::
Home » Verbatim » 2017 » Verbatim Report NAS Sitting Tuesday 27th June, 2017

Verbatim Report NAS Sitting Tuesday 27th June, 2017

NATIONAL ASSEMBLY OF SEYCHELLES

 

Tuesday 27th June, 2017

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou Manm Onorab, bonzour tou dimoun ki pe ekout nou. Ankor en fwa mon swet zot la byenveni pour en semenn travay, e sa semenn sirtou, en semenn enportan akoz i semenn kot nou pe selebre nou Lafet Nasyonal, Lafet Lendepandans.

E petet lo sa not mon ti a kontan antan ki Speaker felisit sa 3 Manm Onorab sorti Inner Islands ki ti organiz bann weekend, en Fair Praslin, Baie St Anne Praslin, alor Onorab Gill, Onorab Churchill Gill, Onorab Woodcock ek Onorab Sophola mon ti a kontan felisit zot ki ti en vre sikse. Son Gospel Show ki ti ganny fer Sanmdi swar ti montre ki mannyer bann diferan Krwayan i kapab zwenn ansanm pour fer en konser pour demann lagras pour pei. Ti tre byen. E son Dimans swar ti annan en Show ankor kot ti montre Kiltir, sirtou Lanmizik Seselwa avek en Group ki ti vreman enpresyonan. Alor mon ti a kontan felisit zot e felisit tou Praslinois ek Diguois ki’n zwenn ansanm pour komans sa Lafet 2017 pour nou Lendepandans e nou Lafet Nasyonal dan en fason tre, tre byen.

Mon ti a kontan osi fer rapel ki Minis Loustau-Lalanne ti anvoy lenformasyon parey i ti promet semenn pase dan Lasanble, lo saler bann Pilot, saler bann Cabin Crew ensidswit e mon ti demande ki sa i ganny sirkile kot tou Manm, e mon espere ki zot in gannyen sa lenformasyon parske i ti promet pour anvoye, in anvoy sa lenformasyon.

E zis pour en pti klarifikasyon ki Mardi pase ler nou ti koz lo bann Daycare Centre avek Childminders avek Minis Morgan, mon le zis le fer en pti klarifikasyon pour dimoun Anse Boileau koman en matter of privilege from the Chair ki napa okenn moman ki mon’n donn lenpresyon ki Daycare Centre Anse Boileau i unhygienic. Pa ditou. Ler mon’n vizite mon’n vwar i annan bann serten problenm striktirel akoz building i vye e Minis Morgan in promet ki i pe regard dan posibilite annan en nouvo modern Daycare Centre. Alor mon ti oule zis fer sa klarifikasyon.

Ozordi osi i annan labsans pour bann ki, dimoun Plaisance sirtou, labsans Onorab Roucou, Onorab Roucou i pe swiv Regional Capacity Building meeting ki pe fer Sid Lafrik e ki pe ganny organize par UNFPA. Alor pour bann ki pa vwar li Lasanble, se i lo en Misyon aletranze. E parey mon’n dir toultan nou bann MNA i bezwen partisip dan sa bann Misyon, non selman pour reprezant Sesel me osi pour zot prop leksperyans e zot building of zot bann konpetans.

Sa semenn, Vandredi sa semenn presizeman 10er bomaten pour annan Final en konpetisyon Quiz pour bann Lekol Segonder ki pour ganny fer koman, ki form parti plito bann selebrasyon nou Lazournen Nasyonal ki nou koman Lasanble Nasyonal nou pe organize e bann finalist, se bann Lekol swivan, Independence School. Ecole Francaise, e Lekol Plaisance. Zot bann lenvitasyon evidaman i a ganny delivre avek tou bann ki’n ganny envite. E sa parey mon dir pour ganny fer Vandredi e nou ekspekte ki i ava donn dimoun plis lenformasyon, plis lentere dan travay ki Lasanble pe fer.

Avek sa nou ava, ozordi nou annan Minis Larue ek son delegasyon ki pour vin reponn bann Oral Question  – en Private Notice Question avek en Urgent Questions e mon a demann Onorab Ramkalawan.

 

HON WAVEL RAMKALAWAN

Bonzour Mr Speaker. Bonzour tou dimoun. Mersi bokou Mr Speaker. Mr Speaker parey mon’n koz avek ou yer mon ti ava kontan raise en matter of privilege ki afekte nou Lasanble an antye.  Mr Speaker Lartik 103 nou Konstitisyon i dir, ‘A process issued by a Court shall not be served or executed within the precincts of the National Assembly’, savedir Lakour pa ganny drwa atraver son bann Zofisye vin servi lo okenn Manm Lasanble en Somonn oubyen en papye a tou moman. Sa set en privilez ki Lasanble i gannyen, e set en privilez ki nou tou Manm dan Lasanble nou enjoy.

E Mr Speaker i resanble ki pandan sa bann dernyen semenn, Lasanble pe ganny enterfere. I annan sa lenterferans e mwan ziska prezan mon’n reste trankil, me ozordi mon bezwen koze akoz yer apre midi en Process Server sorti kot Lakour in vin dan Precincts Lasanble in ariv ziska dan mon Biro pour li issue en Summons sorti kot Lakour Konstitisyonnel… sorti kot Lakour Siprenm dan en ka Konstitisyonnel. E sa mon pa trouv li akseptab ditou.

Mon vwar sa i en enterferans direk lo nou privilez koman en Lasanble parey Konstitisyon i donn nou. Letan mon’n pran lezot lenformasyon mon’n osi aprann ki Somonn in osi ganny servi lo lezot Manm Anti-Viktimizasyon isi menm dan sa Lasanble.

Mr Speaker mon trouv sa pa akseptab, e mon pour al pli lwen pour dir ki i resanble ki lezot Lartik nou Konstitisyon, ki donn bann Manm Lasanble en serten privilez an sa ki konsern zot travay dan Lakour; par egzanp bann Avoka dan nou Lasanble pe rankontre serten difikilte vizavi Lakour an term letan zot pe prepar zot Case.

E an plis ki sa Mr Speaker, menm Avoka Lasanble ou Konseye Legal Mr Daniel Cesar in ganny menase apre 15an koman en Avoka ki zot pour pran son License akoz serten rezon banal.

Mr Speaker pour tou sa bann rezon mwan personnelman mon santi ki i annan en lenterferans lo la par Zidisyer an relasyon avek nou Lasanble. Si Zidisyer ki li menm li i form Lakour Konstitisyonnel i pa kapab respekte en senp Lartik 103 ki pa ni bezwen okenn Avoka pour enterprete, me ki dir ki klerman napa okenn sa bann Papye Lakour ki devret ganny anmennen lo okenn Manm pandan ki i isi i dan Lasanble, mon krwar Mr Speaker koman en Lasanble nou bezwen pran sa serye.

Alor Mr Speaker anba ou gidans mwan mon krwar ki in ariv ler pour nou koman en Lasanble set up en Select Committee pour regard dan sa bann enterferans. e sa mon krwar i ava zwenn ansanm avek sa Deklarasyon ki Prezidan, Sef Ziz avek ou zot ti fer, dan sa gran Deklarasyon konmkwa fodre pa ki annan enterferans. E vi ki ozordi nou Lasanble pe ganny enterfere avek, mon krwar ki i devwar nou Lasanble pour set up en Select Committee ki ava regard dan sa bann enterferans fer en Rapor avek Lasanble Nasyonal e apre sa fer kopi sa Rapor ganny sirkile kot Prezidan Larepiblik e osi Lakour li menm li kot Palais de Justice, pour ki en fwa pour tou sakenn i ava pe okip son lakour, son lakaz e nou ava kapab kontiny dan sa trankilite san okenn enterferans.

E Mr Speaker depandan lo ou advice parey mon pe dir, nou lo nou kote nou’n pare pour nonm dimoun ki ti ava al lo sa pti Select Committee ki en travay 1 semenn, 2 semenn pour regard sa bann enterferans e pour fer sa travay. Alors Mr Speaker mon met sa dan ou lanmen.  Mersi bokou.

 

MR SPEAKER

Mersi Onorab Ramkalawan. Onorab Andre oule fer en komanter.

 

HON CLIFFORD ANDRE

Mersi Mr Speaker. Mr Speaker bonzour tou Manm, bonzour tou dimoun ki a lekout, Mr Speaker mon ti a kontan segonn sa Mosyon kot Leader Lopozisyon in demande pour nou set up en Select Committee.

Mon pa pour al dan sityasyon personnel. Mon’n anmenn sa a latansyon. Me selman parey in ganny dir e Konstitisyon i fer provizyon i bezwen annan en separasyon Pouvwar menm si i annan en Statement in ganny fer.

I bezwen annan en separasyon Pouvwar kot tou Lebra Gouvernman i respekte lezot Lebra Gouvernman.

I pa apropriye letan en Lebra Gouvernman pe akiz en lot oubyen pe anpes performans travay en lot, an prenon kont ki li i pli siperyer lo sa lot.

Mon krwar nou Konstitisyon i kler i dir, nou annan 3 e zot egal. Alors sa pozisyon i bezwen respe, i bezwen ganny respekte. I inapropriye parey Leader in dir ki servis Somonn i ganny servi lo Lasanble e sa i kler parey in ganny dir i kler dan Konstitisyon. So mon pa pour al lo la plis ki sa, me selman zis mon ti oule aport mon soutyen Mr Speaker pour sa Mosyon ki demande pour nou fer en Select Committee.  Mersi.

 

MR SPEAKER

Mersi Onorab Andre. Onorab De Commarmond.

 

HON CHARLES DE COMMARMOND

Bonzour Mr Speaker. Bonzour tou dimoun, tou Manm prezan e tou dimoun a lekout. Mr Speaker mon pa ni, mon pa tro sir mwan si la nou devret al fer en Select Committee pour sa issue. I kler selman, i kler poudir sa ki’n arive avek Onorab Ramkalawan i pa byen, i kont Konstitisyon. Sa i kler sa. Me petet i en lapsus, petet i en keksoz ki sa Process Server i pa’n konnen e son Sef pa’n konnen, mon pa konnen. I annan en issue la. Petet mon sizere ki Lakour i a rektifye sa, i ava eksplike, i ava donn en apology ensidswit e ki sa ensidan pa ava repet ankor. Mon pa krwar akoz sa i devret annan en Select Committee.

Lotrozour mon’n demande pour annan en Committee mon ti’n anvoy, mon dir nou a fer en Mosyon pour nou etabli en Komite pour get nou bann zafer Sekirite kot Lasanble ou’n dir non. Les li ou ape get ladan, mon pa ankor tann okenn nanryen, la ou ape, la pe, konmsi mwan mon santi poudir la annou be careful en pti pe.

Mon pa pe, ou konpran mwan?  Konmsi en senp issue – nek Komite, en senp zafer – nek Komite. Mon dir kekfwa petet annou regarde ek Lakour petet si nou vwar apre ki ou’n, ki’n annan, ki Lakour i pe tann nou la li, ki vreman i annan en keksoz pli lwen ki sa nou ava rekonsider sa issue.  Me selman pour le moman la ki mannyer mon pe ekoute mon krwar mwan i kapab ganny deal dan en lot fason.  Mersi.

 

MR SPEAKER

Mersi Onorab. Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker avan mon fer mon pwen, mon krwar mon ti a kontan fer kler pour tou manm piblik, dan sa Lasanble nou travay dan Komite. Alor sa ki Onorab De Commarmond in dir i pa akseptab. Mon pa konnen si i pe sey met ridikil lo Lasanble – Komite isi, Komite laba, Komite laba – nou travay dan Komite. Se en zouti ki a nou dispozisyon pour nou travay avek, akoz sa i en keksoz ki mon’n tande deor e i annan lezot Manm ankor lot kote latab ki dir la, la Komite fer lot Komite, fer lot Komite pour la Digue. Nou travay dan Komite, se nou fason travay, ok?  Sa i mon premye pwen.

Mon dezyenm pwen lo sa lenterferans dan Lakour, Mr Speaker si en Process Server i pa konnen ki mannyer i pour fer son louvraz vizavi Lasanble Nasyonal, i annan en problenm, ok e i pa zis sa. Mon santi e Onorab Leader Lopozisyon in fer par, ki sa i zis sa gout ki fer deborde sa ver.

Depi plizyer semenn i annan bann keksoz, bann lenterferans ki pe arive dan travay Lasanble ki mwan mon sispekte ki i annan serten dimoun ki pe enstrimantaliz sa deryer enkli Ansyen Speaker e enkli Ansyen Prezidan. Sa se bann keksoz ki nou bezwen investigate pour nou gete lekel ki pe fer sa bann keksoz ki pe arive.  E in ler pour arete akoz i pe met nou pei an retar.

Mr Speaker mwan mon krwar poudir en bon travay refleksyon lo la i ava aplani sa teren once and for all e nou ava gete ki mannyer nou kapab move on from here.  Mersi.

 

 

(APPLAUSE)

 

MR SPEAKER

Thank you, mersi, mersi Onorab Ferrari, mon a ekout en dernyen Onorab kote latab kote isi, Onorab Sebastien Pillay apre mon a dir zot ki mannyer mon sizere we go forward. Wi Onorab Pillay.

 

HON SEBASTIEN PILLAY

Mersi Mr Speaker, Mr Speaker sa ki’n arive la i pa premye fwa i arive, mon krwar si nou go back dan le 13 Novanm 2007, ti annan en matter of privilege ki ti ganny raise par Onorab Ramkalawan e ki sa letan Speaker Patrick Herminie ti Rule ki sa ti reprezant en Breach par sa Process Server ki ti servi ou en Process sa letan.

Me mon al pli lwen osi pou dir ki an relasyon ek sa size se ki, vi ki Onorab Ramkalawan i raise en matter of privilege an relasyon avek, pa zis Lartik Konstitisyon, me Konstitisyon i fer kler poudir as defined by or under an Act.

        Sa Act ki Konstitisyon pe koz lo la se National Assembly Members Privileges and Immunities Act e Seksyon 9. E Seksyon 9 i annan en bout ladan ki fer referans except with the leave of the Speaker.

        So mon krwar premye repriz avan ki nou move pour form en Komite se ki, Speaker 1 i bezwen donn en Ruling. Dezyenmman ou bezwen prezan  vi ki ou pa’n donn leave anyone pour antre lo Precincts Lasanble pour vin servi en process lo li, ou bezwen then ou as Head of the Institution pour ou fer prosedir anba Lalwa ki nou annan, pour ou ekrir zot. And then apre la aprezan ki nou krwar nou pour move to the next step which is at Case. Otherwise nou pe zis serve Lotorite ki ou koman Speaker ou annan pour determin sityasyon ozordi.  Mersi.

 

MR SPEAKER

Mersi Onorab, mon ti a kontan fer 3 pwen. Premyerman pou dir ki zot a rapel dan sa sez 4 semenn pase mon ti koz zisteman lo sa kestyon Lakour Konstitisyonnel, ki pe anmenn en Case kont nou Komite Anti- Viktimizasyon ki nou menm nou koman en Lasanble ki tou dimoun ti an faver pour set li up. Tou le 2 Leader ti propoze ki Speaker i Chair sa Komite e tou dimoun ti dakor, nou ti pran en vot e nou travay ti komanse.

Mon ti eksplike tou bann diferan kategori dimoun ki’n vini, ki’n vin devan Komite Anti- Viktimizasyon, enkli Minis ki’n vini. E mon pa ti vwar okenn difikilte pour okenn dimoun vini akoz mon santi koman Chair sa Komite, nou ti pe fer en travay profesyonnel avek etik e ki nou krwar nou ti fer en travay ki ti pe anmenn bokou soutyen ek relief pour bokou dimoun. Zot a rapel sa. Sa i mon premye pwen.

Dezyenm pwen, mon osi mon ti a kontan dir ki yer apre midi dan mon Biro, mon osi mon’n ganny en Somonn ki’n dir mwan aparet Ankour e mon’n gard sa Somonn, mon osi mon’n retourn pran mon liv, tou le de – ki mon mars avek, ler mon vin Lasanble mon’n regard Lartik nimero 103 parey Onorab Leader Lopozisyon in evoke, e mon pa tro sir ki sa, mon pa konnen, mon a donn li bénéfice du doute, mon pa konnen si sa Process Server i ti okouran ki sa Lartik i egziste.

Alor ki mon a demann zot, mon’n ekout tou dimoun, donn mwan en pti pe letan apre Break mon a vini, mon a prononse lo sa apre ki mon’n konsilte Chief Legal Advisor pour Gouvernman, e nou koman Lezislatif nou form parti en Lebra Gouvernman, ler mon a’n konsilte Mr Acting Attorney General, mon a prononse baze lo tou sa ki zot in dir mon a pran konsiderasyon. Eski sa i akseptab pour tou dimoun?

Tre byen, mersi. Avek sa mon a demann nou, wi petet avan nou apel, Minis petet lo nou Order Paper nou annan bann Papers, petet nou a fer en First Reading.  Mon a demann Clerk.

 

MADAM CLERK

Mersi Mr Speaker.  Bonzour tou dimoun. Premye Bill son First Reading,; this Act may be cited as the Anti-Money Laundering (Amendment) Act of 2017. E dezyenm, this Act may be cited as the National Drug Enforcement Agency (Amendment) Act of 2017.  Mersi Mr Speaker.

 

MR SPEAKER

Ok, sa ti item nimero 3 lo nou Order Paper so, bon.  E prezan mon krwar ki nou a kapab apel Minis pour Home Affairs, Minis Larue pour  vin zwenn nou dan Chambers. Mersi.  Bon bonzour Minis Mitcy Larue ek ou delegasyon. Mon krwar ou delegasyon i ase gran e mon annan lenpresyon ki tou dimoun dan Lasanble i konn zot tou, depi Ms Vengadasamy ki ti deza en Manm Lasanble, Mr Morel, ComPol ek tou dimoun.  Alor nou pa bezwen al lo lentrodiksyon, si napa okenn problenm nou ava al direkteman lo kestyon ki devan nou, ki nou annan lo nou Order Paper e mon a demann mon krwar nou premye kestyon i Onorab Esparon, e mon a demann Esparon pour poz son kestyon ek Minis pour Zafer Entern.

 

HON REGINA ESPARON

Mersi Mr Speaker. Bonzour Minis. Bonzour tou dimoun a lekout. Eski Minis pour zafer Entern i kapab dir sa Lasanble, konbyen dimoun ki natiralize dan sa dernyen 5an e donn nou detay par lannen e Nasyonalite.  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Bonzour Mr Speaker. Bonzour tou Manm Onorab e bonzour tou dimoun a

Lekout. Mr Speaker Lartik 12 Konstitisyon Sesel i dir klerman ki selman etranze ki’n marye avek en sitwayen Seselwa ki ganny natiralize pour vin en sitwayen Seselwa. Pandan sa dernyen 5an i annan 118 dimoun ki’n ganny natiralize. An 2012 i annan 35 dimoun ki’n ganny natiralize:

1 Angle, 2 Kanadyen, 1 Kenyan, 1 Tannzanyen, 3 Malgas, 8 Endyen, 2 Filipino, 4 Morisyen, 1 Franse,1 Larisi, 1 Italyen, avek 3 Sidafriken, 1 Sri Lankan, 2 Alman, 1 Saudi,  1 Sinwan, ek 1 Ezipsyen

An 2013 in annan 13 dimoun ki’n ganny natiralize: 1 Angle, 1 Malgas, 2 Endyen, 1 Filipino, 2 Morisyen, 1 Sri Lankan, 1 Alman, 1 Sinwan, 1 Tchèque, 1 Polonaise, 1 Kiben.

An 2014 in annan 3 dimoun ki’n ganny natiralize: 1 Sri Lankan, 1 Morisyen, 1 Endyen.

An 2015 in annan 14 dimoun ki’n ganny natiralize: 2 Angle, 1 Kenyan, 1 Filipino, 4 Morisyen, 1 Sidafriken, 1 Sri Lankan, 2 Alman, 1 Lebanon, 1 Larisi.

An 2016 in annan 29 dimoun ki’n ganny natiralize, 3 Endyen, 8 Malgas, 1 Filipino, 5 Morisyen, 2 Franse, 1 Sidafriken, 2 Sri Lankan, 1 Alman, 1 Kenyan, 1 Swiss, 1 Ganeen.

E an 2017 ziska Me in annan 24 dimoun ki’n ganny natiralize; 1 Angle, 1 Tannzanyen, 5 Malgas, 6 Endyen, 1 Syrian, 2 Morisyen sorry, 1 Ameriken, 1 Italyen, 3 Sidafriken, 1 Sri Lankan, 1 Meksikenn, ek 1 Etyopyen.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mr Speaker eski Minis ti ava kapab fer nou ganny sa lalis ki in pas lo la?   Eski i ti kapab met a dispozisyon Lasanble silvouple?  Akoz kekfwa mon annan siplemanter ki pour baze lo la, mon pa’n kapab catch up tou sa bann sif ki in donnen, be selman antretan ki nou pe espere ki i donn nou sa mon ava kapab kontinyen avek lezot kestyon siplemanter.

 

MR SPEAKER

Minis.

 

MINISTER MITCY LARUE

Mersi Onorab. Mr Speaker nou a kapab donn en lalis la.

 

MR SPEAKER

Clerk i a fer neseser pour fer sir ou ganny en kopi ek lezot Manm i ganny en kopi Onorab Esparon. Onorab Esparon, wi.

 

HON REGINA ESPARON

Mersi Mr Speaker. Mr Speaker letan lalis pour vini mon pour annan kestyon ki pour baze lo sa lalis selman ou pour bezwen espere, me antretan mon pour annan 2 kestyon la.

Eski Minis i kapab dir nou ki kriter Minister i servi pour pa pibliy serten aplikasyon pour sitwayennte?  E ki kriter apard politik ki ganny servi pour pa donn serten aplikasyon ki zistifyab ou koman nou dir genuine?  E la mon pe koz lo bann etranze ki’n marye ek Seselwa, bann ki’n fer laplikasyon e zot in zis ganny dir, ou laplikasyon pa’n ganny konsidere.

I annan etranze ki’n marye ek Seselwa plis ki 10an, 17an, 20an an montan ki’n kontinyelman pe ganny refiz-e sitwayennte, eski Minis i kapab donn nou leksplikasyon lo la?  Mersi.

 

MR SPEAKER

Minis.

 

MINISTER MICTY LARUE

Mersi Mr Speaker, kriter pour natiralizasyon i konm tel: ou bezwen annan 10an maryaz, 5an rezidans, residency, ou bezwen pass en legzanmen ki ou bezwen ganny 80 poursan, ou napa okenn lofans kriminel Sesel oubyen aletranze; ou pa’n absante Sesel pandan en peryod 1an, ou maryaz i ankor pe marse, apre sa ou laplikasyon i ganny anvoye kot lezot Lotorite tel ki Lapolis, Interpol, FIU pour fer bann tyek. E i annan en Komite ki zwenn tou le mwan e legzanmen i ganny fer tou le 2 mwan kot Unisey Ma Joie.  E ler tou sa bann keksoz in ganny finalize file i ganny travay lo la par Zofisye konsernen e ganny anvoye kot Minis pour laprouvasyon.

Tou bann laplikasyon i baze lo kriter ki Lalwa i donn nou.  Napa nanryen ki ganny fer an deor kriter, napa okenn politik ki ganny mete ladan.

Me mon kapab dir ki in annan en bon pe laplikasyon ki ti la, me ki prezan avek Lalwa osi ki ti ganny amande an Novanm 2013, osi sa ti vin anfors, e sa osi in fer li vin enn sa bann formalite interview avek Panel osi i enportan ki ti vreman bezwen ganny fer.

So pour mwan pour le moman ler dimoun pa ganny par egzanp son laplikasyon in fail, i bezwen ganny apele, lontan zot ti zis anvoy en let pou dir li poudir son laplikasyon pa’n ganny konsidere, se tou san okenn rezon. Prezan nou fer li nou devwar pour ki dimoun i ganny dir akoz son laplikasyon pa’n ganny aprouve e i annan drwa pour li osi fer en appeal kot Minis, e Minis i ganny anvoy kot Board pour zot revwar ankor laplikasyon sa dimoun.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Speaker. Minis pa’n reponn enn mon kestyon, mon premye kestyon Minis sete ki kriter ki ganny servi pour pa pibliy serten laplikasyon? Nou konnen prosedir demande ek sa bann laplikasyon i ganny pibliye dan Nasyon, Official Gazette, me i annan laplikasyon ki pa pe ganny pibliye, ki kriter ki ou Minister i servi pour pa pibliy serten laplikasyon?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker, pour natiralizasyon napa piblikasyon, akoz i deza annan bann kriter la, pardon?  Ok mon’n fer en pti fot la en Natiralizasyon tou i ganny pibliye an menm tan bann dimoun i konn bann kriter ki annan akoz zot vin kot zofisye, zofisye i eksplik zot tou bann kriter ler zot vin ranpli zot form, e napa si ou annan Case ou kapab fer nou konnen, me selman nou napa tou natiralizasyon i ganny pibliye.  Mersi Mr Speaker.

 

MR SPEAKER

Ok, Onorab Esparon. Ok.

 

HON REGINA ESPARON

Mersi Mr Speaker, mon a esper sa papye apre mon a demann mon lot kestyon.  Mersi.

 

MR SPEAKER

Papye pe vini, ok alright, Onorab John Hoareau.

 

HON JOHN HOAREAU

Bonzour Mr Speaker, bonzour tou dimoun a lekout, bonzour Minis avek ou delegasyon, Minis mon ti a kontan konnen si i annan dan sa bann sif ki ou’n nonmen si i annan okenn dimoun ki’n ganny natiralize par Dekre Prezidansyel?  E si i annan, eski ou kapab dir nou lekel e konbyen?  E wi mersi.

 

MR SPEAKER

Minis.

MINISTER MITCY LARUE

Mr Speaker parey mon dir natiralizasyon i annan son kriter, napa nanryen ki fer avek Seksyon ki al anba Prezidan, sa nou pe koz lo bann ki ganny citizenship, sa i diferan, i pa parey natiralizasyon. Sa si zot oule demann kestyon, zot kapab demann mwan en lot kestyon ki konsern Sitwayennte, Citizenship, ok?   Sa i natiralizasyon e i selman maryaz avek sa bann kriter ki mon’n mansyonnen.

 

MR SPEAKER

Onorab Andre.

 

MINISTER MITCY LARUE

Natiralizasyon si nou pe ganny li natiralizasyon.

 

 

HON CLIFFORD ANDRE

Mersi Mr Speaker, Mr Speaker Minis in dir nou ki bann dimoun ki fer en laplikasyon zot laplikasyon i ganny rezete, zot kapab fer en appeal, eski Minis i kapab dir ek nou, si i annan sa lenformasyon konbyen dimoun ki’n ganny, ki pa’n gannyen at first application e ki apre in appeal in gannyen, lo son dezyenm, konmsi letan in fer sa appeal.

Apre Minis in dir nou ki poudir sa appeal i ganny fer kot li. Li i Minis ki refize, sa appeal in ganny fer kot li menm li ki’n refiz-e epi i ganny anvoye kot sanmenm sa Board ki’n refiz-e, eski Minis pa krwar ki i devret annan en Board endepandan pour kapab revwar sa bann sityasyon, pou gete ki mannyer in ganny refiz-e.  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Tou bann appeal ki nou’n gannyen, letan in ganny re vizite, akoz lamazorite bann dimoun ki pa ti’n gannyen, ti bann letan avan kot ti annan diferan kriter ki zot pa ti meet ok? E ler zot pa’n ganny sa, i annan ki depi 2011, 2012 i annan diferan. Prezan ler in retournen in demann en appeal, zot in ganny rekonsidere par si zot in meet bann kriter, e tou bann appeal ki’n vini parey mon dir ou i vin kot mwan.  Ler i vin kot mwan, mon pa deside pour donnen mwan.

Mwan mon fer retourn kot Komite pour Komite revwar. I annan serten ki ler zot ti ganny zot let definitivman zot pa ti meet bann kriter, me prezan zot in meet kriter e definitivman si zot in meet kriter, e nou, nou al according to kriter ki Lalwa i permet nou pour donn zot.

E la tou bann appeal ki’n vini mazorite nou napa amount la, me mazorite in ganny zot nasyonalite.

 

MR SPEAKER

Onorab Henrie, sorry.

 

MINISTER MITCY LARUE

Bon lo kestyon lo si nou krwar petet i devret annan en Appeal Board, sa petet i en keksoz ki nou a kapab regarde, e tousala i bezwen vin dan nou Lalwa, i bezwen vin dan nou Lalwa akoz tou keksoz i mars according to the Law itself. E Lalwa li menm li la aktyelman i anba, nou pe travay lo la pour amande e byensir letan nou fini fer nou travay nou pour vin dan Lasanble pour nou ganny zot laprouvasyon.  Mersi Mr Speaker.

 

MR SPEAKER

Mersi Minis. Onorab Henrie.

 

HON GERVAIS HENRIE

Mersi Mr Speaker mon annan 2 kestyon, mon premye i en kestyon en pe sa ki Onorab Andre in demande akoz mon pa satisfe avek larepons ki Minis in donnen, mon krwar zot ti konnen zot pe vin dan Lasanble zot ti bezwen pli byen prepare, akoz in vini in donn nou bann sif sak lannen konbyen ki’n aprouve.

Mwan mon ti pour kontan konnen be pour sak lannen, par egzanp in komans 2012, konbyen total laplikasyon ti annan, konbyen ki’n aprouve, konbyen ki’n refiz-e, mon krwar poudir zot ti merit byen prepare e vin avek sa lenformasyon la, so mon pour ensiste lo la. Sa i mon premye pour sak sa bann lannen, konbyen total Laplikasyon ti annan, konbyen ki’n refiz-e, konbyen ki’n aprouve?  E dezyenmman, Minis in koz ek nou lo sa Lalwa ki ti ganny amande an Novanm 2013 apre prononsyasyon Prezidan Michel dan son Diskour Leta Lanasyon an Fevriye 2013.

Prezan mon anvi demann Minis akoz parmi bann nouvo kriter ki dir ki sa dimoun la ki fer Laplikasyon sitwayennte Seselwa, sa dimoun i ekspekte konnen, konpran e apresye Sesel, son Konstitisyon, son pep, son listwar, son kiltir, son laspirasyon e leritaz.

Mon anvi Minis i eksplik nou dan ki konteks alor ki son Minister i ziz-e poudir sa bann dimoun dan sa prosesis natiralizasyon zot konnen, zot konpran, e zot apresye nou pei, son Konstitisyon, son pep, son listwar, kiltir, laspirasyon e leritaz, ki mannyer zot fer sa?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker konsernan total petet nou ava fer ou gannyen akoz parey zot in demann nou kantite byensir depi 2012, ‘13, ‘14 en kantite lannen e ki travay ki nou ava fer, nou ava donn ou bann posibilite.

Me lo kestyon konn Konstitisyon eksetera, be sa bann legzanmen i baze lo tousala, zot legzanmen i baze lo kiltir Sesel, lo nou Kons…, lo tou sa bann laspe ki ou ‘n koz lo la, se sa ki legzanmen ki zot fer, i baze lo la; akoz zot bezwen konnen, ou pa kapab vin en Nasyonalite Seselwa an menm tan ou pa pe konn kiltir ou pei, Konstitisyon ou pei ki ou pe vin en Nasyonalite. Tou bann kestyon i baze lo la pour legzanmen ki zot fer.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker, mon pe demann sa akoz pour mwan sa bann keksoz pour ou konpran, konnen e apresye i en pe sibzektif; I pa en keksoz de azout de i fer 4 (2+2 =4) sa, konmsi ki mannyer ou ziz-e e petet dan dokiman ki Minis pour donn nou, mon krwar enn sa bann papye ki sa papye legzanmen konmsi ki nou, nou a kapab annan en lapresyasyon nou osi pour sa prosesis, so mon ti ava kontan ki i donn mon en pe pli leksplikasyon, eski par egzanp fodre ou ganny en serten kantite pwen par lao, ki mannyer zot kapab dir wi sa dimoun i konpran, konnen e apresye.  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker, parey mon’n dir i annan en Komite, be sa Komite i a kapab, se zot ki fer interview ek sa bann dimoun, interview oral i annan zot, e bann kestyon, tou bann keksoz i ganny prepare osi an kolaborasyon avek Unisey pour petet travay ansanm pour tou sa bann kestyon, sa bann preparasyon e Komite ki interview bann dimoun.  E si ou anvi en pe plis lenformasyon lo la, Komite i ava anvoy sa serten dokiman pour zot konnen egzakteman kwa ki pase.

 

MR SPEAKER

Onorab Henrie.

 

HON GERVAIS HENRIE

Sorry mon pe ensiste Mr Speaker, me selman donn nou en senp legzanp pa egzanp, eski sa dimoun fodre konn sant Lim Nasyonal Sesel?

Sa ti pour fer mon personnelman apresye poudir sa dimoun wi i annan en affinité ver Sesel; en senp legzanp koumsa, ouswa par egzanp fer interview ek li an Kreol ki zot kapab satisfe poudir wi i kapab metriz byen nou langaz, en senp legzanp koumsa, sanmenm sa mon pe dir akoz i sibzektif sa ki ou pe dir mwan la.  Mersi.

 

MR SPEAKER

Minis eski sa i form parti dan kestyon pour dimoun konnen zot bezwen koste Seselwa ansanm.

 

MINISTER MITCY LARUE

Mr Speaker wi, Onorab zot bann kestyon i baze lo 3 Langaz an menm tan Angle, Franse, Kreol ok?   E sa bann keksoz ki ou pe dir la, i bann kestyon ki Komite i demande ok, ki mannyer, zot bezwen konn koz Kreol pour ou vin en Seselwa ok? Ou bezwen konn en pti pe parey ou pe dir ou Lim Nasyonal, ou bezwen konnen ki pase dan ou pei, ou bezwen annan en pe lenformasyon ki fer ou, ou pa pour vin 100 poursan, me parey mon pe dir ou, ou bezwen ganny 80 poursan ou legzanmen pour ou pase pour ou kapab ganny li.

Si ou pe ganny anba 80 poursan sorry, par anba ou pa pe, 50 poursan mon krwar non?  Konbyen poursantaz?  80 poursan fodre ki ou gannyen pour ou pass ou legzanmen, si ou pe ganny par anba ou pa pe pase, ou bezwen resit ankor ou legzanmen.

 

MR SPEAKER

Fotespere i konnen…

 

MINISTER MITCY LARUE

Mon pa konnen si mon’n fer mon lekor ase kler Onorab.

