Home » Verbatim » 2017 » Verbatim Report NAS Sitting Wednesday 04th October, 2017

Verbatim Report NAS Sitting Wednesday 04th October, 2017

NATIONAL ASSEMBLY OF

SEYCHELLES

 

Wednesday 4th October, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Bon bonzour tou dimoun dan Lasanble e an deor Lasanble ki pe ekout nou.  Parey nou ti enform zot yer,  ozordi nou annan en Sesyon bomaten, me apre midi nou pa pour annan en Asiz akoz nou annan en lanterman pour nou ale, pour enn nou koleg oubyen papa enn nou koleg.  Me petet pour konmanse, avan nou kontiny nou lo nou Order Paper ki nou ti sirkile yer,  lo Non Lasanble, I would like to welcome Mr and Mrs Underwood who are coming to observe the Assembly this morning.  May you be enlightened by the deliberations of the House.  Welcome.  San plis tarde mon napa lezot kominikasyon pour fer pa okenn polemik pour kree bomaten.  Nou ava al drwat lo Mosyon limero 9 – ki limero 9 ki nou a demann Onorab De Commarmond prezant son Mosyon.

 

HON CHARLES DE COMMARMOND

Thank you Mr Speaker Sir.  Bonzour Mr Speaker bonzour tou Manm Onorab isi prezan ; Leader Lopozisyon e tou bann Manm ; bonzour Msye e Madanm Underwood.  Welcome dan nou Lasanble, e bonzour tou dimoun ki a lekout.  Mr Speaker Mosyon i lir koumsa : That this Assembly approves the appointment by the President of Mr Kishnan Labonte as Commissioner of Police, in accordance with Article 160 (1) of the Constitution.  Mr Speaker san ki mon al dan merit sa Mosyon, mon oule zis met detrwa pti fe ater, se ki avek demisyon Mr Elizabeth ki ti Komisyoner Lapolis avan Prezidan in servi son prerogativ pou apwent Mr Kishnan Labonte koman Komisyoner.   E parey prosedir in fer avan, dan nou Lasanble isi, pour nou zistifye sa lapwentman – sa nominasyon Mr Labonte, i enportan ki nou Lasanble i tonm dakor ki Mr Labonte i vin devan nou House  -nou Lasanble isi, pour ki nou fer en enterogasyon – en, nou enteroz li nou koz avek li fer en dyalog pour nou gete how good or nou ki mannyer nou Lasanble nou dakor avek sa lapwentman sa nominasyon oubyen nou pa tonm dakor.  Nou a vwar son merit oubyen si napa merit.  So avek sa mon ti ava demande ki mon anba Order 39 (1) si sa Mosyon i ganny segonde, mon ti ava move ki nou antre dan Staz Komite petet ki nou apel Mr Labonte devan nou House e nou fer en dyalog ansanm.  E apre nou ava al lo merit nou Mosyon.  Mersi.

 

MR SPEAKER

Eski Mosyon i ganny segonde ?

 

HON SIMON GILL

Bonzour Mr Speaker.  Bonzour tou koleg Onorab, piblik ki pe ekout nou.  Mr Speaker Mosyon i ganny segonde.  Mersi.

 

MR SPEAKER

Tre byen e deza loter Mosyon in propoze ki nou al dan Staz Komite.  Nou bezwen pran en vot lo la.  Eski tou dimoun i dakor ki nou al dan Staz Komite avan nou envit Mr Labonte ?  Lev zot lanmen.  Clerk.

 

MADAM CLERK

Mersi Mr Speaker mon’n rikord 26 Manm an faver personn kont.  Mersi.

 

MR SPEAKER

Tre byen.  Mr Rose mon a demann ou pour bouz the Mace, epi nou a demann Mr Labonte pour antre pour nou annan sa konversasyon avek li.  Asiz pran swazir enn kot ou santi ou konfortab Mr Labonte ou kapab al dan milye a gos ou adrwat nenport direksyon.  Bon lo lapar Lasanble Nasyonal mon ti a kontan welcome, swet labyenveni Mr Kishnan Labonte – enn nou menm enn nou zanfan Sesel konm dir koze -ozordi dan Lasanble pour nou annan sa enteraksyon sa konversasyon avek li.  E zis pour dir Mr Labonte mon krwar ou’n deza okouran, depi nou’n konmanse nou annan bann enteraksyon avek bann apwentman avek ki Prezidan Faure i fer pardon i fer.  E alor nou kontan ki ou nobou vini ozordi, pour nou les ou premyerman normalman formel servi se nou les ou prezant ou lekor konman en profesyonnel ek ou background profesyonnel ; ou travay ki ou’n fer.  Nou normalman donn 15 a 20 minit pour ou prezante e par la swit bann Manm Lasanble i a demann ou klarifikasyon, kestyon oubyen okenn pwen ki zot anvi souleve avek ou.  Avek sa nou a donn ou laparol Mr Labonte pour eksplik nou en pe ou parkour dan lavi.

 

MR KISHNAN LABONTE

Mersi Mr Speaker.  Mr Speaker, Leader Lopozisyon dan Lasanble Nasyonal Leader zafer Gouvernman dan Lasanble Nasyonal tou Manm Onorab dan Lasanble Nasyonal Msye Madanm dan Galeri Lasanble Nasyonal tou oditer dan lakour pe ekout radyo ou pe get televizyon bonzour.  Mr Speaker  i avek en lemosyon mix – en pe limilite e osi en pe lazwa, ki mon vin devan Lasanble Nasyonal pour prezant mon menm konman sa kandida ki’n ganny nonmen par Prezidan Larepiblik, pour pos Komisyoner Lapolis.  Mr Speaker par natir mon en dimoun ki humble, akoz zanmen mon ganny soule avek promosyon ou status dan lavi.  Mon’n reste touzour en dimoun senp ale vini dan bazar.  Mon latet zanmen in depas nyaz.  Se avek sa limilite ki mon vin devan sa Lasanble.  Ozordi mon osi zwaye Mr Speaker, akoz sa nominasyon in klerman rezet sa kalonmni lenzistis e imilyasyon ki mwan ek en group Senior dan Lapolis ti sibir an Desanm 2003.  En letan kot tou fanmir ti dan lazwa, akoz ti pandan sezon festivite ; sa ti Nwel avek Lannen.  Me pour mwan ek sa bann Zofisye Senior ek nou fanmir, sa zour ti en zour ki ti pli fernwar dan nou lavi.  Ou ti a krwar ki en Tsunami in kraze lo nou.  Nou tou nou ti’n perdi nou plas travay dan Lapolis apre en kantite letan dan Lapolis nou ti ganny fer redundant.  Mr Speaker mon travay dan Lapolis pour 27an 11 mwan e 16 zour.  Mon ti aze 48an letan mon ti ganny fer redundant.  Sa laz i pa ti laz retret mon de zanfan ti ankor pe lekol.  Enn ti dan segonder e en lot ti primer.  Ler mon ti ganny fer redundant, mon ti en Asistan Komisyoner dan Lapolis.  Mon ti osi pe fer letid Lalwa pour en Degre avek Liniversite Londres – L’Angleterre koman en external student.  Mon ti’n deza fini pass mon premye lannen letid, e mon ti dan 2enm staz lannen letid.  Mr Speaker, konman en dimoun ki for mantalman, kanmenm mon ti’n ganny met deor dan travay, e mon pa ti dan en lanplwa, mon ti kontiny mon letid avek mon pti savings e osi avek sa ki ti pour mon Madanm.  E mon ti reisir sirmont sa moman fernwar dan mon lavi, ler avek fyerte mon ti resevwar mon Degre dan Lalwa avek Liniversite Londres – le 1 Out 2005, pour vin pli for akademikman e profesyonnelman.  Pour sa mon remersi soutyen ki mon Bondye avek mon fanmir ki’n akord mon pandan sa moman difisil.  Avek sa lentrodiksyon, permet mon Mr Speaker pour dir zot lekel mon avek mon leksperyans e osi enterakte avek zot apre mon entervansyon.  Mon apel Kishnan Labonte.  Mon’n ne le 25 Septanm 1955 Praslin.  Tou le de mon paran in mor.  Mon manman ti en Seselwaz e mon papa ti en Endyen.  Mon annan 2 ser e 5 frer ki ankor vivan.  Parmi sa 5 frer i annan 2 ki lorizin Endyen.  Me an se moman, zot reste dan l’Inde.  2 lezot frer i reste Mahe e en lot i Praslin.  Mon 2 ser i ankor reste Praslin.  Mr Speaker mon’n marye e mon annan zanfan, e mon reste Bel Ombre.  I annan apepre 22an depi ki mon abit Bel Ombre.  Mr Speaker mon’n konmans mon ledikasyon skoler Praslin depi Lakres ziska Primer.  Ler mon ti dan 6enm standar mon ti ganny swazir pour fer en legzanmen Entrance.  An rezilta mon sikse dan sa legzanmen mon ti ganny en Labours avek Gouvernman Angle, pour al kontiny mon letid Seychelles College.  Sa reisi ti anmenn lafyerte pour mon paran.  Sa letan Praslin ti tou le lannen pe prodwir bann zelev lo Labours ki ti pe al Seychelles College.  E pour sa lannen an kestyon, ti annan 2 nou sorti Praslin ki ti al Kolez.  Mon’n fer mon letid Seychelles College ziska ‘A Level terminan lafen 1975.  Le 14 Zanvye ‘76 mon ti konmans en karyer dan Lapolis konman en konstab dan General Duties.  Sa letan Lapolis ti pe atrakte bann zenn sorti Kolez.  E kondisyon servis dan Lapolis ti bann pli meyer dan Gouvernman ; parey osi ki Teaching e Nursing.  Mon ti konmans mon karyer dan Lapolis dan General Duties dan liniform.  Sa menm lannen an Mars, mon ti al fer mon premye training kot Lekol Police Training School Amitie Praslin.  Sa Kour ti dir pou 3 mwan.  Apre sa training  3 mwan, mon ti retourn Mahe pour travay dan General Duties kot Kordgard Santral.  Mon ti fer tou travay ki en Gard ti fer.  Fer patrol, raport kontravansyon, fer arestasyon, kontrol trafik, deal avek aksidan trafik, veye kot Mortuary, veye osi kot Baro State House e osi lezot travay ki en Konstab i fer.  Detrwa mwan pli tar, mon ti ganny transfer dan Seksyon Prosekisyon dan Lapolis konman en Prosekiter.  Bann Prosekiter dan sa seksyon ti annan Ran Sezan ou pli o.  Pandan sa moman, mon ti ankor en Konstab.  En pti pe en avan letan mon ganny 2an dan servis e koman en Prosekiter, mon ti fer mon legzanmen Serzan.  Mr Speaker, sa letan enn bann kriter primordyal ki desid ou promosyon, sorti lo en ran pour al lo lot ran, ti legzanmen.  Ou pa ti pour kapab ganny promosyon si ou pa’n prouv ou lekor dan en legzanmen.  Pour en Konstab kapab fer en legzanmen Serzan, i ti fodre ki sa Konstab i annan pa mwens ki 4an servis.  Dan mon ka avek mon bagaz akademik, mon ti ganny permisyon avek Komisyoner pour fer legzanmen dan 2an.  Mon ti reisir sa legzanmen en Serzan e mon ti tonm premye.  Promotion Board ti rekomann mon promosyon.  Mon ti ganny transfer Kordgard Beau Vallon, e apre 2 semenn pli tar mon ti ganny promote Serzan.  Mon’n desarz louvraz Serzan pour apepre 3 mwan kot Kordgard Beau Vallon.  E apre mon ti ganny transfer Police Training School Praslin, konman en Enstrikter lo baz tanporer.  Akoz ti annan en Enstrikter ek Komandan lekol ki ti pe al asiste en Kour an France.  Apre mon staz a la baz tanporer konman en Enstrikter, mon ti retourn Kordgard Santral dan shift dan General Duties e pli tar mon ti ganny transfer dan Seksyon CID.  Mon ti responsab en shift zofisye e osi mon ti fer lanket.  Ler mon ti ganny 3an dan servis, mon ti ankor dan CID.  Mon ti fer legzanmen promosyon Serzan pou Lenspekter.  Mon ti reisir dan legzanmen e mon ti ganny promote konman en Lenspekter.  Mon ti kontiny travay dan CID.  En pe pli tar mon ti re ganny anvoye Praslin kot Training School, konman en Enstrikter.  Mon ti desarz sa fonksyon depi Lekol Lapolis ti fermen Praslin.  Lekol ti ganny transfer Mahe e ti baze Mont Fleuri kot ex-PMU Headquarters.  Mon ti ganny apwente Komandan Lekol.  Sa letan mon ti Asistan Sirentandan e pli tar mon ti vin en Sirentandan.  Mr Speaker en pe lannen pli tar e koman Sirentandan, mon ti ganny transfer Beau Vallon konman en Regional Commander pour rezyon Nor.  Sa ti en lepok Mr Speaker, kot Lapolis ti pe esey desantraliz son loperasyon.  Rezyon Nor ti konpri Kordgard Beau Vallon, Glacis e Anse Etoile.  Mon ti desarz sa fonksyon pour en pe letan.  Pli tar mon ti ganny transfer dan nouvo seksyon, ki ti ganny formen e mon ti desarz rol Press and Public Relations Officer.  An 1992 Mr Speaker, apre en Kour 3 mwan kot Bramshill Police Staff College L’Angleterre, mon ti ganny promosyon pour vin Sef Sirentandan.  Mon ti ansarz en nouvo Departman Human Development and Research Bureau.  An ‘95 mon ti ganny promote pour vin Asistan Komisyoner, e mon ti responsab pour  Administrasyon e Finans.  An Desanm 2003 mon ti ganny fer redundant.  Apard bann diferan Kour lokal, ki mon fer mon osi fer sa bann kour aletranze.  Mon’n fer premyerman Advance Scientific Method  of Crime Investigation.  Sa ler mon ti Lenspekter, mon fer li dan  Hyderabad.  E sa ti dire pour 3 mwan.  Mon fer Drug Abuse dan Crime Prevention Program Lanmerik.  I ti baze pour 1 mwan.  Now, mon’n fer Overseas Command Course Bramshill Police Staff College  3 mwan; sa letan mon ti en Sirentandan dan Lapolis.  Mon fer Crime Prevention Course Tokyo Japan 6 semenn.  E osi mon’n fer Information Technology in Law Enforcement New Delhi India.  Sa i ti dir pour 3 mwan.  Mr Speaker parey mon dir oparavan ler ki mon ti ganny fer redundant dan Lapolis, mon ti persevere dan mon letid dan Lalwa kanmenm mon pa ti pe travay.  E le 1 Out 2005 apre ki mon ti konplet tou staz letid avek sikse, mon ti ganny en Degre LLB avek Liniversite Londres L’Angleterre.  Par laswit an 2007 mon ti asiz pour fer legzanmen Bar anba Legal Practitioners Act kot mon ti reisir.  Le 1 Fevriye 2008 mon ti ganny anploye avek Biro Attorney General konman en State Counsel.  An 2009 mon ti vin en Senior State Counsel kot Biro Attorney Zeneral.  Mon ti travay kot Biro Attorney Zeneral ziska le 13 Zanvye 2010.  Le 14 Zanvye 2010. mon ti ganny apwente Mazistra.  Le 9 Zilyet 2010 Mr Speaker, mon ti ganny admit par Supreme Court pour pratik profesyon Avoka apre ki mon ti konplet mon staz pupilage.  

Mon’n desarz sa fonksyon kot Lakour Mazistra ziska le 28 Fevriye 2017.  Le 1 Mars 2017 mon ganny apwente Chief Officer National Drugs Enforcement Agency.  Detay bann Kour ki mon fer dan Zidisyer lokal e aletranze i kapab ganny vwar lo mon CV.  Mon krwar i annan lo mon CV i posib i annan ?  Ok.

 

MR SPEAKER

Ou CV in ganny sirkile depi yer nou a pe regarde nou ti pe esper ou menm.

 

MR KISHNAN LABONTE

Mr Speaker permet mwan pour konklir koumsa ; si par mon lentrodiksyon, mon’n kapab ofans okenn dimoun sa i pa mon lentansyon.  Mon ti zis anvi fer resorti ki kanmenm en dimoun i fer tou pour met bann lobstak dan ou larou, se zis atraver travay dir e determinasyon ki ou pour kapab reisir dan lavi.  Akoz sa ki Bondye in anmas pour ou – en lot dimoun sote, pile, mord son nennen – si oule, i pa pour kapab zanmen anpes arive ; akoz sa ki byen pour toultan triyonf lo sa ki mal.  Mersi Mr Speaker.

