Home » Order Papers » 2017 » Verbatim Report NAS Sitting Wednesday 28th June, 2017

Verbatim Report NAS Sitting Wednesday 28th June, 2017

NATIONAL ASSEMBLY OF

SEYCHELLES

 

Wednesday 28th June, 2017

 

The Assembly met at 9.05am

 

National Anthem

 

Moment of Reflection

 

Mr Deputy Speaker in the Chair

 

 

MR DEPUTY SPEAKER

Bonzour tou Manm Onorab. E bonzour tou dimoun ki a lekout, ki pe kontinyen swiv nou bann sesyon Lasanble. Nasyonal.

Nou pou kontinyen nou travay kot nou’n kite yer. E ozordi nou annan Mosyon lo Order Paper. E nou konmanse toudswit avek premye Mosyon. E mon a demann Onorab Wavel Ramkalawan Leader Lopozisyon, pou li prezant son premye Mosyon. Onorab Ramkalawan.

 

HON WAVEL RAMKALAWAN

Bonzour Mr Deputy Speaker. Bonzour tou Manm Onorab. E tou dimoun ki pe ekout nou. E mersi Mr Deputy Speaker pou donn mon laparol.

Mr Deputy Speaker, avan menm ki mon prezant mon Mosyon, mon ti ava kontan si tou Manm ti ava… mon annan en pti koreksyon avek ou permisyon; ki ava vin konman en pti amannman ki mon prefere fer o konmansman mon prezantasyon.

Si nou regard nou papye i ava lir comme swit. ’Sa Lasanble i pas en rezolisyon ki demann Gouvernman pou enterdi okenn lavant e lease…’’ azout sa mo ‘’e’’ lease later Gouvernman.’’ E apre sa nou rey sa bann mo swivan; ‘’…ek later ki ti pou Gouvernman.’’ Nou tir sa.

Amwen ki sa lavant slash 

‘’lease’’ i ganny aprouve par en Komisyon, ki pou annan Manm Egzekitiv, Manm Lasanble Nasyonal ek sekter prive lo la. Ki alor Mosyon ni ava lir comme swit Mr Deputy Speaker.

‘’Sa Lasanble i pas en rezolisyon ki demann Gouvernman pou enterdi okenn lavant e lease later Gouvernman. Amwen ki sa lavant oubyen lease, i ganny aprouve par en komisyon, ki pou annan Manm Egzekitiv, Lasanble Nasyonal ek sekter prive lo la.’’

E Mr Deputy Speaker rezon ki mon pe tir sa mo ‘’ek later ki ti pou Gouvernman’’ se parske si nou ti kit sa, i ti pou kapab annan en pwen konstitisyonnel.  Parske letan en dimoun in aste en later i annan son pouvwar pou li vann li, pou li fer sa ki i anvi avek.

E alor sa i nou ti’n kit sa la, la aprezan i ti pou annan en pwen konstitisyonnel. Donk mon’n tir sa, pou ki Mosyon i pou napa okenn kon tansyon.

Avek sa ou pe donn permisyon pou mon al lo sa…?

 

MR DEPUTY SPEAKER

Prezant ou Mosyon.

 

 

HON WAVEL RAMKALAWAN

Mr Deputy Speaker i kler ki poudir sa size later. i en size ki pe konsern tou Seselwa an zeneral. E lefe ki Sesel i ptipti e nou napa en gran siper fisi later. Par egzanp Maurice nou vwazen, oubyen Madagascar, alors sa pti morso ki nou annan i vin en kestyon.

E la mon mazinen ki se pou sa rezon ki i annan en Polisi, ki dir en dimoun i kapab aste en kare later avek Gouvernman. Oubyen ganny asiste zis en fwa avek Gouvernman.

E sa se mon mazinen dan lespri ki nou sey fer fason ki sa pti gin ki nou annan, nou kapab partaz li avek maximum dimoun. E, me selman malerezman, i annan bokou keksoz ki pa kler. E nou ‘n vwar tou resaman e menm dan lepase, ki mannyer i annan bokou kontradiksyon. I annan bokou kontradiksyon, dimoun i sey rode laklarte pou nobou konpran akoz serten keksoz i ganny fer dan en serten fason. E tou bann dimoun ki oki en distrik i konnen ki poudir sa size later ki lye direkteman avek size lakaz, i enn bann pli gro size ki zot bezwen fer fas avek. Toulezour mon mazinen, en MNA swa i ganny en phone call oubyen i rankontre en dimoun ki pe koz avek li lo size later.

Nou zwenn dimoun ki pe rod en later pou li fer en lakaz lo la. Nou zwenn businessman ki pe rod en kare later pou li kapab fer son biznes.

E parfwa nou kapab ed sa bann dimoun, pou nou point zot dan bon direksyon. Me an menm tan osi parfwa i annan serten konplikasyon.

E Mr Deputy Speaker i kler ki ozordi dan nou pei, i annan bokou bann leasers oubyen bann later ki’n ganny, ki’n dimoun in akerir in gannyen, san swiv bann prosedir normal.

E letan mon pe dir san swiv bann prosedir normal, zot in fanny sa bann keksoz atraver kontak ki zot ti annan. Zot pa’n vreman al lo en Waiting List. E oubyen parey Lalwa li menm li. Lalwa ki anba ki Gouvernman i sipoze fer son travay. Sa Lalwa ki apel State Land and River Reserves Act, i pa’n vreman ganny swiv. Parski ladan i dir nou, i dir nou serten keksoz spesifik. Par egzanp i koz avek ou ki; ‘’…leasers of State Land shall be by public auction, public tender or by private contract.’’ E savedir i kapab annan bann landrwa kot ou fer lavant alankan. Oubyen i kapab annan tender.  Oubyen i kapab annan kontra prive ant Gouvernman avek sa endividi.

Me selman an menm tan osi; par egzanp dan sa menm Lalwa, i dir avek nou ki bann lavant later, ki ariv ziska 5 arpan, sa ou kapab vann li par private contract par en laranzman prive ant Gouvernman avek sa dimoun. Me okenn later ki par lao 5 arpan i annan bann lezot prosedir ki ou bezwen swiv.

Mr Deputy Speaker letan mon pe dir  ki i annan serten prosedir, ki pa’n ganny swiv, mon krwar ki i kler. E nou’n vwar sa tou resaman letan mwan mon ti raport sa latansyon a Mr Danny Faure antan ki Prezidan sa sityasyon, i ti fer kler ki poudir sa desizyon ki ti’n ganny pran, i pa ti anliny avek Polisi Gouvernman e alor sa bann later ti ganny retournen.

Dan milye sa konfizyon Mr Deputy Speaker, in osi annan bann sityasyon ko; par egzanp i annan serten dimoun ki’n ganny sans ganny plizyer kare later. Plizyer kare later. E sa size mon konnen i pou lev serten lentere parmi nou popilasyon. Parski depi yer letan apre ki lanons in ganny fer ki poudir pou annan sa Mosyon, mon’n ganny en premye phone call par egzanp sorti kot en dimoun English River ki’n dir avek mwan, ‘’Be Mr Ramkalawan letan ou anmenn ou Mosyon mazinen ki poudir i annan tel dimoun,’’ – mon pa pou mansyonn non sa dimoun – i dir, ‘’I annan tel dimoun li in ganny li 4 kare o-bor kanmarad. E aprezan i a pe fer li en bann konstriksyon. E son bann konstriksyon pe menm bar nou, konmsi pe sanz nou distrik. E mwan kot mon reste prezan mon pa pe kapab vwar pli devan.’’

E ki nou vwar osi Mr Deputy Speaker? Nou vwar ki letan Gouvernman i subsidize en later. Parski aktyelman sa bann kare ki land bank oubyen dan bann lezot landrwa, se aktyelman bann kare ki’n ganny subsidize. Letan en kare later R35 mil; R35 mil dan plizyer lannen pase, dan land bank oubyen R65 mil, nou tou nou konnen ki pou dir pa sa son valer, son market value. Me sa Polisi sete, pou ed dimoun pou zot kapab ganny en kare later, pou fer li aksesib.

Me sa ki nou’n vwar se ki in annan labi. Kot dimoun in aste en kare later. E zot in apre en serten letan zis zot in vann sa kare later pou sepa konbyen. E Gouvernman in bezwen menm sanz son Polisi kot oparavan kot ti napa okenn period letan, avan ki en dimoun ti kapab vann en kare later, apre sa in bezwen entrodwir. Premye kou in met 7an. E la pou lemoman mon krwar i 14an en keksoz koumsa.

Donk in annan sa eleman spekilasyon osi tou. Kot dimoun in aste. In kit li la. Apre sa in fer en profi enorm lo la. Tousala Mr Deputy Speaker mwan mon dir ki en labi. Parski letan ou fer en bann keksoz koumsa, i fer ki aprezan sa dimoun sa travayer Seselwa, menm sa etidyan ki retournen apre son letid, pri later i sitan o ki i difisil pou li ganny en kare later.

E mwan personnelman, e sa osi pozisyon nou parti, nou vwar ki pou dir la i annan en keksoz ki pa normal. Mr Deputy Speaker enn bann size avek bokou kontansyon, se par egzanp later konblaz. Later konblaz i en size ranpli avek kontansyon.

Letan bann konblaz ti pe ganny fer, nou ti ganny dir ki sa proze pou ed Sesel. E ozordi i malerezman, nou vwar ki’n annan bokou bann dimoun avek kontak, ki zot sa bann later konblaz, zot, zot in nobou ganny en kantite e i menm ankor annan later konblaz la letan nou pe koze; bann later konblaz ki serten dimoun in gannyen, napa okenn devlopman ki’n ganny fer lo la. E zot pe tranpe, pou zot ganny en dimoun ki pou vini ki pou aste sa later pou en gro sonm.

In annan serten kare ki’n ganny vann tou dernyerman. E nou pe koz dan milyon. E tousala Mr Deputy Speaker mwan mon pe dir dan mon Mosyon i mal. Espesyalman letan nou konnen ki pou dir sa bann kare in gannyen atraver kontak ki sa bann dimoun in annan.

E la nou vwar ki poudir olye, annan en lease lo sa bann later, sa bann dimoun in ganny li freehold. E la i enportan pou nou bann dimoun ki pe ekoute parske pandan sa deba tanzantan nou pou tann leasehold avek freehold.

E zis pou nou piblik ki pe ekoute, freehold savedir ou aste ou later san okenn kondisyon antase avek. Sa later i ganny transfer lo ou. i pou ou pou lavi. E ou kapab apre sa pas li ek ou bann zeritye, vann li ensidswit.

Tandis ki leasehold, leasehold i en later ki ou gannyen pou en serten letan. I kapab dir avek ou, ok ou ava pey tan pou sa later. Pandan en period 60an. Pandan en period 30an. E apre sa 30an sa later i retourn pou Gouvernman.

E se la kot i annan konfizyon. Kot lo konblaz tou bann later endistriyel, i sipoze al lo leasehold. Konmsi ou pe lwe sa later pandan en peryod letan.

Me i annan serten bann later e Minis Bastienne ti konfirm sa, ki poudir i annan serten sa bann later ki ozordi zot pa lo leasehold zot. Zot lo freehold.  E sa dan li menm i en en iregilarite.

E tousala se bann size ki nou bezwen regarde. Alor kestyon se, ki mannyer serten dimoun in ganny zot sa kantite later lo konblaz, san en lease? Lo ki baz ki zot in gannyen?

E la ozordi, zot pe anrisi zot lekor lo sa ki nou tou konnen, en later pli ser. En later konble i bokou pli ser par met kare, ki en later natirel. Savedir ki form parti nou zil orizinal.

Donk Mr Deputy Speaker nou pou bezwen mon krwar ki nou bezwen tousala. E i kler ki pou dir i annan problenm. Mr Deputy Speaker i menm annan parey mon pe dir i annan serten dezord dan sa bann zafer later. Spesyalman later konblaz. Kot nou vwar e levidans i la. E letan nou pou fouye nou pou vwar tou sa bann levidans, kot i annan serten sityasyon kot en manm en sel fanmir, manm en sel fanmir i ganny li sakenn en kare. Mon konnen pou dir sa in arive Providence.

Mon konnen pou dir sa in arive Bel Ombre. Sa in arive La Digue, sa in arive lo Praslin. Kot serten en manm en fanmir zot tou zot ganny en kare. E apre sa zot vann serten kare. E sa larzan byensir i rantre dan sa menm fanmir. E la aprezan zot fer sa ki zot, zot anvi.

E tousala Mr Deputy Speaker mon pe dir i pa normal, se pou sa rezon ki mon’n anmenn sa Mosyon ki mon espere pou ganny sipor trou dimoun.

Mr Deputy Speaker, mon bezwen osi dir ki dan sa konteks Gouvernman li menm li i pa respekte son prop Polisi. E son Polisi i kler. Lasistans ou resevwar en fwa avek Gouvernman swa pou en kare later, swa pou en lakaz. Me non pa en dimoun li i zis kontinyen

I kontinyen gannyen ensidswit.

E Mr Deputy Speaker letan mon pe dir Gouvernman pa pe respekte, an menm tan osi mon okouran, ki pou dir dan serten lenstans Gouvernman i ensiste. I mean mon konn en dimoun ki son boyfriend ti’n deza ganny en kare later avek Gouvernman. Me i pa ankor marye avek sa dimoun, me akoz zot pe reste ansanm zot in fer en laplikasyon. E zis akoz i ti met non son boyfriend lo son laplikasyon, son laplikasyon ti ganny turn down. Li in ganny penalize. E pourtan i en relasyon ki ok. Zot ansanm. Me zot pa konnen ki pou arive demen. Alors dan zot pe sa dimoun pe dir be get sa menm si nou relasyon i bon la, nou pa ankor marye ou annan sa ki pou ou, be mwan mon anvi fer demars pou mwan ganny sa ki pou mwan.  Me zis akoz i ti met non son boyfriend li i pa ti gannyen. Tandis ki i annan lezot ki gannyen. I annan lezot ki annan en kare, apre sa i ganny en lot fasilite.

Alor tousala se keksoz ki nou bezwen mon krwar konman en pei met en lord ladan. E Mr Deputy Speaker lo sa zafer lease ankor enn fwa. Si Gouvernman in fer en lease avek en dimoun, avek en lakonpannyen. E fodre nou regarde ki mannyer sa lease i kapab ganny proteze.

Parski la ankor enn fwa i annan sa prensip kot zot kas kontour. Zot kas kontour anba Companies Act. Kot zot in etablir en lakonpannyen. E aprezan olye vann sa lease zot vann shares. Sa osi sa i en lot fason kas kontour. Kot i vann shares sa propriyete i sorti lo li sa lakonpannyen sa lease tousala. E i esanz lanmen, e i annan bokou larzan ki ganny ki ganny involve ladan. Tousala se bann fason-ki pe bann keksoz ki pe arive dan pei ozordi. E se pou sa rezon ki i enportan pou nou sezi sa sityasyon la ki mannyer i ete. E dan sa Mosyon mon pou mon pe pouse osi. Pou ki si i annan en lease en dimoun i pa kapab servi sa later. Olye li ganny sa posibilite pou li vann sa lease. Non, i a bezwen tourn kot Gouvernman. Parski la nou bezwen mazin nou bann frer ek nou bann ser. Ou pa kapab ou taye, met ou non ganny en lease ki sepa konbyen ou pey R3 mil/R4 mil par mwan. E apre sa ou taye ou vann sa lease pou milyon. Tandis ki annan ou frer ki ankor lo Waiting List, ou frer oubyen ser i ankor lo en Waiting List e li i pa ganny nanryen.

Tandis k i nou vwar sa gro msye ki i deza annan en gro biznes, li in deza annan li en kantite later. Li ki a pa ganny ankor. Tandis ki-e la mon mazinen an relasyon avek mon pa le antisip Mosyon ki pe vini la apre. Lo sa sekter formel, li sa dimoun pe konmans en pti biznes ki anvi ganny en sans avanse. Li i reste touzour anba li. Tandis ki sa gro msye li akoz i deza annan en ta larzan dan son pos i kapab pey en milyon i kapab 2 milyon pou sa later. 5

E alor Mr Deputy Speaker ou’n fini vwar ki pou dir, dan sa Mosyon mwan mon pe rod en fason pou nou annan en fairness. Pou nou annan en fason ki sa pti bout ki nou annan lo nou gro ros, nou kapab partaze dan en Fason ki  ekitab.  Nou ava kapab donn tou nou bann dimoun sa posibilite pou li kapab bouze dan lavi.

Alor en lease nou devret Gouvernman i devret kapab ‘adopte en Polisi, ki okenn lease si sa dimoun pa kapab kontinyen sa lease, i retourn kot Gouvernman e retourn ankor dan sa pool parey nou dir.

E li aprezan Gouvernman i kapab regarde be lekel lot lo lalis. E sa lot dimoun lo lalis ki pe rod tel later, tel siperfisi i ava kapab gannyen. E i ava kapab bouze.   E Mr Deputy Speaker la mon anvi dir ki Gouvernman li menm in rekonnet sa sityasyon. E letan mon regard [ar egzanp Cabinet Business ki ti pase le 14 Zen 2017. E se la kot mon krwar pou dir sa Mosyon i osi al dan sa lespri pou siport sa dezord ki pe arive la pou nou kapab vwar lalimyer. Letan mon lir Cabinet Business le 14 Zen 2017, 2 semenn pase, i dir; ‘’Cabinet decided that the allocation of land in the Industrial Estates will henceforth be made by the Board of the Industrial Estates Authority, and not by the Ministry responsible for land. In addition, the office of Attorney General, will review the condition of lease with a view to a greater transparency in the true ownership of the leasers.’’

Mr Deputy Speaker sa kominike, e i dan Cabinet Business.  I montre nou ki poudir ki Gouvernman li osi tou in pran konesans ki poudir i annan en dezord. I annan en dezord. I annan en bout ki Minister ki responsab pour Later, i a pe debrouy. E apre okipe. E apre sa ou annan Industrial Estates Authority. E parfwa napa bon kominikasyon. Prezan i pe dir tir sa laba avek Ministry responsible for Land met li antyerman avek Industrial Estates Authority.

Me apre sa, dan sa kominik i rekonnet plizyer bann keksoz ki mon’n mansyonnen. I dir pou ki i ava annan pli gran transparans lo lekel vreman ki annan sa bann leases. E sa i montre ou ki poudir i annan problenm.   Si ou bezwen, al rode. Ou’n donn en dimoun en lease me selman aprezan ou bezwen al rode lekel aktyelman ki annan sa lease; ki vedir i annan problenm. E mon krwar ki la, nou konman en Lasanble, nou pe travay ansanm avek Egzekitiv, pour ki i annan lalimyer. E sa travay Mr Deputy Speaker mon bezwen dir, i en travay ki’n konmanse deza i annan Onorab Flory Larue ek mon menm lo lapar LDS, nou’n anmenn devan Egzekitiv serten bann sityasyon ki pe arive. E in annan aksyon ki’n pran.

E si sa i lespri mon krwar ki sa Mosyon i ava ede, pou nou al pli, devan ankor. E nou tou nou rekonnet-parey parol i dir Sesel i pli gran ki nou. Alors nou pe ‘fer en travay pou Sesel.

Mr Deputy Speaker mon krwar ki sa zafer later i enn bann size kot in annan bokou koripsyon. E Lasanble ozordi atraver sa Mosyon pe dir osi tou annou ede dan sa lager kont koripsyon. pou ki ava annan en distribisyon ki drwat, ki zis, ki ekitab e i tou Seselwa i ava kapab ganny sa posibilite pou li annan en kare later, pou li kapab si i annan son pti biznes. Si son biznes i kapab vin pli gro pou li kapab devlope.   E alor sa Mosyon pe demande ki i annan en Komisyon ki ganny etabli. E lo la nou pa pe rod en keksoz pou Lasanble Nasyonal. Me nou pe rod en fason ki ava pli ouver. E letan i ava annan plis Manm lo la, i ava annan plis enteraksyon, i ava annan plis deba e nou ava kapab arive.

E lo sa komisyon lefe ki nou dan Lasanble Nasyonal nou pou sir azir konman en check, i ava annan Manm Egzekitiv, i ava annan Manm Lasanble Nasyonal e osi Sekter Prive. I ava annan sa 3 ki nou ava pe regard sa menm size later, ki pou Gouvernman bann leases ki pou Gouvernman. E mon krwar ki atraver sa nou ava kapab met en keksoz ki ava kapab met en pe lord. E nou pei li menm a lafen dizour i ava profite. E i ava benefisye.

Avek sa detrwa parol Mr Deputy Speaker mon demande ki Lasanble i aprouv sa Mosyon. E ki Gouvernman atraver sa i ava fer le neseser e nou ava annan nou sa laklarte dan lafason ki nou pei i deroule.  Mersi bokou.

 

MR DEPUTY SPEAKER

Mersi Onorab Ramkalawan. Okenn Manm ki segonn sa Mosyon?

 

HON BERNARD GEORGES

Mr Deputy Speaker mon segonn sa Mosyon. E avek ou permisyon mon dir detrwa mo lo la.

 

MR DEPUTY SPEAKER

Mersi Onorab Georges. Go ahead.

 

HON BERNARD GEORGES

Mr Deputy Speaker, pandan sa dernyen preski 40an ki mon’n egzers profesyon avoka; e sa 5 a 6an depi ki mon pe ansenny Lalwa Propriyete Lalwa Later Liniversite Sesel, e avek bann Avoka ki pe fer zot bar training, i annan serten keksoz ki iniversel, e ki nou’n remarke dan en sistenm Lalwa Later e sa se lord. Lalwa i sey anmenn en serten lord dan lafason ki later i ganny distribye. E dan lafason ki later i ganny administre e pas atraver bann propriyeter siksesif.

L’Angleterre par egzanp personn napa drwa prosed okenn later. Zot pa konn sa annefe se realite. Tou later i pou the crowd, pou Leta. E sel keksoz ki dimoun i kapab annan se en drwa dan sa later.

La France e isi Sesel konpletman diferan e apre revolisyon Fransez, tou propriyeter ki anvi annan en bout later i kapab annan, parey Onorab Ramkalawan in dir, en later freehold ki pou li e kot Leta napa okenn drwa, napa okenn menmiz lo la.

E mon kapab dir isi Sesel nou ase sanse. Akoz nou grander premyerman. In permet ki Mahé konpletman, Praslin preske konpletman, e La Digue en bon poursantaz. later in ganny arpante. E i lo sa ki nou apel land register. Ki vedir ki fasil pou okenn dimoun zis al kot biro lazisteman,. E konnen imedyatman lekel propriyeter later ki Drwa i annan lo la, ki restriksyon ki mortgage ki servitude  eksetera, eksetera.

Donk nou sorti, nou annan plito en sityasyon favorab lo pwennvi legal. Me sa se pa tou. Dan tou pei e sirtou isi, i annan toultan en tansyon ki egziste ant en komodite ki limite. E isi Sesel tre limite avek en demann ki pe kontinyelman agrandi.

Dan Nouvel resaman, ler ti annan Eleksyon Grande-Bretagne, enn bann pwen dan bann Manifesto, sete e ki kantite lakaz ki ti pou ganny fer, kantite later ki ti pou ganny a dispozisyon bann dimoun ki ti pe rode. Egzakteman menm sityasyon Mr Deputy Speaker ki nou annan isi. Sa tansyon ant en komodite restrike limite avek en demann ki pe grandi. I pou toultan poz en bann problenm lo Lalwa ek regilasyon sa sekter.

E set an rekonesans ki annan sa tansyon ki bann pouvwar kolonyal menm avan lendepandans, ti entrodwir 2 Lalwa dan nou bann liv Lalwa.

Enn sete Lalwa sanksyon ki en etranze pa kapab aste, okenn later isi Sesel. Amwen si i ganny permisyon Gouvernman; Cabinet of Ministers konmela.

E lot sete sa State Land of River Reserves Act ki dan lepok kolonyal ti apel Crown land and River Reserves Act; kot Gouvernman li menm pa ti annan drwa vann later direkteman avek en dimoun, amwens ki sa later ti ganny vann alankan parey nou dir. Kot tou dimoun ti ava ganny drwa pou zot pouse e aste sa later.

Donk ti annan sa rekonesans ki sa tansyon ti bezwen ganny manage dan en serten fason. Malerezman avek tou Lalwa i annan fason pou kas kontour pou fer letour pou anpes sa aplikasyon sa Lalwa. E parey nou vwar sanksyon pandan en peryod letan ti annan en fason kot bann etranze ti kapab zis fer en lakonpannyen. Met sa, sa lakonpannyen lo non 2 Seselwa e aste sa later atraver sa lakonpannyen.

Gouvernman in bous sa trou. E in dir ki si sa i ganny fer, sa later i kapab ganny sezi e repran par Leta.

Lot sete parey Onorab Ramkalawan in dir; aste later me apre sa sanz non bann shareholders dan sa lakonpannyen. Ouswa donn en lease lo en later ki freehold e koumsa fer sir ki en lot dimoun i ganny drwa.

Sa bann keksoz Mr Deputy Speaker, fodre i arete. E fodre ki sa sekter ki i en sekter enportan, e limite, i ganny zere dan tou son latransparans.

Mon pa pou repet sa ki’n ganny dir deza. Me i kler. I kler ki pandan bokou lannen, apre ki Sekter Later Leta in ganny ouver, avek piblik apre lendepandans ki annan serten dimoun o plase ki’n fer en pe shopping pou later.

E sa nou’n vwar dan bokou ka; bokou Minis, bokou Prezidan menm in rod en zoli bout later dan en landrwa e zot in aste sa avek Gouvernman pou sa vin zot propriyete.

Bonn sans pou zot. Me mon krwar ki ozordi avek sa mank later, sa bann kalite keksoz nepli kapab akseptab. I annan dimoun ki annan kontak. E servi zot kontak pou zot kapab benefisye an resi zot lekor. Sa i normal dan tou bann sosyete Sesel pa sel sosyete kot sa i arive. Me i pa akseptab dan en moman latransparans, sa bann kalite mannev nepli akseptab. E nou‘n vwar parey in ganny dir, atraver batiman Espace dan milye Victoria; atraver alokasyon bann later lo sa morso semen ant roundabout Roche Caiman e roundabout Providence, serten favoritizm ki’n ganny fer e serten dimoun ki’n byen pase.

Providence Industrial Estate li menm, kot i annan en bann Polisi swadizan kler, ki dir si ou pa devlop en later pandan en serten peryod letan, Gouvernman pou repran. In ganny aplike dan serten ka. E in ganny neglize dan serten lezot ka. Nou vwar la konmela i annan serten plot ki dan premye; premye bout Providence Industrial Estate ki la ozordi pe ganny en konstriksyon lo la pou premye fwa tou sa letan in asize.

E mon konnen akoz mon annan file lo biro. Serten lezot ki pa’n devlope Gouvernman in repran later avek zot.

In annan an kontradiksyon avek Polisi pou pa annan rezidans prive Providence Industrial Estate, serten dimoun in fer zot rezidans prive sirtou lo bann plot  ki o-bor delo sale.

Tousala Mr Deputy Speaker i anmenn en serten lanmertim dan en kous nou popilasyon ki pe rod monte, ki pe rod zot osi ganny en lavantaz, ganny pozisyon. Met parey Angle i dir met zot lipye on the first round of the ladder. Pou zot kapab en zour zot osi ,aspire annan zot propriyete ek zot later.

Donk Mr Deputy Speaker mon krwar se pou anpes kontinyasyon sa bann labi. Anpes kontinyasyon favoritism, anpes en bann dimoun servi zot kontak, ki sa Mosyon ki ganny anmennen ozordi.

E pou mwan mansyonn en pti pe ankor sa State Land of River Reserves Act, son lentansyon i en tre bon lentansyon. Son lentansyon sete pou dir Gouvernman ou pa kapab transfer en bout later direkteman avek en dimoun par en lavant later, amwen ki ou’n donn loportinite tou ou Sitwayen bid pou sa morso later.

Sete sa son lentansyon.me malerezman sa ki ti 5 arpan a lepok 20 mil met kare ki ti parey kekfwa ptipti, ozordi i nepli fer okenn sans.

20 mil met kare i en-i tro gran. E Gouvernman i bezwen sanz sa Lalwa.  E fer sir ki i aplik pou tou later ki i vann. Akoz ozordi nepli annan dimoun ki pou vin aste later 20 mil met kare. Pou annan zis bann devloper ki anvi fer en lotel e zot, tonm dan en diferan kategori.

E son lot problenm e se Gouvernman li menm li ki’n abiz sa loophole dan sa Lalwa se ki en lease ou pa bezwen pas atraver State Land and River Reserves Act. Alor ler Gouvernman in anvi donn fer en faver avek en dimoun, zot pa’n fer li freehold. Zot in fer li atraver en lease e la menm sa 5 mil sa 20 mil met kare sa 5 arpan, nepli aplikab.

Donk sa later li osi i bezwen, sa Lalwa plito i osi i bezwen ganny revwar dan en fason vit. E apre i annan en lot kategori dimoun ki osi pa mal pase avek later Leta, e sa bann dimoun ki ti etranze me ki in vin Seselwa atraver swa lakizasyon en Passport. Oubyen swa en Grant natiralizasyon.

Tousala Mr. Deputy Speaker i fer ki nou bann dimoun, bann zenn sirtou; e mwan mon koz atraver leksperyans akoz mon annan zenn dimoun dan mon distrik. E zenn dimoun ki travay pou mwan, ki pe espere zot osi trouv en fason pou zot kapab ganny sa premye konmansman dan zot lavi. Pou zot kapab fer en premye housing unit e ganny en premye bout later.

E sete avek Gouvernman natirelman ki’n sa pli gro moter resaman dan devlopman bann later, ki zot bezwen regarde dan en premye konteks.

E la mon devret fer en parantez, e dir-akoz mwan mon senserman krwar dan sa. Se ki anmezir ki nou pe demann avek Gouvernman vin pli transparan, vin pli efikas. Fer keksoz dan en bon fason sanz Lalwa. Nou bezwen osi regard bann propriyeter prive, ki annan bann gran morso later ki pa pe ganny gran keksoz fer avek.

E mwan Mr Deputy Speaker mon patison a en striktir kot incentive ava ganny donnen, pou ankouraz sa bann dimoun ki annan later, me ki pa pe devlope, pou zot devlop sa later met li a dispozisyon bann dimoun ki pe rod aste en kare later zot osi, olye fye zis lo Gouvernman.

E donk Mr Deputy Speaker mon retourn a konklizyon lo baz ki mon  ti konmanse. Letan donnen ki annan en striktir legal. ki manage later ki ganny vann avek etranze atraver sanksyon, e ki sa striktir legal in ganny modifye o firanmezir pou fer bann loophold, e pou fer sir ki zis bann dimoun ki annan lentere Sesel, e ki pou vin isi avek en lentansyon ki kapab aste en bout later atraver sanksyon, bann dimoun etranz;. osi nou bezwen fer egzakteman menm mekanizm pou bann Seselwa ki anvi aste en morso later avek Gouvernman.

E sa Mosyon si mon konpran li byen, pe rod fer egzakteman sa kalite keksoz. Kot en etranze i bezwen demann sanksyon avek Cabinet of Ministers. En Seselwa ki anvi aste en bout later avek Gouvernman pou bezwen an quelque sort pas devan en Komisyon pou li satisfer sa komisyon, ki i merit ganny sa morso later. E ki bann restriksyon neseser i ava ganny met an plas, pou anpes spekilasyon, pou anpes labi pou anpes en dimoun ganny plis ki merite.

E se donk dan sa konteks M[r Deputy Speaker, ki mon krwar ki sa Mosyon i ganny anmennen. E ki mon krwar nou ;tou nou devret donn li son sipor. Pou fer sir ki nou komodite limite i ganny byen zere par sa Gouvernman ki nou met an plas.  E mon kontan ki se pa zis Cabinet of Ministers ki pou deal avek sa, tou mannyer i pa ti pou kapab akoz mon sipoze pou annan bokou, bokou tro laplikasyon ki pou ganny fer, me ki  i annan en Komisyon ki reprezant tou nou lasosyete Egzekitiv ki’n ganny elekte pou administre pei pou 5an. Egzekitiv ki’n ganny elekte pou li fer en balans kont sa pouvwar Egzekitiv. Me osi sekter prive ki konsernen dan devlopman lekonomi nou pei

Alor Mr Deputy Speaker avek sa detrwa parol, mon vwar ki sa Mosyon i non selman apropriye a sa moman kot nou ete la ozordi, me ki son striktir ki anvi met an plas, i enn ki pou kapab marse. E ki pou kapab fer ki dan lefitir en fwa ki sa striktir in ganny met an plas

i ava bokou pli transparans pou bann dimoun ki pe rod met zot premye pa lo sa leskalye, zot fitir isi Sesel, i ava kapab fer li an tout sekirite. Mersi Mr Deputy Speaker.

