Home » Verbatim » 2017 » Verbatim Report NAS Sitting Tuesday 3rd October, 2017

Verbatim Report NAS Sitting Tuesday 3rd October, 2017

NATIONAL ASSEMBLY OF

SEYCHELLES

 

Tuesday 3rd October, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Bonzour tou bann Manm Onorab.  Tou bann dimoun ki dan Lasanble ozordi.  Tou manm piblik dan lakour e an deor lakour ki pe ekout nou.  Byenveni ankor pou en lot Sesyon travay sa semenn ;  Ozordi ek demen, pou nou Lasanble.  E mwan mon kontan ki nou annan en kantite keksoz pou nou fer sa 2 zour.  Kantite travay enportan.  E konman Speaker ozordi, mon annan pa enn me two songs in my heartAnd a spring in my step. 

        Mon ti a kontan premyerman lo non tou bann Manm Lasanble ek staff Lasanble, prezant nou senser kondoleans lafanmir Allisop pou lanmor Alix ki’n arive Madagascar.  Mon krwar nou tou nou’n aprann lo medya, ki Alix ti’n al konman en Coach avek bann zenn Madagascar pou en levennman sportif, me malerezman ler in ariv laba in atrap Lapest, in mor.

Mon senpati i al sirtou pou Andrick ki’n deza best Sportman Seselwa.  E ki reste Anse Boileau. Lannen pase Andrick ti perdi son papa Jack e sa lannen son tonton Alix. Alor ankor enn fwa senser kondoleans. Mon ti konn Alix avek Jack, Akoz tou lede ti travay ledikasyon avek mon konman teknisyen laboratwar.

So mon espere ki bann ki isi an izolasyon kot Lakademi zot a ganny konfor ki zot pe rode.  Mon krwar ki bann keksoz pe ganny fer.  Mon oule re asir bann paran sirtou, bann atlet.  Ki tou keksoz pe ganny fer pou fer sir ki tou keksoz i mars byen.  Yer mon’n koz avek Marius ki en basketballer sorti Praslin yer swar e avan ti avek Arnaud osi en manm tim Drifters e yer swar i paret ki keksoz ki pe settle. So alor mon ti oule reasir tou dimoun ki keksoz i an men.  E out fason nou annan en kestyon dan Lasanble kot 2 Minis – Minis Faure ek Minis Lasante pou vin reponn kestyon bann Manm, zot a ganny plis leklersisman lo sa plague – sa Lapeste epi bann kondisyon bann zenn.  Mon ti a kontan osi profit lokazyon pou felisit bann ansennyan akoz sa semenn parey zot konnen i Teachers Week – i annan Teachers Day apredmen kot bann zenn ek Management Ledikasyon i onor e selebre kontribisyon e zefor ki bann teachers in fer dan ledikasyon nou bann zenn.  E mon ti a kontan osi koman en dimoun ki’n travay dan Ledikasyon pandan lontan felisit Ms Therese – Therese Azolan ki’n ganny en pri pou longest Serving Teacher pou sa lannen.  I touzour avek lafyerte ler ou’n kontribye dan Ledikasyon.  E Therese anfet koman son Science Lecturer in the ‘70slate ‘70s at former TTC.  Mon rapel egzakteman kot i ti asize dan laboratwar.  Felisitasyon pou 44an servis.  Felisitasyon tou bann teachers ki kontinyen lite, trimouse pou fer sir ki nu zanfan i ganny le meyer pou lavenir e alor mon swet zot de lapar Lasanble Nasyonal en bon Teachers Day e en bon selebrasyon byen merite.  Parey labitid avan nou komans nou travay serye avek nou bann Papye ki lo Revised Order Paper ki zot tou zot annan.  Mon ti a kontan partaz 2 anecdote oubyen 2 zistwar ki mon’n eksperyanse sa semenn.  Ou konnen premye i otour travay.  Nou’n koz bokou dan Lasanble lo travay.  Tou lede Leaders in kot lo lenportans travay, travay.  Dimans ler mon’n al State House pou parti Senior Citizens ki ti tre, tre byen organize.  Mon pou bezwen felisit Komite Dimoun Aze, mon’n osi mon’n cross border 5an pase mon’n ariv laba e mon krwar zot merite ganny felisite ki mannyer zot in organiz sa parti ki ti tre, tre byen; latmosfer ti fantastik.  Mon krwar i premye fwa ki zot fer li le 01 Oktob.  Mon ti vwar en zenn garson pe zwe gitar avek en group marmay lekol ti pe sante.  Mon krwar mon lizye enn ler i en pti pe kaylous kaylous, mon dir sa mon krwar en dimoun ki mon konnen.  E finalman letan nou’n fini, prezan nou pe ale mwan osi mon pe ale, mon bezwen al fer en pti letour al get mon bann Senior Citizens Anse Boileau.  So mon’n fer letour finalman mon’n bat zisteman avek manrmay sa lekol avek zot teacher. E mon ti komans koz ek li mon dir mon pa ti konnen ou zwe gitar.  E mon ti ava kontan akoz zistwar 2 minit sa teacher akoz mon krwar i en lenspirasyon pour nou.  Sa zenn i fer lekol Lendi ziska Vandredi ziska lekol i komanse ziska i fini.  I al kot li, epi i repran travay kot Eden Island kot mon lwe en apartman e mon pey mwan menm, i al laba i travay dan Gym Eden Island depi 6er ziska 9er diswar.  Gym i fermen Sanmdi apre midi   ek D      imans apre midi, i dir mwan i al debourye.  Mon demann li ki mannyer ou al debourye?  I dir mwan i al fer scuba diving apre i en skipper i al ek touris pou li gannyen en pe larzan.  So mon dir, ‘’Mon frer be ou pe tay deryer larzan ou la?’’  i dir mwan, ’Non, non Ton Pat. Sa ki mwan mon pa’n gannyen ou ou’n gannyen mon annan en fiy mon oule li i gannyen. ’Mon dir be ki ou pe dir mwan?  I dir mwan koumsa, i bezwen fer sa 3 travay e souvandfwa dan en semenn i fer 4 travay pou li pey lekol prive son fiy.  Mon ti vreman emerveye e mon ti promet li e mon pe fer li pou partaz son zistwar avek piblik Seselwa.  Akoz enn – i annan zenn Seselwa ki responsab.  I annan dimoun dan Sesel ki zenn ki pe travay dir e i annan role models ki nou lezot zenn i kapab swiv.

Alor Jemmy mon felisit ou, e mon’n vin piblikman pou dir sa akoz mon krwar ou en lenspirasyon pou lezot zenn.

2enm dimoun mon ti bat avek sa dernyen 7 zour, ti en madanm apepre middleage ki ti’n ganny abize seksyelman ler i ti annan 8an.  Vi ki nou’n deza koz sa, ti annan Mosyon ki’n pase nou ti’n deza koz sa.  Mon ti enterese pou ekout son zistwar.  Me pli enportan mon ti anvi konnen ki mesaz li i ti anvi mon pase dan Lasanble, atraver sa leksperyans ki li in gannyen pou evite ki lezot dimoun i pas ladan.  Alor mon ti ekout li.  E mon a sey sum up sa dan 2 minit.  Avan nou pran nou 3enm pwen lo nou Order Paper. 

I dir mon sa laz 8an i pa ti konnen poudir i ti pe ganny abize.  I pa ti konnen ki savedir abize par son boper.  In viv avek me la dernyerman ler dimoun in konmans koz lo la ki i kapab ankouraz e napa sa laont pou li koz lo la.

Me pli enportan mon’n dir li, mon’n demann li en kestyon mon dir be ou prezan ou en paran, mwan osi mon en paran.  Ki mesaz ou ti a pase?

Mon asiz dan sa sez Mardi ek Merkredi mon ganny sans koz ek Seselwa.  Ki mesaz from ou, ou ti a kontan dir.  Akoz sa i pou ed ou eklersi ou lestoman eklersi ou lespri i feel less guilt i dir mon en keksoz.

E mon pe pas sa as promised to sa madanm.  I dir mwan dir bann paran koz ek zot zanfan.  Dir zot paran koz ek zot zanfan.  Mon dir, ‘’donn mwan en pti pe plis leklersisman, ki oule dir.’’

I dir mwan mon konmela mon ti rekonmans ankor mon ti en zenn paran, mon ti pou edik mon bann zanfan depi tre boner.  E mon pe dir ou fransman mannyer mon pe vann parey mon’n aste.

Mon ti poudir zot tre boner ki sa ki devan zis papa ek manman ki kapab touse.  Personn napa drwa touse eksepte papa ek manman zis ler ou pran ou bath pe bennyen oubyen si ou’n malad.  Oubyen ou annan en problenm.

I dir mwan si i ti’n konn sa mon ti a realize i mal.  Alor mwan mon mesaz ki mon pe pas ek paran zenn, mwen zenn, gran paran pa per pou zot koz ek zot zanfan.  Koz ek zot zanfan dir zot si okenn dimoun i sey tous zot malapropo i mal.  E zot bezwen vin dir zot paran. I annan serten landrwa sel dimoun ki kapab tous zot se manman papa oubyen mer oubyen granmer.

Sa  mesaz ki sa madanm in dir mon pase.  E mon espere ki i en mesaz mon krwar konman en papa konman en edikater ki i en mesaz tre enportan e pwisan.  E mon espere ki sa mesaz tou paran i koz ek zot zanfan.

Ptipti, adolesan, ou gran menm, si gran napa pti zanfan gran zanfan, zanfan i zanfan.  Ou bezwen koz ek ou zanfan.

Mersi pou ekout mwan.  E prezan mon krwar nou a pas lo prezantasyon Papye  –Paper e mou a demann Minis Finans Lekonomi Trade avek Economic Planning Minis Dr Larose pou prezant ou leko vini dan Lasanble nou envit li pou li vin Lasanble.  Pou li prezantasyon papye lo Midyear Economic and Fiscal Outlook Septanm.  In fini anvoye.  Prezan nou pa nou al drwat kot PNQ.  Thank you Clerk. 

        Mon dir zot toultan ki mon pe aprann e mersi kantmenm ou’n montre mon la mon pa’n tro, tro lir instead mon’n buzy  pe donn mon bann mesaz.

So nou ava al drwat kot PNQ parey mon’n dir taler lo sa zafer Lapest la i annan 2 Minis ki pou vini.  E nou a envit toudswit Minis Larue ek Minis Jean-Paul Adam, pou vin zwenn nou in Chambers.  Sorry about that efektivman ou ti mete lo mon papye.  Me mwan mon’n kaylous en pti kou, i arive.

Minis Larue, mon pa konnen lekel ou bann Zofisye ki oule i vin devan kot ou i annan 2 plas.  Ms Rousseau, Dr Louange, oubyen Dr Reginald, mon pa konnen lekel zot ki oule vin devan.  Dr Louange oule vin devan? Ms Rousseau, Dr Gedeon in deza la.  Sorry i ok ou kapab asiz laba.

Minis Larue oule zis Madanm Ms Rousseau o-bor ou? Ou ok avek sa, oubyen oule en lot dimoun?  Nou kapab annan en sez ekstra si oule.  Ou ok?

        Ok byen be mon a swet labyenveni 2 Minis.  Minis Larue, ki Minis pou Spor, e i ganny akonpannyen par Mr Jean Larue son Special Advisor, PS Sport Mr Fabien Palmyre e Ms Giovana Rousseau CEO NSC ki nou tou, nou konnen.

E Minis Adam ki Minis Lasante i ganny akonpannyen par Dr Gedeon, Dr. Jude Gedeon, ki Komiser Lasante.  Dr Louange Chief Executive Officer Health Care Agency – Dr Reginald Special Advisor to the Minister.

E avek sa toudswit san tarde, mon a demann loter Private Notice Question pou prezant son kestyon.

 

HON WAVEL RAMKALAWAN

Mersi.  Mr Speaker bonzour.  Bonzour tou bann Manm Lasanble.  Bonzour bann Minis ek tou zot delegasyon, e tou dimoun ki pe ekoute.

Mr Speaker mon osi tou mon zwenn ou, mon zwenn sa parol ki ou’n dir avan mon demann sa kestyon, pou nou eksprim kondoleans avek lafanmir Mr Allisop ki’n perdi son lavi, dan bann sirkonstans vreman tris e mon osi partaz sa menm santiman avek staff NSC,  e sa Minister, parske mon konnen ki pou dir sa lanmor in pran zot konman en sok.  E ki zot in zot osi zot pe pas dan  sa soufrans.

Mr Speaker vi ki sityasyon enkyetan an Madagascar kot en lepidemi maladi Lapest pe fer ravaz.  E bokou dimoun enkli en Seselwa in mor.  Eski Minis Lasante e Minis Sport i kapab dir Lasanble premyerman, ki bann mezir sanniter ki Minister Lasante pe pran, pou anpese sa maladi tre kontazye i ariv Sesel?

Dezyenmman ; eski parmi sa bann mezir i enkli kennsel vol Air Seychelles ver Madagascar?  Trwazyenmman ; akoz ki baz Coast Guard ki’n ganny servi koman karantenn?  E kan eski sa Minister pou etabli en karantenn permanan pour Sesel?  Ki’n arive avek lekor Mr. Allisop? Akoz ki Minister responsab pou sport ti donn permisyon pour nou bann lekip basketball al Madagascar vi ki nou ti konnen ki se dan sa peryod ki sa maladi i pli aktiv? E finalman Akoz ki tou bann atlet pa ti ganny prophylaxis pour sa maladi koman en prekosyon parey zot donnen pour malaria.  Mersi bokou Mr Speaker.

MR SPEAKER

Mersi Onorab Leader Lopozisyon.  Mon krwar nou a donn laparol premyerman Minis Lasante.  Minis.

 

MINISTER JEAN-PAUL ADAM

Mersi Mr Speaker.  Mr Speaker Onorab Leader Lopozisyon, Leader, Zafer Gouvernman, bann Manm Onorab isi prezan,  e ki tou bann dimoun ki pe swiv nou deba,  bonzour, e mon ti a konpetan osi premyerman prezant mon kondoleans personnel osi byen lo non Prezidan Danny Faure,  e tou Gouvernman, avek lafanmir Mr Allisop.  Son lanmor in tous nou en kantite. E i enn ki afekte mon krwar tou Seselwa.  E sirtou dan lakominote sportif.

Mon krwar Mr Allisop osi i en dimoun ki’n kontribye en kantite dan devlopman spor dan nou pei, sirtou basketball.

        I en dimoun ki’n montre bokou lanmour pou sa spor.  E osi bokou lanmour pou son pei.  E mon kapab dir i en vre patriyot e nou salye son kontribisyon ozordi.

Mon ti a kontan dir Mr Speaker osi o de par lenportans osi pou nou ansanm Gouvernman ansanm ek bann Manm Lasanble, pou nou montre sa solidarite sa sipor anver nou bann atlet ek bann zofisye ki aktyelman anba sirveyans ek lobzervasyon dan Lakademi Militer Perseverance.

E donn zot tou sa sipor e fer zot konnen pou dir nou pe mazin zot, e ki nou konnen zot in pas dan en keksoz vreman difisil en sityasyon ki pa fasil.  Me ki nou konpran ki zot pe al dan sa bon direksyon e ki nou pou kapab ansanm ariv lo en rezilta ki meyer pou nou tou konman seselwa.

Mr speaker an se ki konsern Lapest i pa en maladi nouvo malerezman dan Madagascar.  Annefe i en maladi ki andemik Madagascar dan 2 lezot pei osi dan lemonn.  Me osi dan lezot pei kot i pa andemik parfwa i annan enn de ka ki ganny raporte.

Lapest i ganny koze par en bakteri ki apel yersinia pestis e i annan 3 kalite Lapest prensipal.  I annan Lapest Bubonic ki ganny transmet par bann pest ki ganny enfekte e viv lo lera.

E sa i ganny karakterize par bann glann ki gonfle, e serten lezot sentonm.  Sirtou sa enn ki regilyerman ganny vwar Madagascar.

        Me i transmet mwen fasilmank i Lapest pulmonic.  E as se ki konsern lapest pneumonic, sa i ganny transmet par bann gout delo ki sorti dan sistenm respiratwar en dimoun, ki enfekte avek sa maladi letan i touse oubyen letan i eternen.  E se sa maladi en pti pe pli

virilan ki konmela pe konmans propaze Madagascar.    E trwazyenm form se form septicemic e sa i arive letan sa bakteri i rantre dan disan e propaz dan lezot parti lekor.

Mr Speaker sa lepidemi Madgascar ti annan en ka, eskiz mon sa lepidemi Madagascar ti ganny devwale ofisyelman, par Lorganizasyon Mondyal Lasante le 26 Septanm 2017.

Dapre bann lenvestigasyon ki’n ganny fer par Lorganizasyon Mondyal Lasante – WHO premye ka ti ganny raporte le 27 Out me sa ti ganny dekouver Tamatave. 

Me a sa moman sa bann ka Lapest ti plito dan bann landrwa izole otour Madagascar, parey mon kapab dir i son ka abitye.  E a sa moman la WHO pa ti ankor fer okenn raport konmkwa i annan en lepidemi.

Premye ka ti ganny raporte Tananarive le 11 Septanm.  Me ankor enn fwa ti napa okenn alert a sa staz, akoz i pa ti ankor ganny deklare konman en lepidemi.

Parey mon’n deza dir premye alert WHO dan direksyon ti sorti le 26  Septanm.  E ziska dernyen lenformasyon ki azour ziska Dimans swar le premye Oktob i annan 73 ka lapes pneumonic, e i annan 58 ka bubonic plague, oubyen lapest bubonic in ganny raporte.

Dan sa diferan ka i annan 21 ka kot dimoun in mor.  E sa i enkli malerezman enn nou konpatriyot – parey mon’n deza dir.

I premye fwa ki sa lepidemi sirkil avek sa lanpler Tananarive e WHO ek lezot partenaire in de plway plizyer lekip pou ede met sa lepidemi anba kontrol.

I enportan pou note an term sa Lapest ki son peryod kot i kapab devlope sa ki nou apele incubation period, i ant enn a sis zour.

Bann siny prensipal e bann sentonm se lafyev, latet fermal, lekor fermal, latou ek flenm ki kapab annan disan ladan.  Difikilte pou respire e glann gonfle dan bann ka Lapest bubonic.

        Lapest i ganny trete fasilman.  I pa en keksoz ki difisil pou trete, e sela sirtou mon le donn sa lasirans avek nou bann dimoun ki anba sirveyans.  Me osi an zeneral avek lepep Seselwa. Akoz i enportan ki nou pa zis kree en panic.  Akoz i enportan ki nou konpran sa maladi.  E Lapest  i kapab ganny trete fasilman ek bann antibyotik e sirtou letan en dimoun i komans sa tretman boner  rezilta i preski 100poursan.  Tou sa bann antibyotik neseser nou annan isi Sesel e sa i enkli dan premye faz akoz nou annan plizyer laliny tretman – dan premye faz  nou annan opsyon pou nou donn prophylaxis parey doxicycline  ek tetracyclic oubyen ciprofloxacin oubyen …..  Sa i dan en premye laliny tretman.  2enm laliny tretman, savedir kot sa dimoun i demontre lafyev oubyen nou annan soupsyon konmkwa sa dimoun i kapab  efekte avek Lapest, nou  kapab pas li dan en tretman  par kot nou kapab donn li en tretman dan lavenn e la kot nou kap donn zot Gentamicin oubyen streptomysin.  Alor sa i bann tretman ki nou kapab  met a dispozisyon. An se ki konsern mezir Sanniter ki Minister Lasante pe pran,  depi ki Lotorite in ganny alerte ki i annan Seselwa ki’n mor Madagascar, i  fodre note ki premye rapor ki nou ti gannyen se ki in mor avek lemoni.  Se depi sa moman nou’n an kontak laba pou demande ki en lakoz definitif lanmor  sa msye i ganny fer.  Nou ti’n fek resevwar lenformasyon enformel ki i annan plizyer ka Lapest ki’n deklare laba.  Me okenn lenformasyon ofisyel.  Demars in ganny fer ki tou atlet e zofisye ki’n kapab annan   kontak   avek nou konpatriyot ki ti’n ganny sa maladi i resevwar bann antibyotik e sirtou sa ki nou apel bann post-exposure prophylaxis e nou  ti fer sa bann  antibyotik sa bann prophylaxis monte Madagascar le 29 Septanm  akonpannyen par en zofisye ki ti pe al Madagascar e in donn sa avek tou sa bann atlet.  Lotorite Lasante Piblik in fer sorti osi en konsey sa ki nou apel en Tavel Advisory ou demann ki dimoun i evite voyaz Madagascar amwen ki i vreman neseser.  Bann dimoun ki oblize voyaze e ki pou bezwen voyaze Madagascar  ki napa swa e ki vreman pou en rezon ou en lot esansyel i bezwen ale, i bezwen ar kot CDCU pou resevwar ban konsey e osi si i neseser bann medikaman pou kapab pran pou kaba prevwar pou anpes sa maladi si i neseser.  Bann atlet ek bann zofisye ki ti avek sa msye ki’n mor, ki’n kapab annan kontak avek li pandan ki i ti malad in ganny met an obzervasyon e sa i ou kapab dire pou 6 zour depi ki zot in kit Madagascar.  E sa pe ganny fer kot Lakademi Militer kot Perseverance.  Mon ti a kontan dir ki  mon krwar akoz plizyer kestyon ki’n ganny lev-e lo sa size, e Dr Gedeon plizyer fwa in koz lo medya, i enportan pou nou konpran laliny  prevansyon ki ganny pran kot ankor i annan plizyer prosedir ki’n ganny met an plas depandan sa kontak ki en dimoun i kapab gannyen avek en dimoun ki annan Lapest. Alor baze lo  bann atlet ek bann zofisye ki ti sorti Sesel pou al Madagascar, e en gran kantite zot ki ganny  in annan kontak avek en dimoun ki’n konfirmen ki konmkwa in ganny Lapest; dan sa ka, sa bann dimoun ki’n ganny konfirmen  ki an kontak i ganny met anba lobzervasyon.  E sa i pou en rezon sirtou pou protez premyerman sa bann dimoun, pour nou kapab obzerv zot dan en sityasyon kot si zot montre okenn sentonm ki nou kapab pas deswit dan en lot – dan sa lot laliny tretman kot i neseser.  I enportan pou diferansye ant bann dimoun ki annan kontak avek en lot dimoun ki’n annan Lapest  e avek en dimoun ki’n zis al Madagascar.  Dimoun ki’n al Madagascar nou osi nou annan mezir sirveyans ki nou ava koz lo la en pti pe plis an detay apre.  Me i diferan avek en dimoun  ki’n konfirmen konmkwa sa dimoun in annan kontan avek en dimoun ki annan Lapest.  An menm tan i enportan pou  konpran ki menm sa bann dimoun e sa 58 nou bann atlet zofisye ki’n annan kontak avek en dimoun avek en dimoun ki’n malerezman desede avek Lapest.   I pa vedir sa bann dimoun i kontazye.  Ok?  O kontrer a sa moman, tou  sa bann dimoun i an bonn sante ; napa siny lafyev, zot napa okenn sentonm ki konsistan avek Lapest e nou annan bokou, bokou konfyans ki tou sa bann dimoun i toutafe dan en bon kondisyon lasante.

Pou en dimoun kapab transmet sa maladi, i bezwen dan faz kot son lafyev in lev-e.  I bezwen annan en faz kot sa maladi pe atak li.

E okenn nou bann atlet e nou bann zofisye, okenn sa bann dimoun pa dan sa faz.  E sa vedir ki sa bann dimoun i pa annan en risk kontazye, vizavi bann lezot dimoun a sa moman.

Me pou bann rezon lobzervasyon e anliny avek bann pratik Lorganizasyon Mondyal Lasante, i enportan ki nou met zot dan len landrwa zot tousel kot nou kapab pli byen obzerv zot e osi vwar ki mannyer zot sityasyon i evolye.  E dan sa peryod kot sa maladi i kapab demontre son lekor.  E sa i sa enn a 6 zour.  E alor sa bann dimoun pou kapab sorti Vandredi sa semenn si tou keksoz i al byen. E pou lemoman tou keksoz pe al byen.

I enportan osi pou note ki sa peryod kot sa maladi i kapab propaze i vreman kourt.  I aktiv dan ler apre ki’n ganny sorti dan lekor en dimoun dan laform bann pti bout delo – bann droplets parey nou dir.  Pou zis detrwa minit.

Alor son peryod ki kapab afekte en dimoun, i vreman kourt.  E si ou pran bann mezir ki nou’n deza met an plas, par egzanp avek nou bann atlet ek nou bann zofisye ki zot in ganny mete lo prophylaxis apartir le  29 Septanm.

E si ou vwar osi letan ki’n deza pase depi lanmor Mr Allisop zot risk pou zot enfekte i ba.  Me nou bezwen pran en lapros konservatif, anliny avek bann rekomandasyon Lorganizasyon Mondyal Lasante.  E osi asir pou nou donn zot sa sipor posib, o maksimonm ki nou kapab, pou nou met zot dan sa kondisyon pou nou kapab donn zot sa  sirveyans sa lobzervasyon e osi bann lot sipor.

Mon fer en lapel avek tou Manm Onorab konman bann Leaders dan nou kominote, pou nou montre sa solidarite anver nou bann dimoun ki aktyelman dan sa fasilite.  E pou nou osi fer pep Seselwa konpran, poudir sa bann dimoun i la konman en mezir  prekosyon, ok?

        Akoz nou’n vwar en kantite keksoz lo bann rezo sosyal kot dimoun malerezman pa pe ekout bann rekomandasyon ki Minister Lasante pe fer sorti.  E zot pe rantre dan bann spekilasyon.

E mon demann tou bann Manm Lasanble, mon demann tou popilasyon Seselwa annou reste fikse lo bann  fe.  E annou reste fikse osi lo levidans syantifik, e osi bann  konsey ki ganny donnen par bann profesyonnel lasante.

Mr Speaker bann lezot mezir ki nou  pe pran, se nou pe osi konsey bann Lakonpannyen ki annan bokou travayer Malgas isi Sesel pou zot demann sa bann anplwaye pa pou pran konze aktyelman e pou zot evite fer vwayaz Madagascar

        Bann dimoun ki bezwen fer vwayaz Madagascar e letan zot pou retournen zot pou bezwen anba sirveyans pasiv, pou 6 zour letan zot retournen.

Diferans sirveyans pasiv e sirveyans aktiv, sirveyans pasiv savedir sa dimoun pou ganny verifye toulezour par zofisye lasante piblik.  E da sa verifikasyon pou kapab vwar son bann sentonm.  Me par egzanp dan bann ka anplwaye sa bann dimoun pa pou kapab travay pandan sa peryod.  Alors se pou sa i enportan ki bann anplwayer  i respekte sa konsiny.  E evite ki zot travayer i retourn Madagascar dan sa peryod.

An se ki konsern bann viziter, ki pe sorti deor, e ki pe vin Sesel ;  nou’n met anmezir an plas lo Airport, sa i enkli en form ki disponib deza lo Airport  pou tou bann pasaze ki pe arive.  Kot zot pou bezwen deklare, si zot in al Madagascar, si zot annan akse avek bann landrwa kot Lapest i a risk.  Oubyen si  zot in annan kontak avek en dimoun ki’n kapab annan Lapest.

E osi swivan sa kestyonner ki ganny ranpli, zot ganny swiv par bann Zofisye Lasante Piblik si zot Sesel.  E si zot pe al dan en lot pei, sa lenformasyon i ganny transmet avek bann Lotorite konsernen.

An se ki konsern nou osi i enportan pou nou note Mr Speaker, ki nou osi dan sa sityasyon an kontak avek rezo rezyonal pou vey sanniter sa ki apel rezo SegaNet ki i en linisyativ dan konteks komisyon L’Océan Indien.  En kantite bann lenformasyon ki nou’n kapab gannyen in vin atraver sa rezo.  E nou pe kontinyen osi  donn bann lenformasyon atraver sa rezo.

Mr Speaker an se ki konsern kestyon lo bann mezir konsernan par egzanp bann vol Air Seychelles anver Madagascar e si i annan nesesite pou en kennsel sa bann vol; pou lemoman nou pe swiv konsey WHO e pou lemoman WHO pa pe rekomann bann lenstriksyon lo vwayaz oubyen bann komers avek Madagascar. 

E pou  lemoman tou bann lezot Konpannyen avyon osi pe mentenir zot vol.  Nou pe kontinyen revwar sa sityasyon ; nou pe kontinyen vwar ki mannyer sa lepidemi i evolye.  E nou pou vwar si i neseser pli tar pou nou pran en desizyon pou kennsel sa vol.  Me pou lemoman nou pe swiv bann levidans spesifik, e bann rekomandasyon ki pe ganny fer par bann eksper.  E pou lemoman  sa pa en desizyon ki’n ganny pran.  Me parey mon’n dir i en keksoz ki nou pou kontinyen etidye an kolaborasyon avek Air Seychelles, an kolaborasyon avek Minister Tourizm.

I enportan pou note dan ka Air Seychelles la gran mazorite pasaze, i bann pasaze ki an tranzit pou lezot destinasyon.  Me nou pe kontinyen swiv sa bann evolisyon.  E parey mon’n dir osi nou pe rekomande ki Seselwa i evite vwayaz Madagascar, amwen ki vreman i esansyel.

Mr Speaker an se ki konsern litilizasyon baz Coast Guard; annefe nou pe servi fasilite formasyon pou bann militer ki baze Perseverance o-bor sa baz kop Coast Guard.  

E mon ti a kontan presize ki nou pa pe konsider sa konman en karantenn, me konman en baz sirveyans ek lobzervasyon.  Akoz parey mon’n deza eksplike okenn sa bann dimoun pa dan en faz kontazye.

Ok ?  Sa bann dimoun i dan en faz kot nou kapab konfirmen pou dir zot annan kontak avek en dimoun ki’n annan Lapest.  E se pou sa rezon zot anba en sirveyans e lobzervasyon aktiv.  Me pou lemoman zot pa ganny konsidere koman kontazye.  E mon repet sa pou, i tou pep Seselwa i konpran ki nou konpran ki mannyer sa maladi i evolye, e bann tretman ki kapab ganny swiv.  E konsiderasyon pou servi sa fasilite e baze lo lakantite dimoun.  Nou annan 58 dimoun ki’n bezwen ganny mete laba.  E parey mon krwar zot tou zot ava konpran, napa bokou landrwa dan nou pei ki fasil pou kapab pran sa kantite dimoun a en moman a nenport ki moman.

Dan sa kestyon Mr Speaker, mon note osi ki’n demande kan nou pe etablir en fasilite karantenn permanan pou Sesel.  E mon ti a kontan dir konteks meyer pratik lasante piblik laplipar pei pa pe vreman fer sa ki nou apel en sant karantenn permanan.  Akoz sa i en fasilite ki annefe i ganny servi tre rarman.  E pou laplipar pei sa i reprezant en lenvestisman, ki ou pe koul larzan dan en keksoz ki kout tre ser.  Me son nesesite i minime,

Me sa ki pli enportan se kot nou annan en Sant Izolasyon, Lobzervasyon ek Sirveyans.  E annefe Mr Speaker sa nou’n prevwar pou nou konmans lannen prosenn.  E nou’n fer sa demann pou nou ganny resours neseser pou konstrir sa dan Bidze 2018.

E apriori, a premye diskisyon ki nou’n gannyen avek Minister Finans, ki sa in ganny prevwar pou konmanse dan Bidze 2018.  E sa fasilite Izolasyon  ki nou pe prevwar i pou apepre 20 a 30 lasanm.  E i mars ansanm, e fodre nou gard antet i pa zis dan ka par egzanp en maladi kontazye ki nou pou servi sa fasilite, i dan plizyer diferan ka kot ou kapab annan sa nesesite ; okenn maladi kontazye ou annan petet TB ; ou annan petet serten lezot maladi kontazye a serten moman kot ou bezwen met en pasyan dan sa sirkonstans, dan sa fasilite.

Nou si parfwa annan en pasyan par egzanp ki vyolan kot parfwa ou bezwen annan en fasilite apropriye.  E i annan serten sirkonstans osi, kot sa i neseser kot i kapab annan sa sipor pou sa pasyan ki diferansye ki avek en pasyan ki dan Lopital normal.

Lot eleman pou gard antet vizavi sa sirkonstans ki nou ladan.  Se ki si ou pran legzanp ka k i aktyel ki nou annan, ki nou annan 58 dimoun. Menm avek sa fasilite nou ti pou bezwen rod en fasilite dan piblik.  Nou ti pou bezwen rod en lot fasilite ki kapab ganny servi, akoz lakantite dimoun.

E alors sa ki enportan dan prensip lasante piblik, se bann mezir pou azir kot i neseser pou kapab asir sa swivi sa sirveyans ek sa lobzervasyon.

Alor dan nou ka Sesel, lenportans se ki pou annan plizyer landrwa ki nou kapab servi, ki disponib pou nou kapab met bann dimoun a risk ;  swa pou bann rezon obzervasyon ek sirveyans.  Oubyen bann ka ekstrenm kot ou bezwen met zot an karantenn. E avek sa sipor medikal apropriye.  Dan ka sa i enportan osi pou, nou konpran ki en Sant  Izolasyon ki nou pe apele ki nou pe met li dan sa Bidze pou  2018.  I pa devret en landrwa ki lwen avek Lopital.

Annefe provizyon pe ganny fer pou sa ganny fer dan konpleks Lopital li menm li.  Akoz i enportan ki ou kapab ofer sa swen medikal dan en fason imedya.

Me dan bann ka kot nou bezwen fer sa sirveyans  pou, en gran nonm dimoun, la nou bezwen e Lotorite Lasante Piblik i annan sa pouvwar nou bezwen deziny en landrwa lo en baz tanporer.  E se sa ki nou’n servi sa Lakademi Militer ki o-bor baz gard kot, baz kot Coast Guard.  Parey i leka aktyelman.

Mon’n ganny sans koz avek bann diferan dirizan, bann diferan delegasyon.  E zot in eksprim avek nou byensir serten konsern lozistik.  An term letablisman sa landrwa e nou aksepte ki serten bann kondisyon pa ti ideal lo premye zour.

E mon ti a kontan reasir zot dan Lasanble, ki mezir pe ganny pran poum adres tou sa bann diferan eleman.  E mon krwar letan nou’n koz ek bann sef delegasyon yer mon krwar bokou amelyorasyon deza in ganny fer.   E serten bann lezot amelyorasyon pe ganny anmennen la.

Mon ti a kontan dir osi ki nou konpran sirtou sa presyon psikolozik ki sa bann dimoun i anba la.  E mon ti a kontan eksprim mon ladmirasyon  pou zot kouraz e zot determinasyon, lafason ki zot pe azir an sodalité antre zot.

E sa i vreman legzanp sa lespri sipor ki egziste ant atlet. E osi ant Seselwa e mon krwar nou tou ankor enn fwa nou bezwen montre demontre nou konpasyon e nou sipor pou zot.

Mr Speaker an se ki konsern kestyon ki pe ganny fer avek lekor defen Mr Allisop; avek permisyon fanmir lekor Mr Allisop pou ganny brile, parey nou dir an angle cremated.  Sa i anliny avek Lalwa Lasante Piblik isi Sesel.

E nou deza kominik ek sa avek Lotorite Madagascar atraver Minister Zafer Etranzer.  Mon ti a kontan osi felisit lafanmir pou zot kouraz, zot sipor, zot determinasyon vizavi en sityasyon ki tre difisil.

E zot in vreman mon kapab dir i montre en kolaborasyon egzanpler.  E mon salye zot lafors dans a moman ki vreman difisil.

Apre ki son lekor in ganny brile, Gouvernman pe fer le neseser pou son lasann ganny rapatriye isi Sesel.  E swivan demann fanmir, nou pe swiv sa de pros pou asire ki sa i ganny  fer  dapre bann nonm ki nou aksepte isi Sesel, e pou os i asire ki zot kapab  ganny sa lasann defen Mr Allisop.

An se ki konsern sa kestyon lo permisyon, mon krwar Minis Larue mon krwar i ava donn serten detay.  Me zis mon ava note Mr Speaker ki avan le  26 Septanm ti napa okenn konsey oubyen bann Travel Advisory ki ti ganny donnen par okenn Lotorite tel ki WHO oubyen bann Lotorite Enternasyonal Madagascar. 

Napa okenn lezot tim dan larezyon osi ki’n aret zot vwayaz pou sa rezon, akoz a sa moman ki sa konpetisyon ti pe konmanse.  Mon krwar ti napa levidans ki sa maladi ti pe propaze parey i pe parey nou vwar i pe propaze aktyelman.

