Home » Verbatim » 2017 » Verbatim Report NAS Sitting Tuesday 20th June, 2017

Verbatim Report NAS Sitting Tuesday 20th June, 2017

NATIONAL ASSEMBLY OF SEYCHELLES

 

Tuesday 20th June, 2017

 

The Assembly met at 9.30am

 

National Anthem

 

Moment of Reflection

 

Mr Speaker in the Chair

 

MR SPEAKER

Bonzour tou dimoun, bonzour tou Manm Onorab, lekip Minister Lasante ki’n zwenn nou bomaten, tou bann dimoun ki pe ekout nou an deor Lasanble e partou. Nou ti a kontan premyerman prezant nou leskiz ki nou’n konmans en demi erdtan an retar. Normalman nou konmans 9 er. La rezon i senp se ki yer ti annan en koupir elektrisite ki’n fer ki nou sistenm IT ti’n boulvers en pe, in dereye, in pran en pe letan pou print bann keksoz e fer sistenm marse. E se senp rezon an ka ki zot  pe rode dan lakour akoz ki nou pa’n konmans 9 er se, i bann rezon an deor nou kontrol. Me nou esper prezan ki tou keksoz i mars byen e ki zot a pe tann nou byen kot SBC. In en weekend sarze ki’n pase, petet nou ti a kontan fer enn de lanons premyerman pou remersye Onorab Sebastien Pillay ki ti reprezant nou – avek Mr Volcy nou PR Officer kot sa Symposium CEPS ki ti fer Zedi pase e i annan en lartik dan Nasyon.  Mon krwar ki enportan pou vwar travay Lasanble, en rapor lo sa Seminar.  Alor mon ti a kontan remersye zot ki’n reprezant nou e fer en bon travay. Mon ti a kontan osi remersye nou Social Committee an partikilye anba gidans nou IT Manager Mr Allagain ki ti deryer lorganizasyon sa Sports Day oubyen Fun Day ki ti fer pou Lasanble Vandredi pase isi menm dan grounds nou Lasanble. E mon ti kontan vwar ki i ti pa zis staff Sekretarya me tou le 2 kote latab ti partisip ladan e ti en… sa ki mon kapab apel en very good team building exercise. Ti gou vwar bann madanm parey Onorab De Letourdie bat mwan dan Obstacle Race menm pou sot larou i al pli vit ki mwan ! So felisitasyon sa bann ki ti organize ; mersi tou bann ki’n partisipe petet la prosenn fwa nou kapab fer en Variety Show pou en bon koz Nasyonal. E a sa pwen Onorab Ernesta i a montre mwan ki mannyer pou dans Mardilo avek 2 danmzel La Digue, nou kapab fer en bon Variety Show pou raise en pe larzan pou bann dimoun. Mon ti a kontan osi on a more serious note konman Speaker Lasanble, ofer nou vif felisitasyon pou Mrs Monica Michel Bon Valee. Mrs Michel parey zot a… bann ki’n tande i sorti Glacis i fiy Mrs Michel ki manman Georges ek granmanman Marquise David e in ganny elekte dan Parlman Français ; Lasanble Nasyonal Franse lo tiket Prezidan aktyel Christian Macron lo son Parti ‘La France En Marche.’ Mon krwar i en gran loner pou Sesel e i malere ki nou pa’n tann anonse lo SBC, be tou fason nou lo la par tou bann Manm Lasanble, mon ti a kontan ofer li nou… e son fanmir nou vif felisitasyon ; akoz i ankor en lot levennman ki montre ki nou osi dan Sesel nou ‘An Mars’ – ‘Sesel An Mars.’ Ozordi  mon ti a kontan swet la byenveni an partikilye Minis pour Lasante ek son lekip. Mon vwar bokou Dokter, fotespere lopital i ankor pe fonksyonnen. Me mersi Minis pou dan en Notis ase kour ki ou vin nabou vini pou vin reponn kestyon. Me avan sa mon ti a kontan osi anonse pou bann Manm Onorab e piblik, apre nou a vin kot Onorab Lemiel, ki parey mon’n deza mansyonnen avan, le 5 ziska le 15, mwan prosen, konmansman Juillet nou pou annan sa ki nou apel SADC Parliamentary Forum e en Plenary Assembly. E sa pou en levennman ki nou’n plan depi en pe letan, nou ti’n aksepte pou host sa depi en pe letan. I pou en levennman ase enportan espesyalman akoz nou pou annan en Sesyon ki konmans avek the Women Parliament Conference ki pou fer Eden Blue e nou pou ganny vreman en gran privilez pou swet byenveni 3 ansyen Sef D’Eta dan rezyon SADC, Former Acting President Motlanthe ki ti Prezidan Sud L’Afrique apre ki Prezidan Mbeki ti demisyonnen. Nou pou osi ganny sans welcome Prezidan Pohamba ki’n Prezidan Larepiblik Namibia, e osi nou pou ganny sans welcome Prezidan, Former Prezidan Ugandasorry Former Deputy President of Uganda.  So i pou en levennman ase enportan.  E parey mon’n dir avan bann preparasyon pou fer sa i byen avanse e nou a donn zot plis lenformasyon ki konsern sa. I annan lanons ki mon mazinen zot a ganny li ofisyelman atraver medya, me nou pou osi semenn prosenn annan en Sesyon Spesyal pou swet byenveni en Premye Minis ki pou an vizit Ofisyel isi me sa nou a donn zot plis lenformasyon konmansman semenn prosenn. Ok ? Nou a pran Order of Business pou sa semenn. Mon krwar zot tou zot in ganny… Sorry ti annan en pwen ki Onorab Lemiel, ou ti anvi fer sorti en pwen. Go ahead.

 

HON SYLVANNE LEMIEL

Mersi Mr Speaker.  Bonzour Mr Speaker. Bonzour tou mon bann koleg. Bonzour Minis avek ou delegasyon. Mr Speaker mersi pou donn mwan sa loportinite, mon ti a kontan ozordi bomaten avan nou konmans Sesyon Demann Kestyon, pou nou felisit tou bann atlet ki’n partisip dan 41enm Sanpyonna Atletik pou sa lannen. E pli partikilyerman mwan mon ti a kontan felisit manrmay Anse Royale, Primer konman Segonder – Segonder mon krwar nou’n kas rikord sa lannen 9 lakoup. So mon ti a kontan felisit nou bann etidyan lekol, felisit bann coach ki’n train zot, felisit Management Lekol, bann paran, Komite Paran ki’n deryer sa bann zanfan ki’n fer sir ki zot in reisi anmenn sa 9 lakoup Anse Royale. Felisitasyon manrmay Primer e Segonder Lekol Anse Royale. Mersi Mr Speaker.

 

        (APPLAUSE)

MR SPEAKER

Mon krwar nou tou nou a dakor ki en felisitasyon byen merite, parske i pa zis ki zot in fer pli byen, i fer sizyenm fwa konsekitif ki zot sorti Top, e konman en dimoun ki’n grandi dan distrik Anse Royale, mon osi mon fyer Onorab Lemiel. Alor… me selman i byen sa ki ou’n dir akoz ti annan en bon pe Manm Onorab ki ti prezan pou konmanse ki ankor i montre lentere ki nou donn nou bann zanfan ledikasyon. Mon ti kontan vwar bokou Manm Lasanble Nasyonal dan sa Sports Day e osi felisit tou bann dimoun ki ti organize parske son lozistik i mammoth me ti mars byen e ti deroul byen. Onorab Sophola ou annan en pwen ou anvi fer sorti.

 

HON NOLINE SOPHOLA

Mersi Mr Speaker. Bonzour. Bonzour Minis, delegasyon e tou Manm Onorab prezan. Lo menm laliny avek Onorab Lemiel mon oule profit sa lokazyon pou felisit tou bann atlet Digwa, tou bann paran ki deryer zot, PE Teachers, ansennyan, La Digue, Kominote antye e mon’n toultan dir ler nou travay ansanm nou anmenn sikse e nou pou kontinyen avek sa menm zefor pou lot Sanpyonna ki pe vini. E osi mon pou dir Mahe osi bann dimoun ki’n siport nou, mon dir zot mersi. Mersi Mr Speaker.

 

(APPLAUSE)

 

MR SPEAKER

Mersi Onorab. Onorab Ferrari ou pa pe al felisit Mont Fleuri, non ? Onorab Ferrari.

 

HON JEAN-FRANCOIS FERRARI

Non Mr Speaker, mon mazinen kekfwa nou’n ariv lo pwen 4 lo nou Order Paper, mon ti le fer enn pti pwen lo Presentation Of Papers. Avek ou permisyon Mr Speaker…

 

MR SPEAKER

Wi.

 

HON JEAN-FRANCOIS FERRARI

(SI)25 anba Misuse of Drugs Act, i dir nou poudir Coetivy pe ganny approved as an Institution and also approved as a facility. Mon krwar i kapab i annan en mistake la akoz Mr Speaker, mon krwar ou ava dakor avek mwan e ou menm ou, ou ti fer sa pwen. E mon vwar li en pti pe enkyetan ki nou pe al reklasifye Coetivy konman en Center for Drug Rehabilitation. so kekfwa Lasanble i ava gid mwan lo la, gete si nou pou kapab fer en amannman avek sa (SI) ki devan nou ozordi. Mersi Mr Speaker.

 

MR SPEAKER

Onorab Ferrari mon krwar ou pwen i tre valab. Mon krwar Clerk nou pou bezwen revwar sa akoz i en pwen ki nou’n diskite – mon pa konnen si i en fot oubyen… Onorab Ramkalawan.

 

HON WAVEL RAMKALAWAN

Mr Speaker, son prosedir i senp nou bezwen anmenn en Mosyon ki quash the (SI) ki i retourn kot Gouvernman e Gouvernman i a repran en desizyon. I dan sa fason. Me i byen ki Onorab Ferrari in lev sa pwen pou anmenn lo nou… a latansyon tou dimoun so the next sa se ki Onorab Ferrari i ava anmenn en Mosyon pou quash the (SI) e i ava ganny tire e Gouvernman i a bezwen repran en desizyon lo size Coetivy akoz efektivman nou osi tou Komite Zil lo nou rapor, nou ti vizit Coetivy, nou ti rankontre en msye avek en batiman vid e ti fer kler ki poudir Coetivy should not be used as a Treatment Center pou detox.  E tousala e nou ti met sa dan nou rekomandasyon e Vis- Prezidan i annan en kopi. Me i ava en kestyon pou nou quash li.  Mersi bokou.

 

MR SPEAKER

Well zis pou dir ki apre ki rapor zil ti ganny prezante sa 10 rekomandasyon, mon rapel ti ganny prezante avek Lasanble. Nou annan 2 meeting High-Level Prison Reform Committee e Vis-Prezidan pa ti disponib, i pa ti dan pei anfet e mwan ki ti Chair. E nou ti an akor avek sa rekomandasyon ki ti’n ganny fer par Komite Zil an se ki konsern Coetivy, pa tou keksoz me avek Coetivy. Nou ti dir nou a vwar finalman si nou kapab annan en rapor konzwent ki nou al kot… ki al kot Konsey Minis. So alor nou a fer le neseser pou rektifye sa. Ok ? Si napa okenn lezot pwen ki okenn Manm i anvi fer sorti nou ava al direk lo nou Urgent Question. Non sorry PNQ i vin avan Urgent Question, PNQ ki al pou Minis Adam e parey mon’n dir ankor nou kontan ki Minis Adam in vin avek son lekip e mon ti a demann Leader Lopozisyon pou poz son kestyon.

 

HON WAVEL RAMKALAWAN

Mersi bokou Mr Speaker. Mr Speaker, vi sa gran konsern ki pe ganny eksprimen par bann travayer dan Minister Lasante konsernan kondisyon travay an relasyon avek lapey, e vi ki Bidze tou Minister ek Departman Gouvernman pe ganny prepare, eski Minis pour Lasante ek Zafer Sosyal i kapab dir sa Lasanble: (1), eski sa lannen zot pe propoz en revizyon dan saler bann Dokter ek Spesyalis Seselwa? Dezyenmman, eski pou annan en revizyon dan bann Scheme pou Ners avek bi donn en logmantasyon? Trwazyenmman, eski son Minister pou reviz saler bann lezot travayer Lasante tel ki paramedics, asistan ners, etidyan ners, travayer Farmasi ek Laboratwar, travayer dan Ladministrasyon, porter ek lezot ; espesyalman bann ki annan en long servis, me ki ankor pe tous en lapey ki ba? E finalman Ki lankourazman ki zot pou donnen pour ki ners kalifye ki pa pe travay dan Minister i kapab vin travay lo en baz part-time e ki ava ede pou donn en bon servis Lasante, ki tou Seselwa pe ekspekte? Mersi bokou Mr Speaker.

 

MR SPEAKER

Minis Adam.

 

MINISTER JEAN-PAUL ADAM

Mersi bokou Mr Speaker. Bonzour Mr Speaker, bann Leaders dan Lasanble Nasyonal, tou bann Manm Onorab e tou bann dimoun ki pe swiv nou ozordi. I en plezir pou mon vin ankor devan ot pou nou koz lo en size ki vreman enportan. Zis pou lo konmansman Mr Speaker, mon krwar i enportan pou mwan demann en amannman petet dan kestyon akoz mon’n ganny site konman Minis Lasante ek Zafer Sosyal e mon ti ava kontan fer rapel Onorab Leader Lopozisyon ki avek kreasyon Minister pou Zafer Lafanmir an Mars sa lannen, Portfey pou Zafer Sosyal in ganny transfer anba Minister Lafanmir e mon krwar i enportan pou nou anmenn sa klarifikasyon e ki mon portfey i zis Minis Lasante. Kekfwa akoz i en kestyon resikle sa pwen in vin ankor koumsa, mon napa problenm avek sa. Me pou pran sa bann pwen Mr Speaker, premyerman mon le fer kler ki i tre enportan…

 

HON WAVEL RAMKALAWAN

I annan en… premyerman Minis byen ou’n fer resorti sa, me i annan en zafer resikle ki Minis in mansyonnen ki mon pa pe ganny en konpran egzakteman ki i pe dir par resikle ?

 

MR SPEAKER

Ou oule i klersi ?

 

HON WAVEL RAMKALAWAN

Wi. Si i ti ava eklersi sa zafer resikle silvouple.

 

MR SPEAKER

Minis, koz en kou lo resiklaz.

 

MINISTER JEAN-PAUL ADAM

Mersi bokou Mr Speaker. Mr Speaker, mon’n fer… mon’n mazinen ki vi ki sa kestyon i koz lo en Minister ki nepli ansanm e ki date en pe letan, ki petet sa kestyon ti en ki i date en pe letan apre in ganny remete. Se sa ki mon ti le dir.

 

MR SPEAKER

Wi Onorab Ramkalawan, ou pa dakor ek sa…

 

HON WAVEL RAMKALAWAN

Mr Speaker, mon anvi asir Minis ki poudir mon pa dan bann zafer resiklaz e ki sa kestyon i en Kestyon Orizinal e ki mon… in en mank zafer pou met sa Zafer Sosyal, me napa nanryen ki’n ganny resikle Minis. I en orizinal ou kapab annan sa konfyans ki poudir…

 

MR SPEAKER

Tre byen. Minis ou a pran kestyon prezan.

 

MINISTER JEAN-PAUL ADAM

Mersi bokou Mr Speaker e mon annan tou konfyans ki Onorab pa enplike dan okenn resiklaz, alor nou pe koz lo en Kestyon Orizinal. E Mr Speaker mon oule fer resorti osi ki bann kestyon an se ki konsern bann benefis e bann saler e bann lezot emoluments ki nou fer dan Lasante i enportan ki nou regard sa dan son kad pli larz, akoz Gouvernman i fonksyonn dapre bann Scheme of Service e nou ava rapel Mr Speaker e tou bann Manm Onorab, ki nou ti debat lo sa size par egzanp lo Bidze, nou ti koz longman lo la. E mwan mon’n fer kler, mon’n ganny apwente konman Minis an Novanm lannen pase ; ki enn bann priyorite e zisteman pou regard bann kestyon kot i konsern bann saler e osi bann benefis pou bann travayer dan Sekter Lasante. E sa i reste en priyorite e nou’n konmans sa travay depi lannen pase e i annan plizyer eleman sa revi ki’n deza konmans e ki’n deza ganny met an plas e i annan serten sanzman ki nou’n fini met an plas ki mon ava deza donn serten detay en pti pe. E mon ti a kontan dir osi ki lenvestisman ki nou fer dan nou profesyonnel Lasante, i enn bann pwen fondamantal dan nou pwen stratezi Lasante. I enn bann eleman, nou regard li konman en lenvestisman alor letan nou regard saler nou pe osi regard ki bann lezot sipor ki nou kapab donn bann travayer Lasante. Sa i enkli sipor dan zot travay, i enkli formasyon e se pou sa osi ki nou pe regard as bann revi dan Scheme Of Service ansanm avek ranforsman ki nou bezwen fer dan formasyon. Mon ti a kontan dir osi e la mon ti a kontan fer en lapel direk osi avek tou bann travayer Lasante, ki pe swiv nou deba. Mon le fer kler ki nou vreman apresye sa travay ki ot fer toulezour sa zefor ki zot donnen, sa determinasyon sa langazman ki zot donnen anver zot profesyon. E mon konnen ki zot pe fer en diferans. E se zisteman akoz zot pe fer en diferans ki sa bann travay ki nou pe fer pou donn zot en meyer kondisyon i ankour.  Mon ti a kontan dir osi ki sa bann eleman kot i konsern kondisyon travay, i pa bann eleman ki nou devret politize, i bann eleman ki nou bezwen nou tou travay ansanm e asire ki nou rekonnet sa profesyon dan son lasanm e ki nou kree en baz a long term ki permet rekonesans sa travay fantastik – sa travay nob ki zot fer toulezour. An se ki konsern premye parti sa kestyon. Kot i konsern revizyon dan saler bann Dokter ek Spesyalis Seselwa, mon ti ava kontan fer rapel sa Lasanble ki sa Scheme pou bann Dokter ek bann Spesyalis ti ganny revwar an 2014 e sa ti en revizyon ki ti ase konsekan e swivan sa, nou napa en plan pou sa lannen pou nou fer en lot revizyon mazer lo sa Scheme a sa staz.  Me mon ti ava kontan dir ki malgre sa, nou pe fer bann konsiltasyon regilye avek bann profesyonnel avek bann Dokter ek bann Spesyalis pou nou ganny zot pwennvi e nou’n pran not serten konsern ki zot in met devan. Par egzanp – an se ki konsern progresyon dan zot travay ; savedir letan zot antre lo en pos e ki mannyer zot ganny sa sans pou progrese e fer sa spesyalizasyon ki neseser ; e ki permet zot osi progrese dan sa Scheme, e alor benefisye avek en pli bon saler ek en pli bon sipor.  Alor menm si napa en revizyon spesifik pli larz dan saler ek dan sa Scheme, nou a zot… nou a lekout e nou pe kontinyen rod bann fason pou nou adres serten sa bann eleman dan sa Scheme ki pou fer zot sityasyon en pe meyer.  An se ki konsern revizyon Scheme Service pou bann ners, sa Scheme ti osi ganny revwar an 2014, me bokou bann eleman ti selman ganny met an plas an 2016. E osi letan nou’n met an plas sa Scheme of Service, nou’n vwar serten defayans e nou’n vwar serten eleman ki bezwen ganny adrese.  Sa travay pe ganny fer avek konsiltasyon bann ners zot menm. E 2 eleman ki nou’n adrese deza an 2016… an 2017, eskiz mwan ki  nou pe adrese an 2017 – i konsern premyerman Gratwite pou tann servis.  E osi an se ki konsern on-call allowance. Alor an se ki konsern Gratwite dan nouvo Scheme parey mon’n dir ti konmans an 2014, me in ganny met an aplikasyon an 2016, ti vwar en logmantasyon an zeneral dan bann Gratwite, sof pou bann ners ki’n fer 5an oubyen 10an akoz pou bann ners 5an ou 10an. Oparavan zot ti pe ganny zot R15mil e sa ti desann R10mil me nou’n adres sa dan sa Scheme. E alor an 2017 tou bann ners ki ganny 5an oubyen 10an pou ganny R15mil parey sa ti le ka oparavan, me osi sa bann logmantasyon ki ti ganny prevwar pou bann ki ganny plis ki 15an pou reste parey. Savedir zot pou gard sa bann nivo dan sa Scheme ki’n ganny met an aplikasyon 2016 pou bann ners ki plis ki 15an. An se ki konsern sa Gratwite, nou konsyan osi ki nou bezwen fer en travay pli larz lo sa bann Gratwite e sa i en travay ki ankour. E mon ava koz en pti pe plis apre lo sa nouvo Scheme, sa bann revizyon nou pe fer, e nou’n fer en nouvo draft pou mwan Me sa lannen.   Me i en keksoz, i en dokiman ki ankor an konsiltasyon e nou pou propoz sa avek Minister Finans pou konsiderasyon lo ki mannyer nou kapab adres sa. Pour sa Scheme ki nou pe propoze pou nou revwar, nou pe met devan serten bann konsern ki nou’n deza tande avek bann ners – par egzanp mon’n site lo gratwite.  Nou pe osi regard bann eleman dan saler de baz me nou pe osi regard zisteman rekonesans bann diferan kalifikasyon ki en ners i kapab annan, akoz sa i enn bann defayans ki nou annan dan sa Scheme aktyelman.  Nou pe osi sey fer sir ki sa i lye avek nou plan formasyon ki nou kapab siport bann ners, dan en fason pli sistematik a long term.  An term bann konsiltasyon ki nou’n fer nou’n osi sa lannen anter an konsiltasyon avek Lasosyasyon Bann Ners  – NARS . E mon profite pou mon remersye sa bann ners pou zot travay ki zot in fer. Nou’n fer en konsiltasyon an Mars ki ti fre kot lotel Ephelia, kot nou ti envit tou bann ners ki manm Lasosyasyon e nou’n fer en dezyenm konsiltasyon ki’n fer Praslin pour bann ners Praslin ek La Digue ki’n fer an mwan Me.  Nou ti pe prevwar pou sa rapor sorti Lasosyasyon Bann Ners ki enkli bokou keksoz pa zis bann eleman lo Scheme of Service, pou ganny prezante avek mwan lafen di-mwan. Me mon’n ganny sans enterakte avek zot e mon’n vwar bokou bann pwen ki i annan ladan, ki mon krwar pe al dan bon direksyon i bann pwen ki permet nou annan en negosyasyon, en deba avek bann ners, baze lo zot priyorite e nou pou sey nou mye pou nou met sa dan Scheme pour 2018. Me lo Scheme bann Ners zis pou fer en somer Mr Speaker, an 2017 nou’n deza fer 2 revizyon, sa ti lo Gratwite apre lo on-call. an se ki konsern on-call, sa revizyon i konsern la kantite larzan ki zot gannyen letan zot ganny kriye pou travay an deor bann ler normal. E dan sa Scheme of Service ki’n konmanse an ki’n ganny revize an 2014 me ki’n met an aplikasyon an 2016, zot ti pou ganny 5 poursan zot saler konman en peyman on-call de baz, apre zot ti pou ganny peye par erdtan ki zot on-call. Nou’n revwar sa e nou pe fer ki bann ners ki on-call pe ganny R12 san konman en commuted allowance pou on-call ki en alokasyon de baz, apre par lao sa R1200  zot pou ganny peye zot bann erdtan. Pou serten bann ners sa pa en sanzman akoz par egzanp serten bann ners ki ti dan Theatre, zot ti deza pe enplimant sa sistenm dan sa fason me prezan nou pe met sa sistenm an plas pou tou bann ners ki annan en provizyon pou on-call. Alor sa i sa 2 sanzman kot i konsern Gratwite e kot i konsern on-call ki nou pe met an aplikasyon an 2017 e nou’n fer sa an kolaborasyon avek Departman Ladministrasyon e nou’n osi fer lyezon avek Minister Finans, e nou’n kapab adres sa bann eleman dan Bidze ki’n deza prevwar pou nou Minister.   Sa nouvo Scheme pou bann ners ki nou pe propoze byensir i prevwar resours adisyonnel e sa i pou depan lo konversasyon ki nou kapab annan avek Minister Finans, e i osi depan lo sa negosyasyon e sa konsiltasyon ki pe kontinyen avek bann ners zot menm. Mr Speaker, dezyenmman, an se ki konsern bann revizyon saler pou bann lezot travayer Lasante tel ki bann Paramedics, bann Asistan Ners eksetera. An 2016 nou ti fer en revizyon dan serten zot bann allowance pou serten sa bann kategori, nou apel sa bann Allied Health Services e bann support services. Alor bann ki ti ganny kouver avek en logmantasyon, mon pa pou dir ou ki logmantasyon ti ase me nou ti prevwar en amelyorasyon dan zot allowance an 2016, sa ti kouver Biomedical Engineering, Dental, Nutrition, Rehabilitation, Radiology ,Public Health Laboratory, Clinical Laboratory e sa ti ki nou ti kouver an 2016. Nou rekonnet ki i annan serten lezot travay an se ki konsern Allied Health Services, support services ki nou bezwen adrese e serten sa bann eleman pe ganny adrese, nou’n fini met nou propozisyon devan pou Bidze 2018 e sa i enkli par egzanp bann Health Information Assistants, i enkli pou Radiology, i enkli pou Medical Porters, i enkli pou bann Operater Incinérateur, pou bann drayver, pou bann operater telefonn, pou bann Works Supervisors, pou bann Housekeepers. Mon’n deza site bann Radiology Staff apre pou bann staff ki travay dan Central Surgical Sterile Unit, sa ki apel CSSU. Apre osi tre enportan nou pe osi prevwar pou bann Health Care Assistants. E bann Health Care Assistant i bann dimoun ki fer en travay vreman remarkab pou siport bann ners e sa i en fason pou nou osi adres mank travayer ki nou annan sirtou lo bann Ward. E nou ava note osi ki sa mars ansanm avek progranm formasyon ki nou pe fer pou bann Health Care Assistant. E osi an 2018 nou pe fer en propozisyon pou nou adres bann bezwen bann Mortuary Assistant ki nou ava note pou le moman, pa pe ganny adrese atraver en Scheme.  Me nou pe fer propozisyon pou nou kapab kouver zot dan sa bann Scheme. Alor Mr Speaker, lo sa bann diferan travay pou Allied Health Services e Support Services, nou rekonnet sa travay ki zot fer e i pa posib bann Dokter, bann ners kapab fer zot travay dan en fason sistematik si nou napa osi sa bann kad ki kapab siport zot.  E atraver sa bann revizyon ki nou pe propoze, nou espere ki nou kapab pli byen siport zot.   Mon konpran poudir travay ki nou bezwen fer i kontinyel.   I pa vedir ki sa bann propozisyon ki nou pe fer pou amelyor zot sirkonstans pou fini lanmenm, nou bezwen kontinyen revwar ki mannyer nou siport zot travay baze lo travay ki zot fer toulezour.   Dernyen pwen an se ki konsern bann kestyon otour part-time pou bann ners.   Parey mon’n deza dir devan sa Lasanble Mr Speaker oparavan nou ti napa vreman en kad pou kapab asir en bon lenplimantasyon, en sistenm part-time pou bann ners. Nou annan serten kontrent akoz la fason ki bann shift i ganny organize e sa i en keksoz ki nou pe kontinyen revwar.  Alor sa kad pou revwar bann ners pou part-time i ankor an konsiltasyon e nou pe kontinyen revwar li.  Me nou’n konmans en serten travay pou nou permet serten travayer part-time pou ofer zot servis. Nou annan serten ners ki pe travay lo en baz part-time aktyelman ki vin devan.   Parmi i annan bann ners ki retrete, parmi i annan bann ners ki petet i annan en lot louvraz me i pe fer sa a en baz tan parsyel e nou pe fer li lo en baz en Kontra endividyel avek sakenn sa bann ners.   Nou priyorite an se ki konsern bann ners kalifye, pou zot travay dan en fason part-time i pou bann ners sirtou ki’n pare pou travay apre ler savedir nou napa vreman en problenm mazer ant 8er-4er. Nou problenm i plis pou bann extended opening hours ki nou annan pou bann Sant Lasante e osi lo bann Ward kot nou bezwen dimoun ki pe travay 24 lo 24. Mon ti a kontan dir Lasanble ozordi ki nenport ki dimoun ki annan en kalifikasyon ners e ki’n pare pou fer en kontribisyon 20 erdtan par semenn, ki nou swet zot la byenveni e nou’n pare pou nou travay avek zot pou nou sey servi zot servis o maximum.  Osi an lyezon avek sa bann konsiltasyon ki nou’n fer avek Lasosyasyon bann ners i annan diferan propozisyon ki’n ganny met devan ki nou pe travay lo la par egzanp pou servi plis bann ners ki retrete lo bann Outreach Programs e sa i tre enportan an se ki konsern promosyon Lasante dan nou sosyete.  Mr Speaker sa i bann eleman mazer, ki mon ti a propoze an relasyon avek sa bann kestyon ki’n ganny met devan.  E mersi pou donn mon sa bann loportinite, sa loportinite pou mon kapab met sa bann klarifikasyon devan.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker. Mr Speaker, premyerman mon ti ava kontan dir avek Minis dan mon kestyon napa sa mo politik, e letan ler i fer son… letan dan son opening paragraph in mansyonn politik e mon ti ava kontan ki… i pa fer premye fwa, i fer omwen 2 fwa. Mon ti a kontan dir avek Minis ki letan nou vin dan sa Lasanble la, letan mon pe demann li en kestyon, si i ti kapab kit sa mo politik an deor ; parski nou pe deal avek bann size serye e nou pa pe vin zis zwe politik la.  Mr Speaker, mon apresye larepons ki Minis in donnen, me mon ti ava kontan demann li sa bann kestyon siplemanter. Premyerman, letan Minis i dir ki zot napa okenn lide pou zot fer bann propozisyon dan en revizyon saler pou nou bann Dokter ek Spesyalis Spesyalize e la ek bann Seselwa Spesyalize e mon ti ava… me selman in nonmen ki poudir an menm tan zot pe kontinyen koze. Mon ti ava kontan konnen kan eski sa bann dimoun i kapab espekte ganny en lazisteman dan zot bann lapey ?  E an plis ki sa si Minis ti ava kapab regard seryezman dan kad tou sa bann profesyonnel, parski i annan serten ki pe santi ki avek zot kalifikasyon, zot pa pe resevwar sa ki zot devret ganny e ki alors tandans e laport i deza ouver pou zot kit pei, pou zot ale e sak fwa ki nou perdi en Seselwa, set en gran trezor ki nou pe perdi. Dezyenmman Mr Speaker, lo size Scheme pou bann ners, Mr Speaker nou’n tande tanzantan dan sa Lasanble depi en plizyer lannen tel Scheme pe ganny travay lo la, tel Scheme pe ganny prezante me ofet napa nanryen ki’n… napa gran keksoz konsekitif ki’n arive. Konsekans, keksoz de konsekans ki’n arive.  Mon ti ava kontan vi ki Minis in dir ki zot pe koz ek Finans, poudir avek nou, donn nou en pe bann detay lo kwa egzakteman ki zot pe propoze an term par egzanp saler ?  E la Minis mon anvi dir avek ou, ki mon’n vreman soke Sanmdi Takamaka letan en ners ki’n travay pandan 40an, 40 an depi ki in kalifye letan i dir avek mwan ki poudir son saler de baz i mwens ki R10mil – i R9 mil e letan i ganny en pti allowance pou son Midwifery avek en pti allowance ki fer son saler depas R10mil. Konmsi apre R40an pou en ners pe tous li mwens ki R10mil konman son saler de baz e i annan tou sa bann responsabilite ki i pran, sa i vreman sokan. Alor dir nou egzakteman kwa ki pe rantre ladan e an plis ki sa letan i annan bann etidyan, i annan bann ners, bann Staff Ners ki bann Tutors bann etidyan ki zot etidyan ozordi, apre detrwa lannen zot etidyan pe ganny menm lapey avek zot, menm saler de baz.   E in fact dapre zot bann responsabilite zot pe ganny menm allowance ki ankor enn fwa i annan en keksoz la ki pa normal. E alors ki ou pe adrese pou fer sa ? E Mr Speaker, mon konsern osi se kwa ki son Minister pe fer atraver sa bann lankourazman ki’n mansyonnen ; par egzanp letan nou pe regard bann… mon focus en pti git lo bann ners la, letan nou pe regard sa rapor ki nou tou nou’n resevwar ki poudir la kantite graduates ki nou pe gannyen an 2014 ti annan 23 ; 2015 – 14, 2016  – 19, 2017 zot espekte zis 8 graduates, zis 8 graduates madanm e 3 zonm ki pou fer en total 11.  E nou tou nou konnen ki poudir sa i pa sa nonm ki nou bezwen pou nou kapab ki nou Minister Lasante an plenn aktivite pou delivre sa servis. Alor kwa ki zot pe fer vreman pou ankouraz sa bann etidyan ners pou zot pa al rod en lot profesyon ?  E balanse avek sa Mr Speaker, letan nou pe regard lakantite ki pe demisyonnen ki pe kontinyen ogmante, 2014 – 10, 2016… 2015 – 16, 2016 – 20 ki pe kontinyen annan en tandans trakasan. E alor si Minis ti ava kapab dir avek nou egzakteman kwa ki zot anvi ? Kwa ki zot lentansyon ? E letan nou’n ava ganny sa bann chiffre petet i ava dan li menm li i ava en lankourazman pou plis dimoun vin devan, pou rantre dan sa profesyon nob.  Me dan sa bann lezot servis mon kontan ki Minis in mansyonn bann asistan kot Lakaz Mor, parski sa i enn bann konsern ki’n deza ganny eksprimen, me ki Minis pe fer pou bann lezot travayer dan Minister Lasante ?  E mon ti fer sorti sa pwen klerman pandan deba Bidze bann dimoun ki’n travay 28an, 30an servis e ki zot lapey i ankor anba R9mil eski zot annan keksoz, eski Minis i kapab donn nou okenn keksoz konkret ki zot annan lo ki mannyer zot pou abord sa size ?   E finalman Mr Speaker lo size Part-time eski Minis pe dir avek nou ki ozordi parske nou poudir lakantite ners ki anrezistre Sesel i 844 an 2016 e lakantite ki pe pratike i 684 ; savedir i annan anviron 200, nou annan anviron 200 ners ki kalifye me ki pa pe pratike, e ki sa dan li menm li ti ava sifizan mon mazinen pou nou donn e bon lankourazman nou Servis Lasante. Ki kalite, e si i ti kapab donn nou bann chiffre parey letan nou ti pe koz lo Ledikasyon, ki kalite incentive ki zot pe donnen pou ki bann dimoun ki kalifye ki zot bann ners ki zot bann Dokter, ki zot bann asistan ners ki’n dekile, ki bann dimoun ki travay dan farmasi ki’n dekile ensidswit, ki kalite lankourazman zot pe donnen pou ki sa ban dimoun i kapab pran en travay lo en baz part-time? Mersi bokou.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker e mersi Onorab Leader Lopozisyon. Mr Speaker mon ti a kontan klarifye akoz mon krwar ki Onorab in pran en pti pe leksepsyon letan mon’n servi… mon’n fer sa remark lo sa kestyon politik.  Mr Speaker mon’n fer sa remark akoz mon ti krwar nou tou nou dakor lo la, i pa devret annan politik dan Lasante.  Alor lefe ki mon met sa pwen devan, mon met en pwen devan ki rasanble nou e mon santi poudir sa i pwen ki fondamantal, pou nou kapab adres konsern ki nou annan konman en Nasyon dan Sekter Lasante. E resaman nou fer en konsiltasyon par egzanp avek Bord pou, Bord Health Care Agency e osi avek Bord Lotorite pou Lasante Piblik e bann pwen fondamantal ki zot in dir se ki i enportan ki i annan en plas pou sa profesyon, ki i pa zis lye avek ‘’mon pe demann sa isi, mon pe demann sa laba.’’ Nou bezwen rekonnet dan son… pou son valer reel ki i ofer dan nou lekonomi. E mwan mon dakor ki ozordi sa kalite sipor ki zot gannyen, sa saler ki zot gannyen i pa rekonnet sa, i pa vreman plas bann ners kot nou anvi plas zot, i pa plas bann profesyonnel Lasante, zot vre valer ki zot anmennen dan nou lekonomi, ozordi i pa ganny reflekte. E sa pou mwan pa en kestyon politik sa alor mon krwar nou tou nou kapab dakor ki sa pa en kestyon politik. Apre Mr Speaker an se ki konsern sa bann kestyon en pe pli presi. Pou Scheme bann Ners mon krwar ki Onorab Leader Lopozisyon i konn byen bann fason ki Gouvernman i fonksyonnen. Nou fonksyonn atraver bann Scheme of Service, dernyen fwa ki nou’n koz lo la ti dan Bidze e mon asire Onorab ou konnen ki annan dan sa Bidze, akoz ou ti pas sa Bidze alor bann kondisyon ki konsern bann ners i parey sa ki ti ete pou 2016 akoz Bidze pa’n sanze, Bidze i ankor parey. Pou nou sanz… alor ou pa kapab dir poudir Scheme pa ganny revize apre i pa sanze, i pa sanze akoz Bidze pa’n sanze. Mon krwar i lozik, si Bidze i sanze then ou kapab fer en sanzman dan Scheme of Service.  E an term propozisyon ki nou pe met devan revizyon ki’n ganny fer i date le 22 Me e dan sa revizyon le 22 Me mon krwar Mr Speaker i toutafe normal avan ki nou vin koz ek sa Lasanble lo bann detay ki annan lo sa propozisyon, ki nou donn bann ners zot menm sa sans pou zot kapab koz lo la, mon krwar i toutafe rezonnab pou nou pran sa letan pou nou koz ek bann ners e kapab enterakte avek zot. Parey mon’n dir dernyen konsiltasyon ki nou’n fer avek Lasosyasyon bann Ners ti an Me osi e formelman rapor, erezman ki Chairperson Council i konpran mwan – in anvoy mwan en pti rapor en pti pe enformelman… pardon eskiz mwan Chairperson Lasosyasyon Bann Ners in anvoy mwan sa rapor enformelman ; me ofisyelman pa ankor ganny donnen avek Gouvernman. Mon krwar ki i enportan ki nou pran sa letan donn sa bann profesyonnel zot dignité, les zot koz lo la, les zot donn zot pwennvi. Apre Mr Speaker, mon napa problenm e mon a donn mon lasirans avek Leader Lopozisyon mon napa problenm apre ki nou’n fer sa konsiltasyon pou mwan revin devan zot e koz lo la, sa pa en problenm. I enportan pou nou met sa bann pwen devan. Mon’n site serten bann eleman ki nou pe regarde dan sa Scheme of Service. Nou bezwen si posib regard saler de baz, nou bezwen regard bann eleman bann allowance ; nou bezwen regard sipor ki pli reflekte sa vre kalifikasyon ki bann ners i annan akoz sa ozordi i en defi, zot in fer petet en Diplonm parfwa zot annan en Spesyalizasyon, zot in fer en Spesyalizasyon ki lye avek zot travay toulezour. E sa pa pe toultan ganny reflekte ozordi da sa Scheme. Apre mon’n site osi revizyon ki nou bezwen fer an term Gratwite ki pou met li pli an konformite avek serten bann pratik resan ki nou’n fer an term bann Scheme of Service. E mon napa problenm pou mon vin devan en lot zour Mr Speaker avek plis detay me annou les sa konsiltasyon ganny fer pou bann ners kapab met zot bann pwen devan, dan en fason sistematik zot osi e donn zot sa dignité. An se ki konsern lakantite ners nou konsernen lo la, mon’n koz plizyer fwa lo la e i annan plizyer eleman ki kontribye ladan, nou’n dir klerman ki nou ouver pou nenport ki ners ki anrezistre avek Konsey pou vin devan. E nou pou travay avek li sirtou lo bann shift ki an deor bann ler normal akoz se sirtou la kot nou annan sa defayans. Nou annan sa defi otour reminerasyon, otour saler dan Sekter Nursing ki petet i pa osi atiran ki serten lezot sekter.  E se pour sa ki petet nou annan mwens ners ki… sa i enn bann rezon ki nou annan mwens ners ki pe antre dan sa field. Me nou’n osi pran serten linisyativ pou nou kapab adres sa an attendant ki Scheme of Service bann ners i ganny revwar. Sa i enkli par egzanp sa nouvo progranm Access ki nou fek lanse kot bann Health Care Assistant ; savedir bann dimoun ki deza dan nou Sekter Lasante ki deza pe travay toulezour avek bann ners e sa bann Health Care Assistant nou pe ofer zot sa sans pou zot al fer en formasyon dan Lenstiti Lasante, dan Lenstiti pou formasyon Lasante, NIHSS, e atraver sa formasyon zot pou kapab swiv premyerman en miz a nivo. E swivan sa zot pou kapab al fer diplonm dan nursing. E nou pe vize pou ankouraz en bon pe sa bann Health Care Assistant alor pou antre osi dan sa karyer pou Nursing. Nou’n osi konmans en travay aprofondi avek bann lekol pou nou idantifye pli boner bann dimoun ki enterese dan sa Sekter Lasante e nou pa pe koz zis bann ners nou pe koz tou bann diferan sekter, si physiotherapy, si farmasi eksetera. Sa defi ki nou annan an term dimoun formen i enn ki nou kapab vwar i en pti pe pli larz dan nou lekonomi, pa konsern zis sa Sekter Lasante me dan Sekter Lasante nou santi plis. E revizyon Scheme of Service sertennman i en eleman kle pou nou sey adres sa bann kestyon, me li tousel i pa sifizan. Nou bezwen amelyor bann kondisyon saler me nou bezwen regard bann lezot eleman. Alor par egzanp dan bann konsiltasyon ki nou’n fer deza avek Lasosyasyon Bann Ners, enn bann pwen ki ganny fer sorti, se ki bokou bann ners i bann manman e zot bezwen en pe plis sipor an se ki konsern pou vey zot zanfan par egzanp, si zot pe travay aswar eski i annan bann fasilite Daycare ki nou kapab met devan ? Sa i bann keksoz ki nou pe sey revwar e ki nou pe sey vwar ki mannyer nou kapab envesti a long term, pou nou kapab pli byen siport sa bann ners. Osi nou pe regard fleksibilite ki nou kapab annan an term lafason ki nou organiz bann shift ki pli byen rekonnet sa bann profesyonnel dan Lasante me Mr Speaker mon oule fer kler zis pou nou adres sa Kestyon Saler i pa pou sifizan nou bezwen fer sir ki nou regard li dan en fason konplet, pou nou pran tou bann diferan pwen e nou met ansanm e nou asir ki nou met sa profesyon otour Sekter Lasante dan son plas ki merit dan nou sosyete. Mersi Mr Speaker.

