Home » Verbatim » 2017 » Verbatim Report NAS Sitting Thursday 22nd December, 2016

Verbatim Report NAS Sitting Thursday 22nd December, 2016

NATIONAL ASSEMBLY OF

SEYCHELLES

 

Thursday 22nd December 2016

 

The Assembly met at 9am

 

National Anthem

 

Moment of Reflection

 

Mr Deputy Speaker in the Chair

 

 

MR DEPUTY SPEAKER

Bonzour tou Manm Onorab.  Bonzour Minis Dr Larose ou Sekreter Prensipal PS Payet ou 2 Teknisyen Mr Thésee e Ms Vhergese e bonzour  osi Brigadier Leopold Payet. Bonzour osi tou dimoun ki a lekout ki pe swiv deba Lasanble

Parey nou ti’n anonse yer ozordi  nou pou deal avek 3 Heads, 3 Departman; sa se Defans FIU avek NDEA.  E bomaten nou pou konmans avek Defans me avan nou konmanse nou annan nou en First Reading e mon ava demann Madanm Clerk  pou fer First Reading. 

 

MADAM CLERK

Thank you Mr. Deputy Speaker. Good morning Honorable members.  This Act may be cited as the Public Persons Declaration of Assets, Liabilities and Business Interest Act, 2016.

 

MR DEPUTY SPEAKER

Mersi Madanm Clerk.  Mon swete ki tou Manm in ganny en kopi sa Bill.   Yes Onorab Afif?

 

HON AHMED AFIF

Mersi Mr Deputy Speaker. Bonzour tou Manm Onorab, Mr Deputy Speaker avek ou permisyon mon ti a kontan raise en matter of privilege.

 

MR DEPUTY SPEAKER

Yes Onorab? Go ahead Onorab.

 

HON AHMED AFIF

Mr Deputy Speaker, mon ti fer en Statement semenn pase swivan komanter ki ti ganny fer dan Reply Minis pour Finans e sa Statement ti kler e mon ti donn en kopi avek Speaker e ladan mon ti demann en retraction of Statement ki ti ganny fer par Minis Finans.

Mon prezimen Minis Finans in ganny en kopi e mon prezimen Speaker ek ou Biro in ganny letan pou fer en desizyon si sa retraction in order oubyen non.

Mon ti a kontan konnen ki sa desizyon silvouple.   E si in desizyon in ganny fer . pou fer en retraction mon ti a kontan demande ki sa retraction i  ganny fer. Mersi bokou Mr Deputy Speaker.

 

 

MR DEPUTY SPEAKER

Mersi Onorab.  Wi mon okouran a matter of privilege ki ou’n lev-e, me sa matter i ankor dan lanmen Speaker e mon mazinen in fini pran kontak avek Minis.  Me selman nou pa pou kapab pran li la bomaten.  Parey mon’n dir i dan lanmen Speaker e mon ti a kontan ki Speaker ti ava kontinyen deal ek sa matterSo si Speaker i rantre pli tar then ok.  Si non nou ava pran li kantmenm next week dan nou next  Sitting.  Dakor.

 

HON AHMED AFIF

Mersi Mr Deputy Chair.  Mon aksepte

 

MR DEPUTY SPEAKER

Mersi Onorab.   Bon nou ava al direkteman lo nou Order of Business e nou ava pran Departman Defans.  Mon a demann Minis, Minis i annan en statement pou li fer e apre nou ava open the floor pou debate.  Minis Finans.

 

MINISTER PETER LAROSE

Mr Deputy Speaker, Onorab Leader Lopozisyon, Onorab Wavel Ramkalawan, Leader of Government Business Onorab Charles De Commarmond, tou bann Manm Onorab dan sa Lasanble e apre tou nou bann oditer ki pe  ekout lo SBC lo televizyon e radio, bonzour.

Mr Deputy Speaker, semenn pase nou ti vin dan sa Lasanble e mon koman Minis Finans mon ti pe reprezant Prezidan Danny Faure  comme Commander-in-Chief Defans  nou Lafors Defans.

Mon koman Minis Finans natirelman mon ti pe reprezant Prezidan e ozordi osi mon pe reprezant Prezidan, Fodre nou napa en konfizyon deor ki krwar pou dir mwan Commander-in-Chief Lafors Defans. Mon bezwen fer sa byen kler.   Mr Deputy Speaker, tou Manm Onorab, mon annan en Statement pou fer.   Se ki apre diskisyon ki nou’n fer dan sa Lasanble  mon’n repase en pe lo Lakor ki nou annan  avek L’inde konsernan Lafors Defans Sesel.

Mon pe reviz sa Lakor. I apre tou  Prezidan Faure in fer en Deklarasyon ki tou bann Lakor Bilateral bezwen ganny revize e regarde par Minister Finans avan ki nou siny Lakor e sa mon oule donn konfirmasyon nou Lasanble la bomaten

Apre tou osi Mr Deputy Speaker Labank Mondyal  – IMF e tou bann gran lenstitisyon enternasyonal menm African Development Bank, i demande ki i annan en oversight role lo Ladefans lo Bidze Defans Lafors nenport ki pei ki nou en manm.  E sa natirelman, se ki i annan propozisyon kot nou bezwen regard nou Lafors Defans,   sirtou son Bidze pou met li anliny avek nonm enternasyonal.  E la mon kapab konfirmen la bomaten ki Brigadier Léopold Payet in envit mon koman Minis avek mon team pou vizit son Headquarters pou fer sir ki nou regard en pe son bann sistenm kontrol, kot I konsern Bidze.  Parey nou’n dir se Minister Finans dan lannen 2017.  I annan en kantite travay pou fer e sirtou kot i konsern management of public funds. Vre, Prezidan Faure in dir son 3 prensip se  latransparans accountability e good gouvernance.  Nou bezwen met sa an pratik e natirelman Lafors Defans pa pou en leksepsyon.

Nou osi nou pou vizit sa Lafors Headquarters pou regarde kot nou kapab fer amelyorasyon e sirtou redwir gaspiyaz.

Lot pwen ki mon oule fer resorti Mr Deputy Speaker se ki anba Public Finance Act, i donn mwan sa Lotorite si nenport ki Minister osi non Departman ouswa  Lazans, ki mon krwar poudir serten peyman pa dwatet ganny fer mon pou fer li – mon pou met obzeksyon.

Eski mon ganny tou lenformasyon kot i satisfer mon koman Minis parske a lafen dizour se Minister Finans i pilye nou Gouvernman sirtou kot Public Funds Management i konsernen. Parske ki swa ki Oditer Zeneral finalman ler i anvoy son audit report i vize anler kot Minister Finans avek son team, ki kalite kontrol sistenm kontrol nou annan pou fer sir ki nou amelyor Public Funds Management.

E kot i konsern deklarasyon ki Brigadier Leopold Payet ti fer avek kont ki annan Nouvobanq mon oule donn sa konfirmasyon nou Lasanble bomaten, Minister Finans in pran kontrol sa bann kont.

E apre tou Mr Deputy Speaker le konsern ki ti leve konsernan 119 milyon Dolar la mon pe koz an Dolar mon’n abitye ek Dolar sorry  R119 milyon kot i konsern reparasyon fleet bato la mon annan plezir pou dir se ki Brigadier Leopold Payet pou fer en Deklarasyon anler lo la.  Avek sa Mr Deputy Speaker mon pas laparol avek Brigadier Leopold Payet.  Mersi.

 

MR DEPUTY SPEAKER

Mersi Minis. nou ava pas laparol Brigadier Payet go ahead.

 

BRIGADIER MR LEOPOLD PAYET

Deputy Speaker, Leader Lopozisyon – Onorab Ramkalawan, Leader Government Business Onorab De Commarmond, tou Onorab prezan Minis avek ou lekip e tou dimoun dan Lasanble, bonzour

Mr Deputy Speaker, Manm Onorab apre sa premye diskisyon dan Lasanble semenn pase, mon’n ganny en meeting onivo avek Komandan- an-Sef konsernan Bidze SPDF e mon oule fer resorti ki SPDF i konpre sa bann unit swivan

Lafors Spesyal ki nou dir Special Force Unit  ki baze Legzil ti ganny kree pou fer bann loperasyon spesyal tel parey anti-teroris. lalit piratri e zot louvraz I enkli donn proteksyon laprezidans State House.  Gard lakot ki baze Ile Perseverance e son latas Prensipal se pou protez nou bann Zone Maritim e tou bann resours ki egziste dan nou lanmer e osi fer lezot travay avek diferan Minister ek Lazans

Lafors Aeryen ki baze La Pointe Larue o-bor Lakademi Lapolis son rol Prensipal se fer sirveyans dan lespas aeryen  e osi travay etrwatman avek gard lakot.  Lakademi Militer son rol Prensipal se pou donn training bann solda

Headquaters Lafors Defans ki sitye Bel Eau e son rol se pou administre lafors.  Tou Militer zot pibliy serten sif lo serten sonm ki aparet lo medya e nou konnen ki sif i pa aproximatif.  SPDF nou Lafors i pa mwens ki 100 zonm e i pa plis ki 700 zonm e sa larzan ki’n mete dan Bidze i kouver Trezyenm Mwan Saler – zot saler ordiner,  allowance promotion Gratwite e Konpansasyon.

An sa ki konsern kont SPDF Komandan-an-Sef in deza pran en desizyon e apartir le premye Zanvye 2017 tou larzan SPDF pou dan en kont  Trezor.  Parey in ganny anonse Par Komandan-an-Sef e dan Bidze SPDF I annan osi en don ki ganny donnen par Gouvernman L’inde. Sa i atraver en rapor Bilateral alor mon annan kopi sa dokiman konsernan sa Don e mon pou donn en kopi Mr Speaker ek Minis Finans

Mr Speaker avek sa mon termin mon Statement e mon remersi zot tou.

Mon’n fer sa akoz semenn pase mon’n vit. I premye fwa mon’n vin dan lasanble – mon’n  vit. Prezan mon’n refer sa pou mon met tou dimoun e azour e pou zot konpran en pe pli byen Lafors ki mannyer i marse.  Mersi.

 

MR DEPUTY SPEAKER

Mersi Brigadier Leopold Payet. Bon nou pou nou ava ofer deba me annou mazinen poudir semenn pase nou’n deza konmans kestyonn Minis Finans avek Brigadier Payet lo Bidze Defans, annou pa anmenn repetisyon.  Annou sey anmenn keksoz nouvo e nou a kapab deal avek sa deba byen.  Okay ? Onorab Afif.

 

HON AHMED AFIF

Mersi Mr Deputy Speaker. Avek ou permisyon mon kapab demand premye kestyon?

 

MR DEPUTY SPEAKER

Yes Onorab.

 

HON AHMED AFIF

Mersi Mr Deputy Speaker. Mr Deputy Speaker nou’n osi revwar en pti pe Bidze e baze lo demann ki nou’n fer avek Minister Finans pou ganny en pti pe plis lenformasyon pou zistifye an partikilye sa gro depans ki anba ‘building and infrastructure’ paz 25 ‘capital expenditure’ e prenan kont dokimantasyon ki ti ganny demande, mon anvi fer Lasanble konnen poudir dokimantasyon ki’n prezante avek nou ziska konmela, I pa donn mon okenn lendikasyon ki I annan en Grant pou finans sa ki apel refitting bato; parske mon annan dokimantasyon ki’n prezante en demann sorti Minister Zafer Etranzer ki pe demann Grant answit mon pa a donn tou detay me selman larepons sorti kot Minister Zafer Etranzer  dan L’inde – parske sa ti annan pou fer dan L’inde e lola napa nanryen pou fer avek okenn refitting bato. Ti annan swit en lot dokiman ki en latab ki montre plizyer bann depans ; me sa sete en dokiman ki pa afilye avek sa demann ofisyel

E baze lo la mon pa trouv okenn zistifikasyon pour ki nou, nou bezwen aprouv sa lo baz ki se pa nou ki pe peye –  se en kado, me napa sa zistifikasyon pou montre sa. Parske se sa kado ki swadizan Gouvernman  L’inde anfen  pa swadizan  i en dokiman, I pa pou fer ek bato

Alor mon ti a kontan konnen si i annan lenformasyon ki nou napa, parske baze lo la mon vwar PS Payet pou bezwen dan son laliny ki apel Grant anler retir sa sonm e answit dan depans ‘capital expenditure’ retir sa sonm. I pa afekte Bidze finalman e finansman, me selman pour sa alokasyon ki zot in propoze pour Ladefans si zot pou ensiste pou kit sa sonm ladan, i pou fer sa defisit vin pli gran par ankor 10milyon Dolar.  E se pa lo sa baz ki nou ti pe aprouv e sa Bidze. Alors petet si zot kapab eksplik en pti pe lo ki baz zot pe deside ensiste pou en tel peyman – en tel logmantasyon dan Bidze ki R428milyon dan lakel i annan apepre 119 ki zot pa kapab montre kote son Grant i sorti. Mersi Mr Deputy Speaker.

 

MR DEPUTY SPEAKER

Mersi Onorab. Minis oubyen PS oule pran sa kestyon? PS Payet?

 

PS PATRICK PAYET

Mersi Mr Chair, e bonzour Mr Chair. Bonzour  tou Manm Onorab. Bonzour tou dimoun ki a lekout.  Mersi pou sa kestyon  Onorab Afif.  Zis pou mansyonnen letan nou ti fini deba semenn pase lo Departman Ladefans, nou’n kontakte Ministry  of Finance Affairs akoz nou ti vwar ki tou bann kominikasyon ki ti’n ganny fer from Foreign Affairs in koz selman the aircraft propeller apre telecommunications equipment selman.  Me selman ti napa sa bout refit of Topaz menm si Topaz aktyelman – kekfwa Brigadier fini ariv dan L’inde?

 

BRIGADIER  MR LEOPOLD PAYET

Topaz ti ale lannen pase e sipoze retournen sa lannen. Son dat pa ankor fer nou konnen. Akoz nou bezwen al verifye sa bato laba avan ler nou re anmenn li isi. Akoz ler bato ti donn nou la, ti annan en kantite defo avek. Sa voyaz letan in refit nou bezwen re al vizite fer sir ki ler retourn isi, i an bon kondisyon. Mersi.

 

MR DEPUTY SPEAKER

PS Payet

 

PS PATRICK PAYET

Zis pou kontinyen Mr Chair, mon krwar parey Onorab Afif in mansyonnen, I napa en lefe lo nou balans primer si nou kit sa Grant ouswa nou retire. Akoz parey in mansyonnen zis nou pou tir li dan reveni total Grant anler e nou bezwen tir li dan Departman Defans, me selman zis pou mansyonnen letan nou ganny tou sa dokiman, nou pou bezwen revin kot Lasanble pou enform zot sa bann detay kwa ki’n ganny fer. E osi i pou vin konman en Bidze Siplemanter akoz i en en Don adisyonnel ki letan bann detay ki nou’n gannyen.  So…

 

MR DEPUTY SPEAKER

Ok PS Payet?  Onorab Afif.

 

HON AHMED AFIF

Mersi Mr Deputy. Mon krwar sa propozisyon i fer sans. Ozordi nou pou aprouv en Bidze ki mwens ki sa ; ki en Bidze san sa R119 milyon.

Mwan mon pare pou siport en tel propozisyon letan donnen ki anler dan reset sa Grant pa’n materyalize. E si zanmen i arive ki pandan lannen zot ganny en Grant i en Kado i pa pou afekte Bidze, then nou kapab aprouv li konman en Bidze Siplemanter. lo baz ki larzan pe ganny finanse pou sa.

Me la ozordi nou pa vwar e nou pa kapab aprouv en Bidze par lao sa ki Grant i siporte. E answit petet si mon ti kapab ekout permisyon Chair demann en pe petet en forecast avek zot, konbyen i koute pou bann tel reparasyon ?

Mon dir sa avek respe pou Militer e tout an prenon kont i annan keksoz ki sansib. Me nou osi konnen poudir Sesel i annan gro bato ;  i pa premye bato ki pe al fer refitting. Nou annan Seychelles Pride, Patriot ki parkont zot, zot 33mil tonn. Nou annan enn ptipti Sesel en Tanker ki apel Seychelles Paradise son kou total enkli fre pou ariv Sesel, pa ti desot 10milyon Dolar.  Son kou  -sa pa refitting  – son kou – son masin ek tou keksoz. Ki mannyer en pti bato parey Topaz – avek respe mon pe dir pti bato, parske i pa 33mil tonn ; i posibleman 300 tonn.  Ni mil ton napa. Li zis en pti reparasyon i pe ariv 8 a 9 milyon Dolar. I pa posib, Alor pour nou, nou pa vwar ki mannyer  sa kalite sonm i zistifye, menm si ou pe met en Grant ladan ; parske sa Grant pa pou kapab siport en keksoz ki pa sa pri. E alor nou annan en issue serye an term kou ki nou nou pa vwar sa zistifye. E ‘capital budget’ lannen pase PS Payet zis pou mansyonnen ki ou ti deza annan en Bidze R135 milyon lannen pase e zot konfirmen la zot in konfirmen ki bato in ale sa lannen ; in fini ale sa lannen

Me alor sa ti’n devret ganny fer provizyon depi sa lannen.  Akoz i pe al dan lannen prosen ?  Parski laplipar louvraz in ganny fer sa lannen. Normalman ler ou antre dock yard konman ou antre i sarz ou en larzan pou ou antre. Ou’n fini konmans peye.

Be alor ki mannyer en sel kou pe ariv tousala ? E menm kantite ankor lannen prosen 140 ler sa lannen  ler zot in met 135 konman milyon roupi konman en Bidze

Alor pour mon  e an plis ki sa i annan 35 milyon ki zot, zot in fini depanse deza sa lannen anba ‘capital.  Alors pou mwan i relev bokou kestyon e avek respe ki kree bokou dout dan nou lespri – latransparans dan sa bann sit pou mwan i pa pe fer sans ditou  E mon sel solisyon mon pe vwar ki nou bezwen tir sa sonm 120 milyon dan sa Bidze e fer li tournen si zanmen i annan en Grant ki klerman siport refitting entel bato.  Mersi.

 

MR DEPUTY SPEAKER

Mersi Onorab Afif. Onorab Payet oule fer komanter ?  Minis ?

 

MINISTER PETER LAROSE

Mr Deputy Chair mersi bokou. Mon krwar sa ki Onorab Afif in dir i korek.  Nou a kapab tonm dakor lo la.   Me si ler nou ganny  sa Grant nou a retourn devan Lasanble.

 

MR DEPUTY SPEAKER

Mersi Minis. I byen nou pe bouz en pti pe devan. Onorab Ferrari.

 

HON JEAN-FRANCOIS FERRARI

Mr Deputy mersi.  Bonzour  tou dimoun, Dan lespri avans en pe vitman, mon’n pran sa sonm 428 milyon 683 mil 79 roupi mon’n tir 119 milyon 966 mil 85 e nou annan  en Bidze 308 milyon 7san 17mil pwen 84.  Se sa Bidze ki mon propoze ki nou vot lo la e mon krwar nou’n byen aksepte ki ler sa Grant i vini, i retourn devan Lasanble e i pa pou afekte nou Bidze prensipal  ni nou defisit. Mersi.

