Home » Verbatim » 2017 » Verbatim Report NAS Sitting Tuesday 19th September, 2017

Verbatim Report NAS Sitting Tuesday 19th September, 2017

NATIONAL ASSEMBLY OF SEYCHELLES

Tuesday 19th September, 2017

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun dan Lasanble e osi tou manm piblik ki pe ekout nou dan lakour oubyen an deor Lasanble Nasyonal.  Nou ti a kontan swet zot en bon lasemenn kot zot pe partisip e ekout nou dan nou bann deliberasyon dan Lasanble.  Nou annan 2 zour avek en progranm sarze ki mon sir zot a enterese pour ekoute.  E parey nou touzour dir pour kontribye si zot annan okenn lide oubyen komanter pour kontribye avek zot bann MNA ki reprezant zot dan Lasanble.  Mon ti a kontan swet en labyenveni partikilye pour en Delegasyon ki sorti Grand Anse Mahe.   Mon aprann i en delegasyon pa forseman Trwazyenm-Az me en mix, en melanz i annan zenn.  I annan sa ki Trwazyenm-Az  so si ou kapab dekrir li koman en intergenerational group.  Mon swete ki ansanm ek sa dimoun ki’n anmenn zot Mrs Poris, bann Leaders avek zot MNA Onorab William i a ganny sans enterakte avek zot pandan nou pause café ler nou arete bomaten.

Nou annan osi, zot a remarke ki Onorab Mondon, Onorab Esparon e Onorab Aglae zot pa dan nou Asiz bomaten, dan nou Sitting, senpleman pour zot constituents konnen ki zot pa isi.  Zot pe swiv en meeting La Zambie konsernan proze HIV/ AIDS.  Parey zot okouran bann ki dan Lasanble sa 3 MNA i form parti sa Komite HIV/AIDS ki enn bann Komite nou Lasanble, alors si zot pa vwar zot ozordi sirtou zot bann constituents, se akoz zot pa isi zot pe reprezant nou dan en meeting ki pe fer La Zambie.

        Avan nou pran lezot pwen lo Order Paper, mon krwar Order of the Day mon krwar ki i enportan ki mon koz lo 2 Lanons, enn i pour an Kreol e lot i pour an Angle.  Premyerman parey zot konnen mon Chair Komite Anti- Viktimizasyon e nou zwenn dan Zedi apre midi avek Zedi apre 4er, apre lazournen Sanmdi e nou ti fer en meeting spesyal yer.  Sanmdi ler nou’n zwenn mon krwar ozordi mon ti a kontan partaz sa ki nou apel en “success story” pour en dimoun.  Parske tanzantan nou tann bann parol ki nou kapab dekrir li koman gloom and doom ki keksoz pa bon.  Me Sanmdi dan nou Komite – e nou annan nou panel i la bann ki form parti sa group Anti- Viktimizasyon, ti annan en madanm ki ti vini ki ti vreman enpresyonn mwan.  E in dir mwan ki nou kapab mansyonn son non; en madanm ki ti ganny aksidan 17an pase, i ti perdi son msye e li osi i ti ganny en kantite blesir.  Sa madanm ti reste li avek ler son msye in mor dan sa aksidan in reste li ek son 3 zanfan ki ti anba laz. I ti ape ganny li apepre R2, 000 par mwan.  Ozordi i ti pe vin kot Anti-Viktimizasyon zis pour li sey gete si i pa kapab ganny en pti lasistans akoz Welfare pa ti donn li nanryen pandan tou sa letan.  Ozordi son 3 zanfan in gran, profesyonnel, son pli zenn 3enm  i 25an i pe travay.  Zot tou zot dan lanplwa.  Personn pa’n al wayward oubyen tonm dan drog; oubyen dan  isi  dan laba; okenn konportman anti sosyal.  E mon pe anons sa akoz mon krwar nou bezwen rod bann lenspirasyon pour bann manman ek bann papa ki dan difikilte.  Alor mon ti a kontan felisit Mrs Edwina Aglae ki sorti St Louis, pour son perseverans pour lefe ki in montre li koman en model pour en manman pour en Seselwa.  Difikilte nou pour touzour pas ladan.  Me nou bezwen rezilyan, nou bezwen for sirtou pour elve nou zanfan.  Alor mon ti a kontan Lasanble ki i donn en round of applause Mrs Edwina Aglae St Louis.

 

(APPLAUSE)

 

MR SPEAKER

Mon 2enm lanons parey mon dir, i MNA i sorti dan, dan ankor mon leksperyans dan koman Chairman Komite Anti- Viktimizasyon.  Koman en MNA e Speaker, tanzantan ler mon vwar piblik, zot konplent lo tretman ki zot gannyen avek serten Supervisor aletranze.  E pour sa rezon, ki mon ti a kontan fer sa Statement, sa kominikasyon from the Chair an Angle.

‘’Wi, the people of Seychelles expect certain standards from expatriates or what I prefer to call “non- Seychellois” working in Management positions in Seychelles.  I hope that the HR Managers in different Organizations, Hotels, Private Sector, Institutions you take note of the comment that I make or the comments that I am making this morning.  I have had a lot of report where people who are working in different organizations feel they are not respected.  I am making an appeal this morning to all expatriates managers working in Seychelles.  We are a very welcoming Nation.  We are a very friendly Nation.  Our genesis is born out of settlers and we welcome people coming to work in Seychelles because we don’t have all the skills that are needed, to ensure that our Economy functions or operates in an efficient manner.  So we welcome people from overseas who come in to contribute to the development of the country, but we expect two things from you; and here I speak as Speaker of the Assembly, which is the body that is representing the people of Seychelles.  We are the elected body representing the people of Seychelles and we expect 2 things from people who are managing Institutions whether it’s Hotel, Industry or whatever, we expect two things.

        The first thing is you have to respect the Law.  And the second thing is, you have to respect the Seychellois.  I repeat – we are very welcoming and very friendly but we expect to be treated with respect, irrespective of what position we hold in your organization.  If you are a Manager in a Hotel and you are dealing with a Cleaner or a Security Guard, you have to respect the person.  We expect no less.  And as Chair of the Anti-Victimization Committee, if you, as a foreign employer come before us, and you start being sarcastic and wondering whether we’re a court of Law to call you there, well let me tell you one thing as Chair of the Anti-Victimization Committee.  I and the panel do not suffer fools gladly.  So when you come to see us, you will respect us.  I think the couple of examples I’m talking about you know very well who you are, but I’m talking in general terms.  Respect the Laws of Seychelles, respect the people of Seychelles.  This was my second communication or my third communication, which I want to make very clear from the Chair this morning. 

        And now we will go to the other.  I have welcomed the people of or the Representatives from Grand Anse Mahe.  We will go to the Order of the Day and we’ve been through item 3, let’s take item 4 – which is Presentation of Papers, you have that in front of you and they will be coming back in the form of Motions later on during the day.  I think we also have an Urgent Question, which we will take right now.  And I shall ask the Leader of Government Business in the House, e mon a retourn en Kreol aprezan pour, mon a demann Leader of Government Business dan Lasanble, Onorab Charles De Commarmond pour poz ou kestyon.  Me avan mon krwar nou bezwen vit, Clerk envit Minis avek son delegasyon pour li antre e Onorab De Commarmond ler Minis in asize in dan son sez la ou a demann kestyon, ou kestyon.  So pasyant ek nou en pti moman letan Minis Finans Komers ek Ekonomik Planning i vin dan Lasanble.  Madanm Cesar ou kapab vin devan, ou ok la?  Humble and timid as always, asize.

Bon de lapar Lasanble mon ti a kontan swet la labyenveni Dr Larose ki Minis pour Finans Trade ek Planning Ekonomik avek son PS, PS Patrick Payet avek Special Advisor Mrs Cesar, Ms Sitna Cesar.  E san plis tarde nou ava demann Onorab De Commarmond pour poz son kestyon pour Minis Larose.

 

HON CHARLES DE COMMARMOND

Mersi Mr Speaker, bonzour Mr Speaker, bonzour Minis ek ou delegasyon, bonzour tou Manm Onorab isi prezan e nou bann envite sorti Grand Anse Mahe bonzour zot tou, e bonzour tou dimoun ki a lekout.

Mr Speaker eski Minis, mon kestyon i lir koumsa, eski Minis pour Finans, Komers ek Planifikasyon Ekonomik i kapab enform nou Lasanble ki bann keksoz konkret ki Gouvernman in fer pour fer desann pri marsandiz e kou lavi dan pei pandan sa dernyen lannen?  Ki kantite efektiv sa bann mezir in efektiv?  E akoz olye desann pri marsandiz ek kou lavi i kontinyen monte?  Mersi.

 

MR SPEAKER

Mersi Onorab De Commarmond.  Minis.

 

MINISTER PETER LAROSE

Mersi Mr Speaker.  Bonzour Mr Speaker.  Bonzour Leader Lopozisyon Onorab Wavel Ramkalawan.  Bonzour Leader Zafer Gouvernman dan Lasanble Nasyonal Onorab Charles De Commarmond, tou Manm Onorab dan Lasanble bomaten e tou dimoun a lekout.

Mr Speaker, Onorab De Commarmond in demann mwan en tre bon kestyon ki mon ti a kontan reponn an 2 parti.  Premyerman zis pour met sa size an perspektiv – Gouvernman i tre konsernen avek pri komodite ki pe kontinyelman ogmante, parske sa i kontribye pour ogmant pri lavi.  Sesel nou en pei enportater.  Nou depan laplipar lo enportasyon, preski tou komodite ki nou konsonmen.

Pri marsandiz enporte, i ganny enfliyans-e par bann rezon koumsa; enflasyon a leksteryer, kalite komodite ki ganny enporte; supplier demand pour komodite ki nou enporte, fre bato ou avyon kot marsandiz i sorti; fre Lasirans pour kargo; to desarz Roupi Seselwa vizavi deviz etranzer; kou handling charges par Lazans Por; kou transpor pour sorti lo Por ou Erport pour anmenn marsandiz kot sa enportater; kou storage si marsandiz i ganny store dan Bonded Warehouse; Tax ki aplikab lo marsandiz ki swa excise Tax VAT ou lezot; markup – savedir nou apel sa “profi’ aplikab lo marsandiz, tou sa i adisyonnen pour definir pri final ki marsandiz i ganny vann dan magazen.  An vi ki Gouvernman i konsernen pour redwir kou lavi ki kontinyelman ogmante, in pran sa bann mezir koumsa.  Premyerman kot STC apre lanons boner sa lannen, fer par Gouvernman, STC ti retir VAT lo en kantite komodite; par egzanp dile likid, kafe, fromaz, delwil, prodwir netwayaz, savon, prodwir lave, ensidswit.

Dapre sa lalis rediksyon, STC in estimen konsonmater, in benefisye anviron R2.5 milyon konm savings.  Me malgre VAT in ganny retire lo sa bann komodite, ki mon’n mansyonnen nou pe vwar ki i pe annan lezot kou ki kontinyelman monte; par egzanp, to lesanz, sa i en fakter Prensipal ki nou pe swiv tre pros parske si nou vwar trend pandan lannen, natirelman to lesanz pe sanze preski tou le semenn.  Kou lozistik ki vedir kou container in ogmante par $240 par container.  Pri lo marse enternasyonal par sa bann komodite ki ti ogmante.  Par egzanp diber, delwil, savon lave ki’n ogmante ant 9 a 16 poursan.  Avan sa logmantasyon, i annan en sityasyon en bann komodite ti’n ogmante avan ki VAT ti ganny aplike.  STC in asir mwan, ki zot kontinyelman abzorb serten kou e fre kot i kapab pour fer pri marsandiz reste affordable pour konsonmater.  STC pe osi abzorb pri lo bann prodwir ki kategori 1.  Par egzanp pri diri in monte ant 11 a 14 poursan.  Me parkont STC pe revwar bann meyer opsyon dan pri san konpromi kalite.  Sa legzersis in deza komans fer e par egzanp delwil e dile anpoud e lafarin osi, i en size kot zot pe tret sa tre serye.  Parske sa, sa bann komodite ki nou servi preski toulezour.

Depi Avril STC pe swiv pri lo marse enternasyonal an servan  Food Price Index in konsiderableman ogmante.  Zot ekspekte si sa trend i kontinyelman avek sa nouvo tender, ki pe vini ver Mwan Novanm, pri komodite pour ogmante ankor e STC pour bezwen abzorb logmantasyon dan pri.

Bann prodwir konsider konm semi esansyel parey; peeled tomatoes, bann prodwir pour adilt, bann pour zanfan STC pe gard son pri stab.  E STC i oule mansyonnen ki si sa bann pri komodite i kontinyelman ogmante ankor, i pour napa swa, me i pou pas logmantasyon lo konsonmater.  Atraver son progranm Loyalty Card ki mon krwar zot vwar sa preski tou le semenn lo Nasyon, STC pe kontinyelman ofer discount son bann kliyan.  Ant Avril e Out sa lannen, bokou kliyan in benefisye free shopping pour en valer R8 milyon an servan zot pwen lo Loyalty Card.

STC pe kontinyelman fer son mye pour abzorb gran logmantasyon dan kou lozistik parey shipping container, fre pour mentenir pri stab. Ki vedir reveni e zot cash flow i ganny afekte.

Malgre sa bann defi Mr Speaker, STC in enform mwan ki zot pe kontinyelman negosye pli meyer pri e kalite komodite ki zot enporte.  E la zot pe pran kont osi bann VAT exemption lo serten komodite.

Mr Speaker ou 2enm parti kestyon Onorab, ki kantite efektiv sa bann mezir i annan lo pri marsandiz e kou lavi ki kontinyelman monte?  Tou resaman Minister Finans in rankontre avek sekter prive pour diskit e solisit zot lasistans konsernan rediksyon dan pri lavi.  Par egzanp ti annan bann meeting ki’n fer avek Lasosyasyon Banker pour diskit Lentere lo loan e kou servis banker.  Lekip Minister Finans, in osi vizit 3 Labank Komersyal pou diskit sa size avek bann Manager Labank.  Rezilta se ki bann labank laplipar ki zot fonksyon se Komersyal, in redwir zot to lentere, e deza i annan serten amelyorasyon dan zot kou servis.  E Minister pe kontinyelman ankouraz zot pour fer en pe plis. Average Interest Rate in redwir lo Loan, Mortgage, Deposit, Fixed Deposit.

        Kot i konsern fuel ki ganny supply par SEPEC, sa i depan ler lo to lesanz ant Dolar e Roupi Sesel.  Kot i konsern elektrisite ek delo, pri elektrisite i lye avek pri Dolar direkteman e sa pri Dolar i annan relasyon avek pri petrol.  Ler sa pri komodite i monte kou elektrisite, delo i osi monte koman zot in kapab sivre.

Diskisyon avek bann Konpannyen Lasirans; Minister Finans in fer 3 meeting avek zot pour vwar koman zot kapab redwir kou Lasirans oubyen zot Premium.  Sa bann Konpannyen in propoze ki Gouvernman i redwir VAT lo Premium.  Nou pa ankor ganny en desizyon definir pour sa propozisyon.

Kot i konsern Telekominikasyon, konsernan pri Internet ki ti desann, Minister pe rankontre avek sa bann Konpannyen e pe fer diskisyon ki zot kapab osi konn dan sa sekter pour donn en pe le meyer tarif.  Mr Speaker personnelman koman en konsonmater, mwan osi mon konsernen avek kou lavi.  Mon ti lev sa konsern dan Bidze 2017.  Mezir pou redwir pri lavi i koumsa Mr Speaker – se pour met plis larzan dan pos Seselwa.  Redwir lentere lo loan e servis banker.  Ogmant Lentere lo savings.  Mentenir lenflasyon ba.  Gard nou to lesanz stab.  Ogmant loportinite pour plis Lanplwa.  Ofer posibilite lenvestisman dan Scheme Privatizasyon.  Redwir kou komodite enporte.  Redwir kou materyo konstriksyon e Housing Rent.  Redwir kou transportasyon, redwir kou elektrisite, delo, telefonn, Internet, Lasirans, Petrol.

Pour terminen Mr Speaker mon oule fer remarke ki pri lavi i osi konsern en gran parti sekter prive.  Mon swete ki zot ava annan en gran rol pour zot zwe avek sa mesaz.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker eski dan sa lespri mon kestyon eski Gouvernman i pare pour revwar vitman son relasyon Korperasyon Komersyal avek Lenn ek Kenya avek bi enport serten marsandiz?  Fer STC oubyen lezot marsan enport serten marsandiz de baz direk avek prodikter anba sa relasyon Komersyal ki mon pe dir e met pri kontrol lo sa bann komodite de baz, pou fer sir ki pri sa bann komodite ki Seselwa an mazorite i bezwen i pour servi, i reste stab e ba.  E raisonnablement ba.  Eski an menm tan Gouvernman i pare pour retir sa 15 poursan VAT lo sa Tax lo rent lakaz, pour dizon en, ziska en valer R7, 000?   Dizon en dimoun ki pe lwe son lakaz R7, 000, R8, 000, zot rod en barenm la ki ou pa met sa 15 poursan – ki en fason i ava ede pour redwir kou rent akoz sa osi i pez for lo bann dimoun.

E an menm tan petet dernyen pwen – ou’n koz lo Internet, lo telekominikasyon, eski sa larepons ki ou’n donn nou konmsi i annan tou sa letan, eski Gouvernman pa kapab vin avek keksoz pli konkret?  Konmsi ki Gouvernman i azir for e anmas nou bann Tax lo sa bann Konpannyen si i pa kapab fer desann pri sa telekominikasyon.  Be anmas nou bann Tax pour ki nou kapab kouver nou bann dimoun lo sosyal welfer petet.  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker, pour reponn Onorab De Commarmond.  Kot i konsern nou laranzman Bilateral, Komersyal avek Lenn e Kenya koman ou konnen poudir Kenya la i en pei enstab – mon krwar nou sivre sa byen lo televizyon, lo medya.  Natirelman nou’n etabli kontak, me Gouvernman pa ankor reelman met zot Minis Lagrikiltir, Komers an plas, pour nou kapab fer en dyalog pour nou rantre dan Lagreman Komersyal konkret.  Parske se vre Prezidan Faure ler ti al laba Kenya ti dir nou bezwen profit lokazyon – Kenya pa lwen avek nou, en pei zanmi tre pros e nou kapab benefisye avek komodite.

E natirelman ler nou osi nou annan en tre bon relasyon nou bezwen eksplwat sa bann loportinite.  Sa mon krwar en tre bon pwen.

E kot i konsern telekominikasyon Onorab De Commarmond.  Les mwan mon a dir ou mon priyorite se pour kolekte Tax.  Parske si mon pa kolekte Tax ki mannyer mon pour kapab pey depans Gouvernman.  E natirelman nou ape fer nou mye posib avek sa bann telekominikasyon, pour fer sir ki zot osi zot swiv legzanp bann labank pour zot osi fer zot kontribisyon.  Mon’n dir se ki sekter prive i annan en rol mazer.  Se Gouvernman pa donn tou servis, me avek zot kolaborasyon, nou kapab travay ansanm.  E pour mwan mon dir se sekter prive ki mon priyorite. I mon bann zanmi.  I zanmi Gouvernman i pa lennmi.  E vwala nou bezwen travay ansanm e mon krwar ou ava vwar rezilta tre byento Onorab.  Annefe Seselwa i ava vwar rezilta osi.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mr Speaker mersi.  Minis in koz lo Kenya.  Be Lenn i stab e tre stab.  E akoz alor ki STC pa kapab fer enport marsandiz -dizon bann marsandiz de baz direk kot prodikter.  Nou kapab anba relasyon avek Lenn fer sa.  I pa kapab STC li i annan serten marsandiz de baz ki dan lezot laboutik i pli bon marse.  Sa i enposib.  Nou bezwen revwar sa pour fer ki marsandiz de baz i annan kontrol lo la.  E mon konnen nou dan privatizasyon dan liberasyon ekonomik, me selman Gouvernman i bezwen protez son mazorite pep, ki annan problenm ki marsandiz pe ogmante abitrairement e bezwen met pri kontrol lo sa bann omwen.  Mersi.

 

MR SPEAKER

Minis.

 

MINISTER PETER LAROSE

Mersi Mr Speaker, mon krwar mon pour sivre konsey ki Onorab De Commarmond in donn mwan.  E mon swete ki STC son Management, son Board pe sivre sa diskisyon.  Mersi.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Speaker, bonzour tou dimoun, bonzour Minis.  Minis prenon kont ki nou Sesel osi i form parti dan bann pei SADC e tou dernyen la i annan en lespes mouvman dan sa bann pei Manm, kot zot pe retir Tax lo bann tampons, osi lo sanitary pads pour bann madanm e tou.  E tou bann lezot sa.  I en nespes mouvman ki pe pase sa.  Ki ou Minister pe fer pour sa osi arive Sesel?  E osi bann Tax osi lo pampers ouswa pour pti baba e osi pour bann dimoun Trwazyenm-Az e tou bann lezot ti zartifay ki bann pti baba i bezwen e osi bann Trwazyenm- Az i bezwen pour zot kapab viv en lavi avek zot saler ki zot annan?  E apre mon lot kestyon Minis, i an se ki konsern grid Saler lo nivo Nasyonal; grid Saler Gouvernman mon pe dir en, sak fwa nou pe tann nonm pri lavi nou osi koz lo an relasyon avek saler.  Nou konnen poudir i annan en grid saler Nasyonal ki tou bann Departman Gouvernman i swiv lo la, eski Minis i kapab dir avek sa Lasanble akoz ki sa bann grid saler pa ganny respekte dan bann Departman Gouvernman pour ki sak lannen sa bann dimoun in otomatikman mont lo 2enm grad parey i annan bann lezot Departman ki fer sa byen, zot Supervisor or zot Departman ki konsernen avek saler zot anplwaye i fer sa byen, e zot fer sa bann evalyasyon tou-le-z-an ki zot kapab bann travayer mont otomatikman lo zot prosen grad ki otomatikman lo sa grid saler.  Si ou pe konpran mwan byen Minis pour ki letan dizon demen i arive i annan en logmantasyon dan saler, sa dimoun pour li son saler ki pe mont sepa par R200, par R50 tou-le-z-an akoz i pe swiv sa grid saler i kontinyelman monte, e ler sa logmantasyon saler Nasyonal i monte, sa dimoun son saler i ava ogmante i osi e pe marse.  Mon pa konpran, mon pa konnen si ou pe byen konpran mwan Minis.  Mersi.

 

MR SPEAKER

Minis ou’n ganny the gist to son kestyon?

 

MINISTER PETER LAROSE

Mersi bokou Mr Speaker, Onorab Ghislain kot i konsern ou sizesyon lo SADC.  Nou form par SADC nou bezwen profite.  Parey ki mon pe dir se ki nou bezwen vwar le mye posib kote nou kapab redwir sa kou lavi pour lepep Seselwa, nou bezwen eksplor tou posibilite ki swa ki SADC, Eropeen – nenport ki landrwa.

E kot i konsern saler i annan en kou avek Bidze, mon ti a swete ki sa Bidze – annefe san ki petet mon devwal okenn keksoz konsernan Bidze, akoz nou pa pe koz Bidze la, e nou a pran ou propozisyon an konsiderasyon.  Mersi.

 

MR SPEAKER

Onorab Ghislain ou ok avek sa?  Onorab Sebastien Pillay.

 

HON SEBASTIEN PILLAY

Mersi Mr Speaker bonzour.  Mr Speaker dan son larepons Minis in focus zis lo STC.  E ou’n koz at length lo STC.  Me selman Sesel i annan plizyer enportater, plizyer wholesalers, so mwan mon kestyon apre relye i demann ki réalistiquement zot pe fer pour vwar si avek sa bann enportater, lezot enportater ki pe fer vini komodite si zot pa pe kontrol bann Regilasyon oubyen bann Lalwa oubyen si SRC, prenon kont sa ki’n vini lo Por in ganny enporte, dan sa ki ganny vann SRC pe anmas sa Tax ki devret ganny anmase?  Akoz si nou pour rely zis lo STC then, nou pour dan en problenm, akoz sa bann lezot Enportater pe fer vini komodite.  So kwa ki Minister pe fer pour investigate pour vwar si napa swa en cartel ki egziste la deor, ki pe fer monte pri, pe fer pri mont tel fason.  Konmsi nou ti a kontan konpran bann mezir ki Minister i kapab pran from en policy wise perspective; anmenn sa bann dimoun onboard e vwar egzakteman ki pe arive. Sa i en premye bout mon kestyon.  Ou ava permet mwan pour demann dezyenm bout ler Minis i fini reponn Mr Speaker.  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Mersi Onorab Pillay.  Kot i konsern, ou’n dir mwan mon’n tous STC, STC i en Konpannyen Paraetatik Gouvernman.  Se zot ki bezwen donn legzanp premyerman.  Apre ki nou pour tous bann lezot Konpannyen Prive e mon swete ki bann Konpannyen Prive in tann mon mesaz.  E kekfwa ou pe dir ek mon koumsa fodre nou anmas en pe plis Tax.  Natirelman nou bezwen anmas Tax.  E la ankor enn fwa Mr Speaker mon oule enform sa Lasanble tre byento nou pour vwar en team Forensics Auditors vin isi, pour anmase tou Tax.  Dimoun ki dwa Tax pour peye.  E natirelman sa bann ki pe sey si ou oule fer sote container, fer trik nou a vwar zot e la nou ava met en kontrol anler lo la.  Sa osi pour ede pour nou redwir kou lavi.  Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon pour pran legzanp lo sa ki SRC in pibliye koman example of VAT chain; legzanp en chain VATSo ou annan en dimoun ki enporte, en Wholesaler, en Retailor apre en dimoun ki aste dernyener.  Legzanp lo en komodite ki annan VAT lo la si i vin isi i ariv R10, 000 ler ou’n fini pey tou bann fre, tou bann zafer Importer i pey VAT lo la, ler i vann li avek sa Wholesaler i annan en VAT ankor ki ganny kalkile.  Sa komodite i end up ariv apepre, zot in donn en legzanp la, legzanp ki zot in donnen i sorti R10, 000 ler i ti vini e i ariv R20, 000 by the time i ganny vann avek sa dimoun ki pour aste li par sa retailer.  Me parkont i annan en lalis komodite ki zot napa okenn VAT lo la; ki which means diferans ant ler zot antre dan pei avek ler zot pe ganny vann, i pa kapab sa kantite.

So an premye lye mon ti a kontan demann zot, eski SRC in fer en legzersis pour li vwar an relasyon ek sa komodite ki’n antre, o moman ki in antre kot i pa sipoze annan VAT lo la, son pri; prenon kont ki byensir mon krwar Marsan pour met sa ki apel markup lo la, ler i pe ganny vann par egzanp, si sa pri ki pe ganny vann i commensurate avek sa ki’n antre?  Oubyen si i annan en keksoz ki pe arive kot marsan pe fer krwar poudir i pe pran VAT lo sa bann komodite, pour li kouver lezot area pour li subsidize.

Mon pa expert dan sa domenn me selman bokou dimoun pe demann sa kestyon, akoz par egzanp annou pran bann komodite parey bann prodwir pti baba par egzanp.  Mon krwar sa i en komodite ki devret ganny exempt, akoz i pour enportan pour nou vwar lekel bann lezot komodite.  E si i deza exempt ki mannyer son pri from importing ler i ariv lo Por, to ler i ariv dan Magazen nou kontinyen vwar bann logmantasyon lo la.  Pour mwan i pa tro fer sans so mon ti a kontan swa atraver Minister Finans i fer li swa SRC dan sa bann mwan ki reste i prepar en papye i vin prezant devan nou Lasanble oubyen i prezant avek lepep Seselwa, lo ki réalistiquement i pe fer pour li sey target sa bann size kot sa bann problenm pe arive.  Mersi Mr Speaker.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Kot i konsern pour annan kontrol, la nou pe strengthen Fair Trading Commission pour zot zwe sa rol.  Parey Onorab De Commarmond in mansyonnen, nou bezwen fer sir ki i annan lazistis dan pei, ki i annan egalite dan trading.  E la kote konsern ou propozisyon SRC avek FTC Minister Finans nou pe fer en assesment anler lo la.  Mon krwar ou pe lir nou lespri.  Mersi.

 

MR SPEAKER

Onorab Pillay.

 

HON SEBASTIEN PILLAY

Mr Speaker mersi, mon ti oule fer propozisyon mon pa konnen si nou’n vwar, me dan tou bann laboutik ti ava bon ki i annan en lalis tou sa bann komodite ki ganny exempt from VAT, koumsa lapopilasyon i ava pli aware.  E kot bann dimoun kot nou popilasyon i santi keksoz pa pe mars tro byen i ava ganny sans al en Lotorite.  Petet sa en propozisyon ki mon krwar nou devret konsidere pour fer, disi la imedyatman pour ki nou kapab komans montre poudir i annan serten awareness lo sa size.  Mersi Mr Speaker.

 

MR SPEAKER

Petet avek ou sizesyon, nou devret osi konsider Consumer Protection Agency ansanm, koman en body ant en group pour etidye sa.  E anmenn serten rekomandasyon pour Minis Finans.  Minis oule reponn sa 2 dernyen kestyon?  Onorab Pillay.

 

MINSITER PETER LAROSE

Mersi bokou Mr Speaker.  Onorab Pillay i anmenn en tre bon sizesyon, nou a met li an pratik.  E mwan osi mon ava al en pe pli lwen Mr Speaker, an vi pour redwir kou lavi, mon pour propoze ki nou kapab dan sak Magazen i annan en Cash Register.  Ler en dimoun i aste marsandiz i bezwen ganny en resi ki dan en serten fason zot konsonmater i vwar ki pri marsandiz in aste e son total i byen.  Mersi.

 

MR SPEAKER

Sa mon krwar en tre bon sizesyon – pratik e tanzib.  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou dimoun a lekout, bonzour tou Manm Onorab, bonzour Minis ek ou delegasyon.  Minis an vi ki STC in enn son rol sete pour redwir, pour ede, i annan sa Manda pour ede pour fer desann pri marsandiz, e i vann osi bann lezot keksoz ki non-esansyel zisteman pour li kapab fer serten profi pour li kapab aziste lo bann pri marsandiz.

Mon ti a voudre konnen si lo ou kote, lo ou Minister si zot annan okenn direktiv ki zot anvoy kot STC, pour ki son profi ki i fer lo marsandiz – sirtou bann non-esansyel i kapab ganny subsidize pour bann komodite esansyel.  Akoz zot ti deklar apepre R18 milyon profi so mon pe zis gete si i annan direktiv ki ou donnen serten proporsyon sa larzan in ganny anvoye lo marsandiz.

Dezyenmman mon ti ava kontan konnen Minis, si lo ou pwennvi pour ou, akoz STC i pey li apepre R48 milyon in terms of rent e osi apepre R28 milyon i ganny peye lo bann utilities delo ek elektrik.  So lo ou pwennvi pour ou eski ou krwar poudir STC pe fer le neseser pour li redwir sa bann kou lo sa bann utilities  avek son rent pour li kapab pas sa profi – si ou oule – sa larzan lo komodite de baz pour pep Seselwa.  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Mersi bokou Onorab Hoareau.  E pou zis konfirmen avek sa Lasanble, nou pe al regard dan STC tre pre; parske zot bezwen zot en rol ki pour fer desann pri lavi konsiderableman.  E pour fer sa nou annan lentansyon fer en operational audit pour get son elektrisite; pour get lafason ki mannyer i abzorb son kou.  I pour get Management STC an totalite.  E sa osito ki nou’n fer sa nou ava donn Lasanble en rapor.  Nou ava servi medya osi pour kominik avek pep Seselwa ki efikas STC i efikas.  E si non i pa efikas ase, alor la nou pour bezwen pran lezot desizyon alternativ.  Mersi.

 

MR SPEAKER

Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip, tou dimoun ki a lekout.  E mon oule swet en byenveni sa group dimoun sorti dan distrik Grand Anse Mahe.  Mr Speaker Minis sa size i en vye size e ou’n nonm 11 fakter ki enfliyans kout lavi.  Mon ti a kontan ou kapab dir ek sa Lasanble, parmi sa 11 fakter, mon konnen poudir i annan en bann ki baze enternasyonal ki nou napa kontrol; lokalman kwa ki nou kapab, kwa ki Gouvernman i kapab fer an plis pour kapab vreman montre sa rediksyon?

E Minis ou’n koz lo met plis larzan dan pos Seselwa, me letan mon konstate mon go back into history, mon vwar poudir Gouvernman in fer serten keksoz me letan Gouvernman in met serten larzan an plis dan pos Seselwa, Seselwa li menm li pa santi poudir sa larzan in antre dan son pos, akoz de lot kote nou pe koz sekter prive avek Gouvernman kot sa larzan i ale san i vreman vwar poudir sa larzan pe antre.  Alor mon anvi demann avek Minis, kwa an plis ki nou kapab fer, akoz par egzanp Gouvernman pe ogmant saler.  Me prezan kwa lot kote ki nou kapab fer, ki annan sa balans?  Akoz mon vwar li koman en balans, si ou pe fer monte en kote, lot kote pa pe ganny taken care of i pour annan en problenm.  Alors kwa an plis?  E dernyerman Mr Speaker mon ti a kontan si Minis i kapab eksplik en pti pe manm piblik ki a lekout, Minis mon konnen poudir a ou leksperyans ou’n travay avek Labank Mondyal, eski sa fenomenn i en fenomenn zis Sesel ouswa bann Pti Leta Zil osi pe fer fas avek menm problenm?  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Zis pour rann repons Onorab William.  Dan kou lenportasyon i annan 2 fakter, external avek internal.  External nou napa kontrol nou en pti pei nou.  Nou pa kapab enfliyans trade Mondyal.  Sa ki nou enporte, sa ki nou eksporte i insignificant dan statistical terminology.  E kot i konsern sirtou leksteryer, si nou regarde sirtou kot Food Price Index enternasyonal nou vwar ki kou, manze ki nou konsonmen, pe ogmante dan lemonn an antye, akoz?  Akoz nou annan sa climate change.  Sa i annan en lenpak dan prodiksyon.  E natirelman demann osi pe sanze.  Sa i en keksoz ki par lao nou kontrol, nou pa kapab fer nanryen, malgre petet kekfwa stratezikman, nou ti kapab zwenn avek en lot pei parey koman Maurice – 2 Leta Zil fer bulk buying.  Setaki savedir ler i zwenn ansanm epi i annan zot Share avek komodite an komen ki zot pe aste avek supplier an gran kantite.  E la osi kekfwa nou a kapab benefisye dan cash discount, quantity discount.  Se bann keksoz koumsa.