 

MR SPEAKER

Fotespere sa dimoun osi i konnen dan ki distrik i reste, lekel son MNA Minis. Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mon konpran sa ki Onorab Henrie pe sey dir e mon ti a kontan si Minis i kapab trouv bann mo pour reasir sa Lasanble ki tou keksoz i ganny fer dan fason zis; sirtou ki nou pa reste dan sa sityasyon kot dan bann lannen presedan tou dimoun ti fail premye fwa ou bezwen appeal, ou fail dezyenm fwa, trwazyenm fwa ou ganny kriye ou ganny dir Prezidan in enterfer personnelman, pour ou on your behalf pour ou ganny Nasyonalite e i ekspekte konmsi en pti vot dan sa Eleksyon ki pe vini. Konmsi sa bann prosedir lontan la pour ki, pardon?  Wi, wi, wi, konmsi pour nou eksplik poudir bann kriter.

 

MR SPEAKER

Order! Order!

 

HON JEAN-FRANCOIS FERRARI

Bann kriter i kler, i pa kapab sibzektif depandan lo en dimoun. So mon ti a kontan demann Minis sa, eski Minis i santi ki bann kriter i ase kler pour nou kapab, pour tou dimoun kapab ganny en fair chance. E si Minis i pare pour pibliy tou sa bann kriter pour ki tou dimoun i konnen ki oter bar zot bezwen sote. Sa i mon premye kestyon.

Mon dezyenm kestyon se, Minis ou’n koz lo natiralizasyon atraver maryaz, sa i en gro kategori mon konnen, me selman i annan bann ka ki pa neseserman vin atraver maryaz. Mwan mon annan en ka Corgat Estate kot en fir ki son manman ti Kenyan, son manman ki’n marye avek en Seselwa antretan avan ki son manman in vin Seselwa in mor, e sa fir i apel Faith Lespoir, me son lespwar i ape perdi, akoz depi lontan li i zanfan i pa’n marye i pe rod natiralizasyon akoz in viv preski tou son lavi Sesel, i napa en lyen maryaz, i en zanfan en madanm etranze ki ti dan process pour li ganny son natiralizasyon. Son zanfan i dan Lekol isi, li i koz Kreol pli byen ki ou ek mon, alors apard sa kote maryaz, eski Minis i kapab donn nou bann detay lo lezot ka natiralizasyon.  Mersi.

 

MR SPEAKER

Mersi.

 

MINISTER MITCY LARUE

Mersi Mr Speaker. Onorab ou’n koz lo konmsi parey mon’n dir pour natiralizasyon i annan bann kriter ki nou servi e nou al according to Lalwa Imigrasyon ki nou annan an plas, napa lenterferans, eskiz mon napa lenterferans okenn, ni Prezidan, ni personn nou al according to Lalwa. Annou pa fer bann alegasyon ki pa korek.

Mon krwar i enportan akoz mwan personnelman avek Komite ki travay lo la, sa ki Komite i dir, i sanmenm.

Komite i travay atraver prosedir e Komite i met zot rekomandasyon dapre kriter ki annan an plas e mwan mon donn laprouvasyon dapre rekomandasyon Komite. Napa lenterferans, eskize.

E bann lenformasyon lo bann kriter i annan lo nou website, i annan lo nou website e ler bann dimoun osi i vin fer zot laplikasyon kot Minister, i annan Zofisye ki eksplik zot byen e i gid zot ki mannyer zot pour fer zot bann prosedir normal, ok ,sa mon kapab donn ou lasirans.

Bon kot i konsern parey ou pe dir zanfan ki zot paran ti Seselwa ki ti’n ganny natiralize e sa zanfan i Sesel, dan sa ka spesifik ki ou pe dir, nou konnen sa ka me i ti napa Passport, ok i ti napa Passport e nou’n dir li i bezwen al rod son Passport dan son pei e in fer.

In fer sa e prezan la nou pour konsider son laplikasyon, konpran?  Akoz ou bezwen annan en Passport pour ou reste dan en pei, e si ou napa en Passport ou bezwen rod ou Passport e la nou a konsider ou laplikasyon e la tou keksoz, ler tou keksoz in vin annord prezan son keksoz i annord, la prezan nou a konsider son Laplikasyon.  Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Follow-up, zis mon kontan klersi keksoz byen. Minis mon pa’n akiz okenn ou staff konm kwa i annan okenn lapliferans ki’n ganny fer, selman mon krwar pour nou kapab avanse nou bezwen rekonnet poudir dan lepase ti annan sa bann keksoz ki pa ti tro kler, e se pour sa ki nou pe demann bann keksoz pour vin pli kler, e mon apresye sa zefor ki zot pe fer pour fer li vin pli kler.

So mwan pe ankouraze e mon kestyon sete, eski dan Lalwa ki Gouvern natiralizasyon, eski zot bezwen okenn modernizasyon, okenn keksoz ki enportan pour nou kapab donn zot en pli bon zouti pour zot travay dan en fason pli efikas?  Sete sa mon kestyon.  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Mersi Onorab, parey mon’n dir nou Lalwa pe ganny revize e la i pe ganny revize e nou a met li vreman azour e nou ava anmenn kot zot pour laprouvasyon.

 

MR SPEAKER

E Ms Lespoir kot Corgat Estate pa perdi lespwar, Onorab William.

 

HON WAVEN WILLIAM

Mersi Mr Speaker, bonzour Minis avek ou Delegasyon, bonzour tou manm piblik ki pe a lekout, Minis mon anvi met en Case devan ou, mon ti a kontan si ou Minister ti ava konsider ka Mr John Heins pour natiralizasyon akoz sa Msye in viv isi pour 20an, in marye avek en Seselwa e in fer son laplikasyon parey mon’n dir, mon ti a kontan si ou Minister ek Komite ti a konsider ka sa Mr John Heins.  Mersi.

 

MINISTER MITCY LARUE

Mersi Mr Speaker mon krwar Onorab osi in mansyonn en non ki i pa diferans ant Onorab William in mansyonn en non li osi, wi nou a pran sa non e si sa msye, i bezwen fer son laplikasyon, i bezwen pas atraver bann prosedir normal, fer son laplikasyon, i ava al lo Board i a fer parey tou lezot dimoun epi nou a konsider son laplikasyon. Si in fer nou a regarde kote i ete.  Mersi Mr Speaker.

 

MR SPEAKER

Mersi Minis petet a sa pwen mon ti a dir mon krwar nou tou nou konn petet en ka oubyen de ka kot par lepase dimoun pa’n ganny Laplikasyon, sertennman anmezir diskisyon pe pase bomaten i annan serten non ki pase dan mon lespri; i annan serten non ki 2 semenn pase in vin devan mon pour menm Sertifye oubyen menm endorse son laplikasyon pour natiralizasyon, petet ki nou devret fer pour save letan, se bann ka endividi, nou ekri Minis direkteman pour fer li okouran ki nou annan serten keksoz ki par lepase i pa’n marse. E parey Onorab Ferrari in dir nou dan Lasanble nou pe anvi ed sistenm pour mars pli byen, so mon a demann zot en lapel si i annan bann ka spesifik pour save letan, anvoy kot Minis. Onorab Arrisol.

 

HON SANDY ARRISOL

Mersi Mr Speaker, bonzour Minis avek ou lekip, bonzour tou dimoun ki a lekout, mon ti a kontan premyerman demann Minis, mon’n tann Minis koz lo sa diferans ant natiralizasyon avek sitwayennte ki ou’n dir i annan en diferans, si ou ti kapab pour lenformasyon piblik ki pe ekoute e pour nou menm donn nou sa diferans ant sa 2 natiralizasyon avek sitwayennte ki mon’n tann ou ou’n koz lo la pli boner.

Apre mon ti a kontan demann Minis kekfwa si ou kapab dir nou bann prosedir pour ganny natiralizasyon par egzanp fer legzanmen, fodre ou’n dan pei pandan tan lannen, pandan kan ti komanse sa, kan ki ti konmanse pour ou swiv sa bann prosedir?   E osi kan ki zot in komans sa prosedir al vizit sa dimoun ki pa’n ganny son laplikasyon, ki pa’n ganny son laprouvasyon olye zis ekri li en let parey ou’n dir.

Epi mon ti a kontan demann Minis lo bann Lalis ki ou’n donn nou la ki devan nou, eski tou sa bann dimoun ki’n ganny natiralizasyon, eski tou zot, eski tou zot bann rekomandasyon ki ganny demande par Lalwa in ganny swiv e si zot in, parey nou dir pass the test of admissibility.  Mersi bokou.

 

MR SPEAKER

Minis.

 

MINISTER MITCY LARUE

Mersi Onorab, mersi Mr Speaker. Wi tou sa bann dimoun ki nou’n dir la, Nasyonalite, depi Novanm 2013 ler Lalwa ti sanze, se sa bann prosedir ki ti vin an plas e byensir sa bann prosedir in ganny swiv par tou bann aplikan at that time e bann ki’n fer zot appeal.  Mersi.

E ki natiralizasyon parey mon’n dir taler, natiralizasyon i vin atraver maryaz e sa i anba Lartik 12 nou Konstitisyon. E Sitwayennte, ok Natiralizasyon, sa rezistrasyon la, ou kapab apply li anba Artik, Lartik 10, (5) (2), Lartik 10 apre wi Konstitisyon e nou Lalwa 5 Citizenship Act 5 (2).  Citizenship wi. Ou kapab apply li anba Lartik 10 nou Konstitisyon oubyen 5 (2) anba Citizenship Act. Mersi Mr Speaker.

 

MR SPEAKER

Onorab Arrisol.

 

HON SANDY ARRISOL

Non mon ti pe zis anvi remet lanfaz lo la pour Minis eksplik nou byen, kekfwa kriter ou’n donn kriter pour natiralizasyon an relasyon ek maryaz, kantite lannen konn koz Kreol, bann zafer Lim Nasyonal parey Onorab Henrie in dir MNA ensidswit.

Prezan pour Sitwayennte ou’n donn mwan kot mon pour ale, be kekfwa pour lenformasyon piblik, eski i annan kriter ki zot osi zot, zot bezwen meet menm si zot pe al anba tel Lartik tel Seksyon?  Par egzanp pour Natiralizasyon i annan kriter, eski pour Sitwayennte osi i annan serten kriter ki zot bezwen pas atraver.  Mersi.

 

MR SPEAKER

Minis.

 

MINISTER MITCY LARUE

Anvi ki nou kestyon i pa lo registration la, tou son bann kriter i annan lo nou website e si zot anvi plis detay lo bann dimoun eksetera, sa ou kapab anvoy mon en kestyon separe kot mon ava vin donn zot tou bann detay, me selman nou annan lo nou website tou bann kriter ki ou servi pour ou ganny registration.  Mersi Mr Speaker.

 

MR SPEAKER

Onorab Esparon, konmsi mon’n vwar ou lanmen lev-e, ou Loter kestyon ou ti annan apre lalis in sirkile ou ti annan en kestyon siplemanter?

 

HON REGINA ESPARON

Mersi Mr Speaker. Mr Speaker mon ti a kontan demann ek Minis, in donn mwan sa sif la lo sa papye 118 dimoun ki’n Natiralize la sa dernyen 5an, eski sa 118 dimoun, zot tou zot pe viv Sesel?  Oubyen dir nou konbyen ki pe viv isi Sesel?

E dan ka kot sa bann dimoun in vin isi ou dir nou poudir apre 10an zot kapab fer laplikasyon, en dimoun in vin Sesel in marye, eski fodre i reste Sesel pandan sa 10an pour li kapab apply, oubyen i kapab antre, sorti dan pei an menm tan ki i pe process son laplikasyon?

E dan ka kot en dimoun in ganny nasyonalite Seselwa, en dimoun ki’n marye ek en Seselwa in ganny Nasyonalite, epi i divorse ek sa dimoun ki in marye avek, i annan serten problenm sosyal ki arive ki zot divorse, me selman in fini natiralize li, in fini sot son 10an li, eski i annan en sistenm pour ou kapab revoke sa?  Mersi.

 

MR SPEAKER

Minis.

 

MINISTER MICTY LARUE

Mersi Mr Speaker. Mr Speaker ler nou dir 10an maryaz, 10an savedir ki in marye, si i ti marye 2010, 2007, 2005 in fer son 10an maryaz ler in ganny 2015 ok?   Prezan i bezwen reste 5an dan pei, i kapab sorti li, sa dimoun i lib pour li sorti ale, vini parey nenport ki me selman i bezwen annan 5an rezidan dan pei apre son 10an maryaz ki ankor tenir, pa’n kite, i ankor ek son madanm.

Kot i konsern divorse oubyen lezot zafer, nou napa okenn keksoz ki dir nou dan Lalwa poudir si en dimoun i divorse i pour bezwen revoke son citizenship, nou napa sa dan Lalwa, napa okenn prosedir ki’n ganny fer dan Lalwa pour sa.

Wi si en dimoun i annan son Citizenship byensir i kapab travel parey nou tou nou travel, i kapab travel mannyer li i anvi me as long ki i annan sa 5an rezidans Sesel, apre i annan son 10an maryaz, la i ganny sa.  Ok mersi.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker, bonzour Minis, bonzour tou Manm, tou dimoun a lekout. Mr Speaker mon anvi demann Minis, Minis eski pandan bann letan ki zot in donn sa bann etranze natiralizasyon la kot Natiralize, eski in arive kot apre kot in fini donn zot sa ki zot in trouve ladan i annan en Case kriminel kont zot kot zot in bezwen revoke sa natiralizasyon la. Si i annan konbyen, e lekel zot?

E osi Minis mon dezyenm kestyon, vi ki isi i annan bokou bann, i annan bokou bann dimoun ki’n vin isi Sesel pour fer Sports dan bann Lekip St Michel ti annan, Red Star parey ou konnen, ozordi i annan plis ki 20an ki sa bann dimoun pe reste isi, zot annan zanfan ki’n ariv en laz adilt ki pe kontinyen fer Sport pour Sesel, akoz i difisil pour sa bann dimoun konmsi resevwar natiralizasyon?   E menm sa bann dimoun zot koz Kreol pli byen ki sa bann dimoun selman zot, zot pe ganny difikilte pour gannyen. Mersi Minis.

 

MR SPEAKER

Minis.

 

MINISTER MITCY LARUE

Mersi Mr Speaker, anba parey taler nou’n dir natiralizasyon nou napa dimoun pour le moman ki’n sa anba natiralizasyon.

Dezyenmman ou’n koz lo par egzanp bann Sportsman ki’n la pour en bon pe letan zot annan menm – zot pa’n marye zot, me si zot in marye zot bezwen apply, zot bezwen fer laplikasyon , akoz si zot pa fer laplikasyon nou, nou pa pour konnen nou.

Ou konpran?  Zot bezwen fer zot laplikasyon si zot bann tou nou bann kriter zot fer zot laplikasyon e zot laplikasyon i ganny konsidere parey tou lezot dimoun.

I annan de fwa zot apply pour Permanent Residency, sa osi zot kapab gannyen. So i annan diferan e tousala i lo nou website zot kapab ganny tou bann lenformasyon.

E par egzanp lo kote Sports mon’n ganny dir i annan laplikasyon, i annan enn ki’n fer laplikasyon e i an prose ou konpran?  Fodre akoz dimoun i bezwen fer zot Laplikasyon akoz nou, nou pa pour konnen nou, nou pa pour al rod dimoun pour fer zot al rod zot laplikasyon, se zot ki bezwen fer zot Laplikasyon, e si zot al lo website, nou kapab donn zot nou website www.ics.gov.sc e lo la zot ganny tou bann leksplikasyon bann prosedir ki mannyer pour ganny fer. E zot kapab osi vin kot Zofisye Imigrasyon lo Desk zot a ganny tou bann leksplikasyon neseser.  Mersi Mr Speaker.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Speaker, Minis in reponn en pti bout mon kestyon lo kote son website, e mwan mon ti anvi demann Minis ki dernyen fwa ki sa website in ganny update pour lenformasyon piblik?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab, Onorab 3 mwan pase nou website in ganny updated.  Mersi.

 

MR SPEAKER

Onorab Aglae.

 

HON EGBERT AGLAE

Mersi Mr Speaker, Minis mon pour demann en kestyon vizavi kot en Sekirite, etandonnen permet mwan Mr Speaker zis pour fer en pti remark, etandonnen ki i annan bokou bann pei pe fer fas avek bann menas swivan bann dimoun, bann endividi ki’n petet in ganny citizenship natiralize, ki garanti ki ou pour donn pep Seselwa ozordi ki tou sa bann dimoun ki’n apply pour Natiralizasyon zot bann dimoun depi kot zot sorti bann lenformasyon ki zot pour gannyen atraver Imigrasyon i bann rikord ki kredib e ki sa bann dimoun napa okenn rikord kriminalite whatsoever par deryer zot kot zot sorti?  Mersi.

 

MR SPEAKER

Minis.

 

MINISTER MITCY LARUE

Bon mersi Mr Speaker e mersi Onorab, Onorab parey mon’n dir dan kriter taler, Laplikasyon nou bann dimoun ki pe fer laplikasyon pour natiralizasyon definitivman nou fer due diligence, e sa parey nou dir nou anvoy kot Interpol, FIU, e tousala i ganny verifye kot zot sorti dan zot pei kot zot sorti i ganny verifye gete si napa okenn keksoz advers, e si i annan byensir zot kapab ganny pa ganny konsidere.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Yes bonzour, mersi Mr Speaker, bonzour Minis. Mr Speaker mon anvi demann Minis konbyen en dimoun ki’n pas dan tou bann prosedir ki’n ganny aksepte, konbyen i peye pour li ganny sa bout final nasyonalite?

E apre sa mon anvi demann Minis si dan tou sa bann ka ki pe mansyonnen i asire ki poudir sa bann kriter ki’n mete la, si tou sa bann kriter ti ganny swiv oubyen in annan serten leksepsyon, e si Lalwa i permet sa bann leksepsyon, si in servi sa bann leksepsyon?

E finalman Mr Speaker akoz ki zot pa pran en Prensip kot zot pibliy tou Non bann dimoun, parey ki sa dimoun letan i pe fer Aplikasyon in bezwen met son Non lo Gazet, lo Zournal, Nasyon prensipalman, akoz ki letan sa dimoun in ganny Nasyonalite zot pa osi pibliy petet tou le mwan, oubyen tou le 2 mwan, oubyen tou le 3 mwan pibliy non sa bann dimoun ki’n ganny Nasyonalite pour ki nou koman en pep nou ava konnen lekel nou bann nouvo co-sitwayen.

E petet osi letan zot pe fer laplikasyon akoz pa met zot portre pour ki i ava pli fasil, parske letan ou ganny en non Larisi oubyen Non Sinwan, oubyen lot Non, nou pa konnen lekel sa dimoun.  Me tandis ki si nou vwar son portre nou ava konnen ki poudir sa i tel dimoun, e petet i ava pli fasil pour nou si nou santi poudir ki sa dimoun petet son latitid dan Kominote i pa bon, son konportman petet i annan en tandans kriminalite, petet i ava pli fasil pour nou Seselwa avek nou tradisyon oral pour nou dir, be tel dimoun i annan en problenm e i pa devret ganny nou nasyonalite.  Mersi bokou Mr Speaker.

 

MR SPEAKER

Minis.

 

MINISTER MITCY LARUE

Mersi Mr Speaker, konbyen sa dimoun i peye, i pey R15, 000, R15, 000 e i annan de fwa menm ki zot demann rediksyon ok?

Dezyenmman parey ou pe dir pibliy lalis mon krwar i en keksoz ki nou a kapab konsidere ki mon, ki sa, be selman nou pour bezwen met li anba provizyon Lalwa, e sa letan nou ava pe fer nou lamannman nou ava kapab konsider sa osi, wi.

 

MR SPEAKER

Wi Onorab Ramkalawan.

 

MINISTER MITCY LARUE

Wi avek son portre, wi.

 

HON WAVEL RAMAKALAWAN

Yes Mr Speaker, mersi Minis, be R15, 000, be akoz i annan serten dimoun in pey bokou plis ki sa?  I annan dimoun ki’n pey bokou plis ki sa Minis, e an plis ki sa i annan serten dimoun ki’n ankor pe espere, sanmenm sa mon’n demann ou konsernan bann kriter, mon konn en dimoun la ki’n marye pandan 40an e i reste Sesel e in fer Laplikasyon, i reste Bel Ombre mon pa pour nonm son Non, i reste Bel Ombre e ziska aprezan sa dimoun i koz Kreol byen tou son bann zafer, me ziska aprezan zanmen zot in donn li nasyonalite.

Eski nou kapab ganny en Commitment Mr Speaker ki poudir tou sa bann dimoun ki’n fer laplikasyon, si zot refer zot Laplikasyon e sa bann kriter ki Minis in donnen la, zot meet sa bann kriter nou kapab en fwa pour tou rezourd sa problenm etranze ki’n marye ek Seselwa ki annan gran zanfan ki pe reste Sesel, rezourd tousala si pour donn zot nasyonalite, donn zot nasyonalite si zot meet bann kriter.  Mersi bokou.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab, mon kapab dir Onorab nou’n clear preski tou bann ka ki nou ti annan, me selman bann dimoun ki ankor pe dir deryer zot pa’n gannyen, zot bezwen retournen, re vini mon donn zot en garanti re vini, re vin refer zot laplikasyon e zot ka a ganny konsidere anba kriter ki mon’n mansyonnen, si zot meet kriter nou napa problenm akoz nou osi nou anvi rezourd bann ka ki nou annan ki vye.

E R15, 000 se ki depi ler ki nou ti amann Lalwa akoz avan ki ti pli ser, apre nou ti amann Lalwa pour fer li vin pli bon marse.  Mersi.

 

MR SPEAKER

Ok mon krwar i kler pour tou bann MNA, tou bann piblik ki pe ekoute, bann ki kalifye, zot al lo sit web Minister Internal Affairs, e zot napa sit web?  Anhr napa menm kriter ok.

Me konmsi Mrs Telemaque in dir pe al aranze pour met bann kriter lo la non?  Onorab Afif.

 

HON WAVEL RAMKALAWAN

Kekfwa madanm bezwen regarde akoz nou pe regard zot sit web la napa.

 

MR SPEAKER

Ok Mrs Telemaque, aranz sa sit web, Onorab Afif.

 

MINISTER MITCY LARUE

Si ou pe dir nou, nou ava tyeke akoz i devret.

 

MR SPEAKER

Onorab Afif

 

HON AHMED AFIF

Non, Mr Speaker mersi, mon kestyon i tonbe akoz se vreman sa, mon’n tyek lo sit web e mon pa… mersi.

 

MR SPEAKER

Vwala ok, so sit web pour ganny aranze, bon avek sa nou ava al lo nou dezyenm kestyon e mon a demann Onorab Esparon pour poz son kestyon Minis Larue.

 

HON REGINA ESPARON

Mersi Mr Speaker. Eski Minis pour Zafer Entern i kapab dir Lasanble konbyen GOP son Minister in donnen sa dernyen 5an, e donn nou detay par lannen e nasyonalite?  Mersi.

 

MR SPEAKER

Minis.

 

MINISTER MICTY LARUE

Mersi Onorab, mersi Mr Speaker, pandan sa dernyen 5an Departman Imigrasyon in donn laprouvasyon pour Permi Travay anba sistenm GOP konm swivan:

An 2012 ti annan

(4, 919), 2013 (5, 563), 2014 (6,970), 2015 (7, 913), 2016 (13,612), 2017 ziska Me (8,869).

Mr Speaker lo kote nasyonalite parey ki sa dokiman ki nou’n sirkil avek bann Manm, nou kapab dir ki preski tou Nasyon Lemonn dan le 5 Kontinan i vin travay Sesel, me Nasyonalite pli dominan i Endyen, Malgas, Morisyen e Filipino.  Mersi Mr Speaker.

 

MR SPEAKER

Onorab Esparon

 

HON REGINA ESPARON

Mersi Mr Speaker, Minis ti annan en sistenm quota, eski i ankor egziste?  Donn nou en pe detay lo la.  Eski Minis i kapab konfirm avek nou ki i annan etranze an se moman ki pe travay san GOP?  Ki Minister pe fer pour asire ki tou etranze ki pe anploye an se moman i annan en GOP?

Minis eski zot annan en Field Investigating Officer Unit ki verifye sityasyon lo teren?  Si non eski ou Minister i annan lentansyon set up en tel Unit ki pour travay lo Field pour regard:

  1. Si tou travayer etranze i annan GOP?
  2. Dezyenmman pour get dan ka, pour gete dan ki kondisyon sa bann travayer etranze pe reste.
  3. Trwazyenmman pour gete dan ki fason zot pe ganny trete.

 

Mr Speaker eski Minis i kapab dir nou ki tou laplikasyon pour GOP i pas atraver menm prosedir e napa okenn faver ou lapliferans ki ganny fer, okenn gous ki ganny donnen pour GOP.

E donn nou, dan ka kot en etranze pe travay san GOP ki ou Minister i fer?  Akoz i annan ka kot etranze in vin konze e apre 2 semenn zot in ganny vwar pe travay, ka in ganny raporte e nanryen pa’n ganny fer.  Mersi Mr Speaker.

 

MR SPEAKER

Minis.

 

MINISTER MITCY LARUE

Mersi Mr Speaker, i annan kestyon ki mon pa’n atrape, me selman mon a kapab premyerman lo kote sistenm quota sa pa nou ki donnen, sa i Minister Lanplwa.

Nou, tou i sorti kot Minister Lanplwa donk son quota kantite, lekel ki pe vini nou, nou zis issue GOP nou, nou issue, nou fer peyman eksetera apre nou fer, nou enforce Lalwa nou fer sir ki bann dimoun i annan GOP lo teren me nou pa, pa nou ki desid lo quota  -(1).

Dezyenmman nou enforcement, nou pe deza etabli en pti Unit pour Enforcement, nou annan en Zofisye la aktyelman ki pe travay, me selman nou bezwen enforce li parey nou dir, dan pei ozordi i annan en kantite plis biznes, e si ou pe gete i plis sekter prive ki pe anploy expatriate e i annan bokou plis. E nou e si nou dimoun ki pe travay avek sa Unit i pa sifizaman pour kapab fer sa bann lenspeksyon souvan, alor nou pe kre en Unit kot nou kapab fer sa travay en pe pli byen pour nou kapab vreman anforsi Lalwa, pour fer sir ki tou dimoun ki pe travay dan nou pei i annan en GOP. E si zot napa i annan prosedir ki ganny fer byensir.

Prosedir ki ganny fer si en dimoun napa GOP, par egzanp mon a kapab donn ou en pti pe lenformasyon kot nou dir, tou etranze parey mon dir i vin travay dan Sesel i bezwen annan li en GOP, e sa laprouvasyon pour okenn plas travay ki kapab ganny okipe par okenn etranze i ganny donnen par Minister Lanplwa. Akoz se sa Minister ki regle tou Polisi Lanplwa la dan pei.

Departman Imigrasyon li vi ki i responsab pour Border Control i donn selman Permi Travay ki permet travayer etranze travay legalman dan Sesel. E en Permi Travay i valab pour 2an, e i kapab ganny renouvle apre 2an selman si Minister Lanplwa in donn laprouvasyon pour sa.

E petet mon ti ava osi fer resorti ki depi lannen pase Permi Travay in redwir sorti 700 pour vin R500 pour sak Permi Travay, i annan osi en fre ki bann anplwayer i peye, sa se R1, 000 pour sak Laplikasyon.

Ok mon a donn ou en pti pe ki vreman nou fer si en dimoun i ganny trouve pe travay san en GOP. Si en dimoun i ganny trouve pe travay san en GOP nou deklar zot en Prohibited Immigrant, nou donn li en PI.

E i annan, ok i annan de fwa i annan ki parey nou dir ki sap nou, ki kapab arive kot i annan ki sap nou me la Zofisye u raporte e nou pran aksyon neseser. Me anplwayer osi i bezwen zwe son rol, akoz Anplwayer i konnen kan son GOP i fini e zot bezwen zwe zot rol pour fer sir ki zot enform Imigrasyon poudir la nou travay pe ale e nou osi nou annan en sistenm ki nou bezwen re aranz nou lo kote Imigrasyon pour fer sir ki nou konnen egzakteman kan GOP sa bann travayer i fini pour met nou azour, be vigilant. Akoz kantite fwa nou vwar ki en bon pe zot ganny PI zot ale, zot napa drwa retournen avan 6mwan, e 6 mwan zot bezwen demann permisyon, Lanplwa i bezwen demande, e nou bezwen regarde byen avan ki zot kapab ganny rekonsidere pour zot vin retournen ok.

Nou fer osi bann spot-check dan bann landrwa travay, tanzantan nou fer bann spot-check dan bann landrwa travay. E la kot nou vwar kot i annan travayer ki pe travay san GOP. E sa mwan personnelman mon’n demande pour nou fer sa pli souvan dan bann landrwa, e ler nou ganny konplent avek dimoun osi, nou bezwen reakte deswit.

Si en dimoun i fer en konplent, deswit nou bezwen reakte pour anvoy zofisye lo teren pour regarde si vreman sa konplet i zistifye oubyen non, akoz i annan de fwa osi kot nou’n ale konplent pa zistifye, ok?  So tousala i bann keksoz ki nou pe fer e mon a kapab dir zot Deportasyon Zanvye ziska Desanm 2016 nou ti deport 97 Travayer, e Zanvye ziska Zen 2017 nou’n deport 110 expatriate workers. Savedir i montre ou poudir nou annan en problenm e nou bezwen rektifye sa problenm, e se sa ki nou, nou pe fer tou fason dan Minister pour nou annan nou sistenm an plas pour nou kapab monitor byen e fer nou bann vizit e fer sir, mon krwar nou pour bezwen osi annan serten penalti ki nou donn bann anplwayer. Nou pe osi mazin lo al akoz anplwayer ki pli responsab.

Zot, zot bezwen, zot konnen GOP zot travayer i fini tel dat e zot bezwen fer sir i ganny renouvle ok, e sa dan nou nouvo Lalwa, nou pe fer sir nou pe met li byen pour ki zot pour ganny zot penalti zot osi, e penalti tre for.

Apre ou’n koz osi lo kestyon get landrwa kot bann travayer etranze i reste. Mon totalman dakor avek ou ki bann etranze letan i pe vin travay Sesel zot bezwen annan zot landrwa reste ki konvenab parey nenport ki, e sa i en travay konzwent ki ganny fer, Lasante, Lanplwa, e menm Imigrasyon, zot fer en travay konzwent kot zot vizite e bann rapor i ganny fer pour fer sir ki bann landrwa kot bann dimoun pe reste i dan en leta conducive. E si i pa akseptab Lasante i bezwen pran aksyon disipliner.

Mon krwar mon’n reponn plis ou mwen lamazorite Onorab, si i annan okenn keksoz.

 

MR SPEAKER

Onorab Esparon.

 

MINISTER MITCY LARUE

Minis mersi, 2 klarifikasyon, eski en etranze i kapab antre lo en, ganny en Visa Visitor isi antre, apre apply pour en GOP isi, oubyen i bezwen ganny fer laba apre pour antre isi, akoz i annan dimoun ki ganny en Permi vizit, en Visa pour Visitors apre ou vwar zot pe travay?

Konmsi eski prosedir ou antre dan pei avek ou, koman en Visitor apre ou apply pour en GOP osi, oubyen ki mannyer i marse?  Premye pwen klarifikasyon.

Dezyenmman Minis sa dokiman ki ou’n donn nou la, mon pe verifye en keksoz akoz mon vwar en kantite Carer, Carer, Carer letan mon pe gete an total 320 Carer, eski sa ou pe refer sa avek bann Domestic Worker oubyen bann, oubyen zot pe vin Carer Sosyal, eklersi mwan en pti pe lo sa dokiman silvouple.  Mersi.

 

MR SPEAKER

Minis.

 

MINISTER MITCY LARUE

Ok Carer i bann Live-in Maids, par egzanp i annan bann dimoun ki annan vye dimoun ki pa ganny Seselwa pour travay swar sirtou pour vey zot vye dimoun aswar se sa, zis i lo sa baz, bann dimoun ki bezwen reste live-in pour zot kapab okip sa bann vye dimoun.

Lo kestyon si ou vin koman en viziter ou ganny drwa reste travay; non, fodre ou al an deor pei, be selman bann dimoun ki lakonpannyen i pour zot, zot, zot reste isi zot set up zot biznes, ou konpran?  Be selman si pour ou vin travay ek en lakonpannyen, meton ou vini, mon vin koman en viziter mon’n vin pronmnen prezan sa dimoun i vwar mwan, i dir be mwan mon konn fer let’s say Sarpantye, mon ti a kontan vin travay avek ou, i bezwen retournen. E sa i bezwen fer son Laplikasyon atraver Minister Lanplwa pour li anmenn sa dimoun e fer bann formalite neseser.

I pa kapab zis deside mon’n vin pronmnen prezan mon al travay kot Onorab De Commarmond, oubyen mon al travay kot sepa lekel, ok?   Apre bann dimoun ki’n marye si zot, zot kapab fer zot bann zafer biznes ek zot travay, sa i diferan.  Mersi Mr Speaker.

 

MR SPEAKER

Ok Onorab Esparon?  Ok mersi Minis. Onorab Ferrari.

 

HON JEAN-FRANCOIS FERRARI

Mr Speaker mon ti a kontan demann Minis si sa sif ki nou vwar ki’n donn nou a lafen sak lannen, e lannen pase 13, 612 e sa lannen ki nou ladan la ziska prezan, 8, 000 ekek, eski sa i koresponn avek lakantite etranze ki aktyelman dan pei?  Konmsi ki sanmenm sa si nou servi sa sif nou kapab dir ki poudir sa i current valid GOPs, savedir nou annan 13, 000 etranze ki pe travay isi Sesel?  Sa i mon kestyon.

Me selman mon ti a kontan demann Minis, si son Gouvernman pa enkyet fason ki sa problenm GOP pe derape anba nou lipye e ki nou pe al zis an deor kontrol; akoz nou rekonnet nou nesesite annan bann travayer etranze pour fer marse Lendistri, me i paret i pe al an deor kontrol, i paret ki i tro fasil e Gouvernman i fer li ankor pli fasil sorti 500, 500 i ariv 700, konmsi dir nou Minis ou koman en Manm sa Gouvernman, konmsi ou pa krwar poudir zot devret pe met plis lanfaz lo fer Seselwa travay ki zis donn GOP left right and center?  Konmsi eski i annan en plan pour kapab fer manze nou Seselwa?

Mon kestyon mon pa konnen si i, si mon’n fer mwan kler, me mon kestyon i kestyon en dimoun ki vreman enkyet pour lavenir nou pei.  Mersi.