 

MR SPEAKER

Onorab Afif.

 

HON AHMED AFIF

Mersi Mr Speaker. Bonzour tou bann Manm Onorab, Minis ek ou delegasyon. Mon kestyon i lo Bidze 2017, Health Care Agency i annan li R801 milyon dan lakel pou bann saler pour Health Care Agency tou son Dokter, ners eksetera i R320 milyon. Eski Minis i kapab dir ek nou pou bann ners e sa bann profesyonnel koumsa konbyen, ki poursantaz dan sa R320 milyon ki zot pe gannyen ? e si i kapab don nou en pti pe en breakdown bann larestan profesyon e sirtou bann ki pli gro ki pe konsonm sa Bidze ‘wages and salary.’ Answit Minis osi i kapab konfirmen dan Bidze sa lannen, nou annan R320 milyon pou ‘wages and salaries’ e lannen prosen i 321, lannen answit i osi 321 milyon alor Bidze pa’n fer okenn provizyon, si dan diskisyon ek Minister Finans e sirtou an relasyon avek mon premye bout kestyon, ki morso zot pe mazin reviz sirtou pou sa bann profesyonnel ?  E si ou kapab zis an pasan si ou permet mwan Mr Speaker si ou kapab donn nou basic salary en ners par mwan. Mersi.

 

MR SPEAKER

Minis.

 

MINISTER JEAN-PAUL ADAM

Ok. Mersi Mr Speaker e mersi Manm Onorab. An se ki konsern poursantaz ki pou ners ek bann Allied Health Professionals nou pe rod sa sif, si ou permet mwan nou ava redonn apre, nou pe sey… akoz i pa en… nou annan sa sif, nou kapab fer zot gannyen, me i pa a nou porte zis a sa moman. E si ou permet petet nou a pran detrwa kestyon, nou a sey gete si nou kapab ganny li oubyen soumet li pli tar avek Lasanble. An se ki konsern revizyon dan bann Scheme of Service ek bann saler, mon ti ava kontan fer rapel ki ti annan en lalis ki mon’n site ki bann Scheme ki nou pe revwar pou 2018 ki sa i enkli deza dan sa sonm ki’n prevwar pou 2018 akoz nou’n deza enkli li an term nou mid- term review. Ok e serten bann eleman kot i konsern revizyon bann Scheme of Service bann ners, i ti deza dan nou Bidze, sa i sa 2 ki mon’n site sa Gratwite ek on-call allowance. Nouvo Scheme bann ners akoz prezan ki pe ganny finalize, i pa ankor ganny soumet formelman avek Finans alor se pour sa ki i pa ganny reflekte dan bann sif ki pou le moman in ganny prevwar pou 2018. Me parey mon’n dir nou annan sa bann konsiltasyon ki bezwen ganny fer, Minister Finans i okouran poudir nou pe fer sa travay avek bann ners, pou nou kapab fer en soumisyon lo sa Scheme Of Service pou 2018. E parey Manm Onorab i konnen, e tou bann Manm Onorab i konnen se letan ou fer Bidze Nasyonal pou pei, i en kestyon pou nou regard priyorite, en kestyon pou nou regard tou bann diferan eleman. Mwan mon pran lespwar ki mon krwar ozordi dan sa Lasanble, nou tou nou pe klerman dir poudir nou bezwen annan en amelyorasyon an term bann kondisyon servis pou bann ners. E sa i bann eleman ki nou pe diskit avek Minister Finans. E letan nou vin pli devan avek son Bidze konsekan nou demann zot tou pou zot sipor. Mersi bokou Mr Speaker e mersi Onorab.

 

MR SPEAKER

Onorab Afif ou ok ?

 

MINISTER JEAN-PAUL ADAM

Basic salary. Eskiz mwan Mr Speaker mon’n mank en bout. An se ki konsern en ners letan ou pou azout son saler de baz avek son inducement allowance, son marketable, son saler de baz ou bezwen donn mwan en minit. Son saler de baz i R7364, son inducement R1400, marketable skill R400, bann shift allowances i R700, apre i ganny night shift ek meal allowance selman nou pa pou met sa dan sa sif letan ou pou azout sa ansanm i vin 10,984 me byensir si mon pran legzanp ki Onorab Ramkalawan ti site sa i avan tax i ganny tire ok ?  E lot eleman ki enportan pou nou gard antet se ki nou ti’n prevwar a lorizin pou nou fer reform lo income tax sa lannen e bann ners ti tonm dan sa démographique bann dimoun ki pe ganny apepre R10mil ki koresponn avek la mwayenn saler dan nou pei ki ti pou benefisye avek apepre R10mil, nou’n bezwen… sa reform in bezwen ganny anvoye parey zot konnen pou 2018 ; me sa i bann eleman ki kapab benefisye bann ners me nou pa pe regard konman en eleman dan nou revizyon Scheme of Service nou pe regard zot saler baze lo zot merit sa ki zot kontribye dan nou sosyete e se sa labaz ki nou bezwen swiv. Mon ti a kontan redir Mr Speaker, mwan osi mon krwar ki poudir bann ners sa saler ki zot gannyen e pa zis bann ners bann Health Care Assistant e osi bann lezot professional Lasante, nou bezwen donn zot, zot vre plas sa ki zot kontribye dan nou sosyete e nou bezwen amelyor zot kondisyon e zot saler. Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon ti a kontan demann Minis si an relasyon avek bann commitments ki zot ti fer pandan letan ki nou ti pe diskit Bidze, ki zistans zot in arive avek sa bann commitments ki zot ti fer si zot in konmans travay lo – par egzanp revizyon pa zis bann Scheme bann ners me an se ki konsern osi bann Dokter ki on-call ; akoz la mazorite ka par egzanp sa i bann zenn dokter ki fek kalifye. E dezyenmman mon ti a kontan fer en pledwari atraver ou Mr Speaker, avek Minis vi ki Minis i en Manm Cabinet. Mr Speaker i fer en dezyenm kestyon ki nou vwar ki koz lo en revizyon sirtou dan bann kondisyon travay pou bann anplwaye, mon ti a kontan demann Minis lo en pwennvi pli larz vi ki ou en manm Senior Cabinet, pou pas sa avek Cabinet ki nou ti ava apresye ki sa bann revizyon i kontinyen, sa bann nouvo regard i a kontinyen fer, sirtou dan saler bann diferan kad travayer par egzanp parey Lapolis, Lafors Defans, Teachers, pou ki nou fer sir ki tou keksoz i vin azour akoz lafason ki petet sa salary grid in ganny design i pa permet sa bann dimoun move along sa grid a en nivo ki a fer zot santi poudir zot travay i ganny recognised zis parey ou’n dir. Mersi Mr Speaker.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab. Annefe an se ki konsern bann dokter parey mon’n dir nou pa pe revwar son Scheme antye me nou annan sa perspektiv pou nou kapab adres serten bann eleman dan sa Scheme savedir dan lotorite delege ki ganny donnen avek bann Minister avek bann Lazans ki annan serten provizyon ki kapab ganny adrese.  Konsern mazer ki en pti pe lye avek sa ki ou’n site an se ki konsern bann on-call allowance akoz sa i ganny lye avek ou progresyon dan sa pos. Ki nou pe vwar se letan en dokter i antre dan sa profesyon pou li kapab progrese dan son profesyon i bezwen al fer serten spesyalizasyon ki pran letan e sa moman kot i, akoz par egzanp en spesyalis, sa Scheme i prevwar en saler ki ase enteresan mon kapab dir konpare avek bann saler an zeneral ki nou annan dan nou pei. Mon ti a kontan dir ki relativman avek bann lezot pei an deor savedir enternasyonalman nou saler pou bann Dokter i reste ba, enportan pou nou konpran sa konman Seselwa.  Sa bann saler pou paret o par rapor avek bann saler ki nou annan isi Sesel, me letan ou pou konpran li avek bann Dokter deor i pa pou ganny konsidere konman bann saler ki vreman, vreman o. bokou sa bann Dokter zot fer li akoz zot annan bokou lanmour pou zot pei e zot ganny serten lezot lavantaz. Nou kouver par egzanp sa bann spesyalizasyon zot ganny sa bann sans pou zot al fer sa bann spesyalizasyon eksetera. E an term sa bann revizyon ki nou pe fer nou pe regarde sa kestyon on-call i en pti pe diferan pou diferan Dokter, i en pti pe spesyalize sa kestyon akoz i depan lo ou nivo dan sa Scheme of Service.  E parey ou’n dir sa i lye osi avek sa problenm en pti pe Nasyonal kot i konsern bann grid bann saler, ki mannyer ou fer en dimoun progrese sorti lo en parti sa grid pou al lo lot parti sa grid ?  E sa priyorite ki nou pe sey adrese dan en fason sistematik i pou nesesit en sanzman dan Scheme of Service selman pa en sanzman ki pou nesesit en gro sanzman dan Bidze.  Ok ?  I en keksoz ki mon krwar nou kapab adrese a lenteryer Health Care Agency. Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Tre vitman. Mr Speaker ler nou pou regard sa grid nou pou vwar pou dir progresyon along bann diferan steps i in terms of lakantite larzan ki sa i anmennen i vreman minime. Eski Minis an traver diskisyon ki ou pe fer avek lotorite konsernen including DPA, zot pa pe konsidere pou ki bann travayer ki tonm within en serten kategori Band, sa logmantasyon across sa bann steps i en pti pe plis ki ler ou ariv en pti pe pli o ? Par egzanp Mr Speaker si mon klarifye, par egzanp meton en dimoun i pe ganny li meton R30mil ler i progrese petet li a sa nivo i progres a en poursantaz ki pli ba petet i a progres a 200 oubyen R100 me tandis ki ler sa dimoun pe progres lo en Band pli ba then son progresyon i ava bokou plis petet i ava progres par egzanp apepre 25 a 30 poursan lo son saler. Mon pa pe dir 30 poursan i sa figure ; me sa i ava donn li en sans pouvwar poudir par egzanp apre 30an servis la kot mon’n arive kot mon’n arive as oppose ki sa progresyon i reste sa pti amount i kapab fer 10an dan servis, me i pou’n ogmant zis par en 200, R300 petet. Si Minis i kapab met sa propozisyon devan. Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab. Mon’n pran not sizesyon par Onorab Pillay e mon ava fer en konsiltasyon avek Departman Ladministrasyon avek bi pou zot vwar son fezabilite. Mannyer mon konpran sa grid in ganny fer aktyelman pou plizoumwen permet en serten konparezon ant bann diferan sekter, me mon konsyan e sa i vre pou bann profesyonnel medikal sa kontrent ki sa i kree parfwa letan ou pe fer bann progresyon. Alor mon ava met son sizesyon devan Departman Ladministrasyon pou vwar si i annan en fason ki nou kapab adres sa. Mersi Mr Speaker.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker. Bonzour Minis avek ou delegasyon. Mr Speaker mon anvi dabor met lo rikord ki mon ti demann sa Kestyon lo Scheme of Service avek lo sa size part-time le 19 Desanm lannen pase me mon toutafe kontan ki mon vwar li ozordi monte dan en PNQ.  Minis anfen ou’n repet laplipar mon bann konsern me solman i annan zis en bout mon ti a kontan met lo… demann ou si i dan plan Minister pou anploy bann staff ki pou help bann pasyan dan bann ….. daily activities ler zot in admet, tel ki aranz lili, donn manze ? So ki bann ners i ava konsantre lo zot louvraz primordyal se nursing. Mersi Mr Speaker.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker. Annefe mon kontan pou vwar i en kestyon orizinal parey nou’n dir e osi an se ki konsern rekritman akoz i tre enportan pou nou, siport bann ners ek bann lezot profesyonnel Lasante atraver zisteman sa bann travay parey porter parey Health Care Assistant ki aktyelman nou napa ase. Nou’n konmans en progranm rekritman pou Health Care Assistant akoz nou annan osi serten Health Care Assistant ki pe al travay dan… pardon, fer en formasyon kot NIHSS. Alor lefe ki zot pe al fer sa savedir nou pou mank en pe Health Care Assistant, nou pe fer bann nouvo rekritman me an plis ki sa adisyonnel nou anvi anmenn plis Health Care Assistant  e osi porter pou permet bann ners donn plis letan zisteman lo sa swen medikal parey ou’n sizere ; e serten sa rekritman pe konmans sa lannen. E nou espere kapab kontinyen osi an 2018. Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker. Bonzour tou dimoun. Mr Speaker alor mon note ki i annan en kestyon ki’n ganny demande le 10 Desanm, kestyon in ganny demande pandan Bidze, kestyon i vini konman en PNQ selman a mon avi Minis in donn nou en larepons ki neither here nor there. Pou mwan i kler ki sa kestyon in vini akoz i annan konsern par travayer Lasante e nou, nou pa dan Lasante pou nou konnen kan Minister, management i fer konsiltasyon avek son bann stakeholders. Savedir nou, nou bezwen rann lapel bann dimoun. Kestyon alor i vini ki par egzanp eski Minis ou kapab dir nou akoz ou’n koz lo pou fer Scheme bann travayer pli meyer ? Mon premye kestyon i konsern nou bann travayer Lasante ki bezwen travay lo public holidays. So mon ti ava kontan ou dir nou ozordi ki kalite kondisyon ki bann travayer i travay lo la ler zot travay PH ? Eski zot ganny peye ? Ki mannyer zot ganny peye ? Si zot rann zour ? Ki kondisyon ki asosye avek PH? Dezyenm kestyon i konsern zisteman sa konsiltasyon ki Minister i merit annan avek bann stakeholders parski pou mwan, mon vwar poudir depi Novanm ki Minis in ganny sa pozisyon ziska la in koz bokou lo konsiltasyon. So ki mannyer sa i ganny fer pou ki vreman i annan en rezilta konkret, sa konsiltasyon – mon pe koz lo la, ki mannyer i ganny fer pou ki i annan en rezilta konkret ki 7 mwan apre ki ou vin dan sa pozisyon nou pe ankor tann ankor – pe koz lo konsiltasyon, konsiltasyon e ki nek apre lannen 2018 ki en keksoz pou vini pou bann travayer ? Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker. Onorab mon dezole mon bezwen retourn lo bann keksoz ki mon’n deza dir akoz dan nenport ki Scheme pou enplimant li ou bezwen demann sa resours adisyonnel, ok ? Si ou pe fer en revizyon konplet. Ou kapab fer en azisteman baze lo resours e si ou pou dir ki nanryen pa’n ganny fer, 2 keksoz ki’n deza adrese letan mon’n antre konman Minis ti annan sa konsern ki ti ganny met devan baze lo sa Scheme. Sa Scheme ti ganny fer an 2014, me ganny enplimante an 2016, kot ti annan en konsern lo on-call allowance. Lo on-call allowance, parey mon’n dir sa ti 5 poursan zot saler apre zot ti ganny peye par erdtan pou bann hours ki zot in fer.  Sa ti en konsern ki ti ganny met devan par bann ners zot menm, zot ki ti vin devan zot pa ti vin vwar mwan, zot ti vwar bann dimoun dan lopital, zot ti vwar Dr Louange, zot ti vwar bann profesyonnel, bann profesyonnel i met sa devan e nou’n fer en propozisyon avek Departman Ladministrasyon pou nou al lo sa baz sa ki nou ti pe fer pou bann Ners Theater e sa pou donn zot sa committed allowance R1200 apre pou pey zot, zot erdtan an plis ki sa. E sa i en sanzman ki nou’n anmennen ki within the Scheme e nou’n kapab abzorb li an term nou resours ki nou ti deza annan. Lot sanzman ki nou’n fer, ki nou’n fini met an aplikasyon, i annan serten ners ki pa ankor ganny zot peyman akoz nou ti bezwen manage nou Bidze lo lannen, me avan Desanm tou sa bann ners pou’n ganny zot peyman, se sa revizyon dan Gratwite kot ti’n desann pou al R10 mil, nou’n refer li vin R15 mil. Alors sa i bann sanzman konkret kot ners ki’n vin devan ek sa bann pwen e in anmenn sa avek. Dan son bann prosedir dan Health Care Agency, Health Care Agency in met sa pwen devan, nou’n fer konsiltasyon avek Finans avek Departman Ladministrasyon e nou’n enplimante, akoz nou’n kapab aziste li avek bann resours ki nou ti deza annan ki ti’n deza ganny prevwar dan Bidze pou 2018. An term Scheme of Service alor mon krwar zot konnen ki mannyer Bidze i marse, ou fer en propozisyon avek Scheme of Service pou met devan Finans apre Finans pou dir si i annan ase resours pou kapab enplimant li.  Apre zot pou donn ou sa resours pou enplimant li. Alor mon krwar i en rol tou bann Manm Onorab pou osi edik nou pep lo ki mannyer keksoz i marse.  Napa en baton mazik ki ou kapab zis sanz saler nenport ki moman dan lannen. Nou bezwen fer li dapre en progranm dapre en Scheme, dapre en sistenm ki’n ganny met an plas. Si mon ti kapab donn tou sa bann ners en logmantasyon demen, mon ti pou fer li me mon pa kapab.  Zot menm zot, zot pou kriy mwan la si mon fer li. Nou bezwen fer li dan en fason sistematik dapre bann prosedir ki an plas – dapre bann appropriations ki bezwen ganny fer dan en fason ki normal e regilye.  An se ki konsern bann peyman pou bann konze piblik, zot ganny en peyman ki doub sa bann erdtan… sa rate i 2 fwa plis sa ki zot ganny normalman. Mon krwar i vre ki sa sonm deza ki zot gannyen i pa ase bon e sa i enn bann eleman ki nou pe sey revwar dan revizyon Scheme of Service. Aktyelman i R60 par erdtan. I R60 par erdtan pou bann extended shift sa pou bann normal savedir lo public holidays i vin R120 par erdtan. Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mr Speaker question arising. An vi larepons Minis vi ki kestyon orizinal i dir, ‘’vi ki Bidze tou Minister ek Departman Gouvernman pe ganny prepare,’’ alor eski Minis pe konfirmen ki dan Bidze 2018, 2 keksoz konkret se ki pou annan ki pou adres size On-call pou bann travayer apre revizyon dan Gratwite ? Sa 2 keksoz konkret ki pou vini dan Bidze 2018, se sa? Silvouple eklersi mwan.

 

MR SPEAKER

Minis.

 

MINISTER JEAN-PAUL ADAM

Non, On-call ek Gratwite, nou’n fini adres li dan 2017, nou’n fer li atraver bann azisteman dan nou Bidze ki nou’n ganny donnen ; savedir nou’n fer serten savings e nou’n repas sa lo sa bann travayer baze lo konsern zot in met devan. Sa i 2 keksoz ki nou’n kapab fer akoz i en lazisteman dan Scheme, i 2 eleman sa on-call allowance e Gratwite. Alors sa i deza pe ganny met an laplikasyon, ok ? Sa i an 2017 apre an 2018 nou pe fer en propozisyon pou en nouvo Scheme pou bann ners ki adres serten bann konsern, bann lezot konsern ki mon’n deza site, i enkli par egzanp rekonesans bann diferan kalifikasyon ki bann ners i annan. Nou pe regard osi bann performance allowances ki nou kapab met an plas, ki pou osi kapab amelyor performans, sa i bann eleman ki nou pe regarde me sa i pou depan lo nou konversasyon lo rezilta nou negosyasyon avek Minister Finans.  Me osi mon ti a kontan dir sa ki nou pou anvoy kot Minister Finans nou pou fer li apre ki nou’n konsilte bann ners.  Nou pa pou zis anvoy li koumsa menm ; nou bezwen fer sir ki nou konsilte bann ners. Zis pou pran osi bann… sa kestyon konsiltasyon, mon krwar i enportan pou annan konsiltasyon. I enportan pou nou rod fason pou nou enterakte avek sa bann profesyonnel e donn zot sa sans pou met zot pwen devan.  E rezilta sa bann konsiltasyon i se ki an 2017 i annan sa 2 sanzman ki nou deza pe met an plas.  E an 2018 nou espere nou kapab osi kapab fer en pe plis. Lot eleman ki mon ti deza site dan mon lentrodiksyon se ki nou annan en serten propozisyon ki nou’n fini met devan Minister Finans pou bann revizyon dan bann Scheme pou 2018 e sa parey mon’n dir, sa i enkli Health Information Assistants, bann Medical Porters, Incinerators Operators, Drayver, Operater Telefonn, Work Supervisors, Housekeepers, Allied Staff kot i konsern Radiology, Central Surgical Sterile Unit – bann staff ki travay laba e bann Health Care Assistants. Sa i bann eleman ki Minister Finans in fini pran kont dan mid-year review, anfen savedir ki zot pe dan sa ki nou’n met devan, devan Minister Finans zot in deza met li dan nou ceiling pou 2018. An se ki konsern sa Scheme of Service akoz i ankor an konsiltasyon, nou pe al met li devan o pli vit posib, pou nou kapab sey met li dan Bidze 2018. Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Speaker. Minis mon ti a kontan dabor refer avek sa rapor ki ti ganny prezante par NARS. Dapre sa reprezantasyon ti annan 98 ners dan sa dernyen 5an ki’n graduate me nou’n vwar osi dan sa dernyen 5an i annan 92 ki’n kite ki fer nou pe retenir zis 6 la. Ok ? E ki Minister pe fer dan retenir sa detrwa ners ki kalifye kot NIHSS ? Epi Minis mon ti a kontan konnen dan sa nouvo Scheme of Service  ki ou pe propoze, ou pou an konsiltasyon avek ners pe travay lo la, kwa ki annan an plis ki pou ede, ki pou atiran pou ede pou ankouraz bann etidyan pou pran ners konman en karyer ? Nou kapab pe reviz en Scheme of Service me selman si pa atiran nou pa pou ganny dimoun pou vini.  Epi Minis mon ti a kontan konnen konbyen ners etranze ki Minister i anploye an se moman ?  Ki bann incentives ki ot pe gannyen, eski zot lo en Kontra oubyen non ?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab. Nou partaz sa konsern e parey nou’n fer kler ki enn bann pli gran defi ki nou annan devan nou se travayer Lasante, nou fer ki nou annan sa bann travayer ki nou bezwen a long term.  Alor sa Scheme of Service i enn bann eleman. Parey mon’n dir i pa en eleman ki ou kapab regard li tousel, nou bezwen regard lafason ki bann shift i ganny fer. Nou bezwen regard sipor ki nou kapab donn bann manman.  Nou bezwen regard transportasyon.  Tousala i bann eleman ki osi i ganny met devan par Lasosyasyon bann Ners e ki nou pe sey regarde ki mannyer nou pou pli byen siport sa dan sa contexte.  An se ki konsern Scheme li menm li parey ou’n dir nou’n deza travay lo en draft, i enportan pou nou konsilte bann ners avan ki mon donn detay dan sa Lasanble selman mon’n ki enn fwa ki nou konsiltasyon in fini, nou ava revin devan Lasanble avek plis detay.  Me bann konsern ki’n ganny met devan deza byensir i annan sa konsern lo saler de baz, sa i enn bann eleman e sa i en keksoz ki nou pe esey adrese, akoz i annan lenpak lo gratwite eksetera. En lot eleman se Gratwite, nou anvi fer sir ki nou annan en sistenm Gratwite ki pli relevan avek sa travay ki bann ners i fer e ki ankouraz zot pou zot fer plis letan konman ners, akoz nou annan en kantite ners ki ariv laz 63 zot ankor kapab, zot ankor for zot ankor annan bokou pou donnen.  E nou anvi fer sir ki si i posib pou nou retenir zot kot i posib. An se ki konsern bann lezot eleman se par egzanp en sistenm pou nou pli byen donn en pli reminerasyon avek bann ki annan bon performans, sa i en lot eleman ki nou pe vwar dan sa Scheme me parey mon’n dir letan nou’n fini fer sa travay nou ava revin devan Lasanble e nou ava koz en pti pe pli an detay lo sa Scheme mon krwar i enportan pou nou fer sa konsiltasyon avek bann ners. Ou’n sit sa rapor ki’n NARS pe met devan, i enportan ki sa i ganny servi konman enn bann baz an menm tan nou bezwen konsilte dan en fason sistematik bann diferan seksyon akoz bann ners ki travay dan Theater zot annan serten pwennvi. I annan bann ners ki par egzanp ou travay dan regional home zot pou annan en lot priyorite, bann ki travay dan bann Sant Lasante rezyonal ; bann ki baze lo bann zil, tousala i bann eleman ki nou bezwen sey revwar dan sa Scheme e i enportan pou annan sa konsiltasyon avek zot dan en fason sistematik. Eskiz mwan Onorab mon’n mal mark dernyen parti ou kestyon, ou kapab zis repete ? An se ki konsern, lakantite ners etranze, aktyelman nou annan 18 e zot kondisyon i parey bann ners Seselwa sof ki bann ners etranze an plis sa ki zot gannyen se byensir lozman apre zot ganny en, sa ki nou apel en expatriate allowance ki R3mil. Ok ? Mersi Mr Speaker e mersi Onorab.

 

MR SPEAKER

Onorab Esparon.

 

HON REGINA ESPARON

Minis eskiz mwan eski zot lo en Kontra oubyen zot anploye ? Zot lo Kontra zot, ki mannyer i marse, zot lo Kontra ? En Kontra konbyen letan ? Konbyen zot anmenn dan lakour zot ?

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab. Zot annan… zot lo bann Kontra 2 an savedir i kapab ganny renouvle oubyen non, depan lo zot performans. Zot vini isi pou 2an e parey mon’n deza dir zot ganny parey bann ners Seselwa, savedir si ou pou pran sa ki mon’n deza site avan i apepre R10 mil plus sa expatriate allowance savedir i fer R13 mil. Mersi Mr Speaker.

 

MR SPEAKER

Dernyen kestyon Onorab Esparon.

 

HON REGINA ESPARON

Mersi. Eski zot ganny en Gratwite end of contract Minis ? Apre sa 2an ?

 

MR SPEAKER

Minis.

 

MINISTER JEAN-PAUL ADAM

Non Mr Speaker e non Onorab. Sa annefe i enn bann diferans, zot pa ganny sa end of contract payment, zot ganny en peyman par mwan e se tou. Mersi.

 

MR SPEAKER

Mersi Minis. Eski mon kapab sizere ki nou pran, i annan ankor 8 entervenan ki anvi koze la mon’n ganny ankor enn i fer 9. 10 so eski nou kapab pran en pause kafe Minis i ok avek ou petet apre sa ou a resanz ou konfigerasyon ou bann zofisye in the light of kestyon ki pe sorti ki bokou lo Nursing, si i ok ek ou Minis ? I ok ? Nou a pran en Break nou a retournen 11.15 er. Pran en Break ziska 11.15 er nou a repran bann kestyon.

 

        (BREAK)

 

MR SPEAKER

Bon nou a repran nou Sesyon Kestyon avek Minis Lasante, e mon a donn laparol Onorab Roucou.

 

HON CLIVE ROUCOU

Mersi Mr Speaker. Bonzour Minis, bonzour tou Manm Onorab. Mr Speaker eski Minis i kapab dir sa Lasanble an vi ki in koz lo nouvo Scheme of Service, eski dan sa Scheme of Service oubyen Minister i annan okenn plan pour donn bann travayer enkli ners ek lezot kad en risk allowance dan bann inite spesifik kot zot pe travay, pa zis kot Mental oubyen North East Point.

An plis ki sa an vi ki ti annan sa Needle Exchange Program, eski Minis pe fer plan pour fer donn nou bann, mon bann koleg ners zot back pay ki zot in fer depi lannen pase?

E trwazyenmman Minis in koz lo Part-Time e mon kontan ozordi apre ki mon’n demande an plizyer repriz pour li koz lo part-time, Minis in dakor ki deor i annan ase Ners ki pe travay, ki pare pour travay e zot ava ganny sa loportinite e sa enn parey mwan ki zot ti anpes mwan travay dan en fason malapropo, alors mon remersye Minis ozordi pour li remet sa part-time lo latab ki nou ners nou ava vin travay.

E finalman Minis in koz lo konsiltasyon avek bann ners, mon anvi demann Minis how often ki ou apard ki bann Senior, dan Senior Management ki ou’n konsilte avek ners pour ou konn zot soufrans?  Mersi.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker e mersi Onorab pour sa kestyon; an se ki konsern risk allowance nou pe fer en revi aktyelman pour vwar ki bann, akoz serten sa bann ners i deza gannyen depandan lo kote zot baze e nou pe fer en job evaluation pour vwar ki bann lezot servis ki kapab osi ganny sarRisk allowance, sertennman i neseser e i enn bann eleman ki nou pe vwar an term revizyon Scheme of Service. Me i osi bann eleman ki depan lo mwayen ki disponib e son kou, nou kapab vwar si i annan serten eleman ki nou kapab met an plas, alor i en keksoz ki deza pe ganny fer. Mon pour demann Onorab pour klarifye sa kestyon lo back pay akoz mon pa tro kler lo son konteks.

An se ki konsern Part- Time, mon ti a kontan fer kler avek sa Lasanble poudir nou pa’n zanmen anvi anpes personn fer part-time, me mon anvi osi fer kler avek sa Lasanble poudir priyorite i pour bann ners ki deza an servis. Nou pe sey adres bann kondisyon ki bann ners ki deza an servis, e nou touzour pa satisfe ki nou kad pour part- time i ase bon akoz i annan serten difikilte otour bann scheduling ek bann shifts, selman nou’n met an plas en striktir ki pour permet nou fer li dan en fason mon krwar ase regilye, mon pa sir si i pour rezourd tou nou problenm.

Akoz parey mon’n deza dir nou problenm i plis lo bann shift, bann shift aswar sirtou, e nou vwar ki anfen sertennman ziska prezan bokou bann ners ki’n vin devan ki anvi travay part-time zot anvi swazir zot shift.

E malgre ki nou konpran poudir zot anvi swazir zot shift, nou bezwen, nou pa kapab donn tou bann move shift avek bann ners ki dan servis, tou bann shift difisil avek bann ners ki dan servis apre tou bann shift fasil ki bann dimoun ki pe vin koman part-time.

Nou bezwen fer sir poudir i annan en balans, e nou bezwen regard sirtou mon krwar an premye pozisyon, nou bezwen asire ki nou pli byen kapab siport bann ners ki deza dan servis e sa an parti pour ganny adrese atraver sa bann revi dan Scheme of Service e sa i pour osi permet nou vwar sityasyon pour bann ners part- time osi.

An se ki konsern konsiltasyon, i annan plizyer fason ki mwan koman Minis mon fer konsiltasyon. Me mon ti a kontan dir ki nou bezwen osi byen konpran striktir Minister apre Lazans Lasante ki en Lazans ki separe an deor Minister. Alor i pa mon rol koman Minis pour mwan – par egzanp zwenn tou bann travayer Lasante lo tou keksoz, me byensir koman Minis ki responsab pour sa sekter mon fer li en pwen pour annan bann konsiltasyon regilye. Sa i ganny fer dan plizyer fason, plizyer fwa Nurses Association in fer zot bann levennman kot mon’n ganny envite e mon’n ganny sans pas bann zournen avek zot.

Mon’n osi a serten moman kot in annan bann group ners spesifik ki travay dan en sekter ki’n demann mon pour konsilte avek zot, apre mon osi fer bann vizit dan bann fasilite Lasante dan en fason regilye kot mon pas lo bann diferan fasilite Lasante e ki mon ganny sans enterakte avek zot, swa koman en group oubyen parfwa endividyelman.  Alors sa i en pti pe lafason regilye ki mon fer sa bann konsiltasyon.  Mersi Mr Speaker e mersi Onorab.

 

MR SPEAKER

Onorab Roucou ou annan en kestyon siplemanter ankor.

 

HON CLIVE ROUCOU

Mr Speaker Minis in dir mon i pa kler lo sa Needle Exchange Programme, sa Needle Exchange Programme i sa ki bann ners ti pe fer avek bann drug users ler ti pe fer sa sanzman sereng, zegwir ki zot sipoze ganny peye lannen pase.  Mersi.

 

MR SPEAKER

Minis.

MINISTER JEAN-PAUL ADAM

Mersi, eskiz mwan, letan ou’n lir kestyon premye fwa mon pa’n tann sa bout Needle Exchange alor mon pa’n kler poudir sa back pay ti konsern sa.

Annefe letan sa progranm ti’n komanse, nou ti napa sa provizyon bidzeter spesifik pour pey sa allowance, me progranm ti komanse akoz ti en priyorite e nou pe fer sa demars la, si zot pa ankor komans ganny peye nenport ki moman nou pour fer sir ki sa larzan i ganny met an dispozisyon, pour nou kapab regle sa aryeraz avek zot.  Mersi Mr Speaker e mersi Onorab.

 

MR SPEAKER

Onorab Aglae.

 

HON EGBERT AGLAE

Mersi Mr Speaker, bonzour Minis e ou delegasyon e tou Onorab, Minis nou pe koz lo en size vreman enportan e ki ler nou pe koz lo sa Scheme of Service byensir saler i en konponan enportan, me selman i enportan ki nou pa bliy sa lot bout ki apel servis kot i annan duties and responsibility.  Minis ou’n koz lo konsiltasyon ki ou pe fer e ki ongoing e baze lo sa ki mon’n dir kot i konsern duties and responsibilities kot byensir tou Seselwa i anvi en bon servis Lasante, eski ou osi zot pe konsider revwar an term bann duties and responsibilities ki tonm dan sa bann Scheme, pour fer ki i relasyonnen avek travay ki sak sa bann Medical Officer pe antreprann.

Mon pour pran en legzanp Minis permet mon, parey nou koz en Ners lo Ward ok, ou annan ou en Ward petet nou dir nou annan sepa 30 pasyan, son relasyon ant sa pasyan, ratio mon pe koz ou an term ratio la ki en ners i kapab cope, ki kapab donn en bon servis, si i pour pe get 6, 10 pasyan li tousel an menm tan parey Farmasi osi la, lakantite preskripsyon, lakantite tes ki en Biomedical i bezwen swivi par zour, tousala i osi bann keksoz enportan ki ler pe fer bann konsiltasyon avek sa bann Medical Officers zot pran kont pour fer sir ki zot travay i pa vin en sitan presyon malgre ou pour al donn zot plis larzan; me selman nou bezwen relasyon li byen an term sa servis duties and responsibilities.  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, e mon krwar i en kestyon fondamantal pour lafason ki nou fer Gestion nou bann Resours Imen dan Lasante.

Annefe enn nou bann pli gran defi ki nou pe vwar la aktyelman, se pa zis sa problenm, sa problenm Persepsyon oubyen sa problenm Saler dan Lasante, se osi sa kantite responsabilite, sa kantite presyon ki annan lo sak travayer Lasante.

E enn bann eleman ki nou pe fer la avek WHO, se nou’n fer, nou pe fer en Assessment avek sipor bann Konsiltan sorti WHO pour nou kapab vwar sak louvraz ki egziste; par egzanp dan Lopital ek dan bann diferan Sant Lasante, kwa sa bann responsabilite de baz e ki lye avek sa rol, e nou pe benchmark li osi kont bann standar enternasyonal pour nou kapab dir, ok? En ners sa i son responsabilite de baz e bann sipor adisyonnel i sorti kot par egzanp sa lot travayer, sa paramedic oubyen sa medical porter, oubyen sa Health Care Assistant, eksetera.

Alor nou pe sey met sa dan en fason bokou pli sistematik e apre byensir sa i annan en lyezon direk avek sa lenplimantasyon sa Scheme of Service e son modifikasyon.

Apre i annan sa kote verifikasyon bann travayer lo, dan Ward oubyen dan sak Sant Lasante e nou fer bann assessment regilye, parfwa wi i annan mank mendev pour nou kapab fer sa verifikasyon osi sistematik ki nou ti ava swete me i ganny fer. E nou osi azir letan nou vwar par egzanp nou vwar en mank mendev, oubyen en responsabilite pa pe ganny deservi parey i merite, e sa i ganny pran kont osi letan nou evalye sa travay ki ganny fer a lavenir.

Sa i osi lye avek lenportans formasyon, akoz nou bezwen fer sir ki nou bann formasyon i adapte vizavi sa bann responsabilite ki pour ganny met an plas, alor sa travay ki nou pe fer avek WHO pour permet nou dan en fason pli sistematik, defini bann rol, bann responsabilite e i pour osi permet nou pli byen fer lyezon avek nou bann formasyon ki an plas.

Nou ava rapel ki par egzanp nou annan dan formasyon nou annan sa Access Course ki pe al fer kot NIHSS, me nou annan osi bann formasyon pli devlope, e pli avanse ki pe ganny ofer; par egzanp aktyelman avek, an Partenarya avek Liniversite Kwazulu Natal, e osi avek Liniversite Chamberlain e osi avek Liniversite Sesel, e nou pe osi revwar sa bann Course ki disponib, pa zis pour bann ners, bann Dokter me osi bann lezot profesyonnel Lasante e nou pour lye devlopman sa bann karyer osi avek son formasyon ki sa bann eleman i bezwen ganny regarde ansanm.  Mersi Mr Speaker. Mersi Onorab.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Speaker, bonzour Mr Speaker, bonzour Minis ek ou Delegasyon e tou Manm Onorab, e tou dimoun ki a lekout. Mr Speaker kot Minister Lasante problenm i pa zis saler  ou larzan direkteman, me mon krwar, me zot kondisyon bann benefis ek lankourazman i tre neseser osi ganny gete dan sa direksyon menm parfwa ou kapab dir bann serten lenzistis i bezwen a mon avi, arete pour fer sa kondisyon pour bann ners, Dokter e tou lezot kalite travayer kot Minister Lasante annan en ankourazman e fer nou sistenm avans devan.

