politisyen.  Akoz larepons ki Madanm Richardson in donnen lo larepons Onorab Gill, i kler ki i annan landrwa dan DPA ki i kapab met son lipye ater poudir, ‘’non, non la ou pour bezwen tenir, ou  pa kapab recruit.’’  Selman si en politisyen par egzanp i anvi zis fer li letour avek en ta Special Advisor en pti moman li i get away with it.  E konmsi mon anvi … akoz ler mon pe get son Manda lo paz 11 i donnen konsey Gouvernman.  So nou pe donn li en Bidze pour fer sa travay nou anvi i kapab dir nou akoz parfwa i annan landrwa i annan sa bann recriutment i vini kot saler i gro, i gonfle Gouvernman, me i annan landrwa ki dir, ‘’non non ?’’  Ki mannyer zot kapab zistifye sa avek nou?  Mersi bokou.

MR SPEAKER

DG ou le fer komanter.

DIRECTOR GENERAL – MRS IVONIA RICHARDSON

Sel keksoz ki mon kapab dir lo la following sa ki Vis-Prezidan in dir DPA i bezwen osi follow serten Polisi ki ganny mete.  Nou swiv Polisi ler en Polisi in ganny adopte, nou bezwen swiv sa Polisi.  Nou kapab met nou pwen nou diskite nou diskite me finalman Polisi letan finalman letan Polisi in ganny aprouve nou bezwen swiv Polisi.  Mersi.

MR SPEAKER

The executive executes.  Dernyen kestyon Onorab Andre.

 HON CLIFFORD ANDRE

Mersi Mr Chair.  Mr Chair mon ti a kontan demann avek reprezantan DPA, konbyen letan i pran pour en lorganizasyon pey Konpansasyon son travayer e si sa pa ganny peye dan sa lannen parey i annan dimoun ki pa’n ganny peye zot Konpansasyon zot in fini travay depi 2016 zot pa ankor ganny peye zot Konpansasyon.  E si sa i overlap dan sa lot Bidze i ale koumsa menm i pa peye akoz i pe vin en konsern dan serten ka mersi.

MR SPEAKER

DG.

DIRECTOR GENERAL – MRS IVONIA RICHARDSON

Mersi pour ou kestyon.  Normalman nou kot DPA letan bann dimoun en dimoun i kite i ariv ler pour pey son Konpansasyon, nou etablir serten letan ki nou dir nou bezwen fer li dan sa letan.  Me selman i annan ler nou bezwen fer li pour en rezon ou lot, zot pa anvoy sa aplikasyon akoz zot bezwen ranpli sa bann form zot bezwen fer sa computation pour anvoy kot nou.  Annan de ler nou ganny dimoun menm ki call nou ki dir nou menm zot Konpansasyon, nou pa ankor gannyen.  Alors nou follow-up avek sa lorganizasyon – nou demande.  Annan de ler petet i kestyon, petet si sa dimoun in pran petet i annan serten det avek sa lorganizasyon, oubyen i annan Bond serten keksoz i annan serten keksoz avek sa lorganizasyon petet sa i tarde.  Be selman ler i ariv kot nou, kot DPA nou annan serten dele letan ki nou dir ki sa i devret ganny peye dan sa dele letan.  E nou fer nou mye pour nou peye.  Mersi.

MR SPEAKER

Mersi DG avek sa nou a retourn lo paz 11 e regard latab ki total ki pour ganny appropriated pour Public Department Administration R127.801 milyon.  E wi Onorab PS Payet ou ti le dir keksoz?

PS PATRICK PAYET

Wi Mr Chair zis pour azoute ki vot prensipal pour DPA ki nou pour bezwen pran i R40 780 460 mil e sa i lo paz 12 ki main appropriation e sa balans R87 milyon nou ava pran li letan nou pran ‘‘other wages and salaries.’’ Mersi.

MR SPEAKER

Tre byen tou bann alor pour sa konbyen ou dir mon sa R40 milyon.  PS repete kot paz 12?

PS PATRICK PAYET

Paz 12 R40 780 460 mil 2018 – main appropriation.

MR SPEAKER

Tou bann ki pour lev lanmen.  Clerk.

MADAM CLERK

Mersi Mr Chair.  25 Manm an faver.  Mersi.

MR SPEAKER

Dakor so sa ki’n ganny propoze pour DPA anba sa budget line in ganny aprouve par Lasanble.  Eski nou kapab prezan eskiz Madanm Richardson avek Madanm Rosalie pour nou pran Departman Defans.  Madanm Richardson Madanm Rosalie mersi pour vini la apre midi.  Nou swet zot bonn kontinyasyon.

(DIRECTOR GENERAL MRS RICHARDSON AND HER DELEGATION WAS EXCUSED FROM THE HOUSE)

DEPARTMENT OF DEFENCE

MR SPEAKER

Nou a demann … mersi – nou a demann Kolonnel Rosette avek Mr Paul Dupres pou zwenn nou.  E pour bann ki pe rode kote nou été nou lo paz 36 pour Departman Defans 36 ziska 42 paz 36 ziska paz 42.  Kolonnel pran o-bor Vis-Prezidan e Mr Dupres pran o-bor ou Kolonnel Rosette.  Nou ti a kontan swet byenveni Kolonnel Michael Rosette.  Mon prezimen Mr Paul Dupres ou Financial Controller i pa endike lo mon papye.  Kolonnel Rosette?  Wi.  Tre byen nou al toudswit alor lo Department of Defence 36 to 42.  Kestyon – klarifikasyon.  Onorab Afif.

HON AHMED AFIF

Mersi Mr Chair.  Mr Chair mon kestyon i baze lo paz 38 latab No. 2 anba ‘‘wages and salaries’’ zot annan R147.4 milyon.  I en gro sonm, I en gro sonm an ‘‘wages’’ e mon konnen mon ti demann sa kestyon lannen pase e mon pour re demann sa kestyon; si zot kapab presiz avek nou san devwal lenformasyon konfidansyel groser an term zonm ki annan dan SPDF, parske si ou fer en kalkilasyon ki ou annan ou, ou annan ou 350 Solda – mon pe zis met apepre 350 Solda ki pe ganny R12 mil par mwan e ou fwa li 12 ou pe ariv ou dan R560 milyon – dizon.  Alor sa sonm ki la i 3 fwa plis ki sa; eski kantite zonm ki annan i 3 fwa plis ki sa oubyen saler R12 mil i 3 fwa plis ki sa, parske i enportan pour nou konnen parske nou pe koz en varyans R100 milyon la.  E alor mwan mon ti a kontan konnen egzakteman konvenk mwan poudir sa sif i korek.  E mon pe pran Rapor Oditer Zeneral an 2015, ki ti dir poudir la fason ki SPDF i pey pour son bann servis ki mon prezimen ti enkli ‘‘wages and salaries’’ Trezor ti senpleman transfer en tyek kot en Labank.  Apre sa ler i transfer sa sonm ki i transfer i ganny anrezistre konman ‘’expenditure’’ kot Trezor malgre ki i pa ankor ganny depanse.  Prezan Larme ler in gannyen, SPDF, dan son kont li ki deside ki mannyer sa i ganny depanse; savedir li Trezor napa okenn rikord.  Sa dapre Liv Oditer Zeneral 2015.  I pa konnen ki mannyer i ganny depanse Oditer Zeneral pa konnen dan son rapor i dir i pa konnen.  Alor nou ti a kontan ganny en presizyon lo zot kote pour konvenk nou, ki lo paz 38 latab No.2 R147 i vreman sa ki zot devret pe peye pour ‘’wages and salaries?’’  Mersi Mr Speaker.

MR SPEAKER

Kolonnel Rosette.

HON AHMED AFIF

Oubyen si ou kapab presiz osi sa ki Oditer Zeneral an 2010 an 2016 osi Rapor Oditer Zeneral i pa’n kouver vreman lafason zot in pey zot saler, selman zot in presiz lezot keksoz par egzanp PIT pa ti’n ganny redwir.  Ti annan lenstans kot serten keksoz parey military boots in ganny aste – selman in ganny met anba saler.  Alor se pour sa rezon nou vreman nou anvi zot konvenk nou poudir sa sif R147 milyon i korek i pa devret bokou mwens ki sa.  Mersi.

MR SPEAKER

Ok. Kolonnel Rosette.

COLONEL MICHAEL ROSETTE

Mr Chairman tou Manm Onorab bon apre midi e Onorab Afif mersi pour sa kestyon.  Sa sif ki’n mete dan nou Bidze pour saler, i korek sa sif.  Nou’n fer provizyon ladan pour nou kapab pey tou bann Solda enkli bann staff sivilyen ki travay avek Militer.  Sa i korek akoz letan nou get an mwayenn lapey en Solda an zeneral i apepre R15 mil ler nou kalkil depi pli o ziska pli ba nou’n fer en mwayenn i apepre dan R15mil apepre an mwayenn nou’n mete.  Wi sa kestyon ki ou’n releve konsernan sa ki’n aparet dan Rapor Oditer, mwan mon menm mon pa okouran lo la vi ki mon pa ti la sa letan mon pa tro okouran.  Me nou konvenki la avek tou bann sistenm ki’n met an plas zot menm Lasanble zot in la zot in vwar depi sa lannen fason ki keksoz pe ganny fer kot SPDF i pa parey avan se Trezor ki kontrol nou larzan, e tousala i kler i pas atraver Trezor zot vwar.  Bon konsernan bann keksoz en pe pli konfidansyel, nou pa pour kapab devwal li la, me mon pour propoze avek sa Lasanble, ki zot vwar dan lefitir zot met an plas en Select Committee pour Defence.  Sa i en practice Nasyonal.  En kantite lezot pei demokratik i annan sa fasilite pour kapab diskit size en pe sansib; par egzanp kantite zonm kantite larzan ki depanse en pe an plis an detay.  Sa i ava ed Lasanble pour zot kapab vin pli kler lo nou bann depans ki nou fer.  Mersi.

MR SPEAKER

Onorab Afif konmsi ou ti’n demann kantite zonm osi non?

HON AHMED AFIF

Wi mon ti’n demann kantite zonm osi, me selman in sizere ki nou annan en Audit Committee.

MR SPEAKER

En Select Committee.

HON AHMED AFIF

Me selman zis pour donn li en legzanp, fer krwar mon sif i mal e mon koriz li pour R15 mil fer krwar ti annan 400 zonm, i still ti pour ariv 72.  Fer krwar mon ti napa 300 mon ti annan 400 zot pe ganny R15. So i still byen lwen avek sa sif R147 mil.  So i lanmwatye aktyelman.  So vreman, nou annan mon happy avek ou sizesyon avek en select committee.  Mon napa problenm ek sa.  Zis pour dir ou ki lespri an se moman, i annan en still en gran dout lo sa sif.

MR SPEAKER

Ok.  Onorab Ramkalawan.

HON WAVEL RAMKALAWAN

Mr Chairman mon krwar ki lo sa kote, nou realize pour dir i kapab annan serten sansibilite pase menm lo kote pli anba lo ‘‘machinery and equipments’’ bann keksoz ki zot pour bezwen aste, eski mon ti ava propoze ki Komite FPAC, lefe ki nou deal avek sa bann eleman larzan procurement e tousala, ki Komite FPAC i ganny sa responsabilite pour li imedyatman dizon demen pandan lunch break, pour nou fer en miting avek Departman Defans kot Vis-Prezidan osi tou i ava kapab asiste kot nou ava ganny sa breakdown; sa breakdown lo kote saler – konmsi lo kote zot Bidze e zot vin avek en complete breakdown, pour nou kapab zistifye oubyen pa zistifye sa ki zot in mete dan zot Bidze.  E nou apre sa, dan apre midi – apre midi letan nou ava repran nou ava kapab fer en rapor avek Lasanble lo kwa ki nou le propoze.  E FPAC lefe ki i reprezant tou le de kote e ansanm avek Militer nou ava kapab fer sa travay Mr Speaker.

MR SPEAKER

I en sizesyon.  Me petet i annan lezot dimoun ki le koze avan nou ekout repons Kolonnel Rosette ek VP lo son reaksyon.  Me selman i annan lezot dimoun ki le koze.  Me petet osi ti a byen konnen ti a byen konpran konmsi Kolonnel Rosette in dir sa Select Committee i osi en pratik enternasyonal petet nou ti a kapab konnen konman i travay dan lezot landrwa.  Me avan nou vin kot Onorab De Commarmond mon krwar Onorab Mondon ou ti’n lev ou lanmen?  Onorab Pillay Onorab Stephen Pillay sorry.

HON STEPHEN PILLAY

Mersi Mr Speaker.  Mon pa konnen si mon kestyon limero par laswit i pour al lo Select Committee whatever oubyen sa.  Me mon ti annan zis en konsern mon ti pe gete akoz Defans dan son Bidze pour get ‘‘policy and management’’ i preske menm pour tou le 3 Airwing, Maritim avek Land Forces, zot management top management Bidze i reste parey 77 – 71 apepre i tonbe.  Se si nou pa pe tro top heavy tro bokou Kolonnel si kwa. (laughter) Si sa osi mon pe gete son sif se akoz i koumsa, i annan en rezon oubyen non?  Mersi.

MR SPEAKER

Ok, petet avan ou reponn i annan de lezot dimoun ki ti lev lanmen i annan Onorab Andre avek Onorab De Commarmond.  Onorab Andre apre ou a vin kot Onorab De Commarmond.

HON CLIFFORD ANDRE

Mersi Mr Chair.  Mr Chair mon ti anvi demann avek Kolonnel pour dir nou si dan ‘‘compensation’ ki lo sa ‘‘goods and services’’ ki in gannyen ‘‘compensation gratuity’’ nou vwar parey ‘‘compensation to worker’ eski sa i enkli bann konpansasyon bann manm SVPD, ki depi ler zot in sorti zot Konpansasyon pa ankor finalize.  Sa i enn.  Dezyenm nou vwar i annan ‘’hire charges to vehicle’’ lo 4 – so for two plito kot i annan ‘‘fares and hire charges for vehicles’’ ki R300 mil.  Mon lot pwen i lo sanmenm sa latab ler kot nou ariv lo paz 6 ‘‘materials and supplies’’ kot i met ‘‘food and ration supplies’’ e sa nou vwar i R16.8 milyon.  Eski sa i vedir sa sonm SPDF pe kwi son manze li menm, oubyen i pe contract out sa R16.8 milyon?  Eski sa i total pour bann Unit ki i pe ganny sa servis manze or i pe kwi dan son dan son kan li menm.  I annan 69 anba ‘‘materials and services’’ Mr Chairman ki met ‘‘other supplies’’ e tou son bann headings i ‘other supplies’ i tonm en total R1.4 milyon kekfwa Kolonnel i kapab eksplik nou.  Apre lot i annan ‘personal expenses’ kot i met ‘‘local consultancy’’ kot i met R3.9 milyon.  Mon ti a prefere ganny en pti pe lesplikasyon apre nou annan sa enn dernyen anba 74 kot i met ‘’Awards and Honorium’’ e li i R75mil, so pour kwa sa bann ‘‘Awards avek Honorium;’’ Kekfwa i kapab eksplik nou.  Mersi.

MR SPEAKER

Nou ti dir nou pour donn Onorab De Commarmond laparol, apre Kolonnel i a reponn.

HON CHARLES DE COMMARMOND

Mr Chair mersi bokou.  Mwan mon sizere ki etandonnen nou annan en propozisyon devan nou, nou defer tou diskisyon lo board Ladefans la; savedir nou pa diskit nanryen la.  E nou anvoy tou keksoz pour demen dan sa Select Committee.  Mwan mon, dakor avek Select Committee – pa neseserman FPAC.  Mwan mon sizere Board lo tou le de kote, nou annan Lider Lopozisyon i swazir en dimoun petet son Chief   tou avek li, e nou osi nou annan 2 dimoun nou zwenn avek Lotorite, avek SPDF avek Vis-Prezidan ek Finans nou asize dan sa fason, e nou diskit enn de detay posib.  Akoz sa i delika, e mon sizere ki vreman nou bezwen careful sa ki nou pe fer.  E sa sizesyon selman i en bon sizesyon – i en bon propozisyon e nou kapab relman al dan sa direksyon.  E alor mon ti a sizere nou sispann tou keksoz, tou diskisyon, lo SPDF la – lo Ladefans e nou anvoy sa pour demen.  Si ozordi ouswa demen.  Demen mon krwar i pli propis.  Mersi.