 

MR DEPUTY SPEAKER

Mersi Onorab Georges. Onorab Sebastian Pillay.

 

HON SEBASTIEN PILLAY

Mersi Mr. Deputy Speaker. Mr Deputy Speaker devan nou, nou annan en Mosyon ki a laliny ki Prezidan Larepiblik in pronons son lekor lo la. E sa, rann kont e latransparans. E pandan ki mon ti vin kot Lasanble mon’n ganny sans ekout mover Mosyon. E in osi mansyonnen ki sete en lapros pou nou kapab etablir en baz pli kler, e pli fair, pli balanse si oule, pou ki tou dimoun i kapab benefisye avek bann resours ki pei i annan; sirtou si nou ekout entervenan avan mwan an se ki konsern en resours ki tre limite.

Mr Deputy Speaker mon krwar, ki nou lapros lo sa Mosyon i bezwen enn baze lo tretman sa size dan en fason ouver, kot deba i pa sipoze petet san tre o si favoritizm in ganny fer. Me plito lo si bann laliny, bann Polisi ki ti la an plas in ganny swiv pe enport ki konversyon politik ki sa dimoun i annan ki’n ganny sa later.

Akoz nou bezwen admet ki ozordi sa size later i transcend okenn bann baryer politik, me i plito konsern avek sa ki nou tou oule vwar se ki en fair chance pou tou Seselwa ozordi, pou li kapab annan en fwaye, en lakaz oubyen ganny en bout later pou li fer en biznes pou li devlope. E se sa baz ki mon krwar nou bezwen restrikte nou lekor lo la.

Mr Deputy Speaker mon rekonforte par lefe ki nou’n vwar pou dir Cabinet, bann Minis dan son bann desizyon inn montre pou dir zot pe fer serten travay. Oubyen serten desizyon in ganny pran, ki zisteman a dan laliny ki sa Mosyon i al ladan.

Me i osi demande, oubyen egzize par lefe ki nou reprezante Lepep ki nou osi konman

En Lasanble Nasyonal nou prezant nou dimoun. Nou prezant osi en pozisyon ki nou pe pran, pou ranforsi bann desizyon ki Cabinet i pran. Bann desizyon ki Prezidan Larepiblik pe pran, zisteman pou asire ki annan plis rann kont e latransparans.

Me an menm tan Mr Deputy Speaker mon’n ekout osi entervenan avan mon e mon krwar ki i pa’n regard dan serten landrwa kot nou kapab kree serten sityasyon sa Mosyon. E ki dan mon lopinyon pou nou kapab strengthen sa Mosyon, nou bezwen adres sa bann size pou ki ler sa nide deryer  sa Mosyon, i pran lavi, pou ki demen nou pa ava vwar nou dan bann enpas konstitisyonnel, oubyen bann enpas petet ki kapab afekte travay sa Komisyon li menm dan serten sirkonstans.

Se avek sa lespri Mr Deputy Speaker ki mon pe regard sa Mosyon. Premye keksoz ki mon krwar ki mon ti a kontan koz lo la, se ki malgre ki mon konpran nide ki sa Mosyon pe vin avek. Nou bezwen osi apresye lefe ki Konstitisyon osi in etabli bann baz, bann prensip lo ki…

 

MR DEPUTY SPEAKER

En pti lenstan Onorab Pillay. Onorab Ramkalawan.

 

HON WAVEL RAMKALAWAN

Mr Deputy Speaker mon konpran dan ki direksyon Onorab pe ale. Petet zis akoz i pa ti la. In annan en Amannman lo Mosyon. In annan en Amannman lo Mosyon kot tir sa morso kot i dir ‘’ek later ki ti pou Gouvernman. ’’So sa bout la in sorti.

 

MR DEPUTY SPEAKER

Re lir ou Mosyon as amended.

 

HON WAVEL RAMKALAWAN

Pou Mosyon ki mannyer i pe lir se sa Lasanble i pas en rezolisyon ki demann Gouvernman pou enterdi okenn lavant e lease later Gouvernman amwen ki sa lavant lease i ganny aprouve- ensidswit.

        So sa bout ‘’..ek later ki ti pou Gouvernman,’’ sa in tire zisteman akoz sa pwen Konstitisyonnel.

 

MR DEPUTY SPEAKER

Ok. Onorab Sebastien Pillay kontinyen.

 

HON SEBASTIEN PILLAY

Mersi Mr Deputy Speaker. Mersi pou sa klarifikasyon Leader Lopozisyon. Mon ti’n well aware ki i annan sa Lamannman an relasyon avek Lartik 26 Konstitisyon. Me mon ti pe osi koz lo en lot Lartik Konstitisyon ki donn lavi travay ek Egzekitiv ki fer.

E sa Lartik 66 nou Konstitisyon. E lartik 67 ek 68 nou ‘Konstitisyon. Me li Lartik i fer ki ambit  Policy i tonm anba Gouvernman. E se pou sa rezon ki mwan mon pe vin lo en pwen kot ki dan sa Mosyon i annan enklizyon travay direk ki Lasanble Nasyonal oubyen Manm Lasanble Nasyonal pou fer an relasyon sa, Komite, e se la kot mon’n eksprim serten konsern.

Mon dir sa tout an rekonesan ki  i enportan ki sa Mosyon osi i kapab adres sa bann size. Me pou nou trouv mechanism ki pli bon pou nou kapab fer li. Travay dan en fason pli ouver. E osi dan en fason ki reste within the bounds. E respekte sa ki nou nou’n dekrir konman separasyon pouvwar dan nou pei.

Mr Deputy Speaker mon’n sit sa 2 Lartik akoz Lartik 66 i donn Prezidan lotorite Egzekitiv. E li i bezwen egzers sa lotorite an akor avek Konstitisyon. E bann Lalwa Sesel.

E Lartik 66 (2) i fer kler ki i bezwen fer sa an relasyon avek bann Lalwa ki Lasanble Nasyonal i pase.

Me lefe ki bann Leaders ti’n deza zwenn e zot ti’n koz osi lo bann Mosyon; anfe ki konstitisyonnel-man en Mosyon i pa binding lo Gouvernman, me i kapab vin konman part of en propozisyon ki Gouvernman i kapab pran from Lezislasyon ki kapab osi ed Gouvernman dan son travay. Se pou sa rezon ki mon’n vin lo sa pwen pou adres serten size ki Onorab i konn tre byen ki mon santiman lo sa size.

E sa se lefe ki nou annan nou en Manm Lasanble Nasyonal lo sa Komite. Rezon mon dir sa, set akoz sa i pou kree en sityasyon kot dan mon lopinyon, e Onorab i kapab adres sa dan son summing-up . sa i pou kree en sityasyon kot ou pou annan en Manm Lezislatif lo en Komite ki li i pe regard en Polisi Gouvernman, e sa se Polisi alokasyon. Oubyen se desizyon ki ganny pran vizavi en Polisi.

E sa i fer ki nou dan en serten fason, nou riske kon promet nou rol pou annan oversight lo sa Komite

Me mon konpran nide akoz Onorab pre propoz sa. Set akoz pou nou annan en fason pli ouver pou regard sa size.

Me malgre sa neanmwen nou bezwen osi ganny gide par bann prensip ki nou annan an plas. Se pou sa alor ki mwan mon ti ava propoze ki dan plas ki nou retenir sa Manm Lasanble Nasyonal lo sa Komite, me ki ava annan en konsiltasyon, pros, pros ler sa Komite pe ganny formen, pou ki at least tou dimoun i ava onboard i ava vwar egzakteman ki pe arive.

Mon dir sa Mr Deputy Speaker akoz deza la osi Minister pou responsab pour later, pe deza angaz li dan bann prosedir ki pou kapab konmans target sa size.

Me petet avek sipor ki Lasanble Nasyonal i kapab provide, oubyen ki sa Komisyon i kapab provide sa i ava fer sa ganny akseler-e. Akoz nou bezwen aksepte osi, i annan plizyer dimoun ki an deor la ki pe esper later pou pa mal letan. E zoot osi zot annan en drwa anba nou Konstitisyon pou zwir menm drwa ki lezot in zwir. E zot drwa par sibaltern a drwa en lot dimoun.

Mon krwar sa i enportan. E ki dan sa laliny ki mwan on pe regard sa size Mr Deputy Speaker. Rezon akoz mon dir sa Mr Deputy Speaker, set akoz demen si sa manm si sa Manm li menm li i annan en size, i annan en kestyon ki bezwen reponn nou pou vwar sa Manm pe vin devan Lasanble pe reponn kestyon an relasyon avek travay en Komite ki pa tonm dan remit travay Lasanble Nasyonal.

Mon kapab konpran okenn Komite ki Lasanble Nasyonal i formen pou fer son travay avek. Me en Komite ki relate avek en Polisi issue ki Gouvernman i annan se la kot nou bezwen parwa tir serten laliny malgre ki nou santi pou dir, nou oule annan plis si ou le koneksyon oubyen plis regar lo sa ki pe pase.

Mr Deputy Speaker mon oule zis remind Lasanble ki World Bank dan enn son bann travay ki in fer Sesel, enn bann size ki zisteman in koz lo la, an relasyon avek sa koabitasyon ,se lefe ki sa prosesis i devret donn drwa right place to party political processes. Me selman it should not be underpin by partisan it should be focus on technical process of oversight.

E inevitableman Mr Deputy Speaker whether or not sa Manm pou eksprim son lekor ki i pou al lo sa Komite oubyen okenn Manm Lezislasyon ki ou al dan en Komite formen par Egzekitiv, unless sa Komite i en Komite dan  ambit  pou regard en size zeneral, lo en nivo Nasyonal, ki napa en pure Policy  ambit  ki pou regard en keksoz strikteman avek Polisi, then sa Manm malgre i pa pe fer li e plen gre  par natir  son prezans i kree sa konpromi ki kapab egziste.

E se pou sa rezon ki dan son summing-up petet mon ti a kontan ki mover Mosyon i konsider sa pwen, akoz dan mon lopinyon Mr Deputy Speaker, pou  konklir, sa Mosyon mon  pe tous en keksoz ki fondamantalman vreman enportan pou nou.

E parey mon’n dir mon pa pran sa Mosyon dan laliny pou regarde si i annan dimoun lo lot kote latab ki’n .. si i annan dimoun kote isi, si annan dimoun elsewhere; i pa mon lentansyon. Me mon lentansyon i plito asire parey tou dimoun ki napa en plan bout later tou dimoun i ganny sa fair chance. Akoz i annan bokou dimoun malgre zot in dan Gouvernman, malgre zot in dan sa zot in apply zot in go through zot process normalman i annan ki ankor pe espere, ozordi menm.

E pa bliye osi ki nou annan osi plizyer graduates ki’n sorti train deor ki oule  konman zot fanmir ki zot pe vwar zot dan difikilte. Akoz zisteman nou annan sa bann issues ki ankor egziste otour sa. So sa tousala pou ede pou reponn en kantite kestyon ki nou annan ozordi. E parey laliny ki Prezidan pei in pran an relasyon avek latransparans ek rann kont. Mon krwar ki sa Mosyon dan son merit i al dan sa direksyon.

E se pou sa rezon ki mwan mon pou donn mon sipor sa Mosyon. Me mon ti a kontan ki an relasyon avek bann keksoz ki mon’n dir, sirtou an relasyon avek lartik Konstitisyon i vreman defini nou separasyon pouvwar. E la Mr Deputy Speaker ou a permet mon pou dir en keksoz. Mon krwar an alan Sesel ou bezwen etablir legalman ki mannyer separasyon pouvwar i marse.

Akoz ozordi nou pe pran li konman dan Konstitisyon i egziste serten presep, serten laliny ki nou bezwen pran.

Me malgre sa i reste lefe ki parfwa i annan en Brans ki pou santi pou dir i bezwen antre dan travay en lot Brans si i santi pou dir travay pa pe ganny fer a la oter. I kapab Egzekitiv anver lot. E se pou sa rezon ki souvandfwa nou ganny sa bann diskisyon lo separasyon pouvwar. E mon krwar i en asize ki nou bezwen konsidere. Whether or not nou pou annan en Lalwa ki define separasyon pouvwar a long term. Akoz sa si sa koabitasyon i montre nou en keksoz. Se ki i montre nou ki pou dir nou sistenm demokrat Sesel i enn ki pli enteresan. E i enn ki pli bon otour en kantite pei dan lemonn akoz nou kapab pou egziste malgre nou annan diferans politik. E nou kapab travay pou en sel bi pou nou pei, malgre nou pou annan diferans politik.

Avek sa 2 mo Mr Deputy Speaker, mon remersi pou mon remersye Lasanble pou son latansyon.

 

MR DEPUTY SPEAKER

Mersi Onorab Sebastien Pillay. Onorab Afif.

 

HON AHMED AFIF

Mersi Mr Deputy Speaker. Mr Deputy Speaker sa Mosyon ki devan nou  i en Mosyon ki tre spesifik. I en Mosyon ki pe koz lo lavant later. Swa later ki freehold oubyen bann later ki lo en buy oubyen en lease.

        Loter Mosyon mon panse pe koz lo later. Parske later i en resours ki presye. Ki presye dan Sesel parske  en gran siperfisi nou teritwar zis en pti bout ladan ki later.

Mosyon osi pe adres en lot pwen, se redistribisyon larises. Mon krwar dan sa Lasanble menm ler       Msye Faure ti vin devan nou.  I ti enn son bann pwen kle. Se nou bezwen fer sir ki dan devlopman nou pei, tou dimoun pe benefisye.

E alor sa Mosyon pe osi ladres sa pwen redistribisyon larises. Later dan Sesel vreman i annan 2 sours, later ki nou kapab gannyen. Enn se later ki pou Gouvernman. E lot se later ki prive.  E nou tou konnen pou poudir ki Gouvernman swa i vann nou oubyen i lwe avek ou a parti ki’n montre pou dir toultan in en pri ki bokou pli abordab ki marse sirtou sekter prive pe donnen ozordi.

E petet i annan en rezon pou sa. Se parske Gouvernman i pe azir konman en fasilitater. E i konnen pou dir swa en dimoun pou fer en lakaz avek, e sa i anmenn en benefis. Parske ou pe donn lozman pou en fanmir, ou pe donn konfor, ou pe kree en baz pou popilasyon ki kapab prodwir demen. Later

bann rezyon komersyal. E la ler i fer sa ou pe kree biznes, ou pe kree dyob, nouvo loportinite, nouvo teknolozi; ou pe kree taks ou pe kree sa ki nou apel valer azoute pou pei. E alor later i kree tou sa bann keksoz.

Me rezon petet ki Mosyon pe ganny anmennen, se parske dan tou sa ki nou pe dir ki byen. I annan keksoz ki mars mal.

E sa ki mars mal se ki dan sa bann alokasyon oubyen lavant ki ganny fer avek en dimoun, ou en group dimoun. I annan serten lenstans kot i annan labi.

Alor ler i annan labi sa ki ou ti pe espere gannyen, se redistribisyon larises ganny partaze byen annan lazistis, i pa pe arive.

E alor si ou demann mwan si annan legzanp, wi nou’n koz plizyer fer dan sa Lasanble later ki ganny donnen pou R1 par egzanp, apre zis Ste Anne i en legzanp ki’n ganny lwe pou R1 avek en group dimoun. E answit zis en morso sa later i ganny lwe pou R3 milyon dan en lannen. Alor vwala kot en later pe ganny servi byen. I annan en lotel, i kree dyob i kree taks, i kree bokou keksoz pozitiv pou sa pei.

Me la ou pe vwar pou dir benefis i pe al zis dan kote. Nou’n vwar sa dan plizyer lezot lenstans me ozordi nou pa la pou nou pik lo la. Ozordi nou la pou dir me in ler pou nou met en lord, dan sa bann keksoz ki pe al mal.

Sa Mosyon  pe dir annou kree en Komisyon. Oubyen en group dimoun ki pou la pou zot kapab vreman egzaminen ki bann sirkonstans kot sa bann lavant pe ganny fer, dan en fason ki pa pou anmenn benefis pour Sesel.

E alor mwan mon krwar poudir Mosyon i annan bokou merit. Mwan mon krwar pou dir si i ganny fer korekteman, nou pou asire ki sa pei i bouz devan dan en fason kot tou dimoun; tou dimoun dan Sesel i ganny loportinite pou li zwir resours nou pei. Pou li donn loportinite lezot dimoun dan nou pei. Pou li kree larises dan nou pei.

Alor mwan mon ti a kontan lo mon par, pou mwan siport sa Mosyon. Me menm petet zis en pti si zanmen i ganny aprouve-menm en pti konsey mon ti a kontan ofer, se ki si zanmen Gouvernman a lavenir i vann later oubyen i lwe later avek dimoun, met en kondisyon lo sa bann later, ki i bezwen ganny devlope dan peryod letan.

Parske ozordi nou vwar bokou later ki Gouvernman li menm i lwe. Me napa devlopman lo la. Providence par egzanp i en landrwa kot nou’n vwar bokou later in ganny lwe. Me nou pa vwar devlopman lo la. Petet i annan bon rezon mon pa konnen. Petet sa dimoun pa’n ganny finansman. Petet i pa’n ganny permisyon pou serten keksoz.

Me Gouvernman i bezwen met li serten Clause dan son lavant, kot i dir mon oule vwar devlopman dan en minimum peryod letan. E si napa obligatwarman sa later i bezwen retourn kot Gouvernman.

Menm kot zot pe vann later; par egzanp avek kot Sekter Prive menm. Zot pe vann later. E ou pa vwar ou pe vann ek en etranze sirtou; e ou pa vwar en devlopman ki arive. Se parske souvan fwa sa bann dimoun ki pe aste gro morso later i etranze in ganny sanksyon.

Me i fer sa pou spekilasyon. E la ankor pei ki pe perdi. Parske sa dimoun i pa enterese pou anmenn devlopman pou pei neseserman. Li i pe get later parey en kont dan labank. Oubyen en kontan deviz ki apre demen sa deviz apresye i vann. I pe get later parey en lenvestisman.

E alor si ou pa met kondisyon, sirtou avek etranze ki ou pe vann later, parske pou zot later i zis en komodite. I pa parla pou vin envestir; si ou pa met kondisyon, nou pou vwar ki dan sa pti Sesel kot nou napa bokou later, en sel dimoun i vini i pran en gran, gran morso later. I pa devlope. I riske in aste prive, me i pa devlope.

E prezan Sesel ki perdi. Mon ti a kontan osi zis azout lo sa lorganizasyon, sa Komisyon ki nou pe kree. E en pti pe dan laliny ki Onorab Pillay in koz lo la. Kot i pe dir ou pa kapab annan en konfli dan rol Lasanble avek Egzekitiv, mon konpran sa tre byen. Me mon krwar  nide se ki lorganizasyon sa group dimoun, ki pou la, zot pou la konman bann dimoun ki Egzekitiv sirtou i konsilte avek.

E sa i al dan laliny latransparans. I al dan laliny pou fer sir ki nou konnen ki pe pase. E nou konman en Lasanble, ki nou annan en rol oversight, nou osi nou pe donn oversight sa pou fer sir pou dir pei pe mars dan en bon direksyon kot larises pe ganny partaze.

E avek sa Mr Deputy Speaker mon espere ki sa Lasanble pou raport son sipor pou sa Mosyon. E mon ti a kontan felisit Leader Lopozisyon pou en bon Mosyon. E mon espere ki tou dimoun pou an faver, e ki nou kapab bouz devan avek en Polisi ki pou anmenn devlopman pour Sesel.  Mersi Mr Deputy Speaker.

 

MR DEPUTY SPEAKER

Mersi Onorab Afif. Onorab William.

 

HON WAVEN WILLIAM

Mersi Mr Deputy Speaker. Mr Deputy Speaker ozordi nou ganny prezante sa Lasanble avek en loportinite istorik, vizavi size ki sa Mosyon pe trete.

Mr Deputy Speaker letan mon’n ekout loter Mosyon. E mon ‘n pli konvenki letan mon’n ekout Onorab Georges e la resaman Onorab Afif. Si nou pe koz lentere Nasyonal nou pe koz  fairness. Mon pou demann loter Mosyon pou akoz dan lepase in anmenn bann Mosyon ki mon’n aprouve. E mon santi pou dir nou kapab al pli lwen avek sa Mosyon avek serten amannman ankor.

E mwan mon pe dir enkli later e lease prive. Mon pe dir sa Mr Deputy Speaker, nou tou ki la nou sorti dan en distrik. Nou tou konnen poudir later dan distrik i pa zis pou Gouvernman. E ler Gouvernman i vann sa later i pa i nepli pou Gouvernman, i pou prive.

E nou tou konnen ki bann problenm ki nou pe gannyen dan distrik ler i konsern later prive pou nou ganny wayleave pou fer serten proze.

E Mr Deputy Speaker si ou permet mon. Mon ti a kontan lir ki lamannman k mon pe anmennen ki mon ti a kontan ki loter Mosyon i konsidere, akoz mon tim a kontan vot lo sa Mosyon. Mon pa kont kreasyon sa Komisyon mwan. Me solman mon problenm se ki si mon al dan listwar later redistribisyon later dan Sesel; Nou’n tann plizyer zistwar. Depi lepok kolonyal, Lendepandans apre 5 Zen kwa ki’n arive.

E Mr Deputy Speaker mon ti a kontan ki sa Mosyon i lir konm swivan; ‘’Sa Lasanble i pas en rezolisyon, ki demann Gouvernman pou enterdi okenn lavant e lease later Gouvernman ek later prive. Omwen ki sa bann lavant i ganny aprouve.’’ E i kontinyen avek kree sa komisyon. Mon napa problenm avek sa.

Me parey mon dir si nou pe koz ekitabilite, nou pe koz fairness, mon krwar pou dir sa eleman Sekter Prive i bezwen antre ladan. Akoz si non nou pa pou pe fer zistis Pep Seselwa.

Letan nou tou nou konnen kwa ki [e arive dan distrik. Nou tou ganny elekte da n en distrik ki konnen kwa ki pe arive dan distrik. E mon konn zistwar mon distrik. Mon konnen lekel ki ti bann gro propriyeter lontan. E nou konnen bann later ki prive ki ankor abandonnen.

Me nou konnen osi pou dir i annan osi zil ki ti ganny vann dan lepase, eski Gouvernman ti vann bann zil. E Mr Savy IDC zot ti ale pou al aste sa bann zil.

Nou’n tande pou dir Ile Du Nord ti ganny vann pou en vyolan. Me si tou sa bann keksoz in pase Mr Deputy Speaker, mwan mon santi poudir nou kapab fer zistis Pep Seselwa par osi enkli sekter prive ladan.

Nou pa pe dir pou dir nou anvi anpes zot fer sa ki zot anvi. Me solman nou bezwen osi konstate poudir i annan en bon pe bann later prive ozordi, si ou fer letour Sesel. Ou pou vwar pou dir sa bann later laranzman pe ganny zere. Ouswa lafason in ganny vann, in fer serten Seselwa perdi sa sans.

Akoz si nou ou al dan lefitir, nou pou vwar pou dir Gouvernman li tousel li i pou ariv en moman i pou bezwen kontinyelman konble. E i annan serten later prive ki osi parey Onorab Georges in koz lo la; parey Onorab Afif in koz lo la. Ki nou kapab konsidere ki ankouraz sa bann sekter prive osi pou mazin dan en fason ver latransparans lo size later, bonn Gouvernans, e rann kont.

Mr Deputy Speaker, parey mon dir se ki ozordi dan sa Lasanble avek sa Mosyon pa pe fer okenn politik la. Mon annou f[er zistis. Annou fer zistis Pep Seselwa. E mon pou aret la mon pa pou al pli lwen, akoz mon’n fini fer le pwen. E mwan mon ti a kontan ki loter Mosyon i kapab akord sa akoz and mon anvi vot pou sa Mosyon. Me mon santi pou dir san sekter prive akoz nou pe koz en resours limite. E sa resours limite i pa konsern zis Gouvernman.

Sa resours limite i osi konsern sekter prive. E nou pa pe, pe dir afekte sekter prive me solman i en resours ki limite ki nou bezwen vwar osi.  Mersi Mr Deputy Speaker.

 

MR DEPUTY SPEAKER

Mersi Onorab William. Bon mon napa okenn Manm. Ok Onorab Henrie oule entervenir?

 

HON GERVAIS HENRIE

Wi Mr Deputy Speaker mon pa pou long.

 

MR DEPUTY SPEAKER

Ok. Zis avan ou konmanse mon ti a kontan ganny latansyon bann Manm ki ozordi nou oule degaz en pti pe nou Order Paper. Ok?   I napa zis en Mosyon lo Order Paper mon annan 4 Mosyon lo Order Paper. So pou annan en moman kot mon pou frenm lalis deba lo serten Mosyon. Alor pou sa Mosyon mon pe demann tou Manm ki anvi entervenir, pou lev zot lanmen la pou endik mon la. Akoz avan nou pran Break mon pe frenm lalis. Ok. Mon annan Onorab Henrie, Onorab Flory Larue, Onorab De Commarmond. Onorab Woodcock, Onorab Ferrari. Ok. Onorab Henrie. Ok annou kontinyen Onorab Henrie.

 

HON GERVAIS HENRIE

Mersi Mr Deputy Speaker. An realite i pa ti mon lentansyon pou mon entervenir lo sa Mosyon. Be solman apre lentervansyon Onorab Pillay, parski largiman ki’n anmennen dan sa deba, si mon memwar i servi mwan byen, i en pe dan direksyon ki letan Mosyon lo La Digue ti vini.

Akoz in fer 2enm fwa ki koz lo Lartik 66 Konstitisyon. E mon pe sey demann mon lekor konmsi son lentansyon pou ivok sa Lartik detanzantan. Akoz pou benefis nou piblik deor, i enportan ki zot realize dinamik Politik in sanze.

I premye fwa ki dan konteks Lasanble Nasyonal brans Lezislatif Gouvernman, Lopozisyon i an mazorite.

E aprezan i fer ki bann deba lo size Nasyonal in sanz en pe. Premye fwa nou admet ki i annan sa kalite dinamik. Si mon kapab servi sa mo kot Lopozisyon i pou pouse pou annan bann size Nasyonal parey sa size later. Vre later i konsern tou dimoun. Akoz depi listwar Sesel ti napa Seselwa. Nou’n vin par kolonizasyon, e ki mannyer later, e La Digue sa legzanp tipik. Kot bann dimoun ki ti pe rebel La Reunion in vini zot in separ zil antre zot. Apre zot in annan desandans ki’n claim sa later pou zot. Apre nou annan parey Onorab William in fek koz lo la. Kot nou’n annan apre Lendepandans, Koudeta e annan letablisman Gouvernman ki’n vini in lev en lot plot number lo en plot number.

        E i fer ki prezan i kre en bann diskord ki dimoun ozordi pe dir non sa later pou nou, in ganny pran sepaman kwa.

Be alor prezan nou konman en Lasanble, i enportan ki nou esey partisip dan sa dyalog Nasyonal e later i en dyalog. Prezan nou bezwen osi konman Lasanble Nasyonal sey vin rod en fason pou nou kapab kontribye.

E ler la ki nou, nou pe sey fer sa. E eski laba lot kote latab i annan en tandans poudir ek Lasanble Nasyonal, ‘’Non tyonbo en kou ki zistans ki ou anvi ale? Eski ou pe enterfer dan travay brans Egzekitiv?’’

Mon pa krwar sa i lentansyon loter Mosyon letan in anmenn sa. Akoz rightly so parey Onorab Afif in dir. Pou sa kestyon Lasanble Nasyonal i la pou nou asire ki i annan sa prosesis rann kont.

Me pli enportan ki tou bann tranzaksyon ki Leta Sesel i fer, i lezitim. Alor si demen nou partisip i annan Lasanble Nasyonal – mon pa konnen ki mannyer sa Manm si sa Mosyon i pase. E Brans Egzekitiv i pran sa nide, ki mannyer sa Manm Lasanble Nasyonal pou ganny swazir. Eski i pou en manm FPAC?  I annan en Komite ki pe deal avek zafer later Ile Eve ozordi, ki mon swete i pa reste laba, demen i desann, Mahe. Eski i pou en manm sorti lo sa Komite?  Konmsi i ava annan en mekanizm kot nou prezan sa Manm ouswa 2 Manm lo sak kote latab. Mon pa konnen dan ki formil ki pou vini.

Me akoz vre lavwa Lepep Seselwa i sorti la anndan. Alor i enportan ki nou pe partisip dan sa dyalog Nasyonal ki swa en komisyon parey i pe ganny propoze dan sa Mosyon. Ki nou anmenn lopinyon piblik Seselwa ki nou, nou reprezante. Me pli enportan osi, i sa demars etablir en dyalog ant Lezislatif e Lezislatif dan sa konteks koabitasyon ki nou pe koze.

So pou mon fini mon’n promet mon pa long. Zis pou reasir bann dimoun laba deor, sirtou bann dimoun ki senpatiz avek Parti Lepep ki kapab alor pe ekout largiman ki Onorab Pillay pe avanse poudir non nou pa pe sey enterfer ouswa vin bloke, ouswa vin dir lezislatif ki pe fer.

I form parti sa koabitasyon ki nou pe koze, kot nou pe dir Lasanble Nasyonal i bezwen form parti nenport ki dyalog Nasyonal ki pe arive.

Mwan mon pe konpran li koumsa. Akoz i fer 2enm fwa ki in lev sa pwen. Konmsi nou pe dir nou pe servi nou mazorite pou nou enterfer dan travay Egzekitiv. Mon pa krwar i sa. Mon krwar nou pe dir dinamik politik in sanze. E nou bezwen etablir ki bann mekanizm ki nou ava tonm dakor lo la. Ki mannyer Lasanble Nasyonal i partisip pli plennman dan bann deba Nasyonal ki pe arive ozordi.  Mersi Mr Deputy Speaker.

 

MR DEPUTY SPEAKER

Mersi Onorab Henrie. Bon nou annan 6 minit avan nou pran en Break. Mon annan Onorab Flory Larue next, ou pou pran 6 minit oubyen ou pran plis? Ou pou pran plis. Onorab Audrey Vidot next oule pran apre ok. Be ok nou ava en Break la. Nou ava retournen 11er pou kontinyasyon deba lo sa Mosyon. Ok.

 

(BREAK)

 

MR DEPUTY SPEAKER

Bon nou a kontiny lo nou travay deba lo Mosyon i kontinyen e next lo mon lalis mon annan Onorab Flory Larue.

 

HON FLORY LARUE

Bonzour Mr Deputy Speaker, bonzour tou dimoun.  Nou vwar lo sa Mosyon ki Onorab Ramkalawan pe koz lo lavant avek lease later Gouvernman. Later Gouvernman i mon later ou later e later tou nou zanfan demen.  Si napa en kontrol lo ki mannyer sa bann later i ganny apropriye tou levidans i montre nous a bann later pou zis disparet parey en baton mazik. In montre ki Gouvernman Parti Lepep ki’n la pou 40an san okenn sirveyans lo zot bann aksyon, konsernan bann later pep Seselwa, in fer tou kalite demagozi.  Zot in pran pou zot.   Zot in disparet dan bann kont offshore e zot in lwe souvan pou sa fame nom R1.  Sa ki fer sa pli drol, se ki sa sonm souvan i aplik pou bann tranzaksyon later Gouvernman e non pa later prive. Ou ek mwan nou pa zanmen tande later pe ganny lwe pou R1. Loter Mosyon pe demann en rezolisyon; savedir i pe demande ki anfen sa Gouvernman i pran aksyon pou protez bann later avek sa Gouvernman i pe lease ouswa lwe ou menm vann. Akoz nouvo Polisi Gouvernman pou en Seselwa aste en later rezidansyel pou osi fer ki sa dimoun pou osi lease son later, avan ganny pas lo li direkteman.  Sa a protez nou bann later dan lefitir e i pe demande ki en group diferan ki labitid i partisip dan laprouvasyon sa bann prosesis, akoz dan le pase listwar i montre en lot senaryo.  I montre nou en lalis later ki bokou napa lesplikasyon kler ki’n arive avek.  Telman i sonm nou pa ni konnen lekel ki’n benefisye avek later Leta Seselwa. Nou Patrimwann sa. Parey sanson i dir nou, ‘’Mon pou protez ou mon pei.’’ E pou fer sa nou bezwen al rod sa ki pou nou, akoz bann ki ti la in montre ki protez nou lentere e nou later pa’n zanmen zot priyorite. O kontrer zot in zwenn ansanm pou plim li. Enn bann morso later ki’n ganny devlope resaman, i propriyete kot H Resort i ete. Sa i en later ki’n ganny lease avek Bel Ombre Hotels Development Limited zis 8 zour apre ki Prezidan Albert Rene ti pas baton avek Msye James Michel an Avril 2004. Eski sa larzan ki’n ganny peye pou lwe sa later ti vreman antre dan kont Gouvernman sa letan?

