Home » Verbatim » 2017 » Verbatim Friday 10th November,2017

Verbatim Friday 10th November,2017

 

NATIONAL ASSEMBLY OF SEYCHELLES

Friday 10th November, 2017

The Assembly met at 9 am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun.  Bonzour tou mon bann koleg MNA.  Bonzour Minis avek ou delegasyon, tou dimoun ki a pe ekout nou kot lakour, an deor lakour, mon swet zot labyenveni pou nou travay ozordi Vandredi.   Avan nou pran nou travay, nou ti tonm dakor ki ozordi Minis pou annan son Reply pou bann deba ki nou pe fer.  Mon ti a zis kontan fer remarke ki yer apre nou bann reaksyon, yer apre midi mon’n ganny en let sorti kot Mr Jules Hoareau ki in fer referans lo ‘’…violation of Standing Order by a Member of National Assembly. ’’ Ki mon’n fer mon’n sirkil son let avek tou Manm.  I fer referans spesifikman avek sa ki Onorab Arrisol ti demande son saler e zot a vwar ki in met son payslip atase avek son let.  Alor mon’n sirkil sa, tou dimoun pou zot lenformasyon.  Pli tar dan lazournen mon a demann Msye Hoareau, mon a telefonn li, mon’n seye yer mon pa’n ganny li, mon a telefonn li pou demann li si i annan okenn lezot keksoz ki i oule fer.  Mon krwar sa i sifi omwen klarifye son kestyon Saler.  Dezyenmman la avan mon’n vin dan Lasanble, mon’n ganny en let sorti kot former President James Michel ki’n demann mwan pou sirkil son let avek tou Manm.  E mon’n fer sa.  Mon krwar tou Manm in ganny en kopi sa let.  In osi endike ki i pe anvoy en kopi sa let kot tou medya; savedir i pou al piblik. Mon ti a kontan petet demann tou dimoun pou bear with me en pti pe pandan pause letan nou arete – mon oule konsilte Konstitisyon trankil avek Avoka pou mon vwar how to proceed. Me lo en pwen zeneral i vre ki Konstitisyon i kler lo la ki bann Manm Lasanble i annan liminite lo sa ki zot pe dir.  Be ler en Manm i koze mon ti a kontan fer kler ki mwan mon seye ositan posib, pou pa touzour – e persepsyon dimoun e krwayans dimoun i pa touzour ki ou vin nabou succeed.  Me mon seye as far as possible pou enparsyal.  Si en Manm Lasanble i fer en komanter, i pa vedir ki Speaker i subscribe to sa komanter oubyen i siport sa komanter.  Mon ti a kontan fer sa en pwen zeneral pou piblik.  Sak Manm i fer son entervansyon, son reaksyon swa i fer son lopinyon, i son responsabilite.  E parey mon dir anba Konstitisyon, anba Standing Orders i annan son immunity konman en Parlmanter me i pa vedir ki Speaker, i forseman dakor ek tou sa ki ganny dir.  E mon ti a kontan dir avek former President Michel, mwan personnelman, mon napa okenn rankin, okenn problenm avek li e mon pa pe dan okenn mannyer ensilte li.  Parey mon dir, donn mwan en pti git letan mon a konsilte bann Avoka dan Lasanble menm ek an deor, e si fodre lir let Prezidan Michel pou piblik tande, nou a fer sa pli tar. Alor mon remersye tou dimoun pou zot konprenezon.  E nou dan Lasanble nou sey otan posib nou pa ensit okenn ensilt, nou pa ensit okenn vyolans, nou pa ensit okenn enstabilite.  Mon krwar nou tou nou’n fer kler lo la.  Me lo sa ka spesifik, mon ava fer desizyon e respond pli tar ler nou rezwenn.  E pou lenformasyon piblik parey nou ti mansyonnen yer ozordi nou Minis pou Finans Dr Larose pou konmans avek son Reply konman mon fini koze.  Epi par laswit nou pou adjourn pou en Break epi nou pou repran 11er pou nou konmans travay lo Bidze, pou nou konmans depouy Bidze.  E nou’n tonm dakor tou le de kote latab dan nou ABC yer e nou pou konmans avek Biro Prezidan atraver Vis-Prezidan ki pou vin dan Lasanble pou nou konmanse pli tar.  Alor san plis tarde mon a donn laparol Minis Dr Larose pou son Reply lo deba.  Minis Larose.

MINISTER PETER LAROSE

Mersi Mr Speaker.  Mr Speaker, Onorab Leader Lopozisyon, Onorab Leader Zafer Gouvernman, tou Manm Onorab dan nou Lasanble Nasyonal, pep Seselwa, bonzour. Mr Speaker, pandan dan sa dernyen 3 zour mon’n ekout atantivman e analiz deliberasyon par tou nou Manm Lasanble lo Ladres Bidze 2018.  Mon’n osi ekout, lir komanter e rekomandasyon fer par diferan group e endividi dan nou sosyete.  Mr Speaker, mon dir ki Bidze 2018 i pou ‘Tou Seselwa. ’’ Pou être tre fran avek lepep Seselwa – apre ki mon’n fer en refleksyon, mon realize ki pou enplimant sa Bidze i bezwen en travay kolektiv avek tou Sekter. Savedir partisipasyon enklisiv pou anmenn en devlopman enklisiv. Mr Speaker, lo Tax Progresiv, bokou komanter in ganny dir lo nouvo tax progresiv lo saler.  Mon apresye ki bann Manm i rekonnet ki sa nouvo tax progresiv pou anmenn bokou benefis pou travayer Seselwa.  Sa Bidze in ganny met dan en lankadreman fiskal an prenant kont tou reveni e depans Gouvernman.  Pour lannen 2018, nou pe prevwar en rediksyon R75 milyon dan koleksyon tax lo saler an prenant kont ki sa pou pran lefe an Zilyet 2018.  Mr Speaker, si nou konmans aplik sa nouvo rezim an Zanvye 2018, nou pou bezwen vwar reveni adisyonnel oubyen koup depans par R75 milyon.  Mr Speaker, pou lannen 2018, avek lenplimantasyon Bidze lo en baz Program Performance-Based Budgeting, nou’n met larzan selman pou bann nouvo progranm ou proze spesifik ki bann Minister, Departman pou enplimant dan zot stratezi depans a mwayen term.  Nou prosesis Bidze konmela, pou ‘’goods and services’’ i fer ki nou rekalkil tou kou sa bann servis ki tou Minister pou bezwen sa lannen, olye zis ogmant Bidze ‘’goods and services’’ parey poursantaz tou lez an parey ti ganny fer dan lepase.  Nou’n osi konstate ki sistenm Payroll dan bann landrwa travay i bezwen ganny amande pou fasilit aplikasyon sa nouvo sistenm.  SRC i bezwen fer en progranm ledikasyon, pou fer sir ki sa sistenm i ganny byen konpran par anployer e anploye. SRC pou kapab fer sa ledikasyon apre ki Lalwa i vin aprouve par Lasanble Nasyonal.  Alors Mr Speaker, mon enplor Manm Lasanble Nasyonal ki menm si nou realize ki sa nouvo sistenm pou benefisye 98poursan travayer Seselwa sepandan nou pou bezwen konmans son lenplimantasyon, an Zilyet 2018.  Mon krwar Manm Lasanble Nasyonal i rekonnet ki Gouvernman i annan sa… si Gouvernman i annan sa mwayen pou konmans sa tax progresiv lo saler an Zanvye 2018, nou ti pou fer li.  Mr Speaker, an se moman i annan 20, 222 travayer oubyen 54 poursan tou travayer Seselwa in deza benefisye avek sa sistenm depi Avril e Zilyet 2016.  Mon osi konstate ki apartir Zanvye 2018, tou bann egzanpsyon pou aplikab.  Alor travayer pou konmans vwar benefis apartir Zanvye 2018.  Mr Speaker, mon pe rekomande ki sa to 30poursan dan sa tax progresiv i reste parey to tax biznes.  Mon’n propoze ki tou travayer ki ganny en saler par lao R83,333 selman en poursantaz ki pou tonm dan sa to 30poursan. 80 travayer Seselwa e 117 travayer etranze pou ganny afekte.  I enportan pou apresye ki napa okenn graduate ki rantre dan okenn Lorganizasyon avek okenn lapey R83, 333.  Sa et en saler eksepsyonnel dan li menm.  E alor prensip en Sistenm Tax Progresiv se pou takse bann saler relativman o.  Sa pratik i ganny enplike enternasyonalman dan tou Sistenm Tax Progresiv.  Mr Speaker, efektivman sa bann travayer ki ganny en lapey R83, 333 e plis selman se sa sonm par lao R83, 333 ki pou ganny takse lo en to 30poursan.  Mr Speaker, Gouvernman pe mentenir sa to tax 30poursan.  Sepandan avek lentansyon Gouvernman pou redwir to biznes tax 30 poursan a lavenir ler in ariv sa to 30poursan, la tax progresiv pou osi ganny revize. Nou pou revwar sa to e pou kout Bidze en sonm adisyonnel R15 milyon avek son laplikasyon an Zilyet 2018.  Mr Speaker, nou pe anmenn lamannman Lalwa Tax lo saler pou aprouvasyon par Lasanble Nasyonal zis apre ki diskisyon Bidze i terminen.  Mr Speaker, Gouvernman ti konmans propozisyon dan faz White Paper lo Tax Progresiv i propoz en Sistenm Tax Return.  Me bokou anployer e anploye ti vwar ki sa sistenm ti en pe konplike.  Alor nou rekonnet ki a lavenir nou pou bezwen entrodwir en sistenm parey. Akoz sa sistenm i nouvo dan Sesel, i prenant kont kapasite sa anployer pou administre en sistenm parey, nou pou senpleman kapab entrodwir en Sistenm Tax Return e osi fer provizyon pou enkli depans parey ledikasyon oubyen lasante ki travayer i peye a lavenir.  SRC pe osi travay pou moderniz son Sistenm Enformatik.  Mr Speaker, Sistenm Tax lo saler pou aplikab lo saler total ; savedir lo saler de baz e osi allowance.  Nou bezwen fer en sistenm parey pou anpes ki i annan labi dan tax e fer ki SRC i kapab anmas reveni ki nou bezwen. Bokou in ganny dir ki tax i ganny kalkile lo saler total, me ler ou ganny peye ou Gratwite Trezyenm Mwan Lapey oubyen konpansasyon, sa i ganny peye zis saler de baz e pa enkli allowance.  Sa Komite ki pe revwar Lalwa Saler Servis Piblik i ava fer en bon revi lo en tel propozisyon, e vwar son lenplikasyon lo Bidze a mwayen term. Mr Speaker, ler en dimoun i pran retret son pansyon i ganny kalkile par Fon Pansyon lo son saler total sa i vedir i enkli tou son allowance.  Mon osi anvi fer resorti ki ler en travayer i al demann avek labank son repeyman i ganny kalkile lo son saler de baz e osi bann allowance ki fikse tou le mwan.  Saler e Scheme Saler; Mr Speaker, bokou in ganny fer ki lapey dan Sekter Piblik i favorab pour travayer.   Gouvernman in entrodwir oubyen reviz 167 Scheme Saler pandan sa dernyen 8an.  Avek plis resours ki permet dan lavenir, nou pou osi revwar bann lezot Scheme Saler.  Mr Speaker, Gouvernman in fer sir ler resours i permet i ogmante saler de baz osi.  Zis pou note dan Bidze 2014, Gouvernman ti ogmant saler par 10poursan, 15poursan e 20poursan le 1e Janvier 2014.  Sa ti kout Bidze R132 milyon.  Nou rekonnet ki nou bezwen revwar Lalwa Saler Sekter Piblik, pandan lannen 2018.  Nou dir zot pran en pe pasyans parey mon’n anonse dan diskour Bidze 2018 ki travayer dan Gouvernman ki pa lo Kontra apartir Zanvye 2019, zot pou ganny nouvo allowance mensyel,  pou zot long service ki zot in fer dan Gouvernman.  Mr Speaker, Gouvernman i donn son langazman pou kontinyen e son resers pou vwar lakantite fanmir dan sak distrik ki pe vreman viv dan lapovrete.  An rezilta sa legzersis, nou a kapab kree en levanter pou sak distrik e Minister Lafanmir pou bezwen monitor sak fanmir, pou tou lez an e fer ki zot ganny lasistans neseser.  Osi bann travayer Sosyal a travay avek sa bann fanmir, pou konsey zot sorti dan sa sityasyon. Egzanpsyon Tax ; Mr Speaker konmansman Avril 2018, Gouvernman ti pibliy en nouvo lalis egzanpsyon VAT e sa in koup reveni par 29 milyon.  Nou vwar sa benefis pou konsonmater.  Sepandan nou bezwen fer plis pou ed ki kou lavi i desann e Seselwa a benefisye.  Mr Speaker, lalis egzanpsyon ki Gouvernman in entrodwir i long e apartir, ki i annan 14 ‘komodite esansyel’ nou pou natirelman donn en lalis pou fer pibliye. Sepandan nou le fer lapel avek medya pou pibliy lalis e fer sir ki tou dimoun i ankouraze pou zot konnen lekel bann komodite e servis ki napa VAT lo la.  Mr Speaker, dan Ladres Bidze 2014 paz 21, Gouvernman ti entrodwir egzanpsyon lo plizyer nouvo prodwi e servis ki enkli ; transfer propriyete imouvab tel ki later e batiman, lekipman e servis medikal, liniform pou lekol prive e osi serkey.  Pandan sa letan osi tou biznes ki son turnover ti par lao 2 milyon, ti bezwen anrezistre pou VAT lo sa servis ; eksepte si i ti ganny egzanpte dan Lalwa VAT.  Alor pou Ladres 2018, nou pe fer sir ki servis finerer pou nepli pey VAT, menm si okenn biznes dan sa domenn, son turnover i par lao 2 milyon.  Balans Bidze; Mr Speaker, komanter in ganny fer lo defisit bidzeter ki Gouvernman pe propoze avek Lasanble.  Nou le klarifye ki Gouvernman pe propoz en Bidze avek en balans sirplis primer R538 milyon oubyen 2.5 poursan prodwi ‘domestik brit.’ Sa i pa en te lentere total ki en valer R79.3 milyon.  Sa i permet ki FME i servi letan i negosye en progranm avek okenn pei.  I osi methodology Gouvernman, pou son Finance Statistics e servi pou mezir performans fiskal en Gouvernman.  Nou konstate akoz sa lentere ki Gouvernman i a peye, sa total sirplis i a redwir pou ariv en balans total defisit R171.3 milyon.  Me mon anvi konfirmen ki Gouvernman i reste lo en bon semen pou redwi son det pou ariv 50 poursan GDP an lannen 2020. Dan Bidze, nou’n prevwar ki nou pou fini 2017 avek en det 77poursan GDP.  Mon osi soulinyen, ki Gouvernman i pran loan selman pou finans sa bann gro proze lenfrastriktir.  Depans Gouvernman Mr Speaker, bokou komanter in ganny fer lo depans Gouvernman.  I enportan ki nou bezwen apresye kalite.  Nou bezwen vwar plis depans dan proze Kapital olye dan ‘’goods and services.’’ Travayer Gouvernman i bezwen annan en target e nou bezwen asire ki sa target i ganny mentenir e i annan benefis pou pep Seselwa.  Avek lenplimantasyon Bidze lo baz Program Performance dan son totalite, dan Bidze 2019 nou pou vwar plis performance.  Komite ki ansarz lodit Gouvernman i bezwen pran sa bann rekomandasyon ki Loditer Zeneral in fer dan son Rapor 2016. Travay avek bann Minister e Departman pou fer sir ki sa bann defayans ki’n ganny mansyonnen i ganny adrese.  Sa i enkli ki Rapor FPAC ki’n fer lo rapor Oditer Zeneral pou lannen 215. Sa sizesyon i a ede ki Gouvernman i pran sa ban rekomandasyon o serye, pou annan plis lefikasite dan depans Gouvernman. Mr Speaker, lo sityasyon Air Seychelles ki mon’n ganny demande par Lasanble Nasyonal pou raporte.  Management Air Seychelles in travay lo diferan opsyon e pe prezant devan zot Board Direkter pou ganny konsidere semenn prosen.  An vi ki mon napa ase lenformasyon dan mon dispozisyon, Minis pou Touris e Lavyasyon Sivil i a dan en pli bon pozisyon pou klarifye sa bann opsyon semenn prosen.  Mr Speaker, parey ti ganny dir oparavan Etihad Airways in siny en dezyenm kontra pou reste konman en partner avek Air Seychelles avek 40 poursan.  Mr Speaker, Progranm Privatizasyon ; Gouvernman i reste angaze dan son promes pou fer loportinite tou Seselwa pou envesti dan bann Company Leta ki pou ganny privatize dan lannen 2018. Sa i enkli L’Union Estate, Land Marine, IOT, par dan DBS.  Gouvernman i olye ki Konpannyen ki Leta i egziste, zot pou bezwen fer zot kontribisyon sosyoekonomik parske larzan envestir dan sa bann Compagnie se Fon Piblik. Mr Speaker, dan sityasyon L’Union Estate, i en propriyete ki annan bokou potansyel pou ed pei asir son sekirite alimanter.  Gouvernman i dan en demars pou lans en Tender pou rod en partner stratezik ki kapab fer marse sa lantrepriz. Digwa i a ganny loportinite osi pou aste share dan sa Lakonpannyen, apre kont finansyel i finalize konmansman 2018. Homecarers; Mr Speaker, nou bann Homecarers ki travay full day pe resevwar zot benefis konze 21 zour par lannen e si zot travay half day zot ganny benefis 10.5 zour konze par an. Pandan lannen 2017, Lazans Proteksyon Sosyal in deza konmans en kad devlopman profesyonnel, pou tou Homecarer e pou kontinyen al lannen 2018.  Mr Speaker, moralman dan swe nou vye paran i reste lobligasyon sak zanfan se pou ki nou okip zot pandan letan ki’n zot pe viv avek nou e parske zot ki ti okip nou dan nou lanfans sa i nou lobligasyon.  E alor si nou bezwen lasistans avek nou vye paran, ki nou kapab depan lo en zour ou demann en repo nou kapab fer laranzman pou met zot sa bann vye paran dan en serten letan avek L’Hospice e apre repran zot pli tar. SRC. Mr Speaker, mon rekonnet zefor ki travayer SRC pe fer, ki zot pou kolekte reveni maximum.  Alors mon lans en lapel avek tou taxpayers, ki zot donn SRC lenformasyon korek ler zot fer zot deklarasyon tax.  E apre tou zot bezwen pey zot tax pou fer fonksyonnen nou Gouvernman. An sa ki konsern tax aryeraz ki mon ti deklare, nou’n ariv dan en staz negosyasyon trez avanse avek Forensic Auditors International pou fer sa travay pou Sesel.  Parey zot a vwar, ava apresye nou bezwen fer travay ki byen e nou bezwen ganny value for money apre ki nou’n ganny legal opinion avek nou Konseye Legal. Sa travay i a konmanse tre byento. Transfer pricing; Deviz Sesel i zenere, i appartient pou nou pei. Tou reset deviz etranzer fodre pas atraver nou sistenm banker. Ler nou regard kantite deviz ki rantre dan lekonomi Sesel, nou estime ki i annan bokou deviz ki reste aletranze.  Sa sityasyon i mal e nou pa kapab kontinyelman tolere en tel aktivite.  An lannen 2018, nou pou bezwen fer Lodit bann Compagnie ki ganny sispekte pou gard zot deviz aletranze. Nou bezwen fer rantre tou deviz ki Seselwa i a benefisye.  Divizyon Customs Mr Speaker, mon’n mansyonnen ki dan mon ladres Bidze ki ler nou’n reorganiz Customs boner 2018, nou pou annan en divizyon fast track pou tou kargo ki i ariv Sesel, ki swa pou Mahe, Praslin oubyen La Digue.  Sa i a ede redwir kou fre ki enportater i fer fas avek. Rezilta se pou fer redwir kou lavi.  Mr Speaker, mon’n lans en propozisyon avek Lasosyasyon Lasirans ki zot kapab fer en propozisyon avek Lakominote biznes ki zot kapab asir tou kargo ki vin dan pei e fre lasirans i a ganny peye an Roupi e non pa deviz etranzer. Zot pou konsider nou propozisyon.  Mr Speaker, mon ti ganny demann kestyon lo devlopman $50 milyon e la mon le dir Anti-Corruption Commission pe fer zot travay e mon swete ki tre byento zot a donn Lasanble en rapor lo sa size.  Travayer etranze; Mr Speaker, nou annan 17, 332 travayer etranze dan Sesel ki aktiv.  Dan sa sif nou annan 2, 405 travayer dan pozisyon management oubyen dan kad profesyonnel.  Sa i egal 14 poursan tou travayer etranze. Gouvernman pou evalye propozisyon ki ganny fer dan son reform business tax, e vwar ki lankadreman i kapab ganny fer pou fer sir ki bann biznes i donn kapasite Seselwa pou pran sa bann pozisyon management.  Loportinite travay i egziste ozordi Sesel pou tou dimoun.  Sans pou devlop nou kapasite profesyonnel i osi a laporte tou zenn e travayer, atraver letid ki Gouvernman i finanse par Lazans Nasyonal Devlopman for Resource Support. Me parkont, nou annan defayans kapasite dan serten profesyon Sekter, ki bokou Sekter pe rode.  Pou lannen 2018, Gouvernman in deza anonse ki i pou revwar e ranforsi son Polisi lo rekritman bann etranze, sirtou lo kad profesyonnel e pozisyon management ki nou Seselwa i kapab aksepte pou fer.  Dan Ladres Bidze, nou’n anons bann mezir konsesyon tax ki pou ganny mete an 2019 pou ankouraz biznes pou anploy Seselwa avek Sertifika, Diploma ou Degre, oubyen ankouraz zot pou donn plis formasyon nou Seselwa.  Fon Devlopman pou Praslin, Mr Speaker, nou’n ekout rekomandasyon bann manm Onorab sorti Praslin ek La Digue.  Nou pe revwar nou alokasyon pou Fon Devlopman pou La Digue pou ariv R 1 milyon ki sak fwa a ganny R500 mil roupi par zil e nou swete ki zot a servi sa Fon avek gran lefikasite. Konstriksyon Lakaz ; Mr Speaker, apard ki alokasyon bidzeter pour konstrir lakaz i annan R150 milyon ki Fon Pansyon in pret PMC e SR 200 milyon ki bann labank pou pret PMC pou fer asire ki bann proze dan distrik i ganny konplete.  Minis konsernen pou donn plis detay lo bann proze ki pou ganny finanse avek sa bann loan.  Mr Speaker, Gouvernman ti lans tender pou okenn biznes ki anvi ofer zot lentere pou konstrir lakaz alternativ lo en kou R4,500 par met kare.  Sa ti ganny fer le 22 Desanm 2016. Le 15 Septanm 2017, Kontra ti ganny sinyen par 2 kontrakter pou fer de lakaz semi-detached 95 met kare sakenn.  Letan sa proze i terminen nou pou dan en pli bon pozisyon pou vwar nouvo fason konstriksyon lakaz.  An konklizyon Mr Speaker, bokou in ganny dir dan sa Bidze, me konman Minis Finans, Komers e Planifikasyon Ekonomik, nou pou bezwen fer sir, ki annan plis ledikasyon lo sa Bidze pou eksplik plis an detay ki annan benefis pou tou sitwayen dan nou sosyete Sesel. Mr Speaker, plizyer propozisyon in ganny mansyonnen pandan sa 3 zour.  Mon Minister pou reste angaze pou analiz sa bann propozisyon pli profon e nou ava diskit ankor avek bann manm Lasanble Nasyonal e manm piblik.  Bann lezot klarifikasyon spesifik ki mon’n ganny demande pou adrese lo bann proze oubyen progranm dan bann Minister e Lazans, sa i ava ganny eksplike an detay dan Staz Komite, par sa bann lorganizasyon respektif.  Mr Speaker, mon profit lokazyon pou remersye ou menm, Msye Deputy Speaker, Leader Lopozisyon, Leader Government Business, tou Manm Lasanble Nasyonal e manm piblik pou zot kontribisyon dan sa prosedir bidze 2018.  Dan Staz Komite pou annan bokou klarifikasyon pou fer sir, ki lepep Seselwa i konpran kwa ki dan sa bidze. Mr Speaker, mon le repet ki sa Bidze i reprezant en partenarya tou Seselwa avek en sel bi Nasyonal pou vwar nou pei progrese.  Mersi Mr Speaker.

 (APPLAUSE)

MR SPEAKER

Mersi Minis Finans Dr Larose pou sa Ladres, sa Repons.  A sa pwen nou bezwen pran en vot lo merit Appropriation Bill 2018 tou bann ki pour lev zot lanmen?  Onorab Ramkalawan.

HON WAVEL RAMKALAWAN

Mr Speaker, bonzour e bonzour tou  dimoun e  bonzo0ur Minis E mersi pour son larepons.  Mr Speaker avan ki nou pran en vot mon ti ava kontan zis ganny en leklersisman avek Minis.  Parski nou realize ki in donn bann lesplikasyon lo akoz i pa kapab pran serten aksyon imedyatman – serten aksyon ki par egzanp personnel income tax ki tou lede kote latab ti pe demande pou komanse an Zanvye.  In … lo tax returns ensidswit – konmsi i annan plizyer lesplikasyon ki in donnen.  E dan son bann lesplikasyon otomatikman se bann assurances ki in donn Lasanble.  Mon ti ava kontan zis … pou nou ganny sa bann leklersisman kan eski Minis i pou kapab revin dan Lasanble, pou li donn nou en timeframe lo sa bann assurances ki in donn nou bomaten?  E an plis mon pe dir sa pou nou regarde an relasyon avek travay ki both Komite Assurances e osi FPAC i ava kapab pran an konsiderasyon.  Mon krwar sa i pou enportan, e pou nou kapab donn en vot la, o sa staz e merit.  Nou ti avi kontan ganny sa leklersisman silvouple.  Mersi.

MR SPEAKER

Minis mon krwar i en leklersisman  ki petet ou ti ava kontan fer en komanter lo la?

 MINISTER PETER LAROSE

Mersi bokou Mr Speaker, mersi bokou Onorab Ramkalawan.  E natirelman sa timeframe pa pou kapab tarde.  Si Lasanble i permet mwan, mon ava vin dan Lasanble ler nou prezan nou Bidze pou Minister Finans, Komers e Planifikasyon Ekonomik alor nou ava donn zot an detay.  Me si zot oule en pti pe pli an avans, nou avan kapab fer li an ekri e natirelman nou ava donn zot kopi an avans.  Mersi bokou.

MR SPEAKER

E zis pou dir ki nou’n sirkil osi pou tou Manm en lalis pou diferan  entity Departman/Minister ki pou vini e ki zour e keler.  E Minister Finans pou osi vini pou  reponn kestyon zot Bidze.  Bon mersi pou sa leklersisman.  Avek sa nou ava pran en vot lo merit Bill.  Wi Onorab Ferrari?

HON JEAN-FRANCOIS FERRARI

Eskiz mwan Mr Speaker ekskiz mwan Minis, zis en pti presizyon silvouple.  Si mon ‘n konpran byen, ou’n dir ki Gouvernman in pare pou  konsider serten propozisyon ki’n ganny mete devan Lasanble, me sa i ava vin avek bann finansman neseser, si i enplik en depans ekstra lo Gouvernman.  Mon kestyon i plizoumwen relye avek lenplimantasyon progressive income tax si i pou an Zanvye oubyen si pou an Zilyet parey  inisyalman ou ti pe propoze.  E eski i korek ler mon dir poudir si Gouvernman i kapab trouv sa bann depans ekstra, Gouvernman i ava konsider revwar son pozisyon, ki ti Zilyet pou sey accomodate bann propozisyon ki nou, nou’n vin avek? Eski mon’n byen konpran (Onorab Pillay – ou pa Minis – Minis i a reponn silvouple)  Mersi.

MR SPEAKER

Order!  Order!  Minis mon krwar taler ou’n dir ki ou  pou anmenn  klarifikasyon ler ou vini koman Minis Finans pou koz lo ou Bidze.  Eski ou ti a kontan fer en komanter lo la?

