Home » Verbatim » 2016 » Verbatim Report NAS Sitting Wednesday 21st June, 2017

Verbatim Report NAS Sitting Wednesday 21st June, 2017

NATIONAL ASSEMBLY OF SEYCHELLES

 

Wednesday 21st June, 2017

 

The Assembly met at 9am

 

National Anthem

 

Moment of Reflection

 

Mr Deputy Speaker in the Chair

 

 

MR DEPUTY SPEAKER

Bonzour tou Manm Onorab e bonzour tou dimoun ki a lekout e ki pe swiv travay Lasanble Nasyonal. Mon annan, avan nou kontinyen avek nou travay pou sa semenn, mon annan de pti kominikasyon ki mon oule fer. Onorab Terence Mondon i absante i pe atenn meeting Komite Egzekitiv SADC-PF e konman Trezorye i enportan ki i attend sa bann meeting.  E sa meeting pe ganny fer South Africa depi ozordi ziska Vandredi le 23 Zen. Mon remark osi labsans Onorab Paul Ernesta ki bomaten la i pe attend en prezantasyon, en seremoni prezantasyon kot STC Conference Room, ki ganny fer par UNDP Resident Coordinator e UNDP Resident Representative pour Mauritius ek Sesel Mr Simon Springer.

Dan menm seremoni UNDP pe handover bann booklet avek tit ‘’Parliaments Role in Implementing the SDGs Sustainable Development Goals, ki pou ganny prezante avek Onorab ki prezan laba pour Lasanble Nasyonal savedir Onorab Paul Ernesta. Sa bann liv pou ganny kite dan library pour referans bann Manm. Sa ki dezir pou lir pou fer referans avek.  Bon, yes Mr, Onorab Ramkalawan.

 

HON WAVEL RAMKALAWAN

Bonzour Mr Deputy konmsi in ganny swazir pour li reprezant Lasanble. Parski, parski mwan konman Leader Lopozisyon mon pa okouran e mon vwar Onorab De Commarmond osi tou ki, ki’n eksprim menm, menm, wi konmsi ki mannyer sa in ganny go about?

 

MR DEPUTY SPEAKER

Mwan osi mon’n ganny lenformasyon bomaten ki’n vin kot mon lofis ok. Petet Clerk please…

 

MADAM CLERK

Mersi Mr Deputy Speaker, bonzour tou dimoun, nou ti ganny lenvitasyon tar semenn pase pour selekte en Manm pou al reprezant Lasanble Nasyonal. E petet en oversight pou met bann leaders in copy mon apologies for thatSo, nou ti pe sey get lo tou lede latab, me selman in view of bokou komitman semenn pase. So, mon ti koz avek Onorab Speaker e nou ti selekte Mr Onorab Ernesta pour al zis reprezant Lasanble dan sa Seremoni. Mersi.

 

MR DEPUTY SPEAKER

Mersi Madanm Clerk.

 

HON JEAN-FRANCOIS FERRARI

Wi, Mr Speaker …

 

MR DEPUTY SPEAKER

Yes, Onorab Ferrari. Onorab Ferrari ale.

 

HON JEAN-FRANCOIS FERRARI

Mr Pillay i en pe nerve bomaten, me selman relax ou. Mon ti a byen kontan, akoz i fer, mon’n vwar Mr Pillay wi zisteman Onorab Pillay kot CEPS. E la mon tande Mr Ernesta, so, just a word of, a word of caution si ou le.  Mon krwar  i normal pou Lasanble ki Lasanble antye i ganny reprezante e ki personn okenn lorganizasyon e sa mon’n dir sa tre souvan; okenn lorganizasyon pa vin dan Lasanble pou li vin pik en dimoun ki li i kontan pou li vin dan son keksoz.  So, ler i annan en lenvitasyon mon krwar ki i annan 2 Rep dan, dan Lasanble e sa kominikasyon in ganny fer avek zot and then – at least tou dimoun i konnen.  Mersi.

 

MR DEPUTY SPEAKER

Yes, mersi, mersi Onorab. Mon krwar i ava en size ki nou ava take up dan ABC apre midi. Akoz, i enportan osi tou ki le de Leaders osi i okouran mouvman zot bann Manm. Ok? Nou ava take it up dan ABCYes Onorab De Commarmond.

 

HON CHARLES DE COMMARMOND

Mr Deputy Speaker bonzour, mwan Onorab Ernesta in vin kot mwan i lir en dokiman, en Let mon krwar ki zot in dir li pour, ler in montre mwan mon’n dir li mon napa problenm ek sa mwan. Si i pe reprezant Lasanble Speaker in servi son prerogativ parey i servi e i annan drwa servi. Mwan mon’n get li koumsa mon pa’n fatig mwan ek sa mersi.

 

MR DEPUTY SPEAKER

Ok, bon nou ava diskit sa issue apre midi dan ABC.  Bon nou ava pran nou travay pou ozordi. Nou pou annan en Statement ki pou ganny fer lo par Minis Fisheries ek Lagrikiltir Mr Michael Benstrong. E i pou fer sa Statement lo bann rezolisyon ki’n ganny adopte dan meeting IOTC Indian Ocean Tuna Commission, ki ti fer resaman Indonesia.

Mon ava demann Madam Clerk pour envit Minis e apre Statement Lasanble pou open pour kestyonn Minis lo son Statement. E apre ler sa i fini nou a kontinyen  avek nou bann travay vizavi bann Mosyon. Onorab De Commarmond.

 

HON CHARLES DE COMMARMOND

Mr Deputy Speaker sa, sa ki Minis, Statement ki Minis pe vin fer la i pa pou zis lo IOTC. Mon krwar i pou lo osi lo sa Lagreman Sesel-Mauritius, Mauritius-Sesel. Si, non i pa Lagreman i pa sa Mosyon Lagreman ki zot pe met devan. Me selman i pou debord osi lo la si i annan kestyon konmsi leklersisman pour ki nou konpran. Oubyen si i annan sizesyon pour ki nou kapab mete devan pou sa zafer lapes la.  Nou ti diskite, me selman i annan ankor davantaz lesplikasyon ki bezwen ganny mete. Mersi.

 

MR DEPUTY SPEAKER

Wi, atann Onorab Ferrari, mon santi mon osi ki i riske deborde akoz bann rezolisyon, bann rezolisyon ki ti ganny pran vizavi par egzanp bann, bann Lakonpannyen Lapes Linyon Eropeen; kot zot in pran serten desizyon pour restrikte serten mwayen travay, serten metod travay. An vi ki sa Lagreman ant Maurice ek Sesel i fer ki open pour anmenn petet lezot bato, lezot fakter ladan i posib i pou overlap. Me parey mon’n dir bi sa Statement i lo bann rezolisyon ki ti ganny pran dan sa meeting. Me si i overlap i pa pou met ankoz Mosyon pli tar ki Leader Government Business pour anmennen vizavi ratifikasyon sa 2 Lagreman. Yes Onorab Ferrari.

 

HON JEAN-FRANCOIS FERRARI

Mr Deputy Speaker respe i fer en mwan mon pe travay lo sa, lo sa dosye IOTC e bann rezolisyon ki pou ganny pran. Lo nou Order Paper napa nanryen pou fer avek Maurice ok? E, e travay ki nou’n fer lo la i annan, i annan pou fer avek sa rezolisyon IOTC. Mon pa vwar ki mannyer nou pou kapab permet Minis pour swa vin canvas pour sa, sa lakor avek Maurice dan sa Forum la. Minis i ava ganny son sans pou li vin canvas pour sa si i anvi en, en lot zour. Mwan mon still maintain ki Order Paper i dir Indian Ocean Tuna Commission resolutions e mwan mon, avek respe demann ou si i deborde please anpes li deborde. Mersi Mr Speaker.

 

(APPLAUSE)

 

MR DEPUTY SPEAKER

Onorab point, point taken annou pa ouver en deba lo sa, Minis pe vini, Minis pe vini les Minis i a fer son Statement and then will take it from there., Onorab Sebastien Pillay.

 

HON SEBASTIN PILLAY

Mersi Mr Speaker. Mr Speaker nou war ki kalite konportman, zis parey, annefe ou’n dir parey mon ti pe al dir les Minis reponn son kestyon. Me selman i annan en keksoz nou bezwen konpran you still in the chair Mr Speaker, e Standing Orders i donn ou prerogativ. Pouvwar se en size, ki en size ki ou bezwen trete dan en fason pli gran nou trete. So, ler Minis i vini mon pa krwar pou dir i normal pou en Manm Onorab dir ek ou pou dir ou bezwen aret en Minis si i pe al dan en size kot i pe sa…

 

MR DEPUTY SPEAKER 

Point taken, point taken.

 

HON SEBASTIEN PILLAY

Mersi Mr Speaker. Thank you.

 

MR DEPUTY SPEAKER

Order! Order! Order! Mon’n konpran tou le de largiman, mon ava envit Minis i ava fer son Statement e nou ava take it from there. Please. Minis. Bon mon ti a kontan dir bonzour Minis ek son delegasyon e nou welcome zot parmi nou. Minis Michael Benstrong, Minis pour Lapes ek Lagrikiltir akonpannyen par son PS, Mr Michael Nalletamby, Special Advisor for Fisheries, Mr Roy Clarisse, e CEO pour SFA, Mr Ronny Renaud. Minis ou Statement ou ava fer lo bann rezolisyon ki ti ganny pran par IOTC Indonesie ok? Nou’n, i annan en largiman ki’n lev-e partou dan tou le de kote vizavi whether ou pou abord sa issue sa 2 Lagreman ki pou vin dan Lasanble pli tar pour ratifye. Ok?   As much as possible restrikte ou Statement lo rezolisyon IOTC. Si ou santi par azar i annan serten lenplikasyon ki kapab koze vizavi sa 2 Lagreman ou tous zis kot sa lenplikasyon i vini. Ou pa al dan detay, pour donn okenn detay sa 2 Lagreman akoz sa pli tar pou vin dan en Mosyon ki pou anmennen e pou ganny debate dan sa Lasanble. So, nou ava donn ou laparol Minis pou fer ou Statement.

 

MINISTER MICHAEL BENSTRONG

Mersi Mr Deputy Speaker, bonzour tou Onorab e bonzour tou dimoun ki pe ekoute lo radio, e Mr Deputy Speaker mersi pou donn mwan sa loportinite pou vin dan Lasanble. Pou donn enn pti pe plis lenformasyon lo sa meeting ki ti ganny fer dan Indonesia. Ki ti ganny fer komansman le 22 ti fini le 28 Me e sa i ti annan pou fer avek bann size ki konsern IOTC – Indian Ocean Tuna Commission. E avan mon  al an detay dan sa, rezolisyon, dan sa meeting li menm. Mr Deputy mon ti a kontan dir enn pti pe nou preparasyon ki nou ti fer avan.

Mr Deputy i ti tre enportan pour Sesel letan nou pe sa meeting, nou pran kont lenportans nou lendistri lapes Sesel e tou bann benefis ki i anmennen dan nou devlopman ekonomi. E nou preparasyon nou ti fer sir ki nou anmenn tou bann partner ki involve dan lapes direkteman – sirtou dan bann lapes endistriyel. Nou ti fer sir nou kominik byen avek bann operater bato ki engage dan sa aktivite. Nou osi nou ti anmenn Lasosyasyon Bato FBOA.  Nou ti osi konekte avek bann Manm serten Manm Lasanble ki ti enterese dan sa size.  E Mr Deputy Speaker mon ti a kontan dir en mersi pour tou bann ki’n ed nou Minister e ki’n ed SFA dan nou preparasyon, dan nou bann rankont, dan nou bann diskisyon e zot kontribisyon ti tre apresye.

E sa ti fer nou al sa meeting IOTC avek en, en lekip, en lekip tre for. Parey mon’n fer resorti sa i ti pou, i ti pou Sesel defann son pozisyon, kot lendistri lapes endistriyel i konsernen. Mr Deputy Speaker mon a donn enn pti pe revi, enn pti pe lo ki lenportans sa i anmennen pour nou ekonomi apre mon ava al lo spesifikman ki bann diskisyon in pase, e sirtou bann Mosyon; bann Mosyon ki Sesel in anmenn devan IOTC, pour fer sir ki sa i safeguard nou lekonomi lapes Sesel.

Nou Lendistri Lapes parey bokou nou, nou konnen i annan 3 kategori; i annan nou bann peser artizanal, apre nou annan nou group peser semi industrial, ki en group ki nou pe, nou pe rikord en ogmantasyon lannen apre lannen. E sa pour nou i en lendistri ki i enportan ki nou kontinyen devlop li. Apre nou annan sa lot group ki, ki nou apel li bann group industrial; e li i konpri bann purse seiners avek bann, bann bato ki fer en pe longline. Ki, be selman son longline i plito lo en pli gran, en pli gran larzer ou kapab dir konpare avek bann longline ki Sesel i fer.

Nou lapes artisanal i reprezant bann bato ki lapes par egzanp lapes kazye, lasenn par egzanp pour makro.  E bann pwason ki zot atrape lo nou plato parey Karang, pwason fon parey Zob, Bourzwa eksetera. Apre nou, nou lapes, nou group peser semi industrial zot, zot target plis bann lespes ton osi Swordfish e zot, zot servi plis bann longline metod lapes longline. Bann purse seiners ki target bann ton, bann ton parey Yellowfin, Skipjack, Bigeye e zot, zot lapes li lo en pli gran scale e zot pa al lapes zis dan delo Sesel zot lapes osi dan Losean Endyen an antye. E zot, zot target bann pwason ki ganny consume, ki ganny servi dan prodiksyon par egzanp IOT kot i, bann pwason i ganny met dan can. E osi gran pa sa bann pwason i ganny eksporte ki osi, son market i plito bann pwason ki ganny mete dan can.

Sesel an zeneral pour le moman nou annan 13 bato ki pe port nou paviyon e sa i pe lapes bann purse seiners ki bann lapes industrial. Apre nou annan 49 bato longline ki anrezistre Sesel. e sa mon pe koz lo group sa bann bato ki konsantre plis bann peser industrial. Apre nou group EU ki reprezant pli gran group ki Sesel nou donn license e sa nou, i annan, i annan license pour 40 purse seiners avek 100 longline. I pa neseserman ki zot annan sa kantite bato pour le moman. Be tanzantan, be selman zot license i permet zot pour annan sa total.

Ki benefis lapes industrial i anmennen pour Sesel? Nou annan lizin IOT, ki depan bokou lo sa bann purse seiners ki, ki lapes dan delo Sesel e dan Losean Endyen. E sa bann bato industrial zot servi bokou por Victoria. E alors IOT i pa bezwen enport sa kantite pwason, i enport en pe be selman pa enport tou son pwason. Alors i ganny son pwason ki sorti from sa bann bato ki vizit nou bann Por. E, e sa bann bato i menm anrezistre parey mon’n dir i ganny anrezistre i ganny license ek Sesel. Be zot pa zis lapes dan delo Sesel, zot lapes osi dan bann, dan bann lezot pei lakot parey koman Maurice, Madagascar, Comores, Mozambique, Kenya, Tanzania zis pou nonm en pe.

Par kont vi ki bann purse seiners ki servi Sesel konman zot baz; parey mon’n fer resorti bokou sa bann pwason i ganny, i ganny transfer dan Por Victoria. E IOT i ganny son pwason, apepre la mazorite sa bann pwason i ganny dan sa aktivite ki pase dan Por Victoria.

Kan en bato i antre dan Por Victoria zot debark zot pwason e, e sa i enplik biznes ki i, i anmennen lo bann aktivite ater. Parey nou apel zot bann ground handling tel ki Lakonpannyen Hunt Deltel, Land Marine ki, ki zot, zot provide bann, bann group stevedores – en sours lanplwa. E osi nou annan bann lezot travayer tel ki bann travay forklift, bann supervisor, e bann manager ki travay dan sa bann lakonpannyen. Sa bato i osi repran karbiran avek SEYPEC e lezot marsandiz ki par egzanp marsandiz pour zot manze, lavyann, legim ek fri.

E normalman nou annan bann group parey nou apel zot bann shiphandlers e se zot ki provide sa bann servis sa bann bato purse seiners. E sa osi i anmenn lanplwa e i en aktivite lekonomi ki pase dan nou Lendistri Lapes.

Sa bann bato i osi bezwen bann lezot servis parey reparasyon lasenn so sa osi i anmenn en sours reveni pour bann Seselwa ki, ki aktivman partisip dan sa bann aktivite. Sa bann bato i normalman fonksyonn atraver bann Lazans lokal, ki organiz zot bann lozistik ater.  E sa i ganny fer lo en kou byensir en benefis larzan pou sa bann lakonpannyen ki provide sa bann servis sa bann bato.

So an gro Mr Speaker annou pa zis get en bato purse seiners ki al lapes  lo lanmer e i osi annan aktivite ater ki anmenn bokou reveni pour bokou nou Seselwa.  E an plis ki nou’n vwar tou dernyerman i annan en logmantasyon lo lakantite bycatch ki ganny anmennen ater. E sa b catch i eksit enn de bann lakonpannyen prive, ki zot pe fer added value to sa bann pwason ki pa neseserman i ganny servi pour par egzanp dan lizin ton IOT oubyen i ganny eksporte. So, sa bann bycatch i osi pe kree en loportinite pour bann Lakonpannyen Seselwa ganny en louvertir kot zot kapab pratik en serten biznes ki i osi anmenn en, en reveni pour, pour nou lekonomi Sesel.

Zis pour donn en pe sif Mr Deputy Speaker dapre Bilten SFA an 2014. Aktivite bato dan por, dan Por Victoria san kont permi lapes, an 2014 i ti anmenn en pti pe plis ki R2bilyon dan lekonomi Sesel. E an 2015 i ti annan en abesman i ti anmenn apepre R3.6bilyon dan zot aktivite lapes dan por. E zis pou donn en pti sif ekstra lo… sorry an, an 2015 i ti anmenn 1.58bilyon. 1.5, R1.58bilyon  – an 2014 i ti anmenn apepre R2bilyon an 2015 1.58bilyon apepre. Mon pe vin lo 2016 zis mon ava rod mon papye. Lo 2016 nou ankor pe travay lo bann sif, i ankor pe ganny odite, be selman ma donn en pe sif lo kantite license fee ki nou’n anmase.

An 2015 i annan de kat, i annan de gro kategori license fee ki nou’n anmase. I annan sa group EU, ki pli gro group apre nou annan bann ki nou’n group li konman Non-EU. An 2015 bann bato ki anba flag EU zot i anmenn zot apepre R80milyon in terms of licence.  E bann lezot in anmenn e pti mwens ki R140milyon e an 2016 group EU i ti anmenn li apepre R69milyon . E bann lezot ki Non-EU i ti anmenn R133milyon. Sa i en pti pe larzan ki SFA in anmase in terms of license.

Mr Deputy Speaker prezan mon ava al en pti pe lo sa meeting IOTC. Mon’n donn en pe sa bann sif pour montre lenportans ki nou lekip nou ti al IOTC e i ti enportan ki nou ti byen prepare pou defann Sesel. Akoz lekonomi, I mean Lendistri Lapes Sesel i anmenn apepre 1/3 son kontribisyon dan GDP. An tou ti annan 16 Mosyon ki ti ganny anmennen dan IOTC, e dan sa 16 Mosyon ti annan 8 ki ti ganny adopte. Sorry ti annan 16 Mosyon e ti annan 8 ki ti ganny adopte e ti annan 8 ki ti ganny defer.

Ki I mean par defer  -se ki i ti annan en serten aktivite oubyen serten louvraz ki i demann fer ankor lo sa bann proposal.  Alors i pa vedir ki sa bann proposal in ganny rezete. I pou revin ankor dan lezot meeting, kekfwa meeting lannen 2018.

Sesel ti al avek 4 Mosyon devan IOTC.  E  nou ti osi siport 2 ou 3 lezot Mosyon ki nou santi ti annan benefis pour Sesel.  Mr Deputy Speaker mon pou konsantre lo sa 4 Mosyon ki Sesel ti anmenn devan IOTC.

Enn ti demande ki nou revwar rezolisyon 16- 01, e 16 01 ti annan pou fer avek en, en plan pour re built stock yellow fin tuna dan Zone IOTC ki dan Zone Indian ocean. E sa pour nou i ti en Mosyon primordyal akoz sa Mosyon ti pe fer referans avek the year 2014, konman the reference year. Savedir i pe fer referans lo ou catch 2014 sa catch i ganny servi pour fer en rediksyon 15 poursan. Me dan konteks Sesel 2014 i ti en lannen kot nou ti pe ankor pe recover or nou ti’n zis fini recover from aktivite piratri dan Losean Endyen.  Alors i ti fer lakantite bato ki ti pe flag Sesel i ti annan selman 7 bato.

E an 2015 nou ti anrezistre, lafen 2014 e 2015 nou ti anrezistre ankor 6 bato i ti fer dan nou fleet bato ki flag paviyon Sesel bann purse seiners, i annan 13 an tou. Alors i fer ki kantite ton ti’n ganny atrape an pour flag Sesel 2014 i ti en re, i ti annan en kantite ton ki ti, ki ti pa ti refer en nivo konpare avek lannen 2015 e 2016. Alors ti fer letan nou ti apply sa 15 poursan lo 2014 kantite pwason, kantite aktivite nou bann bato ki flag, Sesel ki ti pour fer pour 2017. I ti pour redwir pour, i ti kapab ariv ziska 50 poursan. E sa i ti pou fer ki aktivite lapes dan por, dan nou por, I mean kantite bato ki ti pou frekant nou por ki pe flag, flag Sesel i ti pour annan selman apepre 6 mwan a 7 mwan pour li lapes.

Savedir koman nou pe koze la sa bann bato ti pour war zot dan en pozisyon kot zot ti pour bezwen al anmare. Al anmar bato pa al kontinyen lapes, e sa i ti pou fer en, en abesman dan aktivite ki nou’n, parey mon’n fer resorti bann benefis ki i anmennen dan por lapes. E en abesman dan kantite reveni ki nou anmennen pour dan sa Lendistri Lapes.

E Sesel ti al ek en Mosyon pour demande ki vi ki Sesel i en pti pei e nou depan bokou lo sa lendistri. Nou ti pe demande ki the reference year i sanze i include 2014 oubyen 2015. Akoz parey mon’n fer resorti 2015, 2016, ek 2017, nou pe ekspekte ki lakantite ton ki atrape i pour preski dir parey. Me tandis ki 2011, 2014 i ti, i ti fer en prezantasyon tre ba.  E sa Mosyon letan nou ti’n prepare nou ti konnen ki i pa pou en pozisyon fasil pour nou kapab convince bann lezot Manm. Alors nou ti’n konmans en louvraz kot nou ti travay pre avek bann pei zanmi ki Manm IOTC e sa i konpri bann pei koman Maurice, koman Kenya, koman Madagascar, koman Indonesie, Sri Lanka.

E nou ti remarke osi kantite Mosyon ki ti pe vin devan IOTC, ti annan de lezot Mosyon ki ti pare, ki ti preski parey avek sa enn Sesel. Ti annan en Mosyon ki ti anmennen par Maurice ek Maldives ki la zot ti pe adres supply vessels avek Fads. E i ti annan en lot Mosyon ki Maurice ti vin avek pour adres osi sa reference year 2014.

Alors nou ti ganny demande Sesel, Maurice, Maldives e Sid Lafrik ki nou ti anmenn bann Mosyon parey pour nou groupe koman 1 group e vin avek en sel Mosyon. Alors finalman nou Mosyon ki nou ti al avek ansanm avek Maurice, Maldives avek Sid Lafrik nou Mosyon i ti bokou pli larz, e la i ti konpri pour ou sanz sa reference year pour adres the issue of supply vessels avek fads.

Zis pour donn en pti son bann information bann supply vessels i bann bato ki bann purse seiners i servi pour ed zot dan zot aktivite lapes. E Fads i en, i en bann parey mon pe dir, bann banbou ki zot anmar ansanm ki zot mete ki i atrakte pwason anba la. E nou ti ganny bokou rezistans ki nou ti ekspekte from EU, from even the beginning, menm avan meeting ti komanse nou ti konmans ganny bann negosyasyon e group EU ti fer kler ki zot pa ti an faver ki sa rezolisyon 16 – 01 i ganny re ouver. Me avek nou perseverans e Sesel ti pran the lead of the,  sa tim; kot nou ti debat pour, pour have the rezolisyon 16 01 re ouver e pour fer nou pozisyon ganny adopte.

Mr Deputy Speaker en keksoz ki’n sorti for dan IOTC meeting sa fwa si – e ki mon’n krwar in fer sorti dan plizyer lartik ki’n, ki’n sorti apre nou meeting. Ki at least IOTC i pe konmans diskisyon lo adres bann, bann gears bann fasilite ki pe ogmant lapes ton ki pe ganny lapes an gran kantite. E parey bokou dan pei Losean Endyen e menm dan Europe nou pe dir ki i enportan ki lapes i ganny fer sustainable. Nou, nou, anvi ki sa aktivite lapes ton i en aktivite ki nou, nou pe vwar dan nou zenerasyon. E nou anvi nou bann zanfan osi e nou bann zanfan ki pe vini dan le fitir i osi kapab pratik sa aktivite. E i kapab zwir benefis from sa lespes pwason ki nou apel li ton ki konpri plizyer lespes ladan.

Mr Deputy Speaker nou deba i ti ganny aksepte e i ti en viktwar pour bann Small Island State, i ti en viktwar pour bann pei ki ganny borde avek Losean Endyen. E i ti en pli gran viktwar pour Sesel akoz Sesel nou’n vwar in re pozisyonn li koman en pei ki zwe, ki pou kontribye e pour kontinyen en gran rol dan management, dan, kontinyen vin Por Victoria vin en por kle dan transshipment ton. E Sesel i a kontinyen vin koman en Leader dan Losean Endyen kot ton i konsernen. Mr Deputy Speaker nou sa rezolisyon i ti ganny akonpannyen par en lot rezolisyon, Mosyon ki Sesel ti vin avek. E sa pour, nou ti demande ki tou bann rezolisyon ki vin devan IOTC i annan en letid socio-economic ki ganny fer.

Akoz nou santi ki rezolisyon ki anmenn devan IOTC i pa pran kont vulnerability bann Small Island State i ganny afekte avek bann desizyon ki ganny pran. E parey mon’n fer sorti lo konmansman lakantite reveni ki Sesel i gannyen from Lendistri Ton, i alors enportan ki nenport desizyon ki IOTC pou ganny pran i annan en socio-economic laspe ki ganny fer. E la Mr Deputy Speaker mon ti a kontan mersi sa group Sesel ki’n ed mon Minister pour fer sa letid. E sa i konpri Central Bank osi tim Ministry of Finance. E mon a remersi tou bann lakonpannyen lokal ki’n donn, ki’n korpore in fourni tou bann lenformasyon. Kot nou ti kapab reisir anmenn sa Mosyon ki ti ganny resevwar tre byen dan, devan IOTC.

Me selman i ankor annan en pe louvraz ki pou ganny fer akoz i annan demann ki bann syantis ki pou travay pou fer sa socio-economic assessment. I pa neseser i bann Syantis Pwason be plito bann Syantis Finans. Ki pour le moman IOTC i santi ki i napa sa bann group dimoun. Alors sa Mosyon i, i ti ganny defer akoz i annan ankor en pe louvraz ki sekretarya IOTC bezwen ganny fer pour fer sir ki sa laspe i ganny, i ganny anmennen demen.

Me selman en pwen enportan ki sekretarya IOTC in fer sorti ki i pou, ki i pou recruit bann consultant as and when ki i santi i merite kot sa letid kantmenm sa papye pour reprezant ankor lannen prosen. Si i annan okenn aspe socio-economic impact ki i annan pou fer, alors IOTC Sekretarya i kapab donn en pe siport lo sa laliny. Mr Deputy Speaker sa i enportan pa zis pour Sesel me osi pour bann Small Island State dan Losean Endyen parey koman Maurice, Madagascar, Maldives, Sri Lanka.

En lot Mosyon ki mon Minister ti anmenn, Sesel ti anmenn devan IOTC e sa ti annan pour deklar en Ban pour, pour bann bycatch. E nou ti anmenn sa pozisyon devan IOTC, pour fer sir ki tou bann pwason ki pa ganny targeted par bann purse seiners. Par egzanp pwason ki, ki bann purse seiners i pa ganny targete parey Bigeye, Skipjack, Yellowfin i ganny anmenn ater pour ganny servi par bann pei. Ki sa bann purse seiners oubyen bann bato longline i, i vizite. E sa i ti ganny byen resevwar sirtou bann pei lakot parey koman Maurice, Maldive, Sri Lanka, Indonesia. Akoz nou ti santi ki sa bann pwason ki sa bann bato i lapes olye zete i kapab ganny anmenn ater e ganny servi pour konsonmater sa bann lepep, sa bann, sa bann pei. E sa rezolisyon ti ganny adopte par en gran kantite manm.

