Home » Verbatim » 2017 » Verbatim Report NAS Sitting Tuesday 01st August, 2017

Verbatim Report NAS Sitting Tuesday 01st August, 2017

NATIONAL ASSEMBLY OF SEYCHELLES

 

Tuesday 1st August 2017

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou dimoun dan Lasanble, bann Manm Onorab ek lezot staff. Bonzour tou dimoun ki dan lakour, an deor lakour ki pe ekout nou.  Nou ti a kontan swet zot bonn ekout ozordi ek demen vi ki sa semenn i nou dernyen semenn, bann Asiz ozordi ek demen avan nou pran nou Recess pour nou pran en pe letan avan nou komans nou 3enm Trimes, an Septanm.

Me ozordi mon krwar premye keksoz mon ti a kontan dir from the Chair, se ki nou ti a kontan swet labyenveni dan Lasanble, dan Gallery bann dimoun sa ki nou apel Senior Citizens sorti Mont Buxton; en distrik pour vwazinant avek nou. E mon ti a kontan profit sa lokazyon pour felisit Onorab Henrie pour sa linisyativ ler in demann mwan permisyon pour envit son bann dimoun Senior dan Mont Buxton, mon’n en pti pe zalou ki mon pa’n mazin Anse Boileau otan. So mon felisit Onorab Henrie. E bann, nou bann Koleg  – se bann dimoun Senior sorti Mont Buxton mon swet zot byenveni dan la par tou Lasanble e bonn ekout, fotespere zot pas en letan kot apre pandan Break 10er zot a ganny en sans pour, 10.30 pardon nou ganny sans enterakte e koz ek bann Leaders dan Lasanble ek bann lezot Manm Lasanble. Alor byenveni.

Dezyenm keksoz mon krwar avan ki nou pran nou Standing Order, nou Order Paper pour ozordi ek pour demen, mon ti a kontan zis fer en komanter premyerman lo rapor ki Lasanble Nasyonal ti koz lo la semenn pase pli presizeman ki Onorab Leader Lopozisyon koman Chair (FPAC Finance and Public Accounts Committee) ti prezante lo sa 2 Lazans NDEA avek FIU.   Evidaman parey nou tou nou okouran sa in sisit bokou deba, bokou diskisyon, bokou refleksyon, e bokou komanter dan papye, lo nivo konversasyon lo rezo sosyal.

Me mon krwar i annan en pwen koman Speaker ki mon ti a kontan fer sorti lo en pwen zeneral; nou’n koz lo Irish, mon krwar i enportan pour nou klarifye keksoz. Mwan koman en zenn pti Duke 19an ler mon ti kit Sesel an 1970 pour mwan al etidye, mon ti al dan en Liniversite pour fer mon premye Degre dan Lasyans, en Liniversite Irlande, e mon kapab dir bann letan ki mon’n pas laba i en bann letan, en bann bokou souvenir ki tre, tre dou. E mon ti a kontan osi dir ki nou annan en kantite koneksyon avek Irlande dan lesanz, ki mon ti pe koz avek en Constituent Anse Boileau ki James Dupres pandan weekend ki li in fer en pe letan Shannon, e i pe dir mwan ki kantite kontan, in kontan Ireland avek bann Irish.

Alor zis mon ti a kontan fer kler ki nou tou dan popilasyon nou realize ki nou annan nou bann konpatriyot ki’n marye ek Irlande, nou annan ki viv an Irlande.  E ler nou pe koz Irish annou fer sir ki, pa oubliye kantite Leser Irish ki’n ed nou tou nou bann ser, nou bann fre, mon annan 5 ser tou i ankor vivan, zot in fer byen dan zot lavi akoz se bann Leser Irish ki’n met zot lo bon semen.

Alor annou koman en Nasyon pa met tou dan menm bal san triyaz. Nou annan en kantite Irish ki’n ed nou. La nou pe koz enn de dimoun ki paret seal avek connivance, oubyen kolizyon serten Seselwa in fer keksoz ki pa normal. So ler nou dir Irish annou met gard kler dan nou lespri ki nou pe koz lo serten endividi spesifik dan rapor me pa Irish zeneralman.

Mon 2enm pwen avan ki nou al lo nou al Order Paper ki devan zot, so i lo Komite Anti- Viktimizasyon. Mon’n koz lo la plizyer repriz e mon’n fer rapel Lasanble avek piblik an zeneral ki Komite Anti-Viktimizasyon i pour kontinyen son travay pour en pe letan. Nou ankor pe zwenn. Nou zwenn dan Zedi apre travay ant 4er, 4.30  nou ale ziska… Zedi pase nou ti ale ziska 10e. Pa ki mon anvi dir zot poudir nou pe travay plis ki lezot dimoun. Mon pe zis anvi dir zot nou pe pran nou travay o serye.

E semenn pase nou’n ganny nou tou ki lo sa Komite nou’n ganny en Somonn pour aparet ankor devan Lakour Konstitisyonnel par en Mr Aglae.

Mon ti anvi zis dir 2 keksoz; ki devan nou koman en Komite nou annan en total 318 Case, nou’n vwar ziska konmela 73 ka, konplent kot nou’n anmenn sa Respondent pour vini. E nou annan 245 ki reste, 6 ka ki nou bezwen revwar. Me mon ti a kontan enform piblik epi Lasanble ki, menm si i annan serten mannigans pour sey destabiliz nou, oubyen dekouraz nou, nou annan en travay ki nou pe fer ki nou pour kontinyen fer peut importe – parey Franse i dir.

Mwan mon santi koman Chairman Anti-Viktimizasyon Komite, i en Komite ki pe anmenn bokou gerizon, healing, mon Vis-Chairman i Onorab Andre, Onorab Hoareau i lo la ensidswit.  Nou annan   9 nou.

E Zedi pase par egzanp ti vin en Minis ki ti deza Minis Zafer Entern ki son Complainant ti en ansyen Police Officer. Finalman dan 9er, 9.30 diswar nou’n fini par rezourd sa Case, san konpansasyon, san nanryen. E sa Minis ek sa ansyen Polisye in lev-e, in donn lanmen – shake hands kanmarad in riye. Case in fini.

Pwen ki mon pe fer sorti se 2 keksoz, enn ki napa nanryen e napa personn ki pour dekouraz nou koman en Komite, pour nou ekout bann Complainant parske si zot annan en ka, sa bann Respondent i devret vini pour vin ekoute; parske nou fer li dan en fason sivilize, ethical, profesyonnel san anmenn blanm lo personn. Nou bi mon repete se pour anmenn settlement, closure e lape e healing.

Alor mon ti a kontan felisit bann ki’n vini e dan ka Zedi pase felisit Minis Bastienne ki’n vini koman en Minis in asize in koz ek en ansyen Polis Zofisye e ki nou’n rezourd sa bann problenm.

Alor mon ti a kontan dir sa e dernyen bout avan nou al lo nou Order Paper pour ozordi, se ki mon krwar i annan en demann ki mon bezwen fer koman Speaker, ki nou bezwen annan pasyans. Yer mon’n tann enn mon koleg dir en keksoz ki mon’n reflesir lo la, ti enteresan, ki dir en poul, en dizef si mon’n konpran byen i ganny ponn me i pran 21 zour pour eklo. Mon krwar Onorab Ramkalawan ki ti dir sa dan en meeting e mon pe reflesir lo la bomaten, i vre ki en ler nou ti a’n kontan ti poul i vin deswit, me nou bezwen pasyante.

E pour nou i en prosesis ki i pran letan pour Sekreter Sekretarya sa Komite anvoy Somonn, annou ekoute, rikorde, balanse, demann kestyon. Alor mon pled avek tou bann Seselwa, nou bann konpatriyot annan en pti pe pasyans, mon krwar Lasanble pe fer en travay ki tre enportan, me nou bezwen fer li byen. Nou bezwen fer li procedurally korek koumsa ki nou vinabou annan bann rezilta pozitiv pour anmenn nou pei ki nou tou nou kontan devan.

Alor mon ti zis anvi fer sa bann pwen presizyon, pour nou fer sir ki tou dimoun i konn byen kot nou pe ale, me nou’n donn zot son langazman ki nou pe travay pour zot e nou pour kontinyen fer li.  Mersi pour zot pasyans pour ekout sa enn de pwen. e avek sa nou pour pran nou Order Paper ki devan zot, mon krwar si nou ogard pwen 4 lo Order Paper; Presentation of Papers, sa in deza ganny fer semenn pase, amwen ki i annan okenn dimoun i le lev okenn pwen, i lo Order Paper pour ganny debate ozordi? Si non nou pour al drwat lo bann Bills, nou pour komans avek Public Bills e nou a demann ki Minis ek son delegasyon i ganny demande pour vin zwenn nou dan Chambers – si sa i ok avek tou dimoun ziska konmela?   Onorab Afif.

 

HON AHMED AFIF

Mr Speaker, avek ou permisyon Mr Speaker mon ti a kontan demande si i posib pour nou lo Order Paper fer First Reading e Anti-Money Laundering Bill, 2017. Zis fer First Reading ki nou pran sa letan ki nou pe espere  zis fer First Reading.

 

MR SPEAKER

Ou pe dir First Reading la avan ki nou pran Public Bills.

 

HON AHMED AFIF

Wi.

 

MR SPEAKER

Eski i annan okenn obzeksyon?  Eski i annan okenn obzeksyon sorti kot bann Manm, pa defann nou les Minis asize fer li konfortab, Minis ou kapab antre asize, I mean Vis- Prezidan eskize, mon pa pe donn ou, ou vre Tit. Bon lo par tou bann dimoun ki dan Lasanble ozordi, mon ti a kontan swet la byenveni Vis-Prezidan Meriton avek son lekip. E Vis-Prezidan avek ou permisyon nou’n fek ganny en demann pour avan nou pran Public Bills pour vwar si nou kapab pran First Reading of Private Members Bill, en kestyon letan mon sipoze prosedir. Si ou napa okenn obzeksyon mon krwar nou a kapab fer sa, eski ou ok avek sa Vis-Prezidan?  Tre byen alor nou dakor avek sa First Reading Private Members Bill, First Reading i Anti-Money Laundering (Amendment) Bill, 2017. Clerk.

 

MADAM CLERK

Mersi Mr Speaker. This Act may be cited as the Anti-Money Laundering (Amendment) Act of 2017.  Mersi.

 

MR SPEAKER

Ok, nou kapab al lo prezan lo Public Bills e nou a demann LGB konmsi mon’n vwar ou lev ou lanmen.

 

HON CHARLES DE COMMARMOND

Mersi Mr Speaker, bonzour Mr Speaker, bonzour Vis-Prezidan ek ou Delegasyon ki enkli Former Speaker. Bonzour tou Manm Onorab isi prezan e tou dimoun ki a lekout.

Mr Speaker anba Order 64 (2) nou Standing Order mon oule move ki the prevention of Drug Abuse and Rehabilitation Agency Bill 2017, i ganny lir en Dezyenm Fwa.  Mersi.

 

MR SPEAKER

Mersi.  Onorab.

 

HON SIMON GILL

Bonzour, Mosyon segonde.

 

MR SPEAKER

Segonde par Onorab Gill. Avan mon demann Minis pour prezant Bill, petet nou a pran en vot, eski zot dakor pour pran en vot lo la, oubyen nou pa neseser nou al drwat? Nou kapab al drwat lo la e nou a demann Vsi- Prezidan pour prezant merit sa Public Bill.

 

VICE-PRESIDENT MR VINCENT MERITON

Mersi Mr Speaker. Bonzour Mr Speaker, bonzour tou Manm Onorab, tou bann dimoun ki dan Gallery avek bann dimoun ki a lekout.

Mr Speaker, ser, frer Manm Onorab, ankor enn fwa mon vin devan Lasanble Nasyonal pour rod zot sipor e zot laprouvasyon pour en Prozedlwa, en Prozedlwa ki i annan gran lenportans pour nou pei.

Atraver bokou zot entervansyon, atraver bann Lartik, atraver bann progranm, pei in konstate ki sa problenm drog pe ronz nou Nasyon, pe ronz nou popilasyon, pa bezwen al an detay me mon asire ki nou tou nou ki la ozordi atraver plizyer deba ki zot in fer isi dan Lasanble Nasyonal nou tre trakase avek sa problenm masiv, drog ek lalkol sirtou eroin pe fer ditor nou pti pei.

I annan bokou koze ki’n ganny fer lo soufrans drog dan nou Kominote, dan nou fanmir, i annan bokou koze lo son lenpak lo nou lekonomi, lo lasante piblik, lo nou kapasite prodiksyon, lo nou kapasite reprodiksyon, lo Sekirite Sosyal, e an zeneral lo fabrik nou sosyete.

Ozordi Sesel i depan en kantite lo travayer etranze. Akoz?  Akoz nou bann zenn zonm ek fanm, serten nou bann zenn zonm ek fanm pa kapab travay an vi sa fleo drog avek lalkol.

Drog ek lakol i afekte tou kous nou popilasyon, tou kous nou Sosyete e ozordi an rezilta levolisyon sa lepidemi, nou pe vwar ki serten zanfan ek zenn pe mor dan lari.

Lepidemi sida ek Hepatitis C pe osi vin alarman an rezilta sa problenm drog, sa i osi le ka pour tou kriminalite kot nou vwar ki pe afekte menm nou Sekter Tourizm.

Mr Speaker vwala rezon akoz Prezidan Faure ti etabli en Lofis Sekreter D’etat pour prevansyon labi drog e reabilitasyon dan son Lofis pour vin avek en stratezi konpreansiv pour konbat sa problenm.

Mon kapab dir avek Lasanble ozordi ki bokou travay in ganny fer, en kantite konsiltasyon in pran plas, e malgre avek resours limite ki sa swa an term imen, finans, lespas, oubyen materyel, sa Lofis i konvenki ki ozordi nou pe komans vwar lalimyer lo bout tinel.

Mr Speaker nou rekonnet ki fas a sa problenm, nou Sosyete in reazir dan plizyer fason, plizyer Lorganizasyon e Komite ti ganny kree e souvandfwa bokou zot ti pe anmenn en lalit an izolasyon avek resours limite. La i fer mon rapel DAC, CARE, Mont Royale e bann Sant Reabilitasyon lo Praslin e Coétivy.

Mon oule remersye tou sa bann dimoun pour sa travay formidab ki zot in fer e ki zot kontinyen pe fer. Me ozordi nou konstate ki i neseser ki i annan en pli bon kordinasyon e anmenn tou sa bann akter dan lalit kont fleo drog isi dan Sesel anba en sel parasol. Sa i osi norm dan laplipar pei Lerop e Lazi ki’n kapab met drog anba kontrol.

Vwala rezon Mr Speaker, ki mon pe prezant avek Lasanble Nasyonal en Prozedlwa pour kreasyon en Lazans pour prevansyon labi drog e reabilitasyon. Anba sa Prozedlwa sa bann Lenstitisyon ki mon fek mansyonnen pour vin direkteman anba sa Lazans. Tou resours ek finans ki sa bann lenstitisyon i annan pour ganny zere par sa Lazans.

Bi Prensipal sa Lazans se pour kordin tou aktivite kont drog ek lakol dan Sesel. E parmi son bann fonksyon enportan, i osi enkli Konsey Gouvernman lo okenn size ki relye avek prevansyon, tretman e reabilitasyon labi drog ek lalkol, prepar en Polisi Nasyonal kont drog ek lalkol e en plan stratezik pour asire ki Polisi i ganny enplimante. Pou etablir en standar Nasyonal pour promouvwar en kanpanny agresiv lo ledikasyon e sansibilizasyon, prevansyon tretman e reabilitasyon labi drog ek lalkol e pour fer sir ki sa bann standar i ganny respekte; Pou met an plas en database ki pour kolekte tou statistik asosye avek problenm drog ek lalkol avek bi pour permet nou swiv bann tandans e aziste nou progranm kot i neseser.

Pour asir en standar Nasyonal, provizyon in ganny fer dan Lalwa pour fer li posib ki en Lotorite Akreditasyon i ganny etabli pour akredit tou Lenstitisyon ki pour travay avek problenm drog ek lalkol. An menm tan tou bann Lorganizasyon ki pou ganny asiste avek Gouvernman pour bezwen satisfer Lazans ki sa larzan ki pe ganny byen itilize.

Mr Speaker, sa Lazans li menm pour ganny dirize par en CEO e pour ganny siporte par en Sekretarya. I pou enkli plizyer konponan direkteman lye avek lalit kont drog ek lalkol; tel ki prevansyon e ledikasyon, reabilitasyon e réinsertion bann kliyan dan Kominote afen ki zot kapab kontribye ver meyer lavenir e ver en meyer Sesel.

Sa Lazans pour ganny sipervize par en Board ki konpri plizyer Minister, Zidisyer, e Lezislatif, e plizyer Lorganizasyon non-Gouvernmantal en pe parey sa taskforce ki zot menm zot ti demande dan Lasanble boner sa lannen, e sa i pour anba direksyon Sekreter D’eta. I pour raport direkteman avek Prezidan Larepiblik.

Mr Speaker latas devan nou i enn ki difisil. Ozordi Gouvernman i santi ki nou dan en pozisyon pour fer en diferans dan sa lalit kont sa problenm drog. Parey zot tou zot okouran Gouvernman in sekiriz finansman avek nou pei zanmi Émirat Arabes Unis pour konstrir en Vilaz Reabilitasyon modern (Cap Ternay), e Sekreter D’eta in fek sorti Indonesia pour vwar ki mannyer en tel Vilaz Reabilitasyon i ganny striktire e fonksyonnen.

Mon krwar ki nou’n fer ase koze. Nou’n koz ase lo problenm drog e aprezan in ler pour nou met an plas en striktir afen ki nou kapab anmenn sa progranm konpreansiv pour met sa problenm drog ek lalkol anba kontrol.

Mr Speaker mon oule remersye Legliz, SIFCO, CEPS, e lezot Lorganizasyon – ‘Parents with Hope’ ki pe travay lebra kase pour sey sov nou bann zenn. Mon oule osi remersye Bills Committee Lasanble Nasyonal dirize par Onorab Georges avek sipor Onorab Basil Hoareau e tou lezot Manm ki’n sakrifye zot weekend pour pas dan sa proze e anmenn bann lamannman ki nou ava diskite.

Mr Speaker mon envit Manm Lasanble Nasyonal pour deliber lo sa Prozedlwa.  Mersi Mr Speaker.

 

MR SPEAKER

Mersi Vis-Prezidan. Nou’n ganny prezantasyon par Vis- Prezidan lo Merit sa Bil., Eski nou oule al lo Komite oubyen nou pour diskit son merit zeneralman as from now?

Si wi, annou vwar lekel ki annan, ki anvi entervenir si nou pa pe al lo Staz Komite. Onorab De Commarmond, nou a pran en vot? Mon krwar nou pa kapab, Vis-Prezidan in prezant Merit lo Bill, mon krwar nou bezwen prezan vwar si i annan okenn reaksyon lo la.

Anfet Bill number 15 of 2017 i devan zot. I riske annan amannman menm si Onorab Georges, Onorab Hoareau ek lezot in travay lo la dir, petet apre i annan amannman, si i annan okenn entervenan ki anvi koze lev zot lanmen, Onorab Georges.

 

HON BERNARD GEORGES

Mersi Mr Speaker. Mr Speaker mon pran la parol bomaten akoz parey sa Lasanble i konnen, sa problenm drog i enn ki tre enkyetan pour mon lo en nivo personnel me osi pour tou mon bann Koleg ki asiz lo sa kote latab e mon konnen nou tou dan sa Lasanble e tou dimoun isi Sesel.

Annefe e sa se sel pwen politik ki mon pour fer bomaten dan Manifesto LDS dan dernyen Eleksyon, sa problenm drog ti enn ki ti parmi bann premye problenm ki nou ti’n promet avek Nasyon Seselwa ki nou pour bezwen tackle lo en nivo Nasyonal.  E i donn mon en gran lazwa ozordi pour vwar ki sa swe e sa promes ptitapti pe bouze e pe ganny realize.

Mr Speaker Lasanble ava rapel ki an Mars sa lannen mon ti anmenn en Mosyon devan sa Lasanble ki ti demann ki Gouvernman i met an plas sa ki mwan mon ti apel en taskforce dan mon Mosyon kot ti pour annan Reprezantan Gouvernman, Reprezantan Lasanble Nasyonal, Reprezantan Distrik, paran, dimoun konsernen eksetera pour pas an revi nou sityasyon drog isi Sesel e pour anmenn solisyon a sa ki ozordi nou apel en fleo. Akoz i vreman en fleo.  E parmi tou bann defi ki nou Nasyon pe fer fas avek ozordi Mr Speaker, napa pli gran defi ki sa problenm drog e son problenm asosye konsonmasyon lalkol i anmennen dan nou pei.

E la mon mazinen ki si bann statistik ki nou’n gannyen semenn pase, ki laz mwayenn ki bann madanm i mor dan nou pei i 80an, me laz mwayenn ki bann zonm i mor i 70an, se an parti sinon an gran parti akoz tro bokou nou bann zenn zonm i mor avan ler, akoz drog avek lalkol, e an mwayenn i fer redwir nou life expectancy pour bann zonm.

In annan tro ka zenn dimoun ki mor akoz drog, e i annan tro bokou ka zenn zonm an partikilye dan zot 40enn e zot 50enn lannen ki mor akoz zot in konsonm lalkol an ekse.

Sa Mr Speaker se keksoz ki nou pei, se bann statistik ki nou pei pa kapab kontinyelman viv avek.  Nou’n sorti erezman anba en statistik ki nou anferm plis dimoun dan prizon dan lemonn antye par latet popilasyon. Nou ankor malerezman annan statistik ki nou, nou pei kot plis dimoun pa marye dan lemonn, annou pa vin en lot statistik ki nou, nou pei par latet popilasyon nou konsonm plis drog e nou konsonm plis lalkol, akoz nou pa lwen avek sa statistik osi.

E donk i ankourazan ki Gouvernman in ekout lapel ki nou’n fer dan sa Lasanble e ki prezan in vin avek en propozisyon lo ki mannyer pour rezourd sa gro problenm ki devan nou.

Mon ti dir Mr Speaker ler mon ti propoz mon Mosyon an Mars ki sa lager ki nou lager i bezwen en lager antoure akoz nou pe fer fas avek sa ki nou apel an Angle en “National Emergency” e mwan mon’n dir i en “existential threat” drog avek lalkol i vin en menas pour nou legzistans koman en popilasyon, koman en Nasyon si nou pa veye nou pour aret egziste koman en Nasyon Seselwa, akoz sa 2 fleo pour anmenn nou a en katastrof.

Ozordi Mr Speaker mon vwar ki lide en taskforce ki sa Lasanble, e mon remersye zot ankor ti’n adopte inanimite i pe vin, i pe trouv son nesans atraver sa Agency ki sa Bill pe anmennen ozordi.

Mr Speaker problenm drog pour mwan pa repete nou kapab diviz li an 2; lo en kote i annan son kote kriminel. I annan trafiker avek bann dimoun ki servi drog kont Lalwa, e lo lot kote i annan en problenm lasante. I annan en problenm sosyal e sa se kot bann adikt ki’n swa swazir pour zot antre dan lalkol avek drog, oubyen ki atraver peer pressure bann problenm sosyal ki zot annan zot in antre ladan, zot in vin bann viktim.

E i kler ki pour nou kapab tackle sa problenm, nou bezwen les son kote kriminalite avek Lapolis ek NDEA pour zot deal avek. E la nou bezwen rekonnet ki atraver sa restriktirasyon dan NDEA e atraver met en Seselwa konpetan ki ti’n Depite Komisyoner Lapolis, en Avoka, ek en Mazistra ansarz, nou kapab ekspekte ki nou ava vwar serten rezilta dan en lavenir pa tro lwenten.

An sa ki konsern problenm sosyal e problenm lasante, sa in vin nou problenm. E se sa brans ozordi ki nou pe regarde atraver sa Agency Bill.

Mr Speaker mon dir in vin nou problenm e i vre ki in vin nou problenm, Vandredi pase Prezidan Larepiblik in vizit mon distrik Les Mamelles. In vwar pour li menm bann problenm sosyal ki egziste e ki mannyer sa bann problenm sosyal i anmenn en problenm drog ek kriminalite avek. In menm al dan en landrwa kot drog i ganny vann. Pour en moman ler nou tou nou ti la tou keksoz ti trankil, tou keksoz ti pezib ti napa personn.

Prezidan in ganny en sans pour li apresye sa problenm dan en landrwa Les Mamelles me i konnen ki menm problenm i arive en pe partou lo nou teritwar.

Dimans 2 zour pli tar, Dimans apre midi sete konmsi zanmen Prezidan ti’n pase ek ki sa vizit zanmen ti’n ganny fer, akoz 2.30  apre midi, mon’n ganny plizyer call sorti kot bann zabitan poudir – sey vini regarde ki pe arive. Ti annan en senkantenn a en 100enn dimoun ki ti’n vin dan sa landrwa avek en 15enn a en 20enn loto zis pour zot rod zot supply – en Dimans apre midi ler bann zabitan ti anvi asize kot zot dan zot letan repo e lwazir.

Donk sa problenm Mr Speaker i en problenm grav. I en problenm tre grav. Erezman ki Lapolis in vini e in kapab deal avek. E mon’n aprann pli tar ki si ti annan sa kantite dimoun se akoz ti’n annan en mankman supply lo marse. E akoz ki ti annan en nouvel ki ti annan en pe supply dan sa landrwa, tou dimoun in taye. Nou nepli kapab viv Mr Speaker dan en sityasyon aktyel.

Mon bann dimoun Les Mamelles pa kapab kontinyen viv avek transpor antre sorti tou lannwit pour bann dimoun vin rod zot supply. Mon nepli kapab regard bann viktim whether zot in antre ladan volonterman or whether zot in ganny anmenn ladan, nou nepli kapab vwar bann dimoun ki pe viv dan sa salte avek boubou lo zot, avek zis dan drog depi bomaten ziska aswar; dan en bann Lakanbiz kot lalkol i ganny fer, i ganny vann ou vwar bann dimoun ki pe viv dan depi. I nepli posib dan nou pei pour nou viv koumsa.

E se sa lapel ki mon ti fer e ki Lasanble Nasyonal ti reponn. Alor Mr Speaker parey mon ti dir pour problenm kriminalite ki relye avek drog, sa se problenm NDEA ek Lapolis ki bezwen anmenn en latas san mersi pour anpes e pour redwir sa problenm.  Me an sa ki konsern bann viktim, bann dimoun ki ozordi i fer fas avek problenm ki relye avek konsonmasyon lalkol ek drog, nou bezwen en latak kordonen – en coordinated attack. E mon vwar dan sa Bill devan nou ozordi en desizyon, en volonte lo la par Gouvernman pour reponn a sa ki Lasanble ti demande pli boner sa lannen.

En coordinated attack i bezwen annan 2 konponan; selon mwan e mon vwar sa 2 konponan dan striktir ki an plas ozordi.

Premye konponan se fodre i annan en responsabilite vertikal. Fodre pa ki nou annan eparpiye en pe partou en seri dimoun e Lenstitisyon pe sey anmenn en latak. Akoz unless ki i annan en kordinasyon mon pa krwar ki avek tou bonn volonte, e avek tou resours ki ou kapab donn sa bann Lenstitisyon nou pa pour arive kapab tackle nou problenm. E si nou regard sa detrwa dernyen lannen nou ava vwar ki mon annan rezon.

In annan serten attempts par bann Sant Detox, Mont Royale, Sant La Rosière eksetera e nou bezwen felisit zot pour sa travay, pour sa devouman ki zot annan. In annan enn de posibilite, enn de lentervansyon ki’n ganny fer lo nivo distrik pour detox dimoun lo en nivo non-rezidansyel, me ki nou’n vwar?  Problenm i ankor avek ozordi.

Si nou anvi redwir e evantyelman elimin sa problenm, nou bezwen en latak bokou pli kordonen e mon krwar ki mannyer mon vwar sa responsabilite vertikal i bezwen sorti o pli o nivo avek Prezidan Larepiblik. E i bezwen koul atraver en seri dimoun ki kapab reponn a sa problenm e anmenn solisyon.

E mannyer mon vwar si mon konpran son striktir byen, ou annan Prezidan ki Minis pour responsab pour sa problenm drog anba li i annan en Sekreter  D’eta ki pour travay lo en nivo Nasyonal pour kordon sa; anba li pour annan sa Lazans ek en CEO ki pour enplimant travay ki Lazans i donn li toulezour. E sa set en striktir en command structure ki mon krwar i neseser dan nou pei pour kapab en lager, akoz annefe set en lager ki nou pe al anmennen.

Dezyenm konponan sa latak kordonen, sa lager antoure se anmenn tou dimoun konsernen ansanm. Enn bann premye problenm ki mon’n vwar avek sa Bill ki devan nou ler mon ti lir li, se ki sa Lazans i ti paret top heavy. Finalman ou annan 18 dimoun lo en Lazans, ou annan preske, ou annan en bann PS, ou annan en kantite Reprezantan Zidisyer, Reprezantan Lapolis, NDEA, Medikal, CEPS, eksetera i ti paret en striktir lour.

Me annefe, annefe Mr Speaker ler mon’n pran kont mon’n realize sete annefe se sa ki Lasanble ti pe demande atraver Mosyon pli boner sa lannen. Si ou pour lager antoure ou bezwen lager antoure. Ou bezwen rod tou dimoun posib e anmenn zot onboard pour devlop lide, pour devlop stratezi. Sa Agency li, se li ki pour rod solisyon, se li ki pour anmenn, ki pour atraver brainstorming ki pour anmenn lide ansanm, e ki pou deside ki ras striktir i devret annan. Eski nou devret annan en Mont Royale, eski nou devret annan en Mont Royale dan sak distrik? Eski nou devret annan en Sant Rezidansyel? Eski nou pa devret annan Sant Rezidansyel ditou e fer bann travay o nivo distrik? Tousala se bann keksoz ki en dimoun tousel  – avek tou respe mon annan pour bann dimoun ki pe run sa progranm konmela, i pa kapab.

E nou bezwen rod solisyon en pe partou e menm annan de fwa nou ava demann nou lekor be ki SIFCO pe fer lo en tel keksoz? Nou bezwen annan selon mon en levantay osi larz ki posib akoz parey toultan nou dir napa move lide; napa move propozisyon. Tou propozisyon, tou lide i bon. Nou bezwen zis konnen lekel ki nou devret met an plas.

E sa i enportan Mr Speaker, akoz taler mon’n dir ki ler ou annan en kantite pti landrwa, pti Lazans ki parpiye en pe partou annan de fwa ou pa kapab trouv en solisyon. E nou’n vwar sa lo problenm “needle exchange” mon rapel mon ti lo en progranm SBC ki ti pe koz lo “needle exchange” lo sereng prop, Lo kote sosyal avek lasante nou ti annan bann Reprezantan dan sa deba ki ti totalman an faver ki ti pe dir “it’s overdue! Hepatitis C, HIV pe monte lontan nou ti’n devret komans sa, lo lot kote ti annan Reprezantan lezot Lazans ki ti pe dir “Eps annou pa fer, akoz si nou pe fer nou pe anvoy en move mesaz, nou pe dir avek dimoun kontinyen servi drog eksetera, eksetera.” E ki’n arive finalman?   We still at ground zero. Nou still pa ankor enplimant en keksoz ki kapab komans sov lavi deza.

Sa ki sa pei i bezwen e sa ki dan sa lager kont drog se en striktir; se en command structure,;set en Board ki pour pran desizyon enn fwa pour tou olye kontinyelman talk about the subject, koze fer bann pti keksoz ki fer nou santi nou byen me ki finalman pa anmenn en solisyon.

Mr Speaker mon profite la, pour mon dir ki mon byen kontan pour vwar ki dan sa Lazans pour annan 2 Reprezantan nou Lasanble e la ozordi mon pe les zot konnen ki ler nou pour vote mwan mon pe met mon non devan pour enn sa bann Reprezantan ok?  Sa mon oule fer li kler akoz sa lager set en lager ki mwan mon anvi partisip ladan parey zot konnen. Donk Mr Speaker i pour sa Lazans ki pe ganny set up ozordi. Ki pour annan sa responsabilite pour egzamin bann propozisyon. E la mon bezwen dir ki menm Sanmdi mon ti’n al Louvertir sa Lafwar Victoria, Sanmdi bomaten e mon’n bat avek en dimoun ki pe travay pour CARE konmela en recovering addict li menm li ki’n sorti dan sa progranm e i ti annan keksoz tre enteresan ki i ti pe dir mwan. Onorab De Commarmond avek mwan nou share en lide ki nou pa’n ganny edike pour sa lide, me nou krwar ki enn bann fason pour abord sa problenm, se pour annan en Progranm Cold Turkey; kot dimoun pour fors zot lekor pour sorti o drog san okenn methadone, san okenn… e sa dimoun i dir mwan sete egzakteman sa! “That’s what he did.’’ E ozordi i santi li byen.” E alor sa se bann keksoz ki mwan vwar ki eksit mwan ki sa Lazans i kapab koz avek sa bann dimoun anmenn sa bann problenm onboard, koz avek zot, e pour annan en form drug and alcohol addict lo sa Agency. Alor nou pour ekout non selman bann eksper me nou pour ekout osi bann dimoun ki pe travay dan bann distrik, bann dimoun ki konsernen, bann dimoun ki pe, ki’n annan sa, ki’n soufer atraver drog.

Mr Speaker nanryen pa parfe e mon sir ki sa Lazans ki devan nou i pour annan serten defayans. But we’ve got to start somewhere. E mwan mon dir, mon’n anmenn mon sipor bomaten pour sa Bill akoz set en pa ki neseser; set en pa ki nou ti demande an Mars sa lannen. E prezan nou pe vwar ki pe vin devan nou. Alor Mr Speaker avek sa detrwa mo, san al lo bann amannman ki mon krwar nou ava regarde taler, e ki anmenn en serten modifikasyon, akoz sa Lalwa mannyer i ete i ti en pti pe drugs assented. Sa ki bann amannman pe rode, se osi anmenn lalkol, annou pa bliy lalkol ki serten dimoun i dir “i en gateway pour drog” me ki whether i en gateway or not i en problenm e i en gro problenm, kekfwa pa osi gro ki problenm eroin me sertennman set en problenm ki nou bezwen tackle.

Alor mon pa pour al dan bann amannman. Me mon ti a kontan dir ki en striktir kot Prezidan Larepiblik i sa Minis ki responsab e ki pour annan oversight parey lamannman pe propoze, avek en zofisye dedye a sa problenm drog ki ozordi i Sekreter D’Eta ek anba li en Lazans ki regroup tou bann dimoun konsernen ek tou bann fasilite, ki pe lager kont sa fleo, i en tre bon pa. E mon ti a kontan asir Minis ki lo mon kote pour bann rezon ki mon’n donnen mon pour anmenn mon sipor pour sa Bill bomaten.  Mersi Mr Speaker.

 

MR SPEAKER

Mersi Onorab. Mersi pour ofer pour form parti konpozisyon sa Lazans. Mon kontan ki sa Lazans in eksit ou. Mon a donn laparol Onorab Prea.

 

HON NICHOLAS PREA

Mersi Mr Speaker. Mon ti a swete ki mon ti a kapab share sa menm leksitasyon ki Onorab Georges, me mon still very pessimist about sa Lalwa ki devan nou.

Mr Speaker mon pe dir sa akoz depi ler nou’n ganny sa Lalwa mon pe regarde, i pa konvenk mwan ki nou pour kapab rezourd sa problenm Sesel. Nou’n rantre lo plizyer progranm, wi nou vwar sa enn ki ankor i pour tonm anba responsabilite Biro Prezidan; bann Lazans ki’n ganny formen oparavan pour deal ek sa problenm. I annan ki ti tonm anba responsabilite Biro Prezidan, me nou’n vwar apre ki’n arive.

Mwan koman en paran ki’n pas dan sa sityasyon sipor ler mwan mon ti ouvertman koz lo la, sipor ki mon ti gannyen avek Gouvernman Sesel, mon sorry pour mwan dir ti zero; sipor ki mon ti gannyen dan Sesel antye, ozordi mon pour dir ankor se selman Legliz Advantis ki ti apros mwan pour donn mon sipor. E en Madanm ki ti travay dan Departman Sosyal ki ozordi i pe travay kot CARE ki ziska prezan mwan mon dir mersi zot tou.

Onorab Georges son pti parkour ki’n in fer la bomaten, in konvenk mwan zis pour mwan pa vot kont, akoz mon ti’n vin pour mon vot kont, me mwan pour abstain lo sa propozisyon akoz mon pa krwar malgre nou pe anmenn tousala ansanm ki nou’n kapab fer en bilan, fer en bilan kote tou sa bann Lazans in al mal e kote nou kapab redrese. E sa pour mwan i en keksoz ki’n vin vitman e i pe ganny bouze vitman e mon krwar i pour annan en kantite stumbling box ki nou pour tap nou lipye avek e nou pou tonbe.

Onorab Georges in koz lo sityasyon tretman Cold Turkey, mwan mon enn ki mon zanfan in pas ladan e in sorti successful. Mon’n pas sa avek plizyer paran, plizyer adikt e mon konn plizyer ki’n servi sa tretman Cold Turkey e ozordi, mon konn 2 garson ki mwan, mon’n asize mon’n koz avek zot, ozordi zot annan fanm, zot annan piti, zot annan en lakaz e zot lavi in totalman sanze. E tou sa keksoz ou kapab anmenn pli gro Lazans, ou kapab anmenn kantite Lazans, ou kapab anmenn tou sort kalite methadone, progranm methadone and all, si sa dimoun li menm li i napa sa will power pour li sorti ou pa kapab konvenk li, forget it. Fer sa ki ou oule. E dan mon distrik Bel Ombre i sa, sa sityasyon, i annan dimoun ki mon’n sey tou, ki mon’n asize mon’n koze avek, i reste ladan. I reste ladan, ou konnen akoz Mr Speaker?  Akoz an menm tan i annan bann bout dan nou pei, bann serten Lotorite ki soutire. Ler mon dir soutire; par egzanp ler ou, ou al devan ou dir poudir be vwala i annan en sityasyon pe devlope dan sa neighborhood, ok semenn pase Onorab Leader Lopozisyon in dir fodre bann dimoun i vin devan i dir, “annou pa les nou vwazinaz ganny afekte.” Wi mon blanm bokou bann dimoun ki reste trankil apre i vini i koz ek ou dan kwen i dir ek ou “pa fer mon ganny problenm, pa nonm mon non me o-bor mwan i annan en sityasyon pe devlope. “Me Lotorite osi tou i konnen.’’

E la tou dernyerman Bel Ombre la mon’n fer rapor avek Lotorite ziska ozordi plis ki 1 Mwan pase nanryen pa’n ganny fer Mr Speaker! E yer ankor mon’n zwenn en dimoun ki’n raport mwan ankor en sityasyon, mon dir be mon konnen sa landrwa, mon konn serten dimoun ki involve, mon’n fer rapor. Ziska ozordi napa nanryen ki’n ganny fer.

Mon dir Mr Speaker ki mon dan sa mood la bomaten akoz mon pa krwar, e sa pour mwan sa Lalwa pa konvenk mwan. Eski Tax Payers pour kontinyen fund bann keksoz koumsa?  Tax payers i anvi kontribye dan tax pour vwar son larzan better servi. I anvi vwar son larzan al ver ledikasyon, al amelyor nou sistenm lasante, al dan bann lenfrastriktir semen kot bokou bann Drayver ki pey tax i anvi son larzan i retourn dan semen pour amelyor kondisyon semen, kot sa loto i roul lo la ki i ed li ki si i ti pour aste en pyes tou le-z-an i aste li dan 5an. Me i pa anvi vwar son larzan al dan sa bann direksyon kot nou pe koz lo la bomaten.

Mon koz lo la akoz mon pe dir mon’n vwar zis failures, failures, failures. Mon’n ganny sans avek Komite Zil, mon’n vizit Coétivy. Mon’n vwar en manman batiman ki’n kout sepa konbyen milyon, dimoun ki’n monte desann pour sey fer en Progranm Reabilitasyon success rate, zero, zero!  Se sa rezon ankor ki mon pe dir ki nou kapab ouver en Sant partou me si nou, nou pa atak sa problenm direkteman kot i sorti, e la mon vin direkteman kote i sorti, drog i kontinyen rantre dan sa pei. Drog i kontinyen rantre e Lotorite i konnen lekel ki pe rantre avek drog dan sa pei, ok?  E nou, nou konn tre byen dan lepase ki mannyer in marse, serten dimoun i ganny deal avek, serten dimoun pa ganny deal avek.

I annan menm en sityasyon kot i annan 2 zenn in disparet, in perdi lavi e sa nou tou nou konnen poudir ti en sityasyon ki ti afilye avek drog, Lotorite in reste trankil lo la Mr Speaker e personn pa’n fer nanryen. E mon koz lo la akoz mon konn enn sa zenn ti reste Le Niole e i ti tonm par dan mon distrik Bel Ombre, nanryen, lafanmir in fer letour, in fer letour in sey anmenn tou levidans devan, nothing done.

Mr Speaker apepre 2 mwan, 3 mwan pase mon ti zwenn en zenn Psikolog, li in baz son letid lo sa prosesis Cold Turkey, sa fir i apel April Amesbury in retourn dan pei, me by the time ki mwan mon ti pe koz avek li i paret ki personn pa pare pour ekout li pour share son leksperyans, pour share son letid. E li osi i krwar poudir nou bezwen regarde, etidye sa lavenir Cold Turkey, mwan parey mon dir mon’n vwar dan plizyer ka in marse e mon krwar nou kapab ganny success rate ladan.

Mr Speaker ler nou pe koz sa nouvo progranm; nou tou nou bezwen regarde ki mannyer nou koman en pei, nou’n reakte, ki mannyer ler sa problenm drog in sorti par egzanp, the use of cannabis pour nou al lo bann sibstans pli for, kwa ki nou’n fer dan sa pei?

Ler mon regard Eleksyon, sirtou sa dernyen 2 Eleksyon kot drog dan mon distrik Bel Ombre in ganny partaze zis pour enfliyans zenn, sirtou dan sak distrik nou tou nou konnen i annan en group zenn ki lo drog. Mwan mon ti ganny akize par plizyer zenn Bel Ombre zot pa pour vote pour mon akoz mwan mon kont drog. Ti ganny kriye – grafiti partou lo container borlanmer kot lapes’ ‘’Nicholas Prea nou pa pour vote pour ou akoz ou pa soutir, ou pa donn nou drog!’’ Mwan mon en voler, mon isi, mon laba akoz? Zis mon piblikman mon ti koz kont drog. Me i annan apre ki ti pas deryer apre ki ti nouri sa bann zenn ki ozordi ou vwar ki nou’n tonm dan sa sityasyon. Blackspots, Blackspots dan tou distrik i egziste. Nou’n sey tou. Mon annan en sityasyon Bel Ombre kot mon’n menm dir bann vye batiman, vye lakaz i ganny servi. Mon’n menm demande Lotorite rantre, negosye ek sa owner, netway sa landrwa, kraz sa vye lakaz si fodre ou pa soutir sa bann dimoun. Nothing. Nothing done.

