Home » Verbatim » 2017 » Verbatim Report NAS Sitting Tuesday 12th September, 2017

Verbatim Report NAS Sitting Tuesday 12th September, 2017

NATIONAL ASSEMBLY OF SEYCHELLES

 

Tuesday 12th September, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Bonzour tou dimoun dan Lasanble, MNA, Clerk ek ou koleg Deputy, bann envite tou dimoun ki pe ekout nou dan lakour.  Yer ti Larantre zanfan lekol, ozordi nou konmans nou travay, mon sipoze i larantre granmoun.  Mon ti a kontan, vi ki nou pe swet… nou pe viv depi weekend, nou konmans en 3enm Trimes nou travay dan Lasanble, mon ti a kontan pran sa lokazyon pou swet tou dimoun en bon lanniverser akoz i fer 1an depi Sizyenm Lasanble in pret Serman.  E mon ti a kontan partikilyerman swet en gran remersiman konman Speaker pou tou Manm Lasanble, i konpri manm Sekretarya Lasanble, Serzan ek tou bann lekip ki’n travay ansanm pou fer nou ariv kot nou’n arive.  In en travay lekip ki nou pa ti pou kapab arive fer sa ki nou’n fer si ti napa sa kolaborasyon e sa korperasyon ki nou’n annan ant tou le de kote latab, me ansanm avek sipor Sekretarya, pou fer sir ki keksoz i marse e i annord.  Mon krwar osi i lokazyon ler nou, pe fet nou Premye Lanniverser pou swet Serzan osi en Bonn Aniverser akoz li osi i pe swet son lanniverser. Mon pa konnen si in ganny 1an pli mwens oubyen 1an an plis me tou fason Mr Rose Bonn Aniverser.  Mon ti a kontan osi profit sa lokazyon, pou swet en labyenveni Spesyal bann granmoun ki sorti dan distrik Anse Boileau, ki zot ozordi nou envite.  Evidaman konman MNA pou Anse Boileau, mon kontan ki zot in vini e ki zot a ganny lokazyon pou zot enterakte avek bann Manm Lasanble pandan pause kafe taler.  Demen nou pou annan en lot group, group sorti St Louis ki pou vini e mon krwar i byen ki an mezir ki nou kontiny nou travay diferan group dimoun i vini, i vin vwar ki mannyer nou travay i marse e ganny sans pou enterakte avek bann MNA, bann Depite.  E mon espere pandan sa 3enm Trimes, nou dernyen trimes pou sa lannen, ki i ava annan diferan group sorti diferan distrik ki a vin vwar nou pou enterakte avek nou.  I byen pou osi swet, vi ki mwan en ansyen Minis pou Ledikasyon, en ansyen fasilitater laprantisaz, pou swete ki tou bann teachers ek tou bann zenn dan lekol, i ganny en bon trimes akoz mon krwar i term kot pou annan legzanmen, kot dimoun i bezwen travay dir, i bezwen annan disiplin e mon ti a kontan dir Minis Morgan avek son lekip ki nou pou donn li tou sipor.  Minis Morgan avek mwan lafen nou dernyen term lekol, nou ti kominik bokou, akoz ti annan serten sityasyon dan lekol kot paran i vin lager dan lekol.  E mon ti a kontan repet pou piblik tande sa ki mon ti dir avek Minis Morgan ‘sa i pa akseptab par okenn nou ; ni Lasanble, ni okenn Seselwa akoz dan lekol i bezwen annan respe avek disiplin’.  So mon ti a kontan piblikman poudir ki mwan konman Speaker ek Lasanble nou sipor ki bann administrater avek bann teachers pe fer, pou anmenn disiplin, lord e laprantisaz ek sikse dan bann lekol.  Mon krwar i enportan osi pou dir ki, mon ti a kontan fer en remersiman spesyal pou tou bann MNA ek bann Komite ki’n travay pandan Recess. I enportan pou fer sa pwen akoz i annan dimoun petet ki pa realize poudir pandan Recess tou bann MNA pe travay.  Pa vedir zot vin la depi 8er ziska 4er Vandredi toulezour me zot pe travay dan distrik.  E i annan bann Komite ki pe travay e lo sa pwen mon ti a kontan felisit diferan Komite, FPAC anba leadership Onorab Ramkalawan ki’n fer en travay vreman tre byen e mon krwar piblik, ki mannyer mon’n ekoute, piblik i apresye ; parske bokou sa bann travay in ganny pase lo televizyon pou dimoun vwar kwa ki nou pe fer.  I annan lezot rapor ki pou vini o firamezir bann zour ki pe vini, IAC osi mon krwar in fer en kantite travay e i annan, anba direksyon Onorab Ferrari, e i annan osi Ant-Viktimizasyon Komite ki’n zwenn pandan sa letan ki nou’n dan Recess e mon ti a kontan dir en remersiman spesyal pou tou bann manm Komite Anti- Viktimizasyon espesyalman mon Vis-Chairman Onorab Andre, ki ler mon pa’n kapab li in pran la relev pou asire ki dan sa 338 ka ki nou ti’n anrezistre atraver lanasyon, nou’n arive ziska konmela ekout 113 ka ; ki vedir i plis ki en tyer tou bann konplent ki nou’n gannyen.  E mon kontan poudir ki dan sa bann ka ki nou’n tande, nou’n ganny kantite solisyon. Nou’n vwar klotir, closure kot dimoun, sa ki pe complain in vin nabou koz avek respondent, e alor mon remersye tou bann dimoun sirtou bann o zofisye ki korpere avek nou ki’n vini pou, as respondent pou nou rezourd problenm ki serten dimoun ti santi ki zot in ganny viktimize.   E mon ti a kontan sirtou remersye tou bann Minis ki’n vini.  En remersiman spesyal pour Lapolis, pour SPDF, pour Seychelles Licensing Authority, Departman Imigrasyon, Gouverner Labank Santral e Departman pour Agency pou Social Protection.  Mon krwar i annan de zour ki nou’n ale ziska tar 9.30 diswar e i enportan poudir ki tou dimoun in korpere menm si nou’n ganny retar zot in esper en pe, tou dimoun in santi zot ki zot bezwen santi en devwar pou vini devan Komite.  E mon ti a kontan anonse ki evantyelman pli pre lafen sa mwan nou ava annan en Konferans de Pres kot nou a vin nabou eksplike, reponn kestyon, lo kwa ki nou’n e annan okenn leklersisman pou bann piblik ki i anvi ganny leklersisman.  Avan nou pran nou Order of the day, mon krwar nou pa kapab touzour annan move nouvel, nou annan…. Yer nou ti ganny en Don pou Lasanble, mon krwar i bon pou nou konnen poudir i annan dimoun ki pe siport nou, nou travay, en Don sorti kot Manmzel Diana Chen ki Konsil Zeneral pou Sesel, Hong Kong, kot in donn nou $30mil, ki ler ou tradwir li i vin pros R400mil ki pe al pou nou fer, aranz nou Departman oubyen nou linite IT anba direksyon anba direksyon IT Manager, Mr Stanley Allagain.  Alor nouvel se ki evantyelman nou esper nou annan en channel, en YouTube channel kot nou tou konman bann Manm Lasanble, Clerk ek Sekretarya, i kapab annan pli bon kominikasyon avek piblik, avek Seselwa an zeneral.  So alor i annan progre ki nou pe fer e kominikasyon i a pli fasil e pli eze ler nou IT Unit in a ganny pli byen ekipe avek lekipman modern e nou pa pou tann sa lavwa en pti pe angorze ki nou’n tande bomaten ler nou pe zwe nou National Anthem. Alor ankor enn fwa mon ti a kontan piblikman remersye Konsil Zeneral Hong Kong pour sa Don.  E avek sa nou a pran nou Order Paper.  Mon krwar ki bomaten zot in ganny prezante avek en rapor – i sipoze lo zot biro oubyen zot in devret gannyen, en rapor lo Select Committee on Judicial Interference.  Zot a rapel ki sa rapor oubyen sa Committee ti en Select Committee ki nou menm nou nou ti aprouve e i ti ganny chair par Onorab Ramkalawan e son Vis-Chairperson sete Onorab De Commarmond.   Rapor i devan zot.  Nou annan 2 swa, nou pran li premye ozordi pou diskite avan kestyon oubyen si nou pa ankor ganny letan pou lir li, nou kapab pran li pli tar apre ki Minis in konmans reponn kestyon. Mon ti a kontan ekout zot lopinyon avan nou pran en desizyon.   Onorab Ramkalawan.

 

HON WAVEL RAMKALAWAN

Bonjour Mr Speaker.  Bonzour tou Manm Onorab e tou dimoun ki a lekout.  Mr Speaker premyerman mon zwenn ou dan bann remark lentrodiksyon ki ou’n fer, mon zwenn ou poudir, wi i 1an apre ki nou Lasanble in… nou Lasanble i selebre 1an e la nou lo nou 2enm lannen, mon krwar ki in en moman ki nou’n aprann bokou ansanm e mon swete ki sa dezyenm lannen an menm tan sa 3enm Trimes, i ava en kot nou ava kontinyen dan nou travay e nou ava kapab akonpli sa ki lepep Seselwa i espekte avek nou.  Mr Speaker, dan ou remark ou’n osi mansyonn FPAC, toultan mon kontan met… mon konnen mon ki Chairperson FPAC selman, mon kontan, mon ti a kontan met lo rikord ki sa Komite i en Komite, mon krwar ki kot nou annan en travay ekstraordiner e ki lo tou le de kote bann Manm lo tou le de kote latab, ki form parti sa Komite, nou vreman pe met tou sa ki nou kapab.  E alor mon ti ava kontan plas lo rikord ki tou dimoun i konnen ki poudir sa travay i pa zis en kote ki pe fer, me i annan Onorab De Commarmond, Onorab Sebastien Pillay, Onorab Churchill Gill, Onorab Ahmed Afif, Onorab Ferrari, Onorab Terence Mondon ek mwan menm.  E vreman mon tir sapo avek sa lekip e mon swete ki tou bann Manm Lasanble e osi tou piblik i ava kontinyen donn nou sa korperasyon.  Mr Speaker, mon ti ava propoze ki vi ki sa rapor i la devan nou e ki bann Manm lo tou le de kote in ganny sans osi partaz avek zot bann Manm, si nou ti a pran li parski dan mon lentrodiksyon mon pou fer en lentrodiksyon bref e apre sa mon pou al lo bann rekomandasyon pour ki nou ava, Lasanble i ava kapab adopte li konman son rapor.  Mersi bokou.

 

MR SPEAKER

Si napa okenn lobzeksyon sorti kot okenn Manm, mon krwar nou ava proceed koumsa.  Me avan sa mon a donn laparol Vis- Chairperson Select Committee on Judicial Interference, Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour tou Manm Onorab isi prezan, nou bann envite sorti Anse Boileau osi, e tou piblik an zeneral, bonzour.  Mr Speaker, nou lo nou kote nou kontan nou pe kontinyen ek nou Lasanble.  Ou’n fer bann remark, sa bann remark mon krwar i al dan laliny nou Lasanble.  E mon krwar tou dimoun, tou bann Manm lo tou le de kote i pe santi konman sa travay ansanm.  E dan lespri bonn gouvernans, latransparans e rann kont i pe marse sirtou atraver bann diferan travay Komite ki pe ganny fer. E la parey Onorab avan mwan in dir, sa travay ki FPAC… mon krwar ki FPAC pe set sa bar ase o e menm tre o e ki lezot Komite i bezwen swiv dan sa direksyon.  E sa i ava fer ki lezot lenstans dan nou pei i ava osi konpran poudir sa travay ansanm ki Lasanble pe sey fer, i osi avek zot, i pa zis nou dan nou Komite me osi avek bann lezot lenstans dan pei.  E parey nou dir nou demann zot korperasyon tou dimoun pou fer ki sa travay i vin pli konplet, pour ki nou pep i benefisye in the process.  Lo sa rapor ki devan nou Mr Speaker, mwan mon dakor ki nou al dan sa direksyon ki nou pe dir e nou Komite in koz lo la, mwan mon a les Chairman pou eksplik son rapor vi ki li ki’n chair e apre nou ava vwar koman nou pou bouze lo la.  Mersi.

 

MR SPEAKER

Mersi Onorab avek sa nou a demann chair sa Select Committee Onorab Ramkalawan pou prezant rapor parey i dir briyevman avek rekomandasyon.  Onorab Ramkalawan.

 

HON WAVEL RAMKALAWAN

Mr Speaker, mersi bokou. Zis pou enform bann Manm pou nou remind piblik e osi bann Manm ki sa Select Committee lo Judicial Interference, ti ganny etabli atraver en rezolisyon ki ti pase le 28 Zen 2017.  E sa rezolisyon ti vin apre ki serten bann Manm ti ganny servi somonn dan sa ki nou apel precincts Lasanble, savedir dan balizaz Lasanble.  E sa ti aparet konman ki Lartik 102 (2) Konstitisyon e Seksyon 9, National Assembly (Priviledges Immunities And Powers Act 2005) ti’n ganny vyole.  E letan Mosyon ti pase bann Manm ti osi santi ki nou bezwen osi regard lo bann lezot aspe ki kapab kontribye pou nou prezerv lenportans nou lenstitisyon, Lasanble Nasyonal.  E bann Manm ki ti ganny propoze lo sa Komite sete Onorab Basil Hoareau, Onorab Sebastien Pillay, Onorab Charles De Commarmond, Onorab Flory Larue, Onorab Clifford Andre, Onorab Jean-Francois Ferrari e mwan menm Onorab Ramkalawan.  Letan nou ti fer nou meeting Onorab De Commarmond ti ganny swazi  – ti ganny elekte konman Vis-Chairman sa Komite, e mwan mon ti ganny elekte konman Chairman sa Komite.  Mr Speaker an gro metod ki nou’n swazir, ki nou ti swazir sete pou nou interview bann diferan dimoun ki konsernen avek sa sityasyon.  Alors nou ti annan nou tou bann, par egzanp lo kote Lasanble, nou ti annan nou tou bann dimoun lo kote sekirite ki ti pe travay sa zour.  Nou ti annan nou bann dimoun ki’n resevwar sa bann dokiman.  Lo kote Zidisyer ti annan Rezistrar Lakour avek sa Process Server ki ti vini pou donn nou detay  egzakteman lo kwa ki’n arive.  E an plis ki sa nou ti osi, akoz ti pou konsern Zidisyer, nou ti osi annan en meeting avek bann Manm Lasanble ki avoka, parske se, ti osi annan sa konfli ant bann Manm ki avoka e an menm tan osi travay isi dan Lasanble.  E alors nou ti fer bann diferan meeting.  E a lafen nou ti dekouver ki poudir somonn ki ti’n ganny seri lo bann Manm ofet ti en lofans ki ti’n ganny komet – ti en breach Lartik 102 (2) Konstitisyon e osi Seksyon 9 National Assembly (Priviledges Immunities And Powers Act of 2005).  E nou ti… me selman an menm tan osi, malgre ki sa lofans ti’n ganny komet Mr Speaker, nou bezwen dir ki Komite ti dekouver ki non selman ki Process Server kot Lakour Siprenm pa ti konn tou son responsabilite, me an menm tan osi nou ti santi ki lo kote Lasanble Nasyonal osi, nou bann sekirite pa ti tro konnen egzakteman ki ti zot responsabilite e ki mannyer zot ti devret azir dan sa sityasyon.  Pli tar sa pou vin dan en rekomandasyon.  Dezyenmman letan nou ti regard Zidisyer nou ti dekouver ki poudir i annan  -dapre interview ki nou’n fer avek nou bann Manm, ki poudir i annan bann lenstans kot Zidisyer oubyen serten Ziz i pran en hard line approach ; kot i menm annan serten avoka ki’n perdi zot ka akoz zot pa ti kapab prezan, oubyen menm si zot in donn leskiz, pa’n ganny aksepte.  I pa’n ganny aksepte akoz zot leskiz sete zot ti bezwen vin isi kot Lasanble pou zot akonpli zot devwar anba Lartik Konstitisyon pou zot reprezant zot bann elektora. Alor Mr Speaker, nou’n osi balans rol Zidisyer avek rol Parlman e nou’n santi ki i annan sa lenportans pou ki tou le de kote, i regard kanmarad avek en lizye apropriye pou ki i annan sa korperasyon. An menm tan osi lefe ki, e sa ou’n mansyonnen, lefe ki Komite Anti-Viktimizasyon ozordi pe fer fas avek en case devan Lakour, nou, nou santi ki sa i vreman malere, nou santi ki sa i vreman malere e sa nou mete lo paz 5 nou rapor e akoz Lasanble Nasyonal i annan sa pouvwar pou li apel dimoun.  I pa azir konman en Lakour a okenn moman, Komite i konnen poudir i pa azir konman en Lakour, me nou, nou rekonnet ki poudir sa Komite Anti- Viktimizasyon i osi in apel bann diferan temwen kot zot in vini, e atraver levidans ki Komite in nobou resevwar in annan en lapros zeneralman akseptab, ki’n ede pou rezourd bokou bann eleman konfli alor petet nou a pe dir avek Zidisyer, konmsi les nou fer nou travay, pa tro enterfer dan nou travay.  E Mr Speaker an konklizyon nou ava dir nou Komite in met bokou lanfaz lo sa ki an Angle nou apel the sanctity of Parliament kot i bezwen a tou moman annan respe.  E nou rekonnet ki Lasanble Nasyonal i zwe en konponan santral, non selman pou mentenir sa separasyon pouvwar ,me osi pou ranforsi nou demokrasi e an menm tan pou donn bann MNA tou sa laliberte pou zot akonpli zot rol parey Konstitisyon i demande.  E nou osi rekonnet ki i osi enportan pou ki Lasanble i rekonnet lendepandans Zidisyer e rol bann lezot Brans dan Gouvernman.  E la lefe ki sa rapor i spesifikman lo sa malantandi ki’n arive ant Zidisyer avek Lasanble Nasyonal, nou pe met lanfaz plis lo Zidisyer.  Nou ti ava kontan osi mete Mr Speaker ki Lasanble i rekonnet sa langazman ki sa 3, bann dirizan sa 3 Brans Gouvernman prensipalman Mr Danny Faure, Prezidan Larepiblik, ou menm ou Onorab Patrick Pillay, Speaker Lasanble e Madanm Mathilda Twomey, dan sa meeting ki zot ti fer an Me 2017, kot zot ti met lanfaz lo lendepandans sa 3 Brans Gouvernman e alor dan nou bann rekomandasyon nou rod en fason pou nou regarde ki mannyer nou kapab fer sa travay dan en fason pli efektiv, dan en fason pli byen.  Alor Mr Speaker la bann rekomandasyon ki mon pou demande ki Lasanble i aksepte, letan zot pe pran sa konman zot rekomandasyon.  I annan en pti, en dernyen rekomandasyon ki malerezman pa ti dan rapor me ki nou’n sirkile – Mr Speaker ou osi tou ou’n ganny en pti kopi e sa i ava osi rantre konman en rekomandasyon. Alors la bann rekomandasyon ki Lasanble pe… ki  Komite lo Judicial Interference pe demande ki Lasanble i aksepte.  Premye rekomandasyon ;

Komite i rekomande ki lantrennman i ganny fer o pli vit posib pou staff Lasanble Nasyonal ek Zidisyer pou ki tou i konpran fonksyon sa 2 Lenstitisyon.  Respe pou sak Brans Gouvernman i konmans avek en bon konprenezon bann Lalwa ki gid prosedir ek relasyon ant bann lenstitisyon. Pou Zidisyer i tre enportan ki son staff i konpran byen bann Lartik relevan Konstitisyon Repiblik Sesel ek Lalwa National Assembly (Priviledges Immunities And Powers Act).  Lo lot kote fodre ki staff Lasanble i konn lotorite Zidisyer parey i ganny defini dan Konstitisyon.

Dezyenmman Komite i rekomande ki apre sak eleksyon Lasanble Nasyonal atraver Clerk Lasanble Nasyonal, i kominik avek Rezistrar Lakour Siprenm e donn li sa bann lenformasyon swivan ;

Enn kalandriye Lasanble Nasyonal ki ava enkli bann sesyon ordiner e osi bann sesyon spesyal.

(B) progranm bann misyon enternasyonal bann MNA ki osi avoka.

(C) Ladres rezidansyel oubyen profesyonnel tou bann MNA an ka ki Lakour i bezwen servi somonn lo zot, sa byensir pou evit en sityasyon kot somonn i ganny servi isi.

3enm rekomandasyon Komite i rekomande ki o pli vit posib Rezistrar Lakour Siprenm i enform Lasanble Nasyonal bann dat ki Lakour Siprenm ek Lakour D’apel i an sesyon.

No 4, Komite i rekomande ki Lakour D’apel i konsider fer bann mention selman lo bann zour ki Lasanble Nasyonal pa dan sesyon.

5enm rekomandasyon, Komite i rekomande ki i devret annan en dimoun sorti kot Lasanble Nasyonal ek enn kot Zidisyer, ki azir koman entermedyer kan i kapab annan okenn kontrovers ki lev-e.  Sa 2 dimoun i devret Clerk Lasanble Nasyonal ek Rezistrar Lakour Siprenm.

Sizyenmman, Komite i rekomande ki en legzersis i ganny fer pou definir balizaz lakour Lasanble Nasyonal, the precincts of the Assembly.  E ki tou bann Lotorite ki angaze avek Lasanble Nasyonal, i ganny sa lenformasyon pou fasilit zot responsabilite ek lobligasyon.

Setyenm rekomandasyon, Komite i rekomande ki en Lagreman i ganny sinyen ant Lasanble Nasyonal ek Zidisyer, pou etabli bann fason pozitiv pou sa de Lenstitisyon travay ansanm.

8enm rekomandasyon ; etandonnen ki dan tou Lasanble enkli sa ki pou nou, pou annan bann avoka, Komite i rekonnet ki parfwa pou annan Manm ki avoka ki pou bezwen swazir ki Lenstitisyon ki pou pran priyorite.  Komite i fer en lapel avek tou le 2 lenstitisyon pou rekonnet ki pou annan konfli e fer en lapel avek tou Manm ki avoka pou annan en pli gran sans responsabilite anver sa 2 Lenstitisyon e demann tou le 2 lenstitisyon pou vin pli toleran anver sa bann MNA ki avoka, kan i annan konfli.  E  nou rekomandasyon final, Mr Speaker, Komite i rekomande ki en code of conduit pou bann travayer Sekretarya ek bann ki lo Kontra i ganny defini, pou etabli limit kominikasyon personnel lo medya sosyal ek lezot medya pandan ler travay.  Komite i anvi met lanfaz ki krwar ki bann travayer ki pa MNA, ki travay kot Lasanble i devret annan pli gran laliberte posib pou partisip dan zafer piblik ek politik tan ki zot pa pe fer sa pandan zot ler travay, e atraver sa abes lenportans Lasanble Nasyonal.

Mr Speaker avek sa detrwa parol e rekomandasyon, mon demande ki Lasanble Nasyonal i adopte sa rapor e sa i ava mark lafen sa Komite ki ti ganny etabli an Zen sa lannen.  Mersi bokou.

 

MR SPEAKER

Mersi Onorab Ramkalawan. Avan ki nou pran en vot pou adopte sa rapor, sa Select Committee ki mon krwar i tre kler, bann rekomandasyon i kler e devan zot eski i annan okenn Manm Lasanble ki anvi fer okenn komanter oubyen rod klarifikasyon avan nou pran en vot.  Onorab De Commarmond.

 

HON CHARLES DE COMMARMOND

Mr Speaker, mersi bokou.  Mon pa oule ki nou… petet nou pou depar from met en Mosyon pou anvoy sa… pou nou debat lo sa rapor, me selman la mon krwar zis nou pe koz en pti gin lo sa ki’n ganny dir la, sa rapor ki’n ganny fer, pou nou pas vitman lo lot size.  Be mon krwar ki parey in ganny dir sa rapor i en rapor, en travay en Select Committee.  Konmsi ti annan sa bann issues sa bann, mon kapab dir konsern ant nou avek Zidisyer e prezan sa detrwa pwen e pa zis Zidisyer, i konsern sekirite ek sa issue Facebook or social media ki ti konsern travayer Lasanble Nasyonal osi.  E prezan en Select Committee in fer, mon dir sa akoz prezan dimoun i bezwen konpran sa Komite la, son lavi i konmans letan sa bann issues ti lev-e apre la letan son rapor i fini, Lasanble i adopte apre i fini, sa Komite i mor lanmenm li, i fini lanmenm e selman son travay nou anvi ki i ganny valorize, i ganny sa lenportans. Sa detrwa malantandi si nou kapab servi sa mo, sa detrwa malantandi la i ganny byen atandi, byen antann e nou annan solisyon. Me solman  i enportan nou pran detrwa pti pwen pou nou reflesir lo la.  Ou vwar, Mr Speaker, Egzekitiv i donn nou legzanp… Prezidan letan in vini, Prezidan Faure in etabli sa striktir formel, enformel me i rankontre avek sa bann Head of Institution mars byen, kontrer depi dernyen fwa zot ti zwenn kekfwa in ler pou zwenn ankor en kou.  Mon asire apre sa rapor la ki nou adopte, i ava en bon moman pou zot zwenn ankor en pti kou pou avans zisteman sa relasyon.  In annan en lot keksoz ki mon apresye ki Egzekitiv i fer ki i devret vin en leson, en legzanp pou nou.  Nou isi Lasanble nou apel bann Minis pou reponn kestyon.  Nou kapab compel en Minis nenport ler nou.  In deside, Lasanble i zwenn, vini, kantmenm Vandredi tou, nenport zour, Dimans tou.  Nou kapab dir… be nou pa abiz lo sa pouvwar ki nou annan.  E Egzekitiv i anvoy nou en schedule zot bann miting Cabinet.  La i dir nou the Cabinet i zwenn dan Merkredi, donn nou bann dat ki an prensip zot devret pe zwenn.  Sa i pa kestyon zis pou fer nou konn zot zaksyon, me i enportan pou nou, nou osi par respe nou pa met kestyon sa zour ki Cabinet pe zwenn a mwen nou’n ganny en laranzman, nou koze, nou dir, ‘‘Gete sa kestyon i telman enportan kantmenm i Merkredi, vini reponn en pti kou apre ou retourn dan ou Cabinet laba.’’ E alor i annan sa lantant.  Se sa kalite keksoz ki nou, nou pe sey rode atraver sa bann issues ki’n ganny lev-e san ki mon pou al dan bann detay.  E nou oule ki sa bann rekomandasyon ki sa rapor in anmennen i vin zisteman pu elev nivo nou demokrasi ; pou further devlop li, pou anmenn li ankor lo en lot staz.  Ou vwar Mr Speaker, tou dernyerman en kantite keksoz vitman ki pe arive.  Nou pe pran mon kapab dir en pe risk osi, yer mon’n dir avek medya kantmenm pa tou ki ganny met devan – nou, par egzanp Public Hearing be nou’n deside, avan nou ti pou fer Public Hearing, solman ti dir met son mechanism avan.  Be nou la ki nou’n dir, nou’n dir let’s do it apre nou a gete kot i annan bann keksoz pou aranze dan semen nou aranze, be selman ou’n fini konmans larout definitivman, ou ava ariv dan finisyon semen akoz nou’n konmanse, nou bezwen ariv sa parkour.  Me sa parkour la ki mon pe dir mon pe mansyonn sa bann pwen, akoz mon anvi nou tou nou konpran – nou tou, nou pep an zeneral i bezwen konpran, ler nou Lasanble pe zwenn koumsa ou pa kapab fer bann ensinifyan lo Facebook si ou pe travay kot Lasanble.  Sa osi i bezwen kler.  Sekirite, aspe sekirite pa kapab en boug zis i deside… en dimoun i le vin vwar somonn Lasanble zis i vini i antre kot baro, i pase dan baro e nou, nou gard sekirite napa personn lo baro, be sa boug pou antre si napa personn.  Konmsi i pe fer nou vin alert, i pe alert lo tou sa bann issues ki nou tou nou fer pli byen.  Sa ki nou, nou anvi e ki nou pep mon krwar i anvi, i anvi vwar en keksoz ki pli byen ki alor i santi li happy ladan, i santi li ok.  Sa kestyon precinct Lasanble ; ou konnen precinct, mwan mon get li, Mr Speaker, parey Trade Zone, free Trade Zone.  Ozordi deside tel morso later la i free Trade Zone, ou kapab fer sa bann tranzaksyon free trade ladan. Precinct osi, nou osi Lasanble pa neseserman zis la dan sa Chamber kot nou été, me sa ki nou dir par egzanp pti zarden laba deor be sa osi i devret form par nou precinct ofisyelman.  I bezwen ganny deklare la la, sa i balizaz Lasanble pou ki en dimoun i konnen poudir la i annan serten ledikasyon, serten konesans pou respe li, pou annan sa relasyon vizavi sa precinct e i annan en aspe alors edikasyonnel dan tou sa. Konmsi sa rapor i pa zis fer, nou met li laba, mon krwar i devret ganny kit dan nou library, me an menm tan i devret ganny promote an deor pou ki dimoun i konnen, nou pep i konnen pou ki nou tou nou pli byen alor partisip dan tou sa.  E se atraver sa ki demokrasi i devlope, se atraver sa ki pep i evolye e ki en Lasanble, en pei i evolye.  E mwan mon kontan ki sa travay i en travay ki’n ganny fer ansanm.  E en travay ki i pa en kote latab tousel ki’n fer me parey in ganny dir se sa bann Komite Lasanble letan pep deor i vwar poudir sa bann travay pe aboutir a keksoz ki byen ; i annan tou le de kote ki pe konpran kote nou pe ale e avek sa gidans, sa direksyon ki nou Prezidan in set, mon krwar mwan, nou dan bon direksyon, nou dan bon semen e ansanm nou ava fer li.  Mersi bokou Mr Speaker, pou sipor sa rapor ek son bann rekomandasyon ki’n ganny met devan nou.

 

MR SPEAKER

Mersi Onorab De Commarmond.  Eski i annan okenn quick komanter avan nou pran en vot ?  Si non, eski nou kapab vote pou adopte sa rapor konman en rapor Lasanble ?  Onorab Andre.

 

HON CLIFFORD ANDRE

Mersi Mr Speaker.  Mr Speaker mon krwar Mosyon pa’n ganny segonde alors mon pe segonn sa Mosyon pou ki rapor i ganny vote lo la.  Mersi.

 

MR SPEAKER

Ok. Si napa lezot komanter, nou a pran en vot lo rapor.  Eski bann ki tou dimoun ki dakor silvouple lev zot lanmen nou ava adopte sa rapor, rapor Lasanble. Clerk.  

 

MADAM CLERK

Mersi Mr Speaker.  Mersi.  Mon ti a kontan de nouvo swet tou bann Manm byenveni.  Mon’n rikord 32 Manm an faver. Mersi.

 

MR SPEAKER

Mersi Clerk. Savedir rapor ki’n ganny prezante lo by Select Committee on Judicial Interference in ganny aksepte par Lasanble e mon ti a kontan remersye… Onorab Ramkalawan ou le dir en pti keksoz ?

 

HON WAVEL RAMKALAWAN

Mr Speaker mon pe zis ofisyelman prezant rapor ek Lasanble.

 

MR SPEAKER

Ok.  Mersi, mon ti a kontan lo la par Lasanble e Zidisyer, mersi. E Zidisyer felisit bann Manm Komite ki’n asize in pran letan pou travay lo sa rapor.  Efektivman la nou a bezwen, Sekretarya i bezwen travay lo bann rekomandasyon e bann aksyon ki devret ganny pran pou nou vin nabou fer sir ki annan en travay kolaboratif oubyen kolaborasyon ant sa de Lebra Gouvernman Zidisyer avek Lasanble. So mersi ankor tou dimoun e okenn dimoun ki’n le ganny akse ek rapor i pou lo website kot zot ava kapab regarde dan zot letan lwazir ã tête reposée.  Prezan nou al lo nou senkyenm item lo nou… Onorab Pillay.