Kot i konsern lokal sel fason se ki nou bezwen regard nou Tax System, ou konpran? Parske epi osi kekfwa ler nou pe regard nou Tax System sa bann Konpannyen prive osi ki a pran en konsiderasyon.  I a zwe zot rol i a sey diminyen en pe.  Me senpleman Mr Speaker pour dir tre fran avek sa Lasanble, tre fran avek Seselwa, nou bezwen Gouvernman avek Private Sectors travay ansanm.  E la kot Onorab Pillay taler in demann en kestyon sirtou kot marsan i annan en serten markup ki zot mete, me nou bezwen vwar eski sa markup ki zot sipoze mete, be si mon’n met an plis?  Fransman dir ou nou napa sa kapasite pour mon revwar sa sityasyon.  Be la nou pe strengthen Fair Trading Commission pou fer sir ki sa bann malpractice pa arive.  Mersi.

 

MR SPEAKER

Onorab William.

 

HON WAVEN WILLIAM

Mersi Mr Speaker.  Mr Speaker Minis in nonm en keksoz la ki tre enteresan.  Sa se sa bulk buying.  Minis lefe ki nou form parti sa Lorganizasyon Rezyonal COI, eski Gouvernman ki en Manm – well Sesel i en Manm sa Lorganizasyon, eski nou ava pourswiv sa lide ki ou’n met devan, ki mon vwar i en nide ki tre enteresan, ki demann met en pe lanfaz lo la pour benefis Seselwa.  Mersi bokou.

 

MR SPEAKER

Minis.

 

MINISTER PETER LAROSE

Mr Chairman, Mr Speaker pardon, pou enform Onorab William COI ti’n komans en letid, be zot pa ankor terminen.  E mon krwar la avek ou demann ki ou pe demande, nou Minister Finans parske trade osi i form part nou portfolyo.  Nou a fer sir ki nou pous sa sizesyon en pe devan, pou fer sir ki nou benefisye osito posib pour redwir kou lavi Sesel.  Mersi.

 

MR SPEAKER

Onorab Simon Gill.

 

HON SIMON GILL

Bonzour Mr Speaker.  Bonzour Minis ek ou delegasyon, bonzour tou koleg Onorab e bonzour tou manm piblik ki pe ekoute.  Mr Speaker politik vant dan Sesel i serye.

Mon kestyon pour Minis ozordi bomaten baze lo son lentervansyon ki in fer, mon krwar i annan bokou plis dout ki ganny kree la deor.  STC; STC i en “lentite oubyen antite” or Konpannyen parey Paraetatik parey in ganny dir, ki fer vini en varyete komodite dan Sesel.

STC i parmi probableman 150 enportater dan sa pei.  E ki ganny miltipliye par bann Retailers Outlet komans Port Glaud al Bel Ombre – partou Retailers Outlet e preski zot tou ennler zot enporte bann diferan kalite prodwir.

Now, kestyon ki poze Mr Speaker, eski STC li tousel i kapab kree en lenpak lo pri komodite dan sa pei?  Eski STC li tousel i kapab enport 99 poursan komodite ki sa pep Seselwa i konsonmen?  Pour li kree en lenpak dan pri komodite dan sa pei?  Now i enportan ki nou realist.  Lapel ki nou bezwen lanse dan sa pei, se avek tou enportater, bann ki enport an gran kantite i nou vin realist nou pa triple nou pri.  Ler nou enport en komodite R5 nou pa vann li R40 dan sa pei.  Kot tou le mwan ou tou le lannen bann politisyen i vini, i vin dan Lasanble dan zot meeting partou, i vin dir Gouvernman pa pe fer nanryen pour redwir pri komodite.  E nou bezwen demann logmantasyon tou le lannen pour sak nou bann travayer Seselwa oubyen dan sekter prive e dan sekter piblik.

 

MR SPEAKER

Ok Onorab.

 

HON SIMON GILL

Lot kestyon Mr Speaker, lot kestyon, se ki eski Minis i kapab dir nou dan sa Lasanble, mon’n tann in dir Fair Trading Commission – ki striktir konkret serye, ki nou pour met an plas dan sa pei, ki mendev nou bezwen si mon kapab apel li pour police pri ki nou vann bann komodite; to bann komodite ki napa okenn Tax lo la or VAT lo la, or bann lezot komodite, pour ki nou kapab donn en minimum garanti sa pep, pour ki personn pa pe bour lanmen dan son pos pour tir son larzan dan son pos lafen di mwan ler in ganny peye – me ki i tir li letan i dezire tire e ler i santi i annan en nesesite pour li aste komodite pour li konsonmen.  Mersi bokou Mr Speaker.

 

MR SPEAKER

Mersi Onorab Gill.  Minis mon krwar i 2 kestyon tre kler.  Ou annan laparol.

 

MINISTER PETER LAROSE

Mersi bokou Mr Speaker.  Onorab Gill i annan parfetman rezon; kot nou vwar en marsan si fodre vann en serten item si dizon R10 i vann li R40.  Mon sorry pour mwan dir lo SBC la, se ki sa se bann pratik dezonnet.  I pa akseptab.  E natirelman tre byento avek laranzman administrativ ki nou pe fer, nou pour vwar zot sa bann dimoun.  Nou a fer zot pey zot Tax ki zot fodre peye.

Kot i konsern FTC Onorab Gill, nou ape travay lo striktir.  Osito ki nou’n reorganiz sa striktir Mr Speaker, nou a vin devan Lasanble Nasyonal, nou a fer en prezantasyon, ki zot tou zot ava konnen.  Si fodre fer kritik, sizesyon zot ava fer.  Mersi.

 

MR SPEAKER

Mersi Minis.  Nou ava atann sa bann lenformasyon sorti kot ou, mon krwar sa i tre, tre enportan.  E mwan osi petet mon ti ava demann piblik, kot zot vwar i annan serten pratik ki malonnet, pour fer Lotorite konsernen.  Par egzanp parey Onorab in mansyonnen i annan Fair Trading Commission, nou bezwen nip sa bann kalite malonnet in the bud – parey Angle i dir.  E Minis pa pour kapab fer li, li tousel.  Nou tou nou parti prenan sa legzersis.  Si nou konnen anmenn kot bann Lazans ek bann entity ki egziste enkli Minister Finans.  Mersi Minis pour ou repons.  Nou al kot Onorab Adelaide.

 

HON FRANCOIS ADELAIDE

Mersi Mr Speaker.  Bonzour Minis.  Bonzour tou dimoun ki a lekout.  Minis koripsyon i parmi en fakter ki fer monte bokou pri lavi.  Ki ou Minister pe fer akoz nou tande poudir i annan $50milyon ki’n perdi; nou’n tande poudir FIU li osi i annan bokou skandal larzan ki ou Minister pe fer pour fer sir ki sa bann larzan i ganny retournen, e ki nou Kreol nou pa pe pey bokou Tax?  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Pour reponn Onorab Adelaide son kestyon lo zafer $50 milyon, mon krwar Anti-Corruption pe fer son travay.  E i annan serten dimoun dan Gouvernman pe ganny kontakte.  Mwan menm mwan mon’n ganny kontakte pou dir ou tre fran – pe demann mwan si mon annan okenn lenformasyon.  E mon’n zot repons.

E kot i konsern lezot laspe koripsyon, mwan petet kekfwa bann lezot Onorab isi dan Lasanble ki’n vin kot Minister Finans, zot ava vwar lo screen ki welcome zot, i dir, ‘’Ministry of Finance, Trade and Economic Planning, we promote good governance transparency, and accountability.’’ Sa mon minute to the full letter.  Mon pa zwe la.

Me senpleman parey Mr Speaker in dir, mwan mon tousel mon zis en zonm.  Ou konpran?  Mon pa pou kapab arive fer li mon tousel; savedir mon pour bezwen sipor lezot dimoun ki krwar poudir i annan kek keksoz malonnet, koripsyon ki pe traverse.

E kot i konsern FIU, natirelman mon krwar FPAC ki mon sertennman salye zot.  Chairman avek son team pe fer en travay pour nou get to the bottom of things, e sa i admirab.  E keksoz pe sanze.  Mersi.

 

MR SPEAKER

Mersi Minis.  Onorab Arrisol.

 

HON SANDY ARRISOL

Mersi Mr Speaker.  Bonzour Minis.  Bonzour tou Manm Lasanble, bonzour bann dimoun ki dan Galeri.  Mon ti a kontan demann Minis premyerman; taler mon’n tann koz lo size lakaz Minis, mon ti a kontan demann ou akoz ki en dimoun ki’n aste son later in pran son loan avek Labank i pe pey son lentere e i bezwen pey 15 poursan Tax lo sa lakaz ki i pe lwe?  E li menm li ki pe bezwen fer maintenance lo sa lakaz?

E lo menm laliny lo sa kestyon, mon ti a kontan demann Minis ozordi nou annan sa sistenm kot bann dimoun ki ganny par anba R8, 000 zot pa pey Tax, eski si zanmen Gouvernman i deside pour dir bann dimoun ki pe lwe lakaz, par egzanp en dimoun ki pe lwe lakaz – si nou entrodwir sa pour menm sistenm parey nou pe fer ek saler, poudir dimoun ki lwe son lakaz par anba R8, 000 i pa pey Tax, eski i pour fezab par egzanp?  Mon premye kestyon.

2enm kestyon taler mon’n tann koz, Onorab Pillay koz lo bann cartel ki nou annan dan pei.  Ozordi nou annan nou, nou annan zis en pti group, nou annan en group spesifikman bann Endyen ki nou annan Sesel ki zot pe fer en travay eksepsyonnel parey nou vwar an se ki konsern Komers, me selman nou annan zis 4 oubyen 5 gro marsan Endyen ki zot menm ki annan Wholesale, mazorite se zot menm ki fer vini bann lezot Endyen pour travay avek zot, e apre nou vwar zot, zot ouver en Laboutik e zot pran sanmenm sa Endyen zot met dan sa Laboutik ki zot fer travay; se zot menm ki lo letazer, zot menm ki dan Store, zot menm ki dray pickup, zot menm ki al partou; eski sa cartel ki nou annan ozordi pa pe ede dan menm laliny parey Onorab Pillay in dir ki fer ki pri i reste en sel nivo e pa zanmen desann?

Akoz mon dir sa Mr Speaker?  Mon ava eksplik mon lekor.  Parske ozordi letan ou annan bann lezot Seselwa ki fer Wholesale e li i pas dan bann main laboutik Endyen, parske mazorite zot ki annan Retail Shop, ler sa wholesaler Seselwa i pas dan laboutik li avek son Wholesale li, sa Endyen i dir ek li non dalon i ok mersi.  Akoz?  Se li menm son prop Lakonpannyen ki pe fourni li dan son Retail shop avek sa ki zot pe anmennen.  E prezan Sesel nou annan en sistenm cartel.  Menm bwat tomat ki sorti menm landrwa par egzanp diferan Endyen pe vann li i diferan pri.  Selman i sorti menm landrwa.

Eski alor sa cartel ki nou annan ozordi dan nou pti pei, eski sa osi pa pe ede pour ki pri marsandiz i reste en sel nivo e i pa desann?  Sa mon 2enm kestyon.

Mon dernyen kestyon mon ti a kontan demann Minis, eski an relasyon avek saler, taler mon’n tann koz lo saler e saler i en keksoz de baz ki dimoun i koz lo la; mon ti a kontan demann Minis ozordi la pour eksplik mwan pour mon prop lenformasyon pour mwan e piblik ki pe ekoute si zanmen demen bomaten Gouvernman i dir ok an vi ki dimoun i mizer, napa larzan dan pos, komodite i ser, Gouvernman i deside par egzanp, i dir Saler minimum i sorti R5,050 i vin R10, 000  – en legzanp sa.  I pa vedir ki i pour arive demen bomaten kot Saler minimum i sorti 5, 000 i vin 10, 000, Minis eksplik mwan Sandy John Arrisol si zanmen sa i arive dan pei demen bomaten, ki lenpak i annan?  Eski lekonomi i tonbe?  Nou pei i pa pour progrese?  Bann laboutik pour fermen; dimoun pa pour ganny saler?  Konmsi mon ti a kontan konn sa.  Parske ozordi dimoun letan nou pe koze la, en manman tousel avek R5, 050 letan in pey son Flat Perseverance R2, 300, in pey elektrik avek delo, in aste en boutey gas nou bezwen fran avek nou lekor, swa i dinen i pa dezennen; swa son zanfan pa ganny breakfast oubyen en pti larzan pour al lekol avek.  Nou bezwen aksepte sa.  Be selman an menm tan i annan bann konsekans ki vin avek.  Alor Minis eksplik nou, si zanmen sa i arive, ki i arive avek lekonomi, avek biznes, avek pei an zeneral?  Mersi bokou.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Mon krwar Onorab Arrisol in demann 3 kestyon enteresan.  E kot i konsern – mon a komans ek 3enm kestyon; kot i konsern natirelman sa bann dimoun si i ganny ogmantasyon sorti 5, 000 i ariv 10, 000 si nou regarde apepre 63 poursan nou popilasyon ki travay dan private sector natirelman cost of production pour ogmante e la nou, nou pei pour vin  enkonpetitiv en sel kou.  I pa vedir ki natirelman nou pa kapab annan en saler ki petet ogmante avek relasyon nou prodiksyon.  Me senpleman natirelman ki pou arive ek sa bann private sector i pour dir ou labour cost Sesel in ogmante.  E la natirelman nou pour vwar en pe plis etranze ki zot pour pey pli bon meyer marse e la i pour annan petet non pa ki sa problenm ekonomik pour vin en problenm sosyal e i kapab vin en problenm politik tou.

E kot i konsern cartel Onorab Arrisol e tre byento nou pour sey fer fason pour kas sa cartel.  Parey ou menm ou ou’n mansyonnen, konmsi sa bann gro marsan i annan en multiplied effect.  Ou konpran?  Ou vwar zot 4, en pti moman ou’n ariv 6, in ariv 8 epi petet kekfwa en sel kou i kapab ariv 20 osi.  Alor nou pour bezwen regard ladan.

E ou premye kestyon akoz ou’n al en pe vit, in regards to business Tax nou ape fer reform se pour se la ou kapab vwar lo NASYON, lo TODAY Newspaper nou ape fer konsiltasyon e sa tre byento nou ava anonse parske nou bezwen konsilte dimoun pour vwar ki le meyer posib nou kapab aplik Tax System ki fair and  square. . Mersi.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker.  Bonzour Mr Speaker.  Bonzour Minis ek ou delegasyon.  Minis dan ou larepons ou’n tous en pti pe brieyevman lo diskisyon ki ou ti pe fer avek Lakonpannyen Lasirans kot ou’n dir dan ou diskisyon bann Lakonpannyen Lasirans pe dir, fodre tir VAT lo bann Premium.  Selman pli boner dan lannen ou ti dir koumsa ki ou ti an diskisyon avek bann Lakonpannyen Lasirans pour fer entrodwir nouvo prodwir e osi tou pour ki bann loan ki HFC i donnen pour lakaz, pour entrodwir en Lasirans dife such as ki economies of scale i ava aplike so ki bann Premium Lasirans i desann.  Eski sa in ganny fer?  Mersi Mr Speaker.

 

MR SPEAKER

Minis.

 

MINISTER PETER LAROSE

Mersi bokou Onorab.  E nou ankor an diskisyon avek Lasirans, nou pe esper zot met zot pozisyon ofisyel.  Parey mon pe dir nou’n fer en pe plizyer meeting, me natirelman i pa kapab zis malgre nou gard minutes of meeting me nou oule parske zot annan en Lasosyasyon; nou oule ki zot met li an ekri dan en serten fason ki personn napa okenn misunderstanding, me lentansyon pour fer zot fer redwir kou Lasirans desann.  Mersi.

 

MR SPEAKER

Onorab Prea.

 

HON NICHOLA PREA

Mersi Mr Speaker.  Bonzour tou dimoun.  Minis mon kestyon i relye anver nou isi Sesel koman petet parfwa nou osi ede pour fer ki pri lavi i monte.  Minis parey ou’n dir plizyer fwa isi dan sa Lasanble, gaspiyaz letan retar ki i annan i kout nou ser e i osi ede pour fer pri lavi monte.  Dan plizyer lokazyon ki ou’n vin isi devan nou Lasanble, nou’n lev bann problenm ki i annan vizavi sirtou ou Minister vizavi SRC e nou konnen bann serten defayans ki SRC in fer fas avek, me ou ti donn nou en serten lasirans, ki ler nou ti pe koz mankman resours lo sa 2 Por, par egzanp lo Por avek lo Erport kot SRC napa ase dimoun ki pe travay ki fer ki enportater dan plas i clear son cargo dan lespas 1 zour oubyen 2 zour, i kapab pran 4 zour, 5 zour.  Sa i ede ki rent i monte, handling charges, e si i en refrigerated, en perishable item, son kou kouran osi tou i monte.  Bann enportater ki mon’n koz avek zot in fer sorti sa konsern ki zot bezwen pas sa kou osi tou avek konsonmater, akoz zot pa kapab abzorbe.  So mon kestyon mon ape demann ou Minis ki bann mezir ou’n pran vizavi pour revwar kapasite resours imen lo sa 2 Por, pour kapab ede osi tou dan sa bann demars pour fer desann pri lavi?  Mersi Mr Speaker.

 

MR SPEAKER

Minis.

 

MINISTER PETER LAROSE

Mersi bokou Mr Speaker, Onorab Prea in natirelman ed mwan en pe dan bann kou ki mon ti mansyonnen anler lo Por.  Plis ki marsandiz i retarde lo Por ou si non lo Erport, natirelman bann Enportater i bezwen pey en fre.  E ler i pey sa fre ekstra ki i fer, i pa abzorb sa, i pas sa lo konsonmater e la i ede pour fer ogmante pri lavi.

Epi an vi ki nou napa sa pri kontrol direkteman, savedir i kapab met nenport ki pri.  Se pour sela Onorab Gill in dir si en keksoz i sipoze vann R10, i vann R40, i difisil pour nou zistifye.  E an vi ki ou kestyon i viz anler lo SRC -Onorab Prea si petet kekfwa mon a refer ou petet 1 mwan edmi koumsa – i kapab toulezour osi en, parske pa toulezour mon ganny sans regard NASYON, regard dan sa center page NASYON sa kantite avertisman ki nou fer pour SRC, eski nou gannyen Seselwa kalifye?  Non.  E se sa ki nou annan difikilte resours imen – pa zis SRC, mon krwar an antye pei.  Se pour sela nou vwar bokou foreigners.  E la nou pe kalkile ki mannyer nou kapab ganny bann pei zanmi pour ed nou parske nou pa kapab zis rekrit nenport ki dimoun.  Nou bezwen rekrit dimoun ki kalifye, ki konnen ki zot pe fer, ki kapab ed nou pour fer marse sa Lorganizasyon.  E mon aksepte avek ou e mon kapab dir ou sa nou main challenge me mwan konm Minister mon kapab prese toulezour, be si napa dimoun, i pour difisil.  Donn mwan en pti pe letan nou ava vwar en solisyon, be sa mon rekonnet en problenm mazer pour nou.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Speaker.  Bonzour Minis avek ou delegasyon, bonzour tou Manm.  Minis vi ki zabitan Praslin pe eksperyans bokou difikilte pour fer fas ek sa sityasyon kou komodite, akoz i annan pour transportasyon adisyonnel e markup lo komodite ki zot, zot bezwen fer fas avek, eski i pa’n ler pour fer en refleksyon lo en nouvo formil pour zabitan ki reste lo Praslin ek La Digue?  Dan ou bann refleksyon petet in ler pour nou komans mazinen ki mannyer nou fer kot sa bann dimoun sa bann, zot pa ganny sa bann depans pa enpakte negativ lo zot pour letan zot, zot pour bezwen pey plis ki dimoun Mahe?  Mersi.

 

MR SPEAKER

Avan mon donn Minis laparol Onorab Sophola ou ti’n demann apre pour koz apre li, ou anvi demann ou kestyon lo menm laliny?  Ale go ahead, apre Onorab Woodcock. Onorab Sophola.

 

HON NOLINE SOPHOLA

Mersi Mr Speaker.  Bonzour tou Manm Onorab, bann envite spesyal e tou dimoun ki a lekout.  Minis pour ede redwir kou lavi, lo nou zil vedir La Digue ek Praslin – sirtou kot transportasyon marsandiz i konsernen, eski ou Minister i kapab entrodwir en sistenm Konsesyon lo karbiran en pe parey bann Peser ki anrezistre ek SFA i gannyen, pour bann Propriyeter bato cargo ki anmenn marsandiz sirtou La Digue ek Praslin?  Mersi.

 

MR SPEAKER

Minis si ou permet nou a les Onorab Grand Anse Praslin, Onorab Woodcock demann pour li apre ou a reponn tou le 3 Reprezantan Inner Islands ek Praslin.  Wi Onorab Woodcock.

 

HON WAVEL WOODOCK

Mersi Mr Speaker.  Bonzour Mr Speaker e Minis e tou koleg Onorab, Mr Speaker en pti pe lo menm laliny kestyon ki Onorab Gill in demande.  Inner Islands en pti pe unique li par le fe ki ler komodite i sorti Mahe pour vin Praslin i annan en additional cost sirtou kou transportasyon, me selman le problenm ki nou vwar se i annan serten egzazerasyon de lapar plizyer bann Marsan ki ler en komodite i ariv Praslin sa markup, sa extra kou ki zot met lo la i en pti pe tro eleve.

E mon a donn zot en senp legzanp ki konmsi i reflekte tou bann lezot komodite;  bokou bann lezot komodite debaz.  Parey en konparezon, pandan vakans mon pti garson en zour i vin kot lakour nou ti Mahe, i aste li 4 chewing gum, i vin dan lakour i dir in aste 1 pour manmi, 1 pour dadi, 1 pour son ser avek 1 pour li, i pey R1 pour en chewing gum Mahe.  I dir mwan be dadi be Praslin mon pa kapab fer sa akoz 1 chewing gum Praslin i vann R5 ki pour ariv li R20 pour zis 4 chewing gumSo i montre ou menm kalite chewing gum.  Konmsi i montre ou e sa reflekte lo bann lezot komodite parey dile ouswa bann lezot komodite de baz konmsi ou vwar en pri egzorbitan, konmsi zot vann bokou, bokou pli ser Praslin ki Mahe, mon konnen osi sa ou pour vwar li lo kote La Digue osi.  Eski Minister i kapab get dan en fason pour ede anpes sa bann keksoz arive.  E osi eski zot pe konsider annan en Brans FTC permanan lo Praslin pour monitor en pti pe sa bann keksoz?  Mersi.

 

MR SPEAKER

Avan Minis i reponn petet nou devret parey fer parey Singapore e Ban chewing gum.  Me tou fason Minis i annan 3 kestyon la pour ou reponn.

 

 

 

MINSITER PETER LAROSE

Mersi bokou Mr Speaker.  Mr Speaker fransman dir ou, mon tre enpresyonnen avek Onorab sorti Praslin, La Digue, zot in demann zot kestyon, zot in rann repons zot menm.  Akoz ki mon dir sa, kot nou pe demann Konsesyon anler lo fre kot i konsern transpor e sa mon krwar nou a bezwen negosye avek SEPEC.

E kot i konsern lot keksoz kot FTC nou ava vwar dan nou striktir, nou ava met en Brans FTC pour kouver Praslin avek La Digue.  E kestyon ki in demande, si mon pa mazin Praslin ek La Digue.  Wi mon mazin sa 2 Zil e natirelman sa promes ki mon fer, mon a fer sir ki i ganny realize.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker e bonzour tou dimoun. Mr Speaker premyerman mon ti a kontan par dir ki loter kestyon Onorab De Commarmond e son Koleg Mr Pillay, son lot koleg Mr Gill, Onorab, zot lentervansyon se bann nostalzi lepok pri kontrol.  Konmsi nou bezwen dir zot enn fwa pour tou ki pri kontrol in fini, there is no way pri kontrol pour tournen dan Sesel.  Konmsi mon ti a kontan Minis si ou kapab fer sa byen kler, akoz mon pa kontan ler nou pe anbet dimoun fer zot krwar poudir nou kapab mete pri kontrol, be selman nou pa oule met pri kontrol.  Minis i bezwen eksplik nou ki dan sa lanvironnman konpetitif, wi Onorab Pillay, apre nou kriye parey Onorab Gill i kriye; i fer mwan mazin Mr Guy Sinon ki ti kontan dir, ‘’a mon’n dir la!’’ Savedir ler ou’n dir savedir in fini arive.  I pa’n arive, i pa atraver bann kriye ki nou pour rod bann solisyon.  Se atraver bann solisyon pratik, mon kestyon alor…

 

MR SPEAKER

Kestyon Onorab, kestyon…

 

HON JEAN-FRANCOIS FERRARI

Mon kestyon alors Mr Speaker …

 

MR SPEAKER

Order!  Order!  Order!

 

HON JEAN-FRANCOIS FERRARI

Mon kestyon se, mon ti a kontan ki ou koman Minis pour eksplik sa Lasanble…

 

MR SPEAKER

Hold on.  En pti kou Onorab Ferrari, Onorab Ferrari esper en pti moman.  Mr Gill ou annan en pwen ou oule fer sorti?  Onorab Gill plito, wi, Onorab Gill.

 

HON SIMON GILL

Mr Speaker mersi, mon konpran sa nostalzi ki Onorab Ferrari i ladan.  Mersi bokou.

 

MR SPEAKER

Ok, Onorab Ferrari ou kapab kontinyen ou kestyon.

 

HON JEAN-FRANCOIS FERRARI

Non Mr Speaker, mwan mon pe demann avek Minis pour eksplik nou ki mannyer nou kapab fer konpetisyon marse pour fer desann pri marsandiz.  E la mon ti a kontan felisit Minis pour lefet ki anba son watch i annan 2 Labank Komersyal ki’n vin ankor dan Sesel ki’n enstale e nou’n vwar son rezilta.  Pri lentere pe bese.  E sa se bann keksoz pratik ki mwan mon ti a kontan vwar.  Alors Minis eksplik nou ki mannyer sa i devret marse.

Mon 2enm kestyon se, mon dezyenm kestyon i konsern STC.  Minis mwan mon pa satisfe ditou avek ki mannyer STC pe marse, akoz STC – parey i annan serten dimoun in fer krwar poudir STC ki pour fer desann pri.  STC i benchmark bann pri dan Sesel.  Ok?  E ler STC i met son pri o tou lezot marsan i kal zis anba STC, e STC pe met son pri o akoz i pe fer bann depans ekstravagan.  Ok?  Plito donn nou marsandiz bon marse, i pe donn nou en shopping experience!  STC pa la pour li donn en shopping experience! I la pour li met dile, diri, mon a fini…

 

MR SPEAKER

Order!  Order! Espere silvouple…

 

HON JEAN-FRANCOIS FERRARI

I la pour li met diri, disik, disel, dile a en pri bon marse.  Met li dan son karton parey zot fer dan bann hard discounts Store Lerop parey ADLI, parey lezot Store, donn nou pri bon marse.  Pa bezwen al lwe en landrwa ki kout zot R48 milyon, R48 milyon rent – lekel ki pe peye, be sa prop malere ki pe peye sa rent R48 milyon.  R28 milyon elektrisite ek delo tou le lannen, sa prop malere ki pe peye.

Mwan mon anvi Mr Minis ki ou dir avek nou ki ou pe al pran bann mezir pour fer STC stick to son manda!  Vann marsandiz bon marse.  Pa bezwen vann Turkish carpet pa bezwen vann bann dekorasyon bathroom, pa bezwen vann sa.  Vann manze bon marse pour lepep Seselwa!  Sa se mon 2enm kestyon.  Mon 3enm kestyon eski…

 

MR SPEAKER

Order silvouple!  Kontinyen Onorab Ferrari.

 

HON JEAN-FRANCOIS FERRARI

Zot pa kontan mon pe koz laverite, les zot.  Mr Speaker mon 3enm kestyon se ki, kan eski ou pour met presyon lo FTC pour li dir, pour li  dir -fer konnen piblik ki dan tel laboutik en bwat peeled tomatoes in vann R8 – me dan sa lot laboutik i pe vann R12.  Kan eski STC pour fer sa, ler i ava’n fer sa pandan 4, 5, 6 mwan dimoun ava dir be la ki mannyer nou lir nou vwar poudir kot Kannus i pli enteresan, nou ava al Kannus, oubyen i ava dir kot Ramu i pli enteresan nou ava al laba.  Fer zwe sa konpetisyon Mr Speaker.  Se sa bann keksoz ki nou anvi e pa pe ganny fer.

E mwan mon ti a kontan dir ki ler Bidze pe vini pa bezwen met en Bidze pour NATCOF akoz mwan mon pa pour vot an faver Bidze NATCOF, akoz zot pa fer nanryen.  Se sa zot travay ki zot sipoze fer, fer zwe konpetisyon pour fer bann pri pli enteresan e zot pa pe fer nanryen dan sa direksyon.  Alor Mr Speaker, Mr Minis la i la mon 3 kestyon e mon ti a kontan ganny ou bann komanter lo la.  Mersi.

 

MR SPEAKER

Minis sirtou sa premye kestyon i enteresan, akoz ou ‘n deza fer konversasyon lo la pour atir bann labank ki pour fer pri lentere desann.  I en kestyon enteresan.  Minis.

 

MINISTER PETER LAROSE

Mersi Mr Speaker.  Mon vwar Onorab Ferrari konm labitid i tre pasyonnen avek sa size, ki mon apresye bokou.  E kot i konsern bann labank mon ti dir mon pour fer desann Lentere anler lo Loan, kou servis e sa en premye komansman sa.

I annan ankor pour fer parske mon bezwen convince zot en pe plis.  E an vi ki bann labank in deza komans sa premye pa prezan mon bezwen zistifye sa avek Lasirans, Telekominikasyon, Utilities parske apre tou nou tou nou bezwen elektrisite, nou tou nou bezwen delo sa osi i tre, tre enportan.  E apre tou nou pa kapab viv san en telefonn sirtou nou mobile phone, sa osi i tre enportan pour nou vwar en solisyon avek sa.

Me kot i konsern marsan, marsandiz i enportan e la kot parey nou pe fer konsiltasyon Tax avek bann Taxpayers sirtou sekter prive, mon ekspekte rankontre en lalis sa bann marsan ki nou sispekte zot annan en cartel parmi lezot, pour nou diskit avek zot tre fran pour nou vwar pour demann zot, fer sir ki zot kapab redwir zot kou marsandiz.  E la nou pour bezwen annan FTC la, pour zwe sa rol, pour fer sir ki natirelman tou biznesmenn ou bezwen – ler ou envestir dan en biznes ou ekspekte annan en profi sansan ou pa pour kapab envestir dan en biznes zis pour ou fer loss.  Napa personn ki donn lasarite, e mon swete nou kapab fer en progre avek sa bann marsan.

Kot i konsern STC Onorab Ferrari, mon ti dir tout a ler nou pe prepare pour fer operational audit kot nou bezwen fer sir ki STC i mentenir son manda i sivre.  Parske i pa vo lapenn ou donn li en manda epi i sorti an deor son manda – ki i bliy lorizin son manda parske sa i inakseptab.

E kot i konsern NATCOF nou pran, nou take note ou konsern anler lo la.  E mon swete si i annan okenn lezot konsey kot ou kapab aport nou pandan letan sa moman Bidze, pa ezit-e Onorab Ferrari.  Mersi.

 

MR SPEAKER

E ler ou ti pe reponn kestyon Onorab John Hoareau ki ou ti dir pour annan sa operational audit pour STC, ou ti osi dir nou Minis ki nou a ganny en laklerte lo la.  E nou konnen nou pour ekspekte sa.  Onorab Gill ou annan en kestyon relye avek sa ki Minis in reponn.  Ale go ahead.

 

HON SIMON GILL

Wi Mr Speaker i enteresan annou swiv lozik Onorab Ferrari e nou fer en appeal isi avek Minis ki la, pou dir ek Minis annou konsider tou sa bann Seselwa ki pe travay dan chain STC e travay lo en alternativ dyob pour tou sa bann travayer kot STC dezyenmman –  trwazyenmman elimin…

 

MR SPEAKER

En pti moman, hold on, Onorab Gill hold on. Hold on, hold Onorab Ferrari Order! Order! Onorab Gill, Order!  Onorab Gill, Onorab Ferrari pa’n dir frenm STC oubyen pous dimoun, son propozisyon avek Minis ki Minis in aksepte, pour sey vwar ki mannyer Misyon e vokasyon STC, i ganny regarde kot i konsantre lo son Misyon, son vokasyon lo bann komodite de baz.  Mon krwar personn pa pe koz lo pous dimoun oubyen redeploy zot.  Alor mon ti a kontan annou aret lo sa note pour nou kontinyen.  Onorab Sebastien Pillay ou annan en kestyon relye avek sa?  Eski ou annan en  kestyon Onorab Gill?

 

HON SIMON GILL

Wi, wi mon annan en kestyon.

 

MR SPEAKER

Ale, ok. Order! Order!  Ale demann ou kestyon.

 

HON WAVEL RAMKALAWAN

Mr Speaker in ariv 10er edmi, Onorab Gill avek Onorab Sebastien Pillay zot in fini ganny sans demann en kestyon, i annan bokou plis dimoun ankor ki anvi demann kestyon, I’m sure lo ou lalis i annan….

 

MR SPEAKER

I annan 8.

 

HON WAVEL RAMKALAWAN

I annan 8 dimoun ankor, so I think we should, they should not be allowed to.