 

MR DEPUTY SPEAKER

Mersi Onorab. PS Payet oule fer komanter oubyen …? Please go ahead.

 

PS PATRICK PAYET

Mr Chair sa ki Onorab Ferrari in mansyonnen i korek 308milyon 717 mil.  Mersi.

 

MR DEPUTY SPEAKER

Mersi PS Payet. Onorab Sebastien Pillay.

 

HON SEBASTIEN PILLAY

Mersi Mr Chair.  Bonzour Minis, Bonzour Brigadier. Bonzour tou Manm Onorab. Mr Chair mon ti a kontan ki Minister Finans i klarifye detrwa pti keksoz; premyerman an relasyon avek zot PSIP pou lannen pase.  Dapre budget zot ti annan 134 milyon pou sanz 476 mil me zot ti fini end of year avek zis 35 milyon 18;  eski ti annan okenn sonm ki ti’n plan anba okenn Grant ki pa ti materyalize lannen pase?

Dezyenmman Mr Chair mon oule refer latansyon Lasanble avek en press release sorti kot Directorate  of Fleet Maintenance DFM Indian Navy ki konfirmen poudir Topaz apparently pe fer refit kot zot Naval dockyard belonging to the Indian Navy, i ganny trouve Visakhapatnam e sa i pe konmanse pare dapre ki Brigadier in mansyonnen

Prezan an relasyon eks a sa refit Mr  Chair, i annan serten kestyon  ki mon koleg lot kote latab in raise ki pa’n ganny adrese ki  mon ti a kontan ki  Lafors Defans i adrese

An 2008 dapre lot press release ki Indian Navy in fer in fer sorti lo zot sit web anba Public Information Bureau India, e sa press release mon annan en release ID; son release ID 42694 ki kapab ganny tyeke avek O-Komisyoner L’inde.

Dapre sa press release Topaz ti fer en major refit an 2008.  E an 2008 i ti fer refit akoz sa i lenformasyon piblik mon kapab  – i ti fer refit lo son under water and above water hull e i ti fer son shafting and propellers; i ti fer overhaul of engines. I ti fer AC Plants e i ti fer air   compressor e I ti fer bann lezot auxiliaries ki ti ariv en kot total dapre sa press release Indian Navy par press release Sesel 4 milyon Dolar -R53 milyon an 2008

E i pou fer 8an depi  dernyen fwa Topaz in al son dernyen refit. Sa i dapre Gouvernman L’inde.  Mon pe sey rod en leklersisman mwan osi parey ou menm.

Prezan mon’n al tyek avek dimoun ki dan Trade pou mon konnen sey konpran konbyen i koute an relasyon avek sa bato spesifikman

Sa ki mon’n find out  from bann dimoun dan trade se ki enn sa per masin ki lo Topaz ki ankor lo internet dapre son vessel identification number ou kapab ganny tou son bann lenformasyon, i kout 1 milyon Euro sa 2 masin selman.  I annan li 3 zenerater ki kout apepre  35 mil Euro par zenerater ;ki fer ki si i pe kontinyen pe fer refit savedir i pou annan en kou konsiderab pou li fer sa refit .

Alors mon ti a kontan konfirmen  ek Lafors Defans oubyen klarifye, akoz ler nou ganny sa Grant kestyon pou remont ankor lo kwa ki’n ganny fer ?

Eski  zot kapab donn nou lenformasyon e detay lo sa refit ki Topaz pe fer currently  India ,pou nou kapab ganny en konpran kwa ki pe ganny antreprann ?  E dezyenmman sa 4 milyon Dolar ki ti ganny peye an 2008 ti ganny peye par ki ? I ti ganny peye  par Gouvernman L’inde anba son sistenm son domenn Grant ? Oubyen eski i ti ganny peye par Gouvernman Sesel e safwasi si ler peyman i ganny fer, eski sa larzan i ganny transfer  dan kont Sesel -Minister Finans oubyen sa larzan i pey between sa Defense constractor  e Gouvernman  Lenn ?  Mersi Mr Chair.

 

MR DEPUTY SPEAKER

Mersi Onorab Pillay. PS Payet ?

 

PS PATRICK PAYET

Mersi Mr Chair e mersi Onorab pou ou kestyon. Zis pou klarifye  detrwa kestyon ki’n ganny raise. Premyerman nou ti ganny konfirmasyon letan nou ti pe prepar Bidze 2016. Ti annan en let ki ti sorti  kot High Commissioner of India  baze Sesel e sa let Me 2015 ki ti advise nou.  Baze lo sa let ki ti ekrir  Brigadier Payet I ti advice Lafors Defans ki Topaz I sipoze ariv kot zot mid January 2016 e zot pou partisip dan  sa bann prosedir refit ziskan Fevriye e zot ti sipoze konplet refit Desanm 2016.

Sanmenm sa rezon ki nou letan nou ti ganny sa let e avek Lagreman ki nou ti agree zot kwa ki nou ti pou depanse lo sa 25 milyon Grant e ladan ti annan pou refit of Topaz ki nou ti met li dan Bidze 2016.

Me Minister Finans ki mannyer i marse nou bezwen ganny proper document before nou kapab record li.  Nou pa kapab record li avek en let konmkwa ki’n dir nou.   Sanmenm sa ki letan nou’n refer nou revizyon Bidze 2016,nou pa’n enkli sa refit ladan – menm si annan progress ki’n made ; akoz nou pa ankor ganny dokiman ariv kot nou.  Nou pa kapab rikorde. Oditer demen letan pou vini I pou bezwen pas lo sa bann dokiman pou nou kapab fer proper recording .

Sanmenm sa ki nou pa’n met li dan Bidze Revise Bidze 2016 e I dan Bidze 2017.  E segondly pou kestyon…

 

HON SEBASTIEN PILLAY

Eski osi dan Revise parey Revise 2016 ou tir li akoz ou pa ti ganny li malgre ou ti’n budget  li ? Eski dan Revise 2017 ou ti pou osi tir li ler i vini ?

 

PS PATRICK PAYET

Definitivman. Me selman  avek advise ki nou’n gannyen avek SPDF ki topaz i actually  laba. E nou ti anvizaze zot ti pe espekte the first quarter  Topaz ti pou tournen e nou ti pou’n fini ganny bann dokiman. Sanmenm sa ki nou’n fer sir ki nou’n met li dan Bidze 2017.

E zis pou advise osi, dan sa Grant i annan eleman cash ki nou’n resevwar, ki’n vin isi. Letan mon pe dir sa Grant i sa 25 milyon Dolar ki I annan son eleman cash ki nou’n kolekte isi ki in vin dan  Central Bank Account – Dolar e ki nou’n bezwen nou apre pey supplier as bann prosedir tender ki’n ganny fer ; par egzanp pour Lasante pou aste latizann i annan larzan ki’n vin isi apepre 3 milyon Dolar ki nou apre nou bezwen peye. Ti annan latizann ;ti annan pou ; Lapolis ; SPTC.

Me tandis ki letan ou get pou SPDF, sa larzan in reste kot Gouvernman L’inde e zot pey direk supplier zot menm. Me letan zot fini peye, zot enform nou kot Minister Finans lo bann detay ki zot in pey supplier e lekel sa bann supplier ki zot in peye.  Mersi e sa ti pou sa enn 2008 osi  tou.  Napa larzan ki ti vin dan kont Gouvernman – Central Bank me ii direk from L’inde e tou son supplier.  Mersi.

 

MR DEPUTY SPEAKER

Onorab Pillay.

 

HON SEBASTIEN PILLAY

Klarifikasyon lo bann refit ki pe ganny fer lo Topaz si Brigadier i kapab donn la ouswa si nou pou pran li ler Supplementary  i vini. Solman ti ava bon nou ganny en lendikasyon kwa ki pe ganny fer an relasyon avek kou ki nou pe koz lo la.  Mersi.

 

MR DEPUTY SPEAKER

Brigadier i oule reponn?

 

BRIGADIER MR LEOPOLD PAYET

Onorab nou pe tyeke.  Letan PS in dir sa nou ti’n ganny en klarifikasyon nou pe  tyeke avek L’inde pou nou ganny en dokiman pou gete konbyen  ti koute premye fwa e konbyen pou koute sa voyaz. Mersi.

 

MR DEPUTY SPEAKER

Mersi Brigadier. Onorab Pillay?

 

HON SEBASTIEN PILLAY

Mr Chair mon dernyen pwen mon ti pe zis fer lespri marse; si nou pou retir pour Lafors Defans anba sa Grant given ki nou’n fini – par egzanp serten porsyon sa Grant pou SPTC si mon pa tronpe – I menm zafer? E dan lezot antite kot i annan eleman sa Grant eski nou pou bezwen retir zot osi laba kot lezot antite?  Mersi.   Akoz i pa ankor vini – i pa nou larzan.  So i en larzan ki pe vini eski nou bezwen retir zot ki alors nou bezwen prezant en Revise Supplementary avek Lasanble. Mersi Mr Deputy for your indulgence.   Thank you

 

MR DEPUTY SPEAKER

Mersi Onorab Pillay. PS Payet oule reponn ?

 

PS PATRICK PAYET

Mersi Mr Chair.  Zis kekfwa akoz mon kwar klarifikasyon ki’n ganny mete devan se nou napa dokiman pour Topaz. Me tandis ki lezot – par egzanp Lapolis nou ti’n fini ‘fingerprint equipment’ ek ‘chemical ki dan Bidze actually ‘uniform’ nou ti’n fini ganny bann dokiman sorti Foreign Affairs isi e bann concrete document

Me tandis ki pou Topaz nou pa ti ankor ganny dokiman.  So sanmenm sa mon krwar i mank klarifikasyon ki’n ganny raise. Mersi.

 

MR DEPUTY SPEAKER

Mersi PS Payet. Onorab De Commarmond ou fer en follow- up?

 

HON CHARLES DE COMMARMOND

Bonzour Mr Deputy Speaker. Bonzour Minis.  Bonzour tou dimoun isi dan nou Lasanble – nou dimoun ki a lekout.

Mr Deputy Speaker, nou’n ekout sa ki’n ganny reprezante bomaten ; mon krwar i annan en propozisyon ki Onorab Ferrari in met devan e ki in aksepte par Minister Finans e mwan mon krwar  i ok nou pa bezwen al dan plis detay ki s.  Nou’n vwar sa technical whatever, me therefore annou bouz devan ; sansan nou Lasanble pou reste pri dan en zafer nou pou ale devan, ale isi – mwan mon kwar mwan propozisyon Onorab Ferrari i rezonnab. E Minister Finans in tonm dakor; nou Lasanble i tonm dakor Onorab Afif i osi dir ki sa that is way forward. i en kestyon teknik.  Annou pran en vote lo la nou a bouze pou lot Heads ki devan nou.  Mersi.

 

MR DEPUTY SPEAKER

Mersi Onorab De Commarmond. Onorab Ramkalawan.

 

HON WAVEL RAMKALAWAN

Mersi bokou Mr Chairman. Mon anvi senpleman demande vi ki Topaz in laba L’inde depi en pe letan e vi ki sipoze an prensip retournen konmansman lannen, eski ziska aprezan nou kapab ganny detay konbyen ki Sesel in pey sa yard kot i ete? Eski i annan okenn peyman ki’n ganny fer?  Mersi bokou.

 

MR DEPUTY SPEAKER

Mersi Onorab. PS Payet.

 

PS PATRICK PAYET

Mersi Mr Chair.  Mersi Onorab. Lo kote Sesel napa peyman okenn peyman ki’n ganny fer  lo kote Bidze.  E tou depans pe ganny fer dan sa Grant par Gouvernman L’inde.  Mersi.

 

MR DEPUTY SPEAKER

Mersi PS Payet. Bon propozisyon in ganny mete lo floor.   Ale Onorab Ramkalwan.

 

HON WAVEL RAMKALAWAN

Savedir napa nanryen ki devret antre dan nou Bidze si zot pe fer tou bann zafer laba ?

 

MR DEPUTY SPEAKER

PS Payet.

 

PS PATRICK PAYET

Mersi Mr Chair . Mersi pour sa kestyon e sa klarifikasyon.  Letan nou pe rantre dan PPBB e gradually par egzanp zot  menm zot in demande par egzanp SBC – SBC I annan son bann larzan ki i pe kite me solman I pe fer son bann lezot operasyon. Letan nou vin fully dan PPBB nou pou bezwen met tou ki i pe kolekte either par Gouvernman Sesel ki pe depanse, ouswa par en Don ki i pe gannyen ouswa pou bann revenue ki pe ganny raise – nou bezwen met sa dan full PPBB.  E sanmenm sa ki annan son full appropriation menm si sa depans pe ganny dan Bidze – pe ganny tire dan domestic  financing par Gouvernman ouswa en loan financing ouswa en Grant financing. Sanmenm sa avek bann international best practices ki nou annan PPBB e sa mon krwar avek sa PEFA – Public Expenditure Framework Accountability, i annan en premye rapor ki’n ganny sorti sa lannen e nou ava share avek Lasanble letan zot donn nou son final report an Zanvye ki zot pou vwar ki ler en pei i ganny bad score letan i pa kapab  pe record properly sa bann Donasyon ouswa menm dan son Bidze.  Zot dir ou ki ou bezwen fer li latransparans e met tou sa bann piblikasyon properly ki menm Lasanble Nasyonal e piblik out there is aware ki mannyer sa depans – sa institution I ganny finanse. Se avek sa nide nou Minister Finans nou koriz en pe nou bann anomalies ki’n egziste dan lepase e nou’n fer sir ki sa I ganny an plas dan pratik ozordi dan public finance. Mersi .

 

MR DEPUTY SPEAKER

Onorab Ramkalawan ok ? Wi ok.  Lo sa pwen i annan en konsyansye lo tou lede kote. Mon annan ankor 4 Manm ki’n lev lanmen me mon panse ki zot kestyon i pa lo sa pwen. Si  I annan lezot pti klarifikasyon mon ava donn sans. Onorab Henrie.

 

HON GERVAIS HENRIE

Mersi Mr Chair. Bonzour tou dimoun. Mr Chair mon annan 2 pti kestyon ; enn i konsern lo ‘wages and salaries’ akoz dernyen fwa ki nou ti dan Lasanble Brigadier dan larepons en kestyon demande par Onorab Ferrari, ti dir ki tou larzan ki’n bidzete  i spesifikman pour bann dimoun ki dan Lafors, me lenformasyon ki nou pe gannyen I annan bann dimoun ki  ed zot se sa kestyon ki mon oule demande par egzanp i annan eski i annan dimoun ki ti dan Ex-Milisya ki pe ganny benefis ouswa i annan en Scheme ki apel KADA ; e menm i annan en Scheme ki apel Liberation Memorial Benefits ki annan apepre 16 endividi ki pe  ganny en benefis anba la.   E an 2015 zot ti pe ganny ziska  par mwan – zot ti pe kout pei R12,200 so mon oule mon konnen si sa bann endividi la pe ganny sa larzan  dan ‘wages and salaries ‘Lafors Defans ?

E mon 2enm pwen i konsern ‘goods and services’ e PS Payet dernyen fwa ti dir avek nou poudir  apre ki Rapor 2Oditer Zeneral 2014 ti sorti, i annan en financial controller ki’n ganny apwente, me solman Rapor 2015 i ankor annan bann konsern vizavi transpor, fuel, Cable, TV  tou menm – zot in releve.   E menm annan bann problenm telefonn kot ou ganny bann endividi ki pa neseserman solda dan liniform me  solman ki pe ganny bann kart telefonn larme – zot annan koneksyon Cable TV ;so mon oule ki i reasir nou pou dir anba ‘’goods and services’’  pou napa ankor sa bann labi ki kontinyen dan Lafors Defans e se ki vreman Minister Finans i annan son ledwa lo sa sityasyon pou manage bann larzan ki pou ganny donnen avek Lafors Defans.  Mersi.

 

MR DEPUTY SPEAKER

Mersi Onorab Henrie. Yes Minis.

 

MINISTER PETER LAROSE

Mr Deputy Speaker, mersi bokou pou Onorab Henrie ou ou kestyon.  Mwan osi mon’n lir Rapor Oditer Zeneral pou 2015 sirtou kot I konsern Lafors Defans e lezot Minister, Lazans e Departman. Mon kapab donn ou en serten garanti e Lasanble osi – se pou se la ki Brigadier in envit mwan avek mon team pou vizit zot Headquarters, pou fer sir ki sa bann anomali  – bann gaspiyaz I ganny remedye e sa nou kapab donn lasirans.   Nou pou fer li depi le premye semenn Zanvye 2017.  Mersi.

 

MR DEPUTY SPEAKER

Mersi Minis. I annan sa  premye kestyon PS Payet oule reponn lo ‘wages and salaries?

 

PS PATRICK PAYET

Mersi Mr Chair. Mersi Onorab Henrie. Anyway I annan en keksoz kekfwa nou ava verifye akoz nou par egzanp nou servi payroll ki egziste e osi nou ava met li part of the audit at least zot kapab trouve sa bann dimoun lo payroll  kote zot ete dan sak Departman.   Sa nou ava met li lo nou plan e nou ava verifye sa komanter ki ou’n fer lo kote sa bann KADA si i egziste.  Mersi.

 

MR DEPUTY SPEAKER

Mersi PS . Yes Onorab Afif follow- up.

 

HON AHMED AFIF

Mersi Mr Deputy Chair.  Mon follow-up lo sa kestyon lo paz 25 sa latab anba kolonm 2017 Bidze, ‘wages and salaries’ 149 milyon 5san 98 mil eksetera e bomaten Brigadier in donn en sif ant 100 a 700  personnel dan Lafors Militer; annou pran li 700 – si ou pran 700 ‘personnel ki ou pe pey zot R149milyon I vedir ki sakenn par mwayen pe ganny R18mil.   Si ou pran zis 100 sakenn pe ganny R124mil par mwan. I en pti pe o  par konparezon avek sa ki nou konnen solda I ganny peye.  E mon’n sa pli o sif ki ou’n donnen – 700  sak solda I ganny R18 mil par mwan sa I purely ‘wages pa okenn benefis akoz lezot keksoz i antre par anba ‘goods and services.’  Alors si ou kapab donn nou en pti pe lesplikasyon akoz ki  zistifye 149 milyon baze lo sa bann sif pirman ki ou ‘n donnen.  Mersi Mr Chair.

 

MR DEPUTY SPEAKER

Mersi Onorab.  PS Payet .

 

PS PATRICK PAYET

Mersi Mr Chair e mersi Onorab. Zis pou azoute dan sa 149 milyon zis pou saler i zis 122 milyon – zis pou saler.   Ou annan sa bout Gratwite akoz parey zot konnen Gratwite avek Konpansasyon SPDF i pa tonm anba centralized payment ki tonm anba kot sa centralized payment DPAPublic Administration kot nou pey – akoz tou bann lezot public service employees i ganny kouver anba sa centralized payment tandis ki zot SPDF i annan 13. 8 milyon pou bann Gratwite akoz zot ganny tou le 2an ouswa menm tou le 5an parey Lapolis.  Apre i annan en Konpansasyon ki letan bann dimoun i exit dan Larme sa i apepre 13.7 milyon.  Son total i 122 milyon zis pou saler avek zot bann lezot depans.  Mersi.