 

MR SPEAKER

Minis.

 

MINISTER MICTY LARUE

Mersi Onorab, wi mon pour kapab konfirmen ki nou annan currently la 13, 513 expatriate pe travay dan pei, me mon pour fer resorti ki sa bann expatriate ki pe travay dan pei zot travay dan sekter prive. Sekter piblik nou annan selman en pe dan Ledikasyon, Lasante parey ou konnen, Lapolis koman bann Sekirite, nou napa bokou, bokou i bann dan sekter prive espesyalman dan Lendistri Touris e Konstriksyon, Touris ek Konstriksyon, Konstriksyon i annan bokou.

E si nou ava admet, nou menm nou admet, si ozordi ti napa travayer etranze dan Konstriksyon, kote, en kestyon mon demann Manm Lasanble, kote nou ti pour ete avek devlopman dan pei en?  Zis en kestyon mon poz zot, parey ou, ou’n poz mwan, mon poz ou, kote nou ti pour ete avek devlopman dan nou pei?   Kestyon. Vwala.

 

MR SPEAKER

Silvouple, silvouple, les Minis fini reponn son kestyon.

 

MINISTER MITCY LARUE

Dezyenmman ou, mon krwar Imigrasyon li, nou Departman nou issue GOP selman. Me Employment ki donn permisyon pour bann post nou, nou pa donnen nou.

Nou si ou anvoy, si Employment i anvoy 500 nou, nou issue nou, selman issue, se Employment li, akoz tou bann dimoun ki annan problenm, bann sekter prive ki annan problenm avek travayer, zot al kot Employment zot, zot al met zot ka devan Employment, e mon krwar Lalwa Employment in pas en White Paper kot zot in diskite.  E la ti le moman kot ler nou pe diskite nou kapab fer bann lamannman neseser pour nou vwar ki mannyer parey ou pe dir pa anmenn sa kantite, me ler ou demann bann biznes prive, zot dir ou, si nou anvi nou biznes i kontinyen ki nou fer, ok?  Sa i en kestyon akoz i annan sa Multi Sectorial Committee osi ki zwenn, sa i bann kestyon ki zot lev-e zot diskite avek Gouvernman e la zot desid lo bann policy, bann Prensip zot met an plas.

Be selman annou get li en pti pe pli dan en lot, mon dakor avek ou, nou bezwen fer nou, e Prezidan Faure i osi i pour ki Seselwa i bezwen pran bann pozisyon, i bezwen travay pour son pei.  E nou tou dan Cabinet nou dakor ek sa prensip, fodre tou dimoun i lev-e i travay pour son pei.

Me si napa ki ou fer?  Pei i ptipti, e pa zis Sesel ki annan expatriate ki travay. Dan lemonn antye i annan expatriate ki travay, partou kot ou ale dan lemonn ou pour vwar i annan expat, be selman Sesel i telman ptipti kot i pli aparan kot ou vwar lakantite expatriate ki travay. Be nou osi Seselwa nou bezwen pran en desizyon dan nou menm e lev-e debourye, e travay. Mon krwar i enportan, be selman parey mon’n dir nou kot Imigrasyon nou zis issue GOP, me pa nou ki donn permi. Permi se Lanplwa, alors sa petet ti ava en kestyon ki ou kapab demann avek Minis Lanplwa dan en lot Forum.  Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

En pti follow-up Mr Speaker, Mr Speaker mwan sa ki mon ti demann Minis, se ki ler i vwar Aplikasyon pour GOP pour 20 Stevedores, ou pa enkyet Minis?  Konmsi ou pa dir be kot nou pe ale 20 Stevedores la fek fer vini?  Ler ou vwar 100 ekek dimoun dan entertainment, non be.  Be ok, mwan mon, mon komans fatige avek Onorab Sebastien Pillay, mon komans fatige……

 

MR SPEAKER

Ok, kestyon

 

HON JEAN-FRANCOIS FERRARI

Mon pa ava demann kestyon, les li, li, li i ava demann kestyon, akoz i pa posib sak fwa mon demann en kestyon se Mr Pillay laba i yonyon, yonyon, be nou pe travay la… nou pe travay serye.

 

MR SPEAKER

Order! Silvouple, Onorab Ferrari demann ou kestyon.

 

HON JEAN-FRANCOIS FERRARI

Wi konmsi Minis mon, akoz mon pa dakor avek ou repons, akoz ou pa kapab zis met en stanp lo la donn GOP. You are part of a team. Dan Cabinet you are part of a team, ou demann mwan ki nou pour fer?   Nou pour train zot, nou pour donn zot loportinite pour zot travay akoz Seselwa i bezwen manze, se sa mon kestyon, konmsi mon pa krwar, akoz lannen 2017 Mr Speaker si nou al lo sa trend ki devan nou, deza nou’n ariv 8, 800 nou pour annan nou zis 16, 000 e mon pa krwar Prezidan Faure pour happy pour li fini lannen poudir mon’n donn travay 16, 000 etranze Sesel. I pa posib. Alright?   Mersi.

 

MR SPEAKER

Ok, mersi. Minis.

 

MINISTER MITCY LARUE

Onorab mon pa’n dir ou poudir nou pa konsyan mwan, mon’n dir ou poudir nou konsyan, Prezidan i tre konsernen avek sa, nou tou, Cabinet nou konsernen e mon krwar lapopilasyon i konsernen ki nou bezwen, nou bann dimoun i bezwen lev-e; donn training, tou keksoz i ganny fer tousala, i annan training ki ganny fer dan bann landrwa, be i annan dimoun ki zot menm zot pa oule vin pran Lanplwa. Zot pa oule vin pran Lanplwa, e ler zot pa oule vin pran Lanplwa, eski ou Onorab ou pour kapab al sers zot anmenn zot pour vin pran Lanplwa?  Si ou kapab fer sa donn nou en koudmen, mon krwar i enportan pour nou donn en koudmen nou tou, donn en koudmen, i pa zis Gouvernman la, i nou tou, nou tou nou bezwen met lanmen ansanm e gete ki mannyer nou pour rezourd sa problenm.

Anmenn propozisyon ki pozitiv, ki kapab ganny enplimante, apre nou ava al lo la, annou koz ek nou bann Sekter Prive, ansanm annou gete ki zot osi zot pe fer olye… Me nou ler nou vwar poudir i annan en pe tro bokou parey taler ou’n dir se pa konbyen, nou entervenir nou, nou dir be la ou a krwar i annan en pe tro bokou sa ki zot pe anmennen, nou dir non, nou fer sa, nou fer sa.  Mersi Mr Speaker.

 

MR SPEAKER

Lo sa note nou annan pa mal entervenan ki anvi poz kestyon, nou osi annan lezot kestyon pour Minis Zafer Entern, mon osi mon annan en pti konsiltasyon pour al fer pandan Break, alor mon ti a sizere ki nou adjourn, nou a rezwenn 11er.

 

(BREAK)

MR SPEAKER

Bon, welcome back tou dimoun. Avan nou kontiny ek kestyon pou Minis pou Zafer Entern, mon ti dir avek zot baze lo propozisyon e Mosyon bomaten ki mon konsilte avek Chief Legal Advisor Gouvernman malerezman nou’n seye pou plis ki 15 minit, nou pa ganny li  ni lo mobile, dan biro napa okenn repons, lo switchboard personn pa reponn ; so malerezman mon’n fer parey mon vwar mon koleg pe  fer laba mon zis bezwen zis riye, parske mon krwar si nou serye nou bezwen annan dimoun pou reponn nou telefonn.  Me tou fason mon ti a zis kontan dir ki mon’n aprann pandan Break la ki pa zis mwan konman Speaker ki’n ganny en somonn pou aparet devan Constitutional Court me tou dimoun ki lo Anti- Viktimizasyon Komite. Depi Deputy, nou ki’n asize depi sa Komite in formen, depi Fevriye nou pe zwenn nou’n fer en, pou mwan dan mon lopinyon en bon travay. E i annan serten lesanz kot nou’n lesanz apre ki mon ti fer en kominikasyon from the Chair, ti annan en lesanz antre Sef Zidisyer avek Sef isi Lezislatif. Mon’n fer en zefor pou nou sey koze parey nou ti’n dir annan en konversasyon byen amikal ki nou respekte sa ki nou Deklarasyon   nou ti fer me malerezman i pa’n marse. E mon krwar dan sa sans petet i pli bon ki nou annan en Select Committee ki zot, zot a deside. Zot, zot a deside. I annan en Mosyon ki’n ganny prezante, i annan en dimoun ki’n segonde e prezan nou bezwen pran en vot pou vwar si nou pou annan en Select Committee oubyen non.  Onorab De Commarmond ou anvi fer en entervansyon avan nou vote.

 

HON CHARLES DE COMMARMOND

Wi. Mersi Mr Speaker. Mr Speaker, mon sezi byen sa konsern. Me mon osi poz mon lekor en kestyon ankor enn fwa mon remet lanfaz lo lefe ki mon’n deza annan, met devan ou sa issue en Komite pou sekirite nou Lasanble akoz… Ekoute Onorab…

 

MR SPEAKER

Silvouple, Order ! Order !

 

HON CHARLES DE COMMARMOND

Akoz mon konsernen bokou avek sekirite Lasanble.

 

MR SPEAKER

Ok.

 

HON CHARLES DE COMMARMOND

Mon a dir ou akoz sa Process Server li, pou li ariv dan ou biro, dan biro Onorab Ramkalawan pou li vin anmenn sa dokiman, sa Somonn la, i pa’n sorti anler pou pas par dan avyon, dan helicopter pou vin la li. I pa’n pas par deor, par deryer Lasanble dan bato pou vin anmenn sa la li.  Mon krwar in pas devan kot Sekirite mwan. Be sekirite pa’n check li ki i vin fer – ki deal ?   Enn – dizon in pas sa enn la kot baro laba, ler i antre anndan dan Precinct li menm, dan Lasanble li menm i annan ankor Security Check la be pa dir ek li ‘‘ki ou vin fer mon boy, ou vin anmenn kwa, sa si ou pe vin donn Speaker ouswa Onorab Ramkalawan ouswa en lot Onorab la, non it’s not done, ale, kot ou sorti laba ale.’’ Konmsi i annan tousala. Dizon i fini, i pas sa ankor li, in ganny sans in smuggle, ou pa konnen ki in fer ler i ariv anndan kot zot biro, pa i annan sekirite, pa ou annan sekirite ou be pa tyeke ankor ?  Ou sekreter pa tyeke ?  Konmsi mon pe demann mon lekor sa bann kestyon ki mannyer dimoun… it’s bad, it’s wrong, it shouldn’t be done.

 

MR SPEAKER

Ok.

HON CHARLES DE COMMARMOND

So mon konsernen avek sa issue sekirite Lasanble e mwan mon ensiste si nou pou fer Komite mon napa problenm ek sa nou ava koze apre, nou ava diskite si zot le – me sa issue Sekirite Lasanble, mon krwar nou devret pe investigate ki pe arive, pou nou fer sir ki nou Lasanble i dan best sekirite posib pou anpese sa bann zafer arive. Mersi.

 

MR SPEAKER

Mersi Onorab De Commarmond zis pou mon dir konman Speaker, mon pa, pa dakor avek sa ki ou pe dir. Anfet i en konsern ki vreman nou bezwen adrese. Me mon a donn laparol Onorab Ramkalawan.

 

HON WAVEL RAMKALAWAN

But in fact Mr Speaker, sa ki Onorab De Commarmond fek dir la i zistifye akoz nou bezwen annan en… sa Select Committee ki regard en pe dan tousala ; pou nou konnen ki mannyer in come about.  E alor baze lo sa ki i pe dir, annou tonm dakor ki sa ki’n arive la nou ava osi met li ansanm avek sa issue Sekirite ki a pe propoze so nou ava regard tou le 2 kote sa 2 size. Sa Select Committee i ava annan son terms of reference pou li regard lo sa kote enterferans Zidisyer lo sa kote Sekirite e apre sa nou ava fer nou rapor. E Mr Speaker mon vwar Onorab pe nod dan en fason pozitiv e mwan mon ava dir ki lo nou kote si nou tonm dakor lo la, mon pe propoz Onorab Flory Larue, Onorab Clifford Andre, Onorab Jean-Francois Ferrari, konbyen in fer la?  Nou bezwen 4… Avek mwan menm…

 

MR SPEAKER

Ekoute Onorab konmsi Anglais, hold your horse, les nou a pran en vot avan are nou a vwar si zot in parey pou nominate zot Members konmela, eski nou pran en vot lo sa Mosyon, wi Onorab De Commarmond ?

 

HON CHARLES DE COMMARMOND

Mr Speaker si nou pe enkli sa zafer Sekirite e lezot aspe sekirite sa osi i ava vin ansanm ki sa 2 Mosyon i ava vin en sel Mosyon ki a regard sa e lezot dan sa bann direksyon. La i annan, nou pe koz Process Server ouswa Zidisyer si i annan en lot ki en lot issue ki link ek tou sa nou fer en sel Komite pou get tousala. Mon napa problenm avek sa. Me selman pli tar mon ava dir Lasanble lekel nou 3 dimoun ki pou vin lo la. Mersi.

MR SPEAKER

Tre byen. Onorab Aglae ou ti le pran laparol.

 

HON EGBERT AGLAE

Wi Mr Chair. Mr Chair tout an prenant kont, mon osi mon pa kont petet sa Komite me selman i annan en Komite Reform and Modernisation osi dan sa Lasanble i osi bezwen marye ansanm, i osi kapab en konponan ki kapab met ansanm pou fer sir ki tou keksoz kot sa Lasanble i mars byen. Mersi.

 

MR SPEAKER

Point noted .  Very valid point. Onorab Ferrari.

 

HON JEAN-FRANCOIS FERRARI

Wi Mr Speaker, mon rapel ki propozisyon se en Select Committee e i bezwen selektif dan sa ki i pe fer. I pa kapab fer en keksoz ki tro wide akoz si non nou pou noy sa pwason. Nou annan en travay byen spesifik pou nou fer, so mwan mon ti ava sizere ki propozisyon Onorab Aglae i ganny take up ansanm avek propozisyon Onorab De Commarmond, ki nou rod en sistenm sekirite modern. La nou anvi avanse rapidman san okenn delay lo sa bann zafer infringement lo nou bann iminite. So annou bouz dan sa direksyon. Mersi.

 

MR SPEAKER

Mon krwar sa i en fair proposition e anfet i mwan ki Chair sa Komite ki Onorab in propoze so annou kapab petet bouz dan sa direksyon pou nou al vit. Wi Onorab De Commarmond.

 

HON CHARLES DE COMMARMOND

Wi mon ava sizer mon 3 dimoun ki pou vin lo sa Komite, Onorab…

 

MR SPEAKER

Ok. Annou vote, annou vote avan, Mosyon in ganny propoze, eski tou bann ki pour ? Ok. Clerk.

 

MADAM CLERK

Mersi Mr Speaker. Mon’n rikord 26 Manm an faver. Mersi.

 

MR SPEAKER

Tre byen savedir nou dakor konman en Lasanble pou set up sa Select Committee prezan Onorab Leader Lopozisyon i a propoz son Manm, Onorab Leader Government Business i a propoz Manm e nou a konmans travay en pe vit pou nou fer sir ki nou bouze. Me les mwan dir ki Lasanble, mon ti a kontan dir sa piblikman, Lasanble pa la pe pini personn oubyen pe target personn. Lasanble pe fer en travay ki nou bezwen protez nou vokasyon. Par egzanp mwan konman Chair Anti-Viktimizasyon, mon kapab dir ki nou lentansyon mon redir mon’n deza dir i zanmen pou target okenn dimoun, me pou fer plito rekonsilyasyon, lape  ki nou tou nou dakor i annan diferan lebra, diferan fason fer li, i annan many ways to skin a cat.  E nou, nou ti pe fer en fason pou anmenn sa. Alor Onorab Leader Lopozisyon.

 

HON WAVEL RAMKALAWAN

Yes Mr Speaker.  Onorab Andre, Onorab Flory Larue, Onorab Ferrari avek mwan menm. Mersi bokou.

 

MR SPEAKER

Onorab De Commarmond.

 

HON CHARLES DE COMMARMOND

Lo nou kote Mr Speaker nou annan Onorab Basil Hoareau, Onorab Sebastien Pillay e mwan menm Onorab Charles De Commarmond. Mersi.

 

MR SPEAKER

Tre byen. Ok. Nou byen kontan ki nou’n dakor Komite i a set up e fer son… Wi Onorab Ramkalawan.

 

HON WAVEL RAMKALAWAN

Petet Mr Speaker, vi ki ozordi i annan enn de meeting ki’n fini ganny set, FPAC ensidswit petet demen lunch break, 12.30 er, Komite i kapab fer son premye meeting

 

MR SPEAKER

Eski sa i akseptab Onorab Leader of Government Business ?

 

HON CHARLES DE COMMARMOND

I akseptab Mr Speaker e nou ava vwar lezot issues par egzanp ki annan kestyon ethics lotrozour nou ti pe koze sa osi nou kapab met li ansanm nou tous tou sa bann issues ki konsern nou Lasanble pou fer sir ki sa bann zafer pa repete. Mersi bokou.

 

MR SPEAKER

Ok. Well mersi.  Mon krwar nou pe fer progre parey labitid nou pe konpran kanmarad e tou sa ki nou pe fer i dan lentere touzour nou Sesel.  Avek sa nou a kontinyen nou bann kestyon ki nou annan pou nou Minis pou nou fini avek kestyon limero 2 ki nou ankor limero 2 la. Mon a donn laparol Onorab Henrie.

 

HON GERVAIS HENRIE

Mersi Mr Speaker. Mr Speaker, mon kestyon i baze lo bann sif ki Minis in donnen e mon ti a kontan en pe leklersisman, non selman pou mwan me mon krwar pou benefis bann dimoun an deor. Premyerman letan nou get bann  sif konpare avek 2015 la kantite GOP ki’n ganny issued 7913 apre 2017 i 8873 me selman nou’n vwar en gran logmantasyon 2016 ki 13, 612. Donk mon ti ava kontan demann Minis si zot in… zot kapab donn en… son Minister in kapab idantifye akoz sa gran logmantasyon, ki’n annan dan Sesel en sel kou ki fer ki nou annan sa gran logmantasyon pou sorti 7 mil pou ariv 13 mil. Sa i enn. Dezyenmman Minis in koz lo bann sif kot bann etranze in ganny deporte, mon ti ava kontan demann li si zot in etidye byen ki bann sekter parske nou’n ganny provide en lalis la kot nou’n vwar bann dimoun ki vini dan diferan sekter, entertainment, konstriksyon, tourizm eksetera… me ki sekter ki sanble i annan problenm kot sa bann dimoun pe ganny… pe overstay zot GOP ?   Donk sa i 2 pwen ki mon anvi fer resorti pou le moman. Mersi bokou.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab. Premyerman mon ti a kontan bomaten rektifye en pti zafer lo website ki nou ti dir website konsernan kriter bann citizenship la mon ti a kontan petet zot al anba ‘notes and instructions’ e click lo la e zot ava vwar tou keksoz. Dezyenmman sa gran logmantasyon, nou pa pou kapab donn ou vreman detay, sa mon krwar se Lanplwa ki kapab donn zot bann detay lo sa size akoz nou parey mon dir nou issue GOP. Me pa nou ki donn permisyon pou vin travay. So sa kestyon pou pli ale avek Minister Lanplwa. Dezyenm kestyon se ki logmantasyon dan sa bann deportasyon ki’n annan sa i tonm anba konstriksyon, farming apre lotel. Sa 3 Departman. Mersi Mr Speaker.

 

MR SPEAKER

Ok Onorab Henrie ?  Ou annan en lot kestyon, ok.

 

HON GERVAIS HENRIE

Wi, savedir point arising se ki alor ki travay ki zot pe fer vizavi sa 2 sekter pou asire ki sa i pa kontinyen ? E an pasan Mr Speaker, mon krwar Imigrasyon i bezwen elarzi en pti pe son fonksyon, i pa kapab zis konmsi stanpe, Lanplwa i aprouve, li zis i stanpe. Mon krwar i bezwen annan en konversasyon ek le 2 Minister ki zot konnen, zot tou le 2 is in the loop, ki pe arive akoz i annan sa gran logmantasyon. Mersi bokou.

 

MR SPEAKER

Minis.

 

MINISTER MITCY LARUE

Wi. Mersi Mr Speaker.  Parey ou pe dir i demann en konversasyon ant Lanplwa, Imigrasyon, i annan konversasyon me selman an menm tan parey nou’n dir konversasyon i bezwen Lanplwa, Imigrasyon e tou dimoun enkli zot osi, enkli lapopilasyon, konversasyon i bezwen nou tou la pou nou konnen ki mannyer nou redwir, ki mannyer nou pou fer sa keksoz vin pli pozitiv pou nou ganny mwens dimoun ki vin travay Sesel. Mon krwar i en konversasyon Nasyonal avek tou dimoun.  Mersi.

 

MR SPEAKER

Minis kontinyen, sorry mon’n enteronp ou.

 

MINISTER MITCY LARUE

Parey mon pe dir se sa bann landrwa kot nou ganny deportasyon la be sir i annan en koze ki nou fer avek sa bann anplwayer. E parey nou’n dir nou pe met amann nou Lalwa kot nou pou very strict e la nou ava annan ankor en pli gran konversasyon avek sa bann dimoun dan sa bann sekter pou fer sir ki sa i minimize oubyen pa ariv ditou.  Mersi.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker. Mr Speaker mon ti a kontan demann Minis vi ki’n dir nou GOP i ganny donnen avek bann dimoun etranze ki travay dan sekter prive, eski sa nonm ki travay dan Gouvernman i parey oubyen i pli pti git, si ou kapab donn nou sa sif bann etranze ki travay dan Gouvernman ? Apre Minis baze lo sityasyon i annan de fwa kot bann konpannyen, mon pe koz konstriksyon la parey ou’n dir i annan pli gran nonm i dan konstriksyon, si sa kontrakter i annan en Class A (1) license e son propriyeter i en etranze i tant pou li ganny plis approval of GOP ki letan en menm Class A (1) kontrakter ki en Seselwa me selman li  pa ganny sa kantite ki li pe demande. Eski ou Minister, mon konnen poudir ou stanpe, eski ou Minister i kapab dir nou si i annan en diferans ant sa bann 4 kalite kategori, si ou annan sa lenformasyon ? Apre trwazyenm senp pti kestyon Minis, eski sa bann dimoun ganny GOP i ganny drwa vote oubyen eski sa verifikasyon i ganny fer par imigrasyon letan vot pe ganny fer ? Mersi.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab. Nou annan an tou 1201 dimoun dan Sekter Piblik. Ok ? E sa i enkli Public Sector, Diplomatic Mission, UN Agencies, IDC, Air Seychelles. Ok ? E kot i konsern kantite ki bann license Class 1, Class 2 sa parey mon pe dir ou i zot… dapre zot certificate of employment ki dir konbyen zot devret pe gannyen e nou ankor nou donn GOP se Employment ki donn zot sa certificate of employment. E mon pa pou kapab vreman comment lo la akoz sa petet i ava dan en lot forum kot ou diskit avek sa.  E trwazyenm pwen sa bann dimoun ki annan GOP pa vote akoz zot pa en Seselwa. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker eski Minis letan i pe koz lo pou regard landrwa kot bann dimoun i reste, spesyalman bann travayer konstriksyon, ti ava kapab osi regard transportasyon ki zot servi pou zot al travay akoz enn sa bann zour nou pou end up dan en gro aksidan avek en kantite casualty, sa i an pasan. Mr Speaker vi ki nou bezwen aksepte in annan en deplasman an relasyon avek sa zafer GOP, eski Minis ti ava konsidere pou met… pou donn en nimero, konnen parey zot fer lanbilans, 191, oubyen enn sa bann nimero konmsi pou annan en nimero fasil, senp pou ki letan en Seselwa i idantifye en dimoun ki napa en GOP, i kapab call pou ki aksyon i kapab ganny pran en… ki mannyer i apele sa…

 

MR SPEAKER

En Hotline

 

HON WAVEL RAMKALAWAN

En Hotline, that’s right Mr Speaker, en laliny so

 

MR SPEAKER

En laliny so…

 

HON WAVEL RAMKALAWAN

Si i ti kapab konsider met en Hotline pou ki dimoun i kapab fer sa.  E apre lefe ki zot pe deal avek Imigrasyon, si lo Airport li menm ti kapab annan en lansenny poudir ek dimoun si ou napa en GOP pa sey vin rod travay akoz ou pou dan problenm e pou annan en fine… met li o menm, R100 mil ensidswit parey kot letan pe dekouraz bann dimoun bann zafer drog dan bann pei, i dir avek ou pou annan death penalty alors pou nou kapab koup sa. E Mr Speaker mon konnen mon koleg Jany, Onorab De Letourdie pou demann en kestyon dan laliny entertainers be mwan pou mwan i diferan mon kestyon. Kwa ki zot pe fer an relasyon avek bann dimoun ki vin konman bann entertainers ki napa GOP, ki rantre, zot reste dan en lotel apre ou tande zot pe zwe tel landrwa dan en fonksyon prive, zot vin tir portre, bann portre maryaz letan zot desann konman bann profesyonnel e menm sa bann pti madanm ki vin pou akonpanny bann gran sef, ki kalite GOP ki zot gannyen e ki aksyon ki zot pran pou anpese ki sa bann travay ilegal i ganny fer dan nou pei.  E finalman Mr Speaker, silvouple regard en kou Eden Island akoz i en koray ki zis konman zot pou met laliny zot pou ganny en kantite pwason.  Mersi bokou.

 

MR SPEAKER

Minis get sa koray en kou.

 

MINISTER MITCY LARUE

Mersi Mr Speaker. Lo kestyon transportasyon ki Onorab in mansyonnen, sa i en travay ki nou deza pe… nou an konsiltasyon avek Land Transport e menm Lapolis ki nou pe travay lo en keksoz akoz nou osi nou santi poudir transportasyon bann travayer dan bann gro pick-up i kapab vin danzere e en danze pou zot menm e pou piblik an zeneral. E lo kestyon hotline osi i en keksoz ki nou pe travay lo la byento nou pou lans sa Hotline pou ki dimoun i kapab raport direkteman okenn keksoz ki zot santi i en keksoz ilegal atraver epi i a ganny deal avek. Lo kestyon bann entertainers ki vini. I vre nou annan be selman zot ganny en .OP, en short term par egzanp en semenn, i annan ki ganny en semenn, i annan ki ganny 2 semenn depandan, i annan ki ganny 2 zour depandan lo kwa i zot pe vin fer e sa zot ganny atraver Lanplwa osi kot zot al fer zot demann apre i vin kot nou e zot ganny li pou en semenn, 2 semenn depandan ki zot pe vin fer me apre zot bezwen retournen. E nou pe vreman met lanmen lo la akoz menm lo nivo Nasyonal nou osi pe santi li ki petet i en keksoz ki nou bezwen get tre pros. Answit Eden Island osi i en landrwa kot, wi, nou pe konmans fer en pe travay laba pou nou vwar akoz nou santi ki i annan keksoz ki nou bezwen adrese. Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon kestyon i al lo bann klasifikasyon ki nou’n servi, ou met sa bann diferan, resorti sa bann diferan pei anba la. Nou konnen ki Sesel in fer serten commitment anba WTO ki konsern movement of natural person ; savedir mouvman dimoun across bann diferan pei ki adere avek WTO. But at the same time lokalman nou ti’n etabli serten sekter ki pre-dominantly i pou vin bann landrwa kot Seselwa ki ganny premye sans pou kapab travay. Ler mon pe regard bann klasifikasyon par egzanp lo en nou regard anba entertainment par egzanp, mon demann sa kestyon Mr Speaker akoz plizyer entertainers in apros mwan, i annan en msye i reste Mare Anglaise annefe ki pe koz ek mwan lo en size ki zot pe vwar li difisil pou zot ganny en sans pou zot travay dan lotel. Eski son Minister an relasyon ek sa, eski zot fer okenn verifikasyon apre ki zot in donn sa bann GOP pou al vwar si sa dimoun ki ganny en GOP anba entertainment pe vreman travay anba entertainment oubyen zot pe travay anba en lot aktivite ki sipoze pe ganny fer ?  Sa i mon premye kestyon. E mon lot bout se ki mon ti le demann Minis si prenant kont sa bann konsern ki pe ganny souleve sirtou dan sa bann sekter koumsa par egzanp mon vwar nou annan nou 121 resorti san en pei ki pe travay ki’n ganny GOP anba entertainment letan mon pe get sa dokiman ki mon’n vwar at on point in time. Ok ? 121. 121 ki ti ganny donnen, ti annan 255 an tou anba entertainment a sa letan, 121 ti sorti dan en sel pei. Ki mon ti a kontan klarifye prezan si eski son Minister prenant kont ler ou vwar bann figures ki en pe tro o anba en sekter partikilye si eski zot flag sa e zot demann serten kestyon Departman Lanplwa oubyen si zot fer lezo travay an relasyon avek sa bann figures sirtou ? Mon konpran process wi, me ler ou vwar en figure i tro o dan en sekter ou bezwen flag li pou dir be ki mannyer mon annan 200 ekek dimoun sorti dan en sel pei ki pe travay dan sa sekter kan i sekter ki nou konnen nou bezwen protez bann artis oubyen bann dimoun ki pe fer sa aktivite ki Seselwa ? Mersi Mr Speaker.

 

MR SPEAKER

Minis.

 

MINISTER MITCY LARUE

Petet mon a pran dernyen kestyon kot Onorab in dir zafer entertain, mon krwar sa in… sa zafer bokou zot pe vini, zot ganny 1 month, sepa en semenn, 2 semenn, in osi lev en konsern kot nou pe vwar pangar parey ou’n fek dir nou bezwen osi protez nou bann entertainer lokal. I enportan pou nou entertain e si nou pe les vini e sa definitivman i annan… nou’n lev flag poudir li i annan tro bokou e nou fer be la nou pou en pti pe pli serye, akoz nou krwar, nou pe santi i annan plis ki pe vini nou bezwen vwar vreman kote zot pe fer, ki zot pe fer e si sa i vreman… me selman ankor nou bezwen travay tre pros, dernyen fwa nou’n meet avek Minister Lanplwa kot nou pe travay tre pros avek Minister Lanplwa pou nou vwar konmsi lo ki grounds zot pe donn sa ; pou nou kapab nou osi vwar, pou nou protez nou bann entertainer lokal. Mon krwar i enportan e i annan de fwa wi, i annan sa ki vin filmen osi. Filmen lo par egzanp lo ….. i annan filmen ki zot ti filmen e sa ki ti pran en pe plis letan. Sa osi i antre dan entertainment, pa zis bann santer ki vin sante me i annan osi bann film ki zot vin fer e lezot entertainment.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker. Mr Speaker an traver ou, mon ti a kontan demann Minis si i pa posib pou ki son Minister avek Minister Lanplwa, i asiz ansanm e form en… mon pa konnen si zot pou form en sou-Komite oubyen en body kelkonk ki kapab investigate sa bann alokasyon GOP lo en baz pli serye pou vwar – mon kapab konpran serten sekter kot nou bezwen me kot serten sekter kot nou vwar poudir i annan en pti pe tro ki pe ogmante, si son Minister pa kapab asiz ek Minister Lanplwa  e etabli serten mekanizm pou annan en monitoring  en pe pli efektiv ; akoz Minis a vre dir bann entertainers pe konplent. I en keksoz zot pe santi e sa pe afekte zot livelyhood akoz sa bann dimoun i depan lo sa aktivite osi pou zot kapab fer zot larzan. Mersi Mr Speaker.

 

MR SPEAKER

Minis.

 

MINISTER MITCY LARUE

Mersi Mr Speaker. Onorab mon krwar ou’n donn mwan en bon pwen la, ki definitivman nou ava met avek Lanplwa nou a regarde kwa ki nou kapab set up, bann mekanizm met an plas parey ou’n dir pou nou kapab protez nou bann entertainer lokal. I enportan nou ava fer sa. Mersi.

 

MR SPEAKER

Onorab Hoareau, i en related question ?

 

HON BASIL HOAREAU

Mersi Mr Speaker. Pa egzakteman me selman endirekteman i kapab related, pa spesifikman lo bann entertainers me eski Minis… eski i annan en Polisi Gouvernman ki annan serten louvraz ouswa job ki restrikte selman pou Seselwa ? Eski i annan sa Polisi ? Si non eski ou pa krwar ansanm avek Minister Lanplwa i plis ki ler pou nou… menm si i annan en Polisi, sanz sa Polisi, annan en Lalwa kot i kler ki kalite louvraz ki etranze i kapab vin fer Sesel e nou restrikte serten louvraz selman pou nou bann Seselwa.

 

MR SPEAKER

Minis petet sa i al dan laliny ki Onorab Pillay ti’n demande.

 

MINISTER MITCY LARUE

Mersi Mr Speaker.  Mr Speaker mon krwar sa i tonm anba Human Resources kot zot travay, zot konnen lekel, dan ki domenn ki nou bezwen anmenn etranze oubyen non. Me selman i en travay kontinyel ki pe ganny… Human Resources pou Seselwa me selman nou lo kote Lanplwa i annan bann Polisi ki ganny met an plas e prezan Polisi toultan zot pe sanze be mon krwar la i nesesit pou zot revwar bann Polisi ki egziste e sa i en travay ki mon konnen Lanplwa pe fer pou revwar bann Polisi pou zot konnen… i annan… dan lepase mon konnen i annan serten travay ki ti dir i restrikte selman pou Seselwa e etranze pa ganny drwa. Me aparaman in soz en pti gin e se sa ki zot bezwen revwar, regarde fer sir ki… Apre anmenn lenformasyon a latansyon tou dimoun pou konnen egzakteman tou bann anplwayer ; akoz i annan de fwa bann anplwayer zot pa pe vreman konnen lekel… E pa zis sa ler zot vini osi i annan de fwa, zot vin fer pou serten travay me ler zot ariv Sesel zot fer en lot travay. E se sa kot nou la nou bezwen monitor. E tre byento nou pou annan nou en ID ki nou pou donn, nou GOP kot tou dimoun ki annan en GOP pou annan zot kart, zot non e ki zot louvraz; koumsa ler nou, nou pou fer nou bann lenspeksyon i pou fasil pou nou… e menm bann piblik an zeneral ler i pou vwar osi i pou konnen poudir sa dimoun i annan GOP, sa enn napa. E zot pou bezwen, zot pou ganny oblize pou zot met lo zot sa toulezour, carry li lo zot. Napa drwa dir ozordi mon’n bliy dan lakour oubyen mon pa’n anmennen, sa i en fason kot nou pou kapab vreman monitor en pti pe. Me selman mon pran kont ou pwen sa i pou vreman lo nivo Lanplwa me selman nou a kapab annan en konversasyon avek Lanplwa lo la. Mersi.