Ler nou koz lo bann Lazans ki ti vreman anvi fer keksoz.  Ler mon koz lo DAC, lo CARE, lo Mont Royale, eski vreman zot ti ganny sa sipor? Eski la anba sa nouvo Bill lefe ki sa Lazans pe ranmas tousala, tou sa bann Lazans eski vreman ki mannyer zot pour operate mon pa konnen, eski vreman zot pour kontinyen ganny sa sipor Mr Speaker, mon pa konnen.

Ler mon get sa Board 18 dimoun mwan mon pour mon I’m sorry, eski nou fer nou fer nou en gran Board ki larz pour deal ek sa problenm i pour pli efektiv?  Mon pa tro krwar.

Mr Speaker la mon oule vin direkteman lo sa Bill. Petet Vis Prezidan dan son konklizyon i anvi zis fer enn de leklersisman. Lazans pour ganny bidze pour retir son bidze dan Consolidated Fund, me Lazans an menm tan i kapab attend one, i kapab grant financial assistance to any approved facilities. Sa bann facilities eski zot pour ganny funded anba sa Lazans oubyen parey labitid zot ti pe kontinyen draw from Consolidated Fund, oubyen eski sa Lazans ki pour donn zot, zot Bidze direkteman? E menm i fer son enklizyon any Hospital.

Nou annan nou en Lopital pour le moman ki pe tret pasyan lalkol avek drog, se Lopital Sesel. Eski Lopital Sesel an deor son bidze i pour ganny granted financial assistance ankor avek sa Lazans?

Mon pa konnen koman sa pour marse, si sa i en norm ki akseptab anba bann direktiv Finans. Mon get 16 (c), 16 (c), i koz lo ok lo Part V, Finance, Accounts and Reports of the Agency. Any proceeds from sale, Lease or transfer of movable, immovable properties of the Agency.’’ ki sa bann Properties Agency i annan? Oubyen ki i pour annan? Eski i bann proceeds, bann Properties ki mon pa konnen mwan ki Lotorite petet pour sezi ki apre i pour pas anba li ki li i pour get rid of pour kapab fund, raise fund? Mon pa konnen sa mon annan enn de pti query lo la. E Vandredi osi ler nou ti pe regard bann amannman and all that Mr Speaker, Bills Committee, nou ti regard 11 (c) mon pa konnen si Onorab Georges in regard sa ankor kot nou pe dir poudir zot in mansyonn Ministry of Home Affairs. Mon krwar sa Minister in sanze, mon pa konnen si i a vin dan enn sa bann amannman.

So vwala en pti pe mon, ki mon anvi anmennen Mr Speaker lo la. E mon swete ki apre sa pti entervansyon i ava lev en pti pe deba, i a fer deba en pti pe pli enteresan isi dan sa Lasanble. me parey mon’n dir mon ti pe vin pour mon lev mon lanmen kont sa Bill, me mon pou abstain.  Mersi Mr Speaker.

 

MR SPEAKER

Mersi Onorab pour ou bann pwennvi fran. Mon a donn la parol Onorab Henrie.

 

HON GERVAIS HENRIE

Mersi Mr Speaker mon ava dir bonzour tou dimoun e en bonzour spesyal pour bann zabitan sorti Mont Buxton ki’n  fer sa zefor ozordi pour vin ekout nou deliberasyon isi.

Mr Speaker letan mon’n ekout le 2 entervenan ki’n koz avan mon konmsi prezan ou a krwar mon santi mwan divize ant 2 lopinyon, parske Onorab Georges mon krwar in konvenk nou poudir nou bezwen komans en landrwa, nou bezwen parske 2 semenn pase letan mon’n pas dan trou laba Lari Hangar zonm, fanm pe pike, manrmay anba laz ki pe asize ek sa bann bandi ki pe droge, fir pe asize ek zot la, letan mon koz ek bann dimoun o-bor ki dir mwan, ki mannyer zot nepli kapab viv dan sa lanvironnman? Mon santi zot douler e mon koman MNA Mont Buxton mon anvi donn mon sipor pour nou komans kekpar.

Egalman yer swar i annan en Madanm Mont Buxton ki’n call mon e ki mannyer i pe rakont mwan ki lontan depi Mars anfet in met non son garson devan pour al lo en Progranm Detox, me ziska yer swar letan in koz avek mwan konmsi i pa ankor ganny kriye, alor i pa konnen, i anvi en solisyon pour son zanfan. Mon konnen ki bor bann landrwa ki bann droger i frekante dan distrik e landrwa kot mon ti krwar pa ankor arive, Sanmdi mon fek aprann poudir dan Lenn osi in arive. E alor i fer ki depi Lari Hangar ziska dan Lenn, dan Mont Buxton nou bezwen fer en keksoz, nou bezwen komans kek par parey Onorab Georges in dir nou, e mon dakor avek li lo la.

Letan mon ekout Onorab Prea prezan mon demann mon lekor ankor kestyon, poudir be eski vreman nou pour reisi?  Me si, i pa en kestyon mon krwar ki nou bezwen koz lo la ozordi, i bezwen volonte, langazman, nou bezwen fer sa premye pa. Alor mon krwar poudir kreasyon sa Lazans i anvoy en mesaz poudir Lotorite Seselwa, Brans Egzekitif ki pe propoz sa avek Lasanble Nasyonal, ki’n koz lo sityasyon drog depi dan plizyer Lasanble e dernyerman la dan 6enm an Mars, ki nou oule fer en keksoz pour pran sa sityasyon o serye. E mon apresye sa striktir ki’n ganny pran kot menm si in ganny dekrir koman en pe top heavy solman i pe anmenn bann big guns onboard. Prezan sa bann big guns e i go all the way up ziska Prezidan en, akoz li ki pour Minis responsab.  Prezan mazin byen poudir sa i pour vin zot Legacy. Si i fail, zot ki pour fail. Nou, nou pour donn nou laprouvasyon ozordi pour sa pase. Nou koman Lasanble nou pour annan nou rol oversight avek Bidze sa Lazans – tou le-z-an dan bidze ziska ler ki nou Term koman 6enm Lasanble i ava fini. Selman at the end of the day i pour end up lo zot desk si i marse, ou si i pa marse.

Donk volonte i komans ozordi la pour nou pran sa travay tre o serye. Alor letan mon pe get sa Lazans mwan sa ki mon ti ava swete vwar, se ki dan lapratik i anmenn en diferans. I anmenn en diferans kot bann progranm ouswa alokasyon bidzeter ki ganny fer i fer sa sanzman pour sa garson ki pe esper progranm detox depi Mars sa lannen; i fer sa diferans pour sa madanm aze ki ou le vwar sa vye lakaz abandonnen dan son vwazinaz ganny netwaye, ganny met ater; i fer en diferans pour ou ki travay e ki tou lazournen i annan en dimoun pe mandyan ou larzan pour li kapab feed son habit; i fer en diferans pour nou ki vwar sa zenn garson pe fouy dan bin, zet tou zafer ater zis pour li ganny en ‘PET,’ ouswa en can. Savedir sa kreasyon sa Lazans si i netway nou pei e re donn li sa labote ki i ti annan. Parske drog ozordi i parey en tas nwanr lo nou Sosyete e i pa zoli, i pa zoli ditou.

Alor se sa ki mwan mon ti ava kontan vwar sa Lazans fer. Anfet yer swar mon fek konvers, fer en konversasyon avek en Madanm ki dan ‘Paster Lannwit ‘in eksplik mon ki mannyer zot travay, zot fer bann, i annan bann group, zot fer li tou le Sanmdi, zot ale e zot travay en fwa par en Sanmdi dan en mwan. Eprezan mon ti dir li, be eski zot fer en diferans dan lavi sa bann dimoun?  I dir mwan,’’ Wi konmsi zot look forward pour zot rezwenn nou pour zot koz ek nou. Nou pran li en pa, par en pa pour nou retir sa bann dimoun.’’

E alor mon ti ava kontan vwar en Lazans ki annan bann dimoun ki pe fer sa; ki antre dan sa bann trou ki nou koman MNA parske ozordi dan distrik, toultan mon dir sa dan sa Lasanble, zis politisyen ki ou vwar i antre partou i tap laport dimoun. Nou nepli vwar Sanniter, nou nepli vwar Pret parey alors en zour dan Sesel ti ete, i ti ava byen ki nou vwar bann dimoun ki prezan pour desann lo teren e vini pour konnen lekel sa addict, pour konnen lekel son paran, pour konnen kote i reste e pour tyonbo son lanmen pour tir li dan sa fernwanr kot i ete.

Mon’n koz lo volonte taler, tousala i kekfwa vre i kapab arive akoz kekfwa sa bann dimoun pour ganny peye pour fer sa. Me a lafen defen se sa dimoun li menm ki dan sityasyon eski li i pour anvi sorti? Probableman laplipar zot la pa pe tann mwan akoz kekfwa zot lo ghetto, swa zot deza pe kick. Me mon swete kek par zot pe tande poudir nou anvi ed zot.

Letan mon regard sa Lazans, mon vwar poudir konmsi i annan bokou bann dimoun ki basically zot bann dimoun ki’n ganny apwente dan en, ganny apwente par egzanp pour vin en Sekreter Prensipal, prezan letan zot pour lo sa Board, mon konnen zot deza annan bokou lezot louvraz pour fer, me selman konpran sa Irzans Nasyonal ki nou pe dir “drog” pe anmennen e zot pe ganny konfye sa responsabilite, alor fer en letan pour delivre dan sa responsabilite ki zot in, pe ganny konfye ozordi. Wi zot annan bokou louvraz pour fer, e mon krwar zot merit zwenn en pti pe plis ki an mwayenn tou le 3 mwan, kekfwa tou le 2 mwan e plis ki 8 zot i bezwen zwenn pour fer en Quorum.  I annan 18 zot ki pe ganny apwente ogmante plis, konmsi akoz si ou, akoz i en keksoz serye sa, zis 8 dimoun tou le 3 mwan i pa ase serye pour mwan. Nou bezwen fer plis, akoz sa kalite larzan probableman ki Tax Payers Seselwa pour ponp dan sa Lazans. E kekfwa enn osi son bann premye travay ki sa Lazans i bezwen fer, se reviz sikse ou defi dan lalit Sesel kont drog ziska ozordi.

Bann entervenan avan mwan in nonm diferan Lazans ki’n fer en bout ouswa en lot, zot annan zot par sikse, malgre nou bezwen realiz kekfwa defi ki zot annan par zot lafot ou pa par zot lafot selman zot in seye.

Alor in byen ki nou koman en pei nou regarde pou dir be ok, be vwala sa ki nou’n fer, sa i mars byen ziska prezan e sa lenformasyon i ganny kominike avek piblik pour ki nou koman Tax Payers nou kapab apresye kote sa larzan ki nou pour met dan Bidze i pour ale pour nou fer en diferans. En keksoz ki mon apresye avek sa, dan objects of sa Lazans la, a 2 repriz in mansyonn ‘Kominote’ dan part 2 Point 3, non part Point 4 (b) avek (d) letan i koz lo ‘kominote,’ i byen sa, tre byen akoz se laba ki nou bezwen fer en diferans, nou lavi i komans dan Kominote avan ki nou ariv lo en lanpler Nasyonal la kot nou pe diskit en keksoz, i bezwen komans laba dan kominote. E i byen ki kominote i vin okouran kwa ki zot kapab fer. E sirtou sa ki Dirizan Lopozisyon lot zour ti pe dir, i byen ki kominote i vin devan i partaz konesans, i donn lenformasyon.

I fer mwan rapel en fwa en let anonim ki mon Newspaper ti gannyen kot en bann dimoun ti pe dir nou, nou nou’n fatige avek problenm drog dan nou kominote, alor nou pour fer bonm petrol nou pour anvoy avek dimoun. Ti en pe ekstrenm be selman omwen en dimoun ti’n pran en desizyon dan son lavi pour fer en keksoz, apre i pa’n fer akoz zanmen mon’n tann okenn sa bann latak parey dan Sesel. Selman omwen en dimoun in annan kouraz pou dir nou anvi fer en keksoz. e osi mon vwar dan object sa Lazans apre son fonksyon e Onorab Georges in koz en pti pe sa distenksyon dan travay, bout Lapolis avek NDEA apre li i ava annan en rol en pe pli kominoter. Be selman mon vwar poudir zot pe fer serten keksoz ki par egzanp i dir zot pour fer bann lenvestigasyon lo kestyon fason ki drog pe antre, get bann teknolozi.

Pou komanse mon ti pe santi poudir be konmsi zot pe al mars lo lipye NDEA avek Lapolis. Selman ankor i byen akoz kekfwa zot sa bann dimoun, zot pour annan letan pour fer resers pour konn dan bann lezot fason, dan bann lezot pei ki mannyer sa bann keksoz pe arive sepa si zot kapab pass on sa lenformasyon avek bann Lotorite konpetan pour zot follow up lo la. Kekfwa li NDEA i tro busy pe tay avek bann bandi dan bwa – lo ghetto, be li sa Lazans i ava annan letan pour li egzamin sa bann keksoz dan en fason pli akademik. E sa i byen.

Prezan mon konnen poudir i annan en pe larzan sa ki pour ale ladan. E ankor enn fwa piblik Seselwa i bezwen apresye poudir larzan ki i envestir koman Tax Payers i ganny rezilta, e largiman ki Onorab Prea pe dir konmsi sa kantite drog ki kontinyen rantre dan Sesel, kote i pase?

Sa Lazans i bezwen fer li enn son bann lobzektif primordyal pour sey etablir sa bann fe, kote?  Yer swar mon Newspaper i ganny en email en boug i montre nou en boug lo en pti scooter i dir Lotorite i bezwen al Ile du Port pour al get en pe ki pe arive laba, akoz i aparet i annan bann tranzaksyon drog. E wi Sesel i antoure avek lanmer alor i en pe fasil parfwa pour sa bann keksoz arive. E nou bezwen met plis lanfaz lo la pour nou kapab ganny larepons syantifik ki mannyer sa bann keksoz pe arive prezan pour ki aksyon i ganny pran, i ganny swiv pour kapab elimin sa bann keksoz ki pe arive.

Dan Mosyon lo Stevedores semenn pase, in dir poudir i annan sityasyon drog laba ki deroule kot bann dimoun i pran larzan davans pour zot bomaten ganny zot fix. Lotorite in tande, ki zot pour fer, sa Lazans sa i bezwen bann keksoz ki dan la pratik i dir annou fer en keksoz pour ki i annan en solisyon a lafen defen. E  avan ki mon terminen, i annan en keksoz ki mon ti ava kontan Vis-Prezidan i klarifye dan son letan i pour donn son larepons, ozordi Secrétaire d’État pour size drog ek lalkol i annan son Lofis li, son Sekretarya; prezan mon anvi konnen ki mannyer sa Sekretarya la i pour fonksyonnen vizavi sa Lazans an term, preski nou bezwen fer sir nou pa kapab zis donn larzan bonn a vini i bezwen annan en, konmsi streamline sa demokrasi otour sa size drog akoz aksyon pratik keksoz ki nou oule lo teren, kot i annan rezilta pour nou dan distrik.

E en lot size se DAC. I annan DAC ozordi Drug and Alcohol Council li ki pour son nouvo fonksyon dan sa nouvo set up, mon ti ava kontan en klarifikasyon lo la. E apre mon konnen poudir Tit, si ti zis Tit be selman pour mwan if it’s not in writing parey nou kontan dir it doesn’t exist, mon ti a vreman kontan vwar poudir lalkol i form parti manda sa Agency dan en fason nwanr ek blan, konmsi par egzanp dan son Tit ti ava Prevention of Drug and Alcohol Abuse and Rehabilitation Agency. Akoz ou a krwar drog i en afterthought, I mean lalkol i en afterthought pourtan lalkol i vizib dan nou lizye; drog fodre nou antre dan en trou, dan en ghetto dan en distrik pour nou vwar. Lalkol li i la li, 9er bomaten yer mon al dan mon Biro mon debout anler mon get anba kot Maison Happy Youth la bann boug in alinyen fini clock in zot pe bag li zot, drog mon ti pour bezwen al dan en kwen pour vwar, konmsi apre dimoun i koz lo sa bann zafer advertising lalkol nou bezwen deal avek, zanfan pe ganny akse – konmsi mon ti ava kontan ki sa nou touy 2 zwazo avek en sel ros e ki sa mo lalkol ti ava dan son Tit malgre Tit i zis Tit, selman pour mwan i ti ava rekonfortan.

Alor avek sa bann pwen ki mon’n koz lo la, si i annan lezot keksoz dan Staz Komite mon ava mansyonnen Mr Speaker. Mon ava remersi zot pour zot latansyon.  Mersi bokou.

 

MR SPEAKER

Mersi Onorab, Onorab Ramkalawan.

 

HON WAVEL RAMKALAWAN

Mersi bokou Mr Speaker, Mr Speaker mwan mon entervansyon i straight forward e i kler. Ozordi nou annan nou en problenm, e nou pa kapab nek zis lannen ale, lannen vini zis koz lo sa problenm. Nou bezwen met nou lanmen dan lapat fer keksoz pour nou kapab avans devan.

E se pour sa rezon ki mwan mon pe siport sa Bill. Nou pa kapab zis kontinyen koz lo lepase, nou pa kapab zis kontinyen koz lo bann failures. Sa Bill ki devan nou i about annou regarde ki mannyer nou kapab ganny success stories; ki mannyer Sesel i kapab sorti dan sa problenm kot manman i pas zot letan plere, papa i pas son letan dan lakour koman en lesklav, ensidswit.

Alor mon ti ava dir annou regard keksoz dan en fason pozitiv. E letan nou isi dan sa Lasanble nou pe pas sa Lalwa e mwan mon krwar ki poudir nou tou nou bezwen donn nou sipor, sa i mon lopinyon nou tou nou bezwen donn nou sipor regardless of leksperyans ki nou’n pas ladan; parske ki i bezwen en konba antoure sa. Nou pa kapab dir Mamelles i annan problenm, i annan trafiker drog ki’n antre i annan isi, i annan laba. Nou tou nou bezwen donn nou ti senk sou, met nou senk sou dan sa lager. Sa Agency byensir nou bezwen donn li sans pour li travay.

Nou pa kapab deza la avan menm ki sa piti i ne pour nou rode si vre pour al Liniversite. Be annou, sa piti i dan vant annou fer sir ki son nesans i bon, annou fer sir ki ganny i dile ki apropriye pour li letan i ptipti e annou fer sir nou montre li bon semen! E nou koman en Lasanble Nasyonal, i nou responsabilite pour nou fer sa. Dan 1an, dan 6 mwan nou ava demann bann dimoun responsab pour sa Agency pour vin isi dan sa Lasanble pour dir avek nou ki direksyon zot pe ale, ki sipor ki zot bezwen an plis, akoz nou bezwen raport sa victoire.

Mr Speaker, yer mon’n deza dekrir sa zafer drog ek lalkol i parey ki Sesel i dan en lager Sivil. Yer ti zis Mamelles, avan yer ti zis Corgat Estate, me ozordi i partou, e sa bebet pe kontinyen mont tou miray, i annan dimoun i met gro miray otour son lakaz i dir la mon safe, be non! Sa zafer i monte. I pour antre anndan dan ou lakaz e pa zis letan i antre anndan dan ou lakaz, dan ou lakour ki ou dir la nou bezwen fer keksoz!

Mwan koman en paran parey i annan bokou paran dan sa Lasanble kontrerman avek leksperyans ki Onorab Prea in fer ki nou senpatiz avek li, me i annan bokou nou paran ki ozordi nou kontinyen dir Senyer mersi bokou ki sa bebet i pa dan nou lakour.

Me eski akoz sa bebet dan nou lakour ki aprezan nou, nou gete nou dir “ah laba Corgat Estate, Mamelles kan Chetty Flats wherever?” Non? Nou tou nou bezwen koste ansanm. E mon kontan ki pe osi mansyonn lalkol Mr Vis-Prezidan atraver ou Mr Speaker.

Tan ki nou kontinyen les sa bann gonaz ki apel’ Pti Ponm,’ ki apel ‘Pti Zonn’, ki apel tou sa bann kalite keksoz kontinyen rantre, kot nou bann zenn i kontinyen tonm ladan, nou pour annan en gro problenm lalkol. Sa bann pti boutey ki son poursantaz lalkol i sepa konbyen ki kout R35 i pour ede pour nou detri li, fabrik nou sosyete. Alor nou koman en sosyete ki nou anvi?  Eski nou anvi sorti ladan, eski nou anvi kontinyen reste ladan? Mwan mon krwar ki poudir nou anvi sorti ladan, e pour nou kapab sorti ladan fodre nou pran bann desizyon ki brav, fodre pa ki nou regarde ‘ahnr be sa mon zanmi ki pe prodwir isi, ki pe prodwir laba. Sa enn la ou konnen si nou tous li i pour annan bann konsekans.” Non! Mwan mon dir kot in arive tanpi konnen, annou fer en keksoz, annou dan sa Lasanble Nasyonal e dan sa pei annan en langazman politik, nou pour pran li nou pour zet li deor kannal kot drog avek lalkol i konsernen.

Si nou pa fer sa, nou pour kontinyen reste dan sa sityasyon kot, akoz ki nou pour sey fer en fason pour nou ranmas delo avek en pannyen, avek en pannyen. Me byensir i pour pase. Alor mwan mon krwar, e mwan mon ou konnen Mr Speaker letan mon koz koumsa komedi an bon Kreol mwan mon tanpi konnen. Sa boug ki ozordi ki siport LDS me ki involve dan drog, mwan mon tanpi li mwan! Mwan mon dir avek li, si ou siport LDS ou pa devret dan drog, ou devret pe apiy nou lazenes pour nou lazenes kapab devlope pour nou lazenes kapab grandi. Sa boug ki siport Parti Lepep ki dan drog li osi tou mon dir li avek li, ‘’frer, si ou ape siport Parti Lepep ou Gouvernman Mr Faure ou Prezidan, Mr Meriton ou Vis- Prezidan, ou dan drog?  Be ou pa pe siport Mr Meriton koman Leader Parti Lepep, ou ape detri li.’’

Alor Mr Speaker mwan mon krwar ki ozordi nou bezwen kontinyen koz sa Langaz ki nou pa vin rod met diplomasi, ki nou pa vin rod kouver keksoz, nou apel en lisyen, ‘’lisyen’’, ok? Annou pa fer parey letan nou pe fer nou bann pti zanfan grandi, nou apel sepa mon pa konnen mwan, nou a dir li “dodo pti baba” mon ti deza dir sa dan Lasanble “dodo pti baba sat maron a nannan ou,” ou napa pti baba, napa sat maron dan bwa, ozordi nou tou nou adilt, nou tou nou responsab sa bann zenn, annou protez zot.

Ki mannyer nou pour protez zot?  Nou bezwen met lord ek sa bann ki fer rantre sa pwazon dan nou sosyete. Nou bezwen met lord, e koman en sosyete nou bezwen debout solid. E dan NDEA nou kontan ki poudir i annan en nouvo Azan, sa Zofisye NDEA e ofet mwan mon krwar ki poudir nou bezwen fer bann lamannman pour ki en Zofisye NDEA ki donn lenformasyon kote NDEA pe vin fer lafouy, son santans i bezwen vin grav. I bezwen double sa, parske nou pa kapab annan en sityasyon kot NDEA pe vin fer en travay dizon Corgat Estate e avan ki i monte i annan en Zofisye ki telefonnen pour kasyet. Non! Non! Fodre ki i annan keksoz drwat, keksoz annord.

E nou tou nou konnen ki poudir ki sa bann pti men lo sa bann pti moter ki pe act koman bann Courier. Be annou pran en aksyon. Lotrozour, semenn pase mon dan Simityer, mon dan Simityer e mon vwar enn sa bann pti men pe mont Moter dan Simityer, e akoz i kapab pase, i kapab sorti anba kot Cheinna i mont atraver en pti kou in ariv Belvedere, e letan i ariv Belvedere, en pti kou in ariv Rochon, en pti kou materyo in ganny distribye.

Mr Speaker nou bezwen pran en latak, annou byensir serten dimoun pour dir “ah demokratik sa boug i ganny dwa mont son moter,” wi ou ganny dwa mont ou moter, me selman ou pa ganny drwa servi sa moter koman en veikil pour ou transport drog. I annan en kantite sa bann gran Sef Mr Speaker ki ozordi pe aste bann pti moter, pe met lo non sa bann pti men zis pour zot kapab sirkile. Tousala mon krwar se bann travay ki sa Lazans i annan pour li fer. E mwan mon krwar seryezman ki poudir letan nou pe koz an term nou sosyete, an term ki mannyer nou pour netway nou sosyete , sa Lazans, sa Lalwa ki nou pe koz lo la ozordi, i probableman Lalwa pli enportan ki sa Lasanble pe pase.

E mwan Mr Speaker mwan mon pour donn tou mon sipor sa Bill. Mon pou donn tou mon sipor sa Bill.  E mon kontan letan Minis in dir konsernan bann Sant Spesyalize, e wi bomaten mon ti pe koz avek Per Lonnie, e mon ti pe koz ek Per Lonnie e Per Lonnie pe dir avek mwan ki par egzanp in al fer en vizit dan en Sant Spesyalize Philippines ki pe ganny okipe par en Former Drug Addict e ki mannyer sa Sant i annan tou bann fasilite. E ki mannyer an menm tan osi nou bezwen realize ki poudir pour en kantite letan pour en dimoun sorti dan drog, i kapab pran 13 mwan, plis ankor pour li kapab sorti dan sa zafer finalman. E i kout ser. Sa osi en lot keksoz ankor ki Sosyete i bezwen mazinen, i kout ser anviron $1,000 par mwan pour ed en dimoun. So i annan en pe larzan osi tou ki i involve ladan.

So Mr Speaker mwan mon krwar annou regard devan. Let us be forward looking, forward looking pour nou pran swen avek sa ki, sa problenm ki nou ladan. In annan en kantite difikilte. Me ozordi silvouple koman en pei annou pa tat isi, annou pa tat laba i annan Onorab Henrie in mansyonn letan mon ti dir semenn pase, e mon ti dir sa dan Legliz letan mon ti pe fer en Serman 2 semenn pase mon ti dir, “Si tou Kominote olye ki nou zis plennyen pour nou dir laba ki laba bannla i fer drog, me si nou dan kominote nou ti pare pour nou raporte, nou ti pare pour nou rasanble, nou ti pare pour nou menm si servi tou bann metod ki annan, akoz nou pa organiz nou, akoz bann zabitan en distrik pa organiz li pour li al devan en lakaz kot i vann drog avek bann banners, avek bann loud speakers pou dir, ‘’nou pa bezwen ou sa dimoun la dan nou sosyete akoz ou ape detri nou sosyete!’’ Mr Speaker fodre nou sorti dan sa bwat ki nou ladan. Fodre ki nou sorti dan bwat ki ladan fodre nou pran li serye e koman en sosyete sakenn antre nou annou pran nou rol. Annou pa zis depann lo Dokter Herminie koman sa dimoun ki pour Head sa Lazans pour li fer tou keksoz. I pa pour kapab fer tousala li tousel me i depann lo nou tou ansanm.

E se sa Mr Speaker ki pour fer ki nou bann viziter ozordi, nou bann viziter zot pa pour mars avek larm dan zot lizye, pour zot dir, ‘’Mon pti zanfan, mon pti zanfan in vin vol mon larzan, mon’n ganny mon pti Sekirite Sosyal e mon pti zanfan in vole.’’ Nou pa pour koz dan sa direksyon, me nou ava koz dan en Sesel kot drog in vin en keksoz lepase, kot lalkol i vin anba kontrol e kot nou kapab annan en sosyete ki viv an bonn sante, en sosyete ki nou tou nou kontan pour nou viv ladan.

Avek sa Mr Speaker mon pour donn tou mon sipor sa Bill san okenn dout e mon swete ki sa Lazans i fer en bon travay e mon swet zot tou lankourazman e zot kapab asire ki poudir zot pour ganny mon sipor a tou moman.  Mersi bokou.

 

(APPLAUSE)

 

MR SPEAKER

Mersi Onorab nou’n ekout 5 entervenan bomaten e mon krwar nou bann zanmi sorti Mont Buxton in ganny en bon apersi. Mon vwar Mrs Geralda i byen kontan, i pe riye anler laba, mersi pour bann ki’n entervenir. Vis-Prezidan i 10.30 mon sizere vi ki nou ti’n envit nou bann dimoun en pe pli aze pour pran en pti dite avek nou pandan nou break.  La in ariv ler pour nou break, eski ou ok pour nou pran en Break la pour enterakte ou avek ou delegasyon, enterakte avek bann Manm Lasanble e osi enterakte avek bann dimoun Trwazyenm-Az sorti Mont Buxton? Si wi nou a pran en Break e nou a retournen – eski si i ok Vis-Prezidan? Si i ok nou a pran en Break e nou a retournen 11er, parske i annan lezot entervenan ki anvi koz lo sa Bill.  Mersi. Nou adjourn.

 

(BREAK)

 

MR SPEAKER

Bon nou a repran nou travay. Mon krwar mon ti a kontan ankor remersye bann dimoun Mont Buxton i en pti pe nostalgie  akoz mon’n zwenn bann dimoun ki letan mon ti travay  avek Onorab Gill Mont Buxton, mon pa ankor vwar pandan en kantite letan ki nou ganny sans vwar re zwenn zot. So ankor enn fwa mon krwar i ti en bon nide Onorab Henrie ki’n anmenn bann dimoun.

Fer mon mazin nou letan Mont Buxton Onorab Gill. Mon a donn laparol prezan nou kontiny nou deba lo Bill. Donn laparol Onorab Valmont.

 

HON JUDE VALMONT

Mersi Mr Speaker e bonzour. Bonzour Vis-Prezidan ek ou delegasyon. Bonzour tou koleg Onorab. E bonzour tou piblik ki a lekout.

Mr Speaker mon konmans mon lentervansyon par dir ki Mosyon ki ti ganny prezante lo drog, dan nou Lasanble resaman, se mwan ki ti segonde. E zisteman Onorab Georges ti prezante.

E ozordi i temwannyaz ki Gouvernman in a lekout nou lapel. E zisteman apre sa nou’n vwar lapwentman en Sekreter D’Eta pou bann zafer drog.

E from there on mon konnen ki nou annan bokou attempt – bokou langazman par Msye de Sekreter D’eta. E tou son bann dimoun dan son sekretarya pou met tou bann partner ansanm.

Mon rapel en zour apre midi nou ganny kriye mwan, Onorab De Commarmond e osi Onorab Georges nou ganny konsilte lo en latab ronn avek bann partner ti annan DAC.

        Sa zour ler e mon sorti mon pei ou laverite. Mon santi pli konfize ki mon ti antre. Akoz? Se sa zour ki mon ti realize ki travay ti la! Drog ti’n vin en problenm mazer. E nou tip e ganny dir sa letan i annan apepre sa en rough estimate apepre 4 mil a 5 mil dimoun ki kapab dan drog.

E alor mwan mon pou koz An faver sa Bill akoz zisteman mon krwar in ariv en letan pou nou konnen egzakteman kantite dimoun, kantite zenn, kantite zonm, kantite fanm menm zanfan anba laz ki dan drog.

Alor zisteman en Lazans i kapab fer en bon mapping out exercise, nou pe vwar la Sesel nou’n ariv letan kot lenformasyon i vreman valuable. Si ou gete, preski tou landrwa pe demann fer survey. mon ti prezant en Mosyon pou pti biznes.  Mon ti demann fer en survey pou konnen ki bann pti biznes pe fer. me la ankor mon demande lo kote drugs osi i drog pou fer en bon resansman en bon mapping out.  Pa zis konnen kantite dimoun ki lo drog, zot menm. Me solman konnen konbyen manm fanmir ki involve konbyen manman, konbyen papa konbyen frer ek ser ki ganny afekte.

Mon dir sa akoz ou vwar en dimoun ler i lo drog i afekte son fanmir. Mwan mon – zis detrwa zour pase mon ganny en call avek en msye sorti en msye sorti La Digue. E i annan enn mon zenn en zenn sorti La Pointe Larue en zenn garson mon ti attend son maryaz mon krwar lannen pase byen refer sorti prizon. E i kwi manze li menm.

Mon ganny en call pe rod en lasistans mon aprann ki son girlfriend i annan en pti baba tann fek ne. napa 6 mwan. Mon aprann ki girlfriend in ganny met dan kaso. Mon demande, ‘’Be oli sa garson?’’ Sa garson li i dan drog. I pran bato ler i ganny son pti larzan ler i ganny en pti larzan i desann Praslin i al dan drog. Enn ler i pran piti dan pous i desann avek, i asize li ghetto Praslin. Mon pa konnen kot i ete sa ghetto.

Lefe se ki ou konnen sa fiy i montre ou en manm fanmir i pare pou fer tou. I pare pou fer tou pou en endividi. Dan sa ka sa fiy in pare menm pou vole pou li okip adiksyon son msye. Akoz i kontan li.

E zisteman Onorab Prea in vini in fer sorti en pwen ki mon konpran li mwan. I pe koz konman en papa mon konpran se ki lefe i dir ou i vre en dimoun si i pa vini napa real power pou li vin devan li menm pou

Dir i anvi sorti dan drog i difisil. I difisil pou tenir li. Me solman lo lot kote sipor fanmir i enportan  akoz en dimoun ler petet i lo drog wi in fini give up li.   Petet ou pa pous li, me ou a ankouraz li. E mwan mon annan laprev dan Pointe Larue, nou annan leksperyans ki sa endividi petet i pa’n le vin devan, li osi i pa’n konnen kot pou vini premyerman. Akoz zisteman ti napa sa body oparavan ki nou ti pou dir be ok, mon a vin la mon a ganny anvoye tel channel, mon ava al kot lofis zisteman sa Lazans mon a ganny en led.

Alor mon al lo la se ki i fer mon Mr Speaker. La i fer mon koz lo sa kordinasyon. Nou’n tann nonm lalis. Ti annan plizyer lalis ou tande ki petet Internal Affairs i annan pou li, DAC i annan pou li. Me la zisteman sa formasyon sa Lazans la nou konnen i ava annan en sel lalis, en sel database ki tou keksoz i ava ganny put la. E sa paran sa zanfan oubyen sa konpanny i a konnen, zisteman Mr Speaker kote i pou ale,  pou li ganny led striktir.  E ler sa Lazans – sa striktir sa dimoun i a konnen egzakteman ki bann led ki ganny ofer.  Avek en Lazans ek striktir  ou pou konn byen zisteman Mr Speaker  ki tretman sa dimoun pou gannyen kantite letan i pou ale.   E la mon koz ankor dapre leksperyans Pointe Larue en distrik par Les Mamelles, Corgat ki ganny afekte avek drog Pointe Larue parey. Ou konnen Mr Speaker mon koz dapre leksperyans. Mwan mon enn parmi bann MNA ki mon’n lager.

Ler mon dir mon’n lager se zisteman nou ti annan en progranm pilot. Mon’n koz lo la lot fwa mon pa pou al bokou. Me solman mon bezwen refer sorti.

        Nou ti annan en progranm pilot.  Mon’n vwar ler mon ti fer apre mon ti fer lentervansyon lo zisteman li Mosyon Onorab Georges, mon ti eksprim mon dezapwentman. Akoz, se lefe ki ti napa sa kordinasyon sa kolaborasyon bann Lazans.

E la ozordi nou ganny dir ki sa Lazans i zisteman top heavy .  Be mwan osi mwan mon dir wi mon vwar i top heavy me  mwan mon kontan.

Mon vwar lespwar dan sa. Akoz zisteman ler i dir ou welfare or ASP setadir i annan son CEO Sosyal son PS me sa i ankourazan pou mwan akoz mwan mon rapel mon pa konnen si Onorab Georges ek Onorab De Commarmond ti la, dan bann faz diskisyon zisteman pou kree sa Lazans mon ti dir, i nepli letan pou nou  fer zofisye junior, vini pou koz lo en size, sorry mon dir en junior mon pa pe denigre personn se ki, zisteman ou fer zofisye junior vini Mr Speaker i pou attend en meeting ki li menm li i pa kapab comprehend groser sa problenm.

        E ler i sorti mwan osi – mon’n Foreign Affairs oparavan mon lo bann Board. Ou sorti konman en junior officer la ou ale ou raporte ou dir ek ou boss me i pa neseserman keksoz i bouze.

Be ler sa bann dimoun n ki top heavy dan sa Lazans sa 18 dimoun,  desizyon i ganny pran once and for all dan sa landrwa.

        E alor nou vwar sa dimoun ki lo drog, si pou al Rehab nou konnen petet i annan son zanfan, oubyen annan son madanm ki depan lo li. En Lazans parey ASP i ava antre i a ed sa fanmir. Petet Sosyal osi i a fer son bout.

        Zisteman Mr Speaker i a montre i pou vwar sa larmoni desizyon.  E se pou sa mon annan lespwar ki keksoz pou mars en kantite pli byen.

E Mr Speaker mon zis anvi fer sorti en lot pwen. Leksperyans ankor baze lo Pointe Larue. Se ki sa Lazans pou ede form dimoun. E ler ou pas dan mon distrik Mr Speaker mon’n deza ankouraze par louvraz ki Mr Sekreter D’Eta ek son tim pe fer.

Malgre zot ptipti, malgre zot napa finans. En keksoz ki’n strike mwan   Mr Speaker zisteman, se ki mon’n vwar en mon bann ansyen drug users – en garson i ti annan bokou leksperyans i koz Italien i koz Allemande i sa,  me solman i tonm dan drog. In realize in lev-e in vini li menm in nobou ganny tretman dan Pointe Larue in vin dan sa progranm distrik. In servi methadone. Ozordi Msye Dr Herminie i la pou konfirm sa.

Sa garson i enn bann parmi bann Peer Educators, bann Counsellors. Li menm li kip pe mont dan distrik. Li menm li ki pe mont lo ghetto, li menm li ki pe ankouraz zisteman sa bann dimoun pou vin fer distrik vin rod tretman e li menm li i pran non, i koz fanmir.

So sa i en laprev ki keksoz pozitiv pe ganny fer.  Mr Speaker ler mon koz lo sa Lazans ankor sa Bill li menm i fer mon mazin leksperyans ki’n pase dernyenrer la.

Nou konnen zisteman nou ti koz lo sa 10 milyon ki nou ti dir annou donn Dr Herminie nou a gete ki kapab fer avek.

Be mwan mon pou dir zot zisteman ler i dir sa Lazans, mwan mon kontan.  Demen i a vini sa Lazans i a zistifye konbyen i bezwen, e Lasanble; mwan mon ankouraze par lefe ki i pa zis sa Lazans ki top heavy. Sipor ozordi sorti lo lot kote latab osi i top heavy  me mwan mon apresye sa. Akoz sa i  en lager ki konsern nou tou.

Alor zisteman Mr Speaker alor ler mon koz lo la se ki ou konnen i enportan ki tou dimoun i vin ii antre dan sa lager, nou zisteman nou tou nou kordinen nou travay ansanm, nou dir la in ler pou take a stance, nou dir nou dir ‘NON  a drog.  E nou fer nou tou posib pou nou zisteman al anmenn sa lager.

E i donn mon lespwar pou re donn lespwar sa manman Pointe Larue sa zanfan Pointe Larue ki pe ekoute.

Akoz nou soufer bokou. E la dernyenrer nou’n remarke mwan mon koz bokou eek sa bann dimoun. Mon’n remarke ler nou koz lo vol mon zis e mon demande ki zisteman Lazans i travay etrwatman ek lapolis. Prezans lapolis i enportan. Me zot pas en kou lo ghetto zot sey dekouraz sa bann dimoun.

Akoz zisteman sa dernyen 3 mwan mon’n remarke zot dire k mon ki aparaman pri drog in monte. E ki nou vwar sa bann kip e anmas PET  ki pa travay la. Vol i ogmante.

Alors pou sa rezon ki mon demande ki Lazans i travay etrwatman ek Lapolis osi. Pou dekouraz zisteman frekantasyon sa bann landrwa.

Zis pou terminen Mr Speaker mon ti a voudre ki Mr-Vis-Prezidan i konfirm de pti keksoz ki mon avan ler i wrap up. Zis pou demande egzakteman si i kapab klarifye rol Lazans sa Lazans dan distrik li menm.  Ki rol zot pou zwe pou anmenn zisteman bann servis ver nou distrik. E eski bezwen eski sa bann progranm ki deza dan bann distrik parey Pointe Larue, Cascade, mon konnen Les Mamelles, Corgat, Mont Fleuri sorry eski sa bann program pou kontinyen?

E avek sa mon a termin mon lentervansyon Mr Speaker. E mon dir mon siport sa Bill totalman.  Mersi .

 

MR SPEAKER

Mersi Onorab. Laparol pou Onorab Vidot.

 

HON AUDREY VIDOT

Mersi Mr Speaker. Bonzour Mr Speaker. Vis-Prezidan ek ou lekip, tou Manm Onorab e tou dimoun ki a lekout.

Mr Speaker mon pou konmans mon lentervansyon par dir ki nou bann fanmir Seselwa i bezwen vwar omwen en sours laklerte, kot i konsern lo size drog Sesel.

Dan plizyer lentervansyon dan nou Lasanble nou’n koz lo size drog. E nou’n ganny sans partaz bann sityasyon reel kot bann fanmir pe ganny kase pe ganny detri, akoz sa fleo drog.

Mr Speaker lespwar pou bann viktim sa fleo i depan lo solisyon ki pou kapab ede, tanporiz sa problenm ziska i kapab ganny eliminen konpletman.

Nou vwar fanmir pe depanse.  E menm perdi bokou. Akoz problenm drog, kot zanfan pe vol zot bann keksoz konmisyon lemwan, pe vann.

E zot vwar zot bite. E i annan pe vol zot bann ki byen ki annan valer familial e pe vann pou preski pou nanryen lo ghetto zis pou zot kapab satisfer zot adiksyon.   Bokou nou bann zenn, fanm ek zonm Seselwa in tonm dan sad rog ek lalkol. E bokou pa oule travay akoz parey mon’n dir pou zot kapab akonpli zot demann pou sa bann sibstans.  Prezidan Faure semen pase devan nou Lasanble in koz lo pou nou revwar nou stil lavi ki mannyer nou viv. E fer li pou le meyer.

Nou pa kapab kontinyelman vwar bann zenn pe ganny afekte.  E zot pe afekte zot lasante. E menm lasante zot fanmir, bokou paran spesyalman bann manman ki letan zot in koz avek mon dan mon distrik, zot dir ou zot santi zot anba presyon. Zot menm dan travay parfwa zot pa kapab konsantre. Zot pe mazin zot zanfan zot mazin zot keksoz kot lakour. E menm i annan i malad problenm tansyon. Zanfan i met bokou presyon lo zot lavi.  E i annan osi ki menm tonm dan depresyon. Akoz zot zanfan i ankor dan sa adiksyon zot pe ganny sa difikilte pou ed zot sorti dan sa bann problenm bann problenm drog ek lalkol.

Mr Speaker mon’n tann koz lo larzan tax ganny gaspiye. Ou konnen nou bezwen mazinen ki drog ek lalkol pe enpakte parey Prezidan in dir semen pase – i pe enpakte nou Bidze nou lasante. I pe enpakte lo nou prodiktivite nasyonal. Akoz bokou sa bann zenn parfwa bann ki travay zot fer zournen. Zot pa pe mazin zot fitir, zot pa oule antre dan en louvraz pou anploye, pou zot konmans pey zot kontribisyon pansyon ensidswit. Zot pa pe montre zot langazman pou kontribye dan lekonomi.