 

MR DEPUTY SPEAKER

Mersi PS.  Payet Onorab Afif.

 

HON AHMED AFIF

Mersi Deputy Speaker.  Follow- up baze lo 122 milyon si i annan 100 solda pe ganny R101 mil par mwan.  Si annan 700 zot, zot pe ganny sakenn R14, 523 par mwan.   Se sa ki ou pe dir nou  sak solda  I gannyen par mwan.  Sa i konpansasyon apar en.  Sa i apar.

 

 

MR DEPUTY SPEAKER

Mersi Onorab pou sa obzervasyon. Onorab Georges.

 

HON BERNARD GEORGES

Mersi Mr Chairman. Mr Chairman nou pe al lo en lot size mon ti a kontan remersye Brigadier pou bann detay ki in donn nou lo bann diferan Kan Larme. Anfen  i tre enteresan.  Mon vwar amwen ki mon pa’n ekout atantivman ki Kan Babarons pa’n ganny mansyonnen e mon ti a kontan –  si mon annan rezon vre pa’n ganny mansyonnen – kekfwa Brigadier i ava dir nou akoz.   Mon kestyon  – plito mon lobzervasyon,  mon lenkyetid Mr Chair i sa enn;

I annan en Kan Barbarons e nou konnen i annan en ansyen Prezidan ki reste o-bor sa Kan. I annan en Kan Legzil e nou konnen ki en ansyen Prezidan ti reste o-bor sa Kan Legzil e enn prezan i reste en pti pe pli lwen avek sa Kan Legzil.   I kler mon krwar nou bezwen aksepte ki sa Kan Legzil in ganny kree ler Msye Rene ti Prezidan – i ti reste laba e i ti pou son proteksyon. E pareyman sa Kan  Babarons in ganny kree ler Msye Rene in move Barbarons pour n proteksyon.   Nou napa problem.   Mon krwar nou konpran sa.

 

(Mic off)

 

HON BERNARD GEORGES

Les mwan fini zot ava konpran kot mon pe ale silvouple.   Mon problenm se sa enn ; si zot dir mwan ki Legzil  i meyer landrwa pou unit Tazar ganny baze pou  bann rezyon stratezik, mon bezwen aksepte ; akoz mon pa en militer e mon pa konn sa bann rezyon stratezik.   E si zot dir mwan ki Kan Barbarons i Barbarons pou en rezon stratezik mon bezwen aksepte ki i annan en rezon stratezik.   E mon anvi kler lo la e mon anvi kler ki lefe ki i annan 2 ansyen Prezidan ki pe benefisye avek – lefe ki annan o-bor zot en Kan Larme pa antre dan zot konsiderasyon.  Mon anvi ki zot dir nou kler sa.   Sa i pa rantre dan konsiderasyon ditou e napa en depans ki vin asosye  avek lefe ki sa 2 dimoun i ganny sa proteksyon.   Akoz pou mwan Mr Chairman napa koensidans.   Pou mwan ler mon regard sa keksoz mon vwar li byen kler.  Mon vwar ki i annan en lyen direk ant landrwa kot sa 2       Kan i été, avek sa 2 dimoun ki reste o-bor zot.   Sa ki mon anvi bomaten, se ki zot dir mwan ki ; non, non, mon toutafe tor – napa okenn lyen ; napa okenn benefis ; napa okenn nanryen ki link sa de keksoz ansanm.   Mon anvi ki zot dir mwan sa.  Mersi.

 

MR DEPUTY SPEAKER

Mersi Onorab Georges.   Brigadier oule reponn?   Go ahead. 

 

BRIGADIER MR LEOPOLD PAYET

Onorab parey ou’n dir sa Kan Barbarons i la wi.  Sa Kan Barbarons ti la avan ler  Prezidan Rene ti al Babarons.   Sa Kan ki laba i diferan avek kot Prezidan Rene i reste. Prezidan Rene i reste lo son propriyete pour li.  Kan Barbarons  i lo en lot propriyete.   Sa Kan Barbarons i pou reste.   Nou pe al servi li konman en Kan training.   Kot Lakademi Ladefans I ete pe fini kase e kot nou pou bezwen sorti.   Prezan nou bezwen pran sa landrwa pou nou al fer nou training .

Sa enn ki Legzil sa bann dimoun ki Legzil, en Kan ti ganny fer letan Prezidan Rene ti la ou dir,  me solman i pa ti parey letan Prezidan Rene ti la.   Sa bann dimoun ki reste laba nou napa en lot landrwa pou met zot.   Nou vwar li en landrwa pli apropriye pou nou kapab  deploy zot a nenport ki moman  – nenport kwa i arive.   Mersi Onorab.

 

MR DEPUTY SPEAKER

Mersi Brigadier Payet. Onorab Georges follow-up.

 

HON BERNARD GEORGES

Wi Mr Chair.  En pti pwen. Brigadier ou ava eksplik nou akoz ki ou’n mank Barbarons taler; eski i zis en omisyon?  E dezyenmman eski ou konfirmen ki okenn ant sa 2 ansyen Prezidan pa ganny okenn benefis ; konpran mwan byen, pa ganny okenn benefis avek bann sa 2 Kan avek bann solda ki lo Kan oubyen avek lefe ki sa Kan I o-bor zot.  Mersi.

 

MR DEPUTY SPEAKER

Mersi Onorab.  Brigadier.

 

BRIGADIER MR LEOPOLD PAYET

Onorab wi.   Sa bann dimoun I gannyen proteksyon,  me solman konbyen dimoun ki travay ek zot, sa mon pa kapab dir.  E i annan en Lalwa ki Komandan-an-Sef nouvo         pe  anmenn dan Lasanble lannen prosenn pou gete konbyen sekirite sa bann ansyen Prezidan pou gannyen ; pou anmenn isi kot Lasanble pou aprouve.   Mersi Onorab.

 

MR DEPUTY SPEAKER

Mersi Brigadier.   Onorab Ramkalawan follow- up.

 

HON WAVEL RAMKALAWAN

Mersi bokou Mr Deputy. Mr Deputy avek sa larepons ki Brigadier in donnen, mon ti anvi senpleman demann li; premyerman – parske in nonm an term Legzil pou deplwayman konmsi i pli fasil konmsi  mon ti ava mazinen deplwayman konmsi laba anler dan San Souci kot i annan lafoumbal aswar – tou bann keksoz – semen; konmsi ti ava pli fasil pou en pe pli pre dan milye lavil; ki konmsi en zistans en pe pli pre ki Airport ensidswit pou fer deplwayman but  anyway; me sa propriyete anler Legzil eski Larme pe lwe? Oubyen eski i pou Larme ?  Parske sa sete propriyete personnel Msye Rene.

 

MR DEPUTY SPEAKER

Mersi  Onorab.  Brigadier Payet

 

BRIGADIER MR LEOPOLD PAYET

Onorab sa kestyon mon napa en larepons.  Sa later mannyer i ete mon pa okouran.  Selman mon konnen letan sa Kan kot i été – i diferan landrwa kot i ti ete avan kot i ete konmela.   Mersi Onorab.

 

MR DEPUTY SPEAKER

Yes Onorab .

 

HON WAVEL RAMKALAWAN

Mon krwar i enportan pou nou konnen, parske si nou pe lwe i bezwen rantre dan Bidze. I bezwen vin dan Bidze si nou pe lwe.  E larepons i basically wi oubyen non – parske si i wi, i bezwen rantre dan Bidze.  Si i non,  i pa dan Bidze.

 

BRIGADIER  MR LEOPOLD PAYET

Non Onorab.  Nou pa pe lwe sa  landrwa. Landrwa ti la parey mon dir – ti en bout nou’n tir li kot ti été i met li dan landrwa pli apropriye.  Mersi.

 

MR DEPUTY SPEAKER

Mersi Brigadier Payet. Onorab William.

 

HON WAVEN WILLIAM

Mr Chair mersi bokou.  Mr Chair si ou permet mwan fer serten klarifikasyon leklersisman an menm tan, akoz an sipor-tan sa ki  PS Payet in dir e an swivan osi sa ki Onorab Pillay in dir konsernan Grant; zis mon ti a kontan fer sorti ki lefe mon’n Anbasader L’inde konsernan Grant avek sa credit facility  la; avan mon dir sa I fer mwan rapel letan Ex-Minis Bonnelame ti Minis Foreign Affairs ti dir nou dan Lasanble ler  nou ti ankor anvil – I ti dir nou  ki, ‘beggars cannot be choosers’.   I fer mwan osi mazinen ki letan Ex-Minister Pillay ti osi dir ki,’’ who pays the piper cause the tune. Etandan  mon’n fer sa 2 referans ki arive se ki letan Gouvernman L’inde i donn sa Grant la i annan bann kriter anba ki ou bezwen servi pou ou kapab servi sa larzan; akoz wi in donn ou sa larzan me li ki kontrol sa larzan.   E an menm tan i annan pou fer avek sa credit facilitiy.   Sa credit facility i annan osi bann kondisyon ki vin avek.  Par egzanp mon konnen poudir enn ki nou’n negosye ki lentere ti vreman o, nou’n reisi kapab fer sa lentere desann.   Me zot ki dir ou ki mannyer e ki fason, akoz zot oule ki sa larzan i ganny depanse L’inde zot.   Zot pa oule ki Sesel i al pran sa larzan i al depanse dan en lot en pei.  So,  zis mon ti anvi fer sa leklersisman pou dir i annan en serten sonm zot kapab donn ou, me zot pou fer tou mwayen posib ki sa larzan i ganny depanse L’inde.  E en keksoz mon ti ava demande se ki petet Brigadier ti a bon ki nou konnen par  egzanp pou al fer al refit Topaz si  nou kapab demann en kotasyon ; akoz i enportan petet pou konnen kwa bann aktivite ki’n ganny fer  koman reparasyon e konbyen in koute.   Akoz si nou pa rod sa pou lavnir zanmen nou pou konnen ki bann depans nou pe fer – si vre sa bann depans i en realite. akoz mon’n travay laba mon konn en pti pe ki fason sa bann keksoz i ganny fer.   Mersi bokou Mr Deputy Speaker.

 

MR DEPUTY SPEAKER

Mersi Onorab William.  Ou pe al en pti pe dan sa laliny par  egzanp si i vyab ki nou kontinyen fer sa bann depans lo Topaz ; oubyen petet si nou pa rod en bato pli nef ?  Bon ou’n donn en pti pe lesplikasyon – eski Brigadier i oule fer en leklersisman lo la  oubyen nou move on ?   Ale Brigadier.

 

BRIGADIER MR LEOPOLD PAYET

Onorab ou kestyon mon annan en larepons.  Depi ler sa pe arive zafer  Grant L’inde nou’n apros Foreign Affairs pou nou avek Lanbasad L’inde isi pou donn en detay  letan ti fer premye reparasyon lo topaz ek sa enn ki pe fer pou le moman. Mersi.

 

MR DEPUTY SPEAKER

Mersi Brigadier Payet.   Onorab Mondon.

 

HON TERENCE MONDON

Bonzour Mr Chair,   Minis e ou delegasyon e tou dimoun ki pe ekout nou.

Mon annan zis en pti pwen mon oule zot kapab konfirmen pou nou Lasanble ;   swivan Deklarasyon Prezidan ki – e menm Minis in  dir nou  bomaten, ki tou bann kont ki ti kot   bann Labank prive pou aprezan ganny manage dan en sel kont kot Trezor.  Sa i en bon pa dan en bon direksyon.   Mon oule zis konfirmen si napa okenn lezot kont menm aletranze ? E si zot kapab konfirmen poudir napa.  Sa i pou rikord nou Lasanble.  E dezyenmman mon anvi konnen ki bann fason zot administre bann Pansyon ki zot retire lo saler bann solda ; akoz mon annen en ka kot en dimoun i dir son msye in mor ler i al kot Fon s Pansyon zot dir li larzan – bann pansyon pa ankor desann – pa ankor sort  kot administrasyon Lafors Defans.  Si zot kapab  eklersi nou lo  la silvouple.  Mersi.

 

MR DEPUTY SPEAKER

Mersi Onorab.   Brigadier ou pou  reponn?

 

BRIGADIER MR LEOPOLD PAYET

Onorab mon’n note ou kestyon.  Mon ava rode sa lenformasyon – mon ava fer ou gannyen pli tar.   Mersi.

 

MR DEPUTY SPEAKER

Mersi Brigadier.  Onorab Mondon,  ok?

 

HON TERENCE MONDON

I zis ki mon ti oule en konfirmasyon poudir  napa okenn lezot kont.  Sa pou  nou rikord Lasanble i bon. Demen  konmsi nou konnen  nou kler poudir napa okenn lezot kont.  Pou annan zis en kont Trezor.   Mersi

 

MR DEPUTY SPEAKER

Yes Brigadier.

 

BRIGADIER MR LEOPOLD PAYET

Onorab eskiz mwan ou’n demann nou si nou annan kont deor?   Non nou napa okenn kont deor.   Sa ki mwan mon konnen. Mersi.

 

MR DEPUTY SPEAKER

Mersi Brigadier Payet.   Nou a pran nou dernyen kestyon Onorab Ramkalawan.

 

HON WAVEL RAMKALAWAN

Mersi Mr Deputy.  Premyerman mon ti ava kontan konmsi ganny en larepons vreman kler –  konfirmasyon ki Larme napa kont deor.  I konfirmen sa ?  Apre mon a kontinyen.

 

BRIGADIER MR LEOPOLD PAYET

Wi sa ki mwan mon okouran Onorab sa ki mon’n dir,  non.

 

HON WAVEL RAMKALAWAN

Si nou vin avek okenn levidans sa pou montre ki poudir avek tou respe se ki pou dir ou pa okouran tou bann keksoz ki pase dan Larme .

 

MR DEPUTY SPEAKER

Kontinyen Onorab Ramkalawan.

 

HON WAVEL RAMKALAWAN

Yes mon ti a kontan bann larepons.  Mon pou demann bann kestyon kourt,  kler, precise.  Eski wi oubyen non bann dimoun ki ganny konsidere konman KADA – Milisya eski zot ankor pe ganny peye dan sa Bidze Larme?   Eski nou ti a kapab ganny en kopi – la mon pe demann Minister Finans letan zot fer sa vizit an Zanvye, eski nou ti a kapab lo FPAC resevwar en kopi zot Assesment?  Apre I annan plizyer bann dimoun ki ankor pe atann en konpansasyon par egzanp la mon mazin fiy Mr Antat i ti mor le 25 Novanm ‘81’ latak Mersener i annan en de bann lezot dimoun

Eski sa Bidze pe fer provizyon pour ki  once and for all,  sa bann dimoun i ava ganny zot konpansasyon e ki sa I ava en keksoz dan lepase

I annan bann – ou’n nonm nou serten bann landrwa mon pa anvi rantre dan bann detay Militer, me solman mon ti ava kontan si Brigadier ti ava dir nou bann lezot landrwa kot solda i veye e akoz ?  Par egzanp I annan en rezidans anler Mare Anglaise kot solda ki veye.  Sa pa kot Mr Danny Faure I reste, me en rezidans  en madanm anler la zot veye.  I annan anba Lentandans solda i veye. I annan kot bann ansyen madanm bann Former Presidents, i annan prezans solda

Eski zot ti ava kapab

donn ou akoz sa bann deplwayman e lo ki baz?  E parske nou ki pe peye zot lapey.  E par egzanp en dernyen kestyon letan I fer bann promosyon parey mon vwar Mr Ciseau I CEO Ports Authority me solman tou dernyerman letan zot in fer promosyon in resevwar promosyon dan Lafors Larme – eski li osi tou i ankor lo payroll ?   E si zot ti ava kapab dan sa ka ganny en seri bann lezot dimoun ki pe fer bann lezot travay konbyen sa I arive – bann dimoun ki pe fer bann lezot travay an deor Ladefans ki pe ganny en lot lapey – ki annan en lot pozisyon – ki ankor pe ganny peye anba sa.  E sa I ava konfirm  sa ki mon ti mansyonnen semenn pase ki si sa bann keksoz pe arive I vedir ki sa ‘wages and salaries’ ki dan sa Bidze ki nou pe aprouve i pa vreman reflekte larealite.   E mon krwar ki dan sa ka nou  ava pe prezant en Bidze ki gonfle ; ki bokou pli gro ki i devret e se sa ki semenn pase mon ankor pe dir sa – ki petet menm sa 308 mil -e la mon ava demann Minis Finans pou letan zot fer sa Rapor pou nou regarde si menm sa nou pa devret pe redwir li ankor pou li vin mwens, parski i annan en kantite bann chiffre  ki ganny azoute ki pa devret azoute parske.   Par egzanp mwan mon pa krwar ki en CEO en lakonpannyen – en CEO  dan Gouvernman pe resevwar lapey CEO i devret osi pe resevwar lapey anba Bidze anba Defans.

E osi sa bann lezot mon ti a kontan parey mon’n dir bann larepons wi oubyen non, pou nou kapab move on.  Mersi.

 

MR DEPUTY SPEAKER

Mersi Onorab.   Brigadier ou ava pran bann ki ou kapab apre PS Payet i ava rantre.   Go ahead Brigadier.

 

CHIEF COMMANDER MR LEOPOLD PAYET

Onorab Mr Ciseau i pa lo nou payroll.  Sa enn. Lentandans ki ou’n demande Lentandans kot pe sorti i annan 3 dimoun laba zot pa ankor sorti akoz nou annan en bann keksoz ki ankor laba – nou pe fer mannyer pou nou evakye pou nou sorti laba

Sa zafer Mare Anglaise ki ou’n demann mwan, mon pa okouran akoz mon napa okenn dimoun ki sorti Headquaters kot mwan ki vey Mare Anglaise.   Mon pa okouran   sa enn.   Si oule en lenformasyon mon ava rode mon a fer ou gannyen.   Machabée mon pa okouran osi.   Mon ava rod sa lenformasyon mon a donn ou.   Mon pa okouran.   Sanmenm sa ki mon’n dir avek i annan Milisya avek KADA,   mon ava rektifye,  mon a fer ganny lenformasyon.

Konpansasyon i annan konpansasyon ki ankor pending akoz I annan en bann ki zot fanmir in mor ki bann dokiman parey mon ti dir semenn pase, i ankor kot Biro Attorney Zeneral. Selman sa Antat ki ou pe dir mwan li in deza ganny konpansasyon.  Si i annan lot ki pa ankor gannyen mon pa okouran, mon a rod sa lenformasyon mon a met ou okouran

 

 

(Mic off)

 

BRIGADIER MR LEOPOLD PAYET

Wi me si sa lepok ti donn son manman – savedir son manman ti devret share  avek li akoz si mon byen, mon pa krwar nou bezwen donn son manman en konpansasyon, apre donn son fiy en konpansasyon.   Sa i keksoz sa fiy ek sa manman  pou deside.  Mersi Onorab.

 

MR DEPUTY SPEAKER

Mersi Brigadier Payet.   Minis oule azout keksoz?