 

MR SPEAKER

Onorab Hoareau.

 

HON BASIL HOAREAU

Wi, mon apresye le pwen ki i pli konsern Lanplwa me lefe i reste se ki ou Minister ki donn GOP pou sa bann travayer travay Sesel, eski ansanm avek Lanplwa parey mon’n dir ou’n nonm Polisi, Polisi par ler i ganny bended e i ganny bent dan en fason ki par ler ou napa ladrwatir. Sel fason pou nou fer sir ki en keksoz i ganny fer dan en fason kler e transparan, se annan en Lalwa ki ganny respekte. Eski sa i posib pou nou al dan sa laliny, Minis ?

 

MR SPEAKER

Minis.

 

MINISTER MITCY LARUE

Wi mon krwar nou ava al… en bon propozisyon Onorab, nou ava ansanm avek Minister Lanplwa nou ava regarde konman nou kapab fer sa, pou kapab ganny materyalize. Mersi.

 

MR SPEAKER

Onorab Prea.

 

HON NICHOLAS PREA

Mersi Mr Speaker. Bonzour tou dimoun. Minis, ou Minister i issue GOP e GOP i annan bann kondisyon ki atase avek, ou’n dir dan repons avan ki zot fer bann follow-up, bann monitoring. Mon ti a kontan demann ou Minis si ler, eski ler ou en GOP holder eski ou annan drwa ganny sanksyon pou swa aste later oubyen lakaz isi Sesel ?   Eski ou annan drwa ler ou en GOP holder ou pe lwe en lakaz, turn sa lakaz into a guest house kot ou menm ou konman en GOP holder ou pe lwe sa bann lasanm ladan, ou pe fer larzan ? E dernyerman si ou kapab dir nou si ou annan sa lenformasyon, konbyen dimoun kot Air Seychelles ki en GOP holder ozordi ? Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Konsernan si en dimoun lo GOP i ganny drwa lwe lakaz i ganny drwa aste propriyete sa zot bezwen rod sanksyon avek Minister MLUH. Sa nou pa ladan, me sa se… zot bezwen fer li atraver Minister konsernen. Si zot ganny sanksyon then they can do it. Konbyen travayer kot Air Seychelles, nou napa kont la me nou kapab rode en pti kou dan lazournen nou a donn ou.

 

MR SPEAKER

Onorab Prea.

 

HON NICHOLAS PREA

Mr Speaker, mon dezyenm bout kestyon i pa… petet Minis i pa’n ganny li byen, en GOP holder ki pe lwe en lakaz pou fasilit li pou li travay, eski li menm li anba zot bann kondisyon pou issue GOP, i annan drwa re-lwe sa lakaz pou li anmas larzan ? Mersi.

 

MR SPEAKER

Minis.

 

MINISTER MITCY LARUE

Non, non Mr Speaker, i napa drwa akoz sa i ilegal. Mersi.

 

MR SPEAKER

Onorab De Letourdie.

 

HON JANY DE LETOURDIE

Mersi Mr Speaker. Minis mon konnen ki poudir i annan dimoun in tous lo entertainment me selman ozordi pou premye fwa mon pa pou mind pou mon repete, ou ava pardonn mwan, mon pou met ankor lanfaz lo entertainment. Mon pa konnen ou dir ki kalite entertainment ki sa bann dimoun zot fer ? Kekfwa i an gro si ou ti a kapab dir nou ki kantite entertainment, ki kalite zot fer, akoz mon pe get la depi Zanvye ziske Zen i annan 255 dimoun pou 2017 ki’n ganny GOP pou fer entertainment. Ou dir zot vini pou en kour term me still kantmenm zot vin pou en kour term, i pa zistifye akoz kantmenm ler zot ale sa bann Seselwa zot pa vin dan sa trou ki ler zot in ale. Kekfwa ler zot ale apre lezot ankor i vini, Seselwa pa’n zanmen ganny sans. Mon pou dir ou azour la Minis ki nou bann kabare group i pa pe zanmen ganny en sans pou li prozekte li dan lotel pou li montre son kiltir sa ki i annan akoz mon pa konnen si… Vi ki ou dir ou’n koz pros avek Minister Lanplwa eski ou’n vreman apport sa konsern pou fer vwar poudir sa i pou vreman vin en azard pou nou dan sa lendistri lanmizik kot nou vreman bezwen promot nou kiltir Kreol ? Apre mon dezyenm pwen Mr Speaker, Onorab Lopozisyon in fer sorti taler ki ti a bon get en pe Eden Island. Mwan mon ti a dir presizeman get sa bann travayer lo yacht sirtou Eden Island si vreman zot GOP i annord. Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Kot i konsern entertainment parey Onorab sa in lev-e taler, mon krwar i en konsern ki nou pou bezwen take li en pti pe tre seryezman; parey ou pe dir nou ava travay ankor avek Minister, nou a regarde byen parey ou pe dir akoz parey nou isi dan Gouvernman nou pa anvi vwar nou bann dimoun lokal pa pe ganny sans perform pou zot kapab ganny zot lavi zot osi, me zot sa pe ganny ranplase anba bann etranze. Sa mon a donn ou garanti ki nou ava travay ansanm nou a fer sir ki sa keksoz i ganny regard byen e zot gannyen selman ler i neseser me… Epi nou kapab swiv zot osi pou vwar ki zot pe fer pandan letan ki zot la, pou vwar si vreman zot pe fre sa keksoz byen. Me selman i annan sa klasifikasyon parey nou’n dir taler bann ki pe fer film la ou kapab ganny en pti pe pli gro group me selman apre zot bezwen ale. Dezyenm konsern se lo yacht ; wi mon krwar la i en konsern ki nou bezwen… me selman taler mon ti fer resorti kot nou annan en pti pe problenm lo kote resours pou nou kapab vizit tou sa bann landrwa fer sa keksoz parey nou ti ava anvi fer pou vreman vwar sa aksyon. Me avek nou unit ki nou pou formen la, ki nou pe recruit, mon krwar nou pou kapab vreman al dan tou sa bann pti detay ki ozordi bann Manm Onorab in mansyonnen, pou nou kapab vreman met lanmen lo la e redwir en pti pe sa bann keksoz ki pe arive. Mon pa konnen si mon’n reponn tou ou kestyon.  Mersi.

 

MR SPEAKER

Onorab De Letourdie, ou ok ? Onorab De Letourdie.

 

HON JANY DE LETOURDIE

Wi Mr Speaker, mon ok.

 

MR SPEAKER

Ou ok. Onorab Ramkalawan lo menm kestyon ?

 

HON WAVEL RAMKALAWAN

Yes be Mr Speaker mwan mon anvi demann Minis lo kote bann artis, pou siport bann artis Seselwa eski i pa ler pou Gouvernman pou annan en Polisi kler ki nou donn manze nou bann artis Seselwa an premye ; parski i annan en kantite artis Seselwa ki letan ou zwenn zot, zot pa pe ganny Kontra, zot pa pe ganny biznes me selman dan sa bann menm lotel i annan etranze ki vin zwe, i menm annan lotel ki annan en in-house band. Eski i pa ler pou nou kapab met lanfaz parske apre nou menm nou ki vini ki dir Seselwa napa, parey Minis in vini in demann nou kote pou al rode, be la i en lenstans kot i annan, me selman zot pa pe ganny loportinite. Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Mon pou dir poudir Gouvernman son Polisi se donn toultan son Seselwa avan. I la sa. Me selman parey nou’n dir nou annan en febles la, nou ava adres sa febles, ki mannyer ansanm avek Minister Lanplwa… me selman Gouvernman son Polisi son prensip se pou donn son Seselwa priyorite over etranze. Mersi.

 

MR SPEAKER

I annan 2 dernyen entervenan. Onorab Ernesta.

 

HON PAUL ERNESTA

Mersi Mr Speaker. Bonzour Mr Speaker, Minis e lekip, mon bann koleg Onorab e tou dimoun a lekout. Mr Speaker mon kestyon ki pou Minis i comme swivan ; mon pa konnen si zot in deza fer en lanaliz pou gete bann group laz sa bann dimoun ki annan GOP ozordi dan pei, si Minis i kapab provide nou avek sa lenformasyon, enn. Apre dezyenmman letan en dimoun si ou le in fini son GOP in ale, eski i kapab re antre si wi kantite letan i kapab pou li kapab re antre dan pei pou li travay ? E trwazyenmman si en dimoun ki’n dan pei en bon pe letan annou dir 10-15an ki’n travay dan pei atraver son GOP eski sa dimoun i kapab lo li menm prezan petet in deside al fer son pti biznes lo li menm, eski i kapab fer en tel demars pou li ganny son GOP pou li travay dan pei ? Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. En dimoun ki lo GOP ki’n ale i ganny drwa retournen si i annan en lakonpannyen ki ou le li, i kapab ganny drwa… i kapab fer zis 3 zour deor me apre sa lakonpannyen in recruit li, in ganny son permisyon avek Lanplwa i ganny drwa retournen. Ok ? Napa en letan ki nou mete lo la. Ok ? Dezyenmman ou dir mwan si en dimoun in lo GOP pandan 15 an, mon pa konnen si nou’n arive sa kantite dan pei en dimoun lo GOP pandan 15an. I kapab. Wi, savedir i kapab fer ouver son biznes si par egzanp i santi i kapab ouver en biznes, i kapab ouver en biznes e kontinyen apre akoz i annan osi ler i lo GOP apre zot… Sanmenm sa bann apre i marye avek Seselwa apre i annan son kantite letan lannen ki’n marye apre i servi bann kriter ki la e i apply pou natiralizasyon eksetera. So i annan tou sa bann dependent permit, i annan tousala ki i kapab antre. Wi. Par egzanp i ale i al rod son license, i form son konpannyen apre i fer li atraver bann diferan prosedir dan bann diferan Minister ki aplikab e i fer son bann prosedir normal. Mersi.

 

MR SPEAKER

Onorab Aglae.

 

HON EGBERT AGLAE

Mersi Mr Speaker. Minis mon annan 2 pti kestyon mon le demann ou. Premye bout ou’n deza tous en bout ladan kot i konsern bann sanzman dan pos GOP ki sa bann dimoun i orizinalman apply anba la e ou’n fer resorti ki ou met en Komite an plas pou scrutinise en pe, mon ti a kontan ki sa i ganny fer en pti pe pli vit posib ; akoz parey serten Manm osi in mansyonnen i annan ki vin pou travay konman en sekirite apre ou vwar li vini en driver lannmen. Mon dezyenm kestyon i ki prosedir osi ki zot annan an plas pou fer sir ki bann ki’n apply anba GOP ki ganny promosyon sirtou i pe arive dan Sekter Tourizm kot i vini petet 3 mwan, 6 mwan apre ou vwar li anba en promosyon, in ganny en promosyon pou al dan en lot pozisyon kan i annan Seselwa ki deza la pe esper sa pozisyon ; petet ki mekanizm ki zot pou met an plas pou fer sir ki sa bann soz i pa ganny zis get away par sa bann lakonpannyen ouswa Lazans. Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Ou dezyenm pwen se ki si en dimoun in travay petet par egzanp en waitress apre sepa ou vwar li pe ariv Head Waitress or whatever, sa i promosyon ki zot fer ansanm an relasyon avek Lanplwa. I napa nanryen pou fer avek. Si Lanplwa in agree e zot fer li, i napa nanryen pou fer avek nou as such. Konsernan enforcement, wi mon krwar parey mon’n dir o paravan, wi nou pe met an plas nou unit e nou pou fer sir ki sa travay i ganny fer pou nou akoz nou osi nou anvi curb lo sa bann keksoz malpractice ki pe arive, bann keksoz ki pa byen, nou bezwen curb sa pou nou kapab donn sans nou Seselwa osi, nou Seselwa osi travay. So i annan en travay ki nou pe fer me parey ou konnen resours, resours imen an de fwa i limite e nou pe fer li depandan lo nou Bidze ki nou annan osi pou nou anploy dimoun. E parey taler mon’n dir nou annan bokou plis lorganizasyon ki pe anploy etranze ozordi, bokou plis landrwa, bokou plis biznes ki’n set up kot zot annan. E nou bezwen fer en travay e nou bezwen resours pou nou kapab fer li dan en fason lo en serten nivo me si nou napa sa, nou bezwen parey mon pe dir nou pe pouse pou nou fer li arive e vwala en pti pe kote nou ete.

 

MR SPEAKER

Wi, Onorab Aglae.

 

MINISTER MITCY LARUE

Mersi.

 

HON EGBERT AGLAE

Minis en pti follow-up mon konnen poudir sa i se Departman Lanplwa ki pou deal avek okenn promosyon, mwan mon kestyon se ki i annan en mekaniz kler petet sa lakonpannyen eski i ekri Lanplwa, i demande i fer en request e i bezwen en form Imigrasyon osi lo sa status GOP osi ki’n sanze pou sa travayer, se sa.

 

MR SPEAKER

Minis.

 

MINISTER MITCY LARUE

Wi Onorab ordinerman sa ki Lanplwa i fer Imigrasyon i konnen. Zot annan lenformasyon ki vin kot Imigrasyon osi.  Parske ler nou pe vizit parey nou vwar sa dimoun i tipe fer tel louvraz la nou vwar i pe fer en lot si nou annan lenformasyon nou konnen la nou be i ok, si nou pa konnen nou dir la i annan en problenm ki pe arive. Mon krwar nou travay an etrwat kolaborasyon avek Minister Lanplwa, nou parey 2 fanmir ansanm, sa ki bezwen travay ansanm lanmen dan lanmen. Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker, ler mon’n ekout Minis dan son bann larepons, mon remarke mwan poudir i annan en labi dan sa bann zafer GOP e nou vwar osi dan nou pei i annan apard bann zafer artistik ki’n dir nou vwar poudir i annan konpannyen sirtou dan konstriksyon, konpannyen i fer de trwa konpannyen anba li bann subsidiaries an menm tan nou vwar serten sa bann konpannyen son met prezan i annan li 3, 4 konpannyen ki’n fer avek en lot, en dimoun ki’n la ki’n ganny GOP pou 10an, pou 15an konmsi ou santi e i apply GOP e nou donn li menm, konmsi mon santi poudir i annan en labi dan sa direksyon. Eski Minis alor i kapab klersi, enform nou Lasanble si petet Gouvernman a en moman donnen i kapab, dan Cabinet, i kapab sa de trwa Minis ki responsab, Minister ki responsab pou sa i kapab regard sa en pe de pros pou pran en direksyon en pe pli strik, en pe pli korek. Nou konnen nou bezwen travayer etranze pou donn nou koudmen, me si nou pa ti a kapab annan en fason pli disiplinen, pli strik lo sa zafer GOP. Mersi bokou.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab. Onorab mon rekonnet ou lenkyetid ki byen parske, wi mon poudir i annan en labi par egzanp kontrakter i annan sa zafer kot zot fer diferan pti konpannyen pou zot ganny plis me sa i en travay ki nou bezwen travay ansanm, tou bann… Lanplwa, Imigrasyon, nou bezwen asiz ansanm e met bann kriter kler. Annan bann kriter kler, met la pou ki ler zot donnen i dapre kriter e ler nou, nou donn GOP i dapre sa ki zot pe dir. Sa i en travay ki nou bezwen fer pou nou aranz sa sityasyon, akoz mon krwar in ler pou aranz sa sityasyon pou nou anpes labi dan nou pei. E sa mon ava pran not e nou ava travay lo la msye Onorab. Mersi Mr Speaker.

 

MR SPEAKER

Mersi Minis. Mon krwar nou a pran kestyon limero 3, i annan ase letan i en kestyon direk, mon a demann Onorab Esparon pou poz son kestyon.

 

HON REGINA ESPARON

Mersi Mr Speaker. Eski Minis pour Zafer Entern i kapab dir Lasanble ki plan Minister i annan pou relocate biro Civil Status, pou retir sa konzesyon ki egziste dan sa landrwa an se moman?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab. Onorab, wi nou bann travayer pe travay anba bokou presyon anba bokou… landrwa pa conducive me i annan en pe letan la ki nou landrwa pe ganny renovate e mon annan plezir pou mwan dir sa Lasanble ki renovasyon mazer lo biro Leta Sivil in preske konplete e tre byento la mon kapab dir petet dan konmansman mwan prosen, dan milye, nou pou kapab vin operasyonnel. Mersi Mr Speaker.

 

MR SPEAKER

Ou ok Onorab Esparon ? Ou le poz en kestyon siplemanter, ale, go ahead. Ok ?

 

HON REGINA ESPARON

Mersi Mr Speaker. Eski Minis i kapab dir Lasanble si anba sa… dan sa nouvo refurbishment ki zot in fer la, eski pou annan additional services ki zot pou ofer ; tel parey bann dimoun ki bezwen aste tenm pou met lo en sertifika… en kopi sertifika nesans an se moman la, zot bezwen vin kot Civil Status dan en laliny, zofisye i dir ek zot napa tenm la, al kot Lapos, marse al kot Lapos, pou aste en tenm R50, retourn ankor kot Civil Status dan en lot laliny, konmsi sa prosedir li menm i vin long e dimoun i vin fristre. Eski anba sa nouvo laranzman ki zot pe fer i pou annan additional services zot pe mete, tel parey vann tenm pou kapab ganny en Sertifika Nesans ?

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab. Onorab, sa landrwa ki nou’n renovate la i pou en One-Stop-Shop. I pou annan nou par egzanp nou pou annan nou biro Leta Sivil kot pou annan lofis kot nou deklar lanmor, lofis pou deklar nesans, lofis kot pou marye, kot pou annan Kart Idantite, kot lofis kot nou pou tir portre, lofis kot nou pou fer bann formalite kart idantite. Pou annan bann cashiers zot pou nepli baze anler lo premye letaz, zot pou anba pou anmas larzan, konmsi i pou en One-Stop-Shop kot tou keksoz e resepsyon Imigrasyon osi pou la baze lo ground floor.  Savedir tou sa ki ou bezwen la parey ou pe dir tenm pou annan son landrwa la, tou keksoz pou vin e pou en One-Stop-Shop. Par egzanp ou pe vin deklar ou zanfan, ou la, ou pe vin marye, ou la, ou pe vin fer ou Kart Idantite tou keksoz pou la, savedir en One-Stop-Shop pou nou anpes dimoun al isi, al laba retourn e vir an ron avan i kapab ganny en servis. se sa le bi sa renovasyon ki nou’n fer. Mersi Mr Speaker.

 

MR SPEAKER

Onorab Sophola.

 

HON NOLINE SOPHOLA

Mersi Mr Speaker. Mr Speaker an vi ki Minis pe koz lo re-alokasyon biro Civil Status Mahe, mon ti a voudre konnen Minis eski ou kapab enform sa Lasanble ki provizyon ki ou pe fer pou ki ou kapab met an plas en sistenm pou ban dimoun Inner Islands ganny zot Passport dan kourt dele letan e mon pa konnen si sa i egziste, sey eklersi nou, silvouple. Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Mr Speaker sa nou fer li an traver Lapos e i free, i free sa. Nou anvoy en travayer Lapos e personn pa bezwen peye pou zot ganny zot Passport.

 

MR SPEAKER

Yes, Onorab Sophola.

 

HON NOLINE SOPHOLA

Savedir dan en lot mo Minis, Mr Speaker savedir dan en lot Minis pa pou bezwen revwar sa fasilite ki lo La Digue ?

 

MR SPEAKER

Minis.

 

MINISTER MITCY LARUE

Mr Speaker… Mersi Onorab. Definitivman La Digue, Praslin pa pou ganny oubliye. Praslin, La Digue nou pe regarde ki mannyer nou kapab amelyor lenfrastriktir e Praslin nou pe regarde kote nou kapab ganny en nouvo landrwa ki en pe pli gran akoz ozordi nou annan en pti bout Baie Ste Anne, nou annan en pti bout Grand Anse, dan Pension Complex, i tro sere e nou pe regarde ki mannyer nou kapab ganny en sel landrwa kot nou fer li osi One-Stop-Shop e nou annan servis ki nou le anmennen pou kapab meet lekspektasyon nou pep ; akoz nou pe devlope e nou annan plis dimoun lo zil ki pe rod GOP, ki pe rod… alor nou a fer li en fason kot tou sa bann keksoz i dan en sel landrwa. E la aktyelman nou an prose pe rod en landrwa pli gran kot nou kapab… e menm ranforsi staff ki travay dan sa landrwa akoz nou annan nou zis 2 dimoun ki pe travay. So i en travay ki nou pe fer byensir dapre nou mwayen, dapre nou resours ki nou annan. Mersi Mr Speaker.

 

MR SPEAKER

Mersi Minis. Mon krwar nou annan letan pou nou pran… parske nou annan en kantite kestyon nou pran kestyon limero me petet Minis ou ti a kontan ki ComPol i vin pli pre avek ou. Si ou le fer en pti reshuffle avan mon demann Onorab William pou poz son kestyon. Eski ou le ki ComPol, Commissioner of Police i vin pli pre avek ou ?

 

MINISTER MITCY LARUE

Wi, Mr Speaker, mon ti a kontan bann dimoun i Imigrasyon i a move out e nou a pran lot group. Mersi.

 

MR SPEAKER

Mon ti a kontan remersye Msye Marie, Msye Didon avek Madanm Telemaque pou zot letan pou zot letan e nou ti a demann Msye Commissioner of Police, Ms Sheryl pou, silvouple, vin devan. Bon nou ava al direkteman lo kestyon limero 4 e mon a demann Onorab Waven William pou poz son kestyon avek Minis.

 

HON WAVEN WILLIAM

Mersi Mr Speaker.  Mr Speaker, mon ti a kontan demann Minis Kan ki distrik i espekte ganny en bon servis community policing, tel parey apye dan sou- distrik pe vizite? E osi kot bann problenm pe ganny  swivre bann aktivite anti sosyal dan bann hotspot parey o bor laboutik e lo semen piblik? Mersi.

 

MR SPEAKER

Mersi Onorab. Minis.

 

MINISTER MITCY LARUE

Mr Speaker, wi. Mersi Onorab. Mr Speaker, sa dernyen 2 an Lapolis in sey anmenn e adopte en community-orientated policing philosophy. I plizoumwen konsantre lo restriktirasyon patrol pou pa zis reponn ouswa atenn en lensidan, me pou enkli bann mezir proactif tel ki patrol apye, patrol dan transpor, plis zofisye lo semen e dan Kominote, desantraliz Lotorite Lapolis e donn plis pouvwar e diskresyon bann Station Commanders pou mye mannye e planifye zot loperasyon e travay avek zot stasyon e la Kominote kot plase. Station Commanders i deplas zot zofisye dan zot rezyon dan bann distrik e sou-distrik toulezour pou vizit bann lakour biznes e menm letablisman touristik e menm vizit bann viktim krim. I vre lekspektasyon pou vwar plis zofisye apye partou dan kominote i o me nou lafors i reste angaze pou sey fer bokou plis e mye deservi lakominote. Mr Speaker, mon le fer resorti ki Lapolis i la pou met lord ek lape e an tou prenant kont e respekte drwa Konstitisyonnel nou sitwayen. O menm moman, konsantre en pti pe lo mouvman libreman, nou osi konsyan e reste angaze pou ede pou pran aksyon dan bann sityasyon kot dimoun i komet serten lofans ; parey bwar anba laboutik, zoure dan landrwa piblik, pou mansyonn enn de. Nou Minister i konsyan konsern piblik lo sa size e ki pe sey fer sa ki……. Lo sa size wi. Nou reste ankor angaze pou amelyor plis nou servis e angaz nou bann zofisye en pti pe plis pou tyek nou bann tel sityasyon dan en fason responsab, profesyonnel e osi avek respe ler zot al kot bann dimoun ki pe komet bann lofans. Mersi Mr Speaker.

 

MR SPEAKER

Onorab William.

 

HON WAVEN WILLIAM

Mersi Mr Speaker. Mr Speaker san être ensolan ouswa malelve mon anvi dir avek Minis ki, enn mon pa satisfe avek sa larepons, rezon ki mon pa satisfe se ki letan mon pe go back into history, mon mazin 1e Lasanble, 2enm Lasanble, 3enm, sa size in kontinyelman ganny mete lo lazanda Lasanble e mon pa santi poudir o nivo distrik, pa zis mwan me sitwayen ozordi pa santi li an sekirite. Sitwayen pe santi li dan en leta ensekirite, per letan fer nwanr i fer ; i pa kapab kit son lakour pou enjoy son lavi parey labitid e sa vizibilite Lapolis, nou pa pe vwar li parey nou ti ava swete. E mwan mon ti ava kontan demann Minis pou kapab eksplik sa Lasanble ki bann challenges zot pe fas avek pou kapab fer nou Lasanble e manm piblik konpran, ki vreman bann problenm ? Akoz enn se ki nou santi poudir i bezwen annan bann target setting kot nou devret pe dir ki pa nou bezwen tan manm Lafors pou travay sirtou dan bann distrik. E  kot i konsern lekipman osi nou pa santi poudir Lapolis ozordi i ase okipe pou zot fer sa travay byen. Epi nou santi osi poudir letan napa incentives tel parey zot saler pa ganny amelyore ; par egzanp enn napa en risk allowance, i annan serten bann problenm kot mon ti a kontan ki Minis ti a donn nou en pti pe detay lo egzakteman kwa ki zot pe fer pou kapab asir manm piblik poudir vreman zot konsern parey Minis pe dir pe ganny adrese e pou ganny adrese. Mersi.

 

MR SPEAKER

Minis.

 

MINISTER MITCY LARUE

Mersi Mr Speaker. Mr Speaker, mon konpran konsern Onorab. Parey mon’n dir lekspektasyon dimoun dan kominote i tre o. Dimoun i espekte vwar Lapolis partou e nou osi kot Lapolis nou ti a voudre kapab annan Polisye dan tou kwen distrik, partou kote. Nou ti a voudre vwar nou kapab mete apye pe marse, akoz ozordi Polisye i ganny demande pou patrol lans. Polisye i ganny demande pou patrol letablisman prive. Polisye i ganny demande pou patrol bann trail partou kot nou annan. Ok ? Partou dan tou sa bann landrwa ou ganny Polisye i ganny demande pou fer dan bann landrwa piblik partou dan tou sa bann Kominote, nou ganny demande pou Polisye. E si nou pe gete nou annan nou ozordi 8 mother stations – 8 mother stations. Kot la dan sak mother station i annan apepre 40 a 30 zofisye ki partaz 4 shift travay, ok ? Lakantite ki i travay sa e nou annan 4 shift e nou annan nou 4 transpor ki allocate avek sak sa bann mother station. Savedir nou bann Polisye i target apepre 100 lakaz par semenn. Sa se nou target ki nou mete tou mother station kot zot bezwen target 100 lakaz par semenn pou zot vizite, koz ek bann dimoun e regard en pti pe zot konsern. Definitivman nou ti a voudre fer plis, nou ti a voudre kapab target tou lakaz pandan en mwan me avek mendev ki nou annan i pa posib. I pa posib. Nou bezwen osi demann sa piblik deor pou zot osi donn nou en koudmen, annou nou annan sa Neighbourhood Watch ki nou kapab fer. Nou bann dimoun dan Kominote i kapab ed nou pou anpes krim arive, kapab ed nou osi pou donn nou lenformasyon, donn bann Station Commanders lenformasyon lo ki pe pase e nou pou fer travay ansanm avek zot ; akoz si nou pou espekte tou lo zot Lapolis ki pou fer nou pa pou arive kapab deservi tou dimoun alafwa. Nou pe fer nou mye e nou, mwan personnelman toultan, ComPol i la, mon dir mon pa satisfe, mon ti a voudre vwar plis patrol apye ki ganny fer, mon’n dir li, i konnen li. Mon ti a voudre vwar plis patrol apye i ganny fer. Nou annan osi patrol dan transpor ki nou bezwen fer osi akoz i annan landrwa ou bezwen mont dan patrol e ou kapab vwar keksoz ki pe arive. E patrol par mwan zis bann lakaz ki nou vizite dan tou bann landrwa i 6 mil lakaz par mwan ki nou vizite. E sa i enkli lakaz biznes, touristik tousala i enkli sa. Ozordi tou keksoz i arive en landrwa Lapolis. Lapolis i la pou reponn, i bezwen reponn lape sa pep e sa pep i bezwen santi li an sekirite. Nou tou nou dakor sa akoz nou la pou nou asir sekirite sa Nasyon, pou asir sekirite pei, e se sa nou rol e se sa ki nou anvi atenn me nou ti a kontan atenn li ansanm avek tou dimoun, avek zot konman bann Manm Onorab, avek lapopilasyon dan Kominote pou nou travay ansanm. Mon konnen souvandfwa nou dimoun i call, dimoun i call, dimoun i ariv kot Kordgard i vin met zot konplent ler zot call, nou annan nou, nou serten target kot pa pli ki 10 minit en transpor i bezwen ariv kot sa landrwa kot sa complaignant in fer en konplent. I bezwen ariv li within 10 minutes an de fwa mwens depandan kote i ete akoz ler nou annan nou pe koz 8 mother station, nou pe koz osi bann police post, mother station, apre i annan bann pti police post kot nou annan Lapolis ki la dan post ki i atenn bann dimoun ki pli pros apre i konsilte Komandan dan mother station kot keksoz i ganny deplwaye. E ozordi dan mother station nou annan nou tou, CID i la, pou trafik i la, pou tou i la. I nepli santralize ozordi i desantralize tou sa bann servis, dan tou sa bann mother station i annan tousala. I annan zofisye CID, i annan tou kot si en keksoz i arive pa bezwen vin anvil pou vin rod CID me sa dimoun i la dan sa mother station ; i al deal avek sa bann dimoun dan sa Kominote. I pa en travay ki nou krwar ki i fasil. Me i en travay ki nou pa dir nou pa pou arive, nou pe esey nou mye pou nou kapab arive me sa vwala en pti pe kwa ki nou pe fer. E nou, nou pe demann fer lans en lapel avek dimoun osi pou pran zot responsabilite zot osi akoz apre tou osi sekirite nou landrwa i osi nou responsabilite. E an menm tan nou annan nou plan stratezik ki nou travay lo la osi ki dir nou ki bann keksoz ki nou bezwen fer, ki nou bezwen achieve pandan sa bann letan. E nou pe fer sir e nou monitor par egzanp tou sa ki pase dan en stasyon for the week, tou le Lendi ComPol i meet e zot diskite e mwan mon ganny rapor pou nou konnen kwa. E nou pe remarke dan en distrik par egzanp krim pe monte, nou bezwen rode akoz e nou bezwen met an plas en Komite e travay lo pou redwir sa krim. Ou konpran? Tousala nou fer, tousala lo en baz weekly i ganny fer pou nou sey achieve nou lobzektif ki nou set. Mersi Mr Speaker.

 

MR SPEAKER

Onorab William, ou annan en lot siplemanter.

 

HON WAVEN WILLIAM

Mersi Mr Speaker. Minis mon’n ekout ou me mon ti ava swete ki sa ki ou pe dir mwan nou pe eksperyans lo teren. Mon anvi apport a ou latansyon poudir lo kote nou rezyon, nou pa satisfe, e mwan personnelman ki pe travay pres avek mon distrik mon pa satisfe. Mon a donn ou serten legzanp, enn se ki nou konnen pou dir i napa 4 transpor ki pe deservi nou rezyon pou le moman la. Sa bann tors asi ki Lapolis pe servi i bann tors zouzou, radyo zot pe servi sinyal pa gannyen, ki mannyer zot pou kapab telefonnen pou rod backup support si sinyal pa pe gannyen ?   E dezyenmman ler ou get ziridiksyon ki sa bann gard i sipoze cover, ou demann ou lekor si vreman nou bann sitwayen pou satisfe ?   E mwan mon annan en sizesyon pou ou Minis, si resours larzan i manke mwan mon ti ava dir koup en pe lo defans, ranforsi lo Lapolis avek Gard Lakot, akoz nou sitwayen i anvi asire ki son sekirite pe ganny protez ;e akoz ki arive ozordi se ki parey mon dir dimoun i santi li anprizonnen dan son lakaz e dimoun pe ganny vole toulezour. E lo sa zafer Neighbourhood Watch, mon ti a kontan ki bann zofisye ki pe travay lo District Team zot vin pli proactive, distrik in pare li me selman si en dimoun pou donn en lenformasyon demen bomaten son non in ganny donnen avek bann dimoun ki’n fer lofans. Epi osi si bann dimoun pa pe ganny training pou zot kapab fer bon rapor, bann Avoka Lakour pou toultan tap sa ki zot met devan ; akoz menm rapor pa pe ganny byen fer savedir nou pou still dan problenm. E parey mon’n demann Minis oparavan, nou ti a kontan zot dir nou be ok i mank gard, ki pou ganny fer dan dele letan, konmsi nou kapab swiv ou enn pti akoz parey mon’n dir si i mank resours i annan fason ganny resours. Mersi bokou Mr Speaker.

 

MR SPEAKER

Minis.