So  i trakasan pou nou letan nou mazin sa zenerasyon kip e vini. Si nou pa konmans li boner pou nou kapab ed zot.

So mwan mon krwar pou dir sa Bill i enn ki i en konmansman atraver sa kreasyon sa Lazans. Alors mon kapab dir ki plizyer nou dan sa Lasanble nou’n fer bann lentervansyon kot nou’n montre nou bann konsern e nou langazman pou nou donn en koudmen pou lite kont sa problenm drog ek lalkol dan pei.

Alors parey mon’n dir nou bezwen montre ankor nou soda lite avek bann viktim e zot bann fanmir.  E nou bezwen konmans sa. Par siport sa Bill, Akoz nou bezwen ozordi pou nou kapab fer li sa travers sa Lazans en konmansman pou nou vwar en pti pe laklerte

E mon lentervansyon i vin pou siport sa Bill e pou solider avek bann zabitan mon distrik. Ki mon konnen dan Roche Caiman plizyer repriz sanmenm sa mon pa’n ezit-e pou koz lo size drog, akoz i enpakte bokou lo nou Roche Caiman.

E mon solider avek bann manman ki’n pler avek mon. lo rod siport pou rod en zepol pou a pir lo la. Pou gid zot dan zot bann moman difisil letan zot pe fer fas avek zot bann zanfan.

E mon a demann tou lezot koleg Onorab pou siport sa Bill. Koumsa nou ava vwar sa Lazans konmans anyway zot in konmans travay, me plito pli kapab debout pli for lo zot lipye.   Mersi Mr Speaker.

 

MR SPEAKER

Mersi Onorab Vidot. I annan Onorab ki oule entervenir? Mon ti a demann zot pou konsantre lo merit letablisman sa Agency.

Mon konnen kantite keksoz in ganny dir, alor ankor enn fwa mon a demann zot pou pa repet bann problenm ki nou konnen i annan dan distrik me sirtou konsantre avan nou demann Minis pou round-up. I mean Vis-Prezidan, pardon.

Tanzantan mon bliye pou dir in ganny promosyon.  Me mon a donn laparol Onorab Basil Hoareau.

 

HON BASIL HOAREAU

Mersi Mr Speaker. Bonzour Vis-  Prezidan ek ou delegasyon, e tou bann Manm, e tou bann dimoun ki pe ekoute. Mr Speaker letan nou get sa Bill ki devan nou, i pe entrodwir en Lazans ki pou fer de keksoz.

Enn ki pou deal ek prevansyon labi droge lalkol. E lot se pou asiste pou anmenn reabilitasyon pou bann ki’n deza fini ganny afekte.

E nou’n focus bokou lo nou deba ozordi lo drog. E i enportan Onorab Ramkalawan in fer sa resorti pou dir sa Lazans osi i pe deal avek lalkol e sa i enportan. Nou konnen pou dir problenm drog i pli gro problenm ki lalkol dan nou pei. Me i osi enportan pou nou pa bliye ki sa Lazans pou osi annan pou li travay an relasyon avek labi lalkol osi. E i enportan ki sa Lazans ki osi letan i pe fer son bann plan travay letan i pe met son bann plan pratik pou dir i pa met lalkol pa deryer.

Parske nou osi annan en problenm lalkol dan nou pei. E annefe sa Lazans ki nou pe kree, wi i en Lazans ki an liny avek Mosyon ki Onorab Georges ti anmennen dan sa Lasanble. Kot i ti pe demande pou kree en taskforce pou konbat drog dan Sesel.

Me i osi anliny avek UNODC program United Nation Office on Drugs and Crime. Ki demande. UNODC i demande k ii annan sa bann Lazans ki ganny etabli ki bann Gouvernman ki bann Leta i kree bann Lazans, ouswa bann framework ki pou ede – ede  konbat drog dan son fason prevent li prevent bann drug abuse e reabilit bann ki’n ganny afekte.

E sa ki nou bezwen realize e nou pa devret pe konfiz sa de. I annan NDEA (National Drug Enforcement Agency) ki li son Lalwa i deal avek enforcement. Savedir i deal ek sa kote kot i annan krim, kot pou anpes drog antre dan pei, kot bann ki fer trafik drog. Ouswa bann ki menm consume drog i ganny arete e ganny dealt with  anba nou criminal procedure ki egziste dan nou pei.

Me sa enn ki la li i pe al dan en lot kote li. Li i pou al plito target bann viktim. Savedir an dot mo bann dimoun kip e ganny afekte par drog. Par met an plas bann mezir neseser, pou anpese ki dimoun i ganny afekte par drog e bann ki’n ganny afekte pou re donn reabilit zot dan nou lasosyete.

E nou vwar ki enn sa bann lobzektif sa Lazans Lalwa i fer ki annan bann lobzektif apre annan bann fonksyon.  E parmi bann lobzektif se ki pou li anmenn en coordinate lo nivo Nasyonal, tou bann mezir ki pou ganny pran dan son bi pou li konbat kont fleo drog.

E sa i vedir k ii pe met anba en sel parasol tou – tou bann stakeholders ki pe partisipe right now dan nou pei pou konbat drog.

E pa anmenn zot anba en sel parasol i fer ki parey nou’n dir pou annan en lager antoure.

Pou annan en sel lafors ki tou pe zwenn ansanm e ansanm parey nou dir ‘linyon gi fer lafors’ – si nou ini. Nou kapab konbat sa fleo.

E Lazans i realize parske parmi sob lobzektif i pa dir zis li ek son bann stakeholders ki pou lager.

Me i pou anmenn kominote osi dan sa lager. Parske Lazans i realize ki i pa kapab fer sa batay lo li menm me tou, tou dimoun dan kominote i bezwen zwe son rol pe adres sa bann problenm.

E sa ki vedir se ki dimoun dan kominote i bezwen kapab santi zot part of sa louvraz ki Lazans pe anmennen, sa lager ki pe anmennen,. E vedir ki zot osi zot devret donn zot partisipasyon.

I annan diferan fason ki zot kapab donn zot partisipasyon. Si zot annan bann proposal pou fer zot kapab fer li.

E menm osi ede pou detekte bann landrwa kot drog pe ganny vann. E detekte bann drug traffickers. sa bann Eskobar parey nou’n dir dan lepase. Se zot ki nou bezwen osi tackle

E parey mon’n dir sa i plito lo kote NDEA se sa mon vwar. Mon vwar pou dir lo kote NDEA se sa bann trafiker ki nou devret pe deal avek zot.

E mwan mon’n toultan dir pou dir kot trafiker i konsernen mon krwar santans i devret toultan harsh.

E annefe mwan en keksoz ki mon’n vwar Misuse of Drugs Act in redwir bann santans. Mon pa krwar santans i merit redwir i konsern traffickers. Traffickers  la santans i devret reste o, e touzour . Me bann viktim bann ki pe soufer ki pe servi drog.  Zot nou devret asiste zot. Zot mon konpran sa group dimoun pou nou ki nou pa bezwen bann santans ki o. parske zot, zot in deza pe pas dan en santans zot menm.

Lefe ki zot pe servi sa drog i en santans li menm.  Alors zot devret extend nou lanmen pou ed zot e siport zot. E se sa bi sa Lazans. Le bi sa Lazans se pou al kot bann ki’n ganny afekte pou donn zot en lot sans.  En lot sans re entegre dan sosyete, partisip dan devlopman nou pei. Parski i   bann dimoun ki nou ki’n pas atraver nou sistenm ledikasyon ki’n ganny empowered pou ede dan devlopman nou pei.  Me ozordi fodre trouv zot nou trouve pou dir zot lo drog. Olye ki zot kontribye dan devlopman nou pei, zot vin en liability akoz larzan i bezwen ganny depanse pou asiste zot.

Me mwan mon dir menm si larzan i bezwen ganny depanse e larzan ki pou en bonn koz. I pe ganny fer pou ;en bonn koz. E nou bezwen asiste zot pou zot pou ki zot a retourn dans Sosyete e zot ava ede dan en fason kot i en fason pozitiv dan nou sosyete.

E i annan en keksoz osi ki enportan, dan sa lobzektif sa Lazans.  Sa obzektif sa Lazans i pa pe zis deal avek drog ki illegal. Dan lesans ki nou pe dir kanabis, eroin.  Me i osi dir ki enn son bann lobzektif se pou minimiz use of illisit drugs.

E parey nou pou vwar evantyelman se i drugs i enkli lalkol. So i pe target osi pou dir bann drugs i kapab illisit pou nou minimiz li, an relasyon avek bann zenn.

E apre nou annan osi, nou annan lezot L’Angleterre zot pe fer fas avek sa problenm. Ki zot apel sa legalize.  Legal highs.  I bann drog ki’n ganny fer ki a teknikman tonm dan Control Drug anba Misuse of Drugs Act. Me ki bann zenn pe servi.

E mon pa konnen si nou annan sa problenm legal high Sesel pou le moman mon pa’n tro okouran. Me potansyelman i kapab arrive dan nou pei. Kot nou pou vwar bann lezot kalite sibstans ki pa pou drog, anba Misuse of Drugs Act me ki pou annan lefe advers.

Lefe bann lefe en pe parey drog. E sa Lazans pou bezwen  adres sa osi. E la kot i pe dir pou dir i bezwen pran son lobzektif fe sir minimiz the use of lisit drugs parmi nou bann zenn.

E lot e parmi son lobzektif osi se pou fasilitet tretman – tretman ki pou ganny donnen pou bann dimoun ki pou bann viktim ki’n deza lo drog.

E nou vwar Mr Speaker ki sa Lazans nou osi annan parmi son fonksyon, parey mon dir i annan son lobzektif apre i annan son fonksyon.  Son bann fonksyon ki’n deza annan se ki pou bezwen advise Gouvernman, lo bann issues ki konsernan Prevansyon e Reabilitasyon Drog. Reabilitasyon bann dimoun ki lo drog e i osi la pou formulate e revwar en National Drugs Master plan e National Alcohol Policy. E savedir ki i pou fer i pou travay tre pre avek Gouvernman an relasyon avek bann Polisi kot i konsern prevansyon e prevansyon lavi drog. E reabilit bann dimoun ki’n ganny afekte.

E Mr Speaker, la nou vwar pou dir letan sa Lazans li i pou ganny gouvernen par en Board nou vwar i pou ganny gouvernen par Board. E Chairperson Board se Secretary for Prevention of Drugs Abuse and Rehabilitation.

E Onorab Georges in koz en pe fortman lo konpozisyon sa Board.  E mon kontan pou sa Onorab Georges letan in dir pou dir malgre ki inisyalman i ti annan santi pou dir sa ti en pe top heavy – sa konpozisyon sa Board me i realize poudir i annan en lavantaz annan sa.

E mwan mon krwar pou dir wi i annan en lavantaz parske nou annan nou pou annan nou pres 4, 5, 6 PS Principal Secretary lo sa Board, me i pou ede pou annan sa kordinasyon. Pou ede annan sa kordinasyon dan sa konba kont drog.

E osi i pou ede par egzanp parmi bann manm ki pou lo la, nou annan Komisyoner Lapolis, Sef Egzekitiv NDEA. So sa bann dimoun sa de dimoun ki mon’n nonmen zot, zot plito lo kote Enforcement.

        Me i enportan osi pou zot konnen kip e pase lo kote Reabilitasyon e Prevansyon Drog dan pei.

E i en pe osi enportan parske not only ki zot pou konnen ki pe pase lo sa kote. Me zot pou kapab donn lenformasyon avek sa Agency kwa ki pe ganny fer lo kote Enforcement.  So  i pou annan en coordinated effort pou konbat avek pou konbat sa problenm drog, ki nou pe fer fas avek ozordi dan pei.

E enn bann mezir enportan ki nou vwar ki Lazans i annan se pou li enplimant e oversee tretman ek reabilitasyon ki ganny fer dan Sesel.

E sa i pou fer ki nou pou annan en uniform tretman ek Reabilitasyon Polisi. E sa i enportan parske, parfwa ou pou vwar i annan diferan stakeholders pe fer diferan fason tretman kip e ganny adopte. La nou pou annan enn ki pou Nasyonal ki pou ganny adopte dan en fason across the Board.

        E sa from premyerman asire ki keksoz pre ganny fer dan en fason ki byen.  E dan en fason ki i pli efektiv. E sa i anliny – i anliny avek enn sa fonksyon sa Lazans. E li se ki i pou bezwen formulate en National Standard  for Prevention e tretman.

E sa i enportan i enportan ki nou annan sa standar Nasyonal. Parske tou dimoun tou bann stakeholders pou konn egzakteman ki tretman ki mannyer tretman pou ganny enplimante.

E i a fer ki tou dimoun nenport ki dan lenstitisyon  ki ou ale pou ganny en tretman, ou pe ganny en tretman ki efektiv e ki’n ganny adopte nasyonalman.

E Lazans letan i pou etablir sa standar, i pou bezwen – Lalwa i demann li ki i pran i basically travay an kolaborasyon pa selman avek bann stakeholders Nasyonal, me osi Enternasyonal. Ki vedir ki bann input an deor Sesel ki valab ki pozitiv pou osi ganny pran an kont.

Onorab Georges osi in koz lo sa lo kote lefe ki Board evantyelman mon krwar pou annan en lamannman dan sa laliny, kot Board pou subject  to the oversight of the Minister.

        E Minis anba Lalwa se Prezidan. E sa i enportan, i anmenn en involvement direk Prezidan dan sa konba kont drog. E ki i en konba ki tou dimoun nou tou bann Leaders dan nou pei ki pe pran sa trez enportan. E tou dimoun i anvi zwe zot rol e pou ede pou konbat pou konbat sa fleo ki nou pe fer fas avek.

E en lot rol enportan ki Lazans i annan, se ki i pou donn sipor finans finansyel bann serten lenstitisyon. Swa bann lenstitisyon ki pe donn tretman bann dimoun swa konman bann outpatient; ouswa menm bann lenstitisyon ki pe donn tretman bann inpatient. Savedir bann dimoun ki pe reste ler pou ganny tretman.

E la Lazans osi i pou bezwen donn le finansyel serten lenstitisyon ki pou teste bann dimoun ki lo drog.  E gete si zot pe depan lo drog.

E la nou pe e ankor letan nou koz osi lo prevansyon Mr. Speaker i enportan osi annan sa laspe ledikasyon and awareness kot ou pa esper en dimoun letan in tonm dan drog apre ki ou dir ek li be la nou a ed ou me nou pe dir nou pran bann mezir pou anpese ki nou zenn i tonm dan sa fleo.  E bann lenstitisyon osi se ki Lazans i bezwen ede finansyerman. Se bann lenstitisyon ki pe ede pou edik nou bann zenn e ki pe travay pou promouvwar ‘awareness’ lo drog pou ki nou bann zenn pa tonbe dans sa fleo.

E sa i trez enportan. Mr Speaker letan nou get sa Lalwa nou vwar pou dir sa Lalwa osi in anmenn en kote sa ki nou’n koze dan sa Lasanble transparans accountability e good governance.

        E nou vwar sa dan son Seksyon 17 kot wi nou vwar sa dan son Seksyon 17 Seksyon 18 onwards kot i pe koz lo ki Lazans i bezwen tou le lannen by le 31 Mars i prezant en annual report lo louvraz ki’n fer pandan son lannen presedan.

E i pou bezwen prezant sa avek Minis e Minis pou bezwen les sa before the National Assembly.

        Ki vedir e sa i koz en pe lo laliny ki Onorab Ramkalawan ti dir pli boner – se ki i pou bezwen met son rapor devan nou. E nou, nou pou kapab go through that report e vwar si Lazans pe vreman achieve son obzektif. Eski i pe fer son louvraz ki i devret pe fer.

E an dot mo eski sa larzan ki nou, nou allocate avek Lazans dan Bidze pe ganny byen servi?

Sa nou pe koz lo latransparans lo accountability and good governance. So sa in ganny pran kont dan sa Lalwa.

Mr Speaker avan mon terminen, mon ti a kontan dir avek bann zenn e okenn dimoun ki adikt ki lo drug ki i en viktim drug addiction pou dir sa Lalwa ki la i pe kree en lot en nouvo loportinite pou zot. I pe donn zot en lot sans.

E fodre zot pran sa loportinite. Fodre zot pran sa nouvo sans ki pe ganny donnen avek zot atraver sa nouvo Lalwa.

Parske letan nou zot donn zot lekor en nouvo sans, zot osi pe donn Sesel en lot sans;  parske letan zot .. rehabilitated e retourn dan sosyete e travay pou travay dan en fason pozitiv, kontribye dan en fason pozitiv pou nou pei. Sesel osi ki pou benefisye avek sa.

E alors nou demann zot pou pran sa sans ki sa Lalwa pe met a dispozisyon. E i montre en dezir senser lo lapar Gouvernman pou konbat sa fleo drog dan tou son splander –  lo tou son kote Enforcement osi lo son kote Prevention and Rehabilitation.  Mersi Mr Speaker.

 

MR SPEAKER

Mersi Onorab. Ankor mon remind zot letan pa dan nou faver sey practice brevity Onorab Roucou.

 

HON CLIVE ROUCOU

Mersi Mr Speaker. Bonzour Vis- Prezidan bonzour tou Manm Onorab e tou dimoun ki a lekout dan lakour.

Mr Speaker mwan mon lentervansyon se mon senserman krwar ki wi drog i en problenm Sesel. E mon kontan sa eleman kot mon vwar sa bout lalkol pe antre ladan. Akoz konman en dimoun medikal mon krwar ki lalkol destriktif faz drog dan nenport ki avenue ki ou mazinen wi lalkol avek drog zot egal.

Mr Speaker ler mon’n ekout bann lentervansyon bomaten mon pe santi mon en pti pe dan limbo mon kapab dir.

Mon senser krwar ki wi nou bezwen annan en pwen konmansman e tel Lazans e tel Lazans i pou vin en bon eleman pou nou vwar e pou .nou mars devan pou nou deal avek sa problenm drog.

Me parkont mon santi mon kwense lo bann Lazans ki’n la oparavan. Parey sa Detox  Center, nou annan Mont Royale, n ou annan DOVE and others.  .Mwan mon ti a kontan ki nou ti a re evalye e vwar efikasite sa bann Lazans avan.

Mon pa krwar konm dir mon granpapa kan en larou loto i pete nou vann loto nou aste en lot. Nou annan zis pou nou sanz larou.

Nou devret vwar ki mannyer sa bann Lazans in marse.  Si pou nou met anba en sel parasol eski vreman i pou revin en lot loto larou pete pou nou re aste en lot loto? Sa mon ti anvi Vis-Prezidan i donn nou son senserite e konfor  nou ki wi tel Lazans pou marse.

Akoz mon pa anvi ankor dan 1an ankor dan 2an ki mon ankor pe asize la lo sa sez mon vwar nou pe retourn ankor dan menm sityasyon.

En lot sityasyon kot mon santi mon en pe kwense, kekfwa Vis-Prezidan i ava donn nou sa langazman ankor. Se ankor mon anvi ganny sa senserite Gouvernman.

Par egzanp mon ti a kontan Vis-Prezidan ti aa eklersi se nou akoz menm Sanmdi mon’n pas anvil mon vwar pe fer siny petisyon lo kanabis.

Mon konnen zot pe dir fodre zot ganny 5 mil sinyatir pou legaliz kanabis. Alors mon ti a kontan Vis-Prezidan ti ava eklersi nou si vre. Ler zot ganny 5 mil sinyatir ki pozisyon Gouvernman, dan sa bout kanabis.  E lo en bout medikal lo en bout medikal mon konnen dan sa Lazans pou koz lo Prevansyon e Reabilitasyon. Avek Prevansyon e Reabilitasyon eski sa Lazans pou pran kont sa bout medikal kot sa bann drug addict oubyen alcohol addict ki si zot pou vann pasyan ki pou in house, eski sa Lazans pou form par sa bout tretman? Oubyen tou sa bann dimoun ki si zot in-house i pou ganny anmennen lopital Victoria pou fer son bout medikal?

An zeneral Mr Speaker en lot pti bout ankor mon ti ava kontan Vis Prezidan ti ava dir nou dir sa Lasanble ki model oubyen ki pei ki zot in adopte sa model pou enplimant li isi Sesel?

E si i annan en model spesifik  kot zot in ganny swazir pou tel pei eski i aplikab pou nou pei? Si nou pe pran Lazi si nou pe pran L’Afrique si nou pe pran L’Europe, eski nou fer li vin aplikab pou nou pti pei?

Ki  si ou pe enplimant fron en lot pei ki son poursantaz e son efikasite ki’n pase dan sa pei.?  Eski i pou zis en keksoz pou ale oubyen i pou perdi dan en    labyrinth apre

So Mr Speaker mon krwar sa i mon kontribisyon.  Mersi.

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker. Mr Speaker mon pou donn mon sipor sa Prozedlwa.

Mr Speaker me solman san ki mon fer repetisyon mon ti a kontan anmenn enn de pwen refleksyon.

Mr Speaker mon kontan ki en Lazans pe ganny kree. Me selman mon santi pou dir onivo distrik parfwa nou pa vreman trouv sa mon kapab dir sa lavansman ouswa progre ouswa nou kapab mezir egzakteman ki pe arive.

Mwan mon santi pou dir letan sa Lazans i ganny kree, ki bezwen annan inclusivité dan distrik.

Letan ou pe dir sa se ki sa Lazans i ganny   en nivo santral. Me sa desantralizasyon i vreman enportan, akoz letan nou pe koz kominote. Mwan mon ti a kontan vwar vreman dan en fason tanzib. Rezilta onivo distrik.

Akoz letan mon pran mon distrik Grand Anse Mahé letan mon go back into history, Mr Speaker mon’n absante pou 4an. Me sa ki mon’n vin zwenn bann zenn ki mon ti konnen bann grandi devan mwan, pe lekol. Ozordi i sagrinan pou vwar ki staz e dan ki sityasyon zot in tonm ladan.

E mwan mon ti a kontan lans en lapel avek Vis- Prezidan. Vis-Prezidan i annan en ta travay pe ganny fer onivo Egzekitif. I annan Minister Lafanmir ki’n ganny kree. I annan Sekreter D’eta pou Lapovrete in ganny kree. I annan Sekreter D’eta pour Drog,.

Me mon santi pou dir i demann vreman en gran zefor. lo kote kordinasyon par sa 3 Lazans akoz zot  pe apepre tous menm dimoun e menm target.

E i pou neseser ki (1) i annan en revolisyon, dan lafason ki Gouvernman pe organiz bann striktir.

Akoz si non, parey serten Manm in dir sa rezilta sa espektasyon nou pa vwar li.

Alors mwan mon pe lans en lapel ki enn, sa inclusivité ki nou pe rode i vreman tous distrik.

Akoz i annan en ta travay ki merit ganny fer. E mon pa konnen si nou pou pran en lapros parey   project

Me mon ti ava demande ki sa travay i vreman ganny desantralize ki i tous tou distrik, dan en fason ki nou vwar rezilta. E mon kontan ki sa sant pe al ganny kree.  E i pa zanmen tro tar. Nou bezwen annan sa Sant Reabilitasyon.  E  en sant  modern e mon swete ki en travay pe ganny fer ki bann eksper neseser pe ganny – ki mannyer mon kapab dir rekrite pou kapab travay dan lavenir avek sa nouvo sant.

Mr Speaker lot pwen mon ti a kontan tous lo la se resours. Petet Vis-Prezidan mon ti as met en lot panse devan ou. Se ki eski lefe ki nou bezwen resours eski nou bezwen al fer Eleksyon Konsey Distrik an 2018?  Kot ou pe koz resours, i pa vedir ki mon kont sa eleksyon. E mwan mon pe koz lo resours, e priyorite problenm pou Sesel. Ki nou pe fer fas avek. Eski nou ti a kontan rezourd sa bann kalite problenm drog ek lalkol. Ouswa nou pou al fer en lot Eleksyon kot resours enportan  i neseser.

Mr Speaker avek sa de pwen mon dir ou mersi e mon pou donn mon sipor sa Prozedlwa.  Mersi.

 

MR SPEAKER

Mersi Onorab. Mon a demann bann pa reste bokou pou koze pou sey ankor gard li anba 3 minit.  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mon pou vreman bref.  E mon remersye tou bann Manm ki’n pran laparol bomaten. E sirtou mon remersye Onorab Leader Lopozisyon pou son pozisyon vreman tre kler lo sa size, e son mesaz ki nou tou nou bezwen angaze pa dan kasyet me piblikman.

Mon fer sa remark Mr Speaker akoz mon mazin en meeting ki mon ti fer mon ti prezan dan en meeting piblik Corgat Estate apepre en mwan pase.

E mon ti koz lo sa size drog. E mon ti dir tre kler. E mon ti demann zis en sa dimoun ki ti pe okip son sistenm micro pou met son micro pli for ki i kapab mete. Pou ler mon koze tou dimoun dan Corgat Estate i tande.

E mon ti dir zot ki letan kot bann droger in servi sa landrwa konman zot playground in fini.

E nou pou lager pou nou deal avek sa problenm e pou nou elimin sa problenm otan ki nou kapab.

Mon ti en pti pe dezapwente ki mon sa statement ki mon ti fer, pa ti ganny sipor bann lezot dimoun apre. Ou a krwar mou ti ankor ‘dan en sityasyon kot nou per koz lo drog.

Nou per montre ledwa lo sa fleo.  E pourtan nou bezwen montre ledwa lo sa fleo. Nou pa kapab kasyet.

I difisil i en size vreman difisil. E i annan dimoun in warn mon. mwan mon’n ganny menase, mon’n ganny warn ki mon pou ganny deal avek.

Me vi ki mon konnen ki bann trafiker se zeneralman bann kapon. E si zot pa ti kapon zot ti ava pe fer en louvraz onnet e responsab e respektab. Vi ki mon konnen zot bann kapon ki zis zot koze, mon pa les sa fer mon per e mon dir avek tou bann Manm isi dan Lasanble, e tou dimoun ki pe ekout nou atraver nou pei pou nou pa bezwen per sa bann menas.

Mon krwar sa letan kot sa bann dimoun in fer nou per dan nou  kominote devan nou laport dan nou vilaz dan nou pei, in fini.

E ki se nou ki bezwen fer zot taye prezan. E mwan mon santi ki i annan plizyer dimoun mon’n vwar sa dan mon distrik Mont Fleuri dan Vilaz Corgat Estate i annan bann sitwayen onnet ordiner ki’n deside lev-e e reklanm zot distrik. e zot vwazinaz.

E sa pou mon en keksoz ekstraordiner. E mon krwar ki nou napa drwa les zot tonbe. Nou napa dwa apre ki zot, zot in lev-e e ki nou’n dir zot nou pou siport zot ki nou pa donn zot sa sipor.

Alors parey lezot Manm ki’n koze, byensir i annan serten kestyon serten pwen lo sa nouvo Lalwa ki devan nou. Sirtou ki i ankor en lot lesey. Apre plizyer lesey ki pa’n anmenn bann fri ki nou ti pe ekspekte.

I normal ki annan dimoun i dir eski i vo lapenn nou kontinyen? Eski nou pou ankor fer menm keksoz ankor? Nou ti dir nou pou fer nou pa’n fer. Me mwan mon krwar ki nou pa devret parey mon’n dir nou pa devret abandonn sa lalit akoz i en lalit pa pou nou  en lalit pou nou bann zanfan e nou pei.

Mwan mon’n fer li mon devwar Mr Speaker pou mwan demande ki Komite Bill’s Committee dan Lasanble i ekout mon.. mon ti al mon pa en Manm Bill’s Committee me mon ti ale avek detrwa pozisyon ki mon’n fer dan Bill’s Committee e mon vreman remersye tou bann Manm Bill’s Committee ki zot in pran serten sa bann pwen ki mon’n met  ki mon’n soumet. E sa bann pwen i dan amannman  ki devan nou. E mon krwar ki avek sa bann amannman e avek lezot ki’n ganny propoze i ava fer nou ganny en  pli bon Bill.

Byensir lo son merit zeneral mon ankor enn ki krwar ki i en pe top heavy.

Me selman mon aksepte largiman ki Onorab Georges in met devan.  Konmkwa i neseser ki i top heavy. I neseser ki en Lalwa ki ganny dirize e met an aplikasyon par en group enportan. Bann zofisye piblik e bann responsab politik. Akoz nou bezwen anvoy en mesaz tre kler, ki nou vreman serye lo sa size.

Donk sa i pwen ki mon pare pou mon aksepte mon en pti pe enkyet akoz mon pa v war Vis-Prezidan mon vwar rol  Minister Lasante e son.. e ki mannyer i pe ganny i annan en langazman pozitif pou sa nouvo Lazans ek Minister Lasante mon en pti pe per ki i kapab de domenn ki parfwa pa toultan me parfwa i mars an paralel e sakenn i fer en pti pe pou li .

So  mon pou annan enn de kestyon pli tar lo size responsabilite e pou nou gete si vreman napa okenn  konfli ki egziste ankor apre sa bann lamannman. Me selman mon ava rezerv sa pou deba dan Komite. Mon ti a kontan o moman ki mon ki mon donn mon sipor lo merit zeneral lo sa Bill fer de pti remark an konklizyon.

Mon ti a kontan dir avek partaz avek Onorab Gervais Henrie. Ki ler i ti dir pli boner ki lalkol i vizib. Me drog i kasyet dan trou. Mon ti a kontan dir li ki i nepli leka. In  nepli  leka se sa ki fer mon vreman enkyet.

Lontan bann droger e bann trafiker ti taye ler zot ti vwar Gard. Konmela zot pa taye. Zot lanmenm la ater zot pike devan gard zot fimen devan gard.

E sa pou mwan i vreman enkyetan. Akoz i nou retrouv nou dan en sityasyon kot sa pratik – sa move pratik in vin en pratik normal. En pratik kiltirel pres ou ava dir.

Mon ti Corgat Estate Vandredi pase avek DA pe regard en pe bann proze ki nou annan. E i annan dimoun i dir avek ou vin tir mon portre ler mon pe pike ou a donn mon pti larzan selman.

Konmsi ou mazinen pou dir be si sa bann dimoun pa per Lotorite be lekel ki zot pou per? Donk vreman nou ariv tre lwen dan sa problenm. E nou pa pou kapab permet nou bann sitwayen pou kontinyen soufer parey zot pe soufer.

E mon bann koleg zot ki par direkteman enplike oubyen ki zot sa problenm dan zot distrik i pa osi normal osi alarman. Mon ti a kontan partaz avek zot soufrans bann zabitan ki ganny enpakte par sa problenm.

Taler i annan en dimoun ki dir ler sa bann pti transpor i monte Onorab Bernard Georges i dir. Ler sa bann pti I10 sa bann pti Picanto i monte. Full blas lanmizik.

Sa ki vin rod son drog

Sa ki vin anmenn son drog zot konport zot konmsi zot dan zot lari.  Zot pa respekte personn. Zot park kot zot anvi, zot zwe zot lanmizik kot zot anvi, minwi diswar, 4er bomaten zot napa respe pou personn. E bann dimoun aze e bann sitwayen onnet e ordiner i vreman ganny ase avek sa bann zoure. I pa posib nou pa pou kapab kontinyen nou viv parey nou dir en dimoun i dir pli boner nou, nou viv dan nou miray. Me selman nou fer konmsi nou pa tande kwa ki pe pase deryer i annan en kantite e problenm ki pe pase deryer miray. E nou bezwen enn fwa pour tou met en fren avek sa.

Mr Speaker dernyen fwa ki mon ti ganny sans e sanz de parol avek Prezidan Larepiblik mon ti dir li ki nou rev nou isi i lo sa kote latab se ki nou kapab en zour dan sa pei annan serten domenn kot nou annan full konsansis.

Parey Leader Lopozisyon i dir kot nou’n pran politik nou’n zet deryer Ste Anne kot nou tonm dakor dan sa domenn la i la ki nou devret fer.

Mon krwar sa i en domenn. I annan lezot domenn, domenn parey sa zafer etranzer kapab tonm dakor lo la. Annou lager lo ki kalite Polisi ledikasyon nou pou fer ki kalite devlopman nou pou fer dan lasante. Nou ava argimant lo tousala.

Me selman lo sa kestyon drog mwan mon krwar ki nou pa devret argimante, me nou .devret aksepte pou nou travay ansanm pou nou pei. Kot nou annan en konsansis kot nou al dan sel direksyon lo la.  E ki nou tou nou met sa bann trafiker anba kontrol.

Parey Leader Lopozisyon in dir, si ou siport mon ou vann drog mon pa bezwen ou sipor. Mon pa bezwen ou sipor.

E se sa en mesaz ki nou bezwen tande en kantite.

E nou pa devret mon bann koleg sanz sa mesaz ler Eleksyon i vini. .Nou pa devret sanz sa mesaz. Annou lager lo lezot keksoz. Annou disagree lo lezot keksoz. Lo sa enn mwan mon pe met lo rikord ozordi, ki mon pe lans sa lapel ki mon  pa ti a kontan vwar okenn sanzman ant sa ki nou pe dir ozordi e sa ki nou pou  dir avan lot Eleksyon. Fodre menm langaz i kontinyen ganny koze.

Fodre pa ki sa ban sibstans e sa bann dimoun ki anmenn sa sibstans ler in ariv eleksyon nou annan en lot kalite latitid vizavi zot. Si nou fer sa nou pou reisi e mon konnen ki nou kapab reisi, akoz tou sa ki nou fer dan sa pei ler nou’n fer li ansanm nou’n reisi. E sa se en landrwa kot  nou kapab fer li ansanm e mon krwar nou kapab reisi.  Mersi Mr Speaker.

 

MR SPEAKER

Mersi Onorab.  Midi in sonnen i reste 3 entervenan mon ti a kontan demann zot pou gard zot entervansyon kout avan anba 3 minit avan mon demann Minis pou konklir lo merit sa Bill.  Onorab Gill. Onorab Simon Gill. 3 minit par anba 3 minit silvouple.

 

HON SIMON GILL

Bonn apre midi Mr Speaker. Mersi pou laparol. Minis avek ou team bonn apre midi. E tou manm piblik ki pe ekout nou bonn apre midi.

Mr Speaker mon oule konmanse par dir ki sa Prozedlwa ki devan nou Lasanble ozordi dan son profon i, reprezant en mesaz lespwar.

I en mesaz lespwar pou Sesel. I en lespwar pou nou bann zanfan. I en mesaz lespwar pou fitir Sesel. En mesaz lespwar pou ki Sesel i kapab epanouir devlope dan trankilite eksplor tou potansyel imen ki nou annan dan nou pou popilasyon. Pou ki sakenn de nou zonm fanm i kapab kontribye pozitivman anver devlopman nou pei nou Patri Sesel.

Konman 2ewnm pwen mon ava dir enn mon koleg isi ki mon annan en gran respe pou li Onorab Prea. Onorab Prea ‘’Never give up!   Pa zanmen les tonbe!’’ Debout annou nou  tou, inanimman san okenn rezerv vot pou sa

Prozedlwa pou ki nou tou ansanm nou anvoy en mesaz en sel mesaz la deor pou tou sa bann dimoun ki enplike direkteman e ki pe anpwazonn nou zanfan, ki pe anpes  nou zanfan devlop zot potansyel.  Sa potansyel ki nou bezwen akoz Sesel i bezwen tou son zanfan.

3enm pwen Mr Speaker. Sesel avek problenm drog, problenm labi sibstans, in ganny met otaz.  Ler en pei – ler pep en nasyon i ganny met otaz. I annan bann mezir ki Leadership i pran.

I annan bann mezir ki bann lenstitisyon i bezwen pran. E petet mon a demann leskiz si sa mo pa al tro byen, me mon oule tante pou dir apre ki nou’n  fini pas sa Prozedlwa nou deklar en Leta Dirzans.

Pou ki atraver sa Leta Dirzans nou pei i sorti dan state of hostage. E sa Leta Dirzans i ava  ede enn fwa pou tou. Pou deal avek sa ki annan pou deal avek. San leksepsyon.

Mon pe koz avek sa ton akoz pou mon sa zafer  drog – labi sibstans i serye.

 

MR SPEAKER

Onorab ou ton i bon. I reste ou 2 minit.

 

HON SIMON GILL

Nou pa kapab les nou pei ganny met otaz. E reste dan en leta otaz. Nou pa kapab.

E ozordi ler monn ekout lentervansyon  tou bann ki’n koze avan mwan, espesyalman Onorab Leader Lopozisyon ki mon oule atraver ou Mr Speaker, anvoy en felisitasyon spesyal pou li.  Pou kontenir son lentervansyon.

E mon krwar sa mesaz i rezonnen dan Sesel. E mon krwar i en mesaz ki merite. E i en mesaz ki antre byen dan sa leta koabitasyon ki nou’n antre ladan.

E i en mesaz ki san okenn konvokasyon ki Seselwa i bezwen deside enn fwa pou tou, nou tou ansanm deklar en lager – en batay san frontyer, pou nou kapab elimin  bann problenm drog spesyalman dan nou pei. E par konsekans elimin bann problenm labi sibstans dan Sesel.

 

MR SPEAKER

Round-up Onorab.

 

HON SIMON GILL

Yes mon pou round-up Mr Speaker pou dir avek Vis Prezidan e avek SS Herminie ki mon sipor i 500 poursan deryer zot.  Mersi bokou.

 

MR SPEAKER

Mersi Onorab. Avan dernyen speaker Onorab Aglae.

 

HON EGBERT AGLAE

Mersi Mr Speaker. Mon a dir bonn apre midi VP avek ou lekip. Mr Speaker mon oule konmans mon lentervansyon lo sa Bill. E mon pou donn osi 500 poursan sipor lo sa Bill. I annan sa dikton ki dir ou si ou pe fer menm keksoz pou lazournen repetitivman ou pa ekspekte ganny diferan rezilta.

E tou sa ki konmans en lager pou .en koz nob se pa li ki benefisye a lafen i bann ki swiv apre. Mr Speaker konmans mon lentervansyon – koumsa pou fer nou reflesir lo serten keksoz. I annan bokou ki’n dir dan sa Lasanble la bomaten. E bokou sipor pre ganny donn E, en keksoz en  konponan enportan dans sa lalit se ‘en Bidze. I annan ki’n koz lo taxpayers money ki’n, dir, ‘’Akoz pa ganny servi dan diferan keksoz?’’

Me .si ozordi dan Sesel nou pli gro problenm ki nou annan i annan 2 problenm mazer se lozman avek problenm adiksyon. Me selman ler ou pe get Bidze Nasyonal pli gro Bidze se Minister Lasante ki pe gannyen. E sa i fer ou annan serten refleksyon an term nou Bidze. Mr Speaker pou sa Lazans kapab fonksyonnen i pou bezwen li en Bidze. En Bidze en lenvestisman ki pou al plis  ki 10an 15an.

Mon dir sa akoz menm si i taxpayers money. Nou ti kapab pran sa larzan met li, nou annan problenm lagrikiltir. Nou annan bann problenm ek peser, nou annan problenm ice nou ti kapab fer sa.

Me selman konman en sosyete menm si ou pou’n envestir sa dan 5an – sa bann lenfrastriktir si nou sosyete pe ganny pouri avek drog

lekel ki pou la pou servi sa bann lenfrastriktir.?

Nou bezwen sonny sa sosyete sa  popilasyon ki pe monte. Se sa ki sa Lazans sa Bill pe anmennen pou donn sa lespwar pou nou kapab sonny sa sours sosyete ki pe malad avek drog.

Mr Speaker toulezour bann Lazans pe depanse. Welfare pe bezwen depanse pou kapab soutenir sa fanmir ki’n ganny afekte akoz sa bann droger pa pe travay.

Nou annan bann progranm reabilitasyon ki toulezour menm si nou pe rod plas. I annan plis ki 500 lo en lalis fanmir e i ankor pe espere i pe kout Gouvernman larzan i pe kout parey Onorab Ramkalawan in fer sorti mil Dolar. Mil Dolar pa en pti gin larzan. Tousala pe kout Gouvernman en kantite.

Mr Speaker mon oule koz lo bann lenstitisyon ki pou neseser. Petet Vis-Prezidan dan son ladres ti a tous en pe ladan. Kot nou konsyan nou pa bezwen nou pa pou kapab annan zis en lenstitisyon.

Nou annan problenm adikt. Nou annan problenm lalkol, nou annan problenm labi ki pe relye avek lalkol. Annou mazinen osi bann paran ki pe souf[er. Zot osi. Zot bezwen serten reabilitasyon siko lozik. Apre ki zot in pas an traver sa bann tromatizasyon. Zot in soufer zot zanfan in fer zot soufer. Sa osi nou bezwen konstate nou bezwen aport en soutyen anba sa Lazans pou ganny kree.

Nou mazin osi bann serten sex workers ki pe ganny ki bezwen fer bann trafik sex pou kapab tir zot adiksyon. Tousala i bann keksoz ki sa Lazans ki pe anmennen lespwar mon swete ki i en nouvo fason fer ki nou pe al dan ladan mon konnen e mon konvenki ki si nou tou nou avoué pou donn nou sipor 100 poursan, san lenterferans politik parey in ganny dir san lenterferans dalon ki sponsored nou ouswa ki donn nou isi ki donn nou laba nou kapab arive konbat sa largiman.

E Mr Speaker ozordi mon salye tou bann ki’n vin devan e mon kontinyen pou lans en lapel akoz mon konnen i annan dimoun ki’n vin devan pou donn zot sipor me selman zot pa pe ganny ekoute.

Nou’n koz lo Cold Turkey. Mon konn en madanm ki’n fer plis ki 25an L’Angleterre ki pare pou donn son sipor me selman nou bezwen servi sa bann lekspertiz parey pou nou met tou mayon ansanm pou kapab lalit kont sa fleo.

Mr Speaker mon pou donn mon sipor parey mon’n dir 100 poursan, akoz mon oule ki mon pti zanfan demen e ayer pti zanfan i vin en adiksyon, i vin en problenm sosyal pou lasosyete.  Mersi.

 

MR SPEAKER

Mersi Onorab. Vis-Prezidan konmsi ti annan 2 dimoun ki mon krwar lo mon lalis mon ti’n manke mon a les zot koze, me pou vi zot koz pou 2 minit oubyen 3 pa plis. Avan nou donn dernyen laparol Onorab Pillay ki ti demann pou koze. Onorab Ghislain. Mon rekonnet ki ou ti’n demande mon pa’n met ou non.

 

HON CHANTAL GHISLAIN

Mersi Mr Speaker. Bonzour tou dimoun. Mr Speaker le 8 Mars 2017 mon rapel byen menm ti selebrasyon bann zournen bann madanm ler Onorab Bernard Georges ti prezant son Mosyon devan Lasanble, pou ki Gouvernman i etablir en taskforce  pou konbat sa fleo drog.

Mon rapel sa zour ti annan bokou bann speech ki ti emosyonnel ti tous en kantite Seselwa. E mon   ti osi fer diskour sa zour mon.

E dan mon konklizyon mon ti demann en seri kestyon. Par egzanp mon ti demande par egzanp ki nou pou fer aprezan. Ki nou pou fer dan sosyete ki kontinyen stigmatiz zot bann adikt?