 

MR SPEAKER

Ok, ou pwen i tre valab Onorab Ramkalawan.  Minis mon a donn ou en sans pour ou react lo sa pwen zeneral ki Onorab Ferrari in mansyonnen osi in ganny lev-e par sa 2 Onorab, avan nou pran en pause pour nou pran en pe kafe oubyen pour al… Non, non, non, non, non Onorab Pillay Minis si ou le taler koze nou a rekonsidere, les Minis annan sa dernyen mo avan nou pran en pause café, Minis.

 

MINISTER PETER LAROSE

Mr Speaker an vi sa en topik tre, tre enteresan ki konsern nou tou konm sitwayen Sesel e mon swete ki i annan ankor 8 dimoun ki i oule demann kestyon, si petet kekfwa mon a difer mon repons ziska ler lezot dimoun i demann zot kestyon dan en serten fason  -kekfwa i annan i pour en pe pros, nou pa bezwen annan diplikasyon parke letan se larzan.  Mersi.

 

MR SPEAKER

Ok, mersi Minis i annan lezot dimoun ki’n pare pour demann kestyon ki’n demande, la mon vwar enn in lev lanmen, adisyonnel i fer 9, ti annan 8, nou a demann – la, la nou a demann tou dimoun pour silvouple kalme.  Nou’n byen komanse.  Hold your horses parey Angle i dir.  La nou pe al arete pou donn bann dimoun sorti Grand Anse, en sans pour zot enterakte.  Zot a ganny en sans tyonbo lanmen Minis Larose ki mon pa krwar zot war li tanzantan, dir en bonzour, koz ek bann Leaders, koz avek Onorab Waven William ki zot MNA ek mwan menm mon, mon ava vin vwar zot pour pran en tas kafe avek zot.  Nou a pran en pause e nou a retournen 11er.

 

        (BREAK)

 

MR SPEAKER

Bon nou a repran nou travay. Mon ti a kontan remersye Minis pou fer en pti letan pou al sosyaliz en pti pe avek bann zabitan Grand Anse ki ti vin obzerv Lasanble bomaten.  In benefik dan lesans ki ou’n ganny en zenn former employee of SRC ki parey pou retournen. So mersi pou fer sa letan.  Mon krwar zot in byen kontan pou vwar ou an personn.  Nou a kontiny nou deba, nou bann deliberasyon lo sa Urgent Question ki LGB in poze e nou a donn laparol Onorab Afif.

 

HON AHMED AFIF

Mersi Mr Speaker. Bonjour Minis e ou PS.  Minis mon ti a kontan si ou ti kapab donn nou en pe detay lo rediksyon ki ou’n mansyonnen ki annan dan tarif to lentere ki bann labank pe donnen.  Rezon mon pe demann ou sa se petet pou lenformasyon piblik; par egzanp en dimoun ki’n pran en loan R500 mil ki pe pey pandan 15an a en tarif dizon 12 poursan, zis en rediksyon 1 poursan i pou donn sa dimoun R300 benefis tou le mwan.  Zis 1 poursan.  Alor mon ti a kontan konnen si ou kapab dir nou, ki sa bann rediksyon zot in tonm dakor lo la, ziska konmela.  E dezyenmman Minis, mon ti a kontan demann ou si zot annan plan pou lo kote Sekter Telekominikasyon pou fer li vin bokou plis konpetitiv.  E ankor mon a donn en legzanp, mon konn en zanfan ki fek al L’Angleterre ki en pei kot son labour cost i ser; kot mon mazinen son lenfrastriktir osi i ase ser me i pe pey en package internet 15 liv par mwan ki apepre R300.  E pou sa pri R300 par mwan, i pe ganny en speed enorm; probableman 10 fwa speed ki nou gannyen Sesel e an plis ki sa, i napa okenn limit lo data, pou R300 par mwan.  Etandi ki mwan isi dan lakour, mon pe pey fasilman en R2500 a R3mil par mwan pou data e mon ganny limite apepre 100 gig e menm sa son speed menm fwa i tre dousman.  Alor zis ankor ler ou regard sa sekter poudir be ki zot kou, akoz zot pe sarz sa bann tarif?  E pou mwan mon pa tro vwar akoz zot kou i sitan ser akoz ozordi nou annan en kab soumaren ki fer pri kominikasyon tre ba.  E nou labour cost i bokou ki ba ki sertennman en pei Eropeen e nou lenfrastriktir i minime konpare ek sa bann landrwa. Alors mon ti a kontan konnen ki Minister i kapab fer pou fer desann kou lavi sirtou dan sa 2 domenn, Labank ek Telekominikasyon.  Mersi.

 

MR SPEAKER

Minis.

 

MINISTER PETER LAROSE

Mersi bokou Onorab Afif.  Kot i konsern rediksyon lo loan e si ou pa mind  mon kapab fer ou ganny detay tou bann labank.  Mon napa avek mwan la ki enkli osi zot bann service charge.  Me parey mon’n dir bomaten, set en premye faz sa.  Mon ensiste ki nou kapab ganny en pe pli meyer rediksyon; parske sa i par dan kou lavi si ou regarde. I annan bokou bann komersan ki pret larzan labank.  Sa osi servi sa dan en fason pou maske the true cost of zot expenditure.  Alor i servi sa pou ogmant kou zot marsandiz.  Kot i konsern telefonn, Internet, mon antyerman dakor avek ou e mwan osi mon pa tro kapab konpran akoz zot kou i telman tre o.  E sa pou nou konman en pei touristik, i pa fer nou konpetitiv.  Parske bann touris ler i vin isi Sesel alor sa kou ki zot peye pou zot Internet, telefonn i egzorbitan.  Alor sa i pa dan nou lentere.  E nou ava konpar sa avek bann lezot pei parske parey ou dir si nou annan en kab soumaren nou bezwen être pli efikas, pli konpetitiv an term pri.  Mersi  bokou.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, premyerman les mon dir ki lafason ki Minis in abord sa size e son determinasyon, mon krwar ki mon bezwen met en not ki mon apresye en kantite.  Mr Speaker, swivan bann diferan komanter an menm tan mon krwar ki nou tou nou pe rekonnet ki i en krim ki pe arive dan nou pei.  E dernyen fwa mon ti fer en statement, mon ti dir nou fer en lapel avek moralite, avek konsyans sa bann marsan.  I pa zis STC me i tou marsan ki poudir nou pa kapab al dan eleman cartel pou nou si en konmisyon i R4 pou nou vann li 4 fwa son pri.  Me lo lot kote osi tou, Mr Speaker, sorry mon a zis fer sa pti lentrodiksyon pou mon kestyon, lo lot kote osi mon krwar ki i osi nou pep.  Nou pep i bezwen pran konsyan lo kwa ki i bezwen e ki mannyer i depans son larzan, pou li kapab fer en savings.  Parske si i zis depanse, i zis bwar i zis al dan tou sa bann diferan keksoz, byensir kou lavi pou kontinyen ogmante, parski i pou napa ase larzan pou li fer tou bann keksoz.  Me selman Mr Speaker, mon ti ava kontan demann Minis an mezir ki nou pe fer lapel avek bann dimoun pou zot annan en konsyans, pou nou regarde e pran bann aksyon konkret.  Par egzanp, eski nou pa kapab re balans ankor STC?  Bann chiffre in ganny nonmen Mr Speaker.  En Lakonpannyen ki son turnover i en R1 bilyon – en R1 bilyon par an, me son profi i R18 milyon. Mr Speaker, la i fer mwan mazinen en pe sa lenvestigasyon ki nou pe fer dan FPAC.  I annan keksoz la ki pa normal. Pou fer mwens ki 2 poursan profi lo en turnover 1 bilyon?  Alor mon krwar nou bezwen regard sa.  Eski STC i devret dan sa Hypermarket? Eski i zis en kestyon annan zoli packaging e ki nou pou pey sa packaging olye pey sa prodwi pli bon marse ?  So mon krwar nou bezwen regarde e Lepep Seselwa i bezwen konpran sa.  Bill elektrisite ki’n ganny nonmen oparavan, R1 milyon tou le mwan.  Rent 48 milyon par an.  Tousala Mr Speaker mon ti ava kontan demann Minis si letan i pe fer sa revi, sa bann keksoz pou ganny met ladan.  Mr Speaker lo kote Telekominikasyon, mon’n fek ganny bann chiffre par egzanp, zis pou montre ki mannyer ankor enn fwa nou bezwen vin pli serye.  En Lakonpannyen parey Cable & Wireless ki’n pibliy son first quarter profi, parmi bann lezot pei ki Cable & Wireless i annan biznes, Sesel li i enn ki’n fer en profi, sa first quarter, in sorti $14.6 milyon pou mont $15.5 milyon; ki reprezant 5.6 poursan increase.  Me kestyon, eski sa i reflekte sa servis ki nou pe gannyen?  Sa lavites sa servis ki nou pe gannyen?  En call lo Whatsapp i pres ki enposib pou ou fer alor kou ki nou bann dimoun pe peye, eski nou pa kapab regard ladan?  Letan Mr Speaker, ankor enn fwa an term bann labank, zis Nouvobanq ki en labank Gouvernman in fer li 188 milyon profi an 2015.  E nou pep nou ki mannyer nou pe pase?  Eski Minis i ava regard dan tou sa bann sityasyon, pou ki finalman sa i ava ede pou nou kapab fer desann pri lavi. Me lo en lot kote Mr Speaker, eski Minis i ava konsidere ki labank letan… Labank Santral ki letan par egzanp i pe vann bonds, ou konnen dimoun pa konpran sa bann zafer bonds. Me eski osi sa eleman ledikasyon kot nou bann dimoun i ava konpran ki zot osi avek ot pti savings zot ava kapab aste bonds.  E non pa zis donn labank sa larzan kot labank li i pran ou larzan i al met dan bonds i ganny li 6 poursan, 7 poursan e ou i donn ou 2 poursan kan ou, ou ti kapab fer li li menm.  So eski nou kapab osi annan sa eleman ledikasyon pou ki nou pep i kapab pli byen benefisye e si i rantre en latitid savings i ava kapab fer monte son larzan. E zis en dernyen kestyon Mr Speaker, nou’n koz lo aste direkteman e non pa pas atraver middle man, eski Minis i okouran ki poudir ozordi STC i pe aste en kantite son bann keksoz ki i pe vann dan son supermarket, ziska avek ISPC? Avek sa bann Lakonpannyen Global Trading ensidswit?  E ki alor sa pri i osi i al met pri ladan?  E lo kote La Digue ek Praslin osi tou, eski Customs pa kapab annan en fason ki fast track bann containers ki pou al lo Praslin ek La Digue pou ki olye atann isi, pri i monte, ensidswit, fast track sa pou ki sa osi tou i ava benefisye nou bann frer ek ser lo Praslin avek La Digue.  Mersi bokou.

 

MR SPEAKER

Mersi Onorab.  Minis.

 

MINISTER PETER LAROSE

Mersi bokou Mr Speaker. Mersi bokou Onorab Ramkalawan.  Kot i konsern cartel, mon antyerman dakor avek ou, son letan i bezwen fini.  Nou pa kapab kontinyen annan cartel parske se pou se la, nou pou tourn an ron, nou pou demande akoz pri lavi i kontinyelman ogmante kan nou, nou pe anvoy en mesaz, kou lavi i sipoze desann.  Se sa kontradiksyon ki nou annan.  E kot i konsern savings, mon antyerman dakor pou Onorab Ramkalawan, si mon regard la pou lenstan, avenue pou nou kapab save, i zis en savings account avek bann labank.  Nou bezwen annan lezot prodwi kot i kapab donn bann swa dimoun ki annan en pe larzan pou zot save.  Parske la pou lenstan parey konman nou dir, akoz ki napa ase avenue pou nou save alor nou depanse.  Nou bezwen annan sa culture pou nou kapab save.  Pou demen si nou arive nou annan serten problenm difikilte, nou kapab tonm malad, vin envalid.  Nou kapab depan ler lo nou pa zis tou lazournen nou bezwen dir ok nou bezwen depan anler lo Gouvernman.  Sa i posib.  Nou bezwen pran kont lavenir.  Sa ki’n pase, in pase, nou bezwen kalkil lavenir.  Kot i konsern sa sityasyon STC son lavant R1 bilyon pou li fer net profit R18 milyon net, nou a osi fransman dir ou, mon annan en problenm ek sa – onnetman.  E se pou se la mon pe demann en operational audit pou regard sa entity an antye, e vwar ki kot ki nou perdi larzan, parske sa i inakseptab.  E kot i konsern sa sityasyon elektrisite, rent, sa pri egzorbitan ki nou peye, sa osi nou bezwen adrese dan sa operational audit.  Nou bezwen se si ou le scan li an antye, regard tou son fonksyon.  E kot i konsern kou telekominikasyon, mon osi mon annan difikilte.  Si mon pou servi Whatsapp e mon vwar li i annan en problenm konman Minister Finans, mon preski pa kapab afford li.  E kot i konsern CBS Bonds, la Minister Finans ek Labank Santral, nou pe agree pou nou fer financial literacy pou nou edik nou popilasyon.  Parske sa i enportan, kot dimoun i kapab mazinen ki pli meyer fason ki li i kapab resevwar en retour lo son envestisman, i swa kot i kapab envesti son larzan.  E kot i konsern STC middleman aste avek ISPC, Onorab Ramkalawan mon kapab dir ou tre onnetman an regardan sa screen televizyon, an regardan tou Manm Lasanble, mon pa ti okouran sa.  Sa osi mon bezwen regard ladan.  E ankor en tre bon lide kot ou’n raporte pou nou zil Praslin ek La Digue, sa sizesyon pou nou fast track sa bann container sa en tre bon sizesyon e nou ava pran li as soon as possible; parske parey mon pe dir letan se larzan. Si container i trennen, non pa zis kou transportasyon pou sorti Mahe pou al Praslin ki ogmant kou lavi, me si nou kapab fast track sa bann container pou al lo sa 2 zil i ava en lavantaz pou Praslinois e Diguois. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Yes. Mr Speaker, mersi bokou Minis pou ou bann larepons.  Pete zis en pwen ankor an term annan en Gouvernman ki pli SLIM.  SLIM Government parey nou koze kot pou nou koup en pe lo bann depans. E apre sa pou bann Board ek tou bann dimoun ki dan bann pozisyon responsab; yer swar nou’n vwar lo progranm lo La Digue e si tou sa bann… si nou kapab met bann dimoun ki pou vreman konn manage e pou fer larzan antre dan Fon Gouvernman, pou nou kapab avans devan.  E la Mr Speaker, mon ti ava kontan zis ankor enn fwa atir latansyon Minis, lo ki mannyer depans i kapab ganny fer dan en fason ki pa fer sans.  Mr Speaker sa lansenny SSI ki lo batiman Hypermarket in kout R240 mil.  Eski, eski sa i en desizyon entelizan ki nou’n pran oubyen si zot ti anvi SSI i anler laba zot pa ti kapab penn? Penn SSI lo la.  Me mon krwar ki sa osi tou i en lot laliny kot nou bezwen regarde, kot larzan Gouvernman pe ganny depanse dan bann landrwa ki pa fer sans.  E la i en legzanp zis akoz nou anvi en lansenny ki alimen aswar pou nou depans R240 mil san bliy son elektrisite.  E la petet osi mon ava demann Minis be sa gro televizyon ki lo batiman kot ou ete, eski Minister pe ganny en income ladan eski sa i… Mersi bokou, Mr Speaker.

 

MR SPEAKER

Minis.

MINISTER PETER LAROSE

Mersi bokou, Mr Speaker.  Mersi bokou, Onorab Ramkalawan. Ou dernyen kestyon kot i sa televizyon zis en pe pre, annefe lo nou batiman, pa pou nou sa.  E natirelman se ki nou bezwen regarde lekel ki’n fer envestisman dan tel lekipman.  Parske mon kapab demann mon lekor kantite dimoun ki swiv sa televizyon la.  Sa petet en lenvestisman ki petet i pa telman fer sa dan en sound decision.  Kot i konsern sa Board SSI, R240 mil, son kou e apre tou i annan elektrisite osi kot nou bezwen mazinen, sa osi mon krwar i pa en desizyon entelizan e mon krwar mon annan en drwa pou mon investigate ladan; parske sa se larzan manm piblik parske SSI napa en manda komersyal. Menm si oule, i le montre latransparans be mon osi mon pa tron tro konpran akoz ki’n fer sa board koumsa.  E mon a pran ou pwen an konsiderasyon e mon ava raport avek Lasanble, parske sa i pa zistifyab.  Plito nou ti’n pran R240 mil, mwan onnetman nou ti’n al rod latizann pou nou donn nou pasyan lopital.  Mersi.

 

MR SPEAKER

Onorab Valmont.  Ou’n pa’n demann pou koze Onorab Valmont?

 

HON JUDE VALMONT

Mon pe al koze Mr Speaker.

 

MR SPEAKER

Ok, alright.

 

HON JUDE VALMONT

Bonzour Mr Speaker.  Bonzour Minis ek ou delegasyon. Bonzour tou koleg Onorab.  Minis, pou Bidze 2017 mon rapel ler ou ti dir ki lo kote pri Telekominikasyon Gouvernman pe get dan posibilite petet entrodwi oubyen anmenn en 3enm Lakonpannyen Telekominikasyon.  Mon ti a zis voudre konnen ki staz, nou’n arive or si zot in fer okenn letid e si sa i posib?  Mersi.

 

MR SPEAKER

Minis.

 

MINISTER PETER LAROSE

Mersi bokou, Mr Speaker. Lentasyon pou entrodwi en 3enm Konpannyen telekominikasyon se senpleman pou donn en mesaz tre for, pou sa bann Konpannyen ki pe operate a sezour parey Onorab Ramkalawan in dir – se ki son kou i egzorbitan.  Onorab Afif osi in dir ler ou konpar Internet, telefonn L’Angleterre, elsewhere.  Menm petet osi si ou konpar li Maurice, en pei zil parey pou nou, se pou fer sir ki natirelman i annan en konpetisyon.  Nou swete avek konpetisyon zot pou bezwen, se si oule, nou annan zis en market.  E sa market setaki si i donn en bon pri i pou increase zot lefikasite e natirelman konsonmater pou benefisye. E nou dan en staz reelman pe etidye son propozisyon, ki fer sir i pa dir pou vin Sesel epi osi son pri i monte, larestan pou sivre.  Nou bezwen fer sir ki annan sa level playing field kot nou, nou nou tir dan sa lenvestisman avek sa 3enm Konpannyen ki le kou a telekominikasyon i redwir.  Mersi.

 

MR SPEAKER

Ok.  Onorab Valmont, ok?  Mersi Minis.  Onorab Georges.

 

HON BERNARD GEORGES

Mersi Mr Speaker.  Mr Speaker, mon kestyon pou Minis i al en pti pe dan laliny kestyon Onorab Ferrari en pe pli boner.  E apre ki mon’n ekout tou sa ki’n ganny dir bomaten lo size pri lavi e sirtou lo rol santral STC dan sa demars, mon ti ava kontan demann avek Minis ki ti ava son lopinyon, si nou ti propoze, oubyen si mon ti propoze ki STC i retourn a son core mandate – a rezon ki SMB son predeseser ti ganny met an plas o konmansman.  Setadir… me avek en modernizasyon. Setadir olye fer sa ki i pe fer ki’n ganny bokou kritik bomaten, ki I vin en regilater.  Pa dan lespri pri kontrol, me par egzanp kot STC ti a kapab dedye tou son lenerzi olye retail, sorti dan retail e al dan sourcing, tendering e kekfwa wholesale. Par egzanp, eski pa ti ava pli byen pou popilasyon Seselwa si STC ti dir ‘‘lala bann komodite esansyel, diri, disik, dile, delwil, eksetera… lantir.’’ Tou-le-z-an ou 2 fwa par an, ou 3 fwa par an, zot ava lans en tender.  E prezan bann enportater ti ava compete pou zot anmenn pri pli ba posib pou sa komodite.  En premye lide.  Dezyenmman STC ti ava dedye son lenerzi pou al source, ozordi nou’n ganny 2 legzanp, Kenya, L’Inde kot nou pa fer gro lenportasyon manze, komodite de baz.  I ti ava pran son… servi son lenerzi pou al source bann landrwa; kekfwa bann nouvo marse, kot sa bann komodite esansyel, i kapab gannyen a en pri pli ba. E trwazyenmman i ti ava konman en ……. regulator, enform piblik an zeneral lo koman on an ongoing basis toulezour dan lapres, lo televizyon, lo Internet, lo medya sosyal, atraver bann flyers anvil, lo kote, dan ki laboutik bann pri i pli konpetitif; pou anmenn konkirans ant bann retailers e pou fer pri desann pou konsonmater Seselwa.  Sa se mon kestyon Minis.  E mon ti ava kontan konnen ki ou premye reaksyon lo en tel lide.  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Ankor enn fwa Onorab Georges in donn nou wisdom in terms of ki mannyer nou bezwen tret STC, ki mon antyerman dakor avek ou sizesyon, se ki nou bezwen sa core mandate STC, sirtou pou fer sa bann pri basic commodities vin meyer marse ki i ete la. Parske nou comme Seselwa, se ki nou bezwen benefisye avek en tel loperasyon comme STC – sirtou ler nou pe regarde i pe fer en lavant R1 bilyon par lannen.  Alor nou bezwen benefisye avek son financial muscle pou li vwar ki kote ki i kapab ganny komodite pli konpetitiv, pli meyer marse, kot nou, nou kapab benefisye.  Se pour se la, mon krwar son legzistans in ganny kree pou sa kalite manda koumsa.  E kot i konsern parey nou’n mansyonnen pou regard pri L’Inde, Kenya, posibleman osi mon kapab dir se ki, management STC i pe bezwen être pli vizilan, pou monitor bann pei ki zot know exchange rate i pli favorab avek sa bann pei.  Parey la si nou regarde Sud L’Afrique sa osi i posib. Regard larezyon kot natirelman nou pa pou fer vini komodite ki sorti Brésil, epi son kou fre i ekstraordiner.  Sa osi i enportan.  E la mon krwar i kapab zwe en rol telman tre enportan.  E kot pou pibliy, se si oule en pe parey konmsi ou a krwar en stock exchange, kote bann pri pli afordab dan nenport ki magazen.  Sa osi mon krwar en tre bon sizesyon. Nou a fer analiz lo la.  Nou a diskit avek management an prenan kont ki nou bezwen fer sa operational audit ki mon  repete.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Minis bonzour e PS e tou dimoun a lekout.  Mr Speaker, i enportan depi bomaten kestyon ki Onorab De Commarmond ti demande, it’s all about pou fer desann pri lavi e mwan mon annan en lenpresyon, en presantiman ki ou a krwar kestyon was about STC.  Me i enportan note ki ozordi STC dan sa marse lib, i pe zwe en gran rol.  I pe zwe en gran rol pou ede; par egzanp dan domenn konstriksyon pou ede fer desann pri lavi osi.  En zanfan ozordi pou al lekol i kapab ganny li en sak meyer marse R150 kot STC, me par kont sa letan pou al antre dan en lot laboutik anba Premier Building ou pou aste menm sak R400 Mr Speaker.  Mon krwar sa i enportan pou nou get byen. Mon kestyon ki mon anvi demande ozordi, i annan sa ki konsern pri foreign exchange.  Ozordi nou pe vwar ki i annan en depresyasyon lo nou Roupi. Petet mon a demann Minis kwa ki pe kree sa bann fakter.  E ki bann mezir pou kapab redres e osi stabiliz nou Roupi, ki sa ki ava ede osi anmenn meyer pri lavi dan pei.  Mersi.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Kot i konsern foreign exchange reelman nou pe track sa trend very close.  E nou osi konsernen avek sa.  Nou a pe travay avek Central Bank pou fer sir ki mannyer nou kapab pran serten mezir ki kapab anpes sa volatility  arive dan marse foreign exchange.  Me apre tou e underlying reasons se demann.  Ler ou annan plis demann lo foreign exchange natirelman i pou annan en presyon lo ou local currency – sirtou si ou annan demann pou foreign exchange. E mon swete tre byento nou ava vwar en solisyon avek sa trend, paske ler nou Roupi i depresye, i en fakter tre prensipal ki ogmant kou lavi.  Parey mon’n dir bomaten dan mon repons Onorab De Commarmond se ki enn bann fakter ki trigger pri lavi pou monte akoz nou foreign exchange cost vizavi deviz etranzer.  Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker.  Mr Speaker mon kestyon pou Minis i tourn otour sa ki in dir dan son prezantasyon bomaten.  Dabor in dir nou ki Gouvernman i bezwen lead by example.  Alor mon premye kestyon lo sa… dan sa context, nou konnen poudir Gouvernman i annan par dan plizyer Lakonpannyen si mon pou donn detrwa legzanp, Land Marine par egzanp i annan 13 poursan.  E ozordi Land Marine i pe servi crane ki lo bato me pou fer desann en container 40 pye i pe sarz R5000; enn 20 pye i 2500 e sa i annan en lenpak direk lo kou marsandiz enporte.  Alor kestyon mon le demann Minis se ki mannyer Gouvernman i kapab servi son lenfliyans akoz bann par ki i annan dan bann Lakonpannyen, dan Nouvobanq 78 poursan, Savings 70 poursan, IOT 40 poursan ki son pri bwat ton lo marse i vreman ser, bann kartron ki zot vann avek travayer in monte in ariv R800 e menm dan sa Lakonpannyen Fiber Optic  la  ….. i annan 42 poursan.  So ki mannyer Gouvernman i kapab servi son lenfliyans atraver son bann par, ki i annan dan bann Lakonpannyen pou ede fer redwir, pri lavi desann ? Dezyenmman Dr Larose, Mr Speaker, in koz lo sa size cartel e pou mwan konman en konsonmater ozordi la, mon santi ki nou Lasanble konmsi i ankor en persepsyon ki i annan kartel. Akoz nou’n tann dir cartel i bezwen fini, i annan marsan dezonnet. Gouvernman i admet napa kapasite pou deal avek sa sityasyon.  Si i annan cartel i bon san bon.  Mon a donn 2 legzanp.  Par egzanp ozordi       enn ki bon, 2 prodwi Omo bleach avek Handy Andy ki dan en laboutik Pointe Larue par egzanp kot APG Naiken pe vann R21, li STC i vann R26 a R27 savedir, i bon la.  Sa ki pa bon, delo Sodepak ki vann R6, i annan en kantite bann retail ozordi pa vann akoz pou zot zot ganny zis R1 profi lo la, zot prefere vann en delo ki vann R10 akoz zot ganny R2, sa i pa bon.  E savedir kestyon ki mon anvi demann Minis se ki, eski i kapab reasir nou konman en Lasanble ki Gouvernman pou pran sa sityasyon kot sekter prive parey Onorab Gill in dir, en kantite zot pe fer vini bann pri marsandiz… pe fer vini marsandiz, pou nou mye konpran sa sityasyon e pou asire ki zot pa pe pran… take advantage lo nou popilasyon.   Akoz par egzanp mon mazin dimoun Perseverance e mon trakase pou zot.  I annan zis 2 laboutik Perseverance, 1 pou Amou, 1 pou Kannus e sa i pa bon.  La Digue ti napa endyen finalman en dernyen frontyer in ganny traverse.  Mwan pou mon sa i en kestyon National security kot nou pe koz nou vant, i dan lanmen en group dimoun ki pa neseserman Seselwa.  Nou bezwen byen konpran ki pe arive e Gouvernman reasir nou poudir pou a latet sa sityasyon e deal avek. So 2 kestyon, 1 ki Gouvernman i kapab fer pou ede fer redwir kou lavi e dezyenmman pou nou byen konpran sa sityasyon, kot bann etranze i kontrol retail industry.  Mersi bokou.

 

MR SPEAKER

Minis.

 

MINISTER PETER LAROSE

Mersi bokou Mr Speaker. Ankor enn fwa Onorab Henrie in demann bann kestyon tre enportan ki relye avek kou lavi.  E parey mon’n dir bomaten, mon repete se Gouvernman i bezwen lead by example; kot ki annan envestisman i bezwen servi muscle, pou fer sir ki sa bann Konpannyen i ede redwir sa bann kou ki zot pe sarze ki egzorbitan parske sansan si nou regard serten Konpannyen, nou bliy larestan pri lavi pa pou redwir. E natirelman Mr Speaker, sa i pou demann en travay konzwent.  I demann nou tou nou zefor ansanm.  E kot ki nou konnen poudir i annan serten labi pa ezite fer nou konnen, parske se vre, apard ki nou primary motto se pou fer desann sa pri lavi, osito posib me an di-z-an sa, i fasil dir, me an pratik i pran en pe letan.  Sa mon kapab garanti sa Lasanble.  E kot i konsern sityasyon cartel sa osi mon krwar mo bezwen regard ladan; parske i fer kot Seselwa osi dan son pei, i bezwen kapab annan en posibilite annan biznes.  E natirelman i ava benefisye son pep parske, i pe mazinen i pa pe zis fer larzan pou li rapatriye pou li anvoy overseas e pe fer li pou envesti Sesel pou donn lanplwa son prop Nasyon.  E kot i konsern sa bann cartel la Onorab Henrie, mon swete avek en topik kot redwi kou lavi, tou sa bann marsan, keksoz ki advers kont zot, sa bann kritik zot pe ekout nou la e natirelman zot pou bezwen fer sir ki zot pran mezir, zot sivre nou mesaz e fe sir ki zot fer zot kontribisyon redwir kou lavi.  Mersi.

 

MR SPEAKER

Onorab Henrie.

 

HON GERVAIS HENRIE

Zis en pti follow up question, Mr Speaker.  Sa ki mon ti ava kontan dir se ki an menm tan nou pa pe kritik akoz parey mon’n dir nou’n ganny dir poudir nou pa neseserman konpran si vre sa i en realite, nou pa ankor vwar bann levidans.  So be solman dan sa menm respirasyon nou rekonnet sa bann pti laboutik ki dan kominote ki pe ouver sa bann ler pou permet Seselwa ganny akse avek bann komodite.  Nou rekonnet sa e nou apresye be solman sa ki mon anvi demann Minis sa se ki parski letan nou pe koz pou Seselwa epanouir kreasyon lanplwa, biznes, ki Gouvernman osi i kapab mazin fer pou ankouraz Seselwa reste dan lendistri retail parski lontan mon mazin Cascade ti napa laboutik Endyen, ti annan ….., Pti May, ti annan ….. anler ti annan laboutik, tousala ti Seselwa, la ozordi i annan zis Celeste. Me konmsi pou ankouraz swa nou vwar Seselwa i retourn ankor dan sa lendistri ouswa zot reste pou tyonbo zot lanmen; akoz kwa ki fer ki nou Seselwa pa kapab mentenir ? Koumsa ki nou kapab ganny konpetisyon. Mersi.

 

MR SPEAKER

Minis.

 

MINISTER PETER LAROSE

Mr Speaker kot i konsern pou ankouraz Seselwa pou zot reste dan biznes, si zot regard bann lenstitisyon otour nou, nou annan Development Bank of Seychelles, son non se development e natirelman sa i relye direkteman avek devlopman.  E sa i ofer loan pou Seselwa, napa etranze ki sipoze ganny loan. Si nou regard SBFA, nou regard SNPA, nou regard larestan bann micro enterprise, menm nou annan sa small/medium enterprise loan ki nou ofer.  Nou annan osi relasyon avek bann commercial bank me i pou Seselwa natirelman bouze. E ler prezan nou pe rantre dan biznes, si mon kapab lans en lapel se nou bezwen kalkil byen ki nou pe fer.  Nou pa kapab rantre dan biznes akoz petet kekfwa nou neighbour i dan biznes ensidswit.  Nou bezwen kalkil byen si ou travay natirelman son benefis i la.  Me si ou pa travay ou annan ou risk kot ou bezwen fer fas avek.  E mon swete pou bann Seselwa, sa bann loportinite i ouver e an vi Mr Speaker ki la mon’n ganny sa reprezantan avek Trade and Development Bank mon pe regard fasilite, ki mannyer zot pou kapab travay an kolaborasyon avek Development Bank, pou fer sir ki nou annan plis loportinite finansman pou nou prop Seselwa.  Mersi.

 

MR SPEAKER

Onorab Larue.

 

HON FLORY LARUE

Bonjour tou dimoun. Mersi Mr Speaker. Bonjour Minis.  Minis, ou’n konmans larepons taler an di-z-an kot SRC zot pe rod staff e zot pa pe ganny staff Seselwa e zot krwar zot pou regard a leksteryer kot zot pou rod staff etranze.  Dan FPAC semenn pase, nou’n ganny en saying ki dir ‘‘pay peanuts, get monkeys’’. Mon’n get lo JOBO, en site lo Facebook ki donn louvraz, pou en Senior Compliance Officer, en louvraz pe ofer R11 mil 500 pou en dimoun ki annan en Masters Degree ouswa en First Degree. Eski sanmenm sa bann saler ki zot pe ofer kot SRC pou rod sa bann staff?  Eski sanmenm sa ki zot pou pey en etranze letan zot pou rod en etranze? Si zot kapab eksplik en pe sa kote saler.  Minis in osi koz lo cartel, letan sa bann kartel pou ganny dekouver Minis ouswa ganny ekspoze, ki mannyer zot pou ganny penalize? Eski zot pou ganny fine severman?  Pou ki sa pa vin en keksoz ki arive dan el fitir?  En lot keksoz dan Mosyon, Mr Onorab De Commarmond…

 

MR SPEAKER

Kestyon, pa Mosyon.

 

HON FLORY LARUE

Dan kestyon, pardon Mr Speaker, mersi.  Nou demande ki mannyer kou lavi dan pei pandan sa dernyen lannen ki si sa ki ganny fer pou li desann, koz lo sa dernyen lannen. Lannen pase an Novanm 2016, Cabinet Minis ti zwenn e zot ti dir ki pou annan R102 milyon ki pou envesti dan en proze ogmant kapasite zener elektrisite e R8.2 milyon pou aste 8 sistenm desalinasyon. Anliny avek fer desann pri lavi e nou tou nou konnen ki lenerzi i zwe en gran rol dan sa equation, kou dan pri lavi, ki Minister pe fer, Minister Finans pe fer pou travay ansanm avek tou lezot Minister dan Gouvernman, ki pri elektrisite i desann?  E la i pas… an Novanm nou a ganny 1an depi ler Cabinet in zwenn pou fer sa bann… pou koz lo sa bann proze. Ki mannyer Gouvernman in bouz devan pou fer en plan ki kou lenerzi Sesel i vin pli bon marse an itilizan bann lenerzi renouvlab.  E nou annan en group MNA ki ti al dan L’Inde ansanm avek ou Mr Speaker e dan L’Inde, nou ti ganny dir ki annan Donasyon ki pe asize an relasyon direk avek bann lekipman pou photovoltaic;  ki Gouvernman pe fer pou akse sa akoz sa pou lenerzi letan i desann i pou ganny vwar direkteman konman en rediksyon pou Seselwa.  Alor ki pe arive, in pas 1an depi ler nou pe koz lo lenerzi ki pe arive e nou pe ganny donn ki Gouvernman pe fer ?  Si Minis i kapab ed mwan silvouple.