Zot annan en lease pou 99an pou konbyen? R1 par an. Son propriyeter i en lakonpannyen enternasyonal apele Hotel Properties Limited BVI e bann dokiman i montre nou ki en msye ki’n siny pou bann par sa lakonpannyen etranze e osi en par pou son lekor, konman en Direkter Airtel. Finalman Mr Deputy, nou pa konnen  eki nou pe lwe nou propriyete. Eski i kapab Mukesh Valabhji? Eski i kapab Msye James Michel?  Eski i kapab Msye Albert Rene ? Eski i kapab en group teroris?   Dimoun deor i anvi konnen eski Gouvernman pe lwe nou later. Sa menm lakonpannyen i osi propriyeter Petite Anse Development Limited BVI ki li osi pe lwe 2 bout later Petite Anse Baie Lazare. Sa lakonpannyen li,  in lwe ek Four Seasons ki li zis zer sa biznes, Four Seasons i pe osi lwe en lot morso later lo Zil Platte pou en lot devlopman. Eski si sa bann menm laranzman pe ganny fer avek Ile Platte?

Eski se koumsa ki devlop bann lezot lotel tel ki Desroches, Alphonse e Silhouette?

Alor lekel vre propriyeter sa bann lakonpannyen?

Lekel ki pe benefisye?

Eski se sa menm sa lalis dimoun ki mon’n mansyonnen?

Bann lotel COSPRO parey Barbarons, Mahe Beach ki ozordi i dan rin, e Reef Hotel i bezwen ganny fer lenvestigasyon byen a profon. Eski i annan bann lakonpannyen offshore ki propriyeter sa bann lotel?

Mon’n vwar dokiman ki montre ki Mr Mukesh Valabhji ti vann Reef Hotel avek Ste Anne konman Direkter Indian Ocean Hotels pou $1.5milyon. Me ki mannyer li sa lakonpannyen ti ganny sa lotel avek COSPRO?

Tousala nou pa konnen. Sa bann propriyete ti bann propriyete ki belong pou Seselwa.  Nou Zil Ste Anne li osi i annan bokou mister avek. Deza kot Biro Later son kadas i met li konman Cerf Island. Sa zil ki ti propriyete Gouvernman in ganny lwe avek en lakonpannyen ki apel Indian Ocean Resorts Limited e li son propriyeter Mr Francis Savy ki ti garson adoptiv Msye Albert Rene, ki ti Prezidan sa letan avek Mr Graham Berks depi 1998. Premye dokiman ti pou zis en morso. Me apre nou vwar ki dezyenm pli gro morso ti ganny azoute. Dan milye tousala, ankor ti annan lease R1. Sa nouvo bout ti sipoze annan en lot devlopman fer par Zilwa avek bann rezidans likzerye en lot biznes Mr Francis Savy. Son biro pou promot Zilwa ti baze kot batiman vye diskotek Flamboyant ti ete.  Sa later kot Flamboyant ti ete i later ki Parti Lepep in aste avek Gouvernman Sesel. Ankor en lavant. Avek en mank later, fodre ki Parti Lepep i rann sa later, akoz en lot pti biznes pa ti kapab benefisye e menm agrandisman oubyen amelyorasyon bann servis; tel ki Fire Services ki bezwen en pli gran sirfas pou benefis Seselwa avek sa kantite dife ki nou’n pas ladan resaman. Mon krwar Parti Lepep e Gouvernman i kapab konsidere rann sa 10,430 met kare later dan sant lavil pou fasilit devlopman pou Seselwa dan bann Fire Services. En lot zil ki’n tonm dan lanmen Mr Francis Savy i Zil Felisite atraver Zil Pasyon ki li orizinalman ti anba L’Union Estate. Ozordi i en propriyete pou bann super rich. Ki mannyer Sesel li in benefisye?

Sa later ti bann propriyete Gouvernman. Ki mannyer sa Zil in sorti dan lanmen L’Union Estate pou ariv dan lanmen Felicite Island Development Limited?

I pa kler. Mr David Savy i en Direkter lo Trinity Waterfront Development ki’n ganny en lease pou R1 par an, pou en propriyete lo sa morso later zis apre roundabout Eden Island ki ziska prezan i konpletman vid 10an ki apre Gouvernman in lease sa propriyete an 2007.  Sa i sipoze en lot devlopman touristik ansanm avek sa premye faz ki’n fini konplete lo Enchanted Round Island osi pou en lease R1 par an. Ankor nou vwar menm group dimoun ki konstaman ganny benefis. Seselwa annou pa bliye ki later konble se nou tou ki peye. Mon demann Gouvernman 10an ki apre en bout later in lease depi 2007 okenn devlopman ki bann propoziter ki ti dir pou fer lo la, zot pa ankor fer. Alor zot bezwen pran en aksyon e regarde toudswit ki si sa ki nou kapab fer lo sa later.  Lo sa morso later depi roundabout Eden Island ziska roundabout Providence, i annan en restren striktir ki sipoze en Lopital lo en gran morso later. Li in la pou bokou lannen. Sa osi i en propriyete lo lease ki pa’n zanmen abouti dan nanryen. Eski sa pe ganny vann?

Lekel ki pou benefisye avek sa lavant?

Eski se nou Seselwa ki pe pey sa later konble?

Fodre ki Gouvernman toudswit avek sa Mosyon ki nou pe met devan regarde ki mannyer sa bann later pou ganny zere dan le fitir. Mr Suleman ki baze Kempinski ki ti annan Sarah Limited ki Prezidan ti demann li retourn 10 bout later boner sa lannen, i osi annan 200mil met kare ki’n ganny lwe avek li lo en lease Anse Marie-Louise depi bor lanmer ziska dan montanny; 200mil met kare later.  Sa morso later sipoze pou lagrikiltir, me au jour a lannmen Gouvernman in deside donn li pou fer devlopman touristik. Sa i fer ki bann ki ti enterese pou fer devlopman lagrikiltir  dan sa landrwa, in perdi zot sans.  Eski sa i bann bon desizyon pou nou lease en later?

Pou nou retir li dan lanmen dimoun ki anvi fer lagrikiltir pou devlopman touristik?   Me ziska aprezan sa later i ankor vid; napa devlopman lo la. Sa osi fodre Gouvernman e mon demann Prezidan Faure pou regard dan sa 200mil met later Anse Marie-Louise. Pou kapab sey anpay bann ki pe rod bann ki annan byen Sesel, bokou i form bann lakonpannyen.  Enn sa bann dimoun ki’n form en lakonpannyen se Madanm Minis Joel Morgan Madanm. Veronique Morgan konpannyen apele Skyline Investments. Sa lakonpannyen li in ganny 2 – pa 1 – me 2 morso bout later Praslin lo Marie-Jeanne Estate lo en lease ki pe pey R1 par an. Mr Joel Morgan ti Minis pou later sa letan – en pe parey Mr Dolor Ernesta ti Minis letan i ti fasilit lavant later L’Union Estate La Digue, lo son papa. Tou sa bann fason fer fodre  i arete e se sa ki nou pe propoz Mosyon ozordi.  Sa prosedir lwe later in telman ganny abize, pou kapab dir pou prezan nou vreman per. Proverb ankor i dir ‘en sat ki’n ganny bwiyante menm delo fre i per’.   Bann ki’n sipoze la dan pos sirveyans, in abiz nou konfyans. Alor mon demann Mr Faure ki I bezwen viv sa promes rann kont e anmenn nou ziska kot sa dimoun ki’n fer sa bann desizyon. Ankor COSPRO i montre nou listwar nou bann lotel ki nou pa konnen ki mannyer in ariv dan leta ki ete ozordi. Lenvestigasyon i bezwen tre a profon avek sa lakonpannyen. Nou vwar Grand Police letan nou’n asize dan sa menm Lasanble in koz lo son lavant nou pa konnen lekel son propriyeter. Minis Loustau- Lalanne ti dir nou dan sa Lasanble, ki i pou devwal sa avek nou. Me ankor nou konn zis en lakonpannyen me nou pa konnen lekel. Nou Patrimwann nou pa konnen eki nou’n vann; swa nanm simityer ouswa teroris. Nou pa konnen. E nou Gouvernman pa santi li oblize pou dir nou lekel ki Leta in transfer later avek. Zil Assumption i en lot lease ki pa pe ganny devwale. Ankor sa pep napa akse avek. Alor nou pa konnen ki pe arive. Ki bann laranzman ki’n ganny fer ouswa bann negosyasyon ki’n pase. Napa latransparans parey Prezidan in promet. Eski pou annan en baz Naval endyen?

Eski pou en baz Naval Seselwa?

Lekel ki pou benefisye?

Ki mannyer tou sa bann keksoz in arive?

Ki nou pou fer pou nou reganny nou bann Patrimwann?

Nou bann aki?

Msye Danny Faure ti dir nou,  nou pa pou large – nou pa pou large. Me ki mannyer nou pou bouz devan?

Sa bann later nou bezwen ouver ki Seselwa i konnen lekel ki’n aste. e avek sa Mosyon dan lefitir nou a konnen ki mannyer sa bann lavant pou ganny fer. Parti Lepep konman en parti e konman en Gouvernman ki’n la 40an o pouvwar, in anrisir son lekor avek lavant 40 bout later pou son lekor. Telman zot voras zot in aste 6, zot in transfer 6 bout later La Digue lo zot lekor. Me selman Gouvernman i vin rod en bout later pou fer en ice plant pou peser La Digue. Alor avek lide sa Mosyon, mon demann Gouvernman Msye Faure pou rann en morso bann Digwa koumsa zot ava kapab fer en ice plant.  Nou bezwen konman en pep demann rann kont avek nou Gouvernman pou tou sa bann tranzaksyon. Msye Rene ti dir dan son Policy Statement’ Onward to Socialism ‘ki Lendistri Tourizm i bezwen donn bann rezilta ekonomik ki benefisye tou dimoun e non pa bann ki’n kapitaliz lo labote natirel nou pei; ouswa nou, nou kapab dir lo nou bann later. Sa Mosyon ki Mr Onorab Ramkalawan in propoze i ava aret sa bann tranzaksyon depi ozordi. Nou ava annan en formalite enn fwa pour tou, pou Seselwa kapab aste later. E mwan konman en Manm Lasanble Nasyonal mon pou siport sa Mosyon e mon pou osi la pou mon fer sir ki nou reget dan tou nou bann tranzaksyon ki’n pase, e si in annan okenn frod pou nou retourn sa bann later dan lanmen Seselwa bann dimoun ki zot, zot ankor pe rod en morso pou zot lekor. Mersi .

 

MR DEPUTY SPEAKER

Mersi Onorab Larue. Onorab Audrey Vidot.

 

HON AUDREY VIDOT

Mersi Mr Deputy Speaker bonzour Mr Deputy Speaker tou Manm Onorab tou dimoun ki a lekout. Mr Deputy Speaker pou rezon letan mon ava mon’n fer prosedir pou mwan re anmenn mon sa pou dele letan pou fer li byen, pou donn sans lezot koze. Bon Mr Deputy Speaker ler Mosyon i koz lo en size sitan enportan ki dan lentere lepep Seselwa, espesyalman mon bann zabitan Roche Caiman, mon pou fer li mon devwar pou mwan Manm Parlman pou koz lo sa size espesyalman lo sa Mosyon. Mr Deputy Speaker bann entervenan avan mwan in koz lo later konblaz; later konblaz ki en letan en serten group dimoun pa ti oule. Bokou ti kritike akfer? Akfer nou bezwen konble. E ozordi in ganny dir ki later konble i annan dezord e menm later konble ki an dezord bokou ladan sa bann ki’n kritike, in byen benefisye. Pli benefisye ki bann ki nou ti pe espere zot swa zot ganny en lozman swa zot fer zot prop biznes. Mr Deputy Speaker mon’n tan koz lo leasehold e freehold. Mon pou dakor ki vre, lord i bezwen ganny mete akoz ozordi Roche Caiman in perdi en kantite avek sa bann size leasehold. Ozordi i annan later ki’n ganny leasehold ki zabitan Roche Caiman ki priyorite pou benefisye avek later e lakaz i pa’n ganny sa sans pou li ganny en bout.  Mr Deputy Speaker kontribisyon later i kapab ganny pli byen zere si nou fer li byen e partaz li byen, ki tou Seselwa I ganny en sans pou li ganny en morso. Parey lakaz kot en fanmir – sak fanmir Minister i asiste par distrik kot later osi i kapab ganny fer parey.  Kot en fanmir par lannen dan en distrik i ganny li en bout later baze lo lalis ki pe espere ki li osi a benefisye pou li konstrir en lozman, e byensir pou dekouraz sa bann kritik ki pe ganny fer lo size ki later dan bann distrik kot nou vwar plis fanmir benefisye. Mr Deputy Speaker Onorab Georges in servi sa mo favori lo sa size ozordi. Eski en dimoun ki’n travay tou dilon son lavi i pa’n vole, i pa’n fer okenn koreksyon e ki ozordi i benefisye avek en morso later, swa lo later konble e ki nou ozordi nou pou dir in benefisye atraver kontak. I pa zis. I enportan ki nou reflesir byen parfwa avan ler nou zis kritike. Mr Deputy Speaker parey mon’n dir mon pa pou long lo sa size, me mon ti a kontan termin par dir, ki byensir Gouvernman wi i bezwen en pti pe plis serye lo sa size kondisyon ki i mete lo lease avek lavant pou later. Ki byensir pou dekouraz sa bann Pratik e dekouraz bann dimoun byensir pou abiz lo Later leta e pou anpes bann ki pe espere pou ganny en morso pou konstrir zot prop lakaz pou zot fanmir e devlop zot biznes. Mersi Mr Deputy Speaker

 

MR DEPUTY SPEAKER

Mersi Onorab Vidot. Onorab Woodcock.

 

HON WAVEL WOODCOCK

Mersi Mr Deputy Speaker, bonzour Mr Deputy Speaker koleg Onorab e tou dimoun a lekout dan lakour. Mr Deputy Speaker mon a konmanse par konman dir mon en pti pe sirprenan par Statement ki Onorab Vidot in fer sorti konm kwa ki entel pa ti enterese avek later konblaz la nou pe rod devlop later konblaz. Mon kestyon ki mon pe demande, later konblaz ki larzan ki’n ganny servi pou fer konblaz avek?  I pa larzan Roche Caiman. I pa larzan Parti Lepep se larzan Leta; se larzan Gouvernman se larzan tou Seselwa.

 

(APPLAUSE)

 

HON WAVEL WOODCOCK

Mr Deputy Speaker sa i pa’n ou kapab dir bann koze en pti pe imatir – bann polemic pa konnen La Faya ki’n ekrir sa pti papye ki’n anvoy kot li ozordi dan Lasanble me mon ava kontiny avek…

 

MR DEPUTY SPEAKER

Onorab?  Onorab?  Onorab? Onorab ?

 

HON WAVEL WOODCOCK

Wi Mr Deputy Speaker.

 

MR DEPUTY SPEAKER

Onorab retract silvouple sa pti bout e kontiny ou lentervansyon.

 

HON WAVEL WOODCOCK

Wi mon ava retract sa statement Mr Deputy Speaker.

 

MR DEPUTY SPEAKER

Ok.

 

HON WAVEL WOODCOCK

Ok, Mr Deputy Speaker mon’n retract sa statement ki mon’n fer lo La Faya, Ok yes.

 

MR DEPUTY SPEAKER

Annou fer nou deba byen, annou pa atak okenn lezot Manm.

 

HON WAVEL WOODCOCK

Mr Deputy Speaker later Industrial Estate se Later Leta. I pa vedir sis a bann konblaz ti ganny fer dan letan ki Parti Lepep ti dan Egzekitiv ki vedir ki prezan zot kapab fer sa ki zot le avek later konblaz, avek bann later Industrial Estate. Tou keksoz I bezwen ganny fer dan en fason ki drwat ki transparan, I pa vedir ki zot Gouvernman ki ti la in fer sa bann proze, ki prezan ou kapab re zwir ladan an partaze antre zanmi dalon fanmir e siporter aktivis Parti Lepep. Zot bezwen fer keksoz drwat dan en fason ki byen Mr Deputy Speaker. Mr Deputy Speaker mon pou kontinyen avek mon deba ozordi. En lot keksoz ki Onorab William in dir ki mon santi i pe al en pti pe an deor scope sa Mosyon ki lo latab ozordi dan Lasanble Nasyonal. Nou pe koz lo later Gouvernman lo later Leta ki later tou Seselwa. Later prive se later prive. Anba nou Konstitisyon. Sa bann endividi i annan drwa pou li fer sa ki anvi, Lartik 26 anba nou Konstitisyon ‘en endividi have the right to acquire own peacefully and enjoy and dispose of property konman en endividi.   Sa Mosyon nou pe koz lo Later Leta, later Gouvernman ki annan en dezord ki Parti Lepep in fer ladan pou 40an. E zot ankor pe fer ozordi Mr Deputy Speaker. Mr Deputy Speaker mon ava kontinyen avek mon Mosyon mwan konman Manm elekte pou Grand Anse Praslin mon pou siport sa Mosyon ki Onorab Ramkalawan in met devan sa Lasanble Nasyonal pou etabli en komisyon ki pou aprouv lavant e lease later Gouvernman.  Lafason ki later in ganny vann ou lwe pou bokou lannen in ganny fer dan en fason ki pa enparsyal, e in mank la transparans dan la fason ki bann Later Leta in ganny lwe, in ganny zere. Mr Deputy Speaker ki nou’n vwar dan bokou plizyer lannen, se bokou politik ki an zwe dan vokasyon later dan lavant later. Se politik. Si entel i siport tel Parti Politik  li ki’n benefisye. e sa bann keksoz  ki ozordi nou pe met lord ladan. Ki tou fason ki byen;  dan en fason ki drwat; dan en fason ki transparan; dan en fason ki prop Mr Deputy Speaker. Sa ki nou pe rode dan sa Lasanble. Mr Deputy Speaker lavant Later Leta ozordi Sesel – pa ozordi – pou en bon pe letan i nou konnen i koumsa i ete, in vin en biznes. In vin en biznes aste revann. I annan bann ki’n aste later pou R30mil a R80mil apre zot in revann pou R1 pwen milyon an R2milyon – R3milyon ou plis larzan ankor. Legzanp i kler. Nou’n vwar semen pase – legzanp i kler, i partou. Onorab Larue in fek koz en pti pe lo la. Zot in aste later pou R30mil  -R80mil, apre zot in vann lo en gro profi zot in anrisir zot lekor. E sa en bann keksoz ki mal. Zot pe abiz, zot pe abiz lo Later Leta; zot pe abiz lo asset Leta e sa bann keksoz Mr Deputy Speaker fodre arête. Annou pran legzanp lo…

 

MR DEPUTY SPEAKER

Order! Order!  Kontinyen Onorab Woodcock.

 

HON WAVEL WOODCOCK

Annou pran legzanp Ile Eve, Ile Eve mon’n koz dan lepase in fact en komite in ganny etabli pou al investigate later Ile Eve avek Marie-Jeanne Estate. Onorab Larue fek koze Madanm en Minis in lease en later pou R1 par lannen, pou fer son bann gro proze – 2 bout later pou fer son complex lo la. Be mannyer i apele? Kantite Pralinois ki ti kapab ganny en bout later lo la Marie-Jeanne Estate ki ozordi Minister pe re zwir avek son fanmir lo la. Sa se labi Mr Deputy Speaker. Mr Deputy Speaker sa bann keksoz in ganny fer pou plizyer lannen i mal. Se pou sa rezon ki mwan ozordi mon pou donn mon full sipor sa Mosyon.  Bann biznes ki ti met dan lease; bann biznes ki ti merit ganny lease pa’n gannyen Ile Eve, be kantite biznes.  Mr Deputy Speaker mon pase dan mon distrik plizyer bann businessman I apros mwan, i  dir mon, mon’n al get zot bann biznes ki zot pe fer zot bezwen fer se zot. La i fer mon mazin en msye ki fer biznes sliding door – sliding window; en lot ki fer bann biznes lakaz prefab; en lot msye ki fer biznes bato Mr Deputy Speaker, depi 2009 zot pe rod en bout later Ile Eve zot pa’n gannyen. Me selman Mr Deputy Speaker sa ki mal Mr Deputy Speaker dimoun ki’n ganny later Ile Eve ni larzan pou fer investment zot napa pou fer pou devlop later. Zot selman zot in ganny later zot. E Mr Deputy Speaker deswit apre ki zot in ganny sa bann later, i annan ki’n aste later pou R30 par met kare zot in vann pou R3mil par met kare ou plis ankor. Zot in vann later pou milyon e de milyon roupi. Mr Deputy Speaker kan mon pe koze lala i annan de msye de endividi ki pe fer letour Praslin zot in apros plizyer businessman Praslin – si zot anvi konnen mon ti a kontan donn Msye Prezidan sa lo sa dimoun ki pe pas partou pe rod vann later. I annan enn ki’n apros enn mon manm fanmir, in demann li si i pa anvi aste en bout later Ile Eve pou R1.4milyon. Lease Gouvernman. Lease R1.4milyon en lease  Ile Eve en parcel pe rod vann avek bann businessman. Be ki mannyer nou kapab allocate later avek bann dimoun ki napa larzan pou fer devlopman lo sa bann later?   Mon konn 5 dimoun la Mr Deputy Speaker ki zot in vann zot later lease Ile Eve. 2 ki pe rod lavant. Be eski i byen sa bann keksoz?  Fodre met en lape. Fodre arête sa bann zafer vann lease .  E mon pou dakor ki Onorab Ramkalawan  – loter Mosyon ti pe dir boner ki fodre arête sa bann zafer. En dimoun ki’n ganny lease ek Gouvernman, ki pe lwe en later Gouvernman I pa merit vann sa later. Sa later i bezwen retourn avek Gouvernman e Gouvernman atraver sa Komisyon ki pou ganny etablir i a determinen lekel ki sa later pou ganny allocate avek. Fodre arête sa bann keksoz Mr Deputy Speaker, akoz sa i en gran lenzistis ki nou vwar pe arive ki’n vwar pe arive dan nou later – dan later Industrial Estate. E menm si Prezidan ti fer deklarasyon pa bokou letan pase regardan ki from now on ki sa later Industrial Estate pou ganny zere par Industrial Estates Authority, ki MLUH pou tir son lekor ladan, la pou tonm antyerman anba sa lotorite,  Mr Deputy Speaker still i ankor annan dezord dan later. Mon’n fek ganny en call semenn pase en msye i dir i pe call mwan akoz i tande entel lot kote Parti laba in dir li pou dir i annan 16 kare later ki pe al ganny allocate degaze taye al fer son deboury pou ganny bout later Ile Eve. Be ki mannyer sa?

Mr Deputy Speaker sa bann keksoz I ankor an dezord, i ankor annan bann mabourny ki pe ganny arive MLUH avek Industrial Estate. Fodre met en pe lord en pe lotorite en pe lord e en pe kontrol dan sa bann keksoz i ankor annan sa bann dezord.  E mon konnen – mon pou dakor en tel komisyon ki pou ganny etablir ki pou annan Manm Egzekitif Lasanble Nasyonal e sekter prive i pou fer sa bann alokasyon sa bann lavant e ki later land bank e osi lwe later lavant bann lease I pou fer en pe plis enparsyalite. Keksoz pou en pe pli drwat en pe pli transparan e se sa ki nou demande Mr Deputy Speaker. Akoz pou plizyer lannen lepep Seselwa i fatige avek sa bann kalite zafer. Ou konnen kantite konplent nou gannyen pa zis lo kote laba mon asire lot kote latab zot ganny sa.  Onorab Gill lot kote Baie Ste Anne en bon pe bann businessman in apros li, zot in konplent in dir get sa i pa normal, i mal akoz nou, nou bann businessman ki bann genuine businessman, nou anvi devlop nou biznes nou pa pe ganny en later, selman enn de endividi pe gannyen, apre en mwan de mwan zot pe revann later.  Eski sa i fair?

I pa fair. I mal. E nou bezwen aranz sa bann keksoz. Nou bezwen met en pe lord dan bann keksoz Leta. In ariv en letan pou nou met en fwa pou tou-lafen en fwa pou tou avek sa bann zafer. Mr Deputy Speaker se pou sa rezon mwan ozordi mon pou dir mon pou siport sa Mosyon. Nou bezwen arête avek sa bann keksoz. Nou bezwen arete avek sa bann labi. Si nou anvi nou pei i bouz pli devan, nou bezwen tir koripsyon partou kot i annan. E en tel Komite i pou ede fer sa. Zot Prezidan-Prezidan Sesel pa’n koze? I dir fodre enparsyalite; fodre annan bonn gouvernans fodre latransparans; fodre keksoz i ganny fer ekitab-en fason ki drwat-en fason ki byen.  Me selman i annan lot kote latab ozordi zot pe ankouraz sa bann keksoz? Fodre arete sa bann zafer Mr Deputy Speaker. I annan en bann ki zot menm zot in tonm dan sa bann keksoz aste Later Leta pou R30mil apre vann pou milyon Mr Deputy Speaker.  Be nou pa kapab toler sa bann keksoz. Nou bezwen arête enn fwa pou tou Mr Deputy Speaker. E se pou sa menm rezon ki mon ozordi mon pe siport sa Mosyon. Manrten!  Fodre nou arete avek sa bann zafer.  E mwan mon pou dir Mr Deputy Speaker ki mwan  konman Onorab Elekte pou Grand Anse Praslin, mon pe koz lo lapar zabitan Praslin e  sirtou Grand Anse Praslin, ki nou, nou oule met en lafen avek sa bann zafer; ki nou oule vwar en lafen avek bann Cartel, sa bann pti Cartel, sa detrwa dimoun Praslin ki pe aste later land bank apre revann. Pe fer profi. Vin en biznes sa-aste pou R30mil, R80mil revann avek son dalon, apre retourn ankor aste lot bout later apre revann ankor. Fodre arete sa bann keksoz. E en Komisyon koumsa mon pou demann tou Onorab lo tou le de kote latab pou siport sa Mosyon pou etabli pou en tel Komisyon. Akoz sa Komisyon i bon. I byen e keksoz pou ganny fer dan en fason ki fair ;dan en fason ki drwat, kot pou nepli annan-kot alokasyon later pou nepli lo baz politik; pou nepli lo baz ,‘’’ek nou pa avek nou’’. Sa ki nou anvi. Keksoz i bezwen fer dan en fason ki drwat; dan en fason ki byen. Avek sa Mr Deputy Speaker, mon pou donn mon sipor sa Mosyon, e mon pou demann tou koleg Onorab lo tou lede kote latab, silvouple annou vot lo sa ki byen, e pou sa ki drwat. Mersi Mr Deputy Speaker.

 

(APPLAUSE)

 

MR DEPUTY SPEAKER

Mersi Onorab Woodcock. Onorab Simon Gill.

 

HON SIMON GILL

Bonzour Mr Deputy Speaker. Bonzour tou dimoun e bonzour bann koleg Onorab. Mr Deputy Speaker vwala en Mosyon ki’n ganny prezante devan nou Lasanble; en Mosyon ki mon krwar dan son profonder, i annord. Sirtou apre ki loter Mosyon in prezant en lamannman lo Mosyon Orizinal. E ler mon’n ekout konteni son lentervansyon, mon krwar ki i ti kapab al bokou pli lwen ki sa. E mon krwar in deliberaman limit son lentervansyon. Mon pe dir sa, akoz mon konn Onorab Ramkalawan. Nou konn son kapasite. E deliberaman in limit son lentervansyon. Me sa limitasyon ki Onorab Ramkalawan in mete avek son lentervansyon, in kree en lespas pou Onorab Flory Larue rantre e konplemant sa lespas ki in kite. E Onorab Flory Larue in kontinyen avek son crusade-si mon kapab servi sa term, lo tranzaksyon later lepase. E son demann pou ki nou fouray dan tou sa bann tranzaksyon later lepase. E i konnen pou dir bann fourayman ki’n fer lo tranzaksyon lepase, in annan serten rezilta tre pozitiv, ki lepep Seselwa Lanasyon Seselwa in temwanny sa. Nou annan nou Egzekitif Prezidan Danny Faure ki pa’n ezit-e pou azir, dan bann moman ki lenformasyon kredib in vin a son laporte, pou li kapab anmenn leklersisman e anmenn lazistis kot dan son sazes in kapab apresye poudir vreman in annan serten mankman, e ki nou bezwen redres sityasyon e ki nou bezwen remet keksoz an perspektiv. Lot pwen ki ekstrememan enportan Mr Deputy Speaker e pou bann dimoun ki pe ekoute, permet mwan mon osi fer en pti voyaz dan lepase. Sa voyaz dan le lepase i anmenn mwan pou al get lorizin bann Polisi Later Parti SPPF/ Parti Lepep e menm bann moman lalit SPUP ki mannyer nou ti pronons nou vizavi sa leritaz Sesel ki nou later. Nou tou lo tou le de kote latab, malgre bann diferan konteni lo lentervansyon lo sa Mosyon, senserman e onnetman, ki bann Polisi ki Gouvernman ti met an plas dan le pase ti bann Polisi ki ti korek. Polisi ti korek. Ler Lendepandans ti arive e ‘77 ti arive pa enport ki bann kontroversyel ki’n arive, parmi bann premye demars nou Parti sa lepok, sete pou anons li lo nesesite ki Seselwa i ganny osi en morso sa larises, ki nou apel ozordi, later. Gouvernman di zour ti pas en Lalwa, malgre i ti kontroversyel a lepok, ki ti apel ‘Tenants Right 1982’ e i ti annan bann eleman kontroversyel byensir, e nou tou nou konnen-mon pa pou al dan sa bann detay. Me labaz, son labaz se asire ki Seselwa kot in reste pou 30an, pou 40an depi bann lepok kolonyal, ki i ganny en posibilite pou li vin Met, vin propriyete sa bout later kot in reste.  Kot 3, 4, 5, zenerasyon in reste. E nou tou nou konnen, ki kantite batay in annan vizavi lenplimantasyon konteni Lalwa ‘Tenants Right’. E nou konnen ki kantite bann ka in annan dan Lakour ki’n challenge konteni Lalwa ‘Tenants Right,’ ki ankor enn fwa son labaz fondamantal Onorab Flory Larue sete pou fer sir ki sa larises, Seselwa i ganny en morso. Nou al lo trwazyenm lapse; trwazyenm lapse se nou Polisi vizavi lakaz. Nou Polisi vizavi lakaz atraver bann diferan eleman ki nou’n met dan laplikasyon-atraver Home Ownership Scheme, nou’n annan en sel bi, se pou nou fer sir e rasire ki Seselwa i pa zis antre dan en lakaz ki pey en rent tou le mwan, me ki i vin propriyeter son lakaz lo lekel i debout lo lekel i debout lo en bout later. Menm atraver Condominium Act, nou fer nou move nou fer sir malgre ou reste anler dan en letazer, nou fer sir ki ou ganny en strata title pou donn ou sa posibilite pou ou own, vin propriyeter sa apartman ki ou reste ladan. Nou  al pli lwen, nou al lo later konblaz Mr Deputy Speaker; lo later konblaz mon pa pou al lo bann kontrovers ki annan lo later konblaz, lo son bann plis ki $50milyon ki’n kout nou pou konble later Providence. Me annou zis tonm dakor lo rezon fondamantal, akoz nou ti bezwen konble. Ki son rezon fondamantal?

Rezon fondamantal se pou kree lespas, pou fer sir ki nou annan devlopman biznes; nou annan devlopman lakaz e nou annan lezot lenfrastriktir par konsekans ki devlope. Nou pa fini avek Providence. Nou dir pa ase, nou fer konblaz Perseverance. Son labaz ankor enn fwa, se pou devlopman plis lenfrastriktir, kree plis lespas pou donn lespas biznes pou donn lespas lakaz e lezot form lenvestisman ankor. Mr Deputy Speaker mon al lo lot eleman ki tou sa bann later prezan, son later konblaz in tourn. Lekel ki’n responsab pou donn sa bann kare later swa lo Perseverance swa lo Providence, ki ozordi i size nou deba ozordi dan sa Lasanble?