MINISTER PETER LAROSE

Mersi bokou Mr Speaker e mersi bokou Onorab Ferrari.  Ler nou vin dan Lasanble mon a fer sa osi ase byen kler en.  Akoz mon bezwen fer keksoz byen.  Mon pa kapab zis afoli dir keksoz dan latet, epi ki reelman i pa pratik.   Mon bezwen regard son kote pratik.  Mersi bokou.

MR SPEAKER

Onorab William.

HON WAVEN WILLIAM

Mersi bokou  Mr Speaker.  Bonzour tou dimoun ki a lekout.  Minis  dan ou Larepons, e swivan ou bann  konsern dan  bann Diskour par plizyer bann Manm, mon anvi konnen si pli tar osi ou pou vin donn en verdict lo kote pri bis ki annan en lefe direk lo …’’

MR SPEAKER

lo sorry redir Onorab William – lo kwa?

HON WAVEN WILLIAM

Vi ki ti annan demann par plizyer bann Manm pour ki Gouvernman i revwar sa pri bis mon anvi demande si sa osi i pou pran an konsiderasyon.  Mersi.

MR SPEAKER

Ok.  Onorab De Commarmond?

HON CHARLES DE COMMARMOND

Mr Speaker bonzour Mr Speaker, bonzour Minis bonzour tou dimoun.  Mr Speaker, apre ki Minis in donn Son Reply we go to the vote.  Si ou pa oule vote pou sa Bidze, nou pa vote – si nou oule vote nou vote.  Ou pa kapab ouver diskisyon ankor pou deba pou kestyon ankor!  Mersi.

MR SPEAKER

Ekoute.  Order! Order! Order!  Nou ti’n demann … mon ti’n donn enn de sans pou Manm koze zis pou pwen klarifikasyon e mon krwar sa i … Order! Order!  E mon krwar Minis i napa lobzeksyon pou sa.  Sa ki Minis in fer kler, ki  parey tou Minister, Minis Tourism pou vini – Minis Ledikasyon pou vin i i pou vini i lo lalis i devan zot sa lalis; i la  nou’n sirkile.  Ke ler?  Kan?  Ki dat e parey mon’n dir nou ‘n deside dan ABC ki nou pou komans depouy – komans vwar Bidze ozordi 11er bomaten Vis-Prezidan pou vini.  Minis Larose koman Minis Finans, Planifikasyon Ekonomik e Komers, i pou tournen.  I a anmenn klarifikasyon.  Avek sa annou pran en vot lo merit sa Appropriation Bill ki’n ganny prezante par Minis Finans Dr Peter Larose.  Tou bann ki pour lev zot lanmen?  Clerk?

 MADAM CLERK

Mersi Mr Speaker.  Mon’n rikord full House – 29 Manm an faver.  Mersi.

MR SPEAKER

Tre byen.  Mersi Clerk.  Savedir nou tou nou dakor.  Nou aprouve merit Bill.  Prezan mon a demann Clerk pou li Dezyenm Formal Reading of the Appropriation Bill. 

 MADAM CLERK

Mersi Mr Speaker.  A Bill of an Act to provide for the service of the Republic of Seychelles for the year ending December 31st of 2018.  Mersi.

MR SPEAKER

Mersi Clerk.  Parey nou’n tonm dakor, nou’n dir ki nou a release Minis e nou pou repran nou travay 11er – se sa ki nou’n tonm dakor tou lede kote latab.  Mon ti Chair ABC yer lazournen apre midi – e nou’n tonm dakor nou pou repran 11er kot nou a komans e zot annan zot papye – nou pou komans avek Departman anba Vis-Prezidan ler nou tournen 11er.  E nou a espere ki Vis-Prezidan i availablePS Payet i ti dir i pou avalable – i pou la.       Avek sa ankor enn fwa mon a remersye ou Minis pou ou Repons bomaten.  Nou a pran en Break, nou a retournen 11er pou nou kontinyen avek nou travay lo Bidze.

        (BREAK)

DEPARTMENT OF INFORMATION

MR SPEAKER

Bon nou swet zot byenveni sirtou Vis-Prezidan ek ou PS, PS Finans ek ou lekip ki la.  Petet avan nou komans nou travay nou devret annan en Mosyon pour nou al dan Staz Komite pour komans regard Bidze.  Onorab Leader of Government Business – pour nou al lo Staz Komite.  Nou’n fini vote nou reconvene pour nou al lo Staz Komite.  Do we not need a Motion pour nou …?  Nou al drwat lo Komite

HON CHARLES DE COMMARMOND

Non, non, nou al drwat lo Komite.

MR SPEAKER

Nou ti’n tonm dakor dan ABC koriz mwan si mon mal, nou ti’n tonm dakor ki nou pa pour fer parey lannen pase kot sak Minis oubyen CEO i bezwen donn lentrodiksyon.  Nou konnen sak Minister, sak Departman, sak CEO i konnen ki i pe fer.  E alor nou a demann avan nou donn laparol Komite, nou a demann Serzan, Sergeant-at-Arms pour bouz Mace, thank you.  E nou dakor ki nou pour al drwat lo nou premye Departman, se Departman Lenformasyon e nou annan PS Denis Rose ki’n vin avek Vis-Prezidan.  E pour bann ki lo sa, ki annan sa gro liv parey mon apel li fer mon mazin lontan letan nou ti pe fer A ‘Level Biology Kolez marse avek en gro liv Biolozi – i paz 65 to 67.  Yes Onorab De Commarmond.

HON CHARLES DE COMMARMOND

Mersi Mr Speaker. Mr Chair, bonzour Vis-Prezidan, bonzour tou delegasyon e la, zis mon oule note ki nou annan mon vwar sa schedule ki nou’n gannyen, sa timetable sort of – ki nou’n gannyen pour sa bann diferan Heads pour nou diskite; e ki avek sa i annan bann time allocation ek son bann paz ensidswit e ki mon swete mon pe sizere ki nou vreman respekte sa bann time allocation pour nou pa divage – al dan tou sort direksyon.  E ki parey ou’n dir vi ki en kantite travay in ganny fer avan e ki tou nou Manm i konpran sa dinamik nouvo ek Lasanble e ki nou al dan sa direksyon.  Mersi.

MR SPEAKER

Wi absoliman.  E se sa ki nou’n tonm dakor dan en ABC yer.  Se pour sa rezon ki nou dir nou pa ekspekte ki sak PS oubyen Minis, oubyen CEO i vini i bezwen pran letan pour eksplike ki son lobzektif.  Nou tou nou konnen e sa lannen nou oule al pli vit.  Lannen pase zot a rapel Nwel ti vini nou ti ankor pe delibere.  Sa lannen nou oule al pli vit.  E parey mon ti dir yer, mon krwar bann diferan Minister, diferan Departman, diferan Lazans i pli mye prepare ki lannen prosenn e nou osi nou bann kestyon, nou lentervansyon annou gard li kourt e succinct parey Angle i dir.  Onorab Afif.

HON AHMED AFIF

Mersi Mr Speaker, bonzour Vis- Prezidan.  Mr Speaker zis pour dir ki mon konpran tre byen sa pwen, ki’n ganny fer par Leader of Government Business.  Selman nou ti a kontan osi met lanfaz lo fodre nou annan en pti morso fleksibilite parske i kapab devlop en issue dan en Minister oubyen dan en Departman, kot nou bezwen demann en pti pe an plis.  Me selman nou bezwen byensir fer sir nou efikas avek nou letan.  Se zis pour klarifye sa Mr Speaker.  Mersi.

MR SPEAKER

Bon, avan nou pran Departman Lenformasyon, avan nou donn bann Manm posibilite demann klarifikasyon, mon ti a kontan zis poudir mon’n ganny ankor 2 let e mon’n sirkile, mon’n sirkile bomaten 1 sorti kot Sef Ziz, 1 sorti kot CEO Port Authority, Seychelles Port Authority  -(SPA) e parey mon’n fer bomaten avek let Former President, mon’n sirkil pour tou dimoun vwar e si i annan nesesite pour lir nou a vwar apre, apre ki mon’n konsilte tou bann Avoka.  Zis pour dir ki let Mr Jules Hoareau ki mon’n sirkile bomaten, mon’n ganny sans koz ek li pandan Break e mon’n dir li ki nou’n sirkil let, i ti zis kontan ki in fer resorti ki son saler de baz ki i gannyen i atase ek sa let R18, 000 e i annan serten allowance ki gannyen lo 3 Board.  Me i fer bokou travay osi volonter ki i pa ganny peye e avek SBC travay ki i fer i ganny peye R15 par erdtan, R50 sorry par erdtan, wi 5.0. Me selman in le point out ki i efektivman i vre ki i fer bokou travay volonter osi, koman en endividi, bann travay ki i ede; parey bokou bann MNA.  So i zis pour klarifye sa and then we move on.  Lezot let anmezir nou gannyen si nou okenn konplent mon ava pas devan zot.  Me mon ti a kontan re dir ki bann Manm Lasanble i annan Immunity – Parliamentary Immunity e si parey mon ti dir dan ka ansyen Prezidan Michel si i annan en pwen vi ki in ganny eksprimen i pa neseserman pwennvi Lasanble zeneralman oubyen pwennvi Speaker.  I pwennvi sa endividi e mon sey as far as possible anpes okenn latak personnel e annan en enparsyalite from the Chair. Onorab De Commarmond ou annan en komanter.

HON CHARLES DE COMMARMOND.

Wi Mr Speaker sa zafer let la, ou konnen dan Lasanble sa Immunity i byen sa bann Manm i annan, e zisteman akoz nou Immunity nou kapab dir nenport kwa at this moment ki nou dan Chamber lo bann dimoun deor; kantmenm pa vre nou kapab dir.  Me, e sa dimoun deor i pa kapab pourswiv nou ler nou dan House nou pe dir sa.  Prezan son sel rekour ki i annan li se ki i ekrir ou.  Ler i ekri ou Konstitisyon i dir li son sel rekour se ou, ou prezan ou bezwen lir sa i dir ou, Konstitisyon i dir ou, ou lir sa devan tou Manm.  E at that moment si prezan sa Manm ki li in fer sa fo alegasyon, oubyen in fer sa komanter i kapab byen osi, li i annan 2 keksoz ki i kapab fer.  (1) i eksplik son lekor, substantiate si i krwar i ti annan rezon; oubyen i kapab reste li trankil or whatever.  Or si i annan laprev ankor i kapab osi demande anba bann Lartik dan nou Standing Order, Konstitisyon tousala, i kapab eksplike tousala.  Selman i enportan ki i ganny lir sa let; mwan mannyer mon konpran li ou ava tyeke ek ou bann Advisor, Avoka ensidswit, me i enportan ki i ganny lir pour ki zistis pour sa dimoun – sort of i ganny fer. Ii napa dwa fer plis ki sa, i pa kapab pourswiv sa dimoun, i pa kapab ni menm fer retract, i pa kapab.  Me selman sa son bann rekour. I bon nou Lasanble i obzerve sa bann keksoz.  E parey ou’n dir i bon nou tou nou Manm nou ganny alerte byen lo bann keksoz ki nou dir dan sa fason.  Mersi.

MR SPEAKER

Mwan ler mon’n konsilte – parey mon dir mwan pa ankor konsilte tou bann dimoun ki mon bezwen konsilte, ler mon ganny konsilte, i dir pour ‘The State of the Nation Address -SONA avek Bidze,’’ anba Konstitisyon i silent.  Ki mon bezwen fer parey mon’n dir taler, the minimum ki mon kapab fer, se fer sir ki mon sirkil tou bann let ki mon gannyen ek tou Manm pour zot okouran.  Dan ka kot – parey in ganny eksplike bomaten serten manm piblik in deside pour sirkil zot let avek tou medya, dan sa ka i deza vin piblik.  So si mon pour lir tou let ki vini i deza poz en lot problenm.  So tou Manm i ganny en kopi sa let i a diskresyon Speaker prezan pour vwar si nou pour lir sa let akoz letan, si i en let 5 paz nou pa kapab lir, nou pa pour fini.  Alor pour le moman nou les li lanmenm.  Parey mon dir mwan ankor annan konsiltasyon e mon konnen mon pour ganny ankor let.  Pour le moman nou a kontiny nou travay e ler i annan lot let mon ava averti zot e mon a dir zot ki desizyon ki Speaker in pran.  Annou al lo paz 65 -67 pour Departman Lenformasyon.  E bear in mind ki nou pour sey al, pa vit, vit, vit, me nou pour al avek efikasite.  Avek sa mon a demann okenn dimoun ki annan spesifik klarifikasyon kestyon lo sa Departman Lenformasyon, PS Rose i la, son Minis i la.  Mr Onorab Afif.

HON AHMED AFIF

Mersi Mr Speaker.  Mr Speaker mon ti a kontan tou dabor komans avek en kestyon en pe zeneral pour petet Departman kapab eksplike, vreman dan konteks devlopman lenformasyon e lafason ki nou, nou pe ganny lenformasyon ozordi, si vreman sa ki in mete koman son Manda i ankor valid; parske nou vwar en gro logmantasyon dan Bidze sorti 3.7 milyon pour ariv 7.6 milyon, i en gro logmantasyon.  Saler 2.3 milyon, konmsi ki sa bann dimoun ki zot pe anploye, ki zot pe fer an term donn nou koman Sesel, koman popilasyon lenformasyon?  Parske nou annan byensir plizyer sours lenformasyon ki nou gannyen, nou ganny State House i enn bann landrwa ki donn bokou lenformasyon.  E zot, zot dir zot pe ‘’… promote en communication environment, improve the quality of Government information, provide a platform to respond promptly to public concerns…’’ eksetera.  Lekel sa bann dimoun ki pe fer sa parske ler nou pe regard dan la pratik ozordi nou, nou pa pe vwar sa nou.  Alor nou ti a kontan en leksplikasyon lo zot kote pour zistifye non selman sa Bidze me sa logmantasyon konsiderab preski 50 poursan dan Bidze.  Mersi.

MR SPEAKER

E zis pour dir Vis-Prezidan vi ki nou o Staz Komite si i annan ou Teknisyen ki oule anvi anmenn okenn, aport okenn klarifikasyon ou kapab donn zot laparol. Vis-Prezidan oubyen PS.

VICE-PRESIDENT MR VINCENT MERITON

Mr Chairman mersi pour kestyon.  E i en plezir pour mwan vin dezyenm fwa pour vin partisip dan Bidze sa voyaz pour 2018.  E san plis tarde mon pas laparol avek PS Rose.  Me avan sa mon ti a demann ou permisyon pour permet ki apre ki nou fini avek Departman Lenformasyon ki nou pran – SNA ki anba en Progranm Sosyal Gouvernman pour nou kapab adrese, an vi ki i relye avek lenformasyon pour nou fini avek parey nou ti fer lannen pase.  Mersi Mr Chairman.

MR SPEAKER

PS.

PS DENIS ROSE

Mersi Mr Chairman.  Bonzour tou Manm Lasanble, bonzour tou dimoun.  Mr Chairman Departman Lenformasyon parey son Manda i dir i sirtou konsernen li avek lenformasyon Gouvernman.  Parey zot konnen dan sa nouvo lapros, dan sa nouvo an fason ki pei pe ganny dirize kot nou pe rely en kantite lo accountability, latransparans, rann kont, donn lenformasyon dimoun lo keksoz ki Gouvernman i fer i trez enportan.  Lenformasyon, son Departman Lenformasyon li parey i ete la, in ganny kree an Desanm, an Novanm lannen pase.  Alor sa i rezon akoz zot a vwar dan nou Manda i annan bann diferan keksoz ki nou pe fer ki pa neseserman nou’n achieve li konmela.  Me selman i bann keksoz ki nou pe fer.

        Gouvernman i annan en responsabilite pour fer konnen ki bann keksoz ki i pe fer atraver son bann diferan Minister, atraver son bann diferan Lazans eksetera.  Me sa bann keksoz i pa kapab ganny fer an dezord, i bezwen annan en lord dan sa bann keksoz, e Departman Lenformasyon li in ganny kree pour servi sa lyezon, ant sa bann Minister pour fer sir bann Minister, Lazans e Departman pour fer sir ki lenformasyon ki piblik i gannyen, i lenformasyon ki korek, ki bon e ki byen ankadre dan son framework mannyer Gouvernman i sipoze donn sa lenformasyon.

        I vre ki sak Minister i annan son bann dimoun, ki donn lenformasyon.  Be selman sa kordinasyon i ganny fer par Departman Lenformasyon.  Departman Lenformasyon osi sa logmantasyon ki nou pe vwar dan Bidze pour sa lannen i en proze spesyal, ki nou pe propoze.  Akoz Gouvernman i santi avek fason ki demokrasi pe ale, fason ki dimoun i bezwen ganny lenformasyon lo Gouvernman mon pe dir lo Gouvernman ki mannyer i fonksyonnen, lenformasyon korek lo ki Gouvernman i anvi fer lo bann plan Gouvernman pour devlopman, kot en dimoun i kapab vini pour kontakte akoz pa tou dimoun ki annan computer, pa tou dimoun ki familye avek al rod lenformasyon électroniquement, nou pe propoze parey plen pei i annan, nou annan nou en Public Information Centre, kot tou keksoz ki konsern lenformasyon Gouvernman i ganny mete laba.  E sa i vin koman en one-stop-shop kot en dimoun ki bezwen serten lenformasyon lo en kek progranm Gouvernman oubyen i le konnen kot i pour ale pour tel ou tel keksoz, i al kot sa Biro e sa Biro i ed li.

        Bann IEA eksetera bann rapor, bann White Papers eksetera ki Gouvernman i le donn piblik pour piblik annan lenformasyon e petet osi ki piblik i oule serten leksplikasyon, pour le moman la i bezwen al lo website sa Minister, oubyen al servi li électroniquement.  E mon’n vwar tou dernyerman osi Lasanble in komans pibliy bann Bill eksetera nou, nou pe propoze dan sa nouvo lanbyans ki i annan en landrwa Santral ki sa dimoun i vini e i kapab asize konfortableman, i annan en ta pei ki i annan sa asize, i annan en bann kot Mayor’s Office, i annan en bann kot bann lezot landrwa i asize konfortableman i konsilte sa bann dokiman.  Tousala pour ogmant partisipasyon dimoun dan bann progranm Gouvernman, dan bann devlopman ki Gouvernman i anvi fer.  Sa Mr Chair i ava redwir petet lakantite kestyon ki neseserman i ganny demande, ki bann lenformasyon i readily available somewhere, ki petet sa bann kestyon i ganny demande tou senpleman akoz sa dimoun i napa akse avek sa lenformasyon fizikman kot i kapab asize konsilte sa bann lenformasyon. Nou pe fer sa Biro osi dan loptik ki eventually sa ‘Right To Information, Access To Information Act’ ki pour pase.  I pour ganny diskite at some point par Lasanble, prezan ki pour arive la?  Se ki i annan fason ki dimoun i kapab konsilte bann lenformasyon atraver website bann Minister, ki i la available ki zot sipoze disclose serten lenformasyon proactively. Now prezan pour bann dimoun ki pa kapab akse avek sa servis electronically nou, nou annan en landrwa Santral kot par egzanp si sak Minister i annan serten keksoz anba sa Lalwa ki bezwen proactively disclose ,i ava annan en hardcopy akoz nou pa kapab fer kopi met dan tou distrik partou eksetera, i ava annan en landrwa Santral kot i ava annan en hardcopy sa dimoun i kapab vini i ava asize dan en pti Lasal korekteman i ava konsilte sa bann dokiman e i a kapab demann serten leklersisman avek bann dimoun ki travay la; en mannyer pour ed li konpran pli byen, ed li partisip en pe plis dan devlopman son pei, dan devlopman son distrik dan son prop devlopman eksetera.  Se sa lide ki nou anvi fer sa Sant e sa Sant li sa logmantasyon i sirtou pour met sa Sant an fonksyon.

MR SPEAKER

Onorab Afif.

HON AHMED AFIF

Mersi Mr Chair.  Mr Chair mon pa ankor ganny klarifikasyon lo mon kestyon, mon kestyon sete konbyen dimoun ou pe annan pour fer sa.  E petet vi ki ou donn en pe sa lenformasyon, mwan ler mon pe get sa ki piblik pe rode deor, par egzanp si en dimoun pe rod lenformasyon lo Tax ozordi i al kot site SRC i download, si pe rod en Paspor i al kot Imigrasyon i download son form.   Sa bann keksoz, i bann keksoz ki dimoun pe rode e i deza egziste sa.  So i pa tro en gran problenm pour mwan sa, mon ti a kontan konnen konbyen dimoun ou bezwen pour fer sa ki ou pe dir.  Sa ki ou pe dir se en louvraz kordinasyon.  Be pour kordinasyon eski ou bezwen gran Minister ou pe pey R200, 000 par mwan Saler zis pour kordin keksoz ki deza la?

MR SPEAKER

PS.

HON AHMED AFIF

Se vreman sa ki mon ti a kontan konnen lekel sa bann dimoun ki zot pe anploye, ki zot Saler, akoz ‘’goods and services’’ i sorti 122, 000 i ariv 1.6 milyon nou annan detay sa 1.6 i largely rent avek Konsiltan; ou pe sorti Office Expenses 500, 000 pour ariv 1.3 – en gran bout ladan i paret ‘printing.’ Alor ki zot pe print, ki zot pe anploy dimoun pour fer, ki pa kapab ganny fer ozordi pour donn dimoun lenformasyon.  Akoz?  Nou vwar sa en pe sibstansyel.  Konvenk mwan poudir i pa sibstansyel, i en keksoz ki ou pe vwar en benefis parske mon pa pe vwar la right now.  Mersi.

MR SPEAKER

PS.

PS DENIS ROSE

Mr Speaker ou pwennvi Gouvernman nou vwar akfer fodre annan en Sant parey, akoz nou dimoun i konsilte Gouvernman pour demann lenformasyon, ki petet zot pa okouran; par egzanp bann diferan proze ki pe arive eksetera, bann diferan keksoz ki pe arive, zot pwennvi.  Par egzanp en dimoun i annan, sa Biro i kapab servi osi par egzanp dimoun i annan serten sizesyon, i annan serten konplent pour konmela i lo Facebook, be lo Facebook i anonymous li.  Nou, nou oule en landrwa konmsi kot fizikman sa dimoun i vini ou link up ek li ou konnen i en imen i pa en fake profile eksetera i donn son serten sizesyon i propoze ki i anvi en human face tou sa bann zafer ki nou anvi etabli.  Akoz nou santi poudir Gouvernman i bezwen, i bezwen apard form, Paspor, eksetera i annan bann keksoz ki deza egziste la wi.  Me selman i annan serten gran proze ki i arive dan pei i annan bann serten devlopman ki i annan en laswaf pour dimoun annan lenformasyon e par ler letan nou fer bann meeting par egzanp dan bann landrwa pour diskit bann serten proze i pa neseserman ganny sa partisipasyon dimoun neseser eksetera.

        Me si ou annan en landrwa kot sa dimoun i kapab vini pour li kapab rod tou sa bann lenformasyon e demann kestyon e sa mon krwar i pour ed bokou pour Gouvernman kapab pas bann lenformasyon ki i anvi pase avek piblik e fer piblik konnen ki bann keksoz ki pe pase.

        Mr Speaker pour le moman la Departman Lenformasyon i annan 9 dimoun ki pe travay.  Ladan i annan bann dimoun support obviously Sekreter eksetera avek dimoun ki netwaye, Drayver eksetera.  Me avek sa Biro si nou ganny larzan, si Lasanble i aprouve, nou pour anploy nou ankor 3 lezot dimoun pour travay spesifikman dan sa Biro pour deal avek sa bann keksoz ki ou vwar mon pe dir.  Tousala i Seselwa nou napa okenn etranze ki nou pour anploye dan sa Biro 3 dimoun, pour annan 1 dimoun ki pour ansarz Biro apre pour annan 2 lezot dimoun ki pour ed kliyan ki vini donn zot bann dokiman ki available pour zot konsilte.  E apre osi si i annan dimoun i bezwen ganny en linkage avek en serten Minister pour serten lenformasyon ki i pour bezwen, sa dimoun i a fer sa link avek li.  Si i annan dimoun i vin rod en lenformasyon mon pa konnen, eski i kapab sonny koson dan tel ou tel landrwa zis mon pe pran en legzanp par egzanp i pa konnen kote i pour ale pour li ganny sa lenformasyon oubyen i pa konnen kot … akoz konmela i pa neseserman tou dimoun kan i anvi en lenformasyon avek en Minister ou krwar i ase fasil pour li pran telefonn eksetera, pour telefonnen, be sa landrwa i pour servi sa linkage, sa dimoun i ava vini, sa dimoun a pran son kontak avek li i ava pran, konmsi i ava link sa dimoun avek sa Minister eksetera, pour li  kapab ganny son bann lenformasyon.

MR SPEAKER

Ok Onorab Afif?  Yeah Onorab Afif.

HON AHMED AFIF

Mr Speaker mon a permet lezot Manm demann kestyon mon pa’n ganny mon larepons mwan, permet lezot…

MR SPEAKER

Onorab Henrie.

HON GERVAIS HENRIE

Mersi Mr Speaker.  Mr Speaker lefet ki PS Rose mon vwar li koman the Chief Information Officer of Government e mon sorry pour dir konmsi son larepons i pa’n convincing dan sa pozisyon ki mon pe vwar li i ladan.

        Akoz mwan pour mwan, mon a met lo rikord si ti mwan mon ti pour fermen sa Departman mwan.  E save Gouvernman apepre R2 milyon akoz pour nou kapab redeploy.  So mon pe mazin 3 milyon letan ou redeploy.  Akoz ler mon pe get challenge sa Departman; get son challenge lo paz 66, prezan sa Departman in kree i annan 1an, premye keksoz ki i ti pe merit pe fer se met an plas dan servis piblik bann PR Offices pour fer sir ki Gouvernman i pe kapab pas son bann lenformasyon avek piblik; ki fer ki dan lonterm once ki sa i an plas, nou pa ti pour zistifye annan en Departman Lenformasyon.  Akoz laplipar pei modern – i en vye konsep sa zafer lenformasyon i en pe sosyalis sa prensip.  E Mr Speaker konmsi laplipar son bann larepons ki in donn nou ziska prezan se pour zistifye akoz zot la.  Akoz konmsi zot bezwen gard sa Departman, par egzanp letan nou pour get son depans, zot pe depans apepre R400, 000 lo Consultancy zot mon byen?  Be ozordi zot annan Special Advisor dan sa Departman, so ki pe ganny, i lo zot Payroll.  Akoz alor zot pe depans sa kalite larzan lo Consultancy, eski sa bann dimoun zot pa kapab vreman fer sa travay e zot bezwen pey ekstra?

        E kestyon ki Onorab Afif in demande ki wi nou anvi en larepons kler, se letan ou pe dir nou 9 Staff par egzanp zot pe ganny peye apepre 2, plis ki R2 milyon zot saler – i zistifye sa pour nou, 2.3 milyon; zistifye ki mannyer 9 Staff i ekivalan 2.3 e apre akoz sa kalite larzan lo Consultancy ler nou pe ganny sa bann Special Advisor dan sa Departman?  Mersi bokou.

MR SPEAKER

PS.

PS DENIS ROSE

Mersi Mr Chair, Consultancy nou tou nou konnen Consultancy i pa donnen par Special Advisor, Special Advisor i advise. Consultancy par egzanp ou annan proze, par egzanp ou pe rod en dimoun pour fer ou website par egzanp oubyen pour fer ou sistenm elektronik ou met an plas ou bezwen Consultancy; par egzanp ou annan en special server, en special progranm eksetera ou le fer, ou bezwen Consultancy.  Sa pa Special Advisor ki fer sa, nou nou’n Bidze sa larzan pour nou anliny avek setting up sa Public Information Centre ki nou pour bezwen annan Consultancy pour nou kapab fer li mars efficacement.