 

MINISTER MITCY LARUE

Mr Speaker… Mersi Onorab. Onorab petet ou… mon konpran ou pe get ou distrik ou pe vwar bann pwen feb ki annan dan ou distrik, me nou bezwen get li distrik par distrik an menm tan nou bezwen get pei an zeneral. Parey ou’n dir nou resours in ganny deplwaye, nou resours ki nou annan nou fer sir ki tou bann mother stations i ganny zot resours neseser ki zot kapab travay. Letan ou pe koz lo gaspiyaz, sa i en travay depi Zanvye nou pe vreman met lanfaz lo koup lo gaspiyaz ki annan, serten gaspiyaz me i napa bokou gaspiyaz ki pe ganny fer. Pou mwan mon kapab dir ou Bidze ki nou annan napa bokou gaspiyaz ki pe ganny fer e nou pe eseye par egzanp lo telefonn, nou pe get lo fuel, nou pe get en pti pe lo bann keksoz koumsa pou nou koupe, lo travel, e kot nou kapab nou pe koupe, nou vwar i annan en base kot nou pe fer e pou nou met plis travayer, i byen nou kapab met plis zofisye me eski nou gannyen kalite zofisye, en lot kestyon. Kalite zofisye osi nou pa gannyen, nou advertise, ozordi ler ou advertise, ou advertise pos dimoun ki vini ki vin apply ler ou fer tes trwa kar sa bann dimoun i lo drog. I ganny teste pozitiv. E Lakademi i pran en swasantenn, la, la nou annan swasantenn pe ganny train e ler zot ganny train apre zot ganny retourn dan sa, nou pe fer refresher training. E lo nivo Lakademi osi nou pe revwar sistenm Lakademi antye, akoz nou krwar i annan mankman la osi i annan febles ki nou bezwen travay avek… annan lezot dimoun pou vin konman bann Lecturer pou kapab fer sa travay en pe pli… anmenn li lo en lot nivo. Sa osi nou pe fer akoz nou santi nou bann zofisye pa ase train pou zot kapab deal byen avek bann cases parey ou pe dir fer en case anmenn Ankour. Me nou annan en lot problenm ankor ki vreman… parey ou dir i annan dimoun i ganny vole dan son lakaz zofisye i atrape voler li, i atrape li, nou annan kont lakantite ki zot atrape me zot ganny met Ankour. Ankour laba laplipar… i annan voler ki vol 2 fwa, 3 fwa, ler i ale zis i ganny anvoye lo bail. In vwar tou keksoz i la in vole li, i anvoy lo bail, i ale e sanmenm sa voler ki re-ale ki… E sa i demoraliz bann Polisye osi, i atrape, laba i ganny large. I annan sa Moda, sa Moda osi ki ase… ki pe fer ki zis dimoun i ganny large koumsa e bann dimoun i retournen i komet menm lofans. Nou… Pa krwar ki telman fasil. Kantite fwa bann zofisye Lapolis i dir ou zot dekouraze ‘‘Mon’n atrap en tel, in vol touris, mon’n ganny li ek tou keksoz, i ganny large’’ e lannmen i al vol ankor en lot touris i ganny larg ankor. Ou vwar i annan en keksoz ki… E nou pe sey osi, nou pa kapab al enterfer avek Zidisyer, be nou bezwen sey kapab koze vwar ki mannyer, akoz i demoraliz… mazinen in tay ek en boug, in rod en boug, i fer sistenm lentelizans in vwar poudir sa boug ki pe fer sa in ganny li apre i ariv laba, apre tou sa travay i ganny ale lo bail oubyen R500 peye. Ou konpran ? I vreman, i annan… Pa krwar i parey sa ki zot, zot pe dir, i pli konplike, i vreman pli konplike me ler nou antre dan sa soulye ki nou vwar vreman how complicated i ete, ki degre i ete. E mazin byen poudir 2an pase nou ti annan nou zis 2 Gard dan stasyon, Mr Speaker, 2 Gard dan stasyon. Ozordi in annan en gran amelyorasyon, nou annan bokou plis Gard me nou annan nou bokou plis travay. Nou annan plis lakaz ki’n ganny konstri, nou annan nou plis biznes ki’n ganny mete e tousala i bezwen latansyon. E nou bezwen organiz nou dan en fason kot nou kapab anmenn led pou tou dimoun. E se sa ki nou pe fer. E mon demann zot pou siport nou, donn nou, nou pe fer. E ou’n nonm en keksoz taler ki mon’n konpran ou letan ou dir kekfwa Lapolis i annan dimoun i telefonn Lapolis, zot keksoz pa reste konfidansyel.  Si nou annan levidans konmkwa en keksoz in al kot Lapolis e sa zofisye in fer sorti lenformasyon, i annan en Bord ki ziz zot.  Zot annan en panel sa, zot ganny ziz-e.  I annan ki ganny met deor tou si zot fer keksoz ki zot pa devret fer akoz Lapolis i annan son Code Conduite li, i bezwen mars according tou son Code Conduite. I pa kapab al par deor me étant ki imen, nou konnen imen i fer fot e i annan ki fer me ler nou annan levidans nou pa pou les zot zis pase koumsa, nou bezwen levidans e levidans konkret.  En dimoun pa kapab zis call ou dir ou tel zofisye in fer fot, tel zofisye in donn lenformasyon, ki mannyer nou ziz sa zofisye nou napa levidans ? Nou bezwen fer sir ki levidans i la pou sa Bord i ziz sa zofisye, Disciplinary Board, i ziz zofisye e aksyon disipliner i ganny pran avek li. E nou Lapolis toulezour i ganny dir zot bezwen act professionally, zot bezwen annan respe pou zot ganny respe, zot pa espekte zot bezwen ganny respe, respect you earn e nou, nou bezwen konman Lapolis zofisye nou bezwen annan respe nou menm avan nou ganny respe sa pep. E sa i bann… toulezour ki ganny prese avek bann dimoun e nou annan en progranm nou’n fini met nou Polisi training an plas, nou retention, tousala i an plas pou nou kapab travay vizavi sa pou nou kapab asire ki dan prosen 5 an, vwala kot nou ete regarding nou bann zofisye ki training zot in gannyen. Nou’n annan osi de trwa attachment fek pase, de trwa attachment  kot nou zofisye in al attachment dan bann lezot pei pou zot vwar en pti pe ki pe pase dan lezot landrwa pou zot kapab sey anmenn sa bann bon keksoz, bon practices dan Sesel. Onorab i annan en travay ki pe ganny fer me i pa en travay ki fasil. Mersi Mr Speaker.

 

MR SPEAKER

Bon, nou a pran ankor en kestyon. Onorab Arrisol.

 

HON SANDY ARRISOL

Mr Speaker, mersi. Mon ti a kontan dir ki si i annan travay ki pe ganny fer pou amelyor servis Lapolis, mwan mon dakor avek e mon pou siporte me selman dan laliny Onorab Waven William letan nou pe koz community policing nou ti ankor dan Lasanble avek Minis Larue ki la dan 4enm Lasanble nou ti ankor pe koz lo la. Be si transpor pou al Grand Anse  avek La Misère i napa, mon ti ava kontan demann Minis an relasyon avek Kordgard Santral kot i été, akoz ozordi tou Bus Stop zot annan en tenant, tou laboutik zot annan en gardyen – en dimoun  ki debout o-bor ki pe mandyan tou dimoun ki pe harass tou dimoun ki pe antre dan laboutik, la kot Flat Bwa Blan i annan dimoun ki kontinyelman  bwar toulezour ; kot Regis Mein devan – kot Regis Mein kot i aranz lor la anndan toulezour i annan menm seri dimoun ki asiz lo sa peron zot bwar, zot fimen zot sou zot zoure.  Harrison Street kot laboutik, menm dimoun ki asize ki bwar.  O-bor Happy Youth Club i annan en pye dibwa la si ou pas 6er bomaten oubyen 6er diswar toultan en group dimoun ki size ki bwar ki zoure ki fer tapaz zot la ; alor mon ti a kontan demann Minis ki Komisyoner pe fer avek Lapolis dan menm laliny avek kestyon ki Onorab William in demande pou nou anpes sa ban aktivite anti-sosyal ki disturb vwazinaz ki kree  bann aksy9on ki  nou’n koz lo la semenn pase e ki vin en menaz e en lannwi pou lepep Seselwa ki’n lev-e e pe travay.  Mersi bokou.

 

MR SPEAKER

Minis.

 

MINISTER MITCY LARUE

Mersi Mr Speaker, mersi Onorab.  Onorab ou pwen ki ou’n nonmen la, i en keksoz ki mwan osi mon’n demann bokou kestyon.  Mwan osi mon’n demann ComPol kestyon lo la, e parey ou konnen mon’n dir taler letan en dimoun pe fer lofans, dan en landrwa piblik i annan en fason ki ou adres sa osi akoz nou ganny en kantite kritik osi – fodre pa bliye  nou ganny en kantite kritik osi ki fason nou zofisye i deal ek sa bann zafer.  Noy ganny dir nou Zofisye  i sovaz ; zot tap koudpye dan bwar ; i fer isi ; i fer laba, nou  ganny dir tousala.  Prezan nou, nou bezwen fer li byen osi dan en fason nou fer li profesyonnel nou fer li byen an menm tan nou  ki bezwen met lord disiplin ek lape dan pei alors nou bezwen fer li byen. Me sa ki nou ganny dir  se ki si sa bann dimoun ki lo en propriyete prive, let’s say i lo mon propriyete zot pe bwar zot pe fer tou sa bann zafer, lapolis li i pa pou vin antre lo propriyete prive, pou li vin anmas sa bann dimoun unless sa propriyeter i dir  mon annan en problenm la  lo mon propriyeter  mon demann lasistans lapolis.  Ok ?  Me tandis ki ler i dan en landrwa piblik, piblik o-bour semen lo en miray pe fer tou sa bann disturbance Lapolis la i annan drwa pou li entervenir e fer e paran Lalwa against sa bann dimoun.    Ok ?  Akoz mon’n nonmen taler zoure dan landrwa piblik ou pa sipoze pe zoure ; zoure lager bwar dan landrwa piblik tou dimoun i konnen ki ou pa sipoze bwar me zot kontinyen bwar e se sa ki mo9n’ndir lalwa i la nou bezwen anforsi Lalwa ;  nou bezwen anforsi Lalwa e dimoun  i bezwen konpran li deor pou ki ler nou pe fer li nou pe anforsi Lalwa pa pran nou koman bann dimoun ki pa lager avek zot.  I annan tousala deor.  Zot pran nou komann nou pe lager avek zot e toulezour nou annan nou – toulezour nou annan dimko9n ki ganny arete p9ou bwar dan landrwa piblik.  Zot ganny arete , zot ganny met dan kaso, zot ganny large zot ganny met Ankor tou.  Zot peye.  I annan.  Zis petet mon napa statistik la pou  kantite dimoun me solman  mon a demann ComPol pou  anvoy zot sa bann statistik pou sa kantite dimoun  ki nou anmase tou le semenn tou le mwan e zot a vwar sa kantite dimoun ki nou arete lo sa bann anti-sosyal ki zot fer.  Me solman mwan mon a lans en lapel avek piblik ozordi koman mon dan Lasanble pou annou respekte Lalwa.  Annou respekte bann zofisye lapolis osi.  Ler zot fer mal nu dir me ler zot fer byen si i annan respekte zot akoz zot ki la pou gardyen nou sekirite.  Zot pa kapab lager ek zofisye lapolis osi.  Mon pran en lot legzanp nou fer en roadblock.  Nou fer roadblock preski tou le weekend nou fer roadblock  nou aret dimoun ki anba lenfliyans lalkol lenfliyans drog ki pe fer trafik drog bann ki pe komet en lofans trafik.  Ou konnen ki kantite nou bann zofisye i gannyen? Kantite maltrete kantite tou kalite akoz nou pe fer roadblock.  ‘’La zot napa louvraz zot napa keksoz pou zot fer?’’  An menm tan nou pe fer sa akoz aksidan fatal i bokou e nou pe sey rod fason pou nou redwir i annan diferan mekaniz ki nou met an plas pou r nou rod fason pou nou redwir aksidan fatal o semen – pedestrian koman drayver.  Nou demann zot pou zot vwar sa bann keksoz ki nou fer koman bann keksoz pozitif ki pou anmenn sanzman dan konportman piblik e non pa vwar nou konan en threat koman bann dimoun ki pe diskrimin zot e pe pran aksyon avek zot.  Seatbelt,  tou dimoun i ganny demande pou wear en seatbelt me nou konbyen dimoun ki met son seatbelt ?  Me ler zot ganny arete be lapolis i ganny maltrete akoz  in aret zot pou seatbelt. Me seatbelt i en senp pti zafer  rod lot keksoz pli difisil !  Me tousala i bann regilasyon trafik ki nou bezwen abide avek.  Me non Gard si pa mete, li osi parey mon’n dir zot si zot vwar zot fer nou konnen; donn nou limero transpor dir nou e nou pran aksyon avek zot.

 

MR SPEAKER

Ok. Order !

 

MINISTER MITCY LARUE

Akoz nou Lapolis si i komet en keksoz zot ganny dir zot komet en keksoz ; zot, zot pa par lao Lalwa.  Lapolis pa par lao Lalwa.  Zot bezwen zot,  vin sa model pou ki dimoun i swiv zot me si Lap9olis zot menm zot pe fer keksoz ki mal zot pou ganny disiplinen.  Zot pou ganny disiplinen zot pa pou ganny tolere nou pa tolere vwar en zofisye Lapolis ou pa kapab ou men pa pe met ou seatbelt ou pa kapab ou menm pe drive avek en sopin labyer dan ou lazanm.  Ou pa kapab fer sa ou bezwen   vin sa model  e si ou fer li ou ganny pouse.  I depan ki gravite ou ganny met deor.  Alor nou pa tolere sa bann keksoz nou. Nou oule nou zofisye i profesyonnel, i ganny respe sa pep pou ki sa pep i respe li.  Sa i enportan.  Mersi Mr Speaker.

 

MR SPEAKER

Mersi Minis.  Lo sa nou pou bezwen adjourn pou pause dezenn akoz i annan plis ki 10 dimoun ki oule koze lo sa kestyon ‘Policing dan kominote’ e sirtou nou bezwen arete akoz nou annan bann travay ki Komite pe fer pandan sa pause dezennen.  Toudswit apre ki nou adjourn la Women Parliamentarians zot pou zwenn dan Speaker’s Conference Room la toudswit 12.25 ler nou fini.  Bills Committee pe osi zwenn Committee Rm No.2.  Epi 1er Rm No.3 FPAC pe  zwenn.  So pandan Break la pou annan 3 group ki pe zwenn FPAC Rm 3 ;

Bills Committee Rm No.2. toudswit e Women Parliamentarians dan Speaker’s Conference Room toudswit koman nou adjourn.  Avek sa nou a repran nou travay 2er.  Nou adjourn la.

 

(BREAK)

 

MR SPEAKER

Bonn apre midi Minis.  Bonn apre midi ou delegasyon, tou Onorab e tou bann dimoun ki a lekout.  Byenveni pou nou sesyon apre midi e nou kontinyen avek kestyon nimero 4.  Nou a donn la parol Onorab Henrie.

 

HON GERVAIS HENRIE

Mersi Mr Speaker.  Mr Speaker mon larepons, mon kestyon, plito i ava baze lo larepons ki Minis in donn nou plito pledwari ki Minis in fer ki bezwen nou led.

Mon le zis met lo rikord ki nou’n fer 2 miting piblik, mon lofis koman MNA in fer 2 miting piblik Mont Buxton depi lannen in konmanse.  Premye apre premye meeting swe bann rezidan Mont Buxton sete ki i annan prezans Lapolis pe fer patrol e nou ti ekri en let Biro Komisyoner pou demande ki vwala ki dimoun in dir.  Nou pa ankor ganny acknowledgement la konmela.  Nou dezyenm miting nou ti koz spesifikman lo drog kot nou ti envit Lapolis.  Malerezman Lapolis ti le sel lorganizasyon ki pa ti turn up malgre zot ti’n donn commitment.  So i annan sa lanvi dan kominote pou vwar prezans Lapolis e Mont Buxton i parmi.

Prezan mon kestyon Mr Speaker, ler mon’n vwar sa kestyon pe vini, mon’n fer en lobzervasyon Lendi letan mon’n asize dan mon biro, zour ki mon vwar dimoun kot Maison Ste Claire.  Mon anler lo top floor e lazournen antye ki mon’n laba depi 9er mwen zen kar mon’n arive ziske ler mon’n sorti 3er apre midi, depi  9 er mwen en kar dimoun pe bwar.  La kot Ste Claire kot Onorab Arrisol bomaten in koz lo la.  E mon’n fer letour sa building mon’n al get kot Salle D’Oeuvres; menm senaryo.  E la, la midi letan nou sorti la mon’n al ankor pou mwan al regarde.  Mon kestyon i se ki akoz Onorab Arrisol ti demann en kestyon ki Minis pa’n neseserman reponn ; ki Lapolis letan nou pe koz lo patrol, kekfwa bann distrik i en pe konplike me Victoria omwen.  Victoria parski  yer mon’n obzerve, depi 9er mwen en kar ziska 3er zanmen mon’n vwar en Zofisye Lapolis pase apye selman in annan lager, dimoun pe bwar, sa ki pe fer nenport kalite ensinifyan seksyel.  Selman Lapolis mon pa’n vwar.  Alor mon kestyon se ki omwen dan Victoria ki,   wi ki zot pe fer konmsi?  Zis dan Victoria omwen akoz mon konnen pou distrik kekfwa i  en pe pli konplike me Victoria omwen.  Mersi.

 

 

MR SPEAKER

Minis.

 

MINISTER MITCY LARUE

Mersi Mr Speaker. Mersi Onorab.  Onorab dapre Komisyoner Lapolis i pa’n zanmen resevwar let sorti kot ou; savedir revwar kote ou let in ale.  Ok.  Dezyenm kestyon ki ou dir ki letan ou’n asize Maison Ste Claire ou’n regard en pti pe ou’n vwar en pti pe latraksyon, petet konman en Manm Onorab eski ou ti lev ou telefonn ou ti telefonn petet Kordgard pou dir la i annan en issue?  Konmsi donn nou, donn nou en pti pe, donn nou en pti  led nou osi.  Lev ou telefonn dir, ‘’La tel ler mon la mon pe vwar tel keksoz.’’ Prezan ou a vwar si i annan reaksyon sorti kot Lapolis oubyen non.  So mon pa konnen si ou’n fer mon pe zis demann ou si petet pa ti a byen letan ou vwar sa bann keksoz zis donn en pti call Santral e dir zot poudir la.  Me an menm tan mon konpran parey bomaten mon ti dir letan Lapolis pe fer patrol apye i vre i pa sifi.  Personnelman mwan toultan mon dir, toultan mon dir dan lavil, e pa oubliye dan lavil osi nou annan camera ki kouver lavil antye nou.  Nou annan camera ki kouver lavil antye.  Si nou bann dimoun ki travay laba dan CCTV camera la i vwar en pti pe ki pe.. zot kapab, en kantite problenm i kapab ganny rezourd.  E sa i en sistenm ki nou pe al ranforsi, pou fer sir ki bann zofisye ki travay la i ganny  the proper training e zot kapab verifye e  vwar ki pe pase tel landrwa, ki pe pase tel landrwa e fer sir zofisye i al la i al deal ek sa bann keksoz.  Sa i en keksoz ki posib ki bezwen ganny fer, me i bezwen annan sa komitman. Bezwen annan sa komitman ok ?  Me selman patrolling avek by foot la mon krwar i vre, i vre nou ankor annan en problenm.  Me an menm tan nou bezwen osi konstate ki nou annan en mankman dan resours osi.  Dan resours imen nou annan mankman me nou fer sir ki dan sa bann landrwa parey ou pe dir mon osi dan lavil mon krwar toultan mon’n dir, dan lari bazar la partou i devret toultan nou zofisye pe patrole  pou vwar ki pe pase pou kapab anpes krim arive en ? Oubyen detekte keksoz ki pe arive ki mal e pran aksyon disipliner kot i neseser.  So i en keksoz  ki mon ava al travay lo la.  Met an plas en serten mekanizm pou nou akseler en pti pe o nivo Santral. Me selman an nou camera i merit kapab pe ed nou osi bokou.  E in ed nou.  Nou camera in ed nou dan plizyer lensidan ki’n arive, nou’n servi camera nou’n kapab vwar ki’n arive e nou’n atrap dimoun ki pe fer lofans.  Aswar nou’n atrap dimoun  kot pe lofans atraver camera, sistenm camera ki nou annan. Ok parey ComPol pe dir mwan ler nou pe dir patrol lavil.  Lavil i enkli Mont Buxton, St Louis sanmenm sa  menm, sa bann zofisye ki nou pe met dan Santral se zot menm zot pe mont Mont Buxton, zot bezwen al St Louis. Zot menm bezwen fer tou sa bann soz dan lavil, bann distrik dan lavil.  Ou konpran parey mon’n dir nou annan en shortage of manpower as well ki petet i anpes nou fer nou travay parey nou ti a anvi me selman nou pa kapab pran sa koman en leskiz, nou bezwen nou osi regarde ki mannyer nou kapab entansifye nou bann patrol.  Mersi Mr Speaker.  Mersi Onorab.

 

MR SPEAKER

Onorab Valmont.

 

HON JUDE VALMONT

Mersi  Mr Speaker e bonn apre midi.  Bonn apre midi Minis e delegasyon.  Bonn apre midi tou koleg MNA.  Bonn apre midi tou ki pe swiv.  Minis zisteman ler ou’n mansyonn Committee Neighbourhood Watch, mwan mon ti a voudre demann Minis kwa ki Lapolis i kapab fer pou ankouraz en kominote pou partisip dan sa Neighbourhood Watch?  Mon krwar nou ti tous en pti gin dan Bidze, nou ti dir petet pou lans en kanpanny en keksoz koumsa akoz nou Pointe Larue nou anvi ede, so mon pe demande ki Lapolis i kapab fer pou kominote angaz zot en pe plis dan Neighbourhood Watch.

E mon dezyenm kestyon se lo kote lefikasite ler nou dir bann konportman anti-sosyal mon fer sa remark ki bokou Zofisye Lapolis konmela zot bezwen entervenir dan bann case ki nou dir pou deal ek bann zafer sosyal ki nou vwar zot pe sey met lape ant diskisyon ant de vwazen e nou vwar lezot dimoun i met dife, nou vwar gard monte, i mobiliz en tim, i monte i al dir dimoun tenny dife.  Diskisyon vwazen later nou vwar Gard pe monte.  Sa i retard en pe servis delivery pou bann dimoun ki vreman bezwen.  So mon pe demann ki Lapolis pe fer pou sey adres sa oubyen dan en fason pou edik popilasyon pou pa  tro fer bann keksoz koumsa, pou les Lapolis fer louvraz ki zot merit fer ?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker.  Mon kontan ou’n kapab vwar en keksoz ou menm poudir Lapolis i deal, parey mon ti’n dir bomaten, Lapolis i deal ek tou keksoz.  Tou, vyolans domestik, okenn problenm sosyal kot 2 fanmir in ganny en zafer avek kanmarad, en komosyon.  Enn in koup rakor lot, lot ti’n sa…Lapolis menm ki’n pran.  Lapolis i antre dan tou. E parey mon pe dir ou ek sa kantite problenm ki nou annan, sa kantite demann ki Lapolis i gannyen, nou resours pa sifi.  Me selman parey ou’n dir lo Neighbourhood Watch mon krwar se bann NGOs ki’n konmans sa.  NGOs in konmans sa ki mon krwar i en bon keksoz me selman, e zot envit nou bann zofisye pou attend nou bann meeting, kot nou bann zofisye i kapab fer follow-up osi e sa nou pe anvizaze nou annan en lansman, en kanpanny ki nou pou fer me nou annan en pti pe retar pou nou fer sa lansman akoz nou annan lezot keksoz ki’n vin priyorite me nou pou fer li kot nou pou lanse e dan tou kominote nou pou annan bann dimoun dan diferan sekter i kapab vin lo la e nou kapab involve nou kominote antye pou partisip ansanm dan lavi nou kominote  pou sekirite nou kominote.  E sa nou pou fer li e byento nou ava fer nou lansman epi la nou a kapab involve bann dimoun ek Lapolis ansanm sey ganny sa trust. Trust dimoun e dimoun trust nou kot nou a kapab travay ansanm e la mon krwar nou a kapab vwar en meyer rezilta dan tou kominote.  Akoz parey mon’n toultan dir, mon pe dir depi bomaten Lapolis li tousel i pa pou rektifye tou sa problenm.  Nou bezwen travay ansanm.  Nou bezwen, si nou annan en pti sa kot nou pa pe trust Lapolis annou sey regarde ki mannyer nou kapab ganny sa trust tou le de kote.  Ok ?

Lo nou fer nou par e lakominote i fer son par e nou konman bann Manm Lasanble ed nou dan sa domenn zot osi. Ek zot Komite, zot ki laket zot kominote, zot konn zot bann dimoun.  I kapab anmenn, annan petet en focal personn la kot i kapab anmenn bann lenformasyon e i annan en dimoun spesifik dan Lapolis kot nou liaise avek dan nou, kot nou mother station i annan en dimoun petet ki nou kapab liaise avek nou donn li bann lenformasyon.  Kot lenformasyon i ale nou anmase apre nou kapab pran aksyon ki neseser.  Nou Lapolis i fer en kantite travay mon pou dir.  Nou annan ki annan febles parey partou dan tou sekter me selman an zeneral nou annan nou bann Lapolis ki travay tre dir. Tre dir, zenn koman bann ki eksperyanse.  Nou annan nou apepre 40 poursan madanm dan Lapolis. Ok ?  E pou en madanm vin koman en polisye i pa fasil.  I pa fasil me zot fer travay osi dan bann kondisyon annan de fwa tre difisil. Tre difisil.  Par egzanp ler zot al vey bann trail.  Zot ale zot veye.  Ni menm en twalet dan sa landrwa napa. Ok ?  Napa e si zot annan bezwen pou fer nou bezwen call transpor, transpor vin sers zot anmenn zot.  Konnen i annan en kantite sityasyon ki ase konpleks, ki ase difisil kot nou bann dimoun i travay ladan.  E nou demann dimoun pou siport zot an menm tan.  Donn zot sa sipor apre zot a kapab fer zot travay osi pli byen.  Si nou zis kritik zot toultan, zot moral i desann.  Nou bezwen donn zot en pe sipor.  Me an menm tan zot osi zot bezwen fer zot travay dan en fason profesyonnel. E, petet mon ava dir nou pe o nivo Lapolis osi nou pe, nou santi petet i annan serten nou bann Manm ki, ki petet zot pa pe vin voice out en pti pe zot lopinyon ki zot feel zot osi e nou, nou annan en Komite ki nou pe met an plas kot parey nou moto i dir, ‘Without Fear or Favour’ sa Manm i kapab vini met son problenm ater, diskite ki son problenm i annan, san ki i ganny okenn lafreyer o nivo management i pou ganny pini. Ok ?   Nou  pa kapab annan sa. Nou bezwen ki nou dimoun i free pou li anmenn okenn problenm ki i santi i bezwen anmennen.  Si i santi kot i travay i annan serten lenkonvenyans, serten keksoz ki bezwen ganny aranze li osi i bezwen annan son say dan ki mannyer pou organiz son  stasyon.  Ki mannyer pou organiz son travay e management i bezwen annan en zorey i pou ekoute pou vwar ki bann sanzman ki pou anmennen ki pozitiv anver tou son bann zofisye, pour ki demen a lafen tou dimoun i happy, napa sa fristrasyon.  Sa i en keksoz ki nou vreman pe get ladan e  sistenm welfare nou staff i enportan akoz pou zot kapab donn sa meyer servis zot osi.  Mersi Mr Speaker.

 

MR SPEAKER

Onorab Valmont ou annan en siplemanter?

 

HON JUDE VALMONT

Yes Mr Speaker.  Minis mon ankouraze ler ou pe dir get dan welfare ou bann staff me selman mon dezyenm kestyon konsernan sa bann case parey case sosyal ki nou vwar Gard i deal avek la.  Dir mwan Minis, ki zot fer parey zot rankontre en case ki en paran ek en zanfan i lager ki Gard i bezwen entervenir e ki zot fer pou fer prevention? Parey zot in entervenir enn fwa, ki zot fer pou anpes sa ariv ankor?  Eski i annan en sistenm ki zot in met an plas ki ler zot in fini deal avek zot kolabor avek zot bann partner parey sosyal and  what not?  Mersi.

 

 

MINISTER MITCY LARUE

Ok.  Bann case koumsa ler i arive nou annan nou en Child Protection Unit osi anba Lapolis e sa bann case i ganny refer avek sa.  E menm o nivo sosyal nou travay an etrwat kolaborasyon avek sosyal osi, avek Minister Zafer Lafanmir.  I enn Minister ki nou travay pros avek akoz i annan bokou vyolans domestik, tousala i relye avek lafanmir.  Vyolans ant zanfan avek zanfan, paran. Ou konnen ?   Tousala nou travay ansanm pou nou rode ki mannyer nou counsel sa paran ; ki mannyer nou counsel sa dimoun.   I annan de fwa nou apel sa dimoun ek sa Gard, i vin ek sa 2 vwazen.  Nou’n fer tousala.  2 vwazen i vini ansanm ek zofisye, counsel zot, e i annan ki nou’n rezourd zot problenm.  Zot ti fase ek kanmarad pou en senp pti keksoz in ganny rezourd.  Konmsi i annan sa bann keksoz ki ganny fer e nou bezwen kontinyen fer koumsa akoz nou pa kapab sakenn pe travay dan son pti, dan son pti  Departman separe.  I pa pou marse.

 

MR SPEAKER

Onorab Georges.

 

HON BERNARD GEORGES

Mersi Mr Speaker.  Mr Speaker, bonn apre midi Minis.  Bonn apre midi tou bann dimoun.  Mon bezwen dir ki mon annan en kantite senpati pou Onorab William dan son kestyon ki in demande apre midi.  E Minis avek tou respe mon krwar ki ou premye repons ti plito pe penn en portre ase pozitiv lo community policing ki napa okenn larealite, ki napa okenn lyen avek larealite dan nou bann distrik.  Mr Speaker, mon bezwen, mon ti a kontan demann Minis sa kestyon swivan.  Oli sa bann Gard dan distrik Les Mamelles?  Akoz mwan toulezour, toulezour mon Mamelles mon pa ankor vwar en zofisye on the beat dan tou le tan ki mon laba.  E mon konpran, e mon konpran e mon krwar Minis i senser, ler Minis i dir ki i annan en mank resours e i vre i annan en mank resours.  E ki bann Zofisye Lapolis by large pe travay byen.  Wi e mon bezwen felisit Kordgard dan mon distrik Mont Fleuri. Zot fer sa i zot kapab avek sa resours i zot annan.  Me mon krwar ki sa  ki kestyon apre midi pe rode Minis, e sa ki nou ti a kontan annan en pe plis  focus lo la se kan eski sa bann Gard pou mont anler Les Mamelles e anpes dimoun asiz lo sa bor miray o-bor laboutik Challang kot zot asize tou le zour e kot semenn pase dan Facebook nou ti vwar en garson pe pik son lekor la devan en pti manrmay ki ti’n asize lo sa bor miray ?  Akoz bann vwazen, bann dimoun ki la anler pa kontan sa ki zot vwar.  Zot ganny disturb.  Kan eski nou pou annan sa boots on the ground, bann dimoun ki pe marse dan distrik pou anpes sa bann keksoz arive e pou donn en sans sekirite bann zabitan dan distrik?  E si i en  kestyon resours kan eski zot pou vin devan nou Lasanble avek en bon Scheme pou nou kapab rod resours pou zot?  Mersi.

 

MR SPEAKER

Minis.

 

MINISTER MITCY LARUE

Mersi Mr Speaker.  Mersi Onorab.  Onorab mon pa konnen ou dir mwan ou pa’n vwar zanmen Gard.  Ok ?  Mon pa kapab dir ou ni non ni wi parske mon pa Les Mamelles, pa kapab komet mon lekor pou dir ou pe koz manti oubyen non, be selman si zanmen ou’n vwar Gard, savedir si Gard pa pe mont apye Les Mamelles pou  gete ki pe pase i pa byen.  I pa byen.  Zot bezwen annan foot patrolling.  I enportan sa.  Tre, tre enportan akoz ler nou fer transpor, nou pase dan  transpor wi nou gete nou vwar, me annan de fwa osi nou pa debarke pou gete ki pe pase, arete.  Ki i annan sa osi, i annan.  Mon pa kapab zis koz lo keksoz ki byen me i annan keksoz osi ki mal, ki nou bezwen aranze. Ok ?  Ler ou pe fer lo patrol dan transpor osi ou bezwen kapab, mon pe fer patrol transpor ler mon ariv la mon vwar en group dimoun i asize lo bor miray pe fer keksoz mal mon devret kapab aret mon transpor e deal ek sa bann dimoun.  Konman en zofisye ou bezwen kapab fer sa.  Ou pa kapab zis ou pe fer patrol dan transpor, zis ou drive round and round ou tournen.  Non.  Ou pa pe achieve ou lobzektif.  So i enportan ki ou fer sa e i enportan osi pou patrol avek lipye osi pou kapab annan sa dyalog osi avek lakominote akoz i enportan pou Lapolis annan dyalog ek la kominote, ou konpran e ler ou annan dyalog, ou annan sa laprosman avek lakominote ou kapab ganny en kantite lenformasyon.  E konman ComPol i la i pe not tou sa bann zafer kot nou bezwen al aranze kot nou krwar i nesesit pou nou aranze.  Nou ava fer li.  Mersi.

 

MR SPEAKER

Onorab Vidot.

 

HON AUDREY VIDOT

Mersi, Mr Speaker.  Bonn apre midi.  Bonn apre midi tou Manm Onorab.  Bonn apre midi tou dimoun ki a lekout.  Minis mwan mon kestyon i eski ou  krwar 4 transpor i ase?  Mon’n tann ou dir i annan en problenm resours.  Baze lo demografik bann distrik ?  Mon dir sa akoz bokou fwa letan i annan bann lensidan swa vol, swa prizonnyen i sove, parfwa i difisil, i en challenge pou kapab atrap sa dimoun boner ; akoz enn swa i cross over kot lanmar i al Mamelles.  Swa i koup, i cross border i al Plaisance.  Oubyen i koup par Belvedere i tonm Mont Fleuri. Ki mannyer distrik i ete sa bann dimoun i fasil sap Lapolis.  E mwan mon pa krwar sa 4 transport i ase.  Mon konpran dilenm ki mon koleg ki’n anmenn sa kestyon devan akoz dan Bidze mon ti fer ankor sorti konsernan community policing i akoz i enportan.  Nou bezwen ranforsi Minis.  Nou  rod fason si fodre.  Mon konnen poudir distrik i annan District Team, i annan Social Task Force e i annan Zofisye Lapolis ki asiz lo sa bann Komite.  Ki zot efikasite an term anmenn bann konsern bann distrik kot i konsern community policing dan distrik akoz mon pou osi dir poudir dimoun Roche Caiman in fatige.  Lazournen nou fatige ganny vole.  Lakaz swa diplon in sorti.  Parfwa menm Zofisye Lapolis i dir avek sa dimoun, ‘’si ou vwar li !’’ Oubyen rod li anmenn li.  Oubyen ler i anmenn li ou vwar li ankor 2 zour oubyen menm 24 erdtan in fini sorti ankor e nou’n fatige avek sa Minis.  Nou’n fatige.  Mersi.

 

MR SPEAKER

Minis.