Ki nou fer la ki nou  bann prizon in deza deborde, e taxpayers money pe ale parey delo dan dalo? Ler nou pe depans 2 milyon pou lager kont trafik drog, me menm annou bann kominote pa an sekirite.

E mon demann final sete pou nou mazin nou bann zonm ki enpotan ozordi.   Anfen mazin osi bann zanfan ki zot paran ti lo drog. E ozordi le 01 Out 2017 5 mwan pli tar devan nou Lasanble, set en Mosyon pou kree en Lazans pou Prevansyon Labi, Drog ek Reabilitasyon. Konman en manman – en tantin ki annan 5 neve ki ozordi pri dan sa kosmar e konman en zanmi ki’n netwayaz soufrans detrwa zenn garson ki’n perdi zot lavi. E temwanny soufrans e larm detrwa lezot manman, ozordi mon santi mon soulaze.

Mr Speaker a sak fwa ki sa size drog i monte isi dan sa Lasanble i fer mon mazin sak bann rankont ki en manman i rakont ou zot soufrans ki zot pas atraver akoz zot garson sirtou i lo drog.

Bann soufrans ki bann nouvo viktim sa lepidemi ki nou apel adiksyon ozordi. 4 mil Mr Speaker. 4 mil zenn ki zot lavenir in brize ozordi. 4 mil manman pe pler zot zenn garson ouswa zenn fiy. Ozordi 4 mil manman pe mars avek lanmen lo latet pe sey demande kot zot in al mal. 4 mil fanmir pe ozordi pe fer fas avek soufrans enn zot pros ki’n pri dan sa latrap. Pourtan zis an 2011 apre en survey ki Minister Lasante ti’n fer rezilta ti vwar ki ti annan 1100  zenn ki ti pe pik eroin dan lavenn. E sa ti plas Sesel 2enm lo lalis UNODC apre kazakstan e L’Etat Unie ki ti 3enm.

E ozordi 2017 Mr Speaker in estimen ki annan 4000 zenn ki lo drog eroin. Ki fer Sesel mon asire mont premye.

Dan 4 mil zis 70 ki pe swiv en progranm reabilitasyon ek tretman. 30 ki lo tretman rezidansyel Praslin. E sa sant i pran 35 pasyan  selman. E la i annan zis 30.

Apre an se moman i annan dapre resers ki mon’n fer zot annan zis 2 Counsellors. Zis 9 Peer Educators, 2 Psikolog, selman 2 Dokter, 4 Custodians,4 Nurses, e 10 Zofisye Sekirite.

Apre en lot group adikt en karantenn zot. Zot, zot pe swivre reabilitasyon lo nivo kominoter. Mon aprann i annan dan rezyon Pointe Laue, rezyon Nor e osi rezyon santral.

Plis ki 500 zenn 550 zenn adikt eroin i lo progranm Lesanz Sereng.

E anviron 600 pe espere pou rantre dan en progranm reabilitasyon. Mr Speaker sa bann sif i fer per me ozordi mon’n ganny en kantite lespwar.

Bokou nou ozordi nou kapab santi nou sanse. Ki sa drog pa ankor tous nou zanfan. Mon osi monn santi mwan sanse. Mon annan en garson i pa ankor tous li. Mon santi mon sanse. Me i pa vedir ki i pa pou ariv.

Mr Speaker napa enn nou la antren nou ki pa’n vwar dezapwentman sa bann paran bann zanfan.

Me selman mon zis demande ki Bondye i donn nou kouraz pou sanze.  Kouraz pou nou aret koze e fer aksyon. Kouraz pou annan volonte politik pou keksoz pou sa anviron 4000 mil zenn ki’n pri.

Annou vin lipye pou sa bann zenn. Nou konman bann Leaders annou ozordi vin lipye pou .sa bann zenn pou nou marse pou zot.  Mersi Mr Speaker.

 

MR SPEAKER

Mersi Onorab. Avan dernyen speaker mon krwar ou ava fer parey Onorab Ghislain ou a gard zis 3 minit. Onorab Pillay.

 

HON SEBASTIEN PILLAY

Mersi Mr Speaker. Wi Mr Speaker mon pou tre bref. Nou’n koz en kantite dan Lasanble nou’n fer sorti plizyer pwen e nou’n kler ki drog i pa konsern okenn baryer ki ou LDS ki ou Parti Lepep drog pou pran ou pou pran ou zanfan si i ganny sans.

Me selman i annan en keksoz ki’n arive la en nouvo devlopman ki pe arive li sa nouvo devlopman prezan li i pe vin target nou zanfan dan en fason pli pros pou li.

Nou tou ki la ki annan zanfan nou konnen pou dir nou zanfan i sosyalize. E zot a zwenn kanmarad dan bann groupman dan bann parti dan bann fonksyon.

E la i annan en nouvo drog li i en legal high  i en synthetic drug.  E dan pe fer resers mon’n vwar pou dir la resaman Australie li in fer li i ‘ban’ li annefe. In rod en fason in barn li akoz i danzere e pou konn ki kalite sibstans ki ladan.

E pou fer li pli danzere ankor, i onn li bann non par egzanp ‘pineapple express,’ enn i apel ‘K2’ enn i apel ‘chronic ‘mon’n vwar la zisteman.

E sa ou pou vwar ou zanfan en zour, enn antre zot i kapab mon fiy i kapab garson Onorab Afif dan en fonksyon en zanmi i dir li be sa ou kapab servi sa i pa ilegal sa i bon sa. Pa’n ban isi sa. I servi i ganny en legal high i bon i kontinyen.

E prezan ki’n arive prezan bann trafiker prezan i konmans zwe avek sa pou zot bypass bann Lalwa ki’n defini ki bann kontenir sa bann drog.

E sa drog i pe fer ravaz dan nou losean endyen. Annefe la Maurice la i pe fer en kantite problenm.  E  in konmans ariv Sesel. E son lenpak i pou annan?

So Mr Speaker nou’n koz en kantite. Prezan mon ava espekte pou dir VP – Egzekitiv avek zot lekip i ava met an plas bann mezir pou zot premyerman enn imedyatman amann Lalwa ki ava fer ki nou konmans regard sa bann sibstans.

Dezyenmman; rod fason pou tackle sitasyon  sa bann paran ki annan en zanfan 2 zanfan. Yer en manman in call mon i dir mon i annan 2 zanfan lo drog i sey anvoy son zanfan pou tretman pa’n kapab ale akoz zot ti dir li in al 3 fwa 2 fwa i napa sans pou li al ankor e li i abwi i nepli konnen ki pou fer. Enn bann propozisyon i dir be akoz napa en landrwa pou li konman en paran ki pe soufer pou li kapab resourse, pou li kapab al refer son lekor?

So se sa problenm ki nou annan kot in ler pou nou pas sa aksyon. E i enportan ki prezan Gouvernman in met an plas bann mezir ki kapab tackle sa sityasyon.

E mon dernyen pwen Mr Speaker se pou SBC. Ozordi nou annan nou en gran deba dan Lasanble ki’n koz lo diferan size dan diferan fason.

E menm bann medya e   mon krwar Onorab Henrie i kapab ed nou akoz mon konnen poudir en zournalis par profesyon. Kot nou bezwen fer sir ki pou dir sa mesaz ki nou pe anvoye an tandem ansanm i ganny pase e i kontinyen ganny pase nou kontinyen reviv li. I enportan sa. Akoz si nou pa fer li koumsa  demen apredmen lot size i monte. Sa ki nou’n diskite ozordi pou napa relevans.

Sa Bill i sitan revolisyoner  Mr Speaker akoz mwan mon’n fer en depar lo en pwen ki mon’n toultan koz lo la.

E sa se lenterferans pa lenterferans me partisipasyon Lasanble Lezislatif dan sa ki Egzekitiv i fer.

E dan sa Lalwa i annan provizyon ki 2 Manm Lasanble i lo sa Board.

E sa size i sitan enportan ki si nou pa anmenn tou dimoun ansanm nou pou vwar nou dan sityasyon zisteman parey en Manm in dir pli grav ki sa ki servi drog i vin en kiltir i vin en norm dan nou bann kominote.

Alors mes amis mon’n dir zot pou dir nou’n koz bokou. Prezan nou a vwar ki Gouvernman i vin avek e nou egzize nou pou la pou veye ki sa bann plan i ganny kontinyen i ganny swivi ki nou kapab ariv abou avek sa problenm.  Mersi Mr Speaker.

 

MR SPEAKER

En pen enteresan mon sir ki VP in note ki koz lo bann paran ki pe soufer. Ki mannyer zot kapab ganny asiste. Avan mon demann VP pou konklir. E avan nou pran en vot mon a les Onorab LGB Onorab De Commarmond pou fer dernyen lentervansyon apre nou a donn laparol Vis-Prezidan Meriton.

 

HON CHARLES DE COMMARMOND

Mersi Mr Speaker. Mr Speaker mon pou tre bref mon krwar kantite in ganny dir lo sa Bill Prozedlwa ki devan nou. Me i enportan ki osi mon fer mon pti kontribisyon. Bomaten Mr Speaker mon sorti dan distrik Cascade spesifikman Vilaz St Andre avek Minis Bastienne pou nou gete ki amelyorasyon in ganny fer. Depi dernyen vizit ki zot in fer swivan zisteman bann problenm ki drog i anmennen dan sa kominote. E nou vwar pou dir pe annan serten progre.

Sa dan li menm konmans donn nou en pti hope – en pti lespwar.

Me avek sa ki annan devan nou pli gro lespwar i ava la. Nou’n vwar pou dir kantite konsiltasyon ki’n ganny fer avan sa Prozedlwa i met devan nou. Tou bann dimoun i ganny konsilte tou bann stakeholders savedir depi bann dimoun ki’n ki pe servi drog pou bann viktim. Depi bann ki pe ganny afekte, bann paran, bann lezot lenstans osi bann lezot lenstitisyon osi in ganny konsilte. Dan sa parkour pou anmenn sa Prozedlwa devan nou. Nou vwar pou dir dan serten sirkonstans oparavan in annan keksoz ki pa’n marse.

E sa ki pa’n marse nou kit laba. Mr Speaker ler mon get ou,   ou laz ki ou ete la ou ankor pe travay. E ler ou ti le ou personn pa’n met mil roupi lo ou kont labank. Sepa si ti ou annan en kont  a sa letan.

Mr Speaker ozordi dan nou sosyete letan en zanfan in ne Gouvernman met mil roupi  lo sonn kont. Letan i grandi i al dan Lakres si i pa kapab peye Gouvernman i vini i donn lanmen peye.

I ale dan Daycare, Primer, Segonder dan tou son parkour lekol Gouvernman i depanse ek li.

E tou sa depans ki vini i vin taxpayers money tou bann dimoun ki travay ki kontribye ver ledikasyon sa zanfan. E sa zanfan i fini. E ou krwar letan in fini lekol alor i retourn dan sosyete pou li vin travay pou kree son pansyon pou li menm demen. E pou kapab ed lasosyete pou kontinyen pou annan sa kontinyasyon pou ki son frer ek son pti ser i kapab osi kontinyen lekol, me ou pa vwar sa ou vwar ki sa zenn garson sa zenn fiy i al dan   drog e fini. Drog oubyen lalkol e i fini son parkour.

E letan in antre ladan e ki i vin en adikt e la nou depanse avek sereng pou li i ganny Hepatitis nou bezwen depanse pou fer li byen. I pa kapab travay nou bezwen rod pansyon, nou bezwen rod welfare pou donn li. E si ou pa donn li problenm

E an menm tan i oule ki i ganny en pansyon modern. E pa koz lo li pou dir ou fer konmsi pou fer monte laz pansyon akoz zisteman i pa pe travay. I dir ou non i mal pa kapab fer monte laz pansyon e la osi i vin en problenm.

E sa parkour i fini avek son lanmor. Gouvernman i bezwen pey ankor pou anter li. Oli moman dan sa ki mon’n rakonte la vitman kot sa dimoun  in annan en letan pou li pay back to society?

Kan in kapab li kontribye a son tour dan sosyete? Eski nou pou les drog detri nou to that extent? E ki nou sosyete i pou fini. Sa ki pou arive si i kontinyen koumsa.

Mr Speaker nou, nou vwar pou dir dan sa lalit kont drog i annan lezot lenstans ki Gouvernman in met devan. Mon annan depi son NDEA son Lapolis, son Custom son FIU tousala ou nonm zis serten.

Me ki nou vwar?   En kantite sa bann lenstans pa pe zwe zot rol byen zot pa pe desarz sa responsabilite byen. E i annan pou lipokrizi ladan mon dir.

Bokou dimoun i konnen kote drog lekel ki fer vini. Me par kont sa pti boug lo sa pti moter, li ki napa larzan li ki pa’n travay selman i annan en moter e ou ti tyonbo li ek sa drog e ou met li anndan. E li i dan prizon li. E son fanmir i soufer deryer ankor.

E letan i laba dan prizon gro biznes drog i kontinyen marse dan prizon. Me konmsi nou pa nou konnen nou kote sa problenm i ete? Be nou pa fer nanryen. Ale sey al dir ek FIU pou dir la ou konnen i annan entel ki pa’n zanmen travay me li annan li 3,4, 5, 6, biznes ,detrwa bato lapes, i annan li detrwa propriyete.

Sey al get ladan me FIU i pa pe get ladan li. FIU li ki fer li i sezi larzan bann investors. I anpes keksoz bouze dan pei. E la nou vwar pou dir i fer ou malis, i fer ou malis, i fer ou malis ziska  ler ou dekouraze ou ale.

Sey al dir  FIU Mr Speaker … 

 

 

MR SPEAKER

Order silvouple LGB pe koze

 

HON CHARLES DE COMMARMOND

….poudir i annan en boug dan Sesel la ki pe deal dan drog ki pe deal dan drog, e pran son lazan i anvoy deor kot  enn son manm fanmir ki probableman i zis en nennenn ouswa i pa pe travay en gran travay laba deor. E ki sa dimoun i fer retourn sa larzan lo kont sa dimoun isi Mahé e sey get ladan sey al dir FIU sa ou. Ou a fouti Mr Speaker. I pa pe gete.

Me FIU i ava ekout ou telefonn; i ava isi; i ava laba i ava fer tou sa kalite ensinifyan ki pou soz.

E nou, nou pe dir sa kalite sityasyon e ki atraver bann keksoz ki’n pase nou’n vwar nou’n konpran petet i fer ki nou pa pou kapab kontinyen avek sa sityasyon. E nou pe dir vin donn koudmen. Ou bezwen vin pli pro active e u bezwen montre nou  ki pe arive larzan taxpayers ki nou pe donn ou. E nou vwar dan raport. Raport ki nou annan devan nou ki nou pe al diskite demen nou pou vwar ankor kote dan sa bann lenstans FIU i annan mismanagement of fund –  mon pa pou al dan detay sa.

Me ankor sa nou, nou pe dir ki i bezwen annan en improvement si non nou pa pou kapab al lwen avek sa ki nou pe propoze.

Nou’n vwar osi poudir bann viktim i zot ki konmsi ki fer plis lapenn, akoz vreman parfwa bann zenn dimoun atraver peer pressure bann zenn ki menm dan lekol, i ganny servi dan sa parkour drog.   E la aprezan ni en lavenir pou travay ni en lavenir pou ranplas ou Mr Speaker, ni en lavenir pou nou kapab ganny en Pret – en Relizyez tousala fouti.

Nou pa pou gannyen bann  bon teachers parey mwan ek ou. Nou pa pou gannyen bann bon sarpantye bann bon mason ensidswit, si sa zafer i kontinyen.

E nou, nou pe dir enough is enough. E se rezon ki sa Prozedlwa i devan nou. Sa Prozedlwa prezan tou sa bann lenstans i bezwen tonm anba en parasol. E i enportan sa zafer top heavy mwan mon krwar ki i enportan ki i koumsa. I enportan ki sa bann gran dimoun anler la ki pou pa anvoy en pti dimoun en Direkter oubyen enn pli ba. Ki ler i vin meeting apre i pa kapab pran desizyon.

Zisteman se sa bann dimoun ki kapab pran desizyon ki pou dan sa striktir  la ki pou permet zot vitman pran desizyon.

Custom pa pou kapab kontinyen les pase sa keksoz ki ou konnen i ladan. Savedir la ou a bezwen sa PS pou sepa lekel i a bezwen deal avek sa sityasyon e fer ki alor sa kestyon drog son vre dimoun ki merit ganny tyonbo, i a ganny tyonbo. Savedir son enportater avek son gro dealer! Sa bann dimoun ki bezwen ganny tyonbo.

So dan parkour nou pe demande alor. Dan sa nouvo lespri dan sa nouvo vizyon ki nou demande ki tou sa bann lenstans i travay ek kanmarad i fer ki zot donn en koudmen pou kapab tir nou pei dan sa fleo ki été ladan. Sa difikilte ki nou ladan. E pou fer ki nou ava annan en pli gran lespwar pou nou dimoun.

Mr Speaker pou fini, i enportan ki mon dir ki sa lelan ki nou pran la, sa determinasyon ki nou Lasanble pe pran, i menm determinasyon ki Gouvernman ek tou son lenstans, i devret pe lager sa lager.

Nou pa kapab les sirtou kote lazistis, ler ou’n ganny en gro dealer nek i sape ouswa sou pa pe kapab kondann li apropriyeman. La nou pe demande ki tou dimoun i fer pli byen e i deliver pli byen lo bann travay ki annan devan zot.

Mr Speaker sa Prozedlwa nou bezwen siporte. E mon kontan nou pou ganny ozordi sipor tou Manm Lasanble Nasyonal pou nou kapab lager avek sa lager, ansanm. Pou nou sov bann viktim pou annan plis prevansyon plis ledikasyon pou nou pei pa tonm ladan. E pou ki nou pei i kapab konmsi annan en lavenir pli briyan – en lavenir kot vreman sa ki nou paran, nou gran paran in met nou kot direksyon ki’n met nou konmsi letan nou’n ne nou dir be pa ti pou koumsa ki nou zanfan osi pa tonm dan sa problenm ki devan nou ozordi. Ki ava annan en hope – en lavenir briyan pou nou pei.

Mr Speaker ou vwar si nou kapab reisi avek sa lalit kont drog. Ozordi nou pe koz bann atlet. Pa kapab annan plis meday lor. Ozordi nou pe koz bann fanmir pli prospere, bann fanmir ki pli happy  – bann fanmir pli eze? Ou a kapab gannyen, ou a kapab gannyen si sa zafer drog nou met li anba latab. Nou met li si oule dir lo tapi. Nou deal avek li apropriyeman nou tou ansanm e mwan mon ensiste sa lager i bezwen lager antoure i bezwen lager sosyete, en lager ki nou bezwen dir nou pou reisi e nou fer sir ki nou reisi.  Mersi bokou Mr Speaker.

 

MR SPEAKER

Mersi Onorab De Commarmond Leader  of Government Business. Vis-Prezidan tou Manm Lasanble ou delegasyon i 1er mwen 20. E avan nou pran en desizyon mon ti a kontan parey labitid nou vwar si nou kontinyen oubyen nou pran en Break mon pwen neseser Dokter Herminie i la i riske dir nou i bon pou nou met keksoz lo nou lestoman avan nou kontinyen.

Me parey labitid I will listen ki tou sa ki mazorite i anvi. Eski nou ava arete oubyen nou anvi kontinyen les Vis- Prezidan konklir apre nou pran en vot? Is that what you want?

        Vis-Prezidan laparol i pou ou, pou konklir ou’n tann bokou parol. Prezant ou konklizyon apre nou a pran en vot lo merit sa Bill.

 

VICE-PRESIDENT MR  VINCENT MERITON

Mersi Mr Speaker. Mr Speaker premyerman mon vin fer sorti en keksoz byen kler. Ki SPUP, SPPF, ek Parti Lepep son pozisyon in toultan kler kot i konsern drog. Nou kont.

Yer, ozordi avek demen nou pa oule larzan drog, nou pa oule larzan sponsorship sorti dan drog.

Mr Speaker 2enm keksoz. i byen mon oule vol parol Onorab Ferrari – in ariv en moman ki nou kapab ansanm tir divizyon politik, met de kote e vot pou ou en keksoz a en sel lavwa se gete ki mannyer nou pou al de-lavan.

Mr Speaker problenm drog i konpleks. I si mon pa tronpe i enn bann lendistri ilegal ki pli profitab, ki pli lucrative. Ansanm avek vann zarm, eksetera.

I konplike i konpleks get Philippine ki zot…i fer. I touy dimoun. Thailand i annan penn de mor. Taler i annan en dimoun in dir vid bennzin brile. Ou vwar mannyer i difisil?

E lapros ki nou, nou pe pran se gete ki mannyer ansanm en pei en sosyete atraver bann striktir ki nou a tonm dakor met lo latab e fer li arive. Fer li marse.

Me  nou bezwen osi konpran sa travay ki nou pe al antre ladan. Dan en konteks ki osi konplike lo nivo lokal. Ki bann  border  control ki nou annan. Lo Airport ek lo Por.

Apre nou annan nou 1 pwen 4 milyon kilo met kare losean ki en border ki pa neseser man toultan annan gard pou veye. Nou konpleksite.

Pou sa Lalwa marse fodre lezot Lalwa. E lezot Lazans parey zot in dir i fer zot travay i swiv zot Lalwa e enplimant zot Lalwa ã la lettre.

Tou bann lezot zofisye ki taler bann serten kritik ki’n ganny met lo la, met atraver nou bezwen kapab gete montre nou lwayote anver travay ki nou pe fer pou byennet nou zanfan e pou fitir nou pei.

Mr Speaker mon a pas an revi vitman bann Onorab ki’n koze. Onorab Georges in koz ki Gouvernman in reponn sa Mosyon ki ti pase an Mars. Mersi Onorab Georges. Mersi LDS pou zwenn sa lalit ki pei ti pe anmennen kont drog. Mersi pou ou ouvertman e fer byen kler e for ki zot pe zwenn nou, pou nou kapab deklare ki Sa letan in fini enough is enough nou bezwen kapab lager ansanm konman en sel Lasanble Nasyonal konman en pei dan lentere nou fitir e nou zanfan.

E mon dakor avek Onorab Georges ler i dir ki drog si nou pa deal avek li, i en fleo ki pe ronz nou pei. I pe ronz tou sa progre ekonomik sosyal lanvironnman kiltirel ki nou’n fer.   I menas tou sa zoli travay ki nou bann zanfan Liniversite, nou bann sportsmen e tou nou bann artis pe akonpli lo nivo lokal. Oubyen lo nivo Enternasyonal. I en lager antoure en lager asarnen ki nou tou nou devret kontinyen e par en sa okenn zefor, me pou nou kapab fer keksoz meyer ki nou ti zwenn sa later e nou kit  li dan en meyer fason pou nou kapab annan prosperite.

Kordinasyon i en keksoz ki enportan e tou dimoun in met lanfaz lo la. Rol ki Legliz in zwe in ganny met lanfaz lo la. Legliz i servi son pipit tou le semenn, Sanmdi Dimans e bann ki al dan kominote i kontinyen pres lo ki mannyer nou devret viv byen.

E ler ou viv byen ou pa anzard ou avek drog ou pa anzard ou ek move frekantasyon. Mon kwa se sa mesaz ki’n pas lo la. E se sa mesaz ki mon osi dan mon wrapping-up mon ti a kontan koz lo la.

Nou’n koz lo progranm Cold Turkey. I en keksoz ki konplike e en keksoz ki difisil. Onorab Prea osi in koz lo la.  I enn parmi 3 metod ki nou servi pou tretman.

Premye metod se methadone, 2enm se symptomatic, e 3enm se Cold Turkey. Premye ou al lo methadone pou kapab gradyelman sorti lo la. Dezyenmman ou al symptomatic kot ou tret sa bann sentonm ki ou gannyen. E trwazyenmman  kit ou parey ou ete. Ou a roule ou a pise ater, ou a sekwe ou a tranble apre ou a sorti ladan, me i difisil.  Si nou oule fer li dan en lankadreman  en progranm, ou bezwen fer sir ki ou annan tou sa baraz miray. Tou sa bann barbered wire fence  pou fer sir ki en dimoun pa sorti. E lezot dimoun pa ganny akse avek li. I difisil zot. Dimoun ki’n pas ladan Onorab Prea in koz lo la. Lezot dimoun in koz lo la.  Mwan osi dimoun in koz ek mwan i difisil. I for pou en imen kapab pas atraver. Plito nou pa konmanse ki nou antre ladan.

Se pou sa rezon nou met lanfaz lo prevansyon. Onorab Henrie in koz lo eski nou pou reisi ? Nou napa en swa Onorab. E napa nou avek zot. Nou tou ansanm.

Swa nou reisi, oubyen nou koule konman en pei antye. E mon krwar langazman mesaz ki pe pase la se ki sakenn de nou, nou pou fer tou sa ki nou kapab pou fer sir ki nou reisi. Nou pa pou fer parey bann lezot pei parey Trump i dir.  Blanm sa lo lezot. Annou rod solisyon nou menm konman en nasyon pou nou kapab sa diferans  pou sa garson ki pe espere parmi sa 600 ki nou kapab permet ki i fasilite i a permet tou sa bann zenn garson avek fiy i kapab pas atraver  progranm. E permet ki zot retourn dan zot Sosyete.

Paster Lannwit avek bann NGOs nou bezwen salye zefor ki zot pe fer pou nanryen. A risk dan zot letan kot nou pe dormi nou pe enjoy zot pe dan lannwit, dan lafreser lannwit pe ed nou frer avek nou ser ki’n tonbe.

Mon ‘n ganny demande ki diferans pou annan ki rol Sekretarya SS? Sekretarya SS pou vin Sekretarya Lazans. E biro SS i ava reste avek enn de zofisye. Me lanfaz pe ganny mete lo Sekretarya Lazans pou li kapab de enplimant tou sa bann responsabilite tou sa bann fonksyon tou son bann lobzektif ki sa Lalwa pe met devan li.

Sekretarya DAC li, i pou vin sa lebra sa divizyon kot nou pou kordin bann aktivite prevansyon e ledikasyon atraver tou kous sosyete. Pou kapab travay avek bann Lazans, bann NGO ek bann lezot departman ki pe anmenn sa kestyon prevansyon avek ledikasyon kot nou popilasyon.

E mon dakor avek Onorab, lalkol i devret ganny plis prominans. I pa devret ganny afterthought akoz i osi i en menas pou nou bann zenn zonm, zenn fiy.

Onorab Leader Lopozisyon in koz lo Gouvernman ek Parti Lepep  i  bezwen travay ansanm. Wi nou bezwen travay ansanm me nou ‘bezwen forward looking.

Onorab mersi pou en tel lapros ki istorik ozordi, ki ouvertman san okenn ezitasyon e for e kler nou’n monte ki nou’n fatige avek sa fleo e i neseser ki nou tou nou vin travay ansanm.

Be nou pe ganny  en davans la. Onorab Pillay in dir nou pe vin Lasanble pou exercise oversight.

E nou bezwen asire nou tou SS Gouvernman, Egzekitiv, tou sa bann Lazans ki nou bezwen tap tou. Akoz nou pa anvi ler nou dir dan 3 mwan dan 6 mwan, i konmans annan leskiz. Nou bezwen montre bann keksoz reel e konkret ki nou’n  fer. Se pou sa rezon ki nou bezwen devlop en bon relasyon. I pa enn lanpir ki pe ganny kree.  Be bon relasyon pe ganny kree ant diferans Lazans e Departman Minister pou fer  sir ki ler lanmen gos i dir en keksoz lanmen drwat pe konpran li, ki napa mesaz ki pe kontra dir kanmarad.

Onorab mon dakor avek ou sa piti i dan vant la. Sa Lazans i dan vant son manman. Fodre ki nou pa tir piti, fodre ki nou pa abort li. Donn li sans pou li ne e grandi akoz son nesans e ler i grandi nou piti osi i grandi pou konn en bon ladolesans son lanfans ladolesans apre i grandi pou vin en adilt.

Nou bezwen azir e azir dan en fason desiziv. Onorab Jude Valmont sorti La Pointe Larue in koz lo mapping out. Zis nou a fer re sorti ki wi an 2011 nou ti ganny dir anviron 1100 – 1200  dimoun ki ti lo eroin.

E estimasyon ki nou annan ozordi anviron 4000   dimoun. E Lazans pe konmans antreprann en survey konnen reelman konbyen dimoun ki depandans lo sibstans.  Eroin Hepsi – ki pike – ki sneef eksetera pou kapab annan en pli bon portre pou nou gete i lapros nou pou pran.

E i pa zis en keksoz one-off  me i en keksoz ki nou pou fer li tou le 2an parey bann standar pratik enternasyonal. I demande.

Progranm distrik in ganny dir i kle. Committee Engagement i enportan. Dan Lalwa i ladan. E taler letan nou ti pe bwar dite en msye parmi bann dimoun ki anler Onorab Mr Napier in dir mon koumsa si sa Lalwa pou marse si sa bann proze pou marse fodre ki kominote i enplike. Toutafe. Mon dakor avek sa.

Kominote i ganny enplike lo nivo enn, re-ensersyon ensesan sosyal aftercare e osi lo bann community base programme ki nou bezwen kontinyelman donn sipor finansyel e resours imen. E la kot Capital – kot  capacity    building i enportan.

E zis Vandredi SS pou annan en teleconference avek WHO Genéve pou gete ki mannyer  –once – nou pase ki mannyer zot kapab donn sa Lalwa sipor atraver rezo enternasyonal ki zot annan pou fer sir ki sa proze i zis konn reisi me pa tonm lo nou deryer.

Onorab Roche Caiman Onorab Audrey Vidot ki’n koz lo lespwar pou bann fanmir. Mon ser mon dakor avek ou. Ler nou al bann sesyon ‘Parents with hope’ larm ki sa bann zonm, fanm, grannwanr byen for konmsi breakdown in tears i montre ki soufrans zot pas ladan.

E mon krwar nou bezwen kontinyen donn zot sipor akoz zot osi zot form parti solisyon ki sa Lazans pou anmennen. Sa kolaborasyon enteraksyon pou kontinyen. Me i pa pou diminyen. Zot pa pou asiz lo fence me pou zot kontinyen enplike pli aktivman dan ki mannyer nou pou kapab anmenn en solisyon pou bann zenn e zanfan ki pe soufer.

Prevansyon, Reabilitasyon mon krwar i kle Onorab Hoareau ou’n koz lo la. E mon krwar i sine qua non. Nou oule evantyelman pe focus plis lo prevansyon. Trend modern ozordi se tir lazan dan ‘supply reduction’ savedir Enforcement Low Enforcement Agencies Mentenir nou kontribisyon finansyel. Me anvoy plis lazan dan ‘demand reduction’ dan prevansyon. Mon krwar tou bann pei ki’n kapab met drog anba kontrol pe pran sa tandans. E  mon krwar sa osi ki nou pe koz lo la.  I enportan in ganny fer sorti Onorab Hoareau in dir ki sa Lazans son rol se atraver bann tandans ki pou ganny atraver database i kapab feed lenformasyon avek NDEA avek lapolis.

Bann kalite drog ki pe rantre dan pei nou’n koz lo synthetic cannabinoids ki mannyer sa bann drog bann legal highs i antre dan pei. E nou bezwen gete ki mannyer nou bezwen smart lo la. Akoz teknikman sa bann synthetic drugs la i harmless. Me ler ou melanz ek kanmarad ou fer bann eksperimantasyon e la kot i vin danzere e zot vin lethal pou bann zenn.

E taler nou’n koz lo la, sosyalizasyon ozordi bann zenn en zenn ki pa konnen en dimoun i kapab fer li gout en keksoz apre i hook on e ziskeler i graduate zis keler i ariv nivo pli ki alarman.

E fodre dir ki sa lenvestisman sa shift ki pe arive lo nivo Enternasyonal atraver en letid ki’n fer L’Amerique i montre, ki sak Dolar ki ou mete dan prevansyon i kout ou 7 dolar savings dan kriminalite e 5 Dolar savings dan lasante piblik.

So i vo lapenn ki nou envestir dan prevansyon akoz son retonbe i multifold pou nou zanfan e pou nou lavenir.

Mr Speaker mon krwar ankor la lanfaz i ganny mete lo enplikasyon kominote; i enportan ki  nou partaz bann lenformasyon ki nou annan. I enportan ki annan standar dan tretman.

E mon krwar sa Lalwa i donn loportinite pou nou kapab kree en body en organ ki pou kapab akredit bann lenstans ki fet marse bann progranm ki annan en standar pou fer sir ki tou dimoun pe koz en sel langaz. E pou fer sir ki rezilta i parey. E byensir Lazans i bezwen raport nou travay parey in ganny dir dan lespri latransparans, rann kont avek responsabilite.

Onorab Roucou in koz lo lalkol. mon dakor avek ou lalkol i osi destriktif ki drog. i pli legal e nou vwar nou tou  le weekend pa ki nou anvi Anpes dimoun enjoy piknik toultour zil. Pa ki nou anvi Anpes dimoun al de foule kot Ste Anne jetty. Pa ki nou anvi anpes dimoun al disco. Me ki dimoun i konsonm lalkol an moderasyon akoz ankor son i tonbe i afekte tou sa depans ki nou pe fer. Dan le pans piblik. E nou santi ki taxpayers money taler Onorab Prea in koz lo la. I neseser ki nou kontinyen envestir dan menm lespri ki mon pe dir, pou nou kapab mentenir sa bann progranm ki nou pa pe zis konmanse la. Apre 2019 i tonbe. Me nou bezwen mentenir zis keler trend i desann ki nou kapab pe met plis lazan dan prevansyon pou ki dimoun i kapab viv en lavi pli sen e pli normal.

5mil dimoun nou’n dir sinyatir annan 5mil annan 10 mil nou pa pe legaliz sa. Akoz tou dimoun laplipar dimoun ki ozordi lo eroin in konmans atraver marijuana.

        I en fa ensi pou krwar pou dir i ok sa bann recreational drug les lasante fer son travay. Nou, nou pa lasante. Sa ki nou pe dir dan lentere lasante, dan lentere lazenes e dan lentere stabilite dan nou pei.

Model ki nou’n servi Onorab se parmi i annan en kantite model. Me pli pre se Indonésie avek Czech e sucess rate Czech Republic i 70 poursan. Indonésie i en pe pli ba.  Be nou krwar an adaptan sa model avek nou sityasyon lokal, nou pou  kapab reisi pour vi  ki tou dimoun sakenn i redwir lakord dan menm direksyon.

Onorab William in koz lo nesesite ki distrik i enplike. Distrik i bezwen santi progre e zefor ki pe ganny fer. Distrik i bezwen santi li enplike dan prevansyon dan aftercare e osi dan traver bann District Community Programmes parey in ganny highlight.

E sa kolaborasyon ant biro Sekreter D’eta Prevansyon Labi drog, Biro Sekreter D’eta Lapovrete avek Minister Lafanmir, i en keksoz ki anzandre dan travay ki pe ganny fer lo nivo, sa Lalwa e osi lo nivo ki mannyer Sekreter D’eta Lapovrete pe travay e osi dan bann progranm ki mannyer enplike enplimante par Minister Lafanmir.

Mon krwar i ankor sa kestyon lo ki mannyer nou partaz lenformasyon, nou partaz detay ki nou annan e partaz resours. E personn pa vin batir son prop lanpir akoz nou pas score points kont kanmarad. Se kontrer nou perdi.  E selman ler nou travay ansanm ki en diferans i kapab ganny fer.

Onorab Ferrari in koz lo en mesaz for pou bann trafiker. Onorab mersi ou annan sa bravour e pa per. Mersi pou ou sipor lakominote pou reklanm zot drwa.  Ou dir letan in fini kot bann dimoun ti reste dan zot lakaz deryer rido pa kapab koze.

Me annou fer sa osi dan lenplimantasyon sa Lalwa. Ki tou dimoun i dir letan in fini ki nou tou nou per koze.

E gard pe tande NDEA pe tande, ki sa Lalwa pou li reisi i nesesit ki bann Zofisye Lapolis ek Zofisye NDEA mon repete i pran zot responsabilite ã la lettre pou ranforsi travay ki zot deza pe fer pou fer li pli byen. Pou ki sa Lalwa i ganny sans pou li reisi.

En sel mesaz nou pe koze consensus kapab fer sir ki sa ki nou pe dir ozordi i vin realite.

Onorab Gill in koz lo en mesaz lespwar pou nou bann zanfan. En mesaz lespwar pou lavenir, en mesaz lespwar pou nou pei. One Voice One Nation i dir e se sa ki nou pe koz lo la ozordi.

Desperate time i demann serten i demann bann mezir byen kalkile avek bann dimoun ki kalifye, ek bann dimoun ki pasyonnen pou nou kapab adres  sa size.

Si survey ki nou fer i montre ki nivo dimoun ki lo eroin i pa konparab avek lezot pei. Lotorite Lasante Piblik i annan tou drwa anba Lalwa kree en Leta Dirzans Onorab Gill.

E anba sa Leta Dirzans lasante i kapab donn plis pouvwar lo son lekor oubyen sa Lazans pou kapab pran lezot mezir pou nou kapab adres sa sityasyon.

Me nou pa krwar nou bezwen ariv sa nivo. Nou krwar nou kapab travay ansanm. E donn nou pei en sans pou mou kapab bouze.

Onorab Aglae in koz lo larzan taxpayers ; nou bezwen sa lazan nou bezwen envestir pou nou kapab mentenir bann progranm parey mon’n dir akoz nou bezwen al ek li akoz si nou aret byensir nou pou retourn an ayer e retourn kot nou pou kout bokou pli ser ankor.

Lazans i bezwen travay avek bann fanmir ki’n ganny afekte. Mon dakor atraver aftercare; atraver re an sesyon se pa zis sa bann viktim drog direkteman. Se zot fanmir ki’n ganny enfekte e afekte zot osi zot bezwen pas atraver sa prosesis counselling. Se pou sa rezon ki nou dir capability i enportan depi ou Counsellors, ou Peer Educators, ou bann Custodians, ou bann Psikolog, nou bezwen train akoz en itil nou ;fer en progranm ki nou napa dimoun pou ankadre li.

Nou bezwen bann zofisye sekirite pou kapab fer sir ki tou sa bann progranm dan tou sa bann Seksyon, dan tou sa bann pti detay i bezwen ganny respekte ã la lettre parey nou’n dir.

Tou Seselwa ki annan en kontribisyon pou fer. Tou Seselwa ki annan en konpetans vin devan, i annan lespas pou zot. I annan rol pou zot zwe. E sa Lazans i ava koz avek zot avek bann lezot Lazans pou nou kapab fer sir ki zot kontribisyon i ganny pran konsiderasyon.

Soufrans bann manman – lespwar – i en keksoz ki Onorab Chantal Ghislain in koz lo la, i osi in koz lo staffing en keksoz en konponan endispansab si nou oule vwar nou bezwen train e train nou bann dimoun pou nou kapab vwar la reisi.

Zanfan i vilnerab Onorab Pillay i dir Sebastien Pillay. Ler zot sosyalize. Wi mon dakor e nou bezwen smart lo ki mannyer nou deal avek sa bann drog ki pe rantre dan pei ki ou a dir inosan.

Me ler ou melanz ansanm i vin en keksoz  lethal  – en keksoz ki anpwazonnen pou nou zenn. Nou bezwen rod bann Konsiltan – bann expert ki pou ed nou kapab sirmont sa bann difikilte.

LGB in koz lo nesesite ki nou depans lo adikt. Nou bezwen depans lo li. Me selman i pe demande ziske ki tan nou pou fer sa. Akoz sa adikt i pa’n depans en sou anver kreasyon larises Nasyonal, selman li menm li ki premye pou benefisye.

Nou bezwen sanz sa larou. Fer li vir dan lot direksyon. Fer sir ki nou empower nou zanfan les li viv son lanfans son ladolesans ek son leta adilt les li aprann ; les li aprann zwe, les li aprann lekol e kontribye dan devlopman son fanmir avek son pei an zeneral.

Sa Prozedlwa mon repete i egzize ki tou bann lezot Lalwa ki tou bann lezot Lazans ki tou bann lezot volonter i aplik zot Lalwa. Kot i konsern lalit kont lavi drog avek lalkol.

Nou tou parey Four Musketees i dir  ‘’All for one – one for all.’’

Mon ti a kontan remersi ou Mr Speaker. Mersi tou bann Onorab ki’n entervenir bomaten. I montre ki ler nou met nou zepol ansanm nanryen pa kapab anpes nou al de-lavan.

Ler nou fini aprouve staz pli difisil pou konmanse an realite ki mannyer nou kapab met nou zepol ansanm pou fer sir ki bann travay i ganny fer a la lettre. E la mon bezwen highlight ki Minister Lasante avek Lazans pa pe mont lo lipye kanmarad.

Indonésie par egzanp i annan en lopital dedye zis pou bann dimoun ki ganny afekte par labi drog. Me isi nou pa afford. I annan en serten group dimoun ki annan serten maladi ki nou bezwen refer avek Minister Lasante pou trete.

Me bann nivo ki nou pe pran responsabilite, Lazans i devret kapab avek bann spesyalis kalifye dan en lankadreman byen reglemanter kapab zwe sa rol.

Vwala de mo ki mon ti anvi dir Mr Speaker an remersi tou bann ki’n travay dan Lasanble, bann NGOs dan bann Departman Gouvernman. Zot travay i pa’n en travay initil. Nou remersye zot. Nou pe ranforsi nou travay dan sa lot letap ki nou pou rantre ladan.  Mersi Mr Speaker.

 

MR SPEAKER

Mersi Vis-Prezidan. E aprezan nou a pran en vot lo merit zeneral sa Bill ki’n ganny prezante devan nou bomaten  par Vis-Prezidan.

Tou bann ki ‘pour lev zot lanmen ?  Okenn ki dimoun ki kont?  Eski annan abstansyon? Abstention? Pa konte . Me i bon pou mwan konnen. Anyway mon krwar nou ganny… Clerk konbyen dimoun ki ou’n vwar ki ou’n konte ki’n dir wi?

 

MADAM CLERK

Mersi Mr Speaker. 29 Manm an faver.  Mersi.

 

MR SPEAKER

Tre byen. Vwala mersi tou dimoun Vis-Prezidan mon krwar i 1er nou ava arete nou ava pran en poz la. Apre nou a repran 2er pou nou kontiny prosesis pou aprouv Bill ki’n vin devan nou  bomaten.

Eski i annan Second Reading? Sorry? Yes Clerk.

 

MADAM CLERK

Mersi Mr Speaker. This Act may be cited as the Prevention eskize Mr Speaker. A Bill of an Act to establish an Agency for coordinating the activities of various institutions and organizations engaged in the prevention of drug and alcohol abuse, treatment of drug users and rehabilitation of drug and alcohol addicts and for matters connected therewith incidental thereto. Mersi Mr Speaker.

 

MR SPEAKER

Thank you Clerk. Onorab Ferrari.

 

HON JEAN-FRANCOIS FERRARI

Mr Speaker Lasanble pa ti ava konsidere nou retourn 2:30 akoz nou pe al direkteman dan en meeting Komite Finans sa.