 

HON SEBASTIEN PILLAY

Yes Mr Speaker. Dan Papers Laid, nou annan en Deklarasyon pou en International Trade Zone.  Mon ti a kontan konnen si i posib ki nou konsider lenplikasyon Deklarasyon International Trade Zone e mon pou ekri Lasanble formelman pou request en explanation from Minister Finans si failing which mon pou anvoy en kestyon pou nou klarifye akoz ler nou deklar International Trade Zone i annan bann lenplikasyon ki vin avek lo nivo Lanplwa eksetera parey dan lepase nou’n tande avek bann lezot landrwa travay.  So i enportan ki nou konnen egzakteman.  Mersi Mr Speaker.

 

MR SPEAKER

Mersi Onorab. Onorab Ramkalawan.

 

HON WAVEL RAMKALAWAN

Mr Speaker, mon pa konnen si Onorab Pillay i annan sa (SI) devan li me letan mon pe regard sa (SI) 46 i pe senpleman revoke en… Which one ki ou pe dir ou ? (SI) 46 oubyen  (SI) 47 ?

 

MR SPEAKER

(SI)  46. (SI)  lekel ?

 

HON WAVEL RAMKALAWAN

Wi.  Be sa (SI)  47 ankor enn fwa i donnen son deskripsyon dan schedule. Dan schedule i donnen ki poudir se basically en lofis dan Quadrant Building, Huteau Lane ki pe ganny servi koman… ki’n ganny deklare e sa ordinerman i mars anliny avek sa bann zafer bond ; konmsi kot ou met bann goods konman en bond, en bonded warehouse basically.  Se sa ki pe ganny fer, en area 31.4 met kare.  Mersi.

 

HON SEBASTIEN PILLAY

Mersi Mr Speaker. Mr Speaker, mwan letan mon’n raise sa kestyon mon ti napa sa lenformasyon. Rezon mon’n raise sa kestyon se akoz once ou deklar en International Trade Zone in regards tou employment nou’n vwar avek I.O.T ki’n nou’n annan serten sityasyon dan lepase kot ler travayer in tonm anba International Trade Zone zot perdi serten benefis ki si zot ti pou travay dan sa… So ki mon’n raise sa konsern akoz zisteman pou mon konpran egzakteman akoz, akoz nou bezwen vizilan ler nou pe deklar en International Trade Zone si dimoun pou ganny anplwaye demen either konman sekirite or whoever dan sa landrwa, nou pa le end up avek en sityasyon en dimoun pa ganny peye son dues or something, akoz zisteman i pe travay dan en International Trade Zone.  That was the reason.  

 

MR SPEAKER

Efektivman sa ki ou pe demande se en pe klarifikasyon avek Minis Finans.  Ok, napa problenm, mon krwar ou kapab konman MNA ou annan drwa rod sa leklersisman me sa  (SI) 47 i deza form parti bann dokimantasyon ki’n prezante avek tou Manm bomaten i devret devan zot.  Byen avek sa nou ava al lo item limero 5 lo Order Paper, Clerk pou fer Public Bill First Reading of the Children (Amendment) Bill, 2017.  Clerk.  

 

MADAM CLERK

Mersi bokou Mr Speaker. This Act may be cited as the Children (Amendment) Act of 2017.  Mersi.

 

MR SPEAKER

Mersi Clerk.  E prezan nou ava lo nou lot item lo nou Order Paper ki Questions for Oral Answers e si mon papye devan mwan i byen mon krwar Minis ki vin premye se Minis Charles Bastienne, se sa ?  Eski nou kapab demann Minis Bastienne pou silvouple rantre pou kestyon.  Lo lapar tou Manm Lasanble ek Sekretarya, mon ti a kontan swe labyenveni Minis Charles Bastienne ki Minis pou Labita, Lenfrastriktir avek Transpor lo Later avek son PS Mr Denis Barbe, PS Barbe avek Mr Pat Andre pou sa Premye Sesyon Kestyon Oral dan Lasanble. Mersi pou reponn nou lapel pou vini bomaten Minis Bastienne e ou premye Minis ki vini dan nou 3enm Trimes pou sa lannen, e mon krwar san plis tarde nou pou al toudswit… Mr Hoareau ou annan en kestyon ?  Onorab Hoareau, pardon.

 

HON JOHN HOAREAU

Bonzour Mr Speaker.  Bonzour tou dimoun a lekout. Bonzour bann Manm Onorab. Mr Speaker avek ou permisyon, mon pe demande ki vi ki kestyon limero avek limero 3 i annan relevans avek kestyon limero 1, mon ti ava demann ou permisyon ki apre ki Onorab Valmont i lir son kestyon si mon kapab lir pou mwan apre ?   Mersi.

 

MR SPEAKER

En fason ki ou le dir Minis i a kapab reponn tou le 3 ?

 

HON JOHN HOAREAU

Egzakteman Mr Speaker.

 

MR SPEAKER

Eski Minis Bastienne i annan okenn lobzeksyon lo la ?

 

MINISTER CHARLES BASTIENNE

Mr Speaker, bonjour tou Manm Onorab e tou ki a lekout. Mr Speaker, mon napa okenn lobzeksyon lo la.

 

MR SPEAKER

Tre byen. Mersi Minis. Alor nou a les Onorab Valmont pou prezant ou kestyon ki limero 1 lo nou papye, nou Order Paper apre sa par laswit nou a demann Onorab John Hoareau pou prezant kestyon limero 2 e kestyon limero 3 – par laswit Minis i a donn bann repons Onorab Valmont.

 

HON JUDE VALMONT

Bonzour e mersi Mr Speaker. Bonzour Minis e ou delegasyon. Bonzour tou koleg Onorab e tou manm piblik ki pe swiv nou.  Mr Speaker zis pou fer en pti lentrodiksyon, sa kestyon in vin swivi vizit ki bann MNA ti fer UCPS le 28 Zilyet.  Tou le kote latab ti attend e zisteman Mr Depite Speaker, Leader Biznes Gouvernman e lezot Manm Lasanble ti la, e nou ti tonm lo lagreman pou mwan konman Manm MNA pou distrik Pointe Larue ki UCPS i trouv la alor mwan mon ti pou demann sa kestyon.  Mersi Mr Speaker, mon kestyon i lir comme swivan. Swivan vizit e rankont ki’n ganny fer par Minis e konsekaman par bann Manm Lasanble Nasyonal kot Lakonpannyen UCPS sa Lasanble in aprann ki kondisyon ‘supply’ ros pour prodwir materyo konstriksyon kot zot ‘quarry site’ Ile du Suede i vreman limite e posibleman pe al ver son finisyon.  Alors sa Lasanble pe demann Minis; enn, akoz ki Gouvernman in retir sa let ki i ti’n empower UCPS pour antre e komans eksplwat sa lot morso teren lo South East Island –  Ile di Swet an Kreol. Limero 2, ki son Minister i anvizaze fer pou ede dan sa sityasyon pou garanti, ki supply ros i kontinyen pour fourni lepep Seselwa avek materyo konstriksyon neseser? Limero 3, ki lentansyon sa Minister i annan pour ede ki quarry nimero 2 UCPS i bouze pou sorti kot i sitye aktyelman pou ki sa i a ede rezourd problenm lapousyer e tapaz dan rezyon Anse des Genets, Pointe Larue?  E katriyenm, akoz ki depi ler UCPS in ganny tender e early entry an Avril 2008, osi laprouvasyon an ekrir pour alokasyon Land Parcel S7022, 7022, Montagne Poseé, dan distrik Au Cap an Out 2016, ziska prezan pa ankor kapab bouze?  Mersi.

 

MR SPEAKER

E parey nou’n dakor nou a demann… mersi Onorab Valmont.  Nou’n dakor, nou a demann Onorab John Hoareau pou prezant son premye kestyon ki limero 2 lo nou papye e son 3enm kestyon osi, silvouple.  Onorab Hoareau.

 

HON JOHN HOAREAU

Mersi Mr Speaker.   Mon kestyon i lir comme swivan; anvi ki ros ki reste lo sa morso teren ki Lakonpannyen UCPS in ganny alokasyon Ile du Suede pou selman kapab permet sa Lakonpannyen prodwi materyo konstriksyon zis pou anviron 5 mwan, eski Minis i kapab enform sa Lasanble kwa ki pe ganny fer pou; premyerman permet Lakonpannyen UCPS kapab kontinyen son loperasyon lo Ile du Suède  dan le fitir? Dezyenmman fasilit prosedir ki Lakonpannyen UCPS i a kapab relocate son loperasyon mining lo Montagne Posée anvi ki ler ros ki reste Ile du Suède pou osi fini dan ankor apepre 3an? 3enm kestyon, anvi ki Lakonpannyen Sinwan Yangtze Construction pa’n zanmen fer okenn aktivite mining Ile du Suède, menm si i annan plizyer lannen depi ki in ganny sa morso zil pou eksplwatasyon ros, eski Minis i kapab dir sa Lasanble akoz ki napa okenn swivi lo sa loperasyon sa Lakonpannyen Yangtze?  Sa morso teren ki’n ganny relocate avek Lakonpannyen akoz ki sa morso teren pa ganny relocate avek Lakonpannyen ki pli serye tel ki UCPS ki deza lo sa sit e ki pou kout mwens an term mobilizasyon?  3enm, eski in annan okenn problenm ki’n anpes sa Lakonpannyen fer sa loperasyon mining dan sa landrwa?  Mersi.

 

MR SPEAKER

Mersi Onorab Hoareau.  Minis nou a donn ou toudswit laparol.

 

MINISTER CHARLES BASTIENNE

Mr Speaker, tou Manm Onorab e tou dimoun ki a lekout, de nouvo bonjour.  Mr Speaker, i annan plis ki 20 an depi ki UCPS pe operate en karyer, en karyer ros lo Ile Du Suède.  E premye sit ki UCPS ti eksplwate ti sa morso later ki sitye dan kote sid sa zil.  An 1999, Gouvernman ti fasilit ekstansyon sa karyer ki ti pe ariv son lafen son leksplwatasyon ler i ti relocate…

 

MR SPEAKER

Minis, eskize pou deranz ou, eski ou ti kapab koz en pti pe pli for e petet IT osi lev en pti volim pou dimoun bann MNA pli  byen tande si i enkli Speaker.  Minis ou ti kapab kontinyen.

 

MINISTER CHARLES BASTIENNE

Mr Speaker, en leskiz pou sa. Ma kontinyen. An 1999, Gouvernman ti fasilit ekstansyon ki ti pe ariv a lafen son leksplwatasyon ler i ti relocate ler i ti relocate sa lekipman DVOR ki deservi tou trafik aryen ki pe servi Airport Enternasyonal Sesel.  Ankor enn fwa an 2007, UCPS ek Gouvernman, ti konstate ki sa karyer in pres ki fini ariv a lafen son letan eksplwatasyon e UCPS ti menm prolonz son leksplwatasyon ler i ti desann byen anba nivo lanmer.  Ozordi nou kapab konstat sa gran trou lo Ile Du Suède. Alor avek Lakor tou bann party konsernen tel ki Lavyasyon Sivil SCAA, Lakademi Ladefans SDA e Minister Lanvironnman. Gouvernman, ti ofer UCPS lezot landrwa, sa fwa si dan parti nor was Ile Du Suede pou UCPS kapab kontinyen son loperasyon karyer. ,Sa nouvo sit ti mezir anviron 41, 500 met kare, en pti pe plis ki 4 hectare. An 2008, Septanm 2008, Gouvernman ti osi pran en desizyon pou donn license en 3enm operater pou operate en karyer lo Ile Du Suède avek bi ogmant lakantite materyo konstriksyon de baz tel ki ros, makadanm, lapousyer ros, ensidswit e ede fer bese pri sa bann materyo lo marse.  Sa Lakonpannyen ki ti ganny sa license sete Lakonpannyen Sinwan Qingdao Construction Group Company.  E li osi ti ganny allocate en bout dan nor Ile Du Suede e ki ti baliz avek sa nouvo karyer UCPS.  Sa sit ti mezir anviron 33, 550 met kare e ti enkli sa landrwa kot nouvo lekipman DVOR ti’n ganny re-enstale an lannen 2000.  Sa Lakonpannyen ti osi ganny allocate 2, 552 met kare later a kote Ile Soleil pou li enstal son crusher, pou li servi konman en depot e landrwa pou vann son bann prodwi tel ki ; makadanm, lapousyer ros eksetera. Mr Speaker, an 2010, Gouvernman ti don son Lakor sa Lakonpannyen Sinwan pou li transfer son bann drwa ki i ti annan anba son license avek en lot Lakonpannyen Sinwan Yangtze Construction, ki a sa moman ti tre aktiv dan Sekter Konstriksyon Sesel e ki ti pe fer loperasyon sa karyer anba en lot non, Quarry Product Seychelles Ltd. Sa desizyon ti ganny pran apre ki Gouvernman ti’n osi konstate ki sa Lakonpannyen Chinois Qingdao Construction Group Company Limited, pa ti’n fer okenn travay preparasyon pou fer sa karyer lo sa sit Ile Du Suède.  Antretan UCPS li lo son kote ti pe eksplwat son karyer o maximum kot i ti’n gannyen sa 41,500 met kare.  An Zanvye 2015, UCPS ti enform Gouvernman ki sityasyon ros lo son sit ki i ti pe konmans vin kritik e ki bezwen trouv en lot landrwa, swa lo Ile Du Suède oubyen lo sit Montagne Posée ki ti’n deza pandan plizyer lannen anba diskisyon avek Gouvernman pou li kapab asir prodiksyon ros e lezot materyo de baz pou konstriksyon lo en baz pli long term.  A sa pwen Mr Speaker, Gouvernman ti’n deza konmans konsernen avek la fason ki Quarry Product Seychelles Ltd lo son kote ti pe antreprann sa bann aktivite karyer.  Gouvernman ti note ki sa Lakonpannyen pa ti e fer okenn lenvestisman sibstansyel pou li eksplwat sa karyer parey i ti sipoze.  I ti tre enportan a sa pwen pou mon Minister esey trouv en solisyon kour term, pou asire ki UCPS i kapab kontiny son prodiksyon lo Ile Du Suède.  Alor Gouvernman ti antre an negosyasyon avek Quarry Product Seychelles Ltd pou li surrender en morso son sit avek UCPS, pou li kapab kontinyen avek bann loperasyon e asir prodiksyon ros pou sa prosen 2 an. En morso later 5, 406 met kare dan parti nor sa sit Quarry Product Seychelles Ltd ti alor ganny allocate avek UCPS avek evidaman sa Lakonpannyen Chinois.  Antretan Gouvernman dan son demars pou trouv en solisyon pli long term, ti tonm dakor avek Lakademi Ladefans ki i pou bezwen sorti lo Ile De Suède vi ki bann lenkonvenyans e danze ki ti pe kontinyen ogmante, an mezir ki karyer UCPS ti pe apros son balizaz.  Gouvernman ek SDA ti tonm dakor ki sa prose pou relocate SDA pou bezwen ganny akseler-e.  Sa landrwa ki SDA pe okipe aktyelman, i annan en potansyel ros pou permet UCPS agrandi son karyer e asir ki i annan sifizaman ros pou sa prosen 2an. An Out 2016, sityasyon ros kot karyer UCPS ti ankor enn fwa ganny deklare konman kritik – sa apre ki zot ti’n preski fini eksplwat sa sit ki nou’n ti’n pran avek Quarry Product e nou ti’n allocate avek UCPS. An menm tan Gouvernman ti pran desizyon pou termin sa lagreman Quarry Product Seychelles Ltd pou rezon ki sa Lakonpannyen pa ti fer aktivite quarry parey i ti’n devret fer anba son Lagreman. Mr Speaker, Gouvernman ti swiv prosedir sa lagreman e donn Quarry Product Seychelles en Notis sa desizyon e donn li en dele letan pou li sorti lo sa sit.  Gouvernman in osi rankontre avek Lakonpannyen Quarry Product Seychelles Ltd pou esey negosye pou ki i rann sa sit. Malerezman sa Lakonpannyen pe demann en konpansasyon ki pa rezonnab e pa zistifyab.  Gouvernman ti osi demann UCPS pou pran posesyon sa sit e agrandi son karyer.  Malerezman Quarry Product Seychelles Ltd ti met Gouvernman ankour e Lakour ti issue en interlocutory injuction an Fevriye 2017, pou anpes nenport ki pou antre lo sa sit pour Quarry Product Seychelles ziska ka i ganny ekoute par Lakour.   Mr Speaker sa bilan ki mon’n donnen, i klerman eksplik rezon akoz Gouvernman ti bezwen retir sa let ki ti’n empower UCPS pou antre e konmans eksplwat sa sit lo Ile Du Suède. Mon ti a kontan enform sa Lasanble Quarry Product Seychelles Ltd, detrwa mwan apre ki Lakour ti’n donn sa interlocutory injuction ti withdraw son ka ankour kont Gouvernman.  Le 01 Out sa lannen mon Minister ti remet prosedir an mars pou repran sa sit avek Quarry Product Seychelles.  E la mon kapab enform Lasanble ki mon Minister in fini fer demann ek Biro Attorney Zeneral pou pran aksyon legal kont Quarry Product Seychelles Ltd pou vacate sa sit Ile Du Suède. Antre tan avek lakor UCPS bann travay neseser in deza konmanse pou fer serten travay renovasyon e rekonstri serten fasilite lo Ile Perseverance pou permet Lakademi Ladefans bouz laba.  Mon espekte ki sa bann travay pou konplete ver lafen Zanvye lannen prosenn. Parey mon’n deza dir, sa landrwa ki’n ganny libere par Lakademi Ladefans pou permet UCPS fer aktivite karyer pou sa prosen 2an.  An menm tan, Gouvernman pe akseler sa prose pou li ganny posesyon sa sit ki ti pe ganny okipe par Quarry Product Seychelles.  Lo sa mon ti a kontan asir sa Lasanble e tou dimoun ki a lekout sa de sit ansanm pou permet UCPS kontiny son aktivite karyer pou omwen sa prosen 5an. Konsernan solisyon pli long term, setadir ouver en lot karyer lo sa sit ki’n ganny idantifye Montagne Posée rapor letid lenpak lanvironnman ki ti ganny fer an 2001, pe ganny revize pou met li azour avek sityasyon aktyel.   An sa ki konsern sa quarry nimero 2 UCPS pou li sorti kot i ete aktyelman Pointe Larue, Gouvernman in prevwar ki sa aktivite secondary crushing parey in le ka toultan, i bezwen ganny relocate.  Antre tan UCPS pe kontinyen pou le moman operate sa secondary crusher anba serten restriksyon.  Tel ki met bann sistenm larozaz an plas, pou kontrol e anpes i annan lapousyer.  I osi annan restriksyon lo bann ler ki i kapab fer marse sa crusher.  Mersi Mr Speaker.

 

MR SPEAKER

Mersi Minis pou sa lesplikasyon.  Onorab Valmont ou annan en kestyon.

 

HON JUDE VALMONT

Wi Mr Speaker, mon annan en kestyon siplemanter pou Minis. Minister dan ou repons ou’n mansyonnen ki i annan sa EIA ki pe ganny fer zis pou lenformasyon Lasanble EIA ki’n dir i ganny refer se depi an 2016.  Aparaman UCPS in fini fer sa EIA in submit ek ou Minister, ziska ozordi i pa ankor repons.  Alor mon pe demann Minis si i okouran ki pe arive avek sa EIA premyerman.  E 2enm kestyon, si mon kapab demann Minis kan egzakteman UCPS i kapab konmans al lo sa teren Montagne Posée pou zot konmans met an plas zot quarry nimero 2 pou konmans louvraz reparasyon, akoz nou konnen i pran apepre 2an zis pou zot enstal zot machinery laba anler.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, normalman bann issues ki annan pou fer avek EIA i tonm anba Minister Lanvironnman.  Me selman ki mon kapab dir sa Lasanble apre ki mon’n konsilte avek mon koleg, in averti mwan konmkwa ki en addendum pe ganny fer avek sa EIA.  Setadir i annan serten lezot keksoz ki bezwen ganny fer avan ler ki zot aprouvasyon final i ganny donnen.  An vi ki EIA ti ganny fer way back, setadir nou pe koz dan bann lannen 2001 apre in ganny refer mon krwar 5, 6an apre, kot pa neseser al refer en EIA dan son totalite, e  addendum ki pou pran kont sityasyon aktyel parey i ete ozordi, ki mon krwar parmi, i ava enkli en konsiltasyon piblik de nouvo ki pou bezwen ganny fer.  E sa mon koleg Minis in dir mwan poudir vwala kot nou ete, kot EIA i konsernen.  Dezyenmman, Gouvernman pa pou kapab donn UCPS permisyon pou li mont Montagne Posée toultan tou keksoz pa  annord.  E mon kapab dir poudir sa i EIA  e baze lo tou bann konsiltasyon ki pou bezwen ganny fer avan ler desizyon final i ganny pran lo whether UCPS pou ganny allow pou li fer son quarry activity Montagne Posée.  Mersi Mr Speaker.

 

MR SPEAKER

Mersi Minis. Onorab Hoareau. Onorab John Hoareau.

 

HON JOHN HOAREAU

Mersi Mr Speaker.  Minis an vi ki konstriksyon, pri materyo konstriksyon i deza tre o e eski ou Minister in anmenn serten dyalog avek Lakonpannyen UCPS, ki pou permet ki pri materyo konstriksyon i desann si zot ganny sa bann nouvo sit pou zot kapab kontiny zot prodiksyon an vi ki zot kou loperasyon pou desann ?   Dezyenmman mo ti pe demann, mon ti ava osi kontan konnen si pou annan okenn konpansasyon ki pou ganny donnen pou sa Lakonpannyen Quarry Construction ler zot repran sa sit an vi ki ou’n anmenn sa kot Attorney Zeneral pou zot repran sa sit.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, permet pran sa 2enm kestyon premye. Konsernen konpansasyon pou Quarry Product, Lakour i ava deside si nou pou donn li okenn konpansasyon oubyen non ?  Akoz nou, nou le i sorti, nou nou le i rann nou nou sit pou ki nou kapab kontinyen fer devlopman e atraver parey nou’n dir se ki UCPS i a kontinyen mine pou donn nou ros ki neseser.  Me konsernan konpansasyon sa Lakour i a deside. Dezyenmman konsernan pri materyo konstriksyon, boner sa lannen an Fevriye mon ti antre an negosyasyon avek le 2 prodikter materyo konstriksyon CCCL avek UCPS e kot nou’n vwar poudir tou le de Lakonpannyen an Avril sa lannen, zot in donn en rediksyon 10poursan lo lapousyer ros makadanm e 5 poursan lo blok avek bann pti brik.  So mon krwar poudir deza nou’n vwar lavans kot zot pe donn nou, pas avek piblik serten benefis.  Me wi evidaman si zanmen, pa si zanmen – mon konnen i pou arive apre ki in pas devan Lakour kot sa sit i ganny rann avek, ki nou kapab allocate avek UCPS la mon krwar petet nou a kapab negosye further petet a long term vwar plis rediksyon  ki nou tou  e nou pep Seselwa i a  swete vwar.   Mersi Mr Speaker.

 

MR SPEAKER

Mersi Minis.  Onorab MNA pou Au Cap Onorab Pillay.

 

HON STEPHEN PILLAY

Mersi Mr Speaker.  Bonjour tou dimoun.  Mr Speaker, sa zafer Au Cap 722 pou UCPS monte, mon kapab formelman mon pe dir avek Minis mon pou lodge en obzeksyon. Akoz sa i egzakteman rezon ki Prezidan ti dan distrik Vandredi, fotespere i pe ekoute, ki nou ti met obzeksyon, napa konsiltasyon pou vin fer sa.  Mon’n ekri son Minister pou demande ki pe arive dan proze distrik zot in dimoun get ek DA e in napa.   Alor vi ki 7022 i nepli egziste in ganny subdivide avek 2 plot, enn 933 square meters, enn lot 1 milyon pros 500 met kare. Akoz zot pa konsilte nou avan dan sa proze e mon kontan ki ou’n dir UCPS pa pou monte deswit, akoz pou annan EIA be mon pe enplor ou avan ou pran okenn desizyon vin dan nou distrik, zwenn nou, konsilte, kolabore, nou a kapab diskit an detay si wi, si non epi si i fodre, konman ou dir sa, negosye ek kanmarad pou kwa.   Akoz zot pa kapab zis vini pran manze vid dan nou lagorz dir nou anvale.  Zot pa le konsilte nou se sa ki sa proze anler Montagne Posée e nou pa ni konnen ki pe arive avek.  Depi 2001 ou dir zot ti p[e konmanse i ti kritikal but ou Minister pa’n zanmen kontakte nou, nou’n demande, demande a plizyer repriz, zot dir napa.  Ki mannyer nou kapab  soz ? So en klarifikasyon lo la, Mr Speaker.  Mersi bokou.

 

MR SPEAKER

Minis, eski ou kapab donn en leklersisman lo la.

 

MINISTER CHARLES BASTIENNE

Mr Speaker, mon krwar, mon’n plizoumwen sa boner me mon a repete.  Ki mon’n dir mwan se ki en EIA in ganny fer depi avan e ki la dapre Minister Lanvironnman pou fer en addendum to the EIA. En addendum to the EIA, dapre a sa ki mon’n konpran avek Minister Lanvironnman, se pou al vwar bann lezot fakter ki’n sanze avek letan, e ladan i kapab mon panse i pou enkli konsiltasyon piblik parey dan tou EIA Class 1, ok, ?  So mon’n pa’n dir pou napa konsiltasyon.  Mon’n dir poudir i annan en addendum, sa EIA avan pa pe ganny take it as  is pou fer desizyon lo la whether pou fer sa karyer oubyen non Montagne Posée.  E se pou sa rezon kot pou annan sa addendum pou al revwar lezot.  EIA letan in ganny fer avan Mr Speaker, se ki anba EIA i anmas tou bann keksoz zeneral.  I konnen kot larivyer i pase, kote semen i pase.  Se pou sa rezon kot napa nesesite pou al re al fer en lot EIA.  Larivyer i reste lanmenm semen i reste lanmenm plizoumwen.  Me sa ki sanze se ki letan in evolye, sityasyon in sanze e mon konsyans poudir pandan tou sa bann lannen atraver Planning Authority, zot in ganny lord kot in deza gard en buffer 200 met tout otour sa sit, pou ki napa okenn devlopman pou tout an preparasyon prevwar si zanmen pou annan sa karyer, sa provizyon in deza ganny fer.  Mersi Mr Speaker.

 

MR SPEAKER

Onorab Pillay ou annan en leklersisman?

 

HON STEPHEN PILLAY

En leklersisman, Mr Speaker.  Mon pa’n demann li zafer EIA mwan.  Se sa proze akoz ki nou pa’n ganny met okouran ler mon ti ekri ou lofis pou demande si i annan okenn proze. ?  Ou ti a’n kapab zis dir mwan i annan en proze, la nou pe fer addendum EIA.  Se sa denial ki’n napa ki fatig mwan.

 

MR SPEAKER

Minis ou le fer en komanter lo la avan nou bouz lo lot kestyon?

 

MINISTER CHARLES BASTIENNE

Mr Speaker, mon pa okouran Onorab in ekri mon biro pou demann kestyon spesifikman lo la, me solman si i pe koz EIA normalman i en keksoz ki pou ganny directed avek Minis Lanvironnman. Mersi Mr Speaker.

 

MR SPEAKER

Petet Onorab si ou rod dan ou file, ou a rod ou korespondans atraver Clerk pour Minis gannyen.  Ok.  Onorab Prea.

 

HON WAVEL RAMKALAWAN

Zis lo en pti bout…

 

MR SPEAKER

Lo menm pwen?

 

HON WAVEL RAMKALAWAN

Mon ti a kontan atraver ou, dir avek Minis ki poudir son biro, son Minister i sanmenm sa landrwa ki ou ganny mwens ki ou ganny mwens larepons. Telefonn, ou telefonnen pa reponn e apre sa ou kit mesaz…

 

MR SPEAKER

Ok. Order ! Order !

 

HON WAVEL RAMKALAWAN

…zot pa zanmen retourn ou call.  Sanmenm sa ou Minister   sa.

 

MR SPEAKER

Order !  Silvouple annou gard lo kestyon ki lo Order Paper.  Scope kestyon i kler ki Onorab Valmont ek Onorab Hoareau in demande.  Gard within the scope of the question.  Onorab Prea.

 

HON NICHOLAS PREA

Mersi Mr Speaker.  Bonjour tou dimoun.  Mr Speaker mon ti a kontan demann Minis ki bann kondisyon ki Gouvernman ti diskit oubyen met avek UCPS ek sa Lakonpannyen Sinwan plis ki 20 an pase, pou zot min quarry Ile Du Suède. Si Minis i kapab donnen espesyalman lo sa Konpannyen Sinwan ki apre Gouvernman pa’n kapab repran, retournen pou repran sa alokasyon ki’n ganny fer ek sa Konpannyen Sinwan.  E Gouvernman in ganny tenir konman otaz, pa selman Gouvernman, pep Seselwa, i ganny tenir konman otaz pandan plis ki 20an. An vi ki Minis osi in dir ki i pe met keksoz dan lanmen biro Attorney Zeneral si i kapab donn sa Lasanble, konbyen… dir sa Lasanble konbyen letan ankor pou pran akoz aparaman UCPS i annan li apepre 3 mwan mining pou li fer la kot i ete la, sirtou ki i pe vwar ki ler i pe mine i pe ganny apepre 60 poursan later e 40 poursan ros ki pa rantab.  Mon anvi osi fer Lasanble piblik konnen poudir ler nou ti fer sa vizit a la demann UCPS nou ti osi ansanm avek Leader Government Business, nou ti al lo regard quarry pou regarde kwa ki pe arive laba.  Nou okouran ki Minis in deza vizit sa sit, eski Minis i kapab dir nou avek sa bann lekipman ki Sinwan i annan, Yangtze i annan la pou le moman lo site, eski in kapab prodwi en kilo makadanm avek sa bann lekipman, pa en tonn, en kilo.  Si i kapab dir nou sa Lasanble e swivan sa vizit ki nou’n fer mon biro in resevwar en let avek Yangtze ki nou’n trespass lo son premises.  Ok ?   Lo later Sesel en lebra Gouvernman, nou’n ganny akize ki nou’n trespass akoz nou ti anvi al regard sityasyon aktyel.  Minis mon dernyen pti bout kestyon, ou dir Montagne Posée EIA ti ganny fer an 2001 e ou anvi en EIA pou met azour.  Minis eski ou okouran poudir the buffer zone ki ti ganny kree anba rapor EIA 2001 pe ganny encroach lo la par bann devlopman ki Gouvernman pe aprouve ; par egzanp konstriksyon lakaz kip e vin pli pros lo sa landrwa kot UCPS in ek Gouvernman pe allocate pou fer sa prosen mining.  Mersi.

 

MR SPEAKER

Minis, mon krwar sa kestyon timeline avek Attorney General’s Office i tre enportan.  Mon pa konnen si ou annan sa lenformasyon me petet nou devret ganny sa lenformasyon pou fer sir ki keksoz i bouze akoz sa i en topik ki pe konsern Lendistri konstriksyon e i re enportan pou popilasyon.  Nou a donn ou laparol Minis Bastienne.