Mr Speaker am term dernyen parti kestyon, an se ki konsern bann atlet akoz zot pa ti ganny prophylaxis pou sa maladi avan zot ti ale konman en  prekosyon.  Rezon senp se ki sa i pa meyer pratik baze lo bann rezilta  klinik.

I enportan pou nou konpran diferans, kestyon i dir akoz nou pa fer li parey malaria.  I enportan pou nou konpran lo baz syantifik diferans ant malaria ek Lapest.  Malaria i en maladi ki en baz en parazit.  Tandis ki Lapest i en bakteri, e alors son fason enfekte i diferan.  An term malaria serten prophylaxis i ganny donnen konman en mezir prevansyon.  E diferan prophylaxis i kapab ganny donnen, pandan lo sa dimoun ; akoz i annan dimoun i reazir dan en fason negatif lo serten medikaman.

E osi nou ava note avek malaria son doz par egzanp i en fwa par zour.  Tandis letan ou pe donn preemptive prophylaxis dan ka Lapest ou bezwen fer li omwen 2 fwa par zour.

E osi baze lo gidans ki ganny donnen par WHO e gidans syantifik, akoz i annan sa diferans ki ant en parazit ek en bakteri.  Letan ou pe pran prophylaxis tro souvan, oubyen ou pe pran li an avans, annefe ou ogmant sa risk ki i annan en ki sa prophylaxis pa pou marse, akoz i devlop en serten limite.

Alor lenportans avek bann prophylaxis ki ganny preskri, dan bann ka kim byen idantifye letan en dimoun in annan kontak avek en pasyan oubyen en dimoun ki konfirmen konm krwar i annan Lapest.

Si ou pou donn li pli zeneralman i pa pou forseman annan sa lenpak ki ou ti ava swete i annan.  E sa i baze lo bann levidans syantifik ki’n ganny pibliye par WHO, me osi bann lezot eksper medikal.

E sa ki nou pa anvi fer se ankouraz rezistans anver sa maladi, atraver itilizasyon prophylaxis lo en baz tro larz.

An menm tan Mr Speaker e tou bann Manm Onorab, lefe ki nou azir dek ki nou’n konnen pou dir i annan en risk Lapest.  E mon ti a kontan dir ki nou’n fer monte sa bann prophylaxis menm avan ki nou’n ganny konfirmasyon ofisyel ki sa ti Lapest,  nou ti pran en mezir prekosyon.  Pou nou donn sa avek nou bann delegasyon.

E lefe  ki zot tou zot in swiv sa tretman pandan plizyer zour, e i pe kontinyen la, i annan en bon sans ki okenn zot pa’n ganny afekte.  E zisteman tou bann rezilta klinik ki nou annan pou lemoman, sorti kot tou bann atlet ek zofisye baze lo bann lobzervasyon ki’n ganny fer par bann profesyonnel medikal lo sa bann dimoun, se ki zot pa pe demontre bann sentonm ki montre en risk pou le moman, e sa i vreman en bon siny.

Alors zis pou terminen Mr Speaker – avan ki Minis Larue petet i donn perspektiv sorti kot son Minister.  Mon ti a kontan re dir Mr Speaker ki i enportan ki nou les bann Zofisye Lasante fer zot travay.  I enportan ki nou rekonnet ki sa i en travay ki vreman teknik.

E i enportan ki nou evit spekilasyon ; i enportan ki tou nou popilasyon i ekout sa ki sa bann profesyonnel lasante pe dir.

E mon krwar tou dimoun isi i kapab dir ki zot in vwar Dr Gedeon in al lo medya plizyer fwa, e i repet menm keksoz.

E i enportan ki nou tou nou propaz sa mesaz.  Premye mesaz se pou dir ki ou bezwen rekonnet bann mezir ki’n ganny met an plas par Minister Lasante pou nou redwir sa lenpak.  E nou bezwen respekte sa bann mezir.  Nou pa bezwen reazir an panik.  Akoz reazir an panik, i fer plis problenm, lekontrer se rekonnet pou dir i annan en tretman ki tre efikas anver sa maladi.  E si bann protokol i ganny swiv parey Minister Lasante pe dir nou redwir nou risk anver lenfeksyon vini sorti lezot pei.

Pli enportan nou siport sa bann dimoun ki’n ganny ekspoze letan zot ti Madagascar e donn zot sa sipor, ki zot kapab santi zot vreman alez, e ki zot annan sa sipor psikolozik ki neseser.

E mon ti a kontan repete Mr Speaker, i enportan ki nou donn bann Travayer Lasante sa sans pou zot kapab fer zot travay dan en sistematik.

E mon ti a kontan osi remersye zot tou.  Tou sa bann Travayer Lasante ki’n fer sa travay ek bokou devouman.  E ki mon ti a kontan dir osi respekte sa bann protokol ek sa bann prosedir akoz malerezman i annan dimoun ki pe kontinyen senm la panik ki pe kontinyen kree en lenpresyon lo sa maladi ki pa baze lo larealite.

Me nou bann profesyonnel lasante pe kontinyen fer zot travay dan en sistematik.  E mon ti a kontan salye zot zefor isi ozordi.  Mersi Mr Speaker.

 

MR SPEAKER

Mersi Minis Adam.   Minis pou Lasante  e avan nou repran kestyon e deba.  Mon a donn laparol Minis Larue ki responsab pou Spor.

 

MINISTER MITCY LARUE

Mersi Mr Speaker.  Bonzour Mr Speaker.  Bonzour Leader Lopozisyon, Leader Gouvernman, e tou Manm Lasanble.  E bonzour tou dimoun ki a lekout.

Premyerman mon ti a kontan lo non mwan menm mon non personnel lo non Minister Spor Lazenes ek Kiltir pas mon senser kondoleans avek lafanmir Allisop an menm tan avek tou nou bann travayer NSC ki’n ganny vreman afekte par sa pert.

Mon pou dir pou dir Coach Alix ti enn nou travayer e i ti Asistan Kordinater Spor.  E i enn en dimoun ki ti donn bokou, e i ti ganny admire par son bann koleg travay.  E menm Management kot NSC.

        E tou, son bann atlet espesyalman bann dan basketball ki ti vreman kontan lafason ki Coach Alix ti en dimoun disiplinen, e regilye  dan son bann preparasyon pou sa spor.

I domaz ki nou’n perdi li dan en fason parey.  Me nou la pou nou donn sipor.  Par egzanp mwan konman Minis mon’n zwenn ek nou bann travayer NSC, pou nou anmenn sa sipor, sa moral avek bann travayer akoz zot moral ti tre ba.

Nou’n menm ansanm avek CEO nou’n vizit lafanmir pou anmenn en pti pe sa sipor sa senpati, akoz nou santi sa pert.

E mon demann la popilasyon zeneral pou donn sa sipor lafanmir, akoz i pa en keksoz ki fasil.

E mon solider osi avek  tou bann tim, ki ti Madagascar sa letan.  Ki ozordi zot dan Sant kot lobzervasyon.  So mon demann tou dimoun pou nou donn sipor lafanmir o non Gouvernman nou vreman pas senser nou kondoleans.

Mr Speaker mon al lo kestyon ki zot in demande.  Mon pou fer remarke ki tou le lannen i annan bann konpetisyon Basketball Enternasyonal, ki ganny fer dan sak pei manm ki apel IOCC savedir Indian Ocean Club Championship.  Sanpyon lig zonm ek madanm dan sak pei manm zot ganny lenvitasyon pou partisip dan sa konpetisyon.

E cette fois ci konpetisyon ti pe fer Madagascar.  E laba i enkli Mayotte, Maurice, Madagascar li menm avek Sesel.  E menm Comores.  So tou bann tim in al laba e NSC definitivman ki responsab bann Federasyon, nou ti donn lotorizasyon bann lekip basketball pou zot al pran par dan sa konpetisyon Madagascar.

        E bann tim ki ti ale sete Beau Vallon Hits, Premium Cobras avek B Challenge – savedir bann fiy.

E zot ti kit pei Vandredi le 23 Septanm.  Mr Speaker, i enportan pou nou konpran ki a sa letan ti napa okenn alert sorti kot WHO e menm Lotorite Lasante, pou dir dan sa peryod i annan sa maladi Madagascar. 

So i enportan remarke ki si ti annan en tel lenformasyon.  Menm sa bann pei ki mon’n mansyonnen parey Comores, Maurice, Mayotte zot osi, zot pa ti pou kapab pran par.

E plis ankor Madagascar petet zot menm zot ti pou napa drwa organiz entel aktivite.  So dezyenmman Mr Speaker, mon ti a kontan enform Lasanble ki lannen pase menm letan, menm peryod Madagascar ti organiz zwe CJSOI.  Savedir Commission Jeunesse Et Sport L’Ocean Indien.  E sa ti ete bann zenn anba 18an.  E sete dan sa menm peryod letan, ki ankor ti nap okenn alert, sorti kot bann Lotorite konsernen e nou bann zenn ti al partisip dan sa konpetisyon.

So alor Mr Speaker, pou mwan mon krwar lo kote spor nou’n fer sa ki nou ti devret fer.  Nou pa’n kapab anpes nou bann zenn voyaz, e akoz parey nou dir nou bann zenn i bezwen ganny ekspoze avek lezot zwe dan lezot pei.

Me la pou lemoman nou’n vwar ki lefe ki i annan sa alert ozordi.  Nou annan laboks, ki sipoze al Madagascar avek handball otomatikman nou’n fini kennsel zot pa pou annan drwa voyaz-e pou al partisipe.

Ok annou fer rapel osi ki an 2014 ti annan Ebola – Alert Ebola.  E a sa lepok osi ti annan en tim foutbol ki ti pe al partisip dan pou zot zwe foutbol.  E Lotorite Lasante ti donn WHO ti annan Alert Lotorite Lasante ti dir nou pa pe ale, e foutbol osi pa partisipe.  Alor i montre ki ler i annan nou lo nivo sport, nou pran nou responsabilite e nou fer sir ki nou bann dimoun pa travel dan sa letan.  Me parey nou’n dir i domaz, ki ler nou ti ale le 23 ti napa okenn alert, nou bann atlet in ale avek lespri pou zot al ganny en konpetisyon ; pou zot al reprezant zot pei.  E malerezman le 27 nou perdi nou Coach.  E konman nou’n perdi nou Coach le 27, nou nou’n toultan mon menm CEO nou’n toultan an kontak avek nou bann atlet.  Nou vwar konman i ete ki sityasyon ensidswit.

E nou’n fer bann laranzman ki o pli vit posib, son Dimans son Vandredi nou ti organize ki frer avek ser ti monte ansanm avek kolaborasyon Lasante.  Zot in monte ek en nou zofisye enn nou Direkter Mr Remie kot la nou ti ganny prophylaxis ti ganny anvoye, pou ki nou bann atlet i al lo la deswit depi Vandredi.

E apre zot in santi ki nou bezwen retournen menm ki bann zwe pa ti ankor konplete zot in bezwen retournen so nou ti fer bann laranzman neseser pou zot retournen Dimans.

E Dimans ler zot retournen mwan menm konman Minis Lazenes ek Spor ansanm avek Minis Lasante nou ti al rankontre zot Airport, pou anmenn sa sipor ekstra, pou fer zot konpran pou dir zot pa zot tousel.  Nou la avek zot.  E nou pou donn zot sipor pou ki zot reste zot tou zot an bonn sante, pandan sa peryod letan 6 zour ki zot bezwen reste anba lobzervasyon.  Mersi Speaker.

 

MR SPEAKER

Minis mon krwar ou’n reponn kestyon nimero 5 Onorab mon krwar.  Wi Onorab Woodcock, I mean Onorab Ramkalawan sorry. 

 

HON WAVEL RAMKALAWAN

Mr Speaker mersi.  E mon ti ava kontan remersye tou lede Minis pou zot leklersisman.  Petet zis sa dernyen komanter ki Minis Adam in fer e ki mon krwar i pa ti vreman relevan.

Parski zisteman nou demann kestyon dan Lasanble pou nou donn zot posibilite pou eklersi, pou donn lenformasyon lepep Seselwa pou ki napa panik me ki o kontrer dimoun i ganny konfyans.

E ki napa okenn zafer ki konmsi ou a krwar nou pe anpes Minister Lasante travay kontrer nou anvi Minister Lasante i fer zot travay tre byen.  Mersi bokou.

Mr Speaker mon annan enn de kestyon.  Premyerman an sa ki konsern sa verifikasyon pasiv.  E anliny avek sa ki Minis in dir, ki konmsi mon anvi ganny leklersisman vi ki sa bann dimoun ti vwayaz dan menm avyon, ki avek lezot pasaze.  Me an plis ki sa Minis Spor ti’n dir avek nou ki zot ti al lo Airport pou rankontre sa bann dimoun, pou donn sipor.

Konmsi mon pe demann mon kestyon aprezan, vi ki’n annan sa melanz e dan avyon.  Dan avyon ti annan en seksyon spesyal pou nou bann Seselwa konpare avek bann lezot pasaze ?

Konmsi ankor enn fwa pa dan en lespri panik, me dan en lespri leklersisman.  Ki konmsi be zot ti ansanm, tou bann keksoz in ansanm prezan en group in al kot baz Coast Guard, en lot group in al se zot? Konmsi pou mon konman en laik pa konman en profesyonnel and I am sure bokou bann lezot dimoun osi tou i ava pe demann menm kestyon.  Eski i vreman fer sans?  Oubyen eski pa tou dimoun ti devret al dan menm landrwa vi ki nou tou nou ti lo menm avyon, e sa konmsi mon ti a kontan ganny en leklersisman.

Mon ti a kontan osi konnen si in annan depi Dimans, eski in annan okenn bann dimoun ki dan sa sant kot Coast Guard ki’n ganny admet lopital?  Mon ti ava kontan ganny leklersisman zisteman akoz in annan lenformasyon ki poudir i annan en dimoun ki’n ganny admet Lopital si zot kapab eklersi pou nou kapab ganny konfyans.

Festival Kreol pe vini.  E i annan en group i annan en latroup sorti Madagascar.  Ki pou dan ki pou vin partisip dan Festival Kreol.

Ki pozisyon ki Minister Lasante pe pran an relasyon avek sa sityasyon? E Mr Speaker mon dernyen kestyon mon kontan ki nou pe atann ki bann kondisyon ki bann dimoun laba ti pe konplent lo la pe amelyore.

Me eski mon kapab demande ki nou swete ki sa pa arive.  Me ki laprosenn fwa si nou konnen nou pe al dan en sityasyon koumsa, konmsi prepar landrwa byen.  Parske bann portre ki bann atlet ek bann siporter ki dan sa sant bann portre ki zot pe mete bann zorye, matla, kondisyon landrwa i pa donn en bon limaz.

Alors si nou ti a kapab laprosenn fwa pou ki i annan bann preparasyon ki byen, ki ganny fer olye ki nou fer bann amelyorasyon apre ki sa bann portre.  E zisteman lo medya sosyal se sa bann keksoz negativ ki pou pase.  Me si nou, nou fer nou travay avan nou pa ava ganny sa bann kritik.  Mersi.

 

MR SPEAKER

Minis Larue apre Minis Adam.

 

MINISTER MITCY LARUE

Mersi Mr Speaker.  Mersi Onorab.  Mon’n, zis manke dan mon pti sa prezantasyon wi kot i konsern Latroup sorti Madagascar, mon’n fini mon ti’n lyez avek Minister Lasante nou fini vwar pou dir non nou pa pe fer zot vini.  Nou pe demann zot pou zot pa vini, akoz nou pa pou kapab les zot vini, akoz i pa pou konpran akoz i pou mal.

Alor nou’n fini sort out sa zot pa pou partisipe pou sa voyaz.  Mersi Mr Speaker.

 

MR SPEAKER

Minis Adam.  Minis Lasante.

 

MINISTER JEAN-PAUL ADAM

Mersi Mr Speaker.  Mon ti a kontan petet ki Leader Lopozisyon i klarifye son pwen lo sa kestyon lo sa ki mon’n dir.  Akoz mwan mon pa’n santi pou dir mon’n fer okenn lakizasyon konmkwa ti annan okenn demars pou anpes Travayer Lasante fer zot travay.

Mwan ki mon ti pe dir Mr Speaker se ki nou bann Travayer Lasante bann profesyonnel.  Zot fer li zot devwar toulezour pou zot met lenformasyon dan milye piblik.  Zot fer sir pou zot donn sa lenformasyon ki korek.  Sa lenformasyon ki baze lo larealite.  Ki baze lo bann meyer pratik.  E sa i zot rol.

E i enportan pou nou siport zot dan sa travay.  Mon krwar, sa an sertennman sa mesaz pou mon ki mon’n kapab tire dan sa ki mon’n dir.

Prezan mon pa konnen si i annan dimoun ki’n santi pou dir i annan keksoz pe ganny fer pou anpes zot, sa mon pa konnen.

Mwan mon’n dir ki i enportan nou siport travayer lasante dan sa travay ki zot pe fer.  Mersi pou permet mon klarifye sa.

An se ki konsern sa kestyon lo avyon me mon retourn lo mon bann pwen ki mon’n dir dan lentrodiksyon.  E mon ti a demann tou bann Manm Lasanble pou fer sa pwen sorti.  Mon krwar i pa sitan difisil pou konpran.

Akoz dan definisyon nenport ki maladi, ou definir son degre risk vizavi ki mannyer i ganny propaze, ok?

        Sa maladi i ganny propaze selman dan sa faz kot en pasyan i dan son faz aktiv savedir kot i pe manifeste bann sentonm.  Sentonm prensipal se latou, ek lafyev.  Alor tou sa bann dimoun enkli nou bann atlet ek zofisye, ki’n ganny kontak avek en dimoun ki’n konfirmen malerezman ki’n mor avek Lapest.  Zot napa sentonm.  Savedir zot pa ganny konsidere koman kontazye.  Si zot ti kontazye ni mont lo avyon ou pa ti pou monte.  Zot konpran mwan?

I annan en definisyon diferan definisyon ki bezwen ganny swiv.  E si zot dan sa faz kontazye, ou pa pou les zot pran en vwayaz pou al aletranze.

Me rezon ki zot anba sa sirveyans se ki zot in ganny en kontak dan en fason konfirmen, avek en dimoun ki’n konfirmen konmkwa malerezman in mor avek Lapest.

Savedir bann dimoun ki dan sa kriter, zot nivo ki zot in ganny ekspoze i plis ki en dimoun ki par, egzanp zis in al Madagascar.  Zot nivo exposure i pli o, dapre definisyon klinik.

E se pou sa rezon, ou donn zot en sipor spesifik ; ou met zot dan en landrwa kot zot apar zot kapab verifye bann sentonm dan en fason sistematik.  E kot i neseser ou donn zot sa sipor, ou donn zot sa medikaman adisyonnel.  An plis ki sa prophylaxis ki zot pe pran kot i neseser.

E osi rezon ki zot bezwen ganny met apar dan en landrwa anba sirveyans, se akoz sa malad i i propaz vitman.

Alors si pou lemoman okenn sa bann dimoun pa, kontazye.  Me si ti ariv en sirkonstans kot lezot ti devlop bann sentonm, sa kontazyon i kapab ariv vitman.  Se pou sa ki ou pran sa mezir mon kapab dir prekosyon an plis vizavi bann dimoun ki’n konfirmen ki zot in ganny kontak avek en dimoun ki in annan sa maladi.

Alor i pou mwan mon pa tro vwar i konplike; i en diferansyasyon ant bann dimoun ki zis petet in vizit Madagascar.  E bann dimoun ki’n annan kontak avek en dimoun ki konfirmen i annan sa maladi.

Fodre nou gard antet i annan en   san ekek ka Lapest ki’n ganny deklare.  I kapab annan plis me i annan en san ekek ki’n ganny formelman deklare.

E bann prosedir WHO dan bann maladi kontazye parey sa se ou toultan swiv baze lo the last confirm case, ok?.  Dan nou ka nou annan en Seselwa nou konpatriyot konfirmen apre postmortem ki i ti annan sa maladi.  E nou rol konman Lasante Piblik se idantifye tou bann dimoun ki posibilite ti an kontak avek sa dimoun.

Malerezman i annan serten dimoun dan sa group 58 ki zot pe dir nou konmkwa, wi zot ti napa kontak avek Mr  Allisop, ki zot ti napa sa kontak direk.  Me malerezman zot ti dan sa group.

E i pa posib dan en fason syantifik, pou nou dir sa bann dimoun, sa bann i ok sa bann pa ok.  Alor sa group ki ti’n al laba pou bann rezon sportif, nou’n pran sa desizyon ki nou’n met zot ansanm konman en group pou nou kapab obzerv zot.  E sa i baze lo sa meyer pratik.

Me mon repete Mr Speaker, zot pa kontazye, aktyelman zot pa kontazye.  Alor ti napa alor ti napa en risk pou bann dimoun lo avyon a sa moman spesifik. Si ti annan anba diferan regleman Lavyasyon Sivil ou pa ti pou les zot anbark dan avyon depi lo depar.

Lot eleman pou gard antet se ki, sa maladi i annan en peryod kot i kapab ganny parey nou dir dan sa incubation period, ki enn a 6 zour.  I en maladi bouz vreman vitman.  Si nou pran nou bann konpatriyot ki aktyelman anba obzervasyon,  depi zot dernyen kontak in plis ki  6 zour annefe i fer 7 zour.

Me konman en rezon prekosyon nou’n dir ki nou 6 zour ki nou pou met an aplikasyon isi date depi zour ki zot in ariv Sesel sorti Madagascar. 

        An se ki konsern si enn sa bann dimoun on ganny admet lopital; nou’n annan enn bann dimoun dan delegasyon ki ti dir yer i pa tro santi li byen.  E konman en mezir prekosyon nou’n admet li lopital pou sirveyans pli aprofondi.  Me i napa okenn sentonm.  Savedir i napa sa sentonm lafyev ki koresponn avek bann dezinyasyon klinik sa maladi.

Alor pou lemoman malgre ki nou pe gard li kot lopital konman en mezir prekosyon nou napa okenn santiman  a sa staz ki sa ki in ganny enfekte avek sa maladi.

Fodre nou konpran ki diferan Madagascar i pa en landrwa fasil.  I annan bokou par egzanp lapousyer dan ler.  I annan bokou lezot maladi ki sirkile.  E pa zis li, i annan serten lezot konmsi ki santi parfwa zot pa santi zot a 100 poursan. E dan sirkonstans kot zot ete zot byensir annan sa presyon lo zot kot zot santi en pti touse eski mon annan en problenm.

Me baze lo definisyon klinik savedir baze lo tanperatir e lafyev okenn nou delegasyon okenn sa bann dimoun i dan faz kontazye.  Okenn sa bann dimoun aktyelman pe manifeste bann sentonm ki konsistan avek sa maladi.

Alor pou lemoman Mr Speaker en keksoz pe al byen.  Minis Larue mon krwar in reponn deza lo Festival Kreol.

An se ki konsern bann kondisyon kot la baz Coast Guard, Gard Lakot ankor mon dir nou regrete ki sityasyon pa ti ideal.  Verifikasyon ti ganny fer avan ki nou anmenn bann dimoun laba.

Me i annan nen gran nonm.  I annan 58 dimoun ki nou’n bezwen met laba, e i vre ki petet zot pa ‘n kapab verifye sak zorye par egzanp endividyelman.  E i vre osi ki mobilizasyon ti bezwen ganny fer vitman pou, nou bouz laba.

Mon krwar i normal parey ou pe dir ki nou sey adres sa size.  E mon krwar ki aktyelman keksoz in amelyor en kantite.

Me mon ti a kontan osi dir ki annou osi konpran sa sityasyon ki sa bann dimoun laba i ladan.   Pa zis zot sityasyon fizik, me osi sa sityasyon psikolozik.

Me  i enportan pou nou eksprim nou sipor anver zot pou montre zot ki nou apresye lefe ki zot ti pe reprezant, nou konman nou pei Sesel dan en konpetisyon.  E ki zot in aksepte pou al dan en pei ki pa fasil.  Mon menm mwan mon’n deza en atlet e letan ou al Madagascar ou konnen ou pa pe al dan en sityasyon ki fasil laba.  Ou pa pe al dan akomodasyon ki deliks, ou pa pe al dan sityasyon ki vreman  ideal.

Me sa pwen lo bann kondisyon pe ganny adrese Mr Speaker.  Mon krwar lamazorite bann pwen in ganny amelyore deza.  E nou konnen ki nou bezwen donn zot sa meyer fasilite ki posib, baze lo mwayenn lo dispozisyon dan en fason irzan.

Zis Mr Speaker permet mon pou dir mon remersye osi sa bann Konpannyen prive mobilize vitman osi pou ede dan sa sirkonstans si annan serten ki’n fer bann donasyon, zot pa’n anvi zot non ganny mansyonnen.

E mon ti a kontan dir ki i enportan ki zisteman dan bann sityasyon koumsa ki nou tou nou mobilize, nou tou nou vin ansanm, e nou tou donn sipor.  Mersi.

 

MR SPEAKER

Onorab Ramkalawan ou annan en pti pwen.

 

HON WAVEL RAMKALAWAN

Mr Speaker, mon anvi zis fer en pwen an relasyon avek sa ki Minis in dir.  Nou anvi donn lankourazman, nou anvi donn tou keksoz.  Sa nou kapab met li lo kote sa.  Tou Seselwa i solider avek sa ki pe arive.

Me, selman ou vwar Mr Speaker letan nou pa ganny  tou larepons, se sa prezan ki fer konmans demann kestyon.

E par egzanp Mr Speaker, si dan son Statement son premye Statement, Minis ti’n dir avek nou i annan en dimoun ki pa’n santi li byen e ki’n ganny admit.  E non pa dir avek nou tou i ok.  Tou i lanmenm, tou i ok ?

Ou vwar se sa kalite mesaz la ki fer e ki i kapab senm dout dan lespri dimoun.  Par egzanp Mr Speaker, letan Minis on dir tou dimoun ki ti laba ti ganny sa prophylaxis.  Mr Speaker mon fek ganny en mesaz sorti kot en manman, ki’n dir son garson pa’n gannyen li.  Ou vwar?  I sa bann kalite keksoz ; sanmenm sa pwen ki mon ti anvi fer ki pou nou kapab solider pou nou kapab anmenn en mesaz ki kler, en mesaz ki solid.  Fodre ki nou ganny dir tou keksoz.

E se letan nou pa ganny dir tou keksoz ki aprezan, i kapab annan panik.  Mersi bokou.

 

MR SPEAKER

Minis Lasante.  Minis Adam.

 

MINISTER JEAN-PAUL ADAM

Mersi Mr Speaker.  Bon an se ki konsern tou bann lenformasyon ganny donnen, mon krwar tou sa ki mon’n dir dan Lasanble ozordi in deza pase lo medya.

Alors sa bann lenformasyon i deza dan domenn piblik.

An se ki konsern sa ospitalizasyon Mr Speaker lakle pou nou adres sa problenm, se pa spesifikman si en dimoun par egzanp in ganny par egzanp i en lenformasyon konfidansyel pou sa endividi si in vwar en dokter, tousala i bann keksoz ki medikal konfidansyel ant sa dimoun.

Sa ki i enportan se sentonm sa dimoun.  Sa ki pli enportan.  Alor lefe ki en dimoun in ganny admet lopital.  Petet ou santi sa ti devret ganny met dan domenn piblik konman dan en fason proactive. Personnelman mon santi sa i en detay.  Baze lo labaz definisyon ki mannyer ou tret sa bann ka.  Si sa dimoun  ti annan lafyev.  E ki ti annan bann kondisyon ki konsistan avek sa maladi,  nou ti pou bezwen mon dir mon kapab dir pas lo en nivo avanse.

Me lefet ki sa dimoun in senpleman ganny ospitalize konman en rezon prekosyon, baze lo lefet ki mannyer i ti santi.  Mon pa santi sa i en keksoz adisyonnel. Nou kapab diferansyel lo sa lopinyon.  Me mon osi swiv bann gidans ki bann profesyonnel Lasante i donn mon.

E mon krwar Mr Speaker e tou bann Manm Onorab i enportan pou nou vreman regard sa dan son konteks ki mannyer nou adres sa problenm baze.  Lo bann baz syantifik, lo bann prensip ki bann profesyonnel medikal i met devan.

I fasil pou par egzanp lo en kestyon koumsa, i fasil pou en dimoun koz, la panik.  I fasil pou en dimoun dir a enn in ganny ospitalize savedir zafer i en pti pe delika.

I enportan pou nou get li lo baz son prensip, son kestyon.  Eski sa dimoun i annan bann sentonm ki koresponn avek sa maladi ?  E sa dimoun napa sentonm ki koresponn avek sa maladi.  Mersi Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Minis, le 2 Minis ek zot delegasyon.  Bonzour tou Manm Onorab.  E tou dimoun ki a lekout.

Mr Speaker avan mon poz mon kestyon, mon zis anvi fer en pti komanter lo sa ki Minis in dir  anvi relasyon sa kestyon ki Onorab Leader Lopozisyon in demande.

Zisteman Minis nou Lasanble pe dir ou letan zot vin devan nou dir nou sa bann keksoz pou anpes sa ki dimoun pe senmen ki la i vin problenm.  Letan nou pa pe dir ofisyelman par egzanp nou ti kapab dir wi i annan en ka ki’n ganny soz.  Me son bann sentonm napa nanryen pou fer avek sa whatever.

        Zis en lenformasyon.  Sa kalite keksoz ennler ki nou manke, e ki fer ki letan nou pa pe dir.  Swa ou teknisyen pa pe dir ou bann dimoun ki around pa pe dir.  Ouswa stratezikman ou, ou krwar ou pe fer dibyen…

 

MR SPEAKER

Onorab demann ou kestyon.

 

HON CHARLES DE COMMARMOND

…Ok, right so.  Mr Speaker mon krwar nou dan en peryod en moman vreman tris osi la.  Mon pou dir nou Lasanble i annan bann dimoun ki’n pass away recently ki mon ti a kontan annou konman en Lasanble nou pas nou senpati avek zot e i annan sa fiy Madanm Antat kot Nasyon la ki bokou dimoun la in enterakte avek li.  En lanmor trazik osi ki’n arive.

E osi yer en aksidan vreman trazik STAR enn zot drayver ki’n mor sibit-man atraver en aksidan nou ansanm avek Sir Alix ki nou konn li tre, tre byen ki lontan in dan sa  domenn.  Mon konn li depi Senior Secondary School

        E nou senpatiz avek zot, zot tou dan sa sityasyon.  Me an menm tan nou annan en lazwa  kot nou felisit bann Teachers ki’n yer zot in Ms Azolan par egzanp 44an e nou kote Cascade nou dir li mersi, akoz in fer en pe lannen dan lekol Cascade in train nou.

Me en bon pe teachers in retire yer.  E nou, nou pe demande ki Minister Ledikasyon osi…

 

MR SPEAKER

Onorab demann ou kestyon.

 

HON CHARLES DE COMMARMOND

…pou retain sa bann teachers, menm zot in retired.

Lo kestyon mon anvi demann ou Mr Speaker, isi nou pe permet sa group ki sorti Madagascar 6 zour izolasyon ensidswit, me détection  baze lo bann lenformasyon ki sorti Madagascar osi ki lo medya,  i dir plis ki 2 semenn apre détection i kapab ganny fer.  Sirman nou ganny en leklersisman byen lo la.  Konpare ek sa ki Minis in dir nou.

E an menm tan eski petet zot kapab eklersi nou si okenn lezot zofisye medikal kalifye, ki ti avek en tel grander group letan i kit pei, dan spor konmsi, pou al aletranze e eski zot ti annan nou konnen pou dir laba i annan sa bann risk? Eski i annan bann latizann zot anmenn ek zot, ki si ti ava annan sa keksoz i deklare alor ou konnen pou dir kantmenm ou pa’n servi ou zafer ti ek ou la, ou ti latizann neseser ti avek ou?  Konmsi sa bann keksoz koumsa.

E an menm tan eski nou annan lenformasyon lo lezot tim, dan lezot pei, ki’n partisip dan sa tournwa, si i annan ki’n ganny osi afekte avek sa plague?  Mersi.

 

MR SPEAKER

Minis Adam apre Minis dernyen bout kestyon petet Minis Larue i a  koz lo la.

 

MINISTER JEAN-PAUL ADAM

Mersi Mr Speaker.  E mon note ki ti annan en bout kestyon sorti kot Onorab Leader Lopozisyon ki mon pa ti ankor reponn sa kestyon lo prophytlaxis. 

Minister Lasante ti fer provizyon pou anvoy prophylaxis pou tou dimoun.  Pou tou dimoun me byensir Minister in fer li atraver management, sa bann diferan lekip.

Eskiz mon Mr Speaker si i annan dimoun ki pa’n gannyen, sa dimoun akoz nou’n donn lenformasyon lo kwa ki pe ganny fer e sa dimoun i bezwen vin devan.  E si ozordi nou la isi prezan ki pe dir sa, mon pe rode ki sa dimoun pe fer.

Akoz sa dimoun i bezwen vin devan si i pa’n gannyen, akoz i pa en problenm akse avek sa medikaman.  sa medikaman i fasil; ti kapab fer li ganny Madagascar kapab fer li ganny isi.  E mon ti a dir verifye sa lenformasyon Mr Speaker mon asire pou dir sa lenformasyon vreman i korek; sa ki nou kapab dir ou se tou bann dimoun ki aktyelman kot baz Coast Guard pe ganny sa medikaman.

Alor la ki moman sa dimoun pa’n gannyen mon pa konnen.  Me tou dimoun aktyelman ki lo baz ki  kot Lakademi Militer, pe ganny sa latizann, e zot devret pe pran sa latizann.

An se ki konsern lo kestyon ki Leader Zafer Gouvernman in demande.  Mannyer mon konpran ti annan  en ners ti akonpanny sa delegasyon.  Me petet Minos Larue i ava donn en pti pe plis detay lo la.

An term bann medikaman mon krwar i enportan pou note ou pa kapab prevwar tou keksoz ki pou arive ok?  E i annan mon asire ki bann profesyonnel Lasante ki ti avek delegasyon ti annan serten provizyon avek zot.  Si zot ti annan spesifikman sa enn, mon pa konnen.  Petet zot ti annan bann pti doz mon pa sir.

Me nou, nou’n fer laranzman dek ki nou annan dout pou dir ti annan sa kestyon, pou fer sir ki zot resevwar sa bann medikaman.

Apre sa kestyon lo son incubation period.  Son incubation period i enn a 6 zour ok? Mon konnen i annan diferan lenformasyon depandan lo lekel ki koze, me son baze lo WHO i enn a 6 zour.

Me dan konteks nou bann dimoun mon ti a note ki depi zot in ganny ekspoze, in fini pas en semenn.  E letan zot pou fini dan zot sityasyon kot zot anba sirveyans i pou’n fini fer 2 semenn toutfason.

Me  la baz se enn a 6 zour.  E nou pe swiv sa prensip  ki ‘n ganny etablir lo en baz syantifik.  Mersi Mr Speaker.

MR SPEAKER

Avan mon donn laparol Minis Larue.  Petet ti a byen ki Onorab oubyen sa manman i les Minis Adam konn non sa dimoun.  Pou li vinabou verifye sapit e verse ki’n arive.

Pas lenformasyon ek Minis ki akoz ek son bann teknisyen i a regard non sa dimoun si vreman in resevwar oubyen si i pa’n gannyen prophylaxis.  Minis Larue.

 

MINISTER MITCY LARUE

Mersi Mr Speaker.  Mr Speaker premyerman lo kestyon si nou annan tim medikal ki al ek nou bann atlet deor?  Wi i responsabilite bann federasyon.  Savedir bann klib.  Pou zot; ensiste pou zot annan zot klib medikal.

Me selman mon kapab dir ti annan n ou dokter en dokter en ners ek en physiotherapist osi ki ti akonpanny nou bann tim.

Dezyenmman lo si i annan bann atlet lezot pei, ki’n ganny okenn konplikasyon oubyen ki’n ganny problenm avek sa maladi?  Non nou napa okenn lenformasyon.

Me selman yer nou ti ankor konpran pou dir Maurice pa ti ankor kit Madagascar pou retourn kot zot.

Sa ti en lenformasyon ki CEO ti gannyen yer.  Zot pa ti ankor kite.  Vedir zot ti pe ankor reste Madagascar.  Dezyenmman lo kestyon si ti annan en atlet ki pa ti pran zot medikaman nou ti ganny lenformasyon pou dir i annan atlet ki ti pe konmsi refiz-e pran medikaman.

E toudswit ler nou ti ganny sa lenformasyon nou ti pran kontak avek nou Direkter ki ti laba, e dir li ensiste avek zot tou ki zot pran zot medikaman.  Fodre pa zot manke.