 

MR SPEAKER

Eski i annan okenn obzeksyon? Ki olye retourn 2er nou retourn 2:30 ? Me avan tou nou a demann Vis-Prezidan, eski i ok ek tou dimoun? Ok, bon nou ava adjourn e nou a retourn 2:30 olye 2er.  Mersi.

 

(BREAK)

 

MR SPEAKER

Bonn apre midi tou dimoun.  Nou a swet byenveni ankor pou Vis-Prezidan ek son delegasyon pou sa sesyon apre midi.  E fotespere zot tou zot in vinabou met keksoz lo lestoman pou donn zot sustenance pou kontinyasyon nou travay.  Avan nou’n pran en Break nou ti’n fini vot lo merit sa Bill.  E mon prezimen prezan nou pas drwat lo Staz Komite.  I annan serten lamannman ki mon’n tann enn de dimoun koz lo la.  Is that the right procedure bann ki lontan in dan Lasanble?  Wi mon a demann serzan pou fer le neseser.  Tre byen.  I thank you.  Devan mwan i annan en papye ki’n entiltled proposed Amendments.  Eski sa i en dokiman ki’n prezante par Bills Committee?  Onorab Georges.

 

HON BERNARD GEORGES

Wi Mr Chair.  Sa bann proposed Amendments se bann amannman ki Bills Committee pe propoze e ki ganny soumet avek Vis-Prezidan, Sekreter D’eta e Biro Attorney Zeneral.  E apre midi la mon mazinen ki nou ava pas ladan ase briyevman.

 

MR SPEAKER

E mon prezimen ki Vis-Prezidan avek ou delegasyon ou annan en kopi sa proposed Amendments ki Bills Committee in met lo latab konsernan Bill nimero 15  sa lannen ?

 

VICE-PRESIDENT MR VINCENT MERITON

Mersi Mr Speaker.  Mr Speaker nou annan, nou’n diskite detrwa fwa e mon krwar nou dakor avek bann propozisyon.  Sof i annan 3 pti dernyen amannman ki nou’n diskite taler apre midi ki mon pa konnen si Onorab Georges i oule prezant sa avek sipor Onorab Basil Hoareau san bliy Onorab Sebastien Pillay.

 

MR SPEAKER

Bon nou ava demann Onorab Bernard Georges pou koz lo sa enn de quote pti amannman ki Vis-Prezidan in mansyonnen.  Apre nou a donn laparol Onorab Hoareau.

 

HON BERNARD GEORGES

Mersi Mr Chairman.  Mr Chairman devan nou i annan en seri lamannman ki nou’n propoze as Bills Committee, avek nou rapor ki nou’n anvoy atraver Biro Clerk kot ou pou premyerman dir ki nou’n raport lo sa Bill e apart  sa bann amannman ki nou pe propoze la nou ti napa okenn lezot keksoz pou aport a latansyon bann Manm Lasanble.  E nou ti’n osi demann ou leave ki mon mazinen nou gannyen pou anmenn sa bann amannman mwens ki 72 erdtan anba Order 67.  Mr Speaker dapre nou diskisyon i paret mwan ki Gouvernman pe aksepte tou sa  bann amannman sof enn ou de ki nou pou fer referans avek la.  Alor avek ou permisyon mon pa pou pas lo sa bann  ki’n ganny aksepte.  We will take them as accepted unless ki i annan okenn dimoun dan Lasanble ki santi ki zot anvi aport en amannman to the Amendment.  E mon ava konsantre zis lo 2 ou 3 Mr Chair kot i annan amannman to the Amendment.

Mon konmans premye avek premye paz, clause 2.  Dan definisyon dezyenm bullet lo bann amannman, i relate to definisyon:- ‘drug or alcohol abuse or substance abuse’ ki nou vwar lo paz Roman (vii) sa Bill, e nou ti pe propoze ki sa definisyon: ‘drug or alcohol abuse or substance abuse’ as one definition i ganny ranplase par ‘drug abuse, alcohol abuse ek substance abuse’.  E nou pe propoze ki the new term i lir:- ‘Drug  abuse, and ‘ alcohol abuse’ and  substance abuse’ nou pe prezan propoze ki olye ‘and’ i vin ‘or’ so that the new amendment to the Amendment to the Bill i ava ‘Drug abuse’, ‘alcohol abuse’ or ‘substance abuse’.  E dezyenm amannman son mo zis apre in the Bill sa ‘is’ pou ganny ranplase olye avek ‘mean’ parey nou’n mete lo nou lalis si pou vin prezan ‘means’ akoz sa or in sanz son sibstans.   E sa lot propozisyon ki dan  trwazyenm bullet kot nou mete and  where it next occurs with the word ‘are’ please delete that nou pa pe sanze sa.  Nou pe gard sa ‘is’ mannyer i ete dan son Bill.

 

MR SPEAKER

Ok.

 

HON BERNARD GEORGES

Ok.  Sa se premye seri amannman to clause 2.  E prezan mon al lo dernyen paz bann amannman devan zot and we go to clause 14 ki  lo avan dernyen paz right at the bottom.  Me mon anmenn Komite lo top paz 4 e clause 14.  La i annan en sanzman en pe pli sibstansyel Mr Chair.  Sa ki nou pe propoze se inyor silvouple premye 2 laliny anler kot nou mete in the chapeau between officer and the dash eksetera.  Nou pa pe fer sa prezan.  b i okReplace ‘and’ with a full stop.   C delete the paragraph i ok.  E sa ki nou pe propoze prezan se lamannman swivan.  Si zot kapab swiv lo zot Bill i ava pli fasil.  Clause 14(3) pou lir prezan :- The Deputy Chief Executive Officer instead of ‘may’ i a vin ‘shall’. The Deputy Chief Executive Officer shall’ e apre sa there will be a dashSo alor the chapeau of clause 14(3) will read:- The Deputy Chief Executive Officer shall…’’ dash.  Apre paragraph Roman (i) in brackets, little i: Act in the office of the Chief Executive Officer parey i ete la dash.  E ek (b) pa sanze.  So …’act in the Chief Executive Officer during the vacancy ek during any period..’ sa i reste parey.  At the end of b ‘and’ sa ‘and’ i ale.  The semi colon can remain e prezan paragraph Roman (ii) in brackets, e ‘c’ sa pti ‘c’ i sorti net e larestan i reste.  So little roman (ii) will now read: – ‘..performs such other functions as a Chief Executive Officer may delegate.’  So mannyer i ete la c i vin Roman (ii) e Roman (i) i vin anler dan Chapeau apre ‘make’ i ganny sanze pou vin ‘shall and dash (/) . Alor 3 i ava annan 3(1) and (a) and (b) epi 3 (2).  Sibstans pa sanze i zis son drafting form ki sanze Mr Chair e finalman e sa i pa lo lalis.  I en nouvo keksoz ki nou fek realize e ki’n ganny port a nou latansyon par Legal Draftsmen.  Clause 16 ‘a’ the second word, ‘moneys’ eple li en ‘monies’.  Pou vin parey anba ‘(b)’ e non pa ‘moneys’ parey i ete la.

 

MR SPEAKER

Ok.

 

HON BERNARD GEORGES

OkMr Chair ansanm avek lezot lamannman ki Bills Committee pe propoze sa se bann amannman ki nou ti a kontan met devan Lasanble pou aprobasyon apre midi.  Devan Komite pou aprobasyon apre midi.

 

MR SPEAKER

Mersi Onorab Georges.  Onorab Hoareau ou annan okenn keksoz pou azoute?  Non ? Eski i annan okenn Manm, okenn Onorab ki anvi fer sa bann lamannman?  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Chairman.  Mr Chairman  mon dan clause 5 ‘(h)’, mon anvi zis demann  avek e la kekfwa mon mazinen dokter Herminie ki ava the best person pou konsider sa pwen.  Ler ou ava pe tenir en national database of the patient or clients, eski ou’n konsider the issue of confidentiality?  E eski ou santi ki as it is now i ok oubyen i devret annan en safeguard of some sort?

 

MR SPEAKER

Ou pe koz lo page lo …Paz Roman (x).  Se sa ?

 

HON JEAN-FRANCOIS FERRARI

Because all databases are, i bann keksoz ki kapab  afekte konfidansyalite. So, e akoz Minister Lasante osi  i annan en national database e  la ki nou pe segregate the  criminal part of drugs  with the medical part, konmsi are you, eski nou pou lo menm national database ki Minister Lasante i annan pou son bann pasyan?  Oubyen i pou enn ki pou parallel oubyen si i parallel are you, eski ou konfidan ki the confidentiality will be respected?

 

MR SPEAKER

Vis-Prezidan.

 

VICE-PRESIDENT MR VINCENT MERITON

Mr Chair avek ou permisyon an vi ki nou dan Committee Stage eski mon kapab demann Dokter Herminie pou entervenir silvouple?

 

MR SPEAKER

Wi, wi. Napa problenm nou kapab demann Dokter Herminie pou entervenir.

 

DR PATRICK HERMINIE

Mannyer i ete la anba ‘h’ mon krwar i ok akoz dan formilasyon bann database enn bann issues, o fet nou’n konmans travay lo la sa.  Enn bann issues se zisteman konfidansyalite.  So Konfidansyalite i bezwen ganny proteze sansan bann dimoun ki konsernen par egzanp  DICT eksetera will not proceed  avek en national database  unless  the issue  of  confidentiality i ganny properly addressed. E sa i enn bann keksoz ki’n met nou en pe an retar me lafason ki i ete la i ok.  San ki nou bezwen antre sa mo confidentiality ladan akoz i souzantandi ki letan ou annan en national data base e ou bezwen respe sa laspe konfidansyalite.

 

MR SPEAKER

Onorab Ferrari that answers your query?

 

HON JEAN-FRANCOIS FERRARI

Mersi that answers my query.  Mon lot pwen Mr Speaker if i may.

 

MR SPEAKER

Wi.

 

 

HON JEAN-FRANCOIS FERRARI

Zis pli ba lo 5 (2) lo 10 paragraf anba.  In the performance of this function the Agency may call for a periodical reports from institutions or organizations, engaged in the  prevention and rehabilitation programmes, ok?  Eski i devret ‘may’ or eski i devret ‘shall’ ?  Akoz mon  pe zis dir poudir any organization or institution ki the penalty line says.. are receiving financial grants because they are receiving financial grants, they shall submit periodical reports and  the Agency shall  call for those reports.

 

MR SPEAKER

Thank you.  Is that your query?

 

HON JEAN-FRANCOIS FERRARI

And then I have a last oneIf I may. Mon a pran li ansanm.

 

MR SPEAKER

Ekoute les i a respond pou sa enn. VP pe konsilte the Acting AG avek Legal Draftsmen.   Vis-Prezidan eski ou le Ag AG respond oubyen ou pe reponn ou menm?

 

AG MR DAVID ESPARON

Just for clarification si nou servi the mo ‘shall’ toultan fodre. Me the word ‘may’ i diskresyoner savedir letan koman en sityasyon ki nou annan doubts la nou call for a report obviously.  Sansan nou pou bezwen fer li toultan.  I pa mandatwar. I diskresyoner. Savedir si ou vwar en keksoz a pe mars byen laba i santi i annan en soupson then i call for sa report – obviously.

 

HON JEAN-FRANCOIS FERRARI

So AG mon kestyon alors i vin eski sa bannlLorganizasyon ki pe resevwar sa bann Grants eski nou pa santi ki zot bezwen, zot bezwen soumet zot periodical reports pou dir la i la sa ki mon’n fer ou alors konmsi as a matter of course e and then the Board or the CEO does whatever he wants with them si i pa neseser, me at least i en lobligasyon pou ou efektiv, pou ou report back to sa Lorganizasyon ki pe donn ou financial Grants from the Government or the Agency.

 

MR SPEAKER

AG.

 

AG MR DAVID ESPARON

So during the time of it’s performance.

 

HON JEAN-FRANCOIS FERRARI

It shall? 

 

AG MR DAVID ESPARON

…shall call for …Agency obviously.

 

HON JEAN-FRANCOIS FERRARI

Ok.  Mersi bokou.  Mon annan en dernyen pwen se – avek ou permisyon Mr Speaker. Mon al lo clause 10(1).  ‘Approve facilities’ dapre, e la sa i ganny dekrir konman facilities, institutions, hospital, rehabilitation centres, or organisations which are engaged in treatment eksetera.

 

MR SPEAKER

Yes.

 

HON JEAN-FRANCOIS FERRARI

Dan zot bann progranm Vis-Prezidan zot in osi  annan son mobile units, par egzanp sa ki’n ganny fer Les Mamelles e mon krwar Pointe Larue.  Konmsi you come in temporarily it is not a – i en mobile set up for specific purpose for a specific time.  Eski ou pa krwar ki ti ava bon pou azoute la, azout la, include sa mo ‘mobile unit’.  So where it would of  facility approved institutions. any hospital, rehabilitation centre or organization or mobile unit’ unless you tell me that mobile unit is describe under facility? If it is a facility, si i en keksoz anba fasilite then that’s my point. Be selman akoz i annan sa mobile unit mon ti anvi en klarifikasyon lo la.  Mersi.

 

MR SPEAKER

Onorab Hoareau i lo sa pwen ki Onorab Ferrari in lev-e.  Ale go ahead.

 

HON BASIL HOAREAU

Mr Chair an relasyon ek sa proposal ki Onorab Ferrari in fer regarding report mon krwar i fer sans me selman mon krwar ki nou pa put sa onus  on the Agency pou demann sa rapor me rather put it on the institution e avek sa mon ti a propoz en amannman.  Mon ti pou olye basically pou clause 5(2) pou read koumsa.  ‘The institutions or organizations engage in the prevention and rehabilitation of drug or alcohol abuse that are receiving financial grants from the Government or the Agency, shall furnish quarterly reports to the AgencySo now  nou put the onus lo sa bann institution lo furnish.  E otomatikman sa pou anmenn en pti amannman dan  son sub paragraph, sub clause 3 ki dir, kot konmela e la present age,a failure to furnish for the report called for’  under sub section 2.  Nou a zis tir sa mo ‘call for’ i a dir ‘ a failure to call for report under sub section 2 shall be a ground to suspend’.  Mon krwar i fer plis sans pou met sa onus lo sa lenstitisyon pou fer sir sa report rather ki Agency i bezwen compel pou demande.  So si nou ti kapab aksepte sa?

 

MR SPEAKER

It seems like a fair statementAG. AG ou dakor avek sa ki Onorab Hoareau in dir?

 

AG MR DAVID ESPARON

Yes that would be better putting the onus on sa institution dan plas the Agency.  But the only thing is if for example the Agency wants to call for a report what  happens, before the 4 months?

 

MR SPEAKER

Ok.  Onorab Ferrari.  Onorab Ferrari ou konfortab ek sa?

 

HON JEAN-FRANCOIS FERRARI

Mr Chairman lo dernyen pwen ki mon ti fer lo approve facilities so you think its

 

DR PATRICK HERMINIE

En mobile facility whatever i pou bezwen sorti, i pa egziste dan izolasyon.  I pou anba en progranm e sa progranm i bezwen antase avek en approved facility.  Par egzanp avek Lopital Victoria kot ou pou pran dizon methadone kot ou pe fer referans lo la the approved facility would be Victoria Hospital e sa mobile facility i ganny son Lotorite sort of – from the fact ki the Hospital i en approved facility.  Ok?

 

MR SPEAKER

Onorab Afif.

 

HON AHMED AFIF

Mersi Mr Chair.  Mr Chair mon kestyon mon pe poze i baze lo part 3 Board of the Agency e ler mon pe regard sa Board mwan osi anfen mon krwar i en pti pe top heavy me se pa sa mon pwen.  Mon pwen se eski zot pa devret annan sa posibilite par egzanp kot ou’n met Principal Secretary for Health oubyen Habitat, enn sa bann PS oubyen  nenport sa bann direkter oubyen bann Chair eski pa posib pou zot azoute ki i kapab annan sa PS or son reprezantan ki li i ti a kontan?  Mon konnen sa i egziste par egzanp FSA, son Lalwa i annan sa parske nou konnen souvan sa bann dimoun pa kapab vin tou meeting e fer krwar ou PS Health petet ou, ou pa neseserman pli bon dimoun ki konpran sa problenm drog ki petet en dimoun dan ou Minister.  E si pou al entervenir sa nivo, ankor dan sa lespri pou donn li en direksyon ki baze lo bann leksperyans reel ki bann teknisyen oubyen bann lezot dimoun dan sa Minister i kapab annan, oubyen dan bann departman, eski pa posib pou azout sa pou tou sa bann pozisyon.  Sa se enn. Dezyenm mon kestyon se mon pa vwar okenn reprezantan finans oubyen petet FIU oubyen menm SRC, parske dan biznes drog i annan en kantite larzan.  E dan biznes, sa biznes li menm sa Agency zot bezwen larzan zot menm ;  petet pou annan de fwa kot zot bezwen fer en serten demann egzizan lo Gouvernman e petet zis en lide mon panse annan en reprezantan Finans oubyen en reprezantan lo lot kote ki reveni pou kapab met zot osi alert lo bann koneksyon, zot departman avek sa travay ki zot pe fer. Mon trwazyenm pwen Mr Chair se i konsern 8 (4) kot i pe dir quorum of the meeting shall be 8 mon mazinen vi ki i deza annan pres 18, 19 dimoun lo la i annan 20 non? I annan 20 dimoun aktyelman lo la.  Eski i pa devret 12.  At least annan en mazorite dimoun sansan ki i riske arive ou annan zis en minorite dimoun pe prezan pou bann meeting e meeting i ok. Laplipar dimoun pa’n vini e prezan sa i vin en norm ki laplipar dimoun ki devret dan sa meeting, zot pa vini me meeting i kontinyen, prezan finalman ou vwar sa Lorganizasyon pa pe gannyen sa direksyon ki i sipoze gannyen parske tou bann dimoun ki sipoze la pa la e i ganny permete anba Lalwa.   Se sa mon bann kontribisyon.  Mersi.

 

MR SPEAKER

Bon i annan 3 pwen ki’n ganny lev-e Vis-Prezidan.

 

VICE-PRESIDENT MR VINCENT MERITON

Mersi Mr Chairman.  Mr Chairman kot i konsern konpozisyon top heavy.  Oparavan ler DAC ti egziste avan dan sapit avan ti annan 23 Manm Onorab.  La ti top heavy zis Minis ki ti vini avek detrwa lezot dimoun Chairman avek PSSo nou’n anmenn li lo nivo PS, nou oule en dimoun ki konpran sa size ki kapab al avek sa enplimante e ki kapab pran desizyon. Apre mazinen meeting i fer zis 4 fwa dan en lannen. So PS i bezwen kapab planifye li zour sa meeting pou pran plas ki i kapab vini pa donn leskiz. Kot i konsern reprezantan Finans petet pou pli byen kapab konpran sa konzonktir finansman nou kapab aksepte annan en reprezantan sorti kot Minister Finans. Kot i konsern quorum mon  krwar en dimoun in dir bomaten dan diskisyon, se ki nou pa anvi en sityasyon kot ou annan ou 20 Manm, ou annan ou zis 8 ki vini e 8 i vin norm ki nou pou diskit bann keksoz avek sitan magnitid. So mon dakor si nou’n dakor pou – si nou’n propoze ki nou ogmant quorum fer li 12 oubyen 11.  Napa problenm avek.  Mersi Mr Chairman.

 

MR SPEAKER

Since nou riske pran en vot lo tou bann amannman, eski i annan okenn obzeksyon lo sa enn la ki Onorab Afif in fer sorti ki quorum i vin 12 olye 8.  Onorab Henrie.  Lo la?

 

HON GERVAIS HENRIE

Wi Mr Speaker akoz bomaten dan mon prezantasyon mon ti’n fer mansyon sa; savedir mon san poursan dakor avek sa propozisyon me lo pwen 8 – (1) sa lefe ki zot pou zwenn omwen en fwa tou le 3 mwan mon krwar petet mwan mon ti pe dir petet tou le 2 mwan omwen zot bezwen zwenn. E konman nou la lo la mon ti anvi konnen si zot pou annan okenn reminerasyon finansyel pour bann dimoun ki pou asiz lo sa Board…  Mersi.  E konbyen?

 

MR SPEAKER

Vis-Prezidan.

 

VICE-PRESIDENT MR VINCENT MERITON

Ok.  Mersi Mr Chairman.  Mr Chairman annou les zot konmans travay akoz sansan konmsi tou le de mwan i annan lezot fonksyon zot fer konmsi pou etre en pe realis.  Konmsi tou le kar, every quarter i en pe rezonnab pou zot travay, zot a ganny sans pou follow-up apre.  Akoz mazinen Sesel ki arive ou annan ou en serten group dimoun ki travay i anmenn lour son Lorganizasyon tousel.  Nou oule ki sa PS i zwenn, apre son travay i ganny fer anba par bann lezot dimoun konsernen ki kapab retourn kot li ki kapab raporte lo la.  Me selman Onorab kot i konsern ou dezyenm pwen, lekel ou dezyenm pwen?   Allowance wi nou ava met li dan (SI) nou ava ganny sans diskite apre sa.

 

MR SPEAKER

Onorab De Commarmond.

 

VICE-PRESIDENT MR VINCENT MERITON

I deza dan Lalwa.

 

MR SPEAKER

Sorry Onorab Basil Hoareau.

 

HON BASIL HOAREAU

Mersi Mr Chair.  Mr Chair zis an relasyon ek sa premye pwen ki’n ganny raise par Onorab Henrie, zis mon ti anvi petet re fer sorti poudir i pa vedir sa Agency pou zwenn en fwa tou le 3 mwan li.  I dir ou at least onceSo i bezwen zwenn en minimum fwa tou le 3 mwan.  I kapab zwenn plis.  Posibilite i la.  So mon krwar petet i pa pran ka avek konsern ki Onorab Henrie in raise.

 

MR SPEAKER

Ok.  Onorab Henrie?  Onorab Pillay, Onorab Sebastien Pillay.

 

HON SEBASTIEN PILLAY

Mr Speaker, Mr Chair mwan mon pe zis mazinen poudir sa at least once i en pti pe tro discretionary.  Petet si nou move dan en direksyon pou dir at least twice every 3 months i ava at least donn nou en pozisyon akoz nou konnen poudir travay, akoz nou pe koz lo urgency sa sityasyon.  So i enportan ki nou konmans avek en serten momentum pour ki tou dimoun i konpran poudir zot bezwen angaze. E whoever shall fall by the way side along the way i ava tonm deryer nou a konnen ki zot bezwen ganny ranplase par bann dimoun ki kapab al  la sa bann meeting.

 

MR SPEAKER

Si ou pe al pou at least twice every 3 months?

 

HON SEBASTIEN PILLAY

Mon pe dir sa mwan. Mon pa konnen si posib.

 

MR SPEAKER

Vis-Prezidan.

 

VICE-PRESIDENT MR VINCENT MERITON

Mr Chairman konmsi les li marse at least once nou konfortab avek.  At least once i vedir ou kapab fer de fwa, ou kapab fer 3 fwa.  Be selman donn nou sa fleksibilite pou nou kapab operate.  Mersi Mr Chairman.

 

MR SPEAKER

Mon krwar sa i en bon lide.  Les zot konmanse. Tou fason pou raport avek Lasanble evantyelman.  Nou a vwar.  Onorab Larue.

 

HON FLORY LARUE

Bonn apre midi tou dimoun.  Mersi Mr Chair.  Si ti  kapab klarifye la nou’n dir nou pou kit li minimum, en fwa tou le 3 mwan.  Me selman quorum i 8.  Si nou pou kit li minimum tou le 3 mwan nou annan 19 Manm include Chairman, eski i realis ki zis 8 dimoun ki mandatwar pou asiz lo sa Board?  Eski nou kapab increase sa ki fer ki tou dimoun i involve?

 

VICE-PRESIDENT MR VINCENT MERITON

Mr Chairman nou’n dakor 12.  Nou bezwen pouse pou tou dimoun i vini Onorab Larue.  Mersi.

 

MR SPEAKER

Se sa mon krwar taler ti’n dakor ki olye 8 i vin 12.  Ok.  Okenn lezot amannman lo sa bann amannman ki’n ganny propoze avan ki nou pran en vot.  Non.  Si non mon propoze ki nou pran en vot lo sa bann amannman. Tou bann ki dakor, bann amannman ki’n propoze, lev zot lanmen?

Yes  Clerk.

 

MADAM CLERK

Mersi Mr Chair mon’n rikord 24 Manm an faver.  Mersi.

 

MR SPEAKER

Savedir bann amannman in pase e si mon’n konpran byen nou retourn lo Committee on the whole.  Alor serzan fer le neseser.  Eski nou kapab ganny en Mosyon oubyen en sizesyon pou Third Reading ?  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker anba Order 71(1) lo Standing Order mon oule move ki Prevention of Drug Abuse and Rehabilitation Agency Bill 2017 i ganny lir en Trwazyenm Fwa.

 

HON SIMON GILL

Mr Speaker Mosyon segonde.

 

MR SPEAKER

Segonde par Onorab Simon Gill.  Eski nou kapab pran en vot ?  Tou bann ki pour?

Clerk.

 

MADAM CLERK

Mr Speaker mon rikord ankor 24 Manm.  Mersi.  An faver.

 

MR SPEAKER

Dan sa ka mon a demann ou pou ou fer en Third  ReadingClerk.

 

MADAM CLERK

This Act may be cited as a prevention of Drug Abuse and Rehabilitation Agency Act of 2017.  Mersi.

 

MR SPEAKER

Shall i just now announce that the Bill has been approved.  E mon ti a kontan remersye tou bann sirtou Vis-Prezidan avek ou lekip.  Tou bann ki’n pran par dan sa diskisyon, sa deba bomaten ki’ vreman parey mon’n dir pli boner tre byen nouri.  E avek zot permisyon nou al lo lot si zot donn mwan en pti moman pou organiz mon papye.  Nou al lo lot Public Bill.  Wi.  Oubyen, wi Onorab De Commarmond.  Nou’n fini avek Prevention of Drug Abuse and Rehabilitation Agency Bill.  Wi.

 

HON CHARLES DE COMMARMOND

Non Mr Speaker mon ti pe query en pti gin lo sa sif ki nou’n dir in vote on.  Nou’n fini pas lo la.  24.  Mwan letan mon’n get lot kote, Onorab Prea pa’n vote, me 13 in vot pour epi lo kote…

 

MR SPEAKER

Ou vwar sa sif konmsi pa azoute ?

 

HON CHARLES DE COMMARMOND

Wi konmsi pa azoute.

 

MR SPEAKER

Nou a repran?  Clerk ou sir ou’n byen konte ? Oubyen parske en ler kaylous parey mwan.  Nou a re konte tou bann ki vot pou sa…wi pou fer en Third  Reading.  Lev lanmen e rekonte?  Taler nou ti dir i annan 24 la prezan Clerk.  I ok?  Satisfe?

 

HON CHARLES DE COMMARMOND

Wi, wi mon ti krwar zis enn ki pa’n vote i annan 2 ki pa’n vote lo lot kote.  Mersi.

 

MR SPEAKER

  1. Very good ok la nou dakor napa 2 sakreman lo la. Tou lede kote. Eski nou kapab move on alor?  LGB.

 

HON CHARLES DE COMMARMOND

Mersi Mr Speaker.  Mr Speaker anba Order 64(2) nou Standing Order mon oule move ki Misuse of Drug  Amendment Bill 2017 i ganny lir en Dezyenm Fwa.

 

HON SIMON GILL

Mosyon segonde Mr Speaker.

 

MR SPEAKER

Mersi Onorab Gill.  Eski nou a pran en vot avan nou donn Vis-Prezidan oubyen nou al drwat kot Vis-Prezidan ?  Vice-President Meriton la parol i pou ou pou prezant Bill number 16 of 2017.

 

VICE-PRESIDENT MR VINCENT MERITON

Mr Speaker, mersi.  Swivan laprouvasyon kreasyon en nouvo Lazans responsab pou Prevansyon Labi Drog e Reabilitasyon, mon pe demann Lasanble aprezan pou fer en pti amannman de konsekans, al dan Lalwa Misuse of Drugs Act spesifikman dan seksyon 2 ek seksyon 54.  Avek sa amannman Minister Zafer Entern pou transfer pouvwar avek sa nouvo Lazans e pou deklar sa bann landrwa kot pou fer bann tes ek bann legzanmen lo bann ki relye avek drog e osi landrwa kot pasyan i kapab ganny tretman e swiv progranm reabilitasyon.  Dan Term Legal sa bann landrwa i apel; approved institution, e approved facility.  Mon remersye ou Mr Speaker e mon demann Lasanble pou aprouv sa bann amannman.  Mersi Mr Speaker.

 

MR SPEAKER

Short and simple parey Angle i dir.  Eski i annan okenn pwen ki okenn Manm Lasanble i anvi lev-e lo sa proposed Bill?  Si non nou kapab pran en vot.

 

HON CHARLES DE COMMARMOND

Non zis i straight forward parey in ganny dir Mr Speaker  se en sanzman sa Lalwa i permet bann  sanzman de konvenyans.

 

MR SPEAKER

Lekel ki responsab?  Me selman  pou procedurally nou bezwen pran en vot.

 

HON CHARLES DE COMMARMOND

Wi.  Nou bezwen wi.

 

MR SPEAKER

Alor si napa okenn komanter.  Mon pa vwar okenn lanmen ki’n lev-e.  Eski nou a pran en vot lo sa Bill as prezante par Vis-Prezidan Meriton. Tou bann ki ‘pour?  Clerk.  Silvouple lev ou lanmen en pe pli o.  Ozordi Clerk i en pti pe fatige.  Okenn dimoun ki kont?  Ok.  Tre byen eski nou bezwen al tou sa bann prosedir lezot oubyen nou retourn Second Reading ?  Clerk.

 

MADAM CLERK

Mon ti’n rikord 25 Manm an faver Mr Speaker.

 

MR SPEAKER

Sorry ou pa’n dir.  Wi sorry.

 

MADAM CLERK

The second Reading.  A Bill of an Act to Amend the Misuse of Drugs act 2016.  Act 5 of 2016. Mersi.

 

MR SPEAKER

Tre byen.  Wi Onorab LGB?

 

 

HON CHARLES DE COMMARMOND

Mr Speaker mon vwar ki napa amannman lo sa Bill ki devan nou e pa neseser ki nou sot Committee Stage. Savedir anba Order 91(1) Standing Order nou sot staz 65 to 70 nou sispann Oder 65 to 70 nou Standing Orders ki nou sot  Committee Stage pour sa Bill.  Mersi.

 

MR SPEAKER

Yes.

 

HON SIMON GILL

Mosyon segonde Mr Speaker.

 

MR SPEAKER

Segonde par Onorab Gill.  Eski nou bezwen pran en vot prezan ?  Silvouple tou bann ki dakor lev zot lanmen byen o pou Clerk vwar.

Ok.  Clerk?

 

MADAM CLERK

Mr Speaker, 25 Manm an faver.  Mersi.

 

MR SPEAKER

Tre byen.  Si mon’n konpran byen si mon’n konpran byen prezan nou al lo Third  Reading.

 

HON CHARLES DE COMMARMOND

Mosyon pou Third  Reading.  Mr Speaker anba Order 71(1) lo Standing Order mon oule move ki Misuse of Drugs (Amendment) Bill 2017 i ganny lir en Trwazyenm Fwa.

 

HON SIMON GILL

Mosyon mon segonde Mr Speaker.

 

MR SPEAKER

Mersi Onorab Gill.   Clerk.  Sorry, and show hands, anler, byen o pou Clerk vwar.  Clerk.

 

MADAM CLERK

26 Manm an faver Mr Speaker.  Mersi.

 

MR SPEAKER

Mersi Clerk.  Third Reading.

 

MADAM CLERK

This Act may be cited as a Misuse of Drugs (Amendment )Act of 2017.  Mersi.

 

MR SPEAKER

Very goodThe Bill has now been approved.  E prezan mon a zis remersye tou dimoun sirtou Vis-Prezidan, nou’n pran ou bomaten antye mon konnen ou en busy man.  Dr Herminie, Acting AG, Mr Verghese, Ms Desaubin, Ms Commettant, mersi pou zot letan zot in vini.  Nou aprezan eskiz zot e swet zot tou de bon avek sa travay ki zot pe fer e zot konnen zot annan siport Lasanble an antye e pa zis sipor me sipor tre tre for. Alor mersi  ankor e nou a eskiz zot.

 

(VICE-PRESIDENT MR VINCENT MERITON AND HIS DELEGATION WAS EXCUSED FORM THE HOUSE)

 

 

MR SPEAKER

Nou a retourn lo nou Order  Paper, revised Order Paper pou ozordi.  E lot apre Public Bills, eski nou pe pran Private Members Bills la Mr Afif akoz i annan osi Mosyon, deba lo sa rapor Special AuditWhat do we do premye la?  Clerk?  Pa pou fer sa.  So, nou pou anvoy li pou next weekAre we going to go straight on debate on the Report lo Special Audit? Oh yes sorry.  Onorab Francois Adelaide i la.  Wi, wi.  Eski nou al lo Mosyon Manm elekte pou Baie Lazare premye?  Yes, Clerk.  Yes Onorab Ferrari ale donn nou ou lopinyon.

 

HON JEAN-FRANCOIS FERRARI

Mon pe sey get en pe nou letan.  Nou pa pe pran sa, nou pa pe fer Second Reading Private Members Bill ?

 

MR SPEAKER

Onorab Afif si mon’n konpran byen in dir nou pou espere.  Se sa?  Clerk in dir mwan?  Ok.  So nou pa pe pran sa Second Reading pou sa Anti-Money Laundering (Amendmen) Bill 2017.  E apre sa i annan Mosyon.  Nou osi lo Order Paper i annan deba lo sa rapor ki ti prezante semenn pase ki Chair FPAC ti prezante me nou osi annan  2 Mosyon prezante par Onorab Francois Adelaide e Onorab Sylvanne Lemiel.  Yes Onorab Ferrari

 

HON JEAN-FRANCOIS FERRARI

Mon kestyon Mr Speaker se konman en Manm FPAC mon vwar ki mannyer nou pe ale si nou pran Mosyon Onorab Adelaide apre Mosyon Onorab Lemiel nou riske ganny en pe dekale lo deba dan sa rapor. E mwan koman en Manm FPAC mon ti a zis konmsi mon ti pe swete ki sa deba lo rapor Oditer Zeneral nou ganny li avan nou Break pou nou kapab kontinyen fer nou travay dan FPAC. So..

 

MR SPEAKER

Ler ou dir avan nou Break.  Avan nou Break ozordi oubyen Break, Recess?

 

HON JEAN-FRANCOIS FERRARI

Avan nou al dan Recess pour ki dan Recess nou pe travay.  So gid nou en pe silvouple.

 

MR SPEAKER

Lezot Manm zot lopinyon lo la.  Well, rapel byen ki rapor ti ganny prezante semenn pase e devan mwan mon prezimen zot osi zot annan en rapor an kreol lo odit spesyal lo peyman anver NDEA avek FIUSo sa i deza devan zot e mon pe dir demen nou ankor sesyon, demen bomaten nou pe zwenn 9er pou nou kontiny nou travay. Apre sa ki nou pou al Recess.  Savedir nou annan travay demen.  Onorab De Commarmond ?

 

HON CHARLES DE COMMARMOND

Mr Speaker mwan mon krwar nou kapab tackle tou sa travay ki lo nou Order Paper si nou anvi.  La ozordi la sa ki ou’n sizere boner i byen.  Nou tackle sa 2 Mosyon.  Nou pa bezwen al pran kantite letan lo sa 2 Mosyon.  I straight forward.  Mosyon  Onorab Adelaide apre Onorab Lemiel, nou ale an vites petet nou fini sa ozordi menm.  E demen nou a ganny letan lazournen antye pou nou tackle sa issue ki Onorab Ferrari i met devan, savedir lo sa rapor.  Mwan mon pans koumsa. E mon krwar nou kapab al vitman lo la. E mon agree ki nou al vitman lo la.

 

MR SPEAKER

Vwala en propozisyon konkret ki fer sans.  Eski i annan  okenn obzeksyon lo sa ki nou pran sa 2 Mosyon Onorab Adelaide e Onorab Lemiel ozordi, nou a fini ler nou fini.  Epi bomaten 9er nou konmans drwat, fresh lo rapor.  Nou dakor?  Ok tre byen.  Onorab Adelaide laparol i pou ou.

 

HON FRANCOIS ADELAIDE

Mersi Mr Speaker, bonn apre midi tou dimoun a lekout. Mr Speaker ozordi sa Mosyon ki nou pe anmenn devan Lasanble i al koumsa:

Avek sa logmantasyon dan bann ka dife kot nou vwar bokou lakaz pe ganny afekte parsyelman, menm detri konpletman sa Lasanble, pe demann avek Gouvernman pour enn.

  • Entrodwir e Lalwa ki ava fer li obligatwar pour tou propriyeter lakaz pour annan en lasirans ki kouver zot lakaz.
  • Nou pe demande pour entrodwir en Scheme ki ava ed tou bann propriyeter pour asire ki tou dimoun i kapab peye pour en tel lasirans lakaz.

Mr Speaker ler i ti anonse lo radyo, lo televizyon, mon ti pe swiv en deba lo Facebook. Bokou dimoun ti pe petet demande akoz bi en tel Mosyon. I annan en msye ki ti dir si nou pour bezwen trenn en dimoun dan prizon si akoz i pa pey en lasirans lakaz. E en lot, en madanm ti dir; li i ganny kouver avek Bondye.

E en lot ti entervenir ti dir i pour napa larzan pour li kapab pey en lasirans lakaz. E nou’n pran tou sa bann pwen an konsiderasyon. E mwan mon’n deside pour mwan kontinyen pouse pour ki sa Mosyon i vin devan dan nou Lasanble ozordi, pour nou debat lo la, e pour nou montre petet Seselwa an zeneral akoz ki i enportan pour nou annan en tel Mosyon, e pour nou annan en tel lasirans pour nou lakaz. I tre enportan pour nou, pour kontinyen fer Seselwa mazinen ki sa ki zot kapab erite apre plizyer lannen travay dir i kapab swa pa en fot personnel, swa en fot lafanmir, swa par en aksidan kelkonk, swa par en akt ki an deor nou kontrol dan lespas detrwa minit nou kapab perdi tou.

Avek bann aksidan koumsa kot nou vwar, kot nou kapab vwar tou nou kouraz lepase ziska aprezan, tou nou bann byen materyel, tou nou bann byen ki annan valer santimantal, menm parfwa nou vwazen osi i kapab ganny afekte avek en tel aksidan. Dan sa letan ozordi, tou keksoz ki nou ti kapab aste bonmarse oparavan, tousala sa bann valer in monte. E pour nou al rekomanse i kapab, i kapab pa zanmen zin en realite, e menm kapab fer nou devlop bann, petet bann konplikasyon tel ki depresyon, fristrasyon, menm sanz nou fason viv avek nou fason azir.  Mr Speaker, en dife i kapab komans nenport ki fason. I pa swazir lekel, kan, oubyen kote.  Pran par egzanp konmela, nou trouv bokou bann zoli prodwir dan magazen pour amelyor nou bann lakaz, e nou bann zalantour, bann dekorasyon enteryer ki par ler nou panse i fer kot nou get zoli.

Telman i annan prodwir pour anbelir nou lakaz, nou menm par fwa pa pran kont bann kalite prodwir ki nou pe aste, e par zis en move swa i kapab fer nou maler.  Ler mon lo sa topik Mr Speaker i enportan ki nou alert ankor enn fwa bann lenstitisyon ki annan manda pour investigate sa bann prodwir ki pe antre dan nou pei.  Tro bokou bann prodwir ki anba standar, tel ki bann lekipman elektronik, bann matyer premyer pour wiring eksetera ki kontribye dan bann fot teknik ki kapab komans en dife.  In plis ki ler pour aksyon ganny pran pour adres sa bann size.

I osi enportan Mr Speaker pour annan plis lavertisman lo bann bon fason pour evite pour fer, pour evite fer bann keksoz ki kapab komans en dife. Par egzanp, kit bann lekipman elektronik li lasarz san sipervizyon.  Servi extension pour konekte plizyer lekipman lo la.  Overload socket elektrik, e plizyer lezot ankor. Mr Speaker, i annan lezot fason ki en dife i kapab ganny okazyonnen par bann fot personnel ki tel ki oubliy kastrol lo dife, ou bliye tenny karo dan pe depase, menm par fwa apre sorti bann aktivite aswar nou deside prepar en pti fast food, e sonmey i pran nou, sa realize i kapab komet, fer en dife. Menm parey yer nou’n trouve apre Portparol Lazans Tenny Dife zanfan ki zwe avek zalimet ek brike.

Mr Speaker, i annan ankor en kantite fason ki nou kapab fer fas avek en dife lakaz. Tousala nou mazin par ker, me ler i pour arive i pa pour averti personn. Vwala Mr Speaker nide par deryer en tel Mosyon. An ka danze i arive, Seselwa i ava kapab ganny en lot rekour pour asiste li, e kapab re ganny sa ki in perdi. Menm si souvandfwa, i pa pour kapab ganny tou. Me touzour i ava annan en komansman. Denozour avek sa lavi ki vin deplizanpli pli ser pour re batir en lot lakaz apre bann leksperyans koumsa, i vreman difisil, me atraver en lasirans pour bokou en lot lakaz i kapab vin en realite. Nou pa annan lentansyon pour fors personn pour pey en lasirans, me avek en lobligasyon i toultan en motiv pour nou egzers en bon fason fer ki kapab benefisye nou pli tar.

Mr Speaker, mwan mon ti annan en zanmi ki i ti pe al fer son pti holiday deor, zis ler i pe ariv Airport i pe pey son tiket, i ti ganny alerte ki annan en dife kot li.  I ti bezwen cancel son trip ler i ti arive pa son lakaz ti’n brile. Me sete lakaz enn son vwazen.  Me li osi i trou li ganny afekte.  E sa ti ariv an Desanm e la i fek konfirm ek mwan de zour pase ki apre ki in bezwen pey tou keksoz dan son pos in kapab finalman son lasirans in kapab antre ladan pour kapab ranbours li en pe, e petet pour li kapab re aranz son lakaz.

Mr Speaker, bokou dimoun par ler i dir, nou pe al met en lot burden lo zot.  Zot deza napa larzan la, lavi i deza tro ser, avek pour nou fors zot pour pey en lasirans lakaz, i petet pe vin en lot depans lo zot. Me nou pe demann Gouvernman petet konsider, mon 2enm pwen ; entrodwir en Scheme ki ava ede pour sa bann propriyeter ki pa kapab zot osi, i kapab ganny asiste.  Nou pa pe zis anmenn en problenm pour nou met lo Gouvernman, me nou pe osi anmenn petet en solisyon ki kapab remedi sa bann keksoz. Mr Speaker, parey nou pe dir nou letan i pa tro, tro long. Mon statistik ki mon pour donn zot i petet par pour demontre sa gravite ki mannyer sa problenm i ete.

Se ki akoz pour sa dernyen 5an ler nou pe koz lakaz i annan bann lakaz ki HFC, zot asiste bann dimoun pour konstri, me ler zot konstri, pour zot konstri sa lakaz, zot ganny oblize pour zot pey en Scheme en Lasirans. Me ler lakaz i fini pa tou ki deside kontinyen avek sa Scheme Lasirans.