 

MINISTER CHARLES BASTIENNE

Mr Speaker, definitivman Gouvernman i vreman konsernan e nou anvi ki… se pou sa rezon ki la nou’n olye… avan li ki ti’n met nou ankour e nou ti espekte atraver letan case i pase Ankour, nou fer nou case pou montre poudir, en counter-case ki nou ti pe fer pou nou termin Lagreman an menm tan. Me in withdraw son case evidaman pou lizyer rezon ki li i konnen ki mwan mon pa konnen, kot nou nou’n vwar nou kot prezan nou, nou bezwen bouze de nouvo pou nou fer le neseser pou nou kapab termin sa Lagreman.  E mon kapab dir ou se ki nou le ki biro Attorney Zeneral i akseler-e avek sa case akoz nou konsyan poudir sinon nou pou ganny plizyer retar ki pou anpes nou pou nou kapab ganny bann materyo de baz ki bezwen, bann raw materials, ros e tou.  Me konsernan UCPS 3 mwan i pou napa.  Mon krwar poudir avek sa relocation ki nou pe fer avek Lakademi Ladefans swivan mon vizit ki mon ti fer laba, mon krwar ki sa pou allow parey mon’n dir pou kapab prodwi pou sa prosen 2an kot Lakademi Ladefans.  Kot laba mon bann zofisye in enform mwan ki i annan sifizaman ros pou zot kapab mine pou omwen 2an. E konsernan sa Lakonpannyen Sinwan, zot ti annan en commercial agreement pou zot mine e ladan ti annan bann kondisyon.  Mon napa en kopi avek mwan me it can be made available, se ki zot devret fer bann investment ase sibstansyel ki pou allow zot not only to quarry, pou mine ros, me osi pou zot annan bann crusher – parey nou’n dir ti donn zot en morso later lo Ile Soleil pou zot osi kapab ale pou zot al prodwi lapousyer rose k makadanm.  That’s why sa en pe plis ki 2,500 met kare later ti’n ganny donnen pou zot fer sa.  Lo zot teren, kot zot ete laba Ile Du Suède se ki i vre zot pe tir en pe lanmin enn fwa letan, zot pe tir ros, zot pe vann en pe ros solman i pa alaoter.  Se pou sa ki mon’n dir dan mon entervansyon oparavan konmkwa nou ti oule ki i fer bann envestisman sibstansyel ki li i pa’n neseserman fer.  So vwala ler ou pran tousala an kont, i donn nou grounds pou nou kapab proceed pou nou kapab terminate… pou nou proceed pou nou termin sa Lagreman.  Apre lot keksoz ankor Mr Speaker, konsernan buffer zone Montagne Posée, sa mon bezwen verifye, rezon set akoz i kler e mon’n ganny konfirmasyon konmkwa ki sa buffer zone pa devret ganny encroached upon by anyone.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Bonjour Minis.  Minis mon ti a kontan demande si ou annan en timeline ki kler an term kan UCPS par egzanp i kapab bouz lo sa sit ki a kote, pou li eksplwate e si ou kapab konfirmen osi ki sa sit kot Defence Academy ti été, e kot ou’n dir poudir zot kapab konmans fer mining, i kapab donn 2an provizyon ros ; parske lenpresyon mon ti gannyen se i annan bokou mwens ros laba ki pou sertennman dir mwens ki 2an. E answit vi ki si sa bann kontrent legal – par egzanp diskisyon avek biro Attorney Zeneral, EIA eksetera i tarde, si ou kapab donn nou en dele tre kler dan zot lespri ozordi kan sa operater UCPS, i pou kapab bouz anver en lot quarry pou evite zisteman ki annan en kontrent lo marse an term fournisman sa bann prodwi, ki finalman pou afekte pri lavi parske, mwens ros ki annan byen sir pri pou monte.  Alors si ou kapab donn nou en timeline kler e zis konfirmen ki i annan zisteman 2an menm ki ou problenm avek Lakonpannyen Sinwan i kontinyen trennen.  Mersi.

 

MR SPEAKER

Onorab Ferrari ou kestyon i relye avek sa ki Mr Afif… Non, ok.  Minis.

 

MINISTER CHARLES BASTIENNE

Mr Speaker, mwan si nou ti kapab donn UCPS permisyon ozordi menm pou zot bouz lo sa nouvo sit nou ti a fer li.  E set egzakteman sa ki nou’n fer an Out sa lannen, kot nou donn li en let, nou ti’n empower li, nou’n dir li bouz lo sa teren kot Yangtze ti ete pou li konmans fer son mining.  E ler in konmans bouze e vwala kot case ti al ankour ti al ankour e deswit imedyatman kot nou ti ganny sa interlocutory injuction ki anpes okenn dimoun mont lo sa teren kot sa operater Chinois ti ete.  Konsernan timeline se ki i pou tou depan lo Lakour li menm me i depan… me an vi the urgency of sa, then mon espekte ki Biro Attorney Zeneral i a fer le neseser pou ki sa case i ganny ekoute ase vit.  Konsernan konfirmasyon kot Lakademi Ladefans, mon Zofisye in konfirm avek mwan poudir laba UCPS pou kapab mine ros pou omwen en peryod 2an. Se sa ki mon bann teknisyen in konfirm avek mwan ki ozordi mon pe partaz avek zot.  Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun. Mr Speaker, mon anvi port a latansyon Minis ki depi dan Katriyenm Lasanble, ansyen Minis pou, mon krwar son portfolio ti National Devlopment sa letan, Mr Dugasse, savedir around 2007, ti vin kot nou Lasanble, kot National Cultural Center anvil e met okouran ki ou dan en sityasyon kot pei pe nepli kapab prodwi la kantite ros.  So that was 10 years ago.  E ozordi nou pe tann dir ki Gouvernman i pran sa sityasyon serye, i annan en l’irzans, savedir mon kestyon i se ki 10an, 10an konmsi kwa ki Gouvernman in fer pou met sa konman en priyorite Nasyonal ; akoz i konsern pri lavi, i konsern Lanplwa, bann keksoz koumsa pou asire ki sa sityasyon i ganny rezourd dan en fason lozik san ki i annan sa bann lanpayaz legal ki i annan ozordi.  Ki mannyer Gouvernman in apros sa sityasyon?  That is the question I want to ask.  E dezyenmman dan son larepons Minis in dir ki sa Lakonpannyen Sinwan in demann zot en larzan, pou swa kapab ran sa sit la, so mon ti a zis kontan i konfirmen konbyen larzan sa bann Sinwan ti pe demande.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker, i vre ki i annan en pe letan ki sa bann negosyasyon pe ale, pou kapab idantifye nouvo sit pou kapab ganny landrwa pou nou mine, kas ros pou ganny prodiksyon materyo konstriksyon.  Wi in pran tou sa letan me letan Gouvernman li ti deside pou li anmenn en 3enm operater an espérant ki sa i ava ede pou kapab redwir pri materyo konstriksyon lo marse – ki malerezman pa’n arive apre ki nou ti’n donn sa 33, 550 met kare as Lakonpannyen Chinois ; an menm tan nou ti pe vwar ki UCPS li depi 2007 ziske ozordi, 10an pli tar i ankor Ile Du Suède pe fer mining, ok ?   E la mon krwar si nou get de lavan, lapros ki nou, nou pe pran kot nou pe fer Lakademi Ladefans nou a ganny, nou a kapab fer mining pou ankor en 2an.  Si tou keksoz i al byen anver sa case then nou kapab ganny… UCPS i a kapab ganny sa landrwa pou li fer mining pou ankor en prosen 3an, then already la nou pe plan pou nou regarde enn fwa pour tou nou ava deside eski nou pou go ahead avek Montagne Posée oubyen non.  E sa mon espekte poudir nou bezwen akseler lo la, pou ki nou a kapab fini konsiltasyon anba EIA pou ki en desizyon final i a kapab ganny pran.  E si i pa ganny pran lo la  then  si zanmen pou fer okenn lezot idantifikasyon kot i apropriye ki mon konnen ti’n deza ganny fer an 2007 avan ler ti donn Lakonpannyen Sinwan ; par egzanp mon aprann poudir Grand Anse ti anba konsiderasyon me pou plizyer rezon akoz i en water catchment. I annan lezot landrwa mon aprann ki ti’n ganny konsidere, me tousala pa’n ale a lavan me at the end of the day in tonm Montagne Posée.  So mon krwar la i plis ki le moman pou nou kapab akseler-e e fer en desizyon enn fwa pou tou antretan ki sityasyon i ganny rezourd lo Ile Du Suède vizavi mining. Dezyenmman Mr Speaker, letan mon ti zwenn avek sa Lakonpannyen Sinwan pou kapab ansanm avek mon bann zofisye, pou kapab tonm en konpromi pou nou kapab rezourd sa.  Originally i ti pe donn en sonm en pti pe plis ki R50 milyon konman domaz e sa semenn menm la mon’n ganny en let sorti kot li kot prezan la son demann ki li i pe demann nou si mon memwar i bon i pe demann nou apepre en R13 milyon prezan.  So vwala kot nou ete avek sa.  Mersi Mr Speaker.

 

MR SPEAKER

Minis zis pou mwan fer sir mon’n tann byen, 13 milyon konpansasyon ?  E konmsi ou dir nou i pa’n fer nanryen avan?  Se sa ?

 

MINISTER CHARLES BASTIENNE

Non, Mr Speaker.  Mr Speaker, ki mon pe dir se ki ler mon ti’n konmans… mon tim ti’n konmans negosyasyon avek li originalement i ti pe demann nou en pti pe plis ki 50 milyon…

 

MR SPEAKER

50 milyon.

 

MINISTER CHARLES BASTIENNE

Me sa semenn la, yer oubyen Vandredi pase, nou’n ganny en let avek li kot li in dir i pare pou aksepte en sonm R13 milyon.

 

MR SPEAKER

13 milyon.  Ok.  

 

MINISTER CHARLES BASTIENNE

Be nou, nou krwar dapre nou assessment e nou nou’n dir prodwir serten lenformasyon ki nou, nou bezwen pou prouv avek nou poudir konbyen lenvestisman ki li in fer laba. Konbyen i vo bann lekipman ki ou’n aste.  Eski ou’n aste sa lease, sa license to quarry avek sa dimoun ?  Konbyen ou’n peye ?  Anmenn ou proof, sa bann keksoz parey.  Me nanryen sa bann dokiman pa ankor anmennen, e nou, nou pa kapab zis al fer desizyon dan fou.  Mersi Mr Speaker.

 

MR SPEAKER

Ok, chiaro.  Mon krwar la i kler dan non lespri.  Onorab Andre.

 

HON CLIFFORD ANDRE

Mersi Mr Speaker. Bonjour tou dimoun.  Mr Speaker, an refermas avek larepons Minis fek rann nou, eski son Minister in al lo site pou li vwar en pti pe bann lekipman ki lo sa site ki pa ni menm vo posibleman R200 mil akoz nou nou’n vwar e i pa kapab fer sa bann travay ki’n ganny dir.  Si son teknisyen in al gete ?  Sa enn.  2enm an vi ki Montagne Posée ti en proze Minis ki Gouvernman ti’n envit bann tender, akoz ozordi nou pe vwar sa difikilte apard ki en, ou dir nou en addendum pou EIA so mon prezimen serten resers ti’n bezwen ganny fer si Gouvernman ti pe tender sak bout pou fer en quarry kot UCPS ti gannyen sa letan.  3enm, Minis, ptipti, lekel ki pe fund sa 2 plasman pou SDA, pou Lakademi Militer sorti kot i ete pou li vin kot i pe ale ?  E konbyen sa kou sa deplasman i ete si i annan.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker, pou premye kestyon konsernan valer sa bann lekipman lo sit laba, mon bann Zofisye in fer vizit in dokimante, nou annan tou bann rikord konbyen sa bann… ki i annan laba dabor.  Nou annan tou dokimantasyon on record.  Dezyenmman konsernan Montagne Posée, akoz in pran tou sa bann letan ?  Mon krwar mon larepons i kler poudir tou sa bann, depi 2001 ti annan sa premye EIA ki ti ganny fer. Rezon ki i pa’n bouze tou sa letan, Mr Speaker, mwan fransman pou dir ou se ki, mon pou napa larepons akoz pa’n bouze.  Me parey mon’n dir se ki la prezan keksoz pe bouze an vi ki sityasyon parey zot konstate, mon’n eksplike bomaten, nou ete kot SDA.  Apre trwazyenmman pou konsernan pou bouz SDA kot i ete, se pou sa rezon ki nou ler nou’n zwenn avek UCPS, nou’n dir avek UCPS pou UCPS konstrir serten requirement ki SDA i bezwen lo Ile Perseverance.  So tousala pe ganny fer anba kou avek UCPS pou li fer laba.  E Gouvernman pa pe involve an term depans pou bouz SDA kot Ile Perseverance.  Mersi Mr Speaker.

 

MR SPEAKER

En siplemanter, Onorab Andre.

 

HON CLIFFORD ANDRE

Wi mon ti’n demann Minis si i annan en kou pou sa deplasman, en kou.

 

MR SPEAKER

Minis.

 

MINISTER CHARLES BASTIENNE

Non, Mr Speaker.  Mon pou napa en kou pou sa deplasman.  Mersi.

 

MR SPEAKER

Mersi Minis.  In ariv 10.30, moman pou nou pran en pause kafe e pou nou osi donn sans bann envite sorti distrik Anse Boileau pou enterakte avek bann Manm Lasanble.  Avan ki nou adjourn, mon ti a kontan ki bann sitwayen senior sorti Anse Boileau i retourn avek kondoleans Lasanble pou enn nou garson Patrick Cafrine ki  antere apre midi.  I en dimoun ki’n ed bokou bann zenn Anse Boileau me pa zis zenn Anse Boileau, zenn St Louis ek zenn lezot distrik.  Alor nou kondoleans pou son madanm ki en teacher, son lafanmir e tou bann dimoun Anse Boileau ki ozordi i an dey parey mon dir apre midi nou pe anter Pat Patrick Cafrine.  E avek sa mon envit tou dimoun pou pran en tas kafe, sa ki le al zet en deal i a ganny sans zet en deal.  E nou adjourn pou nou repran 11er.

 

(BREAK)

 

MR SPEAKER

Nou a repran nou Sesyon Kestyon pou Minis Bastienne.  E nou a donn laparol Onorab Ramkalawan.

 

HON WAVEL RAMKALAWAN

Mersi Mr Speaker.   Mr Speaker mon premye kestyon se pou demann Minis  ki bann  prosedir tender, pou ki sa bann sa Lakonpannyen Sinwan sa premye Quigdao apre sa pou pas li son zafer avek Yangtze. Ki bann prosedir ki ti annan? Sa crusher  lo Ile Soleil ki zot in ganny permisyon pou fer, eski i vreman apropriye, vi ki Ile Soleil pre ganny devlope konman en residential area.  Eski pli tar nou pa pou ganny sa bann menm problenm ki ou pe koz lo la ?

E finalman eski Minis i kapab dir avek nou ki bann prosedir ki zot pe swiv la a ler aktyel, lo nivo lanvironnman, pou anpese ki later i rantre dan delo e ki sa pe fer en gro problenm pou bann peser kazye.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker pou 3enm kestyon mon krwar mon bezwen rod lenformasyon mon pou napa detay lo later ki pe antre dan delo ki pe afekte bann peser.  Sa nou ava mon ava vwar avek konsilte avek mon lot Minis koleg Minis pou ganny en larepons lo la.

2enm kestyon konsernan Ile Soleil.  Sa morso ki ti’n donn zot ki annefe i nepli pou zot annefe akoz zot pa ti pe fer crushing parey i ti’n ganny dir. Ti zis avan li Ile Soleil zis avan larantre Ile Soleil.  So i ti lo lot kote lenformasyon ki mon pe gannyen avek mon PS.

        Apre premye kestyon konsernan prosedir tender pou donn sa Lakonpannyen Sinwan, mon krwar sa inisyalman letan diskisyon ti konmanse an 2006-2007 ti annan pou fer atraver serten diskisyon diplomatik  ki ti annan ant Sesel avek Gouvernman Sinwan swivan vizit ki Prezidan Hu Jintao ti vin fer Sesel.  E la ti rod avenue Korperasyon  kot Gouvernman Sinwan ti kapab ed nou.

E vwala mon krwar sa issue quarry ti en bann size ki ti ganny diskite.  E vwala kot preferans i ganny donnen a sa moman, letan avek en Lakonpannyen Sinwan.

Parey mon’n dir se ki lenformasyon ki mon annan se ki tou ti konmans atraver en channel diplomatik.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Eski Minis i kapab dir avek nou pou ki kantite lannen, eski sa lease in donn zot ?  Konbyen ofet zot pe pey sa lease ?  E si vreman i sa degre difisil, vi ki dan lentere Nasyonal nou bezwen osi kalkil kwa ki pei i bezwen olye zis pou nou mazin sa bann… konmsi pou nou nek zis la.   E pa pe ganny nanryen.

E zis en dernyen Mr Speaker, zis pou mon demann Minis, eski zot vreman annan en plan an relasyon avek Ile Du Suède ?   Parski ou a krwar zis zot pe kase, kase, kase ; eski zot annan en plan oubyen pou fer Sesel vin en zil an mwens ?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker konsernan son 2 premye kestyon avek ou permisyon Mr Speaker mon ti ava donn sa lenformasyon Leader Lopozisyon. Mon napa pou lemoman avek mwan.

E dezyenmman Ile Du Suède dapre ki mon konpran, se ki i ava ed nou avek ekstansyon Airport. Evidaman apre ki’n plat i ava ganny sifizaman landrwa pou SCAA ek lezot operater Airport i kapab fer zot loperasyon from Ile Du Suède.  I ava donn ou teren adisyonnel lo lot Ile Du Suède i ava donn ou enn fwa ki’n plat.

E osi dapre lenformasyon ki mon annan, se ki ti annan en demann serten demann inisyalman letan UCPS ti bouz Ile Du Suède se akoz ti annan sa buffer  ki ti ti en requirement IKO ki ti bezwen ganny meet sa letan.  E se pou sa rezon travay inisyalman 20an pase letan ti demare ek UCPS, se pou kapab met bann requirement IKO.  Mersi Mr Speaker.

 

MR SPEAKER

Onorab Larue.

 

HON FLORY LARUE

Mersi Mr Speaker.  Bonzour tou dimoun.  Anliny avek sa ki Onorab Ramkalawan in demande, eski i posib pou nou vwar en kopi sa Kontra ki Gouvernman in fer avek sa lakonpannyen silvouple Minis?

E osi anliny avek sekirite pep Seselwa i paret ki en container dinamik ti ganny sezi lo propriyete sa lakonpannyen an Zanvye, eski in annan okenn koripsyon kriminel pou sa akt ki zot in kase kont sa lakonpannyen silvouple?

 

MR SPEAKER

Minis.

 

MINISTER CHARLES BASTIENNE

Mr Speaker kopi kontra napa problenm nou kapab fer available avek Lasanble si ou bezwen en kopi sa Kontra.

Konsernan issue dinamik Mr Speaker mon krwar sa nou bezwen verifye avek mon krwar i pou tonm avek Minister Entern.    Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mr Speaker zis lo sa pwen ki Minis pe dir, parske nou ti tonm dakor term pase.  Mon ava zis rapel Minis atraver ou ki letan en Minis i vin isi zot dir isi zot pou donn en dokiman nou ti’n tonm dakor ki by lafen sa semenn nou gannyen sa dokiman, akoz si i deza la nou gannyen.  Mersi bokou.

 

MR SPEAKER

Definitivman Onorab Henrie i Chairman Komite Assurances Committee.  E mon krwar ou annan rezon.

So Minis PS Barbe si nou ti kapab ganny by 4er Vandredi pou nou fer sir ki Clerk i kapab distribye avek tou bann Manm Lasanble.  Ok.  Onorab Ghislain.

 

HON CHANTAL GHISLAIN

Mersi Mr Speaker.  Bonzour tou dimoun.  Minis lefe  ki sa quarry laba lo Ile Du Suède ou pe dir i annan ros baze pou selman 2an.  E sa enn Montagne Posée dapre resers in montrer ki pou ale ankor dan 30an.

E an se ki konsern kot UCPS li son stok i pou ale ziskan zis 2 mwan maximum  zot in dir. Eski Minis i kapab dir avek sa Lasanble kwa ki pe met retar vreman, pou zot kapab fer tou bann keksoz posib pou bouz Montagne Posée ?

Dezyenmman eski Minis i kapab dir avek sa Lasanble, si i annan okenn lezot dimoun or group dimoun, ki’n eksprim zot dezir pou kapab annan quarry ?  Ouswa si i ti annan ki ‘n fini fer ki ti met tender osi pou Montagne Posée?  E eski Minis ou annan detay lo sa?   E eski Minis i kapab dir osi ek sa Lasanble si annan okenn dimoun dan son Minister ki annan kontak direk avek sa bann tel Lakonpannyen Quarry bann lezot lakonpannyen quarry apart sa enn Sinwan e osi UCPS.   Mersi.

 

MR SPEAKER

Minis.

 

MINISTER CHARLES BASTIENNE

Mr Speaker 3enm kestyon mon napa okenn knowledge lo si okenn dimoun dan mon Minister i annan kontak direk ek okenn lezot Lakonpannyen.

As far ki mwan mon konnen ki mwan mon okouran se ki nou annan zis CCCL avek UCPS la ki pe fer quarry.  E wi nou pe konsidere apre ki EIA i ava terminen si nou pou donn UCPS osi Montagne Posée.

Kwa ki pe met retar ; lenformasyon ankor ki mon annan ki mon’n gannyen avek Minister Lanvironnman se ki sa addendum, sa additional travay ki pe ganny fer pou met azour sa original EIA, sa i dan lanmen konsiltan UCPS pe travay lo la.

So sa pe ganny atann pou submit avek Minister Lanvironnman pou ki le neseser i a kapab ganny fer avan ler desizyon i ganny pran lo la.  Mersi Mr Speaker.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Speaker.  Mon kestyon i eski Minis pe konfirmen ofisyelman ki napa okenn lezot dimoun an group dimoun ki’n eksprim dezir pou annan en nouvo Quarry isi – form en nouvo Quarry?   E si napa okenn dimoun dan son Minister vreman ki annan lentere dan sa bann Quarry?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon pa pou konnen si i annan okenn mon zofisye ki annan lentere dan UCPS oubyen dan CCCL. Me solman ki mon kapab konfirm ek sa Lasanble,  se ki Montagne Posée pe ganny konsidere pou donn avek UCPS.  E UCPS in deza konmans fer bann travay teste later, teste tou bann volim ros ki annan laba anler li menm, evidaman tousala i form parti rapor EIA ki apre pou soumet.  Mersi Mr Speaker.

 

MR SPEAKER

Onorab Ghislain ou annan en kestyon?

 

HON CHANTAL GHISLAIN

Yes mon kestyon sete pa si i annan okenn dimoun dan son Minister ki annan lentere direk dan UCPS or lezot ki deza la?

Si i annan son dimoun dan son Minister ki annan okenn lentere direk pou fer avek nouvo Quarry ki pe ganny formen ouswa ki’n deza fini ganny formen.  E ki zot osi zot lentere i anler Montagne Posée?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon’n sey reponn sa kestyon lafason ki mon’n reponn se ki napa okenn lezot operate Quarry ki nou, nou okouran apart UCPS ek CCCL.

        An dot mon pli direk se ki napa en 3enm quarry – en 3enm group dimoun ki’n fer en demann pou zot kapab ganny dwa pou zot mine Montagne Posée.  Sa nou pa okouran. As

it is ozordi nou pe koz UCPS.  Mersi Mr Speaker.

 

MR SPEAKER

Onorab Ghislain ou satisfe napa personn ki Minis i okouran dan ou Minister ki pe enterese dan sa quarry laba anler?   Mersi Minis. Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker eski Minis i kapab dir nou Lasanble lefe ki kot UCPS pe fer sa bann travay lo Ile Du Suède, e ki Airport i annan sa proze pou 2enm runway e  agrandisman Airport dan sa menm zanmirant ; e ki probableman zot pou bezwen rod en konpannyen etranze pou vin konble, akoz ki UCPS zot pa negosye ki ou Minister i negosye ek UCPS ki sa travay letan zot pe fer Ile Du Suède, zot kapab osi konmans konble serten bout ki Gouvernman i ava benefisye dan sa tranzaksyon.  Konmsi ou pe donn li sans pou kas sa bann ros, li an retour i pran sa bann later i met la, i konble ki pei i ava benefisye.  Sa i en pwen.  E 2enm pwen 2enm kestyon se anler Montagne Posée konsiltan UCPS in fini anvoy – well sa EIA in fini ganny aprouve, prezan  i annan addendum,  konsiltan in anvoy let kot Minister Lanvironnman depi le 30 Mars 2017.  La nou Septanm la.  E tou sa letan nanryen pa ankor ganny fer.  E ou Minister, i bezwen en feedback from Lanvironnman pou zot akt lo la lo sirtou sa kondisyon limero 2 dan sa laranzman lagreman ki UCPS kapab evantyelman bouz Montagne Posée. Tan ki Lanvironnman pa donn en larepons nanryen pa pou bouze.   Ki ou Minister alor pe fer pou pous Minister Lanvironnman pou kapab donn sa larepons lefe ki tou sa letan in pase e ki sa keksoz i fer tarde, e se sa ki pe fer nou ozordi anmenn sa dan Lasanble, pou kapab rod en leklersisman. Akoz konmsi nou bezwen tard keksoz dan sa pei?  Mersi bokou.

 

MR SPEAKER

Minis eski ou annan kontak ek Minister Lanvironnman pou sa kestyon?

 

MINISTER CHARLES BASTIENNE

Wi Mr Speaker. Akoz vi ki annan serten overlap ant mon Minister ki lo sa size,  mon annan kontak ek Minister Lanvironnman.

Me mon a bezwen konfirm sa ki Leader Government Business in dir konmkwa ki konsiltan ti an kontak avek Minister Lanvironnman in ekrir depi an Me sa lannen.

Akoz lenformasyon ki mwan mon annan ki mon’n ganny avek Minister Lanvironnman, se ki i ti pe atann konplet serten travay adisyonnel; evidaman ki vin dan sa addendum to the EIA, ki pa ti ankor ganny fer.  E once ki sa i konplete then la apre nou ti ava ganny dokiman final.  Me swivan sa ki Leader Government Business in dir la, then mon a fer li mon devwar pou mon take up avek mon koleg Minis, pou nou fer sir pou dir we get this moving.  Akoz nou tou nou’n realize depi bomaten nou pe diskit sa sityasyon ros dan pei. Nou bezwen fer mannyer nou bouze avan ler i vin bokou kritik ki i été pou lemoman.

E 2enm e premye kestyon par Leader Gouvernement Business se   to second runway mon krwar ki avan ler nou bouze se ki  evidaman, en lot keksoz ankor se ki nou bezwen ganny konfirmasyon avek – well Gouvernman pou bezwen pronons son lekor ofisyelman whether nou pe ale avek sa 2enm runway lafason ki pou ganny fer eksetera.  Ganny son bann alignment e tou, avan ler ki nou kapab petet angaz UCPS pou li al fer travay konblaz petet at the end of the day petet i pa pou lo sa nivo petet nou ti a swete.

So i annan serten travay ki nou bezwen fer pou nou angaz mou avek SCAA, avek Minis ki responsab pour Tourizm ek Lavyasyon Sivil,  avan ler pou nou kapab konnen ki direksyon nou pe ale avek sa 2enm runway.  Mersi Mr Speaker.

 

MR SPEAKER

Onorab De Commarmond ou annan en siplemanter.

 

HON CHARLES DE COMMARMOND

Wi Mr Speaker  mersi.   Minis lefe ki nou konnen ou en boug aksyonner.  E ki si ou pa take lead ladan, ki pou arive se ki UCPS i a fini travay in tir tou son later in ale.  Apre zour Gouvernman pou bezwen en 2enm runway ouswa pou bezwen konble la, prezan ou bezwen al rod en lot kontrakter re vin kon ble ki pou kout pei ser.

Nou, nou  Lasanble pe demann ou vi ki ou pe ekout nou, take lead ladan pou pous Gouvernman pou pran desizyon pou nou bouze dan sa direksyon.  Akoz nou krwar i fer sans ou pran sa bann later la ou konble lanmenm la olye tire apre pou re vin en proze pou re mete.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker esansyelman sa, dan bann plizyer meeting ki mon’n fer avek UCPS, sa i en size ki nou’n diskite, ki nou’n koz lo la konsernan vi ki i dir ganny 40 poursan ros e 60 poursan later; kote nou pou met sa bann later. E i annan serten demars dan sa direksyon ki an se moman ki mon okouran pou dir SCAA pe esper serten lenformasyon avek UCPS, avan ler ki en desizyon final i ganny dir ki egzakteman kote konblaz pou ganny fer.

So mon okouran ki annan serten travay ki pe ganny fer lo sa laliny e non pa dir UCPS retir tou sa bann later, ki apre demen si nou deside fer proze la i pou kout nou bokou, bokou pli ser.  Mersi Mr Speaker.

MR SPEAKER

Onorab Ernesta.

 

HON PAUL ERNESTA

Mersi Mr Speaker. Bonzour Mr Speaker e tou bann koleg, tou dimoun. Mr Speaker par tou mon bann kestyon in ganny reponn par Minis.  Me solman senpleman ki ti annan pou fer avek EIA senpleman mon ti anvi konnen si deza i ti’n fini set en deadline pour ki bann EIA an vi lirzans Quarry ki nou annan dan pei pou ki bann EIA i fini ganny fer, ki travay i kapab bouze.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker si mon la dan Lasanble ozordi pe reponn kestyon lo quarry, nou tou nou pe regard realiz son lirzans son urgency pou nou met lanmen lo la.  E mon krwar pou dir tou dimoun Konsey Minis zot tou zot pe tande nou bezwen al met lanmen pli vit posib lo la fer li bouze ki en fason en desizyon enn fwa pou tou i ava ganny  fer li ki direksyon nou pou ale vizavi – pou fer pou garanti nou annan long term sustainability of ros ek bann lezot products.  Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon kestyon i relye direkteman avek pri lavi e lenpak sa size ki nou pe diskite i annan.

Mon ti a kontan demann Minis eski son Minister in fer okenn letid oubyen in ganny regard okenn bann endikater pou vwar ki lenpak kou term mwayen term e long term. An se ki konsern prodiksyon bann materyo konstriksyon pou etablir ki mannyer bann pri pou varye.  E alors konnen ki mannyer sa pwen enpakte lo la loan ki labank, konmsi ki bann endikater ki zot pe servi, eski son Minister pe angaz li dan fer en regard en letid aprofondi petet avek Labank Santral, avek Minister Finans, pou  vwar ki mannyer nou pou kapab accommodate pou asire ki zis i la dan 2an nou pa vwar kou konstriksyon mont par 20 poursan par 30 poursan par 15 poursan. Konmsi pou dimoun konnen ki pe pase.

E prezan baze lo sa ki mon’n demann Minis, e eski sa osi pou osi vedir ki an relasyon, avek pri materyo, nou pe bezwen prepar contingency si i arive kot nou pou bezwen al ver en opsyon pou nou rod materyo sours materyo elsewhere.  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker konsernan lenpak lo pri lavi, parey mon’n dir se ki boner sa lannen apre diskisyon ki nou’n fer avek le 2 operater nou’n vwar en rediksyon 10 poursan lo lapousyer ek makadanm e 5 poursan lo lezot prodwir blok.  E mon krwar ki an mwayenn par egzanp lenformasyon mon annan ki en tonn lapousyer ti pe vann R336 tonn, 10 poursan rediksyon lo la, i anmenn nou en pe ki R30 rediksyon lo la ki ase sibstansyel.

Dezyenmman mon kapab dir se ki lenformasyon mon Minister i enn bann pli gran builder  dan pei.  E atraver bann tender ki nou pe tender-out resaman nou pe vwar rediksyon dan pri tender ki nou pe resevwar par met kare.

Avan nou ti pe vwar konstriksyon ki nou ti pe fer ti pe kout nou dan bann lezot landrwa apepre R7, 200  en met kare pou built ; ki la ozordi nou pe ganny nou pa anba R6 mil en met kare pou built. Pou konstriksyon lo Ile Perseverance nou ti pe ganny nou en pti e plis ki R6mil en met kare ki ozordi i annan serten kontrakter letan pe tender nou pe ganny menm par anba R5 mil en met kare.

So nou vwar pou dir i pe annan keksoz dan sa bon direksyon.  Me an menm tan mon konpran ou kestyon se ki nou bezwen vwar, nou bezwen fer letid nou bezwen prevwar bann diferan senaryo bann sirkonstans ki kapab arive ki pou fer remonte sirtou pri konstriksyon ki pou annan en lenpak direk lo nou popilasyon.