MR SPEAKER

Mersi Onorab De Commarmond.  Petet a sa pwen Kolonnel Rosette, ou a dir nou ou pwennvi lo sa Select Committee and how it works elsewhere.

COLONEL MICHAEL ROSETTE

Mersi Mr Chair.  Mon siport sa propozisyon e mon krwar i a en pli bon lide pour nou kapab al en pe plis, pour nou kapab donn en pe plis detay lo nou Bidze pour nou.  Mersi.

MR SPEAKER

So alor nou dakor ki i annan en Select Committee kot sa 2 Leaders i swazir sakenn 2 dimoun.  I pa forseman dimoun ki lo FPAC.  E … Yes Onorab Ramkalawan.

 HON WAVEL RAMKALAWAN

Mr Speaker sa ki Onorab De Commarmond in prezante i konn byen poudir it cannot be.  Because any committee of the Assembly has got to represent lafors sa 2 kote dan Lasanble.  E tou Komite Lasanble i annan 7 dimoun.  Se pour sa rezon ki mon dir ki FPAC i deza la pour fer sa travay spesifik, pour nou demen.  Alors les FPAC fer sa travay.  E apre sa ou ava anmenn en Mosyon pli tar, ki ava regard bann terms of reference.  Epi this will be a permanent committee.

MR SPEAKER

Me se sa ki mon demann se sa rezon ki mon demann Kolonnel Rosette li ki’n anmenn sa sizesyon en Select Committee – how does it work elsewhere?   Eski it’s the Finance and Public Accounts Committee oubyen en lot Komite ki mannyer?  It’s got nothing to do avek balans tou le de kote.  Nou konnen balans tou le de kote ki formil ki nou servi.  Tou komite i koumsa Anti-Viktimizasyon ensidswit.  Vis-Prezidan ou ti annan keksoz ou le dir?

 VICE-PRESIDENT MR VINCENT MERITON

Mr Chairman zis pour azout dan sa diskisyon, dan sa deba wi sa lide Select Committee i en lide ki nou’n al lo la e nou’n tonm dakor; akoz i tonm anliny avek fason modern ki Departman Ladefans SPDF pe pas atraver.  E zis ti a bon azoute ki Defence Council i pe diskit lo bann nouvo plan, lo bann stratezi, lo ki mannyer nou pour tret sa kestyon e sekirite pei, tout an prenan kont ki annan serten eleman tre sansib ki ou pa kapab devwal dan piblik; tou an prenan kont ki i annan zonm avek fanm ki pe met zot lavi a risk ler nou pe dormi; tout an prenan kont nou bezwen valoriz sa laspe travay ki sekirite nou losean – sa 1.4 milyon met kare avek nou later, ki bezwen met dan konteks devlopman dan konteks sityasyon zeopolitik enternasyonal; ki mannyer nou, nou met nou lo sitye sa.  E byensir nou espekte sa Select Committee i reflekte lafors balans lafors politik dan Lasanble.  E mon krwar i normal e en propozisyon in ganny fer ki nou servi FPAC konman en konmansman, apre nou kapab defini son terms of reference parey i marse atraver lemonn; tonm dakor lo la e donn nou en fason travay e feuille de route pour lavenir.  Mon krwar nou dakor lo la e se sa ki tou le de parti i pe propoze.  Mersi Mr Chairman.

MR SPEAKER

Mersi Vis-Prezidan.  Onorab De Commarmond.

HON CHARLES DE COMMARMOND

Wi.  Mr Chair.  Nou ava pa give in as such, me selman nou a tonm dakor – nou a servi striktir FPAC ki egziste, me selman lo nou kote, nou pour pa neseserman menm Manm me nou a servi striktir.  Mwan lo mon kote pour annan en sanzman lo kote konteni Manm.  Me selman 3/4 i ok. Son mazorite napa problenm,  me solman …

MR SPEAKER

Formil, formil nou le numbers i reste parey – pa detrwa.

HON CHARLES DE COMMARMOND

Yes. Yes.

MR SPEAKER

Wi Onorab Ramkalawan.

HON WAVEL RAMKALAWAN

Mr Speaker nou fek pe koze avek Onorab Georges tou.  Ou konnen nou Staz Komite, letan ou dan Staz Komite, you refer en matter ki ou anvi debat avek en Komite ki deza egziste.  Si nou pour sanze sa bann zafer, Mr Speaker nou pour bezwen reconvene ourselves into an Assembly,

 MR SPEAKER

And terms of reference.

 HON WAVEL RAMKALAWAN

….bring a Motion; approve the terms of reference and then move.  So this is why mwan mon pe propoze ki given that the Finance and Public Accounts Committee is already a committee that has been set up, e ki son rol parmi son rol, se pour regard sa bann size ki annan pour fer avek Finans ki sa size ki nou ladan la, i ganny referred to the Finance and Public Accounts Committee, ki ava donn son lopinyon apre ki’n zwenn avek Lasanble for konsiderasyon Lasanble Nasyonal.  Se sa lafason ki été mersi bokou.

MR SPEAKER

Akoz i en Standing in a permanent committee.

HON WAVEL RAMKALAWAN

Exactly Mr Speaker.

MR SPEAKER

So that makes sense.  I vre ki nou pour bezwen reconvene koman committee of the whole pour re aprouv terms of reference.  Me selman mon sizere sa pa defann nou, FPAC i kapab li menm … si demen i dir i ti a kontan Speaker osi vini i kapab co-opt; me selman i vre.  Otherwise nou pour bezwen refer en prosedir e mon krwar si Vis-Prezidan avek Kolonnel Rosette i dakor nou a pran striktir FPAC, vi ki deza egziste pour nou al vit.  En kestyon nou anvi depouy nou Bidze vit.  Mon krwar nou tou nou kapab tonm dakor lo la e si zot le co-opt mwan oubyen lot dimoun pour vin ekoute, pour vin avek zot, napa problenm.  Ok?  Si nou dakor lo la, savedir nou a zot a zwenn demen epi nou a defer deba ler zot fini prezant zot rapor avek Komite nou a defer deba lo Defans pour pli tar.  Si napa obzeksyon, nou a pran en Break parske in ariv ler pour zet en deal e bwar en pti café.  Alor nou a pran en Break nou a retournen 4er.

(BREAK)

 DEPARTMENT OF FOREIGN AFFAIRS

MR SPEAKER

Bon nou repran nou travay e lo lapar Lasanble Nasyonal nou a swet Minis Mondon Designated Minister ki pe reprezant Prezidan ki Minis pour Foreign Affairs e osi PS Foreign Affairs Ms Murray – Ms Tessy Julienne ki DG Public Administration Finance.  E parey nou’n fer oparavan, zot a vwar Departman Bidze pour Departman Foreign Affairs i paz 18 ziska paz 23.  So as zot pe fer depi yer, nou pour al direkteman lo okenn klarifikasyon, kestyon, sizesyon, ki zot annan pour Minis Mondon avek son delegasyon.  Onorab Prea.

HON NICHOLAS PREA

Mersi Mr Chairman bonn apre tou dimoun.  Mon ti a zis kontan leklersisman lo progranm 2 lo paz 22 i annan en increase apepre R3 milyon; non i pa en increase R3 milyon Mr Speaker akoz son Budget ti R29 milyon apre in R30 milyon ok i annan en increase R1 milyon lo ‘International Relations’ zis en pti lesplikasyon lo la.  Apre mon pour al dan son breakdown of anba ‘‘wages and salaries in kind’’ ‘’goods and services’’ ‘‘housing’’ mon vwar i annan bann i annan en gro depans R14 milyon pour ‘‘housing’ si nou ti kapab ganny en pe lesplikasyon R14 milyon.  Wi i annan – I don’t know PS amwen i annan en fot la non mon vwar R14 milyon kot ‘tuition’ apre i re appear.  Non i de diferan i 2 diferan sif en – sa R14 milyon i pour ‘‘housing’ ‘menm ok?  Donn nou en pti pe lesplikasyon lo la.  E petet osi tou swa PS oubyen PS Murray oubyen PS Finans, bann Anbasader ki dan Sesel ki pe travay ka ki zot entitled?  Akoz nou konnen par-ler i annan bann ki nou pe vwar zot reste dan serten apartman apar from zot lakaz eski sa i ganny pay for by Departman Foreign Affairs?  Zis donn nou en pti pe bann detay ler ou Sesel ou pe travay Sesel kwa ki ou entitled’’ in terms of wages in kind’’ or allowances and so on.  Mersi.

MR SPEAKER

PS Murray.

PS MICHELLE MURRAY

Mersi bokou Onorab. Mr Chair bonn apre midi. Leader Lopozisyon bonn apre midi Leader Government Business tou bann Onorab bonn apre midi.  An term kestyon ki ou’n demande, ogmantasyon ki annan an term ‘‘wages and salaries in cash’’ ‘’wages and salaries in kind,’’ nou fer en diferans ant le de akoz ‘‘wages and salaries in cash’’ i kouver saler avek bann allowances ki nou donn bann dimoun ki travay dan nou Lanbasad aletranze; bann non-Seselwa par egzanp.  E ‘‘wages and salaries in kind’’ i osi kouver par egzanp tuition cost, medical insurance, housing pour nou bann Diplomat aletranze.  E logmantasyon ki nou annan vi ki nou annan nouvo Lanbasad Cuba – donk i kouver logmantasyon ki nou’n prevwar.  Ou 2enm kestyon konsernan bann entitlement pour bann Lanbasader ki baze isi Sesel, i annan 2 keksoz; par egzanp letan nou bann Anbasader i ganny Recall, zot pas serten letan HQ letan zot retourn HQ zot entitlement i sanze par rapor sa ki zot ti pe gannyen baze aletranze.  Letan zot baze aletranze par egzanp dan Sheme of Service ki in place an se moman, Gouvernman i kouver zot akomodasyon, zot ganny transpor par egzanp, zot ganny zot basic salary apre i ganny top-up avek foreign service allowance.  Letan zot ganny recall to HQ. byensir zot pa gannyen sa foreign service allowance zot ganny zot saler parey en entitlement en Lanbasader – zot pa ganny transpor par egzanp.  Me selman Scheme of Service an plas an se moman, i fer en diferans ant bann Lanbasader ki ti ansyennman bann Minis.  Zot ladan par egzanp i dir ki bann former Ministers who are now Ambassadors, zot ganny par egzanp a chauffeur-driven vehicle.  Sa ki i an plas dan Scheme of Service an se moman.  Me selman ou ava vwar dan nou bann priyorite pour lannen prosenn, nou anvi re adres serten lakin ki egziste dan Scheme of Service.  Both in terms of ‘’entitlements overseas’’ pour nou bann Lanbasader e osi entitlements pour nou bann second Diplomat an pos.  E osi nou bezwen revwar osi an term entitlements pour bann Lanbasader letan in retourn HQ e bann ki annan bann portfolio spesifik me baze Sesel.

MR SPEAKER

Onorab Esparon.

HON REGINA ESPARON

Mersi Mr Speaker.  Mr Speaker lo paz 21 on ti a kontan demann Minis anba ‘‘compensation for employees’ ‘mon vwar poudir lannen pase zot ti Budget R7milyon 589 mil epi dan son Revised zot ti depans 6milyon 870mil.  E pour sa lannen i annan en rediksyon zot pe demann 6milyon 121mil, eski Minis i kapab dir nou sa se akoz lannen pase zot in bezwen pey Konpansasyon bann travayer ki ti kite?  Parske nou aprann poudir i annan en bon pe travayer dan Departman Development and Regional Integration ki ti kite.  Eski sa i akoz sa bann zot in pey Konpansasyon pour sa bann ki ti kite?  E dir nou osi an se moman konbyen pos ki vacant kot Foreign Affairs e ki departman pe fer pour ranpli sa bann pos.  Mersi Mr Speaker.

MR SPEAKER

PS Murray.

PS MICHELLE MURRAY

Mersi Onorab pour ou kestyon.  Mon krwar mon a konmans dernyen parti ou kestyon ki ava enchaine avek premye parti.  Departman Zafer Etranzer in pas atraver en prosesis restructuring.   Annefe nou priyorite sa lannen, se pour revwar e konsolid HQ, e revwar striktir e fason ki Departman Zafer Etranzer i fonksyonnen.  Annefe nou’n enterakte bokou avek International Affairs Committee ki’n vin kot nou avek en bon pe kestyon valab – an term mannyer sa restriktirasyon in pase.  Enn bann eleman ki ladan in adrese se Resignation bann staff.  Donk Parey ou konnen dan nenport lorganizasyon staff i annan sa liberte pour swazir, swa dan son prop devlopman profesyonnel karyer; si i anvi explore nouvo karyer; si i anvi explore nouvo lorizon dan son karyer.  So nou annan staff dan Foreign Affairs ki’n vwar ki zot pli vomye – selon package ki ganny ofer selon zot priyorite devlopman personnel e profesyonnel, ki zot in swazir lezot landrwa travay.  I annan staff osi ki’n resign, akoz parey letan ou pas okenn atraver enn prosesis restriktirasyon dan en lorganizasyon, letan ou pe sanz mindset – letan ou pe anmenn sanzman dan en lorganizasyon; akoz nou ti dir lannen pase nou an term management Foreign Affairs nou annan zero tolerans lo bann misuse of funds; nou annan zero tolerans lo koripsyon; nou annan zero tolerans lo bann inefikasite.  So ki nou’n fer nou’n pas atraver en prosesis restriktirasyon pour fer sir ki nou Departman i vreman akonplir Manda ki Gouvernman i donn li, ki bokou pli efikas ki akonplir on bann priyorite.  E ki vreman lekselans i fason travay ki mezir tou fason ki mannyer staff i travay Foreign Affairs.  So byensir letan ou pas atraver sa restriktirasyon, i annan staff ki santi li i pa pour kapab tenir dan sa lorganizasyon.  E sa i en keksoz natirel.  Me selman nou, nou reste focus lo lobzektif ki nou’n set nou lekor.  Avek sa restriktirasyon par egzanp, nou’n kree ki nou ti annan oparavan se en Divizyon pour Relasyon Enternasyonal.  Sa Divizyon ti kouver tou bann pei tou bann organizasyon enternasyonal.  Apre ti annan Divizyon pour Devlopman Lentegrasyon Rezyonal, ki ti kouver serten lorganizasyon parey SADC, COMESA, Komisyon Losean Endyen.  Me ti annan en dezekilib an term travay ki pli gran divizyon ti pe fer avek en lot pli ptipti.  So ki nou’n fer – ankor pour nou zwenn preokipasyon staff akoz staff ti vwar ki ti napa okenn lekilib dan workload Foreign Affairs; ti annan ki ti pe travay bokou e ti annan ki ti pe travay mwens.  So ki nou’n fer nou’n adres preokipasyon staff.  Nou’n kree 2 Divizyon, Divizyon pour zafer Bilateral ki konsantre lo bann lesanz pei/pei; apre avek en Divizyon pour Miltilateral ki kouver tou bann lorganizasyon enternasyonal.  E dan sa bann Divizyon i annan bann Desk Officers ki travay.  E in pran nou en pe letan wi akoz nou’n bezwen pas atraver en prosesis administrative, me la nou set up in finalize e Divizyon pe konmans fer travay ki fodre fer.  So e nou ki nou an depi, malgre serten resignation bann staff, nou’n reste … i regretab ki zot in ale, zot in kite; me selman nou respekte zot swa.  Me selman nou, nou reste focus lo task ki nou’n set nou lekor.  E sa nou’n angaz avek IAC a plizyer repriz.  E tou bann commitment enternasyonal ki Gouvernman ti anvi fer Gouvernman in fer.  Nou’n remain on track e Foreign Affairs in tenir li solid e firm.  Annefe nou’n menm fer bokou plis an term nou bann Langazman Enternasyonal.  So pour mwan reponn en pe ou kestyon an term mannyer nou’n re kadre nou lekor pour sa.  E byensir bann staff ki’n resign, zot in ganny peye zot full Konpansasyon ki zot entitlement ki zot devret gannyen konman en anplwaye Gouvernman.  Ok.

