Home » Verbatim » 2017 » Verbatim Report NAS Sitting Wednesday 20th September, 2017

Verbatim Report NAS Sitting Wednesday 20th September, 2017

NATIONAL ASSEMBLY OF SEYCHELLES

 

Wednesday 20th September, 2017

The Assembly met at 9 am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun.  Tou bann Onorab dan lasal.  Tou bann dimoun ki pe ekout nou dan lakour e an deor lakour nou swet zot labyenveni ozordi pou nou travay nou Sesyon pou sa Merkredi.  E nou espere zot a pas en lazournen beni se  zot, oubyen kot zot ete dan zot travay.  E nou ti a kontan ozordi konmans ek nou travay ki nou ti’n kontinyen ek nou travay ki nou ti’n konmanse yer.  Nou ti’n arive lo bann Mosyon e mon ti ava demann bann loter Mosyon pou fer sir ki zot lir avan nou konmans nou travay, fer sir ki zot lir zot Mosyon e ki i an a-kor avek sa ki zot ti prezante ler Clerk ti met lo Order Paper.  Avek sa nou ava al toudswit si napa okenn komanter, nou ava al toudswit lo Mosyon limero 2 e mon demann Leader of Government Business Onorab De Commarmond pou prezant son Mosyon.

 

HON CHARLES DE COMMARMOND

Mersi Mr Speaker.  Bonzour tou dimoun, tou Manm Onorab e tou dimoun ki a lekout.  Mr Speaker Mosyon i lir koumsa:-  Pursuant to Article 64 (4) of the Constitution, I move that this Assembly resolves to approve the: Accession of the Republic of Seychelles to the International Hydrographic Organization.  Mon remersi ou.

 

MR SPEAKER

Ou kapab proceed.

 

HON CHARLES DE COMMARMOND

Mr Speaker sa Mosyon pou aprouv Aksesyon Sesel to the International Hydrographic Organization; dan mon lentrodiksyon i enportan fer resorti ki en Konferans Idrografik ti fer an Londres an 1919 – lontan sa.  E dan sa Konferans ti ganny konsidere vital, tre enportan menm mon kapab dir, ki i annan en lorganizasyon pou standadiz bann survey idrografik e osi prodiksyon bann map, bann chart maritim.  Enn bann outcome sa Konferans sete formasyon Lorganizasyon Enternasyonal Idrografik.  Savedir bann nautical chart ensidswit, ki ganny servi prensipalman pou navigasyon.

Apre ki i ti formen, i ti konmans son travay, sa lorganizasyon ti konmans son travay an 1921 avek 18 pei manm.  Ziska ozordi sa lorganizasyon in grandi, in progrese e avek en total 85 pei Manm i syeze an Monaco.  Idrografi Mr Speaker se lasyans mezirman, deskripsyon  e bann detay mapping  – sirfas delo nou planet later, avek referans prensipal pou navigasyon.  Lefe ki Sesel i pa en Manm International Hydrographic Organization (IHO) e i depan lo lofis idrografik baze L’AngleterreUnited Kingdom, akoz nou ti en koloni Angle dan sa bann letan, sirtou sa in kontinyen pou piblikasyon son bann map ou chart navigasyon ki nou bezwen, ou neseser anba Konvansyon Solas, Konvansyon Solas i pa Solas Beo, i as of Solas, Solas, i vedir Safety Of Life At Sea.  Sesel i osi annan si oule en Memorandum Of Understanding avek Departman Idrografik Naval Indien pou korpere dan domenn Idrografik.  Menm si Sesel in kapab manage ziska konmela dan son pozisyon aktyel ki mon pe eksplike la ek sa sityasyon, i tre kler ki Sesel i kapab fer pli byen si i vin en fully fledged Member e koumsa i ava kapab vin en pei egzanpler kot i konsern sa size idrografik.  Konmsi ki i a fer son bann map i a get son bann zafer li menm, e i annan potansyel.  Mr Speaker mon krwar alor ki i kler ki Sesel, i bezwen pran mezir neseser pou form parti International Hydrographic Organization, pou vin en Manm sa Lorganizasyon.  Ler nou get grander nou later, i pa bokou i selman 459 kilo met kare depan bout ki nou’n kree – ki nou’n konble, e avek nou bann zil ki etale lo en Economic Zone anviron 1milyon 374 mil kilomet kare; savedir i gran, mon krwar ki i tre enportan, i ekstrememan enportan.  E i plis ki ler ki Sesel i vin – i depan lo li menm.  I depan lo li menm, espesyalman an sa ki konsern bann zafer relye avek Maritim e alor Sesel konman en pei Maritim e san en minimum kapasite de baz dan Idrografik, i pa pou kapab servi e zer o maximum son bann resours maritim, ki i annan ek son gran kantite lanmer.  An zeneral Mr Speaker International Hydrographic Organization e son regilasyon finansyel, i etabli ki en pei Manm i bezwen pey en kontribisyon anyel baze lo tonaz.  Bann bato ki tranzakte dan lo rezyon dan son Por, dan son pei parey bann bato Cargo.  Ki pei i, ki pas kot sa pei, e an menm tan bann fleet maritim Naval ki  pou pas la osi.  E sa letan mon kalkil li pou Sesel, i pa bokou.  I selman anviron €12 mil.  Alor sa Fon i ekspekte si oule ganny peye par dan Bidze SMSA isi Sesel – sa Lotorite ki pou zer sa en pti pe.  E i bon note osi ki prosedir pou vin en Manm, i kapab konmanse la.  Nou’n sinyen, nou dakor pou  Sesel fini nou ratifye sa, me an menm tan peyman li i kapab vin apre.  I kapab vin lannen prosenn – napa problenm ek sa.  Nou, nou ganny aksepte konman en Manm.  Mr Speaker i enportan fer resorti petet enn de benefis ki ler, nou vin en fully fledged Member of (IHO) ki sa ki i pou fer pou Sesel.

Premyerman Sesel i pou benefisye en tan ler i pou vin en Manm (IHO) e i pou ganny en ta lavantaz, pou fer li posib pou pran par dan bann desizyon ki sa lorganizasyon i pran.  IHO i fonksyonn tre pros avek lezot lorganizasyon tel ki International Maritime Organization, World Meteorological Organization (WMO) e osi Inter Governmental Oceanographic Organization.  Dan konteks Solas, sa Konvansyon li (IHO) i rekonnet ki Solas konman sa lorganizasyon konpetan ki organiz e etabli bann standar e gidans ki relye avek bann lobligasyon Idrografik e met an plas bann, lo bann pei kotye ki Sesel i osi i en Manm.  I ava permet ki i ava benefisye davantaz, avek bann diferan training e tou bann teknik konesans teknik ensidswit.

Dezyenmman i enportan osi, pou dir ki bann pei Manm i dan en pli bon pozisyon ler ou vin en fully pledged Member.  Ou dan en pli bon pozisyon pou ganny bann advice e gidans ek bann expert, pou kapab fer opere, operasyonn si ou le dir, an menm tan fer bann swa korek ; an term lekipman ki konsern teknolozi idrografik, osi byen ki loportinite pou fer training, free training.  Ler ou men Manm ou ganny free training ouswa ou kapab pey pou serten training, me selman ou a ganny bon training dan sa domenn.  E tou sa se bann loportinite ki en pei Manm i gannyen ankor.  An menm tan ou ganny  bann expert exposure, ki Sesel i bezwen osi pou bouz devan dan son prop, pou kree son prop lofis idrografik.  E an fezan sa kree osi bann profesyonnel lokal. Konmsi ki ou  a train ou bann dimoun, e an plis ki sa ki nou deza annan, nou deza annan detrwa dimoun ki’n train profesyonnelman dan kad idrografik, me an menm tan i ava annan plis training e sa i ava en keksoz ki ava enteres nou bann zenn, ki a fer ki nou ava ganny bann dimoun tre, tre konpetan dan sa domenn.  I enportan fer resorti Mr Speaker 2 keksoz la.  Enn se ki Sesel nou pe koz lo nou extended continental shelf e la nou bezwen bon idrografer.  Bann dimoun ki’n train dan sa domenn e i enportan nou en Manm sa lorganizasyon pou nou kapab kontinyen  pourswiv sa larises letan nou pe eksplwat lezot keksoz ki nou  a kapab vwar dan sa domenn,  dan sa area.  Lot keksoz letan Komite  Zil ti fer bann vizit lo bann zil lotrozour la, detrwa mwan pase nou’n osi vwar poudir en kantite keksoz edikasyonnel i kapab ganny fer kot i konsern nou teritwar.  E nou bann map nou pe dir napa ase dan lekol.  Nou a rapel en letan ti annan detrwa, ti annan serten nou Atlas Sesel me sa ozordi dan lekol ou pa trouve. E la en loportinite ler sa in ganny fer, ou kapab ler nou vin en Manm e nou’n etabli nou lofis isi, sa i a fer ki nou bann map idrografik Sesel  i a ganny prodwir par nou prop dimoun e i ava en larises pou nou menm, pou nou zanfan, e pour lavenir, pou nou fitir zenerasyon.   Nou a fer nou prop map parey nou pe dir, pou lekol.  Ou vwar letan nou annan sa leksplorasyon delwil parey mon pe dir, nou pa konnen si i vini, nou a’n pare avek tou sa bann keksoz.  Alor sa Konvansyon letan nou’n aksed avek li, i pou permet osi ki nou etabli lokalman en Komite Nasyonal Idrografik, avek bi pou advise Gouvernman lo bann zafer konsernan idrografik e fer ki bann propozisyon pou Gouvernman, pou fer sir ki Gouvernman i reste azour avek devlopman idrografik dan lemonn antye.  I konnen ki pe arive li osi Gouvernman pa reste deryer me i ava annan sa Komite Nasyonal o nivo ki ava pe fer sir, ki nou up to date avek tousala.  E sa Komite osi, Komite Nasyonal i ava osi apwent e gid Komite teknik pou egzekit e fer bann map, bann survey idrografik ki sesel pou bezwen, oubyen ki pou kontinyen swiv parey mon’n dir taler dan nou kestyon dan sa issue extended continental shelf, ensidswit.  E an menm tan sa Komite osi i a fer mobilize e fer materyalize bann proze etablisman ek lofis idrografik Sesel.  I a fer sir ki i mete sa lofis ; i vin en realite e ekip li avek bann lekipman modern e profesyonnel e osi train parey mon pe dir nou prop profesyonnel dan sa domenn idrografik.  Mr Speaker, avek sa mon oule move pou sa Mosyon ganny laprouvasyon  nou Lasanble Nasyonal pour ki Sesel i aksed to that International Organization idrografik.  Mersi bokou Mr Speaker mon demann sipor Lasanble Nasyonal lo la.  Mersi.

 

MR SPEAKER

Onorab Sebastien Pillay.

 

HON SEBASTIEN PILLAY

Mon segonn sa Mosyon Mr Speaker.

 

MR SPEAKER

Eski ou anvi fer en prezantasyon konmela oubyen apre?

 

HON SEBASTIEN PILLAY

Apre.

 

MR SPEAKER

Mersi vwala Mosyon in ganny segonde.  Onorab Andre.

 

HON CLIFFORD ANDRE

Mersi Mr Speaker.  Mr Speaker avan mon pas lo vre merit sa Konvansyon mon ti a kontan Loter Mosyon i eksplik en pti pe lo laspe finansyel kontribisyon ki Sesel i bezwen fer, akoz in dir avek nou ki laspe ki kontribisyon ki nou pou bezwen fer i baze lo bato tonaz bann bato ki tranzakte dan delo Sesel e osi ki vin dan Por.  Me par kont, par kont Lartik 12, Lartik 14 sa Konvansyon i dir nou, mon ava lir li akoz i an angle.  ‘‘The expenses necessary for the functioning of the Organization shall be met from ordinary annual contributions of Member States, in accordance with a scale based on tonnage of their fleet.’’  So nou bezwen kler ki nou pe dir akoz nou fleet i pou pli ti ptipti lo tonaz, baze lo kantite bato ki antre Sesel lo zot tonaz.  Definitivman sa i pou pli o so nou bezwen kler akoz dan Konvansyon i met koumsa.  Nou bezwen kler lo sa leksplikasyon.  Sa i enn.  Mr Speaker, mon leksperyans travay avek Gard Lakot pou plis ki 10an in fer ki mon’n angaz mwan avek bann dimoun ki’n train dan sa domenn idrograf.  I malere pou ki 2 ki mon konnen ki eksper dan sa domenn, zot nepli pe travay dan sa Sekter pou bann rezon obvious ki zot konnen.  Mon dir sa akoz nou konman en pei menm, si nou pa ti ankor aksed pou sa Konvansyon nou ti’n pran bann steps pou kapab annan  dimoun ki’n train  e enternasyonalman ganny rekonnet dan sa bann domenn.  Me nou pa’n gard zot, pou nou fer sir zot fourni nou pei avek sa ekspertiz ki zot in aprann.  Par kont Mr Speaker Coast Guard ti annan en lofis, Independence House, Hydrographic Office nou ti apel li.  So mon pou felisit Gard Lakot pou vwar sa vizyon ki nou bezwen annan – sa lofis ki nou ti mete Independence House e ki sa 3 eksper ti pe travay ladan sa lepok, e zot ti pe fer bann  resers.  Zot ti pe kontribye letan ti annan bann resers idrografik ki ti ganny fer dan delo Sesel, zot ti partisipe e Sesel ti benefisye avek sa bann data.  Kot mon konsern i vini Mr Speaker, se ki letan nou pe aksed sa Konvansyon, sa Konvansyon i obliz nou pou attend bann meeting – parey Onorab De Commarmond in dir, pou nou attend bann meeting.  Enn bann keksoz  ki nou pa’n fer dan lepase; oubyen ki nou’n neglize  fer dan lepase se pou nou gard nou komitman, pou nou attend bann meeting menm IMO  ki related to International Maritime Organization ki related to sa Konvansyon ki nou pe diskit lo la.  So en keksoz ki mwan mon ti ava pledwari ki mon ti ava mete.  letan nou pran en langazman annou fer sir nou desarz nou langazman parey i devret, i devret ganny desarze.  Dan sa Konvansyon i dir ou bann data ki bann pei i annan, i bezwen ganny esanze avek sa lorganizasyon, sa (IHO) lo en timely manner.  Sa osi i enportan Mr Speaker.  Nou bezwen pa negliz nou responsabilite, si nou bezwen donn sa bann data e si nou annan, si nou annan larzan pou  fer resers pou nou ganny sa bann data, nou bezwen fer sir ki i ganny esanze avek sa lorganizasyon pou fer sir tou bann lezot pei i benefisye.  Akoz bokou bato parey in ganny dir ki pas dan delo Sesel.  So i enportan ki letan nou pe partisip oubyen, nou pe demande nou pou aksed sa Konvansyon,  nou osi fer sir ki bann dimoun ki’n train, zot osi zot non i ganny soumet pou zot partisip lo Komite  ki anba Lartik 5 i dir ki pou ganny etabli pou  elekte Chair, bann diferan pozisyon.  I ti ava enteresan pou nou pti pei, ganny reprezante akoz nou annan parey mon’n dir lekspertiz, parey mon’n dir lezot pei.  Nou annan nou bann dimoun i’n train Canada.  So i bezwen annan sa lekspertiz ki bezwen desarz serten sa bann responsabilite, e ti a bon ki nou soumet zot kandidatir letan bann ler apropriye e nou partisip dan sa bann eleksyon pou nou kapab annan Seselwa ki reprezante.

Mr Speaker Onorab de Commarmond in dir, ki poudir pou annan en Komite nasyonal idrografik ki pou ganny etabli.  Avek sa Konvansyon in met en papye, en  Cabinet Memorandum i dir an Me 2017 – savedir mon prezimen in fini ale.  Ladan i annan en Komite ki’n ganny etabli.  E mon vwar i annan  zis en dimoun  Lietnant Samuel King ki lo la i en Hydrographer at the Seychelles Coast Guard.  Mon osi  konnen ki Colonel Rosette i en Idrograf, me selman ladan i pa aparet konman en Idrograf me mon ti a swete ki partisipasyon plis Idrograf ki ganny train, i mont lo sa Komite pou kapab impart avek sa knowledge ki zot annan, pou fer sir ki nou konman en pei, nou benefisye bann resours ki nou menm nou’n envesti oubyen bann pei aletranze in donn nou bann scholarship.  Mr Speaker i enportan pou note ki lo sa Komite – National Hydrographic Committee, napa en reprezantasyon en dimoun ki’n fer Lalwa Maritim.  Sesel nou annan lekspertiz dan sa domenn, e i enportan akoz i annan laspe Lalwa Maritim ki pou lev-e dan Idrograf.  Alors partisipasyon sa ekspertiz i bezwen ganny fer.  Menm si i ganny fer atraver Lofis Attorney Zeneral lo sa Komite mon pa vwar en reprezantan Attorney Zeneral.  So mon krwar konpozisyon i bezwen ganny revwar a fon pour ki sa Komite,  i vin en Komite ki solid, ki for, ki kapab reprezant bann  lide ki Sesel i annan lo sa Komite Enternasyonal.

Mr speaker pou konklir, mon en pti pe dezapwente ki nou’n pran sitan kantite letan,  pou nou kapab anmenn sa Konvansyon devan Lasanble Nasyonal – pa neseserman sa enn, devan Lasanble Nasyonal, pou li ganny aprouvasyon pou ki nou kapab zwenn sa Lorganizasyon.  Enn bann laspe ki vreman, vreman enportan dan Idrograf se pou ou kapab delimit ou Zone Maritim.  Sesel nou pa ankor konklir nou delimitasyon nou Zone Maritim.  E toultan ki nou bezwen fer nou bezwen pey larzan e pa pti sonm larzan – gro sonm larzan, pou nou kapab ganny akse avek data, ki nou nou’n demann en lot pei pou fer dan nou delo akoz li ki annan sa Copyright parey nou dir lo nou data ki anmase kot nou.  I sa ki mwan mon le fer sorti ki nou bezwen get en pti pe bann Konvansyon, e la mon ava pled avek Onorab Leader  zafer Gouvernman pou nou fer li pli vit posib, ki nou ganny sa bann Konvansyon ki  ed nou pou nou defann nou soumisyon demen letan nou met li avek Nation Unies.  Koumsa nou ava konnen nou  konplet, nou konkret e nou solid dan sa defans.  Avek sa Mr Speaker mwan personnelman  mon pou donn mon sipor pou sa Mosyon pour ki nou kapab zwenn sa lorganizasyon.  Mersi.

 

MR SPEAKER

Les mwan fer 3 komanter.  Premyerman nou tou nou’n dakor yer avek gusto e sirtou Onorab Simon Gill ti fer sa pwen tre for ki nou bezwen fer en lapel tre, tre for avek Minister Zafer Etranzer, pou tir lo shelf tou sa bann Konvansyon ki nou pa ankor aksede nou pa ankor sinyen ki nou pe tarde pou met devan.  So your point is well taken.  Mon 2enm pwen se ki mon krwar Onorab Leader of Government Business in fer kler ki Sant IMO i baze London e mwan konman en ansyen O komiser Sesel London mon’n attend bann meeting IMO dan zot Headquarters.  Mon’n pran par lo panel discussion konman Reprezantan Sesel e mon krwar ki i annan bokou benefis ki nou kapab gannyen, si nou itiliz nou bann reprezantan dan bann Kapital, dan bann pei kot nou kapab ganny benefis.  Nou annan en High Commission L’Angleterre ki apel Anbasader Derick Ally.  Si nou annan en keksoz ki nou bezwen tir profi avek IMO annou servi nou Anbasader, pou nou fer sir ki nou ganny maximum profi avek sa bann lorganizasyon enternasyonal.  Ou bann pwen lo National Committee pou Idrograf ki ou pe koz lo la,  i en  pwen tre pertinan, me mon ti a’n menm  azoute ki LGB ki petet nou bezwen al pli lwen ler sa Komite i formen ,ki ler i zwen i envit O Komiser L’Angleterre  kot IMO ki LGB petet nou bezwen al pli lwen ler sa Komite i formen ki ler i zwenn i envit O Komiser L’Angleterre kot  IMF IMO i baze (pardon), pou vinabou zwenn zot e ofe e azour avek kwa ki pe ganny diskite.  E kwa ki li i kapab al anmennen kot sa Headquarters pou tir profi pou anmenn pou Sesel.

Sa ti 3 komanter ki mon pe fer. Mon ti a kontan donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon krwar nou’n, bann entervenan avan mwan in kouver laplipar bann morso dan sa deba ki relevan pou nou, me selman mon krwar i enportan ki nou konekte en pti pe sa ki Lasanble pe fer ozordi avek sa ki pe pase dan lemonn li menm, sirtou an se ki konsern lenformasyon ki nou annan dan nou bann Zone maritim.  Mon krwar i annan en travay tre signifikan e enportan ki pe ganny fer par en group dimoun, an se konsern nou Marine Special Planning program.  E mon krwar zot apel sa MSP e ti annan en Konferans mon krwar La France recently sa lannen, e en kantite probableman bann donnen ki sa bann dimoun pou bezwen, i baze lo travay idrografik oubyen bann travay chart work ki ganny fer par Brigad idrografik, ki parey nou tou nou konnen, tou dimoun ki’n pas anba Independence House in vwar toultan sa Brigad Idrografik e tou dimoun i demande what is this about.  E Onorab Andre dan son lentervansyon as en  koman en former zofisye dan Coast Guard in donn nou en  pti pe detay lo la.  Me  sa ki osi enportan e  relevan, set akoz when it comes to shipping, i osi enportan ki lenformasyon ki nou, nou annan avek regards ki nou rezyon, i accurate e azour, ki permet nou osi pou provide sa bann donnen avek bann diferan administrater bato ki pe operate zot bann navir dan sa rezyon.  E mon krwar se sa enn baz ki IMO i mete, se ki ou annan sa chart work ki’n ganny fer.  Rezon pou sa set akoz parey bann entervenan avan mwan in koze, se ki si i ariv en keksoz ek en bato dan en landrwa ou  bezwen kapab pinpoint son pozisyon.  Tousala i konekte avek kanmarad.  E ozordi par egzanp lo en baz vreman senp, en dimoun ki anvi al lapes i aste en kart e lo sa kart i ganny load bann donnen  lo par egzanp lo rezyon Les L’Afrique e sa bann donnen ki ganny load lo la i  enkorpor par egzanp sa ki bann peser lokalman i kontan apel sa bann sek.  Ok ?  E laplipar bann peser i rod sa bann sek pou al lapes lo la, akoz  zot apel sa pyetaz i en pe pli o, alors i pli fasil pou zot atrap pwason.  It goes from that level sa lenformasyon,  ziska pli o nivo kot ou annan sa gro tanker ki pe pas dan sa rezyon.  Se pou sa rezon ki i en size ki crosscut diferan nivo ekonomik.  Se sa ki fer li enportan.  E  en lot eleman  ki mon krwar i relevan ki enportan pou nou Lasanble konnen, se ki resaman  an Mars 2016 lannen pase, ti annan en North Indian Hydrographic Commission ki ti zwenn mon krwar Bangladesh e Sesel i parti prenan ladan.  Ki  mwan mon ti a kontan vwar, an relasyon ek sa Konvansyon sete bann, se kot nou ti koz bann training ki’n ganny resevwar, ki nou’n gannyen e bann training osi ki nou bezwen.  E enn bann konponan enportan dan sa training, Mr Speaker akoz baze lo resers  ki mwan  mon’n fer pou sey etabli vreman sa sityasyon, i zis parey dan en lot, dan en lot domenn.  Par egzanp sa ki konsern Commercial Law ki deal avek bann aksesyon…WTO eksetera, mon krwar pa si nou annan en avoka Sesel ki’n train ladan.  Oubyen kekfwa nou annan enn ladan ki pe train an se moman, ou ki’n fini training.  Mon krwar kekfwa nou annan enn oubyen de.  Konpran? Whereas in lezot domenn, nou annan  avoka ki’n train.  Me dan sa bann domenn spesifik, akoz zot bann area ki spesifik i fer ki souvandfwa nou pou bezwen al rod ekspertiz aletranze ki pou kout nou en pe pli ser, ler ou pran sa bann dimoun  lo sa nivo ki’n travay avek sa bann size koumsa.  Se pou sa rezon ki zis parey dan sa domenn, mon pou dir ki nou bezwen annan dimoun ki train, egzakteman parey sa ki nou pe koz lo la, an se ki konsern Lalwa Maritim, nou pou bezwen osi annan dimoun ki’n train e sa ban Lazans konsernen, either  SMSA, either  dan Port Authority, either mon pa konnen Coast Guard, i pou bezwen, nou Gouvernman pou bezwen annan li lo son employed avek li, oubyen swa lo retainer en trained  professional dan Maritime Law.  I pou neseser sa.  Akoz parey Onorab De Commarmond in koz lo negosyasyon nou continental shelf, eksetera, bann… ki konsern nou boundary, i enportan ki i annan en dimoun  ki li ki koneser dan sa domenn pou li kapab anmenn sa bann negosyasyon pli devan.  E souvandfwa ler ou napa sa dimoun lokal, ou bezwen rely lo sa bann ekspertiz enternasyonal ; sirtou parey ou’n koz  lo bann meeting ki pou annan , ki kapab annan, lo bann diferan size IMO alone e se pou sa rezon ki mwan mon pou demande, mon pou enplor bann Lazans konsernen si zot annan dimoun ki pe train fer sir i ava annan en understudy avek sa dimoun pour ki i ava annan en follow-up.  Akoz ki nou pe vwar depi yer nou vwar ki i annan en kantite sa bann Konvansyon ki bezwen annan en follow-up ki ganny fer.  E si en dimoun in konmans en travay lo la, ou bezwen kapab fer sir ki sa travay i kontinyen ganny fer.  Mon krwar dan li menm i enportan ki nou realize, e parey ou’n dir sa bann Konvansyon sa bann trete ki nou’n sinyen nou bezwen move. Akoz ler nou join sa bann group, nou form parti sa bann diskisyon ki pe arive.  E la sa bann diskisyon ki pe arive nou kapab donn en input lo sa bann diskisyon.  Be ler nou pa la,  nou pa kapab donn en input.  E ler nou vini nou pou vwar en fet akonpli – en keksoz ki’n ganny diskite san nou prezans la.  Malgre ki nou reste en Nasyon Souveren e nou annan drwa fer endesizyon as to nou Souverennte, nou teritwar, nou osi dan en lemonn global.  E akote nou, nou annan  vwazen, akote nou, nou annan vwazen ki zot osi zot lanmer i bord ek pou nou.  So nou bezwen fer sir ki nou dan en pozisyon  a tou moman, pou nou kapab osi ki drwa ki nou nou annan, vizavi sa ki pou nou, i kapab, nou lavwa i kapab ganny pase  e dimoun i kapab konpran sityasyon, konteks ki nou, nou ladan. So mon krwar ki, i annan en  travay ki’n ganny fer – i annan e bon pe travay  ki’n ganny fer dan en fason en pti pe partou, partou  e la mon krwar ki ou anmenn tou sa travay ansanm.  E se mon krwar sa kordinasyon ki enportan letan ou annan diferan travay  ki pe ganny fer.  E dayer Mr Speaker, mon krwar mon  bezwen profite pou remersi bann Nasyon Zanmi ki’n ed nou dan lepase  pou fer sa travay.  Par egzanp L’Inde, mannyer mon konpran, mon’n menm annan manm mon  fanmir ki’n travay avek Brigad idrografik, malgre ki zot in dayer zot in apre kit sa domenn, me zot in benefisye atraver training ki L’Inde enn bann pei ki’n ed nou en kantite lo sa size. So mon krwar ki si nou kontinyen mentenir sa zefor ki nou pe fer, e gard sa bon relasyon avek nou bann pei zanmi, sa osi pou ed nou.  E se sa labaz annan sa bann Konvansyon e form parti sa bann groupman. Avek sa Mr Speaker mon krwar mon’n kouver bann pwen ki mon ti anvi koz lo la.  Zis en keksoz an pasan, mon krwar si nou regard bann travay ki’n ganny fer, i annan travay ki’n ganny fer osi lo nou kontribisyon finansyel ki nou bezwen fer.  E sa i ganny kalkile baze lo nou kontribisyon finansyel ki nou nou drwa, baze  lo tonaz ki nou nou’n reprezante.  E mon krwar sa sif ki Leader Zafer Gouvernman in mansyonnen, sa sif in ganny kalkile spesifikman pour Sesel.  I pa en sif ki zeneral me en sif spesifikman pou Sesel ki relye avek nou merchant marine tonnage ki’n ganny kalkile.  Se sa kalkil ki’n ganny fer baze lo la.  E mon krwar se sa labaz ki’n ganny met an plas pour ki nou annan sa kontribisyon ki nou bezwen fer.  Avek sa mon remersye ou Mr Speaker  e mon ava remersi tou bann Manm ki pou siport sa Mosyon, e pou nou donn ankor en pe plis sipor SMSA, bann Lazans ki pe travay dan sa domenn.  Mersi.

 

MR SPEAKER

Zis pou azoute ki ou’n mansyonn L’Inde.  Mon krwar i enportan osi azoute ki Maurice in travay tre pros avek Sesel lo Maritime Delimitation e mwan en tant que Minis Foreign Affairs sa lepok mon ti travay tre pre avek Minis Alvin Boulle ki ti Minis Foreign Affairs Maurice e nou’n annan bon kolaborasyon.  E ankor nou retourn lo Foreign Affairs ki Onorab Gill e Onorab de Commarmond in koze ki nou bezwen re kontinyen sa travay pou nou tir profi pou nou pei Sesel.  Fodre its led and spearheaded by Foreign Affairs.  Mon konnen akoz mon ti laba  e parey ler mon ti L’Angleterre mon konnen IMO i annan en kantite keksoz nou kapab gannyen avek li.  E parey nou kapab ganny bokou lasistans ek L’Inde avek Maurice par egzanp, be fodre nou, nou pouse.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour e bonzour tou dimoun.  Mr Speaker malerezman mon bezwen konmans mon lentervansyon par dir avek Onorab de Commarmond son Mosyon i mal worded.  Mon bezwen dir avek li ki i bezwen fer en lamannman dan son Mosyon nou acceed to,.. nou pe…sa Mosyon nou sipoze pe acceed to the Convention.  Nou pa pe acceed to the International Hydrographic Organization.  So it should read;’’…accession to the Republic of Seychelles, to the Convention on the International Hydrographic Organization.’’  E letan nou accede sa konvansyon otomatikman nou vin en Manm the International Hydrographic Organization.  So i pou bezwen azout sa, amannman.

 

MR SPEAKER

Mersi Onorab.