E mon krwar sa i en bon propozisyon ki mon ava take onboard, pou nou diskit avek bann stakeholders apropriye pou nou fer sir nou fer en letid pou vwar bann diferan senaryo, si zanmen i arive ki nou vwar nou lo en rediksyon sibstansyel dan lakantite prodiksyon sorti dan bann mining.  Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi bokou Mr Speaker.  Mr Speaker mon ti a kontan profit sa lokazyon ler Minis   i la pou mwan demann li.  Vi ki bann propriyeter UCPS zot annan zot menm zot, zot posed bokou later dan Sesel. Eski Minster i annan okenn moman sey diriz sa group dimoun pou regard lo zot prop later, pou gete si zot napa en pe ros ki zot kapab eksplwate dan leo Cascade, dan Cap Lazare dan Anse Gouvernman, i annan en bon pe later. Konmsi akoz mon si mon anvi fer lagrikiltir, mon anvi vin kot ou. Ou pa pou otomatikman donn mon en bout later pou fer lagrikiltir.

So vi ki zot annan zot, eski nou Minister in ankouraz zot pou get la kot zot.  Ok ?  Akoz si non tou kou nou ki pou bezwen rode, rode, rode.  Sa i mon kestyon.

Mon 2enm kestyon se en pe lo laliny Onorab De Commarmond lo ki pou arive lo Ile Du Suède.  E mwan mon propozisyon i diferan.  Mon ti a kontan si Minis i kapab konsidere.

Vi ki personn enkli Onorab De Commarmond pa oule en crusher dan son distrik, nou pa oule en crusher dan nou distrik. I annan en later la en bout Zil ki’n deza pe kas ros, ki pa anbet personn.  Akoz nou pa ankouraz UCPS pou bouz son crusher la La Pointe Larue lo  Ile Du Suède, dan en mannyer ki sa bann lapousyer i ava al dan delo sale.  I pa pou afekte personn pou napa okenn konplent. E i ava pou lanvironnman i ava en bon keksoz.

Akoz Minis – eski Minis ti ava konsider sa propozisyon?  Mersi.

 

MR SPEAKER

Mersi Onorab. Mon krwar Onorab Valmont ti a kontan lapousyer pa tonm dan son distrik.  Minis.

 

MINISTER CHARLES BASTIENNE

Mr Speaker konsernan kote pou met Quarry si pa kapab mete lo bann later prive ki sa bann operater i deza annan.  Nou bezwen mazin bann diferan lenpak ki kapab annan si zanmen o met Quarry dan landrwa kot letid pa’n ganny fer properly.  O?   Nou bezwen fer sir pou dir dabor ki zistans i ete ek bann landrwa rezidansyel.

Dezyenmman ki son natural beauty ki annan pou nou pei ki nou pa oule ganny afekte.  Son biodiversite dan li menm li; tousala i bezwen ganny konsidere.

So sa i bann fakter ki bezwen ganny konsidere.  E si zanmen sa i vin en opsyon, then i en keksoz ki petet nou kapab petet sey diskit ek bann operater.  Me tousala Lanvironnman pou bezwen antre ladan pou li kapab osi gid nou lo pli bon fason.

Dezyenmman akoz pa bouz sa crusher lo Ile Du Suède. Mon krwar ki fransman mon pou dir o se ki no bezwen veye ki ou fer.  Si ou bouz sa crusher lo Ile Du Suède, avek trafik ki pou ale vin lo Ile Du Suède – e pa bliye letan zot Lasanble in ganny sans pou vizit sa karyer laba,  ou bezwen vey traffic light ki pou koupe.  Akoz ou bezwen vey avyon.

E si ou bouz sa crusher laba, evidaman then i pou zwenn en lot .baz kot i pou vann avek piblik.  E mon krwar i en laranzman ki en pe konplike. Me solman an menm tan mon kapab dir ki i pa enposib.  Sa i en keksoz ki pou bezwen ganny diskite lo pwennvi lavyasyon  vi ki bezwen koup atraver kot runway avek SCAA avan ler petet en desizyon i ava ganny fer.  Mersi Mr Speaker.

 

MR SPEAKER

E Cascade konmsi mon’n tann Onorab Ferrari in mansyonn Cascade.

 

HON JEAN-FRANCOIS FERRARI

Wi mon dir Mr Speaker Cascade osi ava benefisye akoz sa bann lapousyer i pas lo Talbot li. E bann dimoun Talbot pe konplent en pti pe.

Me mwan mon kestyon Minis se eski si ou pa’n ganny lokazyon pou demann bann propriyeter UCPS, pou gete si zot annan.  Akoz Praslin mon krwar propriyeter UCPS in fer en pe travay lo son later.

So si ou pa’n ganny lokazyon pou Mahè, sey get sa avek li.  Kekfwa i ava vwar, dan en mannyer ki i ava eksplwat son prop later e i ava fer li pli byen, manke.  I ava kit li son i ava rod en fason i ava fer flat lo la pou li menm.   Konmsi annou sey gete ki mannyer nou kapab travay dan sa direksyon.  Mersi.

 

MR SPEAKER

Onorab De Commarmond avan Minis i reponn ou le dan menm laliny ?

 

HON CHARLES DE COMMARMOND

Wi Mr Speaker, me si ou pe dir Cascade me sa gro Mont Seber   i pou tonm pou UCPS.  Prezan si ou fer li kas son ros li menm i pou ale ziska leternite. Me prezan eski pei pou les en natural beauty parey Mont Seber ganny fer dan sa direksyon, ganny kase dan sa fason.  Ou konpran ?

So mon pa pe dir ki mannyer, me selman Praslin i koumsa.  Me mon panse si ou al met UCPS lo Airport, la taler mon krwar en avyon pou bat avek.  Me it’s a big challenge.  Me gete zot menm.

 

MR SPEAKER

Minis.

 

MINISTER CHARLES BASTIENNE

Mr Speaker parey mon’n dir, se ki nou ava konsider tou sa bann fakter ansanm avek lanvironnman.  E si zanmen i annan okenn sa bann propriyeter i annan isi ki apropriye ki met bann requirement kot kapab annan en proper Quarry then i ava ganny konsidere.  Mersi Mr Speaker.

 

MR SPEAKER

Onorab Simon Gill.

 

HON SIMON GILL

Bonzour Mr Speaker.  Bonzour tou koleg Onorab.  E bonzour tou manm piblik ki pe ekout nou.  Mr Speaker mon ti oule demann Minis detrwa kestyon, pou nou kapab eklersi sa zafer.

Premyerman mon krwar sa size ki devan nou i en size ki annan en lenportans Nasyonal. Nou dakor lo la ?   Kestyon i vini. Kestyon se eski napa okenn posibilite, dan lespri pou akseler e donn en solisyon sa problenm pou fer en negosyasyon avek Yangtze an deor bann prosedir Lakour? Konmsi nou ti ava kontan piblik i ganny sa byen kler.

Eske nou satisfe ki nou’n eksplwat tou bann posibilite devan nou, oubyen ki annan devan nou pou nou donn en solisyon – si mon a kapab servi sa terminolozi imedyat within the next 2 weeks sa problenm ki’n trennen e trennen devan laport nou tou, dan direksyon Sesel.

Ou’n dir nou ti annan en lof 50 milyon la in desann 13 milyon.  Ki kote nou ete ek sa ?

Ou Minister ou Gouvernman i aksepte sa 13 milyon or still nou krwar i tro ser,  i egzazer an or i egzorbitan?

Ki minimum nou santi Lepep i kapab abzorbe e tonm dakor pou compensate Yangtze Construction ? Sa i premye kestyon.

2enm kestyon..

 

MR SPEAKER

Onorab Gill, sorry pou entervenir, me Minis taler mon pa konnen si ou ti’n antre. Minis ti donn lenformasyon pou dir, i pe esper serten klarifikasyon ek lenformasyon sorti kot sa konpannyen.

Mon krwar ou pwen i enportan ki petet nou devret apros arbitration oubyen en settlement out of court.

Me selman mon krwar Minis ti donn serten leklersisman taler pli boner. Petet ou pa ti tande.  Me ale demann ou 2enm kestyon.

 

HON SIMON GILL

2enm kestyon.  Eski tou bann teknisyen ki nou annan bann expert ki nou annan dan Sesel pe mazin en alternatif destriksyon lo lanvironnman olye kas ros pou fer makadanm, lapousyer ros, blok e lezot prodwir ros ankor ki nou 2 konpannyen pa zis UCPS me CCCL i prodwir?  Sa i 2enm kestyon.

Mr Speaker si ou permet mon, mon annan ankor 3.

 

MR SPEAKER

Me demann ankor enn. Lakoz i annan 3 dimoun ki ankor anvi koze.   Demann ankor enn i a fer 3.

 

HON SIMON GILL

Ok.   3enm kestyon Mr Speaker, eske Minis Gouvernman i annan lentansyon revwar lafason ki formil bann provizyon dan bann lease kot bann gran teren oubyen teritwar later ki ganny donnen avek bann dimoun pou fer serten devlopman lo la, ki pa fer e ki sa pa kree en lannwi pour Seselwa, apre ki bann kondisyon pa’n ganny respekte; kot nou finalman trouv nou pe trennen pou ki Lepep i rezouir or i re ganny son propriyete, pou nou kapab pourswiv avek bann lezot devlopman. Mr Speaker sa bann 2 lezot kestyon i kestyon i kestyon ki mon  konsidere tre enportan. Me ou’ dir mwan arete la, mon ava aret la.  Mersi.

 

MR SPEAKER

Ler nou ava retournen si nou

annan letan, nou a retourn lo ou 2 lezot kestyon.  Me mon krwar sa enn ki ou’n dir dernyen, sa i vreman en bon en tre bon kestyon.  Eski nou – dan lavenir nou bezwen get byen sirtou kot i annan gran propriyete.  I annan bann lenplikasyon konplike.

Mon krwar sa i en kestyon kle.  Minis petet ou a komant lo la.   Fer komanter lo la.

 

MINISTER CHARLES BASTIENNE

Mr Speaker mon a konmans avek li menm. Konsernan provizyon pou revwar bann provizyon lease.  Mon krwar se enn bann keksoz ki right now nou pe travay lo la internally.  Sirtou kot nou pe koz sa bann laspe bann development covenant.  Ok ?  Mon krwar ki mon Minister depi boner sa lannen nou’n vin strik lo sa bann laspe development covenant sa bann commercial lease.  Kot ou donn dimoun en serten letan pou zot fer zot devlopman.  Me apre plizyer lannen ou pe vwar pou dir zot pa neseserman fer zot devlopman.

Lamazorite nou bann development covenant i apepre pou 2an.  E mon kapab dir avek sa Lasanble, ki lamazorite dimoun ki nou konnen in breach zot bann development covenant, ki i en pti morso later ki en gran morso later, nou’n ekrir zot, e nou’n dir zot pou zot dir nou, akoz ziska lemoman zot pa ankor fer zot devlopman.  E nou donn zot en serten dele letan pou zot reponn nou, avan ler ki nou, nou pou deside ki mannyer nou pou move, pou nou swa fer sa bann dimoun rann Gouvernman sa later, ki nou ava donn avek bann devloper ki bokou pli serye

Dezyenmman Mr Speaker, mon krwar ou’n klarifye en pti pe son pwen limero 1 ek 2 konsernan pou negosye avek Yangtze  pou kapab ganny out of  court settlement, set egzakteman sa ki i annan en pe letan depi ler, mwan avek mon tim, nou’n angaz nou ladan.

Me parey mon’n dir se ki sonm ki i ti pe demande ti bokou tro o ; e parey mon’n dir ek sa Lasanble, yer oubyen pli boner Vandredi nou’n ganny en let kot li i pe dir nou i pe demann nou en sonm R13 milyon, ki nou, nou’n dir pou dir nou pa pe konsider ou okenn sonm konman konpansasyon, toultan i pa donn ou baz lo kwa ki li i pe fer son claim avek Gouvernman.

Toultan i pa donn nou, nou pa pou kapab konsidere.  Se sa lapros ki nou pe pran.  E konsernen alternativ pou karyer kas ros, sa i en keksoz petet i nou bezwen realize nou bezwen fer en pe refleksyon lo la.  Nou ti aprann avan sa bann off shore sand ti a kapab ganny servi ki nou’n tire an deor Silhouette, ti kapab ganny servi pou fer blok, e bann lezot travay konstriksyon. Me i pa pe neseserman en pe ganny servi me i pa neseserman lo sa bann lanpler ki nou ti a swete. Me solman mon krwar sa i bann keksoz ki nou bezwen lo nivo lo mon Minister ansanm avek lezot Lazans konsernen  give a lot of thoughts to it pou lavenir.  Mersi Mr Speaker.

 

MR SPEAKER

Onorab Vidot ou annan en kestyon.

 

HON AUDREY VIDOT

Mersi Mr Speaker.  Annefe mon annan 2 kestyon ki anliny avek premye komanter ki Minis in fer sorti – an referans lo kapasite pou devlop sa bann fer bann devlopman.

Mon kestyon Minis, se ki eski avan Gouvernman ti donn sa quarry avek sa Lakonpannyen Sinwan, eski Gouvernman ti satisfe avek sa Lakonpannyen pou li kapab annan sa kapasite pou devlop sa quarry?

        Apre 2enm ; eski ou Minister i deza la met an plas bann mekanizm ki pou asire ki bann lenfrastriktir ki bann lakonpannyen ki ganny bann quarry,  i kapab vreman annan sa kapasite pou devlop sa bann quarry?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar ki sa i en legzanp kot kler kot nou’n vwar pou dir petet nou ti kapab fer pli byen. Me selman ki mon kapab dir ou se ki parey mon’n dir dan mon lentervansyon boner, se ki Yangtze sa lepok li ti annan i ti involve i ti vreman aktiv dan konstriksyon. E pou serten rezon vwala ki li i ti antre lo negosyasyon avek sa lot Lakonpannyen Quigdao ki ti ganny sa original ti ganny license pou li mine fer quarry.

        E i ti en laranzman zot ti’n gannyen ant Yangtze avek sa lakonpannyen Original Quigdao. E osi ki Gouvernman li pa ti fer assessment lo Yangtze  ti satisfe a sa lepok pou dir Yangtze  ti kapab fer sa.

Me solman osi mon konsyan pou dir nou ti devret swiv sa bokou pli pre. En fason ki nou pa ti a’n drag pandan tou sa letan. E en desizyon ti a’n kapab ganny fer depi pli boner, ki ozordi nou ti a’n kapab more or less ganny en solisyon e nou pa ti pe vwar nou pe al Ankour pou al rod rekour.  Mersi Mr Speaker.

 

MR SPEAKER

Onorab Adelaide. Sorry ou annan en..

 

HON AUDREY VIDOT

Eski lo kote zot in deza met bann mekanizm ou’n dir mwan an plas ?

 

MR SPEAKER

Minis.

 

MINISTER CHARLES BASTIENNE

Se pou sa rezon Mr Speaker ki mon’n dir se ki nou ti kapab fer pli byen.  E alor nou bezwen fer sir pou dir nou annan bann proper mekanizm ki nou pe fer sir.  Ki swa pou bann gro proze parey sa ki swa pou bann lezot commercial leases, pou nou fer sir pou dir letan nou pe donn en dimoun later pou li fer devlopman, i annan sa abilite, sa kapasite pou li fer en devlopman alaoter lagreman ki nou’n sinyen avek zot.  Mersi Mr Speaker.

 

MR SPEAKER

Onorab Adelaide. sorry mon pa’n remarke i pa la.  Onorab Hoareau – Basil Hoareau.

 

HON BASIL HOAREAU

Mersi Mr Speaker.   Minis anvi ki ou’n dir ki zot ankor pe  konsidere si zot pou met sa quarry Montagne Posée. Eski zot  annan bann alternative sites  antet si zot pa servi Montagne Posée ki zot pe mazinen pou servi ?

E dezyenmman ou’n deza parsyelman reponn sa kestyon letan ou ti pe reponn kestyon Onorab Ferrari.

Me ki bann mon anvi konn ki bann kriter ki zot pran kont, letan zot pou deside zot pou servi en landrwa konman en quarry eski sa i enkli osi the cost an relasyon ek sa kestyon ki Onorab Pillay in demande? Pou lemoman sa Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar parsyelman tou lede kestyon mon’n more less adrese. Me alternative site i pou ganny konsidere jointly  avek bann eleman – parey mon’n dir boner letan mon ti pe reponn kestyon Onorab Ferrari.

Par egzanp ou bezwen kalkil sa landrwa ki mon ganny afekte dan son natural beauty. LGB osi in koz lo la.  Nou bezwen pran kont osi son proksimite ; petet pou kapab ariv pou piblik arive pou kapab fer sa devlopman.

E apre si nou pa kapab nek zis nou endow  avek bann zoli montanny.  Nek zis al kraz en montanny dizour lannmen kot apre nou vwar nou dan bokou pli difikilte.  Nou bezwen pran kont. Water cachement  osi.  Sa i enn bann keksoz ki nou bezwen pran kont.

Mon okouran pou dir letan preparasyon pou sa kestyon mon pe zis gete avek mon bann zofisye. Grand Anse i en landrwa kot ti’n ganny konsidere orizinalman.   Me avek cachement delo ki ti annan laba ki ti ase enportan pou nou, e bann lezot fakter, Grand Anse ti ganny drop.

        E mon konsyan osi pou dir ki si mon pa tronpe i annan Anse Major.   Me Anse Major i en landrwa avek natural beauty, ou pa kapab touse.   Avek serten biodiversite inik, ki ou pa kapab al laba.

So i en travay ki pa neseserman fasil pou kapab idantifye bann sit alternativ.

E mon krwar pou dir deplizanpli i pe vin bokou, bokou pli difisil pou nou kapab idantifye sit apropriye kot entel Quarry, ou kwa i kapab ganny mete.  Mersi Mr Speaker.

 

MR SPEAKER

Onorab Hoareau.

 

HON BASIL HOAREAU

Mersi Mr Speaker. kestyon siplemanter, an relasyon sa propozisyon ki Onorab Ferrari ti fer pli boner.   Eski an relasyon ki UCPS eski Minis i pare pou konsider maybe en exchange avek UCPS. later ki zot annan, pran zot donn Gouvernman e Gouvernman an retour i donn zot en bout later kot zot kapab fer zot quarry activity.

 

MR SPEAKER

Minis.

 

MINISTER CHARLES BASTIENNE

Mr Speaker evidaman dan tou negosyasyon nou met tou keksoz ater.  E nou, nou anvi ki whatever negosyasyon ki nou fer, Gouvernman osi ki reprezant lepep Seselwa i osi sorti dan en fason kot li osi i ganny serten benefis.  Sa mon krwar i en keksoz ki a ganny konsidere.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker zis en pti bout an relasyon avek sa ki Minis in dir an relasyon avek pou zot kontinyelman monitor pou regarde bann zafer larivyer parske sete sa problenm avek  Grand Anse Mahè.

Me eski Minis i kapab dir avek nou si zot annan en sistenm monitoring ?   Parske mon kapab dir avek Minis ki pou dir la pou lemoman La Misère pe ganny afekte.  bann larivyer bann sours delo La Misère pe ganny afekte avek quarry CCCL.  E bann larivyer pe konmans go underground.  E i menm annan serten ki pe konmans sanz son course.

        So eski zot aktyelman annan sa Monitoring Unit dan zot Minister?    Mersi.

 

MR SPEAKER

Minis.

 

MINISTER CHARLES BASTIENNE

Mr Speaker sa laspe monitoring i plis en keksoz i annan pou fer avek Minister Lanvironnman.  E mon okouran pou dir ki zot annan, lanvironnman i annan sa sistenm monitoring. 

        E mon krwar pou dir anvi konsern ki Onorab Leader Lopozisyon i met devan.   Then i en keksoz ki nou pou bezwen regarde ki mannyer sa quarry right now kot CCCL pe annan lenpak lo larivyer ki bokou pli o.   E mon krwar sa i en keksoz ki pou bezwen ganny adrese.  Mersi Mr Speaker.

 

MR SPEAKER

Onorab Mondon.

 

HON TERENCE MONDON

Mersi Mr Speaker.  Mr Speaker eski Minis i kapab dir nou Lasanble ki leson ki son Minister in retire dan sa sityasyon avek Lakonpannyen Sinwan? pa zis an relasyon avek Lagreman aktyel, me osi avek bann prosedir e pratik, ki’n anmenn zot dan sa sityasyon?

E pli presizeman, eski Minis i kapab konfirmen – eski Minis i konfirmen ki sa laranzman pa’n ganny fer anliny avek bann bon prensip?  Bann prensip bon gouvernans, tel ki latransparans, e disiplin dan zesyon resours piblik.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker parey mon’n dir boner se ki originally letan sa kontra pou fer 3enm Quarry ti ganny donnen avek sa Quigdao Company Ltd i ti in atraver en channel diplomatik.  Ok?   E apre ki sa Operater Quigdao in realize pou dir i pa pou kapab proceed avek sa, Li menm li i ti’n antre dan en laranzman avek quarry products avek Yangtze pou li kapab pou Yangtze kapab take over sa right oubyen sa license pou li fer mining.

        E mon krwar ki ler Gouvernman in assess quarry products Yangtze sa letan. In vwar pou dir ti annan sa abilite pou li kapab fer sa quarry marse.  I ti annan tou abilite pou li fer sa quarry marse.  Pou serten rezon nou pa konnen ki’n arive ki apre keksoz pa’n marse.

Me solman originally letan ti ganny donnen, si nou pe koz an tout transparans e kwa se ki ti vin atraver channel Diplomatik bilateral relasyon ant Sesel avek La Chine kot sa ti antre an premye lye.

Sa ki’n arive avan petet ti kapab ganny fer pli byen.  Mon pou dakor sa ti kapab ganny fer pli byen.  Me solman la nou lenerzi nou pou depans li lo pou ,nou kapab sort out sa enn fwa pou tou, pou nou kapab repran sa landrwa pou nou kapab allocate avek en operater ki bokou pli serye.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker eski Minis pa krwar ki sa lakonpannyen sinwan pe tarde pou donn en cost pou son depans, zis akoz I konnen poudir pli tar UCPS pou napa ase ros dan sa ka Gouvernman I a bezwen aksepte son demann pou nobou rezourd sa problenm ros.  Mersi

 

MR SPEAKER

Konmsi ou ti pe fer spekilasyon?  Minis.

 

MINISTER CHARLES BASTIENNE

Mr Speaker se pou sa rezon ki nou, nou’n proaktiv, ki nou ki met li Ankour prezan.   Dan en fason pou li i ava donn ou i ava evakye sa sit, sa site apre ki hopefully Lakour i rule dan nou faver, pour ki nou, nou kapab bouze.  Nou pa pou esper li ankor. Antretan without prejudice to the case, si i anvi vini vin diskit avek nou ; i donn lenformasyon ki nou oule, ki nou kapab substantiate son claim ki in  met devan nou,  then nou ava deside ki desizyon.  Me solman nou pa pou les li by time parey mon’n dir nou, nou pou pli proactive.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Minis ou santi kekfwa I annan sa stratezi osi ki Sinwan pe servi.   Ou santi ki annan sa stratezi ki kapab ki i pe servi ?  Mersi

 

MR SPEAKER

Minis.

 

MINISTER CHARLES BASTIENNE

Wi Mr Speaker parey mon’n dir se ki i posib e se pou sa rezon ki nou, nou’n bouze prezan nou. Ok depi le premye Out nou ti’n fini endik li donn nou depi le premye Out sa lannen, nou’n fini dir li evacuate donn nou, nou landrwa.  In prefere pou li i ankor pe zwe i pa’n evacuate pou li sorti.  E la kot nou, nou’n fer le neseser pou nou ganny en  Lord Lakour  pour li sorti.  Mersi Mr Speaker.

 

MR SPEAKER

Avan nou pran kestyon Onorab Sophola, mon ti a kontan donn Onorab Gill laparol akoz sa 2 kestyon ki ou ti demande dernyen ti vreman o pwen,  dan lesans ki bann karyer dimoun kas ros avek scrutiny lo bann kontra agreman.

Petet ou ti ava demann ou 3enm kestyon, ankor 2 kestyon mon krwar.

 

HON SIMON GILL

Nou a fer – mersi Mr Speaker. Kestyon ki dimoun deor la pe demande, se atraver lease sa propriyete kot ou pou al lease UCPS – pe enport ki kote ki sit ou pou donnen, ki reveni Gouvernman i anmase?  Konmsi konkretman ki reveni Gouvernman i anmase?  E mon pa konnen R2 mil, R3 mil, R1 ?   Oubyen i ranmas en reveni sibstansyel ki vreman annan en valer e ki permet Gouvernman fer lezot sityasyon.  Mon koleg la pe demande si i annan en royalty tousala ki enportan.

Lot kestyon ki pou swiv Onorab Hoareau in pran mon kestyon, mon ti a kontan rasire dan negosyasyon, ki mon krwar ou kapab fer Gouvernman i kapab fer sa resanz kot nou ganny bann morso later, ki bon pou devlope. Pou nou kapab konstrir lakaz or fer bann lezot devlopman lo la.  Mon krwar nou devret aim for that.  Pa pou nou al ganny en bout montanny.  Zot annan en bann zoli later kapab fer bann zoli devlopman lo la.  Annou sey gete si zot pa kapab fer en bon negosyasyon ganny resanz ki rezonnab.  Mersi bokou Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker konsernan reveni royalty lenformasyon ki mon annan se ki CCCL i pe lease kot i pe fer son karyer li ok? 

UCPS Ile Du Suède i pa peye en royalty pou li mine laba.   Rezon i senp se akoz mon panse ti annan serten negosyasyon dan tar lannen 2000.   Well 2008 2009 kot zot ti pe demann serten konsesyon serten eleman; par egzanp bann heavy equipment eksetera. Ki sa letan Gouvernman pa ti tonm dakor lo la pou kapab donn zot sa bann konsesyon e sa zanmen in go through an rezilta pou zot donn sa royalty.

        Me selman letan ou flip the coin ou’n regarde lot kote. Annou vwar royalty si zanmen ti tonm dakor lenformasyon ki mon annan, se ki zot ti pou pey R5 en tonn pou zot mine ros laba.  An mwayenn UCPS avek CCCL sakenn i mine apepre 800 a 900 tonn ros par zour, ki vin apepre R4500 par zour ki pou kolekte avek zot.

E letan ou kalkil negosyasyon ki letan nou ti fer avek zot, pou zot donn serten benefis Pep Seselwa atraver rediksyon dan pri materyo konstriksyon kot in redwir par omwen 30/35 poursan sa benefis i bokou pli gran, bokou plis ki si ou ti pou ale pou al anmas sa R5 lo sak sa bann tonn ros konman raw material ki zot, zot ti pou fer sa.  Sa san kont bann processing ki go through

E alor ki fer se ki, avan ler letan nou ti fer negosyasyon avek zot pou annan rediksyon. Enn bann premye keksoz ki zot ti  demande,  se ki eski nou pou sarz zot dan tre pros lavenir anything avek royalty pou  -parey i ti pe ganny demande dan bann lannen 2008/2009 ?  E konfirmasyon diskisyon ki mon ti fer avek mon koleg Minis Finans, se ki pou lemoman nou pa pou sarz zot.  E vwala kot zot ti al pas sa pou benefis pep Seselwa instead of nou pou al anmas en R5 lo sak tonn ki bokou, bokou mwens ki sa benefis ki nou pe gannyen.

Dezyenmman Mr Speaker konsernan sa resanz later, mon krwar ki nenport ki negosyasyon ki Gouvernman i fer nou fer sir ki nou fer li dan lentere Seselwa dan lentere nou pep.  Pou ki nou dimoun i a benefisye atraver whatever ki nou, nou fer.  Mersi Mr Speaker.

 

MR SPEAKER

Onorab Gill.

 

HON SIMON GILL

Zis en kestyon pou ki swe Mr Speaker.  Krwar i enportan ki nou demann nou lekor en kestyon.  Eski valer ki sa bann prodwir pe ganny vann, nou satisfe ki i annord?  Baze lo kou prodiksyon baze lo demann, or lof ki annan?   Eski nou krwar i rezonnab or la nou kapab dir ki avek sa nouvo sityasyon, nou kapab al negosye e demann plis rediksyon lo sa bann prodwir ki UCPS, tan CCCL i ofer la popilasyon.  E sa i ava rantre anliny avek enn nou bann Policy ki ou’n state – Progranm konstriksyon lakaz entansif ki ou pe rantre lo la probableman nou devret pe kapab rod en pe plis.  E pou ki la popilasyon i stand to benefit.   Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar ki ler negosyasyon ti fer pou fer prodiksyon dan pri materyo konstriksyon, mon konsyan pou dir ozordi UCPS  i santi poudir malgre in bezwen fer rediksyon; nou pa’n fors li fer rediksyon.  Nou, nou’n dir ki nou ti a kontan konman en Gouvernman vwar en rediksyon dan pri materyo konstriksyon. Kot li in follow   suit CCCL pou li fer parey.  Ki ozordi aparaman UCPS i vwar pou dir i pa neseserman pou fer gran larzan lo sa.

Me solman sa i en keksoz ki en travay ki bezwen ganny fer pou nou vwar the real cost of production of lapousyer ros ek makadanm, pou nou kapab ganny en bon apersi avan ler pou kapab dir klerman, eski zot pa ti pe   fer sepa konbyen poursantaz profi avan; ki malgre pe donn ou sa rediksyon 10 poursan zot ti’n kapab petet donn ou en rediksyon 20 oubyen plis poursantaz rediksyon dan pri?   Sa i en travay ki fodre ganny fer.  Mersi Mr Speaker.

 

MR SPEAKER

Mersi Minis. Ou’n anmenn bokou leklersisman lo sa kestyon Quarry, UCPS, Yangtze , Montagne Posée, Pointe Larue ensidswit.  E nou apresye mon krwar piblik in apresye i annan bann pwen tre for ki’n sorti.

Nou ankor annan en 5 minit.  Onorab Sophola ou kestyon i pa telman konplike petet ou a poz ou kestyon nimero 4 lo Order Paper.

 

HON NOLINE SOPHOLA

Mersi Mr Speaker.  Bonzour Minis.   E tou dimoun a lekout.  Mr Speaker Eski Minis i kapab asir sa Lasanble si son Departman, pou kontinyen met baraz feray, parey nou apel li an angle, railing lo serten semen lo La Digue ki tre danzere, e ki ganny frekante bokou par bokou touris osi byen ki bann dimoun lokal?

E  5enm – avek sa devlopman rapid ki pe arive lo La Digue.   Zis enn?

 

MR SPEAKER

Ou kapab demann 2 nou a vwar. Minis i a sey kase roule.

 

HON NOLINE SOPHOLA

Mersi Mr Speaker. Avek sa devlopman rapid ki pe arive lo La Digue. Eski Minis i kapab eksplik nou Lasanble, ki plan son Minister i annan pou met bann lansenny endikatif e siny trafik lo semen?  Mersi.

 

MR SPEAKER

Minis, petet ou a vwar sa 2 kestyon nou a gete si i annan letan pou pran nimero 6.

 

MINISTER CHARLES BASTIENNE

Mr Speaker an 2015 a 2016 SLTA ti met crash barrier – nou pe koz La Digue la, Anse Gaulettes, semen Veuve, zanmirant Chateau Cloud o-bor simityer Anse Sévère e osi Anse Fourmis. Antour i fer en total 247 met longer crash barrier ki’n kout anviron R460 mil. Sa lannen SLTA in annan lentansyon met crash barrier depi Anse Gaulette ziska zanmirant Gro Ros.  Sa pou kout en sa i pou en total 400 met longer ki espekte konplete ver lafen sa lannen.  E ki pou kout Gouvernman anviron R800 mil.

E dan lavenir SLTA anvizaze enstal railing dan zanmirant Gro Ros.  Sa pou anviron 650 met longer e tousala pou depan lo availability ki nou gannyen dan Bidze.

E kestyon nimero 5 Mr Speaker, ; Departman Transpor lo later Komisyoner Transpor ek Lazans Transpor lo Later in prepar en plan pou enstal bann sir trafik lo La Digue ki devret an konformite avek nou Lalwa. E osi bann norm enternasyonal.