E mon ti menm mon osi mon ti koz avek Mr Bastienne ki en manm ki en dimoun lo Management Beau Vallon Hits, mon ti dir li please fer mwan en faver ensiste ki zot tou zot pe pran zot medikaman.  Vwala en pti pe nou ti ete Mr Speaker.  Mersi.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Baze lo tou sa ki nou pe lir lo medya en pti pe listwar sa zafer lepidemi laba Madagascar, i paret ki sa i en zafer ki arive tou-le-z-an.  E i annan en sezon Septanm.

E i annan en kestyon ki’n koz lo la lo akoz sa bann dimoun in travel spesifikman.

Me prenon

Kont safwasi ler sa lepidemi in arive tou dimoun pe dir pe spread pli vit.  Me prezan ki nou .annan vol sorti Sesel pou al Madagascar ki increase the risk ki annan ka risk ki oparavan ti napa nou annan bann increased risk.

        Eski zot pa krwar pou dir in ler pou pran en mezir en pe pli serye avek sa sityasyon, akoz zis pou fer le pwen, Ebola in mank nou.  Probableman sa enn osi nou pou pase.  Nou pa esper en 3enm.

Annou pran mezir neseser la, pou nou klarifye ki nou bezwen fer direkteman akoz nou napa sa bann zafer ki ti avan ti napa sa bann vol ki pe vin isi.  Me la nou annan. So nou dan en sityasyon ki increase risk pou nou.

2enm pwen mon ti a kontan fer Mr Speaker se Minis mon ti a kontan konnen lekel sa bann dimoun ki ti al get sa Sant? E lekel sa dimoun ki ti provide zorye pou sa bann dimoun dormi lo la?

Mon konpran ou anler dan Minister ou ganny lenformasyon ki tou dimoun i ganny tou keksoz.  Me sa dimoun, sa Supervisor ki’n al fer sa eski i ti pou anvi dormi lo sa zorye li? Ler nou’n met sa dimoun met sa zorye lo Facebook. 

So si ou ti kapab reponn sa 2 kestyon.  E ki mannyer prezan ou pe asire dan ou Minister ki avan ou ganny lenformasyon, sa lenformasyon i ganny endepandaman verifye akoz i paret pou dir ler ou pe ganny dir en keksoz i annan lezot keksoz ki kapab pe pase e ou pa pe ganny lenformasyon konkret.  Mersi Mr Speaker.

 

MR SPEAKER

Ok mersi Onorab.  Minis Adam.

 

MINISTER JEAN-PAUL ADAM

Mersi Mr Speaker.  E mersi Onorab.  An se ki konsern sa vol nou pe swiv aktyelman bann gidans ki sorti kot Lorganizasyon Mondyal Lasante.

Nou rekonnet pou dir i annan letan i annan en lepidemi parey a enn byensir i annan en tandans pou nou dir annou degaze annou pran bann mezir neseser.

Me parey mon’n deza dir nou pe, etidye sityasyon dan en fason aprofondi.  Nou pe swiv avek latansyon ki mannyer keksoz i evolye.  Difikilte letan ou pran en desizyon rapid par egzanp pou koup sa vol me meton dan en semenn zot kapab met sa lepidemi anba kontrol.  Akoz nou ava note ki le 26 Septanm tre resaman ki WHO in fer lanons.  Bann mezir in konmans anonse.  Nou bezwen vwar, e dan bokou pei letan bann mezir i ganny pran.  Son lefe i vitman.

W alor si nou pou koup sa vol deswit apre ou pou re konmanse ou kree en kantite problenm.  Me i pa vedir ki nou pou kontinyen.  Nou pe regard sityasyon avek bokou latansyon, si nou vwar sa lepidemi i evolye e i vin lo sityasyon bokou, bokou pli grav.   Pou lemoman nou ankor dan bann santenn ka.  I grav, me i pa ankor vin lo en staz kot i en lepidemi ki lo en baz Enternasyonal.

Alor nou annan sa opsyon a nenport ki moman anba Lalwa lasante piblik pou nou dir sa vol i arete.  Me pou lemoman baze lo lenformasyon nou pe gard sa sityasyon aktyel.

Non mon apresye en kantite sa pwen ki ou’n fer lo kote  bann fasilite, e nou remersye bann Lakademi Militer ki’n met sa a dispozisyon.  Bokou sa bann fasilite ki ti nou’n servi bann fasilite ki ti deza la, dan Lakademi Militer.

Bann zofisye ki’n al verifye sa bann lekipman mon krwar wi i annan eleman petet zot ti devret fer li dan en fason pli sistematik.  Savedir verifye sak lili endividyel.  Mon krwar zot in fer en verifikasyon e mon ti a kontan dir diferan letan ou pe reste dan en landrwa ki ou pe zis regard sa landrwa.

E mon krwar i en kritik ki nou pran a ker, akoz nou priyorite se asire ki sa bann dimoun i dan meyer kondisyon posib, e nou ava note ki nou’n azir pli vit posib dek ki sa bann keksoz in vin nou latansyon.

E mon aksepte pwen ki Onorab i dir ki en verifikasyon pli aprofondi avan ti pou meyer.  E nou tri ava’n swete sa ti’n ganny fer.  Mersi.

 

MR SPEAKER

Mersi Minis.  Mon pa pou pran okenn non ankor, i annan zis 4 dimoun.  Mon pe demann zot pou poz zis en kestyon direk, akoz mazinen nou lazournen i long nou ankor 2 Minis omwen pou vin devan Lasanble.  E mon ti a donn Onorab Basil Hoareau apre Onorab Woodcock.  En kestyon sakenn.

 

HON BASIL HOAREAU

Mr Speaker mon ti annan 2 kestyon mon ti annan kestyon.  Mersi Mr Speaker.  Mon ti a kontan demann Minis nou konnen annefe Minis pou Minis Larue fer referans avek sa poudir an Septanm 2014 tim annan sa lepidemi Ebola. 

E Anse Royale lopital Anse Royale en parti lopital Anse Royale ti’n ganny designated konman en Temporary Isolation Centre. 

        Eski la ki nou annan connecting flight ek Madagascar posibilite i reste ki nou kapab vwar en dimoun rantre dan pei avek sa maladi.

Eski nou annan plan pou servi Anse Royale ankor parti son lopital konman sa Isolation Centre Temporary Isolation Centre eski i dan en leta pou ganny servi konm tel?

        E dezyenmman; nou konnen dapre WHO zot annan bann guidelines lo disease surveillance and response ok? E zot guidelines i dir pou dir ki ou bezwen donn training ou bann dokter, ners health care professional.  Ki dernyen fwa ki Sesel in donn training son bann dimoun dan sa domenn dan disease surveillance and response?

        E si sa dernyen fwa i zin line avek sa guidelines.  Mersi.

 

MR SPEAKER

Tre byen.  2 bon kestyon.  Minis.

MINISTER JEAN-PAUL ADAM

Mersi bokou Mr Speaker.  E mersi Onorab.  An se ki konsern Anse Royale i en opsyon ki nou kapab konsidere.  Pou lemoman baze lo sa ki nou bezwen gard antet se ki en Sant Izolasyon parey dan en konteks lopital, savedir ou pe prevwar ki ou annan en gran nonm dimoun ki dan en staz kot zot malad ok?

        Pou lemoman nou napa sa ok.  Pou lemoman nou napa sa sityasyon kot nou annan en gran kantite ki dan sa faz kot zot malad.  Alor zot pa bezwen ospitalizasyon.

Me Anse Royale i en opsyon kot si nou ti dan sityasyon kot wi par egzanp nou ti annan gran nonm dimoun ki ti dan sityasyon par egzanp ki ti annan lafyev ki ti annan bann sentonm ki konsistan avek sa maladi.  I ti pou en opsyon nou ti pou bezwen konsidere.

Pou lemoman nou’n fer provizyon pou nou annan bann lasanm dan Lopital Victoria li menm akoz pou lemoman nou napa sa bezwen.  I zis en kestyon si nou annan en ka pou lobzervasyon kot nou  bezwen met li la pou lemoman.  Me sa opsyon Anse Royale i reste en opsyon.

Sa kestyon lo formasyon lo training nou annan bann formasyon ki ganny fer lo labaz rezyonal, par egzanp ki ganny prevwar dan diferan proze rezyonal.  I en keksoz ki nou bezwen ranforsi.  Mon aksepte ki napa ase petet ki ganny fer spesifikman dan sa  sekter.  I en keksoz ki nou pe met priyorite lo la.

Lo kestyon dernyen training mon pe sey rod sa lenformasyon mon napa, sa dat egzakt avek mon la.  Me mon pe rod sa lenformasyon.  Me i annan enn ki pe ganny organize prosennman isi.  Pe ganny fer isi dan konteks osi sityasyon  ki nou ladan aktyelman.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis avek ou delegasyon.  Mon kestyon i konm swivan.

I annan plizyer bann staff Cabin Crew ki zot en pti pe konsernen avek sityasyon ki pe devlope la.  Annefe lo laliny ki Onorab Sebastien in demande, Air Seychelles i fer 3 flight Madagascar, Merkredi e Vandredi avek Dimans.  E bann Cabin Crew zot konsernen ki par lefe ki zot vin an kontak avek bann pasaze e osi avek bann cleaners ki mont abor avyon e zot fer 3 erdtan ater dan compound Airport.  Ki ou Minister pe fer ki bann mezir zot pe pran pou protez nou bann Cabin Crew?  Eski zot pa an risk e eski zot in fer bann briefing avek bann Cabin Crew ki zot pou fer dan evantyalite ki zot vin an kontak avek en dimoun ki enfekte avek sa maladi ?  Mersi.

 

MR SPEAKER

Minis.

 

MINISTER JEAN PAUL ADAM

Mersi Mr Speaker e mersi Onorab.  Parey nou’n deza dir nou an konversasyon avek Air Seychelles lo en baz regilye, pou nou vwar ki lavenir pou sa vol e i pou depan lo evolisyon sa lepidemi.  Pou le moman parey mon’n dir nou pa’n santi neseser pou cancel sa vol, me i en desizyon ki nou kapab revwar nenport ki moman nou kontinyen regarde ki mannyer keksoz i evolye.  An term  bann travayer Air Seychelles ;ankor si nou revin lo metod ki sa maladi i ganny propaze si zot swiv bann prekosyon zot risk i minim e i annan serten keksoz ki Air Seychelles in fer osi ki pou redwi zot kontak.  Alor par egzanp zis kontak fizik avek en dimoun, i pa pou transmet sa maladi.  Sa maladi i ganny transmet atraver bann gout delo ki si sa dimoun in eternen oubyen in touse.  Savedir ou vreman dan en lespas pros avek sa dimoun, pou ou kapab ganny sa, sa, sa maladi dan ou sistenm respiratwar.  Me mon konnen ki Air Seychelles in pran bann mezir tel ki donn zot bann legan ki zot pe osi ogmant la kantite sanitizer ki disponib lo bann avyon.  Zot pe redwir la kantite letan ki Air Seychelles i fer ater Tana e osi zot pe demande poudir zot reste dan Airport e ki  zot pa sorti  an deor Airport pandan sa peryod ki zot la.  Me parey nou’n dir nou pe kontinyen revwar sa sityasyon e si neseser bann mezir pli seve i ava ganny pran e an se ki konsern bann, bann briefing pou bann travayer sa i en keksoz ki nou pou fer prosennman.  Parey nou konnen sa sityasyon fek konmanse me  i pou ganny ofer me nou’n donn briefing avek bann management, avek direksyon dan Air Seychelles e zot in pran bann mezir apropriye me mon krwar i osi enportan pou fer sa avek bann travayer endividyel.

Mr Speaker en pwen ki mon ti’n bliye fer sorti avan me mon krwar i tre enportan, se osi kestyon nou bann peser e bann travayer lo bato, akoz bokou bato i osi ariv dan proksimite Madagascar e souvandfwa zot aret Madagascar, mon konnen ki Lotorite Lapes pe osi fer en  lapel avek tou bann maren e tou bann peser Seselwa, ki’n posibleman annan kontak Madagascar pou met zot lekor devan avek Lotorite Lasante piblik pou nou kapab gid zot.  I pa forseman ki zot a risk oubyen ki zot kontazye. Me si zot in annan akse sirtou dan bann Por e nou’n vwar par egzanp Tamatave ki’n annan  en ka omwen en ka, i enportan ki nou osi fer lapel avek bann peser pou vin devan, bann peser oubyen bann maren ki’n vwayaze Madagascar pou zot vin devan pou zot ganny sa bann konsey neseser, sa sipor neseser.  Mersi Mr Speaker e mersi Onorab.

 

MR DEPUTY SPEAKER

Onorab Esparon.

 

HON REGINA ESPARON

Mersi Mr Speaker.  Mr Speaker dapre en rapor pibliye par WHO Madagascar ti detekte sa outbreak depi le 11 Septanm e ziska le 27 Septanm ti’n deza annan 12 ka lanmor e 51 ka enfekte.  Sa i en rapor ki WHO in fer sorti.  Konbyen Seselwa ki’n deplase pou al Madagascar malgre sa advisory depi sa?  E akoz ki Minister Lasante pa’n vwar sa nesesite pou fer en lanons piblik pou averti dimoun ki CDCU ti pe donn prophylaxis pou dimoun ki ti pe voyaz Madagascar.  E konbyen dimoun ki’n raport CDCU pou sa servis ziska prezan?  Mersi.

 

MR SPEAKER

Minis.

 

MINISTER JEAN PAUL ADAM

Mersi Mr Speaker.  Premyerman sa kestyon prophylaxis mon bezwen klarifye ankor enn fwa akoz prophylaxis pa ganny donnen konman en prevansyon pou Lapest otomatikman.  Akoz i kapab kree bann sityasyon rezistans.  Mon ti’n deza eksplik sa dan mon lentrodiksyon.  Prophylaxis i ganny donnen selman si en dimoun in al dan en sityasyon kot in al ganny kontak oubyen i riske an kontak avek en dimoun ki konfirmen ek Lapest akoz sansan si ou pou donn li zis pou tou dimoun ki pe al Madagascar ou pou, i annan en risk kree rezistans e redwi son lenpak akoz son sityasyon i diferan avek malaria.  Malaria i en baz, i en viris (en parasit eskiz mwan) malaria i en parasit tandis ki Lapest ki en bakteri.  Alors son fason tretman i en pti pe diferan, e i enportan pou nou respekte sa bann eleman.  An term la kantite dimoun ki pe vwayaz Madagascar, mon napa sa statistik deswit me baze lo bann kantite ki nou’n vwar avek Air Seychelles, akoz i annan dimoun ki al Madagascar osi tou par ban lezot konpannyen lavyasyon en.  Me lo vol Air Seychelles an zeneral i annan 10 a 20 konmsi ki nou al lo point to point.  Savedir sorti Sesel pou al Madagascar bann ki al direk.  La grann mazorite pasaze i bann pasaze ki an tranzit, ki pe al lo vol Paris oubyen ki pe al vol, ki al Mumbai.  Sa i sa bann eleman de baz lo sa trafik.  Lo sa restriksyon ki Minister in anonse sa Travel Advisory nou vwar deza ki napa vreman booking par Seselwa pou al Madagascar akoz tou dimoun in konsyan sa problenm depi ki’n ganny anonse.  E Mr Speaker lo sa kestyon lo dat lanons, premye, premye alert par WHO lo en baz enternasyonal ti le 26 Septanm.  Mon ti dir dan mon lentrodiksyon ki le 11 Septanm en premye ka ti ganny anonse,  ti ganny raporte Tananarive me sa pa ti fer en Alert.  WHO in an fet donn nou sa lenformasyon apre.  Me in konfirmen ki sa ka in ganny raporte le 11 Septanm me Alert WHO akoz zot annan en sistenm e parey nou konnen Lapest i andemik Madagascar.  Tou le lannen i annan Lapest.  Annefe Lapest pa’n zanmen sorti Madagascar.  I toultan la.  Kestyon se kan ki i annan en lepidemi kan ki sa problenm i vin pli larz.  E sa baze lo bann gidans WHO zot in fer sa lanons le 26 Septanm.  Mersi Mr Speaker.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour Minis ek ou delegasyon.  Bonzour tou bann lezot Manm Lasanble.  Mr Speaker mon osi mon ti le extend mon kondoleans pou lafanmir Alissop, an vi ki i’n pran sa coaching pou lekip Beau vallon.  Mr Speaker, mon kestyon se ki eski i annan okenn tes apard lobzervasyon sentonm pandan 6 zour ki kapab ganny administre pou konnen, pou detekte si i annan okenn lenfeksyon sa bakteri?

Dezyenmman mon ti a kontan Mr Speaker konnen, si i annan posibilite ki sa flea ki porter sa bakteri i kapab ariv through baggage ?

E trwazyenmman si osi  Minis ti kapab donn nou en garanti ki i annan en road and control team ki in met an plas pou fer sir ki bann Port of entries par  egzanp Airport avek Por i rodent free e sa i ava minimiz okenn risk dan le fitir si okenn sa bann keksoz i ariv Sesel.  Mersi.

 

MR SPEAKER

Minis mon krwar 2enm kestyon ou ti’n fini reponn, me petet reponn ou premye kestyon silvouple.

 

MINISTER JEAN PAUL ADAM

Mersi Mr Speaker.  Konsernan rapid testing mon krwar.  Konsernan sa bann test, konsernan bann lezot tes ki kapab ganny fer i annan en sa ki appel en rapid test me son lefikasite i pa 100 poursan.  Me nou ti napa sa provizyon isi akoz byensir nou ti napa Lapest.  Me nou’n fer provizyon e nou pou kapab ofer sa tes tre prosennman.  Me lakle si ou pou swiv gidans syantifik e medikal lo sa maladi se pou swiv li lo en baz klinik.  Akoz par egzanp si ou teste i kapab annan  en dimoun ki i’n ganny ekspoze, me i pa an ankor manifeste sentonm menm si ou’n teste li ou rezilta pou negativ akoz se o moman ki i komans manifeste sentonm lafyev ek latou se a sa moman ki posibleman ou pou kapab teste li pozitiv alor lakle pou ou kapab debiste sa maladi se bann mezir klinik.  Savedir  priyorite i ganny fer pou asire ki sa bann dimoun napa en tanperatir o e ki zot napa lezot sentonm ki asosye avek sa maladi akoz se apre sa ki ou kapab fer bann test pli detaye.  Alor lakle ankor mon pou repete lakle, se a sa moman.  E napa okenn fason pou sa maladi transmet, sa maladi pneumonic a mwen ki atraver sa bann gout delo dan ler.  Napa lot fason en i pa kapab dan bagaz, i pa kapab lo en sirfas,  i atraver sa gout delo ki ganny transmet direkteman sorti en lot dimoun  ki malad.  Sa  eleman Bubonic sa Lapest Bubonic li se an kontak avek en dimoun ki annan sa maladi, ki annan sa boubou lo li alor i dan sa bann ka spesifik. E osi dan bann ka Bubonic dan bann ka kot i annan sa bann fleas ki kapab lo sa me sa lepidemi ki nou pe annan  la i plis an term sa maladi pneumonic plito ki Bubonic e son sel fason pou pnueumoni i kapab ganny transmet, se atraver bann gout delo ki sorti dan lespirasyon sa dimoun ki malad.  Mersi Mr Speaker e mersi Onorab.

 

MR SPEAKER

Fotespere sa voyaz in kler ki mannyer pou transmet sa viris.  En kestyon Onorab Henrie.  Apre nou a pran en dernyen kestyon.

 

HON GERVAIS HENRIE

Mersi Mr Speaker.  Bonzour tou dimoun.  Mon ti ava kontan demann Minis si Lotorite Lasante Seselwa, i an konsiltasyon avek Lotorite Lasante malgas, zot in etabli dan ki sirkonstans spesifik Mr Alissop in kontrakte sa maladi.  E petet vitman konbyen dimoun ki lo sirveyans pasiv ozordi   Mersi bokou.

 

MR SPEAKER

Minis.

 

MINISTER JEAN PAUL ADAM

Mersi bokou Mr Speaker e mersi Onorab.  Nou napa lenformasyon spesifik lo ki mannyer in kapab kontrakte sa maladi.  I annan plizyer spekilasyon me nou, nou pa anvi antre dan spekilasyon.  Lenportans se ganny konfirmasyon ki sa maladi ti la e dan son konteks nou kapab konfirm sa selman apre  ki letopsi ti ganny fer.  Alor vre konfirmasyon ti ganny son Sanmdi.  Sanmdi le 29 non, Sanmdi le 29 ki nou ti ganny konfirmasyon apre letopsi konmkwa ti en ka Lapest pneumonic.  Mersi Mr Speaker.

 

MR SPEAKER

Mersi Minis.  Dernyen kestyon Onorab Valmont.

 

 

HON JUDE VALMONT

Bonzour. Mersi Mr Speaker.  Bonzour le 2 Minis ek zot delegasyon.  Koleg Onorab bonzour. Minis i en  pti pe dan laliny ki Onorab Woodcock in demande.  Mon ti  a zis voudre met lanfaz apard travayer Air Seychelles Cabin Crew e osi cleaners, mon pe demann Minis konman Minis ki responsab pou lasante piblik, si i okouran si lezot lorganizasyon bann partner parey Custom Imigrasyon zot in pran bann mezir prekosyon kot Airport an ka i annan okenn sa bann maladi.  Mersi.

 

MR SPEAKER

Mazinen Minis Onorab i reprezant Pointe Larue kot Airport kot i ete.

 

MINISTER JEAN PAUL ADAM

Mersi Mr Speaker.  Parey nou kapab konstate nou ase boner apre ki sa lepidemi in ganny deklare Madagascar me byensir nou’n deza fer bann briefing avek bann Zofisye dan management, sa bann diferan lorganizasyon pou fer sir ki sa lenformasyon i pase.  Dan serten ka nou’n kapab fer bann briefing spesifikman avek bann staff, bann ground staff sa i enkli Air Seychelles, i enkli Imigrasyon i enkli Customs me nou anvi aprofondi sa e ofer plis sa bann briefing o fir e a mezir, me bann briefing in ganny fer avek bann dimoun ki ansarz dan sa bann diferan Lorganizasyon.  Mr Speaker mon profite akoz ti annan sa kestyon lo si bann atlet ek Zofisye ti ganny bann medikaman e mon’n ganny en mesaz sorti kot en dimoun ki aktyelman kot Lakademi Militer avek bann atlet ek bann zofisye e zot in dir ki tou dimoun in ganny sa bann medikaman.  Alor mon pa konnen si petet nou a ganny sa lenformasyon spesifik e nou a kapab adres sa ka ki’n ganny site akoz lenformasyon ki nou annan tou dimoun pe dir zot in gannyen sa medikaman e zot in pran sa medikaman.  Mersi Mr Speaker.

 

MR SPEAKER

Mersi Minis.  E avek sa mon ti a kontan – ou annan en kestyon siplemanter?

 

HON GERVAIS HENRIE

Mr Speaker mon ti’n zis demann Minis pou donn nou en sif lo la kantite dimoun ki lo sirveyans pasiv.  Lakantite ki annan.  Mersi

 

MINISTER JEAN PAUL ADAM

I annan 15 dimoun lo sirveyans pasiv.  Mersi.

 

MR SPEAKER

Mesi Minis.  Mon ti a kontan profit sa lokazyon pou remersye ou, Minis Adam ek Minis Larue ek zot lekip pou zot letan ki zot in pas avek nou bomaten, sa plis ki 1 erdtan edmi pou anmenn klarifikasyon, anmenn leksplikasyon e mon sir ki piblik Seselwa in swiv atantivman bann deliberasyon ek bann repons pou zot asire ki keksoz pe ganny fer pou gard sityasyon an men.  E mon konnen i pa fasil pou zot. Nou donn zot siport.  Nou la ek lapriyer pou zot ganny gidans, zot ganny kouraz pou kontinyen zot travay.  Mon’ n fer 4an Lasante mon konnen ki i pa fasil me mon konnen ki poudir zot pe fer zot mye e ki Sesel i dan zot leker.  E mon ti a kontan swet zot tou de bon.  Bonn kontinyasyon, bon kouraz e mon a eskiz zot prezan.

 

 

(MINISTER ADAM AND MINISTER LARUE AND THEIR DELEGATION WAS EXCUSED FROM THE HOUSE)

 

MR SPEAKER

Bon nou en pti pe an retar bann koleg mon sizere vi ki Vis-Prezidan Meriton ki pe vini apre e i en dimoun ki tre, tre okipe akoz Prezidan pe al voyaze byento.  Mon sizere nou pran en Break la, mon konnen nou en pti pe an retar me nou retournen sharp 11.15.  Nou pran en Break nou a retournen 11.15 pou nou kontiny nou travay.

 

(BREAK)

 

MR DEPUTY SPEAKER

Bon les mon dir en bonzour tou  Manm Onorab e tou dimoun ki a lekout.  An vi serten travay, serten devlopman nou pou zis sanz en pti pe nou Lord Biznes pou ozordi, e anba Order 95, mwan konman ki mon pe Chair mon pou sanz en pti pe Lord Biznes e instead of pran Minis Bastienne pou Urgent Question Minis Bastienne i a vin apre midi, nou a pran li pou Urgent Question swivan par son Statement lo Labita, me la nou ava pran VP pou li prezant 3 Bill e nou ava debat lo sa 3 Bill e nou ava aprouv sa 3 Bill pou  la bomaten.  So mon ti a kontan welcome Vis-Prezidan Vincent Meriton e Vis-Prezidan ou delegasyon avek ou,  i konpri ou PS, ou PS Mr Denis Rose, ou Special Advisor Ms Shelda Commettant, e Acting Attorney General Mr David Esparon.  So welcome dan nou Lasanble e  avek – yes Onorab De Commarmond.

 

HON CHARLES DE COMMARMOND

Mr Speaker bonzour.  I annan en pti problenm mon krwar ki sa 3 Bill enn ladan sa enn (NISA) National Information Services Agency mon pe demande ki sa i kapab anvoy pou semenn prosenn akoz i annan tou dernyerman la zisteman nou’n konmanse san ki en konsiltasyon in ganny fer, mon pe demande ki akoz i annan  serten amannman ki petet Bills Committee petet i devret pas lo la e osi gete ki nou, ki nou anvoy sa pou semenn prosenn.  Alor nou ava fer sa zis sa de zisteman i tonm dan laliny sa bann …letan ki nou annan la.  Mon pe demann ou permisyon.

MR DEPUTY SPEAKER

Mersi.  Mersi Onorab De Commarmond.  An vi ki i vin 3enm Bill ler i ariv pou nou pran li ou ava, ou ava pas sa lenformasyon avek  nou.  Bon ankor enn fwa VP welcome dan nou Lasanble e nou ava konmans avek en Mosyon pou Second  Reading pou premye Bill.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker anba Order 64 (2) nou Standing Order mon oule move ki Prevention of Drug Abuse and Rehabilitation Agency (Amendment) Bill 2017 i ganny lir en Dezyenm fwa.

 

MR DEPUTY SPEAKER

Mersi Onorab.  Okenn Manm ki segonde?

 

HON SIMON GILL

Mosyon seconded.  Bonzour Mr Speaker.

 

MR DEPUTY SPEAKER

Mersi Onorab Simon Gill.  Mosyon i segonde.  Nou ava demann VP pou fer son prezantasyon pou prezant Bill.

 

VICE-PRESIDENT MR VINCENT MERITON

Mersi Mr Deputy Speaker.  Mersi tou bann Onorab.  Bonzour tou bann dimoun dan Gallery, tou bann dimoun ki dan lakour.  Mr Speaker mon pe anmenn en senp amannman dan Lalwa ki gouvern Lazans pour Proteksyon Prevansyon kont Labi Drog avek  Reabilitasyon parey i ete ozordi la i annan  reprezantasyon CARE ki ganny fer lo Board par son Direkter, mon  pe propoze ki sa reprezantasyon i ganny fer par son Chairperson. Se tou.  Mersi Mr Deputy Chair.

 

MR DEPUTY SPEAKER

Ok.  Mersi Vis-Prezidan.  Bon deba i ouver lo, lo sa amannman si i annan okenn Manm ki le entervenir?  Non.  Ok Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa i en senp amannman i en keksoz ki ti en omisyon dernyen fwa ki sa Bill ti ganny met devan nou Lasanble, e  zis la i pe koriz sa pou permet ki sa ki ansarz CARE i kapab ganny reprezante dan sa Lazans letan – olye ki en lot Direkter dan care li menm i vin son Chairperson.  Mon krwar i straight forward e nou devret petet vitman siport sa Prozedlwa.

 

MR DEPUTY SPEAKER

Mersi Onorab De Commarmond.  An vi ki napa personn ankor, e i en  senp amannman Vis-Prezidan ou le dir en pti parol an konklizyon avan ki nou pran en vot?  Non.  Bon ok nou ava pran en vot lo merit sa lamannman ki devan nou pou BillThe Prevention of Drug Abuse and Rehabilitation Act.  Tou Manm ki an faver?

Okenn Manm ki kont?

Madam Clerk.

 

MADAM CLERK

Mersi Mr Speaker.  Mon’n rikord 28 Manm an faver e personn kont.  Mersi.

 

MR DEPUTY SPEAKER

Mersi Madam Clerk.  Onorab De Commarmond ou – mon bezwen pou nou al Staz Komite.

 

HON CHARLES DE COMMARMOND

Mr Speaker zisteman lefe ki napa okenn amannman lo sa Prozedlwa mon pe demande ki nou – anba Order 91(1) nou sispann Lartik 65 a 70 nou Standing Order pou nou sot Staz Komite sa Bill.  Mersi.

 

MR DEPUTY SPEAKER

Ok.  Okenn Manm segonde?

 

HON SIMON GILL

Motion segonded Mr Speaker.

 

MR DEPUTY SPEAKER

Ok.  Nou a pran en vot.  Tou Manm ki an faver nou sot Staz Komite.  Ok.  Okenn Manm ki kont?  OkMadam Clerk.

 

MADAM CLERK

Mr Speaker ankor enn fwa 28 Manm an faver e personn kont.  Mersi.

 

MR DEPUTY SPEAKER

Ok.  Mon a demann Leader Government Business pou  move pou en Third Reading.

 

HON CHARLES DE COMMARMOND

Mr Speaker anba Order 71 (1) nou Standing Order mon oule move ki  Prevention of Drugs Abuse and Rehabilitation Agency  (Amendment) Bill 2017 i ganny  lir en Trwazyenm Fwa.

 

MR DEPUTY SPEAKER

Mersi Onorab.

 

HON SIMON GILL

Seconded Mr Speaker.

 

MR DEPUTY SPEAKER

Mersi Onorab Simon Gill.  Bon nou ava pran en vot lo Bill.  Tou Manm ki an faver?

Okenn Manm ki kont?

Ok. Madam Clerk.

 

MADAM CLERK

Mr Speaker 28 Manm an faver.  Personn kont.  Mersi.

 

MR DEPUTY SPEAKER

Bon Bill in ganny aprouve par Lasanble pou sa amannman e nou ava move lo, wi mon a demann Madam Clerk pou fer en Third Reading.

 

MADAM CLERK

Mersi Mr Speaker.  This Act may be cited as a Prevention of Drug Abuse and Rehabilitation Agency (Amendment) Act of 2017.  Mersi.

 

MR DEPUTY SPEAKER

OkBill in ganny aprouve.  Mon a demann Onorab De Commarmond pou prezant Mosyon pou move Mosyon pou 2enm Bill, ki Seychelles Media Commission (Amendment) Bill 2017.  Onorab.

 

HON CHARLES DE COMMARMOND

Mersi Mr Speaker.  Mr speaker  anba Order 64(2) nou Standing Order mon oule move ki Seychelles Media Commission (Amendment) Bill 2017 i ganny lir en Dezyenm Fwa.

 

MR DEPUTY SPEAKER

Mersi Onorab.

 

HON SIMON GILL

Mosyon segonde Mr Speaker.

 

MR DEPUTY SPEAKER

Mersi Onorab Simon Gill.  Avek sa mon a demann vis-Prezidan pou prezant son Bill.

 

VICE-PRESIDENT MR VINCENT MERITON

Mersi Mr Speaker.  Mr Speaker Prozedlwa ki devan nou, pe propoz en amannman senp dan Lalwa ki diriz Komisyon Medya Sesel, an sa ki konsern lo konpozisyon sa Komisyon.  Mr Speaker pandan ki Prezidan Larepiblik i reste sa enn ki apwent Chairperson lo Komisyon Medya, sa Prozedlwa pe donn Lotorite lapwentman Konstitisyonnel sa responsabilite, pou fer rekomandasyon pou en tel pozisyon.  I enportan Mr Speaker, ki nou annan en sanzman dan sou seksyon ki reflekte sa.  E tousala Mr Speaker pe swiv bann nouvo tandans e i reflekte pratik ki siport prensip bonn gouvernans.   Mersi Mr Speaker.

 

MR DEPUTY SPEAKER

Mersi Vis- Prezidan.  Bon deba i ouver lo sa amannman.  Okenn Manm ki oule entervenir. Onorab Basil Hoareau.

 

HON BASIL HOAREAU

Mersi Mr Speaker.  Mon pou vreman kourt.  Mr Speaker sa amannman ki pe ganny anmennen i dan bon direksyon se dan direksyon latransparans, bonn gouvernans, pou asire poudir tou bann lenstitisyon i zwe zot rol dan lapwentman bann en Chairperson over Seychelles Media Commission. E sa i enportan e – me selman ki mon pou propoze se ki nou pou amande, evantyelman mon pou propoze ki nou amann the wording of sa amannman, akoz prezaman la ki mannyer i lir, i donn lenpresyon poudir  CAA Constitutional Appointment Authority i kapab donn zis en kandida en Prezidan e Prezidan  i basically apwent sa kandida.  Mon krwar nou bezwen fer li kler ki poudir CAA i kapab donn diferan kandida prezan Prezidan i a swazir, donn Prezidan sa diskresyon pou swazir rather than pou ganny en pti pe petet enpoze lo li.  So mon pa krwar nou pou al dan Staz Komite mon krwar petet prezant sa amannman, son wording i vreman short.  Zis dir i pou lir:- ‘’The Chairperson shall be appointed from candidates proposed by the Constitution Appointments Authority.’’  So basically lamannman pou dir se ki dan clause 1(a) nou tir ‘from the appointment’ ziska ‘of’So from the word ‘the’ to ‘of’ i ganny retire konpletman e nou ran-plas sa bann mo par sa bann mo swivan:- ‘The Chairperson shall be appointed from candidates proposed by’ apre i kontinyen ‘the Constitutional Appointments Authority’.  So sa i sa ki mon pe sizere pou fer – pou donn diskresyon Prezidan.

 

MR DEPUTY SPEAKER

Ok.  Nou annan en amannman ki’n ganny propoze par Onorab Basil Hoareau.  Okenn Manm ki oule – yes Onorab Ferrari.

 

HON JEAN-FRANCOIS FERRARI

Zis pou demann – mersi.  Bonzour Vis- Prezidan.  Zis pou demann avek Onorab Hoareau from candidates, if it is just one candidate?  Mon ti a kontan ganny en leklersisman if they are unanimous they have one candidate so does it need to be in the wording?

 

MR DEPUTY SPEAKER

Ok.  Mersi Onorab.  Onorab Hoareau.

 

HON BASIL HOAREAU

Yes.  Mwan Mr Speaker mwan mon krwar poudir CAA i devret toultan pe donn Prezidan en swa rather than donn li zis enn dir ek la i la sa enn.  Mon krwar nou annan ase dimoun avek kapasite donn li en swa e from there i fer sa swa; akoz otherwise it will seem ki sa pe ganny enpoze rather than Prezidan ki pou apwente akoz li ki pou pran sa desizyon lekel ki i pou apwente upon the recommendations ofthe body recommending should give at least a choice.  At least two or more. E se sa lide.

 

MR DEPUTY SPEAKER

Ok Onorab Basil Hoareau.  Onorab Georges.