 

MINISTER MITCY LARUE

Si ou atrap en dimoun be byensir ou kapab anmennen ou pe ed Lapolis.  I normal sa pou par egzanp mwan devan mon lakaz en voler i vini mon atrap li.  Konbyen…Lans Royale zot ti fer sa.  I annan plizyer distrik ki zot fer sa zot atrap en voler, zot anmenn li kot Lapolis e Lapolis i fer le neseser.  E sanmenm sa ki nou apel nou pe ede pou travay ansanm. Ok ?  Mon krwar i enportan sa akoz si ou la kot lakaz ou vwar ler sa voler i vin vole ou osi ou donn nou koudmen pou atrap sa voler ou pa zis esper Lapolis pou vini pou vin rod sa voler.  Ok ?  Mon krwar i annan en pti pe lo la osi.

4 transpor.  Onorab transpor, resours imen zanmen pou ase.  Eskiz mwan zanmen pou ase akoz ki mannyer nou bann distrik pe deparpiyote parey ou pe dir zanmen pou ase.  Nou pou toultan bezwen plis.  E nou, nou dan nou Minister nou fer seri meeting nou avek diferan kad nou bann zofisye pou nou vwar en pti bann problenm, bann issues, regard bann Policy ki la. Revwar ki mannyer nou pou amelyor bann sityasyon, me tousala avek bi pou amelyor servis ki nou pe donnen.  Me nou ki nou pou demann zot an plis ki ler nou pou vin avek nou Bidze next time donn nou sipor pou nou ganny plis resours kot i neseser.  Donn nou e apre nou kapab donn zot osi sa servis akoz i enportan pou ki ler nou vini nou osi nou ganny larzan akoz si napa larzan nou pa kapab recruit dimoun si napa larzan nou pa kapab ganny transpor.  Transpor nou ganny avek, nou ganny bokou transpor osi avek, anba Indian Grant. Ok ?  Me selman nou still bezwen.  Nou still bezwen sa bann keksoz e lezot par egzanp nou ti a voudre kapab met camera sirveyans dan tou bann distrik.  Nou ti a voudre kapab mete.  E sa  osi pou ed nou detekte en pti pe bann keksoz ki pe arive. Me tousala i kout larzan.  E dan nou plan ki nou pe revwar i annan tou sa bann keksoz nou pe mete pour ki ler nou a vin dan Lasanble nou a kapab vreman zot ava donn nou resours neseser aprouv nou Bidze nou a kapab kontinyen donn sa servis.  Mersi Mr Speaker.

 

MR SPEAKER

Wi Onorab Ramkalawan ou pe al koz lo, swa zot pe al aret dimoun…wi Onorab…

 

HON AUDREY VIDOT

Minis apard ki transpor mon konnen poudir Lapolis i deza annan en pe bisiklet osi.  Eski zofisye pe servi sa bann fasilite oubyen pa pe servi ditou?  Kote sa  bann bisiklet i ete?

 

MR SPEAKER

Minis.

 

MINISTER MITCY LARUE

I paret nou napa bisiklet.  Enn de bisiklet i nepli bon.  Apre si ou  pe get nou semen i pa tro  ideal petet dan bann pti semen segonder kot nou a kapab, be selman i pa…petet nou a kapab mazin dan le fitir bann moter kekfwa ki nou kapab.  Bann ki al en pe pli vit ki nou kapab ariv dan landrwa parey nou annan bann moter avek Lapolis trafik.  Petet sa i …me bisiklet i pa ideal sirtou lo Mahe. Petet lo Praslin ankor e La Digue a kapab annan son lenpak me lo Mahe i pa fasil pou nou. Sansan nou pe al konmans met nou bann dimoun osi anba en ta presyon pou al pedale.  En ta presyon.

 

MR SPEAKER

Mon pa konnen Minis si Onorab Vidot ti pe koz lo spesifikman lo Roche Caiman. Me selman si nou pe ekspekte bann MNA ek piblik an zeneral pou sey aret dimoun pou anmenn Kordgard, mon pa tro  sir ki sa i vreman fasil.  Onorab Ramkalawan.

 

HON WAVEL RAMKALAWAN

Non Mr Speaker i byen ki tanzantan i annan en pti git limer me selman mon krwar pou en size sitan enportan koumsa ou a krwar konmsi nou pa pe pran sa ase serye. Parski i en size ki pe konsern nou tou.  E  mwan la, i annan en pwen ki Minis in met devan la ki mon ti ava kontan demann  Minis en kestyon direk.  Minis in dir nou aprouv son Bidze, ensidswit. Mon ti anvi demann Minis dan son dernyen Bidze kwa ki nou pa ti aprouve?  Kwa ki nou pa ti aprouve ?  Kwa ki nou ti tire dan son Bidze?  E mon konnen ki poudir nou pa ti tir nanryen dan son Bidze e sete sa  Bidze ki li i tin vin avek ki Lasanble Nasyonal ti aprouve.  Alors mon krwar ki fodre nou balans osi en pe sa bann, sa bann keksoz. E o kontrer Fire Brigade taler pou vini e sa en lot kestyon taler i pou vini, kot nou ti pou rod partou pou nou donn zot larzan pou zot ganny en masin e ziska prezan nou pa ankor…well taler nou pou demann kestyon lo la.  Me pou mwan dir ek Minis osi si letan Bidze in vini zot pa’n met tou zot bann keksoz dan  Bidze ki pe demande e zot pa fer bann pwen, byensir zot pa pou ganny tou sa ki zot bezwen. Mersi.

 

MR SPEAKER

Minis ou le …

 

MINISTER MITCY LARUE

Wi Onorab  pa vedir mon’n dir ki zot pa ti aprouv nou Bidze.  Zot ti aprouve nou Bidze, me selman nou pe dir ou la nou pe travay lo nouvo Bidze, prezan si nou nouvo Bidze i demann nou plis parey nou pe demann  servis, plis servis, community policing plis, annan plis langazman eksetera, plis lezot lekipman parey camera eksetera definitivman nou pou anmenn en Bidze pli o.  E se sa ki mon pe demann zot ler nou pou anmenn en Bidze pli o donn nou zot sipor ozordi ki nou pe koz lo la.  Donn nou zot sipor pou nou kapab vreman enplimant sa bann keksoz.

 

MR SPEAKER

Wi Onorab…

 

HON WAVEL RAMKALAWAN

Mr Speaker ankor enn fwa Minis in dan Gouvernman pandan long letan.  Ou  menm ou ou’n dan Gouvernman pandan long letan.  Souvandfwa se pa Lasanble Nasyonal ki fot.  Letan zot, zot prezant zot Bidze avek Minister Finans, Minister Finans ki koupe.  DPA ki koupe. E se sa ki anpes zot alors mon ti ava dir avek zot Departman zot anmenn en bon konba kot Gouvernman avek Gouvernman pour ki letan zot vin isi dan sa Lasanble zot fer sir ki si zot anmenn en kannson long zot pa pe sorti avek en kannson kout, en demi bwa. Be ensiste e nou aprezan isi dan sa Lasanble  akoz zot pe montre konsern, nou ava donn zot sa sipor.  Mersi bokou.

 

MR SPEAKER

Minis ou le fer komanter lo la oubyen aksepte?

 

MINISTER MITCY LARUE

Mon pa pou fer gran komanter be selman nou travay tre pros byensir avek Finans akoz Finans se zot ki  nou diskit avek zot byensir e osi finans i bezwen konnen kantite larzan zot kapab donn nou e nou lager toultan pou nou  ganny sa ki nou anvi, nou anvi gannyen avek Finans otan ki posib. Epi nou ava anmenn devan Lasanble.

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Mr Speaker Minis in koz lo pou ganny pli bon servis fodre anploy plis Zofisye Lapolis, mon dakor avek sa.  Me selman mon ti a kontan dir avek Minis osi me fodre pey sa bann Lapolis byen.  Nou pa kapab zis anploy zot pa pey zot byen. Zot pou ale zot pa pou reste.

Nou’n koz lo bann black spot e letan ou ti pe reponn kestyon Onorab Henrie in fer resorti ki dan Victoria osi i annan en kantite black spot pa zis dan bann distrik.  Minis mon pou zis remet ankor devan ou.  Ler ou ti prezant Bidze Komisyoner ti la, mon ti met devan zot, mon kontan letan ou’n dir devan Onorab Henrie fodre raport sa bann ka.  Mon ti raport en ka avek zot dan Lasanble, la deryer kot Mini Stadium ti ete, sa kantite vandalizm ki ganny pase, sa kantite zorzi ki arive ant bann manrmay lekol e mon konnen poudir   tim foutbol Northern Dynamo i practice la dan Merkredi ek dan Vandredi zot in fatige raport sa bann keksoz ki arive laba e ziske prezan mon pe demande akoz ki nanryen pa ankor ganny fer?  Mersi.

 

MR SPEAKER

Minis.

 

MINISTER MITCY LARUE

Ok Onorab.  Si ou’n raporte pa’n fer nanryen i pa byen akoz ler nou raporte nou bezwen aksyon lo la.  Nou bezwen aksyon par egzanp nenport ki pa neseserman en Onorab, en endividi i fer en rapor, nou kot Lapolis nou bezwen al get sa keksoz ki pe pase e pran aksyon neseser.  Si pa’n ganny fer mon regrete pou sa ki’n arive me ComPol i la i ava note tou sa bann landrwa kot nou’n dir ozordi, kot nou’n mansyonnen, i a fer sir ki bann zofisye i fer patrol e vwar bann keksoz e met lanmen lo la kot i neseser.  Mersi Mr Speaker.

 

MR SPEAKER

Onorab Ernesta.

 

HON PAUL ERNESTA

Mersi Mr Speaker.  Bonn apre midi Mr Speaker, Minis ek ou lekip, tou bann koleg Onorab e tou dimoun a lekout.  Mr Speaker letan mon’n ekout Minis pli boner, in koz lo sa laspe bann rapor kot lo kote community policing zot fer at least 100 vizit par semenn.  E 100 vizit par semenn sa kot i diviz, i disperse dan 8 rezyon.  E letan ou al pli lwen ou gete savedir dan en rezyon nou pe dir an  mwayenn nou pe annan 3 a 4 distrik e kot pe donn nou 3 dimoun  par stasyon e la an mwayenn 4 lakaz par zour kot sa bann Lapolis i sipoze pe fer.  Eski i annan en rapor ki antre kot bann lakaz bann dimoun ki i annan sa bann Polisye i fer par zour akoz parey Onorab i dir nou a kapab dakor ki vizibilite dan lakominote i pa pe neseserman le ka.  Eski Minis i kapab konfirm sa?

Apre dezyenmman nou koz ozordi nou annan bokou konsern  lo lazenes.  Nou konnen lafors Lapolis i en landrwa i en lenstitisyon ki anploy pe pran bokou bann zenn.  Kestyon ki mon pe demann Minis, ki bann nouvo mezir swa lapros zot pe met an plas pou ankouraz plis zenn pou kapab kontinyen angaz  zot dan sa, dan Lafors ?  E osi taler  ou’n dir ou menm kot i annan mankman resours imen, letan i annan bann dimoun ki vini i annan detrwa zot ki pa neseserman pase baze lefe akoz zot ganny teste swa dan drog ou whatsoever dan zot.  E ankor nou dan  en deba  kot nou pe lager kont sa bann fleo drog. Petet mon pa konnen si Minis petet en fason kot nou kapab sey vwar en lapros pou kapab sey pran sa bann dimoun.  Mon pa dir sa i  debatable, pou sey pran zot sey fer en serten travay avek zot ki zot ava osi ede pou debat konmsi pou lager kont sa fleo e pou ganny plis dimoun dan  lafors ki ava kapab ede.

E dernyerman Minis ; nou pe koz osi lo bann time off, bann Lapolis.  Mon konnen ozordi bann Lapolis pe ganny 4 zour time off.  Avek sa mankman, mankman zofisye eski pa in ler petet mon konnen ankor i kapab anmenn en ta kontansyon i pa kapab osi pou kapab revwar sa bann time off  ki nou kapab ganny plis zofisye on duty.  Sa i mon kestyon.  Mersi .

 

MR SPEAKER

Minis.

 

MINISTER MITCY LARUE

Mersi Mr Speaker.  Mersi Onorab.  Onorab ou dernyen kestyon kot ou’n dir revwar time off, nou fek re fer nou act shift akoz sa ti en demann nou bann dimoun akoz zot ti tro fatige, zot ti annan, e in vin parey en incentive.  Nou’n fer 4 shift e nou’n fer li gradyel sa, nou konmans en stasyon, dezyenm epi la nou’n konplete.  Akoz nou bann zofisye i fatige.  Ok ?  Zot bezwen  zot osi en letan kot zot osi zot bezwen fanmir ; kot zot osi zot bezwen repran pou zot rekonmanse apre.  Mon krwar sa enn nou pa pe kapab fer li sa akoz nou fek entrodwir.  Lo kot i konsern ki nou pe fer pou sey anmenn bann zenn dan profesyon pou vin en Polisye. Bon nou annan sa  progranm kot nou pe al dan bann, fek fini S5 la ki pa pe sa, zot antre dan Lakademi.   I annan enn sa ki nou pe fer.   Apre nou pe fer en pe plis marketing o nivo pos-segonder.  Fer en bon pe marketing o nivo pos- segonder pou fer bann zenn konpran ki, ki sa  ki bann benefis, akoz nou bezwen vin en Zofisye Lapolis eksetera, pou zot kapab enterese ladan.  E nou sipoze pou fer osi en Career Fair kot la nou a kapab annan tou keksoz la a zot dispozisyon kot zot kapab vin demann zot kestyon.  E sa nou pe fer li lo en baz pou tou le lannen nou pou organiz nou byen pour ki nou a kapab atrakte lezot zenn e nou pe menm osi sey atrakte bann ki’n kit servis.  Bann ki’n kite me ki’n kit avek en…zis pour-vi zot in anvi al dan en lot lanplwa  oubyen zot in fatige zot in anvi al pran en break, me pa sa ki’n sorti avek en move rapor.  Nou pe ankouraze pou zot retournen bann ki’n ale ki ti a kontan  retournen re join servis nou pe ankouraze.  Nou annan detrwa ki’n deza retournen e nou pe ankouraz lezot pou zot retournen pou vin fer zot karyer dan Lapolis.  Apre bann Job Fairs ki fer, nou osi partisipe pour ki bann zenn i kapab vwar en pti pe kwa ki nou pe anmenn pou zot e desid lo en karyer lo lavenir.

Konsernan bann par egzanp ki teste pozitiv nou pa pran zot ;  ou konpran, letan nou koz lo Lafors, nou koz lo lafors disiplinen.  Nou pe koz, nou menm nou, nou bezwen en Lafors ki disiplinen. Nou pa kapab, i difisil pou nou pran en dimoun ki ganny teste pozitiv nou met li dan Lafors.  Ou konnen ki pou arive.  Alor sa  i en pti pe tre, tre delika.  Me si par egzanp enn i dan lafors i ganny teste poudir  sa nou fer li pran en Break.  Annan de fwa nou fer li pran en Break al anba reabilitasyon apre retournen.  Letan ou’n clean ou retournen.  Nou fer sa avek  Fire Agency nou fer sa tre byen.  Zot ganny teste.  Si zot ganny vwar poudir zot pozitiv zot ganny 2 mwan, 3 mwan pou al reabilite apre zot retournen, zot retournen apre zot clean zot re konmans travay.  Akoz nou pa kapab annan en lafors kot nou pe aksepte dimoun ki dan, ki anba lenfliyans. Mersi Mr Speaker.

 

MR SPEAKER

Onorab Sebastien Pillay.  Sorry Paul, I mean Onorab Ernesta ou annan en lot kestyon.

 

HON PAUL ERNESTA

Mersi Mr Speaker.  Mr Speaker eski Minis i osi i kapab dir nou petet ki zot quota zot in target pou bann recruitment ozordi?   E konbyen  zot in kapab recruit ozordi bann personnel?  E apre ti annan sa proze Young Leaders dan Lapolis, ki’n arive avek ki zistans i ete?  Thank you.

 

MR SPEAKER

Onorab Minis.

 

MINISTER MITCY LARUE

Mersi Mr Speaker. Young Leaders pou le moman nou pa pe tro tann li.  Nou pa pe…se sa nou pa pe…i pa vedir ki tou le lannen nou kapab fer sa progranm Young Leaders be i tou baze lo sa apre i depan osi lo human resources laba ki mannyer zot …ok?   I en keksoz ki i pa vedir in phase out non.  Me selman i bezwen ganny reactivate depandan demann ki nou annan.  Ok ?  Apre mon krwar taler ou ti demann mwan en kestyon zafer lakaz, 100 lakaz ki lo sa ki mannyer, ki mannyer petet nou monitor.  I en keksoz ki ase difisil.  Ou konpran.  I en keksoz ki ase difisil pou nou…me selman ki mannyer nou pe monitor aktyelman la se ki ler zot vizite bann dimoun i annan en form zot ranpli.  Lakaz bann dimoun i ranpli zot met zot limero telefonn apre zot ganny en call pou gete si vre.  Akoz sa bann rapor i antre i ganny verifye par Station Commander, apre Station Commander osi i kapab lev, zis i telefonn sa bann landrwa i gete si vre.  Vre sa zofisye ti pase ou konnen pou zis asire.  Me nou la nou pe al met an plas en small Committee zis pou fer sir ki nou vwar sa bann keksoz.  Monitor bann keksoz pou fe sir ler nou’n dir nou vizite nou’n vizite nou pa zis dir, met lo paye, zoli papye 100, me nou pa’n vizit ni 2. Ou konpran ?   Sa osi i annan en sistenm ki pou ganny met en mekanizm ki pou ganny met an plas pou nou kapab monitor e fer sir sa bann keksoz i ganny fer i pa zis ganny met lo papye.  Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker prenan kont bann kestyon ki’n ganny souleve an relasyon ek sa community policing, e bann lofans ki bann dimoun, bann aktivite ki bann diferan dimoun ki’n demann kestyon in koz lo la mon ti a kontan demann Minis an vi ki i annan enn de sa bann aktivite ki’n ganny koz lo la par egzanp bann dimoun loiter dan lavil, eksetera kan nou pou annan bann lofans anba Penal Code?  Par egzanp si ou regard Seksyon 165 (a) (1) i dir sa ki apel Anti-Social Behaviour Order.  Nou’n vwar a plizyer repriz par egzanp bann zanfan lekol, oubyen bann dimoun anba laz pe komet serten aktivite ki nou’n menm vwar bann films lo Facebook.  E i  dir dan sa Lalwa ki en Laplikasyon pou en anti social Behavioural Order i  kapab ganny fer kont en dimoun ki annan 12an ou plis par en Zofisye Lapolis.  Alors vi ki sa i form par community policing kot zot pou vwar sa bann aktivite pe go on a sa moman, eski zot in sey gage efikasite sa community policing, kont lakantite petet Lord ki’n ganny fer kont sa bann dimoun ler zot pe fer sa bann aktivite oubyen eski bann Zofisye Lapolis pa pe fer sa bann Lord kont sa bann dimoun ki pe fer sa bann aktivite ?

Dezyenmman par egzanp kot Onorab Henrie in mansyonn  bann dimoun ki pe loiter.  La mon refer Komisyoner Lapolis avek Seksyon 173 ek 174 dan Penal Code ankor.  Tousala i annan loitering, i annan idle and disorderly.  I annan diferan lofans ki ganny preskrir.  Ok i annan rogue and vagabons so ki mannyer ki sa bann lofans pe ganny komet dan milye lavil a sa moman la, Zofisye Lapolis pe fer patrol, me eski i annan bann konplent oubyen bann rapor ki ganny fer konsernan bann dimoun, pou nou gage whether or not sa patrol pe  annan sa efikasite or not sa patrol pe annan sa efikasite oubyen  non.  Mersi Mr Speaker.

 

MR SPEAKER

Minis.

 

MINISTER MITCY LARUE

Bon wi, savedir nou bann zofisye i konnen zot lekel sa bann cases parey ou pe dir ki annan son lofans anba Penal Code eksetera, eksetera.  E nou bann zofisye zot osi train pou azir vizavi sa bann ka letan zot vwar loitering eksetera, eksetera.  E letan  bann dimoun i ganny arete tousala i ganny monitor osi lekel, pou kwa, ki bann lofans.  Tousala i ganny monitor.  Akoz i annan son dimoun ki ganny monitor pou fe sir sa bann keksoz  ki mannyer, e bann cases i ganny met Ankour i annan tousala i ganny fer.  Me selman parey nou pe dir nou bezwen en pti pe plis strict lo pou nou vwar sa bann keksoz pe arive akoz i annan tro bokou ki kontinyelman pe ganny fer alors nou, nou bezwen vwar ki mannyer nou pou rektifye en pti pe sa bann problenm.  E parey nou pe dir zafer manrmay anba laz zot gannyen arete.  Zot gannyen arete si zot pe fer.

 

MR SPEAKER

Onorab Pillay.

 

HON SEBASTIEN PILLAY

Mr Speaker enn bann fason pou nou kapab ziz-e si sa community policing ki annan sa lenpak i annan se pou nou regard statistik lannen apre lannen pou nou vwar si i annan en decline, en increaseSo ki mon pe demann Minis si i annan en statistik k zot pran dan en fason konsistan, an relasyon ek sa bann lofans ki ganny komet akoz se sa bann lofans ki ou pou  vwar pli aparan ler ou pe fer sa community policing.  E si ou annan sa statistik eski ki kantite ki’n al ver en prosekisyon oubyen en case ki’n ganny mete kont sa bann dimoun ki pe komet sa bann lofans, akoz baze lo bann kestyon ki’n ganny demande i paret poudir i bann residivis ki pe komet sa bann lofans.  A plizyer fwa zot dan menm landrwa pe vwar pe fer e menm keksoz.  So mon ti a  kontan demann Minis pou klarifye sa pwen.  Mersi.

 

MR SPEAKER

Minis.

 

MINISTER MITCY LARUE

Onorab statistik nou annan.  Parey  bomaten mon ti dir statistik tou le semenn nou annan statistik pou sak sa bann mother station.  Zot donn nou bann statistik konbyen dimoun ki’n ganny arete ki o bor semen pe bwar, konbyen dimoun in ganny arete pou tel krim, konbyen cases, nou annan tousala.  E lanmenm ler nou fer, nou regarde si par egzanp nou remarke Takamaka nou pe gete nivo krim, vol par egzanp, vol pe ogmante, nou bezwen vwar akoz en, e la i annan prosedir ki ganny fer pou asize regarde ki  nou pou fer.  Ki kalite stratezi nou pou met an plas pou nou vwar ki sa i desann.  E si ou annan, ou konnen lekel sa dimoun pe fer vol ou bezwen al rod li.  Si nou konn li lekel li nou fer mannyer anmas li pou nou met li Ankour pou nou kapab anpese ki krim i kontinyen.  I annan sa travay ki ganny fer.   Annan sa travay ki ganny fer e sa i ganny fer.  Tou le Lendi sa bann case, lenformasyon i arive kot stasyon e nou travay lo la me selman nou kapab petet re get ankor byen ankor e vwar ki mannyer nou kapab met bann prosedir, bann striktir bann keksoz an plas pou nou kapab fer li.  E si nou kapab donn zot en pe bann diferan statistik ki nou annan si, zot oule zot kapab fer zot gannyen pou zot kapab konnen ki mannyer  sa i marse.  Mersi.

 

MR SPEAKER

Dernyen siplemanter Onorab Pillay.

 

HON SEBASTIEN PILLAY

Mersi.  Thank you for your indulgence Mr Speaker.  Mr Speaker admeton mon en Zofisye Lapolis e mon pe ekout sa  bann enteraksyon apre midi e petet mon annan serten konsern vizavi serten keksoz ki mon santi a mon nivo pa pe ganny fer.  Ki mekanizm i annan an plas ozordi pour ki mwan konman en Zofisye Lapolis par egzanp ou dir mwan ‘Service Without Fear Or Favor’.  Ki mon osi without okenn fear mon kapab vin devan pou dir be gete sa pe arive dan serten landrwa me dan mon landrwa dan mon seksyon spesifik mon pa pe ganny sans fer li akoz i annan tel keksoz, tel keksoz.  Ki mechanism  i annan – akoz mwan mon’n koz ek Zofisye Lapolis ki’n dir ou zot pa santi zot parfwa alez pou al devan, ki mechanism i annan pou ki nou kapab reasir tou nou bann Manm  ki dan lafors nou bann dimoun ki dan Lafors, ki zot kapab annan en landrwa pou zot kapab al met serten  konsern devan petet serten training ki zot pa’n gannyen, oubyen serten lapse ki annan pour ki nou ava annan en proper sistenm ki …pa zis dan son welfare finansyel en polisye me dan son welfare profesyonnel ki ava permet li kapab vreman ‘Service Without Fear Or Favor’.  Mersi Mr Speaker.

 

MR SPEAKER

Minis.

 

 

MINISTER MITCY LARUE

Mersi Mr Speaker.  Ozordi i annan diferan platform; par egzanp i annan platform management meeting i ganny fer avek mwan.  Sa i ganny fer o nivo tou bann diferan managers ok? Apre i annan platform kot ComPol i fer avek son bann lezot managers.  Apre i annan meeting ki ganny fer avek travayer lo en baz tou le 3 mwan.  Apre tou le semenn par the Station Commander.  Apre tou le 3 mwan osi ki zot ganny fer mwan menm mwan mon fer meeting avek zot i annan diferan fason kot nou meet.  Me selman ki nou anvi met an plas parey ou pe dir i kapab mon konpran ki  Onorab pe dir, i kapab  i annan  serten Manm petet i pa santi li alez pou li met son konsern devan.  I santi li petet parey nou dir i pa anvi pangar i a ganny..i annan sa.  Mon pa pou dir ou napa, i annan.  Me nou, nou bezwen annan osi, en pti, en pti nou  kapab form en pti Komite kot sa bann dimoun i annan en problenm kot i pa anvi voice-out bann keksoz dan sa bann diferan Forum.  Me i annan en landrwa kot li osi i kapab vini e dir lala mon annan en serten konsern la mon konsern i la e personn pa pou kapab enterfer avek sa konsern.  Mon konpran sa bout akoz i enportan pou dimoun kapab express zot freely osi san ki zot ganny entimide.  San ki zot ganny entimide.  San ki zot ganny reprimande akoz zot in dir sa me selman otan ki posib nou fer sir ki sa pa arive.  Me si i arive osi i pa devret arive.   I pa devret arive akoz…wi akoz mwan mon annan en open- door policy mwan.  Bann dimoun i kapab vin kot mwan, mon vwar piblik tou le Vandredi e mon vwar mon bann staff tou.   Open-door kot zot kapab vin dir zot problenm e nou deal avek zot…Zot annan Komisyoner be  petet parey ou pe dir i annan osi ki pa anvi vin kot mwan, i pa anvi vin kot Komisyoner i anvi sey eksprim….wi that’s it.   So nou bezwen annan en pti Komite, en pti mekanizm nou met an plas kot dimoun i sant pli free pou li kapab.  E se sa ki nou dir i annan en Welfare Unit ki nou pou met an plas.  Sa Welfare Unit osi i kapab get dan lezot keksoz sa travayer akoz en travayer annan fwa ler nou krwar poudir en dimoun i travay, zis i travay i en robot.  Me en dimoun i annan son problenm sosyal.  I annan son problenm lasante.  I annan lezot problenm ki afilye avek li konman en imen.  E kote i ale?  I kapab vin la dir mon annan en problenm lakaz e sa pti Unit ki travay avek zot i kapab deal avek son case lakaz laba oubyen deal ek son case Lasante laba.  I annan sa osi ki nou pe met an plas pou ki i kapab get dan Welfare nou travayer akoz zot osi zot bezwen. Lekel?  Who cares for them?  Thank you.

 

MR SPEAKER

Letan pe ale prezan pou bann ki reste pou demann kestyon. Nou pou les en kestyon par dimoun. Onorab Andre.  Onorab Ramkalawan.

 

HON WAVEL RAMKALAWAN

Mr Speaker mon kontan ou’n lev sa pwen letan pe ale parski  er. I   3er sorry.

 

MR SPEAKER

3er.

 

 

HON WAVEL RAMKALAWAN  3er.  E nou annan 2 kestyon ankor plus sa 2 lezot. Kot zot ete.  Ti ava bon si nou ti kapab fini avek sa bann Kestyon Ordiner.

 

MR SPEAKER

Wi.  Se sa ki mon pe dir.  Silvouple par egzanp dernyen kestyon la in ariv 3 kestyon siplemanter.

 

HON WAVEL RAMKALAWAN

Be nou pa kapab…parski nou pou annan letan ankor pou nou koz lo Lapolis ankor parski ou a krwar konmsi nou’n. In sek konmsi.

 

MR SPEAKER

Pou le moman i annan Onorab Andre, Sophola, De Letourdie ek Onorab Ferrari.  Sorry Onorab William osi ek Onorab Lemiel.  Eski zot anvi still anvi koze?  Briefly – kestyon.  Vitman.  Onorab Prea.

 

HON NICHOLAS PREA

Mr Speaker mon ti a zis anvi propoze.  Pa fer StatementGo straight to the question.  Minis osi pa pran bokou letan.  Reponn kestyon e nou move on.  Thank you.

 

MR SPEAKER

Minis mon segonn sa.  I pa en mank respe.  Nou kler.  I zis konmsi direct and precise.  Onorab Andre en kestyon vitman.

 

 

HON CLIFFORD ANDRE

Mersi Mr Speaker.  Mr Speaker mon ti a kontan demann Minis dan sa  legzersis community policing ki pe ganny fer akoz Lapolis letan i ariv lensidan i pa aret tou le de, si i annan en lager i pa aret tou le de sa bann dimoun pou fer sir ki tou le de i annan satisfaksyon?  Be i aret zis enn.  I pa aret lot?   Mersi.

 

MR SPEAKER

Minis.

 

 

MINISTER MITCY LARUE

Mersi Mr Speaker.  Mon pa pou telman kapab reponn sa akoz sa i pou depan lo sa Lapolis ler i pe aret sa dimoun ki mannyer i vwar case i ete.  Mersi.

 

MR SPEAKER

Onorab Sophola direk. En kestyon.

 

HON NOLINE SOPHOLA

Mersi Mr Speaker.  Mr Speaker Minis in koz lo community policing lo Mahe.  Minis avek sa shortage Lapolis lo La Digue vedir ki community  policing pa pe tro pran plas konman fodre.  Eski Minis i kapab dir sa Lasanble ki plan pou le fitir ki i annan pou La Digue, pou ki sa distrik osi i benefisye avek community policing?  Mersi

 

 

MR SPEAKER

Minis.

 

MINISTER MITCY LARUE

Mersi Mr Speaker.  I vre nou annan en, lakantite Manm ki nou annan lo La Digue i en pti pe short, me selman sa i en keksoz ki nou pe regard ladan an mezir ki nou recruit plis dimoun pou nou kapab akoz Praslin osi nou annan problenm, La Digue nou annan en pe problenm.  Nou bezwen regarde ki mannyer, ki mannyer lo kantite dimoun ki nou annan.  Apre i difisil annan de fwa pou nou ganny lakaz pou met dimoun ladan sorti Mahe.  Nou annan serten kontrent me selman i annan en travay ki nou pe fer lo la pou fe sir ki Praslin ek La Digue zot osi benefisye menm servis ki  Mahe i benefisye.  Mersi.

 

MR SPEAKER

Onorab De Letourdie en kestyon.

 

HON JANY DE LETOURDIE

Mersi Mr Speaker.  Minis eski ou ti  a kapab konfirmen si i annan en Helpline e ki vreman sa bon nimero ki nou kapab servi ?  Apre mon pe rod en pti advice Minis.  Si apre 6 mwan ki en dimoun toulezour  in telefonnen in telefonnen i dir i annan dark spot en black spot ki kalite spot ki annan kot li, i annan en kantite aktivite you name it ki Lapolis pa vin ditou.  Eski ou krwar Lapolis i per pou vini akoz kekfwa i konnen lekel sa bann dimoun ki pe komet sa bann lofans?  Mersi.

 

MR SPEAKER

Minis.

 

MINISTER MITCY LARUE

Onorab mersi.  Limero ki nou kapab call se 133 oubyen 999.  Me selman si parey ou pe dir i annan case kot nou’n raporte par plizyer fwa pa pe ganny sa silvouple anmenn a latansyon Komisyoner pou li fer sir keksoz i kapab ganny delivre. Mersi.

 

MR SPEAKER

Onorab Lemiel en kestyon.

 

HON SYLVANNE LEMIEL

Mr Speaker letan nou pe regarde eskize si mon konmans koumsa.  Mon pou bezwen eksplik koumsa avan mon kestyon.  Ler nou pe regarde Minis in dir donn sipor bann Zofisye Lapolis, ogmant zot moral e apre nou vwar nou, nou annan 8 mother station mon panse Anse Royale i enn parmi sa bann Mother Station.  Minis be ler nou gete nou le donn sipor sa bann Zofisye Lapolis, nou oule ogmant zot moral me eski dan sa kondisyon ki Kordgard Anse Royale i été, eski nou pe ogmant moral sa bann Zofisye Lapolis ouswa nou pe, bann travayer pe travay avek degou.  Zot menm zot, zot pa pe kapab fer parey sa community policing ki nou pe demann zot.  Zot marse en pti kou wi me selman the condition of sa Stasyon Lapolis i deplorab. Mersi.

 

(APPLAUSE)

 

 

MR SPEAKER

Minis.

 

MINISTER MITCY LARUE

Mersi Mr Speaker.  Mon pou dir ou Onorab mon’n fer mon vizit Anse Royale mwan osi ler mon ti fer mon vizit mon pa ti satisfe avek la fason, landrwa kot zot pe travay pou en  mother station parey ou pe dir.   Fasilite ki nou pe donnen pa ideal.  Pa ideal at all.  E de la nou ti dir fodre nou fer  serten renovasyon pou konmanse apre met proze Anse Royale Stasyon Lapolis Anse Royale lo priyorite pou nou kapab re fer nouvo stasyon.  So renovasyon pe konmanse la pou zis met li en pti pe annord ziska ler nou a kapab konmans konstriksyon nouvo proze.  Renovasyon Procurement nou pe esper Procurement akoz nou.. Procurement pou donn nou akoz apre ler nou konmanse anytime. Apre nouvo parey nou dir nou met dan nou …devan Komite Lenfrastriktir la Capital bann Project, apre nou ava regarde. Selman i priyorite pou Lapolis Anse Royale.  Mersi Mr Speaker.

 

MR SPEAKER

Onorab John Hoareau – en kestyon.