Sa ki’n responsab pou formil bann lease, met bann provizyon ladan pou lwe later Gouvernman, pe enport kot i ete, me I dan teritwar Sesel, se bann zonm/fanm ki Gouvernman in met dan zot serten responsabilite pou swa ansarz direkteman e pou donn zot laprouvasyon ou non tranzaksyon relevan avek bann lease e bann term dan konteni sa bann lease. Kote nou’n al mal?  I senp. Pour mwan i senp. Tou sa bon lentansyon ki Polisi Gouvernman in annan; tou sa bon lentansyon ki nou’n annan konman en Gouvernman dan lenplimantasyon bann Polisi; bann prosedir, nou bezwen admet e onnetman dir, in annan mankman. E sa bann mankman in ganny manifeste par ki fason Mr Deputy Speaker? Mon pou anmenn detrwa eleman. Premye eleman; In annan bann O Zofisye dan Gouvernman ki’n deliberaman fer bann tranzaksyon pou donn loportinite enn detrwa zot dalon. Nou pe koz bann zofisye Gouvernman la; deliberaman fer bann tranzaksyon-fasilit bann prosedir e ziska serten degree fer bann shortcut dan bann prosedir pour ki zot dalon-ki ziska serten degre ler mon’n aprofondir dan serten bann ka, mon’n vwar pou dir zot annan en relasyon biznes avek. E zot in fer li ankor enn fwa avek en lobzektif pou zot benefisye dan sa tranzaksyon. E sa sanmenm sa ki nou apel koripsyon; servi bann terminolozi ki nou familye avek dan sa Lasanble-koripsyon. Nou al pli lwen Mr Deputy Speaker e pli lwen kot nou ale, nou al lo lavant bann lease. Lavant bann lease, i enportan nou konpran sa. Sa bann lease R1 ki nou’n tan koz lo la. Sa in en Polisi ki’n la. In en Polisi ki’n la li. An byen ou an mal lekel ki formil sa kalite Polisi?

Se ankor enn fwa bann zonm/ fanm ki’n formil sa bann Polisi e zot dan en Gouvernman ki’n la O Pouvwar. Eski sa i en provizyon ki bon?

Sa provizyon in deserve tou lobzektif. Byensir bann ki domin byen teori biznes e Onorab Ahmed Afif i pou siport mwan lo la. Mon a dir ou ki mannyer Onorab Afif pou siport mwan; se ki dan plizyer pei ozordi, bann envestiser i desann avek zot briefcase larzan, i dir, ‘’get sa, mwan mon annan mon larzan, mon pare pou envestir dan tel tel devlopman, me mon pa vreman enterese pou al pey larzan mwan. Mon ava envestir ou ava met en kondisyon apre  50an ouswa 60an, 99an kot nou’n arive isi, sa later mon pa’n fini rekouver mon lenvestisman avek en profi rezonnab ki mon’n prozekte, e sa later i ava retourn avek Leta, pou Gouvernman. E sa i anliny avek sa teori ki Onorab Bernard Georges in koz lo la, dan son lentervansyon pli boner. E sa i pa inik pou Sesel sa. I egziste dan plizyer ziridiksyon. E ankor enn fwa Onorab Afif i konn sa tre byen konman en Ekonomis profesyonnel. I konn sa byen. E bann lezot dimoun dan sa Lasanble, ki osi domin biznes, zot konnen sa. Now byensir nou, nou pe get nou ka nou partikilarite Sesel. Si sa provizyon later R1 i kree en problenm pou nou dizere, pou nou al pli lwen, nou dir nou elimin sa now. Eliminen. Elimin li. No more R1 Land.  Eliminen. Apre sa nou ava la lo lot. Lot keksoz ki enportan note Mr Deputy Speaker, ler nou pou kontinyen avek nou refleksyon mon ava al lo bann biznes or pli presizeman lo bann endividi ki’n ganny later Providence. Mon’n tonm nonm in annan en kantite dezord dan sa bann tranzaksyon, me mon pou zot en keksoz ozordi. Ler ou al fouray dan tou sa bann premye dimoun ki ti ganny later Providence Mr Deputy Speaker, nou ava realize poudir i bann zonm/fanm ordiner ki parey nou apele. I bann businessman. Dan son totalite, dan son mazorite bann zonm/fanm ordiner. I pa bann milyonner. I pa bann gran kapitalis. Mazorite si nou pou servi sa terminolozi, sa bann pti dimoun ki nou kapab dir ki’n ganny donnen sa bann later; bann pti businessman in ganny donnen sa bann later. Avek ki lobzektif? Se zisteman pou ganny loportinite, en lespas, pou zot epanouir, pou zot fer biznes. Me parkont, mon pa rezet lefe ki annan serten dimoun ki’n deza annan later, ki’n annan lenvestisman, ki’n ganny donnen later laba. Me la i retourn nou lo pwen orizinal ki mon’n ki mon’n fer sorti pli boner, avek serten tranzaksyon delibere ki’n ganny fer. Me lobzektif fondamantal Gouvernman sete kree lespas pou donn bann dimoun, bann Seselwa ki anvi en lespas pou fer biznes. E ozordi nou ankor pe kriy leokri, napa ase lespas, napa ase later pou nou bann dimoun ki oule lespas pou fer biznes.  Mr Deputy Speaker kestyon i poze; ki’n arive avek en gran poursantaz sa later, ki bann pti businessman ti ganny donnen laba Providence? Ki zot in fer avek?

Byensir nou konnen. E i pa zanmen en sekre. Serten in servi loportinite akoz in vin ganny aprose pou, ‘’Vann mwan sa. Mon ava fer en biznes avek ou.’’ Or, ‘’Vann mwan sa.’’ Oubyen i annan serten problenm. In nepli kapab pourswiv son lobzektif pou li fer son lenfrastriktir; or in napa larzan. Ki i fer?   I vann son lease. I vann sa lease pour R1milyon, pou R2milyon pou R3milyon. E i annan bann serten ki deplase. Wi in vann ziska pou R3milyon. Sa i pa en sekre sa. Nou konnen nou. Now dan sa moman ki sa bann tranzaksyon ti pe ganny fer, nou demann nou lekor en kestyon. Eski i ti legal? Eske legalman sa bann dimoun ti kapab fer li?  Nou pou dir wi, zot ti kapab fer li. Now kestyon in ganny poze la dan sa Lasanble, akoz zot ti napa lakourtwazi pou zot retourn sa bann later kot Gouvernman, pour Leta pou ki ti a kapab allocate li avek lezot dimoun ki ti pe espere or ki pe espere en bout later- pa ankor gannyen.   Tranzaksyon in ganny fer. In fini fer. E la i anmenn mwan lo enn bann limitasyon, ki mon vwar in annan dan konteni sa Mosyon. In annan bann desizyon ki’n ganny anonse Mr Deputy Speaker. Pou fouray dan sa bann tranzaksyon later pou bann endividi. E deza in annan bann non ki’n ganny anmenn dan piblik, lo serten bann tranzaksyon later ki’n pase. Mr Deputy Speaker nou bezwen fer atansyon. Nou bezwen fer atansyon pou en senp rezon. Nou pa kapab dan sa Lasanble pe ganny trouve ki nou selektif dan la fason ki mannyer nou bouz devan, e deal avek bann tranzaksyon later lepase. Sesel Mr Deputy Speaker, bann lenstitisyon ki nou’n kree dan sa pei ,pa kapab selektif dan zot lapros. Si nou anvi met en lord, si nou pe apel li en lord, si nou anvi eklersi tou sa bann tranzaksyon lepase ki Onorab Flory Larue in pran li konman konteni dan son crusade, mon pou dir annou tonm dakor dan sa Lasanble, ki nou pa ganny trouve pe pran en lapros selektif. Annou al fouray dan tou. Annou al fouray dan tou.

 

(APPLAUSE)

 

HON SIMON GILL

Annou al fouray dan tou Mr Deputy Speaker. Mr Deputy Speaker mon kosyonnen ozordi sa le 28 Zen, ki nou pe adres sa Lasanble ozordi. Ler mon dir nou fouray dan tou, mon pe met en propozisyon devan. Annou tonm-annou dakor konman en Lasanble; annou anvoy en mesaz deor kot tou sa bann dimoun; kot tou sa bann dimoun.  E ki nou pou dir zot Mr Deputy Speaker? I senp. Konman en pei-konman en Lasanble, ki nou kapab enflians en pe direksyon politik dan sa pei, nou dir annou donn tou sa bann dimoun, ki dan en fason ou en lot in ganny later dan en fason pa neseserman  rezonnab nou met en Moratwar lo okenn prosekisyon; lo okenn zizman; lo okenn lezot form lenvestigasyon, pou zot vin devan, les zot konsyans, les zot konsyans koz ek zot Mr Deputy Speaker; les zot konsyans koz ek zot, pour ki zot vini-pa neseserman, probableman ki zot bezwen al fer en Deklarasyon piblik.  Non.  Me trankilman, gentiment  apre ki ou konsyans in koz avek ou, Mr Deputy Speaker, desann dir avek Prezidan Pei, ki mon’n ekoute sa ki’n ganny dir. Mon’n ekout sa bann deba  ki’n pase; mon konpran poudir Sesel pe travers en nouvo staz, e mon vini, pou mwan rann sa 110 kare later ki mon’n gannyen ki double sa 40 morso later ki kanmarad Dolor Ernesta in gannyen.

 

(APPLAUSE)

 

HON CHARLES DE COMMARMOND

….konnen lekel ki annan.

 

MR DEPUTY SPEAKER

Order!

 

HON SIMON GILL

Annou…

 

HON CHARLES DE COMMARMOND

….konnen lekel ki annan.

 

MR DEPUTY SPEAKER

Order !

 

HON SIMON GILL

Annou les nou konsyans koz avek nou Mr Deputy Speaker. Annou pa ganny trouve ki nou pe pran en lapros selektif. Let us be fair in our approach or let us be seen to be fair. Pa bezwen en target okenn endividi an partikilye. Ankor enn fwa mon pe met lanfaz lo la Mr Deputy Speaker. Les nou konsyans koz avek nou, e annou desann. Annou vini. Annou rann Sesel sa ki pou li. Annou Sesel sa ki pou li.

 

(APPLAUSE)

 

HON SIMON GILL

Annou Sesel sa ki pou li.  Si isi lo sa kote, nou osi nou bezwen rann nou osi nou bezwen rann nou ava rann.

 

(APPLAUSE)

 

HON SIMON GILL

E si lo lot kote latab e bann dimoun ki alye navel zot lo lot kote latab, si zot devret rann, les zot konsyans koz avek zot, Dir zot rann.

 

(APPLAUSE)

 

MR DEPUTY SPEAKER

Order !

 

HON SIMON GILL

Mr Deputy Speaker. Mr Deputy Speaker mon napa okenn bi okenn lobzektif pou fer latak lo personn. I pa fason mon entervenir dan Lasanble Nasyonal, pour mwan al mansyonn okenn dimoun partikilye. Mon pa pou fer li malgre mon annan mwan en kantite lenformasyon. Mon pa pou fer li. Me mon lapel ozordi Mr Deputy Speaker, se ki mon pe dir, les nou tou sakenn de nou les nou konsyans koz avek nou. E annou tonm dakor ki Sesel i bezwen sa ki meyer avek tou son zanfan. E demen kot nou pe al selebre en laniverser enportan dan parkour nou listwar, annou pran en rezolisyon ozordi lavey sa selebrasyon nou Lendepandans, laviktwar lo dominasyon kolonyal, dir Sesel dan sa koabitasyon-dan nou Parlman ozordi, bann Manm Parlmanter in tonm dakor pou zwenn ansanm e annou anvoy en sel mesaz deor. E ki sa mesaz i ava en mesaz lespwar. I a en mesaz lespwar pou sakenn bann zenerasyon nou zanfan ; pou ki later Sesel, nou ava annan, e ki i annan posibilite pou sakenn ganny en pe. Ler mon’n ariv le moman pou mwan al met konklizyon Mr Deputy Speaker, mon le tous en dernyen pwen later prive.  Later prive mon’n tann dir dan sa Lasanble ki okenn manev pou nou tous later prive, i definitivman i kont nou Konstitisyon.  Sa i parfetman korek e nou bezwen fer atansyon ki nou pa pe anvoy en vibes ki negatif deor, akoz de moman ki Gouvernman pou konmans al sey met restriksyon lo tranzaksyon lo later prive, mesaz deor, mesaz la dan la rezyon pa pou neseserman pozitif.  Me sa Mr Deputy Speaker, pa anpes nou dir serten keksoz-avek respe tou bann propriyeter prive, ki nou osi nou bezwen fer atansyon, akoz de le moman ki nou later prive, nou propriyete prive ki nou annan, nou vann li avek en etranze, i fini i ale. I kit nou. Malgre sa later i reste dan son pozisyon, akoz later pa bouze, me i kit nou-en lot dimoun i posed li. E legalman Sesel ou zanfan, piti ou zanfan, pa pou kapab al fer nanryen pou demann sa etranze ki’n aste sa later pou rann sa later. E ozordi letan nou pe lans lapel nou bann dimoun, nou pe dir les zot konsyans koz avek zot, nou pa kapab anvoy menm mesaz pou bann dimoun dan prive, ki bann largiman nou konnen ki’n arive.  An byen ou an mal, bann etranze in ganny nasyonalite Seselwa. Bann ki annan larzan in profite pou aste plizyer kare later dan teritwar Sesel. E nou bann dimoun prive ankor enn fwa, in profit bann loportinite ki zot in gannyen, pou vann en kare bout later, si zot in aste li R30mil in vann R1milyon R2milyon R3milyon mon demann mon lekor en kestyon lekel ki pa ti pou vann en later si probableman in santi ki in ganny en good deal pou R2milyon ?  Probableman petet nou tou dan sa Lasanble, nou pou dir be zot la mon annan mon en kare later mon santi pou dir mon kapab ganny en deal, we let go. Mr Deputy Speaker sirkit imen parfwa i pans dan tel fason, ki nou pa get lezot fakter. Nou pa analiz lezot fakter. Nou pa vwar lezot dimansyon devan nou. Nou ganny gide parfwa par en loportinite ki ariv devan nou, e nou les ale nou later. Me i annan Mr Deputy Speaker, Mr Deputy Speaker, in ganny dir dan sa Lasanble i annan bann dimoun ki annan bann gro briefcase larzan, i aste bann later avek en bi pou fer bann spekilasyon avek nou bann later. Pou fer spekilasyon ek nou later. E sa bann kalite pratik, i sa bann kalite pratik ki nou bezwen fer en dis kontinyen dan teritwar Sesel.

 

(APPLAUSE)

 

HON SIMON GILL

Nou bezwen fer dis-kontinyen. Now Gouvernman, Gouvernman i a bezwen gete etidye bann mekanizm, etidye bann modalite ki mannyer i kapab deal avek sa bann sityasyon parey. I annan bann Polisi ki nou kapab met an plas. I annan bann Lalwa ki nou kapab met an plas, pou nou dan en fason ou en lot san anpyet lo Drwa sak sitwayen Seselwa, pou li own e dispose son property, me nou bezwen dan en fason dan en lot fer mouvman, fer serten manev, espesyalman tranzaksyon lefitir ki nou bezwen met serten plis restriksyon dan sa direksyon. Mr Deputy Speaker finalman- finalman Onorab Gervais Henrie pe dir mwan wrap-up, me mon pe al lo konklizyon. Konklizyon i senp Mr Deputy Speaker, mon pou siport anmennen par Onorab Ramkalawan, akoz mon santi ki malgre dan en nouvo konzantir politik ki la baz lesansyel son Mosyon i anliny avek mon prop filozofi. E an plis ki sa i anliny avek fondamantal filozofi mon Parti ki mon’n siport li depi ler mon annan laz 13an. Depi laz 13an mon’n siport Parti SPUP e ziska ozordi mon ankor krwar dan sa Parti, dan son filozofi fondamantal, malgre in annan serten bann mankman, mwan mon ankor krwar dan fairness ; mon ankor krwar dan legalite dan loportinite ; mon ankor krwar dan lazistis sosyal e mon ankor krwar ki Sesel i touzour pli gran ki nou tou, e mon krwar ki nou kapab nou tou dan nou kapasite sakenn de nou, fer nou mye pou nou fer sa Sesel ki nou ava kite, pa parey ki nou ti vin zwenn li. Me fer sa Sesel devlope. E fer sa Sesel kontinyen grandi pou ki nou tou nou trouv nou plas ladan- pe enport ki pouvwar nou larzan. Annou pa les pouvwar nou larzan permet nou e kontinyen driv nou, akoz nou konnen kot nou’n ganny drive.  I annan bann dimoun ki annan en kantite larzan ozordi, in kree bann dummy company Mr Deputy Speaker, kot in pran posesyon plizyer kare later.  Nou konnen sa nou. Nou konnen sa nou. Nou konnen kote zot été.  Zot la isi avek nou dan Sesel, e nou bezwen fer sir, nou bezwen fer sir ki dan tou sa ki nou fer i set keksoz ki byen pou Sesel. Mr Deputy Speaker mersi bokou pou donn mwan laparol e mon demann bann koleg laba osi pou dir zot annou vot an faver sa Mosyon byensir. E nou lo nou kote isi nou pou fer nou mye pou nou siport sa Mosyon. E mwan personnelman mon pou vot an faver sa Mosyon ki’n ganny prezante par Onorab Ramkalawan. Mr Deputy Speaker, mersi bokou.

 

(APPLAUSE)

 

MR DEPUTY SPEAKER

Mersi Onorab Simon Gill.  Bon i reste ankor 2 entervenan apre loter Mosyon pou wrap-up. Nou pou adjourn e nou ava repran, 2er apre midi.

 

(BREAK)

 

 MR DEPUTY SPEAKER

Bonn apre midi tou Manm Onorab. E bonn apre midi tou dimoun ki a lekout. Nou pou kontinyen nou bann deba lo Mosyon ki devan nou. E prosennman lo mon lalis mon annan Onorab De Commarmond. Onorab.

 

HON CHARLES DE COMMARMOND

Mersi Mr Deputy Speaker. Bonzour, bonn apre midi Mr Deputy Speaker, bonn apre midi tou Manm e tou dimoun ki ale kout.

Mr Deputy Speaker sa Mosyon ki devan nou i en bon Mosyon. Mon krwar i annan son merit. E son lenportans. Lenportans solman fer sorti ki sa bann zafer lease ek lavant later la, i en bann keksoz ki konmsi i pa’n vin deswit la. Ler mon’n ekout byen, mon’n atann konmsi i annan dimoun ki’n dir i annan bann faver ki ganny fer ensidswit, bann dimoun ki ti dan Gouvernman zot menm zot, zot in fer bann zafer pou zot menm; bann dimoun ki i ankor dan Gouvernman zot ankor pe fer bann zafer pou zot menm prezan li Gouvernman li osi i pe fer bann zafer pou en bann dimoun.

Prezan mon rapel en fwa dan Lasanble menm zot ti montre en dokiman lo La Digue. I dir La Digue ti diviz an 13 bout later. Pou 13 fanmir konmsi bann Laporte bann lot, lot mansyonnen lo la.

Prezan mon dir sa zafer la ou a krwar ti en faver, akoz sa letan La Digue ti annan plis ki sa 13 fanmir. Me selman zis sa 13 fanmir ki e sa i aplik pou Praslin tou. I aplik pou Mahé tou.

Depi letan kolonyal, sa bann zans pe fer faver menm. Lo kolonyal i fer faver i donn zis en bann dimoun later, en bann i pa donnen.

Prezan mon dir les li, sa ti lontan kolonyal, prezan la demen Lafet Lendepandans. Lendepandans ti lager nou’n lite in soz. Ler in gannyen prezan ti pe koz zafer en dimoun Majoie 4 bout later li menm ki’n gannyen. Pe fer devlopman Majoie sepa La Riviere Anglaise sepa kwa. Bomaten in nonmen dan Lasanble la.

Prezan mon dir gete Gouvernman. Prezan i vini i kontinyen fer faver. I fer faver Gouvernman, akoz bann dimoun prezan apre soz lendepandans la. E la i ankor pe kontinyen fer. Bann dimoun ki’n napa later, napa larzan pou kapab aste later, Gouvernman i fer zot ganny later lakaz pou en pri rezonnab. Mon krwar in dir ti subsidize osi bann later. Tousala i bann faver. En bann i ganny subsidize en bann pa gannyen.

Me dan pe sey rezourd problenm menm. dan pe sey attend sa bann zafer. Sa en pwen konmsi merit nou merit tenir kont, pou dir sa zafer faver pa fek arive ozordi ni yer. Me depi en bann letan pase. E mon krwar Onorab Simon Gill sometimes i pou vini i pou anmenn en Mosyon pou nou gete dan sa bann zafer lo sa bann later zisteman. Lotrozour in annan en dimoun ki’n ekrir mwan, en dimoun Mont Buxton ki dir mon pou dir li zot ti annan son fanmir tri annan later anvil dan Victoria. Akoz zot ti mizer zot ti napa kapasite pou devlop later; Gouvernman Kolonyal sa letan, i pran ti acquire sa bann

Later ek zot for the Crown. For the Crown i pran i donn businessmen. Prezan businessmen. ozordi al rod sa bann later in fini vann in fini whatever dispose of e in fini speculate en bann zafer.

I dir prezan sa dimoun in anvoy sa let. I dir konmsi fodre get ladan osi. I dir nou Lasanble fodre get ladan. Sometimes nou bezwen regarde dan tou sa bann keksoz. Prezan nou al otan modern osi. Nou gete ti annan konblaz ok.  En bann pa ti le konblaz. Prezan lefe ki nou’n fer sa bann devlopman konblaz, savedir reclaim land ou konnen sa zafer reclaim land la i annan dimoun menm in ganny sinyatir lo konblaz.

 

(laughter)

 

HON CHARLES DE COMMARMOND

Mwan mon konnen dimoun konmsi bann pti Alyas. Bann pti alyas. Mr Deputy Speaker ler nou’n donn or lwe bann dimoun later lo konblaz. Gouvernman ti fer avek serten rezon. Serten bi. Pa ti donn later pou speculation pa ti donn later pou fer nenport kwa akse swa. Si annan serten bi pou asiste bann dimoun ki ti napa landrwa pou zot devlope bann lendistri. Ensidswit. E an menm tan pou permet serten lenvestiser lokal, an premye lye pou kapab fer serten devlopman, serten keksoz ki pou anmenn e en pli bon kondisyon lavi tou dimoun. Pou fer fason pou redwir kou lavi pou dimoun.

Par egzanp en boug i dir donn li en bout later, li ava fer matla lokalman. Isi menm lokal. Pa bezwen nou fer enport tou keksoz i a kree lanplwa, matla i a pli bon marse. Be prezan mon pe rode lotrozour mon’n pase Providence mon dir oli sa landrwa ki fer matla. I la li. Solman napa matla. Ou konpran matla i enporte. Konmsi ki on oule dir i annan en ta deviation ki’n arive e plizyer keksoz.

Nou pa pe anmenn tou sa la pou dir konmsi sepa kwa. Konmsi mon pe dir si ou pou kalkile, be then ou pou vini ou pou pran later ek sa dimoun. Non ou pa pou kapab fer sa. Akoz i pe rent i pe i annan keksoz ki i pe fer.

So sa Mosyon li prezan i pa ale dan tou sa letan. Sa Mosyon li pe dir look whatever sa ki’n pase in pase. .. devan nou. Annou gete, si i annan ki i pe al ganny lease.

        E Onorab Flory Larue in dir. In dir depi lo bann zil. In konmans lo bann zil. In konmans lo later Lagrikiltir. Mon toutafe dakor avek ou. 100 poursan ou annan parfetman rezon. Tou sa bann lease future lease la i bezwen stop, i bezwen ganny scrutinize par sa ki Onorab Ramkalawan pe met devan.

E mon dakor ki sa bann keksoz i pou bezwen ganny gete, mwan mon’n aprann menm i annan serten dimoun i napa ni lease i pe lwe later. Tousala i annan dan nou pei. So i annan en kantite keksoz ki nou bezwen pe gete. E sa Mosyon li i pe dir annou regard ladan e kree en Konmisyon ki i ava annan nou tou ansanm lo la. Ki nou kapab gete. Selman mon vwar li i oniks sa Mosyon i pe pase ozordi la, an menm tan dan Egzekitiv zot pe pran serten desizyon.  Lo sanmenm sa bann zafer larter.  So i annan mon pa konnen si Lasanble la i pe vwar sa Egzekitiv pe fer. Si Egzekitiv pe vwar ki Lasanble pe fer, ouswa tou lede pe vwar kanmarad. Me solman zot pe al ansanm, i paret-man.

Prezan li Egzekitiv vwar dan bann lease bann lease  akoz mon letan mon pe gete. Si sa bann keksoz ki pe ganny fer i mal. Prezan mon dir be i annan Lalwa. E sa bann lease ki’n egziste la. Biro Attorney Zeneral in fer.

Sa bann later ki nou pe dir in lease ek en dimoun ouswa vann ek en dimoun. Ouswa ek konpannyen. Ouswa 3, 4, 5, 6 dimoun dan menm fanmir, dan menm isi dan menm laba. Par tou sa ki zot in dir la, mon dir be si in mal. Si i mal savedir i bezwen ganny konmsi challenge ou konpran mwan? Savedir laba kot biro Attorney Zeneral i bezwen vwar, akoz zot menm ki’n sinyen. E prezan i ganny aprouve sa. Mon pa krwar mon sa bann dimoun ki’n ganny en bout later zot, zot menm zot, zot in fer zot papye zot menm. Zot in fer zot aprouvasyon zot menm. Epi zot in transmet zot zafer zot menm lo zot. Mwan mon krwar i annan en bann Lotorite. E final Lotorite se Prezidan.

Prezidan i ale ziskan sa i annan en moman dan nou pei kot Prezidan i osi i in delegate sek Minis.

Me menm ki prezidan menm ki Minis i sinyen for approval. Souvandfwa se sa teknisyen toultan se sa teknisyen ki prepar tou bann dokiman e i zistifye bann keksoz. E ki montre la i la nou bezwen transfer sa bout later, nou bezwen fer sa tel deal, tel zafer telman in ganny fer dan sa bann fason. Mwan mon pe challenge konmsi an plis ki sa Mosyon pe dir, mon pe dir nou bezwen e petet Mosyon i ava ede pou nou la prezan nou ava annan olye zis en dimoun nou ava annan detrwa dimoun pou dir tyonbo en kou, annou get la. Annou crosscheck sa, get sa fraz la; get sa soz la.

So mon krwar i byen. E prezan i a permet nou vwar kote ki byen, kote ki mal kote ki pe al an tro. Kote ki pa pe al an tro. E so mon vwar mon nou konnen dan nou pei en kantite keksoz kantite. Ki’n ganny mansyonnen dan Lasanble dimoun ki’n… E mwan sirtou lo sa zafer speculation sa zafer speculation pa kapab en boug pa kapab ganny en bout later. Ok si i pa ankor devlope mon vwar Gouvernman in anvoy let la i la i annan dimoun ki’n ganny let. Gouvernman pe anvoye, i pe pran aksyon deza. I pe dir ou annan en bout later si ou napa ou pa ankor devlope dir nou ki ou lentansyon si ou pa pou devlope nou pe vin pran. Ok i dir ladan.

So i enportan Gouvernman i pe pran aksyon deza. E dan lease i bezwen annan sa bann mezir ki dir si ou pa pe fer sa nou pou vwala bann konsekans ki annan. Parfwa i annan bann rezon ki zistifyab; i kapab ‘rezon lasante i kapab en rezon en dimoun in nepli kapab laz sepa i pe vye i pa kapab prezan raise sa larzan raise sa loan ensidswit. Diferan rezon en dimoun i kapab vini dir ek Gouvernman la ou zafer mwan mon pa kapab soz ankor e sa..

Me pou nou konn plen case, plen case kot dimoun in p ran later in vann, pou sepa konbyen fwa son pri. That’s wrong. That’s wrong, e mwan mon krwar poudir sa bann keksoz koumsa i pa kapab kontinyen.

E parfwa ou annan bann rezon ki zistifyab parey mon’n dir.

Lotrozour anyway bann case ki pe al devan Lakour mon pa pou mansyonnen. Pou bann rezon. Me selman mwan mon pe dir ki nou pa kapab kontinyen koumsa. E la nou pe koz dimoun mwan mon konn dimoun lo Providence par egzanp ki annan li mon pa konnen konbyen bout. Ou sey konte ou perdi kont.

Me kot ou’n gannyen? Ki mannyer in vini? E mon sa Mosyon mon menm mwan mon a pe demande pou al pli lwen, ver serten dimoun. Ki nou konnen klerman sa in ganny speculate, rann. Mwan mon al wi ou rann ou pou bezwen rann. Mwan mon al to that extend. Ok, e mon kontan. Zot in nonm bann zil. Nou annan Komite Zil n ou lo la. E nou, nou pe vwar bann keksoz ki  pe pase, ki bann sizesyon ki kapab ganny mete dan nou rapor. E mon vwar pou dir e mon ti ava kontan mon sa Onorab Flory ti ava lo sa Komite osi pou li kapab konpran sa bann keksoz sa Komite Zil. Ou ti a kapab soz.

Me wi.

 

 

MR DEPUTY SPEAKER

Ale.

 

HON WAVEL RAMKALAWAN

Mr Deputy Speaker mon krwar ki dan sa Lasanble nou bezwen montre respe, pou tou Manm. Depi boner avan letan Onorab Gill ti pe koze, mon krwar ki pou dir nou tou nou konnen ki pou dir Onorab Larue i apel Flory. E letan nou konmans apel li Flory. Savedir mon krwar i annan en mank respe dan sa Lasanble. E mon vwar Onorab De Commarmond osi tou in pran sa.  Mon ti ava kontan si nou ti ava remet sa annord. E apel li, e dekrir; son non lafason ki i ete Onorab Flory Larue.  Mersi bokou.

 

MR DEPUTY SPEAKER

Ok point taken. Carry-on Onorab De Commarmond.

 

HON CHARLES DE COMMARMOND

Mersi Mr Deputy Speaker. Kekfwa prononsyasyon. Ou konnen mwan mon sorti anler dan bwa Cascade kekfwa mon prononsyasyon ki koumsa.

Me ki mannyer i dir ou non? Flory.

 

(laughter)

 

HON CHARLES DE COMMARMOND

Flory Larue.

 

(laughter)

 

HON CHARLES DE COMMARMOND

 

Larue . Konmsi anyway

 

MR DEPUTY SPEAKER

Kontinyen Onorab.

 

HON CHARLES DE COMMARMOND

Byen, byen annou kontinyen. Me le pwen i kler napa problenm ek tou sa. So vwala Mosyon i kler Mr Deputy Speaker nou, nou pe dir mon dir i annan gran, gran bout lans. Anse Royale partou, kot mon dir be, ‘’pa ankor devlope en.’’ Pa ankor devlope. Mwan mon demande sa bann case koumsa Gouvernman benzwen ale al repran, repran. So vwala mon krwar ki sa Mosyon mon pa le fer bokou keksoz lo la, bokou koz bokou.

Me selman sa 2 pti pwen ki nou’n dir avek sa ki nou konnen pe egziste dan nou pei. Mon krwar i enportan.

Onorab Gill in tous lo en kantite keksoz. E mwan mon dir sa bann dimoun si i annan keksoz kont Lalwa, zot  devret ganny challenge. Si napa nanryen kont Lalwa then selman nou pe dir annou frenm sa bann loophole ki kapab annan. E annou regarde pas partou i annan bann gran, gran bout later. Mon ki nou konnen. Annou ale i annan bann deal ki ti ganny fer ale Gouvernman repran sa bann later. Later sepa lekel mon pa pou nonm non la pou le moman.

Me nou, nou devret ale repran sa bann gran, gran morso later. Akoz plizyer dimoun later i bezwen.

E mon ensiste ankor. Ki sa  Komite, sa Komisyon ki zot ava etablir la. I enportan ki nou get byen proze ki bann envestiser lokal sirtou.  E menm si etranze, etranze mon krwar nou pa devret vann li sa bann zafer. Konmsi i bezwen la , nou pe koz i devret vreman vin bann envestiser ki pou annan keksoz dibyen pou nou. Keksoz ki pou fer desann cost of living dan Sesel.

E mwan mon ensiste proze bann envestiser lokal, si i annan, e mon’n deza dir plizyer fwa dan Lasanble. Si i annan ki pe anmenn en rediksyon dan cost of living nou bezwen get sa konman bann priyorite. Akoz sa i pou tous vant Seselwa. I [ou tous kondisyon lavi. Nou Pep e sa nou devret fer fason ki zot ganny priyorite pou kapab anmenn en meyer lavi pou Sesel; pou Seselwa, sirtou la dan sa moman kot nou ete.

So Mr Deputy Speaker nou ava ekoute, nou ava nou okouran osi. Nou okouran osi. Bann avoka zot tenir bann later bann dimoun. Fodre nou pa nou gete dir vwala avoka i 56 bout later lo li. E tousala pou li menm.

Konmsi i annan bann keksoz ki nou bezwen get byen. Ki nou bezwen get byen e vwar oli sa bann sa, pa la les li.