E apre osi sorti kot lazans tenny dife, i annan detrwa letan mon pe demann zot pour mwan ganny en, en bon statistik. Me zot pe fer mwan konpran pour dir ler zot pe lyez avek bann Lakonpannyen Lasirans, e pour zot kapab ganny en bon statistik, zot pa ankor kapab re met enn avek mwan, me selman i dir mwan ki. Selman zot dir mwan ki i en keksoz ki vreman alarman, e ki Lasanble, ti devret depi pli lontan koz lo sa bann keksoz.

Apre osi i annan garson osi ki’n fer mwan konpran pour dir nou bezwen fer Sesel, nou bezwen konsyantiz Seselwa lo akoz en tel lasirans pour lakaz. Parey ler bann dimoun pe dir ki zot pa pe kapab afford, me nou kapab gete lasirans loto i oblize nou pey en lasirans loto, e nou vwar bokou dimoun i kapab afford pour en lasirans loto. E ler ou gete parey en lakaz son valer i pli bokou. E ler nou pe kalkil pour nou pey en lasirans, mon krwar i fer bokou sans, e si nou tou nou regard li dan sa lespri pozitif, mon krwar i en keksoz ki mon krwar nou tou nou devret fer.

Mr Speaker parey mon pe dir 2enm bout mon Mosyon pe demann avek, pour kree en Scheme. Avek sa lavi ser parey mon’n dir bokou dimoun par fwa, i pa mazin son priyorite, i tant pour negliz son priyorite, menm par ler zis akoz le mwayen i pa permet li.

Me avek en tel Scheme, nou pa pe dir petet al anbaras Gouvernman, me nou pe propoze, mwan mon pe propoze ki kantmenm by installment si i pe asir son lakaz R2mil i kapab ganny asiste avek en Scheme ki kapab pey li R400 tou le mwan eskan ler i kapab fini pey son R2mil.  E ler ou gete ou pour vwar li in ganny asire. Okenn keksoz ki arive pli tar, i ava war en rekour. Mr Speaker sa bann fason ki mon’n koze, sa bann pwen ki mon’n met devan, i ava en fason ki, ava en pe pli favorab. E petet sa Seselwa, ava vwar en lot lespwar si an ka zot trouv, zot dan en tel sityasyon koumsa.

En lot fason se ki ler i ava annan an plis dimoun ki pe kontribye pour en lasirans lakaz, bann Lakonpannyen Lasirans zot osi zot a benefisye lo en, lo lakantite kliyan, e sa i ava kontribye pour fer desann zot premium, e nou ava vwar en win-win situation kot lasirans pa perdi, menm kliyan pa perdi, e nou tou nou ava satisfe.

Mr Speaker mon oule sezi sa lokazyon pour sipliy avek bann Lakonpannyen Lasirans pour azir en pe pli vit ler bann tel lensidan i arive, pour ki sa bann kliyan ki’n ganny afekte, zot pa vwar zot, zot a vwar zot pe ganny asiste o pli vit posib. Mr Speaker, pour konklir, nou tou, nou tou dir nou kontan Sesel, e nou tou nou kontan ler Seselwa i bouz devan. Atraver sa lasirans lakaz ki nou pe demande, nou pe petet tir ankor en pti pe lour lo Gouvernman akoz mazinen deza la nou annan en shortage lakaz e si tanzantan detrwa i bliye ankor, nou azout ankor plis fardo lo bezwen pour lakaz. Me atraver en lasirans, se ki bann dimoun ava vwar en lot opsyon e Gouvernman li i ava kontinyen avek son bann progranm lakaz. Me i pa bezwen war li pe kontinyen replenish an mezir ki bann kou lakaz i monte, demann i vin plis. Mon pour personnelman enplor ek sa Lasanble, zot tou pour siport sa Mosyon.Ii pa en fardo ki nou pe mete lo nou Seselwa. Me i pour plito en keksoz pour lavenir, ne keksoz pour zot kapab zwir, pour larestan zot lavi, e petet, nou ava kapab elimin en pti git sa zafer mank lakaz dan bann letan ki pe vini.
Mr Speaker mon pour remersye ou pour ou letan,. Mersi.

 

MR SPEAKER

Mersi Onorab Adelaide. Onorab Afif eski ou pe segonn sa Mosyon ?

 

HON AHMED AFIF

Wi, Mr Speaker, mon ti a kontan segonde avek ou permisyon zis fer en kourt lentervansyon.

 

MR SPEAKER

Go ahead.

 

HON AHMED AFIF

Mr Speaker, sa Mosyon pe demande ki nou devret fer li mandatwar atraver Lalwa pour tou propriyeter lakaz pour zot annan en lasirans ki kouver zot dan, byensir dan bann ka danze, oubyen kot zot lakaz i ganny detri.

Sa pratik Mr Speaker pour ou annan en lasirans pour ou lakaz i pa en keksoz nouvo. Selman i pa mandatwar, me sertennman i mandatwar si ou pe al rod en loan pour ou al fer ou lakaz. Alor bokou nou, nou deza familye avek sa pratik parske sa labank ki pe pret ou larzan i anvi fer sir ki zour i ariv en maler li omwen, parski li ki’n depans laplipar pour sa lakaz, ou pa ankor fini re pey li. E alor li i ganny kouver. Alor i deza en keksoz ki bokou nou, menm ki nou pa en labank nou pe deza fer li.

Rezon mon krwar i en bon nide se parske souvandfwa, e mwan dan mon ka mon kapab, mon kapab dir nou annan apepre 4 dife sa lannen, zis dan Anse Etoile, e ladan mon pa krwar ti annan enn ki ti annan lasirans ki’n kouver zot.

Savedir nou’n trouv kominote, nou trouv MNA, ou vwar DA, ou vwar tou dimoun e pour sa mon remersye kominote dan bann ka koumsa kot tou dimoun i vin ansanm zot met resours, Gouvernman osi enkli lazans proteksyon sosyal, tou dimoun i vin ansanm sey ed sa fanmir, e finalman lekel ki pe peye, en porsyon i sorti kot taxpayer, en porsyon i sorti kot tou dimoun dan lakominote.

Alor set en keksoz ki nou fer otomatikman. Me selman nou pa pe realize. Tou dimoun ki pre i ede, i kontribye. Sa pwen ki Onorab Adelaide pe mete, pe senpleman dir formaliz li. Formaliz li parski i annan en striktir ki an plas ozordi pour permet ou zour ou’n tonm dan sa problenm pour kapab, pour kapab ganny en rekour. E sa se Lakonpannyen Lasirans, zot spesyalize. Mon panse si i vin mandatwar, zot pour ganny plis biznes, e si zot ganny plis biznes, son pwen nimero 2 i fer sans parske la ou bezwen petet aranz sa bann dimoun ki pe donn ou plis biznes. Entrodwir en Scheme ki fer li abordab pour tou dimoun.

E alor mwan mon pour dir pour bann rezon ki nou pe vwar dan lapratik ozordi ki pe arive, i enportan pour nou konsider sa bann pratik, e mon osi krwar Onorab Adelaide i pe regard le fe ozordi ki pe arive, e si nou get par egzanp lontan – lontan petet i pa ti neseser, parski kalite konstriksyon ki nou ti pe fer, kalite lavi ki nou ti annan, nou ti napa bokou keksoz elektrik, Mr Speaker.  Nou pa ti kit, nou pa ti kwi neseserman dan en lakwizin ki dan en lakaz, ti deor. Nou ti napa sa kantite wiring dan lakaz lontan.

Alors petet dimoun pa ti trouv li sitan neseser. Me ozordi ou pe tann depi mobile phone, ek son charger i sofe i pran dife. Ozordi, ou pe, annefe Anse Etoile sa bann dife ki’n arive, en bon pe sa dimoun in zis kit en kastrol lo dife, e in ale.  Petet i neglizans, petet i en aksidan, me in arive. E alor petet lontan ou ti a met dibwa deor, ou pe kwi, ki ler sa dibwa i fini, i tennyen.

Me ozordi sirkonstans, mon pe zis donn detrwa legzanp pour montre  pour dir sirkonstans lontan avek sirkonstans ozordi in sanze. E ler i sanze nou osi nou bezwen sanze.  E alor, vre, mon konnen i pour met en pti fardo lo dimoun pour zot kapab pey en lasirans an plis, me selman mon ti a dir ek zot mazinen pour dir i annan en sans ki si ou pa fer li, ou pa pour pey de fwa plis, ou pour pey petet 100 fwa plis, ou 200 fwa plis.

E alor annou pran nou en labitid, e labitid pour senpleman vin atraver en lobligasyon, ki ou pour bezwen pey en lasirans, i vin en kou ekstra. Me selman get li dan lesans kot ou pe deza depanse pour ed lezot ki’n ganny afekte avek dife. Petet ou fanmir, petet zanmi, e alor ou pa pour vreman depans sa kantite ekstra. E annou get li dan lesans kot son 2enm bout pe dir kot si ou annan en Scheme, e Gouvernman a travay ansanm avek bann lakonpannyen lasirans e sekter prive pour fer sir ki tou dimoun i ganny keksoz ki abordab. E avek sa mon krwar pour dir nou kapab amelyor bann lozman pour bann dimoun, nou pour redwir presyon lo Gouvernman. Nou pour redwir presyon lo Lazans Proteksyon Sosyal.

E zeneralman i pour en mezir ki pour anmenn benefis ekonomik pour pei. E avek sa mon ti a kontan anmenn mon sipor pour sa Mosyon.  Mersi Mr Speaker.

 

MR SPEAKER

Mersi Onorab. Eski i annan okenn lezot dimoun ki anvi entervenir lo sa Mosyon. Onorab Ferrari.

 

HON JEAN-FRANCOIS FERRARI

Tre briyevman Mr Speaker, pour aport mon sipor a Onorab Adelaide.

Mon krwar enn bann keksoz ki nou souvan take for granted se lasirans, swa nou annan, swa nou napa. Si nou annan, nou pey li akoz nou abitye peye. Me si nou napa, nou pa vwar litilite pour nou pran en lasirans ziske ler ki maler i arive.  Mwan mon vwar ki nou bezwen bouz dan en fason viv, fason manage nou lavi ki pli modern. E parey Onorab Afif in dir nou pe viv dan en lepok kot bann risk se bann nouvo risk, e bann risk ki’n miltipliye bokou plis ki lontan.

E nou pe vwar bann prodwir ki pe antre dan pei ki bokou fwa konsonmater in kriye, i dir fodre nou ganny bann standar ki pli apropriye, bann fan ki brile apre de zour, bann sket, bann extension ki brile, i sofe apre i brile, telefonn, nou’n war en kantite lekipman lakwizin, bann keksoz koumsa ki, ki nou pa tro konnen par ler kot i sorti, akoz nou en lekonomi ouver, e sa bann keksoz i ariv dan pei, i bonmarse, sa ki napa bokou larzan i aste sa enn ki bonmarse.  E li menm ki pey le konsekans.

Mwan mon krwar merit dan Mosyon Mr Onorab Adelaide, se ki sa Mosyon i pour vreman enportan pour sa kous nou popilasyon ki souvan li menm ki pli dan en sityasyon finansyerman pli sere. E akoz se li, enn bann premye keksoz ki ou, si ou larzan pa la, ou larzan pa aziste. Enn bann premye keksoz ki ou fer, se ki ou, kantmenm ou lasirans in expire, ou dir be mwan a tenir en mwan, mon a tenir de mwan, mwan a tenir 3 mwan, me nanryen pa’n arive. Mwan a tenir 6 mwan apre ou bliye peye. Akoz lezot keksoz ou bezwen peye, akoz si ou pa pey delo, pour napa delo dan lakaz. si ou pa pey elektrik, pour napa elektrik dan lakaz.

Donk, ou sey koup lo sa keksoz ki ou pa vwar son konsekans imedyatman. E parey mon ti pe dir pli boner, souvan se sa dimoun ki pli dan bezwen ki ganny afekte. E menm parey ler nou servi legzanp, si ou annan, si ou’n sanz ou fridge, ou’n rod en fridge pli nef, pli modern akoz sa enn ki ou annan laport pa tro ferm byen.

Ou rod ou fridge nef, ou met anndan, ou pran sa enn ou met anba langar, en dimoun i pase i dir ou be, zot donn mwan sa fridge  pour mwan pa pe tro, tro marse, ou donn li, sa ler la ou pe donn li en latet fermal. Ou pe donn li en keksoz, en fridge ki pout kout li en ta larzan, ki pour servi en ta kouran akoz laport fermen, i pour bezwen al sanz en moter ladan. Konmsi souvan, maler i ariv plis li lo ler ou napa parey nou dir. I annan en lekspresyon ki dir pli ou meg, pli en lisyen, pli pis i kontan li.

Be zisteman, Mosyon Onorab Adelaide se pour ed bann dimoun ki pa kapab afford an zeneral pour li pey sa lasirans. Alors i pa peye. Me i annan en bezwen pour ki bann Lakonpannyen Lasirans avek Gouvernman i sey met latet ansanm pour gete – eski pa kapab annan dan nou pei en lasirans minimonm pour lakaz en pe parey sa lasirans 3rd party ki nou annan lo loto ? Be selman i annan enn, en nespes 3rd party pour lakaz osi. Konmsi ki asir basic – basic oubyen 3rd party lo en moter. Dan en fason ki Onorab Hoareau pa ti pour bezwen depanse apre.

Me, me en basic lasirans, mon krwar ti ava, mon, personnelman mon pa konnen si i posib, me selman, kekfwa i en domenn kot, bann Konpannyen Lasirans ti kapab eksplor pour gete si i annan sa lasirans ki, lasirans de-baz ki ava ankouraz tou bann dimoun pour zot, pour zot pran sa lasirans e protez zot byen. Akoz mon osi parey Onorab Afif mon’n ganny apele plizyer dan maler e menm ler ou sey ede zanmen i ranplas sa ki ou’n perdi. Zanmen in… par ler i annan en zenerasyon ki dimoun i reste dan lakaz.

E dan sa lakaz i annan en gran manman ki’n tap en labouzi, oubyen wi ki ti pe fer son lapriyer ki’n tap en labouzi, e li sa zanfan, i ti pe al erit sa lakaz li. Touy son lavi in la, i ti pe al erite en keksoz, par en senp pti zes ki pa ni fer atansyon, ki pa’n ni en gran keksoz, ou perdi tou sa ki ti pour vin pour ou. E sa i ase terib. Alors Mr Speaker, mon krwar ki Mosyon Onorab Adelaide i annan vreman en kantite merit, e mon ti a vreman ankouraz Minister Finans, mon krwar Minister Finans i annan dan son striktir en departman ki regard lasirans ki reglemant bann Konpannyen Lasirans, e ki kapab fer sa bann rekomandasyon.

E sirtou, sirtou parey Onorab Adelaide in dir, si nou sey, si tou dimoun ti asir son lakaz, savedir plis larzan dan sa, dan sa Kof ki pe al kot bann Lasirans e i kapab fer ki bann premium i bese, i devret bese an realite. E donk se Minister, nou lapel se pour Minister Finans pour gete dan posibilite rod sa solisyon pour tou Seselwa. Alors mwan mon pour anmenn mon sipor pour sa Mosyon. Mersi Mr Speaker.

 

MR SPEAKER

Mersi Onorab. Onorab Aglae.

 

HON EGBERT AGLAE

Mersi Mr Speaker. Mr Speaker mon oule aport mon kontribisyon ver sa Mosyon  prezante par Onorab Adelaide. Mr Speaker dabor mon krwar tou dimoun ki reve fer en lakaz, i mazinen ki i pour reste dan sa lakaz petet ziskan ler i mor.

Me par fwa i annan serten maler ki arive pour bann rezon an deor kontrol. E mwan koman en MNA e bann lezot MNA ki annan en distrik ki atase e menm si bann petet ki napa distrik Proporsyonnel, zot deza annan, zanmi, fanmir, ou menm bann konesans ki annan lakaz dan distrik. E ler maler i arive la ki ou konn soufrans ki serten sa bann fanmir i bezwen pas atraver.  E mwan dan mon leksperyans, dan parkour koman en Administrater Distrik, mon’n fer fas avek detrwa sa bann lensidan parey. E ou vwar pour dir in annan nesesite azir dan en bann dimoun sirtou, bann owners, azir dan en fason pli responsab kot i konsern zot propriyete.

Lannen pase, ler nou ti pe fer deba lo Bidze, mon ti menm poz serten kestyon sirtou ler Lazans Fire and Rescue ti la, lo bann prosedir ki kapab, ganny met an plas sirtou kot i konsern bann lekipman detektiv ki kapab sonn en alarm ki en dimoun, menm si en keksoz i ariv dan lannwit, sirtou ler nou pe dormi, nou kapab lev-e, e sa i en keksoz mon ti demande ki i kapab vin mandatwar dan zot servis ki zot donnen.

Mr Speaker mon konnen pour dir ler ou pran en loan sirtou ek labank, avek bann lenstitisyon parey HFC osi, i fer li ki i obligatwar ki ou pour bezwen annan ou en lasirans pour kapab kouver ou lakaz ziskan ler ou fini konstri li e menm apre. Me par fwa sa ki arive se ki i annan dimoun i pran bann risk. Ler nou pe koz bann risk, nou konnen ki en lakaz ler ou pe kol li an term lasirans, konpare ek en loto. En loto i en moveable li son risk i pli o, me selman en lakaz li ki i statik la dan sa landrwa, i pa neseserman pe al anmenn en aksidan, ale ver en aksidan, me son aksidan i ariv anndan li menm li avek li.

E nou par fwa nou tant pour gamble avek sa, nou sote, nou dir non, nou pa pour peye, nou pa pour ale. E la kot maler i arive san ki nou konnen. Alors Mr Speaker, ler ou pe konpar en lasirans loto, ozordi mon oule fer sa konparezon, en loto pe kout nou a R300mil, mon pe met li en pri koumsa, son lasirans ki ler en dimoun pe pey en loto nef, i par lao 20mil a 30mil ki ou pe re peye pour sa lasirans. Me ler ou konpar en lasirans lakaz li par lannen ki i bokou pli bonmarse, me selman i tou depan lo sa, ceiing ki ou pe asir ou lakaz. Me selman mon konnen mon konnen i pour pli bonmarse. E ler ou konpar en lakaz, napa zis en dimoun ki reste dan sa lakaz, malgre lakaz i pour mwan, mwan osi mon annan mon bann zanfan petet. Mon annan ki’n gran ki pe travay ki kapab pe reste avek mwan. Alors mon krwar i annan en nesesite ki nou korpere ansanm. Nou pe reste dan sa lakaz akoz si i brile demen ou pour perdi ou plas dormi, lot pour perdi son plas dormi, i pour bezwen al rod son lot landrwa pour li viv.

So i en responsabilite pour nou tou pran, pour nou kapab dir, mwan mon bezwen sofgard sa plas dormi mon lasanm ki mon pe reste ladan, sa twa ki lo mon latet. Alor i en kontribisyon an tou ki nou tou nou bezwen fer.

Lo pwen 2 Mosyon i pe demann Gouvernman, lo pwen 3, sorry, lo pwen 2, wi, entrodwir en Scheme. Mon napa problenm entrodwir en Scheme, me selman mon ti a kontan petet al pli devan ki nou pa zis demann Gouvernman pour fer sa Scheme. Sa Scheme i bezwen annan en partenarya avek bann Lakonpannyen Lasirans. Ler ou regard lasirans lavi, i annan bann azan ki pase, ki al sers sa nide sa lasirans. Mon ti a swete ki avek lasirans lakaz osi i ava annan en fason fer kot bann azan i kapab al ver sa bann lozman ki napa en lasirans. I kapab servi Administrasyon Distrik si fodre, DA’s Office pour konnen lekel bann ki napa sa bann lasirans e ofer zot en lof. Ofer zot en lof, parey lasirans loto ler ou pe pran en full comprehensive, ou kapab pey li par installment, donn zot sa bann opsyon pour zot par pey par installment, si zot mwayen pa permet. Sa osi i ava ede tir sa presyon ki Gouvernman ki bezwen antre dan tou keksoz, e lasirans li i a fer son travay, i ava ganny son kliyan pour li kapab fer son biznes kontinyen marse.

Mr Speaker, pour konstate osi ki lakaz Gouvernman i annan bann lasirans ki ganny mete, bann lakaz PMC, me sa ki ou pe vwar par fwa, sa i en pwen konsern se ki apre 5an ki ou’n reste dan en lakaz nou konnen pour bann, bann valer bann keksoz ki i moveable, lakaz, propriyete, tou-le-z-an i monte, valer i monte. Zot pa pe fer sa re assessment. Mon annan en ka ki’n arive kot mwan kot plis ki 10an pase sa dimoun in pey son lakaz, an tou ti ariv li apepre R400mil. In fini re peye, dife in pran, ozordi sa menm larzan ki pour li fer sa menm lakaz, si lasirans pour rann li R400mil, i pa pe kapab re kouver sa larzan pour kapab re fer en lakaz nouvo avek sa.

Pri lakaz in monte, me bann reassessment pa pe ganny fer pour met azour pri market value lakaz ki tou-le z-an i kontinyen monte. Sa mon krwar Mr Speaker Gouvernman i bezwen get ladan atraver PMC, HFC pour fer sir ki bann lasirans ki zot pe kouver sa bann kliyan dan zot lakaz, i reste azour, e pour anpese ki demen i vin en gro pert lo zot par.

Mr Speaker mon dernyen pwen i bann lekipman parey mon’n nonmen ki i enportan, ki ozordi i bezwen ganny met an plas, par egzanp en fire detector, i kout R300. Bokou lakour napa en fire detector – R300 i pa en gran larzan. Me selman ler ou koz ek serten dimoun i dir ou koumsa pour zot desann zot menm pour al fer en demars pour aste en fire detector, zot pa pe pran li koman en gran keksoz pour zot. Me se sa ki nou bezwen annan sa ledikasyon, sa kanpanny pour fer sir ki si nou pour bezwen donn fire detector sak lakaz, sa bann dimoun pour peye, byensir. I ava en fason ki pour anmenn zot pli pres avek lakominote.

Petet bann laboutik i annan ki ava ganny met dan bann laboutik, parey mon ti sizere, e osi bann fire extinguisher ki par zour ki expire kot ou pase ou vwar i expire. Me si ariv en dife nou konnen dega ki i pour koze. E mon dernyen pwen Mr Speaker, mon oule koz lo bann prekosyon ki nou imen nou bezwen pran nou menm. Nou koz bann lekipman petet in annan, bann lekipman defayans ki nou aste, in annan bann lekipman ki bann kontrakter per servi dan lakaz ozordi ki pa bon kalite nou dir. Parey enn ler nou konplent nou dir sa i fer Lasinn i pa bon, me pa tou keksoz Lasinn, ki fer Lasinn ki pa bon.

Me selman i annan serten kontrakter dezonnet. Pour li extend son profi lo serten konstriksyon, i al rod bann cheap materials pour li fer sa. E ou koman en kliyan, ou pa konn nanryen dan elektrisyen ou, ou pa konnen si i sipoze pe servi sepa en wiring, sepa detrwa milimet pli o, ouswa en switch, ouswa en fuse ki sipoze pli o, i donn ou en zafer ki ou, ou satisfe, ou met li on i marse, i ok, san konnen pour dir i annan serten aktivite sofman ki pe ganny organize tanzantan, e ler ou’n servi li konstaman la i vin en problenm pour ou.

Mr Speaker nou osi bezwen konstate ki PUC koman en lazans ki donn lenerzi par fwa osi i annan serten rol ki i zwe. Nou, nou pa konnen kantite voltaz ki antre par ler. Par ler i dir ou i annan bann power surge ki arive.  E ler i vin en sel kou i kapab koz en lekipman ganny andomaze, en brile, en fuse i sote. E tousala i kapab koz serten danze pour sa lakaz, sa propriyete ki la. Alor Mr Speaker nou bann zanfan, nou’n tande yer swar dan nouvel kot en zanfan ti pe zwe ek zalimet, e matla in brile, lakaz in pran dife. E mon senpatiz ek sa fanmir, bann lezot dimoun os ki’n sibir bann ka dife.

Nou bezwen fer sir ki bann keksoz korosiv ki annan dan lakour i ganny met dan en keksoz, en landrwa ki very safe. Zalimet pa kapab zis nou, par ler nou plas zis li o-bor stov, ouswa dan en pti kabinet anler, ou bezwen komans safeguard nou bann keksoz ki kapab vin kostik pou nou prop propriyete. Annou met li byen, lock and safe, annou pa kit galon benzine partou, ouswa dan kwen, dan store, ater, annou met keksoz, sa bann keksoz byen en mannyer ki demen bomaten, nou pa pour kriy se ma fot akoz i pou’n tro tar, e nou pou’n perdi sa lenvestisman akoz lakaz pour ou fer i en lenvestisman akoz lakaz pour ou fer i en lenvestisman konsiderab.

I pran ou 20an, 25an pour ou pey en lakaz, me i pran detrwa minit pour en lakaz brile. Annou mazin sa, annou vin devan, annou rod nou lasirans, apros bann dimoun si zot pa konn lenformasyon, rod lenformasyon. Call, rode mot nou kapab ganny bann bon deal avek bann Konpannyen Lasirans pour nou kapab secure nou propriyete ki demen nou kapab kontinyen viv nou lavi. Mersi Mr Speaker.

 

MR SPEAKER

Mersi Onorab. Onorab Pillay. Onorab Sebastien Pillay.

 

HON SEBASTIEN PILLAY

Mersi Mr Speaker. Bonn apre midi.

Mr Speaker devan nou, nou annan en Mosyon ki pas a son merit, me selman dan sa Mosyon malgre mwan vwar bann eleman tre pozitif, i annan serten eleman ki poz mwan serten konsern, e mon ti ava kontan prezant sa devan Mover Mosyon. E osi fer en propozisyon pour en lamannman akoz mon krwar pour dir i ava ede pour nou kapab anmenn sa Mosyon dan en laliny ki ava permet nou pour anmenn en diskisyon pli larz dan en fason pli konkret pour kapab adres sa sityasyon.

Mr Speaker ler nou pe koz lo lasirans nou bezwen osi regard le fe ki i annan de kalite eleman dan sa size. Premyerman i annan eleman kot ler ou vwar asir par egzanp ou loto, ou pa pe zis asir ou loto pour ou lekor, me ou pe asir ou loto pour si an ka ou loto i fer aksidan ek en lot dimoun. Akoz i annan en 3rd party liability ki involve. Me tandis ki en lakaz i pa en keksoz ki moveable, so i la statik, so ou pe asir sa lakaz for what it is, the property. E prezan dan sa ka prezan la ou bezwen, ou bezwen prezan asize mazinen pour dir be sa dimoun osi li i bezwen annan sa lanvi pour li asir son lakaz, oubyen sa nesesite pour li asir son lakaz.

Nou’n vwar pour dir i annan serten kondisyon, oubyen serten sirkonstans kot en dimoun i bezwen asir son lakaz. Par egzanp ler ou annan sa ki ou apel bann  immeuble -kot ou reste dan bann, dan bann i meb, dan bann apartment building kot anba Lalwa i annan bann lobligasyon ki sa bann building in ganny asire, me ki apre en serten letan, once sa Title i pas lo ou pour ou bezwen prezan asir peyman sa lasirans an relasyon avek ou apartman ki ou annan. Now ki mwan mon pe vwar, mon pe vwar ki dan serten sirkonstans ou kapab enforce en provizyon ki fer li mandatwar pour en dimoun annan en lasirans.

Akoz par averti ki sa par egzanp dife i pran dan en apartman, i pour inevitableman bril tou lezot apartman. Alor se pour sa rezon ki ou bezwen, ou kapab annan serten kondisyon ki fer ki mwan par egzanp si mwan dan sa apartman, mon pran en lasirans.

Me lo lot kote par egzanp si en dimoun par egzanp pe asir son lakaz, e nou tou nou konnen pour dir dan en Kontra lasirans ki ou annan ek en konpannyen i toultan annan sa ki ou apel posibleman en exclusion clause ki pour antre. Ler ou’n fer li mandatwar. Meton nou dir ok nou fer en Lalwa, i dir i mandatwar ki par egzanp Francois Adelaide i asir son lakaz. Me si Francois Adelaide pa asir son lakaz. Tou Lalwa i akonpannyen par en penalti pour ler ou pa pe comply avek. Ou pour bezwen met en penalti. E la mwan mon santi pour dir baze lo sa ki mon’n fer resers, e mon’n regarde lezot pei.  I tre difisil kot mon’n kapab vwar en ka kot en pei in al dan en direksyon kot in fer lasirans pour dife mandatwar. Ou konpran ?

Menm dan lezot sirkonstans an se ki konsern medical insurance sa size mandatwar in vin en size tro bokou, bokou, bokou deba par egzanp Lanmerik resaman ti annan deba lo la kot ou obliz en dimoun pour aste en lasirans. Largiman se ki sete ki ou pe vann sa, sa konpannyen pe vann en prodwi, i zis parey en nenport ki prodwi, e sa dimoun li i sipoze free pour li aste.  E ler mon ti komanse mon ti dir ou Mosyon i annan merit akoz se sa kot merit ou Mosyon i antre kot sa prodwi dan sa ki la, i provide, i sipoze provide en rekour pour sa dimoun an ka i ariv en sityasyon kot son lakaz i brile.

Me prezan lefe i reste se ki si Gouvernman ki pe fer sa Lalwa, lefe ki ou pe fer li mandatwar, ou pe kree en sityasyon kot i pour annan en lobligasyon lo sa dimoun ki apre ou pour bezwen enforce sa lobligasyon lo sa dimoun.

E se la petet ou pour annan serten difikilte. E kot sela  kot petet mon santi pour dir nou pa ankor arive a sa moman kot nou pe regard li dan en fason mandatwar pour fer li anba Lalwa pour ki dimoun i asir son lakaz. Me selman mon pour aksepte ki wi i neseser ki nou annan dan en fason pli konkret, en diskisyon lo sa size sirtou ant Gouvernman, Lotorite Planning, PUC e bann Konpannyen Lasirans. Rezon mon dir sa set akoz ou pa oule kree en sityasyon demen, nou tou nou’n vwar sa malgre ki nou pur dir i annan sa ki ou apel market forces kot ler ou annan diferan konpannyen ki pe donn diferan prodwi, plis dimoun pe aste en prodwi, bann pri i desann. Nou’n vwar pour dir Sesel, nou souvandfwa, souvan i le ka i pa marse.

Nou’n vwar ki malgre de zour, lannen apre lannen, nou pe asir, en dimoun pe asir son loto ek en Konpannyen Lasirans, sa premium i desann vreman minimal. E bokou dimoun souvandfwa ou tann li pe konplent. E ler ou al rod par fwa dan serten sirkonstans, ou al rod petet rekour a en premium ki pli ba, ou vwar ou dan en sityasyon apre kot si in ariv en aksidan, oubyen keksoz ek ou, ou pa pe kapab recoup kou sa keksoz ki ou’n asire. Se la kot ou vwar pour dir i annan serten problenm deza ki egziste.

E mon dakor avek sa size entrodwir en Scheme. Me selman ankor enn fwa se sa Scheme pour bezwen baze lo en sistenm kot ou pe means test en dimoun pour li vin asir sa propriyete. Apriori kot nou kapab komanse se ki nou kapab dir par egzanp nou fer li mandatwar ki sak dimoun ki pe ganny en lakaz ek Gouvernman, i  maintain en lakaz en lasirans lakaz pour dire letan ki i pe re pey sa lakaz. Nou kapab fer li mandatwar koumsa akoz sa nou kapab build li dan en kontra ki sa dimoun i annan avek Gouvernman si in ganny sa lakaz. Zisteman parey ler en labank i donn ou en loan, ou pe fer ou lakaz, ou bezwen asir li akoz in case dife, then ou annan en larzan ki ou kapab, ou pa pe kapab re pey labank , ou annan en larzan ki ou kapab, labank i kapab recoup, i kapab re ganny serten son bann larzan ki in depanse, well ki in donn ou atraver loan pour fer sa lakaz.

So problenm fer li mandatwar mon krwar i varye. Se pour sa rezon ki, e mon konnen pour dir i pour difisil pour Onorab aksepte sa propozisyon akoz sa i en pwen enportan dan son Mosyon, me osi i en pwen ki fer li ganny kontansye, akoz i vreman difisil akoz i annan sitan lezot eleman ki ou bezwen anmenn ansanm pour kapab fer li marse.  E mon santi petet a sa moman nou pa ankor arive. Me si petet ou koz lo entrodwir bann mezir ki pour fer li, ki pour evantyelman fer li obligatwar pour tou propriyeter lakaz annan en lasirans lakaz, en lasirans kot zot lakaz, nou kapab komans dan sa direksyon, e nou a komans annan deba lo si oubyen non, nou kapab al dan direksyon en Lalwa, tout an prenan kont partisipasyon tou lezot dimoun.

I annan lezot opsyon ki nou kapab konsidere par egzanp. Nou kapab konsidere pour dir be ok, dan bokou pei ozordi in ban fimen dan indoors, partou, e mon krwar Sesel nou’n al dan sa direksyon osi. Me ki zot in osi entrodwir, zot in entrodwir ki laplipar lakaz, laplipar bann propriyete i annan en smoke detector ladan. Eski sa i en keksoz ki nou kapab build dan bann Lalwa Planning ki fer ki si en lakaz i ganny fer part of son fire en safety components ki i annan en smoke detector.

Mon konnen ki ozordi dan bokou building nou dir ki i bezwen annan par egzanp en fire extinguisher, oubyen i bezwen annan en fire alarm. So eski nou kapab al dan sa direksyon. Alors mon krwar ki se la kot ou pour annan serten difikilte. Mon krwar ou Mosyon i annan bokou merit. Me si nou pour al dan sa laliny kot nou pour demann en Lalwa la ozordi, nou pa komans en diskisyon fran lo la pour vwar ki direksyon nou kapab pran, then, nou pour vwar nou dan serten  difikilte.

Akoz ou konnen ki mon pa pour le, mon pa pour le en sityasyon kot, ok, mandatwarman en dimoun asir son lakaz. Demen en Konpannyen Lasirans i vini, i met en exclusion clause kot i dir, ‘’ok, sa dife in ganny mete par neglizans, i pa pe kouver.’’ I annan ka. Akoz par egzanp ozordi si ou fer aksidan anba lenfliyans lalkol, ou pa ganny kouver avek Lasirans.

So toultan Konpannyen Lasirans i annan bann exclusion. So se sa rezon ki mon krwar pour sir a priori annan sa diskisyon pour asire ki sa bann exclusion clause pa vin zis en fason pour bann konpannyen… Ok, i annan en keksoz mandatwar, i annan en fason pour nou fer en biznes la, me nou bezwen osi own up to our, mon konpran, mon pe al dir sa mo la ki mon konnen bann konpannyen pa pour kontan. En civic responsibility ki bann konpannyen i bezwen annan, an relasyon avek landrwa koz zot pe fer zot biznes. E sa mon konnen i tie-in avek zot corperate social responsibility. Ou konnen dan nou pei, nou’n pran Corperate Social Responsibility zis koman sa kontribisyon ki en konpannyen i fer. Me i al pli lwen ki sa.

Sa Corperate Social Responsibility i devret al pli lwen ki sa mere 0.05% ki ou donnen, e se sa dan en bann areas ki nou pe koz lo la an se ki konsern bann Konpannyen Lasirans ki mon krwar nou kapab, nou kapab al ladan. So en propozisyon avek Onorab se ki nou annan sa lamannman e la nou komans koz lo sa Lalwa pli devan akoz demen, ou pour annan oversight pour ou vwar si Gouvernman i kapab entrodwir sa Lalwa.

Me si in pa’n kapab. Eski ou pour corner li akoz i pa’n kapab? Mwan mon pe zis demande ki  ou rezonnab dan sa kote. Me lefe i reste Onorab ki Mosyon i annan merit. E i fer sans ozordi pour nou demande ki sa i annan. Zisteman Mr Speaker, pour servi legzanp ki’n arive dan laktyalite, nou’n vwar en gran building Langleter, i annan bokou kestyon ki pe ganny demande lo al, lo bann materyo ki’n ganny servi pour konstri sa building lo bann diferan keksoz, e sa moman iv in en moman osi ki mon krwar zis yer swar in annan en dife dan building Lanvironnman dan zarden botanik, e nou pe diskit lo la.

So i fer ki nou pe diskit en size ki relevan, e ki enportan pour bokou dimoun e mon oule dir Mr Speaker ki napa nanryen ki pli fermal ler ou al kot en lakour kot in annan en dife, e ou vwar sa bann dimoun pe esey anmas bann keksoz ki zot ti annan. Ou vwar menm en pti zanfan pe rod son zouzou, i war en pti bout ki’n brile, e ou santi, ou pa swete ki sa i ariv ek personn. Ou ti a swete ki tou dimoun i annan sa proteksyon. Me nou bezwen fer li byen, nou fer li dan en fason ki tou dimoun i kapab ganny proteze ki apre nou asire ki vreman i pour annan en rekour ki vini towards sa dimoun, once i ariv en sityasyon kot i annan en dife.

Mon remersi ou Mr Speaker, e mon remersi Lasanble pour son latansyon.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Speaker. Mr Speaker mon pa pour long, mon pa pour repet sa ki’n deza ganny dir, me mon pour siport sa lide sa Mosyon akoz i kler ki i bezwen annan mekanizm, mon krwar nou’n ariv sa nivo dan en lasosyete kot dimoun i ganny ankouraz atraver tou bann keksoz ki’n ganny dir, bann sizesyon, ki’n ganny fer pour tou dimoun ki annan en lakaz asir son lakaz, e bann ki pe lwe asir zot posesyon dan sa lakaz.

E parey in ganny dir, premium pa telman o, e en pti sakrifis i vo lapenn in the long run.  Sa ki mon ti a kontan – sa kontribisyon ki mon ti a kontan aporte apre midi i 2.

Premyerman, si, si i pour annan en Scheme ki Gouvernman pour met an plas pour fer sir ki tou lakaz i ganny asire, sa Scheme pour mars pour bann lakaz kot napa en loan. Obviously akoz ler i annan en loan, ler ou’n pran larzan avek labank, oubyen avek PMC, ou bezwen obligatwarman annan en kouvertir lasirans. E i pour donk sa bann lakaz ki’n fini ganny peye, e ki napa loan, e ki bann dimoun pa oule, oubyen pa santi ki zot kapab asir sa lakaz. Swa par neglizans, swa par en mankman larzan, swa par en desizyon ki zot pa pour asire akoz, zot lakaz zanmen pour ganny kase, zanmen pour ganny brile.

E se la ki mon ti a kontan, mon ti a kontan, mon ti a kontan focus pour sa bann dimoun an mezir ki mon’n ekout deba apre midi, i annan 2 propozisyon ki kapab, ki nou bezwen met an mars, e ki nou bezwen konsidere, e ki mon ti a kontan dimoun deor i ekoute ozordi.

Premye, se si i vin en Scheme mandatwar, i pour bezwen annan en pinisyon si ou pa fer li, egzakteman parey asir ou loto 3rd party si ou pa asire, ou al lo semen, e ou ganny tyonbo, ou sibir en konsekans, ou pey en fine, e ou perdi ou license pour en peryod letan. Pour en lakaz i pour bezwen parey, i pour bezwen annan en database atraver in ganny propoze DA ki pa en move lide. E ki okenn dimoun ki pa’n asir son lakaz ler spot check i ganny fer, oubyen ler i annan en sistenm return ki bann Sosyete Lasirans i ava fer avek Gouvernman, zot ava ganny anmenn Ankour, e zot ava ganny fine en sonm larzan ki ava kouver zot premium ki zot pa’n peye.

Alor i ava en fason pour fors dimoun. Me i pa meyer fason. Me nou bezwen dir ki si nou anvi al dan sa direksyon, sa se enn bann keksoz ki pour bezwen feature dan sa Lalwa pour asire ki si ou pardon the pun Mr Speaker ki tou dimoun i asir zot lakaz.

2enm vole ki mon ti anvi dir apre midi, se ki malgre tousala, i pour annan serten dimoun ki pa pour asire, oubyen ki zot lakaz pour brile dan sa detrwa zour ant expiry en lasirans e le fet ki zot pa’n ale akoz maladi pour al renouvle zot lasirans eksetera. Dan sa bann ka, nou kapab trouv en solisyon egzakteman parey i egziste konmela pour bann viktim aksidan loto ler sa loto pa ti asire, oubyen sa drayver personn pa’n konnen lekel, akoz i en hit and run.

I annan en sistenm konmela e sa sistenm in ganny entrodwir isi apre ki Mr Kiran Shah, ek mwan menm nou ti’n fer en propozisyon avek Gouvernman atraver Bar Association 30an pase. I en sistenm ki apel en motor insurance fund. En pti poursantaz, tou premium ki tou bann Sosyete Lasirans i kolekte, tou bann Konpanni Lasirans i kolekte avek sak dimoun ki asir zot loto, en pti poursantaz i al dan en Fon, e sa fon i asize la, i ganny invest, i annan en Board of Trustees, e dan sa fon, ler en dimoun i ganny en aksidan, e ki i napa, i pa konnen lekel ki’n tap li, oubyen sa dimoun ki’n tap li napa en lasirans, i pa kapab pey li, i kapab al ganny en konpansasyon dan sa Fon. E menm zafer i kapab arive pour lakaz. Ki en pti poursantaz sa premium, i ganny met dan en fon, i ganny envestir par en Board of Trustees, e okenn dimoun ki pa’n asire e ki perdi son lakaz akoz in mank lasirans, i kapab al dan sa Fon, e ganny peye ; dan en fason ki sa pa pour vin en lobligasyon lo Gouvernman ankor enn fwa. Gouvernman ava kapab servi larzan pour bann lezot bezwen. Me sa dimoun ki lakaz in brile pa pour bezwen tay gos, dwat, ‘Lakrwa Rouz’ eksetera pour al rod en rekonpans, oubyen en lasistans.

Alor mon ti anvi Mr Speaker apre midi zis met sa de pwen devan pour Onorab mover Mosyon e pour nou Lasanble e pour dimoun deor reflesir lo la an mezir ki nou pe al devan lo sa Mosyon. Mon remersye ou Mr Speaker.

 

MR SPEAKER

Onorab William.

 

HON WAVEN WILLIAM

Mersi Mr Speaker. Mr Speaker mon pour aport mon sipor pour sa Mosyon baze lo lespri par deryer sa Mosyon.

Mr Speaker parey in ganny dir yer  dan mon distrik partikilyerman  Barbarons, XION, nou’n temwanny kot de bedsitter in brile. E pli boner osi, nou ti annan en lot lensidan ti arive kot en lakaz ti ganny brile konpletman. En lot i ganny andomaze. Sa se ti pour lafanmir Labrosse avek Esparon. Yer ti pour lafanmir Rachel avek Letourdie.