MR SPEAKER

Onorab Valmont ou annan en kestyon relye.

 HON JUDE VALMONT

Mersi Mr Chair.  Bon apre midi Minis bon apre PS e tou Manm koleg Onorab.  PS dan sa laliny konman en manm IAC nou’n ganny enteraksyon wi me zis mon ti a oule demande konfirmen depi sa lannen konbyen staff egzakteman ki’n arete ki’n resign?  E si okenn provizyon ki’n ganny fer dan Bidze pour ranplas sa bann staff or staff adisyonnel, pour konplet ou striktir ou restriktirasyon?  Mersi.

MR SPEAKER

Mon krwar Onorab Esparon i annan en bout ou kestyon ki ou santi i pa’n ganny reponn, i en pe dan laliny sa ki Onorab Valmont in demande.  Ale redir ou bout kestyon.

 

HON REGINA ESPARON

Mersi Mr Speaker.  Wi mon kestyon ti al en pe dan sa laliny mon ti anvi konnen si i annan vacancy – konbyen i annan?  Konbyen pos ki zot pa ankor kapab fill-in so far.  Mersi Mr Speaker.

MR SPEAKER

Mon’n konpran koumsa.  PS.

 PS MICHELLE MURRAY

Mersi Mr Chair.  Donk si nou regard depi Novanm 2016, nou pe kont tou bann staff a diferan nivo depi Office Assistant e lezot pos i annan 20 staff ki’n resign.  I annan osi lezot staff ki’n transfer; par egzanp i annan serten staff dan Biro Protokol ki’n al travay avek Biro Prezidan par egzanp.  Donk letan mon koz restriktirasyon an term re ekilibre travay dan Foreign Affairs avek sa 2 Divizyon nou’n vwar diferan akoz mon ekout bokou zot lentervansyon zot anvi evit diplikasyon – zot anvi evit bann overlap bann ki’n egziste dan Departman, e egzakteman sa ki nou’n fer.  So re ekilibre nou travay nou’n re servi nou resours ki egziste – an term re alokasyon Dosye pour nou bann staff.  E la nou annan en prosesis recruitment.  Annefe pour Divizyon Bilateral nou pe recruit 4 nouvo dimoun sa bann pos pour ganny advertise e pour Divizyon Miltilateral nou pe pran one additional person.  An term bann Diplomat apre osi dan pos Office Assistant par egzanp.

MR SPEAKER

Onorab John Hoareau.

HON JOHN HOAREAU

Mersi Mr Speaker.  Bonn apre midi tou dimoun.  Mon premye kestyon se, i anba lo paz 18 5enm bullet point ‘‘maximum use of runs lines of credit for Seychelles offered by international partners,’’ mon ti a kontan ki mon ganny eksplike lo ki fason sa pour sa challenge pour ganny adrese anba konman en ’strategic priorities? ‘ Akoz mon pa vwar li tonm ladan.  E dezyenmman anba ‘‘current receipts’’ lo paz 19 latab 2 ‘‘sales of flags’’ apre i annan apre i annan ‘authentication of documents,’ mon ti a kontan konnen si i annan prosedir odit ki ganny fer, akoz an vi ki sa bann keksoz i kapab ganny fer o nivo Lanbasad aletranze.  Mersi.

MR SPEAKER

PS.

PS MICHELLE MURRAY

Mersi Onorab.  Annefe restriktirasyon Foreign Affairs ki nou’n fer atraver sa Divizyon Bilateral avek Miltilateral, se pour efektivman adres enn ban defi ki nou’n remarke depi lannen pase an term monitoring, letan nou pe travay lo bann proze avek bann partner enternasyonal, pour fer sir ki tousala i remain on track; ki nou pe deliver bann keksoz tanzib, e ki nou pa perdi focus lo serten keksoz ki par lepase, i zis drag en pti pe e ki nou vwar nou pe ganny penalize; akoz i annan serten keksoz nou sipoze fer e nou pa fer.  So e pour ankor pour fer sir Sesel i dan pozisyon, ki make maximum use tou bann loportinite ki egziste o nivo enternasyonal.  Mon krwar Onorab Prea e Onorab Hoareau in vwar travay ki nou’n fer par egzanp State Visit pour Prezidan Maurice – zot in vwar.  E tousala i annan en preparasyon ki al dan sa bann kalite vizit, pour fer sir ki nou ale prepare ki nou konnen ki nou anvi ki nou devret fer e ki nou anmenn bann retour ki benefisye lepep Seselwa.  So tousala i vin dan travay.  Sa ganny fer pa mwan – ni menm Foreign Secretary.  I ganny fer par staff Foreign Affairs dan sa bann Divizyon.  Zot ki lead.  Zot pou fer sir ki nou fer nou travay comme il faut e dan en fason ki byen.  An term ou kestyon lo ‘’receipts’’ wi i annan en prosesis en tern ki nou enplimante sa lannen pour fer sir ki tou larzan ki nou resevwar – mon pe koz ou HQ, i annan en prosesis ki airtight.  Dan lesans par egzanp tou bann dokiman pour authentication of documents, i mwan ki sinyen.  E mon pa sinyen osi lontan ki en peyman i ganny fer, avek nou Accounts Section e i annan en resi ki rikorde.  E toulezour Consular Affairs ki prepar sa bann dokiman i anvoy lalis tou bann dokiman ki annan en serial number – en reference number i anvoy kot Account Section e ki annan en rekonsilyasyon ki ganny fer toulezour, pour vwar ki vreman kantite dokiman ki nou authenticate larzan i koresponn, par egzanp.  Me selman keksoz ki nou devret improve on – e sa i dan bann priyorite pour lannen prosenn, se ki i annan en mekaniz bokou pli kler, an term mannyer bann Lanbasad i authenticate serten dokiman.  Akoz nou’n remarke ki i annan serten Lanbasad – par egzanp ki i sarze – i annan en peyman ki devret ganny fer en serten pa sarze.  E ki fodre nou annan serten en sistenm an plas ki egaliter ki annan serten ekilib ant mod fonksyonnman bann Lanbasad a se ki konsern authentication of documents.

MR SPEAKER

Onorab Aglae.

HON EGBERT AGLAE

Mersi Mr Speaker bon apre midi Minis avek PS avek ou delegasyon.  PS ou’n nonmen poudir sa lannen, lannen pase letan ou’n pran ou pos, ou’n pas atraver serten restriktirasyon – mon kestyon u koumsa.  Dan sa bann prosedir, akoz ki i annan ankor dan serten Lanbasad aletranze, ki pa ankor kapab ganny zot full resource human capacity; tel ki Lanbasader; Premye Sekreter avek Dezyenm Sekreter?  E mon kestyon swivan 2enm se, eski sa bann retar ki pe arive, si pa pe kout Sesel an term sipor ou finansyel atraver sa bann evantyalite, ki i pa pe kout nou serten petet benefis ki nou ti kapab gannyen an term pei avek sa bann retar ki pe gannyen?  Mersi.

MR SPEAKER

PS.

PS MICHELLE MURRAY

Mersi Onorab.  Wi dan sa prosesis restriktirasyon nou bezwen fer li par faz nou pa kapab antre bulldoze en sel kou.  Nou’n konmans nou priyorite par HQ – Maison Queau De Quincy pour fer sir ki Maison Queau De Quincy akoz li ki sa nwayo, i devret for i devret solid.  So nou striktirasyon pour sa lannen in konsantre lo HQ, pour fer sir ki nou annan bann dimoun; e ki nou annan bann dimoun ki kalib ki kapab siport bann Lanbasad.  Akoz anfen kont, i annan organizasyon ki egziste ant bann Lanbasad ki form parti Foreign Affairs e HQ.  Donk it works two ways an term sipor ki nou donn zot.  Lannen prosenn nou pour pas dan phase 2 donn en sans pour deplway bann Number 2s nou bann Diplomat dan bann Lanbasad.  me sa pa pour ganny fer dan en fason arbitrer.  Akoz parey zot in dir nou bezwen bokou pli efikas e servi nou resours bokou pli byen.  Me pour nou fer sa osi, i bezwen annan serten realizm an term fonksyonnman nou bann Lanbasad; par egzanp nou pa kapab konpar workload en lentansite travay, en Misyon par egzanp ki Sri Lanka avek enn ki New York.  Akoz New York i pe kouver Nations Unies, i osi kouver o nivo bilateral.  So workload pa parey.  Dan sa sans levalyasyon ki nou pe fer nou pe al dan en direksyon, ki bann misyon ki vreman annan en nesesite pour annan en Number 2 nou pour deploy en Number 2 pour asiste Lanbasader.  E bann ki pa bezwen nou pour vwar ki Lanbasader pour kapab fonksyonnen avek bann administrative staff ki deza an plas, ki okip bann keksoz Sekretarya ki okip par egzanp accounts.  So dan en fason nou pe fer en re deployment, ki vreman targete, ki pour anmenn bann benefis. An se moman nou pa’n ganny penalize an term bann commitment enternasyonal pour sa.   O kontrer letan … ki nou’n fer nou’n vwar nou dan en sityasyon ki nou Lanbasader, i vwar zot bokou plis angaze pour deliver keksoz ki bokou pli an plis.  So e pour nou servi resours ki nou annan.  Wi i limite me selman really pour nou stretch nou lekor ki nou deliver the best.

MR SPEAKER

Onorab Andre.

HON CLIFFORD ANDRE

Mersi Mr Chairman.  Mon ti a kontan demann paz 19 pour lannen 2017, ti vin avek en Bidze ki ti demann R147 milyon – sa in revise in vin R114 milyon, e la nou vwar en … I mean a new ankor ki apepre R10 milyon an mwens.  E nou parey ou’n dir, nou’n vwar Prezidan Faure pe met Sesel en pe plis – i pe al bokou landrwa.  Mon pe rode akoz ki si nou bann Lanbasad dan sa bann pei, pa bezwen sa resours pour zot travay?  Akoz mon krwar resours i enn bann eleman kle dan travay e efikasite bann Lanbasad ki nou annan.  E en lot kestyon ki mon ti a kontan demann PS si par-ler nou pa fer gaspiyaz parey sa Jeep ki’n aste Cuba ki dan anba langar e Lanbasader i ganny dir pran taxi.  Konmsi akoz nou annan sa bann … mon … restriktirasyon mon konpran, me selman ki mannyer nou kapab fer bann keksoz koumsa.  Apre letan nou pe get ‘housing’ lo bann dokiman ki’n donn nou i annan Lasante ‘‘medical’’ ki tonm R2.8 milyon apepre R2.8 milyon.  Mon ti a kontan konnen si i annan okenn Lanbasader oubyen Lanbasadris ki’n tonm malad ki nou’n bezwen peye, ki prezan ki nou pe pran sa larzan pour nou ranbourse oubyen kwa.  Lot nou vwar ‘‘housing’’ ki R14 milyon si PS i kapab dir nou si sa R14 milyon i bann i antye – tou nou bann Misyon ki nou annan ki nou distribye – si sa.  Si i kapab donn nou en pti breakdown akoz nou napa en breakdown an term sa ki egziste la.  Mersi.

MR SPEAKER

PS.

PS MICHELLE MURRAY

Mersi byen Onorab.  Sa diferans ki ou’n vwar ant Bidze 2017 avek Bidze 2018, i rezon akoz ankor lobzektif ki Gouvernman in met son lekor, pour fer sir ki annan en ki resours i ganny deplwaye fason ki devret ganny fer.  Par egzanp lannen pase nou ti annan bann Funding Enternasyonal ki ti tonm anba Bidze Foreign Affairs.  Me dan re organizasyon Gouvernman avek par egzanp kreasyon Departman Economic Planning avek Department of Trade, in vwar ki sa bann lanvlop ki very trade related, prezan i ganny transfere kot sa bann Departman.  I pour annan en relasyon travay etrwat avek Foreign Affairs, e alokasyon pour ganny fer par Department of Economic Planning ek Department of Trade.  Me Foreign Affairs, i touzour la; par egzanp dan COMESA Funding, Foreign Affairs i touzour la pour zwe en rol enportan an term preparasyon Dosye.  Sa i fason ki nou’n re organiz nou fason travay, ankor pour evite bann sityasyon ki annan bokou diplikasyon; akoz ti annan en diplikasyon travay ant Foreign Affairs avek sa ki Trade pe fer Departman Economic Planing la i pe ganny sa mandate pour li fer.  So pour ou fer sir ki i annan en sinerzi travay, ki bokou pli ekilibre e ki fer sans.  2enm kestyon ou’n met lanfaz an partikilye avek wastage in certain Embassies e ou’n osi demann kestyon an term Cuba akoz nou’n pran sa desizyon.  E rezon i senp Onorab.  Akoz nou dan Gouvernman nou travay selon lareg.  I annan bann lareg finansyel ki devret ganny swivi.  E menm mon tann zot bokou pe dir ki annan en prosesis tender ki devret ganny swiv, e pour fer sir ki tou keksoz i ganny fer dan en fason transparan and above board.  Malerezman dan sityasyon Cuba ki ou’n site, sa bann prosedir pa ti ganny swiv.  E nou vwar nou ki zis en dimoun in pran desizyon i pe aste en Jeep ki pa ni ganny vet an term Bidze e pa ni ganny vet si whether sa i en keksoz ki nou bezwen pour sa Misyon.  So vwala ki nou’n bezwen dir ekout osi lontan ki sa bann prosedir finansye pa ganny servi, eskize nou bezwen put li on hold ou bezwen rod lezot mwayen transpor, e letan sa keksoz i ganny regle letan nou fer keksoz drwat, korek la en transpor i a ganny rode pour nou bann Misyon.  Akoz bann Misyon i pa zis HQ Foreign Affairs ki accountable, ki devret travay dan en fason transparan.  Nou bann Misyon Diplomatik i devret travay dan en fason transparan, e zot devret annan en gro responsabilite lo zot, pour zot swiv lareg finansye Gouvernman.  I pa zis kestyon en dimoun i ganny de plwaye dan en Misyon e i fer sa ki li i anvi.  So i annan en prosedir – i annan en drwatir ki nou bezwen ganny servi, akoz zot la pour reprezant Leta, pour reprezant lepep Seselwa e they lead by examples.  So vwala en pe, ki nou fer pour adres en pe sa konsern ki nou annan an term wastage dan serten Misyon Diplomatik.  Pour ‘‘medical’’ se ki tou nou Diplomat ki nou anvoy aletranze, nou bezwen donn zot en medical insurance.  So i kouver Lanbasader; i kouver son fanmir si i pe deplwaye avek son fanmir – i annan diferan size fanmir ki ale.  I konsern Number 2s par egzanp.  So vwala akoz nou bezwen donn zot sa medical insurance, i dan zot Scheme of Service e nou bezwen fer li.  E ‘housing’ osi dan Scheme i donn housing pour Lanbasader ki la avek son fanmir e osi pour nou bann lezot Diplomat.

MR SPEAKER

Avan mon vin kot Onorab Ramkalawan Onorab Aglae mon krwar mon’n anpes ou demann ou substitute kestyon.  Silvouple.

HON EGBERT AGLAE

Mersi Mr Speaker.  PS mon ti annan en pti siplemanter.  An vi ki ou’n reponn lo kote pour beef up sa bann Lanbasad, eski Foreign Affairs i annan en plan ki zot kapab dir en time frame pour zot kapab anmenn sa bann Lanbasad lo zot fonksyonnman 100 poursan efikasite ?  Mersi.

MR SPEAKER

PS.

PS MICHELLE MURRAY

Mersi Onorab si nou anvi fer li lannen prosenn ki nou fini annan en plan an term lekel ki Lanbasad i ganny Number 2s e osi lannen prosenn nou anvi fer en propozisyon avek Gouvernman an term lekel Lanbasad dan ki nou krwar i devret ganny konsolide e mentenir; an term ankor bann priyorite Nasyonal.  E menm vwar osi bann Lanbasad ki petet rezonnman ki ti annan pour zot kreasyon, i nepli annan an 2018.

MR SPEAKER

Onorab Ramkalawan.