 

(APPLAUSE)

 

MR SPEAKER

Mr Labonte la konmsi ou pros pour fer nou tou ris nou mouswar.  Me selman sa ki kler, se ki bann Praslinois avek Praslinoise i fyer.  Mon vwar Onorab Gill kote gos kote drwat e Onorab Woodcock kote gos pe riye ziska la.  So i byen ki sa in arive.  E toudswit i annan en kantite dimoun ki le enterakte avek ou zis relax e mon sir nou a enjoy listening to you and nou bann Manm.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Premyerman Mr Labonte mon anvi felisit ou pou lefe ki ou’n ganny propoze konman nouvo Konmisyoner, me an menm tan osi, mon anvi eksprim mon lanmitye avek lapresyasyon pour Mr Elizabeth, ki ankor pe servi ankor konman Komisyoner en dimoun avek ki letan nou travay nou annan bokou en bon relasyon.  Mr Labonte ozordi i annan bokou challenges dan Lafors Lapolis.  E enn bann keksoz ki Lepep Seselwa pe rode se en nouvo lespwar.  Nou pe atann lespwar pour ki sa lafors Lapolis i kapab re ganny son plas ki i merite pour li antre dan sa lalit kont krim, me an menm tan osi pour fer dimoun viv dan en pli gran sans sekirite.  Alor mon ti ava kontan premyerman si ou ti ava donn nou, vi ou leksperyans deza dan sa Lafors Lapolis – parey ou pe dir ou ti’n ariv konmsi ou ti dan en game Snakes and Ladders ou.   Ou ti’n ariv lo 99.  Me malerezman 99 ti annan en serpan e i ti re anmenn ou a zero.  Lo limero 3 probableman sa serpan in anmenn ou, alors ou’n pas ladan.  Alor dir nou en pe, ki bann keksoz ki ou krwar bann plan ki ou krwar ou kapab met devan pour ki sa lafors Lapolis i kapab re ganny sa i kapab re ganny valorize.  Ou pe pran sa Lafors Lapolis, si byensir nou aprouv ou nominasyon,  dan en moman kot i annan enn de bann ka ki annan en lanpler Nasyonal.  Premyerman i annan en skull ki’n ganny dekouver Beau Vallon e ziska aprezan i annan en kestyon e fanmir i ankor pe rode ; e fanmir i ankor pe viv dan dout.  Mon ti a kontan ou dir avek nou kwa ki ou anvi fer ki sa case i kapab fermen?  Ozordi i fer 97 zour depi ki Mr Marvin Asba in perdi.  I fer 47 zour depi ki Mr Peter Zoe in perdi.  Dan ka Mr Marvin Asba dan ankor 5 zour i ava fer 101 zour.  E legalman i pour ganny deklare mor.  Mon ti ava kontan Mr Labonte, si ou ti ava kapab dir avek nou Lasanble ki mannyer mon konpran sa zafer 101 zour ou ava eksplik nou, ou en – ou’n deza en Mazistra ou ava dir nou ki ou anvi ki ou plan ankor enn fwa sa 2 case, nou ava kapab trouv en lalimyer.  E finalman, dir nou o nivo disiplin dan Lafors Lapolis.  Ozordi i annan serten Zofisye Lapolis ki pe fer patrol e ki pe ganny anploye par serten Lazans – bann sekirite prive ; dir nou kwa ki ou pour fer pour ki Lafors Lapolis en zofisye Lapolis i ava travay konman en Zofisye e non pa pe fer 2 biznes an menm tan.  Mersi bokou.

 

MR SPEAKER

Mersi Onorab.  Mr Labonte.

 

MR KISHNAN LABONTE

Thank you Mr Speaker.  Premyerman ler mon pe si mon ganny mon nominasyon i ganny aprouve, mon pe met lanfaz lo disiplin dan Lapolis.  Annefe i annan 3 laspe ki mon pour koz lo la.  Premye i disiplin.  Mon krwar ki disiplin dan Lapolis konpare avek ler mon ti antre Gard an ‘76 in desann en kantite.  Fodre nou enstil disiplin dan Lapolis.  Kot nou pour kapab fer sa, se ou pou bezwen fer li – Police Training School.  Nou pour bezwen reget nou sistenm training – enn ; akoz ou bezwen annan Enstrikter ki konpetan, ki pour kapab desarz zot fonksyon.  Dezyenmman; nou bezwen fer Policing pli vizib.  An se moman ou pa vwar Gard lo semen.  Semenn pase, mon ti servi en lekspresyon avek en Manm Onorab ki ti vin vwar mwan, mon ti dir Angle pa ti fou ler i ti fer Kordgard dan bann distrik.  I ti fer sa avek  en rezon, pou Gard, al ver distrik.  I pa ti fer sa en rezon pour Gard asiz dan Kordgard.   E i  ti’n tir sa Kordgard Santral; i ti anmenn li en pe pli pre ek distrik.  E mwan mon lapros, se dimoun pour bezwen al – Zofisye pour bezwen ansarz son Kordgard ; pour bezwen annan Zofisye ki ansarz son Kordgard.  E Zofisye pour vwar ki son Gard i al dan distrik pour travay.  Akoz dan NDEA, ler mwan  mon’n ansarz NDEA la,  mon’n vwar apre ki nou fer en louvraz dan distrik ; par egzanp Chetty Flat, nou met serten Tempo travay, me apre ler ou pull out, ou pa kapab reste dan sa landrwa.  Ouswa Corgat Estate, ou pa vwar Gard i antre pour fer committee policing.  E sityasyon i retourn pli pir.  Alor ki mon krwar Gard i devret osi, al ver distrik pou al gete.  E 3enm aspe se bann resours effective deployment nou bann resours.  Nou pa kapab annan resours Lapolis ki pe parey Leader Lopozisyon in dir, si vre mon pa konnen – kot olye sa dimoun fer biznes Lapolis i al fer biznes en Konpannyen prive.  Sa i pour bezwen arete. Ou vwar?  Pour sa kapab arete ; akoz mon bi se ki, mon pe tir Zofisye ki asize fer louvraz lofis, ki siny papye, i pou bezwen al fer louvraz operasyonnel.  Si ou’n pare pour met en liniform, ou pou bezwen al desarz fonksyon sa Zofisye.  Akoz si ou pour get mon Testimonial ki mon ti fer Bramshill Police Staff College L’Angleterre  – enn mon bi sa letan, se pour met sivilyen kot pos ki konsern sivilyen.  Si ou annan en travay ki HR, Finans i bezwen en dimoun ki annan sa bagaz akademik  ki en sivilyen.  I pa en keksoz ki Gard ki fer sa.  E sivilyen i kapab desarz sa pli byen ki Gard.  Alor ou retir sa Gard, ou met li dan en pos ki Gard i fer, e ou pran en sivilyen, ou rod en lot sivilyen, ou met li dan sa pos.  E sa se mon bann plan, subject to my nomination being appoved.  Mersi Mr Speaker.

 

MR SPEAKER

Ok.

 

MR KISHNAN LABONTE

Arr sorry – skull – lo skull.  Yer mon ti annan en pti antretyen avek Komisyoner Elizabeth.  I dir mwan, ti annan 6 dimoun ki’n donn sample DNA, pour al fer test DNA.  E ler in vini tou le 6 i negativ.  Ki vedir sa skull pa pour sa bann fanmir ; pa pour… enn sa bann fanmir i pa relate to sa bann fanmir.  Mwan mon pour al pran pozisyon, mon pou gete si sa bann fanmir in vwar sa rezilta.  Enn.  Si zot pa’n vwar, zot pour bezwen vin gete, montre zot sa rezilta.  Prezan si zot le sa bann fanmir – i le reasire  ki zot oule fer en lot test sa i pour posib.  En test mon krwar sa enn ti fer Maurice.   Me sa enn ou kapab anvoy li en lot pei dan Lerop.  I pou kapab ; i posib.  Me parey mon dir, i annan zis 6 ki’n fanmir ki’n donn sample disan ou kwa pour ganny… I vedir i annan ankor dimoun petet ki son fanmir in disparet – i pa’n vin devan.  E alor la, mon fer en Lapel, si i annan fanmir ki son pros in perdi, i pa’n vin devan pour donn sample. i pou le moman pour zot pli tar vin devan pour donn sample.  E si sa bann sample pour ganny anvoye deor, nou anvoy li dan en pei aletranze L’Angleterre petet La France  e i pour annan en kou.  Mr Speaker pour fer li pli transparan, ozordi  mon pou envit – ler nou pour fer sa legzersis mon pour envit ou menm ou  menm ou Mr Speaker, Leader Lopozisyon e Leader e Leader of  Government Business, pour vin lo sa panel ler nou pour fer sa ; ki ler rezilta i vini, zot a vwar rezilta.  E nou a montre rezilta avek tou sa bann dimoun ki’n donn zot sample.  Dan sa fason, nou kapab anmenn closure dan sa zafer Koksis.  Si dimoun pa’n anmennen tou i negativ, i vedir nou pa konnen pour ki.  Ziskan ler dimoun i anmennen, nou a konnen.  Sa i lo Skull.  Lo kote Marvin ek Zoe ; sa i en case ki’n fer  ek tou lede par Lapolis.  Konman en dimoun  en Avoka, e  mon deza en Mazistra, mon a revwar sa 2 case.  Mon a  gete, mon a diskit ek sa tim ki’n fer lanket.  Si i annan landrwa ki zot ti devret fer lanket pli byen, nou a diskite.  Mon pou revwar sa.  Mon promet mon pour revwar sa 2 case pou gete.  E pli tar ler mon fini revwar sa case, mon lentansyon se anvoy sa 2 case kot Biro Attorney General.  Attorney General ki Legal Advisor Gouvernman, li pezan i a met an ekrir, ki i manke ; ki zot devret fer – eksetera.  E la apre sa bann fanmir i kapab vin devan, nou a diskit sa case – sa laspe sa case ki rezilta Attorney Zeneral.  Me selman  i pou en desizyon – pa en desizyon mon touse ; i pou en desizyon,  kot nou pour bezwen involve Attorney Zeneral ladan.  Mon’n tann en lot pwen ki Onorab Ramkalawan in fer sorti – zafer 1an 1 zour.  Yer mon ti tann sa 1an 1 zour, mon pa konnen kot i sorti.  Me Presumption of Death Act i koz 5an.  Apre 5an ki ou kapab prezim en dimoun in mor.  Sa 1an 1 zour, mon pa konnen kot i sorti.  Petet mon krwar mon byen akoz mon vwar 2 nod.  Mon krwar mon’n reponn ou kestyon Onorab?

 

MR SPEAKER

Ok mersi Mr Labonte.  Nou ava al kot Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Mr Labonte ki son plan vizavi Community Policing lefe ki eskan aprezan, nou e bann zabitan dan distrik, nou pa ankor satisfe avek kalite travay ki pe ganny fer vizavi Commumity Policing.  Mon pa pe dir poudir sa bann Gard par egzanp kot bann Konstab zot pa bann bon travayer.  Me i resanble bann direktiv ki zot ganny donnen pour fer serten travay o nivo distrik pe ganny donnen mal.  Alors mon ti a kontan konn ou plan pour lavenir ki anfen distrik i ava santi zot an sekirite.  E dezyenmman – ki ou lapros akoz mon trouve dan enn sa bann CV –  training ki ou’n al fer kot Bramshill College kot ou’n ganny ekspoze dan serten vilaz England dan provens, kot ou’n ganny ekspoze avek tou sa kalite krim, e ki ou ekspekte avek ou letan ou vin dan sa pos vizavi sekirite dan distrik?  E enteraksyon?  Akoz ki arive,  se ki nou santi poudir i mank en pti pe sa enteraksyon, avek kominote ; an menm tan avek Lotorite Distrik, pour zot konn egzakteman kwa ki dimoun pe santi ; kwa ki dimoun pe ekspekte avek Lafors Lapolis dan distrik.  Mersi.

 

MR SPEAKER

Mersi Onorab.  Mr Labonte.

 

MR KISHNAN LABONTE

Thank you Mr Speaker.  Mr Speaker pour fer community policing or centralised policing ou bezwen dimoun ki sound academically.  An se moman i paret petet, ki arive zot pran Gard, dimoun i krwar, se ler ou pa’n ganny en lanplwa.  E petet Zofisye Gouvernman osi ; Minis petet – i annan Minis ki posibleman i annan sa nosyon ;  ler ou pa’n ganny travay anywhere, i dir ou  antre Gard.   Ou konpran?  Sa boug in fini S4 – i pa’n al S5 i dir antre Gard.  Fodre ou mazinen ki en Gard letan i  devre akoz ler i al lo semen, sa Gard i devret enn ki  liv Lalwa i dan son latet.  I devret sound academically. Mwan Komisyoner mon fer en fot, mon redi en liv Lalwa ; en Zofisye i fer en fot, i redi en liv Lalwa i gete.  Me sa boug ki lo semen, i devret reakte lo son lipye – parey nou dir.  I devret fer en desizyon byen ; ki lo son lipye ; ki pe debout.  I napa letan pour al rod en liv Lalwa.  I napa letan pour telefonn son Sef.  E pour fer sa, ou bezwen annan dimoun ki annan bon bagaz akademik.  E pour ganny sa, ou pour bezwen pey plis dimoun pli ser, pour ganny dimoun.  Sanmenm sa si oule an ‘76 mon ti antre dan Lapolis.  Pa zis mwan – en ta dimoun oparavan avan mwan in sorti Kolez in antre dan Lapolis.  E Lapolis ti pe pey dimoun.  I pey ou pour ou lentelizans – akoz sa bann letan Lapolis ti’n vwar ki ti bezwen dimoun pour fer zofisye.  E si nou le – fodre nou sanze sa nosyon.  Par egzanp mon krwar ki PSSW i devret vin enn, kot sa dimoun pa konn ni lir ni ekrir, i al laba.  Akoz sa dimoun i bezwen reakte.  An se moman ki  ler en problenm dan distrik, sa Gard pa reakte li.  I dir kriy PSSW.  Mon krwar i mars koumsa.  Ki i devret fer – i devre sa Gard ki ale al  assess sityasyon distrik.  I devret annan  one -Level 1, Level 2, Level 3, Level 4, Level 5.  Ler i  Level 2 se 1 and 2, se sa distrik ki deal avek.  Ou pa anmenn PSSW. PSSW li  i vin pli tar, kot ou pa’n kapab deal avek.  Ki arive konmela, se Gard pa le enterakte.  Gard i reste dan son konfor.  I annan en pti lager i dir kriy PSSW.  I annan en pti problenm Les Mamelles i dir kriy PSSW.  Pour nou ganny dimoun fodre ki nou ganny dimoun de ot kalite.  E pou ganny dimoun  de ot kalite fodre nou re get Scheme of Service.  E si en dimoun i vin avek bon bagaz, i bezwen ganny peye pli byen ki en lot dimoun ki antre.  E son sans promosyon i pli vit ki en lot.  Par egzanp dan mon ka, son lontan ti napa sa bann ran Lance Kaporal – Kaporal  eksetera.  Ou sorti en Gard, ou vin Serzan.  E pour vin Serzan i pran ou 4an.  En dimoun ordiner 4an.  Me tandis ki nou bann ki ti sorti Kolez Form 5 Form 6 ti annan bann special dispensation ki ou kapab fer dan 2an legzanmen.  I vedir sa i en form accelerated promotion.  E fodre nou mazin dan sa laliny si nou le fer.  E tou sa bann keksoz i baze lo training.  Si ou annan… akoz lontan ti annan Gard osi ki pa ti konn preski nanryen.  Me i ti ganny gide par sa enn ki ti konn keksoz.  Sa Gard ti ekoute.  I ti ganny gide.  E ti annan  sa Gard ki ti…i ti komann respe.  Me sa Gard pa kapab konport li byen konmela, an plis i napa sa ledikasyon ; an plis ler i pour ekrir ou siny son non, i fatige.  Ou konpran.  I pou bezwen, i pour bezwen.  Ou pa pour ganny en bon servis.  Si oule ganny bon servis, ou bezwen ganny bon kalite dimoun.  E si i napa bon kalite dimoun, i pour bezwen ganny train pour ariv sa kalite.  Mon pa konnen si mon’n reponn ou kestyon, si mon manke Onorab.

 

MR SPEAKER

Onorab William eski ou satisfe oubyen oule leklersisman ?  Go on.

 

HON WAVEN WILLIAM

Mersi Mr Speaker.  Mr Speaker en pti leklersisman avek en pti adisyonnel.  Mr Labonte par egzanp lo nivo distrik, i annan Lotorite Distrik ; i annan serten bann Komite o nivo distrik  osi tou.  Mon anvi konnen ki bann enteraksyon.  Akoz nou konnen poudir Zofisye dan la rezyon pa pour kapab konn tou keksoz.  I neseser ki i annan sa enteraksyon avek Lotorite Distrik, epi ankouraz serten sivilyen pour donn serten koudmen.  So mon ti a kontan ou eklersi en pti pe lo la.  Epi dezyenmman baze lo ou larepons, mon anvi konnen lefe ki ou’n la – ou’n sorti ou pe revini, a ou avi, ki package ki ou santi ki konmela i manke ?  Akoz konmela ler ou regard resours e allowance ki nou bann Konstab pe gannyen o nivo distrik, e bann keksoz pe ganny demande pour fer i annan serten mankman.  Ki ou pe mazinen ou pour vin avek, pour ou fer…ki dan ou lespri ou mazinen i ti a bon ki ozordi pa pe donnen, pour donn sa lankourazman pour fer sir ki plis zenn avek plis bagaz akademik zot vin zwenn lafors Lapolis.  Mersi.

 

MR SPEAKER

Mr Labonte.

 

MR KISHNAN LABONTE

Mersi Mr Speaker.  Mon a reponn ou dernyen kestyon premye.  Ki bagaz ki bann keksoz ki Lapolis i kapab ofer.  An moman ler ou konpar saler NDEA, ek en saler Lapolis, ou vwar ki NDEA i ganny plis larzan ki Lapolis.  Sa i larealite, letan mon konpare.  Ou vwar Lapolis i ba.  Bann keksoz koumsa mete dan Lapolis, se bann allowances. Ouswa re vizit bann allowances ; re vizit bann risk ki annan.  Akoz sak Departman i annan son risk.  Par egzanp trafik petet risk i mwens lo en kote, me i plis lo en aksidan ki kapab arive dan semen.  CID i annan serten risk e tousala i annan risk.  Apre pour atrakte, nou bezwen revwar sa.  E ou pez – ou donn li valer; evaluate sa bann job e donn li son bann risk allowance ouswa son inducement allowance ki pour ale avek sa pos.  Sa i en legzersis ki mon pa pour kapab fer mon tousel ou bezwen fer avek DPA.  Me en lot keksoz se nou revwar marketable skills.  Resaman mon ti pe – ler mon ti’n ganny apwente, mon’n fer en pti resers dan saler Lapolis, mon vwar en expert en Fingerprint Expert son marketable skills as an expert, ti R360.  Be pour mwan sa i pa nanryen.  R360 eski i ankor peye marketable skills? Ou konpran?  Prezan mon ti konpar sa avek en dimoun ki ti’n fek antre dan en lot travay Departman Gouvernman, i dir mwan i ganny R2800.  Wi konmsi nou devret revwar antye sa Scheme Lapolis.  Ou met sa bann keksoz.  Ou build it sa bann allowances, pour ou atrakte dimoun.  Sa i lo premye kestyon.  Lo 2enm kestyon.  Premye kestyon vin dan distrik.  I mon plan, se met en Zofisye Sirentandan Sirentandan ansarz Stasyon.  Stasyon.  E kot i annan distrik ki annan 2 Stasyon petet i ava vin en Sirentandan ki a kontrol sa bann.. e sa bann dimoun i pou bezwen al dan distrik ; akoz se sa ki apel community Policing.  Community policing  ou pa fer dan biro.  Ou pa fer lo telefonn; ou pa fer lo texting.  Ou pour bezwen ale vwar face- to-face sa dimoun.  Akoz mon rapel ler mon ti pran pos Chief Officer NDEA – enn nou foreign partner ti anvi share serten lentelizans avek nou.  Ti an Mars.  Me avan mon ti kapab fer sa, i ti le vwar mwan pour get mon entegrite, mon kredibilite, eksetera.  Mon ti bezwen monte ale.  Apre 2 zour, nou’n ganny en dyalog.  Sete 3enm zour over dinner  -apre 2enm zour swar over dinner ki dir mwan, ‘’Mr Labonte you are a man of intergrity.’’ E la lentelizans ti flow.  Ziska konmela nou ankor lentelizans.  Akoz en dimoun pa pour kapab dyalog avek ou, si i pa konn ou.  E sa i aplik pour informal – nenport dimoun.  I pour dyalog ek ou ler koman i  konn ou, i konn ou personnalite.  E sa i fodre. I en  realite lavi.  Pa mwan ki pe dir.  Pa mwan ki’n envante sa.  Sa Gard pour bezwen ale.  Mersi Mr Speaker.