 

MR SPEAKER

Ou kestyon i en kestyon tre pertinan be ok mersi les Minis reponn.

 

MINISTER PETER LAROSE

Mersi bokou Mr Speaker.  Mersi Onorab Larue.  E ou annan detrwa kestyon ki ou’n demande.  Kot i konsern SRC nou pe regard Salary Scheme pou fer sir ki sa current Scheme i en pe pli zenere pou nou atrakte bann dimoun kalifye pou vin travay pou SRC avan ler ki nou al regard etranze.  Me priyorite i pou Seselwa.  Sa i enn.  2enm kot i konsern cartel i pou annan en fine e mwan mon pe mazinen avek en fine an vi ki nou en Pti Leta Zil preski tou dimoun i konn kanmarad, nou name and shame; parske dimoun i a konnen lekel sa bann dimoun ki dan cartel. E kot i konsern desalinasyon, mon pa tro konn son lenvestisman pou dir ou tre fransman.  Be mon ava regard ladan epi mon ava reponn ou kestyon an ekri, posib.

 

MR SPEAKER

Well avan mon retourn laparol kot Onorab Larue, mon ti a kontan dir ki, Bravo pou sa 2enm repons, Minis Larose.  Wi Onorab Larue ou annan en supplementary question.  Yes.

 

HON FLORY LARUE

Wi, mersi Minis. Eski DPA, savedir pe regete ki mannyer bann returning graduates avek dimoun avek Masters Degree pou ganny peye?  Eski sa pe reganny gete ki pou annan en diferan format peyman, la ki in dir nou ki zot pe get ki mannyer zot pou pey dimoun in relation to en expatriate li i ganny loto, travel, son container, lekol son piti, tou keksoz peye ek lakaz? E mon dernyen kestyon, mon pa krwar Minis in byen sezi, mon pe koz lo renewable energy; pou nou konman en pei, al towards en plan ki lenerzi son kou pou lenerzi i desann, i pou reflekte dan lavi Seselwa.  Si nou annan en plan long term akoz mon pa pe vwar en plan.  Si lannen pase an Novanm, Cabinet of Ministers ti approve sa bann costings, pou ganny mete dan bann lenfrastriktir lenerzi, desalinasyon avek en electricity plant; ki nou pe fer lo kote photovoltaic ki lenerzi renouvlab  e L’Inde in fini fer en commitment towards pei pou donn lekipman, me deza in pas en bon letan me solman pei, Ministry of Foreign Affairs, lezot Minister pa ankor fer neseser pou nou tap dan sa Donasyon pou dimoun benefisye.

 

MR SPEAKER

Mon’n konpran ki Minis in reponn sa kestyon, me selman tout menm Minis petet ou kapab repran.

 

MINISTER PETER LAROSE

Mersi bokou Mr Speaker. Sorry Onorab Larue, mon ti pou al fini reponn ou kestyon me alor ou’n entervenir alor mon bezwen respe poudir…

 

MR SPEAKER

Redir.

 

MINISTER PETER LAROSE

Wi. Kot i konsern sa lenerzi renouvlab, i vre ki L’Inde in donn nou en fasilite e mon personnelman mon pe travay tre pros avek Minister ki ansarz lenerzi.  E mon krwar la set apre midi osi i pe vin dan Lasanble. I pou en lot lokazyon osi kekfwa ou kapab kestyonn li anler lo la. Me nou konsernen pou nou kapab servi lenerzi renouvlab pou redwir nou kou lenerzi ki nou servi.  E kot i konsern bann returning graduates natirelman Gouvernman pe travay lo diferan Scheme pou fer sir ki nou kapab retenir zot e natirelman i donn en hope larestan bann etidyan pou al etidye fer Masters deor si i posib, e pou zot retourn dan pei pou kontribye lo nou devlopman.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa dernyen kestyon ki’n ganny demande, mon santi ki i pa’n byen konpran petet par le Ministre.  Ou konnen zis pou fer li konpran ki aktyelman i annan en kestyon Komisyon mixed avek Sesel ek L’Inde ki Sesel pe trenn lipye lo la.  2 an edmi i fer nanryen konkret pa ankor ganny fer.  E Foreign Affairs ankor fer son bout pou egzekit sa.  Nou pe dir e nou Lasanble fortman pe dir, swivan kestyon ki’n ganny lev-e ki avek sa, i annan posibilite konkretman fer desann pri komodite e kou lavi dan Sesel.  E nou pe dir ki le Ministre, Minister Finans ek Komers, i kapab ede pouse pou sa vin en realite, pou nou kapab vwar en fri konkret lo la.  Par egzanp, donn en legzanp konkret, en kilo disik ozordi dan L’Inde si ou al la Chennai, dan en laboutik nenport, ou kapab… ki vann disik, ou kapab ganny en kilo disik anviron R3 Sesel.  Dizon ou’n fer vini disik ou’n met 3 fwa son pri i a vin R9 Sesel me non pa R15 parey ozordi i ete.  Me sa mon panse ki Gouvernman i devret annan en keksoz konkret ki ganny fer pou… mon zis donn en legzanp, swiv en ta legzanp bann komodite debaz, pou ki i ariv Sesel a en pri rezonnab letan ou’n met tou son bann profi, tou son depans, tou son transpor, son lasirans, son isi laba, i pa kapab sa pri ki i ete ozordi.  En pwen.  2enm pwen, eski Minis i kapab donn legzanp konkret en keksoz, dizon lo sa kestyon cartel, dir nou Lasanble, depi ler ou’n vin Minis, depi ler konmsi Minister pe swiv pandan sa dernyen 1an parey kestyon pe demande, donn nou en legzanp, en cartel, en dimoun kot Minister Gouvernman in pran en aksyon konkret – si i annan ?  Si napa dir nou napa osi, nou a konpran.  Epi sa bann mezir ki nou nou’n bann pwen la, bann sizesyon ki’n ganny mete; fantastik dan nou Lasanble ozordi atraver sa kestyon, donn nou en dele letan konkret, pou ou Minister met sa bann mezir an egzekisyon.  Sa bann keksoz ki bon la, ki kapab ede konkretman.  Donn nou en dele letan dan 1 mwan, dan 2 mwan ouswa si pa pou fer ditou osi, dir nou pou nou konnen pou nou kapab vwar ki nou fer.  E dernyerman eski Minis i kapab pran an konsiderasyon, met devan Cabinet of Ministers en propozisyon pou kree en group spesyal, en Komite Spesyal ki kapab follow sa kestyon pri komodite e pri lavi dan Sesel, pou donn en koudmen Gouvernman pou kapab annan serten mezir pou donn lanmen monitor pou kapab ede pou kapab fer ki sa kestyon pri komodite e kou lavi dan son totalite, kestyon lenerzi, kestyon tax, kestyon rent, bann zafer lakaz.  Lentere labank e tou.  Tousala i zwe en rol e non pa zis selman pri komodite dan laboutik me tou sa bann lezot lenstans dan lezot landrwa kot nou kapab touse ki kapab ede pou ki nou popilasyon, sa pti popilasyon i kapab viv li en fason pli byen e pli ordonn-en. Sa Komite i kapab get lo kestyon priyorite. Ki sa ki priyorite?  Akoz dimoun osi… sa osi in ganny touse sa kestyon priyorite.  I osi bann pwen ki bezwen ganny en ledikasyon lo la pou ki nou kapab fer pli byen konman en pep.  Mersi bokou.

 

MR SPEAKER

Minis.

 

MINISTER PETER LAROSE

Mersi bokou Mr Speaker.  Mersi bokou Onorab De Commarmond.  Premyerman mon ava konmans avek sa cartel mon a dir ou tre fran ziska prezan mon pa ankor idantifye sa cartel. Mon tann nonmen cartel dan Lasanble, me tre byento e konman ou konnen depi mon’n vini se ki natirelman mon’n tonm dan Bidze e mazinen mon kapab dir telman fran dan sa Lasanble mon pa’n ganny keksoz lo plato an or.  Ler mon’n vini mon’n annan tro bokou challenge. Keksoz ki vid lo mon biro toulezour se bann challenge ekstraordiner.  Savedir mon pou bezwen regard mon priyorite.  Me firamezir mon ava arive kot sa cartel. E kot i konsern timeline natirelman mon pou bezwen regard mon human resources ,pou fer sir ki ler mon donn en commitment mon realiz sa.  E kot i konsern pou annan en Committee pou swivre cost of living, mon antyerman dakor ek ou, en tre bon sizesyon.  The first Cabinet meeting nou a fer en papye, nou ava anmennen.  Nou a fer sir ki keksoz i marse parey nou Lasanble in demann nou e pep Seselwa pe espekte ki i annan en aksyon tre aktiv ki ganny pran, ki nou pa zis koze, koze, koze.  E avek sa mon remersye ou pou ou kestyon.

 

MR SPEAKER

Dernyen kestyon Onorab William. Pardon, sa kestyon Komisyon mixed i vreman si ganny adrese pou Minister Foreign Affairs be selman Minis si ou annan komanter ou le fer lo la.

 

MINISTER PETER LAROSE

Non.  Kot i konsern Komisyon mixed nou ava lyez avek Departman Foreign Affairs, nou a fer sir ki nou met li anmars e sa osi i ava benefisye nou popilasyon.  Mersi.

 

MR SPEAKER

Onorab Henrie ou ti annan en kestyon relye?

 

HON GERVAIS HENRIE

Wi arising Mr Speaker akoz mon krwar i en kestyon tre enportan pou…

 

MR SPEAKER

Ok. Ale go ahead.

 

HON GERVAIS HENRIE

Lenformasyon nou Lasanble.

 

MR SPEAKER

Go ahead. 

 

HON GERVAIS HENRIE

Minis in dir depi ler in vini i pa’n okouran okenn kestyon cartel, so mon le zis demann li pou konfirm ek nou Lasanble si konman Minis Finans i okouran ki FTC ti pe fer investigation dan Cable & Wireless avek Intelvision lo en alegasyon ki zot ti pe collude pou zot set pri telekominikasyon.  Mersi.  Ant Intelvision ek Cable & Wireless. 

 

MR SPEAKER

Minis eski ou ti okouran sa?

 

MINISTER PETER LAROSE

Mr Speaker, mon konnen ki FTC ti pe fer serten travay, be mon pa ankor ganny final report anler lo la, e alor mon pa ankor kapab fer en deklarasyon ki keksoz pa ankor ganny konfirmen par FTC; parske FTC osi i tonm anba mon Minister.  E natirelman mon bezwen koz keksoz ki mon okouran e ki mon annan lefe sansan ki arive mon pe met mon prop Departman dan en sityasyon anbarasan.  Mersi.

 

MR SPEAKER

Tre byen.  Kestyon final Onorab William.

 

HON WAVEN WILLIAM

Mersi Mr Speaker. Mr Speaker mon ti a kontan demann Minis lefe ki ankor mon pe koz lo sa Lorganizasyon COI kot Minis in dir kot i annan en letid pe ganny fer lo kote trade e pou bulk buying, eski Minis i ava consider letan zot in ganny bann rapor pou osi fourni Komite Zafer Etranzer, pou nou kapab donn en koudmen lo kote ede ki nou vreman vwar fri dan sa travay.  E dezyenmman Minis, ou’n koz lo ki zot annan en dyalog avek sekter prive, e mon anvi konnen si ou Minister pe al dan sa dyalog li tousel, ouswa i annan bann lezot Lazans Gouvernman akoz mon santi poudir i annan en mank kordinasyon e mank konsistans dan lefe ki letan Gouvernman i dir i pe larg lanmen Seselwa me selman pou vwar poudir nou pe anmar lipye.  Akoz se lipye ki fer marse, i annan plizyer area pou vwar poudir Gouvernman ti kapab al an plis.  E i pou enportan pou nou kapab konpran kwa ki sekter prive pe demande kwa ki Gouvernman i kapab fer, i bezwen balanse. Akoz i annan dimoun ler i al dan biznes, i al dan en biznes pou li fer profi me si ou pa donn li lespas pou li kree larises e grandi i pou difisil pou li kapab vreman kontribye pou anmenn sa besman dan pri lavi.  Alors mon demann anver Minis se ki nou ganny serten bann rapor e i ava latransparans dan sa diskisyon, ki pep Seselwa i kapab vwar e konstate pou li menm ki vre, sa partenarya ant sekter piblik avek Gouvernman, pe vreman marse e bann diskisyon i o kler o piblik.  Mersi bokou.

 

MR SPEAKER

Mersi Minis.

 

MINISTER PETER LAROSE

Mersi bokou Mr Speaker. Kot i konsern sa propozisyon pou bulk buying natirelman nou pou bezwen fer li o pli vit posib. Me an prenant kont osi parey mon’n dir la sa set en propozisyon ki nou pe sey fer me larealite ou bezwen annan negosyasyon.  Dan negosyasyon par azar sometimes negosyasyon i kapab vitman fer, i annan negosyasyon ki pran en pe letan.  Sa fodre nou bezwen mazin an teori e la pratik.  E swete ki ler nou soumet sa propozisyon lezot counterpart, zot ava aksepte pou join nou pou nou osi, pou sa lot pei osi benefisye.  Kot i konsern natirelman bann lezot sizesyon partenarya avek bann lezot Minister, dan nou konsiltasyon progressive income tax e business tax reform, i annan kantite ki sorti – non pa zis tax.  E natirelman mon swete ki avek sa bann propozisyon ki private sector pe fer nou ava pran li an cause epi nou ava anmenn bann lezot Minister ansanm pou nou fer sir nou tou nou travay dan lentere pei.  Mersi.

 

MR SPEAKER

Bon avek sa mon ti a kontan dir ki, mon krwar ki ti en bon desizyon ki nou ti pran semenn pase pou pa rush avek sa Kestyon Irzan ki Onorab De Commarmond in anmennen. Nou’n pran bomaten kot nou’n ganny bokou klarifikasyon e bokou sizesyon lo ki mannyer nou kapab al de lavan an se ki konsern pri lavi.  Mon ti a kontan remersye Minis, PS ek son Advisor pou letan ki’n pas avek nou.  Profite pou swet li tou de bon dan son preparasyon Bidze, akoz mwan prosen i pe retourn kot Lasanble pou vin prezant Bidze. Nou konnen i en moman ki i annan bokou lekspektasyon.  Alor Minis nou a swet ou tou de bon.  Nou a remersye ou e nou a eskiz ou, Ms Cesar avek Mr Payet PS Payet.  Wi Minis.

 

MINISTER PETER LAROSE

Mr Speaker, premyerman mon ti a kontan remersye ou avek tou bann Manm Onorab dan nou Lasanble e tou bann dimoun ki’n ekout nou.  Sa i en size tre enportan ki konsern pep Seselwa e mon swete avek tou zot sipor.  Parey mon’n dir mwan mon tousel pa pou kapab fer tou keksoz.  E mon swete avek ankor enn fwa tou zot sipor nou ava arive vwar en solisyon pou nou pei.  Mersi.

 

MR SPEAKER

Ou kapab kont lo nou sipor Minis ek ou lekip.  Mersi e nou a eskiz ou.

 

(MINISTER LAROSE AND HIS DELEGATION WAS EXCUSED FROM THE HOUSE)

 

MR SPEAKER

Bonn apre midi tou dimoun. Mon swet zot la byenveni pou nou Sesyon apre midi, kot nou pou konmans avek limero 2 lo nou Order Paper looking at Public Bills.  Mon a profit sa lokazyon lo lapar Lasanble tou bann Onorab, pou swet Minis Jeanne Simeon labyenveni. Madanm Simeon parey zot konnen i Minis pou Zafer Lafanmiy e i akonpannyen par son Sekreter Prensipal, Madanm Linda William-Melanie e osi nou annan osi Madanm Irene Sirame, am I right ? Madanm Irene Sirame sorti kot biro Prokirer Zeneral, Attorney General’s Office.  Alor Minis byenveni pou sa Sesyon apre midi pou regard sa Bill ki Children (Amendment) Bill, 2017 e mon a demann en Mosyon from the Floor, Onorab De Commarmond.

 

HON CHARLES DE COMMARMOND

Mersi Mr Speaker. Bonn apre midi Mr Speaker.  Bonn apre midi Minister ek ou delegasyon. Bonn apre midi ki a lekout. Mr Speaker anba Order 64(2) lo Standing Order mon le move ki Children (Amendment) Bill, 2017 i ganny lir en Dezyenm Fwa.

 

HON SEBASTIEN PILLAY

Seconded Mr Speaker.

 

MR SPEAKER

Onorab Sebastien Pillay seconded.  E mon a demann ki the Bill is read a second time… Sorry Minister, Bill i seconded Minister Simeon would you like to introduce the Bill?

 

MINISTER JEANNE SIMEON

Mersi Mr Speaker.  Bonn apre midi Mr Speaker.  Bonn apre midi tou Manm Lasanble.  Mr Speaker, sa Bill ki devan Lasanble ozordi, pe propoz en senp lamannman dan Lalwa Children Act 1982 kot ti konsern Board Tribinal Lafanmir e osi 2 lezot pti lamannman tipografik.  I pe propoze amann Seksyon 77, dan sou-seksyon (1) pou repeal ouswa retir sa bann mo swivan ‘‘5 lezot manm’’ e ranplas avek ‘‘pa mwens ki 5 e pa plis ki 15 manm’’. Mr Speaker pou le moman Board Tribinal Lafanmir i konpri 8 manm.  8 dimoun an total, Chairman, Vis-Chairman e 2 manm ki ganny anploye par Zidisyer a plen tan e en 2enm Vis- Chairman e 3 lezot manm ki servi lo Board a mitan; part time.  Sa lamannman ki pe propose, i ava permet lapwentman ase dimoun konman manm Board Tribinal ki pou disponib pou kapab donn bann kliyan Tribinal en pli bon servis.  Pou le moman Tribinal pe fer fas avek serten kontrent baze lo la kantite manm lo Board ki fer li difisil ler serten manm i annan lezot langazman ouswa an ka maladi.  Nou pe osi vwar en logmantasyon  dan lakantite ka ki pe pas devan Tribinal. Lot lamannman i dan sou-seksyon (3) e sa i pou senpleman azout en ‘s’ ki manke avek mo ‘‘Vice- Chairperson’’ akoz i annan 2 Vice-Chairpersons. En lot pti lamannman dan sa menm sou-seksyon pe propoze pou azout en apostrof (‘) avek mo ‘‘years’’ pou li read ‘‘at least 3 years standing’’. Lot lamanman ki nou pe propose dan sa Bill i  dan Seksyon 78(8) e nou pe propoze ki mo ‘‘the Chief Justice’’ i ganny ranplase par ‘‘the Minister’’.  Mr Speaker, mon soumet sa bann lamannman propose dan sa Bill pou laprouvasyon Lasanble Nasyonal.  Mersi.

 

MR SPEAKER

Mersi Minis.  Madanm Minis. Eski i annan okenn komanter lo sa Children (Amendment) Bill as proposed to be as eksplike par Minis Simeon?  Onorab Georges.

 

HON BERNARD GEORGES

Yes Sir, Mr Speaker, Mersi bokou.  Mon ti anvi zis pran laparol apre midi pou kekfwa demann avek Minis si in… si mon’n byen tann li ler in dir ki sa premye lamannman ki pe propoze, se pou tir sa nonm manm ki konmela i 5 other members e pou fer li vin pa mwens ki 5 e pa plis ki 13 manm.  Akoz i sanble mwan ki mon ti’n konpran 15, pa plis ki 15 manm ki ti en lamannman ki ti ganny par le pase.  E mon konpran tre byen rezon pou sa, parey Minis in dir, Mr Speaker, akoz i annan en pti keksoz ki bokou dimoun pa kekfwa realize se ki bann Tribinal parey Tribinal Lafanmir, Rent Board, eksetera, ki i annan en Chairperson avek 2 manm ki asiz avek zot, ler zot pe ekout en case fodre sa menm ki ekout sa case depi konmansman ziska lafen.  E ou pa kapab sanz manm halfway through.  Si ou fer sa ou envalid sa prosedir. Alor i byen ki i annan en pli gran pool manm ki kapab ganny swazir pou ki sa kalite defayans pa arive akoz ler ou annan pti git manm ou tante pou ou pa fer dimoun pa retourn kot zot pou swazir bann manm ki prezan, e i annan de fwa sa i kapab anmenn en problenm en pti pli tar.  Donk mon konpran tre byen sa loptik, si mon kapab servi en mo kouran dan nou Lasanble, deryer sa lamannman, Mr Speaker.  Mon ti anvi zis fer sa presizyon apre midi.  Mersi.

 

MR SPEAKER

Mersi Onorab.  Onorab Seastien Pillay.

 

HON SEBASTIEN PILLAY

Mersi Mr Speaker. Mr Speaker, mon krwar ki sa bann lamannman ki devan nou i pa sibstansyel, a le sans ki pou nesesit gran deba, me selman mon krwar an relasyon ek enn bann lamannman ki nou pe fer lo Seksyon 78(8), i annan serten konsiderasyon ki nou bezwen pran as to rol ki Lakour Siprenm vizavi provizyon sa landrwa kot Tribinal pou sit.  Mon konpran lide deryer lamannman ki pe ganny fer se Minis ki pou provide sa lokasyon.  E i fer sans akoz probableman Lakour Siprenm petet napa sa resours pou fer li.  Me selman ki nou ti ava propoze, apre diskisyon ki nou’n gannyen across cross party lines ki nou azoute apre the word ‘‘Minister’’ nou dir ‘‘the Minister in consultation with the Chief Justice, shall provide’’ – in consultation with Chief Justice.  I vedir poudir i ava’n asire Lakour li menm l ii santi poudir sa lokasyon i en landrwa apropriye e i ava’n ganny konsilte dan sa prosesis pou ki nou provide en landrwa ki apropriye pour sa Tribinal asize.  Mon ti le soumet sa konman en pti lamannman Mr Speaker, ki mon krwar nou pa vreman bezwen al dan Committee Stage, en simple amendment ki zis klarifye keksoz pou nou.  Mersi Mr Speaker.

 

MR SPEAKER

Onorab Ferrari apre Onorab Hoareau.

 

HON JEAN-FRANCOIS FERRARI

Mersi Mr Speaker.  En pti klarifikasyon, sa ki annan en pti keksoz ki met mon en pti pe enkonfortab. Deor dan piblik dernyerman nou’n ganny bokou remark konmkwa nou pe fer bann… nou pe konstitye bann Board, bann panel, bann Tribinal e bokou sa bann Lorganizasyon.  E nou pe bezwen rod bokou dimoun pou zot sit lo sa bann Board oubyen bann Tribinal.  Whilst mon konpran nesesite ki nou annan en pool of people ki available ler nou bezwen zot.  Mon en pti pe enkyet ki piblik poudir deor ler nou pe sorti lo 5 manm nou pe al lo 13 manm.  E sirtou avek lesplikasyon ki par ler serten pa available.  Mon  konsern  mwan se ki nou pe nonm serten dimoun e nou pou donn zot en allowance akoz zot travay, nou bezwen donn zot en allowance, be eski nou pa pe retourn dan en sityasyon kot nou pou donn bann allowance e pou annan serten dimoun ki telman busy zot osi ki tre rarman ki zot pou sit?  Alors pou satisfaksyon piblik, mwan mon ti ava mazinen si i annan en posibilite atraver the internal mechanism ki mannyer i marse sa bann Tribinal, ki bann manm apard Chairman e Vice-Chairman get an allowance when Sitting, when hearing cases, when Sitting.  Konmsi par respe pou piblik ki mon pe dir sa I don’t know if Madanm Sirame i ava dir nou ki mannyer i marse lo lezot Tribinal me nou bezwen osi kekfwa konmans move towards ganny en rekonesans, ganny en peyman, ganny en allowance ka nou aktyelman fer sa travay.  E mon krwar piblik i ava bokou pli respekte nou, i ava bokou pli respekte Gouvernman, i ava bokou pli respekte Lotorite akoz zot pou konnen poudir sa dimoun si i pa vini i pa pe gannyen me ler i travay obviously i gannyen.  So sa se en pwen ki mon pe met devan zot par konsiderasyon.  Mon konnen poudir kekfwa i pa pou nesesit okenn sa bann manm la ozordi lo sa bann proposed amendments ki i annan, akoz si zot deside fer li dapre sa ki mon pe sizere, i ava ganny aplike si posib on the internal… the administration of the Act, not in the Act perse.  So I don’t know, mon pe zis fer sa propozisyon e mon ti a kontan ki Minis i pran sa dan en fason pozitiv e i kominik avek  Gouvernman, pou nou gete si nou kapab bouz dan sa direksyon.  Mersi Mr Speaker.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker.  Bonn apre midi Minis ek ou delegasyon.  Bonn apre midi tou dimoun ki pe ekout nou e bann Manm.  Mr Speaker mon pou premyerman segonn Mosyon ki Onorab Pillay in fer pou lamannman, akoz mon krwar i en bon lamannman parske annefe letan ou get sa provizyon Lalwa dan son… nou pe amann 78 (8). Dan 78 (8) (a) i dir ou Sef Ziz e ankor se Sef Ziz ki pou deside par Notis ki i pou pibliye dan Gazette, kote e kan ki Tribinal pou sit.  So si li ki evantyelman ki deside kote ki Tribinal pou sit ,then it’s only fair ki i ganny konsilte letan Minis pe deside kote i pou al met Tribinal pou… dan ki building, dan ki lokasyon ki Tribinal pou ete.  Dan en fason lozistik e legal Sef Ziz ki pou dir i ava sit dan sa landrwa.  So i enportan ki sa konsiltasyon i la.  E mon dakor ek Onorab Ferrari sa ki’n dir nou bezwen fer sir poudir letan nou pe anmenn bann manm, i bann manm ki pou sit.  Mr Speaker, mon’n deza asize konman Vis- Chair lo Tribinal Lafanmir letan mon ti fek… mon ti ankor pe travay avek Attorney Zeneral e mon ti aparet devan Tribinal konman en avoka e mon’n vwar sa bann difikilte; kot par ler ou napa sa kontinyasyon dan bann manm.   OUswa case pa kapab ganny ekoute; ouswa ou santi pou dir bann manm pa pe konpran sa case parske premye fwa zot pe deal avek en case kan en case ki’n deza la devan Tribinal pou en pe letan.  Alors petet i enportan ki letan nou pe… ki bann manm i annan sa kontinite –  dan sa kontinite.  E mon ti a menm propoze petet dan lefitir, annou konsider annan plis ki 1 Chairman pou Tribinal.  Ou kapab annan detrwa Chairman, akoz?  Nou kapab annan zis dan en building annan zis en landrwa, nou kapab annan 3 landrwa parey Supreme Court ouswa Magistrate Court i asize.  E ou kapab annan ou 4, 3 panel ki pe asize dan diferan lasanm, pe ekout diferan case.  E sa pou ede pou tir sa backlog.  Akoz Tribinal i annan en ta cases.  I  deal avek case maintenance zanfan, custody and maintenance; i deal avek family violence.  So i annan en kantite case.  E par ler bann case ki quite… petet bann dimoun ki pe vin devan Tribinal, i bann dimoun ki anvi en solisyon; sirtou en manman, en madanm ouswa en msye ki pe sibir family violence e pa pe trouv sa solisyon e i pran letan.  I bann… ouswa en zanfan ki pa pe ganny sonnyen par son paran, e manman ouswa papa i vin kot Tribinal i dir fer sa lot paran sonnyen.  I bezwen sa larzan pou sonny sa zanfan.  Be par ler sa solisyon pa pe vin imedyatman, i pe pran bokou letan.  E mwan mon ti pou dir annou konsidere – annou konsidere ki petet olye annan zis 1 Chairperson ek son, mon krwar 2 Vis-Chairperson pou nou amande evantyelman pou annan plis ki 1 Chairperson, kot i ava annan diferan panel ki kapab sit e ekout case; tir sa backlog devan Tribinal.  Mersi Mr Speaker.

 

MR SPEAKER

Mersi Onorab.  Onorab Andre.

 

HON CLIFFORD ANDRE

Mersi Mr Speaker.  Parsyelman sa ki mon ti pe al dir in ganny kouver par Onorab Hoareau, me selman mon pou expand en pti git lo la.  An referans avek sa ki Minis in dir, ki sa bann proposal pe ganny met devan akoz case i kontinyelman ogmante.  I enportan osi ki nou pa zis ogmant manm, ki pou sit, me nou osi ogmant bann Sittings ki Tribinal li menm i fer.  E ki a fer k ii a pran an konsiderasyon sa bann kantite ka ki Tribinal i fer fas avek.  So mon pa pou long akoz in kouver par Onorab Hoareau.  Mersi.

 

MR SPEAKER

Mersi Onorab Andre. Okenn lezot komanter lo… wi nou kapab… Mersi Onorab Ramkalawan, mon krwar nou kapab demann Minis si i annan komanter pou fer avan nou pran nou pran en vot lo merit of the Bill.  Minis would you like to sum-up lo bann komanter ki’n ganny dir?

 

MINISTER JEANNE SIMEON

Mersi Mr Speaker.  Mersi bann Manm pou zot proposal, zot sizesyon.  Tousala i bann sizesyon valab ki nou asire nou kapab pran an konsiderasyon, an konsiltasyon avek Chief Justice.  Lide osi par deryer ki nou pe ogmant manm se, parey Onorab Hoareau, Onorab Andre e Onorab Pillay in dir ki nou kapab ogmant bann Sittings e fer li ki nou vwar plis ka, konsider plis ka pou Tribinal e diminyen en pe la kantite ka ki petet i annan dan backlog la pou le moman.  So i reste pou mwan ankor enn fwa dir zot mersi bokou pou zot bann propozisyon, pou zot bann sizesyon e nou asire k ii ava ganny pran an konsiderasyon.  Mersi.

 

MR SPEAKER

Mersi Minis Simeon.  Eski nou kapab pran en vot lo merit Bill. Tou bann ki pour lev zot lanmen?  Deputy Clerk. As amended.  Wi, mon krwar Minis in dakor avek amannman ki’n ganny fer.  Minis mon byen konpran ou?  Minis.  Minis ou’n aksepte sa lamannman?

 

MINISTER JEANNE SIMEON

Wi. Mr Speaker, wi as amended, wi.

 

MR SPEAKER

Can I have those who are for, lanmen silvouple met anler. Deputy Clerk. Ok.

 

MADAM DEPUTY CLERK

Mersi Mr Speaker. Mon’n rikord 23 Manm ki’n vot an faver sa Bill.

 

MR SPEAKER

Tre byen.  Mon’n oubliy dir ki nou eskiz Clerk apre midi akoz i annan lezot travay ki a pe fer alor Deputy Clerk ki la avek nou pou fer louvraz Clerk osi.  Eski nou kapab dakor pou al lo en Formal Second Reading ?  Wi.

 

MADAM DEPUTY CLERK

A Bill of an Act to amend the Children Act Cap 28.  Mersi.

 

MR SPEAKER

Mersi.  Eski zot le al lo Komite oubyen Committee Stage, Onorab De Commarmond.

 

HON CHARLES DE COMMARMOND

Mr Speaker, lefe ki napa okenn lamannman mazer, mon krwar bann pti amannman Minis in dakor avek taler.  Dan sa ka mon a sizere anba Order 91(1) nou move pou sispann Lartik 65 to 70 dan Standing Orders pou nou sot Staz Komite sa Bill.  Mersi.

 

MR SPEAKER

Savedir nou ava annan en demann pou… Yes Onorab Pillay?

 

HON SEBASTIEN PILLAY

Segonde.  Seconded.

 

MR SPEAKER

Seconded.  Ok.  Yes Onorab De Commarmond.  A request from the Floor to be read a third time, i neseser?  Nou vote. All those who are for up your hand. Deputy Clerk.

 

MADAM DEPUTY CLERK

Mersi Mr Speaker.  Mon’n rikord 23 Manm ki’n vot an faver sa Mosyon.

 

MR SPEAKER

Tre byen.  Third Reading.

 

HON CHARLES DE COMMARMOND

Mr Speaker, anba Order 71(1) nou Sanding Order mon le move ki the Children (Amendment) Bill 2017 i ganny lir en Trwazyenm Fwa.

 

HON SEBASTIEN PILLAY

Seconded.

 

MR SPEAKER

Seconded Onorab Pillay.  Clerk.

 

MADAM DEPUTY CLERK

Mersi Mr Speaker. This Act may be cited as the Children (Amendment) Act 2017.  Mersi.

 

MR SPEAKER

Ok. Toute bene. Nou… Pou vote pou Third Reading, yes sorry pa ankor it wasn’t all bene. Third Reading, yes, all those for? Up your hand.  Deputy Clerk.

 

MADAM DEPUTY CLERK

Mersi Mr Speaker.  Mon’n rikord 23 Manm ki’n vot pour.

 

MR SPEAKER

Thank you very much.  That’s it. Nou ava profite pou remersye Madanm Minis Simeon pou vini.  La ou vwar nou’n fer ou lavi fasil, nou kase roule konmdir manrmay.  Pardon ? Wi, Madanm William-Melanie mersi pou ou letan ki ou’n vini avek ou Minis. Madanm Sirame mersi pou ou letan ki ou’n vini pou asiste sesyon.  Prezan nou ava eskiz zot, nou ava swet zot tou de bon an mezir ki zot travay dir pou fer lafanmir vin en unit solid.  Nou a eskiz zot.