 

HON BERNARD GEORGES

Mr Speaker mersi.  Whether, whether CAA i devret donn en swa Prezidan oubyen non mon krwar i ava depan lo ka, lo en ka par ka; akoz sa pa pou zis en apwentman tanzantan sa lapwentman pou ganny fer sak fwa ki sa Chairperson i retire.  I posib ki dan serten sirkonstans, pou annan 2 ou 3 i posib ki dan serten sirkonstans pou annan zis enn. Mon krwar pou reponn kestyon Onorab Ferrari, lefe ki nou met ‘the Chairperson should be appointed from candidates’ pa oule dir ki CAA pa pou kapab propoz zis en kandida.  Mon krwar the greater includes the lesser.  Alor i ava posib pou zot fer sa.  E wi toutafe, otan ki posib, se Prezidan ki fer me se CAA ki fer rekomandasyon.  Alor nou bezwen fer sir ki enn pa antre lo fonksyon lot e men ler CAA i fer rekomandasyon si menm zot anvoy 2 ou 3 nou mon mazinen ki sa ki zot pou fer, se ki zot ou sizere ki Prezidan i apwent X me solman zot pe propoz Y or Z e li i ava pran son desizyon.  Donk mon krwar tou sa bann keksoz i posib dan sa wording ki nou annan devan nou ozordi.  Mersi.

 

MR DEPUTY SPEAKER

Mersi Onorab Georges.  Yes Onorab Ramkalawan.

 

HON WAVEL RAMKALAWAN

Mersi Mr Speaker, I stand to be corrected lo sa ki mon pe al dir, me zis pour nou – mon ti ava kontan par egzanp si nou ti kapab get wording Konstitisyon letan i ariv pou bann diferan lezot propozisyon ki Konstitisyon i mete. Par egzanp pou Ombudsmen, eski the wording se candidates or candidate?

 

        (Mic Off)

 

HON WAVEL RAMKALAWAN

Konmsi si – i dir candidates?  From candidates proposed?  So i dir appoint one of the candidates proposed e konmsi la ankor enn fwa mon pe regarde si whether nou pe enpoz lo CAA pou li absoliman mansyonn – pou li propoz plis ki en kandida.  Onorab Georges in dir ki the greater include the lesser.  Me solman mwan ki en layman e ki parfwa mon’n bezwen asiste Ankour mon konnen ki poudir sanmenm sa  bann keksoz ki Avoka i kontan.  Parski sa i donn zot en lazournen largiman.  Alors sa ki mon pe propoze Mr Speaker, se instead of jus the words candidates akoz nou pa met sa s in brackets (s)? I mean si nou met sa s in brackets then i ava pe donn CAA sa posibilite; i ava donn CAA sa opsyon pou zot swa – depandan lo zot interview ki zot in fer pou zot propoz zis enn; oubyen si zot in vwar ki poudir i annan plizyer, e ki zot anvi ki sa swa i ganny donnen a Prezidan pou li swazir then i ava fer li.  So mon pe propoz zis sa ‘s’ met li dan brackets – (s), so that it would be less ambiguous. E nou pa ava annan posibilite pou ganny en case Konstitisyonnel akoz konmela se sa – sa i an vogue.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Onorab Basil Hoareau.

 

HON BASIL HOAREAU

Mr Speaker mersi.  Mwan letan mon – parey Onorab Ramkalawan in dir la, nou’n get Lartik 143 (1) kot Ombudsmen, i dir from candidate proposed by the Constitutional Authority. Prezidan will appoint from candidates.  E mon konpran zeneralman sa ki Onorab Georges in dir i korek.  Under nou prensip lenterpretasyon i dir ou the plural includes singular and vice versa.  Singular includes the plural – plural include the singular also e sa i kler.  Me mon konpran akoz da Konstitisyon in servi the word candidates e akoz mwan osi mon pe sizer sa – se pou fer li kler.  Mon krwar dan sa sityasyon i devret kler poudir i devret annan en swa akoz zeneralman letan ou donn en dimoun enn ki kapab annan en statement la i kapab annan en statement la; mon pa pou apwent sa enn.  Donn li en swa at least i annan en pli gran room pou li manoeuver.  E i avoid posibilite kapab annan en stalemate i less.  I less.  Mon pa pou tro dakor pou met sa ‘s’ dan bracket – mon pa pou tro dakor.  Mon pa krwar i proper letan ou pou drafte, ou pou met sa ‘s’ dan bracket.   Mon pa pou tro dakor mon pa krwar i proper pou letan ou pou drafte ou pou met sa ‘s’ dan bracket.

 

(Mic Off)

 

HON BASIL HOAREAU

We can put candidates.  Yes sifo if we want to make it clear but I think the idea should at least letan sa rekomandasyon i ganny fer Prezidan i annan at least en swa.  This is the whole idea.  Anpes annan en stalemate.

 

MR DEPUTY SPEAKER

Mersi Onorab Basil Hoareau.  Mon a les en lot avoka ou en layperson ki’n fer sa mansyonn – Onorab Georges.

 

HON BERNARD GEORGES

Mr Speaker nou pe antre dan en deba filozofi ki mon konnen ki Vis-Prezidan pa’n vin la pour en deba filozofik, in vin la pou li pas son lamannman e retour State House.  Me bear with us akoz i en deba enteresan.  Ou vwar si nou retourn lo striktir pouvwar dan Konstitisyon, i kler ki Prezidan i bezwen fer lapwentman akoz executive authority i avek Prezidan.  Napa en lot dimoun ki kapab egzers lotorite egzekite lotorite dan pei apar ki Prezidan alor se li ki bezwen fer sa apwentman.  Me ler zot ti kree CAA sete pou retir avek Prezidan pouvwar pou swazir.  Zot in met sa dan en lot lenstitisyon.  E donk nou bezwen konsyan ki i annan sa distenksyon ant sa lotorite ki fer sa swa e sa lotorite ki apwente e i annan en distenksyon la ki fodre ganny fer.  E mwan mon krwar ki nou bezwen ase soup, nou bezwen fer ki dan bann sirkonstans kot CAA i krwar ki i annan zis en kandida e sa kandida i devret ganny apwente zot anvoy zis enn.  Dan bann sirkonstans kot zot krwar ki i annan 2 ou 3 ki egalman valab, zot fer zot rekomandasyon an di-z-an i annan sa 3 dimoun nou pa kapab dir ou lekel ki meyer.  Zot tou le 3 zot egalman valab.  Ou ou a swazir enn.  Oubyen  dan bann ka kot zot vwar ki i  annan 2 ou 3 ki valab me i annan  kekfwa enn ki en pti pe valab zot fer rekomandasyon ki i ou swa. Ou ki pou apwente me nou rekomann ki i limero 1 me non pa nimero 2 ou nimero 3.  E donk mon krwar nou bezwen gard sa  souples dan sa striktir e si nou servi donk sa mo, si nou gard sa mo candidates parey i egziste dan Lartik 143 e osi dan Lartik 127 si mon pa tronpe pou bann Ziz ek Mazistra, wi  ‘’…from candidates proposed by the CAA.’’ nou ava pe gard menm striktir atraver nou bann Lalwa.  Kekfwa, kekfwa  pli tar pou nou retir sa eleman kot i annan en konfizyon  candidate and candidates i ava vin en meyer fason.  Me pou le moman si nou fer sa la, kestyon pou ganny demande ler nou pou ariv pou enterpret sa ki nou pe fer la ozordi, Avoka e mon vwar Onorab Hoareau pe fer sa e mon vwar mwan pe fer sa, nou pou konpar li avek Konstitisyon e nou pou dir, dan Konstitisyon alor ler zot met candidates savedir ou bezwen annan plis ki 3 akoz sansan zot ti pou met candidate or candidates egzakteman parey nou annan la.  Alor i ti pou senm en pti pe konfizyon.  Personnelman mwan e vreman mon napa gran preferans, personnelman pou  senplisite e pou koerans mon ti ava reste avek sa lamannman ki ganny propoze setadir ‘’…shall be appointed from candidates proposed by the CAA…’’ akoz anba nou Interpretation and General Provisions Act plural i kapab ganny enterprete konman sengilye.  Mersi.

 

MR DEPUTY SPEAKER

Mersi Onorab Georges.  Yes Onorab Ramkalawan.

 

HON WAVEL RAMKALAWAN

Mr Speaker mon pe zis anvi fer mon konpran sa deba, me selman an ka ki demen i annan en case ki ganny anmennen, mon krwar ki i pou bon pou nou fer li kler dan nou Lasanble pour ki si pe rod levidans ava rod Verbatim pou konnen ki ti lespri avek ki sa mo candidates ti ganny swazir; pou nou tonm dakor e la mon met li dan en fason kler ki Verbatim i ava reflekte sa, ki dan sa Lalwa nou pe dir sa mo candidates i kit sa opsyon pour ki CAA i kapab propoz en non, en kandida, oubyen plizyer kandida.  So that i napa okenn lanbigite si demen Joe Bloggs i deside anmenn en case devan Lakour Konstitisyonnel, letan nou ava retourn lo Verbatim i ava kler sa lespri avek ki sa lamannman pe pase.  Mersi bokou.

 

MR DEPUTY SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Wi.  En pti pwen mwan mon siport absoliman pozisyon Leader Lopozisyon.  Akoz mon demande si demen anba Lartik 127 oubyen anba Lartik 143 pou Ombudsman, oubyen anba sa lamannman ki nou pe vote, si nou annan en  Prezidan ki dir zot in donn mwan zis enn, be mwan mon ti anvi candidates mon.  Zot in donn mon zis enn alors mon pa pe pran desizyon. Akoz I want candidates.  Ok?  Se pou sa mon dernyen attempt se pou dir, can it not be from one  or more candidatesFrom one or more candidates.  Sa i mon dernyen submission me mon les Lasanble deside.  Mersi.

 

MR DEPUTY SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker sa bann deba ki nou pe gannyen la nou pou kontinyen ganny li akoz  serten nou bann provizyon enterpretasyon i baze depi en bon pe lannen.  E mon pa en Avoka me selman si ou ou’n fer, ou’n fer en referans oubyen okenn moman dan Bills Committee nou’n fer referans avek bann Lalwa i annan en dokiman ki apel Interpretation and General Provisions Act.  I en Lalwa ki li ki prevwar bann prensip lenterpretasyon.  E sa mon krwar i pou gid en pti pe largiman ki mon bann koleg lo lot kote latab pe avanse.  Akoz dan sa largiman ki nou pe koz lo la, mon krwar preski nou tou le de kote nou preski tonm lo menm konklizyon, se ki bezwen annan en provizyon pou apwent en dimoun apard ki en dimoun i ganny the absolute power to decide lekel ki bezwen Chair sa bann lenstitisyon.  Be zis pou fer referans avek bann sirkonstans aktyel ki nou’n vwar, nou’n vwar apwentman baze lo rekomandasyon en dimoun ki’n ganny fer pou par CAA, so mon krwar nou bezwen al avek prensip enterpretasyon e osi pratik ki nou annan.  E pratik in montre ki poudir malgre ki si nou pe propoz en kandida oubyen 2 kandida, sa lapwentman i bezwen ganny fer baze lo kalifikasyon.  Nou pa pou propoz nenport ki pou vin Chairman en lenstitisyon kan nou konnen sa dimoun pa pou kapab desarz sa responsabilite.  Dan le fitir petet i ava bon pou nou konsidere, si nou pou bezwen amann nou bann provizyon Lalwa ki konsern sa, akoz si nou pe fer en keksoz ki en derogasyon avek Lalwa ki egziste se la kot nou pou envit en challenge pou li.  Me si i an konformite ave Lalwa ki egziste, i pou en challenge pou nou al enforce, akoz nou pou challenge lo baz kwa.  Vi ki Lalwa i deza preskrir ki son prensip la i la.  Sa plural i ganny define as singular.  Be whereas ler ou entrodwir en eleman ki pa egziste, la konmela dan sa Lalwa, se la kot ou pe envit sa challenge.  E se sa danze ki nou kapab pe kree.  So mwan mon krwar ki poudir zis parey Onorab Georges in dir lamannman parey in propoze i kler e i an akor avek sa prensip Lalwa ki i annan anba Interpretation and General Provisions Act.  Nou respekte sa, me si nou santi poudir i enportan pou nou defini pli klerman keksoz, then nou kapab anmenn the IGPA la anndan e nou a revwar li lo baz ki nou bezwen revwar li pou nou suit bann prensip demokratik ki nou annan ozordi. Mersi Mr Deputy Speaker.

 

MR DEPUTY SPEAKER

Mersi Onorab Sebastien Pillay.  Onorab Georges.

 

HON BERNARD GEORGES

Mersi Mr Speaker.  Mon konsyan ki konman Chair Standing Orders Committee mon pe kas tou Standing Orders ki annan bomaten; akoz i fer trwazyenm fwa ki mon pran laparol dan en deba ler mon annan drwa zis en fwa.  Me mon ti anvi azout zis en pti keksoz kekfwa pou – ki fek vin dan mon lespri.  Fodre nou regarde ki mannyer sa bann lenstitisyon i marse.  Akoz annou pa bliye ki CAA i annan 5 Manm e i annan 2 ki ganny apwente par en politisyen, i annan 2 ki ganny apwente par en lot politisyen.  Si zot pa kapab tonm dakor lo en dimoun, i kler ki ipso facto plizyer non pou monte.  Se sel, sel fwa ki pou annan zis en non se ler i annan linanimite par sa 5.  Alor mon krwar sa li menm li i koriz son lekor.  E i donn nou laklerte lo sa ki nou pe fer ozordi.  Alor mon krwar ki nou kapab reste konfyan ki sa provizyon e lafason ki nou Konstitisyon in striktir sa separasyon pouvwar antye avek  Prezidan, i ava zer son prop lekor.

 

MR DEPUTY SPEAKER

Mersi Onorab Georges.  Mon krwar sa i kler.  Onorab Henri ou ti’n lev lanmen.

 

HON GERVAIS HENRIE

Wi mersi Mr Speaker.  Sa ki mon ti oule dir i totalman separe avek sa ki pe ganny debate.  Sa ki mon le dir se ki mon krwar piblik Seselwa in realize ki depi i annan en pe mwan la Seychelles Media Commission i en pe dan limbo; akoz menm son term, son Board ti’n ekspire – si mon korek en pe mwan, – alor i byen  ki sa lamannman pe vini e i reflekte en pti pe sa trend gouvernans ki pe ganny settle. Me nou a rapel poudir nou’n pas en lamannman lo Bill Seychelles Media Commission pli boner, Bill 11/2017 e ladan dan 10 (a)(1) ti annan en provizyon lo fason ki son basically nou’n sanz, in separ son Chairperson avek CEO.  Avan zot ti en sel dimoun ki ti fer tou le de prezan i separe.  Be selman dan sa lespri gouvernans ki nou pe dir nou pe tant pou al ladan nou vwar ki Chairperson prezan dezormen parey SBC, parey Nasyon, CAA ki pou apwente.  Me selman li i Media Commission son CEO prezan, i still reste avek Prezidan pou apwent li an konsiltasyon avek Sef Ziz, avek Speaker.  E kekfwa  letan sa nouvo Board i ava ganny apwente avek sa Chairman, zot pou bezwen fer en refleksyon lo eski zot oule sa i reste?  Parski si SBC nou’n vwar prezan son Board ki ava interview bann dimoun apre zot a propoz en non pou Prezidan pou vin konman CEO.  Kekfwa this is the trend ki nou merit adopte ki swa pou SBC, ki swa pou NISA e osi Media Commission.  Akoz lenportans sa Lenstitisyon kot nou oule ki i fer en travay ki zis, ki fairSo mwan sa ki mon ti ava annan pou dir, se pour demann the new Board ki ava ganny apwente, pou fer en pe refleksyon dan sa laliny, me pli presizeman ankor pou kontinyen fer bann travay pou elev  nivo medya dan Sesel, akoz nou pe deal ek en kantite size ki  bezwen revwar tel ki difamasyon ki zot bezwen deal avek, social media ki mannyer pe evolye dan Sesel.  Ki mannyer nou pou deal avek bann size ki pe lev-e.  Training Zournalis, tou sa bann keksoz koumsa, so mon sete ki sa nouvo Board i ava donn en nouvo lelan Lendistri Medya dan Sesel.  Mersi Mr speaker.

 

MR DEPUTY SPEAKER

Mersi Onorab. Pwen in note.  Onorab De Commarmond.

 

HON CHARLES DE COMMARMOND

Wi, Mr Speaker se sa ou vwar la yer nou’n fek tann Chairman CAA en dimoun in ganny met devan, en kandida.  Se dan sa lespri ki nou pe dir i fer li pli enteresan letan i annan detrwa prezan petet i swazir ladan ouswa nou bezwen deside si nou pe dir avek sa lenstitisyon anvoy enn e prezan Prezidan i donn son ruling lo sa enn.  Konmsi ti bon.  I byen la nou pe sey al devan la ek sa Prozedlwa la, me selman mon santi mwan ki i bezwen annan en refleksyon pli profon pou vwar vreman ki lespri Konstitisyon pe dir nou, e ki nou move dan sa bann direksyon.  Petet a en lot moman sa i devret ganny gete dan en fason pli afon.  Mersi.

 

MR DEPUTY SPEAKER

Mersi.  Yes Onorab Ramkalawan.

 

HON WAVEL RAMKALAWAN

Mr Speaker mon anvi zis avek tou respe koriz sa ki Onorab De Commarmond in dir, letan in servi legzanp CAA avek sa ki’n fek pase la avek son Chairperson.  Dan sa ka Prezidan napa, i napa swa; parski Konstitisyon li menm li i dir avek ou ki se sa 4 Manm ki swazir the Chairperson.  Si zot pa tonm dakor, se la prezan ki zot bezwen anvoy en lalis e la avek lakantite Manm ki’n ogmante, zot bezwen anvoy en lalis avek en  minimum 3 e en maximum 5.  So dan sa legzanp ki ou’n donnen la, i pa en bon legzanp parski la Prezidan napa swa.  Me tandi ki pou Ziz, pou Ombudsman, pou electoral, pou bann Electoral Commission tou sa bann zafer la, zot kapab anvoy bokou plis, bokou plis non e Prezidan i kapab parey Onorab Georges in dir i kapab balanse.  Me pou the Chairmanship egzakteman pou CAA i egzakteman parey pou PSAB.  Sa 2 la i mars lo menm, lo menm nivo.

 

MR DEPUTY SPEAKER

Ok.  Onorab De Commarmond.

 

HON CHARLES DE COMMARMOND

Non se sa konmsi mon pe dir i koumsa la.  I byen li, me selman mon pe dir avek sa ki nou pe sizere letan mon pe ekout bann largiman, eski i pa pou pous nou pou ariv dan sa direksyon kot tou pou bezwen fer menm parey?  En kestyon ki mon ti’n demande ki dan sa refleksyon letan zot pe deside egzakteman kwa ki pou fer, ki mannyer pou met li, ki zot get tousala ansanm.  Pou le moman mon konnen i koumsa, napa problenm ek sa.  Me selman  mon pe dir ki  zis  pou en pwen refleksyon mon ti  pe me devan.  Se tou.

 

MR DEPUTY SPEAKER

Mersi Onorab De Commarmond.  Petet zis avan mon demann Vis-Prezidan pou fer son konklizyon, mon krwar propozisyon ki Onorab Basil Hoareau in fer, i ava swiv konman en norm.  Nou pe pran li direkteman parey Konstitisyon i dir e dan le fitir mon vwar NISA osi tou, i annan  en clause parey, ki nou ava kontinyen swiv sa, sa clause, sa amannman dapre bann Lartik dan Konstitisyon pou lefitir.  Ok?  E petet Biro Attorney Zeneral i kapab not sa.

 

HON WAVEL RAMKALAWAN

Mr Speaker pou nou pran en vot lo sa amannman.

 

MR DEPUTY SPEAKER

Lo sa lamannman wi.  Ok?  Bon nou’n debat lo sa amannman propoze par Onorab Basil Hoareau.  Eski nou kapab pran en vot lo la ?

Tou Manm ki an faver?

Okenn Manm ki kont?

Ok. Madam Clerk.

 

MADAM CLERK

Mersi Mr Speaker.  Mon’n rikord 25 Manm an faver e personn kont.  Mersi.

 

MR DEPUTY SPEAKER

Ok. Mon a donn Vis-Prezidan drwa repons lo Bill, konman in ganny amande.  Vis-Prezidan.

 

 

VICE-PRESIDENT MR VINCENT MERITON

Mersi Mr speaker.  Mr Speaker mon ti krwar konmsi nou pou fini parey nou’n fer avek sa lot Lalwa lo Lazans, be ou vwar bann deba mannyer i vini.  Ou bezwen les dimoun parler, isi Parlman e  ou bezwen prepar ou pou tou evantyalite.  Me selman mon konpran konsern ki Onorab Ramkalawan ek Onorab Ferrari in mete, e mon ganny rasire par bann Avoka lo tou le de kote latab e avek par Acting AG ki Ankour pa pou kapab, sa pa kapab vin en largiman ki pou ganny lev-e, akoz bann konfreri dimoun ki ekri Lalwa in deza annan en kiltir, en koutim  ki mannyer i ganny ekrir, a mwen ki nou le sanz sa o fir  e a mezir.  Me selman fodre osi dir ki defann nou lekor Ankour i pa zis monopoly bann Avoka.  En dimoun i osi kapab parey Onorab Sebastien Pillay in demontre ou kapab konn Lalwa e defann ou lekor Ankour.  Apre osi mon krwar mon ti a kontan remersi Onorab Henrie pou sa pwen ki in met devan wi.  Nou bezwen al gete.  Tou fason semenn prosenn ler mon anmenn sa amannman lo Lalwa NISA nou ava fer sir nou a gete ki mannyer i antre ladan. Be selman Mr Speaker mon remersye tou dimoun e mon krwar nou tou nou pe koz menm langaz.

 

MR DEPUTY SPEAKER

Mersi Vis-Prezidan.  Bon nou ava pran en vot lo merit Bill e Bill konman in ganny amande en.

Tou Manm ki an faver?

Okenn Manm ki kont?

Madam clerk?

 

MADAM CLERK

Mersi Mr Speaker.  27 Manm an faver e personn kont.  Mersi.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mr Speaker kantmenm in annan en pti pe diskisyon ape koze lo sa amannman, i ti en senp amannman e nou vwar lefe ki napa amannman sibstansyel lo sa Bill anba Order 91 (1) mon oule move ki nou sispann lartik 65 a 70 e ki nou sot Staz Komite sa Prozedlwa ki devan nou.  Mersi.

 

MR DEPUTY SPEAKER

Ok.  Okenn Manm ki segonde?

 

HON SIMON GILL

Segonde Mr Speaker.

 

MR DEPUTY SPEAKER

Mersi Onorab Simon Gill.  Nou kapab pran en vot?

Tou Manm ki an faver?

Okenn Manm ki kont?

Madam Clerk?

 

MADAM CLERK

Mr Speaker 28 Manm ki an faver.  Person kont.  Mersi.

 

MR DEPUTY SPEAKER

Ok.  Savedir nou napa Staz Komite.  Mon a demann Onorab De Commarmond pou move Mosyon pou Third Reading.

 

HON CHARLES DE COMMARMOND

Mersi Mr Speaker. Mr Speaker anba Order 71 (1) mon oule move ki the Seychelles Media Commission (Amendment) Bill 2017 i ganny lir en Trwazyenm Fwa.

 

MR DEPUTY SPEAKER

Mersi Onorab.

 

HON SIMON GILL

Segonde Mr Speaker.

 

MR DEPUTY SPEAKER

Mersi Onorab Simon Gill pou segonde.  Nou ava pran en vot.  Tou Manm ki an faver?

Okenn Manm ki kont?

Madam Clerk?

 

MADAM CLERK

28 Manm an faver Mr Speaker e personn kont. Mersi.

 

MR DEPUTY SPEAKER

Ok.  Mon a demann Clerk pou proceed pou fer en Third Reading.

 

MADAM CLERK

Mersi bokou Mr Speaker.  This Act may be cited as the Seychelles Media Commission (Amendment) No. 2 Act of 2017.  Mersi.

 

MR DEPUTY SPEAKER

Mersi.  Savedir sa Bill in ganny aprouvasyon Lasanble Nasyonal.  E avek sa mon ti a kontan, wi demann Onorab De Commarmond move sa Mosyon pou nou retir Bill NISA pou ganny prezante next time.

 

HON CHARLES DE COMMARMOND

Mersi Mr Speaker.  Mr Speaker regarding sa Bill NISA mon krwar ki lefe ki amannman  i sibstansyel e ki merit ganny revwar an totalite e mon pe anba Order 72 mon oule move ki nou retir sa Bill devan nou Lasanble son Second Reading e ki en nouvo Bill ava ganny prezante o pli vit posib devan nou Lasanble lo sa Prozedlwa.  Mersi.

 

MR DEPUTY SPEAKER

Mersi Onorab.  Nou annan en Manm ki segonn sa Mosyon?

 

HON SIMON GILL

Segonde Mr Speaker.

 

MR DEPUTY SPEAKER

Ok.  Yes Onorab Ramkalawan.

 

HON WAVEL RAMKALAWAN

Mr Speaker zis pou mwan I mean ozordi le 3 Oktob. E mon vreman  regrete mon dan fon mon leker mon regrete ki nou pa pe pas sa Bill ozordi.  Parski i ti ava en zour istorik parski parey nou konnen le 3 Oktob 2006, plizyer nou ti ganny bate devan Lasanble Nasyonal,  letan nou ti a pe lager pou sa laliberte lekspresyon e ki si nou ti pas sa Bill ozordi avek bann lamannman ki pe fer pou montre ki konmsi i annan en pli gran louvertir, en pli gran laspe, lapse laliberte lekspresyon konmsi ti pou, konmsi ti pou tous zisteman lo son zour.  Me antretan Mr Speaker la 12.30 nou pe al tir en portre devan ansyen Lasanble Nasyonal mon envit tou nou bann Manm konmsi dan Lasanble, konmsi pou nou al ansanm pou montre ki poudir nou krwar dan laliberte lekspresyon.  Mersi.

 

MR DEPUTY SPEAKER

Mersi Onorab Ramkalawan.  Me le neseser pe ganny fer.  Sa Bill NISA pou vini.  I pou annan osi swivi par access to information Act ki nou konnen tre byento i pou vin dan Lasanble.  Bon an vi ki, nou pran en vot, nou pran en vot lo sa Mosyon non.  Ok nou pran en vot lo Mosyon pou withdraw sa Bill NISA.  Tou Manm ki an faver ? Ok. Wi.  Ok nou pa bezwen, sirkonstans ki lev-e.  Ok.  Avek sa mon ti a kontan remersi Vis-Prezidan lo konnen i en pti pe hectic pou ou ozordi, me nou’n fer le neseser Vis-Prezidan ki ou’n kapab vini.  Liber ou apre midi.  Mersi bokou avek ou delegasyon VP.

 

 

(VICE-PRESIDENT MR MERITON AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon mon ti a  kontan prezant en apology pou Minis Bastienne ki’n vini osi bomaten e zis mon fer rapel Manm piblik e osi nou bann Manm dan Lasanble, ki nou pou pran Minis Bastienne apre midi pou sa Urgent Question 2er, swivi par son Statement lo sityasyon Labita dan Sesel, dan son Plan Konpreansiv.  Ok ?  Avan nou adjourn  mon annan en lanons pou mon fer.  Komite COGA Government Assurance Lasanble pou meet 1er dan Committee Room 3 ozordi an preparasyon pou en meeting ki pou ganny fer avek Minis  Bastienne Lendi le 9 Oktob.  OkSo tou Manm COGAYes Onorab Ramkalawan.

 

HON WAVEL RAMKALAWAN

Mr Speaker.  Mon zis anvi regarde parski la nou pou annan sa Urgent Question avek sa Statement.  Mon pe zis regarde nou pa krwar ki poudir petet nou ti ava kapab mazin an term osi sa premye Mosyon Onorab De Commarmond, lo lapwentman nouvo Komisyoner Lapolis pou nou regarde si nou kapab fer nou travay lo sa 2 keksoz ziska 3.30.  4er nou ti ava kapab enterakte avek Mr Labonte e nou ale ziska 5er – 5.30, nou fini epi demen, demen nou pou half day nou ava kapab ler-la pran plis Mosyon. Mon pe zis met sa propozisyon.

 

MR DEPUTY SPEAKER

I tou depan lo zot.  I tou depan lo kantite kestyon siplemanter ki ganny lev-e, akoz parfwa ler nou isi dan Chair nou tant pou nou regle en pe lakantite Kestyon Siplemanter, me apre nou ganny akize konman diktater.  So mon anvi zis fer zot konnen poudir i tou a zot diskresyon.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mwan mon toutafe dakor.  Mon krwar Mr Labonte pa lontan i ti pas devan nou Lasanble letan ti pe al kot NDEA nou’n ganny en koze ek li, nou’n vwar li kot pe perform.  Mwan fransman dir ou si nu kapab fer sa ozordi mwan mon ok.  Me i pa depan lo nou li.  I depan lo Chair, ki mannyer Chair pou manage  sa letan pou Kestyon, pou Statement ensidswit.  Mwan mon ti a kontan si ozordi nou fini tou sa mwan.

 

MR DEPUTY SPEAKER

Ankor i pou depan osi lo ki longer Statement Minis Bastienne.  Me progranm se ki ler nou retournen 2er nou pran sa Urgent Question par Onorab Wavel Woodcock, swivi par Statement Minis i ava annan kestyon siplemanter lo sa kestyon.  Statement Minis i ava sisit serten kestyon lo Lasanble.  Si nou kapab fer sa ki par 3.30 nou kapab dismiss Minis Bastienne, then ler nou antre 4er, mon krwar 4 er ziskan 5er i pou donn ou ase letan pou Mr Labonte prezant son lekor. E Lasanble i fer sa interview.  Ok?  Mon annan en lot pti lanons aparaman Komite Madanm osi tou pe meet 1er dan Committee Room 2. Ok.  Avek sa nou adjourn ziska 2er.

 

(BREAK)

 

MR SPEAKER

Bon bonn apre midi tou dimoun mon a swet zot byenveni pour nou Sesyon apre midi e mon ti a kontan lo la par Lasanble e tou bann ki pe ekoute swet la byenveni dan Lasanble Mr Minis Charles Bastienne, Minis pour Labita, Lenfrastriktir ek Transpor lo Later ki akonpannyen par son 2 PS Mr Yves Choppy PS pour Lenfrastriktir, e Mr Denis Barbier ki PS pour Labita.  E toudswit nou pran sa Kestyon Dirzans premye apre nou ava al lo en Statement ki Minis ti a kontan fer. Mon a demann Onorab Wavel Woodcock Manm Lasanble pour Grand Anse Praslin pour poz son kestyon Minis Bastienne.

 

HON WAVEL WOODCOCK

Mersi Mr Speaker, bonn apre midi Minis avek ou delegasyon, mon kestyon i konm swivan, eski Minis pour Labita, Lenfrastriktir ek Transpor lo later i kapab eksplik nou akoz ki plizyer zabitan Moulinien Estate pe ganny demande pour pey R25, 000 par lakaz pour refer zot twatir vi ki zot trwa ti sipoze ankor dan an bonn eta depi ki zot ti’n aste e rantre dan sa bann lakaz?  Mersi.

 

MR SPEAKER

Minis Bastienne.

 

MINISTER CHARLES BASTIENNE

Mr Speaker tou Manm Onorab e tou bann dimoun ki a lekout bonn apre midi, bann lakaz ki pe ganny fer referans avek i sa 16 Unit ki ti ganny konstrir dan proze Moulinien faz 1, sa 16 lakaz i bann semi-detached, 15 parmi sa 16 Unit bann zabitan ti lo Lagreman pour aste zot lakaz, tandis ki 1 ti lo rental, normalman bann dimoun ki lo Lagreman pour aste zot lakaz ki bann semi-detached oubyen sa ki nou apel bann town houses i annan responsabilite pour fer zot bann travay maintenance zot menm apre ki peryod defects liability 12 Mwan apre konstriksyon proze in fini pase.

Faz Moulinien Estate ti konplete e ganny allocate an 2004, savedir 13an pase.  Pour elabor larepons pour sa kestyon fodre pas en pti pe lo listwar sa proze ranplas twatir e repar plafon andomaze ki pe ganny antreprann an se moman, ti annan en formil ki ti ganny adopte pour finans sa bann travay, Minister ti’n obzerve ki dan serten Estate ki’n kouver avek concrete roof tiles apre en serten letan sa problenm koule in manifeste.  Minister ti organiz pour etablir kou pour ranplas bann kouvertir concrete tiles avek tol ki annan pli bon spesifikasyon e pour zwenn avek bann zabitan, pour eksplik zot propozisyon pour rezourd sa bann problenm.  Swivan sa an Out 2015 en meeting ti ganny organize avek bann zabitan Marie-Jeanne Estate ek Moulinien Estate pour enform zot lo kou estimen par lakaz pour refer twatir.  Bann zabitan ti osi ganny enformen ki Minister in pran konsiderasyon ki lifespan sa sistenm kouvertir i pa’n dapre lekspektasyon e ki Gouvernman pour alor kouver 50 poursan sa kou.

En fasilite HIL Home Improvement atraver HFC ti ganny ofer avek bann zabitan, pour zot kapab kouver zot kontribisyon.  Swivan sa, Minister ti organiz Tender pour Kontrakter pou fer sa travay apre ki bann pri ti’n ganny etablir pour sak model lakaz Reprezantan Minister ek HFC ti pas kot bann lakour pour enform zot, zot kontribisyon ki zot bezwen fer e ofer zot en HIL.  Pour Moulinien Estate tender ti tonm R50, 295 par lakaz ki vedir kontribisyon sak Unit baze lo 50 poursan ti pour R25, 147. 50sou.  Tandis ki proze Marie Jeanne ki ti komans an Avril 2016 me proze Moulinien li ti demare an Juillet 2017.  Dan ka Moulinien Estate ti annan 6 lakaz ki ti konfirm zot partisipasyon e alor annan 6 lakaz, i annan 6 lakaz ziska prezan in fini ganny rekouver.  Minister in konstate ki i annan serten zabitan ki pe ganny difikilte pour zot Loan HFC kapab process alor Minister pe ofer bann zabitan ki ankor pe pey zot House Purchase Agreement avek PMC posibilite pour fer zot kontribisyon par azout zot 50 poursan sa sonm lo zot balans repeyman e aziste dirasyon zot repeyman lakaz.  Pour bann zabitan ki dakor ek sa laranzman Lagreman a ganny sinyen e louvraz i a kapab ganny antreprann.  Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Mr Speaker i annan plizyer bann zabitan sa Estate ki zot pa neseserman an Lagreman avek sa propozisyon ki’n fer par ou Minister, pour ki zot bezwen pey sa R25, 000 pour repar zot lakaz; sirtou par lefe ki i annan zot ki depi ler zot in move dan sa landrwa zot pe konplent ki sa bann tiles ki’n ganny servi, i bann substandard tiles.  E from the beginning zot pe ganny problenm avek sa bann tiles.  E ou menm ou Minis ou’n admet ki sa bann concrete roof tiles i pa’n dapre ekspektasyon.  E mannyer mon ape get keksoz mon vwar poudir ou Minister pe servi 2 pwa 2 mezir, ler ti annan bann issue avek lakaz Perseverance, zot ti donn 2 opsyon bann zabitan laba, enn sa opsyon se pour relocate zot, lot se pour aranz sa bann lakaz.  I annan issue ki ti arive Condominium problenm karya dan plafon, Minister ti fer reparasyon lo sa bann lakaz, san ki sa bann dimoun ti bezwen incur sa extra cost.  Ou bezwen pran kont osi, ki sa bann dimoun zot in peye pour ganny en servis pour ganny en lakaz.  Zot in peye pour sa lakaz.  Zot pa’n ganny donnen.  E la ou pe demann zot pour pey en extra larzan pour araz sa twa kan sa bann twa ti sipoze ganny fer dapre en serten standar, dapre en serten kondisyon e la sa bann dimoun bezwen vwar zot bezwen pey R25, 000.  Eski ou pa krwar se ki ou Minister, ki merit pran responsabilite pour repar sa bann twa, san ki sa bann dimoun bezwen pey en extra larzan ankor pour repar sa bann twa?