 

MR SPEAKER

Ok, Onorab William on vwar ou balans ou latet ou satisfe.  Onorab Lemiel ou annan enn dan menm direksyon.

 

HON SYLVANNE LEMIEL

Wi Mr Speaker bonzour, bonzour Mr Labonte bonzour tou mon bann koleg.  Dan menm laliny  ki Onorab William in koze, mon ti pe al demann Mr Labonte lo kote kondisyon e lanvironnman travay bann Lapolis, ki son plan ; petet i pe mazinen pou amelyor kondisyon e lanvironnman travay sirtou bann Regional Police Station ki  nou vwar parey Anse Royal i dan sa sityasyon degradab ; e ki ou plan petet ou pe mazinen pour ou fer dan sa laliny.  Mersi.

 

MR KISHNAN LABONTE

Mon krwar Onorab i en pe difisil pour mon reponn sa kestyon, akoz mon pa pas dan bann Kordgard depi ler mon’n kite, mon pa konn – apard Kordgard Beau Vallon ki mon  vwar mon pas o-bor pour al Bel Ombre.  Mon vwar toultan i fermen.  Enn ler mon fer komanter ek mon madanm, mon dir lontan ou ti vwar Gard menm debout anba lavarang pour get – i en mannyer deterrent i get trafik kot i vini, i konnen.  Be konmela, mon krwar Gard i reste dan son konfor, akoz i donn air condition.  Me mon pa dir Gard pa devret dan air condition.  Me selman ler tro bokou konfor enn ler, i fer ou konfortab.  Petet sa kestyon ou ti kapab demann ler mon vin pour Bidze ; ler mon’n fer mon letour, mon a konnen ki gran plan mon annan pour Kordgard ; bon antye Lapolis an zeneral.  Be la mon krwar i en pe difisil, akoz sel biro ler mon vin Kordgard, mon le lasistans, mon park mon loto mon mont direk dan Biro Komisyoner.  Nou ti ganny en travay ler mon’n NDEA, mon’n diskit en travay, nou desann – mon  desann mon ale mon pran mon loto.  Mon pa konn ni kaso ki mannyer i été konmela, mon pa konnen.

 

MR SPEAKER

Ok Onorab Lemiel?  Ou a poz ou kestyon letan i tournen pour Bidze.  Ou annan en lot kestyon?

 

HON SYLVANNE LEMIEL

Non Mr Speaker.  Konmsi an demandan petet i as if i annan en lide.  Definitivman pour Bidze i pour bezwen vin dir nou ; i pour annan son sa – si in progranmen pour met sa dan Bidze.  Me selman petet en ki ou pe mazinen konmsi en…at least dimoun ti a tande be wi mon pe mazin pour fer sa.  Konpran?

 

MR SPEAKER

Onorab Aglae.  Onorab Aglae ou ti le menm laliny.

 

HON EGBERT AGLAE

Non Mr Speaker mon ti pe zis en matter klarifikasyon ki i annan serten term nou pe servi la parey Mr Labonte in koz bokou pour donn valer nou bann Zofisye Lapolis.  I annan sa term Gard ki nou pe servi – mon krwar plito nou servi Zofisye Lapolis en Stasyon Lapolis zis pour os zot nivo, parey nou pe dir, ki Gard ti en vye mo ki nou ti servi lontan.

 

MR SPEAKER

Ok, Ok, ou’n fer ou pwen.  Order ! Onorab Woodcock Order!   Ok Onorab Henrie. Onorab Aglae mon krwar ou’n fer ou pwen nou tou nou’n note si pour apel li Gard oubyen Zofisye Lapolis.  nou’n not ou pwen.  Onorab Prea.

 

HON NICHOLAS PREA

Mersi Mr Speaker.  Bonzour Mr Labonte, bonzour tou dimoun.  Premyerman mon ti a kontan felisit ou pour ou determinasyon e perseverans, e mon swete ou ava en legzanp pour bokou Seselwa ki fasilman parfwa fasil pour li tonbe.  Mr Chairman, mon ti a kontan demann Mr Labonte an vi ki dan listwar nou Lafors Lapolis, nou’n vwar bokou lyen e korperasyon in ganny extended avek lezot pei – lezot lafors.  Par egzanp L’Angleterre, Sud Afrique, Israel, L’Inde sa i sa 4 pei ki mon konnen Lapolis in annan bann exchange avek La France osi.  Ki petet si nou aprouv nou aprouv ou nominasyon, dan reform Lafors Lapolis, ki ou lentansyon ki ou anvi extend sa Korperasyon? E petet ki model ou ti a kontan sitye Lafors Lapolis Sesel – lo ki model?  Ok?  Mon ti a kontan osi demann ou, ki ou plan mon konnen petet ou’n abord en pti pe dan ler ou’n reponn kestyon Onorab William, ki ou plan lo recruitment?  Par egzanp 2 ou 3 semenn pase, mon ‘n zwenn en zenn Kadet ki tre anbisye ; i menm resorti ki dan 5an – dan en Public Speaking, dan 5an i anvi vin en Zofisye dan Departman Criminal Investigation.  Ki vreman anbisye e mon vwar son lentelizans e mon vwar ki the sky will be the limit for her.  So lo recruitments ki ou plan?  Apre en konsern Mr Labonte ki pe tap kominote, se nivo krim.  Nivo krim ki’n ganny ogmante ; latak lo bann dimoun dan kominote ; latak ki ganny fer dan lakaz par bann dimoun menm arme, ki i parfwa sa latak i fini par sa viktim i ganny blese tou.  Ki ou plan?  Nou konnen anba Lartik 160 Konstitisyon i dir, enn bann devwar Lapolis bann fonksyon se pour prevansyon e deteksyon krim.  E bokou fwa nou vwar sa bann latak, sa bann krim i arive, e apre en serten letan sa viktim zis i perdi lespwar, napa nanryen ki arive.  Kwa ki ou kapab petet partaz avek nou la ki ava soulaz en pti pe nou kominote e nou bann dimoun deor?  Mersi Mr Chairman.

 

MR SPEAKER

Mr Labonte.

 

MR KISHNAN LABONTE

Mersi Mr Speaker.  Model ki mon ti rapel ler an ‘76 ti en model Beat Policing.  Se en sistenm Angle kot ti annan bann sistenm Beat kot ou pour bezwen detay Gard pour al kouver bann Beat.  Mon rapel par egzanp distrik Santral kot Kordgard ou ti bezwen marse kouver ou Beat ziska lo oter ki nou dir ziska kot Aki, desann St Louis la kot Lasapel. Ou bezwen mont la desann Lasapel retournen ouswa desann par Curio Road.  Sa ti en Beat.  Lari Bazar ou bezwen  Lari Hangard ou bezwen mont Mont Buxton, kot Ah-Pon sa ti bann landrwa kot ti Beat kot ler ou detay Gard, Gard i ale.  I bezwen ale.  I bezwen ale raporte apre.  Mon krwar petet ler nou dir community policing, nou pa’n met sa eleman Beat ladan ; kot sa Gard ler ou detay li pour fer community policing ou dir li Beat 1, Beat 2, Beat 3 ler ou detay li.   Mon krwar Onorab i konnen sa bann Beat  ki mon pe dir. Mon vwar li  i sakouy latet.  Akoz i osi in pas en kou ladan.  I konnen.  I bezwen ale.  Ou bezwen patrole.  Akoz si ou dir community policing sa dimoun i asize, i pa pour ale.  Si ou dir parey Corgat Estate i Beat ou dir parey i Patrol (1) ozordi ou louvraz se Patrol (1) dan distrik Mont Fleuri.  I pou bezwen ale Corgat Estate.  I pour bezwen marse.  Alor petet nou pour bezwen pran petet ; Angle ti’n kit ek nou.  Larou ti la li.  Annou pa al re envant larou.  Annou zis gete kot larou nou’n al mal.  Akoz mwan mon pe vin ek en Motto se go back to the basics.  Gete – revwar nou fason fer.   Regete.  Kot nou’n al mal nou pa pour nou pa zet piti ek delo.  Nou zet delo sal, nou kit piti.  Ou vwar?  Apre si nou zet tou lede apre nou  bezwen zwe ek poupet.  Me sa i nou bezwen al lo British system mon krwar.  E re sey entrodwir Beat Policing dan aspe community policing.  Lo recruitment.  Pour kapab ganny dimoun, se ou bezwen parey mon revwar zot nou striktir saler, si sa saler i konvenab pour nivo sa Gard.  E sa i en legzersis ki pour bezwen ganny fer.  E si apre mon – akoz depi yer mon annan kontak avek Madanm Esparon kot DPA, me nou bezwen revwar sa bann zafer.  Pour redwir krim ;  pour mwan nou mon lopinyon se pour nou redwir krim, nou bezwen remet vizibilite Lapolis lo semen.  Sa ler ou fer sa i annan 2 –  i annan sa laspe Gard i lo semen, i pour kontravansyon e apre i anpes krim arive.  I en eleman crime prevention.  I en deterrent.  Fodre ou remet krim dan – remet Gard dan semen.  Ou bezwen conduct bann crime advise and awareness campaign.  Nou bezwen swa al dan distrik petet mon a vin kot Onorab taler ti demande, ler dan distrik – sa Sirentandan – sa Gard i bezwen al dan distrik.  Ki kanpanny pour bezwen pour redwir krim?  E en lot aspe se ler krim i arive, nou pou bezwen annan Gard ki kapab detekte krim.  Akoz i vre nou pa pour kapab anpes tou krim arive ; krim pour arive.  Me selman Gard i pour bezwen annan sa mwayen, pour detekte krim e anmenn case Ankour.  Detekte e anmenn case Ankour.  Case ki for.  Mwan mon’n dir avek an se moman mon dir  an se moman – mon’n dir ek mon bann dimoun kot NDEA, ler nou fer case pour mwan i pa vo lapenn ou tanbo en dimoun, nou gat nou lenerzi apre pour li sape Ankour.  Plito ou pa’n ganny li.  Pour mwan nou bezwen met lanfaz lo fer lanket.  E staz fer lanket.  Akoz  mwan mon’n vwar konman en Mazistra  Onorab Hoareau petet Onorab Georges osi i kapab dir ou – staz ki case i ariv Ankour i very, very poor.  E petet nou bezwen revwar, akoz mwan mon pa le anmenn ganny gro latet – anmenn case kot Attorney Zeneral.  Attorney Zeneral, apre i anmenn case Ankour apre ki i pou donn Lapolis.  Mon le elev nivo nou lanket, elev nou standar. elev nou prezans Gard dan semen, avek bi pour adres sa bann sityasyon.  Mersi Mr Speaker.

 

MR SPEAKER

Mersi Mr Labonte.  Onorab Basil Hoareau.

 

HON BASIL HOAREAU

Mersi Mr Speaker.  Mr Speaker i fer mwan plezir pour  mwan demann kestyon avek enn mon frer Praslinois e osi en koleg – ansyen koleg Avoka.  Mr Labonte mon annan 3 kestyon.  Mon mazinen ou pou reste konman Chief Officer NDEA.  Si ou pour reste ki lavantaz, ou krwar sa pour anmennen pour Lafors Lapolis, par annan en dimoun ki Komisyoner e osi Chief Officer NDEA?  E dezyenmman, konbyen letan ou krwar, i pou pran ou pour met sa Lafors Lapolis dan sa leta, ki ou pour satisfe avek e pep Seselwa pour satisfe avek?  E trwazyenmman nou’n resaman annan en issue lo promosyon dan Lafors Lapolis, ki bann kriter ou pou ki ou pour rely lo la, ouswa ki bann sistenm ki ou pour met an plas pour fer sir ki promosyon i ganny donnen, dan en fason ki transparan e ki zis ?  Mersi.

 

MR SPEAKER

Sa trwazyenm kestyon Mr Labonte mon krwar ti a byen enteresan pour piblik tande, akoz i annan serten ka ki devan Anti-Viktimizasyon.  Mon krwar ti a kler, ti a ed nou travay, ler ou reponn sa kestyon.  Mr Labonte.

 

MR KISHNAN LABONTE

Yes.  Wi Mr Speaker konsernan Chief Officers NDEA.  I annan en Lalwa ki pe sorti byento, akoz in annan en Press Release ki sorti kot State House ki dir NDEA pe – sa NDEA Act pe al repeal.  I vedir pa pour egziste NDEA.  Mon krwar i pour vin sa Bill pe vin devan Lasanble next week.  Be ler once i repeal – akoz i pour  -sa NDEA pour vin en unit – en Departman anba Lapolis.  Parey lontan ti annan Adams eksetera.  Se sa NDEA in ganny kree ler Irish in vini.  Petet rezon mon mazinen se zot pa ti anvi tonm subservient to Commissioner of Police.  E zot ti le kontrol zot zafer zot menm.  But that was how it was dan le pase.  E mon pa vwar okenn problenm, akoz Komisyoner li i reste Komisyoner.  NDEA i ganny met en Sirentandan, ou lekel ki pour ansarz sa bout parti NDEA.  Be  mwan mon pour le fer li – i pou annan lezot keksoz ankor, ek sa NDEA.  I pa pour zis NDEA.  Petet mon pa le let the cat out of the bag  la, me selman i pour annan keksoz.  2enm kestyon lo konbyen letan i pour vwar – mwan en dimoun ki kontan  et realis.  Akoz mon ti vin…ler mon ti Chief Officer NDEA mon ti vwar Prezidan, mon ti dir li i pa pour vwar rezilta desito.  Mon promet li mon pour fer vwar rezilta at least two years.  Me history in prove me wrong ,rezilta in vin sitan vit ki zot vwar pour zot menm.  Me ankor enn fwa mon pour dir ou, mon pa le fer en dir keksoz devan Lasanble epi mon pa kapab meet.  At least nou pour vwar rezilta dan 12 mwan.  Mon krwar ou pour vwar en sanzman dan 12 mwan.  I pou annan serten sanzman an plas, me selman lo efficiency Lapolis, mon krwar dan 12 mwan, ou pour bezwen vwar en sanzman.  Lo promosyon mwan en dimoun ki’n pas dan staz, e ki krwar ladan osi, ki’n pas dan staz pour ganny promosyon fodre ou fer legzanmen.  E mon krwar i bezwen annan sistenm kot ou ganny teste an ekrir, ã la pratique, ou louvraz toulezour.  E sa ki ti egziste lepase.  E apre ler ou pou ganny promosyon, i bezwen annan en appraisal.  A Promotion Board i zwenn.  Si petet mon a akont zot en pti zistwar ki ti arive ek mwan.  Ler mon ti fer legzanmen Serzan – Konstab pour vin Serzan, parey mon’n dir, mon’n dir mon ti tonm premye.  Tou dimoun  gannyen – bann ki soz  Promotion Board, ti rekomande ti rekomande ki  mon ganny promosyon ; ti donnen.  Me mwan mon pa ti ganny donnen e  Komisyoner sa letan Mr James Pillay ti kriy mwan.  I dir mwan Promotion Board in rekomann mon promosyon, me mon bezwen al prouv mon lekor.  Akoz i pou bezwen akoz mon ti pe fer louvraz Prosekiter.  Mon pa ankor ansarz en shift.  E i ti anvoy mwan Beau Vallon, pou ansarz shift.  Mon ti fer ansarz shift e apre 2 semenn i ti kriy mwan e mon’n kontinyen  ansarz shift pou ganny promosyon.  E alor fodre i annan en mechanism kot ou bezwen prouv ou lekor.  Napa akoz mon byen ek ou bezwen ganny promosyon.  Ou bezwen prouv li.  Ki ou fer mon pa konnen.  Petet ou pa kapab diskrim osi an se moman, akoz si nou’n pran dimoun ozordi ki pa tro kalib an ekrir, ou pa kapab penaliz li akoz ou ki’n pran li.  Ou bezwen annan serten appraisal; swa an ekrir oral, pratik pour ou assess li.  I bezwen annan en some form of assessment lo en dimoun avan i ganny promosyon.  Mon krwar mon…  Mersi Mr Speaker.

 

MR SPEAKER

Onorab Hoareau ou ok avek sa?  Tre byen Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun, mon annan 2 kestyon mon ti a kontan demann Mr Labonte.  Premyerman i sa kestyon nou Konstitisyon i fer provizyon pour en Lafors Lapolis.  Me selman toultan nou’n annan en Minis i tonm anba en Minister Internal Affairs as oppose to Lapolis vin en antite otononm.  So mon ti anvi konn ou panse lo la.  E dezyenmman kestyon relasyon Lapolis avek piblik,  mwan mon vwar Lapolis ti dwatet en keksoz zot bann zanmi kominote.  Zot pa travay dan en fason malis ; zot pa travay dan en fason vanzans e ki dimoun i apros zot fasilman.  Be enn bann keksoz ki’n arive dan lepase, se kot Gard ou vwar zot pas dan distrik, zot anmas dimoun Vandredi – bann senp keksoz kit dimoun dan kaso ziska Lendi bomaten, kan zot ti kapab zis koz avek sa bann dimoun ; donn zot en warning verbal for – konmsi.  Be sa in afekte en pe kredibilite vizavi Lapolis dan lizye piblik Seselwa.  Alor mon anvi konn ou panse lo la; ki mannyer ou krwar kapab anmennen pour donn Lapolis en lapros en pe pli akseptab parmi nou popilasyon.  Mersi bokou.