Par egzanp detrwa pti keksoz mon met devan la, en Physiotherapist avek en Certificate dan Physiotherapy e ki’n ganny, e ki’n travay pour 15an avek Minister Lasante pe ganny li apenn R9, 000 me 1an apre ki in kalifye pour son Course Minister Lasante i deside fer en Course Diploma dan Physiotherapy e li ziska ozordi zanmen i ganny enkli dan sa Course, zanmen i fer son Diploma li.

En lot legzanp par egzanp eski Minister Lasante pa kapab konsider parey i fer pour bann travayer esansyel tel ki Solda, ek Lapolis, donn bann ners osi en Bus pass pour nanryen, pa bezwen ou donn en larzan, me sa i ava aranz li osi an menm tan.

Par egzanp donn li extra Annual Leave, extra days off Annual Leave si par egzanp i napa okenn sick leave afen lannen oubyen i pa’n mank travay ditou. Sa osi i bann keksoz ki kapab ganny, i aranz son kondisyon travay ek son soz…

En Dokter par egzanp ki’n kalifye pour li al son Course si i kot Casualty oubyen i lo Ward e si zot transfer li, Minister menm i transfer li petet kot CDCU ouswa dan Public Health deswit i perdi son Course, akoz zot dir li i mank lannen leksperyans oubyen lannen servis dan sa nouvo Unit kot in ale.

These are things ki zot devret arete kot Minister Lasante e re get dan kondisyon sa bann travayer pour ki zot santi zot dan en pli bon latmosfer pour travay e kontribye dan sa Minister.  Mon aret la an menm tan mon konnen ki ou’n dir zot pe get dan sa bann kondisyon lapey parey ou’n dir.  Mersi.

 

MR SPEAKER

Mersi Onorab.  Minis Adam.

 

MINISTER JEAN-PAUL ADAM

Mersi bokou Mr Speaker, e mersi Onorab, mon toutafe dakor avek Leader Zafer Gouvernman ki nou bezwen regard son lansanm, tou sa bann eleman ki mannyer i kontribye anver nou bann travayer Lasante e ki mannyer nou kapab retenir zot atraver sa package.

Saler wi, me i osi sa bann lezot eleman sipor e sa i bann eleman ki nou pe sey travay dan en fason aprofondir lo la, mon pran note serten sa bann sizesyon ki ou’n mete; par egzanp lo kot i konsern Bus pass, Minister nou donnen deza transpor pour bann dimoun ki pe travay apre ler.

Me sa i en keksoz ki vre i pa, nou bezwen ranforsi li, apre parey ou pe dir i annan fason ki nou kapab donn zot sa pti lavantaz ki nou respekte sa travay nob ki zot fer toulezour. E nou ava regard sa, e sa bann pwennvi par egzanp lo kot i konsern posibilite bonus oubyen bann dimoun ki pa pran konze Dokter, ki napa bokou sick leave, sa nou pe sey adrese atraver sa bann propozisyon. An se ki konsern performance-related pay, e sa i enn bann eleman ki nou pe diskite avek bann ners an kolaborasyon avek zot nou pour vwar ki pli bon fason pour nou reflekte sa.

An se ki konsern Training nou pe fer li, i en Polisi nou Minister pour nou fer sir ki o maksimonm en Travayer i vwar kote i pe ale e sa i ganny siporte atraver sa formasyon.

Si i annan en, sa problenm, sa legzanp ki ou’n servi i lo Physiotherapist i en eleman an term bann Scheme of Service pa zis dan Lasante me dan lezot sekter kot parfwa petet nou pa rekonnet ase byen tandservis, konmsi nou met bokou lanfaz lo bann Diploma eksetera, me nou pa regard ase bann tandservis, sa i en eleman e mon krwar Gouvernman pe regarde dan en fason pli e larz.

An se ki konsern sa ka spesifik selman, mon ti ava envit sa dimoun swa pour ekri nou pour nou sey adres sa problenm si i pa’n deza ganny adrese akoz i pa an konformite avek nou Polisi, si en dimoun i annan sa kapasite pour li al fer en Diplonm nou ankouraz li pour ale.   Ok i vre parfwa ki akoz bann egzizans dan Servis nou pa kapab anvoy tou dimoun an menm tan, me nou annan en Polisi ki swiv bann dimoun ki’n la pli lontan i devret ganny sa sans avan otan ki maksimonm.

Bon parfwa i annan bann eleman kot zot annan sa kriter pour antre dan sa Course ki parfwa mon pa konnen si dan sa ka, i en ka, me mon ti a envit sa dimoun pour ekri nou oubyen ou menm ou Onorab ou kapab met sa lo nou latansyon; me nou ava sey trouv en solisyon pour sa, akoz pour tou bann dimoun ki annan en Sertifikasyon, nou bezwen regard sa bann Scheme ki mannyer i permet zot devlop zot lekor e an konsekans devlop sa servis Lasante ki nou kapab ale, me mon ti a kontan dir poudir si sa bann ka i egziste i bann anomaly, i pa bann ka ki norm, i bann ka ki anomaly.

        Nou konnen ki i annan serten eleman ki nou osi lev-e lo Sertifika, mon krwar pa si i konsern Physiotherapy oubyen lezot kot in annan bann eleman kot nou pe esper validation avek Seychelles Qualifications Authority sa i posib. Mon pa konn sa Case spesifik, ankor mon envit sa case pour ganny met devan nou e nou ava rod son solisyon, akoz lenportans dan Servis Lasante se formasyon, formasyon, formasyon.

Tou dilon lavi en profesyonnel ki kapab pli byen fer son travay.  Mersi Mr Speaker e mersi Onorab.

 

MR SPEAKER

Onorab Larue.

 

HON FLORY LARUE

Bonzour tou dimoun, mersi Mr Speaker, Minis en bann Tenm ki nou’n tann koz lo la i ‘met Dimoun o Sant Devlopman’ ou’n dir parey Onorab Aglae in osi demande mon pour al en pe pli lwen ki saler i pa toultan sa ki neseser, me avek sa ratio parey in donn legzanp ki sipoze 1 ners pour 5 pasyan, me nou vwar isi Sesel parfwa nou pe ganny lo bann Ward nou pe ganny 1 ners pour 15 a 20 pasyan. E osi bann dimoun, ki bann ners ki vwar piblik lo ban, souvan zis enn ouswa 2 zot pour vwar piblik ; ki ou Minister pour fer dan limedya pour amelyor sa sityasyon?  I fer 7 mwan depi ler ou dan Minister, ki ou pour fer dan limedya pour regle sa?

E eski i annan plis ners etranze ki pour antre dan sistenm pour ed ou ek sa sitasyon?

Ankor lo presyon travay lo kote Laundry pour fer avek dra, zorye bann lekipman lili e bann operating gowns ki ners i vwar zot pe taye pour al sort out sa bann keksoz, eski sistenm Laundry i pour vin an plas en pe pli, fonksyon en pe pli byen pandan sa lannen?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab e mon apresye osi ki ou’n met devan sa pwen e rekonnet lenportans ki nou regard li koman en package ki pa zis sa eleman saler, i en eleman tre enportan, me nou bezwen regard tou sa bann diferan eleman.

An se ki konsern ratio nou bann ners, dan nou pei an zeneral, letan ou regard lakantite ners ki nou annan e nou popilasyon, nou annan nou enn bann meyer ratio o monn, nou menm pli bon ki serten bann pei pli devlope.

Me, e mon napa sa sif avek mon me zot kapab al lo sit web WHO e zot pour kapab vwar poudir letan ou get ratio number of nurses per population ki Sesel nou nivo i vreman o.

Me parey mon’n dir oparavan nou difikilte se pour ganny bann ners ki pe travay lo bann shift ki difisil, bann shift 24erdtan lo 24, bann shift aswar e se pour sa lo Ward nou ratio i pa ideal.

Parey ou’n site idealman nou ti pour annan plis ners lo Ward sirtou a bann moman kot Ward souvan i vreman plen, e sa i bann keksoz ki nou pe travay atraver nou rekritman.

E sa kestyon presyon travay lo Ward e sa presyon ki vin lo Ners i lye avek sa travay ki nou pe fer avek WHO pour nou assess responsabilite ki sak ners i annan e ki permet nou alor pli byen siport zot atraver sa responsabilite ki zot annan, ki zot pli kler.

Apre ou’n servi, ou’n koz lo sa pwen Laundry, nou’n fer en proze renovasyon lo Laundry an 2016 ki’n ganny konplete e nou dan prosedir aktyelman pour nou diskit avek Servis Procurement dan Minister Finans, pour nou kapab fer en tender pour son loperasyon. Alor dan bann Mwan ki pe vini nou pour fer en Tender ouver pour bann Konpannyen kapab operate sa Laundry e ki pour kapab alor ofer en meyer servis. E mon kontan ki Onorab in lev sa size akoz i vre, sa i enn bann presyon ki vin toulezour lo bann ners e nou servis aktyel, mon krwar ki sa Konpannyen ki pe fer li, pe fer li meyer avek son kapasite, me i annan bokou amelyorasyon ki bezwen ganny fer, e sa nouvo Laundry i en lespas ki pli apropriye e pour permet osi lenvestisman osi par sa dimoun ki pour pran sa Laundry pour li kapab fer plis lenvestisman e ofer en meyer servis.

E dan sa Tender nou pe osi fer sir ki i annan bann mezir ki nou kapab mezire ki servis i lo sa standar ki nou ekspekte e ki nou pa mank otan sa bann keksoz parey dra, eksetera.

Zis pour mon donn sa sif an se ki konsern ratio ners par popilasyon, Sesel nou ratio i 4.5 ners par mil dimoun dan nou popilasyon, e si nou pran bann pei ki Upper Middle Income zot ratio an mwayenn i 2.7 par mil, alor nou preski doub bann pei ki ekivalan, e pour Dokter nou ratio par mil popilasyon i 1.2 par mil popilasyon ok.  Mersi Mr Speaker. Mersi Onorab.

 

MR SPEAKER

Onorab Larue.

 

HON FLORY LARUE

Mersi Mr Speaker, ou’n dir ki zot pe fer sa letid ek WHO pour get bann servis ki Ners i fer pour zot kapab regarde ki zot pour fer dan le fitir, kan ki sa pour ganny fer e kan i pour finalize?

Dan limedya eski zot pe pran ankor foreign nurses avan Desanm 2017, ou pa ti’n reponn letan mon ti’n demande, e letan ou dir ou koz lo sa Laundry ou dir depi 2016 in ganny fer renovasyon, kan ki i pour fonksyonn avek sa nouvo dimoun ki pour pran? Kan? What is the timespan pour sa?  Mersi.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker e mersi Onorab. Mon’n realize poudir i annan en parti kestyon avan ki mon pa ti’n konpletman reponn, an se ki konsern bann ners etranze nou napa en plan pour nou pran bokou an plis, me wi i annan serten nesesite pour nou kapab sirtou lo bann shift aswar pour nou fer sir ki nou annan sa sipor. Alor pour annan bann rekritman adisyonnel an se ki konsern bann Ners e en pe pli tar mon ava donn bann sif spesifik an se ki konsern lakantite ki nou pour rekrite.

An se ki konsern sa Laundry, pardon premyerman an se ki konsern sa proze ki nou pe fer avek WHO, nou’n fini fer premye parti sa proze ki en Train the Trainer savedir WHO in anvoy son bann Konsiltan isi, e nou’n form bann dimoun ki pour fer sa assessment.

E prezan dan Mwan ki pe vini, sa bann dimoun pour komans fer sa travay dan bann diferan Sant Lasante avek bi pour lafen sa lannen annan en lendikasyon lo sa bann responsabilite e sa Assessment ki servi sa zouti Assessment ki WHO in donn nou.

An se ki konsern Laundry nou lo bann staz final akoz parey mon’n dir premyerman i enportan pour note poudir sa Tender i enn ki vreman teknik, i enportan ki dan sa Tender osi i annan bann performance clauses ki vreman ganny byen defini e sa i, se pour sa ki nou an lyezon avek Procurement Oversight Unit pour nou kapab fer sir ki sa i byen an plas avan ki son tender i pase.

Alor mon ezite pour mwan donn en dat spesifik akoz sa bann eleman i pran en pti pe letan, i enportan pour fer li byen plito ki fer li vitman, me mon estimen petet dan bann diskisyon avek POU petet nou ava annan ankor detrwa semenn, petet 1 mwan e apre pour fer son Tender menm ankor 2 mwan, savedir petet ankor dan en 3 mwan mon estimen nou pour kapab bouze avek en nouvo konpannyen ki pe operate sa Laundry.  Mersi.

 

MR SPEAKER

Dernyen kestyon Onorab Larue.
HON FLORY LARUE

Mersi Mr Speaker.   Minis si ou ti kapab dir nou, letan ou’n donn sa ratio 4.5 par mil zabitan pour bann ners, eski ou kapab dir nou ki sa bann pei ki ou’n konpar avek, eski zot osi zot annan sitan kantite dimoun pe vizit Dokter parey Prezidan ti site dan Leta Lanasyon an Fevriye?  Mersi.

 

MR SPEAKER

Mersi Onorab, en pwen tre enportan, zisteman sa ratio i konpar avek bann pei Upper Middle Income, alor bokou sa bann pti Leta Zil parey nou, parey Barbados, Bahamas, bann pei en pti pe dan sa laliny. E dan, letan ou regard konpare avek konsiltasyon nou napa tou bann sif sorti sa bann lezot pei lo konsiltasyon, me baze lo bann konversasyon ki nou annan avek WHO lezot, nou panse ki Sesel nou, la kantite konsiltasyon i bokou pli o ki dan sa bann pei. Se pour sa ki malgre ki nou ratio i bon, mon pa pe zanmen, ou pa pour zanmen tann mon dir poudir ki i ase, fodre nou diferansye ant nou ratio i bon apre pou dir i ase; akoz nou bezwen regarde, si ou regard dan, an term nou progranm formasyon se pour fer sir ki nou ganny ners la kot nou bezwen li.

Ki ou kapab vwar, se ki nou annan ners dan pei, me pa tou ki petet progranmen oubyen ki pe travay dan sa bann Sekter kot nou pli bezwen zot, e sa i en travay ki osi nou pe fer an lyezon baze lo sa analiz responsabilite ki nou pe fer.

E baze lo lakantite konsiltasyon ki nou annan, mwan mon estimen e nou stratezi Lasante i vize pour nou fer en rekritman pli for dan limedya. Apre i pour permet nou gradyelman pli byen adapte e fer sir ki nou ganny nou bann ratios vizavi sa bann servis spesifik.

Alor mon diferansye ant sa ratio Nasyonal ki vreman bon, apre bann ratio pli spesifik ki lo serten servis enportan parey lo Ward kot nou ratio pa ase bon, nou bezwen amelyor sa ratio lo Ward.  Mersi Mr Speaker, mersi Onorab.

 

MR SPEAKER

Onorab Simon Gill.

 

HON SIMON GILL

Mersi bokou Mr Speaker, bonzour tou dimoun, bonzour Minis, koleg Onorab e manm piblik. Minis kestyon i en senp kestyon ki mon oule demande lo size ki devan nou, mon ti oule konnen ki letan ou santi i rezonnab pour ou, avek tou ou bann teknisyen dan Minister pour ou kapab vin devan nou Lasanble avek en rezilta kot ladan in pran konsiderasyon tou bann diferan konponan or profesyon dan Minister Lasante, son saler rezonnab ki ou santi pour ale avek, e en progranm formasyon konsekan pour kapab anpar bann ki napa sa Standar, me zot in fer zot dan sa Profesyon probableman i pa’n ariv lo sa standar probableman ki sa saler, sa scale ki ou pe met zot avek sa revizyon zeneral ki pe ganny konsidere e sa i 2 konponan.

Trwazyenm konponan ki mannyer ou plan pour ou bouz sa bann diferan kategori travayer lo sa standar ISO ki ou pe koz lo la.

Avek sa mon prezimen ki nou ava annan nou en levantay lenformasyon konpreansiv e tou bann dimoun ki dan sa Profesyon Minister Lasante i ava konnen ki kote zot debout – disi dan sa prosen 5an tout an tenir kont ki saler i dinamik pei i sanze, probableman avan 5an pour annan en lot PNQ ki demann ou pour reviz Saler ankor, nou pa konnen.

Me mon ti ava donn ou sa loportinite pour reponn sa detrwa konsern ki mon’n met devan.  Mersi bokou Speaker, e mersi bokou Minis.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker, e mersi Onorab parey mon’n dir bann lenvestisman dan resours imen i enn bann pwen fondamantal dan nou stratezi pour Lasante, e si ou regarde avek bann propozisyon ki nou pe met devan pour Bidze 2018, ou pour vwar ki tou bann kad dan Lasante si tou sa ki nou demande dan Bidze 2018 i ganny met an plas, i pou vedir an 2014 e 2018 nou annan en lespas 4an tou dimoun pou’n gannyen en amelyorasyon dan zot kondisyon servis.

Selman ou’n dir en lot pwen enportan Onorab, se ki pei i evolye vitman e keksoz i sanz vreman vitman e i enportan ki nou annan en lapros, ki permet nou zisteman aziste letan i neseser ki reflekte bann realite ki nou annan dan toulezour.

Prosesis Reform ki nou’n fer kot nou’n kre Health Care Agency, e separe e Minister i pour permet li evantyelman vin en pe plis avek lotonomi ki pour permet li osi pli byen idantifye sa bann bezwen a la lonterm.

Bon Lazans Lasante i depan lo Bidze li osi, savedir i bezwen swiv bann prosedir parey nou tou nou bezwen swiv bann prosedir, me i pour permet li devlop bann kad a lonterm ki pour kapab ganny aziste dan en fason pli regilye e pli relevan avek nou Sekter Lasante.

Me an term nou plan imedya nou pe viz pour 2018 pour nou kapab aziste omwen a la baz sa bann diferan Scheme konsernan bann diferan travayer dan Lasante.

Mon pa pour dir ou ki nou kapab adres tou zot demann, e zot bezwen akoz mwayen osi i limite, me mon santi ki nou pour annan en kad ki pour permet nou al pli devan dan en fason sistematik.

Apre ou’n koz lo en pwen tre enportan e sa i sa standardizasyon, savedir lafason ki nou regard nou Servis Lasante an term bann standar ki nou kapab mezire osi enternasyonalman.  E sela osi kot nou annan en loportinite pour nou amelyor bokou bann kondisyon bann travayer Lasante baze lo performans, akoz souvandfwa letan ou pe al diskit avek Minister Finans pour donn plis larzan pour Saler, i vwar sa koman en larzan ki ganny peye e ki tou le lannen i ogmante.

Me si ou pe fer en lyezon direk avek performans e i atraver bann standar, sa i en lenvestisman dan Lekonomi nou pei, akoz par egzanp si ou annan en meyer rezilta lasante, dimoun i vin pli prodiktiv e ou annan en vre rezilta ekonomik.

Alor bokou bann eleman ki nou anvi vwar, se regard nou bann standar ki nou met an plas baze lo bann responsabilite e fer en lyen direk avek bann benefis ki bann staff i gannyen. Savedir si ou target par egzanp, adres par egzanp standar Care ki ganny donnen pour bann pasyan Dyabet e ou kapab mezire konbyen pasyan ou’n vwar e ki sa pasyan pa’n ganny konplikasyon, ou kapab annan en standar ki ou mezire e sa staff i ganny en benefis direk ki lye avek sa standar i permet nou vreman mon krwar regard en lapros soutenab. E wi mon oule fer kler avek sa Lasanble mon krwar zot konpran poudir ki napa fason bonmarse pou envestir dan saler Lasante.

Lasante i en keksoz ki ou bezwen konstaman met larzan dan resours imen, e alor Bidze pour resours imen dan Lasante i pa en keksoz ki ou pa ekspekte ou kapab redwir li, i en keksoz ki al lonterm, i pour kontinyen ogmante, me atraver bann Polisi inovatif e bann standar, mon krwar nou kapab fer li dan en fason ki soutenab pour nou lekonomi e soutenab pour nou pei e ki reflekte vre lenportans bann travayer Lasante dan nou pei.  Mersi Mr Speaker, mersi Onorab.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Speaker, bonzour Minis avek ou Delegasyon, Minis sa Scheme of Service depi ler mon ti kit Minister Lasante 2001 ti ankor pe koz lo la, ziska ozordi mon tann ankor pe koz lo la, i montre ki vreman napa gran keksoz ki’n ganny fer.

Avek tou respe Minis, pa akoz sa bann servis sa bann dimoun i donnen ki nou bezwen get zis sa servis, me nou pa pe get sa bann dimoun – ou konpran?

I vreman fermal ler mon ekout Ners sa ler 2017, nou ankor pe mandyan en Scheme of Service, e pa akoz sa bann dimoun i feb e zot in ne pour donn servis ki nou, nou pa pe get zot.

Mon kestyon Minis se ki avek sa Lespri Sharing and Caring, Ners dan Kominote zot, zot pa pe gannyen sa bann shift allowance, sa bann inducement, risk allowance, night duty, eski ou kapab dir sa Lasanble ki package en ners son basic salary dan kominote, e ki zot pe fer pour ankouraz sa bann ners dan kominote pour kontinyen reste dan sa profesyon?  Mersi.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker, e mersi Onorab mon kontan pour vwar ki ou en travayer, en ansyen travayer Lasante ki touzour mazin Lasante sa i enportan, me Onorab en kantite letan ki ou pa’n dan servis, e mon asir ou depi 2001 ziska ozordi Scheme in ganny revize regilyerman ok ?

E nou bezwen koz lo Scheme of Service toultan, sa i pa kapab en endikater poudir nou pe koz lo Scheme of Service ki keksoz pa’n ganny fer, i le kontrer, nou bezwen kontinyen koz lo Scheme of Service menm si nou fer en lot Scheme of Service pour 2018, nou bezwen kontinyen koz lo la akoz nou bezwen kapab aziste pour adres realite dan Marse Lanplwa, akoz bann Travayer Lasante nou bezwen donn zot sa plas ki zot merite dan nou sosyete.

Mon dakor avek ou poudir sa saler aktyelman i pa ase bon, me annou koz fran la, sa Saler ki zot gannyen malgre ki mwan mon santi par Rapor ek sa travay ki zot fer, e mon krwar ki lamazorite Seselwa i dakor i pou dir pa ase, me i reprezant average saler ki nou annan dan nou pei ok.

Si ou regard Biro Statistik i pour dir ou ki saler mwayenn i R10, 000.00 avan ki ou’n tir tax, e sa ki en ners i gannyen i koresponn avek sa saler mwayenn, savedir average, mon pa santi sa i ase, nou bezwen fer pli byen selman sa Scheme of Service ki’n ganny fer an 2014 e ki’n ganny enplimante an 2016 in reflekte sa sityasyon ekonomik an zeneral dan Sesel a sa moman dan sa letan.

I pa ase akoz i pa reflekte lenportans ki lasante i annan pour nou pei, akoz lenportans lasante pour nou pei si nou envestir byen dan lasante nou pou save en ta larzan dan lezot landrwa, e mon krwar sa i en pwen ki mon krwar ou pe al en pti pe dan laliny. E mon krwar lapros ki nou bezwen pran se regard plas sa Travayer Lasante dan nou pei vizavi sa travay ki zot fer, e si ti napa zot ki mannyer nou ti pour vwar keksoz bokou pli difisil.

Apre an se ki konsern sa bann shift allowance pour bann Ners dan kominote, enn bann eleman ki nou pe regarde dan Scheme of Service, se pour sey adres sa me i pa korek ki tou pa gannyen, serten bann ners i gannyen akoz depandan travay ki zot fer, i annan serten Ners ki dan Kominote bann ki fer shift i ganny shift allowance, bann ki pa fer shift pa gannyen.

Me mon konsyan poudir savedir bann ki pa gannyen zot napa sa menm lavantaz me nou bezwen regard sa dan en fason sistematik ki regard travay ki zot fer baze lo erdtan ki zot fer.

Apre ou’n osi koz lo inducement, zot tou zot gannyen inducement, me selman inducement i baze lo ou nivo kalifikasyon.

E ankor mon pour dir, enn bann eleman bann Prensip ki nou pe regarde dan revizyon sa Scheme, se ki sa Scheme i bezwen reflekte sa kalifikasyon ki sa ners i annan dan en fason pli sistematik, dan en fason ki pli relevan ek sa travay ki zot fer, e dezyenmman i bezwen osi reflekte tann servis akoz en Ners ki’n la pour en bon pe letan i en ners ki annan kapasite ki annan konpetans e nou bezwen rod en fason atraver Scheme of Service pour nou rekonnet sa.  Mersi Mr Speaker, mersi Onorab.

 

MR SPEAKER

Onorab Adelaide ou annan en siplemanter.

 

HON FRANCOIS ADELAIDE

Wi, wi Minis en pti siplemanter en dan ka incentives, mon rapel dan mon letan ti annan en Daycare  ki zot ti provide sa bann Ners avek zot pour sa bann zanfan, eski i ankor pe marse sa servis, eski zot ankor pe donnen?  Mersi.

 

MINISTER JEAN-PAUL ADAM

Mersi Onorab, mersi Mr Speaker, malerezman non sa Daycare i nepli egziste, me sa i enn bann eleman zisteman ki nou pe sey adrese akoz i enn bann priyorite letan nou regard, se pour sa mon’n dir letan nou regard sa package otour Travayer Lasante, se pour sa enn bann eleman kle, e letan nou regard enn de nou bann Travayer Lasante bokou se bann manman e se sa defi ki zot fer fas avek, bokou i bann granmanman osi ki bezwen vey zanfan osi.

E sa i enn bann legzanp, en keksoz ki kapab pli byen siport nou bann Travayer Lasante.  Mersi.

 

MR SPEAKER

Onorab Stephen Pillay.

 

HON STEPHEN PILLAY

Sorry mon pa’n tande Mr Speaker mersi.  Yes, Mr Speaker avek ou permisyon avan mon komanse mon ti a’n kontan fer Minis konnen avek tou dimoun an zeneral, mon oule remersye bokou, bokou staff Lopital pandan sa bann letan ki mwan mon’n pas laba, servis mon’n ganny fantastik depi son Senior Management Level, Sergeant, Physician, Ners Anvil e Anse Royale osi bann ners ki’n pran ka avek mwan, staff an zeneral dir zot mersi bokou de ma part.

Me lo mon kestyon Minis, Minis se, vi ki nou kestyon i demande ki bidze pe ganny revize la pour ganny pran, ou menm ou, si ou ti kapab dir nou konbyen ners aktyelman nou bezwen dan ou sistenm Lopital pour kapab rezourd sa bann problenm ki sa kestyon pe demande?

E dezyenmman ki Minis pe fer pour reinstate bann travayer ki’n ganny dismiss unfairly dan lepase, pa pe koz Ners, i kapab nenport mon krwar ou okouran enn sa sityasyon ki mon pe koz lo la pour en drayver, ki ou pe fer konmsi pour fasilit zot reentegrasyon dan Minister Lasante?  Mersi Mr Speaker.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker e mersi Onorab e mon ti ava kontan remersye Onorab pour sa rekonesans ki in montre ozordi ; akoz i enportan ki nou rekonesan anver nou bann Travayer Lasante, pa toultan ki zot parfe, i vre, me letan i annan en servis ki ganny fer ki bon i enportan ki nou koz lo la. E mon apresye son lapros ki in met sa pwen devan akoz bokou fwa nou bezwen realize nou en pti pei, e lefe ki nou en pti pei se letan nou bezwen koze si i annan en keksoz ki mal, pa ganny mwan mal, mon pa dir ki nou pa kapab koze si en keksoz i mal, me nou bezwen koz lo en keksoz ki mal dan en fason ki sible kote sa problenm i été. Tro souvan mon krwar letan nou koz lo en keksoz ki mal, nou fer sa keksoz ki mal vin konmsi ki tou keksoz i mal akoz sa en keksoz.

E lo lot kote mon krwar osi lefe ki ou’n dir ou’n pas, ou’n ganny vreman en bon servis i pa vedir tou keksoz i bon, me i enportan ki letan en keksoz i al byen, ki nou rekonnet pour sa bann staff ki’n donn sa servis, akoz se koumsa ki nou kapab ankouraz sa bann staff pour vreman fer le meyer de zot menm e mon remersye ou ki ou’n rekonnet zot ozordi e lo mon par osi mon remersye zot pour sa standar servis ki zot in donnen.

An se ki konsern lakantite Ners ki nou bezwen nou’n fer en legzersis lo nivo Health Care Agency, bann Senior Management dan Health Care Agency in travay avek Board e zot in dir dan en sirkonstans ideal ki zot ti ava bezwen en adisyonnel 139 ners. Sa i enkli, sa adisyonnel 139, i pa vedir ki nou mank 139 imedyatman me i baze lo bann diferan progranm ki nou anvi met an plas osi byen ki bann bezwen ki nou annan imedyatman. Nou pe fer en demars aktyelman pour nou kapab ganny en pe plis ners, sa in enkli bann ners sorti aletranze, me i osi enkli plis Health Care Assistants ki pour kapab pli byen siport nou travay dan Lopital e dan bann Health Centers.

Nou osi, sa travay pe ganny fer osi an menm tan ki nou pe fer sa travay avek WHO pour nou kapab pli byen fer sa Assesment lo bann responsabilite ek bann rol ki bann ners i annan dan bann diferan sant, e sa i pour permet nou donn en sif ki petet en pti pe pli lye direkteman avek en standar ki nou kapab mezire, akoz sa lalis 139 ki nou’n donnen i baze lo bann konsiltasyon ki nou’n fer avek bann diferan servis, me i pour enportan pour nou regard li dan en fason standardize e sa travay WHO pour permet nou fer li.

Me mon ti a kontan dir Mr Speaker e pour tou bann Onorab ki baze lo ka lakantite konsiltasyon ki nou annan , i kler ki dan limedya nou bezwen annan, mon kapab dir en push pour nou anmenn plis dimoun dan Lasante – dan sa limedya pour nou adres bezwen ki pep Seselwa pe montre atraver lefe ki zot pe vin devan pour zot konsilte oubyen pour vwar en Profesyonnel Lasante, e nou bezwen dan sa limedya adres sa bezwen. E apre atraver promosyon Lasante atraver bann progranm prevansyon mon konfyan ki a lonterm nou pour kapab stabiliz sa bann norm ek sa bann Standar otour bann sif ki soutenab pour nou pei.  Mersi Mr Speaker e mersi Onorab.

 

MR SPEAKER

Onorab Lemiel ?  Onorab Pillay ou annan en kestyon?  En dernyen kestyon siplemanter ?

 

HON STEPHEN PILLAY

I pa’n sorry Mr Speaker Minis pa’n reponn mon kestyon kot ki Minister, Minis li menm personnel pour reinstate.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, pour bann staff ki’n kit nou, nou touzour annan en laport ouver, nenport ki staff ki’n deza travay kot nou i kapab fer en demars, se ekri nou pour re antre dan travay, i depan lo disponibilite pos byensir. I depan osi lo sa Sekter akoz nou annan en kantite diferan, nou annan Allied Health, nou annan Support Services, nou annan Ners, mannyer mon’n konpran ou pe koz lo en case ki pa en Ners, alor i depan en pti pe lo si sa pos i disponib e ki progranm nou annan ki devlopman nou pe fer dan sa sekter kot sa Travayer i anvi vini, me an zeneral nou laport i ouver.  Mersi Mr Speaker.

 

MR SPEAKER

Onorab Pillay.

 

HON STEPHEN PILLAY

Non Mr Speaker, kekfwa Minis in mal konpran mon, mon pe koz lo bann ki’n ganny unfairly dismissed dan lepase enkli sa drayver ki nou pe koz lo la ki mon krwar ou okouran sa case, si fodre taler nou a koz lo la kekfwa nou ava soz, ki ou pe fer ki si in ariv bann ka kot ou’n ganny unfairly dismissed ki menm ou’n al appeal ou’n ganny ou case, ki Minis i fer dan son Minister, pa pour ou sa, pour avan, ki i pe fer pour reinstate sa bann dimoun dan zot plas travay, bann ki’n unfairly dismissed?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab e mersi pour klarifikasyon, pour parey ou’n dir pour bann Case ki’n ganny unfairly dismissed zot kapab anmenn zot Case devan, sa prosedir Gouvernman, ou anmenn devan PSAB e dan sa ka si en dimoun in ganny son Case devan PSAB mon’n konsey sa dimoun pour li ekri Minister avek son ruling PSAB e nou ava vwar ki mannyer nou kapab adres sa size.  Mersi.

 

MR SPEAKER

I kler?  Onorab Pillay ou ok?  Onorab Lemiel.

 

HON SYLVANNE LEMIEL

Mersi Mr Speaker, Minis petet letan nou pe mazin lo kote revwar Scheme me selman mwan mon ti ava kontan ganny en leksplikasyon, par egzanp lo kote promosyon bann ners petet kan ki en ners i due en promosyon, e eski zot promosyon i ganny dikte par DPA?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, an se ki konsern promosyon bann ners i annan bann kriter ki ganny mete dan Scheme of Service li menm kot apre en serten tann servis i annan en posibilite pour li ganny promosyon, me sa i depan osi lo son performans e lo appraisal ki ganny fer.

Apre i annan serten progresyon ki posib baze lo kalifikasyon ki zot annan, alors si i annan en ners ki’n fer en serten formasyon i ganny en progresyon baze lo sa formasyon, an zeneral sa ki prevwar dan Scheme aktyelman, se ki promosyon i ganny konsidere apre 3an servis koman dan en ners e apre sa i annan posibilite pour li ganny promosyon.

Me promosyon i annan bann pozisyon ki disponib, savedir i annan par egzanp en plas ki kapab vin disponib, alor sa dimoun i kapab apply oubyen in ganny idantifye pour pran sa pozisyon.  Apre i annan appraisal, bann amelyorasyon ki vini atraver bann appraisal, me enn bann eleman kle ki nou pe sey regarde dan revizyon Scheme sa i form par nide regard sa package.  Setadir ki ou idantifye en ners si i annan en Sertifika par egzanp, kan ki nou pour kapab met li pour li al fer son Diplonm e nou fer sir sa i kler ki kapab planifye son lekor. Menm zafer si en ners i annan en Diplonm, kan ki swa i kapab fer Degre oubyen i kapab fer en Course Spesyalize pour sa Sekter kot i ete, akoz i pa neseserman enteresan pour tou ners fer Degre, me i enteresan, i enportan pour li annan en Course ki spesyalize pour sa sekter kot i pe travay, alor lenportans se fer sa lyezon ant sa Scheme of Service ek sa staff endividyel pour li kapab vwar son parkour dan servis Lasante kote i pour ale.  Mersi Mr Speaker e mersi Onorab.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker. Bonzour tou dimoun sirtou bonzour tou mon bann zanmi ners mon konnen zot pe donn en kantite kouraz en pe partou dan Sesel. Mr Speaker parey ki Minis pa kontan politik menm si li menm li son louvraz i politik me malerezman mon kestyon i politik e mon regrete si mon pe ofans Minis avek bann kestyon politik, me sa i nou louvraz e Minis kekfwa kestyon pour en pe letan i ava aksepte, rekonnet sa koman nou louvraz.

Alors mon premye kestyon se, vi ki Minis i sorti direkteman dan Minister Finans e i konn tou sa ki i annan pour fer avek bidze, reveni ek depans Gouvernman, ozordi i pe dir nou ki i pa’n ganny ase dan Bidze, i pa’n ganny nanryen an plis eksetera, mon ti a kontan demande, ki Minis in fer pandan 7 mwan ki i dan sa pos koman en dimoun nouvo, avek en bann lide nouvo e inovativ, ki propozisyon in fer ziska prezan i vini pour li anmenn lefikasite dan sa Minister dan en bi pour koup gaspiyaz ek labi e diriz sa bann savings dan meyer lapey e rekonpans pour bann Travayer Lasante?  Sa i mon premye kestyon.

Mon dezyenm kestyon Minis in fer referans avek bann propozisyon ki Lasosyasyon Ners in fer resaman, e mon anvi demann li si in annan okenn keksoz, okenn senp desizyon pratik, okenn desizyon dan sa Rapor, okenn rekomandasyon dan sa Rapor ki’n amelyore oubyen ki’n komans amelyore oubyen ki annan lentansyon pour li amelyore?  Akoz Minis i dir nou i fer zis konsiltasyon, in fer en kantite konsiltasyon e i pa kontan ler ners i konsilte avek nou, i plifere ners i konsilte avek zot, me la Ners in fer en rapor, eski ou’n met anmars okenn sa bann konsiltasyon?  Mersi.

Mon trwazyenm kestyon, Minis in koz lo bann Polisi inovativ, sa se son mo, in koz lo bann Polisi inovativ ki i krwar i bezwen ganny met an mars pour amelyor sistenm Lasante, eski Minis i kapab donn nou detrwa sa bann Polisi inovativ ki li menm li in propoze avek dan Konsey Minis oubyen in propoze avek Gouvernman pour li kapab fer en diferans dan Minister Lasante ?    Mersi.

 

MR SPEAKER

Ok Minis 3 kestyon, mon zis sinyal tou dimoun ki midi in sonnen annou nou tou sey brief, Minis.

 

MINISTER JEAN-PAUL ADAM

Mersi bokou Mr Speaker e mersi Onorab, Mr Speaker lo sa kestyon politik mon pe zis reflekte sa ki bann ners pe dir. Bann ners pa anvi ki nou politiz servis Lasante.  Sa i diferan, mon pe reflekte sa ki zot in dir mon e i dan sa Rapor, i dan sa Rapor Lasosyasyon Ners zot pe demande annou pa politiz servis Lasante.

 

 

MR SPEAKER

Order ! Order !  Minis.

 

MINISTER JEAN-PAUL ADAM

An se ki konsern, Mr Speaker….

 

MR SPEAKER

Minis esper en pti moman Order ! Lo tou le de kote silvouple kestyon in ganny demande donn Minis Adam en sans pour reponn, zot annan letan pour zot demann kestyon siplemanter taler.  Minis.

 

MINISTER JEAN-PAUL ADAM

Mersi Mr Speaker, mon oule fer kler Mr Speaker osi ki mon rekonnet lenportans annan sa deba isi dan sa Lasanm, isi dan Lasanble Nasyonal, i enportan annan sa deba isi. Letan mon’n fer lentrodiksyon mon’n dir nou tou annou pa met politik dan servis Lasante se tou, akoz i en keksoz ki mon krwar nou tou nou devret dakor lo la e mon pa pe dir okenn ners osi poudir zot pa kapab konsilte avek nenport ki Manm Lasanble, dan nenport ki kote. Konsiltasyon i bon e konsiltasyon i bezwen ganny fer parmi nou tou.

Sa ki mon pe dir, se nou pa kapab vin ek bann lapros ki politiz dan en fason ki pa neseser en servis lasante ki en servis pour tou Seselwa, letan nou vin Lopital nou pa pe get ki politik sa dimoun, nou fer sir ki nou enplimant en servis ki pour tou Seselwa e sa mon kontan e mon fyer lafason ki bann ners in fer sa, mon apresye depi ler mon dan Minister Lasante poudir zot in fer sa avek tou zot leker e mwan mon donn mon langazman ki tan ki mwan mon Minis mon pa pour les sa arive.

Lo lot bann pwen an term bann propozisyon ki nou’n met devan Mr Speaker e bann Manm Onorab, mon’n deza Minis Finans me en Bidze i pa reflekte zis lopinyon personnel en Minis, en Minis Finans oubyen en nenport ki Minis, en bidze i pour nou pei, e sa Bidze ki’n ganny vote, in ganny vote par nou tou la, sa Bidze in ganny vote par tou bann Manm Lasanble pour nou pei.

E a sa moman ki mwan mon’n antre koman Minister Lasante ti napa propozisyon pour fer revizyon dan Scheme of Service bann ners pour 2 rezon.

 

  1. Scheme ti’n fek ganny revize an 2014 me bokou bann eleman ti ganny fer an 2016 li menm li ok? Alor ti en pe nouvo pour nou kapab prezant pour bidze 2017 en revizyon dan Scheme of Service.

 

  1. Dezyenmman ti annan provizyon pour nou fer Reform dan income tax ki ti pour donn en benefis reel apepre R1000.00 pour sak ners dan sa bidze.