Nou bezwen non, non mon pe dir nou bezwen get li avek rasyonnel konmsi nou vwar ki nou dir look sa i a pe fer en louvraz e sa bann bout later i kapab vin lo li pandan letan fonksyonnman son travay. E i pa pou li tou.

Me an menm tan nou konnen, i annan dimoun ki avoka, an menm tan i fer ki mannyer i apele, sa bann zafer lavant later, ofisyel sa. Ofisyel, me i form par zot biznes. I form par zot biznes. So nou ki nou pe dir ek sa Komisyon ki mon toutafe dakor avek. Se ki nou pe dir donn en koudmen Cabinet. Nou pa pe dir antre pou al intrude dan travay Egzekitiv. Me nou pe dir donn en koudmen Egzekitiv, donn li en koudmen pou kler tors pou gete. Pou nou vwar pou dir vwala. Tyonbo en kou, sa kalite zafer ki pe ganny fer pe al tro bokou.

I annan kestyon sanksyon. I annan kestyon sanksyon sa osi tou. Mon krwar i devret i form par sa Komisyon la li osi i donn lanmen gete i dir tyonbo en kou. Pe donn sanksyon pe fer isi pe fer laba san lotorizasyon san isi san laba.

So mwan mon toutafe dakor ek sa bann keksoz ki pe ganny propoze. E mon demande ki Mr Deputy Speaker mon dan mon pti resers mwan, mon aprann i annan en dimoun in speculate bann zafer later lo soz lo Sesel. To the extend of pran larzan pou finans Politik. Pou finans Parti Politik.

It’s wrong. Ou konpran sanmenm sa ki mon pe dir mon pou dir sa bann keksoz ki pe ganny propoze i mon pe siporte. E mon krwar mon ki nou devret al dan sa direksyon e wi ou nonm Siva. E Siva osi. Tousala i merit tonm ladan. Mon’n dir bann dimoun ki annan en ta later gran, gran bout later e nou bezwen repran sa bann zafer, e sa.

So vwala avek sa nou vwar pou dir nou merit definitivman vwala Onorab Gill i vini Mosyon i pou anmennen pou nou kapab rektifye tou sa bann zafer later. E sa nou’n deza dir dan Komite nou’n dir. E la i pou anmennen en zour la byento. Sa Mosyon pou fer sir ki sa bann lenzistis osi zot a extend i ganny klarifye. Mr Deputy Speaker mwan mon pou siport sa Mosyon. E on krwar nou pe al dan en bon direksyon. E mon ti a kontan Cabinet pe zwenn ozordi letan nou osi nou pe zwenn Cabinet ti ava dir serten keksoz ki zot pe al fer ankor davantaz pou fer sir ki sa bann zafer later dan nou pei i mars byen, e dimoun pa pran tou pou tay avek. E ki nou pep en fairness dan tou sa bann keksoz. I leklersi en keksoz lo sa ki mon dir. Napa problenm.  Mersi bokou Mr Deputy Speaker.

 

MR DEPUTY SPEAKER

Mersi Onorab De Commarmond. Onorab Simon Gill.

 

HON SIMON GILL

Mersi Mr Deputy Speaker. Bonn apre modi tou dimoun. Bref man, anmezir mon ti pe ekout bann deliberasyon i annan en remark ki Onorab Ramkalawan in pase. Konsernan prononsyasyon non Onorab Larue. Si i pa’n sorti byen. Mon retract nothing intentional.  Mon pe konpran zot pe dir i Flory. So si sa bann non mannyer monn prononse i pa bon. Mr Deputy Speaker tir tou sa bann Flori, met Flory.  Mersi bokou.

 

MR DEPUTY SPEAKER

Mersi Onorab. Mon kontan that’s the way forward. Onorab Ferrari. Ou ankor anvi entervenir lo sa Mosyon? Ok go ahead laparol i pou ou.

 

HON JEAN-FRANCOIS FERRARI

Mersi Mr Deputy, sorry mon ti pe sey fer en keksoz ok. Mr Deputy Speaker bonn apre midi tou dimoun. Mon lentervansyon i pa pou tro long. E mon pou konmans li parey Msye France-Albert René ti ava konmans son bann diskour. Nou bezwen konnen kot nou sorti; kot nou ete, kot nou pe ale.

Kot nou sorti nou sorti dan en sistenm kolonyal i vre. Kot later ti ganny konsantre dan lanmen serten dimoun. E serten ti napa. E avek lendepandans ti pei ti realize pou dir, i neseser pou redistribye later. E mwan par leksperyans keksoz ki mon konnen mon konn de premye lakizisyon later ki ti ganny fer dan lentere piblik.

Premye ti lakizasyon later Nageon Estate, pou fer en proze lakaz.  E sa ti ganny fer. E sa ti prensip e filozofi sa Gouvernman ki ti la sa lepok. Acquire en later fer en lakaz. E zistifikasyon pou acquire en later sete pou fer en lakaz.

2enm akizisyon ti later Khashoggi Beau Vallon. Ant sa de akizisyon prensip in sanze. Ant sa de akizisyon. E i annan de apepre de mwan ant sa de.

Premye lakaz ti konmans fer deswit Pointe Larue. 2enm ou a krwar bann dimoun in konmans vwar pou dir i annan valer dan later. E sa later in ganny peze in ganny kit la apre in ganny vann, antre zanmi e finalman ozordi in pas dan lanmen en mon krwar, COSPRO oubyen Mr. Valabji, ki apre in tonm dan lanmen, ozordi H Hotel i lo la.

Konmsi mon pe rakont zot sa pou mon montre zot ki mannyer dan en sit kourt letan en prensip ki ti nob in gate. Akoz i annan dimoun in vwar pou dir zot kapab ganny larzan dan later. Pran pou zot apre re vann fer profi.

La i la kot nou ete ozordi. Ozordi nou re trouv nou avek en pei kot nou konnen si nou tou nou onnet ki in annan en kantite malversasyon, en kantite move pratik ki’n ganny fer, en kantite koripsyon ki’n ganny fer atraver later.

Sa prensip ki parey mon ti pe dir i ti en prensip nob, pou fer en fason ki tou dimoun, tou Seselwa sa enn ptipti  sa enn gran, sa enn ordiner, sa enn ekstraordiner , sa enn orizinal, sa enn fake, tou dimoun finalman en zour damson lavi i ganny led pou li kapab ganny en lakaz.

Sa prensip in ganny vire lo son latet. E n ganny servi par bann politisyen pandan sa dernyen 40an, in ganny servi pou koripsyon.

Alors nou tande, Mr Deputy Speaker ki the blame game in konmanse. Nou’n vwar Onorab lo lot kote latab. Onorab Gill e k Onorab De Commarmond ki’n konmans blanm bann teknisyen, bann civil servants, bann dimoun konmsi ki en pe ki’n la ki’n fer sa bann keksoz zot in vwar zot in fer zot in soutire. E nou bliye pou dir i konmans anler.

Legzanp i konmans anler. Egzakteman. I konmans anler. I konmans avek nou. I konmans anler. Nou pa kapab blanm okenn civil servants. Akoz dan sa ka i annan en sel keksoz ki nou vwar, si i annan koripsyon, i annan 2 keksoz ki en dimoun i kapab fer.

Si vwar koripsyon i al kord gard. Pandan sa 40an si ou Kordgard ou al dir pou dir en Minis dan Gouvernman in fer koripsyon ou ki pou al dan kaso. Alors personn pa ti dir.

2enm keksoz ki ou fer ler ou vwar sa bann keksoz pe ganny fer, ou osi ou sey gete ki mannyer ou kapab tranpe ou osi ou kapab ganny en pti bout par kote. La i la sanmenm sa ki arive.

Donk annou pa blanm personn. Annou aksepte pou dir nou annan en problenm. E i annan ki’n demande be ki Lakour in fer, oli bann Lalwa bann keksoz koumsa?

Mon ti a kontan dir ek sa Lasanble ki dan en demokrasi dan en vre demokrasi. Ki nou pe konmans; antre ladan la depi lafen 2016 ziska la ki nou ladan depi 7 mwan-dan en vre; demokrasi ler ou fer keksoz ki mal ou riske ganny tyonbo.

E si ou ganny tyonbo ou pou ganny kondannen. Dan en vre demokrasi. Dan sa demokrasi ki zot ti dir nou annan 40an la, ou fer keksoz mal napa okenn risk pou ganny tyonbo. Akoz si ou ok, si ou annan en bon kontak napa okenn risk.

Alors nou demande ozordi akoz dimoun pa’n ganny tyonbo. Be akoz sistenm ki ti koumsa. Sistenm ti permet koumsa. E zot kapab dir sa ki zot anvi lo lot kote latab, me solman mwan mon pe dir avek zot pou dir la i la ki mannyer in marse pandan sa bann lannen.

Dan en pei demokratik, si en Minis, si en Minis i aste li, oubyen i ganny li 2 kare later dan en land bank ki i met lo son non son madanm pou li fer Blok Flat, dan en pei demokratik sa Minis ti pou sorti dan Gouvernman parey en ros dan fles.

Akoz se sa demokrasi.

 

(APPLAUSE)

 

HON JEAN-FRANCOIS FERRARI

Ok?  E mwan mon anvi vwar enn sezour, enn sa bann dimoun par legzanp pou vwar zot sorti konman en ros dan fles.

Me dan nou sistenm, dan nou sistenm, dan sa sistenm dernyen 40an nanryen pa’n arive. Ou konnen mon zanmen mon a oubliye en fwa dan ler mon ti dan premye fwa dan Lasanble dan 3enm Lasanble mon krwar, mon ti dir mon ti koz koripsyon en dimoun ti vire ti dir ek mon be nou tou nou fer koripsyon non ki ou pe gele?

Mon’n vreman soke akoz konmsi mon mazinen mon dir ble ki mannyer nou kapab run en pei kot nou tou en dimoun i krwar pou dir ki tou dimoun i koronpi. Be ki mannyer kot sa pei pou ale. Be sa lepok ti ok ti ok in antre dan sistenm sakenn i sey ganny son bout e nou aksepte. E nou pa fer nanryen. Pourtan Mr Deputy, nou pa kapab dir nou pa konnen.

Mon annan 2 legzanp. Mon annan legzanp, Onorab Henrie, ki ti ok apply pou en kare later, pandan son bann premye lannen travay. In; espere, espere i pa’n gannyen. Apre en zour in erit len bout later. Konman i met sa lo  son non, lanrezistreman ou Minister Later in anvoy li en let pou dir li be nou pe tir ou nou lo lalis akoz ou’n fini ganny en bout. Ou pa en ka ki merit gannyen. Savedir zot konnen ler en dimoun i annan en kare later.  Lot legzanp mon

annan en dimoun ki fek aste en flat. Mon dir li be tou sa letan ou pe lwe be.. al premye. Tax ou pa peye ler ou aste ou premye bout later oubyen ou premye lakaz.

I apply apre li menm li,

pa konnen si i bliye oubyen i zwe bliye, i ti’n deza sa lepok annan en bout later lo son non pou en tre bref letan. Kot anrezistreman i call li i dir non, non-ou bezwen pey ou tax akoz ou ou’n deza annan.

Savedir si zot konnen pou dir Mr Henrie ti deza annan en bout later; si zot konnen Mr Payet ti’n deza annan en bout later, ki mannyer zot pa konnen pou dir i annan en Minis ti annan en bout 2 bout, 3 bout 5 bout, ziska 52 bout. Ki mannyer zot pa konnen sa?

So there is no excuse, there is no excuse. Sanmenm sa mon pe dir avek zot annou pa; rod okenn leskiz. Annou aksepte pou dir sa bis, sa ,bis ki zot ti ladan ki mannyer ;sa kales kase ki zot in met nou ladan pandan  40an. ;ti’n kas fren , ti’n dereye, ti pe  al bite, e ti napa nanryen ki ti pe marse ladan. Ti’n fini ganny bage.

La nou pe al antre dan en nouvo faz dan sa pei. Se sa i mon dir kot nou sorti kot nou ete e kot nou pe ale.

Mwan mon pe al koz lo sa nouvo faz prezan. Mon osi mon kontan get devan. E pou bann lo lot kote latab ki pee fer bann komanter Onorab Speaker, Deputy Speaker ki ler mon pe koze konmsi mon osi mon ti konnen, mwan mon dir avek zot, zot kapab fer zot bann komanter si zot oule. Lo sa Onorab ki zot vwar la, la ki zot pe gete. Rode fouye depouye zot pa pe vwar zot pa pou kapab akiz li. Nanryen-napa nanryen pou akiz li, Onorab Pillay fouye tri patouye si oule ou pa e vwar. Ok

Akoz si zot ti’n vwar keksoz lo mwan, lontan zot ti pou’n met devan. Napa, pa tou dimoun dan sa pei ki koronpi. Mon repete sa ki sa dimoun mon ti dir li. Pa tou dimoun dan sa pei ki ti koronpi. Ok? Donk mon anvi fer sa byen kler. Alors lavenir Mr Deputy Speaker. Lavenir se premyerman si nou aksepte pou dir i annan sitan move pratik. E sitan dimoun in benefisye, lo en larises ki ti pou tou Seselwa. E si i annan sitan dimoun, ki ozordi i napa en kare later pou li met son lakaz lo la, oubyen i napa en lakaz akoz lezot in tro voras e zot li ki in ganny kit ater. Si sa i sityasyon. E si nou aksepte pou dir sa i sityasyon. Nou bezwen aksepte ki nou bezwen sanz li. Nou bezwen avanse.

Me solman, mon ti a kontan dir Mr Deputy Speaker, nou pa kapab sanze, si i annan bann keksoz ki ankor pe ganny fer. Alors premye keksoz ki mwan mon dir, ki sa Mosyon son gran merit. Son gran merit Mosyon se son irzans. I irzan ki nou adopte sa Mosyon e i irzan ki nou pran bann mezir rapidman pou nou anpes sa disan ki pe koule dan lavenn nou pei.

Sa disan ki pe koul ater akoz nou pei pa pou kapab kontinyen, si i pe perdi disan sitan. So we must stop the bleeding. Akoz i annan lenformasyon ki bann dimoun ki’n benefisye, zot pe sey defalke

So nou bezwen al rapidman. Anpes defalke. Sa ki’n benefisye apre nou pou get sa. Premye keksoz aret sa disan ki pe koule. Sa i nou devwar. E mwan mon vwar li konman en moman istorik, e en loportinite ekstraordiner pou zot e nou. Konman en Lasanble. Konman en Lasanble ganny rapel, konman sa Lasanble ki nou annan kouraz, pou deal avek en problenm ki’n la depi 40an. I difisil sa problenm. Mon konnen i difisil i pou pran letan.

Akoz si Onorab Pillay pe pran letan pou li al gete ki mwan mon’n pran. I pou bezwen pran en bon pe lannen pou lim gete, pou li vwar napa nanryen.

I pou pran letan. Me selman nou bezwen annan sa kouraz. E mwan mon pe envit zot ozordi, pou nou fer en desizyon istorik. pou ,nou kapab avanse. E met en fren enn fwa pou tou avek sa ki pe pase.

Mr Deputy Speaker. I osi enportan ki ler nou pe get lavenir, nou pa efas lepase e zis dir parey Minis Larue ti dir yer. Be ok be sa lepase e la prezan a lavenir nou a fer li en pti pe pli byen nou a fer li pli korek. Non Mr Deputy Speaker.

Parey dan sa pei demokratik ki nou dir nou ladan ozordi ki nou fyer demen. Pou premye fwa, pou premye fwa dan nou listwar apre 41an premye fwa nou pe al selebre lendepandans nou pei avek tou son selebrasyon. Akoz ni enn pa ti selebre. Ni enn ni an ‘77 nou ti ganny lendepandans nou pa ti ni selebre ni en fwa.

La nou pe al selebre tou le 41an ansanm. E sa i en moman pou, nou kapab dir ki, nou pa kapab efas sa bann keksoz ki’n arive. Akoz sa bann keksoz Mr Deputy i ankor pe arive ozordi.

Mon kapab dir ou ki kon fek ganny lenformasyon ki i annan en zoli bout later; en zoli bout later lo konblaz ant Airtel non ant Airtel avek Ant Intelvison e sa bann apartman mon krwar pou Mr Onorab ansyen Onorab ki Payet. Ansyen Onorab Payet, sa zoli bout later ki la i fek depi lo semen i al anndan dan fon la, li osi in ganny pase avek ansyen Minis Jaquelin Dugasse. La nou fek konnen. Ok.

So keksoz i ankor pe arive.

 

MR DEPUTY SPEAKER

Onorab Ferrari. I annan en pwen klarifikasyon Onorab De Commarmond i oule lev-e. Yes Onorab De Commarmond.

 

HON CHARLES DE COMMARMOND

Mr Deputy Speaker mon oule fer konnen Onorab Ferrari, Lepep Seselwa ki Minister Jaquelin Dugasse, ki ti annan sa bout later ki ti annan sa lease in rann Gouvernman sa lease ok?

In fini rann Gouvernman sa lease. E pou sa i en legzanp fantastik i ti’n gannyen en letan, me i pa ankor devlope. Li mon krwar taler nou’n dir ki bann dimoun ki Onorab Gill in dir bann dimoun ki amwen i vwar pou dir ok mon rann in rann sa bout la. Al rode ou al rod byen al rode kan.

 

MR DEPUTY SPEAKER

Mersi pou ou klarifikasyon. Onorab Ferrari kontinyen.

 

HON JEAN-FRANCOIS FERRARI

Mersi Mr Deputy. Mwan mon kontan tande sa bann nouvel ki lanmizik dan mon zorey sa bann keksoz koumsa. Mon kontan tande, ki i pe vin volonter, i pe vin volonter.

Me selman i annan en kantite Onorab De Commarmond. Taler ler Onorab Gill in mansyonn sa 110 bout. Selman la mon ti a kontan kekfwa Onorab Gill i presize akoz mon pa’n byen konpran.

Ler ou ti pe dir rann sa 110 bout. Ou ti pe dir rann sa 10 bout Grand Police oubyen ou ti pe dir rann 110? Mon pa’n konpran mon. rann sa 10 oubyen rann 110?

 

(Laughter)

 

HON JEAN-FRANCOIS FERRARI

Mon pa konnen mwan. Mon pe demande. Akoz rann sa 10 sa nou konnen. Rann 110 ok, ok.

Savedir non, non akoz i enportan. Akoz sa msye laba Grand Police li osi i annan radyo i pe ekoute li. E i bezwen konnen ki mannyer keksoz pe deroule.

Me selman i annan bann keksoz ki’n arive. E mwan mon kontan ki sa deba ki nou pe fer la, personn pa pe kriy ek mwan. Mon pe dir  mwan mon pa’n nonm mon nonm non en dimoun la. La mon pe al nonm non en Onorab la dan sa Lasanble  e si mon annan, si keksoz i pa dan, i pa korek. Me sa sete en lenformasyon ki mwan mon’n rode finalman mon’n gannyen.

 

MR DEPUTY SPEAKER

Onorab avan ou mansyonn sa non, bear in mind other 54 (5) ok. Si ou fer en akizasyon, si ou fer mansyon i bezwen ganny fer atraver en Mosyon spesifik.

 

HON JEAN-FRANCOIS FERRARI

Non, non anyway nou ava gete. Nou ava gete, mon pa pou nonm son non. Me solman tou dimoun pou konnen. Mwan mon anvi.  Mersi.

 

MR DEPUTY SPEAKER

Onorab Ferrari order 54(5). Ok.

 

HON JEAN-FRANCOIS FERRARI

Mwan mon ti a kontan konnen, akoz mon aprann i annan en Onorab dan sa Lasanble ki i annan en bout later Providence Industrial Estate ki i pa’n devlope en bon pe lannen pros 7an. E ki ni pey bann rent konmsi i pa’n tro, tro ganny peye sa bann zafer.

La prezan mon ti a kontan tande si i annan parey nou dir si i annan ki i santi debout dir mon pe rann. Akoz mon’n gannyen mon pa’n servi. Akoz rann, rann la rann demen, bezwen rann. Rann la rann demen, bezwen rann.

Alors kekfwa i pli bon keksoz nou dir nou pou rann. Anyway nou bezwen konmans koumsa.  E mon konnen parey mon’n dir zot. Mon dir zot i pou tough. Eski zot pare pou go all the way?  Mon pa konnen mon. mon pa tro krwar zot ankor pare pou go all the way.

Nou, nou pe envit zot pou vin avek nou all the way.  Parey Mr Speaker i kontan dir, ki mwan mon dir mwan mon pa pe vin detrir. Mon pe vin konstrir sa pei. Nou pe vin konstrir sa pei. E nou pe vin fer sa keksoz ki byen pou lavenir.

Nou pa pe vin bat person. Me selman si in annan labi; si in annan labi nou pou bezwen met dwat sa bann labi. Si nou konnen pou dir i annan.

Alors sa i en lapel. E mon se pou sa ki mwan mon pou siport sa Mosyon konpletman. Pou mon dir ki sa i en loportinite istorik.

Annou annan sa kouraz. Annou annan sa determinasyon, pou nou avanse. Si annan en Minis. Si i annan ou konnen taler mon ti pe dir Mr Deputy Speaker ki si en Minis i ganny li 2 bout later lo non son madanm dan en land bank i ti pou sorti konman en ros dan fles.

Zis mazinen. Me si en Prezidan li i ganny li plis ki 5 arpan later dan en rezerv formidab avek en lakaz ki’n lanmwatye fini pou en pti larzan lasarite.

Prezidan Temer Brazil, si nou ti Brazil gard prizonnyen ti’n fini arive. Prezidan Temer la in pas premye. In ganny met Ankour. La 2enm in ganny met Ankour. Pou byen mwens ki sa. Pou byen mwens pou sa.

Alors nou bezwen vwar sa bann labi. E la prezan sanmenm sa bann dimoun ki pe eksepte nou prezan, en dimoun ler i dir Prezidan in ganny li en kado formidab. 10 arpan, 5 arpan, ler pou ganny pansyon ler in ariv laz pansyon nou pou donn li pansyon pou li. Pou son madanm, Gratwite lo pansyon entertainment allowance lot loto, bodyguard. come on, Mr Deputy Speaker, come on.

Si sa bann dimoun, akoz dan nou pei. Dan nou pei sa bann dimoun in byen pase. In vreman byen pase. Alors nou pa kapab met ankor, met vineg lo en douler lo en boubou. Fer li fer pli mal ankor.

Alors nou pou bezwen get byen tou sa bann keksoz ki’n arive. E nou pou bezwen pran bann desizyon neseser. Mwan mon pare pou aksepte sa pledge ki Onorab Simon Gill i fer. E Onorab Simon Gill i pa zis nenport dimoun.

Onorab Simon Gill i Depite Sekreter Zeneral Parti Lepep. Sa ki i dir i angaz Parti Lepep.

E in dir, e Onorab De Commarmond in dir si fodre rann ava rann. So I’m gonna hold you to your engagements. Mon pou tenir. E mon pou ekoute. E mwan anvi ki nou tou Ansanm pa dan lakoler, pa dan en fason revanz, me dan en fason lazistis nou premyerman met an met bann Lalwa ki pou anpese ariv ankor.

Apre si annan bann ka ki flagrant ki flagrant ki openly en labi pou vwar oubyen koripsyon sa bann keksoz i ava ganny deal avek par lezot lenstitisyon.

Me selman nou pa kapab konmans sa ki nef lo en fondasyon ki vye. Annou netway sa fondasyon. Annou tir sa bann karya dan sa fondasyon. E annou rekonstri en pei kot nou pou annan lazistis kot tou Seselwa pou konnen ki later, i apel pou li. E ki si i bezwen ganny keksoz ozordi si i merite ganny keksoz i pou konn egzakteman ki pou fer. E napa person ki pou ganny plis ki son kanmarad. Akoz li i annan pouvwar, i annan larzan. I annan lafors, i annan Lotorite.

Nou pou annan en pei kot lazistis, e demokrasi i ava rennyen kot si en dimoun i mal sote Lalwa e i ava pran saz avek li.

Alors Mr Deputy Speaker mon terminen pou mwan dir en keksoz akoz mwan mon kontan zot in atak mwan. Zot in sey dir mon pou dir mwan mon annan mon osi mon annan kestyon pou rann. Rann kestyon. Mon

Ti a kontan dir zot mon’n fini ekrir Truth and Reconciliation Commission, pou dir mon ti a kontan vin oze dan sa Commission, pou dir ki mwan mon’n vwar ki mwan mon’n konnen.

Mon ti a kontan vini. Ki mon’n fer zot a demann mon ki mon’n fer. ok. Me solman nou tou nou annan kestyon.

Parey Onorab Simon Gill ou osi ou ti PS later. Be wi. Pa tro lontan solman, pa tro lontan. Selman in PS en kou li. In vwar keksoz ou’n vwar keksoz mal ou’n dekile ou’n ale. Mon pe review the benefit of the doubt

        Me solman i ti ava enteresan konnen ki ou ou’n vwar. Akoz bokou dimoun i dir  mon ti ganny dir fer. Mon dir ganny dir sinyen. I annan Minis ki li in sinyen pou ler i pe vann in sinyen pou i aste lo menm dokiman. Tousala nou vwar.

So sakenn pou bezwen vin partisip dan sa legzersis pou nou met nou pei dwat. E pou nou re donn later Seselwa  Lepep Seselwa.  Mersi.

 

MR DEPUTY SPEAKER

Mersi Onorab Ferrari.  Bon petet zis avan mon donn laparol mover Mosyon pou wrap-up. Mon le zis partaz zis 2 pti pwen lo sa size, lo sa Mosyon. E de pti lenformasyon ki mon’n gannyen bomaten. Mon annan en graduate ki dir mon pas sa mesaz, konman en fason pou partaz sa ki zot, zot pe ekout deor. Atraver sa Mosyon. Atraver bokou zot pou zot bann graduates in Pas ladan.

I dir  on lo sa size later, li i annan 14an depi ler in retournen in apply en bout later. Ziskan ozordi i pa ankor gannyen. Me dan son demars in vwar menm zanfan ki ti ankor lekol later land bank pe ganny aste lo zot non. In ganny mete lo zot non.

E li i pe travay. I ti kapab menm retourn dan sa pei kot in etidye, akoz laba ti pe esper li lebra ouver. I ankor pe travay 14an pli tar i ankor pe esper en bout later.

E i swete atraver sa deba, atraver bann keksoz ki i ava arive son case, case lezot graduate i ava get ladan.

Lo sa size bann Seselwa ki’n reste lo serten later bann propriyeter ki ti annan gran bout later pou 20an pou 30an. Mon annan en msye ki’n call mon in dir ek mon in travay avek en fanmir Grand Anse Praslin. E in reste lo sa bout later pou plis ki 20an. E; sa msye in donn li sa bout later.

In donn li pou li kapab fer son lakaz anrezistre sa bout later lo li.

Savedir i annan bann propriyeter ki’n rekonesan anver zot bann dimoun ki’n travay avek zot lo bann gran propriyete.

E i dir ek mon pa zis li. I annan 3, 4 fanmir ki’n travay avek sa propriyeter e zot tou zot in benefisye avek zot kare later. E zot move on later in anrezistre dan zot non. Zot fanmir, apre zot lanmor zot fanmir osi tou pou benefisye.

Mon annan lezot; dimoun ki’n koz ek mon lo i dir mon fer sa sorti ankor. Lavant serten propriyete Gouvernman. E la in fer referans avek lavant later e lakaz Fisherman’s Cove Estate, ankor ki pa’n ganny fer dan tou latransparans. Ok? E  sa ti en later ki ti ganny compulsory acquired Gouvernman in build lakaz pou bann expats bann travayer expats. Me lafason apre ki Gouvernman in dispers sa bann later zot santi pou dir i annan dimoun ki’n ganny favorize. I annan ki’n ganny de lakaz. I annan ki en ser ek en lot ser in ganny lakaz. I annan ki ti annan landrwa in gannyen Tandis ki i annan dokter ki ti pe reste dan bann Flat, ti demande pou kapab aste enn sa bann lakaz e zanmen zot in gannyen entertain. Ok so zis sa 2 pti pwen ki mwan mon ti anvi met devan, pou donn en pti pe pou zistwar enn de dimoun ki’n kontakte mon, vizavi sa Mosyon.

Avek sa mon ava demann ok zis avan mon demann mover Mosyon pou konklir. Onorab Simon Gill.

 

HON SIMON GILL

Yes Mr Deputy Speaker, mersi bokou. Zis en pti pwen pou rikord. Onorab Ferrari in dir mon’n deza PS dan Ministry of Land Use And Habitat. Mon pozisyon ki mon ti annan dan Ministry of Land Use and Habitat dan ver lannen 2001 ti Direkter Zeneral, epi mon ti osi Managing Director SHDC dernyen pozisyon ki mon ti pran.

E si i annan okenn kestyon pou reponn mon pare depi yer.  Mersi bokou.

 

MR DEPUTY SPEAKER

Mersi Onorab Simon Gill. Mersi pou sa klarifikasyon. Onorab Ramkalawan

 

MR  DEPUTY SPEAKER

Mersi.  Mersi Onorab Simon Gill.  Mersi pour sa klarifikasyon.  Onorab Ramkalawan

 

HON WAVEL RAMKALAWAN

Mersi bokou Mr Speaker.  Petet zisteman mon ava komans lo sa pwen kot nou’n arete.  I byen ki Onorab  Gill in fer sorti sa pwen ki i ti Direkter Zeneral dan MLUH e an menm tan osi Direkter-Direkter dan Managing Director SHDC, savedir sa landrwa kot ti donn lakaz e ki i pe dir i ti dan en bon pozisyon pour li konnen lo en kote bann zafer later e lo lot kote, bann zafer distribisyon lakaz.  E mon pe mansyonn sa akoz  i fer ki sa Polisi Gouvernman, kot en sitwayen i ganny asiste en fwa, probableman i enn sa bann dimoun ki ti la pou formil sa Polisi oubyen pou egzekit sa Polisi, e mon plis ki si  ki dan sa sityasyon,  dan sa pozisyon e se pour sa rezon ki letan,  Onorab Gill  pou  servi son prop lekspresyon letan in dir fodre nou al fouray dan tou-al fouray dan tou.  Savedir Onorab Gill efektivman en kantite keksoz in pas devan li.  Pa neseserman i annan keksoz konkret pour li osi kontribye ladan me solman in vwar.  I en temwen.  E i bon ou en temwen, e nou bezwen bann temwen vivan e Onorab Gill li in pare pou temwaye, depi yer, alors petet Onorab Gill ti ava kapab ed nou pei pou konnen pe sa bann tranzaksyon ki’n pase menm si an menm tan osi nou konnen en kantite bann tranzaksyon in pas dan tou diferan fason.  Me an menm tan osi Mr Speaker, in annan menm en Deklarasyon menm sokan ki Onorab Gill in fer dan sa deba, kot in dir annou pa koz lo 52 morso later me annou koz lo 110 morso later-110 morso later e si apre ki Onorab Flory Larue ti mansyon 52 morso  later ki en ansyen Minis i annan Komisyon Anti-Koripsyon in deside pou li lans en lenvestigasyon la ozordi nou’n trouv en keksoz ki pli gran ankor.  Akoz nou pe koz 110, e mon ti ava ensiste Onorab Gill parey in dir i konn mwan, mon osi tou mon konn li, mon ti ava challenge Onorab Gill pou li fer en rapor devan Komisyon Anti-Koripsyon pou ki parey zot ti anonse ki zot pe fer en lenvestigasyon lo sa Ansyen minis, ki sa dimoun ki pa’n nonm son non, sa dimoun osi i ava pas anba lenvestigasyon e  si sa bann keksoz i  ganny trouve koman byen malaki oubyen later Gouvernman ki’n ganny byen partaze, sa dimoun osi tou i ava fer fas avek konsekans Lalwa.