 

MR SPEAKER

Mersi Onorab.  Mr Labonte.

 

MR KISHNAN LABONTE

Thank you Mr Speaker.  Pour premye kestyon Onorab, i annan diferan model.  Lontan Lapolis ler ou get Police Force Act, ou vwar  lontan i ti tonm anba Prezidan.  Me apre pli tar in desann ler Minis ti ansarz.  Me  i annan diferan.  Ou kapab fer li en Police Authority si oule  – parey L’Angleterre i annan sa Police Authority ki vey – get lo Lapolis.  Lontan mon konnen akoz mon pa ofe konmela ek Lapolis L’Angleterre.  Me lontan pour ganny ou Bidze, ou pou bezwen – ou ganny – mon krwar ou met 49%.  Ou bezwen rod larzan pour ou mete sa Lapolis.  E Police Authority i met sa 51poursan.  I fer i toultan annan serten kontrol lo ou.  Alor pour ou ganny sa full larzan, 100 poursan, ou bezwen prodwir pour ou gannyen.  E mwan mon krwar, i depan ki model oule  soz, me solman oule re adopte si i tonm anba Minis, anba Prezidan eksetera.  Be mwan mon prensip, se mwan ki ansarz Lapolis ; akoz Police Force Act i dir,’’…the Police Force shall be under the control and command of the Commissioner of Police.‘’ Anba mwan – Komisyoner.  Minis li mon raport ek li serten – mon pa raport ek li mon keksoz operasyonnel eksetera, me si i annan keksoz pour fer apre pli tar, mon raport ek li.  E menm zafer mon…ki mon fer konmela? Operasyon i konsern mwan.  Mon plan i konsern mwan eksetera.  Si oule le diskit ek mwan, mon a dir ou, me mon pa pour dir ou  mon taktik ki mon pe servi.  Sa i mon lakle e se mwan ki  tenir.  Lo premye kestyon.  2enm kestyon – friend to the public.  Gard an prensip i devret.  Akoz enn pour ou ganny korperasyon piblik, se i depan lo nou latitid Gard, pour en korperasyon piblik.  Akoz enn bann nou fonksyon, akoz Gard li menm li, i pa kapab kontrol tou lofans.  I pa kapab anpes tou lofans.  Pour nou kapab anpes lofans e investigate crime, nou bezwen korperasyon piblik.  Pour ou bezwen ganny korperasyon piblik, ou bezwen kiltiv korperasyon piblik.  Parey mon ti pe dir pour en boug donn ou lenformasyon, i pour bezwen konn ou.  Ou bezwen enterakte avek sa dimoun.  Akoz si nou zwe Gard i King of the road, me en zour ou pour mor ou tousel.  Dimoun pa pour donn ou lenformasyon.  Zis krim pour arive.  Nou pou bezwen Gard be friend of the public ; enterakte avek piblik.  E sa ler mon ti antre ‘76 sa in ganny mete dan mon laservel ; dan mon lespri, ki Gard i bezwen ganny korperasyon piblik pour fer ou travay.  San korperasyon piblik, nou pa pour kapab fer nou travay.  Apre en lot keksoz ki mon ankor rapel ki mon ti aprann par ker, sa letan ou bezwen servi tact and good humor anver piblik.  Nou pa kapab britaliz piblik.  Akoz nou le korperasyon piblik.  Pour nou ganny korperasyon nou bezwen servi tact and good humor.

 

MR SPEAKER

Bon.  Onorab Henrie.

 

HON GERVAIS HENRIE

Dan son repons  la, Mr Labonte in mansyonn en keksoz ki enteresan dan sa zafer, dan serten model kot Lapolis i kapab kontribye en poursan son Bidze.  E anfet en keksoz ki pe arive dan Lapolis, en Zofisye Lapolis ki’n dir mwan sa, kot i baze kot en Kordgard, dan bomaten ler zot fall-in aprezan i dir ek zot, poudir  be ozordi ou annan ou en quota 15 lofans trafik pour ou al rode.  E pour mwan sa mon pa krwar i en bon pratik, akoz konmsi ou pe dir avek sa dimoun go on a fishing trip pour li absoliman ganny 15 lofans trafik – i en pe – ou pe al travay malisyezman konmsi pour ou absoliman gannyen.  Mersi.

 

MR SPEAKER

Mr Labonte.

 

MR KISHNAN LABONTE

Thank you.  Ler mon ti pe dir Gard i ganny… i fournir lorganizasyon… mon pa pe dir larzan ki Gard i anmase ; akoz Gard pa anmas larzan i donn en servis preske free.  Sa se ler ou ganny assess lo ou efficiency.  Sa se ki Gouvernman Santral, i met – i allocate.  Si ou krwar ou performans, i pa’n alaoter, ou pa pour gannyen 49% pour Bidze.  Ou Bidze i redwir dapre ou performans.  Be selman sa zafer Gard i ganny en lalis pou anmenn – mwan osi mon’n tande sa dan le pase, akoz mon pa ti Gard, me mon’n tande.  Mon annan mon… menm zwe ek ou.  Ou pe fer Gard, al rod al fer dimoun fer en lofans, kot napa lofans.  Ou fer – ou menm ou pe kree lofans ki mal.  Akoz i posib ou annan en law abiding citizen  en group dimoun, i pa fer lofans.  Akoz ki mannyer ou’n enterakte avek zot, i pa fer lofans.  Alor ou pa kapab dir en Gard mon oule ozordi ou al anmenn 15 kontravansyon trafik ; 10 napa seat belt sepa lekel.  Ou pa kapab fer sa.  Li ale, i al fer –  i al deor i al lapes si i ganny pwason i gannyen – si i pa ganny pwason i pa’n gannyen, me selman ou bezwen annan en sistenm, kot ou pour kapab monitor li.  Si i vre in al fer son travay.  Me selman ou pa kapab dir li ozordi mon le ou fer sa.  Me i annan travay ou kapab dir li mon oule ou fer sa ; par egzanp ou servi Somonn, al servi Warant, akoz sa i bann keksoz ou donn li i ale  i al servi.  Mon donn ou 10 Somonn bomaten, mon oule bomaten ou ale ler ou retournen tanto 4er ou’n servi mon 10 Somonn; ouswa ou’n fer Return ki’n arive ; si sa bann dimoun pa la in deplase in al Praslin, ou annan serten Return ou fer, pour account ki ou’n fer pandan sa letan.  I annan travay ki ou kapab dir li ki i pour fer, kantite keksoz ki i pour fer, me sa i pa laspe lofans.  Me aspe pour al dish out summons al aret dimoun ki annan Warant ki’n sorti ; these sort of things.

 

MR SPEAKER

Ok Mr Henrie ou ok ?  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker bonzour tou dimoun bonzour Mr Labonte.  Mr Labonte anvi ki annan expert Forensic ki sorti Cuba kot Lapolis, e ki dan pe koz ek mwan  in dir mwan poudir i napa ni en lofis ; i pa ni ganny akse avek case files, kwa ki ou pour fer diferan avek ou predeseser, ki pour fer ki ou pe kapab servi lekspertiz bann korperan enternasyonal, pour en maximum – o maximum?  Dezyenmman Mr Labonte mon ti ava kontan konnen lo response time ki en size ki piblik i met lanfaz lo la, souvandfwa Lapolis i pran tro bokou letan pour ariv lo scene ;e ki stratezi ou pe anvizaze servi pour amelyor sa sityasyon?  E trwazyenmman i annan bokou konplent lo size labi, anfen ou’n koz en pti pe lo mank disiplin osi lo dan Lapolis, dan servis Lapolis, zot i annan labi lo transpor i annan labi lo drwa imen, ki osi ler zot ganny arete ; sa bann rapor osi in ariv lo nivo enternasyonal dan bann rapor United States Department of States Bureau of Democracy Human Rghts and Labour.  So mon ti a kontan konnen ki ou annan pour dir lo sa size?  Mersi.

 

MR SPEAKER

Mersi Onorab.  Mr Labonte.

 

MR KISHNAN LABONTE

Thank you Mr Speaker.  Lo kestyon Korperan Cubain sorti Cuba, mon pa okouran akoz mon pa ankor antre dan Lapolis.  Me selman mwan mon en dimoun ki si en dimoun i en expert ou bezwen enterakte ek li.  Akoz i akoz si ou’n demann serten lekspertiz deor, ou bezwen enterakte avek li.  Mon pa konnen petet si i annan problenm langaz.  Sa mon pa konnen.  Selman mon a fer sir mon a get to the bottom of it and vwar ki pe arive, ler mon antre dan sa pozisyon ankor subject to your approval.  Me selman si sa dimoun i la, ou pour bezwen travay avek li enterakte avek li.  Lo kestyon whether i pour bezwen vwar case file sa i en lot keksoz.  Akoz i pa neseserman i bezwen vwar case file li.  I depan ki sa expert i fer – dan ki field i été, si i en Analis i pa bezwen vwar case file li.  I bezwen vwar assume  si petet i analiz drog, mon pa konnen sa bann keksoz – louvraz sa.  Si i annan en expert as such, e ki louvraz i fer.  Si i dir li analiz disan – anmenn disan, i pa bezwen get case file.  Ouswa si en expert ki get your investigation, i pour bezwen vwar case file.  Me selman mon promet ou, mon a sey get dan sa problenm si vre i annan en Korperan Cuba sorti Cuba e ki travay i fer.  Lot kestyon se response time. Nou pour bezwen response avek tou bann rapor krim ki arive, within the minimum delay.  E en keksoz ki mon ti koz avan petet ki pour relye avek sa response time, se effective deployment of resources, ki mon krwar mon’n koz en pe lo la bomaten.  E annefe i tous osi lo ou 2enm kestyon ;  abuse of bann resources – bann keksoz ki nou annan.  An se moman ou vwar petet Lapolis pa pe servi sa bann keksoz to the maximum.  E swa si i servi pa dan loperasyon Lapolis, i servi dan loperasyon prive.  Me nou pour bezwen met li effective use of police resources.  Sa i swa i transpor ; swa i lezot keksoz ; i bato ; swa i mon pa konnen, i bann keksoz ki donn nou pour marse – bann gadget pou mars avek, nou bezwen servi sa bann resours byen.  Si nou servi nou bann resours byen lo kote transpor, nou response time pour pli pre.  I pour much less.  Me selman i pour en keksoz.  Ler ou’n enstil disiplin, ou increase ou vizibilite e mon krwar tousala i pour an zwe.  I pa zis en keksoz met plis transpor, be tousala fodre i mars ansanm.  Mon pa konnen si mon’n reponn ou kestyon Onorab ouswa si i annan ki mon manke.  Mon krwar sanmenm sa…

 

MR SPEAKER

Ok Onorab Hoareau ou’n satisfe ?

 

HON JOHN HOAREAU

Mr Speaker lo kote labi drwa imen i pa’n koz lo la.

 

MR SPEAKER

Labi drwa imen par Lapolis Mr Labonte.

 

MR KISHNAN LABONTE

Mon pa konn nanryen lo labi drwa imen ki’n arive dan le pase.  Me  mwan mon a fer sir ki lo mon watch napa labi drwa imen.  Mon pa kapab fer komanter lo si ti annan labi drwa imen dan le pase ou non, me on my watch, mon pou fer sir ki napa.

 

MR SPEAKER

Ok.  Onorab Hoareau i satisfe.  Onorab Georges.

 

HON BERNARD GEORGES

Mersi Mr Speaker.  Mr Speaker avan mon demann mon kestyon mon ti pe mazin en pti pe, si nou pour sanz non Gard parey Onorab Aglae in sizere, nou pour bezwen rod en nouvo non pour Kordgard osi.  Mon kestyon i relye avek…

 

MR SPEAKER

Si ou annan propozisyon anvoye Mr Labonte i a gete.

 

HON BERNARD GEORGES

Mon a mazin lo la.  Mon kestyon pour Mr Labonte i annan pour fer avek NDEA.  Mr Labonte ou kapab reasir nou – ou konnen konman MNA Les Mamelles akoz mon pe demann sa kestyon, ki la ki pour annan en reorganizasyon NDEA, ki lefikasite sa lalit kont drog, pa pour diminyen e annefe ki  i pour kontinyen.  E dezyenmman, mon krwar bann travayer  NDEA – bann azan eksetera, ti anvi ganny reasire osi, ki zot saler avek zot kondisyon servis, pa pour ganny afekte negativman par sa reorganizasyon?  Mersi.

 

MR SPEAKER

Mr Labonte.

 

MR KISHNAN LABONTE

Mersi Mr Speaker.  Ler NDEA pou nepli egziste  mwan mon garanti ou avek tou bann Onorab la, ki nou pour mentenir sa nivo travay ki nou’n fer dan present NDEA, i pou reste parey.  Kontrer mon krwar i pou redwir akoz nou pour annan plis manpower pour kapab deal avek.  Mon annan serten plan short term; mon krwar la i pa forum akoz mon pa ankor vin dan sa pozisyon.  Me serten short term  plan ziska Zanvye ki nou…kot konbyen nou pour crack sa bann lofans, drog, petty theft eksetera ki…mon oule ki sa lannen petet ler dimoun i vwar Desanm arive, i annan en reduction in crime konsiderableman – dan tou form krim.  E ou pou vwar prezans Gard lo semen.  Sa i mon swe.  Ler NDEA pour ganny…Yer mon ti ganny en koze avek Madanm Esparon DPA – ler NDEA pour aboli tou bann Gard pour ganny peye zot benefis.  Zot benefis ki ti egziste anba Lalwa NDEA.  Akoz la konmela zot bann agent e zot saler i as agent.   Napa ran.  I annan ki ganny kantite.  I annan ki ganny soz.  Me selman ler i aboli zot bezwen vin Police Officers.  Prezan i pou depan zot assessment, lo ki ran nou pour met zot la.  Me selman mon pa ankor vwar zot pour koz ek zot ; akoz mon’n fer sa plan Vandredi mon pour vwar zot, akoz zot osi zot en pti pe dan limbo.  Zot pa ankor konnen ki pe pase.  I  annan ki vini – mon dir pa trakase.  Me selman i pour dan sa laliny kot nou pou pey zot, tou  zot bann benefis ki’n arive dan lepase e abzorb zot dan Lapolis.  Me i pa vedir ki tou pour reste dan menm landrwa ; akoz  mwan mon Polisi se put a round peg in the round hole.  E i annan ki pour bezwen sorti e al soz…e petet dan en landrwa ou met nou aranz li.  Selman mon garanti Onorab Georges, Onorab Ferrari mon konnen  i enterakte avek nou, sirtou  lo Mont Fleuri/ Corgat Estate ki sa seksyon pour en seksyon ki i pou vin pli for.  I pou annan pli for – pour deal pou drog.  Mersi.

 

MR SPEAKER

Ok Mr Georges Onorab Georges?  Onorab Woodcock.

 

HON WAVEL WOODCOCK

Mersi Mr Speaker.  Bonzour Mr Labonte.  Pour konmansman mon a felisit ou pour ou nominasyon pour Komisyoner Lapolis.  Konman en Praslinois, i en gran plezir ozordi pour demann ou detrwa kestyon.  E mon konnen ki Praslin i fyer ki en lot zanfan Praslin pe aspire pou en pozisyon koumsa.  Resaman nou’n fek ganny en Attorney Zeneral ki li osi i en Praslinois ; so mon felisit ou.  Mon kestyon i konm swivan en pti pe lo laliny ki Onorab Hoareau in demande ; resaman i annan serten skandal e me kontantman konsernan bann promosyon ki’n gannyen dan Lapolis, e sa mekontantman i lo tou le trwa distrik Mahe, Praslin avek La Digue.  I annan bokou bann Zofisye ki krwar, ki zot ti merit ganny promosyon, me zot in ganny kit ater, pour rezon politik, ouswa pour par malis ou pour lezot rezon; ki mannyer ou pour deal avek sa group Gard – i annan apepre 30enn ekek Gard, ki mannyer ou pour deal avek sa bann Gard ki’n met konplent devan, la vi ki ex-Commissioner in resign.  Ki mannyer ou pour deal avek sa 30ekek Gard ki Lapolis?  E mon dezyenm kestyon i konm swivan pour le moman, i annan en mankman Gard ki lo Praslin, mon mazinen lo Inner Island – La Digue osi i annan en pti pe sa konsern, e lo Praslin osi ki nou pe vwar, se ki bann Gard, bann Lapolis – mon bezwen dir Lapolis.  Mr Speaker mon sorti Praslin parey nou servi Gard mon pa vwar nanryen mal avek sa term, so mon pa konnen si…

 

MR SPEAKER

Onorab Gill i dakor avek ou Gard dan Kordgard Praslin.

 

HON WAVEL WOODCOCK

Mon pa konnen si Takamaka zot servi en lot non, selman nou Praslin nou servi Gard.  E mon konnen ki Mr Labonte i ok avek sa term Gard.  Ok, mon a fini mon kestyon Mr Speaker, Praslin osi nou annan sa problenm transpor.  Annefe pour plizyer lannen, Lapolis Praslin pe servi loto car hire, eski sa i en keksoz ki ou anvizaze  kontinyen avek; ki Gard Praslin pour  kontinyen servi lote lwe?  Ouswa i dan ou lopinyon  ki Lapolis Praslin, zot merit annan son prop transpor?  E osi, en lot keksoz ki mon anvi demann ou, i annan en lot konsern ki bann case file i ganny perdi dan bann Stasyon Lapolis ; ki bann mezir ou pou pran pou anpes sa arive dan le fitir?  Mersi bokou.

 

MR SPEAKER

Mersi Onorab.  Mr Labonte.