 

MINISTER PETER LAROSE

Mr Deputy Speaker, mon konfirmen avek Onorab Ramkalawan ler ki nou fer nou vizit Headquarters nou a fer FPAC ganny en kopi nou Rapor.    Mersi.

 

MR DEPUTY SPEAKER

Mersi Minis.   Brigadier Payet.

 

BRIGADIER MR LEOPOLD PAYET

Parey Minis Finans in dir, mon ti a kontan o pli vit posib ki zot annan en letan pou vin fer sa louvraz kot nou parey en odit ; kapab  met tou keksoz o kler tou dimoun i ava okouran.  Mersi.

 

MR DEPUTY SPEAKER

Mersi Brigadier.   Onorab De Commarmond.

 

HON CHARLES DE COMMARMOND

Mr Deputy Speaker, zis  konmsi pou ed nou Lasanble nou annan Onorab Afif ki ti PS Finans pou en bon pe letan konmsi i ti a bon i share avek nou  osi, ki mannyer li osi sa letan zistifye Bidze Ladefans Sesel, ki kapab ede petet pou nou kapab sort out tousala.   Mersi.

 

MR DEPUTY SPEAKER

Onorab Afif oule fer komanter?

 

HON AHMED AFIF

Mersi mon ava dir sa avek plezir – ti napa okenn latransparans.  E mwan mon pa ti kapab demann kestyon koman PS  Finans.  Ti napa okenn latransparans ; ti annan de fwa menm ki mon ganny demande mon ganny en call sorti kot pli o nivo – Prezidan i call mwan i dir mwan,’’ ou pa’n aprouv tel sif parske ou pa’n krwar in zistifye  parske ou pa’n vwar papye.   Mon pe anvoy Brigadier kot ou e i pou vin ek son zarm dan ou biro.   Donn li son larzan.’’

 

(APPLAUSE)

 

HON AHMED AFIF

Ti en pe koumsa.  Les mwan  dir ki Brigadier pa’n zanmen menas mwan parske i en gentleman.   I pa’n zanmen vin ek fizi.  I pa’n zanmen menas mwan.  Me selman i annan en menas endirek ; fer sa ki mon’n dir si non ou  pou dan problenm.

 

MR DEPUTY SPEAKER

Mersi Onorab. Mersi bon keksoz in ganny klarifye.   Order! Order! Keksoz in ganny klarifye e nou apresye.  Lepep Seselwa osi mon krwar zot apresye ki pou premye fwa sa Lasanble pe deal avek Bidze Defans e premye fwa nou pe ganny kolaborasyon Brigadier konman Sef Defans e nou osi nou pe ganny sa langazman Minister Finans, pou nou kapab fer sir ki tou keksoz I above board.   Bon avek sa mon ti a zis kontan PS Payet i konfirmen lo ki sif lasanble pou al pran en vote lo la.  PS Payet.

 

PS PATRICK PAYET

Mersi Mr Chair.  Vot lo sonm I tonm 308 milyon 717 mil.  Mersi.

 

MR DEPUTY SPEAKER

Mersi PS Payet.  Bon avek sa deklarasyon fer par PS Payet nou pou pran en vot lo Bidze Defans lo sa sonm R308 milyon pou lannen 2017 lo paz 24 ziska paz 29.  Mon a demann tou Manm ki an faver pou lev lanmen ?  Madam Clerk ou’n pran kont ?   Okenn Manm ki kont ?

Bon mon a demann Madam Clerk pou anons rezilta vote lo Bidze Defans.

 

MADAM CLERK

Mersi Mr Chair.   Mon’n rikord 16 vot an faver e napa okenn manm ki’n vot kont.  Mersi.

 

MR DEPUTY SPEAKER

Mersi Madam Clerk savedir Bidze Defans lo sa sonm R308 milyon  pou 2017 in ganny aprouve

Bon avek sa mon krwar nou ava pran en Break  la, nou ava retournen 10.45 pou nou kapab deal avek FIU.  Nou ava remersi Brigadier Payet parmi nou. Mersi pou ou pasyans. Mersi pou ou bann detay – ou bann lenformasyon ki ou’n partaz avek sa Lasanble.   Nou a dir ou mersi Brigadier e  nou ava eskiz ou parmi nou.        Pas en bon Nwel Brigadier avek ou fanmir.  Mersi.

 

 

BRIGADIER MR LEOPOLD PAYET WAS EXCUSED FROM THE HOUSE

 

MR DEPUTY SPEAKER

Bon parey mon’n dir nou ava pran en Break nou ava tournen 10.45 pou nou kapab pran lot Head, FIU.   Nou ava adjourn.

 

(BREAK)

 

FINANCIAL INTELLIGENCE UNIT

 

MR DEPUTY SPEAKER

Bon parey mon’n dir nou ava pran lot Head, FIU.  Nou welcome Director FIU Mr Phillip Moustache ek Ms Azemia  ki’n vin zwenn nou.  Minister Larose ou  pou fer prezantasyon?  

 

MINISTER PETER LAROSE

Mersi Mr Chair.  Parey konman mon’n fer serten komitman dan sa Lasanble pou lannen 2017 i annan bokou travay pou fer e natirelman mon pou depan lo en lekip tre profesyonnel; e en lekip ki pou kapab delivre lo nou konmitman

Ler mon regard FIU  li menm se ki Mr Moustache in deza pe rekrit bann Seselwa ki i en loperasyon – en aktivite ki spesyalize. E natirelman ler nou vwar ki son manda li menm, se pou detekte protez nou kont en kantite aktivite kriminalite; petet osi teroris.   Si nou vwar resaman la nou vwar dan L’allemagne nou’n vwar Turkey petet kekfwa ler nou’n  regard Sesel nou mazinen pou dir nou, nou remote from the rest of the world.   Be nou pa bezwen underestimate sa, parske ler en sirpriz i arive, zanmen i enform ou an avans;  nek i frap ou e tou en kou natirelman ou pou bezwen take care of your own  business.   

E ler mon regard FIU

li menm, se ki nou bezwen met li azour avek bann norm enternasyonal.   Ler nou diskite dernyerman se ki nou vwar ki the seizure power ki zot annan, i ale ziska 180 zour nou’n vwar serten lezot pei ki pran 2 erdtan ; 2 zour ensidswit e tousala se bann konsiderasyon kot nou pou bezwen regarde revize, pou nou met nou azour avek norm enternasyonal.

E la se i pou bezwen annan en pe letan kot mon pou fer en propozisyon e pou diskit avek Prezidan Faure, pou  vwar ki mannyer nou kapab moderniz sa unit parske nou offshore  sector i en sector tre trez enportan pour lekonomi Sesel.   Avek sa de twa mo an term remark Mr Deputy Speaker, mon ti ava donn laparol Mr Moustache pou li rann repons lo kestyon ki ti still outstanding e natirelman i ava swiv par lezot kestyon – komanter  par bann Manm Onorab dan nou Lasanble. Mersi Mr Deputy Speaker.

 

MR DEPUTY SPEAKER

Mersi Minis. Mr Moustache oule azout de parol apre nou ava ouver lasal ?  Me ankor parey mon’n dir bomaten pou Defans nou’n deza annan bann kestyon ki nou’n poz Mr Moustache semenn pase, ki  in deza reponn – nou ava al spesifikman lo bann klarifikasyon lo bann kestyon ki nou pa ankor ganny bann repons.   E nou ava aim ki nou ava donn Mr Moustache petet 30 minit ki nou a kapab fini avek FIU.  Go ahead Mr Moustache.

 

DIRECTOR FIU – MR PHILLIP MOUSTACHE

Mersi Mr Depite.   Bonzour Leader lopozisyon – Mr Ramkalawan. Bonzour Leader Government of Business  – Mr De Commarmond – bann Onorab.  Mon’n ti’n ganny demande pou anmenn en breakdown  nou Bidze e mon krwar sa in ganny sirkile. E parey Minis in dir, nou, nou pe al plizoumwen lokalizasyon…

 

MR DEPUTY SPEAKER

Eskize Mr Moustache ou  ava fer Lasanble ganny sa breakdown apre?  Kopi – ou’n sirkile?   Ok go ahead. 

 

DIRECTOR FIU – MR PHILLIP MOUSTACHE

Nou’n fini konmans nou localisation plan sa ti’n deza mansyonnen dan nou annual report ki pa sipoze ganny pibliye.   E parey mon ti’n mansyonnen nou ti annan nou 10 expat sa in koupe.  La nou annan zis 4.   2 dernyen zot Kontra in fini Desanm e i reste nou zis 4 expatriates dan FIU.   E deza sanmenm sa semenn mon’n fini fer interview avek 5 kandida potansyel enkli mon asistan e nou pou kontinyen rekrit bann dimoun ; akoz nou travay bann louvraz spesyalize.   E i pa fasil pou nou ganny bann Staff ki nou, nou bezwen. Nou face sa kontrent, nou train nou Staff zot ganny zot kite zot al dan sekter prive prezan nou, nou pe sey rekrite.   Nou pou kontinyen rekrite e pou ogmant kapasite.   Anba nou progranm NRA pou le moman nou annan 40 Staff  anba progranm 1 ek 3.   Parey mon’n mansyonnen 6 expats in ale, nou annan nou 30 Seselwa e sa 4 expats.  Anba nou progranm 2 ki konsern ek sa National Risk Assessment nou annan 21 Staff – 6 expats i bann sekirite, epi nou annan 15 lokal.

E nou annan plan pou rekrit ankor11 bann lokal Staff plizoumwen bann spesyalize konsernan National Risk Assessment.  Mon krwar nou ti’n diskit en pe bann diferan risk ki lev-e anver Sesel

Prezan mon ava al lo en breakdown lo nou ‘other goods and services’.   Ti annan 4 milyon.  Sa i provizyon bann servis transnational crime investigation, assets confiscation, data collection, back-up analysis of evidence.   Sa i additional service ki i bezwen pou sa NRFATF – bann ‘personnel ki enkli ladan i Sesel e aletranze.

Apre nou annan 200 mil konman ‘expense.   Sa i prensipalman pour Staff training. Nou annan training bann Staff.  Nou anvoy zot dan bann meeting FATF.   Depi sa lannen nou’n ogmant nou prezans dan FATF; akoz s ii annan keksoz ki ganny mansyonnen, nou pa okouran alor nou konmans ogmant nou prezans dan meeting FATF Egmont Group.   Zisteman Egmont Group son meeting annual pou fer byen boner lannen prosen an Zanvye.  Nou al dan bann meeting Interpol Eastern and Southern African Anti-Money Laundering group .  Nou anvoy nou bann Staff lo attachment – bann specialized training.  Apre nou annan ‘legal fees’ sa i pou sa legal prosecutor ki overseas pou servi servis en etranze; li en spesyalis dan Assets Forfeiture.   Nou pey li en retainer fee 850 mil per quarter.  I fer total 3.4 milyon par an.   E lo son travel i fer 1 minimum ant  average ant 4 a 6 vwayaz par an.  Sa i baze lo bann ka ki nou annan – bann gro, gro case. 

E si ou gete 2015 i ti vin set fwa ti kout nou 48,596.   Sa lannen in vin 6 fwa.  In kout nou 52,260 e ler ou azout sa 3.4 milyon avek sa retainer fee ek sa larzan ki nou’n pey pou ‘travel’, an retour bann larzan ki’n ganny sezi e in transfer dan Kof Gouvernman sa lannen tousel i 11 milyon si ou gete FIU i pey pou li.

Solman larzan ki’n sezi par Lakour pa vini kot FIU.   Napa ni en Staff FIU ni en etranze ki ganny en sou komisyon oubyen en larzan sa bann larzan ki ganny konfiske

An plis i annan larzan ki’n ganny konfiske i kapab ganny ran,   si i annan bann viktim ki’n ganny vole.   Mwan pase nou ti rann 5 milyon en pei Eropeen akoz ti annan en sispe ki ti’n vol 5 milyon ekivalan dan larzan Gouvernman.   Si nou nobou idantifye  en viktim nou rann li sa larzan

Apre nou annan nou bann ‘license fees’  -21mil pou bann motor FIU.  An menm tan nou bezwen pey en Lasirans.   I annan de fwa i annan bann assets parey loto – i kapab bato, ou bezwen pey Lasirans antretan ki ou pe retenir zot ; akoz FIU i retain sa bann soz.   I bezwen fer sir sa bann assets i dan bon leta

Nou annan ‘other insurance pou bann agents, ‘rental fees’ nou pey Labank Santral e menm sa lokasyon kot nou été –  en lot lokasyon.

 

(Mic off)

 

DIRECTOR FIU – MR PHILLIP MOUSTACHE

Anr sa i en nouvo lokasyon ki nou pe sey rode.   Apre nou post bann seminar ek workshop training pre 62 mil.   Apre pou ‘rents and rates’ nou annan bann ‘external evaluation of seized assets’ and ‘revenue of sale of assets.’   Nou pey bann valuers, si i annan bann ‘byen ki’n ganny sezi nou fer en dimoun evalye sa bann assets; i kapab loto later apre la i ganny vann e bann larzan ki ranmase i al dan Kof Gouvernman

Anba progranm 2 nou annan bann ‘local consultancy fees’ nou pey bann  ‘local consultants.   I annan bann firms ek local agents pou lenformasyon  ki nou gannyen.   Nou annan osi ‘foreign consultancy fees’ sa i lenformasyon ki nou gannyen relye avek ‘National Security’,collection of garbage’ 6 mil; ‘security and enforcement’ pou fer sir ki bann assets ki’n ganny sezi i pa ganny andomaze ok?  ‘Pest control ‘100mil; ‘other service agreements’ parey mon’n mansyonnen anba progranm 2 nou annan sa 21 agents  – sa 6 sekirite expats apre sa 15 local agents.  Sa i enkli zot saler e zot Trezyenm  Mwan Saler .

E an plis nou pe al rekrit ankor 11 local  -pa sekirite local Staff pou fer bann specialized work.  ‘Mon  lo program 2 .  ‘Training expenses international’ ankor nou’n met 200 mil – ‘international recognized courses’.   Nou, nou ankouraz nou bann Staff pou ganny bann international certification swa dan anti-money laundering oubyen terrorist-financing.   Nou annan ‘license fees’ pou en loto; ‘information awards’ 1.9 milyon.   Nou ganny bann sours lenformasyon isi lokalman e aletranze e sa anba progranm 2 ki konsern avek sa National Risk Assessment, nou provide Lotorite avek bann possible threats ki relye swa avek finansman terrorism oubyen bann lezot keksoz ki pou poz – met an danze sistenm finansyel Sesel e menm sekirite Sesel

Se apre menm nou ‘rents and rates’ nou servi bann open sources 60 mil bann ‘website hosting’ – bann ‘information provider services’ lo Internet akoz nou servi sa bokou.   Mersi bokou.

 

MR DEPUTY SPEAKER

Mersi Mr Moustache.   Bon parey mon’n dir nou pou al lo bann kestyon spesifik.  Annou pa repet bann kestyon ki nou’n fini poze semenn pase.  Nou a konmans avek Onorab Afif.

 

HON AHMED AFIF

Mersi Mr Chair. Mr Chair mon kestyon i baze lo paz 59 latab No.4 e mon al spesifikman anba 2 item ;‘transport and  travel cost’ – 4.2 milyon e lot se ‘other uses of goods and services.  Mon’n ekout atantivman Mr Moustache eksplik bann kou ki enplike anba ‘other uses of goods and services’ e in donn enn 4 milyon 0.2 – 3.4 e R1.9 milyon e ler mon pe regard son totalite mon pe ganny anviron 6 – 7 -9 milyon, me nou annan R24 milyon an total; R24 milyon ki mon ti a kontan konnen ki vreman son breakdown, parske i annan en gro bout ladan ki i pa kler pou mwan.   E si ti kapab zistifye osi akoz I pe pey  -zis pou vwayaz R12 mil par zour kan zot baze dan Labank Santral.  Ou annan en tiket pou al Maurice   – 2 tiket pou al Maurice  toulezour  – sa Bidze ki ou annan.  Vreman o ; zot anvil bann dimoun ki zot bezwen lyez avek bann dimoun ki Labank  Santral zot dan menm building apar sa enn ki la  – an kasyet.

Alor mon vreman pa konpran akoz R12 mil par zour pou  vwayaz amwen nou pe pey first class pou Barry Calvin avek son lotel, eksetera.

Me osi mon ti osi en pti  pe etonnen avek sa sif ki ou’n donnen – vwayaz i ariv R54 mil solman in fer 6 voyaz sorti Irlande pou vini.  Alors si ou kapab donn en pti pe detay silvouple.   Mersi.

 

MR DEPUTY SPEAKER

Mersi Onorab.  Ms Azemia.

 

MS AZEMIA

Mersi Onorab sa breakdown ki nou’n donn ou i zis ‘other  use of goods and services’.  Nou pa ankor donn ou breakdown pou nou ‘transport and travel’. Ok ?

Wi in fer en pti lerer lo flight  in regards to …It’s an average flights  – 48 thousand per flight.  Sa ki in donn ou.

Wi i ‘travel business class akoz i annan en replacement e sa msye letan i pe travel an menm tan i pe travay ok?  Konman i ariv isi i apoze i pa al okenn par i vin direk dan nou Lofis ok?   sa tou dimoun i konnen akoz  ler i vini si annan case Lendi i pou arive Dimans  – Dimans i komans vini – nou demann permisyon Labank Santral pou nou antre pou nou kapab fer nou louvraz, pou nou prepar nou.   I prepar li byen.  Ok ?

Apre ou’n demann breakdown pou ‘travel… ?   Repet mwan premye bout ki ou’n dir silvouple ?

 

MR DEPUTY SPEAKER

Onorab Afif repet ou kestyon?

 

HON AHMED AFIF

Ok zis en follow-up lo la; si i fer 6 voyaz dan en lannen R50 mil  -R300mil.  So ou annan 4 milyon.   I still pa zistifye.   Prezan sa ki mon pe demann ou se lo R24milyon ki ou annan konman ‘other users of goods and  services,’ kwa sa ?  Parske zot in zistifye apepre 9 ladan.   Me i annan 14 ekek – 15 ekek milyon ki zot pa’n zistifye ditou e  nou pa konnen kwa.   I en  1milyon Ero ki ot pa ankor zistifye.

E dan ‘vwayaz’ zis  mon a dir ou si i fer 6 voyaz par lannen, mon mazinen i pe fer sa pou 10an, i pa ankor win en  single case ; kantmenm i pe taye konman i debarke i vin laba.

Sel keksoz ki zot dir  zot in annan se zot annan R100 ekek milyon, sa se pa larzan ki zot in win !   Zot in sezi avek en gro lebra zot in pran ek sa dimoun.  Se tou.

E zot dir koumsa zot in siny en Lagreman avek sa dimoun konmkwa i ti pe  fer blansisaz e mon annan ka ki – mon annan en ka la DGS – Digest Capital ki zot ti al kot li e sanmenm sa msye ki travel R50 mil  i reste Fisherman’s Cove i travel first class  i ti dir avek sa lakonpannyen fer li ganny 25 poursan dan sa larzan e larestan larzan ki’n blansir i kapab ale avek.  E se sa larzan ki zot pe dir in sezi.  Me sa se pa larzan ki en Lakour in zanmen otorize.   Se zot ki’ fer bann laranzman an terorizan avek respe – terorizan sa kliyan e pran son larzan

Se pa en norm enternasyonal ki ganny pratike. E se en pratik annefe ki ilegal ; parske ou pe dir ek en dimoun mon’n tyonbo ou. Ou’n blansir larzan  me si ou donn en pe sa larzan ki ou’n blansir ou kapab al ek larestan.   E napa okenn Lotorite o monn ki fer sa kalite pratik.