 

HON WAVEL RAMKALAWAN

Mr Speaker  letan mon pran la parol pou koz lo sa Konvansyon, mon pou  bezwen premyerman koz lo en kontradiksyon dan nou pei Sesel.  E i byen ki  Onorab De Commarmond an swivan sa Papye ki’n ganny prezante in fer kler ki an 1919 ki sa  premye meeting ti fer e apre sa 1921 e apre tou bann keksoz in kontinyen deroule.  E sa Konvansyon wi nou ti ankor en koloni sa letan ; an 1967 ti ouver pou bann sinyatir, pou tou bann pei ki ti ava kontan, bann pei ki trouv li ant, bann pei partou dan lemonn – mon pe mazin sa lot Konvansyon ki nou pe al, sa lot Lagreman ki nou pe al koz lo la apre.  So depi 1967.  E mwan pou mwan mon bezwen dir ki depi yer, yer letan nou’n regard sa, sa Konvansyon ki nou’n ratifye e nou’n acceed dan en serten sans, konmsi i annan pou fer ek lanmer.  E yer nou’n vwar ki sete enn depi an 2004.  E la ozordi nou pe osi koz lo lanmer e se an 2017 ki nou pe acceed pou nou vin en Manm en tel Lorganizasyon sitan enportan.  E pourtan Mr Speaker pandan sa bann dernyen  lannen ou avek mwan e lepep Seselwa an antye nou’n zis tann koz Lekonomi Ble, Lekonomi Ble, Blue Economy.  E nou’n menm annan Anbasader  ki ganny apwente dan sa direksyon.  Be konmsi i fer mwan poz mon lekor en kestyon.  Eski nou’n zis koze, me selman nou pa’n regarde egzakteman ki travay i annan pou fer ?  Eski nou’n zis anvi vin papa en zanfan, me selman nou pa’n regarde ki responsabilite papa i aktyelman annan pou fer ?  Konmsi ki profonder sa responsabilite ?  E alor petet la, ankor enn fwa nou bezwen balanse pou nou regarde si nou pe koz Lekonomi Ble – e i vre ki ozordi letan nou al asiste bann Konferans, spesyalman lo nivo L’Afrique tanzantan ou tann zot koz lo Lekonomi Ble.  Pli boner mwan pase nou de Onorab Gill nou ti Cameroun, Yaoundé e pandan sa Konferans a en serten moman ti annan en profeser mon krwar – parski ti annan zis profeser dan sa Konferans, ti nonm Lekonomi Ble e i fantastik.  I fantastik.  I fantastik.  Me selman letan nou pe koz Lekonomi Ble, nou bezwen zwe nou rol.  Nou bezwen zwe nou rol antye e letan ou balanse Mr Speaker, ki poudir Sesel, i probableman pei pli gran an term lakantite lanmer ki i annan.  E pourtan letan ou konpar li avek nou later, nou later i senpleman  459 kilomet kare, tandis ki nou EEZ i 1milyon 374 mil kilomet kare ; ki fer ki nou mas later konpare avek nou mas losean, nou mas losean i 200 mil – apel li 300 mil fwa nou mas later.  E savedir nou annan nou en gran responsabilite.  E  si – e an plis ki sa, nou konnen ki poudir i annan en kantite biznes maritim ki pas dan nou lanmer, e nou alor mon ti ava ekspekte ki poudir nou, nou vreman  bokou pli avanse.  Alor la petet Mr Speaker mon konnen ki poudir letan manmzel Loustau Lalanne ti vin dan nou Lasanble, e i ti koz lo Blue Economy letan ti ape prezant Bidze, i ti donn nou en leksplikasyon ekstraordiner.  Ou menm ou Mr Speaker ou ti fer remarke ki poudir lakantite ledikasyon ki ou ti’n gannyen.  Be zisteman la mon krwar ki  nou bezwen dan sa laliny ledikasyon,  pou nou kapab pran tou nou bann responsabilite.  Petet Onorab De Commarmond i devret osi pa zis demann Minister Zafer Etranzer, me regard osi avek seksyon  sa Minister Blue  Economy, pou regarde  ki bann lezot Konvansyon ki ankor enn fwa nou bezwen, nou bezwen regarde.  Parski Mr Speaker ankor enn fwa Onorab De Commarmond in fer referans avek bann zil, e wi nou’n ganny en sans pou nou al vizit bann zil e nou tou nou konnen ki poudir i annan sa corridor bor kote laba kot Aldabra, kot bann bato i pase.  Me si nou pa’n nobou fer en bon travay pou nou konnen anba sa lanmer, son profonder ki kalite danze ki kapab annan, en Patrimwann Mondyal i kapab ganny afekte.  E se teritwar Sesel ki pou ganny afekte.  Si en tanker dan son pe pase i al tap  lo en ros – e la annou pa bliye ki poudir pre avek nou o-bor Mamelles Ennerdale ti koule.  E letan Ennerdale ti koule annou kalkil – mon vwar Onorab Sebastien Pillay i get mwan en pe – mon krwar i ankor en pe zenn i pa ankor, i pa tro rapel.  HMSRFA Ennerdale ki ti annan bokou Seselwa lo la…

 

MR SPEAKER

Order!  Mr Pillay.  Order!  Onorab Pillay.

 

HON WAVEL RAMKALAWAN

…bor zil Mamelles.  Wi, wi.  Alors si pre avek nou la e letan Ennerdale ti tap lo sa ros, se la aprezan ki sa ros ti ganny mete lo chart.  Alor i montre nou bann danze ki kapab annan.  E pou nou konman en pei avek en letan dir sitan gran, nou bezwen veye.  Regard nou bann atoll.  Nou konnen ki poudir deswit, i al dan defonse, me selman i kapab annan  lezot keksoz ki kapab afekte nou. So i enportan pou nou fer sa travay.  E la Mr Speaker i annan en keksoz ki mon krwar avek sa ki Onorab Andre in dir, ki vreman nou bezwen note.  Ou konnen letan nou regard bann dimoun ki pe ganny propoze lo sa National Hydrographic Committee, se prensipalman bann dimoun ki annan pou fer avek militer.  E pandan en bon pe letan, sa morso lanmer, Hydrography ensidswit, sete bann dimoun ki ti dan larme ki ti involve  ladan.  Be mon krwar ki ozordi kot nou’n arive, nou bezwen ouver sa bokou pli gran.  Nou bezwen konman en Nasyon maritim ankouraz nou bann zenn, pou zot al dan sa direksyon.  E letan nou fer en Komite Nasyonal, pour ki i pa ava annan zis eleman, sa eleman militer, me i ava osi annan nou bann zenn ki kalifye dan bann lezot, dan bann lezot laspe.  O fet se letan mon pe regard sa lalis, apard bann dimoun ki annan  responsabilite spesifik ; par egzanp Mr Ronny Renaud kot SFA ek Mr Francis Cœur De Lion, mon vwar ki zis en lot dimoun ki annan sa leksperyans, se Mr Patrick Joseph konman en (ki mannyer i apele son profesyon) en Zeolozist.  Ok?   I annan li konman en Zeolozist  ki lo sa Komite, e alors Hydrography ensidswit, in bezwen form parti son letid.  Alors i bezwen ganny ouver osi sa Komite osi tou.  Mon krwar s ai en demann ki bon.  E bann avoka, bann avoka – bann avoka parey Onorab Andre ki zisteman sa ti form parti son letid.  Bann dimoun ki o fet ti annan 3 dimoun ki’n fer sa letid Legal.  Ti annan Onorab Andre, i annan Mr Joseph Athanasius e apre sa i annan  Ziz Lakour D’apel yes, Madanm Ziz Fiona Robinson.  Apre i annan en lot ki Franky Elizabeth.  I annan en lot ankor…ok i annan detrwa, i annan detrwa.  Me selman zisteman la mon pwen i ganny zistifye Mr Speaker, si i annan detrwa sa bann dimoun lo sa kote Legal mon krwar ki sa Komite, sa Komite i devret annan sa konponan Legal parski letan nou pou al negosye bann delimitasyon, bann delimitasyon nou,  nou plato, ensidswit parey Onorab Andre in mansyonnen nou bezwen annan sa eleman ekspertiz.  Me Mr Speaker mon krwar ki i annan en lot letan nou pe koz lo bann, lo bann pei ki’n ed nou, bann nou ki en pe pli vye nou ava rapel ki pandan en bon pe letan, ti annan 2 bato Angle HMS Beagle avek HMS Bulldog e sa de sete zisteman de bato spesyalize ki zot, zot ti zwe en gran rol pou map out nou losean.  E Sesel i bezwen definitivman zwe en rol bokou pli enportan e sa Konvansyon i enn ki pou ed nou.  E mon espere ki poudir  Sesel i ava sezi son rol e i ava vin en Leader li osi tou, letan nou ava’n donn letid, letid apropriye nou bann zenn, e nou ava  kapab konman en pei  vin en  legzanp mondyal.  E apre sa pti lamannman la parey mon’n dir Onorab De Commarmond, mon krwar ki nou napa problenm pou nou aprouv sa, sa rezolisyon ki Sesel i acceed pou li  vin en Manm sa… acceed to the convention e vin en Manm International Hydrographic Organization.  Mersi bokou Mr Speaker.

 

MR SPEAKER

Zis pou azoute Onorab loter Mosyon ki diferan non in ganny mansyonnen, me mwan osi ler mon ti Foreign Affairs mon krwar Mr Raymond Chang-Tave ti zwe en rol enportan dan sa legzersis Maritime Delimitation.  Si  napa okenn personn ki’n lev lanmen ki mon pa’n vwar alor mon a demann Onorab De Commarmond Loter Mosyon pou wrap-up avan nou pran en vot.

 

HON CHARLES DE COMMARMOND

Mersi Mr Speaker.  Premyerman Mr Speaker i annan bann pwen ki’n sorti par egzanp kestyon kontribisyon.  Sa kontribisyon finansyel minimum €12 mil sa i baze lo zisteman nou tonaz lo fleet aktyel.  E napa an plis pou peye me selman nou, nou pou benefisye en kantite parey ou menm ou’n dir si nou tir benefis, sa ta benefis ki annan anba ek sa Lorganizasyon letan nou antre ladan, nou pou benefisye en kantite.  E sa pwen i anmenn mwan lo kestyon Gard Lakot.  Gard Lakot nou konn tre byen in zwe en rol enportan.  In fer en kantite travay.  Mon kapab dir in sort of spearhead – in Leader dan sa domenn.  E la nou, nou pe lans en lapes ler zisteman  nou’n vin en Manm sa Lorganizasyon International Hydrographic Organization ki Sesel i profite, profite parey ou’n dir reste an kontak avek IMO, reste an kontak avek nou, nou High Commissioner L’Angleterre pour ki nou pouse pou nou zenn al dan sa bann domenn.  Ale dan Idrografi, ale dan Lalwa Maritim, ensidswit pou nou ganny…koz sa grander nou teritwar Maritim Mr Speaker, i ekstrememan enportan konmsi i parey nou dir, nou annan en ta lanmer nou en pei zil byensir, nou antoure ek lanmer se konmsi nou pa konn naze. Ou konpran i vin menm zafer nou pa konnen nou pa konn manage sa lanmer, nou pa pou konn manage li si nou pa konn son Lalwa ki manage li.  Ou konpran ?  Se sa – mon krwar i bezwen annan en pouse.  Gouvernman, ledikasyon, i bezwen annan en pouse dan sa direksyon – e byensir nou bezwen annan en pe map pou nou konnen ki nou pe koze osi.  So i annan tou sa travay ansanm la ki bezwen ganny fer pour nou definitivman mon toutafe dakor avek bann pwen ki’n ganny avanse, pou nou bouz dan sa direksyon.  I enportan osi fer resorti mon krwar i’n ganny dir la pa tou lo Foreigh Affairs.  Byensir nou pe  lans en lapel osi avek bann lezot lenstans, lezot Minister ki konnen zot Konvansyon i la kot Foreign Affairs, pe pran lapousyer lo la.  Be bouze zot osi.  Met presyon lo Foreign Affairs, osi ale al rod sa Konvansyon.  Akoz letan ti al sa bann meeting deor be i annan bann dimoun dan sa bann Minister ek Departman ki ti ale, be zot pa fer sa swivi apre?  Alor nou pe demann, nou pe demande ki sa i ganny fer, e ki tou dimoun i  zwe son rol.  Nou note, nou note koreksyon ki nou dir acceed to the Convention e la nou pe lans en lapel ankor avek bann Departman Gouvernman ; depi son President’s Office oubyen kot Minister from Foreign Affairs, letan zot anvoy Dokiman kot Lasanble, sa Dokiman i bezwen reflekte sa ki zot pe demande.  Si zot pe demann acceed to the Organizasyon nou, nou pou dir sanmenm sa nou.  E la nou pe dir in anvoy Dokiman ki dir acceed to that Organization so nou pe dir ki zot bezwen verifye zot bann Dokiman ki zot anvoye.  E osi Mr Speaker mon lans en lapel avek nou, nou Lofis isi osi – nou Lasanble ler i gannyen, i osi gete i dir tyonbo en kou la mon krwar ava parey nou dir i vin lo Order Paper.  I en travay ansanm ki nou bezwen fer.  Point noted nou fer sa laranzman.  Nou fer sa koreksyon la me point noted.  Nou tou nou bezwen zwe nou rol e fer sir nou zwe nou rol byen e pli byen.  Mr Speaker i enportan.  In mansyonnen ki bezwen lo sa Komite annan dimoun avek baz Legal, en reprezantan Biro Attorney Zeneral.  Fantastik mwan osi mon krwar ladan.  I bezwen e mwan mon al plis ki sa akoz Biro Attorney Zeneral i osi en ler, i annan limit lo kapasite bann dimoun ki laba. Ler mon dir limit lo kapasite, i annan en ta travay pou fer.  Si ou met zot lo tou sa bann Komite osi, zot pou seye parfwa lanmenm la nou annan soz.  Me in ganny dir, nou annan bann dimoun spesyalize dan sa bann domenn.  Use them. Annou donn sans sa bann dimoun pou partisipe. Si Onorab Andre i annan son konesans, met li lo Komite.  Ou konpran ?  I annan sa bagaz.  E ou’n byen dir the High Commissioner Sesel/L’Angleterre be en ler letan i desann isi la, Komite pe zwenn, dir li vini ouswa fer li konnen ki Komite in diskite, pou li kapab fer sa swivi pou li update nou.  Sa zot bann rol.  E alors nou pe lans lapel nou, nou Lasanble letan nou pe koz lo la, nou pe dir annou nou tou zwe sa rol pou kapab enhance tou sa ki nou pe sey fer, pour ki nou pep i tir sa benefis maximum dan tou sa.  E ki letan Sesel alor i acceed avek en Konvansyon Enternasyonal, i fer li pou tir byensir tou benefis posib ladan.  Avek sa Mr Speaker, mon a demann tou nou Manm Lasanble definitivman pou siport sa, akoz mon krwar i bon.  Nou tou nou’n vwar son merit.  E alor nou ava kapab fer ankor sa lepa devan pour nou kapab remet nou biro.  Ti annan sa biro ti’n fer par Lafors Defans, remet li.  En kantite keksoz dan nou pei nou’n konmanse byen, Mr Speaker, ki arive ki’n arete dan semen sa Bondye konnen, me nou bezwen repran keksoz, remet li lo rel e fer bouze o pli vit posib.  Mersi bokou e avek sa mon krwar nou a siport sa Mosyon.  Mersi.

 

MR SPEAKER

Mersi Onorab Leader of Government Business e prezan nou a pran en vot lo sa Mosyon limero 2 lo Order Paper.  Tou bann ki pour lev zot lanmen?

As amended wi, wi evidaman in dakor pou amended.

Clerk?

 

MADAM CLERK

Mersi Mr Speaker.  25 Manm an faver.  Mersi.

 

MR SPEAKER

Konbyen?

 

MADAM CLERK

 

MR SPEAKER

Tre byen savedir sa Mosyon was amended accession to the Convention i ganny aprouve par Lasanble Nasyonal.  E san plis tarde nou pou toudswit lo nou lot Mosyon e sa lo zot Order Paper ki devan zot e osi i annan the Framework Agreement ki devan zot osi, avek tou bann detay e tou bann lartik.  Mon a demann Onorab de Commarmond pou prezant son Mosyon limero 3 lo Order Paper.

 

HON CHARLES DE COMMARMOND

Mr Speaker mersi bokou.  La osi tou sa Mosyon Mr Speaker, nou annan, nou annan en pti koreksyon a fer.  Mon ti’n alert ou Lofis e li nou dir pou nou ratifye sa :-Pursuant to Article 64 (4) of the Constitution, I move that this Assembly ratify the: Framework Agreement on the Establishment of the International Solar Alliance. Between Seychelles and India, en.  So Mr Speaker sa enn la, mon krwar ou konn tre byen ler nou’n dan L’Inde laba sa nou’n koz lo la.  E sa International Solar Alliance si oule se linisyativ pou anbark lo sa lalyans Soler Enternasyonal – nou translate li an Kreol.  Sa ti lanse an dan Konferans Sanzman Klima ki ti fer Paris le 30 Novanm 2015.  Ti lanse par premye Minis Narendra Modi avek former President Franse Mr François Hollande, son Ekselans. E i ti ganny  inisye si oule e konsevwar avek bi pou adres bann bezwen lenerzi soler, spesyalman dan bann pei ris avek lenerzi soley.  E la nou pe koz bann pei si oule ant nou de tropik, Tropic of Cancer and Topic of Capricorn.  Konmsi nou pe dir soley i tap en kantite ant sa de, ant sa de tropics.  E la nou dir bann pei  ki form par dan sa de tropik oubyen ki en bout zot pei i tonm dan sa de tropik, konmsi ki zot form si ou le dir par sa Alyans Enternasyonal avek bi pou set en platform – si oule pou kolabore e adres sa kestyon lenerzi soler o maksimonm – tir benefis ladan.  Organiz li, diskite e travay ansanm.  E la L’Inde parey nou pe dir avek Franse in pran lead ladan.  E avek sa i annan  zot Headquarters ki baze an L’Inde.  E nou, nou pe dir letan in konmanse sa, zot in fer en rikord en – bann premye pei ki’n sinyen pandan en short time, e prezan i annan 6 pei Manm ki’n acceed to, ki’n ratifye sa Lagreman, sa Lalyans la.  E prezan  pou li efektiv – pou li pran son morde parey nou dir, pou li kapab annan son full power, sa International Solar Alliance i bezwen 15 Manm pou ratifye.  Ziska la 6 in ratifye.  E prezan nou, ki tonm dan sa, dan sa area, ant nou tropik la, ant sa de tropik, alor L’Inde pe dir be zot osi Sesel zot koz bokou, zot osi be pa zis sinyen – nou’n sinyen nou  letan ti fer laba an France, Paris e i dir be ratifye anmenn devan ou Lasanble, ratifye pou ou tir  benefis ladan.  Akoz bann larzan ki pou vin dan sa Lalyans la, dan sa platform la, dan sa lorganizasyon, i pou benefisye bann pei parey nou e nou ki nou napa larzan pou nou devlop lenerzi soley, selman nou annan nou ta soley, be alor sa bann pei letan pou mobiliz bann Fon Enternasyonal, Bilateral ensidswit e tou sa bann Lazans, i ava ed nou pou nou kapab devlop nou kapasite.  Pou annan bann lenstans pou sa teknolozi dan Sesel, pou fer desann.  Yer nou’n koz lo pri lavi dan Sesel, kou lavi.  Sa ki nou pe pase la, ki nou pe ratifye la, nou pe demann nou Lasanble pou ratifye, i annan en reperkisyon direk lo pri lavi akoz i pou ede pou fer pri lenerzi vin pli ba.  E yer sa ti sorti dan nou meeting, dan nou kestyon.  E nou pe demande pou nou taye avek, taye avek, akoz nou le met li an pratik pou nou kapab ganny – akoz avek sa letan nou’n soz, i pou annan nou bann training – dimoun  ki pou al dan sa direksyon nou pou ganny training ; training lokal, enternasyonal ; konmsi deor.  Nou dimoun ava al deor al train.  Kapasite ava vin kot nou osi.  E byensir parey nou pe dir, avek tou lezot, lezot benefis ki sa i pou anmennen.  E nou pou form par bann lezot partner enternasyonal, bann lezot lorganizasyon enternasyonal osi ki pou travay  dan en fason fokalize e byen kalkile pou kapab ede pou promouvwar sa kestyon lenerzi soutenab, e lenerzi a baz soler, ki ava benefisye definitivman nou pei en kantite.  Mr Speaker i pou ede pou anmenn osi sa teknolozi, an inovasyon sa teknolozi.  I a permet Seselwa, bann Konpannyen, bann endividi pou kapab reflesi davantaz vwar an deor normes du jour konmsi ; be inovative, anmenn bann kreasyon.  Akoz tan ki nou pa ekspoz Seselwa, nou pa pou vwar plis son kapasite. E son kapasite i la Seselwa, e letan  nou acceed avek bann keksoz koumsa, letan nou form par e la nou pou vwar potansyel Seselwa.   I ava ed nou pou nou devlop nou potansyel ; petet  i a ed en pe zenn pou sorti, dan bann lenfliyans negativ pou antre dan sa bann keksoz ki pozitiv.  En boug letan i pe asize la i vir vire,  i kapab ler i konnen poudir nou form par ladan, i fer son thinking al bokou, bokou pli lwen, e  ler i a get son soley i a vwar keksoz inovativ pou anmenn benefis pou son pei, pou son Patrimwann, pou son zeritye, pou son popilasyon a benefisye ladan.  Mon krwar ki nou’n, mon’n dir ase lo la i annan bann lezot travay teknik sa i ok si zot bezwen detay nou ava donnen, me selman an tou la nou vwar poudir i annan an tou la 30 pei si ou le la ki’n sinyen.  Me nou bezwen ankor ratifikasyon.  Ratifye nou bezwen 15 pou sa Lagreman la, sa Framework Agreement lo Solar Energy ganny marse si oule, pou donn li son kantite Legal.  Avek sa Mr Speaker mon a demann nou Lasanble  pou nou siport sa, pou nou donn nou sipor lo sa Solar Alliance pou nou ratifye sa Lagreman, sa Framework Agreement  pou  sa e pour nou kapab bouze, pou nou ganny sa bann lasistans avek L’Inde.  L’Inde pou ed nou pou nou kapab etabli sa kot nou e i pou esper nou, nou osi pou pli nou ratifye sa pli vit, pli nou osi nou pou benefisye.  Si nou tarde nou osi sa  led pou vin tarde.  So soley pa esper nou.  Mersi bokou Mr Speaker mon a demann tou dimoun pou siport sa.

 

MR SPEAKER

Zis pou azoute vi ki mon ti Head delegasyon pou al dan L’Inde sa i en topik ki ti ganny lev-e avek tou bann Leaders nou bann personnalite dan Gouvernman ki nou ti koz avek enkli Prezidan li menm li – Prezidan L’Inde.  So mon krwar i enportan ki nou ratifye e ki nou fer li vit.  Seconded. Okenn dimoun ki…Onorab segonder pa la.  Onorab i antre.  Sa konmsi i sa vye Kreol kot ou ‘parout – disparout.’  Onorab Hoareau.  Lekel ki pou segonde Onorab Hoareau.

 

HON BASIL HOAREAU

Mon segonn sa Mosyon pou ratifye sa alliance avek L’Inde Mr Speaker.

 

MR SPEAKER

Mersi.  Onorab Hoareau ou ok avek sa ou napa nanryen pou dir.  Eski  okenn dimoun i oule azout okenn keksoz avan nou pran en vot lo sa Mosyon 3enm Mosyon lo nou Order Paper ki pe demann pou Lagreman pou sa Framework, the establishment of  International Solar Alliance.   si napa okenn – Onorab Afif.

 

HON AHMED AFIF

Mersi Mr Speaker.  Mr Speaker mon’n ganny sans pas en pti pe dan sa Lagreman ki’n ganny propoze, e pou mwan i pe demann Sesel pou form parti en Lalyans plizyer pei ki dirize par L’Inde vreman, pou kapab pous tou sa bann pei pou fer resers dan ki mannyer nou kapab e nou tou ansanm servi en pe plis lenerzi soler.  E zot pe ankouraz bann pei ki dan tropik, parski byensir dan tropik nou annan plis soley e pou mwan sa i en keksoz ki apropriye pour Sesel akoz nou pli gran resours ki nou annan lefe ki nou annan soley.  Kan nou regard lo pwennvi ekonomik Mr Speaker ozordi Sesel pe, i pe sirviv akoz nou annan en pe pwason ki nou vann e nou annan nou labote ki nou vann atraver touris.  Se sa vreman nou de gran sours reveni me osi nou annan  bokou depans e si nou ganny nou ozordi $434 milyon an term reveni ek Lendistri Touris nou depans nou $100 milyon apepre dan sa 434 pou nou prodwi elektrisite, e  osi pou nou kapab met bennzin, dyezel, aste gas pou lenerzi ki Sesel i konsonmen.  Alors ou a kapab  mazin li ki si en touris i anmenn €100 dan sa pei, €25 dan sa ki i anmennen nou pran avek li pou nou donn li elektrisite, pou nou met li dan en taxi, pou nou transpor li.  En kar nou larzan ki touris i anmennen isi, en kar i al  pou elektrisite ek fuel ki byensir nou pa prodwir e nou bezwen enporte.  Alors sa Lagreman ozordi pe dir be, annou rod en fason pou nou zwenn ansanm  ek lezot pei e L’Inde i bokou pli gran ki nou, pli eksperyanse ki nou pou nou kapab redwir en pti pe sa konsonmasyon e byensir sa kantite larzan ki nou ti  kapab fer reste Sesel si nou pa ti bezwen enport fuel.  Alor annou sey regard osi permet mwan Mr Speaker pou al dan sa laliny pou demande be ki nou pe fer Sesel apard ki nou pe al zwenn sa lorganizasyon ?  Ki nou pe fer vreman pou nou elimin sa $100 ekek milyon tou le lannen lenportasyon fuel.  Be dan sa $100 milyon ekek preski 20 milyon ladan i ganny servi pou nou met dan nou loto, pou nou vwayaze, pou nou met dan bis SPTC eksetera, 20 milyon dan sa 100, 80 milyon larestan.  Laplipar  i ganny servi par PUC pou  li donn nou elektrisite.  Alor si vreman  nou anvi fer en zefor pou nou redwir en pe nou konsonmasyon, i kler poudir sa zefor i bezwen sorti kot PUC.  Wi dan nou loto nou pe redwir deza parski ozordi ou annan Hybrid, plizyer nou ki annan Hybrid i konnen poudir ou pe sov o mwen 40 poursan kantite bennzin ki ou met dan loto ek Hybrid.  Sa i en bon lepa alor dan sa 20 $milyon ki nou pe, ki nou pe servi pou bennzin eksetera petet  nou a kapab sov nou 5 kekfwa $10 milyon nou a sove. I byen dan nou 100 nou’n sov 10.  Dan sa 80 prezan ki PUC li i pe servi.  Ki PUC pe fer pou redwir konsonmasyon?  Mwan pou mwan mon konpran en pti pe pozisyon kot PUC pe sorti.  Pa neseserman ki i byen me PUC ozordi li son manda se prodwi elektrisite e vann ek nou.  Fer sir nou annan elektrisite.  Me PUC an menm tan atraver tarif ki ganny enpoze lo PUC  en tyer sa ki i prodwi, i prodwir apepre 300 milyon inite elektrisite tou le lannen.  En tyer ladan  i al pou nou lakaz.  De tyer i al pou Gouvernman apre bann lizin e sa ki nou apel bann Lizin e sa ki nou apel Lendistri Komersyal.  Lotel eksetera.  Savedir de tyer sa zot prodwir i al pou zot.  Prezan gete ki mannyer i fer larzan.  Dan son en tyer ki i pe vann avek bann lakaz i perdi larzan. I pe vann sa apepre par mwayen R1.80 en Unit par mwayen, me tandis ki pou li prodwi i pe kout li R3.  Alor PUC i perdi larzan ler i pe vann ek bann lakaz.  Me tandis ki avek Sekter Komersyal i pe rekiper sa ki i perdi ek lakaz domestik.  Alor pou li PUC mannyer tarif i ganny enpoze lo li.  Mon dir byen enpoze parski se pa li ki fer tarif se Energy Commission ki fer tarif.  Pou li si ou dir li be al Sekter Komersyal oubyen rod en fason pou redwir konsonmasyon elektrisite par bann diferan dimoun, i pa dan son lentere pou li, parski li la i pa oule IOT, oubyen Seybrew, oubyen Algamated Tobbaco oubyen nenport ki gro lorganizasyon vin dir ek li, mon pe al met en pano soler.  I pa dan son lentere, akoz  lo sa bann zans ki i fer larzan  pou li rekiper son pert ki i pe fer avek lakaz domestik.  Alor lafason tarif i ganny striktire ozordi, e lafason komers in ganny aranze PUC ozordi napa okenn incentive pou li konmans mazin lo bann lenerzi renouvlab.  I napa okenn incentive se pour sa rezon ki a mon avis ler mon regarde mon vwar PUC pe kontinyen  si  i dir ou i pe al rod, i pe al ogmant kapasite lenerzi,  i dir ou i pe al rod ankor en lot zenerater 8 mega watt, 10 mega watt i pe al rod ankor 20 mega watt e zenerater se zenerater pa pe al fer mwens, servi mwens lenerzi li.  Me tandis ki nou dan lakour nou pe ganny ankouraze pou nou al rod pano soler.  E alor mon pwen se ki si Gouvernman i vreman anvi fer en zefor parey pe zwenn sa lorganizasyon pou demen pa depans nou $100 milyon dan lenportasyon, fodre nou adres sa problenm PUC.  Fodre nou adrese e tarif ki pou donn PUC en lankourazman, pou li kapab rod bann mwayen ki pou prodwi elektrisite pli bon marse.  Par egzanp ozordi i etonan ki ler i prodwi elektrisite, 60poursan son fuel ki’n brile, 60poursan i perdi.  Akoz i perdi ?  Akoz i prodwi  lasaler e sa lasaler i zis i monte i perdi.  40 poursan dan sa ki i brile i prodwi elektrik ki i vann ek nou.  60 poursan dan sa ki i prodwi i zis i perdi dan lasaler.  Be eski pa ti a bon ki i servi sa lasaler par egzanp pou en rezo ki a donn delo so partou?  Oubyen i servi sa lasaler pou prodwir pou fer  distilasyon delo par egzanp?  Tousala se bann keksoz ki i kapab fer.  Me tousala pou bezwen envestisman eksetera.  Me PUC li pou li keksoz pli fasil, pa fer tousala se pran ou elektrisite, elektrisite vann en tarif ase ser avek komersyal parske zot napa en lot swa e i fer son larzan.  E alor pou nou zwenn sa lorganizasyon Mr Speaker ki mon pe dir byen me selman nou pa pou fer bokou si nou pa adres en fason serye pou fer PUC mazin dan en fason serye, pou ankouraz tou dimoun pou al soler; akoz ozordi ler mon pe regarde PUC pa pe fer okenn zefor pou li fer sa, parske i satisfe avek son status quo ozordi.  Parske li tarif i ganny enpoze lo e alor li i annan son kontrent i reste li trankil, i dir ou mon pa ti a kontan vwar bokou dimoun pe met soler lo zot building parske zour pou napa soley e nyaz i kapab pase disparet pou en demi erdtan; dan sa demi erdtan ki nyaz in pase  li son bann masin pa’n kapab bouze vi non pou donn ou sa pouvwar, sa kantite elektrik.  Alor sa problenm i egziste, e mon krwar s ai en lepa dan en bon direksyon mon krwar, mwan mon ankouraze parske  mon krwar nou devret al dan sa direksyon e finalman petet si en dimoun pe koz lo sa size dan  10an i a dir petet be Sesel pa pe servi 100 milyon i pe servi 50 milyon e sa pou en gran benefis pou Sesel.  So avek sa mon ti a kontan  siport sa Mosyon e espérons ki nou a kapab trouv en solisyon pou nou redwir nou konsonmasyon elektrisite.  Mersi Mr Speaker.

 

MR SPEAKER

Mersi Onorab Afif.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon pran kot Onorab Afif in arete, e mon krwar ki i enportan pou nou kot nou’n arive Sesel pou re balans keksoz.  E mon krwar ki yer letan, letan Minis Dogley ti la dan Lasanble, ti resanble ki i annan en serten kontradiksyon e mon’n prensipalman sezi sa letan Onorab Lemiel ti a pe demann li kestyon spesifik lo sa ki ti ganny prezante avek, par Minis Bastienne e avek sa ki li in prezante.  E Onorab Lemiel ti menm demann avek Minis eski zot pa koz ek kanmarad – pour ki konmsi i annan en plan kler.  Be Mr Speaker mon krwar ki mon pe servi sa konman en legzanp, pou nou pou osi parey Onorab Afif in dir pou regard lo kote PUC.  Pou nou regarde ki rol ki PUC i devret pe zwe la ?  Ki mannyer i pou moderniz son lekor.  E Onorab De Commarmond rightly so in mansyonnen ki poudir sa size, i annan pou fer avek pri lavi e pou le moman letan nou pe koz lo pri lavi malerezman, nou bann dimoun i mazin zis an term  komisyon laboutik.  Larzan dan pos.  Sa se sa de keksoz ki dimoun i mazinen.  Lapey en pe  pli o pou ganny en pe plis larzan e apre sa olye ki en kilo diri i vann R15 ki i vann  R4.  Me Mr Speaker pri lavi parey nou tou  dan sa Lasanble nou konnen, i al bokou pli lwen ki sa.  E kestyon ki ozordi letan nou pe, letan nou pe ratifye sa Lagreman se pou nou osi regarde ki mannyer  eski PUC i kapab zwe en rol dan fer desann pri lavi.  E Onorab Afif in eksplik nou byen.  Ki mannyer ki PUC i aktyelman pe subsidise prodiksyon elektrisite pou bann lakaz e se pou sa rezon i annan sa de rates, domestic avek commercial.  Donk PUC i bezwen premyerman Mr Speaker, si i vreman anvi zwe en rol direk pou li moderniz son grid.  Moderniz son grid pour ki letan nou al lo Solar Energy, letan i annan plis dimoun ki pe al lo Solar Energy i kapab sa grid i pou kapab apre sa pran sa excess electricity ki ganny prodwi pou, li al lo nou national grid. E si nou pe koz an term fer desann pri  lavi parski nou konnen ki poudir sa bann zafer meter ensidswit i kapab, i kapab ariv  dan en sityasyon kot se PUC ki dwa ou, me selman mwan mon dir ki pour kwa pa ki letan  nou konman en pei si nou pe koz redwi pri lavi e an menm tan osi koup lo lakantite karbiran ki nou enporte, ki nou dakor ki letan PUC i moderniz son lekor si mwan mon annan mon lakaz e mon annan excess electricity letan nou tonm lo zero, nou kit e ki sa excess electricity ki mwan mon a pe prodwir  i ava al dan sa national grid, pou li ede lo nivo Nasyonal.  Ki konmsi bann endividi prezan pa pou al reklanm avek PUC ki poudir ou dwa mwan R200, ou dwa mwan R500, ou dwa mwan R1000, pou elektrisite ki mon’n prodwi.  E sa dan li menm Mr Speaker sa i ava vin ki nou tou nou  ape ede.  E alor si PUC i moderniz son lekor aprezan kote Gouvernman i kapab a rantre e la mwan mon krwar ki Gouvernman i annan en rol tre enportan pou li antre dan sa zwe.  Pran par egzanp ozordi Mr Speaker L’Inde in ofer nou.  L’Inde in donn nou kado, letan ou ti L’Inde I’m sure ou’n pas, plis ki $4 milyon pou lavaler bann photovoltaic panels.  Sa bann pano ki prodwi elektrisite.  Me ki pe arive ek Gouvernman, Gouvernman ou konnen en dimoun i pe donn ou kado $4 milyon pou bann pano photovoltaic, ler i vin kot Gouvernman i dir mon’n pare pou donn ou kado.  Gouvernman i dir i dir atann en pti kou nou ava, e toultan i bezwen postpone.  Be Gouvernman i bezwen zwe en rol pli aktiv ; resevwar  sa bann pano.  E sa bann pano ki L’Inde pe fer kado mwan mon propoze ki premyerman, se bann dimoun ki pli  – nou apel zot vilnerab, ki pli vilnerab ki ganny sa bann pano pou met lo zot lakaz e la deswit tou le mwan, tou le mwan zot ava fer en lekonomi minimum R300 roupi lo zot bill elektrisite.  Sa fanmir ki ozordi letan nou pe koz annou konbat lapovrete – nou dir lapovrete i 40 poursan met en pano voltaic lo zot lakaz e atraver sa son bill elektrisite i redwir, e sa dimoun i annan li deza la R300, sa fanmir i annan li R300 dan son pos.  E Mr Speaker la i la kot nou kapab konmanse, e la i la kot sa Konvansyon ki nou pe ganny demande pou ratifye i kapab ed nou.  Sa i enn.