En lot rezolisyon ki Sesel ti anmennen se nou katriyenm ki ti nou dernyen rezolisyon se pour kree en working party pour enplimant konservasyon lo, lo, lo management sa lespes ton. E sa osi ti ganny sipor la mazorite pei. E sa i ti enportan pour nou fer sir ki pwason ton i ganny lapes lo en baz sustainable. Mr Deputy Speaker an tou nou 4 Mosyon ti annan 3 ki ti ganny adopte e i ti annan enn ki ti ganny defer e nou pou al avek ankor lannen prosen. E sa se sa enn ki pour kouver nou socio-economic impact.

Zis pour donn en pti lenformasyon lo sa Mosyon 16 – 01, ki ti ganny kouver a en gran pa lokalman Sesel. E in ganny kouver osi apre dan bokou bann parey mon’n dir Zournal ki’n sorti e sa Mosyon 16 – 01 i fer referans lo en rediksyon lo kantite fads ki ganny servi. In sorti lo 350 pour vin, pour ganny redwir pour vin 200, i ti 425 sorry i ti 425 e i pe ganny redwir pour vin 350. E sa i pou konmans i pour pran lefe apartir le 1 Zanvye 2018.

Lo kote supply vessels Desanm Zanvye 2018 ziska desanm 2022 – supply vessel pour ganny redwir e la nou pou, nou pou war en rediksyon lo, nou pe ensiste ki pou annan en supply vessels ki pour supply 2 purse seiners. E komansman Zanvye 2020 nou pou annan 2 supply vessels ki pou siport 5 supply, ki pou sipor 5 purse seiners.  Dan konteks Sesel nou, nou santi ki pour annan en rediksyon lo la kantite supply vessels ki, ki pe ganny servi pour le moman. E parey mon’n dir sa i ava anmenn nou pli pre pour nou ariv sa, sa lobzektif ki nou kontinyen lapes ton lo en baz sustainable.

Mr Deputy Speaker vwala Statement ki mon ti a kontan fer devan nou Lasanble. Mersi Mr Deputy Speaker.

 

MR DEPUTY SPEAKER

Mersi Minis Benstrong. Bon prezan Sesyon i ouver pour kestyon pour Minis. Onorab Henrie.

 

HON GERVAIS HENRIE

Mersi Mr Speaker, bonzour tou dimoun. Mon annan zis en pti kestyon pour Minis baze lo sa 3enm rezolisyon ki Sesel in anmenn devan. Mon ti a kontan si i donn nou en pe statistik lo bycatch ki’n enfliyans desizyon Sesel pour anmenn sa rezolisyon? Mersi.

 

MR DEPUTY SPEAKER

Mersi Onorab Henrie.  Minis.

 

MINISTER MICHAEL BENSTRONG

Mersi Mr Deputy Speaker, mersi Onorab pour ou kestyon. Statistik ki nou pe anmase e diskisyon ki nou pe annan avek bann dimoun ki aktiv dan sa, dan sa biznes bycatch. I estimate ki 5poursan, sorry pa plis ki 5 poursan kantite tonn ton ki ganny debarke dan Por Victoria. Apepre 5 poursan i pour reprezant bycatch par egzanp si an 2015 i ti annan 39mil tonn ton so, apepre 5 poursan i bycatch. E sa pour le moman nou lendistri i ankor pe build up.  E nou pe remarke ki i annan bokou loportinite e pour le moman nou annan kestyon lo nou kapasite pour nou process tou sa bycatch. So, Ile du Port i sa landrwa, i sa zone ki’n ganny dezinyen e nou ekspekte anmezir bann aktivite sa bann building i come up e bann aktivite processing i ogmante. Nou panse dan lavenir lamazorite bycatch ki ganny land Sesel i kapab ganny process.

Letan mon dir process i kapab ganny eksporte an antye e kapab ganny process li pour ganny met an, an sale pour fer bann lezot prodwi parey koman, koman burger koumsa. Apre osi en gran pa i kapab ganny servi koman fishmeal. E fish meal i annan i en prodwi ki son demann i pe ogmante. Pa zis Sesel par egzanp mon konnen Mauritius i demann bokou fishmeal, Kenya i pe rod fishmeal. E sa i ganny servi dan bann aktivite animal feed. Mersi Mr Deputy Speaker.

 

MR DEPUTY SPEAKER

Mersi Minis. Onorab Afif.

 

HON AHMED AFIF

Mersi Mr Speaker, bonzour Minis ek ou delegasyon. Minis Mon ti a kontan demann ou si ou kapab klarifye bann sif ki ou’n donnen lo fishing license fees ki zot in anmase. An 2015 ou ti dir zot, bann bato ti pey 80milyon avek 140milyon ki 220 milyon. Me dan bidze pour 2015 nou vwar zis R112milyon. Pareyman pour 2016 ou’n dir ti annan 69milyon ek 133milyon ki R202milyon, me dan Bidze pour 2mil, 2016 nou vwar R131milyon. Alor si ou kapab klarifye akoz i annan sa diferans? Mersi.

 

MR DEPUTY SPEAKER

Mersi Onorab Afif. Minis.

 

MINISTER MICHAEL BENSTRONG

Mersi Mr Deputy, Onorab ou korek letan mon’n add sa bann sif mon’n, mon’n pran total konman i prezant bann Non-EU si mon kapab retourn lo sa bann sif an 2015 EU ti, nou ti anmas apepre 80 e bann Non-EU ti apepre 60 e sa i fer en total 139. So, mon krwar mon’n dir sa 139 koman bann non, koman Non-EU, so, total i apepre 139.7. E 2016 EU ti anmenn 68.5 e bann Non-EU ti anmenn 64, e sa i fer en total 133.

So an tou 2015 ti annan 139.7 e 2016 ti annan 133. Mon krwar sa i a koresponn pli byen avek Bidze. Mersi Mr Deputy Speaker.

 

MR DEPUTY SPEAKER

Mersi Minis. Onorab Ferrari.

 

HON JEAN-FRANCOIS FERRARI

Mersi Mr Deputy Speaker e bonzour Minis. Minis mon ti a kontan demande la ki i annan en rediksyon lo zefor lapes dan en bit pour devlop en lapes soutenab. E ki bann fads bann supply vessels osi pe al ver en rediksyon. Eski ou kapab dir sa Lasanble si Gouvernman in osi konsider met en ‘Cap lo lakantite bato ki anrezistre Sesel?  Oubyen eski sa lakantite bato ki anrezistre ki  pe lapes Seychelles flag i ankor lo en nivo soutenab? E si i annan zot pe konsidere konmsi met en limit. Akoz kestyon se ki si ou mont kantite bato, ou kapab mont kantite supply vessels. So, sa i en kestyon lo soustenabilite pour lavenir.

Mon 2enm kestyon Minis se lo bycatch zisteman e la mon fer referans avek en pwen ki Onorab Leader Lopozisyon in fer en kantite koze lo la. En kantite siplikasyon in fer lo la pour ki en pe sa bann bycatch i al pour bann peser lokal. Minis semenn pase ti napa labwet, pour bann peser lokal, ti konplent napa labwet, me pourtan bycatch i annan. Mon ti a kontan si Minis i kapab eksplik sa Lasanble ki zefor son Minister pe fer avek SFA, pour gete ki mannyer nou kapab manage sa bycatch dan en fason ki bann peser Seselwa i a kapab annan osi en par dan sa prodwi pour zot kapab devlop zot prop lendistri.

Mon dernyen kestyon se lo lakantite maren, mon konnen si sa in ganny aborde dan sa rezolisyon, me selman pour lavenir nou sipoze annan en serten lakantite maren ki pe travay lo bann bato Espanyol ek Franse e sa i dan Lakor Linyon Eropeen. E nou konnen pou dir sa kota, sa kantite ki nou ti a swete ki pe lapes nou pa’n arive lo sa, lo sa. Mon ti a kontan ki Minis i dir avek nou ki zefor ankor son Minister pe fer pour fer ki nou pei e nou pep i ganny sa benefis pour li kapab devlop son talan dan lapes e en zour kekfwa annan ase dimoun ki pou, ki pou kapab annan son, annan son prop Lendistri Lapes. Mersi.

 

MR DEPUTY SPEAKER

Mersi Onorab Ferrari. Minister.

 

MINISTER MICHAEL BENSTRONG

Mersi Mr Deputy Speaker, mersi Onorab pour ou 3 kestyon. Pour premye lo kantite bato ki, ki anrezistre parey mon’n mansyonnen i annan 13 purse seiners ki anrezistre pour le moman. E pour le moman nou napa okenn lentansyon pour ogmant sa, sa figure.

Nou’n ganny aprose par lezot, e nou’n refiz-e akoz nou’n met, mon pa apel li en ka be selman nou pe manage lakantite ton e mon krwar i enportan dan sa process nou arrest the number pour le moman. E nou osi nou annan, nou’n ganny kontakte pour bann long liner sa osi e longliner konpare avek bann purse seiners i 2 kategori. Purse seiners i sa kategori ki lapes en kantite tandis…  Pardon wi i lapes bokou, konpare avek longline i en sistenm ki soutenab e bokou bann lizin oubyen bann market enternasyonal zot, zot pe al ver sa kalite lapes. Akoz la ou kapab target bann pwason ki ou anvi lapes. Akoz purse seiners ler son lasenn i monte i lapes, i anmenn gro, ptipti e anmenn bokou bycatch, tandis ki longline i son bycatch avek bann, parey nou apel sa bann juvenile i bokou lo, pli mwens ki purse seiners. So, wi nou’n, nou’n met pour le moman nou pa pe anrezistre nouvo, nouvo, nouvo license e nou pa pe donn nouvo flag bann purse seiners. E lo kote management par egzanp nou’n fer resorti sa bycatch pour labwet. Wi nou’n pran sa sizesyon tre pozitiv, me selman i enportan nou, nou konpran, mon pa konnen si sa labwet ki ou pe talk about si bann longliner ki’n en mankman labwet, konpare avek nou bann peser artizanal.

Akoz zot servi 2 kalite labwet, longline pour le moman bonit zot pa tro servi. E sa nou konnen i annan zot plito servi squid or parey nou dir zourit vov e sa nou bezwen enporte. E se sa plizyer fwa i annan sa mankman, parey mon ti fer sorti dernyen fwa i annan 3 oubyen 4 group dimoun ki enport sa mazer. E detanzantan i arive ki i annan sa mankman kot zot ganny retar dan zot, fer vini zot container. E parey mon’n dir si pour annan en mankman, si i pou squid oubyen parey zourit vov. Wi sa i napa nanryen pour fer avek aktivite bycatch, akoz i pa sorti dan bycatch.

Apre lakantite maren ki, ki annan, ki kapab partisip dan bann aktivite lapes lo bann purse seiners. Wi mon pou dakor ek ou ki nou ti a kontan Seselwa i partisip pli aktivman dan sa, dan sa aktivite pour vin lo bato. Pour le moman nou annan, pour kapab anmenn 2 dimoun par bato dapre nou agreement e menm nou annan lespas pour nou bann observer, observer i Seselwa. Be selman malerezman pa toultan nou kapab ganny sa, sa kantite dimoun sa kantite Seselwa pour partisipe dan sa aktivite lapes konsistaman.

Par ler i annan 1, par ler i annan 0, par ler nou ganny 2 so, i pa konsistan. E sa mon reste konvenki avek devlopman Maritime Training School – MTC i ava annan, i ava prodwir bokou plis bann maren ki ava enterese. Pour partisip dan aktivite lapes lo bann purse seiners ki ava en leksperyans pour zot e osi lo bann, akoz non lo bann longliner. Akoz bann longliner lokal osi pe rode bann maren, alors si nou ganny bann maren ki partisip lo tou le de bato longline avek purse seiners i ava, i ava ed Sesel dan le fitir pour annan bann peser ki pou ranplas bann ki pe al lo laz.

E sa nou osi nou an kominikasyon avek Maritime Training lenstiti laba pour nou kapab fer sir ki annan bann Seselwa ki kapab pran par. Plis aktivman dan bann aktivite lapes industrial. Mersi Mr Deputy Speaker.

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Wi, en pti kestyon, Minis ou’n dir taler pou dir ou’n apresye sipor ki ou’n gannyen avek serten Manm Lasanble Nasyonal, serten lorganizasyon eksetera; eski, eski an fas sa latitid tre souvan ki dominer par Linyon Eropeen ki’n vreman, mannyer nou konpran in vreman pa’n fer sa negosyasyon fasil. Eski alors Gouvernman i rekonnet lentere ki i anmenn tou dimoun on board e ki ou pour anmenn nou e lezot lorganizasyon on board ler i pou annan bann negosyasyon avek Linyon Eropeen?   Akoz nou, nou santi konman en Lasanble ki i enportan ki Linyon Eropeen i ekout en pe sa ki Parlman Sesel i annan pou dir. E la ki nou lo menm wavelength ki nou pe travay pou nou ganny menm benefis. Eski ou kapab dir sa Lasanble ou pou fer tou sa ki ou kapab pou ou anmenn kontribisyon tou bann stakeholders e Lasanble Nasyonal dan bann negosyasyon fitir? Mersi.

 

MR DEPUTY SPEAKER

Mersi Onorab.  Minis.

 

MINISTER MICHAEL BENSTRONG

Mersi Mr Deputy Speaker, mersi Onorab pour ou, ou kestyon. E Mr Deputy Speaker mwan mon en dimoun ki very open e mon welcome lakantite, i mean plis mon ganny plis dimoun pour partisipe pour mwan pli i pli bon. Akoz konsiltasyon i enportan, e bann meeting ki nou’n fer lokal Mr Deputy Speaker mon ti a kontan remersye Onorab son lentere ki in montre. E Kantmenm mon ti tro les li koze dan meeting, me selman in partisipe, in ekoute. Ki mannyer deba lokal i pase e lokal menm deba par-ler i pa tro fasil akoz sak bato i pran son pozisyon e i defann son pozisyon.

Me selman i enportan ki nou Gouvernman Sesel,  nou pran pozisyon pour benefis Sesel, pour benefis nou lendistri e nou pa pran lentere bann bato individual. Lo kote IOTC mannyer zot striktir zot bann meeting i toultan annan, nou apel sa en Leader avek en Depite. E zis sa de dimoun ki annan drwa pour koze. Me i enportan ki letan sa bann meeting i pe happen, nou pe koze, i annan bokou bann side meeting parey sa bann, bann meeting dan corridor.

E mon krwar se la kot nou fer la diferans. E se la kot pli delegasyon i pli gran, plis ki delegasyon i konpri bann dimoun lo diferan leksperyans, diferan kapasite i fer en diferans. E sa i ti tre remarkab dan nou delegasyon sa lannen. E Mr Deputy Speaker, wi a lavenir si fodre anmenn Manm Lasanble mon pou welcome.  E menm mon’n dir nou, nou bezwen anmenn bann dimoun legal osi tou. Akoz i annan bann eleman ki ganny prezante, ki ganny table ki annan en laspe legal.

E nou bezwen anmenn bann dimoun ki, ki konn, ki atase pre avek Foreign Affairs akoz i annan negosyasyon ki i annan bann, bann agreement pa zis Fisheries bann lezot Agreement bann sinyatir ki Sesel in, in fer par egzanp avek EU.  Ki enportan ki sa dimoun ki sorti Foreign Affairs i azour e i kapab advise lekip letan i bouz devan dan son lapros. Alors wi Mr Deputy Speaker, i en lapros ki mon pou welcome e sa pour nou i, montre ki sa delegasyon nou met i dan sa formil. I anmenn bokou plis benefis e mon santi e mon pou rekomande ki pou dan le fitir, sa delegasyon i pli agrandi parey Onorab in fer resorti ki nou anmenn pli dimoun. Akoz letan meeting pe, pe ganny deroule i annan bann side meeting, i annan bann negosyasyon ki on going, alors i enportan ki ou lekip i annan tou sa kapasite.

E sa i remarkab avek lekip EU, EU letan i vini i vin avek en gran delegasyon. E diskisyon i ale ziska si fodre ziska minwi diswar. Zot pou vin tap laport ou lasanm pou vin, pou vin rod en pozisyon avek ou. E se, se koumsa ki sa si mon kapab dir sa politik anndan IOTC i deroule. E i enportan ki reprezantan Sesel i pou, i a kontinyen lo en pli gran lanpler ki nou, nou fer sir ki Sesel e Losean Endyen i benefisye avek sa, avek sa Lendistri Lapes Ton, Mersi Mr Deputy Speaker.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Mr Deputy Speaker en keksoz ki’n arise la mon le klersi en pti kou avek Lasanble konmsi lo ki baz ki Onorab Ferrari in al attend sa bann meeting ki nou pa’n konnen mwan osi mon pa’n konnen. Ki mon krwar Leader Lopozisyon osi pa’n konnen – an relasyon ek bomaten kestyon ki’n ganny lev-e.  Mersi.

 

HON WAVEL RAMKALAWAN

Mr Speaker mon ti byen okouran, mon ti byen okouran ki pe arive e mon sa ki Onorab De Commarmond in dir i totalman fo ki pou dir mon pa okouran. Mon ti okouran ki pou dir Onorab Ferrari ti’n pran son linisyativ e in rantre o kontak avek, avek Onorab Larue tou menm parey ki, parey ou konnen mon osi mon ti al avek en delegasyon LDS nou ti al vizit bato ton pour montre sa, sa lentere e menm rankontre serten sa bann ship owners.  Mr Deputy Speaker si nou lo nou kote nou pran nou linisyativ, zot lo zot kote pran zot linisyativ, zot osi.

 

HON CHARLES DE COMMARMOND

Mon le, mon le fer resorti mon napa problenm ek sa mwan, mon napa problenm ek sa me selman mon le, mon le, mon le fer resorti ki Lasanble li ler sa i arive i napa nanryen pou fer ladan sa. E Minis mon le met devan ou ki ler i annan sa bann issue koumsa ki nou osi, konmsi i bezwen annan en fair soz dan Lasanble, i pa kapab konmsi en bor en bor ki en dezord en fason koumsa.  Mersi.

 

MR DEPUTY SPEAKER

Ok, Order! Order! Order! Order! Bon linisyativ ki en parti i pran pour kapab enterakt avek en Minister oubyen en … Order! Order! Order! Order!

Ok, linisyativ ki en parti i pran dan en fason mon kapab dir prive pour enterakt avek en Minister oubyen ek en departman ek en lendistri sa i zot zafer. Me i annan bokou lenvitasyon ki vin atraver sekretarya e nou konnen pou dir Minis ti fer en lenvitasyon avek ansanm avek SFA pour angaz bann Manm Lasanble e mon krwar i annan enn oubyen de meeting  ki’n ganny fer vizavi lendistri lapes ki’n enkorpor tou lede latab pour Lasanble.

So, bann lenvitasyon ki vin atraver Sekretarya definitivman nou pou entertain tou lede kote latab, tou lede kote Chamber. Me en parti i lib pour li pran son linisyativ osi tou pour angaze pour konn enn pti pe plis kwa ki pe pase.  Bon nou kontinyen Onorab Sebastien Pillay.

 

HON SEBASTIEN PILLAY

Mersi Mr Deputy zis an pasan mon ti le dir avan mon demann mon kestyon. Si demen nou pran linisyativ nou ekspekte ki ler i vin, i vin on the floor konplent i ganny lev-e ou dir menm zafer.  Mersi bokou.

 

MR DEPUTY SPEAKER

Yes Onorab.

 

HON SEBASTIEN PILLAY

Mr Deputy Speaker mon annan, mon annan en kestyon mon ti a kontan demande.

 

MR DEPUTY SPEAKER

Order! Order!

 

HON SEBASTIEN PILLAY

Mr Deputy Speaker I have the floor.

 

MR DEPUTY SPEAKER

Order! Go ahead, Onorab Pillay

 

HON SEBASTIEN PILLAY

Mersi bokou Mr Deputy Speaker. Mon ti a kontan demann Minis an relasyon avek kestyon ki’n ganny souleve par mon koleg lo lot kote latab Onorab Ferrari an se ki konsern labwet. Eski ou pa krwar its high time ki Minister e SFA i konmans vwar seryezman ki mannyer pour allow private sector pour devlope e partisip ladan.

Mon pou donn ou en legzanp tipik, nou konnen par egzanp dan, dan Nor Mahe sirtou La Retraite e Glacis nou annan bann peser ki fer sa aktivite on a regular basis. Sa bann peser pe kontinyelman demande ki zot kapab ganny e storage facility ki a kapab permet zot store sa bann labwet and then provide li koman e biznes.

Up to now zot napa e zot pa ankor gannyen en fasilite pour zot kapab fer sa bann aktivite. E sa i pa enkli zis bann peser Glacis me i enkli bann lezot peser. So, an relasyon ek lagreman ki nou pe sinyen.

 

MR DEPUTY SPEAKER

Order! Onorab atann en moman. Silvouple laparol i pou Onorab Sebastien Pillay, ok? Annou annan en pe lord silvouple. Go ahead Onorab Pillay.

 

HON SEBASTIEN PILLAY

Mersi Mr Deputy Speaker. Mon ti a kontan demann Minis si zot pe eksplor sa dan en fason pli serye akoz i konsernan ler nou tann sa bann komanter kot labwet i manke e souvandfwa i afekte peser. I pa afekte sa bann peser avek sa bann dimoun ki travay avek zot.

Dezyenmman Mr Deputy Speaker mon ti a kontan demann Minis ler mon pe regard bann dokiman ki Maurice in submit an relasyon avek son, son bann commitments petet avek sa rezolisyon 16- 01. In osi koz lo, in osi fer en mansyon ki pou annan en letid ki pou ganny fer 2018. Eski sa letid pou konpreansiv across IOTC pour tou bann pei? Oubyen sa letid i konsern zis commitment ki, i depan lo commitment ki en pei endividyelman i mete, sirtou lefe ki sa letid in osi koz lo, zot pou etidye lenpak ki lapes artizanal i annan lo stok Yellowfin? So, mon ti a kontan ganny en klarifikasyon as to ki mannyer lo nou kote osi si nou pou al dan sa, dan sa direksyon. Oubyen sa i zis en pei spesifik ki pe fer en travay spesifik an sa ki konsern son stok pour li. Mersi Mr Deputy Speaker.

 

MR DEPUTY SPEAKER

Mersi Onorab Pillay.  Minis.

 

MINISTER MICHAEL BENSTRONG

Mersi Mr Deputy, mon pou konsantre lo mon entervansyon lo lapes industrial ton. Ou premye remark, ou premye kestyon lo labwet ankor mon pa anvi tro, mon pa anvi open debate lo labwet ozordi mon krwar nou ti koz bokou dernyen fwa. Me selman mon ti anvi fer resorti ki SFA pour le moman i pa engage dan management labwet. E sa i dan lanmen bann operater prive, e si nou al lo sa bout La Retraite. Nou annan en, en plan devlopman La Retraite kot nou’n fer en serten konblaz e sa i pou anmenn en serten nonm benefis pour bann peser dan sa rezyon. So, ou demann pou fer sir i annan en aktivite storage sa i pou part of sa devlopman lo sa bout later ki nou’n, ki nou’n konble La Retraite.

Lo kote sa rezolisyon ki Maurice in vin avek 2018, 2018 i lo kalandriye IOTC. Ki son bann syantis pou fer en, en resers pour re-mezir lakantite ton, sirtou Yellowfin, ki annan dan delo Losean Endyen. E sa i en letid ki pou kontinyen apre ki i ti’n refer son, son prezantasyon an 2016. Ki la kot i ti fer referans lo 2014.  So, son lot legzersis pour 2018 e sa group syantis pour fer son rapor an 2019 dan meeting IOTC. So, i pou en letid ki pou kouver Losean Endyen an total, e la i pou ankor i pou demonstre si fodre nou anforsi mezir ki’n deza, ki deza an plas oubyen si nou bezwen relax sa mezir.

E sa i enn pti pe akoz nou Mosyon pour, pour manage supply vessels ek fads in al ziska 2020. Akoz nou santi apre ki, apre ki sa rapor in ganny prezante an 2019 nou kapab pran en mezir en desizyon ki bann lezot mezir nou kapab pran lo bann lezot aktivite parey koman supply vessels avek fads. Alors sa, sa mezir sa, sa letid i pa zis Maurice oubyen Sesel i pour IOTC pour Losean Endyen an total. E parey mon’n dir son rapor i pou ganny prezante an 2019.

Lo kote sa letid ki Maurice pe fer about son longline nou Sesel, I mean son bann peser artizanal lo kote Yellowfin. Nou bann peser artizanal i pa target Yellowfins so, Sesel nou, nou, nou bann peser artizanal la fason ki zot lapes i en pe diferan avek Maurice. I mon krwar sa i annan pou fer avek grander plato ki Sesel i annan. I fer li pli favorab ki nou bann peser artizanal i annan bann lezot species pwason parey koman Bourzwa ek lot pour lapes e alors non nou pa per fer sa, sa letid lo kote artizanal fishing. Mersi Deputy Speaker.

 

MR DEPUTY SPEAKER

Mersi Minis. Onorab Sebastien Pillay.

 

HON SEBASTIEN PILLAY

Minis wi mon pe zis get en klarifikasyon. Minis I am well aware ki SFA pa dan management bait oubyen labwet be selman i fer plizyer lannen par egzanp ki sa group peser ki zis an fas ou pou apel sa Anse Etoile apepre ou’n fini kit La Retraite. Pe demande pou zot kapab, e zot pe fer sa aktivite, zot pe fer sa aktivite for the past 15 years zot. E zot pe demande ki zot kapab met en fasilite adequate dan sa landrwa. Ki ava permet bann peser sirtou i annan en gran kominote la dan La Retraite, ou annan en lot kominote Glacis pour kapab fer sa aktivite.

So, mon krwar en pti pe proaktivite lo kote SFA i ava ede ki sa bann peser finalman i kapab ganny devlop sa aktivite. So, mwan ki mon pe demande, mon pe demann lo lapar SFA pou vwar given ki anba sa EU support program ki nou, anba sa bann lagreman ki nou sinyen i annan en larzan ki sipoze vin pou, pou devlopman artizanal fishery. Sa i al direkteman avek artizanal fishery so, eski in pa’n ler pour nou regard dan ki mannyer nou, nou, nou fer sa bann fasilite sa bann peser i manage zot pey zot rent zot fer sa bann keksoz. Me selman fasilite i la pour fasilit sa bann peser. I kapab al menm Bel Ombre, i kapab al menm Glacis me selman at least nou konnen pou dir sa bann dimoun i annan en rekour dan letan kot napa ou zot pa ganny akse avek bycatch, oubyen bann lezot koumsa. Mersi Mr Deputy Speaker.

 

MR DEPUTY SPEAKER

Mersi Onorab. Annou, en moman, en moman. Annou pa divert from, from rezon det sa Statement ok?   In fer enn pti pe lyezon avek retonbe EU. Bann finansman ki Sesel i gannyen me otan posib annou pa al dan bann fasilite dan distrik ice plant eksetera. Ok mon ava permet Minis reponn sa.

 

MINISTER MICHAEL BENSTRONG

Mersi Deputy Speaker, mersi Onorab, nou’n note ou proposal e nou ava regarde anba EU fund parey ou’n fer resorti ki mannyer nou kapab anvlop sa, sa proze pour sa rezyon Anse Etoile/ La Retraite. Mersi Mr Deputy Speaker.

 

MR DEPUTY SPEAKER

Mersi Minis. Onorab Churchill Gill.

 

HON CHURCHILL GILL

Mersi Deputy, bonzour Minis avek ou delegasyon. Minis mon kestyon se ki dirasyon sa bann license? Apre ler in due pour re negosye si i annan posibilite pour ogmante? Si wi ki poursantaz apepre ki kapab ganny ogmante? Mersi.

 

MR DEPUTY SPEAKER

Mersi Onorab Gill. Minis

 

MINISTER MICHAEL BENSTRONG

Mersi Mr Deputy Speaker, mersi Onorab pour ou kestyon. bann license ordinerman i al pour 1an. Me selman license i ganny donnen anba en Agreement. Agreement li i pli long, en Agreement i kapab 5an, i kapab 7an i kapab 10an. E anba sa Agreement i, i donn bann direktiv bann gidans ki mannyer sa license e ki son pri sa license. E i annan, i annan license ki lannen apre lannen i annan bann small ogmantasyon. E i annan license, i annan Agreement ki fer referans lo kantite tonn ton kour ou lapes a en pri. E si ou lapes plis, sa pri i kapab monte oubyen i kapab reste parey.

So, license normalman i ganny donnen pour 1an e peyman i kapab ganny fer at per quarter oubyen tou le 6mwan ou kapab pe fer en peyman anba sa, sa license ki ou’n donnen. Dan lot mo letan ou ganny license pa neseserman ou pey tou lo konmansman oubyen tou a lafen. Ou kapab pey tou le 3mwan ou fer en serten peyman par instalment, oubyen tou le 6mwan ou pey par instalment. Apre osi i annan license ki nou donnen an ki letan en lakonpannyen oubyen group bann peser ki peser industrial, Zot pe ganny reprezante par en lakonpannyen e zot napa en Agreement e la sa license i ganny donnen avek sa lakonpannyen.