 

E Mr Speaker e bann Manm Onorab mon konnen poudir mwan mon partaz sa lopinyon annou fer en keksoz ki meyer pour bann ners, be nou bezwen fer li atraver bann striktir, nou pa kapab zis reve pas en keksoz apre i pa dirab, nou bezwen fer li atraver Bidze, atraver en prosesis ki ganny baze lo konsiltasyon e ki osi anmenn vre rezilta.

Onorab i santi poudir dan sa 7 Mwan napa ase rezilta, mon krwar Mr Speaker e sa i pa konsern mwan, i pa mon ki’n fer sa, akoz mwan koman Minis mon pa pour zanmen dir se mwan ki’n met sa oubyen sa, me depi ler ki mon pe swiv sa Minister avek lekip ki travay dan Lasante, bann profesyonnel ki nou annan en kantite zot letan nou’n tann bann Ners ki zot in dir.

E bann ners in met devan plizyer pwen, e sa ki nou’n kapab fer, nou’n fer, nou’n sanz On Call Allowance, nou’n tir sa 5 poursan nou’n met sa 1,200 Committed Allowance apre zot in ganny zot bann hours on top of that.

Alor nou’n fer sa dek ki nou’n tande poudir sa problenm in lev-e, nou’n bouze, nou’n azir e nou’n fer, e bann Ners ki ti anmenn sa pwen devan i ava temwen poudir zot konnen sa problenm ti la, zot ti fer reprezantasyon atraver Lazans Health Care Agency e nou’n kapab fer li.

Lo nivo Gratwite sa problenm osi in ganny met devan par bann ners ki ti ganny 5an ek 10an nou’n azir, nou’n fer, nou’n met devan me nou ti napa sa mwayen pour nou fer en revizyon konplet dan Scheme of Service, sa i swiv prosedir bidzeter.   Eskiz mwan mon vwar konmsi parfwa nou kre bann lekspektasyon ki apre nou pa kapab delivre, nou bezwen koz fran ek nou pep, nou pa kapab zis dir nou pe al ogmant saler demen, oubyen vin ek en PNQ an Zen pour en Bidze ki 2018, wi i byen pour vin avek PNQ, i byen pour nou koz lo la and all napa problenm mon pour échangé lo la e mon pour re vin dan sa Lasanble e mon pour koz ek zot en fwa ki konsiltasyon in fini, mon pour koz ek zot an plis lo ki annan dan sa Scheme of Service e mon pour menm kontan si zot vin avek bann rekomandasyon, mon pour kontan pour nou ekoute e ansanm nou ava fer li ; Akoz pour nou pas Bidze, nou tou nou bezwen fer li, nou tou nou bezwen kontribye e nou tou nou bezwen met en keksoz pli devan. Me mon krwar pour sey fer krwar poudir nou ti kapab zis dir la, la en nouvo Saler ant Novanm ek Zen 2017 mon krwar Onorab sa i pa rezonnab pour nou ekspekte ki en keksoz koumsa i kapab ganny met an plas e i regretab ki i annan bann refleksyon parey.   Mon krwar plito annou reflesir lo sa bann sanzman e sa bann reform ki neseser ki nou kapab fer, an term bann Polisi inovatif Mr Speaker ki’n ganny demande premye se, an se ki konsern met an aplikasyon sa Health Information System.

Ankor Mr Speaker mwan mon pa sa dimoun ki pour vin dir mwan mon’n fer sa, mwan mon’n fer lot, mon’n fer isi, mon’n fer sela akoz mwan mon en servis lepep. E mon o servis bann dimoun ki travay dan Sekter Lasante. Se pa mwan ki bezwen vin dir mon’n fer sa, oubyen letan mon pour resign koman en Minis mon pour ale mon pour dir mon’n kapab fer sa.  Pa mon ki bezwen dir sa, nou bezwen nou Nasyon kapab montre poudir nou’n ariv lo en keksoz ki pozitiv. Se pa en keksoz personnel.

E letan nou pe koz lo sa Health Information System par egzanp, sa i enn bann Reform ki kapab pli anmenn benefis pour nou akoz i pour permet nou dan fason pli sistematik, annan tou bann lenformasyon neseser dan en fason elektronik lo nou bann pasyan, lo nou popilasyon, i pour osi permet bann Dokter annan bann lenformasyon en fason pli the real time.

En dimoun i kapab al konsilte Anse Royale son lenformasyon i ganny mete dan sistenm imedyatman e Anvil zot kapab konsilte sa lenformasyon, i pour permet nou osi adres bokou bann konsern otour file perdi par egzanp, sa i enn bann reform fondamantal.

Lot eleman Mr Speaker an se ki konsern Standardizasyon dan nou Sekter Lasante. Ankor se pa mwan ki pe anmenn sa devan, se bann Profesyonnel Lasante. Annou ekout zot Mr Speaker, annou ekout, tou bann Onorab. Annou ekout sa ki bann Profesyonnel Lasante pe dir e zot, zot pe dir ki nou bezwen viz bann standar e nou, nou pour met an plas sa bann standar e nou les sa bann Profesyonnel fer zot travay, an term sa bann standar performans dan serten ka kot i konsern bann lekipman nou pe servi bann standar ISO, dan serten lezot ka i bann Standardizasyon baze lo bann lenformasyon ki nou kapab gannyen avek WHO.  Lot eleman inovasyon  Mr Speaker se an term bann lenfrastriktir ki nou bezwen enplimante. Mr Speaker nou bezwen realis nou annan en kantite travay pour nou fer, pour nou fer bann renovasyon lo bann diferan Sant Lasante lo Lopital li menm li, i annan serten travay ki ankour, me sa ki nou bezwen realize sa lenfrastriktir ki nou annan pour Lasante i enorm, i kout bokou e i pour kontinyen kout nou plis a lavenir.

Alor enn bann eleman ki nou pour vin devan Lasanble a lavenir se lo plan re devlopman Lopital, e letan nou pe koz lo plan re devlopman Lopital i enkli bann Partenarya stratezik e inovatif ki pour osi permet nou regard serten servis dan lezot fason travay avek sekter prive par egzanp, e sa i bann eleman ki mon pour apresye en kantite ganny sa sans diskite e koz avek zot koman Manm Lasanble dan en fason sistematik.

Alor mon apresye Mr Speaker sa sans ki nou gannyen ozordi pa mal konpran mon, mon pa pe dir annou pa koze isi, mon pe dir selman annou donn sa bann Travayer Lasante zot plas, annou ekout zot.  Mersi Mr Speaker.

 

MR SPEAKER

Vi ki i deza midi 20 i annan 6 Onorab ki anvi entervenir mon pour oule zis en kestyon par Onorab. Onorab Basil Hoareau.

 

HON BASIL HOAREAU

Mersi Mr Speaker, bonn apre midi Minis avek ou Delegasyon, bonn apre midi tou dimoun, Minis mon kestyon i senp, nou’n koz lo revizyon Scheme of Service, eski ou Minister i annan en plan kot in set en dele letan kot i pour kontinyelman reviz sa Scheme, eski pour annan tou le 2an zot dir nou a revize ouswa tou le 3an, e eski sa bann revizyon ki pe ganny fer i pe ganny fer an term Public Salary Act ki provide pour dir i bezwen ganny revize at least 1 fwa tou le 5an?

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab e mon krwar i en kestyon vreman pertinan, pour le moman dan travay ki nou pe fer nou napa en provizyon spesifik ki donn sa timeframe pour revizyon nou swiv parey ou dir Public Salary Act ki dir omwen 1 fwa tou le 5an. Me definitivman dan Sekter Lasante i annan serten spesifisite ki vedir ki nou pour bezwen annan sa kapasite pour nou kapab fer bann revizyon dan en fason rapid kot i neseser e sa i pour mars en pti pe ansanm avek travay ki nou pe fer pour nou kontinyen ranforsi lotonomi Lazans Lasante, akoz Lazans Lasante i bezwen kapab dir oubyen kapab reazir vizavi en bezwen ki imedya e i bezwen kapab adres sa bann Scheme of Service oubyen sir dan en fason ki sistematik e ki an konformite avek bann Lalwa Pei me ki reflekte larealite deor akoz en Sekter Lasante i enn Enternasyonalman ki vreman konpetitif.

I souvan difisil pour ganny bann travayer ki konpetan e i difisil pour annan bann travayer ki annan sa kalifikasyon ki koresponn avek nou bezwen, e parfwa nou’n annan serten defi kot nou annan en par egzanp en ekspatriye son Kontra pe fini ki annan en serten nivo lekspertiz e parfwa i annan en letan kot nou pa kapab ranplas li imedyatman dan sa fason ki nou ti ava swete ; par egzanp akoz i annan en gran demann pour sa kalite lekspertiz ki li i annan e lo menm kote, lo kote Seselwa, nou annan nou bann Spesyalis Seselwa parfwa ki annan bann spesyalizasyon ki vreman an demann e nou bezwen fer sir ki nou kapab reflekte sa atraver Scheme of Service.

Alor enn bann refleksyon ki nou Health Care Agency in dir, se si nou kapab fer li tou le 3an, me pour le moman sa i pa konkretize dan okenn dokiman, me sa i propozisyon sorti kot zot.  Mersi Mr Speaker e mersi Onorab.

 

MR SPEAKER

Onorab Churchill Gill – en kestyon.

 

HON CHURCHILL GILL

Mersi Mr Speaker, bonzour Minis avek ou Delegasyon, bonzour tou Koleg, Minis mwan mon ti a kontan demann ou ki rasyonnel deryer sa Expat Allowance?  Rezon ki mon demann ou sa, akoz ler sa Kontra 2an in fini sa ners expatriate in ganny li R72, 000.00 as allowance par lao son saler, en keksoz ki nou bann ners Seselwa pa pe gannyen.

Alors ki rasyonnel ki zot, zot bezwen ganny sa allowance e zot saler minimum selman i reste parey nou Seselwa?  Savedir i montre la klerman poudir ler zot fer zot 2an zot pe benefisye bokou plis ki nou ners Seselwa.  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, sa expatriate allowance i reflekte poudir i annan en Marse Global pour Travayer Lasante e nou i difisil pour ganny bann ners ki lo Standar Enternasyonalman oubyen bann Dokter ki lo standar enternasyonal akoz bann Dokter osi zot ganny expatriate Allowance ki en pti pe pli o, e sa expatriate allowance i rekonnet, i reflekte lefe ki sa bann dimoun pe kit zot pei, pe kit zot fanmir, zot napa okenn lezot sipor devan zot letan zot dan pei. Mon dakor avek ou poudir i annan serten konsern ki nou kapab annan me i osi annan lezot lavantaz ki zot, zot pa gannyen par egzanp an se ki konsern bann Gratwite ki zot pa ganny ditou, avek bann propozisyon ki nou’n pe fer lo revizyon Gratwite pour Seselwa, mon krwar sa pour vin pli enteresan pour Seselwa.

An se ki konsern osi formasyon bann ners etranze pa ganny okenn formasyon, loportinite pour fer bann formasyon apard ki bann formasyon ki ganny fer sirplas, bann Training ki short term ki ganny ofer avek tou bann ners ki deza dan Lopital.

Alor definitivman Mr Speaker pour fer kourt nou plifere ganny ners Seselwa, me i an realite ki parfwa nou bezwen aziste baze lo sirkonstans ki an deor nou kontrol.  Mersi Mr Speaker.

 

MR SPEAKER

Ale Onorab Churchill Gill.

 

HON CHURCHILL GILL

Minis konbyen lannen ki en Seselwa i kalifye pour Gratwite, 5an?

 

MR SPEAKER

Minis.

 

HON CHURCHILL GILL

Savedir sa Kontra 2an la i pa dan okenn sans konmsi pe koz en problenm ki nou pa kapab donn sa Seselwa sa fasilite, akoz i zis pour 2an?  Mon krwar ou konpran ki mon pe dir ou.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, mon pa pe dir poudir i ideal nou pe zis reflekte sa ki la, akoz sa expatriate allowance i reflekte sa Standar ki nou bezwen met an plas pour nou kapab rekrit sa bann dimoun. Mon pa pe dir ki i annan en lekivalans avek sa ki Travayer Seselwa i annan, mon pe zis eksplike kwa ki annan dan enn, e kwa ki annan dan lot e atraver Scheme of Service revizyon ki nou pe sey fer, nou pe sey adres dan en fason bokou pli sistematik, bann lezot eleman otour sipor ki nou donn Seselwa a lonterm ki pour permet nou ganny sa rezilta ki nou swete.  Mersi Mr Speaker.

 

MR SPEAKER

Onorab Sandy Arrisol, en kestyon.

HON SANDY ARRISOL

Mersi Mr Speaker, mon ti a kontan demann Minis premyerman en pti klarifikasyon an term mon’n tann koz lo revizyon, bokou revizyon Scheme of Service, mon ti a kontan demann Minis si ou ti kapab konfirm ek nou Lasanble pour klarifye sa pour nou, nou pe koz, akoz letan nou kot Minister Lasante i toultan retourn o-bor, i tourn otour Ners avek Dokter.  So letan nou pe koz revizyon dan Scheme of Service eski nou pe koz pour tou travayer ki enplike dan Minister Lasante olye zis Ners avek Dokter, sa mon klarifikasyon Mr Speaker, prezan mon a demann Minis mon kestyon.

Mon kestyon pour Minis, mon ti a kontan demann li an relasyon avek overtime, mon’n tann koz overtime R60. 00 par erdtan ki konpri pour Ners, Asistan, Drayver ou nenport ki, mon ti a kontan demann Minis kekfwa akoz i R60.00 pour zot tou i mars parey menm zot annan diferan responsabilite ek diferan kad lo la?

Mon dernyen se tes medikal pour bann Travayer Lasante sirtou pour bann ners ki travay Lopital North East Point par egzanp, eski i annan en progranm pour fer nou bann ners, nou bann dimoun travay dan Minister Lasante e ofer zot e tes medikal an vi ki zot ganny ekspoze avek diferan kalite maladi avek diferan kalite dimoun?  Mersi bokou Mr Speaker.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker, e mersi Onorab an se ki konsern klarifikasyon mon’n deza site selman mon ava, mon krwar i byen nou tou nou konpran parey, i annan diferan Scheme of Service ki depandan ki staff i tonm anba diferan Scheme of Service. Alor i annan Scheme of service pour bann Ners e sa i byensir kouver en gran parti bann Travayer Lasante, nou annan Scheme of service pour bann Allied Health Professionals e sa i konsern bann travay ki annan en eleman medikal e ki souvan re nesesit lenformasyon spesyalize me i pa strikteman en ners. I pa kouver anba konsey bann Ners ek bann Saz Fanm i kouver anba Allied Health Professionals e bann legzanp, se bann Physiotherapist, bann Farmasyen, bann lekel ankor… Radiographer, bann Radiologist, bann dimoun Laboratwar, bann Health Care Assistants osi tousala i tonm anba sa Scheme.

E pour bann support staff sa i osi en lot sityasyon, sa i enkli bann drayver, bann porter and so on.

        E pour bann Revizyon, alor bokou sa bann staff ti ganny en revizyon an 2016 an se ki konsern zot allowance, savedir zot Saler de baz pa ti amelyore me zot ti ganny en amelyorasyon lo zot allowance e nou’n prevwar en lot amelyorasyon pour bann allowance pour bann staff ki pa ti ganny kouver an 2016. E sa i sa lalis ki mon ti site ki enkli, e sa i enkli bann ki Allied Health e bann Support Officers, sa i bann Health Information Assistants, Medical Porters, Incinerator Operators, Drivers, Telephone Operators, Works Supervisors, Housekeepers, Radiologist Staff, SSU Staff, savedir Surgical Sterile Unit e bann Health Care Assistants. So sa nou’n fer propozisyon pour 2018 e pour le moman dan travay ki nou pe fer avek Minister Finans apre teori i pe ganny konsidere pozitivman.

E nou pe kontinyen revwar sa bann diferan Scheme of Service e mon pa pe dir osi ki sa bann amelyorasyon ki nou pe fer i ase me i en pa dan sa bon direksyon anmezir ki nou kontinyen revwar sa bann diferan Scheme avek sa bann dimoun konsernen.

Apre an se ki konsern sa overtime, sa i depandan lo zot Pos ki rate overtime zot gannyen, parey mon’n deza dir mon santi poudir sa i tro ba konpare avek sa travay ki ganny fer, selman i baze lo lefe ki zot ganny sa 1,200 commuted savedir zot ganny 1,200 tou fason, apre par erdtan zot ganny 1,200 par mwan en, apre par erdtan zot ganny peye sa sonm R60.00 par erdtan sa pour bann ners si zot serten lezot kad zot ganny R80.00 par erdtan, apre parey mon’n dir lo konze piblik zot ganny 120 par erdtan.

Enn bann eleman ki nou pe sey regarde dan revizyon Scheme, se zisteman sa kestyon ok ? An se ki konsern tes medikal Mr Speaker nou pa ofer dan en fason sistematik pour le moman, me nenport ki staff ki an kontak avek bann risk, i kapab demande pour fer en tes medikal e nou fer sir ki nou donn li sa sipor e sa servis si i neseser.

Nou osi annan dan, zis pour re vin en pti pe lo sa pwen pour bann case spesifik, bann dimoun ki plase dan serten landrwa par egzanp North East Point, nou annan en Location Inducement Allowance ki ganny ofer e sa i R600 e sa i pour serten landrwa ki annan en serten travay spesifik ki enkli Mental Health Services, kot Psychiatric kot North East Point, Rehabilitation Services, Oncology e serten lezot ankor ok.  Mersi Mr Speaker e mersi Onorab.

 

MR SPEAKER

Onorab Sophola, 1 kestyon.

 

HON NOLINE SOPHOLA

Mersi Mr Speaker, Mr Speaker eski Minis i kapab dir sa Lasanble ki mezir ki son Minister i annan an plis dan son Scheme pour ankouraz bann ners ki vin travay La Digue pour ankouraz bann Ners Digwa pour retourn travay lo zot Zil Natal ?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab, parey mon’n dir nou annan sa Island posting allowance ki ganny peye depandan lo Zil kot sa dimoun i poste, e pour La Digue ek Silhouette sa i R600 adisyonnel par mwan, i enn bann eleman osi ki nou anvi esey adrese atraver revizyon dan Scheme of Service.

Mr Speaker mon pa konnen si i moman apropriye, ti annan en kestyon ki ti ganny demande par Onorab Afif ki mon ti pe rod sa lenformasyon, se lakantite larzan dan nou bidze pour saler ki pour ners e pour Dokter, mon ti a kontan dir ki sa sif i en sif ki en pti pe apepre akoz nou napa forseman sa, i pa en laliny dan Bidze. Alor i pa fasil pour nou kapab donn ou en sif absoliman, me en sif ki plis ou mwen korek pour bann Ners i R73 milyon par lannen, e pour bann Dokter i apepre en R64 milyon par lannen lo en total 294 milyon. E son balans i kouver lamazorite par Allied Health Services, Support Services eksetera.  Mersi Mr Speaker.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Mersi Mr Speaker. Mr Speaker dan tou sa ki Minis in dir i annan zis en keksoz ki mon dakor avek li, se letan in koz lo PNQ ek bann lezot keksoz, i vre ki PNQ konmsi i vin en pe gaspiyaz letan, akoz ou demann kestyon e ou pa ganny larepons konkret ; e mon bezwen dir ki depi bomaten mon tre dezapwente akoz bann kestyon direk ki’n ganny demande tou keksoz i ankor an konsiltasyon, tou keksoz pour vin ganny fer pli tar, tou keksoz e alor mon bezwen eksprim mon dezapwentman ki poudir nou sorti la san okenn larepons konkret me bokou filozofi ki malerezman pa anmenn nou okenn par.  Alor Mr Speaker…

 

MR SPEAKER

Kestyon Onorab.

 

HON WAVEL RAMKALAWAN

Se zisteman Mr Speaker mon anvi dir avek ou ki mon napa okenn kestyon final akoz mon pa anvi zis plis filozofi.  Mersi bokou.

 

MR SPEAKER

Ok alright Onorab avek sa mon ti a kontan Minis Adam ou le la parol…

 

HON WAVEL RAMKALAWAN

Me selman Mr Speaker si ou permet mon zis lo sa size politik mon anvi dir avek Minis ki dan sa Rapor kontrerman avek sa ki in sey fer nou konpran lo paz 8 bann Ners dan sa Consultative Forum zot in dir “We do not want political interference limiting Nurses and Midwives developmen.t ‘’ E alor sa i sorti kot zot bann politisyen ki dan Egzekitif.  Mersi bokou.

 

MR SPEAKER

Tou fason sa Rapor ki Onorab pe koz lo la in ganny sirkile, mon krwar sak Manm i annan en kopi, Minis ou ti ou le pran laparol.

 

MINISTER JEAN-PAUL ADAM

Wi mersi Mr Speaker e mersi Onorab e Mr Speaker mon’n vin devan sa Lasanble avek lespri pour nou koz lo annou rod rezilta e annou rod solisyon, Mr Speaker mon pa krwar i rezonnab pour nou koman, pour mon vin devan Lasanble pour mon annan en konversasyon lo bann detay en Scheme of Service.

Premyerman sa Draft Entern ki’n ganny fer in date le 22 Me, i ase resan e i annan bann konsiltasyon ki ankor pe ganny fer anndan dan Minister, i pa ankor ganny prezante avek bann ners, mon pa krwar i rezonnab pour mon vin prezant li devan Lasanble. E Onorab mon ti call ou yer pour mon dir ou sa, ou pa ti reponn mon telefonn, mon ti call ou pour mon eksplik ou ki mon ti pe vin dir isi, me akoz mon pe pran en lapros ki nou bezwen koze, nou bezwen koze lo bann prosesis, e nou bezwen respekte prosesis. Akoz parey mon’n deza dir mon pa kapab zis donn en saler, en increment saler demen, i en kestyon ki bezwen ganny diskite e i en kestyon ki bezwen ganny planifye e ganny fer dan en fason ki sistematik.

Mon’n fini dir avek Lasanble ki mon’n pare pour mwan re vini pour mon koz lo sa propozisyon e sa propozisyon Scheme of Service.  E Mr Speaker sa kestyon politik dan Lasante mon pa vwar okenn landrwa dan sa Rapor kot i koz lo Egzekitif mon, mon vwar i koz pa met politik dan Lasante, e Onorab Ferrari taler ti dir, li i fer politik, e mwan mon vwar lenportans Mr Speaker…

 

MR SPEAKER

Order !  Order !

 

MINISTER JEAN-PAUL ADAM

Se pour asire ki nou respekte nou bann Profesyonnel, annou ekout zot, mwan mon donn mon langazman tou keksoz ki ganny mete dan en Rapor, ki ganny met devan mon, i ganny met devan Minister Lasante, ki ganny met devan Health Care Agency nou fer tou sa travay neseser pour nou travay avek zot, avek bann Travayer Lasante pour nou rod sa solisyon. Mon osi anvi travay avek bann Manm Lasanble, tou Manm Lasanble san leksepsyon e nou kapab koze nenport ki ler, nenport ki Manm Lasanble i kapab donn mon en call nou kapab koze, nou kapab rod solisyon ansanm, me mon bezwen met Travayer Lasante premye.  Mersi Mr Speaker, mersi Onorab.

 

(APPLAUSE)

 

MR SPEAKER

Mersi, avek sa nou ava remersye Minis avek ou Delegasyon ki’n vini bomaten pour reponn ou PNQ e nou a eskiz zot apre Manm silvouple reste pour en lanons. Mersi ankor e nou eskiz zot.

 

(MINISTER JEAN-PAUL ADAM

AND HIS DELEGATION WAS EXCUSED FROM THE HOUSE)

 

 

MR SPEAKER

Bon zis pour anonse ki nou pour zwenn, well mon’n dir pour Truth and Reconciliation Committee pour zwenn dan en meeting direkteman apre ki nou adjourn la, Committee Room No. 3, so silvouple fer sir zot al laba e nou pour, nou annan 3 Urgent Question pour nou pran apre midi avek Mosyon pour kontinyen ek bann Mosyon, alor nou pour adjourn ziska 2er.

 

(BREAK)

 

MR SPEAKER

Bonn apre midi bann Onorab.  Bonn apre midi bann Onorab, Minis ek ou delegasyon.  Nou ti a kontan swet ou Minis Ledikasy9on ek Devlopman Resours Imen Minis Joel Morgan byenveni dan Lasanble.  Mersi pou ou pasyans bomaten  nou’n  fini avek Minis Adam.  E nou ava al toudswit.  Mon pa krwar ki okenn ou délégation i bezwen okenn lentrodiksyon.  Nou ava al toudswit lo kestyon Irzan No.1.  Mon a demann

Onorab Herminie pou prezant son kestyon.

 

HON WILBERT HERMINIE

Mersi Mr Speaker. Bonn apre midi Minis avek ou lekip. Prenan kont ki deadline pour Childminders pour anrezistre lo sa Scheme ek IECD pe aprose lafen Zen – (1).

Eski Minis i kapab dir sa Lasanble ki pou arive avek bann Childminders ki annan plis ki 10 zanfan?

(2) Vi ki bokou zot pa pou kapab kontinyen zot biznes avek 10 ou mwens zanfan, eski pou annan lasistans ou en Scheme pou zot soutenir zot biznes?

(3) Avek limitasyon dimoun ki pe partisip dan sa biznes, ki pou arive avek sa bann zanfan ki zot paran pou bezwen tir zot kot zot pe veye?

(4) Ki bann incentives ki bann childminders pou gannyen ler zot enrolled dan sa Scheme IECD?  Mersi Mr Speaker.

 

MR SPEAKER

Minis Morgan.

 

MINISTER JOEL MORGAN

Mersi Mr Speaker. Bonn apre midi tou Manm Lasanble. E tou dimoun ki a lekout. Mersi Onorab pou ou kestyon.

Mr Speaker dapre Lalwa Lenstiti pour devlopman Pti Lanfans 2014 ki ti vin anfors an Zilyet 2016 childminder i ganny defini konman en dimoun ki vey 4 ou plis zanfan ant 0 a 4an. E ki pe ganny en reveni pou a servis ki i pe ofer.

An kolaborasyon avek Labank Mondyal e baze lo bann norm e best practices enternasyonal, IECD an partenarya avek bann Minister, lorganizasyon ki relye avek sekter Pti Lanfans ti devlop standar nasyonal pou servis vey zanfan anba IECD National Standards on Childminding Regulations 2016.

Rezon det sa regilasyon se pou asir sekirite proteksyon, e promouvwar bon lasante swen e ledikasyon bann pti zanfan. E osi donn paran akse avek en servis de kalite e ki an sekirite pou zot bann pti zanfan. Avek laprouvasyon Gouvernman Lenstiti pour devlopman Pti Lanfans  ti met an plas en progranm konpreansiv pou  enplimant sa bann standar.  Sa pe ganny fer par faz pou donn formasyon e sansibiliz bann dimoun ki pe ofer sa servis sa servis esansyel dan sa kominote donn zot sipor pou anrezistre zot servis e pou ede amelyor kalite servis pou  bann devlopman pti zanfan.   Dapre letid Nasyonal  ki ti  ganny fer an 2013 ti annan 147 childminders Mahe, Praslin e La Digue.  Training pou sa bann childminders ouswa bann ki ti anvi vin childminders ti ganny konplete an 2016.  Ladan ti annan 99 ki ti’n vin devan pou resevwar sa training. I enportan note ki parmi bann ki pa’n vin devan, pou training i annan ki’n aret vey zanfan ouswa zot in al dan en lot lanplwa.  Prosesis lanrezistreman  pour sa group ti komans an Out 2016  e sa pou termin parey kestyon i dir lafen Zen 2017 ; savedir tou bann childminders ki resevwar formasyon  an 2016 i bezwen anrezistre par lafen Zen 2017 amwen ki zot in demann en extension ouswa i annan bann lezot rezon valab pou zot pa anrezistre.   Mr Speaker, statistik ki nou annan pou sa premye group ziska  le 16 Zen  i konm swivan.  Bann ki’n anrezistre ouswa ki eligible pou zot anrezistre i konm swivan ;  i annan 37 registered childminders.  I annan 9 ki’n ganny en extension.  I annan 13 ki’n komans zot prosesis lanrezistreman e i annan 9  ki kapab  anrezistre me pa ankor komans zot bann prosedir lanrezistreman.  I osi annan en lot diferan group Mr Speaker ki pe vey zis 3 zanfan e zot pa bezwen  anrezistre anba Childminding Registration.    I annan 12 zot ki tonm dan sa kategori.  I annan osi 6 ki’n resevwar formasyon me ki pour le moman la zot pe travay koman assistant childminder alor zot pa ankor fer okenn prosedir pou ouver zot prop childminding service.   I annan en childminder ki’n deza switch e li i pe ofer en Daycare service.   I annan 6 lezot childminder ki pe convert zot home-based childminding service pou zot vin  Daycare service.  Answit i annan 4 ki pe ofer service ki relye avek childminding,  me ki  neanmwen in ganny sa formasyon tel ki bann Holiday programs – freelance childminding,  ensidswit.  Finalman Mr Speaker, i annan 2 childminders ki pa kalifye pour zot ofer childminding servis anba sa regilasyon.   Mr Speaker baze lo sa bann statistik ki’n ganny prezante i annan 9 childminders ki pe vey plis ki 10 zanfan a sa moman.  Sa i enkli 6 ki’n komans demars pou ofer servis Daycare avek  plis ki 10 zanfan – setadir ki zot pe fer konversyon e 3 childminders ki  ankor pe vey zanfan dan lakour e ki annan plis ki 10 zanfan.  Pour sa 3 childminders avek plis ki 10 zanfan zot annan sa bann opsyon swivan ; zot kapab konsider pou ofer en servis vey zanfan an ouvan en Daycare ouswa zot kapab redwir lakantite zanfan  pou ariv 10an konformite ek regilasyon enternasyonal 2016.  Sa 2enm opsyon i pli realistik akoz i pou pran en pe letan, pou transform zot servis Daycare.  Alor IECD  ti zwenn avek sa bann childminders pou diskit sa opsyon.  Zot in ganny extension pou en peryod 3 mwan depi Zen ziska Septanm 2017 pou ed zot diskit avek bann paran e donn zot letan pou rod bann plasman alternatif.  Parey labitid en vizit pou ganny fer par zofisye IECD apre sa peryod 3 mwan pou assess zot sityasyon e en desizyon i a ganny pran baze lo lenformasyon ki’n ganny kolekte.  I enportan a sa pwen pou fer resorti ki si en dimoun i vey plis ki 10 zanfan, dan son lakour i pe komet en lofans anba Lalwa anba Childminding Service.  Pratik ki nou pa ankouraze e ki pou konpromiz swen, lasante, sekirite e proteksyon sa bann zanfan e menm met sa bann zanfan a risk.   An plis ki sa, IECD ti konstate ki pou sa bann issues pou anrezistre pou annan issues pou anrezistre  bann ki pe vey plis ki 10 zanfan.  Lenstiti alors ti organiz 2 rankont an kolaborasyon avek Minister Ledikasyon ki regilater   Servis Daycare pou nou kapab donn bann childminders ki pe vey plis ki 10 zanfan lo Mahe, Praslin bann advice neseser.  Sa miting ti fer an Out 2016 avek bi pou sansibiliz e familyariz zot e donn zot pli lenformasyon ek  lo provizyon ek standar pou en servis Daycare.  E pou ed zot fer en desizyon lo ki servis zot ti a voudre ofer ; ouswa en servis dan lakour avek en maksimonm 10 zanfan ouswa en servis dan en sant ouswa en Daycare dan lakour avek plis ki 10 zanfan.  2enm parti kestyon Mr Speaker ki bokou ki pa pou kapab komans avek 10 ou mwens zanfan, eski pou annan lasistans ou en Scheme pou soutenir zot biznes ?  Mr Speaker parey in ganny fer resorti, lakantite childminders ki pe vey  plis ki 10 zanfan dan sa group,  ki’n fini zot training i annan zis 3 pou le moman.  Mon’n deza donn sa 3 childminders extension pou redwir lakantite zanfan parey lezot childminders  in fer.   E zot touzour – sa i touzour anliny avek regilasyon  – sa standar 2016.  Pou le moman napa okenn Scheme  Mr Speaker pou asiste childminders avek plis ki 10 zanfan pou soutenir zot biznes  ler zot bezwen redwir sorti 12 – 15 ouswa plis pou vin 10.  Akoz regilasyon ki an fors i fer provizyon pou vey ziska 10 zanfan dan lakour depandan lo lespas ki zot annan ki’n ganny elabore.  3enm parti kestyon Mr Speaker, avek limitasyon dimoun ki pe partisip dan biznes ki pou arive avek sa bann zanfan ki zot paran pou bezwen tir zot kot zot pe ganny veye ?  Parey pou bann registered childminders ki bezwen retir bann zanfan an plis bann paran i kapab konsider bann opsyon swivan pou met zot zanfan dan en Registered Daycare Centre. Dan en letablisman childminding ki’n anrezistre deza avek IECD e ki annan plas pou pran plis zanfan.  Setadir petet annan 3, zot annan 4, zot annan 5 i kapab al ziska 10 zot annan bann lespas pou fer sa.

Dan en letablisman childminding ki’n anrezistre e pe vey zis 3 zanfan ki mon’n fek koz lo la. Ouswa dan lakour si zot kapab fer laranzman alternativ kot en manm fanmir.

Mr Speaker dan en tel sityasyon, IECD i fasilit kontak, pou sa bann diferan opsyon avek lenformasyon ki annan, pou asire ki okenn sa bann zanfan pa ganny kit deryer e zot pa ganny marzinalize.

IECD an kolaborasyon avek Minister pou Gouvernman Lokal,  pe an se moman fer en lodit lo bann dimoun ki ankor pe vey zanfan dan tou nou bann distrik, me ki pa ankor vin devan pou swiv sa formasyon neseser.

Sa lodit i ava ede pou enform Gouvernman lo lakantite, e lekel sa bann childminders, ki ankor pe vey zanfan. E ki kantite zanfan zot pe veye, avek bi pou ofer zot training evantyelman anrezistre zot servis dapre bann norm ki an plas.

Sa i tre enportan i tre enportan akoz zot pou napa drwa ofer sa servis san anrezistre apre en de letan ki IECD ava determinen.

Sa i touzour an prenon kont sekirite nou bann pti zanfan.

Katriyenm parti kestyon Mr Speaker ki bann incentives ki bann childminders pou gannyen ler zot enrolled lo sa Scheme IECD ? Mr Speaker i annan plizyer incentives ki Gouvernman in met an plas dan son progranm lasistans pou bann childminders  ki’n anrezistre avek IECD.

Lobzektif sa progranm se pou asiste bann childminders pou enplimant bann standar Nasyonal. E pou ede asir kalite  servis ki zot pe ofer.

Depi Novanm 2016, bann childminders ki’n anrezistre pe benefisye avek sa bann lasistans  i swivan ;

Finansyel atraver Lazans pour Proteksyon Sosyal ASP. Zot ganny R5050 ekivalan saler minimum par mwan, pou bann childminders ki pe vey 6  a 10 zanfan.

Sa lasistans i al ver anploy e pey saler en asistan. Ouswa zot R2525 par mwan ki lanmwatye saler minimum, pou bann childminders ki pe vey 4 ouswa  5 zanfan. Sa lasistans i al ver bann pti depans konsernan zot servis ki zot pe ofer.

Sa 2 lasistans finansyel i ganny peye parey mon’n dir atraver Lazans pour Proteksyon Sosyal, avek rekomandasyon sorti kot IECD.

Lasistans finansyel sorti kot Fon Nasyonal pour Ledikasyon Swen e Lasante Pti Lanfans.

Mr Speaker en Grant R10 mil pou bann childminders anrezistre pou ki’n anrezistre pou ed zot fer bann akomodasyon e adaptasyon neseser kot zot etablisman, pou rann zot etablisman an pli akeyan HR-Friendly dapre bann requirement ki annan.

Avek sa lasistans zot kapab aste bann resours edikasyonnel. E lezot materyo neseser ki zot bezwen pou devlopman bann zanfan.

Sa  bann childminders i resevwar sa konman enn one- off Grant ; ki vedir zot pa bezwen re peye. E apre 1an zot kapab refer en lot aplikasyon si zot annan bann lezot proze pou amelyor zot Daycare Centre, zot Childminding Service pardon. Zot kapab refer en aplikasyon pou ganny ankor pou en soutyen finansye atraver en Grant.

Mr Speaker sa Grant i ganny peye par Minister Finans atraver Fon Nasyonal pour Ledikasyon, Swen e Lasante Pti Lanfans, ki ganny zere par en Board of Trustees.

Lekipman tenny dife konman en lasistans pou bann childminders. Apre ki zot in anrezistre tou childminders i resevwar sa bann lekipman swivan, dapre zot bezwen baze lo en odit, ki bann Zofisye IECD i fer pandan vizit familyarizasyon an kolaborasyon avek servis tenny dife sovtaz.

Zot ganny ziska 2 smoke detector, en fire extinguisher avek en alarm.  En manual gong ki zot kapab servi pou evakyasyon ki annan dife.

Sa bann lekipman i form parti bann requirement dan standar Nasyonal. E osi lo akomodasyon sorti kot Lazans Servis Tenny Dife e Sovtaz.

Sa donasyon lekipman to ganny prezante avek IECD an Zen 2016 Mr Speaker, a lokazyon Lafet Zanfan par Fon Nasyonal pour Ledikasyon Swen e Lasante Pti Anfans.  Tou bann lekipman i ganny distribye avek bann childminders par IECD.

Dernyen benefis Mr Speaker. Se bann paran.  Apre  Means Test ki ganny fer par Lazans Proteksyon Sosyal, bann paran i kapab ganny R500 par zanfan ki dan childminding service ouswa dan Daycare.  Sa i avek bi ed zot pou fer sa servis vin pli abordab pou zot.  Mersi Mr Speaker.

 

HON WILBERT HERMINIE

Mersi Minis pou ou larepons detaye. Mon ti annan en pti siplemanter pou bann dimoun ki, parey bann mis lekol ki sirtou dan lakres ki vey zanfan apre ler, eski zot tonm anba sa Scheme?

 

MINISTER JOEL MORGAN

Mersi Mr Speaker. Mr Speaker non zot pa tonm anba sa Scheme. I annan en lot Scheme kot Minister Ledikasyon i pey zot en allowance pou zot vey zanfan kot lekol apre ler.  Mersi.

 

MR SPEAKER

Onorab Aglae.

 

HON EGBERT AGLAE

Mersi Mr Speaker.  Minis enn bann rekomandasyon ki mon rapel byen ki’n ganny mete anba bann kriter pou kapab enrolled koman childminders ki ou lokasyon byensir ki zot pran konsiderasyon grander e osi lo en baz bann baz edikasyonnel sa servis ki sa childminders i bezwen ofer sa zot donnen dan bann training.

Alor mon kestyon, ki petet bann incentives ki zot pe vin avek nou konnen ki IECD sa childminding i pa en biznes ki pou profitab li menm.

Ki petet bann keksoz adisyonnel ki zot pe mazin fer a lavenir pou kapab ed sa bann childminders ki ler zot in fini registered pe fonksyonnen. Sirtou pou zot kapab ganny serten materyo edikasyonnel, lo en baz kontinyel. E an menm tan fer serten upgrade kot zot in ganny demande sirtou kot i konsern bann twalet, bann fasilite kot zot kwi manze. Dan sa laliny koumsa.  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker bann incentives ki nou kapab ofer primer man se anba sa Grants Scheme.

Kot apre en premye lannen ki zot operasyonnel zot kapab fer en nouvo aplikasyon pou en 2enm Grant pou zot kapab rod bann lekipman edikasyonnel ouswa bann materyo edikasyonnel an plis.

Ouswa pou zot kapab fer bann lezot amelyorasyon, ki zot bezwen avek zot letablisman.

E sa i kapab ziska R100 mil. Zot kapab demann en  Grant .ziska R100  mil, depandan lo zot bann bezwen. E sa i ganny access. E answit si tou keksoz in mars dapre bann requirement zot kapab ganny zot Grant pou zot kapab extend zot servis. Ouswa amelyor zot servis, an plis ki sa.

    Sa i an plis ki sa bann incentives. Fodre nou mazinen ki tou lemwan si zot annan 6 a 10 zanfan ki zot pe veye. Zot ganny osi sa R5050 pou ede pey zot asistan.