Mwan mon krwar i merit responsabilite ou Minister.  Olye ki ou enpoz lo sa bann dimoun pour pey en extra larzan ankor pour re aranze, kan in the first place zot sipoze move dan en lakaz standar, son twa ti merit standar.  Non pa bann twa 2enm substandard ki ozordi tou sa bann appliances, i annan plizyer zot in perdi bokou zot bann keksoz.  Delo in rantre anndan zot in perdi zot bann appliances, problenm electrical tou sa bann problenm e zot in fer kantite kou, en kantite depans.  E mwan mon pa krwar i fair lo sa bann dimoun Minis, pour zot kapab, pour zot fer ankor sa extra depans R25, 000.  Eski ou Minister i kapab get dan posibilite fer sa bann reparasyon san ki ou enpoz lo sa bann dimoun pour pey sa larzan ankor?  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker as far ki mon konstate se ki, menm si depi lo komansman, en pe lo komansman letan bann dimoun ti ganny allocate sa bann Unit Moulinien Estate ti annan en pe problenm avek sa bann concrete tiles.  E mon osi konnen poudir PMC a sa moman letan ti fer serten travay renovasyon lo sa bann twatir pour minimiz oubyen elimin kot i posib, sa bann problenm koule ki ti pe annan lo bann Flat Moulinien.  Me malerezman sa pa’n neseserman – parey nou pe konstate ozordi, in rezourd sa problenm 100poursan. me selman an menm tan i annan ki letan PMC ti fer travay lo zot, ti fer bann travay parey mon dir ti sanz bann capping lo bann, dan bann valley e osi lo zot ridge anler additionnellement ti fer travay lo zot plafon dan zot lakaz, e osi avek zot bann eaves, sa ti ganny fer par PMC en fason pour fer sir pour prolonz sa kantite letan ki nou ti pe ekspekte, konm kwa nou kapab rezourd sa problenm.

Me la almost 13an pli tar la nou pe vwar poudir bann problenm i ganny re manifeste.  I pa vedir poudir PMC pandan tou sa letan oubyen Minister, pa’n fer nanryen pour sa bann zabitan, akoz nou koman nou Polisi Gouvernman nou pa ti pour les en dimoun viv dan tel sityasyon.  Me zis ki apre ki travay ki PMC in refer ankor ki nou’n vwar poudir problenm in releve, la ki nou vwar li pour nesesite pour nou enn fwa pour tou – an vi ki sa problenm concrete tiles nou pe rankont li lo en bon pe nou bann Estates sirtou nou bann Flat, ki nou’n fer en pe partou dan bann distrik, vwala kot nou’n dir enn fwa pour tou, petet nou pour bezwen retir sa bann concrete tiles en mannyer i ava rezourd sa problenm enn fwa pour tou.  Me vwala kot nou’n santi nou Gouvernman ki sa Scheme i annan en pe letan, depi avan dan 2015 ki mon krwar sa ti pe ganny fer, ki vi ki in ariv 13 an son lifespan ki normalman mon ganny dir son lifespan ti ekspekte apepre en 25an, 30an parla, so vwala kot i dir petet sa bann dimoun zot a fer en kontribisyon 25 poursan.  Me selman an menm tan letan nou pe diskit kontribisyon 50 poursan savedir R25, 000, me an menm tan letan nou pe dir sa nou bezwen mazin lot kote Marie-Jeanne Estate.  Menm formil parey pe ganny servi an vi ki Marie-Jeanne osi ti kouver avek concrete tiles.  I annan plizyer dimoun Marie-Jeanne Estate ki’n aksepte sa formil ki nou’n met devan.  Me vwala kot nou krwar poudir ek konsiltasyon ki ti fer avek sa bann dimoun, si prezan i annan serten ki pe santi poudir this is not the right formula, nou pare pour nou retourn kot zot, pour nou koz avek zot e petet zot annan kontrent finansyel nou ava vwar ki mannyer nou a handle.  Parey mon’n dir dan mon entervansyon se ki nou pare pour nou azout sa lo zot House Purchase ki i pa pour met en imedyatman en burden finansyel lo zot, me zot ava re pey li over en, re pey zot House Purchase over lo en letan en pti pe pli long.  Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Ok, be ki pour arive avek bann dimoun ki pe refize siny sa bann Kontra?  Akoz i annan plizyer zot ki pe refize siny sa bann Kontra, zot pe refize pour pey sa bann, pour repar zot twatir ki pour arive avek zot?  Ki mezir ki ou Minister pour pran pour ed sa bann dimoun par lefet ki zot pa pe agree avek sa bann term, sa bann kondisyon ki ou’n met par devan zot akoz i annan plizyer, mon krwar apepre 4 a 6 dimoun ziska prezan zot pe refize pour fer sa peyman?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker pour sa 4 ou 6 dimoun ki i annan, mon Minister i ava retourn kot zot pli vit posib.  Nou ava koze, nou a dyaloge ek sa bann dimoun e apre nou a regarde ki nou pour fer swivan nou dyalog ki nou’n fer avek sa bann dimoun.  Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker en kestyon ase senp mon krwar, Minis vi ki toultan dan nou pei nou pe koz lo bann prodwir ki pa lo standar e nou pa konnen lekel ki responsab, la nou dan en ka kot Gouvernman in aste avek en Lakonpannyen prive, 1 prodwir ki sipoze last ant 25 an a 30an, sa prodwir apre 13an lanmwatye son letan, i demann sanze; dan sa ka kot UCPS mon krwar ki fer sa bann tiles i enn bann Kontrakter ki ganny Kontra avek Gouvernman ki benefisye avek Gouvernman, ki ler zot bezwen Manm Lasanble pour al lager pour UCPS lo Zil laba pour rod ankor ros pour zot kraze, Lasanble i ale, eski i pa normal ki nou koman en Lasanble nou demande, ki osi UCPS i pran son responsabilite dan sa ka, e ki kontribye dan reparasyon sa bann lakaz; dan en mannyer ki i ava vin en pti pe pli mwens ki pour, en pe mwens pour bann zabitan.  Mon ti ava dir as a minimum si Gouvernman pe kontribye en tyer, zabitan i kontribye en tyer, UCPS i bezwen kontribye en tyer.  La nou’n vwar, nou’n vwar en prodwir e mon asire, mon pa konnen si zot in demann UCPS, me si zot pa’n demann li, mwan mon asire ki Mr Albert ki en dimoun ki en, ki sipoze en good corporate citizen i pour dir deswit wi.  Mon santi mon annan en responsabilite e mon pare pour mon kontribye.  Ki ou kapab fer pour sa Minis?  Mersi.

 

MR SPEAKER

Minis la ou’n ganny en konkret propozisyon pour negosye.  Pour ou laparol Minis.

 

MINISTER CHARLES BASTIENNE

Mr Speaker mon krwar ki pwen ki Onorab Ferrari pe met devan i valab e mon krwar ki, mon pa tro sir ki diskisyon ki Minister avan in annan avek UCPS vizavi sa; e mon krwar ki mon a rod en pe plis lenformasyon, mon ava vwar kwa ti ganny diskite akoz pa bliye nou napa zis sa prodwir ki’n ganny fer kot Moulinien Estate, nou annan plizyer nou bann Housing Estate kot nou’n kouver bann Flat partou.  Mont Fleuri menm i annan kot apre nou’n vwar nou bezwen retire remet tol, so mon krwar ki mon bezwen revwar avek mon bann Zofisye ki diskisyon in annan avek sa supplier sa lepok e apre la nou a regarde ki nou mannyer nou pour bouz ladan.  Me selman toudmenm pwen mon krwar i valab Mr Speaker.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Bonn apre midi Mr Speaker, bonn apre midi Minis avek ou delegasyon e bonn apre midi tou dimoun, Mr Speaker napa sa bann tiles ozordi dan pei ki UCPS or whoever i pe prodwir.  E in annan lezot Housing Estate ki osi dan menm sityasyon.  E i annan presedans ki’n ganny fer kot i annan Housing Estate ki zot bann tiles sa bann lakaz, ti dan problenm e Gouvernman in vini in fer pour nanryen san met en lenplikasyon finansyel lo bann tenants, lo bann dimoun ki ti own sa bann landrwa.

Mon kestyon i swiv, i koumsa; ki lenplikasyon Legal Minis i vwar i pour annan, si baze lo bann fe ki devan nou la ki’n ganny dir dan sa Lasanble ozordi la apre midi, sa bann sitwayen afekte sirtou an tenir kont ki parey mon dir i annan presedans deza ki’n arive i pran mezir Legal pour adres zot bann problenm?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar ki konsernan si zanmen i annan bann laspe Legal, sa i keksoz ki mwan mon pour bezwen vwar avek Biro Attorney Zeneral ki mannyer nou pour deal avek.  E si sa bann dimoun ti zanmen petet zot met Gouvernman, pran aksyon Legal kont Gouvernman lo sa size, then mon krwar nou pour bezwen rod avek Biro Attorney Zeneral ki fason nou pour handle sa sityasyon.  Me selman parey mon pe dir se ki la gran mazorite sa bann tiles i ganny servi lo bann Blok Flats ok?  Lo bann Blok Flats Gouvernman ti pran lo li menm, an vi ki pa neseserman i ganny owned par en sel endividi, Gouvernman ti pran lo li menm pour li fer reparasyon lo tou sa bann Blok Flat li menm.  Onorab ou kapab konstate Brilliant Housing Estate i enn an partikilye kot ti ganny servi sa bann e St Andre osi.  E vwala kot case kot i fer sa diferan se ki Blok Flat Gouvernman PMC pran responsabilite.  Me bann ka endividi vwala kot akoz sirkonstans zot Lagreman anba House Purchase Agreement, pou zot vin Propriyeter zot prop lakaz, vwala kot la i annan sa formil ki’n ganny adopte pour zot.  Me konsernan laspe Legal, evidaman sa Biro Attorney Zeneral i ava donn nou gidans lo fason ki nou pour proceed avek si zanmen nou ganny met Ankour.  Mersi

 

MR SPEAKER

Onorab De Commarmond.

 

HON CHARLES DE COMMARMOND

Dan sa ka Mr Speaker eski Minis pa ti ava, i byen ki petet son Minister ti’n pran konsey dan sa fason avan.  Petet letan ki nou reponn sa kestyon la, petet in vwar sa lenplikasyon ti a kapab petet adres sa; sirtou parey nou pe dir, sa bann dimoun pa zot ki’n swazir kwa ki zot pour kouver zot lakaz avek letan in donnen, in donn en fait akonplir prezan kekfwa zot.  I annan zot kekfwa zot ti ava anvi al aste sa materyo zot menm zot pour soz, me napa lo market.  Konmsi i annan serten, mon vwar mwan serten lenplikasyon ki merit vwar pli devan pour kapab avan ou zis petet donn en larepons konkret la, ki kekfwa ti bon ou vwar sa ally la, sa semen.  Mersi.

 

MR SPEAKER

Ou pe koz pour lavenir konmsi?

 

HON CHARLES DE COMMARMOND

Well an tenir kont sa ki la devan nou, sa sityasyon e osi petet in future.  Akoz ou pour gannyen si ou ouver en semen ki ouver la tou dimoun pour oule swiv sa.

 

MR SPEAKER

Minis.

 

MINISTER CHARLES BASTIENNE

Mr Speaker se pour sa rezon ki mon’n dir mon bezwen vwar avek mon bann Zofisye, ki egzakteman ki mannyer nou ti angaz nou avek sa prodikter sa prodwir avan.  E swivan sa prezan la nou ava, mon a konnen kwa ki’n ganny fer, kwa ki’n ganny diskite, kwa ki’n pa’n ganny diskite; whether sa producer in vwar poudir li i pa liable pour tel, tel rezon ki mon napa lenformasyon avek mwan, so enn fwa nou’n explore sa; parey mwan dir mon pa pe ferm sa laport parey Onorab Ferrari in demann mwan more or less menm kestyon nou, nou a rode ki mannyer nou pour handle.  Mersi Mr Speaker.

 

MR SPEAKER

Onorab Churchill Gill.

 

HON CHURCHILL GILL.

Mersi Mr Speaker.  Bonn apre midi Minis ek ou delegasyon, bonn apre midi tou Manm e dimoun ki a lekout.  Minister nou tou nou konnen Polisi ou Minister, se pour asiste bann fanmir Seselwa ek lakaz.  E dan sa ka an kestyon, dan ou lentervansyon ler ou’n reponn premye kestyon ou’n dir ki sa bann dimoun i annan pe lwe, sa bann semi-detached, apre i annan future zot anvi ler zot in fini peye pour vin pour zot.  E mon krwar nou bezwen get sa Polisi, akoz si en dimoun pa ankor fini pey en keksoz, i pa ankor vin pour li, e si i pa ankor vin pour li i pa devret son responsabilite pour li aranz sa lakaz nenport ki defect ki arive.  E prezan baze lo sa leksperyans pour letan ou’n dir ti annan 12 mwan defect liabilities, sa i montre nou poudir nou bann Housing Estate nou pa devret annan 12 mwan defect liabilities.  Akoz i kler ki sa bann defect i pa vin dan 1an, i vin bokou plis lannen ki sa.  Alors mon ti a sizere nou revwar sa bann dimoun ki pe refize parey ou’n dir, ou ava koz ek zot, me selman i annan ka osi Baie St Anne kot i annan dimoun in peye, pe peye rather pa ankor ganny fer.  Apre i annan dimoun pa’n peye me selman in fini ganny fer.  Prezan i annan sa konsern kot sa enn ki’n peye ki pa ankor ganny fer, i ape rode ki mannyer sa lot li pour li in fini selman li i pa ankor peye.

 

MR SPEAKER

Kestyon.

 

HON CHURCHILL GILL

Mon ti a kontan ou eklersi sa pour nou Minis.  Mersi.

 

MR SPEAKER

Minis, leklersisman.

 

MINISTER CHARLES BASTIENNE

Mr Speaker mon krwar mon’n dir poudir i annan zis enn ki pa ti ankor aste, i ti lo rental, evidaman ler i rental Ownership i ankor avek PMC, so Gouvernman i annan sa lobligasyon pour sanz sa twatir dan sa ka partikilye.

Dezyenmman kot i konsern defects liability, defects liability normalman 12 mwan is the norm.  Me solman evidaman si ou pour fer increase ou defects liability period i pour vin avek en kou; si par egzanp ou al dir 2an, 3an evidaman kontrakter sa pour ganny build as part of son Kontra konm kwa ou pe increase sa, definitivman akoz i annan en burden finansyel.  Apre trwazyenmman konsernan ka kot enn oubyen de kot in ganny fer me pa’n neseserman pran son loan ou kwa, lenformasyon ki mwan annan se ki sa i en case, me 2 case an partikilye ti annan en pe retar pour finaliz son loan ok?  Nou pe koz Marie-Jeanne la ok?  E vwala kot mon’n ganny dir poudir le neseser pe ganny fer avek PMC ek HFC pour sa dimoun osi pour finaliz son loan – si pa ankor by now en fason pour li osi peye e fer son kontribisyon parey tou lezot dimoun.  Mersi Mr Speaker.

 

MR SPEAKER

Onorab Gill.

 

HON CHURCHILL GILL

Yes, Minis sa defect liability ler nou gete i pe protez Minister avek kontrakter me sa dimoun ki pe fer fas avek sa sityasyon dan sa lakaz, mon pa vwar ki bor li i benefisye la, me selman nou, nou sipoze pe asiste li.  Mersi.

 

MR SPEAKER

Minis

 

 

MINISTER CHARLES BASTIENNE

Mr Speaker normalman i annan 2 kategori ki nou kapab annan bann defects liability.  Mon annan bann minor keksoz en, par egzanp ok nou annan twatir tou me sa i ganny kategoriz bann anba minor.  Me si zanmen at any point in time, nou annan problenm avek striktir menm apre komans fele partou e tou, sa still i reste responsabilite Minister ou konpran, akoz Minister se li ki’n siperviz proze, son prop Enzenyer e tou e vwala kot Minister pour kontinyelman responsab, me si nou pe koz bann lezot keksoz ki pa telman a la oter parey bann striktir then son defects liability period i pour 12 mwan.  Mersi Mr Speaker.

 

MR SPEAKER

Onorab Aglae.

 

HON EGBERT AGLAE

Mersi Mr Speaker, bonn apre midi Minis avek ou 2 PS.  Minis anliny avek morso ou larepons ki ou’n donnen an vi avek sa bann twatir, mon kestyon i enn, se ki si i annan en subsidy baze lo sa pri ki zot pe donnen ki’n mansyonnen 25, 000 pour fer sa bann renovasyon, si Gouvernman pe subsidize?  Enn.  Dezyenmman konbyen pe koute an totalite pour kapab fer sa renovasyon dan son totalite, e dernyerman se si vi ki sa bann problenm i pa zis lo Praslin en pti pe partou lo Mahe, si ou Gouvernman, ou Minister i annan en plan etale pour kapab vwar lezot sa bann Housing Estate ki annan sa bann problenm, pour kapab etal li lo en plan ki sa bann problenm a ganny rezourd enn fwa pour tou ki tou dimoun i ava zwir zot lakaz byen.  Mersi.

 

MR SPEAKER

Minis ou le reponn sa oubyen ou le reponn apre ou’n fer ou Statement?  Akoz ou Statement i lo Comprehensive Housing Plan, ou le pran sa enn la.

 

MINISTER CHARLES BASTIENNE

Mr Speaker mon a vitman reponn sa en.

 

MR SPEAKER

Wi.

 

MINISTER CHARLES BASTIENNE

Konsernan subsidy nou deza annan sa subsidy i ariv R50, 000 roughly pour enn sa bann twatir, Gouvernman li pe pey 25, 000 e sa dimoun li i pey 25, 000.  Konsernan bann lezot Estate vitman se ki nou annan en plan ki ‘n komanse depi lannen pase, i annan plizyer bann Estate zot kapab konstate dan zot distrik kot travay in fini ganny fer pour kapab ranplas sa bann concrete tiles avek tol.  So sa i deza ongoing e i annan plan pour al kot bann lezot landrwa kot pa ankor tackle ki dan Bidze 2018 pour kapab hopefully by 2018 nou a’n konplete avek sa legzersis pour ranplas sa bann tiles kot nou annan bann problenm; sirtou lo bann block Flat ki tonm anba bann responsabilite PMC.  Mersi Mr Speaker.

 

MR SPEAKER

Onorab Vidot.

 

HON AUDREY VIDOT

Mersi Mr Speaker.  Bonn apre midi tou bann Onorab, Minis ek ou lekip.  Minis mwan mon kestyon i, mon oule en leklersisman premyerman eski ou Minister in, i annan bann lezot ka kot dan zot bann Housing Estate ki zot in sanz sa bann twatir sa bann kliyan in pey plis ki R25, 000?  Si wi, ki rezon?  E dezyenmman petet ki kriter?

Dezyenmman ki ou Minister i kapab fer pour fasilit bann sityasyon kot i annan bann parey dan en ranze Blok ki ou annan ou 3 Unit, 3 ou 4 Unit, si i annan dimoun ki’n komans eksperyans problenm twatir koule i annan in fini, tou le 3 in fini aste, me i annan ki pour li petet pa ankor komans koule, me i pe donn difikilte pour agree pour Minister kapab antre lo sa negosyasyon pour kouver antye sa bann ranze Blok ki laranzman ki zot Minister kapab fasilit ou bann dimoun?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar pour pri i pour tou depan lo tender ki gannyen.  Parey nou’n vwar poudir Marie-Jeanne ti pli bon marse ki kot Moulinien.  So tou keksoz i an fonksyon ape ki ou’n tender apre la pri i ganny partaze dapre grander twatir ki zot pe occupy.  Dezyenmman se ki konsernan, Mr Speaker in sap mon 2enm kestyon.

 

MR SPEAKER

Onorab Vidot.

 

HON AUDREY VIDOT

Ok, Minister i annan bann Blok Flat ki Minister in vann avek konmsi piblik in aste, prezan i demann sanz sa bann twatir parey ou pe dir in ganny andomaze, i annan dimoun ki mazorite i annan ki’n fini peye en konparezon dan 4 Blok tou le 4 tenant in fini pey zot lakaz i pour zot.  Prezan zot, ou konnen poudir dan Kominote ou annan dimoun ki annan diskord ek kanmarad ler in ariv en sityasyon kot 1 oubyen 2 pe eksperyans ki zot twatir i koule, i annan sa difikilte kot pour tonm en Lagreman ant Minister avek sa bann kliyan, pour sanz antye akoz i annan i dir zot, zot pa pare pour al pran loan pour zot aranze, so ki lot alternativ ki vini apre?  Akoz apre at the end ou still vwar 2 dimoun i ankor pe ganny afekte akoz 2 lezot pa ankor agree pour sa.  Mersi.

 

MR SPEAKER

Minis.

 

MINISTER CHARLES BASTIENNE

Ok mersi Mr Speaker dan bann sityasyon parey la, se ki dabor nou ekspekte poudir nou bann Estate bann dimoun i annan bann bon lantant antre kanmarad – vwazen ek vwazen, me si zanmen napa, then se pour sa rezon ki nou annan bann Estate kot PMC i annan sa responsabilite pour li zer bann Estate.  Si ou annan sa diskord ant bann dimoun mon krwar la kot PMC i devret antre pour kapab fer sa rekonsilyasyon, e si non pran ansarz sa proze kot zot se ta ki i ava pran zot loan.  Apre tou nou dimoun i bezwen realize i zot responsabilite, ou lakaz i pour ou, e ler i ou responsabilite irrespective kot i ete; ki swa i lo en Housing Estate oubyen elsewhere i ou responsabilite pour kapab si ou lakaz i koule pour ou fer le neseser pour kapab anpes ou fanmir dormi dan delo e tou.  Me mon krwar dan bann sityasyon kot i annan bann diskord PMC i kapab vin sa entermedyer kot i kapab fasilite swa Tender sa louvraz, e seta ki zot a fer zot kontribisyon ki en fason i ava rezourd sa e zot tou zot a kapab viv dan konfor.  Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon kestyon i straight forward, prenon kont lenformasyon ki nou’n gannyen avek sa prodwir ki ti substandard e bann konsern eksprimen par bann zabitan, eski ou Minister pe anvizaze revwar modalité ki’n ganny met an plas pour fer reparasyon lo sa bann twatir?  E si wi e si dan sa revwar sa modalité i pour osi enkorpor en analiz tou bann lezot kou ki i annan i asosye avek bann domaz ki kapab ganny koze, avek sa twatir ki leak.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar modalité i kler nou tender kot nou annan problenm, sirtou dan bann landrwa kot bann dimoun i fini own zot lakaz, nou tender e apre la pri i ganny partaze e i depandan lo lifespan ki nou ti ekspekte avek sa prodwir, la Gouvernman kot i antre avek serten poursantaz parey nou’n fer Moulinien.  Me mon pa pe vwar neseserman kote kwa ki Gouvernman i bezwen fer diferaman pour kapab sa sityasyon, tout an prenon kont ki nou anvi osi ki dimoun i pran serten responsabilite lo zot kote.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Very, very briefly.  Given ki sa Supplier i ti donn ou sa prodwir, sa prodwir pa’n meet lekspektasyon ki son prodwir i sipoze meet, si ou pour al resours sa prodwir kot li, mon ti pe mazinen poudir i bezwen annan en negosyasyon pour ki pri ki ou pe al peye la i bezwen pli ba, koumsa i ava fer ki kou ki ou ti pe anvizaze pour pey low pour peye i ava pli ba e therefore posibleman nou kapab fer desann kontribisyon ki sa bann dimoun i bezwen fer oubyen totalman retir kontribisyon.  Sa i ki ou propoze.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar i kler se ki sa prodwir in arete ganny servi, e si nou pe ranplase, nou pe ranplas li avek tol, tol ki apropriye avek son thickness apropriye ki kapab donn nou sa lifespan ki nou ekspekte avek en lakaz rezonnab.  So vwala, so nou nepli servi sa prodwir.  Mersi Mr Speaker.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker.  Mr Speaker ler mon pe get sa dan larepons Minis, i dir koumsa sa konponan R25, 000 se pour repar sa twatir, mon pe gete si sa lot 2 konponan ki enkli plafon avek electrical work vi ki 2 eleman ki pour ganny afekte sirtou si ou lakaz i koule, si sa i pran kont dan sa R25, 000 li osi?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker sa kou total i R50, 000 e Gouvernman i kontribye 25, 000, sa dimoun i kontribye 25, 000 pour total setadir plafon, si i annan issue electrical e tou ki i annan pour fer avek sa Unit an partikilye.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker spesifik lo Marie- Jeanne Estate.  Mr Speaker vi ki Moulinien Estate vi ki Minister i rekonnet ki poudir zot ki an defo avek sa prodwir, pa sa bann dimoun parske pa zot ki’n fer sa bann lakaz, konbyen letan i pour pran pour rezourd sa problenm san ki bann dimoun i bezwen peye?

Dezyenmman; vi ki ou Minister i ekspekte lo en Bidze R249 milyon ki ti donn zot pour sa lannen Capital Projects zot ekspekte dapre bann provizyon depans selman R182 milyon, savedir en lekonomi 67 milyon pour sa lannen.  E ki sa proze an antye pour fer li pour ariv dapre ou bann chiffres ki ou’n donnen R800, 000 ni menm 1 milyon, eski i pa posib pour ou Minister fer bann depans apropriye; si fodre fer bann virement, fer en virement pour kouver sa R800, 000 pandan ki ou Minister i pran bann aksyon Legal atraver Attorney Zeneral, pour ki sa dimoun ki’n provide sa prodwir ki ti sipoze last ant 25 ek 30an i fer konpansasyon apropriye pour ki sa bann dimoun Moulinien Estate enn fwa pour tou sa fardo, i sorti lo zot.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker parey mon’n dir boner avek mon larepons se ki, Moulinien nou annan apepre 4 ou 5 dimoun ki pa neseserman pe dakor e mon’n donn mon langazman konm kwa Minister avek PMC pour retourn kot sa 4 ou 5 dimoun, pour nou al sort out enn fwa pour tou ki mannyer nou pour deal avek sa sityasyon tout an prenon kont ki nou, nou en Minister, en Gouvernman ki anvi vwar solisyon e non pa ki nou pour kontinyelman drag sa problenm pour plizyer lannen.  E nou anvi nou bann dimoun i viv dan konfor, so tre byento mon ekspekte semenn prosenn plitar nou a kapab, mon Zofisye, si pa sa semenn mont Praslin konvers avek sa bann dimoun e la nou ava ganny en solisyon, kote pour pran larzan sa i en keksoz ki nou ava vwar apre.

Konsernan sa kantite saving Mr Speaker mon napa lenformasyon lo la.  Me selman mon pa ekspekte ki mon Minister pour fer sa kantite savings lo nou Capital Budget pour sa lannen, an vi ki taler mon pour al antre an detay avek Plan Konpreansiv konsernan lapros ki nou pe pran avek konstriksyon lakaz dan pei.  Mersi Mr Speaker.

 

MR SPEAKER

Onorab William, sorry ou annan en lot kestyon?

 

HON WAVEL RAMKALAWAN

Mr Speaker Minis pe koz an term sa 4 dimoun, nou pe koz lo Lazistis la, nou pa pe koz zis sa 4 dimoun, mwan mon krwar ki, e mon demann Minis pour konsidere ki si i annan en solisyon, i napa en solisyon zis pour sa 4 dimoun, me sa solisyon i vin pour tou sa 16, sa 16 dimoun e si zot in fer sa kontribisyon, ki zot re ganny zot larzan akoz larzan i enportan.  Me apre sa baze lo sa ki ou pe dir, Mr Speaker mon zis anvi dir Minis ki sa savings sa i dapre fiscal outlook ki Minister Finans li menm li in prezante.  Mersi.

 

MR SPEAKER

Minis.

 

MINISTER CHARLES BASTIENNE

Wi Mr Speaker nou ava fer le neseser parey mon’n dir, e swivan sa nou ava rod fason pour nou rezourd sa problenm enn fwa pour tou avek sa bann dimoun Praslin; en fason ki nou ava annan Lazistis pour zot tou.  Ki modalité ki pour pran apre nou diskisyon avek Attorney Zeneral apre ki mon’n diskite internally avek mon bann dimoun teknik with regards to ki konversasyon ki nou ti annan avek sa supplier, e apre la nou ava regarde ki mannyer nou pour sort sa enn fwa pour tou.  Mersi Mr Speaker.

 

MR SPEAKER

Onorab William.

 

 

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis si i kapab donn en pti pe leklersisman lo sa 50 poursan ki son Minister pe kontribye, ki sa bann dimoun i bezwen kontribye, eski i enkli zis pour sanz shield ouswa i enkli osi pour rezourd bann problenm koule ,akoz i annan bann tenk, i annan bann en si kot i annan bann tenk dan ceiling e plafon, eski sa i enkli ouswa i pour en kou adisyonnel?

E dezyenmman, eski Minis i kapab dir ki par egzanp nou konnen poudir nou annan problenm to lesanz, eski sa pri la pour reste parey konstaman, ouswa i riske sanze an term sa 50 poursan kontribisyon ki bann dimoun i bezwen fer?  Mersi Mr Speaker

 

MR SPEAKER

Minis.

 

MINISTER CHARLES BASTIENNE

Mr Speaker konsernan pri Tender pour sa proze konplet en ki letan nou’n donnen.  Savedir nou pa ekspekte okenn varyasyon baze lo sa tender.

E dezyenmman konsernan kontribisyon, kontribisyon i baze pour fer travay dan son totalite parey mon’n dir boner parey letan Onorab Herminie i demann mon sa kestyon, akoz nou pa ti’n zanmen annan problenm tenk delo ou kwa avek proze kot Moulinien.  Mersi Mr Speaker.

 

MR SPEAKER

Dernyen kestyon Onorab Simon Gill.

 

HON SIMON GILL.

Mersi Mr Speaker, bonn apre midi Mr Speaker, bonn apre midi Minis e tou Koleg Onorab, Mr Speaker sa problenm ki nou pe gannyen ozordi avek bann lakaz ki koule, ankor dan sa prosen probableman 30an i riske reaparet ankor malgre nou pe sanz bann twil konkret nou pe met tol.

Kestyon Onorab Ferrari, ki modifikasyon ki Gouvernman pe fer dan son nouvo Terms and Conditions of Engagement bann tenant dan sa bann lakaz, kot i annan sa ki nou apel en common roof or lezot fasilite ki common, pour ki sak sa bann dimoun ki pe reste dan sak sa bann Unit, i konn klerman Kondisyon ki zot la dan sa lakaz e Kondisyon zot Ownership sa lakaz.

Si demen bomaten ler Gouvernman pe fer renovasyon, ki ozordi i annan en issue avek, Gouvernman i dir, ‘’bon nou nouvo langazman avek ou, se ki ankor dan sa prosen 30an or oubyen menm en letan pli kourt, okenn keksoz ki arive avek twatir sa lakaz, nou pour pran li nou responsabilite pour nou fer li.  E ki nou pa pour demann zot pour kontribye, sa i ava vin en keksoz ki devret ganny mete kler.

Now si Gouvernman i le fer, i le pran en lot pozisyon vizavi sa, Gouvernman i bezwen tonm dakor, negosye e met keksoz ater klerman lo papye, pour ki demen bomaten politisyen pa vwar li dan milye en konfli ant Minister ki responsab pour lakaz avek bann zabitan dan en Housing Estate.  Mon krwar sa i bezwen ganny fer kler, kler, kler sa i premye pwen.

E kestyon, 2enm kestyon, 2enm kestyon, Minis mwan mon siport en lapros kot Gouvernman i pey tou sa kou pour repar  tou sa bann lakaz kot tou sa bann Estate ki annan problenm.  I responsabilite Gouvernman pour fer sa bann reparasyon at no cost, at no cost.

Now ki nou fer, parey mon’n dir, nou bezwen met keksoz kler lo papye.  Sa Estate pa pour zanmen sanze son natir kot ou annan en twatir kot i kouver 12 Unit or 16 Unit.  I pa pour sanze son natir a mwen ki Gouvernman i deside pour demoli e fer bann diferan lakaz separe.  Now se sa ki mon pe ensiste i bezwen annan en Kondisyon byen kler.  Si ou pour annan en pti Unit dan sak sa bann Estate kot sa bann dimoun zot manage sa Estate, si sak sa bann fanmir i devret ganny demande tou le mwan ou’n take Ownership ou lakaz i pour ou, tou le Mwan i annan en Fon ki ganny kree kot sa bann fanmir i kontribye ladan mon pa konnen mwan R100, R200, R300 e okenn evantyalite ki i arive, dan sa Fon nou al dig in dan sa Fon prezan nou fer sa reparasyon, swa tenk delo, swa zafer elektrisite ki dan common area, lapentir.

 

MR SPEAKER

Ou kestyon i kler Onorab.

 

HON SIMON GILL.

So vwala kestyon i kler mon krwar ki mon’n poze e Minis mon krwar ou dan en pozisyon kler pour ou kapab fer en Statement kler lo sa size.  Mersi bokou Mr Speaker.

 

MR SPEAKER

Minis en Statement kler lo sa bann Rules oubyen Conditions of Engagement si mon’n konpran ou byen.

 

MINISTER CHARLES BASTIENNE

Mr Speaker mon krwar ki letan en dimoun i ganny allocate avek en lakaz an premye lye si i antre lo en House Purchase Agreement i ganny dir poudir full responsabilite sa lakaz i pour li.  Savedir depi son twatir ziska tou ki annan pour fer avek son deor i son responsabilite si i anba en House Purchase Agreement me avek en lakaz ki detase, savedir ki lo en bout later imedyatman lo en morso later.

Apre dezyenmman ou annan bann ki lo en House Purchase Agreement selman zot dan apartman; zot dan Flat, bann ki dan Flat zot pa neseserman imedyatman lo en morso later, twatir ki anler i osi pour twatir pour sa enn ki anba eksetera, eksetera.  E vwala kot sa i sipoze tonm anba Condominium Properties Act.

Anba Condominium Properties Act i fer provizyon ki enn fwa ki ou’n vann zot subdivision i ganny fer kot sakenn i ganny son Strata Title, ler zot ganny zot Strata Title then zot kre sa ki apel en Management Corporation, sa Management Corporation i kapab par Blok e sakenn sa bann dimoun i sipoze kantmenm zot dan en Blok Flat pran responsabilite pour zot tenk delo ki anler pour zot twatir pour zot bann common areas, me sel keksoz ki nou annan se ki pour bann Social Housing nou pa ankor ale dan sa direksyon pour Gouvernman pou dir poudir Social Housing bann dimoun pour pran zot responsabilite.  Sa i en keksoz travay ki nou pe fer anmezir ki la nou pe finalize, nou pe finalize pour nou transfer enn fwa pour tou bann apartman ki bann dimoun i reste ladan lo zot e apre ki sa in ganny fer then Management Corporation i ava ganny kree.

With regards pour Gouvernman pran full responsabilite pour fer tou travay ki i annan pour fer, lo tou sa bann Estate partou ki i annan, sa i en kalkilasyon ki nou pour bezwen fer nou napa zis Moulinien, nou napa zis Marie-Jeanne, i napa zis Marie- Jeanne ek Moulinien ki’n fini fer osi, me nou bezwen mazin son lenplikasyon finansyel.

Pwen in note Mr Speaker mon ava pran le neseser, mon ava diskite pli lwen e apre nou la nou ava regarde ki desizyon ki nou pour pran a propo sa size.  Mersi Mr Speaker.

 

MR SPEAKER

Mersi Minis pour reponn kestyon Onorab Manm Lasanble pour Grand Anse Praslin.  Mon krwar in ariv ler pour ou fer ou Statement lo Comprehensive Housing Plan par laswit nou a pran okenn kestyon ki bann Manm i annan, laparol i pour ou.

 

MINISTER CHARLES BASTIENNE

Mr Speaker an Mars sa lannen mon ti vin devan sa Lasanble pour prezant en Plan Konpreansiv pour lakaz ek later Rezidansyel. Ozordi 6 Mwan plitar, mon pe retourn devan sa Lasanble pour mwan donn en update lo kwa ki’n ganny fer, kote ki nou ete, nou bann proze e osi kote nou ete avek nou bann proze e osi serten defi ki nou pe fer fas avek.

Tou dabor mon ti a kontan konfirm avek sa Lasanble, ki nou Plan Konpreansiv i lo bon semen e nou napa dout ki i pa pour ganny realize dan son gran mazorite.

Mr Speaker mon entervansyon pour dabor abord size later rezidansyel, lakaz e osi en pe Lotorite Plan.  Premyerman konsernan later rezidansyel.  Nou ti dir ki Minister pour nepli aksepte ki manm piblik i al rod later me plito Minister ki pour ofer bann aplikan en morso later.  Mon kapab dir ki sa nouvo lapros in tir en kantite presyon lo bann staff Minister.  Oparavan sak fwa ki en dimoun ti fer en demann pour en morso later mon Zofisye ti bezwen al fer resers lo sa morso later e fer en vizit pour konfirm sa demann.  Sa dan li menm ti anmenn bokou presyon.  Ozordi Minister pe dedye son letan pour travay lo bann pli gran proze ki anmenn benefis pour pli bokou dimoun.

