::
Home » Verbatim » 2017 » Verbatim Report, The National Assembly Sitting, Wednesday 25th October, 2017

Verbatim Report, The National Assembly Sitting, Wednesday 25th October, 2017

NATIONAL ASSEMBLY OF SEYCHELLES

 Wednesday 25th October, 2017

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun; tou dimoun ki dan Lasanble e tou dimoun ki pe ekout nou an deor Lasanble, dan lakour.  Mon ti a kontan ozordi o non tou bann Manm Lasanble, bann Manm Onorab, swet labyenveni dan nou Lasanble e group ansenyan ki an formasyon sorti SITE, e si mwan mon rapel byen, SITE se Seychelles Institute of Teacher Education.  Sa ki dan mon letan ti apel Teachers Training College (TTC).  Me sa in evolye.

E mon ti a kontan osi swet labyenveni zot de dimoun ki pe akonpanny zot, zot de instructors, Mrs Cynthia Renaud ek Mrs Sandra Jeanne. Mon espere zot a pas en moman bomaten laprantisaz en pe levey pour zot vwar ki mannyer nou travay dan Lasanble.  Ozordi pour annan zis Mosyon, napa Minis ki pe vini.  Me menm zot a vwar ki mannyer Mosyon i deroule.  Me nou bann dan Lasanble ki’n deza osi ansenyan nou swet zot en partikilyerman en welcome tre chalereux, tre warm.  E ler nou pran nou break 10.30, nou espere zot a kapab enterakte avek bann Manm Lasanble ki annan en pti moman pour vwar zot anler letan zot pe pran en pause kafe.  So byenveni, relax, si zot annan okenn kestyon nou annan staff ki la pour ed zot e nou menm nou koman bann Manm Lasanble nou a kapab enterakte avek zot pli tar.  Avek sa nou ava al direkteman lo nou Order Paper pour ozordi e i annan enn de Manm malerezman ki pa kapab la.  I annan 2 ki overseas, e 2 ki’n bezwen al en lanterman Praslin. So si zot vwar enn de sez vis i senpleman akoz i annan lezot lobligasyon ki serten MNA in bezwen fer.

Avek sa nou al lo nou parey mon dir ozordi, nou annan bann Mosyon pour nou diskite.  E san plis tarde. Nou a demann, nou a demann loter Mosyon nimero 2 lo nou Order Paper, Onorab De Commarmond, Leader of Government Business. Pardon…report lo Scrutiny of Bills Committee, se sa de ki ou pe koze?  Me in deza sirkile sa de non? Apre i annan enn Committee on Woman Parliamentarians.  Ok. Lekel ki pe prezant, reportis it Mr Onorab George?  Wi?  Onorab George ou annan laparol.

 

HON BERNARD GEORGES

Mersi Mr Speaker.  Bonzour Mr Speaker, bonzour tou Manm Lasanble.  Bonzour nou bann future teachers ki’n vin vizit nou ozordi. Bonzour tou dimoun ki pe ekout nou dan lakour.  Mr Speaker mersi pour donn mwan laparol pour prezant rapor Bills Committee pour peryod 2016 ziska Septanm 2017.  Komite lo Prozedlwa, mye koni koman Scrutiny of Bills Committee, ouswa Bills Committee tou kourt, ti ganny etabli par en rezolisyon Lasanble le 11 Oktob 2016.  Malgre order 83 nou Standing Orders, ki antisipe ki en Komite i ganny apwente pour bann Prozedlwa endividyel, Lasanble in krwar li pour apwent sa Komite pour konsider tou Prozedlwa dan sa Sizyenm Lasanble.

Manm ki ti ganny apwente lo sa Komite, se Onorab Clifford Andre, Onorab Simon Gill, Onorab Basil Hoareau, Onorab John Hoareau, Onorab Sebastien Pillay ek Onorab Nicholas Prea.  Epi mwan menm Mr Speaker.  Dan nou premye rankont, Onorab Clifford Andre ti ganny elekte koman Deputy Chair, e mwan mon ti ganny sa loner pour mwan chair sa Komite.  Devwar sa Komite ouswa son Terms of Reference in ganny elabore e aprouve par Lasanble. I annan 8 nou pa pour pas lo la ozordi.  Me nou pour zis dir ki son bi zeneral sa Komite.  Se pour asire ki Lalwa ki vin devan nou Lasanble pou konsiderasyon i teknikman osi bon ki posib e konform avek Konstitisyon ek bann Lalwa Sesel an zeneral.  Sa i liber Lasanble pour debat lo bann, sa ki nou apel bann general purposes, bann lobzektif en Lalwa, san bezwen pas letan lo detay oubyen lo sa ki nou apel twalet ziridik en Lalwa.

Kot i neseser Komite i propoz e rekomann amannman a bann Prozedlwa.  Komite i konsider tou Lalwa ki ganny pibliye dan Gazet Ofisyel.  De fwa Komite i ganny konsilte lo en proze avan ki i ganny pibliye. Me zeneralman i konsider zis bann Bill ki’n fini ganny pibliye. Pandan son premye lannen, Komite in konsider 17 Bills, 13 Bills Gouvernman e 4 Private Members Bills anmennen par Manm Lasanble zot menm.  Dan sa rapor i annan en lalis tou sa bann Bills.  Ankor enn fwa mon pa bezwen donn detay lo la, me sa ki enteresan Mr Speaker se ki parmi tou sa bann Bills, tousala ti bann amannman a bann Lalwa egzistan apard enn.  I annan zis en nouvo Lalwa.  E sa se Prevention of Drug Abuse and Rehabilitation Agency Bill ki nou’n bezwen konsidere.

Metod travay; Komite Prozedlwa i konsider tou proze Lalwa parey mon’n dir ki vin devan li. Kan letan i permet mwan Manm Komite i konsider sa Bill endividyelman avan en meeting Komite an plenyer.  Dan lamazorite ka sepandan i annan tre pe letan, pti git letan pour konsiderasyon Bill dan sa fason e Komite i war li neseser pour fer meeting pour konsider bann Bills an plenyer e vitman.

Komite i konsider bann lobzektif sak Prozedlwa ki vin devan li m e i pa pas komanter lo la.  Sa se pour Lasanble. Komite i konsider legalite e Konstitisyonalite en proze ensi ki son langaz e son striktir e propoz sanzman ouswa lamannman ler sa i neseser.         Ler letan i permet, diskisyon i ganny fer avek bann Minister ki pe propoz sa Prozedlwa, ouswa avek Biro Attorney Zeneral.  Okazyonnelman sa i nesesit ankor meeting avek bann legal draft person, bann dimoun ki ekri sa Lalwa.  E enn fwa ki Komite i satisfe avek sa Prozedlwa, Komite i demann Lofis Clerk pour met sa Prozedlwa lo Order Paper pour li ganny debat dan Lasanble, dan sa ki nou apel Second Reading.

Komite i raport swa oralman; swa an ekri avek Lasanble lo sak Bill. Kan lamannman i bezwen, en Manm Komite parey nou’n vwar i prezant sa pandan deba. Komite i espere ki rapor formel a kapab ganny fer dan sak ka bann proze Lalwa ki en pe pli konsekan e ki pli long ki nou antisipe pour vin devan nou Lasanble dan peryod lannen prosenn. Komanter; Komite pa pe fer okenn rekomandasyon dan son rapor. Rapor Mr Speaker, pour ganny sirkile par dan Lasanble, dan kouran lazournen ozordi.  E zot ava vwar ki nou pa pe fer okenn rekomandasyon.  Me nou pe senpleman fer 3 komanter.

Premyerman, nou’n eksprim nou remersiman avek Gouvernman pour son langazman ouver pozitif avek nou Komite.  Kan sa ti neseser Minis avek PS ti angaz avek Komite dan en fason enformel avan formaliz en Lalwa.  Sa in fer ki okenn problenm potansyel in ganny adrese boner.  Nou osi rekonnet lafason ki Gouvernman in pare pour aksepte konsey ki Komite in donn li, e rankontre avek Manm Komite ler sa ti neseser.

Dezyenmman, sepandan, nou krwar ki dan tro bokou ka Lalwa i ganny prezante avek piblik tro tar e apre i bezwen ganny trete an tayan, san ki in annan ase letan pour konsilte piblik ant piblikasyon sa proze e son pasaz dan Lasanble.  Nou rekonnet ki Gouvernman i annan son prop azanda lezislatif.  Me nou demande ki annan plis letan ant piblikasyon en Bill e son prezantasyon devan Lasanble pour permet sa enteraksyon ki neseser avek tou bann dimoun konsernen. Nou soulaze par sa staz White Paper ki ganny servi dan serten ka e nou ankouraz Gouvernman pour agrandi e elarzi sa prosedir.

Trezyenmman, nou apresye lasistans Biro Attorney Zeneral o plito nou’n apresye lasistans Biro Attorney Zeneral pandan sa dernyen lannen.  Nou rekonnet ki ekri en Lalwa i en lar.  E i demann bokou letan, bokou pasyans, e bokou leksperyans.  Nou’n annan plizyer enteraksyon pozitif avek bann draftperson, sa bann avoka parey mon’n dir ki ekri Lalwa.  Zot konpran nou rol.  Me malerezman nou bezwen rikord nou regre ki tro Prozedlwa i ganny pibliye avek fot ladan e lerer ki pa neseser. Nou demann sa Departman pour pran meyer ka dan zot travay o fitir.

Remersiman: Komite i swete rikord son lapresyasyon a bann Komite e sirtou staff Lasanble ki’n siport son travay pour zot devosyon souvandfwa dan moman difisil.  E toultan anba bokou presyon.  Sa de Leaders dan Lasanble ti ganny ankouraze pour asiste meeting Komite ler zot ti posib. E Komite i rekonnet zot prezans e i remersye zot pour zot lasistans.  Tou sa ki reste Mr Speaker, se lo lapar Komite pour mwan dir ki mon annan gran plezir pour soumet nou premye Rapor pour sa premye lannen avek Lasanble.  Mersi Mr Speaker.

 

MR SPEAKER

Mersi Onorab Georges i annan okenn komanter, okenn Manm i anvi fer.  Me petet avan nou fer sa mon ti a kontan dir de keksoz pour bann, nou bann viziter.  Bann zenn etidyan ki pe swiv formasyon pour lansennyman.  Nou Lasanble i travay bokou atraver bann Komite, diferan Komite.  E sa enn la i en Komite ki parey Onorab Georges in eksplike ki i prepar teren avan nou diskit bann Bills avek diferan Minister konsernen.

Alor mon ti a kontan lo lapar Lasanble antye remersye Onorab Georges ek son lekip ki’n travay dir pandan sa lannen pour prepar teren avan bann Bills i vin devan Lasanble e sirtou travay avek Attorney epi avek bann diferan departman Gouvernman, Minis ek zot PS.  Onorab Sebastien Pillay, ou annan, oule pran laparol.

 

HON SEBASTIEN PILLAY

Mersi Mr Speaker.  Bonzour Mr Speaker, bonzour tou Manm e bonzour tou dimoun – nou annan bann dimoun prezan dan Galeri.

Mr Speaker mon krwar sa ki Onorab George in si oule summarise byen sa ki mannyer Komite, travay ki Komite i fer. Me selman i annan de pti pwen ki mon krwar nou bezwen soulinyen la ki nou’n soumet sa rapor devan Lasanble.  Premyerman konparab avek bann lezot Komite ki zot scrutiny, i lo en lot nivo. Par egzanp FPAC e lezot, nou pour vwar ki en Rapor Committee of Scrutiny of Bills i pou diferan. E se sad an li menm ki fer ki i enportan ki nou komans regard lo capacity building ki nou bezwen annan pour nou zisteman kapab fer sa bann Rapor lo bann eleman spesifik bann Lalwa.  Zis parey Onorab George in dir nou pour ganny bann Prozedlwa ki pour vin devan, ki pour pli sibstansyel, ki pour annan bokou plis travay ki pour bezwen ganny fer lo la. Se pour sa rezon ki sa capacity building i enportan.  Mon pour sizere ki sa i devret vin o nivo bann Manm ki form parti sa Komite, me osi lo nivo Sekretarya.

Mon apresye dayer ki Sekretarya in fer bokou zefor dan bokou ka pour kontinyen sey amelyor travay ki ganny fer. Me mon krwar nou dan serten sirkonstans nou kapab ankor fer plis.  E i toultan i byen pour dir nou dir nou bezwen kontinyen met lanfaz lo la.

En lot pti pwen enportan ki nou bezwen fer resort se ki a okenn moman sa Komite pa devret vin zis sa sel opsyon pour regard bann Lalwa dan Lasanble.  Tou Manm annan dwa anba Standing Orders, pour li menm si Komite in deza soumet serten lamannman lo serten Prozedlwa pour li osi si in regard serten Lalwa, serten Prozedlwa pour anmenn konsern byen pandan Committee Stage, pour amen lamannman lo bann Lalwa.  E mon krwar se sa i bann pratik ki nou bezwen ankor davantaz komans met an mars pour zisteman increase en pti sa dinamik i annan ler nou pe regard bann Prozedlwa.

Prenan kont ki nou pe koz lo lafason ki nou pee table en Rapor, i pour osi enportan ki nou konsider, ki mannyer nou debat bann rapor dan lefitir osi.  E la mon ti a kontan si annan okenn Manm ki santi pour dir nou bezwen al lo Komite pour debat sa Rapor.  Nou fer parey in ganny dir anba October 29 kot nou ava soumet en Mosyon pour nou debat sa rapor si nou bezwen debat li an detay lo bann eleman spesifik dan sa rapor.  E mon dernyen pwen Mr Speaker, mon oule souliny sa ki Onorab Georges in dir se ki i in en travay lekip.  In en travay bi-partizan.

I pa’n en travay kot okenn kote in pran okenn lapros partizan.  Mon vwar lo kote latab tou dimoun pe dakor avek sa ki mon pe dir.  E i enportan ki natir sa travay ki nou pe fer i kontinyen zisteman, pour nou kapab anmenn bann sanzman neseser.  Me en pwen enportan ki reste se ki, se sa konsiltasyon ki bezwen ganny fer.  E la mon krwar ki en keksoz ki nou bezwen osi regarde ki kantite konsiltasyon koman bann Manm Lasanble, nou osi nou kapab anmennen ler en Prozedlwa i vin devan Lasanble. Si nou menm nou, nou kapab al dan bann fer bann meeting pour fer bann White Paper stage, konmsi bann eleman. Mon krwar nou’n komanse, nou’n vwar ki mannyer sa sistenm i marse.

E mon felisit Gouvernman pour annan sa linisyativ pour annan sa White Paper stage, sa konsiltasyon.  Me parey nou’n vwar i enportan ki plis stakeholders i ganny involved dan preparasyon sa bann Prozedlwa.  Akoz apre ki ler Lalwa in fini vin lo Second Reading ki ou tann en dimoun pe call ou pe dir ou tel keksoz, tel sityasyon ki fer ki ler nou pe regard sa rapor li menm i montre ki kantite Lalwa nou’n regarde, nou’n vwar.  E kantite konsiltasyon petet ki’n bezwen annan.  Me lo en lot kote osi nou bezwen demann bann dimoun, bann stakeholders ki konsernen ek bann Prozedlwa ler pe vin devan, pour osi vin devan.  E anmenn zot bann kontribisyon, anmenn zot konsern.  I enportan akoz se sa ki pour kree sa dinamik kot nou pour kapab annan bann lamannman neseser oubyen bann sanzman neseser ki bezwen ganny fer dan bann Lalwa.  So, avek sa Mr Speaker mon oule remersye osi mon bann koleg lo Komite e travay ki chairman Komite in fer.  Travay ki Onorab Hoareau, Onorab Andre, Onorab Prea, Onorab John Hoareau osi in fer, pour nou’n nobou kapab vinabou laplipar bann Prozedlwa ki’n vin devan nou, e soumet li devan the house pour aprouvasyon. Avek sa mon remersye ou Mr Speaker.

 

MR SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Mr Speaker bonzour.  Bonzour tou dimoun.  Mr Speaker mon ti ava pran loportinite sa Rapor ki pe ganny mete, ki pe ganny depoze devan Lasanble pour mwan fer en propozisyon pour lavenir.

I annan en pe letan ki nou bann Manm en pe pli ansyen dan Lasanble nou’n swete vwar ki en zour nou pour annan en Parliamentary Draftman dan nou Lenstitisyon.  En dimoun ki spesyaliz dan lekritir Lalwa, dan eksplik Lalwa, e ki ava servi pour fer nou Lenstitisyon pli efikas e pour ed nou bann Manm pour nou pli byen enterakte avek Lalwa ki en domenn ase spesyalize.  E pour le moman nou zis par le fe ki nou annan sa sans ki nou annan dan Lasanble bann avoka eksperyanse ki pe ed nou, be si nou ti annan, si nou ti annan en draftsman ki en zour, mon krwar i ava anmenn bokou lefikasite dan nou lenstitisyon.  Alors mon ti ava pran sa lokazyon pour mwan demann ou, pour gete ki mannyer nou kapab kekfwa pran en zenn dimoun ki’n fini Liniversite Sesel, ki ti a kontan al spesyaliz dan sa brans Lalwa pour join Lasanble, nou ava rod bann training pour zot.  I annan la nou pe, kekfwa bann teachers i la, zot annan bann dimoun ki enterese avek sa. Nou ava ganny bann training partou atraver lemonn zot ava ganny bann pli bon training posib. Nou kapab gannyen sa bann keksoz pour fer sa dimoun vin konpetan e pour fer nou Lasanble vin pli efektiv e pli performan.  Donk sa i en lokazyon kekfwa pour nou mazin en pe plis lo la.  Mon remersye ou Mr Speaker.

 

MR SPEAKER

Mersi Onorab.  Sizesyon i tre valab e i byen note.  Onorab William.

 

HON WAVEN WILLIAM

Mersi Mr Speaker.  Bonzour tou dimoun ki a lekout e mon oule swet labyenveni bann teachers sorti SITE.  Mr Speaker, mon pwen i, premyerman mon ti a kontan felisit Onorab Georges pour prezantasyon sa Rapor.  Me sa ki enportan note se ki i annan serten bann keksoz ki’n sorti dan sa prezantasyon ki mon krwar i ekstrememan enportan. Me mwan mon konsern Mr Speaker, se ki pour annan plizyer bann Komite ki mon konnen i pour soumet bann Rapor – se a ki moman ki Lasanble li menm li dan plenyer i kapab diskit lo sa bann Rapor akoz i bann rapor ki ase enportan ki en bon pe travay in ganny mete ladan e mon rekonnet ki Onorab Georges pa’n fer bann rekomandasyon. Me selman letan ou regard konteni bann keksoz ki in dir i konsern pep Seselwa. E i enportan koman reprezantan lepep, nou ganny sans debat lo sa bann Rapor.

E letan ki mon pe dir sa osi i fer mwan mazin ki enn IAC in prezant en Rapor.  FPAC in prezant en Rapor. Me parey mon dir se ki zis nou prezant sa rapor, me sa de rapor oparavan in annan Mosyon pour debat lo la me selman mon pa vwar en kontinyite lo azanda Lasanble. So mwan mon ti ava demande, mon pa konnen si nou pour pran sa lo Modernization Committee ki nou annan en prosedir ki ganny etablir pour nou kapab debat lo sa bann Rapor ki ganny prezante devan Lasanble.  Avek sa de pwen Mr Speaker, mwan a dir ou mersi bokou e mon swete ki Lasanble i ava konsider sa.  Mersi.

 

MR SPEAKER

Mersi Onorab William.  Onorab De Commarmond.

 

HON CHARLES DE COMMARMOND

Mersi. Mr Speaker bonzour. Bonzour tou bann envite isi dan nou Lasanble.  Tou dimoun ki a lekout, Mr Speaker de pti keksoz lo sa Rapor.  Nou tou nou welcome sa rapor.  E zis si mon pa tronpe anba Order 29 nou kapab, nenport Manm i kapab lev en Mosyon, e i ganny segonde, e i ganny vote.  Si Lasanble dan son totalite, dan sa mazorite i vot an faver sa Mosyon, sa Rapor i kapab ganny diskite dan Komite Lasanble.  Lasanble i vin en Komite e i diskit sa.  Sa i enn, e mwan swete sa pwen ki Onorab William in avanse kot i konsern rapor IAC petet i ganny fer dan sa direksyon pour ki sa Rapor i ganny diskite si i neseser dan nou Lasanble.

E lot pwen ki’n ganny lev-e la se zafer Parliamentary Draftsman.  Mon krwar i devret Legal Draftsman pour Parlman ki devret ganny regard ladan ki, e sa vreman Mr Speaker, pour mwan mon vwar li en priyorite pour kapab met dan Bidze petet lasanble pour ki o pli vit ankor nou ava kapab ganny en lot dimoun pour fer sa travay akoz i en travay enportan.  I en travay ki pour ed pa zis Bills Committee, me Lasanble an zeneral ou Biro e tou ladministrasyon nou Lasanble. Mersi.

 

MR SPEAKER

Mersi Onorab i pwen, de pwen tre valab.  Anfet mon pe get 29,1 Standing Orders i aktyelman Onorab William i donn ou sa posibilite pour fer sa.  Anfet ou’n mansyonn 2 Rapor. IAC apre FPAC. Tou lede i 2 Rapor tre enteresan – sirtou sa enn lo FPAC bokou dimoun in tann koz lo la.  Me IAC i pour bann ki pe ekout nou. Its an International Affairs Committee ki Onorab Ferrari ti, si mwan ma memoire est bonne ou ki Chairman sa Komite, e parey mon’n dir taler nou travay atraver diferan Komite taler apre dan en pti moman nou pour tann Rapor en lot Komite. Me IAC mon krwar mon’n lir son Rapor, i en Rapor vreman enteresan.  Sirtou an se ki konsern sa interface ant Lasanble avek Minister Zafer Etranzer. I annan bann rekomandasyon ladan ki tre, tre for e sirtou sa kestyon annan en rapor, oubyen den evalyasyon. Me petet plito en rapor ki en evalyasyon, kwa ki bann Anbasader pe fer.  Kwa ki bann Lanbasad pe fer.  Koumsa ki nou konnen ki annan serten aksyon ki pe ganny pran ki pa zis Lasanble me piblik i ganny enformen.  Mon krwar i annan bann rekomandasyon tre valab, tre pwisan ki nou devret swiv.  E parey in ganny dir i en keksoz ki nou kapab dan lepase, par lavenir, plito table e koz lo la pour lenformasyon piblik. Me pour osi nou rol oversight ki nou vwar ki i annan keksoz ki pe ganny fer.

Apre tou nou annan konmela plis ki 8 oubyen 9 misyon aletranze.  E pwen Leader Government Business lo Legal Draftsman sa parey mon’n dir i en pwen ki nou ganny note.  Anfet mon’n deza anonse ki nou annan en konsiltan ki pe travay lo vizyon 2020 pour Lasanble Nasyonal, kot nou kapab enkorpor tou sa bann pwen ki pe fer sorti.  Tre byen si napa okenn komanter ankor lo Rapor scrutiny, sa rapor ki’n prezante Scrutiny of Bills Committee, nou ava al lo lot Rapor pour, ki lo nou Order Paper bomaten e malerezman Chairperson sa Committee, Woman Parliamentarians Committee i pa kapab la bomaten. Me Onorab Esparon ou kapab prezant sa Rapor.

Onorab Esparon.

 

HON REGINA ESPARON

Mersi Mr Speaker.  Mon annan gran plezir prezant avek Lasanble Rapor sa dernyen lannen 2016, 2017 komansman Novanm. Komite Madanm ti ganny formen an Novanm lannen pase, e i konpri sa bann swivan:

Onorab Chantal Ghislain koman Chairperson, mwan menm koman Vis Chaiperson, e lezot Manm i konm swivan, Onorab Noline Sophola, Onorab Jany De Letourdie, Onorab Sylvanne Lemiel, Onorab Flory Larue, e Onorab Audrey Vidot. Komite ti pe osi ganny lasistans Clerk ek Madanm Thelermont lo komansman me Clerk in resaman ganny ranplase par Ms Alexandra Faure ki nou sekreter.

Rol prensipal Komite Madanm se pour ede promouvwar legalite ant bann Madanm ek bann msye atraver bann aktivite, Polisi e met an plas e siport bann Lezislasyon, swa lo nivo lokal, ouswa enternasyonal. Fonksyonn an akor avek direktiv e regilasyon Lasanble Nasyonal, e Gouvernman tout an respektan dwa e egalite sex parite ant bann msye ek bann madanm. Etablir relasyon e partisip dan bann rankont o nivo lokal e osi enternasyonal ki pe travay pour promouvwar e promot legalite ant zonm ek fanm.

Reprezant Lasanble Nasyonal dan son travay entergouvernmantal dan travay ki lye ek bann madanm Parlmanter.  Ankouraz e entegre plis madanm pour siport partisipasyon madanm dan politik e donn lankourazman lezot madanm ki oule zwenn politik.  Depi son konsepsyon Komite Madanm Lasanble in fer progre remarkab e in ranforsi relasyon ant lezot madanm lo nivo Komite lokal e osi lo nivo enternasyonal, sirtou lo kote Komite devlopman Sid Lafrik SADC lo Inter-Parliamentary Union (IPU), e osi byen ki lo Parlman Lafrik PAN African Parliament, kot bann madanm Lasanble Sesel i ganny reprezante. Onorab Ghislain e mwan menm nou’n reprezant Sesel lo nivo SADC; Onorab Ghislain i lo Komite Natural Resources e mwan mon lo Komite Gender.  Onorab Lemiel e mwan menm nou reprezant bann madanm lo nivo parlman Lafrik sa ki apel PAN African Parliament.  Onorab Lemiel i en manm lo Komite Lazenes ek Gender e mwan mon en Manm lo Komite Lasante, Mendev ek Sosyal.  Onorab De Letourdie, Onorab Sophola i nou reprezantan madanm kot IPU.  E Onorab Andrey Vidot i sa reprezantan madanm lo Steering Komite pour HIV/Aids lo nivo National Aids Council NAC.  Dan lannen ki’n pase Komite in fer plizyer rankont ek bann partner lokal vize lo vyolans domestik, defi sosyal e lezot size ki pe afekte lasante bann madanm.

Mr Speaker, mon ti ganny sans reprezant Komite Madanm dan 40enm Plenyer SADC ki ti fer Harare – Zimbabwe Novanm lannen pase, ki ti deroul anba tenm ranforsi kapasite bann madanm ek lazenes. Nou Komite ti osi partisip dan en latelye 2 zour ki ti fer Eden Blue organize par SADC pour oriyant zot plis atraver, anver dwa lasante reprodiktiv e angaz zot dan lalit pour elimin HIV/SIDA. Mr Speaker, Komite Madanm ti osi ganny sans partisip dan en rankont ki ti fer avan 41enm Plenyer SADC ki ti fer isi menm Sesel.  Sa Forum RWPC Regional Woman Parliamentary Caucus i regroup tou bann madanm lo Komite, tou bann Komite madanm lo nivo rezyonal Lafrik.  Sa rankont ti sorti ek en deklarasyon pour enplimant rezolisyon 62 lo Komisyon e stati bann madanm pour proteksyon bann zenn fiy e madanm kont HIV/SIDA.  E sa rankont ti sorti ek en deklarasyon ki ti ganny apele Mahe Declaration kot bann madanm Parlmanter lo nivo SADC in fer en Pledwari pour kontinyen siport bann lorganizasyon enternasyonal pour devlopman ek kad operasyonel ki permet bann madanm Parlmanter reste angaze dan sa lalit kont SIDA. Lo nivo Plenyer mon ti ganny sans anmenn en Mosyon pour kondann bullying dan lanvironnman lekol e sa Mosyon ti ganny segonde par en Manm sorti Malawi e plenyer ti aprouv sa Mosyon ki ti pe demann bann pei SADC pour met an plas bann protokol e polisi ki lo nivo Nasyonal ki pour ede protez bann zanfan ki pli vilnerab kont bullying.

Sesel ti osi partisip dan bann deba pour kondann vyolans domestik ki en size ki pe osi afekte Sesel.  E Onorab Ghislain ti donn sipor lo sa Mosyon e met devan sityasyon Sesel. Onorab Vidot ti partisip dan en latelye de zour avek NAC pour drafte Plan D’aksyon pour retir bann baryer ki egziste an sa ki konsern HIV/SIDA.

Mr Speaker a lokazyon Lazournen Enternasyonal Bann Madanm, nou Komite ti ganny envite State House ansanm ek bann lezot madanm kle dan sosyete pour diskit lo bann defi ki bann madanm i fer fas avek e osi diskit fonksyonnman bann madanm dan sosyete an sa ki konsern travay e lanplwa. Komite ti osi envit, inisye en vizit kot prison madanm Montanny Posée pour war ki mannyer bann madanm i ganny trete dan prizon e koz en pe ek zot e war ki mannyer nou koman en Komite nou kapab ed zot reentegre dan sosyete.  Mr Speaker sa i en aktivite ki pour reste lo nou kalandriye tou-le- z-an. Akoz nou santi ki malgre ki zot bann kondannen e zot in fer zot fot, sosyete pa devret pe vir ledo lo zot.

Nou ti osi ganny en rankont ek Paster Lannwit pour vwar kwa ki nou kapab fer pour ed sa group ki’n byen entegre e pe ed bann dimoun ki lo semen. Mr Speaker nou plan se pour al anver sa group pour donn zot plis lankourazman, e se sa ki nou pe plan pour nou al akonpanny zot lo duty tre byento, dan avan lannen fini pour nou osi al lo semen avek zot pour nou pli byen konpran zot travay e bann defi ki zot fer fas avek.  E apre ansanm nou a rod solisyon.  E Mr Speaker pour sa mon pe osi envit lezot Manm Lasanble pour osi zwenn nou dan sa parkour e nou ava enform zot kan ki nou pour ale.

Ki plan Komite Madanm i annan pour lavenir?  Parey mon’n dir avan lannen fini nou pour al anver Paster Lannwit pour regarde ki mannyer nou kapab ed zot pli byen perform zot travay.  Komite Madanm pe inisye en vizit lesanz avek Caucus Madanm Parlmanter Maurice pour pli byen konpran ki mannyer zot fonksyonnen koman en Caucus e esanz leksperyans.  Nou pe osi anvizaze annan en meeting avek Minister Lafanmir pour gete ki bann Prozedlwa nou kapab anmennen ki pour ed sa Minister pour pli byen desarz son responsabilite pour ed bann madanm.  Mr Speaker nou pe osi fer meeting avek Lazans por Drog e Lapovrete, akoz koman en Komite nou krwar ki nou annan en rol pour zwe dan eliminasyon lapovrete e elimin drog dan Sesel.  E pour komemor Lazournen Enternasyonal Bann Madanm lannen prosenn Komite i anvizaze fer en Konferans o nivo pour anmenn bann madanm ansanm e azanda a ganny defini pli tar.