 

MR KISHNAN LABONTE

Thank you Mr Speaker.  Lo ou premye kestyon Skandal Promosyon.  Mon’n tande mon osi parey tou dimoun, ki ti annan en group Zofisye in vin kot National Assembly – in lodge zot konplent.  Me sanmenm ki pour arive, ler ou osi ou donn promosyon napa kriter.  E dimoun i pour fristre e i vin devan.  Me mon pa konnen ki mon kapab fer i pa’n fer nanryen kot mwan ; se boul i dan kare Lasanble, Lasanble fer en desizyon ki devret arive – mon pa konnen.  Si i annan en konplent mon kit boul dan zot kare menm.  Ou konpran?  I pa’n…dan sa zafer mon napa locus standi mwan mon krwar non?  Me selman ler mwan si mon ganny apwente Komisyoner ler mon pour donn promosyon, i pour bezwen annan serten kriter legzanmen ; swa ou fer li  ou’n fer legzanmen lokal, swa ou’n al deor ou’n fer serten legzanmen training ki  ler ou vini, nou kapab satisfe pour grad ou.  Sa i enn.  Lo car hire;  mwan mon pwennvi se en lorganizasyon i devret annan son prop transpor.  Ou servi  transport car hire rarman – very rare si ou annan en keksoz ou servi.  Ouswa si i annan en loperasyon spesifik ou servi.  Par egzanp ler mon vin kot NDEA, ti annan en kantite car hire ti ganny servi en kantite loto ki  ti pe ganny servi, me sa in ganny redwir.  Nou’n fer lapel avek Gouvernman Endyen e i annan en Grant ki zot in donn nou, pour ganny apepre 10 transpor.  E petet nou a ganny li lot lannen.  Me par natir sa travay ki nou pe fer, nou pour bezwen, bezwen  enn ler annan car hire.  Me i pa kapab nou fleet, i annan plis car hire; ouswa tou nou fleet i car hire.  Nou bezwen annan enn ou de. Depandan lo natir travay.  Si mon anvoy en dimoun al fer lobzervasyon kot Onorab laba, gete ki pe pase mon pa kapab anvoy en police-marked vehicle.  Ou lwe en car hire pour sa purpose.  I bezwen annan.  3enm kestyon accountability of files ; files i perdi.  I – ki’n pa arive petet dan lepase file i perdi – Zofisye pa account.  Akoz once en file i ganny registered – en crime i ganny registered e  en file i ganny fer e sa file i devret ganny allocate.  I bezwen annan liv e ki sa case file in pase.   E si sa dimoun in perdi; in perdi sa file, son latet – head will roll.  I pou bezwen eksplike akoz in ariv sa.  I pa en kestyon ki ou pran li a la lezer en file in perdi. Nou ale nou fer duplicate nou rod lezot mwayen – secondary statement pou kapab ranplase. Me solman sa dimoun osi i pou bezwen ganny serten kek…en keksoz i bezwen arive avek sa dimoun I pou bezwen rann kont.  Akoz ki in perdi sa file.  Ki’n arive? Mon pa konnen si mon’n reponn ou kestyon.  Onorab.

 

MR SPEAKER

Onorab Woodcock i satisfe eski mon kapab. Wi Onorab Woodcock oule…?

 

HON WAVEL WOODCOCK

I annan zis en pti kestyon  ki i pa’n reponn konsernan mankman Gard lo Praslin – lo inner Island ki ou pou fer pou ranforsi en pti pe sa ?  Eski ou krwar poudir reviv sa Lakademi ki ti annan lo Praslin lontan pou bann Zofisye Lapolis  i en keksoz ki kapab ganny konsidere dan lefitir, an vi ki pou deal ek sa problenm mankman lo Inner Island.  Mersi.

 

MR SPEAKER

Mr Labonte?

 

MR KISHNAN LABONTE

Mon met en sourir lo mon figir  ler ou pe dir mwan  reviv Lakademi fer li retourn Praslin.  Sansan nou pou vwar…i vre Lakademi Praslin mwan mon lopinyon ti en landrwa kot i ti fasilitate letid pou dimoun.  Ou ti tir dimoun kot Mahe kot ou anvoy li 3 mwan ; i rester 3 mwan Praslin petet long weekend i ti desann 3 fwa dan bann term ; pare 1 mwan i desann – i fer en weekend i retournen ankor koumsa.  Ti en mannyer  kot ou ti enstil disiplin  e osi knowledge, leksperyans ek bann Gard.  Me zot in tir li laba pou anvoy Mahe, enn rezon  sa letan ki mon ti okouran ti donnen se ti kout bokou pour run Training School Praslin.  Me i vre si oule fer en keksoz de byen, i kout bokou.  Si oule fer en bon lakaz ki an blok i pou kout pli ser ki en lakaz ki ki ou fer ek tol.  Me i depan ki –  me solman last moment nou’n fini annan en Lakademi – en lekol Mahe i  pa vo lapenn pou retir lekol Mahe  fer en lot lekol pou anvoy Praslin.  Me solman ou ganny Gard, plis Gard mon pou bezwen fer resers ki kantite manpower.  Nou annan nou strength eksetera.  Ou pou bezwen mazinen osi prezan avek NDEA ki pou ganny aboli, ou pou kapab ganny en pe plis Gard osi.  Akoz konmela an se moman Gard i dir ou problenm drog i  pa son problenm.  Problenm drog i pou NDEA.  Me la pou ou ganny Gard ki pu fer tou.  I pou al fer drog; i pou al fer trafik i pou fer tou.  I annan tou pouvwar.  E ou pa  konnen lekel ki pour vin tap ek ou pour drog.  Ou konpran.  An en sans ou manpower pour  teknikalman increase par en pe.  Me selman nou bezwen revwar petet gete.  Apre mon’n pran pozisyon, mon pour bezwen fer vizit dan bann distrik ; fer vizit Praslin La Digue e ganny kontak ek zot,  konbyen zot krwar nou pour bezwen.  E tousala i mars lo finansman ; kot si nou bezwen plis Gard, nou pou bezwen plis rekrit plis Gard.  E pour nou rekrit plis Gard, ou bezwen annan larzan pour pey Gard ; finans.  E tousala i pour annan en lefe ki  at the end of the day, i tonm lo larzan.  Me sa nou kapab gete, pour nou kapab fer, si nou pour bezwen plis Gard.  Ouswa i annan ase Gard, Gard in ganny wrongly deployed.  Sa osi fodre nou veye.  I posib.  Mon pa konnen kantite Gard ou annan Praslin Gard.  I annan kantite Gard me Gard i wrongly deployed.   I annan Gard ki travay zis 8er 4er. I asize dan biro, i pa sorti.  Ler i fini Vandredi i fini.  Me fodre nou get tousala aspe avan nou kapab donn ou en…  Thank you.

 

MR SPEAKER

Ok Onorab.

 

HON WAVEL WOODCOCK

Ki mon ti pe dir mon pa ti pe dir re-allocate Lakademi Mahe pour anmenn Praslin mwan mon ti pe zis sizere, parey nou ti annan Hotel School zis en brans ki pour ede ankouraz plis bann Praslinois pou antre dan Gard Inner Island.  Konmsi en pti sant pou train enn de bann Praslinois, ki pe aspire pour vin Lapolis; olye ki  zot bezwen fer sa deplasman Inner Island/ Praslin/La Digue pour vin Mahe.  Sa i en keksoz ki mon ti pe more or less sizere.  Mersi.

 

MR SPEAKER

Ok okenn lezot pwen mon krwar Mr Labonte in reponn.  Yes Mr Labonte.

 

MR KISHNAN LABONTE

Petet mon ti anvi flot sa nide devan zot ; akoz last week mon ti flot sa nide devan Onorab Henrie.  Dan le pase nou ti annan en sistenm kot nou ti annan Special Constable dan distrik, partou.  Sa bann dimoun ti annan zot profesyon, i ti travay dan Gouvernman ou ayer, me  dan weekend i vini i donn serten 2erdtan – 3erdtan travay – i ti ganny en saler.  Petet si sa petet zot kapab flot sa nide dan zot distrik, si i a marse.  Si i a marse.  Mwan ennler dimoun pa neseserman i oule larzan, ou pa donnen sa,  me enn ler i le rekognisyon.  Petet sa dimoun ki’n vini, ou pa pour ganny bokou dimoun – ou a ganny- at the end of the year, petet i ganny rekonpanse avek air tickets pour li ek son madanm, i al deor i ganny serten pocket money.  Konmsi in donn serten sakrifis.  Petet bann dimoun ki’n pran retret bann ansyen Gard – mon ti pe koz lo ansyen Gard.  Akoz i annan en ta bann vye Gard ki annan leksperyans ; ki’n pran retret i la.  I vini 2erdtan/ 3erdtan i donn i fer sa travay.  Pa neseserman i met sa  menm liniform ; i met en lot liniform.  Akoz ler i on duty – nou annan provizyon dan Lalwa ki koz lo Special Constable.  Ler i on duty i annan hours of Police Officer as a Police Officer.  Ler sa zour in kite in al mason lannmen, i napa sa pouvwar, me selman i annan pouvwar as a citizen.  Petet si mon kapab flot sa, mon ti flot sa semenn pase, mon konnen ki mannyer zot in resevwar, si zot in flot sa dan zot distrik; akoz sa i en mwayen pour ganny plis dimoun pour fer travay Gard.  Me selman en lot keksoz, ki en ansyen Komisyoner toultan dir ; ‘’fodre nou menm nou, nou aranz nou sityasyon Lapolis, akoz napa dimoun ki anvi travay Kazern.’’ Ou konpran?  Fodre ler ou’n elev nou standar, nou’n elev nou menm nou kot Kordgard nou lev li pli o, la dimoun i vin travay.  Si toultan nou standar i ba dimoun pa pour oule vin travay avek nou dan standar ba.  Premye keksoz ki nou merit fer, se nou menm nou Gard, elev nou standar servis e ler nou lev nou standar servis la dimoun i vin kot nou.  Me selman sa mon krwar si nou fer li, i pou bon pour Sesel.  Mersi Mr Speaker.

 

MR SPEAKER

Mersi Mr Labonte mon sizere ki nou pran en Break.  Zis aven nou pran en Break mon ti a kontan petet sizere, vi ki ou’n mon kontan sa bann metafor ki ou’n servi, me anfet mon pe note zot tou, ki boul i dan nou lanmen.  Pour Anti- Viktimizasyon i vre, i annan 17 Zofisye ki’n vin kot Anti- Viktimizasyon Komite.  Mwan  mon Chairperson.  Enn bann premye travay ki nou a fer, si Lasanble i aprouv ou promosyon – ou apwentman konman Komisyoner e ou pran ou pos, se nou a zwenn pour vwar e nou annan rekomandasyon tre for, kwa ki devret ganny fer ; sirtou lo appraisal – system of appraisal e promosyon.  E enn bann premye travay nou a kapab fer ansanm, se zwenn e prezant devan ou nou Dosye lo sa bann dimoun e kwa ki nou rekomande nou konman en Komite.  So la mon krwar… e selman mon ti a kontan dir -sizere ki nou pran en Break e nou kontinyen ; parske i annan plis ki 10 dimoun ki anvi entervenir.  E tou letan mon dir Lasanble son Sesyon vi ki Live, i en Civic Education Class.  Mon krwar bomaten Seselwa antye Lanasyon, i pe aprann keksoz e i en laklas Nasyonal sivik.  E si ou dakor Mr Labonte, nou a pran en Break ziska 11er, epi nou a kontinyen pour nou annan sa enteraksyon for nouri, for enteresan ki nou’n gannyen depi ki ou’n antre dan lasal.  Si tou dimoun i dakor nou a adjourn nou a repran 11er.

 

 

(BREAK)

 

 

MR SPEAKER

Mon a swet tou dimoun bon retour pour nou repran nou travay.  I enteresan ki, ozordi nou pe ganny sa konversasyon avek – mon espere nou fitir Komisyoner Lapolis, e ozordi se lafet St-Francois D’ASSISE Lafet Baie Lazare e St-Francois  – en sen ki anmenn lape, partou.

E fotespere ozordi sa ki nou pe tande, Sesel i a vin en tapestry; oubyen en kwen tapi lape.  Parski mon krwar nou pour annan lord ek lape.  E avek sa mon a donn Onorab Baie Lazare ki osi i apel Francois, Onorab Adelaide laparol, parski ou non i lo mon lalis pour koze.  Alor ou kapab fer ou konversasyon avek Mr Labonte.

 

HON FRANCOIS ADELAIDE

Mersi Mr Speaker.  Bonzour zot tou.  Mr Speaker i paret mwan ou’n vol mon parol.  E se sa ki mon ti anvi dir ozordi. Swet tou avek ou permisyon.

 

MR SPEAKER

Wi, go ahead.

 

HON FRANCOIS ADELAIDE

Swet tou zabitan Baie Lazare en bonn fet St Francois D’Assise pour ki lape i rennyen dan nou pei.  E ozordi i zour zournen lape Mahatma Ghandi.  So ankor en 2enm kredi.  E la en 3enm kredi ankor i vini, se nou pe elekte, se nou pe donn laprouvasyon en kandida ki pour mentenir LDS; savedir, mentenir lape dan Sesel.  E mon krwar i e a sa moman mon krwar ki mon bezwen dir pour dir mannyer in koze, in koz parey en leader ki bokou bann Dirizan ki’n vini avan ki’n vin devan; e mwan mon kapab dir li, ‘’be ou’n fini ganny mon vot. Mon pa konn larestan.’’ Me mon kestyon pour ou i koumsa. Lape dan Sesel, Lord dan Sesel.  Short term.

 

MR SPEAKER

Onorab poz ou kestyon.

 

HON FRANCOIS ADELAIDE

Ok. Mersi.  Mr Labonte mon kestyon pour ou i koumsa.  Ki ou pour fer pour ki Lapolis son zouti ideal se, son bolpenn.  Akoz bokou dimoun avan i dir mwan poudir Lapolis lontan pa ti koz 2 fwa, me ti annan bolpenn ble avek bolpenn rouz.  E son power ti dan son bolpenn, me dan pa mayos avek kaso.  E ki ou pe fer pour ou fer sir, ki nou retourn sa power dan lanmen Zofisye Lapolis pour zot kapab egzekit zot travay.

Mon 2enm kestyon se bokou dimoun osi i dir, ou kapab kas Lalwa, ouswa ou kapab, you can bend the law. Me anba ou direksyon eski Lalwa pour fleksib, ouswa i pour rizid?

Mon dernyen pti kestyon se ki, i annan en msye in dir mwan demande se ki lontan boner ti annan bann Lalwa ki ti deal avek bann walking vagabond ouswa bann dimoun ki pe behave and walking in disorderly manner. E sa ti fer ki ti annan bokou lord.  E i pe demann mwan si petet ou pe mazinen, pour re enplimant sa bann Lalwa pour ki lord i ava etablir dan Sesel.  Mersi.

 

MR SPEAKER

Mr Labonte.

 

MR KISHNAN LABONTE

Thank you Mr Speaker. Pour en Polisye servi ballpen pour fer son pouvwar ballpen konte; mon’n krwar mon’n tous lo la taler, i pour bezwen sa dimoun, ou pran en dimoun ki konn ekrir.  Ou konpran?  Si i annan en ballpen i pa konn ekrir, i pa pour fer son ballpen konte.  E alor sanmenm sa mon dir ou pour bezwen elev standar Gard.  Fer sir ki i pran kontravansyon.  I ekrir.

E sa bann sistenm kontravansyon ki Gard ti pran lontan, mon pa dir al lapes, rod 15 anmennen pour tanto. Me selman tousala i ti ganny appraise finalman e ler i ti fer legzanmen final, e sa i ti pran kont ansanm avek travay ki i fer lo semen; travay toulezour, son travay ekrir. I parey sa sistenm ki mon krwar i annan dan lekol konmela, zot apel li ROA non?  Be tousala ti annan ou rikord. Avan ou ganny promosyon apre ou, ek ou legzanmen i pran kont.  Me selman pour nou kapab fer li servi son ballpen, fodre nou elev standar Gard.

Dezyenmman si Lalwa pour rizid e fleksib.  Depi Gard i annan en pouvwar ki inherent ek li en. Si ozordi i pour servi son diskresyon, i vedir donn ou en warning, napa okenn landrwa dan Lalwa ki dir en Gard fodre toultan i pran kontravansyon.  Gard i kapab deside si i anvi donn en warning, ouswa i anvi pran kontravansyon.  I posib in vwar ou, i aret ou, i montre ou lofans, ou’n drive san seatbelt, ou pa’n mete i en lofans.  I dir ozordi mon donn ou en warning.  Me selman pour sa warning efektiv, i pour bezwen servi son notebook. Note lekel sa dimoun ki in donn warning.  2enm fwa ler ou vini i vwar ou, i dir, ‘’gete Tom, mon ti donn ou en warning lotrozour la ozordi ankor?  La mon pour pran ou kontravansyon.  Mon pour raport ou.’’  E sa i reste ek sa Lapolis.  Selman i pa kapab fer abiz sa pouvwar pour, si oule ozordi i anvi donn en dimoun serten kategori, i donn li warning, be tandis ki en lot dimoun i deside pa donn warning, pran kontravansyon.  I devret azir zis; zis.  Si i anvi donn en warning ozordi akoz premye fwa i fer lofans, i fer.  Si sa boug i fer 2enm fwa, 3enm fwa i pran kontravansyon.

3enm kestyon se Seksyon ‘rogue and vagabond’.  Mon krwar i Seksyon 174 – 174 Penal Code.  Ou kapab ganny li osi anba en lot lofans. Selman mon kapab ganny korize par Onorab Hoareau si mon memwar i bonne, anba 183 ‘’common nuisance.’’ Ou kapab, be sa, diferans ant sa de se anba 183 ‘’common nuisance’’ ou napa powers of arrest.  Tandis anba 17, 174 ‘rogue and vagabond’ i kapab ou kapab aret sa dimoun – en arrestable offence.

Me fodre Gard i konnen. Si gard pa konnen, i annan sa bann lofans, Gard pa pour kapab azir.  Fodre dan Training School, sa bann keksoz i ganny mete.  Ou montre li bann lofans.  Akoz ordinerman ler Gard i fek antre, pour li ganny sa pratik raport dimoun, i pa al raport gro, gro lofans vol eksetera.  Se mon rapel dan mon letan, se ou raport dimoun ki ti fer bann lofans trafik.  Sa rafal ti annan bann bis ki ti prive.  Ou raport bis ki ti napa kontroler. Bann pti lofans senp.  En transpor ki’n park within 30 metre, 30 feet  from a junction, a corner.  Konmela ou vwar en kantite sa.  Be Gard pa fer nanryen.  Se ou fer ou praktikal lo zot. Ou anmenn kes Ankour; akoz ou menm ler ou komans donn levidans an kour ou von solid.