        Mr Speaker sa bann dimoun ki travay dan sa landrwa i bann dimoun, i bann profesyonnel.  Akoz nou pa kapab osi servi lokazyon pour nou pa rekonnet poudir nou bezwen rekonpans profesyonnel lenformasyon.  mon krwar Onorab i donn lenformasyon toultan nou’n dir poudir nou pe ankouraz Zournalis, nou pe ankouraz dimoun pour ekri bann keksoz, nou pe fer dimoun vin pli sofistike, dan lesans ki zot pe ogmant zot konesans ki sa bann dimoun zot bezwen ganny peye en serten sonm rezonnab Akoz laplipar sa bann dimoun.  ki travay dan lenformasyon la pour le moman i bann dimoun ki ti deza travay dan Gouvernman avan e zot in ganny transfer dan en Departman Lenformasyon ou pa kapab koup zot lapey zis pour lefet ki konmsi ou pe dir poudir nou devret denigre petet, sa skill dimoun ki pour konsernen avek lenformasyon.

MR SPEAKER

Onorab Henrie.

 HON GERVAIS HENRIE

Mersi Mr Speaker.  Nou, zis pour nou evite ki i annan okenn move konprenezon nou pa la pour denigre.  Nou lo sa kote latab nou anvi koupe kot nou pour koupe, akoz laplipar nou letan nou’n koze nou’n dir nou oule en Slim Government ok?  Now sa Departman in formen 1an pase mon’n dir sa mwan, ler ou pour get State House par egzanp, State House i en legzanp son PR Office ki mannyer i efficient ozordi ki mwan koman en Zournalis letan mon pe deal ek zot mon vwar ki mannyer zot donn lenformasyon.

        Now kestyon ki mon pe demande par egzanp zot ti konnen zot poudir zot annan sa proze; STB i ti pe met en Kiosk Lenformasyon Anvil, Biro Mer Lavil osi zot oule mete; SIB i oule mete, so deza dan Gouvernman i annan diferan Departman ki pe koz menm Langaz, prezan ki mannyer Departman Lenformasyon in ganny 1an i pa’n kapab anmenn en sinerzi dan Gouvernman pour enn fwa pour tou fer sa proze e apre met li anba sepaman Biro Mer Lavil pour ki ou pa kapab zistifye en logmantasyon konbyen nou pe koze la?  Dan Bidze apepre 2 milyon?  Konmsi ti’n merit fini fer sa bann keksoz.

        E pour mwan mon santi poudir i ankor sa letarzi ki mon ti pe koz lo la dan mon repons Bidze e mon santi poudir larepons ki zot pe donn nou la bomaten pa ankor konvenkan poudir dan 12 mwan zot pour vini zot pou’n achieve sa ki zot pe dir zot oule achieve avek sa logmantasyon ki zot pe demande.  Mersi.

MR SPEAKER

PS.

PS DENIS ROSE

Mr Chair mon pa krwar i annan okenn letarzi okenn par; petet pa neseserman ki nou tou nou follow ki Departman Lenformasyon, nou follow kisisa ki nou’n ekri dan nou Manda e nou bann achievements.  E petet par ler nou tant pour oubliye, depi komansman lannen akoz enn bann Departman Lenformasyon osi se koman Parent Ministry of Information se pour ed bann lezot Lazans ki konsernen avek lenformasyon aranz zot Lezislasyon, poli zot Lezislasyon anmenn bann lamannman dan Lasanble.

        Konsantrasyon sa lannen in premyerman – parey zot tou zot in konnen nou’n pas en pake letan lo fer deba, lo konsilte dimoun eksetera konsernan ‘Access to Information Act Bill,’ enn nou’n fer.  Nou’n fer en pake konsiltasyon – Onorab menm in partisipe.  Nou’n fer en pake konsiltasyon, en pake laranzman konsernan ‘SBC Act, ‘nou’n ale, nou’n vin dan Lasanble mon’n vini avek Minis nou’n vin koz, nou’n vin prezante Departman Lenformasyon ki’n par deryer ki anmas tou sa bann zafer ki ede ekri bann Memorandum pour anvoy Cabinet konsernan sa.

        Nou’n fer ‘NISA Act,’ nou’n fer ‘SMC Act’ – tousala i bann priyorite i pa kapab konmsi nou priyorite ki petet serten Onorab i anvi vwar ki sa i nou priyorite.  Non!  Nou, nou priyorite nou ti ganny mandate avek Gouvernman, premye keksoz pour revwar sa bann Lezislasyon.  Be nou’n revwar sa bann Lezislasyon i annan 4 nou’n fer e apre osi nou’n fer ‘Access to Information Act i nou priyorite.  La aprezan nou’n pas sa bann letan nou’n komans etabli nou bann ground work pour Kiosk by the way kot Mayor’s Office, sa Kiosk ki ti pe kree se nou Departman Lenformasyon ki ti pe inisye, prezan Gouvernman in dir poudir ok petet sa ou devlop li dan en pli gran keksoz – simply koman en pti Kiosk, me sa pti Kiosk ki ti pe devlope i pa ankor ouver akoz nou pe prezant sa Prozedlwa, pa Prozedlwa nou pe prezant sa Bidze pour ki si i aprouve nou kapab expand sa Kiosk, nou ki ti komans sa Kiosk.  Prezan SIB sa rol ki i ti annan, sa Biro ki pour donn lenformasyon bann biznes, i pa egziste parey, anymore.

        Tou sa bann zafer pou vin avek Departman Lenformasyon.  Konmsi i annan tou sa bann keksoz ki petet neseserman i pa kler, me tou sa bann keksoz ki nou pe fer, e se sa bann keksoz ki nesesit ki i annan sa Biro Public Information, ki nou pe kree.  Nou’n fer tou sa bann keksoz nou, prezan pti a pti nou devret, nou pa kapab fer tou sa ki dan nou Manda dan 1an.  Akoz napa Minister ki kapab fer sa.  E priyorite ki Gouvernman i donn nou osi i pa neseserman priyorite ki petet tou dimoun i vwar e nou, nou priyorite se aranz bann Lalwa e nou’n fini.  Prezan nou ava gete ki mannyer letan ‘Access to Information Act ‘i vini ki mannyer, ki nou rol ladan avek Commission ki nou mannyer nou pour prepar Gouvernman.  Akoz malgre ki pour annan Commission eksetera Gouvernman i bezwen annan serten fason ki i aranz son lekor pour li deliver based on sa ki Commission i le.

MR SPEAKER

Onorab Ferrari.

HON JEAN-FRANCOIS FERRARI

Mersi Mr Speaker.  Bonzour Vis-Prezidan.  Mr Speaker mon krwar annou koup sa travay an 2, mwan mon krwar ki personnelman mwan mon krwar ki sa Information Kiosk la, i en lot diplikasyon dan Gouvernman.  E i paret mwan ki Gouvernman pe ganny en pe si ou le lo demokrasi.  Konmsi apre zero demokrasi la nou le fer 5 milyon demokrasi.  Konmsi nou oule fer plis, konmsi nou oule montre e sa i souvan le ka ler ou’n believe, ler ou’n pratik en Sistenm Represif, la ozordi oule montre poudir nou, nou bann pli gran demokrat dan lemonn.  Lenformasyon Mr Speaker, lenformasyon i kapab ganny access en pe partou ok, e si i ganny fer byen, si i ganny fer byen i pour marse atraver tou sa bann PR Officers ki nou annan partou.  Alors mwan mon ti ava dir annou pa gat letan annou pa gat letan, nou pe dir sa Kiosk….

 (Interruption)

MR SPEAKER

Order!  Order!

 HON JEAN-FRANCOIS FERRARI

Sorry mon a fini koze, (Onorab Pillay ou bezwen annan en pe disiplin. Kontrol ou lekor msye … ou pa kapab sak fwa…

MR SPEAKER

Order!  Order!  Order!

HON JEAN-FRANCOIS FERRARI

Sak fwa mon koze…..

MR SPEAKER

… Onorab si ou anvi koze ou lev ou lanmen mon a donn ou sans koze, ler en Onorab pe koze donn li sans koze, unless ou annan en point of order.  I pe koz lo sa Departman ki PS i pe reponn kestyon lo la, son kestyon i pertinent.  Si ou annan en point of order i out of order then raise your point of order.  Yes Onorab Gill.

HON SIMON GILL

Mersi Mr Speaker mon ti oule konsidere pour met mon non pour mwan demann 1 kestyon.  Mersi bokou.

MR SPEAKER

Ok good.  Onorab Ferrari ou kapab kontinyen.

HON JEAN-FRANCOIS FERRARI

Mersi Mr Speaker, mwan mon anvi propoz avek sa Lasanble ki sa Kiosk la, annou met li a kote pour le moman.  Annou pran en bout dan Biro Mer Lavil, met 1 dimoun.  Ou pa bezwen fer Biro, ou pa bezwen met aircon, ou pa bezwen rod Tea girl, ou pa bezwen al rod Direkter, ou pa bezwen Asistan Direkter, nou fer sa.  Mer Lavil i annan lespas ok?  I en bon landrwa pour fer li, nou met 1 Zofisye dan sa landrwa e i ava en Information Office.  E nou save Gouvernman R2 milyon dan en proze ki malerezman zot pa’n kapab zistifye.  Sa i mon premye pwen.

        Mon 2enm pwen i vin an zeneral lo pwen lenformasyon.  Mon byen satisfe mwan ki Departman Lenformasyon pe travay lo ‘Freedom of Information Act,’ sa i en gro travay.  Mon ekspekte poudir sa lannen sa travay i ava terminen.  E ler sa travay i ava terminen ek sa de lezot bout Lalwa Department of Information pour nepli egziste.  Department … i  fer mwan mazin lepok ler Abdel-Krim ti sorti Algérie ti vin ansarz nou lenformasyon Sesel, dan en sistenm kontrole, en Gouvernman ki annan en Departman Lenformasyon, se en Gouvernman Kominis ki kontrol tou keksoz, ki le kontrol lenformasyon, ok?  Ki le distil lenformasyon.

        Parey mon’n dir lannen pase, parey ansyen Prezidan Michel ti dir “ nou bezwen donn lepep Seselwa lenformasyon ki bon pour zot, ki bon pour zot” kwa ki bon nou, nou a deside…so

MR SPEAKER

Onorab fer ou sizesyon oubyen demann klarifikasyon.

HON JEAN-FRANCOIS FERRARI

… so mwan mon krwar sa enn la, nou met li ater pour le moman, akoz i pa en priyorite dan Gouvernman i pa en priyorite dan nou Bidze, e nou donn en latas Departman Lenformasyon pour wind-down dan zot travay ki zot pe fer, beef- up en Port Parol Gouvernman ki ava fer bann Statement on behalf of the Government ok?  E osi mon vwar mon zanmi laba a kote Mr Sinon – merge avek sa Mr Sinon i fer.  Annou fer bann keksoz en pli, en pe meyer avek meyer rezilta avek plis sinerzi pour ki sa ki Mr Sinon i fer, dan SNA, sa ki NISA i fer i vin en sel keksoz e nou annan lefikasite e nou annan en bon depans sa larzan ki nou pe rode.  Mersi.

MR SPEAKER

Bon sa i en sizesyon.  E mon sir PS in ekoute.  Nou a esper lezot entervansyon PS petet avan ou reponn.  E mon krwar Msye ki la se Mr Varnier, pa Mr Sinon, sorry Onorab Andre.  Wi Onorab Andre.

HON CLIFFORD ANDRE

Mersi Mr Speaker.  Mr Speaker mwan mon kestyon i pour demann avek PS pour eksplik nou dan son ‘’goods and services’’ kot, me avan mon al lo ‘’goods and services’’ dan son latab kot in donn nou Departman Lenformasyon, in dir nou i annan allowance excluding ‘PSC’ ki 127, 000, epi in dir nou i annan AllowancePublic Service Contract Allowance’ i annan en sonm 150, apre i annan ‘other allowance’ ki tonm 111. So kekfwa mon ti a kontan demann en leksplikasyon lo sa other Allowance si i pa tonm ‘PSC’ avek normal Allowance kote i ale sa ‘allowance’?

        Lot mon kestyon se lo ‘goods and services’ Mr Speaker i annan Office Expenses kot 19 i dir nou ‘other office expenses’ mon ti a kontan, mon pe sey konpran akoz letan i met Office Expenses i met ‘consumable’ ‘internet’ i desann, me selman dan sanmenm sa enn i met ‘other office expenses’ epi pli ba ankor dan ‘other office expenses ‘i annan elektrisite.  So ki sa 2enm ‘’other office expenses ki tonm anba ‘office expenses.’  So mon ti a kontan ganny en klarifikasyon silvouple.  Mersi.

MR SPEAKER

Ok.  Klarifikasyon PS Rose.

PS DENIS ROSE

Mr Chair sa bann depans in ganny prevwar koumsa, konmsi with the understanding ki sa Kiosk ti pour anmenn sa bann other additional expenses.  Savedir si napa Kiosk i pour napa, si pour napa Public Information Bureau i pour napa sa bann lezot expenses.  Sa bann expenses in ganny prevwar with in mind ki nou pour annan sa Public Information Bureau – tou senpleman.

Apre osi i annan zis en lot pti keksoz mon oule dir taler baze lo lentervansyon Onorab Ferrari konmsi fodre, ennler letan nou pe deal avek lenformasyon la, nou sey mazin en kou bann dimoun konmsi lenformasyon i pa zis neseserman lenformasyon dan Zournal, lenformasyon lo televizyon, bann lenformasyon koumsa.  Konmsi sa bann sitwayen Seselwa konmsi i pa zis bezwen nouvel li; i pa zis bezwen get televizyon, i bezwen annan en serten landrwa ki sa boug i kapab ale pour li kapab ganny son bezwen satisfe.  Annou pa blok nou lekor di-z-an ki lenformasyon e letan nou pe dir lenformasyon tou keksoz ki nou pe sey fer dan lenformasyon pour ed dimoun ordiner la, i vin Kominis.  Be i pa kestyon i Kominis li i bann mechanism at this point in time ki nou nou’n analize nou’n vwar poudir Seselwa i bezwen akoz i vin rode sa bann lenformasyon e i pa gannyen.  Se sa ki nou santi nou bezwen etabli en Public Information Bureau.

MR SPEAKER

Ok.  Onorab Gill.

 HON SIMON GILL

Mr Speaker mersi bokou Mr Chairman.  Mon kestyon lo size devan nou Lasanble Mr Chairman i swivan, eski i pour kout nou Gouvernman pli bon marse pour met en Sistenm PR avek son bann lezot support staff dan sak Minister konpare avek etabli sa Lofis; ki pour esey vin sa lebra kordinasyon lenformasyon e son dissemination – an relasyon avek byensir bann queries ki’n lev-e?  Sa i premye kestyon.

        Dezyenm kestyon eski evantyelman nou pour vwar ki sa Departman i disparet or they wind-down apre ki zot in asire, si nou pour bouz lo sa opsyon kot dan sak Minister i annan en PR or Communication Personal avek son team sipor; e evantyelman sa Bidze probableman dan prozeksyon 2019 i pa pour la.  E par la swit sa Departman osi i pa pour la, mon ti a voudre ganny repons lo sa 2 kestyon presi epi pour mon kapab demann 2 lezot kestyon depandan repons ki i donnen.  Mersi bokou Mr Speaker.

MR SPEAKER

PS Rose.

PS DENIS ROSE

Mr Chairman parey mon’n eksplike taler, Departman Lenformasyon li akoz Gouvernman i bezwen annan pour son bann Ministries, Department and Agencies, i bezwen annan en serten framework, en serten Polisi, en serten laranzman, pour li konmsi dir ki mannyer dimoun pour dissimulate lenformasyon vitman; pour dimoun kapab gannyen dan en fason kordinen, dan en fason organize.

        Bann Departman Gouvernman i still annan en modicum pour li kapab transfer sa lenformasyon; akoz Departman Lenformasyon i pa pour expand dan ki pe pase kot Minister Lasante ki pe pase dan bann lezot landrwa eksetera.  Be selman i pour servi sa link.  I pour sirveye.  Par egzanp Gouvernman i depan en serten proteksyon, ou pa kapab ou annan en size ki pe pase dimoun pe debat lo la ou bezwen esper Facebook pour al lir.  I bezwen annan en landrwa ki prompt sa Minister konsernen pour li kapab donn sa lenformasyon, akoz sa landrwa i sa landrwa Santral ki pe sirveye ki bann problenm ki pe arive konsernan lenformasyon avek Gouvernman.  Savedir bann Minister zot still pour annan zot bann dimoun PR zot, be selman sa Minister, sa Departman apard bann zafer Polisi ki mon’n eksplike laba taler, apard etablir en Biro kot bann Departman Gouvernman menm, pour kapab met zot bann dokiman pour dimoun kapab vin konsilte, se sa Departman Lenformasyon i osi act koman en kordinasyon, koman i veye lo ki keksoz ki pe arive pour ed Gouvernman dissimulate lenformasyon, propaz son bann proze.  E nou koman en Departman Lenformasyon i annan Seksyon ki pour prompt sa bann Minister pour dir gete i annan tel ou tel size ou bezwen koz lo la, ou bezwen koz isi; ou bezwen koz lo la.  Sa i en fason pour Demokratiz lenformasyon pour akonplir sa latransparans.

MR SPEAKER

Ok.  Alright.  Onorab Ramkalawan.

HON WAVEL RAMKALAWAN

Mr Speaker annou pa al pli lwen mon krwar ki nou kapab, mon ava dir dernyen parol lo sa ki nou lo nou kote, nou pa pour aprouv en logmantasyon dan sa Bidze nou demande ki i reste 3.678 milyon e nou fer en savings deza la 2 milyon.  E an menm tan nou demann Minis nou demann sa Minister pour sa Departman pour regard son travay balanse akoz en kantite keksoz ki’n ganny dir la bomaten ki pa pe arive lo sa kote disimilasyon lenformasyon.

        Alors Mr Speaker mon krwar nou kapab pran en vot e nou pe propoze e mon demande ki sa i ganny segonde, mon pe propoze ki sa Bidze i reste 3.678 .76 milyon.  Mersi bokou.

MR SPEAKER

I annan en propozisyon ki’n ganny met devan me avan mon pran Onorab Afif, Onorab Larue ou ti’n lev ou lanmen?

HON FLORY LARUE

Wi Mr Speaker, selman Leader Lopozisyon in fini koze lo nou kote e mon ti alor lo sa laliny ki en kantite bann keksoz ki zot pe dir i deza bann Minister pa kapab met nanryen lo zot sit web.  Sa pa up-to-date.  Savedir parey Mr Henrie ti pe dir zot bezwen re travay internally.  Mersi.

MR SPEAKER

Onorab Afif.

HON AHMED AFIF

Mr Chair mon ti a kontan zis segonn sa Mosyon ki nou koup li pour 3.6 apre nou pran en vot lo la.  Mersi.

MR SPEAKER

Bon PS oubyen Vis-Prezidan ou ti a kontan fer komanter lo sa Mosyon ki’n ganny propoze?

VICE-PRESIDENT MR VINCENT MERITON

Mersi Mr Chairman.  Mr Chairman se zisteman pour kapab donn Seselwa plis akse ek lenformasyon, ki nou’n vin isi avek sa propozisyon.  ‘Lalwa akse a lenformasyon’ i pour fer sanzman revolisyoner, dan fason ki Gouvernman i les piblik konnen ki sa ki i pe fer, i pour demann en sanzman radikal dan lafason ki lenformasyon ki nou zenere, lenformasyon ki nou anmase, ki mannyer nou dissimulate sa avek piblik.  Pa, konmsi mon pa anba okenn ilizyon pour sou estim sa travay ki i annan pour fer.  Sa Lalwa i devan Lasanble Nasyonal e mon asire zot in konn magnitude latas ki i annan pour fer dan enplimantasyon sa Lalwa.  I demann en kordinasyon par tou Departman dan Gouvernman.  Par Gouvernman antye depi Egzekitiv, Lezislatif avek Zidisyer, kot i konsern zener lenformasyon kordin lenformasyon e met li a latansyon piblik.  Nou oule retir monopoly lenformasyon dan porte zis detrwa Lenstitisyon oubyen dimoun.  Nou oule Demokratiz lenformasyon pour permet ki dimoun ordiner sa boug ki Quatres Bonm Jean oubyen La Digue i kapab oubyen – for that matter en lot distrik i kapab ganny akse avek lenformasyon pli fasil e pli vit ki posib.

        Nou pa pe koz lo en sistenm repressive.  Nou pe koz lo en leta kot nou pe get de lavan ki mannyer nou kapab anbras sa Prensip latransparans, rann kont avek bonn Gouvernans.  Pli annan plis akse ek lenformasyon i pli bon pour nou.  Nou pe dir i annan kordinasyon dan fason ki Gouvernman i pas lenformasyon avek son piblik.  I annan bann lespas ki nou’n dir bann ‘P.R.O’ i bezwen aranz zot, wi i annan en kantite keksoz ki bezwen ganny fer ladan me nou get sa koman en, sa mayon Santral ki pour permet annan koneksyon avek tou bann sit web, tou bann fason ki lenformasyon i ganny delivre dan bann Lorganizasyon; tou bann servis ki ganny delivre dan bann Lorganizasyon ki en dimoun i kapab desann e kapab servi sa servis.  Se dan sa loptik ki mon pe vwar ki nou met sa devan.  Pa par aprouv sa propozisyon, nou ava pe kontrol lenformasyon, nou ava pe fer li en sistenm Kominis ki nou pe dir, mon oule fer li vin ouver tou dimoun ava ganny sans servi….

(Interruption)

MR SPEAKER

Order!  Order!  Espere les VP koze.

VICE-PRESIDENT MR VINCENT MERITON

… byen koze i fer byen konpran, mal koze i fer diskisyon.  Me byen koze se donn lenformasyon.  W mon krwar nou oule demokratiz li fer ki tou dimoun i ganny akse.  Mon kit sa avek zot.  Mon pa oule dir nanryen, mon ti fer komanter lannen pase mon ti ganny dir ki pa koz sa bann koze ki pa Parlmanter.  Mon aret lanmenm me selman mon krwar i kler annou donn en sans sa travay ki nou pe fer.  Mersi Mr Chairman.

MR SPEAKER

Mersi VP.   Onorab De Commarmond.

HON CHARLES DE COMMARMOND

Mersi Mr Chair.  Mr Chair zis en pti kestyon nou oule Vis Prezidan or Mr Rose i eklersi nou Lasanble, avek sa ‘Access to Information Act’ ki pe vini e dizon Lasanble i aprouve li, e nou la, nou pa aprouv sa Bidze parey i ete nou aprouv avek sa rediksyon; savedir olye 5.6 nou fer li son 3.6 – ki lefe i pour annan lo sa Lalwa?  Konmsi nou pas sa Lalwa nou pa aprouv sa Bidze parey ou pe demande, nou kit li 3.6 nou pas sa Lalwa ki problenm?

MR SPEAKER

PS, nou ekout ou avan nou pran en vot lo sa Mosyon ki’n ganny dir.

PS DENIS ROSE

Be i pour annan en lefe, i pour annan en lefe pour la senp rezon ki Gouvernman li i pa pour kapab organiz son lekor byen pour li kapab delivre according to the requirement of ‘The Access to Information,’ dan sa ka ki pour arive la?  Se ki lenformasyon i pour ganny dir poudir Gouvernman still ankor pe kasyet lenformasyon eksetera pa pe donn lenformasyon akoz zot pe anpes nou organiz nou pour nou kapab deliver based on sa.  I senp, napa nanryen konplike.

(Interruption)

MR SPEAKER

Ok.  Bon, Order!  Nou a donn la parol Onorab Henrie apre Onorab Pillay epi nou a deside pour en pwen vot lo sa Mosyon ki’n ganny dir.  Wi Onorab Henrie, apre Onorab Sebastien Pillay.

HON GERVAIS HENRIE

Mersi Mr Speaker.  Mon krwar poudir dernyen Statement PS Rose i misleading, akoz sa Lalwa si mwan mon rapel li byen i fer provizyon ki sak bann Departman Minister i pour annan son Information Officer e laplipar zot ozordi deza annan PR, se sak Minister si li i ava anmenn son Bidze apar, dan son Bidze i ava fer provizyon pour annan son PR or son Asistan.  So mon pa vwar akoz Departman Lenformasyon i bezwen kordin sa proze.  Donk mwan mon siport Mosyon Leader Lopozisyon.  Mersi.

MR SPEAKER

Ok, alright.  Avan … Order!  PS Rose eski ou ti kapab, en pti moman nou a ekout Onorab Sebastien Pillay apre ou kapab pran la parol parske nou pour bezwen pran en vot e deside.  Onorab Pillay.

HON SEBASTIEN PILLAY

Mersi Mr Speaker bonzour Mr Speaker, bonzour tou Manm, bonzour Minis ek ou bann dimoun.  Mr Speaker mon ti a kontan zis fer sir ki Departman Lenformasyon i klarifye si tou sa larzan ki nou la sa 2 milyon pe al ver sa Kiosk spesifikman?  Si zot in fer okenn recruitment avan la, ki zot pe rely lo sa larzan dan Bidze, akoz si sa bann dimoun in fini ganny recruit then zot bezwen ganny en saler.  E si sa i le ka, e ki napa nesesite pour retir the whole sum, then nou ganny leksplikasyon lo ki parti sa sonm ki pour al pour sa bann dimoun.  Akoz mwan personnelman mon pa pour oule okenn mon bann frer, ser Seselwa perdi son travay akoz in al pour sa.

MR SPEAKER

Ok.

HON SEBASTIEN PILLAY

E dezyenmman si nou move avek retir tou le 2 milyon i annan Mid-Year Review ki pour ganny fer e sa Lalwa pour sipoze pase, posibleman prezan sa larzan i a ganny freeze avek Minister Finans e la nou ava move avek sa travay ki pour bezwen ganny fer sa letan pour nou kapab bouze e sorti dan sa lenpas kot nou ete.

MR SPEAKER

Ok, nou a les PS Rose reponn apre nou pour bezwen pran en desizyon lo sa Mosyon ki’n ganny segonde.  PS Rose.

PS DENIS ROSE

Mr Chair nou, nou pe fasilit nou ti pe fasilit keksoz.  I vre avek sa ‘Access to Information’ sak Departman pe ganny demande pour annan en dimoun, en Information Officer wi.  Information officer i pour tret request for information ki pa dan proactive disclosure.  Proactive disclosure zis mazin ou sa senaryo sak MDA, sak public body dapre sa Lalwa, pour bezwen proactively disclose en serten nonm lenformasyon; en bon pe lenformasyon pour bezwen disclose; son striktir, son bann staff eksetera, i annan menm lekel ki’n al travel; lekel ki isi, lekel ki laba.  I very complicated sa Lalwa en.  Prezan sa bann lenformasyon ki ganny disclose proactively la, i pour ganny store par sa bann Minister somewhere ok? Zis mazin en dimoun ok, ki i bezwen rod lenformasyon dan plizyer Minister atraver plizyer Minister, mazin sa difikilte ki pour annan, si nou pe kalkil bann dimoun ordiner ki pa neseserman i very quick at Facebook, eksetera, akoz sa bann dimoun i kapab petet swazir osi kot pour met zot lenformasyon lo Facebook.

        Ki nou ti pe fer nou, nou ti pe senplifye keksoz pour ki napa en ta konplent demen.  Tou sa par egzanp enn bann keksoz ki sa Biro ti pour fer.  Tou sa bann lenformasyon ki bann MDAs i sipoze disclose proactively sa bann lenformasyon i ganny park en landrwa – kot piblik i vini i kapab konsilte at son ease.  Ou konpran?  I ed li, i ed Gouvernman, i ed bann Minister pour fer dimoun konnen, pour fer dimoun aprann bann lenformasyon lo bann lenformasyon ki zot bezwen disclose proactively, nou ti pe fer sa.

        Lo kote staff lefet ki nou ti pe komans avek en pti Kiosk kot Mayor’s Office pour nou kapab ki nou pe al expand dan li en Public Information Centre ki nou ti pe tir li kot Biro Kiosk nou ti pe anmenn li dan Sant Lavil, akoz nou ti pe shop around rod bann landrwa apropriye dan Sant Lavil ki pli fasil pour dimoun vini, e lefet ki nou ti’n vwar poudir kot Mize ti ete kot Mize SPUP ti ete la, i en landrwa ki ase santral, prezan nou ti pe negosye avek sa bann dimoun laba, sa landrwa i deza prone to bann setup pour met bann keksoz lo display; akoz ti annan en Mize, i pour pli fasil pour entegre bann lenformasyon laba, nou a servi sa fasilite, nou ti pe negosye, Gouvernman ti pe negosye avek son met sa landrwa pour kapab pa tro, tro konmsi pour desanz use dan en serten sans, servi sa landrwa koman en Public Information Centre i pros avek Stadium, i pros avek Car park i dan Sant Lavil se sa ki Gouvernman ti pe negosye avek son met sa landrwa.