En legzanp bann group ki i tonm dan sa kategori i bann group parey Zaponnen parey bann group Taiwan pa neseserman nou annan en Agreement avek en pei be nou annan en Agreement avek en lakonpannyen. E la i ganny license, e li son license i normalman son agreement i bokou pli kourt konpare avek  letan nou annan en agreement avek en pei. Mersi Mr Deputy Speaker.

 

MR DEPUTY SPEAKER

Mersi Minis. Onorab Gill.

 

HON CHURCHILL GILL

Minis lagreman ki sa license i ganny gide lo la. Li son dirasyon son lagreman i konbyen i ete li?

 

MR DEPUTY SPEAKER

Mersi Onorab.  Minis.

 

MINSTER MICHAEL BENSTRONG

Mr Deputy parey mon’n dir son Agreement i varye, i kapab en Agreement pour 2an, i kapab en Agreement pour 5an, i kapab en agreement pour 7an. Par egzanp sa Agreement pour EU i 6an savedir tou le 6an nou asiz lo latab nou re negosye e nou, nou ganny en nouvo Agreement. Normalman Agreement i enn pti pe pli long akoz i, i pran bokou letan pour negosye en Agreement. Nou’n remarke i pran nou on average ant 1an edmi a 2an pour nou negosye en Agreement from konmans ziska finisyon. Alor se sa ki i fer ki nou komans sa legzersis negosyasyon bokou boner ki nou fer sir letan negosyasyon i fini license, sa Agreement ki ti la avan i ankor active.

E parey mon’n dir i fer provizyon ki tou le an sa, sa pri ki nou pou sarze konman license fee i pou ogmante tou le z-an. Mersi Mr Deputy Speaker.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Deputy Speaker. Mr Deputy Speaker pour benefis piblik eski Minis i kapab enform nou Lasanble ki bycatch i kontinyen? E ki kantite or ki poursantaz bycatch ki ganny servi, ki kapab ganny servi konman labwet? E an menm tan si i ti kapab dir nou briyevman, ki lefe Lendistri Ton ek lapes ton, lapes endistriyel i annan lo lapes artizanal. Ki an rapor ki sa ki zot diskite dan IOTC?

E dernyerman ki, ki keksoz negative ki zot in kapab diskite dan sa Lagreman avek IOTC kot i konsern liquid waste disposal. Ki Lendistri Ton  i mete dan nou pei, ki i en gro problenm. Mersi.

 

MR DEPUTY SPEAKER

Mersi Onorab De Commarmond. Minis.

 

MINISTER MICHAEL BENSTRONG

Mersi Mr Deputy Speaker, mersi Onorab pour, pour kestyon. mon a reponn sa dernyen bout bann waste ki sorti dan bann lizin sa i plito en, en loperasyon ki ganny manage by lo bann loperasyon ater. Par egzanp Sesel Port Authority ki, ki pou manage sa, pou fer sir avek departman lanvironnman avek lasante tousala bann group. I fer sir ki i annan bann regilasyon oubyen bann policy ki adres sa bann waste ki sorti dan, dan bann lizin.

Lo kote kalite pwason ki nou klasifye koman bycatch son lalis i en pti varye be selman i plito bann pwason ki, ki frekant oubyen ki swim, i naz ansanm avek ton. Par egzanp bann pwason koman parey bonit, parey koman Sailfish, parey koman Dorad ki fer ki letan bann purse seiners letan zot lasenn i monte sa bann pwason i ganny osi atrape, e i pa ganny sans pour zot ganny large. Savedir letan zot in ganny met on board zot in fini mor. Apre osi nou annan bann pwason ki i pe ganny targeted par sa bann bato. Be selman zot groser i pa meet standar ki zot pe rode.

I vin en groser ki normalman i under weight par egzanp nou kapab ganny bann pti Yellowfin, bann pti skip jack, bann pti Bigeye. Ki zot sa bann purse seiners zot pa pe al revann sa avek marse enternasyonal oubyen avek bann lizin ton. E alors sa i vin koman en by product pour zot en reject sa osi i vin koman bycatch.  Apre osi i annan en lot kategori se bann pwason ki par egzanp en ton Yellowfin i annan sa groser be selman dan letan pe manage li zot in ganny kekfwa en kou ki’n afekte son quality. So, sa osi i annan serten bann, sa bann kalite pwason ki ganny reject e sa osi i ganny, i ganny aste par bann operater ki, ki osi al aste bann bycatch.

E sa i ganny servi pour fer bann diferan cut bann diferan process ki sa osi i kapab fer, fer en valer azoute e i ganny eksporte osi tou. So, ankor bycatch i en, i en varyasyon bann ptipti pwason pe ganny targeted. bann pwason ki pa pe ganny targeted oubyen bann pwason ki zot groser i bon be selman zot annan en defect, zot in ganny afekte par egzanp zot in ganny tape in kraze e sa i pa meet sa quality pour zot ganny eksporte koman en, en pwason antye. Sa en pti pe an gro Onorab. Mersi Mr Deputy Speaker.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Wi Mr Minis, Deputy Speaker Minis i pa’n reponn poursantaz ki bycatch ki kapab ganny servi konman labwet e an menm tan lefe lendistri lapes artizanal, lapes endistriyel lapes ton lo lapes artizanal. Petet an menm tan ou kapab aborde ki si ou’n fer en kek rankont avek bann stakeholders dan Lendistri Lapes Endistriyel. E ki zot konsern vizavi sa Lagreman IOTC?  Ki zot o konsernen avek. Mersi.

 

MR DEPUTY SPEAKER

Mersi Onorab. Minis.

 

MINISTER MICHAEL BENSTRONG

Mr Speaker IOTC son Lagreman letan nou pe koz par egzanp sa papye sa rezolisyon ki nou’n anmenn, ki’n ganny adopte. Ki Sesel ki’n, ki’n prezante, nou demann IOTC pour asire ki tou bann bycatch bann pwason ki ganny atrape pa ganny zete. Akoz dan le pase ti annan, ti annan sa levidans kot sa bann bato zot ti pran sa bann pwason ki ganny classify koman bycatch zot ti zet li letan zot ti ankor an mer.

Alors i pa ti ganny anmennen ater. Alors i ti fer ki i ti annan en impact lo lakantite bycatch ki ganny land e sa i fer ki ti annan, i ti kapab annan sa risk ki pwason ki nou servi koman labwet pour bann peser parey ou’n fer resorti Onorab. I kapab, i kapab, i ti pou kapab arive i ti pou annan en mankman. E menm bann aktivite ekonomik ki pe, ki pe arive ater i fer ki zot ti pou napa sa kantite bycatch pour zot gannyen pour zot kapab process.

So, nou rezolisyon nou ti anmennen se fer sir, pour fer sir ki tou bann bycatch olye i zete i ganny anmennen, i ganny anmenn ater.   E sa i a donn nou en, en garanti ki i ava annan pwason ki si bann peser lokal parey artizanal zot bezwen servi konman labwet zot kapab gannyen. Mon napa sa, sa figure egzakt ki poursantaz of sa bycatch ki ganny servi koman labwet mon pou napa sa figure. Be selman mon konnen si SFA in fer sa, in fer en letid lo sa laliny pour kapab mezire. Non zot, zot napa, zot pou napa sa statistik sa kantite ki’n ganny anmenn ater ki kantite poursantaz ladan ki, ki bon pour labwet.

Be selman nou konnen bann peser artizanal zot servi bokou pwason parey koman, parey koman Bonit. Ou konpran zot pa pour servi par egzanp Dorad. Zot pou servi plito, plito zot rod Bonit, be pour le moman in demonstre ki bonit pour bann peser artizanal i annan e nou, nou bezwen fer sir ki sa bann pwason letan zot anmenn ater i fre. Akoz letan i ariv en, zot ganny bokou andomaze bann peser artizanal pa kapab servi. So sa osi i annan en letid ki SFA i bezwen fer.   Mr Deputy Speaker mon fer resorti ki sa aktivite bycatch pour nou Sesel i ankor en pti pe nouvo. Nouvo dan en sans kot se la prezan nou pe fer sir ki tou bycatch i ganny anmenn ater e nou kapab mezire ki kalite pwason lakantite e nou kapab parey Onorab pe demande nou kapab fer donn en rapor plis, pli, pli egzakt lo nivo statistic. E sa i ava ed pour nou bann desizyon nou bann polisi ki nou kapab devlope a la fitir. Akoz nou santi bycatch i, i en topik ki pe ganny koze dan bokou pei. Alors Sesel nou bezwen fer sir nou bezwen asire ki aktivite bycatch i meet nou demann lokal. Mersi Deputy Speaker.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Wi, Mr Deputy Speaker Minis i kapab eklersi nou dan bycatch i annan okenn lespes preserve parey Torti ensidswit ki tonm ladan? E ki perdi zot lavi ladan? E an menm tan lo kestyon supply vessels avek sa lagreman IOTC. Eski Seselwa i kapab osi benefisye e antre dan sa biznes supply vessel dan, dan sa lagreman avek IOTC la. Mon krwar pa si in tann, mon krwar pa si in tann sa dernyen bout supply vessel.

 

MR DEPUTY SPEAKER

Ale Onorab repet ou dernyen kestyon.

 

HON CHARLES DE COMMARMOND

Mon ava esper bann lezot dimoun koze la.

 

MR DEPUTY SPEAKER

Go ahead.

 

HON CHARLES DE COMMARMOND

Ya mersi, Minister mon ti pe demann lo supply vessel osi. Okenn san ki Seselwa i kapab antre dan biznes supply vessel osi? Dan ou Lagreman avek IOTC ki zot in fer. Mersi.

 

MR DEPUTY SPEAKER

Mersi Onorab De Commarmond. Minis.

 

MINISTER MICHAEL BENSTRONG

Mersi Mr Speaker, mersi Onorab pour ou kestyon lo kote bann lespes pwason oubyen bann lespes ki viv dan lanmer ki ganny preserve parey koman Torti. Wi IOTC i annan en lalis bann lespes reserve ki bann bato napa drwa lapes. E sa i pou include Torti i pou annan Reken, i pou annan plizyer lespes ki i anpese atrape. E si en bato par aksidan in atrap sa dan son lasenn i bezwen fer sir ki i fer tou bann mezir ki nou kapab retourn sa lespes back dan lanmer.  E si en Reken i ganny atrape apre i mor sa Reken i bezwen ganny anmenn antye. E sa i pou anpese ki sa Lendistri Lezel Reken i ganny, i ganny deborde. So, i annan en pe bann lareg ki tou bann purse seiners i ganny, i bezwen respekte. Non nou pou napa sa figure nou pou napa osi en rikord ki sa bann lespes in ganny anmenn ater.

Lo kote si bann operater lokal i kapab antre dan aktivite supply vessels. Parey mon’n fer resorti sa rezolisyon 16 – 01 parey in ganny amande ki ozordi i pe read 17 – 01. En gran pa sa rezolisyon se i pe adres pour rediksyon supply vessels. Apartir Desanm 2017, nou pa pou kapab anrezistre nouvo supply vessels en purse seiners pa pou kapab anrezistre nouvo supply vessels. So, si i annan okenn dimoun lokal i anvi al antre dan sa biznes supply vessels. 1 i bezwen pran kont ki nouvo bato pa pou kapab ganny anrezistre anba IOTC. Napa okenn pei ki kapab anrezistre sa e dezyenmman sa supply vessels normalman i en lagreman between sa purse seiners avek sa supply vessels.

Savedir nou SFA nou pa pou kapab dir avek purse seiners No. 1 pran supply vessels X. Sa i en laranzman i en, i en Agreement ki ganny fer an deor SFA. I between sa de parti e dan, dan… nou’n rikord so far tou bann purse seiners zot rod zot prop supply vessels. Zot pa, parey nou dir zot pa outsourcer zot pa pou al rode en lot dimoun external pour vin provide sa service. Nou pa’n ganny en rikord koumsa, be selman  i kler ki bann purse seiners i kler pour zot apartir Desanm, zot pa kapab vin devan pou dir anrezistre en nouvo supply vessels. Akoz i annan sa formil in fer provizyon ki nou pe redwir kantite supply vessels ki annan ki siport purse seiners. E sa i ankor i en par dan sa demars pour redwir zefor ki bann purse seiners i servi dan zot aktivite lapes.

E parey nou’n dir nou anvi fer en aktivite lapes ki soutenab. E pour nou kapab ariv lo sa, lo sa nivo nou bezwen adres en rediksyon lo supply vessels. Nou bezwen adres en rediksyon lo kantite fads. E sa ankor i pou ganny reconfirm an 2019 apre ki sa letid syantifik i ava ganny fer. Mersi Deputy Speaker.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi bokou Mr Speaker, bonzour Minis. Mr Speaker eski Minis i kapab dir avek nou si dan zot bann Lagreman, parski taler ou’n mansyonnen ki lo sa size bycatch i annan en pwen ki bann pei, kot sa bann purse seiners i desarz zot pwason. Ki sa bann pei i benefisye? Alor mon kestyon se. Eski Sesel in donn okenn purse seiners pou re anmenn lakonpannyen en license pour zot kapab eksport sa bycatch zot menm? Apard bann operater Seselwa, sa 2 operater Seselwa ki pe deal dan bycatch.

Dezyenmman, lo size license fees i en size ki menm IMF an 2010 ti pran sa konman en konsern. I ti a pe dir fodre regard en pe pour parski i tro ba, e ziska aprezan menm bann dokiman bann, bann Lagreman ki zot in sinyen konmsi i ankor zis laba avek SFA. E mon ti ava demande si i ti ava posib pour nou koman en Lasanble kapab ganny en pe kopi pour nou kapab vin pli, pli aware of krwar ki i annan dan sa bann dokiman.

Me zisteman lefe ki nou pe, nou pe rod en fason pour nou koup, pour nou al pli ver lapes soutenab; eski si nou pa ti ava mazinen ki nou license fees i pou osi annan en pli gran pri atase avek. Eski i pou annan okenn posibilite pour nou par egzanp tender pour bann license fees, pour bann license, pour bann license. Pour ki sa lakonpannyen sa, sa biznes ki nou met en, nou met en limit parey sa ki ete ozordi lo. Me selman nou sey rod en fason pour nou pous li pli o posib pour ki nou pei i ava, i ava benefisye bokou plis parski la pour le moman nou pe ganny license fees wi.

Me selman apre transshipment, me an gro se bann, se sa bann operater ki pe, ki pe vreman benefisye bann operater ki lapes ton zot pe benefisye. Lakonpannyen IOT ki met ton dan bwat li osi tou i a pe fer, i a pe fer tou bann gro larzan e nou Sesel nou pe anmas, nou pe anmas, bann larestan.

E finalman dan, parske la mon konsern en pe Mr Speaker avek longline, avek longline. Eski Minis pe donn sa Lasanble en garanti, en konfirmasyon ki pou dir anba IOTC oubyen nou menm nou. Dan nou bann regilasyon, nou pa pe les okenn sa bann bato ki nou donn license rantre a okenn moman dan lapes artizanal ki pour afekte nou bann peser me ki pou afekte nou lekonomi tou. Mersi bokou.

 

MR DEPUTY SPEAKER

Mersi Onorab.  Minis.

 

MINISTER MICHAEL BENSTRONG

Mersi Deputy Speaker. Mersi Onorab pour ou kestyon. Lo kote bycatch ou demann si nou’n donn license pour export. Parey mon’n fer sorti lo konmansman bycatch nou pe war son aktivite i pe vin en aktivite ki pe grosi. E nou pe swiv li a pre, pou le moman bann lagreman ki nou annan e bann regilasyon ki an plas i pa kouver ki mannyer bycatch fodre ganny manage e si fodre ganny license. Pour le moman en met bato ki letan i antre dan por, sa bycatch i, i still remain son property. E i free pour li vann oubyen donnen a nenport ki dimoun ki apros zot.

Parey si i annan serten lakonpannyen ki annan serten Agreement avek zot kot zot kapab aste sa bycatch. Me osi en keksoz ki nou’n observe ki in ganny konfirmen tou. Ki i annan serten bato ki pe konmans antre dan aktivite eksport bycatch e parey mon’n fer resorti sa i komans konsern nou. Nou pe an diskisyon avek bann diferan lotorite ki mannyer nou kapab redres li e ki mannyer nou kapab devlop serten mezir, serten Polisi. Gouvernman serten, Gouvernman refer sorti serten regilasyon kot nou kapab adres sa. Akoz dan le fitir Sesel nou pe devlop nou aktivite added value to bann bycatch.

Alors i enportan ki nou, nou bezwen asire ki sa bycatch ki ganny land dan Por Victoria i deservi sa bann aktivite ekonomi. E nou konnen pour le moman sa bycatch i annan gran demann, dan enn de pei ki pa tro lwen ek nou alor se sa ki pe eksit sa biznes re eksport bycatch. E tre byento nou bezwen fer sorti bann policy, Gouvernman bezwen fer sorti bann policy, sorti bann regilasyon ki kapab adres sa. Akoz nou pa ti a kontan ki bycatch ki vin dan Por Victoria i ganny servi oubyen i al dan benefis en lot lakonpannyen ki an deor Sesel. Mon tre konsernen avek sa, be selman pour le moman parey mon’n fer sorti i napa okenn regilasyon e zot pa bezwen ganny okenn license pour zot export sa bycatch.  Lo kote license fee si en propozisyon pou fer tender norm enternasyonal pour lapes industrial i en bon propozisyon me selman mon pa’n deza vwar en Scheme dan sa fason, in toultan ganny negosye. E negosyasyon normalman i en norm enternasyonal ankor ki license fee in tonm  apepre 10 poursan pri  ton lo lasenn enternasyonal. I pa pour plis ki 10 poursan. E se sa ki fer ki i annan en paramet letan nou negosye ki tou le de parti i pour try pour achieve en pozisyon ki best pour tou lede. E se sa ki nou osi Sesel nou bezwen parey mon kapab fer resorti sa agreement ki nou’n fer avek EU in adres en pti pe sa bann konsern. E nou anvi servi sa model pour tou lezot kot i a fer provizyon kot enn i ganny ogmante tou-le-z-an.  E 2 pli ou lapes, pli ou pe nou plis koman en license fee.

Akoz dan lepase license fee ti ganny baze lo en, i ti unlimited. Ou pey mwan x Dolar, mil Dolar, e kantite ki ou lapes, ou kapab lapes kantite. E sa i pa ti tonm byen,  e kekfwa se sa ki i ti fer resorti dan bann letid ki’n ganny fer dan lepase ki i bon nou revwar.  E parey mon’n dir sa license ki nou’n sinyen avek EU i sa lapros, e ki nou pour servi pour nou negosye avek tou bann lezot a lavenir ki pour konpri Maurice osi tou, zot, zot azour ek sa. E mon ava tourn lo Mauritius pli tar letan sa Mosyon i vini.

Lo kote longline, longline wi, license ki SFA i donnen pour bann bato ki fer lapes longline ki pe target bann species ton zot napa drwa al lapes lo plato Mahe.  E zot napa drwa al lapes bann lespes pwason ki nou bann peser artizanal i partisipe, or i aktivman atrape, e la mon pe koz Bourzwa, Vyey, Zob, bann pwason koumsa.  E sa osi i enportan pour Sesel, e i enportan pour SFA akoz nou annan en progranm kot nou manage stok bann pwason ki viv lo nou plato. Alors nou bezwen osi fer sir ki sa bann lespes i ganny lapes lo en fason soutenab.

E si nou les sa bann bato ki pli gro, zot annan en better kapasite pour al lapes lo plato, bye, bye sa bann lespes parey koman Bourzwa, Zob, Kordonnyen. Sa nou bezwen protez li pour market Seselwa, e Sesel osi i eksport en pti pe sa bann lespes, nou konnen, be selman nou gard sa pour nou bann peser artizanal. Mersi Mr Deputy Speaker.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker. Mr Speaker i annan en pwen, de pwen la ki Minis in dir ki konsern mwan en pti git. Premye pwen, sa bann bato ton, bann purse seiners, an prensip zot ganny zot licence pour zot lapes ton, e alor tou sa bycatch i pa dan zot licence. Savedir an prensip si zot in lapes en keksoz ki pa pour zot, ki zot pa devret lapes, i devret pour nou. E alor – eski napa en fason pour nou ranforsi sa prensip ki, sa bycatch zot rann nou.

Mon konnen osi ki pour dir dan sa term bycatch i osi annan bann pti, pti Skipjack, bann pti, pti pwason. E vi ki, konmsi napa en fason pour nou ranforsi ki pour dir sa bycatch menm si se ou bato ki’n lapes i apel pour nou, e alor nou ava gard sa. E spesyalman, spesyalman, spesyalman ki sa bycatch, sa bann pti, pti ton i al kont prensip soutenabilité. Parski la nou pe lapes bann pti baba konmdir koze. E alor pti baba, bann lezot lespes tousala i ava reste pour nou, mon ti ava kontan konnen ki sa Lagreman i dir lo sa size, e i 3 fwa ofet zis sa bycatch ki bato ton i pe lapes. E  i 3 fwa sa ki nou bann peser artizanal i lapes dan en lannen. Ki vedir i annan bokou, bokou konsern la.

Dezyenmman, Mr Deputy, letan Minis in dir konmsi i pe donn nou sa garanti ki pour dir bannla pa pe vin zwe avek nou bann peser Seselwa. Sa i konsern mwan en kantite. Zot pa pe vin zwe avek nou bann peser Seselwa, plato Mahe kot nou annan nou bann, nou bann pwason ki nou, nou kontan nou Bourzwa, ensidswit sa zot pa pe vin ladan –  sa konfirmasyon.        E parey finalman zis si Minis ti ava kapab dir avek nou dan sa bann Non-EU, eski i kapab donn nou en breakdown, parski la i dir avek nou bann bato ki pa sorti kot Linyon Eropeen i annan 64, si i ti kapab donn nou en breakdown. Akoz i osi annan en konsern , non, non ou dir i annan 100, anyway, ou ava konn bann sif parski i osi annan en konsern avek bann Iranien ki pe vin dan nou lanmer, bann Sri Lankan, bann lezot la, bann AUU parey zot apel li, ki nek zis zot vini avek bann drift net ensidswit – ki Sesel pe fer pour anpese ki sa bann lezot i vin pran nou resours san ki zot annan en licence, san i zot annan bann Lagreman, zot bann voler, ki Sesel konmsi pe fer pour kapab proteze ? Mersi.

 

MR DEPUTY SPEAKER

Mersi Onorab. Minis.

 

MINISTER MICHAEL BENSTRONG

Mr Speaker, Mr Deputy Speaker mersi. Mersi Onorab, lo kote bycatch, Lagreman i fer referans lo bycatch, not bycatch, tuna, and tuna like species. Savedir nenport pwason ki tonm dan tuna like species i pour ganny kouver anba sa Agreement, parey koman bonit, parey koman Billsish.. Baraccuda, Swordfish, tousala i tonm, menm sailfish i tonm dan kategori tuna, and tuna like species,  e parey mon’n fer resorti. E alors se sa ki fer letan bann purse seiners i lapes, i fer monte son lasenn. Sa bann tuna like species osi i ganny, i ganny atrape.

And by the time zot in ariv dan sa landrwa kot pour ganny store, zot in fini mor. Alors dan lepase, dan lepase sa bann pwason ki i pa ti dan lentere sa bann purse seiners i ti ganny zete, e se sa ki nou rezolisyon ki nou’n anmennen, nou’n re anforsi ki sa bann bycatch i ganny anmenn ater, olye zete i ganny anmenn ater. Akoz ater i kapab annan en aktivite ekonomik i kapab ganny fer ki i ava en benefis pour sa pei akoz i annan pei ki’n salye nou rezolisyon ki nou ti anmenn devan IOTC akoz kot zot i annan en high demand pour sa bann bycatch. Zot pep pe rod sa source of protein pour zot koman en pwason pour zot manze. Tandis ki nou Sesel i pa tro lo nou konsern, nou pa tro enterese pour nou al anmenn sa dan lakor pour nou kwi.

Be selman nou servi par egzanp koman animal feed, e nou servi koman dog, I mean pour manze zannimo. E pour longliner, wi mon anvi konfirmen, e sa i aplik pour bann longliner ki Seselwa, ki annan licence, zot licence i anpes zot al lapes lo plato. I annan sa bann Zone kot zot kapab al lapes. E sa ankor parey mon’n fer resorti, e sa pour nou kapab manage nou stok pwason ki viv lo plato Mahe avek bann lezot zil elwannyen. Lo kote AUU sa wi nou toultan an avangard pour fer sir ki bann bato ki napa  permisyon pour lapes dan delo Sesel, i pa fer li, be selman i toultan, i toultan annan sa enn de ki pour eseye. E Sesel mon kapab fer resorti dan nou meeting IOTC, nou ti santi nou en pti pe soulaze akoz i annan pei ki zot sityasyon i bokou, bokou pli grav.  E i annan pei ki anmenn ankor en rezolisyon devan IOTC,  e menm nou pe al to an extent ki si i annan en bato dan en pei ki’n ganny atrape i ganny Ban pour li ganny licence dan bann lezot pei. Par egzanp si en bato Iranien in ganny atrape dan delo Sesel pe lapes ilegalman, sa lakonpannyen i pour ganny Ban pour li al rod licence pour al lapes dan delo en lot pei. This is how far dan IOTC sa diskisyon in ale.

Parey mon’n fer resorti i annan pei ki son sityasyon i bokou pli grav ki Sesel, be selman nou, nou toultan reste avangard, e SFA i ganny bokou sipor avek coast guard, e menm ek bann peser, peser osi i fourni lotorite konsernen avek lenformasyon letan zot, zot come across. E pour nou sa i toultan nou konsern ki anpese ki bann bato ki napa licence, napa permi pour lapes dan delo Sesel i pa fer li. Be selman nou bezwen pran kont EEZ Sesel i gran. Alor pour nou police nou grander EEZ, sirtou sa porsyon Sid of nou EEZ i pa toultan fasil. Mon…ok en breakdown bann licence ki nou donnen, bann Non-EU i pour annan Korean, Mauritian, apre de tanzantan nou ganny Spanish. Sorry Taiwan. Spanish i dan group EU sorry, i ganny en group Taiwan. E parey mon dir EU i sa pli gran group akoz EU i pour konpri, Spanish, La France, sirtou Spanish i annan en gran fleet ki lapes dan Losean Endyen. So sa an gro, the breakdown of Non-EU, i annan Mauritius, Korean, avek Taiwan. Nou pour le moman nou, nou’n gannyen aprose ek Russia, be so far nou pa ankor donn okenn licence bato Russia. Mersi Mr Speaker.

 

MR DEPUTY SPEAKER

Mersi Minis. I annan 2 pti follow-up question. Onorab Churchill Gill, swivi par Onorab Sebastien Pillay.

 

HON CHURCHILL GILL

Minis zis en leklersisman lo sa licence fee ki ou dir i baze lo pri ton deor, mwan mon anvi konnen si, i baze lo sa pri ki stock in fini ganny atrape par bann operater, sa pri ki zot, zot vann lo market. Si sa licence fee i baze lo sa? Mersi.

 

MR DEPUTY SPEAKER

Mersi Onorab. Nou a pran Onorab Sebastien Pillay.

 

HON SEBASTIEN PILLAY

Mersi Mr Deputy Speaker. Mr Deputy Speaker enn bann nasyonalite ki Minis in mansyonnen se Koreen. Eski sa bato ki bann Korean pe vin avek i menm size ki bann ki EU, eski zot regulate size ki bann bato, ki zot pe servi.

Apre dezyenmman an se ki konsern language barrier par egzanp, mon pe koz Korean, akoz ou’n mansyonn Korean la. Wi, eski sa bato i menm size, apre mon rapel resaman ti annan en lensidan kot en bato Oriental King ti mont lo ros Glacis, ti annan en gro problenm kominikasyon between sa bato avek bann lotorite konsernen. Eski zot fer en fason ki sa bann dimoun  ler i vini i annan en proper sistenm an plas ki apre si i ariv en lensidan pour fer sit zot konpran kot zot devret ale, kot zot pa kapab ale, akoz in annan serten rapor ki zot pa neseserman comply avek bann regilasyon lokalman. Mersi.

 

MR DEPUTY SPEAKER

Mersi Onorab. Minis ou ava pran sa, ou ava abord sa 2 kestyon.

 

MINISTER MICHAEL BENSTRONG

Mersi Mr Deputy. Mersi Onorab. Mon a pran from Onorab Gill, Churchill, sorry. Lo pri ki nou pe dir i pri ki nou bann gran marse enternasyonal, letan bann ton i ganny anmennen lo bann marse enternasyonal, i ganny tender. E i annan en system kot zot kapab mezir en average price lo se sa ki nou servi pri ton lo marse enternasyonal.  E sa i lo pri ki ton pe ganny auction dan bann legzersis vann ek aste.