Dan lepase bann Digwa pa ti neseserman faver pou met bann sir trafik parey lo Mahè ek Praslin.  Tre byento mon pou prezant Polisi pou transpor lo La Digue avek Konsey Minis, e dan sa Polisi i osi kouver laspe siny trafik lo La Digue.

Mon oule dir ki avek ogmantasyon veikil lo La Digue i annan nesesite pou met sa bann sir trafik lo semen.  Sa i a ogmant sekirite, kontrol ek disiplin, pou tou dimoun ki servi semen.   Mersi Mr Speaker.

 

MR SPEAKER

Onorab Sophola ou annan en kestyon siplemanter?

 

HON NOLINE SOPHOLA

Wi mersi Mr Speaker.  Minis ou’n dir lafen sa lannen travay pou demare.  Me i pa reste nou bokou lannen – bokou mwan sorry pou lafen lannen arive.  Mersi. Mr Speaker 6enm kestyon i pa tonm anba Minis Bastienne.  Mersi.

 

MR SPEAKER

Mersi Onorab.   Onorab Pillay Sebastien.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann Minis vi ki’n nonm sa size Polisi Transpor lo La Digue, eski Minis i kapab dir nou eski nivo konsiltasyon in annan an relasyon avek sa Polisi Transpor ki zot pe prezante?

E prenon kont sa Polisi Transpor ki zot pe prezante, eski zot in enkli bann nesesite ki egziste ozordi lo La Digue ; par egzanp dernyen fwa mon’n krwar konpran ki i annan en fire tender La Digue ki ganny en difikilte pou antre dan serten semen.  Malgre ki annan dimoun ki reste en zistans se ki si annan dife, i pou annan difikilte pou ariv kot zot.

So ki travay reel vreman bann dimoun pe fer lo later, pou asire ki sa Polisi i vwar en konplisyon?   E ki bann travay ki ganny fer i en benefis fason ki La Digue pe devlope dan en fason dinamik?  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Sete egzakteman sa Mr Speaker.  Sa Polisi nouvo Polisi transpor lo La Digue, i en dokiman ki’n ganny byen konsilte.  E ki i reprezant byen laspe Polisi ki direksyon Gouvernman i bezwen pran. E osi pran kont bann swe ki bann dimoun La Digue in met devan. E parey mon’n dir se ki mon ekspekte pou dir dan sa prosen 2 a 3 semenn mon pou prezant sa Konsey Minis pou nou ganny aprouvasyon pou sa Polisi.

E apre swivan sa mon a ganny gidans avek Konsey Minis, konsernan lenplimantasyon ou menm petet si bezwen fer lezot konsiltasyon ankor.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker. Mr Speaker enn bann mon ti fortinen dernyen fwa pou mon ganny dan vizit La Digue avek enn nou Komite Lasanble, Komite Finans ek   Piblik, enn bann keksoz ki mon pe dir la mon’n remarke ki konpare avek Mahé. Mahé kot ler i annan en problenm dan en distrik Land Transport i kapab deplor son lekol sorti la dan sa landrwa pou ariv laba.

Lo La Digue i, bezwen annan sorti Mahé petet ganny kontak ek Praslin pou anvoy zofisye lo La Digue.

Ki kalite mekanizm – ki kalite mekanizm zot in met an plas lo nivo Minister pou asire ki ler en proze i konmanse, i annan monitoring ganny fer pou ki dele letan ki’n ganny donnen pou ki sa proze i ganny konplete, i enn ki rezonnab?  E ki pandan sa letan ki proze pe go on Lotorite lo La Digue i ganny enformen lo bann prosedir oubyen lo bann dele ki i annan, pou ki at least bann dimoun ki reste dan sa landrwa i konnen pou dir proze pe kontinyen e ki zot pa pe vwar zot proze in kontinyen in aret dan semen.  E apre personn pa pe diskit avek zot.  Oubyen si kontrakter in ganny en problenm personn pa okouran kontrakter in ganny en problenm.

So ki garanti ou kapab donn ou ki sa i arive e mon ti ava fer en pledwari ki nou fer sir ki sa constant monitoring i ganny fer pa zis lo La Digue.   Me lo Praslin akoz kot nou bann satelit i difisil akoz bann head office i Mahé.  E parfwa petet i mank mendev neseser petet lo sa bann zil pou fer sa travay mars parey nou ti a swete.  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Mr Speaker lo Praslin Land Transport i annan en unit lo Praslin.  E se li ki oversee travay ki ganny fer lo La Digue. E mon’n ganny dir pou dir omwen en minimum en fwa par semenn, zofisye Praslin i deplwaye pou al monitor proze lo La Digue.

Tout an di-z-an sa Mr Speaker, se ki mon Minister osi pe revwar pou fer sir pou dir ou pe koz letan.  Mwan mon  santi pou dir laplipar di-tan nou pe donn bann kontrakter tro bokou letan pou fer bann louvraz kritik ki annan pou fer lo nou semen en pe partou.

Mon Minister nou‘n met lanmen lo la.  Nou pe konmans tyonbo e nou pe fer sir pou dir dezormen nou donn zot letan ki rezonnab.  Non pa en louvraz ki devret pran en mwan 2 mwan nou pe donn zot 4 mwan 5 mwan ; kot lanmenm ler ki nou vwar bann very slow progress arive lo bann travay lo semen.

So nou pou vwar avek letan lafason ki nou, nou pe organiz nou ki nou’n fini organiz nou, sirtou lo kote transpor, kot nou vwar en sanzman dan sa direksyon.  Mersi Mr Speaker.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Zisteman Mr Speaker. Petet si Onorab Pillay pe demann sa kalite kestyon, se avek sa vizit ki FPAC ti fer nou ti osi pran kont enn de sa bann sityasyon.

Me mon anvi premyerman demann Minis eski i akseptab pou ki sa sityasyon ki la devan Kordgard ek Fire Brigade i annan sa gran rigol ki’n fouye i ankor pe servi i annan detrwa plak feray pou zot nobou sorti annan dan kot Fire Brigade i été pou zot al deor.  Pou ou  rantre dan Kordgard pou ou rantre dan Kordgard i annan bann slab ki’n tire e apre sa pa’n ganny replase. E i annan ki mannyer lenformasyon nou’n gannyen i annan 2an depi sa sityasyon i koumsa.

Alors nou pe demande si bann keksoz parey pa kapab ganny fer osi to posib.  E sa semen ki Onorab Pillay pe mansyonnen se semen Belle Vue ki bann fireman in ki zot pa kapab pase, akoz sa kontour  ki mannyer i ete sa fire tender pa kapab pase.

E mwan mon zis anvi an plis demande ki lo size – mon bezwen demann sa kestyon akoz sa madanm in vin vwar mon personnelman an term pou pey konpansasyon lo pou bann dimoun ki letan zot pe fer semen zot in pran later, sa bann dimoun vi ki zot ankor pe espere. Ki kantite letan zot pou pran pou zot settle sa bann sityasyon – spesyalman letan en dimoun i en vev.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Speaker pou premye kestyon i pa akseptab ; ki en proze nou ti deza – mon pa konnen si in pran 2an menm ki sa sityasyon i parey kot ou pe dir mwan kot napa proper acess pour Lapolis avek  fire service. Definitivman i pa akseptab. E PS transpor i la e Road Transport Commissioner mon pou fer zot al regarde – en mannyer  ki nou a met lanmen lo la. Mon aprann sa i enn proze  pe ganny fer par Minister Lanvironnman en proze drenaz, dapre sa ki mon konpran.

Me nou konman responsab pou Land Transport nou a met lanmen lo la.  Mon donn ou sa garanti, Leader Lopozisyon nou a met lanmen lo la.

Konsernan sa bann zafer wayleave.  I vre ki parfwa i pran letan avan ler dimoun i ganny zot konpansasyon apre ki zot allow nou pou nou encroach lo zot propriyete.  Me sa i en keksoz ki ler mon’n vin san Minister ki mon osi mon pa’n neseserman tro satisfe lafason ki nou pe ki nou fer li.

Normalman nou fini fer sa ki nou pou fer.   Apre nou ale nou al survey apre la i pas dan prosesis pou donn konpansasyon.   Me mon krwar poudir nouvo lapros ki nou, nou oule servi sa i en pe partou,   se ki nou a vin dir ou apepre kantite later ki nou pe pran kot ou.     Konbyen nou ekspekte konbyen nou pou pey ou. E non pa zis esper proze fini ki dakor pa dakor proze in fini ganny fer.  Ki la nou vwar nou dan serten sityasyon kot dimoun pa pou neseserman oule ouver sa proze sa semen ki ou’n fer.

So lapros ki nou, nou pe servi se ki nou vini nou vin dir ou dapre nou plan pou pran 75 met kare later kot ou.   E nou ekspekte pou pey ou apepre tan par met kare.   Ki pou ariv tan.

E si zanmen ler nou’n fini i annan okenn keksoz adisyonnel sa nou ava settle baze lo sa rate, ki nou nou’n tonm dakor.  Se sa lapros ki nou, nou anvi pran olye esper fini proze drag apre, al fer survey ki apre nou vwar apre en bon pe letan sa Bann issue wayleave, konpansasyon pou wayleave  pa ankor ganny settle.    Mersi Mr Speaker.

 

MR SPEAKER

Wi Onorab Ramkalawan.  En quick. 

 

HON WAVEL RAMKALAWAN

Mr Speaker zisteman eski Minis i kapab donn nou Lasanble en estimate en peryod letan ki zot pou settle sa bann wayleave? Pou ki bann dimoun i ava kapab ganny zot larzan ki apropriye.

E zis lo sa Polisi Transpor. Eski Minis pe dir avek nou ki sa i vreman la pou la?  Parske i annan plis ki en mwan ki mon’n tann sa zafer Polisi Transpor. Parske mon konnen par egzanp i annan en zenn garson ki anvi anmenn en manitou ki pou ede dan konstriksyon – en heavy machinery ki pou ede dan transpor e dan konstriksyon – i a pe espere, pou li kapab – i a pe sey negosye avek Labank. Tousala ziska prezan i ankor zis la lo standby. i riske perdi sa posibilite ki pou benefisye pep La Digue.

 

MR SPEAKER

Minis.

 

MINISTER CHARLES BASTIENNE

Mr Speaker petet Leader Lopozisyon ti a kapab petet donn mon en pe plis detay pli tar lo sa case kot i annan sa bann wayleave pending. En mannyer nou ava met lanmen lo la.

E dezyenmman konsernan Polisi Transpor parey mon’n dir i en keksoz ki ti on going mon konnen ti annan plizyer bann diskisyon entern ki nou ti ankor pe repas lo la. Rafinen pou mon kapab pare dan sa prosenn 2 a 3 semenn prezant avek Konsey Minis.

Antretan i annan bann request ki bann specialize vehicle ki dimoun pe anvoy kot nou, ki nou konsidere. So si zanmen i annan dan sa ka spesifik, fer nou gannyen e nou, nou ava regarde.  E nou, nou la nou pa la pou nou anpes devlop nou. Nou anvi devlopman i bouze, me solman dan en fason byen kontrole anliny avek bann Polisi ki an plas.  Mersi Mr Speaker.

 

MR SPEAKER

Onorab Aglae Minis pou retournen apre midi, si ou kestyon ou anvi fer sorti, nou pou bezwen arete akoz midi in sonnen. I annan meeting FPAC dan Rm 3, 12.30.  E mon repete mon vwar Onorab Woodcock pa’n tro tande akoz ou ti pe koze.

Mon dir i annan meeting FPAC 12.30 dan Committee Rm 3.  E nou bezwen arete akoz parey mon’n dir bomaten i mon devwar pou al donn en dernyen respe, enn mon constituent ki’n fer bokou pou nou distrik.  Avek sa Minis nou a remersye ou e nou a re zwenn ou 2er apre midi.  Bonn apeti tou dimoun.

 

(BREAK)

       

MR SPEAKER

Bonn apre midi tou dimoun dan Lasanble an deor Lasanble.  Byenveni pou nou sesyon apre midi kot Minis pour Labita ek Transpor lo Later, e Minis Bastienne pardon, Minis Charles Bastienne i kontinyen reponn bann kestyon.  E Onorab Sophola konmsi nimero 10 ou’n dir sa i pou ou le fer en, lev ou kestyon oubyen oule fer  komanter ?

 

HON NOLINE SOPHOLA

Mon oule fer en komanter.

 

MR SPEAKER

Wi Onorab Ernesta ou annan laparol.  I mean Onorab Sophola, pardon.

 

HON NOLINE SOPHOLA

Mersi.  Mersi Mr Speaker.  Bonn apre midi tou dimoun.  Mr Speaker mon zis anvi fer en leklersisman.

 

MR SPEAKER

Wi.

 

HON NOLINE SOPHOLA

Sa semen ki Leader Lopozisyon ti pe koz lo la taler, o fe sa i en drenaz ki pas devan Kordgard.  I byen pou note ki travay lo sa drenaz in konmanse li.  Malgre ki travay i en pti pe dousman, i pa korek pou nou dir ki napa nanryen ki’n ganny fer.  Mersi.

 

MR SPEAKER

Ok.  Ou ti anvi klersi sa.  Minis Bastienne napa nanryen pou li dir ou oubyen oule azout keksoz ?  Ou ok avek sa ?  Ok.  Bon nou a kontiny nou travay.  Mersi Onorab Sophola pou sa leklersisman.  Nou a kontiny nou travay.  Nou a pran nou lot kestyon ki kestyon limero 7.  Wi sorry Onorab Aglae ….mon krwar mon’n tro manze midi.  Onorab Aglae wi mon ti’n dir mon pou donn ou la parol apre midi.  Ou annan laparol.

 

HON EGBERT AGLAE

Mersi Mr  Speaker.  Bonn apre midi Minis e tou Manm a lekout.  Minis mon pe zis fer en fer en referans lo kestyon 4 ek 5 anvi ki bann larepons osi ki ou’n donnen.  Mon pe zis demande si ou Minister baze lo zot Polisi zot deza annan en  plan, sirtou kot i konsern nou 3 zil prensipal La Digue, Praslin, Mahe pou zot premyerman revwar sa bann,  kot i konsern bann crash barrier pou zot asir sekirite  semen.  E dezyenmman bann siny ki pe demark bann semen – anvi ki nou konnen i annan bokou devlopman ki pe arive dan pei e i annan  bokou bann semen ki’n ganny konstrir, ki napa okenn demarkasyon.  Mersi.

 

MR SPEAKER

Minis.  Mersi Onorab Aglae.  Minis.

 

 

MINISTER CHARLES BASTIENNE

Wi Mr Speaker mon kapab konfirm avek sa Lasanble ki nou annan en plan vizavi sa bann landrwa kritik kot nou konnen nou devret met bann baraz parey La Digue.  Me mon panse osi poudir i annan en kestyon taler limero 9 ki pe refer avek serten landrwa kot petet mon a kapab donn en pti pe plis detay lo la.  E mon krwar mon’n klarifye, non?  Mersi Mr Speaker.

 

MR SPEAKER

Onorab Aglae ou ok ?  Ou ok ek sa?  Wi.

 

HON EGBERT AGLAE

Kot i konsern bann siny parey mon’n dir i annan bann nouvo semen ki pe ganny konstrir tou-le-z-an nou vwar e eski sa bann siny pou ganny mete lo sa bann nouvo semen tou ?

 

MR SPEAKER

Minis.

 

MINISTER CHARLES BASTIENNE

Wi Mr Speaker mon krwar poudir si i annan okenn serten mankman nou ava adrese. Parey mon’n deza dir avan, mon krwar mon’n dir dan letan Bidze lannen pase se ki, mon Minister nou pe al travay  en travay entansif pou nou fer sir nou amelyor laplipar nou bann main road lo Mahe atraver koltar byento, ki nou masin i ava operasyonnel e tou.  E mon krwar poudir i ava en loportinite pou nou revwar tou sa bann laspe ki annan pou fer avek road safety.  Mersi Mr Speaker.

 

MR SPEAKER

Mersi Minis.  Onorab Sophola si mon’n konpran ou byen kestyon nimero 6 ou dir ou pou save pour Lanvironnman.  Se sa ?   Ok.  Nou a kontinyen nou al lo kestyon limero 7 e mon a demann Onorab Lemiel pou poz ou kestyon.

 

HON SYVANNE LEMIEL

Mersi Mr Speaker.  Bonn apre midi Mr Speaker.  Bonn apre midi tou dimoun.  Mr Speaker mon kestyon i al koumsa.  Minis eski ou kapab dir sa Lasanble kan ki sa  proze drenaz faz 2 kot bann flat Bamboo Estate i sipoze komanse?   E si ou permet mwan Mr Speaker mon kapab demann mon lot kestyon osi?

 

MR SPEAKER

Wi go ahead.

 

HON SYLVANNE LEMIEL

Mersi.  Dezyenm kestyon.  Minis eski ou kapab dir sa Lasanble ki mezir ou Minister pe pran pou rezourd sa problenm desarz kot serten lakaz Bamboo Estate menm ?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker bonn apre midi tou Manm Onorab e tou ki a lekout.  Drenaz ki pe ganny fer referans avek, i lo teren ant Bamboo Estate ek en semen piblik ki mont kot en semen ki nou apel Jean Marie.  I annan anviron 3 lakaz ki zot nivo  i pli ba ki nivo semen dan zanmirant Bamboo Estate, ki fer ki letan – ki fer ki i annan bann delo, gro delo lo semen ki overflow kot sa bann lakour.  I annan anviron 45 semen drenaz ki bezwen ganny konstrir pou konekte avek drenaz ki egziste pli ba.  Departman Lenfrastriktir pe konsilte avek Departman Transpor lo Later pou si i annan okenn kontrent avek konstriksyon sa drenaz, si napa lobzeksyon ki nou pa ekspekte, anvi ki se  Housing Estate ki pe ganny afekte, Minister i a fer le neseser pou rod quotation pou sa morso drenaz pou enplimantasyon sa proze avan lafen sa lannen, e dapre mon bann zofisye sa proze pa ekspekte kout plis ki R50 mil.  Dezyenm kestyon, kestyon limero 8 Mr Speaker.  Bamboo Estate i en proze ki ti ganny antreprann dan bann lannen 1997, 1998.  Problenm sewage an rezilta water table ki vreman o dan sa landrwa.  Bann sistenm pi perdi alor pa fonksyonn byen sirtou dan letan lapli.  Malgre ki lamazorite lakaz  dans sa Estate in fini vann Gouvernman i rekonnet ki problenm desarz dan sa Estate pa kapab ganny rezourd par bann endividi zot menm.  Minister ansanm avek PMC ti deza oparavan travay lo proze pou en solisyon tanporer pou adres sa problenm.  Sa propozisyon ti pou konstrir en drain field anba parking ki ava kapab konekte okenn  overflow sorti kot bann soakaway pit dan bann lakaz dan sa Estate.  Me anvi ki dan sa menm zanmirant i osi annan  Remiz Housing Estate ki li osi i annan problenm sewage, Minister in deside konstrir en STP, (Sewage Treatment Plan), pou Remiz Estate.  Bamboo Estate i zis anviron 275 met avek Remiz alors ler sa STP pou Remiz i ganny konstri en pipeline pou konekte sa 2 Estate pou tou lede benefisye avek STP pou solisyon lon term e pli efikas.  Sa  proze STP pou Remiz i lo progranm pou enplimantasyon pandan lannen 2018.  Antretan  Minister avek PMC in dakor pou ki ziska ler sa STP i vin operasyonnel bann zabitan sa Estate, Bamboo Estate a ganny lasistans pou ponp bann tenk ler i annan okenn overflow.  Mersi Mr Speaker.

 

MR SPEAKER

Onorab Lemiel.

 

HON SYLVANNE LEMIEL

Mersi Mr Speaker.  Mr Speaker mon ti a kontan demann Minis antan ki li menm in dir sa proze lakaz in ganny fer ‘97/’98’.  Mon krwar pandan tou sa lannen bann Minis, bann lezot dimoun, teknisyen ki’n travay dansa Minister, mon krwar zot in bezwen  vwar  litilite oubyen bezwen pou nou kapab annan en drenaz ki pas avek sa semen.  Akoz i fer en bann lannen depi ler bann dimoun dan distrik pe demande.  So mon konnen i annan kote semen ki mont avek Mont Plaisir, sa in ganny fer.  Me sa enn la i toultan pe ganny anvoye, anvoye.   Mon’n DA dan distrik nou’n koz lo la – pe vin ganny fer.  Mon’n ganny dir avan lannen fini mon ti a  kontan petet avan lannen fini pa reste nou bokou letan la.  La Septanm pe al fini.  Oktob, Novanm, Desanm – 3 mwan.  Eski nou kapab dir avan desanm sa  drenaz i ganny fer i konplete  Minis ?  Mersi.

 

MR SPEAKER

Minis ou a donn Onorab en timeline avan Nwel.

 

MINISTER CHARLES BASTIENNE

Mr Speaker parey mon’n dir se ki mon pa ekspekte pou annan anvoye ek sa enn – en.  Mon ekspekte poudir nou a kapab konplet li sanmenm sa lannen.  I pa en gro sonm osi.  So konsiltasyon in konmanse parey mon pe dir.  An vi ki Transpor lo Later avek Labita i menm Minister, so mwan konman Minis mon pa vwar okenn rezon akoz nou pa kapab fer li sa lannen.  Mersi Mr Speaker.

 

MR SPEAKER

Vwala madam Onorab Lemiel.

 

HON SYLVANNE LEMIEL

Mr Speaker mon ti a kontan Minis i konfirmen osi avek sa bann dimoun Bamboo Estate ki letan drenaz kot zot i annan problenm i plen, i monte eski i pe konfirm ek sa bann dimoun ki  son Minister ki pou bear the cost of sa bann ponpaz ki vin ganny fer kot Bamboo Estate?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker nou pe koz desarz kot Bamboo Estate, parey mon’n dir dan mon lentervansyon se ki mon Minister pou pran  responsabilite pou sa bann problenm sewage ki lev-e ladan, ziska ler ki, ziska ler nou kapab enstal sa STP ki pou link avek Remiz Housing Estate.  Mersi Mr Speaker.

 

MR SPEAKER

Onorab William.

 

HON WAVEN WILLIAM

Mersi Mr Speaker.  Bon  apre midi  Minis avek ou lekip.  Bon apre midi tou Manm piblik ki a lekout.  Minis parmi bann mezir pou rezourd sa problenm desarz kot serten lakaz dan Bamboo Estate, mon anvi demann ou Minis si ou vreman annan en plan konkret pou rezourd osi bann problenm STP dan bann lezot distrik ; lefe dan  enn ou Deklarasyon isi menm dan sa Lasanble ou ti dir ki, sa i en problenm e i annan serten bann STP pou ganny konstrir, eski ou annan en plan konkret ou en timeline ?   E eski dan Bidze 2018 nou espekte serten bann distrik – dan Housing Estate benefisye avek STP ; par egzanp dan mon distrik Grand Anse Mahe, nou pe ganny en bon pe problenm dan sa plato Grand Anse e nou pa satisfe avek bann travay ki pe ganny fer. Mersi.

 

MR SPEAKER

Minis.

 

MINISTER CHARLES BASTIENNE

Mr Speaker mon krwar apepre en 2 mwan pase mon ti dan Lasanble mon ti donn plizyer detay konsernan bann Sewage Treatment Plant avek bann desarz swivan en kestyon Onorab ki ti lev-e lo Grand Anse Mahe.  E mon kapab dir poudir dan Bidze 2018 nou’n fer provizyon avek aprouvasyon evidaman pou nou kapab annan serten STP ki konmans enplimante dan lezot landrwa.  I deza annan serten distrik kot in deza ganny fer.  Me nou ekspekte pou nou kapab o fir e an mezir met en pe partou nou a konmans ek bann ki pli kritik.  2018 i annan provizyon mon napa detay avek mwan.  E nou pou kontinyen 2019 an alan.  Mersi Mr Speaker.

 

MR SPEAKER

An fet 2 kestyon Onorab Lemiel ti lo Bamboo Estate Anse Royale.  Me petet si i annan lezot lenformasyon leklersisman pou lezot distrik zot a kapab fer li atraver en kestyon pour Minis pou la prosenn fwa.  Mersi Minis nou ava al lo kestyon limero 9 e mon demann Onorab Roucou pou poz ou kestyon.

 

HON CLIVE ROUCOU

Mersi Mr Speaker.  Bon apre midi tou bann koleg.  Bon apre midi Minis.  Mr Speaker mon kestyon i lir koumsa.  Eski Minis i kapab dir sa Lasanble ki plan son Minister pour amelyor sa landrwa o-bor Palais De sport, kot bann dimoun i al aprann drive off- road, pour ki i annan  tou bann fasilite neseser pour fasilit sa prosedir?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker depi ler Gouvernman ti met an plas en nouvo sistenm dray e pas tes nou ti  idantifye sa landrwa kot Roche Caiman Sports Complex vizavi Palais de Sport konman en landrwa apropriye, pou fer sa aktivite avek laprouvasyon NSC.  Sa landrwa in ganny servi par bann enstrikter  ki montre dray toulezour pou donn lenstriksyon  drive off-road parey nou dir Lendi ziska Dimans.  E osi par  Lapolis pou bann pas tes ki zot fer at least 2 fwa par semenn.  Bann fasilite ki ti ganny met dan sa landrwa i bann cones ki a la demann  oubyen en requirement pou kapab fer sa bann off road test e tou.  E osi bann markaz ater pou demontre bann diferan legzersis ki bezwen ganny fer.  SLTA in kontinyelman maintain sa landrwa.  Apard sa 2 keksoz ki mon’n mansyonnen, nou pa’n ganny okenn demann pou lezot kalite fasilite pou bann enstrikter, ki montre dray dan sa  landrwa.  Mon kapab konstate ki bann enstrikter i rankontre serten problenm ler zot pe montre dray sirtou ler i annan lapli.  Pou nou kapab anmenn en pe konfor pou zot, nou panse ki en shelter ti ava ede.  Nou ava diskit sa propozisyon ki letan nou pe prepar kestyon, nou pe come up avek bann sizesyon, nou vwar petet nou bezwen diskit avek NSC ki propriyeter sa landrwa pou fer en tel fasilite.  Nou pou osi  konsilte lenstrikter e vwar si i annan  okenn lezot keksoz ki nou kapab fer pou amelyor lanvironnman kot zot pe montre drive.  Mersi Mr Speaker.

 

MR SPEAKER

Onorab Roucou.

 

HON CLIVE ROUCOU

Mersi Mr Speaker.  Mr Speaker mon anvi demann Minis si son Minister i annan okenn plan dan lefitir pou idantifye en lot landrwa pou tel fasilite?  Par kont akoz menm ban lenstrikter  menm ki dir apre 4 er dimoun i vin fer zot bann aktivite sportiv e dan letan ki annan bann sport  lo bann landrwa zot ganny difikilte pou fer sa prosedir.  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker e vwala kot nou ava fer konsiltasyon avek sa bann operater, bann dimoun ki montre drive.  Nou ava vwar bann lenkonvenyans ki zot pe rankontre. Me lo pwennvi Minister, nou’n vwar petet laba ti landrwa ideal prenon kont natir sa ki zot pe fer.  Me nou pa ti vwar nesesite pou rod en  lot landrwa alternativ.  Me nou ava zwenn avek zot.  Mon Minister a  zwenn avek zot a diskite, e nou ava vwar ki nou kapab fer en pti pe pli byen pou zot.  Mersi Mr Speaker.

 

MR SPEAKER

Onorab Aglae ou annan en related question.

 

HON EGBERT AGLAE

Wi.  Mr Speaker mon annan en pti follow up.  Minis anvi ou larepons e swivan en follow-up  lo kestyon Onorab Roucou eski ou Minister osi pa pe petet konsider plan osi desantraliz sa servis?   An vi ki sa landrwa kot in ganny earmark pou fer ti en landrwa sportiv e osi kot  nou annan nou bann dimoun ki osi petet servi, ki aprann dray sirtou dan rezyon Sid Was, eski ou pa pe mazin desantraliz sa servis a lavenir pour ki i ava plito reflekte modernite ek letan ki nou ladan?  Mersi.

 

MR SPEAKER

Minis.

 

MINISTER CHARLES BASTIENNE

Mr Speaker petet wi petet non me selman sa en keksoz ki nou ava vwar.  Me selman letan ou mazin pou montre drive laplipar bann enstrikter zot vir, vir anvil letan zot pe montre zot bann kliyan drive.  Napa neseserman ki pou al dan bann landrwa parey.  Me selman mon krwar ki i en keksoz ki nou ava vwar me selman an prensip se ki pou le moman, nou lo nou kote me apre letan, parey mon’n swivan kestyon Onorab Roucou nou ava zwenn avek bann enstrikter nou ava vwar en pe zot bann konsern  e apre nou a regarde ki mannyer nou pou amelyore –Gouvernman  a come in.  Mersi Mr Speaker.

 

 

MR SPEAKER

Onorab Aglae.

 

HON EGBERT AGLAE

Wi Minis, mersi pou ou larepons.  Minis se egzakteman akoz sa bann enstrikter pe vir bokou anvil. Anvi ou deza annan problenm konzesyon, se sa nide par deryer sa kestyon ki mon’n demann ou.  Mersi.

 

MR SPEAKER

Ok mon sir Minis in note.  Onorab Roucou ou annan en siplemanter pou sa enn kestyon limero 9.  Oubyen ou ok ?  Ou ok avek sa.  Onorab Woodcock.

 

HON WAVEL WOODCOCK

Mr Speaker lo menm laliny ki Onorab Roucou avek Onorab  Aglae in demande, sirtou konsernan desantraliz sa servis pou bann off-road training.  Now Praslin osi i annan en pe sa konsern.  Mon krwar sa en keksoz ki mon ti demande dan deba dan Bidze an regardan semen Praslin ki pe ganny servi   – I mean sa alokasyon ki pe ganny servi pou le moman pou fer bann off-road ki i pa apropriye – zis   par deryer en Playground vizavi Sant Kominoter Baie Ste Anne.  E zot ti dir ki sa      servis  i pou – zot pou arete zot pou bouz li en lot landrwa mon krwar Amitie si  mon pa tronpe.   So mon pe demann en pti  lo sa laliny si zot anvizaze allocate en landrwa pou fer bann off-road driving lessons lo Praslin akoz la kot i été la i pa apropriye – i par deryer en Playground landrwa i ptipti – i en parking space li menm so eski ou Minister pe konsider move sa en lot landrwa lo Praslin ?  Mersi bokou.

 

MR SPEAKER

Minis ?

 

MINISTER CHARLES BASTIENNE

Mr Speaker wi, i kler poudir kot right now kot sa aktivite pe fer i pa apropriye deryer biro Ladministrasyon Distrik Baie Ste Anne e mon Minister swivan serten diskisyon nou pe fer nou pe regard lezot alternatif.  Nou ti a swete poudir nou ti annan otan landrwa parking parey nou pe vwar nou annan Roche Caiman ek lezot landrwa kot ti ankor apropriye pou fer.  Me enn  bann opsyon ki nou ti pe regarde se dan zanmirant Sport Complex Bair Ste Anne ki nou kapab fer li me laba i pa parfe.  Sa en keksoz ki nou bezwen atann  letan i a ganny fer.  Enn bann nide osi ki’n monte ki nou  dir nou ava diskite, petet nou pa oule anmenn  plis dimoun kot Airport Amitie, laba osi i ti pou ideal – parking pa pe neseserman ganny servi lo son maksimonm.  Me no ava analize nou ava vwar.  Mon krwar wi i en keksoz ki ou ti mete lannen pase – mon krwar nou bezwen met lanmen lo la, Mr Speaker.  Mersi.

 

MR SPEAKER

Mersi Minis.  Onorab  De Commarmond.