Ankor enn fwa nou bann Manm Onorab sorti Praslin avek La Digue, zot koz lo pri marsandiz ki o. E la ankor enn fwa pri marsandiz i o e zot bill elektrisite osi i o, e alor si nou ti ava kapab osi konman en leta al dan direksyon Praslin e La Digue.  Donn zot priyorite Praslin ek La Digue e sa Mr Speaker  i ti pou osi ede pou koup la lakantite fuel ki bezwen mont Praslin.  Lakantite fuel ki bezwen mont Praslin pou li, i annan fre tanker, fre bato ki bezwen  ariv lo sa stasyon Baie St Anne pou li prodwi elektrisite e apre sa pou li al atraver La Digue.  E sa osi pou fer en lot keksoz letan i annan en problenm avek stasyon elektrisite Baie St Anne, La Digue i pa ava vin en viktim, parski bann dimoun zot ava, zot ava nabou pe manage.  Alor ankor enn fwa Mr Speaker i annan diferan fason parey Angle i dir ‘there are thousand ways to skin a cat.’  E pri lavi sa i enn bann direksyon ki nou devret, ki nou devret ale.  E la ankor enn fwa mon refer lo nou bann vizit lo bann zil.  Mr Speaker en zil konman Aldabra ki oparavan ti annan, i ti annan son zenerater ki i ti bezwen transport fuel sorti Mahe pou al Aldabra ozordi zot fully solar.  Zot pa pe servi diesel pou zot prodwi elektrisite, zot annan tou zot bann pano; zot annan bann batri ki zot rezerve parski i annan diferan fason pou fer li e zot, zot electricity cost pa zis, konmsi zot utilities cost – plito apel li apard sa maintenance ki zot bezwen fer lo bann, i zero.  E nou’n osi letan nou ti pe koz avek IDC lo bann Zil ki mannyer zot osi tou zot pou al dan sa direksyon.

Carbon footprint en lot zafer ki nou koz lo la, si nou al solar nou carbon footprint i desann e i kapab vin zero.  E sa ankor enn fwa pou ed nou dan sa bann negosyasyon ki – dan sa bann negosyasyon  ki’n ganny fer, pou nou  e-sanz nou det lo sa nivo lanvironnman.  Sa osi  tou pou ed nou pei  pou benefisye  Mr Speaker.  Me en lot keksoz osi tou ki nou kapab fer deswit la, letan nou sorti isi kot Lasanble nou pe, nou pe desann anvil nou tou  nou pas kot Independent School, zot Seksyon Segonder.  E i annan en keksoz ki frap nou avek sa batiman.  Lo sa batiman antye i annan photovoltaic panels, bann pano photovoltaic e sa in fer ki sa lekol in kapab redwir son bill elektrisite.  E la Mr Speaker lefe ki nou dan Lasanble nou pe koz lo la e ou konman Speaker mon pou lans en challenge osi pou nou Lasanble.  Mon pou lans en challenge pou nou Lasanble pou nou osi lead by example.  Ozordi nou bill elektrisite kot Lasanble, mon’n demande i ariv ant 80 a R90 mil par mwan.  Mr Speaker avek ou kontak ki ou annan avek L’Inde, e nou, nou’n pare pou nou donn sipor annou mont en proze, pour ki Lasanble Nasyonal i vin antyerman solar.

 

(APPLAUSE)

 

HON WAVEL RAMKALAWAN

E  mon krwar ki atraver sa nou ava pe lead by example e tou nou bann, tou nou sistenm elektrisite dan nou Lasanble, nou ava pe pey zero apard en larzan pou maintenance.  E sa legzanp Mr Speaker nou espere ki apre sa i ava spread i ava al kot Lakour, i ava al kot bann biro Gouvernman.  I ava  al kot bann lekol Gouvernman e tousala i ava fer ki Bidze, Bidze ki ganny prezante,  i ava bann Bidze ki redwir e tousala, sa lekonomi ki nou ava fer i ava nobou permet nou pou nou fer fas avek bann lezot depans ki sa pei i bezwen.  Alors Mr Speaker Sesel in ganny beni.  Nou’n ganny beni avek soley e an plis ki sa, sa ki mwan mon’n aprann menm si nyaz i pase nou tou ki annan en solar panel pou donn nou delo so dan lakour parfwa soley pa tape pou detrwa zour letan i …me letan nou met nou pa nou ganny delo so?  Savedir i pa depann antyerman zis lo sa direct sunlight.  Sa tanperatir i ede osi pou mentenir sa.  E nou annan zis pou nou regard legzanp L’Allemagne – Germany.  Germany ozordi Mr Speaker i en pei ki konn Liver ki konn tou sa bann sezon ki parey ou…four seasons in a day, Germany ki pe lead.  E i annan bann vilaz ki son popilasyon e lakantite lakaz ki i annan, i menm kantite avek nou Sesel ki totally solar – Green e akoz ki nou, nou pa kapab al dan sa direksyon, nou ava koup nou bill elektrisite ; nou ava koup nou bann depans lakantite heavy fuels ki nou bezwen enporte.  Nou ava, pour ki nou foreign exchange ava tenir en plis e nou pei i ava vin en sanpyon kot lanvironnman i konsernen.  Avek sa detrwa parol Mr Speaker, mon pou siport sa Mosyon pour nou amann sa e mon demande ki konman en pei nou bouz o pli vit posib.  Mersi bokou.

 

MR SPEAKER

Mersi Onorab Leader Lopozisyon mon krwar ou propozisyon an se konsern Lasanble i excellent e mon krwar mon pou pran sa challenge toudswit.  E Lendi dan nou Management Meeting nou pou donn en direktiv Direkter Zeneral pou Ladministrasyon, pou konmans sa prosesis pou nou fer ki i aboutir oubyen i ariv, oubyen pou nou vinabou lead by example parey ou’n dir.  E mon dakor ek ou antyerman.   Avek sa vi ki 10er edmi in sonnen, mon a demann Loter Mosyon pou round-up vitman avan nou pran en vot apre nou a pran en Break. Onorab De Commarmond.

 

HON CHARLES DE COMMARMOND

Mersi Mr Speaker.  I will do exactly that.  Mr Speaker pour mwan sa Mosyon se si oule en larises sa Konvansyon.  Letan nou pou antre dan sa Framework Agreement la letan nou pou International Solar Alliance la, pour mwan sa se en sover de tou mon kapab dir.  Ki mannyer mwan mon get li.  Ou konnen sa ta lenerzi soley ki nou annan, sa tape ki soley i tape, nou menm nou en ler nou konplent ki so, kote ki mal si sak seselwa i tir en benefis ladan?  I ganny en profi ladan.  Why not?  Se en keksoz Bondye in anvoy pou nou e Bondye in anvoy pou nou pou nou martirize avek?  Pou nou zis konmsi anmas sa lasaler?  Annou servi sa lasaler, en profi e ler mon koz en profi mon pe koz en real profit.  Sa pour mwan mon get li konman enn lenvestisman.  E dan sa zwe  sa bann dimoun ki’n koze Onorab ki’n koze zot annan parfetman rezon.  Dan sa zwe PUC i bezwen take the lead.  Gouvernman i bezwen take the lead.  Ler e mwan  mon konnen Prezidan Faure si i pe pouse ladan i pou fer egzakteman sa.  Premye ki bezwen pran labar la se Gouvernman li menm, akoz li ki servi plis lenerzi alor, i fer ki pou mwan sa i annan de keksoz ou vwar Mr Speaker, ki annan en relasyon direk avek kou lavi, pri lavi dan Sesel.  Enn ou bezwen annan ou en lanmonnen stab, tre stab.  Dezyenmman oubyen menm premyerman devret annan lenerzi bon marse.  Si nou baz lenerzi i bon marse be i vedir tou sa ki de-koule apre i bezwen pli bon marse.  I tou lozik.  Alor si nou believe ladan  annou al dan sa direksyon.  Byensir i  pou anmenn en nouvo challengeChallenge se ki nou bezwen revwar mannyer Gouvernman i marse, kot i anmas son Tax, kote i anmans son – ou konpran.  Akoz la ou pou  bezwen, i a revwar.  E sa i a permet plis devlopman.  Plis lenvestisman.  Gouvernman prezan a bezwen annan en sistenm anmas Tax, i ava anmans pli pti gin Tax, si ou le.  I pou redwir li, lo biznes.  Me volume akoz i pou annan plis devlopman.  I a ganny li lo volume.  An menm tan i pou redwir sa ta depans ki i fer ek  foreign exchange pou nou enport fuel.  E sa li menm i ava anmenn en lot benefis nou – i pou bezwen redwir nou depans.  E letan ou ava balans li a lafen di zour nou a kapab sorti byen ladan.  A mon avi mon vwar sa koumsa.  Le point i avanse si en dimoun i  devlop li dan sa kestyon lenerzi soler e PUC i annan son grid ki in soz, e prezan sa dimoun i ganny en benefis so what?  Les li gannyen.  Aprezan nou zenn, nou zenn li i a oblize parey mon ti pe dir dan lentrodiksyon Mosyon, i a oblize Mr Speaker pou li anmenn bann nouvo inovasyon, bann lide modern, lide inove dan sa direksyon devlopman teknolozi, e la nou pe dir par egzanp lo zil nou ti vwar  i annan batri ensidswit i ava annan lezot la.  Dimoun ava reflesir i ava, a vwar ki mannyer nou kapab fer pli byen e petet why not set en lide ki lemonn ava adopte a va sorti lorizin Sesel.  So pou mwan mon vwar en kantite, en kantite e en kantite benefis letan nou pe join sa Lalyans e pa ou Lalyans Mr Speaker sa lot Lalyans ou Lalyans pou ou nou a get pli tar.

 

MR SPEAKER

Tousala pou met lo ledwa menm.

 

HON CHARLES DE COMMARMOND

Me vwala ki mwan mon krwar.  So labaz de tou sa e mon vwar mwan se pou fer ki nou pou al dan en direksyon kot nou pei pou benefisye, e nou bann partner pou travay pli byen avek nou ; zot pou le, zot pou le definitivman ed nou devlop dan sa direksyon.  Avek sa Mr Speaker mon ava kontan mwan si tou dimoun la tou bann Manm Onorab prezan isi, i siport sa Mosyon ki devan nou Lasanble, pou nou ratifye Lagreman sa Framework Agreement pou nou antre dan International Solar Alliance.  E kot L’Inde la mon konnen mwan klerman ou osi ou konnen pou ed nou en kantite, nou pep pou benefisye e nou Prezidan i krwar ladan e i oule fer bann amannman dan sa direksyon.  E an menm tan petet why not revwar nou Polisi  Planning pou ki bann gro gro building ki ava fer a lavenir i bezwen i en must, ou annan bann parking underground whatever ek ou Solar Panel anler pou kapab ede fer ki nou a devlop pli byen an  pli bon.  Kot i konsern lanvironnman nou ava pli sen e pli sof.  Byen. Mersi Mr Speaker.

 

MR SPEAKER

Mersi Onorab Leader of Government Business.  Toudswit nou ava pran en vot.  Tou bann ki pour sa Mosyon lev zot lanmen ?

Clerk.

 

MADAM CLERK

Mersi Mr Speaker.  25 Manm an faver.  Mersi.

 

MR SPEAKER

Savedir ki Mosyon ki’n prezante par Onorab Leader of Government Business in ganny aprouve par mazorite dan Lasanble.  E avek sa i reste nou ankor en Mosyon pou ozordi.  Mosyon limero 4 par Onorab Leader Lopozisyon lo IDC, me nou a pran en Break la vi ki i 11er mwen zen kar e noua repran nou travay 11.15.

 

(BREAK)

 

MR SPEAKER

Bon nou a repran nou travay ki nou’n komanse bomaten.  E parey mon’n dir taler, nou’n ariv lo nou 4enm Mosyon lo Order Paper ki ti table yer bomaten.  Onorab Ramkalawan i annan, Onorab Ramkalawan i loter sa 4enm e dernyen Mosyon pour ozordi.  E mwan a demann ki toudswit pour prezant son Mosyon ek Lasanble.

 

HON WAVEL RAMKALAWAN

Mersi bokou Mr Speaker.  Mr Speaker mon Mosyon i lir koumsa; Vi ki Prezidan Faure ti anonse resaman ki IDC i annan ziska lafen lannen prosenn pour sorti dan sekter konstriksyon; sa Lasanble i demande ki IDC atraver Mr Glenny Savy koman son CEO, i vin devan Lasanble pour donn serten detay ek leksplikasyon kler lo rol IDC dan biznes konstriksyon.

Mr Speaker i enportan pour mwan met sa Mosyon dan son konteks.  E an menm tan osi pour nou isi dan sa Lasanble konnen dan ki direksyon  ki metod travay nou ava pran.  E an menm tan osi pour tou bann dimoun ki pe swiv Lasanble zot osi tou konnen ki metod travay nou pour pran.

Zis pour mwan retourn lo sa Deklarasyon Mr Faure dan son kapasite koman Prezidan, letan i ti vin devan Lasanble le 25 Zilyet 2017.  Dan Paragraf 8 i ti dir, e mon sit li. ‘’I aprezan 5an depi ki Gouvernman ti demann IDC pour angaz li dan Lendistri Konstriksyon lo en baz komersyal. Gouvernman i santi ki moman in arive pour IDC sorti dan sa sekter e met plis latansyon lo son manda pour devlopman zil. I pour ganny ziska lafen lannen prosenn pour li fer sa.’’ Mr Speaker rezon ki mwan pe anmenn sa Mosyon devan Lasanble i osi an konteks pri lavi parski Lendistri Konstriksyon i enn ki zwe en gran rol dan pri lavi.

Ozordi pour en dimoun fer en lakaz.  Dizon en pti lakaz de lasanm, oubyen enn en pe pli gran, 3 lasanm, si i napa en milyon roupi i pa pour arive fer li. Kou konstriksyon i o. E alor vi ki Gouvernman li menm li atraver IDC e Gouvernman ki ti donn IDC sa manda pour li antre dan konstriksyon, mon’n santi ki i ava enportan pour ki i annan sa enteraksyon.  E sa enteraksyon dan mon fason panse in osi anmenn mwan pour regard la fason ki dan letan kolonyal keksoz ti ete.  Ti annan Public Works Department, PWD. E PWD sa letan ti ganny servi koman en lorganizasyon Gouvernmantal pour li involve dan tou kalite, tou kalite laspe.  I ti involve dan konstriksyon. E la petet letan nou regard nou lavil, letan nou regard bann batiman parey sa ki sa letan ti apel Queens Building, e ozordi i apel Liberty House.  Letan nou regard State House li menm, nou regard plizyer bann lezot batiman, bann zoli batiman e tousala ti ganny konstri par Gouvernman atraver sa Departman.

Alor mwan mon’n santi ki vi ki ozordi nou annan en model, e alor pour nou kestyonnen, e dimoun, e mon mazinen tou dimoun i enterese pour konnen Green Island Construction Company ki i annan pour li dir nou, pour ki nou koman en Lasanble, nou ava kapab annan en pli gran konesans, e an menm tan osi atraver sa ki ganny dir nou ava regarde si nou pa kapab fer kou serten rekomandasyon pour fer ki kou konstriksyon i ava desann.

E Mr Speaker pour nou kapab fer sa, parey Mosyon i dir, i enportan ki Mr Glenny Savy ki CEO IDC e ki osi sa enn ki diriz bann travay Green Island Construction, i ava vin la e nou focus ozordi e sa enportan pour mwan met lanfaz lo la. Nou focus ozordi i lo konstriksyon. Nou konnen ki pour dir IDC i osi ansarz bann zil. Nou’n annan en Komite Zil ki’n vizit bann zil, me ozordi nou pa pe koz lo zil.  Ozordi nou pe koz lo konstriksyon. Me Mr Speaker pour mwan kapab fer sa anba Order 79, e sa i form parti mon Mosyon; anba Order 79, mwan 79, (1), mon pour move ki nou Lasanble i move dan en Komite of the Whole House. E anba Order 79 i lir koumsa; ‘’Whenever in any matter other than matters considered under the procedure on a bill or financial procedure, a Member desires that the matter be considered in a Committee of the whole Assembly, the Member may move without notice that the Assembly shall immediately or on a future sitting, sitting day resolves itself into a Committee of the whole Assembly to consider the matter. ’So anba sa Order 79, (1), mwan anvi move ki nou transform nou lekor koman en Komite pour ki Mr Savy i kapab, i kapab vin dan sa Lasanble pour ki nou annan sa, nou annan sa enteraksyon. So Mr Speaker mwan ava demande dan sa ka nou prosedir si nou aksepte, e bann Manm i, bann Manm i vot an faver ki nou konstitye nou dan en Komite Lasanble antye, nou envit Mr Savy e apre ki Mr Savy nou’n ava annan sa enteraksyon ki apre sa nou ava kontinyen avek nou deba e kot lezot rekomandasyon, i ava sorti. Avek sa Mr Speaker I beg to move.  E mon demande ki sa Mosyon i ganny segonde, e i ganny aprouve osi tou.  Mersi bokou.

 

MR SPEAKER

Eski i annan en dimoun ki segonn sa Mosyon, Onorab Flory Larue.

 

HON FLORY LARUE

Mersi Mr Speaker, mon pour segonn sa Mosyon e mon ti a kontan osi deliber lo la silvouple.

 

MR SPEAKER

Dakor eski nou kapab pran en vot lo sa.  Bann ki, tou bann dimoun ki dakor lev lanmen? Sorry ou anvi koze.  Ok ale Onorab.

 

HON BASIL HOAREAU

Mersi Mr Speaker. Mr Speaker mon pour fer en pti short address lo sa Mosyon.  Mon oule dir lo komansman pour dir nou napa problenm pour ki kestyon sa issue ki pe ganny adrese par Mosyon. Nou napa problenm ki sa i ganny adrese par Lasanble.  Annefe sa i dan latransparans e bonn Gouvernans.  Nou bezwen konnen ki pe arive avek IDC an relasyon ek son rol dan konstriksyon ouswa, mon krwar Green Island, sa i normal e nou, nou pour siporte sa nou.  Me nou issue ki nou pour annan lo sa kote latab, se prosedir.  Prosedir ki mannyer sa in ganny fer.

Letan nou gete sa pe ganny fer by way of a Motion. Vre Order 37 nou Standing Orders i dir nou koumsa pour dir; ‘’Any matter can be brought up for debate by way of Motion.’’ Sa ki Order 37 i dir nou. I dir nou poudir – …subject to the Constitution and these orders…’ Savedir i fer li ‘…subject to the Constitution and these orders, any Member may propose any matter for debate in the Assembly by way of Motion.’’

Me selman la in fer li subject to these orders.  Letan ou lir prezan Order 30, li i dir ek nou ki mannyer prosedir i ganny fer letan nou oule demann kestyon. Letan nou oule question okenn issue, nou oule fer li by way of question and answers, se Order 30 ki antre.  E Order 30 i dir ek nou, i annan 2 kategori dimoun ki kapab ganny anmenn devan Lasanble pour demann kestyon.  Sa se en Minis e 2enm en Manm Lasanble.  Lo en issue ki en Manm Lasanble pe deal avek i kapab anmennen pour li demann kestyon.  E i annan en rezon akoz i fer pour Minis.  Akoz? Se sa Minis ki responsab pour son portfolyo; se sa Minis ki responsab pour son departman, ouswa okenn lezot Konpani Parastatal ki tonm anba li.  E basically the buck stop with the Minister.  So se li ki bezwen responsab pour li vin reponn kestyon.

E mwan se sa ki mon ti, nou, nou krwar se ki, maybe it should have been by way of a question and can be still be done by way of a kestyon adrese avek Minis ki konsern, anba ki sa, IDC ouswa Green Island i tonm anba la ki from my information se Vis- Prezidan. E petet Vis-Prezidan ti a anmenn Mr Savy avek li, e then la mon dakor avek mover Mosyon.  Nou ti pour turn our Assembly into a Committee of the whole Assembly pour allow Mr Savy – si Minis i santi pour dir i neseser.  E nou Lasanble nou santi i neseser pour demann kestyon Mr Savy. Annefe nou’n deza fer sa prosedir avek STC, kot nou ti demann kestyon – question ti ganny adrese a Minis Finans, e CEO STC, Ms Laporte ti vin avek li, e nou ti turn the Assembly, anba Article, Order 79, nou ti the Assembly into a Committee of a whole Assembly, e Ms Laporte ti ganny adrese kestyon.

E pour mwan i en kestyon prosedir, akoz mon krwar pour dir nou bezwen ganny nou prosedir byen, annou pa set a bad precedent. Nou napa problenm nou ki Mr Savy i ganny anmennen pour demann kestyon.  Mon krwar sa i dan lespri latransparans.  An relasyon avek sa nou siport sa Mosyon, dan lefe ki kestyon in ganny demande wi.  Me the procedure.  Sa ki nou annan en pe rezervasyon lo la Mr Speaker.

 

MR SPEAKER

Actually si mon kapab fer komanter apre mon a pas kot Loter Mosyon. Mwan ler mon ti’n konpran, ler mon’n get Order Paper, mon ti’n konpran ki Mr Savy ti pe vin en pti dan sa laliny ki Onorab pe dir, ti pe vin avek Minis Finans.  E yer ler Minis Finans in fini reponn kestyon, nou pe koze mon’n dir li be eski IDC i tonm anba ou? Ou sipoze dapre mon papye ki mon’n gannyen, ou ki pe vini.  I dir mwan non i tonm anba Vis-Prezidan.

So finalman, Mr Dr Larose i pa’n kapab vini, e efektivman mwan osi mon’n tyeke, IDC i tonm anba Biro Vis-Prezidan.  So i annan merit dan sa ki ou pe dir an term sa 2 Standing Orders, be les mwan mon a loter Mosyon koze.

 

HON WAVEL RAMKALWAN

Mr Speaker, mon konpran sa ki Onorab Hoareau pe dir.  Me Onorab Haoreau pe fer referans pli partikilye avek Question time. Ok? Question. This is not what we are dealing with.  E se pour sa rezon ki nou pe fer li anba 79.  E ou ava remarke ki poudir Onorab Hoareau dan son entervansyon i pa’n nonm ditou Standing Order 79.

Se 79 ki mon pe fer sa laplikasyon pour nou turn ourselves into Committee of the whole House; e 79 i dir avek ou klerman; ‘’…where any matter, other than matters considered under procedure on a bill or financial procedure…’’ a member i desire ki a matter be considered in a Committee of the whole House.  E usually rezon akoz ou anvi ki en matter i ganny considered dan en Komite, se pour ou kapab anmenn dimoun ki pa en Manm sa Lasanble.  E letan en dimoun i pa en Manm Lasanble that’s when ki i kapab vini.  Nou’n pas dan sa leksperyans Bidze.  E sa leksperyans Bidze in montre nou klerman kot bann Sekreter Prensipal in koze, kot bann Direkter in koze.  So i osi senp ki sa.  Menm parey Mr Speaker letan nou ti pe fer sa deba lo FIU, nou ti’n kapab turn ourselves into a Committee e demann Oditer Zeneral pour vin la.  E li Oditer Zeneral i endepandan, i endepandan, i pa tonm anba okenn Ministry li.  So nou ti pour kapab anmenn li la.

So, e an menm tan mon krwar Mr Speaker, vi ki, vi ki dan nou Standing Orders, i napa sa, e sa i fer premye fwa ki nou pe al dan sa direksyon. E vi ki Komite Standing Orders pe zwenn, ki ozordi nou fer sa ki i av vin koman en leksperyans osi.  E apre sa Komite Standing Orders zot ava regarde ki mannyer pour zot fer rantre bann nouvo fason ki sa Lasanble i fer son travay.  Alor Mr Speaker vi ki Onorab Hoareau in eksprimen, ki poudir zot napa problenm, e nou lo nou kote, nou osi nou napa problenm. I en kestyon prosedir, nou a pe etablir bann nou prosedir. Nou a pe etablir bann nouvo prosedir ki alors, annou pa gat plis letan. Nou’n ariv 11.36.  Annou komanse e apre nou fer sa travay ki nou anvi fer vi ki se pa son sibstans ki zot pe, ki zot pa pe obzekte, me se plito laform.  Me laform sa nou kapab, nou kapab reglemant li.  E an plis ki sa ou Mr Speaker, ou annan sa Lotorite anba Lartik 91 pour ou donn sa go ahead.  E mon beg lo ou, lo ou dispozisyon. Mersi.

 

MR SPEAKER

Efektivman mersi Onorab Ramkalawan, letan nou lo la osi, yer, sa semen mon’n ankor rode lekel ki Chair Reform and Modernization Committee dan Lasanble.  E mon’n find out i menm chairperson ki Chair Standing Committee, Standing Orders Committee.  E mon krwar la i enportan pour Mr Onorab Georges pour regard tousala ansanm, sa de Komite an konzanksyon pour moderniz nou Standing Orders ki nou kapab enkli sa.

Me avan nou pran en desizyon, annou ekout lezot Manm, e mon krwar i annan merit dan sa ki tou lede in dir e nou a deside. Onorab Hoareau ti’n demann avan apre Onorab Pillay, apre Onorab Andre.  Wi Onorab Hoareau.

 

HON BASIL HOAREAU

Mr Speaker zis pour reponn sa ki Onorab Ramkalawan in adrese.  Nou issue vre ki ou kapab al dan en Komite.  I dir ou – ‘’any matter before the Assembly.’’ Nou issue is ki mannyer sa matter in ganny anmennen dan Lasanble avan. Letan in fini ganny anmennen devan Lasanble properly then the Assembly can deside to deal with it through a Committee.  Be nou issue se ki mannyer sa matter pe ganny anmennen in the first place, before the Assembly, it should be by way of a Question rather than by way of a Motion.

Mon krwar sa i enportan, nou pa pe be, we don’t want to be pedantic, nou anvi zis, annou get li right.  Me selman mon dakor avek Onorab Ramkalawan ki pour dir wi i en issue ki petet Standing Orders Committee i bezwen look into it.  E petet the solution pour ozordi, se pour move under Order 91, ki nou sispann the Standing Orders, we take a vote on it, and then move it.  But we have to do it properly. This is my point.

 

MR SPEAKER

Onorab Pillay.

 

HON SEBASTIEN PILLAY

Mersi, mersi Mr Speaker.  Mr Speaker mon konpran largiman ki mon koleg in anmennen, me selman size i reste le fe ki nou annan premyerman annan en Mosyon ki’n ganny etablir lo Order Paper.  Nou pa ankor dispense ek sa Mosyon lo Order Paper. Lideal se ki nou bezwen dispense ek sa Mosyon lo Order Paper, pran en vot pour sa Mosyon pase.

Mover Mosyon in then move ki nou konsider lezot eleman ki vin apre son Mosyon, akoz se sa ki pour vin enteraksyon ki pour ganny fer par Mr Savy ki pour vin dan Lasanble. Now mon oule remind Lasanble ki nou’n annan sirkonstans dan lepase kot, kot nou pe koz prosedir, kot par egzanp ti annan Minis pour, Minis Larue sa letan, ki ti pe reponn kestyon kot nou ti demann Lasanble leeway pour ki Minis i reponn kestyon an menm tan ki ComPol. E nou ti ganny dir pour dir an vi ki portfolyo sa responsabilite i annan en crossover ant Minis avek ComPol.  Minis pa ti kapab reponn kestyon. E i annan ankor repriz kot nou’n deza demande, kot nou’n deza demande kot teknisyen ki’n vin devan Lasanble pa ti kapab reponn akoz the leeway was not extended.  Now, non, non, be non, it’s a matter of procedure.  Nou pa kapab, nou pa kapab prosedir aplik pour en sityasyon e prosedir i pa aplik pour lezot sityasyon.  Yer nou’n koz lo wording Motion. Malgre ki the intent of the Motion was the same, the intent of the Motion was the same. Nou ti bezwen amann wording. So sa ki nou, nou pe dir, to senpleman se ki nou bezwen a tou repriz, swiv prosedir ki’n ganny etablir, e non pa kree lezot prosedir. E le fe i reste nou pa ankor dispense ek sa Mosyon.

Mosyon in ganny move, in ganny segonde, nou pa ankor gannyen en Mosyon pour ki ou anba Standing Orders, anba Order 91 ou sispann the Orders pour konsider sa size in a Committee.  Nou santi this is where nou bezwen en… maintain regularity e swiv prosedir ki’n ganny etablir.

 

MR SPEAKER

Mersi.  Onorab Andre.

 

HON CLIFFORD ANDRE

Mersi Mr Speaker. Mr Speaker Onorab Leader Lopozisyon i annan parfetman rezon anba Lartik 79 i kler ki en Mosyon in ganny anmennen.  So it is not Question Time la.  Sa Mosyon se pour fer Lasanble as a Whole al dan Komite aprezan sa dimoun i vini, Mr Savy i vini, aprezan bann kestyon i ganny met avek Mr Savy. Question Time definitivman anba nou Standing Orders i dir to the MinisterBut it is not Question Time la. I en Mosyon ki’n ganny anmennen pour fer Lasanble turn into the Committee Stage e i parfetman an regilasyon avek nou Standing Orders.  So si nou annan leklersisman pour nou fer, nou ava zwenn, nou ava eklersi sa.

Me parey mon’n dir mwan mon krwar nou anliny avek nou regilasyon, nou pa pe al an defo ditou.  Mersi.

 

MR SPEAKER

Tre byen. Okenn lezot entervansyon avan mon pran en desizyon.  Okenn dimoun i anvi fer okenn lentervansyon.  Wi Onorab Ramkalawan.

 

HON WAVEL RAMKALAWAN

Petet Mr Speaker zis mwan ava osi zis adres sa ki Onorab Pillay in dir. The Motion. The wording of the Motion i osi dir ki nou demande’’…Lasanble i demande ki atraver Glenny Savy koman CEO, i vin devan Lasanble pour donn serten detay ek leksplikasyon.’’ Sa i dan Mosyon sa.  E sa i ganny back up by Standing Order 79. Kot i dir kot letan ‘’… a Member desires that the matter be considered in a Committee of the whole Assembly, the Member may move without notice that the Assembly shall immediately or on a future sitting. ‘’

E the fact ki the Motion i demande ki i vin devan Lasanble, mon’n senpleman pe swiv Order 79 pour dir ki imedyatman, i vini pour li fulfill, the spirit of the Motion. So basically Mr Speaker, mwan mon krwar annou, si tousala, si nou pe vin en pe pedantic, parey Onorab Hoareau in dir petet pa neseserman Onorab Hoareau me plito Onorab Pillay. E nou’n ofer en solisyon se Order 91.  E ou Mr Speaker donn nous a solisyon.  En final word, e non, nou bouze.

 

MR SPEAKER

Mwan a donn ou mon solisyon. Ou konnen, mwan en dimoun ki’n touzour dir I am always learning.  E mon parey Prezidan Barrack Obama ler mon’n fer en fot, mon dir sorry, I screwed up.  Ou konnen pour dir i annan moman kot nou’n fer serten desizyon sirtou an se ki konsern lapwentman en Minis Pamela Charlette – i pa en sekre kot mon’n ganny bokou kritik lo Facebook and I leaned with it, e mon’n riye mon’n aksepte.  Nou dan en sityasyon kot nou annan de kan lopinyon.  Mon konpran, mon pe, in fact get Order 79 dan Standing Orders, Article 79 dan Standing Orders devan mwan.  Mon pti liv i mars ek mwan, touzour mon antre dan Lasanble.  Me i malere ki Chair Standing Orders Committee pa la koman en avoka pour gid mwan.  E alor I rule as such; Ki apre midi Chair Standing Orders Committee ki osi chair Modernization and Reform Committee, i zwenn ek son Komite pour gid mwan as to what is the best way forward.  Mon eskiz Mr Savy ki ou’n plase, e ou’n deplase, ou’n vini.