Pour konklir Mr Speaker, Komite Madanm in ranforsi son responsabilite pour plis kolaborasyon ant bann partner kle; bann lorganizasyon non Gouvernmantal ki pe travay pour byennet lafanmir e lezot group madanm.  E osi angaz li plis dan lalit kont SIDA, travay pour elimin vyolans domestik e stabiliz, e sansibiliz bann travayer sex.  Nou misyon se pour travay plis ek bann madanm pour adres bann size ki pe afekte zot dan lavi toulezour, e siport bann Lezislasyon ki pe protez bann madanm.  Mr Speaker avek sa mon anvi remet sa Rapor avek Lasanble pour aprouvasyon. Mersi.

 

MR SPEAKER

Mersi Onorab Esparon.  Eski i annan okenn manm ki oule pran laparol? Onorab Lemiel.

 

HON SYLVANNE LEMIEL

Mersi Mr Speaker.  Mersi. Bonzour tou bann koleg.  Tou ban dimoun ki dan galeri.  Mr Speaker zis pour azoute lo, zis pour azout en pti lo sa Rapor. Mon krwar sa group 7 madanm ki nou annan isi dan Lasanble, nou pe vreman travay kot nou pe sey vwar ki mannyer nou kapab anmenn rekour, ouswa ed bann lezot madanm dan pei nou kapab dir.

I annan en kantite travay i reste pour nou fer.  Me selman parey Onorab Esparon in dir, mon krwar travay ki nou’n komanse i pwen depar.  Nou bezwen annan en landrwa kot nou komanse.  E nou annan gran plan.  I reste nou ankor en kantite keksoz pour fer.  Mon krwar parey in dir nou merit travay pli pros avek bann diferan Minister, diferan lazans. Minister lafanmir i sa Minister kle. I annan lazans osi ki deal ek bann dimoun pour reabilitasyon drog e prevansyon, e osi nou annan Lazans ki deal avek lo kote lapovrete.  Nou bezwen zwenn pour nou regard en pti osi ki mannyer nou kapab travay ek zot. E nou koman bann madanm Parlmanter ki mannyer nou kapab sansibiliz sirtou en ler nou annan bann manman tousel, ki mannyer nou kapab sansibiliz zot en pti pe.  Akoz mon krwar madanm sa 7 nou met lanmen ansanm nou annan en gran pouvwar nou.  Madanm i powerful li.   Konmsi si letan nou’n met nou lipye ater nou’n dir pour dir nou pour fer en keksoz nou’n determinen nou pour fer li, e mwan plis ki sir ki a la longer di-tan ki nou annan, nou annan sa 5an pour nou travay, e mon krwar nou pour kapab abouti e fer vreman bokou pour nou bann madanm dan kominote.  Me i reste ki mwan ti a kontan as en Komite nou bann madanm nou solider avek kanmarad.  Nou travay byen avek kanmarad menm si nou annan nou diferans akoz an travayan ansanm nou pour kapab fer bokou pour nou pei e pour bann lezot madanm.

Me selman nou pa merit bliye osi nou koman sa Komite Madanm nou merit pe travay osi pour nou edik bann msye. Akoz parfwa se problenm bann madanm i vin akoz bann msye. Konnen, me nou bezwen travay avek bann msye.  Nou bezwen, wi, problenm bann madanm parfwa i vin akoz bann msye.  Se sa ki nou bezwen travay avek sa bann msye osi, sansibiliz zot en pti pe.  E nou donn zot sa sipor osi Mr Speaker, akoz parfwa ou realize akoz bann msye i bezwen sipor madanm en.  Akoz si napa bann madanm, bann msye i tonbe. Zot bezwen nou, e zot bezwen nou sipor.  E pour nou annan bann fanmir ki solid, se nou parey bann madanm Parlmanter ki pour ede osi annan sa bann fanmir solid an edikan nou bann msye e an edikan osi nou bann madanm.  So mon krwar nou’n fer en vreman bon travay lo sa Komite pour sa 1an. Mon felisit Onorab Esparon pour sa rapor ki in donnen. Mon krwar in detay ase byen nou bann travay ki nou pe fer.

E bann madanm annou kontinyen atrap lanmen kanmarad.  Annou kontinyen travay dir pour nou anmenn bann lezot madanm dan Sesel pli devan.  E bann msye osi pour zot kontinyen, nou travay ek zot pour zot kontinyen siport bann madanm.  Mersi Mr Speaker.

 

MR SPEAKER

Mersi Onorab. Mon kontan pour war ki bann msye pe ganny sipor bann madanm. Zot dir san madanm i pa pour annan sikse.  Be selman le nou pour koz lo pour anmenn kado pandan Lazournen bann Madanm pour bann prizonnyen, mazin bann zonm osi, bann prizonnyen laba, dan Montanny Posée, zot osi zot bezwen kado.  Mon pa konnen ki kalite kado ou pour anmenn pour zot.  Onorab Arrisol.

 

HON SANDY ARRISOL

Mr Speaker bonzour.  Bonzour tou Manm.  Bonzour tou bann envite dan Galeri.  Mr Speaker mon ti a kontan koman en MNA zonm donn sipor sa Komite Madanm.  E remind bann madanm pour dir kreasyon ti dir pour dir zonm ki ti ganny kree avan.  E atraver zonm bondye ti pran en kot parey labib i dir e i ti kree fanm.  Ler i ti fini kree fanm i t dir avek zonm sa ou madanm kontan li pare you kontan prop lekor. Akoz zot form parti en bout sa lekor ki nou annan.

Se pour sa rezon ki nou bann zonm, bann MNA zonm nou pour kontinyen siport bann MNA madanm.  E an zeneral bann msye nou pour kontinyen kontan nou bann madanm.  Se pour sa rezon mwan mon pea port sipor pour sa Komite Madanm. Me en keksoz ki mon’n touse letan zot in koz lo la, Onorab Lemiel avek Onorab Esparon; se bann madanm ki dan prizon. Ou konnen tou resaman dan pei nou annan en seri Premyer Konminyon, en seri lakonfirmasyon e i annan plizyer zanfan ki pa’n ganny sans pas sa moman avek zot manman parski i annan zot, detrwa zot ki zot manman i Montanny Posée.  Mwan mon ti a kontan fer en rekomandasyon avek Komite Madanm, en si avek Speaker Lasanble ki lo High Committee Level prizon pour letan zot fer zot vizit, ti ava byen si zot osi konsider bann madanm ki dan prizon, parski mon rapel ti annan en pe msye ki ti ganny large 2015, ti annan en pe msye ki ti ganny large mon krwar lannen pase ki en 80 zot ki mon krwar 40 ekek in fini ganny anmase.  Mon ti a kontan ki letan Lotorite prizon avek Komite Madanm zot fer bann vizit, zot koz avek sa Komite, revwar en pe bann pozisyon bann madanm ki dan prizon akoz mon aprann pour dir nou napa bokou madanm ki dan prizon.  Mon krwar i annan en 10enn zot.

E dan sa dizenn mazorite zot kekfwa zot laba swa pour drog, swa pour vol. Napa bann gran pese kapito parey nou dir.  Me i enportan pour nou reentegre zot dan lasosyete.  Par egzanp atraver Komite Prizon sey vwar ki mannyer sa bann madanm zot pa kapab antre al vizit zot fanmir par egzanp pour en weekend.  Komans ek sa dousman, dousman.  Fer li en semenn, fer li en mwan ziska zot re ganny entegre dan lasosyete e zot zanfan i ganny sa lanmour, i konnen pour dir son manman i ankor la.

Mon krwar bann msye zot in ganny zot sans. I annan ki’n servi zot sans byen, e mon krwar la i ava enportan ansanm parey mon pe dir Komite Lasanble bann madanm avek High Level Committee prizon pour zot vwar ki mannyer zot kapab letan zot pe soutenir tou bann madanm enkli bann madanm, bann zoli madanm kid an Galeri la ki pe aspire pour vin bann teachers, e nou bezwen dan ledikasyon, en kantite nou bezwen.  E pour zot osi konsider bann madanm ki dan prizon pour rod en fason ki mannyer pour ed zot re entrodwir dan sa lasosyete.  Re anmenn zot ver zot fanmir ziska zot santans i ava fini.  Mwan Mr Speaker mon ti annan sa pti pwen lo kote bann madanm.  E mon pour donn bann sipor bann madanm.

E mon dernyen pti pwen Mr Speaker, mon’n tann ou koz lo en konsiltan ki pe fer en travay pour Lasanble Nasyonal ki mon pe mazinen si ti a bon ou partaz sa lenformasyon avek nou lekel sa dimoun pour lenformasyon piblik.  E kekfwa nou menm nou koman Manm Lasanble e bann osi ki dan Galeri pour zot konnen lekel sa konsiltan ki pe fer sa travay ekselan ki ou ou’n koz lo la koman nou Speaker Lasanble. Mersi bokou.

 

MR SPEAKER

Mersi Onorab Arrisol.  Mon krwar ou’n fer sorti bann pwen tre valab e demen High Level Komite prizon pe zwenn. E mwan a fer sorti sa pwen ki ou’n koze lo bann madanm prizonnyen.  Napa bokou be selman i osi annan en playground ki en group in kontribye kot fanmir sa bann madanm i vini avek fanmir bann prizonnyen, male prisoners osi zot kapab enterakte.  Me ou pwen in note. Lefe ki ti plito bann zonm ki’n fer sorti, ki’n ganny sans sorti, pa bann madanm.

I annan serten travay ki pe ganny fer par diferan group e mon krwar nou osi dan Lasanble petet sa i pwen ki mon  a lev-e avek sirentandan prizon demen kot ti a bon sak distrik i konnen lekel prizonnyen sorti dan zot distrik. I am sure Onorab De Commarmond ti a kontan konnen lekel prizonnyen sorti Cascade, Onorab Lemiel lekel prizonnyen sorti Anse Royale.  Petet ti ava annan keksoz zot ti a kapab organize pour fer sir ki anmenn en serten sipor. E sirtou dan mon leksperyans depi mon pe travay avek sa High Level Prison Committee bann zenn.

I annan bokou bann zenn ki dan prizon ki annan sa ki nou apel dan lansennyman fractured childhood.  Zot in annan serten soufrans zot in pas ladan dan zot zenes, sirtou bann early years lavi kot tou sa ki zot bezwen souvandfwa se en dimoun pour koz ek zot. E la kot bann teachers i kapab ede dan bann counseling session. One to one oubyen group session.  I annan tou sa bann fasilite i laba. Okenn dimoun ki volonter ki ti a kontan zwenn, mon krwar i enportan ki nou ed parey mon dir i annan hard criminals, me i annan bann zenn ki bezwen counseling.  Zis dimoun pour koz ek zot pour le zot ouver e externalized zot soufrans.  E mon krwar sa i a ed nou tou Sesel akoz mon krwar nou bezwen sey redwir nou popilasyon prizon.  Lo sa ki konsern konsiltan ki pe fer travay anfet set en ansyen teacher matematik ki’n travay lontan dan DPA, Departman Public Administration avek Ms Jessy Esparon, i Gerard Albert, in deza en Headteacher, in deza en teacher.  Nou’n angaz li, i en konsiltan ki pe travay lo vizyon 2020 pour Lasanble Nasyonal.  I annan dan son plan travay.  E mon krwar son deadline i lafen Novanm pour soumet avek Lasanble sa Strategic Plan, Vision 2020.  E i annan dan son plan travay lentansyon pour zwenn ek tou bann Manm Lasanble.

I annan serten lenstriman ki pe servi pour vwar ki mannyer zot, zot vwar Lasanble pour lavenir, pour 2020.  E i annan osi taler Onorab Esparon in mansyonn madanm Alexandria Faure.  Li i sekreter lo sa Komite Woman Parliamentarians.  Me Ms Faure i en nouvo anplwaye dan Lasanble Nasyonal, i nouvo PR and Protocol, anfet bann zenn teachers pour rankontre li taler. Li ki pe organiz zot vizit.  E li osi i annan en instrument ki i pe fer online pour li anmas lenformasyon, en zanr survey kot i pe anmas lenformasyon avek piblik lo kwa ki zot ti a kontan war dan Lasanble.  Ki kalite ekspektasyon zot annan.  Akoz nou Lasanble i pas live tou le semenn.  E bokou dimoun i regarde.  E i annan dimoun ki telefonnen. I annan dimoun ki ekrir.  Be nou pe fer li ofisyelman as part of sa visioning ki nou pe vwar ki mannyer lekspektasyon piblik i ete ki nou kapab zwenn sa bann lekspektasyon akoz nou la pour servi piblik.

So pour reponn ou kestyon Onorab Arrisol, i parey i mon’n dir i Gerard Albert ki en ansyen teacher, e ansyen travayer kot DPA e ki fer serten consultancy pour diferan Minister. Mon a donn laparol Onorab Aglae.

 

HON EGBERT AGLAE

Mersi Mr Speaker.  Bonzour tou bann madanm dabor, bonzour tou koleg MNA, tou dimoun ki dan galeri, bann future teachers.  Mr Speaker mwan krwar nou merit pe donn en sipor sa Rapor la lo Komite madanm ki dabor pour zot prezantasyon ki zot in fer, e mon war ki annan nesesite dan sa letan ki nou pe viv ladan kot bann madanm isi Sesel sirtou kot zot in perse.  E zot in ganny bokou loportinite.  E nou, nou en model lo rezyon Lafrik kot bann madanm, kot i konsern Gender Development Index, gender inequality, nou’n sirmont bokou baryer e ozordi nou bann madanm in kapab arive vin sa ki zot ete, bann legzanp i la deor i prouve, nou annan Sef Ziz i en madanm, nou annan en Minis Dezinyen ki en madanm.  Nou annan lezot Minis ki madanm ki pe lead bann Ministers. Nou annan CEO’s, PS, Enzenyer, Pilot, menm Prêt nou annan ki madanm.  So sa i montre pour dir sa Gouvernman ki la in donn loportinite nou bann madanm pour zot devlope.

E nou bann msye menm parey dikton i dir ou par deryer tou bann sikse bann msye i annan en madanm e i montre ou pour dir i vre.  Me avek tou sa bann devlopman.  Tou sa bann epanouisman, bann ekspoze ki nou bann madanm in gannyen.  I annan serten defi osi ki pe pase avek ozordi, e mon krwar ki i enportan ki koman en Gouvernman e nou koman en Lasanble osi, e nou pour donn sipor sa Komite Madanm pour adres bann madanm ki pe tonbe pour ed zot sirtou.  Annou pa les zot kontinyen tonbe. Bann ki pe tonm dan fleo drog, lalkol, bann ak anti sosyal ki egziste ozordi. Mon krwar ki i enportan ki nou sorti en pti pe pli for ladan pour nou kapab tir nou bann madanm dan sa bann retonbe ki zot ladan ozordi.  E apre tou se madanm ki port sa fri, ki fer en zanfan. Malgre nou zonm nou zwe en rol me selman se zot ki pas sa 9 mwan pour kapab kontinyen annan kreasyon, kot popilasyon i kapab kontinyen peple mon kapab dir, menm si Sesel la nou popilasyon i ptipti, nou pe vwar trend kot popilasyon pa pe grosi.  So bann madanm, nou bezwen ankouraz bann madanm petet pour kontinyen bare the fruit of love parey nou dir.

E Mr Speaker, pour konklir mon felisit bann madanm ki la dan Lasanble pour zot louvraz nob ki zot pe fer.  E tou bann madanm ki an deor, petet bann ki ekoute, ki pe lev-e tonbe pour zot kontinyen, pa dekouraze sirtou kot nou annan bann paran tousel kot bann msye in kit zot in ale.  E la mon lans en lapel nou bann msye annou en pti konsyansye, donn sipor nou bann madanm. Annou fer zot vin sa ki zot ete. Apre tou se bann madanm ki senm lanmour parey nou dir.  E Mr Speaker, avek sa mon pour donn mon sipor.  E mon pour siport sa Komite Madanm la pour fer sir ki zot kontinyen fer zot travay dan en fason ki byen pour ed nou bann madanm dan sosyete.  Mersi.

 

MR SPEAKER

Mersi Onorab Aglae.  Mon a donn laparol Onorab Henrie.

 

HON GERVAIS HENRIE

Mersi Mr Speaker.  Tre briyevman mwan ava kot Onorab Aglae ti komanse.  Letan mon’n ekout sa Rapor ti mwan rekonnet travay ki sa Rapor, ki sa Komite Madanm pe fer. Me mwan santi i annan bokou aksan lo en seksyon nou popilasyon, zot in koz par egzanp bokou lo bann madanm ki dan prizon, bann madanm ki lo semen, atraver bann travay ki zot oule al fer avek sa bann dimoun, ansanm avek Paster Lannwit, nou’n tann koz lo size bullying, drog, manman tousel, i tous lo sa kous popilasyon ki vilnerab.

E mwan mon ava zwenn Onorab Aglae, pour dir ki dan nou sosyete i annan bokou bann madanm ki for, ki pe debout lo zot de lipye, e pe fer en keksoz tre byen lo zot menm. I enportan osi ki nou pa kit sa group deryer pour dir akoz zot pe fer byen nou inyor zot. E anfet en keksoz ki mon’n, en keksoz ki mon’n remarke i manke dan zot rapor se lo bann zenn. Bann manrmay depi kekfwa dizon apartir segonder, ki mannyer zot bann madanm Parlmanter zot kapab tyonbo lanmen sa bann manrmay e pour nou kontinyen ganny bann sitwayen model.  E anfet Sesel, mon’n war tou lede parti politik dan nou letan konpanny, da nou Manifesto nou’n koz lo lakantite partisipasyon madanm dan politik, dan Lasanble pour asire ki sa poursantaz prezantasyon i monte.  Be ler la kot zot, zot mon sant zot kapab antre pour fer serten travay spesifik avek bann ki pe fer byen, kekfwa pour ankouraz bokou plis bann madanm, bann zenn fiy i partisip avek nou koman politisyen dan kominote e ki evantyelman zot ki ava kapab pran sa sit la kot mon pe assize, kot larestan nou pe asize.

E touzour dan menm laliny, mwan santi pour dir nou pe kontinyen lager pour ganny sa gender balance.  E sa lalit prezan dan konteks Sesel mwan enn ler mon per ki i pe anmenn en gender imbalance aprezan.  Nou vwar pour dir dan serten lenstans zonm pe ganny kite par deryer.  Malgre ki nou pe dir wi bann madanm i bezwen vin plis devan ankor e kekfwa la mwan ava dir bann zonm annou get byen ki bann madanm pe fer, annou vin devan parey zot.  Mwan dan mon distrik par egzanp mon travay bokou avek bann madanm, bann zenn fiy, konmsi zot vreman en lankourazman pour mwan toulezour bomaten lev-e fer sa travay ki mon fer.  Donk mon ti ava dir bann msye osi annou sivre sa legzanp, e koumsa nou a kapab re anmenn sa balans ki nou dwatet annan dan nou pei.  Avek sa mwan ava zis remersi zot pour zot travay e dir zot pour dir dan mwan zot annan en zanmi avek en siporter pour ed zot dan nenport fason ki mon kapab.  Mersi.

 

MR SPEAKER

Mersi Onorab Henrie.  Onorab Vidot.

 

HON AUDREY VIDOT

Mersi Mr Speaker, bonzour tou Manm Onorab, bann dimoun dan galeri e tou bann dimoun ki al ekout.  Me Mr Speaker, mwan petet mwan osi mwan ava komans lo sa ki Onorab Henrie in termin lo la.  Nou pa’n al an detay petet serten bann size ki nou’n diskite dan serten nou bann sesyon, oubyen bann groupman ki nou’n zwenn avek bann groupman enternasyonal, bann Manm Parlman, oubyen menm lo nivo lokal ek bann NGOs.  Me par kont lazenes in parmi nou bann dyalog diskisyon ki nou’n fer. Espesyalman lo kote teenage pregnancy, lo kote abuse.  Sa i en pti pe bann size ki nou’n koz lo la.  E osi menm nou’n ganny sans partaz avek bann lezot pei Lafrik ki mannyer nou, nou promot en pti pe nou bann zenes, spesyalman nou bann zenn madanm.  So sa osi in form parti nou bann diskisyon. E sa bann travay ki nou’n fer, sa 7 nou mon ankor enn fwa lo lapar Chair ki absan ozordi pour remersi sa 7 madanm pour nou travay ki nou’n fer pour sa 1an. E osi nou’n aprann en kantite keksoz.  Nou’n ganny sans partaz en pti nou konesans pour Sesel.

E parmi ki mon ti a kontan tous for lo la se letan nou, i annan en Manm Parlman dan enn bann pei Lafrik, ti fer resorti ki nou koman bann madanm pe enport ki nou diferans lopinyon, nou bezwen solider avek kanmarad.  E letan nou vwar bann madanm pe pran bann pozisyon kle dan lasosyete nou pa, nou bliy nou diferans ki nou annan, me o-kontrer nou siport sa madanm akoz li ki pe ganny sa sans sa privilez pour ansarz en tel pozisyon.  So sa i mesaz ki nou bann Manm bann Madanm Parlman, nou bezwen kontinyelman montre e pratik li pour donn legzanp pour lezot. Akoz bokou fwa nou tann kritik kot bann madanm i kraz bann madanm.  E sa i tre fer lapenn, i sagrinan.

So nou, nou bezwen solider ek zot e ankouraze ki bann fanm i ganny bann sans kle akoz bokou fwa bann fanm osi i ganny kritike kot petet zot pa deserve sa pozisyon, oubyen zot pa neseserman work sweating pour zot kapab arive pour zot kapab ganny sa pozisyon.  Me par kont nou annan fanm ki determinen laba deor dan nou pti pei Sesel pour fer sa diferans e pran bann pozisyon very challenging dan nou sosyete.  So lo sa de laliny mwan a dir ki nou a demann nou bann lezot Manm zonm pour kontinyen, wi apir nou akoz i annan zis 7 nou.  E nou bezwen osi motiv bann zenn pour pran politik osi koman en karyer akoz nou pa war bokou. Nou napa bokou zenn madanm dan Parlman.  E sa mon ava ankouraze pour bann ki pe ekoute deor a konsidere.  Mersi.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Speaker, tre briyevman.  Mr Speaker i tre enportan ki nou pe diskit sa size la ki ozordi nou annan bann ansenyan SITE ki la, e si i annan en kad travayer ki’n toultan konpoze predominan par madanm se bann ansenyan.  E travay ki bann ansenyan madanm i fer osi bann ansenyan zonm. E i enportan pour nou dan sa deba osi konsider pwen ki enn mon koleg lot kote latab in fer se regard osi bann lezot kous nou sosyete ki pa neseserman vilnerab me ki bezwen ganny en lizye gete lo zot.

Mon dir sa Mr Speaker se akoz si nou regard performans, tandans performans koman en ansenyan oparavan, ou pour war pour dir bann fiy ti pe outperform bann garson a en moman donnen. Be mon krwar sa trend i pour ariv en moman kot i pe komans, tou lede i pe komans ariv lo menm nivo problenm la. E ou pe komans war serten sityasyon kot mwan en papa 2 fiy mon oule dir Mr Speaker.  E mon pour toultan oule en sosyete kot zot pour kapab epanouir.  Me mon vwar osi ki lo nou bann Komite kot nou annan par egzanp bann madanm… mon krwar ki, mon fer sa komanter avek tout bonn fwa se ki nou pa kapab gard keksoz zis lo siperfisyel.

Nou bezwen regard keksoz en pe pli in depth.  Nou pa kapab regard zis keksoz dan en fason zis pour annan serten lentervansyon, me nou pa regard son lenplikasyon a long term.  Nou pe vwar pour dir si nou regard otour nou ozordi par egzanp nou fer en letour ler i annan bann show, bann aktivite, nou vwar lakantite zenn fiy ki vin sa bann aktivite. Mon pe dir bann zenn fiy pa devret anmize.

Me selman eski nou pa pe al ver en lot tandans ki pe vin annan en lenpak lo nou. E mon krwar en travay ki petet mon ti a sizere ki sa komite i fer se ki nou anmenn bann mesaz pozitiv lo nivo bann lekol osi. Lo nivo bann lekol.  Pa avek bann landrwa kot i annan bann groupman ki travay avek zanfan sirtou bann teachers. Mwan manman ti en teacher Mr Speaker. E mon konnen ki mannyer i enportan rol ki bann teachers i zwe pour promouvwar en mesaz.  Me sa ki pli enportan se ki annou pa vin complacent pour nou krwar pour dir ki nou’n fini arive.  Akoz i annan bann danze around the corner ki pe vini. E se sa ki pour annan en lenpak lo sa ki nou pe fer ozordi. I enportan ki.  Mon apresye travay ki sa Komite pe fer.  Me parey mon koleg lot kote latab in osi dir annou regard en pti pe dan lezot area.  Annou regard lezot keksoz ki nou kapab fer.  E en pti anecdote Mr Speaker, mon ti ganny sans attend en sesyon avek sa Komisyon SADC pour eleksyon ki ti vini.  E mon ti sirprann pour tann enn bann madanm tre for dan sosyete, en former nurse Ms Servina a dir pour dir i santi pour dir i annan keksoz ki nou bezwen fer malgre pour dir nou tou nou pe dir nou’n ariv lo sa nivo empowerment.

E mon krwar sa ki’n fer li dir sa se ki i, nou pa pe war li akoz nou pe regard li petet siperfisyelman. Me si nou regard in depth, i zis serten group madanm ki pe pouse.  E i annan ki pe reste dan deryer e mon pa pe dir nou devret focus lo zis sa ki en vilnerab, me nou bezwen retourn back to the source, e vwar ki mannyer at the source nou promouvwar sa growth.  Rather than apre vin reactive pour nou al tackle en problenm. Mon ti oule zis met sa Mr Speaker devan.  Mersi.

 

MR SPEAKER

En pwen enteresan Onorab Pillay.  Me zis pour azoute ki ou defen manman ti en teacher, me in kit de garson ki’n vin teachers.  So deza sa i en gran achievement pour li.  Okenn lezot Manm i anvi pronons zot lo sa. Si non mon krwar nou’n apresye rapor Onorab Esparon lo lapar Onorab Ghislain ki pa la bomaten.  E nou’n apresye tou bann komanter.

Mon ti a zis kontan fer sorti ki taler Onorab Esparon in mansyonn IPU – IPU is Inter-Parliamentary Union kot i ti annan en delegasyon ki mwan menm mwan mon ti head ki nou ti al St Petersburg semenn pase.  E nou de madanm ki ti dan delegasyon, Onorab De Letourdie ek Deputy Clerk Madanm Isaac, tou lede ti attend sesyon bann Woman Parliamentarians e sa mon krwar i part, i form parti travay ki bann madanm ler zot al dan bann konferans deor zot pran par dan bann deba, bann diskisyon lo  Woman Parliamentarians e zot rol.  E sa ki enteresan avek IPU, kekfwa ou rode be i fer kwa?  Sa i enteresan i lo nivo enternasyonal i regard bann Parlmanter ki annan problenm.  E sirtou landrwa kot zot pe ganny persekite, zot ganny anmase malapropos kot politik pa stab.  E nou’n donn, zot in donn legzanp Venezuela, zot in donn legzanp Cambodia, nou’n donn legzanp menm Maldives, kot dimoun i ganny elekte pa kapab antre dan Parlman.  E mon krwar sa i en louvraz i byen, premye fwa ki mon’n attend sesyon, en Konferans International Parliamentary Union.  Me mon krwar IPU i enn sa bann organ enternasyonal ki enportan, pour nou anmenn nou kontribisyon pour ed bann lezot Parlmanter dan bann pei ki mwen fortinen ki nou dan lesans ki napa sa liberte parey nou, nou annan isi Sesel.

So i ti en konferans tre enteresan.  Me avan nou pas lo lot keksoz lo nou Order Paper vi ki nou annan sa bann zenn ansenyan oubyen ansenyan to be ki la avek nou koman en vye ansenyan, i annan en keksoz ki mon pa’n tann personn mansyonnen i sa se vyolans domestik. Souvandfwa sa ki plis sibir vyolans domestik se bann madanm.  E ler mon kalkil mon leksperyans an dernyerman, dan nou sosyete, mon krwar i annan plis vyolans domestik ki nou krwar.  I annan bokou madanm ki soufer an silans ki soufer trankil.  E la kot lansennyman e ansenyan i tre enportan.  Ler ou en ansenyan, ou annan 30, oubyen 31 zenn zanfan devan ou, oubyen zenn adilt devan ou.  I 30 oubyen 31 endividi kot souvandfwa ou pour rekonnet bann siny ki annan problenm dan lakour. Si ou obzerv byen, ou en teacher ki pe vreman konsyan ki ou pe vey ou bann zanfan, ou pa get zis laprantisaz. Ou get zot bann konportman emosyonnel. E souvandfwa ou pour pick up bann pti hints, oubyen bann pti tips ki montre ou i annan problenm dan lakour.  Si i tro withdrawn, si i tro eksite, i pa koze, si ou war en sanzman dan konportman.  Petet i annan en travay pour fer avek Management Lekol avek sosyal pour ou vwar eski i annan problenm dan lakour.

E souvandfwa si ou trace ou pour vwar kot i annan problenm ant paran kot nou kapab entervenir tre boner ki nou pa ganny sa bann manrmay ki ler zot in ariv 18an zot end up Montanny Posée.  I annan en travay tre, tre enportan ki bann ansenyan i devret fer pour ou ed nou sosyete vin en pti plis, annan en pti pe plis drwatir. E i bezwen komans tre boner dan lekol. En pti konsey sorti kot en vye ansennyan avek sa mon krwar mon ti a kontan remersye sa de dimoun ki’n prezant sa 2 Rapor; Scrutiny of Bills Committee apre Woman Parliamentarians.  Eski i neseser pour nou pran en vot pour nou aprouv sa Rapor, oubyen nou a par zis aklamasyon nou kapab aprouve tou lede Rapor?  Si zot dakor.  Oubyen zot…LGB ou santi ki nou bezwen pran en vot?  Mon krwar zis nou kapab donn zot en lanmen pour remersye zot e sa avek sa nou aprouve.

 

HON CHARLES DE COMMARMOND

Mr Speaker ordinerman letan rapor koumsa i ganny mete devan Lasanble, i ganny table se tou.  E prezan si napa en Mosyon pour diskisyon pli tar.

 

MR SPEAKER

Nou otomatikman aprouve.

 

HON CHARLES DE COMMARMOND

And that’s it.

 

MR SPEAKER

Ok.  Tre byen. Napa obzeksyon. Mon krwar sakenn in dir son bout lo sa de rapor.  Savedir nou a kontinyen.  Nou al lo nou Mosyon pour bomaten.  Nou kapab komans avek en Mosyon avan nou pran en pause pour nou enterakte avek bann envite dan Lasanble.  E toudswit mwan a demann Onorab Noline Sophola pour prezant son Mosyon.