 

(MINISTER SIMEON WAS EXCUSED AND HER DELEGATION WAS EXCUSED FROM THE HOUSE)

 

MR SPEAKER

Eski nou kapab demann Minis Dogley pour zwenn nou dan Chamber silvouple.  Mr Dupres ou kapab vin devan o-bor Mr Morin please asize.  Bon lo lapar Lasanble Nasyonal mon ti a kontan swet labyenveni dan Lasanble apre midi Minis Didier Dogley Minis pour Lanvironnman Lenerzi ek Sanzman Klima.  I akonpannyen par CEO PUC Mr Philip Morin e si mon’n byen remarke Principal Engineer Water Division of PUC Mr Franky Dupres se sa?  Tre byen, byenveni e toudswit san tarde Minis mon a demann ou pour fer ou statement lo sa ki ou’n dekrir konman ‘The National Sanitation Master Plan’.  Laparol i pour ou.

 

MINISTER DIDIER DOGLEY

Mersi Mr Speaker.  Mon swet en bonn apre midi Mr Speaker tou bann Manm Onorab e tou dimoun ki pe ekoute.  Mr Speaker rezon pour prezant sa plan avek Lasanble ozordi apre midi se pour enform bann Manm Lasanble lo sa plan sanitation entegre e konpreansiv pour Mahe, Praslin avek La Digue ki PUC in fek fini prepare avek led bann konsiltan ki sorti kot sa lakonpannyen MWH.  Konman zot konnen kalite sanitasyon dan en lakour dan en kominote pour en pei, i enportan pou asire ki i annan en o nivo lizyenn pour lasante imen e lanvironnman, e pour asire ki bann zabitan i annan en bon kalite lavi.  Dapre Census 2010 tou bann lakaz dan Sesel i annan sistenm sanitasyon ki konvenab.  Sa in fer ki Sesel in achieve sa target pour sanitasyon anba bann Millennium Development Goals.  Prezan, nou pour bezwen amelyor bann sistenm sanitasyon pour nou kapab achieve target 6 anba Sustainable Development Goals e azanda 2030.  Sa plan ki’n ganny fer o nivo konsep, i donn bann gran laliny ki mannyer Gouvernman i devret envestir dan sa bann sistenm sewage santralize lo sa 3 zil.  Sa bann nouvo sistenm pour ranplas bann sistenm endividyel, septic tank e soakaway, ki ganny trouve en pe partou lo Mahe, Praslin e lo La Digue.  Obzektif primer sa plan lo Mahe, Praslin e La Digue sete pour fer sir ki i annan en lyen direk ant bann diferan sekter lekonomi, ki itiliz diferan kalite delo e asire ki zot ganny vwar dan en sel optik e sa i pour ganny devlopman Sesel an zeneral.  I pou ede amelyor stratezi ki PUC in enplimante konsernan servis sanitasyon dan pei pour sa 10an ki pe vini.  I pour osi donn gidans PUC lo bann envestisman ki i pour bezwen fer konsernan son resours imen, bann progranm ledikasyon e lenfrastriktir ki pour neseser.  Pandan bann dernyen lannen in annan bokou devlopman en pe partou lo Mahe, Praslin e La Digue.  Sa in koz bokou presyon lo bann sistenm sewage ki deza egziste sirtou deza dan bann landrwa kot i annan o dansite popilasyon; ouswa kot sa water table ouswa nivo delo anba later i o.  Sa in fer ki bann delo sal pa’n toultan ganny trete byen, e zot in poz en danze pour lasante imen e lasante lanvironnman.  An menm tan bann sistenm septic tank avek soakaway, i pran i bezwen serten kantite teren pour enstal zot.  Pour laplipar devlopman, Planning Authority in bezwen demann dimoun pour annan o mwen en 400 met kare pour asire ki zot kapab enstal sa sistenm tretman delo lo zot propriyete.  Kot i annan en sistenm sewage santralize, sa bann problenm i ganny minimize ouswa i ganny eliminen.  Pour le moman i annan anviron 15 poursan popilasyon ki’n ganny kouver par en sistenm sewage santralize.  Tou sa bann landrwa zot lo Mahe sa i Greater Victoria ki annan apepre 3082 propriyete ki’n ganny konekte ; Beau Vallon/Bel Ombre i annan 487 ki’n ganny konekte Anse Aux Pins  kot Chetty Flat i annan 43 ; Pointe Larue  – Nageon Estate i annan apepre 175 koneksyon.  Alor Gouvernman in vwar li neseser pour akse ler envestisman dan sewage santralize.  PUC atraver en Don £1.1 milyon ki’n ganny avek African Water Facility, in finans sa Master Plan.  Sa plan i baze lo en sistenm entegre ki apel Integrated Urbal Water Management.  Sa i en lapros ki konsider delo sal – delo dan tou son laform, depi delo lapli drenaz sistenm larivyer e delo sal.  E ki mannyer zot tou zot kapab ganny zere, e itilize pour amelyor lavi imen e soutenir lasante lanvironnman dan en konteks imen.  Anba en tel lapros i enportan, pour bann delo ki’n deza ganny servi e konsidere sal, zot osi zot ganny trete reitilize pour serten aktivite.  Sa nouvo konsep i baze lo en nouvo panse, konsernan delo sal ki dir ki delo pe nenport son kalite i en resours ki kapab ganny itilize pour serten sekter.  Sa plan, pa’n zis ganny ekrir pour adres serten problenm sanitasyon, me osi pour adres lezot defi parey problenm mank delo; redwir emisyon lo bann gaz ki afekte klima, e ogmant lefikasite lenerzi.  Bann konsiltan MUH ti konmans travay lo sa plan an Fevriye 2016.  E sa plan fek fini ganny konplete.  In pas atraver 3 Miting Konsiltatif kot bann reprezantan plizyer lorganizasyon ek bann manm piblik  in ganny sans kontribye zot pwennvi.  Bann propozisyon ki’n ganny met devan atraver sa plan i konm swivan: pour Mahe sa plan pe propoz 10 sewage catchment avek son prop stasyon an tretman.  Dan sa 10 i annan 2 ki deza egziste ; sa se Providence, Beau Vallon.  I pe propoze ki i annan enn osi Anse Etoile e sa pour kouver Anse Etoile li menm Ile Du Port, Ile Perseverance, Ile Aurore  e sa stasyon tretman li i Ile Aurore.  En lot landrwa kot i pe propoze annan enn sa enn ki nou apel Greater Victoria Sewage System ki pour ganny expand pour li kouver La Rivière Anglaise, Mont Buxton, St Louis, Mont Fleuri, Plaisance e i ale ziska Cascade kot Anse Déjeuner.  I pe ganny propoze ki Pointe Larue, i osi i ganny son prop sistenm tretman.  E son STP li i pour baze lo Pointe Larue kot i deza annan enn pa tro lwen kot Sant Sosyal laba Pointe Larue.  Anse Royale in ganny propoze pour annan son prop sistenm pour li.  Takamaka osi.  Baie Lazare osi pour annan enn spesifikman pour Baie Lazare Anse Boileau pour osi pour annan enn spesifikman pour Anse Boileau, Grand Anse, Port Glaud osi, sakenn pour li.  E Beau Vallon li sa enn ki deza egziste pou ganny expand pour li kouver Glacis, Beau Vallon e Bel Ombre.  Pour Praslin in ganny propoze ki Praslin i ganny divize an 2 dan sa 2 distrik ; ki Baie Ste Anne Praslin i ava annan son prop sistenm.  E Grand Anse Praslin osi i ava annan son prop sistenm.  Pour La Digue sa i pa’n ganny kouver dan sa letid akoz pour La Digue i ti’n deza ganny kouver anba en lot proze ki apel Neptune Project e tender in fini ganny fer.  E proze i sipoze ganny demare boner lannen prosenn an 2018.  Enn bann konponan sa plan, sete pour fer en letid lo itilizasyon bann delo ki sorti dan bann stasyon sewage santralize pour bann aktivite non-potab.  Savedir pour delo ki pa bwar.  Sa letid i montre ki demann pour sa kalite delo, i bokou plis ki sa bann stasyon pour kapab prodwir.  Sa i sirtou pour bann aktivite parey irigasyon kot bann lotel; lo bann laferm e pou bann aktivite endistriyel.  Sak sa bann sistenm, pou kapab prodwir apepre 1500 met kib delo par zour.  Sa sistenm pou bezwen en nouvo sistenm distribisyon pour li menm.  Sa plan pe osi propoze ki bann organic waste i ganny transformen pou ganny servi konman fimyen pour landscaping e lagrikiltir.  Pour sa osi i annan en gran demann.  E parey pour delo sorti kot sa bann stasyon sewage, Gouvernman pour bezwen met an plas bann standar ek bann guidelines, pou fer sir ki sa bann kondisyon i ganny meet a toultan.  Prodiksyon potansyel pour Mahe pour bann solid waste i apepre 35 tonn par zour.  Pour Praslin i 5 tonn.  Pour La Digue i 1 tonn par zour.  Sa plan i osi adres bann mezir ki neseser pour enplimant li avek sikse.  Sa i enkli training pour bann staff PUC ki travay avek sewer.  Ledikasyon piblik pour bann size konsernan sistenm sewage santralize, pour etablir en sant demonstrasyon lo Mahe e lo La Digue pour teste e montre konman pour servi bio solid e delo ki sorti kot sa bann sant.  Epi determin bann sipor ki PUC i bezwen pour li enplimant sa bann proze.  An plis i bezwen determin bann Polisi e Regilasyon ki Gouvernman, pour bezwen met an plas, pour adres itilizasyon bann bio solid e delo ki sorti kot sa bann sant – sa bann stasyon.  Sa plan sanniter, ler i pour ganny enplimante i pou anmenn bokou benefis direk e endirek pour pei.  Bann benefis direk i   i anviron – i vedir ki i anviron 80 poursan popilasyon.  Sesel pou’n ganny kouver atraver en sistenm sewage santralize.  Pou annan en gran rediksyon dan la kalite polisyon atraver, bann soakaway ki pa pe mars byen.  En rediksyon dan bann ka ki afekte lasante piblik.  En ogmantasyon delo pour itilizasyon dan bann sekter prodiktiv ; en gran rediksyon dan la kantite septic tank e soakaway dan pei – ki vedir plis later pour kapab itilize pour lakaz e bann lezot aktivite.  Bann benefis endirek  enn, se ki PUC pour kapab kolekte en pe plis reveni pour sa bann lezot prodwir ki i pe prodwi.  2enm i pou annan plis training pour bann staff sorti kot PUC.  E 3enm i pou ede promot Sesel konman en pei dirab.  Sa proze li menm pandan 10an, i sipoze kout Gouvernman R1.6 Bilyon, pour enplimant li.  E i sipoze konmanse an 2020 pour ale ziska 2029.  Son final rate of return, i anviron mwen 10.4 poursan e son economy rate of return i pou apepre 7.2 poursan.  Pou finans sa plan, in ganny propoze ki PUC i ogmant tarif par 15poursan par lannen, pandan sa 10an pou kapab anmas ase larzan pour fer sa proze rantab.  Gouvernman i pour bezwen pran en desizyon, si i pour aksepte sa propozisyon ki’n ganny mete dan sa plan, ouswa kontinyen subsidize servis parey i pe fer ozordi.  Apre ki sa Sanitation Master Plan in ganny aprouve par Cabinet, PUC pour bezwen fer en Donors Conference an Oktob sa lannen.  E apre konmans travay lo bann plan detaye pour bann landrwa priyorite.  Sa plan i ekspekte konmans enplimantasyon parey mon dir an 2020, ler tou bann plan teknik e bann costing e bann EIA i a fini ganny fer e PUC i ava annan sa bann larzan osi pour li kapab konmans enplimante.  Mersi Mr Speaker.  Se sa mon Statement pour ozordi apre midi.

 

MR SPEAKER

Mersi Minis.  Eski i annan okenn kestyon, klarifikasyon sizesyon ki Manm i anvi fer lo sa Statement ki Minis Dogley in fer.  Onorab Ferrari.

 

HON JEAN-FRANCOIS FERRARI

Mersi Mr Speaker e bonn apre midi Minis avek ou delegasyon.  Detrwa pti pwen klarifikasyon silvouple.  Mon ti’n note a lafen ou’n konfirmen poudir, si sa servis i ganny enplimante i pour en servis ki pou peyan ki ase rezonnab pour mazinen ki tou servis ou peye.   Me eski sa sif 15poursan logmantasyon eski premyerman ou pe dir 15 poursan sa ogmantasyon lo servis lye aktyelman avek sewage?  Oubyen ou pe dir 15 poursan ogmantasyon zeneral lo bann tarif?  Mon krwar sa i en keksoz en pe enportan.  Mon 2enm kestyon se, eski i deza Minis ou kapab dir nou si ou Minister in fini etablir serten distrik ki priyoriter, baze lo bann problenm ki egziste an se moman, si i annan detrwa distrik ki bezwen ganny atake en pe rapidman?  Mon ti a osi kontan ler ou pe reponn sa kestyon si ou kapab dir nou si i annan sityasyon dan serten distrik oubyen dan Victoria ki kritik mon mazinen dapre standar lasante oubyen bann standar similer so eski i annan bann landrwa ki kritik?  Mon 3enm pwen i konsern ou’n fer referans avek finansman posibilite, pour lans en Donors Conference mon remarke dapre lenformasyon ki mon pe gete lo MWH ki sa letid fezabilite in ganny finanse par Labank Afriken Devlopman mon krwar ; eski pour bann proze sewage eski zot kapab eski zot konsidere dan menm pannyen ki bann proze lanvironnman pour proteksyon lanvironnman ?  E eski Minis i kapab dir nou si i annan bann finansman konstitisyonnel ki egziste e eski i annan osi serten Don ki kapab vini dan sa proze dan en fason ki nou pei pa bezwen bare the whole cost of sa devlopman?  Vwala mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker e mersi Onorab Ferrari pour ou bann kestyon.  Premyerman wi sa tarif 15poursan ki nou ti pe koz lo la 15poursan lo tarif i direkteman pour fer avek sewer.  I napa nanryen pour fer avek elektrisite ek delo.  I senpleman pe dir si nou oule sa proze i vyab sel fason ki nou fer li vyab, i either Gouvernman i sibvansyonn sa proze ouswa si i le pas sa kou avek piblik, i pou bezwen ogmant sa kou par 15poursan tou-le-z-an ki a lafen in vin 4 fwa pli ser ki i été la konmela baze lo kalkilasyon ki nou’n fer.  Alor i annan de fason fer li either en dimoun i bezwen peye tou-le-z-an pour sa 10an ki pe vini.  E apre 10an – savedir an 2030 si en dimoun ozordi par egzanp i pe pey apepre premye 10 met kib delo i ape pey R7 par met kib.  E ki vedir normalman average en lakour baze lo statistik mon gannyen avek PUC, en lakour pe pey li apepre R70 par mwan, i vedir ler pour ariv 2030 sa lakour pour bezwen pey li R280 pour sa menm servis.  Sa dan 10an.  Savedir si ou apply sa sistenm 15 poursan.  Ouswa Gouvernman pour bezwen abzorb sa kou si pa le pass it on.  2enm keksoz konsernan bann priyorite, bann distrik, PUC pour bezwen etablir bann kriter par egzanp dan mon Statement mon dir bann landrwa ki annan bann high ouswa tre o popilasyon ;  kot bann lakaz i vreman pre i annan en dansite ase pre, i enn bann kriter bann landrwa ki nou bezwen adrese.  Epi 2enm i bann landrwa parey La Digue, kot nou konnen, ouswa dan plato Pointe Larue kot nou konnen poudir water table parey nou dir an Angle, ouswa o nivo delo anba later i tre o,  dan sa bann ka soakaway pa marse ; akoz i deza dan delo.  Alor sa i bann landrwa bann kriter ki PUC i pour bezwen servi, pour li adres sa bann landrwa.  E deza i annan bann travay ki pour ganny fer avan 2030 sorry avan  2020 avan ler sa proze i konmanse ; par egzanp i annan bann travay ki pe ganny fer pour design, pour Plaisance dan plato kot in annan en kantite devlopman. La Louise i enn bann lezot landrwa ki nou pe regarde.  Nou a pe regard Providence kot i annan en kantite devlopman ki’n ganny fer Zone 18.  Epi i annan Pointe Larue i annan bann landrwa ki nou pe regarde pour nou adrese.  E Anse Aux Pins osi i annan serten landrwa osi lo nou lalis.  E Beau Vallon osi i annan plizyer lakaz, ki nou pe konekte deza.  E pli gro travay ki PUC pour fer avan 2020, se La Digue li menm, kot nou pour konekte apepre 95 poursan popilasyon La Digue anler lo en sistenm sewer ki sipoze demare dan premye kar lannen prosen.  Konsernan finansman, finansman, in sorti kot African Water Facility ki en lorganizasyon ki baze laba kot African Development Bank, me selman i en lorganizasyon endepandan.  An zeneral bann lakonpannyen – bann lorganizasyon lanvironnman, ki pour mwan an zeneral ler ou regard sanitasyon, wi i en keksoz ki direkteman lyen avek lanvironnman, e sanmenm ki’n ganny ekrir konman en target Sustainable Development Goals ; target 6 ki annan pour fer avek delo e sewer.  Me solman laplipar sa bann lorganizasyon zot pa donnen Don pour ou fer lenfrastriktir.  E sirtou pour en pei parey Sesel, kot nou GDP i sitan o, i preski enposib pour ganny bann Don pour  sa bann keksoz parey.  Me solman sa letid, sa Master Plan ki’n ganny fer pour Sesel, in ganny finanse par African Water Facility ki’n donn sa larzan i en  Don – i en Grant . I pa en pre ki Sesel in fer.  Nou’n ganny £1.1 milyon ki nou pa pour bezwen rann pour fer sa plan.  Alor sa bann lorganizasyon i pare pour ed ou, pour ou fer ou plan pour prepar bann travay ki annan pour fer.  Me selman zot pa vreman met larzan dan lenfrastriktir li menm.  Se sa la diferans ki egziste.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Bonn apre midi Minis avek ou lekip.  Minis, lefe ki ou’n nonm bann, distrik ki sa bann proze pe al ganny enplimante dan lavenir.  Mon ti a kontan demande si zot in sekiriz bann propriyete kot sa bann proze pour ganny enplimante?  Lefe ki nou konnen ki o nivo distrik, i annan plizyer devlopman ki pe arive; eski in annan sa travay ki’n ganny fer ?  E an plis lefe nou konnen ki i annan serten keksoz negativ ki vin avek, eski Lotorite Distrik letan zot in idantifye sa bann sit, Lotorite Distrik  avek pep distrik pou ganny konsilte ?  Premye kestyon.  Dezyenmman Minis, lo rikord Grand Anse Mahe mon anmenn en kestyon avek en Mosyon vizavi sa size, e swivan kestyon vizavi Onorab Ferrari in demande lo kote priyorite, baze ou larepons Minis mon pe demande si en letid in ganny fer, ouswa pou ganny fer pour kapab determin sa priyorite?  Mersi Mr Speaker.

 

MR SPEAKER

Minis.

 

MINISTER DIDIER DOGLEY

Konsernan later pour pas sa bann lenfrastriktir, PUC in deza fer serten travay dan serten distrik.  E an zeneral i pa en louvraz ki fasil.  Mon ti a voudre ganny sipor tou bann Onorab osi, ki reprezant zot distrik, dan en fason ki nou kapab ganny korperasyon tou bann dimoun dan distrik e ki zot konpran ki sa i pe ganny fer, pa pour PUC, me dan lentere tou dimoun ki reste dan sa distrik.  Leeway in toultan en problenm; menm pour nou kot Lanvironnman, ler nou travay lo sistenm drenaz, nou ganny en kantite difikilte pour ganny leeway avek dimoun, akoz zot pa oule tel keksoz i pas lo zot propriyete, menm si pe pas lo boundary zot propriyete.  Alor i pou bezwen annan en kantite konsiltasyon wi.  Nou pa pou kapab senpleman antre fer bann diferan – fer sa ki nou oule.  Nou pou bezwen konsilte avek bann dimoun, e fer dimoun konpran poudir sa i dan zot lentere.  Akoz ler ou pou konekte avek en sistenm sewer, i vedir ki ou pour napa soakaway avek septic tank lo ou propriyete; ki vedir ou kapab servi ou propriyete bokou plis ki ou kapab servi la konmela, ler ou pou annan sa bann kalite fasilite lo ou later.  Epi dezyenmman, sak fwa ki ou bezwen ponpe, al netway sa bann tank eksetera tousala pour nepli egziste.  Akoz i pou senpleman al dan sistenm; i pour sorti i pour ale.  E sa bann kou mentenans soakaway avek sewer, pour nepli en keksoz ki ou bezwen deal avek parey si ou annan li lo ou propriyete.  Konsernan priyorite i en keksoz parey mon pe dir, premye keksoz se PUC i bezwen fer sa Donors Conference.  I bezwen konnen ki kantite larzan i annan dan – in kapab gannyen.  Ler in ganny sa kantite larzan ki’n trouve, ki i kapab gannyen, si i ganny tou sa R1.6 milyon i kapab pran Bilyon ki i bezwen.  E i kapab fer li.  Then PUC i kapab ale fer tou.  I ava konmans ek bann priyorite premye epi i ava travay lo bann lezot.  Be premye keksoz ki pour determinen kantite i kapab fer se son finansman.  Epi 2enm keksoz se i bezwen annan kriter kle e kler.  Parey mon deza nonmen ler Onorab Ferrari ti demann mwan sa kestyon, se ki ou bezwen annan bann kriter kler ki obzektif ki pa soubzektif, ki montre egzakteman akoz ki ou pe pran sa desizyon lo tel fason.  Mon konnen poudir tou Onorab ti a voudre zot distrik i pas premye, me solman nou pour bezwen regard li dan en fason obzektif.  Mersi Mr Speaker.

 

MR SPEAKER

Onorab Valmont.

 

HON JUDE VALMONT

Mersi Mr Speaker.  Bonn apre midi Minis avek ou delegasyon avek Manm Onorab.  Minis mon byen kontan pour aprann ki Pointe Larue i tonm parmi enn – sirtou rezyon Les enn sa bann landrwa ki zot in idantifye konman priyoriter.  E parey zot konnen, nou annan en high – very high water table e lontan nou dan demars pour zisteman rod koneksyon avek sa laliny.  Minis mon kestyon pe vini – annan pasyans Onorab – zisteman Minis ou’n menm fer resorti mon apresye ankor pour le moman ki nou esper sa Master Plan, zot in nobou donn nou en solisyon dan bann landrwa ki nou’n vwar i ase kritik, e ki i ase pre avek STP.  Sa i kot compound Ladministrasyon Distrik.  Minis mon kestyon i konm swivan ; pour benefis bann zabitan rezyon Les mon ti a voudre konnen konbyen sa proze – sa bout sa staz proze i arive from Anse Déjeuner ziska – parey ou’n dir mon krwar Au Cap ?  Mon 2enm kestyon, eski pour annan en kou inisyal – pour koneksyon parey en nouvo landrwa en nouvo lakaz pour li konekte premye fwa avek sa laliny ek sa servis?  E mon 3enm e dernyen kestyon se ki prosedir ki en nouvo lakaz pour bezwen fer si i deza dan sa rezyon ki deza annan sa servis, ki prosedir i bezwen fer pour li konekte avek sa laliny?  Mersi.

 

MR SPEAKER

Minis.

 

MINISTER DIDIER DOGLEY

Mr Speaker Pointe Larue parey mon’n dir, i enn bann landrwa ki nou pe targete as kle; akoz i enn bann landrwa ki letan i annan gro lapli, i annan en kantite problenm inondasyon.  Epi menm son nivo water table i tre o e i tre dans.  Konbyen i pou koute Onorab ou’n demann mon pour fer sa bout?  Akoz pou konmansman Anse Déjeuner ziska Pointe Au Sel i deza annan en proze ki nou’n deza travay lo la.  Alor i annan bann detailed plans e costing ki’n fini fer pour sa bout Mahe li menm.  Sa ti ganny fer depi an 2014 par GIBBS.  E sa plan in fini ganny etablir.  E an tou nou ekspekte i pou kout apepre en demi Bilyon pour konekte antye sa bann landrwa.  Savedir i pa – sorry – i pa Pointe Au Sel ziska Anse Déjeuner ; i Pointe Au Sel ziska Brillant.  Savedir Cascade tousala i deza ladan.  I deza enkli dan sa bann zafer.  Ou 2enm bout kestyon, ou’n demann mwan lekel ki pou pey bout koneksyon?  Pou speed up sa bann prosesis, pandan bann lannen depi 2015 Gouvernman in pran desizyon pour li abzorb – pou PUC abzorb sa kou.  Par egzanp, bann koneksyon ki ganny fer dan Beau Vallon – ki pour ganny fer Pointe Larue, epi ki pour ganny fer La Digue, tousala Gouvernman pour abzorb sa kou.  Dimoun ki pou bezwen, se zis senpleman PUC pou anmenn sa bann koneksyon zis an deor zot lakaz, e zot pour bezwen konekte avek, apre zot kapab kontinyen operate.  Konsernan aplikasyon; well ou kapab ale ranpli en form – mon espekte kot PUC, e ou fer ou laplikasyon e PUC i vin vwar e regarde ki zistans son sistenm koneksyon i été avek ou lakaz.  E si i fer sans, i fezab, then PUC i a fer le neseser pour konekte ou avek Sistenm Centralized Sewer.  Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker.  Bonn apre midi tou dimoun kestyon ki mon anvi poz Minis Dogley i dir nou ki dan rezyon Greater Victoria ler nou pe koze i annan 3082 propriyete ki’n konekte.  Donk mon ti a kontan demann li sa i reprezant ki poursantaz popilasyon dan sa rezyon Greater Victoria?  E mon mazinen letan nou pour get li bann meter delo, nou kapab ganny en poursantaz.  Dezyenmman, ozordi letan nou pe pase dan distrik dimoun ape demann nou bann lenformasyon lo ki fason zot kapab konekte.  So over the years, mon anvi konnen kwa bann fakter ki’n anpes dimoun konekte en pe pli vit ?  Ki kekfwa ozordi nou ti ava annan plis ki 3082 propriyete.  E 3enm e dernyerman vitman, Minis in dir ki zot pe konsider en to 15poursan, i ava annan en ogmantasyon si bann konsonmater pour peye zot menm.  Now nou 2017 prenan kont ki i ava annan en pe plis lakour, ki a konekte avan 20 ’20 – ’21 ki sa proze pour roll out ,si kekfwa zot ava konsider reviz sa 15poursan ; akoz bokou dimoun ava konekte avan 2020, ki matematikman  petet kapab konsider  fer desann 12 olye 15.  Mersi.

 

MR SPEAKER

Petet Minis avan ou reponn Onorab Loizeau ou annan enn dan menm laliny?

 

HON NORBERT LOIZEAU

Yes Mr Speaker.

 

MR SPEAKER

Petet ou a poz ou kestyon apre Minis i a reponn.

 

HON NORBERT LOIZEAU

Mr Speaker mon anvi zis en klarifikasyon avek Minis vi ki in koz enlargement Greater Victoria, ou’n nonm tou sa distrik dan Victoria espekte Bel Air.  Eski i pa enkli ladan?  Mon pa konnen si en fot lo ou par, mon pa’n tann ou nonm Distrik Bel Air ladan.

 

MR SPEAKER

Avan Minis ou reponn mon krwar Onorab Churchill Gill i annan enn relye ou ava fer en sel zafer.  Onorab Gill.

 

HON CHURCHILL GILL

Wi mersi Mr Speaker i relye akoz i pe koz lo peyman.  Vi ki bann zabitan pour pey sa servis ler i ganny konmisyonnen, akoz Gouvernman pa pey an totalite pour sa proze?  Oubyen zwenn piblik lanmwatye e Gouvernman i a pey lanmwatye e piblik i a kontribye lanmwatye?

 

MR SPEAKER

Minis.

 

MINISTER DIDIER DOGLEY

Konsernan kestyon lo poursantaz ki Greater Victoria i konekte mon ganny dir ki i annan apepre 15poursan dimoun dan sa landrwa ki’n ganny konekte.  Bann baryer ki ti egziste ti enn ti annan en kou ; i annan en bon pe dimoun – mon krwar ti apepre ant R15 mil ouswa  ant R10 a R15mil pour  dimoun konekte.  E serten sa bann dimoun ti vwar li en pe ser, zot pa’n pare pour depans sa larzan.  I rezon akoz  ki aprezan Gouvernman in pran en desizyon pou demann PUC, pour abzorb sa kou pour anmenn sa koneksyon pli pre avek lakaz dimoun.  Ki dan en fason i fer li pli fasil, pou dimoun konekte.  E depi ki sa in konmans ganny fer, bokou plis lakaz in come onboard e zot pe konekte.  Epi 2enm keksoz, se ki i annan bann travay ki PUC ti bezwen fer lo laliny Greater Victoria, ki i ankor pe fer, parey si ou ti vwar anvil par egzanp, i annan plizyer gro tiyo ki’n ganny ranplase – ki’n sa.   Avan ler ki i kapab pran plis, in bezwen remet son bann sistenm azour.  E i annan ankor annan bann travay pour li fer.  Sa i pli zou mwen bann main issues ki ti annan.  Konsernan Bel Air mon’n nonmen Bel Air i tonm anba Greater Victoria mon ti nonm La Rivière Anglaise, Mont Buxton, Bel Air, Mont Fleuri, Plaisance e Cascade.  Be la mon re nonm ankor – mon konfirmen poudir Bel Air i dan Greater Victoria.

 

MR SPEAKER

St Louis.

 

MINISTER DIDIER DOGLEY

Konsernan peyman sa proze.  Sa proze li menm pour ganny finanse par bann Bailleur de Fond ki Gouvernman pour bezwen al rod larzan an deor.  Akoz Gouvernman pour napa ase larzan pour li menm li finans sa. Me PUC osi pou napa larzan pour li finans  sa an antye.  Annefe larzan ki PUC i annan i deza pe fer bann bout ki mon nonmen dan bann diferan distrik.  Ler Gouvernman pour fini ganny sa larzan, Gouvernman i pou bezwen re pey sa bann kou.  E a lafen, sa 15poursan ki mon pe koz lo la, la, se ki ler ou fer en legzersis parey, ou bezwen regarde ki mannyer ou fer en proze vin vyab.  Zis parey si ou’n build en batiman, ou bezwen rode ki mannyer ou retir sa larzan dan sa proze.  E zot pe propoze, se ki pour kapab retir sa larzan dan sa proze, se ki bann dimoun ki itiliz sa servis, zot pou bezwen pey – ogmant – Gouvernman pou bezwen ogmant sa par  15poursan par lannen eksetera ; ouswa Gouvernman li menm li i pou bezwen abzorb sa kou.  E sa i en desizyon ki Gouvernman i pour bezwen pran, dan bann mwan ki pe vini.  Mersi Mr Speaker.

 

MR SPEAKER

Onorab Henrie Onorab Valmont.  Wi Onorab Henrie ou anvi ou poz en supplementary question?

 

HON GERVAIS HENRIE

Wi sa dernyen pti pwen ki mon ti pe lev-e avek Minis, se ki dan lenplimantasyon sa proze kekfwa PUC, ansanm ek ou Minister i merit ankouraz bokou plis lakour ozordi pour konekte.  E si sa i arive ant la ziska ler sa proze i ganny komisyonnen an 2020, kot ava annan bokou plis ki 3 mil ; par egzanp mon pe pans dan Greater Victoria plis ki 3082, e ki petet i kapab ou ava dir nou si sa i korek fer – ki olye 15 poursan, i kapab redwir.  Akoz si ou annan bokou plis lakour ki’n sign up to the project.

 

MR SPEAKER

Minis.

 

MINISTER DIDIER DOGLEY

Mr Speaker, parey mon dir Gouvernman in deza pe tir bann baryer pour anpes dimoun konekte – par senpleman tir sa kou e soz.  E alor nou pour nou, i dan lentere Gouvernman pou dir plis dimoun i vin anler lo en sistenm.  Si ou annan en sistenm ou’n envestir, i egziste plis dimoun i lo la, plis i pli bon plis.  I pli bon pour PUC osi, akoz i kapab re anmas plis larzan pour li pey son fre, pour li maintain sa sistenm.  Alor wi, ant la ziskan 2020 nou pour kontinyen pouse pour annan plis dimoun vin anler lo sistenm.  Mersi Mr Speaker.

 

MR SPEAKER

Onorab Churchill Gill ou ok ou kestyon in ganny reponn?  Ok mersi.  Onorab Herminie.

 

HON WILBERT HERMINIE

Mersi Mr Speaker.  Bonn apre midi Minis.  Minis ler mon pe get ou plan i ase anbisye wi ; linisyativ i bon.  Solman mon pe mazinen ler ou konmans sa proze an 2020, mon pe gete sirtou lo sa network Greater Victoria, kantite letan i pour pran zot pour konstri sa stasyon avek son connecting network ?  Sa i mon premye kestyon.  Mon 2enm kestyon, eski bann proze ki’n deza ganny earmark dan La Rivière Anglaise ki nou’n fini anvoy kot PUC, eski sa bann proze pa pour ganny afekte avek sa plan, sirtou proze dan leo Ma Joie.  Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Speaker mon pa’n vreman konpran sa 2enm kestyon.  Ki kalite proze ki ou pe koz lo la ?

 

MR SPEAKER

Onorab Herminie ou kapab anmenn en pe klarifikasyon?

 

HON WILBERT HERMINIE

Yes Mr Speaker mersi. Mon kestyon i koumsa; vi ki ou’n dir i annan sa proze sa Master Plan ki ou pour konmanse an 2020.  Mwan mon kestyon i lo bann proze ki nou’n deza earmark la konmela, sirtou dan La Rivière Anglaise anler dan leo Ma Joie, ki nou’n deza anvoye.  Eski sa bann proze pour ganny afekte par sa Master Plan?

 

MR SPEAKER

Ok Minis?  Ou kapab…?  Ou’n ganny li?