Dezyenmman nou ti dir ki nou pour etablir en Sistenm Pwen pour dimoun ki’n fer Laplikasyon later ek lakaz pour kapab fer sa, nou ti bezwen devlop bann mekanizm pour fer sir ki nou annan en lalis aplikan ki kredib.  Zot a rapel ki nou ti dir ki nou annan anviron 9, 000 dimoun ki’n fer laplikasyon later.  Nou’n fer letour dan tou distrik lo Mahe, Praslin ek La Digue pour zwenn avek tou sa ki ti enterese pour ganny asiste avek en morso later Leta.  Dan premye legzersis nou ti ganny en total 967 dimoun ki’n montre lentere.  Nou’n fini met zot dan nou sistenm enformatik.  An vi ki nou’n santi ki i annan serten ki pa’n kapab, ki’n mank sa loportinite, nou ti fer en lot legzersis komansman Septanm sa lannen kot Independence House e la nou’n ganny ankor 461 aplikan ki’n vin devan pour fer zot laplikasyon.  Nou ekspekte donn ankor en sans zabitan Praslin ek La Digue sa semenn ki nou ladan.

Pour le moman i annan en total avek sa 2 sif 967 avek 461 i fer nou 1,428 dimoun ki enterese pour ganny asiste avek en morso later e non pa 9, 000.  Minister pe prezan fer lot faz legzersis pour etablir abilite sak aplikan pour kapab aste en morso later e apre pour konstrir en lakaz.  enn fwa sa faz in konplete, la prezan sak aplikan pour ganny kategorize, i posib ki i annan ki pa pour kalifye pour en morso later e alor zot pour ganny channeled dan kategori apropriye; par egzanp anba Social Housing.  Answit sa aplikan pour ganny demande pour komans fer kontribisyon anba Home Savings Scheme.

Pwen ki en dimoun pour gannyen pour depan lo sa bann kriter swivan; premyerman konbyen lannen in fer son Laplikasyon pour lasistans, son stati si in marye, si i pe viv an menaz oubyen si i tousel, son laz, son saler, konbyen depandan i annan, abilite pour li raise en loan pour aste later e fer lakaz.  Pandan mwan Oktob nou pour komans legzersis alokasyon later baze lo nou Sistenm Pwen.  Nou ekspekte ki disi Desanm mon Minister pour allocate omwen 150 kare later.  Bann later ki pour ganny allocate i konm swivan, Barbarons deryer bus depo 28 kare, Dame Le Roi 25 kare, Dan Gala Le Niole 14 kare, Mount Simpson Bel Ombre 7, Nouvelle Vallee Beau Vallon 10, Baie St Anne Praslin premye faz ki nou apel Ti Lavil 7, Grand Anse Praslin Saint Sauver 4, Baie St Anne Fond Azore 7, La Digue 14, Anse Boileau Ex Olden Pierre 29, Anse Boileau Montagne Posée 10.

An plis ki sa nou’n donn 120 kare later diferan dimoun ki zot case ti dan faz tranzisyon sa lannen, ki anmenn nou en kont 277 kare later.  Lannen pase nou ti dir ki nou pour allocate, lannen pase nou ti allocate 125 kare later.  Nou sif i koz pour li menm.  Tou sa later ki pour al vann, pour ganny vann lo en lease 30an avek en development covenant 5an.  Sa i vedir ki sa aplikan pour bezwen devlop sa later avan 5an.  Si non Gouvernman pour repran.  Sa i pour ede ankouraz aplikan ki serye pour fer aplikasyon e redwir spekilasyon konm kwa zot kapab vann sa later pour gro profi.  Le moman sa kliyan i fini devlop sa later, sa later pour ganny transfer lo li freehold, e ankor enn fwa avek en restriksyon 15an avan i kapab re vann.

I swe Minister pour asiste nou bann kliyan pli vit posib.  Pour montre nou langazman ver zot, kliyan pour ganny dir kan zot pour ganny asiste.  Ler nou fini avek alokasyon later sa lannen ki mon’n mansyonnen pli boner nou pour komans fer legzersis pour match lalis avek proze land bank.

Parey nou’n anonse nou ekspekte fer nou dimoun ganny omwen 200 kare later par an, pour sa prosen 4an ki pour donn nou an tou 800 kare later di-si 2020.  Otan ki posib nou dimoun pour ganny asiste avek en morso later preferableman dan son distrik, si non i pour ganny lo baz rezyonal.

Nou konsyan ki i annan serten distrik ki napa later, e la mon oule asir dimoun dan sa bann distrik, ki sa pa pour en konstrent, akoz zot pour ganny asiste dapre zot pwen lo en baz Nasyonal.  Gouvernman i osi annan plan pour revwar pri later akoz pour le moman Gouvernman pe subsidize omwen 50 poursan pri lenfrastriktir.  Rate later pour le moman i varye ant R80 a R125 par met kare.

Lo kote lakaz Mr Speaker Gouvernman pandan bann lannen ki’n pase in konstrir en kantite lakaz, me parey dan tou pei, pli nou fer lakaz, pli nou annan plis demann, Gouvernman i reste angaze pour kontinyen konstrir lakaz.

Dan son Diskour Leta Lanasyon le 14 Fevriye sa lannen, Prezidan Faure ti dir ki nou pour konstrir 24 Unit lakaz dan 24 distrik dan 24 mwan, mon kapab konfirm avek sa Lasanble ki nou lo bon semen pour nou realiz sa target.

Mr Speaker permet mwan liste en pe kot nou ete avek sa bann proze dan sa 24 distrik.  Bann proze ki kot Planning i annan 21 Unit Anse Aux Pins Ex-Onezime 24 Unit faz 2 Chateau Vallon Union Vale, 20 Unit La Digue, 24 Unit redevlopman Kan Gard Plaisance, 25 Unit redevlopman Forêt Noire-Port Glaud, 24 Unit Ex-Albert faz 2 Pointe Larue, tou sa bann zot proze i kot Planning.

Bann ki Plan Arsitektir in aprouve, plan Enzenyer ek document tender i an preparasyon, i annan 24 Unit Au Cap deryer kot Day Care i ete; 24 Unit Dan Kafe Anse Etoile, 24 Unit Ex-FIBA Bel Air, 16 Unit Dan Zil Bel Ombre, 24 Unit Ex-Dingwall Beau Vallon.  E sa bann konstriksyon in komanse, nou annan 18 Unit ex Cable and Wireless Anse Boileau, 24 Unit Ex- Hunt Baie Lazare, apre nou annan 36 Unit Ex-Oliver St Louis, apre nou annan sa 40 Unit ex-Desaubin Takamaka.

Sa bann landrwa swivan Mr Speaker zot dan faz design.   Nou annan 12 Unit pour premye faz pour Cascade ki anler Upper Petit Paris.  Nou annan 18 Unit redevlopman Ex-Police Grand Anse Praslin; nou annan 8 Unit redevlopman Lower Les Mamelles.  Pour larestan Unit nou pour eksplor posibilite pour swa relocate serten sitting tenant Perseverance pour liber teren, oubyen pour finaliz negosyasyon pour en morso later Dan Kan Plaisance parey nou dir.  Apre nou annan 12 Unit redevlopman Kan Gard Mont Fleuri, apre nou annan 24 Unit Roche Caiman.

Sa ki’n konplete i annan 42 Unit Vilaz Orchid Grand Anse Mahe, 36 Unit Ex-Dominic Savio Mont Buxton, apre nou annan 12 Unit Marie-Jeanne Estate son  2enm faz – premye faz.  E nou’n fini tender 12 Unit ankor Marie-Jeanne Estate ki kontrakter i sipoze komanse nenport ki moman.

Nou annan 2 ki nou pe esper konfirmasyon teren.  Nou dan staz fini, nou’n fini negosye teren avek Lakonpannyen SACOS e nou pe atann Minister Finans pour finaliz finansman pour nou kapab sort out pour Glacis avek Anse Royale.

Parey nou dimoun i kapab konstate Zofisye mon Minister pe travay dir pour delivre lo sa bann langazman.  E parey mon’n dir mon napa dout ki nou pa pour delivre.

Mr Speaker sa ki enteresan avek sa bann proze lakaz ki nou’n tender deza sa lannen se pri ki nou’n gannyen.  Les mwan liste serten, Ex-Hunt Baie Lazare nou pe ganny nou R5,484 par met kare; ex-Cable Anse Boileau nou pe ganny nou R5, 297 par met kare; 36 Unit Perseverance nou pe ganny nou R4,356 par met kare; pour 64 Unit Perseverance vi ki i annan en sanzman dan design ki nou’n fer i R5, 000 par met kare.  Oparavan nou ti pe ganny nou rate ant 6, 900 a 7, 500 pour bann proze dan distrik e petet en mwayenn R4, 600 a R5, 000 pour Perseverance.

Nouvo Sistenm Pwen pour lakaz, nouvo Sistenm Pwen i ekspekte anmenn plis transparans dan alokasyon lakaz.  Prosedir pour Sistenm Pwen i konm swivan; enn konbyen lannen sa dimoun in fer son laplikasyon pour lasistans; son stati sosyal savedir si in marye, i dan menaz oubyen i tousel.  Konbyen letan i pe pey Home Savings Scheme son kondisyon, son landrwa reste, konbyen dimoun ki pe reste dan sa lakaz par met kare, kote i pe reste, si i pe reste kot son paran oubyen petet kot kek zanmi; konbyen zanfan ki pe partaz lasanm ek adilt e osi zot laz, konbyen zanfan pe partaz lasanm ek zanfan e osi zot laz; konbyen adilt pe dormi dan menm lasanm; konbyen ki pe dormi dan lezot landrwa apard lasanm, e konbyen letan zot dan sa sityasyon.

Mon oule fer resorti ki i obligasyon sak aplikan, pour enform nou Minister ler zot sirkonstans sosyal i sanze.  Mr Speaker permet mwan ilistre en legzanp tipik ki nou rankontre ase souvan; en manm dan en fanmir i annan 11an depi ki in fer laplikasyon lakaz e i fer 6an depi ki i pe pey son Home Savings Scheme.  I pe reste ek son manman dan en lakaz 2 lasanm e i annan 11 zot dan sa lakaz, 7 adilt e 4 zanfan.  Tou zanfan i anba laz, sa madanm i dormi dan en lasanm avek son msye ek son 2 zanfan.  Son ser ek son 2 zanfan in retournen i annan 6 mwan apre ki in ganny problenm ek son msye, li i pe dormi dan salon avek son zanfan. Dan salon nou osi annan son 2 frer ki pe deza dormi la.  Son manman pe dormi dan en lot lasanm avek son fir 18an ki pe lekol A’ Level.  Dan en ka parey letan nou met sa madanm dan nou sistenm pwen sa kliyan pour ganny li 80 poursan, 80 poursan son pwen, 85 poursan son pwen.  Sa Sistenm Pwen in ganny teste e valider e nou konvenki ki pour vin en zouti endispansab a lavenir dan alokasyon lakaz.  Nou pe enplimant li dan son totalite dan nou bann prosen alokasyon.

Sistenm alokasyon pour 24 Unit dan distrik pour konm swivan, Minister idantifye 25 dimoun avek pwen pli o dan sa distrik e fer Lotorite Distrik ganny sa lalis pour zot komanter.  Si Lotorite Distrik i annan okenn rezervasyon lo okenn case an partikilye, la zot donn zot zistifikasyon an ekri akoz.  Lotorite Distrik i kapab osi fer rekomandasyon alternativ avek zistifikasyon.  Sa i pour ganny konsidere si i annan okenn lenformasyon ki Minister pa’n neseserman gannyen, par egzanp si i annan en homeless oubyen enn ki annan potansyel pour li vin homeless.  Minister i evalye sa bann rekomandasyon anliny avek Sistenm Pwen.  Apre tou case in ganny anmennen dan en Meeting Konsiltativ kot i annan Sekreter Prensipal sorti Gouvernman Lokal, Ledikasyon, Zafer Lafanmir, Lazans Proteksyon Sosyal, PMC osi byen ki sa DA sa distrik pour nou tonm dakor lo alokasyon final e pour swazir sa 20 dimoun ki pour ganny asiste.  Okenn case ki annan okenn kontansyon avek Lotorite Distrik i ganny diskite e deside dan sa meeting.

Fodre fer resorti ki nou pe vwar ki sa Sistenm Pwen i e tre bon zouti, akoz i pe ed nou vwar bann ka ki otrefwa pa ti neseserman pe ganny pick up.  Par egzanp sa sistenm i fer sir ki napa personn ki ganny kit deryer.

Dezyenmman i a ed nou pour konn sityasyon lakaz tou dimoun ki’n fer laplikasyon.  I pour osi ed nou dan planifikasyon proze lakaz dan distrik, ed nou konnen kote nou merit donn plis latansyon.

Mr Speaker mon ti osi promet sa Lasanble, ki nou plan pour donn en dimoun en dele letan i ganny asiste.  Pour komanse enn fwa nou konplet Sistenm Pwen dan distrik, dan en distrik nou pour kontinyen avek travay pour idantifye lekel ki pour ganny lasistans.  Nou lapros se pour senpleman pran distrik par distrik kot proze i pre pour konplete avan e donn bann kliyan zot let alokasyon.  Anmezir nou progrese kot nou’n award tender e proze in komanse nou pour donn kliyan osi zot let alokasyon.  Nou pa pour esper lakaz fini konstrir pour nou donn kliyan zot let alokasyon.  Dan sa fason sa kliyan i a kapab prepar li byen boner avan i antre dan son lakaz.  Sa prosesis pour inisyalman ganny enplimante omwen 6 mwan avan lakaz i pare.  Sa dimoun i a ganny son peace of mind e pa bezwen monte desann.

Pour bann proze a lavenir, en dimoun pour ganny dir kan e kote i pour ganny asiste.  Nou osi annan bann plizyer lezot, e se selman 2 lezot prodwir ki mon Minister i annan available.  Minister i angaze pour kontinyen rod diferan fason pour ed nou dimoun.  An plis ki sa ki mon’n mansyonnen boner en dimoun pour kapab ganny asiste avek sa bann prodwir swivan; Self-Finance Scheme, sa i en Scheme kot en dimoun i pret son larzan ek Labank e i donn sa larzan avek PMC pour ki Minister i kapab servi sa larzan pour pey en proze an partikilye. Lannen pase in annan 66 Unit Ile Perseverance ki ti ganny fer dan sa fason.  Sa lannen nou pour met 73 Unit available anba sa Scheme.  Konpare avek lepase sa fwasi nou pe swazir kliyan ki lo Home Savings Scheme an premye lye.  Sa se bann kliyan ki’n pey tre byen depi ler Home Savings Scheme in komanse.  Sa pour ganny fer, nou’n deza komans travay la komansman Oktob pour nou fer alokasyon.

Minister i annan plan pour fer plis Condominium pour satisfer demann nou bann profesyonnel.  Nou annan plan pour demar avek en premye proze Grand Anse Mahe e osi en lot kot Asphalt Plant i ete Petit Paris.  Nou osi annan plan servi sa Self Financing Schemes System koman sours finansman.

Mr Speaker parey nou kapab vwar, Minister i annan prodwir pour diferan kategori nou kliyan e nou pour fer nou mye pour nou delivre.

Konsernan repeyman lakaz; tou dimoun ki’n ganny allocate lakaz anba House Purchase apre Me sa lannen pe pey dapre zot saler.  Zis pour rapel bann ki ganny R12, 000 ou mwens pe pey 20 poursan, R12, 001 a R15, 000 zot pe pey 25 poursan, R15, 000 e par lao zot pe pey 30 poursan.  PMC pe osi les bann kliyan ki annan serten difikilte finansyel pour kontinyen lwe e pey en rent R1, 000 par Mwan.

Mr Speaker plan Gouvernman pour redevelop Corgate Estate i lo bon semen.  Nou annan 100 Unit ki’n fini komans konstriksyon lo Zil Perseverance pour relocation bann zabitan Corgat Estate.  Premye 36 Unit i sipoze pare ver Me lannen prosenn e 64 Unit pour pare ver Zilyet osi lannen prosenn.  Nou osi annan 16 Unit ki’n komanse Corgat Estate.  Zofisye mon Minister i deza lo teren Corgat Estate pour rekonsilye nou lenformasyon an preparasyon pour alokasyon.  Nou ekspekte komans demolisyon mazer Corgat Estate ver Zilyet ou Out lannen prosenn.

Konsernan Forêt Noire/ Port Glaud nou ekspekte komans sa proze boner lannen prosen, tandis ki Lower Les Mamelles pour selman kapab komanse enn fwa ki proze Corgat Estate i konplete; me parey mon’n dir boner se ki nou pe vwar pour nou kapab fer serten relocation Perseverance pli boner pour nou kapab komans sa proze.  Lo kote finansman nou’n kapab secure en loan 150 milyon avek Fon Pansyon.  Minister Finans in enform nou ki diskisyon pe finalize avek Labank Komersyal pour en lot Fasilite R200 milyon, ki pour ed nou kapab konplet nou 24 proze dan 24 distrik.

Mon ti a kontan osi Mr Speaker abord en pti pe size Service Delivery dan mon Minister.  Dan mon lentervansyon mon ti dir ki nou pour amelyor lo service delivery pour nou kapab amelyor lo nou service delivery nou pour bezwen annan en Customer Service Centre.  Nou’n fini tender e pe esper laprouvasyon Tender Board avan ki travay i komanse.  Si tou i al byen an Zanvye 2018 nou ekspekte ofer nou kliyan en pli bon servis dan en lanvironnman diferan.

Antretan nou’n komans pran mezir entern pour amelyor nou servis sirtou kot telefonn i konsernen. Mon Minister i touzour annan lespas pour sekter prive vin donn en koudmen dan konstriksyon lakaz dan pei.  An Zilyet sa lannen Prezidan Faure ti anonse ki nou pe met a dispozisyon sekter prive later lo Ile Perseverance, pour konstriksyon 250 Unit.  Anliny avek sa mon Minister pour byento pibliy expression of interest pour sa ki enterese pour partisipe.  Depandan lo lentere Minister a devlop lezot prodwir pour lavenir.

E mon ti a kontan prezan adres en pti pe Planning Authority; Lotorite Plan i annan en rol Kle pour zwe dan devlopman pei. Se li ki annan Manda pour fer desizyon lo si en proze pour ganny enplimante ou non.  I osi annan son manda pour konsey Gouvernman lo meyer lapros konsernan planifikasyon dan son zefor pour amelyor lo servis ki i donn piblik, Lotorite Plan in fer sa bann amelyorasyon swivan. Dabor in redwir lakantite letan ki i pran pour aprouv en plan lakaz anba 100 met kare sorti 6 semenn pour vin 4 semenn; redwir letan pour bann pti plan parey bann miray ek lezot, sorti 2 semenn pour vin en sel semenn.

Legzersis in komanse dan serten distrik, pour diskit Land Use Plan. Nou ekspekte termin sa legzersis ver 2020.  Ansanm avek Minister Lanvironnman nou’n revwar 50 meters Contour Line Policy lo Praslin ek La Digue.  En map in ganny prodwir pour klerman demontre bann landrwa kot devlopman i kapab ganny fer e lezot landrwa kot nou bezwen kontinyen proteze. En nouvo Lalwa Planning Physical Planning Bill ki pe ranplas Town and Country Planning Act 1970 in fini staz konsiltasyon White Paper Compilation; komanter manm piblik pe ganny fer pour ganny aprouvasyon Konsey Minis.

An konklizyon Mr Speaker sa ki mon’n prezante i en bilan kote nou’n arive avek nou Plan Konpreansiv e parey zot in konstate nou lo bon semen pour realiz nou lobzektif, asire ki tou dimoun ki bezwen lasistans dan en fason ou lot i ganny asiste.  Mersi Mr Speaker.

 

MR SPEAKER

Mersi Minis pour ou Statement ek bann lenformasyon lo sak distrik, e enkli Praslin ensidswit.  Mon ti a kontan remind zot ki pe vin 3.15 nou ti’n dakor ki nou pour fini avek Mr Labonte, so sey fer kestyon direk e bref pour demann Minis okenn leklersisman. Donn mwan en pti git letan pour mon mark sa kantite lanmen ki’n leve, en pti moman.  Me la mon krwar pa si nou pour pran Mr Labonte, pti moman. Anyway nou a komans avek en pe apre nou a pran lezot anmezir, i annan tro bokou lanmen anler, wi Mr Mondon, remet ou lanmen anba apre taler nou a repran, Madanm Esparon ok, annou pran premye ki ti lev lanmen Madanm Vidot – Onorab Vidot.

 

HON AUDREY VIDOT

Mersi Mr Speaker.  Minis mwan mon annan… mon kestyon, i senp bann proze ki lo staz design, eski ou kapab konfirm ek nou si i pour ganny komanse sa lannen, lafen sa lannen oubyen pour komanse 2018?  E ler ou tann koz lo Planning prenon kont ki Prezidan osi dan son Lanons ti koz en pti pe lo anforsi bann dimoun ki kapab konstrir extension oubyen bann proze, mon pa’n tann nanryen mansyonnen lo la, prenon kont ki Roche Caiman parey nou ti dir dernyen fwa, i annan landrwa kot kapab revwar lafason ki Planning i aprouv bann extension lo serten landrwa?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker konsernan bann ki lo staz design, parey mon’n dir mon bann Zofisye nou Enzenyer, Architect, Quantity Surveyor pe travay pour ki by lafen Oktob tou sa bann proze in fini ganny met lo tender.  So eksepte pour Glacis avek Anse Royale ki apre nou ava catch up.

Me enn fwa zot lo tender si nou pa ganny okenn difikilte kot Tender Board kot bezwen retender ou bann lezot konplikasyon then mon pa pour annan okenn dout ki sa bann proze pa pour demare sanmenm sa lannen.

Dezyenmman konsernan extension mersi Onorab pour sa kestyon.  Planning Authority la right now i dan staz final en plan parey mon ti promet lannen pase pour nou kapab dir avek nou bann dimoun Roche Caiman kote egzakteman, ki kalite extension i kapab ganny fer.  Sa i dan staz final baze lo diskisyon ki mon’n fer avek Planning Authority semenn pase.  Mersi Mr Speaker.

 

MR SPEAKER

Eski mon kapab sizere avek The House ki vi ki i reste nou 15 minit avan 3er edmi nou ti tonm dakor pour pran Mr Labonte 4er ziska 5er, ki nou pran ankor detrwa kestyon epi nou a, i annan en kantite dimoun i anvi koze, en kantite dimoun e mwan osi mon ti a kontan demann kestyon lo Anse Boileau; mon krwar petet nou bezwen donn tou dimoun sans koze, i lo en topik enportan ki nou bann constituencies pe ekout nou, nou constituents, alor mon sizere ki nou kontinyen ziska 3.30 apre nou pran en Break pour les Mr Labonte vini e nou kontinyen avek Minis Bastienne demen, demen bomaten.

Nou a pran Mosyon apre ler nou fini ek Minis Bastienne nou a pran Mosyon demen bomaten nou a kontinyen akoz demen apre midi nou pa pe zwenn.  Eski sa i akseptab?  Si wi ou non i lo la petet nou a demann ou vi ki demen ou annan maler kot ou, ki nou pour vin donn ou koudmen, nou a les ou demann ou kestyon Onorab Andre, apre Onorab Esparon.

 

HON CLIFFORD ANDRE

Mersi Mr Speaker, mersi pour bann senpati sorti kot bann Manm Onorab e piblik ki’n anvoy sa.  Bonn apre midi Minis avek ou delegasyon bonn apre midi, kestyon ki mon oule demann Minis se, sa 20 Unit ki Minis in koz lo la Onezime i bann nouvo Unit ki pour ganny fer; kan ki, ou’n dir an repons Onorab Vidot son kestyon ki tou bann plan pour la an Oktob, so kan selman zot pe mazinen pour komans sa bann Unit?  E eski letan sa bann Unit i fini i pour ganny distribye senpleman avek dimoun Anse Aux Pins, premye kestyon.

Dezyenm kestyon Minis menm si i annan sa Sistenm Pwen i ankor annan konplent ki dimoun ki pas kot ou i ganny anvoye kot bann lorganizasyon ki sipoze donn lakaz sa PMC e zot al laba avek en note sorti kot Minis, Minis ki’n dir donn sa, Minis ki’n dir fer sa, so eski sa Sistenm Pwen vreman pe marse oubyen zis nou pe ganny fer krwar ki pe marse avek bann lezot keksoz?

Trwazyenm se i annan en Komite ki ou’n dir pour annan PS, pour annan Reprezantan sorti kot Minister Lafanmir e lezot e ou’n dir pour annan DA lo la ki pour fer seleksyon lakaz, mon krwar nou’n diskite dan Lasanble en Mosyon ti pase kot nou ti dir annan reprezantasyon bann dimoun ki’n ganny elekte osi pour reprezant zot dimoun dan distrik, akoz nou pa vwar reprezantasyon Manm Lasanble Elekte lo sa Komite?  Mersi.

 

MR SPEAKER

Zis pour azout lo la Minis, mwan mon’n konpran ler ou dir Lotorite Distrik quote and quote ou ti pe mazin laliny sa kestyon DA ek MNA ansanm. Klarifye silvouple.

 

MINISTER CHARLES BASTIENNE

Wi Mr Speaker konsernan dabor Unit Onezime i dan staz kot Planning an se moman, e parey mon’n dir se ki nou ekspekte si tou keksoz i al byen pa ganny konplikasyon avek Tender Board i ava komanse sa lannen.

Konsernan sa 20 Unit sak distrik pe ganny zot kantmenm i annan 24 sak distrik pour ganny zot 20 Unit akoz 4 Unit i al dan quota Nasyonal kot pour nou kapab kot i annan en plis presyon pour nou kapab ede tir en pe bann presyon pour sa bann lezot distrik.

Apre dezyenmman konsernan Minis donn lakaz, mon pa’n donn okenn note PMC pour allocate okenn dimoun lakaz ki an deor diskisyon ki nou nou’n fer.  Dimoun ki pe ganny lakaz, se bann dimoun ki annan bezwen pour lakaz ki letan ou asiste zot nesesite pour en lakaz swa petet proper lenformasyon pa sorti ki en dimoun in homeless, oubyen i preski homeless ki kapab ganny verifye e la kot serten desizyon i bezwen ganny pran imedya imedyatman apre ki case i ganny anmenn dan mon latansyon, pour nou kapab ed sa dimoun.  E nou annan enn de bann ka parey kot nou annan bann case homeless.  Parey ou pe vwar se ki wi nou annan sa Sistenm Pwen ki nou bezwen respekte, me an menm tan nou konsyan poudir i annan serten sityasyon par egzanp homelessness; dimoun pe ganny met deor ou kwa me avek rezon e prev konm kwa sa i le ka kot nou pour bezwen donn li latansyon i pa pour neseserman antre dan Sistenm Pwen.  Sa i pour vin serten leksepsyon ki pour bezwen, ki pour annan vizavi ki pour annan vizavi sa Sistenm Pwen.

Apre konsernan konpozisyon Komite mon ti dir e mon krwar poudir si mon pa tronpe osi Mr Speaker petet mwan ki’n mal konpran, se ki zot ti dir la Lasanble poudir zot pa oule nanryen pour fer avek alokasyon lakaz e ki Minister ansanm avek son bann lezot partner Gouvernmantal ki desid lo alokasyon lakaz e pour sa ki letan nou nou’n, sa Komite ki nou egziste se ki nou annan DA.  Si petet prezan i annan en demann pour enkli MNA, sa i news pour mwan.  Akoz mwan mon konnen mon ti asiz la kot zot, zot ti dir mwan poudir pa bezwen anvoy dimoun kot nou ki pe rod lakaz akoz nou, nou oule pa nou ki donn lakaz, Minister, konfirmen Minis, Minis eski ou kapab konfirmen enn fwa pour tou konm kwa ki Minister ki allocate lakaz.  So si sa pe sanze sa i en keksoz ki petet nou a bezwen diskite e revwar konpozisyon sa Komite.  Mersi Mr Speaker.

 

MR SPEAKER

Mon krwar ki ou’n lev en pwen tre pertinan Minis Bastienne, petet vi nou pe zwenn demen bomaten, mon krwar sak Manm ti devret reflesir lo la, mon osi si ma memoire est bonne mon krwar nou ti dir nou pa tro anvi enplike pour rezon politik.  Onorab Andre ou annan en kestyon siplemanter.

 

HON CLIFFORD ANDRE

En pti kestyon siplemanter lo repons ki Minis, si mon memoire i osi servi mon Minis nou ti dir, letan nou pa pe partisipe i difisil pour nou kapab asiste bann dimoun, akoz ozordi mannyer i ete Minis mazorite dimoun i sorti kot Ladministrasyon Distrik pour etre onnet avek ou e i vin vwar MNA pour met bann sityasyon lakaz devan e MNA ki pe pouse pour kapab vwar lasistans ki Minister i kapab donnen; pa lo en baz politik, me lo en baz parey ou pe dir merit.  So mwan mon krwar i bezwen annan sa konsiltasyon, sa input sorti kot Manm Elekte Distrik pour kapab fer sir ki distrik antye i benefisye.  Mersi.

 

MR SPEAKER

Minis oule fer komanter lo la, oubyen ou’n fini fer komanter ki ou ti’n konpran?  Petet demen bomaten nou a ekout lezot Manm ki zot dir pour lavenir, Minis.

 

MINSITER CHARLES BASTIENNE

Ok Mr Speaker nou ava vwar pour lavenir ki zot annan pour dir, me selman parey mon’n dir se ki Lotorite Distrik mon konnen dan serten sityasyon alokasyon ki nou’n fer resaman, in annan konsiltasyon ant Lotorite Distrik, savedir DA avek MNA serten distrik.  So anmezir i ale mon krwar anmezir sa sistenm i matir, anmezir nou ale but we need to get it right byen lo komansman; si fodre annan serten sanzman nou pour fer avek, mwan mon napa problenm apre tou lakaz ki nou pe fer pour pep Seselwa.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Mon ti a kontan demann Minis en leklersisman. Dan son Statement in dir poudir Glacis avek Anse Royale pour le moman sa zafer 24 lakaz dan 24 mwan pa ankor tro definir, me menm letan in pas lo lalis bann landrwa ki i ape fer alokasyon later, mon pa’n tann Glacis feature ladan, mon ti anvi demann Minis ki pe arive avek Machabee lan dbank, Carana Landbank, e La Gogue Landbank sirtou kot Ros Lanmes, akoz i annan en pe kare later ki pe ganny divize laba.  Donn mwan en pti pe leklersisman silvouple.

 

MR SPEAKER

Minis.

 

MINISTER CHARLES BASTIENNE

Mr Speaker konsernan Glacis mon konvenki poudir nou pour delivre dan sa dele letan, savedir by Fevriye 2019 pour nou donn Glacis son 24 Unit sa.  Mon konvenki nou pour fer li akoz mon dir se ki nou plis ou mwen secure later avek Lakonpannyen an partikilye.  Me selman Mr Speaker mon a kapab rod en pe plis lenformasyon lo sa bann land bank an partikilye ki Onorab pe fer referans avek.  Mon a kapab donn li lenformasyon demen matin letan nou vin isi dan Lasanble, akoz pour le moman mon napa tou detay konsernan sa bann landbank apard ki sa bann ki mon’n mansyonnen.  Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker zisteman an relasyon avek sa zafer later, eski sa i sa propozisyon ki in deza ganny fer pour ki zot acquire en morso later ki’n deza annan en semen lo la, La Gogue, ki Bel Ombre tou en Lakonpannyen pour ki zot kapab fer sa proze lo la.  Mersi.

 

MR SPEAKER

Minis.

 

MINISTER CHARLES BASTIENNE

Parey mon’n dir Mr Speaker staz dan final e nou ofer in ganny fer, nou’n aksepte ofer, e nou pe atann Minister Finans pour sort out le neseser kot finansman i konsernen, avan ler nou fini sort out pour Anse Royale avek Glacis.  So nou dan staz byen avanse pour nou kapab secure sa later.  Mersi Mr Speaker.

 

MR SPEAKER

Onorab Roucou.

 

HON CLIVE ROUCOU

Mersi Mr Speaker, Mr Speaker Minis in koz lo bann diferan distrik, diferan bout, diferan proze later mon anvi demann Minis en pti pe leklersisman lo proze later Ex-Murray Copolia kot mon osi si mon memoire i serve mon byen ki in deza koz lo en mix development pour Ex- Murray, mon anvi demann li ki zistans nou pour ete, si nou pour kontinyen avek en mix development oubyen si i pour fer proze Flat?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker konsernan Ex- Murray Copolia/Plaisance i, travay laba nou’n fini konplet Topo, akoz nou ti bezwen fer Topo pour nou kapab ganny byen aliman semen e osi an vi ki nou’n ganny nou R1 milyon sa lannen pour nou kapab fer semen laba anler ki nou pour al tender nenport ki moman.  E wi anler laba nou ekspekte annan petet serten kare ki nou ava fer landbank apre serten kare ki nou ava fer apartman avek.  So sa nou ankor pe deside enn fwa nou’n ganny Topo la nou ava fer, Topo in finalize me enn fwa ki nou fer assessment lo kote kot Enzenyer avek Architect, nou ava dan en pli bon pozisyon pour nou kapab dir egzakteman ki devlopman ki nou pour fer anler.  Me parkont nou ekspekte ki semen Copolia nou pour tender e pour kwa pa fer sa lannen si non boner lannen prosenn i a fini.  Mersi Mr Speaker.

 

MR SPEAKER

Onorab Ernesta.

 

HON PAUL ERNESTA

Mersi Mr Speaker, bonn apre midi Mr Speaker, Minis ek ou delegasyon. Mr Speaker eski Minis i kapab dir nou ki arive avek sa bann morso later Intendance e osi Anse Forbans ki’n fini ganny subdivision ki mon pa’n tann li mansyonnen.

 

MR SPEAKER

Minis.

 

MINISTER CHARLES BASTIENNE

Mr Speaker konsernan Intendance lenformasyon ki mon annan se ki, nou annan issue semen ki nou pe sort out, akoz nou ti napa funding pour nou kapab fer li sa lannen.  Me i dan nou plan pour nou kapab deal avek Intendance sirtou at least Takamaka i annan serten landbank lannen prosenn.  So sa pe ganny adrese sa Mr Speaker.

 

MR SPEAKER

Onorab William

 

HON WAVEN WILLIAM

Mersi Mr Speaker, Minis mon ti a kontan ou dir ek sa Lasanble kan ki sa 42 Unit Barbarons pour ganny allocate, e lefe ki mon pa’n tann ou mansyonn dezyenm faz, eski sa dezyenm faz 43 Unit i ankor on?  Minis epi lo sa sif ki ou’n donnen la konsernan kou pour fer konstriksyon ant 4, 000 a R7, 000 par met kare, mon ti a kontan ou eklersi pep Seselwa an kontan mwan menm letan ou pe nonm sa 2 sif, eski ou kapab eklersi nou lo ki kategori Kontrakter ou pe koz lo la, epi osi an term zistans avek Victoria; akoz ou al vizit i annan en bon pe bann dimoun pe annan lentansyon fer zot proze lakaz i anvi pran en loan sa lenformasyon i enportan pour zot konnen.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker konsernan Ex-ION ki pa apel Ex-ION ki apel Orchid Estate la, se ki nou ti dan nou plan pour nou allocate li Juillet sa lannen, me nou’n ganny serten difikilte avek kontrakter.  Plis ou mwen lakaz in pare li, nou problenm se sewage system, ti sipoze ganny commission by lafen Septanm e ankor nou’n aprann ek kontrakter konm kwa ki expert neseser in antre nek an milye Septanm.  E ki la finalman nou’n ganny dir by lafen Oktob, lafen Oktob system sewage i ava pare.  Malgre ki Unit in pare ki mon ti ekspekte nou ti kapab allocate Juillet/Out me malerezman nou pa kapab allocate akoz system sewage i bezwen fonksyonnen.

Pour dezyenm faz Ex-ION nou, pour le moman nou napa finansman akoz nou pe konsantre pour nou kapab zwenn commitment ki Gouvernman in fer vizavi 24 lakaz dan 24 distrik.

E apre konsernan pri mon krwar poudir ler mon’n dir boner konbyen nou pe gannyen sa bann pri si ou pe koz dan Sid, nou pe koz Ex-Hunt Baie Lazare, nou pe koz Flat la, nou pe ganny nou R5, 484 par met kare, ex-Cable and Wireless Anse Boileau, me nou pe ganny R5,297 en met kare so pour ou dir mwan zistans, petet zistans pa neseserman en problenm an term sa Kontrakter, sa 2 Kontrakter, 2 diferan Kontrakter ki’n tender ki’n ganny sa proze ou pe demann mwan ki Class, Class mon krwar tou nou bann proze i Class 1 bann proze sa groser, so vwala Mr Speaker.  Mersi.

 

MR SPEAKER

Dernyen kestyon pour apre midi pour Minis, Onorab Georges.