 

HON NOLINE SOPHOLA

Mersi, e bonzour Mr Speaker e tou Manm Onorab, tou envite ki dan galeri sirtou bann ansenyan SITE, soyex la bien venue.  E osi tou dimoun ki a lekout sirtou zabitan La Digue ek Praslin, bonzour.

Mon Mosyon i konm swivan.  Sa Lasanble pe demann Gouvernman pour konsider met an plas en proze an konsiltasyon avek sekter prive, e lezot lakonpannyen parey SACOS ek Pension Fund ki dan Biznes konstri batiman pour lwe, pour konstri lakaz 1 lasanm, oubyen bedsitter ki abordab pour benefis bann zenn sorti La Digue ek Praslin ki dan liniversite Sesel, ouswa ki’n fini etidye aletranze e ki dan lanplwa, dan Mahe akoz zot napa en lot swa.  Mr Speaker mon pe avans sa Mosyon akoz ki pandan 1an ki mon dan Lasanble, plizyer zenn La Digue, osi byen ki zenn ek paran Praslin in koz avek mwan lo enn parmi bann defi ki zot fer fas avek ler zot pe etidye Mahe, osi byen ler zot fini liniversite, ouswa pos-segonder e ganny en travay lo Mahe.  Defi bann zenn ki sorti La Digue i egalman defi bann zenn ki sorti Praslin.  Sa de group zenn, Praslinois ek Diguois pe rankontre bokou difikilte kot lozman i konsernen akoz zot reveni i pa permet zot pour pey pri lokasyon lakaz ki tre o lo Mahe.

Menm sa i annan en lefe negatif lo swa karyer bann zanfan, akoz bezwen mazinen en travay ki pli tar zot pour kapab retourn kot zot.  Par egzanp, si zot zwenn lafors defans, ler zot lo pas, par egzanp enn fwa par semenn zot bezwen reste lo kan akoz zot napa en landrwa pour zot reste. Sa i pa tro akseptab.  Serten travay parey pilot, meteolozis, travay spesyalize lo Por, architect e menm pour bann zenn aprofondi zot konesans kot SITE, e menm en lecturer kot en lenstitisyon zot pa kapab fer lo La Digue ek Praslin akoz napa demann.  Parfwa zot reste Mahe pour ganny plis leksperyans dan sa domenn travay avan ki zot retourn lo zot zil natal. En zenn ki dan Liniversite Sesel par egzanp i ganny li R3350 allowance.  E sa fodre fer byen note ki sa tou zenn ki dan Liniversite i gannyen.  E R3000 i adisyonnel koman allowance lozman selman pour zenn La Digue ek Praslin.  I fer li en total R6350.  En lozman nou tou nou konnen plis i pre ek lavil, pli i kout ser depandan ankor lo son kondisyon.  Dapre mon resers pri lozman pour lakaz en lasanm i kapab komans a en pri R6mil e menm R7mil 500.   pa pour reste sa zenn nanryen pour li viv lo la, e menm pres pour li pa kapab pey en lozman a sa pri ki pli meyer marse.  Tout an prenan kont ki en etidyan i annan nesesite pour annan en koneksyon internet. Se li swa son mobile, ouswa enn kot lakour menm.

Malgre ki serten group etidyan i ganny en rediksyon avek serten lakonpannyen internet lokal.  Sa i pa tro anmenn soulazman finansyel apre i annan kontrent lakaz ki zot bezwen peye.  Kant a sa zenn ki’n fini son letid, swa pos- segonder, ou liniversite Sesel, isi, ou aletranze, son saler mwayenn i ant R5772 e pros R6mil depandan pour ki lorganizasyon sa zenn pe travay.  Serten bann zenn ki’n fini liniversite Sesel e pe travay avek Gouvernman, zot ganny en allowance R4mil pour lakaz. Bann ki pe travay dan prive oubyen parastatal, zot pa gannyen.  Me dapre dir sa allowance i ganny kouver dan zot saler.

Fodre dir, ki sa lot group zenn ki pa’n fer Liniversite zot, zot napa housing allowance. I osi annan kondisyon ki serten propriyeter i enpoze ki fer ki sa bann pov zenn napa sipor zot paran zot pa pour zanmen ganny en lozman desan.  Par egzanp sa zenn i bezwen pey en mwan davans e en deposit ekivalan a en mwan rent sa lakaz.  An total de mwan rent davans.  Si i sorti avan sis mwan i pa pey sa dernyen mwan ki in fer dan sa lozman, me i pour perdi son deposit depandan lo kontra ki in fer.  Mr Speaker R6mil, oubyen R7500 i bokou pour en zenn perdi.  Zis pour La Digue i annan plis ki en 30enn sa bann zenn ki dan sa sityasyon.  Pour le moman nou annan de ki ankor pe reste youth hostel kot pri lokasyon i pli abordab – 1500.  E zot a dir mwan akoz ki tou sa bann zenn pa al Youth Hostel.

Youth hostel i annan en kapasite pour li pran serten group zanfan e priyorite se pour bann post-secondary.  Lezot, zot pe lwe lakaz kot bann propriyeter prive, oubyen pe reste kot fanmir ki souvandfwa i pa en bon opsyon.  E la dan Lasanble i annan nou ki’n kit nou paran pour reste kot fanmir.  Nou konnen kisisa e mwan mon konnen ki mon pe dir, akoz mon’n pas ladan.

Mr Speaker an se moman nou annan nou 1000, sorry, nou annan nou 117 zenn ki pe reste Hostel.  79 sorti Praslin, e 38 la Digue.  E tou sa bann zenn pour byento al dan lemon travay.  E dan sa group pour annan ki pour reste Mahe pour natir zot travay; oubyen pour ganny plis leksperyans dan sa domenn travay avan retourn kot zot.  Alor zot pour definitivman bezwen en lozman.  Si nou pran konsiderasyon ki popilasyon Praslin i double sa ki pour La Digue, nou pour kapab annan en nide lo lenportans ki sa Mosyon pe demande.  Mr Speaker, dan mon lopinyon en lanvironnman lakour agreab i annan en gran lenpak lo prodiktivite en lafors travay.  Se sa osi en rezon ki mon dir, nou bezwen ed sa bann zenn.

Mon sizesyon, se ki Gouvernman i rezerv en kare later dan serten distrik kot i posib lo Mahe, e ankouraz sekter prive pour konstri lozman pour lwe an form bedsitter oubyen lasanm, e osi travay sekter prive pour etidye en mekanizm pour fer ki lozman lwe i vin ankor pli abordab pour nou lazenes.  Mr Speaker, apre dyalog ki mon’n gannyen avek Chairperson Fon Pansyon i pare pour antre dan saa proze.  Me fodre i ganny en bon diskisyon avek Minis konsernen pour sa mon sizere ki Minis konsernen i gard en kota pour nou prop zenn la Digue e Praslin pandan alokasyon lakaz.  E osi esey vwar ki mannyer i kapab subsidize zot, oubyen donn zot en allowance pour meet sa bann cost.  Mwan osi aprann ki SACOS pe vann Flat, Quincy, Anse Etoile ek Pointe Larue. Alor mon pe demande ki Gouvernman i aste sa bann Flat e lwe a en pri abordab tout an tenan kont pour gard quota ankor pour sa zenn Praslin ek La Digue.

Mon fer resorti, akoz mon dir quota.  I pa pour byen si mon dir pran en kare later fer lakaz zis pour Praslin La Digue. I pa normal, e se sa ki mon dir kan ki bann lakaz pe ganny fer dan bann diferan landrwa gard en quota pour sa de zil.  Mon sizere ki bann landrwa ki pour ganny donnen pour sa bann zenn i vin koman en landrwa tanporer.  Akoz ler ou, ou bouze lot i kapab antre.  E pandan sa letan, zot devret servi sa loportinite pour ekonomize, kontribye dan en Fon pour fasilit konstriksyon zot prop lakaz, swa avek led HFC, oubyen labank, depandan lo zot reveni.  A sa pwen mon senserman krwar ki biznes lwe lakaz avek pri modere, i annan en potansyel enorm pour devlope.  Si nou konsider reveni mwayenn nou lazenes ki dan lanplwa aktiv.  An sa ki konsern sa Mosyon, i en Mosyon ki si son demann i ganny akorde, ava pe anvoy en mesaz lespwar pour tou nou bann zenn La Digue ek Praslin ki trouv zot avek en defi lozman isi lo Mahe. Mr Speaker, mon move e soumet mon Mosyon pour konsiderasyon par Lasanble. Mersi Mr Speaker.

 

        (APPLAUSE)

 

 

MR SPEAKER

Mersi Onorab Sophola.  Onorab Woodcock.

 

HON WAVEL WOODCOCK

Mr Speaker mon pour segonn sa Mosyon ki Onorab Sophola pe met devan sa Lasanble. Me selman avan ki mon propoz enn de pti amannman kekfwa Onorab Sophola i kapab fer lo sa Mosyon.  Mwan anvi zis fer enn de pti komanter.  Wi Mr Speaker sa issue bann zenn ki pe lekol Mahe.  Sirtou bann zenn kid an liniversite, e menm bann zenn ki fini Liniversite ki pe ganny difikilte pour ganny lozman lo Mahe ler zot vin etidye lo Mahe i en konsern ki’n egziste pour plizyer lannen, e mwan enn sa bann zenn ki ler mon’n vin Mahe pour etidye mon’n pas dan bokou difikilte pour mwan ganny en lozman, en landrwa reste.  Me selman sa ki sagrinan Mr Speaker ki sa i en issue ki pour plizyer e de plizyer lannen i en problenm ki’n egziste pour bann etidyan ouswa pour bann manrmay ki’n fini zot letid lo nivo liniversite, letid iniversiter ki sorti Praslin.

Mr Speaker ozordi mon konnen in fact mon konn plizyer bann zenn parey mon’n dir ki’n al fer letid aletranze, letid liniversite apre ler zot in retourn Sesel, la ozordi nou annan Liniversite Sesel ki menm si Gouvernman ti annan en Polisi ki tou bann zenn ki al etidye liniversite aletranze ki ler zot vin Sesel, zot pour priyorite pour ganny lozman, condominium ki ziska ozordi pour plizyer lannen si ou pour pas SACOS e plizyer bann apartman partou ou pour war en kantite zenn ki’n fini zot letid liniversite, ziska ozordi zot ankor pe espere pour ganny lozman e zot pa ankor kapab gannyen.  Menm si ti en Polisi Gouvernman pour fer provizyon lakaz pour sa bann zenn gannyen ozordi i annan plizyer, i annan pour 5an, 10an i ankor pe espere pour ganny en lakaz zot pa ankor gannyen.  E Gouvernman ti promet sa bann zenn ki ou fer provizyon pour zot ganny lozman, pour zot vin priyorite pour ganny lozman, i annan bann ki bezwen sipliy ek Gouvernman pour ed zot avek en pti extra income pour zot kapab lwe en landrwa, en apartman, or bedsitter. Mr Speaker selman sa ki mon vwar vreman drol mwan, se ki Onorab Noline Sophola ki pe anmenn sa Mosyon. Mr Speaker par lefe ki sanmenm Onorab ti aste en bout later L’Union pour R30mil apre in vann pour R1.1milyon e vin aste en Condominium lo Mahe ki sipoze pour bann return graduates Mr Speaker. Mannyer i apele sa.

 

MR SPEAKER

Onorab Woodcock.  Wi Onorab Sophola.

 

HON WAVEL WOODCOCK

English River.  Mr Speaker.  Ok.

 

MR SPEAKER

Onorab Woodcock esper en pti moman.  Wi Onorab Sophola.

 

HON NOLINE SOPHOLA

Mr Speaker. Point of Order Mosyon se ki mon pe demande pour bann zenn. Mosyon mwan pa krwar pe koz lo later ki Noline Sophola ou Condominium ki Noline Sophola i annan.  Mersi Mr Speaker.

 

MR SPEAKER

Wi.

 

HON NOLINE SOPHOLA

Akoz dan mon prezantasyon napa en moman kot mon’n koz lo Noline Sophola.  Mersi.  E mon demann li pour retract.

 

MR SPEAKER

Onorab, Onorab, order!

 

HON WAVEL WOODCOCK

Mr Speaker, Condominium ti fer pour return graduates.

 

MR SPEAKER

Onorab Woodcock order! Espere, tenny ou micro.  Onorab Woodcock next time ler mon dir ou order, ou reste trankil.  Ou’n konpran mwan.  Mosyon i lo lakaz pour zenn ki’n fini letid lo Mahe sorti Praslin ek La Digue. In prezant son Mosyon, ou’n dakor pour segonn son Mosyon. Si oule segonn son Mosyon, ou segonn son Mosyon, e ou koz lo Mosyon.  Kler, e sa ki ou’n dir lo Onorab Sophola i annan dwa parey in dir en right of… Point of Order, ou bezwen retract.

 

HON WAVEL WOODCOCK

Mr Speaker mon apologize pour par lefe ki mon pa’n, mon’n koze an menm tan ki ou ti pe koze.  Me selman Mr Speaker nou bezwen realize en keksoz Condominium ti ganny fer pour bann return graduates.  Ou konpran, sa mon konsern mwan.

 

MR SPEAKER

Onorab.  Onorab Woodcock. Onorab Woodcock nou pe koz lo pwen zeneral la.  Nou pa pe koz lo en Condominium spesifik ki enplik en Manm Lasanble Nasyonal.  Eski oule kontinyen pour second sa Mosyon oubyen oule withdraw.

 

HON WAVEL WOODCOCK

Mr Speaker mon ava kontinyen. Mon retract sa…

 

MR SPEAKER

Kontinyen.  Ok.

 

HON WAVEL WOODCOCK

Mr Speaker parey mon’n dir pour nou donn en servis nou bann zenn etidyan ki sorti Praslin la Digue, nou bezwen koriz bann fot ki nou’n fer dan lepase.  E enn bann fot ki nou’n fer dan lepase, Mr Speaker, se ki Condominium ki ti sipoze pour bann zenn return graduate in ganny donnen avek bann dimoun ki pa bann etidyan Mr Speaker, ki pa ti merite gannyen sa bann Condominium.  E ozordi bokou nou bann zenn Praslin La Digue pe struggle pour ganny en landrwa, akoz sa bann labi ki’n egziste dan nou Gouvernman sirtou sa Gouvernman Parti Lepep.  E sa Mr Speaker ki’n fer mwan fristre.  Akoz zot plizyer bann zenn in vin kot mwan in eksplik mwan zit sityasyon. Mwan mon’n pas partou, Hostel.  Mon’n koz avek plizyer bann zenn Mr Speaker ziska ozordi zot ankor pe struggle pour ganny en landrwa reste.

Mr Speaker, sa zafer allowance R6mil 350 lekel ki ti koz lo la? Mon ti koz lo la dan debat Bidze, PS ti la, Minis Finans ti la. Zot ti donn en langazman ki zot pour ogmant sa allowance sa bann zenn.  E mwan ekspekte sa pe vini dan Bidze pour 2018.  Si i pa vini savedir sa Gouvernman pa pe pran nou bann zenn Praslin, La Digue serye.  Me Mr Speaker bann zenn Praslin, La Digue i struggle en kantite.  Menm manrmay Youth Hostel.  Sa allowance ki zot pe gannyen i pa ase pour soutenir zot.  I pa ase pour zot aste bann keksoz de-baz ki zot bezwen, bann, menm bann keksoz sanitary enn ler ki zot bezwen bann fiy pe struggle pour zot gannyen akoz sa pti allowance ki zot pe gannyen i pa ase.

Nou bezwen pran konsern nou bann zenn Praslin La Digue ki vin etidye Mahe sirtou bann zenn liniversite.  Mr Speaker en keksoz nou bezwen realize bokou bann zenn ki al etidye liniversite se sa bann moman ki zot zwenn zot partner.  Mwan mon ti zwenn mon madanm Politeknik e plizyer sa bann zenn ki al etidye liniversite zot deza annan en partner ki ler zot fini zot letid zot le, zot pe ekspekte fer zot fanmir e la ozordi ou pe dir pran sa bann zenn fer en pti bedsitter met zot ladan. Apre 2an, 3an, 4an, 5an ler zot in fer zanfan, zot pour kontinyen reste dan bedsitter.  Zot pour met en lot burden lo Gouvernman ankor akoz zot pour bezwen landrwa en pti pe pli gran pour cater pour zot zanfan.  Pour bann zanfan, pour bann zenn ki pe etidye ki sorti Mahe, Praslin, La Digue ki ankor pe etidye pos-segonder sa nou konpran. Priyorite ki Gouvernman i merit pe get ladan se fer en lot youth hostel, en landrwa en pe parey youth hostel. Si kot Youth Hostel i ete mon konnen i annan en pti bout ki zot ti pe mazinen fer en lagrandisman, pour azout en lot Block avek. S i kekfwa i pa pour ase menm pour bann zenn post segonder SIT, pour masaz or what not.  Then Gouvernman idantifye en lot landrwa lo Mahe pour fer bann Blocks ki kapab cater pour sa bann manrmay pandan zot letid.  Me pour bann zenn ki’n fini zot letid liniversite, Gouvernman i merit reviv sa polisi ki ti annan dan lepase pour donn zot priyorite pour zot ganny en lakaz, pour zot ganny Condominium ki zot ti sipoze gannyen ki zanmen zot in gannyen, ki en serten dimoun in benefisye. Mr Speaker.  Gouvernman i bezwen konsider, i bezwen get li dan de laspe.  En laspe bann manrmay ki pe etidye, fer en landrwa idantifye en landrwa, fer bann Blocks pour zot reste.

Bann manrmay ki’n fini zot letid sa polisi ki ti deza anfors ki ti deza an plas.  Annou fer sir ki parey i ti ete avan, donn sa bann zenn priyorite pour zot ganny zot lakaz olye ki nou met zot dan en bedsitter ki apre 2an, 2, 3an, 4an, 5an zot bezwen move out akoz zot pe deside form zot fanmir, ki sa bedsitter pa pour ase pour cater pour zot bann need.  Mr Speaker sa Gouvernman ki la zot bezwen pran nou bann zenn Inner Island serye.  Sanmenm sa rezon ki zot perdi Grand Anse Praslin ozordi akoz zot pa pran nou zenn serye.  E zot bezwen pran nou zenn serye. Ok. E si zot pa fer atansyon Baie St Anne ek La Digue osi pour ale.  Zot bezwen respe nou bann zenn Praslin.

 

MR SPEAKER

Onorab. Onorab Woodcock. Mon redir ou ankor en kou, nou pe koz lo en Mosyon. Nou pa pe koz lo si Baie St Anne pour tonbe oubyen La Digue pour tonbe.  Nou pe koz lo en Mosyon. Sa i ou lopinyon. Sey round-up pour nou pran en break kafe akoz ler ou ankoler i bon ou al pran en bon ver delo, ou relax en pti kou apre taler ou a propoz ou bann amannman round pour nou pran break.

 

HON WAVEL WOODCOCK

Mr Speaker ozordi mon kapab konte lo mon ledwa, kantite zenn ki’n fini Liniversite ki’n ganny Condominium ouswa lakaz. Mon pour siporte sa Mosyon ki Onorab Noline Sophola…

 

MR SPEAKER

Round-up Onorab Woodcock, round-up.

 

HON WAVEL WOODCOCK

In met devan Lasanble akoz nou bezwen bouz devan. N ou bezwen fer provizyon pour nou bann zenn Inner Islands.  Mon vwar Sebastien pe get mwan mon konnen i dakor avek mwan.  Nou bezwen Onorab Pillay.  Menm si ou pa’n ganny elekte dan en distrik mon konnen ki ou dakor avek sa ki mon pe dir, pour dir nou bezwen pran nou bann zenn Inner Island serye.

 

MR SPEAKER

Order! Order! Onorab Order! Onorab Woodcock round-up.

 

HON WAVEL WOODCOCK

Avek sa Mr Speaker mon pa pour dir plis ki sa.  Silvouple annou pran nou bann zenn Inner Island serye.  Avek sa Mr Speaker mon pour siport sa Mosyon.  Mersi bokou.

 

MR SPEAKER

Me taler ler nou retournen.  Ler nou retournen si mon’n konpran ou byen, ler ou ti komans ou entervansyon ou ti dir ou annan serten amannman ou ti le fer avek Mosyon.  Me selman ou pa’n mansyonn okenn amannman.  Si taler ou annan okenn amannman letan ou’n segonn… Order!  Silvouple. Onorab Larue eski mon bezwen dir ankor ler mon pe koze zot ekoute?  Wi?  Ler nou tournen si ou’n segonn Mosyon ou a kapab koz lo ou amannman ki oule fer. Nou oule pran en break.

E mon ti a kontan dir ek bann zenn teachers ki la ankor mon koz koman en administrater, Direkter Politeknik, mon’n PS Ledikasyon. Ler nou annan nou fristrasyon personnel i pa devret melanz dan louvraz profesyonnel.  Mazin sa touzour koman ansennyan; koman social worker; our personnel frustration should never eclipse our professional comportment.

Avek sa mon a envit zot pran en tas kafe, en tas dite, e juice, nou a ganny sans koze. Mon espere ki zot in enjoy pour vwar ki mannyer Lasanble i anime.  Petet zot a vin nobou ganny lentere pour zwenn politik akoz there’s never a dull moment dan politik.  Mon konnen lansennyman i bezwen en kantite zot. Me parey i annan la Onorab De Commarmond, Onorab Pillay, Onorab Hoareau, en kantite zot in teach.  Alor zot a kapab konsider sirtou bann madanm en karyer politik evantyelman.  Avek sa nou a pran en Break, nou a retournen 11er.

 

(BREAK)

 

MR SPEAKER

Bon nou a repran nou travay e mon ti a kontan swet ankor bon retour bann ki’n bann zenn ansenyan ki’n deside kontinyen pour ekout nou.  Kekfwa nou a ganny parey in ganny dir enn de bann madanm politisyen evantyelman parey nou menm nou detrwa nou ki ti teacher ki’n ariv dan politik.  Anyway nou kontan zot in reste pour kontinyen swiv nou deba. Mwan a donn laparol Onorab Ernesta.

 

HON PAUL ERNESTA

Mersi Mr Speaker.  Bonzour Mr Speaker.  E ankor bonzour tou bann dimoun dan Galeri, e tou bann koleg Onorab e tou dimoun a lekout.

Mr Speaker ozordi pour mwan mon santi i neseser koman mon kapab dir en zanfan kot mon rasin in sorti La Digue e mon konnen bann difikilte ki bann zabitan, bann Diguois, e menm osi bann Praslinois i fer fas avek si oule letan zot vin travay lo Mahe.  E se pour se la ki avek en leker kler avek en lespri ki mwan mon pe a-port mon sipor pour sa Mosyon anmennen par mon koleg, Onorab Sophola.  Letan mon’n asize mon’n get sa Mosyon li menm, mon vwar si nou get li byen an detay, nou pou realize ki sa Mosyon dan son lenplimantasyon i enn ki ase konpleks.

Mon dir i ase konpleks akoz Mr Speaker.  Letan nou get lekonomi nou pei ozordi i enn ki tre ouver.  E dinamik kot Gouvernman pe zwe en rol koman fasilitater.  E Mosyon la pe demann Gouvernman pour retournen antre biznes lwe lakaz ki pa neseserman enn son rol prensipal. E dezyenmman, atraver polisi Gouvernman dizour in kree en levantay loportinite kot in anmenn devlopman profesyonnel nou Nasyon.  E an rezilta sa nou pei in prodwir bokou bann skill o nivo dan diferan domenn.  Donk Mr Speaker nou labour market ozordi i enn ki tre konpetitiv. E bann lorganizasyon travay zot touzour a le resers bann profesyonnel.  E sa pour mwan i zot responsabilite pour asire bann incentive i ganny met a dispozisyon sa bann profesyonnel pour attract zot ki a lafen a ganny bann kalite dimoun dan zot lorganizasyon.

Me an menm tan mon apresye ki sa Mosyon i annan son merit; sa nou bezwen dakor ki i annan son merit. Akoz letan nou get nou de zil Praslin ek La Digue, nou vwar ki zot osi zot pe kontribye zot fair share dan labour market zis parey bann travayer Mahe.  Menm malgre zot popilasyon, zot in prodwir bokou bann profesyonnel dan diferan domenn.  Par egzanp avoka, dokter e diferan.  E la letan ou’n koz lo dokter La Digue menm dan son pti ki i pti apepre en 4mil zabitan, in prodwir pa mal dokter. E ladan mazorite sa bann dokter ozordi zot pa pe reste ou travay lo La Digue.  Me sa pa akoz i zot swa. I senpleman baze lo sirkonstans lavi ki annan ozordi.  Akoz sa kalite ki zot, zot annan i pa neseserman an gran demann lo zil.  Ouswa i kapab napa ditou Mr Speaker.  Alor nou vwar zot oblize imigre lo Mahe pour vin travay dan Gouvernman, swa dan prive ou menm dan parastatal.  Avek sa Mr Speaker mon rekonnet ki annan pa mal defi dan sa prosesis imigrasyon kot bokou fwa zot bezwen rod zot prop akomodasyon.

Bann ki annan fanmir lo Mahe zot, zot fasilman kapab ganny en akomodasyon lo en baz tanporer ou menm permanan, ki menm letan ou get li a serten moman, a serten pwen i pa neseserman favorab akoz baze lo fason viv ki zot bezwen adapte avek sirkonstans.  Par egzanp mwan mon konn en dimoun ki pe reste kot enn son manm fanmir. Ouswa kot son better half ou menm kot zanmi i annan bann sityasyon ozordi ki pe arive lo Mahe.

Me lot kote, letan nou get en pe i annan bann ki’n napa sa privilez parey bann ki annan fanmir, ou zanmi lo Mahe.  E la ou vwar zot kot zot bezwen al compete avek sa ta demann pour lakaz lo marse.  Problenm i la nou kapab dir Mr Speaker, vwala kot the gist of the Motion i vini.  Akoz bokou fwa sa bann dimoun zot rankontre pa mal difikilte pour zot kapab ganny en lozman, akoz?  Swa i ser, ouswa napa ditou.  E mon konn ka kot en zenn ners ozordi i pe lwe en lakaz R6mil.  E li son saler de-baz Mr Speaker i zis R8mil e kot la ou vwar parey Onorab Sophola in mansyonnen pli boner. Ou vwar kot paran i bezwen chip in pour kapab asiste son zanfan pour li kapab ganny akomodasyon lo Mahe. Pour mwan sa i senpleman letan ou get li i bann lenzistis ki i annan kont nou bann frer e ser Praslinois e Digwaz. Les mwan a fer remarke Mr Speaker, letan bann dimoun i sorti Mahe pour al travay lo zil – that is Praslin e La Digue, nou vwar sa lorganizasyon travay par egzanp, en legzanp senp en teacher i pour sorti Mahe pour li al travay lo sa de zil, ou vwar ki Minister in fini fer provizyon pour sa endividi pour li kapab ganny son akomodasyon lo Mahe.  I mean lo zil.

Me par kont en dimoun ki li i sorti lo zil pour vin Mahe li i bezwen pe vwar antre dan sa difikilte pour li kapab rod akomodasyon lo li menm, pour li kapab ganny landrwa reste pour li reste lo Mahe.  E an menm tan si mwan pour al pli lwen ankor annou get bann expat.

Bann expat letan nou anmenn bann expat isi sa lorganizasyon travay ankor i fer provizyon ki expat i ganny akomodasyon dan pei pour zot kapab travay.  Me selman menm tretman nou pa kapab donn nou frer ser Diguois ek Praslinois letan zot vin travay lo Mahe.  Pour mwan sa Mr Speaker mon santi en serten lenzistis dan sa direksyon.  E vwala kot lespri ankor sa Mosyon i vini kot mwan, mon pour aport mon sipor e an menm tan mon pour demann tou nou bann lezot koleg ki la ozordi, menm lo t kote latab, e lo nou lot kote latab pour nou sey antre en pe dan soulye nou bann frer s ser Diguois, Praslinoise pour vwar ki kantite difikilte, konpran ki kantite difikilte ki zot, zot fer fas avek letan zot vin travay isi.

E kote nou kapab anmenn nou sipor se par vot pour sa Mosyon ki Onorab Sophola in anmenn devan.  Letan nou pour fer sa ki benefis ki sa pour anmennen?  E pour mwan mon vwar li ki sa i kapab vin koman en added incentive pour sa bann profesyonnel.  Amelyor zot lavi sa bann travayer, e dan en sans osi nou pe pozitivman discriminate sa bann travayer. E osi atir plis profesyonnel dan bann lorganizasyon travay ki egalman sa i ava ede ogmant kalite e prodiktivite dan landrwa travay.  E an menm tan mon rekonnet osi Mr Speaker ki dan avek sa Mosyon i pour annan serten dezavantaz parey ki mon’n mansyonnen pli boner.  Sirtou dan son lenplimantasyon.  Par egzanp nou pour vwar ki pour annan serten diskriminasyon letan nou get li kont bann dimoun lo Mahe ki lontan pe rod lakaz ki zot pa pe neseserman pe ganny asiste.  E sa i annan serten lenpak ki pour anmennen lo zot.  E lot kote letan nou pe anmenn bann Diguois, Praslinois lo Mahe pour vin travay ki nou pe fer nou pe retir sa workforce profesyonnel tel lo zil pour anmenn li lo Mahe e an prenan kont ki dan dernyen Sitting nou’n fek aprouv en Mosyon. Ki ti anmennen par Onorab Gill kot ti pe demann Gouvernman pour desantraliz bann servis.  Me still letan nou pe desantraliz bann servis nou pe an menm tan tir bann travayer lo zil pou vin travay Mahe la i pou annan en difikilte.  So, Mr Speaker mon krwar nou bezwen sey vwar li byen.

Lo lot kote osi letan Gouvernman pour anmenn en tel servis pour bann dimoun. Ki garanti, ki garanti ki nou annan pou dir ki si nou pe donn Mr X, par egzanp en lorganizasyon travay in deside pour recruit Mr X pou vin travay lo Mahe.  Me letan Mr X i ariv travay lo Mahe ki garanti ki nou annan ki Mr X pou reste dan sa landrwa travay e thus ki nou pe fer nou’n donn landrwa akomodasyon e apre li i sorti i al travay dan en lot bor.