E si zot annan 4 a 5 zanfan zot ganny zot 2525 pou ed zot avek zot prop depans.

So i annan sa bann lasistans osi ki vin tou le mwan atraver sa lazans Proteksyon Sosyal. Sa Scheme Lazans Proteksyon Sosyal ki anfors.  Mersi.

 

MR SPEAKER

Onorab Valmont.

 

HON JUDE VALMONT

Mersi Mr Speaker. Bonn apre midi. Bonn apre midi Minis delegasyon. Bonn apre midi tou koleg Onorab. E bonn apre midi tou Seselwa ki a lekout.

Minis mon’n ekout atantivman ou repons kestyon Onorab Hermine. Mwan mon annan en kestyon mon osi mon’n tann ou nonm [rankont ki zot in fer avek bann childminders.

Mwan mon ti a voudre konnen si eski zot in fer okenn rankont avek paran pou ekout zot konsern?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker avek ou permisyon. Mersi Onorab. Wi i annan 2 rankont avek bann paran konsernen.  Sirtou lo sa group ki bann zanfan i bezwen ganny met dan bann lezot Daycare ouswa childminding service in annan rankont avek zot pou eksplik zot en pe sityasyon. Vwala lenformasyon ki mon annan.  Mersi.

 

MR SPEAKER

Onorab Vidot.

 

HON AUDREY VIDOT

Mersi Mr Speaker.  Bonn apre midi Mr Speaker, tou Manm Onorab, Minis ek ou delegasyon e tou ki a lekout.

Minis mwan mon kestyon i, eski Lazans i annan en fason pou zot kapab ed bann childminders oubyen ki’n al lo sa parey opsyon Daycare.

Si i arive kot i annan zot annan en mankman an term teaching, teachers ki pou okip sa bann zanfan. Akoz i annan enn petet in al lo en rezon medikal pou en bon pe letan. swa i pe trete pou en maladi parey kanser ou ensidswit.

Eski i annan en fason ki zot ed sa dimoun ganny en supply dan en sityasyon kot i mank dimoun pou okip son pou ed li fer son biznes kontinyen marse. E pou okip sa bann zanfan.  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker si i ariv en lanpesman pou en rezon medikal ouswa en lot rezon avek sa childminder pou le moman nou napa nanryen ki pou step in pou ed li pou soutenir li pou li kapab kontinyen run son childminding service. Ki en servis enportan en neseser.

I en keksoz ki nou ava regard ladan. Nou kapab sey rod bann plasman bann dimoun pet annan en.   dimoun ki kapab step in avek lagreman childminder pou li kapab run sa servis pandan letan ki sa dimoun pa la.

    Me nou bezwen fer sir ki sa dimoun ki step in osi in met bann kriter in ganny sa formasyon neseser. Pou asire ki li i kalifye pou li kapab vey sa bann zanfan osi.

Tout an gard antet ki proteksyon nou bann pti zanfan i primordyal dan tousala.  Mersi.

 

MR SPEAKER

Onorab Vidot.

 

HON AUDREY VIDOT

Zis en pti siplemanter. Prenon kont ki sa pa ankor ganny materyalize, zot kapab konsidere ; eski ti a byen osi petet dan zot Polisi si sa napa prenon kont ki zot bann regilasyon i en pti pe strict, in terms of lakantite dimoun ki pe vey lakantite zanfan.

Ti a byen osi zot vwar en pti pe lo kote leksepsyon, an term bann sityasyon parey si i arive.  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker.  Mr Speaker bann regilasyon aktyel i par egzanp i annan plizyer paramet bann plizyer eleman en ?.

Enn – se laz sa bann pti zanfan. Par egzanp bann pti baba 3 mwan a 1an. pa kapab vey plis ki 2 dan en childminding service.

Epi i annan en lot regilasyon lo kote lasante. Bann tes lasante. I annan bann requirement osi lo kote evalyasyon psikolozik pou fitness for purpose pou sa dimoun  ki pe donn sa childminding service.

Epi i annan lespas ki en kontrent prensipal. E la dan pe mezir lespas, tou bann lespas ki sa bann pti zanfan i occupied i ganny met ansanm. I ganny totale ansanm. Setadir si dan salon, dan lasanm, and so on.

E zot ganny 2 met kare par zanfan. Ki vedir ki si ou pe vey, si ou annan 10 zanfan ou bezwen annan en total 20 met kare a dispozisyon sa bann zanfan.

    Now sa i dapre en bann norm enternasyonal ki an plas ozordi.  Pou note ki bann pei parey Grande Bretagne – par egzanp dan L’Angleterre childminding service pa annan  drwa annan plis ki 3 zanfan.

Me zot annan bann alternativ natirelman zot annan Daycare ki byen devlope.  E sa i en keksoz ki osi nou bezwen fer dan nou pei se bouz devan, lo annan plis Daycare, dan bann diferan distrik.  Pou asire ki nou kapab letan pou tou bann paran ki annan bann zanfan ki bezwen al dan en servis childminding ouswa Daycare.  Mersi.

 

MR SPEAKER

Onorab Lemiel.

 

HON SYLVANNE LEMIEL

Mersi Mr Speaker. Bonn apre midi Minis avek ou delegasyon.

Minis mwan mon ti a kontan konnen si eski childminders i lib pou zot fer zot pri ; Sarz bann paran pou vey zot zanfan oubyen si sa osi i ganny regle par IECD?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker pri childminding parey pri Daycare tou lede i pa ganny regle  par Lalwa.

I ganny mete a diskresyon sa dimoun ki pe ofer sa servis Daycare ouswa childminding, pou li set son pri e i baze lo en baz konpetisyon ant bann diferan servis ki pe ganny ofer.

E osi kalite sa servis ki pe ganny ofer. Sel keksoz ki Gouvernman i step in pou ede redwir en pe kou – i soutenir sa saler minimum 50/50 pou sa asistan childminder ouswa 2525 pou sa dimoun ki pe vey 4 a 5 zanfan. So i donn li sa subsidy.

Apre bann paran ki ganny Means Test ki eligible . zot ganny zot sa R500 par zanfan. Pou ed zot pey kou childminding.  Mersi.

 

MR SPEAKER

Onorab Arrisol.

 

HON SANDY ARRISOL

Mersi  Mr Speaker. Bonn apre midi Minis. Bonn apre midi tou dimoun ki a lekout.

Minis mon ti a kontan demann ou en pti kestyon an relasyon avek bann childminders. Letan mon’n koz avek enn dan mon distrik in fer mon konpran en keksoz an relasyon avek letan i annan sa group zanfan ou’n mansyonnen zot veye 0 a 4an.

Me parfwa letan zot in vey sa menm group zanfan 0 a 4an sa zanfan i al lakres. Prezan paran i get zot pou vey sa zanfan apre ler.

Par egzanp. Eskize Mr Speaker, zis pou mon kapab eksplik Minis pou li konpran mon kestyon.

Konmsi sa menm group zanfan ki ou’n veye depi 0 ziska 4an. sa group zanfan in gran, zot in al lo staz Lakres aprezan.

Prezan paran in sitan annan konfyans dan sa childminder ti vey son zanfan depi 0 ziska 4an. prezan i anvi ki menm childminder i zet en pti koudey lo son zanfan apartir 2:30 ziska 5er letan li i sorti travay pou ranmas son zanfan. Oubyen menm parfwa dan vakans.

Me i paret-mwan ki sa pa akseptab avek IECD. Mon ti a kontan Minis  kekfwa ou donn nou en pti leklersisman lo la silvouple.  Mersi Mr Speaker.

 

MR SPEAKER

Minis petet ou a leklersi sa pwen.

 

MINISTER JOEL MORGAN

Mersi Mr Speaker.  Mr Speaker lenformasyon ki mon annan se ki bann childminding service  ouswa  bann Daycare service ; anba regilasyon zot napa drwa pran zanfan adisyonnel pandan bann ler ki zot pe operate. Normalman sa ziska 4er.

Prezan apre sa bann ler sa i pa anpese. Setadir si i annan bann paran ki anvi anmenn zot zanfan apre sa bann ler pou  sa peryod letan, i pa anpese.

Akoz zot in fini operate zot childminding service ouswa zot Daycare service. Me selman, me selman bann zanfan ki par egzanp ki lakres zot fini lekol 2:30, so definitivman i annan en mankman la. Ki nou bezwen sey vwar ki mannyer nou kapab adrese. Apard lefe ki dan bann lekol i osi annan en servis ki pe ganny ofer or i bezwen dapre regilasyon i bezwen annan en servis ki ganny ofer [par sak lekol, pou asire ki bann ,zanfan i kontinyen ganny veye ziska 3.30 ziska 4er, ouswa ziska 4.30 ler paran i vini kolekte zot.

So mon ava regard sa Mr Speaker nou a regarde ki solisyon nou kapab vin avek.  Mersi.

 

MR SPEAKER

Onorab Sophola.

 

HON NOLINE SOPHOLA

Mersi Mr Speaker. Bonn apre midi Minis ek ou lekip. Minis avan mon al en pe pli lwen zis pou azout lo sa ki  Onorab Arrisol in dir, i vre i annan sa problenm. Me solman par egzanp La Digue sa problenm i pli grav. Ler dan vakans, ki zanfan i reste unattented paran pa konnen kote pou mete. E nou napa landrwa.  Mersi.

Mr Speaker mon kestyon i konm swivan. I vre ki i annan bann zanfan, bann dimoun kim pe vey zanfan ziska la ki pe vey apepre 3 zanfan. Me solman zot pa tonm dan kategori childminder oubyen bann Daycares.

Eski zot pe ganny asiste? Si wi ki led ki zot gannyen ? E si non eksplike akoz ?    Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon’n note sa premye pwen ki Onorab Sophola in fer resorti. Ki i en problenm pou bann paran letan vakans. Menm pou bann zanfan mon’n note. Menm pou bann zanfan ki pa lao 4an pandan vakans i annan en difikilte. Akoz paran i al travay. Zot napa bann landrwa pou zot kapab met zot zanfan.

    So sa i en keksoz ki nou bezwen regarde. Annan délavant nou bezwen kapab annan en sistenm an plas ki fer provizyon, pou bann zanfan ki annan 5an, ki annan 6an, 7an ki pa kapab reste dan lakour tousel. Ouswa ki pa devret reste dan lakour tousel, pandan ki paran in al travay pandan vakans.

An sa ki konsern sa 2enm parti kestyon Onorab Sophola Mr Speaker ; bann childminders ki pe vey 3 ouswa mwens zanfan, zot pa tonm dan sa kad legal pou lemoman.

Si ou annan 4 ou plis la ou tonm dan sa kad. Setadir zot pa resevwar okenn soutyen finansye.  Okenn benefis ouswa okenn incentives pou lemoman.

Me sa i en keksoz ki osi dan lavenir nou bezwen regarde. Akoz ler nou ti fer sa letid.  Ti annan sa 547 ki mon’n koz lo la an 2013 la.

I annan bokou ki pe vey sa. Lo kote paran.  Zot kit avek dan  lakour avek paran ouswa avek fanmir bann keksoz koumsa. Me i annan neanmwen bann pe zis vey pou 3.  So nou bezwen osi anmezir ki nou devlope anmezir ki nou al an de-lavan anmenn sa bann dimoun e ankadre zot.  E fer sir ki sa bann zanfan osi ki anba sa servis 1 a 3 zanfan i ganny menm kalite proteksyon.

Bi sa bann regilasyon se pou protez nou bann zanfan. Pou fer sir zot dan lanvironnman ki sen e sof pou zot.

Si nou bezwen osi donn sipor sa bann childminders dan lavenir. E nou a regarde ki mannyer nou pou travay sa lo la pou kapab fer sa arive.

Me mon dakor ek sa pwen. Mon krwar i en pwen tre enportan.  Mersi.

 

MR SPEAKER

Onorab Esparon.

 

HON REGINA ESPARON

Mersi Mr Speaker. Mr Speaker mon ti a kontan ki Minis i eksplik nou dan ka kot i annan en childminder ki pe vey 10 zanfan e parmi sa 10 i enkli enn son zanfan pou li.  Akoz li osi i  en manman li.

Eski sa zanfan osi i ganny konte parmi sa 10, oubyen i kapab pran zis sa ki pou li i fer 11?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker si dan sa fanmir i annan sa childminder i annan son asistan zot annan 10 enkli enn son prop zanfan i a fer 11. Si i annan en manm fanmir ki kapab get en koudey lo sa zanfan alor i ok.

Me si i napa en manm fanmir i tonm konman en servis ki pe donnen kantmenm i pe vey son prop zanfan i still en childminding service pou son prop zanfan. Mon konnen i sound en pti pe ridikil.  Me solman lefe ki Lalwa i dir 10 zanfan.  E nou bezwen al fer amelyorasyon avek regilasyon. Fert bann sanzman dan regilasyon pou dir 10 plus 1, si ou annan en zanfan ouswa 10 plus 2, si ou annan 2 zanfan ki anba 4an.

So i en keksoz ki nou kapab regarde.  Me pwen kritik la se lespas. Si i annan sa 2 met kare par zanfan pou son lespas. Natirelman mon krwar konman en manman konman en childminder i pou vey son zanfan.  So nou ava regard sa osi pou lavenir ki mannyer nou kapab petet travay ankor en pe lo sa regilasyon.  Mersi.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker. Bonn apre midi Minis ek ou delegasyon. Minis lanfaz i paretman pe ganny mete lo Daycare dan lefitir.  Eski ou Minister in fer en legzersis pou gete par distrik ouswa par rezyon konbyen Daycare pou bezwen ?

E si sa i leka, eski ou Minister i lyez avek Minister Gouvernman Lokal pou idantifye bann  landrwa ; swa bann building ki egziste ouswa si building pa ankor ganny fer pou kot building kapab ganny fer. Kot i kapab lwe ek bann dimoun ki anvi rent bann daycare services. Eski sa in ganny fer ?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker.  Mr Speaker wi mon annan sa lenformasyon. Annefe statistik ki mon annan i montre ki ozordi nou annan nou  1441 zanfan ki dan Daycare ki dan nou pei. Atraver 26 Daycare Centres dan nou pei. E i annan nou en Daycare Centre dan plizyer distrik i annan bann ki annan 2. Me i annan Daycare Centre i annan distrik osi ki napa Daycare Centres.

E la nou Anse Aux Pins, Bel Ombre, Cascade. Glacis i annan me nou ankor pe travay lo kote ki mannyer pou fer sa sanzman re-lokasyon Daycare.

Grand Anse Mahè, Grand Anse Praslin, Perseverance, Le Mamelles, Port Glaud, ek Roche Caiman.

So nou annan nou 10 distrik kot nap en daycare service aktyelman ki montre en mankman.

Dan sa 10 nou annan proze pou Glacis. I deza annan sa Daycare la me selman i annan sa lokasyon biro DA avek Daycare pou met Daycare pli pre avek Lakres.

So i pou annan en swap la. En swap over  e sa pou ganny fer.

Grand Anse Mahè i dan PSIP pou 2020. Grand Anse Praslin i pou sa lafen sa lannen konmansman lannen prosenn, akoz i annan en proze Spesyal ki’n ganny finanse pou Grand Anse Praslin pou Daycare.

Perseverance i dan PSIP pou 2019. E Roche Caiman i dan PSIP pou 2019 osi.

Savedir i pou reste nou Anse Aux Pins, Bel Ombre, Cascade, Les Mamelles ek Port  Glaud.  E la nou bezwen konman en Gouvernman revwar sa, dan en fason ki nou asire ki i annan omwen dan sak distrik dan en dele letan pli kout posib. An term lenvestisman ki Gouvernman in fer atraver Minister Gouvernman Lokal en Daycare. Akoz sa i en servis neseser esansyel menm pou bann paran.  Mersi.

 

MR SPEAKER

Onorab Ferrari ou annan en kestyon relye avek pou Onorab Hoareau ? Sorry  en pti moman Onorab Ferrari mon’n devre donn Onorab Hoareau.

 

HON BASIL HOAREAU

En kestyon en pe pli spesifik Minister ou’n nonm Bel Ombre. Kan ki eski pou Bel Ombre en Daycare Centre i kapab ganny met available. Akoz mon konnen i annan detrwa dimoun aktyelman ki’n deza anvi operate en Daycare  fasility Bel Ombre.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker pou lemoman i annan zis bann standard design pou bann Daycares ki nou annan.

Savedir nou annan en official design ki nou kapab servi konman pou Daycare pou konstri en Daycare.

Me napa Bidze, napa finansman pou lemoman ni lannen prosenn pa ankor progranmen dapre progranm ki Minister Gouvernman Lokal in donn mon pou Daycares. Pou konstri en Daycare Bel Ombre.

Me sa i en keksoz parey mon’n dir nou bezwen revwar. Akoz i enportan ki sak distrik i kapab donn en fasilite Daycare pou sa bann paran. Akoz ler nou mazinen bann paran i lev-e granmaten bezwen anmenn zot zanfan dan en lot distrik sanz bis pran en lot bis pou al travay. Apre midi i vin menm zafer ankor, sanz bis repran en lot bis pou retourn dan lakour. I konplike i fer lavi dimoun difisil.

Mon krwar nou bezwen re travay sa e fer sir ki omwen nou annan nou en Daycare dan en dele letan dan en prosen 3an tou nou bann distrik. I ganny kouver avek en Daycare ki kapab kit enn ou plis.

Akoz prive i annan drwa vini en ?   Napa nanryen ki anpes zot antre avek zot prop batiman pou ofer en servis daycare. Par egzanp si en dimoun pe fer en batiman … plus 2 i kapab fer en Daycare dan son ground floor.

So i annan tou sa bann posibilite. E mon krwar nou bezwen kontinyen pouse, pouse pou sa arive.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Zisteman mersi Mr Speaker. Mon kontan vwar ki Onorab Basil pe plan son Eleksyon dan 18an. Pe travay lo bann pti zanfan deza. Sa i en bon keksoz.

Non Minis mon kestyon si zisteman sa ki ou fek dir dernyerman la.  I annan en sityasyon kot menm en Daycare dan en distrik pa pou sifizan.

Sa ki mon pe demande, si ou pa krwar ki Gouvernman i devret angaz zot avek bann prive.  Pou sey ankouraz zot lo sa kalite servis. E rod fason avek zot pou pas bann bayer Planning – ou konnen i vreman difisil pou serten dimoun ki napa sa fasilite.  Ki mannyer Minister Ledikasyon pe i an vi adopte en lapros proaktiv. Akoz nou konnen i telman enportan pou bann manman pou zot al travay ki zot annan sa fasilite.

Solman mon pe rod proaktivite Gouvernman eski ou annan en ou kapab re asir Lasanble lo la silvouple. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker annefe nou annan en posibleman en proze en tel proze ki pou demare.  I annan en dimoun ki Anse Aux Pins ki’n montre en lentere pou li fer en PPP ouswa en joint venture avek Gouvernman,  pou devlop landrwa kot Lakres ti ete lontan o-bor lekol la.  Pou fer sa vin en Daycare. Me osi pou annan bann lezot keksoz komersyal ladan. E mwan mon pe ankouraz sa.  Mon krwar it is the way to go. 

Vi ki Fon Lenvestisman pour Gouvernman i limite, nou annan en kantite lezot demann lo Bidze.  Nou bezwen vir, nou bezwen al ver Sekter Prive.  E ed zot e fasilit sa. Ou’n nonm Planning – ou’n nonm konmsi bann lobstak ki annan.

Mon krwar nou bezwen ansanm  fer sir ki nou annan premyerman en keksoz proaktiv nou devret kapab fer, se  annan en bann plan standar, ki en dimoun i kapab zis vini off the shelf pran sa plan – Oule fer en Daycare pou 100 zanfan pou 50 zanfan, pou 120 zanfan, ou annan bann dimansyon neseser ki ou kapab zis scale li up or down. Pou kapab fer ou Daycare.

Epi nou bezwen annan bann BOQs – bann Bill of Quantities, bann costings, pou asire ki nou ed sa bann dimoun. E sa bann plan i bezwen osi ganny pre- approved par Planning Authority. So vwala bann keksoz proaktiv ki nou kapab fer.

Lo kote finansye sa i en lot zafer. Akoz i depan bokou lo kestyon loan avek bann Lenstitisyon Finansye, bann Labank DBS.  I pli difisil pou nou fer sa.

Me lo kote fasilit bann prosedir, bann design lo kote Gouvernman mon krwar nou kapab fer li  e mon a pran sa sizesyon.   Mersi.

 

MR SPEAKER

Onorab Gill i relye avek sa enn? Go ahead.

 

HON SIMON GILL

Mersi Mr Speaker.  Mr Speaker dan menm laliny. Mon krwar nou bezwen al pli lwen ki sa. Kontrer mon’n bliye dir bonn apre midi.  Me eskize. Bonn apre midi.

Mon krwar nou bezwen al pli lwen ki sa. Si nou annan plan pou nou konstrir Daycare dan dizon sis distrik. Konmsi nou pou fer bann Daycare rezyonal, pa konnen.

Mon pe assume ki nou konnen egzakteman ki kote nou pou bezwen met Daycare. Bon annou go public avek sa. Nou pe dir piblik vwala. Gouvernman pou lemoman napa finansman pou li kapab konstrir sa bann fasilite dan bann distrik.

Nou pe estimen ki pou kout tan. E lekel bann parti prenan ki enterese pou fer lenvestisman dan sa bann lenfrastriktir ?

Akoz finalman i nou zanfan, se nou ki pou benefisye. Anfenn kont, pei. E sa bann dimoun i ava kapab vin devan.

Annou tir li dan bann biro dan bann file kot i été e go public avek li.  Pou ki an retour nou a gete konbyen dimoun ki vreman enterese pou fer lenvestisman dan bann lenfrastriktir.

E Gouvernman byensir i ava rantre, e donn son kontribisyon baze lo bann diferan ka.

E ler nou go public ankor enn fwa i ava evite  dir poudir nou’n donn zis enn de nou bann dalon pou fer lenvestisman.

Tou dimoun i ava’n ganny li equal opportunity pou zot kapab rantre e vin devan. Si fodre bundle 3, 4, 5, zot ansanm ou bundle 3, 4, 5, 6, zot ansanm,  Me the bottom line se ki proze i realize e Gouvernman ek Sesel i benefisye, bann zanfan i benefisye. Vwala mon kontribisyon Mr Speaker,  dan sa laliny.  Mersi bokou.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker wi mon krwar i totalman korek ki nou’n bezwen parey Onorab Ferrari, Onorab Gill in dir. Nou bezwen vin pli proaktiv lo sa size. E rod fason pou nou piblisite ankouraz bann lenvestiser, bann dimoun ki le met larzan dan bann fasilite Daycare. Parey mon’n dir i pa zis neseserman zis en Daycare. I kapab bann lezot keksoz ki vin avek. Ouswa ki endepandaman bann lezot fasilite komersyal. Provided ki meet bann standar.

Annou rod bann dimoun an deor ki enterese pou rantre dan sa lenvestisman. Ouswa ki enterese pou kree sa fasilite. Epi rent out, lwe avek en dimoun ki anvi run en Daycare business

Lafason ki ozordi i ganny fer sa i ganny fer atraver Minister Devlopman Minister Gouvernman Lokal e mon Minister, lo kote Departman Ledikasyon.

I annan bann bids ki ganny mete. Bann dimoun i fer zot soumisyon. E sa i ganny evalye dan en fason transparan, pou gete s i zot meet bann kriter, si zot annan bann requirement ki zot bezwen ki bann lof ki zot pe fer.  I annan en Komite ki ganny etablir  e sa i ganny fer dan en fason transparan, as to alokasyon. Par egzanp en sant pou Daycare.

    So sa i ganny fer konmela. Me mon napa okenn issue Mr Speaker. Lo kote annou al de lavan donn plis piblisite e fer li dan en fason totalman transparan. Akoz finalman nou tou nou benefisye ler nou fer li koumsa.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  Bonn apre midi Minis avek ou delegasyon. Annefe mon kestyon i lo menm laliny avek en pti pwen ki Onorab  Hoareau ti pe koz lo la. regardan Daycare. Minis si mon pa tronpe mon krwar dan Ladres Bidze ti annan en larzan ki ti’n ganny bidzete pou ki Daycare Grand Anse Praslin ki ti sipoze ganny fer sa lannen.

Me la mon tande ou pe dir ki sa Daycare pou konmans nek lannen prosen. Mon krwar mon a donn ou donn ou en pti pe  bann challenges ki nou pe fer fas avek Praslin sirtou avek sa nouvo Lalwa childminding ki pe vin anfors.

Nou pe ganny en difikilte ou kapab dir bann landrwa childminding pa komode sa kantite zanfan ki annan Praslin.  Bokou paran pe vwar li dan difikilte. E nou, nou  ti ‘n ganny dir poudir sa Daycare ti pou konmans sa lannen. Mon pa konnen ki kontrent ki Minister pe fer .fas avek.  Kekfwa Minis i kapab donn nou en pti pe leklersisman lo la as to why ki sa Daycare son konstriksyon in ganny anvoye lannen prosen olye sa lannen. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker.  Mr Speaker mon ava klarifye. Sa Daycare Grand Anse Praslin i en Daycare ki pou baze lo en model modern, pou bann fasilite pou bann pti zanfan.

E i annan sa Trust Fund All Child Care Education Trust Fund ki ti lans en lapel pli boner sa lannen. Nou ti fer miting. Ti lans en lapel avek bann dimoun dan Lendistri Konstriksyon, e bann lezot partner dan bann sekter ekonomik, pou nou kapab vin ansanm pou kontribye dan sa Fon pou nou servi sa larzan osi pou kapab built sa Daycare ; akoz i pou en, lefe ki i pou vin en Daycare modern son kou en pe eleve. Dapre Bill  of Quantities ki ti ganny etablir.

Now i pou konmanse an 2017. Akoz bann plan tousala in fini al devan kot Planning and, so on. Konstriksyon i anvizaze pou konmanse. Sa ki mon ti pe koz lo la se kan i pou vin an servis ?   I a vin an servis nou prezimen ver lafen 2018 milye a lafen 2018 depandan lo ki mannyer keksoz i deroule.

Me selman nou pou demar li osi to ki ou kapab la. I deza annan larzan dan PSIP pou sa.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  En lot konsern ki plizyer paran in met devan mon, sirtou lo kote Praslin ;  bokou bann paran zot travay avek lotel e menm public holidays ouswa Sanmdi ek Dimans zot pe travay. Ki mon pe gete eski Minis i kapab get dan posibilite ki bann daycare sirtou ki pe ganny run par Gouvernman i kapab osi ouver dan public holidays ou Sanmdi avek Dimans. Eski i  posib?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker.  Mr Speaker i en bon pwen sa.  Akoz menm nou tonm dan menm sityasyon ler zanfan i dan vakans. Ouswa ler paran pe travay pandan public holidays ouswa weekend.  Sirtou bann Lendistri  Tourizm e petet lezot sekter osi. Napa okenn lanpesman ki a sa moman defann en operater en childminding ouswa en operater Daycare. Pou ofer sa servis Sanmdi Dimans ouswa pandan konze piblik.

I totalman a diskresyon sa operater pou li ofer en tel servis. E petet sa ki nou kapab fer se  nou kapab rankontre zot e vwar avek zot si nou kapab a ankouraz zot. Sirtou kot i annan demann pou ofer sa servis dan bann zour  ki konze  piblik ouswa dan weekend.  Mersi.

 

MR SPEAKER

Onorab Valmont i relye avek sa ki Onorab Woodcock in demande? Ale.

 

HON JUDE VALMONT

Yes Mr Speaker. Mersi bokou. Minis mon ti a zis voudre fer en sizesyon pandan vakans mon krwar mon ti koze pandan letan Bidze, mon ti dir.

Petet ou Minister i kapab travay avek Minister Kiltir osi. Mon konnen zot annan bann libraries ki zot run bann pti progranm dan vakans.

Sa i kapab anmenn en soutyen pou bann sa bann paran zanfan pandan letan vakans.  Mersi.

 

MR SPEAKER

Minis.

 

MINISTER JOEL MORGAN

Mr Speaker wi i kapab ede dan en sans. Me nou bezwen asire ki sa bann zanfan dan bann par egzanp lo nivo bann library zot a en laz konvenab pou zot al library zot tousel san bezwen ganny en sipervizyon en adilt la. Akoz zot annan nou bezwen responsab pou sa bann zanfan.

So petet pou bann zanfan ki en pti pe  pli aze – petet 7an 8an an montan zot kapab pran sa opsyon.

Me pou bann ki ant 4an a 7an 4an  6an i pou en pe pli difisil.  Mersi.

 

MR SPEAKER

Onorab Georges.

 

HON BERNARD GEORGES

Mersi  Mr Speaker.  Bonn apre midi tou dimoun. Mr Speaker mon ti a kontan tou dabor eksprim mon satisfaksyon lo sa lankadreman legal ki ganny met an plas pou bann childminders ziska 10 zanfan.

I annan 2 ou 3 zour mon’n vizit en childminding, en childminder dan mon distrik. E mon devret dir ki fasilite i tre apropriye e bann kondisyon, bann lasistans i konvenab, e i en lankourazman. E mon ti a kontan ankouraz Minister dan sa direksyon.

Mon kestyon relye a sa se, mon pe ekout lapant sa kestyon lo childminding avek Daycare. E mon ti a kontan si Minis ti a kapab dan en premye lye dir lekel ki Gouvernman i prefere.

Eski Gouvernman i anvizaze en pti parey Onorab Hoareau in demande – al towards Daycares eksklizivman  oubyen eski pou annan toultan childminding konman en opsyon ; pa selman  ler napa Daycare. Me menm ler i annan Daycare konman en lot opsyon pou dimoun ganny fer sa konman en biznes. E pou paran ganny en landrwa pou met zot zanfan.

E an sa ki konsern  Daycare, avek ou permisyon Mr Speaker mon ti a kontan eksplik en pti pe sityasyon mon distrik ki enn sa bann ki napa Daycare e ki mon’n pran li lo menm – kekfwa Minis i konnen.

Pou mwan angaz mwan avek Gouvernman pou fer en Daycare.  E mon’n dir find me the site e mwan mon ava al lev fon, pou nou fer nou Daycare.

E sa proze i deza lo latab Gouvernman. Me malerezman i lo latab Gouvernman depi en letan de sa.  E i pa ‘n bouze pou 1 ou 2 rezon.  Mon  ti a kontan Minis ganny ou leklersisman lo la silvouple.

Enn se ki en fasilite Daycare li tousel an mwayenn konmela i bidzete ant 4 a  R6 milyon. E mon krwar at the top end se sa enn Grand Anse Praslin ki ase ser.

Donk i en lenvestisman konsiderab.  Me dan sa laliny eski Minis ti ava ankor enn fwa an prenon kont enn bann sizesyon in ganny fer apre midi la, pou mon distrik me pou lezot distrik osi ki kapab fer en Daycare ansanm avek bann lezot aktivite komersyal.

E mwan mon’n propoze ki olye fer zis en Daycare, nou kapab fer 3 oubyen 4 unit, pou lwe avek dimoun bann zenn bann pti biznes dan nou distrik.

E fer en keksoz ki ava anmenn non selman lanplwa. Me osi en fasilite dan sa distrik. Donk eski Minis i kapab ed nou e dir nou si se dan sa direksyon ; dan direksyon Daycare ki nou pe ale ? E an menm tan eski nou pou annan touzour en vole childminding.  Mersi Mr Speaker.

 

MR SPEAKER

Minis.

 

HON BERNARD GEORGES

Mersi  Mr Speaker.   Mr Speaker nou napa en preferans lo Daycare ouswa childminding.

Nou vwar ki i annan en plas dan lakominote pou tou lede. Daycare i en pe pli ser.  Akoz kou lenvestisman e osi son regilasyon ki kontrol en Daycare son nivo. Par egzanp lo nivo bann lekipman. Nivo lenstriksyon ki zot bezwen donnen. bann education materials pou bann zanfan dan en daycare i pli o.

Bann fasilite i en pe plis an term bann requirement anba regilasyon pou Daycare. Konpare avek en home-based childminding service.

E nou rekonnet pou dir i annan en nesesite dan lasosyete, dan bann kominote pou tou lede.

Alor pou reponn sa kestyon nou napa okenn lapliferans spesifik e nou ankouraz annefe en konbinezon tou lede servis dan lakominote.

Mr Speaker an sa ki konsern pou distrik ; Les Mamelles mon pa okouran fodre mon vwar avek Minister responsab pou Gouvernman Lokal. An term Sit.

Malgre se nou ki regilater se zot ki zer devlopman bann Daycare. Setadir konstriksyon and so on.

Me mon krwar nou bezwen kapab vwar en site dan tou bann distrik parey mon’n dir.

I bezwen annan dan distrik enn ouswa plis landrwa kot nou kapab ofer en servis Daycare.

E la mon pou anmenn sa eleman komersyal.  Parey mon’n dir o komansman, i toutafe fezab. Pou annan en Daycare par egzanp lo ground floor. E bann lezot aktivite komersyal o-bor lo ground floor osi.  E osi par lao.

    So nou bezwen rod bann formil ki kapab asire ki nou kapab fasilit devlopman bann Daycare.  E mon ti a kontan remersye Onorab Georges pou son linisyativ ki’n pran. Mon krwar i en tre bon keksoz.

E sertennman si i annan okenn lobstak ki pe anpes sa bann kalite partenarya al de lavan mon ava fer le neseser Mr Speaker popu nou kapab rezourd sa. E pou nou bouz o pli vit posib.

Mon krwar ki bann letablisman prive. Ki annan komersyal ek Daycare as long zot meet bann requirement pou sa Daycare – napa okenn problenm nou devret kapab les sa go ahead.  Mersi.

 

MR SPEAKER

Onorab Georges ou annan en leklersisman ?

 

HON BERNARD GEORGES

Mersi Mr Speaker. Mon ankouraze mon krwar fairness i obliz mon dir ki annefe en sit i ganny propoze par Gouvernman Lokal. E mon kapab dir ki i zis deryer legliz L’Assemblee De Dieu an fas avek nou Sant Kominoter. Ou plito an fas avek en morso later ki’n anrezistre lo Parti Lepep.  E ki vid e i ti ava en zoli landrwa pou nou Daycare. Me ki ou a fer nou pa ava… beggars can’t be choosers.

    Me en linisyativ en konmansman in ganny fer.  Sa ki mon ti ava sizere se Minis si ou ti kapab pous li en pe silvouple.  Akoz nou pa’n bouz bokou.  Mersi

 

MR SPEAKER

Minis ou’n note osi.

 

MINISTER JOEL MORGAN

Note Mr Speaker.  E mon a fer mon mye posib. Me pou lezot distrik osi parey mon’n donn sa commitment. Nou ava travay pou idantifye tou bann landrwa apropriye pou nou kapab bouze lo la.  Mersi.

 

MR SPEAKER

Onorab Ernesta.

 

HON PAUL ERNESTA

Mersi Mr Speaker. Bonn apre midi Mr Speaker, Minis Ek ou delegasyon e tou bann koleg dan MNAs e tou dimoun a lekout. Mr Speaker mon kestyon pou Minis i konm swivan. I nonm pli boner 2 kriter si oule. Ki en dimoun i kapab anrezistre konman en childminders. In koz lo lespas lo lakantite zanfan.

Mon kestyon eski i annan lezot kriter ankor ki ganny konsidere petet kapab ale al rod en dimoun kapab anrezistre.

Apre dezyenmman. In nonm serten group dimoun ki pa ankor swa zot dan process zot pa ankor apply pou zot anrezistre.

Ki bann kontrent sa bann dimoun pe fer fas avek?  Mersi Mr Speaker.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker bann kriter prensipal se i vize lo safety bann zanfan bann pti zanfan.

E la nou annan sa problenm, nou annan sa kriter lespas 2 met kare par zanfan.

Nou annan nou osi sa limitasyon 10. Akoz provizyon i pou dan en domestic environment. Setadir kot en lakour.

Normalman sa ki’n ganny determinen, se ki 10 i en limit rezonnab. Pou avoid over crowding e pou avoid bann lezot danze dan lakour kot bann zanfan i kapab al deor avek 2 dimoun ki pe vey zot pou annan bann danze kot zot kapab tonm anba miray. Ouswa zot kapab ganny dimal bann keksoz koumsa.

E osi sa kriter lo kote lanvironnman li menm akoz bann Daycare i dan en lot lanvironnman konpare avek childminding service.

En childminding service i dan lakour dan lakominote. Savedir ou annan bann vwazen o-bor. Ou annan bann dimoun ki pe reste toultour normalman kot sa childminding service i ete.

Sa ankor i vin en lot limitasyon. Akoz i annan bann lezot fakter sosyal. Ki nou bezwen pran kont i annan bann danze osi ki nou bezwen pran kont, pou asire ki nou protez bann zanfan.

    So i en pe tousala ki’n ede pou etablir sa regilasyon ki nou’n koz lo la, pou asire ki nou annan en childminding service ki sen an term son lasante pou bann pti zanfan.

Me osi ki sof ki nou sof gard zot a tou moman. Akoz enn fwa ki en paran in konfye son zanfan dan en childminding service nou bezwen asire ki sa zanfan i garanti pou dir i pou ok dan sa landrwa.

Lo ou 2enm kestyon ou kapab repete silvouple Onorab. Mon’n mank sa.

 

MR SPEAKER

Onorab Ernesta.

 

MINISTER JOEL MORGAN

Ok mon’n gannyen. Bann ki annan  lanpesman. Wi. I annan bann ki pe fer travay konstriksyon, zot pe agrandi ouswa zot pe amelyor zot landrwa. I annan bann ki pe pending zot medical ouswa zot police check ki pending. I pe ganny fer i ankour konmela i pe ganny fer.

I annan bann ki osi napa en telefonn en fixed-line ki i en requirement kantmenm en fix mobile. I akseptab i pase.

Epi lezot i annan bann lo kote administratif bann prosedir ki zot pa ankor fini fer. Zot pa ankor ranpli zot form zot pa ankor submit whatever.

So vwala en pe bann rezon prensipal akoz zot pa ankor kapab ganny anrezistre. Ouswa vin devan pou anrezistreman.  Mersi.

 

MR SPEAKER

Onorab Stephen Pillay.

 

HON STEPHEN PILLAY

Mersi Mr Speaker. Bonn apre midi Minis ek ou delegasyon e tou dimoun.

Mon kestyon i en pe lo laliny Onorab Gill Simon Gill ki’n dir ki i bann tender met o kler. Ki tou keksoz i transparan.

Akoz nou osi Au Cap nou pe sey idantifye en landrwa pou nou fer childminding services. E le problenm ki ou gannyen ti lakizasyon se ki parey Onorab i dir. Ler tender i ouver i pa ouver open pou tou dimoun konnen.

Eski Minis pou fer en sistenm kot ler ou pou ouver tender pou bann childminding tou bann tenders ki dimoun ki’n tender parey Minis Finans in propoze i la pe gete. Akoz dan lepase tender i ouver zot donn dalon pou dalon fer tender parey pou zot ganny sa tender ki zot pe mete pou childminding.

Si Minis i kapab donn en garanti pou en open tender kler e parey Onorab i dir dan latransparans pou tou dimoun konnen pou dir vwala mwan mon’n fer koumsa e mon lekel ki pou ganny sa tender.  Mersi Mr Speaker.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon le fer distenksyon ant Daycare la avek childminding

. Pou Daycare i bann open tenders. Sa i ganny advertise. E zot al devan Tender Board dapre lenformasyon ki mon annan la. I al devan Tender Board e zot ganny i ganny deside baze lo bann bids ki zot in fer pou operate sa service.

Prezan lo kote childminders sa i pa pas atraver en prosedir tender. Akoz i bann endividi zot menm zot ki pe fer zot childminding service. Ouswa zot in asosye avek en lot dimoun pou ofer en childminding service.

    So sa i akoz i home-based i pa ouver sa. A nenport ki dimoun i kapab apply nenport ki nonm i kapab apply pou fer pou ofer zot childminding service kot zot parey leka konmela.

Me solman wi pou re asir Onorab Pillay, mon pe donn sa garanti ki nu a fer open tender nou fer sir ki tou bann prosedir open tender i ganny swiv.