 

(APPLAUSE)

 

HON WAVEL RAMKALSAWA

..E mwan mon krwar-mwan mon krwar ki Onorab Gill koman en Manm sa Lasanble I annan li en responsabilite  pou li fer en trel rapor pour ki i annan en lenvestigasyon akoz zisteman mon pe dir sa Mr Speaker, akoz sa i form parti sa Mosyon. Letan en dimoun i fer pase 110 morso later, lo son non ouswa ki sa ki in fer in anpes nou frer ek nou ser Seselwa; in anpes  sa graduate Mr Speaker; in anpes Onorab Sandy Arrisol ki annan plis ki 15an li osi son non i lo en lalis; in anpes Onorab Norbert Loizeau; in anpes Onorab Sebastien Pillay ganny en morso later pou zot fer zot pti lakaz pou  zot viv avek zot fanmir.  Alor, alor Mr Speaker, mon krwar ki sa Lasanble  i bezwen met lanfaz lo la, e mon espere ki deswit apre ki  Onorab Gill in  fer sa rapor avek Komisyon Anti-Koripsyon, parey ki sa ansyen Minis  ti annan  Press Comuniques lo SBC,  nou ava tande ki poudir i annan en lenvestigasyon ki pe ganny fer.  Me solman an menm tan-an menm tan kekfwa, la ankor enn fwa Onorab Ferrari in dir sa se lafason ki  Gouvernman ti fonksyonnen sa letan, parski Onorab Gill in vwar tousala me i pa’n azir koman en Whistleblower,  pou li dir i annan tel keksoz ki pe pase e petet parey bokou Seselwa depi parey ankor enn fwa Onorab Ferrari in dir nou pe espir sa nouvo ler laliberte; petet Onorab Gill li osi ti pe mazin son pozisyon. E alor li osi tou in reste trankil-in reste trankil me la ozordi i montre nou ki i kapab fer sa.  Me  an menm tan osi, an menm tan osi mon krwar ki sa bann pwen ki Onorab Gill, in mansyonnen zisteman in montre nou akoz ki nou dan sa sityasyon, kot an 2017 nou bezwen anmenn en tel Mosyon.  In montre nou ki poudir ki lannen ki i ti dir nou i ti Direkter Zeneral Mr Speaker?  Depi 1999-1990.  Depi 1999 Mr Speaker, e la ozordi nou 2017 ki  vedir 17an pase.  17an pase sa bann kalite manboulouk late pe deroule.  Parey Onorab LOIZEAU i dir, si i annan 17an pase savedir file Onorab Loizeau, ti lo latab Onorab Gill!

 

(Laughter)

 

HON WAVEL RAMKALAWAN

E la laverite pe sorti e Onorab Gill in vwar 110 kare later ganny transfer lo en dimoun  me solman in deside pou li kit file Onorab Loizeau lanmenm e pa donn li en kare later.  Sa mon krwar- mon krwar i  a ok.  Ok Mr Speaker-Mr Speaker an mezir ki nou deba in deroule mon’n ganny en teks sorti kot en dimoun Praslin-en dimoun Praslin ki mon pa pou nonm son non, mon pa pou nonm non sa dimoun ki’n gannyen kare later, i dir avek mwan la, la, la, i annan en dimoun ki’n  ganny en kare late lo Ile Eve me i ape rod vann sa kare late pou R800mil.  R800mil e Mr Speaker-Mr Speaker, sa pe arive la konmela.  E     mon konnen lekel e mon konn tou sa bann detay.  E i annan ankor.  Onorab Woodcock in mansyon enn de bann lezot dimoun  ki pe fer sa-in mansyon 2 dimoun me mwan mon ‘n ganny detay  pou 2 dimoun.    E alor Mr Deputy Speaker, mwan mon it ava dir ki sa        Mosyon, petet letan nou koz avek Legzekitif noy bezwen demande ki Legzekitif i pran en desizyon la.  La, la.  Zot dakor avek mwan?  I bezwen annan en moratorium la konmela, ki okenn lease later Gouvernman pa ganny drwa ganny vann.  Ok?  Mon kontan ki Onorab  De Commarmond e Onorab Simon Gill zot tou lede zot in nod dan en fason pozitiv pou montre- parski Mr Speaker mon ava osi dir zot, mon krwar ki nou bezwen fer li la avan ki keksoz i sape; parski la i  annan en bann mouvman defalke espesyalman  ki sa Mosyon pe vini la nek zit pe defalke.  E letan pou’n fini defalke apre sa pou napa nanryen pou nou al atake.  E pa zis bann endividi ki pe rod defalke, la pou lemoman i annan en konfli, i annan en konfli ant MLUH depi ki State House in fer sorti sa rezolisyon i annan en konfli ant MLUH avek Industrial Estate Authority e i annan later ki’n ganny lese lo zil Perseveran san ki  Industrial Estate Authority in ganny enformen.  Pourtan Gouvernman in eksprimen.  Se pour sa rezon  ki tou sa bann keksoz i bezwen-i annan keksoz imedya ki bezwen ganny fer e      MLUH li osi tou akoz i annan son bann deal ki i pa fer atraver son bann zanmi son bann kontak i pe fer ki Gouvernman  savedir nou lepep Seselwa nou pe kontinyen perdi.  Donk nou demande e la petet menm si i pa dan sa Mosyon, mon krwar i ava bon pou nou demande, koman en Lekzekitif-demann Msye Faure  dan son kapasite koman Prezidan pou issue, en Moratorium lo  lavant  okenn lease lo tou sa bann zafer lease  e imedyatman, imedyatman set up sa K  omisyon ki Mosyon pe demande pou kapab fer sa travay.  Parski la Mr Speaker mon ava donn ou en legzanp; mon kontan ki Onorab De Commarmond; mon kontan ki Onorab  De Commarmond in dir ki ansyen Minis Dugasse in rann sa morso later, me, me  li in rann me lekel ki dir avek ou ki par laport deryer, napa en lot dimoun ki pou gannyen?  Dan en fason ki nou menm nou, nou  pa ni konnen dan en fason, ki’n pa ni’n swiv okenn prosedir parski parey State Land e River Riserves Act i dir, ti pou bon en morso later koumsa eski pa ti pou gou, si demen nou antann ki ti pou annan en auction en lavant alankan pou en morso later prime land lo konblaz.  Ok? Prime land lo konblaz-zoli morso later ki pa dan bout endistriyel me ki plito dan bout lo en kote i annan lotel lot kote-well lo sa morso la i annan en lotel kot ti pou annan sa lopital; ti pou annan-i annan bann flats ki en dimoun-ki en lakonpannyen i kapab pouse-pouse dizon i antre R10 milyon dan kont Gouvernman pa ti pou gou R10milyon?  Nou ti kapab asire ki poudir NDEA-nou ti  lo FPAC nou ti pe koze, ti kapab asire ki poudir NDEA  ti ganny tou sa transpor ki i bezwen pou li fer son travay.  I ti ava asire e sa larzan  ti pou reste ankor, nou ti ava kapab ed Lapolis.  7Yer Onorab Larue in vini, -Onorab Minis Larue in vini in dir avek nou tousala. Alor Mr Speaker, nou demande ki en keksoz i ganny fer imedyatman e mwan  osi mon pou pran li koman mon devwar, pou mwan demande ki Legzekitif i pran en aksyon imedyat.   Zisteman lo sa pwen ki Onorab Sebastien Pillay in mansyonnen e Onorab Henrie li osi tou in fer referans.  Mon ti koz lo la letan mon ti koz lo Mosyon La Digue, parski sete sa menm pwen ki Onorab  Pillay ti koz lo la-sa eleman scrutiny e sela kot dan labsans Onorab Ghislain mon ti mansyonn sa; akoz Onorab Sebastien Pillay ler   i ti pe koz lo Mosyon lo La Digue ti ape dir ki fodre pa ki Manm Lasanble i anbark akoz i kapab annan  problenm scrutiny akoz mwan mon ti fer li resorti ki Onorab Ghislain li menm li ti dir nou, dan Lasanble parski i ti pran lofans letan en Manm ti pe koz, konmsi sa Lorganizasyon La Digue Trust Fund pa’n  fer son louvraz e tou; kot nou ti dir ki vwala en legzanp kot en Manm Lasanble, i osi lo en Board me solman sa pa anpes li fer son travay.  E mon krwar ki sa ki Mosyon pe demande, e sela kot Onorab Pillay i bezwen sezi byen.  Mosyon pa pe demande ki Lasanble i vin egzekitiv.  Lasanble pa sa ki i pe demande.  I pa pe demande ki sekter prive i vin Egzekitif pourtan nou pe demande ki i annan sa Komisyon avek Manm Egzekitif-Manm Lasanble e avek sekter prive.  Ki i pou vini?  I pou vin en body ki konsiltativ.  Ok?  I pou annan en rol konsiltativ kot finalman, se Egzekitiv ki pou pran son desizyon.  Son desizyon i pou antyerman avek Egzekitiv son desizyon final.  Me solman akoz i  ava’n pas atraver sa striktir, tou dimoun pou’n konnen ki pe arive e alor i pou annan premyerman, sa i pou vin en lot check li dan li menm; lo sa-dan sa lespri transparans-i pou vin en lot check li dan li menm parski pran; par egzanp ankor enn fwa sa later ki nou pe koz lo la; ki ansyen Minis Dugasse in retournen, letan whatever demars ki annan pou fer avek sa later si i pas atraver sa komisyon nou pou konnen ki poudir ok la Gouvernman i annan lentansyon vann sa bout later alankan par egzanp.  Me si apre e Gouvernman once i konnen be i annan tou sa bann diferan dimoun dan sa body-dan sa Komisyon ki  konnen ki mannyer sa later i sipoze ganny disposed of.  Be si zis apre nou tande ki poudir tel dimoun in ganny en lease anba, anba.  I pou annan leokri.  Nou, nou pou fer leokri dan Lasanble.      Nou pou kriy Minis isi; nou pou dir be  sa body  ti dir…Nou pou call li nou pou demann li be ki’n arive  ek sa bout later?   Akoz sa body ki ti konsiltatif ti’n dir sa bout later pou ganny van alankan, ki mannyer tel Minis Oubyen tel dimoun avek lenflians li in ganny sa kare later?  Alor lo sa pwen mon anvi reasir Onorab Sebastien Pillay ki finalman Egzekitif pou fer son travay.  I en pe parey ozordi.  ozordi tanzantan letan i annan en lapwentman en dimoun oubyen detrwa dimoun  lo sa bann bodies Konstitisyonnel Letan Komite e mon ti fer sorti sa pwen en fwa dan Lasanble, letan Kominike i sorti-sorti State House son kominike i lir; ‘’Prezidan an konsiltasyon avek Leader Lopozisyon in fer tel lapwentman.’’  Mon’n senpleman ganny konsilte, me desizyon final i reste-i reste dan lanmen Legzekitif.  E ofet sa ki nou pe koz lo la depi yer, Prezidan in konsilte avek mwan, an relasyon avek sa 2 nouvo dimoun ki pou vin lo  Komisyon Elektoral.  In konsilte avek mwan  pou li rod mon lopinyon; mon ‘n donn li mon lopinyon me se pa mwan koman Leader Lopozisyon  me koman en Manm Lasanble ki pou pran sa desizyon.  Sa desizyon i reste en desizyon Legzekitif-Sef Legzekitif e se Sef Legzekitif ki pou siny papye sa bann dimoun letan zot pou gamy apwente.  Mon sinyatir pa pou lo okenn keksoz .  Alor  dan menm fason sa Komisyon i a fer son travay e apre sa Egzekitiv i ava pran zot desizyon.  Onorab Willian in fer en Pledwari e mon kontan ki Onorab William in koze e mon apresye osi ki Onorab William parey enn de lezot manm in rekonnet ki poudir set en loportinite istorik-en loportinite istorik alors  i dir annou  anmenn sekter        prive.  E malgre ki mon konpran son desizyon  – mon dakor avek sa ki Onorab William pe dir mon krwar ki nou Konstitisyon li menm li, i met nou dan en serten-i dir avek nou, non ou pa kapab fer sa.  E Lartik 26 e i annan en dimoun ki ti lir Lartik 26 parski Lartik-Onorab Woodcock ki ti fer sa, parski Lartik 26 nou Konstitisyon 26 (1)  i dir avek nou tou dimoun i annan drwa pou li annan propriyete e sa Lartik i vedir sa drwa la i drwa pou li gannyen-acquire-pou li annan posesyon-pou li own pou li servi sa propriyete an pe e an plis ki sa pou li vann sa propriyete.  Ok?  ‘’Every person has a right to property, and for the purpose of this article this right includes the right to acquire, own, peacefully enjoy and dispose of property either individually  or in associations and with others.’’  Savedir Onorab Willian atraver ou Mr Speaker,  nou pa kapab touse sa drwa pour sa prive. Me solman mon krwar nou kapab atraver nou Lasanble no eksprim nou zwe pou nou dir avek  bann propriyete prive, pou nou dir avek zot get sa nou pe viv dan en pti pei, ou’n ganny en posibilite pou ganny bann gran later;  ou’n ganny posibilite pou ou ganny ou later dan nenport ki fason, me pa bezwen azir dan en fason egois.  Pa bezwen azir dan en fason egois.  Pran konsiderasyon ou frer avek ou ser Seselwa.  E la mon konnen ki poudir souvandfwa i annan sa

problenm wayleave.  Ou bezwen dir be regarde si i annan en proze en proze ki par egzanp en proze semen, me pour sa semen kapab deservi ou bann frer ek ou bann ser ki reste pli o pa bezwen azir dominer, zis akoz ou later i pas la ki ou konmsi ou bloke e apre sa bezwen al fer tou bann lezot…Nou ti a demande ki i annan en proper negosyasyon pour ki sa dimoun ki annan son later prive i a realize ki i  poudir kapab ed son frer.  Parski konmsi  dan en zar mon a met li dan en fason kekfwa mon pa bouz konsyans sa bann dimoun poudir sa dimoun ki  reste par lao-sa detrwa dimoun  ki reste par lao  ti pou bon si lanbilans osi ti kapab ariv devan zot laport; pour ki demen zot tonm malad sa lanbilans ti ava kapab ariv devan zot laport pou pran sa dimoun pou anmenn li lopital pou sov son lavi.  Mazin en pe lo sa kote imaniter e  pou donn en pti bout morso later e parey nou Kreol i dir letan ou mor ou kit lanmenm; ou vin  later letan ou mor e alors annan sa lespri konsyansye.  Lot kote osi se pou dir avek bann dimoun letan en dimoun in donn en wayleave konmsi nou osi annan en respe pou sa dimoun.  Annou pa akoz nou’n ganny en bout later, pou nou ariv kot nou e apre sa nou osi nou fer lavi sa dimoun vin mizerab; parski parfwa se sa osi tou ki arive, letan dimoun i konnen ki poudir apre sa  nou lavi pou vin mizerab, alors i dir plito mon blok lanmenm.  Me annou annan sa give and take, e dan sa fason  i ava ale.  E mon espere ki sekter bann dimoun prive zot ava realiz lo sa kote.  Mr Speaker Onorab Larue in mansyon plizyer keksoz e byensir Onorab Larue dan lafason ki i koze i kapab upset serten dimoun.  Me Onorab Larue mon krwar in anvi montre dan en fason istorik ki mannye i annan bann problenm  avek later.  E nou’n ganny dir Onorab Gill pou anmenn en Mosyon e mwan osi mon pe look forward to sa Mosyon.  Parski nou’n koze lo la menm si lo sa Komisyon Laverite e Rekonsilyasyon i annan serten dimoun ki’n dir be akoz zot pe komans ’77; akoz zot pa koman avan  parski i annan lenzistis depi avan e mwan osi tou, mwan osi tou sa i enteres mwan; i enteres mwan  pou mwan konnen dan sa listwar Sesel mon anvi konnen akoz Msye Entel li i annan li sepaman konbyen mil arpan e akoz lezot i ankor pe lager pou li ganny e n pti bout later.  Mon anvi konnen tou sa bann zafer e mon krwar ki sa Mosyon ki Onorab Gill i ava anmennen i ava ed nou pou nou konnen en pe plis lo ki mannyer loo sa bann later; ki mannyer Sesel ti ganny partaze akoz an menm tan i annan en keksoz enteresan  lo  sa bann zafer pran later dimoun.  I annan en later, mon anvi avek plizyer bann dimoun dan sa fanmir i enteresan pou vwar ki mannyer later ti ganny pran dan en fason kaprisyez apre ‘’77.  I annan serten dimoun ki ti annan li zis en pti kare later, avek lakaz  lo la ti ganny pran.  Me i annan en later pou en serten fanmir ki zanmen in ganny touse.  E mon kapab mansyonnen.  Sa fanmir i annan later Mahe, Baie Lazare e zot annan later Praslin.  Letan ou debout–Onorab Hoareau in konnen byen parski nou tou nou annan koneksyon Praslin.  Letan ou debout dan kraze Vallee De Mai-in fact letan ou debout lo lans, ou get Nouvelle Decouverte antye ou ale ziska lo Montanny i apartenir pou en sel fanmir-lafanmir Albert.  Baie Lazare letan ou regard depi Cap Lazare ensidswit tousala i apartyen pou en sel fanmir lafanmir  Albert.  E sa later Msye Rene-Msye Rene pati zanmen touse.  Me solman i ti pran pti bout later Madanm Bistoquet, pti bout later Mr Gabby Hoareau, lot later ensidswit me solman sa bann gran later i pa ti zanmen pran.  Savedir in osi annan en lenzistis la.  E tousala, se bann keksoz ki nou bezwen nou pou  regarde dan Komisyon Laverite li menm nou pou regarde me apre sa-Vallee De Mai egzakteman la i la Onorab Ghislain in mansyonn en keksoz ki tou sa la nou pou bezwen regarde, nou pou bezwen fouye pou nou konpran pli byen.  Be Mr Speaker, e dan sa travay ki nou pe koz lo la, mon’n vwar en keksoz ki pou mwan i en lofans-i en lofans ki Gouvernman li menm li in komet.  Stateland, State Land and River Riserves Act i dir klerman lo Seksyon 7 i dir; ‘’All sales of state land shall be by public auction or by public tender’’Ok? Provided,’’ that sales of state land of more than 5 acres  may be effected by private contract.’’  E sa i swiv lozikman ki letan nou pe fer en lease-ok-letan nou pe fer en lease, e  ladan Seksyon  10 i  koz lo bann lease e alors ki swiv plizoumwen sa menm direksyon.  Me pourtan-pourtan letan sa ki Onorab Larue in mansyonnen sa plot later laba plot No.T2236 Anse Forbans ki’n ganny en lease, avek Mr Suliman i reprezant 53 arpan later.  53 arpan later.  E la i en legzanp kot Gouvernman deswit i bezwen kennsel sa lease. I bezwen kennsel sa lease retourn sa later pou Gouvernman bann fermye dan sa area par egzanp i a kapab debourye.  So sa i en legzanp kot deswit Gouvernman i kapab fer sa e si, Mr Speaker nou met sa Moratorium parey nou’n dir nou met sa Moratorium deswit  mon krwar nou pou kapab netway serten sa bann sityasyon parey e sa i ava ed nou .  Parski par egzanp sa bann later ki lakizisyon ki ti ganny fer dan lentere Nasyonal e apre sa nou’n tande in ganny vann. Sa osi tou i kont prensip Gouvernman .  Alor nou bezwen regard tousala.  Mr Speaker, letan mon pe al ver mon konklizyon mon bezwen dir ki  mon krwar nou tou realize ki i annan en kantite problenm an re4laslyo ek bann zafer later e mon ava menm dir nou koz Cartel?  Cartel pa zis dan bann zafer-3 boutikye i tonm ansanm pou li vann-in annan en Cartel later dan nou pei;  in annan en Cartel later e mwan mon annan lalis enn de bann d8imon ki’n involve dan sa Cartel  e sa in fer Mr Speaker, ki wi parey in ganny mansyonnen in annan dimoun  ki son madanm in ganny en bout later-e la mon pe koz zis Providence, ok?  Son madanm in ganny en kare, son msye in ganny en kare, son belfiy in ganny en kare e apre sa tou sa bann kare later in ganny vann pou milyon; pou milyon. Mon’n menm konn later ki bann zafer shares ki’n ganny  glise trankilman e apre sa ankor en fwa milyon in gannyen.  Nou konnen ki poudir Industrial Estates-Industrial Estates Authority in annan en kalite dezord e ki atraver sa bann dezord nou pei in perdi e an menm tan Mr Speaker letan mon pe  al ver mon konklizyon, i enportan pou dir ki kot  Industrial Estates Authority i ete, kot Industrial Estates plito sa i  en bout.  Ou konnen ki bout ankor ki annan en gran dezord?   Se apartir la kot bann Pangia lotel ki pe ganny fer sa bann rezidans ziska  isi anba lo-i kapab swa kot Bird Sanctuary la i annan en kantite dezord la.  Nou menm nou, nou pa ni konnen ki mannyer bann dimoun in ganny sa bann later. Par egzanp Airtel-Airtel SA gran bout later kot Airtel i ete ki mannyer Mrs Sarah Rene in ganny li sa gran bout later?  Intelvision ki mannyer Mr Mukesh Valabji in ganny li sa gran bout later?  Kot pe fer sa lopital ki mannyer sa group dimoun ki ti pe fer sa lopital in ganny sa gran bout later?  Kot lotel Wharf ki mannyer sa?  Ki mannyer in ganny sa bout later?  Ou desann pli ba Mr Shah ki mannyer in gannyen? Ou al la pli ba lo nivo rezidansyel, ki mannyer Onorab Jeovana Charles in ganny sa bout later?  Ki mannyer Mr Omath in gannyen?  Ki mannyer lot in gannyen ki mannyer lot in gannyen?  Me mon krwar i enportan pou nou konnen.  Be pa ti pou  nou sa?  E       Onorab Audrey-Onorab   Vidot i annan rezon Onorab Sanders-sorry mon ‘n bliye tou ou menm pti zanfan mon ser Mrs Betsy ki pe ekout ou la letan ou koze i byen letan i pe dir konmsi ki mannyer letan pe koz konblaz e petet ozordi mon ava dir ou, ou konnen enn bann rezon akoz zot ti pe koz kont konblaz?  Akoz  nou ti konnen plan ti’n fini ganny fer, ki poudir ti  pou annan serten dimoun ki ti pou benefisye avek konblaz.  E ou annan  ou zis pou regard vilaz Roche Caiman lo en kote semen apre sa  regard lot kote semen.    E ou pou vwar ki poudir nou zabitan ti pou ganny mete enn lo lot tandis ki lot kote semen azir dan en lot fason. E menm Seselwa  ti apel sa bout Roche Caiman vizavi Eden Island Kosovo, si mwan mon dir avek ou Onorab Vidot, ti menm annan demars par bann devloper Eden Island, pou zot kapab aste sa bout, akoz pou zot konmsi ti mal pou zot sorti dan zot luxury e apre sa zis koman zot pas dan en roundabout pou annan en Housing Estate.  Tousala in annan dan nou pei.  E ozordi nou tou nou konnen ki  poudir Konblaz wi, in annan bann lakaz ensidswit me solman an menm tan osi bann dimoun ki pe fer milyon-ki pe fer milyon lo konblaz  se bann dimoun ki’n vini e  zot, zot lenvestisman  zot, zot in pase tandis ki nou, nou pe pey tousala.  Alor Mr Speaker, i enportan pou nou konnen tou sa bann zafer.  Alor Mr Speaker mon annan mwan en dernyen kestyon.  Mon anvi demande ozordi letan nou pa lo later konblaz, pou antre Industrial Estate, nou vwar ki poudir-ok mon konpran  letan en Seselwa in nobou ganny detrwa kare e zis koman in gannyen in devlope-in devlope e la mon  koz lo non mon frer Jean Dingwall-P&J-wi in ganny detrwa-in ganny sa kare la kot i ete e deswit ki in fer? In rantre dan devlopman pou li fer bann warehouse dan son Hardware e menm pou li fer matla-i ankor pe fer matla e i ankor pe fer lapentir.  I a pe seye menm.  I a pe seye menm sa boug e i en Seselwa e son larzan i reste isi. Me solman e la mon bezwen dir, me letan mon desann pli ba dan direksyon  vizavi kot Honda i ete e mon demann mwan mon demande ki mannyer lakonpannyen etranze in rod sa kantite later?  Toulezour ou ale yard i grandi!  Yard i vin pli gran.  E dan menm sityasyon mon demann mwan ki mannyer laba lo Praslin lo Ile Eve, ankor enn fwa se sa bann menm dimoun ki annan  bann pli gran later.  I bezwen annan en keksoz.  I bezwen annan en keksoz la ki pa pe mars byen.  E nou koman en pep, nou bezwen re-sezi nou sitasyon e lo konblaz tanzantan ou tande tel madanm in vann en kare.  E sa propriyete ki ti  ganny mansyonnen taler dan kontour la Onorab Georges in dir pandan en ta letan pa’n ganny devlope la en kou en gran i vwar en batiman.  Mon ava dir zot, ti annan en Seselwa ki ti ganny sa bout later-ki ti pou gannyen e apre sa, letan zot in al fer letid zot in deside pou pa donn li e letan zot pa donn li zot donn en madanm ki li i deza annan plizyer gran kare ki nou’n mansyonnen taler e apre sa ou tande en kare in ganny vann e detrwa milyon e keksoz i deroul koumsa.  Mr Speaker mon pe dir annou pa pran nou pep koman en lenbesil.  Kot nou ete la ozordi, annou demande ki sa Komisyon i ganny etabli deswit e i annan en Moratorium e ki sa travay i kapab ganny fer.  E la petet Mr Speaker mon ti ava dir  petet anliny avek sa ki Onorab Pillay in mansyon zis pou nou tir tou anbigite pour ki konmsi Legzekitif pa a santi ki nou pe pran zot pouvwar, mars lo zot lipye, mon krwar petet ti ava bon pou nou tir sa mo ‘aprouve’ dan sa Mosyon.  Swiv mwan pou dir ki sa ‘’..lavant lease i ganny aprouve par en Komisyon.’’ Annou tir sa mo ‘aprouve’ annou met, ‘’pas atraver’’.  Zot sezi?  Wi pas atraver en Komisyon.     Ok, Mr Speaker, konmsi si ou swiv i ava lir; ’’Sa Lasanble i pas en rezolisyon ki demann Gouvernman pou enterdi okenn lavant e lease later Gouvernman amwen ki sa lavant, – slash ‘’lease’ -’ ok? ‘’I pas atraver en Komisyon ki pou annan en Manm Egzekitiv Lasanble Nasyonal E Sekter prive lo la.  Ok?  Mon propoz sa pti lamannman ki ava… Avek sa Mr Speaker mon anvi senpleman dir ki sa ki nou pe fer i istorik, me sa ki nou pe fer ozordi nou ape dir direkteman nou later, Sesel nou anvi ki Seselwa e byensir envestiser pe kapab zwir me solman pa ki nou later i ganny partaze gos/drwat konmsi i propriyete prive anba Lartik 26.  Mersi bokou Mr Speaker.

 

            (APPLAUSE)

MR DEPUTY SPEAKER

Mersi Onorab Ramkalawan.

Onorab Simon Gill.

 

HON SIMON GILL

Mr Deputy Speaker, mersi.  Zis ankor en fwa mon pe komans testify zis lo serten pwen ki Onorab Ramkalawan in demann mansyonnen dan Minister-Ministry of Land Use and Habitat ou ti  annan ou 2 Seksyon oubyen 2 Divizyon pou etre presi Later i diferan e Housing i diferan. So mon ti Director-Direkter Zeneral Housing non pa Later. So si dan sa bann peryod letan mon‘n la kot Housing pa Lands si i annan serten keksoz pou Housing pou mwan reponn mwan mon a reponn mwan depi yer mon dir mon pare mwan.  Mersi bokou.

 

MR DEPUTY SPEAKER

Mersi Onorab Gill.  Onorab Ferrari-vitman.

 

HON JEAN-FRANCOIS FERRARI

En pti presizyon-en pti presizyon nou dan sa faz disclosure la, Onorab Gill se ou ki ti ansarz Housing ler sa $4.5milyon ti perdi dan sa proze Perseverance?  Non, zis pou nou konnen akoz i Housing – later ti proze Housing.  No offence mon pa pe  vin rod lofans.  Mersi.

 

MR DEPUTY SPEAKER

Ok annou pa antre dan sa bann deba.  Bon in ariv ler pou nou antre lo Mosyon-Mosyon as amended.  Nou konnen i annan 2 pti amannman; i annan en bout ki’n ganny retire; i annan en lot pti amannman ki’n rantre.  Nou a pran en vot lo Mosyon as amended.  Tou Manm ki an faver?  Madanm Clerk?

 

MADAM CLERK

Mersi Mr Deputy Speaker.

Avek plezir full house.  28 Manm.  Mersi.

 

MR DEPUTY SPEAKER

Mersi Madanm Clerk savedir Mosyon in pase.  Bon mon pe demann en pti pe petet mon’n anvoy en pti note kot Onorab Valmont pou regard son Mosyon ki next in line.  I dir mwan i ti a kontan petet fer en komansman prezantasyon, me solman bear in mind ki semenn prosenn nou pou annan zis Mardi Sitting akoz Konferans SADC i pe komanse Merkredi, e son semenn answit tou le de  zour nou pou napa Sitting; Konferans ki pran en lot lanpler ki  pou vini.  So si ou komanse i annan posibilite ki Mardi prosen ou pa pou kapab kontinyen e  nek dan 2 semenn-3semenn.  So Onorab Valmont?

 

HON JUDE VALMONT

Yes Mr Depite.  Si ou get sityasyon semenn ki vini, alor mon prefere nou anvoye ki nou ava ganny en full diskisyon apre.  Mersi.

 

MR DEPUTY SPEAKER

Ok?  Yes Onorab  Ramkalawan.

 

HON WAVEL RAMKALAWAN

Mwan mon a dir ki mon kapab dir ki nou annan letan la e lo nou kote-lo nou kote pou napa bokou nou ki pou entervenir e mon krwar ki  sa Mosyon nou konpran  lespri son Mosyon e mwan mon ti ava dir annou pran en pti Break la e apre sa dan 4er nou ava ale pran en pti tas dite vit, vit e apre sa nou vini nou donn li sa 1erdtan. Nou donn li sa 1erdtan e nou regarde kot nou pe ale  e antretan sa 2 Leaders nou  ava koz ek kanmarad pandan Brak parski  nou konpran nou konpran son rezondet son Mosyon e  pou napa okenn problenm lo nou kote pou donn lankourazman; e 1erdtan nou regarde kot nou ale parski 1erdtan en kantite keksoz e si fodre i roll over nou ava roll over.

 

MR DEPUTY SPEAKER

Petet  mon a zis enform zot ki nou pa’n kapab pey bis ozordi,  otan posib nou pa pe overload kestyon pour Mardi mon krwar-mon panse ki en tentative Order Paper ki’n ganny sirkile la deza.  Pa ankor?  Ok mon pe mazin en maximum 4 a 5 kestyon pour Minis e si nou  pe al anvi pran Mosyon Onorab Valmont nou kapab posibilite fini Mardi apre midi.

 

HON WAVEL RAMKALAWAN

Mr Speaker sa osi tou i en lot keksoz ki nou ava koze nou 2 Leaders pou ki semen prosenn kekfwa, lefe ki nou kit Question Time lo kote e nou pran zis Mosyon pou nou kapab klersi en pe bann Mosyon  ki’n la depi 3 semenn-4semenn.  Mersi.

 

MR DEPUTY SPEAKER

Ok ,Onorab De Commarmond

 

HON CHARLES DE COMMARMOND

Wi Mr Deputy Speaker, mon krwar  nou al dan sa direksyon nou zisteman petet Mosyon i pou sa mover la si i ok avek li, mwan mon krwar where there i s a will there is a way.  Nou pa fer okenn polemik avek sa Mosyon.  Nou koz rezonableman-i ase kourt; lesansyel i ganny fer sorti e nou bouz devan.  Mon krwar ki nou fini at least sa Mosyon la e semenn prosenn nou tir sa bann lezot ouswa si nou anvi en keksoz bouze, nou kapab fer bouze mon napa problenm ek sa.

 

MR DEPUTY SPEAKER

Dernyen parol Onorab Valmont?

 

HON JUDE VALMONT

Mersi Mr Depite.  Mon’n vin la pou travay.  Nou annan sa 1erdtan, nou fer li nou prezante nou ale.  Mersi.

 

MR DEPUTY SPEAKER

Ok.  Bon nou ava adjourn ziska 4.15.  Ok?  4.15 nou retournen.

 

        (BREAK)

 

 

MR DEPUTY SPEAKER

Bon parey laranzman ki nou ti’n fer avan nou pran Break. Nou ava proceed avek dezyenm Mosyon. E Order Paper pour Mardi prosen  in fini pare avek bann amannman ki le de Leaders in dir.  E nou’n fini met an sirkilasyon. Mon a demann Onorab Valmont pour prezant son Mosyon.

 

HON JUDE VALMONT

Mersi Mr Deputy, e bonn apre midi, bonn apre midi tou koleg Onorab e bonn apre midi tou ki pe swiv. Mon Mosyon i lir konm swivan; ‘’Sa Lasanble i demann Gouvernman pour met an plas en mekanizm pour idantifye e monitor bann aktivite ekonomik ki pe deroule dan sekter formel, avek bi ed zot pour devlope pour vin bann biznes pli prospere.’’ Mr Speaker mon komans prezantasyon mon Mosyon par en leksplikasyon kwa vreman sekter formel.