Par egzanp, platform Zapon i enn ki renonmen, platform Hong-Kong i enn ki renonmen, e i vin parey en legzanp si on average lo pri auction enternasyonal, mete en kilo ton i $100, alors normalman en fee i pour apepre pli ba ki 10 Dolar. So sa i en pti pe labaz ki nou, mon’n fer referans avek, lo kote kestyon from Onorab Pillay, sa bann bato Koreen ki zot in anrezistre isi, nou’n remark…nou rikord i demonstre nou ki i bann bato ki zot in aster dezyenmmen.  E sirtou avek group, bann Spanish, bann Spanish Vessel.

Alors i en bann bato ki en pe pli pti, pti. E i en bann bato ki SFA in deza travay avek. So i well known. E pour ou konsern about sa lensidan ki ti arive, mon pour napa gran detay be selman tou bann bato purse seiners i annan en minimum standar. I enn bann bato lapes ki zot standar i bokou pli o. letan mon dir standar, i zot standar navigasyon, i zot standar kominikasyon, e zot standar monitoring, e monitoring iv in lo 2 platform. SFA i monitor zot, e menm zot lakonpannyen, zot kapab in Portugal, oubyen in Spain, zot kapab monitor sa bann bato pour konnen egzakteman a toultan kote sa bato son pozisyon egzakteman i ete.

So sa i en bann sistenm ki parey mon dir, sa bann minimum standard, e i tre fasil pour nou kapab, pour lotorite lapes par egzanp, pour monitor bann bato, konpare avek bann lezot bato. Purse seiners i en bato ki zot statistic, zot monitoring i bokou more efficient, e sa par ler nou fer resorti par egzanp devan IOTC ki zot servi Sesel akoz Sesel nou travay bokou avek sa bann fleet. Alors i fer nou bann statistic i bokou more accurate konpare avek bann lezot pei  parey koman Indonesie, Sri Lanka kot zot ganny difikilte pour kapab, pour zot kapab konnen konbyen bato pe lapes, e kote zot pe lapes. Sesel nou, nou pe travay pli pre avek bann purse seiners pour nou vin pli egzakt. So zot lekipman mon kapab dir nou satisfe avek zot standar.   Mersi Mr Deputy.

 

MR DEPUTY SPEAKER

Mersi Minis. Onorab Adelaide.

 

HON FRANCOIS ADELAIDE

Mersi Deputy. Bonzour Minis. Minis mwan mon annan zis en pti, petet en pti kestyon. Ler nou koz lo sa size bycatch en, nou dir pour dir nou pour donn Seselwa.  E ler nou pe gete parmi i pour annan torti osi ki pour en bycatch ki nou pour bezwen anmenn ater.  Eski i osi nou pour donn li valer azoute, ouswa. Sey donn nou en pti apersi silvouple. Mersi.

 

MR DEPUTY SPEAKER

Mersi Onorab.  Minis.

 

MINISTER MICHAEL BENSTRONG

Mr Deputy mersi. Mersi Onorab.  Mon ti a swete nou ti ava ganny, I mean mon pa ti a swete, mon pa ti swete, me selman mon konnen bokou Seselwa ti a swete, ti a kontan ganny plis torti pour kapab konsonmen. Mon personnelman mon pa ti a swete.

So far lo rikord nou pa’n eksperyanse okenn torti ki’n ganny land Sesel. Alors dezormen nou pa pour allow.  E osi pa bliye i en species ki ganny proteze. So si en bato i antre ek torti pour dan gro problenm. Akoz i en species ki ganny proteze, e zot napa drwa atrape. Zot bezwen pran tou mezir, tou mezir konsernen pour zot larg sa torti vivan. Ok. Mersi Mr Deputy.

 

MR DEPUTY SPEAKER

Mersi Minis.  Bon avek sa nou’n exhaust tou bann kestyon pour Minis e nou ava remersi Minis avek son delegasyon ki’n vin parmi nou pour fer sa Statement e petet mwan a zis azoute, Minis si oule vin adres Lasanble lo size Lagreman lapes avek Maurice ou kapab fer en request avek Sekretarya, parey ou’n fer pour san enn, me sa i ou, i ava a ou diskresyon si ou anvi fer sa avan ki sa bann Lagreman i vin, Mosyon i vin, i vin dan Lasanble.

So nou  ava… Yes Onorab.

 

HON CHARLES DE COMMARMOND

Non. Mon dir nou anvoy Mosyon direk.

 

MR DEPUTY SPEAKER

Napa problenm si zot oule fer li anvoy Mosyon direk. Napa problenm. Be bon avek sa nou ava remersye Minis avek son delegasyon parmi nou.

 

 

(MINISTER BENSTRONG AND HIS DELEGATION WAS EXCUSED FROM THE HOUSE)

 

 

 

MR DEPUTY SPEAKER

Bon nou pour pran en Break, nou ava adjourn ziska 11.30, e 11.30 nou ava antre, nou ava kontinyen avek Mosyon ki’n deza komans ganny debate. Mosyon lo La Digue. So nou ava pran en Break ziska 11.30.

 

(BREAK)

 

MR DEPUTY SPEAKER

Bon nou a kontinyen nou travay pour lazournen.  E sa se kontinyasyon deba lo Mosyon anmennen par Onorab Ramkalawan. Mosyon ki lir ; ‘’Avek tou bann konsern ki zabitan La Digue pe eksprimen, sa Lasanble pe demande ki en nouvo striktir pour zer La Digue i ganny etablir pour nobou adres tou bann konsern zabitan La Digue.’’ Mon ankor annan, mon ankor annan 8 Manm ki lo mon lalis, ki pare pour entervenir, ok, mon pa pe pran okenn nouvo entervenan. Ok ?

Lo kote Parti Lepep, mon annan Onorab De Commarmond, Onorab Lemiel, Onorab Pillay, Onorab Valmont. Onorab Valmont in fer mon konnen pour dir i oule retir son non lo lalis deba, mon pa mine mon a repran enn ant Onorab Hoareau, oubyen Onorab Ernesta. Onorab Hoareau. Mon ava ranplas Onorab Valmont. Lo kote LDS mon annan Onorab Roucou, Onorab Adelaide, Onorab Letourdie, Onorab Arrisol, e apre mover Mosyon pour fer son konklizyon. Ok ?   Zot ok lo la ?  Yes Onorab Ernesta.

 

HON PAUL ERNESTA

Mersi Mr Deputy Speaker permet mwan Mr Deputy Speaker zis pour mwan fer en pti, en note remersiman de lapar Lasanble pour sa loner ki mon’n gannyen bomaten pour al reprezant Lasanble dan sa seremoni ki ganny fer par UNDP ansanm avek Foreign Affairs lo prezantasyon dokiman, Strategic Development Goal pour 2013, sa dokiman ti’n ganny fer an Kreol. E mon’n kapab fini prezant Clerk avek bann dokiman, avek sa booklet ki pare i ava pass-on avek ou Mr Deputy. Me mon’n santi mwan vreman privilezye, e vreman fyer pour reprezant nou lenstitisyon.  Mersi.

 

MR DEPUTY SPEAKER

Mersi Onorab Ernesta. Nou pa pe fer deba lo la. Sa issue in ganny lev-e bomaten. Onorab Ernesta in dir de pti mon lo la. Ok ? Annou carry on avek Business of the day.

 

HON WAVEL RAMKALAWAN

Mr Speaker, Mr Speaker at the same time, sa dan Standing Orders kote i vini sa. I mean nou pa kapab en Manm zis anvi fer en Statement, I mean there’s got to be order.

 

MR DEPUTY SPEAKER

Yes mon’n donn li. Mon’n donn li laparol, mon’n donn li sa sans. Ok. Issue in ganny lev-e bomaten, in eksplik nou kote in ale, in al reprezant Lasanble Nasyonal. Ok. Nou ava kontinyen avek deba lo Mosyon. Yes Onorab Ferrari.

 

HON JEAN-FRANCOIS FERRARI

Zis en pti matter of privilege, Mr Deputy. Mon ti anvi zis dir ki, semen pase zot in, i annan bann koze ki’n ganny fer lo Corgat Estate. Zis pour konmsi enform sa Lasanble ki ansanm avek Prezidan nou pe sey, nou konnen i annan problenm laba, nou pe sey zis rezourd sa bann problenm.

I pa ede ler bann Manm i ensilte bann zabitan Corgat Estate, i pa ede, konmsi mon anvi zis, konmsi ki nou move on, e ki nou fer bann keksoz, byen dan respe pour tou dimoun, parey nou, nou respe tou bann zabitan La Digue. Mersi.

 

MR DEPUTY SPEAKER

Ok. Onorab Ferrari, pwen in note. Ok. Nou ava kontinyen avek deba. Onorab Lemiel.

 

HON SYLVANNE LEMIEL

Mersi Mr Deputy Speaker, bonzour tou mon bann koleg, bonzour tou dimoun ki a lekout. Mr Deputy Speaker, mon oule komans mon lentervansyon par demande konbyen e ki kalite striktir nou annan lo La Digue. Enn nou vwar La Digue Board, La Digue Trust Fund, zot annan en District Team, e nou osi annan ladministrasyon distrik. Premyerman ozordi ler nou aprofondi dan konteni latas oubyen rol e responsabilite tou sa bann striktir ki annan lo La Digue, sirman ou tante pour dir i bezwen annan parmi sa bann striktir ki pe mars lo lipye kanmarad. E se sa ki donn lenpresyon ki keksoz pa pe marse e i annan dezord.

Mr Deputy Speaker kestyon tou dimoun, rezonnab pe demande, se eski vreman legzistans plizyer striktir dan en distrik i fer ki sa distrik i perdi sans direksyon e komans mars lo lipye kanmarad ?   Senpleman larepons i pa neseserman en wi. Me sa pa vedir ki nou napa risk pour annan serten rol ek responsabilite ki debord lo kanmarad.  Dan konteks size ki devan nou, dan konteks size ki devan Lasanble se ka La Digue.

Mr Deputy Speaker, ou a dakor avek mwan ki zafer pour vin pli konplike ver lannen prosen apre eleksyon konsey distrik si zanmen tou sa bann menm striktir ki egziste lo La Digue i kontinyen egziste. Lozikman ler mon’n ekout Loter Mosyon swivi par lezot mon bann koleg ki’n koze avan mwan, i normal ki nou demann nou lekor en lot kestyon.

Eski donnen konteks spesifik La Digue osi byen ki lezot zil tel ki Baie St Anne, Grand Anse Praslin, eski Konsey Distrik i reprezant vreman solisyon pour zot bann, pour zot bann defi ki zot pe fer fas avek la ozordi ?   Eski konsey distrik pour kapab adres zot bann problenm dan limedya e dan lavenir. Mr Deputy Speaker, nou pe fer fas avek  en diferan realite lo tou nou bann zil espesyalman lo La Digue, Baie St Anne, Grand Anse Praslin. Sityasyon aktyel i obliz nou pour fer bokou plis refleksyon lo nou bann opsyon ki nou annan. Touzour gard dan tou sa ki nou pe fer, oubyen deside fer dan zentere, dezir e laspirasyon sak sitwayen lo nou bann zil, mon persyade ki nou bezwen fer bokou refleksyon avan nou deside lo en lot model striktir pour deservi tou zabitan lo La Digue. E lo tou bann lezot zil.

Antretan, mon krwar ki tou zabitan La Digue i konsernen e zot konnen ki si zot annan okenn problenm, oubyen konsern zot bezwen al kot Administrater Distrik. Mr Deputy Speaker ozordi se sa DA ki Government Representative dan bann distrik. Mr Deputy Speaker letan mon’n ekout bann diferan entervansyon, menm Onorab Sophola e Onorab Ghislain, zot in osi fer resorti ki wi i annan serten problenm lo La Digue,  e mon panse ki zot pe aksyonn lo tousala.

Par kont i pa toultan difisil pou deal avek problenm dan ou distrik ler ou pe depan lo lezot lazans pour asiste ou rezourd en problenm. Mr Deputy Speaker, mwan pe mazinen ki si i annan problenm avek sa District Team la presizeman lo La Digue, mon pour sizere ki Minister Gouvernman Lokal i travay pli pre avek sa Lotorite Distrik, e vwar kote problenm i ete ki sa tim pe fer fas avek pour fer li vin pli efikas. Sa ki La Digue i bezwen se aksyon lo teren. Mr Deputy Speaker nou bezwen, letan pour fer plis refleksyon lo en meyer opsyon. Me an menm tan, nou bezwen demann nou lekor serten kestyon ; ki degre lefikasite sa bann striktir ki egziste ?   Eski nou merit revwar, oubyen re definir zot rol, e zot fonksyon ? Mr Deputy Speaker, i osi enportan  pour konnen si sa Administrater Distrik La Digue in deza raport sa bann diferan problenm ki son distrik pe fer fas avek ?   Si wi ki bann lazans oubyen Minister konsernen in fer, oubyen pe fer pour rezourd sa bann problenm ?   Sa osi i enportan pour nou konnen.

Mr Deputy Speaker a mon’n avi, bann travayer servis piblik e dan bann Lazans. La mon pe koz sirtou bann Lazans ki donn servis, zot merit vin pli proaktiv, e pli sansib vizavi bann konsern ki ganny mete devan zot. Fodre ki zot azir vitman letan okenn problenm i ganny met devan. Pa dormi lo problenm, e esper zabitan vin fristre. Fodre aside ki problenm dan bann kominote i ganny aksyonn lo la deswit. Parfwa i bann pti keksoz ki nou fer ki fer en gran diferans dan en kominote. Dan bokou sirkonstans se ler nou tarde pour azir lo en problenm ki kapab ganny rezourd ozordi ki fer annan problenm e fristrasyon dan en kominote. Mr Deputy Speaker pour konklir, mon konsidere ki i annan nesesite pour revwar ki kalite striktir ki nou met an plas, non selman lo La Digue, me lo tou bann zil, prensipalman Baie St Anne, E Grand Anse Praslin. Nou bann zil pe fer fas avek plizyer defi dan sa lepok aktyel. Nou bezwen sa ki meyer pour nou bann zil. Mon pa konvenki ki konsey distrik i reprezant solisyon pour defi nou 3 zil. Annou donn lekor letan. An mezir ki nou revwar sa ki egziste, annou met latet ansanm pour anmenn en meyer solisyon pour tou nou bann distrik dan Sesel.

Sesel i annan kapasite pour diskite e trouv solisyon pour sa ki meyer pour tou nou distrik elektoral. Annou fer li pour Sesel e selman pour Sesel , e non pa pour atann bann azanda politik kourt term. Les nou lanbisyon politik ganny gide non pa par nou prop azanda, me selman par dezir, e laspirasyon pep Seselwa. Mersi Mr Speaker.

 

MR DEPUTY SPEAKER

Mersi Onorab Lemiel. Onorab Clive Roucou.

 

HON CLIVE ROUCOU

Mersi Mr Speaker.  Bonzour Mr Speaker, bonzour tou Manm Onorab, e bonzour tou dimoun ki a lekout dan lakour. Mr Speaker mon pour siport sa Mosyon prezante par Onorab Ramkalawan dan son totalite.

Mr Speaker ler mon’n lir sa Mosyon, mon war ki Loter Mosyon e nou dan LDS nou annan nou bann frer ek nou bann ser Digwaz a ker. En tel striktir byen organize parey Mosyon pe demande, i a vin koman en nouvo souf pour nou bann frer ek ser Digwaz kot tou sa bann striktir ki an plas aktyelman pa pe marse, e alors en striktir byen organize nou ava war en fason mars devan. Mr Deputy Speaker pandan sa de semenn nou’n tann sa litani problenm ki La Digue in ladan. Sel konklizyon ki mon kapab tire, wi, La Digue i dan problenm, e La Digue i dan en dezord total. Problenm tou sord grander, e tou sort groser. Difikilte tou sord dimansyon.

Mr Speaker ankor mon tir en konklizyon, tou sa problenm ki nou frer ek ser Digwa, Digwaz i ladan, pa lot, pa lot ki Parti Lepep, SPUP, SPPF ki’n kree pandan sa 40an. E tousala pe enpakte, pe enpakte lo lavi nou frer ek ser Digwaz. Mon bann frer ser Digwaz mwan annan zis en keksoz pour mwan dir zot, zot pa merite dan tel sityasyon. Sa sityasyon in ganny kree ankor enn fwa par Parti Lepep.

Mon bann frer ek ser Digwaz pandan se semenn, nou’n tann Onorab Sophola, eskiz mwan, Onorab Sophola avek Onorab Ghislain in sey fer mal vin byen. Zot in sey zistifye tou sa bann mal ki Parti Lepep in kree. Mon bann frer ek ser Digwaz, Onorab Sophola, ek Onorab Ghislain, ek tou zot bann predeseser pa’n fer nanryen pour zot. E mwan asire napa personn ki pour fer nanryen pour zot, unless nou LDS nou pran zot a men. Tou sa ki’n la oparavan, in mazin zis pour zot. Menm la dan Lasanble aktyel, nou annan 2 MNA sorti La Digue, e nanryen ziska ozordi, nanryen pa ankor ganny fer.

Mr Deputy Speaker, mon ti etonnen, me fransman mon pa ti sirprann semenn pase ler mon’n tann Onorab Sophola koz lo lopital, lo lasante, lo Dokter, ek ners kalifye, me i pa’n koz ditou lo bann problenm ki sa bann, mon bann koleg fre ners, Dokter ki pe pas ladan. Zot lanvironnman travay ki pa bon. Travay an plis ki zot pe fer. Linite ki devret annan dan lopital parey Laboratwar napa. Ankor nou’n tann Onorab Sophola pe koz lo nouvo lopital.

Mr Deputy Speaker Onorab Sophola ankor enn fwa pe anbet nou. Nouvo lopital depi ler zot per fondater ti la swadizan ti pour annan enn. Minis Larue in vini, in propoze, in koze pour annan enn. Les mwan dir zot, toultan nou pa vwar li monte, alors pa bezwen krwar, pa bezwen krwar. Onorab Sophola in menm al pli lwen. In menm al pli lwen pou li dir travayer lasante, e tret zot koman ipokrit. Non Onorab Travayer Lasante i pe fer tou e i pe donn tou. Napa personn ki bann ipokrit. Zis akoz zot dir kwa ki mal, oubyen kwa ki zot pa kontan.

 

(APPLAUSE)

 

HON CLIVE ROUCOU

Si mwan mon ti a ou, mwan ti a demann zot en gran leskiz, akoz tou sa ki zot pe donnen ozordi nanryen ou pa rekonnet. Mr Deputy Speaker, pour nou al pli lwen ki sa Onorab Sophola in menm koz lo lanbilans. Onorab Sophola mwan, mwan koman en ners spesyalize dan emergency en Lanbilans ki zis roule pa apel en Lanbilans. Nou ti kapab pran en bis tata. Onorab Sophola en Lanbilans i devret annan standar, me sa enn ki La Digue, napa standar. Alor Mr Deputy Speaker ler mon’n tann li in dir zot annan zot Lanbilans, non en Lanbilans ki napa nanryen ladan, ki parey en bis, i ti kapab apel zis en bis. Ankor standar fodre annan dan lasante. Se pour se la ozordi ki nou war tou sord kalite problenm.

Mr Deputy Speaker, nou’n koz lo konstriksyon, nou’n koz lo konstriksyon e nou tou isi nou’n war ki konstriksyon La Digue i ser. Nou’n war ki en lakaz, en lakaz 100 met kare, avek tou sa bann depans an plis lo blok, lo lapousyer ros, en lakaz ki ti pour kout apepre R1milyon Sesel, e lakaz 3 lasanm ki mezir apepre 1 met kare ki pour kout anviron R1milyon isi Mahe, La Digue pour kot apepre 1.3 a 1.4 milyon.

So zis mazinen ki kantite benefis en 300 a R400mil ti pour fer pour nou bann fre avek ser. Mr Deputy Speaker, ankor linondasyon e linondasyon. Lannen ale, lannen vini, nou’n war menm problenm. Nou’n war ki tou sa bann Board La Digue ki pe mars lo lipye kanmarad zanmen, e zanmen zot in annan en bon plan, oubyen en bon mekanizm pour kapab deal ek sa problenm ankor si pa pour LDS gran mersi mon dir osi ki LDS ti mont La Digue. Ozordi sa tel Mosyon pe adres sa bann problenm. Alors pandan sa 40an zot pa’n kapab. Akont nou water table, akont nou ki mannyer montanny i été, akont nou ki mannyer lanmer i monte. Se si zot ti’n byen planifye li, ozordi i ti pou’n arive.

Mr Deputy Speaker, mwan mon annan zis en keksoz pour mwan dir mon ban frer ek ser Digwaz; problenm in arive akoz zot ti mal fer zot swa. Me en fot i en fot ziska ler zot in repete. Laklos pour sonnen, letan pour arive. Pa fer ankor menm fot.  Zis nou dan LDS ki annan zot aker. Alors pour konklir mon demann tou Manm dan sa Lasanble pour siport sa Mosyon. Mersi Mr Speaker.

 

 

MR DEPUTY SPEAKER

Mersi Onorab Roucou. Onorab Sebastien Pillay.

 

HON SEBASTIEN PILLAY

Mersi Mr Deputy Speaker. Mr Deputy Speaker Mosyon ki devan nou i koz lo, ‘’Avek tou konsern ki zabitan La Digue pe eksprimen sa Lasanble i demande ki en nouvo striktir pour zer La Digue i ganny etablir pour nobou adres tou bann konsern zabitan La Digue. ‘’Mon ti krwar sa ki tit Mosyon akoz ler mon’n ganny sans ekout bann entervenan lo lot kote latab i paret mwan ti en Mosyon, ti en Mosyon lo annou reponn sa Onorab Noline Sophola in dir lo Mosyon Onorab Ramkalawan. Mr Deputy Speaker ler mon’n ekout bann entervenan zot pa menm an adres, substantive nature, Mosyon ki posibleman i annan en serten merit, me rather focus lo larepons ki Onorab Sophola in donnen. E ler nou analiz tousala, Mr, Mr Deputy Speaker i annan en keksoz fondamantal ki nou bezwen realize, se ki Onorab Sophola koman en Manm parlman ki fek ganny elekte in step into the ring pour li defann son prensip, oubyen defann bann prensip ki li krwar ladan kont enn bann politisyen pli eksperimante ki nou annan dan Lasanble.

En politisyen, en politisyen ki’n fer plizyer lannen dan Lasanble, ki konn travay Lasanble, ki li menm li pandan plizyer lannen in demontre en fighting spirit enkrwayab e ki ozordi mon konnen pour dir deep down li menm li i apresye sa fighting spirit ki Onorab Sophola in demontre ler in reponn son Mosyon.   I kler sa. E mon konnen si Onorab Ramkalawan atraver ou Mr Speaker ti pe asiz lo menm latab avek Onorab Sophola i ti pour fer egzakteman sa ki mon pe fer la. E sa se defann lefe ki dimoun La Digue in elekte en dimoun ki pa’n per, ki’n annan kouraz malgre ki dan en Lasanble kot i annan en Parti lot kote ki an mazorite pour li fer pase son pwen. E se la kot mon oule demann dimoun La Digue pour zot analiz zot swa ki zot in fer.

Si Onorab Sophola in annan sa fortitid karakter pour li stand e prezant son lopinyon vizavi sa Mosyon i montre pour dir zot in fer en bon swa. E non pa en move swa. Mr Deputy Speaker,

 

(APPLAUSE)

 

HON SEBASTIEN PILLAY

i kler ki dan tou distrik partou kot nou ale nou pour vwar pour dir i annan serten problenm ki egziste. I kler sa. Napa okenn dout sa. I osi kler ki koman Manm Lasanble, nou la anndan pour fer serten nivo politik, i normal sa. I ok sa. Onorab Ramkalawan in vwar pour dir enn bann distrik kot Parti Lepep in byen dan dernyen Eleksyon, se La Digue, e alors in prezant en Mosyon lo La Digue. E i menm keksoz ki mwan mon ti pour fer.

E prezan ki nou vwar e zis parey Onorab Lemiel in koz lo la, nou’n vwar pour dir dan pe rod sa political mileage, si nou kapab servi sa term, Onorab in anmenn bann pozisyon, bann konsern ki dapre li i reprezant konsern tou zabitan La Digue. Mr, Mr Deputy Speaker, ler nou regard sa Mosyon pour mwan i annan en keksoz ki devret fer nou koman en Lasanble take stock of sa ki nou pe fer.

Ler nou komans koz lo nou involvement dan formasyon bann striktir ki Egzekitif i formen, ler nou komans koz lo nou involvement dan travay direk ki Egzekitif pe fer, ou pe konpromi a en serten nivo, nou travay oversight ki nou menm nou, nou annan, ou a permet mwan pour eksplik en pti pe pli an detay Mr Deputy Speaker. Nou rol se pour nou kapab egzers oversight, e nou kapab fer sa kan nou napa okenn lentere, e la mon pa mean lentere personnel me kan nou napa okenn involvement direk dan bann striktir, dan travay sa bann striktir.

Rezon pour sa i akoz ler in ariv ler pour nou demann kestyon lo travay ki sa bann striktir i sipoze fer, nou pour war nou konpromi par lefe ki si ozordi nou pe demann set up bann tel striktir, nou osi le konnen lekel ki al lo sa striktir, e nou pour osi oule le deside lekel ki al lo sa striktir. Ki pou fer ki deza si sa striktir pa fonksyonnen demen, se nou ki pour bezwen demann Gouvernman kestyon lo la. Me ki mannyer nou pour kapab demann Gouvernman lo sa bann, lo bann kestyon lo sa striktir kan i nou menm nou ki annan la baz son formasyon ?

Mon pa pe dir pour dir napa konsern lo La Digue. E mon repete, mwan mon krwar dimoun La Digue in fer en bon swa dan met en dimoun ki pare pour vin defann zot prensip akoz annou fer fas avek la realite ozordi, Mr Deputy Speaker.  Ozordi tou sa dimoun ki pe regard Lasanble Nasyonal, en kantite dimoun pe komans regarde e lespri ki dimoun pe fer se i pe regarde lekel sa kandida ki meyer pour reprezant son lentere, son prensip, me osi lekel sa kandida ki pare kan in ariv ler pour li debout for deryer son prensip.  E sa i en fe sa.

I en fe i en realite ki nou bezwen aksepte ki dimoun pe regard politik dan en fason diferan. E se sa ki fer mon dir pour dir le nou annan en Onorab ki kestyonn serten keksoz, nou bezwen osi apresye lefe ki in fer li dan en latmosfer ki pa neseserman pozitif pour li me in fer li.  E sa i pran bokou kouraz lo lapar sa Manm Lasanble pour fer li. E mon krwar ki, si mon pour adres natir sa Mosyon, si i annan en pwen ki mon tire from sa Mosyon i byen ki nou annan sa diskisyon otour bann konsern ki dimoun La Digue pe eksprimen, i enportan pour annan sa konsern, me lefe i reste ki – eski se nou, se nou Lasanble ki devret deside ki kalite striktir ki best fit la fason La Digue i devret fonksyonnen ?

Eski se nou Lasanble ki devret deside ki kalite striktir ki pour mars pli byen lo La Digue ?  Non. Sa se dimoun La Digue ki kapab fer sa desizyon akoz se zot ki eksperyans lavi toulezour lo zot zil.  E si dimoun La Digue i deside pour, pour, pour anmenn en striktir ki satisfer zot e ki pa an akor avek sa enn nou pe propoze. Eski nou pour dir ki dimoun La Digue in mal fer son swa ? Non. Mon krwar ki nou bezwen konpran serten keksoz dan la fason ki nou travay.

E mon tann en Manm Onorab lot kote pe koze an menm tan ki mon pe koze, i enteresan ki bomaten li menm li in dir mwan, e mwan mon pran mon rol koman en Manm Lasanble ki okenn, okenn issue, dan okenn landrwa, okenn distrik ki mon santi pour dir zis parey Onorab Ramkalawan in anmenn en Mosyon lo La Digue, i parfetman son drwa akoz i en Manm Lasanble, i reprezant, i pe reprezant lepep Seselwa, lentere tou dimoun. E Manm Proporsyonnel parey mon menm i pa en Manm elekte La Digue, in anmenn sa Mosyon. Be bomaten Onorab Henrie ti demann mwan si mwan mon MNA Glacis pour demann kestyon lo Glacis. Konmsi ou annan, konnen nou bezwen annan lakseptans, en grander lespri pour aksepte pour dir nou tou koman Manm Lasanble nou kapab partisipe e anmenn keksoz pour dimoun devan. Se sa ki enportan. E ou a vwar dan mon lentervansyon Mr Speaker, mon pa’n atak personn mwan.