 

HON JONH HOAREAU

Mersi Mr Speaker.  Mr Speaker mon en pe sagren letan mon tann Minis koz lo resours imen, tou keksoz i vize lo resours imen.  Me mwan mon ti a va anvi demann li eski in etidye ki bann rezon ki i pa kapab fer recruitment ase Gard ? E ki son target pou sa lannen?  Ki kantite Gard ki i anvi recruit pour sa lannen?  Mersi .

 

MR SPEAKER

Minis.

 

MINISTER MITCY LARUE

Nou annan nou Onorab, nou annan 25 ki pe sorti an Out la, Lakademi ki pou join servis la.  Apre nou  pe al antre ankor trantenn ankor ki pou antre. Savedir ki deza lo training.  Savedir nou…letan nou pe get kantite servis ki nou bezwen donnen konpran nou pe balanse, regarde kantite mendev nou bezwen according to  kantite servis akoz la nou konpran bullying kot lekol, bann lager ki pe arive zot pe..menm vin kot nou la pou demande pou lasistans.  Ou konpran?  Nou bezwen get demann ki nou annan avek resours ki nou annan.  Set according to bann demann ki nou annan ki nou kapab balanse kantite resours imen nou bezwen. Me selman nou annan parey nou’n dir la sa group ki pe sorti pou join apre bann ki sa.  Ok.  Ler nou recruit nou pa zis met li dan servis nou bezwen train li avan apre nou met li dan servis.

 

MR SPEAKER

Mersi Minis.  Mon krwar ou ‘n reponn son kestyon. Wi, Onorab Hoareau ou pa satisfe?

 

HON JOHN HOAREAU

Mon pe demann li si zot in etidye ki bann rezon ki zot pa kapab recruit ase Gard?

 

MR SPEAKER

Minis.

 

MINISTER MITCY LARUE

Nou pe recruit nou.  Parey mon’n dir nou pe recruit.

 

(Mic Off)

 

 

MINISTER MITCY LARUE

Non ase Gard zanmen nou pou annan ase.  Zanmen nou pou annan ase.  Nou kapab dir nou bezwen ankor mil Gard, lakantite keksoz ki nou bezwen fer be selman nou bezwen get osi nou target, kantite demann ki nou  annan.  Kantite Polisye nou bezwen mete dan bann mothers station. Kantite nou  pou trafik.  Kantite pou community, kantite dan CID pou nou kapab me selman an zeneral nou pa pe dir k nou pa pe recruit.  Nou recruit letan i annan nesesite pou nou recruit.  Me selman nou annan en Training Plan.  Nou annan en retention, e tou nou Recruitment Plan ki nou pe met an mars la nou pou konnen ki kantite nou pou bezwen pandan sa prosen  an dapre demann ki nou annan.

 

MR SPEAKER

Onorab Woodcock.

 

 

HON WAVEL WOODCOCK

Mersi Mr Speaker.  Minis vi ki nou pe koz lo community policing mon konnen ou konn tre byen kontrent Praslin i-   sirtou kot i  konsern transpor ziska prezan Praslin nou pe depan for lo Car Hire e bokou bann Gard i met devan mwan ki en ler bann problenm ki zot arive ek sa bann transpor se ki i pa vreman dan bon kondisyon e mon konnen ki i pe kout Minister en kantite larzan pou lwe Car Hire.  Eski Minis i annan en plan long term pou anmenn en pe transpor pou bann Gard servi La Digue, pou osi ede avek …wi community policing osi akoz dan bann landrwa ki ou …definitivman ou bezwen transpor pou arive.  Eski Minis i ape  get a long term dan lavenir pou anmenn en pe transpor lo Praslin pou nou bann Gard Praslin kapab servi?  Tou lede lo kote Baie Ste Anne e lo kote Grand Anse?  Mersi.

 

MR SPEAKER

Minis.

 

MINISTER MITCY LARUE

Mersi Onorab.  I annan de fwa letan nou hire transpor nou vwar annan de fwa i kout nou pli bon marse ki annan de fwa nou anvoy nou prop transpor.  Ok ?  Akoz garaz letan zot transpor i dan problenm garaz i pran nou en kantite.  I kout nou ser.  Tandis ki Car Hire i annan en problenm zot ki fer tou zot bann, rezourd zot problenm reparasyon zot ki fer lo zot prop depans, pa nou.  Me tandis ki pou nou, nou bezwen fer nou  prop depans reparasyon nou menm.  E garaz i vreman, vreman, vreman ser.  Me selman nou, nou Polisi se ki pou nou  redwir Car Hire o tan ki posib.  Redwir.  Lo Mahe nou’n redwir en kantite be sa  gradyelman nou ava vwar ki nou bezwen redwir across the boardOk ? Be selman parey mon pe dir i annan osi en kou ki vin avek letan nou anmenn nou prop transpor.  Me selman parler osi annan de fwa nou anvoye transpor, annan de fwa i annan osi sa serten en pti pe neglizans osi lo lapar nou bann Zofisye kot transpor i kraze tanzantan.  Sa osi e ozordi nou dir ki si en  transpor i kraze ki  Lapolis i annan tor zot pou bezwen peye.  Zot  pou bezwen donn lanmen peye me non pa zis Lapolis ki pou bezwen pey tou fre.  Akoz nou pa kapab les dimoun dray an neglizans osi.  Sa osi i en fason pou nou kapab disiplin en pti pe nou zofisye osi. Mersi Mr speaker.

 

MR SPEAKER

Dernyen kestyon siplemanter Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis pou dir sa Lasanble ki bann demars son Minister pe fer avek Departman Lapolis?  Si problenm i avek Penal Code oubyen i avek Zidisyer pou, baze lo larepons ki ou’n donnen pou rezourd bann problenm ki, nou pa vwar bann viktim pa pe ganny ase rekour?  Mersi.

 

MR SPEAKER

Minis.

 

MINISTER MITCY LARUE

Mersi Onorab.  Zis pou fer resorti ki nou annan stakeholders meeting ki nou fer tou le mwan avek Zidisyer kot sa bann problenm i anmenn devan zot, pou vwar ki mannyer, ki mannyer nou kapab rezourd sa bann problenm ki nou pe gannyen la.  E nou pe osi travay lo nou, soz lo nou Penal Code, wi nou annan serten, wi i annan  diskisyon osi ki nou pe, ki nou annan avek AG kot nou pe regard osi sa Lalwa MODA konmsi vwar ki mannyer, akoz i annan bokou keksoz pou fer avek sa Lalwa  osi MODA kot dimoun i ganny zis large, large pou nanryen ditou. E prezan i fer ki menm dimoun parey mon ti dir bomaten zot menm se sa i annan sa stakeholders meeting  ki nou fer pou nou anmenn sa bann pwen devan pou regarde ki mannyer ansanm nou kapab annan en solisyon pou sa bann problenm.  Akoz nou bezwen vwar en solisyon pou sa bann problenm.  Sankwa menm dimoun pou kontinyen repet menm krim.  E zot pa ganny ranmase. Ler zot pa ganny ranmase zot kit ou lakaz zot al lakaz Onorab Gill, al dan lot lakaz lot al dan…zot fer menm krim epi zot ganny zis, ganny large.  So sa i travay ki nou pe fer konzwentman avek nou stakeholder.  Mersi.  Revwar Lalwa sa i a ganny fer ansanm avek AG’s Office.  Mersi.

 

MR SPEAKER

Mersi Minis. Mon krwar avan nou al lo kestyon nimero 5 petet ou ti a kontan ki Mr Chief Fire Officer i vin devan o-bor ou eski sa i ou swe avan  mon demann Onorab Prea pou demann son 5enm kestyon?  Mr Esparon.  Sorry Mr Morel mon pe konfonn ou avek lot msye, Andre Morel ki Chief Fire Officer.  E avek sa mon a zis port zot latansyon ankor akoz letan.  Sa kestyon i spesifikman lo Fire Tender, kanmiyon tenny dife kot Sant Kominoter Beau Vallon.  Silvouple si zot annan okenn kestyon gard within the scope of sa kestyon.  Onorab Prea demann ou kestyon.

 

 

HON NICHOLAS PREA

Mersi Mr Speaker. Mr Speaker zis mon anvi fer rapel nou Lasanble ki kouran pou le moman in koupe dan Belombre, Beau Vallon so anyway Merkredi pase tou ti parey.  Mr Speaker mon kestyon i konm swivan.  Eski Minis i kapab dir sa Lasanble pou ki rezon ki sa ‘Fire Tender’  ( sa kanmiyon ki tenny dife) in ganny retire kot i ti abitye stasyonnen kot sant Kominoter Beau Vallon?   e eski Minister pou rekonsider sa e ki plan Gouvernman pou konstrir en ‘substation’ dan rezyon Nor Mahe? Mersi Minis.

 

MR SPEAKER

Minis.

 

 

MINISTER MITCY LARUE

Mersi Mr Speaker.  Mersi Onorab.  Mr Speaker sete an 2010 ki Lazan Servis Tenny Dife e sovtaz ti konmans met en masin tenny dife stasyonnen Beau Vallon kot Sant Kominoter e sa ti fer depi 7:30 bomaten ziska 10 er bomaten – apre 3er apre midi ziska 6 er diswar.  Sa ti ganny fer Lendi ziska Vandredi dan lasemenn pou kapab rann lapel pli vitman dan ka en lensidan dife.  Sa Lazans ti pran sa linisyativ pou rezon blokaz trafik dan lavil pandan sa letan dan lazournen.  Mr Speaker sa ti kontinyen ziska 2015, kot apre louvertir Stasyon Tenny Dife ki ti vin operasyonnel lo La Digue an 2014 e Praslin an 2015, sa Lazans to vwar li enposib pou kontinyen avek sa servis pou rezon  mendev akoz laplipar zofisye ti bezwen sorti Mahe pou al travay La Digue ek Praslin. E sa ti met bokou presyon lo lafors sa servis ki ti baze anvil.  Mon ti a kontan azoute ki sa  servis a kapab rekonmanse o moman ki lafors mendev sa Lazans i amelyore.  Negosyasyon pe ganny fer antre Departman Ladministrasyon Piblik e Minister Finans, pour ki sa Lazans i rekrit zofisye adisyonnel.  Me selman pandan peryod le 24 ek le 31 Desanm sa Lazans ti sey sonmey pou met en masin stasyonnen Beau Vallon depi 7.30 bomaten ziska 6er diswar.  Sa i vin posib akoz lezot seksyon parey prevansyon pa tro angaze pandan sa letan dan lannen.  Sa de letan le 24 ek le 31 zot pa tro angaze.

Mr Speaker sa servis ki sa Lazans ti pe ofer Beau Vallon, ti kouver en minimum peryod letan dan lazournen selman. E si i  en lensidan i arive dan sa rezyon apre ki zot in retourn lo zot baz zot pou bezwen deplase sorti anvil akoz ti zis en serten peryod letan.

An sa ki konsern konstriksyon sou-stasyon dan rezyon Nor Mahe sa i dan plan Gouvernman pou fer sa stasyon, me tou i pou depan lo teren akoz nou deza an negosyasyon avek Minister MLUH e nou osi pe rod disponibilite  finansman.  E sa les mon a dir ou i en priyorite osi dan nou plan stratezik 2017 a 2019. E nou priyorite kot Stasyon Tenn Dife se desantraliz sa servis dan bann diferan sou-distrik.  Mersi Mr Speaker.

 

MR SPEAKER

Onorab Prea kestyon siplemanter lo nimero 5.

 

HON NICHOLAS PREA

Mersi.  Mersi Mr Speaker.  Zis en pti klarifikasyon Mr Speaker.  Mon’n pase plizyer fwa mon’n koz avek sa bann zofisye ki ti stasyonnen la aparaman zot ti fer li full day.  Zot ti napa selman en fasilite twalet e fasilite pou kapab fer en tas dite, en tas kafe.  Me  most of the time zot ti full day.  Mon konnen enn de fwa in deplase full day.  Minis an vi sa konsantrasyon biznes, lotel, Guesthouse, restoran e kantite lakaz ki pe build-up dan Belombre, dan Beau Vallon, Glacis eski Minis pa krwar i en priyorite pou la, petet pa la depi yer sa ‘Fire Tender’ i retourn dan sa landrwa?  Mon pe demann sa akoz sa dernyen dife le 1 Zen, en zour kot zanfan ti sipoze pe selebre zot Lazournen Zanfan, zanfan ti an pler.  I annan 27 dimoun dan sa  2 lakaz ansanm ki’n perdi tou keksoz konpletman.  Rezon akoz ?  Fire engine ti bezwen sorti anvil ti pran zot plis ki 15 minit pou ariv lo scene ki’n fer tousala.

Prezan mon lot kestyon Minis se ki, eski bann zofisye Fire Servis i a zour avek kote bann Fire Hydrants i located?  Zot lokasyon?  Eski zot fer tes lo la?  E mwan ler mon’n ariv lo scene mon’n vwar Mr Speaker, mon ti a kontan demann Minis si i kapab konfirm  avek nou si sa 2 Fire engine ki ti vin lo scene ti annan delo dan zot tenk akoz zot ti bezwen koup en rakor PUC pou zot kapab ganny delo pou sey tenny en dife ki ti deza tro tar?  Mersi.

 

MR SPEAKER

Minis.

 

 

MINISTER MITCY LARUE

Mersi Mr Speaker.  Ou dernyen kestyon se ki sa zour Fire Brigade ti vin ek 3 masin avek en bowser delo. La rakor PUC se zabitan i ti koupe pa Lazans Tenny Dife, akoz zot ti annan zot bowser, zot ti annan 3 masin. Ok ?  E osi dapre lenformasyon la pa ti pran 15 minit, ti pran 9 minit pou ariv laba.

Fire Hydrants ; wi bann zofisye i konnen  kote bann Fire Hydrants e sa i ganny verifye toultan ; akoz sa i en keksoz ki CFO i fer sir ki son bann Fire Hydrants i la e i pe,  si i annan 2, i annan 3 kot son bann zofisye i konnen kot zot ete.  Si i pa pe vwar i pe toultan enform sa ki responsab pou dir zot poudir sa.  Par egzanp mon konnen i annan en landrwa ki ti ganny kouver anba koltar i ti enform Land Transport pou dekouver sa e tir sa met li deor, akoz sa i enportan.  Akoz sa i en keksoz ki nou vreman veye sa.  Veye ki bann dimoun i konnen kote i ete pour ki i pa vin en problenm pou zot letan zot pe vin lo scene.

E petet Onorab – mon konpran mwan osi mon senpatiz avek lafanmir pou sa ki ti arive  sa zour, me selman letan mon pe get dan bann lensidan bann ka ki’n arive dan zanmirant sa bann landrwa petet mon kapab donn ou en revi lensidan dife ki’n arive Beau Vallon, Belombre, e rezyon Glacis, Machabée.  2015, 2016, 2017mon kapab donn ou en pti kont randi.

Par egzanp Beau Vallon 2015 ti annan 1 ka.  2016 ti annan 1 ka. E 2017 – 1 ka.  Belombre 2015 – 1 ka.  2016 – nil e 2017 1 ka.  Glacis Machabée.  2015 – 3 ka. 2016 – 1 ka e 2017  – 1 ka.  Me i pa vedir akoz i annan zis sa i pa en nesesite pou nou met en stasyon Beau Vallon.  Parey mon’n dir en stasyon Beau Vallon i enportan akoz i en gran kominote kot i annan en kantite devlopman touristik, en kantite lakaz. I enportan pou annan enn la me nou pou fer  li parey mon’n dir i lo nou priyorite e nou pe rod teren, nou pe fer tou keksoz pou rod finansman epi nou a konnen kan nou pou fer li.  Mersi Mr Speaker.

 

MR SPEAKER

Bon avek sa nou ava al lo lot kestyon.  Letan pe ale. Tre spesifik lo Beau Vallon.  Onorab Ferrari ou ok avek sa?  Nou al lo lot kestyon ?  Oubyen ou ti le demann …Bon nou al lo kestyon nimero 6 e mon demann Onorab Prea pou demann son kestyon avek Minis.

 

HON NICHOLAS PREA

Mersi Mr Speaker.  Mr Speaker mon ti a kontan demann Minis si i kapab dir sa Lasanble:

  1. ki pozisyon son Minister i ete dan negosyasyon ek bann zofisye ex-SVPD (Seychelles Vessel Protection Detachment) vizavi zot bann ‘allowances’ (sea-time e Risk Allowance) ki zot ti sipoze gannyen ver lafen Avril?

 

  1. kwa ki Minister i konsider koman zofisye ‘active’ e ‘non-active’?

 

  • akoz ki pa tou sa bann zofisye ki ganny envite dan bann miting?

 

  1. e eski i vre ki Kontra sa bann zofisye i reste dan lanmen Lotorite Por ek SMSA? Mersi Mr Speaker.

 

MR SPEAKER

Mersi Onorab.  Minis mon krwar sa i konsern bokou …

 

MINISTER MITCY LARUE

Mersi Onorab.  Mersi Mr Speaker. Par egzanp apre en mwan ki bann dimoun in travay, sa peryod letan ki zot in travay i ganny compute e zot resevwar sa lapey son mwan ki swiv e sa i parey pour tou mwan.  Me par kont pou mwan Avril ti annan en lerer dan dokiman administratif ki sorti kot Respond Services, Account Section kot Lapolis ti notifye zot konsernan sa lerer e fer retournen pou rektifye e re submit.  E la kot letan sa dokiman ti’n pare ti’n fini cut- off date le 7 e kont ti’n fermen.  Me par kont zot in fini ganny peye sea -time ‘allowance’ pou Avril ek Me an Zen 2017.    Mr Speaker mon osi oule klarifye ki zot ganny en Inducement Allowance 2400 dan plas Risk Allowance.  Mr Speaker Zofisye aktive i bann zofisye ki aktyelman pe ganny anploye anba Departman Lapolis.  Mr  Speaker dapre Komisyoner Lapolis tou zofisye ti ganny enformen kan ki ti pou annan meeting par zot zofisye ansarz e osi sa 2  ki travay e sa bann ki travay kot Lotorite Por ek SMSA ti annan 2 zot ki travay laba.  Par kont ti annan bann ki ti lo lanmer e zot pa ti kapab prezan pou meeting. Me apre meeting zofisye ansarz sa unit i sipoze kominik lenformasyon avek bann ki ti absan.  Mr Speaker non.  Zofisye Por ek SMSA si vre sa bann zofisye i reste dan lanmen Por ek SMSA? Sa nou…Kontra non akoz sa i tonm anba  Lapolis akoz nou pa kapab comment lo la me bann ex-zofisye SVPD ki anploye avek Lapolis i ganny en let  lapwentman e zot in sermante konman en Zofisye Lapolis Sesel.  Pour  bann ex-zofisye SVPD ki’n travay Lotorite Por parey mon’n dir  nou, nou pa kapab comment lo la akoz nou, nou pa konnen ki lenformasyon e ki kondisyon zot pe travay anba la.  Answit pou bann ex-zofisye SVPD ki pe travay kot …ti annan en trantenn ex-zofisye SVPD ki ti pe met konplent kot PSAB.  En  trantenn ti met konplent kot PSDAB konsernan zot peyman konpansasyon e PSAB in fer sa bann Lord swivan.  Vwala bann Lord enn in dir:- lafors akoz SVPD la zot ti travay avek Lafors Defans apre ki zot ti vin kot Lapolis.  Prezan Lafors Defans sesel i remet tou bann ansyen travayer SVPD en let sortan ki endik rezon terminasyon zot lanplwa ki pran lefe depi le 15 Zanvye 2015.  Dezyenm Lafors Defans Sesel i pey konpansasyon tou bann ansyen travayer SVPD depi dat ki zot in anploye ziska le 15 Zanvye  2015 baze lo zot dernyen saler ki ti 13369.  Lafors Defans Sesel i pey tou bann ansyen travayer Departman SVPD tou bann konze akimile depi dat ki zot in ganny anploye ziske le 15 Zanvye 2015 baze lo zot dernyen saler ankor ki 13369.  Lafors Defans Sesel i pey en lafen Kontra tou bann ansyen travayer  depi dat zot dernyen Kontra ziska le 15 Zanvye 2015.  Ankor Lafors Defans Sesel i remet en Sertifika Lanplwa tou son bann ansyen travayer ki tou peyman i ganny fer pa pli tar ki le 31 Zilyet 2017.  Lafors Lapolis i remet  en let varyasyon Kontra avek tou bann nouvo kondisyon, avek tou bann ansyen  travayer Departman ki pou pran osi  lefe depi Zanvye 2015. E sa nou nou’n fini fer e tou sa bann Lord PSAB  i bezwen ganny swiv par Lafors Defans.  E vwala sityasyon pou ozordi.  Mersi Mr Speaker.

 

MR SPEAKER

Onorab Prea.

 

HON NICHOLAS PREA

Mersi Mr Speaker.  Minis mersi ou’n elimin plizyer mon bann siplemanter.  Mon kontan ou’n tous sa bout depi zot ti ganny Kontra mon krwar depi 2012 a 2015 akoz bokou sa bann zofisye i santi zot ti  wrongfully terminated.  I annan ki’n sorti, ki’n fer 15 zour lo lanmer koman i debarke lo bato i ganny en let son termination.  Be dan menm laliny mon ti a kontan demann ou Minis konbyen sa bann ex-zofisye SVPD ki’n ganny re abzorbe dan Lapolis oubyen si i annan ki’n re abzorbe dan Militer?  Ok ?  Apre mon ti a kontan demann Minis anvi ki ti annan sa involvment UNODC akoz tou sa akoz SVPD ti ganny formen akoz  sa lalit kont pirat.  Ok ?  UNODC ti aparaman donnen Bidze 4 milyon dolar Sesel pou ed dan konstriksyon en bout prizon, dan lezot keksoz.  750 mil Dolar pa ti al anver konstriksyon prizon me larestan ti pou ede pou osi tou konbat piratri.  Eski SVPD ti ganny peye anba Bidze Defans Lapolis oubyen anba sa larzan ki UNODC ti kontribye?  Mersi.

 

MR SPEAKER

Minis.

 

MINISTER MITCY LARUE 

Mersi Mr Speaker.  Mr Speaker i annan 36 ki’n ganny abzorbe par Lapolis.  36 Manm.  Larzan UNODC i bann larzan ki pa pou bann SVPD – non.  Sa i pou bann larzan pou bann diferan proze parey ou’n mansyonn enn de proze sa i  larzan pou bann proze me pa pou travayer SVPD.

 

MR SPEAKER

Wi Onorab Prea.

 

HON NICHOLAS PREA

En pti klarifikasyon lo kote termination mon krwar ti a…si Minis ti a donn en komitman ki zot ganny en proper letter of termination ok?  I dan sa?  Ok.

 

MR SPEAKER

Mon krwar Minis in mansyonn sa taler.

 

HON NICHOLAS PREA

Mersi.

 

MR SPEAKER

Tre byen Minis mersi pou reponn sa kestyon.  Avan ki nou pran en pti Break, Pause, kafe mon krwar ozordi si mon memwar e bonn i annan Onorab William ki ganny lanniverser.  Petet nou ti a donn li en round of applause pou son laniverser mon vwar li i vin en pe pli zenn,  pli for.  Felisitasyon e Bonn Aniverser Onorab e fotespere ou pas en bon lazournen.

 

(APPLAUSE)

 

MR SPEAKER

Avek sa nou a pran en pause.  Minis pardon.  Avek sa nou a pran en pause.  Minis nou a retournen 4er e mon a remersye Mr Andre Morel ki’n la avek nou. Mon pa konnen si zot bezwen reste pou PNQ me nou a pran en pause nou a retournen 4er.

 

(BREAK)

 

MR DEPUTY SPEAKER

Bon nou a kontiny avek nou travay e mon ava demann Onorab Ramkalawan Leader Lopozisyon pou li demann son kestyon PNQ.

 

HON WAVEL RAMKALAWAN

Mersi Mr Deputy Speaker. Mr Deputy Speaker swivan larestasyon papa Mr Sakher El Materi an Frans resaman avek presyon kontinyel par Tunisie pou fer Mr El Materi retourn an Tunisie pou servi son santans prizon, eski Minis responsab pou zafer etranze i kapab dir avek sa Lasanble:

(1) ki status Mr El Materi dan Sesel?

Dezyenmman eski Sesel i annan lentansyon retourn sa msye dan son pei pou servi son santans?

Trwazyenmman eski sa msye i annan Passport avek nasyonalite Seselwa?

E katriyenmman eski sa msye in aste okenn propriyete dan Sesel? Oubyen eski i annan okenn biznes avek lakonpannyen ki pe fer biznes dan Sesel?

Mersi bokou.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Deputy Speaker mersi Onorab. Lotorite Imigrasyon i determinen ki Mr El Materi in ganny nasyonalite Seselwa depi le 20 Zen 2017 atraver Seksyon 5 (1) anba Lalwa Sitwayennte 2016 e par swit in ganny son Passport Seselwa. Apre bokou refleksyon avek analiz sa desizyon pou donn sa msye nasyonalite Seselwa in baze lo premyerman sa msye ki i napa paspor e i stateless. Dezyenmman anba imaniter an tou respektan drwa imen, Sesel napa okenn Lagreman pou Lekstradiksyon avek Tunisie. Pou le moman nou pa konnen si sa msye i annan okenn biznes ou lakonpannyen dan Sesel. Mersi Mr Deputy Speaker.

 

MR DEPUTY SPEAKER

Mersi Minis. Ou’n fini Minis ? Ok, mersi. Onorab Ramkalawan.

 

HON WAVEL RAMKALAWAN

Mr Deputy Speaker bon premyerman konsernan in fini ganny nasyonalite Seselwa definitivman sa i en lenformasyon in fek gannyen. En lenformasyon ki en pe etonan, me eski Minis i kapab dir avek nou, vi ki i pa fer premye fwa ki Sesel i trouv li dan en sityasyon kot i annan en dimoun ki ‘Wanted’ dan son pei kot i ti été, avan pou serten aksyon. E ki sa i pa fer premye fwa ; selman mon mazinen pou ki la pou le moman sa msye i ti dernyen ki ti annan dan nou pei. Eski, e tousala i donn Sesel dan en serten sans move piblisite deor. Akoz nou non i asosye avek bann dimoun konmsi ki repitasyon pa bon. Eski Minis i kapab dir avek sa Lasanble, ki sa Gouvernman, mon bezwen dir sa Gouvernman ki la – parske ankor enn fwa mon rekonnet sa sityasyon i ti ariv letan msye Michel ti Prezidan ki sa sityasyon in konmanse e ozordi se Msye Faure, eski Minis i kapab dir avek nou ki bann aksyon konkret ki Gouvernman aktyel pe pran, pou asire ki Sesel pa trouv li ankor dan en sityasyon kot en dimoun ki ‘Wanted’ e ki menm annan en Rapor Interpol – en Red Alert Interpol i trouv li Sesel. E finalman nou trouv nou dan en sityasyon kot nasyonalite pe ganny partaze. Dezyenmman vi ki i napa okenn konsiltasyon e ozordi ki nou ganny sa lenformasyon lo Passport e nasyonalite – menm si sa Passport avek sa nasyonalite in ganny donnen atraver sa Seksyon Lalwa kot Prezidan i annan sa prerogativ, eski Minis i kapab dir avek nou zis pou nou mars dan sa lespri transparans, si a lavenir Minister Home Affairs i ava konsidere ki avan ki en dimoun i ganny nasyonalite anba sa Seksyon, kot Prezidan i annan sa linisyativ, zot ava annan piblikasyon ki ava montre lentansyon Prezidan pou donn en dimoun nasyonalite.  I ava osi annan en serten konsiltasyon pou ki dimoun i kapab donn zot lopinyon, zot lopinyon parske pa toultan ki lotorite i konn sa ki pase ; kekfwa dimoun dan distrik dan kominote i kapab konn en pe plis, pou ki finalman letan sa bann keksoz i ganny fer nou a kapab dan en pozisyon pou ki popilasyon osi tou i fer en kontribisyon etandonnen ki apre tou menm si Prezidan pe donn sa nasyonalite, i pa son nasyonalite ki i pe donnen me i pe donn nasyonalite Seselwa se sa mon dezyenm kestyon. Mersi bokou.

 

MR DEPUTY SPEAKER

Mersi Onorab. Minis

 

MINISTER MITCY LARUE

Mersi Mr Deputy.  Mon krwar parey Onorab in dir ki petet dan lavenir sa, I ava annan piblikasyon menm si anba 5 (1) dapre nou sa. Sa i ava en keksoz ki nou ava konsidere e annan konsiltasyon byensir parey nou’n dir I tonm anba prerogativ Prezidan 5 (1). Be selman toultan mazin lo la transparans eksetera, en diskisyon a ganny fer nou ava regarde mannyer nou kapab fer dan okenn ka dan lavenir. Bon parey nou pei, nou pei i en pei ki ouver parey nou’n dir bomaten, mon ti repete bomaten ki nou annan sa Open-door Policy kot dimoun i vizit pei. Sa dimoun in vizite, in reste I annan serten problenm me son problenm i pa en problenm enternasyonal li. I plito en problenm avek son pei, ok? So e nou savedir nou pou konsider okenn ka depandan lo ou merit – okenn ka pou ganny konsidere lo merit. Parey sa enn ka nou’n consider lo merit, I ti stateless alor nou’n pran sa konsiderasyon lo la, pou li ganny son citizenship.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Deputy mon kestyon sete ki lapros Sesel a lavenir letan zot pou fer fas avek bann sityasyon parey. Eski sa dimoun pou ganny deklare en PI deswit oubyen konmsi ki. Oubyen si Sesel pou annan li en Polisi kot i pou konsider donn Lazil Politik; parey serten lezot pei. Konmsi ki lapros ki Gouvernman annan lentansyon pran pou ki nou kapab avoid okenn sityasyon kot apre sa, mon konnen pou le moman in annan serten sityasyon kot par egzanp re vokasyon nasyonalite ki pe ganny fer ki alors.  Zis pou nou avoid okenn sa bann sityasyon anbarasan ki konmsi nou kapab, parey nou dir an Angle ‘nip the thing in the bud’.

 

MR DEPUTY SPEAKER

Mersi Onorab.  Minis

 

MINISTER MITCY LARUE

Ok, Mr Deputy. Parey mon’n dir nou a konsider sa ki nou’n dir taler, piblikasyon konsiltasyon eksetera. Dezyenmman ler par egzanp ki annan en keksoz pe arive letan I arive nou ava konnen egzakteman ki nou pou fer letan sa keksoz i arive. Depandan sa sityasyon ki’n arive epi la desizyon a ganny pran kwa ki pou ganny fer. Mersi

 

MR DEPUTY SPEAKER

Mersi Minis. Onorab Georges

 

HON BERNARD GEORGES

Mersi Mr Deputy Speaker. Mr Deputy Speaker mon kestyon pou Minis i sa enn swivan:

Me Minis avan eskiz mwan si mon pa tro konpran sa lekspresyon stateless. Akoz i paret mon sa dimoun in bezwen vin isi lo en Passport in ne dan en serten pei e i bezwen kapab revandik en nasyonalite kekpar e non pa zis nasyonalite Sesel. Alor mon kestyon se sa enn swivan:

Akoz ki zis Sesel ki’n bezwen donn li en Passport ler selon lenformasyon ki lo Internet, sa msye i annan lafanmir Qatar e i annan lafanmir L’Arabie Saoudite.  An plis serten lezot pei kot i annan propriyete tel parey Canada. I annan sertennman en lyen avek La Tunisie. Akoz ki sete nou ki’n donn li en Passport e olye fasilit pou li ganny en Passport avek en pei pli apropriye.  Apre tou son sel koneksyon Sesel se akoz in vin isi?  E dezyenmman si nou Gouvernman in santi li byen pou li donn sa msye en Passport akoz i ti stateless, akoz ki sa pti fiy Mont Fleuri Faith li i pa’n ganny en Passport, o kontrer in ganny demande pou al rod en Passport dan en lot pei pou li ganny nasyonalite?

 

MR DEPUTY SPEAKER

Mersi Onorab, minis

 

MINISTER MITCY LARUE

Ok, ler nou dir stateless, savedir en pei lorizin ki sa dimoun i sorti i refizye donn li oubyen renouvle son Passport savedir stateless.  Sa ki ou pe dir laba li i pa’n al rode son Passport li, si demen li osi i rod son Passport i annan en problenm ki i pa pe gannyen i annan issue i kapab ganny trete dan en diferaman.  Me i pa parey sa enn. I  2 diferan ka sa, ok?

 

MR DEPUTY SPEAKER

Yes Onorab Georges.

 

HON BERNARD GEORGES

Mon premye bout kestyon Mr Deputy Speaker pa’n ganny reponn; akoz ki ti fodre nou ki ti donn li enn, akoz nou pa ti’n fasilit li pou al rod enn Qatar oubyen L’Arabie Saoudite. oubyen dan enn bann lezot pei ki i annan en lyen avek?

 

MR DEPUTY SPEAKER

Minister

 

MINISTER MITCY LARUE

Be i ti napa ditou, I ti vin Sesel 2012, parey zot konnen konman touris 2012 in vini in reste. Apre 2013 la, kot i ti napa son bann Passport eksetera e la i ti ganny Residence Permit ki ti ganny renouvle dan 2013 ziska la ki ti ganny expire 2017.

 

MR DEPUTY SPEAKER

Mersi Minis.  Onorab Georges.

 

MINISTER MITCY LARUE

E petet nou’n konsider li osi dan en ka Imaniter. Mersi.

 

HON BERNARD GEORGES

Mr Deputy Speaker be eski Minis pa krwar ki nou pe ouver en laport pou les okenn dimoun vin isi antan ki touris reste en pe letan pa ganny zot paspor renouvle apre reste Sesel?  Eski nou pa pe debout lo en lapo bannann  oubyen en bor rigol ki glise sa?

 

MR DEPUTY SPEAKER

Minis.

 

MINISTER MITCY LARUE

Mon pa krwar ki nou pe ki tou dimoun i dir mon napa Passport open.  Sak ka i ganny trete dapre son merit. Mersi.

 

MR DEPUTY SPEAKER

Yes Onorab Georges.

 

HON BERNARD GEORGES

Deputy Speaker Minis eski nou pa pe anvoy en mesaz deor ki si ou annan larzan keksoz i vin vit e fasil me si ou en dimoun ki napa koneksyon larzan ou pa pou gannyen ?

 

MR SPEAKER

Minis.