Ouswa i deside abit reste permanan lo Mahe.  Dan sa konteks ki mon pe rekomande dan kad mon konklizyon, mon ti a voudre ki Onorab i osi pran kont sa bann keksoz osi. Ki sa progranm lo lakaz mon’n tann li mansyonnen boner ki sa i a vin lo en baz tanporer, i pa lo en term permanan kot sa dimoun mete son kontra i 2an i ganny abite pou 2an apre si zanmen i annan son renouvlan sa i fer me i pa reste permanan dan sa akomodasyon.  E osi pour bann dimoun osi petet nou konnen. Par egzanp availability or limitasyon lakaz ki nou annan nou kapab osi konsidere kot sa bann lorganizasyon travay ki tou lorganizasyon travay ki recruit bann dimoun sorti lo zil pou vin travay Mahe i kapab met bann allowance akoz parey Mosyon.  I mean mover Mosyon in dir pli boner i zis serten kalite dimoun ki ganny allowance letan zot vin travay lo Mahe.

Me la petet annou konsider tou dimoun, tou dimoun ki ganny recruit lo zil pou vin travay Mahe i ganny en allowance pandan zot tenure dan lofis swa zot pos travay ki zot pe travay lo Mahe.  E parey mon’n dir osi, mon pou demann Onorab pour zot pouse, pour ki i ava annan plis devlopman lanplwa lo zot zil avek sirtou sa desantralizasyon ki i ava arive, pou anmennen.  E ki sa i a fer ki plis bann profesyonnel nou pou annan serten group baze lo lakantite grander popilasyon i pou annan serten ki pou bezwen vin travay Mahe, e osi par natir zot travay pour annan serten ki pou vin travay lo Mahe.  E pouse ki sa nou bann dimoun nou bann Diguois nou bann Praslinois zot kapab travay lo zot zil e anmenn zot zil lo en pli o nivo.  So, avek sa Mr Speaker mon pou demann ankor tou mon bann koleg pou siport sa Mosyon parey mwan mon pou anmenn mon sipor pour sa Mosyon.  Mersi Mr Speaker.

 

MR SPEAKER

Mersi Onorab.  Onorab Ernesta, Onorab Sophola ou annan en pwen oule fer sorti?

 

HON NOLINE SOPHOLA

Wi Mr Speaker, Mr Speaker Mosyon pa ankor ganny segonde.  Mersi.

 

MR SPEAKER

Wi, efektivman mon remarke ki, Onorab Woodcock ti’n segonde.

 

HON NOLINE SOPHOLA

Ok mersi.

 

MR SPEAKER

In fini ganny segonde.  Me mon pa vwar li la petet taler i a retournen, i ti annan serten amannman ki i ti le sizere me nou a ekout lezot dimoun avan. Onorab William.

 

HON WAVEN WILLIAM

Mersi Mr Speaker.  Mr Speaker lefe ki sa Mosyon i devan Lasanble ozordi i vedir ki i annan en merit e i annan en nesesite. Lefe ki Onorab Noline Sophola Manm elekte pou La Digue ki konn le vre sityasyon ki i annan sa vre leksperyans a lekout bann dimoun e bann sitwayen La Digue ensi ki bann sitwayen Praslin e lezot Zil Elwannyen ki sa mosyon i kapab pe touse. Mr Speaker i regard byen sa Mosyon Onorab Sophola in byen formil son Mosyon.  Me lefe Mr Speaker ki nou rekonnet ki i annan en nesesite i annan en merit. Mwan mon pou propoz en senp amannman e demann Onorab zis pou tir en mo dan son Mosyon.  Mon ti a kontan ki i tir sa mo’ konsidere’, ki i ava met en pti pe plis lanfaz e pli direk lo sa demann ki i pe demande.

Mr Speaker mon krwar pou dir Lasanble i bezwen donn son sipor inanim sa Mosyon akoz petet nou pa dan sa bann sityasyon ki sa bann dimoun baze lo bann lezot pe eksperyanse, alor mon krwar ki i annan sa nesesite. E mwan mon ti ava azoute osi ki petet dan sa konsiltasyon Gouvernman a vwar osi i annan bann dimoun osi ki pe, ki bann propriyeter bann etablisman ki zot pe lwe ki petet dan en lot fason osi nou kapab konsidere i ganny sibvansyonnen, ki sa bann zenn ouswa dimoun avan benefisye.  Mr Speaker alor mon ti ava kontan osi si loter Mosyon mon pa ti ava anvi dir plis ki sa lo la ti ava konsider tir sa mo, ki sa Mosyon i ava vin pli direk, ki sa demann ava vin pli direk mersi.

 

MR SPEAKER

Mersi Onorab, mon sir ki loter Mosyon ler i fer son bann remark konklizyon taler i a konsidere e i a les nou konnen ki i mazinen.  Be nou kontinyen ekout lezot entervenan mon a donn laparol Onorab Churchill Gill.

 

HON CHURCHILL GILL

Mersi Mr Speaker.  Bonzour tou Manm.  Mr Speaker sa Mosyon in vin devan mon krwar i pe reponn lapel bann zenn profesyonnel e bann zenn etidyan lekontrer ki entervenan in fer sorti bomaten kot fodre pran ka ek bann zenn.

E sa i zisteman pou zenn savedir i deza pe ganny, sa bann zenn i deza pe ganny gete. Me selman mwan mon krwar sa Mosyon. Konmsi Gouvernman dan son Polisi pour letan sa de zil i toultan la, nou’n toultan, nou konnen pou dir tou bann lekol pos segonde i Mahe, nou konnen pou dir liniversite i Mahe.  Mon krwar dan polisi sa ti’n devret deza ganny enkli, akoz i normal ki nou pou annan dimoun lo sa de zil pou vin Mahe, e sa deza ti devwar, i devwar Gouvernman pou fer sir ki sa bann lozman i a zot dispozisyon. Akoz nou pou toultan annan sa akoz sa de zil i pli, i lwen ek Mahe. So mon krwar nou devret siport sa Mosyon e parey mon pe dir Gouvernman i devret pran konsiderasyon sa Mosyon e enplimant sa bann keksoz dan en fason, kot nou pa vwar sa sityasyon kot sa bann paran Praslin ek La Digue zot pou vwar zot annan bann depans ekstra. Akoz fodre pa bliye i annan en kou adisyonnel lo tou sa paran ki annan sa bann manrmay pou vin lekol Mahe.

E akoz ki nou bezwen annan sa se akoz nou polisi pa’n prevwar ki etidyan i bezwen desann Mahe e nou pa’n fer lozman pour zot.  Akoz devlopman profesyonnel nou konnen i ganny nurture Mahe. So, alors pou sa mon pe demande ki Gouvernman pran sa Mosyon o serye, e regard dan tou sa bann laspe ki Loter Mosyon in fer sorti e ki sa i a vin dan Polisi.  E ki fitir nou pou napa en tel problenm e tousala i a ganny adrese. Akoz menm si nou dir i annan fanmir, i annan etidyan ki annan fanmir Mahe, nou bezwen pran kont ki sa fanmir Mahe i deza annan zot serk fanmir dan sa lakaz. E menm si zot in pare pou donn en pti plas nou pou annan sa problenm overcrowded dan lakaz. I inevitab, so, alors mon krwar nou devret pran sa o serye, e adres sa size dan limedya pour ki nou kapab donn soulazman tou sa bann zenn etidyan e sa bann zenn profesyonnel ki pe, ki bezwen pourswiv zot letid, pour ki zot kapab achieve zot rev ki zot ti a kontan vini konman en profesyonnel.

Mr Speaker, mon bezwen fer sorti ki sa demann i pou rezourd sa problenm ki sa de zil pe fer fas avek depi bokou letan e nou etidyan, e nou zenn profesyonnel i a ganny ase akse, in ganny ase avek sa problenm, zot nepli kapab kontinyen fer fas ek sa menm problenm lannen ale, lannen vini.  Letan in arive ki sa i devret rezourd enn fwa pour tou ki sa bann paran i ava santi zot bidze i aret ganny enpakte pandan dizon lannen.  E ki sa bann etidyan zot osi zot a santi zot trankil zot kapab etidye zot size dan en fason tre konfortab.

Pour letan loter Mosyon in fer son prezantasyon tre detaye mon napa lentansyon pou al repet tou sa bann keksoz ki in dir, e mon ti a zis dir avek bann Manm laba lot kote. Siport sa bann zenn Praslin ek La Digue pour ki zot a santi zot soulaze parey dimoun Mahe zot santi zot alez zot konfortab e siport sa bann dimoun.  Mersi.

 

MR SPEAKER

Mersi Onorab Gill.  Onorab Aglae.

 

HON EGBERT AGLAE

Mersi Mr Speaker.  Mr Speaker mon le anmenn mon kontribisyon aver sa Mosyon ki annan en vre lenportans si mon kapab konpar li lo en nivo nasyonal osi. Nou pe koz bann etidyan ki sorti La Digue Praslin e zot osi zot annan en rol pou kontribye anver zot pei lo son baz ekonomik edikasyonnel e tousala.  Mr Speaker i bon osi konpran en pe dan listwar bann zenn ki sorti Praslin, La Digue ki vin dan pos-segonder ki sa bann letan ti Politeknik e ozordi in vin Liniversite.  Ki mannyer tousala ti konmanse e ki bann letap ki sa bann etidyan ti bezwen pas atraver ki fer ou rapel ki bann etidyan ki ti sorti. Sa bann letan ti annan hostel kot zot ti ganny accommodate kot serten manm fanmir ouswa kot serten zanmi, ouswa kot en manm fanmir i konn en zanmi i sipliye pou ou accommodate son zanfan e zet en lizye lo son zanfan.  E tousala in ede pou sa bann etidyan pou sorti lo zil pour kapab pourswiv zot ledikasyon pos-segonder e fer zot vin sa ki zot ete ozordi e bokou in reisir dan sa bann parkour.

Me selman ti annan bann serten defi ki ti atase avek sa, e Gouvernman ti vwar nesesite ki an’99’ ki ler i ti fer kreasyon Hostel ki ozordi if e 18an egzakteman.  Kot ti vin en lenstitisyon kot i ti kapab accommodate sa bann zanfan.  E la ozordi 18an apre nou vwar pou dir i vre pou annan en nesesite pour nou bouz ankor en pti pli devan e sa pou cater bann pos-segonder e petet bann new graduates ki pou sorti, ki pou sorti lo sa bann zil pou fer ki zot a kapab kontinyen kontribye si zot ganny travay lo Mahe byensir.  E nou konnen pou dir plis travay i lo Mahe.

E se sa kot Mosyon pe antre pou fer sir ki Gouvernman i pran konsiderasyon sa Mosyon ki pe met devan nou e parey Onorab William in dir in tir en mo ladan ki egzize ki Gouvernman i pran en serten aksyon dan limedya vine k en progranm pour fer ki sa bann zenn Praslin, La Digue i kapab ganny en landrwa ki pour tanporer.  I pa sipoze permanan, tanporer antretan ki zot osi zot fer zot bann demars zot pran zot bann responsabilite koman bann sitwayen osi pou zot kapab ganny zot lozman.  Akoz si zot pe fer li permanan pou annan lezot ki pou swiv ki pep e ganny sa loportinite zot osi pou ganny akse avek sa servis.

Mr Speaker, Gouvernman osi in bouze avek bann graduates ankor in vwar en nesesite dan sa devlopman pour ankor accommodate fer lavi nou bann Praslinois nou bann Diguois etidyan vin en pti pe pli fasil.  In extend zot avek en allowance, i annan en Housing Allowance 4mil roupi ki sa i pou tou postgraduates ki dan Sesel antye e zot osi zot benefisye anba la.

Zot osi zot benefisye akoz in fer ki napa okenn distenksyon si ou Mahe, si ou Praslin, si ou La Digue tou i mars lo en level playing field ekitab e ki drwat. E sa nou rekonnet sa, Mr Speaker en pwen enportan ler nou pe koz travay pour zabitan Praslin, La Digue e se sa kot ti annan serten Mosyon ki ti ganny anmennen par Onorab Churchill Gill kot i annan en legzizans nesesite la kot en servis i desantralize pou al lo sa bann zil.

Sa premyerman pou ede pou kre lanplwa e ler sa bann servis i kapab dan nenport ki servis, i kapab dan ledikasyon, i kapab dan biznes, i kapab al dan licensing nou’n koz lo la, i kapab al imigrasyon. Nou a fer sir ki sa bann desantralizasyon ler i ganny pran plas lo sa bann zil se Praslinois ki priyorite ki pou li kapab travay ek Digwa. Pour zot kapab reste lo zot zil si zot anvi e kontinyen reste pres ek zot bann fanmir zot zanmi pour anpese ki i annan sa bridge of gap dan zot lavi.

Mr Speaker si nou konstate ki in annan bann etidyan ki’n vin Mahe e ki’n zwenn zot partner isi Mahe e zot in fer zot fanmir. E la petet zot in al reste kot enn son better half parey nou dir ouswa zot in marye swa son spouse.  E zot osi e zot in kapab bouze tousala i en fason ki’n ede pou relev sityasyon kot zot in vwar zot petet dan neglizans.  E pour mwan Mr Speaker ler nou pe get sa Mosyon lakantite zenn ki pe sorti Praslin par en lannen i annan apepre en 30enn Praslin, La Digue.  La Digue i plis nou vwar pou dir i annan en nesesite avek sa figures pour nou kapab dir annou ed sa bann zenn.

E loter Mosyon i annan son rezon ler in met son Mosyon e nou bezwen siport li dan en fason, annou pa get sa ki’n anmenn sa Mosyon nou. Annou get sa Mosyon ki pe anmennen ki dan benefis sa bann etidyan sorti Praslin, La Digue.  Akoz i pour nou konman en Lasanble responsab ki nou dir nou responsab nou bezwen get pli devan annou get de lavan annou siport sa Mosyon e mwan mon pare pour vot lo sa Mosyon.  Mersi Mr Speaker.

 

MR SPEAKER

Mersi Onorab Algae.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker ler mon’n regard Mosyon mon’n ekout bann entervenan devan mwan, i enportan ki nou etablir serten baz serten konteks lo kwa ki nou pe diskite e pou ki rezon ki nou pe diskit li ozordi a sa moman dan letap nou devlopman.

Premyerman i enportan ki nou kapab regard istorikman ki mannyer keksoz ti ete oparavan. Mon krwar ou a rapel ki letan ou ti Minis pour Ledikasyon a sa moman nou ti napa en Hostel pandan sa letan.  E bann dimoun Praslin ki ti vin Mahe ti bezwen al en pe partou kot bann fanmir ti annan bokou deplasman.  Ti osi a en moman donnen ti napa en allowance pour bann etidyan, sa osi i bann keksoz ki’n evolye e demann ekonomik, sanzman konteks in fer ki nou bezwen annan en allowance pour bann etidyan.

E plis ki sa lakantite etidyan ki ti pe vin Mahe ki ti pe vin plito pour lekol pos- segonder nou ti napa en liniversite sa letan ti osi relye otour sa.  So, in fer ki baze lo progre ki pei in fer plis zenn prezan ki’n sorti lo sa bann zil pe bezwen vwar zot pou vin Mahe pour kontiny zot ledikasyon.  E sa i anmenn mwan pou tous plis lo sa bann pwen se ki akoz ki sa bann zenn i bezwen vin Mahe.

Premye rezon se rezon ledikasyon, 2enm rezon se rezon ekonomik, pour fer zot ganny en meyer lanplwa.  3enm rezon se en rezon finansyel. Katriyenm i annan ki war en partner Mahe e tousala i form par ki nou apel en internal migration ki arive dan nou pei lo nou bann zil.  Nou pa le sel pei ki pas lo en migrasyon entern, bann pei ki pas ladan par egzanp Philippines i pli worse ki nou.

Si nou regard prezan bann diferan endikater, bann diferan keksoz ki afekte sa migrasyon nou pou vwar dan sa bann pei ki nou vwar par egzanp Philippines, Caraiib menm Lenn; enn bann problenm ki bann dimoun i rankontre se dokimantasyon.

Sa i en problenm ki nou napa Sesel, en lot problenm ki bann dimoun i rankontre se sosyal entitlements en keksoz ki nou napa Sesel.  en lot problenm ki nou, nou rankontre se racial exclusion ki nou, nou napa Sesel.

Be problenm mazer ki nou rankontre ki parey dan sa bann pei se Housing.  Se kote sa bann zenn ler zot vin Mahe kote zot pou reste ki mannyer nou pou accommodate zot pour zot reste. E i enportan pour nou konpran ki i annan de fason vwar sa size, premye fason nou vwar li dan en kote pozitiv kot i form parti devlopman sosyo ekonomik pei ki ler ou annan workforce ki kontinyen bouze ki kontinyen dinamik i kontribye pour devlop e se sanmenm ki probableman akoz Mahe i kontinyen devlope.  Be lo en lot kote i annan en rezon akoz osi in devlope par lefe ki bann baryer ki deza egziste pour mouvman ki en kantite zenn i prefere reste lo Praslin pour travay.

I zisteman parey lo La Digue pour travay, sa osi i fer ki sa i vin en lavantaz pour sa bann zil.  Me ler nou pe regard bann keksoz ki provide en lavantaz pour tou lede kote nou bezwen osi regard laspe pli enportan e sa se ledikasyon.

En bann rezon fondamantal ki bann zenn i bezwen vin lo Mahe se pour zot kapab kontiny zot ledikasyon akoz laplipar bann lenstitisyon i partou lo Mahe.  E se la kot nou bezwen regard lentervansyon ki nou bezwen, ki nou pou targete.  Si nou pou koz an zeneral lo provide housing pour returning graduates, be egalman zenn ki lo Mahe pour dir ki pou dir ou ki konman returning graduates pa zot tou ki’n ganny asiste. Mwan mon en returning graduate, i annan plizyer returning graduates ki pa’n gannyen asiste avek en lakaz. Me i annan osi plizyer returning graduates, plizyer returning graduates ki’n ganny asiste avek later lakaz.  E ki fer ki ou pa zanmen kapab zanmen fini diskit sa size lakaz akoz i annan serten konpleksite, i annan serten limit resours.  Me sa ki egalman kler se ki si nou aware lo sa ki’n pase dan le pase nou dir mwan mon’n gannyen, li pa’n gannyen, sa i pa’n gannyen. nou pa pou aport en solisyon ki zisteman sa Mosyon i le provide.

Ou konnen mon’n ekout plizyer lentervansyon ki nou’n fer lo plizyer size dan Lasanble e nou’n koz lo plizyer keksoz. Par egzanp nou’n koz lo privatization, free market par egzanp.  Mon pe realiz en keksoz petet mon mal sa i mon lopinyon personnel ki malgre ki tou sa bann lide modern i marse dan bann konteks, kot ou annan en gran popilasyon, eski pa in ler Sesel pour nou mazin lo en highbrid sa bann model.

Olye ki nou al fer en liberalizasyon total, en free market total ki nou annan serten sekter spesifik, ki nou retain serten lentervansyon par leta, zisteman akoz economies of scale pa permet nou pour annan sa lenpak ki nou ti a voudre i annan.  Annou pran legzanp tipik, annou pran legzanp par egzanp sa ki konsern kou bann keksoz dan laboutik.

 

MR SPEAKER

Onorab annou pa al tro zeneralize lo lekonomi e filozofi ekonomik, annou konsantre lo sa Mosyon Onorab Sophola. Carry on.

 

HON SEBASTIEN PILLAY

Rezon akoz mon’n fer sa koneksyon Mr Speaker, se zisteman pour nou vwar pou dir devan nou, nou annan en problenm e ki sa solisyon sa problenm i pa pou vin atraver Gouvernman lo li tousel.  I pou bezwen vin en solisyon ki pou bezwen enkorpor eleman prive e eleman Gouvernman pour nou kapab fer en bout ladan.  Me sa i bezwen al pli devan pandan break Mr Speaker mon’n ganny sans koz avek enn bann zenn ki’n vi nisi pou vizit Lasanble. E in koz ek mwan in dir li pe fini fer son post graduates certificate isi.  E i pe koz ek mwan lo difikilte ki li pe gannyen lo ek son siblings pour li kapab lwe en lakaz.

Se sa ki fer ki si nou rely lo private market pour sa dimoun al rod en lakaz lwe i pou fer ki cost pour li al lwe sa lakaz i pou toultan an deor son mwayen ki pour li kapab peye. E se rezon ki ler nou pe regard Mosyon, Mosyon pe koz lo travay avek bann lorganizasyon ki annan sa financial capacity pour devlop sa bann housing opportunity pour sa bann zenn. Pou met an plas sa bann loportinite pour sa bann zenn.

The other option nou napa sa e nou al fer en opsyon kot nou ogmant sa bann allowance ki sa bann zenn pe gannyen, pou fer ki zot kapab afford sa bann housing ki pou further inflate cost ki nou pou rent.  So, si nou le rod en solisyon, nou le rod en solisyon atraver en model ki petet ki nou pa’n konsidere oparavan ki probableman i kapab anmenn en solisyon pour nou. Rather than focus lo sa ki fasil pou nou dir politikman pour nou kapab score pwen.  Mr Speaker mwan mon pou aksepte ki pou dir nou ti’n kapab fer plis e nou devret kapab fer plis.  Me lesansyel se ki mannyer nou pran nou resours nou pull it in pour nou kapab ganny sa solisyon ki nou pe rode.  Ler mon regard posibilite ki nou annan par egzanp pou fer sa atraver bann housing opportunities ki nou kapab donn sa bann zenn, mon krwar ki at the same time nou bezwen regard osi lanfaz ki nou mete lo bann policies ki nou annan in regards pou ledikasyon.

Why not ki nou move, posibilite ki nou move oubyen ki serten campus oubyen marmay i kapab fer en serten study a distans.  Konmsi en model ki nou kapab limit the cost ki swa lo sa bann manrmay ki swa zot bezwen vin Mahe apre sa bann zenn i bezwen vin Mahe apre pour vin lekol e a posibilite pou vin travay.  E an terminen Mr Speaker mon le retourn lo en pwen ki Onorab Ernesta in fer resorti ki ler mon ti pe ekout li i fer mwan mazin en keksoz enteresan le nou displace en teacher sorti Mahe nou donn li en displacement allowance e sa letan ti apel teacher housing.

E ti annan en teachers quarters L’Amitie Praslin e sa bann teachers ti al reste dan sa quarters e mwan mon ti enn sa bann teachers quarters letan ki mon ti pe teach lo Praslin.  E egalman ler nou move en teachers Mahe ki ou vwar sa, me ki nou vwar, nou vwar pa polisi me tandans se ki pou pa ankouraz en teachers Praslin pou vin travay Mahe, akoz ou le i reste Praslin pour li meet sa deplasman ki teachers Mahe pa le fer.  So, i annan sa bann dinamik me ler nou regarde akoz ki si en dimoun Praslin i vin fer interview in kalifye i the best person for the job akoz ki nou pa kapab donn li housing allowance oubyen ofer li en lakaz lwe?  What’s stopping us pour nou regard dan en lot fason ou war keksoz olye sey rod the easier solution.  So, at the end of the Mr Speaker lefe i reste ki pour annan plizyer pwen ki fer sorti lo latab taler mon konnen pou dir pou annan bann pwen kontansye, politik. Me sa ki zot bezwen realize se ki ozordi nou ki dan Lasanble, e nou ki annan opsyon pour nou kapab anmenn en solisyon pour sa problenm.

Nou kapab fer en ta komanter lo sa ki’n pase lo lepase.  Me si la ozordi nou pa pran en desizyon pour nou rod solisyon pour annan en lot Lasanble ki pou vini i pou vin fer menm zafer.  E si nou, nou le listwar mazin nou koman nou ki ti trouv solisyon then mon krwar siport sa Mosyon e debat sa Mosyon lo son merit ki i annan rather than al rod bann pwen politik zis pour nou sound good devan piblik.  Mersi Mr Speaker.

 

MR SPEAKER

Mersi Onorab, i reste 5 entervenan avan midi nou bezwen Break midi.  Mon ti a kontan demann zot ankor pour focus lo Mosyon swa pour oubyen kont, swa zot anvi fer serten lamannman. Me konsantre lo Mosyon ki Onorab Sophola in prezante.  Onorab Vidot.

 

HON AUDREY VIDOT

Mersi Mr Speaker.  Mr Speaker letan mon’n ekout loter Mosyon e deba ki’n swiv zis prezan depi bomaten, i fer nou lo sa kote latab rekonnet lenportans ki loportinite pou devlope i fason pour lepanouisman Seselwa e ed li ki sa returning graduates konklir son rev personnel. Gouvernman osi i rekonnet ki ler Seselwa i attend en pli o nivo dan lavi i pa bon zis selman pour sa fanmir, me pour pei antye. ,E nou koman Manm Lasanble Nasyonal nou bezwen fer tou sa ki posib ki pour protez nou prensip nob.

Mr Speaker i reste responsabilite Gouvernman atraver son bann polisi pour kontinyelman angaze par donn sipor e latansyon spesyal Seselwa ki reste Sesel e ki kontinyen prodwi pozitivman anver lekonomi nou pei. Gouvernman i bezwen kontinyelman rekonnet travay dir sa bann Seselwa anver devlopman nou pei e apresye lefe ki si en Seselwa ki’n swazir pou reste Sesel alors pou bezwen osi benefisye avek sa ki pei i fer an term loportinite.

E ozordi Mosyon, Onorab Sophola i koz lo posibilite e loportinite ki kapab ganny ofer, avek en group Seselwa ki sorti lo nou bann zil pros tel ki Praslin e La Digue. Mr Speaker sa Mosyon i vin koman en deklarasyon pour reponn lavwa lazenes e travayer Seselwa ki sorti lo bann Zil Pros.

Mon’n azout travayer Seselwa Mr Speaker akoz pour mwan i pa zis zenn ki graduate ki’n al fer letid dan Liniversite. Nou annan dimoun ki dan son 36, 37an, 40an ki’n al fer zot letid e zot in retournen e zot osi nou bezwen rekonnet zot konman bann graduates.  I enportan ki Gouvernman i reste firm dan son langazman pour ed bann fanmir ganny zot prop lakaz atraver diferan Scheme avek en pri abordab.  Alors Gouvernman i bezwen rekonnet sakrifis ki sa group dimoun ki travay e abandonn son lavi zil e manm fanmir pour li vin travay Mahe, akoz natir son travay nou bezwen rekonnet ki travayer ki sorti Mahe. Parey mon koleg pli boner in dir Onorab Ernesta pe travay lo lezot zil ki deza pe benefisye avek bann letablisman prive, ki deza ofer bann akomodasyon pour zot. Menm zot pou zot ki pe reste, ki pe travay lo zil zot osi zot pe pey zot prop Scheme lakaz e pe esper zot letan arive.

Mr Speaker i annan bokou fanmir Seselwa ki pe reste e fini pey zot prop lakaz ki espesyalman bann ki en lasanm e pe demann Gouvernman pou transfer zot dan en de ou trwa lasanm. Alors mon profite petet pou lans sa lapel se Gouvernman pou sezi sa loportinite petet sa bann lakaz en lasanm. Akoz non pa konsider osi pou accommodate tanporerman sa bann dimoun ki pe esper, ki pe travay sorti lo zil pe vin travay isi Mahe tanporerman ziske ler Gouvernman ou petet bann lezot Lazans konsernen a kapab siport sa bann Pralinwa avek Digwaz.  Nou lo sa kote nou pe pran li ki en langazman ki asir loportinite egal pour tou sa bann Seselwa.

Alors mon pou demann lezot Manm pou donn siport sa Mosyon akoz i enn ki demontre en rol gardyen nou demokrasi pour asire, ki sak lavwa sa zabitan La Digue e Praslin i ganny ekoute reprezante e son drwa i ganny respekte. Mr Speaker permet mwan pou konklir par fer resorti ki i nou rol koman Manm Parlman Lasanble Nasyonal se pou kontinyen rod sa resours finansyel pei pou anmenn plis devlopman e loportinite; pa neseserman zis lo nivo distrik me osi lo nou nivo Nasyonal ki tou nou bann Seselwa pe enport ou Mahe, ou Praslin, ou La Digue ou benefisye.  Mersi Mr Speaker.

 

MR SPEAKER

Mersi Onorab ou le koz, pardon, ok, ok. Sey restrikte pour 3 ou 4 minit.  Onorab Arrisol.

 

HON SANDY ARRISOL

Mersi Mr Speaker.  Bonzour ankor enn fwa.  Mr Speaker Mosyon Onorab Sophola pe demann Gouvernman pou konsider met an plas en proze an konsiltasyon avek sekter prive lezot Lakonpannyen parey SACOS ek Pension Fund ki dan biznes konstrir batiman pou lwe pour konstrir lakaz en lasanm, oubyen bedsitter ki abordab pou benefis bann zenn sorti La Digue ek Praslin, ki dan liniversite Sesel ouswa ki’n fini etidye isi ou aletranze ki dan lanplwa lo Mahe akoz zot napa en lot swa.

Mon annan en problenm; mon premye problenm se an konsiltasyon avek sekter prive ek lezot Lakonpannyen parey SACOS mon aprann SACOS pe sorti dan biznes fer lakaz savedir Mosyon i tonbe pa fer sans.

Pension Fund mon osi aprann li osi pe sorti dan biznes fer lakaz zot pe al dan Treasury Bill Mosyon i tonbe pa fer sans. E Mr Speaker letan i koz pou konstrir lakaz en lasanm oubyen bedsitter mon rapel dan interview Mr Faure i ti dir i pou aret fer bedsitter dan Sesel akoz dimoun i reste plis ki 25an dan en bedsitter.  Mosyon i tonbe i pa fer sans Onorab Sophola Mr Speaker pa tro, tro konnen ki son Gouvernman pe fer i pe demann bedsitter dan Lasanble Nasyonal.  Prezidan in fini dir i pa pe fer bedsitter akoz tro bokou dimoun i mor dan bedsitter pou plis ki 23an, 25an savedir Mosyon i tonbe.

St Louis mon annan enn in reste dan bedsitter pour 23an, so, alor ki pe demande prezan ouswa bann ki fini etidye isi ou aletranze ou dan lanplwa lo Mahe.  Be mon anvi demann Onorab Sophola en kestyon Mr Speaker be si sa zenn graduate i sorti Mahe i anvi al travay La Digue, i annan Condominium La Digue pour li laba li?  Kote i pou dormi sa zenn laba La Digue, sa zenn sorti Praslin kot Onorab Churchill, Mr Speaker ki graduate sorti liniversite aletranze ouswa lo Mahe menm i deside al travay La Digue, kote i pou reste i annan Condominium laba pour nou. Akoz zot pe rod zis Condominium pou bann dimoun La Digue, be nou Mahe nou pa en zil nou?  Nou osi nou en zil parey Mahe ek Praslin, ler Gouvernman i pran ou en landrwa par egzanp i tir mwan is i anvoy L’Angleterre pour etidye, se Gouvernman ki responsab.