        Prezan si, se sa ki nou ti pe deside Gouvernman.  Prezan si Lasanble pa aprouve, nou pa kapab set up sa Information Centre dan sa ka nou pa pour set up i pa en difikilte, me selman problenm se ki ou bezwen realize poudir problenm ki nou pe sey rezourd, pour dimoun ordiner ganny lenformasyon apard lenformasyon lo radyo, si ou napa en landrwa parey, pour still reste.

MR SPEAKER

Ok, mon krwar ou’n fer ou pwen kler.  I annan de pwen ki’n souleve la (1) se ki sa ki ou’n fek dir lo Biro Mer Victoria – i pe al dan laliny ki Onorab Ferrari ti pe dir.  Apre Onorab Pillay in osi lev sa pwen ki tout fwa, si ou santi ou annan sa bezwen i pour annan Mid-Year Review evantyelman ki pour vini kot nou kapab vwar ki mannyer nou kapab re aziste.  Me nou bezwen bouze e la i annan en Mosyon ki’n ganny segonde pour nou e koriz mwan si mon’n mal konpran ki nou reste lo sa Revised Budget 2.4 olye …

  (Mic Off)

 

MR SPEAKER

…3.6 olye al lo 5.6 korek?  Eski nou kapab pran en vot lo la?  Tou bann ki ‘Pour sa e ki aprouv sa 3.678 lev zot lanmen?  Clerk.

MADAM CLERK

Mersi Mr Chair.  Mon’n rikord 16 Manm an faver.  Mersi.

SEYCHELLES NEWS AGENCY

MR SPEAKER

E mon prezimen ki tou bann ki pa’n lev zot lanmen zot in abstain?  Alor Minis, Vis- Prezidan, PS ou, Lasanble i aprouv pour ou Revised Budget 3.678.76.  Avek sa Vis- Prezidan si ou dakor in ariv midi me ou’n demann pour nou al lo Seychelles News Agency si nou ti kapab al lo la.  Avek permisyon tou dimoun la, Lagreman tou dimoun vi ki Mr Rasin Varnier i la, Mr Varnier si ou ti a kontan vin kote, asiz obor PS Rose e mon ti a kontan port zot latansyon lo paz 32, 11 laliny paz 32, 11 laliny from the bottom, paz 32 zot pour vwar Seychelles News Agency la, la mon menm mon’n perdi pour mon Clerk.  Paz 32 lo kote devan ou vwar bann bor anba i met Social Programs of Governments e i 11 laliny from the bottom, 11 laliny e Seychelles News Agency zot actual i 2.9, yes zot vwar zot pe swiv?  Lo komansman menm page 32, i Social Programs, anfet i zis apre Capital Project Ministries and Departments, are we on the same page tou dimoun in vwar?

        Son deskripsyon se Social Programs of Government komans avek Children Special Fund and see from the bottom, ou al mont anler i 11, Seychelles News Agency, the actual Budget 2016, and Budget 2017, Budget 2018.  E Budget 2018 PS si mon swiv byen i 3.250 korek?  Any questions?  Yes pardon?  Vwala, Onorab Henrie.

HON GERVAIS HENRIE

Mersi Mr Speaker.  Menm si nou dan en lemonn kot dimoun i bezwen lenformasyon selman anmenmtan i annandler information is money.    nou vwar poudir Bidze News Agency dan bann lannen ki pe vini pour kontinyen monte kantmenm pa bokou e ankor mon oule met lo rikord mon’n dir sa avan dan sa Lasanble, mwan mon kont legzistans News Agency as it stands today, News Agency ti komans koman en ‘Pet Project’ for Former Minis, Former President.  E mon pe demann Gouvernman pour konsider, wi News Agency i enportan li akoz zot pe fer en travay fantastik, mon annan bann bon zanmi laba ki mon krwar dan zot abilite, me pour bouz li.  Akoz nou annan en National Information Service Agency NISA ki li i en model kote en Antrepriz Gouvernman pe fer byen ekonomikman.  Akoz ozordi NISA, sorry News Agency ki larzan ki pe anmennen?  Si ou transfer li dan NISA Gouvernman i seryezman konsider sa, NISA i annan en model kot i pe generate larzan.  E pour nou kapab komans generate advert online lo website News Agency ki sort out son paz Facebook pour li komans generate en pe larzan e ki pei a lonterm i kapab koupe.  La ozordi nou pe depans 3 milyon avek zo.  E i pe plis al dan pei saler, pey rent, be sa nouvel ki zot pe fer ki mannyer i pe anmenn en larzan?  so ankor mon pe fer en pledwari avek Vis-Prezidan pour silvouple, mon krwar i pour fer 4 ou 5 fwa mon’n dir sa dan Lasanble, dernyen fwa letan Bill NISA ti vini pour konsider tir sa laba anba State House met li avek NISA e annou komans fer en pe larzan avek sa Lazans akoz i annan potansyel.  Mersi.

MR SPEAKER

Mersi Onorab Henrie.  Onorab De Commarmond.

HON CHARLES DE COMMARMOND

Mr Chair mon pe regard 3 keksoz la, i annan sa ki nou pe koze la NISA avek sa ki’n fek vot lo la avan la.  Napa en posibilite Gouvernman vi ki tou le 3 i bann entity Gouvernman menm, i sorti dan menm Lorizin, pa posib ki zot get tou le 3 ansanm?  Mon pa pe dir konmsi aboli mwan, me konmsi ki fonksyonn i annan en serten fusion, en serten reorganizasyon redefine their role and whatever ki konmsi i kapab ganny plase dan menm landrwa?  E i sort of siport e met lanfaz lo kanmarad sa ki print i print sa ki pour donnen i donnen, sa ki pour vann i vann whatever – konmsi ki fer ki sa dinamik i mars pli byen e i ava annan apartir lannen prosenn en sel Bidze pour tou le 3 sa keksoz?

MR SPEAKER

Ler ou koz 3, ou pe koz Seychelles News Agency, NISA avek anba Department of Information.

HON CHARLES DE COMMARMOND

Avek Departman Lenformasyon wi, wi.

MR SPEAKER

Mon krwar i al en pe dan laliny ki Onorab Henrie pe dir, Onorab Henrie, Onorab Prea, en pti moman apre nou a donn laparol PS Rose.  Onorab Prea.

HON NICHOLAS PREA

Mersi Mr Chairman.  Mr Chairman mon komanter se premye fwa Onorab De Commarmond i kapab fer en sizesyon valab, fantastik.

   (laughter)

MR SPEAKER

Onorab Prea pa dir premye fwa….

HON NICHOLAS PREA

Fantastik.

MR SPEAKER

Retir sa pti bout premye fwa, dir sa 2enm bout.

HON NICHOLAS PREA

Mon siport sa sizesyon Mr Chair.

MR SPEAKER

Alor, ok, ok Onorab Prea i siport sa ki Onorab De Commarmond in dir.  PS ou ti a kontan reazir?

PS DENIS ROSE

Mr Chair mersi mon pour, anyway mon pour les Chief Editor SNA donn en lesplikasyon osi azoute.  Selman tou senpleman en keksoz ki nou fodre realize poudir malgre nou pe, mon konpran ki zot lanvi, misyon sa bann keksoz i konpletman diferan Mr Speaker, Mr Chair.

        En News Agency i pa en Publishing House parey Nasyon.  News Agency si ou ale ou tipe lo internet menm gete, get rol en News Agency, get rol en Zournal i konpletman diferan.  E Sesel News Agency in pran en pake letan pour li annan sa Stati ki in gannyen la, respe akoz atraver sanzman dan fason politik Sesel akoz avan ti difisil akoz nou ti annan One Party State, ou pa ti kapab annan en neseserman en News Agency ki ti annan serten respe la nou pe gannyen annou, rol News Agency i premyerman i en Agency ki donn nouvel – vitman kan i arive.  I ant bann Langaz Enternasyonal Angle, Franse apre osi i ed pozisyon Lapres Sesel lo lesel Enternasyonal sirtou an se ki konsern laliberte Lapres, mon ava les….

MR SPEAKER

Chief Editor Varnier.

CHIEF EDITOR MR RASIN VARNIER

Bonzour Mr Chairman.  Bonzour bann MNA.  Mon byen kontan ozordi mon ganny sa la parol pour mon kapab koze.  Zisteman Mr Speaker avan ki mon komanse i enportan ki mon dir en keksoz ou’n resevwar plizyer let bomaten konsernan bann dimoun ki’n konplent, konsernan bann alegasyon bann keksoz ki bann dimoun in ganny fer, me mwan mon santi akoz mon la ozordi e mon kapab klarifye sa ki Onorab Henrie in dir en ‘pet.’

Seychelles News Agency pa en ‘pet.’  I pa’n ganny kree koman en ‘pet’ pour fer propagann pour personn.  Seychelles News Agency i donn lenformasyon ki i en Lavwa pour Leader Lopozisyon, pour ou menm Mr Speaker, pour Vis- Prezidan, pour tou dimoun.  Mon pa’n zanmen ganny kree pour vin en ‘pet.’ E mon pa aksepte ki bann dimoun ki travay dan mon Lorganizasyon mon menm mwan ki nou ganny konsidere koman bann ‘pet.’  Mersi, koman en ‘Pet Project.’  Mersi.

MR SPEAKER

Mersi.  Mr Varnier en pti moman zis pour klarifye, mon krwar koman Chair personn pa’n dir ou ‘pet.’  Savedir….

CHIEF EDITOR MR RASIN VARNIER

Sa proze.  Savedir nou menm nou, nou entitle koman en ‘pet, ‘ok.

MR SPEAKER

Kontinyen Mr Varnier.

CHIEF EDITOR MR RASIN VARNIER

Mr Speaker letan ou get lo Reporter Sans Frontiere, ou pour vwar kote Sesel i klase an term laliberte La Presse, Sesel i klase 87enm lo 180 pei.  Se pa parske isi Sesel i napa laliberte La Presse tou dimoun i kapab eksprim son lekor.  I annan Facebook, i annan diferan Zournal, i annan diferan fason pour ou kapab kominike.  Non Sesel i klase 86enm, akoz?

Se akoz i napa en body endepandan ki kapab donn en lenformasyon kredib, en lenformasyon ki napa okenn lenterferans politik ladan.  Sa se enn rezon.  Akoz isi Sesel ou annan ou La Presse ki politik, ou annan ou La Presse ki prive e ki fer fas avek bann problenm tel ki zot reveni, ok?  E se pour sa ki nou lo sa nivo koumsa.

        Alors Gouvernman li in deside fer en sort ki i annan en lenformasyon ki kapab ganny donnen ek en Lavwa diferan, totalman diferan avek sa ki Gouvernman i donnen.  Ozordi zot pe propoze ki Seychelles News Agency i form parti Nasyon, me se 2 Lorganizasyon ki diferan, se parey konmsi ou annan ou en fre ek en so.  Ou pa kapab melanz en fre ek en so.  Mersi Mr Speaker.

MR SPEAKER

Ok mersi Mr Varnier.  Onorab Henrie apre nou a vin kot Onorab Ramkalawan ek Onorab Pillay ek Onorab Gill.  Ale Onorab Henrie.

HON GERVAIS HENRIE

Mersi Mr Speaker, ozordi sa ki nou pe dir mon pour repete Information is money.  E mon pa vwar, mon pa subscribe to the philosophy of News Agency anba Social Program of Government.

        Ozordi nou annan en model National Broadcaster SBC.  Ki SBC pe fer?  Premyerman i vin avek Paradise FM ki The Commercial Arm of SBC.  Dan son DDDT Digital Television Project, i pou annan en brans ki pour al compete avek Intelvision ek Cable TV.  Sa ki nou, nou pe dir lo sa kote latab, se ki pour Gouvernman komans mazinen ki mannyer i pour koup son Bidze e generate revenue.  I en fason ki nou pe dir ki ti sorti tre byen dan repons Onorab Ferrari se pour ed Gouvernman avek sa kote generate revenue.

        E mon pe dir poudir NISA, mwan pour mentenir mon pozisyon mwan, poudir NISA i en landrwa kot zot pe generate larzan e ou pran sa model e nou pe dir avek sa, letan nou ti anmenn Bill dernyen fwa ki NISA dezormen komans reflesir, wi i pour vin son Newspaper i Port Parol Gouvernman in a way, me selman nou vwar poudir NISA pe pran en brans en pe parey SBC kot i annan enparsyalite.  E nou pe ankouraze sa.  Mersi Mr Speaker.

MR SPEAKER

Me si mon’n konpran byen avan mon donn laparol PS Rose, Onorab De Commarmond pa ti pe dir, pe zis senpleman dir met SNA anba Departman Lenformasyon ansanm avek NISA; pa ti pe dir ganny abzorbe par NISA, se sa?  Remet ou sizesyon avan nou donn laparol PS Ros.  Wi Onorab De Commarmond

HON CHARLES DE COMMARMOND

Non, i pa kestyon ki i ganny abzorbe, si i ganny abzorbe son rol i pour mal la…

MR SPEAKER

I tonm ansanm.

HON CHARLES DE COMMARMOND

Wi be ou met li dan menm landrwa akoz fodre 3, 4 landrwa, 3, 4 Bidze konmsi kapab i annan en fason ki i bezwen, mon pa donn lenformasyon mwan ….

MR SPEAKER

Ok – Kordinasyon

HON CHARLES DE COMMARMOND

…be selman i bezwen annan en fason kot sa i ede pour minimiz the cost.  E zot bann rol spesifik whatever pour nou ganny kredi Enternasyonal ensidswit, sa i ok.  Mon dakor ek sa me selman nou tou nou pe rod fason pour nou minimiz depans, pour gete sa depans si pa kapab fer lot keksoz itil avek.  Se tou.

MR SPEAKER

Ok alright.  Of course.  Avan ki nou al kot Onorab Ramkalawan, PS Rose.

PS DENIS ROSE

Mr Chair zis mon ti pe dir poudir sa komanter ki’n fer konsernan – anyway mon krwar nou’n konpran prezan poudir en News Agency avek en Zournal pa parey.  Me selman lefet ki nou bezwen generate larzan dan News Agency nou endorse sa.  Nou konnen.  Ti dir lannen pase.

        Ki arive?  Se ki fodre nou konpran tre byen parey mon’n eksplike taler sityasyon politik mannyer ti ete avan in pran nou letan pour News Agency ganny aksepte Enternasyonalman parey i ete la konmela.  Prezan sa lakseptasyon i vini akoz bann Lazans deor i annan trust dan National News Agency.  Zot lir en keksoz lo Facebook, premye landrwa ki zot al rode lo News Agency.  Zot telefonnen oubyen zot gete ki News Agency pe dir.  E nou bezwen par ler ganny prompted pour ekrir serten keksoz akoz sa trust.  Prezan nou’n komanse avek en progranm pour sey raise Funds konmsi pour sey ganny plis larzan parey zot a vwar ki mon’n mete dan Mandate Departman Lenformasyon, akoz malgre ki sa i en proze separe me selman son direksyon koman son Accounting Officer, eksetera Departman Lenformasyon nou pe komanse generate revenue.  Nou’n komans met advert par egzanp advert sirtou parey letan ti annan si avertisman CEO pour post kot SBC.  Nou’n met advert STC, nou pe negosye avek Air Seychelles, Emirates, nou pe komans anmase reveni.  Sa zafer anmas reveni i fantastik nou osi nou bezwen zwe nou rol pour anmas reveni pour ede pour finans nou Departman, me selman in pran nou en pe letan akoz the trust was on sa lakseptasyon sa respe Enternasyonal ki prezan nou’n gannyen prezan nou kapab sey diversifye en pe nou zefor dan raise revenue.  Nou pour fer sa wi.

MR SPEAKER

Sa repons savedir ou pe dir sa ki Onorab Henrie in demande i pa ariv Social Programs.  Se sa ki ti ou kestyon non Onorab Henrie?

HON GERVAIS HENRIE

Wi, mersi Mr Speaker e mon bes, savedir si dezormen sa kestyon trust SNA in vini, i annan sa lakseptans lo lasenn Enternasyonal, eski nou kapab ganny en commitment avek Gouvernman ki la akoz la mon vwar son Bidze pe forecast ziska 2020.  La nou pe al donn en Bidze 2018 ki dan sa prosen, i pa pour dan Bidze 2019 par egzanp zot ava’n fini konsider en Roadmap ki nou kapab vwar sa merger.  Akoz nou oule redwir Bidze Gouvernman a lonterm nou, sa ki nou, nou anvi fer.  Mersi.

MR SPEAKER

Onorab Ramkalawan.

 HON WAVEL RAMKALAWAN

Mr Speaker mon’n ekout byen sa ki Mr Varnier in dir e pour mwan sa ki in dir zisteman i montre akoz zot ankor pri e akoz petet sa mo “pet project” in komanse, in ganny servi.  E mon ti ava dir li pa bezwen pran lofans ladan akoz nou, nou annan gran respe, ou konn sa tre byen, nou annan gran respe pour tou bann travayer dan SNA, zot profesyonnalizm e sa napa okenn dout.  Me lefe ki Sesel menm apre ki nou’n fer tousala nou ankor 80enm, nou ti ava kontan vwar li desann pli ba.  E mon krwar zisteman se parske i annan sa, koman?

MR SPEAKER

Mont pli o.

HON WAVEL RAMKALAWAN

Wi, wi sanmenm sa, konmsi mon pe mazin vin No. 1 mwan, mon pa anvi vin sa 80 mon, mwan anvi ki i nimero 1 parey lapentir Penlac; Mr Speaker se zisteman parske i annan en lanpayaz avek Gouvernman, ok avek Gouvernman.  E lefe ki se PS lafason ki PS in koze mwan mon personnelman mon kestyonn en pe zot Lendepandans akoz i resanble ki lafason ki PS in koze konmsi ou a krwar i annan en lenfliyans for ladan.  I posib ki sa se persepsyon ki in donnen la.

        Alor Mr Speaker wi nou anvi vwar SNA i pran sa lendepandans total, i devlope, i tou.  E se la kot mwan mon pour apiye pour mon dir be ki mannyer zot bezwen napa problenm, nou pour aprouve zot Bidze, ok napa problenm menm si nou pa’n ganny tou bann detay lo ki mannyer zot soz, napa problenm, me eski nou ti ava kapab demann zot by July, vin avek en plan konkret, lo ki mannyer zot pour kapab ganny zot lendepandans total pour zot vin sa Agency, pour zot vin sa Agency ki totalman endepandan e ki pe fer larzan e zot nepli anba lebra, zot nepli anba lezel Gouvernman.  Se sa ki nou pe, se sa ki mon pe mete e mon krwar ki apre ki nou’n ganny sa pti leksplikasyon nou kapab pran en vot.  Mersi bokou.

MR SPEAKER

PS Rose esper en pti moman i annan 2 dernyen kestyon, Onorab Sebastien Pillay avan apre Onorab Gill, avan ou reazir, Onorab Pillay.

HON SEBASTIEN PILLAY

Mersi Mr Speaker.  Mr Speaker premyerman mon oule zis felisit News Agency ki ler zot in vin devan nou ek en Bidze malgre, ler nou get forecast 2018/2019 nou pa pe vwar gran varyans dan zot forecast e i annan zis en pti sanzman en pti varyans in term sa ki zot bezwen.  Me selman mon ti oule eksprim serten konsern akoz ler nou get bann diferan eleman ki tonm anba Social Program, i bann eleman ki al ver en Social good.  E nou get par egzanp bann NGOs osi i tonm anba la Social Program.  Mon konpran pwen ki Onorab Henrie pe avanse, me selman fodre mon krwar nou pa ate pour nou retir li dan sa pozisyon kot i ete la pour le moman, until ki nou sir lo sa Roadmap ki zot pour fer – tanzib.  Mwan mon ekspekte ki sa i kapab vin petet ankor dan 2an or 1an edmi down the line.  Me selman pour nou bouze avek sa, mon krwar ki nou kapab aprouv son Bidze la baze lo sa ki mon koleg lot kote latab in dir osi.  Mersi.

MR SPEAKER

Ok.  Onorab Gill apre nou a pran en vot lo sa akoz i deza midi 19, Onorab Andre en pti moman, Onorab Gill apre dernyen Onorab Andre.  Wi Onorab Gill.

HON SIMON GILL

Mersi Mr Speaker mon pa pour long ni oule repet deba, me eski nou Vis-Prezidan avek Mr Rose ki la, ouswa Mr Varnier, eski i annan en posibilite ki sanmenm sa dele letan Juillet ki pe sizere nou kapab ganny en lendikasyon kler baze lo serten letid byensir ki zot a fer, posibilite reel, pour kapab annan en konverzans; pa neseserman kot sakenn konmsi pe anval rol kanmarad, me ki mannyer nou pour vwar zot konmsi anba one roof avek sakenn zot bann Head separe, me kot zot misyon in byen definir e nou dir be bon vwala ki kote nou pe bouze.  Eski sa zot santi i en posibilite reel oubyen nou, nou pe reve isi dan sa Lasanble baze lo bann lenformasyon ki nou’n tande la?  Mersi.

MR SPEAKER

PS Rose oubyen VP.

VICE-PRESIDENT MR VINCENT MERITON

Mr Chairman avan mon donn dernyen parol avek PS Rose, mon krwar nou pe tonm dakor lo nesesite ranforsi SNA.  Tou dimoun in dir nou satisfe ek zot travay e sa i gou.  Annou vann sa zistwar pli byen deor, poudir zot pe fer en bon travay pour vann Sesel, pour vann bann devlopman ki pe arive dan pei.

        Mr Speaker an Zilyet, wi nou ava vini avek en prezantasyon lo Roadmap.  Annefe ti zisteman sa ki zot pe kalkile fer pour annan plis lotonomi an zeran plis larzan.  Me selman pa larg nou en sel kou, se zisteman atraver sa Roadmap ki ava montre kan ki nou pour kapab debout lo nou prop lipye.  E an menm tan nou bezwen pran konsiderasyon ki nou bezwen nouvo striktir egzistans.  Nou bezwen gete ki striktir nou pour met li ladan.  Nou pa oule park li; konmsi lefe ki la anba Progranm Sosyal zis nou’n plas li la sa lannen, e zisteman i sorti anba State House.  PS Rose pa donnen lord ki pour ekri.  Personn pa’n santi loder ki PS Rose in dir li konmsi la ou ekri sa, i pa koumsa li.  En boug ki donn lenformasyon, en boug pli doue otan lenformasyon e mon krwar in kapab fer lekol en kantite nou pour kapab konpran ki mannyer nou bezwen Enparsyal ek lenformasyon, Onorab Ferrari i dakor, Onorab Henrie i dakor.  So Mr Speaker so pour lotonomi nou dakor, annou siporte.

MR SPEAKER

Ok bon dakor be nou a, nou bezwen bouze.  Mersi Vis Prezidan, mon krwar Onorab Andre in retir son kestyon, ou’n retire ou kestyon?

HON CLIFFORD ANDRE

Mon’n tire.  Mr Speaker mwan mon ti a kontan vi ki en Budget ki pe demann nou, nou larzan i osi laprosenn fwa kekfwa atraver Minister Finans donn nou en pti breakdown ‘Saler’, ‘goods and services’ oubyen kwa.  Mersi.

MR SPEAKER

Ok.  bon, nou kapab pran en vot lo sa Bidze pour Seychelles News Agency?  Sorry mon pa’n tro konpran.  Ki ou ti …? PS Payet sorry yes ou annan laparol avan nou pran en vot.

PS PATRICK PAYET

Mersi Mr Chair.  Bonzour tou Manm Onorab zis pour azoute ki akoz Seychelles News Agency i anba sa Social Program of Government, nou pa pour kapab pran vot, nou pour bezwen pran vot letan nou pran sa vot tout antye.  I zis nou ti’n anmenn Seychelles News Agency ozordi zis pour zot klarifye okenn lenformasyon akoz son PS ti la.

MR SPEAKER

So nou a pran sa vot pli tar ou pe dir, se sa?

PS PATRICK PAYET

Wi.

MR SPEAKER

Very good dan sa ka, PS Rose ou ti anvi dir en keksoz?

PS DENIS ROSE

Non zis, ok konmsi mon napa nanryen zis akoz mon remersi VP pour li kapab eklersi the fact ki mon napa nanryen pour fer avek Lartik ki SNA i ekri mwan.  Zis konmsi lo pwennvi la koman Accounting Officer ki nou tyeke se tou.  Zot ekri sa ki zot oule, sa ki fer zot plezir – mon napa nanryen pour fer avek sa.

MR SPEAKER

Ok, mersi nou’n dakor nou pour pran en vot lo SNA pli tar.  Nou’n aprouv Bidze Department of Information e in ariv past midi 20, nou pour bezwen adjourn.   Nou pour retournen apre midi akoz nou annan Communication Technology, Department of Blue Economy epi nou pour kontinyen avek Vis-Prezidan.  Vis-Prezidan nou a vwar ou 2er.  Nou a pran en Break.  Bonn apeti tou dimoun. Nou a rezwenn 2er.

         (BREAK)

 DEPARTMENT OF INFORMATION, COMMUNICATION TECHNOLOGY (DICT)

 MR SPEAKER

Bonn apre midi tou dimoun.  Nou annan leskiz sorti kot 3 Manm, enn ki’n bezwen al Lopital, 2 i dan meeting.  Clerk nou bezwen gete si nou annan 17 enkli mwan menm pou annan en Quorum.  Si nou napa 17 nou pa pou kapab.  Pardon?

HON CHARLES DE COMMARMOND

Mr Speaker we don’t have a Quorum.

MR SPEAKER

Si nou napa Quorum malerezman nou pa pou kapab kontinyen.  Nou’n ganny parey mon’n dir yer Onorab – avan yer osi Onorab Vidot i Lopital, Onorab Georges i lo Misyon overseas konman en Ziz COMESA.  I annan en Onorab ki’n eskiz son lekor son nyes i malad in bezwen anmenn lopital.  I annan 2 Onorab ki’n al meeting Beau Vallon.  So annou esper ankor 5 minit nou ava vwar si i annan okenn dimoun ki pe vini.  Ok?  Silvouple.  Akoz i annan bann – nou ti pou – antretan pou bann ki la nou espere nou a ganny 17 dimoun.  Nou pou al lo DICT, PS Choppy in vini pou akonpanny Vis-Prezidan e i lo paz 57.  So an preparasyon pou nou gete si nou ganny 17 dimoun paz 57.  Bon mon krwar nou a gannyen en Quorum.  Clerk mon krwar nou annan 17 dimoun non?  Tre byen mersi Onorab De Commarmond ek Onorab Valmont ki’n al ris Onorab Hoareau deor.  Onorab Herminie i antre, mersi.  Bon parey mon’n dir nou pou kontinyen nou travay ki nou’n konmanse bomaten avek Vis-Prezidan ek bann Lazans ek bann Departman ki tonm anba li.  Apre midi la nou pou konmans avek DICT paz 57.  E mon ti a kontan swet labyenveni Mr PS Choppy ki’n vini avek son delegasyon Mr Barra ek lezot ki la.  E parey nou’n dir bomaten nou lo Committee Stage so if ou anvi fer okenn pwen VP ou anvi oubyen ou PS i anvi kriy, okenn dimoun pou vin asiz o-bor ou napa problenm.   Onorab Afif.

HON AHMED AFIF

Mersi.  Bonn apre midi tou dimoun.  Mersi Mr Chair.  Mr Chair mon ti a kontan zis en pti pe klarifikasyon lo paz 59.

 

MR SPEAKER

Paz 59.