Ler mon’n ganny gide par sa Komite, nou a deside ki mannyer pour proceed, e nou a rezwenn 9er bomaten Mardi prosen. This is my Order. Nou adjourn la.  Nou a esper, nou a ganny gidans avek Mr Georges, and we will take it up from there.  Nou a rezwenn.  Yes Onorab Ramkalawan.

 

HON WAVEL RAMKALAWAN

Eski sa pa kapab ganny fer pandan lunch break? I mean parski nou pe…

 

MR SPEAKER

Nou kapab, nou kapab ganny fer pandan lunch break.

 

HON WAVEL RAMKALAWAN

Akoz pa fer pandan lunch break e nou…

 

MR SPEAKER

Mwan mon free. Mon free apre midi. Si sa i kapab ganny fer pandan lunch break, e ki mon ganny en clear gidans ki nou annan konsansis lo nou Matter of Procedures, mon napa okenn langazman apre midi.

Mon la dan mon biro, san mon palto, mon a remet mon palto, mwan a desann.  Mon demande ki Mr Georges i fer son meeting avek Standing Orders Committee konzwentman avek Reform and Modernization Committee.  Nou tonm dakor lo en way forward. E si nou ganny en solisyon 2er nou a rezwenn.  Si nou pa ganny en solisyon still 2er nou a rezwenn pour mwan dir zot ki desizyon mon’n pran.

Avek sa nou adjourn ziska 2er apre midi.

 

(BREAK)

 

MR SPEAKER

Bonn apre midi tou dimoun. Nou kontinyen parey mon ti dir zot nou a pran en desizyon lo deba ki nou ti fer bomaten.  E mon’n konsilte sa ki devre ganny konsilte.  E mon krwar nou pour kontinyen parey Onorab Ramkalawan in propoze.  Lakor Leader Government Business.  E toudswit mon krwar si prosedir i dwat nou ava apel Mr Glenny Savy. Nou pa ankor vote. Alright. Ok. Lets take the…Onorab…en pti moman, en pti moman, Onorab Larue ou ti’n demann pour, ou ti’n second the Motion, e ou ti anvi dir 2 mo.  Ou ti anvi dir de mo konmsi pour ou lo apre ki ou’n second the Motion? Be petet nou pa devret tonm dakor lo sa fason ki nou pe prosedir as propose by the Leader of Lopozisyon?

 

HON WAVEL RAMKALAWAN

Mr Speaker, yes nobody speak at this point. The Motion is for us to move into Committee.  Nou antre dan Committee, Mr Savy i vini, nou kestyonn li, nou koze, nou enterakte avek li, i donn nou son statement baze lo sa ki, lo sa ki nou’n tonm dakor, e apre sa, then the Committee, then the Assembly will reconvene into the whole Assembly and then.   

 

MR SPEAKER

So we vote to into Committee Stage? Can we agree.  Tou bann ki dakor lev zot lanmen?

Ok. Nou annan mazorite ki dakor, Mr Rose.  Yes Onorab De Commarmond.

 

HON CHARLES DE COMMARMOND

Mr Speaker nou bezwen sispann Standing Order avan non?

 

MR SPEAKER

Go on Mr Onorab De Commarmond.

 

HON CHARLES DE COMMARMOND

Non mon dir. Ou pe move anba 91, (1) ou.

 

MR SPEAKER

Non, non mon pe al lo 79, (1) avek, mon pe konbin li avek 7, 91 is it 91, 95, sorry, 95. Ya. Yes. 3. Ya. Ok? So nou’n dakor, nou’n vote pour al into Committee Stage. Mr Rose please do the necessary.  E la nou envit Mr Savy ki mon espere i la akoz mon ti dir li definitivman nou pour zwenn 2er nou pour… I am going to rule ki nou ekout li. So silvouple si ou ti kapab apel li.

E mon krwar in vin avek son PRClerk.  Napa obzeksyon si son PR i asiz in Chambers. Ok? Mr Rose the sergeant has offered to check the dress code.  Is there any objection to Mr Savy dress code. I think its okFine Mr Savy can you please take a sit.  Is your PR coming with you or not coming with you.  Please sit down.  Mr Savy mon ti a kontan welcome ou dan Lasanble apre midi.

Ou konnen mannyer Mosyon ki’n… ou’n okouran, ou ti dan Holding Room.  Ou’n tann nou bomaten pe koze, e ou’n vwar Mosyon ki’n ganny propoze par Leader lopozisyon, Leader Lopozisyon in deza fer en lentrodiksyon. Would it be appropriate la prezan pour les dimoun ki’n second the Motion to speak? Tell me what is the next step then.

 

HON WAVEL RAMKALAWAN

Ok. The next step Mr Speaker, se mwan koman mover Mosyon mwan ava envit Mr Savy tout an swetan li labyenveni dan nou Lasanble pour li entrodwir sa size.  E petet zis pour enform li ki rezon ki nou’n santi ki i enportan pour li vin dan Lasanble i anliny avek sa ki sa deklarasyon ki Mr Faure ti fer dan Lasanble konsernan konstriksyon kot IDC pe ganny demande lannen prosenn pour aret sa fonksyon konstriksyon, me pour focus lo travay zil.  E nou dan sa Lasanble, nou anvi konn en pe plis lo sa biznes konstriksyon ki atraver Green Island Construction, e tou bann lezot satelit pour nou kapab koman en Lasanble letan nou ava ariv moman pour nou fer serten rekomandasyon, e nou anvi regard li osi an relasyon avek the cost of construction ki mannyer sa i kapab osi ede pour fer desann pri lavi, e pour bann dimoun benefisye.

So tou keksoz ki annan pour fer avek konstriksyon. E zot involvement koman IDC, pour nou kapab ganny en nide pli kler avan ki nou fer okenn rekomandasyon.  Mersi bokou.

 

MR SPEAKER

Mon krwar tousala i a sorti atraver bann enteraksyon ki pour annan avek bann Manm, me eski nou tonm dakor ki Mr Savy i koze avan ki sa dimoun ki’n second the Motion.

Bon Mr Savy, that having been clarified to the Speaker who is an adult learner la parole est a vous.

 

MR GLENNY SAVY

Mr Chairman, Manm Lasanble Nasyonal, tou dimoun a lekout bonn apre midi.

Mr Chairman mersi pour sa loportinite ki Lasanble Nasyonal in akord IDC, pour permet nou vin donn serten leklersisman lo travay ki sa Lakonpannyen Paraetatik i fer dan sekter konstriksyon lo en baz komersyal. Avan al pli lwen. Mon ti a kontan anmenn serten leklersisman lo deklarasyon ki Prezidan Faure ti fer letan i ti adres Lasanble le 27 Zilyet, kot i ti dir ki Gouvernman i krwar ki le moman in arive pour IDC sorti dan sekter konstriksyon e konsantre plis lo son manda pour devlop bann zil.  E ki i annan ziska lafen lannen prosenn pour fer sa.

Swivan son Diskour mon’n rod en pti pe plis leklersisman avek Prezidan lo sa size.  E mon kapab konfirmen avek Lasanble ki prezidan ti oule dir bann aktivite konstriksyon ki IDC i fer lo en baz komersyal atraver Green Island Construction, GICC.  Sa i bann proze ki nou fer lo Mahe, lo Praslin, e La Digue.  Savedir IDC pour kontinyen fer konstriksyon lo bann Zil Elwanye, enkli Silhouette e sa i anliny avek nou manda pour devlopman zil.

Mr Chairman permet mwan komans mon prezantasyon avek en leksplikasyon lo ki mannyer Green Island Construction ti formen.  Annefe, travay konstriksyon pa nouvo pour IDC.  I annan 37an ki nou pe fer konstriksyon lo bann zil. Nou’n fer depi airfield, lotel, semen, lasose, guesthouse, lekol, klinik, villa, bann lenstalasyon ek stasyon stokaz petrol, delo ek desalinasyon menm avan ki Mahe ti konn desalinasyon. Zenerater ek distribisyon elektrisite, tretman delo sal.  Sistenm kominikasyon par satelit osi renovasyon bann batiman istorik, tel ki bann Grand Kaz Kreol eksetera, eksetera. Apepre 5an pase, ti annan en kontrakter Sinwan ki ti’n ganny en tender avek Gouvernman pour fer en travay kot Independence House.

Zot ti’n komans sa travay, me travay pa ti pe bouze e sa kontrakter ti pe ganny difikilte pour fini sa louvraz.  Finalman sa kontrakter Sinwan ti enform Minister ki I pa pour kapab fini sa proze e la Minister ti kontakte IDC pour demann IDC, si nou pa ti a kapab ed zot akoz tou bann lezot dimoun ki zot in kontakte pour finis a proze ti pe demann zot en kantite larzan, en fortin. Larzan ki bann kontrakter ti pe demande ti bokou.  Plis ki sa Minister ti annan dan zot Bidze pour fer sa proze.  Travay lo sa bann biro, bann toilet ti ase irzan, e donk nou ti ofer pour ed sa Minister. Sa Lakonpannyen Sinwan ti alor subcontract IDC zot menm pour fini sa louvraz.  Ki nou ti fini avek larzan ki nou ti reste, e ki Gouvernman pa ti ankor pey sa Lakonpannyen Sinwan.

Sa Lakonpannyen ti’n pran en deposit ki zot ti’n al avek.  E nou, nou ti fini sa proze avek sa larzan ki ti reste. E ler proze ti’n konplete, tou dimoun ti realize ki nou’n fer en bon travay, son kalite ti lo en o nivo, e nou’n konplet sa proze, dan en letan ase kourt.  Se apartir la ki nou ti ganny sa repitasyon quality on time.  Ki finalman ti vin nou motto.  E mon kapab konfirmen avek Lasanble ki menm avek sa larzan ki ti reste, nou ti sorti avek en profi rezonnab.

Apartir la, Gouvernman ti demann nou le fe ki nou’n demontre nou konpetans e kapasite. Si nou pa ti a konsidere ed zot avek bann lezot lenfrastriktir ki bezwen fer renovasyon.  Mon ti al kot mon board IDC avek sa demann, e board ti napa okenn obzeksyon – sirtou le fe ki Gouvernman ti propriyeter IDC.

Sel direktiv ki board ti donn management IDC, se ki i ti a preferab ki nou pa fer li koman IDCBoard ti prefere ki nou gard bann aktivite zil separe, e ki nou kree en lakonpannyen spesifikman pour fer konstriksyon lo Mahe e lo bann zil pros.  Rezon prensipal pour sa, se ki si IDC ti pour partisip dan bann proze konstriksyon komersyal nou ti pour ganny serten lavantaz lo lezot lakonpannyen konstriksyon.  Sa i akoz IDC i benefisye avek serten konsesyon anba Lalwa.

Par egzanp Tax ki IDC i peye lafen lannen lo son profi i 15 poursan, akoz sa bann kalite kategori aktivite ki i fer.  Si ou pran en lakonpannyen konstriksyon, li i pey 30 poursan Tax lo son profi. Alor sa i deza en lavantaz 15 poursan ki IDC i gannyen konpare avek en Lakonpannyen Konstriksyon.  E nou pa ti oule servi sa konsesyon pour fer konpetisyon dan Sekter Konstriksyon.  Alor anliny avek en prensip latransparans, rann kont, e fair play, Board ti deside gard sa de aktivite separe.  E sa la ki GICC an realite ti ganny kree.

Me pour nobou fer sa aktivite konstriksyon komersyalman lo bann zil pros, bann Lartik lasosyasyon IDC ti bezwen ganny amande. Premyerman Board ti fer rekomandasyon pour fer en lamannman akoz bann aktivite konstriksyon lo Mahe ek bann zil pros, pa ti enkli dan tou nou Lartik lasosyasyon.  E ler Board ti’n donn son laprouvasyon nou ti al kot shareholder ki Gouvernman pour sa laprouvasyon e konfirmasyon.

Shareholder reprezante par Minister Finans, ti siny sa dokiman pour amann Lartik pour amann pardon, Lartik lasosyasyon IDC pour permet nou fer sa bann aktivite konstriksyon lo Mahe, Praslin, e La Digue.  GICC son manda prensipal se pour fer bann proze pour Gouvernman.  Me nou osi ed nou bann travayer avek konstriksyon zot lakaz sirtou bann ki lo zil.  Nou ed zot akoz i difisil pour zot deal avek bann kontrakter lo en baz regilye dan en peryod konstriksyon e ler zot pe travay lo zil.

E an plis ki sa, GICC i fer plizyer proze lakaz prive.  Sa i plito bann gro proze, e non pa bann proze ki normalman bann pti kontrakter pour fer. E le fe ki nou’n kree en Lakonpannyen konstriksyon, i enportan pour kontinyelman annan travay.  E pour kapab travay avek lefikasite, ou bezwen annan serten poursantaz pour bann proze ki bann gro Kontra e serten poursantaz bann proze mwayen. Akoz an fezan sa i donn ou en meyer rannman lo ou profitabilite e lo mannyer ou servi ou lekipman e ou mendev.  E sanmenm sa rezon nou fer en pti pe dan tou lede. An plis ki sa nou en Lakonpannyen ki servi en kantite servis bann sou kontrakter.

I annan en kantite keksoz ki nou pa fer nou menm.  Par egzanp nou pa fer piling. Ler nou annan pour transport en gran kantite disab, nou servi bann pti kontrakter, bann pick up, e nou servi masin ki nou lwe avek bann pti kontrakter. E mon sir ki i annan en kantite pti kontrakter ki ava dir, ki ava dir ou ki zot apresye ki sa bann travay zot gannyen avek GICC.

Me nou pa zis fer travay bann pti, travay bann pti kontrakter. Me osi bann Lakonpannyen ki fourni lekipman e materyo konstriksyon.  I annan bann gro lakonpannyen, me i annan bann pti lakonpannyen osi. Mr Chairman, mon ti a kontan prezan abord sa size PPP (Public Private Partnership).  PPP an realite set en konsep ki ganny servi enternasyonalman pour bann proze ki Gouvernman zeneralman i fer avek sekter prive.  Si ou fer en pti resers lo Internet, zot ava trouve lakantite proze PPP ki ganny fer dan lemonn antye. E dan diferan form.  E mon pour osi dir ki i pa zis avek sekter prive akoz i osi enkli bann proze ki bann Gouvernman i fer avek son bann Lakonpannyen Paraetatik.  I osi kapab annan proze ant en Gouvernman ek en Lakonpannyen kot Gouvernman i annan share dan en Lakonpannyen prive.

Donk sa konsep PPP an realite sete, nou Green Island Construction ki ti apros Gouvernman pour fer enn de proze.  Rezon sete akoz atraver bann meeting ki nou’n fer avek Gouvernman, nou ti realize ki Gouvernman ti annan serten limitasyon pour li ganny sifizaman kapital pour amelyor son bann lenfrastriktir.

Nou ti osi fer resorti avek Gouvernman, ki sa i a donn nou en nide ki mannyer PPP i kapab marse dan konteks Sesel. I a osi permet nou konnen ki bann difikilte e ki bann lavantaz ki annan.  Alor nou ti diskit avek sa Minister, pardon, avek Minister Finans, e bann L’Egzekitif dan Gouvernman.  Pour le moman se zis GICC ki’n fer PPP dan sa fason.  Mon okouran serten proze Gouvernman in fer avek sekter prive.  Par egzanp pour bann lenfrastriktir semen, pon eksetera endirekteman i en PPP.  Me i pa en PPP ki nou, nou ti’n fer, si sa ki nou’n fer i en PPP kot sete nou ki’n al pret larzan avek labank pour fer sa bann batiman, ou sa bann renovasyon e apre nou lwe li avek Gouvernman.  Repeyman ki Gouvernman i fer tou le mwan i reprezant sa kapital e lentere ki nou re-peye, ki nou re-pey labank e zour sa loan in fini ganny peye sa batiman i retourn pou Gouvernman.  E sa bay i ganny re-transfer lo Gouvernman.

Ti annan de rezon akoz nou ti fer sa apard nou travay konman CEO IDC mon ti osi ganny demande pour asiz lo plizyer Komite dan Gouvernman. Dan bann rankont ki nou ti fer nou ti realize ki Gouvernman i annan en problenm lenfrastriktir. Premyerman plizyer lenfrastriktir ti vye.  E dezyenmman ti annan en mank lenfrastriktir. Me problenm sete Gouvernman li menm ti napa sa Bidze Kapital tou- le-z-an pour kapab batir lenfrastriktir ki i ti bezwen, e lakantite ki i ti bezwen. E annou pa oubliye Prezidan menm ti fer resorti dan son diskour dan Lasanble kot i ti konfirman konmkwa ki IDC ti ganny demande pou antre dan konstriksyon lo en baz komersyal.

Mr Chairman mon ti a kontan a sa pwen donn en pe plis detay lo sa subsidiary ki tonm anba GICC.  Pli boner mon’n koz lo rezon det Green Island Construction.  An realite i annan de lezot Lakonpannyen ki i pou GICC.  Sa se Green Oak Investment e Green Tree Investment. Sa 2 Lakonpannyen ti ganny kree par Green Island Construction pour zot fer serten proze spesifik, akoz bann labank ki ti finans sa bann proze ti anvi vwar en Lakonpannyen ki asosye avek en proze.  E alor tou bann garanti tou bann loan eksetera, i spesifik avek sa Lakonpannyen.  I osi pli fasil pou gard kont pour en proze spesifik.  Me ownership sa 2 investment companies, i reste 100 poursan pour Green Island ki i vedir 100 poursan pour IDC e alor donk 100 poursan pour Gouvernman Sesel.

Green Island Construction set en Lakonpannyen Konstriksyon, i pa en Lakonpannyen envestisman. Alor larzan ki Green Island i pret avek labank de tanzantan i pirman pour finans son cashflow, pour finans son lekipman eksetera, me pa pour finans lenvestisman. Sa se sa de investment companies ki fe sa lenvestisman.  Green Tree ki kre pour fer, ti ganny kree pour fer Independence House, batiman ansyen Lakour D’Apel e proze Condominium lo Perseverance. Tandis ki  Green Oak li i ti envestir dan renovasyon ansyen Lakour Siprenm. Finansman pour Independence House ek Lakour D’Apel in fer par Nouvobanq e proze Condominium in ganny fer par Labank Komersyal.

Tandis ki Lakour Siprenm Green Oak in prêt larzan avek MCB.  Nou ti bezwen kree sa de lakonpannyen pour kapab permet byen sa lakonpannyen pour servi konman garanti pour labank.  Permet mwan Mr Chairman pour donn en pe plis detay lo lafason ki sa i marse. Gouvernman i annan en bout later, oubyen en vye batiman. Parey dan leka Independence House, ansyen Lakour D’Apel ek ansyen Lakour Siprenm.  Sa bout later kot sa batiman i ete i ganny lwe atraver en bay atraver avek Gouvernman pour en peryod letan spesifik.

E dan nou ka sete ant 10 a 30an depandan lo lekel proze.  E depan osi lo sa sonm larzan osi ki ganny prete pou fer sa proze.  E sa bann bay se lo non Green Oak e Green Tree.   Ankor enn fwa mon repete ki 100 poursan pour GICC, donk 100 poursan pour IDC e donk finalman 100 poursan pour Gouvernman.

Pour legaliz sa tranzaksyon evidaman fodre ki sa bay i ganny fer pour en konsiderasyon finansyel.  E dan nou ka i ti ganny fer pour 1Roupi. Sa prezan i permet labank pran son garanti lo sa later e sa batiman atraver sa bann investment companies. Ler konstriksyon in fini Gouvernman, lwe sa batiman avek Green Tree e Green Oak.  Sa larzan ki Green Tree e Green Oak i resevwar koman lokasyon, i al kot labank toudswit pou pey sa loan ek son lentere.

Lagreman ant Green Tree, Green Oak, Gouvernman avek labank, se ki o moman ki sa loan i fini re-peye avek son lentere, Labank i tir sa garanti lo sa later, sa bay i ganny retourn kot Gouvernman, Green Tree e Green Oak i sorti konpletman ladan.  E ankor enn fwa pour legaliz sa tranzaksyon nou pey en sonm 1 Roupi pour re-transfer sa propriyete lo non sa bay lo non Gouvernman. Nou konnen Green, nou koman Green Tree, Green Oak, Green Island nou pa kapab pran sa batiman pour nou vann ouswa vann sa later.

Nou pa kapab fer li akoz i dan sa lakor ki nou’n fer.  Sel keksoz ki nou ti kapab fer se si demen Gouvernman i aret lwe sa batiman avek nou, e i ankor annan en det avek labank la nou kapab pran sa batiman lwe li ziska ler sa loan i ganny re-peye.  Donk se pa en asset ki vin pour nou i pa rantre dan liv IDC.

Mon ti a osi kontan azoute ki tou nou bann kont i ganny odite tou-le-z-an par bann oditer endepandan. E dan nou ka se Pool and Patel ki odit nou bann kont.  E tou sa bann kont i ganny konsolide dan kont GICC.  E kont GICC e kont GICC i ganny konsolide dan kont IDC parey Lalwa i ganny demande. Donk a nenport ki moman ki en dimoun i pran kont IDC i kapab war klerman tou bann tranzaksyon sa bann Lakonpannyen.  Mr Chairman en lot gro proze ki Green Island Construction pe fer an se moman se proze Condominium lo Perseverance.

Letan nou ti  komans sa diskisyon avek Minister responsab pour Lakaz, zot ti dir nou ki Gouvernman pa bezwen met bokou lanfaz, ti’n deza met bokou lanfaz  -pardon, lo lakaz social housing. Me lo lot kote i annan en kantite dimoun parey bann graduates ek profesyonnel e First Time Home Buyers ki ganny en pe plis larzan. Zot pe demann en lakaz en pe pli gran e zot pare pou pey en pe plis. Donk Gouvernman ti diskit avek nou lo proze Condominium e nou ti dakor pou fer li.  En konponan sa proze i bann apartman deliks kot pour annan 3 block 3 building e i annan 10 Blok, 10 building pour bann First Time Home Buyers.  Profi ki nou pou fer lo sa 3 luxury blocks se pou ed nou sidvansyonn sa bann lezot 10 Blok pour bann first time home buyers.

Annefe Mr Chairman bann lezot labank prive ti anvoy en quantity surveyor prive pour al fer en evalyasyon lo sa bann apartman; akoz se zot ki pou donn loan bann First Time Home Buyers. En apartman 3 lasanm dan sa proze pe kout sa First Time Home Buyers 1.5milyon roupi dan son evalyasyon sa QS ti evalye en sa apartman 3 lasanm pour R4.3 milyon. Tandsi ki bann lasanm, bann lasanm ki pe vann pour 1.2 milyon, pe ganny evalye pour R2.9 milyon. E sa sete en evalyasyon lavaler aktyel lo marse ki labank i servi pour donn sa bann First Time Home Buyers  zot loan.

Mon ti a kontan fer resorti ki GICC i ganny garanti avek Gouvernman, ki menm si desizyon pour pran pou ferm sa Lakonpannyen, i pou kontinyen avek sa proze Condominium ziska ki i konplete. Mr Chairman lo size Independence House Annex plizyer Manm Lasanble in deza fer propozisyon ki Gouvernman i kapab trouv larzan pour re-pey det lo sa batiman en sel kou.

Gouvernman i kapab fer sa demen bomaten si i oule, me selman fodre pran kont ki Gouvernman pour bezwen donn en garanti letan pour fer sa loan.  E si sa i pour afekte son progranm reform ekonomik ki in tonm dakor avek IMF.  Sepandan lavantaz se ki si i re-pey sa loan pli boner, evidaman Gouvernman pour pey mwens lo lentere.

Me eski Gouvernman i annan sa Bidze Kapital pou fer sa?  Larezon ki in fer sa PPP se ki i napa sifizaman Bidze pour Capital Projects an zeneral. Si Gouvernman pour depans laplipar son Bidze Kapital lo zis enn ou de proze par an, i pour ganny, pour annan difikilte pour fer bann lezot Proze Kapital pandan sa lannen an kestyon.  Pour nou, se a dir nou GICC, IDC i en fardo ki ti pou sorti lo nou.  Akoz otan ki sa building pa ankor ganny re peye, nou annan en lobligasyon anver labank pour antretenir sa batiman an bon leta.  E pandan ki sa building pe ganny lwe, zour nou ava’n fini pey sa loan lo sa building la nou kapab sorti e en lot dimoun i kapab antre pou fer sa maintenance.  Me ti en bann, sa ti en bann kondisyon labank ki pandan ki sa loan i an fors bann batiman i bezwen ganny antretenir.  Savedir GICC i annan lobligasyon anver labank pour fer maintenance lo sa bann batiman ziska loan in ganny fini ganny peye.

Mon ti a kontan aprezan dir enn de mo lo kestyon garanti.  I annan sa ki nou apel en guarantee period ki anfors pandan 1an apre ki nou’n fini en batiman.  Setadir nenport ki Kontra ki nou’n fer pandan premye lannen ant 2.5 a 5 poursan lavaler sa Kontra i ganny garde par sa kliyan. Nou apel sa en defects liability period.  A lafen sa 1 an si napa okenn defo avek proze ou si kot in annan defo in ganny rektifye,  sa balans larzan swa ki sa 2.5 ouswa 5 poursan i ganny peye avek kontrakter – setadir nou menm.  Setadir sa defects liability period in fini e kontrakter nou ganny nou dernyen tyek.

Dan le ka striktirel setadir striktir en batiman, i annan Lalwa ki dir ki malgre ki defects liability period in fini ou annan en peryod ziska 10an kot kontrakter i responsab pour lentegrite striktirel en batiman ki’n fer. Savedir si demen in annan defayans dan striktir sa batiman, nou konman kontrakter, nou annan responsabilite anba Lalwa pour fer rektifye sa bann defayans e sa set en keksoz ki bokou kontrakter pa onore.  Mr Chairman, nou’n swiv avek deliberasyon avek lentere Lasanble Nasyonal sirtou lo bann size kot bann Manm zot in koz lo IDC e GICC.  Parmi bann konsern ki’n lev-e dan deliberasyon, se sa size tender pour bann proze ki GICC in fer atraver PPP.  I vre ki napa tender pour sa bann proze Independence House Annex, renovasyon ansyen Lakour D’Apel ek ansyen Lakour Siprenm.  E rezon ki i ti napa tender se ki Sesel pa ti ankor annan li en striktir legal pour bann proze PPP.  E se sa bann proze ki nou’n fer avek Gouvernman pour nou vwar ki nou kapab… tou bann difikilte, ki bann problenm, ki bann kontrent ki nou kapab ekspekte anba en PPP.

Nou’n pas dan en learning curve nou’n partaz sa leksperyans avek Gouvernman e an fonksyon sa ozordi i annan bann konsiltan ki pe ed Gouvernman pour drafte bann Lalwa ek Regilasyon PPP.  Alor o moman ki sa i a pase tou bann PPP an prensip i devret ganny fer atraver sa nouvo prosedir tender ki ava diriz PPP.  Mr Chairman nou’n tann bokou koze lo pri konstriksyon dan pei.  Mon krwar ki nou tou nou bezwen aksepte se ki pri konstriksyon in desann depi ler ki GICC in vin lo market.  Me parey lotrozour mon ti dir dan en interview avek lapres se pa zis GICC ki’n fer desann pri konstriksyon i annan en kantite lezot keksoz ki afekte pri konstriksyon.

 

MR SPEAKER

Mr Savy mon zis sinyal ou ki ou’n koz pour 30 minit.  Mon krwar i pou annan dimoun ki pou demann leklersisman.  So maximum 15 minit ankor ou annan pou sey fer ou Statement.

 

MR GLENNY SAVY

Mon krwar in fini Mr Chairman.

 

MR SPEAKER

Ok.

 

MR GLENNY SAVY

Mersi, premyerman i annan lavaler foreign exchange vizavi Roupi akoz…

 

MR SPEAKER

Koz en pe ti pli for, oubyen koste ou microphone silvouple, mersi.

 

MR GLENNY SAVY

Ok mersi byen Mr Chairman, premyerman i annan lavaler foreign exchange vizavi roupi akoz laplipar nou bann materyo konstriksyon i enporte. Donk pli nou larzan i devalye pli nou pri konstriksyon i vin pli ser. An roupi akoz nou bezwen plis roupi pou enport sa bann materyo. Siman i ganny enporte, dibwa i enporte, klou, tol, lapentir eksetera, en kantite keksoz i ganny enporte sa set en premye eleman.

2enm eleman laplipar nou bann travayer dan sekter konstriksyon ki swa avek nou oubyen avek sekter prive i bann travayer ki etranze.  Akoz i annan tre pe travayer Seselwa ki travay dan konstriksyon ozordi.  Donk sa i osi i zwe en rol akoz si ou pe pey en travayer etranze ou byen 400 oubyen 500 Dolar par mwan si lavaler roupi i tonbe sa lakantite Roupi ki ou bezwen pour peye, pey sa dimoun i ogmante.  Trwazyenmman se bann pri materyo konstriksyon lokalman par egzanp makadanm, blok eksetera si i monte oubyen desann i pou afekte pri konstriksyon. Resaman in annan en bes dan pri materyo konstriksyon ki prodwi lokalman, me fodre pa bliye ki resaman osi in annan Dolar ki ranforsi e en kantite materyo enporte pour monte. Mon krwar kot GICC in zwe en rol se ki ler nou’n vin lo marse nou’n vin en Lakonpannyen an plis e nou’n vin en remarke ki dan bann tenders kot dimoun i krwar ki GICC pe vin partisipe nou’n vwar ki pri in ki zot in ofer in tonbe.

I annan menm sityasyon kot GICC in met tender nou pa’n ganny, bann lezot lakonpannyen ki’n avan ki avan zot pri ti 2 fwa plis, pli ser in ganny kontra e nou, nou pa ti gannyen.  I vedir ki sa Lakonpannyen ti annan bezwen pour li travay e in bes son pri pour li kapab ganny sa travay pou kouver son bann depans.  Se la kot GICC in zwe en rol.  Si GICC ti’n antre lo marse e in ti’n servi menm kou tou bann lezot Lakonpannyen ti pe servi pou fer konstriksyon GICC pa ti pou gannyen Kontra.  Alor si GICC i sorti dan konstriksyon sa eleman ki pe ed pou stabiliz pri pou sertennman disparet e nou kapab ekspekte ki pou annan en logmantasyon dan kou konstriksyon dan pei.

E Mr Chairman mon ti a kontan asir Lasanble ki GICC pa manm okenn cartel dan Lendistri Konstriksyon. Legzistans bann pri egzorbitan dan sa lendistri i tre kler e mon pou donn en ka classic kot nou ti pe rod en sou kontrakter pou fer en travay spesifik pou fer en proze ki nou ti pe fer.  Nou lof pli ba ki nou ti gannyen ti 1milyon Dolar pou fer sa travay.  Ler nou ti dir nou pa pou aksepte e si neseser nou a fer vin en lakonpannyen etranze pou fer sa travay pri ti desann pou vin 600mil Dolar pou menm kantite travay.  Alor ki i vedir?  Oule dir mwan en dimoun i annan en maz profi plis ki 40 poursan pour li zwe avek?

Alor kestyon ki nou bezwen demann nou lekor, se dan ka kot Gouvernman atraver son bann Lakonpannyen Paraetatik i ganny vwar pe fer konpetisyon avek sekter prive, eski sa i dan lavantaz pei oubyen non?

Si Gouvernman i determinen demen, ki sa i pa dan lavantaz Sesel nou pa pou kontinyen.  Me si i determinen ki dan en Sekter Paraetatik prezans en Paraetatik i dan lavantaz pei e pep Seselwa ki swa pou stabiliz pri ki swa pou etabli standar, ki swa pou garanti serten fasilite, e ki sa i dan lentere piblik i  responsabilite Gouvernman pou fer li.

Eski lopital par egzanp pa an konpetisyon avek bann dokter prive?  Eski savedir nou aret annan en servis lopital e nou dir sekter prive fer li?  Non.  Mon krwar ki lopital ek bann Dokter prive, Dantis ek lezot profesyon dan Lasante i travay an kolorasyon. I annan plas pou tou dimoun. Mr Chaiman, GICC parey IDC i ganny sipervize par PEMC, Public Enterprise Monitoring Commission. Parey mon’n mansyonnen pli boner bann kont GICC i ganny konsolide dan kont IDC ki apre i ganny soumet avek bann lenstans ki spesifik anba Lalwa, ki spesifye anba Lalwa.  Me mon ou le osi fer kler, ki tou kont bann subsidiary IDC set a dir Green Island, Green Tree e Green Oak i ganny fer endividyelman, me answit i ganny konsolide dan kont IDC parey Lalwa i demande.  E tou le mwan IDC e GICC i soumet son bann kont avek PEMC. E pour lenformasyon Lasanble mazorite kontribisyon Corporate Social Responsibility CSR, IDC e GICC i al anver Konservasyon lo bann Zil Elwanye. Nou CSR pour nou dernyen lannen fiskal ki Avril 2016 a Mars 2017 i le swivan. Baze lo 0.5 poursan nou reveni IDC ti pey en total 1milyon R543mil  lo en reveni R308, 736. Tandis ki GICC ti pey R580, 936  lo en reveni R116, 187, 63.  IDC ti osi pey 771mil roupi direkteman avek Konmisyon Reveni e GICC 290mil ekek roupi.  An plis ki sa IDC ti donn R25mil avek Federasyon Foutbol, R7, 920 roupi avek Klib Volleyball Premium Spikers e R7, 700 avek Fondasyon bann Zanfan. Tou le 3 organizasyon i annan zot Serifika CSR.  E parey mon’n dir pli gro porsyon CSR tax i al anver Island Conservation Society pour bann Progranm Konservasyon lo bann zil.  E pandan dernyen lannen finansye IDC in donn 731mil ekek roupi ICS e GICC in donn 290mil roupi ekek. E Komite Zil in vwar ki ICS pe fer lo bann zil pandan zot vizit.