E ler  bann bids i ganny ouver ler tou dimoun i prezan

pou sa. Mon ava take sa.  Mersi.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon ti le retourn lo the gist  of the question ki’n ganny demande.  Akoz mon pa oule mix le 2 childminding avek daycare. Mon ti a kontan demann Minis ki zot fer lo nivo Minister Ledikasyon pou ed bann childminders ki bezwen tranzisyon pou sorti from childminder to a Daycare. E prenan kestyon ki Onorab Simon Gill in demande sirtou dan sirkonstans kot sa bann dimoun in deza pe fer sa aktivite zot menm zot annan zot landrwa se zot. Ki zot pe sey fer pou ankouraz sa bann dimoun oubyen ki mekanizm pe sey met an plas pou ki sa bann dimoun i kapab ganny en starting point – pou zot kapab kontinyen.

La par egzanp Mr Speaker mon fer referans ek bann landrwa kot i annan o dansite popilasyon par egzanp parey Upper North East Point. Ki’n annan en Komite ki’n grandi me ki ou annan en childminder ki ti pe ofer en servis enportan pou sa bann dimoun. Sirtou par lefe ki letid ki ICD ti fer ti demontre ki nou annan en kantite bann single mothers ki servi bann childminding service bann single mothers nou konpran pou dir difikilte pou zot ler zot retourn travay pou pran 2 bis 3 bis pou ariv kot childminder pou pran zot zanfan.

So en pti pe ki zot pe fer pou zot kapab ed sa bann childminders. En bann sirkonstans koumsa ki annan zot prop later san ki Gouvernman bezwen rod en site, pou zot kapab tranzisyon from en childminder to a Daycare Centre pou zot kapab okip sa kantite zanfan.

Akoz at the end of the day si pou okip 5 zanfan sa bann dimoun pou bezwen al rod en alternativ elsewhere e i pou difisil pou zot prenon kont stil lavi.  Mersi Mr Speaker.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker annefe sa pe ganny fer. Dan bann statistik mon’n prezante taler, nou’n vwar pou dir i annan en childminder ki’n fini fer son konversyon pou li vin daycare.

E nou annan 6 lezot ki an prosesis pou zot sorti childminding service pou vin en full-fledged Daycare Centre.

Savedir i annan deza sa ki pe arive. E ki bann keksoz ki nou fer se nou fer sa soutyen. Nou fer sa gidans lo nivo Minister responsab pou Ledikasyon, Departman responsab pou Ledikasyon.

E osi avek ICD nou annan sa formasyon pou sa bann dimoun pou kapab fer sa tranzisyon pou sorti Daycare pou sorti childminding pou al Daycare.

    So i annan en prosesis kot nou soutenir sa bann dimoun pou zot bouze pou ofer en servis pli elarzir atraver en Daycare Centre.

I bezwen petet .nou ranforsi serten eleman sa. Pou kapab fer sir ki nou, nou atrap lanmen sa dimoun all the way akoz petet sa dimoun napa sa leksperyans, sa konesans. Nou’n koz lo bann lobstak taler ki in fer resorti lo nivo Planning and so on. I annan bann lobstak osi lo kote finansman. Pou en dimoun kapab devlop son Daycare i bezwen pran en bank loan

E parey nou konnen bann to lentere i so high i telman o i fer li pratikman tre difisil, pou en dimoun kapab fer sa.

    So i annan bann lezot lobstak ki nou bezwen esey si monte osi. Me nou ava travay pou nou kapab asire ki nou ankouraz bann dimoun ki anvi fer sa tranzisyon kontinyen fer li.  Mersi.

 

MR SPEAKER

Onorab Pillay.

 

HON SEBASTIEN PILLAY

Wi Mr Speaker zis en pti pwen siplemanter. Minis ou’n tous lo sa size ki mon krwar fondamantalman i sa problenm ozordi, se lefe ki ozordi pou li kapab sa fer sa tranzaksyon sa dimoun i rankontre plizyer difikilte kot i bezwen lyez avek Planning fer bann diferan keksoz. Ki mon pe propoze si zot ava dakor ki zot met an plas en sistenm en pti pe plo proaktiv kot zot kapab fasilit i pa kontour bann regilasyon. Me pou fasilit son akse avek bann Lotorite konsernen pou ki i kapab move son proze en pe pli vit. Akoz si non i vreman fasil pou sa bann dimoun dir plito mon pa fatig mon, akoz i tro konplike. E mon pa anvi kontinyen.

E zis an pasan Minis ou’n mansyonn konversyon oubyen mouvman an Daycare Glacis avek diferan distrik.

Eski ou kapab donn mon en commitment lo en timeframe spesifik oubyen eski pli tar dan sa Lasanble ou vin pronons ou lekor lo la?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon krwar i neseser nou’n koz lo proaktivite wi. Mon krwar i neseser ki mon Minister i kapab ofer en servis fasilitasyon. Parey Onorab Pillay in dir. Pou nou kapab bokou proaktiv pou ed sa bann dimoun fer sa switch. Fer sa tranziksyon pou zot sorti childminding pou al Daycare.

E mon ava met an plas en servis dan Minister. Pou ede avek sa i pou konpri plizyer eleman. I annan son eleman regilasyon parey i annan  son eleman bann fasilite li menm li. E son eleman lenfrastriktir. So mon ava fer le neseser, pou nou kapab attend sa lobzektif.

An sa ki konsern sa issue Daycare Glacis. Dernyen lenformasyon ki mon annan ver Minister responsab pou  Gouvernman Lokal se ki zot pe finaliz sa switch kot sa Daycare ki la actually aktyelman ki pa pe ganny servi. I ava ganny switch over pou vin kot lakres i ete ozordi pou vin pli pre ek lakres e kot actually i ete la. I ava vin bann lezot fasilite pou ladministrasyon distrik. So mon napa plis lenformasyon lo la pou lemoman Onorab, me selman mon kapab rod sa lenformasyon. E fer li disponib a Lasanble Nasyonal.

 

MR SPEAKER

Dernyen kestyon Onorab Pillay.

 

HON SEBASTIEN PILLAY

Mr Speaker parfwa i pa vreman en kestyon. Me mon ti a kontan enplor Minis fer pledwari ki zis fer sir ki nou si nou pou al dan Lekol Glacis mon konpran. Me si nou pou al kot biro distrik i été i annan en larivyer lanmenm la o-bor. I annan tou bann mezir safety ki bezwen ganny pran. Zis fer sir ki tou sa bann mezir i ganny prenan kont dan en Bidze pou sa proze, pou ki pa i pa retard ankor pou plis letan. E pou ki nou still bezwen espere ki sa fasilite i ofer pou dimoun Glacis.  Mersi.

 

MR SPEAKER

Minis.

 

MINISTER JOEL MORGAN

Dakor Mr Speaker mersi.

 

MR SPEAKER

Dernyen kestyon sorti kot 3enm Onorab Pillay dan Lasanble.

 

HON PATRICK PILLAY

Mon ti a kontan konnen Minis pou Anse Boileau si mon memwar e bonn. Mon ti tande dan Bidze ladres Bidze ki pou annan en nouvo Daycare Anse Boileau.

Pou lemoman sa landrwa kot i annan Daycare kot bann manrmay i ete i pa konvenab. I pa izyenik. Mon’n vizite i annan en kantite problenm lenfrastriktir.

Petet ou ti a kapab donn nou en detay lo Leta sa proze, ki ti ganny anonse pou distrik Anse Boileau.

 

 

MINISTER JOEL MORGAN

Onorab Pillay, Mr Speaker. Mwan remersye ou pour ou kestyon. I en tre bon kestyon sa annefe, parey nou’n vwar dan lalis dan bann Daycare ki mwan annan aktyelman la. Mwan a zis verifye si ou donn mwan en minit.

Nou annan nou en Daycare i apel My Early Years ki pe ganny lwe avek Minister devlopman kominoter dan Anse Boileau pour le moman.

E parey ou’n dir Mr Speaker, i annan nesesite pour nou kapab re devlop sa fasilite dan Anse Boileau. Si ou donn mwan permisyon, mon ava rod plis lenformasyon lo la akoz i pa lo mwan PSIP dapre ki mon’n ganny donnen la pour Anse Boileau pour en nouvo Daycare. Mon a bezwen rod sa lenformasyon e mwan a retourn ver ou e ver Lasanble pour donn sa lenformasyon siplemanter. Mersi.

 

 

MR SPEAKER

Mersi Minis. Mon krwar zabitan kaptenn Boileau a kontan. Nou al nou lot kestyon ki pour Minis Morgan, sorry Onorab Henminie.

 

HON WILBERT HERMINIE

Mersi Mr Speaker. Mr Speaker mon ti kapab fer en sizesyon dan lespri letan vi ki sa de kestyon i preski dan menm laliny – eski mon sizere ki Minis i kapab pran tou lede ansanm? Mersi Mr Speaker.

 

 

MR SPEAKER

Nou ti’n mazin sa e tan i relye ou kestyon e kestyon Onorab Lemiel, be mon annan lenpresyon, Mr Minis ou a koriz mwan. Mon annan lenpresyon ki Minis i anvi pran sa 2 kestyon separeman.  Minis gid nou en kou. Nou osi annan sekretarya, nou ti’n mazinen i tre pros nou ti kapab fer li ansanm. Me mon’n ganny dir ki Minis ou ti a prefere pran li separe. Dan sa laliny ki Onorab Herminie in dir ou kapab gid nou. Eski oule pran li separeman?

 

MINISTER JOEL MORGAN

Non Mr Speaker pa neseserman mon ok. Nou kapab pran li ansanm.

 

MR SPEAKER

Ok tre byen. Mersi. Avan nou pran en break alor mon a demann Onorab Lemiel pour lir ou kestyon. Prezant ou kestyon, par la swit, Onorab Herminie a prezant pour li. E Minis, parske i vre i annan en overlap e par la swit Minis a respond. Onorab Lemiel.

 

HON SYLVANNE LEMIEL

Mersi Mr Speaker. Mwan kestyon i al koumsa. Avek sa logmantasyon dan lakantite lager ant zanfan lekol segonder partikilyerman lekol segonder Anse Royale. Nou pe osi vwar involvement paran. Eski Minis pour Ledikasyon i kapab dir sa Lasanble enn; ki son Minister pe fer dan limedya pour rezourd sa bann problenm ki pe vin tre alarman.

(2) Ki Polisi Minister Ledikasyon pour deal avek bann tel sityasyon vi ki sekirite lezot zanfan e ansennyan i a risk ?

(3) Si i annan okenn Lalwa pour bann paran ki vin fer problenm avek lezot zanfan e ansennyan dan lakour lekol ? Mersi.

 

 

MR SPEAKER

E petet nou al toudswit lo 3enm Kestyon Irzan pour ozordi, e mon a demann Onorab Herminie pour prezant ou kestyon.

 

HON WILBERT HERMINIE

Mersi Mr Speaker. Avek logmantasyon bann kes kot zanfan pe fer bann gross misconduct dan lakour lekol, tel ki lager ek teachers, an posesyon drog e osi anmenn leksplozif lekol, ki plan Minister pour deal avek sa bann tel ka? Eski Minis i annan plan set up en task force spesyal pour deal avek sa bann tel problenm, vi ki bann ansennyen pa ekipe pour deal avek sa bann sityasyon? Ki mekanizm ki an plas pour siport e anmenn rekour pour bann teachers ki fer fas avek bann sityasyon koumsa. Mersi Mr Speaker.

 

 

MR SPEAKER

Minis ou annan laparol.

 

MINISTER JOEL MORGAN

Mersi Mr Speaker. Mr Speaker mon ava pran sa kestyon an sekans, sa 2 kestyon an sekans. E mwan a komans avek Anse Royale epi ki pour merge dan kestyon English River osi. Mr Speaker ler en lensidan i arive kot en lekol e en lofans i ganny komet, se lekol ki annan sa responsabilite pour behavior management. E pour pran aksyon an swivan bann prosedir ki’n ganny etablir dan en dokiman ki apel Whole School Behavior Management Policy 2010.

Sanksyon i ganny aplike dapre bann prosedir anba sa policy. Anliny avek sa Polisi, i annan serten lensidan ki lekol i refer avek Minister pour fer bann swivi neseser. Sa bann swivi i enkli rankontre etidyan avek zot paran, e management lekol, ganny mete dan bann progranm pour etidye avek bann problenm konportman, rod lasistans servis ki lezot lazans i ofer. E aplik sanksyon pli sever kot i neseser.

Pour lekol segonder Anse Royale baze lo bann lenformasyon ofisyel ki Minister in resevwar avek management lekol bomaten pour 2017 ziska prezan, in annan 13 ka lager. Ki enplik en total 34 zanfan lo en popilasyon 836 etidyan ki fer apepre 4.2 poursan popilasyon lekol, in enplike dan bann lensidan lager.

I enportan pour rekonnet ki Minister napa pouvwar pour rezourd tou problenm lagresyon parmi bann etidyan. I annan en kantite fakter ki kapab kontribye pour en zanfan antre an konfli avek en lot. Me devwar Minister pour met prosedir e striktir an plas, pour anpese ki sityasyon konfli i lev-e kot i posib, pou reazir dan en fason apropriye e rapidman ler en tel sityasyon i arive.  I osi devwar Minister pour asire ki son staff i ganny formasyon apropriye pour zot kapab desarz zot responsabilite, bann topik tel ki devlopman zanfan ek classroom management i form parti formasyon, de-baz en ansennyan.

Progranm devlopman profesyonnel ki enkli bann seksyon, bann sesyon ki fer tou le semenn dan tou lekol, en si bann training organize par Minister e lezot partner tel ki NCC i donn loportinite pour ansennyan e lezot staff lekol agrandi zot konesans dan topik ki relye direkteman ou endirekteman avek konportman zanfan.

I annan lezot fakter enportan ki Minister Ledikasyon napa pouvwar pour kontrole, tel ki sityasyon sosyal dan lakominote, sityasyon dan lafanmir, sityasyon familial, lanvironnman kot sa zanfan i ete, e desizyon ki bann etidyan zot menm, zot fer. An plis ki sa latansyon, e sans pouvwar ki vin avek piblisite ki sa bann zanfan i gannyen ler zot enplike dan bann tel lensidan atraver medya sosyal par egzanp, i annan tandans ranforsi sa bann konportman endezirab.

Mr Speaker 2enm parti kestyon ki polisi Minister Ledikasyon pour deal avek bann tel sityasyon, vi ki sekirite zanfan e ansennyan i a risk.  Mr Speaker pour adres bann tel sityasyon, bann Lenstitisyon Skoler i ganny gide par bann provizyon ki ganny trouve dan Whole School Behavioral Management Policy 2010 ki baze lo bann prensip fondamantal ki karakteriz nou sistenm pastoral dan bann lekol.  Sa i bezwen ganny met azour pour kapab pli byen adres sityasyon aktyel dan sa lemonn ki nou pe viv ladan ozordi. Keksoz in evolye, e nou bezwen reviz sa dokiman.

Mr Speaker, Minister i dan prosesis pour ranforsi lenplimantasyon bann striktir pastoral tel ki Kod Kondwit pour bann lekol primer segonder, Disiplinaries Committees dan bann lekol, Special Needs Support Teams dan bann lekol. Forum pour etidyan e management dan bann lekol avek bi pour fer sir ki zot fonksyonn dapre zot manda e bann terms of reference ki’n ganny etablir.

Pour ede pli byen asir sekirite lezot etidyan e ansenyan dan lakour lekol, Minister i bezwen revwar sistenm sekirite dan lekol an zeneral, pour ki risk bann tel agresyon, i ganny minimize dan lavenir. Sa i ava osi fer an kolaborasyon avek nou bann partner, tel ki Lapolis e bann Lakonpannyen Sekirite ki pe travay dan bann lekol.

3enm parti kestyon; si i annan okenn Lalwa pour bann paran ki vin fer problenm avek lezot zanfan e ansennyan dan lakour lekol ?  Mr Speaker Lartik 86 dan Education Act 2004, i fer provizyon kot paran, ouswa okenn manm piblik ki mal konport li vizavi en etidyan ouswa en manm staff dan lakour lekol i komet en lofans anba Lalwa, e i kapab ganny prosekite. I osi annan plizyer Lartik dan Kod Penal ki fer en lofans kot en dimoun i kapab ganny arête e prosekite pour bann lensidan tel ki vyolans, lensilt, andomaz propriyete piblik, fer dimal en lot dimoun, ouswa a pozisyon drog, ouswa an posesyon en zouti danzere.

Mr Speaker avek permisyon mon  a pas lo dezyenm kestyon, Onorab Herminie ki konsern zanfan lekol ki fer gross misconduct dan lekol tel ki lager ek teachers, an posesyon drog e osi lezot keksoz parey leksplozif dan lekol. Ki plan Minister pour deal avek bann tel ka?

Mr Speaker. Sa ki pli irzan pour Minister, se pour annan en sant reabilitasyon permanan kot bann etidyan ki annan problenm konportman ki grav, i ava kapab ganny bann sipor e bann soutyen, e bann formasyon, e bann reabilitasyon neseser. Koman en Minister nou pe enplimant nou 3 Behavioral Intervention Programme ki mon’n deza prezant avek sa Lasanble oparavan pour bann zanfan ki pe manifeste sa bann kalite konportman aktyelman. Me sa i pa ase. Mr Speaker pour le moman, nou pe fer sa ki posib lefe ki nou pa ankor  ganny sa sant me mon ti a kontan osi enform Lasanble ki travay pe ganny fer annefe la maintenant pour nou kapab etablir sa sant kantmenm lo en baz, lo en landrwa tanporer, o pli vit posib.

E mon espere ki avan lafen sa lannen nou ava kapab etablir sa sant e staff li osi donn li son complement staffing ki neseser pour kapab met sa an mars. Koman en Minister i enportan ki nou aplik sanksyon pour tou etidyan ki fer lofans dan menm fason e dan en fason ekitab, e zis. A sa pwen mon ti a kontan fer en lapel avek tou dimoun pour donn nou sipor. E ed nou pour nou kapab mentenir disiplin dan nou bann lenstitisyon edikasyonnel. I pa ede Mr Speaker, ler bann paran i pa aksepte poudir zot bann zanfan in konport zot dan en fason inakseptab, e zot vini zot fer problenm dan lekol avek bann teacher ki pe egzakteman esey ed zot bann zanfan pour kontinyen lo en bon semen, kontinyen lo en bon laliny. Mon krwar nou bezwen demann paran pour osi pran zot responsabilite kot i neseser. Pa tou paran natirelman kot i neseser pour zot kapab asire ki sa bann zanfan kot zot annan rezon, zot annan rezon. Me kot zot napa rezon bann teachers osi i bezwen kapab ganny sa soutyen avek bann paran.

2enm parti kestyon – eski i annan plan pour set up en task force spesyal pour deal avek sa bann tel problenm vi ki bann teachers pa ekipe pour deal avek bann sityasyon ?   Mr Speaker Minister Ledikasyon napa lentansyon pour set up en task force as such. Par kont Minister in angaz li pour annan bann group sipor dan bann lekol segonder kot bann Lazans dan lakominote ava travay avek sak lekol anver lankadreman bann etidyan. Annefe mon Minister in deza komans bann diskisyon avek Minister Lafanmir, e lezot NGO pour nou kapab attend sa lobzektif.

3enm part kestyon; ki mekanizm ki an plas pour siport e anmenn rekour pour bann teachers ki fer fas avek sa bann sityasyon ?   Mr Speaker en ansennyan ki fer fas avek en tel sityasyon i tromatiz li en kantite. E i afekte son abilite pour li kapab delivre son bann leson e pour li kapab fer son travay dan en fason san lafreyer.  Dan bann tel sityasyon prosedir ki an plas, se ki i raport avek son headteacher dabor, e sa i devret enkli lezot striktir gouvernans lekol tel ki School Council. Si i neseser apre sa pwen la. I santi pour dir i bezwen plis rekour, sa ansennyan i kapab ganny re fer, ouswa i kapab vin direkteman li menm li kot Minister, kot i ganny sans vwar Direkter Lekol Primer, ouswa Direkter Lekol Segonder. Oubyen Direkter zeneral pour en antretyen e pour counseling. Nou annan bann servis dan lekol. Dan Minister pardon, nou annan bann servis psikolog ki kapab osi travay avek sa teacher, e depandan lo sityasyon Mr Speaker sa ansennyan osi i kapab ganny refer avek bann lezot servis pour ganny sipor psikolozik ; sipor medikal, ouswa swen medikal kot i neseser, pour li kapab kontinyen fer son travay.

A sa pwen Mr Speaker, mon ti a kontan zis fer en komanter zeneral avek ou permisyon ; mon deplor bann lensidan vyolans e lager ouswa bann lezot lensidan lensilt dan bann lekol. Mon krwar nou’n ariv en staz dan nou sistenm ledikasyon kot nou tou nou bezwen dir i nepli akseptab ; i nepli akseptab pour bann zanfan konport zot dan en tel fason sirtou avek vyolans, e bann paran osi konport zot dan en tel fason kot zot vin fer problenm ouswa zot vin aggress, ouswa menm ensilte bann teacher.

Mr Speaker mon krwar lakominote an zeneral nou bezwen adopte en lapros nou pa tolere bann tel keksoz e nou soutenir travay ki nou bann ansennyan, sa travay difisil ki nou bann ansennyan pe fer dan bann lekol pour asire ki nou bi prensipal ki ledikasyon nou bann zanfan i ganny antreprann. Nou pa kapab annan bann lekol kot toulezour ou annan bann lensidan ki pe arive. Dan bann lekol ou annan 500 lensidan ki ganny rikorde dan en lannen. Ou annan 600 lensidan ki ganny rikorde dan en lannen atraver bann aksyon bann zanfan, ki mank zot konportman, ouswa ki mank disiplin anver zot bann peers, zot bann lezot etidyan, ouswa anver bann teachers zot menm. Alor Mr Speaker mon krwar i neseser ki nou tou nou pran konsyans sa problenm e nou travay ansanm e nou adopte en lapros avek bann paran ki en pe pli, plis strik dan lavenir, pour anpes sa bann keksoz arive o tan ki posib. Mersi.

 

MR SPEAKER

Mersi Minis. Mon ganny lenpresyon ki sa size e sa de kestyon ki relye, tou le de irzan, i pour sisit bokou deba, e bokou kestyon. E mon ti a kontan sizere ki vi ki 3er edmi in sonnen, nou pran en pause kafe, e nou retournen 4er pour nou pran kestyon direk. Parske mon krwar nou tou si i enkli yours truly i osi i ava demann kestyon lo la. Alor nou a pran en break. Nou a retournen 4er pour nou kontinyen avek deba. Minis eski i ok avek ou pour retournen 4er?

 

MINISTER JOEL MORGAN

Wi Mr Speaker i ok. Mersi.

 

MR SPEAKER

Mersi.

 

(BREAK)

 

MR SPEAKER

Bon nou a repran, nou a kontinyen avek nou bann kestyon ki’n, wi ki’n ganny demande par Onorab Lemiel, ek Onorab Herminie.  Nou a pran premye kestyon siplemanter from Onorab Lemiel.

 

HON SYLVANNE LEMIEL

Mersi Mr Speaker.  Minis mon ti a kontan konnen depi ler sa Act 2004 i an plas – eski in deza annan okenn paran ki’n deza ganny prosekite.

E dezyenmman eski sa Code of Conduct ki dan sa Polisi 2010 in deza ganny evalye?  Eski i efektiv?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker lenformasyon ki mon annan se ki depi sa nouvo Act Ledikasyon i an plas 2004, i annan 2 ka selman paran kot in ganny prosekite pour bann aksyon ki zot in pran lo nivo lekol ki’n vin an kontravansyon Education Act li menm li. E eski sa Kod Kondwit i efektiv?

Mr Speaker mon ava dir wi. I efektiv dan lesans ki sa ki dan sa dokiman la, Code of Conduct for Secondary Schools i definir tre klerman bann drwa, bann responsabilite, e bann konsekans bann aksyon par bann etidyan dan lekol. I deal avek issues par egzanp bullying, harassment, gambling, vandalism, cigarettes, possession of cigarette and illegal drugs, pornographic materials, fighting, mobile phones, inappropriate language, inappropriate display of affection, money, stealing – bann keksoz koumsa. Tousala i ganny defini. Ziska menm conduct on the bus, i ganny definir ladan. Problenm se ki son aplikasyon. Son aplikasyon son enplimantasyon i demann bokou travay ankor, pour nou fer sir ki bann zanfan, bann etidyan i adere avek sa Code of Conduct e ki bann konsekans ki swiv. I annan en sistenm la, bann sistenm pwen ki’n ganny etablir dan sa Code of Conduct, ki define eskalasyon problenm from premye lofans, gravite sa premye lofans, 2enm lofans, 3enm lofans and so on.

E dapre bann rikord bann zanfan dan sak lekol, i bezwen gard en rikord zot bann disciplinary offences ki evantyelman lead to zot al dan bann Special Behavior Programmes. Nou annan 3 Special Behavioural Programme ki an plas ozordi, e finalman si zot pa kapab still entegre dan lekol atraver zot konportman, then nou bezwen a sa staz retourn lo sa ki mon’n dir pli boner Mr Speaker si i annan sa sant permanan pour zot pour kapab ed zot refer zot lekor. Vwala en pti pe Mr Speaker, me le problenm se mon krwar lenplimantasyon ozordi, i baze lo sa kestyon respe. Kestyon respe, kestyon disiplin e kestyon savwar fer e savwar viv. Mon krwar sa bann keksoz fondamantal ki nou bezwen travay lo la ansanm avek bann fanmir pour nou kapab anmenn sa bann zanfan ki annan bann problenm behavior, bann lezot problenm pour kapab evantyelman re entegre dan laklas proprement dit . Mersi.

 

MR SPEAKER

Onorab Lemiel.

 

HON SYLVANNE LEMIEL

Minis ki lot mwayen akoz monk on pran la konmela sispansyon zot pe donn plis 10 zour dan lakour. Ki lot mwayen, petet i annan bann paran segonder ki dir ou pour dir i pa le kit sa zanfan li tousel kot lakaz. Mon konpran zot pe ganny en bon pe sa bann problenm. Ki lot alternativ zot annan pour sa bann zanfan ki paran pa kapab kit kot lakaz ?   Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker pour le moman nou annan zis bann progranm alternativ pandan vakans ki anmenn sa bann zanfan lo en day programme par egzanp pour 6 semenn, 5 ou 6 semenn, ouswa intensive, e progranm entansif 13 a 14 zour ki rezidansyel. Nou annan sa bann progranm koumsa pour sa bann zanfan ki ganny bann problenm behaviour dan lekol.

Napa en lot alternatif pour le moman pour ankadre sa bann zanfan si zot in ganny expelled pour met zot en landrwa, pour zot kapab ganny si oule al dan sa landrwa pour zot kapab swiv serten lezot progranm ki ava ed zot. So paran i annan en problenm akoz zot bann zanfan in ganny expelled, petet zot annan problenm kontrol lo sa zanfan. En zanfan petet i annan 15 an i annan 16 an, i annan 17an in preski vin en adilt, i difisil, e ler i pa la dan lazournen sa paran pa la, then sa zanfan i fer nenport kwa.

Alor se pour sa rezon ki mon konnen mon pe repet mon lekor toultan, me i enportan ki nou annan sa sant.  Sa sant i ava, i pa pour solve tou nou problenm natirelman.  I pa en keksoz ki pour solve tou keksoz.  Nou bezwen realis, me an menm tan mon krwar i ava annan en landrwa dedye – dedye pour nou kapab met sa bann zanfan laba atraver en either paran volonterman, ouswa en commitment order kot nou a bezwen rod en lenstriman legal pour commit sa bann zanfan pour zot kapab swiv bann serten progranm alternativ laba.  Mersi.

 

MR SPEAKER

Onorab Herminie.

 

HON WILBERT HERMINIE

Mersi Mr Speaker mon annan en sizesyon dan plas en kestyon. Mon ti ava zis sizere Minis ki bann, en striktir, ouswa en mekanizm i ganny met an plas pour sekiriz lakour lekol. So ki bann ansennyan i ava kapab konsantre lo zot louvraz primordyal.  Sa se pour ansenny bann manrmay lekol non pa se deal avek bann case delinquent.  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Wi mon krwar dan serten ka, serten lekol segonder ozordi nou deza annan Mr Speaker bann  zofisye sekirite ki la lo en baz permanan dan lazournen. Me le problenm se napa bokou zot. Petet ou annan 1 ouswa ou annan 2 kot zot pe deal ek en lekol ki annan, 600, 700, 800 zanfan an plis, i tre difisil pour zot mentenir sa laspe sipervizyon ki ganny demande e pour entervenir ler i neseser. I enportan ki nou fer nou maximum posib pour nou ofer en lanvironnman pour bann zanfan lekol ek bann teacher, bann ansennyan ki sen e sof kot ler zot vin lekol zot santi zot an sekirite, zot santi zot byen, zot santi zot dan en lanvironnman ki armonye.  E zot napa sa bann stress pour deal avek bann problenm ki zot fer fas avek toulezour, tel ki move konportman, agresyon, bullying, e lezot problenm ki nou fer, nou vwar i pe manifeste son lekor dan bann lekol ozordi.

E sa i pa zis en travay pour lekol. Wi nou bezwen o nivo Minister asir nou responsabilite dan lekol. Mon rekonnet sa e mon krwar i neseser ki nou fer li e mon’n dir dan mon larepons Mr Speaker ki nou bezwen step up nivo sirveyans atraver bann diferan opsyon ki nou annan, me osi mon krwar i en travay pour lezot dimoun, sirtou lo nivo kominote, lo nivo sosyal, fanmir, nou tou. Nou bezwen vin ansanm pou dir keksoz koumsa nou nepli tolere. Nou nepli aksepte, i nepli en norm pour nou, i nepli normal pour en dimoun fer agresyon apre met sa lo ‘WhatsApp,’ ouswa met lo Facebook e vin en Ero parmi son bann zanmi pour dir be gete ki mon’n fer mwan en ‘big guy.’ Konnen i pa normal bann keksoz koumsa. Me malerezman, malerezman atraver bann tel medya, nou pe normaliz sa bann keksoz. Sa bann keksoz pe vin normal.

So nou, mwan mon krwar nou bezwen totalman koman en kominote, koman en sosyete deal ek sa problenm. It is a holistic approach ki nou bezwen pran, e its start at home. I komans dan lakour sa, i komans dan lakour sa, e i fini dan lakour. Lekol i zis sa tranzisyon pour sa pandan letan ki zot vin lekol. Me si i pe konport li koumsa kot lekol – ki i pe fer dan lakour ? En kestyon valab sa. Ki i pe fer dan lakour si i pe konport li koumsa dan lekol kot i annan dimoun pe siperviz li. Be dan lakour ki i fer ? Mon krwar Mr Speaker i aport mwan lo sa pwen ki its prezan pour nou reget sa problenm an antye, e deal avek sa. Mersi.

 

MR SPEAKER

Onorab Valmont.

 

HON JUDE VALMONT

Mersi Mr Speaker mon annan 3 pti kestyon ek en sizesyon. Minis mwan mon depi ler Bidze in ganny prezante ou ti la devan ou ti dir nou en keksoz ki ozordi ou’n repet ankor; negosyasyon avek Lakonpannyen Sekirite. Mon ti a voudre konnen ki staz zot in arive e ki bann propozisyon zot annan pour met devan ?

2enm ; Minis eski ou krwar nou’n koz lo lotonomi bann lekol, eski ou krwar lotonomi bann lekol pour zwe en rol pour aport en solisyon pour sa bann tel problenm ki nou pe koz lo la ?

E 3enm Minis mon anvi refer sorti ki mon’n tann ou nonm mon krwar sa sant pour 3 fwa deza. Mon kontan ou pe konsider sa opsyon, i en sizesyon ki mon ti fer pandan letan Bidze, Mr Speaker ti siport mwan sa letan. So mon demann Minis petet ki rol Lakademi Lapolis pe zwe dan sa pour disiplin nou bann zanfan kot lekol ? Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon annan lenformasyon la lo sekirite dan bann lekol en. Pour le moman i annan 9 Lakonpannyen Sekirite ki’n ganny Kontra atraver tender dan lepase pour bann lekol a en kou R31.989milyon par an. Pre R32milyon par an tax payers money. Now, zot annan bokou defi akoz zot menm zot pour lakantite dimoun ki zot kapab mete a dispozisyon pour bann lekol, i pa ase.

Epi i annan osi bann lezot defi tel ki formasyon sa bann dimoun ki pe travay dan sa bann lakonpannyen ki pa neseserman toultan alaoter pour zot desarz bann responsabilite ki’n ganny donnen anba bann Kontra. Prezan bann nouvo tender dapre sa ki mon konpran Mr Speaker in fini lanse atraver Tender Board e nou ava byento kapab ouver sa bann tender,  e re allocate bann Kontra pour bann Lakonpannyen Sekirite.  Me fodre fer sorti ki sa bann Security Firms zot rol prensipal se pour sof gard lenfrastriktir compound kont arson, kont vol bann keksoz koumsa. Zot pa le neseserman pour zot entervenir direkteman dan bann ka kot nou annan bann issues lo nivo konportman, behavior dan lekol.

So nou bezwen annan en lot striktir, en lot mekanizm ki pour le moman nou pe servi Sensitive Static Building Security ki sa offshoot Lapolis, kot dan serten lekol dan serten lekol kot i annan plis problenm i annan enn sa bann zofisye laba pour ede. Me finalman mon krwar nou pour bezwen parey mon’n dir dan mon larepons Mr Speaker, revwar e ranforsi pour nou kapab sekiriz en pe plis san al dan lekstrenm, ranforsi en pe sa bann kestyon safety bann zanfan lekol, ek bann teachers.

Lo kestyon lotonomi bann lekol. Pour le moman la Mr Speaker nou’n travay lo en dokiman ki pe ganny diskite avek tou bann School Councils. E sa selman set en nouvo model gouvernans lekol ki pour asire ki bann lekol depi primer ziskan segonder pour ganny bokou plis autonomy lo nivo administratif, lo nivo finansye, e zot pour ganny oversee par efektivman ki en Board of Governors ki zot School Council. E zot pour accountable dan sa model avek zot School Council natirelman avek Minister in the background pe fer sipervizyon lo kote standar, lo kote delivery of teaching and learning. Tou bann paramet ki enportan.

Me mwan oule donn plis, bokou plis lotonomi bann lekol pour liber zot en pe. Pour larg zot lanmen pour zot kapab travay dan en fason pli efikas e an menm tan accountable to lakominote kot zot baze atraver zot School Council ki mon pe propoze i ganny elekte. I ava annan en chair ek son bann Manm ki ganny elekte par lakominote par bann paran, e answit zot, zot ava oversee, delivery e performans sa lekol atraver bann striktir ki Minister Ledikasyon i annan, e nou, nou pour siport sa. Mon krwar en model ki pli otononm i bokou pli bon an term pour asire ki management i accountable. Ki bann teachers osi i kapab ran kont pour performans zot laklas, me an menm tan ki Council osi lo son nivo li, i kapab annan sa oversight role vizavi sa lwen avek lakominote, e lannen prosenn pour annan sa nouvo striktir Gouvernman lokal, District Council ki pour vini, mon krwar tousala i bezwen, i bezwen tie-in ansanm pour asire ki nou bann lekol dan bann distrik, sirtou lo nivo primer ek segonder i perform bokou pli byen ki le ka konmela.

Alor wi mon krwar i ava ede pour li reponn sa kestyon direkteman, mon krwar i ava ede, i en bon model, i en model modern ki bann lezot pei in adopte. E mon krwar in ler pour nou bouz dan sa direksyon.

3enm kestyon Mr Speaker ; pour le moman nou pe servi Lakademi Militer Ile Du Suède pour run serten sa bann progranm, pour sa bann zanfan sirtou sa bann progranm  ki day release ouswa rezidansyel. E nou pe ganny bokou lasistans avek Lakademi Militer pour sa bann progranm. Mersi.

 

MR SPEAKER

Onorab Aglae ou annan en kestyon relye ek pour Onorab Valmont.

 

HON EGBERT AGLAE

Wi Mr Speaker. Lo sa laspe sekirite menm. Mon krwar Minis ki in ou’n fer resorti ki sa bann kontra sekirite i plizoumwen apre ler, pe vey building. E dan sa laliny petet pe mazinen, mon konnen i pour annan en kontrent bidzeter ki ou pour bezwen pran kont ladan, ki parey bann lezot pei kot nou annan bann day campus security ki ganny mete dan bann lekol. Akoz ozordi bann lensidan i vin en pti pe pli, pli grav kot lekol i ava annan bann day campus security kot i ava annan en entry point ek en exit point ki zanfan i antre sorti ki kapab ganny vwar ler zot pe antre e si fodre osi – mon pa pe dir pour scanner be selman i annan bann keksoz nou kapab detekte ki annan okenn lenstriman ki antre dan lekol osi ki fer parey en search mon kapab dir.

E osi mon dezyenm bout se konsider envestir osi dan bann lekipman modern, tel ki parey bann camera ki a ganny mete dan bann dark area ki lekol, petet teacher pa pour ganny sans vwar ki nou ava war ki pase dan bann lekol lo en baz pandan sa ler, depi bomaten 8er, ziskan 4er nou a vwar ki pe pase dan sa bann lekol. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon note tou le de pwen avek remersiman. Mon krwar i de pwen tre valab, e nou ava fer le neseser pour nou regarde lo nivo day campus security kot i neseser dan bann lekol pour annan sa fasilite.  E sertennman dan en sistenm camera pour management lekol kapab sirvey bann landrwa petet kot zot pa kapab toultan la, i ava ed zot osi pour rikord serten lensidan ki arive si i annan okenn aksyon legal ki ganny pran dan lavenir kont sa bann etidyan.

Fodre pa oubliye ki sa bann etidyan, sa bann zanfan lekol, zot osi liable lo kot legal, kote prosekisyon. E si zot fer serten aksyon ki sever, ki grav lapolis i kapab met en case kont zot avek Attorney Zeneral e pran bann aksyon neseser. E la osi kot i anmenn nou kot sa nesesite pour regarde si nou pa bezwen Juvenile Detention Centre pour lavenir kot serten sa bann manrmay i bezwen kapab ale pour zot, pa pour pini zot, me pour ed zot donn en travay reabilitasyon lo nivo bann aksyon kriminel ki zot fer.

Mon krwar sa osi i en keksoz ki nou bezwen konsidere pour lavenir pour nou pei. Ti annan lontan, ti annan YRTC apre i ti arete, me mon krwar letan in arive pour nou regard sa ankor. Mersi.

 

MR SPEAKER

Onorab Lemiel ou annan en kestyon relye avek sa.

 

HON SYLVANNE LEMIEL

Mersi Mr Speaker. Wi Minis letan nou pe koz lo kote sekirite lekol la mwan annan Headteacher lekol primer pe dir mwan, i osi i vreman trouble la ler i tann nou, nou pe diskite, nou pe koz lo sekirite, zonm pour veye o-bor baro, whatever, me kot i konsern fencing osi. La nou lo lekol segonder. Me li lo lekol primer, i osi prezan i per, pe dir ki zot pa an sekirite ditou. Son lekol, in ekrir Minister depi Zanvye, zot pa ankor kapab vin met sa fence ki reste avek lekol primer. E i pe mazinen petet zot a regard lo kote sekirite lekol primer osi. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker mon rekonnet ki nou annan problenm lo nivo enplimantasyon bann proze lo nivo Minister responsab pour Ledikasyon e Devlopman Resours Imen, sirtou lo nivo Departman Ledikasyon. I enn nou bann gran defayans kot nou lekip, nou annan en pti lekip 5 dimoun, bann project officers, bann draftsmen, ensidswit e nou napa, ase mendev pour nou kapab enplimant tou nou bann proze ki nou ti a kontan fer.