HON WAVEL RAMKALAWAN

Yes Mr Speaker Mr Chairman mersi bokou e bon apre midi Anbasader e Minis ek FC.  Zisteman lo sa size transpor i annan bokou konplent e mon ti a kontan konnen ki mannyer zot pe adres li dan sa Bidze parske sa Polisi Sonata, i pa pe vreman marse akoz i annan serten landrwa napa Hundai Sonata e mon ti ava kontan …  E menm son ekivalan, i pa pour apropriye pour serten landrwa.  Par egzanp si ou en Lanbasader Ethiopie en Sonata pa pour anmenn ou tro lwen letan ou pe sorti dan letan ou pe sorti dan lavil pour al en pe pli lwen.  Alors mon ti ava kontan ki mannyer pour adres sa dan sa Bidze.  E an plis ki sa si sa Anbasader Cuba in aste en transpor eski ou ape dir nou ki in mal depans son Bidze?  In mal depans larzan ki’n ganny anvoye kot li?  Oubyen eski in servi larzan ki larzan ki ti dan Bidze, e ki in aste sa transpor me ki konmsi Minister zot Minister i pe pran en latitid en pe tro sever; parske finalman i pour kout zot bokou plis larzan; parske la ozordi son loto i dan son garaz me li i pe servi taxi pour li i a pe servi taxi pour li deplase.  Finalman i pa pour kout bokou plis ki si ou ti donn li permisyon pour servi son transpor?  Mersi bokou.

MR SPEAKER

PS.

 

PS MICHELLE MURRAY

Mersi Onorab pour ou dezyenm kestyon problenm se ki ti napa pa ti dan Bidze Cuba pour purchase en transpor.  Premye keksoz. 2enm keksoz, i annan en serten prosedir ki nou met an plas an term; par egzanp pour bann Misyon pour zot aste en veikil.  Premyerman i devret annan larzan dan Bidze e dezyenmman an term kou osi i annan en prosedir finansye o nivo Gouvernman, an term bann dokimantasyon ki devret soumet, pou fer sir ki vreman sa veikil i annan larzan e i apropriye.  Me dan ka Cuba tou le de pa ti ganny fer.  So nou an menm i serye, ki HQ nou aprann ki zis en transpor in ganny purchase, koumsa menm, e nou pa ti’n menm konnen ki ti ki i pe ganny purchase.  Donk, nou pa vwar ki i en bon fason travay ki bann spending i ganny fer dan en fason aléatoire e i breach tou financial procedures ki an plas.  An term sa Polisi pour Transpor, wi nou rekonnet ki sa Polisi ki’n met an plas i en yardstick.  I kadre serten keksoz pour fer sir ki transpor ki nou aste, oubyen ki nou lease, i met en serten kriter ou en serten kriter; akoz ki nou ti’n vwar, se ki ou ava ganny en konpran ki nou Sesel nou pe sey prozet en serten limaz; nou pe dir nou reprezant lepep Seselwa, dan en fason diny; ki nou Lanbasader i ganny en transpor ki konvenab, me selman nou pa kapab osi demontre en serten lekse letan nou pe demann led enternasyonal, pour bokou keksoz pour siport nou.  So si par egzanp ou annan serten Misyon ki pe aste loto ki dernyen model BMW par egzanp – nou vwar ki sa i serten lekse.  Nou pe zis kadre serten keksoz; ki annan serten yardstick nou bann misyon i devret servi.  Me selman nou angaze avek nou bann Misyon.  Si zot vwar sa ki sa model i pa apropriye, i pa available, i annan en dyalog, ki nou ganny fer avek zot, pour fer sir nou rod en keksoz ki konvenab e ki ase pre avek sa Polisi ki Gouvernman ni met an plas.

MR SPEAKER

Onorab Ramkalawan.

HON WAVEL RAMKALAWAN

Mr Speaker mon pa pe ganny en konpran la.  Konmsi letan mon pe regarde e konmsi ou osi ou ou’n deza Anbasader – si ou Anbasader L’Angleterre, oubyen ou Anbasader An France par egzanp kot Sonata napa.  E ozordi letan mon pe regarde letan Mr Claude Morel ti Anbasader Paris, i ti drive en BMW.  Letan mon ti al Sud L’Afrique O Komiser Sesel Sud L’Afrique i dan en BMW.  Be akoz aprezan ki sennla ki Cuba in aste en Jeep ek en Jeep Nissan ki mannyer mon konpran e ki konmsi zot pe pran … konmsi zot pa santi ki poudir se pour sa rezon ki zot latitid petet dan pe rod tro vin sever, ensidswit se sa ki pou dekouraz bann dimoun e zot pou hand-in zot resignation e apre sa nou trouv nou avek bann Lanbasad ki non-performan.  E menm Headquarters ki non-performan, e nou … e la mon kapab dir Mr Speaker, ki letan n nou ti zwenn avek L’Union European kontrerman avek sa ki ou’n dir nou la, L’Union European ti eksprim zot mekontantman total lo lafason ki Foreign Affairs pe deroule – bann Dosye ki pa pe bouze – kot Sesel ti ganny reprezante avan … ki konmsi zot reprezant en dekourazman total.  Eski zis akoz en transpor, akoz en transpor ki apropriye zot pou met sa kalite Sanksyon?  Konmsi mon trouv – konmsi zot pa santi zot pe al lo tro ekstrenm; konmsi zot pe tro royalist ki Lerwa e ki sa i kapab defet – defet nou Foreign Policy – nou foreign … sa window lo Sesel?  Mersi bokou.

MR SPEAKER

PS?

 PS MICHELLE MURRAY

Mersi Onorab.  Onorab nou pa pe fer en travay ki nou pe sey pli royalist ki Lerwa parey ou’n dir – oubyen nou pe tro sever.  Sa ki nou pe fer nou pe enplimant …. dan sa ka Cuba nou pe enplimant prosedir finansyer e lareg ki Gouvernman in ganny etabli.  E ki tou dimoun i swiv sa lareg; napa okenn eksepsyon e ki nou fer keksoz correctement.  Nou pa la pou dekouraz okenn staff.  O kontrer nou annan en responsabilite anver nou staff pou fer sir ki zot pe travay dan bann kondisyon ki konvenab e fer sir ki zot dinyite i ganny respekte.  E ki zot vwar zot pe epanouir.

        Ou’n sit Kestyon o nivo L’Union European, mon  Krwar a plizyer repriz oubyen dan dernyen meeting ki nou’n gannyen avek IAC, nou’n eksplike ki delay i annan akoz nou lo kote Foreign Affairs nou bezwen osi nou travay in tandem avek lezot Minister.  So si in annan serten delay ki arive dan lezot Minister, byensir i annan reperkisyon an term nou langazman avek bann serten partner enternasyonal.  Donk nou gannyen dyalog politik avek L’Union European.  Nou’n angaz nou avek L’Union European a plizyer repriz, e napa en moman ki L’Union European … mon pa konnen ki zot, in vin dir ou dan meeting avek zot, be solman i pa mesaz ki zot in donn nou.  So mon sirprann pou aprann ki L’Union European i tre mekontan avek keksoz ki Foreign Affairs i fer, akoz en aucun moman ki L’Union European in dir nou sa kalite mesaz.  Byensir nou angaz nou pou fer sir ki nou on track – ki nou follow-up lo diferan keksoz.  Me parey nou’n dir ki sometimes i an deor nou kontrol, akoz nou bezwen esper feedback avek lezot antite Gouvernman.  E ki mon ti ava osi kontan dir lo la, se ki nou bann partner nou respekte zot; zot enportan pou nou.  Nou travay avek zot akoz nou bezwen zot.  Me solman i bezwen osi annan serten respe, an term mannyer nou bann partner i angaz avek en Leta Souveren parey Sesel – an term mannyer nou bann partner i angaz zot avek nou bann zofisye Gouvernman.  So nou sa ki nou pe fer, nou pa la pou par egzanp pou mesken – pou fer bann keksoz ki inapropriye.  Annefe sa ki motiv nou, se lentere Sesel ki pas avan tou.  Nou pa la pou angaz nou dan okenn winning and dealings sa ki enportan pour nou se ki nou fer keksoz byen ki nou respekte nou bann parter, me nou bann partner i bezwen respekte fason travay.  Nou pa kapab en sityasyon ki nou bann partner pe enterfer dan bann keksoz dan bann keksoz entern ki Gouvernman … akoz nou, nou respekte zot Souverennte osi.  So vwala ki mon ti annan pou dir.

HON WAVEL RAMKALAWAN

….(Mic Off)

PS MICHELLE MURRAY

Wi, sa bann transpor ti ganny aste avan menm ki ti annan sa Polisi ki nou’n entrodwir.  Me parey mon dir se ki in the long term si i annan serten Misyon ki vwar ki sa yardstick ki nou’n mete pa pe marse, nou pran dyalog avek zot.  E nou ava vwar ki model transpor ki apropriye pour zot. Ok?

MR SPEAKER

Onorab Gill ou annan en related question?

HON SIMON GILL

Bon apre midi Mr Speaker bon apre midi Designated Minister Anbasadris bon apre midi.  Mr Speaker mon pe dezapwente apre midi la.  Me nou demann en Sesyon pour demann kestyon an relasyon avek Bidze byensir, me kestyon ki mon ava poz lekip ki la, se ki mannyer Sesel i kapab revwar li lo nivo son Relasyon Enternasyonal ki bezwen etablir avek lefikasite ki ou pe koz lo la Madanm Anbasadris PS?  Nou pe ganny en lenpresyon tou sa 20enn staff ki’n ale dan sa Minister, i ok napa problenm.  There is problem.  E nou bezwen fer fason ki nou aranz sa Minister, pour ki nou donn Sesel sa ki meyer.

MR SPEAKER

Kestyon lo Bidze Onorab.

HON SIMON GILL

Kestyon i relasyonn avek Bidze Mr Speaker nou bezwen konnen ki Bidze kwa ki nou’n mete kwa ki bann provizyon serye ki annan pour nou ganny bann staff ki serye anler la pour ranplas sa bann qualified staff ki’n kit sa Minister, e ki pe koz retar dan delivrans Sesel avek son bann lobligasyon ki i annan avek okenn lezot lorganizasyon e lezot pei!  This is the question. Mersi.

MR SPEAKER

Kestyon i kler.  PS.

PS MICHELLE MURRAY

Mersi Onorab.  Petet mon ti ava kontan kantite retar  ki ou krwar ki nou’n annan o nivo enternasyonal, ki’n anmenn ou pour krwar nou an retar, akoz sa bann staff in resign.  Wi parey mon’n dir, i malere ki sa bann staff in resign – zot in resign pour diferan rezon. E nou respekte zot swa ki zot in ganny fer.  Me nou konman en lorganizasyon, we move on.  Nou’n met nou prosesis restriktirasyon an plas, nou pe azir.  Bann defayans ki mon’n dir, nou pe reazir, akoz parey mon’n dir, nou anvi en lekip – menm ou ou’n dir – bann staff serye e se bann staff serye ki pe kontinyen fer sa travay Foreign Affairs!  Mon pa vwar nou that behind dan okenn Lobligasyon Enternasyonal.  O kontrer nou pe vwar nou, nou’n fer State Visit Maurice; nou’n fer Kenya; tou nou bann langazman enternasyonal nou’n prezan, nou pe deliver.  Nou pe met an plas polisi pour aziste sa bann lakim ki egziste Foreign Affairs bann defayans e mon pa vwar okenn fason ki ankor mon’n dir, i malere ki serten staff in deside pour ale.  Me selman konman en lorganizasyon nou pour remain focus on the future.

MR SPEAKER

Onorab Afif.

HON AHMED AFIF

Mersi Mr Chair bon apre midi Madame.  Mon kestyon i baze lo paz 20 latab ki annan pour fer avek ‘’other uses of goods and services’ ‘2018 – R24 milyon i en pti pe mwens ki 2017 – selman ler mon regard an detay sa R24 milyon i annan R10.945 milyon ki tonm anba ‘‘other service agreements’’ si ou ti kapab donn nou en pti pe detay lo kwa sa bann ‘‘other service agreements.’’  Mon demann sa zisteman parske anba Rapor Oditer Zeneral ti annan en komanter anba ‘’other service agreements’’ ki dir poudir ti annan serten peyman, ki ti pe ganny fer anba la, me ki ti kouver saler dimoun ki ti deza bann dimoun ki ti deza lo payroll.  Me selman an plis ki sa zot ti pe ganny peye anba ‘’other service agreements.’’ Alors ou kapab eksplik sa en pti pe pour nou kwa sa?  E dezyenmman lo ankor dan Rapor Oditer Zeneral lo Bidze 2016, i montre bokou dan bann overseas missions ki annan bann depans ki pa ankor rekonsilye an term klasifikasyon.  Alor ankor enn fwa nou pe aprouv en Bidze avek klasifikasyon, me i paret bokou pe ganny fer san klasifikasyon.  Alor donn nou en rekonfor poudir sa pe ganny met annord, e detay lo ‘‘other uses.’’ Mersi.

MR SPEAKER

PS.

PS MICHELLE MURRAY

Mersi.  Anba sa bann ‘‘other uses’’ nou annan bann ‘’service agreements’’ pour nou bann foreign staff; nou annan office rent ki tonm osi ladan.  Nou annan bann lasirans – insurance ki nou pran; events ki nou Lanbasad i kapab organize; maintenance pour nou Lanbasad.  Par egzanp dan ka Paris nou annan en Lanbasad ki bon pe lannen par egzanp, e training.  Wi i vre ki Rapor Oditer ti montre ki nou pa ti pe fer sa rekonsilyasyon dan en fason sistematik, se pour kwa i annan en legzersis ki ganny fer depi sa lannen pour fer sa rekonsilyasyon comme il faut.  Donk nou pe adres sa bann konsern ki ti montre dan Rapor Oditer pour lannen 2016.

 MR SPEAKER

Onorab Henrie.

HON GERVAIS HENRIE

Mersi Mr Chair bon apre midi tou dimoun.  Mr Chair mon ekout PS Murray avek bokou latansyon ozordi apre midi, e in dir avek nou ki fason travay ki i pe aprose dan son Departman se pour travay selon lareg sirtou bann lareg finansyel Gouvernman.  E mon pour fer referans avek Rapor Oditer Zeneral kot in koz lo serten keksoz ki zisteman i napa sa strict (koman ou dir sa) swiv strikteman.  Par egzanp pour donn 2 pti legzanp i annan enn kot Lanbasader ti Sesel pa ti ankor ganny akredite i ti pe ganny loto lwe.  Or letan zot ti pe voyaze ki class li ek son madanm ti devret pe vwayaz lo la.  E menm i annan en lensidan kot en Lanbasader ti ganny over paid pour en zafer baggage claim, e zot in ekrir li zot in dir avek li poudir, ‘’ou dwa nou.’’ E ziska prezan sa pa’n ganny regle.  E komanter ou Departman, i se ki nou note sa bann komanter; savedir i dir nou poudir ok menm sa ti an 2016, kekfwa pa ti ankor vini, me selman i annan bann lenstans kot sa lareg la pa pe ganny swiv.  So mon anvi ki ou asir nou poudir sa i en keksoz ki pour ganny regle, dan sa Bidze ki nou le donn ou.  Dezyenmman bann pos ki ozordi nou annan dan Lanbasad – mon konnen bann koleg avan in demande lekel bann pos ki manke, be lekel bann pos ki nou annan apar bann Lanbasader? Eski nou annan bann Attaché par egzanp Kiltirel ouswa i annan ki pe deal avek Trade?  Lekel sa bann pozisyon ki nou annan e ki pe ganny peye dan sa Bidze ki nou le donn ou ozordi?  Mersi bokou.

MR SPEAKER

PS.

PS MICHELLE MURRAY

Mersi Onorab annefe ou’n repet sa ki mon pe dir depi taler se ki nou bezwen swiv lareg finansyer Gouvernman.  Annefe pour nou evit sityasyon ki nou vwar sa bann lakin ki’n monte dan Rapor Oditer.  Akoz nou pa le vwar nou sa lannen avek lannen prosenn avek en rapor ki poudir nou pa’n swiv lareg finansyer Gouvernman.  So nou pe koriz tousala e nou pe fer travay ki nou’n ganny mandate.  An term bann pos Lanbasad napa zis Lanbasader nou osi deploy en Third Secretary – en Number 2s en Diplomat.  Me selman i annan lezot pos ki’n ganny kree dan bann lezot Lanbasad; par egzanp UK i annan en Trade Attaché, ki egziste me selman …

(Mic Off)

PS MICHELLE MURRAY

… pardon?