 

HON BERNARD GEORGES

Mersi Mr Speaker.  Mr Speaker mon kestyon pour Minis i ase kourt, eski Minis i a kapab rapel mwan sa ki Minis in dir apropo Lower Les Mamelles, eski mon’n tann 18 Units, e lo Dan Kan Plaisance konbyen Units silvouple?  Minis in pas ase vit lo la.

E dezyenmman Minis in ler i ti pe koz lo Sistenm Pwen in dir zot pour regard si en dimoun in marye, si i an menaz e si i tousel, eski Minis i kapab eksplik nou ki diferans i pour fer si en dimoun in marye oubyen si i an menaz, eski sa in marye pour ganny lavantaz lo sa enn ki an menaz or not?  Mersi.

 

MR SPEAKER

Minis, ou repons kekfwa i a ankouraz maryaz.

 

MINISTER CHARLES BASTIENNE

Mr Speaker sa enn i straight forward napa diferans ant sa 2, tou le 2 i ganny, i lo menm nivo akoz mon krwar sityasyon nou pei mannyer i ete i koumsa.

Dezyenmman konsernan Les Mamelles 8 Unit mon’n dir set akoz nou pour al fer sa 8 Unit kot laplenn i ete anba Lower Les Mamelles ki site i available la, prezan nou oule fer en fason pour nou kapab relocate bann dimoun ki otour sa, pour nou kapab donn Les Mamelles son 24 Unit li osi.  So nou pe rode pour nou kapab extend Kontra Perseverance, pour ki nou annan nou apepre, mon’n ganny dir apepre 10 a 12 fanmir ki nou pour bezwen relocate pour nou bouz zot Perseverance i a free up sa landrwa pour nou kapab donn zot omwen zot 20 Unit.  Se sa ki i annan pour Les Mamelles.  Mersi Mr Speaker.

Konsernan Dan Kan, mon pa konnen si dan Kan Mamelles, si Dan Kan Plaisance akoz kot i tonbe, sa i en lot opsyon, me problenm ki nou annan se ki mon krwar ou okouran sa case Onorab se ki nou pe fer negosyasyon avek en propriyeter pour nou kapab, akoz sel access ki nou annan malgre nou annan en propriyete ladan dan sa landrwa i lo son propriyete prive, so nou, nou pe rod fason pour nou kapab acquire sa property from li en fason ki la anba osi i a kapab ed nou akseler sa.  Mersi Mr Speaker.

 

MR SPEAKER

Mersi Minis, eski mon’n konpran ek enn ou repons taler ki ou pour kapab liber ou lekor demen bomaten 9er pour nou kontiny sa deba lo ou Comprehensive Housing Plan Minis Bastienne.

 

MINISTER CHARLES BASTIENNE

Mr Speaker nou annan Konsey Minis demen, me mon a rod leskiz pour mwan kapab vin devan sa Lasanble pour mon kapab donn zot leksplikasyon.

 

MR SPEAKER

Actually nou’n al ase vit avek bann kestyon. I reste 6 ou 7 dimoun ki anvi koze, eski nou, zot anvi nou kontinyen apre nou a fer en sel arete.

 

HON CHARLES DE COMMARMOND

Se sa Mr Speaker.

 

MR SPEAKER

Wi Onorab De Commarmond.

 

HON CHARLES DE COMMARMOND

Mwan mon ti a pli apresye ki nou fini ek Minis Bastienne ozordi, demen nou a pran Komisyoner epi nou ava kontinyen nou…

 

MR SPEAKER

Alright, as usual nou al par consensus nou a pran Onorab Afif.

 

HON AHMED AFIF

Mersi Mr Speaker, bonn apre midi Minis, Minis mon ti a kontan demann ou si ou kapab petet menm pa ozordi si ou kapab donn nou sa lalis tou bann dimoun ki lo lalis pour ganny later dan sak distrik e sirtou Anse Etoile?  E osi si ou kapab donn nou lalis bann dimoun pour lakel zot pe fer sa bann 24 Flat Dan Kafe.

Rezon mon pe demann ou sa, se parske ziska ozordi depi lannen pase ou ti dir zot pe travay lo en Sistenm Pwen, zot pe re klasifye, ti annan 9,000 la in ariv 14, 000 aplikan ziska ozordi mwan mon annan mon lalis dimoun ki’n vin vwar mwan personnelman malgre ki zot pa sipoze vwar MNA pour zot ganny lakaz oubyen later, me mon pa kapab dir zot kote zot ete, mon pa kapab sitye zot lo sa lalis laplikasyon, mon pe sipliy avek ou si ou kapab fer nou ganny en lalis baze lo zot kriter ki zot in tonm dakor lo la, si ou kapab fer nou ganny sa pour nou kapab omwen konnen kot sa bann dimoun i ete lo lalis pour nou kapab pas sa lenformasyon avek zot.  Mersi.

 

MR SPEAKER

Mon pa konnen si i annan lezot distrik ki ti anvi siport sa kestyon me mwan mon ti a kontan Anse Boileau osi i azout pour li ek menm kestyon ki Onorab Afif in demande, e nou ganny sa lenformasyon petet pour tou distrik Minis Bastienne.

Bon avek sa Minis Bastienne mon pa konnen si oule petet ki nou kapab fer ou kapab retourn lo la ler nou tournen 4er, mon krwar ti en bon nide nou pran en Break la, mon a koz avek Mr Labonte i a vin demen bomaten nou a retournen 4er pour nou fini ek sa topik Master Housing Plan, Onorab Adelaide ou lo la, wi Onorab Adelaide.

 

HON FRANCOIS ADELAIDE

Yes Mr Speaker mon ti a kontan osi si Minis petet ti kapab donn nou en kopi sa Statement ti ava bon.  Mersi.

 

MR SPEAKER

Wi i en bon nide, mon krwar ti ava byen ou donn nou en kopi sa Statement ki nou ganny sa sapit e verse pour sak distrik.  Minis nou a seye gete si ou kapab donn zot avan 4er, si non nou a pran en Break Minis, nou a retournen isi pour nou kontinyen egzakteman 4er.  Mersi.

 

(BREAK)

 

 

MR SPEAKER

Nou a repran nou travay e mon a donn laparol toudswit Mr Hoareau, Onorab John Hoareau.

 

HON JOHN HOAREAU

Mersi Mr Speaker.  Bonn apre midi Mr Speaker.  Bonn apre midi tou dimoun ki pe a lekout, Minis ek ou PS.  Mr Speaker, mon ti ava kontan ki Minis i eksplik nou si sa 24 Unit ki pe fer Ex-Dingwall si sa pou ganny servi pou reallocate bann dimoun ki deza dan flat Société Du Logement pou re devlop sa landrwa ; oubyen si i pou ganny allocate avek bann nouvo aplikan? Dezyenmman mon ti a kontan si Minis i eksplik nou si sa morso later landbank kot nou dir ‘Lo Lanmar’ ki mon vwar i annan serten devlopman pe ganny arive lo la si sa i form parti sa morso teren ki dir i annan 10 morso pou allocate ek bann dimoun Beau Vallon.  Mersi.

 

MR SPEAKER

Minis.

 

MINISTER CHARLES BASTIENNE

Wi Mr Speaker, konsernan Ex-Dingwall Beau Vallon, parsyelman nou pou servi li pou nou kapab relocate en pe Société Du Logement, akoz nou anvi fer redevlopman osi kot Société Du Logement. So parsyelman i a ganny servi, me solman nou pou fer sir poudir ki nou gard nou promes ki within sa timeframe nou kapab delivre lo sa ki nou’n dir nou pou delivre pou Beau Vallon.  Konsernan ‘Lo Lanmar’ sa pe al ganny tender byento e ‘Lo Lanmar’ napa nanryen pou fer avek sa 10 plot ki Nouvelle Vallée.  I 2 proze endepandan sa.  Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  Minis ou’n mansyonnen pli boner ki i annan 7 later ki’n ganny allocate ‘Pti Lavil’, Cote D’Or sa, lo kote Baie Ste Anne. Mon kestyon i an vi ki i annan sa sityasyon ki’n devlope la kot i annan serten bann dimoun ki dan zalantour Power Plant ki pou ganny relocate dan sa landrwa, eski i enkli osi sa bann later pou osi enkli sa bann dimoun ki sorti kot Power Plant ? Mon 2enm kestyon i konsernan St Sauveur, ou’n mansyonnen poudir i annan 4 plot ki zot in fini fer sub-division me selman mon konnen poudir i annan plis ki 4 dimoun ki’n fer laplikasyon later laba.  Apre ti annan sa case sa fanmir 15 dimoun ki pe reste dan en lakaz an tol lo sa later, ki an 2015 ler Prezidan Michel ti vizit zot, ti promet zot ki pou donn zot en bout sa plot sa later pou fer en social housing project pou sa 15 dimoun ki pe reste dan en sel lakaz, en lakaz an tol 2 lasanm.  Eski zot pe konsider sa fanmir 15 dimoun ; annefe ou PS i konn sa tre byen, mon ti anvoy li en email konsernan sa fanmir.  E eski zot pe konsider sa bann dimoun ; e eski zot pe osi konsider allocate plis plot St Sauveur dan lefitir. Apre pou fini i annan sa case Mr Hoareau, Amitie ki sipoze ganny relocate, zot pe reste o bor landfill an se moman, e la zot pe ganny issue avek SLTA ki pe bril koltar pou resurface semen. Kan eski sa fanmir pou ganny relocate dan lefitir? Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan ‘Pti Lavil’ i annan ‘Pti Lavil’ 1 apre i annan ‘Pti Lavil’ 2, se ‘Pti Lavil’ 2 ki nou annan plan pou nou réservé pou relocation konsernan kot Stasyon Elektrisite.  Apre konsernan St Sauveur, wi sa fanmir 15 dimoun i dan konsiderasyon.  E an vi ki ou’n mansyonn mwan konmkwa ki ti annan serten commitment ti’n fer pou kapab fer en ka spesyal pou zot then nou ava revwar dosye pou nou deal avek.  Apre dezyenmman konsernan sa case pou Mr Hoareau nou’n preski fini finalize ; i zis en matter of nou pe zis esper laprouvasyon Planning lo sa alternativ ki nou’n propoz avek son garson.  Mersi Mr Speaker.

 

MR SPEAKER

Onorab Prea ou annan enn relye avek sa oubyen separe? Ok.  Onorab Adelaide.

 

HON FRANCOIS ADELAIDE

Mersi Mr Speaker.  Mon kestyon pou Minis se Minis an Mars ler ou ti vin isi, la dan sa Lasanble ou ti dir nou ki Baie Lazare i annan 31 bout later e la ou dir nou i reste 25, eski mon kapab demann ou ki’n arive ek sa 6 bout ki pou fer total tonm 31?  Mon 2enm bout se parey lo kote enplimantasyon, tou dernyerman dan Meeting Rezyonal ki ti fer ti annan sa pwen ki ti monte konsernan akse lo akse lo lans Valmer, ou Zofisye ti dir poudir i deza annan son plan pou annan en right of way, mon pe demann ou ki ou pe fer avek ou Minister pou enplimant sa right of way akoz zot dir i deza annan lo Planning.  En pti kestyon lo HFC, loan HFC, eski ou Minister pe anvizaze release okenn loan pou bann kliyan ki pe esper bann loan HFC?  Mon dernyen pwen lo sa Point System, eski i posib pou Lasanble ganny sa evaluation sheet, pou nou kapab konpran pou nou kapab eksplik bann dimoun ki mannyer ou ganny pwen, lekel ki ou akimil plis pwen ouswa lekel ki ou akimil mwens pwen?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan Baie Lazar, later landbank pou annan plis plot me sa ki nou annan se bann ki’n pare akoz semen i available pou nou allocate la.  So si nou ti dir pou annan 31, 32 i posib ki i pou annan me i petet osi en pti pe plis osi. Dezyenmman Mr Speaker, konsernan issue HFC, HFC pa tonm anba mon responsabilite, i tonm anba responsabilite Minis Finans. Apre konsernan access avek lans dabor parey en commitment prezan ti fer konmkwa ki striktir ki ti pe limit access lo lans ti pou demolir by Zen, sa nou’n onore kot sa striktir Valmer in fini ganny demolir enkli 1 ou 2 lezot landrwa osi.  Me access to beach, mon konnen poudir dan physical Planning Bill ki pou vin devan sa Lasanble, i fer provizyon avek access to lans.  So enn fwa ki sa petet i ava’n pase then i a take care of sa access avek lans.  Konsernan Point System, Mr Speaker, wi i annan dokiman ki nou travay lo la avek kategori, kot dimoun i ganny zot pwen sa i ganny mete dan nou sistenm enformatik e bann detay, bann gro detay i pa en problenm parey mon’n liste taler; an term bann diferan kategori kot dimoun i ganny bann pwen kote sa i ganny mezir an gro, mo pans pa si i en problenm pou mwan kapab dir par egzanp, ki ou kondisyon landrwa reste, konbyen pwen dimoun i gannyen son maximum.  Konbyen dimoun ki pe reste lakaz par met kare. Konbyen pwen si son minimum ki WHO i demande i pe ganny met, konbyen pwen i gannyen an tou, me bann gro lenformasyon parey i pa en problenm pou mwan akoz sa Point System se sanmenm sa zouti osi ki nou pe travay parey mon’n dir.  Me tou bann detay i ganny mete dan sistenm enformatik.  Mersi Mr Speaker.

 

MR SPEAKER

Onorab Adelaide.

 

HON FRANCOIS ADELAIDE

Mr Speaker, zis mon pe demann Minis petet pou donn nou en timeframe kan nou kapab ganny petet sa evaluation sheet.  Mersi.

 

MR SPEAKER

Minis.

 

MINISTER CHARLES BASTIENNE

Mwan mon napa problenm, mon kapab make sa available kantmenm demen, apredmen. Pa en problenm.  Mersi.

 

MR SPEAKER

Onorab Aglae.

 

HON EGBERT AGLAE

Mersi Minis.  Eski Minis i kapab dir ek sa Lasanble, vi ki dan ou statement e an Mars osi ou ti fer resorti ki okenn manm piblik pa pou kapab petet fer bann resers pou ganny morso later, be dan laliny nou travay i annan bann leksepsyon, mon a donn ou en legzanp Minis par egzanp, kot o bor lakaz en fanmir petet en manman i annan en bout o bor, petet 1 sa zanfan i santi in kalifye pou li ganny sa later, i santi i kapab fer request, eski zot pou pran sa konman en leksepsyon? E dezyenmman Minis ou’n koz en pe lo sa bann pri ki ou pe ganny bann very good rates, e nob resaman sirtou Lasanble, nou ti annan en Lakonpannyen Gouvernman GICC  eski zot i pran konsiderasyon dan sa bann rates tou bann, petet bann offer ki bann lezot Lakonpannyen in vin met devan, pou kapab ede fer desann sa bann pri pou kapab konstri lakaz pou nou pep? Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan bann dimoun … zanfan ki petet reste o bor zot paran e Gouvernman i annan en propriyete ki baliz avek sa propriyete.  Sa pa en problenm. Sa i bann leksepsyon ki mon Minister i konsidere.  Sa i deza pe ganny met an pratik. Mr Speaker, dezyenm kestyon i pa’n tro kler pou mwan si mon ti kapab ganny MNA, Onorab pou elabor en pe plis, silvouple.

 

MR SPEAKER

Onorab Aglae.

 

HON EGBERT AGLAE

Wi Minis.  Vi ki 2 semenn pase e semenn pase osi nou ti koz en pe lo bann kou konstriksyon dan pei e GICC ti an kestyon.  Kestyon ki mon pe demande, si ou Minister li menm li baze lo serten bann rekomandasyon ti ganny fer dan Lasanble, pou kapab redwir kou konstriksyon. Ou’n donn bann rates ki ase vreman satisfezan. Eski sa Lakonpannyen li menm li in form par petet dan sa bann negosyasyon si ou Minister in apros zot osi.  Vi ki i en Lakonpannyen Gouvernman i osi i a ede, pou ki a konstri lakaz en pti pe pli abordab pou nou pep. Mersi.

 

MR SPEAKER

Minis.

 

MINISTER CHARLES BASTIENNE

Mersi Mr Speaker.  Si ou pe koz mwan sa Lakonpannyen an partikilye, pri ki mon’n donn ou se bann tender pli ba ki nou’n ganny ziska maintenant avek nou bann proze.  Me sa Lakonpannyen partikilye, lenformasyon ki mon annan se ki zot pa’n zanmen partisip dan tender ki nou nou’n fer sorti publicly.  E si i pou kapab fer pli ba, mwan mon pa konnen, akoz i pa’n partisip dan tender so nou pa kapab mezir li.  So mon pa konnen si mon’n klarifye petet Onorab, ou kestyon. Mersi.

 

MR SPEAKER

Onorab Prea.

 

HON NICHOLAS PREA

Mersi Mr Speaker. Minis ou’n mansyonn 21 kare later ki tonm dan Bel Ombre, 14 Le Niole, 7 Mont Simpson, kan zot pou ganny fer available?  Sa 16 unit ‘Danzilles’, kote i ete?  Kote pou ganny fer?  E ki pou arive avek larestan ki pou konplete ki pou fer 24? Eski ler sa proze 24/24 i konplete, eski zot pou move bann dimoun parey nou vwar Vandredi dan vizit ki i annan en bon pe lannen dan Emergency Houses e bann ki dan bedsitter. E dernyen pti kestyon Minis dan ka kot en dife i konpletman detri en lakaz, eski zot annan en progranm pou allocate sa bann dimoun en landrwa until zot lakaz i reganny built? Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan sa 16 unit Bel Ombre, ‘Danzilles’ pe ganny fer sa 16 Unit e i en balans 8, mon kapab dir ou k mon Minister pe assess la, sirtou avek bann larestan distrik la kot i annan en mankman 5, 6 Unit, nou pe vwar, nou pe assess kote nou pou mete me solman nou pa le sa vin en retar pou nou kapab konmans nou proze, sa i enn. Dezyenmman se ki dan sa bann Unit ki ganny konstri dan distrik nou pe fer fason ki otan ki posib bann dimoun ki’n reste dan 1 bedroom, dan bedsitters pou en bon pe letan sa bann dimoun i devret pe ganny konsidere.  Mon kapab dir ou ki avek alokasyon ki nou’n fer Ex-Dominic Savio, i annan plizyer dimoun, 3-4 dimoun ki’n deza pe reste dan bann 1 bedroom ki’n ganny relocated kot Dominic Savio ; sirtou bann ki annan zot fanmir akoz pa bliye lakaz i ganny donnen dapre ou bezwen.  E i malere poudir i annan serten ki’n reste 18an, 20an me nou pa’n neseserman deal avek zot case. K onsernan bann case dife malerezman laplipar dimoun ki letan i ganny tape avek bann maler parey, zot napa lasirans e vwala kot Gouvernman i vwar li kot i bezwen antre.  Premye priyorite ki nou fer se ki nou organize, nou donn zot alternative alokasyon. Hopefully enn fwa ki Bidze i ganny donnen pou nou temporary housing ti ava ed nou, dan en fason i pa ava bar sa bann commitment ki nou pou’n fer avek sa bann dimoun dan sa proze 24 lakaz, so sa i ava vin zot landrwa tanporer. Me prezan pou zot rekonstriksyon long term, Gouvernman i antre an negosyasyon avek fanmir, pou vwar zot abilite pou zot kapab raise en loan adisyonnel e mon kapab dir ou an se moman la mon annan en policy paper ki mon pe anmenn kot Konsey Minis pou Konsey Minis donn gidans aprouvasyon lo ki laliny nou pou pran ler nou annan bann maler parey.  En Polisi ki kler pou tou dimoun e non pa ki i ganny fer dan diferan fason.  E se sa ki mon pe anmenn sa Polisi tre byento pou nou konnen ki mannyer nou pou al ed bann ka dezas parey.  So vwala kot nou ete vizavi sa.  E konsernan later wi i annan sa 14 morso later ‘Dan Gala’ apre nou annan sa 7 Mont Simpson.  Parey mon’n dir boner nou pou fer nou mye pou fer alokasyon avan Desanm sa lannen.  Mersi Mr Speaker.

 

MR SPEAKER

Onorab Afif ou annan en kestyon relye avek sa?

 

HON AHMED AFIF

Wi Mr Speaker. Mon ti le zis demann Minis dan son pwen sa ki’n fek fer la, ki mannyer in konn sa pri, i dir koumsa ti napa… pa’n fer en tender me ki mannyer i ti konn pri sa kontra?  Sa kestyon avan.

 

MR SPEAKER

Minis.

 

HON AHMED AFIF

Lo kestyon pri pou konstriksyon.

 

MINISTER CHARLES BASTIENNE

Mr Speaker, lenformasyon ki mon’n donn sa Lasanble i baze lo pri tender, ki nou nou’n gannyen pou proze ki nou’n fini award, ok? Par egzanp, mon’n dir ex-Cable & Wireless Anse Boileau, nou annan son pri apre nou annan pri pou ex-Hunt Baie Lazare. So i baze lo pri ki nou nou gannyen following tender.  Onorab letan mon’n reponn son kestyon mon’n dir sa Lakonpannyen an partikilye i pa’n partisip dan tender okenn proze lakaz pou mon Minister so mon pa pou konnen ki son pri li i pou ofer. Medrsi Mr Speaker.

 

MR SPEAKER

Onorab Henrie ti en relye?

 

HON GERVAIS HENRIE

Non i pa relate Mr Speaker.

 

MR SPEAKER

Non i pa relate. Si ou’n mansyonn, Minis ou’n mansyonn dezyenm fwa la ex-Cable & Wireless Anse Boileau, egzakteman kote sa, i annan 18 Unit ?

 

MINISTER CHARLES BASTIENNE

Mr Speaker, i dan zanmirant kot Stasyon Lapolis ek Stasyon Fire Services.

 

MR SPEAKER

Alright, mersi.  Onorab Lemiel.

 

HON SYLVANNE LEMIEL

Mersi Mr Speaker. Bonn apre midi Minis avek ou delegasyon e bonn apre midi tou mon bann koleg.  Mr Speaker, mon ti a kontan demann Minis petet en pti bilan lo kote kot i konsern Anse Royale, parske nou ti ganny dir dernyen fwa ler i ti vin ki proze lakaz sa 24 Unit ti pou fer ‘Anfonsman’ e la nou’n tande prezan pe al fer lo later SACOS ki zot ankor pe negosye, pou ki rezon zot in sanz landrwa? Dezyenmman ki pe arive avek proze later Landbank ‘Anfonsman’ e apre sa 4 morso later ki zot ti pou allocate Sweet Escott?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, tou le de sa 2 proze i baze lo konsernan finansman semen.  Par egzanp sa Sweet Escott pou nou fer semen letan ou pou balans son kou son semen an relasyon avek kantite plot ki nou pe gannyen, ki 4, then i pa neseserman fer sans pou nou al met sa larzan ladan.  Nou a plito pran sa larzan pou nou mete pou nou maximize number of plots ki nou gannyen.  Dezyenmman pou bouze sorti ‘Anfonsman’ pou fer SACOS se ki sa propriyete SACOS i available in pare e mon Minister i kapab akseler sa proze ase vit, bann retaining wall, semen, tou sa bann keksoz in fini ganny fer e nou panse poudir sa i pou dan nou lavantaz.  Me ‘Anfonsman’ nou pa pe dir nou pa pe tous ‘Anfonsman’, ‘Anfonsman’ nou kapab vwar li dan en prosen proze akoz kantmenm nou pe dir nou pe fer 24 lakaz dan 24 distrik, dan 24 mwan, nou pe vwar osi lannen prosenn an mezir ki bann proze i konplete, pou nou konmans travay lo bann lezot proze an plis ki sa bann proze la ki right now ki nou’n fer commitment avek. Mersi Mr Speaker.

 

MR SPEAKER

Onorab Pillay, Stephen Pillay.

 

HON STEPHEN PILLAY

Mr Speaker, mersi.  Kestyon i relye avek pou Onorab Lemiel pou ki rezon zot i swazir sa 24 deryer kot ex-Laferm Mr Naiken, kan dan Bidze lannen pase ti idantifye 18 Unit Moripa, epi i ti dir Lasanble pou fer EX-SADECO e la zot pe fer deryer kot Daycare Center. E kan zot ti pran sa desizyon pou konstri sa 24 deryer Daycare Center Au Cap.  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker, wi letan mon ti anonse mon ti dir konmkwa ki proze Au Cap pou Moripa, letan mon bann dimoun, letan nou pe refer assessment konsernan semen, konsernan lenfrastriktir, konsernan kondisyon teren, e  nou nou’n dir poudir ti a bon si nou regard lezot, eksplor alternative sites.  E vwala kot nou konnen poudir tre byen ki Gouvernman ti annan sa site ki available kot sa fermye ti ete avan e vwala kot i en site e ki son kou lenfrastriktir pa pou otan, an vi ki lanvlop osi ki nou annan i ase limite pou nou kapab fer nou devlopman, vwala kot desizyon ti pran pou nou bouze pou nou fer li kot sa fermye ti ete Au Cap olye pou al ‘Moripa’.  Mersi Mr Speaker.

 

MR SPEAKER

Onorab Pillay.

 

HON STEPHEN PILLAY

Wi, Mr Speaker.  Ler ou pe dir ‘Moripa’ ou pe dir ‘SADECO’ li menm li ‘Moripa’ or ler ou ti anonse poudir ou pou fer ‘SADECO’ e kan ou ti pran desizyon Minister pou fer li la deryer biro Daycare?  Mersi.

 

MINISTER CHARLES BASTIENNE

Mr Speaker, mon pa tro mazinen kan desizyon ti ganny pran apre ki mon bann Zofisye tin fer analysis, me i kapab apepre en 4, 5 mwan pase par la, i kapab plis.  Me solman ‘Moripa’ i pa ‘SADECO’ me i 2 diferan landrwa sa.  Ok.  Mersi Mr Speaker.

 

MR SPEAKER

‘SADECO’ i bor lanmer ‘Moripa’ i anler.

 

HON STEPHEN PILLAY

Non Mr Speaker, Minis menm ki ti dir dan Lasanble… Mersi Mr Speaker. I ti dir dan Lasanble i pe al fer kot ‘SADECO’. Se sa… I pa ‘Moripa’, i ‘SADECO’ akoz ‘SADECO’ i la pou devlope. Onorab Lemiel i konn byen, i annan potansyel laba akoz zot pa pe servi li osi.  Mersi Mr Speaker.

 

MR SPEAKER

Minis, mon krwar tou le de i relye,  Onorab Lemiel osi i en manm zil Pointe Au Sel, vre, ‘Moripa’ i pli o.  I anler kot Jean Port-Louis. ‘SADECO’ i pli ba. So petet ou a donn sa klarifikasyon oubyen pli tar s ii posib.

 

MINISTER CHARLES BASTIENNE

Mr Speaker, si mon kapab petet klarifye lo sa issue SADECO’. ‘SADECO’ an vi ki konsiltasyon ki letan nou ti fer ek Minister Lagrikiltir konmkwa ki zot anvi reactivate aktivite lagrikiltir e se pou sa rezon petet ki nou’n move away from ‘SADECO’ pou nou rod alternative sites.  Mersi Mr Speaker.

 

MR SPEAKER

Onorab Pillay, ou satisfe? Onorab Lemiel?  Yes.

 

HON SYLVANNE LEMIEL

Mr Speaker, mon santi ki Minis pa’n vreman reponn mon kestyon lo kote landfill.  Si i ti kapab re eklersi, silvouple.

 

MR SPEAKER

Minis, ou le reponn son kestyon oubyen ou…

 

MINISTER CHARLES BASTIENNE

Wi Mr Speaker, lo kote landfill se ki wi nou ti annan en proze pou nou fer landbank laba me apre ki nou, parey zot konnen se ki nou’n konmans fer konsiltasyon konsernan Land Use Plan e Anse Royale i enn bann premye distrik ki nou’n touse.  Letan nou’n fer konsiltasyon avek zabitan Anse Royale konsernan sa issue landfill in monte whether i apropriye pou annan en landbank e vwala kot diskisyon i ankor ankour, nou pa dir poudir pou napa landbank, nou pa pe dir poudir pou annan.  Me solman letan nou pe assess an menm tan potansyel pou annan lezot landrwa lo en baz rezyonal pou annan burial site, sa i en size ki’n monte avek potansyel kot nou kapab annan en burial site anler laba kot landfill ti ete.  Me sa parey mon’n dir, sa i en keksoz ki ankor anba konsiderasyon baze lo bann konsiltasyon ki’n ganny fer.  Me solman tout fwa nou annan lezot landrwa Anse Royale kot nou a kapab ganny later pou nou compensate pou bann dimoun ki ti sipoze pou ganny asiste avek later dan landfill.  Nou pe eksplore la right now e si tou keksoz i al byen pandan nou lanvlop e tou, nou a kapab petet realiz en proze landbank pou distrik Anse Royale.  Mersi Mr Speaker.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker.  Mr Speaker mon annan 2 kestyon.  Premye i baze lo later landbank anler Quincy Village akoz dan Capital Project pou 2017 anba CAPEX ti annan larzan ki ti’n allocate pou subdivision of later landbank Quincy Village, mon pa tann Minis in tous lo la dan son Plan Konpreansiv 6 mwan apre. Epi mon 2enm kestyon, proze 24 Unit ki ti pou ganny fer Union Vale, Minis i dir i ankor kot Planning si mon’n ganny sa byen?  Solman dapre mon ti konpran apre vizit ki nou ti fer avek Prezidan, sa proze sipoze konmanse avan lafen Septanm, mon pe esey rod en pti leklersisman kwa ki’n arive pou fer sa proze tarde?  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker, petet klarifikasyon lo sa proze Union Vale.  Mon Zofisye i dir mwan commitment in fer se ki avan lafen lannen. Selman tou fason i pou ganny deliver within sa 24 mwan either way.  Sa nou pe donn nou commitment lo la. E konsernan land bank Quincy Village, lenformasyon ki mon pe gannyen se k ii ti pou proze land bank i ti sipoze pou 2018.  E non pa ti pou 2017.  Mersi Mr Speaker.

 

MR SPEAKER

Onorab Loizeau… Onorab Herminie.

 

HON WILBERT HERMINIE

Mr Speaker, mersi. Be solman ti dan Capital Project pou 2017 sa subdivision sa, akoz si i ti pou 2018, mon ekspekte ti pou son lannen answit.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, mon ava verifye sa e apre mon ava get back to Onorab.  Mersi.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker.  Mr Speaker, mon anvi demann Minis vi ki ti pou annan 2 proze dan distrik Bel Air.  Ti pou annan enn Bel Eau avek enn Sans Soucis e la nou’n tann koz zis lo Sans Soucis, eski ou kapab dir nou ki pe arive avek proze Bel Eau ki dimoun Bel Air i ava konnen ki pe arive avek sa proze? E osi Minis vi ki lo lalis distrik Bel Air pou lakaz, nou annan en ta dimoun i dan problenm lakaz an attendant ki sa proze Sans Soucis i fini, ki zot plan pou sa bann dimoun an attendant zot lakaz? E osi Minis vi ki dan distrik Bel Air parey toultan mon dir nou annan plis Reserv, eski pandan sa bann dernyen letan la, eski i annan bann resers ki’n ganny fer pou vwar si i annan serten morso dan Reserv, ki kapab ganny pran subdivide e allocate avek ban dimoun ki bezwen lakaz dan Bel Air/Sans Soucis ? Rezon ki mon demann sa kestyon, Minis, se akoz i annan serten morso dan réserve kot ti bril sarbon anler, i annan en fanmir byen eze ki pran sa gran morso monte baliz ziskan dan semen Trois Frères.  Alors mon panse ki i posib osi pou ki, legzanp Marie Alice Anacoura en senp pti dimoun Sans Soucis, li osi i kapab ganny en pti morso dan Reserv, ki i kapab fer son lakaz.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, mon pa okouran konmkwa nou ti fer commitment pou fer en proze Bel Eau.  Petet mon ti kapab annan en pe plis lenformasyon avek Onorab.  Konsernan Sans Soucis, mon krwar sa i kler. Pou bann dimoun ki pe atann Mr Speaker, se ki nou’n vin avek en plan ki en fason ki nou kapab tous tou kos nou bann dimoun.  Sa bann dimoun i annan serten petet parey mon’n dir boner ki pe pey byen anba zot Home Saving Scheme ki pe peye depi konmansman Scheme in konmanse an Fevriye 2010, zot osi zot kapab ganny asiste anba Self-Finance Scheme.  Sa i en posibilite sa. Sa proze in fini ganny tender.  Nou’n fini annan pri konbyen pou koute e parey mon’n dir se ki la sa mwan Oktob la, nou pe travay lo lalis pou nou kapab allocate avek 73 dimoun ki annan potansyel pou li gannyen.  Me nou kriter se ki nou bezwen, nou’n deside pou nou retourn lo lalis Home Saving Scheme pou bann ki’n pey pou sa letan, pou zot at least ganny sa lespwar poudir i vo lapenn pou pey anba sa Home Saving Scheme. Sa mon kapab dir pou bann dimoun ki pe atann. E parey mon’n dir osi se ki avek nou Sistenm Pwen, nou Sistenm Pwen Mr Speaker i pou ed nou kapab vwar distrik par distrik ki mannyer zot été, anliny avek statistik ki nou pe gannyen lo baz Nasyonal. Si par egzanp letan nou regard distrik Bel Air, baze lo demann lakaz ki annan, nou pe vwar poudir an mwayenn distrik Bel Air zot pwen i 75 poursan, ok ? Then oubyen petet nou vwar en lot distrik, en lot distrik li son pwen an mwayenn i apepre 50-55 poursan, ler nou pou vwar poudir nou pou bezwen al met lanfaz lo konstriksyon lakaz pou zabitan distrik Bel Air akoz presyon i bokou pli o an term Sistenm Pwen letan nou fer nou analysis.  So vwala kot Sistenm Pwen osi pou ed nou kapab detekte e ed nou dan nou planifikasyon a lavenir avek alokasyon lakaz, e osi proze kote nou pou donn priyorite. Konsernan lanvironnman Mr Speaker, mon krwar Onorab in deza demann mwan sa kestyon, mon ti dir li poudir sa en keksoz ki pa neseserman dan lanmen mon Minister, me osi i annan pou fer avek Minister Lanvironnman. Se zot ki deside ler pou nou agrandi oubyen pou akoursi Reserv e alor i tout en konsiltasyon ki nou’n konmanse lo la. Nou’n diskite lo la me i annan serten keksoz ki ankor mon ekspekte Minister Lanvironnman i aborde avan ler en desizyon parey i a kapab ganny fer, ki mannyer ki bann dimoun, pti dimoun parey ou mansyonnen, zot osi zot kapab benefisye. Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, eski Minis i kapab enform nou Lasanble lefe ki Cascade ler ou’n nonmen zis 12 Unit nou pou gannyen, eski ou kapab dir nou Lasanble ki posibilite devlop teren kot PSSW i ete avek ex-Police anler Talbots pou ganny en pe plis lakaz pou ganny sa… pou fer sa 24 Unit ou plis pou nou distrik.  E an menm tan kot i konsern bann Condominium Perseverance, eski Minis i kapab dir nou en pe lenformasyon lo la, par egzanp son bann cost?  E an menm tan dir nou ki bann kondisyon e bann laranzman ki Gouvernman in antre ladan avek kontrakter e bann lokater ler zot pou ganny vann sa bann Unit.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, i en commitment ki Gouvernman in fer pou donn sak distrik omwen 24 Unit.  Wi, sa opsyon kot PSSW i en opsyon ki ankor pe ganny diskite.  Me antretan nou bouze avek nou 12 Unit pli o, nou konnen poudir la anba pou PSSW i annan en Blok ki ganny abandonnen e i annan lezot potansyel lo sa teren.  So nou bezwen fer le neseser apre ki nou’n diskit avek Minister Zafer Entern, pou nou kapab konkretiz sa. Konsernan ex-Police Talbots, sa osi i en keksoz ki nou pou vwar me selman i pou mars anliny avek desizyon ki ganny pran kot ex-PSSW swivan serten … akoz i annan serten link sa 2 diferan landrwa.  Apre trwazyenmman Mr Speaker, Leader Government Business in dir… in refer avek Condominium Perseverance, me solman i pa’n presize, eski nou pe koz Condominium Gouvernman ki’n fer, bann apartman oubyen… ki kalite Condominium ki nou pe koz lo la Perseverance?

 

HON CHARLES DE COMMARMOND

Bann ki GICC pe fer aktyelman la.

 

MR SPEAKER

Minis.