Si en Gard in donn levidans, i pa’n donn levidans Ankour, ou pran en Gard, i pa konn son lanmen gos ek son lanmen drwat, i pa en bon Gard;  I pa donn bon limaz. Mwan in arive devan mwan koman en Mazistra.  Ler usher i dir sa Gard, mon pa konnen si Onorab Hoareau i rapel sa bann sityasyon, i dir lev son lanmen dwat pour fer serman, i lev lanmen gos, prezan mwan mon dir li, mon dir bes ou lanmen dwat, lev ou lanmen gos.  Ou konpran?  Fodre ou annan gard ki kale.  Ou konpran?  Ou pa kapab…

Mon pa pe fer joke, sa in arive.  Keksoz ki arive dan lavi sa. – dan soz.  Fodre ou pran Gard ki nivo e ki son standar i o.  Mon pa pe kritike, me in arive.  Mon pa konnen si mon’n reponn ou kestyon. Mersi.

 

MR SPEAKER

Mannyer i a pe riye mon krwar ou’n plis ki reponn son kestyon Mr Labonte.  Onorab Churchill Gill.

 

HON CHURCHILL GILL

Mersi Mr Chair.  Bonzour Mr Labonte. E mon krwar ozordi Praslinois i tre fyer ki pe arive. Pour nou lendistri tourizm, nou pe ganny en pe difikilte kot touris i ganny atake. E Praslin, i pa’n eparnyen.  En mwan pase nou’n ganny sa sityasyon e parey nou tou nou konnen sa i pa fer dibyen nou lendistri.  E nou ti annan beach policing.  Nou ti annan sa ki ti’n ganny kree, ki ti pe marse Praslin. Me tou dernyerman sa i pa pe marse, mon pa konnen si in faze out. Alors mon ti a demann ou, apre ki nou’n confirm ou, si ou ti a zet en regar lo sa beach policing.  Si nou kapab re revive li.

Apre en pe boat patrol. I annan boat patrol ki fer me selman i pa ase regilye, akoz otour Praslin i annan bokou aktivite ki pase, mon krwar ou deza okouran.  Me selman si nou ti a kapab ranfors sa, mon krwar ti a bon.  Mersi.

 

MR SPEAKER

Mr Labonte.

 

MR KISHNAN LABONTE

Thank you Mr Speaker, mon krwar, mon pour pran sa pti fraz ki ou’n dir apre ki ou’n confirm mwan, mon krwar mon’n fini ganny ou vot parey Onorab Adelaide in dir. Konmsi i annan 2 dan pannyen la.

 

 (laughter)

 

MR SPEAKER

Commissioner with a sense of humour.

 

MR KISHNAN LABONTE

Jokes aside Mr Speaker.  Bon, zafer patrol, touris, Gard lo lans.  Ou konnen sak ziridiksyon bann Stasyon, i annan son spesifisite; par egzanp Beau Vallon i annan son La plage kot dimoun i frekante.  Corgat Estate i annan son problenm.  Be sa regional konmande, i devret konnen lekel son problenm.

I devret konnen kot son boubou i ete.  Si napa…ou vwar sa Station Commander. Sanmenm sa, mwan mon bi se met Zofisye ki responsab.  Si ou pa fer sa louvraz, latet pour ganny koupe.  Ou konpran? Head will role. Ou bezwen konnen si Baie St Anne Praslin, ouswa Cote d’Or, i en landrwa kot vol i pase, ou pour bezwen fer serten keksoz.  Ou pa pran Gard dan liniform pour al fer sa.  Gard in fer sa.  Ou bezwen met Gard poste avan. E Gard i al an sivil, i al…ou, ou bezwen design bann progranm; ou bezwen alert, design bann progranm. E mon pa krwar nou devret annan en Seksyon Tourism Police dan Uniform kot i patrole, eksetera.

Me selman Gard i fer tou louvraz.  Ou, ou devret konnen spesifisite ou Stasyon, ou distrik ki ou bezwen, e ou bezwen alor azour ek ou distrik.  I vin koz ek ou dan ou koman Manm Lasanble, ki ou problenm, e i bezwen assess sityasyon; akoz sityasyon i petet dan en rezyon, i fluid, i sanze. I devret azour ki pe pase.

Bon pour fer foot patrol. Foot patrol, Gard i bezwen fer foot patrol. Akoz Gard pa fer patrol dan transpor.  Ou kapab fer patrol dan transpor. Me an se moman, byen souvan mon dekrir sa, petet akoz mon get li par en lot kalite lizye. Mon pa anndan ankor dan Gard. Ler mon vwar en transpor, Gard i monte desann, i sorti point A, i al point B, mon dir sa …pe fer lanbilans.  I sorti, i pran en pasyan en landrwa, i al desarz li Lopital, ouswa i anmenn klinik.  En lot call i vini ou vwar patrol Gard i vini i pran sa.  I pe fer louvraz lanbilans. Louvraz patrol, ou kapab fer patrol dan transpor, i annan landrwa ki lwen; me at certain point in time, ou arete.  I park son loto, i lock, sa 2 Gard, 3 Gard i sorti, i marse, i al get lavi kominote.  Si i annan rikord ki i pran, i fer.  Apre i retournen, i al dan son transpor, i bwar son delo, i re kondwir larout.  Se sa se bann ki, ki Gard i bezwen servi son linisyativ. E ou pour, ankor mon retourn lo la, ou bezwen pran Gard ki kapab annan bon nivo pour kapab panse, pour kapab desarz sa responsabilite.

Mon pa konnen si ou satisfe.

 

MR SPEAKER

Onorab Gill ou satisfe.  Mwan mon koman Speaker mon bezwen atir zot latansyon ki i 11.21.  E nou bezwen by 12:00 in fini vot lo lapwentman Mr Labonte. Alor mon pe ankor annan, 8, 10 dimoun pour koze.  Mon ti a kontan zot demann en kestyon.  E san être malelve Mr Labonte, mon ti a demann ou pour être pli bref ki ou kapab avek bann repons.  Much as I am enjoying every bit of sa ki ou pe dir, mon sir popilasyon osi, me nou bezwen mindful ki nou annan en commitment apre midi ver en Manm fanmir enn nou koleg. Alor mon a donn laparol Onorab Roucou, en kestyon.

 

HON CLIVE ROUCOU

Mersi Mr Speaker.  Bonzour tou koleg Onorab.  Bonzour Mr Labonte. Mr Labonte in koz en kantite lo lev standar, alors mon pe demann Mr Labonte pour si i annan okenn plan pour revwar curriculum ki Lakademi Lapolis pe servi aktyelman?  Mersi.

 

MR SPEAKER

Mr Labonte.

 

MR KISHNAN LABONTE

Short answer, is yes.  Wi.

 

MR SPEAKER

Very good.  Onorab Larue.

 

HON FLORY LARUE

Mersi Mr Speaker.  Bonzour Mr Labonte. Sesel pe eksperyans en kantite sanzman.  Bokou keksoz pe ganny devwale sirtou atraver Lasanble Nasyonal.  Souvan nou mansyonn devwar bann lezot lenstitisyon. An vi ki letan keksoz i ganny anmenn devan, i pour arive ki Lapolis, e si ou vin Komisyoner, se sa Komisyoner ki pour bezwen fer, ouswa pran linisyativ pour lans en lenvestigasyon, NDEA pour osi prezan tonm anba lapolis.  Dan sa de lenstans, swa avek drog, swa avek bann lenvestigasyon inisye, ki mannyer ou pour fer si non en ansyen Prezidan, Minis, ouswa en O Zofisye i monte dan sa bann lenvestigasyon.  E an ‘85 Mr Gerard Hoareau ti ganny asasinen Londres L’Angleterre. Sa ka pa ankor konklir – eski ou pare pour re inisye sa avek Scotland Yard? Mersi.

 

MR SPEAKER

Mr Labonte.

 

MR KISHNAN LABONTE

Mr Speaker mon krwar in fer plis ki en kestyon.  Mon pa konnen lekel ki oule mon reponn.  Mwan a reponn son premye kestyon.

Premye se mwan kouler dimoun, ler ou vin devan mwan parey ler mon ti Ankour, mon pa ni konnen si ou non, si ou sinyatir lekel, mwan mon vwar en dimoun. Apard si mon vwar ou, ou mon fanmir, mon recuse mon lekor.  Mon anvoy kot en lot mazistra. S a i mon prensip. Mwan ler ou pase devan mwan, ou en endividi.  Mon krwar dan NDEA, mon’n montre sa.  Mon pa pour al dan sa forum la dir zot.  Be selman mon’n montre ki mwan, mon pour fer sa ki devret fer, si en lofans in ganny arive.  Oule mon reponn lot kestyon?  Mwan mon pa konn nanryen dan soz, dan bann zafer Gerard Hoareau eksetera, pour re, be selman mon krwar, mon pa konnen i annan en, si i annan en lofans, mon pa konnen, be lanket zanmen, en lanket omisid zanmen i fermen. I reste toultan ouver, mon pa konnen si in deza annan en Rapor Sesel ki in anrezistre en kes. Be mon pa konn nanryen ladan. Be si napa, napa.

E apre i pa’n ariv Sesel, si in ariv Sesel.  Nou napa ziridiksyon.

 

MR SPEAKER

Ok Onorab Larue in reponn ou kestyon?  Onorab Ghislain.

 

HON CHANTAL GHISLAIN

Mersi Mr Speaker.  Bonzour Mr Labonte.  Mon kestyon Mr Labonte, nou’n, ou’n dan NDEA.  E ou osi ou’n koz lo la taler, ou’n osi dan Lapolis oparavan.  E nou ti konnen poudir avan ti annan sa zafer Drug Squad, apre in vin Adams.

E sa bann letan osi, ou ti dan Lapolis e la ou’n vin dan NDEA still i annan pour fer avek drog.  E la i pe retourn ankor anba Lapolis.  Ki – si ou ganny elekte koman Komisyoner Lapolis, kwa ki lasirans ki ou pour donn nou ki menm si i pou’n sorti. Akoz enn, si nou mazin byen letan ti sorti anba lapolis pour al NDEA akoz ti annan bokou kritik lo Adams and Drugs Squad. Ki lasirans ou pour donn nou ki pour donn tou bann kominote ki travay ki NDEA pe fer, i pou kontinyen anba Lapolis byen, ki i pa pour retourn ankor parey i ti ete oparavan?  Mersi.

 

MR SPEAKER

Mersi Onorab.  Mr Labonte.

 

MR KISHNAN LABONTE

Mwan a reponn ou kestyon koumsa.  Operasyon en unit, ou lorganizasyon ou NDEA i pa depan whether Ii endepandan avek Lapolis, ouswa avek Lapolis.  I depan lo entegrite sa dimoun ki ansarz – e dimoun ki pe deal avek sa operasyon. Se tou ki i depan.  Si sa dimoun i onnet ki pe …ou pour ganny rezilta.

 

MR SPEAKER

Ok? Mersi Onorab, mersi Mr Labonte.  Onorab Vidot.

 

HON AUDREY VIDOT

Mersi Mr Speaker.  Mr Speaker mwan mon kestyon pour Mr Labonte, se ki mezir ki i pour met an plas, pour adres bann relasyon kot Zofisye Lapolis pe kas en pti pe Lalwa, kot pour pran bann mezir avek zot, kot bann lofans ki zot fer.  E pli boner ou’n koz lo bann zafer pli, lo kote Sant DNA, lo bann case ki ou pour revwar, ki lanfaz ou pour mete lo sa DNA laboratory ki nou pe demann, konmsi piblik pe demande, e Lasanble osi in deza koz lo la? Mersi.

 

MR SPEAKER

Mr Labonte.

 

MR KISHNAN LABONTE

Mon’n konpran premye kestyon byen, be mon a reponn sa.  Be 2enm mon pa’n tro, tro byen konpran, si apre ou kapab repete.  Me mwan a reponn lo premye kestyon.  En Gard akoz i en Gard i pa devret ekzanpte pour li fer lofans. Si en Gard i fer lofans i devret ganny raporte par en lot Gard.

Sa laspe lisyen pa mord lisyen pa marse dan mon garenn, dan mon… ou konpran?  Si en Gard i fer lofans i devret ganny raporte. Mwan i annan bann NDEA ki ler in ganny deal avek par Lapolis i anvoy kot mwan pour ganny, pour demann mon sanksyon pour al Ankour, mwan mon sanksyonen mwan.  Mon pa otoriz dimoun pour kas Lalwa.  Petet si ou re demann ou 2enm kestyon mwan a kapab…

 

HON AUDREY VIDOT

Onorab Larue in demann 2.

 

MR SPEAKER

Demann ou 2enm kestyon Onorab.

 

HON AUDREY VIDOT

Mr Labonte mwan mon, lo premye ou ti pe met lo kote mezir.  Parey mon konpran ou mwan.  I annan bann ka kot plizyer kritik in ganny mansyonnen lo serten Zofisye Lapolis.  Par egzanp letan i annan en lofans kot in donn en dimoun en tiket pour li vin, petet in kas Lalwa trafik; par deryer i dir ek sa dimoun donn mwan R800.  Mon desir ou tiket avek sa lot i donn li son tiket.

Sa bann keksoz koumsa. Ki bann mezir ki zot pe pran pour adres bann, pour kapab annan sa sistenm Oversight pour kapab adres sa bann sityasyon dan sa laliny kot mon ti pe ale.  E parey nou ti pe koz lo DNA.

 

MR SPEAKER

Me mwan krwar ou’n demann ou 2enm kestyon.

 

HON AUDREY VIDOT

Non, i pa ankor reponn kler mon premye kestyon.

 

MR SPEAKER

Be demann ou kestyon Onorab.

 

HON AUDREY VIDOT

Be mon pe demande Mr Speaker.

 

MR SPEAKER

Order!  Order!  

 

HON AUDREY VIDOT

DNA laboratory ki i ti pe koz lo la pour fer ki pe demande pour ganny met an plas.  Ki ou komitman ki ou kapab dir nou lanfaz pour fer sir ki nou ganny sa, pour ed ou avek fasilit ou avek ou bann case ki ou pe dir pour revwar?

 

MR SPEAKER

Ok mersi Onorab.  Mr Labonte.

 

MR KISHNAN LABONTE

Pran gous zafer larzan eksetera.  Sa i en criminal offence.  Si i arive ou raport sa Gard, e i fer lanket i al Ankour pour mwan.  Sa i senp. Dezyenmman, DNA laboratwar.  Mon krwar i en keksoz ki ler in fini pe konsidere pour fer en laboratwar.  The short answer is that be selman pli long, mon pa pour al ladan, akoz whether it should fall under the police or sa, mwan mon annan mon pwennvi lo la ki i devret tonm anba en lot Departman, Minister, ouswa anba en sistenm parey Maurice kot i kapab en dimoun prive osi i kapab si i le fer DNA test i ale, i pey son fee eksetera.  Nou osi Lapolis, nou tap dan sa servis koman en Lebra Gouvernman, me mon krwar selman i anmars sa zafer proze DNA laboratwar.

 

MR SPEAKER

Ok Onorab Vidot.  Onorab Afif.

 

HON AHMED AFIF

Mersi Mr Speaker.  Bonzour Mr Labonte e tou dimoun a lekout.  Mr Labonte mon ti a kontan demann ou ki lespwar ou kapab donn nou, bann dimoun par egzanp ki pe soufer avek sa problenm tapaz dan distrik.

Mon’n tann bokou konplent, sirtou dan Perseverance, menm dan Anse Etoile weekend ti annan problenm Lakonfirmasyon eksetera.  E souvandfwa ou pour telefonnen e lapolis napa veikil eksetera.  Ki lespwar ki ou kapab donn nou ki sa problenm tapaz i en keksoz ki zot kapab deal avek.  Mersi.

 

MR SPEAKER

Mr Labonte.

 

MR KISHNAN LABONTE

I vre problenm tapaz mon konnen i en problenm dan pei. Pa zis Anse Etoile partou mon krwar lo kote kot lans ou pase ou tann sa.  Me selman pli gran pouvwar ki annan, legal powers ki i annan se Zofisye Lanvironnman i annan. Mon krwar pour kapab met sa anba kontrol Zofisye Lanvironnman i devret travay ansanm avek lapolis, pour nou kapab deal ek sa sityasyon.

Anba Lalwa i annan serten lenstriman pour mezir nivo tapaz eksetera.  Si ou le met en case.  Mon pa konnen si nou annan sa bann keksoz. Si napa nou pour bezwen rode, mete pour nou kapab met case Ankour.  Ou pa kapab donn mwan Lalwa, me ou pa donn mwan zouti pour nou fer sa louvraz.

 

MR SPEAKER

Ok. Mr Afif. Onorab Afif. Happy.  Onorab Ernesta.

 

HON PAUL ERNESTA

Mersi Mr Speaker.  Mr Speaker Mr Labonte in dir pli boner dan son lentervansyon ki’n letan nou’n get son CV osi, in ganny bokou bann short training aletranze ki’n permet li vin sa ki i ete ozordi.  Eski si zanmen i ganny elekte, i ganny aprouve dan son pos, i pour ankouraz en tel Polisi pour ki bann zofisye osi kapab dan lafors, i osi kapab benefisye, zouir dan sa direksyon parey li in benefisye.

E osi si i pe revwar son prosedir, son Polisi recruitment. Thank you.

 

MR SPEAKER

De kestyon.  Be de tre bon kestyon.  Mr Labonte.

 

MR KISHNAN LABONTE

Premye mwan menm kot NDEA, mon ankouraz dimoun ler nou ganny Kour pour ale.  Sirtou si Kour ki ou ganny li pour nanryen, mon anvoye. Akoz mwan toultan mon dir dimoun, travel i en leksperyans.  Kantmenm petet ou pa ganny nanryen, the cost was above your head, be selman sa travel i en leksperyans lavi.  Mwan mon ankouraz dimoun.  Kot NDEA la mon’n anvoy dimoun ziska Italy in ale resaman.  Ler Kour i vini pour nanryen, ouswa mwan mon pey pasaz.  Mwan mon pour anvoy dimoun; toultan mwan ganny sa.