 

MR SPEAKER

Sey round-up Mr Savy 5 minit.

 

MR GLENNY SAVY

Pa reste bokou Mr Chairman.

 

MR SPEAKER

Ok.

 

MR GLENNY SAVY

Green Island Construction Company i osi annan lezot kontribisyon sosyal ki i fer dan nou kominote, ki parfwa nou pa ni menm fer piblisite lo la.  Mon’n mansyonnen pli boner ki GICC in travay bokou lo lenfrastriktir Leta.  Ki swa bann biro Gouvernman, Lopital, Mize eksetera e sa prensipalman atraver bann PPPs, me apard sa GICC konman lakonpannyen ki sosyalman responsab nou’n fer plizyer travay pour bann lekol, nou’n konstri Bus Stop e nou’n fer travay avek bann lasosyasyon.  I pa vedir ki IDC pa fer me GICC lefet ki i annan sa lavantaz konstriksyon lo bann zil prensipal nou’n partisip dan bann aktivite atraver sa fason.

Mr Chairman pandan sa peryod ant 27 Zanvye 2013 ziska 30 out 2017 Green Island Construction i fer en total 127 proze.  Parmi i annan 8 proze kot nou’n konstri lakaz pour staff IDC 31 Kontra prive,41 proze komersyal, 54 proze pour diferan Minister e nou’n osi fer 3 PPP avek Gouvernman.  Mr Chairman malgre ki in propoze pour Green Island Construction aret son bann aktivite set a dir nou pa kontinyen fer konstriksyon apartir 2019 lo marse lokal i pa vedir sa Lakonpannyen pou ferm konpletman.

Sa i annan serten lobligasyon legal ki in angaz li ladan.  Par egzanp lo sa bann batiman kot nou fer PPP, nou langazman anver labank ziska ler zot loan in ganny re-peye.  Ler nou’n dir…

 

MR SPEAKER

3 minit Mr Savy.

 

MR GLENNY SAVY

Pardon Mr Chair.

 

MR SPEAKER

I reste ou 3 minit pour 3er pou ou arete.

 

MR GLENNY SAVY

Mersi.  Ler nou dir maintain bann batiman nou pe koz 3 ou 4 travay ki ganny anploye par GICC pou fer sa bann maintenance.  E evidaman apre osi i annan kestyon ki pandan 10an nou annan en responsabilite legal ki fer sir sa striktir  sa bann batiman i toutafe korek.

Donk malgre ki nou pa kontinyen avek bann nouvo aktivite konstriksyon, me sa Lakonpannyen pou bezwen reste ziska sa pti bout i ganny fini e pare sa Board IDC a pran en desisyon pou de anrezistre sa Lakonpannyen GICC si i neseser.  Mr Chairman klotir GICC pour annan en lenpak finansyel lo IDC akoz premyerman GICC in envestir dan lekipman, in envestir dan en serten fasilite ki nou’n aste e sa bann assets si nou arete  konpletman i pou nepli zener en reveni. Ki vedir swa nou pou bezwen vann ouswa bezwen servi lo bann lezot proze lo bann zil, me definitivman i pou napa sa menm reveni ki’n prevwar dan GICC si nou’n servi li pour en lot keksoz.

An terminan Mr Chairman, mon oule envit bann Manm Lasanble ki ler zot annan bann konsern oubyen keksoz, kestyon ki lo size IDC e son bann subsidiaries pou pran kontak avek nou.  E nou a eklersi zot bann konsern e apartir la zot ava zize si sa ki nou’n fer i byen si i mal oubyen si nou ti kapab fer pli byen.  Mon oule osi profit pou remersye bann Manm Komite Zil pour sa bann sesyon travay ki nou’n fer ansanm lo bann zil IDC; Kot zot in kapab vwar pou zot menm travay ki nou’n fer lo bann zil e kot zot in osi konpran en pe plis loperasyon IDC an zeneral e osi bann defi ki nou fer fas avek. Nou’n byen apresye zot bann kontribisyon ek sizesyon e nou seryezman pour pran kont lo la. Mr Chairman mersi enfiniman, mersi enfiniman bann Manm Onorab.

 

MR SPEAKER

Mersi. Mr Savy mon krwar… ti donn serten detay e leksplikasyon lo travay konstriksyon ki IDC pe fer. E ou menm ou, ou fek dir ki ou pare pou donn okenn leklersisman kestyon dout ki dimoun i annan, bann MNA i annan.  E lor nou a pas direkteman lo sa Sesyon kot zot ganny sans pou poz zot kestyon e mon krwar vi ki Onorab Larue ou ti’n segonn Mosyon Leader Lopozisyon. Mon krwar petet ou a ganny sa privilez pour ou poz ou kestyon me sey rod leklersisman e kestyon pa fer en lot gran statement ki zot in tann byen ki Mr Savy in eksplike ziska 3er la.

E prezan i kestyon leklersisman e kestyon pa statement.  Onorab Larue.  En pti moman mon a pran bann non pou mon pa mank personn kit lanmen anler. Onorab Afif, Onorab Henrie, Onorab Ferrari ok. Ok, wi Onorab Arrisol mon’n vwar ou.  Tre byen nou a konmans avek Onorab Larue.

 

HON FLORY LARUE

Bonn apre midi Mr Savy, mersi Mr Chair. Ou’n donn nou bokou lenformasyon mon pan ankor ganny sans pour mwan asimil li byen me selman mon ava propoz en kestyon. Letan ou…

 

MR SPEAKER

Koz en pti pe pli for Mme, Onorab Laure.  Ou pa pe tande, koz en pti pe pli for Onorab Larue.

 

HON FLORY LARUE

Mersi Mr Speaker mon a koz pli for.

 

MR SPEAKER

E petet mon a demann bann teknisyen pour ogmant volume.

 

HON FLORY LARUE

Nou vwar ki Mosyon i dir ki Mr Prezidan Danny Faure in demande ki IDC i dekile avek sekter konstriksyon e Mr Savy letan in fer son prezantasyon in dir o konmansman ki bann Minister ki’n apros IDC pou fer konstriksyon; pour mwan i pa vreman kler akoz si dan Mosyon nou vwar ki Prezidan ki pe donn sa lenstriksyon, mon ti a kontan ganny plis leklersisman lo si Prezidan sa letan James Michel ki li ek son kabinet ti zwenn pou fer sa propozisyon pour anmenn IDC lo sa kot konstriksyon Mahe, Praslin ek La Digue.

E si Mr Savy i kapab provide nou avek kek paper trail akoz mon pa’n vwar okenn piblikasyon ki’n ganny fer kot Cabinet of Ministers in approve kot zot dir ki IDC pe vin dan konstriksyon.  So si ou ti kapab ed mwan pou fer sa koneksyon kot letan Gouvernman ti deside pour fer sa propozisyon avek IDC?  E mon 2enm kestyon i, lefe ki Mr Savy i dir nou ki sa lakonpannyen konstriksyon, Green Island Construction i ganny formen pour asiste Gouvernman dan son bann PPP, mon ti anvi konnen si i ti ganny formen parey sa bann Kontra ki Irish ti sinyen?  Akoz eski MLUH i pa ti konnen kekfwa i kapab servi Green Island Construction pou konstri lakaz pour Seselwa a en tre ba pri akoz sa ki mon pe konpran ki Green Island Construction i sipoze propoze avek Gouvernman?  E Minister Joel Morgan osi Minister Ledikasyon in deza vin dan Lasanble…

 

MR SPEAKER

Kestyon, kestyon Onorab.

 

HON FLORY LARUE

…wi, e resaman i dir nou ki i pa pe gannyen dimoun pour oversee bann reparasyon dan bann lekol; kekfwa Mr Morgan osi pa ti konnen ki i ti kapab servi Green Island Construction si kekfwa Mr Savy i kapab eklersi nou si ti annan kominikasyon bann Minister?  E letan i ti dir nou ki napa PPP avan akoz napa Framework Legal, mon annan en dokiman la ki montre mwan ki Sesel in deza fer en PPP avek Airtel, Cable, Cable & Wireless pour sa underwater cable,  ok, pou lavaler 26milyon Ero en pe letan pase.  So, dapre mon konpran swa ti napa ditou framework ki sa enn PPP pa ti ganny fer anba ouswa ti annan ki prezan i pa aware of it.  Mersi.

 

MR SPEAKER

Ok mon krwar Mr Savy in ganny son bann bezwen lesplikasyon.  Petet ou kapab respond.

 

MR GLENNY SAVY

Thank you Mr Chairman, mon’n sey swiv sa bann pwen me silvouple si mon mank keksoz si ou kapab refine, akoz i paret mwan mon pas lo plizyer pwen.  Premyerman a okenn moman ki mon’n mansyonnen ki mon ti ganny lenstriksyon avek okenn Cabinet of Minister.  Mon pa asiz lo Cabinet of Ministers.

Donk mon pa pou okouran okenn desizyon ki Cabinet of Ministers, in pran konsernan PPP eksetera. Mon ti fer byen refer sorti dan mon prezantasyon ki bann proze ki nou ti pe diskite konsernan reparasyon lenfrastriktir bann, bann letablisman Gouvernman sete avek Minister, sete avek Minister ki ansarz sa Departman Devlopman setadir MLUH.  E dezyenmman sete osi sa ki ti enplike sete sa lepok Minister Finans ki ti enplike ler nou ti pe diskit sa bann proze avek zot.

Donk sa se mon krwar nou kouver en pti pe lo bann lenstans ki nou ti partisip avek pour diskisyon sa bann proze ki nou ti fer.  2enm kestyon si mon konpran byen ou ti pe dir mwan ki, ki dimoun pa okouran ki GICC i fer lakaz pour bann dimoun prive.  Sa, eski sete sa le kestyon, le pwen…

 

MR SPEAKER

Wi Onorab Larue ki ou klarifye sa kestyon si ti pou ou ki pe demande si GICC ti fer lakaz pour dimoun prive.  Onorab Larue.

 

MR GLENNY SAVY

Wi mersi Mr Speaker, mon vwar, eskiz mwan Onorab, mon war byen drol ki ou demann mwan sa kestyon. Akoz ou menm personnelman ou ti annan en kominikasyon avek Green Construction pou fer ou lakaz.  E mon annan sa kominikasyon.  Set en kominikasyon mon kapab fer zot gannyen.  E tou dimoun, GICC pa fer, pa fer building an kasyet, mon pa konn okenn building ki’n ganny fer an kasyet. I telman evidan evidaman i annan en kantite, anfen en kantite e mon’n nonmen lakaz prive nou’n involve avek e donk mon kategoriz sa.  E si ou ti a kontan avek gran plezir atraver Chairman, nou a fer zot ganny en lalis tou bann proze ki nou’n fer ki swa prive ki swa piblik, ki swa whatever it is.  Mon napa okenn problenm avek sa.

 

MR SPEAKER

Mon krwar sa Mr Savy ti a en nide si ou ti anvoy mwan e mwan mon ti a sirkil avek tou bann Manm Lasanble.  Mersi.

 

MR GLENNY SAVY

Avek gran plezir Chairman. Eskiz mwan 3enm pwen ti…

 

MR SPEAKER

Onorab Larue ou 3enm pwen.

 

HON FLORY LARUE

Mersi, i paret mwan i annan en konplet misunderstanding Mr Savy depi mon premye kestyon ziska mon 3enm.  Alor mon a re demann mon kestyon en pe pli kler.

Premye kestyon letan ou ti fer ou prezantasyon, letan ou ti pe eksplik nou ki mannyer Green Island Construction came about, ou dir nou ti annan en Lakonpannyen Sinwan ki ti let down bann Ministries letan pe fer kek renovasyon.  E ou dir apre sa travay IDC ti deside kre en Construction Company called Green Island Construction.  Mon pe dir ou anfe ki lo kote Mosyon Onorab Ramkalawan in spesifye ki Prezidan Faure ki’n fer sa lanons e ou osi ou’n donn nou en dat an Juillet ki letan Mr Faure ti vini i pe demande ki IDC i fermen ouswa sa kote konstriksyon i fermen.  Mon pe demande prezan ki Mr Faure in donn sa lenstriksyon pou fermen, letan ti konmanse, letan ti al kree Green Island Construction bann kominikasyon ti bezwen sorti kot Prezidan ek son Cabinet pour donn en lenstriksyon IDC pour kree Green Island Construction.  E mwan mon’n fer resers mon pa vwar sa bann kominikasyon so, kekfwa ou ti kapab ed nou en pti pe plis sa i premye kestyon.

 

MR SPEAKER

Me petet, petet pour nou al kler les Mr Savy reponn sa premye kestyon.

 

HON  FLORY LARUE

Ok, mersi.

 

MR SPEAKER

Kote ou ti ganny Lord e lekel ki ti donn ou.  Se sa si mon pe konpran byen sa lotorite pour ou form sa Lakonpannyen.  Se sa ou kestyon?  Ok.  Mr Savy.

 

MR GLENNY SAVY

Ok, parey mon ti fer resorti dan mon prezantasyon Mr Chair se ki lord pour nou kree sa Lakonpannyen, permisyon pour nou kree sa Lakonpannyen ti ganny, ti ganny fer par Board of IDC. Son Board of Directors.  Mwan konman Glenny Savy  koman CEO, mon pa kapab fer sa.  Fodre i annan en rezolisyon Board pou fer li. E an plis ki sa parey mon ti mansyonnen ki ler Board ti rekonmande ki Green Island Construction i ganny kree, Lartik sa Lakonpannyen ti bezwen ganny amande.  E sa nou shareholder se Gouvernman.  E  sa lepok mon pa konnen si i ankor parey i sipoze ankor parey.

Sa lepok pou ou sanz, se ou shareholder ki bezwen siny dokiman pou sanz bann Lartik lasosyasyon bann Lakonpanyen e sa ti ganny fer par Minister Finans ki ti reprezant share dan IDC pour Gouvernman.

 

MR SPEAKER

Ok.  Prezan nou ava al lo ou 2enm kestyon Onorab Larue.

 

HON FLORY LARUE

Avek sa larepons mon pe konpran ki IDC li tousel in pran son direktiv e non pa an akordans avek en Polisi Gouvernman pou kree Green Island within IDC?

 

MR SPEAKER

I en komanter oubyen en kestyon?

 

HON FLORY LARUE

I en kestyon.

 

MR SPEAKER

Mr Savy.

 

MR GLENNY SAVY

Thank you Mr Chair, mon ti a kontan fer kler en keksoz. Mwan mon CEO IDC, mon pran lord avek en sel lenstans se Board of IDCThat is the way the system works.  Se Board IDC ki donn mwan direktiv ki mon kapab fer ki mon pa kapab fer.  E se normalman se Board atraver son Chairman i pran direktiv Polisi avek sa Minister ki nou swiv.  Mersi Mr Chair.

 

MR SPEAKER

Onorab Larue ou annan en lot kestyon, mon vwar ou’n lev ou lanmen wi.

 

HON  FLORY LARUE

Wi mon 2enm kestyon pa ti kler pou Mr Savy.  Letan mon ti li koumsa ki letan mon fer referans i annan en Kontra lately Irish, kontra Irish ki nou dir ti napa kominikasyon lapolis tou dimoun pa ti konnen. Dan sa ka letan in eksplik nou ki  mannyer Green Island Constrution ti ganny kree anba en lanvi pou donn en meyer pri lo marse, mon pe demande si Gouvernman pa ti, through Minister, Minis of MLUH pa ti ser, akoz zot pa ti servi Green Island Construction pou fer bann lakaz pou piblik, akoz i annan en lalis 4mil ekek dimoun pe rod lakaz. Gouvernman servi Green Island Construction pour fer sa bann lakaz.  E osi Minis Morgan ti anmenn dan nou latansyon sa lannen ki i pe vwar li dan difikilte pour li keep up avek bann maintenance bann lekol e i ti bezwen rod en pe Kenyan pour vin oversee renovasyon bann lekol ki dan bann leta deplorab.  E eski li osi i pa konnen ki i ti kapab call lo Green Island Construction si in en Lakonpannyen Gouvernman pour asiste li ek sa bann reparasyon.  Sa i ti 2enm kestyon.  Mon a les li reponn.

 

MR SPEAKER

Ok.  Mr Savy.

 

MR GLENNY SAVY

Mr Chair, non be Onorab avek tou respe ki mon annan pou ou, mon krwar sa kestyon ou bezwen demann Mr Morgan.  Si Mr Morgan pa konnen ki Green Island i fer konstriksyon, e an realite mon ti ava fransman etonnen ki Mr Morgan, ki Minis Morgan pa konnen ki Green Island i fer akoz resaman Green Island ek IDC in fer kado 3 laklas La Rivière Anglaise pour nanryen – son Minister pour son bann zanfan La Rivière Anglaise. Donk mon pa tro konpran ki mannyer nou kapab dir en keksoz koumsa. E dezyenmman, pardon eskiz mwan ki ti sa dernyen bout ankor sa…

 

MR SPEAKER

Onorab Larue i annan en dernyen bout ki ankor ganny reponn oubyen tou in ganny reponn?

 

HON FLORY LARUE

Sa 2enm i ki Mr Savy in dir nou ki letan zot ti fer sa PPP avek Green Oak ek Green Tree ki vreman ti kit an sou sekre pa ti ganny devwale avek Seselwa.  I dir nou ki kekfwa ti napa formalite legal pou fer PPP, me i annan PPP ki’n ganny fer dan lepase avek Gouvernman atraver the undersea cable.  Eski en kad legal pour sa?  Ki fer ki son PPP ki zot, zot in fer avek Gouvernman anba Green Oak ek Green Tree pa ti kapab tonm ladan ki zot bezwen zot prezan esper lakor apre ki zot in fin fer PPP?

 

MR SPEAKER

Ok ou’n ganny li Mr Savy, it’s a legal framework for the operations of PPP.

 

MR GLENNY SAVY

I think so.  Mr Chairman, Manm Onorab mon pa konn bann detay egzakt konsernan Cable & Wireless atraver kab. Selman sa ki mon konnen se ki dan sa proze kab Gouvernman i en partner dan en Lakonpannyen. I annan en diferans ant en partnership ok, e en PPP.

Mon ti a konseye ki fason pou rezourd sa problenm senpleman, se pour get byen la fason ki Cable & Wireless in ganny fer in ganny fer – in ganny met ansanm, parske otan ki mwan fason ki mwan mon vwar li e bann lenformasyon ki mwan mon annan, i pa vreman en PPP – i en partnership. Kot Gouvernman i annan en shares dan en proze.  Gouvernman mon konnen ti met en serten kantite larzan ladan e sa proze ti prêt larzan avek bann lezot labank pou fer sa proze.  Donk mon, fransman mon pa krwar i en PPP mon krwar nou devret reget definisyon PPP klerman lo internet e nou a vwar egzakteman ki en PPP i vedir.  Mersi.

 

MR SPEAKER

Eski nou kapab al kot Onorab, mon a retourn kot ou Onorab Larue dan en pti moman. Onorab Afif ou ti’n demann laparol.

 

HON AHMED AFIF

Mersi Mr Chair, bonn apre midi Mr Savy mon ti a kontan demann ou dan ou entervansyon ou ti koz en pti pe lo ki mannyer atraver GICC espesyalman, zot in kapab redwir en pti pe kou konstriksyon dan Gouvernman. Si ou kapab donn nou en pti pe enn de legzanp par egzanp sa ki ou’n koz lo la Independence House Annex, Lakour D’Apel renovasyon Mayors Office eksetera. lenpresyon ki mon annan an regardan zot kont se ki sa pri konstriksyon i ase eleve, akoz dan zot liv zot ti pe anmenn 100 ekek milyon Roupi pour Annex Independence House e si dizon 4mil met kare then ou pe koz R20 a 25mil par met kare.

Alor donn nou en pti pe legzanp zot, zot in reisir atraver GICC, pou redwir kou konstriksyon zeneralman pour Gouvernman e dan pei.  Mersi.

 

MR SPEAKER

Mr Savy.

 

MR GLENNY SAVY

Thank you Chairman, thank you Onorab avek gran plezir.  I annan parey mon ti mansyonnen lefe ki i ti annan en lot Lakonpannyen ki ti vin lo market ki ti kapab fer proze en pe pli gro ki zeneral. Akoz napa bokou bann gro Lakonpannyen ki kapab fer bann gro proze; setadir oun ganny ou ankor en konpetiter lo market, ki’n nobou anmenn en pe konpetisyon.

Akoz i annan en keksoz mon krwar ki tou dimoun i bezwen aksepte, se lakantite konstriksyon ki i annan dan sa pei that is available to be done, i vreman annan en kantite louvraz pour tou dimoun me problenm ki nou annan se ki, se sa pri konstriksyon ki pe ganny demande ki pe anpes sa kantite travay devlope.  E donk mon premye pwen pour reponn ou kestyon se ki, sa lenpak koman en gro konstrikter ki vin lo market, ki’n al tous market bann gro konstrikter ki in annan en reaksyon lo pri.  Parey mon’n fer resorti ler nou ti al tender detrwa proze, i annan ki nou’n gannyen nou ti pli bon marse ki lezot. E i annan nou pa’n gannyen.  E serten kot nou pa’n gannyen ki mwan mon konnen costing i zis en marz profi 10 a 12 poursan ki nou, nou vwar i en marz profi normal.  Nou pa ti gannyen.  Savedir sa lot konstrikter ti pe quote anba 10 a 12 poursan pour li ganny sa Kontra. Nou’n war en desant e mon krwar san nonmen dir ou kwa se swa, nou’n vwar resaman  lo en tender lavaryans ki’n annan, ant en kontrakter ek en lot kontrakter ok?

Donk lefe ki GICC ti annan sa konpetans lo market pou li fer en gro proze, pou li donn en kalite. Akoz konstrikter i annan en kantite konstrikter; i annan en kantite ki kapab konstri, me eski sa kliyan ler i ganny son building i ganny li dan en leta satisfezan? Set en lot kestyon.  Me GICC mon krwar nou’n nobou – mon pa konnen sel dimoun ki’n ganny en building ki’n ganny fer par GICC ki’n konplent sa building ok?

Donk sa se en pwen.  En 2enm pwen, mwan mon konnen ki laplipar Lakonpannyen ler i fer biznes, deza fer li en profi 10 a 15 poursan ozordi i pe byen travay.  E mwan mon konnen ki ler GICC i fer en costing i zeneralman depan lo difikilte nou pe cost dan sa fourset ant 10 a 15 poursan, ok?  E me ler nou’n vwar bann offers, bann kou ki’n arive dan lepase nou pe desot sa 10 a 15 poursan par en kantite.  Me i annan en keksoz Mr Afif ki mon krwar i enportan konpran.  Ler nou koz – souvandfwa mon tann dimoun, mwan in kout mwan 5mil roupi en met kare oubyen 10mil roupi en met kare, oubyen 15mil oubyen 25mil. Nou pa devret get li koumsa.  Si konpran byen konstriksyon  nou pa devret dir a mwan 10mil met kare non, non. I annan en kantite keksoz ki pou fer sanze pri lo en met kare.  Son later, son teren, son kondisyon, son finisyon nou par egzanp, mon a donn ou en legzanp classic.

Nou pe fer en proze Desroche ozordi zour, lotel pour Four Seasons 40 lasanm 42milyon Dolar.  Donk si nou konverti sa lespas buildable space an term 1 met kare, i en fortin. I  ankor plis ki sa ki Independence House ti kout nou.  I vre ki Independence House ti kout nou si mon pa tronp nou apepre 25mil roupi en met kare.  Me an realite, e mon a dir ou akoz; akoz an realite premye design nou ti annan pour Independence House ki ti ganny fer pa r en architect i ti en building relativman senp kare.

E finalman Minister ti dir non se Gouvernman se en landrwa kot i ti le desantraliz son bann servis pou met en One-stop shop. Se arsitek Minister menm ki ti fer concept design ki finalman nou ti travay lo la.  Ti antann en kantite kontrent lo sa site set en pti site ki ti pe mont byen o, si mon pa tronpe building pli o Victoria, nou ti bezwen met en kantite paz akoz zis anba later 2 met par anba sa later ti en larivyer.  E an plis ki sa ti annan gro tio PUC sewage ki ti pas la ki ti bezwen ganny divert.  Ti annan piling ki ti bezwen fer pour retenir mur Stadium akoz si non i ti pou collapse ler nou ti pe fer konstriksyon.  Ti bezwen fer pilling apre tire.  Ti annan en mur ki nou bezwen fer pou hold back Stadium Wall apre.   Set en building ki annan en zenerater endepandan dan leka ki i annan en power failure.  I annan son bann finisyon son building eksetera. Kestyon ki nou devret demande pa eski in kout nou 15, 20 ou 25mil roupi par met kare, mon krwar kestyon ki nou devret demann nou lekor si set en lot kontrakter ki ti’n fer li, eski son pri ti pou parey pour nou ou plis?  Nou pa pou zanmen konnen me non. I pa pou toutafe vre akoz i pa toutafe vre ki nou pa pou konnen a koz en Kontra i baze lo en bill of quantites i baze lo en scope.   Donk an nenport ki moman par egzanp en lenstans apropriye i kapab vin pran sa bann dokiman e repas lo la e gete si bann tarif in ganny servi pour bann diferan keksoz, ki swa ki en met kib beton en kilo feray shuttering eksetera, eksetera i kapab rekalkil sa.  E i kapab sorti avek en sif pou vwar si sa travay ki nou, nou’n fer ti rezonnab ou pa rezonnab.

Me par egzanp nou annan proze ki nou’n fer ki’n kout 5mil roupi, 5mil roupi en met kare, 6mil roupi en met kare lakaz nou bann travayer.  E sa menm grander lakaz kekfwa lo en teren kot i annan pant ou bezwen fer en lot diferan fondasyon in fini.  Malgre ki menm grander i menm kalite lakaz i menm plan i fini ou 7mil, 8mil roupi.  Donk mon krwar se sa ki nou bezwen pran kont, eski mon’n nobou esplik en pti pe mon…

 

MR SPEAKER

Onorab Afif.

 

HON AHMED AFIF

Mersi Mr Chair, wi in reponn en pe, zis pou donn ou en legzanp mon konn en building resaman anvil ki in fer ki anviron 15mil roupi par met kare.  En pe bor larivyer osi, petet si ou dir mwan in kout 25 pour ki zot in sarz Gouvernman i ankor ase eleve. Me petet parey ou pe dir i annan lezot rezon.  Eski ou kapab donn nou en lendikasyon reparasyon ki zot in fer kot Lakour D’Apel in koute par met kare?  Parske zot pa’n fer bokou sa bann travay mon ti zis anvi ganny detrwa legzanp pour mwan vreman apresye si i annan en rediksyon sibstansyel pour Gouvernman.

 

MR SPEAKER

Mr Savy, Lakour D’Apel.

 

MR GLENNY SAVY

Mersi Chairman.  Onorab mon napa bann sif egzakt antet.  Avek gran plezir mon ti ava, mon a byen kontan pou remet bann kou sa bann diferan batiman ki nou’n fer.  Laplipar sa bann proze nou fer avek bann arsitek prive bann enzenyer prive.  E donk napa okenn sekre lo konbyen sa bann proze in kout nou.  Me si mon rapel byen Lakour D’Apel son kou ti apepre 5mil, 5milyon roupi pardon nou pe koz kot an montan State House la.

Wi mon krwar ti apepre 5milyon.  Apre i annan Supreme Court osi mon tro sir me 10 a 12 milyon ou en pti plis kekfwa.  Me avek gran plezir mon a byen kontan pou remet avek Lasanble sa bann diferan proze.  Sa bann diferan kou son scope e son, son bann bills of quantities.  Nou napa okenn problenm pou fer sa. Nou napa okenn problenm latransparans pou fer sa lo nou bann proze ki nou’n fer. Sa okenn problenm.  Me sel keksoz si i en proze piblik nou napa problenm. Me evidaman si i en proze prive fodre evidaman sa, sa propriyeter sa proze i ava aksepte nou partaz sa lenformasyon si i oule. Mersi Mr Afif.

 

MR SPEAKER

Onorab Afif, nou a vin kot ou apre. Onorab Afif i annan en lot kestyon.

 

HON AHMED AFIF

Wi, en dernyen kestyon pour Mr Savy. Dan zot kont 2017 dan zot portfey ki zot in prete landing group. I mete Mayors Office 11.2 milyon Roupi.  So mon mazinen sa i kou ki zot in, zot in bill Mayors Office pour sa, me selman li in vin parey konmsi ou’n pret li sa larzan epi pli tar li i pou rann ou atraver son bann repeyman tou le lannen atraver Bidze. Savedir son kou mon mazinen apepre 11milyon me petet enkli lentere mon pa konnen. So, mon ti a kontan zis demann ou en pti klarifikasyon lo la, parske ler ou get sa batiman zot in fer renovasyon lo la.  Mon pe santi petet 11milyon pres 1milyon Dolar zis pou fer reparasyon sa fer fondasyon san fer nanryen paret en pe o.  Me selman si ou ti kapab fer en komanter lo la mersi.

 

MR SPEAKER

Mr Savy.

 

MR GLENNY SAVY

Mr Afif mersi, wi an realite sete kekfwa en pti pwen mon ti’n devret touch lo la dan mon prezantasyon, akoz i vre ki zot in debat sa pwen dan Lasanble kot i annan sa kestyon sa kou sa batiman builders cost, sa nou apel sa builders cost.  Apre i annan sa kou ki evantyelman ki ler ou’n pran larzan ek labank e ler ou pou azout lentere lo la e si napa okenn mouvman dan sa lentere konbyen finalman sa kliyan akoz se sa kliyan se Gouvernman ki pou evantyelman pey sa konbyen i pou kout ou?  Me nou bezwen realize ki i annan en diferans ant builders work sa ki nou, nou’n ganny peye e sa, akoz menm si par egzanp annou pran sa ka ki ou’n dir.  Si par egzanp nou travay ti lavaler 5 a 6milyon roupi e ler sa proze, ler nou pou’n fini re-pey labank atraver Green Oaks or whatever it is i pou 11milyon se tou sa larzan pa pe vin kot nou, i pe al kot labank koman lentere.

E mon ti a kontan fe resorti mon krwar i valab pou dir Mr Chairman. Par egzanp Independence House resaman son prozeksyon ti ganny fer lo en poursantaz si mon tronpe ti 11poursan lo komansman akoz lentere ti 11poursan sa lepok. Me resaman in annan rediksyon dan lentere, e par egzanp nou’n diskit avek Minister ki zot le fer eski zot le gard sa menm peryod letan oubyen eski zot gard sanmenm peyman ki zot pe fer, me zot pour fini pey avan sa kantite letan ki ti’n ganny prevwar? Mon ava verifye sa ki ou’n demann mwan me mon’n plito krwar ki i enkli sa ki labank pou re-peye.  E annou pa bliye osi se ki ler labank i pret ou larzan i pret ou sa ou pey sa, sa lentere apre ou annan sa ki zot apel arrangement fee or development fee or whatever it is ki reprezantan ankor 1 poursan eksetera. Me en keksoz ki enportan pour fer resorti se ke tou sa bann loan, i fluctuate avek to lentere.

Donk si to lentere demen i monte either ou pour pran pli lontan pour ou peye, oubyen ou pour pran mwens letan ou a pey mwens, ou a pey plis. Mersi.

 

MR SPEAKER

Onorab Churchill Gill ou annan en kestyon relye ek sa ki Onorab Afif in demande.  Go ahead.

 

HON CHURCHILL GILL

Mersi Mr Speaker, mon ti oule demann Mr Savy – eski korek pour dir ki tou sa bann depans, mwan a dir ou parey in dir, depans i antre dan sa kou sa proze Independence Annex, e sa i fer ki i disteng li avek sa bann lezot proze ki nou pe fer konparezon avek?  Sa se son construction cost ki nou dir builders cost, son loan interest, son labour cost, maintenance cost akoz mannyer ou’n eksplik nou dan ou lentervansyon se sa loan i kouver tousala.

Apre defect liabilities. Eski tousala ti antre dan sa loan, e sa petet i fer ki sa enn proze son square metre i bokou diferansye avek lezot proze?  Mersi.