Bann teachers a ler zot konnen zot li ki responsab ou, si en etidyan La Digue i sorti La Digue i pe al Liniversite Sesel se Minsiter Ledikasyon ki responsab li, alor Minister Ledikasyon li i bezwen rod en landrwa pou met sa zenn parey i annan.  Savedir Mosyon Onorab Sophola i tonbe.  Lot pwen Mr Speaker Onorab Sophola ti demann sa menm kestyon dan Lasanble Nasyonal son verbatim i dan mon lanmen.  I ti demann avek Minis Bastienne, “Minis sa 20 Unit lo La Digue, eski 9 pou enkli bann Emergency House ladan osi?  E dezyenmman mon pe regarde dan bann proze ki ou’n koz lo la eski ou Minister pe anvizaze fer en proze lakaz pou bann zenn sorti Praslin ek La Digue swa ki zot pe travay oubyen ki zot pe fer letid isi lo Mahe?’’ Ekout repons ki Minis ti dir ki dan son Gouvernman ki li i pa konnen.

Minis Charles Bastienne i reponn “Mr Speaker sa 20 Unit La Digue i bann Unit ki tonm dan kad 24 Unit 24 distrik e non i pa include bann Unit Emergency.’’ Proze pour bann zenn Mr Speaker ki sorti lo bann Inner Island mon krwar ki sa en keksoz nou pou bezwen fer en bon pe refleksyon lo la, rezon set akoz nou bezwen annan en model parey nou annan Youth Hostel e mon krwar sa i en keksoz ki nou bezwen diskite avek Gouvernman.  Rezon i senp.  Set akoz nou pa pou kapab petet pran sa bann zenn petet pou met zot ansanm parmi bann lezot dimoun dan Housing Estate.  Si sa ki ou pe dir mwan me selman nou pou fer en proze spesifik pour bann dimoun Inner Island sa i ava an diskisyon ki nou bezwen al antreprann avek nide pour nou kapab al realiz li within lanvlop ki nou pou kapab fer, me antretan mon pe regarde pe until en lot proze parey youth hostel si mon kapab dir ou lo sa laliny.”

Mr Speaker tou sa bann kestyon in ganny reponn tou sa ki Onorab Sophola pe demande ozordi dan Lasanble Nasyonal in fini ganny reponn. Mosyon pa fer sans Mosyon bezwen ganny retire dan Lasanble Nasyonal. Mwan mon krwar nou bezwen anmenn bann Mosyon ki en pti pe pli serye bann Mosyon ki fer en pe pli fer sans pour nou kapab annakor avek zot Gouvernman ki pe travay.  Zot lot kote laba Mr Speaker zot reprezant Parti Lepep, Onorab Sophola ou, ou reprezant zabitan La Digue Parti Lepep.  I paret ou a krwar ou zot de Onorab Sebastien Pillay Mr Speaker zot in dekonekte La Digue avek zot Gouvernman.  Akoz mon dir sa? Parske sa ki zot Prezidan avek zot Minis i dir i ou krwar zot, zot pa tro, trod an menm laliny dan menm loptik parey Onorab Pillay in koz lo la, ok?

Savedir la ki Onorab Sophola in demann nou Prezidan in fini koz lo la Minis in fini dir, pa pou kapab fer. Bann zenn ki sorti lo La Digue ek Praslin ki nou siport zot e mon kontan zot parey Onorab Gill in dir, zot bezwen vin Mahe se Minister Ledikasyon ki responsab zot.  Si zot marye parey zot in dir zot in vin ganny en msye isi oubyen en zoli madanm isi lo Mahe parey i annan en kantite zot antre dan sa fanmir zot fer zot aplikasyon zot ganny zot later.  Parey nou isi lo Mahe, nou tou lo Mahe nou pe struggle pou lwe en lakaz pour nou ganny en lakaz pour nou reste ladan.

Bann graduates ki’n sorti aletranze i annan 20 zot, mil zot, 40mil zot, ki ankor pe esper en pti Condominium. Ou konnen akoz zot pa’n gannyen Mr Speaker?  Akoz Condominium dan le pase Gouvernman Parti Lepep ki zot la la, ki ti ganny reprezante par en gran poursantaz zot dan dernyen Eleksyon zot ti annan zorey Minis, zorey Prezidan zot in partaz nou Condominium avek zot dalon avek zot fanmir.  Prezan bann graduates pa pe gannyen, prezan Onorab Sophola pe anmenn sa Mosyon pe demann nou pou refer ankor parey.

In deza annan Condominium dan pei zot in partaz antre zot dalon ek zot fanmir; prezan pa anmenn en Mosyon pour demande pou kre konmsi Condominium ankor dan sa pei. I annan en kantite Gouvernman pe al fer ankor laba bann ki kalifye i ava gannyen.  La nou annan Condominium dan pei i annan sa ki ti ek sa enn, in kite ek sa enn li pe i pe reste ladan i pa pou li selman tou le weekend i pe donn bal dan en Condominium.  Tousala nou annan lenformasyon; i annan i egziste dan nou pei.  Anmenn bann Mosyon ki fer sans parey sa enn pour Onorab Valmont taler nou a donn li son lenportans li osi nou ava dil avek li. So, Mr Speaker mwan mon dir sa Mosyon pa stand annou wrap annou ale e nou fini lo la.  Mersi bokou.

 

MR SPEAKER

Ok.  Alright mersi Onorab.  Onorab Georges.

 

HON BERNARD GEORGES

Mr Speaker mersi pour ou laparol.  I difisil pour swiv sa dernyen Onorab ki’n koze me les mwan fer enn de pti pwen avek ou permisyon.  Mr Speaker sa problenm lakaz parey nou konnen i en problenm sansib dan nou pei.  E mon krwar si mon kapab remet en pti pe lanfaz lo son Mosyon li menm. Problenm ki nou fer fas avek i pa en problenm mon krwar ki relye spesifik a La Digue e Praslin. Mon krwar set en problenm zeneral e mwan mon’n toultan kont sa ki’n ganny apele pli boner diskriminasyon pozitif oubyen segregasyon.

Annefe nou Konstitsyon li menm li i dir nou dan Lartik 27 ki fodre nou sey etablir en baz egal dan nou pei.  Fodre tou dimoun i ganny konsidere parey, fodre tou dimoun i annan menm sans.  E nou pa kapab, mon pa krwar ki i pou byen donn en lenportans en sekter partikilye.  Akoz mon dir sa?  Akoz kote nou pou draw the line parey in ganny dir?  Si nou pou fer pou en bann isi Mahe akoz nou pa devret fer an contre partie menm zafer dan en lot kote?

Me mon konpran, mon konpran bann dimoun ki reste lo zil Praslin avek La Digue e mon ti ava petet extend li pou bann lezot zil osi otour.  Ile Aux Cerfs par egzanp pa tou dimoun ki kapab mwan mon paran, anfen mon papa ti sorti Ile Aux Cerfs ti bezwen vin pansyon Mahe ler i ti vin lekol.  Ok?  Sa ti en lot lepok me still toultan nou pou annan sa problenm akoz zeografi nou pei akoz mannyer i ete nou pa pou nou pou toultan annan en serten dimoun ki pou bezwen serten keksoz en pe plis ki lot.

Mwan mon ti a kontan koz lo tou bann zenn profesyonnel e mon krwar ki pwen ki’n ganny fer par entervenan avan mwan i en pwen enportan.   I annan en bann lannen nou pe koz lo donn nou bann zenn profesyonnel sa kick start dan lavi, sa premye loportinite antre lo domenn lozman. E se la ki mon krwar nou devret focus nou latansyon lo en fason zeneral e non pa selman lo nivo Praslin avek La Digue. Mwan mon annan zenn profesyonnel ki travay avek mwan Mr Speaker e parey mwan mon ti fer 40an pase, mon ti reste kot mwan ziske ler mon ti marye. Mon ti reste kot mon paran ziska ler mon ti marye, zot osi 40an pli tar zot ankor pe reste. Zenn avoka ki pled gro zafer ankour ki pe, akoz i annan en mank lozman, akoz i annan, akoz lozman i ser akoz napa sifizaman.  Zot bezwen reste kot zot paran kot serten ka dan bann lakaz ki napa sifizaman lespas.

Se la mon krwar nou bezwen focus nou latansyon.  E toultan nou’n dir Gouvernman dan son plan lozman annan de fwa anfen mon ti a dir dan bokou ka i mank direksyon.  E i fer i met dimoun dan lakaz ki pa devret ganny lakaz.  Mwan mon konnen Mr Speaker i annan fanmir ki sorti dan en lakaz ler lakaz nef i fer ki ganny trwa lakaz, toultan nou ganny sa konplent.  E se pa toultan bann dimoun ki pli bezwen Lakaz ki gannyen i annan de fwa bann dimoun ki pa devret akoz zot annan sifizaman landrwa pou reste kot zot.  E mon konnen pou annan dimoun pa pou kontan sa ki mon pe al dir me i en realite dan nou pei.  Sa ki arrive se bokou ka bann dimoun pa planifye zot lavi.  En zenn fiy i tonm ansent larz 16an, 17an whatever avan menm ki in ganny travay i ganny en piti de piti e apre i met presyon pou li ganny en lakaz, e i bezwen ganny en lakaz akoz i annan de pit i pa kapab reste kot son paran.  Alor li i sot par lao sa enn ki’n planifye son lavi ki’n al liniversite ki’n prepar son lekor menm si in sorti Praslin, La Digue oubyen Mahe i prepar son lekor li pa ganny en lozman.  Alor ki li i bezwen en lozman li ki devret ganny en priyorite akoz li at least in lev-e in debrouye in sekwe i pa’n zis vin en fardo lo lasosyete li i pa gannyen.

Mon krwar nou devret vwar sa problenm ki en problenm reel ki Praslin avek La Digue i fer fas avek dan en konteks bokou, bokou pli larz e mon lapel ozordi se focus Mosyon Onorab Sophola avek tou respe i tro narrow i tro etrwat son focus i devret bokou pli gran.  Olye focus zis Praslin, La Digue SACOS, Pension Fund focus i devret pli gran. Nou devret regard e fer Gouvernman delivre lo son promes siksesif pandan bokou lannen pou fer sifizaman lozman. E mon’n dakor bedsitter e mon dakor avek bedsitter Mr Speaker akoz nou annan en popilasyon eskiz mwan pou servi en mo angle mon napa mo kreol upwardly mobile.  Tou nou bann, nou dimoun nepli anvi reste dan bann lakaz ki ou a fer, zot nepli anvi reste avek zot paran.

E sa i toutafe normal e sa toutafe zis e sa i en lekspektasyon ki nou devret ankouraz zot pou annan. Zot anvi al ler zot fini lekol oubyen ler zot fek konmans en fanmir msye ek madanm annan en bedsitter.  Me sa bedsitter i en faz tanporer zot pou sorti ladan zot pou al dan en lakaz de Lasanm e zot pou sorti dan lakaz de lasanm zot pou al dan en lakaz 3 lasanm e evantyelman sot pou annan zot prop lakaz avek zot pti gard deor.  Se sa ki nou devret ankouraz dimoun ou kay zis lo, parey in dir lo sa premye lakaz ki ou antre ladan ki’n souvandfwa leka pou tro bokou dimoun dan nou popilasyon.  Alor Mr Speaker mon pa krwar ki i rol Gouvernman pou fer lakaz pou en sekter mon krwar i rol Gouvernman pou etablir en progranm kot sifizaman lakaz pou ganny fer pou sibvansyonn bezwen bann dimoun ki bezwen.  Tel parey e mwan mon krwar bann dimoun ki pli bezwen lakaz se sa sekter new graduates, returning graduates.         Nou pa kapab e nou napa drwa donn en ledikasyon en dimoun parey Liniversite Sesel i fer, e mon konn sa tre byen akoz mon en ansenyan tanporer dan sa Liniversite. Apre pa donn zot en fasilite pou zot kontinyen.  Ler ou’n raise lekspektasyon en zenn ou bezwen kapab delivre pou sa zenn.  Mr Speaker i annan en kantite keksoz ki nou kapab dir lo sa Mosyon me mon ava akoz letan pe fini mon ava aret la.

Dimoun Praslin avek La Digue ki vin Mahe i pa en fenomenn eksepsyonnel nou vwar sa dan tou kwen lemonn i annan sa ki nou apel urban drift. Dimoun i sorti dan bann landrwa elwanye pou vin travay dan lavil prensipal sa i ariv partou.  E nou, nou bezwen konsyan ki sa pou arive Sesel. E i pou ariv dan lot sans osi dimoun isi Mahe. Akoz Praslin avek La Digue i annan dan bokou ka en nivo devlopman ki siperyer a nivo devlopman Mahe sirtou dan lendistri touris pour annan en drift dan lot direksyon.

Alors sa ki mon ti a kontan ozordi se elarzi, demann avek loter Mosyon elarzi son Mosyon e demann avek Gouvernman pou met an plas pou kontinyen zefor e redouble zefor pou fer plis Unit ki ava a laporte bann zenn dimoun, ki pe sorti Liniversite bann zenn profesyonnel ki pe travay, bann zenn dimoun ki anvi form en fanmir, ki zot ava annan sa premye lozman e zot ava met zot lipye lo sa leskalye ki pou anmenn zot en zot dan zot prop lakaz.  Mersi Mr Speaker.

 

MR SPEAKER

Mersi Onorab Georges mon krwar ki deba lo sa Mosyon in pran lo en tourni enteresan. E i annan 4 dimoun ki le koze nou annan loter Mosyon ki bezwen fer son konklizyon nou bezwen vote, nou annan bann meeting pandan lunch break alor mon krwar ki nou devret fer la se pran en pause pou dezennen e nou a kontinyen 1er akoz mon ti a kontan fer tou le 4 dimoun koze avan ki loter Mosyon i a fer son konklizyon.                        Mon ti a kontan anonse ki avan nou Break ki Standing Orders Committee pour rankontre straight away apre ki nou sorti la nou adjourn. Standing Orders Committee pour zwenn dan committee room 2, Room 2.  Komite on Government Assurances GOGA i pou zwenn li 1er en kar dan Komite Room 3.  Sa Committee of Government Assurances e ABC – Assembly Business Committee pou zwenn 1er en kar dan Speaker’s Conference Room.  Avek sa mon a remersye bann ki’n bomaten in pas letan avek nou. Bann zenn profesyonnel, mon konnen parmi zot i annan en lecturer ki lecture lo Citizenship parmi lezot keksoz i en size enteresan mon espere zot in pas en moman ki enteresan pou zot. En moman refleksyon e laprantisaz mon a swet zot tou de bon dan zot karyer dan lansennyman; mon a swet tou dimoun en bonn apeti e mon a zwenn zot 2er.

 

(BREAK)

 

MR SPEAKER

Bonn apre midi tou dimoun, nou a repran nou travay.  Avan nou repran nou ankor lo sa Mosyon ki Onorab Sophola in prezante mon ti annan lo mon lalis bann ki mon ti’n marke Onorab Ferrari, Onorab Adelaide e Onorab Clive Roucou.  Mon krwar Onorab Georges ti’n deza koze, eski i annan okenn dimoun ki ti a kontan koze e ti a kontan koze les mwan konnen, zis Onorab Henrie alright.

Mon ti a zis fer en lapel mon krwar dernyen koze ti Onorab Georges, mon krwar in anmenn en bon kontribisyon sey annou reste calm silvouple.  Parey tou letan mon dir i en, en civic education lesson bann zenn pe ekout nou.  Calm e fer nou pwen nou koz lo issues pa lo latak silvouple.  E mon donn parol savedir Onorab Ferrari

 

HON JEAN-FRANCOIS FERRARI

Mersi Mr Speaker.  Mr Speaker bonn apre midi tou dimoun. Mon pa pou tro long lo sa Mosyon, me mon santi mon bezwen aport serten kontribisyon serten lide e eksplike akoz mon pe amenn sa bann lide.

Mr Speaker mon krwar ki nou konman en pei nou bezwen avanse move away from the past e al dan bann pratik ki modern e ki ekonomikman smart e ki fer sans.  Pandan plizyer lannen – e mon mazinen kekfwa i pa lafot Onorab Sophola ki pe prezant sa Mosyon La Digue in ganny trete konman en landrwa apar.  Praslin osi a en certain extent konmsi ti ganny trete konman bann landrwa apar; konmsi zot ti annan en special status enn ti ganny son CC member ti Prezidan – enn son CC member ti Vis-Prezidan.  Konmsi zot, zot ti ganny, sa bann landrwa kot zot ti mars bokou lo faver lo spesya,l lo bann rezim spesyal, lo bann kondisyon spesyal diferan avek lezot dimoun.

E se pour sa ki ozordi nou pe vwar Onorab Sophola pe anmenn, pe demann bann kondisyon spesyal, me selman dan son Mosyon dan sa ki in dir i plen avek kontradiksyon.  Par egzanp semenn pase ou menm Onorab Sophola, ti pe eksplike ki mannyer semenn avan ki mannyer fodre desantraliz bann servis anvoy sa bann servis Praslin avek La Digue; akoz ler ou pou anvoy sa bann servis sa pou kre lanplwa.  Be si nou pe anvoy servis nou pe kre lanplwa La Digue ek Praslin akfer nou bezwen fer lakaz Mahe pou bann zabitan Praslin ek La Digue. Zabitan Praslin ek La Digue mon ti ava ekspekte zot ti a plifere e zot rev ti ava pou retournen e al travay dan zot zil e donn sa servis sa laprantisaz ki zot in gannyen sa leksperyans donn sa zot zil.  Alors si nou pou fer lakaz fer La Digue pour bann Digwa pou bann dimoun ki swazi, mwan ler mon’n al etidye La France ler mon’n fini etidye Gouvernman Franse ni Gouvernman Sesel pa’n fer en lakaz pour mwan La France akoz mon’n deside pour mwan reste La France.

Gouvernman, mon’n anmas mon valiz mon’n desann mon’n vin kontribye isi Sesel, e mon’n parey bokou nou isi lo sa kote latab nou fer nou travay nou’n debrouye, pour nou kapab en zour ganny nou landrwa en trwa lo nou latet.  Nou pa’n rod bann kestyon spesyal byensir, e la mon anvi fer byen kler bann zenn ki dan lekol pos-segonder ki sorti Praslin ek La Digue e bann ki dan Liniversite Sesel, absoliman dakor ki zot ganny akeyir akoz zot lwen avek zot fanmir e i annan ki pa ankor ganny larz adilt.

Sa se bann dimoun sa lide Hostel ki dayer ti en lide ki nou ki ti lanse dan trwazyenm Lasanble e sa bann keksoz in devlope e in en bon keksoz.  Me selman annou pa ekspekte ki Gouvernman pou bezwen fer tou keksoz toultan ler nou’n fini lekol premye keksoz ki nou bezwen mazinen se nou ava tourn en pti kou kot nou fanmir, nou a ganny en pti lasanm nou lasanm i ankor la parey nou dir.  Demen nou a ganny en boyfriend oubyen en girlfriend nou ava move out dan en pti fayl ki nou ava lwe – detrwa lannen apre nou ava sorti dan sa pti Flat ki nou a pe lwe, nou ava pran en loan nou ava aste enn e nou move on dan lavi.  Gouvernman pa kapab fer tou keksoz ok, pou, e sa se en serten mantalite ki’n reste avek nou tou sa bann lannen ok?  Ki par egzanp ler ti fer NYS ti donnen landrwa reste ankoz nou ti anvi nou bann dimoun i reste la, nou ti anvi dimoun i dormi la.  Be selman la nou bezwen gete ki mannyer pou liniversite e pour politeknik dan segonder omwen sa i limit ki zot gannyen.

Mr Speaker, Onorab Sophola i dir nou ki bann ki in fini etidye aletranze, oubyen ki dan lanplwa lo Mahe, be kantmenm dir Mr Speaker.  Ler nou dan lanplwa nou bezwen komans fer nou debrouy.  Nou bezwen sey konmans al gete kot nou pou ganny en keksoz, nou pa kapab, nou pou al lo en lalis ankor konmsi pour esper lakaz avek Gouvernman.  Non, non, sa i pa posib La Digue i annan arsitek, La Digue i annan draftsman, La Digue i annan kaptenn, dokter mon pa konnen si i annan, me selman i kapab annan. Tou sa ki nou gannyen La Digue devlopman i annan en kantite devlopman; plis devlopman La Digue ki annan Mahe. Tou sa bann keksoz i sa kapab ganny fer, ok?  Tou sa bann i kapab ganny met an plas.

Nou pa bezwen bann rezim spesyal pour sa bann keksoz arive, alors mwan Mr Speaker, mon pa pou tro long si mon vot an faver sa Mosyon, mon santi mon ava pe bat latet bann zenn Praslin avek La Digue.  Pe bat zot latet pe fer zot krwar ki vre en zour zot pou gannyen sa bann keksoz, zot pa pou gannyen Gouvernman in fini dir Minis lakaz in fini dir Prezidan in fini dir.  Akoz nou bezwen fer sa bann zenn viv dan en lespwar ki pa pou arive. Ou bezwen pran nou responsabilite koman bann politisyen, konman bann leaders dan sa pei.  Pou dir avek sa bann zenn ler nou’n fini travay annou aprann byen e nou’n war dan lepase nou’n fek war plizyer legzanp bann zenn sorti Praslin ki’n vin attorney zeneral ki annan ki’n vin minis i annan.  En kantite zenn pe monte partou dan, e sirtou Praslin ek La Digue e nou devret kontinyen ankouraz zot pou aprann byen dan zot lesson e pou zot byen konpran ki ler ou fini mon garson, ler ou fini mon fiy ou al travay ou al debrouye akoz Gouvernman i donn ou sa i ou ti bezwen pou ou fer ou ledikasyon prezan al travay al rann en pe lasosyete.

Annou edik nou bann dimoun pou sorti dan sa lide ki esper Gouvernman fer tou keksoz pou nou e annou sorti dan sa lide ki SACOS ek Pension Fund i kapab fer tou keksoz. Annou sorti ladan si i annan bann biznes ki bezwen, si i annan bann lakaz ki bezwen ganny fer, si bann dimoun Anse Royale i santi ki i santi pou dir i annan en demann pou sa bann dimoun Anse Royale i ava fer. E se sa ki keksoz i marse alors mon santi ki si mon al donn mon sipor pou sa Mosyon e mon pa pe donnen mon sipor pour sa Mosyon, mon pa pe donnen mon sipor pou sa Mosyon.  Akoz, akoz mon pa anvi bat latet sa bann dimoun e mwan mon santi, nou lo sa latab nou santi pou dir zot, zot ava ale zot ava fer zot politik avek zot ava dir lala bann lezot pa’n vot pou bann zenn ganny lakaz.

Nou, nou’n vote pour bann zenn Praslinois e bann zenn Diguois pou zot ganny lakaz lo zot zil, pou fer zot retourn lo zot zil e kan zot retourn lo zot zil, kot zot in ne kot ava kapab kontribye.  Nou pou donn tou nou sipor Onorab Churchill Gill Onorab Wavel Woodcock e Onorab Sophola osi nou pou donn li tou nou sipor pour li kapab ganny bedsitter oubyen Condominium laba lo zil kot i merit ete.  Pa les sa bann dimoun vin egzile Mahe, apre ler zot in egzile prezan nou ki bezwen fer tou keksoz pou zot. So, sa i mon pozisyon e mon santi pour Onorab Sophola kekfwa i devret aksepte poudir sa Mosyon i misleading e i pa devret annan sa lonnekte ki i devret annan e i devret dan son konklizyon mon ti a kontan i refer sorti sa bann pwen.  Mersi Mr Speaker.

 

MR SPEAKER

Mersi Onorab.  Onorab Roucou.

 

HON CLIVE ROUCOU

Mersi Mr Speaker.  Bonn apre midi tou bann Manm Onorab. Mr Speaker mon’n pran en bon pe letan pour mwan lir Mosyon e konpran Mosyon Onorab Sophola.  Me pli, mon lir li avek bokou pasyan e an lir li ou a krwar mon’n vin en pe pli konfize.

Mr Speaker mon konpran gran laliny Onorab Sophola pe vin avek, me mon pou partaz menm lespri ki mon bann koleg lo sa kote latab in partaze kot mon war kot Onorab Sophola pe met ankor plis burden lo Gouvernman zis par fer krwar ki vre tou keksoz i kapab vin posib pou sa bann ki in sorti Praslin oubyen La Digue e vin lekol e etablir.  Mwan mon krwar si en dimoun in vin etablir si apre in fini lekol e in ganny son, in fini son letid in etablir, mon pa krwar Gouvernman i devret pran zot anba son lebra ankor. Pour menm fer sir ki i ganny en lozman par egzanp Onorab Sophola in koz lo bann zenn ki’n sorti lo La Digue ek Praslin me parkont yer menm nou’n war Attorney Zeneral ki en Pralinwa ki’n vin Mahe mon krwar in lekol.  Ozordi in debrouye in travay mon krwar i annan son lozman, i pa bezwen Condominium oubyen flat oubyen bedsitter pou eberz li. Nou’n annan Konmisyoner Lapolis 2 semenn pase ki’n vini li osi li ti en Pralinwa ki’n vin lekol Mahe ki’n fer son letid ki’n travay ankor in montre nou ki si en zonm en fanm i travay i kapab akonplir sa ki i merite.

Alors mon pa krwar ki Gouvernman ale vini pou bezwen kontinyen soutenir en dimoun dan en fason ou en lot. Mr Speaker mon vwar Onorab Sophola dan bann sizesyon dan son Mosyon in koz lo SACOS lo lot Pension Fund kot Gouvernman i devret aste bann lakaz ki SACOS pou vann pou eberz bann etidyan ankor. Ankor nou vwar ki Onorab Sophola pa pe war s agro portre, kot ankor e ankor i pe pran sa lour e met lo Gouvernman.  Enn fwa pour tou mon vwar ki Gouvernman i bezwen avanse met divan anba lezel Seselwa. Les li in donn letid, in travay aret fer sa zwe politik kot nou pe kontinyen fer krwar avek sa bann dimoun ki tou keksoz nou devret donnen.

E mon anvi dir avek mon bann frer ek ser La Digue zenes, nou isi lo sa kote latab nou siport zot me nou pa krwar nou pe anbet zot, me nou pa krwar dan fer zot krwar ki tou keksoz nou devret donn zot.  Alors mon krwar Onorab Sophola i devret vin senser ek son lekor e senser ek sa Lasanble e senser ek son bann zenes La Digue e Zil Pros fer zot konpran ki non letid in ganny donnen si zot, zot deside vin Mahe sa i a zot prop kou.

Si zot in vin Mahe e zot in ganny zot fanmir ankor pa Gouvernman ki devret pran sa responsabilite.  Alors Onorab Sophola mon ti a kontan ou ti ava pran sa a ker e fer en bon konklizyon ler ou pe wrap-up. Mr Speaker zis pou terminen ankor mon anvi ki Onorab Sophola dan son entervansyon i dir avek bann zenn ek bann zenn La Digue, bann zenn Praslin ki tou i a zot dispozisyon, a zot dispozisyon pour zot lekol, a zot dispozisyon pou zot travay, me Gouvernman pa pou kapab pran sa responsabilite. Mersi Mr Speaker.

 

MR SPEAKER

Mersi Onorab.  Laparol Onorab Adelaide.

 

HON FRANCOIS ADELAIDE

Mersi Mr Speaker, bonn apre midi Mr Speaker, bonn apre midi tou bann koleg e bann dimoun ki a lekout.  Mr Speaker Mosyon Onorab Sophola ler mon pe get li mwan osi.  Mon konpran son merit pou sa Mosyon nou pe demande ki petet ler bann zenn i sorti La Digue ler zot vi nisi petet zot kapab ganny bann eberzman ki zot kapab reste ladan e pran zot letid e petet menm fer zot travay apre pli tar retournen e petet zot kapab al tir zot lakaz La Digue. Me selman ler mon’n tann li nonm petet pour Gouvernman pran quota sa bann distrik pou donn avek La Digue nou Baie Lazare nou annan nou 24 lakaz a 24 mwan. Nou, Mr Speaker silvouple i fer 3enm fwa ler mon koze Onorab Sebastien Pillay i enteronpe.

 

MR SPEAKER

Silvouple ok, ok, in fact mon tann zot pe koze. Ekoute, ekoute kontinyen Onorab Adelaide.

 

HON FRANCOIS ADELAIDE

Wi Mr Speaker, 24 lakaz pour Baie Lazare i deza pa ase, prezan si nou pou tire ankor pour nou petet donn bann lezot groupman i pou vreman en problenm.

So, mon konpran selman dan sa laspe ki ler bann zabitan sirtou bann zenes i sorti Praslin swa La Digue zot travel Mahe zot annan en lot mindset zot sanze zot konpran.  E petet zot pa trouv keksoz parey ler zot trouve Praslin avek La Digue mon apresye sa nide ki zot vin Mahe e zot ranmas bokou akoz travel parey mon dir i sanz ou mindset par ler, me avan mon vote lo sa Mosyon mon le met a latansyon Lasanble ki petet si i annan bann dimoun prive ki i anvi antre ladan nou kapab me selman later i en problenm.  Me nou’n tande dan Lasanble ki Parti Lepep i annan 40 bout later ki petet ti kapab mon pa konnen si Onorab Sophola i a negosye avek Gouvernman son parti pour petet ganny en pe sa bann bout later.  E petet apros bann dimoun prive pou fer sa bann biznes mon krwar i ti ava en plus pour bann zabitan La Digue.

E en lot kote Mr Speaker nou’n tande osi pour dir i annan en lot Digwaz ankor ki annan li 52 bout.  Sa osi ti a kapab negosye e met a loportinite sekter prive ki ti a kapab fer en pe lakaz e nou pa ti pou annan problenm later e sa bann etidyan ti ava ganny bann eberzman ler zot vin Mahe.  E mon pou reste mwan enn pti pe reserve lo sa Mosyon ziskan si Onorab Sophola i convince mwan ki i kapab al koz avek sa de ki mon’n dir li i pou negosye pour bann, pou zot kapab ganny en bout later pou fer sa bann proze mon a vot pou son Mosyon, me si li menm i pa pou kapab koz avek son Gouvernman i pa pou kapab koz ek son bann dimoun.  Mon pa pou kapab vot lo sa Mosyon akoz mon pa pou kapab perdi mon quota 24 lakaz.  Mersi Mr Speaker.

 

MR SPEAKER

Avan mon donn Onorab Sophola pou konklir son Mosyon, i annan ankor en entervenan, Onorab Henrie.