 

HON CHARLES DE COMMARMOND

Mersi Mr Speaker.  Mr Speaker, sa issue landrwa pou aprann drive ensidswit, i osi pouse pou kestyon en landrwa ki bann zenn mon konnen bann zafer motor racing  in osi met devan a plizyer repriz kot menm Prezidan in okouran- in diskit avek zot lo la.  Me eski Gouvernman atraver Minister Later la, pa ti kapab get en landrwa, konmsi ki a deservi plis ki en keksoz ?  Olye zis pou aprann pou montre drive me i ava servi pou motor racing, carting tou sa bann zafer ki pou fer avek transpor, loto whatever la ; ki konmsi en landrwa spesifik ki kekfwa dan en future konblaz reclamation ouswa dan bann ki egziste la, me ki sa issue i ganny pran o serye e ki nou pa vwar en pe dezord si oule.  Ouswa par egzanp la lo Highway tou le Vandredi ler ou monte Providence ou vwar bann transpor ki’n park zot pe veye pou zot race.  E konmsi tou sa i a ganny fer dan en landrwa spesifik proper. Dimoun ti a kapab peye pou antre pou gete.  E menm sa venue pou aprann drive pou sa bann off-road ki zot pe dir la tousala ti ava ganny byen fer dan en fason kordinen.  Mersi bokou.

 

MR SPEAKER

Minister.

 

MINISTER CHARLES BASTIENNE

Mr Speaker sizesyon i bon i valid. me selman parey nou tou konnen kontrent later ki nou annan nou bezwen enn ler balanse kote nou pou fer tel tel aktivite. Mon krwar avek bann future plan konblaz ki nou annan parey ou pe sizere, mon krwar sa enn bann keksoz ki nou ava met ater nou ava regarde pou bann proze a lavenir ki nou annan pou donn konsiderasyon ; ki mannyer nou a ganny all-in-one  petet dan en sel landrwa. An menm tan tir sa bann risk – sa bann racing ki nou annan pour le moman lo semen. Mersi Mr Speaker.

 

MR SPEAKER

Mersi Minis. Nou a pran kestyon limero 10. Dernyen kestyon pou Oral Answer ozordi. Onorab Roucou.

 

HON CLIVE ROUCOU

Mersi Mr Speaker.   Mr Speaker mon kestyon i lir koumsa, eski Minis i kapab dir sa Lasanble, si i annan okenn plan pour met crash barrier lo semen ki mont dan Kan Frichot la ki nou’n deza vwar a plizyer repriz ki transpor in tonm anba miray ?  Mersi.

 

MR SPEAKER

Minis, donn li lasirans ki transpor pou aret tonm anba miray.

 

MINISTER CHARLES BASTIENNE

Mr Speaker i annan plizyer landrwa kot Kan Frichot kot SLTA i bezwen enstal crash barrier malgre ki nou’n deza met crash barrier dan bann landrwa pli danzere, e sa ti ganny fer an konsiltasyon avek lotorite distrik.  Pour sa lannen SLTA pou ankor enstal 48 longer guard rails lo serten bout sa semen.  Sa Proze in fini ganny met lo tender.  I espekte kout anviron R100 mil. SLTA i annan lentansyon kontiny avek sa Proze lannen prosenn evidaman tou i depan lo Bidze. Mersi Mr Speaker.

 

MR SPEAKER

Onorab Roucou.

 

HON CLIVE ROUCOU

Mersi Mr Speaker.  Mon ti a kontan demann Minis an relasyon avek sa proze si son Minister i annan plan fer en evalyasyon lo leta sa semen Kan Frichot avan ki tou sa bann proses i ganny fer, la ki annan bann serten landrwa ek semen kot later i sorti anba semen due to bann gro transpor ki pas lo la ?   Mersi.

 

MR SPEAKER

Minis.

 

MINISTER CHARLES BASTIENNE

Mr Speaker si pa’n ganny fer evidaman si en konsern ki ou pe met dan nou latansyon nou ava fer nou bann zofisye met lanmen lo la.  Mersi Mr Speaker.

 

MR SPEAKER

Onorab Georges.

 

HON BERNARD GEORGES

Mersi Mr Speaker.  Mon ti anvi konnen avek Minis si crash barrier ki nou vwar dan kestyon limero 10 avek railing ki nou ti vwar dan kestyon limero 4 e guard rail ki in fek mansyonnen, tousala si se menm zafer menm – si sa bann gard fou ki anpes loto tonm lot kote semen ?  Mersi.

 

MR SPEAKER

Minis. Eski i menm zafer tousala guard rail, guard bou, guard lot ?

 

MINISTER CHARLES BASTIENNE

Mr Speaker esansyelman i menm zafer.

 

MR SPEAKER

Order ! Order ! Minis i a eksplik nou en pe.

 

MINISTER CHARLES BASTIENNE

Esansyelman i menm keksoz zis  ki i annan  enn ki pou pyeton plizoumwen bann guard rail e sirtou bann lot ki nou mete bann crash barrier sa i pou fer avek veikil.  So  i annan 2 kalite.  Mersi Mr Speaker.

 

MR SPEAKER

I kler Onorab Georges ?

 

HON BERNARD GEORGES

Kler Mr Speaker.

 

MR SPEAKER

Minis Bastienne – Minis pour Labita, Lenfrastriktir avek Transpor lo Later, mon ti a kontan remersi ou avek ou PS avek Mr Andre pou letan ki zot in pas avek nou pou leklersisman, klarifikasyon lo diferan laspe ou Minister. Mersi pou ou letan e nou ti a swet ou tou de bon e bonn kontinyasyon.  Nou a eskiz ou.

 

MINISTER CHARLES BASTIENNE

Mr Speaker i toultan en plezir pou vin dan Lasanble pou donn okenn klarifikasyon ki bann Manm i santi zot merite. Mersi.

 

MR SPEAKER

Mersi.

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

 

MR SPEAKER

Clerk mon krwar Madanm Minis Dezinyen in arive nou a envit li pou li vin reponn kestyon silvouple. Ok , nou kapab pran en pti breather Madanm Minis Dezinyen pe antre pou reponn sa kestyon ki en Private Notice Question poze par Onorab Leader Lopozisyon. Madanm Minis Dezinyen antre avek ou lekip ek sa mon vwar ou antre avek en zoli sourir ki ou anmenn positivité dan nou Lasanble. Silvouple asize e fer ou konfortab.  Byenveni Madanm Delcy e Mr Pillay vwala en 4enm Mr Pillay dan Lasanble ozordi. Dokter De Commarmond vini asiz obor ou predeseser. Vwar Mr Pillay si, Madanm Mondon Minis Mondon ou ok avek Mr Pillay i asiz laba oubyen ou ti a kontan i vin o-bor isi. Silvouple Mr Pillay vin asiz o-bor Madanm Delcy. Sa 4enm Mr Pillay ki dan Lasanble ozordi i frer lot Mr Pillay.  Bon Madanm Minis Dezinyen nou ti a kontan swet ou la byenveni avek ou delegasyon dan Lasanble.  E toudswit san tarde nou a demann Leader Lopozisyon pou poz son kestyon which is a Private Notice Question. E pou lenformasyon piblik ki pe ekout nou Madanm Minis Dezinyen pe vin reponn kestyon dan plas Minis Morgan ki Minis pour Ledikasyon ek Resours Devlopman Resours Imen. Onorab Ramkalawan.

 

HON WAVEL RAMKALAWAN

Mersi Mr Speaker.  Bonn apre midi Minis ek ou delegasyon. Mr Speaker swivan lanons konsernan bonus zis pou bann Ansenyan ki’n ganny par lao 75poursan dan zot evalyasyon, eski Minis i kapab dir sa Lasanble premyerman lo ki prensip ki sa Minister in pran lo tel desizyon ?  Eski in pran konsiderasyon bann lezot ansenyan ki’n byen fer me ki pa’n ariv 75 poursan ?   Eski sa fason fer sa evalyasyon pa pe dekouraz bann lezot ansenyan olye ankouraz zot ?   E finalman la ki annan bokou kritik enkli sorti kot bann ansenyan ki’n ganny sa rekonpans lo sa metod, eski son Minister i ava seryezman reviz sa kalite evalyasyon, pou asire ki zot met enn an pratik kot i ava donn lankourazman tou ansenyan ?   Mersi bokou.

 

MR SPEAKER

Mersi Onorab.  Madanm Minis Dezinyen ou annan laparol.

 

DESIGNATED MINISTER MACSUZY MONDON

Bonn apre midi Mr Speaker tou bann Onorab e tou dimoun ki a lekout dan lakour.  Mr Speaker a 2014 Minister ti entrodwi en nouvo sistenm appraisal dan tou lekol primer e segonder pou evalye performans bann ansenyan anliny avek reform dan ledikasyon, ki ti ganny konsolide dan nou plan stratezik 2013/2017 e atraver en Teacher Appraisal Policy. Sa sistenm appraisal i annan en karakter devlopmantal.   Prosesis evalyasyon, i baze lo prensip devlopman profesyonnel, devlopman personnel, responsabilite, sipor mityel ant appraiser e ansenyan e komitman ansenyan pou attain en performans baze lo bann target ki ganny etablir.  Atraver sa prosesis,  lanfaz e latansyon i lo stratezi pou amelyor kalite e lentansite laprantisaz.  Anfen kont levalyasyon i vize ver en amelyorasyon e ranforsman bann performans bann ansenyan ki en fakter kle ki permet Minister atenn sonn lobzektif vizavi bann devlopman personnel bann ansenyan ; amelyor loportinite pour laprantisaz e elev rezilta bann etidyan.  Sa prosesis i en cycle 2an ki kouver bann diferan letap tel ki self- evaluation par sa ansenyan, devlopman en plan d-aksyon pou sa 2an e son lenplikasyon par  ansenyan ek sipor son appraiser, miting enterim pou etabli performans sa ansenyan a lafen premye lannen ; kontiny lenplimantasyon  pour 2enm lannen, e evalyasyon final pou deside ki kalite sipor adisyonnel ansenyan pou bezwen pou li fer pli byen e pour li kalifye bonus dapre kriter.  Mr Speaker i enportan note ki sistenm appraisal ki an plas i lye avek Teachers Scheme of Service 2014-2015. Provizyon in ganny fer dan Scheme pou en performance allowance konman en rekonpans pou bann ansenyan ki’n demontre en o nivo performans otour sa 2 an. I servi osi pou ankouraz bann ki pe fer tre byen pou kontinyen, e bann ki pe ganny difikilte pour amelyor zot performans. Sepandan zis ansenyan ki son score i lo nivo standar, ki resevwar en allowance.   Prenan kont ki sa peyman i ganny fer enn fwa tou le 2an Minister in vwar li apropriye, pou servi en konsep bonus dan plas en performance allowance. Evalyasyon final, i baze lo bann kriter fini ki trouve dan zot appraisal form ; savedir depi konmansman ler bann ansenyan ti pe etablir zot target ansanm avek zot appraiser zot ti okouran sa bann kriter.  An plis ki rekonpans bann ansenyan ki excel dan zot travay sa linisyativ i form parti sa travay kontinyel, pou ogmant kalite bann ansenyan e promouvwar lekselans dan lansennyman.   Sa bonus i osi, an rekonesans sa nesesite pou annan bann incentives konman en stratezi pour retenir ansenyan dan profesyon.  Mr Speaker mon ti a kontan fer resorti ki an preparasyon lenplimantasyon bann appraisal en seri sesyon sansibilizasyon ti ganny fer dan tou lekol swivi par bann kour formasyon pour bann appraisers.  Ti annan sipor adisyonnel pandan lenplimantasyon pou bann Manm Management Lekol, ki ti annan responsabilite pou evalye dan sa premye sirk cycle 2 an.  Mr Speaker baze lo provizyon dan Scheme, bann ansenyan ki’n score 75 poursan i otomatikman kalifye pou sa bonus.  Sepandan, an vi ki premye fwa ki nou’n enplimant sa appraisal system e tenan kont bann konsern ki ansenyan in souleve, mon annan plezir pou anonse, ki Minister pe konsider osi enkli bann ansenyan ki’n score 60 poursan an montan lo en baz pro rata. Sa i vedir, ki plis ansenyan pou benefisye avek sa bonous.  Pour lezot ki pa’n kalifye, sistenm pou kontinyen siport zot pou amelyor zot performans, anliny avek prensip ki’n ganny mansyonnen oparavan.  Mr Speaker, i enportan pour fer resorti, ki pandan lontan tou bann ansenyan ti benefisye avek bann Incentives ki Scheme of Service ti ofer – menm si zot performans pa ti neseserman alaoter. Par konsekans, bann ansenyan ki ti toultan pe pouse pour zot etidyan ganny bon rezilta, ti santi zot dekouraze e zot ti fer sa resorti a plizyer repriz.  Avek sa nouvo sistenm appraisal tou ansenyan ki travay dir, e ki prodwir bann bon rezilta i resevwar sa bonous.  Malerezman, i pa pour le ka pour bann ki pa pe fer sa zefor pou amelyor zot performans e rezilta zot etidyan.  Mr Speaker Polisi i fer provizyon pou ansenyan fer en appeal si i pa satisfe avek rezilta son evalyasyon.  An sa ki konsern evalyasyon Sistenm Appraisal, Polisi lo Appraisal i fer provizyon pour evalye sa prosesis apre 2 appraisal cycle.  Me Minister in konmans evalyasyon, apre premye cycle baze lo feedback sorti kot bann dimoun ki’n enplike dan son lenplimantasyon.  2enm appraisal cycle pou alor pran kont bann defi ki’n ganny souleve tel la kantite travay administratif ki enplike ; bann kriter ki relye direkteman avek performans  ansenyan parmi lezot.  Mr Speaker lekspektasyon Minister se ki tou ansenyan i perform lo en nivo pli o posib, pour amelyor kalite ledikasyon.  Minister i swete ki sa prensip bonus i ava ankouraz tou Ansenyan pour fer zefor ekstra pour kontinyelman amelyor zot prop performans osi byen ki performans etidyan.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker e mersi Minis Dezinyen pour larepons.  Mr Speaker mon premye kestyon ki mon ti ava demande se konbyen eski sa Bonus i été ?

Dezyenmman letan nou pe mon byen kontan ki Minis in anonse ki omwen la in desann pour 60 poursan – i ava annan 15 poursan teachers ki ava well pa 15 poursan me konmsi en diferans 15poursan ki ava kapab ganny en keksoz petet sa i ava en lankourazman. Me byensir kestyon i pou reste olye 60 poursan – mon konnen ou pe aim pou pli o.  Me selman sa teacher ki par egzanp ki’n ganny 55 poursan par lao 50 poursan, nou bezwen mazinen ki poudir i pe travay ; i ape ed sa bann ki petet ki’n nobou ganny 60 poursan, parske dan Lekol i en travay kolektif, alors mon pour demann sa kestyon ; akoz ki nou konnen ki 50poursan i the passmark dan – well letan nou, nou  ti lekol ti 50 poursan konmela ziska 35 poursan i en passmark.   Me akoz zot pa fer li desann  lo 50 poursan ankor enn fwa lo en baz pro rata lo sa menm baz pro rata pour ki ou sa bann teachers i a kapab ganny plis lankourazman.   Mon pe met sa parske mon krwar ki poudir, i ava apropriye.  E apre Minis mon ti ava osi demande, si zot pe regard striktir lekol e nou konnen ki poudir dan lekol sa teacher  i pa travay li tousel ; i  osi i annan  bokou bann support staff.  Eski ou ti a kapab dir avek nou, si zot annan okenn Scheme e bokou bann support staff ennler zot  menm zot, zot Counsellor ennler zot menm zot  ede pou teach ensidswit.  Zot fer tou kalite keksoz.  Eski si nou pe ankouraz sa profesyon e osi latmosfer dan lekol eski zot annan okenn plan pou entrodwir en keksoz konkret pour sa bann support staff ?   Mersi bokou Mr Speaker.

 

MR SPEAKER

Minis.

 

DESIGNATED MINISTER MACSUZY MONDON

Mersi Onorab. Mr Speaker kalkilasyon bonus in ganny fer byensir parey nou’n dir baze lo Polisi Appraisal e formula ki Minister in servi se ki lakantite pwen pou appraisal par egzanp ki Ansenyan i gannyen i lo 60 an total.   Me i ganny kalkile an poursantaz ki fer ki si sa poursantaz i ariv 75 poursan oubyen par lao, sa ansenyan i kalifye pour sa bonus.  Formula ki nou’n servi se ki nou’n pran saler pli ba e saler pli o en ansenyan e Minister in kalkil an mwayenn sa saler an mwayenn ki tonm R10 mil.  Alor en ansenyan ki’n kalifye i a ganny sa poursantaz  baze lo R10 mil. Par egzanp si en ansenyan in ganny 45 pwen lo 60 ki donn li 75poursan lo sa R10mil savedir, bonous ki pou gannyen pou apepre R7,500. Dezyenm kestyon Mr Speaker akoz 60poursan  e pa 50 ?   Mr Speaker nou mon krwar Minis osi ti dir sa letan i ti vin Lasanble letan Bidze, sa ki nou pe ankouraze dan Minister nou pe ankouraz bann ansenyan bann etidyan se ki dan zot rezilta zot score en C or better.  E letan nou pe koz en C or better nou pe koz 60poursan an montan.   E donk Minister i santi poudir ou pa kapab pe demann etidyan pour ganny 60 en C or better oubyen 60 poursan ou plis e an menm tan ou pe demann en ansenyan – ou pe rekonnet ansenyan avek en poursantaz pli par anba sa.  E mon krwar nou konpran en pti pe sa lozik.  Nou ti a kontan nou ansenyan ki zot performans i en C or better.   E mon ti a kontan fer resorti Mr Speaker poudir, nou pe rod osi outstanding performance  ok dan sa… avek sa appraisal.  E nou ti a kontan ki nou tou nou ganny peye pou fer en travay, me sa ki nou anvi rekonnet se ki, bann dimoun ki fer zot travay ankor pli byen, nou tou nou ganny peye parey nou tou nou ganny menm incentive dan Scheme, me nou anvi rekonnet bann ki travay ki donn ankor bokou plis ; bann ki fer zot travay ankor pli byen ki zot benefisye avek sa bonous.  Kot i konsern striktir Lekol, Scheme pour bann support staff mazorite support staff dan Ledikasyon  tan ki mon konnen, zot annan en Scheme, Counsellor i annan son Scheme, Librarian i annan son Scheme bann teacher assistant zot osi zot ganny kouver dan TSS.   Sa ki napa en Scheme la se bann warden akoz mon krwar zot osi zot ti ganny konsidere en pti pe baze lo travay ki zot fer – en pti pe parey lo semen bann Lapolis lo semen.  E mon krwar Minister i a pare pour li petet revwar, entrodwir Scheme pour sa 2 group travayer support staff ki napa en Scheme. Sa i bann warden e bann general assistant dan lekol.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker letan Minis i dir ki sa bann support staff zot osi zot annan en Scheme, eski i pe dir nou dan sa Scheme i annan en sistenm appraisal ?  Mon konnen poudir zot fer appraisal e avek sa appraisal zot osi tou zot annan en posibilite pour zot ganny en bonous ?   Oubyen eski en bonous  pa enkli ladan ?   E si pa enkli mon ti ava demande pour zot konsidere pour zot enkli en bonous  pour bann support staff ki perform byen ; parey ou pe dir lo lekselans.  Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Onorab. Mr Speaker non mon pans pa ki i annan bonous dan sa bann Scheme, a mwen in fek ganny entrodwir.   Non i napa e i en pwen ki Minister i kapab konsidere letan i pe reviz sa bann Scheme, mon panse. Mersi Mr Speaker.

 

MR SPEAKER

Onorab Mondon.

 

HON TERENCE MONDON

Mersi Mr Speaker.  Mon kestyon pou Minis Dezinyen i al koumsa ; eski Management Lekol e an partikilye Lekol Anse Royale Segonder ti involve dan sa prosesis evalyasyon ?   E si kapab donn  nou en pe sif an term poursantaz  bann ansenyan ki’n kalifye 75poursan ?   E si enkli Seselwa – Etranze i  ganny enkli dan sa evalyasyon ? E si wi ki mannyer zot vwar  bann performans an rezilta sa evakyasyon an term Seselwa  e Etranze ?   E kwa ki Minister in kapab konklir atraver sa evalyasyon ki zot in fer ?   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker.  Mersi Onorab.  Mr Speaker wi sa legzersis Lekol Anse Royale ti ganny osi enkli sa legzersis, akoz sa travay ti ganny fer dan tou bann lekol ok, avek tou bann ansenyan avek tou bann management ti enplike.  An tou sif ki mon annan la e byensir apre sif i pou sanze  apre.   Kot i konsern Lekol Primer nou annan nou 518 staff ki’n kalifye baze lo 75 poursan pour sa Bonus  parey mon’n dir e apre sa i pou bezwen sanze.  An sa ki konsern Lekol Segonder nou annan nou 83 staff ki’n kalifye pour ganny peye sa bonous. Onorab kot i konsern bann mon krwar Minister pe kontinyen travay lo bann analiz, pou li apre parey ou dir konpare performans bann ansenyan Seselwa avek bann ansenyan Expatriate sa i ava en travay an plis ki ava fer, ki apre petet i ava donn sa lenformasyon.  Me antretan sa ki nou annan se zisteman bann sif par lekol – bann dimoun ki’n kalifye pour sa bonous.  Mon pa konnen si mon fini reponn tou ou kestyon.

 

MR SPEAKER

Onorab Mondon.

 

HON TERENCE MONDON

Mersi Mr Speaker.  Minis in donn nou sif me selman i pa’n dir nou an rapor avek konbyen ansenyan.  Par egzanp in dir nou 83 Segonder, me selman nou pa konnen kantite ansenyan ki’n tonm dan sa evalyasyon.  E si kapab donn nou lenformasyon pli detaye lo sak lekol vizavi apre ki zot in fini evalyasyon.   Mersi.

 

MR SPEAKER

Minis, pou sak Lekol Segonder ou pe dir Onorab Mondon ?

 

DESIGNATED MINISTER  MACSUZY MONDON

Mersi Mr Speaker. Primer i 518 lo en total 104 ansenyan e Segonder sa 83 i lo en total 582 ansenyan.  Me mon espekte  ki letan  ki nou’n fer desann sa poursantaz, nou pou annan en pe plis ankor  ki en 200 ansenyan ki’ pou kalifye ok    o nivo Primer e Segonder.   Mr Speaker mon pe zis klarifye, si mon pou anvoy lenformasyon lo lekol par lekol  oubyen  si zot oule  ki mon donn sa sif par lekol lo konbyen ansenyan ki’n kalifye pour ganny peye bonus ?

 

MR SPEAKER

Ok.   Onorab Mondon.

 

HON TERENCE MONDON

Wi Mr Speaker mon krwar i ti ava byen si nou ganny li par lekol, pou nou kapab vwar ki an partikilye ki mannyer sak lekol pe perform dapre zot evalyasyon.  Mersi.

 

MR SPEAKER

E baze lo sa ki Chairman Komite pour Assurances ti dir bomaten, petet nou ti a donn nou lekor en timeline pour Vandredi.   Minis ki nou kapab ganny sa bann lenformasyon pour sirkil, Clerk i a gannyen pour sirkil avek tou bann MNA.   Onorab Henrie.

 

HON GERVAIS HENRIE

Mersi Mr Speaker.   Bonn apre midi tou dimoun.   Kestyon ki mon ti anvi demann Minis se, letan bann ansenyan ti pe – konmsi sa prosesis sa appraisal.   Pour benefis bann dimoun dan lakour lala bann dokiman ki zot bezwen ranpli ; i annan tou bann kriter ladan la zot form ki bann teachers i bezwen ranpli.   Sa ki mon anvi konnen eski bann teachers ti  konnen – ti ganny dir poudir si zot ganny 75 poursan ki ou pou ganny en keksoz ?   Akoz si mon memwar i servi mwan byen dan en interview lo televizyon mon tann Minister Ledikasyon ti dir  ti pou napa larzan inisyalman, me zot ti pou ganny bann vouchers.  So mon anvi konnen si bann ansenyan ti konnen, so ki apre tou dimoun ti a travay dan sa – pour gannyen.  Dezyenmman nou pe koz prensip lazistis.  Teachers i ganny anploye avek Minister depi nivo Lakres e menm ziska pos segonder i annan bann lenstitisyon ki tonm avek Minister Ledikasyon.  Mon anvi konnen akoz ki sa ki nou pe koz lo la, la i konsern zis Primer avek Segonder, me akoz nou napa en Sistenm Appraisal ki Nasyonal, ki kouver tou ansenyan ki tonm anba ladministrasyon Minister Ledikasyon e ki alor i ava annan lazistis dan nou sistenm, olye ki en pe i benefisye e en pe pa benefisye.   Mersi bokou.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab. Wi Onorab sa 75 poursan i dan Scheme of Service.  E letan mon ti vin prezant Scheme of Service dan Lasanble, sa letan nou ti pe koz li konman en performance allowance ki nou ti dir fodre ki ansenyan i score 75 poursan pou li kapab ganny sa allowance.  E se sa ozordi e in tourn dan en bonus.  Wi Onorab prensip lazistis mon dakor avek ou.  Nou lentansyon zisteman se anmenn sa Appraisal System osi dan pos-segonder me pa natir travay bann ansenyan o nivo pos-segonder i nesesit en pti pe plis travay e osi petet tailor sa appraisal en pti pe pou li reflekte en pe plis travay ki ganny fer o nivo bann Professional Centres. Me definitivman, Minister pou anmenn en sistenm appraisal osi pou bann ansenyan, bann Lecturers o nivo pos-segonder. Mersi.

 

MR SPEAKER

Onorab Esparon.

 

HON REGINA ESPARON

Mersi Mr Speaker.   Eski Minis i kapab, Minis dan son larepons in dir nou ki sa legzersis in pran kont bann ansenyan primer avek segonder.  Mon ti a kontan demann Minis, akoz ki bann ansenyan pos-segonder pa’n ganny enkli dan sa evalyasyon ?   E mon ti a kontan osi konnen konbyen ansenyan Etranze ki’n ganny benefis dan sa evalyasyon ?  Petet letan i anvoy sa bann sif kot nou i a kapab detaye osi konbyen ansenyan Seselwa e osi ansenyan Etranze ki’n benefisye.   Mersi Mr Speaker.

 

MR SPEAKER

Minis.

 

DESIGNATED MINISTER MACSUZY MONDON

Mr Speaker mon krwar premye kestyon mon fek reponn.  Kestyon Onorab Mont Buxton, wi.  Nou napa okenn problenm donn lenformasyon ler nou submit lo konbyen ansenyan Etranze ki pou benefisye atraver sa legzersis ki’n ganny fer.   Mersi Mr Speaker.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker.  Bonn apre midi Minis avek ou delegasyon.  Bonn apre midi tou dimoun.  Minis mon ti ava kontan konnen dan bann ka kot lekol sa dimoun dan ladministrasyon ki fer appraisal son nivo akademik e leksperyans i pli ba ki sa dimoun ki a pe appraised, ki zot fer dan sa ka pour fer sir ki sa dimoun i pa ganny left out.   Dezyenmman Minis, mon ti ava kontan konnen anvi ki sa cycle 2an e par rapor ler ou get bann appraisal ou gete en cycle 2an i bokou pli long. Akoz i kapab annan transfer ki arive pandan sa 2an ; i kapab resours materyo ki pa permet serten teachers arive meet son bann target.  Ki zot pe fer ?  Eski zot annan lide pour redwir sa 2an pour fer li vin dizon 1an oubyen mon pa konnen mwens. E trwazyenmman mon ti a kontan konnen, akoz ki zot in les bann teacher oubyen zot fer bann teacher travay lo sitan bokou target, ki evantyelman i redwir son sans pour li kapab ganny sa bann score ki zot pe demande.   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Lo mon larepons Mr Speaker, mon krwar mon ti touse poudir i annan en eleman sipor ki’n ganny donnen avek tou bann lekol.  E Minister in pran kont si i annan okenn defayans o nivo Management Lekol pou fer sir ki sa bann dimoun ki pe fer sa bann appraisal i ganny sa sipor i ganny sa lasistans pou zot kapab fer sa bann appraisal.   Me mon ti a kontan dir osi  Polisi – Apraisal Policy i fer provizyon pou appeal ; kot si en ansenyan i santi poudir i pa’n ganny byen appraised oubyen in annan keksoz ki’n arive, i annan posibilite pou li appeal Minister avek Biro Sekreter Prensipal.  Me etandonnen ki mazorite sa appraisers i bann dimoun ki dan Management Lekol, mon panse si en dimoun in ganny apwente in ganny swazir in ganny apwente o nivo management i bezwen en dimoun ki nou’n santi i kapab fer sa travay.  E letan bann formasyon in ganny fer avek management pou zot kapab zisteman enplimant sa sistenm appraisal sa osi in ganny pran an konsiderasyon.  Si Minister i santi in annan okenn febles dan serten lekol.  Kot i konsern sa cycle 2an ; sa sistenm li menm mon krwar bann Onorab ki annan lenformasyon zot ava vwar, i en sistenm ki konplet.  E la fason ki sa appraisal i ganny fer ou bezwen sa cycle 2an pour kapab zisteman fer tou bann travay ki ou annan pou fer.  E sa appraisal i osi la pou ed sa ansenyan pou li  kapab devlope dan en fason… dan son devlopman profesyonnel – ed li pou li al pli devan. I pa parey sa bann pti appraisal ki nou fer tou-le-z-an zis nou ranpli en pti form ki annan timekeeping, quantity of work, 4, 5, pti keksoz ki ou bezwen ranpli.  Me nou’n santi si ou pe disteng en ansenyan avek en lot ou bezwen annan en appraisal ki solid ou bezwen annan bann levidans ki vreman kapab montre poudir wi, sa enn ki’n perform pli byen i vreman perform pli byen e i merite sa rekonesans ki nou pe donn li.  E a menm tan osi, sa zisteman i permet sa ansenyan pou li kapab enplimant – parey mon ti dir i annan son plan d-aksyon ki i travay lo la pou li kapab enplimant sa plan d-aksyon.  I napa bokou target Onorab.  Mon krwar lakantite – i annan zis 5 target apre laplipar bann lezot keksoz i annan pou fer avek attributes, professional conduct.  Donk mon krwar dan en peryod 2an pour demann en ansenyan pou enplimant 5 target, mon pa santi poudir i bokou.  Mon panse i difisil pour sa premye  cycle akoz i en keksoz nouvo ki nou’n anmennen. Me mon asire poudir, apre ki nou’n pran an konsiderasyon bann feedback ki nou’n gannyen mon panse ki ler nou enplimant 2enm cycle bann keksoz i ava bokou pli fasil pour bann ansenyan avek bann appraisers osi. Mersi Mr Speaker.

 

MR SPEAKER

Onorab Pillay Sebastien.