Annefe nou en pe an retar avek serten nou bann proze enkli sa enn pour Miss Sonia Anse Royale Primer. Mon krwar ki nou pe fer Mr Speaker, mon’n pran aksyon lo la se nou pe fer vin en lekip 5 dimoun sorti Kenya ki annan en bann project managers, en project engineer, avek 3 project officers pour ed nou dan en peryod letan fix pour nou kapab remet azour tou nou bann proze e demare. Osi avek nou model kot nou pour donn en pe plis lotonomi, bokou plis lotonomi finansye administratif avek bann lekol. Mon oule donn zot sa Bidze pour sa teacher kapab li menm li  mannye son Bidze e si i bezwen aranz en laport, si i bezwen aranz en lafnet, si i bezwen aranz en dren whatever it is – i kapab fer li san annan en sistenm kot i bezwen retourn ver Minister pou vin demande pou aranz en laport, pou aranz en lafnet, ki souvandfwa i pran en kantite letan, e ki i pa akseptab anymore.  So, i annan plizyer aksyon ki mon pe pran Mr Speaker zis pour enform Lasanble pour nou kapab rezourd en pe sa bann problenm. Me mon ti a kontan pour Lekol Primer Anse Royale an partikilye donn sa commitment ki nou ava rezourd sa problenm o pli vit posib. Mersi.

 

MR SPEAKER

Onorab Woodcock, ou annan enn relye, en kestyon relye ek sa ki fek ganny poze?

 

HON WAVEL WOODCOCK

Mersi Mr Speaker, lo menm laliny avek Onorab Lemiel mon krwar Minis osi i okouran. Sa issue osi i ase pertinan sirtou lo sekirite Praslin ki fencing ou kapab dir ki, plis ki en kar fence Praslin segonder i ater.  E mon pe get avek Minis kan ki son Minister pour get dan sa sityasyon. Epi mon dezyenm kestyon Minis se boner in koz lo en sant tanporer while ki zot pe rod kekfwa en landrwa pli ideal pour zot fer en, en YRTC. Mon krwar mon’n deza demann sa kestyon detrwa lannen pase e dan laliny en pe ki Onorab Valmont in demande. Mon krwar sa en keksoz ki mon’n koz bokou dan le pase pandan en why en sant parey YRTC dan le pase – eski Minis pou konsider desantraliz en pe sa servis?

Olye ki zot pou annan en sant lo Mahe kekfwa osi get posibilite pou annan enn ki pou servi Inner Island ?   Akoz mon mazinen osi avek lakantite lekol ki i annan avek tou sa bann case. Dan plizyer bann lekol segonder e menm primer konmela, eski Minis i kapab konsider olye annan zis en sant ki deservi zis Mahe. Kekfwa i ava annan enn ki pou deservi Inner Island osi? Ki paran pa pou bezwen deplase sorti Praslin ouswa La Digue pou al war zot zanfan Mahe. Konmsi desantraliz sa servis enn pti pe – si Minis i kapab get ladan dan son plan lonterm ? Mersi

 

MR SPEAKER

Minis.

 

MINISTER JOEL MORGAN

Mersi Mr Speaker, Mr Speaker mon donn Onorab sa commitment ki nou ava adres sa problenm fencing mersi pou sa kot lekol segonder Praslin. Annefe i annan bokou keksoz ki demann fer laba kot sa lekol an term mentenans sa lekol li menm li. Mon konstate ler mon ti vizite answit apre en bann serten portre in ganny mete lo medya sosyal, kot i annan bann lafnet ki pa, nepli la in tonbe. I annan bann laport ki’n kase bann keksoz koumsa e nou’n bouze lo la i annan serten aksyon. E parey mon’n dir nou bezwen en pe plis ranfor lo nivo bann personnel dan Minister pour ed nou kapab enplimant sa bann keksoz pli vit e bouze lo sa bann keksoz.

Me i enportan ki nou fer li akoz en lanvironnman lekol parey en lanvironnman travay i enportan pou nenport ki endividi e pou sa teacher ki pe travay la, e pou sa zanfan ki dan lekol i bezwen dan en lanvironnman ki condusive ki konvenab, ki byen e ki i akseptab dapre nou bann norm ki nou annan dan ou pei ozordi. E mon krwar nou annan bokou travay pou fer dan sa direksyon Mr Speaker me mon kontan note ki i pozitif nou pou travay lo sa bann keksoz.  Mon pa pou dir nou pou fer tou en sel kou me selman nou annan en plan. En plan dapre nou, nou PSIP ki nou pe, nou pe sey, nou pe sey revwar ankor la, annefe tou le semenn nou zwenn en Komite ki mwan mon chair kot nou get nou plan travay vizavi lenfrastriktir e bann lekol pour bann bezwen ki i annan.

An sa ki konsern sa sant Mr Speaker mon ti a kontan fer distenksyon ant sa 2 keksoz. Sa ki mon’n koz lo la se en Remedial Centre pour bann zanfan lekol ki annan bann behavioral issues.  E la mon’n dir nou annan en sit tanporer ki nou’n idantifye ki mon pou anmenn devan Gouvernman pou aprouve byento. Pour nou kapab lanse avek sa, nou’n al vizite Minis Lafanmir, mwan menm, Minis Land Use and Housing in vizite osi ansanm ek nou. Nou’n vwar, i konvenab e nou pou kapab demar sa servis byento.

Sa ki mon krwar Onorab Woodcock pe koz lo la se en, en, en Incarceration Centre pour lazenes, mon krwar sa en lot keksoz se parey i tonm anba Home Affairs Ministry. Me an menm tan mon’n note sa pwen ki ou’n fer resorti ki petet i bezwen annan enn ki cater for Inner Islands apre en lot ki cater pour Mahe  proprement dit.  Mersi.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi  Mr Speaker. Mr Speaker mannyer mon pe get sa i annan, i annan 2 laspe sa problenm pour nou konsidere. Premye laspe sa problenm i annan pou fer avek kwa ki nou kapab fer avek dan lekol? E 2enm laspe sa problenm i annan pou fer avek rol ki kominote sosyete li menm li i bezwen zwe. Premye, premye laspe Mr, Mr Speaker taler avan mon vin kot Lasanble mon’n pase en pe letan kot lekol Beau Vallon, pour mon vwar apre midi ki mannyer bann zanfan i retourn dan laklas.

E en keksoz ki mon remarke se ki bann zanfan, bann teachers i bezwen pran en bon pe letan pou met bann zanfan settle. E ou annan  2 Deputy Headteachers ki pe fer letour pou settle bann zanfan, e ki zot pe dir mwan se ki zot pa ganny letan pou al obzerv the quality of the teaching dan laklas akoz zot pas laplipar zot letan pour fer the policing of the school. So, par lefe ki nou annan sa sistenm ki’n ganny set up kot nou annan Deputy Headteachers. Akoz nou pa konsidere pour nou entrodwir dan plas annan sa de Deputy Headteachers ki nou annan nou osi en Deputy Pastoral mon konnen nou ti do-away avek sa sistenm Deputy Pastoral.

Me rezon akoz sa set akoz i ava permet nou annan en kad kot lekol ki deal avek the pastoral aspect e ki sa 2 lezot dimoun osi i a konsantre lo teaching and learning. Akoz right now mon santi pou dir teaching and learning pe soufer avek sa. Mon a vin lo mon 2enm bout apre mersi Mr Speaker.

 

MR SPEAKER

Minis ou le fer komanter lo sa sizesyon kestyon.

 

MINISTER JOEL MORGAN

Mersi Mr Speaker, Mr Speaker mon krwar ki sa kestyon annan Deputy Pastoral Care, Head Teacher, Deputy Head Teacher ki ansarz Pastoral Care dan bann lekol segonder i tre enportan. Mon krwar i en keksoz ki nou bezwen retourn anver, akoz ozordi sityasyon sosyal e lanvironnman lekol li menm li. I demande ki nou annan en dimoun ki dedye son lekor, nou annan, nou annan nou Special Needs Coordinator be i pa egzakteman sa son travay. I demande  ki nou annan en dimoun ki kapab oversee sa kestyon Pastoral Care dan bann lekol.

So, i en keksoz ki mon krwar nou bezwen met an plas e mon ava, mon ava dan nou nouvo striktir pour Departman Ledikasyon ki nou pe, nou pe travay lo la an se moman. Nou ava incorporate sa pour bann lekol segonder otan ki posib. Now pa tou lekol ki annan menm nivo problenm. I annan serten, serten lekol kot petet pour le moman nou pa pou bezwen. Me sertennman i annan lezot lekol kot nou pou bezwen sa dimoun. Mersi

 

MR SPEAKER

Onorab Pillay ou ti annan en 2enm…

 

HON SEBASTIEN PILLAY

Wi Mr Speaker, zisteman Minis in tous lo lot pwen mon kestyon. Se ki annou aret, annou pa konsider neseserman en ‘one size fit all’ ler i vin bann lekol segonder e plito regard bann konteks ki bann lekol segonder ladan, e vwar bann diferans ki annan e sey tailor bann lapros ki kapab fer sa. Mon ti le osi demann Minis avek bi pour, pour ankouraz kominote an zeneral pour pli proaktiv an relasyon, zot relasyon ki zot annan ek bann lekol ;eski zot Minister pa pe konsidere osi angaz li par egzanp bann group swa ki lo rezo sosyal, swa bann lezot group? Akoz  ki nou pe vwar, nou pe vwar bokou post par egzanp bann lager bann isi laba, bann diferan ensinifyan ki ganny fer. Me parfwa mannyer sa i ganny fer ou a dir nou pe glorifye sa bann kalite behavior. Mon konnen, mon konpran ki nou bezwen fer dimoun konnen ki pe pase. Me lefe i reste Mr Speaker ki problenm ki nou pe fer fas avek ki nou tou nou pe aksepte se ki as long ki paran pa angaz zot avek lekol, avek ledikasyon zot zanfan, there’s no way nou ki nou kapab fer sant, nou kapab fer isi, nou kapab fer laba napa okenn fason nou pou rezourd sa problenm.

So, ki mannyer zot pe, zot pe sey etablir bann kontak avek bann interested partners ki mon asire sa bann administrater, sa bann group i ava vin, i ava pare pour vin parti prenan. Pour ed zot sey pas sa bann mesaz, mesaz en pe pli pozitiv. Me osi pou sey tackle sa lensidan kot par egzanp zanfan i filme lager i poste lo rezo sosyal e deswit sa i ganny pran. E mon kontan ki dimoun i kondann sa bann aksyon ler i ganny mete. Me selman lefe ki i annan dimoun osi ki, zanfan pa pour war sa konman i pe ganny kondannen. I pou vwar sa konman sa pe glorifye bann aksyon ki zot in pran.

So, eski zot pou annan sa langazman avek, avek sa bann dimoun e vin en pe pli open. Dir bann lekol dir konbyen paran ki’n vin zot Parents/Teachers Day; konbyen paran ki vin bann meeting. Akoz se sa en problenm ki nou bezwen ganny rezourd Mr Speaker. Onorab Ferrari ou annan en problenm avek sa?

 

MR SPEAKER

Onorab Pillay ou adres ou kestyon through the Chair. Napa okenn komanter pour fer avek lezot MNA. Minis ou ti kapab reponn sa kestyon ? Order ! Minis.

 

MINISTER JOEL MORGAN

Mr Speaker, atraver nou Pastoral Care System, ki mon ti koz lo la pli bone, i annan bann Komite laklas, bann Class Committees ki pe ganny fer atraver lekol bann, atraver management lekol ek bann paran pour esansyelman adres en pe sa bann issues ki nou pe koz lo la apre midi. Me sa i en konmansman, i pa, i pa ankor vin en solisyon pour nou.  E sa kestyon medya sosyal per se, i en fe ki nou pa ankor fer nanryen vreman pour engage bann administrater bann groups par egzanp bann lo Facebook whatever.

Pour kapab deal avek sa bann issues ouswa pour sansir sa bann keksoz ouswa pour anpes sa bann keksoz ganny poste, ouswa ler i poste ganny retire. Dan en fason ki nou pa glorifye bann, bann tel aksyon, sirtou ler i involve bann miner, bann zanfan ki anba larz ; mon krwar nou annan en drwa, en responsabilite pour protez zot drwa. Zot bann drwa e ler ou montre en zanfan pe ganny bate, pe ganny agrese i vin, i vin en tromatizasyon an plis, apard ki sa tromatizasyon fizik ki in pas atraver. So, sa kestyon Social Media e angaz bann group medya sosyal mon krwar i enportan.

I en keksoz mon ava regarde ki mannyer nou kapab fer li. Pour le moman mon napa mwayen, mon napa resours pour mwan fer sa. Me selman antre nou dan nou, lo nivo Minister li menm li mon krwar nou kapab put together en small group of people lo en baz ad hoc pour nou travay lo la e sey angaz bann administrater bann group medya sosyal. Mersi

 

MR SPEAKER

Onorab John Hoareau.

 

HON JOHN HOAREAU

Bonn apre midi Mr Speaker, bonn apre midi Minis ek ou delegasyon, bonn apremidi tou dimoun ki pe ekoute. Mr Speaker mon ti le demann Minis anvi ki parfwa bann problenm move behavior se, set akoz bann inadequate preparation lo kote bann teachers. E osi parfwa osi i en problenm ki lye avek curriculum, i lye avek baryer langaz e resours ki i annan dan laklas. So, ki plan Minis lo sa size pour li adres sa bann sityasyon?  Mon ti a kontan i baz son leksplikasyon lo en keksoz ki pli baze lo cause and effect rather ki bann keksoz ki sentomatik.

2enm kestyon i lo ki plan ankor son Minister lo kote leadership empowerment e mannyer pour monitor bann, bann leaders dan lekol bann Headteachers? Akoz bokou fwa i annan keksoz ki ganny raporte avek bann Headteachers me pa gran keksoz ki ganny, ki ganny adrese lo sa nivo.

E mon 3enm kestyon baze lo financial review 2012. Kwa ki Minis li menm i anvi fer pour retablir sa lekilib ant larzan ki zot bidzete ki zot partaz avek segonder e osi avek pos- segonder? Ki en fason ki nou pa ava war i annan mank latab, mank sez ki tousala i lye avek move konportman dan lekol. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker, Mr Speaker cause and effect. Cause se ki pour plizyer lannen nou pa’n kapab donn formasyon neseser nou bann teacher lo nivo Seychelles Institute of Teacher Education. Pour kontinyen donn zot sa formasyon regilye pour reste azour avek bann problenm ki zot fer fas avek enkli prepar zot bann leson, enkli curriculum e bann resours neseser pour sa. Mon ti a kontan dir ki pour sa lannen ki la 2017 nou’n ganny en bon pe resours Mr Speaker. So, hopefully nou a kapab adres en pe sa kestyon resours ki’n touzour en problenm dan departman ledikasyon, dan Minister Ledikasyon.

E nou pe osi envestir dan parey mon ti dir oparavan envestir dan beef-up e ranforsi site Seychelles Institute of Teacher Education, pour li kapab delivre lo formasyon nou bann teachers pour met zot a la oter kot zot kapab prezan zot santi zot byen ekipe avek tou bagaz neseser otan ki posib. Pour zot delivre dan laklas e pour zot fer zot travay dan en fason apropriye. I vre ki serten fwa i annan problenm mank preparasyon bann leson, i vre osi ki i annan serten, serten problenm lo nivo curriculum li menm li ki nou pe adrese la. sirtou lo serten bann size ki nou vwar performans bann zanfan i kontinyen desann lannen, lannen pour lannen.

E mon krwar ki i annan en package antye nou bezwen vin avek, i pa zis en keksoz i pa zi teacher, i pa zis curriculum me i tou. I en holistic approach ki nou bezwen pran e se sa ki mon pe sey fer avek mon lekip an konsiltasyon avek bann Headteachers e bann teachers osi kot nou, nou kapab zwenn zot. Nou, nou bezwen reste atantif a bann problenm ki bann teachers i fer fas avek e zot travay i tre difisil, mon krwar nou tou nou konnen.

E vizavi sa bann keksoz ki zot annan pou fer toulezour preparasyon leson, delivre leson, gard bann zanfan anliny tou sa bann keksoz zot annan pou fer toulezour. Mr Speaker mon krwar ki nou bann teachers pe fer en travay remarkab dan bann sirkonstans ki zot ladan. Me zot bezwen plis formasyon, zot bezwen plis resours, zot bezwen plis zouti pou ed zot kapab fer pli byen ankor.

E pou zot santi osi en sans progresyon, akoz finalman si ou annan en Diploma pour 5an ou pa ankor ni ganny en sans pour ou al fer ou Advance Diploma dan Teaching. Ou pa santi ou konnen sa motivasyon pour ou kapab al pli devan, e ou bezwen alors aranz sa bann eleman ki nou’n koz lo la pour ou asire ki dan lavenir sa bann keksoz i tonm tou ansanm e i marse.

Leadership empowerment par bann teachers, mon krwar sa model pour bann lekol ki mon’n koz lo la. Kot nou pou donn plis lotonomi, nou pou empower bann Headteachers plis e menm tan fer zot of course zot ek zot management team vin pli accountable atraver School Councils. Sa Board of Governors lo School Council mon krwar sa i ava ed en kantite, pour nou kapab annan en lapros bokou pli fleksib e bokou pli modern anver governance lekol li menm li.

Equilibrium li menm li i montre source ant segonder ek pos segonder i osi dan nou plan Mr Speaker pour fer menm keksoz ek bann lenstriksyon pos-segonder. Pour donn zot, zot Bidze Pour donn zot, zot Bidze par egzanp Maritime Academy ouswa SIT ouswa Institute of Art and Design donn zot, zot Bidze. Zot annan zot board, zot annan zot bann dimoun zot Chairman zot Board ek zot Board with whom they are accountable les zot travay. Les zot get on within the parameters of sa ki zot annan pour zot fer e nou, nou monitor nou fer bann inspection, nou monitor standards nou monitor enplimantasyon dan en  fason ki sa bann lenstitisyon i  vin bokou pli lib pour zot fer sa ki zot ti sipoze fer. Pour zot pa ganny kontrent avek en Minister ki tou keksoz i santralize e ki finalman zot pa kapab fer en depans si zot bezwen ant  san pas atraver en sistenm santral ki pou pran bokou letan.

Me mon krwar ou pe koz en balans resours ant segonder ek pos-segonder. La nou bezwen  vwar osi ki mannyer nou allocate sa pli byen e fer sir ki tou, tou bann lenstitisyon neseser, i annan bann lekipman neseser. E bann staffing neseser pour zot kapab delivre, par egzanp ou pran Maritime Academy. Pour ou kapab hire en Kaptenn ek en Enzenyer pour vin travay dan travay dan Maritime Academy. ki en requirement. Pou delivre bann Course lo sa nivo ki sipoze ganny delivre en kantite larzan. E nou bann Lecturers Seselwa ki la, zot osi zot kalifye, zot osi zot annan, zot annan bann kalifikasyon me zot pa en Kaptenn, zot pa en chief engineer par egzanp ki’n retired or whatever.

Be selman nou bezwen osi vwar avek zot ki mannyer nou kapab donn zot, ler mon’n al vizit Lakademi Maritim zot in dir mwan. Zot in dir be Minis be get en kou dan nou saler, akoz nou osi nou pe donn tou. Mon krwar i en kestyon across the board sa, kot nou bezwen regarde ki nou kapab fer pour osi donn sa lankourazman kot i posib dan bann limit  finansye ki nou annan pou, pou bann dimoun kapab al pli devan. Sirtou lo bann kestyon Lecturers dan bann lenstitisyon pos-segonder bann Professional Centres. Mersi

 

MR SPEAKER

Onorab Arrisol.

 

HON SANDY ARRISOL

Mersi Mr Speaker, bonn apre midi ankor enn fwa tou dimoun.  Mon krwar letan nou pe koz lo nivo disiplin dan lekol ; ki kestyon lo la, mon krwar i enportan pour, pour nou vin fran pou dir teachers avek Headteacher zot pe fer en travay remarkab dan bann lekol. E si i annan lager dan bann lekol i napa nanryen pour fer avek teacher avek Headteacher, mon krwar zot pe fer zot pe fer en travay ekselan dan bann lekol. E nou, nou bezwen met bann zanfan ek zot paran to task.

Letan nou pe koz disiplin i enportan pour mansyonnen Mr Speaker pou dir koz lo disiplin dan lakour lekol avek lapratik dan lekol li menm li i de keksoz diferan. Dan le pase plizyer fwa i annan en kantite keksoz ki’n ganny koz lo la, i annan en kantite rapor ki’n ganny anvoy kot bann dimoun kot Minis in mansyonn, ki’n dir taler. Napa okenn bann feedback ki’n retourn kot bann lekol par egzanp Minis paran pa ganny put to task letan zot zanfan i komet bann tel aksyon dan bann lakour lekol. E souvandfwa sa i refoul lo lekol zot menm. Alor mon ti a kontan dir pou dir, mon ti a kontan demann Minis de pti kestyon an relasyon avek sa.

Mon’n war Onorab Lemiel in demann en kestyon lo son 3enm kestyon, si i annan okenn bann Lalwa pour bann paran ki vin fer problenm avek lezot zanfan e ansenyan dan lakour lekol ? Mwan mon ti a kontan demann Minis si i annan Lalwa pour bann etidyan ki konport zot dan bann fason endesan e pa responsab swa dan landrwa piblik dan zot uniform swa dan lekol ?   Si wi konbyen zanfan ki’n ganny deal avek e si zot paran in ganny put to task an relasyon avek sa ki nou pe dir? Akoz sansan zis nou pou koze nou pou demann kestyon e nanryen pa pou ganny fer.

Mon 2enm kestyon mon ti a kontan demann Minis bomaten nou’n tous enn pti pe Minister Lasante an relasyon avek zot sekirite, risk allowance, bann keksoz zot fer fas avek.  Ozordi avek sityasyon ki pe devlope dan nou bann lekol segonder sirtou, eski Minister pe mazin entrodwir en sistenm Lasirans pour nou bann staff kot lekol Eski Minister pe mazin entrodwi en sistenm lasirans pour nou bann staff kot bann lekol par egzanp an relasyon avek zot bann sekirite an ka zot ganny agresse swa ek paran ouswa avek etidyan? Mersi bokou.

 

MR SPEAKER

Minis de tre, kestyon tre pertinan.

 

MINISTER JOEL MORGAN

Mersi Mr Speaker, bann kestyon ase, ase dir pour, pour ganny larepons me amwen mwan a fer mon mye. Mr Speaker Education Act ozordi napa provizyon pou pran aksyon avek bann paran si zot bann zanfan i mal konport zot dan lekol. Par egzanp si en zanfan i mal konport li dan lekol enn fwa, de fwa, trwa fwa e bann paran i ganny apele pour vin fer counseling session ansanm avek sa etidyan. Avek management lekol ouswa bann paran i ganny apele pour ganny en dyalog avek sa paran konsernan son zanfan dan lekol.

Education Act pa met okenn penalti, pa met okenn lofans i pa kree en lofans anba Act aktyel. Pour ki si sa paran pa respond i pa vini en keksoz i kapab ganny fer pour deal avek sa sityasyon. Par kont mon pour vin devan sa Lasanble byento mon espere avek en Revised Amendment to the Education Act 2004. Kot ladan Cabinet in, in donn en lenstriksyon ki bann paran i bezwen ganny held accountable, pour aksyon zot bann zanfan e sirtou ler zot ganny apele lekol pour fer bann conferencing ouswa pou fer bann joint meeting avek zot konsernan zot zanfan zot pa vini, then aksyon legal i kapab pran kont zot e en lofans i ganny kree anba Education Act proper.

So sa i ava vini byento Mr Speaker kot i ava ed nou annan en pe plis abilite pou deal avek en tel sityasyon. Lalwa pour bann zanfan ki pa konport zot lekor mon krwar Mr Speaker i annan 2 provizyon la. I annan bann provizyon Seksyon 86 Education Act ki deal avek sa issue move konportman dan lakour lekol e Penal Code. I annan plizyer, plizyer seksyon i annan Penal Code ki mon ti’n koz lo la en pe pli boner ki deal avek bann zanfan ki an deor lekol.

Now mon krwar sa ki nou bezwen fer la se ranforsi aplikasyon tou lede sa lenstriman. Sa lenstriman lo Penal Code lenstriman e osi lo Educational Act, pour asire ki dan lavenir san azir dan en fason ki pa rezonnab. Nou mentenir en keksoz ki ekilibre me azir kont bann zanfan ki fer bann aksyon ki pa devret e ki Lalwa i devret pran aksyon kont zot. Mon krwar sa i tre enportan nou bezwen anvoy en sinyal ki nou nepli kontinyen tolere bann tel aksyon dan lakominote dan lasosyete. E personn pa donn zot rezon ler zot fer bann keksoz koumsa. Nou bezwen nou tou vin solider ansanm e, e fer sir ki nou pa rod, rod rezon kot napa rezon.

Mr Speaker Lasirans pour bann teacher sa i pa en keksoz ki nou pa’n aborde ziska prezan. Onorab in fer sorti sa pwen in demann mwan en kestyon lo la, larepons ki mon kapab donnen se ki mon ava etidye sa, mon ava regarde avek Biro Attorney Zeneral ki son lopinyon legal lo la osi. Epi nou ava revin anver Lasanble avek en larepons.  Mersi.

 

MR SPEAKER

Onorab Sophola.

 

HON NOLINE SOPHOLA

Mersi Mr Speaker, Minis avek tou sa bann lensidan ki pe arive  avek bann staff lekol e zot  vwar zot vilnerab pour fer fas avek. Eski ou Minister i annan en avoka pour konsey e defann zot ler sa bann sityasyon i arive? Si wi, eski bann staff i okouran lekel sa dimoun ki pe reprezant zot ?

E dezyenmman an vi ki ou pe koz lo sekirite bann zanfan ki sekirite ki ou pou garanti nou bann atlet ek sa ki akonpanny zot ler zot vin partisip dan bann aktivite lo Mahe parey resaman aktivite sportif? Mersi.

 

MINISTER JOEL MORGAN

Mersi Mr Speaker.

 

MR SPEAKER

Minis anfet avan ou reponn sa kestyon, i annan en konplent ki mwan mon’n gannyen dan en lekol kot en teacher in ganny anmenn devan Lakour Mazistra par en paran. So, sa kestyon, premye kestyon Onorab Sophola i vreman, vreman enportan pour teachers tande.

 

MINISTER JOEL MORGAN

Mersi Mr Speaker, wi Mr Speaker nou fek retenir servis en Avoka lo nivo Minister pour ed nou avek bann case ki ganny met devan. E nou ava vwar ki sa avoka osi i donn sa siport legal bann teachers kot i neseser. Pour pran aksyon legal kont bann etidyan ouswa bann paran kot zot ganny agrese, ouswa kot zot ganny threathen, kot zot ganny ensilte and so on. I ava ed nou pour donn sa siport an plis ki nou pe kapab fer ozordi akoz souvandfwa ler en tel keksoz i arive sa teacher i tromatize li. E i bezwen al fer en depans dan li menm li, dan son prop pos pour li al fer rekour legal si i santi i bezwen rekour legal.

So, Minister in engage servis en avoka lo en baz en retainer pour nou kapab zisteman ed sa bann dimoun me osi parmi lezot keksoz fer en pe travay lo bann diferan lenstriman legal ki nou Minister i bezwen met azour.

An sa ki konsern sekirite pour bann atlet mon okouran e mon’n ganny met okouran bomaten Mr Speaker pou dir ki in arive serten lensidan apre ki School Athletics Championships ti annan lieu  Dimans le 18 Zen. Kot serten bann manrmay sorti La Digue, bann zanfan lekol sorti La Digue ti ganny agrese dan visinite Roche Caiman. E zot ti ganny vole zot ti ganny atake, zot ti ganny vole par lezot, lezot zenn ankor – lezot adolesan.

E Lapolis ti ganny notifye dapre lenformasyon ki mon annan Lapolis ti ganny notifye. Zot in pran aksyon zot in reisi atrap mon krwar enn ou de sa bann dimoun ki responsab. Ti annan telefonn ki ti’n ganny vole, ti annan loud speaker, bann portable loudspeaker ki ti’n ganny pran osi mon krwar. Serten keksoz in ganny rekipere me lezot pa ankor e Lapolis dapre lenformasyon ki mon annan lapolis pe kontiny son travay dan sa lensidan.

In osi annan en ka vol ou plis ki en ka vol kot Maison de Football par bann paran ki ti pe reste la ; ki ti’n akonpanny zot bann zanfan sorti dan bann zil Inner Islands. So ankor la lapolis in ganny apele e i annan en investigation ki dapre lenformasyon ki mon annan la. I annan en investigation ki pe, ki pe go ahead. Mersi Mr Speaker.

 

MR SPEAKER

Mersi Minis, Onorab Vidot.

 

HON AUDREY VIDOT

Mersi Mr Speaker, bonn apre midi a tou. Minis anliny avek sa ki pou fek fer sorti ki Onorab Sophola in fer, in dir. Roche Caiman  a plizyer repriz lotorite in met devan lotorite lapolis konsernan swa manrmay i ganny atake i pa fer premye fwa. Sak fwa letan i annan atletik, bann manrmay La Digue letan i reste kot Exceptional School zot ganny harass. It’s not the first time so ti a byen annan en pti pe plis sirveyans ankor mon repete lo sa size.

Bon mon kestyon i, i annan pou fer avek School Counselors dan lekol. Eski Minister i santi i annan ase, ki pe fonksyonnen dan bann lekol? E si zot pe kapab fer sa travay swivi avek bann manrmay ki annan problenm disiplin? E si lekol, bann lekol pe ganny sipor avek social worker? Espesyalman dan bann ka kot parfwa nou vwar i annan bokou fwa lekol zot vwar zot pe deal avek case sosyal kot pa sipoze le ka? E mon ti a kontan ganny ou, ou komanter lo la Minis. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker, Mr Speaker larepons direk pour kestyon School Counselors se non. Napa ase nou bezwen bokou plis. Akoz magnitude problenm sosyal ki bann zanfan i fer fas avek dan bann lekol en menm bann teachers i ase, i ase eleve. E nou bezwen plis sa bann counselors menm lo nivo Minister nou annan zis de ou trwa pour le moman. I pa ase pour nou deal avek en popilasyon 21mil, 22mil zanfan e 2mil ekek teachers.

So, i annan nesesite la pour nou ranforsi sa kapasite bann counselors annan plis zot pour bann lekol an zeneral. Sipor kot social worker – wi, i annan sa bon kolaborasyon an zeneral normalman ant social workers ek nou bann School Counselors ek bann management, bann teachers kot bann lekol. Mon pran ka sa pti garson Dylan par egzanp i en ka tipik. Kot i’n annan sa swivi konzwent son, son case pandan sa bann peryod ki i ti annan sa bann issues ki i ti pe pas atraver. I annan sa, me bann school, bann social workers zot annan en kantite travay lo zot dapre sa ki mon, mon konpran. Zot load i tre lour e lo zot kote osi i annan en bezwen pour annan plis pour kapab ed lafanmir e bann zanfan ki dan bann lafanmir avek bann problenm sosyal ki konsern lafanmir ki dan lafanmir me ki finalman i end up dan bann lekol. Mersi

 

MR SPEAKER

Onorab Vidot.

 

HON AUDREY VIDOT

Mersi Mr Speaker, Minis an prenan kont ki ou pa’n komanter lo sa size ki mon’n dir an term sekirite ti a byen petet anforsi sekirite kot, kot stad linite letan i annan bann aktivite sport pour bann etidyan.

E dezyenmman letan mon met lanfaz lo sa zafer School Counselor avek social worker mon santi ki mon distrik – menm si napa enn ki tenir lo Roche Caiman, me selman mon annan 4 lekol. E i annan bezwen sipor social worker. So, ti a byen get en pti pe mon bann lekol espesyalman mon Primary School Plaisance. Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker, mon’n, mon ti’n omit sa pwen sekirite wi. Annefe Lapolis ti ganny demande pour ranforsi zot prezans e zot bann patrol pandan sa peryod ki ti pou annan bann aktivite sportif Stad Linite e kot bann zanfan La Digue ti pe reste kot Lekol Eksepsyonnel pour bann zanfan eksepsyonnel. E osi kot Maison de Football. Ti annan sa demann avek lapolis pour fer bann patrol pli regilye e osi pour ranforsi prezans dan landrwa an zeneral.

Malerezman sa bann lensidan in arive me mon ava link up avek Konmisyoner Lapolis ek Minis responsab pour nou kapab travay pli byen, pour lannen prosenn asire ki bann keksoz pa repete otan ki posib.  Mersi.

 

MR SPEAKER

Onorab Stephen Pillay.

 

HON STEPHEN PILLAY

Mersi Mr Speaker, mon ti anvi demann Minis en kestyon spesifik lo Anse Royale parey Onorab Lemiel in anmenn son kestyon. Eski Minis pa krwar pou dir lekol Anse Royale i tro compact, pour met 823 manrmay segonder dan en sel, zanfan lekol segonder dan en sel compound. Ki compact e ki sa i pou anmennen bann pti friksyon at anytime ki ou tous ek kanmarad, manrmay i reazir. Eski pour annan sans ler en lot lekol segonder en lot landrwa pour kapab diminyen en pe konsantrasyon manrmay dan sa pti lepase Lekol Segonder Anse Royale?

E lo en lot lanpler, lo en lot pli larz se ki, eski Minis dan zot plan medium term strategy up till 2017. Mon aprann ki zot target spesifik pour goals and target pour up to 2007, pour bad behavior i napa dan zot, i pa spesifik dan zot medium term strategy. Mersi.

 

MR SPEAKER

Minis.

 

MINISTER JOEL MORGAN

Mr Speaker mersi. A mon avi wi. Lekol Anse Royale i bokou, i annan tro bokou zanfan, i annan bokou tro zanfan pour sa grander compound lekol ki nou annan. I class koman en large school, in fact a very large school avek 836 zanfan depi S1 ziska S5. Me sa ki pou arive Mr Speaker se ki avek louvertir lannen prosenn nou sant ekselans, nou Centre for Excellence pour Lakademi ek Technical Vocational Education ki mon’n deza koz lo la dan sa Lasanble.

Bann zanfan S4 e S5 ki annan sa tandans akademik ouswa sa tandans vokasyonnel lo en o nivo, i ava bouze dan sa bann lekol zot ava sorti dan bann lekol segonder e zot ava al dan sa nouvo sant pour, pour, pour zot kapab swiv zot bann kour laba. Alor i ava ede dan limedya, nou pe koz limedya lannen prosenn i ava ede pour dekonzeste en pe bann lekol tel ki lekol Anse Royale kot i annan bokou tro zanfan a mon avi pour sa pti lespas ki zot ladan.

Ler ou annan problenm overcrowding malgre i annan ase laklas i dan physical surface li menm li, sa surface area lekol. Son perimeter lekol, son grounds lekol ki i tro pti petet pour sa kantite zanfan e i pa toultan en bon nide annan bann tre gran lekol koumsa. Akoz i poz bokou management challenges lo nivo lekol li menm li, pour kapab mannye tou sa bann zanfan. Nou annan bann lezot lekol ki annan menm problenm e mon krwar dan nou nouvo stratezi ki nou pou fer dan nou Investment Plan nou bezwen regarde ki mannyer pou distribye en pe byen lo nivo démographie. Bann diferan lekol, dan bann diferan rezyon dan Mahe, lo Mahe, Praslin ek La Digue.

Ou dezyenm kestyon Onorab.   Pardon ?

 

HON STEPHEN PILLAY

Mersi Speaker. Minis non mon ti’n ganny en sa ki, dan zot Medium Term Strategy up to 2017 napa specific goals and targets for bad behavior. Eski sa i vre? Or

 

MINISTER JOEL MORGAN

Onorab lenformasyon ki mon annan la dan mon dispozisyon se ki dan MTS ki fini 2017 2013, 2017 i annan. I annan sa bann target ki’n ganny etablir, sa bann goals ki’n ganny etablir pour bann behavioural issues e behavior in general.

Me selman mon bezwen verifye egzakteman ki i dir ladan. Mon napa sa lenformasyon mon ava verifye e nou a kapab make it available pour Lasanble Nasyonal. Me nou pe travay lo en Medium Term and Strategy 2018 an montan pour prosen 5an.

E ladan nou pou bezwen fer sir ki nou met sa azour si pa le ka zour si pa le ka deza. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker, Mr Speaker –  eski Minis i kapab dir avek nou dan son Minister ki degre souvan sa bann dimoun ki responsab swa dan pastoral oubyen dan sa bann lezot unit ki donn sipor. Ki souvan ki zot vizit bann lekol pour aport sipor avek sa bann diferan lekol kot i annan problenm? Eski Minis i kapab dir avek nou dan lekol English River sa bann problenm ki’n arive tou dernyerman. Si in annan okenn sipor direkteman par, par Ladministrasyon Lekol English River oubyen sa teacher ki’n ganny bate avek en etidyan in bezwen pe trouv li pe fer tou son bann keksoz li tousel. Enkli al Kordgard, enkli mont Minister, Minister ledikasyon e finalman prezant son Let Demisyon pour li kite.

E ki dernyen fwa eski zot ti vizit lekol English River etandonnen ki sa kondisyon kot sa lekol i été li menm. Kot i annan, i annan serten etidyan ki napa laklas. I annan laklas ki napa ni sez ni latab e sa dan li menm li i en latmosfer pour, pour sa vandalizm e, e matouloumba ki en feature regilye kot sa lekol. Eski sa Minister pe seryezman pour anploy Seselwa ki annan sa leksperyans pour travay avek bann zanfan, avek bann problenm konportman ?

E finalman Mr Speaker eski Minis i kapab dir nou lekel ki ganny kontra pour enstal sa bann fencing ? Eski in annan okenn tender pour fencing?  E pour sa Avoka ki zot in, ki zot in fek anploye? E ki kalite sipor an plis ki son Minister pou donn bann lekol pour evit sa bann problenm? Mersi bokou.

 

MR SPEAKER

Minis.

 

MINISTER JOEL MORGAN

Mersi Mr Speaker, Mr Speaker dapre nou progranm vizit kont bann lekol. Tou le semenn inspectorate ouswa bann Direkter bann segonder ouswa direkter primer ouswa bann zofisye ki relye avek Sipervizyon e Enplimantasyon Curriculum dan lekol e ki relye ek bann kestyon Ladministrasyon Lekol i fer bann visit lo en baz rotasyonnel dan bann lekol.

Setadir tou le semenn i annan en lekol ouswa en lot i ganny vizite par zofisye par bann zofisye Minister. E la bann problenm ki bann, management lekol e bann teachers i fer fas avek i ganny fer resorti. E an plis ki sa nou annan en sistenm kot ler i annan bann problenm ki pas atraver management lekol. Sa i ganny escalate, i ganny anmennen lo en pli o nivo i ganny anmennen kot Direkter primer ouswa kot direkter segonder. E answit sa problenm i ganny adrese lo nivo Minister li menm kot i annan sa bezwen pour nou fer li.

Alors wi zot gannyen vizite dan en fason ou en lot i pa spesifikman pour deal avek problenm disiplin dan lekol, me i annan bann diferan seksyon ki ganny vizite pour Curriculum, pour Management, pou Lenspeksyon pour vwar en pe pour zot menm ki mannyer bann keksoz pe ganny deroule dan lekol.  E pour ensure the smooth running and administration of the school. Natirelman sa sistenm i pa parfe Mr Speaker i annan son defayans e nou bezwen touzour travay pour nou kapab amelyor li.

Lo kestyon La Riviere Anglaise spesifikman eski in annan okenn sipor par Headteacher pour le moman Mr Speaker mon pe atann ankor. Mon ankor pe atann rapor sa Headteacher. In fek anvoye la mon’n ganny dir mon pa ankor vwar son rapor. Me mon osi konpran pour dir sa teacher, in ganny bokou tromatize e in santi li pou dir in pa’n ganny ase soutyen lo nivo lekol li menm li se en keksoz ki in dir. E i bezwen, i bezwen prezan al regard bann opsyon ki annan devan li.

Mwan mon pa ti a kontan personnelman ki nou perdi en bon teacher akoz sa teacher i dimoun devoue. Mon’n ganny bon rapor lo li, mon’n vwar pou dir i toultan tre proaktiv dan lekol, i toultan very enthusiastic pour fer lekol marse, mon pa ti a kontan perdi li. E mon ti a kontan petet ganny sa loportinite pour mwan vwar li pour mwan diskit avek li.