 

HON GERVAIS HENRIE

Mersi Mr Speaker mon ava dir bonn apre midi tou dimoun. Mon’n ekout avek bokou lentere bann largiman ki’n ganny mete an faver e osi kont sa Mosyon.  E mon tant pour tonm dakor avek bokou keksoz ki’n ganny dir avan.  Mwan letan mon’n get sa Mosyon mon’n lir mon’n relir mon vwar en loportinite dan sa Mosyon.  So, mwan mon krwar loportinite kot pe ganny plase i dan, i pa dan son bwat korek kot nou pe merit pe tik.  Parski bomaten Onorab Pillay pe dir ki nou konman sa Sizyenm Lasanble, nou ava ganny sa loportinite pour fer.  E i ti pe argimante ki fodre nou vot an faver, pour met en mesaz ki nou pou pouse pour annan sa lot devlopman dan sa sityasyon etidyan ki ti pe dir i vin Mahe.  Be mwan mon agree avek li an menm tan mon dezagree avek li akoz mon krwar loportinite la letan i pa ganny tik dan sa bwat se loportinite pour epanouir bann lezot Seselwa, konmsi.  Nou bezwen sorti en kou dan sa mindset Gouvernman i bezwen fer tou keksoz. Gouvernman napa larepons pour tou kestyon.

Wi ozordi Sesel li ki annan sa kapital, be selman nou bezwen donn Seselwa loportinite pour li think outside the box.  Ou vwar ozordi lontan nou pe koz lo sa sityasyon Anse Royal devlope konman en 2enm lavil be en University Town kekfwa Anse Royale ti kapab vini non selman liniversite Sesel me selman avek bann Lenstitisyon Pos-Segonder. Prezan pandan tou sa bann letan ki sa pe arive da letan 80 ki dimoun Anse Boileau Les Cannelles, Anse Royale desann ziska Au Cap, ki mannyer zot kapab benefisye? Mwan mon vwar i annan en loportinite la pour bann fanmir ki annan teren, pou bann dimoun aze ki pe reste dan en lakaz ki ase gran zot tousel.  Pour konmans fer bann lagrandisman ki bann dimoun i kapab reste kot zot.     Zot vwar sa aletranze bomaten Onorab Pillay ti pe dir pour nou kapab pran en pe bann lide vin avek en highbrid pour nou.  Akoz mwan mon vwar en loportinite biznes la me selman pirman pour sekter prive. So, mon kont sa lide pou demann Gouvernman pou al negosye ek SACOS, pour al demann Fon Pansyon akoz fon pansyon par egzanp in pran 150 milyon lo li pou donn lakaz dan pool ki Gouvernman i le konstri. SACOS, mon pa tro konnen ki son pozisyon ozordi mon aprann i pe sey vann en pe son bann propriyete Quincy i don’t know how true sa lenformasyon.  Me selman i aret i anvi sorti dan sa zafer lakaz.  So, be bann dimoun prive par kont i kapab pran sa loportinite i fer en lasanm son Lasanmben separe i ava dir sa dimoun i ava manz ansanm avek ou e i a vin en loportinite biznes pour zot, pour kapab top-up income ki pe antre kot lakour.

Prezan lo sa menm lespri ki nou a pe koze konbyen fwa la anndan dan sa Lasanble si en dimoun pe lwe en landrwa kekfwa Gouvernman i ava dir be ok, pou zis en lasanm ou pa a pey sa 15 poursan tax.  Akoz ki i pou pe fer i pe top-up income sa fanmir e i ava elev nivo lavi nou bann dimoun, ozordi tou bann dimoun pe sey debrouye pou fer debout zwenn.  Be sa i ti ava en loportinite e son rent ti ava tre soutenab pour nou kominote etidyan parske nou annan en gran kominote etidyan ozordi e zot ti ava pe reste dan sa kwen Mahe laba i ti ava anmenn en lavi dan sa devlopman lavil ki nou ti le anmennen Anse Royale.

Alor mwan mon krwar pou dir sa Mosyon i, i enn sa bann Mosyon tipikman Parti Lepep kot zot fer krwar bann dimoun laba deor pou dir its possible. Letan nou konnen o-fon nou leker i pa posib akoz Gouvernman pa pour entertain sa Mosyon enn i pa binding, 2 zot pa pou entertain akoz Onorab Arrisol bomaten in lir nou verbatim larepons ki Minis Bastienne ti donnen.  So dan sa prosen 4an avan prosen eleksyon Prezidansyel e Lasanble Nasyonal ki pou vini i pa pou arive sa. Alors annou pa fer krwar pou dir sa posibilite i la, e nou lo sa kote latab nou pa pou sey fer krwar sa bann dimoun laba deor pou dir i posib.

Mwan personnelman mon pou abstain lo la, mon pou abstain akoz zisteman mon pa krwar pou dir i en keksoz ki, ki byen pour nou obliz Gouvernman fer sa ki nou pe demann li fer akoz enn i pa pour fer.  E Mon vwar mwan pou dir demen dan konversasyon koman en politisyen i a dir be wi mon ti demande dan Lasanble, konmsi i zis donn nou en pe mileage politik ki an realite nou konnen i pa pou marse, i pou marse e petet la pour terminen Mr Speaker bann dimoun ki dan sa bann rezyon laba kot nou pe koze depi Anse Boileau, Anse Royal, Les Canelles, Au Cap petet menm ziska anba menm Anse Aux Pins. Konsidere zot in tann nou ki nou pe dir bann dimoun Praslin La Digue mannyer pe ganny difikilte, menm bann manrmay Mahe ki ava anvi reste en pe pli pre avek lekol Anse Royale bann lenstitisyon skoler. Alor mazinen ki posibilite i annan pou ou kapab fer en pe reveni personnel e pou ou lakour alor konsider donn sa servis en lasanm ekstra pou en dimoun lwe a en pri tre bonmarse e nou sirtou lo s kote latab i ava pouse ki Gouvernman i ava konsider sa kestyon Tax ki ou a bezwen peye, e koumsa ki ou kapab benefisye konman en Seselwa la ou ava annan en lavwa tanzib en legzanp tanzib; kot nou ava pe met divan anba lezel nou Seselwa.  Avek sa de parol Mr Speaker mon a remersye ou pou loportinite ki ou’n donn mwan pou dir en mo lo sa Mosyon.  Mersi.

 

MR SPEAKER

Mersi Onorab mon sir dimoun ki pe ekout ou sirtou lezalantour distrik Anse Royale in apresye, e mon sir loter Mosyon in ekout tou dimoun sa ki zot in dir e prezan mon a donn laparol Onorab Sophola pou konklir avan nou pran en vot lo sa Mosyon.

 

HON NOLINE SOPHOLA

Mersi Mr Speaker.  Bonn apre midi tou Onorab e tou Manm ki a lekout, an tenan kont sa ki’n ganny dir ki sa bann lozman ti devret ganny fer depi byen lontan e ki la, nou pe egzize ki i ganny fer.  Mon dakor pou tir sa mo ‘konsider’ parey Onorab William in sizere.  I vedir prezan Mosyon dan sa premye laliny pour napa sa mo ‘konsider. ‘

 

MR SPEAKER

Kontinyen Onorab.

 

HON NOLINE SOPHOLA

Mersi Mr Speaker.

 

MR SPEAKER

Ou pe zis tire ou pa pe met nanryen.

 

HON NOLINE SOPHOLA

Non pou met an plas.

 

MR SPEAKER

Kontinyen.

 

HON NOLINE SOPHOLA

Mr Speaker ler en MNA i ganny elekte dan en distrik i reprezant tou dimoun pa parey en Onorab in dir mon pe reprezant Parti Lepep.

Mr Speaker permet mwan pour remersye bann Onorab ki’n pran laparol e zot in koz pozitiv anver sa Mosyon. Mosyon pa pe fer diskriminasyon, koman en Manm elekte ki a lekout bann zenn, ki pe fer fas ek sa problenm mon pe anmenn en demann pour soulaz sa problenm dan rezyon Zil Pros.

Mr Speaker pa akoz mon sorti dan kote Gouvernman, menm si Minis ouswa Gouvernman in fer serten deklarasyon ki mwan koman en Manm Elekte i mon devwar sorry… e mwan konman en Manm elekte i mon devwar pour pouse e enfliyans desizyon Gouvernman.  I vre ki Minis pour Labita Minis Bastienne ti donn en repons ki ti pa akote lo sa ki mon ti demann li.  E pour sa rezon osi ki mon kontinyen demann lozman pour sa bann zenn.  Mon pe demann lozman mon pa pe demann boarding parey Hostel pou zot.

Mon reprezant mon Elektora dan Lasanble, e non pa Gouvernman ouswa Minis. Parey lot kote zot toultan dir ki Minis pa posed tou konesans lo tou larealite.  Se sa ki viv sa sityasyon ki konnen.  Mr Speaker mon’n demann en lozman pou sa bann zenn pa selman bann ki dan Liniversite. Akoz lanfaz in ganny mete lo liniversite depi bomaten me fodre tenir kont ki lozman pa zis Condominium. Mon ti a kontan ki nou rod sa definisyon lozman e regarde akote si i ekrir zis Condominium.  Mr Speaker nou bann zenn i pilye nou sosyete e si nou pa pran byen swen avek zot prodiktivite pour abese e pa pour bon pour lekonomi pei.  Parey mon’n demande se pour ed sa bann zenn lo sa de zil pour ganny en lozman lo en baz tanporer.  Mr Speaker mon krwar Onorab Arrisol pa’n byen konpran mon Mosyon.  Natir letid avek travay ki fer sa bann zenn i bezwen en lozman tanporer.  Le mo tanporer vedir ki zot pa pour reste tou zot lavi dan sa bedsitter oubyen sa one bedroom se sa lide mon Mosyon.  Mr Speaker mon profit sa lokazyon pour demann Gouvernman pour subsidize lozman bann zenn ki pa pe ganny allowance e revwar ogmant Housing Allowance pour bann ki gannyen ki pour kapab reflekte lavi ozordi.  Mr Speaker si sa bann zenn pe viv an koup ou ki annan en zanfan mon krwar ki en drwa fondamantal en imen pour fer son fanmir sa i nou drwa nou tou.  E tou lareg i annan son leksepsyon gramer franse tou i annan son leksepsyon e sa ka osi pour annan son merit.  Manm lo lot kote zot kapab anmenn lezot Mosyon an relevans avek zot konsern.  Mon pe fer mon bout ki konsern rezyon Inner Island.   Mon mesaz pour zot bann zenn se pa dekouraze.  Mon’n anmenn zot mesaz devan pour ki lotorite konsernen ava asire ki aksyon i ganny pran e zot bann zenn ki pe ganny afekte zot annan zot bout pour fer.  Fodre ki zot kontinyen fer swivi toultan zot kontinyen demande parey i dir frape e zot pour kontinyen frape e en zour zot pour reisir.  Mr Speaker pour terminen mon demann tou bann Onorab pour vot an faver sa Mosyon, pour donn sipor nou bann zenn Diguois ek Praslinois.  Mersi Mr Speaker.

 

MR SPEAKER

Mersi Onorab.  E prezan nou a pran en vot lo sa Mosyon ki nou’n koz lo la depi bomaten.  Wi Onorab Pillay.

 

HON SEBASTIEN PILLAY

Nou ti ganny dir bomaten ti pour annan en propozisyon lamannman sorti kot en Onorab lot kote latab.

 

MR SPEAKER

Malerezman sa Onorab i pa la.  Anr in al lanterman Praslin me i pa’n normalman de dimoun ki’n notifye mon ki’n al lanterman Praslin se Onorab Ghislain e Onorab Simon Gill.  Ki senn la?  Onorab personn pa kapab fors ou pour al lanterman.  Onorab Loizeau.

 

HON NORBERT LOIZEAU

Mr Speaker lamannman ki Onorab Woodcock ti anvi fer mon panse i ti’n dir mon ki dan plas bedsitter lasanm lakaz e lasanm oubyen bedsitter ti pe panse pour tir bedsitter pour met Condominium.  Sa ki in dir mwan.  Mersi.

 

MR SPEAKER

Ok, me eski loter Mosyon i pe entertain sa oubyen ou le kit ou Mosyon mannyer i été?

 

HON NOLINE SOPHOLA

Mr Speaker mon pour kit mon Mosyon parey i été.  Mersi.

 

MR SPEAKER

Ok si ou tir sa mo ’konsider?

 

HON NOLINE SOPHOLA

Zis mon tir sa mo ‘konsider’.

 

MR SPEAKER

Ok si napa okenn lezot komanter nou a pran en vot lo sa Mosyon.  Tou bann ki pour sa Mosyon lev zot lanmen.  Deputy Clerk.

 

MADAM DEPUTY CLERK

Mersi Mr Speaker.  Bonn apre midi.

 

MR SPEAKER

Tou bann ki kont.  Savedir lezot in abstain.

 

MADAM DEPUTY CLERK

Mersi Mr Speaker.  Bonn apre midi tou dimoun mon rikord 11 Manm ki’n vot an faver sa Mosyon e personn pa’n vot kont.

 

MR SPEAKER

So 11 Manm ki’n vot an faver mon prezimen Mosyon i pase i aprouve.  Savedir Onorab Sophola ou Mosyon as amended savedir ki ler ou’n tir sa mo konsider n ganny aprouve par Lasanble.  Nou al toudswit lo Mosyon limero 2 Onorab Jude Valmont.

 

HON JUDE VALMONT

Mersi Mr Speaker e bon apre midi.

 

MR SPEAKER

Eskiz mon avan ou konmanse petet en eski i annan en dimoun ki devret konnen nou pa’n ofer ou nou kondoleans Praslin ki’n mor.  Eskiz mon linyorans si i annan trwa Manm ki’n ale pardon wi Onorab Arrisol.

 

HON SANDY ARRISOL

Mr Speaker en Madanm Esther ki reste anler Mont Plaisir i tonm dan distrik Grand Anse Praslin.  So mon mazinen Onorab Woodcock ti anvi koz lo Mosyon ti anvi segonn Mosyon Onorab Sophola apre pour li kapab ale apre midi.  Mersi.

 

MR SPEAKER

Ok me dan sa ka nou ofer nou kondoleans lafanmir ki’n perdi zot sa Madanm.  Mon ti zis anvi konnen an ka ki nou pa’n ganny enformen e nou pa ti pe fer keksoz byen.  Sorry Onorab Valmont tou kapab kontinyen.

 

HON JUDE VALMONT

Mersi Mr Speaker e bon apre midi.  Bonn apre midi tou koleg Onorab e bon apre midi tou Seselwa ki a lekout.  Mr Speaker mon Mosyon i lir konm swivan : Sa Lasanble i demann Gouvernman pour re entrodwir bann General Purpose Loan dan bann landrwa travay pour travayer Gouvernman e osi ankouraze ki sekter prive i fer parey.

 

MR SPEAKER

Petet avan an term prosedir avan ou kontiny koz lo ou Mosyon petet nou devret annan en dimoun ki segonde avan apre ou ava koz lo ou Mosyon.  Onorab William.  Ou prezante avan?  Go ahead then.

 

HON JUDE VALMONT

Mersi Mr Speaker.  Alor mon apros li pour prezante apre e Onorab i ava segonde.

 

MR SPEAKER

Apre en Onorab i a segonde.  Alright parey mon toultan mon dir zot mon ankor pe aprann.

 

HON JUDE VALMONT

Mersi Mr Speaker.  Mr Speaker apre 1 an ki nou’n fer konman 6enm Lasanble mon santi ki letan mon pe prezant sa Mosyon i enn ki vreman apropriye.  Pour bokou ki’n swiv nou pandan lannen, zot in kapab remarke ki bokou zefor in ganny mete anver amelyor lavi tou Seselwa san leksepsyon bokou lentere i al ver deba ki nou ti annan ver Bidze 2017 remark ki mon e mazorite mon bann frer e ser Seselwa in fer, se ki bokou si non pa en mazorite sa kestyon e Mosyon i al ver lamelyorasyon saler e kondisyon lavi bann travayer dan Sesel.  Sa Mr Speaker pa’n aret la.  Konman en Lasanble nou’n osi adres plizyer lezot size ki annan en lenpak direk lo popilasyon.  Parmi bann Mosyon ki’n enpakte pep Seselwa direkteman nou’n vwar tel parey demann pour Gouvernman konsider revwar bann Weights ki servi pour amelyor lasistans welfare; demann pour konsider konsesyon pour bann bato ki anmenn marsandiz lo bann zil demann pour fer serten kontribisyon finansyel par lotorite konsernen ki zer Vallée De Mai ver devlopman Praslin lentrodiksyon Pansyon Spesyal pour travayer servis esansyel.  Tou resaman nou osi vwar li dan en biznes Gouvernman dan Lasanble ki’n demann Minis Finans pour laprev konkret ki Gouvernman in fer pour adres size pri lavi.  Mon osi Mr Speaker mon bann kestyon in santre dan byennet mon bann konpatriyot bokou ki’n swiv mon zot a rappel mon Mosyon pour demann Gouvernman pour met an plas bann mekanizm pour idantifye e monitor bann aktivite ekonomik ki pe deroule dan sekter formel avek bi pour ed zot pour devlope pour vin bann biznes pli prospere e pli resan.  Konmansman nou 3enm term mon kestyon ki mon ti anmennen konsernan UCPS ki ti avek bi pour vwar fason pour ede redwir pri materyo konstriksyon.  An repons tou nou zefor Mr Speaker san dout nou vwar en Gouvernman ki a lekout e pare pour enplimant bann mezir konkret pour zisteman ede pour amelyor lavi Seselwa.  Nou vwar 13enm mwan saler ki’n ganny entrodwir demars kontinyel pour reviz ou revwar Scheme of Service travayer pansyon spesyal pour bann teachers, Ners, Zofisye Lapolis, Militer e Fire and Rescue.  Amelyorasyon dan allowance pour bann etidyan ki pe esper labours lentrodiksyon en bonus spesyal pour bann teachers baze lo en sistenm appraisal VAT ki’n ganny retire lo plizyer komodite esansyel pour en fanmir e egzanpsyon tax lo peyman konpansasyon terminasyon lanplwa, Gratwite, Bonus e Trezyenm  Mwan Saler bann travayer.  I annan osi lezot Mr Speaker; parey kreasyon en sekretarya pour ede pour ede avek rediksyon lapovrete dan pei; kreasyon e sekretarya pour deal avek fleo drog dan pei lentrodiksyon e don anba Seed Capital pour bann pti biznes, e plizyer lezot ankor Mr Speaker.  Me mon prefere sit bann ki’n fer en lenpak ase for e direk lo kous travayer.  Mr Speaker General Purpose Loan parey son non i dir, set en loan ki dapre mon resers ti ganny entrodwir dan bann milye lannen ’80.  Sa loan ti ganny met a dispozisyon bann anplwaye Gouvernman atraver zot bann Minister respektif.  Son maximum ki ti ganny donnen sa letan ti R5 mil a lentere vreman ba reducing balance anba 10 poursan Gouvernman ti disburse en quota R500 mil par mwan ki vedir apepre 100 GPL General Purpose Loan par mwan e 1200 par lannen.  Normalman ti ganny donnen lo en baz first come first serve, me leksepsyon ti ganny fer pour bann ki a dirzans parey bann kou medikal lanmor, eksetera.  Me an 2018 en moratorium ti ganny met an plas lo sa bann loan.

 

MR SPEAKER

2018?

 

HON JUDE VALMONT

An 2008 sorrySorry Mr Speaker an 2008 se sa en moratorium ti ganny mete lo sa bann loan.  I enportan note ki sa bann letan ki Sesel ti entrodwir ti pe entrodwir reform ekonomik par IMF.  Alors Mr Speaker depi 2008 ziska sa lannen, i deza annan 9an depi sa fasilite pa a lekspozisyon nou bann public servants e ki nou remarke en logmantasyon konsiderab dan la kantite larzan ki ganny disperse atraver welfare lannen apre lannen.  I en keksoz ki nou Gouvernman souvandfwa in ganny kritike par lot kote latab nou ganny dir ki nou ankouraz welfare what not alor lespri zisteman Mr Speaker ler mon prezant sa Mosyon zot pour vwar lespri ki mon pe vin avek.  Mr Speaker selman lentansyon mon Mosyon i en lapel pour re entrodwir en metod ki Seselwa i ganny akse avek larzan e an retour ankouraz en kiltir travay pour rann sa larzan – non pa pour depan lo en sistenm welfare ki pa neseser.  I bon note ki sa loan ti ganny dedwir direkteman lo saler travayer tou le mwan par son Departman responsab ziska ler zot fini peye aparaman sa ti ganny fer par 3 installments ou ganny retire tou le mwan pa plis ki 1an .  Dan konteks ozordi Mr Speaker en tel loan i kapab anmenn bokou lavantaz.  Par egzanp i kapab ed en travayer ki trouv li bite milye mwan ler enn son bann lekipman elektronik esansyel i kase; par egzanp son cooker, washing machine, fridge eksetera.  I osi kapab ed en travayer ler i trouv li dan bezwen pour travel dan en ka medikal i kapab ede dan lenstans ki i annan en lanmor dan en fanmir e osi i kapab ede konman en siplemanter lo kontribisyon lo en loan lakaz.  Mr Speaker e osi ler mon dir sa Mr Speaker ler mon dir sipleman parey bann dimoun ler zot apply loan, i demann zot en kontribisyon sirtou HFC nou konnen labank i demann bokou plis me nou konnen HFC i dir ou 7 poursan i tonm apepre en 30 mil alor i kapab vin konman en siplemanter.  Se dan sa laliny ki mon pe dir sa.  Mr Speaker lavantaz ki sa kalite loan pour anmennen pour en anpakte nou bann travayer dan fason pozitiv, e permet en travayer i ganny akse avek en servis ki bokou pli senplifye ler zot al kot en tandis ki ler zot al kot en labank.  Realite ozordi se avek sitan kondisyon ki en labank i enpoze lo en Seselwa, swa i fer li pa kalifye pour en personal loan swa i monte desann fer li degoute.  E pli konsernan ankor Mr Speaker avek bann lentere o ki labank pe sarze Seselwa, zot trouv zot andete e sa sanmenm souvandfwa ki fer en Seselwa fer li pov.  Mr Speaker mon Mosyon i osi fer mansyon ki nou Gouvernman i ankouraz osi sekter prive pour vin avek en tel linisyativ akoz bokou travayer Seselwa zot anploye dan sa sekter e zot osi zot merit en tel benefis.  Mon pa bezwen al lwen Mr Speaker zis lanmenm dan mon distrik Pointe Larue mon konn en lakonpannyen ki ofer en tel incentive parmi lezot.  Sa lakonpannyen an kosyon i ofer tel loan ziska en valer apepre R15 mil pour tou son travayer, e pli zoli ankor se i pa sarz okenn lentere.  Mr Speaker mon kontan pour fer remarke ki sa lakonpannyen ozordi i annan en staff turnover anba 5 poursan, e son nivo prodiktivite i vreman o.  Alors Mr Speaker atraver ou, mon oule demann tou mon koleg Onorab pour donn sipor sa Mosyon akoz atraver sa Mosyon mon konvenki ki si nou Gouvernman i ekout nou i pour kapab anmenn en lenpak direk lo lavi tou travayer.  Sa incentive i a kapab ed nou vwar en lafors travayer pli motive pli empowered pour delivre e annan plis responsabilite atraver zot travay.  Atraver tel sistenm loan Seselwa, otan ki posib a kapab annan en akse avek finansman pli vit e ki kout zot bokou pli mwens.  Mersi Mr Speaker.

 

MR SPEAKER

Mersi Onorab.  Laparol Onorab William.

 

HON WAVEN WILLIAM

Mr Speaker mon ti a kontan segonn sa Mosyon e dir de pti mo an faver.

 

MR SPEAKER

Wi go ahead, go ahead Onorab.

 

HON WAVEN WILLIAM

Mr Speaker sa Mosyon i en merit.  I annan en merit e mon krwar i pe ofer en lot swa pour bann anploye.  Mr Speaker mon pa konnen ki rezon sa moratorium ti ganny mete me si zanmen sa i vin realite mon ti a propoze ki ganny donnen lo en baz performans.  Rezon akoz mon krwar i bezwen annan serten kondisyon, wi i la a disponib tou dimoun me mon krwar ler i konsern landrwa travay mon krwar poudir bann ki merite se bann ki pe vreman kontribye e performan.  Parey nou pe dir ki nou trouve ki ogmantasyon saler i vin avek performans avek bann lezot bonus, allowances ki nou deza pe koz lo la.  Mr Speaker i annan bann dimoun ki dan bezwen.  E i annan bann moman ki arive kot i pa kapab tay labank akoz parey loter Mosyon in dir, i annan bann prosedir i annan bann kondisyon ki ganny mete ki petet baze lo bezwen sa endividi i pa kapab espere me tandis ki letan i dan sa landrwa travay i annan sa lapartenans.  E mon krwar si vreman i pe donn en bon performans sa merit mon krwar i devret ganny konsidere.  E parey mon dir Mr Speaker mon pa pour tro long me mon ti a kontan sa eleman performans dan travay i ganny relye si sa Mosyon i ganny adopte.  Mersi bokou.

 

MR SPEAKER

Mersi Onorab William en pwen enteresan.  Onorab John Hoareau.

 

HON JOHN HOAREAU

Mr Speaker.  Bon apre midi Mr Speaker bon apre midi tou Manm Onorab.  Mr Speaker mo lenportasyon sa Mosyon ki devan nou se ki Onorab pe demann bann sekter Gouvernman pour vin dan zot menm parey bann pti labank.  Lide deryer sa Mosyon se pour reazir sa sityasyon kot souvandfwa travayer ki napa savings petet son saler vizavi son depans pa permet li kapab afford pour serten bezwen irzans; swa par egzanp pour li aste en lekipman oubyen dizon parey en fridge, en computer ki’n brile ou en cooker ensidswit ou en pyes masin loto, eksetera.  Me kestyon fondamantal ki nou bezwen demande eski se rol Gouvernman pour donn loan, oubyen loan Gouvernman se pour fer sir ki i annan bann mekanizm an plas, pour fer sir ki bann labank i kapab administre sa bann pti loan atraver Scheme petet pour donn bann travayer avek en pti lentere?  E se sa ki en Gouvernman efektiv i devret pe fer an plis ki sa ti adres size lapey travayer avek bann kondisyon travay pour fer sir ki saler de baz, i permet bann dimoun pour vin en pe pli byen e ankouraz en kiltir saving rather than depans e depans e depans.  Parey nou bann paran lontan ti dir ler ou ganny 10 sou ou depans 9 sou e ou anmas 1 sou.  Alor dezyenmman nou kapab demann en lot kestyon ankor.  Akoz ki Onorab pe demann sekter Gouvernman pour act konman sa pti labank sirtou kan nou pe demann plis accountability e nou pe demann sekter piblik pour vin pli serye avek larzan lepep?  Dan le pase parey i pe dir in deza annan sa bann sit Scheme ki’n an plas ki ti pe donn sa bann pti loan.  E ki ti arive bokou konplent lapliferans pour lapartenans politik, sa kiltir ‘’ek nou pa avek nou’’ ti la e nou tou nou konnen sa pa’n marse.  Sa loan ki pe ganny sizere nou pour bezwen osi demann en lot kestyon lekel ki kalifye pour sa bann loan?  Nou’n ganny dir bann ki performen; bann travayer ki performen.  Me nou bezwen osi konpran poudir avek okenn loan i annan son eleman risk si en travayer dizon ki’n travay pour zis 6 mwan i ale i demann sa loan e apre i kite travay ki pour arive avek sa loan?  Eski Gouvernman pour write-off sa loan?  Eski i pour bezwen anmenn sa dimoun Ankour?  E tousala se bann keksoz ki nou bezwen factor in avan ki nou fer bann desizyon parey.  Ki fason nou pour anpes labi dan le pase sa bann General Purpose Loan osi i pa’n neseserman osi ganny servi zis pour bann rezon emergency petet oubyen bann rezon compassionate in osi ganny servi konman en labi pour en dimoun al pronmnen deor i ale i santi i anvi al pronmnen deor i al rod en loan.  E nou pe ankouraz ankor depans olye ankouraz sa kiltir savings.  Mr Speaker sa Mosyon i bezwen ganny gete an relasyon avek la realite moman ki nou pe viv ladan.  Setadir ki Gouvernman pa la pour anmar lanmen sekter prive.  Akoz ki Mosyon pe demann Gouvernman pour al ankouraz sekter prive pour fer parey?  Kan nou konnen poudir ler sekter prive kan nou konnen ki sekter prive li menm i en moter lekonomi, e nou bezwen donn li sa lespas pour li grandi.  Nou bezwen les li deside pour li menm si i anvi i al fer me si i pa anvi annou pa sey anmar sekter prive.  E laplipar di tan sirtou bann pti biznes zot napa sa groser cash flow ki pour permet zot al donn bann loan.  Parey mon pe dir zot bezwen petet sey debout lo zot de lipye annou sey ed zot o kontrer pour debout lo zot de lipye olye al burden zot avek okenn bann lezot keksoz parey loan.  Zot bezwen reste soutenab.  E zot napa sours finansyel parey Gouvernman i annan pour zot kapab met a dispozisyon piblik.  Pour terminen Mr Speaker, mon le osi dir de mo lo bann labank Sesel.  Bann labank Sesel zot prefere met zot larzan avek Gouvernman dan Bond kot zot ganny gro lentere e kot a lafen dizour zot pe pey zot lekor bonus a lafen lannen bann Egzekitiv ensidswit.  Zot evite pran bann risk pour donn loan bann dimoun pti loan pour bann travayer; me nou si nou en Gouvernman si nou en lopozisyon ki serye nou bezwen vwar en advise lo la.  Advise Gouvernman pour vin pli serye e anmenn en travay avek bann labank e fer sir ki i annan bann mekanizm atiran e modern an plas pour fer sir, ki sa bann labank zot zwe zot rol.  Ki zot pe operate dan en pei kot zot pe ganny sa larzan zot devret osi annan en devwar sivik pour ede avek bann pti loan parey.  Sa pei kot zot pe ganny sa bann larzan zot devret osi pare pour kontribye dan en fason pour byennet pep sa pei.  Mr Speaker mon pa pour kapab siport sa Mosyon akoz mon pa vwar li an realite dizour i apel reponn bezwen ki annan dan pei.  Nou bezwen met bann mekanizm an plas, koz avek labank fer sir ki zot a zot tour zot reazir e zot donn sa loportinite sa bann pti loan.  Nou pa devret pe met Gouvernman pe over burden li avek bann loan dan bann diferan sekter Gouvernman e answit ki nou pour vwar pli tar ki labi e nou vwar bann faver ki ganny fer ensidswit e i refoul back lo Gouvernman.  Avek sa Mr Speaker mon le dir ki mon pa pour donn sipor sa Mosyon akoz loter Mosyon pa’n adres sa bann keksoz ki vreman enportan e fondamantal.  Mersi.

 

MR SPEAKER

Mersi Onorab.  Onorab Lemiel.