HON AHMED AFIF

Paz 59 i montre anba ‘’wages and salaries and cash’’ in sorti 14.5 milyon an 2017 pou vin 17.18 milyon.  Alor i en logmantasyon preski R3.5 milyon sibstansyel – konpare ek 14.  Alor si ou kapab donn nou en leksplikasyon lo la akoz sa in monte.  E answit donn nou en pti pe detay parski nou napa breakdown 2017; ni dan soft copy nou napa.  2018 nou annan me 2017 nou napa.  Si ou kapab donn nou sa item swivan anba ‘’office expences’‘ ki’n mont sorti 12.4 pou vin 13.6 e paret laplipar ladan Internet.  Selman si ou kapab donn nou en pti pe detay si ou pe pey internet Gouvernman antye.  Answit ‘’maintenance and repairs’’ in sorti R100 mil pou vin 3 milyon.  E i paret i annan en High Tech equipment ki ou pe repare.  Dir nou kwa sa.  ‘’Other uses of goods and services’’ i sorti 20 milyon i arive 21.7 milyon.   E ladan nou vwar bokou consultancy fees ankor i annan maintenance ladan.  Si ou kapab donn nou en pe detay silvouple.  Mersi.

PS BENJAMIN CHOPPY

Mersi Chair.  Mon a pran ‘’wages and salaries’’ premye.  Son total increase i 3.31 milyon.  Sa i konpoze par swivan:- premyerman i annan Scheme of Service DICT ki’n – ICT Scheme of Service ki ti’n ganny revize lannen pase selman i ti konmans from mid 2017.  So sa konponan ki pe swiv i annan 1.31 milyon pour second half pou kouver Scheme of Service pou remainder of 2018 antye.  Epi i annan serten additional post ki’n mete.  Ladan i annan 0.89 milyon pou en Cyber Security Unit.  Rezon akoz nou bezwen fer sa se an best practice ler ou pe manage en network se ki ou Cyber Security Unit i bezwen separe from ou loperasyon. Currently sa i entegre e i pa dapre best practice pou ensure sekirite.  So sa pou rod 3 dimoun pou fer sa.  Ou annan osi tou additional 0.39 milyon. Li  i pou 4 additional technician level dimoun, pour lo kote Telecoms Regulation akoz lannen prosenn ler nouvo ‘Communications Bill’ i vin –  i ganny pase ou pou bezwen additional  dimoun  pou fonksyon licensing ki deal avek telecom i transfer over.  So sa i pou sa bann dimoun extra ki ou pou bezwen.  Epi i annan en 0.1 pou en office assistant ki ou pou bezwen dan DICT; principally akoz work load avek sirtou Laptop Scheme in monte.  Nou ti abitye fer 1200 la prezan i pe vin 3 mil an montan ka ki nou process par lannen.  So sa pou sa.  I annan 0.161 dan bann zafer gratuities, promotions, eksetera.  Bann pti depans.  Epi i annan en 0.46 milyon li i pou bann vacancies related avek payroll.  Si mon kapab zis eksplik sa.  Ler Finans par egzanp i pran son, i pran ou budget 2017 i baze lo en serten snapshot from en serten mwan.  Be usually ou pou annan en pe vacancies ki ou pou recruit dimoun the rest of sa lannen.  E sa ki konmsi ou aziste li from a budget perspective.  Si ou add tousala ansanm, i tonm 3.31 which is roughly the estimate ki sa.  Lo kote –so sa ‘’wages and salaries’’.   Lo kote ‘’goods and services’’ premye kestyon ti ‘’office expenses’’ in monte par 1.397 million.  Rezon prensipal pour sa mazorite 1.3 milyon i actually pou public WIFI.  Lannen 2017 sa ti’n peye santralman anba Minister Finans.  E since DICT ki pe manage sa proze, sa in transfer kot li.  Epi i annan sa 97 mil – sa i en prozeksyon ki nou’n mete pou elektrisite – additional.  Akoz nou pe eksepte nou annan plis lekipman e plis loperasyon.  So sa i address sa.  Sa lot kestyon about ‘’other goods, used of goods and services’’ ek ‘’maintenance’’ actually sa si ou gete anba i annan en si ou get son diferans anba minor capital i annan en gran minus 3.52.51 ki apepre 3.5 milyon.  Si ou met li ansanm, the net increase actually i tonm apepre 5.297 milyon.  Si ou tir sa 1.397 ou end up avek en net increase of 3.951 milyon e sa i ganny fer- i consist of the following.  I annan 2 milyon ki al kot consultancies.  Nou’n book sa anba ‘consultancies’ se pou nou kapab rod en pe plis dimoun pou travay on very specific projects, pou kapab fini louvraz ki sirtou lo bann information systems ki nou annan very tight deadline pou sa.   Nou pe target 6 dimoun ladan.  Epi i annan en amount 0.945 ki avek  withholding tax ki nou pe antisipe pou kouver pou 2016  ek 2017.  I annan en 0.906 milyon sa pou nou ranplas 2 veikil ki vye.  Zot date depi 2003.  Epi nou annan en 49.69 mil, li i pou nou increase spending lo kote telecoms regulatory e mazorite louvraz i vreman bann studies, bann investigations ki include bann consultancies.  So si ou add sa, sa i tonm ou net increase 3.951 million.

MR SPEAKER

Onorab Afif.

HON AHMED AFIF

Si ou kapab donn mwan en pe detay lo ‘software license fees’ ki i annan R7 milyon, kwa sa e an tou ek ‘foreign consultancies ou annan 4 avek 2 i fer 6 milyon.  So zis ou license avek ou software license i fer 1 milyon Dolar lanmenm.  So zis si ou kapab donn nou en pti pe detay egzakteman lo sa software apre sa bann foreign consultants sirtou.

PS BENJAMIN CHOPPY

Pou software nou net cost, nou net Bidze ki nou bezwen depanse pou nou bann, nou bann license fees, i annan en gran set software mon pa konnen si oule mon go through Onorab.  Selman i annan par egzanp nou annan – nou bezwen service nou Microsoft Enterprise Agreement ki kouver tou bann license Gouvernman ki nou servi across Gouvernman antye.  I annan bann Anti-virus e tou bann lezot license ki nou servi e i osi tou kouver nou support Premier Support Agreement ki pe donn nou sipor teknik from Microsoft.  So sa an total i tonm 6.95 apepre.

MR SPEAKER

Onorab Afif ou ok?  Onorab Mondon.

HON TERENCE MONDON

Mersi Mr Speaker.  Mon annan detrwa pti kestyon.  Mon vwar dan zot lo paz 57 ki zot in konmans sa proze (HIS) Health Information System e mon krwar zot pe pas lo faz lenplimantasyon next year. Mwan mon anvi konnen, sa proze zot pe al fer menm, pa DICT ki pe undertake sa proze.  E akoz, eski zot in get bann opsyon off the shelf, olye zot devlop li zot menm?  Petet ki konparezon ki ou’n come up avek ki’n fer ou pou – par lefe ki an menm tan ou dir ou bann challenges, se pou ou ganny bann technical staff; petet sa mon anvi vwar ki analis ou’n fer lo la.  Dezyenmman mon konnen i annan PS  ler i dan en pozisyon en pe difisil akoz, i Chairman Pension Fund mon mazinen – PS Payet.  An menm tan mon pe gete ek sa rent 4  million ki DICT i peye, napa okenn room mon pa konnen kot Mr Payet pou debout aprezan pou kapab fer sa rent desann.  Eski 4 million per year kou sa space. Eski konbyen i tonbe?  Eski i en rate ki dapre ou area eski i rezonnab an term ki Gouvernman i sipoze peye an term rent?  E mon ti a kontan ganny en pti pe zot pwennvi lo la si i annan scope pou nou kapab revwar sa rent.  E mon trwazyenm kestyon, eski DICT i ganny okenn special rate parey la nou pe koz avek bann telecom companies.  Par lefe la parey nou pe koz public WIFI konpare avek bann … eski ki bann rate zot pe gannyen eski menm level avek bann lezot – bann customers pe gannyen, ouswa zot annan special rates …?  Mon anvi konnen si zot annan okenn negosyasyon pou zot kapab ganny en meyer rate pou sirtou sa bann public WIFI ki annan en gran nesesite dan pei ozordi.  Mersi.

MR SPEAKER

PS Choppy, oubyen PS Payet oubyen zot tou lede.  Mon krwar kestyon i vize pou zot tou le de.  PS Choppy.

PS BENJAMIN CHOPPY

Mersi Chair.  Pou reponn Health Information System, DICT pa pe fer li menm.  Actually sa desizyon ti pran very early on ki nou pou outsource.  Son funding i from en Exim Bank mon panse loan ki- ouswa Grant from Government of India.  So i annan en serten lareg ki ou bezwen swiv ladan.  E sa sistenm menm in fini ganny tender during the course of this year.  Bann evalyasyon teknik pe fini akoz tou bann tenders pou sa in antre e tim teknik ki pe evalye li.  Mon ekspekte end of sa mwan ouswa beginning of December, i kapab donn son evalyasyon ek son rekomandasyon.  Akoz Health Information System osi tou, i zeneralman ler ou gete enternasyonalman, ou pou le enn ki deza etabli operational at least three years, pou fer sir akoz i consider en very sensitive system.  So sa enn pa nou ki pe fer nou actually deside pou outsource li.  Lo kote rent mon panse ma pran kekfwa PS Payet mon a lo kote special rates DICT, nou pa ganny neseserman special.  Parey rates pou sa public WIFI nou ti tender pou sa amount.  E the one ki ti kapab donn nou the most bandwidth pou sa Bidze ki nou ti annan, ki Finans ti indicate the amount e sa ki gannyen.  Lo kote bandwidth i vreman depan lo volume. – ki rode DICT, akoz nou consolidate bandwidth Gouvernman antye obviously son pri i alinyen avek koumsa.  Mersi.

MR SPEAKER

PS Payet ou le azoute lo rent.

PS PATRICK PAYET

Mersi Mr Chair.  Mersi Onorab.  Zis pou azoute actually ki DICT pe pey li 350 par met kare – 350 par met kare epi occupied 968 met kare.  So mon krwar sa rate li menm i very competitive konpare avek what exists in Victoria.

MR SPEAKER

Onorab Mondon ou 3 kestyon in ganny reponn?  Ou satisfe?  Onorab Mondon ou ok?  Onorab De Commarmond.

HON CHARLES DE COMMARMOND

Mersi Mr Chair.  Mr Chair petet Mr Choppy ti kapab ler nou gete lo paz 59 mon vwar sa gran logmantasyon dan son Bidze pros 9milyon.  E lefe ki mon konnen zot kontrol sa framework pou telekominikasyon, konmsi ki zot rol ki mannyer zot kapab ede; e Seselwa ozordi pe konplent bokou lo pri telekominikasyon.  Ki mannyer sa logmantasyon dan Bidze ou pou ed lepep Seselwa pou annan en pli bon deal kot i konsern telekominikasyon son cost.  Mersi.

MR SPEAKER

PS Choppy.

PS BENJAMIN CHOPPY

Mersi Chair.  Pri telekominikasyon vreman akoz nou model ki mannyer Sekter Telekominikasyon i marse se vreman en liberalised marketSo dan sa kalite model i vreman nivo konpetisyon ki determinen ki pri i ete.  So DICT pou le moman i Regulator osi tou dan sa area.  I annan 2 fason zeneralman ki ou kapab sey drive down pri dan en model koumsa; swa ou fer plis konpetiter vini, additional operators ouswa operators ki existing i antre dan bann diferan service pou dan diferan market sorry, pou zot compete.  E sa i en propozisyon ki nou’n anvoy kot Gouvernman kekfwa pou pli proaktivman rod operater ki kapab enterese.  Akoz menm konmela napa quota lo operater dan nou framework.  Selman kekfwa bezwen al en pe pli proaktiv al sey rod bann ki potansyelman enterese.  Sa enn.  Epi dezyenmman dan tou marse ou tant pou annan bann serten sa ki ou apel barriers to competition.  So dan sa kote regilater i sey redwir sa bann barriers otan ki posib.  Pou nou kapab fer plis, nou bezwen sa nouvo ‘Communications Bill’ ki nou’n preski fini formile sa lannen.  Nou ekspekte ki next year anmenn- i pou fini son prosesis White Paper epi then i kapab anmenn sa. So sa i a definitivman osi tou sanz fason ki Sekter Telekominikasyon i ganny zere kot ou vwar i annan en regulator ki diferan avek Departman kot ki fer Polisi.  E sa i a ede avek redwir bann baryer.  I osi tou byensir aprouv bann tarif ki vini e mon krwar sa lannen nou’n aprouv detrwa; ki again in ede konmsi kantite cost per unit bandwidth in desann en pe.

MR SPEAKER

Onorab De Commarmond.

HON CHARLES DE COMMARMOND

Wi Mr Chair.  Akoz ki tou konpetiter pa lo menm pa alor?  Letan mon’n ekout ou i kler poudir pa tou konpetiter ki lo menm baz.  Savedir i annan unfairness.  Akoz tou sa letan ki ou la e ki sa body i la i pa kapab fer ki sa bann baryer i ganny brize, i ganny met lo menm nivo e pou fer ki i ava ede ek konpetisyon pou fe desann pri?  Mersi.

MR SPEAKER

PS Choppy. 

VICE-PRESIDENT MR VINCENT MERITON

Mr Chair avek sa Lalwa telecoms Bill i a permet nou annan en Lalwa revolisyoner ki pou kapab adres sa bann kestyon en level playing fieldunfair advantage dan domenn telecom.  Ou apresye poudir i annan detrwa operater, i annan ki’n la avan kanmarad pou en bon pe letan avan kanmarad, e i demann atraver nouvo lezislasyon modern pou kapab tir sa bann baryer.  PS in eksplike ki en lot opsyon se annan plis konpetisyon.  Plis konpetisyon anmenn en lot konpetiter.  Nou osi apresye ki pou en pti marse parey pou nou ou pou met plis, ou annan risk saturate marse e vreman serten dimoun i tonm faid.  Me selman ki nou krwar ki osi posib i annan bann diskisyon ki’n pran plas me selman bann propozisyon ki bann operater in anvoy kot Gouvernman, Gouvernman pe ganny konsidere, me selman sa bann propozisyon ki pe mete nou pa krwar i pou mars anliny avek sistenm Gouvernans, sistenm Gouvernman, kot i annan pe demande ki nou redwir to tax preski konsiderableman avek zot pou redwir par en pti to ki pa pou fer okenn diferans.  Gouvernman i anmas en kantite larzan PS Payet i a konfirmen e nou pa kapab fer desann parey zot pe propoze.  So nou krwar nou meyer keksoz se ki nou anmenn sa Lalwa i a permet retir sa bann unfair advantage pou nou kapab bouz devan.  Mersi Mr Chair.

MR SPEAKER

Onorab Andre.  Pardon I mean PS Choppy ou anvi azoute?

PS BENJAMIN CHOPPY

Mersi Chair.  Mon ti a zis osi tou azoute.  Ler ou get historical data dan Sekter Telekominikasyon.  Mon krwar depi ler nou’n konmans liberalize dan 90’s.  Sa model ki nou pe swiv in annan son lefe li akoz si zot rapel, kekfwa dimoun pa rapel osi tou, kot nou ti ete e kot la nou ete in annan.  Selman kekfwa la nou’n reach en nivo ki nou bezwen annan en kek adisyonnel entervansyon, pou nou kapab ganny menm plis konpetisyon pli bon valer e tandans i – mwan ler mon gete mon trouv tandans i pa totalman negativ; akoz si ou get parey pri cost per gig i pe desann gradually selman kestyon ki nou pou fer ki nou kapab fer ankor pou fer li e menm pli abordab.

MR SPEAKER

Onorab Andre.

HON CLIFFORD ANDRE

Mersi Mr Speaker.  Mr Speaker letan mon pe get breakdown ‘’goods and services’’, an referans avek 3 (6).  (3) – 6enm i dir ‘printing, stationary – printing, (comma) stationary and publication ki annan en valer R181mil.  Mon konpar li avek 7 (a), 7a – ki anba kot i minor capital outlays ankor mon vwar ‘’machinery and equipment’’.  Ladan mon vwar i annan acquisition of IT equipments.  A plizyer repriz i ganny repete.  Mon pe sey rekonsilye sa de akoz i annan sa diferans e akoz i anba 7a i aparet plizyer repriz ek diferan sonm.  Sa i enn, Mr Chairman.  2enm se lo 4 (2), i koz lo ‘’fares.’’  I annan ‘’domestic fares’’ enn i 3mil, ‘’overseas fares’’ 195 mil apre i annan ankor ‘’domestic fares’’ mon kestyon se akoz i aparet plis ki en fwa?  Si i pa kapab ganny mete ansanm ouswa si sa i ganny fer pour ki serten sityasyon in ganny pran an konsiderasyon lo la?  Sa 2enm.  3enm Mr Speaker se 5 (4) dan ‘’goods and services’’ 5 (4) i ankor la i mansyonn motor vehicles, 5 (4) transport equipments of 70 thousand, me selman letan nou get 7 (5) ‘’insurance and license fees.’’  Insurance for vehicle nou vwar i 93 thousandSo mwan mon ti pe sey – mon pe sey konpran akoz sa chiffre?  Kekfwa PS i kapab eksplik mwan sa dynamism dan sa chiffre. E letan nou pe get ‘’acquisition of cars’’ i annan 900 mil ki tonm anba ‘’acquisition of cars’’.  So ki diferans i annan ant sa enn premye anler avek sa ‘’acquisition of cars’’ la avek son lasirans ki pou mwan i annan en pti disparity ladan unless mon ganny eksplike. Mersi Mr Chairman.

MR SPEAKER

PS Choppy.

PS BENJAMIN CHOPPY

Mon krwar ti annan sa kestyon avan regarding cars ki sa pou 2 nouvo transpor.  Pou bann lezot actually menm sa ‘’printing and stationaries’’ kekfwa ki ou trouve i sa akoz i anba diferan areas.  So actually si ou consolidate li, ou pou trouve ki napa okenn sanzman dan sa bann, dan zot total.

MR SPEAKER

Ok?  Onorab Andre.  Ok Onorab Basil Hoareau.

HON BASIL HOAREAU

Mersi Mr Chair.  PS si ou kapab dir nou vi ki Minis in mansyonnen dan Bidze ki ver lafen lannen nou pou met enplimantasyon the ‘’Electronic Transaction Act,’’ ki’n anfors depi aktyelman the ‘Act’ came into force depi 2005 li, pou en kantite letan; kwa ki ou Departman in fer ou pou fer pou fer sir ki sa Lalwa i ganny enplimante?  Parske sa i pou ed nou dan ease of doing business. 

PS BENJAMIN CHOPPY

Chair mersi. Ok ‘Electronic Transaction Act’ i vre i en Lalwa en bon pe letan ki lo books Gouvernman, lo nou books Lalwa; i pa ti vreman en demann pou enplimant li until mon pou dir relativman resaman kekfwa sa – la ou annan de keksoz ki akoz ou bezwen sa Lalwa pou enplimante.  Premyerman ou annan bann Departman i konmans annan bann Departman Gouvernman, ki le fer sa – zot business process san poursan elektronik.  So ladan i pa zis bezwen elektronik i bezwen osi tou legally valid, konmsi recognized.  E ou osi tou ou annan par egzanp koleksyon tax ki zot le fer again 100 poursan elektronik, menm pey li elektronikman.  So ou annan sa laspe legal.  Now ler nou’n konmans ganny sa kalite, nou bezwen get pou nou enplimant ‘Electronic Transaction’s Act,’ now avek nou diskisyon – donn nou advise lo sa bout Lalwa e ti kler ki nou bezwen osi tou met  en regilasyon ki related avek sa Act ,ki klarifye serten keksoz, standar eksetera . So 2017 nou’n travay en kantite lo la e nou’n fini formil a sa regilasyon.   AG’s Office in fini met li dan son form Draft e nou’n sirkile pou inputs, bann parti ki’n donn inputs.  So nou ekspekte ki ver lafen Novanm ouswa konmansman Desanm nou pou kapab anmenn kot Cabinet pou ki li finally.  E ki sa regilasyon i a in force.  E ler i in force, then the Act can be implemented.  E byensir par egzanp dan son Lalwa i fer en provizyon pou enn, pou bezwen Controller of Certification Authorities, pou bezwen ganny apwente e bann lezot bout mekanizm ki bezwen met an plas.  Selman an term regilasyon, i pare; mon pou dir lo kote – in fini practically pare zis bann dernyen pti koreksyon ki pe ganny fer.  Mersi.

MR SPEAKER

Onorab Henrie.

HON GERVAIS HENRIE

Mersi Mr Speaker.  Mon annan 3 pti kestyon vitman.  Premyerman lo kestyon ki Onorab Leader of Government Business in demande lo kestyon fer pri desann e PS in reponn dan son larepons in mansyonn sa cost per unit bandwidth.  So mon ti ava kontan demann li, si son Departman zot in deza fer legzersis pou determin en rate ki zot zot santi konman Gouvernman i rezonnab e ki nou kapab met li la deor pou piblik tande.  Sa i enn.  Dezyenmman lo kestyon ki Onorab Afif in demande en swivi lo la, lo sa sonm 10.8 milyon ki dan ‘’office expenses ‘’ki al pou public WIFI.  Akoz sa sonm i ase konsiderab mon  ti ava kontan demann PS si zot in fer en legzersis lo pou regard pattern konsonmasyon sa WIFI dan sa bann lespas pou vwar par egzanp lekel ki pe servi e ki olye ki nou zis kontinyen siport sa Scheme, pou nou regarde  kote ki nou kapab amelyore ou fer en lekonomi.  Sa i 2.  Apre trwazyenmman Mr Speaker letan mon pe get son stratezi baze lo 2018 – 2020 sa ki mon anvi demann PS – par lefe ki mon konsyan ki DICT i annan en challenge vizavi human resources partikilyerman qualified staff so ki mannyer zot pou kapab akonplir sa bann target ki zot pe priyoritize.  E dan sa menm lespri se kote par egzanp la dan sa bann spending ki pou konmans etale pou achieve en pe sa bann target, akoz i konmans depi 2018.  Mersi bokou.

MR SPEAKER

PS Choppy.

PS BENJAMIN CHOPPY

Mersi Mr Speaker.  Rate nou pa aktyelman set rate ouswa prescribe rate dan nou – dan model telecom konmela rate basically set ultimately par marse e ki sa- so mon krwar kekfwa sa ki nou pe planifye fer at en pwen se, fer en analiz of the cost of providing internet.  So that nou annan en better understanding menm lo kote Gouvernman ki si sa ki pe kontribye to konmsi akoz sa cost ki mannyer i ete.  Sa ki sa selman lentansyon se pa pou publish en rate target.  Se vreman pou nou konpran ki si sa ki pe – ki fer pri mannyer i ete.  Lo kote sa 10 milyon pou WIFI aktyelman nou pa pe depans 10 milyon pou WIFI, 1.3 milyon ki al kot WIFI. E wi nou annan data akoz nou fek konmans sa this year.  The rest se pou sa 9.  Keksoz milyon actually  se pou internet Gouvernman antye ouswa mazorite Gouvernman ki konekte avek  network santral Gouvernman pou ganny Internet, e osi tou bann point to point lease circuits ki konekte diferan pwen Gouvernman ansanm.  Sa ki the bulk of sa.  So sa enn pou public WIFI se 1.3 milyon.  E wi nou fek konmanse sa lannen sa proze nou pe get bann data utilisation pou nou ganny en pe plis lenformasyon, pou nou rekalibre serten keksoz si fodre.  Lo kote stratezi human resource, i vre nou annan en kantite keksoz ki nou bezwen fer dan en kour relativman kour letan.  Pou nou kapab fer sa nou stratezi si nou pe target plito rod, specific Konsiltan. Unfortunately otan ki nou kapab ganny Seselwa nou pran selman dan ka kot nou pa sa nou rod bann Konsiltan lo specific projects, ouswa lo specific studies ki nou servi short term as a service Contract e zot fini sa zot handover avek nou.  So sa ki nou stratezi pou la.

MR SPEAKER

Onorab Aglae.

HON EGBERT AGLAE

Mersi Mr Speaker.  En pti follow -up question pou PS.  PS lo – anba ‘’new spending initiative ‘’ankor en pti pe dan laliny ki Onorab Henrie pe demande, kot i konsern sa public WIFI internet access, petet mon kestyon se ki rasyonalite akoz dan ou manda prensipal i annan 3 pwen enportan se provide Gouvernman avek bann fasilite ICT, regulate bann Polisi ki gouvern ICT avek sa bann localize CT sector.  Petet ki rasyonalite ki zot pe al donn en public WIFI.  Eski sa pa pe antre en pti pe avek bann lezot partner parey cable ki zot pli mye plase pou fer sa bann servis.  Petet ki rasyonalite par deryer sa pou donn sa servi?  Mersi.

MR SPEAKER

PS Choppy.

PS BENJAMIN CHOPPY

Mersi Chair.  Public WIFI ki donnen zeneralman i annan en kantite pei, i annan en kantite model, i annan diferan model pou donn public access to WIFI.  Dan serten model ki nou ti gete par egzanp Local Government sa pei ouswa sa city i actually find sa.  I ganny trouve ki sa kalite servis i benefisye dimoun at large e i convenient pou sa.  Inisyalman mon pa panse nou pe compete avek Private Sector as such si mon kapab zis elabore.  Nou ti pou compete si dizon DICT ouswa Gouvernman, nou ti pou rod sa- akoz ou bezwen rod bandwidth pou ou donn dimoun pou servi.  Si nou di nou pe rod nou prop satelit, nou prop dish, nou prop fason fer sa, be nou pa pe fer li koumsa.  Mannyer nou pe se fer nou off nou’n tender out avek bann operater ki dan sekter menm so byensir sa enn ki donn the best option li ki benefisye from sa biznes.  So i pa dan sa fason si ou get li dan son term … i pa vreman en konpetisyon ki nou pe fer.  Diferans se ki pou obviously parey Cable i kapab offer pou li selman se zis son kliyan ki servi.  Bann cities deor si Local Authority ki fer tou dimoun i benefisye.

MR SPEAKER

Onorab Simon Gill.

HON SIMON GILL

Mersi Mr Speaker.  Bon apre midi Mr Speaker.  Bon apre midi VP ek ou lekip.  Bonn apre midi tou koleg Onorab e piblik ki pe ekout nou.  Mr Speaker mon krwar nou’n ariv lo en crossroad avek sa zafer pri Telekominikasyon dan sa pei. Mon krwar nou bezwen bouze e fer bokou plis ki sa.  Sa bann konpannyen pe fer en ta profi.  Gouvernman prezan i donn zot larzan ankor pou met WIFI dan piblik e ou tir li dan Bidze.  Ki mannyer nou kapab go back, kot sa bann service provider ozordi pou zot provide sa public WIFI, olye ki nou, nou tir larzan dan nou Bidze pou nou provide public WIFI?  Mon konpran nou pe bouz dan en modern world, dan en modern fason viv.  I byen.  I trendy sa ozordi.  Mon konpran.  Me an zeneral sa 95 poursan Seselwa ozordi, ki pe servi sistenm telekominikasyon atraver bann service provider pe ganny pa neseserman en good dealNow eski PS ou pe dir nou ki sa Lalwa ki pe vini pou obliz sa bann service provider pou fer desann zot pri?  An menm tan ou dir nou poudir se Lalwa konpetisyon ki pe determin rate ozordi?  Eski nou kapab pran sa bann service provider ozordi met zot otour en latab nou tonm dakor pou fer desann sa rate ki piblik Seselwa pe pey sa bann servis.  Silvouple mon pe koz lo non sa 98 poursan Seselwa ki pe servi sistenm telekominikasyon atraver sa bann diferan servis ki zot provide.  Mr Speaker mon pe atann en repons lo sa.  Mersi.

MR SPEAKER

PS Choppy.

PS BENJAMIN CHOPPY

Mr Chair Lalwa pa pou kapab fors okenn operator fer desann son pri.  Sa ki i devret ede se i ede redwir bann baryer konpetisyon, parmi bann operators ki annan la konmela akoz sa mekanizm dan sa kalite model.  An term met bann operators ansanm lo en latab pou sey demann zot pou redwi pri, mon krwar Minis Finans deza in antreprann sa legzersis e nou pe atann analiz avek sa.

MR SPEAKER

PS Payet ou ti a kontan azoute? PS Payet ou ti a kontan azoute apre Onorab Gill i a fer en follow-up question.