 

(Mic Off)

PS MICHELLE MURRAY

… i Mr Jerry Romain ki nou Trade Attaché nou High Commission UK.

MR SPEAKER

Ki Misyon PS?

PS MICHELLE MURRAY

Pardon?

MR SPEAKER

Lekel Misyon?  Mon krwar zot pa’n konpran.

PS MICHELLE MURRAY

UK – London.

MR SPEAKER

London. 

      (Mic Off)

PS MICHELLE MURRAY

Morin. Morin.

     (laughter)

MR SPEAKER

Order! Order! Silvouple, Order!  Onorab Order! Onorab Ferrari ou annan en pwen lo sa repons ki …

HON JEAN-FRANCOIS FERRARI

….(Mic Off)

 MR SPEAKER

PS fini ou …

 PS MICHELLE MURRAY

Mon a zis pour mon reponn …

MR SPEAKER

PS fini ou repons apre mon a pas parol avek …

PS MICHELLE MURRAY

… wi sa pos ki Mr Jerry Morin i lo la i pa pe ganny peye par Gouvernman. Nou pa pe donn li en saler e napa lezot entitlement ki I gannyen an term akomodasyon, parey nou bann lezot Diplomat.

      (Interruption)

MR SPEAKER

Ok. Ok. Ok.  Apre nou a vin kot ou Onorab Ferrari – Onorab Henrie pa ti ankor fini son …

HON GERVAIS HENRIE

Wi.  Zisteman baze lo son lenformasyon ki PS Murray in donn nou, eski par egzanp sa bann dimoun pour ganny en Paspor Diplomatik?  E apre en follow-up lo bann kestyon parey swiv lareg finansyel, depi Bidze lannen pase ti annan sa lensidan dan Lanbasad UAE, ki ti annan en Rapor ki en odit ki ti pe fer … anfet sa i lo kestyon Onorab Larue ki i pa avek nou ozordi.  Me selman mon pa rapel si nou bann Manm parey nou ti ganny promet poudir nou pour gannyen.   Ti donnen?  Ok.

MR SPEAKER

PS apre nou ava al kot Onorab Ferrari.

PS MICHELLE MURRAY

Mersi Onorab sa Rapor ki ou pe mansyonnen in fini ganny fer en kopi pour ganny donnen pour lenformasyon pour ganny soumet avek FPAC.  An term ou kestyon pour spesifikman lo Trade Attaché UK – Mr Romain – Mr Morin eskize i annan en Paspor Diplomatik.

MR SPEAKER

Me PS eski mon pe zis ganny li kler pour Rikord, eski ou’n dir Mr Jerry Romain?  Wi Onorab Ferrari.

HON JEAN-FRANCOIS FERRARI

Me Mr Speaker si mon kapab zis … demande PS i la, Minis i la, be Paspor Diplomatik tou dimoun i gannyen sa?  Konmsi zis …? Ki mannyer i donnen sa i partaze …?  Mon pa konnen mwan.   Pti Paul Leternik osi kekfwa i kapab ganny enn.

        (laughter)

 HON JEAN-FRANCOIS FERRARI

Fodre nou, nou serye nou en pe.

     (laughter)

MR SPEAKER

Ok! Ok. Order! Lo sa kestyon Onorab Ramkalawan ou ti le poz en kestyon?  PS tenir en pti moman –

     (Interruption)

 MR SPEAKER

Order! Order! Order!

 HON WAVEL RAMKALAWAN

But Mr Speaker… 

MR SPEAKER

Onorab Ramkalawan esper en pti moman … ok.   ou kapab … poz ou kestyon.  I relye avek sa ki Onorab Ferrari in demande?

HON WAVEL RAMKALAWAN

Wi.

 MR SPEAKER

Ok.

HON WAVEL RAMKALAWAN

Mr Speaker mon zis anvi demann en kestyon.  E fodre pa ki Onorab De Commarmond i pran sa konman en soz direk, me si ou pe dir nou ki Mr Jerry Morin, i en anploye … i atase avek nou O Komisarya L’Angleterre konman en Trade Attaché – savedir i pe ganny peye avek Minister Zafer Etranzer.  Non?  Be si i pa pe ganny peye selman i annan en Paspor Diplomatik.  Me eski ou konnen ki poudir i osi Konsiltan Leader of Government Business e ki annan en Kontra ki’n sinyen avek Lasanble, e ki tou le mwan i pe ganny peye isi?  Konmsi …

 

       (Interruption)

 MR SPEAKER

Order!  Order!  Order!  Silvouple order!  I en kestyon ki’n ganny demande, PS a reponn.

HON WAVEL RAMKALAWAN

Pou nou … Mon pe demann sa pour eklersi, pour nou regarde etandonnen ki Anbasadris in dir avek nou ki zot pe met bann keksoz annord.  Mersi bokou.

MR SPEAKER

PS.

PS MICHELLE MURRAY

Mersi Onorab Ramkalawan.  Mon pa ti okouran an term lezot Kontra ki Mr Morin i annan.  Sa … I annan serten keksoz Onorab Ramkalawan ki a mon nivo, mon ganny en lenstriksyon pour enplimante.  So dan lesans ki Paspor Diplomatik, i ankor pour kestyon Onorab Ferrari, i annan en prosedir ki nou pe travay lo la, pou ankor fer sir ki Paspor Diplomatik i menm si Imigrasyon ki donnen rekomandasyon i sorti Foreign Affairs – so ki bann dimoun ki Paspor Diplimatik avek paspor ofisyel zot pa ganny donnen dan en fason aléatoire, me i ganny rezi par sa prosedir.  Donk, malerezman an term paspor ki’n donnen par lepase, mon pa dan en pozisyon pour mwan donn plis detay lo la, me selman ki mon devret dir se ki, dan serten ziridiksyon pour ou kapab ganny ou permi pour reste konman, en Diplomat par egzanp, zot demande ki ou annan en Paspor Diplomatik; pour ou kapab ganny ou Visa so to speak.  E petet sa i rezon ki motiv ki’n motive Mr Morin, pour li kapab reste pour fer son travay ki i annan pour fer konman en Trade Attaché i ganny en Paspor Diplomatik.  Sanmenm tou komanter ki kapab fer.

MR SPEAKER

Onorab Ferrari.

HON JEAN-FRANCOIS FERRARI

Mr Speaker.  Mon pa tro konn li sa msye, me selman i ganny akse, i antre sorti dan Lanbasad mannyer i anvi?  I reprezant Sesel … i ler i annan en fonksyon – i reprezant Prezidan i reprezant larepiblik Sesel ler i … Konmsi ki mannyer in ganny vet?  Ki mannyer i marse sa?

MR SPEAKER

Silvouple, silvouple i pe demann Onorab Ferrari pe demann en senp kestyon – son rol konman en Trade Attaché.  Mon krwar PS i kapab reponn sa kestyon.

 PS MICHELLE MURRAY

Onorab Ferrari Mr Morin pa raport avek mwan – ni menm nou High Commissioner UK.  So nou pa konnen ki kalite travay ki fer e ki son bann responsabilite e ki son bann target.

 

       (Interruption)

 MR SPEAKER

Ok. Ok.  Order!  Order! 

Les … PS eski ou’n fini reponn kestyon?  Wi ale Onorab Ferrari.  Apre nou a vin kot Onorab Ramkalawan.

HON JEAN-FRANCOIS FERRARI

Mwan mon vreman tre enkyet, akoz ou pa kapab, ou pas dan VIP Lounge ou ganny bann tretman VIP; ou pa ganny fouye; be konmsi kot nou pe ale?  Be ki mannyer … be kot nou pe ale isi?  Nou bezwen aranz nou en pe.

MR SPEAKER

Ok.  Ok.  Alright.

HON JEAN-FRANCOIS FERRARI

Anyway mwan mon pe zis met sa la Mr Speaker.  Mon annan mon bann kestyon pour mwan demande apre.  La nou pe fini sa enn la.  Mersi.

MR SPEAKER

Ok, sa i en lot lalis.  Onorab Ramkalawan apre nou a vin kot Onorab De Commarmond.

HON WAVEL RAMKALAWAN

Mr Speaker, mwan osi mon tre konsernen avek sa sityasyon, parske si en dimoun i atase avek nou Lanbasad, savedir … e i annan Paspor Diplomatik savedir i annan en lyen avek Sesel.  I annan …  e sa lyen i lo en nivo siperyer.  Alors sa ki li i fer si par egzanp avek sa bann Diplomat i annan iminite; savedir si i atase avek en nou pa konnen ki i fer … Mr Speaker Lanbasadris i dir avek nou ki zot pa konnen ki i fer.  Zot pa konnen ki i fer, me an menm tan osi, in dir avek nou ki sa sete en lenstriksyon ki ti ganny donnen avan.  Alor kestyon ki mon pe demande, eski sa i en lenstriksyon anba ansyen Prezidan James Michel ki nepli Prezidan, oubyen eski i en lenstriksyon ki’n ganny donnen anba Prezidan Danny Faure?  E si mon anvi konn sa pour nou regarde ki direksyon ki nou diplomasi pe ale.  E parey ou pe dir, zis ou tande Paspor Diplomatik lo kote gos lo kote drwat; donn nou en kler.  An menm tan osi pour nou konnen, si sa sityasyon i pa devret ganny revoke, e pour nou ganny en pe lord parey ou pe dir.  Mersi bokou.

MR SPEAKER

PS avan ou reponn mon krwar sa ki’n fer sorti taler Onorab De Commarmond i ti a kontan dir en mo.  E i vre ki si nou pe koz menm Jerry Morin i ti annan en kontra avek Lasanble pour en consultancy.  Petet nou a ekout Onorab De Commarmond apre nou a donn laparol PS.

HON CHARLES DE COMMARMOND

Mersi Mr Chair.  Mr Chair sa napa nanryen pour fer avek Kontra ki Jerry i annan – Mr Morin i annan kot i konsern son travay avek mon Lofis.  E mon pe rode mwan si i annan keksoz ki mal si en Seselwa i ofer son servis free of charge pour Sesel, kot i kapab dan benefis Sesel kote ki mal?  (1). E prezan nou, nou konn tre byen. nou konn tre byen ki Foreign Affairs i konn tre byen louvraz e responsabilite en Trade Attaché.  E Minister Finans i osi konnen.  So mwan mon swete, mon demande ki Gouvernman i pran son responsabilite atraver son bann Departman ki isi prezan dan Lasanble, pour eksplik klerman responsabilite e benefis ki Sesel i kapab gannyen e i gannyen konman en Trade Attaché se tou.

MR SPEAKER

Alor PS ou annan laparol, i pour ou; eski 2 kestyon ki lev-e ki tre enportan e ki i I responsible…. 

HON CHARLES DE COMMARMOND

… e an plis petet sa napa naryen pour fer avek okenn Prezidan Michel.   Sa ki’n ganny deside in ganny deside pandan sa letan ki nou, nou la.

MR SPEAKER

Be anyway

 

       (Interruption)

 MR SPEAKER

Order!  Order!  Silvouple donn PS en sans pour li reponn.  In dir ki i ti ganny lenstriksyon i pe sey klarifye keksoz.  I annan 2 pwen ki’n ganny sorti.  E ki sa msye i raporte?  E ki senn la, ki pey li.  Se sa ki zot in demande.  Les PS sey reponn.  Onorab De Commarmond in dir ki i en Seselwa in ganny apwente laba, in ofer son servis free.  Me nou anvi petet ki senn la ki pe donn li en lankourazman – akoz mon’n High Commissioner London i enn bann pei bann Kapital pli ser apard New York ek Tokyo.  So les PS eksplik nou.

PS MICHELLE MURRAY

Malerezman Mr Speaker mon napa bokou plis lenformasyon pour donn Lasanble, an plis sa ki mon’n dir. Trade Attaché par egzanp, i annan enn ki an pos Geneva i raport avek Department of Trade.  I annan en kolaborasyon travay ki ganny fer an term bann obligasyon anver World Trade Organisation.  An term Mr Morin mon vwar Onorab De Commarmond i en size ki in swiv de pre.  Mon pa dan en pozisyon pour mwan donn bokou plis lenformasyon an term deroulman travay Trade Attaché UK.

MR SPEAKER

Onorab Arrisol.

HON SANDY ARRISOL

Mr Speaker.  Mr Speaker.

MR SPEAKER

Hold on ou non i lo la pour koze Onorab Sebastien.  Esper en pti moman.  Les lezot ki pour demann zot … avan ou koze.

HON SANDY ARRISOL

Yes.   Mon ti a kontan … mon krwar konman en Lasanble mwan mon krwar, nou pe ganny mislead dan en sans.  Mon a eksplik mon lekor; parske PS in vini in dir avek nou poudir Mr Morin pa ganny peye, selman i reprezant Sesel aletranze, i ganny Paspor Diplomatik.  E Onorab De Commarmond i fer kler poudir sa in ganny arive dan sa letan la; savedir anba Prezidan Msye Faure ki la ozordi.  E PS i dir ek nou swa Minis Finans – Departman Finans i okouran, e Foreign Affairs i okouran.  So lekel ki pe koz manti, lekel ki pe koz laverite?  Mon konfize konman en Manm Lasanble e si nou pe donn Bidze Foreign Affairs zot bezwen vin kler dir nou ki pe pase dan nou pei!  Foreign Affairs ki responsab Mr Morin?  Me PS Finans ki responsab Mr Morin?  Msye Faure ki …?  Lekel ki responsab Mr Morin ki pe marse avek en Paspor Diplomatik ki pe reprezant Sesel aletranze pour pei.  Mon ti a kontan ganny en leklersisman silvouple – ozordi! Mersi bokou.

MR SPEAKER

PS eski oule azout okenn keksoz plis ki ou’n azoute parske mon ganny lenpresyon ki ou osi ou pa konnen?  Onorab – en pti moman Onorab De Commarmond, les PS – mon pa konnen si PS i annan keksoz nouvo pou dir?  Oubyen PS Payet?

PS MICHELLE MURRAY

Lo mon kote mon napa keksoz nouvo pour dir.  Mon zis pran not bann konsern ki zot in met devan konsernan sa pos Trade Attaché e lenpak avek reperkisyon ki sa i kapab annan.

MR SPEAKER

Ok.  Onorab De Commarmond.

HON CHARLES DE COMMARMOND

Non, be zis mon le dir sa ki nou pe koze napa en bearing lo Bidze direkteman.  Napa nanryen!  Kote depans ki annan?  Oli larzan dan mon en sou ki sa in ganny depanse regarding responsabilite sa dimoun?  Anyway.

MR SPEAKER

Ok ou’n fer ou pwen.  Onorab Andre.

HON CLIFFORD ANDRE

Mersi Mr Speaker.  Mr Speaker mon ti pour demann avek PS an vi ki en ordinary citizen i pey R750 pour li ganny en paspor, konbyen i kout en Paspor Diplomatik, pour fer e si i konnen Mr Morin in peye pour li ganny son Paspor Diplomatik?  Oubyen in ganny sa …

 

       (Interruption)

HON CLIFFORD ANDRE

… be ekoute ase malelve ase malelve ….

MR SPEAKER

Order!  Order!  Order!

HON CLIFFORD ANDRE

… ou a demann ou kestyon Onorab Hoareau.  Ou tour i a vini.

MR SPEAKER

Order!  Order!  Order!

 HON CLIFFORD ANDRE

Ase malelve.

MR SPEAKER

Fini ou kestyon Onorab Andre.

HON CLIFFORD ANDRE

Wi, wi mon a repran mon a rekonmanse.  Wi konbyen i pou koute pour en Paspor Diplomatik si Mr Morin in peye?  E parey PS in dir nou Mr Morin pe fer sa gratwitman e alors ki benefis ki Sesel in gannyen, depi ler Mr Morin in pran sa pozisyon?  Sa mon 2 kestyon ki mon annan an referans avek sa size.  Mersi.