 

HON SEBASTIEN PILLAY

Mersi Mr Speaker.   Mr Speaker mon ti a kontan demann Minis pli presizeman an relasyon avek bann lekol primer e segonder.  Si eski tou lekol in nobou konmans sa prosesis parey ? Si i annan travay ki’n ganny fer lo nivo Minister pou siport bann lekol pandan bann moman ki zot pe donn levidans ? Akoz mon konnen ki zot in bezwen compile levidans lo bann diferan teachers pou ki apre levidans i servi konman bann parti zot appraisal.  E dan sa konteks prezan, ler sa bann levidans in ganny prepare eski sa bann teachers prezan meton mon en teacher mon santi mon pa’n kalifye pour sa appraisal, ki bann rekour ki mon annan pour mwan anmenn devan mon santiman oubyen mon appeal ;  kote mon ale pour mon kapab konmsi vwar si whether or not levidans ki ganny prezante, pou prezant en pti pe mon ka an relasyon avek pwen ki mon’n gannyen pour kalifye pour sa bonous.  Mersi Mr Speaker.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.   Mr Speaker tou lekol ti konmans preski an menm tan e ansanm.  Me byen sir apre ki ou annan en ansenyan ki zwenn en pe pli tar, in annan ansenyan ki’n konmans en pe pli tar ki lezot.   Donk, me kot ki konsern the bulk ansenyan mon ka0pab dir mazorite ansenyan tou in konmans an menm tan, e tou lekol in konmans fer sa travay ansanm.  Wi ler i annan, ou annan rekour ou kapab appeal ou konmans appeal kot ou Lekol kot ou appraisal in ganny fer, si ou bezwen appeal en prosesis ki konmans kot lekol e apre ki ariv parey mon’n dir ziskan Minister kot Lofis PS pour fer sir ki ou ganny en fair deal.  Appraisal i fer provizyon li menm pour ki si bann pwen feb ki ganny idantifye pou en ansenyan, Minister i bezwen fer sir ki i annan sa eleman sipor an plas.  Par egzanp si i santi poudir sa ansenyan i bezwen formasyon dan serten domenn oubyen i annan en lot febles ki sorti kot i konsern sa ansenyan ; si sa eleman sipor i kapab ganny mete o nivo lekol pour fer sir ki sa ansenyan i kapab overcome sa e benefisye en pe plis dan son appraisal.  Sa i a ganny fer o nivo lekol si non i ava ganny fer o nivo Minister, oubyen atraver okenn lezot lenstitisyon – par egzanp SITE.  I neseser pour fer sir sa ansenyan parey mon ti pe dir sa appraisal i developmental.  Nou pour regarde osi dan devlopman personnel e  devlopman profesyonnel sa ansenyan.  Donk i annan sa provizyon ki ganny fer pour li ganny sa sipor.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Prenan kont prosedir appraisal i toultan en prosedir ki bezwen involve osi bann Management Lekol.  Eski bann Management Lekol as far ki zot konnen in annan bann enteraksyon avek bann teachers apre ki bann rezilta bann appraisal in vini , pou enform bann teachers lo bann areas ki zot bezwen improve ?  Lo bann areas ki zot bezwen aranze. Oubyen eski zot satisfe ki sa pe ganny fer dan en fason sistematik ki tou teachers, akoz sa sistenm i konsern tou teachers dan primer, segonder ; ki tou teachers pe ganny sans asize ek Management pe fer sa letan pour asiz avek tou sa bann teachers pour go through sa bann keksoz avek zot.  Pour asire zot pe ganny en sans pour zot regard bann areas ki zot bezwen improve.      E dan sirkonstans ki petet en teacher pe santi ki levidans ki pa la lo son file ti devret la. Ki rekour i annan prezan pour li kapab anmenn sa dokiman devan e fer pase sa dokiman lo son file.   Akoz zisteman i pa pour son lafot, me i pou lafot dan prosesis kot en keksoz pa’n antre dan son file.  Akoz being a former teacher mon konnen the appraisal process is very important, akoz i ed pour konnen ki mannyer sa dimoun ki pe supervise ou, i vwar ou performans e ki mannyer ou kapab improve ou performans.   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.   Mr Speaker la fason ki sa appraisal in ganny konsevwar li menm i permet sa arive.  Ou pa kapab move from one step to the next si in napa sa dyalog – si in  napa sa diskisyon – si in napa sa bann enteraksyon ant ou avek sa dimoun ki pe appraise ou.   E i enportan ki tou sa bann step i ganny kouver avan ler ki appraisal sa dimoun i ganny konplete.  E Onorab mon espekte ki bann Apraisers i fer sa – parey ou pe dir dan en fason sistematik.  Nou santi pour dir avek sa appraisal par egzanp, lontan nou ti annan plizyer konplent par egzanp kot en dimoun i dir ou, mon pa konnen ki mannyer mon appraisal in ganny fer selman mon tande mon appraisal in ganny fer.  Oubyen mon pa’n ganny interview mon appraisal pa’n ganny diskite avek mwan. Me avek sa Sistenm Appraisal ki an plas, ou pa pour ganny en dimoun ki pour dir ou sa.  Akoz forseman sa dyalog, sa konversasyon i bezwen ganny plas ant sa appraiser avek sa ansenyan ki pe ganny appraised. Kot i konsern dokiman lo file si i annan okenn, mon krwar bann keksoz koumsa i arive zisteman sa i bann ki ou kapab take up dan letan sa dimoun pe appeal.  E sa keksoz ki annan pour ganny rektifye i ava ganny rektifye, pour fer sir ki sa dimoun i pa perdi akoz i annan en fot ki’n arive.  E parey ou’n dir Onorab wi appraisal i evidence-based e tou sa ki pase i form parti sa prosesis.  Donk i annan plizyer dyalog,  plizyer meeting ki ganny pran plas e sa i ganny prevwar dan sa appraisal li menm.   Mersi Mr Speaker.

 

MR SPEAKER

Onorab Ghislain i annan kestyon ki relye avek sa ?  Ale go ahead.

 

HON CHANTAL GHISLAIN

Yes Mr Speaker apre mon annan mon bann kestyon pour mwan.  Mr Speaker lefe ki Minis in dir ki bann appraisal letan in ganny fer, eski i annan lekol ki bann i annan zofisye Minister Ledikasyon ki’n fer zot appraisal dan bann Lekol kot in napa teachers dan sa prezans, e ni menm zot Depite dan ka kekfwa  bann kot i annan Headteacher ki ti dan konze maternite ?  Mersi.

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Be kot i annan bann ka spesifik koumsa par egzanp si en ansenyan during the course of son appraisal in bezwen pran konze maternite oubyen ou pe dir mon en Headteacher   ki pa ti la ?. Me nou annan en tim dan Lekol nou annan en tim antye pa zis sa Headteacher ki fer appraisal it’s the management team ki fer appraisal, ok ?  Byensir ou ava annan ou en dimoun spesifik ki ava atase avek ou  koman ou appraiser, be apre it’s a team effort e sa i ganny diskite o nivo management team lekol. So menm si i annan en sityasyon sa Headteacher i pa la, oubyen i en dimoun  petet in  konmanse ki apre i annan en problenm, ki i pa kapab kontinyen, i pou toultan annan en dimoun ki step in pour fer sir ki son appraisal cycle i pa ganny enteronpe.   Mersi Mr Speaker.

 

MR SPEAKER

Wi Onorab Ghislain.

 

HON CHANTAL GHISLAIN

Minis, sorry Mr Speaker Minis pa’n reponn sa bout si ti annan dan sa bann ka, ti annan zofisye Ledikasyon ki’n appraised pour serten lekol ?

 

MR SPEAKER

Minis.

 

DESIGNATED MINISTER MACSUZY MONDON

Mr Speaker non, lenformasyon ki mon annan se napa okenn sityasyon kot okenn sa in arive.  Me Minister in plito koz avek Management Lekol  parey mon’n dir ki ti la sa letan pour fer sir ki sa appraisal in ganny fer.  I parey ozordi en dimoun i lo Kontra – i lo en Kontra 3an – i travay 2 an avek en management oubyen en PS apre son dernyen lannen, i vwar li i travay avek en lot PS dizon, ok. ?  Ou pou toultan annan en sistenm kot son premye morso appraisal  i pou ganny fer dan en fason avek sa lot dimoun.  E sa dimoun ki’n fek antre  i pou fer sa appraisal pandan sa letan ki li in travay avek sa dimoun.  Mersi Mr Speaker.

 

MR SPEAKER

Onorab Ghislain ou le plis leklersisman ?

 

HON CHANTAL GHISLAIN

Mr Speaker dapre sa ki mon gannyen se ki Lekol Plaisance  Primer par egzanp sete Minister Ledikasyon zofisye ki ti fer pour zot. Mersi, e si kapab…

 

MR SPEAKER

Lekol Primer Plaisance ?

 

MR SPEAKER

Minis petet ou kapab regard ladan oubyen diskite avek ou lekip. Mon pa konnen si Plaisance oubyen Les Mamelles mon  a vwar.

 

DESIGNATED MINISTER MACSUZY MONDON

Mr Speaker non pa Minister ki ti fer appraisal pour Lekol Plaisance me management team ki ti ganny apele Minister, pour zot fer sir ki appraisal i ganny fer parey i merit fer.  Mersi Mr Speaker.

 

MR SPEAKER

Ok, Onorab Esnesta.

 

HON PAUL ERNESTA

Mersi.

 

MR SPEAKER

Ti annan lot kestyon, ale espere Onorab Ernesta. Wi Onorab Ghislain.

 

HON CHANTAL GHISLAIN

Yes Mr Speaker.  Mon annan mon bann kestyon ki mon ti pour demande apar sa siplemanter.

 

MR SPEAKER

Wi, ti annan Onorab Ernesta lo mon lalis.  Anyway ale demann ou kestyon.

 

HON CHANTAL GHISLAIN

Mersi Mr Speaker.   Mr Speaker eski Minis i kapab dir avek sa Lasanble, si tou bann teachers ti konnen  poudir ki sa appraisal ti pou al  an faver zot bonous.   Parske eski avan letan i ti dir i pour fer sa appraisal i annan teachers ki ti refize fer.  Apre ki zot ti deside dir be ok nou ava donn larzan alors ki bann teachers in partisipe ?  Ki bann kriter osi ki’n servi pour dan sa appraisal ?  E osi eski zot pe pran kont bann teachers ki’n travay 30-35 e menm 40an ?  Ki zot pe mazinen be zot pe al retire lannen prosenn e ki zot pa pe tonm dan sa kategori si dizon zot pa’n gannyen.  Ki fer pour zot, zot  travay -30-35-40 an servis, in tonm dan delo. Minis osi in koz lo Scheme of Service pour lezot staff ; eski Minis i kapab dir avek sa Lasanble ki pour arive osi avek bann lezot staff parey bann maintenance staff , ki mon aprann i annan  ki pe ganny zis R5,600 apre 15an servis. Mersi Mr Speaker.

 

MR SPEAKER

Minis.

 

DESIGNATED MINISTER MACSUZY MONDON

Mr Speaker bann teachers ti okouran akoz tou lekol i annan en kopi Scheme of Service pour dir ki ti pour annan en performance allowance.  E nou ti dir dan Scheme of Service poudir nou pe entrodwi en nouvo appraisal e pour annan en performance allowance ki pour ale avek.  E donk tou teachers ti okouran.  Nou tou nou konnen poudir pa tou dimoun ki kontan pas atraver en Sistenm Appraisal, ok ?  Me pou ou napa en Sistenm Appraisal fodre tou dimoun pe fer son travay tre byen.  Ou annan bann rezilta ekselan.  Parey mon konnen en serten pei i fer zot annan telman bann ansenyan ekselan ki zot pa neseserman menm fer manrmay fer legzanmen.   Zot kapab rely lo sa bann ansenyan pour donn zot sa rezilta ki zot bezwen.  Me dan plizyer sistenm osi parey nou, kot ou bezwen annan performance appraisal kot ou kapab monitor performance ou travayer ou bezwen annan en sistenm an plas.  Donk bann dimoun ti konnen.  Akoz tou lenformasyon ti la dan Scheme of Service.  Mr Speaker kot i konsern kriter appraisal i annan en bon pe mon krwar Onorab Henrie in montre nou en gro liv anler kot i annan tou bann competencies and everything, i pa posib pour  mwan zis go through, pour donn tou sa bann kriter, me ankor nou kapab partaz sa lenformasyon avek zot, si zot anvi sa lenformasyon.  Bon kot i konsern rod teachers pour pas atraver bann appraisal sistenm, avan sa mon krwar mon fer mansyon dan mon premye larepons – tou keksoz ti ganny konsidere dan Scheme.  Parey ler nou ti fer Scheme – nou ti reviz Scheme Teachers Scheme of Service 2015, kot nou ti ogmant allowance ki nou donn bann teachers pou sorti R600 pour vin R2mil.  Nou ti donn tou dimoun parey.  Nou pa ti diferansye – si ou annan plis leksperyans si ou en zenn teacher.  Akoz sa ti en inducement allowance pour pa lefe ki ou’n swazir pour vin en ansenyan.  Donk i annan bann keksoz ki built-in dan Scheme ki tou dimoun i benefisye.  Me ler ou pe fer en appraisal – en appraisal i en appraisal.  E se sa ankor mon repete ki disteng en dimoun avek en lot dimoun se son appraisal ; se son lafason ki i perform – son lafason ki li i travay.  E parey nou dir bokou dimoun i go the extra mile.  Me i annan serten ki petet  pa fer sa.  Donk se zisteman ou appraisal ki pour permet sa.  E mon krwar sa ki nou’n fer, i pour ankouraz  – i pou ankouraz zisteman bann good teachers pour zot fer pli byen ankor. Akoz ti annan sa eleman dekourazman parmi sa bann teachers ki ti pe travay dir – ki ti pe travay en kantite – ki ti pe fer sir ki zot zanfan i reisir ; ki ti pe fer sir ki donn en koudmen ki zot Lekol i marse. Se zisteman bann keksoz koumsa ki nou’n built-in pour nou kapab dan sa appraisal pour nou kapab parey mon dir avan disteng en teacher avek en lot, pour nou fer sir ki sa bann dimoun ki pe fer sa bann travay dan sa fason, zot ganny rekonnet.  Mersi Mr Speaker.

 

MR SPEAKER

Onorab Ernesta.

 

HON PAUL ERNESTA

Mersi Mr Speaker e bonn apre midi Minis ek ou lekip.  Mr Speaker mon tann Minis letan in koze, in nonm en pe si oule sa average konbyen pe gannyen par etidyan I mean par bann ansenyan R7,500 baze lo zot bann bonus.  Eski Minis i kapab dir nou konbyen sa pe kout son Minister pour kapab pey tou sa bann Ansenyan zot bonous ?   E dezyenmman ankor mon pa’n tann li mansyonn kan bann dimoun zot sipoze ganny zot peyman – eski Minis i kapab dir nou kan sa bann dimoun zot espekte pour zot ganny zot bonous?  Trwazyenmman Mr Speaker, Minis osi i nonm osi lo bann ansenyan ki pa’n kalifye pour zot fer zot appeal. Eski i annan en dele letan ki’n etablir pour sa bann ansenyan kapab fer zot appeal zot osi evantyelman benefisye ?   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Mr Speaker pour sa premye legzersis avek sa cut- off percentage 75poursan i pe kout Minister apepre R5 milyon.  Me avek sa aprezan ki nou’n fer desann poursantaz savedir nou pe espekte pour sa sonm i pour vin plis.  E peyman bann dimoun ki’n otomatikman kalifye 75 poursan peyman pour ganny fer lafen di-mwan Septanm.  Me bann ki nou pe al re travay lo la bann ki’n ganny 60 poursan ant 60 a 75 poursan peyman ava ganny fer lafen dir mwan Oktob.  Mersi.  Apre ou’n demann dele letan ki pran ; mon krwar sa i built-in dan appraisal zot fer zot appeal, zot kapab fer zot appeal anytime ki zot santi zot anvi fer en appeal pour nenport ki rezon ki zot anvi fer.  Mersi Mr Speaker.

 

MR SPEAKER

Onorab Ghislain ti annan en leklersisman ki ou ti anvi fer so ou demande.

 

HON CHANTAL GHISLAIN

Mr Speaker mon pa’n tann Minis reponn de bout mon kestyon.  An ki konsern bann travayer bann teachers ki’n fer 30 a 35 e menm 40an servis. Ki zot osi si sa in pran kont ki zot osi zot santi dizon si zot pe al retire  dizon lannen prosenn, savedir zot pe dir ou zot 40an servis in tonm dan delo.  E apre i pa’n reponn mon bout kestyon lo – Minis pa’n reponn mon bout kestyon lo an ki konsern bann Scheme of Service pour bann lezot travayer par egzanp bann dimoun ki fer maintenance i apre 15an zot ankor pe resevwar zis R5,600.  Mersi.

 

MR SPEAKER

Minis.

 

DESIGNATED MINISTER MAC SUZY MONDON

Mersi Mr Speaker. Mr Speaker Appraisal System i apply pour tou dimoun irrespective konbyen letan ou’n fer dan servis.  Ou kapab en new graduate in fek antre petet nou donn ou en dele letan pour ou kapab settle down dan ou lekol e konman ou pare nou konmans fer ou appraisal. Ou kapab annan 40an servis ou kapab annan 20an servis ou kapab annan 15an servis, donk i pa diferansye la kantite leksperyans servis ki ou annan i pa diferansye ou.  Me selman petet sa bann dimoun ki i annan sa bann long letan servis avek  zot leksperyans, mon panse i avek bann travay ki zot in fer.  Mon pa vwar akoz zot santi poudir  zot kantite lannen servis i tonm dan delo.  Akoz ou pa kapab – mon pans pa si ou kapab built-in years of experience as such pour ou rekonnet bann dimoun dan appraisal.  Tou bann model appraisal ki nou’n regarde letan nou ti pe travay lo model appraisal pour nou sistenm Ledikasyon nou pa’n come across sa.  E petet se pour sa rezon osi tou ki nou pa’n built sa in dan nou Scheme of Service. Dezyenmman letan mon ti pe koz lo bann support staff pli boner taler, mon krwar mon dir ki Minister i ava konsider regard osi bann lezot staff, support staff i annan ki annan Scheme i annan petet ki napa en Scheme. Me nou rekonnet osi ki i annan sa bann support staff zot Scheme i en Scheme Nasyonal.  Akoz i annan zot ki travay atraver public service dan diferan Minister.  Si ou pran bann dimoun par egzanp ki dan Admin Cadre bann office managers par egzanp zot annan one Scheme across the public service.  I pa zis en Scheme pour office managers  ki travay dan Minister Ledikasyon.  Me selman napa nanryen pou anpese pour al regard osi dan bann kondisyon travay bann lezot support staff. Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker trwa pti pwen sa 2enm cycle si Minis i kapab dir nou kan zot  pe konmanse ?  Epi mon panse ki Minister pe met sa barenn o akoz i oule bon kalite teachers, eski i annan alor lezot pei ki pe fer menm kalite evalyasyon, menm kalite sistenm ki pe fer avek teachers la ki nou kapab konpar nou avek konmsi ?  E dernyerman eski Minis ou konnen toultan bann ansenyan i konplent lo bann resours ki zot gannyen pa ase pa isi pa laba, eski Minis  kapab fer en pti komanter lo kestyon resours an relasyon avek  sa evalyasyon e kalite ansenyan ki nou pe gannyen.   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab. Konmansman 2enm cycle i pour depan lo travay ki Minister i pour annan pour li fer, an relasyon avek bann feedback ki nou’n gannyen. Par egzanp la nou pe aprann ki serten ansenyan i pe konplent zot pa ti konnen about sa appraisal zot pa’n ganny byen enformen zot pa’n okouran ki annan dan appraisal.  Donk letan Minister in regard  bann feedback ki’n gannyen ki’n bezwen travay lo la, mon krwar mon panse i pa pou zis en kestyon petet revwar Polisi si i annan serten keksoz ki nou bezwen adjust dan Polisi ; me i pour en kestyon si i annan en nesesite al re eksplik ankor bann ansenyan ki mannyer appraisal i marse e sa i pour time consuming –  i pour pran en pe plis letan.  E i pa vedir ki nou pour kapab konmans sa 2enm cycle lala toudswit.   Mon pe mazinen  pa ni menm sa lannen.  Donk i pour depan lo bann travay preparasyon ki nou annan pour fer.  Dezyenmman kot i konsern lezot pei Onorab mon pa tro okouran si zot annan sa sistenm parey nou pe fer la.   Rekonnet ekselans donn en bonous.   Me mon krwar zot bezwen.  Mon krwar dan tou sistenm zot bezwen annan en fason ki zot rekonnet  zot bann ansenyan ki travay dir.  Bon kot i konsern resours, mon krwar  nou a dakor nou tou ki resours  i pa zanmen ase.  Me  i pa pour zanmen ase sirtou dan lekol.  Si mon mazin byen ant 2015 ziska mid petet 2017 depi 2015 nou’n depans apepre R20 milyon lo resours remet resours e la mon pe koz liv mon pe koz bann lekipman ; bann materyo ki ganny servi dan bann lekol. Donk mon krwar Minister dan sa dernyen 3an in annan en zefor ki’n ganny fer pour nou at least met en pe plis resours dan lekol.  I annan bann nouvo resours ki nou’n entrodwi parey white board dan bann laklas i annan LCD projectors ki nou’n mete dan bann lekol.   Byensir i pa vedir i parfe ki tou i la.  Parey mon pe dir, i annan ankor pour nou fer, me selman sa ki nou ti a kontan petet ler nou met resours dan lekol ki  sa bann resours i ganny servi. Souvandfwa ler ou annan bann dimoun ki al regard lenplimantasyon curriculum dan lekol, oubyen bann dimoun ki al fer zot vizit dan lekol ou ganny bann komanter par egzanp.  Nou’n donn LCD projector i ankor dan bwat kartron pa ankor ganny tire – i ankor dan bwat kartron dan en lanrmwar somewhere.  Ou konnen oubyen ou ganny dir ki liv i ankor dan store nou’n donn liv nef dan lekol – liv i ankor dan store liv pa ankor arive dan laklas.  Petet mon ava fer en lapel pour dir ler nou met resours dan lekol annou servi zisteman sirtou si nou santi nou bezwen plis, annou servi sa bann resours ki nou gannyen.  E annou servi li byen.  Annou fer sir ki nou vreman met li a dispozisyon nou  bann ansenyan a nou bann zanfan, pour nou kapab zisteman amelyor lefikasite bann lansennyman dan nou bann lekol.   Mersi Mr Speaker.

 

MR SPEAKER

Wi Onorab De Commarmond.

 

HON CHARLES DE COMMARMOND

Mr Speaker,  nou’n antann – lot fwa ti annan bann dimoun ki ti vini, sorti bann expert ki ti sorti deor, ti vin eksplik nou.   I annan serten pei parey Finland, Australie kot zot annan zot bon kalite teachers mon oule konnen si zot – ki mannyer zot fer pour ganny sa bann kalite teachers ?   Zis i ne koumsa menm ?   Ouswa dan zot sistenm training pour teachers e swivi, i annan keksoz ki zot fer.   Eski zot set barenn o ?  What do they do konmsi pour achieve sa bann kalite keksoz koumsa e  ki nou ti kapab aprann e benefisye avek zot.  Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab. Mon pa tro konn lo Australie  me selman mon konnen Finland i en pei kot zot recruit bann meyer kandida bann meyer graduate ki sorti dan Liniversite e zot train zot konman teachers.  They recruit the best e sa i en kiltir ki zot in devlope dan sa pei.  E zot enn sa bann pei ki napa bokou assesment – napa bokou legzanmen ki ganny ; fer bann manrmay zot met bokou lanfaz lo zwe dan bann early years, bann manrmay i konmans lekol bann lekol primer a laz 7an.  Me zot annan konfyans dan zot bann ansenyan e zot konnen poudir sa bann ansenyan i  pour fer sa travay ki zot in ganny demande pour fer, e zot rezilta parey ou pe dir is the top in the world. Donk i en pe sa.  E en lot keksoz osi mon panse si zot pe recruit the best, zot bezwen osi zot saler osi sa bann ansenyan i bezwen bon.  Ou vwar ?  Donk vwala Mr Speaker mon krwar akoz sa bann pei ti a bon osi ki Sesel osi ti ava ariv a sa nivo.  Mersi Mr Speaker.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker.  Mr Speaker mon annan de kestyon. Premye kestyon eski Minis zot in fer en letid pour vwar si bann lekol kot bann teachers in score less ki i annan less teachers ki’n score 75% or more, i bann lekol ki  annan problenm disiplin ?  E dezyenmman eski sa appraisal besides sa monitory incentives ki bann teachers pour gannyen i osi ganny servi petet pour fer desizyon pour donn promosyon pli tar ?  Eski sa i ganny servi ?

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  En study wi sa en travay ki Minister Ledikasyon pou bezwen fer.  Pou bezwen  analize zisteman  baze parey ou’n dir lo lakantite ansenyan par lekol.  Akoz en lekol i annan plis ansenyan ki’n score high akoz enn i annan mwens.  E ki mannyer zot kapab zisteman apre ed sa lekol pour li perform pli byen e byen sir relye sa avek tou lezot fakter dan lekol enkli bann problenm disiplin. E definitivman ler ou annan en Sistenm Appraisal an plas  zisteman sa i fasilit ou travay letan ou annan  pou ou konsider bann kandida pour promosyon a lavenir. Akoz ou annan tou bann levidans ; ou annan tou lenformasyon ki ou bezwen, pour ou kapab zisteman fer promosyon bann dimoun ki ou anvi donn en promosyon.  Mersi Mr Speaker.

 

MR SPEAKER

Onorab Hoareau.

 

HON BASIL HOAREAU

Kestyon siplemanter an relasyon avek premye kestyon eski letan sa appraisal pe ganny fer eski i bann problenm spesifik dan sak lekol in ganny pran e met an kont ? Akoz si i annan en teacher petet pe travay dan en lekol kot i annan problenm disiplin i fer son louvraz pli difisil ki enn ki annan mwens problenm disiplin.  Eski sa in ganny pran kont ?

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Wi mon krwar sa tim ki pe appraise ki pe enplimant appraisal i annan bann konsiderasyon ki bezwen donnen.  Par egzanp si sa ansenyan i annan en laklas pour mwan i lozik si ou annan en laklas problenm disiplin ki ou pe ganny difikilte pour manage -premye keksoz ki ou bezwen fer pou ou kapab ed li pour son appraisal pour ou vwar ki mannyer ou kapab ed li pour li kapab manage son laklas pli byen. Akoz classroom management i form par bann training ki nou donn bann ansenyan.  E la nou pou santi poudir sa ansenyan i bezwen sipor e i devwar sa lekol pour regarde ki mannyer i kapab siport li zisteman pour li kapab overcome sa bann problenm ki pa pour afekte son appraisal.  Mersi Mr Speaker.

 

MR SPEAKER

Onorab Sophola.

 

HON NOLINE SOPHOLA

Mersi Mr Speaker.  Mr Speaker mon annan enn de pti pwen Minis bear with me please. Premyerman eski ou kapab dir nou si sa sistenm appraisal ti al dan en staz pilot ?   2enm eski i ti compulsory pour tou teachers fer sa appraisal ?  Minis dezyenm kestyon ki pour arive avek sa bann ansenyan ki pa’n ganny kalifye par egzanp eski zot pour rekonmans tou zot cycle ?   Eski zot pour travay selman lo sa target ki zot pa’n achieve ?   Si zot pour travay selman lo sa target ki zot pa’n achieve, eski zot pour bezwen esper en peryod 2 an avan ki zot ganny apraise ?   Mon 3enm se ki mon konn en lekol dan Early Childhood Section ki’n sanz 2 appraisers pandan sa cycle 2an.   E eski sa pou annan en lefe negativ lo rezilta sa bann appraisee ?  Les mwan eksplike – par egzanp Minis dan initial stage sa dimoun – sa teacher in diskit avek ‘A’ obzervasyon in diskit avek ‘A’ dan writing target in diskit avek ‘A’ me ler i ariv dan implementation stage, i al travay avek ‘B’.  Sa ‘B’ li i pa konn nanryen anler ki nou’n diskite li.  Minis mon pe dir sa, akoz mon’n pas atraver sa sistenm mon konn en pti pe.  E pandan ki mwan osi konman en apraiser avek bann teachers mon ti remarke i annan bokou defi.  I pa’n en keksoz fasil.  E sa bann appraisal i met bokou presyon lo bann appraisers.  Akoz annandler ou dir mon pe al dan laklas mon pe al obzerv tel teacher dan tel size, i napa teachers dan lot laklas ou kite ou ale oubyen sa teacher pa la, zour sa teacher i la dan sa size ou, ou pa available.  Mwan petet personnelman zot a disagree avek mwan, mon vwar sa nou devret revwar en pe ; pa dan son antye me selman partially i annan keksoz nou bezwen re-touse, revwar met li dan konteks du jour  kot nou été konmela.  Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Kot i konsern piloting Onorab i annan serten travay ki ti ganny fer me pa pour pilot sa Appraisal Sistenm antye.  Me i annan bann travay ki ti ganny fer par egzanp pour devlop bann tools pour vwar si sa bann tools ki nou’n devlope – try li out pour regarde si i marse.  Donk i annan en bon pe travay ki’n ganny fer pour fer sir ki finalman nou’n vin avek en Appraisal System ki nou krwar i adapte pour nou sistenm Ledikasyon, ok ? Dezyenmman compulsory wi pour nou, tou nou bann ansenyan ti bezwen pas atraver sa Appraisal System, ok ? Me ceci dit  nou konnen nou ti annan apepre en 3-4 Ansenyan ki pa ti konmanse, pa ti antre lo sa Appraisal System zot pa ti oule i annan ki ti servi tou lezot rezon. Ozordi nou annan enn sa bann dimoun ki pe dir, ‘’Be mwan pa ti fer mon pa ti oule fer sa letan ti annan keksoz pour mwan. ‘’ Be napa nanryen pour ou, vwar anler nou pa realize nou zis rebel nou pa oule, akoz nou pa anvi ganny appraised for whatever reason me apre letan nou regarde letan nou vwar ki pe arive nou santi nou poudir finalman nou ki perdi.  Donk nou ankouraz tou nou ansenyan.  Me selman apre i annan ki’n antre e parey mon dir i pa’n antre tou ansanm me selman i annan apre in antre ki’n antre lo sistenm o fir a mezir ki nou’n ale.  Kot i konsern bann ansenyan ki pa’n kalifye, mon krwar sa i bann desizyon endividyel ki nou bezwen pran pour regard sak sa bann ansenyan, ok ?   Kot zot été ; ki bann weaknesses ; ki bann problenm ki annan e pour nou vwar ki mannyer nou prezan nou pou handle zot sityasyon. Minister a bezwen deside, me ou pa pour kapab annan en desizyon ki pour kouver tou ansenyan parey.  Akoz mon asire pour annan plizyer rezon ki petet kwa ki aplik pour en ansenyan, me ki pa pour neseserman aplik pour en lot.   Kot i annan lekol parey ki nou pe dir ki’n sanz appraisers ler kot en appraiser pa la, dan Polisi i fer provizyon  poudir the Head of the Institution i pour zwe sa rol konman  appraiser.  Me selman pour mwan si mannyer ki Appraisal Sistenm i été, si tou bann keksoz i ganny byen dokimante ok, depi ler ou’n konmans ou premye meeting ou bann diskisyon ou’n set ou target, si tou keksoz in ganny byen dokimante lo ou appraisal file mon pa vwar okenn rezon akoz sa dimoun ki vini i pour annan tou bann lenformasyon lo ou e li i kapab pran la kot ou’n arive.  E byensir avek sa lezot dimoun ki la, ki la dan tim, pour kapab fer sir ki ou pa lose out kot ou appraisal i konsernen akoz ou appraiser, i nepli la dan ou lekol.  Bon letan ou koz lo bokou presyon Onorab wi nou santi avek sa appraisal petet in annan en bon pe travay papye pour fer e zisteman nou bezwen konmans en landrwa. Baze lo bann feedback ki nou’n gannyen si nou santi i annan fason Minister i santi i annan fason i kapab senplifye sa bann prosedir, e zisteman se sa ki nou’n dir nou pa pou esper – menm si Polisi in fer provizyon pour reviz ou Apppraisal Sistenm apre 2 cycle savedir apre 4an, Minister nou pe konsidere fer li la apre 2an pour nou kapab zisteman adjust kot nou santi i kapab ede pou fasilitate sa process.  Mersi Mr Speaker.

 

MR SPEAKER

Onorab Georges.