PS PATRICK PAYET

Thank you Mr Chair.  Zis pou azoute ki parey letan Minis ti prezant son Bidze 2017, en keksoz ki i ti anvi, i ti propoze pou met plis lanfaz lo la e vwar en rediksyon dan pri Telekominikasyon.  Me nou’n envit bann operater pou met en pe zot bann propozisyon devan.  Me initial propozisyon ki zot in met devan se zot in met lanfaz lo tax rate ki egziste ozordi ki zot panse akoz dapre zot bann analiz ki zot in fer sa 33 poursan i en pe tro pou zot konpare avek bann lezot biznes ki pey 30 poursan.  Zot in anvoy en pe zot bann propozisyon ki aktyelman nou bann teknisyen pe analiz en pe pli profon pou vwar baze lo zot bann rekomandasyon ki zot in met devan Gouvernman, kwa ki nou kapab fer ouswa kwa ki nou pa kapab fer a sa moman.  Me selman plis lanfaz ki zot, zot in mete se sa tax rate ki egziste ozordi.

MR SPEAKER

Onorab Gill.

HON SIMON GILL

Mersi Mr Speaker.  Eski nou kapab demann PS pou donn nou en dele letan rezonnab pou ganny en feedback e pou nou kapab bouze lo sa kestyon Mr Speaker.  Mersi.

MR SPEAKER

En timeline PS.  Kan apepre?  PS Choppy ou PS Payet.

PS PATRICK PAYET

Mr Chair nou ava target premye ka lannen prosenn pou nou kapab anmenn en bilan baze lo bann proposal ki zot in mete e sa assessment ki nou’n fer lo sa bann rekomandasyon, ki zot in met devan nou.

MR SPEAKER

Zis pou dir ki si mon rapel byen bokou bann entervenan in koz lo la, rediksyon pri bann servis telekominikasyon dan diferan entervansyon.  Alor ler ou dir lannen prosenn mon prezimen 2018 petet nou bezwen met li en pe boner 2018.  Onorab Ramkalawan ou annan en kestyon relye.

HON WAVEL RAMKALAWAN

Yes Mr Speaker.  Pou retourn spesifikman lo Bidze premyerman dan ‘’goods and services,’’ the foreign consultants, donn nou en pe plis detay lo la.  Eski i annan okenn tender process ki’n ganny fer?  Dezyenmman letan pe koz public WIFI lekel ki sa provider e si in annan en tender process pou regarde lekel ki ofer keksoz pli bon marse?  E trwazyenmman dan ou Bidze eski i annan okenn, i annan okenn provizyon pou dimoun kapab fer bann peyman dan bann landrwa Gouvernman avek kart parski la pou le moman i resanble i annan en gro problenm.  Eski sa i osi dan ou Bidze.  Mersi.

MR SPEAKER

PS Choppy.

PS BENJAMIN CHOPPY

Mersi Chair.  Lo kote public WIFI wi nou ti tender sa lannen e ti go through the normal tender process. E en operater – ti annan 3 mon krwar ki ti apply.  Sa enn ki ti pe ofer the most bandwidth pou sa Bidze ki nou ti annan was the one ki sa.  Ti Airtel. Ok.  Lo kote consultancies tender process definitivman si nou pe rod nouvo consultants bann ki vini nou bezwen tender.  Yes sa generally mannyer nou – i annan strict rules mannyer i pase sa.  Lo kote kart nou lo kote DICT byensir bi en technological organization, nou tou letan ankouraz litilizasyon bann sistenm peyman elektronik selman i pa dan nou Lotorite par egzanp pou enpoz konmsi en landrwa ki mannyer pou fer son peyman.  Selman sa ki nou pe travay for lo la se parey bann e-services ki nou offer – sa se otan ki posib dimoun i kapab servi online payment ouswa efektivman ou servi ou kart ouswa lezot mwayen elektronik.

MR SPEAKER

Onorab Ramkalawan ou annan en lot related question?

HON WAVEL RAMKALAWAN

Yes zis en pti – lo kestyon foreign consultants.  Ou pa’n dir nou lekel ki ti la avan e – well ou pa kapab dir nou lekel ki pou gannyen amwen ou konnen lekel ki pou gannyen –be dir nou lekel ki ti la e …

MR SPEAKER

PS.

PS BENJAMIN CHOPPY

Ok pou foreign consultants nou ti annan – nou ti short of programmers pou nou fer en proze ki nou ti bezwen fini dan en very short delay.  So nou ti recruit sa bann dimoun.  Nou ti advertise first locally, nou pa ti ganny dimoun ki enterese.  E therefore then nou ti advertise deor e nou ti pik 2 dimoun pou travay sa lo kote software.  Epi nou ti annan – last year nou ti annan osi tou en dimoun lo kote Telecom.  Li i ti go through son full process pou again pou recruit li.

MR SPEAKER

Onorab De Letourdie.

HON JANY DE LETOUDIE

Mersi Mr Chairman.  Bon apre midi tou dimoun.  Mr Chair dan mon demars pou mon sey konpran ki Gouvernman i gannyen avek bann provider.  Zot ava gete lekel ki pou reponn sa.  Par egzanp la mon annan mon Bill internet i ariv R815 apre mon vat i 122.25 mon mazinen sa 122.25 i al pou Gouvernman.  Anfen eski dan sa R815 i al antyerman pou provider oubyen Gouvernman i ganny ankor en keksoz ladan?  Mersi.

MR SPEAKER

PS Choppy oubyen PS Payet.

PS BENJAMIN CHOPPY

Mersi Mr Chair mon krwar i plito en kestyon Finans ek taxation kekfwa PS Payet i dan en pli bon pozisyon pou reponn ki mwan.

MR SPEAKER

PS Payet.

PS PATRICK PAYET

Mersi Mr Chair.  Zis pou azoute ki telecommunication companies zot pey the VAT parey tou bann lezot biznes si zot turnover i pas 2 milyon.  E secondly zot annan en tele connection license e sa zot ganny peye en poursantaz lo zot turnoverSo sa license i ganny peye e aktyelman lo Bidze 2018 nou’n forecast R84 milyon pou kolekte 2018.  Apre zot pey zot, zot business tax.  E Lakonpannyen Kominikasyon zot high rate konpare avek bann lezot biznes ki pey 30 poursan e zot, zot pey 33 poursan parey labank, konstriksyon, telekominikasyon i dan sa group kategori.  So sa, sa 3 koneksyon ki’n zwenn nou.

MR SPEAKER

Onorab Larue.  Apre Onorab Ferrari.  Hon Larue en pti moman ou non i lo lalis.  Onorab Ferrari.

HON JEAN–FRANCOIS FERRARI

Mersi Mr Speaker.  Mr Speaker mon kestyon i pou PS Payet.  PS aparaman enn bann rezon akoz bann pri – bann providers pa kapab agree, pa oule aksepte pou negosye pou fer bese pri, se ki i annan ki dir ki pa zot tou ki pey menm tax menm rate – menm rate mon krwar zot out me pa menm tax.  Par egzanp Cable i dir ou poudir intelvision li i annan bann kondisyon spesyal, i annan serten tax i pa peye.  E mon ti a kontan konmsi si ou kapab dir avek sa Lasanble si sa i korek e si i korek kan eski tou dimoun pou pey parey e ki the playing field will be level e la nou ava kapab met sa bann dimoun otour en latab dan en level playing field e fer sir ki Seselwa i ganny en pe keksoz akoz mon pa konnen si ou bann servis in fer en lanket lo profitabilite, profitabilite bann konpannyen telekominikasyon Sesel.  Si it’s the same as worldwide oubyen si i bokou plis be selman pli enportan la se eski sa bann konpannyen notaman Intelvision, eski i pe pey tou bann tax ki lezot pe peye at exactly the same rate?  E menm license tou keksoz.  Oubyen li i annan bann kondisyon spesyal?

MR SPEAKER

Mersi PS Payet.

PS PATRICK PAYET

Mersi Mr Chair e mersi Onorab.  Zis pou azoute ki sa kestyon ti monte dan Bidze 2017. E nou teknisyen avek SRC nou’n asize nou’n analiz okenn Lagreman ki ti egziste, nou ti vwar ti annan Lagreman avan 2008 ki ti egziste pou Intelvision.  E apre sa bann analiz ki nou’n fer se i pe pey parey bann lezot Lakonpannyen Telekominikasyon.  Sepandan par egzanp letan nou’n fer meeting avek bann lezot lakonpannyen sa lannen, zot in still mansyonn sa parol ki zot in dir ki i annan Lakonpannyen ki pe ganny unfair advantage.  Sanmenm sa ki nou nou’n dir zot SRC pa kapab ale dir avek en lakonpannyen konbyen lot pe peye, me selman nou nou’n asize avek SRC, nou’n fer nou analiz, tou bann Lagreman ki ti egziste avan 2008 e nou’n vwar apre 2008 letan reform ti konmanse tou keksoz ti pe peye fairly.   Me sepandan zot i annan Lakonpannyen Telekominikasyon ki still dir ki kekfwa i annan en lot Lakonpannyen ki annan en unfair advantage.

MR SPEAKER

Onorab Ferrari.

HON JEAN–FRANCOIS FERRARI

En pti presizyon Minis, sa ki mon ti a kontan PS  – dir mon tou bann rates tax i parey me eski i annan serten konpannyen ki swa i pa pey VAT swa i pa pe pey LEVI, swa i pa pe pey telecoms license.  Eski parmi tou sa bann tax i annan 5, tou sa bann konpannyen pe peye sa bann tax akoz aparaman bann ki zot pe peye zot pe pey parey, me i annan  bann ki zot pa pe peye zot in ganny exempt.  Eski mon korek oubyen dir mwan mon pa ava bezwen anmenn sa kestyon ankor lannen prosenn?  Mersi.

MR SPEAKER

PS Payet, en mo.

PS PATRICK PAYET

Kekfwa Mr Chair mon a propoze ki nou anmenn sa rapor ki nou’n fer nou ava anmenn li devan FPAC, pou zot vwar an totalite ki bann koleksyon bann Lakonpannyen Telekominikasyon pe peye e dan diferan kategori tax ki egziste.

MR SPEAKER

Onorab Larue.

HON FLORY LARUE

Bonn apre midi tou dimoun.  Mersi Mr Chair.  Lo paz 58 dan Bidze enn bann achievements  zot dir ki zot in kapab enplimant student Laptop Scheme e dan State of the Nation Address, Prezidan  ti dir ki par 3enm term pou annan WIFI dan tou bann lekol e ki- akoz mon pa vwar sa progranm dan zot – dan Bidze la.  Eski ou kapab eksplik nou ki pe arive avek sa?

MR SPEAKER

PS Choppy.

PS BENJAMIN CHOPPY

Laptop Scheme in enplimante parey i ti dir.  Lo kote WIFI dan lekol nou pe travay avek Minister Ledikasyon lekipman pou fer sa nou’n fini kouver dan nou Bidze 2017 ki nou’n fini acquire li.  Pou – i annan diferan konponan ladan pou ou kapab met sa sistenm an operasyon.  Minister Ledikasyon pe fini upgrade bann network dan lekol.  So nou ekspekte ki zot fini avan lafen lannen e then nou, nou pou vini pou met sa bann sistenm e nou osi tou pe diskit avek sa Marine Cable Company pou provide bandwidth pou sa servis.

MR SPEAKER

Onorab Valmont. I mean Onorab Prea.  Onorab Larue ou ti annan en lot kestyon siplemanter?

HON FLORY LARUE

Wi Mr Speaker.  Eskiz mwan.  Eski pou le moman la i annan okenn lekol kot etidyan i annan akse avek WIFI?  Dan tou sa bann lekol eski i annan okenn lekol ki annan WIFI?  E an plis ki sa lo zot kote planning kan ki okenn lekol pou konmans benefisye avek WIFI?  Mersi.

MR SPEAKER

PS Choppy.

PS BENJAMIN CHOPPY

Lo kote Minister Ledikasyon mon pa kapab koz avek Lotorite lo la.  Selman i posib ki i annan serten lekol ler zot in fer zot network zot annan bann WIFI access point.  So zot etidyan ek dimoun bann ansennyan i annan en serten nivo access avek WIFI, sa i posib.  Selman sa ki relye avek sa enn proze, pa ankor annan lekol ki fully lo WIFI.  Nou parey mon’n dir nou pe target avan end of the year pou fini, akoz Minister Ledikasyon ti’n pran en pe delay lo kote zot enplimantasyon bann network upgrade.  So nou bezwen travay avek zot pou zot premye bout fini pou nou kapab fer en lot bout.

MR SPEAKER

Onorab Prea.

HON NICHOLAS PREA

Mersi Mr Chairman.  Mr Chairman mon anvi zis atir latansyon PS lo – anba ‘’office expenses,’’  mon vwar en sonm R1.9 milyon pou elektrisite ki fer plis R150 mil par mwan, plis ki R5 mil par zour.  E ler ou pran sa ou azout avek R4.2 milyon pou ‘’office rent,’’ eski petet zot pa pe vwar dan le fitir ki envestir dan en batiman sirtou en Departman pe regard teknolozi and all that, kot zot a kapab koup lo rent e osi tou lo sa amount ki zot pey elektrisite?  Mersi.

MR SPEAKER

PS.

PS BENJAMIN CHOPPY

Mersi Mr Chair.  Actually sa ti mon krwar Onorab Afif ti’n deza raise lo sa- i son pri high elektrisite se akoz nou bezwen run nou bann server rooms 24 lo 24; 7 lo 7.  I pa kapab arete.  Wi ler ou get son bann kou i en keksoz ki nou kapab konsidere, mon panse sa selman i probably en proze gran anvergir ki nou pou bezwen planifye davans e petet konsidere dan nou Strategic Plan pou fer li.

MR SPEAKER

Onorab Valmont.

 HON JUDE VALMONT

Mersi Mr Chair.  Bon apre midi.  PS mon ti a voudre refer to paz 57 anba ‘’major achievements in 2016,’’ 2017 bullet point nimero 5 mon vwar ki zot in reformulate towering Policy avek Planning. PS nou pe koz bokou lo redwir kou kominikasyon, me selman mwan antretan ki nou fer sa nou Lasanble i pouse pou sa mwan mon ti a voudre demann valer.  Valer pou sa ki nou pe aktyelman gannyen pou le moman.  Alor mon demande avek sa nouvo formilasyon sharing Policy la, dir mwan si zot in nobou ki ou dir deal avek sa bann kontrent ki zot ti pe gannyen.  Par egzanp kantite letan ki pran pou met en tower li menm.  Akoz i annan serten landrwa nou vwar coverage i vreman poor.  Alor zis pou koz lo valer pou larzan.  Mersi.

MR SPEAKER

PS Choppy.

PS BENJAMIN CHOPPY

Mersi Mr Chair.  Tower sharing Policy nou’n formulate li parey mon dir.  I still pe annan serten prosesis konsiltasyon pou nou rafin li; akoz anmezir ou konsilte ou trouve i annan serten bann issues, bann issue i tarde pou process lo Planning, i definitivman ti enn ki nou’n tackle dan sa Policy kot nou’n fer kler prosedir e Planning an kolaborasyon avek Planning Authority konmsi ou fer kler son prosedir ek serten timeline ki i ladan so Policy.  Still nou pe ekspekte nou anmenn kot Cabinet avan end of the year so that then nou met li an full aplikasyon.  Selman ennler bann telecom company enn zot difikilte ki zot dir at least se pou zot ganny en bout later pou zot met towers.  Sa i en challenge pour zot.

MR SPEAKER

Onorab Gill.  Apre dernyen kestyon Onorab De Commarmond.

HON SIMON GILL

Mersi Mr Speaker.  Mon le zis kontribye en dernyen pwen dir nou PS annou fer fason ki sa bann Konpannyen Telekominikasyon pa rod okenn leskiz ki enn pe ganny pli bon konsesyon ou lot.  Intelvision dapre nou, nou prop lenformasyon ki nou annan depi 2008 in surrender tou bann egzanpsyon ki i ti pe gannyen.  2008.  La nou 2017 nine years later zot ankor pe servi leskiz ki serten konpannyen pe ganny bann preferential treatment.  This is not acceptable.  We need to get these tariff down.  Mersi.

 MR SPEAKER

Ok.  Point made.  PS in note.  Onorab De Commarmond dernyen kestyon.

HON CHARLES DE COMMARMOND

Mersi Mr Chair.  Mr Chair mon krwar i pou desann mon ek sa ki mannyer in ganny dir me osi i pa zis desann.  Tou dimoun, tou sekter nou pei i bezwen ganny akse avek kominikasyon.  Dan sa sans la kwa ek sa groser Bidze e i pe ogmante o fir e a mezir, ki zot pe fer pou fer sir ki dan tou kwen kot dimoun i reste i annan akse kominikasyon.  Akoz konmela la i annan landrwa ou ale i napa ou pas en bann martir.  Mersi.

MR SPEAKER

Dernyen kestyon ki tre pertinan.  PS Choppy.

PS BENJAMIN CHOPPY

License ki ganny issue se national coverage.  So bann operater i bezwen provide sa.  Selman i annan landrwa an mezir – sa ki arive an mezir ennler teknolozi i sanze, par egzanp si ou pran mobile service depandan lo ki frekans i servi, grander cell size i kapab redwir so ou a then annan en problenm coverage e ou bezwen compensate sa par met plis towers.  So sa en sa selman zeneralman Sesel nou coverage i tre respektab par bann statistic ki mon gete oubyen menm bann benchmark ki nou gete.  Selman mon pa dir napa landrwa ki annan issues.  Bann landrwa kot nou aware i annan issues definitivman nou take up.  Mon rapel en ka Pointe Larue, nou take up avek bann operators pou fer sir ki zot fer otan ki posib pou kouver sa bann landrwa.

MR SPEAKER

Mersi PS.

HON CHARLES DE COMMARMOND

Cascade kot Airport la –bout la.

MR SPEAKER

Ok.  Bon nou’n kouver tou bann kestyon ki – klarifikasyon ki zot oule nou retourn lo paz 52 ‘Appropriation pour DICT’ nou a pran en vot.  Paz 57 sorry, paz 57 les mon aranz mon liv ek mon micro. DICT to be Appropriated R59.891.50 million.  Tou bann ki pour lev zot lanmen?

Clerk.

MADAM CLERK

Mersi Mr Chair.  13 Manm an faver.  Mersi.

MR SPEAKER

E napa ki kont.  Dan sa ka DICT, mersi PS Choppy ou Bidze in ganny aprouve.  E nou ti a eskiz ou avek ou bann koleg Mr Barra, Mrs Rosine, Mr Dogley ek Mr Andre.  Mersi pou zot letan ki zot in vini e nou a swet zot en bonn weekend.

(PS BENJAMIN CHOPPY AND HIS DELEGATION WAS EXCUSED FROM THE HOUSE)

DEPARTMENT OF BLUE ECONOMY 

MR SPEAKER

Eski – Clerk eski Departman Investment i la zot pare?  Nou pran Departman Investment oubyen nou le Seychelles Investment Board SIB, which one?  Nou pran Blue Economy.  Tre byen.  Annou envit Mrs Barguain, nou a pran Blue Economy; Principal Secretary Mrs Rose-Marie Barguain avek son Special Advisor Mr Philippe Michaud.  E les mon a konsilte mon papye.  Blue Economy i lo paz 68, 68 to 72.  Mrs Barguain ek Mr Michaud zot kapab vini asiz laba, madanm ou kapab pran kote la si zot bezwen ou zot a kriy ou.  Bon nou a swet byenveni Mrs Rose-Marie Barguain ki Sekreter Prensipal pou Blue Economy.  Epi nou annan o-bor li nou tou konn Mr Philippe Michaud Special Advisor.  Parey nou’n fer avek bann lezot Departman, nou a konmans drwat lo okenn klarifikasyon, kestyon ki okenn dimoun i annan dan okenn MNA e ankor pou fer PS Barguain mazinen si ou le apel okenn ou de koleg travay ki lot kote ou kapab fer sa oubyen si ou le zot adrese anba Komite Stage ou kapab koze.  Onorab Prea.

HON NICHOLAS PREA

Mersi Mr Chairman.  Mr Chairman mwan mon kestyon mon pou viz ver PS Finans akoz Mrs Barguain i nouvo lo la.  Mon krwar li i pou al tackle Bidze 2018.  Si nou retourn lo paz 69, nou retourn lo paz 69 nou regard Bidze en pti pe aparaman ti ganny apropriye an 2016 – 3.4 milyon, 2017 – 7.7 milyon ki’n ganny revize pou vin 18.5 milyon.  I mean mon ti a kontan demann en pti pe leklersisman ant 2016, 2017 kwa ki nou’n achieve dan Blue Economy dan sa Sekter.  Ok?   E la mon pe vwar ki 2018 nou pe demann 33.6 milyon ki plizoumwen double Bidze 2017.  So PS mon ti a kontan en pti pe leksplikasyon.  Mersi.

MR SPEAKER

PS Payet.

PS PATRICK PAYET

Thank you Mr Chair.  Thank you Onorab.  Zis pou azoute ki parey ou vwar ki lo paz – si nou al lo paz 70 ok, si nou al lo paz 70 nou –

MR SPEAKER

PS eskiz mwan aranz ou micro pou zot tann ou pli byen silvouple.

PS PATRICK PAYET

Yes.  Si nou al lo paz 70 nou pou vwar ki the revised budget 12.6 milyon i en Capital Grant ki nou’n gannyen ok?  E sa si nou al lo paz 7 dan PSIP an detay the Public Sector Investment Program nou pou vwar ki an 2017 i annan en Grant ki nou’n gannyen 12.6 milyon e sa pou zot konmans li i annan en progranm SWAYO Fish ki’n konmanse e ladan nou pe ganny Grant avek en loan.  I annan en Grant component ki nou pe gannyen avek the Global Environmental Fund (GEF) ki la valer 5.3 milyon Dolar e nou nou’n phase li akoz  i 5an.  Ou pou vwar ki 2018 osi nou’n met en konponan 12. 7 milyon lo sa Grant e osi nou’n met sa konponan loan The Blue Bond ki nou anticipate pou finalize first quarter of 2018.  Sanmenm sa ki ou vwar sa significant change sa loan avek sa Grant component dan PSIP.  Ok?

MR SPEAKER

Eski Mr Michaud oubyen Mrs Barguain ou oule azoute? Oubyen it’s ok?  Onorab…

PS MRS ROSE-MARIE BARGUAIN

Bonn apre midi Mr Speaker.  Bonn apre midi bann Manm Onorab.  Petet wi zis pou eksplike kantmenm en pti klarifikasyon pou fer kler ki sa Departman Blue Economy in fact i en pti Departman ki son Misyon i plito pou kordinen, fasilite, e annan en rol plito oversight of bann proze ki annan pou fer avek zesyon bann resours lanmer, avek bann servis ki lanmer i kapab prodwir; avek osi bann servis lo nou lakot, coastal tourism.  E sa Departman i ptipti e i pe fonksyonn avek en pti Bidze R7 milyon, avek en pti group dimoun.  Staff i annan apepre pou lenstan i annan 9 ki pou ogmante 2018 ki pou vin 11.  Vwala so sa gro logmantasyon dan Bidze ki nou pe vwar i 26 milyon, i plis annan pou fer avek sa bann proze ki pe ganny finanse par egzanp World Bank osi  ki pe apiye par Global Environment Facility.  E parey Minis Larose in eksplike dan son speech i annan osi bann Blue Bonds ki pe ganny disburse lannen prosenn ki’n ganny – ti annan Call for Proposal an Oktob.  E vi ki Departman Blue Economy i annan- i pe Chair en Steering Committee kot sa bann proze i konsernen, bann proze World Bank sirtou sa enn SWAYO Fish ki en gro proze.  E donk sa sif 26 milyon i zis reflekte anba Bidze Departman.  Vwala.  Mersi Mr Speaker.

MR SPEAKER

Mersi madanm.  Okenn lezot klarifikasyon, kestyon.  Onorab Afif.

HON AHMED AFIF

Mersi Mr Chair.  Mr Chair mon ti a zis kontan demann li lo sa R26.6 milyon lo paz 70 konman ‘’non-produced assets’’ anba ‘’capital expenditure’’ konmsi donn nou en nide – ok ou’n dir nou ou’n ganny en Grant prezan kwa sa egzakteman sa proze ki zot pe zot enplimante.  Lekel bann Lakonpannyen ki pou ganny sa kalite larzan e dir nou en pti pe konbyen letan pou pran sa bann proze e ki benefis nou konsonmater e peser pou vwar ladan?  Mersi.

MR SPEAKER

Mr Michaud oubyen Mrs Barguain.

PS MRS ROSE-MARIE BARGUAIN

Ok, mon a les Mr Michaud ki Special Advisor dan Departman Blue Economy ki’n travay avek sa Departman depi 2015, byen komansman, mon a les Mr Michaud eksplike.  Mersi.

MR SPEAKER

Mr Michaud.

SPECIAL ADVISOR MR PHILIPPE MICHAUD

Bonn apre midi Onorab.  Sa konponan i konpran bann Blue Bonds epi sa proze ki apel South West Indian Ocean Fisheries Covenance and Shared Growth Projects.  E sa 2 konponan pou benefisye Minister Lapes ek Lagrikiltir,   Minister Lanvironnman epi i annan en serten sonm ki pou ganny allouer labank Devlopman pou finans bann proze dan domenn de la pèche, bann proze ki pou ed soustenabilite la resours.  Proze ki kree plis valer ajoute setadir i kapab bann proze konsernan amelyorasyon bann bato, i kapab bann proze konman Fish Processing, i kapab bann proze konman servis dan domenn lapes, i kapab ban proze konsernan ice making eksetera.  Epi i annan osi sa laspe ki apel SeyCAT li i pou – donk li i pou zer son bann Grants – Blue Grants ki konm zot in deza vwar in ganny advertise i annan detrwa, enn de semenn de cela e sa se bann don ki i pou donnen.  I annan anviron $600mil par an.  Epi osi atraver sa proze i annan sa proze SWAYO Fish.  I annan bann plan de gestion ki pou ganny finanse.  I annan par egzanp en letid ki pou ganny fer lo konsernan pou ganny en meyer lide lo bann bato lapes konbyen eksetera; akoz pa zis bann bato peser komersyal ki lapes me osi i annan bokou bann lezot bato ki bann bato Plaisance bann bato sports eksetera.  E i annan osi en konponan par egzanp pou ganny meyer lenformasyon lo laspe ekonomik lapes, akoz fransman par la nou bezwen bann bon lenformasyon pou nou pran bann bon desizyon.  Fotespere mon’n reponn kestyon me petet pa tou en.

MR SPEAKER

Onorab Afif.

HON AHMED AFIF

Mersi Mr Chair.  Savedir si mon’n konpran ou byen, zot pe raise larzan atraver Blue Bonds e petet kestyon i devret pou PS Payet – savedir si vreman Gouvernman ki pe finanse zot pe raise Blue Bonds savedir zot pou drwa sa Bond.  Gouvernman pe raise larzan ,  gouvernman i pran sa larzan i pas atraver sa Departman, Departman prezan i pas atraver SFA, i pas ek Fisheries, i pas ek lezot landrwa.  Prezan mon pe demann mon lekor be then akfer sa?  Si zot bezwen raise larzan, raise larzan donn SFARaise larzan donn sa Departman ki bezwen fer sa keksoz.  Akfer annan en Departman i pa fer nanryen li zis i resevwar, i pran i pase, i pran i pase.   Mon pe demann sa kestyon akoz bokou dimoun i demann sa kestyon i dir ou kantite keksoz dan Lekonomi Ble pa marse.  Ice plant, labwet, eksetera.  Me la mon pe demande akoz nou pe depans en kantite larzan la.  R34 milyon me selman nou pe kree en Departman i annan 11 dimoun ki i pe depans 7, R8 milyon, me selman zis i la pou li resevwar pase resevwar pase.  Alor mon ti a kontan e pti pe plis largiman pou konvenk mwan konmkwa i neseser annan sa ekstra.  Sinon zis Gouvernman raise larzan donn sa ki fodre fer son louvraz i fer.

MR SPEAKER

PS Payet.