Dapre definisyon iniversel, sekter formel i sa sekter ki enkli tou louvraz job. Ki pa ganny rekonnet konman bann fason ganny en sours lapey ou larzan normal e ki tax pa ganny peye.  Sa sekter i baze souvandfwa lo lanplwa casual, zournalye parey nou dir an Kreol.  Relasyon familyal, personnel ou menm sosyal dan plas  bann laranzman kontraktyel ou bann garanti formel. I enportan note ki sekter formel i en fenomenn global e reprezant en porsyon signifikan dan lekonomi plizyer pei.  Spesyalman dan bann pei ki pe devlope parey Sesel menm si sa sekter i reprezant en parti mazer dan bokou bann lekonomi ki pe devlope. Souvandfwa i ganny vwar konman difisil pour kontrole e zot poz bokou defi. Lefe i reste ki sa sekter i fer provizyon pour loportinite ekonomik vital pour bann ki tonm dan kou sosyal en pe pli ba dan sosyete e kontinyelman grandi dan bann, dan lemonn depi bann lannen 1960.

Souvandfwa bann ki dekrir sa sekter i dekrir koman sa enn ki napa stabilite lanplwa, napa sekirite travayer, e sekirite sosyal. Mr Deputy normalman sekter enformel i fasil pour antre ladan, fasil pou trouv louvraz. Kondisyon lanplwa i enstab, relasyon anplwayer, anplwaye mazorite fwa i pov oubyen enstab i lo en nivo ki pli pti. Souvandfwa bann ki dan sa sekter pa bezwen bokou skill, la pli par skill ki ganny konsevwar i pa depann lo sistenm ledikasyon formel.

Realite avek sa sekter formel se ki i donn loportinite lanplwa, redwir unemployment e underemployment. Me souvandfwa saler ki travayer i gannyen, i ase ba.  Mr Deputy, i enportan ki tou ki pe swiv i ganny mwan kler. I pa mon lentansyon fer nou Gouvernman pini personn ki deza anrezistre koman en biznes formel. E sirman pa bann ki dan sa sekter li menm. Lespri par deryer mon Mosyon se pour lans en deba dan nou Lasanble avek bi pour sey trouv bann fason pratik pour ed nou Gouvernman trouv diferan fason pour zisteman idantifye e konpran bann pti biznes ki form par sekter formel. Dan sa direksyon, nou ava kapab propoz bann meyer fason pour ki sa sekter i ganny byen monitor, afen ki tou bann ki enplike i a kapab agrandi e ganny bann garanti konkret pour zot vin pli prospere.

Permet mwan Mr Deputy pour prezant nou Lasanble avek en pe statistik ki mon’n anmase sorti kot Biro Statistik pandan resers pour mon Mosyon. Popilasyon Sesel i apepre 90mil zabitan. Nou lafors travayer i apepre 52mil 152 avek 33mil 344 dimoun ki anploye  dan sekter prive, to unemployment i apepre 5.8 poursan. I annan apepre 6mil 702 MSME’s, ki vedir Micro Small e Medium Enterprises ki anrezistre formelman. SEnPA i anrezistre omwen 2mil 507 license pour Craft e cottage industries. Share total bann private MSME’s i apepre 68.85 poursan lanplwa total. Statistik anmase par Revenue Commission an 2015 i endike ki lakantite konpani ki tonm dan kategori MSME’s i konm swivan; Micro i 5mil 806 apepre 85.5 poursan, pti lantrepriz i 602 apepre 9.7 poursan, mwayen lantrepriz i annan 157 2.5poursan.

Mr Deputy i vreman enportan pour fer mansyon ki Gouvernman in kontinyelman met zefor pour ed tou bann MSME’s. Minister Responsab pour Devlopman Lantreprenarya e Linovasyon Biznes i travay avek diferan lazans pou fer koleksyon lenformasyon lo MSME’s prensipalman Seychelles Revenue Commission, Registrar, Licensing e SEnPA.

I bon note ki SEnPA ki sa lazans kot bann cottage ou home industries i bezwen anrezistre avek. Sa i permet monitoring aktivite dan sa lendistri e an retour permet zot ganny akse avek kredi. SBFA i osi zwe en rol enportan dan devlopman bann pti biznes e micro enterprise. Kreasyon SBFA se pour fasilit akse avek kredi pour sekter formel anvi ki mazorite labank komersyal pa donn sa opsyon. Pandan ladres Leta Lanasyon le 14 Fevriye sa lannen, Prezidan Faure ti anonse ki Gouvernman atraver SBFA pour donn en SEEDS Capital lavaler 50mil roupi avek tou pti e mwayen biznes ki fek komanse e ki a satisfer sa kriter. E resaman nou’n vwar lanons ki’n ganny fer lo SBC. Mr Deputy dan mon resers mon’n konstate ki i annan serten difikilte ki sa bann MSME’s i fer fas avek.

Mon a sit serten legzanp lespas pour biznes i tre limite e souvandfwa sa ki i annan i tro ser. Kou litilite fasilite Internet i reste o, fasilite akse ek ICT i limite, nivo resers dan sa domenn i ankor ba, diversifikasyon prodwi i pa adekwat. Alors lanfaz pa vreman ganny mete lo branding e bokou fwa kalite i reste en defi. Kou loperasyon i ankor o ki fer ki pri prodiksyon lokal pa konpetitiv konpare avek prodwi enporte. Marse lokal i pti, alor sa i fer ki prodiksyon lo gran kantite i pa sitan fezab e pa rantab. Supply kontinyel materyo brit i manke. Birokrasi i osi reste en problenm. Mr Deputy la mon pe koz lo lakantite letan ki pran  pour en biznes konmanse li menm. Akse avek finans i limite e souvandfwa tarde, napa bokou lenstriman inovativ an faver MSME’s par bann labank. Mazorite fwa bann ki anvi konmans en biznes napa sa fon pour konmans avek e labank zot kontinyen ensiste lo garanti.

Alors Mr Deputy Speaker an regardan sa bann difikilte ki sa bann mikro pti e mwayen lantrepriz i fer fas avek toulezour, i pa drol ki nou war en sekter formel ki kontinyen grosi an kantite. Pandan bann vizit regilye ki mon’n fer dan mon distrik, mon’n dekouver ki sa sekter i vreman aktiv e pe grosi ase vitman. Biznes ki egziste i varye, depi mekanisyen, sarpantye, prodikter snacks parey samoosa e gato piman, hairdresser, koudriyez, eksetera.

Ler mon konsilte souvandfwa sa bann defi ki ganny souleve i ganny rezonnen partou dan Pointe Larue e dan Sesel an zeneral. Son lefe limedya se ki kontribye pour dekouraz en endividi al devan pour formaliz son biznes. Mon osi, mon oule osi met a latansyon Gouvernman ki parmi sa bann kontrent i annan 2 ki mon konsider pli kritik.

Nimero 1; se akse avek kredi ou finansman, par egzanp en loan pour biznes pour aster en later ou en lakaz, pou fer renovasyon ou amelyor zot fasilite pour zot biznes, pour aster en mwayen transpor eksetera… 2enm nou’n tande Mosyon pli boner in mansyonn lespas, e sa i enn ki mon’n trouve i vre. Se lespas pour agrandi zot biznes i vreman limite. La mon ti a kontan profite demande eski plan pour relocate Lekol Segonder Pointe Larue i ankor la? Eski lentansyon nou Gouvernman pou konverti sa lekol an en sant mikro lantrepriz pour benefisye nou bann zabitan.

Petet sa Mr Deputy i a vin konman en motivasyon pour tou, me par kont in osi annan bann lezot defi ki’n ganny port an mon latansyon par bann ki dan sekter formel. E menm bann ki formelman anrezistre koman bann MSME’s. Sa bann konsern i tel ki diskisyon avek vwazen, presyon sorti kot bann lazans tel ki sanniter, Licensing e menm lanplwa, problenm travayer eksetera. Finalman Mr Deputy avek sa pti leksplikasyon, mon ti kontan demann tou mon bann koleg Onorab pour siport sa Mosyon. Pour ede lans en lapel avek nou Gouvernman, pour vin avek bann mezir konkret pour ankouraz tou bann ki angaze dan sa aktivite ekonomik. Mersi.

 

MR DEPUTY SPEAKER

Mersi Onorab Valmont, okenn Manm ki segonn Mosyon? Onorab Ernesta ou segonn Mosyon ?

 

HON PAUL ERNESTA

Wi, Mr Deputy, permet mwan osi pour, pour mwan fer mon lentervansyon dan menm lenstans.

 

MR DEPUTY SPEAKER

Go ahead Onorab Ernesta.

 

HON PAUL ENESTA

Mersi Mr Deputy. Mr Deputy.

 

MR DEPUTY SPEAKER

En moman, en moman yes Onorab Ramkalawan.

 

HON WAVEL RAMKALAWAN

Non, Mr Speaker mon krwar zis, i annan en zafer la Mr Speaker, Mr Deputy Speaker. Mon krwar ki nou Lasanble i bezwen vin kler lo la e ou tit se Deputy Speaker of the house. But letan ou asiz dan sa sez you are the Speaker, but the, the, the tittle ki nou bezwen donn ou, lo nou kote osi tou. mon pe dir sa pour nou tou letan ou asiz la you are the Speaker. Alors i keksoz pour nou, pour nou adres ou koman Speaker.

 

MR DEPUTY SPEAKER

Ok, mon pa ti pe vreman mind sa akoz mon krwar tou manm i pe montre respe to the Chair. Me si zot oule adopte koman en norm i ok, nou adopte akoz enn fwa ki ou asiz anler la you are the Speaker. Ok, ki nou tou nou ava, nou tou nou ava anliny non. Annou kontinyen Onorab Ernesta.

 

HON PAUL ERNESTA

So, mon pour apel Deputy or Speaker now, i kapab interchangeable right?

Mersi ankor Mr Speaker sa Mosyon anmennen par Onorab Valmont, i enn ki mwan mon get li ase sansib. Me sa i depandan dan ki konteks ki nou get li, letan ou dan lizye lotorite sa pour sekter enformel i ganny gete koman abnormal. Me pour bann pratikan zot menm pour zot sa i normal. Basically sa Mosyon parey mover Mosyon in dir, i pe demann Gouvernman pour met an plas en mechanism pour kapab idantifye e monitor bann aktivite dan sekter enformel.

Mr Deputy ozordi nou lekonomi i enn ki ase frazil, i pe ganny menase par bokou diferan fakter entern en osi eksteryer. Bokou lenstans nou isi dan sa Lasanble nou’n pronons nou, nou lo sa size kot nou’n demann Gouvernman pou pran tou mezir neseser pour redres nou lekonomi e osi, pour ede amelyor lavi nou bann dimoun. E an menm tan les mon a fer remarke Mr Speaker ki dapre resers in prouve, ki sekter enformel i en sours ki kapab ede par redres lekonomi e osi pour amelyor lavi nou bann dimoun. Mon dir sa, akoz dan sa sekter si nou fer en tour lorizon nou pou vwar ki i annan bann pti biznes ki kapab anmenn bokou reveni adisyonnel pour pei si zot ganny bann bon lankadreman e sipor.

E i osi provide bokou loportinite lanplwa pour nou bann dimoun. Mon dir sa akoz letan mon gete dan sa sekter mon realize ki i annan en levantay lekspertiz. Parey Onorab Valmont in dir sa i varye depi bann skills e osi bann unskill workers letan nou, la letan nou pe get bann unskill workers ek bann ki osi annan bann dimoun ki pa’n neseserman pas dan, dan, dan ledikasyon enformel. Me ki zot kapab fer keksoz avek zot lanmen, me dan mazorite ka letan nou gete. Sa bann endividi zot osi dan lanplwa, an dot mo bann ki pa pe neseserman annan en reveni stab.

Pour al pli lwen ankor Mr Deputy, tou sa bann kategori dimoun i enplike dan diferan kalite pti biznes parey ankor ki’n ganny mansyonnen lagrikiltir, ortikiltir, mekanisyen bann, dan bann pti biznes aste revann lakwizin, artizanal, touris e plizyer pti kalite biznes. Sa bann dimoun Mr Deputy, letan zot antre dan sa tel aktivite, i pa en keksoz ki si oule i zot swa. E at times ou vwar zot baze lo sirkonstans ki fer zot tonm ladan. I annan ozordi i annan bann Polisi ki anpay bokou nou bann pti dimoun. Annou get par egzanp en dimoun ozordi ki anvi dan…., parey nou konnen ozordi fer zot bann pti stall kwi manze letan i annan bann aktivite anvil zot ale zot van zot manze nou vwar zot ozordi i ganny difikilte pour zot kapab vann sa bann, zot bann prodwi, akoz bann kondisyon ki ganny met devan zot par lasante ki pe demann zot en bann, zot bezwen meet en bann kriter pour zot kapab a lafen kwi zot manze pour zot kapab al vann.

Par egzanp, en senp pti dimoun ki pe vann, ki dan en stall nou konnen sa i fer once in a while letan i annan aktivite, ou vwar ki zot ganny demande pour zot bezwen fer en lakwizin separe deor pour zot kapab kwi zot manze e apre parey mon’n dir pour zot al vann. E osi i annan sa laspe lespas parey ki’n ganny mansyonnen. Ozordi en dimoun, en zenn pti antreprener i anvi fer. Par egzanp mon konn en garson en zenn Takamaka i fer mekanisyen ozordi i pe ganny difikilte pour li kapab ganny en landrwa pour li kapab fer son, son aktivite mekanisyen. I bezwen sorti dan distrik ale al fer sa aktivite dan en lot landrwa e kan i ti kapab fer sa dan distrik menm e provide sa servis dan distrik e sa ti pou kapab fer li kout pli meyer marse e fer li kapab travay en pe plis e donn en pe pli servis nou bann dimoun.

E osi parey Onorab in ganny mansyonnen bann kondisyon fin baryer de fon ki’n mete lo sa bann dimoun. Par egzanp en dimoun i anvi pran son pti loan pour li fer en pti biznes en senp pti biznes, pe demann li sepa kantite pour santaz i bezwen kontribye towards sa loan avan ler ki li i ganny sa loan. E sa Mr Speaker i bann fakter ki vreman dezavantaz sa bann dimoun pour zot kapab antre dan sa biznes. Baze lo tousala e bann diferan rezon ki’n ganny mansyonnen Mr Speaker. Lefe i reste ki sa bann lantreprener ozordi zot pe fer fas avek bokou difikilte dan zot aktivite. Sirtou parey in ganny mansyonnen sa laspe finansyel kot la nou demann Gouvernman konsernen pour zot kapab pran mezir e fer keksoz dan sa direksyon. Osi pour revwar bann Polisi ki kapab ankouraz sa bann dimoun pour zot fer fas dan pour zot kapab partisip, angaz zot dan sa bann aktivite. Letan nou al pli lwen bann dezavantaz ki sa i kapab anmennen i fer ki son retonbe letan sa bann dimoun, dan sa bann pit biznes, i afekte nou bann konsonmater.

Dan ki fason ki sa i afekte nou bann konsonmater ; par egzanp, parey pli boner mon’n mansyonnen en prodwi ki ti kapab kout pli meyer marse ase meyer marse, nou vwar sa, prodwi i vin bokou pli ser akoz dimoun i bezwen kapab kouver son bann, son bann depans. E apre osi nou koz kalite e li osi i kapab annan en retonbe lo kalite servis ki sa bann, sa bann dimoun pe donn nou konsonmater.

Alors Mr Deputy se dan sa lespri ki mwan mon pe anmenn mon sipor pour, pour sa Mosyon e pou demann tou nou bann koleg isi dan Lasanble pour kapab anmenn sa sipor anfen ki nou kapab trouv en meyer solisyon pour nou bann zenn, pour nou bann pti antreprener ki zot pe sey debrouye. E osi ki zot kapab afen ganny sipor neseser avek lotorite konsernen. Mersi Mr Deputy.

 

MR DEPUTY SPEAKER

Mersi Onorab Ernesta. Onorab Aglae.

 

HON EGBERT AGLAE

Mersi Mr Speaker, bonn apre midi tou dimoun, bonn apre midi tou sa ki a lekout.  Mr Speaker mon pou donn mon sipor sa Mosyon, akoz i annan en merit ladan. Ki fer nou rapel ki letan 2008 lenstans Sesel ti anba lo reform ekonomik ti annan sa ki nou ti apel en depar volonter. E an menm tan ti annan en term ki ti ganny antase swivi avek se ‘’Lev-e debrouye.’’ E letan sa bann depar volonter ti arive, i annan sirtou bann ki ti annan en pe larz ki ti’n sot sa 55an. Me ki zot ti annan serten skills, zot ti annan serten leksperyans zot ti war zot lans zot dan serten aktivite ki pou kapab anmenn zot serten benefis, serten larzan ki zot a kapab kontinyen pey zot bann det ed zot fanmir, kontinyen progrese.

E se dan sa lespri ki nou’n vwar en nesans kot sa bann sekter enformel in ariv a en fason a en pti pe pli o dan nou pei. E si nou pou demann en kestyon si pou annan son merit pour sa bann kalite sekter, wi i annan son merit. Petet bokou osi i a kestyonnen akoz ki nou bezwen pe lager pour sa bann pti kategori koumsa.  Se ki dan lavi, dan lasosyete kot nou’n arive i annan diferan standar. Petet i annan dimoun li ki swazir al dan bann gran letablisman ouswa dan bann gran konpannyen, dan bann gran lezot biznes pour zot al aste serten prodwi ouswa al rann en serten servis dan sa bann landrwa.  Me i annan nou bann pti dimoun ki i ankor petet mwayen ki vwar li i relevan pour li al kot sa bann pti sekter enformel pour kapab ganny en pli bon deal baze lo zot mwayen.

E se sa lespri ki sa bann dimoun ki pe fer sa bann aktivite dan sekter formel pe anmennen benefis pour tou dimoun dan pei. Tou distrik i annan dimoun ki pe travay dan sekter formel ki swa dan son pti cottage, ki swa dan son pti mekanik, pti latelye kou seve, bann pti Salon kot lakour ki nou pe vwar, bann pti snacks ki ganny, ki ganny, ki ganny fer, bann pti aste revann parey nou dir i annan bokou keksoz ankor.

E de la Mr Speaker sa bann dimoun malgre zot pe fer tou sa bann aktivite, zot annan serten defi byensir ki zot fer fas avek. E se la kot Mosyon pe demande kot Gouvernman i kapab met lizye lo sa bann pti sekter, sa sekter formel pour fer sir ki sa pilye dan sa pti lekonomi i kontinyen bouze.

Petet a lavenir ki si mwayen permet, sa bann ki pe fer sa bann aktivite i ava ganny loportinite pour li bouz devan. E de tou si nou mazinen bokou dimoun ki’n konmans en biznes ki ozordi i annan gro biznes i ti konmans avek en pti aktivite ki ti ganny fer petet kot li kot son paran ouswa kot son vwazen e ozordi bokou in shine.  In  vin en biznes ki rantab in vin en biznes ki popiler.  Alors Mr Speaker ler nou pe koz lo sa bann pti sekter formel la parfwa ler ou koz ek sa bann dimoun ki deza dan sa bann aktivite. Zot annan bann kontrent ki bann serten Lazans, Lazans ki tel ki Lazans Licensing, tel ki lanvironnman, lasante, bann lanplwa, tousala kot i annan serten Polisi. I byen ki nou annan Polisi akoz Polisi i byen ki la akoz li i ede met en laliny drwat ki kre en lord. Ki dimoun nenport ki pa fer sa ki li i anvi. Me parfwa serten Polisi i defavoriz lavansman sa bann pti dimoun koumsa. E se sa ki nou ti a kontan lans en lapel ki Gouvernman osi i konsider serten leniency anver sa bann kategori pour fer ki sa bann dimoun i kapab bouze.

I annan en konponan casual ki nou koz lo la ki annan sa bann dimoun ki dan sa bann sekter formel, zot pe ede absorb sa bann dimoun sa bann lanplwa lo en baz casual. E nou, nou koz bokou lo bann keksoz, nou dir dimoun travay, nou dir dimoun aret mandyan, nou dir dimoun aret vole, e sa osi sa bann sekter pe kree serten lanplwa. En keksoz osi ki nou mazinen Mr Speaker nou tou nou pou ariv en laz retrete petet en lankadreman osi atraver sa Mosyon ki ava ankouraz sa bann dimoun pou pey zot sekirite sosyal menm zot casual worker ki demen ler zot deside pran zot retret, zot annan en pti keksoz par kote pour zot kapab sirviv ouswa ed zot, sonny zot fanmir lo la.

Alors Mr Speaker sa Mosyon li menm pour tou bann dimoun ki deza dan sa sekter ki nou bezwen ankouraz zot i bezwen annan en swivi par deryer zot a en pwen ou en lot. Pa direkteman toulezour me selman lo en baz kot nou pe vwar ki kalite aktivite ki zot pe fer, e ki zot neseserman pe tonm dan sa norm ki pa pe kas okenn regilasyon ouswa okenn kondisyon ki tou bann lazans, ouswa  bann Minister i reflekte.

Mr Deputy Speaker, Mr Speaker nou annan bann aktivite tel ki parey i annan dimoun ki pe fer, i annan bann teachers ki’n retire ki pe donn extra class. I annan serten dimoun ki pe fer apre ler, apre son travay ki deside li i fer parey serten backyard farming. Nou annan osi ki al bazardye parey nou dir dan Sanmdi zot osi zot bezwen ganny kouver dan sa sekter e zot osi zot bezwen ganny en lankourazman pour zot avanse.

E ler ou koz avek tou sirtou i annan bann kouper zerb ki ou vwar pase avek zot masin pou al lakaz a lakaz zot pe rann en servis dan lakominote, zot pe ede pou fer sir ki nou lanvironnman i reste prop. Nou vwar bann dimoun ki pase par ler osi parey nou dir pe anmas pet, me zot pe ede ki nou lanvironnman prop. Alor Mr Speaker sa bann kategori dimoun, menm si nou pa kapab direkteman fer zot vin formel zot annan en merit dan nou sosyete. I annan en travay ki zot pe fer tou travay parey nou dir i annan son valer. Mr Speaker alor mon pou siport sa Mosyon pour sa bann dimoun kapab zot osi kontinyen bouze kontinyen al de lavan. Mr Speaker mon dernyen ki mon le koz lo la se nou konnen Sesel avek, nou’n koz lo later taler bokou nou bann lakaz ozordi pe ganny konstri dan bann Housing Estate.

E ler ou pe gete nou annan bokou bann profesyon ki sa bann dimoun ti a kontan fer. I annan petet pa parey i annan petet ki al dan pti maintenance, me selman lespas, lespas pour li store son serten keksoz. Son serten komodite serten lekipman i napa i annan dimoun ki petet i fer en pti langar par kote. Me ler i fer nou vwar PMC i monte lotorite i vini i dir li i bezwen sorti i bezwen bouze. Kestyon se ki nou demande ki mannyer ki li i pou kapab kontinyen fer sirviv. Nou pe dekouraz welfare nou, nou pe dir dimoun aret al lo welfare. Mon krwar nou bezwen annan en armonizasyon kote ki nou draw the line e kote ki les dimoun fer serten keksoz. E si nou pe les dimoun fer serten aktivite dan rezidansyel, annou tonm dakor lo en baz ki kalite ki zot vini annou pa zis dekouraz zot fer zot sorti. Annou donn zot en solisyon, annou refer zot kot i neseser en mannyer ki zot kapab kontinyen lev-e debrouye en sonny zot fanmir. Mersi Mr Speaker.

 

MR DEPUTY SPEAKER

Mersi Onorab Aglae. Onorab Henrie.

 

HON GERVAIS HENRIE

Mersi Mr Speaker, Mr Speaker letan mon’n ekout le 3 entervenan enkli Mover Mosyon, mon dakor avek serten bann largiman ki’n avanse. Selman nou bezwen, akoz ki arive mon pe note tou bann, bann legzanp, bann louvraz ki zot pe donnen letan zot in entervenir. Akoz letan nou koz sekter enformel, i annan en definisyon tre, ki mannyer ou kapab apel li akademik syantifik ki ILO i donnen pour sekter enformel ki sa Mosyon pe koz lo la. E i senp i dir ou zot pa pey tax ; zot pa ganny monitor par leta e zot kontribisyon dan lekonomi i pa form parti dan kalkilasyon gross national product.

Now, mon servi en term ki en lot Manm i kontan servi dan Lasanble. Dan serten ki zot in mansyonnen si ou anrezistre ek SEnPA si ou anrezistre ek nenport ki ou pe ganny monitor. Ou pa form parti sekter enformel savedir lemoman ki leta Sesel i konnen ou en pti craftsman ou pa form parti sa sekter enformel.  Mon repete pour bann dimoun ki pe ekout nou se ki ler nou pa pey tax, (2) ou pa dan en sekter ki pe ganny monitor par Leta e whatever ki ou pe kontribye i pa form parti kalkilasyon pour larises pei. Be selman sekter formel i egziste Sesel.  E i en, dan lemonn antye i en gro sekter, i en gro biznes anfet.

E anfet ILO i estimen ki son lanpler koman en poursantaz GDP dan lemonn i 41 poursan.  Savedir ou kapab mazinen ki kalite larzan ki pe pas dan sekter lekonomi enformel.  E i annan bann pei ki’n annan bann letid aprofondi ki’n ganny fer lo sekter enformel pour zot kapab konpran son lanpler.  E mon apresye ki Mover Mosyon i donn nou serten statistik be selman dan konteks Sesel still i pa kler.  Aprezan zot pe dir ou ki bann rezyon dan lemonn ki sekter formel i pli gran se rezyon Sid Sahara dan Lafrik, 2enm i vin Mwayenn Oriyan apre i vin Nor Lafrik.  E ou fini war la ki kalite pei sa, i pa bann pei devlope. E akoz kekfwa zot fason gouvernans laba i enn bann rezon osi ki fer ki sa sekter formel i fleri dan sa bann pei.

Alor bann pei ki zot in fer sa bann letid a profon ki mon pe dir, zot pe dir lakantite dimoun ki partisipe i varye ant 30 a 60 poursan.  Sa i enkli Sid Lafrik, Nigeria, Tanzanie, Zimbabwe. Mwan a donn serten legzanp en. Egypt i dir ou 33 poursan zot workforce i dan sekter enformel, La Tunisie i 35.4 Ghana ki mon war menm en pe drol menm pour mwan krwar i dir ou 88 poursan zot workforce i dan sekter enformel, Zimbabwe i 60 poursan.  Prezan konpar sa avek L’Angleterre ki zot apel li laba shadow economy zis 12 poursan. Ou vwar akoz L’Angleterre i en pei tre avanse e zot monitor bann keksoz selman i 12 poursan. Tandis Leta Ini li i selman 8.4 poursan.

Alor ou vwar ki mannyer depandan ki bor ou ete dan lemonn ki mannyer sekter formel i enportan.  E zot dir pou dir dan Lafrik sirtou dan bann lannen ‘90 kot bokou pei zot lekonomi in konmans liberalize se la ki sekter formel vreman in take off. E i dir ou 93 poursan nouvo lanplwa ki’n ganny kree lo kontinan Lafrik apre bann lannen ‘90, ‘93 poursan nouvo lanplwa se sekter enformel. Alor pour retourn ankor lo sa definisyon, enformel ki ILO i dir, i dir ki i bann aktivite ekonomik ki pa ganny kouver dan bann lagreman swa laranzman formel an term Lalwa ouswa regilasyon.

E be selman i enportan sa sekter lekonomi enformel i telman enportan, ki zot pe, bann lorganizasyon enternasyonal par egzanp ILO World Bank menm Labank Afriken zot pe ankouraz bann Gouvernman atraver Lafrik sirtou, pour zot port en latansyon spesyal lo sa sekter. E dan Sesel letan mon pe mazinen, mwan mon pe mazin bann dimoun par egzanp ozordi i annan bokou painter. Zot pa anploye ek personn zot, zot zis mon pe rod en painter zot vini zot fer sa pour mwan. Bann boug ki koup zerb, ki koup dibwa, menm serten ki vey zanfan, be ler nou koz vey zanfan selman mind you i annan IECD si mon’n byen dir la, sa Pti Anfans la pe konmans monitor.  Selman en dimoun ki vey enn ouswa i vey de i pa ganny monitor li, savedir li i dan enformel, me lemoman ki ou ariv senk ou bezwen vin dan formel.

Bann dimoun ki fer sarpantye souvandfwa i aranz en sez isi en laba, plonber be mekanisyen, eski mekanisyen i tonm dan enformel akoz mon ti pou kontan mwan anmenn mon transpor kot en boug ki mon konnen Licensing i konnen i egziste, akoz an ka i ariv en problenm avek mon transpor. Bann boug ki koup seve kekfwa si i pe koup dan distrik, si non si zot anvil la kot zot bezwen pey lokasyon, so they are being monitored sa bann dimoun. Bann ki aste revann mon kapab krwar be selman probableman zot pe vann se zot be si zot pe lwe en landrwa anvil ankor, zot pe pey en keksoz avek SRC ouswa zot pe pey en rent savedir zot pe ganny monitor.

Prezan bokou dimoun in mansyonn dimoun ki kwi manze e mon pou dezagree avek zot la. Akoz le moman ki ou pe met lanmen dan manze  sa i sansib pour lasante dimoun e i enportan ki SEnPA i konnen ou pe fer sa Minister Lasante i vin tyeke, ou bezwen ganny bann permisyon legal alor ou pa kapab enformel. Ou bezwen formel dan kwi manze akoz se lasante piblik e alor nou bezwen, nou bezwen tir zot ladan. Bann dimoun ki donn bann laklas bokou bann manrmay ki pe fer A Levels liniversite pour zot ganny en pti larzan i tonm, i tonm ladan. Savedir nou kapab met zot dan sa kategori enformel.

Prezan en sekter ki bokou dimoun pa’n, personn pa’n mansyonnen se taxi pirat. I annan apepre 400 dimoun ki dan taxi pirat i en sekter enformel. Selman i pa vedir ki zot pa pe kontribye dan lekonomi tou sa bann sekter ki nou’n mansyonnen. Akoz par egzanp zis par taxi pirat la kot zot ete anvil letan zot pey sa parking coupon la zot pey zot 250roupi par mwan. I fer zot 3mil roupi par an, konpare avek en drayver taxi ki li i pey 500 roupi pour 1an. Savedir ou war i pe kontribye i pey fuel i pey road tax, i pe kontribye li selman i pa pe ganny monitor apre i pa pe pey tax.

So, be selman prezan nou bezwen, savedir demann nou lekor be apepre konbyen Seselwa ozordi ki dan sekter enformel sa i en kestyon ki mon ti ava kontan konn larepons. E wi bann karakteristik lekonomi enformel parey mon’n dir zot pa pey tax.  Be prezan si ou, ou ganny anploye avek en dimoun ki pe, ki’n met ou dan sa lekonomi enformel la, mon konn en dimoun letan mon pe koze mon mazin li i travay kot en boulanze. I ganny peye anba latab prezan i fer ki sa bann dimoun ki dan sa bann sekter la zot bezwen fer atansyon. Akoz i fasil pour sa dimoun par egzanp pey ou par anba minimum wage ki preskrir par lalwa dan Sesel.

Ou napa sekirite lanplwa ou parey nou ki la anndan i pa garanti ou kapab par egzanp ganny forse travay overtime ouswa forse fer shift. Si ou ganny pouse, ou pa pou ganny notis ou pa ganny konpansasyon e souvandfwa ou kapab travay dan bann kondisyon ki tre riske. E demen ou ariv ou en keksoz kot ou ale, ou pa kapab al okenn par. Alor i bon san bon ki ou dan sa sityasyon, wi ou kapab ganny en pti larzan vitman, be selman son reperkisyon i kapab en pe problematik pour ou.

Be selman parey mon’n dir i enportan ki Gouvernman i konpran lekonomi enformel pli byen. Dan lezot pei zot in fer letid aprofondi dan konteks Sesel kekfwa i osi i enportan pour nou fer sa. Sirtou pour nou kapab konpran son rol e kontribisyon dan lekonomi kote nou bann zenn e madanm parfwa pe travay, ki alor i kapab eklere dan bann konesans zeneral dan pei. E parey mon’n dir i sa sekter pe sitan agrandi ki konmela bokou dimoun avek menm en o nivo ledikasyon, pe swazir pour zot al dan sekter enformel.