 

MR SPEAKER

Mr Savy.

 

MR GLENNY SAVY

Mersi Mr Speaker. Mersi Onorab. Dan le ka Independence House ti annan plizyer ki, parey zot konnen sa Independence House Annex avek Independence House, an realite ler nou ti komans fer en pe travay nou ti komans lo Independence House premye. Sa Kontra ki nou ti repran avek Sinwan ki nou ti fer serten renovasyon apre nou ti kontinyen a la demann Minister pour fer serten travaux. Apre ler nou ti vini pour fer Annex, i annan serten, pa zis son building, setadir son grey works ki ti kout sa kantite larzan.  I annan tou son bann finisyon; ti annan tou son bann sistenm elektrik, fire alarm, son bann, si mon pa tronpe ti annan en serten kantite, son bann meb eksetera ki ti ladan e en bon pe bann travay ki par egzanp ti annan pour fer avek bouz tiyo PUC, bouz tiyo kab eksetera, eksetera.

E donk set en proze ki vre, en proze ki vre in en pe pli ser par met kare, akoz son lespas kot i ti ete osi, ti byen pli pti.  E donk ou pa vreman nobou ganny o tan rannman par met kare pour tan Roupi akoz si par egzanp ou ti annan en lot site kot ti napa sa bann kontrent, ou ti pour pli en pe benefisye. Me i ti pour osi enkli par egzanp sa bann car park, reanmenazman son car park.  I annan en kantite plis loto prezan. Nou’n fer reanmenazman; i annan bann en pti pe pli lwen ki son annex menm an alan -mon krwar zot tou, zot in vwar. In annan serten reanmenazman ki’n ganny fer. Tousala i tonm ladan. Ok?  E wi i annan serten eleman maintenance ki nou’n fer, e i annan menm serten eleman ki serten par egzanp son sistenm delo.  Ler nou ti refer sistenm delo vye Independence ti annan en problenm delo, stokaz delo.  E donk ler nou ti refer, nou ti refer en sistenm nef.  Me an realite ki tou lede batiman ozordi i mars lo sa menm sistenm.  E i permet donk, i annan en pti pe overlap ant en building avek en lot building. Me finalman lafen lazournen se tou le de i menm propriyeter, donk i menm kliyan ki’n benefisye.

Me parey mon’n dir avek gran plezir, nou ava remet bann kou sa proze avek zot e la zot ava kapab rod bann profesyonnel pou scrutinize sa ki nou’n fer.  Mersi.

 

MR SPEAKER

Mersi Mr Savy.  Eski mon kapab propoze vi ki i annan plis ki 7 dimoun, entervenan ki anvi koze ki nou pran en pause. I deza pas 3er edmi. Nou pran en Break.  Wi Onorab Larue ou pa dakor.

 

HON FLORY LARUE

Mr Speaker anba 36, (1) mon ti a kontan raise a matter of privilege silvouple.

 

MR SPEAKER

Wi.

 

HON FLORY LARUE

Mr Savy in fer komanter baze lo en email ki i annan.  Sa komanter ki in fer Onorab Herminie osi ti’n deza anmenn dan Lasanble, e sa ki i ti anmennen koman levidans pa ti ase, i ti bezwen retract.

Mr Savy in fer menm statement.  Mwan koman en dimoun ki ti pe travay dan en Lakonpannyen mon ti rod en kotasyon e li son General Manager in fer available sa dokiman piblik pour montre koman en staff mon ti pe demann en lenformasyon.  Me Selman la ki in anmenn sa devan mon ti a kontan ki i retract akoz mon lakaz, zanmen mon’n fer lakaz. E sa lenformasyon ki in donnen pa korek.

 

MR SPEAKER

Anfet pour lenformasyon Mr Savy in pran mwan omwen 2 mwan edmi pour rezourd en kestyon ki Madanm Onorab Larue ti’n lev-e koman en matter of privilege. I en statement ki Onorab Herminie ti fer way back pandan lannen. E nou ti rezourd, nou ti vwar, son avoka ti vin vwar mwan. Nou ti vwar ki vre i ti pe travay pour en Konpannyen Anse Aux Pins kot i ti enplike, me i pa ti li koman en endividi ki i ti pe fer demann en quotation pour lakaz.  Alor mon krwar sa pwen ki in le-ve i korek, i en pti pe delika, me nou pa pour antre dan diskisyon la mon krwar in ler pour nou pran en tas kafe pour nou al relax en pti kou e pour nou al zet en deal.  Alor nou a poz en pti kou. Nou a repran egzakteman 4er.

 

(BREAK)

 

 

MR DEPUTY SPEAKER

Bon a kontinyen nou travay. Prosennman lo mon lalis, mon annan mon zis anvi fer konnen mon annan 7 Manm ki lo mon lalis.  Ok?  Si i annan okenn lezot Manm mon a zis fer zot rapel Onorab Henrie, Onorab Ferrari, Onorab John Hoareau, Onorab Arrisol, Onorab Woodcock, Onorab Churchill e Onorab Larue.

Onorab Churchill Gill ou’n fini.  Ok mon demann si i annan okenn lezot Manm ki annan lentansyon pou enterakte pou demann kestyon, pou montre zot lentansyon. Onorab Ramkalawan. Ok, si non mon pe ferm lalis.  Ok Onorab Andre. Ok mon pe ferm lalis.  Ok mon ava pran prosen Manm lo mon lalis. Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun. Mon premye kestyon pou Mr Savy, dan son statement inisyal in les nou konpran ki apre sa desizyon ki Prezidan Faure ti anonse le 27 Zilyet, i ti al kot Msye Faure pou rod en pe plis leklersisman.

Alor mon kestyon i koman eski i pe konfirm avek nou ki koman CEO IDC ki GICC i belongs to, ou pa ti ganny konsilte, avan ki nou dan Lasanble i piblik Seselwa i tann sa desizyon i ganny anonse isi. Sa i premye. Si ou ti ganny ou pa ti ganny konsilte avan.

E dezyenmman ou’n donn nou en pe lalis bann lefe ki kapab annan enn fwa ki GICC i aret enplike dan konstriksyon partikilyerman Mahé. E alor mon anvi konnen si ou met sa bann leksplikasyon a latansyon Prezidan Faure, e sete kwa son reaksyon vizavi ou komanter.

Lot kestyon ki mon anvi demande se pou eksplik ou benefis piblik. Sa laranzman ant Gouvernman IDC, GICC, apre Green Oak, e Grenn Tree. Parski pou mon tousala i Gouvernman. Solman letan Gouvernman i bezwen en batiman i go through all sa bann antite pou li finalman ganny en batiman.

Re eksplik nou son rezondet, akoz pou bokou dimoun i en pe konfizan.  Mersi.

 

DEPUTY SPEAKER

Mersi Onorab.  Mr Savy, laparol pou ou.

 

MR GLENNY SAVY

Thank you Mr Chair.  Mon krwar mon’n byen konpran ou kestyon. Eski mon ti ganny konsilte par Prezidan avan i ti fer sa prezantasyon isi Lasanble ?  Larepons se wi. Prezidan ti dir mwan konmkwa ki Gouvernman ti’n pran sa desizyon.  E i ti pe enform mwan.  E i ti demann mwan en pti pe mon krwar i tonm dan sa 2enm kestyon ki ou’n demande.  Ki ti mon lopinyon lo la.  E mon ti reponn li se desizyon pou fer GICC ou non set en desizyon ki pou shareholder.  E shareholder se Gouvernman.

E anfen mon pa rapel son bann mo egzakt, me an prensip mon ti konpran avek li konmkwa ki i ti annan en bon pe dimoun ki ti’n konplent ki GICC pe pran travay dimoun eksetera, eksetera.  E son Gouvernman ti’n pran sa desizyon.  E wi mon ti mansyonn avek li ki evidaman i pou annan serten lenplikasyon pandan en peryod letan lo IDC, akoz finalman se IDC ki sa holding Company tou sa bann lezot lakonpannyen.

Me parey toultan, nou annan bon lannen nou annan move lannen nou pas dan later site e nou ava rod en fason pou nou depay nou difisil e kontinyen.  Sa ki mon ti fransman pli enterese dan sa konversasyon, sete nou bann kontinyasyon nou bann aktivite konstriksyon lo bann Zil Elwanye.  Akoz la fransman mon pe dir sa san ezitasyon, mon krwar napa bokou dimoun ki annan sa leksperyans build lo bann zil particulièrement bann Zil Elwanye parey nou, nou annan.  E i ti pou en gro difikilte pou nou, si demen nou ti bezwen al rod en lot Lakonpannyen ki napa sa leksperyans.  E sa bann fasilite eksetera ki nou, nou annan. Mon ti santi konmkwa ki ti pou handicap nou prop devlopman lo bann zil si IDC pa ti pou kontinyen avek sa bann aktivite lo bann Zil Elwanye.

Mon krwar mon’n kouver ou 2 premye kestyon.  Mersi.  E lo sa kestyon striktir en pti pe i en pti pe konpleks pou konpran

me, mon a sey eksplik li en pti pe fasilman klerman.  IDC se sa Lakonpannyen ki egziste depi 1980 e avek tou son bann aktivite lo zil ki swa lagrikiltir, ki swa lapes, ki swa konstriksyon ki swa dan nenport kwa, eksetera.

Prezan IDC li ler nou ler desizyon ti ganny pran pou IDC vin donn en koudmen dan konstriksyon prensipalman konstriksyon dan Le

Enfrastriktir Gouvernman lo Mahé, Board IDC ti dir atansyon, i annan serten lavantaz ki IDC i annan ki konsern bann Zil Elwanye, ki nou pa devret servi pou fer konpetisyon avek bann lezot lakonpannyen konstriksyon lokalman Mahé akoz i pa pou fer kle.  Donk Board IDC ti donn mon en direktiv e set en direktiv ki pou toutafe aksepte toutafe korek. Ki nou devret fer lakonpannyen ki ava deal avek bann proze komersyal isi lo bann Mahé ek bann Zil Pros.

E an prensip ler i an konpetisyon avek en lot lakonpannyen isi Mahé i pou lo en fair playing field parey nou dir.  Nou pou lo menm baz.

Sa se larezon e parey mon’n eksplike GICC, set en Lakonpannyen ki pirman en Lakonpannyen Konstriksyon.

Bon ler nou ti rantre dan bann proze PPP nou ti eksperimant avek sa bann proze PPP evidaman nou ti al kot bann labank.  Pou demann prêt lazan pou fer sa bann proze akoz Gouvernman ti napa sa resours finansman pou sa  bann proze.

Donk nou ti al kot sa bann labank.  An realite se bann labank ki ti demann nou olye melanz kont sa bann proze spesifik, ki annan en lavi determinen ; setadir i konmans en zour i pou fini zour ki sa loan i ganny re peye pou fasilit bann prosedir l’administratif. Pou fasilit garanti lo labank setadir sa Green Oak ek sa Green Tree li i en bann investment companies.

        Setadir sa bann lakonpannyen in ganny formen, sa by sa later in ganny transfer lo spesifikman lo sa lakonpannyen Green Tree Green Oak. e sa garanti ki labank i pran, prezan garanti labank i pran i pa pran lo Green Island i pa pran lo IDC.  I pran spesifikman lo sa Lakonpannyen spesifikman pou sa proze ki in finanse.

E donk se sa en pti pe striktir.  Set en sistenm striktir ki komen.  Tre komen partou kot ou vwar bann proze lenvestisman.  I annan en diferan anven Lakonpannyen ki’ ganny kree pou en rezon pou fer envestisman, e en lakonpannyen ki’n kree pou fer en aktivite par egzanp konstriksyon oubyen lagrikiltir, oubyen lapes, oubyen lotelri eksetera.

Donk se sa larezon ki i annan sa bann diferan Lakonpannyen. Se prensipalman pou fasilit en pe sa ki labank i demann ou pou fer bann garanti ki nou pou donnen direkteman avek labank.  E tou bann kont ki – akoz pa bliye ki ler labank in pret nou lazan nou’n fer sa konstriksyon. Apre sa Lakonpannyen Green Tree, Green Oak, i resevwar reveni ler i lwe sa batiman. E sa reveni i rantre dan sa kont ki pou sa lakonpannyen e i ale otomatikman i ganny transfer dan labank pou pey sa lentere.

E i vin pli fasil a lafen lannen osi ler bann Oditer i odit nou bann kont.  Setadir sak proze son kont i endepandan i pa melanze avek lezot.

Se zis son rezilta final ki ganny konsolide dan bann kont ki al devan.  Eski mon’n nobou kler si en pti pe?

 

MR DEPUTY SPEAKER

Mersi Mr Savy.  Onorab Henrie.

 

HON GERVAIS HENRIE

Mr Speaker zis 2 pti pwen point arising from larepons Mr Savy. Pou son premye larepons vizavi whether i ti ganny konsilte avan.  I dir nou wi i ti ganny konsilte.  Me solman still mon santi pou dir kekfwa i kapab konfirm sa.  Ki Prezidan Faure in ganny bann konplent GICC pe pran travay – konmsi Gouvernman Cabinet ti’n fini pran en desizyon, me i pa donn GICC sa lespas avan pou sey defann son lekor vizavi bann largiman ki’n ganny anmennen ver Gouvernman kont zot.  Mon konpran li koumsa. So i sa desizyon ki Cabinet in pran e i en fe akonpli akoz Gouvernman shareholder.  Sa i mon premye.

        Prezan 2enm vizavi sa striktir Gouvernman IDC, GICC, Green Oak, Green Tree son striktir mon konpran li tre byen mwan.  Solman pou benefis bann dimoun ki pe ekout nou, mwan mon vwar li koumsa.  Dizon permet mwan Mr Speaker, Mr Savy li i Gouvernman li i anvi en lakaz.

Prezan pou li ganny son lakaz i al kot son garson ki IDC i dir ek li mon anvi en lakaz.  Prezan son garson i al kot son ser ki GICC, li ki pou konstrir sa lakaz.  Sa ser i pou al prêt lazan avek son 2 zanfan ki vin pti zanfan Mr Savy ki li Gouvernman Green Oak ek Green Tree.  Zot ki pou prete zot napa zot lazan.  Zot al kot kouzen avek kouzin ki Commercial Bank avek MCB.  I en fanmir sa.  Me si Mr Savy ki Gouvernman ti al direk kot sa kouzen, kouzin ki annan lazan i pran i konsidere.  Konmsi pou mon en pe incestuous, sa bann striktir.

Solman mon vwar li koumsa, kekfwa i pa bezwen fer komanter lo mon enn 2enm, me solman re konfirm sa zafer premye, si zot pa ti ganny sa posibilite defann vizavi Gouvernman ki shareholder bann – annou apel li bann lakizasyon pou le moman ouswa bann kritik vizavi GICC zot pe pran travay bann keksoz koumsa.  Mersi.

 

MR DEPUTY SPEAKER

Mersi Onorab.  Mr Savy.

 

MR GLENNY SAVY

Mr Speaker, mon’n eksplik rezondet ki i annan sa striktir ok parey mon’n dir GICC sa Lakonpannyen Konstriksyon, Green Oak, Green Tree set en Lakonpannyen Envestisman.  E parey mon dir sete sa bann Lakonpannyen ki’n pret larzan avek labank pou fer sa proze.

Evidaman labank li i oule en garanti.  En garanti dan, akoz sa 2 Lakonpannyen in ganny striktire lo Companies Act.  Ok, i permet li donn sa propriyete as a guarantee avek labank.

Me si Leta par egzanp – annou dir ou pwen i valab. Annou dir ki Leta ti bezwen prêt avek labank direkteman an retour Leta ti pou bezwen donn en Government guarantee labank.   E la mon krwar i annan en Protokol ant Gouvernman, IMF lo lakantite garanti ki i kapab donnen.

E i pa kapab desot sa bann garanti.  E Gouvernman mon sipoze dan son wisdom – si oule ti prefere ki kekfwa i servi sa fasilite ki i annan pou kekfwa bann pli gro proze plito bann proze.  E donk se la rezondet ki nou ti fer lafason ki i ti’n ganny fer.  E mon krwar pwen pli enportan ki bezwen ganny resorti sete lafason ki in ganny fer, i transparan i onnet i kler.  I pa’n ganny fer atraver en striktir pou sey kasyet isi oubyen kasyet laba. Non sertennman pa.  E osi in ganny fe dan en fason ki ti administrativman pli senp.  E dezyenmman efikas.  That’s what I can add to sa ki mon’n deza dir ou.  Me si fodre nou rapel ki nou lentervansyon konman Green Island, Green Tree, Green Oak plito lo kote nou resevwar en proze nou pe al met sa proze an plas. Me son Policy of ki fason eksetera in ganny fer eksetera sa set en desizyon Gouvernman.  Me non pa en desizyon IDC.  Thank you.

 

MR DEPUTY SPEAKER

Mersi Mr Savy.  Onorab Henrie dernyen.

 

HON GERVAIS HENRIE

Zis en dernyen pwen.  Akoz Mr Savy in dir nou dan lespri latransparans ek lonnekte.  Zisteman pou zistifye legzistans Green Oak avek Green Tree. Mon konstate ki letan ou’n donn nou mon sif taler par egzanp lo CSR ki zot peye.  Ou’n donn sif zis pou IDC avek GICC.  Eski i vedir alor konman en Investment Companies sa de zot pa generate okenn profit on their own pou pey en dividend bann keksoz koumsa Leta?  Mersi.

 

MR DEPUTY SPEAKER

Mersi Onorab. Mr Savy.

 

MR GLENNY SAVY

Mersi Mr Speaker. Onorab en kestyon tre valab.  Toutafe korek Green Tree avek Green Oak pa fer profi. I pa en trading company donk i pa gannyen sa CSR.  Ok ?  E se sa larezon.  E an realite si ou a pran bann kont odite Green Tree avek Green Oak ou a trouve tou le lannen i pou apepre en zero balance. Kekfwa en lannen i annan en pti profi 25mil en lannen en pti profi 25mil.  Sa se purely administrative fees.  Par egzanp bann sarz labank, bann sarz avoka eksetera. Me i en zero games – sa ki nou apel en sa investment company li sa ki rantre i servi i ganny re pey loan i pa en trading company so there will be no CSR.

        Sa 2 lakonpannyen ki dan nou group ki prodwir CSR se IDC avek GICC.  Akoz zot annan en turnover.  E donk sa turnover i reprezant i donn ou en CSR ki mon deklare ou dernyen sou ki nou’n fer avek.  Mersi Onorab.

 

MR DEPUTY SPEAKER

Mersi Mr Savy.  Zis pou benefis bann Manm parman i annan en problenm son  mon krwar nou pe   en pti pe problenm ek nou IT.  Si ou kapab vin en pti pe pli pros avek ou MIC ler ou pe reponn kestyon Mr Savy.  Mersi.  Onorab Ferrari.

 

HON JEAN-FRANCOIS FERRARI

Mersi Mr Chairman.  Mr Chairman mon annan bokou kestyon.  So mon ti ava avek ou korperasyon, mon ava demann bann kestyon ki bann klarifikasyon.  Apre nou ava gete si pli tar mon kapab ganny sans konmsi demann kestyon lo…

 

MR DEPUTY SPEAKER

Pou benefis Mr Savy pou kapab reponn osi tou pou kapab atrape.  Annou pa poz plis ki 3 kestyon. Ok apre mon ava re donn ou sans.  Ale Onorab.

 

HON JEAN-FRANCOIS FERRARI

Ok mon premye kestyon Mr Savy, bonn apre midi.  Se anvi ki ou pli gran kliyan se Gouvernman.  E ki napa tender pou okenn louvraz ki aparaman ou’n pran avek Gouvernman kwa ki fer nou krwar apard ou parol, ki Gouvernman in ganny en good deal.  Apard ou parol, eski zanmen en zour, eski i annan okenn keksoz ki anfen pou pe demann en kestyon mon konnen son repons se napa ki kapab zistifye, ki kapab montre ki poudir Gouvernman in ganny en good deal – sirtou ki ler nou pe tann nou bann pri egzorbitan ki’n koute pou Independence Annex pou bann renovasyon bann lakour.

E mon ti a kontan demann ou si ou krwar si ou realize pou dir ler napa tender napa framework legal.  I mal it’s bad practise, it’s bad practise.  E nou pa anvi re tonm dan en menm sityasyon kot parey i annan msye semenn pase ki’n dir nou wi i vwar i mal, selman i ti pou, refer ankor.  It’s bad practice to work si ti napa   ek legal.  Mon krwar mon ti a konnen enform ou si ou realize pou dir ou ti’n devret esper sa Framework Legal pou avan ou konmans fer antre dan sa bann travay avek Gouvernman.  Sa i mon premye kestyon.

Mon 2enm kestyon se ki ou’n dir nou ki Gouvernman i ou pli gran kliyan ou’n donn nou en nonm travay ki ou’n fer pou li. Mwan mon ti a kontan prezan ou koz avek nou lo ou 2enm pli gro kliyan ok ?

        Mon 3enm kestyon se lo kestyon, fair play.  Konman CEO IDC, ou annan akse avek bokou fasilite ki lezot dimoun napa e par-ler zot bezwen vin kot ou. Pou rod sa bann fasilite. Par egzanp ou ki ansarz coralfill. E ou IDC ki ansarz coralfill.  I annan travay ki ganny fer pou bann proze ki ou pe pran ki ganny fer lo zil Desroches – bann travay dibwa sirtou mon aprann.  E Apre i vin Mahé….  Konmsi ki mannyer ou sepa sa bann aktivite, pou fer sir ki ler ou pe build okenn dimoun ou pe fer li dan en fason transparan e dan en fason kot ou bann shareholders ; mwan par egzanp ki enn ou bann shareholders, i konnen poudir ou pe ganny en bon – ki ou pe akt dan en fason kot i annan fair playSo sa i mon 3 kestyon.  E pli tar mon ava annan enn de ankor.  Mersi

 

MR DEPUTY SPEAKER

Mersi Onorab.  Laparol pou Mr Savy.

 

MR GLENNY SAVY

Thank you Mr Chairman.  Onorab ou premye pwen konsern coralfill.  Mon ava eksplik ou en pti pe sityasyon coral field e ki mannyer nou ti’n ariv dan sa proze coralfill e ki mannyer nou ti ariv dan sa proze coralfill.

Sa ki mon ti ganny dir par Minister MLUH sa lepok sete sa Minister ti’n rod ti pe rod en kontrakter i probableman kontrakte prive pou manage sa proze coralfill. Either i pa coralfill i sand field akoz i annan en diferans ant coralfill avek sand pile ki nou annan la aprezan.

E akoz Sesel ti pe run out of coralfill kan dredger ti la ti la plizyer lannen pase.  E mon ti ganny dir par sa Minister ki malgre ki zot ti sey kontakte plizyer bann kontrakter, ki ti annan kapasite pou manage sa coralfill, napa personn ki ti pare pou pran li.  E zot ti demann nou si sete en keksoz ki nou ti a konsidere fer, pou ed Gouvernman distribye disab ekitableman e dan en fason korek avek tou dimoun.

Akoz avek tou lonnekte Onorab mon pou dir ou, nou tou otour sa latab dan sa Lasanble isi ozordi, i byen okouran ki ti arive avek coralfill dan lepase.  Sa ki ti anvi coralfill ti al pran coralfill; sa ki ti anvi peye ti peye sa ki pa ti peye pa ti peye.  Nou tou nou…annou onnet nou tou nou ti konnen ti annan sa problenm.

E IDC dan sa ka nou ti dir ki wi ok, si personn pa’n ofer pou fer li, nou ava fer li.  E nou ti pran responsabilite pou nou manage sa coralfill. Mon oule fer byen kler ki nou pe manage coralfill. Sa coral field, sand field i pa pou nou, i pou Gouvernman ok?  Nou ler en dimoun i vin aste sa sand lo sa sand pile mon krwar si mon pa tronpe i kout apepre R135 en tonn ; i annan si mon pa tronpe ler ou tir VAT e mon krwar si mon pa tronpe IDC i ganny apepre R15 par tonn, i annan apepre R15 ki ganny verse tou lemwan pou sak tonn ki sorti dan sa sand la.

Setadir nou, nou ti bezwen manage sa coralfill fer sir dimoun pa vin vole lo sa coralfill. Nou ki ti aste lekipman pou load sa bann konminyon gard li an bonneta.  Ler mon dir manage coralfill i pa zis veye.  Ou bezwen i annan serten fason ki ou bezwen atak sa travay fer bann nivo eksetera, eksetera.  E supply sand field avek piblik.

Donk annou kler lo la.  I Pa pou nou i pou Gouvernman nou manage si mon pa tronpe parey mon dir ou nou ganny apepre R15 par tonn ki i pa en gran kantite lazan,  ler ou konn pou fuel ki ler ou met dan en gro masin ki pe load sa bann konminyon i manage sa.

        E an plis ki sa i annan osi sa Wigg station nepli pou pey tan Roupi pou en lapel disab.  Ou antre ek ou konminyon ou ganny peze.  I rantre lo en printout, ler ou’n al ranpli ou sorti ou konminyon i re ganny peze e sa ladiferans tonaz ou peye.

E tou lemwan san fot mon krwar Minister Finans i kapab vin konfirm sa IDC i fourni Gouvernman en printout avek tou sa ki’n ganny vann, lazan ki’n ganny kolekte e i ganny son cheque avan le 15 of the following month. 

        E sa ki mon fyer dir, pou IDC, sete napa okenn manboulouk ki’n pase dan sa sand field ziske la ozordi.  In annan disab tou dimoun in ganny disab ekitableman.  Ok? Napa IDC pou GICC ler i bezwen disab i aste son disab parey tou lezot dimoun ok? 

E sa mon kapab donn nou tou levidans ok pou prouv sa.  E dan kestyon fair play fransman, mon pa vwar keksoz ki annan plis fair play dan sa ki mon’n dir ou.

Dezyenmman, Onorab ou’n fer sorti en pwen tre valab lo kestyon travay dibwa lo Desroches.  Wi Desroches parey ou konnen, nou prodwir en kantite plan sed.  En kantite dibwa sed.  Akoz i pouse lo Desroches.  I ganny crop lo Desroches.  Nou travay li lo Desroches.   E evidaman i en eksport ki sorti Desroches ; ki sorti Desroches ki swa dibwa oubyen i kopra ; oubyen en lot komodite.  Wi.  An realite mon krwar si ou al dan pti laboutik laba kot gan Supermarket STC ou a vwar nou pe sey promote en pe bann meb ki’n ganny fer avek dibwa lokal ok?

        E nou annan bann masin Desroches ki nou servi pou fer bann konstriksyon ki nou pe fer lo Desroches, nou osi servi sa bann menm masin mon annan toutafe rezon. Nou servi sa bann masin pou prodwir sa bann meb.  Me wi, Msye Onorab mon pou aksepte ki parfwa ou annan detrwa morso dibwa ki ganny travay avek en masin – partikilyerman par egzanp

si nou pe fer en lafnet ki annan en lanm en keksoz, akoz nou annan en masin laba ki kout ser ki nou ti’n aste pou fer sa louvraz spesifikman pou laba.  E si en dimoun i vin kot nou demen bomaten, i demann nou fer en laport ek lanm pou li, nou servi sa masin pou fer li,  pou ed sa dimoun.  Evidaman nou pa pou fer li pou nanryen.  Sa se fransman e onnetman e mon espere ki mon’n reponn sa kestyon lo coralfill.

        Lo sa kestyon tender Onorab premyerman non.  IDC in deza tender pou Kontra Gouvernman.  E nou’n deza gannyen Kontra Gouvernman atraver en tender ki’n pas lo Tender Board.

        Donk i pa toutafe vre ki tou travay ki nou fer pou Gouvernman in direk.  In annan ki’n pas lo tender.  I annan.  Well parey mon ti eksplike dan mon prezantasyon ; sa bann proze – sa 3 proze par egzanp PPP ki nou ti fer pa ti lo tender,  akoz sa lepok i ti napa en striktir an plas ankor pou PPP.  I pe ganny met an plas.  E krwar mon sa leksperyans ki nou’n pas ladan sa leksperyans ki Minister Finans osi in pas ladan, nou’n rankontre bokou keksoz ki ozordi zour i pou tre valab pou Gouvernman servi, pou fer sir ki nou prosen Lezislasyon ki ava sorti – regilasyon ki ava sorti pou PPP, i ava kouver tou sa – i a servi sa leksperyans ki nou’n pas ladan pou li kapab fer li byen.  Mon a donn ou en legzanp Onorab ; par egzanp en PPP i pa pou marse – avek tou volonte dimoun si par egzanp bann labank pa swiv.  Akoz fransman dan en PPP ki arive ?  Sete ou prêt lazan avek en labank ou financial institution ou pe servi sa lazan ou pe fer sa proze e ou pe delivre avek sa kliyan sa lazan.  Me avek volonte dimoun nenport ki Lakonpannyen Konstriksyon Mahé, si ler i al kot labank bann labank i difisil avek prêt larzan.  E nou konnen bann labank isi pa fasil pou pret lazan.  Se enn bann konplent ki nou ti annan, e enn bann pwen ki nou ti bezwen – ki Gouvernman ti realize i ti bezwen al rezoud avek bann labank,  pou fer fason ki si demen nou annan en Lalwa PPP – en fasilite PPP – ki bann labank ava swiv.  Akoz si non initil annan en prosedir – en Lalwa eksetera.

Donk wi, mon’n admit mon’n dir dan mon prezantasyon konmkwa ki sa 3 PPP ti pa en tender.  Me mon asir ou si ti annan en lot PPP ki a fer ozordi e ki Green Island ti anvi fer sa PPP Green Island i pou bezwen pas atraver sa striktir PPP ki Gouvernman pe met an plas.  Toutafe.  E lo kestyon mon krwar fransman an toute verite, nou annan en pti tandans bliye ki annou dir demen GICC in fer en travay in fer en bon travay in byen gannyen in fer en bon profi.  Sa profi i retourn kot Gouvernman.

 

(mic off)

 

MR DEPUTY SPEAKER

Les Mr Savy reponn.

 

MR GLENNY SAVY

Tou profi.  Non, profi i senp.  Ou pran kont IDC ki’n  ganny met an plas par bann ki’n ganny fer par bann Oditer nou deklar – in ganny deklare si ou’n fer en perd si ou’n fer en profi.  IDC i peye dividends Gouvernman. Toutafe ; peye an plizyer fwa.

E i vre ki en serten kantite nou profi lakonpannyen Board of Directors i pran en desizyon par egzanp i dir a ok sa lannen nou pou gard en pe nou profi akoz nou pou al fer en Airport en landrwa nou bezwen al met en desalinasyon en tel landrwa.  Nou envestir dan lenfrastriktir lo bann Zil Elwanye.

Me annou pa bliye ki nenport R1 profi ki ganny fer i propriyete Leta e personn dot.  Mersi Onorab.

 

MR DEPUTY SPEAKER

Ok mersi Mr Savy.  Onorab Ferrari.

 

HON JEAN-FRANCOIS FERRARI

Mersi Mr Deputy.  Nou bezwen sey fer sa en pe kler.  Ok Mr Savy travay GICC in konmans travay konstriksyon lo Mahé in konmans avek en proze Gouvernman apre in al dan prive.

La prezan mon pe al lo bann detay.  Mon ti demann ou lekel 2enm kliyan.  Dan ou bann kliyan par egzanp, e enn ou bann pli gro kliyan se Parti Lepep ok ?  Ou’n fer Espace Building – ou’n aranz…

 

(mic off)

 

HON JEAN-FRANCOIS FERRARI

…les mwan koze silvouple.  Ou’n aranz sa bann Museum.  Kwa ki fer mon krwar ki ou pa’n fer en profi lo Gouvernman per se e ou’n pas lo ou’n fer en prix d’ami pou Espace ; ou’n fer pri de copain pou Mize kwa ki fer mon krwar si napa tender – if it’s not si napa bann public bidding, mwan mon anvi konpran pou dir mon anvi sey konpran akoz, akoz i annan bann de pwa de mezir.  Mon anvi konpran mon anvi ou sey eksplik mwan, ki kote mon pou ale pou mwan al rode pou mwan dir ki sa lazan ki dan IDC, ki mwan mon annan en par ladan.  Ki ou, ou pe servi, pou ou fer konstriksyon pou Parti Lepep ki mwan mon pa kontan sa bann msye dan Parti Lepep akoz zot in anmenn sa pei dan en problenm, sa i mon problenm ; mon bezwen demande be ki ou pe fer avek MON larzan ki ou pe anmenn dan Parti pou fer en building pou Parti Lepep kot mon pa’n in konnen.  E mon tande sa building in kout 150 milyon.