Alor mon pa vwar akfer nou pe zistifye tou sa kantite larzan -15 milyon ki pa’n eksplike ; dan 4 milyon ou’n  zistifye apepre 300 mil –pa ni menm 10 poursan ladan.

E larestan nou pa vwar ki mannyer i kapab zistifye dan en Bidze.

 

MR DEPUTY SPEAKER

Mersi Onorab.  Ms Azemia.

 

MS AZEMIA

Mersi Onorab donn nou en pti pe pasyans mon ava re donn sa breakdown.

Solman lo ou kestyon zafer larzan ki nou’n demann sepa anba anba ‘whatever mwan ki ler larzan i rantre bann fines i rantre par Central Bank e tou sa bann larzan ki rantre mon annan Court Order oubyen Court Agreement ki mon antase avek e menm Labank Santral pou demann mwan en kopi akoz sa bann larzan in rantre.   Sa 111 milyon ki ou vwar in rantre tou sa I ladan.   Oditer in pase in vin gete.

Tousala i annan en Court Agreement oubyen en Court case avek zot  amount.  Napa sa bann zafer  soz.

Pou ou konsern breakdown ki ou pe donn mwan par 23 milyon mon a repas lo la ankor en pti kou, mon a donn ou.

Nou annan ‘other service agreement’ ki 4 milyon.  Nou annan ‘training expenses’ ki 200 mil; nou annan ‘legal fees’ ki 3. 9 milyon ok?   Nou annan ‘vehicle insurance’ ki 200 mil;  nou annan ‘other  insurance’ ki 105mil; nou annan ‘office building rent; ki 1.3 million; nou annan ‘facilities for events’ k i 62 mil; other rents and rates ki 25mil – sa i tonm anba progranm 1 ek 2.

Anba progranm NRA nou annan ‘consultancy local’ ki 425 mil; nou annan en foreign

consultancy  fees;’ ki 4.8 milyon; nou annan en ‘collection of garbage’ ki 600; security enforcement ki 30 mil; pest control ki 100mil; ‘other service agreement; ki 6.4 milyon; ‘training expenses’ ki 200mil; ‘license’ ki 6mil; ’information awards’ ki 1.9 milyon; ‘insurance of vehicle’ ki 22 mil; ‘ other rents and rates ki 60mil.  Son total an tou i vin 23milyon.

 

MR DEPUTY SPEAKER

Mersi Ms Azemia.   Onorab Afif.

 

HON AHMED AFIF

Mersi mon pa pou lontan lo la, si ou kapab donn nou en pti pe sa 4.8 milyon ki i en consultancy e sa lot 4 milyon ki ou ti premye mansyonnen ; parske la nou’n ganny nou pros 9 milyon e i annan en lot 6 milyon ki mon pa’n tro sezi ou.  I ti pou  kwa sa ?  I zis avan dernyen  -6 milyon.

Other service’ kwa sa parske la deswit nou’n ganny 11 avek 4 i fer 15 milyon ; nou pa konnen kwa sa ?  Ki sa bann consultancy ki ariv R1 milyon ?

 

MR DEPUTY SPEAKER

Mersi Onorab.  Mrs Azemia

 

MS AZEMIA

Mersi Onorab sa .6 4 milyon parey Mr Moustache in dir ou, nou annan nou 21 agents anba ki nou peye.  Ladan i annan 5 sekirite expat.  Saler amount i 285 thousand per month.  Nou annan 11 Staff ki nou sipoze recruit ankor sa lannen 2017.

Anba sa 4.8 milyon li I parey Mr Moustache in eksplike,  i bann pou NRA – i bann lenformasyon ki i anmase an deor in regards ek bann expense  ki nou’n fer 2016 – ki nou’n bezwen pey bann counterpart an deor ki nou bezwen peye.

E nou pe alarz sa kominikasyon ankor.  Sa enn anler ki 4 milyon Mr Moustache ankor in eksplik ou.  In dir ou  pou manage services transnational crime investigation assets confiscation ; in data collection, back-up, whatever ki in nonm ou.   Mersi.

 

MR DEPUTY SPEAKER

Onorab Afif, dernyen – vitman.

 

HON AHMED AFIF

Mon dernyen pwen zis poudir mon pa konvenki ditou ek sa bann zafer R4 milyon pou ou pey agents overseas,  Zot louvraz i sipoze Sesel. Ou pa sipoze pe al arrest dimoun deor.   Ou pa sipoze pe pey okenn sa parske laba FIU pe fer sa louvraz pa nou ki fer sa.  I pa zistifye nou napa okenn levidans lo la – sa bann 6 milyon ki zot pe dir pou pey agents R18 mil r sak agents pe ganny R3 mil par zour bann agents ki pa ni dan saler  in shift zot anba zot pe ganny R3 mil par zour sakenn – mon pa vwar sa zistifye dan okenn fason e mon ti a prefere ki sa larzan i ganny servi korekteman.  Mersi.

 

MR DEPUTY SPEAKER

Mersi Onorab. Mr Moustache.

 

 

DIRECTOR FIU – MR PHILLIP MOUSTACHE

Mersi Mr Deputy Speaker.  Onorab mon krwar nou ti’n eksplike dan nou close session ki nou fer.  Nou, nou idantifye bann threats.   I annan threats ki kredib.  Nou pa kapab met en valer si i annan en terrorist threat.    Si i annan en terrorist threat dimoun i mor konbyen  ou pou soz pou met en valer lo lanmor dimoun ?  Ler en dimoun in mor prezan ou pou soz ou pou dir plito nou ti’n aprouv sa Bidze.

Nou, nou idantifye threats.   Si ou al go back to 2 Rapor ou a vwar bann assesments ki nou’n fer e  menm parey mon’n  repete ankor sa 2 Rapor nou’n share avek Mr Speaker ek Leader Lopozisyon ek Leader Of Government, i pa sipoze pou pibliye.   I bann threats ki   E nou bezwen met Lotorite okouran ki pe arive.   I annan bann keksoz serye ki  pe arive – ki i annan dimoun ki pa pe pran konsiderasyon me konman en pei non – Onorab mon pa pou mansyonnen -dan lentere Sekirite Nasyonal mon krwar nou ti diskit sa dan sa close session.  Well zot tou zot ti la letan  ti ganny diskite.  Mersi.

 

MR DEPUTY SPEAKER

Mersi Mr Moustache. Onorab Hoareau.

 

HON JOHN HOAREAU

Mersi Mr Deputy Speaker mon le tous en pti pe lo preski menm largiman ki’n ganny  servi Onorab Afif.

Mwan mon le met detrwa keksoz devan; premyerman NATO in retir son deplwayman dan South Western Indian Ocean; in re deplway sa bann dimoun dan South China Sea anvi ki risk piratri desann in ariv lo minimal.

Nou vwar ki bann dernyen otaz ki ti’n ganny pran par bann Somalyen 26 Asian sailors in ganny large depi 2012.  E mwan mon kestyon se ki evalyasyon ki pe ganny anmennen oubyen legzersis evalyasyon pou vwar si sa bann risk i zistifyab pou kontinyelman pey en network an Somalia ki pe tir lo nou taxpayers money parey nou ti ganny fer konpran.    Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU – MR PHILLIP MOUSTACHE

Mersi Depite.   Mersi Onorab.  Zot bezwen realize kriminel teroris pa dormi.   Zot kapab dormi pou en serten lestan me zot kapab resurface  letan loportinite i lev-e ; pa neseserman ozordi, demen.  I kapab dan 5an.  Me solman fodre ou pa drop ou guard.   Nou pe vwar regilyerman aletranze

Parey an L’Allemagne zot drop zot guard e bannla i komet en act.  Letan i komet en act la tou bann Lotorite i ganny blanmen, me fodre ou kontinyelman azour avek sa ki pe arive menm si ou adverser  i pa aktif i dir ou drop ou guard.  Fodre toultan ou kontinyelman drop ou guard.  Le moman ou drop ou guard ou pou ganny en sirpriz .  Mersi .

 

MR DEPUTY SPEAKER

Mersi Mr Moustache.   Onorab Stephen Pillay.

 

HON STEPHEN PILLAY

Yes Mr Deputy Speaker, mon ti anvi demann lo en kestyon semenn pase ki en msye ti dir i pa pe ganny peye avek FIU i pe ganny peye avek lakonpannyen prive.   Sa msye ki ti ladan close session.   E mon oule konnen si zot FIU zot annan okenn peyman ki zot pe fer sa lakonpannyen prive ki pe pey sa msye e konbyen ?

E mon 2enm kestyon i lo paz 61 ;  lekel sa ki pe ganny 833 roupi par mwan lo ‘salary and  wages’ ki an defo ek Lalwa  ki R5050 saler minimonm.

 

MR DEPUTY SPEAKER

Mersi Onorab Pillay. Mr Moustache.

 

DIRECTOR FIU  – MR PHILLIP MOUSTACHE

Mersi Mr Deputy.   Mersi Onorab.   Parey nou’n mansyonnen anba ‘other goods and services’ anba progranm 1 ek 3 i annan sa 4 milyon sa konpannyen ki pe provide servis pou nou ok?

Nou’n mansyonnen sa konpannyen pe provide services  – wi, wi servis aletranze pou rod lenformasyon pou nou.  Prezan mon pa ganny en konpran, ou kapab eksplik sa 833 ki ou’n mansyonnen la silvouple ?

 

HON STEPHEN PILLAY

Paz 61  lo ‘wages and salaries’ in cash. 

 

MR DEPUTY SPEAKER

Petet PS Payet i kapab eklersi sa.   PS Payet?

 

PS MR PATRICK PAYET

Sorry Mr Chair kekfwa si Onorab Pillay i kapab repet son kestyon silvouple?

 

MR DEPUTY SPEAKER

Onorab Pillay?

 

HON STEPHEN PILLAY

En klarifikasyon lo paz 61 ‘wages and salaries in cash’ 10 mil roupi par an.  I tonm 833 roupi par mwan.  Mon krwar si mon konte i bon – mon pa konnen.

 

MR DEPUTY SPEAKER

PS Payet mon krwar i pe refer paz 61 latab No.6 anba ‘wages and salaries in cash’.

 

MS AZEMIA

Sa pou bann  Gurkhas – bann sekirite sa.

 

MR DEPUTY SPEAKER

Wi Mrs Azemia.

 

MS AZEMIA

Letan zot fini – zot annan en Kontra avek nou.  Letan zot in fini ek en Kontra akoz zot kontra pe fini la sa lannen ki pe vini 2017 – sa i zot Gratwite ki nou pou peye.

 

MR DEPUTY SPEAKER

Yes PS Payet i kler?  I bon sa sif?  Ok.   Mersi.  Wi, Onorab Pillay.

 

HON STEPHEN PILLAY

Ler i pe dir sif i 833 par mwan pe pey Gurkhas pou konpansasyon mon pa’n  tro konpran  ou byen.  Sorry.

 

MR DEPUTY SPEAKER

PS Payet.

 

PS MR PATRICK PAYET

Be  san diskisyon i end letan zot in fini zot Kontra zot ganny sa R10mil; konmsi i pa pey zot par mwan be selman i pey zot en lump sum R10mil.  Selman zot gannyen zot peye par mwan ki anba ‘other use of goods and services’ paz 61.       zot lapey tou le mwan i ganny tire anba la.

 

MR DEPUTY SPEAKER

Yes Onorab Ramkalawan.

 

HON WAVEL RAMKALAWAN

Mon ti ava kontan si mon ganny eksplike klerman; dan bann detay i annan ‘wages and salaries in cash’  – ‘wages and salaries in kind’ be mon pa pe ganny en konpran akoz ki zot lapey i pa al anba sa Heading i resanble mwan ki – e ki sa rezon ki nou en pe ankoler dan sa Lasanble lo nou kote; ki pou dir sa ‘other uses of goods and service’ i en kavern dan ki zot kasyet tou keksoz.

E ki Kontra ; nou’n tande ki pe dir i annan en kontra ek en lakonpannyen ok  – ava dir sa i en service, fine.   Me solman nou ti ava kontan ganny detay.

Me solman la e-tan nou pe vwar en sonm R10 mil dan ‘wages and salaries in cash’ me aprezan ou ganny dir ki zot lapey – sa pa zot lapey – zot lapey i dan ‘goods and services’.

Konmsi mon ti a kontan si nou ti ava depouy sa 13 milyon dan en fason pli kler e apre  – la mon pe fer en rekomandasyon avek Minister Finans pou nou ganny li kler ‘wages and salaries’ ki  i rantre anba ‘wages and salaries’ pou nou kapab letan nou pe fer nou analiz, pou nou kapab regarde pou ir be i en pe tro bokou isi laba.  Par egzanp  sa R100mil pou sa boug ki Dog Handler i pa ti dan ‘wages and salaries’ li.

Nou ti bezwen al fouye, fouye, fouye apre ki nou vwar.   Be fer nou lavi pli fasil  Mersi bokou.

 

MR DEPUTY SPEAKER

Mersi Onorab.  Mrs Azemia.

 

MS AZEMIA

Onorab mersi.   Les mon krwar i annan en pti fot 10mil si mon pa tronpe.  Les mwan mon ava regarde byen kwa sa 10mil akoz nou bann Gurkhas nou i ganny peye anba ‘other service agreement,.   Tou le mwan nou pas zot saler through  Minister Finans pou zot ganny peye.

 

MR DEPUTY SPEAKER

Yes PS Payet.

 

PS MR PATRICK PAYET

Zis pou azoute bann Gurkhas menm si zot travay kot prizon lapolis – akoz zot pa en Government employee e sa bann individual Kontra ki’n ganny sinyen nou pey li anba ‘goods and services’. Zot pa lo striktir Gouvernman.  Sanmenm sa nou pa konsider li koman -akoz zot pa pe ganny peye.

Si zot ti lo striktir Gouvernman, zot ti pou bezwen ganny peye sa  bann Konpansasyon – Gratwite ouswa as per the Kontra. Me solman parey  nou’n dir previously, sa i en keksoz ki nou a revwar avek Departman Public Administration. 

The process osi ki mannyer sa bann Gurkhas  osi pe ganny rekrite, pour lemoman nou’n klasifye li anba ‘goods and services’ – prizon lapolis e FIU osi.   Mersi.

 

MR DEPUTY SPEAKER

Mersi PS Payet. Onorab Ferrari.

 

HON JEAN-FRANCOIS FERRARI

Mersi Mr Deputy. Bonzour tou dimoun. Mr Deputy Minis in dir nou ki i annan 10an ki FIU i an egzistans e i kler ki – pou mwan an tou ka i kler ki zot in expand tre vit an deor zot mandate.

Financial Intelligence Unit –  financial e mwan mon ti a kontan gard mon lentervansyon anba Financial Intelligence Unit e pandan 2 zour – 3 zour weekend pase mon’n lev-e mon’n dormi avek sa bann rapor FIU e mon’n koz avek otan dimoun ki posib e tou dimoun i anvi save FIU.   Tou dimoun i vwar lentere FIU konman en regilater dan nou sistenm e tou dimoun ki mon’n koz avek zot dir mwan sa ki pe detri FIU se progranm 2.

Se sa progranm ki nou pe diskit lo la akoz sa sa bann Irish zot  in vin Sesel -zot in expand sa progranm FIU ki ti pe mars ase byen pou zot bann dalon antre, pou  zot fer tou kalite risk e  parey mon dir pou zot fer per ansyen Prezidan Michel avek toulezour en nouvo risk – en nouvo risk – en nouvo risk.   Lapolis i la pou deal avek sa bann nouvo risk pa Financial Intelligence Unit.

Si nou bezwen ed lapolis pou zot annan en bon servis lentelizans  nou fer li. Nou pa les sa bann dimoun expand sa area ki vin totalman opak e ki finalman la nou pe diskit en Bidze R19.4 milyon pou progranm 2 ki nou tou nou annan kestyon lo la e mwan mon ava dir – mon sizesyon e se en Mosyon ki nou pou vot progranm i e progranm 3 e nou pou tire dan sa 45 milyon 149 – 19 milyon 188 e nou pou vote pou FIU R36 milyon 760 mil.

E sa pa pou afekte okenn travay FIU as a financial regulator.   Mon reste ouver pou zot dir nou ki mannyer  nou kapab mitigate lefe travayer lo  sa bann 21 travayer akoz nou pa oule personn perdi zot louvraz – 21 agents e si zot pa employ akoz mon pa vwar saler la – si zot pa employ savedir napa nanryen – personn pa pe perdi son louvraz la.   Se sa bann dimoun zot perdi zot Kontra pou donn lenformasyon.

So sa i mwan mon santi ki nou bezwen kontinyen gard FIU to protect the intergrity of Seychelles financial services sector parey progranm 3 i dir.

E se sa ki nou anvi fer e mwan mon ava dir, zot bann dimoun ki travay dan FIU, in dir avek mwan, ‘’mon pli gro lennmi se progranm 2.’’  Anba progranm 2 i annan tou sa bann contract services – mon’n al rode mwan Barry Calvin and Sons reputable firms reputable firm – reputable firm – Cork Island me solman the most profitable law firm in Ireland 2an pase.    They are the richest  law firm,  eski zot pe fer sa lo nou ledo?  Eski nou, nou napa lawyers isi?  Eski nou pa kapab fer sa bann keksoz?  So,  mwan mon santi poudir sa i en kavern parey Leader Lopozisyon – ki’n antre tou keksoz enkli espyonnaz; enkli ekout nou telefonn ok? Enkli  detect nou bann zafer Internet –  sa bann keksoz i merit arête.

Mon 2enm kestyon – mon 2enm  2 dernyen keksoz ki mon anvi dir se ki sa nouvo lokasyon ki zot in aksepte prezan in egziste la Perseverance, eski sa ki zot pe pey R.3 milyon rent par an?  Eski i en nouvo PPP sa akoz mon konnen ki Green Island ki’n konstrir sa. Green Island ki son…

Eski i en public partnership ki zot pe pey en lease  lo la silvouple ?   Mon ti a kontan ganny en pe detay lo la.   Mersi ?

 

MR DEPUTY SPEAKER

Mersi Onorab Ferrari.   Avan mon donn laparol Mr Moustache, Onorab oule follow-up lo la? Ok Mr Moustache.

 

DIRECTOR FIU – MR  PHILLIP MOUSTACHE

Mersi Mr Deputy.  Mersi Onorab. Premyerman mon ti a kontan mansyonnen sa progranm NRA sa i en rekomandasyon FATF.  Si nou retir sa nou pe met nou an defo e nou pou dan move problenm. Nou bezwen fer.   Tou pei i bezwen fer NRA.  Ou bezwen fer ou NRA.   