E sekter enformel mon dakor avek loter Mosyon i baze sirtou dan kominote e nou letan konman MNA nou pase dan distrik nou war sa bann dimoun ki dan sa sekter.  E si nou get li de pre, i ava donn nou en lendikasyon sirtou nou konman bann politisyen e osi bann dimoun ki dan policy makers, bann policy makers zot regard sa byen nou a kapab vwar realite nou pei ki mannyer i pe ale.  E lavantaz pour anmenn sa, sa mekanizm la ki Loter Mosyon pe koz lo la. Enn se ki i vre si demen nou trouv mekanizm pou fer sa bann dimoun kontribye dan en fason ki ganny regulate par egzanp atraver tax, i ava anmenn en pe plis reveni pour pei ki nou prezan Sesel koman en Leta nou ava kapab envestir dan sa ki zot pe kontribye pli byen, dan servis piblik. Enn bann keksoz ki sa sekter formel i fer byen ki zot pe vreman zot in, zot in kontribye pour fer Sesel par egzanp dan domenn teknolozi lenformasyon ek kominikasyon avanse se mobil, en telefonn portab.

Sa bann dimoun i servi sa en kantite par egzanp taxi pirat tou zot bann kliyan i bezwen call zot. Bann dimoun ki aste revann nou vwar lo rezo sosyal sirtou Facebook kot zot pe market zot bann prodwi. Savedir menm si zot dan sekter enformel, me selman zot pe servi sa platform ICT ki in kontribye dan bann statistik ki’n pous Sesel konman enn bann pei ki pli avanse dan domenn ICT. Difikilte i reste pour zot dan kestyon akse avek finans. Be selman mwan mon konn en dimoun an partikilye ki’n konmans dan sekter enformel in fer telman byen i ti rizid, i ankor rizid ek son larzan sa boug. Ki prezan in bouze in al dan sekter, en sekter formel kot i pe aste revann akoz in bezwen anbelir se li fer en pti laboutik e ganny permisyon bann keksoz pou ouver en laboutik. Donk i annan sa progresyon  ou vwar ? E alor pour bann dimoun ki dan sa sekter mazinen pou dir si demen zot, zot bouze pour vin dan sekter formel. Enn bann keksoz zot gannyen se sa akse avek proteksyon sosyal. Par egzanp zot kapab ganny konze anyel zot pour ganny bann benefis sick leave, maternity, paternity leave. E dan sa laliny la mon anvi konmsi dir pou dir letan Lasanble Nasyonal i pe anmenn sa Mosyon ozordi. I pa vreman lentansyon Lasanble Nasyonal konmsi pou dir bann dimoun, pou dir ek Gouvernman tay deryer sa bann dimoun e konmans al rod zot pou fer zot pey tax. Non. Enn, konman en pei nou bezwen konnen sa sekter formel la, ki lanpler i annan lo nou pei, nou bezwen gather sa bann data koman en pei pour nou konnen.

Me pli enportan i en konmansman pour nou dir ek bann dimoun fer en pa an avan organiz ou konman en endividi,  konmans kontribye pozitivman dan lavi. Enn Fon Pansyon nou tou nou enkyet avek nou dir i pa pour soutenab dan lavenir, be ou konman sa Seselwa ki pe viv Sesel ou bezwen kontribye ladan par egzanp. Sekirite Sosyal eski i normal pour ki ou viv tou ou lavi ou kontribye dan okenn fason formelman, me selman demen zis akoz ou drwa Konstitisyonnel pou ou ganny Sekirite Sosyal alor ou gannyen. Konmsi i annan tou sa bann keksoz ki nou konman en Nasyon nou bezwen reflesir me lentansyon, sa Mosyon mon krwar mwan, i form parti sa lapel pour demann sak Seselwa pour regarde ki mannyer i kapab kontribye pli byen koman en Seselwa.

E finalman pour konklir Mr Speaker, mon ava dir ki nou bezwen mazinen met serten propozisyon alor ki Gouvernman i merit ouswa fodre pe fer.  ILO an Zen 2002 ti fer en gro konferans enternasyonal pour regard sa sekter enformel e sanz nide antre bann pei. E sa ki ILO li i, i, i demann bann pei pou fer souvandfwa se pour a pros reform dan sekter formel an regardan dan sa perspektiv sa ki zot apel travay desan. So, si ou pe garanti sa, alor i kapab fer ki ou kapab anmenn bann reform pozitif pour sa sekter.

E lanfaz se pou tir dimoun dan sekter formel e ankouraz bann dimoun pou vin bann nouvo antreprener dan zot sosyete kot zot viv, pour ki alor zot kapab kre job sirtou pour popilasyon zenn. Gouvernman i merit rod bann mekanizm pour tir sa ta dimoun dan sekter enformel e ankouraz, e ankouraz sa lekonomi formel plito, koman model lekonomi a lavenir. I merit, Gouvernman, i merit amelyor son bann servis, konmsi donn dimoun plis sekirite pour zot amelyor zot bann kondisyon travay. Me pli gro problenm ki nou annan dan sa pei se pour ankouraz labank pour ede zot osi.

Labank komersyal nou’n vwar Gouvernman la sa Scheme ki sa Lasanble in aprouve Bidze donn bann pti biznes sa larzan la ki nou’n tande dan Nouvel, la resaman i en komansman. Me Labank Komersyal osi i bezwen zwe en rol pli enportan e bann antreprener zot pli enportan zot bezwen konpran, akoz i enportan ki zot bouze evantyelman sorti dan sa sekter enformel pour vin dan enformel. E an konklizyon dan milye tousala parey en, entervenan i dir avan sa in dir avan mwan.  Souvandfwa bann dimoun i vwar zot dan sekter formel akoz nesesite dimoun i dan sekter enformel akoz zot oblize zis viv, ganny en saler. Me letid in prouve ki ler loportinite in ganny kree bann baryer i abese e drwa legal i garanti ant 25 a 30 poursan dimoun i sorti dan sekter enformel, pour vin dan sekter formel.

E ler zot fer sa zot kre lanplwa zot donn saler e asiste dan devlopman ekonomik zot pei. Alor mon ava siport sa Mosyon e dir avek bann dimoun ki sekter enformel mazinen ki mannyer zot kapab bouze pour ki zot ganny en pe plis proteksyon legal e pour zot byen a lavenir ki zot vin dan en sekter formel olye reste dan enformel kot zot ete ziska prezan. Mersi bokou Mr Speaker.

 

MR DEPUTY SPEAKER

Mersi Onorab Henrie, Onorab Waven William.

 

HON WAVEN WILLIAM

Mersi Mr Speaker, Mr Speaker mon pour aport sipor lo sa Mosyon e mon, mon kontan la fason ki sa Mosyon in ganny fraze. Akoz i pe rekonnet ki a sa sekter i egziste e ki pe dir ki en mekanizm i ganny kree pour kapab idantifye zot e monitor zot aktivite an menm tan pour ed zot.

Mr Speaker mon osi etandonnen ki mon sorti dan en distrik, mon annan plizyer sa bann aktivite.  E mwan letan mon pas lo teren mon, mon, mon ankouraz zot.  Akoz mon vwar pou dir zot, zot pe, mon kapab dir pa anvi depan lo Gouvernman, zot pa anvi depan lo welfare me zot pe rod keksoz pour zot fer pour zot kapab ganny zot lavi.  E mwan mesaz mon ti a kontan dir avek zot, se ki (1) fer zot aktivite byen, akoz i annan en bezwen.

Lontan Mr Speaker letan pei pa ti ankor devlope ou rapel manman ouswa papa ti atrap ou lanmen ou bezwen al rod barbye anvil. Me ozordi dan kominote ou annan Barbye akoz ou annan plizyer bann zenn ki kapab koup seve ou pa bezwen desann anvil zot fer sa aktivite byen. E menm bann garaz, bann pti garaz ozordi i ofer serten swa bann dimoun. Akoz dan en garaz formel ou ale ou al pey en ta larzan finalman, petet osi ou pa ganny sa bon kalite travay ou ti a ekspekte me dan seksyon enformel osi, ou ganny li bon marse i annan ki fer sa travay ekstrememan byen.

Mr Speaker sa lo sa kote sekter formel zot pa devret vwar li avek en panse negatif, akoz sa sekter enformel parey in ganny dir partou dan lemonn i egziste sa.  Partou dan bann pei pe devlope i egziste e sa bann dimoun zot, zot pa anvi mon kapab dir ganny harass zot. Zot anvi fer zot pti aktivite trankilman pour zot kapab ganny zot lavi. Alors mon ti ava demande ki atraver sa Mosyon, lotorite i ava angaz li dan en fason konmsi drastik pour harass ouswa met sa sekter anba presyon.

Akoz bokou zot, ozordi si ou get devlopman dan pei e yer mon ti pe ekout en progranm Mr Zarine li menm li in dir, akoz mon krwar li konman en konsiltan. In dir pour dir dan Sesel ozordi bann pti biznes pe fer fas avek bokou problenm. Enn par egzanp sa bann pti dimoun pe fer sa pti biznes ti a kontan ganny en landrwa. Me zot napa en landrwa zot kapab ale me kot zot, zot santi zot kapab fer li pli byen, zot pa bezwen ganny sa difikilte depans plis larzan pour lwe en landrwa. Me zot fer zot pti biznes trankilman zot ganny en pti reveni pour zot kapab viv.

Alors avek sa de pti mo Mr Speaker mon pou aport mon sipor e an menm tan demann zot ankor enn fwa kot zot pe fer zot aktivite nou konnen zot la. Sa Lasanble la fason ki i pe koze i pe siport zot me zot bezwen fer zot aktivite byen pour zot pa ganny problenm. Mersi bokou Mr Speaker.

 

MR DEPUTY SPEAKER

Mersi Onorab William, bon i reste mwan ankor 2 Manm ki’n pour entervenir plus Mover Mosyon pour wrap-up. Si zot pa pou long nou ava kontinyen e nou a kontiny sa Mosyon. Me si zot santi zot pou en pti pe pli long nou ava anvoy continuation of debate pour semenn prosenn. Mon annan Onorab Lemiel ek Onorab Heminie zot pour long zot entervansyon ? Ok, annou Onorab Lemiel.

 

 

HON SYLVANNE LEMIEL

Mersi Mr Speaker. Mr Speaker devlopman e progre ekonomik Sesel in sirprann bokou dimoun pandan sa dernyen 10an. Konsekaman Sesel in eksperyans en transformasyon enportan don son striktir ekonomik. An plis entansifikasyon prosesis liberalizasyon ekonomik in fer ki plizyer zon ek fanm in deside lev-e e al debrouye. Sekter pti prodikter mwayen Sekter pti prodikter mwayenn antrepriz, sekter enformel in pran en plas prominan pour fer grosi nou lekonomi.

Aktivite ekonomik in miltipliye. Larises Sesel in ogmante. Nou rezerv in ogmante. Nou reveni per capita income in ogmante. Sa i bann endikater ekonomik pozitiv malgre ki Sesel koman en Pti Leta Zil i kontinyen ganny prezante avek plizyer defi. Mr Speaker dan sa prosesis transformasyon ekonomik, sa ki nou kapab apel sekter enformel in pran prominans. Gouvernman ti lans en defi avek tou nou pep, en defi pour pran ownership nou lekonomi. Laport loportinite ti ouver pli gran. Dan sa konteks plizyer dimoun ti pran desizyon pour komans zot prop pti biznes kot zot lakaz.

Par egzanp konsep Cottage Industry ti ganny en plas spesyal. Plizyer zonm ek fanm ti komans vwar zot pe vin zot prop sef. Bokou ti pe komans dir, ‘’I am my own boss.’’ Bann nouvo skills ti ganny devlope. Nouvo kapasite ganny donnen. Nouvo kapasite ganny donnen avek bi asire ki sak sa bann pti antreprener i ganny motivasyon neseser e fer sikse. Mr Speaker, zour apre zour lannen apre lannen sa sekter pe kontinyen zwe en rol tre enportan, malgre par fwa i tante pour vin en pe kontroversyel, e prezant bokou defi, donnen landrwa kot sak sa bann diferan aktivite pe deroule dan kominote. San dout sa sekter i kree travay e osi redwir mankman lanplwa me dan bokou ka sa travay zot lapey i ba.  E sa travayer dan sa sekter li menm, son lanplwa pa an sekirite. Sa sekter i osi ogmant aktivite lantreprenarya.

Me par kont i souvandfwa o detriman regulation compliance partikilyerman an akor avek taks e regilasyon travay. Mr Speaker sa sekter i pe ede anmenn plis reveni kot sak fanmir, ki’n deside etablir li dan sa kalite aktivite ekonomik ; par konsekans zot kapab aste plis e konsonm plis. Mr Speaker ler mon regard distrik parey Anse Royale bann aktivite enformel i annan bokou ki pe fleri. E pe fer sikse. Me defi i reste touzour la. Sa sekter i enn ki pe grosi zour an zour. E isi Sesel mwan krwar ki nou bezwen rod en fason pour nou pli byen rekonnet rol sekter, e annan en polisi kler pour bann dimoun ki pe fer sa bann kalite aktivite.

Pour konklir, mon sizere ki Gouvernman i formaliz sa sekter. Par egzanp organiz Union pour reprezant sa bann pti kategori antreprener, e osi petet form en Korperativ. Fer zot konn zot drwa. Pli presizeman zot landrwa travay. Dezyenmman petet ti kapab konstri bann lenfrastriktir par egzanp dan nou distrik pour asiste zot par egzanp Anse Royale kot nou ava annan bann kiosk, bann pti kiosk pour donn lespas bann artizan craft e bann ki vann bann akseswar. La nou pe koz bann pti kiosk permanan.

3enm plizyer diskisyon in ganny fer lo posibilite pour konstri en lot bazar, me akoz kontrent lespas petet nou sey vwar dan posibilite agrandi bazar aktyel i kree lespas pour bann antreprener dan sekter formel, i ganny fasilite pour vann zot prodwir.

Katriyenmman petet osi nou kapab sizere ki ogmant kapasite sak sa bann pti antreprener atraver formasyon ki ede pour devlop plis zot bann skills petet dan packaging ek labelling, marketing, kontabilite, eksetera.

Senkyenmman kree oubyen reviz Polisi pour asir akse avek marse e osi pour annan en bon fason pour anrezistre zot biznes. Met an plas striktir pour donn akse avek kredi ki annan bann kondisyon favorab e ki a laporte sa bann pti antreprener. Fer swivi sistematik sak sa bann pti antreprener, avek bi redwir bann fakter negativ, ki tante pour dekouraz tou bann pti antreprener par konsekans ogmant zot potansyel pour fer sikse. Mr Speaker dan Sesel personn pa kapab doute degre lenportans nou bann zonm ek fanm ki pe travay dan sa sekter ki nou’n apel li sekter enformel. Mon antisipe ki lannen apre lannen sa sekter pour devlop ankor plis. E fer grosi lekonomi Sesel. Kreasyon larises en pei pa ariv, pa arive si son bann zonm ek fanm i deside asize e esper lasistans welfare kot Gouvernman pour nou selman kapab fer plis. Ler nou deside prodwir plis e sakenn de nou i deside zwen en rol aktiv dan sosyete. Mr Speaker i reste mwan, i reste mwan swe senser pour vwar sak nou bann pti antreprener dan sa sekter enformel kontinyen fer sikse. Mersi Mr Speaker.

 

MR DEPUTY SPEAKER

Mersi Onorab Lemiel. Onorab Herminie.

 

HON WILBERT HERMINIE

Mersi Mr Speaker. Bonn apre midi Mr Speaker, tou Manm koleg Onorab, e tou dimoun a lekout. Mr Speaker mon pour bref. Mwan a dabor aport mon sipor pour sa Mosyon ki’n ganny anmennen par Onorab Valmont. Mon krwar ki sa Mosyon i annan en lobzektif kler e ki vreman enportan dan sa pei Sesel pour Gouvernman get tou sitwayen, malgre ou sa enn ki dan sa gro biznes, ou sa enn ki dan sa pti biznes e ou sa enn ki pe fer sa bann aktivite enformel. E osi ou sa enn ki pe seye pour annan en komans en biznes. Se pour sa rezon Mr Speaker ki nou dan kote Parti Lepep, nou vwar li neseser pour en mekanizm ganny met an plas akoz nou believe ki kreasyon larises ekonomik nou pei i osi depan lo sa bann aktivite ki pe ganny pratike par tou nou bann zabitan. Mr Speaker Onorab Valmont dan son lentervansyon in anmenn plizyer rezon akoz i krwar i neseser pour Gouvernman met en mekanizm an plas ki idantifye bann aktivite ekonomik ki pe deroule dan sekter enformel.

Mon enportan la se pour idantifye e monitor. Si nou oule ed zot, nou bezwen konnen lekel zot. Si nou oule zot progrese, nou bezwen monitor zot. Mr Speaker Mosyon li menm i en Mosyon ki a mon avi i enportan pour nou bann dirizan dan distrik e osi dan Sesel. Akoz mon dir sa Mr Speaker?   Bann Onorab i ava dakor avek mwan ki ozordi dan Sesel, dan tou pti kwen lo Mahe, Praslin, La Digue ki enkli nou prop distrik ki nou reprezante, sa bann sekter enformel i egziste. Konbyen nou ki ler nou pe pase pe fer nou bann vizit dan nou distrik, nou dekouver bann zabitan ki pe fer bann pti biznes, vann asar, pti biznes fer e vann balye, kazye e menm koud rido, kousen e liniform pour bann zanfan. Zot pa neseserman anrezistre, oubyen tonm anba okenn sekter, sa i en realite.

Sa bann dimoun i annan diferan rezon akoz zot pe fer sa bann aktivite koumsa. I annan ki ler ou apros zot e demann zot akoz ki zot pa komans en pti biznes ki anrezistre larepons i souvandfwa napa sa mwayen, napa sa lespas; an fen kont napa sa bann fasilite ki Lalwa i demande. I annan ki’n seye, me in abandonn dan semen. Mr Speaker dan mon distrik La Riviere Anglaise pa’n en leksepsyon. I annan plizyer sa bann aktivite ki deroule. La mon mazin madanm Harray  avek Mr Israel i fer asar e kazye.  Se pour sa rezon ki mon pe demann, se pour sa rezon ki mon pour siport demann Onorab Valmont, pour ki sa bann aktivite i ganny idantifye avan tou e osi ganny monitor avek bi pour ed zot devlope. Sa ki nou pe demann ek Gouvernman pour fer ozordi i pour dan zot lavantaz, dan zot lavantaz pour zot devlope, ganny rekonnet, ganny apresye e vin pli prospere. Sa se bi sa Mosyon pour zot.

Dan lot kote Mr Speaker, Onorab Valmont osi dan son lentervansyon in eksplike ki son Mosyon napa okenn lentansyon pour pini okenn dimoun ki deza anrezistre, oubyen menm ki deza dan sa sekter. Sa i pa lentansyon sa Mosyon ditou. E sa i bezwen kler pour tou Seselwa. Sa Mosyon pe esey ed sa bann ki trouv zot enkapab, sa bann ki pa ankor devlope pour vin en pti biznes pour en rezon ou en lot. Nou la pour ed zot. Nou oule ed zot devlope. Sa i nou bi prensipal. Akoz dan en fason ou en lot Mr Speaker sa bann dimoun pe sirman ede ekonomikman dan Sesel. Mr Speaker avek sa 2 mo mwan pour asir loter Mosyon ki mon pour siport son Mosyon. Mersi.

 

 

MR DEPUTY SPEAKER

Mersi Onorab Herminie. Bon mon a demann mover Mosyon pour fer son konklizyon. Onorab Valmont.

 

HON JUDE VALMONT

Yes Mersi Mr Deputy Speaker. Premyerman mon oule remersi tou bann Manm ki’n entervenir e donn sipor pour mwan mon Mosyon. Zot in fer bokou kontribisyon pozitif e mon’n note serten. Par egzanp bokou Manm, laplipar in nonm Polisi. Gouvernman i merit vin ek bann polisi ki kler.

Onorab Aglae in menm refer sorti ki pour ed nou bann dimoun dan sa bann sekter pour kontinyen lev-e e debourye. E ki Gouvernman i amelyor servis. Onorab Henrie in refer sorti, e in ganny siporte par larestan MNA ki nou Lasanble, nou, nou Lasanble nou anvi ede. Se sa nou bi, e se sa mon lentansyon egzakteman pour anmenn sa Mosyon e nou’n vwar ki tou MNA ki’n entervenir zot in dir ki nou atraver Lasanble Nasyonal, nou anvi ed nou bann Seselwa, nou bann frer e ser, kontinyen lev-e debourye, e kontribye pour nou lekonomi.

Mr Deputy, en keksoz ki’n ganny re fer sorti osi Onorab Herminie in refer sorti, Onorab Henrie osi, se sa problenm akse avek kredi. Alor ler nou dir akse avek kredi, nou’n vwar lo kote Gouvernman SBFA in fer son bout. E pe kontinyelman fer. Se pour sa rezon Onorab Henrie se in mansyonnen sa SEEDS Capital in deza anfors Gouvernman in anonse, e la in demann Gouvernman in aktyelman demann bann dimoun pour vin devan. Me Mr Speaker mon krwar sa pa merit aret la, akoz sa ki’n mon’n fer remark se ki, e si ou dan…ou’n komans en biznes ziska 3an ou sir ou pa profitab. Be mwan mon petet mon demann Gouvernman pour al en pti pe pli devan.

Pa zis dir li from komansman ziska 3an i pa profitab. Mon krwar i merit donn en pe plis lespas, anmenn li 5an, oubyen fer en kriter kler ki dir si ou’n dan en biznes so be it, 5an, 6an, 10an si ou pa’n kapab komanse akoz ou’n bezwen konpran sa bann kontrent ki annan en dimoun in kapab in anrezistre pour fer biznes, 2an, 3an, i pa’n kapab komanse, 4an, 5an menm.

Alor mon demande pour petet get lo kote pour profitabilite oubyen akse avek kredi. Petet donn zot, zot osi zot a benefisye avek SEEDS Capital. Mr Deputy petet mon’n tann bann MNA fer lapel pour demann bann biznes pour pran en pe plis responsabilite. Mon osi mon anvi siport sa.

Akoz nou’n nonm standar, alor standar e osi pri ki zot sarze, nou konnen bann sekter formel parey bann mekanisyen, zot petet zot donn sa sans e nou, nou toultan dan sa Lasanble nou’n koze bokou fwa lo kote pri lavi. Alors sa bann dimoun dan sa sekter, zot ede petet, ed nou lager avek sa zafer pri lavi. Alor mon demann zot petet ler zot pe ed nou lo sa kote, zot ed nou osi ogmant en pe standar.  Mon pa pe dir ki standar pa bon. I annan serten dimoun ki fer bann louvraz ekselan, la mon mazin Mr George Sultan, Mr Joseph ki mekanisyen ou pour al kot zot nenport ki ler, zot pare, zot pour ed ou e ou pour sorti ek en louvraz fantastik. Osi i annan MNA in fer mansyon pour pran, pour kontinyen pran ownership lekonomi ; pour sa bann pti, pour sa bann sekter formel kontinyen pran ownership.  Be pour sa arive se pour sa rezon ki nou pe demann Gouvernman pour kontinyen ede siporte, e Onorab Lemiel in fer sorti en pwen ki fer sans, ki enportan pour kontinyen empower Union travayer pour kapab fer swivi e pour vin ek bann mekanizm, bann fason pour ede kot zot kapab.

Mr Speaker mon krwar i enportan pour re fer sorti ki mon’n dir lo komansman e mon pour met lanfaz lo la. Sa Mosyon i napa bi pini personn. O kontrer ler mon dir get, monitor, idantifye sekter formel, met bann mekanizm an plas pour ed zot, i pa zis sekter formel li menm, i pour ede ankouraz sa bann ki dan sekter formel. Akoz ler ou dir ede mon pe dir donn akse, rod fason pour zot ganny akse avek kredi, pour zot ganny lespas. Alor bann ki deza ladan, zot osi zot annan zot bout gato pour gannyen. Mr Speaker mon pour zis tous serten pwen osi, fer serten rekomandasyon ki petet Gouvernman i kapab travay lo la pour amelyor sa sekter, e pour ed bann dimoun dan bann pti biznes li menm. Mwan ti a swete ki Minister responsab pour Linovasyon Biznes, i travay an kolaborasyon avek son bann partner pour petet fer en Census, en Census pour etablir en rezis biznes ki komen pour ganny lenformasyon ki kapab ganny kolekte, i ava servi pour devlop bann Polisi  e fer bann diferan stratezi pour ede atrakte bann ki dan sekter formel e osi benefisye bann ki deza anrezistre koman en biznes.

Mon ti a kontan osi demande ki Gouvernman i prezant nou en Plan Nasyonal, en plan stratezik pour devlopman bann pti biznes, sekter formel, e pour kree bann sant lantrepriz dan bann distrik ki koumsa petet ed en pe, soulaz bann dimoun ki war zot kot lakour ki pe fer biznes e ki pe ganny kontrent parey mon’n dir oparavan. Ankouraz zot vin devan, vin devan kontribye dan nou lekonomi dan en fason formel e akseptab. Mr Speaker, alor pour konklir, mon demann- mon lans en lapel avek tou bann, mon bann koleg Onorab pour siport mwan, pour siport sa Mosyon, pour siport bann dimoun ki pe lev-e debourye, bann dimoun ki pe kontribye dan lekonomi, bann dimoun ki sorti dan zot distrik pour be empowered pour zot nobou kontribye e osi improve kondisyon ki zot ladan, e kondisyon bann dimoun ki travay ek zot. Alor ankor enn fwa mon dir zot mersi pour zot lentervansyon e mon demann zot sipor pour sa Mosyon. Mersi.

 

MR DEPUTY SPEAKER

Mersi Onorab Valmont. Bon in ariv ler pour nou pran en vot lo Mosyon.

Tou Manm ki an faver ? Madam Clerk ?

 

MADAM CLERK

Mersi Mr Speaker. Mon’n rikord 25 Manm an faver. Mersi.

 

MR DEPUTY SPEAKER

Okenn Manm ki kont? Non. Ok, mosyon in pase alor. Bon avan nou adjourn, an vi ki demen i nou lazournen Nasyonal. Mon ti a demann le 2 Leaders pour pas en pri mesaz. Mwan a donn zot sa permisyon pour pas en pti mesaz.  E mon a komans avek Leader of Government Business, Onorab De Commarmond.

 

HON CHARLES DE COMMARMOND

Mersi Mr Deputy Speaker. Mr Deputy Speaker nou a sa lokazyon enportan nou lafet Nasyonal, lokazyon nou lendepandans, mon anvi dir ki, avek nou pep e tou bann ki pe ekout nou enn ki nou’n lager pour nou lendepandans. Onorab Ferrari sey behave ou lekor mon frer. Be konmsi…

 

MR DEPUTY SPEAKER

Annou pa enteronpe. Annou pran sa pti moman serye. Onorab kontinyen.

 

HON CHARLES DE COMMARMOND

Dan letan, nou’n lager pour nou lendepandans, in en batay tre ardan, e nou’n gannyen nou lendepandans. Ok ? Sesel ozordi i en pei fyer, lib, e i pe fer en kantite lavansman. I enportan malgre tou ki nou rekonnet ki pour dir pandan sa 41an, nou pei in avans en kantite, bokou dimoun in profite, in benefisye avek sa lavansman.

E an menm tan mon oule ki demen pandan sa moman festiv, festivite, mon oule ki nou fer sir ki sa lokazyon, i en lokazyon ki anmenn nou pep a en serten refleksyon, ki ed nou pour vwar linite dan nou pei, i ed nou pour nou kapab zwenn ansanm pour nou kapab selebre ansanm dan larmoni, dan linite, dan lape, e non pa dan divizyon.

I enportan osi ki, e la mon fer en demann senser avek nou pep pour ki nou tou nou konpran sa prosesis linite, rekonsilyasyon,  e si nou kapab dir menm sa prosesis koabitasyon ki nou’n antre ladan, e ki nou tou nou donn en koudmen ladan. I enportan alor pour dan sa demars, nou pep an antye i partisipe, nou pep an antye i ganny sa feeling, e an menm tan mon demande ki dan tou nou demars annou fer en zefor ekstra.  En zefor an plis pour retir tou laenn, retir tou rankin, retir osi tou vanzans, ki kapab anmenn lanmertim pour nou pep.

E ankor enn fwa mon demande ki nou tou nou anbras sa lokazyon lafet Nasyonal parey o komansman letan zour lendepandans an ‘76, kot nou pep mon ankor rappel sa letan kot nou’n desann e tou dimoun pa ti pe okenn annan lenportans politik. Me tou dimoun ti’n happy, ti’n zwenn ansanm pour kapab selebre sa lokazyon.  E alor mon demande ki Bondye i kontinyen vers son benediksyon lo nou pep, lo nou pei e ki Lespri Sen i kontinyen fer son travay merveye dan nou tou. E nou kot nou Lasanble i konsernen, annou kontinyen sa demars ki nou’n komanse, e annou nou tou être senser dan tou sa ki nou fer pour nou kapab anmenn nou pei lo lot letap enportan mersi bokou e mon swet tou dimoun Bonnfet Lendepandans, e Bonnfet Nasyonal, e ki nou anmiz nou tou byen. Mersi.

 

HON CHARLES DE COMMARMOND

Mersi. Mersi Onorab De Commarmond. Onorab Ramkalawan.

 

HON WAVEL RAMKALAWAN

Mersi Mr Speaker. Mr Speaker 41an pase, mon ti annan 15an. E koman en zenn garson mon ti en laz kot mon ti konn, mon ti konsyan sa letap politik ki ti pe arive dan nou pei.  E sa zour swar minwi mon ti parmi milye Seselwa lo Stadium. Nou ti annan zis en Stadium Anvil. Lo stadium pour temwanny letan paviyon Union Jack ti desann e nouvo paviyon Sesel ti monte.

I ankor konmsi  ozordi menm dan mon lespri letan Mr Rene, avek Mr Mancham ti atrap lanmen dan en siny linite pour montre avek ki lespri nou pei ti pour avans devan. Sete en zour lazwa, lafet, e dimoun ti vreman zwaye. Dan parol sanson John Wirtz tou Seselwa ti’n desann pour fet Lendepandans. Ti annan bokou lekspektasyon. Nou pei pti, pti ki ti ete ti pe al antre dan en letap ki nou pa ti tro konnen egzakteman ki mannyer nou pour navige. Me nou ti komans navige, e tou sa bann divizyon politik Seselwa ti’n komans met li de-kote. 41an pli tar avek bokou delo ki’n pas anba sa pon. Demen i ava fer premye selebrasyon ki nou fer koman en pep. Parski nou pa’n ganny sans pour nou selebre nou lendepandans koman nou lazournen Nasyonal pandan en kantite lannen.

E sa divizyon in kontinyen egziste, e sa lannen nou’n war ki serten eleman ki’n anmenn divizyon, tel ki parey sa dat le 5 Zen in ganny dir retire, e demen alor nou pour selebre nou lendepandans koman en pep. Lopozisyon avek Parti ki dan Egzekitif, pour rasanble ansanm pour nou sant nou Lim Nasyonal. Mr Speaker sa i en gran lakonplisman dan li menm, e mon krwar ki lepep Seselwa in eksprim sa lavolonte pour ki sa pei i bouz devan, e sa pei i viv dan en fraternite. Alor ozordi a lokazyon sa lafet tre enportan, mwan osi tou mon zwenn avek tou dimoun pour swet nou pep en bonnfet Lendepandans. En bonnfet Lazournen Nasyonal.

E pour nou toultan gard antet ki sa pei ki nou pe rod konstri, nou pour reisir si nou fer li avek senserite, avek lonnekte, e ki nou pa zanmen ezit-e pour nou adres okenn size. Parski napa size ki tro gran pour nou adrese e pour nou kapab overcome. Koman en pep, annou lafyerte. Annou mazinen ki se nou ki bezwen konstri nou pei. Alor annou bann zenn, pran zot responsabilite pour etidye byen lekol, pour donn zot maximum. Tou travayer, annou mazin en lespri konsyansye, tou bann ki dan zot retret nou dir zot mersi pour zot kontribisyon er koman en pep annou kontinyen met nou anba gidans nou Bondye tou pwisan, e annou les li beni nou pei. Bonnfet e annou gard nou lafwa, e annou bouz devan latet anler. Mersi bokou Mr Speaker.

 

MR DEPUTY SPEAKER

Mersi Onorab Ramkalawan. Bon mwan osi mwan anvi zwenn le de Leaders, e osi lo non Speaker Lasanble Nasyonal, Onorab Patrick Pillay, mon anvi swet tou Manm Onorab, tou nou staff Lasanble Nasyonal, e mon pa pour oubliy  bann staff SBC ki dedye ki la avek nou ki pe ede pour transmet nou bann sesyon Lasanble Nasyonal, e osi tou pep Seselwa, e bon lafet Nasyonal, e bon lafet lendepandans. Ki Bondye i kontinyen vers son benediksyon lo nou pti pei Sesel. Avek sa de mo nou ava adjourn ziska Mardi prosen 9er bomaten.

 

(ADJOURNMENT)