2enm kestyon ti lo recruitment.  Nou bezwen fer recruitment drive.  Be selman pour fer, pour ganny bon dimoun, nou pour bezwen petet re get dan sistenm, dan Scheme of Service. Ou pa kapab ganny bon dimoun si ou pa donn bon, bon lapey, ou konpran?  Ou pour bezwen get ladan.  I mars de kote sa. Thank you.

 

MR SPEAKER

Onorab Mondon.

 

HON TERENCE MONDON

Mersi Mr Speaker. Mr Labonte mon byen apresye la fason ki i pe reponn nou kestyon i fran, direk e kler.  E mon annan lespwar ki kominikasyon lo nivo Lapolis i ava, i ava amelyore avek si ou ganny aprouve koman Komisyoner.

Mon kestyon, Mr Labonte krim in osi pran en dimansyon modern, e ozordi nou, menm o nivo Lafrik i annan en gro logmantasyon dan bann krim ki pe ganny fer atraver rezo Internet – bann online fraud.  E sa i pour bezwen ki nou annan bann dimoun parey ou’n dir, avek bann kapasite konesans, akademik.

Alor ki, kwa ki pou mesaz pour bann zenn ki annan sa bagaz akademik, pour ankouraz zot pour pran en karyer dan Lapolis.  E dan sa menm loptik pour nou servi konesans ek lentelizans ki aktyelman disponib dan nou pe, ki ou pe anvizaze fer pour sa bann ansyen Zofisye Lapolis ki ti ganny met deor dan en fason malapropo e menm malisye, parey ou’n mansyonnen dan ou lentrodiksyon? Mersi.

 

MR SPEAKER

Mr Labonte.

 

MR KISHNAN LABONTE

Mersi Mr Speaker. Bon pour ganny dimoun, bon dimoun kale si oule pour kapab detekte bann online fraud, bann zafer koumsa, bann nouvo lofans ki pe ganny kree. Ou bezwen rekrit bann dimoun ki IT savvy eksetera pour fer sa bann zafer. Be selman pour ganny zot ou bezwen, ankor i tonm lo saler eksetera.  Tousala i tonm lo saler, fodre ou re get kondisyon servis.

Ou pa pour kapab ganny sa boug ki expert, ler i vini son marketable scheme, ou donn li R360, ou konpran?  Kote i pour ale avek R360. I ganny li zis 3 takeaway apre i fini.  Ou konpran? Fodre nou reget antye sa Scheme.  Lezot. Lo 2enm kestyon bann dimoun ki’n ganny pouse ansanm avek mwan.  Bon i annan petet ki’n laz retret i pa pour anvi travay. Me selman i mwan bi pour tap zot… En dimoun at least nou’n pran kontak, 2 file i lo mon latab, ki mon pour gete si kantmenm at least asiste part time eksetera lo – mon konn bann dimoun ki ti bon dan Training School pour asiste. Ou konpran mon napa, ki mannyer mon kapab dir sa, mon napa totalite dan sa bann zafer. Be selman nou pour bezwen lezot dimoun ki annan sa lekspertiz, pour asiste mwan pour mwan kapab desarz mon fonksyon.  Sa i dan mon plan.

 

MR SPEAKER

Onorab Simon Gill.

 

HON SIMON GILL

Mersi Mr Speaker.  Bonzour ankor enn fwa.  Bonzour Mr Labonte.

Mr Speaker, kestyon pour Mr Labonte i swivan. Mon’n vwar tou son bann merit ki i annan.  E mon krwar i enn bann dimoun ki nou kapab kont lo la pour deservi…

 

MR SPEAKER

Kestyon Onorab.

 

HON SIMON GILL

Sistenm Lapolis.  Me kestyon ki nou bezwen poz Mr Labonte, Mr Speaker, se demann li ki mannyer i kapab asir lepep Seselwa, ki i sa zonm ki kapab pran son pase met de-kote, e bouz de-lavan.

 

MR SPEAKER

Order! Order!  Kontinyen Onorab Gill.

 

HON SIMON GILL

E bouz de-lavan pour kapab transform Lafors Lapolis e fer li vin sa lafors kot tou lenterferans politik i ganny met de-kote.  Lenterferans depi Minis ki nou’n tann mansyonnen, lenterferans Leader of Government Business, lenterferans Leader of the Opposition, lenterferans bann Lasanble Nasyonal, e lenterferans bann lezot Leaders, zis pour pa mansyonn Speaker Lasanble Nasyonal dan ou travay toulezour Mr Labonte.  Sa i enn bann keksoz ki lepep Seselwa pe ekspekte avek sa nouvo leadership ki Sesel pe si oule don nesans.  Sa i premye kestyon.  2enm kestyon.

 

MR SPEAKER

Non, non, ou annan drwa zis en kestyon Onorab Gill. I have to be strict.  I deza 12 mwen 20.  Ou’n demann ou kestyon. Mon krwar i en kestyon tre relevan.  Mr Labonte.

 

MR KISHNAN LABONTE

Mr Speaker mwan mon pase, i toultan reste pase.  Mwan mon fer mon travay onnet avek entegrite.  Nou kontan tann dir ki mwan, ozordi mon fek ganny 62an.  Nou dir ki ler nou kit sa monn, nou kit li.

 

MR SPEAKER

Ou ganny 62an laz, oubyen 62an.

 

MR KISHNAN LABONTE

Pa 62 mwan, 62an Mr Speaker.

 

MR SPEAKER

Ozordi.

 

MR KISHNAN LABONTE

Non pa ozordi, non.  Detrwa zour pase.

 

MR SPEAKER

Ok, alright, ok, sorry mon’n entervenir.

 

MR KISHNAN LABONTE

Mwan nou tann dir ki ler ou kit sa monn ou al touni. Mwan mon dir, non, i pa totalman vre.  Akoz ler nou kit sa monn, nou osi al ek serten, nou entegrite, nou lonnekte.  Akoz nou pa kapab pas li avek nou bann heirs.  Nou al avek, i pour nou sa. Mwan mon anvi ler nou kit sa monn, al avek mon entegrite, mon lonnekte. Mwan mon pour travay zis, si i annan en problenm, mwan a get problenm, me mwan pa pour pran lord okenn dimoun. Mon a pran direktiv polisi ek Prezidan ek Minis. Me ki mannyer pour desarz sa Polisi i tonm antyerman lo mwan.

 

MR SPEAKER

Mersi Mr Labonte.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker si ou pour permet letan nou fini, dernyen mwan konmsi?

 

MR SPEAKER

I annan zis de laba. I annan Onorab Ferrari ek Onorab Pillay. Kote isi i annan zis ou.

 

HON CHARLES DE COMMARMOND

Wi akoz mon pe get time.

 

MR SPEAKER

Non be degaze demann ou kestyon.

 

HON CHARLES DE COMMARMOND

Wi, wi ler nou fini konmsi mon pe sizere le de leaders i dir de mo apre nou ava fini lanmenm.

 

MR SPEAKER

Wi, wi…

 

HON CHARLES DE COMMARMOND

Mon kestyon swivan koumsa. Parmi bann incentive ki Lapolis i annan oparavan sete lakaz.  E ozordi plizyer Zofisye lapolis i dan problenm lakaz e ozordi i annan en sistenm pwen ki Gouvernman in met anmars.    Ki mannyer sa pour ede avek ou rekritman ek ou gard ou dimoun dan Lapolis.  E an menm tan vwar ki mannyer ou pour kapab re anmenn bann dimoun ki’n kite dan Lapolis ki ankor for, e pe travay elsewhere; e bann ki retire, me ki ankor for ki ou kapab reservi zot.  E si alor DPA i dir ou non a tousala akoz ou pour bezwen larzan ou prezan pour fer sa, marse sa.  Si DPA i dir ou non ki ou pour fer?  Mersi.

 

MR SPEAKER

Bon kestyon lakaz pour Lapolis.  Si mon pour reponn sa an kantite detay.  Ler Lapolis ti annan en satelite lakaz alantour son Stasyon, lapolis ti pli efektiv.  Akoz Lapolis ti santi li pli for.  Sa i ti dan lepase.  Me avek bann polisi Gouvernman se in sanze, i dir sak fanmir rod son lakaz eksetera. Sa Polisi in sanze.  Be selman mwan a monn avi se si Gard i reste pre ek Kordgard, i pli solider ek kanmarad. Akoz ler en dimoun i dan problenm dan Stasyon, ou war ladronm Gard  i sorti, Gard  ou Zofisye, azan Lapolis ki mannyer zot apel li, i sorti pour al asiste.  Ti annan sa partisipasyon dan travay Gard.

2enm kestyon se bann dimoun ki’n kite i anvi retourn Gard. Mwan parey mon’n reponn en kestyon taler, mon pe re get bann ki’n, ki oule antre gard, ouswa bann ki’n ganny pouse ansanm avek mwan.  E si i annan ki krwar i kapab donn ankor, in ale akoz petet i pa ti kontan sistenm management, zot kapab fer zot aplikasyon, e zot ganny konsidere.  Mersi Mr Speaker.

 

 

MR SPEAKER

Sorry.

 

MR KISHNAN LABONTE

DPA si napa larzan.  Bon mwan mon annan en prensip travay ler mon demann larzan, si mon pa gannyen, mon pour vin devan zot, mon pour dir zot, mon pa’n ganny larzan. DPA in koupe, fer DPA vin reponn konbyen i kapab enplimant sa travay ek sa larzan ki mon’n gannyen.

 

MR SPEAKER

Mersi Mr Labonte.  Sorry Onorab Aglae ou annan rezon ou non ti lo mon lalis, mon’n kaylous en pti kou.  I reste 3 dimoun pour koze. Onorab Ferrari, Onorab De Letourdie ou ti’n lev ou lanmen osi?  Ok. Sorry, pardonn mwan, pardonn mwan pa bat mwan, espere.  Mwan a met ou non lo la.  Onorab Ferrari.

 

HON JEAN-FRANCOIS FERRARI

Mr Labonte briyevman.  Mon ti a kontan demann ou avek ou leksperyans koman en mazistra ki mannyer ou pour deal avek sa persepsyon, ou sa koze dan piblik ki Lapolis i arete, Lakour i large.  Konmsi ki mannyer ou pour met sa ansanm pour fer ki sa i marse? E an menm tan ou kapab dir nou, reasir nou ki premye landrwa ki ou pour vizite se La Digue, akoz vreman La Digue, Kordgard La Digue, mwan koman en MNA ki’n konn tou kaso, preski tou kaso dan sa pei, mon vwar poudir La Digue i enn sa bann landrwa ki vreman bezwen sa latansyon. Mersi.

 

MR SPEAKER

Mr Labonte.

 

MR KISHNAN LABONTE

Mersi Mr Speaker.  Premye keksoz, premye kestyon se konsernan case ki al Ankour Gard i tyonbo, Gard i large. Mon osi ler mon ti Mazistra mon ti ganny akize ki mon pa say ek Gard.  Ou pa kapab anmenn en half baked cake apre ou dir mwan manze. Konpran?  Ler ou anmenn en case Ankour, sa case i devret solid.  E lanket Gard… Mwan koman en Mazistra mon rol se pa pour say ek ni prosekisyon, ni defans.  Onorab Hoareau i konnen.  Onorab George i konnen.  Mwan mon la se, mon parey en refri, mon ekout levidans ki ou anmennen.

Si ou levidans napa levidans, mon pa kapab kondann en boug.  Petet ti en kritik ki mon ti gannyen ler mon ti Mazistra.  Akoz mon fer mon travay dapre mon manda ki mon gannyen.  Be en keksoz mon pour fer se lanket, ki ler i fer i solid.  E sa ki mon pe fer kot NDEA.  Mon fer sir ki ler lanket, case in ale, sa dimoun ki ansarz i donn en briefing, ouswa i raport ek mwan. Prezan mwan mon kapab dir li, zot in al dan sa angle, zot in fer sa, fer sa.  Sa mon garanti ou ler case pour al kot Mazistra, i pour en pe pli solid. Akoz en lot keksoz avan case i al kot, i file, i ganny fayle Ankour.  Case, si en case en pe pli gro, i devret al kot Attorney Zeneral.  Be tou case konmela mon krwar i al kot Attorney Zeneral.  E Attorney Zeneral osi i devret annan dimoun ki kale, ki vwar, ki i annan guts pour dir ek sa Gard, i retourn kot Komisyoner sa file i dir sa case pa’n byen ganny investigate.  La la interview sa dimoun, interview sa dimoun la la ki ou devret kouver.

Lot kestyon si premye Kordgard ki mon pour al vizite La Digue, ki mon pa krwar. Petet premye Kordgard se sa ki pour anba mon lipye – Santral. Me La Digue i pour pas ladan i osi.  Akoz La Digue i en Stasyon Lapolis.  Mon pour bezwen al vizite.

 

MR SPEAKER

Mersi Mr Labonte.  Onorab Aglae.

 

HON EGBERT AGLAE

Mersi Mr Speaker.  Mr Labonte, nou pe met en konfyans dan ou. E trust i en eleman enportan e ki nou pep i anvi mete dan Lapolis ozordi.  Mr Labonte mon kestyon i konm swivan; dan lepase ti annan en desizyon ki ti ganny pran pour kree bann pos parey Port Glaud ti vin en pos, i pa ti vin en Kordgard formel mon kapab dir.  E sa in, i pa’n ede pour fer serten servis Lapolis, kominoter…

 

MR SPEAKER

Kestyon Onorab.

 

HON EGBERT AGLAE

…e mwan mon kestyon sete eski ou annan lentansyon pou revwar sa bann post kot ou pase ou vwar zis en Gard par zour dan en Kordgard.  Pou fer ki Stasyon Lapolis i ganny son stati ki i bezwen pou li deservi son servis.  Mersi.

 

MR SPEAKER

Mr Labonte.

 

MR KHISNAN LABONTE

Mersi Mr Speaker, si pos ouswa Kordgard ou apele mon pa konnen, me selman en Kordgard si ou’n donn li, i en Kordgard – en pos daler mwan i devret en pti bwat.  Me ler ou’n donn li Kordgard ou’n donn tou fasilite i devret annan son compliment of bann dimoun ki pou travay ek li. Nou pa kapab retir sa separ sa.  I ti kapab en pos, me selman i devret annan en reaction centre, ki kapab react avek konplent sa ki sa pos pou fer, ek bann konplent ki pou antre kot sa pos.

Be si ou napa en bon reaction centre kot i pou react on behalf of sa pos, be plito ou fer li, ou donn li son full tim zonm i vin en Kordgard fully fledge, i desarz son fonksyon.

 

MR SPEAKER

Ok.  Onorab Steven Pillay.

 

HON STEPHEN PILLAY

Mersi, Mr Speaker.  Mr Speaker bonzour Mr Labonte e tou dimoun ; en klarifikasyon avan ki kekfwa taler Mr Labonte i reponn taler dan son summing-up se lo koksis Beau Vallon. Ki lasirans oubyen garanti, i kapab anmenn devan Lasanble pli tar, ki sa koksis ki zot ti fer tes DNA avek i li menm li sa koksis ki ti Beau Vallon?  Akoz en Gard in vin dir mwan poudir i annan en posibilite ki it was not the same skull.

Be e mwan, sa en klarifikasyon kekfwa pli tar i a donnen konsernan sa.  Ki son Polisi lo etranze pe ganny anploye dan Lapolis.  Parey i konnen lontan Lapolis ti bann advisors etranze i ganny seconded pa anploye.  I pou tenir sa lanplwa pou fer localized bann etranze ki anploye i sorti, Seselwa ki pou ganny anploye formelman bann etranze i reste advisors seconded to the police force. Mersi Mr Speaker.

 

MR SPEAKER

2 pwen Mr Labonte.

 

MR KISHNAN LABONTE

Bon sa letan kot advisors ti ganny seconded that was letan kolonyal sa, kot ti annan en ta advisor ti vini e ti ganny peye avek Gouvernman Angle. Me a se moman, mon pa konnen si i annan Zofisye ki advisor ki pe ganny peye par son pei kot i sorti.  Mon’n tann taler Onorab Hoareau in dir zafer Cubain, mon pa konnen si sa Cubain i ganny peye ek Cuba.  Me selman pou tap lekspertiz bann Zofisye ki i annan leksperyans i bon.  Me selman mwan mon annan en lot Polisi.  Nou bezwen toultan mazinen ler nou rod sa bann dimoun pour asiste nou, nou bezwen rod bann dimoun ki for operasyonnelman.  Mwan zanmen mon ti kontan ler nou pran bann dimoun pour vin asite nou, se bann dimoun ki i bann larz retret.  Zot petet pe vin enjoy ; se bann dimoun ki for, i vin asiste nou operasyonnelman.

Par egzanp mwan mon pwennvi, mon’n deza diskit ek en dimoun o, si nou le demen al pran advisors L’Angleterre, nou pa pran bann Sirentandan ; nou pran petet en Lenspekter, en Chief Inspector.  Akoz sa bann dimoun zot ankor zenn, ase zenn, zot pa larz retret, e zot dan Operasyon.  Ki nou bezwen se bann dimoun pou asiste nou dan nou loperasyon ek zot lekspertiz ki zot annan. Sa i mon krwar ki mon krwar ladan.

Dezyenmman lo skull, whether it was the right one or the wrong one, ouswa i pa’n anmennen, mon pa konnen.  Me selman ler mon’n reponn kestyon Leader of the Opposition, mon’n dir ki si nou pou fer li, mon pou revwar i pou akoz zot in dir mwan sa monn ganny dir par Komisyoner – sa 6 i pa bann dimoun, sa 6 sample i pa bann dimoun, sa koksis i pa relate to any sa bann dimoun, nou pou vwar i donn, pou ganny plis sample si i annan dimoun ki anvi vin devan.  Me mon’n envit 3 manm kot Lasanble ; Opposition, Government Business e menm Speaker join in zot a vwar ler sa koksis pou ale si li menm li koksis ki pe ale.

 

MR SPEAKER

Ok. Onorab Pillay mon krwar ou kestyon in ganny reponn.  Dernyen kestyon e mon demann ou leskiz ki mon ti’n oubliy ou Onorab De Letourdie ; telman dimoun in anvi entervenir avek Mr Labonte, me ou annan loner pou poz sa dernyen kestyon anvi ki Mr Labonte sa de Leaders i a koze.  Laparol pou ou Onorab De Letourdie.