 

MINISTER CHARLES BASTIENNE

Wi. Mr Speaker, wi. Konsernan sa proze kib GICC pe fer se k ii en proze ki pe ganny fer konzwentman avek Gouvernman.  Ki mannyer Gouvernman i antre ladan se ki Gouvernman in donn GICC apepre 22 mil met kare later lo Ile Perseverance, kot i sipoze fer li en total 154 Condominium parey nou dir. Dan sa 154 Condominium se ki 100 Condominium i sipoze pou al pou bann First Time Home Buyers, savedir bann dimoun ki pou pas atraver Minister pou nou kapab tir en pe bann dimoun lo nou lalis e sa balans 54 Unit GICC pou kapab vann avek sa ki li i anvi. I pa neseserman fodre vann avek bann First Time Home Buyers, be sa 54 i kapab vann avek sa ki li i anvi.  Gouvernman in transfer sa later avek GICC lo en freehold pou R1 e la kot Gouvernman i antre dan sa formil.  E sa bann Condominium pe ganny vann 2 lasanm 1.2 milyon pou 2 lasanm vwala e 1.5 milyon pou bann ki 3 lasanm.  So vwala Mr Speaker.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Eski Minis i kapab dir nou en pe par egzanp cost, son cost per square meter.  E an menm tan sa 1.2 milyon 2 lasanm, 1.5 milyon 3 lasanm, eski ou pe dir ki tou sa 154 Unit i pou lo sa pri oubyen… ki mannyer i vini?  Mersi.

 

MINISTER CHARLES BASTIENNE

Mr Speaker, lenformasyon ki mon pe gannyen ek mon Zofisye se ki ler ti diskit lo la inisyalman se ki ti pe diskit 1.2 milyon apepre R10 mil en met kare pou sa bann Condominium 2 lasanm.  E 3 lasanm osi evidaman 10 mil, 1.5 milyon sa roughly ki’n mon’n ganny dir letan ti diskite sa lepok.  E konsernan son pri ki pou vann, parey mon’n dir se ki kondisyon se ki sa 100 Unit i vann lo sa 2 pri ki mon’n nonmen, 2-3 lasanm e sa 54 Unit i vann ek sa ki li ou le pri ki li i kapab gannyen avek dan market out there.  Mersi Mr Speaker.

 

MR SPEAKER

Onorab Valmont.

 

HON JUDE VALMONT

Mersi Mr Speaker.  Bonn  apre midi Minis e ou delegasyon. Bonn apre midi tou koleg Onorab.  Minis mon tann ou mansyonn ex-Albert Phase 2, mon ti a voudre demande si sa proze i kontyen koneksyon semen Anse Déjeuner pas par Nageon ki konekte ek Cayole e osi fer provizyon pou koneksyon Phase 1 avek STP. Dezyenm pti kestyon Minis, mon pa’n tann mansyonn land bank Anse Francois ex-Melon, eski i dan plan pou devlope?  E 3enm e dernyen kestyon Minister, kan ki… mon pa’n tann nonm bann lakaz Self-Finance e eski pou annan bann lakaz Self-Finance ki pou ganny donnen avek bann dimoun ki ti’n deza ganny fer commitment oparavan Perseverance.  Mersi.

 

MINISTER CHARLES BASTIENNE

Mr Speaker, i nou swe pou nou kapab konekte sa semen Cayole avek Pointe Larue, nou pou vwar atraver nou proze letan nou fer nou land bank ex-Melon, pou nou kapab fer sa koneksyon.  Me solman mon osi mon’n vizit laba i ase agresiv teren me nou pou vwar ki mannyer nou pou kapab fer sa koneksyon.  Anse Francois… ok. Anse Francois nou lo design dapre lenformasyon ki mon annan. Konsernan Self-Finance ek tou bann lezot proze kot i annan en firm commitment, en dimoun i annan en let dan son lanmen konmkwa nou’n commit avek li dan en fason me non pa in  principal, then nou bezwen onor sa commitment.  Otherwise then parey mon’n dir bann Self-Finance nou pou al servi nou lalis Home Saving Scheme pou nou fer alokasyon. Mersi Mr Speaker.

 

MR SPEAKER

Onorab Sophola.

 

HON NOLINE SOPHOLA

Mersi Mr Speaker.  Minis sa 20 Unit La Digue, eski i pou enkli bann Emergency House ladan osi? E dezyenmman mon pe regarde dan bann proze ki ou’n koz lo la, eski ou Minister pe anvizaze fer en proze lakaz pou bann zenn ki sorti Praslin ek La Digue, swa ki zot pe travay oubyen ki zot pe fer letid isi lo Mahe?

 

MR SPEAKER

Minis.

 

MINISTER CHARLES BASTIENNE

Mr Speaker, sa 20 Unit La Digue i bann Unit ki tonm dan kad 24 Unit, 24 distrik, non i pa include bann Unit EmergencyWith regards proze pou bann zenn Mr Speaker, ki sorti lo bann Inner Island, mon krwar nou bezwen fer en bon pe refleksyon lo la.  Rezon set akoz nou bezwen annan en model parey nou annan avek Youth Hostel proper e mon krwar sa i en keksoz ki nou bezwen diskite avek Gouvernman.  Rezon i senp se akoz nou pa pou kapab petet pran sa bann zenn petet pou met zot ansanm parmi bann lezot dimoun dan bann Housing Estate, si sa ki ou pe dir mwan.  Me solman si nou pou fer en proze spesifik pou bann dimoun Inner Island, sa i bann diskisyon ki nou bezwen al antreprann avek nide pou nou kapab realiz li within lanvlop ki nou kapab fer.  Me antretan mon pe regarde pe entail en lot proze parey Youth Hostel si mon kapab dir lo sa laliny.  Mersi Mr Speaker.

 

MR SPEAKER

Onorab Larue.

 

HON FLORY LARUE

Mersi Mr Speaker.  Bonn apre midi tou dimoun. Minis in mansyonnen ki i annan en mankman later, Mr Speaker mon ti pe demande si mon kapab fer en sizesyon avek Minis, seeing Trezorye Parti Lepep e zot annan 40 bout later, eski son parti pe konsidere rann Gouvernman en pe morso dan sa 40 bout later?  Parey Au Cap, Glacis deryer kot Lofis DA, La Digue e bokou lezot landrwa ankor. Eski i kapab dir nou si i annan en mouvman pou rann en pe later…?

 

MR SPEAKER

Order!  Order!  Minis, eski… mon pa’n tro tro tann kestyon, eski ou’n gannyen son kestyon?

 

HON FLORY LARUE

Minis ou’n gannyen mon kestyon?

 

MINISTER CHARLES BASTIENNE

Mr Speaker, mon la dan mon kapasite konman Minis pou Labita, Lenfrastriktir avek Transpor lo Later, se sa kapasite ki mon la.  Si i annan okenn desizyon ki pou ganny pran lo okenn keksoz konsernan later, then mon krwar sa i en keksoz ki sa Parti konsernen i ava fer son prononsman lo la me non pa mwan ki pou vin la dan mon kapasite konman Minis pou Labita pou vin fer en desizyon parey.  Mersi Mr Speaker.

 

MR SPEAKER

Ok, alright. Onorab Mondon, ou ti’n demann pou koze oubyen pa ankor? Oubyen non?  Ou annan en kestyon, ale poz ou kestyon.

 

HON TERENCE MONDON

Mersi Mr Speaker.  Mr Speaker, mon oule demann Minis dan zot nouvo Polisi later land bank eski zot in fer provizyon pou limit grander later.  Setadir si zot annan en minimum, en maximum an term supervise li ki zot Minister pe… pou donn bann dimoun.  E dezyenmman mon demann sa kestyon Mr Speaker akoz i annan bann gran morso later ki’n ganny subdivide dan rezyon Anse Koray, Bazarka, 2 arpan, 3 arpan.  Ziskan prezan sa bann later i la nou pa konnen ki zot pe anvizaze fer.  Akoz i napa e standar ler zot pe fer bann subdivision e sa bann later mon ti a kontan konnen ki zot pe anvizaze fer avek.  E mon 2enm pti kestyon se, i konsern proze lakaz ex-Desaubin; akoz ki alokasyon sa bann lakaz pe kontinyelman ganny anvoye e serten bann dimoun pa konn zot status ziska prezan si zot pou ganny en lakaz.  Minis ou’n dir taler ki ou ti a swete ki 6 mwan davans bann dimoun i konnen si zot pe ganny lakaz.  Kwa ki pe anpes ou a sa moman fer sa bann dimoun konnen si zot pe gannyen sa lakaz ouswa non? Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan size later normalman sa issue density ki grander plot ki nou nou vann, se ki nou vann en dimoun en plot ki rezonnab me pa 2 arpan.  E density e tou normalman menm si nou en sel Minister se ki Planning Authority ki aprouv bann proposed plan ki survey i ganny submit avek zot konsernan sa bann grander later. E nou land bank plot i varye ant 600 a 1200 met kare depandan lo topografi sa later, son agresivite e tou.  Konsernan ex-Desaubin menm parey avek ex-ION nou’n ganny serten retar ankor akoz issue sewage, menm Lakonpannyen ki pe fer ex-Desaubin, menm Lakonpannyen ki pe fer ex-ION e nou le ki, nou a fer nou mye pou nou kapab si kontrakter i konplet tou travay teknik lo Sewage Plant nou a kapab allocate li osi petet ver lafen Oktob pli tar milye Novanm; akoz li son sewage system pe travay lo la apre ki ex-ION i fini.  So wi.  E nou pou annan 24 Unit ki pou pare la an vi ki ti pou annan bann lezot dimoun ki ti bouze sorti en kote pou al lo en lot kote.  E vwala, nou ava fer sa bann alokasyon osito ki sewage system i fini met an plas.  Mersi Mr Speaker.

 

MR SPEAKER

Onorab Mondon.

 

HON TERENCE MONDON

Mersi Mr Speaker.  Minis pa’n dir nou kwa ki anpes zot an vi ki’n dir nou ki i anvizaze 6 mwan davans fer bann dimoun konn zot status, me kwa ki anpes zot la an se moman fer sa? Mersi.

 

MR SPEAKER

Minis.

 

MINISTER CHARLES BASTIENNE

Bon, Mr Speaker petet.   Mersi Onorab pou ou kestyon e petet mon pou klarifye serten keksoz. Parey nou’n fer avek distrik Grand Anse Mahe, ki nou’n fer se ki nou al distrik par distrik kot bann proze la pou le moman ler i pre pou pare.  So Grand Anse Mahe, nou’n pran tou zabitan Grand Anse Mahe ki pe pey zot kontribisyon par Home Saving Scheme ki dan nou sistenm e prezan nou’n allocate zot, zot pwen pou Grand Anse Mahe e baze lo la letan nou’n ganny lalis Grand Anse Mahe then nou vwar lekel bann dimoun ki score pli o ; parey nou’n dir nou le fer sir ki nou pa kit personn deryer.  Likewise nou’n fek fini konplet legzersis pou Takamaka e nou ekspekte ki dan bann semenn ki pe vini, dan prosen semenn byen avan alokasyon nou a dan en pozisyon pou nou kapab konmans fer diskisyon konsernan alokasyon.  Evidaman apre ki nou’n ganny tou bann pwen pou tou bann dimoun Takamaka ki’n fer laplikasyon.  Mersi Mr Speaker.

 

MR SPEAKER

Minis avan mon donn laparol Onorab Simon Gill, lo sa Kestyon Barbarons la ou konnen Onorab William in demann en kestyon taler, in dir nou i annan 28 Unit, be i paret ki Anse Boileau i annan dimoun ki’n ganny let ki zot pou ganny lakaz Barbarons prezan zot pe dir zot pa pe gannyen.  Eski ou okouran?

 

MINISTER CHARLES BASTIENNE

Mr Speaker, parey mon’n eksplike boner okenn commitment firm ki nou’n fer menm avan mon letan nou pou onore so…

 

MR SPEAKER

So savedir sa ki annan let pou gannyen?

 

MINISTER CHARLES BASTIENNE

Sa ki’n annan let konmkwa i pe ganny en Unit kot i pou gannyen, nou bezwen asiste sa dimoun akoz i en commitment ki nou’n fer avek li.  Mersi Mr Speaker.

 

MR SPEAKER

Onorab Hoareau.  Onorab Basil Hoareau.

 

HON BASIL HOAREAU

Mersi Mr Speaker. Mr Speaker, mon ti anvi demann Minis lo… ou allocate later ek bann dimoun, eski nou pou fer sir letan later pe ganny allocate ek bann dimoun, ouswa dan en dele pli kourt posib bann lenfrastriktir i ganny fer poudir bann dimoun i kapab konmans konstri lo sa bann later olye ki zis donn zot, me selman apre napa lenfrastriktir pou zot nobou konmans bati zot lakaz. Eski sa i dan plan?

 

MR SPEAKER

Minis.

MINISTER CHARLES BASTIENNE

Mr Speaker, set egzakteman nou nouvo lapros.  Nou nouvo lapros se ki nou pa pe allocate later toultan semen pa ganny fini oubyen pres pou fini fer. Issue ki annan pou fer avek PUC avek delo nou panse i kapab sort out dan detrwa mwan apre ki nou’n allocate e vwala kot nou, nou pe proceed avek alokasyon, selman apre ki semen in fini konplete, lenfrastriktir.  Akoz nou konsyan poudir la avek sa nouvo lapros kot nou pe donn zot en lease 30an avek en 5 years development Covenant then nou pou an defo si demen nou vwar zot pa kapab devlope akoz ti annan problenm lenfrastriktir.  Mr Speaker, si ou ti kapab permet boner i annan Onorab Esparon ti pe demann mon kestyon konsernan son bann proze Glacis, mon a profite la pou mon kapab eksplike.

 

MR SPEAKER

Wi, go ahead.

 

MINISTER CHARLES BASTIENNE

Konsernan Machabee, design avek layout in ganny konplete; sel retar ki nou pe gannyen set akoz i annan negosyasyon ki nou pe fer avek en fanmir zis lo konmansman sa semen pou monte.  So enn fwa sa negosyasyon i fini, then nou pou fer le neseser pou nou ganny Planning approval e apre la nou ava fer costing e tou pou nou kapab proceed avek sa. Petet nou a kapab met sa dan nou proze pou 2018. Konsernan Carana ; Carana i en vye proze li e tou sa bann later laba Carana in fini ganny allocate.  Semen pe ganny fer la an se moman. I enn bann vye case, si mon krwar sa ki Onorab Hoareau in dir bann vye case kot nou bezwen fer semen prezan vi ki later ti’n ganny allocate depi en pe letan pase.  Konsernan La Gogue mon panse ou pe koz sa land bank La Gogue/Anse Etoile si mon pa tronpe e semen right now pe byen progrese, nou ekspekte… nou pa’n met li dan alokasyon sa lannen to be on the safe side akoz dapre kontra ki kontrakter i annan i sipoze rann nou sa proze ver Janvier-Fevrier lannen prosenn, me nou, nou ekspekte kapab konmans travay lo nou lalis dizon ver Novanm-Desanm koumsa en mannyer bann dimoun ki pou ganny asiste ler La Gogue/Anse Etoile i ava konnen boner. Be annefe nou nou pe deza mazinen apre vizit ki mon’n fer kot sa proze anler laba, la nou’n dir nou pou annan nou, nou ti pe panse pou nou annan nou 25 plot, nou pe mazinen poudir nou kapab ganny plis ankor.  So right now mon bann Zofisye pe travay lo la, ki mannyer nou kapab maksimiz sa teren pou nou ganny plis later pou allocate avek nou bann dimoun.  Mersi Mr Speaker.

 

MR SPEAKER

Onorab Simon Gill.

 

HON SIMON GILL

Mersi Mr Speaker.  Premye kestyon, Minis eski ou pe konfirmen ki sa progranm lakaz ki ti ganny defini par Prezidan e dir nou ki ou pou achieve li dan lespas letan ki’n ganny defini?  Lot kestyon ki bann lot kontrent reel ki annan an relasyon avek kestyon ki Onorab Ramkalawan in poze pli boner. Lo kestyon finansman – ki kontrent ki i annan? Lot eleman petet ti ava bon ou eksplik nou ki problenm ki i annan o pwendvi loperasyon lo site ki ou pa kapab an mezir ki proze pe demare an menm tan fer sa Sewage Plant ? Ki problenm pratik ki annan ek sa pou ki proze in fini 3 mwan, 4 mwan nou bezwen pe esper Sewage Plant pare pou nou allocate lakaz ki problenm pratik ki annan?  Fransman mwan mon pa trouve a mwen ki vreman ou kapab convince nou e sa kontrakter vreman i kapab  eksplik nou reelman ki lobstak ki annan pou build sa Sewage Tank simultaneously an menm tan ki sa proze lakaz pe ganny fer, please?  Mersi bokou.

 

MR SPEAKER

Minis, ok.

 

MINISTER CHARLES BASTIENNE

Mr Speaker, wi mon pe konfirmen poudir nou pou achieve nou target ki nou’n set out.  Rezon i senp, rezon set akoz dan lepase letan Minister ti pe donn bann proze e nou pe vwar osi serten proze la ki pe konplete, kot ou pe vwar kontrakter pe pran zot letan pou zot kapab konplet proze.  E non pa vini avek en viger pou kapab delivre lo sa bann proze. E ki nou’n fer nou se ki nou Minister, apre ki nou bann profesyonnel in asize, zot i vwar poudir nou kapab redwir lakantite letan ki nou pe donn kontrakter pou zot kapab delivre zot bann proze.  So an gro on kapab dir ou se ki bann proze ki lontan ti pe pran 18 mwan, 24 mwan, la kontrakter pe ganny li en 10 mwan, 12 mwan pou zot kapab delivre.  E nou bann profesyonnel i konvenki poudir kontrakter si i serye i kapab delivre lo la. Kontrent ki petet nou pe rankontre se ki i vre ki an Fevriye sa lannen nou ti fer sa commitment e swivan sa nou ti bezwen build en pe kapasite entern pou nou kapab annan nou enzenyer, nou arsitek, nou QS, menm si nou anvi realiz sa bann proze, nou anvi fer li byen e vwala kot i pran en pti pe letan pou nou build nou kapasite pou reorganiz nou en pe.  E mon krwar parey mon’n dir ot ver lafen Oktob nou ekspekte poudir tou sa proze apard sa 2 distrik an partikilye, Anse Royale avek Glacis, zot bann proze pou’n fini lo tenderOk ? Konsernan sewage, i mon swe, i swe nou tou pou ki nou kapab ler lakaz i fini, sewage system i fini e non pa esper 3-4 mwan pli tar pou nou kapab konplet sewage system, mon krwar la i en keksoz ki nou bezwen al travay lo la en mannyer pou nou kapab fer sir poudir i delivre lo la.  Ler mon ti zwenn avek kontrakter sa 2 proze an partikilye Grand Anse avek Takamaka, zot ti donn mwan zot commitment pou ki wi ti deza annan en retar, akoz ti sipoze delivre si mon pa tronpe depi Avril me ako ti annan serten eleman an term finansman ; akoz pa bliye sa i foreign funded kot finansman ti pe ganny en pti pe retar pou antre, sa ti met zot en pe retar. Ok? E osi ler mon’n zwenn avek zot, zot ti dir mwan wi malgre sa retar zot ava delivre an Juillet e mwan mon ti mont lo medya, mon ti dir by Juillet nou ekspekte proze konplete e ki ver milye Juillet, konmansman Juillet, kontrakter vi ki sa bout konponan i annan pou fer avek Sewage Plant, i annan pou fer avek teknisyen sorti aletranze e vwala kot sa osi in ganny serten retar pou sa bann teknisyen arive.  A lavenir mon toutafe dakor avek ou, proze avek Sewage Plant i devret ganny konplete ansanm e non pa annan bann retar.  Nou pa kapab afford annan retar, i en commitment ki nou’n fer lo tou sa bann lezot proze. I annan lezot proze kot i annan konponan Sewage Plant, nou pou er sir ki nou delivre.  By Fevriye 2019 i nou deadline pou nou delivre tou sa bann proze ki nou’n koz lo la apre midi Mr Speaker.  Mersi.

 

MR SPEAKER

Onorab Henrie ou ti annan en dernyen kestyon.

 

HON GERVAIS HENRIE

Wi. Mersi Mr Speaker.  Bonn apre midi tou dimoun. Kestyon ki mon le demann Minis pou kestyon kredibilite sa Housing avek Land Point System.  Mon anvi ki Minis i donn nou en leksplikasyon akoz par egzanp zot in fek fer sa legzersis Grand Anse Mahe kot ou’n dir, ki dimoun pa ganny keksoz an ekri parey en let ki konfirmen poudir la la tan pwen ki ou annan ; because if it’s not in writing, it doesn’t exist pou en kantite dimoun.  Menm parey avek bann dimoun ki’n fer aplikasyon later pou zot par egzanp ganny en reference number ; koumsa zot ava konnen ki zot dan sistenm land bank e i bon pou sistenm Gouvernans.  So letan mon pe demann ou la, ozordi letan nou pe koze akoz par egzanp sa i pa le ka kot dimoun i ganny en dokiman ki prouve, wi i dan sistenm.  Sa i premyerman e dezyenmman lo paz 10 ou statement, ou’n dir poudir nou pe enplimant li dan son totalite dan nou bann prosen alokasyon ; setadir Point System sa. Savedir mon anvi Minis i konfirmen si par egzanp alokasyon ex-Dominique Savio Mont Buxton, Point System pa’n marse dan sa ka ? Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, konsernan ex-Dominic Savio, nou pa’n servi Point System dan son totalite. Nou’n ganny en pwen pou bann dimoun ki ti annan bann rekomandasyon ti ganny fer pou zot me an mezir nou pe ale la, nou pe fer poudir nou sistenm i bokou pli dinamik. Par egzanp, mon donn legzanp Grand Anse Mahe, pou Grand Anse Mahe nou’n fer sir nou’n anmas pou tou dimoun ki ti pe pey anba Home Saving Scheme ,avan ler nou’n proceed pou nou kapab fer alokasyon e letan nou’n fer pou Grand Anse Mahe, nou’n vwar poudir i annan serten dimoun ki zot pwen ti menm par lao serten dimoun ki rekomandasyon ti ganny fer, ok ? E vwala ki nou nou’n fer, nou fer nou Zofisye Minister retourn kot bann distrik retourn avek kot Lotorite Distrik pou nou kapab klarifye, real vizite pou nou fer sir poudir sa bann dimoun osi i merit ganny asiste avan ler desizyon i final i ganny fer.  Pou Dominique Savio ki nou’n fer se, ki nou’n annan nou Sistenm Pwen ki nou’n servi pou tou bann dimoun Dominic Savio, sel keksoz ki nou’n fer konpare avek Grand Anse Mahe se ki nou pa ti’n gather lenformasyon pou tou dimoun Mont Buxton distrik ki ti pe pey anba Home Saving Scheme. Ki nou pe fer la nou an vi ki alokasyon Dominic Savio in terminen, nou pe retourn lo lalis Mont Buxton, pou nou vwar bann dimoun ki zot ka ti vreman ekstrenm pou serten rezon akoz vi ki sistenm ti fek konmanse, zot pa neseserman ganny pick up, pou nou vwar ki mannyer nou pou al asiste sa bann dimoun, ok.  So vwala nou ti’n konmans li parsyelman avek 12 lakaz Marie Jeanne Estate, nou’n vin Dominic Savio me solman ki nou le fer la nou se ki an mezir nou pe ale, nou pe vwar poudir nou sistenm pe vin bokou pli robust e ki personn pa pou kapab neseserman kit deryer. Akoz mon dir sa osi, se ki letan pe koz kredibilite sistenm, mon rappel ou ti asiste sa workshop validation ki nou ti fer ICCS e ola nou ti dir konmkwa ki tou sa bann keksoz ki dan sa Point System fodre i kapab ganny verifye pou li kapab donn li son kredibilite.  Si i annan en serten kantite dimoun dan sa lakaz i bezwen annan serten kantite dimoun dan lakaz. Si sa lakaz i dan tel kondisyon avek bann gid i pou bezwen tel ki ete. Apre dezyenmman Mr Speaker, konsernan sa Land Point System nou pa ankor donn pwen neseserman pou bann dimoun ganny allocate avek later.  Rezon i senp nou’n fek finaliz legzersis ki nou’n fer pou nou vwar tou bann dimoun ki enterese. Nou pa’n ou le bouze pou nou kapab proceed avek alokasyon toultan nou pa anmas tou bann dimoun ki enterese pou ganny asiste ek en morso later.  La nou annan sa 1400 ekek dimoun ki nou annan e la prezan la nou pe finaliz pwen pou sa 1400 ekek.  Bon, sa bann dimoun zot pou ganny en dokiman zot ; sa dokiman poudir lo ki nivo priyorite ki zot ete anliny avek zot pwen.  Mon donn ou en pwen i pa pou vedir nanryen pou si i napa relasyon… i pa relative so sa pwen la prezan i pou annan serten kategorizasyon ki sa dimoun pou gannyen an term son pwen, e la li i ava konnen poudir eski par egzanp mon dan top priyorite pou mon ganny asiste, eski mon dan medium oubyen kwa ki mannyer mon pwen i ete vizavi avek lezot, pou ou konnen kote ou ete.  Si non si mon zis donn en pwen, ou’n ganny 60, ki savedir 60, ou konpran ? So nou, nou pou annan en definisyon kler ki egzakteman, kote ou ete e ki mannyer ou pwen i ete an term parey mon’n dir dan diferan kategori. Mersi Mr Speaker.

 

MR SPEAKER

Savedir Minis sa definisyon Point System ou pe koz lo la pa ankor finalize sa?

 

MINISTER CHARLES BASTIENNE

Mr Speaker, pou later i dan son staz final, nou’n fini parey mon’n eksplike bomaten, parey mon’n eksplike apre midi, nou annan tou son definisyon, son framework, with regards to sa nou’n fini teste li tou.  Me sel keksoz ki ti reste nou pou fer se sa kategorizasyon sa barenm.  E sel fason pou kapab determin sa barenm Mr Speaker, se ki ou bezwen annan full data ki ou’n fer lo sa 1400 ekek dimoun. Nou pa pou kapab vini vin tonm pou vin dir tel kategori i 80 poursan an montan i bann top priority, rezon i senp nou, nou pou bezwen etabli dan sa 1400 ekek ki nou annan kantite ki nou annan ki dan top priority anliny avek sa ki nou kapab delivre. Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker, in fact i swiv en pe sa ki ou pe dir.  Minis eski ou pa’n fek konfirmen avek nou la ki sa Point System ofet ankor still annan kapris ladan?  E ki sa bann lakaz zot in donnen Dominic Savio, zot, zot in deside lekel ki zot pou donnen si zot pou donn zot dalon, si zot pou donn lo en baz preferansyel ; parski finalman zot in donn sa bann lakaz e ou menm ou ou’n dir avek nou ki Point System pa’n aplike, i pa ti ankor dinamik, i pa ti ankor… Konmsi eski sa pa montre nou poudir napa nanryen ki’n sanze ? Napa nanryen ki’n sanze ziska aprezan e ki ofet ou a pe osi dir avek nou ki napa nanryen ki devret donn nou konfyans ki poudir keksoz pe al sanze, akoz letan zot Minister pou deside sanz li zot pou toultan annan en leskiz ki zot pou vin donn nou me ki sa finalman i pou fer ki menm sistenm ki ti annan avan kot zot donn sa ki zot anvi i pou aplike.

 

MR SPEAKER

Minis petet dan sa laliny ou kapab ou’n dir pou finalize, ou kapab donn nou en timeline i ava fer tou dimoun en pe pli at ease avek lavenir.  Minis.

 

MINISTER CHARLES BASTIENNE

Mr Speaker, i annan 2 keksoz ki nou pe koz lo la nou. Nou annan nou sa Land Point System apre nou annan sa Housing Point System. Ok? Housing Point System i annan pou fer avek alokasyon lakaz. Mwan mon’n dir mon’n eksplike poudir nou ti servi li an premye lye avek alokasyon 12 lakaz Marie Jeanne Praslin, e apre nou’n servi li osi pa dan son totalite, mon’n kler, mon fer sir ki mon’n fer kler lo la, Dominic Savio parsyelman kot nou’n donn dimoun zot pwen kot Dominic Savio.  Sel keksoz ki nou pa’n fer Dominic Savio Mr Speaker, se ki nou pa’n pran lalis total Mont Buxton pou nou kapab vwar pwen tou bann dimoun avan ler ki alokasyon i ganny fer. Mon pe eksplike, mon pe fran avek zot ; me solman mon’n dir pou kapab donn konfyans nou bann dimoun ki out there ki sa Point System definitivman pe sanz net lafason ki alokasyon lakaz i ganny fer.  Mon pe donn legzanp distrik Grand Anse Mahe ki alokasyon pe al ganny fer byento. Distrik Grand Anse Mahe nou’n obtain full lalis tou sa bann dimoun ki lo Home Saving Scheme, tou sa bann dimoun.  Pou zot lenformasyon, nou annan omwen 3700 dimoun ki pe peye anba Home Saving Scheme. Grand Anse Mahe nou’n obtain zot full list tou sa bann dimoun. Tou sa bann dimoun nou’n ganny zot pwen, kote zot ete an term zot pwen apre ki nou’n obtain sa pou Grand Anse Mahe, then ki nou nou’n fer nou se ki kontrerman avek nouvo lapros ki nou pe fer alokasyon la, konpare avek sa ki nou’n fer se ki la nou pe pran sa 25 dimoun avek pwen pli o, nou pou anvoy kot Lotorite Distrik, nou pe pran sa nou pe anvoy kot Lotorite distrik ki dapre sa Sistenm Pwen i bann dimoun avek ban pwen pli o ki Minister i annan. Ok. So distrik pa pe vini pou vin dir, pou vin fer rekomandasyon avek Minister donn a, b, c, d lakaz.  Nou, nou pran dan nou sistenm, nou anvoy dan distrik, 25 dimoun avek pwen pli o e distrik li, baze ki mon’n eksplike ladan distrik li prezan i ava get back to nou. I ava dir nou poudir dan sa 25, Minister i devret konsidere petet sa, pou serten rezon ki on ti a kontan Minister i konsider sa 3 case oubyen sa 2 case an plis pou rezon se ki sa bann dimoun i pratikman homeless ki pou serten rezon Minister pa’n anmase.  Nou bezwen realize poudir nou Zofisye i al vizit ansanm avek DA, i al vizit nou Housing Officer avek DA, i al vizit avek Zofisye Sosyal kot i neseser, pou nou etabli sirkonstans kot dimoun pe reste. Apre sa lenformasyon in gannyen la prezan la si i annan okenn sanzman, then i ava vin devan sa Komite e la sa Komite i ava deside egzakteman, eski nou pou accomodate sa 3 lezot dimoun ki distrik in fer antre an vi ki bann lezot sirkonstans other then sa ki nou’n konnen. Me solman parey mon pe dir se ki, vwala kot kredibilite sa sistenm i vini.  Sistenm se ki pou nepli distrik ki pou dir nou lekel ki pou donnen, se sa sistenm pwen ki pou determinen lekel sa bann dimoun baze lo sa ki nou, nou anvoy dan distrik ki nou ki nou pe rekomande direkteman pou ganny alokasyon, allocate avek lakaz.  Wi, sistenm pa ti ankor tro robust pou Dominic Savio be an mezir nou pe ale la sistenm pe vin bokou pli rigoureux, bokou pli for e mon napa okenn dout ki lafason ki nou pe fer is the proper way forward.  E konsernan Land Point System Mr Speaker se li ki mon pe dir se ki i annan zis sa kategorizasyon pou nou fer, tes nou’n fini fer lo sistenm, konsiltasyon ti fini ganny fer avek serten Manm Onorab ki ti vin attend, e osi nou ti konsilte avek Liniversite Sesel, International Bureau Of Statistics pou fer sir sa sistenm i annord avan ler ki nou ti enplimant li.  So vwala kot nou ete avek e mwan mon fransman poudir ou Mr Speaker, mon annan tou konfyans poudir avek sa sistenm an plas nou pou vwar alokasyon lakaz dan sa pei ganny fer dan en fason bokou pli transparan, bokou pli efektiv e kot nou pou vwar dimoun ki bezwen lakaz ki pou ganny pou ganny asiste avek lakaz.  Mersi Mr Speaker.

 

MR SPEAKER

Dernyen kestyon Minis e sa later Anse La Mouche osi i tonm dan distrik Anse Boileau kot ti sipoze annan en lotel par bann Qataris ki paret pou lemoman abandonnen. Kot nou ete avek sa ?  Eski nou pa ti propoze ki i kapab ganny servi pou donn bann dimoun pou annan en Estate parey Turtle Bay, parey Fisherman’s Cove.  Eski i annan devlopman ki’n anvizaze pou sa later ?

 

MINISTER CHARLES BASTIENNE

Mr Speaker, mon bezwen rod sa lenformasyon e apre la mon ava petet mon ava donn ou sa lenformasyon. Mon napa detay lo la, me lenformasyon ki mon annan se ki sa later ti’n ganny lease avek zot e mon a bezwen vwar bann kondisyon e apre la mon ava get back to ou lo ki egzakteman ki pou arive avek sa later ; prenant kont wi nou bezwen later pou nou fer devlopman me les mon ava fer en pe plis resers lo la.  Mersi Mr Speaker.

 

MR SPEAKER

Mersi. Akoz napa okenn lendikasyon ki nanryen pe ganny… dan pipeline pou fer, i zis la abandonnen.  Lo sa premye pwen ki  Onorab Andre ti lev-e boner, eski Politisyen i enplike dan… lo Point System ansanm lo Komite pou servi ou fraz Lotorite Distrik? Mon krwar Onorab Andre in fer son pwen, mwan lo kote Anse Boileau vi ki nou’n deside pou travay ansanm apre vizit Mr Faure la ek DA. I ti a byen ki sa lotorite ti enkli tou le de kote, DA avek MNA, at least en konsiltasyon ki nou pa devret per poudir mwan mon dan politik mon pa’n enplike poudir mon pa’n donn ou lakaz, DA ki’n donn ou.  Mon krwar i devret en louvraz konzwent, en louvraz travay ansanm. Konmsi Mr Geese, en dernyen kestyon, okenn lezot dimoun i annan dernyen, dernyen, dernyen.  Ok, Onorab Gill.

 

HON SIMON GILL

Non, napa politik ladan sa, zis mon ou le demann Minis, Mr Speaker ki lenterval renouvleman zot data System ki’n etabli pou fer sir ki a nenport ki moman zot reste azour avek realite sak fanmir. Zisteman pou evite ki annan okenn lenterferans… mannyer ou le apel li, dan sa zafer alokasyon lakaz la. Mersi bokou.

 

MR SPEAKER

Minis. Non, non nou ti dir dernyen la, dernyen in fini. I’m sorry, mon’n vwar 3 lanmen lev-e, non. Finito. Minis.

 

MINISTER CHARLES BASTIENNE

Mr Speaker, parey mon’n dir boner se ki i devwar sak dimoun ki pe rod lasistans avek Minister pou zot an mezir ki zot sirkonstans sosyal i sanze pou zot vin kot Minister, pou ki Minister i kapab update zot lenformasyon dan sistenm pou reflekte zot realite sinon Minister lo li menm pa pou konnen si zot sityasyon i sanze.  Alor i enportan petet pou okenn dimoun si ou’n fer ou laplikasyon petet la apre 3 mwan, 6 mwan, 1 an ou sityasyon i sanze i enportan pou fer nou konnen pou nou kapab update nou lenformasyon.  Mersi Mr Speaker.

 

MR SPEAKER

Mersi Minis. A sa pwen mon ti a kontan remersye pou ou pasyans letan ki ou’n pas avek ou nou ozordi.  E ou’n dakor pou kontinyen apre midi apre 2 er e mon krwar tou dimoun in ganny en kopi rapor statement ki Minis in fer dan Lasanble avek bann detay,. Clerk in sirkile mon krwar osi zot tou zot in ganny en kopi Curriculum Vitae, CV, Msye Krishna Labonte ki pou vini demen bomaten pou nou fer en konversasyon ek li avan nou vote lo son lapwentman konman nouvo Komisyoner Lapolis. Avek sa Minis nou a eskiz ou e remersye ou ankor.

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

 

MR SPEAKER

Bon, tou MNA demen parey zot okouran nou pou travay zis bomaten, nou pou adjourn midi pou nou apre apre midi pou napa Sesyon, akoz nou annan en Omaz pou al pey papa enn nou koleg. So avek sa mon a dir zot bonn kontinyasyon pas en bon sware e nou a vwar zot 9er demen bomaten pou nou koz avek Mr Labonte.

 

(ADJOURNMENT)