        E i annan de kou.  Ou bezwen assess tou ou bann risk. I en lobligasyon enternasyonal sa.  Nou bezwen fer e nou, nou pe antreprann sa. Nou’n  konmanse e nou pa ankor fini.  E nou bezwen fini.

Apre lo kestyon lawyers nou’n deza sey konmans rod lanplasman pou Mr Calvin.  Nou ti annan nou 2 dimoun – enn in deside al fer son  pupilage an deor;  lot zot in apwent li Mazistra.   Nou ankor still pe sey rode lokalman be i pa fasil pou nou gannyen.  Ok ?  I parey bann lezot travayer ki nou pe rode – bann travayer spesyalis pa fasil  pou nou gannyen.

Apre ou’n mansyonn zafer sa building.   Ankor mon pou repete  nou kot FIU nou pa okenn bugging – okenn espionage.  Menm mon ti’n extend lenvitasyon  en dimoun lo zot kote – en dimoun lo kote isi.   E menm Speaker i kapab vin fer vizit laba – zot pou vwar napa bann keksoz sofistike elektronik.  Zis ki mon’n mansyonn  ou,  i annan CCTV.   Ou ti vin vizit nou, nou annan CCTV  footage.  Mersi

 

MR DEPUTY SPEAKER

Mersi Mr Moustache.   Mon krwar Lasanble i ava pran sa lenvitasyon serye e nou ava organiz sa vizit.   Ms Azemia ou ti oule azout keksoz ?

 

MS AZEMIA

Wi zis pou azoute Onorab, sa building ki laba nou pa pey okenn rent.  Nou pe pey son elektrik -son delo whatever – sa bann utilities, selman nou pa pey rent.   Mon krwar i pou Leta  – mon pa konnen.   Akoz nou nou’n ganny met la akoz  nou landrwa i ptipti Labank Santral.  Sanmenm ou  vwar ‘office rent ‘  nou pe rod en lot landrwa.   Nou ptipti – nou lo kanmarad.  Ou konpran ? Dek kekfwa ki nou ganny en landrwa nou kapab tir sa bann dimoun osi ki la akoz zot osi zot tonm anba FIU nou kapab move zot  Mersi.

 

MR DEPUTY SPEAKER

Mersi.

 

HON JEAN-FRANCOIS FERRARI

Kekfwa ou pa kapab donn sa lenformasyon la me solman nou ti kontan konnen akoz lekel ?  Pou ki sa building ?  Akoz i kapab pou en Lorganizasyon Teroris.  I kapab pou en pei etranze.  Tousala  i kapab egziste. So nou ti a kontan konnen pou lekel ?  Avek lekel zot pe travay akoz pou le moman  zot pe deal avek sa.  Tou bann lorganizasyon ki deal underground se bann lorganizasyon ki vin bann Lorganizasyon Teroris zot menm.   So tou sa bann keksoz nou ti a kontan konnen e ler ou ganny sa lenformasyon mon ti ava apresye ki ou fer nou gannyen.  Mersi.

 

MR DEPUTY SPEAKER

Mersi Onorab. PS Payet.

 

PS MR PATRICK PAYET

Mersi Mr Chair.  Mersi Onorab nou kapab donn en ti pe plis detay lo sa building, me solman zis pou 2an a 3an pase en Grant ki Gouvernman Sesel ti ganny anba Abu Dhabi  for a security building some sort like this..   Me solman nou kapab donn ou en pe plis detay konbyen sa ti koute e kontrakter yes ki ti fer se  GICC;  akoz sa ti ganny tender par  Abu Dhabi e GICC ki ti win  tender international ki zot, zot agent Abu Dhabi ki ti fer tender li menm; pa nou Gouvernman Sesel ki ti fer tender.    Mersi.

 

MR DEPUTY SPEAKER

Mersi PS Payet, Onorab De Commarmond ou ti annan en follow-up lo la ?

 

HON CHARLES DE COMMARMOND

Mr Deputy Speaker.   Wi mon’n atann en bon pe bomaten la…

 

MR DEPUTY SPEAKER

Lo sa size la ki nou été ?

 

HON CHARLES DE COMMARMOND

Wi konmsi mon oule nou al de  lavan.   Non, nou pou ale fransman dir ou nou pou ale lo FIU ziska tanto ziska demen bomaten.

 

MR DEPUTY SPEAKER

I annan en propozisyon ki Onorab Ferrari in met lo latab.

 

HON CHARLES DE COMMARMOND

Solman mon pe azout lo sa propozisyon  ki Onorab Ferrari in vini  me solman mon pe regard li dan lot fason.  Ou annan Rapor ki‘n vin devan nou.  Nou’n ganny Rapor FIU.  I annan bann mezir ladan ki bezwen ganny pran an konsiderasyon. Ok? Enn.  Dezyenmman nou annan bann commitment ki Minis in met devan nou bomaten.  Nou annan bann diferan aksyon ki Prezidan in komans pran;  par egzanp recruitment policy  ki nou konnen napa an plas e tousala i pe ganny revwar.   Nou annan bann service  contract  ki pe ganny revwar.  I annan osi – fodre pa ki nou zis ale ferm FIU for whatever.   Onorab Ferrari in dir e mon dakor ek li lentegrite nou financial services  i enportan.   Nou annan FATF ki nou bezwen kit nou bann standar.   Nou annan OECD ki nou bezwen osi kit nou an… Si non  si nou touy sa watchdog konmsi nou pe dir les zafer marse ; dan sa ka la blansisaz larzan prezan ki pou annan ensidswit.   Mon krwar mwan nou bezwen fer sir ki FIU son manda i reste e li i bezwen kontinyen reste.   Parkont – e nou bezwen konnen petet i enportan nou ganny dir konbyen case ki nou annan pending ?  Konbyen case ki nou’n gannyen akoz sa kestyon in ganny demande pa ankor ganny reponn sa,   Konbyen ki nou ‘n vreman gannyen case.  Si nou pa’n gannyen la,  pa bezwen kasyet, dir nou, nou pa’n gannyen nou a konpran nou.   Ou konpran ?

I annan serten lenformasyon mon ti ava kontan sa ki ansarz la kot FIU i pa per pou dir nou.  I napa nanryen sekre ladan.   Ok ?

So, nou konnen osi ki bann threats i serye.   La la L’ethiopie  in sorti dan sa zafer piratri laba dan Somalie;  in pull out of Somalia  – Al-Shabaab i pe re pran kontrol;  nou vwar pou dir Burundi i  pe threathen pou move out; savedir  the…

 

(Mic off)

 

HON CHARLES DE COMMARMOND

Non, non, mon pe dir ki tousala bann threat is real en ?   

 

 

MR SPEAKER

Si ou annan en propozisyon vin avek ou propozisyon.

 

HON CHARLES DE COMMARMOND

Mon propozisyon  se ki mon anvi avek Minis Finans si mon anba progranm 2 pa bezwen ki i koup tou – mon pe demande ki proporsyon ki zot ti a kapab hold dan lespri sa ki nou’n koze lo  finans – yer osi lo Lapolis ensidswit ki zot kapab tenir e anba zot promes ki dan 3 mwan a 4 mwan di-si ki zot re vin devan Lasanble avek en review lo tou sa ki’n ganny pran – bann mezir pou rektifye bann issues anba kot FIU  e ki nou kapab gannyen bon leklersisman lo tou, tou  enkli sa bann Irish ; enkli bann Kontra ; enkli bann fo threats enkli isi ; enkli laba – you name it, zot ava vini zot ava vin dir nou.  

Solman nou pa kapab blok sa Bidze pour FIU akoz la nou pe touy sa watchdog ki pou swiv  nou financial services akoz financial services i swiv lo la .

Lot pwen dernyen pwen se ki annou rod nou bann kapasite nou bann kapabilite Sesel.   Nou annan dimoun ki nou’n train  dan financial crime.   Mwan mon konn Dr Steve Fanny i sa domenn.  Be solman kekfwa sa louvraz ki li i pe fer petet Prezidan i devret revwar kote  in met Msye  Dr Fanny – pran Dr Fanny retourn li back to FIU ; anvoy ankor enn de dimoun train deor dan sa bann spesifisite.

Sa nou resours imen i devret pe gete.   Sa bann mankman la e Minis Finans petet point sa devan Cabinet – sa  bann mankman nou devret pe ankouraz nou bann best students pou al dan sa bann direksyon – pou nou kapab o pli vit posib annan en progranm.   E petet letan ou vini ou kapab dir nou  ki ou progranm ranplasman dousman, dousman – mon konnen ou pa kapab fer sa o zour o lannmen de zour lanmen, me i kapab ganny fe ; donn nou en lide ki mannyer zot pe anticipate pou kapab replace sa bann etranze dousman, dousman, dan tou nivo pou kapab fer sir ki nou annan en better FIU.   Nou annan en keksoz tre trez enportan corresponding bank sa si nou napa tou nou financial services i collapse. So  dan sa lespri Finans dir nou kwa ki zot kapab hold  e an menm tan nou, nou a kapab sa Bidze pou nou kapab move  dan lot pwen.   Mersi.

 

MR DEPUTY SPEAKER

Mersi Onorab De Commarmond.  Onorab Georges  ou annan en keksoz dan sa laliny en   follow-up ?

 

HON BERNARD GEORGES

Non Mr Deputy Speaker mon pe esper pasyanman pou mwan ganny mon letan koze.

 

MR DEPUTY SPEAKER

Wi ou kestyon i pa dan sa laliny i pa lo sa propozisyon ki – i pa lo progranm 2 ;   i pa lo sa propozisyon ki Onorab Ferrari in met devan ?

 

HON BERNARD GEORGES

I lo tou keksoz.   Mon ava esper mon letan Mr Deputy Speaker.   Mon pa pou fer parey lezot pou sey jump the cue –mon  ava esper mon letan.

 

MR DEPUTY SPEAKER

Ok bref, bref akoz Minis i pare pou donn en – mon panse en komitman.  Ale Onorab Afif bref.

 

HON AHMED AFIF

Se zis pou dir ki FIU pe fer nou krwar  poudir zot okouran lo tou sa bann keksoz ki pe pase deor eksetera – en prop building isi zot pa konnen pour ki.   Se tou.

 

MR DEPUTY SPEAKER

Mersi Onorab pou sa obzervasyon.   Minis Finans.

 

MINISTER PETER LAROSE

Mersi Mr Deputy,     Propozisyon ki’n fer par Leader of Government Business Onorab De Commarmond mon krwar i fezab.   Mon annan sa pouvwar pou mwan kapab freeze 10 a 15 poursan dan sa Bidze FIU ziske ler nou fer reform.  E  nou vin devan sa Lasanble.   Se  vre ki sa bann Irish  mon krwar ki nou bezwen donn zot apepre ziske6 mwan ; parske nou annan FATF ki pe vin isi pe vin fer en Assesment.   

Onorab De Commarmond in mansyonn correspondence banking relationship ki nou apel sa de-risking.  Sa i en keksoz tre serye sa pour sa Lasanble konpran.  Paske le moman ki tou bann Labank Enternasyonal i dir pa tous Sesel, nou pei i cease.   I’m sorry to say.  Mersi Mr Deputy Speaker.   

 

MR DEPUTY SPEAKER

Mersi Minis.   So nou annan en komitman ki’n ganny fer par Minis Finans.  Onorab Ferrari.

 

HON JEAN-FRANCOIS FERRARI

Non, non Mr Deputy with respect mon ava dir ki mwan antouka mon pa dakor avejk sa freeze akoz sa freeze i kapab zis ganny de-freeze anytime.  Mwan mon ensiste ki FIU  – e mwan  mon pa krwar poudir okenn bann expert FATF mon pli bet ki zot ; zot pe vin isi pour Financial Risk Assesment – ‘financial’ e mon ensiste lo la.

E mwan mon pa vwar akoz nou’n degrad nou lapolis – nou pa’n donn zot resours pou zot kapab fer lenvestigasyon kriminel ; pou zot kapab fer risk management and assesment me solman nou’n al donn sa konpannyen ki pe kout nou en sonm enorm.    Ok ?

E zot metod – i pa akseptab ; zot metod travay mwan mon pa kanmi pou mwan dir ki sa bann msye parler zot konport zot koman bann Highway robbers – bann  gangsters ki terorizm dimoun – ki tenir zot larzan e ki fors zot part with their money san due processs of law . 

So mwan mon mentenir ki nou pa devret freeze okenn part – nou devret vote down programme 2 ok ?   Nou devret vote down programme 2 e les programme 1 ek programme 3 kontinyen normalman. E mon asire ki bann Seselwa ki sa bann Departman e mon asire ki Mr Moustache i annan sa konpetans e mwan mon ti a kontan dir li, ki sa pe detrir sa lorganizasyon se sa bann metod teroris ki pe ganny fer par anba NRA.  E sa ki bann keksoz ki merit ganny  arête.  So mwan freeze mon pa an faver.    Mersi

 

MR DEPUTY SPEAKER

Mersi Onorab. Mr Moustache.

 

DIRECTOR FIU MR PHILLIP MOUSTACHE

Mersi Deputy. Mersi Onorab. Mon ti a kapab fer en koreksyon  – FATF pa pe  vin zis vizite – zot pe vin fer Mutual evaluation- en Assesment ziridiksyon an antye depi FIU, Labank Santral, offshore sector, Lapolis tou, tou, tou.   E zot pou rate nou. Baze lo sa rating si nou ganny nou 10 oubyen plis ‘non-compliant,’ ‘partially non-compliant’ nou pou al dan Black Book FATF e moman ki ou dan Black Book FATF I vin en dezas pour Sesel. Pour  bann lenstitisyon banker sirtou, en ?

Minis in mansyonn sa de- risking. Plen bann Labank enternasyonal pou konmans ekart zot bann biznes avek nou. Sa pou en dezas. Mwan deza mo mansyonnen lot zour I annan en pei Afriken kot tou tranzaksyon Dolar in ganny arete

Nou pa oule dan sa sityasyon la.  I serye  sa.  Ti fer dernyen Mutual Evaluation Onorab Afif ti ankor SIBA an 2006 ; ti fer rekomandasyon. Nou’n travay depi 2006 ziska 2013 e mon ti a kontan fer en pti koreksyon ki Onorab Afif ti’n fer -nou pa dan Black Book FATF nou ok ? Nou pa dan Black Book FATF akoz an 2013 FATF ti endorse  sa ki Eastern  and Southern Africa ti rekomande ki  Sesel i aret soumet bann Rapor Progre nou ti’n ganny vwar  koman nou  fer ase progre lo kote rezim anti-money laundering terrorist financing.   

Me la zot pe vin zot 2nd Round,  Zot ti’n sipoze vini sa lannen me nou’n nobou dekal sa pou vin konmansman Zen e sa On-site pou vini ver Novanm 2017.

Sa ki nou bezwen prepare.  Sa ki nou bezwen vreman, vreman  port bokou latansyon ; akoz rating ki nou gannyen la, i pou met dan en problenm vreman serye.  Mersi.

 

MR DEPUTY SPEAKER

Mersi Mr Moustache.   Vitman Onorab Ferrari.

 

HON JEAN-FRANCOIS FERRARI

Non se pou dir ki si i annan okenn dimoun isi  dan sa Lasanble akoz mwan mon la pou rod solisyon Mr Moustache – mon pe rod solisyon mon pa rod bloke – mon pa rod nanryen mwan.   Mon anvi rod en solisyon.   Si i annan okenn dimoun ki kapab  dir mwan ki kantite – si zot bezwen en sonm larzan pou see you through en peryod 2 a 3 mwan an  atandan ki nou get sa bann keksoz ;

Akoz Mr Moustache Prezidan menm in dir nou bezwen reget sa bann Kontra ok ?   So nou ava pe pran li pou pa serye si i konman i fini dir nou pou reget bann Kontra nek nou aprouv ankor Kontra pou  1an.   So si sa lorganizasyon i bezwen Bidze fonksyonnman pou kontinyen fonksyonnen dir nou.

Dir nou akoz mon repet ankor nou napa okenn lentansyon fer okenn ditor FIU proper.  Nou rekonnet lenportans e nou anvi en clean  jurisdiction  me selman mon pa pou repet bann rezerv ki mon’n dir so  mersi bokou.

 

MR DEPUTY SPEAKER

Mersi Onorab.  Yes Minis.

 

MINISTER PETER LAROSE

Mr Deputy mersi bokou –  en klarifikasyon.  Ou konnen ler nou pe koz  sa correspondence  banking relationship pa zis afekte Sesel sa.  I afekte Caribbean; i afekte serten parti Lafrik; Middle East – en pe partou Sa ki mon oule dir sa – CEASE.  Lasanble ozordi – si par  azar ler FATF i vini i downgrade Sesel ankor,  nou fini.   Sa pei i cease dan en fason ki ler petet kekfwa nou, nou pou sey pran aksyon – tay kot IMF – tay  kot World Bank dir be servi ou convening power pou ou koz ek Reserve Bank of New York pou ou koz ek Deutsche Bank for Euro clearance, i pou dir;  ‘’you’ve been reckless.’’ Ou pa ti vwar early warning  indicators?

Sa se si oule Mr Deputy mon bezwen enform sa Lasanble. Sa  en gro responsabilite  e mwan konman Minis Finans mon pa pare pou mon ganny afron pou dir poudir.’’ but your authorities has been very reckless.’’ Zot ti’n dwatet vwar sa bann early indicators pe vin dan ou kote.

Parske sa sete en kestyon ki konsern bokou pei sa. Se sa ki mon’n oule dir sa Lasanble.  Mersi.

 

MR DEPUTY SPEAKER

Mersi Minis Finans. Mon annan 2 pti follow-up la.   Onorab P Sebastien Pillay

 

HON SEBASTIEN PILLAY

Mersi Mr Chair.   Mr Chair mon le zis alert latansyon mon koleg lo lot kote latab; an nwanr ek blan in ekrir lo rekomandasyon FATF – an nwanr ek blan in ekrir pa mon ki’n ekrir – an nwanr ek blan in ekrir rekomandasyon  ek bann  group ki tou pei i bezwen annan en National Risk Assessment Framework ki  annan pou fer avek financing terrorism e anti-terrorism enkli anti-money laundering;    lo zot website lo tou lede  e tou zot bann dokimantasyon in relate ek sa.

Prezan ki mwan mon  pe sey fer konpran – si nou pran en desizyon la, pou nou dir ozordi Lasanble Nasyonal pe retir sa konponan dan Bidze ok ?   Pa zis nou ki pe ekoute sa. An deor i annan plizyer dimoun ki pe ekout Lasanble Nasyonal ; i annan businessmen ;  i annan tou kalite dimoun ki pe ekoute – so nou tir sa konponan la, i kree en  sityasyon  lensertitid.  Deza nou annan en sityasyon lensertitid dan offshore sector.  Ou konpran?  Nou pa kapab kontinyen fer bann desizyon baze lo zis bann hearsays –bann half truths.

Mon konpran son konsern – mwan osi mon  annan mon konsern an relasyon avek sa zafer avoka, peyman eksetera, ki mon kontan nou’n koz lo sa revwar sa bann Kontra.

But at the same time let’s be responsible. Si sa bann lorganizasyon pe dir nou poudir lala zot rekomandasyon, nou pa kapab pran en desizyon ou tire konpletman.  We have to come to an arrangement ki zot kapab fer zot louvraz at the same time.   Mersi Mr Chair.  