E letan ou regard sa 2 ka lenformasyon ki ou gannyen se ki ti annan en pti pe neglizans. Neglizans kot ou vwar ki i enplik zanfan. Zanfan ki pe zwe avek bann keksoz ki’n ganny akse avek bann keksoz ki zot pa sipoze ganny akse avek. Kot prezan in ariv bann lensidan dife, e ki ozordi, i kout tou sa bann fanmir ki enplike en kantite.  E an menm tan i kout Gouvernman. E mon santi pour dir sa Mosyon i bon in vini, akoz mon santi pour dir enn, i pe anmenn serten nivo sansibilizasyon. E an menm tan pe demann osi ledikasyon akoz i annan en pti mon kapab dir neglizans par fwa,  e  nou pa pran keksoz petet o serye, petet nou pran li a la lezer.  E nou pa antas valer avek nou propriyete.  E ki fer ki fardo letan i ariv bann lensidan, souvandfwa se Gouvernman, e lezot bann akter konsernen parey i annan bann NGOs ouswa bann endividi prive, ki bezwen kontribye, swa an term larzan, ouswa an term keksoz materyel.  E in ler pour annan diskisyon pour vwar ki fason nou kapab adres sa bann sityasyon parey.

Mr Speaker mon santi osi pour dir nou kiltir konpare ek letan pase, kot paran ti annan plis letan pour pase ek zanfan, letan ti napa televizyon, ti annan sa letan pour koz ek zanfan pour met keksoz devan zot pour pran plis prekosyon, me ozordi i annan en pti pe mon kapab dir sa lese fer. Kot zanfan pe al devan TV ouswa avek gadget elektronik, e ou a krwar ou dir dan lakaz i mank en pti pe sa, mon pa pour dir savwar viv. Me en pti sa diskisyon fanmir pour koz lo bann keksoz ki enportan.

E ozordi ou a krwar i manke sa. E i manke akoz enn devlopman, e osi la fason ki dan lakour keksoz pe ganny fer. Mr Speaker mon santi pour dir nou bezwen ariv lo en solisyon. Tou bann Onorab ki’n koze, zot in trouve lenportans ki bezwen, nou bezwen adres sa problenm. E ki fason nou fer li, malgre ki Mosyon pa binding mon santi pour dir atraver sa diskisyon lo kote Gouvernman, e lo kote bann dimoun ki propriyeter, zot ava ganny konsyantize pour enn, vin en pti pe pli konsyan, vin en pti pe pli konsyan akoz letan ou’n travay, sakrifye pour annan bann byen personnel, letan zis overnight ou trouv li i ale atraver en lensidan dife, i pa gou, i pa byen. E atraver sa Mosyon, mon oule pran lokazyon osi pour dir avek Departman Minister MLUH, par egzanp, kot in ariv sa lensidan yer, nou’n dekouver pour dir ti napa fire hydrant.  E i ti annan serten difikilte.

Me mon pe demande, pe lans en lapel avek Minister MLUH pour mazin enstal fire hydrant lo sa sit akoz i pour annan bann lezot lakaz pli tar ki pour vini, e mwan ensiste ki sa i ganny fer lo tou bann estate, akoz si napa, ler i ariv bann lensidan parey, i fer keksoz vreman difisil.

Avek sa de pti mo Mr Speaker ankor enn fwa, malgre parey mon dir wording sa Mosyon la fason i été ti kree serten difikilte, me lespri par deryer sa Mosyon i bon e mon pour donn sipor ki enn, tou bann dimoun konsernen a ganny sansibilize lo la, e ki enn se zour nou ava annan serten mekanizm an plas ki ganny mete pour nou kapab deal avek tel sityasyon. Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker. Mon lentervansyon lo sa Mosyon i pour enn ki pour anmenn sipor parske mon santi poudir Lasanble Nasyonal i enportan ki nou anmenn sa bann propozisyon parey dan en deba Nasyonal. Nou bezwen komans, nou bezwen komans kek par.

Mon konpran ki largiman Sebastien Pillay in avanse.  E i fer mwan rapel lekspresyon ki ti ganny servi dan Lasanble semenn pasi; si ladres lo sa lanvlop i byen, parski la nou pe demann Gouvernman. Be selman, si nou aprouv sa Mosyon nou pour anvoy en lide devan, pour Gouvernman ki prezan dan son sazes, i kapab re package li pour ki a lafen de fen, bann Seselwa ki annan en propriyete ozordi i kapab benefisye en keksoz. E mon pe dir sa akoz en pe, i en pe malere ki Lasanble Nasyonal osi ki bezwen vin avek en kalite  Mosyon parey. Parski dan Sesel lasirans i en gro biznes. I en gro biznes, i annan detrwa lakonpannyen, plis ki enn, e mon parfwa en pe annwiye avek sa bann Lakonpannyen Lasirans konmsi malgre zot kontinyelman gannyen, selman zot satisfe avek dan zot konfor zot été, zot pa pour sorti zot pour zot fer en pe plis ki zot dwatet fer.

Zafer ou pran en loan pour fer en lakaz, wi ou bezwen fer, ou bezwen pran  Lasirans akoz sa labank li i pa bet li, protez son lenvestisman. Be pour bann lakaz dan Sesel sa kantite lakaz ki’n fini peye, konmsi sa Lasirans li, son lespri pa teks li pour dir mon a rod en pti biznes par la ? Konmsi la Lasanble ki bezwen vin avek propozisyon pour dir zot fer en keksoz ki u menm ou, ou pour benefisye. E sa i pa zis kestyon dife, i kestyon nenport ki biznes par egzanp ki bann dimoun i komans fer, zot aste bann lekipman ser konmela ki zot pe travay avek.

E Lasirans li i bezwen li en pe pli proactive, sorti, apwent bann dimoun ki pour ale, pour market zot lekor, vann zot prodwir, lo televizyon konmela, mon vwar zis enn ki pe fer tou le swar.  E mon ti ava ekspekte zot fer sa prezan, non selman zot merit pe vann zot prodwi be i annan osi sa kestyon, fer sir dimoun i konpran byen  ki zot pe aste, e sa fine print la ler zot pe sinyen akoz mwan mon konn en lensidan kot en dife in arive, in detri pa enn me detrwa lakaz.

E lo en teknikalite kot Lasirans i dir be ou pa ti devret antre dan lakaz avan ki in fini konstri.  Be nou tou nou konnen pour dir dimoun i prese. Konmsi menm sa lakaz pe konstri lo li, li in ganny en pti kwen pour li dormi.  Prezan i dir ou be non, ou pa ti devret antre alor mon pa pour pey ou. Konmsi sa pour mwan i en pe dezonnet, konmsi tou sa larzan ki ou pe gannyen konmsi ou pa kapab meet sa fanmir half way ?

Wi mon konnen pour dir zot in siny sa e ti en kondisyon. Be selman konmsi pour mwan ou pa zis fer li sinyen ou bezwen asize ek li eksplik li, met tou bann fe, bann konsekans devan li.  Akoz si non ou pe zis pran lavantaz en dimoun i bezwen sa lasirans, kekfwa ti pe pran en loan, selman apre ou ki benefisye. Donk prezan la sa ki nou vwar, Lasanble Nasyonal ki’n bezwen vin avek sa Mosyon, menm si i pa devret, a monn avis, mon krwar mon osi i pa devret konmsi pe dir Gouvernman fer, nou ti merit pe dir bann Lakonpannyen Lasirans sey come up avek sa nide.

Selman we have to start somewhere. E ki mon krwar i ava komans en diskisyon nasyonal, e mon swete ki bann Lakonpannyen Lasirans ava osi pe ekout nou.  E zot ava vin avek bann Scheme ki pour entrodwir dimoun avek bann diferan servis si zot annan. Me pli enportan bann dimoun ki pe pey zot lannen, lannen vini, e pa pe fer okenn claim.

Be donn en pti an retour tou  pour ankouraz dimoun plis. Letan prezan mwan mon a dir be, ou konnen mon pe ganny sa mwan, mon vwazen i ava tande, i ava ankouraze par sa. Konmsi Lasirans pa zis pran, pran, pran, zot kont i gonfle, i gonfle, e dimoun li i pa pe ganny nanryen al leksepsyon ki ler i vreman, ou bezwen pey li. Donk mon ti ava annan sa pour dir, ki mon ti ava swete Mr Speaker ki bann Lakonpannyen Lasirans i pran an kont pour dir zot form parti nou sosyete, vin pli proaktiv, donn en pti pe, e ankouraz nou pour nou partisip avek zot dan zot biznes, dan diferan fason ki zot kapab asiste nou, e non pa zis asiz dan konfor, zot batiman, e ekspekte nou koman konsonmater vin kot zot. Si non, nou pa ti pour annan sa Mosyon la lo latab ozordi dan Lasanble Nasyonal. Mersi bokou.

 

MR SPEAKER

Onorab Simon Gill.

 

HON SIMON GILL

Mersi Mr Speaker, bonn apre midi tou koleg Onorab, e tou Manm piblik.

Mr Speaker Mosyon prezante par Onorab Adelaide, i annan en merit malgre nou kapab tonm dakor pour nou formil li dan en lot fason, espesyalman kot i konsern Lalwa.  Mon konpran byen bann kontenir lentervansyon ki Maître Mr Georges in koz lo la. Me mwan mon ava dir zot ki nou annan en listwar lasirans pour lakaz dan Sesel.  E nou tou nou konnen i pa, i pa en sekre. Pli gran prodikter lakaz dan Sesel ziska ozordi se Gouvernman. Mon rapel letan nou ti annan nou SHDC.  Anba SHDC premye, bann premye lenstitisyon ki Gouvernman ti kree, pour konstri lakaz pour donn loan pour fer lakaz, bann Polisi ki ti egziste sa lepok ti fer sir ki sak lakaz ki fanmir i antre ladan i annan en kouvertir lasirans pour sak sa bann lakaz.

Ler ou re pey ou loan, ou pey osi en poursantaz lasirans, e ou ganny dir, ou ganny fer konnen sa. Akoz i par dan ou lagreman ki ou sinyen.  E menm ler ou ti ganny en loan pour ou fer kontrakter fer ou prop lakaz ti osi form parti bann kondisyon pour annan en kouvertir lasirans. E a sa lepok i pa sa fanmir ki ti pour benefisye ek sa lakaz ki ti negosye valer bann kouvertir lasirans pour sa bann lakaz.

Se sa lenstitisyon SHDC, e son Minister ki ti annan portfolyo responsabilite SHDC, ti zwenn byensir pa bokou Konpannyen Lasirans ki ti egziste sa bann lepok mon pe koze, SACOS prensipalman, ti annan kouvertir lasirans ki ti kouver sak lakaz e sak fanmir ler i re pey son loan lakaz, oubyen ler i pey son rent tou le mwan. I annan en poursantaz pour kouver sa lakaz. ler nou ti fer Home Ownership Scheme Mr Speaker. Ler en bon pe bann fanmir ti ganny donnen posibilite pour vin propriyeter zot prop lakaz. Atraver en Scheme kot nou ti discount.

Mr Ahmed Afif i konnen, koman en ekonomis, i konnen the time value of money, ler nou ti tenir sa an konsiderasyon, nou ti discount bann lakaz. E bann fanmir ti ganny en bon deal. E nou ti osi a sa bann moman negosye kouvertir lasirans pour sa bann lakaz. Ti napa Lalwa, e ozordi i annan serten sanzman ki regretab ki i pe arive, malgre lefe ki Gouvernman i ankor reste enn bann pli gran prodikter lakaz dan sa pei.  Nou demann ozordi se ki tou bann lakaz ki pe rantre, pe pare pour bann fanmir al reste ladan, Gouvernman i bezwen asire atraver bann negosyasyon ki i fer avek bann Konpannyen Lasirans ki i annan kouvertir lasirans pour sak sa bann lakaz ki bann fanmir pour al ganny allocate avek.

E zot build in sa pti premium lasirans par dan zot re peyman tou le mwan.  EiI annan bann kondisyon. Sosyete pe evolye. I moral, me an menm tan nou pa devret get lo nivo moral, nou devret get li koman par en lenvestisman ki nou’n fer. Nou lakaz ki nou pe al reste ladan, ki Gouvernman in konstri li, malgre nou pa pe pey li tou son valer, me nou pe peye en larzan. E sa larzan i sorti lo nou saler, lo nou lasyer ki nou peye tou le mwan. E alor lo sa baz i en lenvestisman ki ou pe fer ki ou sa madanm, sa msye, sa zenn fiy, sa zenn koup, sa zenn fanmir pe fer.

E si ou pe fer lenvestisman, ou pe fer lenvestisman pour ozordi e demen. Ou pe fer en lenvestisman pour ou lavenir. Ou pe fer en lenvestisman dan en lakaz ki pou zanfan pour kapab erite demen. Alor eski i normal ki zis i negliz en senp pti eleman – lasirans, ki ou neglize, pou pa peye, oubyen ki ou pa pey ditou. Epi ler maler i tap kot ou, epi nou kriy, ‘’Arwi mon Dye si mon ti konnen !’’ Wi si mon ti konnen me i pa’n dir ou nanryen. E maler in arive, me malerezman in tap kot ou.        E pour nou evite ki nou ganny bann sok, ki nou ganny bann sirpriz,  ki personn pa ti a voudre ganny bann sirpriz e bann sok, zis par en mal fet, en neglizans. Alor mon lapel Mr Speaker, san pour prolonz sa deba, se ki sak fanmir, nou pran nou responsabilite pour nou met en kouvertir lasirans lo nou lakaz. E ankor enn fwa, pour konklir mon pe demande, e nou enplor Gouvernman pour asire ki tou sa bann stok lakaz ki fek antre lo laliny pour allocate e ki pe al antre lo laliny pour bann fanmir antre ladan, annou asire ki sa bann lakaz pe annan en kouvertir lasirans lo la. E bann fanmir i ganny donnen sa ledikasyon, i ganny fer konpran pour dir i annan en nesesite ki nou met en kouvertir lasirans lo sa propriyete ki pour vin pour ou akoz i en lenvestisman ki ou pe fer, e nou oule ki ou, nou ed ou pour ou protez sa lenvestisman ki ou pe fer.

Mersi bokou  Mr Speaker.

 

MR SPEAKER

Mersi Onorab. E avek sa mon a demann loter Mosyon Onorab Adelaide pour konklir.

 

HON FRANCOIS ADELAIDE

Mersi ankor enn fwa Mr Speaker. Mr Speaker mon’n ekout ti bann entervenan ki’n entervenir lo sa Mosyon, e zot tou zot in eksprimen ki sa Mosyon i annan son merit, menm ki petet zot pa tro, tro satisfe avek wordings. Me mwan mon panse ki nou bezwen komans somewhere. Napa nanryen ki’n ganny cast in stone la, nou la koman bann Parlmanter si i annan keksoz, nou bezwen aranze, nou pour bezwen aranze.

E parey Onorab William in dir the Motion is not binding. Si kot nou trouve, nou bezwen met keksoz, nou kapab mete, be selman pour le moman mon pour kit li koumsa menm. Me parey mon dir si i annan keksoz pour aranze, apre nou ava aranze, nou ava amelyor li pli byen. Me selman mon case i reste se ki nou bezwen komans en landrwa.  E nou bezwen komans li ozordi dan sa Lasanble Nasyonal pour ki nou anvoy nou en mesaz for sirtou deor avek la popilasyon, pour nou sansibiliz zot lo lenportans en lasirans pour en lakaz. Akoz pare nou vwar Onorab Gill in dir, it’s a lifetime investment kot nou bezwen fer sir nou secure li byen.

Zis par egzanp la mon pour donn zot Mr Speaker, en pti statistik sorti kot en Lakonpannyen Lasirans pour lasirans lakaz. An 2014, zot ti ganny 374, an 2015 zot ti ganny 277, e 2017 zot ti ganny 230. Savedir i montre ou pour dir gradyelman sa lenportans pour asir lakaz i desann. So nou bezwen, nou bezwen koman en Parlman raise sa awareness pour nou enform nou dimoun ki i en keksoz ki bon.

Mr Speaker, wi nou pe dir Gouvernman, pa Gouvernman, sekter prive, pa sekter prive, be mwan mon panse ki en lasirans lakaz i en keksoz ki annou pouse, annou pouse, annou pouse e mon pour demann, mon pa pour long, mon pour demann lamazorite Manm, Manm Lasanble pour  ed mwan, apiy mwan, siport sa Mosyon, annou anvoy sa kot Egzekitif pour dir ki at least ki sa Lasanble in fer en move kantmenm nou’n fer li la konmela. So Mr Speaker, mon pa pour long, mon pour remersi ou pour sa pti letan ki ou’n donn mwan pour koz lo sa Mosyon. Espérons ki nou ganny sipor sa Lasanble Nasyonal. Mersi.

 

MR SPEAKER

Mersi Onorab Adelaide pour ou konklizyon, e avek sa, nou a pran en vot lo Mosyon ki’n ganny debate ki devan nou.

Tou bann ki pour lev zot lanmen? Okenn dimoun ki kont?  Clerk ?

 

MADAM CLERK

Mon rikord 20 Manm an faver Mr Speaker. Mersi.

 

MR SPEAKER

Mersi Clerk. Savedir Mosyon ki’n prezante par Onorab Francois Adelaide in ganny aprouve par Lasanble Nasyonal.

I 4er edmi, nou ankor annan en Mosyon, well nou annan de Mosyon, me i annan enn ki en 2enm ki nou ti dir nou pour diskite apre midi sorti kot Manm Onorab pour Anse Royale, Onorab Sylvanne Lemiel. Eski zot anvi kontinyen apre midi? Pran en Break, oubyen zot le, nou a pran en pti Break nou a retournen 5er. Eski nou dakor. Ok, nou a Break, nou a retournen 5er.

 

(BREAK)

 

MR SPEAKER

Bon nou ava al toudswit lo nou Mosyon nimero 2, nou dernyen Mosyon pour ozordi. Mon a demann Onorab Lemiel, Manm pour Anse royale pou prezant son Mosyon.

 

HON SYLVANNE LEMIEL

Mersi Mr Speaker, bonn apre midi Mr Speaker, bonn apre midi tou mon bann koleg e tou bann dimoun ki a lekout.

Mr Speaker mon Mosyon i lir koumsa, avek bi pour kontinyen pour amelyor lavi dan bann dimoun. Avek bi pour kontinyen amelyor bann dimoun pli vilnerab dan nou pei nou pe demann, nou pe demande ki Gouvernman atraver Lazans Proteksyon Sosyal i revwar weights pour asiste dimoun ki pli dan bezwen e osi konsider bann loans konman en depans ler zot pe revwar bann weights.

Mr Speaker, mon Mosyon i santre lo en size ki’n anmenn bokou polemik politik pandan sa dernyen 5an. Bokou politisyen in koz lo pri lavi. Zot in koz lo en kous nou popilasyon ki’n ganny apele bann vilnerab, parfwa zot in ganny apele mwen fortinen. Mr Speaker pe enport ki non nou donn sa kous nou popilasyon le fe i reste ki dan nou sosyete, menm dan sosyete pei pli devlope dan lemonn ozordi, i egziste en kous popilasyon ki trouv li difisil pour fer fas avek nivo oubyen standar ki ganny poursantaz….oubyen standar ki en gran poursantaz bann zonm, fanm, fanmir pe viv.

Alors Mr Speaker koman en sosyete ki’n pronons son lekor ki nou konsernen avek legzistans e devlopman sak zonm fanm dan nou sosyete egalman. Mwan osi mon santi mwan konsernen e osi, e ozordi bi fondamantal mon Mosyon se pour demann Gouvernman pour kontinyen vwar diferan mezir, pour amelyor lavi bann dimoun ki trouv zot ankor pe travay bokou pli dir ki tou lezot dimoun pour zot kapab viv en nivo ek en standar lavi rezonnab dan nou pei, Sesel.

Mr Speaker, dan mon resers an preparasyon pour sa Mosyon, mon’n ariv lo konklizyon ki tandans se bann manman tousel ki form sa kous nou popilasyon ki bezwen en latansyon pli partikilye, e pli spesyal.  Dan sa konteks Lazans Proteksyon Sosyal i bezwen etablir byen bann fe ka par ka e fer sa ki neseser pour adres sa sityasyon atraver bann striktir de-ba.. atraver bann striktir deza etabli, sorry. Mr Speaker ozordi pour en lakour kalifye lasistans welfare i neseser ki income i ganny konpare avek 5 diferan eleman konteni dan standar ki’n ganny etabli ki zot apel weights.

Sa bann weights in ganny enskri dan bann regilasyon lazans proteksyon sosyal pour lemoman en dimoun ki pa pe travay larzan ki antre kot son lakour i ganny konpare avek sa bann weight swivan. R2592 pour manze e lizyenn personnel. Pour sa 2enm adilt dan menm lakaz li i pou ganny en alokasyon 70 poursan sa menm weights oubyen R1814.75. Pour sak zanfan zot ganny en alokasyon 50 poursan sa weights ki ekivalan R1296.25 . Si sa dimoun pe pey loan oubyen lwe lakaz i pou ganny en alokasyon pa plis ki R1000 menm si pri reel i plis ki sa R1000 menm dizon i R4mil par mwan. Byensir sa dimoun oubyen fanmir i oblize montre levidans ki i pe pey sa loan pour sa lakaz, oubyen i pe lwe sa lakaz. Pour litilite i pour ganny en alokasyon fix R488.

Pour transportasyon si en dimoun pe travay e i dan difikilte, li i pour ganny en alokasyon fix R250.  Mr Speaker ozordi Lazans Proteksyon Sosyal pe asiste 1177 endividi ki pe rod en travay oubyen akoz natir zot travay, i fer ki zot bezwen ganny asiste avek Welfare.

Lasistans i ganny donnen pour 3 mwan avek sans zot renouvle si zot pa ankor ganny en lanplwa. Me la ankor i egzize ki zot montre laprev ki zot in angaze dan rod en travay dan sa premye 3 mwan. Mr Speaker i annan ankor 312 dimoun ki lo welfare pour rezon maladi tanporer ki fer zot pa kapab travay, me zot pa’n ganny klasifye koman envalid. Aktyelman i annan 1030 dimoun ki dan lanplwa ki pe ganny en lasistans welfare.  Sa bann endividi oubyen fanmir dapre bann evalyasyon ki’n ganny fer, zot depans mansyel i bokou plis ki sa ki zot anmenn kot zot lakaz. E dan sa konteks lazans proteksyon sosyal i asiste zot avek larzan adisyonnel ki varye – ant R500 ziska R3945  par mwan. Sa bann desizyon ki’n ganny pran i ganny gide par en sel bi – se anmenn plis stabilite finansyel pour sak bann fanmir oubyen endividi. Adisyonnelman Mr Speaker touzour dapre mon resers i annan, i osi annan 547paran. Lamazorite zot bann single parents ki pe ganny en allowance R500  par mwan pour pey Daycare. I osi annan bokou paran ki pe ganny asiste atraver Dedicated Fund kot lekol e sa Fon i ganny administre par Minister Ledikasyon atraver bann lekol primer e segonder.

I osi annan bursary allowance ki ganny donnen avek sak etidyan ki ozordi i dan staz pos segonder. Mr Speaker dapre mon resers ankor, ler mon regard mon distrik Anse Royale. Mon’n vwar ki 661 endividi i ganny lasistans welfare pandan sa dernyen 12 mwan ki’n pase.

E bann detay i montre ki 54 dimoun in ganny asiste lo baz medikal, 167 dimoun ki’n ganny, ki sa nou apel en one-off. Zot in ganny asiste atraver avek en one-off avek bi adres en serten problenm irzan ki zot in trouv zot ladan e ki zot in bezwen fer fas avek. 163 dimoun ki’n dan lanplwa in ganny en lasistans adisyonnel. 277 dimoun ki pa’n travay, ki pa’n kapab travay pour en peryod letan in osi ganny asiste.

Mr Speaker si nou get byen ki lasistans welfare i marse, i mwen favorab pour bann fanmir ki annan, ki annan plis ki en zanfan.  Ki lo en saler ki ba konpare ek bann ki pa dan en lanplwa. Sa an prensip i al kont rezon det lasistans sosyal e ki form labaz mon Mosyon. Mr Speaker bann fanmir ki pe trimouse espesyalman bann manman oubyen papa touse,l ki pe ganny saler minimum, e ki annan enn ou de zanfan zot pa souvan kalifye pour lasistans.

Dan mon lopinyon mon senserman krwar sa pa zis. I annan en nesesite irzan pour Lazans Proteksyon Sosyal revwar lafason ki lasistans i ganny kalkile. Sirtou pour bann single parents ki dan en travay osi byen pour bann ki pa ankor ganny en travay me ki pe vreman fer tou sa ki zot, ki dan zot laporte pour donn zot zanfan en meyer lavi. Dan sa konteks, permet soumet sa bann pwen swivan pour konsiderasyon.

1) Dan plas servi weights Lazans Proteksyon Sosyal petet i merit pran kont depans total ki en fanmir i fer, an relasyon avek lezot komitman. Tel ki, lasistans peyman nenport loan ki sa fanmir in pran, oubyen pour son rent lakaz. Mr Speaker la dan sa kont mon ti a kontan eksplike. Ozordi nou konnen parey mon’n dir zot pe ganny R1000 pour rent lakaz en dimoun ki pa pe travay sa. Me en dimoun en manman tousel oubyen papa tousel i pe travay li. I pe anmenn li meton R8000 kot son lakour. I annan li 2 zanfan oubyen 3 zanfan ; letan i pey en rent lakaz R5mil  i reste li R3mil  e ler in fini sa i annan manze, elektrik, delo pour aste pour soutenir sa 2 zanfan. Ki si i en manman tousel, sa papa most of the time pa pe kit nanryen pour li. Swa sa papa i prizon swa i dan lapoud. Nou’n fek koz lo la bomaten e sa papa pa pe anmenn nanryen kot sa lakaz.

So, i fer ki, i fer ki sa manman li menm i bezwen al ver Lazans Proteksyon Sosyal pour li rod en lasistans. E la nou vwar dan bokou sa bann ka koumsa la, la kot sa manman i ganny dir ou pa kalifye or i ganny en let ki dir li, ‘’be ok. Dapre Polisi ou pa kalifye me nou ava kapab donn ou en one- off la.’’ One-off wi its ok pour sa mwan be what about lezot mwan ki vini, ki sa manman pou fer? Prezan toultan i pe vin tap ou laport i pe vin kot ou, kot welfare pe dir non i pa kalifye dapre Polisi – fodre Polisi i sanze. So, la nou pe demande ki zot revwar sa bann weight e ki mon krwar lasistans i kapab vin pli balanse prezan.

Dezyenmman nou pe demann zot pour revwar alokasyon pour depans personnel. Pour fer li vin anliny avek baz etabli swivan resers fer par National Bureau of Statistics.

Trwazyenmman redefinir kwa ki dan konteks nivo devlopman Sesel donnen kou lavi dan Sesel ki sa minimum ki Sesel i konsider, Ki sa minimum ki Sesel i konsider rezonnab pour en fanmir viv avek finansyerman? Apre ki tou bann fakter i ganny, i ganny obzektivman konsidere e ki pa depandan lo kapris oubyen detrwa endividi dan sosyete.

Katriyenmman nou pe demann zot pour met an plas, en sistenm lasistans ki pli konpreansiv enn ki pa zis get sa laspe finansyel akoz lapovrete. Me osi bann lezot fakter sa i akoz lapovrete i ganny prouve ki i miltidimansyonnel e non pa zis fakter finansyel. Nou osi pran kont bann lezot fakter sosyal ki osi egalman kontribye pour fer en fanmir tonm dan lapovrete. Mr Speaker in plis ki ler pour etablir avek presizyon ki kantite endividi oubyen fanmir ki bezwen en reazisteman reel. E ansanm annou les Sesel, annou les tou Seselwa pran ownership sa batay pour elev enn nou frer oubyen nou ser oubyen en fanmir ki ankor dan vre bezwen. Mr Speaker mon napa okenn dout ki Sesel, sosyete Seselwa ozordi kot nou’n arive. Nou annan kapasite pour transfer sa enn defi dan en loportinite pour anmenn plis prosperite kot fwaye sak Seselwa i bezwen nou led, ki bezwen nou sipor annou fer li.

Mr Speaker, mon soumet mon Mosyon pour deba e mon demann tou mon bann koleg Manm Lasanble pour siport sa Mosyon. Mersi Mr Speaker

 

MR SPEAKER

Mersi Onorab Lemiel. Eski i annan en seconder pour Mosyon?   Onorab Esparon.

 

HON REGINA ESPARON

Mr Speaker mon segonn sa Mosyon e mon anvi dir de mo lo la. Mersi.

 

MR SPEAKER

Go ahead.

 

HON REGINA ESPARON

Sa Mosyon ki devan nou anmennen par Onorab Lemiel pe demann Gouvernman atraver Lazans Proteksyon Sosyal pour revwar weights pour asiste dimoun ki pli dan bezwen. E Mosyon i al pli lwen pour demande ki lazans i osi konsider loan konman en depans ler zot pe revwar weights pour donn lasistans. Mr Speaker mon pour donn tou mon siport sa Mosyon akoz i vre ki ozordi avek sa pri lavi ki kontinyen ogmante, i fer ki weights ki ti ganny entrodwi detrwa lannen pase pa neseserman balanse avek pri lavi aktyel ki pe kontinyen depas nou latet.

E ozordi bokou fanmir pe dir ki in ler pour Gouvernman revwar pa zis weights pour revwar sa, pa zis weights me revwar saler bann ka travayer ki pli ba pour ki zot osi zot a santi zot kondisyon lavi amelyore. Mr Speaker si 2an pase ler nou ti pe donn en dimoun lasistans les dir R2,400 dapre sa weights parey Onorab Lemiel in dir nou sa lepok. E nou ava rapel ki sa bann weights ti entrodwi apre progranm makroekonomik 2008 – 9an pase.

Me sa pa neseserman relevan pour en menm fanmir ozordi ki petet son depans i ogmante dan ka kot i annan zanfan ki pe grandi e lezot depans fanmir. E Mr Speaker ozordi ler Lazans Sosyal i fer kalkil pour asiste en dimoun, si sa dimoun i annan en loan sa pa ganny reflekte konman en depans. Mon pou dir ki wi i annan en nesesite pour revwar lafason ki lasistans i ganny kalkile. Premyerman pour bann manman tousel ki malgre zot dan lanplwa zot pa arive fer de bout zwenn.

Dan bokou fwa sa papa parey Onorab Lemiel in dir nou i pe repose Montanny Posée e kontribisyon pa pe rantre dan depans lafanmir. Dezyenmman pour sa manman ki pa pe travay pour divers rezon ; tel parey problenm lasante pour li menm sa manman oubyen zanfan anba larz ki annan problenm lasante. Oubyen bann manman ki an vwa-d fanmir e ganny konplikasyon dan lansentman.

La i fer mwan mazin en ka ki’n vin kot mwan semenn pase kot sa manman ki ti pe travay me akoz ki i annan en zanfan ki annan problenm lasante, i pa kapab travay, i al kot lazans proteksyon sosyal e i ganny donn zis R2,400. I deza annan li 2 lezot zanfan e i en single parent. Ki sa paran pour fer avek R2,400 ? I annan elektrisite pour li peye, i annan delo pour li peye, i annan pampers pour li aste i annan lezot depans lafanmir ki bokou plis ki sa R2,400  par mwan. Alor nou bezwen gete ler nou pe aziste weights osi, nou bezwen pran kont ka par ka lo bann bezwen ki en fanmir i annan.

Dan bann ka bann fanmir parey, sa manman son depans i ogmante, akoz i bezwen nouri pa zis sa zanfan me osi son lekor. E dan bokou ka i annan depans adisyonnel ki atase avek deplasman pour ale vini kot dokter, fizyo eksetera. Mr Speaker semenn pase ler Prezidan ti vin adres sa Lasanble, i ti dir ki fodre revwar lafason ki dimoun i ganny asiste. Mon panse ki Gouvernman i pronons son lekor lo la e mon espere ki Departman Proteksyon Sosyal i reazir lo sa demann pour ki bann ki pli vilnerab i vreman santi ki zot ganny, pa ganny kit deryer.

Mr Speaker lo sa not, mon pour demann avek Lazans pour Proteksyon Sosyal osi pour revwar bann dimoun ki pe ganny asiste me ki kapab travay. I akoz i annan sistenm an plas zot pe abize e tandis ki sa ki pli dan bezwen i vwar li pe ganny kit deryer. Mr Speaker mon pour dir sa akoz mon’n war ka kot dimoun ki annan for kouraz pe ganny asiste. Li sa dimoun konman i ganny son lasistans i dan Barrel, tandis ki ler ou pas kot en lakour fanmir, ou vwar fanmir ki pa kapab travay ki pa pe. Ki pe sey rod, ki pe sey rod en pti lasistans, en pti keksoz pour met dan kastrol i annan zanfan en i li proteksyon sosyal i refiz-e asiste li. Mr Speaker la mon pour dir afilyasyon politik pa devret en eleman pour deside si en dimoun i ganny asiste oubyen non.

Mon osi krwar ki proteksyon sosyal i devret annan en sistenm revi tanzantan, pour regard progre ki fanmir i fer malgre ki i lo lasistans. Ek sa posibilite pour lyez avek Minister Lanplwa pour retir sa dimoun lo welfare e met li lo lanplwa permanan. Sa a fer ki lalis demann a gradyel redwir e sa ki pli dan bezwen a ganny asiste. Mr Speaker avek sa de trwa mo mon pour donn mon sipor pour sa Mosyon mersi.

 

MR SPEAKER

Mersi Onorab, Onorab De Commarmond.

 

HON CHARLES DE COMMARMOND

Mersi Mr Speaker, Mr Speaker sa Mosyon ki devan nou i en Mosyon ki kler e i en Mosyon ki tre, tre enportan.  Mr Speaker me selman avan mon koz lo sa Mosyon mon zis anvi pas en pti mesaz en pti lenformasyon avek nou Lasanble ek piblik ki pe ekout nou kot i konsern en lanons sorti kot Minister Lasante konsernan serten kalite dile e prodwi dile – a baz dile ki pe ganny tire lo letazer serten laboutik ki, ki zot in dekouver i annan bann zengredyen ki kapab koz kanser, Ki anpwazonnen aflatoxin.

So, i serye. E i sipoze annan kominikasyon an ka pa ganny fer ler i annan koze dan Lasanble la medya i a forse dir keksoz tanto lo televizyon lo sa zafer.

 

MR SPEAKER

Savedir nou pou ganny detay pli tar atraver medya?

 

HON CHARLES DE COMMARMMOND

Mr Speaker alor mon vin back lo Mosyon, e sa Mosyon parey mon pe dir i en Mosyon ki enportan i en Mosyon ki lontan in devret vini. E si nou remark byen dernyerman la nou, nou Prezidan, Prezidan Larepiblik, Prezidan Faure in fer en lanons dernyen kou dan Lasanble. Kot in dir ki sa bann weights sa Lasistans sosyal i bezwen ganny revwar en pe imedyatman. Apartir mon krwar ozordi menm tousala i pe demande pou ganny revwar. Savedir ki li osi in vwar pou dir weights across the board i bezwen ganny regete.

E mwan mon krwar i kler akoz sa bann weights en bon pe letan zot la, la baz si ou le kot lasistans welfare i ganny donnen i, in en bon pe letan ki sa nouvo kalkilasyon in fer. Pandan sa letan, nou vwar ki pri lavi in ogmante konsiderableman. E prezan bann dimoun i pa kapab fer debout zwenn avek sa lasistans ki pe gannyen si ou le bann dimoun sirtou single parents ki byen bezwen oubyen paran normal be ki vreman dan problenm ki pa kapab met sa debout ansanm.

E nou vwar pou dir i annan en kantite keksoz ki’n vini alongside ler sa bann weights in ganny kalkile dernyerman. Nou vwar pou dir ozordi i annan kestyon lasistans ki serten paran i gannyen pour childminding. Daycare whatever zot apel li, sa i vin en lot ka separe. Be mwan mon krwar weights i devret ganny gete ansanm ou annan loan parey sa Mosyon pe demande lo sirtou loan lakaz. I annan dimoun la ater, i annan travayer la ater single mothers ki fer diferan kontribisyon. In pran en pti loan pour aranz son lakaz ladan menm, ouswa i annan en loan lakaz normal ki i pe peye. Si non si i pe esper lakaz i annan en lot kontribisyon pour lakaz ki i pe ganny fer.

Tousala avek sa lavi ser ozordi, i vin en pwa an plis en pwa terib lo li e ki fer ki i pa kapab met sa debout ansanm. E sa i ganny konplemante an plis, si i annan dan lafanmir la ki dan drog. Parey bomaten nou’n koz lo sa zafer drog sa i konplik keksoz altogether.

Mr Speaker sa ki Mosyon pe demande se ki imedyatman sa ki son weights i ganny revwar pour ki en dimoun ki lo lasistans, ki bezwen lasistans welfare i ganny gete dan en fason konpreansiv, dan en fason normal, dan en fason byen.

E tout an di-z-an sa i enportan ki nou met lanfaz lo sa bann dimoun ki kapab travay nou bezwen met zot dan lanplwa.  La osi dernyerman ler nou vwar pour dir Prezidan dan son Speech in fer sorti lakantite etranze ki annan dan lanplwa e lakantite Seselwa ki pe esper en lanplwa ou vwar pou dir sa sif i pa balanse ek kanmarad. I kler ki si tou sa Seselwa ki pe esper en travay i antre i ganny en sans pour travay ti pou napa Seselwa ankor ki pe esper en lanplwa.

Savedir i fer, ki ou a kapab get zot kot zot mank en bout me la i a fer ki sa kantite kontribisyon pour Sosyal i ava desann. Me i annan en pwen enportan a fer resorti Mr Speaker ler nou pou revwar weights, definitivman i pou ogmant lakantite lasistans ki welfare i donnen. Sirtou ki i donn en fanmir ki asiste en fanmir, e sa prezan dan li menm i pou kre en de-balansman. Konparab ler ou pou konpar li avek saler minimum ou pou vwar manke ki sa lasistans welfare i pou vin too close to minimum salary.

Ki i pou fer i annan, i pou kre en serten lenzistis sa i pou nesesit otomatikman alor en revi striktir saler. Saler pour bezwen sirtou saler minimum bezwen ganny revwar pour mwan a mon avi across the board mon’n dir sa dernyen fwa letan mon’n koze dan Lasanble kot lo Diskour Prezidan. E la mon repet ankor sa i bezwen ganny gete dan en fason konpreansiv sansan i pa pou fer zistis bann dimoun ki travay ki’n donn tou dan son travay ler i gete dimoun ki pa travay li i ganny en bon lasistans welfare ki merite. Me li lo son kote son saler i pa ganny zistifye korekteman.

So i annan tou sa ansanm letan nou pe get sa kestyon weights. E nou, nou demande ki Gouvernman o pli vit posib i revwar sa altogether e revwar kestyon saler pour ki dimoun nou bann fanmir Seselwa i kapab viv dan plis dignite e ki i ava anpese e i ava prevent ki bann zanfan, bann paran, bann fanmir i al fer keksoz. Serten manm la fanmir i al fer keksoz ki pa fodre fer pour anmenn plis reveni dan lakour si sa kestyon welfare i ganny fer dan en fason korek, dan en fason byen, dan en fason apropriye. Mersi bokou, avek sa mon pou siport sa Mosyon Mr Speaker.

 

MR SPEAKER

Mersi Onorab. Onorab Ernesta.

 

HON PAUL ERNESTA

Mersi Mr Speaker, bonn apre midi mon pou dir plito bonswar la akoz 5er in sonnen in fini pas apre midi. Bon mon pou anmenn mon sipor pou sa Mosyon. Mon vwar ki Mosyon anmennen par Onorab Lemiel i annan son merit. Mr Speaker mon pour zis fer en pti parkour letan nou pe get en pti git statistik depi Zilyet 2017 ki’n raporte dan ka bann dimoun ki’n apply pour welfare. An total i annan 2,102 bann ka, ladan i annan  1458 bann madanm, 644 msye.

Letan mon pour al pli lwen Mr Speaker mon pour get dan nou work fors depi larz 18 a 62 nou annan nou plis ki 90 poursan bann dimoun ki’n fer laplikasyon pour welfare; set a dir en total 2,059 ka ki nou annan pour, ki’n fer laplikasyon. E avek Mr Speaker i fer nou analiz en keksoz letan nou’n vwar ki sa bann dimoun sa 2,059 ka mon pe koz sa workforce nou bann dimoun ki bann bread winner dan lakour. Zot pe fer laplikasyon set a dir ki zot means pa pe zwenn, akoz se sa lideal sa welfare se pour ed bann dimoun ki pe si oule pe ganny difikilte pour zot kapab fer sa debout zwenn letan in ariv lafen di-mwan.

Me an menm tan osi nou a dakor parey Onorab Esparon in dir e menm Onorab De Commarmond in fer resorti i kapab annan osi bann ki depandan. E kapab annan osi bann dimoun ki pa oule travay ki pe zis depan lo nou welfare. E i nesesit avek sa legzersis ki letan pour revwar weights e osi nou revwar nou bann dimoun ki’n fer laplikasyon e nou vreman get zot de pros por fer sir ki bann dimoun ki’n merite gannyen i sa bann dimoun ki merite.

E sa i ava kapab ede pour er sir ki nou akt par. E apre Mr Speaker nou’n koz lo lapros. Ozordi sa sistenm welfare nou pe vwar ki si en dimoun dan lakour kot nou konnen ozordi Seselwa nou annan bokou bann extended family. Kot en lakour i annan detrwa fanmir ki pe viv ansanm sa lakour letan sa dimoun mete mon pou al fer mon aplikasyon mon ganny demande pour anmenn mon bill. Mon bill delo mon bill elektrik tou bann depans ki ganny taken care of dan sa lakour e an menm tan tou bann reveni menm si mon manze menm si mon viv. Mon mwayen viv, mon fason viv mon pa pe fer bann menm fason pe viv an, pe share bann keksoz ansanm i ganny konsidere avek tou bann lezot dimoun ki dan sa household.

Me sa i anmenn en problenm, akoz sa dimoun, la dan sa process i pa pe ganny en bon tretman. So avek sa ki Onorab Lemiel pe demande, se ki nou bezwen revwar tousala. E mon pou osi al pli lwen osi nou pour get lo kote letan en dimoun i vini i fer, i fer son laplikasyon en manman tousel. I vini swa en paran swa en fanmir i vini i fer en laplikasyon me i al pli lwen e Welfare Lazans pour Seksyon Proteksyon sosyal i bezwen pran kont sa. Nou pa kapab get sa ka sa dimoun zis li tousel. Nou bezwen get sa dimoun, akoz ladan i annan son zanfan ki al lekol nou bezwen swiv li kot lekol. I al travay li, nou bezwen get tousala pour fer sir ki a lafen letan nou pe donn en lasistans en dimoun i vreman avek en lapros pli ouver ki  tou bann keksoz i ganny factor-in.

Sa dimoun i annan son loan sa dimoun i annan son zanfan ki pe al kot lekol in koz lanplwa, lanplwa kot nou annan nou bann dimoun ki depandan lo sistenm. E nou bezwen met en sistenm, en sistenm kot sa dimoun i bezwen donn en serten letan, en serten letan ki i lo, lo lasistans sosyal. Setadir li i bezwen siny en Kontra par egzanp i dir la depi lo 3 mwan, apartir 3 mwan mon pe bezwen kapab dan lanplwa. Ki mannyer mon kapab dan lanplwa ozordi dimoun i al fer laplikasyon pour welfare i provide en job card. Me this is it i fini la.