PS PATRICK PAYET

Thank you Mr Chair.  Pou nou zis pou mwan azoute ki nou’n met sa lokasyon spesyalman PSIP anba Blue Economy akoz zot ki ti pe oversee sa proze li menm.  Sepandan tou larzan ki vini i antre parey zot konnen any loan ouswa Grant i antre dan Labank Santral e tou peyman i bezwen ganny sertifye par PS  or FinanceSo zot, zot annan sa oversight role pou zwe pou vwar lo sa komite once ki zot in fini etabli kot bann larzan pou ale once ki zot in fini satisfe.  The process parey tou bann loan ouswa bann Grant tou process i ganny fer kot Minister Finans.  Sepandan zis pou azoute ki dan sa 15 milyon Dolar Blue Bond i annan 2 konponan.  I annan 3 milyon ki pou al SeyCAT e SEYCAT pou dan bann Grant component parey Minis ti’n anonse dan Bidze SeyCAT.  E secondly i annan 12 milyon Dolar ki pou al DBS, e DBS li i pou donn bann loan, bann biznes ouswa bann endividi ki dan sa sekter.  E Gouvernman ki pou re pey sa Blue Bond after that letan re peyman.  E secondly i annan en konponan Grant ki ou gannyen avek GEF, sa osi nou pe vwar son bann konponan i pou parey Mr Michaud in anonse, ki dan bann diferan parti ki pe ganny fer.  Par egzanp i annan ki zot pe fer devlopman en pe pou fer sir ki i annan soustenabilite dan la Marine avek bann protective areas. So i annan bann diferan konponan lo la.

MR SPEAKER

Onorab Afif ou ok?  Onorab Ferrari.

HON JEAN-FRANCOIS FERRARI

Wi mersi bokou Mr Speaker.  Mon ti anvi – si PS i kapab kontinyen eksplik nou.  Akoz, ki benefis nou gannyen avek Blue Bonds par rapor avek any other Bonds?  Konmsi i pli bon marse sa bann larzan ki nou pe raise?  E eski nou, nou bezwen donn keksoz an en contrepartie?  Eski nou – akoz bann peser in ganny dir poudir i annan serten landrwa zot pa pou kapab al lapes, i annan serten landrwa pou proteze.  Konmsi ki nou, nou gannyen, ki ve lavantaz nou gannyen eski nou pe ganny en larzan ki pli bon marse pou nou ed nou Sekter Lapes?  E ki nou, nou bezwen donnen an retour? E eski i annan en vre benefis ekonomik?  Mersi.

MR SPEAKER

PS.

VICE-PRESIDENT MR VINCENT MERITON

Mr Chair …

MR SPEAKER

VP?

VICE-PRESIDENT MR VINCENT MERITON

…depi 2015 Onorab Ferrari mon mazinen ou mazinen nou’n accede to en pei a to reveni o.  E avek sa aksesyon nou nepli ganny bann loan avek konsesyon.  Ou dakor avek mwan ziska la.  Nou bezwen rod en fason ki mannyer nou kapab ed nou bann peser e lezot dimoun ki oule zwe en rol pli aktiv dan devlopman lekonomi e sirtou eksplwat bann resours losean, nou losean endyen ki sa frontyer devlopman ki nou pe miz en kantite lo la dan en fason soutenab.  Se pou sa rezon ki Gouvernman i annan en Departman Lekonomi Ble pou gete ki mannyer ou kapab travay avek tou bann akter ansanm e osi lo nivo enternasyonal rod larzan dan en fason inovativ, e gete ki mannyer nou kapab servi bann lide ki yer ou pa ti kapab fer li marse.  Anmenn larzan, rod en fason fer desann son to lentere e permet bann pti operater, bann peser parey nou dir trouv zot lekor dan sa devlopman nou sekter ki enportan ki nou pa devret perdi regar lo la.  E dan sa travay ki’n ganny fer i annan 2 konponan – en Grant ki pe ganny zere par SeyCAT, Seychelles Climate Change Adaptation Trust ki annan en Lalwa spesifik pou li ki ganny Chair par Minis Dogley apre Co Chair sorti dan prive; lo ki mannyer ed bann dimoun ki dan prive kapab benefisye atraver bann Grant pou promouvwar laspe soustenabilite dan zesyon laspe nou losean.  Apre lot kote donn loan atraver DBS ki pou kapab annan bann loan ki pa o lo lentere ki mannyer dimoun i kapab benefisye atraver fer ice oubyen fer process – en fasilite fer process pwason fer sek oubyen konzele anvoy deor, promouvwar valer azoute lo bann prodwi lanmer pour ki Sesel i kapab – pou sa bann dimoun i kapab ganny en par dan devlopman ekonomik nou Sekter Lapes e osi nou kapab benefisye ladan.

MR SPEAKER

Onorab Henrie.

HON JEAN-FRANCOIS FERRARI

Ki nou pe gannyen?  Nou’n achieve sa lobzektif?  E konmsi donn nou en pti pe son meka…

MR SPEAKER

PS.

PS PATRICK PAYET

Mersi Mr Chair.  Mersi Onorab.  Zis pou azoute i annan bann diferan konponan. I annan sa Grant apre i annan en loan konsesyon ki nou pe gannyen avek GEF e sa pou apepre 5 milyon e i 0.25 poursan e ou repey li pou 40 an.  Apre in the first quarter once ki nou lans sa Blue Bond sanmenm sa ki pou fer sa rate vreman ba.

MR SPEAKER

Onorab Henrie.

HON GERVAIS HENRIE

Mersi Mr Speaker.  Mr Chair si mon’n tann byen PS in dir ki zot lakantite staff i 9 e zot annan lentansyon ogmant sa pou vin 11 lannen prosenn.  Si mon’n byen tande.

PS MRS ROSE-MARIE BARGUAIN

Wi mersi Mr Speaker.  Non sorry pou lenstan nou pe fonksyonn avek – sorry 7 staff e nou pe recruit sa lannen normalman Desanm i annan 2 ki pou konmanse ankor i annan 9 e 2018 nou pou ankor annan 2 staff siplemanter donk 11 an tou – 2018.

MR SPEAKER

Onorab Henrie.

HON GERVAIS HENRIE

Rezon mon pe demann sa kestyon Mr Chair, se parski si par egzanp nou konsider en Departman ki’n pas devan bomaten, Departman Lenformasyon ki li osi la i annan 9 staff aktyelman, e zot pou recruit – ti dir 3 apre ti dir 2 ki pou fer li konmsi 14 be ler mon get son  pou ‘’wages and salaries and cash’’ i ariv 2.3.  Be sa Departman Blue Economy preski menm amount of staff li i pe zwe 3.4.  So mon anvi demande akoz i annan sa disparite dan 2 Departman ki preski menm kantite staff.  Alor eski sa i souliny poudir dan Gouvernman i annan PS par egzanp ki ganny – zot pa menm saler ouswa CEO pa ganny menm saler konmsi i annan en disparite dan saler dan bann Departman Gouvernman?  Mersi.

MR SPEAKER

PS.

VICE-PRESIDENT MR VINCENT MERITON

Mr Chair wi pa tou PS ki ganny menm saler.  Pa tou CEO ki ganny menm saler.  I annan kantite letan ki ou’n la, i annan tou bann benefis ki ou gannyen apre sa so i mars avek ou package ki ou gannyen.  An menm tan nou bezwen valoriz konpetans e leksperyans nou bann Seselwa ki pe travay dan en field, kot lezot dimoun ki kapab vole.  Ozordi Gouvernman i form dimoun, ler i fini formen sa bann dimoun i ganny en Bond pa avek Gouvernman neseserman me avek larepiblik.  So ou bezwen fer sir ou ankadre ou bann travayer Seselwa byen pour ki i a travay akoz en domenn ki ou bezwen bann travay spesyalize anba bann spesyalis par bann graduate ki pou donn ou en travay ki lezot sekter pou servi pou fer sir ki sa ki nou’n dir taler ki sa bann gran lobzektif i ganny realize.  So i bezwen annan en konponan ki nou get sa byen.  Mersi Mr Chairman.

HON GERVAIS HENRIE

Mr Chair mon napa difikilte ditou avek larepons ki Vis-Prezidan in donn nou.  Solman mon ti pou kontan pou benefis Lasanble e Onorab Arrisol ti fer sa sorti dan son prezantasyon kot i ti demande ki nou Lasanble nou ti ava konn parey mon pe al vey zaksyon ki en dimoun i gannyen be solman pou nou kapab dan nou menm zistifye serten saler parfwa ki servis piblik pe donnen; e parey mon dir mon vwar en gran disparite la ant de Departman ki preski annan menm kantite staff me i annan en disparite dan zot Bidze saler ki zot pe gannyen.  Mersi.

MR SPEAKER

PS.

PS MRS ROSE-MARIE BARGUAIN

Zis pou azoute.  Mersi Mr Speaker.  Zis pou azout osi en pti not osi ki dan Bidze 2018 osi fodre nou pran kont ki pou annan Trezyenm Mwan Saler osi ki’n ganny bidzete.  Apre i annan osi renewal of contract ki mon annan de osi ki adisyonnen.  Zis en pti not siplemanter.  Mersi Mr Speaker.

MR SPEAKER

Onorab Simon Gill.

HON SIMON GILL

Mersi Mr Speaker.  Mr Speaker en kestyon pou konnen si nou pou kapab ganny en leklersisman dan sa travay ki Unit Blue Economy pe fer, eski zot deza annan lenformasyon lo bann resours e potansyel sa bann resours ki nou annan la dan nou lanmer?  eski zot annan en unit spesyalize ki pe fer sa bann resers, byensir nou napa bann gro, gro, gro lekipman konzwentman avek bann lezot pei ou lorganizasyon, pou ede pou kontinyen detekte bann resours e network avek nou bann Seselwa pour ki nou kapab rantre dan en staz diversifikasyon nou lekonomi byensir.  Mon ava atann en repons lo la akoz apre mon annan ankor 3 kestyon mon ti ava voudre demann zot.  Mersi.

MR SPEAKER

PS.

PS MRS ROSE-MARIE BARGUAIN

Wi mersi Onorab Gill.  An fet parey mon’n mansyonnen sa Departman Blue Economy ki tonm anba Portfolio Vis-Prezidan i en pti Departman e son rol se fasilit e kordin bann aktivite ki annan pou fer avek management losean, bann resours.  E i pou vreman nou pa pe travay – dizon i en pti Departman ki pou travay bokou, ki annan bann cross cutting issues ki nou pou travay bokou avek bann lezot Lorganizasyon, lezot Minister par egzanp Minister Lanvironnman e Lenerzi e Sanzman Klima.  Par egzanp avek SFA.  Vwala.  E donk sa Departman i annan ou kapab – Divizyon prensipal.  I annan en divizyon ki annan pou fer avek Maritime Boundary and Delimitation Division ki annan pou fer avek tou – pou revwar ou plito zistifye bann base points ki annan pou fer avek delimitasyon nou delo, (EEZ) oubyen delo teritoryal.  E sa gro proze osi ki Mr Michaud pe sey eksplike ki konsern sa joint management area avek Maurice, bann resers ki pou ganny fer la ki pe debite – ki pa ankor vreman komanse, ki pe ganny konkretize.  E lot kote nou kapab apre lot bor nou annan en lot Divizyon ki pou konsernen avek Policy Analysis pou vwar zisteman pou kolekte lenformasyon ki nou annan. I pou liaise bokou par egzanp si nou pe koz lo pwason, nou resours pwason, bann diferan lespes la nou pou bezwen petet nou pou travay plis avek SFA, vwar ki zot annan e vwala.  Apre i annan ban lezot Departman si i annan pou fer avek Minister Lanvironnman la osi i annan bann lezot dataSo pou petet zis pou eksplik en pti pe vi ki Departman Lekonomi Ble petet in premyerman, ki mannyer ou kapab dir ti atase avek Minister Finans depi 2015. En premye rol ki sa Departman ti zwe se plito awareness apre market Sesel lo kote enternasyonal koman en Leta lanmer.  Pa koman plito en pti Letan zil. Me plis lo kote losean.  E la kot sa konsep Lekonomi Ble in antre.  Se osi pou rod bann parey PS Payet i ti’n eksplike bann finansman inovativ, pou nou kapab fer fas nou bann defi, nou bann kontrent, fer plis resers pa rapor a sa ki nou deza annan.  E la vi ki sa Departman prezan bon in sanze son Portfolio i anba biro Vis-Prezidan, lo en premye staz travay in ganny fer.  Prezan ek son 2enm staz.  La nou a kapab petet antre en pe plis mannyer ou kapab dir sa antre en pe plis an profonder pou nou vwar vreman ki bann defi i annan, ki nou bann kontrent; parey sirtou letan nou pe koz lo SFA ki pe manage resours lanmer pwason e tou sa ki nou pilye ekonomik.  E bokou in ganny fer.  I annan bokou lenformasyon, bokou data me solman konmela nou pe fer fas serten defi kot nou pe koz nou bann quotas, nou pe koz nou trace ability, nou pe koz nou bann model stock assessment ki petet i annan bann defayans akoz bann landrwa lapes ki lye avek piratri kot bato prezan i bouze i al lezot landrwa.  I annan bann defi ki lye avek – mon pa konnen i annan plizyer defi; ki ozordi nou bezwen petet revwar keksoz e ranforsi.  E petet sa i ava rol osi Departman Lekonomi Ble pou vreman donn en koudmen, pou met annord osi bann lenformasyon ki nou annan e vwar ki mannyer nou pou al pli devan.  E sa diferans ki annan, par egzanp avek fason ki nou ti pe manage avan, in sanze petet ozordi.  Nou pe koz nou Lekonomi Ble.  I en lekonomi kot i pli – ki mannyer ou kapab dir – sak pei i annan son fason ki i vwar li selon son staz devlopman.  Parey nou pe get bann pei devlope i kapab koz Lekonomi Ble kot dan son lasenn value chain e nou pou dir apre fodre i annan zero waste.  Nou sey eksplwat en maximum.  Sa ki nou pe travay lo la.  Akoz parey mon pe dir ozordi petet resours i mwen abondan, ou vwar nou’n arive en lot staz.  So nou bezwen diversifye, nou bezwen rantabiliz plis nou value chain.  So mon pa konnen si mon’n sey reponn.  Mon a les parol avek Mr Michaud.

SPECIAL ADVISOR MR PHILIPPE MICHAUD

Mersi Onorab. I annan en domenn petet nou pa’n tro koz lo la.  Se sa joint management area ek Maurice.  Se en Zone imans.  Se anviron 400 kilomet kare e zafer i a pe bouz en pe plis ki i ti bouze dan le pase.  Akoz ou konnen i annan 2 pei ansanm. Donk nou bezwen zwenn regilyerman e ganny en serten konsansis.  La nou pe an se moman nou ape negosye e sa se sa Seksyon Lekonomi Ble e enn de lezot Departman.  Nou a pe negosye ek en konpannyen ki pou fer bann eksplorasyon sismik, dan sa Zone ki answit i pou donk vann sa lenformasyon e bann konpannyen petrol pou evantyelman explore sa bann Zone.  Sa se enn.  I annan osi – ou’n demann en tre bon kestyon konsernan ki nou konnen dan nou resours. Lannen prosenn i annan en gran kanpanny eksploratwar par en bato Norwegian ki apel Friedrichnensun ki pou vin dan sa Zone e zot in ofer en 15enn – posibilite pou en 15enn syantifik Seselwa, teknisyen Seselwa pou partisip dan sa progranm.  E sa i tre enportan, akoz i kout tre ser e nou napa sa bann resours pou fer li.  E donk sa lekspedisyon pou donn nou en meyer lide bann resours vivan.  Akoz dan sa Zone la nou pa tro konnen egzakteman akoz i en pe lwen kot nou, nou pa tro konnen egzakteman ki bann resours vivan.  I annan en bann sa bann resours vivan ki nou kapab eksplwate.  E donk pou résumé nou konn en pe, be selman i annan bokou ki nou pa konnen e ki nou a pe esey profit ek sa bann Lorganizasyon Enternasyonal pou konn plis pou byennet pei, eksetera.

MR SPEAKER

Onorab Prea.

HON NICHOLAS PREA

Mersi Mr Chairman.  Mon anvi zis demann PS oubyen Mr Michaud leklersisman ler ou nonm joint management area sa size ti lev-e dan vizit Maurice lo – ant Sesel avek Maurice lo menm plato Mascarene kot Sesel mon krwar i sipoze annan Siege sa lofis e Maurice ki sipoze Chair mon krwar.  Ok?  Eski sa osi tou i tonm anba sa Bidze?

MR SPEAKER

Mr Michaud.

SPECIAL ADVISOR MR PHILIPPE MICHAUD

Wi Onorab se sa.  I annan enn sa seksyon.  On dire Blue Economy i annan 2 seksyon.  I annan enn son Blue Economy i proper e lot se Marine and Delimitation.  E sa nou ape zer sa ek Maurice.  Wi konm ou’n dir siege Lorganizasyon pou Sesel.  An se moman i annan en interim coordinator akoz napa sifizaman petet travay pou en dimoun full time.  Quoi que nou krwar ki tre rapidman nou pou bezwen ganny en dimoun sa pou swiv sa bann aktivite, akoz ou pou ganny deza sa bann eksplorasyon sismik epi answit ou pou ganny parey bann konpannyen petrolyer ki pou vini.  Ou pou ganny par egzanp sa bann eksplorasyon syantifik.  Donk ou pou bezwen relman en landrwa kot nou kapab met tou sa bann lenformasyon, ou kapab reponn osi rapidman bann dimoun konsernen.  Akoz an se moman se en  Komite Mix e i pa osi efikas ki zis en dimoun an sarz.  Mersi.

MR SPEAKER

I 4er mwen 20 nou ankor annan 4 kestyon, mon ti a kontan bann PS ek son lekip pou sey bref dan zot repons.  Onorab John Hoareau.  Apre nou a vin kot Onorab Ramkalawan e Onorab Gill.

 HON JOHN HOAREAU

Mersi Mr Speaker.   Kestyon sa lye avek sa 2 kestyon ki’n ganny demande avan eski i annan serten kontribisyon sorti Maurice pou eksplwatasyon sa joint Maritime area?  Eski i reflekte dan Bidze ou kwa?  Sey donn nou en pti leksplikasyon lo la.

MR SPEAKER

PS Barguain oubyen Mr Michaud.

PS MRS ROSE-MARIE BARGUAIN

Mon ava les plito Mr Michaud ki pli – ki okip sa seksyon silvouple.

SPECIAL ADVISOR MR PHILIPPE MICHAUD

An se moman tou sa de pei i pey son bann prop kontribisyon.  Me i pa konm en kontribisyon pou en Lorganizasyon, setadir si nou annan pou ganny meeting nou bezwen al Maurice nou ki peye.  Si nou annan meeting isi zot ki peye.  Selman nou ki organiz sa e evantyelman nou pou bezwen depans en pe plis kan nou pou ganny sa Headquarters isi nou pou bezwen depans bokou plis.  Epi kan nou pou ganny en full time coordinator ou en CEO byensir kontribisyon pou – me selman kontribisyon pou partaze equitablement 50 Maurice 50 Sesel akoz sa Zone i en zone konzwent.  Donk tou bann benefis i lanmwatye Sesel e lanmwatye Maurice.

MR SPEAKER

Onorab Ramkalawan apre Onorab Gill.

HON WAVEL RAMKALAWAN

Mr Speaker nou, nou pe rod en fason osi ki mannyer pou nou redwir ban Bidze.  E nou’n koz bokou lo Slim Government.  La nou – bomaten nou’n servi sa mo ‘Pet Project’ ok e i resanble ki akoz Mr Michel ti nonm Blue Economy, la ozordi nou trouv nou avek en Blue Department.  Minister Finans tou ti annan en bout avan ki ti apel, ‘’…and Blue Economy’’ e letan mon pe regard – e letan premyerman felisitasyon Mrs Barguain pou ou  lapwentman.  Me letan mon regard Mrs Barguain avek Mr Michaud, se 2 dimoun ki bann eksper, ki’n travay avek SFA e ozordi zot dan en lot Departman ki annan en lot Bidze.  Be aprezan letan mon pe regard Lalwa SFA, mazorite bann keksoz ki zot in – ki zot in mansyonnen i osi dan Lalwa SFA e letan nou pe koz lo joint management, letan nou pe koz lo bann resers ensidswit, tou sa bann keksoz tousala o fet i dan Lalwa SFA.  Eski, eski avek tou respe byensir nou pa pe senpleman duplicate travay ki devret ganny fer.  E alor pou nou trouv bann lezot Bidze nou ape duplicate e letan nou pe duplicate nou pe dilute olye met resours e ganny en keksoz ki solid e ki pou kout nou mwens.  Ki pou kout nou mwens.  E sa i enn mon – i enn mon konsern e petet letan nou pe eksprim sa konsern nou’n osi eksprim li bomaten letan nou’n koup 2 milyon, mon pe dir ki eski napa okenn fason  selman Vis-Prezidan i al, pou Vis-Prezidan regard ankor dan sa Gouvernman ki mannyer olye nek zis nou duplicate nou ale nou ale kot nou fer plis depans, nou met tou nou bann dimoun ki annan sa kalifikasyon, e nou devlop nou en Departman ki solid pou ki travay i ganny fer e ki resours finansyel i diminyen.  Mon ti ava kontan, mon ti ava kontan parski parey mon pe dir letan mon – i soz letan mon pe regard tou larzan e SFA osi tou apre nou pou – nou pou anmenn li e SFA probableman pou osi vin dir nou bokou bann keksoz ki nou pe koz lo la … e antretan, e antretan peser napa ice peser pe konplent labwet, peser pe konplent market pou zot vann zot prodwi antretan Blue Economy – konmsi sa general soz tou keksoz ki annan pou fer avek Blue Economy pa marse.  Mersi.

MR SPEAKER

Alright mon krwar kestyon i kler, konsern i kler.  PS oubyen VP.

VICE-PRESIDENT MR VINCENT MERITON

Mr Chairman mersi.  Mon pa krwar dan mon leker ki konman Mrs Barguain i vini nou oule fermen.  E Departman Lekonomi Ble in la – pa akoz Prezidan Michel.  Akoz ti annan en bezwen pour ki nou valoriz losean ki nou frontyer devlopman.  Nou’n bezwen reflekte en keksoz obzektif pou nou kapab ozordi ganny respekte konman en pti pei, en pti pei Leta Zil me en gran Leta Losean.  Kot ou ale la ozordi konman nou pe koze bond la Sesel ou annan en pti delegasyon i pe ganny demande partou kote pou vin prezant leksperyans ki mannyer nou pe deal avek sa bann size ki pe afekte limanite enkli bann pti pei ki santi sa pli for.  SoLeader Lopozisyon konmsi byen koze i fer byen konpran.  An Zen ler mon ti al New York nou ti ganny en pri ‘Ocean 8’ akoz lefe ki nou’n travay nou’n vin avek en nouvo lankadreman lo ki mannyer Sesel en pti pei, i kapab rod bann fason pou li ganny bann inovativ financing zisteman akoz nou’n graduate dan en high income countrySo sa in ganny apresye dan lemonn.  E ozordi ler ou ganny apresye i anmenn larzan, i anmenn posibilite, i anmenn plis touris, i anmenn plis dimoun ki anvi vin gete, ki mannyer i kapab travay ek ou. Deza la i annan bann gran akter ki anvi vin gete ki mannyer nou kapab devlop en lot proze ankor pou anmenn larzan a to lentere ba pour ki sa bann dimoun i kapab annan bann fasilite; ou pe koz ice ou pe koz marse ek lezot keksoz.  Konmsi –I zisteman pou adres sa bann defi e nou pa ti pou kapab annan sa Blue Bond san annan en lapros inovativ ki ti pe ganny spearhead par Lekonomi Ble.  So annou apresye sa travay ki pe ganny fer, me selman Departman Lekonomi Ble, pa egziste li tousel li.  I egziste akoz bann lezot partner ki i pe travay avek.  Depi ou SFA, depi lezot Minister Lanvironnman, lezot  Lorganizasyon non- gouvernmantal pou kapab anmenn ansanm sa sinerzi,  kot nou bezwen kapab valoriz nou losean e gete ki mannyer nou kapab kree platform, loportinite e posibilite pou nou kapab devlop nou pei.  SFA wi i enportan.  SFA wi nou bezwen ranforsi.  Nou’n tonm dakor lo la.  E se pou sa rezon Gouvernman tou dernyerman ti’n aprouv en Plan Emergency pou Minister Lagrikiltir ek Lapes enkli SFA ladan; ki mannyer nou kapab ranforsi son kapasite imen pou kapab depans bann larzan ki’n gannyen, ki ou bezwen – ki i pe rode pou kapab ranforsi sa sekter enportan dan devlopman nou pei.  So Mr Chairman se dan sa lespri ki nou vin avek sa devan pou nou kapab fer plis.  I ankor annan pou fer.  Nou bezwen vann plis nou losean, vann plis nou pei, be selman i annan en kantite keksoz ki’n ganny fer.  Mersi Mr Chair.

MR SPEAKER

Onorab Gill apre Onorab William.  Onorab Simon Gill.

HON SIMON GILL

Mersi Mr Speaker.  Mr Speaker deba i ris lo sa size.  Me mon rapel ler Ms Loustau-Lalanne ti vin isi ti vin donn nou leksplikasyon lo Blue Economy, enkli ou menm ou Mr Speaker ou ti dir fantastik nou konpran lesansyel Lekonomi Ble.  Mon pa krwar i annan gran keksoz ki’n sanze depi ler ou ti dir sa statement avek ozordi.  Me pe enport kwa annou vwar keksoz avek en lot perspektiv.  Sa ki mon ti ava voudre vwar en evolisyon.  Lekonomi Ble avek tou son bann lezot network ki i annan, mon pe konpran li i pe devlop dan en fason spesyalize.  I pe spesyaliz dan en domenn ki enportan pou kapab fuel Lapes, Lagrikiltir e tou bann lezot resours potansyel ki annan dan lanmer atraver bann resers ki ganny fer epi finalman sa i ganny channel dan bann sekter konpetan.  Now, eski nou kapab ariv lo en staz, kot ozordi SFA nou met bann teknisyen kot zot, zot administre sa loperasyon, zot adres konsern toulezour nou bann peser, e fer sir ki sa ice ki nou dir i manke la ki nou konnen nou peser i bezwen zanmen manke dan nou pei Sesel, akoz nou annan en kantite delo sale, nou kapab transform nou bann delo sale e fer ice.  Peser pa kapab kriy lasasen.  Fodre nou fer sir ki nou bann masin, nou bann fasilite ki prodwi ice la i marse pou ki peser i ganny son ice.  E unit spesyalize li i kontinyen rod larzan pou fer sir ki finans proze lapes.  Lo kote Lagrikiltir si nou pou dir nou pou adisyonnen i rod larzan i anvoy kot i sipoze anvoye laba ou annan bann dimoun ki donn larzan e finans sa sekter alor pou mwan pa fer tro long lo la mon ava dir ki SFA pa angaz li pou al rod larzan.  Nou annan zis bann teknisyen ki pe deal dan loperasyon toulezour.  Kot Lagrikiltir osi nou napa dimoun ki al rod larzan ok?  Zot deal avek loperasyon konsern fermye e fer sir zot adres tou sa bann konsern ki annan dan sa bann diferan fakilte prodiksyon Lagrikiltir, elevaz zannimo eksetera.  Si nou kapab ariv lo sa staz mon krwar kot i ava anbelir sa travay.  (Tyonbo en kou, relax, cool down.)  I ava kapab anbelir sa Unit ki nou pe koz lo la e kontrer rod ankor bann spesyalis ki kapab arive ede dan sa networking anmenn bann Lorganizasyon enternasyonal kontinyen fer resers dan nou delo, dan sa teritwar Mascarene  zot  dir i ris nou bezwen konnen ki  i annan dan delo Sesel. Nou bezwen kontinyen fer sa bann resers. Mersi.  Zot dir mon pa tro long Mr Speaker mersi bokou pou donn mwan sa pti letan.  Mon swete ki zot in konpran ki mon pe dir.  Mersi bokou.

MR SPEAKER

Deba i ris me letan i meg.  Annou ekout Onorab – nou ava vin kot ou Onorab Ferrari, Onorab William lontan ti’n lev son lanmen.  Onorab William.