Dan mwan lentervansyon mon pe koz lo sa ki mon’n obzerve pandan letan ki mon’n la, mon’n vwar sa deba pe pase, me osi pli enportan, an sa ki konsern mon analiz ver en Mosyon vize ver Egzekitif, ki pe demann egzekitif pour anter serten aksyon me ki dan mon lopinyon i osi pe demann, nou osi pe demande ki nou pran aksyon nou osi. Mon oule fer kler ki nou rol koman Lasanble Nasyonal se pa pran aksyon li menm me se pour annan oversight lo sa aksyon akoz demen i permet nou demann nenport ki kalite kestyon  ki nou anvi demande. Mon konnen ki Onorab Woodcock lot kote i dakor avek sa li. Akoz i kontan demann kestyon egzekitif pour fer sir ki son distrik i avans devan. I pa ti a kontan konpromi son lendepandans e son lentegrite par met li dan en trou kot apre li menm li i pa kapab demann kestyon lo bann size ki li menm li in ede kree.

Se sa lavantaz ki nou annan en Lasanble Nasyonal ozordi, e mwan mon apresye sa latmosfer travay ki nou annan akoz i permet nou pour enterakte avek diferan size dan nenport fason ki nou kapab akoz nou annan sa lendepandans pour nou fer li, nou pa’n konpromi sa lendepandans pour nou fer li. Se sa la realite. Se sa kot mon vwar sa Mosyon i ete Mr Deputy Speaker.

Mr Deputy Speaker, en lot konsern ki mon annan avek sa Mosyon se le fe ki nou pe apros en Eleksyon Distrik, Konsey Distrik. E mon konnen ki Onorab Simon Gill ti raise sa pwen oparavan, e i ti en bon pwen kot i ti lev en pwen kot ki mannyer sa pour interface avek sa eleksyon District Council ler i vini. E se la kot nou bezwen vreman regarde, parey Onorab Gill ti dir – eski nou bezwen al dan sa eleksyon a sa moman ? Eski nou bezwen revwar keksoz dan en lot fason. Tousala i bann kestyon ki nou bezwen demande ki atraver sa Mosyon i pa pour permet nou pour reponn sa bann size. Me lefe i reste e mwan aksepte Mr Deputy Speaker ki nou bezwen adres bann problenm ki dimoun La Digue i annan e mwan mon napa okenn dout ki Onorab Sophola pour kontinyen anmenn kestyon pour adres sa bann problenm. E levidans i la pour montre par egzanp resaman an se ki konsern Air Seychelles i ti demann kestyon akoz ki bann cabin crew ki sorti La Digue pa ganny en landrwa reste pour zot ? Mon’n vwar li demann kestyon Minis Ledikasyon an relasyon avek lekol La Digue.

Mon’n vwar li demann kestyon Minister Lasante an relasyon avek lopital La Digue. In fer sa bann travay ki nou pe fer. Me li, me li i en dimoun ki pe demann kestyon egzekitif, e i pe ofer son travay koman en Manm MNA pour li kapab anmenn en meyer lavi pour son dimoun dan son distrik. Se sa son rol. Me fondamantalman sa ki reste Mr Deputy Speaker se annou pa bliye pour dir nou dan en koabitasyon, e ki pour annan nide ki sorti lo lot kote. I pour annan nide ki sorti lo nou kote, e ki nou tou le de  nou pour bezwen meet each other halfway an se ki konsern bann diferan nide ki nou annan. Ki mon krwar pour dir evantyelman nou a konnen lekel striktir ki pli meyer pour La Digue.

Me a sa moman Mr Deputy Speaker, mwan mon konsernen avek lefe ki as long ki nou koman Lasanble Nasyonal, nou kree bann sityasyon kot nou pe apros en konpromi lo nou rol oversight, lo nou lendepandans koman en Lasanble pour egzers nou rol oversight lo Egzekitif mon konsernen. I mon konsern personnel, petet mon mal ladan. Mon pa pour dir tou sa ki mon dir i neseserman fet akonpli, me lefe i en analiz ki mwan mon’n fer lo en size.

E prezan i reste pour dimoun pour zot tir zot prop konklizyon lo sa mon’n dir, e an terminant  Mr Deputy Speaker, mon konnen pour dir sak fwa mon koze Onorab Ferrari i eksite, mon pa konnen akoz. I bezwen annan en keksoz ki fer li kontan ler mon koze. Me sa ki mon konnen Mr Speaker, e sa mon apresye Mr Deputy Speaker se lefe ki i annan sa lenteraksyon, e mwan mon vreman kontan sa latmosfer. Mwan santi pour dir wi nou pe al dan bon direksyon, me selman nou bezwen careful. Nou bezwen careful lo nou rol ki nou annan pour nou zwe, e nou bezwen fer sir pour dir at the end of the day, nou pa vin en …executive body. Mersi Mr Deputy Speaker.

 

 

MR DEPUTY SPEAKER

Mersi Onorab Sebastien Pillay. Mon a pran ankor en entervenan, apre nou ava adjourn pour lunch. Onorab Adelaide.

 

HON FRANCOIS ADELAIDE

Mersi Mr Deputy Speaker. Mr Deputy Speaker Onorab Ramakalawan in anmenn en Mosyon pour nou sey gete ki nou kapab fer pour sey ed nou bann frer La Digue. E nou’n tann dernyerman Onorab Pillay ki’n vreman in sey defann mannyer i kapab pour sey defann son de Onorab ki’n koz avan li, e sey montre pour dir La Digue tou zafer i ok. Me tou sa bann koze ki’n koze, in fer ta koze, me demann dimoun in konpran ki in dir. Preski nanryen.

Mr Deputy Speaker, ler ou koz dan lakoler, ou fer en speech, i pli zoli speech ki zanmen ou bliye dan ou lavi. Akoz ou pa’n get le vre valer ki zot pe koze, me ou’n deside koz dan lakoler. E nou parey sanson i dir, nou pour retourn zot, zot mesaz byen zwaye. Akoz nou ti mont La Digue? Mr Deputy Speaker ti annan sa Mosyon, ti annan sa dokiman lo pansyon ex-President avek ex- Vice-President. Se sa dan fer li nou Lasanble parey nou ti dir, nou ti monte pour ou eksplik zabitan La Digue, e ganny zot pwennvi lo sa Lalwa avan ler i vin an plas.

Ler nou ti monte vreman lo La Digue lasose i ti ok, nou ti ganny byen welcome, me nou pa ti kapab vwar sa bann problenm, se atraver ler nou ti dan sant kominoter, nou ti a pe koz avek bann dimoun ki sa bann pwen, sa bann problenm, i ti monte.  Se nou pa ti ale pour nou parey zot pe dir, pour nou al fer politik bonmarse, pour nou al vann nou lekor koman LDS. Nou, nou pa vann nou lekor koman LDS, me dimoun i sivre nou

 

(APPLAUSE)

 

HON FRANCOIS ADELAIDE

Mr Deputy, les mwan dir avek Parti Lepep pour dir nou, nou en parti  caring.

Kantmenm zot dir ti annan 3, 4 nou pa bezwen ganny nou preski 30, 50 nou, nou, nou lager pour sa senp endividi. Si i annan en problenm nou pour deal pour li akoz li osi, i form par en dimoun, e konte nou komans par enn. E nou bezwen apresye valer sa en dimoun pour nou kapab apresye valer 50, 60 dimoun. E si, e si en dimoun i annan en problenm, nou zwe bliye. Nou bezwen konnen, ekout mwan, ekout mwan ou, mwan pe eksplik ou akoz nou ti mont La Digue, e kot nou ti vwar problenm. Tenir Onorab Hoareau pa nerve.

 

 

MR DEPUTY SPEAKER

Onorab Adelaide. Adres the Chair, please.

 

HON FRANCOIS ADELAIDE

Ok. Napa problenm. Mr Deputy Speaker, nou ti war dernyerman kot Onorab Gill in sey defann, in seye i osi. Akoz i ti war son de Onorab i dan problenm. In fer en tre bon travay, me in bite lo dernyen bout. Keksoz ki nou oule. Dimoun, Seselwa i konpran, se si LDS in anmenn en problenm, i anmenn en solisyon, nou pa aksepte, fodre sa i sorti kot Parti Lepep pour zot kapab aksepte.

Konbyen Mosyon nou’n anmennen dan lepase?  Zot pa’n dakor avek. E si zot ki anmennen, si Onorab Noline Sophola ti anmenn sa Mosyon zot tou laba lot kote zot ti pour felisit li. Mr Deputy Speaker La Digue i annan problenm parey Baie Lazare i annan problenm. Nou’n tande problenm later, nou’n tande problenm later. Eski sa i pa pour lev en awareness lo La Digue ?   Non. Kontrer Baie Lazare in fer en bon swa. La Digue ki pa’n fer en bon swa.

 

(APPLAUSE)

 

HON FRANCOIS ADELAIDE

Ozordi mwan koman Onorab Baie Lazare mwan kapab monte dir problenm Baie Lazare fil en aiguille. La Digue i kasyet zot problenm, i fer krwar napa problenm. Zot ti demande oli problenm.

Mr Deputy Speaker, nou  pe fer zabitan La Digue  krwar pour dir nou’n fouy en rigol, nou’n anmenn tou diferan leksplikasyon, drenaz. Mr Deputy Speaker, eski zabitan La Digue pa konpran ki savedir en trou, ki savedir en drenaz, ki savedir en rigol ? Eski nou pran sa bann zabitan La Digue pour bann dimoun ‘Toulouy ‘parey nou dir? Mr Deputy Speaker in ler pour nou donn dimoun La Digue zot valer, in ler pour nou donn zot, zot merit kot zot merite. E nou dan LDS, nou pour fer sir, nou pour fer sir ki si zot Onorab pa kapab anmenn sa bann Mosyon devan Lasanble, zot a telefonn nou bann LDS, pran nou nimero, nou, nou ava anmennen pour zot nou.

Nou devret konpran pour dir Onorab Noline Sophola i en serviter La Digue, me non pa en Sef, en Leaders, me pa en Boss. Zot dimoun La Digue zot devret servi Onorab Sophola e servi li byen.  Donn li zot problenm kan merit anmennen, i ava anmennen. Parey mon’n dir si pa oule anmennen, donn nou, nou ava anmennen. Nou ti ganny sans pas en kou kot lopital. Mr Deputy Speaker, Onorab Sophola avek tou mon respe pour ou, mon vreman dezapwente avek ou. Ki ou Mr Deputy, ki Onorab Sophola in kapab maltret sa 2 e ners ki ti la, e tret zot koman ipokrit.

Mon demann Onorab Sophola pour li pas kot sa lopital La Digue e demann pardon sa bann ners. Se bann ners ki travay dir sa avek anba en ta konplikasyon, kondisyon pa tro favorab, senpleman sa bann ners ti pe dir nou zot annan problenm, e zot ti anvi nou ed zot, pa napa problenm, e pa tret zot koman ipokrit ; akoz pli gran ipokrit dan tousala se byensir Deputy Speaker se byensir Onorab Sophola li menm. Se byensir Onorab Sophola li menm. Akoz i….

 

MR DEPUTY SPEAKER

En moman, en moman.

 

HON FRANCOIS ADELAIDE

Mr Speaker mon kapab kontinyen silvouple.

 

MR DEPUTY SPEAKER

En moman. Order! Order! Order!  Sa term, sa deskripsyon in deza ganny servi dan sa deba, i pe fer referans avek sa deskripsyon ki ti ganny servi.

 

HON FRANCOIS ADELAIDE

Mr Speaker mon kapab kontinyen.?

 

MR DEPUTY SPEAKER

Non, non… Order! Kontinyen, Onorab.

 

HON FRANCOIS ADELAIDE

Mr Speaker ler ou tret en dimoun koman  ipokrit, ou osi ou bezwen aksepte si en dimoun i dir ou, ou ipokrit. Napa nanryen mal ladan.

 

MR DEPUTY SPEAKER

Bon en moman, en moman, mon’n dir, mon’n dir semenn pase, annou fer atansyon ki bann term, ki bann deskripsyon nou servi dan sa Mosyon. Sa term. En moman, moman. Order ! Order ! Sa term sa deskripsyon in ganny servi dan sa Mosyon. Onorab Adelaide pe fer referans avek sa deskripsyon ki’n ganny servi.

 

HON FRANCOIS ADELAIDE

Mr Speaker mon kontinyen.?

 

MR DEPUTY SPEAKER

En moman, en moman. Onorab Adelaide. Ou fer kler ek sa Lasanble, ou’n dir ki Onorab in dir, in dekrir sa 2 nurse koman ipokrit. Ok ? Ou referans ki ou pe fer – fer kler sa referans ki ou pe fer.

 

HON FRANCOIS ADELAIDE

Wi Mr Speaker, mon repete pour zot tande, si zot pa’n tande.

Onorab Sophola i tret sa bann ners koman ipokrit akoz i pa ti realize pour dir i annan problenm La Digue. E mwan mon pe dir se pli gran lipokrizi se pli gro ipokrit se Ms Sophola akoz i konnen pour dir La Digue i annan problenm.

 

MR DEPUTY SPEAKER

In fer, in fer referans, in fer en referans. Sa term in ganny servi. In fer en referans. Se sa ki mon pe dir nou bezwen careful. Wi, wi, nou bezwen careful. Kontinyen Onorab.

 

HON FRANCOIS ADELAIDE

Mr Speaker i enportan dan Lasanble pour nou mazinen se ki ler nou anvi respe dan nou lavi fodre nou senm respe. Fodre nou rod respe. Nou pa kapab disrespect  nou kanmarad apre nou, nou oule ganny respekte. Ok ? Mr Deputy Speaker nou komanse zafer Lanbilans kontinyen. Sa zafer Lanbilans, i reelman i en problenm akoz menm drayver li menm ti vini ti dir nou pour dir i annan en problenm.

E Onorab Sophola i dir nou pour dir i pour met lanbilans lo lasose pour li montre nou. Mr Deputy Speaker, nou Mahe nou konnen ki savedir Lanbilans, Lanbilans nou pa display lo lasose. Me nou servi pour anmenn pasyan ladan. E Onorab Sophola si ou ganny Lanbilans mon pour byen kontan. Dimoun La Digue ava ganny en Lanbilans e zot ava servi, i ava petet amelyor zot lavi.

Mr Deputy Speaker nou, nou la dan Lasanble pour nou empower dimoun. E se sa ki nou per fer ozordi. se nou montre La Digue pour dir zot pour bezwen komans fer sa travay zot menm, apre nou, nou ava kontinyen ed zot. Nou tou nou pour bezwen bouz ansanm. Mahe, Praslin, La Digue, nou tou nou bezwen al ansanm dan sa pei, e fer sir ki nou tou nou ganny rezilta. Parey Onorab Pillay in dir sa zafer koabitasyon fodre nou konn byen enterpret  li. Pa zis servi li ler nou pour ganny lavantaz e ler i dan nou dezavantaz nou sote, nou kriye, e nou fer nenport ki fason pour nou ganny rezon.

An konklizyon Mr Deputy Speaker nou konpran pour dir La Digue zot dan problenm. E nou koman bann Manm LDS lo sa kote latab nou pe donn zot full soutyen, nou pe siport zot dan tou zot demars e ki avek sa Mosyon ki Mr Ramkalawan, Onorab Ramkalawan in anmennen mon krwar i pour zet en lizye lo La Digue, i pour eklersi La Digue en pe. E dousman, dousman La Digue pour retournen.

Dousman, dousman, nou, nou pour donn lanmen siport La Digue, e mwan pe demann nou tou lo sa kote latab pour nou vot pour sa Mosyon akoz i en Mosyon ki bon. Si i pour bon pour Mahe, i osi i pour bon pour La Digue. Ankor enn fwa Mr Deputy Speaker, mon remersye ou pour donn mwan sa pti letan kantmenm bann Onorab lot kote latab in sey disturb mon konversasyon, pour anpes bann dimoun La Digue tann mesaz, me mon krwar pour dir zot in tann mesaz. E zot ava fer en bon swa pli tar dan lavenir. Lord Deliver Seychelles. Mersi Mr Deputy.

 

        (APPLAUSE)

 

MR DEPUTY SPEAKER

Mersi Onorab Adelaide. Bon, mon re, mon re donn gidans sa deba. Sa deba, i en deba lo La Digue. Avan nou’n repran deba mon’n relir ankor sa Mosyon. Annou sey otan posib fer nou entervansyon baze lo sa Mosyon. Annou pa al personnel. Annou fer atansyon bann term, bann deskripsyon ki nou servi, en manm i pour kapab reponn apre. In deza, in deza arive dan le pase, menm dan 4enm Lasanble kot serten dimoun dan sa Lasanble, Manm ti dir ek en serten group Seselwa zot engra. E apre nou konnen ki mannyer lot kote ti reponn. Ok ? Annou fer atansyon koman nou dekrir nou dimoun osi tou deor. Ok ?

Nou bezwen mazinen pour dir i annan deba, e deba i al de kote. So alor mon pe dir, mon annan ankor 5 entervenan pour apre midi. Ok ? Annou zis fer atansyon ki sa deba i ava fini dan en bon fason. Ok ? Avek mon annan de pti lanons pour mwan fer. IAC pe rankontre deswit la pare Break dan Committee Room 2, e ABC Assembly Business Committee pour zwenn 1.15 dan Speaker’s Conference Room. Avek sa nou ava adjourn ziska 2er.

 

(BREAK)

 

 

MR DEPUTY SPEAKER

Bonn apre midi tou Manm Onorab e bonn apre midi tou dimoun ki a lekout e pe kontinyen swiv travay Lasanble Nasyonal.  Bon nou a kontinyen avek nou travay e prosennman lo mon lalis mon annan Onorab Basil Hoareau.

 

HON BASIL HOAREAU

Mersi Mr Deputy.  Bonn apre midi Mr Deputy ek tou bann Manm e tou dimoun ki pe ekout nou.  Mr Deputy mon’n ekout deba lo sa Mosyon ki’n anmennen par Onorab Ramkalawan avek tou lentere. E nou’n vwar poudir parfwa bann deba in pran en  ton politik e i normal nou politisyen e nou fer politik dan Lasanble.  Me i osi enportan Mr Deputy ki,  letan ki nou deal ek sa bann deba  koumsa i enportan osi ki nou mazin sa bann zabitan.  E si nou pe koz zabitan la Digue e an gro nou pe  koz osi Sesel.  E nou’n koz lo freedom of speech dan sa Lasanble.  I vre tou Manm dan sa Lasanble i kapab koz lo nenport ki distrik e nenport ki size.  Sa i son drwa ki ganny donnen par nou Konstitisyon e i enportan ki nou respe sa.  An dot mo tou Manm i annan drwa adres sa Mosyon e koz lo La Digue.  Me sa ki osi enportan se ki mon pa’n, parey i annan serten Manm ki’n sey fer  resorti mon pa’n tann ni Onorab Sophola, ni Onorab Ghislain dir poudir personn pa kapab adres sa Mosyon unless ki zot sorti La Digue.  Sa pa’n ganny dir, i pa’n ganny dir annou pa fer krwar sa in ganny dir.  Tou  dimoun i annan drwa pou zot adres sa size.  E letan nou pe koz La Digue, i osi fer nou mazin  tou nou lezot distrik ki nou annan isi dan Sesel. E tou nou distrik bann Manm Elekte zot pou konnen, dan tou distrik i annan problenm e i responsabilite sa Lasanble pou ede pou anmenn en soutyen dan tou distrik pou trouv en solisyon.

Mon konnen Onorab Ferrari bomaten in admet poudir Mont Fleuri i annan problenm.     Onorab Woodcock pou dakor ek mwan poudir Grand Anse Praslin i annan problenm.  Onorab Roucou pou dakor ek mwan poudir ki Plaisance i annan problenm.  E i enportan,  i enportan ki nou trouv  en solisyon pour tou nou distrik.  Me, Mr Deputy letan nou pe trouv sa solisyon nou bezwen fer li dan la tolerans e dan respe.  Sa ki enportan.  E la kot nou pou santi kot parfwa fason ki nou’n anmenn sa deba in provok serten reaksyon.  Reaksyon par fason, bann parol ki nou servi.  Par egzanp si nou ti pou al koz, mon ti pou anmenn en Mosyon, lo distrik  Grand Anse Praslin – ki en distrik ki mon annan a ker, mon ti pou osi confer avek Onorab Woodcock parske li ki’n ganny elekte pou Grand Anse Praslin.  Mon ti pou zwenn li pou nou  koze pou mwan dir li ki mon annan.  Akoz mon ti pou fer sa dan respe. Akoz li ki  zabitan Grand Anse Praslin in swazir pou reprezant  zot e mon santi poudir pou sa Mosyon osi ki la sa ti’n kapab ganny fer.  E i  still kapab ganny fer.

E bann mo ki  nou servi par egzanp dezord ; personn pa ti pou kontan dekrir nou distrik dezord.  I kapab annan problenm e mon pa pe dir poudir La Digue napa problenm.  Mon krwar La Digue i annan problenm parey dan tou distrik me i fason, nou lapros, bann parol ki ganny servi ki dan pe dekrir sa bann problenm ki par-ler i anmenn bann reaksyon, ki santiman e lemosyon i vin, i pran kontrol.  E mwan mon pe dir ki i enportan ki nou koman en Lasanble  mon repete nou anmenn nou soutyen, nou fer nou zefor, nou pran nou responsabilite pou nou trouv en solisyon dan sak distrik.  Letan nou koz lo La Digue Mr Deputy, enn bann pwen ki’n ganny fer sorti se kou materyo konstriksyon La Digue.  Sa in ganny mansyonnen par mover Mosyon e in ganny mansyonnen osi par tou le de Onorab, Onorab Sophola  ki reprezant Inner Island e Onorab Ghislain ki li i en zabitan, en zabitan La Digue.

Mr Deputy letan nou pe get pou trouv en solisyon pou sa kou materyo pou mwan i enportan i nou  deside ki nou anvi fer.  Eski nou anvi dir ek Gouvernman reste a lekar dan biznes  prive ouswa nou

dir ek Gouvernman enterfer ?  Enterfer e sey met en kontrol ?  Parske ou kapab donn pli bon konsesyon ; pli bon konsesyon me kestyon i reste eski sa konsesyon i ganny translate dan en benefis pou sa konsonmater.

An dot mo Onorab Ghislain  in donn en legzanp kot i dir poudir materyo konstriksyon, swa bann marsandiz ki ganny transporte La Digue nepli annan VAT lo kou transportasyon.  Me fer konmsi nou ti pou dir ek  Gouvernman tir VAT, tir VAT lo materyo konstriksyon, lo  son kou, lo son cost, lo son pri.  Eski sa i pou trouv – sa benefis pou ganny anmennen kot konsonmater?  Ouswa sa businessman pou vwar li en lot fason pou li increase son profit margin.  Vwar, Gouvernman i kapab fer meyer zefor me kestyon i reste ki mannyer ou fer sir poudir benefis i ariv kot konsonmater e dan  sa ka spesifik i ariv kot zabitan La Digue.  I annan 2 solisyon pou mwan ki sa i kapab ganny fer.  Enn, se ou tir sa middle man, ou tir sa businessman La Digue avek tou respe ki pe fer sa biznes.  E Gouvernman i donn enn sa bann companie ki prodwir bann materyo konstriksyon e dan sa ka mon pe mazin UCPS akoz mon konnen zot annan en bato osi.  I donn zot en landrwa La Digue kot zot a depoz zot materyo e zot a vann.  Sa i en fason.  Ou tir middleman e kou petet i ava vin pli ba.  E la mon ge Onorab Woodcock akoz mon konnen mon vwar li balans latet i get mon e mon konnen petet i dir be vertical integration.  Be parfwa vertical integration i enportan i sel fason kot ou kapab protez ou konsonmater fer ki son pri, pri, dan sa ka, pri materyo konstriksyon i vin pli ba.  Sa i sel fason.  Ouswa nou dir ek Gouvernman be vin avek pri kontrol.  Sel fason, parske parfwa nou bezwen demann nou lekor ki nou anvi Gouvernman i fer?    I asize son lebra krwaze ouswa nou dir li get involve.  E ki mannyer i get involve pou  asire, pou sire ki a lafen di zour konsonmater e  zabitan La Digue dan sa ka i ganny en pri materyo a en pri pli ba.

Mr Deputy letan mon get Mosyon, mon pe get sa Mosyon, mon pou lir son premye bout.  Mosyon i dir :- ‘‘avek tou bann konsern ki zabitan La Digue pe eksprimen.’’  Mwan letan mon lir sa i donn mwan lenpresyon poudir sa i swe lamazorite zabitan la Digue.  Sa Mosyon pe – i  laspirasyon lamazorite zabitan La Digue e sa i anmenn mwan lo sa issue, anyway nou’n koz lo meeting ki ti fer La Digue, i annan ki ti dir ti annan 75 dimoun, i annan ti dir i annan 15 ou 30 pou mwan sa i pe enport, me lenportans se eski sa Mosyon pe koz lo laspirasyon zabitan La Digue?

Onorab Adelaide in eksplik nou dan ki konteks, parske Onorab Ramkalawan letan i ti pe koz lo son Mosyon in dir nou poudir sa Mosyon i an reziltan en meeting ki son lofis ek bann lezot MNAs LDS ti fer ek zabitan la Digue,  Onorab Adelaide in eksplik nou dan ki konteks sa meeting ti ganny fer.  In fer nou konpran ki sa meeting pa ti ganny fer ekspreseman pou rod problenm zabitan La Digue me rather  sa meeting ti ganny fer pou al diskit lo 2 Bill.  Lo Bill pou Pansyon pou ex-President,  Pansyon for Former President and Former Vice-President  e sa ti le bi sa meeting.  E i dir poudir letan zot al fer sa meeting ek zabitan La Digue sa bann konsern in sorti e mwan la kot mon annan en issue avek sa Mosyon e se  pour sa bann rezon ki mon pe al mansyonnen ki mon pa pou kapab donn mon sipor pou sa Mosyon.