 

MINISTER DIDIER DOGLEY

Mon krwar mon konpran ki i pe dir.  Konsernan bann lakaz ouswa bann devlopman ki egziste, zot pou kapab kontinyen.  Annefe nou’n konekte mon krwar lannen pase ek lannen avan plizyer lakaz dan La Rivière Anglaise, e nou pour kontinyen konekte bann lakaz dan distrik La Rivière Anglaise.  E laplipar delo sal i pour al dan stasyon tretman Providence.  Ler sa sistenm pour Anse Etoile i vin an mars, i annan serten morso dan landrwa dan distrik La Rivière Anglaise, ki li i pour ganny konekte avek sa lot sistenm ki al Ile Aurore  kot tretman pour Ile Aurore.  Me selman pour le moman La Rivière Anglaise tou bann distrik ki pli zou mwen dan santral Victoria zot tou zot pour al Providence kot sistenm ki deza egziste.  E sa sistenm Providence i sipoze ganny upgraded pour li kapab pran li plis delo pour li kapab trete.  Dezyenmman konsernan ou bann proze ki ou annan dan distrik; definitivman PUC i pou kontinyen travay avek bann devloper; avek bann lezot Lazans pou fer sir poudir, bann fasilite i egziste, ouswa Rezerv i ganny garde, pour li kapab pas bann tiyo pou kapab konekte sa bann diferan devlopman, ki ou pe anvizaze fer dan lefitir.  Akoz lide se bann landrwa parey Irban bann landrwa parey dan milye lavil ouswa ki pre ek lavil, se bann landrwa kot i deza annan sistenm ki egziste.  Se sa bann landrwa ki nou pour target pour konekte pli vit posib.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Bonn apre midi Minis ek ou delegasyon.  Mr Speaker premyerman mon bezwen welcome sa proze la, sa National Sanitation Master Plan, akoz Cascade o konmansman pa ti enkli lo la.  E avek vreman determinasyon, e pouse, kantite presyon ki mon’n mete – Mr Morin i la, i konnen, mon’n oblize e forse ki sa i  i enkli – i antre. Cascade i antre dan sa plan.  E an menm tan nou remersye osi…

 

MR SPEAKER

Order!  Order!   Order!  Order!

 

HON CHARLES DE COMMARMOND

…Prezidan Faure ki’n krwar dan sa determinasyon ki mon’n mete pour sa arive.  Mr Speaker eski Minis i kapab dir nou 2 keksoz; enn ki timeframe pour egzekit sa plan? Si i annan enn.  E dezyenmman, akoz ki son Minister or akoz ki Gouvernman atraver Planning Authority, ki son Minister i annan en reprezantan lo la, e atraver osi Environmental Health ki annan koneksyon ek sanitasyon, akoz zot kontinyen pini bann pti dimoun Cascade, ki i annan en plan – plan lakaz kot landrwa i sere, e ki zot napa sa grander ouswa zistans ek balizaz parey Planning Authority i demande, me ki mon pe demande ki zot egzers en pe fleksibilite.  Mr Speaker ou a rapel sa fiy Cascade ki ti vin kot ou e ki pe vwar Mr Choppy demen.  E ki akote menm dimoun, Lotorite Planning in fini aprouv en ka en gro batiman, avek en sistenm sewage ki pa bann ki normal; konmsi mon le dir in annan sa sistenm ki ponpe, me akoz pour sa senp dimoun Cascade, ou pa aksepte – zot pa pouse pou aksepte sa – annan sa fleksibilite.  Lefe ki ou konnen e ki Lotorite i konnen e ki Gouvernman i konnen – e la i pour pli konnen atraver sa ki ou pe fer dan Lasanble, poudir evantyelman zot pour konekte ek sewage sistenm.  Konmsi annou sey get dimoun e fer fasil – fer li rezonnab, pour ki dimoun i kapab egzekit zot plan, zot devlopman lakaz pou tir presyon lo zot menm, lo Gouvernman lo zot tou.  Mersi bokou.

 

MR SPEAKER

Minis.

 

MINISTER DIDIER DOGLEY

Mr Speaker premye kestyon i baze lo timeframe; ouswa konbyen letan i pour pran pour enplimant sa proze.  Parey mon dir i sipoze pran 10 an.  E i pou konmans an 2020 e i fini an 2030.  Sa son timeframe.  Konsernan sa ka spesifik ki ou pe koz lo la, mon pa okouran mon pa kapab donn en statement direk ki mannyer son ka i konsernen.  Me solman an zeneral, mon konnen poudir Lanvironnman nou regard sa balans, pour ed en imen, pour li kapab ganny en lakaz pour reste ladan.  Epi lo lot kote, si i pour annan bann problenm lanvironnman, avek bann problenm osi asosye avek imen – kontaminasyon; e si nou vwar poudir i preski pe zwenn enn sa bann guidelines -sa bann standar ki Gouvernman i mete, normalman nou sey accomodate.  Me si i lwen avek sa e i kler poudir pou annan bann problenm, kot tou lazournen ou pour vwar Minister Lanvironnman avek Lasante deryer sa dimoun, akoz i annan polisyon dan son lakour, ouswa o-bor lakour lezot dimoun, nou bezwen la egzers serten kosyon.  Alor mwan mon pa kapab, koz spesifikman lo sa ka.  Mon pa konnen ki mannyer i été.  Alor kot i posib nou sey pou accomodate.  Kot i pa posib, nou ankouraz Gouvernman pour ed sa dimoun dan en lot fason.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMAMRMOND

Mr Speaker mwan mon pe met sa pwen dan le sans ki Minis i kapab met sa devan avek son bann lezot koleg Minis, poudir vwar nou annan sa plan mon krwar i bezwen pas dan Cabinet dir lala i pou ganny egzekite evantyelman, e konpran an mazorite nou Seselwa ki pou tous dan sa bann distrik ki ou’n nonmen – sa Plan Nasyonal pou pas ladan la.  Bann dimoun ki la ki konmsi egzers en pe fleksibilite – vwar byen e donn sipor dimoun, rather than zis dan en fason tro ferm, tro dir pour anpes dimoun fer zot pti devlopman.  Ou konnen i pour konekte lo ou sistenm ki ou pour fer evantyelman, be alor fleksib ek li.  Sa ki nou pe demande – pour ou koze avek ou lezot koleg Minis, pour zot konpran – en fason i ava  koz avek Planning Authority, Environment Health  i a konpran  zot osi – Dr Gedeon laba, wi li osi i sorti Cascade.  Me pa zis Cascade ki mon pe koze.  Mon pe koz pour tou sa bann distrik ki dimoun i tonm ladan.  I annan sa bann problenm.  Mersi.

 

MR SPEAKER

Mon krwar Minis in byen ekout ou – in note.  Onorab Georges sa ki ou pe al demande i relye?  Alor ale.

 

HON BERNARD GEORGES

Mersi Mr Speaker dan menm laliny ki Mr Onorab Leader of Government Business Mr Speaker, mon ti a kontan demann Minis ler i ti vizit Les Mamelles en mwan pase Prezidan Larepiblik in dir : ‘’konekte tou bann vye lakaz imedyatman avek sa intergrated system pa esper demen.’’  Eski zot kapab dir nou silvouple kan dimoun Mamelles i espekte ki zot kapab monte pour fer sa?  Mersi.

 

MR SPEAKER

Minis kan bann vye lakaz pour konekte avek sistenm?

 

MINISTER DIDIER DOGLEY

Ok, mersi Mr Speaker.  Mr Speaker PUC in enform mwan poudir zot pe travay lo bann plan, pou regarde ki mannyer zot kapab konekte sa bann lakaz.  Mersi bokou Mr Speaker.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker.  Bonn apre midi Minis ek ou delegasyon.  Minis mon ti a voudre zis en pti leklersisman ou’n nonm ki sa lenfrastriktir Beau Vallon pe al ganny agrandi i sipoze agrandi.  Eski i vedir ki sa 447 lakaz ki ou’n nonmen, ki konekte avek sewage Beau Vallon?  Eski la an se moman ou a pe dir nou ki sa Treatment Plant pe ganny servi a son maximum?  E si ou osi ou annan lenformasyon, oubyen serten lide lo ki kantite lakaz ki pa ankor ganny konekte Beau Vallon lo sewage?  Mersi.

 

MR SPEAKER

Minis.

 

MINISTER DIDIER DOGLEY

Ok, mersi Mr Speaker.  Nou napa detay egzakteman.  Zot dir mwan i annan apepre mil lakaz i kapab ganny konekte lo la.  Savedir i annan mwens ki lanmwatye ki’n deza konekte.  Me solman mon ti a pli voudre ganny sa facts korek mon ava  fer anvoy kot ou.  Annefe sa lannen nou pe konekte 25 lakaz an montan Beau Vallon ler ou kit bor Stasyon Petrol an montan, pou al bor kot bann Camille i reste ; tou dilon nou pe al konekte apepre 25 lakaz e lannen prosen nou pour konekte zis kot Bas.  Apre osi ver ki vir lo Bel Ombre, lannen prosen nou pour konekte apepre 66 lakaz an tou.  Alor i deza annan bann travay ki pe ganny fer dan Beau Vallon.  Mersi Mr Speaker.

 

MR SPEAKER

Onorab Hoareau ou ti annan en adisyonnel?

 

HON JOHN HOAREAU

Wi, mon ti pe rod rezon pour lagrandisman ki ou’n dir pour fer lagrandisman lenfrastriktir Beau Vallon.  Eski i pa pe deservi – i pe servi son maximum oubyen non?  Ki ou panse?

 

MR SPEAKER

Minis.

 

MINISTER DIDIER DOGLEY

I egzakteman i mon dir.  Sa ki mon gannyen figure ki mon gannyen ki i kapab pran koneksyon avek mil propriyete.  An se moman i annan 447 propriyete ki’n konekte avek sa sistenm; savedir mwens ki lanmwatye in konekte.  Savedir i annan lespas ankor..

 

MR SPEAKER

Pour fer maximum.

 

MINISTER DIDIER DOGLEY

Pour 500 ekek lakaz pour ale.  Now ler mon ti koz lo elarzi sa sistenm, mon pa ti pe koz zis Beau Vallon.  Mon ti pe koz Glacis ek Bel Ombre.  Beau Vallon pour le moman, i annan ase kapasite pour pran ankor plis lakaz.  Ler mon ti pe koz agrandi sistenm, akoz Beau Vallon pour vin sa sant ki sa sistenm i été i pour vin sa sant ki pour pran delo sewer depi Glacis ziska Bel Ombre.  Aprezan pour li kapab tret tou sa delo, nou pour bezwen agrandi sa sistenm e fer li vin annan plis kapasite pour li adres sa bann zafer.  I 2 diferan kalite keksoz mon ti pe koz lo la.  Mersi.

 

MR SPEAKER

Ok, Onorab Hoareau?  Onorab Larue.

 

HON FLORY LARUE

Mersi Mr Speaker.  Bonn apre midi Minis. Dan distrik Anse Royale nou’n vwar MLUH in fer miting piblik e zot in montre demarkasyon later e ladan zot in point en bout later kot pou annan en proposed Sewage Plant.  Ti annan konsern sorti kot piblik lo sa proposal.  Osi resaman nou’n vwar Minis Bastienne in osi dir ki in fer referans avek en Sewage Plant ki pour deservi Bamboo Estate avek Remiz Estate ; osi dan Anse Royale ki annan problenm sewage.  Nou, nou konman Manm Lasanble nou’n partisip dan en workshop ki ti ganny fer pou fer proposal letan sa plan ti fek inisyale konmansman lannen.  Eski ou kapab dir nou lo kote standar ki sa servis ki zot pour donnen, eski i pour o nivo?  Akoz pour le moman i annan de Sewage Plant ki souvan  nou tann i annan problenm avek.  Sa enn lo Highway Providence e osi sa enn Bel Ombre ki ganny ponpe ase souvan.  Dimoun Anse Royale i annan konsern lo sa demarkasyon Anse Royale kot i été, eski standar pour o nivo ki pour napa bann problenm asosye avek?  E eski sa landrwa ki’n demarke la, eski i landrwa konfirmen lo sa Plan Nasyonal ki zot in donnen silvouple?

 

MR SPEAKER

Minis.

 

MINISTER DIDIER DOGLEY

Mersi Mr Speaker.  Konsernan Anse Royale napa en plan detaye ki egziste kot PUC ki dir kote sa stasyon sewer pour été.  Pa egziste sa plan pour le moman.  Mon pa konnen ki Minis Bastienne ti pe koz lo la, akoz mon konnen poudir son Minister i osi i fer bann Sewer Treatment Plant pour bann Housing Estate avek bann Flat.  Now i posib poudir i ti pe koz spesifikman travay ki li i pe fer anba son Minister.  Mon napa bann detay mwan.  Konsernan bann Bel Ombre nou napa en Sewage Treatment Plant Bel Ombre.  So mon pa pour konnen egzakteman.  PUC napa enn laba Bel Ombre.  Beau Belle i konekte, me pa Bel Ombre li menm.  Apre konsernan Roche Caiman, napa Treatment Plant Roche Caiman.  Sa ki annan i en sistenm laponp e sa PUC pe al ranplase avek enn nouvo.  Mersi Mr Speaker.

 

MR SPEAKER

Onorab Lemiel ou annan enn ki relye avek kestyon…

 

HON SYLVANNE LEMIEL

Wi Mr Speaker mon krwar nou bezwen koriz sa ki pe pase.  Mon kestyon i dan menm laliny avek sa ki Onorab Larue ti pe al demande – akoz ler mon lev mon lanmen ti otour sa.  Konsernan sa miting le 2 Septanm ki ti fer, ti annan bann dimoun ki ti pe obzekte ki en Sewage Treatment Plant i vin ganny fer dan Anse Royal e landrwa ki in earmark fer sa se kot landfill.  So mon kestyon ki mon ti pe vin demande, si eski PUC avek Minister Later zot ti’n zwenn ansanm pour zot desid lo sa sit.  Ok?  Akoz sa lobzeksyon ki bann dimoun ti annan ti tre for, e se sa ki nou pe – mon pe regarde. Mwan ki mon ti a kontan konnen, eski ti annan sa lyezon?  E eski se sa sit konmsi ki pli potansyel ki zot in vwar – si napa en lot sit.  Dezyenmman zis pour klarifye, sa ki MLUH ti pe fer se bann travay lo kote MLUH.  I napa nanryen pour fer avek PUC, me selman petet ti a bon nou konnen.  Olye al fer 2 depans – mon pa konnen ki egzakteman kan ki Anse Royale pour ganny son Sewage Treatment PlantMLUH li pe al fer pour li by lannen prosenn.  I dir i pe met dan Bidze pour li fer enn Remiz.  I ptipti sa, kot bann Flat, pour ki i cater pour Bamboo avek Remiz.  So antan ki nou pa konnen kan ki PUC i fer pour li, me selman osi nou pe mazinen antan ki i vin 2 depans petet osi timeframe osi kan ki Anse Royale i kapab ganny pour li.  Olye ki la lannen prosen i pe met dan Bidze.  Mon konnen i pa pou vin lannen prosen pour PUC i pa ankor fini prezante.  So en pti pe lesplikasyon lo la Mr Speaker.  Mersi.

 

MR SPEAKER

Petet avan Minis i reponn kestyon Onorab Lemiel, mon krwar Onorab Larue ou ti annan en lot siplemanter dan sa menm laliny?  Petet ou kapab poz ou kestyon apre Minis i ava reponn?

 

MINISTER DIDIER DOGLEY

Mr Speaker.

 

MR SPEAKER

Minis esper en pti moman mon krwar ti annan en menm en kestyon dan menm laliny apre ou a fer en sel reponn.  Onorab Larue.

HON FLORY LARUE

Wi mon krwar i annan… pour mwan i en siny kler, ki napa… sak Minister i travay dan en saylo.  Akoz si MLUH i demark i fer en demarkasyon pour fer en Sewage Plant e la Minis i vini i prezant en National Sanitation Master Plan e i pa aware ki MLUH in fer en Public Meeting pour li dir ek piblik Anse Royale ki i annan en proposed area pour en Sewage Plant, nou pe koz diferan langaz.  I vreman difisil pour mon konpran ki mon pour dir constituent Anse Royale e ki piblik pou konpran si Minis i dir nou i pa konnen, sa enn Anse Royale.

 

MR SPEAKER

Ok.

 

HON FLORY LARUE

Sorry Mr Speaker.

 

MR SPEAKER

Me non, poz ou kestyon.

 

HON FLORY LARUE

En lot kestyon.

 

MR SPEAKER

Poz ou kestyon Onorab, Minis i a reponn.

 

HON FLORY LARUE

Eski Minis i an konversasyon avek Minis Later avek Mr Bastienne avan ki zot fer en prezantasyon lo nivo Nasyonal dan distrik pou propoze.

 

MR SPEAKER

Order!  Order!  Order!  Order!

 

HON FLORY LARUE

Pour propoze kote en Sewage Plant pour été Anse Royale.  Avan ki zot vin dir sa piblikman si napa kominikasyon?  E dezyenmman letan nou koz lo servis piblik, nou bezwen annan en plan ki kler.  Beginning of the year, nou ti annan en plan ki kler ti ganny propoze sa plan an 2 format Rezyonal avek Centralised. Lekel plan ki nou pe al lo la, si prezan MLUH avek Minis pe dir de kalite?

 

MR SPEAKER

Ok, mon krwar Minis ou a fer komanter lo sa ki Onorab Lemiel in demande.  Dimoun pa dakor lo sa sit.  Apre Regional or Master National Master Plan Onorab Larue in demande.  Minis laparol i pour ou.

 

MINISTER DIDIER DOGLEY

Mersi Mr Speaker mon a sey al dan detay pour mon sey elabor keksoz pour fer li pli kler pour tou dimoun.  Konsernan bann Blok Flat ler Minister i responsab pour Lenfrastriktir, Labita avek Land Transport, i fer son bann proze Flat pour lakaz pour dimoun.  Si i vwar poudir bann sistenm soakaway  i pa pour ase pou cater pour sa devlopman ki pe fer dan sa landrwa, i  dan son lentere pour li envestir, pour met an plas sa ki nou apel en pti Sewage Treatment Plant.  Sa i adres problenm direkteman, akoz Gouvernman i bezwen donn dimoun lakaz.  E si ou pe fer en devlopman kot ou annan plizyer Blok Flat ou pe fer, ou pa kapab esper PUC ler i pour vini avek sa Centralised System, sansan dimoun pa pour gannyen lakaz pour reste ladan.  Zot pour bezwen esper PUC an 2020 an 2015 e dimoun pa kapab reste tou sa letan deor, i bezwen reste dan lakaz.  Alor pour adres sa problenm Minister responsab pour Labita, zot fer bann pti STP pour adres sa problenm dan sa landrwa spesifik.  Now ler Minister ouswa Planning Authority avek Minister responsab pour Habitat, e Later zot ti ale zot ti fer prezantasyon mon espekte lo Land Use Plan.  Land Use Plan ki zot pe fer zot pe demann dimoun bann konsey lo ki mannyer pour itiliz later dan sa landrwa, dan en fason pli konvenab posib.  I en prosesis konsiltatif e participatory, kot tou dimoun i ganny sans pour zot fer zot kontribisyon, dan en fason ki a lafen Gouvernman i annan en ledikasyon kote ki pli bon ki zabitan i dakor pour met serten fasilite dan sa bann landrwa.  Alor ler i ti al laba Anse Royale, definitivman si ou annan en landfill, se lanmenm landrwa kot ou pour al met tou sa bann zafer ki dimoun pa oule.  Ou pa pour al met li dan en landrwa ki annan Lotel oubyen Lopital.  Ou pour tant pou konsantre sa bann kalite lenfrastriktir, ki normalman dimoun i annan problenm avek.  E probableman bann diskisyon Mr Morin i dir mwann wi zot in deza koz avek li;  i bann konsiltasyon ki pe ganny fer be i pa en keksoz ki’n ganny determinen, i en konsiltasyon ki pe ganny fer pour gete ki pli bon fason pour itiliz later.  Konsernan sa plan ki mon’n prezante ozordi – Sanitation Master Plan, sa Sanitation Master Plan li menm parey mon dir i lo en nivo konsep.  I pa en plan detaye.  I pa en plan ki teknik, ki al dan tou bann detay.  I pa en detailed plan.  I parey borde ou fer en lakaz ouswa ou pe al fer en building – en dimoun i fer Concept Plan.  Sa i zis en konsep, ki ou regarde mannyer ou pour fer li.  Apre ler sa dimoun i dakor, la apre ou ale ou fer en plan detaye, kot ou dir tou ou bann pti keksoz ki mannyer pour fer e sa teknisyen – sa arsitek – son enzenyer, i pran an konsiderasyon tou keksoz e la ou ganny sa final plan.  Alor PUC avek sa lakonpannyen in devlop sa ki nou apel en Conceptual Plan.  I ankor lo nivo konsep.  La prezan PUC pou sak sa bann landrwa, i pou bezwen al detay li – al fer en plan tre detaye, pour mete kote pour met bann laponp, bann diferan sistenm, ki i pour bezwen pour li fer sa sistenm marse.  Sa se sa lot faz ki i pou bezwen fer.  Annefe parey mon’n dir pour La Digue sa in fini ganny fer e pour East Coast sa in fini ganny fer.  E nou pe fer pour sey rod landrwa; par egzanp Plaisance i pe ganny fer; Les Mamelles i ape ganny fer ; Providence i ape ganny fer.  Me pour bann lezot landrwa i ankor annan en kantite travay pour PUC fer.  Mon espekte ki avek sa bann leklersisman Mr Speaker, i pli kler pour bann Onorab.  Mersi Mr Speaker.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker.  Mr Speaker mon anvi demann Minis vi ki sa proze pour pran en pti pe letan avan i inisye petet 2020 non?  E vi ki 2020 i annan en gran posibilite pour annan en nouvo Gouvernman ki pour la,  eski Minis vi ki sa i posib, eski Minis dan zot plan i kapab dir nou, ki pli lwen zot pour arive avek sa proze dan distrik Bel Air?  Vi ki dan distrik Bel Air aktyelman bann rezyon parey Curio Road, Sans Soucis sa servis pa ankor arive.  Eski zot pe mazin anmenn li sa zistans anler laba?  Mersi.

 

MR SPEAKER

Minis.

 

MINISTER DIDIER DOGLEY

Mr Speaker pe nenport ki Gouvernman ki lo pouvwar, i pou bezwen fer sewer pour donn dimoun pour zot kapab konekte.  Akoz en plan ou pour bezwen annan en plan.  E dan tou pei, ler i annan bann plan ki ganny fer, bann plan i ganny fer pour 10an, pour 20an.  E whoever i lo pouvwar i a kapab reviz dapre li ki i anvi fer.  Me pour ou pa konekte dimoun ek sewer, mon pa krwar poudir ki sa i en desizyon ki okenn Gouvernman pou fer.  Mersi Mr Speaker.

 

MR SPEAKER

Onorab Afif.

 

HON AHMED AFIF

Mersi Mr Speaker. Mr Speaker mon ti a kontan demann Minis ki son plan presizeman pour Anse Etoile an partikilye Kandahar pour konekte avek sa nouvo sistenm ?  Konbyen letan – Anse Etoile, konbyen letan i pe mazin konekte sa?   Si i kapab donn nou en timeframe   Rezon ki mon pe demann sa, se parske dan Kandahar Anse Etoile, ki zot dir li Vilaz Granit o-bor Vilaz Granit, i paret ki sa Sewer Plant pa pe mars byen.  I pa pe mars byen e i annan leakage ki pe arive ladan.  I annan loder.  I annan polisyon ki sorti dan sa Plant i al dan larivyer.  Mon’n ekrir Minister – mon’n ekrir PUC in dir ek mwan…

 

MR SPEAKER

Order!  Order! 

 

HON AHMED AFIF

…mon’n ekrir PUC in dir ek mwan poudir sa Sewage Plant i ganny zere par MLUH – MHILT ozordi.  Alor pour mwan i paret i annan en pe disconnect ant kordinasyon lo sanitasyon ant PUC avek Land Use.  Parske la dan ka Anse Royale, nou vwar zot pa tro konnen ki plan laba in ganny prezante.  E sanmenm sa mon pe demann mon kestyon, kan zot anvizaze konekte Vilaz Granit kot laplenn Kandahar avek sa nouvo sistenm?  Mersi.

 

MR SPEAKER

Mon krwar ou pa’n ase eksplik Minis Dogley poudir Kandahar i en sou distrik Anse Etoile.  Mon vwar li en pti pe look en pe puzzled.  Minis la ou’n konnen kote Kandahar i été petet ou a kapab reponn.

 

MINISTER DIDIER DOGLEY

Mr Speaker mon krwar mon pour bezwen al rode, akoz mon pa tro asire kote Kandahar i été.

 

MR SPEAKER

Ok.

 

MINISTER DIDIER DOGLEY

Be an prensip Mr Speaker parey mon eksplike pou mon i kler parey i annan proze ki Minister responsab pour Habitat i fer pour fer parey mon dir bann Flat lakaz ki zot fer pour donn dimoun.  E ler zot vwar poudir i annan sistenm problenm delo sal, zot fer zot prop sistenm tretman pour sa landrwa.  Sanmenm sa ki Mr Morin in dir ou ; akoz son sistenm pa ankor arive Anse Etoile.  Zour i ava’n met sistenm pour konekte Anse Etoile avek Ile Aurore, then i ava konekte antye Anse Etoile pour met li avek Ile Aurore.  Me pour le moman sa sistenm pa la.  E pour adres sa bann problenm normalman Minister responsab pour Habitat, i met son prop sistenm an plas e pour le moman sa i ganny zere par zot, par zot  menm  par PMC ki responsab pour zer sa bann pti inite.  Par egzanp  bann Lotel ki annan sa bann sistenm, se zot ki zer zot sistenm sewer.  Alor i annan bann diferan sistenm ki egziste, me sa gran System Centralised li i pe vini e PUC ler i ganny finansman i ava fer li.  Mersi Mr Speaker.

 

MR SPEAKER

Onorab Prea.

 

HON NICHOLAS PREA

Mersi Mr Speaker.  Bonn apre midi tou dimoun.  Mr Speaker mon krwar bokou nou la anndan nou konfize e mon asire ki bann dimoun deor i konfize.  Premyerman Minis i sipoze prezant nou en plan i dir nou byento i pe al devan Cabinet, next year i pe al devan Donors.  Ler bann kestyon in levé taler sirtou lo Anse Royale, Minis i dir nou i ankor en konsep eski nou annan en plan oubyen eski nou annan en konsep ; oubyen nou al devan bann Bailleur de Fond avek en konsep oubyen en plan ?  Sa i en premye konfizyon.  2enm mwan avek Onorab Basil Hoareau ki la, ki dan distrik Bel Ombre, nou konnen poudir Bel Ombre i annan en STP – en major STP ki ti ganny enstale  by Bywater.  Lafason ki Minis in reponn kestyon Onorab Hoareau, i kree konfizyon.  Petet dimoun Beau Vallon pe per.  Onorab John Hoareau petet dimoun Beau Vallon pe per si pour annan enfrastriktir STP ki pour vin ganny enstale dan Beau Vallon.  So annou ganny sa bann keksoz kler sa STP enstale by Bywater ki pe ganny manage par PUC ozordi, i trouve dan distrik Bel Ombre, akoz tou sa bann lakaz dan  le zalantour zot ladres i Bel Ombre.  So mon pa vwar ki mannyer STP dan milye en vilaz ki apel Bel Ombre, i kapab ganny apele STP Beau Vallon.  So annou elimin sa bann konfizyon.  Bon depi lontan mon krwar menm dan Katriyenm Lasanble, ti annan en Mosyon ki ti ganny anmennen par Onorab Georges – menm pour regard en pti pe ki mannyer nou kapab fer resiklaz, servi lenerzi renouvlab and so on.  Nou ti koz lo reservi delo – resikle delo e mon’n ganny sans al vizit bann Zil Elwanye sa pe ganny fer tre byen.  It’s about time ki PUC dan son process tretman delo, nou kapab reservi sa bann delo, pour kapab fer lezot aktivite avek parey Minis in dir.  E mon ti a kontan konnen si lo Mahe pour le moman avek Tretman ki PUC pe deza fer, si i annan landrwa pour deservi sa bann delo pour aroze par egzanp bann keksoz koumsa ; mon pa konnen kot bann Lotel and so on.  Minis in koz lo cost Mr Speaker.  Rezon  – mwan mon konn sa byen, rezon ki bokou lakaz Bel Ombre pa pe konekte, akoz ti annan 2 fason ki cost ti pour ganny fer.  Inisyalman ti pour annan en fee direk fix ki tou bann lakaz ti pour peye, me apre ler ti Minis Morgan ki ti Minis, i ti sarz en poursantaz lo water bill.  E bokou dimoun i annan dimoun Beau Belle mon konnen lo son water bill i pe pey apepre R300 sewage, akoz i pe kalkil volim delo ki pe al dan – i pa neseserman volim sewage volim delo ki pe al dan sa sistenm.  Mon annan volim delo ki sa lakaz pe servi pardon.  Mon annan en dimoun ki i annan en pti zarden, i servi bokou delo dan son zarden e i ganny tape akoz si i servi R800 delo dan son zarden, i pe ganny tape sa poursantaz pour sa volim delo.  Napa en fason ki PUC i pe monitor volim sewage.  Me i sarz ou lo volim delo e petet mon ti a kontan demande ki Minis si zot annan okenn fason atraver PUC, pour review sa.

 

MR SPEAKER

Ok.

 

HON NICHOLAS PREA

Mon dernyen bout Mr Speaker zis en pri bout.  Mon ti a kontan demann Minis an vi ki nou vwar poudir ler nou met en gro sistenm, ou bezwen en volim pour sa sistenm mars efikas.  Eski nou annan – sa plan ki nou pe fer  – sa travay ki nou pe fer eski nou’n mazinen ki sa bann groser sistenm ki nou pou mete, i pour kapab run dan en fason efikas si i pa ganny volume? Oubyen si bann pli pti sistenm i pa kekfwa par landrwa – parey nou pe koz Anse Royale ok?  I pa kapab pli efikas e maintenance wise pou PUC annan sa lekspertiz pour maintain.  Mersi.

 

MR SPEAKER

Etan ki i 3.30 in sonnen nou a kontinyen ziska 4er, akoz i annan 3 dimoun ankor ki’n demann pour koze.  Alor Minis ou a reponn sa enn kestyon nou a pran 3 dimoun nou ava ale ziska 4er apre nou a pran Break.  Minis.

 

MINISTER DIDIER DOGLEY

Mersi Mr Speaker.  Konsernan sa zafer konfizyon lo plan li menm, mon krwar mon bezwen eksplike ankor.  Okenn plan ki en dimoun i fer pou en gro proze, i annan diferan letap ki ou fer en plan.  Premye letap se ki ou fer en konsep, kot ou ganny sans pour diskit avek diferan dimoun e bann teknisyen i antre pour zot regarde ki mannyer zot pour aziste keksoz dan en fason ki i ganny fer korekteman.  E sa i ganny fer pour lakaz, pour building okenn arsitek, ou enzenyer i kapab eksplik ou ki mannyer sa bann zafer i marse.  Sa i premye letap.  E sanmenm sa premye letap ki nou’n fer avek sa plan ki mon entrodwi e prezante ozordi apre midi.  Son 2enm letap ler tou dimoun in dakor avek son plan konsep, se ki ou al fer bann plan detaye, kot i vin teknik, kot  bann enzenyer i antre e i dir kote i pour met laponp.   Zot kalkile ki kalite laponp, ki kantite delo pour annan, eksetera, eksetera.  Sa i apel en Detail Plan ki ganny fer e  an menm tan zot fer son bann costing e zot fer tou son bann soz.  E parey mon’n dir pour La Digue sa Detail Plan in fini fer – son costing in fini fer, e in fini ganny tender.  E osi pour East Coast; savedir sa plan ki kouver depi Pointe Au Sel ziska Brillant sa osi son Detail Plan in fini ganny fer.  I deza egziste.  E pour bann lezot pri landrwa ki nou’n koze; par egzanp Beau Vallon, Plaisance, Les Mamelles, sa pe ganny fer.  Akoz ou bezwen al dan bann detail pour gete kote i pour pase sa bann tiyo.  Alor se sa ki annan sa bann diferans dan sa bann kalite plan.  E se sa ki mon pe sey eksplike.  Now mon dakor avek Onorab poudir Sewage Treatment Plant, i pa tonm Beau Vallon – i pa tonm dan distrik Beau Vallon i Beau Belle.  E Beau Belle definitivman i dan distrik Bel Ombre.  Mon pa krwar i annan okenn kontansyon anler lo la.  Mon krwar i en keksoz ki kler i tonm dan distrik Bel Ombre.  E resikle delo i en keksoz ki sa plan.  I enn bann keksoz ki nou pe regarde, akoz ou pa bezwen delo ki’n trete par PUC ki dimoun i bezwen pour bwar, pou ou al bouy beton avek,  ouswa pou  al aroz fler par egzanp.  Me selman nou pour bezwen envestir e met son prop sistenm pou li, akoz ou pa pour kapab al konekte li avek sistenm PUC ki egziste.  I pou bezwen annan son prop sistenm pour li ki supply direkteman sa bann landrwa, ki pour bezwen dan sa kalite delo.  E sa i a tir presyon lo sistenm delo ki dimoun i bezwen pou itilize dan lakour, kot lakaz, eksetera.  Normalman ler sa bann STP i ganny design, definitivman bann tiyo i ganny design pour kapab met bann laponp pour pran lakantite ki neseser.  Se – dapre ki mon ganny en konpran, problenm i avek son Sewer Treatment Plant li menm.  Me sa i annan diferan sa ki nou apel stream.  Ki lo premye kou, zot kapab met zis en stream an plas, pour kapab pran sa kantite pour sa group premye group lakaz, ouswa devlopman ki vini.  Now, ler sa in fini zwenn son ceiling, in fini zwenn son full capacity, then PUC i toultan kapab met en 2enm stream avek.  Par egzanp Providence i annan 2 stream.  E i annan letan ki zis en stream ki pe marse e zot kapab fer li fonksyonnen pandan letan ki zot pe fer mentenans lo lot.  E sa ki mannyer zot mannye li?  I vre poudir PUC i annan ekspertiz me, solman si nou pour al envestir dan en sistenm parey, pour tou le 3 zil prensipal sanmenm sa ki sa plan in regarde ki mannyer ki PUC, son kapasite i bezwen ganny ranforsi.  I pour bezwen annan plis dimoun kalifye,  pour kapab fer sa louvraz byen, e menm probableman travay avek en Lakonpannyen ki pour ed li fer sir ki an deor, ki pour ed li fer byen sa travay ki mannyer i devret ganny fer.  Mersi Mr Speaker.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Speaker.  Bonn apre midi Minis avek ou delegasyon.  Minis mon anmenn ou Baie Lazare kot ex-Gondwana, mon okouran ki nou annan STP laba ki dapre dernyen vizit avek Msye Faure nou ti ganny en konpran poudir sa Sewage Plant i pa pe mars efektivman, akoz napa ase sewage pour fer li marse.  Me nou ti konpran poudir i annan en plan ki pour konekte ex-Pool avek sa Sewage Plant pour fer li mars efektivman.  Ki ou plan Minister lo sa proze?  E dezyenmman vi ki ou pe donn nou sa National Sanitation Master Plan, eski petet zot annan en lide kote sa STP pour été dan Baie Lazare?  Ok.  Mersi.