MR SPEAKER

Mon pa konnen si ankor si PS i dan en pozisyon pour reponn sa kestyon.  PS ou le reponn? Wi.

PS MICHELLE MURRAY

Mersi Mr Chair.  Mersi Onorab.  Letan en dimoun i ganny en Paspor Diplomatik lareg zeneral i pa peye, pour li ganny en Paspor Diplomatik nor en Paspor Ofisyel.  l pa peye akoz ou pe ganny sa konman dan fonksyonnman ou post; so napa larzan.  So nou process sa pour ou napa larzan ki ganny peye as a general rule for everybody.

 MR SPEAKER

Ok, mersi PS mon sizere, mon sizere, ki nou retourn lo Bidze, sa kestyon Mr Morin i en kestyon ki nou kapab adres li dan en lot fason.  Nou kapab demann kestyon Minis Foreign Affairs lo spesifisite lapwentman par egzanp.  I annan lezot fason nou kapab adres li me 5er in sonnen nou bezwen fini Bidze la.  Personnelman mon’n ekout tou dimoun; i annan konsern ki’n eksprimen ki nou bezwen klarifye.  Me selman annou pran Bidze la apre sa i en pwen spesifik ki nou a klarifye par laswit.  Onorab Ramkalawan.

HON WAVEL RAMKALAWAN

Mr Speaker mon dakor avek sa ki ou pe dir.  Me selman zis i annan en larepons senp oubyen en pti resers senp ki kapab ganny fer lo sa size paspor.  Si se Minister Zafer Etranzer ki fer bann demars pour en Paspor Diplomatik?  Si zot ti ava kapab fer resers pour regarde kan eski sa Paspor Diplomatik ti ganny issued.  E la nou ava konnen anba ki Prezidan ki sa Lord ti ganny donnen.  E sa i ava ed nou letan nou pe sey adres bann size, pour nou regarde dan ki direksyon nou pe ale.  Parske i annan bann lezot size ankor.  So si nou ti a kapab ganny sa lenformasyon dan en fason senp.  Mersi bokou.

MR SPEAKER

I en sizesyon ki PS mon krwar sa i fezab.  Ou kapab fer akoz Imigrasyon i annan tou rikord.  I pa en request ki unreasonable.  Savedir ou kapab fer mon ava al kot Onorab De Commarmond.

HON CHARLES DE COMMARMOND

Zis en pti leklersisman ankor – ordinerman si mon pa tronpe Foreign Affairs i kapab eklersi sa, en Trade Attaché pa isi ki deside donn li en Paspor Diplomatik.  Enn sa kondisyon par egzanp sirtou L’Angleterre Angle ki demande. I dir, ‘’Nou pa pour nou pa pour kapab aksepte si i napa en Paspor Diplomatik’’.  Angle ki demande.  Mersi.

MR SPEAKER

PS pour eklersi tousala, i son fonksyon son rol konman Chief Executive Foreign Affairs, i a eklersi sa parey in ganny demande i ava anmenn kot nou.  Par laswit si nou annan klarifikasyon lo sa endividi, oubyen lo sa Appointment sa i annan lot fason pour nou adres li, dan Lasanble.  Nou annan lezot mwayenAnnou retourn lo Bidze, i annan ankor enn de trwa dimoun pour koze.  Onorab Ghislain.

HON CHANTAL GHISLAIN

Mersi Mr Speaker.  Mr Speaker mon kestyon i an relasyon avek kestyon ki Onorab Esparon ti demande pli boner, an se ki konsern bann travayer ki ti’n kite.  Pour mwan ler mon pe regarde 20 travayer i kite dan en Departman i bokou.  E letan nou pe regard par egzanp kot ti annan Departman ki ti annan sa Lentegrasyon Rezyonal ti annan 9 travayer ladan e tou le 9 in kite, pour mwan i en pwen konsern.  Eski ti annan exit interview ki ti ganny fer avek tou sa bann staff ki zot in dir ladan?  Parey tou bann Departman Gouvernman i ganny fer, letan bann dimoun i kite sirtou sa gran kantite dimoun ki’n kite.  E apre ki vedir an se moman la moral bann staff kot Foreign Affairs i ba ki Foreign Affairs pe fer konman incentive pour lev moral sa bann larestan staff ki reste?  E tou dernyerman osi nou fek aprann ki in annan detrwa bann promosyon ki’n ganny pase anba kot Foreign Affairs e mon aprann osi ki annan bann staff ki zot, zot ti annan zot kalifikasyon e zot pa’n ganny promosyon.  Si ou kapab eklersi sa.  Mersi.

MR SPEAKER

PS sorry mon vwar diferan siny laba ou non i la wi tou le de zot non i la.  Wi wi esper en pti moman.

HON REGINA ESPARON

Mr Speaker mon ti a kontan demann sa kestyon lo sa follow- up ki Onorab Ghislain in demande Minis PS i a fer en sel reponn.

MR SPEAKER

I a fer en sel reponn ou ti pe demann menm kestyon?

HON REGINA ESPARON

Wi preski lo menm laliny.

MR SPEAKER

Ok alor mon a tir ou non ok ale.  PS.

HON REGINA ESPARON

Ok mersi Mr Speaker.  Mr Speaker mon anvi demann mon kestyon la PS i a fer en sel reponn

MR SPEAKER

La PS a fer en sel reponn. Ok alright chairo, mon’n konpran ou. Ale – go ahead.

HON REGINA ESPARON

Mersi Mr Speaker.  Mwan mon ti a kontan refer ankor lo sa kestyon bann travayer ki’n kite parske i annan 2 ki sorti dan mon distrik.  Follow-up kestyon ki Onorab Gill ti demande e Onorab Ghislain in demande pour mwan demann avek Minis –  Ki mannyer … PS letan ou ti DG dan sa bann menm Departman, ou ti pe travay avek sa bann dimoun, e en sel kou konman ou’n vin PS e Anbasader ou vwar ki sa bann dimoun pa serye.  Mersi Mr Speaker.

MR SPEAKER

PS.

PS MICHELLE MURRAY

Petet mon ava konmans avek dernyen kestyon Onorab.  Annefe i annan zis en staff ki ti dan mon Divizyon ki’n ganny en l’offre travay dan en lot antite, ki’n resign ki ti dan sa Divizyon ki mwan mon ti DG.  Larestan i pa bann staff ki ti dan sa Divizyon ki mwan mon ti Head letan mon ti DG.  I lezot Divizyon.  An term kestyon Onorab Ghislain; parey mon’n dir nou’n pas atraver en prosesis restriktirasyon.  E dan tou prosesis restriktirasyon letan ou pe sanz mindset letan ou pe sanz metodolozi travay letan ou pe aret serten ekse, byensir i annan staff ki vwar zot ki zot pa fit dan sa nouvo metod travay.  Me selman ki annan lezot staff ki’n apros mon ki’n dir ki in eksplik mwan ki zot in ganny en l’offre kekfwa en package ki bokou pli enteresan; zot in swazir pour zot go to greener pastures.  E sa i montre osi travay ki nou bezwen ganny fer o nivo Foreign Affairs pour revwar Scheme of Service pour fer package bokou pli konpetitiv e bokou pli enteresan pour bann staff.  Eski moral staff Foreign Affairs i ba?  Non, akoz staff pe fer travay pour li fer.  Zot pe delivre.  I annan en tim dinamik motive ki pe ganny fer ki pe fer en travay deza fantastik.  Promosyon; promosyon i pa otomatik staff ki’n ganny promosyon ki’n demontre zot kapasite travay e ki sa promosyon i well deserved.  Byensir letan ou pe promot pour en pos zis en dimoun ki pour gannyen e larestan ki ti pe anvi pour sa pos zot pa pour gannyen.  So byensir zot vwar zot mekontan.  Be selman nou, nou fer promosyon baze lo meritocracy osi – lo fason ki en staff i demontre son lekor e in prouve ki i deserve sa promosyon.  So sa fason ki nou travay.  Mersi.

MR SPEAKER

Onorab Mondon.

PS MICHELLE MURRAY

Wi, wi bann staff ki’n resign i annan DG Administration and Finance ki zwenn sa bann staff ler zot submit zot resignation.  Me selman parey mon’n dir i annan staff avan menm i submit zot resignation, zot in vwar mon zot in dir mwan zot pe fer li.  Akoz rezon zot pe fer.

MR SPEAKER

Onorab Mondon.

HON TERENCE MONDON

Mersi Mr Chair.  PS in koz bokou lo lareg finansyel, e ler mon regard Rapor Oditer Zeneral mon vwar ki zot fer peyman pour en sonm plis R2.5 milyon, pour VIP Air Seychelles me selman zot pa fer okenn verifikasyon.  E eski ou Departman i kapab donn nou garanti ki larzan pep Seselwa ler nou fer peyman nou bezwen verifye nou fer sir i parey i sipoze i ete?  E dezyenmman mon vwar en sonm R52mil depanse pour telefonn – en Minis kwa ki ou pe fer pour anpese ki annan sa kalite labi kot ou Departman?  Mersi.

MR SPEAKER

PS.

PS MICHELLE MURRAY

Mersi Onorab. VIP Lounge fason ki ti pe ganny manage nou’n vwar ki i en size i en keksoz problematik, akoz i vre par lepase i en keksoz ki nou’n evite par lepase e reflekte Rapor Oditer.  Ti napa en Kontra ant Gouvernman Foreign Affairs by extension avek Air Seychelles ki manage VIP Lounge.  So basically ki Departman Minister sa bann letan ti pe fer tou le lannen zis i ti pe pey en lump sum Air Seychelles, san verifye si vreman nou’n servi sa kantite an term VIP Lounge.  I kapab nou ti’n servi mwens, ou in kapab nou’n servi plis me selman zis sa larzan ti ganny peye as a lump sum Air Seychelles.  Dan ki mannyer nou’n adres sa lannen, nou’n zwenn avek Air Seychelles pour nou agree lo en nouvo fee,  ,avek nou’n zot in sizer avek nou en Kontra sa Kontra i avek Minister Finans e Minister Finans osi a dan son plan pour zwenn avek Air Seychelles, pour diskit bann kondisyon sa Kontra, pour fer sir ki nou pa pe depans tro bokou an ekse an term VIP Lounge.  Akoz nou ti pe vwar osi nou ti pe akimil bokou bann det an term VIP Lounge.  E keksoz ki ti on offer nou ti vwar i tro bokou an ekse.  So ki nou’n fer nou’n travay lo en Kontra e letan sa kontra in ganny finalize i pour permet pour bokou pli transparan en term ki fee ki Air Seychelles pe sarz nou e ki prosedir ki pour met an plas an term countercheck pour fer sir ki letan nou ganny invoice i vreman tally avek verifikasyon e laprouvasyon an entern, pour usage VIP Lounge.

 MR SPEAKER

Onorab William.

PS MICHELLE MURRAY

Sorry mon pa’n reponn ou 2enm kestyon an term depans telefonn ki’n monte dan audit report.  Keksoz ki nou kapab fer, se egzers bokou kontrol, tighter control an entern pour fer sir ki nou pa vwar nou dan sa bann sityasyon ki pe akimil bann depans osi gran e egzorbitan, ki pa fer sans.

MR SPEAKER

Onorab William.

HON WAVEN WILLIAM

Mersi Mr Speaker.  Bonn apre midi Minis Dezinyen PS Anbasader Murray avek Ms Julienne.  Mr Speaker mon ti a kontan demann Anbasadris lefe ki’n koz lo restriktirasyon osi preparasyon Bidze, mon anvi eklersi sa Lasanble, akoz sirman baze lo bann levennman ki’n pase i annan serten konsern, nou Lasanble i annan serten konsern e mon anvi ki Anbasadris i eklersi nou whether si dan sa aktivite restriktirasyon e diskisyon lo Bidze, eski tou bann Departman in ganny konsilte?  Letan mon pe dir tou bann Departman enkli tou Anbasader deor?  E eski letan i pour eski sa restriktirasyon i par faz?  Eski i pour annan en eleman increase dan Bidze pli tar?  Eski letan i annan Revi pour annan increase baze lo sa sityasyon ki zot anvi fer?  E eski i santi poudir Administrasyon avek bann lezot travayer – bann lezot seksyon zot pe kapab meet kanmarad half way?  Lefe ki mon dir sa, se Anbasadris ki ou’n dir pli tar ou pour reviz osi la kantite ziridiksyon.  Me eski tou bann akter konsernen pe ganny konsilte ki finalman Sesel i sorti venker?  Mon a demande osi si i posib Anbasadris, ki letan ou ganny ou plan final ki IAC ouswa Lasanble i ganny osi i ava kopi sa plan.  Mersi.

MR SPEAKER

PS – konsiltasyon.

PS MICHELLE MURRAY

An term preparasyon Bidze ki nou fer se ki nou regard an term depans nou bann Misyon.  E par egzanp sa lannen pour lannen prosenn nou pa’n anvi en sityasyon ki nou bann par egzanp La Chine avek Abu Dhabi rent sa 2 Misyon ti pe ganny peye par sponsorship.  So nou’n anvi evit sa sityasyon e nou’n cater pour Gouvernman konman en pei Souvren nou pey nou bann rent.  So nou o nivo HQ, nou’n fer en legzersis pour vwar ki kote i annan bann increase Lanbasad e ki kote nou kapab modifye.  Byensir going forward, pour bann keksoz ki konsern bann Lanbasad, nou ava fer sir ki annan bokou plis dyalog.  Me parey mon dir it’s a two way street osi ki bann Lanbasad i bezwen travay in tendem e not in silos akoz pour nou evit bann sityasyon nou gannyen; par egzanp par lepase bann Lanbasader ki kit pos apre pa ranbours Gouvernman pour peyman ki zot in fer zot lekor.  So nou bezwen fer sir ki annan bann tight controls an plas pour fer sir ki bann misyon i delivre bann prosedir administratif e finansye i pas bokou pli byen.

MR SPEAKER

Onorab William

HON WAVEN WILLIAM

Mr Speaker mon ti a kontan demann Anbasadris lefe ki en bon pe letan e sa eleman Scheme pour bann diplomat ti an kestyon.  Eski departman DFA pe pran kont vreman bann realite e bann sanzman ki pe pase aletranze; ki pour fer nou bann lavi nou Seselwa ki pe travay deor en pti pe pli eze.  E PS si ou kapab Anbasadris si ou kapab dir nou os,i lefe ki mon pa konnen si sa i en realite UAE osi i annan en loto ki pe asize; ou kapab donn nou en pti lesplikasyon lo la.  Mersi.

MR SPEAKER

PS, UAE.

PS MICHELLE MURRAY

UAE i annan en Lanbasader an pos ki pe servi sa transpor Lanbasader Adrienne ki’n ganny poste.  Pour Scheme of Service parey mon’n dir nou pe revwar.  Pour nou bann Lanbasader par egzanpm nou pe revwar; en legzersis ki Central Bank pe fer pour regard zot foreign service allowance, pour vwar si vreman i reflekte la realite sa ziridiksyon ki zot baze ladan.  E zot entitlements ki zot gannyen dan Scheme of Service pour vwar si i fair e si i annan serten keksoz ki nou devret re aziste.  E menm keksoz ki nou anvi fer pour Scheme of Service pour nou bann Diplomat Number 2s ki baze aletranze, akoz zot pa gannyen menm privilez parey bann Lanbasader.  So i zot kad ki nou vwar ki devret vreman annan en lazisteman ki devret ganny fer.

MR SPEAKER

Onorab Stephen Pillay.

HON STEPHEN PILLAY

Mersi Mr Chair.  Mon kestyon pour PS se baze lo paz 22 SP 1 konbyen travayer ki i annan dan son Sekretarya?  E akoz ki son Bidze i ogmant par 697 lo Konpansasyon lo ‘‘wages’ ‘me i desann R705 lo ‘‘goods and services’’ konpare avek Central Administration ki son Bidze i koup par R1.4 me son ‘‘goods and services’’ i mont par R1.89 milyon?  Mersi Mr Speaker.

MR SPEAKER

PS.