 

HON JANY DE LETOURDIE

Mersi bokou, bokou, mersi Mr Speaker, Mr Labonte bonzour. Mon vwar ki wi ou latet pa dan nyaz i byen lo ou likou e blan avek bokou lasazes, e dan sa lasazes mon ti a demann ou personnelman atrakte nou bann zenn pou vin Gard Lapolis, Lapolis Gard which one ?  Dan peu de mots, dan peu de mots, atrakte zot pour kontinyen fer sa louvraz.

E apre dernyen pti kestyon ki, si ou vin Konmisyoner ki ou ti anvizaze fer vizavi bann travayer etranze la presizeman.  Mon pe koz lo bann Gurkas si zot pou kontinyelman ganny rekrite a lavenir?  Mersi.

 

MR SPEAKER

Mersi Onorab.   Mr Labonte.

 

MR KHISNAN LABONTE

Bon ma reponn Gurkas avan mon krwar petet zot ti rod Gurkas akoz mon krwar petet zot pa ti ganny dimoun.  Nou konn larealite Sesel konmela.  Dimoun pa oule travay.  Mwan mon Polisi si mon kapab met Seselwa dan travay, Seselwa ki kapab travay i anvi travay i bon, pour mwan napa problenm ek sa.

Me ler ou pa ganny dimoun, sa i en lot problenm ; akoz pour mwan kot NDEA mon konnen i en problenm sirtou dan kestyon clean up ti pase lotrozour. I annan cleaner etranze ; me ler i ti al konze mon rod en dimoun pou vin travay tanporerman pour, apre ler pou konfirm li i pa oule travay.  Konpran?

Fodre nou mazin larealite Sesel.  Nou pa vin zis dir, bon mon ti a kontan mon ganny Seselwa mwan, be si mon pa gannyen, sa i en lot problenm.  Ou bezwen bous serten trou.  Selman i vre policing lo kote, akoz mwan mon Gurkas, Nepale i vey baro.  Selman si ou fer policing oule enterakte, mwan mon lopinyon pour enterakte ek dimoun, ou bezwen konn kiltir sa dimoun. Ou bezwen konn son kiltir konn son langaz, son mantalite.  I fer ou travay pli fasil.  Be si nou pran dimoun ki pa, ki pa kapab relate ek Seselwa i difisil. Zis i la konman en nonm – en figure me i pa efektiv.  Konpran ?

Dezyenm pour atrakte, premye kestyon se pour atrakte dimoun, recruitment  en zenn.  Bon mwan mon polisi se atrakte dimoun, mon’n dir dan bann kestyon se atrakte dimoun de o kalifikasyon, pou kapab vin en Lapolis.  Pou fer sa ou pou bezwen revwar Scheme Lapolis.  Akoz sa bann dimoun petet ler pou antre ou pou bezwen fer en kantite inducement allowance, apre marketing skills.  Si en dimoun i annan Degre i bezwen annan marketing skills.  I en expert dan IT marketing skills.  Par egzanp, ou pa kapab donn li marketing skills donn li R360 konpran?  Tandis en lot Departman dan Gouvernman pour en Degre i ganny, mon pa konnen i ganny 2800 ouswa i ganny sepa konbyen 5mil.  Alor i bezwen annan priority dan tou keksoz ; nou bezwen get risk osi ki sa dimoun i fer dan sa travay.  Akoz nou bezwen mazinen ki Gard ler Gard i en expert, i pa fini son expert i fer rapor.  Apre i bezwen final al Ankour.

Tandis dimoun ki travay dan civil service, i pa al Ankour li, ou bezwen, pour mwan ou markable skills as an expert, ou ki annan leksperyans i devret plis ki en lot dan civil service.  Mon pa konnen zot si say ek mwan, me solman mon krwar sa i devret koumsa akoz, akoz at the end of the day ,sa dimoun i pou bezwen al reponn en baraz kestyon sorti kot Onorab Hoareau.  As to prove his expertise to Onorab Georges.  Alor ou bezwen compensate li pour sa.  Mersi Mr Speaker.

 

MR SPEAKER

Mersi Mr Labonte.  E la mon pou fer parey kantite term ek metafore ki ou’n servi, mon pou bezwen parey en refri mon a fer mon komanter apre vot. E pour le moman mon pou ekskiz ou epi nou pou donn parol sa 2 Leaders, apre nou a pran en vot, apre mon a pran en pti parol.

Alor nou a remersye ou Mr Labonte nou a demann reporter pour akonpanny ou dan Holding Room, mersi pour ou letan ki ou’n vin ek nou.  E mon sir mon koz lo lapar tou Seselwa, ki’n vin en bomaten tre, tre anresisan pour nou tou e taler mon a redir enn de pti parol ankor.  La nou a eskiz ou pour le moman e nou a donn laparol ler ou’n sorti sa 2 Leaders.

 

MR KISHNAN LABONTE

Mersi Mr Speaker, it was a pleasure to be here. 

 

(MR KISHNAN LABONTE WAS EXCUSED FROM THE HOUSE)

 

 

MR SPEAKER

Bon avek sa nou ava donn laparol toudswit vi ler, e mon a demann zot pou sey koz pou mwens ki 5 minit i midi mwen trwa.  Loter Mosyon Leader Gouvernment Business ; apre i a vin lot Leader Opposition. Sorry wi nou devret retourn Lasanble la ki msye sa in sorti, retourn Assembly of the whole. Mr Sergeant-at-Arms bouz the Mace.  Mersi Mr Onorab De Commarmond.

 

HON CHARLES DE COMMARMOND

Mersi.

 

MR SPEAKER

Ou ki devret koz avan, napa problenm mon pou ekout zot tou lede. Onorab De Commarmond ki ti loter Mosyon me ou le koz premye, napa problenm go ahead mon pou ekout zot tou lede tou fason.

 

HON WAVEL RAMKALAWAN

Non, Mr Speaker mersi bokou, mon zis soz pou kestyon ki son Mosyon alors li ki annan the last word lo la.

 

MR SPEAKER

Ok.

 

HON WAVEL RAMKALAWAN

Mr Speaker mon krwar ki tou Seselwa in ankouraze avek sa ki nou’n antann bomaten e mon’n, pandan Break mon’n regard lo Facebook bann komanter.  E tou bann komanter in vreman, in vreman pozitiv e enn bann mesaz personnel, ki mwan mon’n gannyen, i sorti kot en ansyen koleg Mr Labonte; ki ozordi i nou Anbasader Paris se pa lot ki Mr Silvester Radegonde e son komanter ki in pase avek mwan se “Excellent choice.  Should have been made earlier.

E mon krwar ki sa parol Mr Radegonde i vreman, vreman summarize tou keksoz i met li dan en, dan en fason vreman byen.  E mon osi tou mon, mwan osi mon koz dan sanmenm sa direksyon.  Mon napa okenn dout ki Mr Labonte i sa dimoun a sa moman, ki swivan demisyon Mr Reginald Elizabeth, ki i pou kapab pran nou Lafors Lapolis e anmenn li lo en lot nivo. Mon’n servi sa mon Lafors Lapolis zis pou mwan aprezan detri sa mo Lafors Lapolis.

Mon krwar ki kot nou’n arive ozordi, se pa en Lafors Lapolis ki nou bezwen.  Set en servis Lapolis ki nou bezwen.  Sa pei i bezwen bann Zonm ek bann Fanm dan Liniform, ki ganny dirize par en Komisyoner avek en vizyon, ki pou fer zot vreman a dispozisyon nou pep.  Nou annan tro bokou vol.  Dimoun ozordi i travay e apre sa zot al, apre letan zot ariv dan lakour zot in travay in disparet, e nou vwar osi en kiltir kot olye dimoun al travay kot zot pe rantre dan en lavi kriminalite.

Alors definitivman, nou bezwen donn tou sipor.  E lo nou kote isi dan LDS, nou’n fini koze apre ki nou’n antann Mr Labonte e mon anvi dir Mr Speaker ki nou pou donn li tou nou sipor pou li pran sa responsabilite.  E nou fer li, e nou konfye li sa responsabilite tout an donn li en konsey ek lankourazman, pou dir avek li ki i pou kapab kont lo nou.  I pou kapab kont lo Lasanble letan in ariv ler pour Bidze, pour ki Lapolis i ava ganny sa ki neseser ase pour zot kapab fer zot travay.

Mon’n deza dir sa avan initil dimoun i bezwen met en kannson long, me selman letan ou donn li latwal ou donn li latwal zis pour li ganny en kannson kourt.  Alors letan in ariv ler pour Bidze e mon espere ki dan sa pti letan ki annan la Mr Labonte i ava kapab fer travay neseser, e travay lo son Bidze e vin isi kot nou pour nou kapab donn li sa sipor.  Me Mr Speaker, mon pa pou kapab termin mon entervansyon, san remersye Mr Elizabeth ansyen, well i ankor Komisyoner me ki byento i pou vin ansyen Konmisyoner.

Mwan mon’n konn Mr Elizabeth pandan en long, pandan bann long lannen ; mon’n konnen ki pou dir in en zonm onnet, in en zonm avek lentegrite e dan son, dan son domenn partikilye dan Lapolis in vreman en eksper.  E alor letan Mr Labonte pe dir ki i pou, ki i pou regard kalite nou bann Seselwa, mwan mon ti ava demande ki definitivman lo sa kote travay detective ki Mr Labonte i kontinyen servi lekspertiz Mr Reginald Elizabeth, parski i annan sa lekspertiz e alor i ava kapab ede dan sa laliny.

En dernyen mo ki mon ti ava kontan dir avek Mr Labonte, annou sorti dan en Lafors Lapolis ki toulezour ou trouv en diferan kouler liniform.  Ou  nepli konnen ki kalite liniform ki zot reprezante ; annan nou en keksoz senp pour ki lepep Seselwa i ava konnen lekel liniform e mwens liniform ki i annan, i ava meyer.

Avek sa detrwa parol mwan mon krwar ki Mr Labonte in donn nou en serten lespwar ; in donn lepep Seselwa en serten lespwar ki nou kapab trouv sa transformasyon.  E mon swet lo la par tou nou bann Manm isi lo kote LDS, nou swet Mr Labonte tou bonn sans ; tou kouraz e tou benediksyon. Mersi bokou Mr Speaker.

 

MR SPEAKER

Mersi Onorab.  Mon a donn laparol Onorab loter Mosyon, Leader of Government Business – Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker nou’n vwar devan nou ozordi vwala mon kapab dir en Komisyoner-to-be ek en kapasite ek en sans limour. Nou tou mon krwar dan Lasanble la, e dimoun ki’n ekoute konmsi ou a  krwar sa Sesyon, sa laklas pa ti devret fini la.  Ti devret kontinyen akoz vreman ti’n gou e nou ti pe apresye sa ki nou ti pe tande.

E avek sa, i vedir nou’n vwar nou ; ler nou’n ekout atantivman Mr Labonte nou’n vwar poudir i annan kredibilite ; i annan kapabilite pou fer sa travay ki pe met devan li.  Nou lo nou kote isi nou annan pou felisit Mr Labonte bokou menm pour sa nominasyon nou kontan.  E nou vwar pou dir dan sa vizyon ki i annan nou vwar poudir i annan en vizyon.

I annan en vizyon pour nou Lafors Lapolis pour en bon vizyon anfen kont.  E avek sa i donn nou en gran lespwar, en gran lespwar ki nou kapab kont lo li e ki nou kapab ariv pli devan avek nou Lafors Lapolis.  Mr Speaker be an menm tan, i enportan dir ki Mr Labonte in prezant son lekor konman en dimoun enb dimoun senp e fran.  Mwan dan lafransiz parey defen Olivier Charles, mon kontan, mon krwar ladan, e mon konnen la si i ti pe tann sa i ti ava dir la la en zonm ki fran.  E avek sa lafransiz alor, nou konnen i pou fer sa ki byen.  E son leksperyans dan Lapolis annou get son training – son kour son parkour ki in pase, son leksperyans, son training ki in fer, son bann preparasyon, ou vwar klerman ki poudir set en dimoun ki in byen ganny prepare e pour mwan i byen merit sa elevasyon.

Alor, pour mwan lo kote Parti Lepep isi, nou krwar ki Prezidan Faure in fer en desizyon ekselan ; e en tre bon desizyon e sa set en bon pa dan en bon direksyon.  E nou, nou konnen pou dir nou Lafors Lapolis pou re ganny sa dinamik ki in deza annan avan lo lot nivo.  E en nivo ki lepep Seselwa i pe espere avek pasyans, me selman an menm tan ki mon, mon osi remersye Mr Elizabeth, Mr Elizabeth in sey son mye, in sey son mye, me i domaz, i domaz li osi dan son fason enble ki i ti pe seye in ganny mal kritike, in ganny bokou kritik par serten kous nou popilasyon.  Petet, petet ki  mon santi ti unfair to a certain extent.  Me in sorti ek son latet anler.  Me mon napa dout ki Mr Labonte pou sorti osi letan i sorti son parkour koman Komisyoner, ek son latet pli anler ankor e i pou it avek nou ek prosperite ek nou fitir en Lafors Lapolis – en servis lapolis fantastik e lo en nivo profesyonnel tre o.

Nou swet li all the best e nou pou travay avek li.  Nou pou donn li koudmen akoz li tousel i pa pou kapab fer much.  Se Ansanm mon krwar mwan e se sa dan sa lespri ki nou Prezidan, i son lasazes i pe war keksoz se dan sa fason kot nou travay Ansanm, pour nou kapab anmenn nou pei ver sa lot letap.  So, nou swet li tou de bon e nou demande ki Bondye i gid li, e ed li dan sa travay nob e difisil.  Mersi bokou Mr Speaker.  Nou pou donn sa sipor Mr Labonte.

 

MR SPEAKER

Mersi Onorab De Commarmond.  E prezan nou a pran en vot lo tou bann, lo lapwentman Mr Kishnan Labonte koman nouvo Komisyoner Lapolis. Tou bann ki ‘pour lev zot lanmen ?

 

HON CHARLES DE COMMARMOND

Mr Speaker eskize, nou ti’n segonde Mosyon.

 

MR SPEAKER

Mr Gill in deza segonde.

 

HON CHARLES DE COMMARMOND

Ok. Right.

 

MR SPEAKER

Tou bann ki pour lev zot lanmen?  Clerk?

 

MADAM CLERK

Mersi bokou Mr Speaker, pour nominasyon Mr Kishnan Labonte koman Komisyoner Lapolis mon’n rikord 28 Manm an faver e personn kont.  Mersi.

 

        (APPLAUSE)

 

MR SPEAKER

E avek sa Lasanble i aprouv nominasyon Mr Kishnan Labonte koman Komisyoner Lapolis ozordi zour lafet St Francois D’Assise lafet lape. Mon ti a kontan dir en dernyen mo ; premyerman pour remersye Komisyoner sortan Mr Reginald Elizabeth.  Mon remersye li sirtou koman Chairman Anti-Viktimizasyon Komisyon, akoz ou’n aparet devan nou 3 fwa avek 17 Zofisye.  Mon konnen i pa’n fasil pou ou.  Nou’n esey fer nou mye pour nou vin parey Mr Labonte in dir en refri ki unfair, ki i fair e pa unfair, e si okenn moman Komite Anti- Viktimizasyon in fer ou santi malalez oubyen bad, mon pran responsabilite pour sa konman Chairman e demann ou en senser leskiz.

Me selman nou travay ti neseser pour ganny fer vi ki nou ti annan sa 17 Zofisye ki anmenn zot konplent devan kot nou.  Me mon ti a kontan remersye ou lo lapar Lasanble, swet ou tou de bon dan ou bann ventures a lavenir.  E sirtou ki ou sikseser in dir in pare pou pran bann ki ti la avan. Ki’n pran la retret pou travay dan diferan domenn.  I en moman fyer pour mwan personnelman akoz mon’n konn Mr Labonte personnelman pandan kantite lannen.  E mon krwar ozordi i osi en moman enportan pa zis pou son fanmir me pou nou fanmir osi, akoz son premye Komisyoner ki ti train avek ti mon premye frer ki papa Onorab Steven Pillay laba.  E mon santi serten emosyon ki Mr Labonte in eksprimen bomaten, mon own prop frer ti pas ladan.  E mon kontan ozordi mon fyer, akoz Mr Labonte i sorti Praslin, i annan 2 neve ki’n ne Praslin, Grand Anse, ki’n reste avek mwan, ki osi mon neve e dan sa sans ki mon koz lo lafyerte.

Me pa lafyerte zis akoz fanmir, me lafyerte akoz mon vwar en Seselwa ki kapab lead.  Se sa ki mon pe rode dan Sesel.  Dimoun ki pa pou sit on the fence.  Dimoun ki pa pou asize pou esper lenstriksyon ; dimoun ki pou annan en Polisi pou fer sa pei marse ; akoz parey mon’n dir toultan, sa pei i kapab vin en zoli pei si nou tou nou fer nou fer nou bout. Ou pa kapab annan parey yer mon ganny dir en Minister ki dir mwan i pa kapab fer site visit akoz son pick up in kase esper dan 2 semenn.  Sa i pa akseptab ditou.  Nou bezwen leadership dan sa pei e mon kontan.  E mon pou termin mon bann remark avek en quote menm ki Mr Labonte in servi bomaten, an felisantan son madanm ki mon konnen ki en pti fanmir avek mwan ek son 2 zanfan.

Mon ti kontan termin avek sa ki Mr Labonte ti dir dan son lentrodiksyon, ‘’sa ki Bondye in anmas pou ou, personn pa kapab pran ek ou.’’ I ti pou Komisyoner in arive vin Komisyoner.  Avek sa mon remersye zot. Mon swet ankor Mr Labonte tou de bon dan son karyer nou tou dan Lasanble nou pou la pour siport li pour ed li, pour al fer son travay pli fasil.  E a ce moment  nou pou bezwen adjourn nou a repran nou travay mardi prosen 9er.

Mon krwar nou tou nou annan en devwar pour al siport nou koleg apre midi dan son latristes.  Me ABC zis koman nou adjourn la – ABC pou zwenn dan Speaker’s Conference Rm zis koman nou fini pour tou bann ki Manm ABC.

Avek sa mon a dir zot mersi pour zot deliberasyon bomaten e nou a rezwenn Mardi prosen.

 

(ADJOURNMENT)