 

MR SPEAKER

Minis.

 

MINISTER DIDIER DOGLEY

Mr Speaker parey mon dir bann desizyon final pa ankor ganny pran.  E nou ti a voudre ou bann pwennvi e ou bann input ler nou pare pour fer konsiltasyon dan distrik, pour gete kote ki pour kapab met sa bann STP.  Konsernan sa Treatment Plant ki ou pe koz lo la, laba – mon krwar zot apel ‘Dan Fatak Baie Lazare, sa i pa dan lanmen PUC.  I parey menm ka parey Anse Royale avek Anse Etoile.  I bann proze ki’n ganny fer par Minister responsab pour Habitat.  E se zot ki pe zer sa bann sistenm.  Alor zour devlopman PUC i ava vini avek son sistenm santralize, then sa bann devlopman osi pour ganny konekte avek sa sistenm.  Mersi Mr Speaker.

 

MR SPEAKER

Onorab Adelaide ou ok avek sa?  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon annan zis en pti kestyon pour Minis.  Minis mon konnen zot pe pran kont par egzanp topografi bann landrwa letan zot pe fer bann koneksyon.  Par egzanp bann distrik lo litoral – mon’n tann ou nonm Glacis,  me kot bann distrik par egzanp North East Point,  realistikman kan eski bann zabitan bann dimoun dan landrwa zot kapab espekte ki sa sistenm, i ava ariv dan sa landrwa ?  Zisteman pour tir en pe presyon dan bann landrwa parey Home for the Elderly, Lopital North East Point, ki nou konnen ki serten letan sa bann landrwa i vin problenm.  Akoz sa landrwa li menm kot i été, son bann sistenm kot i trouve, i pa trouv… sa absorption rate sa landrwa in fini preski saturate.  E ou santi ler ou pase.  So eski sa i en keksoz ki zot pe anvizaze pour fer li?  Annou pa pran 4an pour fer li, me regard dan limedya osi – bann keksoz remedial ki zot kapab fer.  Apre en lot pwen ki mon krwar i konsern tou dimoun, se eski zot pe vwar sa Master Plan as part as sa prosedir pour ed fasilit dimoun ki oule fer zot lakaz.  Par egzanp en zanfan ki oule fer en lakaz o-bor son paran, me ozordi Planning pa pe donn li permisyon akoz i napa landrwa pou li met son sistenm sewage akoz landrwa i ptipti.  Eski zot pe marye sa de keksoz ansanm pour fer ki pa zis en plan ki vin avek sewage, me i vin osi avek ankouraz devlopman.  Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Speaker parey mon deza dir, bann landrwa ki deza annan bann problenm kot i annan sa problenm ki o nivo delo i tre o ; kot nou dir Water Table i o.  Epi i annan en kantite devlopman – sirtou lo bann plato, definitivman i bann landrwa ki nou konsidere konman priyorite.  Mon pa pour kapab donn ou en dat egzakt, me selman le moman ki nou ganny finansman nou a kapab priyoritiz kote ki nou pour ale.  Definitivman sa bann landrwa ki zwenn sa bann kriter kot i deza annan problenm, definitivman pou bann landrwa, ki pour bezwen premye lo lalis Gouvernman, pour deal avek sa bann problenm delo sal.  Konsernan bann landrwa kot i annan bann devlopman ki pe stall akoz kestyon napa ase landrwa pour met soakaway, i bann diskisyon mon krwar ki pou  bezwen ganny pran ant Lasante, Planning eksetera.  Pou vwar ki mannyer ou kapab dan devlopman, me selman ou kapab minimiz bann problenm polisyon.  Akoz at the end of the day, nou pa oule ki en dimoun i reste dan en landrwa, apre dan lot kote i pe patouy dan delo sal.  Mon krwar poudir i en kestyon ki enportan ki pou bezwen ganny adrese, e nou bezwen rod bann solisyon pour adres li.  Mersi Mr Speaker.

 

MR SPEAKER

Mersi Minis wi Onorab.

 

HON SEBASTIEN PILLAY

Mersi Mr Speaker.  Mr Speaker mon ti ava ankouraz Minis ki mon konnen zot annan sa Master Plan.  Be sa Master Plan i bezwen annan diferan konponan dan son plan.  E bann konponan i bezwen osi involve avek negosyasyon oubyen konsiltasyon ki zot gannyen avek lezot Lazans ek lezot stakeholders.  Mon krwar ki nou bezwen pran sa konman en keksoz serye ; akoz pli sa bann problenm i vin vini i vin pli grav i pa afekte zis bann dimoun ki frekant sa bann landrwa, me bann dimoun otour li.  So o pli vit posib ki nou kapab trouv bann solisyon, e ou Minister i komans angaz li  dan bann diskisyon avek sa bann dimoun atraver PUC, i ava meyer pour nou.  Akoz the longer we put it off aprezan nou pour al esper 4an ankor, i pour i redundant nou pe diskit sa size finalman.  Mersi.

 

MR SPEAKER

Minis ou’n note.  Ok? Onorab Simon Gill.

 

HON SIMON GILL

Mersi Mr Speaker.  Bonn apre midi Minis avek ou delegasyon.  Bonn apre midi koleg Onorab.  Mr Speaker Minis mon krwar ti a bezwen fer en pe kler lo kou ki sak fanmir Seselwa pour bezwen peye pour li kapab ganny konekte avek sa bann Plan ki la ankor avek si oule Sewage Plant ki zot pour fer pase.  Sa i premye keksoz mon ti a voudre Minis i donn en presizyon lo la.  So nou swe, se ki nou bezwen fer sir, ki sa bann dimoun ki pour ganny konekte – sa bann lakaz ki pour ganny konekte – sa bann fanmir ki pour deservi sa sistenm, i pa bezwen pey en pri egzorbitan ki dekouraz zot pour zot servi sa sistenm.  Mon krwar sa i premye keksoz Minis i bezwen presize.  2enm keksoz ki mon krwar i enportan letan nou’n tann bann negosyasyon bann diskisyon ki in fer, nou pe konpran konmsi napa sa enteraksyon ant PUC, prensipalman avek Minister Lenfrastriktir or apel li MLUH nou’n apel li.  Eski Minis ou pe konfirmen ki i annan en inter Ministeral Team or Committee ki pe diskit sa zafer Intergrated System ki ou pe koz lo la ozordi la ?  Akoz lenpresyon se ki, dan en bout laba zot pa konnen ki pe pase; lo ou bout zot pa konnen ki pe pase ; proze lakaz pe ganny fer ; en Sewage Treatment Plant pe ganny mete, i en kou ki Gouvernman pe depanse e ou pe vini demen ou pe pas ou tiyo, e oule bann fanmir i konekte lo la.  Now ki mannyer sa i entegre, pour nou fer sir ki i annan mwens gaspiyaz sa pti gin resours ki nou annan, e ki redwir the cost, an term loan ki nou bezwen borrow e kot ou konnen ou menm nou pa bezwen donn en lektir lo la, ki sa loan se nou menm nou Seselwa epi ki re peye.  Mersi bokou Mr Speaker.

 

MR SPEAKER

Minis 2 kestyon.

 

MINISTER DIDIER DOGLEY

Mersi Mr Speaker.  Konsernan kou ki piblik i bezwen peye pour ganny koneksyon avek sistenm sewer mon ti a voudre fer resorti ankor enn fwa, ki avan vre Gouvernman ti pe demann bann dimoun pour peye pour konekte avek bann sistenm sewer.  Me depi an 2015 Gouvernman in pran en desizyon, ki PUC i pour anmenn sa bann sistenm ziska kot lakaz dimoun, e sa R10 – R15mil ki dimoun ti bezwen peye avan pour zot ganny koneksyon zot nepli bezwen peye.  An se moman i kout zot R 0 pour zot konekte avek sistenm PUC. So i napa en kou lo bann fanmir pour zot konekte avek sistenm PUC pour ozordi.  2enm keksoz ou dir mwan poudir eksplik en pe bann diferan sistenm ki egziste pour annan bann konsiltasyon.  Anba Planning Authority i annan sa ki apel Utilities Committee ki diskit tou bann devlopman dan bann diferan landrwa, epi bann diferan plan ki ganny anvoye pour Planning ganny konsidere.  I annan sa Utilities Committee ki asiz ansanm.  I annan PUC i annan bann lakonpannyen ki donn servis kominikasyon, e ansanm ek Planning avek Lanvironnman ek bann lezot lorganizasyon, zot tou zot asize zot diskite sa bann keksoz ansanm.  E an plis ler nou ti pe devlop sa plan nou ti annan 3 Miting Konsiltatif ki nou’n fer.  E ler nou ti fer sa 3 miting tou bann lazans e menm bann MNA ;  mon’n tann en MNA ki’n dir poudir i ti prezan dan sa miting.  Zot tou zot ti ganny envite pour partisip dan sa miting.  Dan en fason pour zot donn PUC plis lenformasyon, pour li kapab fer en pli bon louvraz ansanm avek sa bann Konsiltan ki ti’n vini sorti deor.  Now sa plan i pa ankor fini.  Sanmenm sa rezon ki mon’n vin la.  Nou pe prezant li prezant li.  Prezan nou pou anmenn kot Cabinet ; nou pour prezant avek Cabinet.  Alor i annan tou en seri konsiltasyon ki pe ale.  Sa i premye letap parey mon’n dir.  I en Conceptual Plan.  The next level, nou pour al dan bann detay.  E sa osi pour ganny konsilte dan distrik avek diferan Lazans ki annan en lentere ladan.  Menm bann endividi ki reste dan sa landrwa.  Alor prosesis konsiltasyon e partisipasyon i la.  E i pou kontinyen ziska ler sa travay i ganny finalize.  Mersi Mr Speaker.

 

MR SPEAKER

Dernyen kestyon nou retourn kot Onorab Larue.

 

HON FLORY LARUE

Mersi Mr Speaker.  Mon ti zis anvi demann Minis si sa plan ouswa sa konsep, i available lo en website ouswa son Minister ouswa pour PUC, pour konsonmasyon piblik silvouple?

 

MR SPEAKER

Minis.

 

MINISTER DIDIER DOGLEY

Mersi Mr Speaker.  Mon fek koz avek CEO PUC i dir mwan i ava met anler lo Webpage PUC pour dimoun ganny akse avek.  Mersi Mr Speaker.

 

MR SPEAKER

Bon avek sa nou ti a kontan remersye Minis Dogley CEO Morin avek Enzenyer Dupres pour letan zot in pas avek nou pour eklersi nou en pe lo sa National Sanitation Master Plan.  Mon krwar ou’n anmenn bokou leklersisman e nou a remersi ou e eskiz ou ek Lasanble.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

MR SPEAKER

4er pe al sonnen nou annan detrwa Mosyon pour nou pran.  Mon krwar nou a pran avek zot lakor, nou a pran en Break nou a retourn 4.30 e nou a konmans avek en Mosyon ki lo Order Paper.  Alor nou pran en Break , 4.30  nou a retournen pour nou kontinyen.

 

(BREAK)

 

MR SPEAKER

Bon welcome back tou dimoun nou ava al lo nou Mosyon.  E Mosyon limero 1 nou a donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker Pursuant to Article 64 (4) of the Constitution, I move that this Assembly resolves to approve the : Accession and Domestication of the International Convention, for the Control and Management off Ship’s Ballast Water and Sediments  Management (2004).  Mr Speaker sa Mosyon ki devan nou, i en Mosyon pour en Konvansyon.  Ordinerman en bato ler i sorti dan en Por pour al dan en lot, depandan si i plen ouswa i vid ensidswit, i bezwen balans li stabiliz li, sirtou si i annan laroul, si i annan movetan ensidswit –  e ouswa pour lavites.  E souvandfwa i bezwen met delo dan son ballast – dan son tenk.  I met delo pour stabiliz li.  Alor i pran delo dan en Por dan en landrwa an deor teritwar sa lot  landrwa  kot i pe ale.  Dizon i sorti Mombasa e ouswa sepa Biera laba Mozambique, i pran sa delo laba.  E letan i ariv dan teritwar Sesel, letan i pe antre dan Por Victoria, i zet sa delo.  E prezan problenm ek sa Konvansyon  se ki  sa delo ki nou pe dir la, i kapab kot in vini i sal, i kontaminen, i annan en ta roulman ladan ; bakteri e lot i kapab alor kontamin e deranz lanvironnman maritim en lot pei.  So Mr Speaker mon Mosyon – si oule pe demann Lasanble, pour ratifye Konvansyon enternasyonal lo Ballast Water Management en Konvansyon ki vin an fors le 8 Septanm 2017.  Menm si dan le pase plizyer aksyon in ganny pran, pour anpes e kontrol lespes maren anvaisan, ki ganny trouve dan delo lo ballast en bat,o ki an menas pour nou losean, lanvironnman, lasante piblik oubyen e nou resours natirel, nou’n vwar  ki sa pe kontinyen atraver lemonn e isi Sesel pa en leksepsyon Mr Speaker.  Sa Konvansyon i osi ti ganny – nou  kapab dir ti ganny  adopte par IMO – International Maritime Organisation an 2004, dan en bi pour kapab kontrol e manage desarz delo ballast en bato dan Por e dan losean, an servan serten teknolozi, pour minimiz risk pour lanvironnman, lasante piblik, eksetera.  Sa i aplik pour tou bato – sirtou bann bato par lao 400 tonn ki fer bann vwayaz enternasyonal, a leksepsyon bann floating platform.  Sa bann kategori bato, pour bezwen annan abor en mwayen pour tret delo ballast avan ki ganny zete dan lanmer e osi en Ballast Management Plan e en Ballast Record Book apre ki sa Konvansyon i vin an fors Mr Speaker.  Pour bato avek paviyon Sesel, anba paviyon Sesel parey nou bann Tankers, SEPEC, SMSA in deza fer sorti en Merchant Shipping Notice, pour enform tou bann lorganizasyon enkli IMO parey Konvansyon i rekomande pour fer.  Sansan, i pou dan problenm akoz le 8 in pase e alor si nou pa ratifye sa Konvansyon, nou bann bato sirtou nou bann Tankers, pou dan problenm, pou napa sa Sertifika neseser.  Alor sa ki nou apel the Decoppling of the International Oil Prevention Certificate i pour napa enn sa Harmonisation Survey and Certification Scheme.  Savedir i enportan ki sa bann ki sa ki SMSA in fer dan ka kot nou bann tankers nou rekomande alor, ki zot fer en Survey avan le 8 Septanm, pour zot kapab benefisye ankor 5an avan enstal bann Sistenm Tretman, pour delo ballast abor sa bann bato.  E SMSA i konfirmen mon kapab dir avan mon vin dan sa Lasanble ek sa Mosyon, ki tou nou bann tankers in fini fer zot Survey e zot in fini ganny issue avek zot Certificate of Compliance.  Sa i vital Mr Speaker.  I tre, trez enportan, pour bann Por kot nou bann tankers i ale.  Sansan sa bann Por i refiz zot antre e zot pour dan problenm, e nou osi nou pour dan problenm.  Alor akoz sa Konvansyon i osi enportan Mr Speaker lekonomi Sesel i depan an mazorite lo Touris e Lapes e tou nou bann zafer nou konsonmen; parey bomaten nou ti pe koze i sorti deor e kantite i vin dan bato, e sa Konvansyon pour Sesel, i pour donn Sesel – si oule sa pouvwar legal, pour li kapab kontrol son losean e anpes bato etranze desarz son delo ballast dan nou delo, e protez nou lanvironnman pour nou fitir zenerasyon.  I pour osi permet Sesel pou gard son standar enternasyonal e desarz son lobligasyon vizavi bann Konvansyon IMO konman en Manm IMO.  E osi i pour osi protez nou bann tankers SEPEC kont bann Port State Control Inspection dan bann pei ki’n deza siny sa Konvansyon.  Si ou pa’n siny sa Konvansyon ou ok ou antre sorti personn pa kontrol ou e sirtou sa bann pei ki’n siny sa Konvansyon, la nou pour dan problenm si nou napa sa Certificate of Compliance.  Alor konman enplikasyon enternasyonal, lo nou bann lobligasyon i enportan ki Sesel i demontre ki i konsistan avek son Polisi, pour siny bann konvansyon IMO.  Pour ki Sesel i kapab mentenir son stati Whitelist ki IMO ti deklare pour Sesel an 2015.  E demontre sa lobligasyon pour respe sa Corrective Action Plan ki Sesel ti adopte apre IMO Audit an 2016.  Sa i enportan Mr Speaker.  Annou get en kou finansyel sa Konvansyon ki nou pe sinyen i pour napa gran zafer.  Kou finansyel pour vin pour vin pour bann propriyeter bato zot menm pour enstal sa bann lekipman neseser abor, pour zot kapab kontrol sa delo epi pour tret li.  Sa i en depans.  E osi survey zot bann bato, pour nobou ganny sa Certificate of Compliance.  Sa i en depans ki sa bann bato zot menm zot propriyeter zot bezwen fer.  SMSA li atraver SEPEC in pey en sonm 10,629 US dollars pour fer en training avek bann stakeholders ki ti pran plas le 24 e le 25 Zilyet sa lannen, pour fer sir ki zot konnen e zot konn kontenir sa Konvansyon, e zot konn demars kot i konsern tretman e management sa kestyon delo ballast.  Sa i sel kou finansyel ki SMSA in sibir e i en kou minimal si ou get li an prenan kont domaz ki delo ballast i kapab – en bato i kapab fer dan nou lanvironnman e dan nou resours maren.  Mr Speaker, mon met devan nou Lasanble, sa Konvansyon son ratifikasyon e mon demann nou laprouvasyon Mr Speaker Sir I beg to move.  Thank you.

 

MR SPEAKER

Onorab Hoareau.

 

HON BASIL HOAREAU

Mersi Mr Speaker.  Mr Speaker mon segonn sa Mosyon e avek ou permisyon mon pour osi fer mon kontribisyon.

 

MR SPEAKER

Go ahead.

 

HON BASIL HOAREAU

Mon pour vreman kourt.  Parey Onorab De Commarmond in dir, sa Konvansyon ki nou pe ratifye ozordi i enn ki enportan i enn ki pour ede protez nou lanvironnman maren; parske i pour fer ki nou pour kontrol bann ballast water ki ganny desarze dan nou delo.  E sa ki enportan ki petet nou bezwen met lanfaz lo la, se ki letan sa Konvansyon pour vini i pour aplikab nou pour bezwen enforce li an relasyon avek tou nou bann bato ki annan anrezistre Sesel ; savedir bann bato ki pe flot paviyon Sesel e osi bann lezot bato ki pe sail anba Lotorite Sesel.  Me sa konvansyon i dir poudir i annan serten leksepsyon bann bato ki sail zis dan nou delo teritoryal savedir dan nou ziridiksyon, i pa oblize ki nou apply sa Konvansyon avek zot bann kondisyon sa Konvansyon unless ki lotorite lokalman i deside pour fer sa pli tar dan en Lalwa.  Me sa i plito bann bato ki pe fly nou bann flag ,se bann bato ki sorti Sesel e al an deor Sesel se sa bann bato ki nou bezwen fer sir ki anba son Konvansyon ler nou pour fini ratifye ki, nou fer sir poudir zot bezwen comply in compliance avek sa bann term sa konvansyon.  E sa i enportan parey Onorab De Commarmond in dir, letan zot pour ariv dan bann ziridiksyon, dan bann Por, dan bann pei ki Manm, sinyatir sa Konvansyon zot pour enforce sa Konvansyon.  E zot pou’n ganny – bann Konvansyon i fer, ki bann zofisye sa bann pei e egalman zofisye Seselwa osi, pour kapab board bann ship e gete si zot in compliance avek sa Konvansyon.  Zot sipoze – tou bato ki sa Konvansyon i aplikab, pou bezwen ganny en Sertifika. Zot pou ganny en Sertifika konmkwa ki zot in in compliance avek sa Konvansyon.  E avan zot ganny sa Sertifika ; par egzanp an relasyon ek bann bato, isi nou pour bezwen – nou lotorite pour bezwen fer survey e al lo bato fer sir zot pe comply avek sa Konvansyon.  E la ki sa Sertifika pour ganny issued.  E par egzanp parey in ganny dir, nou pour bezwen fer sir ki zot annan en Ballast Management Plan.  Zot pour bezwen idantifye lekel sa zofisye abor, ki pour bezwen fer sir ki sa plan i ganny enplimante.  E tou bato pour bezwen kit en Ballast Water Record.  Zot bezwen kit en rikord kantite delo zot in pran, ki kantite delo zot in desarze.  E le bi evantyelman se ki pour redwir kantite delo ki pe ganny pran as ballast water par sa bann bato.  Le bi se at the very least pou sey fer zot redwir 15 poursan kantite delo, zot pe pran, si menm pa plis.  E i trez enportan – i trez enportan ki nou comply ek sa Konvansyon.  Annefe letan mon ti pe fer mon resers, mon’n vwar poudir i annan bann sirkonstans kot maladi in sorti dan en pei, in antre dan lot pei par sa bann delo.  Par egzanp mon’n vwar poudir – sa i sorti kot Wikipedia, i pa zis from nenport ki website.  I dir an 1991 Peru Kolera ti sorti Bangladesh through ballast water antre Peru e 10 mil dimoun ti mor avek sa.  So i pa en keksoz ki alalezer.  I en keksoz serye ki enportan pour nou protez nou lanvironnman ki protez lasante nou Nasyon.  E sa Konvansyon osi pe met obligasyon lo nou bann Lotorite ki fer nou annan fasilite neseser ki ganny pran letan ki bann bato i vin dan Por, ki nou donn zot adequate facility pour zot nobou netwaye ouswa repar zot Ballast Tank si i annan issue.  Me sa ki enportan, se Lartik 13 sa Konvansyon parske i pour entail training nou bann dimoun; i pour entail osi serten depans lo par lotorite an term fasilite parey mon’n dir osi lo personal.  E Lartik 13 i fer provizyon poudir bann Member State, ki petet dan en pozisyon pli kapab ki nou an term personal avek fasilite, zot kapab donn led, lasistans en lot Member State, ki demann sa led,  Either direkteman ou through the organisation.  E sa i enportan.  Pour mwan sa i vedir letan nou’n ratifye sa, anba Lartik 13 probableman Sesel pour kapab benefisye avek serten led.  E zis Mr Speaker, si mon kapab fer mansyon poudir ki mannyer sa i ganny kontrole, an term ki mannyer sa desarz i ganny fer, i kontrol – i kler.   I dir ou koumsa poudir letan en bato ki subject to this Convention, letan i pour vin desarz son delo – sa ballast water la,  i  bezwen fer li 200 nautical miles from the nearest land.  E a en depth of 200 metres, kot delo i at least 200 met.  Si i pa kapab fer sa, sa i bezwen fer – si i posib, kot i pa kapab fer i bezwen fer li as fas as possible, me selman i pa kapab antre pli as close as 50 nautical miles ; savedir i bezwen reste lwen.  So i annan en kontrol serye e ki efficient pour fer sir poudir nou lanvironnman i ganny proteze e parey mon’n dir ki nou bann dimoun tou i ganny proteze.  E mwan Mr Speaker, alors mon pou dir, ki i enportan ki nou Lasanble i siport sa Mosyon pour ratify sa konvansyon akoz i en nou pe bouz dan en bon direksyon.  Mersi

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker.  Mr Speaker mon pour tre bref vi ki bokou in ganny dir.  Mr Speaker mon panse ki ratifikasyon sa Konvansyon letan nou pe koz protez nou lanvironnman, mon panse osi i ava kree loportinite pour nou vwar en pti pe osi nou prop Lalwa lokal.  Akoz sa Konvansyon pe fer provizyon zis pour bann bato avek tonaz 400 par lao, me parey ou konnen Mr Speaker dan nou rezyon, nou annan plizyer bato bann pti bato ki pe fer bann larout.  E i bon konnen osi ki lokalman nou bann bato zot napa bann withholding tank.  E parey ou konnen lanmer pe ganny polye de tanzaot o-bor lo lakot, i kler ki nou lanvironnman delo in nepli parey oparavan – pe ganny polye avek tou bann lendistri ki pre avek lakot.  Alor i pour neseser – an menm tan ki nou pe kontrol bann pli gro bato, ki osi nou revwar nou Lalwa, pour fer sir ki enn, bann lezot pli pti bato osi pa kree bann lenstans pour zot polye ankor nou delo.  Alor mon pe demande ki lotorite konsernan, i fer survey lo la an menm tan pour koz avek bann dimoun bann operater bann bato lokal pour vwar a lavenir ki fason nou kapab asiste zot.  E mon konnen poudir i annan en kou ki atase avek, me mon osi konnen ki i annan bann lorganizasyon i pare pour ede, ki i kapab tir sa kou lo nou bann operater bato lokal.  Alors Mr Speaker avek sa de pti mo mon pour aport mon sipor pour sa Mosyon.  Mersi.

 

MR SPEAKER

Mersi Onorab William.  Onorab John Hoareau.

 

HON JOHN HOAREAU

Mersi Mr Speaker.  Mr Speaker sa Mosyon i en bon Mosyon.  I en Mosyon ki anmenn en Konvansyon si oule ki pour permet ki i pour minimiz risk ki bann mikro organizm oubyen bann pathogents oubyen menm bann invasive species i kapab sorti dan en Por anba en Por depar pour ariv ziska nou Por destinasyon Sesel.  Ki mannyer i fer sa Mr Speaker? Sa Konvansyon i tous laplipar Liquid Cargo Vessels; vedir kot zot Por lanbarkasyon si zot pe vin sers dizon Petrol Sesel zot bezwen ranpli zot tank avek delo ballast.  Akoz zot anpli zot tank, se pour stabiliz – parey in ganny dir pour stabilite zot bato, akoz sa i kapab koz en problenm navigasyon si ou bato pe flot tro o.  Alor Mr Speaker pour stabiliz zot bato, zot ranpli avek sa delo ballast. E an fezan sa parey nou pe dir i kapab bann pti pwason ; i kapab pran bann invasive species ; bann gomon ki pa bon e vin avek dan en lot Por.  Me pour anpes sa arive, en bato ki pe antre Sesel, i antre par de landrwa prensipal.  Nou apel sa the North avek the South Corridor e si ou pe get lo plan idrografik 75mil notik avek Mahe sid South West, i annan en area ki’n ganny designate konm en Ballast Exchange area.  E dan sa landrwa sa bann bato i bezwen konmans retir sa bann delo dan zot ballast.  E sa i en keksoz i en prosedir i pe ganny fer gradyelman.  Se sa i annan en Management Plan pour bezwen fer, pour retir sa delo e re ranpli sa delo par delo ki dan sa area.  Vedir ki ler ou’n ariv Mahe dizon, dan ou ballast in bezwen fini tou sa delo ki ou’n pran kot Por Depar, in bezwen ganny ranplase par sa delo ki dan Por destinasyon.  So i en keksoz ki ganny fer gradyelman, ki fer sir si okenn bann invasive species i antre dan ou ballast, i ganny large tre lwen avek ou destinasyon.  So i pa amenn li.  Alor se sa en pti pe merit sa Mosyon; merit sa Konvansyon se pour anpes sa lentrodiksyon sa bann species.  Alor mon krwar poudir i enportan ki nou konpran tre byen, poudir sa Konvansyon i en Konvansyon IMO e i en requirement pour Sesel sinyen si nou le operate nou bann Tankers isi, e si nou osi le sa sertifikasyon pour nou kapab operate dan bann lezot landrwa kot sipoze kapab zot pour demann ou sa bann kondisyon.  Bon, mon krwar avek sa Mr Speaker mon ava demann tou dimoun pour vot an faver sa Mosyon.  Mersi.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker.  Mr Speaker Mosyon i annan de laspe avek i annan accession avek domestication mon ti a kontan loter Mosyon i dir nou ki mannyer sa domestication pour ganny fer.  Si sa Lalwa sa konvansyon parey i été i pour vin Lalwa Sesel tel konm i été, avan ki mwan personnelman mon pran en desizyon lo si mon pour siport sa Mosyon.  Me selman an prenan kont ki ballast water parey in ganny dir i en laspe ki ganny konsern lafason ki bann maladi i kapab ganny transmet.  I enportan ki nou pa zis konman en pei siny sa konvansyon.  Bann lekipman ki si en bato i vini i bezwen sanze i bezwen available.  So nou bezwen rod mekanizm pour nou fer sa bann lekipman si pou zot in kase, pou fer sir ki zot ganny akse avek sa bann lekipman.  E osi si en sityasyon, i lev-e kot en bato i ganny emergency i pa’n  ganny sans fer deballasting deor  i vin anndan avek serten fasilite nou bezwen koman en Port State annan serten fasilite ki pou pran konsiderasyon serten sa bann sityasyon parey.   E sa i bann keksoz ki i mete dan sa Konvansyon.  So par lefe ki Onorab De Commarmond in dir nou, in dir nou ki napa en konponan finansman finansyel ki atase avek, pour mwan  i en pti pe misleading akoz nou bezwen sey fer sa bann fasilite an ka en sityasyon i lev-e.  Prenon kont Lartik 14, kot i dir ki tou bann parti ki manm lorganizasyon i bezwen annan parey mon’n dir sityasyon available pou konsider sa.  I osi annan Mr Speaker, koman en Port State control nou vwar ki letan nou pe fer nou bann lenspeksyon nou bann lenspekter ki parey in dir ki zot in ganny training – serten in ganny training pou  zot fer sa  bann lenspeksyon, me  i osi enportan ki letan  bann bato pe vin isi i annan en progranm lo zot bato ki’n ganny etale ki zot bann lenspekter ki nou kapab vwar  pou kapab permet sa bann bato antre dan nou pei la ki nou pe aksede to sa Konvansyon. Mr Speaker avek sa mon pou esper loter Mosyon fer serten klarifikasyon lo enn de keksoz ki  mon’n dir apre mon ava pran en pozisyon  lo sipor ou nou.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon pa pou kapab mank sa lokasyon pou mwan kritik latitid Gouvernman.  Sa Gouvernman letan i anmenn sa Konvansyon i pe montre nou, en laspe mank serye.  Akoz i montre nou en latitid mank serye.  Sa Konvansyon ki nou pe ganny demande pou ratifye ozordi ti pran son laform dan lannen 2004.  In pran son laform dan lannen 2004 – 13an pase.  E tou sa bann parol ki’n ganny dir apre midi par Loter Mosyon, par Onorab Hoareau lo ki mannyer sa Konvansyon, i enportan.  E wi i enportan en kantite.  Parey Onorab Hoareau in dir, e parey Onorab John Hoareau in dir e Onorab Andre, i enportan en kantite.  I enportan en kantite an relasyon avek danze ki sa i kapab poze.  Me sa Gouvernman ki’n la an 2004, mon ti ava kontan konnen ki dat ki i ti siny sa Konvansyon parske nou 13an pli tar nou pe ganny demande pou ratifye.  Me non selman ki nou pe ganny demande pour nou ratifye, Mr Speaker, nou, nou pe ratifye  sa Konvansyon apre ki in fini antre an fors depi le 8 Septanm 2017.  Alor kestyon    pe pandan tou sa bann lannen, ki nou ti ape fer?  Pandan tou sa bann lannen eski nou ti vreman pe pran sa eleman serye?  Parski si nou ti pe pran tou sa bann keksoz o serye e sela osi tou kot mon ti pou kontan konnen ki bann mezir ki Por in fer pandan tou sa bann letan.  Ozordi nou tann tout sort kalite maladi e Onorab Hoareau i annan rezon letan i  dir ki Peru  pe pas dan sa problenm Kolera.  E dan tou bann resers i montre ou  – lo Internet i montre ou  ki kantite diferan maladi ki kapab ganny transmet atraver sa ballast water.  Be nou ki nou’n fer?   Akoz ki Sesel i kontinyen tay deryer keksoz letan i tro tar?  E efektivman parey Onorab Andre in dir, i pou bezwen annan en domestikasyon sa Lalwa.  I pou bezwen annan en Lalwa pour ki si en bato – parski la ki mannyer i été ou ale ou atrap li akoz sa Konvansyon ?  Non.  I pa pou marse.  Anba kwa ki ou sarz li?  Si en bato sorti Bangladesh avek sa bann diferan maladi par egzanp ki ou pou fer li?  Si i pa’n manage son ballast water parey ki in fer, ou pa pou kapab met en sarz kont li, akoz lo nou bann liv Lalwa pou napa en Lalwa ki koresponn avek sa, pou nou dir avek Kaptenn – Kaptenn nou pe sarz ou anba tel Seksyon sa Lalwa.  Alor Mr Speaker nou napa sa.  Nou napa sa.  E i montre nou ki mannyer nou an retar e nou bezwen rekonnet ki poudir nou an retar. E mon pa konnen parski letan nou’n regard Plan Lezislatif Gouvernman, nou napa okenn domestikasyon sa Lalwa.  Nou annan bann diferan lezot Lalwa.  Ki mannyer nou pou lager kont lisyen eran ; ki mannyer nou pou fer bokou bann lezot keksoz me en tel size ki sitan enportan nou napa okenn plan  pou nou fer sa Lalwa rantre dan nou  liv Lalwa. Alor mon pa konnen ki Onorab De Commarmond pou dir avek nou.  Mon pa konnen si i pou kapab donn nou en plan.  E mon mazinen lefe ki li i Leader of Government Business i devret donn nou enportan lo ki mannyer sa prosesis ou deroule.  Parski nou dan sa Lasanble nou pa kapab I’m sorry, nou pa kapab zis en rubber stamp e nou pe met sa prerogatif lo Onorab De Commarmond pou li donn noy en progranm parski si Gouvernman par egzanp depi 2004 e 2004 sete Prezidan Michel ki ti o pouvwar – si an 2004 depi letan sa Konvansyon in sinyen pandan sa 13an, zot ti’n vin avek sa Lalwa petet osi nou ti ava ganny sa laspe domestikasyon, pour nou kapab siny li.  E la Mr Speaker mon pe dir sa akoz mon krwar nou bezwen set nouvo standar atraver nou travay dan Lasanble Nasyonal.  I annan en kantite bann Konvansyon i annan en kantite Konvansyon ki nou ratifye, me ki ziska prezan, ziska prezan, napa okenn domestikasyon ki’n arive avek sa bann Lalwa.  Savedir zis nou sinyen, nou ratifye nou dir nou vini nou koz lo kou konbyen ki son kou finansyel ki mannyer pour ede ensidswit, me ki apre napa nanryen.  Alor Mr Speaker mon krwar ki apre midi nou pour bezwen ganny bann larepons serye; bann larepons konkret e atraver sa bann larepons konkret, nou ava regarde ki mannyer nou pour vote lo sa Konvansyon.  E si fodre dir avek nou, si fodre donn nou serten progranm ki ava fer sans pour nou la nou ava vote.  Akoz mon fatige tann koz lo keksoz i serye, me selman nou pe tay apre zis pour nou tonm anliny.  Lot zour Mr Speaker ou a rapel letan Minis Loustau Lalanne ti vin devan nou, ti annan en Konvansyon ki ti sinyen depi avan Lendepandans.  Depi avan Lendepandans e nou ti ganny demande pour ratifye, ti annan sa kestyon si nou pour ratifye ; si pa’n deza ganny ratifye akoz nou ti en koloni ; si pa’n pas otomatikman, apre Onorab Georges ti eksplik nou ki mannyer an Tanzanie – ti Dar Es Salam Principle ki mannyer sak pei i bezwen re adopte.  Alor mon anvi serten larepons konkret e mon krwar baze lo sa bann larepons konkret nou ava kapab pran en desizyon.  Mersi bokou.