Sa bann issue in sorti par serten seksyon ouswa serten dimoun ki’n attend sa meeting.  Pour mwan olye nou  ti anmenn sa Mosyon nou annan nou en zouti dan sa Lasanble ki ti pou kapab al pli lwen, pli indepth avek sa bann problenm e i ti pou annan sa abilite.  Sa zouti ki nou annan ti pou annan sa abilite pou nou vreman fer en louvraz fantastik e apre nou ti a revin devan  sa Lasanble pou nou gete ki problenm i annan La Digue.  Ki kalite problenm e ki  vreman son solisyon.  E sa zouti ki nou annan se pa lot ki Komite lo Zil ki’n ganny kree par sa Lasanble.  Sa Lasanble atraver en Mosyon par Onorab Ramkalawan e ki i en  Komite ki ganny Chair par Onorab Ramkalawan, e ki’n ganny sipor tou Manm e ki nou annan son terms of reference, i koz lo tou zil.  I koz lo outer islands annefe i annan li 5 paragraf.  Lo son 5 paragraf 3 paragraf i aplik pour tou zil.  2 paragraf, 2 paragraf i aplik pou outer Islands  e letan mon lir son premye paragraf, mon pou lir son terms of reference ki an Angle i dir, mwan lo Mosyon Onorab Larue.  I koz, ‘‘To visit all outer islands of the Republic as well as certain other Seychelles Islands – as well as certain other Seychelles Islands.’’ So i pe dir poudir sa i permet, sa i permet ki sa Komite i al vizit lezot zil, lezot zil e i dir, ‘’E i engage with those responsible for their management and those employed there.  Son terms of reference number 2 i dir ou, ‘‘To engage with persons from all development fields, Agriculture, Fishing, Housing, Tourism with a view to understanding challenges and advantages of islands, of islands  and thereby recommend plans for their use.’‘ Paragraf 5 i dir, ‘’To report to the Assembly on ways in which all Seychelles islands can be rendered more closely part of their national territory, more transparently administered and better used as part of a national development strategy.’’  Sa Komite i annan sa pouvwar pou al fer sa louvraz.  Komite aktyelman in al vizite part of inner island.  In al vizit Silhouette ki part of a constituency of Onorab Sophola.  So pour mwan Komite ti kapab fer e still kapab, still kapab fer en louvraz an relasyon sa Mosyon parske Komite i reprezant  Lasanble li.  Sa ki nou bezwen konpran.  Se Lasanble ki donn manda sa Komite.  Li ki’n kree son terms of reference. I donn li sa pouvwar, pou li al fer sa louvraz lo non Lasanble e Komite dan sa ka Mr Deputy ti pou byen plase pou li fer en meeting, and bipartisan sa meeting, akoz i pou enkli tou Manm lo tou le de parti dan sa Lasanble avek  zabitan La Digue e Komite ti kapab zwenn avek La Digue Trust Fund, vwar ki mannyer sa, zot bann problenm zot pe rankontre e demann kestyon e menm summon bann dimoun pou vin devan Komite pour ki Komite i a nobou fer en desizyon well informed pou gete ki problenm La Digue ; ki kalite problenm e ki zot solisyon.  E la petet apre Komite ti kapab fer en rapor ek Lasanble. I ti a dir ek Lasanble, ‘’lala ki nou’n fer e lala desizyon ki nou’ n pran.’’  E sa ti pou en desizyon ki ti pou dan lentere Sesel e dan lentere La Digue.’’  E la nou ti a deside eski nou pou maintain  bann striktir ki egziste ?  Sinon eski nou kree en nouvo striktir ?  Ki mannyer nou pou fer ?  E sa Komite ki ti pou fer e pou mwan sa ti pou montre en lentere.  Ti pou montre poudir nou ti pe fer sa pou lentere zabitan La Digue e Komite i still kapab fer sa.  E i devret pe fer.  E mwan mon pou demann Komite, mon pou demann Komite pou zwenn ansanm, al zwenn zabitan La Digue o pli vit posib, zwenn avek  La Digue Trust Fund pli vit posib e la nou sa pran en desizyon.  Nou tou nou konnen nou’n ganny en legzanp avek outer Islands.  Mon rapel statement ki’n ganny fer isi dan sa Lasanble letan nou ti pe set up sa Komite.  Ti annan dimoun ki ti koze dan sa Lasanble ki ti dir poudir lo Zil Elwanye i annan gro problenm pe mismanage be apre ki nou’n tande apre ki zot in vizit zil zot in dir ou konnen kwa, pa sitan gran problenm i annan en pti keksoz ou kapab aranze la.  So ki i montre nou se ki lenpresyon ki nou’n gannyen, lenpresyon ki nou’n fer an premye lye was a wrong impression e pareyman, pareyman mon dir si sa  i lenpresyon ki zot in gannyen lo serten zabitan me  zot ti kapab al pli lwen ki sa.  E lot fason ki nou al pli lwen ki sa se annou servi sa Komite.  Komite ki Onorab Ramkalawan i Chair e ki’n ganny kree lo en Mosyon par Onorab Ramkalawan e  kot nou tou ansanm dan sa Lasanble nou a travay ansanm through that committee pou trouv en solisyon pour La Digue.  E mon pou envit sa Komite pou fer sa  louvraz.  E Mr Deputy mon pou terminen.  Mon pou dir poudir sa Mosyon i en loportinite kot in, in fer nou osi get lo en bigger picture lo ki serten Manm in koz lo la deza lo District Council.  Eski nou pou al dan direksyon District Council ?  Ouswa nou bezwen re gete swa ki nou, nou anvi koman kwa ki dan benefis nou pep.  Eski nou re get annan en nouvo striktir apard ki nou District Council  pou manage nou bann distrik.  Alors Mr Deputy mon stance se ki mon pa pou kapab donn mon sipor pou sa Mosyon parski mon santi poudir i annan en meyer louvraz ki kapab ganny fer through Komite lo Zil.  Mersi Mr Deputy.

 

MR DEPUTY SPEAKER

Mersi Onorab Basil Hoareau.  Onorab Letourdie.

 

HON JANY DE LETOURDIE

Mersi Mr Deputy.  Bonzour tou dimoun.  E bonzour spesyal mon bann zanmi e konesans La Digue.  Mr Deputy Speaker mwan osi mon  byen konekte avek La Digue depi byen lontan, akoz natir mon lar  ki mon pratike tanzantan mon vwar mwan mon’n  apoze avek en bon zorkir La Digue e mon vwar mwan mon pe senm bann bon vibe akoz  par natir mon lar – parey mon’n dir e zabitan La Digue i byen apresye. E mwan mon dir mon bezwen zabitan La Digue e mon  bezwen La Digue.

Alors Mr Deputy Speaker, so si mon dir on konekte depi byen lontan e osi mon vwar mwan depi byen lontan, mon pe swiv en pe bann progre avek bann sanzman ki arive La Digue.  E dernyen fwa mon ti La Digue ti 3 semenn pase.  Ki mwan mon pou dedwir lo sa Mosyon mon pou dir ki La Digue bann dimoun zot vreman determinen e zot travay en kantite.  Bokou i annan plis ki en metye oubyen angaze dan plizyer aktivite ki kapab anmenn zot en reveni pou nouri zot fanmir e osi anver devlopman zot zil.  Me akoz zot lwen avek Por, Airport ek lavil prensipal mazorite Digwa e Digwaz i konnen ki i kout zot plis larzan e plis  letan pou realiz serten zot bann bezwen ek zot bann rev.  Alors Mr Deputy Speaker i pou sa  rezon ki nou dan LDS nou pe aport en kontribisyon pou donn en koudmen fer bann Digwa ek Digwaz ariv pli vit ver zot rev akoz Mosyon la i pa’n dir pa bezwen siport Onorab Noline.  Onorab Noline  ou touzour la e bann dimoun siport sa ki zot anvi me zis ki mon demann zot pret en zorey e vwar ki nou isi dan LDS nou pe dir.

Mr Deputy Speaker lentansyon pou al  La Digue i ti enn ki bon li me mon konnen ti annan bokou riye letan ler Leader Lopozisyon loter Mosyon ti dir ti annan 75 dimoun ki’n vin meeting apre sa mon tann i dir ti annan 30.  Me ou konnen kwa, en keksoz ki bon dan tousala Mr Deputy Speaker ? Mwan mon felisit sa 75 oubyen 30, oubyen 10 oubyen 2 dimoun ki ti annan akoz se zot sa bann Digwa ek Digwaz ki’n determinen  e ki’n vini akoz se parske atraver zot ki depi Merkredi le 7 Zen La Digue i dan Lasanble ; tou zorey i lo La Digue.

Mr Deputy Speaker zis ekout sa kantite keksoz ki’n ganny devwale e demaske.  Ou a le dir mwan tousala mansonz ?  Mon pe mazinen.  Be si pa mansonz la Mosyon i demann en nouvo striktir anfen in annan  bokou parol lo striktir nou pa konnen si nou pou apel li striktir si ki kalite striktir nou pou apel sa striktir pou ganny etabli pou nobou adres tou bann konsern bann zabitan.

Onorab Ms Noline ou krwar poudir pa bezwen okenn nouvo striktir.  Well, petet ou santi ki  i deza annan enn vye avek plen leksperyans.  Me eski in annan lasazes avek sa vye striktir?  Eski i  pe fer zistis La Digue e tou son bann zabitan san leksepsyon?  Larepons mon les avek zot Digwa ek Digwaz.  Mon les zot deside.  Parfwa Mr Deputy Speaker laverite i manifeste dan bann fason ki vreman gou ou parfwa ironik parey nou dir. Mon pe zis mazinen si SBC, la pou sey tradwir en mo ; ‘writing on the wall.’  Si zot ti’n vwar ‘lekritir lo miray’ avan eski sa progranm ‘Zil Pros an Mouvman’  ti pou’n ganny edite?  La Digue en kantite dimoun i dan biznes akoz zot vreman krwar dan ‘Lev-e Debrouye’ a ker, me ki nou’n tande Merkredi le 7 Zen  aswar ?  En ladronm difikilte Mr Deputy Speaker.  Permet mwan quote detrwa silvouple.

‘’Si nou ti ganny bann privilez ek bann konsesyon zis transportasyon materyo i sot R100mil. ‘’

‘’Si materyo ti pli bon marse ti pou annan plis kreativite dan konstriksyon.  ‘’

‘’Personn pa pare pou ed nou.’’

‘’Si nou ganny led an retour nou pou kapab ed bokou plis zabitan La Digue.  Pli gro ankor se nou jetty.’’

‘’Mon bezwen al aste fri Mahe.  ‘’

‘’I konmans napa later pou konstriksyon La Digue.’’

Mr Deputy Speaker letan ou tann tousala sorti kot bann dimoun ki zot in dan pti biznes pou en kantite letan, mon pe zis demann mon lekor ou a dir mwan zot pa ti’n al kot Ladministrasyon Distrik oubyen kot nenport ki striktir ki ti annan La Digue, pou fer konpran poudir zot ti annan sa bann problenm?  Si zot pa’n ale eski zot napa konfyans dan sa bann striktir?  Oubyen ki lezot rezon ki zot pa’n ale?  Ankor zabitan La Digue zot ki pou deside akoz.

Mr Deputy Speaker mon apresye ki mon MNA in byen fer konpran ki Ladministrasyon Distrik i la pou deservi tou dimoun. E menm in donn en legzanp lo nou Roche Caiman ki nou pa bezwen al anvil pou ganny lasistans, me zis roul lanmenm kot nou Biro Distrik.  I byen, me mon  bann ser ek frer dan  Lasanble e dimoun ki pe ekoute deor, me sa i pa ditou le ka.  I annan en fanmir ki reste lo parcel nimero V9519, zot pe pas dan ‘’un mauvais quart d’heure,’’ konmdi granmoun i dir, zis pou zot kapab ganny en pti slice miray pour  ki zot a kapab ganny en pe privacy ek  semen piblik zot osi, parey lezot in gannyen.  Zot sorti kot biro distrik, zot al anvil kot PMC, anvil i dir pa zot ki deal avek e li Biro Distrik i refiz-e asiste zot.  Mr Deputy Speaker se sa, sa bann kalite striktir ki nou dan LDS nou pe dir fodre tonbe e konstrir sa ki bon.

 

(APPLAUSE)

 

HON JANY DE LETOURDIE

Nou isi dan LDS Mr Deputy Speaker nou dir les tonbe sa bann kalite striktir.  Ankor mon dir si nou pou apel li striktir ki mannyer nou pou apel li.  Sa keksoz ki pou la ki pou bon, ki pou deservi tou dimoun.

Mr Deputy mon’n fer sa pti letour, zis pou mwan kapab eksplike ki sours bokou sa bann difikilte, me annou retourn La Digue ankor.  Nou ti tann Minis Bastienne koz a propo Lalwa Transpor e sa ti konsern club car e bisiklet elektrik e la mon ava dir ankor kot in pase sa Lalwa?  La konmela si mon annan R20 mil mon al La Digue dan magazen mon aste en bisiklet elektrik e mon sot deor mon konmans servi, lekel ki konnen si mon annan problenm medikal?  Club car osi parey.  Eski vreman i pe ganny servi pou sa vre bi?  Eski napa club  car pirat?  Si i annan mon pa pe tro blanm li i pe sey  degaz lasasen, i pe sey rann en servis akoz parey mon’n dir 3 semenn pase i en pe difisil pou ganny taxi La Digue.  Kote zot stasyonnen?   Quota lo transpor ti’n sipoze fermen depi 10an pase.  Me tanzantan i ouver en pti kou pou bann ka spesyal me ki an realite zot pa vreman spesyal ditou Mr Deputy Speaker.  Tandis ki si en dimoun pe ouver en biznes ki pou promot La Digue e koup sa depans monte desann pou al rod komodite Mahe e la i fe en laplikasyon pou ganny en transpor konman parti so biznes, me li la a sa moman i ganny refiz-e.  Mr Deputy Speaker sa se bann keksoz ek merit ki fodre pe ganny adrese me  pa faver.  An se moman mon mazinen, mwan depi tou sa letan mon pe frekant La Digue i annan apepre 80 letablisman touristik avek 5 lasanm ou mwens e still i annan ankor gran demann.  Me problenm later pou fer konstriksyon pe vin en menas.  Ek lakantite letablisman touristik ki ava annan ankor dan 5an la Digue be La Digue pou vwar li pe akey plis travayer  sorti Mahe avek Praslin osi. E la  ankor si napa en zefor pou zer byen later La Digue be nou annan en gro problenm eberz travayer e bann viziter.  Mr Deputy Speaker be konmsi Onorab Ghislain ti dir, madanm Theodora Radegonde ti dir, ‘’Chaque chose a son temps.’’  Me letan pe pase.  Keksoz pe evolye e La Digue i bezwen transformen tout an gardan son charme, son bann larsitektir e son bann mers kiltirel ki inik. Avek en plan byen kalkile pou prezerve e sofgarde i neseser pou annan en nouvo fason fer.  En nouvo striktir ki serye  ki Digwa ek Digwaz i a annan konfyans avek.  En striktir ki a  annan en Komite ki Komite, solid, enkondisyonnel, endepandan avek tou lenfliyans politik, kiltirelman kiltive ki a travay pour tou zabitan La Digue e La Digue san eksepsyon.  La Digue Sesel. Mersi Mr Deputy.

 

(APPLAUSE)

 

MR SPEAKER

Mersi Onorab Letourdie. Onorab De Commarmond.

 

HON CHARLES DE COMMARMOND

Mersi Mr Deputy Speaker.  Mr Deputy Speaker, en Mosyon, en senp Mosyon ki annan devan nou e sa Mosyon i pe demann pou get sa bann striktir.  Ou  vwar La Digue i ti pti.  I enn nou bann pli pti distrik me son karakteristik ki en zil e prezan i annan bann nesesite petet ki lezot distrik i pa rankontre.  Me selman son problenm i problenm ki lezot distrik i rankontre.  A mon avi letan mon’n ekout tou bann entervenan ki’n koze, sak zot, zot pe dir ki dan zot distrik osi i annan bann issues, i annan bann problenm.  Prezan mwan mon letan mon pe regarde e mon pe ekout byen, mon pe demann mon lekor en kestyon.  Deza lo La Digue i annan mon krwar 3 Komite. 3 striktir egzistan.  Lannen prosenn nou sipoze annan  District Council pou vini, la i pou fer 4.  La Mosyon i pe demande letan nou get li.  I pe demande pou fer ankor enn.  Mon pe mazinen si pa i tro bokou ouswa pou vin tro bokou striktir.  Me selman me Mosyon pa dir do away.  Ou, ou pe dir do away Mosyon pa pe dir se sa.  Les mon a fini koze epi zot ava konpran ki lapant nou bezwen pran.

A mon avi alor ler mon pe gete sa bann striktir ki la lo La Digue ti bezwen annan en rezon ki i ti ganny kree.  Mwan mon kestyon ki mon demande  ozordi,  eski Lotorite in annan en sistenm evalyasyon lo sa bann striktir?  Eski nou’n vwar sa bann striktir si pe perform a la oter a zot nesesite ki i ti ganny kree?  Eski i pe reponn a legzizans e bezwen aktyel La Digue?  Oubyen nou bezwen re evalye li ?  So i bezwen annan en sistenm ki nou pe evalye.  En striktir par egzanp Local Government ki La Digue dan en fason i tonm anba li, i bezwen  gete si son bann striktir pe marse ouswa be i bon ou pa’n ler pou aranze. Ou annan ou biro Vis- Prezidan, li osi bann zafer zil i tonm lo li laba e Zil Elwanye wi me an menm tan li bezwen kapab gete.  Biro Prezidan laba li osi gete akoz i tann nou  koze dan Lasanble, gete si i pa’n ler pou – si sa bann striktir pe marse akoz i annan en bann striktir fodre deal ek later ek lot ek lot. Me i annan issues ki ler mon pe ekoute mon tande poudir pa pe ganny adrese.  Be an menm tan osi, i annan en sizesyon ki’n vini lo kestyon Komite Zil ki mon krwar i enportan nou evalye e mon krwar i fer sans.  E alor sa propozisyon ki Komite Zil – e mon ti a sizere la, ki nou Komite Zil o pli vit i al La Digue, o pil vit posib i al La Digue pou ede osi evalye striktir.  I a kapab donn en rapor.  I a evalye sa ki i vwar li osi, an plis ki sa ki –  diskisyon ki’n ganny fer  pou nou kapab vwar nesesite revwar sa ki pe egziste lo La Digue e gete si pe marse e si pa neseser pou fer en lot do away, tir sa ki la e refer en lot striktir.  Dan sa menm lespri.  Eski akoz la nou annan Praslin osi ki annan karakteristik. En pe parey La Digue i en zil li osi malgre i annan 2 distrik lo la e nou vwar dan lalis Mosyon ki lo nou Order Paper, Manm Lasanble pou Baie St Anne Praslin, i pe anmenn en Mosyon li osi pou demann revwar serten keksoz dan Praslin.  Mon pa oule koz lo sa Mosyon byensir pou le moman, me i paret la osi i annan serten issueSo si pa neseser regard tousala dan son lansanm pou vwar si oule dir future bann Ladministrasyon Distrik an zeneral.  Parey mon pe dir i annan kestyon District Council ke pe vini eski i pou neseser  sa District Council dan sa  fason ki nou pe konsevwar li, ki Lalwa in pase si pa neseser  pou reget li dan totalite?  Revwar si pa neseser petet pou fer Regional Council ?   E an menm tan dan District osi  revwar en lot konsepsyon, striktir ki a permet  parey pe sey demande pou La Digue ki a permet ater dan sa legzizans di zour.  Konmsi bann issues ki annan ozordi.  Akoz ler mon’n ekout koze i annan en kantite pwen ki’n ganny lev-e ki napa nanryen pou fer avek  bann striktir ki egziste.  I pas akote.  Ou konpran.  So, e i annan alor pou fer avek problenm delivering machine of the Government.

Mon pran en legzanp Mr Rose ki letan i ti met son pwen devan mwan zafer pye bodanmyen.  Be sa i pa issue.  Petet bann Lotorite dan distrik ki egziste.  Me i en issue laba Minister Lanvironnman.  E ni kourtwazi pou dir Mr Rose nou pa pou vin koupe ou pye dibwa.  Me dir li omwen i a konnen ki lot debrouy i pou fer.  Savedir i pe montre ou poudir, ler mon’n  ekout zafer lopital e tou sa i montre ou poudir i annan lezot issues la ki Gouvernman li menm i bezwen re gete dan son lansanm e dan sa loptik Mr Deputy Speaker ler mon pe get tou sa devan nou la mwan mon pe sizere ki sa Mosyon parey i ete si mon ti kapab sizer en lamannman, si mover Mosyon ti ava dakor.  E mon lamannman ki mon ti ava mete se ki ti ava lir koumsa :- ‘’Avek tou bann konsern ki zabitan La Digue pe eksprimen, sa Lasanble i demande ki i annan en revi lo  bann striktir aktyel e si neseser amelyor e etabli en  striktir adekwat, ki pou adres tou bann defi ki egziste lo La Digue.’’  Napa nanryen mal ek sa ki mon propoze, me ki i demann konmsi ki nou evalye, nou get sa bann ki pe egziste pou do away si neseser akoz Mosyon li i pa dir do away.  Ou konpran ?  Se ki konmsi nou – i ava annan rezon det si nou pe fer en nouvo striktir, si i annan en nouvo striktir ki vini i ava annan en bon rezondet,  e i a permet bann lezot lenstans evalye par egzanp Komite Zil.  Mwan mon krwar Komite Zil pou annan en bon propozisyon petet letan in vizite, i ava met devan.  Gouvernman osi ler nou Mosyon i a pase i ava anvoy laba kot Gouvernman i ava kapab vwar poudir, ‘’Look nou bezwen al gete.  Sa bann dimoun dan Lasanble pa’n kapab zis koze koumsa i bezwen annan en keksoz konkret ki nou pe dir.’’ E i a vwar petet posibilite pou revwar sa ki egzistan.  E petet pour kwa non parey mon ti pe dir debord lo lezot distrik as wellSo vwala mon pwen lo sa Mosyon.  Mon pa le al dan okenn polemik, dan okenn sityasyon – soz.  Mon zis le dir i demann en pe konsiltasyon, evalyasyon avek sa ki pe egziste e vwar posibilite pou nou kapab get dan sa Mosyon dan sa fason ki nou’n dir.  Vwala mon propozisyon e mon ti ava demande si sa amannman i ganny aksepte mon krwar pa ti pou dan en problenm.  Nou Lasanble ti a kapab fasilman petet siport sa Mosyon mon mazinen.  Mersi.

 

MR DEPUTY SPEAKER

Mersi Onorab De Commarmond.  Bon i annan en propozisyon pou en amannman, mover Mosyon ?

 

HON WAVEL RAMKALAWAN

Sa letan mon ava koze, mon konpran ki Onorab De Commarmond in dir.  Taler mon ava eksplik li ki mannyer sa ki in dir dan sa Mosyon.

 

MR DEPUTY SPEAKER

Ok. Bon Onorab Sandy Arrisol.

 

HON SANDY ARRISOL

Mersi Mr Speaker.  Mr Speaker letan nou pe koz lo Mosyon La Digue mon ti a kontan fer en mansyon pou Rumsy en zabitan La Digue ki’n admet lopital pou li al re fer en loperasyon ki i ti’n deza fer mwan pase.  E letan nou pe koz lo zabitan La Digue mon ti a kontan osi mazin bann zanfan, bann zenn  ki ti vin pran par dan Sanpyonna  Atletik ki’n ariv sa bann levennman en pe ensinifyan mon kapab dir avek zot.  E nou bezwen rekonnet poudir sa bann zafer pa ariv zis sa lannen. Tou-le-z-an i arive ek sa bann manrmay sa bann zanfan La Digue ki vin donn zot kouraz, zot letan pou zot distrik avek zot lekol.  Letan nou lo sa Mosyon Mr speaker mon pa ti la letan Mosyon ti ganny prezante parey zot konnen.  Me mon’n ganny sans swiv.  Mon’n ganny sans analiz bann lezot verbatim ekout bann sa…diferan sakenn in donnen.  Letan mon’n ekout bann Manm Parti Lepep mon’n ganny lenpresyon poudir zot in realize poudir Onorab Sophola avek Onorab Ghislain in fer en pe malelve dan Lasanble.  Zot in en pe arogan dan zot lapros.  Prezan bann lezot Manm ki’n vin apre zot pe sey koriz zot, pe sey demann en pe pardon.  Mon dakor avek sa e mon happy avek sa.  Se lafason ki nou devret travay i koumsa.  Si nou pe koz lo La Digue ozordi se parski Mosyon i lo La Digue.  Alor nou tou nou bezwen koz lo La Digue.  Menm si dan mon distrik i annan problenm Mosyon i lo La Digue, alors nou bezwen adres problenm La Digue.

Yer Onorab Lemiel avek Onorab Wilbert Herminie zot  kestyon an relasyon avek lager dan lekol ti Anse Royale.  Alor nou tou nou’n bezwen konsantre lo Anse Royale avek Rivière Anglaise menm pa zis sa 2 lekol ki annan lager avek bann aksyon dezordonnen.  Me sa ki mon dezapwente se letan mon’n tann Onorab Ghislain ki mon pa vwar li ozordi Mr Speaker.  In kit pei?  I pa la, mon pa vwar li.  Okenn landrwa kot i ete?  Onorab Ghislain dan son lapros mon dezapwente avek li.  Akoz mon dezapwente avek Onorab Ghislain?  Parske letan in konmanse in vin avek en lenpresyon, in vin avek en sa ki granmoun i dir poudir ‘’zwazo move zorgir ou napa en brans pou apoz lo la.’’  Se sa lapros ki nou  pran pou konmans en Mosyon ?

Letan Onorab Ghislain in koze Mr Deputy Speaker mwan mon’n ganny lenpresyon nou ti pe  koz lo ‘Ghislain Island, nou pa ti pe koz lo La Digue.  In vini avek tou sort kalite polemik, in dir avek nou – ar dimoun La Digue, nou happy dan nou trankilite, fodre pa bann dimoun Mahe i monte vin donn nou lord lo nou zil.  Me mwan anvi demann Onorab Ghislain en kestyon menm i pa la Mr Deputy Speaker tanto i a tande i a rewind.  Onorab Ghislain ler i ti sorti La Digue kote i ti vini li?  Pa i ti desann Mahe lo Nou Zil lo sa swadizan zil ki annan dezord ? Apre Onorab Ghislain pa in retourn La Digue, ankor pou li al debout konman MNA e la in retourn Mahe ankor.  Eski sa i pe dir nou i form parti en zwazo move zorgir sa?  Mon pa tro ganny en konpran lo la, kekfwa en zour i a rann mwan en repons.

Onorab Noline Sophola, in vini  2 zour mon get li son figir byen fer lapenn.  Son bann Manm pe sey protez li.  Les mwan repas en pe lo verbatim Onorab Sophola ki asize la dan Lasanble Nasyonal.  Onorab Sophola dan son konmansman i dir, ‘’I annan en proverb ki dir;  Ou pa vwar dibwa dan ou prop lizye  me ou vwar lapay dan lizye ou kanmarad !’’  Sa konmansman en Mosyon ki nou pe sey asiste en distrik ki annan problenm? Letan Onorab Sophola i vini i dir ek nou  Mr Deputy Speaker ‘’Mwan, mwan  napa tanporer.’’  Nou tanporer. ‘’ ‘’Nou permanan ziska ler nou 5an i arive.’’  Not li byen 5an.  Sanmenm sa lapros ki zot Prezidan pe demann zot pou pran pou nou anmenn nou pei pli devan?  Mon a  donn zot en lot.  Ler Onorab Sophola i vini i dir avek nou, ‘’Me byento sa lopital i pou ganny fer.  Nou lopital nouvo.  Minis in vin La Digue.  Minis in vizite. Minis in vwar.  Minis i konnen e tou travayer  lopital fodre parmi i annan bann ipokrit !’’  Sa i mal.  Letan bann travayer Lasante pe donn zot letan ek zot kouraz pou deservi zabitan La digue enkli Onorab Sophola ki la ou devret demann zot en pardon akoz ou’n ensilte, ou’n ensilte bann travayer profesyonnel.  Mon a donn ou lot Onorab Sophola.  Mr Deputy Speaker letan Onorab Sophola i vin dan Lasanble Nasyonal e i dir, ‘’Personn pa ti enterese pou konnen si siporter SNP ti pe naze oubyen bwar delo kontaminen parey kannar.’’  Eski bann zabitan La Digue ki pa siport menm parti avek Onorab Sophola zot bezwen ganny idantifye konman kannar?  Eski sa i byen lo lapar Onorab Sophola?  Onorab Sophola i bezwen demann en leskiz bann siporter SNP, LDS, Lopozisyon lo La Digue ki pa neseserman annan en menm krwayans avek Onorab Sophola.  Se sa  latitid ki zot Prezidan in dir zot, zot bezwen pran?  Mr Deputy Speaker se sa ki mon pe dir.  Letan son bann Manm pe vini pe zistifye li Onorab Sophola in fer larogans zot de Onorab Ghislain alor zot bezwen demann pardon bann dimoun.  La Digue i form parti larsipel Sesel e bann dimoun ki reste La Digue se bann Seselwa parey nou ki la dan sa Lasanble Nasyonal.  I enportan pou nou remind Onorab Sophola avek Onorab Ghislain pou dir i annan plizyer zenn ki sorti  La Digue zot vin Mahe, zot vin lekol, zot vin travay, zot vin marye avek nou bann zonm oubyen nou bann fanm lo Mahe.  I pa vedir ki nou, nou en bann fouter dezord lo Mahe nou !  Si nou pe dir i bezwen annan en nouvo striktir akoz sa striktir ki la an plas la pa bon.  Prezan mon pou donn zot detrwa rezon akoz sa bann striktir ki la i bezwen sanze.  Mon a dir zot akoz.

Mr Deputy Speaker letan  mwan mon ti Londres pe vey eleksyon mon ti ganny 2 mesaz.  Mon premye mesaz sete enn mon koleg in perdi son plas  koman Segon.  Sa ti ariv dan en  sirkonstans en pe drol pou mwan.  En kwensidans mon kapab dir.  Akoz mon dir sa akoz mon koleg li, i ti L’Angleterre, i en zabitan Glacis e sa peryod ti ariv dan bann letan 5 Zen.  Alor mon ti pe dir poudir pa posib.  SPPF pe mazin en lot Koudeta.  Les li – be in arive.  Sa i enteresan Mr Deputy Speaker akoz ti ariv osi avek defen Mr Mancham apre ki i ti al L’Angleterre, zis parey sa msye ki mon pe koz lo la.

 

MR DEPUTY SPEAKER

Onorab, Onorab.  Relevans, relevans.  Order!  Order!  Relevans avek Mosyon Onorab.  Relevans avek  Mosyon.

 

HON SANDY ARRISOL

Mon pe fer mon relevans la.  Mon pe fer mon relevans  lo Mosyon la.

 

MR DEPUTY SPEAKER

Go ahead.