 

MR DEPUTY SPEAKER

Mersi Onorab Pillay. Onorab Ramkalawan.

 

HON WAVEL RAMKALAWAN

Mr Deputy mwan mon kestyon i senp.  Mon konpran sa ki Minis pe dir e sa ki Mr Moustache pe dir – nou bezwen sa, pangar si nou pa ganny sa  nou pou bann menas.  Me solman mwan mon problenm se ki ziska aprezan nou pa ankor ganny dir ki menas Sesel pe fer fas avek ?

Letan ou demann en kestyon pou al en pe pli spesifik nou ganny dir tou kalite keksoz e nou, nou pe dir sa National Risk Assessment parey zot pe dir, wi i enportan.

Me kestyon ki nou pe demande baze lo sa bann keksoz ; eski akoz sa nou bezwen pey R3.4 milyon pou en Irlande sorti laba ‘travel R48 mil sak fwa i vin isi ? Eski se sa bann keksoz ki nou bezwen oubyen eski nou bezwen en keksoz bokou pli pti ki sa ? Parske se sa ki nou pe vwar.  Ladan dan sa Bidze parey nou’n dir pli boner, i annan tro bokou keksoz ki pe kasyet e nou pa kontan. E se sa e byensir si ou vini ou – I mean lot zour  mon’n servi sa lekspresyon ; letan lontan nou ti pe fer pti baba dormi –  ‘’dodo pti baba sat maron pou nannan ou.’’ Be eski nou pa dan en lot keksoz ankor la kot i annan scaremongering ki pe arive ;  konmsi i pe dir avek nou la i la scaremongering tou sa bann zafer pou arive – labank pou fermen – Sesel pa pou kapab tir en Dolar me kan ofet keksoz i totalman diferan.   Sorry mwan  se sa ki mon vwar – scaremongering.

 

 

MR DEPUTY SPEAKER

Mersi Onorab. Mr Moustache avan ou… mon annan 2 Onorab ki anvi entervenir lo la.   Onorab Georges.

 

HON BERNARD GEORGES

Mersi Mr Chairman. Mr Chairman antretan bann pwen ki mon ti anvi fer sorti in ganny fer sorti par lezot dimoun ki’n pran laparol.  Me mon ti a kontan kantmenm mon krwar avek ou permisyon ranforsi sa bann pwen e mon konmans avek sa dernyen pwen Leader Lopozisyon ; sa bann repons – konpran nou byen – akoz nou rol i en rol spesifik dan sa Lasanble ; sa bann repons par egzanp parey nou’n tande bomaten ler nou get R3.4 milyon ki nou’n pey en avoka ki nou’n fer 111 milyon  alor sa i pa enportan.

In the scheme of things 3. 4 milyon  pa relevan ; oubyen si nou pa fer tel keksoz e ki i annan problenm sekirite mazer, nou ava regrete ki nou pa’n depans sa larzan.

E pa zis Mr Moustache ki’n dir sa.  2 zour pase Komisyoner Lapolis in dir menm zafer an koneksyon avek bonm lo avyon eksetera ler nou ti pe koz lo Dog Handler.

E mon ti a kontan ranforsi sa pwen ki fek ganny fer avek ou permisyon ; donn nou sa lenformasyon.  Dir nou what is the level of threat ki Sesel i annan e en lide menm in  a close session  ki si sa threat? E nou ava donn zot larzan.

Pa vin dir nou en Dog Handler i ganny R100 mil apre ler nou sote avek zis 2 rezon zot vini zot dir non, non  i pa en Dog Handler li, i pe fer sir ki napa bonm ki rantre lo avyon.

Be vin dir nou ki i pa en Dog Handler i en Terrorist Threat Analysis  Advisor e la nou ava donn li son R100 mil ;  pa vin –  nou pa kapab ganny bann bout lenformasyon. Mon krwar se sa nou pledwari dan sa Lasanble,

Vini donn ou the full picture e zistifye zot demann e nou ava pare pou fer li. Mwan R100 mil pou pey en boug Erport pou fer sir ki napa bonm ki mont lo avyon ?  Mon ava dir pa ase –annou pey en pe plis.

Pa vin dir nou ki sa boug i zis en Dog Handler ki pe anmenn son lisyen pou sniff pou fer sir ki napa en bonm ki pe mont abor.

Mon krwar sa se sa bann lenformasyon pa konplet oubyen pa alaoter ki nou pe gannyen.  Nou bezwen parey Prezidan Larepiblik in dir  -latransparans.

Si nou pou fer keksoz dan latransparans  vin transparans avek nou e nou ava at the same time an retour, donn zot sa ki zot oule.

2enm pwen ki mon ti anvi tous lo la bomaten ankor enn fwa in ganny touse se sa 3. 4 milyon nou pe pey sa avoka.

Ozordi ki nou aprann sa Mr Chair e mwan mon pa kapab aksepte repons Mr Moustache avek tou respe ki mon annan pou ou  – e mon konnen Mr Moustache ki problenm zot in gannyen pou recruit dimoun dan lepase ; kekfwa ou pa konnen me Mr  Liam Hogen ti’n vin vwar plizyer avoka pou vwar ki mannyer i ti pou kapab recruit en dimoun.

Me sa ki nou pa ti’n ganny dir, se ki i annan en Bidze 3.4 milyon pou sa avoka.  Mon sir – mon sir  ki si zot ti’n devwal sa Bidze avek sa 2 recruit  – enn  ki’n al fer son pupilage ayer e lot ki’n vin Mazistra zot pa ti pou perdi sa 2 dimoun, akoz mwan avek R3. 4 milyon mon krwar zot kapab ganny zot 5 a 6 avoka full time pe travay pou ranplas en Mr Calvin ki li i pa ni full time isi.

I annan son job Ireland e i vin isi ler zot bezwen li.  E nou’n aprann ki i ariv  Dimans pou li konmans travay Lendi, Nou konnen se koumsa  ki i fer akoz i annan lezot priyorite.

Alor mon pledwari  bomaten se anmezir ki zot in admet ki zot pou al sanz en pti pe sa sistenm, come clean avek bann recruit, Dir zot la la nou lanvlop. Nou lanvlop i R3.4 milyon  e mon sir ki zot ava ganny avoka konpetan  –full time e Seselwa ki pou kapab fer sa travay.

3enm pwen Mr Chair pa’n ganny tous lo la bomaten e sa se sa larzan ki ganny sezi; sa larzan in ganny pran.  Mwan mon annan en case FIU – zis enn  and I don’t ever want to do one  again.

Akoz at the end of the day sa ki’n arive se ki mon kliyan in bezwen pey lanmwatye son larzan ki ti dan kont pou li kapab al deor. E in fini very badly. 

Me sa larzan ki sa ki nou fer ek sa larzan – sa 111 milyon oubyen however kantite milyon ki nou sezi tou le-z-an.

Akoz mwan mon pa anvi ki nou ganny en repitasyon konman en ziridiksyon dan lemonn ki pe fer larzan malapropo oubyen ki enn son bann pilye son lekonomi se larzan mafya ki i sezi.   I don’t want to be associated with that .  Alor ki sa i arive avek sa larzan ?  Ki zot fer avek ? Eski i al dan progranm devlopman ?   Si zot napa nanryen pou fer avek, anvoy Les Mamelles nou ava fer lakaz ;  nou bezwen en kantite lakaz laba anler e nou ava fer li.  Mersi Mr Chair.

 

MR DEPUTY SPEAKER

Mersi Onorab Georges. Mr Moustache pasyante nou annan Onorab Gill pou fer en pti follow-up lo la.  Onorab Simon Gill.

 

HON SIMON GILL

Mersi Mr Chairman.  Bonzour tou dimoun. Mr Chairman mon krwar nou’n ariv lo en moman kot nou kapab pran desizyon – pran en vot lo sa size FIU.

Mon konpran bann largiman ki’n ganny anmennen me  an menm tan nou bezwen tonm dakor ki nou bezwen pran desizyon entelizan.

Mon konnen dan lasal la nou annan bann dimoun avek nivo lentelizans rezonnab e nou kapab pran bann desizyon pou fer sir ki lentegrite Sesel lentegrite nou konman Lasanble, nou sorti entak.

Baze lo sa premiz mon vwar plizyer keksoz ;  No. 1 se ki Bidze FIU an relasyon avek pouvwar ki Minis Finans i annan son depans i kapab ganny restrikte e monitor ziska 500 Degre si nou oule met li ziska sa nivo.  Sa premye.

Dezyenmman nou’n tonm dakor sa striktir FIU an relasyon avek bann personnel espesyalman etranze ki dan sa pei  e dan sa lenstitisyon i bezwen ganny revwar.

E nou feel strongly konman en Lasanble lo sa eleman, akoz nou santi ki annan serten provizyon finansyel dapre nou zizman, dapre nou konsiderasyon in ganny mal apropriye.

E nou pe demann FIU pou bouze – pou bouz vit ; mon pa konnen ki speed zot pou al avek me zot bezwen bouze e reviz tou sa ki dan zot kapasite pou zot revize e met sa lenstitisyon annord – azour.

4enm eleman ki mon krwar ki ekstrememan enportan – zot bezwen vin dan sa revizyon vin avek en plan lokalizasyon.

In ganny dir  mon pa bezwen repet tou sa ki Onorab Georges – Onorab Afif – Leader Lopozisyon – Leader Gouvernman isi dan Lasanble Nasyonal in dir.  Nou annan posibilite pou nou izarman recruit bann lokal pou nou kapab donn zot lantrennman neseser e poste zot dan sa bann pozisyon dan FIU.

En lot eleman ki nou santi i kapab ganny konsidere, nou annan dimoun ozordi dan Biro Attorney Zeneral ki kapab ganny selekte – e unit i kapab ganny kree dan Biro Attorney Zeneral kot bann avoka laba i kapab travay konzwentman avek FIU e deal avek sa bann case ki FIU i bezwen deal avek.

Lot eleman mon krwar in ariv lo 5enm pwen – 5enm pwen, se ki nou tonm dakor ki threat’ threat deor i reel – i reel.   Nou nou kapab tonm dakor pou nou dakor an menm tan e pou nou pa dakor an menm tan ki napa en pei ozordi dan lemonn Mr Chairman ki totalman an sekirite.  Napa.

Nou annan en lemonn sitan boulverse ozordi .  Nou annan en lensidan fek arive yer swar ; i annan en lensidan fek arive avantyer swar’ i annan en lensidan ki’n arive weekend pase kot zonm ozordi pe zis lev-e i antre i shoot ou e nou dir Sesel Dieu mersi sa bann lensidan koumsa pa ankor tous devan nou laport.  Me sa ki nou bezwen tonm dakor lo la Mr Chairman se ki Sesel ozordi i ouver avek lemonn.

Nou annan dimoun i sorti dan tou kwen lemonn ozordi i pas Sesel – i antre Sesel konman touris ; nou annan Mafya ki travers lemonn partou e zot kapab penetre Sesel nenport ki moman.

Now sa i vedir ki nou pa kapab asize lebra krwaze e  espere.  Nou bezwen reste koman en pei lo en nivo leta – si nou pou apel li en leta d’alert ki rezonnab.

Tou an rekonesan ki FIU i annan en rol enportan pou zwe dan sa domenn. Nou annan ozordi bann mersener dan relasyon finansyel enternasyonal .

Probableman wi – e an menm tan non akoz se zot ki annan responsabilite pou sir teroris finansyel pa rantre pou fer  tranzaksyon Sesel

Now sa ki nou nou’n tonm dakor lo la se nou’n tonm dakor lo la, se ki zot bezwen fer sa bann keksoz ki tonm dan zot paramet -dan en fason legal  -dan en fason zis – dan en fason onnet.

E bann lenformasyon ki annan – ki’n ganny sa Lasanble si Onorab Georges i korek e si Onorab Afif i korek, i bann levidans an parantez () ki i montre poudir in annan ziska serten degre serten mal practice – ki mon kapab servi sa term.

Now, nou konman en Lasanble nou pa pare pou vot pou en Bidze pou toler mal practice – me nou pou vot pou permet FIU fer son travay dan lonnekte avek lentegrite  e tout an respekte par sak endividi ki rantre dan sa pei.

Lot ki pwen ki ekstrememan enportan Mr Chairman eskize  mon  pran en pe letan akoz ou konnen mon koz rar – now keksoz ki enportan se ki ou bezwen tonm dakor ki aktivite FIU pa kapab met an danze dinamiz dan ki nou apel direct investment dan Sesel.  FIU i bezwen kontrer annan bann kondisyon ki i build up confidence dan bann dimoun ki anvi  envestir dan Sesel. Sa ki nou oule FIU i fer.

Nou pa kapab annan dan FIU parfwa bann mezir ki zot pran – bann desizyon ki zot pran bann dimoun ki per pou desann avek zot larzan pou envestir dan sesel.  Nou pa kapab annan sa.

E sa sityasyon i bezwen dis kontinyen depi yer e nou bezwen ankor enn fwa bouze Mr Chairman – nou bezwen bouze e bouz dan en fason serye dan sa pei pour ki an retour Sesel osi i bouz devan devlopman Sesel pa ganny met an koz e bann lenvestiser i re ganny sa konfidans ki ler zot antre napa detrwa zonm la pou aret zot ; pran zot larzan reste avek 6mwan –reste avek 1an e pa kapab kree posibilite pou zot envestir zot larzan dan sa pei.   E an retour Sesel i ganny afekte.   Nou pa kapab kontinyen avek sa sityasyon.  So  lo sa baz  – lo sa baz  Mr Chairman, mon krwar nou tonm dakor nou bouze tout an donnan konfidans nou Minis Finans e tout an donnan konfidans sa lekip ki ozordi lekip Seselwa i la devan dan FIU e avek bann dimoun ki pou ganny rekrit, nou donn zot konfidans ; e nou a vwar zot ankor dan 2 mwan/3mwan isi dan sa Lasanble pour ki zot re donn sa pep konfidans ki FIU pe fer son louvraz byen e ki Sesel e Lasanble Nasyonal i kapab met konfyans dan zot e annou bouze.

Annou pa gaspiy letan ankor isi dan sa Lasanble  Mr Chairman.   Mersi bokou.

 

        (APPLAUSE)

 

 

MR DEPUTY SPEAKER

Mersi Onorab Simon Gill.  Vre Onorab Simon Gill pa’n koz bokou sa  2 semenn.  Me ozordi in fer li en statement vreman for e mon krwar Lotorite FIU i bezwen pran tou sa keksoz an konsiderasyon e Minis Finans osi tou i bezwen kolabore ladan.   Vitman mon annan Onorab Larue lo sa size akoz nou nou’n ariv en moman pou nou kapab deside pour nou pran en vot.   Vitman Onorab Larue.

 

HON FLORY LARUE

Mersi Deputy Speaker.  Mwan tou le ka mon annan kestyon pou FIU.   An pasan eski Mr Barry Calvin i annan en GOP letan i vin Sesel? Apre Mr Moustache in koz lo risk e Onorab Ferrari i anvi konnen sa bann risk.   Eski Khalifa letan in enstal son lakaz Sesel ki fer prezan nou risk in monte ?  E si wi eski nou pa devret sarz li pou ed nou protez li si li ki’n fer nou risk monte letan ou koz  lo terorizm ?

Apre la Onorab Gill in koz en kantite lo accountability e  nou fodre  nou responsab ;    mon’n demann mon kestyon Lapolis  e mon pa’n ganny okenn komitman – zot konman en Departman eksantye ; e nou pe pey bann servis lentelizans enkrwayab konman en Financial Intelligence Unit eski zot, zot pou kapab ed Minister Finans pou rode kote sa 50 milyon Dolar ti ale letan i ti kit Central Bank ?

Nou bezwen fer en dimoun accountable pou sa tranzaksyon e si en frod in ganny fer, nou bezwen konnen ; akoz nou vwar ki dan Gouvernman i ankor annan menm dimoun e  nou Bidze i ganny zere par preske menm dimoun.   E si sa larzan in kit nou pei in ale, nou pe koz lo financial transaction – international transactions – la enn lokal dan nou Gouvernman internally in arive, eski FIU i pou kapab asiste Minister Finans pou rod sa 50 milyon Dolar ? Kot ou ti travay Mr Moustache Central Bank parey Minis Finans in dir nou i osi i ti travay Central Bank, eski zot pou kapab ensiste nou pou ganny sa larzan ?  Mersi.

 

MR DEPUTY SPEAKER

Mersi Onorab Larue.  Bon nou’n ariv lo sa not kot nou pou pran en desizyon, me avan sa mon a donn laparol Mr Moustache briyevman i a reponn bann kestyon Onorab Larue.    Si ou bezwen fer en pti statement lo bann entervansyon Onorab  Ferrari , Onorab Georges, Onorab Afif, Onorab Ramkalawan, Onorab De Commarmond, Onorab Sebastien Pillay e sa strong statement ki Onorab Simon Gill in fer.  E apre lo sa  not nou a kapab pran en desizyon.

Petet ler ou a fini osi, mon ti a kontan petet ganny Minis Finans osi tou pou fer en pti revi – en pti konklizyon  Mersi.  Mr Moustache.

 

DIRECTOR FIU – MR PHILLIP MOUSTACHE

Mersi Mr Deputy.   Zis mon ti anvi fer enn de leklersisman.  Barry Calvin i pa tonm anba sa progranm 2 li.  I anba progranm 1 ek 3.  Ok?

Apre sa scaremongering ; mon krwar si zot al lir nou 2 Rapor ki nou’n mansyonnen zot a vwar ; lir li detrwa fwa e zot a vwar ki nou pe mean. Minister in mansyonnen sa de- risking – sa i en konsern enternasyonal enn de bann lezot e lir nou Rapor.

An konsernan bann lawyers parey Onorab Georges in mansyonnen, nou’n still rode – nou ankor pe sey rode e nou pou kontinyen rode evantyelman  nou a ganny en ranplasman.

E lo sa ki Onorab Gill in mansyonnen nou ankor pe kontinyen recruit bann dimoun ; e mon le zis sinyale  ki pa fasil annandler pou ganny bann dimoun apropriye ; swa ou ganny en dimoun nou bezwen fer sir sa dimoun i premyerman i konfidansyel ; akoz nou pe deal ek en kantite lenformasyon sansib e i senser.   I pou travay anver pou protez lentegrite FIU.  Akoz nou osi nou annan serten komitman enternasyonal ki nou’n fer ek bann lezot organizasyon ki nou manm – nou bezwen asir zot ki lenformasyon ki nou gannyen, i pa ganny devwale

Lo kote GOP pour   Mr Calvin – Mr Galvin in ganny apwente konman en Legal Consultant AG’s Office.

Kot i konsern Khalifa sa i mon pa konnen si i lo okenn lalis teroris.  E kot i konsern sa 50 milyon  ki Onorab Flory in mansyonnen sa mon konpran ti an 2002 – sa ti vreman avan FIU ti’n ganny etabli.  Mersi bokou.

 

MR DEPUTY SPEAKER

Mersi.   Onorab Larue – vitman.