 

HON BERNARD GEORGES

Mersi Mr Speaker.  Mr Speaker mon ti a kontan dir avek Minis, ki nou konpran son sa Scheme Appraisal avek i annan lentansyon deryer se pour promouvwar lekselans dan profesyon teaching.  E mon krwar sa se en bon keksoz parey nou’n fek ganny dir Australie i en legzanp e si ou permet mwan Mr Speaker avan mon demann mon kestyon dir Finland osi i en lot legzanp kot dimoun ki ganny pli valorize dan sosyete se teachers.  Parey zot devwar.  E non pa eskiz mon parey Minis oubyen Manm Lasanble oubyen Avoka oubyen Dokter oubyen accountant eksetera.  Zour mon krwar nou pei i konmans valoriz nou teacher konman en dimoun pli enportan dan nou lasosyete, mon krwar nou osi nou ava ariv sa nivo lekselans.  E sa i anmenn mwan a mon kestyon lo sa size, mon en pti pe konsernen par sa diferans ki egziste ant primer avek segonder.  Ant bann kantite teachers dan primer vizavi segonder ki’n achieve sa poursantaz dan zot appraisal. Eski Minis ti a kapab ed nou en pti pe avek bann rezon akoz sa in arive ?   E dan sa konteks, eski Minis i kapab donn nou rekonfor ki sa in arive san okenn lenfliyans from Minister li menm ?   Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Bon parey nou konnen nou annan plis ansenyan primer ki ansenyan segonder.  E enn bann rezon akoz nou annan plis bann dimoun ki’n kalifye, me selman letan ou get li an proporsyon nou ti a kontan Minister ti a kontan vwar ki plis ansenyan segonder osi i kalifye ti’n kapab meet sa target 75poursan, me sa i pa le ka.  E nou realize petet enn bann fakter me mon krwar ler Minister i a fer son analiz i ava vwar, nou bann lekol primer i bokou preske tou nou bann Seselwa, ki dan nou bann lekol primer nou annan expatriate ki dan bann lekol segonder.  E Onorab mon ti a kontan reasir ou poudir ki mon pense pa si i annan okenn lenfliyans o nivo Minister, oubyen okenn enterferans kot i konsern bann ansenyan pour arive meet sa target.  Akoz la fason ki appraisal i ganny konsevwar, i en sistenm pwen e ou bezwen ganny pwen pour ou kapab apre letan in adisyonn ou pwen pour ou kapab apre kalifye pou ou ganny sa poursantaz ki ou sipoze gannyen.  Mersi Mr Speaker.

 

MR SPEAKER

Onorab De Letourdie.

 

HON JANY DE LETOURDIE

Mersi Mr Speaker.  Bonzour tou dimoun.   Minis eski ou ti a kapab konfirmen, si i annan lekol kot okenn ansenyan pa’n kalifye pour ganny sa bonous akoz Management Lekol pa’n zanmen enplimant sa sistenm Appraisal ?

 

MR SPEAKER

Minis eski i annan en ka parey ?

 

DESIGNATED MINISTER MACSUZY MONDON

Non, Mr Speaker mon pa okouran akoz nou annan akoz lo lalis ki nou annan nou annan sif pour dan tou Lekol. Nou annan en group teachers ki’n kalifye e si zot in kalifye i bezwen annan levidans zot appraisal pour montre poudir zot in kalifye.  Donk mon pense pa si i annan okenn lekol ki pa’n enplimant sa Appraisal System.  Mersi Mr Speaker.

 

MR SPEAKER

Onorab De Letourdie eski ou konn okenn lekol ?

 

HON JANY DE LETOURDIE

En pti siplemanter. Minis eski Minister Ledikasyon ti a kapab konsider fer en lanket dan fason sa sistenm i ganny enplimante dan tou lekol, pour dekouver bann defayans koriz en pe bann febles ?

 

MR SPEAKER

Minis.

 

DESIGNATED MINISTER MACSUZY MONDON

Wi Onorab sa i pour form parti sa legzersis ki nou pe fer parey mon dir nou pe al revwar nou Polisi e prosedir ki appraisal i ganny fer, e i pour osi enkli dan bann lekol lafason ki appraisal in enplimante.  Sa byensir i pour nesesite petet interview avek bann teachers oubyen lezot travay ki Minister i ava deside fer, me i pou form parti sa legzersis ki pour permet nou apre fer serten revwar zisteman nou Sistenm Appraisal.  Mersi.

 

MR SPEAKER

Mersi Minis.  Mon sizere i reste ankor 4 MNA ki oule poz kestyon.  Mon sizere nou kontinyen avan nou eskiz Minis apre nou pran en Break pour pause kafe.  Onorab Arrisol.

 

HON SANDY ARRISOL

Mersi Mr Speaker.  Bonn apre midi Minis bonn apre midi tou Manm. Mr Speaker mon ti a kontan konmans lo menm laliny ki Onorab De Commarmond in koz lo la. Parske letan mon tann Minis koz lo teachers ekselans mon mazinen i pour fer avek sekirite bann teachers dan lekol – proper lekipman e lanvironnman travay.  Zis pour mansyonn sa, mon ti a kontan par egzanp vakans Minis ti annan en interview lo televizyon kot lekol Mont Fleuri en group zanfan ti’n kraz en laklas meb.  Me ozordi nou’n konmans Lasanble, nou pa’n tann Minister Ledikasyon donn en statement ki’n arive avek sa bann zanfan e ki’n arive avek sa bann meb ki’n kraze ?   Sa i en lanvironnman ki  nou bann teachers pe travay ladan ozordi.  Letan mon lo sa pwen, mon ti a kontan – Minis in koz lo lekol segonder – par egzanp nou annan nou 582 teachers e ladan zis 83 ki’n pas zot 75 poursan.  E mon pe demann mon lekor sa 499 ki reste dan bann lekol segonder, si zot pa pe delivre a laoter ki Minister Ledikasyon avek Management Lekol i ti a voudre.  Eski sa i pa pe donn en lendikasyon mwan konman en paran ki mon zanfan i dan problenm dan lekol segonder ?    Parske zis 83 teachers ki’n pass lo nivo ekselans parey nou pe dir.  E zot pe teach nou bann zanfan.  Me lezot sa 499 pa pe donn nanryen.  Sa mon  i premye kestyon.  Sa en lenpresyon mon gannyen konman en paran, mon ti a kontan Minis i klersi mwan lo la.  Mon 2enm kestyon mon ti a kontan demann Minis an vi ki Management Lekol ki fer aapraisal bann teachers  dan lekol mon tande bann Teachers i kapab fer appeal. Eski i normal pour Management Lekol  ki er ou appraisal e ou pa’n satisfe e ou retourn kot Management Lekol pour ou al appeal ?  I zis parey ou’n ganny kondannen avek Ziz Basil Hoareau dan Lakour Siprenm e ler ou al kot Lakour D’apel ou vwar Ziz Basil Hoareau menm ki asiz kot Lakour D’appel. Eski ou santans pa ogmante olye redwir ?   En legzanp mon pe servi avek tou respe pour ou Onorab Hoareau. Mon dernyen kestyon Mr Speaker mon pour met lanfaz lo non-teaching staff.  Ozordi dan bann Lekol parey nou tou nou konnen i annan en mankman Teachers me selman ler ou get Minister Ledikasyon, i annan plen nou bann Teachers kalifye, ki’n ganny anvoye aletranze pour al etidye.  Nou vwar zot pe asize Minister Ledikasyon, letan dan Lekol nou bann zanfan napa personn pour donn zot – pour ansenny zot dan bann laklas. Prezan ki arive Mr Speaker, nou vwar bann non-teaching staff. Par egzanp dan segonder nou annan bann Librarian avek bann Teknisyen Laboratwar ki ozordi zot pe ganny en timetable parske i annan bann Laklas ki zot ale zot fer sa ki zot kapab zot supervise letan napa bann teachers oubyen menm vey legzanmen. E zot ganny forse pour fer sa.   I enportan pour note pour ki sa bann non-teaching staff i ganny forse pour donn en koudmen dan lekol pour kapab mentenir nou lekol.  Alor mon ti a kontan si Minis i kapab eksplik nou letan sa bann non-teaching staff i fer zot appraisal eski zot ganny en rekonpans parey bann teachers zot osi ?   Mon tann Minis dir zot i pe revwar bann Scheme of Service, mon ti a kontan dir Mr Speaker ki Scheme of Service pour non-teaching staff,   sak fwa ou koz lo la Minister Ledikasyon i dir i pe revwar, i pe gete, i pour gete – mon ti ankor dan Ledikasyon zot pe gete menm mon sorti dan Ledikasyon 10an pase zot ankor pe gete. Silvouple get en pti pe pli pre. Mersi bokou.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab.  Bon Onorab mon konpran ou konsern e letan Minister pour fer sa servis pour vwar zisteman pour lekol kot i annan mwens ansenyan ki’n kalifye, e pour rode akoz. Mon asire ki plis lanfaz, plis latansyon pour ganny donnen kot i konsern bann lekol segonder.  Kot i konsern Lekol Mont Fleuri mon pa tro konnen kote Minister i été avek, me selman mon panse o bon moman Minister si Lasanble i santi i neseser, ki nou Minister i pare pour vini pou donn en statement  kot i konsern sa ki’n arive lekol Mont Fleuri e ki follow-up  ki’n ganny fer.  Kot i konsern appeal ler nou dir  i komans dan lekol akoz ou appraiser i dan lekol i parmi ou management team.  Dabor e avan tou ou bezwen dir avek ou appraiser avek ou management team Lekol poudir ou pa satisfe avek la lafason ki ou appraisal in ganny fer,  e ou pe fer li konnen poudir ki ou pe lodge en appeal.  Mon krwar i enportan ki at least sa i ganny fer o nivo lekol.  Si  prezan li sa Headteacher oubyen Management Lekol i santi poudir petet vre lo zot kote i annan keksoz ki pa’n ganny fer konman i fodre, e ki zot kapab rektifye o nivo  lekol zot ava deza pe rektifye li la, olye esper ariv kot fodre arive e apre pour Minister go back e demande pour keksoz i ganny refer. Donk mon krwar i enportan.  Nou, nou ti a kontan ki sa, si ti posib an premye lye ki sa whatever grievance ki zot annan, sa i ganny rezourd o nivo lekol e Polisi i fer provizyon pour sa.   Kot i konsern teachers pe asize Minister, mon pa konnen konbyen i reste akoz nou ti tir en bon pe.  Dan sa dernyen 5 an mon krwar nou’n tir en bon 20enn. Mon pa konnen konbyen i reste, me mon penser se pour dir Minister pa pour gard teachers pou asize Minister espekte si zot vreman ganny bezwen.  Me ankor enn fwa mon krwar nou ava regarde si nou santi i annan dimoun nou pa bezwen ki pe asize Minister.  Mon konnen  sa toultan i monte menm dan lepase, sak fwa  ki nou’n vin  dan Lasanble sa pwen in monte,  mon krwar Minister a pare pou regarde nesesite pour tire ankor – parey mon dir nou’n tir en bon pe over the years.  Me si i annan nesesite ankor nou ava fer li.  E mon panse letan ou pe koz bann support staff pour mwan petet zot al baz petet Librarian zot al supervise en laklas mon pa konnen.  E whether zot ganny rekonpanse pour sa mon pa tro asire, me mon konnen poudir dan Scheme i annan provizyon pour ganny fer pour letan en ansenyan li, i bezwen al fer bann travay ekstra dan en lekol kot i ganny demande dan son letan lib, pour li al fer. I annan Scheme ki’n ganny revize over the years. Me konnen avek ansenyan nou annan en sistenm  kot nou at least  nou fer revizyon Scheme of Service tou le 5an. Me i annan de ka osi ki nou’n fer li avan 5an. Donk mon krwar Minister i ava deside, si i annan nesesite pour revwar sa bann kondisyon e  revwar sa bann Scheme.  Mon pa konnen petet i annan mon’n dir taler  i annan bann travayer support staff, ki zot lo en National Scheme.  Me whether  ki i merit donn konsiderasyon sa bann dimoun – konsiderasyon ekstra oubyen spesyal, akoz zot pe travay avek Ledikasyon ; akoz nou konnen sansibilite, integrity travay  dan Ledikasyon ki mannyer i été, petet  nou bezwen regard osi – Minister i kapab regard osi en pti pe dan sa laliny. Mersi Mr Speaker.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Speaker.  Bonn apre midi a tous. Minis vi ki ou konnen lo kote larzan Seselwa i serye. Eski bann teachers pour kapab al rod rekour petet dan bann lezot lenstitisyon apart Minister Ledikasyon menm petet kot PSAB, Ombudsman, Lasanble kot Komite Viktimizasyon,  si zot remarke poudir zot appeal pa pe ganny ekoute avek Minister Ledikasyon ? Mersi.

 

MR SPEAKER

Onorab Ferrari oule relye sa avan Minis i reponn ?

 

HON JEAN-FRANCOIS FERRARI

Wi avek respe, mersi Mr Speaker.  Mon ti anvi zis demann Minis, pour bann ki pa’n reisir eski Minis Gouvernman pa ti konsider lannen prosenn i pa en lannen evalyasyon, konsantre vreman lo sa group ki pa’n make it e donn zot en loportinite pour zot ganny en ratrapaz dan zot appraisal e ki zot osi zot kapab gannyen sa benefis konmsi.  Konmsi next year i annan en lannen appraisal en lannen ratrapazen lannen apprai… konmsi ki nou anmas tou nou bann dimoun sa bann ki pli weak sirtou e nou fer zot vin meyer.  Mersi.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab. Kot i konsern appeal Onorab Adelaide – wi mon krwar si en ansenyan i santi ki apre ki’n fer son prosedir appeal i pa satisfe avek sa ki Minister in dir li oubyen in fer pour li, i son drwa pour li al kot Ombudsman, al kot PSAB, al kot bann lenstitisyon ki annan si i anvi son case i ganny ekoute pli lwen.   2enm pwen Onorab Ferrari wi mon krwar ou annan en pwen e Minister i kapab letan i pe fer son travay analiz, baze lo bann feedback ki in gannyen, napa nanryen ki anpes li pran en desizyon pour dir ok nou pou konsantre lo sa bann ki pa’n reisir e vwar ki mannyer nou kapab ed zot pour kapab met zot lo sa nivo ki nou anvi zot vini.  Mersi Mr Speaker.

 

MR SPEAKER

Onorab Simon Gill.

 

HON SIMON GILL

Mersi Mr Speaker. Bonn apre midi Mr Speaker bonn apre midi Minis avek ou lekip. Mr Speaker ankor enn fwa nou pe tous en size tre enportan – profesyon konman en teacher. E par laswit nou pe koz zanfan ki pe ganny lenstriksyon atraver bann teachers.  Eskize si mon fer sa Statement me nou pe koz quality education e Sesel in ariv en staz kot nou bezwen met lanfaz lo quality education. I ganny perceive parey in ganny dir ki Lekol Piblik Lekol Gouvernman pa pe kapab prodwi bann zanfan bann zelev avek kalite konpare avek Lekol Prive. Annou pran Independence School konman en legzanp sa i sa ki perceive la deor.  Now nou pe dir nou’n fer appraisal ek bann Teachers.  Bann teachers ki nou’n evalye zot in ganny 75 poursan mark e mon prezimen sa i sa limit.  Si mon’n mal konpran mon eskize, me mon ti a voudre ganny leklersisman 75 poursan i sa limit e i sa minimum e si mon kapab dir i ekivalan R10mil.  Probableman zot a dir mon non i pa ekivalan R10mil akoz ou pe donn 75 poursan an R10 mil.   Kestyon ki poze akoz ki sa bann teachers ki’n ariv 75 poursan pa kapab gannyen sa R10mil ?   Now lot kestyon eski Minister i satisfe ki sa fason fer, i pou anmenn sa ki Sesel i rode quality dan nou Sistenm Ledikasyon e par laswit bann zanfan fer byen dan zot letid akademik ; ganny bann bon rezilta pour ki finalman nou kapab dir wi nou ariv sa staz kot Sesel nou pe pitch  nou avek bann lezot Liniversite or lezot Lenstitisyon Skoler kot nou pe prodwir bann quality student ki pe sorti.   Now ki prozeksyon ki Minister Ledikasyon in fer e ki dele letan – si i posib ki zot dir bon pandan sa prosen 5an ka ki Sesel dan nou Sistenm Ledikasyon nou pa’n achieve tel nivo e ki konparab avek sa quality education kot i pe montre nou, kot bann zanfan i vreman donn bann bon rezilta.   Bann 4 A’s bann 4 B’s probableman or  konbinasyon A’s – B’s eksetera.  Bon mon ti ava voudre ki nou met sa an perspektiv pour ki la deor nou build up en pe konfyans, konfidans, trust nou bann paran ki annan son zanfan, ki annan nou zanfan dan Sistenm Ledikasyon Piblik.  Mersi bokou Minis. Mersi bokou Mr Speaker.

 

MR SPEAKER

Minis.

 

DESIGNATED MINISTER MACSUZY MONDON

Mersi Mr Speaker, mersi Onorab. Mr Speaker sa sistenm ki mannyer i marse  -sa sistenm pwen nou annan trwa kategori par egzanp ; meet position requirement, ok, exceeds position requirements ; outstanding performance.  Se pour sa rezon e nou konmans avek 75 poursan meet position requirements e se pour sa rezon ki nou pa kapab donn sa bann ki donn 75 poursan R10 mil. I bezwen ganny sa poursantaz ki i sipoze gannyen lo sa R10mil.  Sa dimoun ki pour ganny R10 mil i sa dimoun ki pour ganny 100 poursan. Donk se en pe koumsa ki mannyer i marse par egzanp en dimoun ki’n ganny ant 93 poursan a 100 poursan i pour ganny li par lao R9 mil.  Ok ?  Me selman i la fason ki mannyer nou’n grade e nou’n definir nou bann ratings.  Dezyenmman Mr Speaker mon krwar sa Sistenm Appraisal i enn bann fakter mon krwar nou lo bon semen i enn bann fakter ki pour kontribye zisteman pour ed nou pou kapab ganny sa kalite ledikasyon ansanm avek bann lezot keksoz ki nou ti annan dan nou plan, anmenn nou pou nou kapab ganny sa kalite ledikasyon ki nou tou nou anvi vwar arive dan nou Lekol Piblik. E parey mon dir sa i enn bann fakter ki pour kontribye.  Akoz nou target nou se ki nou bann ansenyan mon krwar mon mansyonnen taler i score grade C or better e nou anvi increase lakantite Ansenyan dan sistenm ki pe score sa grade.  Me selman letan nou regard apre sa 2an ki nou’n enplimant sa appraisal Mr Speaker, deza nou pe konmans vwar serten lenpak pozitiv, ok ?   Nou vwar poudir i annan bann ansenyan ki amelyor son konpetans par egzanp dan ICT la fason ki i servi ICT dan son lansennyman. Nou’n vwar bann ansenyan in vin enpe pli konsyan lenportans travay within some Policies bann framework ki lenfliyans zot travay toulezour.  Nou’n vwar osi ki parmi nou bann ansenyan, serten nou bann Ansenyan in vin pli proaktiv ok , kot i konsern zot devlopman profesyonnel e nou pe vwar en bon pe networking ki pe arive dan lekol, dan serten Lekol parmi bann ansenyan zot menm.  E an menm tan osi ant bann diferan lekol.  Nou pe vwar petet bann ansenyan ki pe vin pli inovativ ok ?   Ki pe reflekte en pe plis lo zot pratik ki zot pe vin en pe plis otokritik dan la fason ki zot fer zot bann travay.  E lannen pase nou’n vwar serten amelyorasyon.  Nou’n vwar amelyorasyon dan rezilta ; rezilta  legzanp performans akademik, serten bann lekol primer.  Donk deza mon krwar deza nou pe konmans vwar en pe rezilta ki sa bann travay pe anmennen e avek sa mon ti a dir ou mersi Onorab fotespere mon’n kouver ou bann pwen.  E mersi Mr Speaker.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker premyerman letan Minis pe dir ki an 2014 zot ti entrodwi sa Scheme ensidswit ; eski Minis i kapab dir nou akoz ki Minis Morgan ti fer en Statement an Fevriye ki poudir pour napa okenn konpansasyon monneter pour bann teachers vi ki zot pe ganny trezyenm mwan lapey e ki Trezyenm Mwan Lapey  e ki Trezyenm Mwan Lapey  on average i ekivalan 8 poursan zot lapey.  Ok   an Fevriye sa ti ganny fer.  Eski bann etidyan zot osi tou zot ganny enkli dan sa appraisal pour zot bann teachers ?  Mr Speaker nou retourn ankor lo sa size eski tou bann lekol bann teachers ti konnen egzakteman ki poudir sa appraisal pe ganny fer ?  Akoz mon pe ganny en kantite komanter ki poudir pa tou ki ti konnen.  E menm i annan serten ki pe dir wi bann ki ti konnen me selman an menm tan osi Management ti ganny dir pa bezwen donn – mwan mon pa konn sa mon me selman la mon ganny soz ki poudir limero 4 ti pwen pli o.  E ki bann teachers – bann management ti ganny dir pa bezwen donn 4 donn par anba 4.  Me ki pour sa rezon napa okenn teacher ki’n ganny 100 poursan.  E finalman lo nivo sa size ki’n lev-e la konsernan teachers primer avek teachers segonder.  Mon konnen poudir Direkter Lekol Primer i kontan son bann teachers i travay for eski rezon ki bann teachers primer i pli byen fer ?  Se zisteman akoz Direkter Lekol primer bann Lekol Primer in montre en lentere direk dan sa appraisal kot in letan in regard sa appraisal serten in retourn kot Lekol e in dir avek zot fer serten keksoz tandis ki lo kote segonder sa pa’n arive ?   Mersi bokou Mr Speaker.

 

MR SPEAKER

Minis petet ou a komant lo sa 3  pwen – 4  pwen.

 

DESIGNATED MINISTER MACSUZY MONDON

Mersi Mr Speaker, mersi Onorab.  Mon krwar i vre ki letan Trezyenm Mwan Saler ti vini ti annan serten deba dan Minister lo konmansman pou regarde si Trezyenm Mwan Saler pour baze lo performans oubyen non.  E lenpak ki sa pour annan lo sa Sistenm Appraisal ki ti’n deza konmans met an plas dan Minister.  Petet se sa ki ti fer Minis a sa letan fer serten komanter a sa nivo.  Me apre letan Trezyenm Mwan Saler in vini letan tou dimoun in gannyen, nou’n vwar klerman ki nou pa pe kapab servi sa Trezyenm Mwan Saler konman en baz pour nou kapab rekonnet nou bann Ansenyan.  A en moman donnen osi mon krwar Minis osi ti mansyonn sa dan son interview ki ti fer i annan en letan kot nou ti pe mazin petet en non-monitory incentive package.  Me sa osi apre Minister in vwar poudir i petet i pa pour marse, se pour sa rezon finalman nou’n vin avek sa sistenm annan en bonous pour nou bann ansenyan.  Be selman originally dan Scheme of Service parey mon dir, son rekonpans ti monneter se pour sa rezon nou ti appel li en performance allowance.  Donk i ti sipoze nou ti sipoze annan sa performance allowance pour donn zisteman bann ansenyan ki perform pli byen dan sistenm.  Onorab kot i konsern sa donn anba 4 pwen sa fransman mon pa konnen kot i sorti si petet serten teachers in sey fer sa mon pa konnen si pour zot kapab kouver zot.  Ou pa kapab dir en dimoun donn anba 4 pwen si en dimoun i merit 4 pwen.  Ou bezwen ou pe fer en appraisal en appraisal i serye.  Ou bezwen donn dimoun sa ki i merite.  E letan mon regard lo mon papye mon vwar poudir i annan dimoun in score 100% e si in score 100% se ki in ganny tou son 4 pwen, ou vwar.  Donk petet sa in vin en problenm mon pa konnen kominikasyon dan serten lekol me mon kapab garanti i pa en lenstriksyon ki’n sorti kot Minister Ledikasyon. Wi Onorab mon krwar ou kapab annan en pwen ki par fwa petet ankadreman petet dan en lekol primer i petet i bokou pli for ki dan en lekol segonder.  Relasyon osi petet travay avek bann etidyan, relasyon petet travay bann ansenyan antre zot ki sa i fer ki zisteman kekfwa ou annan en pe plis sa sipor.  Akoz dan en lekol kot ou annan sa bon relasyon avek bann ansenyan bann ansenyan i donn sipor kanmarad par egzanp.  Zot travay ansanm kot i konsern preparasyon leson zot travay ansanm kot i konsern prepar assessment pour bann zanfan.  Donk mon krwar sa i en pe bann pwen osi kot in kapab antre an zwe kot in fer ki lekol primer in ganny bokou plis Ansenyan ki’n ganny kalifye konpare avek lekol segonder.  Kot i konsern enkli bann etidyan dan sa appraisal sistenm o nivo primer mon pense pas si sa in ganny fer e mon krwar pa osi si Polisi i fer provizyon pour sa.  Me mon santi ki o nivo segonder akoz nou annan bann Students Committees nou annan bann group etidyan ki mon konnen i annan dan serten Lekol segonder ki ase for e mon krwar pour dir o nivo pos segonder osi.  Napa nanryen ki anpes nou annan serten degre involvement etidyan kot i konsern evalyasyon a lavenir. Byensir Minister i kapab regarde ki mannyer sa i kapab ganny fer me finalman rezilta pour koz pour li menm rezilta sa ansenyan dan son laklas se sa ki pour pli levidans pli enportan, dan sa travay ki pe ganny fer.  Mersi Mr Speaker.

 

MR SPEAKER

Avek sa mon ti a kontan lo lapar Lasanble remersye Minis Dezinyen Minis Mondon avek son lekip pour letan ki’n pase, pour eklersi sa size ki pe ganny bokou latansyon sirtou par bann teachers bann profesyonnel. Tou mesaz ki nou ti a kontan dir se ki bann ki pa’n arive lo sa nivo ki zot ti espekte you never give up touzour annan en latitid pozitiv.  Parey i annan MNA in dir petet lannen prosenn oubyen lot circle Minister Ledikasyon i devret konsantre lo nivo bann ki pa’n ariv kot zot ti a voudre arive.  Me touzour dan lavi nou bezwen fer zefor pour aprann pli byen, gard en latitid pozitiv i annan bokou lazwa ki ou gannyen ler ou retire konman en teacher. Avek sa mon ti a kontan swet zot bonn sans dan zot 3enm Trimes dan zot travay i pa en louvraz fasil nou tou nou konnen i demann bokou devosyon bokou commitment. Nou a swet zot tou de bon e nou a eskiz zot.

 

(THE DESIGNATED MINISTER MONDON WAS EXCUSED FROM THE HOUSE)

 

MR SPEAKER

Bon avek sa nou a pran en Break si zot tou zot dakor pour nou kontinyen akoz nou annan ankor en Urgent Question pour Mr Larose Minis Finans Komers avek Planifikasyon Ekonomik.  So si nou pran en Break pour 20 minit epi tournen oubyen zot anvi zot fatige zot le al demen fer demen ?   Nou a pran en Break ?  Zot oule al demen ?   Nou annan demen zis pour mazinen nou annan zis 2 Mosyon demen.  So nou kapab al konmans demen bomaten epi nou a pran nou 2 Mosyon nou annan lazournen antye. Wi Clerk eskize les mon ganny gide par nou Clerk. Clerk ?

 

MADAM CLERK

Mersi Mr Speaker mon konpran demen i annan en Urgent Cabinet Meeting, so dan sa lespri mon sizere petet nou kriy Minis akoz i deza at the premises so nou kriy li pour sa Urgent Question.  En sizesyon.

 

MR SPEAKER

Nou a sey gard li kourt e vit parske i lo pri lavi e mon krwar Onorab De Commarmond i anvi pri lavi desann.  So nou a kriy Minis nou a fer li al en pti pe vit.  Onorab Gill.

 

HON SIMON GILL

Mr Speaker mersi.  Sa size i en deba serye sa.  Nou pa pour pran li zis a la lezer pour nou touy li la.

 

MR SPEAKER

Mon pour dakor avek ou.

 

HON SIMON GILL

I serye sa.

 

MR SPEAKER

Kou lavi i en keksoz ki tou dimoun i le koz lo la – enkli mwan.  Ler mon al rod en bwat dile 0%  gra akoz mon oule megri en pe i dir mon pey R125 la in ariv R144.   So i afekte nou tou.  So mon krwar mon dakor avek ou.  Mon konnen Minis in arive, me Minis i a konpran si i pa kapab demen, i enportan pour nou diskit kou lavi.  I vreman enportan akoz i tous tou dimoun.  Pardon, wi Onorab De Commarmond ou ki’n poz sa Urgent Question.

 

HON CHARLES DE COMMARMOND

Mr Speaker mwan mon krwar poudir sa kestyon i  vreman, vreman enportan.  Parey ou’n dir tou dimoun pe koz lo la. Menm lo kote Lopozisyon zot in konmans koz lo la Dimans dan zot Rally – so mon krwar mwan…

 

MR SPEAKER

Order !  Order !

 

HON CHARLES DE COMMARMOND

So..

 

MR SPEAKER

Si Mr De Commarmond in vwar  le moman pou vire taler zot a fer li sanz lide.  Order les li koze.

 

HON CHARLES DE COMMARMOND

Wi sa in vin akoz zot in vwar mon Mosyon lo Order Paper. Mon kestyon lo Order Paper. Mr Speaker …

 

        (laughter)

 

MR SPEAKER

Good one Onorab De Commarmond, good one.

 

HON CHARLES DE COMMARMOND

Mr Speaker alor mon sizere mon napa problenm si Minis i dakor pour nou ale ziska pandan 8er diswar. Me selman si non regarde avek Minis si demen apre Urgent Cabinet Meeting, i kapab – nou kapab pran sa kestyon ; si non mon pa mind anvoy li semenn prosenn donn li son lanpler – son pwa. Mersi.

 

MR SPEAKER

Madam Clerk eski nou kapab ganny 2 minit nou a konsilte avek Minis en pti kou silvouple.  Sey vwar si i dakor pour anvoy li semenn prosenn. Order ! Order ! Ekout en pti moman.

 

HON WAVEL RAMKALAWAN

Mr Speaker la i 4.15 annou pran sa pti Break parey ou ti propoze ; sa ki mon pe swiv ou.  Nou pran li nou retournen 4.30 dan 1erdtan – 1 erdtan edmi nou abord sa size.  E ofet sa ler ki nou été la, i en ler tre enportan mazorite dimoun in fini travay pe antre se zot.  O mwen bann dimoun ava tande kwa ki nou pe dir olye 9er bomaten letan mazorite dimoun pe travay.  So mon krwar pa gat plis letan Minis i la i annan Urgent Cabinet Meeting demen annou travay.

 

MR SPEAKER

Onorab De Commarmond.

 

HON CHARLES DE COMMARMOND

Mr Speaker mwan napa problenm sanmenm sa mon dir nou kapab ale ziska 8er selman o menm pli tar mon napa problenm avek sa ek ou travay. Me selman ki mon pe sey dir konsilte avek Minis e ki met li pare akoz mon vwar ki sa pa pour pran en demi erdtan.  Savedir i pour dekale al apre eske apre 5er so si nou oule exhaust tou bann kestyon mon napa problenm.

 

MR SPEAKER

Ok, an tou pratik demokratik annou pran en vot.  Lekel dimoun ki anvi reste pour kontinyen nou a kriy Minis ?   Tre byen nou a pran en break nou a retournen 4.30 er  pour nou kontinyen pour travay. Standing Orders Committee i annan en pti meeting Committee Room 2 – 10 minutes. Ok, nou a retournen 4 er edmi.

 

(BREAK)

 

 

MR SPEAKER

Bon mon al – letan nou’n pran Break mon’n al koz avek Dr Larose – Minis Finans ki ti dan Holding Room avek son PS Payet avek Madanm Cesar son Advisor, in dir mwan i ti a prefere pour li al prepar li pour sa meeting Bidze en Urgent Cabinet Meeting demen, vi ki IMF i la, i ti a kontan al prepar li travay avek zot, koumsa ki demen li ek son lekip ansanm avek Cabinet, zot a mye prepare pour zot fer zot meeting.  E i propoze pour li vin semenn prosenn.  Alor vi ki nou ti’n diskit tou sa keksoz e li i ti la pe ekout nou dan Holding Room, nou’n tonm dakor ki i a vini semenn prosenn e nou demen nou a kontinyen avek nou Mosyon.   Vi ki nou la pour les li prepar en Bidze ki nou a vwar li pli wholesome – pli byen prepare pli byen kalkile.  Alor mon dir li mon a enform Lasanble nou a adjourn la nou a repran demen bomaten pour nou Mosyon Dr Larose i a vini semenn prosenn, ok ?   Alor avek sa nou adjourn nou a repran demen bomaten 9er.  Pas en bon sware tou dimoun.

 

 

(ADJOURNMENT)