 

HON SANDY ARRISOL

Mon relevans lo sa Mosyon sete sa dimoun mon pe koz lo la i en zabitan Glacis, i ti L’Angleterre e alor li osi parey defen Mr Mancham in ariv sa avek li. Selman Mr Deputy Speaker mon anvi dir letan mon ti L’Angleterre mon ti akote Onorab Pillay.  Ler mon ti L’Angleterre mon ti akote Onorab Pillay e Onorab Pillay letan Mosyon ti  ape debat nou ti L’Angleterre.  Se sa relevans Mosyon.  Alor Onorab Pillay mon ti a kontan dir ozordi ouvertman devan sa Lasanble koman en koleg ki ti avek mwan L’Angleterre in fer en travay formidab e mon bezwen aksepte sa e rekonnet sa menm zot in fer li desann 3enm plas.  Les li.  Me sa ki enportan pou note Mr Deputy Speaker sa ki’n pran 2enm plas li mon happy avek lafason ki ti koz lo sa Mosyon ki Onorab Ramkalawan in anmennen.  Si i ti’n koz bokou pli boner avan Onorab Sophola avek Onorab Ghislain kekfwa nou pa  ti a vin dan sa lapant.  Alor mon ti a kontan felisit Onorab Simon Gill ki’n pran 2enm plas e in fer en bon koze lo sa Mosyon.  Donn li en gro lanmen silvouple.

 

(APPLAUSE)

 

HON SANDY ARRISOL

Mr Deputy Speaker 2enm mesaz ki mon ti gannyen an relevans avek sa Mosyon sete Onorab Sophola ki la ti pe koz lo mwan dan plas i mansyonn mon non dan Lasanble Nasyonal alor mon ti pe rode be pour ki rezon an vi ki mwan mon lot kote laba e Mosyon i dan Lasanble Nasyonal Sesel akoz in mansyonn mon non ?  E ler mon ti fer mon resers mon ti aprann poudir i lo Mosyon anmennen par Onorab Ramkalawan, i annan pou fer ek La Digue e mon non in ganny mansyonnen. E letan mon ti get verbatim mon ti vwar en ‘Konn Tou’’ dan bor mon non, so mon ti anvi zis zistifye sa ‘‘Konn Tou’’ ki mon ti ganny dir an relasyon avek Mosyon.

Mr Deputy speaker mon ti a kontan konmanse par dir letan mon’n ekout Onorab Sophola in fer mwan mazin foreign Minister Tariq Aziz an Iraq.  Letan  i ti mont lo medya  i tipe dir poudir zot in ranport en gran laviktwar e i fyer ki solda in ranport batay an Iraq e o menm moman ki i ti pe fer sa, solda Ameriken e solda Iraqian zot ti pe zet stati Sadam Hussein ater latet fannen lo koltar.  Letan Onorab Sophola ti pe tou  keksoz i ok lo La Digue, i pa oule aksepte ki i annan defi e ki tou bann MNA ki’n vin avan li pa’n gran keksoz pou sa distrik,  apard rod zot prop lekor ek zot fanmir.  Zabitan sa zil ti pe dir le kontrer lo en progranm ‘Zil An Mouvman’ ki SBC ti pe pase son aswar menm kot zabitan sa distrik ti pe eksprim zot mekontantman avek la fason ki keksoz i  ete lo zot zil.  Oubyen avek la fason ki keksoz  pe ganny fer.  Menm en frer, sa menm Onorab ki ti dir vot pou ‘ma sœur’ dan dernyen Eleksyon in dir in dezapwente avek la  fason  ki ‘ma sœur’ in eksprim son lekor dan sa Mosyon.

 

(APPLAUSE)

 

HON SANDY ARRISOL

Mr Speaker i enportan pou note ki SBC in anonse ki Komite Anti-Koripsyon pe al konmans lenvestigasyon lo sa ki’n ganny dir dan sa Lasanble an relasyon ek La Digue.  Sa i en pa pozitiv lo lapar sa Komite.  Prezidan in anonse ki in sanz sa deal dan zafer Later Providence an vi ki sa kalite devlopman pa anliny ek later Providence. Sa ki Onorab Sophola Mr Deputy Speaker ti devret fer, aksepte larealite olye sot anler parey ‘’dyab dan delo beni,’’ konmdi madanm Theodora La Digue i kontan dir.  En keksoz ki Onorab  Sophola pa’n koz lo swa akoz i pa konnen, parey li menm in dir e i annan plizyer keksoz ki pe ganny kasyet La Digue. e se pou sa rezon pe demann en nouvo striktir. Parske sa striktir ki la swa i pe fonksyonnen, swa i pa pe fonksyonnen.  Parey sa proverb ki li menm in dir, ‘’I sitan annan en poto dan lizye’’ ki mannyer ou ekspekte ki i kapab vwar kwa ki pe pase La Digue?   Kot plizyer morso later pe ganny partaze me letan zabitan La Digue pe esper vernam aeternum pou zot ganny en kare swa en lakaz parey lezot.  Mr Deputy Speaker letan mon lo zafer later mon rapel semenn pase Onorab Loizeau ti mansyonn en keksoz lo zafer later e Onorab Sophola ti kriye dan Lasanble poudir i aksepte poudir wi se li menm.  Letan mon vwar Onorab Hoareau pe rod son Standing Order mon ti a kontan dir li dan Order 54 (5) sa ki i pe rode.

 

(laughter)

 

HON SANDY ARRISOL

Mr Deputy Speaker letan Onorab Loizeau ti dir ek Onorab Sophola ou  pe koz lo en serten dokiman e Onorab Sophola  ti aksepte poudir se li menm li Noline Antoine Sophola ki Onorab Loizeau pe koz lo la. Mon anvi nou fer referans avek en dokiman ki dan mon lanmen.  Letan nou pe dir poudir striktir swa i pe fonksyonnen swa i pa pe  fonksyonnen, nou annan en problenm e mon annan laprev, la mon ti a kontan partaz avek zot.  Dan mon lanmen mon annan en dokiman ki dir poudir Noline Antoine Sophola ki la  ki’n aksepte pou dir li ki sa dokiman ki Onorab Loizeau ti pe koz lo la in aste en bout later avek L’Union Estate.  Sa ti ganny reprezante par Gregoire Payet Anse Réunion La Digue.  Sa bout later ti kout R30 mil.  Eski i mal ki Onorab Sophola i aste en bout later?  Non i pa mal.  Akoz anba  Konstitisyon i son drwa konman en sitwayen pou li aste en bout later, parey nenport ki dimoun i kapab aste en bout later.  Be kote i mal ?  E sa lavant ti ganny fer le 11 Out 2003.  Mr Deputy Speaker letan mon lo la mon anvi prezan fer referans lo en lot keksoz.  Sa menm  Noline Antoine Sophola,  i revann sa menm morso …

 

MR SPEAKER

Onorab, Onorab atann e moman.  Yes Onorab Basil Hoareau.

 

HON BASIL HOAREAU

Thank you.  Mr Deputy Speaker point of order.  Annefe parey Onorab Arrisol in dir lo 54(5) e i montre mwan poudir i konn byen son Standing Orders e i bezwen osi met li an pratik – pa zis konnen met li an pratik.  Letan… mwan..les mon  koze.  Mwan ki annan Onorab Ramkalawan..mwan ki annan parol la.  Mwan ki annan parol.  Mwan ki annan parol – pa ou.

 

MR DEPUTY SPEAKER

Order!  Order!  Order! Mon’n donn laparol Onorab Basil Hoareau.  Go ahead Onorab Hoareau.

 

HON BASIL HOAREAU

Mersi Mr Deputy.  Mr Deputy Order 54(5)  i fer li kler poudir ou pa kapab koz lo conduct, conduct  en Manm Lasanble eksepte lo en Mosyon ki’n ganny fer spesifikman.  E Onorab, Onorab Arrisol in dir, in dir, in servi sa mo an relasyon avek Onorab Sophola la kot i mal e i fini kler  poudir i pe koz lo son conduct ki i napa drwa.  Annou respekte sa  Standing Orders.  Respe…Onorab Ferrari ou’n fer Koudeta reste trankil.

 

MR DEPUTY SPEAKER

Onorab.  Order!  Order! Order! Order!  Order!

 

HON WAVEL RAMKALAWAN

Mr Speaker fodre withdraw sa.

 

MR  DEPUTY SPEAKER

Order! Ok.  Onorab Basil Hoareau retract sa dernyen bout.  Order!  Order! Order! Order!  Onorab Basil Hoareau retract sa dernyen statement.

 

HON BASIL HOAREAU

Ok. Mon retract Onorab Ferrari.

 

MR DEPUTY SPEAKER

Mersi.

 

HON WAVEL RAMKALAWAN

Mon annan point of order.

 

MR DEPUTY SPEAKER

Non mon pa pe…

 

HON WAVEL RAMKALAWAN

Mon annan point of order Mr Speaker.  Onorab Hoareau pa en Avoka dan sa Lasanble.  Onorab Hoareau pa vin defann personn dan sa Lasanble.  Si Onorab Sophola in aksepte semenn pase.  In debout byen fyer, ‘’Mwan sa Noline Antoine Sophola !’’ Be la aprezan  ozordi i per letan i nonm li.

 

MR DEPUTY SPEAKER

Ok.  Order!  Order!

 

HON WAVEL RAMKALAWAN

Mon’n aprann avek Onorab De Commarmond.

 

MR DEPUTY SPEAKER

Order! Bon Onorab Basil Hoareau in retract sa dernyen statement, ok.  Prezan mon pe retourn lo entervenan, mon pe point ou latansyon lo Order 54(5).  Statement ki ou pe fer i pe al direkteman lo Onorab Noline Sophola e Order 54(5) i dir  ou selman kapab fer e anmenn sa bann levidans atraver en Mosyon.  Ok So mon ti a demann ou pou ou kontinyen ou lentervansyon pou kit sa bout ater.  Kontinyen Onorab Arrisol.

 

HON SANDY ARRISOL

Mr Deputy Speaker, mon pe koz lo en  striktir ki apel L’Union Estate Limited.  Mon a koz lo mon L’Union Estate mon pa ava nonm non personn.  Si i  ok ?  Selman mon bezwen koz lo L’Union Estate akoz i en striktir ki’n fail La Digue.  Ok ?  Mon a kontiny mon lentervansyon lo La Digue.  Mon a dir poudir sa striktir i n vann ‘en endividi’ i ok Mr Deputy Speaker?  In vann en endividi en kare later lavaler R30 mil.  Sa ti ganny fer le 11 Out 2003.  Sa menm endividi ki ti aste sa bout later avek sa striktir ki’n fail La Digue, sa menm endividi li i ganny li..non sa menm endividi i revann  sa menm bout later ki in aste avek sa striktir La Digue pou lavaler  R1.1milyon.  Kan in fer sa lavant sa endividi?  Atraver sa striktir ki in aste sa later i fer sa lavant le 24 Zen 2014.  En bout later ou aste R30 mil e ou revann li R1.1.  SPPF, Parti Lepep zot annan  en Polisi en bout later par endividi si ou bezwen sa i montre poudir en Fanchette, en Ah-Kong, en Ladouce in perdi en kare later.  Prezan sa mon premye striktir Mr Deputy Speaker.  2enm striktir an relasyon avek sa menm endividi mon pa bezwen mansyonn son non anba 54(5) Onorab Hoareau –  Sa menm endividi  li letan in  purchase sa bout R30 mil in revann  pou R1.1milyon 2014, sa menm endividi i benefisye en condominium English River.  Ok.  Mon a donn zot lannen.  I benefisye en condominium, menm dimoun letan zot annan en striktir ki fonksyonnen La Digue sa menm endividi  li i ganny en condominium le 15 Zen 2010.  Sa bout later ki sa endividi i aste i revann an 2014, letan i ankor still annan son bout later sa menm endividi i ganny li en condominium English River.  Eski  striktir La Digue pe fonksyonnen?  Sa graduate English River oubyen St Louis i pa ti a ganny en condominium English River?  Mr Deputy Speaker se sa ki nou pe dir poudir striktir La Digue pa pe fonksyonnen.

 

(APPLAUSE)

 

HON SANDY ARRISOL

Mr Deputy Speaker letan nou pe koz lo striktir La Digue, i enportan mon’n gannyen lenformasyon ki i enportan ki mon partaz avek Lasanble.  Mon aprann poudir i annan en transe ki’n ganny fouye La Digue e tou bann dokiman, bann papye in ganny antere  laba dan sa transe. Mon pa konnen kekfwa si sa nouvo striktir ki ava vini ki ava met an plas, nou ava kapab rod en lot  Caterpillar nou ava al dekouver sa transe  pou nou al rod sa bann dokiman Later ki mon  aprann in ganny antere laba lo La Digue. E letan mon pe koz bann dokiman antere mon pe zis wonder si bann dokiman Monnaie pa form parti bann dokiman ki’n ganny antere La Digue ?  Mr Deputy Speaker letan nou lo sa size later i enportan pou nou dir dan sa Lasanble Nasyonal ozordi, dir poudir La Digue i enn bann distrik ki’ n ganny abize spesyalman lo sa ki konsern later.

Letan Onorab Flory ti dir  dan Lasanble dernyen fwa poudir en sel endividi in ganny li 57 morso later sa i en lot siny…52 morso later sa i en lot siny poudir 52 morso sa i montre poudir striktir pa pe fonksyonnen e  later la Digue in ganny abize.  Se pou sa rezon ki nou pe dir poudir bann striktir i bezwen ganny aranze, i  bezwen ganny revwar.  Letan bann gro sef zot, zot ‘pe tenir pa large’, zot pe ganny plizyer morso e pe byen pase lo ledo Digwa.  Bann ki’n ganny kit anpandan par zot Prezidan, zot in ganny zis tas, triko avek sak.  Be manrten partaz en pe sa larises ek tou Digwa !  Sa rezon Mr Deputy Speaker akoz i bezwen annan en striktir lo La Digue ki  loter Mosyon  pe demande.

Sa i anmenn mwan lo L’Union Estate.  Mon krwar ki sa Board i devret organiz en meeting ek bann zabitan, eksplik zot ki pe pase koumsa i ava napa dout, rimer ouswa spekilasyon.  Saler bann staff laba, zot kondisyon, avek en Polisi kler an relasyon ek staff ki travay L’Union selman zot annan biznes L’Union menm.

Lo  Board La Digue, lo bann Board ki zot annan eski napa dimoun ki sorti Mahe?  L’Union Estate mon aprann ti annan 2 lakaz.  Si in ganny vann, eksplik nou dir nou, konbyen?  Oli bann larzan?

Bann etranze Mr Deputy Speaker ki’n antre lo La Digue, ki’n aste later pou swadizan fer bann private home.  Eski zot pa devret pey en tax?  E sa larzan ava ganny servi pou fer bann emergency house an ka i annan dife swa dezas.   Sa bann fanmir ava  ganny en landrwa tanporer.  Oubyen menm detrwa public toilet la ki lafet pe vini.  Nou ava aret vwar bann Seselwa ki pe al deryer pye ko-ko, swa dan vouloutye oubyen en pe partou, partou lo La Digue.  Sa larzan i ava ede pou sa zil.

Mon …demann en kestyon.  Lekel ki propriyeter  Teacher’s Quarters lo La Digue par egzanp ? Eski i ankor propriyeter Minister Ledikasyon?  Oubyen ozordi Minister Ledikasyon pe pey lakaz pou teachers konmela e sa menm, sete li menm li ki ti propriyeter en pe letan pase.  Par egzanp letan nou pe koz lo La Digue, eski Félicite i ankor anba L’Union Estate? Lekel ki propriyeter laba?  Eski in vann?  Eski bann digwa par egzanp pa devret konnen?  Pa devret konnen ki bann fonksyon ki pase lo zot zil ?  Mr Deputy Speaker Onorab Sophola in dir ki in ganny elekte pou servi tou zabitan Inner Island.  Sa menm Onorab selman sa ki mon pa kontan parey mon’n dir pli boner, in tret  tou bann siporter Lopozisyon konman ‘kannar.’  E parey mon’n dir pli boner in osi tret bann profesyonnel Lasante konman bann ‘ipokrit.’  E ler en dimoun pa happy avek en keksoz i bezwen eksprim son lekor Mr Deputy Speaker. E i pa kapab ganny dir poudir i en ipokrit.  E alor sa i malere.  Bann profesyonnel Lasante zot in fatige travay dan bann kondisyon deplorab.  Onorab Constance ki ti dan 4enm Lasanble ti koz lo lopital.  Onorab Ghislain ki ti pe rod vot, Onorab Constance li menm li Onorab Hansley Constance li si zot pe rode lekel. Son dezyenm non Tep.  Onorab Ghislain ler i ti pe rod vot La Digue i ti koz lopital.  Sak fwa kanpanny nouvo promes.  La Onorab Sophola ozordi dan sa Lasanble i ankor pe koz lo lopital.  Alor kestyon be kan eski lopital pou vreman terminen?  Alor silvouple aret anbet bann digwa sak fwa pou koz lo proze e fer sir ki sa proze i ganny materyalize Mr Deputy Speaker.  Be zisteman lo sa pwen ki mon ti a kontan demande, sa ban gran rigol ki mon’n tann Onorab Ghislain koz lo la Mr Deputy Speaker, bann transe ki ti ganny fer la, oli sa Master Plan?  Oubyen in kout Gouvernman, konbyen in kout Gouvernman pou fouy sa bann transe swa rigol?  Kote larzan ti sorti pou sa bann proze ki ti tonm anba responsabilite Land Transport?

Annou al en kou lo ledikasyon.  Ledikasyon ozordi i annan en mankman teachers.  Menm supply teacher pou lakantite zanfan ki zot annan ozordi.  Mankman bann liv pou S4 ek S5 i annan plis ki 5 an i annan bann rekomandasyon ki’n ganny fer pou zot ganny bann nouvo liv.  Me ziska prezan malerezman nanryen pa ankor fer.  Selman SPPF li in vwar larzan pou li fer gro building Jj Building pou kasyet detrwa endividi.

Delo sal kot Lakres, ler nou pe koze la pe kontinyelman koule pre  kot Seksyon Admin.  Plafon pe tonbe.  Paran pe ganny demande pou kontribye fan ek carpet me pourtan msye Marek ti ganny demande pou fer en Donasyon €90mil pou lekol La Digue.  Oli sa larzan?  Lekel ki’n pran?  Silvouple lekel ki ti siny son dokiman pou li reste la san mansyonn non personn anba konbyen Onorab Hoareau, 54(5), ok ?  Oli larzan Mr Deputy Speaker?  Parey granmoun i kontan dir e Onorab Sophola in remind nou, ‘’Byen koze i fer byen konpran!’’  Mr Deputy Speaker La Digue i form parti parey mon’n dir larsipel Sesel letan mon’n konmanse.  I pa ni pou Onorab Sophola, dezormen.  I pa ni pou Onorab Ghislain. I pa ni pou L’Union Estate.  Ni pou serten endividi me pou lepep Seselwa e i form parti Sesel. Alor i enportan letan nou pe demann kestyon oubyen anmenn Mosyon nou bezwen mazin osi bann zil enkli La Digue.  Nou pa bezwen demann permisyon personn pou fer sa e zot bezwen ganny sa byen kler. E letan mon’n tann Onorab Ghislain dir i pou bezwen  chante ‘’La Digue nou ankor kontan li’’ – mon anvi dir avek Onorab Ghislain Mr Deputy Speaker, nou tou nou ava chante ‘’La Digue nou ankor kontan ou.’’  Alor Mosyon Onorab Ramkalawan i fer en gran sans, akoz si tou sa letan zot in vot pou parti lepep e zot pe fer fas avek tou sa bann problenm ki zot menm zot in mansyonnen dan meeting swa atraver medya sa pa akseptab pou en pti zil.  Me bokou i bezwen ganny fer pou sa zil  ki nou tou nou annan en fanmir laba swa en zanmi  oubyen nou annan konesans sa zil, pou donn nou full sipor  sa Mosyon ki’n  ganny anmennen par Leader Lopozisyon.  I enportan pou mazinen konman Manm Lasanble ki i annan Manm ki’n vin la avan nou ki’n ganny elekte, me ki’n ganny retire akoz zot pa’n akonpli zot manda.  I annan Prezidan ki’n dir ‘’pa file’’ me  li menm li in ‘’file’’ in kit nou ater.  I annan ki’n dir ‘’tenir pa large,’’ selman in kit tou son siporter anpandan.  Mon pe dir sa Mr Deputy Speaker akoz Onorab Sophola in fer nou mazinen ki li, e selman li, ki’n ganny elekte La Digue.  Onorab Sophola  mon anvi dir ek ou pa tro krwar poudir ou en gro ka laba La Digue Onorab Sophola.  Letan dan ou konklizyon ou’n dir, ‘’Pa borde !’’ Mwan mon anvi dir Onorab Sophola Mr Speaker ki Anse Aux Pins ti en pye bodanmyen pou Parti Lepep.  Nou’n debrans li e nou’n zet li ater1  Letan Anse Boileau ti en ‘bastyon’ nou’n batiz li dan  delo LDS.  Baie Lazare ti en later ‘dir’ nou’n demel li.  Plaisance ti en Pti Rwayonm kot en pti group fanmir me nou’n deklare nou’n donn li en paren.  La Grand Anse Praslin li i ti ‘Kosto, Kapab e Konpetan’’ me ozordi LDS in debord zot e nou’n shower zot.  Konmdi madanm Theodora ; ‘’Chaque chose a son temps. ‘’ Alor Onorab pa rod nou dan LDS, me esper nou akoz sansan ou pou kontinyen ‘aboie et la caravane’ pou pase.  Mr Deputy Speaker mon ti a kontan avek sa  2 mo aport mon sipor pou sa Mosyon, pou nou annan en nouvo striktir pou La Digue.  Mersi bokou.

 

(APPLAUSE)

 

MR DEPUTY SPEAKER

Mersi Onorab Arrisol.  Bon mon a demann mover Mosyon pou fer son konklizyon.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Deputy Speaker apre ki mon’n tann sa zenn-onm ki mon’n pas distrik St Louis avek mon vreman fyer koman en politisyen ki i annan en zenn-onm koumsa ki’n kapab e-tal tou bann keksoz ater e byensir sa i en lendikasyon ki poudir St Louis personn pa pou tou li ankor.

 

(APPLAUSE)

 