 

HON FLORY LARUE

Savedir ou pe dir nou  sa Lasanble ki akoz i ti ariv avan ki FIU ti ganny met an plas ki zot pa pou kapab asiste Gouvernman – Minister Finans pou rod sa larzan – sa kantite larzan ki nou, nou pe donn zot pou Intelligence? Eski  zot pa pou kapab trace sa 50milyon Dolar ki ti perdi dan Gouvernman Sesel sorti Central Bank where you were working?

 

MR DEPUTY SPEAKER

Mersi. Onorab Mr Moustache.

 

DIRECTOR FIU – MR PHILLIP MOUSTACHE

Mon krwar sa issue  lefe ki i annan en Anti- Corruption Unit la mon krwar ou kapab dir ek zot.  Ou kapab dir k ou… laba.   Mersi.  That’s my response. 

 

MR DEPUTY SPEAKER

Ok.  Minis?

 

HON FLORY LARUE

Mon pa aksepte sa larepons Deputy.  Mersi.   

 

MR DEPUTY SPEAKER

Minis ou annan en klarifikasyon oubyen en statement oubyen en commitment. 

 

HON FLORY LARUE

Eskize Mr Deputy ?

 

MR DEPUTY SPEAKER

Yes Onorab ?

 

HON FLORY LARUE

I pa’n reponn enn mon kestyon; eski risk Sesel in increase letan Mr Khalifa in fer son lakaz Sesel akoz ou ‘n koz bokou lo risk e eski sa nou ki pe peye prezan pou fer bann investigation lentelizans pou nou reduce risk Sesel akoz sa msye in vin reste isi?

 

MR DEPUTY SPEAKER

Mr Moustache briyevman.

 

DIRECTOR FIU – MR PHILLIP MOUSTACHE

Mon  pa’n vwar okenn risk depi ler sa msye in vin reste isi ki in increase.  Bann risk i enternasyonal.   I pa risk ki’n vin isi; bann risk ki nou, nou pe assess i risk ki pe arive ek bann marse  finansyel – bann risk teroris an relasyon avek piratri.  Pa ek sa msye.

 

MR DEPUTY SPEAKER

Mersi Mr Moustache. Onorab Afif -vitman.

 

HON AHMED AFIF

Mr Chair mon ti zis anvi  zis bouz keksoz devan si nou ti a propoze ki anba progranm 2 mon fer modifikasyon baze lo sa ki Onorab Ferrari ti’n propose.  Nou tou rekonnet ou bezwen  NRA  alor mon propozisyon ; nou garde sa 3 progranm me nou tir bann konponan  ki nou krwar ladan – bann depans plito anba program 2 ki R14 milyon ki pa zistifye ; pa zistifye ditou parski i zis bann consultancy pou bann keksoz ki nou pa ganny okenn lenformasyon lo la.   Nou annan en building lot kote zot pa konnen pou ki solman zot konnen kwa ki pe pase Somalie.   So mon pa krwar avek respe – mon pa krwar.   Alor mon krwar sa nou devret tire e  i pou redwir zot Bidze par 14 milyon.  So zot a end up avek R30 milyon  e mwan mon dir koup sa, nou ava vot lo la prezan zour zot kapab zistifye akoz nou pe pey sa bann gro Kontra  -ki pa zistifye ditou pour mwan – enkli bann gro vwayaz ki ou pa’n kapab eksplike ; zot pa’n eksplik ditou zot in eksplik zis R300mil dan  4milyon, pour mwan pa zistifye ditou.  Alor mwan mon dir si omwen 14 mil on lo sa Bidze ; koupe parske napa okenn zistifikasyon anba la.

E mwan mon happy pou mwan  al avek – me mon pa happy me selman mon pare pou mwan konsider 30 milyon konman rezonnab ; anba bann sirkontans solman menm sa subject to further review.   

 

MR DEPUTY SPEAKER

Mersi Onorab.  Mon krwar Minis in donn en komitman osi ki dan e lespas 6 mwan sa lafors etranze pou ganny koupe; i kapab al dan sa laliny kot nou vwar sa sonm apepre Onorab Simon Gill in fer sorti restriksyon lo sa Bidze.  Dan senm laliny Minis donn nou en komitman apre nou ava pran en vot.  Wi e sa first quarter parey pe fer pou plizyer Departman i a vin dan Lasanble i a’n fer son assesment ansanm avek FIU e i a kapab donn nou en revi from there Lasanble i ava regard sityasyon. Minister.

 

MINISTER PETER LAROSE

Mr Deputy dapre Mr Moustache 14 milyon  pou redwir dan sa Bidze zot pa pou kapab fonksyonnen.  Savedir sa  keksoz realis kot nou a  bezwen vwar poudir be sa Departman i trez enportan pou nou.

Me kot i konsern nou revizyon – nou re organizasyon sa unit nou pou fer li.  Parey mon pe dir pa zis ki FIU i annan bokou plizyer petet landrwa dan serten Minister kot nou pou bezwen re organize.

Be donn mwan apre 3 a 4 mwan koumsa kot nou a kapab  vwar kot nou kapab refiz-e.  Epi nou ava vin dan sa Lasanble nou ava prezant ek sa Lasanble ki nou’n kapab fer.

Parske sa se en komitman ki nou’n donn sa Lasanble.  Nou bezwen delivre ou konpran ? Me pou lenstan nou santi nou lanmen i anmare ek sa.

 

MR DEPUTY SPEAKER

Mersi Minis. Mr Moustache ou pa pe kapab donn okenn lot sif apard sa 14 ? 14 in ganny mete koman en barenn me si ou kapab fer en sizesyon ek Lasanble ?  Si ou santi 14 i tro bokou ki sizesyon ou kapab fer ?

 

DIRECTOR FIU – MR PHILLIP MOUSTACHE

Mersi Mr Deputy.  Nou ti a santi nou en pe konfortab si zot ti a kapab freeze 10 milyon i ti ava permet nou fonksyonnen avek sa bann larestan sonm.

Akoz la nou pe al recruit bann nouvo, nouvo travayer menm Mr Georges parey i pe dir nou pe sey recruit en legal expert me zot anmar nou lanmen la.  Mersi.

 

MR DEPUTY SPEAKER

Ok. Mersi Mr Moustache. savedir ou pe propoz en rediksyon – en freeze 10 milyon ki a fer Bidze FIU i ava desann pour le moman I ava lo 35 milyon.   Onorab Ferrari – vitman.

 

HON JEAN-FRANCOIS  FERRARI

Mon ti dir mon pa kontan ditou sa prensip freeze me solman mon ti ava azout en keksoz avek  – mon krwar  – mon hope ki lot kote latab zot ava siport mwan –   freeze me solman nou ti ava demann Minis en komitman ki si i deside pou unfreeze  i rankontre Lasanble swa an plenyer –  swa dan Public Accounts Committee pou nou deside lo son zistifikasyon pou unfreeze.   E antretan mon krwar nou annan en komitman ki no new international contracts ok?  Revision of existing contracts e en komitman pou rezwenn before the end of March for a complete review of that.   Sa i mon lopinyon me solman i subject  to mon bann koleg lot kote latab. 

 

 

MR DEPUTY SPEAKER

Mersi Onorab.  Yes Minis.

 

MINISTER PETER LAROSE

Mr Deputy mon toutafe dakor avek Onorab Ferrari ki’n dir.   Sa se en komitman ki mon donnen personnelman avek lo behalf mon Minister e Gouvernman – si nou deside pou nou unfreeze ava ler ki nou fer li natirelman nou bezwen enform sa Lasanble e pou ganny zot clearance.   Mersi Mr Deputy.

 

MR DEPUTY SPEAKER

Mersi Minis.  Vitman mon pou donn parol zis 2 Manm ankor enn lo kote Parti Gouvernman -Parti Lepep Onorab Sebastien Pillay.

 

HON SEBASTIEN PILLAY

Mr Chair zis parey nou ti’n propoze first quarter nou etablir progranm ki pa zis FIU me tou sa bann k entities ki nou’n koz lo freeze anba BFM zot vini e la Finans i donn nou en breakdown e si  nou pa satisfe  nou pa release the fund ki zot sipoze al avek.  Ok ?

 

MR DEPUTY SPEAKER

Mersi Onorab. Onorab Ramkalawan.

 

HON WAVEL RAMKALAWAN

Nou anvi fer kler ki lo sa Bidze nou pa pe koz freeze – nou pe koz koupe.  Annou koup nou dakor sa give and take annou koup sa 10 parey Mr Moustache in propose.  Nou koup sa 10 dan 3 mwan letan Minis Finans i vin  – apre ki in fer son review  – son 1st  quarter, i vini e la nou ava konnen ki poudir si i neseser pou pas en Supplementary Appropriation baze lo bann keksoz ki pe arive nou ava fer li; parski i enportan osi pou nou poz nou lekor en kestyon ; nou pe koz envestigasyon ; nou pe koz lennmi annou fer atansyon ki nou lennmi i pa pe ganny finanse par sa Bidze lanmenm la.  E ki nou lennmi i pre avek nou. Sa osi tou mon krwar fodre nou fer byen atansyon e  pou sa rezon ki nou pe dir annou koupe.  Paske annou pa bliye pou dir sa Mr Declan Barber  – mon  pa pe dir li ki lennmi or whatever, be solman mon trouv i drol ki poudir son landrwa  letan ou pe get son deskripsyon son landrwa kot i travay, i mete i travay avek Seychelles National Security Service.  Mon pa’n vwar okenn Bidze pou Seychelles National Security Service; ki konmsi tousala i zis kanmeleon tanzantan i sanz landrwa.

Nou, nou pa pou soz – nou koupe Bidze pour FIU i bouze 45 milyon 149 mil i tonm lo 35 milyon – i koup lo 35 milyon e dan 3 mwan nou regarde ki pozisyon e nou bouze from la.  Mon krwar se sa ki mon pe propoze si i  ganny segonde i aprouve nou bouz koumsa e nou pran en vot.

 

MR DEPUTY SPEAKER

Mersi Onorab Ramkalawan. Minis.

 

MINISTER PETER LAROSE

Mersi Mr Deputy.  Mon krwar sa propozisyon fer par Onorab Ramkalawan i akseptab.  Ankor dan 3 mwan si nou vwar poudir i annan en demann finansman nou  a vin kot sa Lasanble nou a anmenn en Supplementary Budget e mon krwar nou  kapab ganny zot sipor pou aprouvasyon.  Mersi.

 

MR DEPUTY SPEAKER

Mersi Minis.  Bon lo sa note nou ava nou’n ariv en propozisyon pou nou kapab pran en desizyon pou nou kapab pran en vot.

Alor nou pou vot lo Bidze FIU trouve lo paz 58 ziska paz 62 e nou pe vot lo en sonm ki’n ganny redwir pou vin R35 milyon 149 mil.

Alor tou Manm ki an faver lev lanmen? Okenn Manm ki kont ?

Bon ou ava anons rezilta

vot Madam Clerk ?

 

MADAM CLERK

Mersi Mr Deputy Speaker.  Pou sa enn mon’n record 14 vot an faver e 2 vot kont.   Mersi.

 

MR DEPUTY SPEAKER

Mersi Madam Clerk. Onorab Ferrari.

 

HON JEAN-FRANCOIS FERRARI

Pou good financial accounting eski PS  i dakor avek mwan ki sa sonm 13 milyon 976 mil 51 i vin 3 milyon 975 sa?   So it’s under that head ki nou pe – lo paz  61  mon pe dir non?  Non?  It is spread?  It is spread  around?   Ok.  Napa problenm.

 

MR DEPUTY SPEAKER

Bon ok. Avek sa zis pou anonse Bidze pou FIU – Bidze ki ganny redwir pou sorti 45 milyon pou vin 35 milyon in ganny aprouve par Lasanble Nasyonal.

Bon nou ariv eskiz Mr Moustache avek Ms Azemia parmi nou.  Mersi bokou pou zot pasyans e zot korperasyon.

Mon a profite osi  tou  lo non Lasanble Lasanble pou swet zot en Zwaye Nwel  tou le de avek zot fanmir.  Mersi.

 

MR MOUSTACHE AND HIS DELEGATION WAS EXCUSED FROM THE HOUSE

 

 

MR DEPUTY SPEAKER

Bon nou ava kontiny nou travay. Nou a konnen nou pe al en pti pe an deor  letan.   I annan bann zofisye NDEA ki deza la depi bomaten pe espere nou tonm dakor nou pran ? Onorab Ramkalawan.

 

HON WAVEL RAMKALAWAN

Non.  Mwan mon krwar ki yer nou’n dir pou bann rezon valab ki poudir ki nou pou travay half day parski nou anvi ki nou bann travayer Lasanble – SBC ek tou bann lezot services zot ganny sa posibilite pou zot osi tou kapab respire en pe.  Mon krwar ki poudir i pou totally unfair  pou nou konmans la midi edmi  lo NDEA ; parske sa pou anmenn nou… nou pou pli plizoumwen ; parske mazinen poudir NDEA li apre 10 minit tou deba ti arête.

Savedir li NDEA i pe al komans lo basically zero. Alor mwan mon pou move ki Lasanble i adjourn la e ki Mardi prosen nou kontiny nou travay – parske sansan nou pa ava pe kit nou parol.

 

MR DEPUTY SPEAKER

Mersi Onorab. Onorab De Commarmond.

 

HON CHARLES DE COMMARMOND

Mr Deputy Speaker mwan mon kwar lotreman. Mwan mon krwar poudir  etandonnen nou konnen osi ki problenm NDEA or bann issues kot NDEA i preski similer, ki FIU  – mwan mon demande ki nou lyez ek Minis Finans la ; nou vwar annou koup 25 poursan sa Bidze e annou vot pour sa Bidze pou nou kapab menm zafer menm dan 3 mwan i vini i vin donn whatever ki i annan pou donnen – zot Rapor.  Apre si i neseser  mwan mon pans koumsa ; akoz i annan en ta issue wi me  sa bann issue zot  ava ganny sort out  – i a ganny diskite  e i a re vin dan Lasanble koumsa – en fason pou nou pa tarde avek sa.

 

MR DEPUTY SPEAKER

Petet zis ou pou ou lenformasyon Lasanble mon ti’n ganny enformen ki CEO NDEA ki ti pou vin devan nou Lasanble  Mr Liam Quinn. 

Dan laliny ki Leader Lopozisyon in fer sorti, petet nou devret donn li en lodyans  e mon pa krwar ki letan pou permet ozordi.   Nou a kapab ganny en pe bann leklersisman – bann lenformasyon. Akoz dernyen fwa nou ti ganny zis madanm Pool ki ti vini e i pa ti kapab reponn tou nou bann kestyon.  Se sa rezon ki nou ti arete byen boner.

Annou mazin en pti pe ki nou kapab donn  Mr  Quinn en lodyans ki nou kapab ganny en pti pe plis leklersisman e apre si i annan propozisyon   pou nou koupe.  Ale Onorab Ferrari.

 

HON JEAN-FRANCOIS FERRARI

Non, mon pe zis dir ki nou, nou pa’n vin dan Lasanble pou nou koupe , akoz nou kontan koupe.  I posib ki nou pou ogmant Bidze NDEA tou nou.

Selman nou bezwen konpran byen si nou larzan pe ganny byen servi ; akoz nou kont sa bann zafer drog trafiker. So nou bezwen pran byen nou letan, pou  nou fer en bon travay.  Mersi.

 

MR DEPUTY SPEAKER

Mersi Onorab. Yes Minis.

 

MINISTER PETER LAROSE

Mr Deputy anvi ki mon dernyen Minis dan sa Lasanble, avan Nwel mon ti ava profite pou swet ou avek ou fanmir en Zwaye Noel; mon ti a profit menm Speaker ek son fanmir menm i pa la Zwaye Noel; Leader Lopozisyon avek son fanmir Zwaye Noel; Leader Government Business avek son fanmir Zwaye Noel e tou Manm Onorab Zwaye Noel.

E apre tou bann Staff Lasanble  – e  tou bann dimoun ki a lekout Zwaye Noel Mon panse ki nou kapab pas en bon moman re zwir ziskan ler nou zwenn semenn prosenn.  Mersi bokou.

 

MR DEPUTY SPEAKER

Mersi Minister. Mon krwar nou’n ganny en  konsansis.  Minis i dakor.   Nou a zis prezant nou leskiz avek Mr  Quinn avek madanm Pool ki depi  bomaten zot in la pe espere. Minister Larue  osi aparaman li osi i la. Nou a prezant nou leskiz osi avek li.  Nou annan en konsansis –  nou ava adjourn pou semenn prosen.   Me mwan osi mon ti a kontan profite – mon ti a kontan swet tou Manm Lasanble avek zot fanmir  – Minis ek son fanmir ; PS Payet, Mr Thesee, Ms Verghese ; tou nou Staff dan Sekretarya e tou bann Staff SBC ki’n la avek nou  mon profite pou swet zot tou en Zwaye Noel. E mon propoze ki nou adjourn a sa moman la e nou retournen Mardi prosen 9er.  Onorab De Commarmond  – vitman.

 

HON CHARLES DE COMMARMOND

Vitman mon dir ziskan Nwel la ki nou’n aprouve  ek sa Bidze i ok.   Mon remersye tou bann dimoun ki’n partisip ladan.

Me an menm tan mon’n oule take note ki nou bezwen bon gidans osi avek Minister Finans pou vwar kwa ki nou fer – si nou freeze  oubyen nou deside koupe ; konmsi i enportan pou nou konnen zot plan lo lot kote, kwa ki permet.   Pou nou kapab ed nou dan sa Lasanble, pou vwar ki sa ki nou kapab propoze better avek zot, pou sa lot bout ki reste pour sa bann lezot morso Bidze.

E avek sa mon a  profite pou swet ou menm e Minis Onorab Leader Lopozisyon – tou dimoun ; ki  tou bann Manm Onorab – tou  bann staff ; tou  bann dimoun ki’n avek nou ki’n partisipe e pep Seselwa spesyalman bann zabitan Cascade. Mersi bokou e mon swet zot tou en Zwaye Noel e en bon lannen.  Lannen pa ankor vini me Zwaye Noel at least.  

 

MR DEPUTY SPEAKER

Mersi Onorab De Commarmond. Nou konnen Minis ek son  PS in donn bann komitman e nou pran sa ankor semenn prosen lo lafason ki pou travay ; ki prosennman prosen Bidze nou pa ava vwar nou dan sa sitasyon.  Onorab Ramkalawan oule dir  en dernyen mo ?

 

HON WAVEL RAMKALAWAN

Well lo lapar LDS mon ti a kontan swet tou dimoun, Sekretarya Lasanble Nasyonal, Minis ki la parmi nou e  tou Manm en Zwaye Noel e tou Seselwa byensir en Zwaye Noel – pas en bon letan – zot annan en long weekend ahead alor nou tou nou ava ganny en sans pou nou repoz en pe.  E  pas en bon moman ek zot fanmir e nou ava zwenn semenn prosenn.   E Zwaye Noel e tou benediksyon.  Mersi bokou.

 

 

MR DEPUTY SPEAKER

Mersi Onorab avek sa nou ava adjourn ziska Mardi prosen.

 

(ADJOURNMENT)