PS MICHELLE MURRAY

Mersi Onorab dan mon Sekretarya par egzanp, i napa gran ogmantasyon an term bann pos.  I annan en Sekreter par egzanp i annan en Technical Advisor ki osi fer louvraz an term kominikasyon Foreign Affairs.  Pour ‘‘goods and services’’ si zis ou kapab montre mwan kote, kote ki logmantasyon …

MR SPEAKER

Onorab Pillay lo paz 22.

PS MICHELLE MURRAY

Wi.  Mon vwar.  Logmantasyon ki’n ganny fer se osi pour next year nou pour annan Prezidan COI.  So i annan depans ki vin avek sa responsabilite.  I annan Consuls Conference ki ganny organize tou le 2an.  So next year nou bezwen fer la prochaine edisyon.  So nou bezwen organiz sa e lezot kestyon an term ‘maintenance pour air conditioning.  Donk fotespere mon pe reponn larepons an term depans e logmantasyon Bidze.

MR SPEAKER

Onorab Pillay.

HON STEPHEN PILLAY

I pa’n reponn mon konbyen staff i annan dan son Secretariat 2 oubyen 3? En asistan konbyen i annan dan ou SecretariatForeign Secretaries Secretary at services.

MR SPEAKER

PS.

PS MICHELLE MURRAY

Ou pe demann pour Foreign Secretaries SecretariatOk Foreign Secretaries Secretariat annefe i annan li menm; i annan en Sekreter e i annan osi en Secretary of State.  Bidze i tonm anba Foreign Secretaries Secretariat.  Apre Secretary of State i annan en Technical Advisor avek li. Yeah.

HON STEPHEN PILLAY

Mersi Mr Chair.  Be mon vwar i drol letan ou pe kalkil 4 dimoun pe ganny R73 mil on average tou le mwan.  Eski sa i zistifye PS?

MR SPEAKER

PS pardon? PS.

 PS MICHELLE MURRAY

Ok ladan osi i annan 13th Month Salary pour sa bann staff ki tonm ladan.  Mon pa konnen si ankor lekel ankor ou pe koz Foreign Secretaries Secretariat ou?  Wi.  Zis pour zot

MR SPEAKER

PS.

 PS MICHELLE MURRAY

Its the level of the post.  Kekfwa pour sa montan, wi.

MR SPEAKER

Redir ou kestyon Onorab Pillay kekfwa ki a PS i a tann byen.  Mick PS.  Onorab Pillay.

HON STEPHEN PILLAY

Wi Mr Chair mon pe demann zistifikasyon pour 4 dimoun menm si i annan Trezyenm Mwan Saler pour R73 mil par mwan, se ki mon pe demande sa i average; probably one is getting R100 something par mwan dan en Sekretarya Departman Gouvernman.

MR SPEAKER

PS i kler oubyen Ms Julienne konman DG.

DIRECTOR GENERAL – MS TESSY JULIENNE

I annan sa progranm ki apel Central Administration PS Sekretarya i tonm anba la, apre tou bann dimoun Administrasyon avek i tonm anba la Support Services.

PS MICHELLE MURRAY

I pe koz Foreign Secretaries li?

 MR SPEAKER

Onorab Pillay ou ankor annan …

HON STEPHEN PILLAY

Wi Mr Chair mon pa pe rod Administrasyon Central Administration ki sepa Support Sevices I am talking zis Foreign Secretaries, Secretariat.  4 staff i tonm R295 mil par mwan diviz an 4 i fer ou apepre R73 mil R74mil par mwan.  Enn i bezwen pe ganny apepre R100 ekek mil enn i kapab pe ganny R40mil dapre son post.

MR SPEAKER

Ler ou pe dir 4 ou pe dir i annan PS, Technical Advisor, Secretary of State ek en Sekreter, se sa?  DG oule eksplike.

 

DIRECTOR GENERAL – MS TESSY JULIENNE

Mersi Mr Chair.

 

MR SPEAKER

Oubyen PS

 

DIRECTOR GENERAL – MS TESSY JULIENNE

Anba Foreign Secretary i annan Foreign Secretary li menm; i annan son Sekreter; i annan son Drayver apre i annan en pos Personal Assistant ki nou napa dimoun ladan pour le moman.  Anba sa lot progranm Central Admin i annan P … apre i annan Office of the Secretary of State anba Foreign Secretary sorry i annan Secretary of State i annan son Technical Advisor i annan son Sekreter apre i annan son Drayver.

MR SPEAKER

Ok? ok Onorab Pillay mon krwar … okLet’s move on to Onorab Sebastien Pillay.  Switch off ou mick DG.  Onorab Pillay.

HON SEBASTIEN PILLAY

Mersi Mr Speaker bon apre midi bon apre midi tou dimoun.  Mr Speaker mon ti a kontan demann PS enn bann konsern ki’n ganny eksprimen par diferan Lazans Departman ki nou’n zwenn, se lefe ki travay ki Foreign Affairs pe fer avek bann Bailleurs De Fond  – bann Donor Agency lo size bann Grants eksetera e retar ki sa pe rankontre.  Eski ou kapab klarifye prenan kont, ki nou pe met en serten sonm larzan pour Bidze pour sa konponan travay ki zot bezwen fer, so zot kapab klarifye kote sa retar i été ?  Si sa retar i lo nivo ou Minister si sa retar i lo nivo Minister Finans kote i été, akoz zot donn bokou ou koze; par egzanp lo L’Inde ki met keksoz a nou porte oubyen par egzanp lo bann swivi ki devret ganny fer lo Prezidan in fer dan bann lezot pei, kot napa sa swivi, prezan bann dimoun ki le pran sa loportinite zot vwar zot dan difikilte, zot bezwen jump through sepa konbyen hoops avan zot kapab fer en keksoz parey.  So si ou kapab dir nou kot sa retar i été, e si sa retar i kot Foreign Affairs ki zot pe fer konkretman pour zot adres sa retar?  Mon pour annan 2 lezot kestyon apre Mr Speaker.  Mersi.

MR SPEAKER

PS.

PS MICHELLE MURRAY

Pli taler mon koz an term delivery performance bann staff; akoz nou osi konsern ki nou ti annan se ki ti annan serten Divizyon pa ti pe perform e ki ti annan bokou keksoz ki ti an retar.  So nou, nou’n bezwen fer en travay letan nou erit sa bann keksoz pour nou fer sir ki nou fast track bokou sa bann Dosye ki ti pe zis dormi, e travay ki Foreign Affairs ti devret fer pa ti pe ganny fer.  E sa nou’n adres li dan en fason entansif during the last three or four months.  Me selman nou bezwen osi onnet poudir ki i osi annan bokou retar ki vin avek nou bann foreign partners ,akoz zot osi zot annan zot prosedir administratif e finansyel, ki fer ki parfwa bann Fon pa ganny disburse dan en fason osi vit ki nou ti ava swete.  So sanmenm sa nou bezwen toultan angaz avek nou bann foreign partners, pour fer sir ki tou keksoz ki lo kote Gouvernman nou’n fini soumet.  Me parey mon’n dir oparavan, nou Foreign Affairs we are the Broker.  Nou bezwen osi esper bann line Ministries pour anvoy nou lenformasyon pour nou kapab fer bann soumisyon, e pour nou angaz avek nou bann foreign partners. Si bann line Ministries pa pe fer sa travay dan en fason ki prompt, timely byensir pour toultan annan retar.  So malerezman nou bezwen, nou depan lo zot osi lo fason kantite vit, kantite fason ki zot reazir lo demann ki bann foreign partners i fer.

MR SPEAKER

Onorab Woodcock.  Onorab Woodcock ou …..

HON WAVEL WOODCOCK

Mr Speaker osi dan menm laliny ki Onorab Pillay an regardan sirtou kot i konsern bann MOUs akoz anba ‘’current challenges’’ pour son Departman zot in fer resorti ki enn bann difikilte ki zot pe fer fas avek se, update and signing of agreements of MOUs.  So en pti pe parey Onorab in koz lo la.  Lo bann diferan MOUs ki Sesel in sinyen avek plizyer pei aletranze, ki ozordi nou vwar ki i annan en de fason kote Departman Foreign Affairs annefe en konsern ki’n ganny lev-e, ki nou pa pe engage sa bann pei ase, pour nou benefisye to the maximum avek sa bann pei regardan sa bann MOU ki nou’n sinyen.  So ki ou Departman of Foreign Affairs i anvizaze fer pour deal, avek sa bann problenm pour ki Sesel i benefisye o maximum?  E an menm tan osi, eski par lefe ki 21 bann staff konpetan kalifye in resign dan ou Minister ki kree en pti pe sa defayans sa difikilte ki ou Minister – I mean ou Departman pe fer fas avek ?  Mersi.

MR SPEAKER

PS.

PS MICHELLE MURRAY

Mersi Onorab be sa ki nou annan bann staff zot osi zot tre konpetan, e zot tre dinamik e zot pe fer en travay fantastik.  Konsernan bann MOUs MOUs ki nou Foreign Affairs nou fasilite i bann MOUs ki ganny sinyen de lapar diferan line Ministries. Par egzanp ou ava ganny MOUs sinyen pour Lagrikiltir, pour Lasante.  Responsabilite pour enplimant sa bann MOUs i vin avek sa bann line Ministries.  Nou Foreign Affairs nou donn nou input pour fer sir ki sa MOU letan i ganny sinyen, legalman i ganny byen drafte akoz nou annan en Treaty Section ki regard lo la; e ki napa okenn loop hole e ki nou pe sey otan ki posib pour fer sir ki lentere Sesel i ganny reflekte dan sa bann MOU.  Me selman letan in ganny sinyen, lenplimantasyon i vin avek sa bann Minister, pour zot fer sir ki zot angaz avek sa bann partner, pour fer sir ki sa MOU i ganny enplimante to the fullest.  Sanmenm nou par egzanp letan nou fer sa bann vizit aletranze; par egzanp State Visit – i annan en preparasyon ki ganny fer a lavans pour fer sir ki pour nou konnen lekel bann priyorite pour diferan Minister.  Nou, nou ale nou al vann pour fer sir ki sa bann pei, sa bann lorganizasyon, i reponn pozitivman.  Apre sa State Visit nou fer en debriefing, avek tou bann partner, pour fer sir ki nou’n agree tel keksoz, nou bezwen soumet tel dokiman.  So boul i dan zot kote pour sa bann Minister provide nou avek sa bann lenformasyon.  Nou provide bann focal points.  Par egzanp si en keksoz ki konsern lagrikiltir, nou ava donn en focal point dan tel Minister pour zot – sa Minister angaz zot direkteman pour fast track.  I pa devret ankor pas atraver Foreign Affairs.  Akoz letan MOU in fini ganny sinyen se sa bann Minister prezan ki bezwen enplimante.  So i pa vin en lenplimantasyon ki ganny fer o nivo Foreign Affairs.  Wi parfwa i annan serten delay pour sinyatir bann MOU, be sa bann delay i ganny fer, akoz nou osi nou bezwen letan pour nou byen negosye en MOU pour byen analiz en MOU, pour fer sir sa ki nou pe gannyen an retour i pa en kestyon nou pe donn en A380 an retour, nou pe ganny en bisiklet, nou bezwen fer sir ki keksoz konkret ki nou pe gannyen avek sa MOU, i bon,  i dan lentere pei.  So par … vi rezon ki parfwa pran en pe letan.  Me selman i ganny fer dan en fason rezonnab e tou dimoun i ganny konsilte avan ki MOU i ganny sinyen. Me selman malerezman i annan sityasyon par lannen pase ki nou menm nou Foreign Affairs nou pa konnen si MOU in ganny sinyen; i pa’n pas atraver nou.  Nou aprann dan Lapres parey tou larestan dimoun.  So sa i en keksoz ki nou angaz nou avek bann line Ministries pour zot at least soumet bann MOU kot Foreign Affairs pour nou donn en input at least lo en perspektiv Relasyon Enternasyonal.

MR SPEAKER

Mon atir lentansyon ki 5er edmi in sonnen nou ti sey fer lagreman avek SBC pour nou termin 5er.  So gard zot kestyon kourt e PS ou repons bref.  Onorab Ferrari.

HON JEAN-FRANCOIS FERRARI

Mr Speaker ou a permet mwan konman Chair IAC pour en pti kestyon an plis silvouple.  Premyerman lo Bidze proper li menm, mon ti a kontan Minis i dir PS oubyen Minis i dir avek nou, lo paz 3 lo bann ‘’goods and services’’ i annan en kantite headings pour ‘office rent’ ‘rent’ ‘building rents’ ‘other rents’ ‘rates and taxes’ ki vin en total mon kalkile apepre R6.1 milyon – si PS i kapab dir nou si sa pour bann Lanbasad aletranze, akoz mon pa krwar zot lwe building isi zot, own your own building, so si sa i ava klarifye sa pou nou silvouple.  Prezan mon ti a kontan dir avek – mon ti a kontan profit prezans PS pour Finans pour demann li an prezans PS Foreign Affairs ki la pour klarifye sa pwen ki bann lefe negativ, ki’n kapab – oubyen si i annan bann lefe negativ lo bann lo bann benefis ekonomik atraver bann resignations ki’n arive pli boner sa lannen ?  E si i annan eski nou pe vwar en upper trend eski sityasyon pe stabilize eski nou pe vwar atraver Departman Economic Planning ;konmsi colaborate kot what the PS is pe dir san ki mon … pa pe met an dout parol PS.  E mon dernyen pwen se pour ki PS i kapab reasir nou parey i annan sa bann difikilte dan bann Departman of Regional Integration, PS mon krwar i dan ou lentere, pour nou dir ou ki nou, nou resevwar bokou mesaz dezespwar e dezespwar parmi bann staff dan bann Lanbasad aletranze.  Whilst nou rekonnet nesesite beef-up tighten up aranze bann sa nou ti a kontan dir ou ki kantite dimoun i dan distress.  E pran sa travay avek en pe avek en legan – si oule pa avek en mayos donk sorry it’s not ‘parliamentary’ me selman nou pe pas sa mesaz avek ou akoz nou bezwen sa bann dimoun aletranze e nou bezwen santi zot ki zot leker i ladan e ki zot pe fer sa travay – pa ki zot dan en sityasyon detres.  Mersi.

MR SPEAKER

Mersi Onorab mon ti pe zis fer sir sa bann ki’n fini koze avan pa lev lanmen ankor, akoz nou pour mon fini frenm lalis.  Onorab Sebastien ou ti annan ankor en kestyon ou ti le demande?  Wi i annan Onorab De Commarmond ek Onorab Ramkalawan – silvouple vitman.

HON SEBASTIEN PILLAY

Mersi Mr Speaker.  Mr Speaker mon en pti pe konsernen ler PS in dir ki i annan parfwa bann line Ministries isi bann lagreman, so tre vit nou annan bann Lagreman ki nou sinyen par egzanp mon get parey L’Inde ki ozordi nou pe espere pour enplimante.  Eski ou kapab fer donn nou en langazman ozordi dan Lasanble, ki zot fer en fason ki zot tackle zot Lagreman ki nou’n fini sinyen e apre met an plas en sistenm pour zot trace sa bann Lagreman  so en pti pe plis proaktivite dan zot par.  Dan plas esper bann Minister zot menm zot, sey al rode ki Ledikasyon pe rode, ki bann lezot pei pe rode ki bann lezot Departman pe rode; konmsi dan plas espere pour sa bann dimoun ale zot ki annan sa bann kontak si i posib fer li.  E dernyerman nou’n vwar tro bokou ban,n Protokol bann diferan source ki’n ganny sinyen dan lepase ki’n apre en sel kou i aparet dan Lasanble eski zot kapab bouze avek sa departman e at least donn IAC sa lalis si IAC pa kapab handle sa lalis donn FPAC oubyen lot Komite, ki a kapab tackle sa lalis e vwar ki bann commitments ki nou fer avek bann diferan lorganizasyon.  Mersi.

MR SPEAKER

PS briefly.  PS wi, nou pe esper ou menm.

PS MICHELLE MURRAY

Ok premye kestyon Onorab Ferrari ou pe koz an term ‘office rent’ lokal sa nou fer pour Portfolio Anbassador for Woman and Children ki pa baze dan Maison Queau De Quincy e ki nou bezwen lwe en landrwa pour li servi avek son staff.  So sa ki ou pe vwar ‘office rent’ an term lo sa Portfolio.