HON WAVEL RAMKALAWAN

Mr Deputy Speaker, personnelman mon pa ti ekspekte si sa Mosyon  ki mon ti pe anmennen ti pu pran sa tournir.  Mon  ti eksepte ki letan mon anmenn sa Mosyon zot tou zot ti vwar ki letan mon ti fer sa prezantasyon  – ofet Onorab De Commarmond in komans son entervansyon en pe parey mon ti komanse letan mn ti pe koz lo en zil i annan en diferan karakteristik konpare avek en lot distrik e mon ti servi sa  pour mwan dekrir La Digue.  E sel keksoz ki mon ti pe rode Mr Deputy Speaker parey ou konnen parske mon ti prezant mon Mosyon sete pou ansanm koman en Lasanble  regarde ki mannyer nou kapab ede – ki mannyer nou kapab ed en distrik.  E i byen i annan  en Manm ki’n fer sa resorti tre byen pou li dir ki ozordi Mosyon i lo La Digue alor nou koz lo La Digue.  Mon krwar ki Onorab Arrisol menm ki’n dir sa.  Yer Question Time ti lo Anse Royale avek English River nou’n koz lo la.  Menm si nou tou nou sorti dan bann diferan distrik.  Parski parey nou dir dan langaz lanvironnman sa ki arive Lerop i konsern nou.  Sa ki  arive North Pole i annan en lenpak lo nou pti Sesel Alor sa ki arive La Digue i annan en lenpak lo sa ki arive Mahe.   Sa ki arive Praslin sa ki arive lo tou nou bann zil.  E mwan Mr Deputy Speaker se sa mon bi.   Me malerezman, malerezman sa mosyon apre lentervansyon Onorab Sophola in pran  en nouvo tournir.  E ofet letan mon pe fer en refleksyon si Onorab Sophola ti’n adopte en diferan latitid sa Mosyon probableman nou ti ava’n vini li depi semenn pase.  Me  lafason ki in fer son lentervansyon e konmsi pa ti ase, lafason ki Onorab Ghislain olye sey tenny dife avek delo oubyen avek foam, li in tenny dife avek bennzin.  In  vini napa kalite keksoz ki in  dir.  Mwan Mr Deputy Speaker, mon napa lentansyon pou mwan desann dan sa rigol ; parski si mon desann dan sa rigol dan sa bann trou – parey in dir, mon ava pe anmenn mwan dan sa nivo, alors mon pa pou desann lo sa bann nivo.  E ti byen ki Onorab Gill ti  dan en zefor – Onorab Gill li  in seye mete bato lo en nouvo larout e parey Onorab Loizeau ti dir – Onorab Gill in vwar 2 madanm pe mont lo en bisiklet  dan fernwar  san lalimyer e zot in bat ek kanmarad zot in tonm ater e prezan li Onorab Gill in vini koman en bon samariten in anmas zot in donn zot sakenn en  tours pou zot retourn ankor lo semen.  Me malerezman tou zefor ki Onorab  Gill in sey fer, i pa’n vreman marse.  Alor Mr Deputy Speaker, mon santi in annan trou bokou lakizasyon.  An menm tan osi letan mon’n ekout serten Manm – mon‘n ekout Onorab Basil Hoareau – i annan en lot Manm ankor ki’n dir be, akoz  pa ti koz ek sa Manm Elekte pour La Digue envit li ?  Be ou konnen akoz sa in arive – sa Onorab li i pa enterese.  E la ki mannyer i pa’n enterese.  Sa miting  ti en miting piblik.  I ti en miting piblik e olye sey montre en lentere dimoun pe vin dan ou distrik sey montre en lentere ; ou konnen ki i i ti fer ?  i ti anvoy dimoun  vin get ki pe arive dan miting pou sey konte konbyen dimoun ti annan e i ti pli enterese avek Allisop ki avek kontenir sa miting. E la ozordi malgre ki tou dimoun La Digue in konn li byen sa msye Allisop  e   mon ava dir zot ki zot in  sey kriy li  tou dan son biro pou sey koz avek li.  Pour zot lenformasyon sa msye Allisop i ti sou 9er bomaten letan miting ti komanse.  E sa msye Allisop la Parti Lepep in deza met li deor dan miting. Parske letan i bwar i en nwizans. Tou dimoun La Digue i konn li. Mr Allisop pa ti ganny met deor dan nou miting. Mr Allisop ti sorti dan sa meeting li menm akoz pa ti donn li microphone.  Li ki ti sorti e sa se zis ou zot lenformasyon lo ki mannyer keksoz i kapab detournen.  Mr Deputy Speaker mon pa’n kontan ki mannyer la fason bann lezot distrik in ganny maltrete. E la mon montre mon solidarite avek Onorab Ferrari ki’n eksplik li dan en dan en matter of privilege pou dir ki dan sa bann distrik ki problenm ki pli grav la ; par egzanp Corgat Estate, kot zot bliye ki pou dir ki Onorab Ferrari li menm li parske avan sa napa okenn Prezidan ki’n vizit Corgat Estate. Me li Onorab Ferrari depi dan Repons lo Leta Lanasyon i ti dir i pou envit Mr Faure pou vizit Corgat Estate. E si Mr Faure ti aksepte pou vin Corgat Estate pou antre Mr Deputy Speaker dan bann landrwa kot, dan bann landrwa ki ti sok li e letan i ti sorti laba i ti dir klerman i pa ti ekspekte ki pou dir Corgat Estate i koumsa.  I pa ti dir sa avek zis Onorab Ferrari I ti dir sa lo televizyon letan zot ti pe interview li !   Sa I montre ki pou dir vre zot pa pe donn sipor dan sa travay ki pe ganny fer.  E pa bliye ki pou dir de trwa mwan apre Onorab Faure ti anonse ki pou dir Corgat Estate ansanm avek Les Mamelles avek enn de lezot landrwa zot pou pran priyorite dan lo nivo Housing pou nobou fer en keksoz. E Mr Dr Herminie premye landrwa ki I ti vizite ansanm avek Onorab Ferrari letan dan son bann meeting atraver drog sete Corgat Estate. Alors fodre nou veye letan nou pe koz devlop nou pei letan nou pe koz lo sa nivo Nasyonal annou veye ki pou dir nou pa dir en keksoz ki al kont lespri dan ki serten keksoz pe ganny fer. Mr Deputy Speaker petet ozordi mon ava dir avek zot, petet sa Mosyon wi in Mr Faure li osi pe ekoute Mosyon. E sa Mosyon e la an mezir nou pe koze mon kapab dir avek zot ki pou dir Lofis Prezidan in fini konmans kontakte bann endividi lo La Digue akoz letan in ekout tou sa ki nou’n diskite dan sa Lasanble, i anvi li menm li al vizit La Digue pou li rankontre bann dimoun pou li koz avek zot. Se sa, se sa lespri avek ki nou bezwen regarde e i annan plizyer dimoun ki’n fini ganny ki’n fini konmans ganny randevou e son dat I ava anonse.  E nou pa ti bezwen al maltret dimoun zwazo move zorgir, sepa ki lot kalite, ensidswit. Nou bezwen senpleman parfwa regard en pep li lwen konpran en pep li byen sa ki pe arive. Parske parey ankor enn fwa en Onorab in mansyonnen Onorab Letourdie, ‘lekritir lo miray’ se zis sa dimoun ki pa konn lir ‘lekritir ki lo miray’ ki pou fer fot. E sa I sorti dan lekspresyon angle ‘the writing is on the wall’. E letan I ape dir ou ‘the writing is on the wall’ savedir i la pou tou dimoun vwar. E si en dimoun i al kont sa lekritir ki lo miray swa son lespri pa bon swa son lizye pa bon oubyen i annan en lot problenm. Alor letan zot pe koz dan sa fason Prezidan li menm li, i pe al vizit La Digue e dimoun in deza konmans koze. E konnen Mr Deputy Speaker letan I pou vizit bann dimoun La Digue, bann dimoun La Digue pou dir li zot problenm. E ou konnen mon annan tou sa konfyans Mr Danny Faure i pa pou apel zot bann ipokrit. I pa pou apel zot bann ipokrit letan zot pou dir avek li bann problenm ki zot pe pas avek. Tandis ki Onorab Sophola I apel bann dimoun ki koz lo problenm ki eksplik problenm li apel zot ipokrit. E sa ankor enn fwa i montre en totalman en diferan lespri anba ki keksoz pe deroule dan sa pei.  E mon krwar ankor enn fwa in ler pou ki i annan sa ki nou apel ‘fine tuning’. Parske la pou le moman i resanble ki pou dir, si mon a servi en lot lekspresyon alignment sa masin pa bon e tou drayver Sesel i konn byen sa. Letan ou alignment pa bon larou i manz en kote ; enn i al en pe tou lo kote gos, lot i al tou lo kote drwat. E apre sa ou larou i iz zis en kote. Si ou larg volan ou pa konnen ki direksyon ou loto pou ale. Alors mon ava dir e mon pe donn zot en bon konsey apre midi re align zot masin akoz pou le moman i pa pe mars byen. Mon a donn zot en lot legzanp – petet Onorab De Commarmond pa ti ankor pa ti ankor antre be mon a re donn ou en legzanp kot zis la apre midi zot in montre ki pou dir zot alignment pa bon. Ou Onorab De Commarmond ou’n vin propoz en lamannman e letan ou’n propoz sa lamannman ou lamannman pa’n tous ditou premye parti Mosyon, ok? Premye parti Mosyon ki lir mon ava get en pti kou la oli sa papye. Ok premye parti ki lir ‘’….avek tou konsern ki zabitan La Digue pe eksprimen.’’ Ou’n kit sa dan ou lamannman ki ou pe propoze. Be ou konnen ki Onorab Hoareau in vin dir li, Onorab Hoareau in dir li i pa pe siport sa Mosyon akoz sa bann parol, akoz sa bann mo. Be ou pa konnen ki ou dir, be i pa konnen ki i dir, be parske Mr Deputy, Mr Deputy me la ankor enn fwa atraver Onorab Hoareau in dir ou a krwar konmsi menm larou deryer pa in alignment ! Zot annan problenm avek zot larou deryer tou, parske en boug en Manm Onorab i vin dan Lasanble e i koz en parol 30 minit pli tar in fini bliye ki in dir ! Mr Deputy Speaker sa ankor enn fwa sa i en lot legzanp, ou ava ganny sa privilez pou ou parey i ti dir pli boner, tanto retourn lo Cable TV konm dir mon zanmi anler Capucins rewind e letan ou ava rewind ou ava vwar egzakteman kwa ki ou’n dir oubyen ou ava regard verbatim.  Mr Deputy Speaker I annan tro bokou problenm i, ma donn zot en lot legzanp ankor letan Onorab Sophola ti a pe koz lo lopital i ti a pe dir mannyer lopital i bon, i ti a pe dir napa problenm, oli problenm avek nou lopital. I annan enn son aktivis mon pa ava nonm son non, mon kapab nonmen pa trakase i abitye maltret mwan li.  I annan enn son aktivis sa menm zour ki li a pe dir tousala enn son aktivis ki apel Sanda Pascal lo Facebook ‘Dan Lari Bazar’ en dimoun i anvoy sa pou mwan i screen shot sa. I met en post. E la son post ki i ti lir: ‘Silvouple Minister Lasante sey get en kou dan welfare La Digue. En dimoun sorti opere pou vin panse ni asize ou pa kapab ou pe esper  erdtan – napa ners pou panse. Be ki si sa ?  Ler ou pou koze pou dir ou isi laba’.’’ Egzakteman. Sa ankor enn fwa se bann keksoz ki ganny sorti laba menm La Digue. E parey Onorab Adelaide in eksprimen boner letan nou ti al La Digue, wi sete dan nou travay konsiltativ, se pou sa rezon sa ti ganny organize pa konman en meeting LDS me konman en meeting anba Lofis Leader Lopozisyon. E menm parey letan nou al dan lezot distrik tou se sa lafason ki nou fer li anba dan nou travay Lasanble.  E nou’n profite pou nou koz lo lalwa, lo sa de lalwa kip e ganny propoze ‘Freedom of information’ ‘Access to information’ ‘Lalwa lo ‘emoluments for former Presidents’, ensidswit. E apre sa parey nou fer dan tou bann distrik nou ouver lasal pou ki dimoun I kapab eksprim zot lo sa distrik. Nou ti fer sa dan distrik Anse Etoile sanmdi pase nou’n fer sa dan distrik Takamaka – se pou sa rezon mon ti ariv tar pou meeting kot Lakour. E nou’n al dan plizyer distrik nou’n fer sa, alor sete en lokazyon pou bann dimoun eksprim zot. E parey ankor enn fwa, me letan ou fer en sample, nou tou nou konnen mannyer bann soz syantifik I ganny fer.  La parey ozordi, ozordi pe fer, I annan Biro Statistik ki pe pas dan serten distrik e zot pe swazir serten dimoun pou zot ganny serten lenformasyon avek sa bann dimoun.  E from sa lenformasyon zot pou kapab donn en lendikasyon lo ki mannyer sitasyon Nasyonal I ete.  E se sa mwan mon pa pou al lager lo sif I annan serten dimoun zot pare pou zot lager lo sif. Be mwan mon nepli lager lo sif laplenn I plen laplenn pa plen. La lotrozour nou’n fer en meeting Roche Copra apre sa mon vwar serten pe rode laplenn pa plen. Pa laplenn ki enportan dan bwat ki enportan sanmenm sa ki ti anbet zot sa, sanmenm sa ki ti donn zot 15 lo 10, sa laplenn vid la sanmenm ki’n donn zot 15 lo 10. Alor Mr Deputy Speaker sa bann dimoun La Digue ki ti vini, sa bann dimoun La Digue ki ti vini sete bann dimoun ki konsernen avek sa ki pe arive. E I enteresan ki pou dir sete ti annan bann businessman ti annan enn de businessman dan diferan domenn. Bann dimoun ki annan bato, ki fer ekskirsyon, dimoun ki annan lotel, dimoun ki travay dan tou diferan domenn. E zot in eksprim zot e in kler ki pou dir bezwen en nouvo sanzman -en nouvo striktir. Aprezan letan nou pe koz nouvo striktir Onorab Ernesta li I ti dir, in konplent letan in koze, I ti dir I annan tro bokou komite dan sa Lasanble. E mon kontan taler ki Onorab, pli boner letan Onorab Sebastien Pillay in koze. Menm si, si mon ti Onorab Sophola mon ti pou ankoler avek sa ki ou’n dir. Akoz basically sa ki ou’n dir se Onorab Sophola konman en amater in sot dan en ring avek en veteran e sa veteran in tap li. Se sa ki ou’n dir e letan ou’n dir sa, letan in dir sa Mr Deputy Speaker konmsi mon’n tann, konmsi dan mon zorey mon’n tann sa sanson ‘Pa Anpandan’. Prezan mon dir be kantmenm zot ti pran sa konman enn zot sanson ‘Pa Anpandan’ aprezan konmsi ou vin dir en amater ‘Pa Anpandan ?  ’ Be i mal.

 

(APPLAUSE)

 

 

HON WAVEL RAMKALAWAN

Ou pa devret dir sa bann keksoz. Alor dan menm fason pou dan sa laliny  letan Onorab Ernesta I dir tro bokou komite petet ankor enn fwa konman en veteran I neseser pou dir avek li konman en nouvo venan lo lasenn politik ki pou dir se sanmenm lafason ki Lasanble ki okenn Parlman i travay. Parlman i travay avek bann Komite oubyen bann Komisyon. E Onorab Pillay byensir pou konn sa byen, akoz avan sa i ti lo, i ti dan Parlman Afriken. E I konn byen ki pou dir i annan bann Komisyon e dan sa bann Komisyon i annan plis travay ki ganny fer ki dan Sesyon Plenyer. Dan Sesyon Plenyer ou plito anmenn bann travay ki’n ganny fer dan bann Sesyon Komisyon. Alor Mr Deputy Speaker i annan en parol ki Onorab De Commarmond in servi, Onorab De Commarmond in dir, i pa kontan sa ‘nouvo’ striktir e Onorab Ernesta  osi in dir i pa kontan ; akoz konmsi la ou pe al rod en nouvo striktir ankor. Be konmsi azout ankor enn i deza annan 4 la ou pe al azout 5.  Be mon en pe konfize la mwan, mon en pe konfize akoz ankor enn fwa lo kote Parti Lepep zot bliye ki mannyer zot in servi sa mo ‘nouvo.’ Si par egzanp mon demann zot ki ti zot Tenm pou Eleksyon 2011, ‘’EN NOUVO SESEL.’’ Konmsi eski i Parti Lepep zot ti pe dir zot pou al kree en ‘’Nouvo Sesel, en lot Sesel, konmsi sa enn la ki la konmsi nou pou al rod en lot ?   Oubyen eski letan nou pe servi sa mo ‘Nouvo’ nou a pe dir annou fer li vin en meyer, pli efikas, annou annan en ladministrasyon pou nou travay annou annan tou sa bann keksoz pozitiv. E i vre Onorab Pillay mon annan pa konnen konbyen lannen dan sa Lasanble, sa mo ‘Nouvo ‘mon’n pran li avek zot menm e zot in vin lager avek sa mo ki pou zot menm zot in vin bat zot prop piti !   Pa fer sa. E la kot mwan anvi dir avek Onorab De Commarmond avek Onorab De Commarmond spesyalman ki pou dir sa pwen ki in mete konsernan sa lamannman -se pou sa rezon  mon ti dir mon pou reponn letan mon pe fer mon summing-up – dan sa mo nouvo sa ki mon a pe dir se annou egzakteman ki ou ti pe dir, annou annan en striktir ki pou efikas ; en striktir ki pou reponn a bezwen a bann dimoun La Digue ; en striktir ki pou pran konsern bann dimoun La Digue ; en striktir ki pou donn La Digue en plan lonterm, once and for all, e ou pa pou ganny enn isi lot laba en lot laba en lot laba. E mon dakor ankor avek sa ki ou’n dir konsernan sa zafer Ladministrasyon Distrik e Onorab Lemiel tou in mansyonnen bomaten. Si sa, sa i pou en striktir azoute ok la fason ki pou ete Ladministrasyon Distrik ki mannyer I pe vini espesyalman pour La Digue, ou pou annan ou La Digue Board, La Digue Trust Fund, L’Union Estate, e apre sa ou pou annan en lot ki pou azoute. Ki pou la i pou vin tro bokou frer. Korek. Non, non, non, non. La i pou vin tro bokou. Sa ki mon Mosyon pe dir e ki mon’n sey eksplike, se annou regarde ki mannyer pour La Digue ou kapab dan sa nouvo striktir entegre. Annan bann dimoun ki pou asiz lo la – prensipalman bann dimoun La Digue parske sa I zot zil pou zot asiz lo la, pou zot kapab regard tou bann size.  E letan zot pou regard tou bann size e mon ti mansyonnen White Paper zot ava kapab vin avek en plan konkret.  E ki pou arive avek sa ?   Ou konnen mon krwar I kler ki pou dir sa ki nou pe rode ,se pou nou sorti dan sa zafer. Letan i annan Eleksyon la zis ou ganny tou kalite promes, pou ganny club car, pou vin sepa ki lot zafer, lot laba, lot laba ; pou ki i ava annan serten keksoz dan sa pei kot letan i annan Eleksyon nou ava pe adres bann issues lo ki mannyer pou fer keksoz vin li byen. Tou keksoz, ki mannyer pou fer keksoz vin meyer. Parske annou pran en legzanp en zil konman La Digue ankor enn fwa i pli fasil pou ou pran sa konman en legzanp nou ava kapab annan en plan pou lopital pou ki dimoun La Digue i ava konnen ki la i la plan pou zot lopital atraver konsiltasyon avek sa nouvo striktir. E i pa ava sanze. Ou pa ava ganny en Lakaz Mor apre ki tou dimoun i bezwen kriy lasasen. Ou pa ava ganny en Ward apre ki tou dimoun i kriy lasasen ou pa ava bezwen pou ou annan en. Pou ou fer en senp X-Ray ou bezwen tay Baie Ste Anne Praslin ; ki ou ava annan ou en keksoz konpreansiv normal ki aprezan lopital pou nepli en issue. Parske i ava pe ganny run par bann profesyonnel. Lekol sa bann problenm ki Onorab Arrisol in mansyonnen i pa, semen, transpor nou pa ava bezwen vin demann Minis ki Polisi lo club car, parske tou sa bann keksoz ava ganny worked out.  E i malere ki pou dir ki li Onorab Sebastien Pillay i dir, fodre pa ki nou fer sa akoz la nou pe enterfer dan travay Egzekitif e ki e ki nou pa ava fer nou travay scrutiny. Be ou vwar ankor enn fwa aranz zot alignment, mon pe dir zot mwan !  Parske Onorab Pillay i pe dir sa, me selman an menm tan Onorab Chantal Ghislain in debout in dir li i lo La Digue Trust Fund. Be eski Onorab Pillay pe dir avek nou ki alors akoz Onorab Chantal Ghislain i lo La Digue Trust Fund I pa kapab fer son travay konman en Manm Lasanble parske i pe enterfer dan Egzekitif oubyen dan soz ?   Non, i pa mars, i pa mars koumsa e mon krwar ki la i en pe bann lakaz bib ki pe konfiz zot ; konmsi fodre nou tire. Annou regard pli devan, annou bouz nou mindset. E parey mon ti’n dir osi letan mon ti prezant sa. Ou konnen zot in tro sey vin reponn mon ok, e pourtan dan mon lentrodiksyon mon ti dir mwan mon pa konn tou keksoz mon parske mon pa viv, mon pa viv La Digue mwan. E pou annan serten keksoz ki pa pou ki pa pou accurate, alors zot ava kapab an mezir ki nou fer sa deba dan en latmosfer friendly ,parey mon pe koze la ki nou ava kapab koze. Letan mon ti nonm zafer Passport – ‘manr-man’ Onorab Ghislain in ankoler avek mwan. Nou, nou ganny nou Passport dan 4,5 zour nou al Lapos. Fine.  Selman Onorab Ghislain pa konnen – i pa ti konnen ki pou dir Air Seychelles osi ler i ti demann kestyon letan Minis ti la, kan eski La Digue pou ganny son landrwa pou bann Digwa kapab pey zot tiket ?   I pa ti konnen selman pou dir en dimoun ki La Digue i pa bezwen desann Mahe oubyen al Praslin pou li pey son tiket !  I fer li atraver Masons Travel.  I fer son booking apre sa i al peye kot Masons Travel, i ganny tou son bann zafer e tou keksoz i ok. Letan mon ti nonm zafer Por i ti zot anler avek mon, sa pa marse, ensidswit. Be la dan mon lanmen mon annan dokiman mon annan en invoice sorti kot Seychelles Ports Auhority pou bann ki en  pe lwen zot ava vwar zis son kouler rouz avek ble ek blan ki son. Mon annan en soz pou en dimoun ki annan in fact mon kapab dir zot pou Jeffrey Durup ki son garson i kaptenn Lenny Durup ki pe, la i la. Zot bezwen pey in donn zot tou bann tou bann wharfage, cargo dues ensidswit ki’n berth pou tel mwan, konbyen erdtan ensidswit. First konbyen hours e pou en soz in ariv R2,850 pou en weekend, ok ?   So i la. E alor tousala I montre ki mannyer bann diferan keksoz pe arive. Me Mr Deputy Speaker, mwan mon senpleman anvi dir nou pa pe, sa Mosyon in ganny anmennen pa pou ensilte personn. Sa Mosyon in ganny anmennen pa pou dir ki dimoun La Digue i mank respe or whatever. Non, non, non. Mwan letan mon al La Digue bon apart enn de bann dimoun ki ganny anvoye par bann politisyen. Be apart sa mon pase normal mon pa ganny okenn problenm La Digue mwan. E zis pou montre zot ki mannyer bann politisyen i fer problenm ; mon’n deza ariv La Digue, mon deza ariv La Digue en politisyen mon pa pou nonm son non, mon pa pou mansyonn son non anba 54 (5). Ti telefonn kord gard pou dir Kordgard koz avek Serzan I dir avek Serzan, ‘’Ramkalawan i La Digue, ki mannyer i ganny drwa vin La Digue ?’’ Se sa nivo ki parfwa – non, non, mon pe dir zot mwan. Get sa, annou pa vin zwe dan sa Lasanble. Nou pa vin zwe dan sa Lasanble. Alor Mr Deputy Speaker e tousala se pou nou regarde ki mannyer ki mannyer nou kapab donn La Digue.  E la mon kapab osi dir mwan personnelman, personnelman, personnelman Mr Deputy Speaker mon ankoler parfwa ki mannyer La Digue i ganny trete. Mon ava  dir ou akoz. La Digue si zot bezwen flood lights pou zot pou zot Sports Centre ki i fer ?   I tir lo sa Stadium anvil, i anvoy La Digue – dezyenmmen. Letan zot bezwen en Lanbilans, i pran sa Lanbilans ki sorti Mahe, i anvoy La Digue. Konmsi sa ki nou pe dir, mwan mon krwar ki pou dir sa i en move fason pou tret La Digue. I en move fason pou tret La Digue. E Praslin osi tou parfwa i ganny trete koumsa. Sa bann zenerater ki Onorab Churchill Gill ki nou ti pe koz lo la e ki ok li konman en nouvo veni in anmenn sa Mosyon sa lannen be mwan konman en veteran depi 15an pase mon’n anmennen sa Mosyon. Mon ankouraz li kontinyen mon frer – i bon ; koumsa nou ava kre bann politisyen, e amezir nou ale kekfwa ou a pas parey ou 2 zanmi Onorab Mondon avek Onorab Andre. Parske ki lizye i ouver apre ou debrouye vwar.

 

(APPLAUSE)

 

 

HON WAVEL RAMKALAWAN

Vwar Mr Deputy Speaker se pou sa, se sa ki fer sa bann problenm. E mwan mon pe dir letan nou pe koz sa striktir ki pou efikas, ki pou bon – sa nouvo striktir ki pou servi zot mo dan zot ‘NOUVO’ Sesel La Digue i ava kapab ganny sa ki meyer pou li. E regard ozordi, ozordi La Digue pourtan zot ti annan zot bann sistenm elektrisite, apre sa in deside arête e fer tou lo Praslin. E tou dimoun La Digue i konnen sa li menm li i annan son problenm dan li menm e ki sa i fer ki zot ganny konsidere parfwa konman dezyenmmen. E La Digue fodre pa ki i ganny konsidere konman dezyenmmen me La Digue fodre ki i pran son plas normal. Fodre i ganny son vre plas dan nou Larsipel Sesel. Alor Mr Deputy Speaker mon ava dir pourtan konmsi letan mon kalkil La Digue, La Digue pa ti devret annan tou sa bann problenm.  E pa trakase Onorab Pillay,  mon konnen ou pe ekout en pe sans e i fatig ou lespri.  E menm parey, sanmenm sa ki son problenm. Ou konnen parfwa, parfwa, parfwa dimoun pa kontan sa delo ki bon.  Akoz i abitye. I dir ou pa standar, akoz li i abitye bwar sa ki pa bon.  Mr Deputy Speaker rezon ki mon pe dir La Digue ti devre pli avanse ki sa, pa ti devret annan sa bann problenm, se parske sete Msye Rene ki ti Manm komite Santral pour La Digue pandan en  pe letan. E alors Prezidan ki ti laba ; apre Msye James Michel ki ti vin Komite Santral pou La Digue.  Ankor enn fwa ti devret ok.   Apre sa in pran Madanm Lise Bastienne ki ti travay dan son Biro ki pre avek li, ki ozordi i ankor pe kontinyen travay avek li konman CC member. E tousala ou ti ava ekspekte ki avek sa nivo zot ti ava ganny zot sa ki bon. E Mr Deputy Speaker i kler ki pou dir fodre adres tou sa diferan issues.  E la ozordi sa nouvo striktir pa egzanp i kapab regard sa bann zafer guesthouse La Digue ozordi kot en dimoun pa ganny drwa fer, I pa ganny drwa fer en guesthouse ki annan plis ki 5 lasanm.  E ki pe arive ?   Bann dimoun otomatikman ki annan zot, zot subdivide zot later e alors lo en kare zot fer 5 e lo en lot kare zot fer 5. E eski i vreman annan anything mal si en dimoun i annan sa landrwa pou li fer, pou le fer en guesthouse plis ki 5 lasanm 10 lasanm> ?   Parske apre tou 5 avek 5 pa I fer 10 ? Alor annou sey regarde, alor Mr Deputy Speaker mwan mon krwar ki pou dir i annan en kantite lenzistis e Onorab Arrisol in mansyonn serten sa bann lenzistis. Me mwan parey mon’n dir o konmansman Mr Deputy Speaker mwan mon senpleman anvi dir La Digue personn pa anvi vin fer dominer lo La Digue ; nou senpleman anvi vin donn en koudmen akoz sa ki zot annan ozordi pa pe marse. E mon plis ki sir ki letan FPAC, letan FPAC i kriy devan son Komite sa CEO L’Union Estate oubyen sa lot la enn sa bann Trust Fund ki enn nou responsabilite pou annan tro bokou kestyon pou li reponn. Komite zil in ganny mansyonnen – Komite Zil mwan mon krwar La Digue fodre pa ki i tonm anba Komite Zil. E sa i en keksoz ki Komite Zil in deza koz lo la. Wi nou pou pase La Digue parey nou pou pas Praslin nou pou pas La Digue pou nou al regard bann zil satelit parey Cousine, Cousin, Aride, ensidswit. E apre sa nou pou al La Digue kot nou pou envit, kot nou pou envit sa 2 – wi i annan enn ki’n deza lo Komite zil Onorab Ghislain e petet la Onorab Hoareau Mr Deputy Speaker nou ava dir ki ou a – non, non mon pa pe dir ou sa mwan sa, mon pe al dir ou ki Onorab Ghislain i en Manm lo Komite Zil,  ou pa’n koz avek li lo sa ou ?   Parske mon plis ki sir si ou ti’n koz avek li si ou ti’n koz avek li, i pa ti ava apel nou zwazo move zorgir. I ti ava envit nou pou nou vin, pou nou vin lo sa zil ; Komite Zil mon krwar, sanmenm parey Komite Zil pou li al vizit Mahe get Mahe !  Annou serye nou. La I ava pe apel si sa, si sa, si se sa Onorab Hoareau pe dir avek nou fer, la mon ava dakor avek Onorab, dakor avek Onorab Pillay ki konmkwa nou a pe tro enterfer dan travay egzekitif. Mr Deputy Speaker mon’n fer sir ki mon’n pas ar lao sa rigol ki serten Onorab in anvi mon antre ladan. E mwan mon pou dir ankor enn fwa La Digue parey bann lezot landrwa dan Sesel I nou konsern nou anvi vwar sa ki meyer nou anvi vwar lazistis nou anvi vwar en striktir ki marse.  E avek sa mon espere ki mon’n konvenk serten bann Manm lo lot kote ki ti’n koz avek mwan ki pou dir zot kapab vot pou sa Mosyon. E an plis ki sa mon anvi dir avek zot ‘the writing is on the wall’. Mersi bokou.

 

(APPLAUSE)

 

 

MR DEPUTY SPEAKER

Mersi Onorab Ramkalawan. Bon in ariv ler pou nou pran en vot lo Mosyon. Mon ava demann tou Manm ki an faver? Ok. Okenn Manm ki kont? Ok ?     Madanm…

 

HON WAVEL RAMKALAWAN

Mr Deputy Speaker fodre tou dimoun i konnen son prop MNA in vot kont La Digue pou nou nobou ed La Digue pou monte.

 

HON SEBASTIEN PILLAY

MNA i free pou vot dapre son konsyans dan sa Lasanble !

 

MR DEPUTY SPEAKER

Ok Order ! Madam Clerk donn nou count.

 

MADAM CLERK

Mersi Mr Deputy Speaker mon’n rikord 15 Manm an faver e 4 Manm kont.  Mersi.

 

MR DEPUTY SPEAKER

Bon Mosyon in pase. Nou pou adjourn ziska 4.15. 4.15 nou a rantre nou ava pran 2enm Mosyon lo Order Paper, ok. Nou adjourn ziska 4.15er kar.

 

 

 (BREAK)

 

 

MR DEPUTY SPEAKER

Bon nou a kontiny nou travay e mon a demann mover Mosyon Leader Lopozisyon Onorab Ramkalawan pou prezant son Mosyon.

 

HON WAVEL RAMKALAWAN

Mr Deputy Speaker mersi bokou. Mon anvi move etandonnen ki sa Mosyon i en Mosyon ki lour, Si nou konmans la 4.20 ziska 5er nou annan nou zis 33minit e mon santi ki i pou zis mon prezantasyon. Alors mon anvi move ki espesyalman li ABC nou’n regard Order Paper pou semen prosenn, ki i kler ki sa bann biznes ki nou annan, i ava pran Mardi bann kestyon ensidswit e ki the whole of Wednesday, well nou a konmans li bomaten si i fini. Konmsi si nou konmans li Merkredi then i pou fer bokou plis lazistis, parske i ava annan, sak dimoun i ava met son pwen e personn pa ava pe mazinen ki i ti ganny dir dan premye, dan sesyon ozordi. Parey mon pe dir anvi ki i annan en pti git letan ankor, alors Mr Deputy Speaker avek ou lendilzans mon ava demande ki nou aktyelman adjourn e ki semen prosenn nou repran sa Mosyon. Mersi bokou.

 

MR DEPUTY SPEAKER

Ok, mersi Onorab Ramkalawan mon a zis demann Onorab De Commarmond lopinyon.  Mon donn ou laparol. I annan 2 Leader isi dan sa Lasanble. Mon donn ou sa…

 

HON CHARLES DE COMMARMOND

Non Mr Deputy Speaker be sa en prerogativ ki ou, ou  pran, ouswa si i annan en Mosyon ki ganny met devan Lasanble. Lasanble i deside ki pou fer.

 

MR DEPUTY SPEAKER

Bon si zot napa okenn obzeksyon. Onorab Afif ou le dir en parol?

 

HON AHMED AFIF

Wi Mr Deputy Speaker mon ti a kontan zis segonn Mosyon ki’n ganny fer par Onorab Ramkalawan. Mon krwar in eksplik merit akoz nou devret adjourn e mwan mon ti a kontan segonde. Mersi.

 

MR DEPUTY SPEAKER

Ok, i annan en Mosyon pou adjournment nou ava pran en vot lo la. Tou bann ki an faver pou nou adjourn pou nou pran sa Mosyon next week ? Ok.

Okenn Manm ki kont ? Ok.

Madam Clerk.

 

MADAM CLERK

Mersi Mr Deputy Speaker 18 Manm an faver, personn kont. Mersi.

 

MR DEPUTY SPEAKER

Bon.  Ok,   so Mosyon pou adjournment in pase. So nou ava aret la pou ozordi e nou ava repran nou travay Mardi le 27 e nou pe sey fer nou mye ki by demen pli tar Order Paper I ava sirkile. E zis an ka bann keksoz irzan i monte, then nou ganny en Revised Order Paper parey labitid lundi matin. E Mosyon, nou ava pran sa Mosyon Merkredi prosen, Merkredi le 28. Yes Onorab Ferrari ?

 

HON JEAN-FRANCOIS FERRARI

Wi Mr Deputy Speaker konman enn bann Manm ki annan avek Onorab Valmont e mwan menm, ki annan en Mosyon ki en pe letan i pe espere dan queue. Mon ti ava zis – avek respe, demande ki kekfwa travay pou Mardi i ganny deside an fonksyon sa 3 Mosyon ki lo Papye ki nou a kapab fini sa 3 Mosyon e pou nou kapab annan en fresh Order Paper by the end of the month. Ok ? 

 

MR DEPUTY SPEAKER

Wi, mersi Onorab Ferrari.  Se sa lespri nou meeting ABC apre midi, kot nou pe revwar en pti pe konteni lo Order Paper pou nou kapab bouze lo travay Lasanble, ok. ?  Wi mersi Onorab Pillay.  Bon avek sa nou ava adjourn ziska Mardi prosen 9er bomaten.

 

 

(ADJOURNMENT)