 

(mic off)

 

HON JEAN-FRANCOIS FERRARI

Mon a fini koze.  Mon a fini koze mon tande sa building in kout 150 milyon en manman building.  Selman bout Independence House Annex pou kout nou 200 milyon.  Konmsi mon pe zis sey konpran Mr Savy e piblik i oule konpran ki mannyer sa bann keksoz in marse?  Nou pa kapab zis pran ou parol; ou vini ou dir avek nou ou dir wi fodre ou konpran nou’n fer sa nou’n al kot labank ou pe pas pour Lakrwa Rouz. Sak fwa en Sinwan pa’n le fini en louvraz, ou ki’n ganny fer.  Sak fwa personn pa oule okip coralfill  ou ou’n vini.  Ou, ou’n sakrifye ou lekor.  Napa personn ki sakrifye son lekor.  Mwan mon anvi konpran, akoz i annan sa mess ladan kot nou pe involve politik ; nou pe involve bann sa.  Mon bezwen demann ou personnelman;  parey bann Board Members lo sa bann Green Oak, Green Tree bann keksoz koumsa.  Eski zot ganny peye an plis?  Eski ou vi ki ou en dimoun ki vreman ou parey en Firebrigade ou vin tenny dife partou kot i annan dife – ou’n benefisye personnelman?  Ou’n ganny keksoz? Ou’n ganny en bout later  – en landrwa ? Bann keksoz koumsa ?  Nou bezwen demande sa bann kestyon akoz it’s messy.

        E se sa – e ou pa reponn kestyon.  Ler mon demann ou en kestyon senp ou ale ou tay lo coralfill; ou tay lo bann pti bout keksoz, me solman ou pa pe reponn bann kestyon profon.  La i la.  Mersi.

 

MR DEPUTY SPEAKER

Onorab, ok, annou donn sans.  Ou’n poz plizyer, ou’n demann plizyer leklersisman.  Annou donn sans Mr Savy pou leklersi.  Go ahead Mr Savy.

 

MR GLENNY SAVY

Thank you Chairman.  Onorab mersi.  Napa okenn konfizyon dan mon latet sa mon kapab garanti ou.  Ok? Mwan  premyerman mon a fer kler ki mon ganny en sel saler par IDC.  Mon pa ganny en saler pou GICC ; mon pa ganny en saler pou Green Oaks; mon pa ganny en saler pou Green Tree.  Mon saler mon ganny peye par IDC, e mon saler i ganny determinen par Board ek Chairman IDC – premyerman.

Dezyenmman, ou ki ti demann mon kestyon lo coralfill e mon ti senpleman pe reponn ou kestyon.  Donk pa dir mon mon’n tay lo coralfillLer ou’n demann en kestyon lo coralfill.  E mon’n reponn ou kestyon l coralfill.  Si mon pa ti’n fer li ou ti pou dir mwan, mon pa’n reponn  ou kestyon.

Trwazyenmman ou’n demann mon si Board Members i benefisye tou sa bann Lakonpannyen mon larepons se non.

I annan en striktir an plas ki Gouvernman ti fer sorti lo bann Board fees,  ki bann manm Board dan bann Lakonpannyen Gouvernman i touse.  Le mon kapab konfirm avek ou ki IDC tou bann Board Members IDC, malgre ki kekfwa se Chairman IDC ki ti pe devret reponn ou sa kestyon me mon kapab asir ou ki tou dimoun ki pe ganny sa bann Board fees pe ganny Board fees, dapre sirkiler Gouvernman. Pa mon ki fer li.  Pa Board IDC ki’n fer li se Gouvernman ok ki’n pou fer li.

En lot pwen ki ou’n fer resorti, e sa mon pran lobzeksyon ;  koz ou pe tous lo mon lentegrite ki mon a fer en ‘pri dalon.’  Les mon fer ou konpran en keksoz byen klerman.  Premyerman mon si ou IDC mon annan en responsabilite dan sa pos ki mon pe tenir.  Mon napa ‘pri dalon’ ; si i annan en ‘pri dalon’, si mon fer en ‘pri dalon’ i pou sorti dan mon pos.  E mon a fer ou en kado.  Pa assets Lakonpannyen ki pou ki mon travay ladan ki mon napa Drwa donnen akoz mon pa en shareholder ok ?

        Nou’n fer Espace – set en proze ki premyerman i pa belong to Parti Lepep.  Mon pa ti sinyen kontra avek Parti Lepep pou Espace ok ?   E i ti annan pou fer  avek JJ Spirit Foundation, me pa Parti Lepep.  Wi nou ti fer, refer renovasyon biro sa ki nou apel biro SPUP ki ou konn byen ok ?  E nou ti ganny peye nou ti fer en kotasyon ok ? Ti annan bann enzenyer prive e arsitek prive ki ti pe travay lo sa proze.  E nou ti fer en kotasyon.  Nou kotasyon ti ganny aksepte, e nou ti ganny peye ok ?

        E les mon dir ki nou pa swazir ler nou fer en proze nou pa swazir ki Parti Politik sa dimoun i ete.  Akoz mon kapab – mon pa pou fer li dan sa Lasanble, me mon ti a kapab dir ou konbyen proze ki nou’n fer ki pou dimoun ki pa siport sa Gouvernman ou Parti Lepep pou mannyer ou’n dir.  Non.  Ok nou pa pou fer li.

E an plis, dernyerman mon ti a kontan fer kler, ki tou nou liv, tou nou depans tou nou revenir, tou nou bann kont ok ki ganny odite par en group oditer konpetan ok ?  Non.  Non, nou, nou provide Oditer avek management account.  Se job oditer pou satisfer son lekor ki sa ki nou’n provide li avek i accurate.  Ok ?

        An plis ki sa si ou pe sizere ki i annan malonnekte lo mon par, les mwan mon a fer ou byen konpran ki ou pe tret tou bann manm Board IDC pareyman.  Akoz zot, zot annan drwa kestyonn mwan, e demann mwan tou lesplikasyon lo tou proze ki nou fer.  Savedir, si mwan mon dezonnet, savedir zot, zot in permet mon dezonnet, e dan sa ka zot osi zot dezonnet.

E les mon dir ou Msye Ferrari –  Onorab – ekskiz mwan – Onorab Ferrari, depi zour mon’n travay ek IDC, e ki mon’n annan responsabilite IDC,  kont IDC e kont tou Lakonpannyen ki’n asosye avek IDC in ganny odite tou-le-z-an apropriyeman mannyer Lalwa in ganny demande.  Zanmen en sel fwa dan nou listwar, ki nou annan en kont ki’n ganny kalifye.  E mon krwar ou konnen ki mon pe dir, ler nou dir qualified accounts.

        E an plis ki sa, zanmen en sel fwa nou bann kont in an retar.  Nou’n ganny odite par en group Lakonpannyen ki mon konsidere e ki mon krwar lasosyete i konsidere konman en group profesyonnel. Nou’n ganny oditer a leksteryer dan letan IMF.  E mon krwar Mr Afif i okouran.  I ti la.  E mon krwar ki zanmen en sel fwa, nou’n ganny e ledwa ki’n ganny montre anver nou.  Akoz fransman Onorab mon pa bezwen sa.  Mersi.

 

MR DEPUTY SPEAKER

Mersi Mr Savy.  Onorab Ferrari nou ava retourn lo ou apre. Oubyen ou annan enn dernyen ok ale.

 

HON JEAN-FRANCOIS FERRARI

Mr Savy ou pa’n reponn mon kestyon.  Mon kestyon se ki si ou Konpannyen Gouvernman, tou lazan ki ou depanse i bezwen ganny accounted for.  E ou’n dir mon ki tou sa lazan in ganny accounted for.

Kestyon ki mon pe sey rode la se ki ou’n sarz Gouvernman pou bann proze.  E mwan mon santi pou dir sa bann pri i egzorbitan.  Mon kestyon se ki, vi ki ou’n konmans par fer bann travay piblik pou Gouvernman,  e apre ou’n al dan bann travay prive, ki mon krwar enn bann premye ti Jj Spirit Building.  Ou’n met en konfizyon dan tou sa bann keksoz e i lezitim ki mon demann ou si ou pa pe sarz Gouvernman an plis pou ou subsidize Jj Spirit Building e lezot travay ki ou pe fer pou bann parti politik.  Se sa lesans mon kestyon.  Se sa konfizyon ki’n arive dan sa travay ki ou pe fer avek NOU larzan mon repete.  E mon pa krwar ou devret ankoler si mon demann ou kestyon.  Akoz se NOU larzan.

E mwan mon pa’n le sinyen nanryen mal.  Mon pe zis dir mon pe dir poudir i annan konfizyon dan tou sa bann keksoz e nou bezwen kapab met en lord dan sa bann sityasyon.

Akoz nou Mr Savy mon a termin lo la.  Mwan mon pa konvenki pou dir, mon pa ankor konvenki pou dir Green Tree i devret aret travay konman en kontrakter.  Mon pa konvenki mwan.

Mon pe sey konpran pou mon kapab at the end of the day dir wi mon krwar Green Tree rekomann avek Gouvernman ki Green Island i kontinyen fer serten travay, oubyen i arete.  Se sel keksoz mon pe demann ou mon pe demann ou, se klarifye ki mannyer ou’n fer, ou’n manage sa relasyon ant Gouvernman avek serten Konpannyen prive.  E la mon pa pou re ganny laparol ankor, mon ti a vreman apresye ki ou donn mon an ekrir en pe plis sa bann lenformasyon lo sa tender ki ou’n gannyen ; sa quote ki ou’n fer pou Parti SPPF pou son Mize.  E sa quote ki ou’n fer pou Parti pou Jj Spirit Foundation akoz se nou larzan. Sa konminyon, sa caterpillar la, nou osi nou annan par ladan.

E mon pe sey move dan en sityasyon kot parey lontan ler ou ti dir sa – ‘mon zil. ’ Sa i nou Konpannyen.  I nou zil.  I nou, sa.  Se sa konmsi ki mon pe sey dir ou.  Ou pa bezwen ankoler.  Mersi.

 

MR DEPUTY SPEAKER

Ok.  Order! Order! Ok Mr Savy. Parol i pou ou.

 

MR GLENNY SAVY

Thank you Mr Speaker.  Onorab mon pa tro sir si mon’n si i en kestyon oubyen en statement ki ou’n fer.  Me toudmenm les mon reasir ou, ki tou proze ki nou’n fer, nou’n fer profi.  Ok ?  E i annan ki nou’n fer plis e i annan ki nou’ fer mwens.

Me mon pou dir ou parske ou’n dir mwan sa ou osi ou en propriyeter GICC, se tre byen.  Me mwan osi dan sa ka si ou, ou ete mwan osi mon ete.  Nou tou dan sa Lasanble nou ete.

Ok dan sa ka les mon dir ou ki profi ki nou ti fer lo sa Espace Building ti enn bann meyer profi dan tou nou bann proze.  Mersi. Mon a klarifye sa e akoz,  mon ava dir ou akoz aktyelman.  Set en batiman ki ti tre fasil pou konstrir.  Son fondasyon ti tre fasil ; i pa ti konplike i ti lo en later plat.  Donk travay ti mars ase vit.  E nou pa ti ganny en kantite difikilte parey nou’n gannyen ;  par egzanp kot Independence House Annex kot nou ti ganny bokou bann difikilte avek bann fondasyon e bann problenm laba.  Donk i ti mars tre byen.

E i annan en lot keksoz mon ti a kontan dir ou.  Se ke akoz nou ti fer sa batiman sa Mize SPUP ?  Mon krwar nou ti ganny aprose pou fer sa proze –  pa akoz nou t meyer marse.  Me lefe ki nou ti annan en bon pe leksperyans dan renovasyon bann vye batiman, ok?  E an plis i ti en batiman dibwa e mon krwar nou tou isi ater nou konnen ki GICC i annan en bon repitasyon dan travay dibwa.  Sanmenm nou ti ganny demande.

E fransman ler nou ti get sa proze, pou nou, nou pa ti pe get li ki pou Parti Lepep, oubyen i pou lot parti, oubyen i pou lot Parti nou ti get li an realite pou nou bann teknisyen ti en challenge ;  fer renovasyon lo en vye batiman, avek tou son bann pekilyarite – al rod tou son bann vye photo met ansanm, travay son dibwa dan lafason ki ti ete.  Dan la menm fason ki nou’n ganny bokou satisfaksyon fer renovasyon vye Lakour avek Supreme Court ki byento i ava ouver.

E nou’n fer bann grann kaz lo zil eksetera ok?  Donk mon ti a kontan reasir ou ki wi byensir  konfizyon i fasil fer.  Ok konfizyon i fasil fer. Me mon pa krwar e fransman mon pa pe dir ou sa – lanmen lo mon leker – mon pa krwar ki en sityasyon ki bezwen ganny eksplike,  i devret ganny demande dan en fason ki tous lentegrite en dimoun ki’n pas son lavi fer en travay ki laplipar dimoun dan sa pei pa ti pou oule fer.

 

(mic off)

 

MR GLENNY SAVY

Onorab Ferrari si i annan en dimoun dan sa Lasanble ki konn mwan byen, se ou.  Nou ti grandi ansanm.  Nou ti grandi ansanm dan menm kanton ; nou ti al lekol ansanm.  Nou’n mars ansanm nou’n sorti ansanm ; mon pa konnen konbyen forfe nou’n fer ansanm.

Me i annan en keksoz ki mon pou touzour dir.  Ok? Mon’n touzour onnet, parey ou ou’n onnet.  E zanmen mon pou tous ou lentegrite, akoz mon konnen kot ou lentegrite i ete.  E ou konnen kot mon lentegrite i ete.

E mon ti ava apresye.  Non, non mon pa pou demann personn apologies, mon pou senpleman dir Onorab Ferrari si ou annan okenn detay, okenn dout, okenn keksoz lo sa ki nou’n fer.  Ou annan mon limero mobile ou ava ganny sa lenformasyon ki ou’n demande.  Me pa demann mwan, pa demann mon lenformasyon lo en proze prive ki pa mon Drwa Pa demann mwan – tou dimoun ki annan mon pa pou vin dir ou demen konbyen lakaz msye entel ou madanm entel in koute.

Si msye entel e madanm entel i oule vin dir ou i son Drwa.  Eski mon’n klarifye mon lekor?

 

(mic off)

 

MR DEPUTY SPEAKER

Ok nou move on. 

 

HON JEAN-FRANCOIS FERRARI

Se sa zisteman konfizyon. Ou en Konpannyen piblik, ou Konpannyen piblik.  E se sa kot konfizyon i ete.  Piblik i egzize, konnen sa bann keksoz.  E se pou sa ki kekfwa ler nou pou’n fini fe sa dyalog sa deba sa lesanz, ou pou vwar pou dir enn bann konfizyon se ki en Konpannyen piblik pe fer bann building prive, pou serten dimoun.  E sa i mon si sef Laxmanbhai ki mon konn li byen i vin fer en travay pou mwan.  Tou dimoun, tou mon vwazen i kapab mazinen i kapab pe ganny en bon deal avek sa msye.  Akoz i mon zanmi.  Me li i prive.  Ou, ou piblik.

Se pou sa, sa bann kestyon i vini.  E se pou sa, sa konfizyon ki’n egziste tou sa bann lannen ozordi i pe sorti.  Mersi.

 

MR DEPUTY SPEAKER

Ok Onorab Ferrari.  Bon nou move on.  Onorab John Hoareau.

 

HON JOHN HOAREAU

Mersi Mr Speaker.  Bonn apre midi Mr Speaker.  Bonn apre tou Manm. Bonn apre midi Mr Savy. Mr Savy mon ti anvi zis konn en pti pe konbyen an term dividend GICC in peye avek son parent company IDC pandan sa dernyen 5an – si ou annan sa sif oubyen si ou kapab donn nou en lide?

Dezyenmman mon ti ava anvi konnen osi anvi ki ou’n koz lo liabilities ki GICC i annan e la i pe al anver dissolution.  Mon ti ava anvi konnen si ou annan sif ki kantite liabilities GICC i annan?  Si ou kapab fer nou konn sa.

E parey ou’n eksplike i annan en progranm management of liabilities through sa PIP ki ou annan avek Green Tree, Green Oak.  I byen pou nou osi konnen ki kantite IDC pou perdi, atraver sa – parske ou’n dir nou poudir en IDC pou perdi en pe atraver liquidation son bann assets.  Mon ti ava konmsi anvi konnen kantite ou pe mazinen ki IDC pou perdi?

E si ou annan en plan pou bann travayer ki ou bezwen al met zot redundant.  Mersi.

 

MR DEPUTY SPEAKER

Mersi Onorab.  Mr Savy.

 

MR GLENNY SAVY

Thank you Mr Speaker.  Thank you Onorab.  Mon profi ki IDC avek GICC i fer se piblik.  I ganny pibliye dan nou bann dan nou bann kont.  E zeneralman anfen dernyen 3 4an zeneralman nou’n fer apepre 20 – 25 milyon Roupi profi.  E ki mon a fer se ke mon a fer en set kont IDC, GICC mon a summarize sa mon ava fe mon ava anvoy kot zot, zot a ganny tou bann sif egzakt.  Mon napa tou sa antet.  Me mon konnen nou profi zeneralman par an i ant 20- 25 milyon Roupi.  E sa ki mon kapab dir se ke ler nou konmans en lannen – anfen, en lannen finansyel, nou Board i set pou management en target; en Bidze e en target en target profi.

E sa ki mon fyer dir se ke pandan dernyen 3 4 kekfwa 5an nou’n touzour nobou fer en pti pe pli byen ki nou ti pe ekspekte.  Malgre ki dan dernyen 2an, nou’n pas dan de moman ase difisil.  Menm sa lannen i en lannen ase difisil pou plizyer rezon.

Enn par egzanp konman zot konnen nou’n perdi tou nou revenir Farquhar.  Parske enn an edmi nou napa revenir.  E nou pe envestir nou pe konstrir.

Lotel Desroches in fermen.  Donk tou nou bann flights toulezour ki ti pe ale derive revenue lo la.  Nou pa pe gannyen.  Donk in pas lannen difisil me nou’n nobou diversify en pti pe dan tou kote, konman tou management, ki pou fer ler ou pas dan difikilte, ou pran serten mezir, pou ou pase dan sa bann difikilte.  E nou’n ase byen sorti, nou’n ase byen fer. E sa se prensipalman devosyon osi nou staff ki’n permet sa arive.

Donk mon ava fer zot par venir sa bann sif egzakt lo profitabilité IDC ek GICC.  Mon krwar 2enm pwen ki ou ti tous lo la, ti annan keksoz pou fer konsernen bann garanti bann building ki dan lefitir.  Eski i korek sa?

 

HON JOHN HOAREAU

Mersi.  Mon’n demann lo ki kantite liabilities GICC i annan?

 

MR GLENNY SAVY

Mersi Onorab.  Wi nou napa liabilities ki an defo.  Setadir we have no, no liabilities ki nou ki pa’n kouver.

Wi nou annan liabilities akoz nou pret lazan ek labank eksetera ki normal.  Me nou annan assets ki kouver sa bann liabilities.  Me nou napa okenn liabilities ki met an peril Lakonpannyen.  Me toutafe mon ti’n dir dan mon prezantasyon ; lefe ki GICC ti envestir dan en serten kantite lekipman, eksetera, eksetera ;  e ki si demen nou pe al aret sa bann aktivite,  kekfwa sa bann lekipman nou pa ti’n ava aste sa bann kantite lekipman.

Me i pa ki nou pou aret konstriksyon antyerman.  Nou pou kontinyen konstrir lo nou bann zil.  E  parey nou’n diskite avek bann Komite Zil, i annan ankor bann proze ki pe fer lo bann zil.

Donk nou a kapab servi sa bann lekipman.  Kekfwa nou pa pou kapab maksimiz lo sa ki nou’n lo sa ki nou ti panse, nou ti pou kapab maksimize lo konmansman.  Me mon pa krwar ki i pou met nou ater.  Sertennman pa.

E an plis ki sa Onorab, piske nou progranm condominium i en progranm ki pou ale pou ankor probableman 3an.  Ki nou fini sa 150 apartments ki nou pe fer. Donk nou lekipman olye kekfwa sou Kontra – subcontract serten travay ki nou ti pe fer, e nou ti pou fer dan lefitir.  E kekfwa olye subcontract nou, nou ava kontinyen fer tou sa travay nou menm.  E maksimiz bann lekipman ki nou annan.  E kontinyen.

Nou bann – lo nou kote travayer, nou bann profesyonnel an partikilye – akoz nou met bokou lanfaz lo GICC pou train nou bann profesyonnel, prensipalman enzenyer eksetera,  QS ki   Seselwa, se bann dimoun ki pou reste avek nou e a kontinyen bann travay lo kote IDC. 

        E evidaman nou bann travayer field workers savedir bann mason, sarpantye eksetera parey nou tou nou konnen, laplipar sa se bann dimoun ki lo Kontra ki sorti deor.  E nou napa okenn lentansyon a sa pwen pou aret zot Kontra e fer zot ale.

Mon krwar nou nobou manage avek travay ki reste nou; ki ava anmenn nou ziska lafen lannen prosen.  Nou a nobou manage sa prosesis e ki okenn dimoun pa sibir okenn imen.  Pe enport isi lokal lo enporte i a va an defo son Kontra.  Setadir nou pa espekte.  E mon espere ki nou pa bezwen get to that point.  Mersi en fini man Onorab.

 

MR DEPUTY SPEAKER

Mersi Mr Savy.  Onorab Arrisol.

 

HON SANDY ARRISOL.

Mersi Mr Deputy Speaker.  Bonn apre midi Mr Savy.  E avek ou lekip ki’n vin dan Lasanble.  Mwan mon ti annan mon ti a kontan zis remind deor Mr Speaker letan nou pe koz lo avek Mr Savy dan Lasanble, i ozordi nou pe koz spesifikman lo konstriksyon.  Napa nanryen pou fer zil.  So letan zwenn mon anvil demen bomaten oubyen taler pa dir mwan mon pa’n demann kestyon lo torti, lo zil, lo vyey sepa kisisa.

Ozordi kestyon i lo konstriksyon Green Tree Company. Green Island Company.  So mon ti a kontan demann Mr Savy an relasyon avek kot in kite taler, si ou ti kapab dir nou ou Lakonpannyen si ti annan okenn rol ki rol ou Lakonpannyen ti zwe dan konstriksyon legliz Saint Louis ek Bel Ombre?

Mon pe demann sa kestyon parske mon rapel loter Mosyon Mr Onorab Ramkalawan ki la, en lepok ti annan en pikep kot i ti vin sers bann travayer Endyen.  Si mon rapel byen kot Espace i ti laba lo site monte desann tou lazournen. Alor ki rol ou Lakonpannyen ti annan an relasyon avek sa?

E dezyenmman, mon ‘ti a kontan demann ou, parske mon ganny demande sa kestyon deor kantite.  Ki eski Mr Ramkalawan li menm loter Mosyon Onorab Ramkalawan ki la.  Eski i annan i lo en Board Member? I annan share dan ou Lakonpannyen? Konmsi sey eksplik nou.

Parske on ler mon dir dimoun deor ,zot dir mwan mon dan menm parti, alors sa ki mon pe dir i pa fer sans.  So ozordi ou la.  Mwan mon’n ganny sa loportinite pou demann ou sa.  E pou ou leklersi mon e tou bann dimoun ki pe ekoute laba deor ki rol Onorab Ramkalawan ki la li annan dan Lakonpannyen.  E sa konstriksyon ki ti arive lo Legliz Saint Luke.  Mersi bokou Mr Speaker.

 

MR DEPUTY SPEAKER

Mersi Onorab Arrisol.  Mr Savy laparol i pou ou.

 

MR GLENNY SAVY

Mersi Mr Chairman.  Mersi Onorab.  Ou annan toutafe Drwa demann ou kestyon lo la, parey Onorab Ferrari in demann son bann kestyon e mwan mon responsabilite se eklersi sa sityasyon.  GICC ti donn en koudmen fini sa Legliz atraver prêt -mon krwar 4 ou 5 ou 6 sarpantye spesifikman.  Akoz sa Legliz ki ti pe ganny konstrir Bel Ombre ti annan en opening date e ti annan serten retar.

E nou tri ganny aprose pou vwar si nou ti kapab donn en koudmen.  Mon ti diskit sa, avek mon Board, e parey mon diskit nenport ki donasyon ki nou fer avek ki lenstitisyon e nou ti dakor pou donn en koudmen.

Nou pa ti fer legliz.  Ou konnen parler mon ganny lenpresyon mon osi mon tann sa bann zafer parey ou dir ou ganny arete dan semen ou ganny demande, mon osi mon ganny demande.  Par ler mon ganny lenpresyon ki nou’n al laba nou’n konstrir en legliz nou pa’n  al konstrir en Legliz nou.  Nou’n al donn en koudmen en Legliz en lasosyasyon dimoun pou fini zot proze Legliz.

Sa Legliz otan ki mon konnen i pa pou Mr Ramkalawan, i pa pou Glenny Savy.  I pou bann zabitan sa  distrik.  Akoz zot pa demann sa kestyon akoz mon ti fer Legliz Silhouette.  Legliz Silhouette wi mon ti pran li preski son fondasyon i ti’n preski tonm ater ok ?

        Legliz Silhouette nou’n depans plis ki R500 mil lo la.  Pa pou mon, se pou sa kominote.  Mon a fer resorti ankor en pwen ok?

Parey mon’n dir nou ti pret 4  5  6 travayer pandan en peryod 2 semen ou 3 semenn pou fini en pe travay sarpantye lo la e se tou.  Wi mon ti koz Avek Mr Ramkalawan lo la.  Me i annan osi bann lezot dimoun ki’n koz ek mon lo sa Legliz pou donn en koudmen.

Nou osi dan nou lakonpannyen i annan dimoun ki sorti dan sa Legliz Protestan ki ti’n koz avek mwan lo la.  Me akoz, nou pik lo sa ?  Par egzanp plen fwa mon’n tande sa zafer R1 selman personn pa dir ki IDC ti aste en bout later avek en Lakonpannyen etranze obor laba lo Airport kot nou pe devlop nou lenfrastriktir reparasyon avyon operasyon avyon.  Sa later ti ganny aste par IDC.  Avek en Lakonpannyen deor prive.  E ler Legliz Pointe Larue ti pe konstrir Levese ti demann ou si i kapab ganny en bout later pou li fer son Legliz en pti pe pli larz en pti p[e pli gran.

E ankor enn fwa mon ti al kot Board IDC i pa pou mwan mon ti dir ,i annan sa sityasyon Board ti refer sa matter avek Gouvernman i ti donn en, e Board toi donn en rekomandasyon pou donn en bout later Legliz Pointe Larue.  E nou ti donn li pou R1.  Tou sa personn pa dir.  Sa nou pa tande sa ok?  Nou tann zis sa ki mon’n fer pou Parti Lepep, nou tann zis sa ki mon’n fer pou Mr Ramkalawan.  Non annou onnet. I responsabilite GICC ek IDC pou partisip dan bann Proze Sosyal ki benefisye popilasyon.

Nou’n fer li pou bann zanfan lekol Grand Anse.  Nou’n fer li pou bann zanfan lekol English River.  Nou’n fer li dan bann klinik.  Nou’n fer li dan bann lopital.  Ok? E la se laverite.

Si prezan Mr Ramkalawan son kontribisyon sete pou ranmas travayer bomaten pou al anmenn lo site se son kontribisyon.  Nou, nou Lakonpannyen nou’n Anmenn en kontribisyon pou bann zabitan Bel Ombre.  E nou fyer dir li.

E si demen bomaten en lot Legliz i vin demann nou en koudmen pou fer en keksoz i pa mon desizyon, mon ava anmenn li kot mon Board e mon Board i ava pran en desizyon lo la pe difisilman mon vwar mon Board pa aksepte pou donn en koudmen pou ed lasosyete.

Onorab mon espere ki mon’n nobou anmenn en pe leklersisman lo la.  E ki nou ava aret tann bann rimer, lo sa travay ki nou’n fer lo sa Legliz oubyen lo bann travay sosyal ki nou’n fer pou nou popilasyon an zeneral.  E parey mon ti dir, mon ti dir avek Mr Onorab Ferrari tou taler nou pa ed dimoun akoz zot kouler, Akoz zot Larelizyon e akoz zot krwayans politik.  Nou fer li onnetman.  E otan ki mwan mon la i pou touzour koumsa.  Mersi Onorab.

 

MR DEPUTY SPEAKER

Mersi Mr Savy.  Onorab Woodcock.

 

HON WAVEL WOODCOCK

Mersi Mr Speaker.  Mr Savy ou’n fer en bo statement pli boner ler ou’n dir ki pri konstriksyon in desann ler GICC in vin lo market.  Se GICC ki’n ganny Kontra pour renovate ex-Court House dan Victoria Green Island  – I stand to be corrected pe sarz R28 mil par met kare ki egzorbitan letan ou pe konpar avek rate standar pour konstriksyon ki R11 mil par met kare.  Avek sa rate egzorbitan ki Green Island pe sarze ki mannyer ou kapab dir ki GICC pe fer desann kou konstriksyon? E sey eksplik nou en pe ki fason ki GICC pe fer desann kou konstriksyon ?  Mon 2enm kestyon se eski i vre ki GICC ti ganny refund VAT lo materyo konstriksyon pour building Espace ?  Mersi.

 

MR DEPUTY SPEAKER

Mersi Onorab.  Mr Savy.

 

MR GLENNY SAVY

Mersi Mr Chairman.  Onorab sa premye kestyon ou pe koz lo Supreme Court ?  Ou fer referans sorry ex-Supreme Court House?  Mersi Onorab.  Onorab fransman sa pri R28 mil par met kare, i paret mwan pa korek.  Mon krwar definitivman i annan en lerer la.  Mon ti ava permet mon pour al verifye sa e retourn ver zot avek bann accurate figures egzakteman konbyen i koute e pa zis konbyen i koute, ki ti egzakteman son scope of works e ki nou’n fer ki nou’n mete eksetera.  Nou ava toutafe sa se en proze Gouvernman Piblik e nou tou nou annan drwa e pour konnen ki’n pase e definitivman mon ava permet ou avek sa. Me sa pri R28 mil par met kare i paret mwan ki definitivman i annan en lerer ladan.  Sa ki mon kapab dir ou, se ki fer renovasyon lo en batiman Istorik parfwa i en pe ser mon a donn ou en pti legzanp.  Dan sa Supreme Court ex-Supreme Court avek ex-Appeal Court mon krwar zot tou zot konnen ki ti annan bann i pa fer froze i fer lafont bann balistrad lafont ki ti ganny fer plis ki 100an pase dan lanmen.  E i annan bokou ki sa bann bout balistrad ti’n ganny kase e en desizyon ki ti bezwen ganny pran eski nou al rekonstrir sa, oubyen sanze met en lot.  E evidaman ler nou ti diskit avek tou bann lotorite konsernen, zot ti ensiste ki nou devret gard li egzakteman sa ki i été 100an pase.  E fransman nou ti ganny bokou difikilte pour rod en Lakonpannyen ki kapab vid lafont dan en moul an ter pour reprodwir sa ki nou ti annan.  E finalman wi nou ti trouv wi en pti  – pa dir en Lakonpannyen.  Nou ti vwar en dimoun ki ti ankor fer sa dan en fer fron Sri Lanka, kot i ti ankor pe fer en moul dan later i vid feray dan later pou fer sa.  Nou ti pran bann sample, isi nou ti anmennen e sa dimoun ti refer sa.  E sa i kout ser akoz i ti en travay ki ti bezwen pasyans ; ki pran letan ki pran bokou letan, akoz i arive fer zis enn par zour.  E donk ou annan bann serten eleman lo bann renovasyon Istorik kot i kapab kout ou en pe pli ser, akoz i servi bann materyo ki depi byen lontan ; ou pe replik sa materyo ou pe al rod sa dibwa eksetera me sertennman pa sa sif ki’n mete la nou ava eklersi sa e nou ava fer ou ganny sa.  Mersi Onorab.

 

MR DEPUTY SPEAKER

Ok, mon krwar i annan en 2enm kestyon Mr Savy.

 

MR GLENNY SAVY

Wi.

 

HON WAVEL WOODCOCK

Mon le fer resorti eski i vre ki GICC ti ganny refund VAT lo materyo konstriksyon lo building Espace ?

 

MR DEPUTY SPEAKER

Ok. Mr Savy.

 

MR GLENNY SAVY

Mersi Mr Chairman.  Onorab ou pe demann mon en kestyon ki mon prefere verifye avan mon reponn ou lo tou sa bann kestyon VAT.  Akoz fransman se pa en keksoz ki mon dan Lakonpannyen mon okipe se mon Departman Finans ki pour deal avek sa bann kestyon VAT.  Mon konnen dan le pase ti annan serten kestyon priyorite leklersisman ti annan serten problenm, akoz serten proze, par egzanp proze Lakaz Rezidansyel ti napa VAT  – building komersyal ti annan VAT eksetera.  Me pour mon kapab reponn fran e avek accuracy, permet mwan sa pti gin letan pour mwan al fer verifye sa, e mon ava retourn sa lenformasyon kot Lasanble kot zot tou.  Mersi Onorab

 

MR DEPUTY SPEAKER

Mersi Mr Savy ou ava fer Lasanble Nasyonal ganny sa bann lenformasyon mersi.  Onorab Flory Larue.