HON WAVEN WILLIAM

Mersi Mr Speaker.  Bonn apre midi Vis-Prezidan ek ou lekip.  Mon ti a kontan demann avek – demann PS si zot kapab reponn mwan.  Lefe ki mon konnen ki Sesel i enplike avek bann plizyer Lorganizasyon Enternasyonal epi osi mon konnen i annan pei par egzanp L’Inde ki enterese avek sa size Blue Economy i anvi siny en MOU pou travay ansanm avek Sesel mon ti a kontan demande si zot eksplwat sa bann avenue pou kapab ganny bann lasistans teknik an menm tan petet ganny osi sa lasistans pou ganny bann sipor finansyel.  Mersi.

MR SPEAKER

Ou pe koz pli spesifik lo L’Inde/Sesel.

HON WAVEN WILLIAM

L’Inde, Sesel epi mon konnen IORA, IORA i annan COI tou mon pe regarde dan sa lansanm kwa ki Sesel pe proaktivman involve ladan.

MR SPEAKER

PS Barguain oubyen Advisor Michaud.

SPECIAL ADVISOR MR PHILIPPE MICHAUD

Onorab mersi.  Nou travay ek bokou Lorganizasyon par egzanp nou travay ek IORA, nou travay avek Indian Ocean Commission, nou travay avek Maurice.  Nou – ek L’Inde petet nou bezwen fer en pe plis ki nou a pe fer an se moman.  Epi nou travay avek bann lezot Lorganizasyon comme L’Union European, comme Banque Mondiale eksetera.  E i annan – nou ganny enormeman solliciter par sa bann Lorganizasyon pou eksplik en pe konman nou pe fer sa.  Akoz ou konnen Lekonomi Ble se pa zis lapes.  I al bokou pli lwen ki sa.  I en kestyon i konsern par egzanp sekirite maritim, i konsern menm touris, i konsern transpor, i konsern lanvironnman.  E en pwen ki nou le met osi bokou l’accent se petet dan le pase nou’n inyor en pe se kote soustenabilite.  Ou konnen Sesel i annan en kantite pwason menm si i annan en kantite pwason i pa vedir ki i pou kontinyen koumsa.  Nou bezwen fer sir ki nou zer nou resours en pe mye, vin en pe pli serye lo la.  Akoz problenm i arive deza nou annan problenm konsernan quota pou ton e i posib ki nou ganny ek lezot la pecherie.  Donk pou reponn ou kestyon Onorab, wi i le ganny Korperasyon ek bann pei, wi nou bezwen fer plis e resaman nou ti ape fer korperasyon osi ek bann pei Nordiques ki annefe ki bann pei konman Zil Faroe -bann Iceland kot nou kapab bokou plis, akoz sa bann pei i relman depann lo lapes.  E mon krwar sa nou ti pe dir get ladan bokou, bokou pli seryezman. Mersi.

MR SPEAKER

Nou annan 2 dernyen kestyon Onorab Andre ek Onorab Ferrari.  Onorab Andre apre Onorab Ferrari.

HON CLIFFORD ANDRE

Mersi Mr Chair.  Mr Chair mwan mon kestyon pou retourn lo Bidze i spesifikman letan mon pe get SP1 ek SP2 lo paz 72 mon vwar SP1 in ganny li 30 milyon e SP2 in ganny li 3.3 milyon.  Letan mon mon pe sey konpran, mon pe sey gete mon krwar nou bezwen focus en pti pe lo SP2 akoz SP2 ki kree sa teritwar pou nou kapab fer resers ki SP1 pe demande so mon ti a demann avek PS ou PS Finans oubyen menm VP akoz nou pa beef-up sorti kot SP1 dan SP2 pou kapab permet sa bann sa travay ganny fer pli vit posib, pour ki apre spesifikman bann resers e monitoring a kapab ganny fer dan nou teritwar.  Mersi.

MR SPEAKER

Onorab PS Barguain oubyen Mr Michaud.

SPECIAL ADVISOR MR PHILIPPE MICHAUD

Onorab mon a eseye.  Wi mon dakor avek ou pou sa kestyon nou ZDE i telman enportan, akoz nou pa ankor fini nou delimit tou bann ZDE e an plis i annan en prolonzman Plato Kontinantal.  E lannen pase ti annan en delegasyon ki’n al New York e ki’n defann prolonzman Plato Kontinantal ki zot apel Northern Plateau.  E la rezilta i – nou panse i pozitiv e nou panse ki Nations Unies pou prosennman agree ki wi sa plato i pou sesel.  Nou annan osi pou fer konsernan Aldabra Plato.  E donk wi i en seksyon ki nou bezwen get ladan tre seryezman, me mon pa kapab reponn ou konsernan larzan dan domenn en seksyon pou al dan lot.  Petet sa – PS.

MR SPEAKER

PS Barguain oule koze oubyen PS Payet?  PS Payet ou ti a kontan avan Onorab Ferrari i demann son kestyon.

PS PATRICK PAYET

Mersi Mr Chair.  Zis pou azoute ki SP1 avek SP2, SP2 letan nou’n diskit avek Departman Blue Economy i annan pou fer plis avek sa GMASo tou sa larzan ki nou pe gannyen avek sa Grant avek sa loan, i pa link avek sa SP2, avek sa GMA.  I plis link avek the research planning avek zot Policy of the Blue Economy.  Sanmenm sa ki nou met preski tou sa larzan dan SP1.

MR SPEAKER

Onorab Andre.

HON CLIFFORD ANDRE

Mersi Mr Chair.  Be GMA i zis pou ant Sesel ek Maurice.  So mon pe dir ou letan nou pe koz maritime boundary parey Mr Michaud in dir i pli gran ki Maurice avek Sesel.  So mon pe dir pou nou kapab fer sa travay.  Letan mon pe get Bidze mon, personnelman letan mon pe get Bidze i pa ase akoz pou kapab fer – sa pou SP2 pou kapab fer en travay  ki konpri EEZ Sesel; pa senpleman sa ki bord avek Maurice, nou bezwen annan resours ki ganny mete ladan pou nou kapab fer sa travay.  Pou Sesel kapab fer sa travay.  Mersi.

MR SPEAKER

PS zot anvi…?

PS PATRICK PAYET

Mr Chair nou’n note son sizesyon e nou ava diskit en pe avek Departman Blue Economy letan zot fer en pe bann alokasyon.  Mersi.

MR SPEAKER

Onorab Ferrari.

HON JEAN-FRANCOIS FERRARI

Mersi Mr Speaker.  Mr Speaker mon byen apresye ki sa – i annan en group dimoun ki pe raise larzan bann to enteresan e ki zot pe regard dan resers.  Be selman mon anvi demande akfer nou pe fer tou sa resers si nou ankor annan en Lendistri Lapes ki dan leta mannyer i ete ozordi.  In zis koupe an ptipti bout nou pa konnen lekel ki ansarz.  Dan sa menm Bidze i dir ou poudir, ‘’SFA is the executive arm of the Government for Fisheries and related matters.  SFA in ganny degrade to a point kot apenn si i annan enn oubyen de syantifik ladan.  SFA nepli annan Lotorite.  Pourtan i apel en Lotorite.  Tou lezot dimoun lo Por i annan en Lotorite.  Kan eski Minis, sa mon kestyon mon pa pou Mrs Barguain ouswa Mr Michaud akoz zot pa bann politisyen, se pou demann avek Vis-Prezidan kan eski pou annan en Lotorite kler dan Minister Lapes ki pou donn bann direksyon kler pou fer sir ki keksoz i avanse; ki i annan ice, ki i annan landrwa pou peser met zot bato, kan eski sa?  Eski i annan en pe sa larzan ki pe vini pou al dan sa bann domenn akoz nou pa kapab kontinyen avek sa bann Pti Lanpir avek en Lanperer ki ansarz ki- ki pe fer sa ki i anvi lo sa Por.  Kan Minis eski pou annan en vre direksyon dan Sekter Lapes?  Mersi.

HON PATRICK PILLAY

Kekfwa Vis-Prezidan en dernyen kestyon ki swiv oubyen ki relye avek sa ki Onorab Ferrari  fek dir, sorti kot Kekfwa Vis-Prezidan en dernyen kestyon ki swiv oubyen ki relye avek sa ki Onorab Ferrari in fel dir i sorti kot MNA Anse Boileau pa Speaker.  Mon ti a kontan pran sa pwen ki Onorab Gill in leve avek Onorab Ramkalawan.  Lannen pase ler nou ti koz lo Blue Economy pou nou aprouv Bidze Ms Loustau-Lalanne ti vini e vreman Onorab Gill i annan rezon nou tou nou ti apresye ki i ti fer en keksoz kler, mwan menm mwan mon ti’n pli konpran pli kler ki savedir Blue Economy.  Me la konmsi si mon’n konpran byen Ms Lalanne i en Advisor dan Biro Vis-Prezidan.  Madanm Barguain osi parey Onorab Ramkalawan mon felisit ou ki ou’n vin PS.  Nou’n koze dan mon biro e nou’n diskit bann defi ki ou’n pas ladan dan ou karyer avek SFA, me an term koup Bidze, eski nou pa pe ogmant dimoun ek larzan ki nou peye e parey Onorab Ramkalawan, en kestyon mon  pa pe pas komanter, en kestyon.  Parey Onorab Ramkalawan in dir eski si mon kapab vin direk e mon pa pe mank respe personn i pa ti pou pli fezab pou madanm Barguain al SFA kot i annan sa expertise e konpetans?  Epi ki akoz Ms Lalanne pa’n okip Blue Economy parey i ti pe fer?  Eskize Vis-Prezidan mon pa pe met ou ‘on the spot’ me konmsi i en kestyon ki dan mon lespri ki mon bezwen klarifye pou mwan.  E mon sir lezot dimoun in demann menm kestyon.  Vis-Prezidan.  E madanm Barguain please fer kler nou pa pe kestyonn ou konpetans or anything zis get ki mannyer nou kapab zer nou Bidze pli byen.

MR SPEAKER

Vis-Prezidan.

VICE-PRESIDENT MR VINCENT MERITON

Mersi Mr Speaker.  Sa semenn menm mon’n zwenn avek Minis Lagrikiltir, avek Chairman SFA, avek CEO SFA, avek Deputy CEO SFA, avek   Lekonomi Ble, avek Mr Michaud pou nou kapab ranforsi travay ki Gouvernman in met dan SFA konman sa lebra e sa Lotorite ki responsab pou Lapes.   Nou konsyan defi ki sekter Lapes pe pas ladan.  Nou konsyan rol ki i annan, son rol kle e primordyal dan devlopman lekonomi.  Nou konsyan son rol kolaboratris ki i bezwen zwe avek tou bann partner.  Napa bann Pti Lanpir napa bann Pti Lanperer.  E anba Gouvernman Prezidan Faure i pe kree bann Lenstitisyon avek bann responsabilite byen kler.  Me selman en keksoz ki enportan i sa difil ki pas atraver tou bann lenstans ki anmar nou tou ansanm, ki permet ki nou tou nou pe bouz dan en sel direksyon e gard nou regar fikse ver lepanouisman nou lekonomi e la an partikilye Sekter Lapes nou pe koz losean.  Byensir nou napa ase resours imen.  Sesel napa ase resours imen.  E SFA ensi ki Lekonomi Ble Departman lekonomi pa’n ganny eparnye ladan.  Se pou sa rezon i annan consultancy.  Zwenn nou dan sa lager, dan sa batay.  Annou pa vin en fren dan sa travay.  Donn nou en koudmen pou kapab fransir sa baryer, sa pad port pou kapab permet nou, permet Seselwa zer sa resours dan en fason soutenab, smart, wise ki nou kapab dir ki Lekonomi Ble i tous sa dernyen peser; ki i kapab si i pa oule al dan lapes i kapab kontribye dan devlopman en lespes – dizon ou pe koz Banbara, dizon ou pe koz Sea Urchin, dizon ou pe koz lezot keksoz ki nou kapab trouv valer dan sa bann keksoz eksplwate, vann deor.  So Lekonomi Ble an partenarya avek tou son bann partner i serye.  Mon’n dir lotrozour – mon’n fek dir taler detrwa minit pase ki Gouvernman in aprouv en Plan Emergency pou siport sekter Lakiltir avek Lapes.  I reflekte konsyans Gouvernman ki nou bezwen met plis lanfaz lo la.  Defi i annan  wi nou tou nou imen be selman i annan bann path kler ki nou’n dir e nou’n tonm dakor avek Minis avek Chairman avek son bann group SFA ki nou bezwen zwenn plis ansanm koze e tonm dakor ki mannyer nou ranforsi SFA.  Ozordi tou koze se ranforsi kapasite SFA pou li kapab zwe sa rol pli byen.  Ler Minis i a vin devan, zot a ganny sans kestyonn li e apresye travay, bann zefor ki pe ganny fer pou kapab permet sa arive.  Mr Chairman Sesel, i bezwen servi tou son bann fiy son bann garson dan tou bann landrwa apropriye.  Mrs Barguain i annan konpetans nou’n santi i kapab zwe en rol.  Ms Loustau- Lalanne i annan en rol pou kapab osi zwe dan biro Vis-Prezidan; pa vedir ki i pa pou travay ansanm.  Lekontrer nou’n dir nou pou kontinyen travay ansanmSo the more the merrier.  Me selman sa ki enportan se sa difil, sa bren difil la i kapab pas partou, i ser nou tou ansanm pou nou kapab bon dire e pou nou kapab vin rezilyan pou nou kapab ariv kot nou’n arive.  Mersi Mr Chair.

MR SPEAKER

Mersi VP.  Mon a donn laparol dernyen Onorab, Onorab De Commarmond apre Onorab  Ramkalawan.  Onorab De Commarmond.

HON WAVEL RAMKALAWAN

Mr Chairman.  Premyerman Ms Loustau-Lalanne prezan i Special Advisor dan Biro Vis-Prezidan pou Blue Economy?

VICE-PRESIDENT MR VINCENT MERITON

‘’…. (Mic Off)

HON WAVEL RAMKALAWAN

I pa Blue Economy?  Ok.  Mr Speaker lo paz 69 spesifikman letan nou regard Bidze lo laliny ‘’wages and salaries in cash’’ ok, pou 2017 Bidze ki zot ti gannyen ti 3.2 milyon e apre sa i ti ganny revised to 2.3 million.  E la nou pe vwar i mont par 1 milyon.  Eski vreman nou bezwen sa mont par sa 1 milyon?  Oubyen eski nou pa devret round-off sa figure pou 2018 annou round li off to 3 million.  Mon pe met sa konman en propozisyon pou nou regarde k mannyer i ete.  Akoz sa ‘’wages’’ parski pou sa revised in 2017 i 2.3milyon ok?  Akoz sa 3.4 nou pa redwir li pou fer li vin 3 milyon ron, pou fer li vin 3 milyon ron e la nou ava fer en lekonomi 400 mil.  Parske mon pa – konmsi i pa pe, konpran mwan Mr Speaker.

MR SPEAKER

Wi Onorab De Commarmond?  Avan mon demann VP oubyen PS Payet pou reponn.  Onorab De Commarmond.

HON CHARLES DE COMMARMOND

Non mon ti annan zis de pti keksoz.  Konmsi pou mwan sa zafer Blue Economy la.  Mon ti pe get li konmsi SFA i zis en konponan ki administre en bout Blue Econnomy i pli vast Blue Economy.  Alor par egzanp bann SEYPEC kot ou pou fer eksplorasyon petrol, si ou pou koz tourism ki lye ek lanmer whatever ki lye ek lanmer i tonm dan Blue Economy.  Dan mon lespri pou mwan mon vwar li koumsa.  So si ou al dilute li ou fer li desann pou vin SFA Blue Economy li menm mon krwar i annan en problenm la.  Anyway sa mon vwar me selman an menm tan mwan, ki mon ti anvi trouve dan zot rol sa Bidze ki zot pe gannyen sa ki – ou’n tous taler son kote enternasyonal kot letan bann resers i fer ensidswit ou fer konnen deor tou dimoun i konnen  i kapab vin eksplwate dan nou landrwa.  Demen nou dekouver petrol la, mon asire tou dimoun pou le vin tir petrol be kwa ki zot fer konmsi dan sa bann resers dan sa bann dekouvert, dan bann vizyon ki zot annan, ki zot pran zot dir, ‘’la la nou’n vwar poudir i annan potansyel dan Blue Economy pou fer sa, nou annan potansyel pou devlop sa.’’ Seselwa prezan lokal, li la loportinite nou met devan ou pou ou kapab eksplwate.  Konmsi mon ti ava anvi vwar en pe plis sa pou ki permet Seselwa pou kree sa larises from the Blue Economy atraver sa Departman.  Mersi.

MR SPEAKER

I annan en propozisyon parski nou pou bezwen arete i byen pas 4er, total to be appropriated Departman Blue Economy paz 68 i 33.6.  Nou annan en propozisyon ki nou redwir lo paz 69 ‘’wages and salaries in cash’’ nou redwir sa Bidze pou 2018 par 433 e gard li zis 3 milyon.  Eski i annan – Onorab Henrie.

HON GERVAIS HENRIE

Wi mon oule segonn sa propozisyon Leader Lopozisyon parey mon ti lev en latansyon lo la.  Mersi.

MR SPEAKER

Tir sa 431 milyon anba ‘’wages and cash.’’  Mrs Barguain wi silvouple.  Wi wi go ahead Mrs Barguain.

PS MRS ROSE-MARIE BARGUAIN

Wi mersi Mr Speaker. Zis pou reponn petet enn bann kestyon en pti pe avan vi ki mon osi mon ka in ganny diskite ase prive.  I vre mon ti kit bon SFA mon ti resign an 2003 pou plizyer rezon.  Vwala e an menm tan pandan letan ki’n pase tou sa letan i vre ki mon’n ganny demann pou bann pti louvraz consultancy dizon menm pou lapes semi-endistriyel, menm anyway menm pou bann diferan – mon’n donn en pti koudmen kot mon’n kapab.  E letan mon’n asize mon’n etidye mon’n gete kwa ki pe pase pandan tou sa letan ki mon’n sorti SFA, i vre mon vwar ki mannyer sa Blue Economy, sa konsep Blue Economy i kapab i pe antre ozordi, dan menm Fisheries Management, ki avan  parey mon ti pe dir, i annan dizon nou ti annan mwens kontrent.  Ozordi nou pe vwar nou bann resours pe ganny plis eksplwate, e nou pe get lo fason management, Fisheries Management lo en lapros ECO Systems approach.  So i annan bann model k pe sanze ozordi.  Donk e letan an menm tan mon’n diskite, mon’n fer mon prop resers; personally mon prop tutorial mon’n diskit avek en de bann dimoun ki’n demann mwan led vi ki vre nou ti annan en bon lekip sa bann letan SFA.  Nou ti travay, nou ti deliver, nou ti reponn nou bann obligasyon malgre ki nou ti annan kantmenm osi bann enn de bann kontrent parey nou ti annan nou bann data kot lafen lannen nou konnen ki kantite pwason, ton sorti dan nou delo pou ki nou kapab ganny renumeré par L’Union European.  Nou ti reponn nou lobligasyon osi avek IOTC selon bann kontribisyon data ki nou ti bezwen donnen.  Vre nou ti annan nou pti lekip ki ti dinamik.  E ozordi years after mon kapab dir i vre kot nou pe vwar sa konsep ECO Systems approach pe antre dan ban sistenm zesyon.  Nou pa pou kapab mazin zis eksplwat nou pwason, be selman nou bezwen get son konteks, son soustenabilite, parey Mr Michaud in eksplike taler, vwala.  So mannyer son ECO System pe konsernen ki la osi kot dizon bann resers lo nivo lanvironnman i antre dan tou sa.  Vwala e donk parey mon pe dir premyerman mon osi mon’n ekoute lannen pase letan mon’n tann Ms Loustau-Lalanne in eksplik sa Lekonomi Ble ti annan bann premye parti kot zot in bezwen rod finansman inovativ e donk petet ozordi nou pe pas lo en dezyenm faz parey mon pe dir be still nou pou travay an close kolaborasyon pou nou valoriz plis nou bann lenformasyon.  E donk lo kot e sa 4 pos ki Onorab Ramkalawan in demann lo la, kontrer mersi bokou pou sa felisitasyon, pou sa lankourazman mon kontan, mon bezwen e mon kontan pou mwan retournen pou revwar bann dimoun ki mon ti travay avek osi avan.  I vre i zistifye sa 4 pos akoz parey mon pe dir i en pti Departman e sa bann gro Bidze ki pe tonbe parey nou pe koz R26 milyon i pa tonm direkteman; i pa pe ganny enplimante, servi par Departman Blue Economy.  Nou, nou pe fonksyonnen avek en pti Bidze ki zis R7 milyon.  E  nou bi se petet fasilite, kordinen, donn led kot nou kapab, selon bann proze.  Sa R26 milyon parey nou pe dir avan fodre pa i annan konfizyon, sa i pe ganny manage par Minister Finans e i pou ganny enplimante par ban lezot bodies kot nou, nou la dan milye.  Donk sa 4 pos i konsern parey nou pe dir nou bezwen en dimoun en Senior Policy Analyst, ki nou ti’n fini advertise sa 4 pos li i pe konmanse ver lafen lannen, in vin interview nou’n swazir en dimoun adapte.  Nou annan en Senior Maritime Officer, nou annan en Information and Communication and Awareness Officer pou fer zisteman en pti pe plis osi piblisite, pou travay pou vwar ki bann defi; par egzanp menm nou pe koz bokou lo nou Lendistri Lapes ki enportan e nou pilye lekonomi nou ti travay bokou pou soutenir li be akoz ozordi i fer lapenn nou tann sa bann problenm pe arive.  Vwala.  So sa 4 pos vreman apre i annan en Senior Legal Officer osi.  Sa 4 pos mon krwar vwala i zistifye; akoz ozordi nou pe move forward.  Nou pa devret SFA mannyer i ti ete petet avan i annan bann nouvo konsep ki’n ganny devlope otour.  Mersi Mr Speaker.

MR SPEAKER

Mersi madanm e alor eski nou dakor ki nou pran en vot lo sa minus R4031 thousand total to be appropriated R33.631 million.  Nou kapab pran en vot avek sa rediksyon ki nou’n mete dan ‘‘wages in cash.’’  Ti annan en propozisyon mon pa konnen si ou ti la oubyen si ou ti’n sorti.  Onorab Gill ti annan  en propozisyon par Onorab Ramkalawan  lo paz 69 ‘’wages and salaries in cash ‘ki i ti pe dir e i ti donn son zistifikasyon ki nou tir sa – pou round li up to 3 milyon e tir sa 431 mil e sa ti ganny segonde par Onorab Henrie.  Yes Onorab Ramkalawan

HON WAVEL RAMKALAWAN

Non nou pe – sa ki nou pe ekoute, parski lannen prosenn osi nou pou vwar li i ogmante i vin 4 milyon – 2019. Konmsi nou pe swiv sa – nou pe swiv sa trend ki poudir e bann rezon ki mon’n donnen konmsi pou nou regarde ki mannyer keksoz i kapab – i kapab al ver en serten konsolidasyon – instead of konmsi zis nou trouv li grosi, grosi e – eski napa fason pou partaz bann resours osi pour …

MR SPEAKER

Mon krwar ou ti donn rezon taler, malerezman mon krwar ou ti’n sorti en pti kou Onorab Gill, dernyen, dernyen avan nou pran en vot Onorab Ferrari.

HON JEAN-FRANCOIS FERRARI

Non mon ti anvi zis dir ek Mrs Barguain vi ki i nouvo dan sa – dan sa pos se ki i pa abitye avek sa bann labitasyon bidzeter ki i annan en Mid-Year Review si zanmen ou santi poudir ou bezwen extra funds pandan lannen.  Nou ankouraz ou byensir pou fer en bon lisaz sa ki nou donn ou.  Me selman si ou bezwen extra funds dan milye lannen ou revin kot nou atraver PS Finance e nou baze lo ou bann largimantasyon, ou bann zistifikasyon nou kapab fer ou ganny sa bann …

MR SPEAKER

Pou ou zis anmennen ou a zistifye.  Mon krwar nou pou bezwen arete, nou’n exhaust sa deba.  Nou pou bezwen pran en vot baze lo Mosyon ki’n ganny prezante e segonde.  Eski …  pardon?

HON CHARLES DE COMMARMOND

Nou ti oule konnen ki Vis-Prezidan ek PS Finans i dir si i ok pou koupe sinon?

MR SPEAKER

Be sa Mosyon in deza ganny met devan nou, in ganny segonde nou bezwen pran en vot lo la.  PS eski – I mean VP eski ou annan en komanter ou ti a kontan fer lo la avan nou round-up.  Non, non Onorab Gill ou’n fini koze si i annan okenn dernyen komanter sorti kot PS Finans oubyen Vis-Prezidan sansan zanmen nou pou fini.

PS PATRICK PAYET

Mr Chair anyway letan mon pe koze avek the PS i annan  sa 4 pos ki 2 in fini pe al pran e i annan 2 ki si nou koup son Bidze i pa pou kapab; savedir i pa pou kapab pran sa 2 additional post ki i ti’n mete dan Bidze.

MR SPEAKER

Savedir dan sa ka si Onorab Ramkalawan ek Onorab Henrie i dakor, nou gard son Bidze pou – lo 69 ‘‘wages and salaries in cash’’ parey i ete e nou a pran en vot.  Eski zot dakor?  Ok tre byen, annou pran en vot lo sa ki nou’n total ki appropriated pou Blue Economy lo paz 68, 33.6 milyon.  Tou bann ki pour lev zot lanmen?  Clerk.  Silvouple another show of hands o mon konnen i tar zot fatige pou Clerk konte.

MADAM CLERK

Mersi Mr Chair.  18.  18 Manm an faver, mersi.

MR SPEAKER

Mersi Clerk e klerman Bidze pou Departman Blue Economy in ganny aprouve e Mr Michaud, PS Barguain felisitasyon ou’n ganny ou larzan.  E avek sa nou a eskiz zot.  Mrs Barguain, Mr Michaud avek ou 2 koleg mersi pou vini, mersi pou zot letan pou anmenn klarifikasyon pou nou, e pas en bonn weekend.  En pti moman Vis-Prezidan mon ava les zot eskiz zot lekor.

(PS BARGUAIN AND HER DELEGATION WAS EXCUSED FROM THE HOUSE)

MR SPEAKER

Wi Vis-Prezidan ou annan la parol.

VICE-PRESIDENT MR VINCENT MERITON

Mr Chair zis pou dir ki depi lannen pase nou ti demann en permisyon pou vin fe en prezantasyon lo Lekonomi Ble.  Donn nou en slot lannen prosenn pou kapab donn plis detay ek leklersisman lo la, silvouple.

MR SPEAKER

Ok mersi, nou’n arive 4 er 22.  Nou annan en lot Departman, its Department of Investment me vi ki nou pa’n pran en Break e nou’n kontiny nou’n ale nou’n konmanse depi Mardi, mon sizere akoz mwan mon annan en commitment e mon krwar Vis-Prezidan osi i annan en commitment 6 er.  I lafet 200 an pou bann Baha’i, i enn ki lafwa ki tre aktiv dan SIFCO Seychelles Interfaith Council, mon sizere ki petet nou adjourn e nou rekonmanse Lendi kot nou tou nou a’n repoze, 9 er.  VP eski sa i ok ek ou oubyen ou pou Bird Island oubyen Dar es Salaam Lendi?  Ou pou available?

VICE-PRESIDENT MR VINCENT MERITON

Mr Speaker ni enn ni lot. Selman mon ti pe krwar ki nou a tape ziska 5er me selman mon dakor avek ou.  Lendi mon a retournen.

MR SPEAKER

Lendi 9 er nou a retournen pou nou pran Departman Investment ki anba Portfolio Vis-Prezidan apre nou a pran National Institute of Science and Technology and Innovation.  Alor Dr Fanny eskize, ki nou’n anmenn ou; e mon krwar ou telman relax ou a kapab pas en bon weekend.  Nou a vwar ou Lendi bomaten 9er sharp.  Mon ti a ankouraz tou dimoun pou fer sir nou arive 9er pou nou konmans travay – akoz apre midi 2 er nou ti pros pou napa en Quorum pou nou kontinyen.  Alor avek sa mon a remersye zot pou travay ki nou’n konmans fer.  La nou’n ganny lelan, mon krwar nou lo bon semen, nou a kontinyen Lendi.  Pas en bonn weekend tou dimoun e mersi.

       (ADJOURNMENT)