HON JEAN-FRANCOIS FERRARI

While ou lo la PS tre briyevman eski ou kapab dir nou, ou konnen nou’n erit en pe keksoz avek Administrasyon presedan sa bann kek … parey sa enn ki ou fek nonmen i en leritaz ki nou pa ti pe rode.  Eski i annan en lefikasite eski nou bezwen move on eski ou pe rekomann en stream lining dan bann kalite pratik ki nou akoz si non nou pour end up avek …  Mersi.

MR SPEAKER

Ok, yes, alright, alright, alright, ok Onorab.  PS.

PS MICHELLE MURRAY

Annefe Onorab nou’n konmans pas atraver sa Portfolio.  Parey ou ti konnen par lepase nou ti annan en Ambassador of Climate Change and SIDS ki ti baze New York.  Nou ti vwar nou dan en sityasyon a en moman donnen ki nou ti annan trwa Lanbasader baze dan en Kapital the most expensive dan lemonn.  So right now inevery deployment ki’n ganny fer sa tit Ambassador for SIDS and Climate Change pa egziste; i Anbasader ki an pos Anbasader ki permanent rep to the United Nations e i osi akredite to the US.  So nou pe … i annan en travay ki’n ganny fer pour nou fer sir ki nou elwanny nou en pti pe avek bann tit Anbasader ki ganny temp.  Me parey ou’n dir i en travay ki’n konmanse e nou devret kontinyen pour vwar e fer en analiz pour regarde, ki nou devret mentenir e si i annan en fason revwar osi sa lokasyon sa Portfolio.  E nou pran not ou konsern ki ou’n met devan.  An term ou kestyon ki ou’n demande an term feedback ki ou’n gannyen avek serten zofisye, ki baze dan Lanbasad aletranze zot byensir zot in vin kot ou zot in partaz avek ou their side of the story me there are always two sides of a story.  E nou an term Administrasyon Foreign Affairs nou osi nou bezwen pran pozisyon o nivo management baze lo serten case, ki’n arive an term conduct ou pratik nou bann Diplomat aletranze, sanmenm sa nou pe travay lo en code of conduct, pour nou bann Diplomat.  So byensir ou’n enterakte avek zot.  Ti ava bon si o nivo IAC bann konsern zot in met avek ou nou bezwen go on a case-by-case basis pour vwar vreman fondman e si vreman i annan fondman, lo zot konsern.  Akoz nou osi i annan we have our side of the story e nou annan en file e tou keksoz i vin ladan e nou fer li dan en fason transparan.  Kestyon Onorab Pillay an term bann MOU – wi Onorab nou toultan nou pa zis letan nou anvoy en dokiman kot en Minister pour dir zot eski zot enterese pour siny sa MOU, nou, nou asize lebra krwaze.  Annefe nou toultan pe met presyon pour angaz avek zot, nou pe remind zot nou pe dir, ‘’ekout annou mobiliz nou lekor bokou li vit annou fer li bokou pli vit akoz sansan nou pe penaliz nou lekor.’’  Me selman annler i annan desizyon ki pa a nou nivo Foreign Affairs i annan desizyon nou bezwen esper sa line Ministry reponn e malerezman zot pa toultan reponn dan fason osi vit ki nou ti ava swete.  E fason osi vit ki nou bann partner ti ava swete.  Me selman mon ti ava zis fer en pti pwen osi tou MOU – kekfwa MOU i pa sitan me selman Lagreman osi ki ganny sinyen, i dan kestyon osi Echange ou konpran?  So byensir diferan partner pour diferan rezon, i kontan met presyon pour fer sir ki nou reazir vit me selman i annan en responsabilite o nivo Gouvernman pour fer sir nou analiz bann keksoz korekteman; ki napa bann dele ki pa neseser.  Me selman i devret osi ganny donnen pour bann antite pour zot reponn.

 MR SPEAKER

Ok PS mon krwar ou’n reponn kestyon.  3 dernyen kestyon vitman avan nou pran en vot.  Onorab Prea Onorab De Commarmond avek Onorab Ramkalawan.

HON NICHOLAS PREA

Mon pour vitman Mr Chairman mersi.  Minis mon retourn PS sorry Minis, PS mon retourn ankor sa lensidan Cuba ou annan en sonm larzan ki’n ganny  depanse dan ou Bidze ki pa ti’n ganny apropriye pour aste en loto – en loto in ganny aste, very soon probableman Lanbasad pour short of serten sonm larzan – loto i dan en garaz.     Eski ou Departman pe fer en fason pour rekiper sa larzan?  E an menm tan nou’n tann Onorab William in osi dir i annan en loto osi pe dormi UAE.  So eski ou Departman pe fer en zefor pour rekiper sa larzan?  Mersi.

MR SPEAKER

Quickly PS.

PS MICHELLE MURRAY

Byensir nou’n demande ki sa loto i ganny vann e ki nou rekiper sa larzan pour nou aste en transpor ki konvenab e ki nou swiv prosedir finansyer.  Pour Abu Dhabi napa en lot loto i annan en loto pour Anbasader pe servi.  Donk …

MR SPEAKER

Ok.  Onorab De Commarmond.

HON CHARLES DE COMMARMOND

Mersi Mr Chair.  Mr Chair swivan bann repons ki PS in fer lo bann diferan kestyon konsernan son Bidze, akoz mon annan sa detrwa pti pwen swivan – akoz ki Central Bank ki bezwen fer sa legzersis pour kalkil foreign allowance pour Minister pour Departman Foreign Affairs ?  E konbyen ansyen Minis ki ankor Anbasader?  Eski i korek ki Lanbasader Sesel an Cuba in fini resign?  E Departman Foreign Affairs i enn sa rar Bidze ki’n redwir.  Akoz?

MR SPEAKER

PS.

PS MICHELLE MURRAY

Mersi Onorab.  Konsernan foreign service allowance nou’n demann lekspertiz Central Bank, akoz zot annan sa lekspertiz e zot annan akse avek sa bann lenformasyon, pour fer en sizesyon avek nou e ki prezan Management Foreign Affairs i ava analize e rekomann an term en way forward.  Ou 2enm kestyon konsernan Anbasader Cuba wi in retire i pour take effect mid December.  An term rediksyon nou Bidze, nou redwir nou Bidze akoz mon vwar i annan en lapel o nivo Lasanble ki nou a streamline Government – ki nou pa fer bann depans an ekse, e ki nou annan bann prosedir tighter controls in place, an term fason ki nou depans larzan Leta e larzan lepep Seselwa.  So nou’n revwar par egzanp serten pos ki nou pa ti neseser serten depans ki nou’n vwar devret ganny redwir.  Vwala rezon akoz nou Bidze in desann.

MR SPEAKER

Onorab Ramkalawan.  Wi Onorab.

HON CHARLES DE COMMARMOND

Konbyen ansyen Minis ki ankor Anbasader?

MR SPEAKER

Konbyen ansyen Minis ki ankor Anbasader?

PS MICHELLE MURRAY

Selon nou rikord i annan 2 Anbasader Jumeau ki ti ansyenman en Minis ki ti baze New York e osi nou annan Anbasader Athanasius ki baze isi ki annan Portfolio Ambassador for Woman and Children.

MR SPEAKER

Onorab Ramkalawan.

HON WAVEL RAMKALAWAN

Mersi bokou Mr Speaker.  Mr Speaker mon premye kestyon i konsernan bann Anbasader foreign service allowance eski dan ou Bidze ou pe mazin koupe?  E eski in annan okenn konsiltasyon avek bann Anbasader si ou pe al redwir li?  E zisteman osi eski in annan okenn konsiltasyon avek bann Anbasader letan ou ti a pe prepar sa Bidze pour zot osi fer en input?  Konbyen staff ti annan letan ou ti pran letan ou ti konmans travay dan Minister e konbyen staff i annan ozordi?  Minis, Mr Speaker mon ti ava osi demande konbyen eski Minis eski Anbasader pour Zanfan avek Lafanmir pe kout pe koute anba ou Bidze?  Si ou ti a kapab donn nou son sonm an total parske efektivman i pa fer okenn sans pour nou annan en Minister Lafanmir e an plis ki sa annan en Anbasader pour Lafanmir, avek Zanfan e lo sa kote si ou dir nou konbyen nou ava kapab ed ou pour fer ou Bidze vin en pe pli pour nou koup ankor en slice pour fer ou Bidze vin pli slim.  Mersi.

MR SPEAKER

PS.

PS MICHELLE MURRAY

An term foreign service allowance, sa travay pa ankor fini ganny fer so nou pa konnen si i pour redwir oubyen si i pour ogmante.  Me selman sa ki nou pe regarde an term bann analiz ki ti ganny fer par lepase nou vwar ki the process ki’n lead towards sa montan it was floored.  Akoz foreign service allowance pa devret ganny vwar selman li tousel.  I devret ganny vwar dan perspektiv the whole Scheme of service pour nou bann Anbasader so parey mon dir Anbasader i ganny son salary nou pa touse son basic salary ki ganny determinen parey son pos e apre foreign service allowance i ganny donnen pour top-up pour zot kapab viv dan sa ziridiksyon kot zot baze.  E pa tou ziridiksyon ki annan menm koud lavi.  Me selman ki nou pe vwar, se ki sa bann montan ti ganny fer san tenor kont, ki bann Anbasader absoliman tou, i ganny kouver pour zot; depi transpor; depi lakaz.  So Foreign Service allowance i basically en disposable income pour zot.  So nou bezwen fer sir ki letan nou regarde sa disposable income ki nou ki zot pe gannyen, eski i realis.  So nou pour bezwen kontiny sa legzersis ek Central Bank e Management Foreign Affairs a pran en desizyon as to whether sa analiz in byen ganny fer, e si i devret annan lezot azisteman ki le ganny fer lo foriegn service allowance oubyen lo Scheme of Service in general.  Pour Bidze ki’n ganny fer pour sa lannen Administrasyon avek Finans mannyer zot in travay zot in regard bann depans pour bann Lanbasad lannen pase, e ki bann azisteman ki devret ganny fer e zot in fer en proposal.  An term Ambassador for Woman and Children figure ki mon annan devan mon pour ‘‘office rent’’ I R664mil for ‘‘office rent’’ pour lannen R664. 413sou pour ‘’office rent.’’ E pour ‘‘other expenses’ i annan R680. 651sou pour R680 mil ou kapab dir to round-off for ‘‘other expenses.’’

 HON WAVEL RAMKALAWAN

…(Mic Off)

PS MICHELLE MURRAY

Nou ki peye wi.

HON WAVEL RAMKALAWAN

…(Mic Off)

PS MICHELLE MURRAY

Ou pe koz saler Lanbasader?  Nou ava kapab provide zot avek detay saler spesifikman pour bann Lanbasader e pour bann staff – en breakdown.

MR SPEAKER

Wi Onorab Ramkalawan.

HON WAVEL RAMKALAWAN

Mr Speaker 2 pti pwen. Premyerman letan ou pe koz lo tou sa bann service foreign service allowance avek tou sa bann keksoz eski i annan okenn konsiltasyon avek sa bann Lanbasader?  Parske la fason ki pe ale ou pour byento ou pour annan Lanbasad me selman ou pour napa Anbasader ou pour napa konsiltasyon.  I annan en kestyon ki ou pa’n reponn o nivo staff konbyen ti annan letan ti konmanse e konbyen i annan ozordi.  Me apre Mr Speaker, mon anvi seryezman propoze ki sa Bidze i kapab ganny koupe par R1 milyon.  Sa i kler ki Bidze i bezwen ganny koupe par R1 milyon si nou serye.  Nou annan en Minister pour Lafanmir e nou pa vwar akoz ki nou bezwen annan en Lanbasader – ki duplicate sa travay so …

MR SPEAKER

Ok

HON WAVEL RAMKALAWAN

… Mr Speaker mon pe propoze ki sa Bidze i ganny koupe par R1 milyon.  R1.2 ofet.

MR SPEAKER

Mon krwar ok ok, i en propozisyon, me parey nou’n fer depi nou’n konmanse nou pour bezwen idantifye kote nou pour koupe; si i annan en propozisyon i pour bezwen ganny segonde nou pour bezwen vote pour tonm dakor.  Me nou’n ariv nou past 5.30 i annan en Bidze devan nou, nou bezwen vwar ki mannyer nou al de lavan parske i pour bezwen annan en Bidze pour li fonksyonnen ler lannen i konmanse.  Onorab De Commarmond.  Propozisyon.

HON CHARLES DE COMMARMOND

Mersi Mr Chair mon konpran tre byen pwen avanse par Onorab Leader Lopozisyon sirtou kot i konsern sa Anbasader – Anbasadris pour Zanfan avek Madanm lefe ki letan ti initially ti fer sa ti napa Minister – Affairs Ministry la ki annan, mon ti a sizere nou postpone vote pour sa Minister la – sa Departman la nou anvoy pour demen ki donn letan pour al fer serten konsiltasyon lo sa issue ki nou pe prezant devan Minister Finance.  Akoz mon krwar petet mon panse pa zistifye zis nou vini nou dir nou koupe la deswit, deswit kekfwa i annan lezot keksoz ki nou pa pe vwar.  Petet or sa ki nou pe dir i fantastik me selman i demann serten konsiltasyon lo zot nivo.  Mwan mon sizere ki nou sispann vot lo sa lo sa Head e al fer serten konsiltasyon epi demen zot ava dir nou and then demen will decide on the vote.  Sa i mon propozisyon.

MR SPEAKER

I annan sa fason fer li – lot fason fer li se nou kapab osi vwar Minister Lafanmir, ki en pti pe pli deryer – Family of Affairs Portfolio i 609 – paz 609 ziska 616.  Vi ki PS in dir nou i annan serten lenformasyon ki pour anmenn ki pour donn nou lo de kestyon ki’n poze, i pa unreasonable pour nou ler nou’n fini diskit Lafanmir, prezan nou revwar pa pour fer deba zis pour vwar kote pour annan koupe, ki zot propoze vizavi Family Affairs Portfolio an konsiltasyon avek PS Finans.  Mon krwar la in ariv sa staz kot nou kapab fer sa.  Nou a postpone tousala pa pour deba pour propoz koupe apre ki nou’n regard konsilte Minister Lafanmir ansanm avek Minister Finans.  Is that acceptable?  Ok.  Onorab Pillay.

HON SEBASTIEN PILLAY

Mersi Mr Speaker.  Mr Speaker mon ti anvi ganny en klarifikasyon lo par egzanp propozisyon ki’n ganny fer pour nou kler pour tou Manm kler lo propozisyon ki’n ganny fer lo kwa egzakteman nou pe demann reduce dan sa special award ki nou’n gannyen.

MR SPEAKER

Onorab Pillay se sa ki nou’n dir pe al konsiltasyon – konsiltasyon.  i en propozisyon e largiman ki’n ganny aranze par Onorab Lider Lopozisyon se ki vi ki i annan en Minister Lafanmir i pe regard sa post avek tou son bann depans ki vin avek Lanbasader Madanm avek Zanfan.  Alor in focus lo la les sa diskisyon ganny fer avek Foreign Affairs avek Finans apre nou a vwar Family Affairs e nou a pran en vot lo Bidze deba Departman Foreign Affairs.  Eski sa i akseptab?  Tre byen mersi bokou pour zot lazournen; in en long lazournen Minis Dezinyen Madanm Mondon nou remersi ou pour ou la avek nou e PS Payet petet ou ava spearhead sa pour fer sa laranzman deba ant Minis Departman Foreign Affairs avek Minister Lafanmir – an vi bann propozisyon ki’n ganny met devan e la prosenn fwa Minister Departman Foregn Affairs i vini i a vin anmenn serten repons pour nou lo kestyon nou’n demann klarifikasyon.  Avek sa mon remersye tou dimoun pour zot partisipasyon.  Nou a rezwenn demen 9er bomaten pour nou vwar si nou pour pran Local Government oubyen si nou pour pran Home Affairs Family Affairs.  Mersi pour zot partisipasyon. Bonn kontinyasyon tou dimoun. Nou a rezwenn demen 9er bomaten.

                               (ADJOURNMENT)