 

MR SPEAKER

Onorab Sebastien Pillay

 

HON SEBASTIEN PILLAY

Mersi Mr Speaker.  Mr Speaker devan nou annan en Konvansyon ki parey nou’n tann plizyer entervenan koz lo la, i annan en lenportans ki nou pa kapab deny an relasyon avek nou listwar koman en pei ki’n involve avek lamarin; me osi koman nou progresyon ozordi koman en pei ki ozordi nou annan bann bato ki pe flag; ki pe operate anba en flag ki nou epi i provide li.  I annan en keksoz asosye avek sa Konvansyon avan mon oule prezant devan sa Lasanble baze lo resers ki mwan mon’n fer.  Dan domenn Maritim dapre resers ki mwan mon’n fer, i annan bann pei ki provide en flag avek bann amater bato zis for the sake of providing the flag.  I annan pei parye Panama e bann lezot pei koumsa e ler zot fer sa, bann vessels i flag dan bann lezot pei kan,   sa bann pei zot pa bann sinyatir oubyen zot pa’n ratifye bann Konvansyon ki neseser – sa bann bato ki flag anba sa bann pei  pa kapab parfwa antre dan Por oubyen zouir sa bann servis sa serten Por, zisteman akoz lo zot liv  lo zot whitelisting parey zot apel sa,  zot pa AMO Whitelisting.   I annan plizyer pei ki fer sa e Panama par egzanp i account for the gross tonnage of  International Shopping which is quite big.  An se moman Sesel nou annan nou forse mon krwar 5 bato, ki pe travel anba nou – ki pe travay – ki pe operate anba nou flag e sa prensipalman bann tankers ki belong to SEPEC.  Petet nou ava annan bann lezot bato ki sorti an deor nou teritwar parey Onorab Hoareau in eksplike, me prensipalman mon pou konsantre lo sa bann bato?  Akoz i enportan pou nou regard sirkonstans sa enn Konvansyon vizavi petet tou sa ki nou kapab dir an relasyon avek sa ki nou’n sinyen – son prosesis domestikasyon se lefe ki dan li menm sa Konvansyon i enn ki tre enportan pour nou.  Akoz i tre enportan pou nou?   Akoz dan li menm par fer ratifikasyon sa Konvansyon li menm li i act koman en deterrent.  The mere presence of having ratified the Convention in spite of not having the domesticated laws, will act as a deterrent akoz si nou lir par egzanp Lartik 8 e Lartik 9 sa Konvansyon i prevwar ki menm sa ladministrasyon dan sa pei – dan sa pei kot sa bato in ganny flag, si i fer i komet sa lofans, then li sa bato – sa bato ki’n komet sa lofans, i liable akoz i pe koz lo ships’ administration.  The administration is informed of such violation.  Now nou kapab dir osi resiprokalman an relasyon avek nou bann bato Sesel, si in antre dan en Por ki pou ariv avek zot?  E sela kot mon pe baz mon largiman akoz i enportan pou nou ratifye sa Konvansyon, as the first step ki pou anmenn nou ver prepar en administrative guideline ki pou vin dan laform en Lalwa ki ava permet nou – permet nou zisteman, pou met annord en eleman ki form par nou IMO whitelisting.  Mr Speaker mon krwar ki i enportan ki nou get keksoz dan 2 fason.  Enn nou kapab dir ok Sesel napa en Domesticated Law lo sa, me nanryen pa anpes nou subsequent to  sa Lasanble  – e mon  krwar that’s the step e ki nou devret – e ki mon krwar Gouvernman i bezwen i pou pran.  Apre ki nou’n ratifye sa Konvansyon  nou provide li avek sa parasol – enn en dezyenmman nou provide li avek sa basis zisteman  parey sa Konvansyon i dir pou li al kot bann lorganizasyon   ki kapab provide li avek led pou li  kapab zisteman travay lo en prosesis etabli son administrative guideline ouswa son Administrative Law ki ava fer sa.  E akoz sa i kapab mars dan nou faver Mr Speaker, se akoz sa lobligasyon ki pou ganny kree atraver nou ratifikasyon sa Konvansyon ozordi i pa bezwen lobligasyon lo lapar Sesel, me i pou en lobligasyon lo bann kontre parti ki vin avek nou, akoz i annan en kantite shipping ki pas dan nou Zone – dan nou rezyon zot konnen lobligasyon zot osi pou zot vin devan e asiste nou avek sa.  E mon krwar se koumsa ki trafik maritim akoz personn pa oule met okenn lot dan en pozisyon difisil.  Mon ti fortunate Mr Speaker ler   mon ti L’Angleterre kot sa Lotel ki mon ti pe reste e mon ti zwenn avek bann dimoun sorti dan en pei Lafrik, e zot ti’n vin bann miting kot IMO e annefe biro IMO pa ti lwen kot sa Lotel kot nou ti pe reste, ki mon ti bezwen zis marse pou al vwar.  E baze lo diskisyon ki mon ti gannyen avek sa bann dimoun i ti kler poudir laplipar pei i retourn towards the source – toward IMO pou al rod serten sipor pou etabli sa bann Lalwa lo en baz domestik akoz la ou pe pe deal avek bann konpannyen ki bann pti konpannyen – mon pe deal avek bann amater bato ki annan bato ki fer letour lemonn.  E mon krwar se dan sa konteks ki nou devret pe vwar nou rol ozordi koman Lasanble Nasyonal kot nou pe provide sa stepping stone ki ava permet zisteman lotorite konsernen ki pou al ver etablir prosesis domestikasyon oubyen etablir son prensip administrativ atraver sa Lalwa.  Se sa ki nou pe fer.        E mwan mon krwar si nou pe pran sa lapros ozordi mon enplor –  mon pledwari se ki nou pran sa lapros, akoz nou zisteman anvi asire ki menm bann bato ki ozordi pa flag Sesel,  ki pe antre dan nou Por nou vwar nou dan en pozisyon difisil petet akoz nou ekspekte ki sa bann bato pe onor Konvansyon ki zot in sinyen nou  pou vwar nou difisil akoz nou deza nou pa ankor ratifye sa Konvansyon, e nou pa pou kapab dayer anba sa Konvansyon al reklanm atraver bann Lazans konsernen, pou fer ki sa bann sanksyon ki egziste anba zot Lalwa Administrativ dan zot pei, ganny enpoze lo zot.  Admetons demen en peser pe lapes lo plato Mahe e en bato in antre anndan sa 175mil notik e i pe desarz son ballast.  Ok e kot sa Konvansyon poudir sa bato i  bezwen annan 2000mil notik a en depth 200 met e sa bato enn nou peser i  vwar li i vin anba kot SFA i raporte poudir mon’n vwar en  gro bato kargo e i pe desarz son ballast tel landrwa.  Admetons.  Mon dir annou fer en sipozisyon.  Ki nou pou fer?  Ozordi nou pa kapab fer nanryen akoz premyerman i ou annan en lenpak lo sa bato kot in ganny anrezistre atraver sa landrwa ki administre li akoz the administration of it, i ganny fer anba son country kot in flag.  La pour le moman nou pa kapab anmenn en aksyon kont li akoz zisteman nou pa’n ratifye sa Konvansyon.  Nou pa’n met nou lekor dan sa Konvansyon.  E likewise i pou en pli gro problenm definitivman pou nou bato ler li in ariv dan en Por, e si sa sirkonstans i arive.  Le pwen ki mon pe fer Mr Speaker, se ki ratifikasyon sa Konvansyon, a sa moman ozordi, malgre in annan sa elapse in letan, i pou fer ki nou pe zisteman ede pou met keksoz azour.  E mwan mon krwar – mon krwar tou dimoun la anndan mon senserman konvenki ki tou zefor ki nou fer ansanm pou met keksoz azour, i en zefor ki al ver etabli en fason pli byen ki mannye keksoz i kapab ganny fer dan sa Domenn Maritim.  Mon pou termin la Mr Speaker e la mon pou demande ki mon bann koleg ki’n koze lol ot kote latab, i vwar li dan sa konteks.  Mon apresye komanter  ki zot in fer e mon konpran komanter ki zot in fer e sertennman menm kestyon ki mon pou propoze, me mon krwar poudir sa ki nou stand to gain out of sa ratifikasyon ki nou pou fer ozordi, e posibilite  par egzanp ki nou ava dayer rod ganny sans par egzanp fer training pou bann dimoun ki  kapab al travay dan Lalwa Maritim – mon konnen Sesel nou ti annan – mon krwar nou ti annan 2  a en moman donnen Lonorab ki dan Lasanble, e mon krwar en lot dimoun ki en justice of appeal, so mon krwar i en sekter ki nou pou bezwen kontinyelman rod fason pour nou kontinyen amelyore.  E se dan sa fason ki nou devret vwar li.  Mon krwar toultan nou devret vwar li ki plito tar ki zanmen.  E nou fer li ozordi – nou kree sa baz Zis pou nou kapab bouz lo la devan; akoz si nou pa fer li ozordi, what is the next step.  Ou konnen nou kapab dir sa.  We can take that approach.  But should we?  Parfwa i annan 2 semen ki nou kapab travay on it.  E nou kapab swazir ozordi ou nou travel on the road kot i montre ki anmenn nou ver strengthening bann lorganizasyon ki pe fer sa e nou ava fer sir atraver nou rol oversight byensir atraver sa bann Lazans konsernen ki dayer i kapab met sa Konvansyon an pratik, e zisteman anmenn domestikasyon final sa konvansyon.  Avek sa Mr Speaker mon remersi ou e mon remersi Lasanble son…

 

MR SPEAKER

Wi Onorab Ramkalawan.

 

HON WAVEL RAMKALAWAN 

Mon krwar ki Onorab Pillay in mislead the House e mon anvi al lo sa… In sey eksplik…donn en leksplikasyon dan sa ki Onorab Andre avek mwan menm nou’n lev-e e an fezan sa, in mislead the House an relasyon avek son domestikasyon.  Lartik 8 ki in fer referans avek, i koz lo violations e i dir klerman; Any violation of the requirement of this convention shall be prohibited and sanctions shall be established under the law of the administration of the ship concerned. ‘Ekoute ou …proceedings. – pli devan it shall cause such proceedings to be taken as sonn as possible in accordance to it’s law. ’Kot in mislead nou, se lo definition administration.  Administration dan son definition section in ganny dekrir lo paz 2 sa Konvansyon – administration means that government of the state under whose authority the ship is operating.’’  Ki sa i vedir Mr Speaker?  Se pour sa rezon ki sa domestikasyon i enportan.  Si en bato Sesel – si en bato Sesel i a ganny atrape dizon Maurice konmkwa in kas Lalwa lo sa zafer ballast –Maurice i fer son lenvestigasyon e son prosedir i pou bezwen refer to the administration of the ship.  Savedir Sesel.  E zisteman Lartik 8 i dir avek ou ki the proceedings shall be taken as soon as possible in accordance with its law.  Savedir in accordance with the Law of Seychelles.  I vin in accordance with the law of Seychelles parski se Sesel ki pe administre sa bato me si nou, nou napa okenn Lalwa anba kwa ki ou pou met li?  Anba kwa ki sa keksoz pou pase?  Nou pou napa – nou pou napa nanryen e alor nek zis i tonbe.  Si nou anvi vreman serye – si nou anvi vreman serye fodre ki nou annan nou Lalwa isi e ki tou bann lezot parties i ava satisfe ki poudir Sesel, akoz nou anmenn bann bato; akoz nou annan bann bato.  Par egzanp nou annan en bann bato ton Mr Speaker e i annan en kantite bato ton ki pe fly the Seychelles Flag e zisteman zot par…lefe ki ton i en lespes migratwar i pa zis dan lanmer Sesel li.  Ton i mont dan direksyon Nor i al dan direksyon Sid ensidswit e sa bann bato i swiv.  Savedir se demen en bato ton i larg son ballast water dan teritwar ki pa pou nou anndan sa teritwar anndan sa zistans i komet en lofans laba, nou Sesel malgre ki nou’n ratifye sa Konvansyon tan ki nou napa son kote domestikasyon sa Lalwa nou Sesel nou pou zis – nou bann bato nou pou zis letan zot pou raporte tousala nou, nou pou napa nanryen pou nou fer.  Alor Mr Speaker mon retourn ankor lo mon pwen fodre ki i annan en keksoz ki kler pou ki Sesel nou pa – si nou pe pran nou responsabilite o serye nou bato – nou bato ki anba nou ladministrasyon, zot ava nobou ganny taken to task e la nou ava pe zwe nou rol serye pou fer sir ki bakteri – sa bann zafer pa ganny spread partou.  Mersi.

 

MR SPEAKER

Onorab Georges.  Oule fer kalifikasyon lo sa ki in dir?  Apre nou ava al kot Onorab Georges.  Ale, go on.

 

HON SEBASTIEN PILLAY

Mersi Mr Speaker.  Mr Speaker dan mon lentervansyon ler mon’n koz lo Lartik 8 mon’n koz lo Lartik 8 dan 2 konteks.  Premye konteks ki mon koz lo Lartik 8, mon’n koz lo en bato ki sorti dan en lot pei ki’n ratifye sa Konvansyon ki komet en lofans Sesel e ki obviously parey Lartik 8 pe dir -se sa ki mon’n dir mwan – parey Lartik 8 pe dir sa bato sorti dans sa lot pei akoz se sa administrater dan sa lot pei ki annan son Lalwa i liable anba sa Lalwa.

Sa ki mon’n osi dir. Me parkont, mon’n fer sa kler me parkont nou riske nou dan en sityasyon konpleks, akoz si nou bato i komet lofans dan en lot pei, la kot problenm pou vini.

So mon pa’n dir pou dir nou bato i ganny kouver anba sa Lalwa.  Ki mon’n dir tou senpleman,- mon konpran kot ou pe vini.  Non mon dakor lo sa bout kot i konsern nou bato, partiallypartially ; me sa ki mon pe dir ou, sa ki mon pe dir ou se ki once nou, nou ratifye sa Konvansyon and that’s where the benefit will be.

Ler nou, nou ratifye sa Konvansyon sa bato Mauricien ki parkont i vin Sesel e komet sa lofans – an vi ki nou’n ratifye e Lartik 8 pou aplikab pou li akoz nou’n ratifye Konvansyon, then nou, nou pou kapab pran aksyon kont li.

Me as it stand ozordi and this is mon pe sey fer ou konpran; as is stand ozordi la, nou napa, nou pou napa sa grounds pou enforce sa akoz nou pa’n ratifye sa Konvansyon.

And that’s one of the argument ki mon ti pe dir, as a starting point nou ratifye sa Konvansyon zisteman pou permet nou antre dan sa anba sa parasol, ki ava permet nou take to task sa bato etranz.

But I am agreeing with you about si en bato Seselwa definitely i fer en lofans, nou, nou pou al fort. Akoz zisteman anba nou Lalwa nou pou napa fason pou enforce part sa Konvansyon. That was what mon ti pe get at.

 

MR SPEAKER

Ok Onorab Georges.

 

HON BERNARD GEORGES

Mersi Mr Speaker. Mr Speaker mon pa pou long, mon ti anvi fer enn de pti komanter. E mon ti a konmans avek…

 

MR SPEAKER

Hold on apre nou a ekout, les Onorab Georges in konmans koze.  I pa pe vin koz lo sa ki… ok ale.

 

HON WAVEL RAMKALAWAN

Wi Mr Speaker mon pe dir, zisteman Onorab Pillay in montre the weakness sa ki nou pe fer la.  Nou, nou pou dan en pozisyon pou nou raport bann lezot bato.  E pou bann landrwa kot zot annan zot Lalwa Undomesticated, Domesticated aksyon pou ganny pran.

Me tandis Sesel li – li Sesel li letan son bato pou komet en lofans li i pou napa nanryen ki pou arive ek li.  Be this is wrong.  

 

MR SPEAKER

Ok you made the point.  Onorab Georges. Apre Onorab Andre.

 

HON BERNARD GEORGES

Mersi Mr Speaker.  Mr Speaker mon ti anvi zis anvi fer enn de pti komanter. Mon premye komanter se ki Onorab Sebastien Pillay apre midi in fer nou konpran ki sa boug ki’n mank son dernyen bis ki ti pe al Takamaka; annefe sa pa en problenm ditou, kontrer i en bon keksoz, akoz ou bezwen mars apye, e sa pou tre bon pou son lasante. E i pa en problenm bis manke.

Se sa son lentervansyon apre midi.  Mon ti a kontan met lanfaz lo nou en pei maritim. Nou en pei ki lanvironnmantal. Sa 2 keksoz i fer ki nou bezwen pran sa Konvansyon ki devan nou o serye.  Nou ti’n devret fer li byen lontan, nou pa’n fer li e nou bezwen aksepte ki nou pa’n fer li e la prezan nou ava fer li.

Rezon ki mon dir sa, rezon ki mon dir sa se ki i pa zis sa enn. Onorab Hoareau ek mon nou konn tre byen ki i annan lezot Konvansyon ki lontan nou pe dir avek Gouvernman ratifye ki zot pa ankor fer ; enn se Konvansyon New York lo Recognition And Enforcement Of Arbitral Awards. 

      Pa ozordi yer Profeser Clorance an 1976 ler in ekrir kod Komersyal in dir silvouple ratifye ‘76.  40an ekek pli tar nou still pa ankor fer li.  E problenm pe arive toulezour.

Alor silvouple mon pran laparol apre midi pou dir annou servi sa legzanp ki devan nou la ozordi.  Pa pou nou tir en lavantaz ladan.  Me pou nou revwar en pti pe nou bann defayans e fer sir ki nou catch up avek nou bann defo.  Mersi.

 

MR SPEAKER

Vwala the point has been made.  Onorab Andre.

 

HON CLIFFORD ANDRE

Mersi Mr Speaker.  Mr Speaker mon pwen ki mon ti fer sorti se Mosyon lafason i ekrir i pe dir ou domestikasyon.  So Lalwa prensip letan i dir ou se savedir a ki nou pe pase la, i pe domesticate sa ki pe pase la.  So sa i en lesplikasyon. Apre letan nou pe get lo sa Konvansyon i enn bann Konvansyon parey in ganny dir ki 2004 i la.  E bann Onorab Pillay in, dir poudir i annan Seselwa ki’n fer training dan Lalwa maritim.  E a plizyer repriz rekomandasyon in ganny fer pou fer sa ki nou a legzersis nou pe fer dan lepase.  Mon pou antyerman siport Onorab Ramkalawan letan i dir ki pou dir nou pe fer keksoz an retar.

So Mr Speaker dan Lartik 10 sa…

 

MR SPEAKER

Round up, round up Onorab Andre.

 

HON CLIFFORD ANDRE

Konvansyon i eksplike ki pou dir enn bann eleman se detansyon warn e detain sa bato ki’n komet sa lofans.

So ou bezwen annan serten Lalwa dan ou pei pou ou kapab prevwar serten keksoz ki enportan pou fer.  So avek sa Mr Speaker, mon pou rezerv mon vot ziska ler mon ganny eksplike pli byen.  Mersi.

 

MR SPEAKER

Onorab Gill ou ti oule die len entervansyon lo, en pti moman.  En pti moman.  Pardon?

 

HON WAVEL RAMKALAWAN

There’s a major problem with the Motion!

 

MR SPEAKER

Ekoute donn sans loter Mosyon pou li

 

HON WAVEL RAMKALAWAN

Me non son lekritir menm! I mean nou pe debat lo en keksoz ki pa egziste.

 

MR SPEAKER

Ok Onorab Gill, ou ti annan en pwen ki ou ti oule fer sorti.

 

HON WAVEL RAMKALAWAN

This is not a Convention.

 

MR SPEAKER

Onorab Gill.

 

HON SIMON GILL

Mr Speaker mersi bokou, pou donn mon laparol.  Mr Speaker nou realize i 5.27 lo nou ler isi dan sa Lasanble Nasyonal.  E mon pa pou long lo sa size ki devan nou Lasanble.  Mon krwar lonnekte entelektyel e profesyonnel, i obliz nou, pou nou tonm dakor e dezagree a la fwa ki Gouvernman i an retar avek soumisyon sa dokiman devan Lasanble Nasyonal.

Lasanble avan nou probableman Trwazyenm, Katriyenm, Senkyenm ti’n devret pe adres sa size, pou ki Sesel i bouz a par avek bann lezot pei.  E respekte son lobligasyon konman en pei ki annan bato ki annan tanker, e ki pe trafike dan losean, dan delo enternasyonal avek bann konsekans tre grav posibleman.

Lefe in arive ki nou pa’n bouz a tan.  Ozordi nou’n ganny sa dokiman in table devan nou Lasanble.  Mon a demann tou nou bann koleg dan Lasanble Nasyonal, avek tou nou bann dezagree ki nou’n dezagree e pou tonm dakor pou met Sesel avan tou.

Nou dakor ki in annan mankman.  Me annou bouz de-lavan.  Mon swete Mr Speaker, ki nou bann koleg travayer anler dan Foreign Affairs pe ekout nou ozordi apre midi.

E nou lapel ozordi, se ki zot met lanmen lo tou ban Konvansyon ki bezwen vin devan Lasanble Nasyonal Sesel. Pou ki Lasanble i azir e dan en dele kout nou met annord tou sa ki pa ankor ganny met annord.  Mon swete ki zot pe ekout nou ozordi apre midi.

Mon osi mon konnen i annan dokiman ki dan posesyon Sesel. Leta Sesel, ki devret vin devan sa Lasanble Nasyonal pou ki rezonn zot pe trenn lipye lo la, nou pa konnen.

E ankor enn fwa pou mon pa long Mr Speaker,  mon  lapel  e lo lapar go Lasanble Nasyonal mon pe lans lapel ek Minister Zafer Etranzer ki annan portfolio responsabilite, pou fer desann tou sa bann dokiman kot nou Lasanble o pli vit posib.

Mr Speaker ankor enn fwa mon lapel ek nou bann koleg ozordi dan Lasanble Nasyonal, se pou nou bouze e nou dakor ki nou annan en mankman nou aksepte nou acknowledge ki nou annan mankman ankor enn fwa mon met lanfaz lo la.  Me annou bouze.  Annou donn Sesel en sans pou li met li apar avek bann lezot pei e respekte bann regilasyon e bann norm Enternasyonal pou ki nou osi nou elimin bann risk posib, ki nou bann tankers ki la deor i ganny met otaz e pa kapab bouze, e fer zot bann trafik e desarz bann responsabilite ki zot annan pou desarze; an fas avek bann Kontra ki zot in sinyen.

Danze i la e ankor enn fwa Mr Speaker with respect mon a demann ou pou nou tonm dakor pou nou bouze.  Mersi bokou Mr Speaker.

 

MR SPEAKER

Mon a donn laparol Loter Mosyon pou li sum-up.  Onorab De Commarmond.  Wi?

 

HON WAVEL RAMKALAWAN

Mr Speaker the Motion is wrongly worded letan i dir; Pursuant to Article 64 (4) for the Constitution I move that this Assembly resolves to approve Accession and Domestication of the International Convention for the Control and Management of Ships’ Ballast Water.

      Accession and Domestication is not part of the Convention.  I pou bezwen sanz sa.  E the Domestication i pa kapab vin ladan.

Me sa ki sa dernyen pwen ki Onorab Gill in fer resorti, pou donn nou bann tankers en sans, nou kapab pa pe donn nou bann tankers en sans. Zisteman nou napa en Lalwa.  En lot pei laba i kapab dir be pa vin kot nou.  Parske ou napa en Domesticated Law.  

      E ki si ou annan ou problenm nou pa pou kapab fer nanryen.

 

MR SPEAKER

Ok, ok mersi Onorab. Nou a donn sans loter Mosyon pou round up.  Onorab De Commarmond.

 

HON CHARLES DE COMMARMOND

Mersi Mr Speaker. Anfen kont i vre i annan fot ek sa Mosyon parey i ete lo Order Paper.  Me solman pa sa Mosyon ki mon ti anvoye. Mosyon i devret lir koumsa; Pursuant to Article 64 (4) of the Constitution, I move that this Assembly ratifies.. la ou ale… the Convention ki nou annan devan nou; lo Management and ..anba la.

So la osi mon krwar i annan bann keksoz ki sa nou pa al dan sa detay.  Lenportans la se ki nou met li dan sa fason ki nou’n dir.

Epi Mr Speaker mwan mon dir zot fransman, ler ki Egzekitiv in donn sa Konvansyon kot nou Lasanble Nasyonal, letan zot in anvoye, i kler ki osi mon’n met devan zot dan en fason ardan, dan en fason tre serye, ki sa kalite keksoz nou pou bezwen arete.

Pa kapab deadline sa Konvansyon i sipoze pou access to the Convention, i sipoze le 8 Septanm – ozordi ki dat nou ete?  Nou fek pas dan en gran dan Recess – sa ti devret vin depi avan.

E nou konman en Maritime State, nou devret pli avangard ki sa.  E sa mon’n dir ek zot, e nou profite mon join avek lezot Manm dan Lasanble nou Lasanble Nasyonal i lans en lapel avek Egzekitiv, sirtou Minister Foreign Affairs laba.  Sa bann Konvansyon ki la pe pran lapousyer dan bann bife laba anvoye silvouple nou a ratify.   Anvoye nou ava pas ladan.  E sa demann Mr Speaker.  I pa zis la ki mon pe dir.  Sa demann in ganny dir depi dan bann Lasanble oparavan.  Nou annan serten Departman ek Minister ki antete dan sa pei Mr Speaker.

E mwan mon dir ankor enn fwa, ki zot bezwen o pli vit posib anmenn sa bann Konvansyon ki neseser pou ratify.  Ki nou an retar parey in ganny fer sorti pou nou kapab deal avek.

Lo sa pwen i enportan fer resorti kantmenm ki kon finansyel sa Konvansyon pe anmennen Pa pou bokou parey nou’n dir i minim, sa pa bezwen enkyet lo la.  E nou pe demande. Pa lefe ki nou pou ki nou siport sa Mosyon la – sa ratifikasyon sa Konvansyon senpleman nou pe osi konmans the process of Domestication Mr Speaker, akoz i pou donn li kredibilite pou bind Sesel, pou kapab konmans antre dan sa relasyon.

      So e Lotorite Por – I mean Lotorite SMSA i bezwen li nou’n dir li sa osi – mon met devan sa Lasanble ki o pli vit posib i bezwen vin ek sa Lalwa.  I pa kapab tro tarde, nou, nou pe fer nou bout. Malgre retar, la mon beg the Members present here, pou donn sipor.  Pou donn sipor akoz sansan still nou vin pli an retar ankor.

Alor annou pa les nou pli an retar ankor.  Bann pwen ki’n ganny resorti relevan, i enportan.  Mon asire International Affairs Committee of this Parliament i note osi sa ki nou pe dir la.  E lo tro zour zot in fer resorti.

E mwan mon dir alor ki nou, nou pe lans en lapel e nou pe dir avek SMSA osi anvoy sa Lalwa vitman.  Mon konnen pou dir sa Lalwa i pa lo lalis bann Lalwa ki nou’n diskite dernyerman avek Prezidan Larepiblik.  E nou pe demande ki li osi i revwar sa lalis.  Well si SMSA i anvoy sa vitman si i vin avek kapasite. Anba sa Konvansyon letan nou aprouv li la nou letan nou ratifye nou donn nou sipor anba Lartik

13 i kapab ganny sipor, korperasyon, avek lezot pei.  E menm IMO pou kapab fer sa Lalwa, Domestication sa konteni sa Konvansyon o pli vit.

So Lalwa i kapab vin devan nou Lasanble.  E enn fwa i vin devan nou Lasanble nou a kapab koz ankor an detay, diskit ankor dan montaz lo konteni sa Konvansyon ki devan nou.

Mr Speaker mwan mon vwar sa bann issues ki’n ganny lev-e konman bann issues relevan, enportan. E nou selman i enportan nou note. Si vreman nou ti telman dan mal ensidswit, IMO pa ti ava’n donn ou whitelisting lotrozour.

So i annan keksoz ki nou pe fer ki i pa mal.  Kekfwa i annan bann landrwa pe met serten kontrol. I annan bann lezot mekanizm an plas.  E bann kestyon survey akoz kestyon osi I enportan mon krwar nou bann bato I ganny survey ensidswit.  I annan lezot lenstans lezot keksoz pe ganny fer korekteman.  Alor nou demande ki bann lenstans konsernen i fer lepa neseser pou nou bouz vitman dan sa bann direksyon.

Mon beg nou Lasanble ankor enn fwa, pou donn sipor that Motion pou nou kapab bouz de lavan irespektiv bann problems ki annan regarding that.  Mersi bokou Mr Speaker.

 

MR SPEAKER

Vi ki ou ti segonn Mosyon Onorab Basil Hoareau ou a donn en dernyen laparol.

 

HON BASIL HOAREAU

Zis senpleman pou segonn Mosyon to amend the sa Mosyon, ki son rewording ki’n ganny ki dir basically; Pursuant to Article 64 (4) of the Constitution, I Leader Government Business move that this Assembly ratifies the International Convention for Control and Management of Ships’ Ballast Water and Sediments (2004).

 

MR SPEAKER

Eski sa i akseptab pou loter Mosyon?

 

HON BASIL HOAREAU

It’s already moved. 

 

MR SPEAKER

Ok wi dernyen parol Onorab Ramkalawan apre nou pran en vot.

 

HON WAVEL RAMKALAWAN

Mr Speaker, sa ki pa normal ki Onorab De Commarmond in fer e mon krwar i devret apologize oubyen retract sa ki in fer an relasyon avek Sekretarya.

I pa kapab li i anvoy son Mosyon, son wording dan sa fason,  e apre sa akiz Sekretarya konmkwa zot in met en lot wording lo son Mosyon.

Sa mon krwar i devret retract akoz sa i mal.  Mersi.

 

MR SPEAKER

Order! Order! Order! Msye Onorab De Commarmond i vre ki ler sa i pas devan ABC – ler Order Paper ti sorti tou dimoun ti vwar son wording.  E mon krwar dan sa sans Onorab Leader Lopozisyon i annan rezon.

Nou pa kapab pas blanm parske nou ti devret prevwar nou osi, pou dir wording pa’n dapre ki nou, nou ti anvi i vini.

 

HON CHARLES DE COMMARMOND

Mr Speaker, point noted.  Me mon zis mon original pa ek mwan la, nou ava tyeke pou soz, me selman i enportan osi ki Sekretarya i annan en Legal Advisor ki letan okenn dokiman i vini osi si i annan en, me non si annan en problenm i devret vwar depi avan.  In ariv lo Order Paper!  In ariv lo Order Paper!  In pas tou sa bann mekanizm so si ti annan en keksoz, zot ti a’n vwar depi avan e nou, nou amande.

 

MR SPEAKER

Order Paper i pas kot LGB, kot LOTO – tou dimoun.  Si ou annan ou orizinal anmennen.

 

HON CHARLES DE COMMARMOND

Tou.

 

MR SPEAKER

Si ou annan ou orizinal anmennen but anyway the debate has been done.  Annou, your point is taken.  E ou’n dakor, annou pran en vot prezan lo Mosyon parey i amande.  Tou bann ki ‘pour’ lev lanmen?   Deputy. 

 

MADAM DEPUTY CLERK

Mersi Mr Speaker. Mon’n rikord 15 Manm ki’n vot an faver sa Mosyon.

 

MR SPEAKER

Okenn dimoun ki kont? Non alor Mosyon i pase.  E mon krwar ki la a sa pwen i 6er mwen 20. Mon krwar nou in ler pou nou adjourn.  Nou a pran i annan ankor 3 Mosyon.  Nou a pran sa 3 Mosyon demen bomaten 9er.

Mon krwar nou tou demann nou en bon keksoz pou rafresisman. Mon pa ava dir kwa.  Nou ava adjourn mon a vwar zot demen bomaten 9er isi menm Lasanble.  Pas en bon sware.

 

(ADJOURNMENT)