 

HON SYLVANNE LEMIEL

Mersi Mr Speaker.  Bon apre midi Mr Speaker bon apre midi tou mon bann koleg avek tou dimoun a lekout.  Mr Speaker lo sa lentervansyon mon pour vreman bref.  Sa size lentrodiksyon General Purpose Loan dan landrwa travay mon vwar ki i en bon propozisyon me parkont nou bezwen fer tre byen atansyon.  I bezwen annan bann bon kriter pour travayer kalifye pour ganny sa loan enkli son bann risk.  Par egzanp en dimoun pa kapab fek antre dan lanplwa e konman i vini i pour le pran sa loan.  Mon a sizere petet i devret ganny konfirmen dan pos avan apre i ava kalifye sa loan osi i bezwen donnen dan ka emergency.  Selman kot cheque par egzanp sa dimoun si in ariv li en lensidan fridge whatever ki’n ariv ki in kase sa cheque i ganny fer lo en non supplier kot sa dimoun pe al aste sa keksoz.  Fodre pa ki larzan i ganny donnen dan lanmen en endividi kot apre ou pour vwar li pe fer depans ki napa lenportans; swa sa larzan pour servi pour travel lwazir oubyen fer parti gro parti, gro, gro piknik lo lans.  Ozordi ou annan serten travayer Mr Speaker nou pe koz bann middle income travayer la nou revin ankor petet in ariv zot en lensidan kot zot fridge, deep, cooker eksetera kot zot i kas,e e napa sa larzan an gro pour li ale al aste se sa kot sa General Purpose Loan i antre se sa kot nou pe dir kot zot napa sa larzan an gro pour al aste me avek sa Scheme an plas dan bann landrwa travay i a kapab ganny soulaze.  Mr Speaker an ka ki sa Mosyon i ganny konsidere par Gouvernman, an ka nou pas li apre i ganny konsidere avek Gouvernman, mwan mon ti a kontan propoze ki petet en Komite i ganny etablir kot Minister Finans pour zot vet sa bann aplikasyon ki i ava ganny rekomande par bann Head of Department dan bann diferan Minister.  Akoz si non pour annan tro bokou labi e i rekomandab ki sa Komite osi petet i annan en sistenm fast track sa bann aplikasyon; akoz ler ou dan emergency ou pa kapab dormi lo laplikasyon bann dimoun.  Ou bezwen fer sir ki sa aplikasyon pe ale vitman e ki sa aplikan i kapab ganny son loan vitman.  Dan ka kot parey Onorab Hoareau in dir i kapab ki mon pe dir fodre i annan sa komite ki pe vet sa bann aplikasyon osi akoz vre i kapab i ava annan serten lapreferans parfwa oubyen mon le apply mon pour ganny peze par sa Head or mon Sef Seksyon pour dir mon non ou pa kalifye les sa komite laba i ava al vet, i ava deside si mon kalifye or notSo Mr Speaker an konklizyon mon pour dir petet re lentrodiksyon General Purpose Loan i a vin en lot fasilite, pour bann travayer Gouvernman i a ed zot annan en lespri pli anpe akoz zot pa pour bezwen al apply en unsecured loan o ki ozordi en labank komersyal i met en lentere ziska ki i ariv 24 poursan.  Serten olye ki zot al rod sa oubyen i annan serten ki al kot welfare, pour al rod sa lasistans pour zot al aste sa fridge ouswa sa keksoz.  E sa mon krwar sa General Purpose Loan i a vin en lot rekour akoz once ou’n ganny welfare sa larzan i vin dan ou lanmen, i kapab ou pe al depans li lo en lot keksoz . Me selman konmela mon krwar zot in refer zot lespri travay zot fer cheque lo supplier ok.  Me selman mon krwar nou bezwen responsabiliz dimoun ou’n pran sa loan ou pe al aste sa fridge sa cheque i ganny fer sa supplier nou konnen ou pe reganny sa fridge e ou a kapab travay lespri anpe.  So Mr Speaker i osi enportan ki sa bann travayer ki kalifye pour sa loan, zot osi pran zot responsabilite anver repeyman pour loan pour ki en lot zot kanmarad travayer osi i a kapab benefisye osi.  So mersi Mr Speaker.

 

MR SPEAKER

Mersi Onorab Lemiel.  Letan ou pe koze i fer mon mazinen ki souvandfwa nou menm nou bann MNA nou bezwen donn General Purpose Loan san nou realize ki nou pe donn General Purpose Loan.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker ler mon ekout Onorab Valmont prezant sa Mosyon avek respe Mr Speaker mon konpran akoz Mr Faure in divorse avek Parti Lepep.  Akoz zot pour fer sa pei koule.  Ler nou pe sey dres keksoz nou pe sey fer keksoz byen, drwat fer Gouvernman fer son louvraz ki merit fer ozordi i fer dezyenm fwa zot anmenn devan sa Lasanble en Mosyon ki konpletman pa realis.  Ki zis popilis ki zis pour sey gete ki mannyer zot kapab grat grate pour zot ganny en pti vot isi la.  Mr Speaker kontrerman avek sa premye Mosyon bomaten mon pour mwan i tre kler dan mon lespri, ki mon pe al vot kont sa Mosyon e mon ava eksplike akoz mon pe al vot kont sa Mosyon.  Premyerman; konman en Manm FPAC dan sa Lasanble mon pour konpletman iresponsab si mon pe al ankouraz en kalite pratik koumsa ankor.  Nou konn tre byen akoz sa pratik ti ganny arete an 2008 kanmenm nou pa le dir nou konn tre byen.  Akoz li osi sa pratik in kontribye dan fer nou pei faid an 2008.  Mon pa konnen si zot rapel me nou pei ti faid nou pa ti kapab pey nou det IMF ti bezwen vin isi Sesel e fer R5 mil dimoun kite dan Gouvernman.  Nou pa anvi sa i ariv ankor nou bezwen manage sa lekonomi pli byen e dan en fason modern.  Mon dezyenm rezon se ki Gouvernman i pa en labank.  E la mon fek pe gete dan annual statements Mr Speaker an tou i annan apepre 110 Departman Divizyon Departman e Lazans Gouvernman 110 – minimum.  I annan savedir sa ki nou pe demande se al met an plas 110 lending institutions.  Pa dan sa monn modern kot nou reste i pa rezonnab i pa posib ki ler nou pe asize nou pe sey kas latet pour gete ki mannyer nou kapab ganny plis dimoun pour travay, akoz nou napa ase resours imen nou annan nou bezwen fer marse nou lekonomi pli byen; nou bezwen fer sir ki tou dimoun pey tax nou bezwen fer sir ki depans Gouvernman i pli annord; ki tou bann prosedir accountability bann zafer procurement ki annord.  Nou pa kapab al dan en sistenm labank pour Gouvernman manage loan parey sa Mosyon i dir pour tou travayer Gouvernman, pour tou travayer Gouvernman.  Me kanmenm mon krwar poudir mon pa konnen mon asire ki ler Minis Finans pour vwar sa i pour bezwen kriy enn de antre zot dir zot serye zot en pe ok.  E mon konman en Manm FPAC mon pa pour trenn mon pa pour kas sa travay detrir sa travay ki nou’n fer pandan 1an pour nou met en pe lord dan finans pei, pour nou al fer sa bann keksoz koumsa.  3enm rezon se akoz Gouvernman, pa’n reisi sa travay ki’n dir i pour fer avek labank pour fer ki bann labank i vin pli performan e ki labank i disburse plis loan; i ed plis bann pti dimoun bann pti biznes.  E sa pa’n arive.  E mwan sa i en keksoz ki fer mon tre ankoler.  Sa Mosyon mon vwar Mr Speaker i pe dir be ok nou’n seye avek labank selman nou pa’n kapab fer nanryen, avek labank alors nou ava gete ki mannyer nou ava fer sa dan Minister.  Non Mr Speaker.  Gouvernman i annan de labank e i annan 2 labank ki fer zoli profi si Gouvernman i annan sa leker – e nou tou isi nou lo sa kote latab e lo lot kote mon asire nou dakor ki i annan bann sityasyon konpasyon; i annan bann sityasyon irzan ki bann dimoun i retrouv zot ladan, me nou bezwen annan an plas bann mezir modern pour deal avek sa bann sityasyon.  Si vreman Gouvernman ti santi poudir i annan sa demann akoz i pa fer en Lebra Gouvernman, en Lazans ki pour Gouvernman fer sa travay?  E fer li dan en fason pli efikas non akoz i pa ti fer trezor fer sa non sak departman Gouvernman pour konmans fer en pti labank li osi e dimoun pour vin prêt larzan avek bann departman Gouvernman.  Mr Speaker sa i pa akseptab parey mon’n dir, mwan konman en Manm FPAC dan sa Lasanble si mon vot an faver sa bann Manm pour annan rezon pour tir mwan lo sa Komite.  3enm pwen – 3enm pwen Mr Speaker.

 

MR SPEAKER

Pa 4enm non?  Taler ou ti dir 3enm.  I 4enm la.  Go on.

 

HON JEAN-FRANCOIS FERRARI

Non, non, 3enm pwen Mr Speaker se ki nou bezwen arete an bet dimoun nou bezwen arete fer krwar ki tou sa bann keksoz i fasil.  Nou bezwen o kontrer e mon etonnen pour vwar ki mannyer en parti ki form sa Gouvernman, i kapab konport li dan en fason telman iresponsab koumsa.  Plito parey Onorab Hoareau in dir annan ankouraz en kiltir savings, nou pe ankouraz en kiltir zis depanse.  Nou bezwen dir fer konpran nou bann dimoun poudir wi nou konpran e se pour sa ki mon lo sa kote latab e avek serten dimoun dan Gouvernman serten Lebra dan Gouvernman, nou’n fer marse nou’n met an plas sa sistenm sa Departman ki okip rediksyon lapovrete.  Akoz ler i annan bann ka lapovrete ekstrenm nou annan en mekanizm ki antre Mr Speaker.  Nou annan sa mekanizm i la li e si zot lo sa kote latab zot pa pe servi sa mekanizm zot pe dir sa bann ale mon a rod en fason pour zot apply en pti loan kot Minister Later nou devret arete fer sa.  I annan bann mekanizm an plas kot bann nou annan bann zofisye ki kalifye e ki eksperyanse pour zot rekonnet en vre bezwen.  E Onorab Lemiel in fek dir taler pa donn en dimoun cash akoz pey sa supplier; akoz taler i pour al rod en lot keksoz avek.  Me i annan rezon; Onorab Lemiel i annan rezon koumsa i arive e se pour sa rezon ki pandan en lannen nou’n pas rapor Auditor General pour nou rode akoz i mank R28 mil la; akoz i mank R778 mil sa bann pti loan Gouvernman ki nou pa’n zanmen kapab peye zot pe rod permisyon pour write- off.  Depi 2008 sa Mr Speaker.  Permisyon pour write- off pa ankor donnen tou sa bann pti figures i ladan e i laprev ki en bon pe sa bann larzan ki nou’n donnen ki nou’n prete pa’n zanmen retournen.  E i pa posib nou, nou pe sipoze responsab larzan Gouvernman larzan leta nou pa kapab zwe avek sa bann keksoz les li.  Parey Mr Speaker i dir les li i a vin labank mon osi mon ava vin en General Purpose Loan mon a donnen en lot dimoun i ava donnen si i annan en lot konpannyen i ava donnen e mon felisit sa Lakonpannyen dan Pointe Larue ki donn en loan mon felisit li be i dapre son mwayen Onorab i dapre son mwayen ok?  Nou pa kapab fer scheme konmsi pour envit dimoun pour vin la la kontwar in ouver la vini, vini, vin diverti kontan.  I pa posib Mr Speaker.  Nou, nou bezwen anmenn sa pei lo en lot nivo nou bezwen nou travay e mon pa pour les okenn travay politik, okenn travay bann manev politisyen ki pe rod bann pos score bann pwen politik, mon pa pour les personn divert mwan lo sa semen ki mon mete ki nou lot kote latab nou’n mete pour fer nou pep vin pli responsab.  E i annan dimoun ki responsab.  E sa bann dimoun ki responsab zot pa vin demande General Purpose Loan.  Zot annan zot pti larzan serkey; zot annan zot pti larzan ki zot in kite zot in kite labank zot pa pe touse zot annan zot pti keksoz, se bann dimoun ki pa responsab la pli par di-tan bann ki annan maler bann ki dan maler Mont Fleuri i annan 3lakaz ki’n brile Lendi e dimoun i dan maler i annan mwayen i annan keksoz ki nou pe fer ok pour nou fer sa.  Nou pa kapab mon kapab al dir Madanm Cadeau ki napa en kote lazanm ki son fridge in brile mon donn ou en lot Madanm Cadeau pa pour kapab peye mon a donn ou en lot peye sa loan.  Madanm Cadeau i dan en ka emergency e nou ava asiste li parey i merite dan en ka emergency ok?  E se koumsa ki sa pei i devret ganny rann nou pa devret ouver senk kat laport ki fer ki napa okenn kontrol lo keksoz.  Mon ava terminen an dir briyevman Mr Speaker, nou pti Savings Bank ouswa lezot labank i met bann gran i annan bann risk i met fodre bann gran garanti unsecured loan 24 poursan?  Akoz i annan risk akoz i annan risk sa labank i annan risk nou Gouvernman nou labank nou annan nou de labank mon repete ankor nou de labank i bezwen step up; i bezwen step up.  Sa se zot louvraz si i annan keksoz pour fer dan sa General Purpose Loan se labank ki bezwen fer Mr Speaker.  Mwan mon krwar ki Gouvernman se pour gouvernen se pa pour donn loan ok?  Se anfen se pa pour donn loan i pa korek se pa pour donn General Purpose Loan.  Gouvernman i annan bann lenstitisyon e menm parey HFC i en lenstitisyon Gouvernman i donn loan lakaz; DBS i en lenstitisyon i donn loan lenvestisman dan diferan sekter si i annan bann nesesite dan bann General Purpose areas Gouvernman i ava i annan bann lenstitisyon ki devret les zot marse.  Alors Mr Speaker mon ava termin koumsa.  An diz-an ki nou dan sa Lasanble mon byen regrete nou’n travay ase byen sa lannen be mon krwar nou pe konmans glise.  Nou pe konmans glise akoz i annan en papye en Order Paper devan mon ki annan 3Mosyon e tou le trwa tou le 3 mon pa pour nonm sa enn ki pe vini apre i egzakteman menm keksoz konmsi nou pe ou a krwar konmsi – nou pe al dan bann direksyon; nou pe retourn dan en sityasyon ki nou pe konmans donn bal dan sa napa limit.  Zis nou pe demann Gouvernman finanse, finanse – Gouvernman donn sa donn sa – Gouvernman donn loan; non.  Nou, nou responsab e sirtou ki nou konnen ki dan detrwa lannen nou ki pour ansarz sa Bidze sa pei nou bezwen fer sir ki nou pa donn zot sa sans pour nou retourn an aryer an 2008 kot i ti pe faid.  Alor silvouple mon lapel pour zot se pour arete fer sa bann manev politik pour zis met sa bann keksoz pour zot score bann pwen politik.  Edik bann dimoun fer zot konpran ki mannyer lavi i été fer zot antre dan en louvraz fer zot vin bann sitwayen responsab ki pe travay ki pe prepar zot lavenir e dir zot wi nou kapab dir zot, travay byen, travay dir, travay for, si en zour i annan keksoz ki arive i annan bann lenstitisyon ki kapab ede.  Me nou pa kapab fer li en palto fann deryer dan ki Gouvernman i pa kapab manage sa i pa kapab manage.

 

MR SPEAKER

Round-up Onorab round-up.

 

HON JEAN-FRANCOIS FERRARI

Ni manage i pa pour kapab manage Mr Speaker alors mon pa donn lord personn, selman mon pe ankouraz at least bann dimoun dan sa Lasanble dan sa kote latab e lot kote latab osi.  Pa akoz ou koleg ler ou kole i fer keksoz mal fodre ou konn gid li osi mon demann Manm dan Lasanble pour pa vot an faver sa Mosyon, akoz i en Mosyon ki pa byen ki pa’n byen striktire e ki pa pe ankouraz sa pei pour li al dan sa direksyon responsabilite e ganny en Gouvernman ki efikas en Gouvernman ki mars byen, e ki nou kapab nou anpese ki annan bann manboulouk dan larzan Seselwa.  Alors nou bezwen vot kont sa Mosyon.  Mersi Mr Speaker.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Speaker.  Mr Speaker mon le aport mon kontribisyon lo sa Mosyon parey Mosyon in lir se pour re entrodwir en General Purpose Loan dan bann sekter gouvernmantal e osi ankouraz sekter prive.  Mr Speaker parey Mosyon i dir re entrodwir sa keksoz ti deza la ti egziste oparavan apre ki ti annan bann sistenm ekonomik reform sa ti ganny phase out ok?  I pa ti en rezon ki ti annan mis management ouswa larzan perdi ki sa ti ganny phase out me ti vin en rezon akoz pei ti dan en problenm ekonomik pour bann diferan ti annan sok mondyal ki nou ti pas atraver e en pei parey Sesel depan bokou lo lenportasyon ti ganny tape atraver sa e kapasite pour loperasyon Gouvernman ti dimini.  E ti annan en nesesite pour Gouvernman pran en desizyon e en desizyon ki en Gouvernman responsab ki kapab pran pour kapab aret donn sa bann kalite loan.  Me an mezir ki pei i progrese an mezir ki nou pe antre dan modernizasyon ozordi nou koz lo latransparans, accountability mon santi ki si i annan en merit pour re entrodwir sa loan, se an sa moman.  Mon pour eksplike akoz.  Onorab Ferrari Mr Speaker in koz lo FPAC, i byen ki FPAC i fer son travay byen i fer kot i nice i gete kot i annan problenm.  E si demen Gouvernman i deside pour re entrodwir sa kalite loan FPAC i a kontinyen fer son travay pour fer sir ki napa okenn mis management dan sa fund.  En konponan enportan Mr Speaker se ki sa loan la i pa neseserman ki tou dimoun si i annan 200 dimoun dan sa lorganizasyon i pa 200 dimoun ki pour al pran sa loan.  I ava en loan lo en sum mon kapab dir i pa sipoze mon mazinen plis ki R20mil – R25mil mil i en loan ki pour ed ou dan en letan ki ou dan en difikilte sa lakonpannyen ouswa sa Minister li i parey en konsyans moral e sosyal anver son travayer ki dan bezwen; akoz i pa pour kapab ale zis donn sa larzan sa bann dimoun i bezwen accountability tou lenstitisyon gouvernmantal i annan en sistenm account en sistenm trezor kot tou sa bann peyman i pas atraver.  E si i annan okenn manboulouk i a bezwen depi son Head of Section ki ansarz sa dimoun ziska sa dernyen bout si i annan okenn manboulouk zot pour bezwen vwar ok?  Sa i pour en metod kot zot pour kapab fer sir ki napa koripsyon ki pe ganny deroule napa larzan perdi.  Sa i enn.  Dezyenmman Mr Speaker sa pti loan petet mon mazinen i pour en fason pour retenir serten travayer osi dan son travay akoz i pour santi li poudir mon lakonpannyen ki mon pe travay avek parey en prive parastatal, ki pe fer sa pratik ozordi i annan detrwa i annan SEPEC i annan Land Marine, i annan STC i annan lezot ankor ki pratik sa pratik i annan lotel ki fer sa ki ed zot bann dimoun.  So i ankouraze ki zot workers turnover i redwir e sa travayer i santi li i belong avek son lenstitisyon ki i pe travay.  Me si nou pour azir en fason voras mon kapab dir kot nou mazin zis nou pa anvi donn larzan i pa pe donn larzan annefe prêt larzan nou pe mazin nou pe met nou travayer dan en sityasyon, petet poudir si mon pe travay mon lenerzi pe gate ler mon dan maler mon pa pe ganny gete i pa normal e i pa akseptab.  Nou dir aret fer depandans lo welfare be sa i en metod osi pour anpes dimoun fer depandans lo welfare pran son responsabilite.  Ou bezwen en fridge ou pa al kot welfare pour ou annan en fridge akoz kot welfare ou pa ganny larzan avek ou lenstitisyon si mon demann ou R5 mil mon bezwen rann ou, ou R5 mil.  Si mon pran R10 mil mon bezwen rann ou R10mil.  E pour kapab rann i bezwen annan bann prosedir kler ki i bezwen ganny swiv kan ki kalifye pour ou ganny sa pti larzan ki peryod letan ki ou pour rann e si demen ou default ki arive avek ou si ou kite dan travay ou annan serten benefis ki ou entitle ki ou due ki ganny pran avek ou e parey HFC i fer sa i a ede pour redwir okenn posibilite kot bann gran risk i atas avek e sa lenstitisyon i perdi larzan.  Mr Speaker Onorab Ferrari in fer resorti ki akfer i pour al donn en madanm koup lipye larzan.  Be pour mon sa i pa fer sans en madanm koup lipye i pour lo envalidite i pa dan en lenstitisyon li kot i pour al rode larzan se avek son fanmir se Gouvernman menm ki pe ki pour bezwen al ed sa madanm ki vilnerab i vilnerab la dan son sityasyon.  So i annan serten largiman ki pe fonde i pa fonde sa annou realis nou osi i vre ki dan le pase, i annan serten pratik kot serten labi i arive me ozordi nou tou ki la nou koz la transparans, nou koz la bonn gouvernans, nou koz accountability si i annan en keksoz mon krwar pa si en lenstitisyon pour al met son lekor avek sa Lasanble ki egziste ozordi pour al met son lekor dan en risk, pour li demen ganny kestyonnen sa Minis sa PS sa lot, akoz i pa’n swiv prosedir ouswa in donn larzan en bonnavini.  Se pa sa Mosyon ki pe i pa sa ki Mosyon pe demande Mosyon pe demann en serten fason fer, pour soulaz nou bann travayer nou pti travayer ki petet i bite par ler.  Now Mr Speaker nou koz labank nou konn byen bann prosedir labank en ta keksoz labank i demann ou i annan rezon bann risk ki atas avek akoz ler ou travay dan en lenstitisyon ou aport travay 8er ziska 4er ou la toulezour labank li i pa vwar ou toulezour li i konn zis lafen di-mwan ler ou larzan i antre.  E se sa ki li i vin avek bann gran patant avek ou bann gran risk akoz li i pa pe kapab tay deryer ou li be Head of Management – sa Departman HR pa i vwar ou li e ou drwa peye i pour kapab met en lord avek ou fer ou fer sir ki ou sa.  E ou lapey i pas – kote ou lapey i pase ou lapey i pas dan son lanmen i en lot mekanizm ki asire ki sa risk i redwir ankor akoz lapey i pas kot ou.  Mr Speaker dan kiltir Seselwa osi i annan en zafer ki nou apel nou pran davans.  Ozordi menm parey dan Lasanble Mr Speaker permet mon si demen mon bite mon kapab mont kot HR anler mon bir en kou donn mon en pti davans R5 mil.  I kapab arive sa.  Be dan kiltir Seselwa i annan davans.  I annan ki zwe Sit.  Nou bann MNA nou konnen ki soufrans nou pas ladan kot nou ed dimoun, nou donnen ennler osi i ariv serten dat nou bliye i arive nou osi nou kapab pas dan bann problenm.  Annou realis akoz i egziste sa e davans i en parey mon donn ou en pti loan, osi me selman mon tir dan ou larzan lafen di-mwan me sa enn i en prosedir en pti pe longman i pour kout petet trwa sis mwan an montan.  Alor Mr Speaker bann Manm Onorab lot kote annou pran en pti konpasyon pour sa bann pti dimoun nou pa pe vin dir sa 112 avek 110 lenstitisyon vin en labank nou non si ou annan 200 travayer se pa ou 200 travayer ki pour vin pran loan.  Si ou merite i annan en problenm nou ava met en guideline poudir tel, tel nou kouver sa swa anba fineray swa anba medikal swa anba pti lekipman bann keksoz koumsa nou pa pour al donn ou pour al aste en sofa anboufte ouswa pour travel sa nou, nou pe ed ou dan en fason ki ou, ou pa pour al kot welfare pa sosyal nou dir aret depandan lo sosyal.  Sosyal ou pa rann sa larzan.  I en Fon ki zis ou tir larzan i ale ale i fini ou pa ganny ranplase se taxpayers money.  Me sa pti loan ou pour rann akoz i ou responsabilite pour ou rann.

 

MR SPEAKER

Round-up.

 

HON EGBERT AGLAE

Mersi Mr Speaker.  Mersi.

 

MR SPEAKER

Mersi Onorab Aglae.  Mon pa tro sir ki Lasanble i kapab donn General Purpose Loan selman mon ti a kontan dir i reste nou en Mosyon ankor en 3enm Mosyon e zis pour alert zot ki semenn prosenn nou pe al konmans travay lo Bidze.  So annou ekonomik avek nou lentervansyon avan nou pran break nou a esper ankor 10 minit avan nou pran break pour nou pran en 3enm Mosyon.  So i reste de trwa dimoun pour koze.  Onorab sorry 4 Onorab Andre sey fer li bref silvouple.

 

HON CLIFFORD ANDRE

Mersi Mr Speaker.  Mr Speaker mon vreman dezapwente letan mon get sa Mosyon akoz tou le semenn – annefe tou le zour mon kapab dir mon rankontre dimoun ki dir mon zot pe deza peye i annan ki pe peye pour 17an i pe pey lakaz i pa ankor kapab ganny en lakaz e la nou pe vini nou pe dir annou al dan General Purpose Loan kan nou pa ankor kapab administre Gouvernman byen loan lakaz.  Nou pa ankor kapab donn en dimoun lakaz ki pe peye pour li ganny lakaz so si i napa en lakaz kot i pour ale avek en General Purpose Loan?  I bezwen annan en fridge avan pour li kapab aste en lot avan ki sa lot fridge i kase.  Alors Mr Speaker letan nou pe gete i vre ou menm ou’n dir a en serten pwen ki nou zis tourn an ron nou pe fer dimoun krwar lizour pour aswar Mr Speaker i dezapwentan pour nou vwar parey Onorab Ferrari in dir i annan ki avek bann Mosyon popilis oubyen fer politik avek kan pa neseser kan zot bezwen fer byen e travay dan e fason pli efikas.  Nou’n tande sa semenn Mr Speaker ki SBFA in dir poudir larzan napa pour donn loan.  I bezwen fini travay lo bann papye ki annan annou pa burden nou Gouvernman ankor. I deza annan sityasyon ki i pe travay avek wi nou Gouvernman i pour Seselwa sa mon en Seselwa mon pour Gouvernman ki pe travay avek ki pe vwar serten difikilte e i annan posibilite ki i pour debarase avek serten sa bann kalite fasilite loan pour kapab annan efikasite.  Mr Speaker ler mon ekout sa mon demann mon lekor si tou departman Gouvernman ou menm ou’n fek dir nou ki Lasanble napa sa kapasite pour donnen me en staff Lasanble i pa pour en Seselwa li?  En staff kot Zidisyer i pa pour en Seselwa li?  Eski sa ou pe compel tou sa bann departman pour zot met en fon akote ki pour apel General Purpose Fund.  Annou et realistik annou ed nou pei pour fer sir ki nou kapab delivre en keksoz ki efikas.  Prezidan Faure i pe gete e zot, zot pa pe siport Sesel, zis zot a pe vini – mwan mon pour vot kont sa, mon pour vot kont mon pour dir kategorikman ki mon pour vot kont akoz nou annan sa bann sistenm point system ki pa pe marse nou annan welfare ki letan eleksyon enn i ganny R2 mil enn pa ganny ditou.  Mr Speaker nou pe al dan en sityasyon kot nou pe met chaos.  Onorab Lemiel in fer en bon proposal si nou annan si sa i ganny materyalize, i bezwen annan en Komite.  Me ankor sa komite i still kapab disciminate diskrimin kont serten dimoun ok?  Lekel ki pour anvoy sa rekomandasyon sa Head of Department ki pour anvoy sa rekomandasyon si sa Head of Department li i met en rekomandasyon ki negativ eski sa komite i kapab ranvers sa, oubyen i pour al get bann eleman pour li kapab al ranvers sa.  So Mr Speaker mon pa pour long parey ou’n gid mon me selman mon pa krwar nou pe fer zistis nou pep mon pa krwar nou pe fer zistis lo ladministrasyon Gouvernman parey Onorab Ferrari in dir.  Si Minis Finans i tann sa i pour bezwen kriy en pe i pour sir zot be zot pa pe ed mon zot pe fer ditor sa pei.  E avek sa Mr Speaker mon pour lev mon lanmen pour mon vot kont sa Mosyon.  Mersi.

 

MR SPEAKER

Ok Onorab mersi.  Onorab Sebastien Pillay 2 minit.

 

HON SEBASTIEN PILLAY

Mersi Mr Speaker.  Mr Speaker mon krwar i annan en konfizyon ozordi mon krwar lot kote parti i reprezant Gouvernman e nou reprezant dimoun an deor mon krwar.  Akoz ler mon pe ekout zot i paret mon Onorab Ferrari zanmen in konnen ki savedir napa nou pe koz lo Ners lo Teachers me sa bann General Purpose Loan 2 kategori dimoun ki ti servi sa bann General Purpose Loan e ti pey li byen ti rann li byen sete bann Ners e bann Teachers se sa bann dimoun ki ti ganny targete avek sa bann General Purpose Loan.  Prezan sa ki konfiz mon ou pe koz mon ler ou pour dan Gouvernman konmsi premye zour ki ou vini ou pour rezourd tou travay ou konn tre byen e ozordi ou bezwen admet avek ou lekor poudir malgre ki ou’n vin dan Lasanble ou pa kapab rezourd tou problenm.  Ou pa kapab rezourd tou problenm.  Se sa ki fer ki ou en dimoun en pe konfize akoz yer ou fek dir nou pour ki La Digue napa nanryen ki’n arive taler ou’n dir La Digue i annan en kantite devlopman ki’n arive be ki ou pe sey dir.  Konmsi nou bezwen nou bezwen être realis.  Sa Mosyon pour anmenn en General Purpose Loan in vin apre ki ler ou konsider dan en landrwa travay kot en dimoun pe travay difikilte parfwa ki i pe rankontre, i pa vedir ou pour met en General Purpose Fund a kote pour donn en General Purpose Loan.  I vedir senpleman poudir ou fer sa provizyon ki i kapab pran en General Purpose Loan now ki mannyer sa i kapab vini sa i kapab vin atraver en Scheme ki al atraver labank e ki labank i under write sa Scheme e la tyonbo ekoute ou’n koze mon ekout ou ou’n koze mon’n ekout ou.

 

MR SPEAKER

Order!  Order!  Order! i reste mon en minit.

 

HON SEBASTIEN PILLAY

Ekout mon pe koze mon annan 2 minit ou pe fer mon perdi mon 2 minit.

 

MR SPEAKER

Ok, alright kontinyen.