 

HON FLORY LARUE

Mersi Mr Deputy Speaker.  Mr Savy eski ou kapab klarifye lekel ki CEO GICC, Green Tree ek Green Oak.  Akoz i pa kler parey Onorab Henrie ti dir taler i annan en pe konfizyon avek sa Lakonpannyen, si ou ti kapab klarifye pour nou ?  Si ou kapab osi dir mon konman en CEO Parastatal ki zer larzan Lakonpannyen parey ou’n dir taler atraver ou Board eski Board i donn lotorizasyon pour aste bann kado, ouswa bann  – parey ou’n dir bann donasyon pour endividi prive e ki bann limit si ou donnen zot fer sa?  E mon 3enm kestyon lekel Asirer ki zot servi Insurance Company ki sa bann Lakonpannyen i servi ?  IDC, Green Island, Green Tree, Green Oak lekol zot Insurance Company silvouple ?  Mersi.

 

MR DEPUTY SPEAKER

Mersi Onorab.  Mr Savy.

 

MR GLENNY SAVY

Mersi Mr Deputy Speaker, mersi Onorab.  Premye kestyon se CEO GICC se mwan.  GICC pa anploy en lot CEO, ki pey en lot CEO.  E an realite pour rezon administratif se mon.  Akoz ou bezwen annan en dimoun administivman ki responsab pour en Lakonpannyen e se mwan.  E mon pa pe ganny okenn saler kwa ki se swa pour sa rol administratif ki mon pran pour GICC.  E ki swa ek Green Oaks ouswa Green Island mon pa ni krwar – parey mon’n eksplike sa de Lakonpannyen se bann Lakonpannyen envestisman, zot pa trade toulezour.  I pa en keksoz en 2 lakonpannyen i bezwen en CEO as such.  I bezwen en striktir administratif ki i gannyen e me se mon ki CEO GICC.  Lo kestyon gifts, mon pa’n byen sezi ou kestyon ki egzakteman konsernan gifts?

 

HON FLORY LARUE

Mon kestyon i ki as a CEO travay avek ou Board atraver ou Board, zot in koz lo bann donasyon ki zot fer – ou’n donn en pe legzanp eski zot Board letan zot donn kado ouswa sa Don.  Eski zot annan en limit ki zot regarde ; ouswa ki mannyer zot regarde deside letan zot pe donn sa bann Don ki mannyer zot fer ?

 

MR DEPUTY SPEAKER

Yes Mr Savy.

 

MR GLENNY SAVY

Onorab, mon konnen par egzanp tou le mwan kot IDC nou fer en pti lafet pour tou dimoun dan Lakonpannyen ki’n ganny en laniverser pandan sa mwan.  E souvandfwa nou bann staff i ganny en pti kado ou kwa ke se swa.  Me si ou pe sizer avek mon i pa en Polisi IDC i fer kado dimoun a mwen i annan en rezon fer kado dimoun ; akoz non.  Mon pa pe sezi kot ou pe sey ale.  Me kado as such fer kado pour aste dimoun ou kwa ke se swa non.  Sa nou pa ladan nou pa antre ladan en nou pa fer li.  Finalman ou 3enm kestyon se konsern Lasirans nou annan Lasirans avek sa 2 konpanny prensipal isi Mahe me bokou nou bann Lasirans ki nou travay avek se Harry Savy Insurance nou annan enn de assets ki nou manage ki nou annan ki avek Sacos.  E zeneralman ki nou fer, we try we get the best deal parey nou dir pour nou bann Lasirans.  Me fodre osi pa bliye ki partikilyerman dan ka konstriksyon i annan serten Lasirans an realite pandan konstriksyon se kliyan ki determinen kote ou pour pran sa Lasirans.  E la nou bezwen swiv sa ki kliyan i demann nou pour fer.  Me nou’n deza annan dan lepase serten lensidan avek IDC avek serten Lakonpannyen Lasirans ki’n afekte nou finansyerman akoz ler nou ganny claim nou ti annan domaz ki’n pase nou ti annan claim nou pa ti ganny peye.  Donk evidaman nou travay avek Lakonpannyen Lasirans ler nou ganny kalamite ou pran Lasirans pour sa ou aste Lasirans pour sa.  E tro bokou fwa ki ler ou ganny en kalamite ou pey Lasirans ou ganny kalamite ou ganny en kantite zistwar, e finalman ou kalamite i vin en pli gran kalamite.  Donk se Board IDC e mon repete se Board IDC ki partikilyerman – ler nou pe koz bann gran kouvertir – bann gro kouvertir se Board IDC ki annan sa responsabilite, pour asire ki nou’n kouver Lasirans e avek ki nou pe pran Lasirans.  Mersi Onorab.

 

MR DEPUTY SPEAKER

Mersi Mr Savy.  Dernyen kestyon Onorab Larue.

 

HON FLORY LARUE

En follow-up question.  La mon annan en dokiman ki montre en tranzaksyon Mr Savy kot en lot Lakonpannyen Parastatal ti aste en Hovercraft pour en Mr Albert Rene pour son laniverser e ou’n siny sa dokiman ki demann  Minis Finans pour exempt duty lo sa kado ki’n aste avek larzan Lakonpannyen Parastatal.  Eski dan sa ka ou ti ganny lotorizasyon Board pour fer sa tranzaksyon Mr Savy ?  E eski ou krwar i annan en konfli lentere avek ou Lasirer lefe ki…

 

MR DEPUTY SPEAKER

Non Onorab. Onorab mon krwar ou pa pe vin lo merit sa Mosyon ki sa Mosyon in demande e kestyon ki Manm i devret kestyonnen lo sa Mosyon.  Annou tenir lo konteks ki devan nou ok?

 

HON FLORY LARUE

Me sa bann Lakonpannyen.

 

MR DEPUTY SPEAKER

IDC, Green Island atraver IDC son rol konstriksyon e son rol ki pe zwe dan pei ok ?

 

HON FLORY LARUE

Mersi Mr Deputy Speaker mon konpran ou konpletman, me la i pe vin lo lentere bann depans larzan Piblik konman en Parastatal i pe pran Insurance e ki i annan en konfli lentere letan IDC pe pran Lasirans avek HSavy ki belong to Corvina.  E dan Corvina Mr Savy i son Lakonpannyen Vandagne i annan menm poursan share.

 

MR DEPUTY SPEAKER

Onorab Larue ou pe al an deor scope, ou pe al an deor scope.  I kapab annan en lokazyon dan le fitir ki ou a kapab lev sa kestyon me i pa dan scope sa Mosyon ok?

 

HON FLORY LARUE

E sa kado ?

 

MR DEPUTY SPEAKER

Onorab.

 

HON FLORY LARUE

Osi i pa dan scope ?  Akoz in servi en Board Parastatal pour donn en kado ?

 

MR DEPUTY SPEAKER

Non, non ok.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman, petet zis mon ava remet ankor e bann kestyon ki’n demande sete pour nou vreman konnen.  E mon krwar ki sa mon konfizyon ki’n lev-e sete pour nou kapab pour dan en pli bon pozisyon.  E mon krwar ki la kot nou été nou konman bann Manm Lasanble nou’n kapab atraver bann kestyon ganny serten leklersisman.  Parske bi sa legzersis sete pour nou regarde si sa desizyon ki Gouvernman pe pran, i pour benefisye pei – si i pour fer desann pri konstriksyon anliny avek sa ki nou pe sey rode pour nou fer desann pri lavi.  Alor mon krwar ki lo sa mon ti ava kontan dir ki nou ganny bokou leklersisman e letan Lasanble i ava kontinyen avek son deba, i ava annan diferan fason pour abord li.  Mon ti ava kontan demann Mr Savy e la mon vin spesifik ; in koz lo fer bann lakaz pour zot travayer.  Si i ti kapab dir avek nou letan Green Island Construction pe fer lakaz pour son travayer, konbyen par egzanp en lakaz 2 lasanm i koute ?  Konpare avek lo marse an zeneral akoz pour nou regarde ki kalite benefis pour ki ankor enn fwa sa i ava ed nou pour regarde an term sa desizyon ki Gouvernman pe fer, pour nou kapab konpar bann pri.  E lo en lot nivo letan nou ti pe vizit Zil Farquhar dan sa rekonstriksyon ou ti mansyonnen ki poudir si lo Farquhar ou kapab konmsi sa pri konstriksyon i kapab ase ba ki poudir avek tou zot bann kou transportasyon.  E alor si zot ti pour fer sa bann menm kalite konstriksyon oubyen lezot i ti pour vin bokou pli ba ankor.  Mon ti a kontan konnen ki degre pli ba ki GICC i ti ava kapab fer desann pri konstriksyon – la mon pa pe koz lo bann gro batiman la.  Mon pe koz lo lakaz pour nou bann dimoun, pour ki letan zot fini fer lakaz zot pa trouv zot avek en det ki enposib pour zot peye.  Sa i ava mon premye kestyon e apre sa baze lo la Mr Deputy Speaker mon ava demann en lot kestyon.  Mersi.

 

MR DEPUTY SPEAKER

Ok. Mersi Onorab Ramkalawan.  Mr Savy.

 

MR GLENNY SAVY

Mr Deputy Speaker mersi, Onorab mersi bokou.  Mon ti a kontan fer resorti ki mon apresye bokou sa deba ki Lasanble pe fer lo sa kestyon Konstriksyon.  Akoz nou tou finalman a lafen lazournen nou annan en sel bi se pour sey met otan ki posib en pri konstriksyon dan pei ki rezonnab.  Ki nou sey sorti dan en sityasyon kot en dimoun ki swa ris ou pov, gran ou pti lakaz i donn en Kontrakter son lakaz, son biro son batiman pour fer e ki premyerman zanmen i ganny fini a ler ; dezyenmman son kalite i pov e trwazyenmman i fini par pey bokou plis ki i ti’n prevwar ou ki i ti kontrakte.  E sa problenm nou’n vwar li lo en nivo prive, me nou’n menm vwar li mon krwar lo en nivo Leta – dan en proze ki Leta i enplik son lekor ladan.  Donk sa ki mon ti senpleman anvi dir ki GICC, IDC i en Lebra Leta si demen nou kapab zwe en rol pour amelyor sa sityasyon ki swa amelyor pri ki swa etablir standar eksetera nou pre pour fer li nou pare pour fer li.  Me pli enportan sa ki mon le fer sorti se nou pa’n sorti avek sa lide vin fer konstriksyon konmsi i nef in fek sorti dan en bwat non.  Parey mon’n fer resorti dan mon prezantasyon nou annan 37an leksperyans deryer nou e se sa leksperyans ki nou pe met a la dispozisyon Leta pour ed leta si Leta i bezwen nou.  Sa se plito en statement.  Dezyenmman Manm Onorab i annan en pti pe letan pase – kekfwa i pa dan dernyen 2 mwan – 3 mwan, i annan en pti pe letan pase nou ti fer lakaz pour nou bann travayer ki lo zil.  E se bann lakaz ki bann batiman senp me konfortab pour en fanmir konmans son lavi.  Pri an prensip in varye ant R6 a R10 mil met kare.  E akoz in varye an R6 a R10 met kare se ki, i depan premyerman lo zistans sa proze i été avek Victoria akoz ou annan transportasyon. Transportasyon krwar mon i zwe en rol ase enportan dan kou en lakaz pli i lwen avek Lavil pli i pour kour pli ser – premyerman.  Dezyenmman i depan en pti pe lo site kot mannyer sa site i été ; eski i annan bokou travay pour fer lo teren pour plati teren oubyen pour fer retaining walls eksetera.  Donk sa osi i zwe en rol enportan.  Me sa ki mon kapab dir se ki detrwa mwan pase avek R6mil – R6, 500 ou ti kapab fer en lakaz par egzanp 2 lasanm pour en pti fanmir ki ti pe konmanse – ase senp, me konfortab e striktirelman korek, avek laport e lafnet korek e en lakwizin e salle de bain korek pour apepre R6, 500 en met kare.  Ok ? Wi kekfwa ou kapab diminyen en pti gin, si ou pare pour pran en lakaz ki dan serten lespas, ou pa ankor met tiles ater.  Ou kapab annan sa ki nou apel en polished floor kot nou servi sa ki nou ti servi lontan se Kima pour fini li.  E ou kapab ler ou pe fer sa lakaz fer serten provizyon ki dan lefitir ler ou annan en pe plis larzan ou ava azout tiles – ou ava fer en flooring ki swa dibwa ou tiles eksetera.  E souvandfwa nou fer sa legzersis avek nou staff.  Akoz ou konnen la pli par dimoun ki vin kot ou pour fer son pti lakaz, i konmans dir ou mon le sa tiles mon le en benwar jaccuzi ; oubyen  mon le aircon ; mon le aluminium windows eksetera.  Wi tousala i kapab ganny fer, me i annan en kou.  Me mon krwar pour reponn ou kestyon e sa ki mon krwar ou pe vreman rode se konbyen i koute pour ganny en basic house pour en dimoun ki pe konmans lavi.  Onorab en lakaz byen konstri, solid, konfortab, safe ki demen ou kapab azout lo la e amelyor li mon ti a dir dan konteks ozordi si son sit i pa konplike nou devret kapab fer li antre R6 a R6,500 en met kare.  Mersi Msye.

 

MR DEPUTY SPEAKER

Mersi Mr Savy.  Onorab Ramkalawan.

 

HON WAVEL RAMKALAWAN

So sa ki ou pe dir pour en lakaz de lasanm de a trwa lasanm nou pe koz en sonm aviron R700 mil.  R700 mil 100 met kare wi, ki en gran lakaz.  100 met kare i en gran lakaz e nou pe koz R600 mil a R700 mil.  Baze lo la – parske definitivman sa ki ou pe dir nou la se ki sa ki GICC, i kapab fer i bokou pli bon marse ki sa ki bann lezot Kontrakter pe ofer.  Se sa ki ou pe dir nou e alor petet mon kestyon ki ava swiv se eski GICC atraver Board IDC, eski zot santi ki sa desizyon ki’n ganny anonse, i pour en desizyon ki pour vin lo dezavantaz nou pep, oubyen zot pour zot i ava konman en fardo ki’n sorti ?  Ki zot thinking laba kot IDC atraver GICC an term sa desizyon ki’n ganny pran?  E rezon ki mon pe demann sa Mr Chairman se parski  dan sa deba – e byensir nou pour rod en fason pour nou fer serten rekomandasyon.  Parske la deza lo pri lakaz, mon plis ki sir ki plizyer dimoun la ki pe ekout nou, letan zot pe tande en lakaz 100 met kare pour ariv ou R600 a R700 mil, zot pe kalkil sa ki zot in peye pour zot fer lakaz, ki probableman desot en R1 milyon e ki pa ankor fini fer.  Alor si ou ti a kapab donn nou en thinking lo zot kote ki mannyer zot vwar sa desizyon ?

 

MR DEPUTY SPEAKER

Mersi Onorab Ramkalawan.  Mr Savy.

 

MR GLENNY SAVY

Mersi Mr Deputy Speaker.  Onorab IDC konman Lebra Leta nou pa nou ki fer Polisi, we implement Polisi ok?  Evidaman nou annan nou bann lopinyon pour nou menm eksetera e sa desizyon pour demann nou aret sa aktivite konstriksyon komersyal, sete en desizyon nou shareholder, e setadir Gouvernman.  E si i annan en desizyon ki nou bezwen enplimante.  Nou pa kapab dir non nou pa kapab fer li.  E tou fason nou Board nou annan lafason ki Gouvernman i marse striktir Gouvernman en Lakonpannyen D’Eta son Board i resevwar en direktiv ki sorti kot Egzekitif e si en direktiv Polisi, nou bezwen swiv.  Mon’n fer resorti tou taler dan mon lentervansyon se ki nou annan serten konpetans e mon krwar nou devret servi sa konpetans ki egziste dan sa Lakonpannyen pour benefisye devlopman dan sa pei ok ?  Me sa ki mon ti a kontan fer resorti, se ki si i annan en plas si apre dan zot deliberasyon dan Lasanble Egzekitif, zot trouve ki i annan en plas pour GICC ou IDC pour zwe en rol pour benefisye sa popilasyon, sa ki nou pe dir nou pare pour fer li.  Nou sertennman pare pour fer li.  E i nou responsabilite pour fer li, pour kontribye dan devlopman.  Se rezondet IDC. se rezondet GICC.  Nou la pour sa.  Ok? Me an menm tan en pti mo kosyon, se ke pour nobou efektivman mon krwar mon tous lo la dan mon prezantasyon pour ki en Lakonpannyen Konstriksyon i travay efikasman, ou bezwen annan kontinyite travay.  E fransman mannyer Gouvernman ozordi zour mannyer i planifye son bann progranm, son konstriksyon eksetera, mon krwar GICC konman en Lakonpannyen pour travay efektivman, i pour annan en problenm akoz ou pour napa sa kontinyite napa sa planifikasyon ki pour permet sa kontinyite.  Akoz masin ki asize, dimoun ki asize i kout sa Konpannyen larzan.  E fodre zanmen ariv en sityasyon kot si par egzanp GICC pe kontribye pour konstrir lakaz; ki  par egzanp sa ki nou pe fer parey Condominium Project –  ki ou napa sa kontinyasyon, donk ou bann fre pour monte.  Donk ou pour annan en sityasyon kot  a lafen lannen kekfwa efektivman olye travay 12 mwan, ou’n travay 8 mwan.  Selman ou bann overheads i lo 12 mwan.  Sa se en keksoz ki fodre evite.  Se pour kwa lo kote GICC sa sikse GICC, se pour trouv sa milye semen ant proze piblik – si oule, e proze prive.  E par egzanp dan ka Condominium set en ka en proze ki’n ganny kree kot i annan serten nonm apartman 3 blocks ki pour ganny vann avek piblik to the best posible price, kot sa profi i ganny servi pour sibvansyonn sa proze piblik.  Which will be for the First Time Home Buyers.  Donk sa se en lot fason osi ki nou kapab ede partisipe e fer li.  E mon krwar sa proze Condominium  par egzanp i inovatif dan le sans ki premye fwa ki en dimoun pe sey fer sa.  Ziska pour le moman i pe mars byen.  i annan bokou demann e mon krwar bann First Time Home Buyers i a ganny posibilite aste en apartman ki swa 3 lasanm – 2 lasanm laba i ava byen benefisye.  Akoz son lavaler marse aktyel, i son lavaler ki i pe peye, i annan en gran diferans mon krwar i annan en kantite plas ankor pour devlop bann tel proze.  Bon.  Sa sete en proze ki ti aim at the plito annou apel sa the middle income earner. Me menm si ou proze i kapab ganny fer lo at the lower income the standard basic household.  There are Schemes ki mon krwar si nou tou nou asize nou met latet ansanm, nou a trouv solisyon pour nou bann proze me pour fer lakaz.  Me sa ki nou bezwen fer atansyon se fer lakaz, e donn dimoun lakaz ki apre i annan en kantite problenm avek ; i pa marse.  I kout bokou pli ser.  I kout bokou, bokou pli ser Manm Onorab.  E nou pa kapab afford kontinyen fer sa.  Nou pa kapab afford.  E souvandfwa sa bann proze i vin konman donasyon, anver nou pei.  Me mon demann mon lekor souvandfwa si sa bann donasyon in ganny byen swiv ; oubyen bann standar ki nou bezwen pour nou popilasyon ganny byen mete ; oubyen eski sa bann dimoun ki’n donn nou donasyon pa’n respekte standar.  Donk i annan plizyer problenm ki bezwen ganny address.  Me wi mon krwar GICC – IDC, ki swa lo Zil Elwanye ; ki swa lo Zil Pros ki swa lo Mahe, mon krwar nou kapab anmenn en soutyen – ede dan devlopman nou pei.  Mersi Msye.

 

MR DEPUTY SPEAKER

Yes Onorab Ramkalawan.

 

HON WAVEL RAMKALAWAN

Mr Chairman sorry zis en dernyen.  Swivan sa ki ou pe dir avek sa ki arive la eski ou ki’n dan sa biznes ok, dan sa biznes Konstriksyon.  Eski ou pe dir avek nou ki sa bann pri egzorbitan, ki ozordi dimoun pe peye spesyalman dan bann proze Gouvernman i kapab annan en eleman koripsyon?  E se pour sa rezon ki sa bann pri i o?  E lo en lot kote eski ou pe osi dir avek nou ki lo sa bann Progranm Lakaz ki poudir i annan en mank planifikasyon dan zot bann proze?  E sa lannen nou vwar ki poudir la kantite lakaz its not up to depi konmansman i lannen nou’n ganny promet sepa 24 lakaz par distrik e i annan bokou landrwa ki  ni later pa ankor ni menm kase pour konmans sa bann proze.   So eski ou kapab dir avek nou, swivan ou leksperyans ki poudir i annan en mank planifikasyon dan sa domenn lakaz, e se pour sa rezon ki petet nou ankor dan sa problenm lakaz?  Mersi.

 

MR DEPUTY SPEAKER

Mersi Onorab.  Mr Savy.

 

MR GLENNY SAVY

Thank you Chairman.  Onorab lo premye kestyon ki ou’n souleve se kestyon sa bann pri ki nou pe peye pour konstriksyon lakaz eski in annan koripsyon eksetera.  Mon pa pour kapab dir ou avek konviksyon ki i annan koripsyon as such.  Me sa ki mon kapab dir ou, se ki i annan keksoz ki pa pe mars byen.  I sertennman pa pe mars byen.  Akoz parey mon dir, mon’n donn legzanp lo mon prezantasyon kot nou menm nou demann en kotasyon pour fer en louvraz spesifik.  Nou’n demann kotasyon plizyer Lakonpannyen e pri pli ba se en milyon Dolar.  Ler nou ti dir ekoute aret zot sinema either zot donn nou en pri rezonnab, ou nou fer en Lakonpannyen deor vini fer sa travay, ou nou pour aste lekipman e fer sa travay nou menm.  E 2 zour pli tar kotasyon i sorti 1 milyon i desan 600 milyon – 600 mil pardon.  Donk i annan en problenm. La i definitivman annan en problenm.  Kot i annan en lot gro problenm e mon krwar nou popilasyon pe soufer Onorab, se ki ler en dimoun i al donn son larzan en kontrakter pour fer son lakaz, i dir li i pour kout R1 milyon, ou a pey mwan tan la, ou a pey mwan tan la, ou a pey mwan tan la, sa pov dimoun i pey son larzan.  Mon a donn ou en ka reel kot nou ti al entervenir pour ed en dimoun.  En dimoun ti annan en Kontra avek en kontrakter pour pey son lakaz mon krwar ti en milyon menm ler in pey apepre R800 mil lakaz in ariv anler lo lento ; ler in vin pour kouver son lakaz kontrakter in disparet.  Ler sa dimoun ti demann nou, ti vin vwar nou pou vin get sa sityasyon, nou ti dekouver ki lakaz pa ti ni kare, e donk pour met en twatir lo lakaz ki pa kare, i pa evidan ; e donk i ti ale i ti kit sa pov propriyeter mannyer i ti été. Ok ?  I annan en kantite sa akoz kot nou’n al fer reparasyon lo sa lakaz nou’n vwar sa  bann defo.  Nou’n al vizit plizyer lakaz e menm mon pour dir nou’n al vizit lakaz lo Perseverance kot nou’n al donn en koudmen sort out enn de pti problenm.  Nou’n vwar serten standar ki’n ganny adopte – serten materyo ki’n ganny fourni i substandard e personnelman mon krwar en kontrakter i annan en devwar anver en kliyan poudir, tel keksoz i pa korek.  I pour donn problenm sa dimoun ki pour reste dan sa lakaz apre, e i annan serten responsabilite.  E sa bann responsabilite malerezman, bokou kontrakter pa pe asim sa bann responsabilite.  Donk si ou apel li koripsyon, si ou appel li profiteering, whatever you want to call it parey nou dir something definitvman  wrong and it has to be addressed.  Ki mon ti ava rekomande ; se ki nou bann proze lakaz, e pa zis lakaz nou bann pli gran proze batiman eksetera, mon krwar sertennman nou bezwen revwar lafason ki lapros nou pran pour fer sa bann proze.  Nou bezwen revwar nou konpetans pour met sa bann project management sa bann proze ; mon krwar i manke.  I annan bokou lenstans kot mon pe vwar i annan Bidze pour fer sa bann proze, e i pa pe ganny fer.  E mon krwar la se en mank whether it is manpower, volonte ou savoir faire, nou pe soufer avek sa bann kalite problenm.  E mon krwar fransman mon krwar Gouvernman sertennman mon tann Prezidan koz lo la, ki bann Minister i annan pour revwar zot fason fer keksoz lo zot bann Capital Expenditure,  zot Capital Projects, kot zot bezwen adres sa bann problenm.  Akoz souvandfwa parey nou tou nou konnen Lasanble i aprouve, i donn Bidze pour fer keksoz ,epi i pa ganny fer ok?  E sa i vreman pa korek. Akoz parey nou tou nou konnen, kont Gouvernman i pa mars parey en kont prive.  Ou napa sa larzan pour ou forward li lannen prosenn.  I fini le 31 Desanm.  Donk sa ki pa’n ganny depanse, i perdi.  E lekel ki’n perdi?  Se nou tou ki servi sa bann fasilite ; nou tou  ki servi sa ban fasilite nou tou nou perdi.  Donk i annan sertennman – mon krwar ou annan rezon poudir i annan en gran amelyorasyon ki bezwen ganny fer dan sa kote, e evidaman okenn rol ki nou kapab fer – nou kapab zwe ladan, nou ava fer li si nou ganny demande par nou shareholder pour fer li.  Mersi Onorab.

 

MR DEPUTY SPEAKER

Mersi Mr Savy.  Onorab William mon donn ou laparol i ou pour bref ok.  Go ahead

 

HON WAVEN WILLIAM

Mersi Mr Speaker.  Mr Speaker baze lo kestyon ki’n ganny demande par loter Mosyon, mon ti a kontan Mr Savy si i kapab eklersi nou, akoz pour lentere konsonmasyon personnel e lentere piblik.  Letan ou’n koz lo sa rating si mon konpran ou byen R6,500 a R10 mil par met kare, eski ou kapab eklersi nou lo kote zistans par egzanp lo kote distrik pour nou fer en konparezon ?  Epi sa rating ki ou pe donnen, eski ou pe rate sa avek en lakonpannyen ki’n fini set up ouswa enn ki’n fek konmanse ?  Konmsi zis pour konsonmasyon piblik pour nou kapab konpran akoz parey deor i annan plizyer kategori kontrakter.  So i a bon pour ou eklersi nou avek sa larepons ki ou’n donnen.  Mersi.

 

MR DEPUTY SPEAKER

Mersi Onorab. Mr Savy.

 

MR GLENNY SAVY

Thank you Mr Deputy Speaker.  Onorab ler mon pe koz ou 6 – 6,500 met kare mon pe koz ou en zistans avek Victoria ki  annou dir ki ava anmenn ou kekfwa lo scale apepre Pointe Larue en zistans koumsa.  Moman ki ou pe al pli lwen ki sa, definitivman ou pou annan en lenpak lo cost of transport ki pour en pe plis ok?  Sertennman si ou pour al fer sa travay lot kote  en pe kot ou reste laba, definitivman i pour annan akoz sa kantite fuel par egzanp ki ou pe servi dan en pickup pour anmenn materyo lot kote montanny i pour plis ki ; par egzanp si ou pe roul lo plato donk i pour annan en pti pe lenpak.  E ler nou pe koz sa pri konstriksyon par met kare, nou pe koz ou en lakaz – parey mon pe mansyonnen taler, ki korek ki solid, ki annan en bon laport, ki annan en bon lafnet, ki pa pour tonm avek ou apre 6 mwan ki pour derape, ki’n ganny byen kouver, ki pa pour koule ki son lepeser tol i korek e non pa pli mwens ki norm.  Me mon krwar keksoz ki pli enportan souvandfwa se kalite teren ki ou pe al fer ou lakaz.  Eski ou annan bokou ros par egzanp, ki ou bezwen kase? Eski ou bezwen fer en semen pour ariv kot lakaz?.  Mon’n deza vwar proze kot en semen i kout preski en tyer pri sa devlopman akoz i vreman dan en landrwa, kot i annan en kantite travaux sa ki nou appel external works to the house.  Akoz sa ki mon pe dir ou la mon pe koz lakaz ; setadir son fondasyon son kote beton son kouvertir eksetera.  Si prezan ou pour al konmans fer semen pour arive pour al fer garaz a kote en retaining wall eksetera, sa i pour an plis.  E apre Onorab i annan en pti keksoz ki mon krwar mon ti a mansyonnen, mon konnen Minister MLUH i ed bann dimoun avek en pti plan pour fer zot lakaz eksetera mon krwar i en tre bon linisyativ.  Me souvandfwa sa bann dimoun i bezwen en pe plis konsey osi lo bann travay ki an plis ki bezwen ed zot.  E malerezman mon vwar osi kot bokou bann profesyonnel isi i fer bann plan lakaz dimoun eksetera zot ti a kapab fer en pti pe plis pour eksplik sa dimoun plito ou fer koumsa, epi demen si oule ogmant agrandi ou lakaz en lasanm eksetera i a pli fasil eksetera.  Me souvandfwa mon vwar ki zot fer en plan, zot donn sa dimoun zot pran larzan zot ale zis pour fer en plan pour anmenn kot Planning Authority pour met en stanp lo la.  E sa i pa korek profesyonnelman dan sa lendistri i pa korek e la osi nou pe koz kontrakter ki annan en problenm, e nou annan problenm avek serten kontrakter e osi lo kote profesyonnel bann servis profesyonnel ki ou bezwen avan menm ou ariv kot sa staz pour fer lakaz.  La osi nou annan en problenm e this is the problem ki that has to be addressed.  Mersi Onorab.

 

MR DEPUTY SPEAKER

Mersi Mr Savy.  Bon avek sa mon krwar nou’n exhaust bann kestyon pour Mr Savy e nou ava remersi li pour pas en demi zournen avek nou. Mr Savy mersi e nou a kapab eskiz ou parmi nou avan nou reconvene konman en Lasanble.  Mr Savy mersi ankor enn fwa e bonn antre.

 

MR GLENNY SAVY

Mersi Mr Chair, mersi Mr Deputy Speaker, mersi Chairman, mersi Onorab mon byen apresye sa entervansyon ki nou’n fer ansanm.  E fransman I’m looking forward pour nou deliberasyon lo sa ki konsern zot bann findings lo Zil e nou devlopman lo Zil ki ava vini.  Akoz fransman se atraver bann entervansyon koumsa, ki nou kapab avans ansanm amelyor keksoz pour nou pei.  Thank you very much.

 

(MR GLENNY SAVY WAS EXCUSED FROM THE HOUSE)

 

MR DEPUTY SPEAKER

Bon nou reconvene konman en Komite of the whole House konman en Lasanble.  Mon a demann Sergeant pour re klas baseOk, nou pour regarde prezan nou pour pran en desizyon si ki nou pour fer nou annan en deba en kontinyasyon.  Mon ava demann loter Mosyon.

 

HON WAVEL RAMKALAWAN

Mr Deputy Speaker mersi bokou.  Mon krwar ki la ki nou’n ganny sa bann leklersisman, i pour bon pour nou semenn prosen, semenn prosen nou ava annan en deba zeneral lo sa Mosyon.  E swivan sa, mon mazinen ki i ava bon pour konman en Lasanble an mezir ki bann deba i ale, swa nou pour swazir serten Manm ensidswit pour travay lo serten rekomandasyon ki Lasanble i ava fer.  Me selman mon propoze ki semenn prosen nou deba i kontinyen e ki sa i ava ed nou dan sa travay ki nou pe rod fer pour nou pei e pour nou pep.  Mersi bokou.

 

MR DEPUTY SPEAKER

Mersi Onorab Ramkalawan.  I paret i annan en konsansis lo la.  So nou ava fer continuation of debate lo sa Mosyon dan prosen Sitting.  Avan nou adjourn mon annan de pti lanons pour mwan fer.  Standing Order Committee pour rankontre Sanmdi le 23 isi dan Rm 3 – 9er bomaten.  Ok, tou Manm ki lo Standing Order Committee pour rankontre isi.  Komite COGA lo Government Assurance pour rankontre Lendi le 25 ankor dan Rm 3 kot bann CEO sorti kot Minister Finans e Departman Prizon e Departman Youth pour aparet devan sa Komite.  Komite Anti- Viktimizasyon li i pe rankontre demen e pour annan Hearing 4.30 ankor dan Committee Rm 3.  Sa workshop ki ti pour fer – ki ti’n ganny schedule pour demen lo Living Values e ti pour ganny hosted par Madanm Beryl Dodin from SNYC, sa in ganny postponed.  Ok?  Mon krwar se tou lenformasyon ki nou annan Madam Clerk nou napa nanryen ankor non?  En moman. IAC – yes Onorab Ferrari.

 

HON JEAN-FRANCOIS FERRARI

Yes Komite IAC pour rankontre avek Speaker Vandredi 11er.

 

MR DEPUTY SPEAKER

Ok, Mersi.  Savedir tou Manm Komite IAC rankont Vandredi avek Speaker.  Ok, nou napa ankor nanryen pour nou debat ankor ozordi la.  Alor nou ava adjourn ziska Mardi le 26 Septanm.

 

 

(ADJOURNMENT)