Me an menm tan avek sa job card Lazans i bezwen kapab pe swiv sa dimoun pou fer sir ki sa dimoun dan next 3 mwan par egzanp si in ganny son lasistans pour 3 mwan ki dan next 3 mwan i kapab dan en lanplwa, ki ankor i sorti lo sa sistenm.

Akoz sa sistenm i pa la pour donn en dimoun lasistans pour leres son lavi i pa la pour soutir parese, e i pa la pour soutir labi. So` nou bezwen fer sir ki nou annan sa bann mekanizm an plas pour asire ki i pe byen ganny deservi. So, Mr Speaker, apre en lot keksoz ki ekstrememan enportan nou’n koz pri lavi. Ozordi nou annan en minimum wage eski welfare i pe fer vreman en analiz pour vwar, ki kantite depans en dimoun i bezwen ozordi pou fer sir ki i kapab fer sa debout zwenn ?

Wi, i dir nou donn li 2mil R500  maximum ki i donnen swa ou vwar zis R500. R500 ki i pou fer avek pour, i pa ni menm ariv li en semenn, mon doute si i pou ariv li en semenn i ganny R500 pour en mwan. I tousala bann keksoz kot nou bezwen asize Lazans i bezwen asize vreman vwar kot i bezwen annan li en lapros pli santre lo son kliyan. Enn, i bezwen annan plis monitoring e asire ki son kliyan pe vreman ganny sa lasistans neseser ki i bezwen.

So, Mr Speaker mon garanti mon sipor pour sa Mosyon e avek sa ki mon krwar ki i ava ede osi en mwayen nou  pe koz lapovrete i pa solisyon final me i ava en mwayen si oule  si ou kapab ede ver sa demars pour nou kapab elimin lapovrete dan nou sosyete e osi elimin en pe bann malez sosyal ki nou annan dan nou pei. So avek sa Mr Speaker, mon a dir ou mersi mon anmenn mon sipor pour Mosyon. Mersi.

 

MR SPEAKER

Mersi Onorab Ernesta. Onorab Valmont

 

HON JUDE VALMONT

Mersi Mr Speaker e bonswar, bonswar tou koleg Onorab, e bonswar tou bann ki pe swiv nou. Mr Speaker mon pour koz an faver sa Mosyon akoz mon osi mon’n realize enteraksyon ki mon gannyen avek bann dimoun sirtou koman MNA elekte dan mon distrik, mon’n vwar ki bokou dimoun sa ki nou dir dan kous vilnerab zot ganny zisteman zot ganny problenm pour make ends meet. Sirtou ler i dir ou lafen di-mwan e si ou get 2 semenn larzan in fini.

Mr Speaker me selman an menm tan mon koz an faver sa mon ti a voudre lans en word of, en mesaz kosyon deor. Mon krwar nou bezwen fer atansyon labi, i en keksoz ki, ou konnen dan pe enterakte ek bann dimoun ou koz ek en manman tousel sirtou i dir ou mon’n al kot welfare mon ganny en  6mil ekek Roupi ; ou kapab dir basic salary  dir li R5,050. I dir ou i ale i apply. I annan 2 zanfan. Souvandfwa i vwar li pe sorti avek petet en lasistans en 3 mwan ou en 6mwan lavaler R500. I vin kot ou zisteman i pler son sor. I dir ek ou li i pe struggle pa li ki’n demande pour msye kite ek li oubyen tonm dan drog oubyen al prizon, me selman i vwar li sa lasistans ki zisteman i pa kapab fer nanryen.

Parey Onorab Ernesta in dir pli boner R500 sepa si i pou fer li en semenn. En pake pampers 200 ekek Roupi 2 bwat dile i annan en pti zanfan en pe pli gran i bezwen al kot lekol – R500 pa realistik. Alor me selman sa paran li i pou dir ek ou i malere, akoz i annan serten ki al kot welfare  -e sa i la realite mon krwar i annan bokou mon bann koleg MNA in vwar la i fer fas avek sa.  Bokou endividi ki ale let’s nou’n koz lo drog bomaten en endividi i lo drog i ale i dir mon pou donn zot en legzanp. I ale i dir ek en zofisye welfare reponn sa kestyon li en sets of questions.

I demann avek li, ‘’ou travay ou?’’ Definitivman i pa travay unemployment definitivman i en kriter pour li kalifye pour welfare sa e par lo la laplipar di-tan ou konnen ki serten endividi i fer zot annan zanfan zot. Pa neseserman ki zot ki okipe me selman pour en rezon ou en lot zot ganny akse avek kart idantite sa bann zanfan demann ek zot. ‘’Be ou okip ou zanfan ou?’’ Sa zofisye i la dan en biro li wi zot ale vizit me selman kekfwa keksoz i aranze ou konpran.

So definitivman ler i dir i annan en zanfan pour li take care of sistenm welfare i kick-in li. Safety net i la, alor sa i bann pti keksoz ki fer en dimoun ki pa neseserman ki pe fer en zefor pour li, pour li travay pour li ganny  income alor i fer li vin kot welfare i kalifye. E sa i vreman unfair lo bann paran tousel. Pa zis bann manman i annan bann papa ki petet in perdi zot madanm a en tre zenn az or en fason ou en lot zot in kite i war a responsabilite son zanfan. Alor sa zisteman sa word of caution se ki mon krwar nou bezwen get sa eleman weights versus kriter. Mon krwar sa i enportan alor sa in ganny refer sorti oparavan ki petet nou bezwen annan en lapros en pti pe pli profesyonnel ; ki zisteman ler ou al fer vizit petet kestyon ki ou demande ou konn sa dimoun.

Mon krwar welfare dimoun i vin enn fwa, de fwa zot bezwen kapab, mon konnen ki zot pe fer mon’n. Mon’n demann en pe kestyon dan mon resers lo sa Mosyon osi. Zot build en profile, alor sa profile la i ede once i ganny met dan en database once sa dimoun i vini ankor la i get ou rikord. I gete ozordi Jude Valmont i vini i napa en welfare i pa ti anploye pour 3 mwan apre sa ler mon retourn ankor, mon dir zot mon’n anploye me selman mon lapey pa ase o alor petet mon kalifye pour en lot kalite lasistans petet enn pti pe mwens. Tousala i annan attempt ki pe ganny fer. Me selman petet i demann en pe sa rekonsilyasyon sa  bann lenformasyon.

La Mr Speaker mon’n tous en pti pe lo en eleman ki’n sorti vreman for deza dan sa minim lentervansyon ki’n annan ziska prezan revi saler. R5050 lets face it ozordi mwan mon krwar ler mon ti fer repons dan SONA ki Prezidan ti vin fer, mon ti dir mon pa krwar 5mil 50 i ase. E mwan mon enn sa MNA ki mon’n dir otan ki mon la mon pou pouse pour saler de-baz reflekte larealite sityasyon ozordi. E sa i mwan sa i mon pwennvi personnel si i pa ariv sa letan la omwen R10mil mon pa tro krwar i fasil pour en paran tousel trouv mwayen pour li okip son lekor e son zanfan.

Wi, wi  petet, petet – en zenn ou en endividi ki pe reste kot son paran i ganny R5050 i pa pe pey kouran petet i pe fer en pti kontribisyon. Sa i normal. Be once ou’n sorti ou’n al lwe en landrwa Mr Speaker konmela nou tou nou konnen nou koz lakaz en bedsitter si ou napa R5mil ou pa pou gannyen en bedsitter. R5mil ki ou gannyen en bedsitter kalite bedsitter enn ki koule ou bezwen al aranze tousala. Alor zisteman tousala, sa kriter la sa weight pour loan  pour lakaz, ler ou dir R1000 pour asiste pour lakaz petet nou bezwen fer li reflekte larealite annou met li en pti pe pli o. Me selman nou pa merit bliye ki i annan en lot fason lasistans ankor i annan sa ki zot dir part-rental.

Gouvernman in rekonnet ki i annan sa demann pour lakaz e deor lakaz ki pe ganny lwe  ser alor i annan part- rental. Me selman i en prosedir ki pran en pake letan by the time ou kalifye pour part-rental ou’n fini perdi sa pti landrwa ki ou ti pe sey lwe ou. Akoz zot dir ek ou fer en down peyman konbyen i dir ou si ou pe lwe en landrwa R5mil i dir ou fer premye peyman R5mil cash down la ou ava antre.

Kote ou pou ganny sa larzan deswit la kote dimoun i ale i tap laport Welfare e zisteman letan zot gete R5mil i ganny en lasistans R1000. Be kote i ganny sa lot R4mil alor petet weights osi parey Onorab De Comarmmond in dir oparavan nou bezwen revwar li dan son totalite.

Mr Speaker, mon pa pou long me selman mon ti a demann met en pwen a latansyon loter Mosyon ler nou pe dir bann dimoun ki ganny lasistans under unemployment. Mwan mon al en pti pe pli devan mon dir petet ASP konman sa body ki responsab pour welfare  i gete.  Nou’n tonm nonmen URS mon pa ankor war li vin sitan anfors. Me selman mon krwar in ler pou li gete mon asiste ou 2 mwan, 3 mwan ek  2 mil ekek roupi be apre sa ki arive ? Mon vwar ou sanmenm sa endividi i retournen e mwan konman en zofisye let’s say, en zofisye welfare (ASP) i pou demann ou, ou’n sey rod louvraz? Montre mwan laprev ki ou’n rode.

Mr Speaker, dan Sesel la aktyelman i annan dimoun ki vre i pou rode louvraz, me selman i annan ki pa pou rode. I annan dimoun ki pa pou enterese rod louvraz e i depan strikteman lo welfare e lekel ki soufer finalman. Se bann taxpayers  akoz nou, nou travay nou pey tax, e souvandfwa bann ki annan ki nou dir mon dir li apropriye petet en 7mil, R8mil i ale in ariv en sirkonstans kot lakour i apply Welfare ki ganny dir.

I ganny en let ki i dir ou pa kalifye alors sa i kre en pe fristrasyon alor mon demande pour nou vine k en fason pour petet ede pandan 3 mwan fer li efektiv pour nobou tir sa bann dimoun. Met lanfaz lo unemployment pour tir sa bann dimoun dan unemployment. Mr Speaker i annan osi sa bann ki dan lanplwa saler i ba zot ale zot rod lasistans welfare petet zot a gannyen en pti R500 en pti R1200 lets say pour 1an. Be konmsi ki nou fer apre ? Nou les li 1an flote koumsa dan ler ? Ki bann sistenm ki annan an plas mwan mon kestyonnen se ki sistenm ki annan an plas pour ed sa dimoun zisteman sorti sa pozisyon ki i ete.

Akoz ou donn li en subsistance R1200 pour 1an i depan lo la. Apre 1an i retourn kot welfare. Alors se sa zisteman ki fer nou kestyonn ankor sa eleman saler dan sa lemonn konmela. Sa Sesel sityasyon mannyer i ete. Mr Speaker finalman pour terminen mon ti a kontan zis fer en propozisyon ki petet mon ti ava demann Gouvernman pour strongly consider.

Mon’n fer en remark ek Welfare depi ler mwan mon’n antre konman MNA enteraksyon mon gannyen ek mon bann dimoun. Ou konnen souvandfwa kan ki en dimoun i al rod welfare sirtou ler ou dir sa kous sosyete ki lo en saler ki nou dir i ase, i ase ou kapab tenir lekor avek.

Mon pa dir i o or i tro ba, me selman enn ki ou a dir ou kapab tenir lekor sa dimoun i ale petet i pe pey son pti lakaz son pti R5mil  pe ganny en saler, en saler R8mil  in fini pey son lakaz R5mil i tousel li en. Dir li i annan 2 zanfan in fini fer sa i reste li 3mil dan lanmen i fer son pti depans. Mr Speaker en fridge i kase kot sa pov dimoun i ale. En four i kase kase, konmsi kot i ale pour li ganny sa larzan ? Ou konnen ou annan sa bezwen la ou, Kote ou ale ? Ou konpran mwan ? Alor mon demande Mr Speaker, mon demann Gouvernman pou konsider re-entrodwi sa Scheme, mon krwar Onorab Afif i konn byen ler i ti dan finans.

Sa eleman bann Minister ki ti met en pti vot de-kote i ti donn ou en pti loan. En pti loan mon krwar ziska R25mil i donn ou R25mil petet si ou annan en pti fridge ou fridge in kase la, ou pa bezwen tay kot welfare ki ouswa ou kalifye ouswa ou pa kalifye me selman ou kapab pran sa. An retour Mr Speaker sa pti loan la li menm li ki pou ankouraz sa Seselwa reste dan lanplwa  e kontinyen travay pour li rann sa. Akoz i pour annan incentive. Avek sa Mr Speaker mon ti a voudre demann tou mon bann lezot koleg pour siport sa Mosyon e mon dir ou mersi.

 

MR SPEAKER

Mersi Onorab Valmont.  Onorab Afif.

 

HON AHMED AFIF

Mersi  Mr Speaker. Mr Speaker sa Mosyon i pe demann Gouvernman pour revwar bann weights. I kler ki sa demann Gouvernman in tande parski dan Diskour ki Prezidan Faure ti fer dan Lasanble, in reponn, in dir zot in tande, zot pe revwar bann weights. Be selman Onorab Lemiel in azoute si dan pe, dan pe revwar bann weights, zot kapab enkli bann loans pour kapab revize pour gete konbyen zot kapab gannyen. Mwan mon krwar, loans definitivman i azout lo depans ki en fanmir i bezwen fer sirtou enn ki napa, i pe demann lasistans. Alor set en keksoz normal ki i pe demande pour ganny konsidere.

Mon pwen mon ti a kontan zis dir se ki sa sistenm donn welfare i form parti sa sistenm safety net ki Sesel i annan.  E i en sistenm ki bon, i bon be selman parey Onorab Valmont in dir labi, set en keksoz ki nou bezwen vey byen. E sa set en keksoz ki in persiste en kantite, e menm mon pour dir ziska ozordi, parski mwan mon konn dimoun ozordi ki pe ganny, ankor pe ganny lasistans avek welfare, e ou demann ou lekor si vreman i bezwen sa lasistans ek welfare. Parski mon rapel dan en lepok ler welfare ti donn lasistans, zot ti tant pour evite donn ou lasistans an cash.

Zot ti plito al ed ou avek ou bill elektrik, ou bill delo, serten keksoz ki pa pe met, en keksoz larzan dan ou lanmen, me plito pey enn ou bann depans e alors i minimiz labi.  Me i paret ozordi, i annan dimoun zenn ki for, ki kapab travay, e pour serten rezon, ki fer mon krwar i annan labi, ou vwar zot pe ganny welfare, e deswit koman zot ganny welfare, ou vwar zot anler dan en pti kan, e swa in pike, swa in fimen, oubyen i dan lalkol.

E sa malerezman pour mwan set en keksoz ki pa bon pour nou pei, i pa bon pour sa sistenm ki nou apel safety net, i en labi lo la, e vreman ou pe abiz nou tou ki la. Parski nou tou ki pe kontribye pour kree sa safety net. Alor mon krwar sa pli gran problenm ozordi. mon ti a kontan osi azoute swivan prezantasyon par Onorab Leader of Government Business ki pe, i krwar pour dir si ou pe pous bann weights dan fason ki pour elev lakantite ki ou pe peye, i pour met li en pti pe pres avek minimum wage, eksetera, e alor petet ou devret annan en revi saler.

Mon ti apros li petet dan en diferan fason. Mon ti pour dir wi petet, i kapab fer sa. Me an menm tan si pa bokou dimoun ki neseserman pe ganny touse, parski ou’n tir labi ladan, ou pour napa sa presyon ki pe dir ou i pe ariv sitan o-bor sa minimum salary. An menm tan, mon ti a dir pour dir si ou sey zwe tro bokou avek saler osi, i annan son dezavantaz kot bann anplwayer ki kree dyob zot vwar zot pa kapab kontinyen kree dyob, prezan ler zot pa kapab kree kontinyen kree dyob i met plis presyon prezan ankor lo welfare alor i refoul ek ou si ou al tro pres avek.

Mwan mon ti a dir koup en pe labi koman en solisyon si ou demann mwan ki mon krwar. Kou en pe sa bann labi. Fer sir bann dimoun ki administre li i administre li byen. Non selman zot koup labi me zot al rod bann vre dimoun ki bezwen. Akoz i annan en kantite nou bann dimoun ki mwan dan mon bann parkour dan Anse Etoile dan distrik ou marse enn de fwa dan Sanmdi sirtou. Ou zwenn bann dimoun ki vreman ou war koman ou gete i merit ganny ede.

Me selman i p ape ganny ede li akoz i napa en dimoun pour ed li i pa konnen ki prosedir pour al fer i per biro, i per papye. E si nou ti fer sa, nou ti vwar nou pe adres en bon pe sa bann problenm dan distrik ek sa bann problenm dimoun ki vreman dan bezwen. E si nou ti kapab fer en pe sa nou ti pou adres en kantite sa bann problenm. En lot keksoz nou kapab fer parske Onorab Lemiel pe dir be loan pe afekte bokou, se travay plis pour redwir lentere. Nou’n koz lo la pandan de lannen, de lannen enkli sa lannen, pou dir nou pour redwir lentere be eski nou loan in vreman desann ?

Sa osi pour ed en kantite parski la ou pa pour ganny sa presyon, parske la larzan pe al tou en bor. I pe al kot bann labank e pa bliye sa bann labank i fer en kantite larzan. Zis en labank lannen pase i fer li R180milyon zis enn, enn i fer R180milyon. I preski ekivalan mon krwar lanmwatye travayer zot 13enm Mwan zis li. Lanmwatye travayer dan pei i en kantite larzan, ki zis en bann dimoun pe fer e prezan. Ki nou pe dir be akoz zot pe fer sitan kantite larzan nou bann dimoun pe vin pli pov alors annou reviz weights.

Be annou regarde kwa kip e koz sa problenm e annou adres li. I annan sa i annan Telekominikasyon i osi pe fer dimoun napa larzan lafen di-mwan. Telefonn i ser i annan Lasirans ozordi nou’n koz en pe lo Lasirans esperons ki zot osi zot pe ekoute avek plis biznes zot. Nou annan plis konkirans e bann tarif a desann se sa bann keksoz ki nou devret gete. E byensir en lot pour anpes dimoun dir be mon napa en louvraz annou kree dyob. Annou ankouraz lenvestisman dan sa pei. Annou fer sir pou dir biznes i santi zot konfortab pour zot kree larises pour zot envestir. En kantite biznes ozordi i dir ou be i pa kapab tenir i pa vwar en louvertir, i pa war incentive, i anvi vwar en keksoz ki Gouvernman in fer pour kapab fer li epanouir e fer li grandi.

E se sa ki nou devret get dan sa direksyon pour mwan olye zis al zwe ek saler, mon krwar nou devret gete kwa ki nou kapab fer pour kree dyob, koup en pe sa labi e fer sir ki sistenm i mars parey i devret. Mersi Mr Speaker.

 

MR SPEAKER

Mersi Onorab Afif i reste zis de entervenan avan mon a demann Onorab Lemiel pour konklir. Sey fer li bref akoz 6er pe sonnen Onorab Prea.

 

HON NICHOLAS PREA

Mersi Mr Speaker, Mr Speaker mon osi mon pou aport mon sipor pour sa Mosyon. Akoz mwan osi mon krwar ki sityasyon aktyel ozordi i pa montre zistis dan fason ki welfare pe ganny allocated. E osi letan ki sa pran pour sa lasistans ariv kot sa dimoun ki dan bezwen. I osi arive parfwa ki en lot Minister i met retar atraver serten prosedir ki welfare prezan i tarde pour li aport lasistans.

Definitivman bann weights i bezwen ganny revwar e mwan osi mon krwar loan ki osi ganny turn konman en depans dan sa household i bezwen ganny taken onboard.

Mon pou ilistre mon de pwen Mr Speaker par donn 3 legzanp. Par legzanp le mon koz lo en lot Minister ki, ki met retar mon annan en sityasyon ki mon pe swiv de tre pres in pran plis ki 6mwan. Ler mon dir plis ki 6mwan depi Oktob lannen pase en fanmir ki ti pe ganny lasistans, pour pey son rent anba apre ki Welfare in vwar pou dir i devret ganny lasistans, i merite. Sa ti ganny koupe an Oktob lannen pase, sa fanmir son sityasyon pa’n zanmen sanze.  Msye ek madanm ki dan en bedsitter ek de zanfan ozordi ler in ariv lafen di-mwan zot kont i zero.

Zot in fer appeal, zot appeal in ganny rezete. Mon pe, mon’n travay lo zot case in ale vini, ale vini en serten Minister i trenn lipye. Trennen, pare ki ou anmennen i kapab pran up to en mwan avan zot reponn. Ou organiz en site visit pour montre pour ilistre vre problenm i pran ankor en mwan apre pour zot respond. E se sa ozordi ki i fer an Zilyet la nou le 1 Out sa fanmir i ankor dan problenm e i annan 2 pti zanfan ki pe grandi dan sa foye.

Mr Speaker, mon fer mon fer en lot, mon prezant ankor en lot legzanp avek Lasanble mon pou koz lo 2 sityasyon single parent e mon pou koz lo single father akoz toultan nou koz lo single mother. Mon annan en sityasyon kot i annan en, en papa tousel ki avek en fiy ki in ganny custody son fiy ki mon krwar i pa anba 6an. Son saler lafen di-mwan ki anmenn kot li i R7,621. Ladan i tir R3mil rent i annan en loan lo li R2, 672 i pe pey en life insurance R800 i reste li apepre R900 e ladan i pa ankor pey delo avek elektrik, manze avek bus fares. In fer aplikasyon, i pa’n ganny aksepte. Mon annan en lot papa ankor.

Li in pas dan problenm pour li ganny lanplwa. I pa vedir i pe asize i pa anvi travay. I anvi travay me pour serten rezon i pa ganny lanplwa. Ziska ler son fiy ti ankor anba 18an i ti pe ganny li, i pa travay li son fiy i lekol i ti pe ganny li en lasistans R2,500  avek Welfare ok? R2,500roupi ki i bezwen fer tou depans lo la. La ki son fiy in ganny 18an son fiy osi in entitle R2,500 i fer zot R5mil . I annan en pti amelyorasyon sirtou kot sa fiy i konsernen akoz i ankor pe pran son letid me i pa pe ed sa papa bokou.

Plizyer lapel in ganny fer me nanryen pa’n ganny fer, nanryen pa’n vreman amelyore. Mon dakor Mr Speaker ler nou dir ki ler nou’n aprann semenn pase ki Prezidan in fer mansyon. Si in fer mansyon lo la in bezwen ganny serten, in bezwen tann serten leokri, in bezwen ganny serten let ki’n sorti kot nou menm nou MNA’s ki’n sorti osi direkteman kot bann dimoun bann fanmir ki pe soufer.

So, mon swete ki apre ki in pronons li isi dan sa Lasanble, bann prosedir i ava ganny akselere. E dan sa ki konsern sa 3 legzanp par egzanp sa ki mon’n met devan zot keksoz i ava kapab bouse e zot sityasyon i ava amelyore. Mr Speaker avan mon terminen mon ti a kontan zis dir pou dir annou osi ede pour elimin labi. I annan labi dan sistenm Welfare. Annou fer sir ki sa ki dan bezwen ki benefisye avek sa de mo Mr Speaker ankor  mon pour siport sa Mosyon. Mersi Mr Speaker

 

MR SPEAKER

Onorab Aglae.

 

HON EGBERT AGLAE

Mersi Mr Speaker. Mr Speaker mon pour aport mwan pour sa Mosyon pour revwar bann weights ki Welfare i etabli. Mr Speaker dabor i bon enportan pour nou konpran legzistans sa mo welfare. Mon konnen i annan bokou pei ki annan sa bann sistenm an plas, me selman zot donn li diferan kalite non.

Sa ki mon fer mon rapel se ki isi Sesel apre ki nou ti anbark lo reform ekonomik an 2008 se sa sistenm ki ti ganny met an plas koman en basket pour anpar bann dimoun ki sipoze tonm dan ka vilnerab, ouswa tonbe avek sa le fe makroekonomik. E avek sa, nou’n vwar kot sistenm welfare in evolye en kantite lo son bann baz kot i pe asiste dimoun dan bann diferan dimansyon. Mr Speaker mon pa pour al an detay ladan. Me sa ki enportan se ki sa sistenm Welfare i annan en kolaborasyon etrwat avek nou pri lavi ki egziste ozordi. rezon ki en dimoun pa pe kapab meet son bann demann se akoz depans i bokou. Pri lavi i ogmante. E se sa alor ki Mosyon pe demande ki nou kapab revwar sa bann weights pour fer sir ki nou annan sa armonizasyon an mezir ki pri lavi i ogmante ki dimoun i kapab vwar li sa ki dan bezwen kapab ganny sa bann lasistans.

Premyerman Mr Speaker, ler nou pe koz dimoun ki dan bezwen, nou bezwen konpran byen lekel ki dan bezwen. I annan bann diferan, diferan fason ki en dimoun i kapab tonm dan bann vilnerabilite kot i bezwen vwar li pe vin tap laport Eelfare. Ozordi nou annan bann single parents, in ganny koz lo la; manman, papa. Nou war manman, ouswa papa ki annan li detrwa, 4 zanfan ki li i bezwen pe maintain, e si i lo en saler minimum, dizon R5mil, ouswa R6mil, definitivman i tonm dan en kad vilnerab, i pa pe kapab soutenir son zanfan. Nou koz lo bann dimoun osi ki perdi zot partner osi, pour bann rezon maladi, ouswa aksidan, zot vwar zot tonbe dan bann ka vilnerab, e la zot bezwen al kot welfare.

Nou war bann dimoun osi ki ti pe travay byen. I annan dimoun ki ti dan en lanplwa normal, stab, ti pe ganny  li 10mil, R12mil – par kwensidans i deklar en maladi, ouswa en aksidan parey nou’n dir, i bezwen vwar li akoz i annan det pour li peye i annan zanfan peye, pour li veye, pour li sonnyen parey mon’n dir. E ou vwar pour dir i pour bezwen en lasistans. Se pour mwan sa bann kalite ka ki mon krwar ki Welfare i bezwen kontinyen pe egzers son dwa. Me selman, Mr Speaker Lalwa ki gid welfare i annan serten limit parey i annan serten Onorab ki’n nonmen ki pe dir welfare ti devret al pli devan, petet met dimoun dan lanplwa, swivi sosyal. Me son lankadreman legal pour le moman i pa pe permet li al fer tou sa bann demars. I plito parey nou dir en ATM machine ki donn ou cash ler ou dan bezwen.

Se sa lapros osi ki mon konnen byento pour annan serten bann sanzman azisteman ki bezwen ganny fer, pour fer sir ki i annan sa armonizasyon ler nou pe koz Welfare, Lapovrete avek Travay, i 3 keksoz enportan. Mr Speaker, nou osi konstate pour dir i annan dimoun ki ganny asiste avek Welfare ki pa merite. Ler mon dir ki pa merite, i annan dimoun ki lo welfare selman li menm li i pe travel plis ki mwan ek ou. I annan dimoun ki lo welfare, li menm li ki pli, pli enjoy apre ler weekend, ki pe donn bwar, pe diverti-kontan, pe al tou sa out li menm. Eski sa nou kapab kontinyen tolere, e dir sa dimoun i tonm dan en ka vilnerab ? Oli zot konsyans sosyal, moral ? I annan ki pe priv son lekor toulezour pour kapab met en pti gren diri lo lasyet manze son zanfan, kan ou, ou konnen, ou kapab travay, ou pe servi sa larzan dan en fason apropriye.

Mr Speaker, i annan en keksoz enportan osi pour nou pran kont se ozordi, bomaten nou’n koz lo sa fleo drog, i osi pe kontribye pour fer dimoun  al lo welfare. Akoz ou annan ou fanmir, 3, 4 zot i laz adilt, zot deside pa travay, rely lo zis sa manman, rely lo zis sa papa. En problenm se ki ler sa manman li menm li i deside al kot Welfare, Onorab Afif taler in koz lo en keksoz enportan se ki i annan dimoun i per pour al devan. I pa kestyon i per li. I per ler i pour ale petet, sa bann kestyon ki sa zofisye pour demann li. I pour dir ou, ou annan 4 adilt, ou pe soutire, ou pa pe fer zot al travay, akoz zot sipoze pe kontribye dan sa fanmir, pour fer sa fanmir bouze.

Me annefe i reste ki en manman ozordi, ler nou pe get disiplin kot en lakour, in preski perdi dwa lo sa zanfan, lo menm son prop zanfan. I nepli kapab fors son zanfan ale al travay. I pour ganny maltrete, i pour ganny zoure. Alor ler sa manman li ki santi pour dir be mwan mon bezwen kontinyen viv mwan. Sa lasistans, sa larzan ki mon pe gannyen i pa ase. Alors sa zofisye, i riske vwar li pe demann li en ta kestyon, e i pa pe ankouraz li pour li retournen, ouswa pour li vin fer bann prosedir.

Sa i enn bann defi ki petet nou bezwen pran li an kont osi. Mr Speaker nou koz lo loan. Ozordi la realite se ki mon kapab dir laplipar Seselwa i annan loan ki i bezwen peye, nou pe viv lo loan, nou bezwen akoz nou pa pe kapab fer savings, to lentere labank pa pe permet nou fer savings pour nou kapab ganny en bon to lentere pour nou kapab dir ankor dan 6 mwan, a 1an nou ava annan en larzan pour nou envestir dan en keksoz. I pa pe arive sa.

Alors bann loan i bezwen ganny gete, pa zis housing loan ki en dimoun i bezwen ozordi. I annan dimoun i bezwen pran loan pour li kapab aste serten keksoz de-baz ki enportan pour li. Ti annan en survey lo Lapovrete ki ti ganny fer dan pei, e ler ou pe get sa bann mezir ki zot ti pe ganny pran, tel ki zot ti pe demann ou si ou annan en mobile phone, si ou annan en flat screen, ensidswit, bann keksoz en pti pe modern, liks ki nou asosye sa. Alors eski nou bezwen pini en dimoun si li i pran en pti loan pour li aste serten personnel item pour li malgre nou pe dir ozordi, i annan 3 prensip basic, i annan food, clothes and shelter, sa ti bann norm 50an pase, 100an pase sa.

Ozordi nou bann basic in elarzi. Sa sphere in agrandi pour fer, i fer ki Seselwa i annan en dinyite. I bezwen bouze i osi, i bezwen viv dan en lavi modern. Alors sa bann pti loan parey ki en dimoun in pran, annou pa pini li. I ti bezwen sa. Son zanfan i met presyon lo li, nou pe dir, mon pa ti a kontan son zanfan demen i ale, i al vole, i al fer bann akt prostitye pour li kapab ganny sa ki li i bezwen. Alors i en pwen ki valid ki nou bezwen konsidere.

En keksoz osi ki mon pa tro kontan Mr Speaker kot i konsern ler en paran i vini, en manman, petet i dan en problenm, swa i medikal, ou vini, i kalifye li, i donn li R500. Be sa R500 silvouple, be ki i pour fer ek R500? Ankor mon demann en konsyans par serten sa bann zofisye ki ler zot pe fer sa, annou pa ziz en dimoun, annou pa get sa dimoun ki vin asiz devan nou koman i pe vin donn nou en latet fermal, pe donn ou plis travay. Pran li pour dir i dan bezwen. Ler zot fer zot bann assessment, zot bann homework, zot kapab demann kestyon lo sa dimoun atraver ladministrasyon distrik, si i en dimoun ki merite, si i pa pe vin donn poum, e la nou a konnen pour dir sa dimoun i dan en merit. Ou ava asiste li pour en peryod 3 mwan, 4 mwan e si i pa refer la prezan ou a fer review avek li.

Mr Speaker mon dernyen i sa lespri ‘Lev-e Debourye.’ Mon krwar Minister Lanplwa, i bezwen sorti en pti pe plis pour fer sir ki sa, i annan dimoun ki kapab travay, i annan dimoun ki annan, ki kapab fer de louvraz. Me selman sa ki nou pa pe vwar, nou pa pe vin devan pour edik serten sa bann dimoun avek, pour montre zot bann lankadreman, mon asire akoz aletranze, i annan bokou dimoun ki sorti dan en travay, ler i fini i al dan lot. Sa premye travay li, sa larzan ki i gannyen i pey son bann bills, utilities, son bann mortgage. Sa lot saler ki li i gannyen, sa i asiste son bann depans personnel, son bann zanfan. Be akoz ki isi Sesel nou, nou pa kapab apros bann landrwa travay ki pe rod bann dimoun pour travay apre ler. En 2, 3 erdtan, i a kapab ganny en pti larzan dan son lanmen i osi ? Be selman nou konn nou konteks Seselwa, nou pa pour al devan nou. nou touzour espere pour ganny redi pour ale. Be selman sa i ava en lapros ki Minister Lanplwa, i kapab vin avek, en Scheme petet vwar ki mannyer nou incentives bann additional work ki kapab ganny fer apre ler pour bann dimoun ganny en pti larzan an plis. E avek sa Mr Speaker mon pe siport sa Mosyon pour fer sir ki sa sistenm Welfare ki i annan an plas i bon, menm si lot kote, in touzour koze pour dir sa i en zouti konpanny pour nou. Be selman ler nou pe get rezilta, savedir i pa’n marse.

Me sa ki enportan pour mwan Mr Speaker, i annan 177 dimoun ki lo welfare, e pour mwan sa i pa tro alarman ditou pour en popilasyon 94 mil dimoun. Sa sistenm si nou tir li la, welfare  nou konnen ki pour arive, bokou nou pour soufer ki bezwen sa lasistans. Alors san fer politik avek sa, mon pour siport sa Mosyon Mr Speaker. Mersi.

 

MR SPEAKER

Onorab Lemiel, sey round-up avan ler nou pran en vot silvouple.

 

HON SYLVANNE LEMIEL

Mersi Mr Speaker, mon ti a kontan remersye tou bann entervenan ki’n entervenir pour sa Mosyon. E Mr Speaker mon ti a kontan fer resorti ki lobzektif sa Mosyon, se pour nou vwar en pti pe ki fason nou kapab pli byen asiste bann paran tousel ki ozordi nou vwar pe ganny difikilte pour zot fer de bout zwenn.

Mwan pa’n anmenn sa Mosyon lo en baz pour vin fer politik avek. Akoz mon krwar sityasyon ozordi ki annan dan nou pei letan nou pour get ka kot tou, nou tou ki la otour latab dimoun i vin kot nou, dimoun i vin koz ek nou, dimoun i vin plenny nou zot sor. La nou pa pe get sa bann ki al aste sa pti bout drog avek la. La mon pe koz ou sa bann vre ka ki vreman, vreman bezwen lasistans.  So mon Mosyon i santre lo la e apre mon Mosyon Mr Speaker mon ti a kontan fer resorti ki i date depi Novanm 2016.  I pa fek sorti la, mwan Mosyon i date way back.  So an konklizyon Mr Speaker, mon siport bokou bann pwen ki’n fer resorti, e mon krwar tou sa bann pwen li menm i relevan.  Lo kote ler nou get fer lasistans vin pli relevan avek pri lavi, sa wi, mon krwar Lazans Proteksyon Sosyal i merit revwar sa.

Revwar osi bann dimoun ki kapab travay e asiste zot pour ganny en louvraz e sorti lo sa lasistans.  Sa osi nou siporte e la mon pour, mon pour petet siport sa Manm Onorab ki’n fer resorti sa pwen kot i konsern depi ler Minister Lanplwa in vin kot nou lannen pase avek Bidze kot zot ti’n dir nou pour annan larzan, kot dimoun pour sorti lo welfare, e zot pour kapab ganny en lasistans en travay anba FES or URS, mon pa konnen mannyer zot pour apel sa. Me selman ziska ozordi nou pa vwar, nou vwar sa bann dimoun i ankor lo sa lasistans e zot par fwa, ou konnen  ki pe ganny pli byen gete parey mon ti’n dir dan mon Mosyon taler e mon krwar in plis ki ler pour Lazans Proteksyon Sosyal, ansanm avek Minister Lanplwa zot travay ansanm akoz mon pe mazinen ki sa larzan pour ganny donnen par Lazans Proteksyon Sosyal letan sa bann dimoun in ganny met dan Lanplwa, mon pe sipoze. So annou debrouye avek sa, avek sa Scheme, annou fer li vin an plas ki a tir bokou dimoun lo sa bann lasistans, e ki dan bezwen ki ava pe ganny sa led oubyen ki zis bann ki pe asize e pa oule travay ki pe ganny sa bann lasistans. Mon osi siport kot nou pour vwar en pti pe bann issues ki fer bann fanmir ozordi viv dan lapovrete e Lazans Proteksyon Sosyal a pli byen kapab asiste – non pa selman finansyerman bann dimoun, me osi dan en fason ki pli senkronize nou kapab dir.

Annan plis swivi lo bann dimoun ki pe ganny lasistans, sa mon krwar depi lontan ti merite sa monitoring in mank en kantite. Ozordi ki nou pe vwar letan i annan dimoun ki pe demann serten pti keksoz, nou pe vwar ki Lazans Proteksyon Sosyal pe anvoy zofisye kot zot prezan ki pour al investigate pour al gete, sa i tre byen mon siporte sa.  Me mon krwar depi lontan nou ti’n merit kontinyen ek sa. Akoz sa ti la depi avan e zis nou vwar pour dir en sel kou in koupe zis nou donnen. Konmsi bann dimoun parey in dir, nou’n al lo en ATM, nek larzan i ganny donnen, e in napa sa swivi. So nou pour ensiste ki sa monitoring, close monitoring, e travay osi avek sa bann dimoun ki pe ganny lasistans, i tre, tre enportan. E sa nou konnen pour dir i pour koup labi. I byen fer mansyonnen osi ki ozordi nou vwar Lazans Proteksyon Sosyal kot in pran sa desizyon, mon tann bann dimoun pe dir ki pa zis met larzan dan zot lanmen, me i annan bann ka ki petet Lazans Proteksyon Sosyal i lyez avek Lotorite Distrik kot i vwar si sa dimoun nou konnen i en bwarer, i pour al dan bwar ek sa larzan kot lazans i pey direkteman zot bann, zot bill delo, zot bill elektrik, menm lo kote manze osi mon krwar i annan serten laranzman ki ganny fer.

So avan mon fini Mr Speaker, nou vwar osi Biro ki Sekreter D’eta, mon krwar i pe travay an kolaborasyon avek Lazans Proteksyon Sosyal ki i annan serten survey ki pe ganny fer. Nou ti a demande ki sa bann survey i vin o pli vit posib dan tou distrik pour nou kapab vwar ki kantite dimoun lo baz sak distrik, ki kantite dimoun ki vreman pe viv dan lapovrete. Mr Speaker i annan en pti keksoz osi ki petet mon pa’n touse ki i annan ki’n ganny fer resorti, i en konsern, petet kot lazans osi vwar bann zanfan, nou annan bokou paran, parey nou konnen i annan manman ki lo drog e sa bann zanfan pe viv avek granmanman. E sa gran manman li menm i ganny son, i ganny sekirite, e sa larzan ki sa granmanman i gannyen li menm i pa ase par fwa pour li menm viv. Akoz mon konpran zot osi zot pe demann en pti ogmantasyon la.

Prezan papa i lo drog li menm, manman li menm li, granmanman prezan i bezwen vey son bann zanfan. E i pa gannyen en lasistans li. So la nou pe demande ki tousala i ganny revwar ansanm. E ki sa granmanman osi i kapab vwar li pe ganny serten lasistans pour sa zanfan.

Bann zenn fiy ki’n tonm ansent anba laz – 17an, nou annan bokou sa bann ka. Nou konnen wi, 17an ou pa sipoze pe tonm ansent, me selman i arive. E sa osi nou bezwen vwar, zot pa kalifye welfare, e paran i bezwen al apply sa welfare pour zot. E la nou vwar kot zot pa kalifye. Sa paran en ler i ganny dir ki ou pa kalifye madanm welfare pour sa zanfan ki pour ganny baba. So la osi nou demande ki tousala i ganny revwar, i ganny regete, ki keksoz i vin en pti pe pli balanse.

So avek sa, zot be aret disturb mwan. Avek sa Mr Speaker, mon krwar.

 

MR SPEAKER

Silvouple, kote isi. Ase, nou tou nou fatige, nou tou nou anvi al kot nou. Ou pa kapab zis ek kanmarad. Espere sa madanm pe fini, Onorab pe fini fer son konklizyon. It’s courtesy komen. Kontinyen Mrs Lemiel.

 

HON SYLVANNE LEMIEL

Mr Speaker, mersi mon krwar ti’n plis ki ler pour met en lord dan sa bann zafer, menm dan bann lepase osi ler in fer mon krwar ti ler pour entervenir, mersi ki ou’n entervenir.

So mon pa pour plis, mon santi ki petet zot tou zot in fatige, so mon ti a zis kontan demann tou Manm pour siport sa Mosyon, pour nou siport enn nou frer, enn nou ser e nou bann fanmir ki pli dan bezwen. Mersi Mr Speaker.

 

        (APPLAUSE)

 

 

MR SPEAKER

Mersi Onorab Lemiel. Mon krwar prezan nou’n ariv staz pour nou pran en vot lo sa Mosyon. Tou ban ki pour sa Mosyon lev zot lanmen? Clerk ?

 

MADAM CLERK

Mersi Mr Speaker, mon’n rikord 22 Manm an faver. Mersi.

 

MR SPEAKER

E si napa personn ki against. Mersi mon krwar ki Onorab Lemiel, pa mon krwar ou Mosyon in ganny aprouve par Lasanble.

I annan en let avan nou arete. Mon’n sirkil en let akoz demen nou pe diskit sa rapor Oditer Zeneral lo FIU, avek NDEA, i ti deza lo Order Paper ki nou’n sirkile ozordi.

Ozordi mon’n resevwar en let ki date le 31 Zilyet, ki vedir ti yer sorti kot, 2 msye, msye Nial Scully avek Declan Barber  – mon’n zis santi li i mon devwar pour les zot ganny sight konteni sa let pou zot reflesir lo la, e demen ler nou pour pran sa deba parey in mete lo Order Paper, nou pour fer sir ki nou kontrol time limit ki nou koze. Nou pa pour kapab zis kontinyen koze sa annan en serten lord. Epi osi mon ti a kontan dir ler nou pe diskit okenn Mosyon, oubyen i annan deba, mon ti a kontan ki nou fer en pe parey Speaker Angola ti fer pour bann ki ti attend  SADC-PF meeting kot ou donn ou non lo komansman pour anvi koze, ou pa 2 erdtan dan deba ou suddenly have a flash, ou dir ou anvi koze. Zanmen nou pour fini. So ler i ti fer son fason Chair Parliamentary plenary session SADC-PF, mon ti santi ki petet mon pa ase strik, i bokou pli strik ki mwan. Alor mon ti a kontan zot lir sa ki demen nou fer, nou al en pe pli vit, pour fer sir ki nou koz lo bann pwen salient, e ki nou pa repet sa ki bann koleg in dir.

Avek sa mon krwar ki nou a adjourn pour ozordi. Nou a repran demen bomaten 9er pour nou kontiny nou deba parey i lo Order Paper. Pas en bon sware tou dimoun.

 

(ADJOURNMENT)