 

MINISTER MITCY LARUE

Non Onorab mon pa pe krwar koumsa.  Mersi.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Deputy Speaker. Bonn apre midi tou dimoun. Kestyon ki mon le demann Minis:   Par lefe ki Sesel i en pei Manm AU e dan AU nou fek ganny mete dan Black Book apre sa lensidan WTO se sa, UNWTO. E la a mon avi nou’n pran en lapros vizavi en pei Manm La Tunisie ki riske en pe annwiye avek nou sepa si ankoler. So mon kestyon se ki, eski Minis pa santi ki Gouvernman pe pran en lapros ki pe annwiy ouswa ankoler en lot pei Manm ki nou form parti en lorganizasyon avek?  E dezyenmman I annan trwa etranz la ki nou’n donn nasyonalite,  ti annan Krejcir, Marek  e la apre in vin El Materi kot in annan en prose kekpar dan zot pei ki Lotorite Lokal ti pe rod zot e pou swiv en pe  laliny  ki… Onorab Georges in demande konmsi ki kalite mesaz ki nou koman en Pti Leta Zil nou pe anvoye avek Komite Nasyon  atraver lemonn letan nou, nou pran en Polisi parey.  Mersi.

 

MR DEPUTY

Mersi Onorab.  Minis.

 

MINISTER MITCY LARUE

Mersi Deputy.  Nou’n kominike, nou‘n fer bokou refleksyon ansanm avek Foreign Affairs e tou sa ki ou pe dir la in ganny pran an konsiderasyon  avan sa desizyon in ganny pran pou donn nasyonalite. E dernyerman avek Foreign Affairs nou’n vwar ki sa pa pou afekte okenn relasyon bilateral ki nou annan ni menm avek Tunisia – ni menm avek Linyon Afriken.  Nou, n diskite avek Foreign Affairs lo sa size.  In napa okenn.  I pa pou afekte nou relasyon bilateral.  Nou relasyon bilateral i bokou pli o ki zis ant en sitwayen.  Mersi.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Mon dezyenm kestyon  i ki  mesaz nou pe anvoye letan nou pran sa bann desizyon vizavi – sirtou sa 3 endividi ki mon’n  mansyonn zot non.  I paret ki i annan en pattern ki  sa Gouvernman; konmsi i pa aprann  son leson kontinyen.  So ki leson nou pe anvoye?  Mersi.

 

MR DEPUTY

Minis.

 

MINISTER MITCY LARUE

Mersi Onorab.  Parey mon’n dir  nou’n baz en pti pe osi lo Drwa Imen – lo Drwa Imen.  Nou pa pou anvoy okenn mesaz nou.  Nou mesaz pa en mesaz negativ li akoz nou en pei ki annan konpasyon osi nou.  Nou Drwa Imen.  Nou bezwen respekte Drwa tou dimoun.  Ok?  Sa en pti pe ground ki nou’n al lo la.  Mersi.

 

MR DEPUTY

Mersi Minis. Onorab Ferrari.

 

 

HON JEAN-FRANCOIS FERRARI

Mersi Mr Deputy.  Mr Deputy mon pe demann mon kestyon koman Chairman International Affairs Committee.  Mon repran sa pwen ki bann Onorab presedan in fer e mon rapel Lasanble ki tou dernyerman in annan en sityasyon en pe anbarasan vizavi en pei zanmi  – en pei frer parey lontan parey nou dir.  Prezan mwan mon’n ekout Minis byen, Minis in nonm bann ground imaniter – mwan mon pa la pou mwan kestyon sa bann ground.  Mon krwar ki si  dan Konstitisyon i permet Prezidan fer sa…Prezidan i kapab fer li e nou, nou napa pouvwar pou anpes li fer li.  Nou bezwen zis sey trust ki in pran tou bann konsiderasyon neseser pou li pran en desizyon ki li i santi i valab.  Me solman, mon ti a kontan Minis i kapab  dir nou dan sa Lasanble  – mon napa devan mwan Lartik sa seksyon 5 (1), mon krwar i Citizenship Act sa.  Mon napa devan mwan, me selman dapre mon re koleksyon si okenn dimoun i ganny citizenship e pa a la swit i annan serten lenformasyon ki nouvo ki arive ki vin dan nou latansyon ki vin dan latansyon Prezidan ki vin dan latansyon okenn sitwayen konsernen ki i met an dout ki sa demann pou nasyonalite Seselwa pa ti ganny fer dan bonnfwa e dan en fason onnet, ki nou pei i rezerv drwa pou nou repran sa nasyonalite. Mon krwar sa en Statement ki Prezidan in fer dernyerman an sa ki konsern Mr Krejcir Sid Lafrik.  Alors mon ti a kontan ki Minis i kapab dir, nou si sa bann lenformasyon i vini par laswit, eski li, eski Prezidan eski li i konnen si Prezidan pou egzers sa drwa pou recall pou retir nasyonalite si bann lenformasyon i vini e montre pou dir i pa ti ganny fer an bonn fwa?    Sa i en kestyon enportan akoz mon krwar lemonn antye i bezwen konnen ki sa en prosedir ki kapab ganny fer e ki pou ganny fer dan bann ka.  Alors mon ti a kontan prezan vi ki Minis i ansarz Imigrasyon demann mon dezyenm kestyon:

Eski Minis i kapab dir nou kote zot in arive pou zot retir citizenship Mr Krejcir ki dan en prizon Sid Lafrik konman sa in ganny pledge par Prezidan.  Eski i annan okenn progre lo la?  Mersi.

 

MR DEPUTY SPEAKER

Mersi Onorab.  Sa dernyen bout i atann en moman. Minis atann en moman. Sa dernyen bout i out of scope ok?   I pou depan lo Minis si i pou reponn ok?   Minis?

 

MINISTER MITCY LARUE

Mersi Mr Deputy Speaker ou premye kestyon se ki definitivman si i annan okenn keksoz pli tar ler le moman i arive Prezidan byensir i pou annan drwa pou fer sa ki neseser pou li fer sa i kler. Mersi.

 

MR DEPUTY SPEAKER

Mersi. Ok.

 

MINISTER MITCY LARUE

Lo kestyon lot mon pa devret reponn ou parske i out of scope, I pa dan Kestyon Orizinal, me ou kapab demann mwan en lot kestyon pli tar mon kapab vin reponn ou.

 

MR DEPUTY SPEAKER

Onorab pa anmenn en kestyon spesifikman lo la en. Ok?  Ale Onorab Ferrari.

 

HON JEAN-FRANCOIS FERRARI

Non mon Mr Deputy  avek respe mon konnen ki Minis i pa oblize reponn. Selman mon ti ekspekte ki si Minis i reponn, at least i pe montre nou bonn fwa ki i pe fer en keksoz ki nou ti dir nou pou fer. E nou pe donn en legzanp ki a lavenir si i ariv ankor nou ava apply sa rule, se sa ki mon demande. Mersi.

 

MR DEPUTY SPEAKER

Mersi Onorab.

 

MINISTER MITCY LARUE

Mon krwar mon premye mon’n dir ou wi, dezyenm kestyon lo Radovan Krejcir la case i aktiv i an prose pou nou pran Passport avek li. Onorab les mon dir ou ki prose i avek Attorney Zeneral.

 

MR DEPUTY SPEAKER

Mersi Minis. Onorab Flory Larue.

 

HON FLORY LARUE

Bonn apre midi tou dimoun, bonn apre midi Minis, mersi. Mon ti anvi demann Minis through Chair si son fanmir osi ti ganny Passport Seselwa akoz ou eksplike ki letan i ti vin Sesel i ti fer bann demann eski son fanmir osi i ti ganny Passport Seselwa?  Mersi.

 

MR DEPUTY SPEAKER

Mersi Onorab.  I annan en lyezon Minis ou kapab reponn kestyon si ou le.  Go ahead Minis.

 

MINISTER MITCY LARUE

Wi Mr Deputy Speaker, Onorab son 4 zanfan wi, zot osi zot in ganny.. son 4 zanfan selman.

 

MR DEPUTY SPEAKER

Ok, mersi Minis.  Onorab Larue.

 

HON FLORY LARUE

Spesifikman zis son zanfan son madanm pa’n gannyen?

 

MR DEPUTY SPEAKER

Ok, mersi. Minis.  Bon nou ava pran lezot kestyon si napa lot kestyon nou ava pran Urgent Question. Non, mon fini, zot ti annan sans ankor pou lev lanmen mon’n fini ferm kestyon lo sa size. Nou move lo Urgent Question e mon a demann Onorab De Commarmond pou demann son kestyon Minis.

 

HON CHARLES DE COMMARMOND

Mersi Mr Deputy Speaker

 

MR DEPUTY SPEAKER

En moman Onorab De Commarmond. En pti moman nou a les Komisyoner Lapolis avek son Konseye e nou ava move akote Minis e nou a eskiz Madanm Telemaque avek Mr Marie. Ok Onorab De Commarmond ou kapab poz ou kestyon Minis.

 

HON CHARLES DE COMMARMOND

Mersi Mr Deputy Speaker.  Mr Deputy Speaker an vi ki Lapolis Anse Aux Pins i deservi zabitan Pointe Larue, Cascade, Anse Aux Pins menm e parti distrik Au Cap, mon le demann Minis responsab pour Zafer Entern si louvraz lo nouvo stasyon Lapolis Anse Aux Pins in konplete?

Dezyenmman kwa ki pe retard louvertir nouvo stasyon Lapolis?

Trwazyenmman kan ki son Minister i espekte sa nouvo stasyon pou ouver?

Katriyenmman ki bann nouvo provizyon e servis ekstra ki’n ganny fer pou amelyor kondisyon sa travay bann zofisye sa stasyon Lapolis, avek bi pou amelyor servis delivery nou bann zabitan?

Mersi bokou

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Deputy Speaker mersi Onorab.  Mr Deputy Speaker Mr Onorab wi travay konstriksyon in preske konplete me i annan serten travay ekstra dapre lenstriksyon dapre mon vizit avek Konmisyoner ki mon ti fer dernyerman. Nou ti vwar ki nou bezwen nouvo fasilite twalet anler ki ti napa, serten rektifikasyon lo bann kaso e apart sa tou lezot keksoz i annord. Bann lofis furniture in fini ganny transporte eksepte enn de shelve avek lili ki pou met dan kaso. Sekirite kamera avek lezot in fini ganny enstale, koneksyon Internet e telefonn in fini fer. E nou pe ekspekte sa bann louvraz i fini nenport ler, e nou pe espekte ouver stasyon lapolis Anse Aux Pins ver lafen Zilyet. E par egzanp Mr Deputy avek louvertir sa nouvo stasyon byensir, i pou amelyor travay nou bann zofisye. E an retour sa i ava ki elev kalite servis ki zot pe ofer piblik akoz zot pou annan plis resours plis lespas pou zot kapab delivre. Lespas pou osi sifizan pou entervi diferan konplenan oubyen akize. Lespas pou zot servi Piblik an prive. Pli bon fason pou store e prezerv egzibit; ase kaso pou evite pran en deteni pou anmenn dan en lot stasyon.  Tou servis pou dan en menm batiman, par egzanp servis CID, Trafik eksetera. E i annan osi en lasal konferans pou zot kapab zwenn lezot partner pou fer lezot diskisyon e menm pou zot kapab fer zot miting staff.  Vwala en pti pe Mr Deputy bann diferan amelyorasyon ki kapab ganny fer.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Deputy Speaker. Mr Deputy Speaker Minis i kapab enform nou Lasanble akoz sa retar in gannyen e an menm tan si i kapab elabor ki kalite kaso ki i pe dir sa Kordgard pou annan, e sa stasyon Lapolis pou annan.  E in nonm ase kaso, e konbyen kaso e ki kalite?

E dezyenmman osi eski lefe ki prezan sa Kordgard li i pou en mother station li parey bomaten i ti pe ganny dir – mon panse, si alor lezot distrik parey Cascade, Pointe Lare, Au Cap sa bann distrik zanmen pou ganny en stasyon Lapolis dan okenn fason ou lot. Oubyen eski pou annan osi Lapolis parey ti annan Cascade oubyen Port Glaud ek lezot distrik Glacis ensidswit.   Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Deputy. Wi Onorab nou annan nou trwa kaso en kaso I kapab pran 6 dimoun e nou pe annan separasyon kaso pou zonm kaso pou madanm e kaso pou bann zenn – juvenile, ok? Savedir sa i pou sa. Apre konsernan Cascade lot, lot, lot, pou le moman nou napa okenn plan, me selman nou kapab mazin le fitir si nou kapab en Police post parey nou fer en pti pe Port Glaud en pti post kot zot kapab annan en zofisye la ki kapab donn detrwa servis. Sa i ava vin apre ki nou konsidere. Mersi Mr Deputy.

 

MR DEPUTY SPEAKER

Mersi Minis.

 

MINISTER MITCY LARUE

An retar eskize, retar ki nou’n ganny en pti pe se ki sa landrwa li menm I ti en pti pe marshy e ler i pe fer fondasyon in bezwen ranpli re-aranz li fer li. Se sa ki’n pran en pe letan pou nou kapab mont batiman.  E parey mon dir ou dernyen fwa letan nou’n vizite i annan serten keksoz zot pa’n vizite, zot pa’n konsidere letan zot pe fer. Parey twalet zis anba, e sa ki anler zot bezwen desann nou’n bezwen fer met twalet annan serten keksoz pou amelyore. Se sa ki’n met en pe retar lo sa travay.

 

MR DEPUTY SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Deputy Speaker. Dernyen pti pwen Mr Deputy Speaker ti annan en komitman dan mon krwar 2an pase ki Lapolis ti’n fer Minister sa letan avek Cascade ki ti pou annan stasyon Lapolis Cascade. Eski alor akoz in napa lakourtwazi pou dir avek Lotorite Distrik poudir, ‘look plan in sanze prezan pou napa.’ Konmsi si i ti kapab konmsi sa kalite keksoz koumsa ki a lavenir i pa arive, ni menm Cascade ni menm en lot distrik for that matter ki bann Minister i annan lakourtwazi en pe an plis pou enform lotorite bann sanzman ki annan. Mersi .

 

MR DEPUTY SPEAKER

Mersi Onorab. Minis.

 

MINISTER MITCY LARUE

Ok, Onorab mon krwar ki pwen i byen note.  Definitivman nou bezwen konsilte avek lotorite distrik, konsilte konn en pe lopinyon dimoun.  Me an menm tan realize sa pti Kordgard ki ti annan Anse Aux Pins, ti vreman dan en leta ki vreman, vreman move en ptipti zafer ti napa lespas. E nou bann zofisye ti napa, pa ti that  status konmsi, zot ti la napa ni lespas, ler mon’n vizite mon menm mon dir, zot be ki mannyer zot kapab travay dan sa landrwa? Ti vreman vye vreman ti bezwen kraze met ater. So mon krwar fezan enn sa Kordgard laba ti en nesesite ti en priyorite. Me selman ou pwen in pran an konsiderasyon ki nou a kapab next time ler nou fer bann keksoz diskit avek lakominote. Mersi Mr Deputy Speaker

 

MR DEPUTY SPEAKER

Mersi Minis.   Onorab Woodcock.

 

HON WAVEL WOODCOCK

Mr Deputy Speaker vi ki Onorab De Commarmond in koz stasyon Lapolis dan bann lezot distrik apard ki Anse Aux Pins, eski mon kapab demann Minis avek ou permisyon Mr Deputy Speaker, kan eski louvraz lo Stasyon Lapolis Grand Anse Praslin pou fini e kan ki louvertir i espekte ganny fer. Mersi.

 

MINISTER MITCY LARUE

Mr Deputy Speaker sa osi i an deor, me selman mon a zis konfirmen ki in konplete. Anytime nou pou annan louvertir – pa trakase Onorab ou a ganny enformen. Mersi.

 

MR DEPUTY SPEAKER

Ok, mersi Minis. Onorab Ernesta ou annan kestyon lo la?

 

HON PAUL ERNESTA

Wi Mr Deputy annefe i swivan; vi ki mon pe vwar nou tou a lafen pe koz lo Kordgard Minis. Permet mwan demann Minis Mr Deputy, si Lapolis i annan en Master Plan pou revwar tou bann Kordgard enkli parey en stasyon pou Takamaka ki nou tou nou konn son kondisyon. Mersi.

 

MR DEPUTY SPEAKER

Annou pa, annou pa… Minis.

 

MINISTER MITCY LARUE

Mr Deputy sa osi i an deor be selman mon kapab reasir Onorab ki wi nou pe travay lo nou Polisi Lenfrastriktir e nou’n fer vizit partou e nou’n vwar kondisyon nou bann landrwa. E definitivman i annan en plan ki pe met an plas avek Gouvernman pou nou ganny landrwa finansman pou nou amelyor  bann diferan Kordgard. Mersi Mr Deputy.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Deputy.  Mr Deputy mon ti a kontan demann Minis an vi ki’n dir I annan bann pti travay ki bezwen ganny fer lo sa Stasyon Anse Aux Pins. Eski en car park i an konsiderasyon pou fer sa bann travay deor oubyen i pou reste parey i ete? Dezyenmman an vi ki in eksplik nou ki zot annan problenm bomaten avek Gard, eski letan nou’n ouver sa stasyon nou pou vreman vwar en improvement dan servis ki sa stasyon pe donnen avek son surrounding district?   Lot kestyon eski i pou annan en interviewing room pou bann reprezantan legal ki vini pou zot koz avek kliyan letan in arête e si Pointe Larue ki konmela pe servi konman en stasyon kot Lakademi, eski i pou kontinyen operasyonnel letan Anse Aux Pins i ouver an Zilyet?  Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mr Deputy, wi Onorab parey mon’n dir dan mon lentrodiksyon. Wi i donn nou plis fasilite ki nou ti napa dan sa ptipti Kordgard; par egzanp interviewing room wi i annan kot zot kapab ganny akse apre servis nou espekte byensir, nou espekte servis pou amelyore vin en pli o nivo ok? Akoz nou dimoun. Ozordi si ou vin Anse Aux Pins en konplenan i vin Anse Aux Pins kot Kordgard i napa ni lespas pou vwar li, ou pe vwar li devan dimoun. Ozordi pou annan son landrwa ki pou annan son privacy pou li koz avek son zofisye Lapolis met son case devan eksetera. Konmsi definitivman avek sa nouvo Kordgard nou bezwen vwar – nou bezwen vwar sa servis e osi akoz nou pa pou kapab vwar li parey. Ok? E dezyenmman beton wi i pou ouver avan apre nou pou met beton devan.  Mersi Mr Deputy.

 

MR DEPUTY SPEAKER

Mersi Minis.  Onorab Valmont.

 

HON JUDE VALMONT

Mersi Mr Deputy an vi ki’n mansyonn Pointe Larue. Alor mon pe demann Minis mon’n tann Onorab De Commarmond mansyonn Kordgard Cascade, Onorab Andre in fer resorti Lakademi dan Pointe Larue. Mon pe demande Minis ki sa mother station pou Anse Aux Pins mon pe demande ki rol bann zofisye Lapolis Airport pou provide relief dan Pointe Larue avek Cascade an vi ki Kordgard pa pou ganny fer laba. Mersi.

 

MR DEPUTY SPEAKER

Minis.

 

MINISTER MITCY LARUE

Mr Deputy, Airport i osi i parey en Police post pou sa area, Anse Aux Pins.  Parey bann, tou bann case i bezwen ganny anrezistre Anse Aux Pins be sa enn Airport i vin parey en post li osi me selman I deal avek en pe travay lo Airport. Me selman bann zofisye i ganny tire osi.  Me selman apre si ou pe realize pli ale Airport i annan bokou plis travay.  I annan bokou plis travay e bann zofisye i bezwen konsantre Airport. Nou pa kapab zis tir zot, i annan bokou travay osi lo Airport pou fer. Ok? Napa bokou zot osi lo Airport i en pti group sa. So i enportan pou nou konpran sa osi. Me selman lo Airport, Anse Aux Pins, Pointe Larue i tre pros i pa lwen. Mon krwar ozordi avek telefonn avek tou pou bann teknolozi, mwayen transport i pa koz, i difisil pou nou annan nou ti a voudre. I parey klinik nou ti a voudre annan en klinik dan tou distrik, nou ti a voudre annan en stasyon Lapolis dan tou distrik me i pa fasil. An konsideran kantite mendev, lekipman eksetera. I koute i vreman bokou. Nou bezwen vwar kwa ki kapab vreman tenir. Mersi.

 

MR DEPUTY SPEAKER

Mersi Minis. Onorab Ferrari.

 

HON JEAN-FRANCOIS FERRARI

Mersi Mr Deputy.  2 pti

Kestyon; Minis si ou, ou annan sa lenformasyon ou kapab dir nou , ki pou arive ek sa vye building ki la e mon pe demann sa kestyon akoz mon pa anvi tande demen ki poudir vi ki i dan en landrwa vreman stratezik, i ganny donnen avek en dalon.  Konmsi si zot annan en plan pou fer keksoz byen avek pou benefis zabitan Anse Aux Pins ek Au Cap kot mon reste.  Donk ki pou arive avek sa si ou konnen?   Mon dezyenm kestyon se eski Komisyoner ti ava konsidere ler Anse Aux Pins i ouver, pou get en pe sa bon travay sa bon lanbyans ki egziste; sa bon lanbyans ki egziste dan Kordgard Mont Fleuri konmela depi ler in ganny renovate. I annan vreman en bon lanbyans travay e sa bann zofisye pe fer en vreman zot welcoming letan ou vini.  Alor mon ti a sizere ki Mont Fleuri i ganny vwar konman en model en pe e ki mannyer nou kapab enterakte avek lasosyete. E mon trwazyenm kestyon se eski Konmisyoner i pare pou pran sa lide ki de ki Kordgard Anse Aux Pins i ouver, nou konmans en progranm Community Policing vizit dan bann distrik; konmsi pou bind bann dimoun anmenn zot ansanm otour sa servis ki Lapolis pe rann, akoz sa i en loportinite pou nou donn en pe plis status parey ou dir en en zoli plas Lapolis dan sa distrik. Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Onorab. Onorab dernyen kestyon se konsep Mont Fleuri se sa dernyen konsep nou pou fer Anse Aux Pins.  I menm konsep, e Praslin osi pou menm konsep. Ok?  E dezyenm pwen kot i konsern sa vye batiman, la, vye Kordgard konmsi ler nou pou’n move sa nou pe an konsiltasyon avek MLUH akoz i tonm anba MLUH pou zot vwar. Akoz nou pa pou le nenport ki antre la pou vin en nespes zafer non. Akoz definitivman akoz nou osi nou’n vwar nou pa kapab si fodre demoli zot a deside ki pou fer. Me selman nou bezwen fer sir ki napa nanryen ki vin eyesore dan sa landrwa; toutafe dakor avek ou. E lanbyans travay definitivman zofisye i santi zot pli, status i monte ler zot landrwa travay i vin nef i vin conducive e definitivman i lev zot moral e se sa ki ou pou vwar Mont Fleuri e se sa ki pou vwar Anse Aux Pins e se sa ki pou vwar Grand Anse Praslin, eskan ler nou kapab fer partou parey kot moral I monte e dimoun i santi zot konfortab dan sa landrwa e servis delivery i bezwen osi al avek. Ok?   E petet mon ava fer resorti ki nou’n lans en konpetisyon osi lo nivo Lapolis pou gete lekel ki meyer stasyon Lapolis. Me i en stasyon pa zis an term lapropte me an term servis delivery an term bann travayer zot menm bann professionalism. E osi a lafen lannen zot pou annan pri sa enn ki fer pli byen.  Sa ti en fason ki ti motiv zot pou zot kapab fer pli byen. Mersi Mr Deputy.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Deputy Speaker eski Minis i kapab dir avek nou lekel sa lakonpannyen ki’n konstri sa Kordgard? E anba ki bann kondisyon?

E eski Minis I kapab confirm avek sa Lasanble si I wi oubyen non, ki anfet Kordgard Anse Aux Pins in fini konstri li, Kordgard Anse Aux Pins in fini konstri li. Me zot annan en problenm akoz zot pa ankor peye alors kontrakter pa oule donn zot lakle.  Mersi bokou.

 

MR DEPUTY SPEAKER

Mersi Onorab.

 

MINISTER MITCY LARUE

Lakle i avek nou Onorab pa trakase petet mon ava donn ou bann lezot lenformasyon en. Ok, ki mannyer Kordgard Anse Aux Pins zis mon ava donn zot byen leksplikasyon tre byen. Kordgard Anse Aux Pins. Minister Home Affairs ti annan en kontra avek IDC pou fer konstriksyon lo Coetivity. Zot konnen tou sa bann konstriksyon ler bann komite zil in vizite bann konstriksyon lo prizon Coetivity in ganny fer, ok?   Zot in fer tou sa travay. Apre  ti annan, e sa Kontra ti ant Minister avek IDC. Prezan ler IDC  ti’n preske konplet tou travay ti annan sa closed prison ki pa’n fini fer.  Pa’n fini fer akoz ti arête.  Ler pa’n fini fer ti reste en larzan en R2milyon kot nou ti vwar nesesite pou Anse Aux Pins ganny en nouvo stasyon.  E la sa larzan R2milyon ti  ganny met dan konstriksyon Anse Aux Pins. Prezan lefe ki IDC pa kapab fer okenn travay lo Mahe zot lakonpannyen pa kapab fer travay lo Mae I fer lo zil. Alor IDC ti sub-contract avek GICC pou fer.  Byensir R2milyon pa kou, ti annan en Kontra ki’n ganny sinyen sa avek Minister avek sa en. IDC li ki mon’n ti’n li la, mon pe soz, wi  prezan R2milyon i pa kou, i pa kou pou sa Kordgard. R2milyon zis pou konmanse akoz Kordgard li menm i kout R5.9milyon, prezan definitivman nou bezwen rod larzan ki an plis pou nou kapab. E Minis Finans akoz plan Anse Aux Pins ti ganny son plan li menm se bann draftman MLUH ki ti fer. Ti ganny laprouvasyon Planning tou keksoz, tou keksoz ti annan la transparans ok? In konmans ganny fer prezan la dernyerman letan nou drwa GICC definitivman nou drwa akoz nou ti pey R2milyon pou R5.9milyon. prezan ki fer ki Finans in al vizite pou gete pou fer en analiz lo kou, si sa kou i vreman dapre konstriksyon ki’n   ganny fer.  E la aprezan pou dir wi e peyman pe ganny fer. Me GICC in fini donn nou lakle, nou annan lakle e lakle i avek nou parske nou kapab met tou keksoz ladan nou furniture nou bann zafer e nou kapab nenport ler antre.  Mersi Mr Deputy.

 

MR DEPUTY SPEAKER

Mersi Minis. Onorab Ramkalawan

 

HON WAVEL RAMKALAWAN

Mersi Mr Deputy Speaker. Mr Deputy Speaker mon annan 2 kestyon pou Minis. Premye Minis in dir zot Kontra ki avek IDC pou fer en open-prison lo Coetivy. E Departman Prizon avek Departman Lapolis i 2 diferan Departman. Home Affairs. Me selman still zot Capital Project i tonm diferan. Ok, e tou i anba Home Affairs – byen bon. Alors mon kestyon se eski ti annan okenn tender process pou konstriksyon sa nouvo Kordgard?  Donn bann detay lo la.  Mersi bokou.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Akoz Kontra ti deza en Kontra avek IDC avek Home Affairs, ok? Prezan sa larzan ki reste sa bout larzan pou zot fer pou zot vin konmans sa travay alor pa ti  nesesit en tender. Akoz IDC ki’n subcontract pa Minister. IDC ki’n subcontract  avek GICC. I pa Minister ki’n fer.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Deputy Speaker mon konpran ki Minis pe dir mwan. Me malerezman i pa le ka. I annan en diferans ant konstriksyon en open-prison avek en Kordgard. E i pa kestyon ti ganny Kontra pou fer enn apre in fer lot. Si ou pe fer en Kordgard this is en totalman diferan batiman; totalman nouvo diferan batiman. E ou menm ou Minis ou’n fer nou kler ki pou dir sa bout ki ti reste laba Prizon ti mwens ki R2milyon ok. Ti mwens ki R2milyon e Kordgard in ariv plis ki R2milyon.  R5.9milyon be R5.9milyon nou pa fer okenn tender zis nou donnen?   Mon krwar ki sa i form parti  – sa i en move pratik e mon krwar bann Manm FPAC la dan sa Lasanble ki pe ekout sa Mr Deputy Speaker, nou pou tre dezapwente.  E sa i pou enn bann size ki nou pou kestyonnen ankor.  Parske nou pa kapab zis nek pran dan en bout al dan en lot bout san okenn bann tender. E sa i en major Capital Project R5.9milyon. Nou pa pe koz en pti larzan.  E la pou note osi Mr Deputy Speaker ki zot larzan zot ti bezwen al demann Minister Finans, pou plis larzan ki vedir probableman in vin konman en Supplementary Appropriation.  Mersi bokou.

 

MR DEPUTY SPEAKER

Minis.

 

MINISTER MITCY LARUE

Ok. Mon konpran keksoz, mon konpran fason dir keksoz la be selman, nou ava vwar ki lavenir nou pa fer li ankor koumsa.  Me nou fer li dan en fason ki devret ganny fer.  Me selman an menm tan parey mon’n dir nou ti annan en bezwen irzan.  Nou ti annan sa bezwen irzan ozordi la kominote Anse Aux Pins avek tou ki pou deserve sa landrwa zot vwar zot akoz, si nou ti pou espere la ti pou napa en Kordgard. Mon konpran i annan problenm la.  Mon pa pe dir napa problenm mwan. I annan problenm wi. Nou aksepte i annan problenm me selman parey mon’n dir at that time osi, ti annan en presyon – en nesesite in ganny fer nou ava fer sir, ki next time nou ava fer li dan en fason apropriye ki devret ganny fer.  Mersi.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

So Mr Deputy Speaker Minis pe aksepte ki pou dir lafason ki zot in fer keksoz zot pa’n fer li dan bon fason. Me an menm tan zis en dernyen kestyon, dernyen kestyon ki mon pou demann Minis, vi ki dernyen fwa ti dir avek nou ki Remand Centre lo nivo sekirite ensidswit be la i resanble ki IDC, GICC konmsi sa bann zafer… parske la i vin pli grav. Dernyen fwa zot ti dir zot ti fer laplikasyon avek Procurement Unit pou ganny en egzanpsyon e zot ti ganny sa egzanpsyon anba seksyon whatever anba Sef Defans. Be la sennla pou fer Kordgard – non selman zot pa ni demann fer en aplikasyon pou zot ganny en egzanpsyon, me zot pran en nenport lakonpannyen pou vin fer sa san en tender. Alors mon krwar sa i vreman grav, i vreman grav. E mon krwar ki i vreman serye sa ki nou pe koz lo la.  Boner ou’n dir avek nou letan ou pou vin kot nou avek ou Bidze aprouv ou Bidze be mon krwar ki letan ou pou vini sa lannen, ou pou bezwen prepar ou bokou pli byen parske ou ki pou drwa nou. Mersi bokou.

 

MR DEPUTY SPEAKER

Mersi Onorab.

 

MINISTER MITCY LARUE

Wi nou a fer sir nou prepar byen. Lannen pase pa mwan ki ti prepar mon Bidze. Napa problenm. Mersi.

 

MR DEPUTY SPEAKER

En follow-up vitman Onorab Ferrari apre dernyen kestyon Onorab De Commarmond.

 

HON JEAN-FRANCOIS FERRARI

Vitman Mr Deputy mon konman en Manm lo FPAC mon ti a kontan mon pa pou fer mon devwar si mon pa propoz en solisyon. Mwan mon krwar sa ki nou devret fer la, an vi ki sa nouvo lenformasyon ki nou’n gannyen nou bezwen demann avek Minis si sa balans pa ankor ganny peye, silvouple tenir sa balans. Lasanble ki pe demann zot sa personn pa pou bat zot.  Tenir sa balans nou ava request en prosedir evalyasyon, maybe it’s worth sa ki ete.  Nou ava request en prosedir evalyasyon e bann dokiman quantity surveying akoz i bezwen annan en dokiman quantity surveying  for the costing of  sa.  Nou ava get sa e nou ava get bann Planning procedures si  tou zafer i mars ok e apre sa konpannyen i ava ganny peye si i merit ganny peye. Me selman mon santi ki la nou bezwen freeze en pe sa.  So mon demann – mon siplikasyon avek Minis, se pou demande avek Prezidan si i pare pou li hold sa peyman ouver en Kordgard konmans travay, rod sa peyman ziskan ler sa i ganny klersi silvouple.  Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Onorab nou a pran ou pwen an konsiderasyon.

 

MR DEPUTY SPEAKER

Mersi Minis dernyen kestyon Onorab De Commarmond.

 

HON CHARLES DE COMMARMOND

Mersi Mr Deputy Speaker. Zisteman enn bann, mon bann kestyon ti pou al lo la pou ki en evalyasyon pa zis Kordgard Anse Aux Pins ki merit ganny fer. Akoz Minis in mansyonnen dan son larepons, ki sa proze Prizon pa’n fini lo zil. Si mon’n antann ou byen amwen ki ou dir nou lot fason. Si pa’n fini mon la mon pa pe ganny en konpran. Nou fer en proze i pa fini, larzan in ale, me konmsi i demann en evalyasyon tou lede proze pou nou kapab vwar ki’n arive pou annan en pe plis latransparans pou nou konpran ki mannyer larzan tax payers in ganny depanse. Mersi.

 

MR DEPUTY SPEAKER

Minis.

 

MINISTER MITCY LARUE

Pa kestyon pa’n fini zot ti ganny demande pa fer sa bout me vin lo Anse Aux Pins. Ok, pa vedir i pa’n fini akoz zot pa ti anvi fini, non.

 

MR DEPUTY SPEAKER

Ok, mersi Minis. Bon nou ariv a lafen nou Question Time pou ozordi. Nou ava, mon remersi Minis, Konmisyoner Lapolis avek son Advisor Ms Vengadasamy. E mon ava eskiz zot parmi nou.

 

MINISTER MITCY LARUE

Mersi Mr Deputy. Mersi tou bann Manm.

 

(MINISTER MITCY LARUE AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon nou ariv a lafen nou lazournen travay. Nou pou repran demen bomaten 9er e nou ava kontinyen lo biznes lo Order Paper. Mon konnen ti annan sa latant dan lunch time lo Bills Committee ki nou pran sa 2 pti Bill demen. Me i pa pou posib akoz i annan Cabinet Miting demen. I annan en Urgent Cabinet miting, so nou pou anvoy sa probableman Mardi prosen. So demen matin nou ava kontinyen avek  nou Order Paper e nou ava pran bann Mosyon lo Order Paper. Ok,  avek sa nou adjourn ziska 9er bomaten.

 

 

(ADJOURNMENT)