 

HON SEBASTIEN PILLAY

Ou a donn mon ankor en minit Mr Speaker.  Wi ou bezwen konpran poudir mechanism ki mannyer pour marse i pour obviously diferan akoz lenportans dan sa deba ki nou pe fer se ki Gouvernman in aprann atraver bann pitfalls kote sa pa’n marse dan le pase.  Kote i pa’n kapab meet lekspektasyon.  Parey avan avan i ti etablir en sistenm quota pour sa bann loans petet sa quota ti tro larz.  Nou a restrikte sa quota petet son kriter pour donn li i pti i pa ti a la oter nou ava re amann kriter.  E wherever you go i pour bezwen annan en Komite dimoun ki fer desizyon lo tou keksoz eski i vedir ozordi ki parey Komite Ant-i Viktimizasyon i bias ler i fer son bann rekomandasyon?  Non.  Ou bezwen trust dan kapasite en dimoun pour fer serten travay e toultan ler ou pour dan en rol leadership ou pour bezwen allow en dimoun pour fer en travay si i pa pe travay i pour annan en scrutiny.

 

MR SPEAKER

Round-up.

 

HON SEBASTIEN PILLAY

Ki ganny mete lo li pour li kapab fer son louvraz pli byen.  An terminen Mr Speaker FPAC pour toultan la e son rol se pour scrutinize son rol se pour annan oversight e mon en Manm lo FPAC ou pa travay ou tousel lo FPAC nou travay ansanm pandan sa lannen tre byen annefe.  So mon krwar ki nou pour kontinyen travay pour asire pour annan kontrol me selman pa perdi loportinite pour lans en lapel avek travayer ki nou konpran zot sityasyon nou konpran sityasyon bann Ners nou konpran sityasyon bann Teachers, bann Polisye e nou le met an plas en Scheme ki a permet zot ganny akse avek en pti fon ki zot a kapab servi e ki zot obviously bezwen rann akoz i deduct directly from

 

MR SPEAKER

Ok.

 

HON SEBASTIEN PILLAY

…from zot saler.  Avek sa Mr Speaker mon ti a kontan demann mon bann koleg lo lot kote latab realign zot en pti git realign zot en pti git e regard en pti pe lo ki mannyer nou kapab koz lo sa bann dimoun an deor.  Mersi.  Parey Onorab Andre in dir nou Gouvernman mon kontan in servi sa term nou Gouvernman ozordi vre i nou Gouvernman i pa zis Gouvernman.  Mersi.

 

MR SPEAKER

Ok. Alright.  Order! Onorab Henrie 2 minit.

 

HON GERVAIS HENRIE

Mersi Mr Speaker.  Mon pour tre bref e entervenan avan mon krwar li ki son realigning pa bon.  Akoz taler li in koz lo en direksyon kot nou konman en Lasanble, nou bezwen vin avek bann lide modern hybrid i ti menm vin avek.  Be nou bezwen demann Sizyenm Lasanble ki ou le avek Gouvernman nou’n vwar model gouvernans ki ti annan dan le pase preski faid pei an 2008 prezan ou pour retourn laba?  Nou, nou pe dir sa Mosyon ki devan nou i en fason ki zot konman en parti politik zot pe evite met presyon lo labank pour labank sanze.  Labank i la pour i prêt larzan dimoun Gouvernman konman fasilitater i bezwen koz avek labank i konmans par Central Bank koz avek Lasosyasyon Banker poudir get sa fer keksoz fasil ok e parske zot pe vin avek en model ekonomik ki danzere.  We’ve been there before nou konnen ki son problenm annou pa retourn laba.  Popilasyon travayer ozordi li i le en bon saler pa bezwen General Purpose Loan li ozordi dimoun pa pe demann General Purpose Loan li i pe dir ou aret donn mon allowance met sa R3 mil ki ou pe donn mon allowance lo mon saler.  Prezan li laba son labank i ava vwar poudir son basic salary in monte i a kapab donn li son pti loan R5 mil – R8 mil ki ou le sa ki nou travayer i anvi aranz zot.

 

MR SPEAKER

Order!  Order!

 

HON GERVAIS HENRIE

Realignment tande ki dimoun deor pe dir.  Prezan popilasyon travayer li nou pa pe kapab ankouraz li pour li pran larzan loan avek anplwayer ki swa Gouvernman ki swa sekter prive.  Prive pe deza struggle i pe deza struggle, e si nou pour dir Gouvernman alor i fasil pour li fer akoz larzan i dan son lanmen i vin konmsi en nespes sistenm diskriminatwar ki dimoun dan servis piblik i fasilman ganny akse avek bann pti loan, me dimoun dan servis piblik dan servis prive i pa gannyen.  Alor kestyon ki 6enm Lasanble i merit pe demann son lekor se kwa manda labank e ki son lobligasyon vizavi loan pour son bann konsonmater Gouvernman i deza pa pe kapab delivre akoz kontrent larzan nou konnen sa konman Manm Lasanble.  Alor nou konnen poudir i annan ase lo son lasyet e la i pour oblize al donn loan. Non, non, non sa formil i pa bon nou bezwen pran larzan ki pei i byen bezwen donn servis pour donn lenfrastriktir al depans laba loan i bezwen reste pour labank nou bezwen ankouraz labank e nou annan de labank Leta konmans avek zot avan e sa i ava ankouraz bann lezot labank.  Zot krwar poudir MCB oubyen Barclays pour pack up and leave si nou met presyon pour sey les zot donnen?  Non, non, non ozordi sa bann labank prive zot, zot pe anmas lentere 300 milyon selman sa ki zot pe donn lentere dimoun se zis 30 milyon 1 to 10.  Me non nou bezwen dir ozordi Sesel 2017 i bezwen sanze sa bann keksoz.

 

MR SPEAKER

Round-up, round-up, round-up Onorab.

 

HON GERVAIS HENRIE

Labank i bezwen ankouraze Mr Speaker an terminen poudir i bezwen pran son rol konman fasilitater lekonomi come avek scheme pour ankouraz labank donn loan – General Purpose Loan bann dimoun e konmans to lentere ki rezonnab san bann lanpayaz tro bokou e konmans avek son de labank Savings Commercial Bank e avek Nouvobanq.  Mersi bokou.

 

MR SPEAKER

Onorab Loizeau 2 minit.  Seye.

 

HON NORBERT LOIZEAU

Mr Speaker mon pa’n koz ditou depi bomaten mon pour koz plis ki 2 minit – 3, 4 vi ki mon pa’n koz ditou mersi Mr Speaker.  Mr Speaker mon pour e moman mon krwar nou pe viv dan en tan modern e dan en tan modern mon pa krwar Gouvernman i devret ankouraz bann landrwa dan sekter piblik pour donn loan.  Sa i mon lopinyon.  Mon krwar ki en Gouvernman si en Gouvernman efektiv dan en tan modern Mr Speaker i merit kre bann lenstitisyon for, ki kot en dimoun i annan en problenm i kapab ale tap sa laport e i gannyen.  Mwan mon krwar sa.  E en landrwa Mr Speaker ki mon panse Onorab Henrie in tous lo sa se bann labank zot per pour koz avek bann labank mon krwar bann labank Gouvernman i merit atraver Labank Santral i merit koz avek bann labank pour fer desann lentere, pour fer keksoz pli fasil pour ki dimoun i ava ankouraze i ava al dan en labank pour pran en loan.  E la Mr Speaker parey Onorab Henrie in dir annou konmans avek nou bann labank ki Gouvernman i own; parey Nouvobanq.  En ta larzan Nouvobanq i fer be zot pa kapab fer lentere desann?  Ozordi mon annan en Annual Report la Mr Speaker zis pour lannen 2016 zot in fer zot anviron R195 milyon profi Mr Speaker.  Be Nouvobanq vi ki en Gouvernman – State – own parey en labank i own, i annan mazorite share zot pa kapab fer sa e sa i en keksoz ki mon krwar i merit ganny fer i pour fasilit dimoun – dimoun kapab ganny en loan.  Ozordi Mr Speaker martir pour ganny en loan.  Be mwan mon konnen akoz i martir ozordi pour ganny en loan.  Sa zafer donn loan la ki Parti Lepep i kontan donnen, zot annan en move leksperyans dan sa zafer donn loan Mr Speaker.  Mon dir zot enn mon ti annan bann loan YES Scheme.  Ozordi loan YES Scheme.  20an pase Mr Speaker i annan en back log ki’n bezwen transfer lo SBFA akoz…

 

(Mic Off)

 

 

HON NORBERT LOIZEAU

Ou pe koze ou pa rod mwan.

 

(laughter)

 

HON NORBERT LOIZEAU

Mr Speaker transfer laba pour bannla deal avek 20an pase kot zot in donn zot bann dalon pour pran loan zot annan en move rikord lo loan Mr Speaker, nou bezwen dir zot.  E ti annan bann loan ki ti pe donnen dan lepok eleksyon zot in donnen sa ti loan menm sa pour ankouraz bann dimoun pour ed pti dimoun Backyard Farming toultan mon pour koz lo la mon pa pour aret koz lo la en sou Backyard Farming pa’n fer.  Dimoun in al Dubai sa ki’n aste rido sa ki’n sanz sliding door toultan mon pour dir sa.  Ozordi i annan en backlog dimoun pa pe peye ozordi la nou le dan landrwa travay Mr Speaker vin avek bann prensip koumsa sa se bann prensip le pase.  Pa akoz nou fer li dan le pase ki nou krwar i ankor sitan bon pour nou fer li ozordi.  Mon krwar nou merit met li en kote Mr Speaker nou konnen ozordi atraver sa bann dimoun pa serye malonnet ki atraver ki’n benefisye atraver bann loan i fer ki prosedir i dekourazan pour ganny en loan avek labank.

 

MR SPEAKER

Sey round-up Onorab.

 

HON NORBERT LOIZEAU

By the time ou’n fer tou sa bann sa bann tranzaksyon pour ou ganny sa loan ou’n fini dekouraze, e sa Mr Speaker si nou pour al dan sa bann zafer donn loan dan landrwa travay, i pour en pa an aryer Mr Speaker … olye.

 

MR SPEAKER

Round-up Onorab.

 

HON NORBERT LOIZEAU

Mr Speaker mon annan en ta keksoz pour dir.

 

MR SPEAKER

Mon konnen ou pa’n koze depi bomaten.

 

HON NORBERT LOIZEAU

Ok mon a sot en pti pe.

 

MR SPEAKER

Sot en pti pe wi.

 

HON NORBERT LOIZEAU

E la zot pour ankouraz sekter prive pour antre ladan Mr Speaker sa ta lenfirm ki sekter prive pe gannyen pour operate e ladan menm bann small and medium enterprise ozordi, zot pe pey 30 poursan tax lo zot profi.  Gouvernman li en silent partner ladan i pa kontribye nanryen i pe pran 30 poursan.  Ozordi nou pe dir avek sa bann dimoun dan prive donn loan.  E mazinen Mr Speaker zafer loan i serye ozordi nou annan en pep pa tou i annan ki serye me bann ki pa serye ki pe met nou dan lanbara.  Ozordi atraver bann loan konplikasyon ki ou gannyen li menm li dimoun ki’n pran sa loan, i deside pran sick leave.  Ler ou fer levanter i travay 15 zour dan en mwan ou pa kapab pous li akoz i dwa ou sa loan ou bezwen kit li la tenir normal akoz i drwa ou sa loan.  Mr Speaker Onorab dernyen pwen mon annan en ta pwen, me selman mon pour al lo sa enn dernyen Onorab Valmont in koz lo bann loan pour lanterman si i annan en problenm lanterman pour lanterman i annan bann fasilite dan Bidze i annan be sa gro liv Bidze ki ti annan i annan ki’n prozekte Bidze.  Mon i annan bann dimoun dan mon distrik ki ariv en lanterman mon anvoy zot laba, zot ganny asiste.  Zot pa bezwen pran en loan pour anbaras zot, akoz i annan laba pour al serse.  Mr Speaker mon ti a kontan koz plis ki sa, me selman ou’n dir mon letan pa permet nou e mwan mon anvi dir zot annou pa tourn an aryer ozordi China, sa Prezidan ki la pe sey bouze pour nou al devan zot le fer nou retourn letan Mao Se Tum kot Dokter ti vin planter lot, be ou pa kapab retourn dan sa bann letan Mr Speaker.

 

MR SPEAKER

Round-up Onorab.

 

HON NORBERT LOIZEAU

Mr Speaker mon a termin la pour ozordi.  Mersi.

 

MR SPEAKER

Dernyen avan demann Loter pour Mosyon pour konklir dernyen entervenan Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa Mosyon ki devan nou i en Mosyon kler e senp i straight forward.  E i kler ozordi ler mon ekout bann lentervansyon sorti kot Lopozisyon ki zot pa ou le ki bann senp pti Seselwa i ganny en pti loan atraver sa ki nou pe koze.  E dezyenmman Onorab Ferrari ler mon ekout li dan son lentervansyon si omwen Trezor Treasury – savedir ti pe manage sa loan ti a ok.  Me lafason ki i krwar ki loter Mosyon pe dir i pa pour ok.  Mwan mon ti ava voudre zot ekout en pe seryezman sa ki mon pe al dir la e fer byen zot lide lo sa Mosyon mon krwar i en bon Mosyon.  Mosyon pa pe dir fer tou keksoz parey i ti été lontan.  Mosyon i pe senpleman dir ki sa konsep i pe retournen a en serten extent, ki zisteman akoz labank pa pe donnen si labank ti pe donnen mon toutafe dakor avek zot mon toutafe dakor avek zot…

 

MR SPEAKER

Order!  Order!

 

HON CHARLES DE COMMARMOND

…ou pa ti pour petet nesesit sa.

Me malgre sa, malgre sa mon anvi dir Mr Speaker ki deza la i annan sekter prive ki pe donnen; i annan sekter Gouvernman ki pe donnen.  Why not ouver sa levantay en pti pe sa ki nou pe demande.  Par egzanp Port Authority i donnen nou’n vwar sa lo FPAC Onorab Ferrari ou konn tre byen nou’n vwar SEPEC i donnen.  Bann labank Gouvernman la ki nou pe koze zot annan zot special favor ki zot donn zot travayer zot.  I vin konman bann incentives sa Cable & Wireless i annan en laranzman fantastik avek Barclays Bank.  Si ou travay Cable ou pa pour le kite zisteman akoz i annan sa bann kalite incentive.  Sa ki nou pe dir zisteman pour gard dimoun dan Gouvernman; regard bann dimoun ki dan serten problenm ki labank i ganny difikilte pour ganny labank.  Sa bann lenstans Gouvernman ki nou pe dir la pa tou ki pe ou pa pe ouver levantay ki mannyer ou ou pe dir zot servi koko lespri, pour kapab fer ki zot kapab fer laranzman avek serten labank.  Sa an menm tan i donn sa labank serten garanti kot serten extent ki dir ou ok sa lenstitisyon la sa Minister isi ouswa sa Departman laba, nou kapab fer laranzman avek zot nou konn sa petet sa sef departman ouswa nou konn sa bann dimoun la ou kapab rely ki nou kapab fer laranzman spesyal, si zot saler par egzanp i pas kot sa labank nou donn zot en loan to a certain amount e ki garanti ki lentere i vin pli ba; i annan tou sort kalite koze ki kapab ganny diskite ki sa bann lenstans Gouvernman nou pe dir i devret pe antreprann lo behalf zot bann travayer, pour kapab gete kote zot travayer i bezwen benefisye, e kontinyen epanouir dan pei.  Senpleman sa ki pe demande deza aktyelman la i annan plizyer landrwa prive plizyer konpannyen prive ki around the country pou vwar ki deza pe egzers serten extent sa kalite keksoz ki sa.  Ok?  So senpleman, sa annou pa re envant larou annou pa fer okenn keksoz konplike.  E sa pour Ners, Teachers, Gard, Lafors Defans, bann Solda ensidswit sa Gouvernman li menm dan son bann package i kapab osi regarde konman bann keksoz an plis, bann keksoz adisyonnel pour zisteman gard bann dimoun dan sa bann lanplwa – dan sa bann travay, pour fer sir ki nou ganny bann bon dimoun bann dimoun ki vreman kapab avanse e al devan.  E ki mon krwar mon sa ki vreman sa ki sa Mosyon pe demande.  Diferan fason pour administre – sa diferan fason.

 

MR SPEAKER

Round- up.

 

HON CHARLES DE COMMARMOND

Mon avek ou, nou konn tre byen nou’n deza koz lo sa bann zafer a plizyer moman.  Alor mon krwar mwan ki sa Mosyon i straight forward, e mon aret la e mon demande ki tou dimoun i vwar nou lespri lo la.  Annou revwar nou fason nou ti pour al vote.  Annou siport sa Mosyon i en bon Mosyon pour nou bann dimoun e i pa pe demann nanryen an plis mersi bokou.

 

MR SPEAKER

Mersi Onorab.  Onorab Valmont ou konman loter Mosyon mon ava demann ou tre bref avan nou pran en vot apre nou pran en Break parske nou bezwen fini sa lot Mosyon avan nou al se nou tanto.  Onorab Valmont.

 

HON JUDE VALMONT

Mersi Mr Speaker.  Mr Speaker i paret mwan ozordi Lopozisyon i dan en leta konfizyon.  Mon pa konnen kwa ki zot in met dan zot kafe.

 

MR SPEAKER

Onorab, Onorab fer ou konklizyon.

 

HON JUDE VALMONT

Yes Mr Speaker mon pe kontinyen mon pe vin lo lapant menm la.  Akoz en Mosyon ozordi mon vwar Mr Speaker in sakouy latet ler mon pe koz lo la, en Mosyon ki’n vini pour ed travayer Seselwa pour met larzan dan pos Seselwa sa i egzakteman ki zot in fer 1an pase ozordi ou konnen ki Lopozisyon i dir Mr Speaker zot dir i annan landrwa pour ale.  Ki zot pe dir nou pour al kot welfare?  Zot pour kontinyen ankouraz larzan pour nanryen mon pa ganny en konpran lekel ki Lopozisyon nou oubyen zot?  Sa ki reprezant Gouvernman?  Mr Speaker mwan… mwan…

 

MR SPEAKER

Order!  Order!  Order!  Order!

 

HON JUDE VALMONT

Zisteman Mr Speaker mon vin avek en Mosyon pour get travayer mon en dimoun ki a lekout kous travayer.  I montre ou konekte i annan kote latab zot pa pe ekoute.  Bokou travayer ki mon koz avek zot in dir zot ti a kontan, akoz parey Onorab De Commarmond in dir i dir i annan landrwa ki’n deza entrodwir sa.  Lapolis i donnen.  Port Authority – be i paret mon i annan serten zot pa konnen tousala.  Alor nou pa pe re envant larou nou pe demande pour kontinyen.

 

MR SPEAKER

Silvouple Onorab.  Onorab Valmont esper en pti moman nou bezwen bouze silvouple.  Ekoute les li fini apre zot ava pran zot desizyon pour vote.  Ale kontinyen.

 

HON JUDE VALMONT

Yes mersi Mr Speaker ou konnen ler ou dir mon keksoz dimoun pa kontan, se pour sa rezon ki zot pe fer sa.  Wi Mr Speaker mon kontinyen nou pa pe re envant larou nou, nou pe dir kontiny avek keksoz en bon practice.  Wi petet i annan serten pti eleman parey labi, me labi nou rod fason.  Onorab Lemiel in fer sorti sa e Onorab William osi nou rod kriter ki nou met ater.  Nou met li black and white koumsa demen nou konnen lekel ki kalifye pour sa loan peryod letan en 6 mwan ou konn klerman.  Ou vini ou apply sa loan pour tel sityasyon, ou zistifye.  Onorab Lemiel in fer sorti ki ou met ou met cheque lo Lakonpannyen si sa dimoun i bezwen.  Sa i en mezir alor napa nanryen ki mon vwar i difisil ladan ki pour annan labi.  Well si nou annan labi dan le pase ozordi apre 9an mon krwar sa bann landrwa ki pe donn sa bann loan, mon krwar zot tou ti ava’n arete.  Alor Mr Speaker nou koz osi lo responsabilite travayer; en travayer i pe travay ozordi bokou lot kote in dir Seselwa pa kapab fer savings bokou pa fer savings.  Mon pa krwar ladan mon i annan Seselwa ki fer saving.  Me selman i annan serten sityasyon ki en travayer Seselwa mon krwar zot tou zot in travay lot kote en Seselwa en travayer i bite milye le mwan.  En fridge konmela R5mil – R6 mil.  Petet i annan en fanmir i annan ki’n refer sorti saler mon osi mo nou kote nou pe fer saler Seselwa monte; pa krwar zis zot.  Nou ki’n konmanse sa lager.  Alor, sa Seselwa ler i ariv li milye mwan ki i fer kot i pour ale i pour al Welfare apre ki zot pour dir zot menm zot pour dir, ‘’Ar Welfare i ganny abize eleksyon se pa ki zafer.’’  Eleksyon in fini 1an pase mon bann zanmi – annou move on.  Ok?  Alor Mr Speaker milye le mwan in arive sa dimoun i bite ki nou fer nou al dan landrwa travay nou prêt en larzan en R5 mil en R10mil, e sa i pa zis ankouraz kiltir travay mon bann koleg.  Onorab sirtou lo lot kote.  I ankouraz sa kiltir rann larzan zot menm zot, zot in dir zot pa le nou donn larzan pour nanryen.  Be la ozordi ki nou tande?  Zot menm zot dir al kot Welfare mon pa ganny en konpran.  Alor Mr Speaker ler Seselwa i ale i prêt, larzan i annan en sans responsabilite ki vin avek sa.  I prete.  I annan serten kriter – dan son landrwa i pe enterakte avek son bann koleg kot HR Finans.  E toulezour i la i annan en reminder rann sa larzan.  Me selman lot fason osi i ankouraze akoz i konnen demen i tap laport la i napa sa fristrasyon petet i ti pour al kot Welfare parey mon bann koleg i dir, i pour apply i pour donn en proforma invoice zot pour dir i pa kalifye.  Be non napa sa risk la akoz sa landrwa travay i pa parey labank li i konn ou, i konn ou.  Alor en fason pour li ankouraz ou.  Mr Speaker mon pour zis koz en pti pe lo rol labank osi Onorab De Commarmond in fer sorti byen kler, akoz nou pe fer sa.  Nou Gouvernman 30an 40an i annan labank nou pe koz e avek labank nou labank pa pour nou sa nou pe koz avek.  Mon anmenn sa mon anmenn zisteman mon anmenn sa Mosyon mon demande en General Purpose Loan.

 

MR SPEAKER

Onorab.  Onorab Valmont esper en pti moman.  Nou pa pour zanmen fini si zot enteronpe an kouri.  Annou esper li fini apre nou a vote silvouple.  Kontinyen esey round-up.

 

HON JUDE VALMONT

Mersi Mr Speaker.  Mon kontan lo en kote ler zot eksite lot kote la i montre ou ki lefe pe ganny fer Seselwa pe tande lizye pe ouver.

 

MR SPEAKER

Onorab round-up ou Mosyon.

 

HON JUDE VALMONT

Mon pe round-up Mr Speaker.

 

MR SPEAKER

Ou pa pe round-up ou pe rod zis eksite, round-up.

 

HON JUDE VALMONT

Mon annan zis de pti pwen.  Mr Speaker rol labank ou konnen nou konnen ki labank in la tou sa letan i difisil nou tou nou al labank i dir ou unsecured loan i 24 poursan.  Nou pe lager nou pe seye mon krwar Lasanble antye pe sey fer sa pa zis nou pe sey get ladan pour sa dernyen 1an – ki zot in fer?  Alor nou dir sa i en opsyon en loan ki lentere i ase ba e Seselwa i nobou ganny sa larzan met sa larzan dan son pos, pour ler i bezwen i servi.  E se sa alor nou dir nou pe donn en opsyon nou pa pe dir pa al labank, me selman ler keksoz i difisil Seselwa i ganny en lot opsyon.  E sa i enportan.  Nou pa dir parey serten Onorab in dir lot kote pini zot pa donn zot larzan zot a pran zot responsabilite.  Me Seselwa pour mor lafen zot o si zot vin o pouvwar nou pour mor lafen.

 

MR SPEAKER

Onorab round-up.

 

HON JUDE VALMONT

Mr Speaker dernyen keksoz, mon anvi konklir lo sa not mon anvi zis fer resorti ki mwan mon enn parmi ki’n fer sondaz avek kous travayer.  Bokou dimoun in dir zot ti a kontan en pti General Purpose Loan.  I pour ed zot lo sa bann pwen ki mon’n dir.  E Mr Speaker serten dimoun in dir ou nou pe anmar lanmen prive.  Non.  Mwan mon’n ganny aprose avek serten lakonpannyen prive la mon dir dan Pointe Larue – zot kapab demande si zot le sa bann lakonpannyen in dir avek mwan,’’ Wi zot pe fer bon keksoz staff turnover i vreman ba.’’  Alor nou osi nou ti a kontan Gouvernman i pe fer son bout.  Alor se pour sa rezon ki mon pe ankouraze – ou konpran?  Alor Mr Speaker mon pour ankouraze pour dir mon bann koleg Onorab – sirtou lo lot kote pa anmar lanmen travayer Seselwa.  Sa ki annan opsyon sir nou kwa ki sa bann opsyon apar General Purpose Loan.  I annan i dir MNA i annan fason ede, dir nou annou partaze akoz nou MNA Parti Lepep la…

 

MR SPEAKER

Onorab 4er in sonnen.

 

HON JUDE VALMONT

Yes Mr Speaker mon pe round- up en pti minit.  Nou depan, nou depan lo Gouvernman pour delivre.  Alor Gouvernman i a ede avek General Purpose Loan i a ede avek travayer.  Alor mon bann koleg annou pa pini travayer Seselwa.  Mersi Mr Speaker.

 

MR SPEAKER

Mersi Onorab Valmont e prezan nou ava pran en vot tou bann ki pour sa Mosyon lev zot lanmen?  Clerk?  Tou bann ki kont Mosyon lev zot lanmen.

 

MADAM DEPUTY CLERK

Mersi Mr Speaker.

 

MR SPEAKER

Ekoute silvouple.  Clerk Deputy Clerk pe konte.  Wi Deputy Clerk.

 

MADAM DEPUTY CLERK

Mersi Mr Speaker.  Mon’n rikord 11 Manm ki’n vot an faver sa Mosyon e 14 Manm ki’n vot kont sa Mosyon.  Mersi.

 

MR SPEAKER

Ok savedir Mosyon pa’n ganny aprouve ok mersi Deputy Clerk.  Avek sa mersi Onorab ki ou’n prezant ou Mosyon e tou ki’n kontribye mersi mon krwar in ler pour nou pran en pti pause pour nou al zet en deal.  Epi nou a tournen 4er la i 4.02 nou a retourn 4er.  Si i ok avek zot nou a retourn 4.15 pour nou fini sa dernyen Mosyon avan nou al se nou.  Ok.  15 minit i ok?

 

HON CHARLES DE COMMARMOND

Mr Speaker mon krwar sa Mosyon i demann en bon pe koze lo la, i pa pour fini dan sa pti gin letan ki reste, i pa pour fini sa.

 

MR SPEAKER

Be alor ki ou propoze?

 

HON CHARLES DE COMMARMOND

Mon krwar nou anvoy pour en lot moman

 

MR SPEAKER

Nou a fer li Lendi?  Mon krwar Deputy nou pe sey mazin Lendi pour fer en Special Sesyon non?  Onorab Ferrari en pti moman, en pti moman.

 

HON NICHOLAS PREA

Yes mon ava kominik avek the House desizyon ki nou’n pran dan ABC tou taler Mr Speaker.  Mersi pou sa loportinite. Anvi ki Mardi nou pe pran Appropriation Bill, 2018, e i annan en Mosyon osi tou pou en Supplementary ki nou bezwen sort out e an vi ki nou pa anvi ki tou lede i clash ansanm i kree serten konfizyon and so on, ABC i deside avek lagreman tou lede kote ki Lendi FPAC pe meet avek Minister Finans bomaten pou ganny en pti pe kalifikasyon lo sa Supplementary Appropriation Bill – wi lo Supplementary e 11er Lasanble pou meet pou nou pran mosyon pou debat lo sa Siplemanter.  Ki sa i ava fer ki Mardi le 31 i kit nou lib pou pran…pou nou ekout lalis Bidze par Minis Finans.  Vwala desizyon ki nou’n pran Mr Speaker.  Mersi.

 

MR SPEAKER

Mersi Deputy Speaker.  Onorab Ferrari.

 

HON JEAN-FRANCOIS FERRARI

Mr Speaker, mon krwar ki On Onorab De Commarmond in sizere ki kekfwa nou pa devret pran sa Mosyon ozordi.  Mwan mon napa problenm avek sa akoz mannyer i ete sa Mosyon kekfwa i annan donn Onorab Commarmond letan  re aranz sa Mosyon akoz mannyer i ete la mon pa tro krwar i pa pou al tro lwen sa Mosyon.  So annou fer parey i pe dir – annou fer parye i pe dir annou fini.  Ler sa Mosyon i a ganny reworded i a ganny mete lannen prosenn e nou ava kapab travay.  Ok?  Ok.  Ou dakor avek la i la.

 

MR SPEAKER

Lannen prosenn ou byen avek ler nou a ganny en moman apropriye.  Mon kra45r ki Onorab De Commarmond i dakor avek sa.  Onorab De Commarmond?   Ou dakor avek sa lide?  Tre byen mon’n vwar nou’n vwar en solisyon.  Alor nou pou rezwenn Lendi 11 bomaten isi menm.  Alor mon a swet zot tou bonn kontinyasyon.  Mersi pour en partisipasyon byen ozordi, byen anime zot in kit mon byen align. Mon pa’n dormi ditou.  Alor mersi bonne kontinyasyon.  Onorab Gill Churchill – yes.

 

HON CHURCHILL GILL

Zis en pti klarifikasyon lo sa ki Deputy Speaker in dir.  Eski zot ti ler pour FPAC zwenn zot ti ganny deside?

 

MR SPEAKER

Onorab Prea.  Deputy Speaker.

 

HON NICHOLAS PREA

Yes.  Mr Speaker, mersi ankor.  Aparaman sa kominikasyon in ganny fer en pe letan ki PS Finans ti pe antisip pour zwenn FPAC Lendi.  E mon krwar tou Manm i okouran en?  FPAC 9er bomaten Lendi, avan nou pran sa Mosyon.  Mersi Mr Speaker.

 

MR SPEAKER

Ok.  9er Lasanble e nou repran 11er isi.  Yes Onorab Arrisol.

 

HON SANDY ARRISOL

Savedir FPAC pe zwenn 9er zot apre nou konman Lasanble nou zwenn 11er.  Mersi.

 

MR SPEAKER

Vwala ok i kler.  Very good.  Bonne kontinyasyon e bonne fin semenn.

 

(ADJOURNMENT)