Lekol ti ganny vizite son lannmen apre sa lensidan ti arive par de diferan lekip. Enn lo kote enspektora, enn lo kote en lot divizyon dan Minister pour regard en pe ki egzakteman ti arive sa zour. E zistwar i tel ki ok, i annan en investigation ki ankor pe, ki pe go on. Ti annan en bann zanfan ki ti pe either zwe matouloumba pe gamble dan school grounds, sa teacher in vini in enteronp zot in pran zot larzan in pran bann keksoz zot ti pe servi pour, pour gamble avek. E enn bann, bann etidyan in aggress, in tap in physically aggress sa teacher.

E swit a sa in arive lezot keksoz ankor ki prezan in tromatiz sa

E swit a sa in arive lezot keksoz ankor ki prezan in tromatiz sa teacher bokou. E mon krwar ankor enn fwa in montre Mr Speaker ki i enportan ki tou dimoun i ganny held accountable dan en nenport ka. Mon kapab asir sa Lasanble ki aksyon neseser pou ganny pran kont sa. Akoz i pa akseptab, i pa akseptab pou frappe en lot dimoun e sirtou frappe en teacher. Mon krwar ki nou bezwen strik lo la e nou bezwen met en legzanp pour asire ki sa bann keksoz pa kontinyen e ki zanfan pa santi zot laliberte pour zot fer en keksoz koumsa.

An sa ki konsern sa bann kontra pour bann fencing Mr Speaker mon napa lenformasyon lo la. Mon pa’n vin ek sa lenformasyon e mon pa konnen mon ava rod sa lenformasyon pour Onorab Ramkalawan. Pour nou kapab regarde ki mannyer fencing bann Kontra fencing in ganny donnen. Be mon konnen tousala selman i pas atraver Procurement, i pas atraver Procurement Committee lo nivo Minister Finans. E si in al open tender ouswa non ouswa si in al lo restricted tender sa mon pa konnen, mon  ava rod sa lenformasyon.

Pour sa Avoka ti annan kontak ki ti ganny pran avek detrwa bann Avoka. I pa’n ganny fer lo en baz open tender. Ti annan en kontak ki ti ganny pran avek tou bann Avoka ; zot ti ganny demande pour fer en soumisyon. E baze lo la enn in ganny swazir pour konmanse, pour konmans sa servis lefe ki nou ti byen bezwen en dimoun pour kapab donn en pe soutyen lo nivo Minister li menm li. Mersi.

 

MR SPEAKER

Onorab Ramkalawan wi ou annan en kestyon siplemanter.

 

HON WAVEL RAMKALAWAN

Mr Speaker mon ti ava kontan demann Minis si li menm li personnelman avek bann o zofisye son Minister ti ava konsidere pou fer en surprise visit lekol English River pour regard sa sityasyon.  Akoz si zot pa fer li pour zot pran aksyon neseser i pour annan bokou plis problenm ankor. E dezyenmman eski Minis, eski Minis pe dir ki lo sa kote pour anploy bann lezot sekirite vin ki sa sityasyon ki’n ganny prezante i, i pe al an deor kontrol ? Pour ede avek sa disiplin dan lekol, eski Minis pe dir ki zot pa pour fer li ?

E Mr Speaker i annan enn mon bann kestyon ki Minis pa’n reponn an relasyon avek, mon konn en Seselwa ki kalifye. Ki’n travay avek bann zanfan avek bann behavioral difficulties deor ki de fwa in fer aplikasyon pour li ganny en plas travay e ziska aprezan toultan zot in, zot in refiz-e pour donn li, pour donn li en plas travay. E zis ki bann teacher zot santi zot vreman, vreman  dan, zot dan depresyon bann teachers. E zot pe menm dir ki i mank sa kominikasyon avek Minister Ledikasyon e souvandfwa it’s a question of swim or sink. Mersi bokou.

 

MR SPEAKER

Minis.

 

MINSTER JOEL MORGAN

Mersi Mr Speaker mon a pran sa premye pwen ki mon’n omit pour mwan reponn mon apologise pour sa. Mon krwar mon konnen lekel sa case ki Onorab Leader Lopozisyon pe fer referans avek sa Seselwa ki kalifye mon krwar i annan en Masters Degree dan Phsychology en keksoz koumsa. E annefe mon’n vwar en rapor akoz sa, sa endividi in ekrir Prezidan pour demann en antretyen avek Prezidan, in fer en konplent ki i pa’n ganny anploye par Minister Ledikasyon e ki in ganny viktimize in ganny penalize.

Mon’n demann en rapor lo la mon’n ganny sa rapor Vandredi. E annefe mon’n vwar pour dir sa endividi ti ganny offer en pos koman Principal Education Officer me i pa a la nivo son, sa saler ki vin avek sa pos i pa a sa nivo ki li i pe ekspekte. E problenm ki nou annan se ki nou napa post dan structure dan establishment structure, nou napa en post pour nou kapab met sa dimoun a son nivo ki i devret été.

So, nou bezwen fer en case avek Department of Public Administration pour nou kapab upgrade sa post. E zisteman mon’n anvoy sa rapor kot Prezidan bomaten baze lo sa ki lenformasyon ki mon’n gannyen. Me sertennman mon ti a kontan dir tou dimoun nou bezwen, otan ki posib nou bezwen nou bann dimoun pour vin travay avek nou, nou bezwen tou led. Tou fason ki nou kapab gannyen nou bezwen sa bann led e souvandfwa nou ganny kontrent par lezot sirkonstans tel ki konman saler. E mon pe espere petet ki nou kapab rezourd sa problenm.

An sa ki konsern ‘visit surprise si mon dir ou mon pou al vizite i pou gat sa eleman of surprise.  Me i pe al ganny fer, i pe al ganny fer e mon ti pe atann rapor Headteacher vini pour mwan kapab fer sa e nou pe al fer en vizit osi to. Me pa zis English River, pa zis English River akoz dan bann lezot lekol osi ler mon dir mon pe vini tou keksoz i spick and span; i byen. Ler mon ale ouswa ler vizit in fini keksoz i soz ankor mon krwar i neseser ki nou, nou, nou fer sir ki tou dimoun i fer zot travay toultan. I konsistan as opposed ki ler Minis ouswa PS pe vin vizite ki i leka dan serten lenstitisyon kot mon’n pase.

Sekirite pour lekol non, mon pa pe dir li ki kategorikman nou pa pou fer li o kontrer i enportan ki nou fer li. I enportan ki nou revwar sa sityasyon ki aktyelman mannyer i été la e vwar ki nou bezwen fer an plis dan limedya. Pour nou kapab deal ek sa problenm pour asir sekirite bann zanfan ek bann teacher dan lekol. I pou en kestyon prezan ki mannyer mon pou al ganny resours adisyonnel pour mwan fer li, si mon bezwen fer en suplement, or Suplementary Budget or whatever. Me selman i en keksoz ki mon ava travay lo la deswit. Mersi

 

MR SPEAKER

Onorab Ernesta.

 

HON PAUL ERNESTA

Mersi Mr Speaker, Mr Speaker pour konmanse mon pour siport sa pwen Onorab Pillay pli boner kot in dir petet revwar bann compact akoz mon get Takamaka. In toultan en lekol primer ki fer byen Nasyonalman me once nou bann etidyan i antre Anse Royale i perdi baze lo diferan fakter. Mon krwar ki i enportan ki Minis i rekonsider osi prevwar sa sistenm kote kot lekol. Mon kestyon i viz avek Minis –  eski i pa’n ler pour ou kapab revwar sa bann drwa ki nou donn zanfan.

Akoz ozordi sa i, i pe vin en problenm pour nou e kot nou vwar bann zanfan pe zis, zot reakte tou keksoz zot dir ou zot drwa zot annan drwa. Me kote zot drwa i konmanse kote zot drwa i fini nou pa konnen. E apre Minis in nonm i annan en avoka ki zot in deza apwente pour ed zot dan bann demars legal. E plito mon ti a kontan konnen lekel sa Avoka?  Mersi Mr Speaker.

 

MR SPEAKER

Minis.

 

MINISTER JOEL MORGAN

Mersi Mr Speaker.  Mr Speaker lo sa kestyon drwa bann zanfan sa i ganny kouver anba Children’s Act parey tou Manm Lasanble i konnen. E bann drwa fondamantal i natirelman i ganny enshrine dan nou Konstitisyon pour tou dimoun tou sitwayen. Me lo nivo lekol nou menm nou, nou annan nou lo sa School Behavior Policy isi e sa Code of Conduct pour lekol. I konmans, i konmans zisteman avek My Rights and My Responsibilities i la.

Tou lenformasyon i la e i dir ki avek ou drwa i vin ankor plis responsabilite. E ki ou drwa malgre ou annan serten keksoz ki, ki prezerve konman ou drwa fondamantal. Be ou osi ou annan bann responsabilite anver lezot.

Now, kestyon se ki eski nou devret revwar Children’s Act ? Mr Speaker mon pa dan en pozisyon pour mwan donn en larepons direk lo la pour le moman ouswa donn en lopinyon lo nivo Gouvernman lo la. Mon krwar i en keksoz ki pe al ganny diskite lo nivo lakominote, lasosyete an zeneral i bezwen ganny sansibilize epi evantyelman Gouvernman i bezwen vwar si nou pou, i annan en nesesite pour nou revwar Children’s Act ouswa non.

I annan son lenplikasyon pozitif, i annan son lenplikasyon negatif e nou bezwen balans tou le de byen pou fer sir ki nou pa al lo en ekstrenm ouswa en lot. Mr Speaker avek ou permisyon amwen ki ou diriz mwan pou fer li, avek ou permisyon mon ava decline pour mwan name sa lawyer. Dan ka ki petet i kre serten lanbara problenm or whatever, me i pa sel lawyer ki nou pou al recruit. Nou annan lezot ankor li premye, me i annan lezot ankor ki nou pe aprose pour nou kapab, donn nou en koudmen avek sa retainer pour sa servis. Mersi.

 

MR SPEAKER

Minis mersi. Onorab Larue.

 

HON FLORY LARUE

Bonn apre midi Mr Speaker, Minis Onorab Lemiel in koz lo sa fence ki’n ganny fer. Mon ti a kontan demande kwa ki anpes zot konplet sa fence. E dan ou larepons ou’n koz lo en nouvo Departman ki zot pe fer ki pe involve zot fer vini 5 Kenyan enn. Eski kapab elarzi sa leksplikasyon pour eksplik en pe plis ki mannyer sa pour fonksyonnen silvouple.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker napa okenn kontrent fizik ki pe anpes nou fini sa fence. I kestyon just get on and do it e nou annan en problenm lenplimantasyon, nou annan en problenm oversight pour fer sir ki bann proze ki nou, nou’n demare i konplete. E nou annan en problenm follow-up ek bann kontrakter. Mon krwar sa bann key issues ki nou pe fer fas avek, vizavi lenplimantasyon bann proze lenfrastriktir dan Minister.  E parey mon’n dir Mr Speaker nou pe aranz sa striktir pour kapab fer pli byen dan lavenir. Akoz pour le moman i klerman pa akseptab la fason ki bann proze pe ganny enplimante.  I annan tro bokou dele.  Nou larzan ki la disponib pour nou kapab enplimant keksoz pa pe ganny fer.  E nou bezwen, nou bezwen aranz sa sityasyon o pli vit posib pour nou kapab fer ki sa bann keksoz i marse. Nou bezwen push very hard pour sa bann keksoz i marse.

E sa i anmenn mwan lo sa dezyenm pwen ki Onorab Larue in fer sorti ; – Proze. Nou annan en Divizyon dan, dan Minister ki apel Infrastucture and Resource Planning. E zot menm zot ki deal avek tou nou bann Capital expenditure projects e zot menm zot ki deal avek tou nou bann proze ki annan pou fer avek repairs and maintenance – major repairs and maintenance dan bann lenfrastriktir lekol partou, ensidswit.

Pour le moman nou annan en lekip 5 dimoun la e i ganny headed by en consultant nou napa menm en Direkter. Nou napa menm Direkter Zeneral i bann vacant post ki nou annan. E nou annan, nou 5 manrmay la zot, i annan lo nivo project management, lo nivo draftsman, and so on.

Pour sa magnitude proze 100 ekek milyon roupi ki nou annan i pa ase. I pa ase akoz nou annan en kantite, i annan plis ki 70 proze ki nou pe fer e an menm tan i annan en kantite kontrakter ki nou pe deal avek.  E problenm se bann follow-up ek sa bann kontrakter – mon pa pe met tou tor lo kontrakter pa ganny mwan mal. Me i annan serten kontrakter ki ganny tender apre zot pa delivre apre nou bezwen recall tender ouswa nou bezwen annul  tender nou bezwen fer follow-up; ouswa zot pa fer li dapre standar ki zot in, zot in ganny zot bann paramet pour zot fer dapre scope of work se Bill of Quantities.

So sa bann zanfan, sa bann manrmay nou lekip la dan. IRP – i overloaded. So, pour nou kapab fer, donn zot en soulazman donn zot en soutyen nou’n deside, nou’n regarde lo marse lokal avan si nou kapab outsource en pe. Malerezman ler nou sey outsource tou bann dimoun ki dan sa sekter zot very busy.  Zot annan en kantite proze zot pe fer e zot pa prepare pou vin lo en baz retainer pour travay avek nou  lo 1an, ouswa lo en  baz 9 mwan pour siny en project to completion. Prezan ki nou’n deside fer alor, se nou deside pran en lekip sorti  Kenya, bann dimoun kalifye zot in ganny interview deza.   Atraver nou, nou’n ganny lasistans atraver nou konsil zeneral laba Nairobi Mr Jude Loveday. In ed nou idantifye bann dimoun nou’n interview zot e nou pe seleksyonn 5 pour retourn isi pour vin ed nou pandan en peryod 2an. Pour nou kapab met tou nou lenfrastriktir azour e an menm tan atraver ANHRD ; kontinyen envestir dan formasyon nou bann zenn profesyonnel tel ki architect, tel ki enzenyer, tel ki project manager, tel ki quality surveyors. Pour kapab annan sa bann manrmay retournen pour vin travay avek nou. An se moman i annan en gran mank dan nou pei bann dimoun ki a sa nivo ki kalifye pour fer sa bann travay e zot tou zot very busy bann ki la.

So nou bezwen lasistans pour le moman e enn fwa ki nou kapab rezourd sa bann problenm dan limedya then nou ava konsantre lo medium term, pour nou kapab annan nou prop lekip dan Minister bann Seselwa pour kapab fer sa travay. Mersi Mr Speaker.

 

MR SPEAKER

Onorab Adelaide, sorry Onorab Larue ou annan en siplemanter ankor.

 

HON FLORY LARUE

Mersi bokou Mr Speaker, mersi Minis mon pa ti tande si ou’n donn, ou ti’n donn larepons pou ti dir nou lekel sa Avoka ki Minister ti’n pran ?   E osi eski i annan en advisor pour ledikasyon ki apel Dr. Nolan, en Irish ki osi travay avek Young Leaders Programme? Eski i ankor involve avek Minister Ledikasyon silvouple?

 

MR SPEAKER

Minis, Minis in eksplike taler Onorab Larue ki mannyer letan Onorab Ernesta in demann son kestyon. I ti koz lo sa kestyon Avoka. Kekfwa ou pa ti pe ekoute.  Wi Onorab.

 

HON WAVEL RAMKALAWAN

Mr Speaker napa okenn rezon akoz Minis pa kapab donn non sa Avoka. Nou’n demande bann kestyon dan le pase e lotrozour nou’n koz lo Turnkey, Turnkey Investment e i ti donn non direkter e en Avoka ki pe fer travay pou Gouvernman ki nou ki pe pey li, nou devret kapab konnen lekel li. Mersi bokou.

 

MR SPEAKER

Minis petet ou a re donn, re eksplik ou, ou repons pour k ou ti donnen taler ler mon krwar Onorab Ernesta ti’n poz mon krwar menm kestyon.

 

MINISTER JOEL MORGAN

Mersi Mr Speaker an ka petet bann Manm Lasanble i krwar pou dir i annan enn parmi zot in ganny retain pour sa louvraz i pa leka. Mon ti a kontan reasir sa Lasanble Mr Speaker. Mr Speaker mon napa problenm sa dimoun se avoka Bernard Adonis ki’n ganny retain pour sa travay, pour konmanse. I annan lezot, i annan lezot ki pe vini…

 

MR SPEAKER

Order! Order!

 

MINISTER JOEL MORGAN

I annan lezot ki pe vini Mr Speaker e tousala zot in ganny aprose pou fer en propozisyon avek zot bann fees. E sa ki’n pli konpetitiv in ganny sa premye alokasyon sa travay.

An sa ki konsern Dr Nolan non, nou’n nepli annan okenn kontra avek Dr Nolan. In nepli lo okenn kontra avek Minister Ledikasyon pour okenn travay i pe, sa ki mon konpran i pe finish-off sa travay ki i annan pour Young Leaders Programme ki pou fini lafen sa lannen avek Liniversite Sesel.  Me avek Minister Ledikasyon pour le moman i napa nanryen. Mersi.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Speaker, Minis relye avek sa devlopman ki’n arive avek lekol Anse Royale. Eski i annan okenn investigation ki’n ganny fer pour petet rod sa bann sours problenm – ki akoz sa bann etidyan pe azir dan sa bann fason koumsa? Eski zot in vin pli dezobeisan, ouswa management ki’n slack en pe e ki merit ranfor?

E mon dezyenm kestyon se eski i annan okenn travay ki ou Minister pe fer avek management lekol Anse Royale segonder vi ki sa lekol 2an pase apepre.  Ti en lekol ki kot disiplin to vreman alaoter, e tou dernyerman i annan en degradasyon.  So, eski ou annan en travay ki ou Minister pe fer avek sa lekol?  Mersi.

 

MR SPEAKER

Minis.

 

MINISTER JOEL MORGAN

Mersi Mr Speaker, Mr Speaker si mon regard bann statistik ki mon annan an mon dispozisyon.  Si ou donn mwan en minit mon a rod pour lekol Anse Royale.

 

MR SPEAKER

Ou kapab pran 3 minit Minis.

 

MINISTER JOEL MORGAN

Ok, Mr Speaker mersi, bon nou a prezant 2016 e nou a prezant 2017. Total an 2016 pozisyon cannabis lekol Anse Royale 5 total 2017 lekol Anse Royale term 1 ziska ozordi term 2 milye term 2 – 4. Student tested positive for cannabis lekol Anse Royale 2016 – 0.  Term 2, 2017 ziska prezan – 5. Student found in possession of or drinking alcohol lekol Anse Royale 2016 – 7 ka.  2017 ziska prezan 8 ka, non pardon 9 ka.

9 ka ziska prezan 2017. Student found in possession or smoking of cigarettes  – 4, 2016 ziska prezan – 1,  2017. Students involve in fights Anse Royale 2016 – 48, 2017 ziska prezan 34. Total 2016 tou bann lofans classroom disruption, being impolite, failure to wear uniform correctly, failure to complete class work, failure to complete homework, not bringing home required lessons, not bringing home required equipment to lessons, not bringing required equipments to lessons pardon. Stealing, inappropriate haircut, insolence or disobedience in appropriate argumentation, inappropriate public display of affection, late for lessons, leaving class without permission, loitering, littering the school compound, inappropriate or offensive language, use of nuisance items on school premises, aggressive behavior, aggressive behavior resulting in a serious harm, aggressive behavior directed towards a staff member, truancy, bullying, harassment intimidation, vandalism damaging school property, gambling, possession of dangerous weapons, pornographic material possession, indecent activity participation, sexual proposition or acts on school premises an total Mr Speaker pour 2016 term 1 ti annan 596 ka. term 2 ti annan 643 ka, e term 3 – 526 ka.

Pour 2017 lenformasyon ki mon annan la ziska prezan ki’n ganny rikorde term 1 – 366 ka.  Mon napa lenformasyon azour pour term 2.  Me selman mon ava lir avek ou permisyon Mr Speaker. ‘’It is to be noted that aggressive behavior towards staff members are mostly verbal in nature. Possession of dangerous weapons consist mainly of lighters and other implements.  Students at S4 and S5 level are being place on a behavior contract. This has helped in reducing considerably the number of case reported at these two levels. ‘’

Alors bann ka ki’n ganny raporte an 2017 i 366 konpare avek 526 ka  3enm term an 2016 e bann lezot statistik ki mon’n donnen. Mon krwar sa kestyon met manrmay lo Kontra pour behavior i pe ede, i pe ede pour kapab zer en pe sa sityasyon dan lekol Anse Royale. Me selman Mr Speaker mon pa ti a oule nou target zis lekol Anse Royale la. Akoz sa problenm i across tou nou bann lekol. I pa zis lekol Anse Royale, in ariv en lensidan ki in ganny mediatize lo social media lekol Anse Royale me i zeneral dan tou nou bann lekol segonder sirtou. E mon krwar ki nou bezwen fer atansyon ki nou pa zis penaliz lekol Anse Royale dan sa sans la, akoz i en keksoz ki across the board.

An sa ki konsern investigation wi i annan en investigation ki’n ganny fer. Zeneralman nou pe regarde ki mannyer behavior pe, son behavioral trend pour lekol, bann lekol segonder pe ale. Enkli lekol Anse Royale enkli lekol English River, e nou pe travay avek management lekol pour vwar ki nou kapab fer. Ki bann aksyon, ki bann mezir nou kapab pran pour asire ki nou redwir parey tel ki met zot lo en behavioral contract.

Ansanm avek zot paran kot paran i siny sa kontra ansanm avek zot. Sa i pa, i pa inik Sesel, i annan lekol dan bann lezot pei par egzanp mon konnen Dubai i fer sa, L’Angleterre i fer sa. I annan plizyer pei ki fer bann keksoz koumsa  – e eski nou pe travay avek management lekol ? Wi nou pe travay avek management lekol pour ede asire ki annan pli lord plis disiplin e pli bon konportman dan lekol an zeneral, avek bi pour asire ki bann zanfan pe vin lekol i vin pou aprann e non pa pou fer lezot keksoz.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker, bonzour, bonn apre midi Mr Speaker, bonn apre midi Minis ek ou delegasyon e tou dimoun ki a lekout.

Mr Speaker dan laliny ki nou’n antann Minis in koz lo Anse Royale Lekol Segonder ki’n fer ekselan dan atletik avek sa ki ou pe dir. E lezot lekol segonder ki mannyer i ete? Si ou kapab dir nou sa. Epi mon zis le konfirmen, be mon war Minister Ledikasyon i en pe parey nou kot Lasanble. Minis ou annan preogativ pou rod ou legal advisor parey nou isi nou Speaker i annan preogativ. Fantastik konmsi sa i fer nou bouz vitman.

Sa, e an menm tan sa kestyon sa Seselwa, sa madanm kalifye ki ti ava bon vreman pour Ledikasyon kot i konsern sa bann problenm. Mon ti ava demande ki sa pos i ganny kree vitman e met kot DPA. Ki DPA i ganny, i ganny pa en presyon me selman i ganny pouse pou konpran lirzans e bezwen Minister Ledikasyon kot i konsern sa. E ki donn son aprouvasyon. E an menm tan Mr Speaker rezilta dan bann lekol in desann nou’n vwar dernyerman dapre rapor ki’n sorti kot Minister Ledikasyon li menm.

E sa bann problenm ki nou pe koze, tousala i afekte osi laprantisaz dan lekol. Mwan mon konsern i ki reaksyon Minister Ledikasyon kot i konsern – si par egzanp bann paran ki bann zanfan pozitif ; bann paran pozitiv kot zot bann zanfan pe ganny afekte par sa group ki annan sa problenm disiplin. I pou afekte laprantisaz sa lot gran group. Ki pou arive si bann paran sa lot gran group i deside konmsi si Gouvernman, Minister i tarde vin anmenn solisyon.  E ki e zot, zot deside vini pran keksoz an-men e dir tyonbo en kou enough is enough.  E konmsi pou met en lord ek sa bann lot group paran. En senaryo nou pa ti ava kontan arive me selman mon pe met devan.

Alors otherwise ki mannyer nou kapab get sa. Eski i annan en rol ki sa bann paran sorti kot sa bann, sa bann paran pozitif sorti kot sa mazorite zanfan ki ok. Ki napa problenm pozitif –  eski i annan en rol nou kapab zwe dan sa prosesis pour anmenn en solisyon a sa problenm ki nou pe koze ? Mersi bokou Mr Speaker.

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker sityasyon dan bann lekol segonder an zeneral i ganny reflekte en pti pe lo sa ki nou’n lo pou Anse Royale ozordi – parey mon’n dir.   E mon krwar ki nou pa kapab disteng Anse Royale spesifkman pou dir i annan bad management ouswa i pa pe fer son travay byen ouswa distrik Anse Royale ek bann neighbouring districts Takamaka and so on, i lakoz. Mon krwar sa problenm nou’n war li en pe partou dan tou bann lekol segonder. Mwens lo La Digue natirelman akoz i en pti kominote. Me apard ki La Digue Segonder, bann statistik ki mon annan la mazorite lezot lekol i dan menm sityasyon.

Setadir i annan en problenm en disiplin, i annan en problenm mank bon konportman, e i annan en problenm behavior an zeneral ki pe afekte nou bann lekol segonder. E ler mon regard bann trends S1, S2, S3, S4, S5. Mon vwar pou dir, mon ti pe regard sa yer swar mon ti pe analiz sa bann lenformasyon  yer swar sirtou lo nivo, ler zot in ariv dan S2 – S2, S3 la kot i annan bokou bann issues ki bann zanfan i pas atraver lo nivo konportman e lo nivo lofans zot kree.  Enn fwa zot in arive S5 zot tant pou settle down en pe plis, at least dan lekol, dan laklas.

So i montre poudir i annan serten lenfliyans dan sa larz kot zot ete dan S2, S3 enn pti pe dan S4 ki zot ganny enfliyanse. Petet par sa laklas avan ki’n presed zot pour bann konportman.  Akoz ler zot sorti dan primer sa bann zanfan zeneralman zot tou zot annan bon konportman.  Ler zot al dan segonder apre premye lannen segonder la ou vwar, statistik i la pour prouve pou dir sa i le ka. So, nou bezwen tackle sa problenm parey mon’n dir dan en fason holistic, zeneral e ranforsi tou sa bann eleman ki nou’n koz lo la apre midi Mr Speaker.

Pour kreasyon sa post wi nou pe fer le neseser pour nou kapab azir lo la mon’n koz lo la. Reaksyon Minister Ledikasyon konsernan bann paran ki zot bann zanfan pe travay byen dan lekol e ki pe ganny enteronpe. Mon pa oule ki nou al dan en sityasyon Lanarsi Mr Speaker i pa pou byen i pa pou prodiktiv pou personn. Me selman mon krwar bann paran ki annan bann konsern i kapab zwe en rol pozitif dan bann lekol atraver Council me osi atraver PTA. E osi atraver enteraksyon direkteman avek bann teachers pour zot vin koman bann mentor.  Ede mentor sa bann zanfan lo en baz sa bann zanfan in aksepte e bann paran sa bann zanfan i aksepte pour donn zot sa bon gidans.

Donn en Talk, vin dan laklas vin donn zot en Talk donn zot en pe konsey, vin montre zot ki mannyer zot karyer i kapab progrese ; vin montre zot ki sa vedir laprantisaz kot ou kapab al lo nivo liniversite demen. Annan en profesyon ki bon, pour zot.  I annan tousala. E osi bann paran ki’n pas atraver bann sityasyon parey prizon.  I kapab osi vin donn en Talk bann zanfan lekol pour dir, ‘’regarde mon konportman ti koumsa mon’n al prizon, mon’n fer prizon e prezan ozordi mwan mon’n refer mon lekor mon pe refer mon lavi, mon’n refer mon lavi. Mon pe vin dir zot pa bezwen fer sa bann keksoz. Akoz zot pour end-up laba zot osi.’’

Mon krwar tousala i bann legzanp ki nou kapab servi. Nou pa fer li pour le moman. Nou pa pe fer li ase bann teachers ki’n pran linisyativ i byen, me nou pa pe fer li lo nivo Minister i en keksoz ki mon ava pran anmenn pour nou fer li.  Mon ti a kontan zis osi Mr Speaker nou’n, nou’n caught up bokou dan bann diskisyon la. Mon ti a kontan felisit lekol Anse Royale zot fer kantmenm keksoz byen zot in pran bokou meday, bokou Trofe pour Sanpyonna Atletik 2017. E mon ti a kontan felisit tou bann zanfan lekol e lekip Anse Royale ensi ki tou bann lezot lekol ki’n partisipe pour zot zefor sportif.  Mersi.

 

MR SPEAKER

Yes Onorab De Commarmond, ou annan en kestyon siplemanter.

 

HON CHARLES DE COMMARMOND

Mr Speaker petet Minis i kapab fer en komanter osi lo Parenting, konmsi ki par egzanp Minister Lafanmir i ti kapab fer an kolorasyon avek Minister Ledikasyon ek striktir ki egziste dan lekol. I mean all stakeholders on board – ki mannyer zot kapab zwe en rol ek sa bann paran petet kot sa bann problenm i originate i annan. Kot ou kapab koz lo good parenting ensidswit e ankor pour amelyor sa kalite sityasyon.

 

MR SPEAKER

Minis.

 

MINISTER JOEL MORGAN

Mersi Mr Speaker mon ti a siport sa en, mon ti a siport sa akoz mon krwar ki i enportan ki tou bann lazans enkli bann NGO.  E lasosyete an zeneral i focus lo sa kestyon good parenting. I konmans la e i fini la.  Mon krwar i enportan ki nou eseye o tan ki posib enplike bann bon valer. E nou pe travay, nou pe travay avek Minister pour Lafanmir responsab pour Lafanmir.

Sirtou lo nivo, bann, bann case sosyal pour sa e nou involve dan bann parenting issues kot nou bezwen, kot zot bezwen al kot bann lakour and so on. Nou fer en swivi lo bann zanfan prensipalman me sa kestyon parenting i tre enportan e nou bezwen donn bokou lanfaz lo la. Mersi

 

MR SPEAKER

Onorab Basil Hoareau

 

HON BASIL HOAREAU

Mersi Mr Speaker. Mon ti a kontan demann Minis premyerman eski zot statistics problenm disiplin pe agrave dan bann lekol? E si wi. Eski ou santi ou Minister i annan sa problenm anba kontrol? E trwazyenmman si non – ki ou Minister pe fer an term plan e stratezi pour nobou remet sa, sa problenm disiplin anba kontrol?

 

MR SPEAKER

Minis.

 

MINISTER JOEL MORGAN

Mersi Mr Speaker. Mr Speaker dapre bann, bann tandans ki nou pe vwar 2015, 2016 e ziska prezan 2017, i annan en logmantasyon dan bann, aktivite ki annan pou fer avek disiplin ki annan pou fer dan lekol. Ki annan pou fer avek behavior problems dan lekol a ki annan pou fer avek bann lezot case ki mon’n koz lo la dan bann diferan kategori ki mon’n koz lo la taler. I annan en logmantasyon an zeneral. I annan bann lekol ki pe fer en pe pli byen, i annan en bann lekol ki fer en pe pli mal ki zot ti fer oparavan.

Mwan mon krwar sa bann statistik ki nou annan la i alarman. Mon krwar ki i pa devret ki dan en lannen skoler nou annan nou 10 poursan dan popilasyon lekol ki involve dan bann lensidan, 10 poursan ou plis ki involve dan bann lensidan endisiplin, konportman e lezot keksoz dan lekol. I pa devret a sa nivo i devret par anba 5 poursan. E baze lo la therefore i bezwen annan en call for action, i bezwen annan aksyon ki ganny pran pour nou kapab aziste fas a sa sityasyon. E met li anba kontrol parey ou’n demande Onorab.

Now, ki mannyer nou met li anba kontrol i en lapros konplike.   Akoz i annan bokou fakter, i annan bokou fakter e i annan bokou bann diferan eleman ki nou bezwen deal avek ki pa neseserman a lorizin dan lekol. I pa neseserman son lorizin i dan lekol me son lorizin i an deor lekol e i manifeste dan lekol. So malgre nou pour annan serten mezir pli strik dan bann lekol i pa pour neseserman rezourd problenm an zeneral. Alors nou bezwen pran en lapros kot nou pe travay avek tou bann partner konsernen, enkli bann paran pour nou kapab adres sa bann problenm, enn par enn. I pa kapab annan en lapros zeneral, i bezwen annan en lapros spesifik ki ganny tailored pour sak ka. I pour annan bann guideline zeneral ki nou pur kapab servi, me pour sa ka i bezwen annan en lapros spesifik.

Prezan nou bezwen medev. Nou bezwen resours ; nou bezwen bann fasilite pour nou kapab fer li, bann keksoz ki mon’n koz lo la en pe pli boner Mr Speaker. Alor nou plan pour lavenir se ki nou rekonnet nou annan en problenm, nou rekonnet sityasyon ki mannyer i été ozordi, i ase a mon lopinyon pour mwan.

E nou bezwen azir avek en set of measures ki holistic pour rezourd sa problenm. Mersi.

 

MR SPEAKER

Onorab Hoareau.

 

HON BASIL HOAREAU

Supplimentary Mr Speaker. Eski vi ki sityasyon mannyer pe agrave e i paret i pe kapab sityasyon pe komans depas nou tou – eski Minis pa krwar pour dir petet in ler pour nou fer en comprehensive study lo tou keksoz, reget Lalwa, reget lo bann issues lozistik, sekirite dan lekol, e si fodre menm seek outside help pour ed nou nobou contain sa sityasyon la, a sa moman olye les li depas nou kot i get out of control totalman?

 

MR SPEAKER

Minis.

 

MINISTER JOEL MORGAN

Mr Speaker i annan valer dan fer en comprehensive study lo nivo lekol, me selman i pour zis en eleman, en porsyon sa problenm; akoz problenm i en problenm sosyete. I en problenm ki afekte lasosyete an zeneral an antye. E mon krwar nou pour vwar i annan sa valer akademik e sa valer petet menm pratik pour fer sa letid pour nou ganny bokou plis lenformasyon.

Me nou pa kapab osi esper tro lontan e perdi letan san pran bann lezot mezir antretan ki nou’n diskite apre midi dan Lasanble. Mon krwar i annan en travay irzan pour nou fer pour nou kapab re met sityasyon anba kontrol e donn nou sa breathing space pour nou kapab prezan re get sa problenm o nivo nasyonal, ki mannyer nou deal avek. Akoz i relye avek en kantite keksoz sa. I relye avek konportman sosyal, i relye avek problenm drog, i relye avek problenm lalkol dan bann…ki ganny servi par bann zanfan ; i ganny relye avek problenm lifestyle, i ganny relye avek problenm seksyalite. I annan en kantite, en kantite eleman ki pe afekte lasosyete ozordi dan bann zenn ki manifeste son lekor dan bann ka ki nou vwar dan bann lekol. Mersi.

 

MR SPEAKER

Minis mwan mon annan 2 kestyon baze lo kestyon Onorab Hoareau, Onorab Basil Hoareau. Ou’n koz pli boner lo en sant. Mon pa rapel si ou ti dir en sant reform, reabilitasyon, me plito en sant tanporer ou’n mansyonnen kot pour anvoy sa bann manrmay, bann zenn ki annan problenm konportman. Ki kalite timeframe nou pe koz lo la ?

Mon demann sa kestyon akoz ler mon get mon leksperyans Anse Boileau, Anse Boileau Primer i annan en paran ki tre aktif avek lekol, management lekol primer. Son zanfan in lekol primer, e li ti en dimoun ki ti ganny anvoye dan en sant ki ti fer Labastir en pe letan ler i ti dan lekol primer, e ti annan problenm konportman. E in sanz net.

2enm ka, legzanp tre konkret se en dimoun, en zenn ki sorti dan distrik Onorab Aglae, mon osi mon sorti laba ; ki en moman donnen ti annan en progranm ki ti, bann ki ti vreman problenm konportman sever ti anvoy zot lo en progranm spesyal ki ti fer Pointe Larue kot sant lapolis. Mwan mon pe koz koman en paran e koman en teacher eksperimante. Ou pa pour zanmen vin nobou annan ni laprantisaz ni lansennyman si ou napa disiplin.

Sa tou dimoun i dakor si ou’n deza ansennyan. Me si en dimoun pour konport li parey mon tande La Rivière  Anglaise  in konport li oubyen Anse Royale li, ou pour rod kontra, ou pour rod isi, ou pour rod paran, i bezwen annan aksyon ki sa dimoun i santi. E mon pe koz la leksperyans Anse Boileau kot in annan success stories pour servi en term ki kanmarad Gill i kontan servi ; kot i annan zenn ki’n ganny, mon krwar mon pe mazin 2 dimoun sorti dan lekol Anse Boileau ki’n ganny anvoye kot sa sant lapolis ki in reform in sanz net.

E mon konnen sa dimoun mon pa pour mansyonn zot non pour bann rezon evidan, Onorab Aglae i konn zot. So mon kestyon i ki timeframe ou pe servi, ou pe mazinen, mon’n tann ou mansyonn en landrwa tanporer – eski ou’n war sa landrwa tanporer ? Fodre ki tou zenn Seselwa dan lekol i ganny en mesaz kler – ki si zot konport zot an deor Kod Kondwit  ki’n etablir i annan sanksyon, e zot pour vin nobou ganny tire dan lekol pour zot pa deranz lezot pour al en landrwa spesyal.

Mon dezyenm kestyon Minis, se ou’n koz lo lankourazman ki tou dimoun i devret donn bann lekol. Ou’n koz lo paran, stakeholders – eski ou ankouraz MNA pour pour pran dan lavi e management lekol dan zot distrik kot zot in ganny elekte? E si sa i leka, mon ti a kontan demann bann MNA konbyen zot depi Zanvye ki vizit lekol kot zot in ganny elekte ?

Minis petet ou ti a reponn mon premye kestyon avan, apre al dezyenm kestyon. Minis. Order! Order!  Minis.

 

MINISTER JOEL MORGAN

Mersi Mr Speaker pour bann pwen tre valab ki ou’n fer. Mr Speaker nou pe vwar, mon pe koz anba koreksyon Minister responsab pour Labita la en. Akoz se zot ki pour met sa lenfrastriktir azour. Me nou pe koz dan sa prosen 4 mwan pour nou kapab prepar sa sant reabilitasyon pour bann zenn – tanporer.

E landrwa ki’n ganny propoze e mon kapab devwal sa avek Lasanble ; landrwa ki’n ganny propoze se lekol Grand Anse, en seksyon lekol Grand Anse lo bor deryer sa lekol ki pour le moman i en wing antye, i self-contain, son compound, son courtyard li menm li la ki a laryer lekol aktyel  ki pa pe ganny okipe an se moman, i vid. I annan zis detrwa bann fasilite, mon krwar i annan en art room la, apre i annan en fasilite pour administrasyon ki nou kapab bouze.

E nou’n al vizit sa, nou’n vwar li koman en landrwa i deal pour nou gannyen dan limedya pour servi. Now Gouvernman pa ankor donn son laprouvasyon final lo la. Akoz MLUH pe travay lo bann detay, Minister responsab… pe travay lo bann detay pour sa. Me selman nou tou, tou bann Minister konsernen in dakor pour dir sa sant, sa landrwa i deal pour limedya, i kapab pran en 50enn manrmay fasilman, fasilman san problenm ; koman en dormitory, avek tou zot bann fasilite, zot lakwizin, zot recreational area, zot games rooms, tou zot bann zafer. E osi bann laklas pour zot.

Alor nou’n donn nou lekor prosen 4 mwan pour nou kapab antreprann sa e met li an mars  Mr Speaker. Me defi pour vin, pour annan dimoun pour man sa landrwa.  E la nou bezwen regarde ki mannyer nou kapab rod dimoun rapidman pour ed nou. I bezwen Seselwa menm akoz nou bezwen annan dimoun lokal ki kapab deal ek sa sant, bann zanfan dan sa sant zot menm. E petet nou kapab ganny bann dimoun lo en baz kontra pour vin travay pandan sa peryod letan pour kapab lans nou progranm an mezir ki nou rod sa landrwa permanan pour fer li. Alor timeframe Mr Speaker sertennman mon krwar avan lafen lannen nou pou’n kapab demare avek sa.

Sa progranm spesyal ki ou’n koz lo la ki ti ganny fer Lakademi Lapolis, mon rapel byen Mr Speaker ler mon ti Minis responsab pour Lapolis ti ganny fer laba, ti ganny bouze subsequently Ile Du Swede  avek militer. So menm progranm i an kour konmela, e nou annan de progranm ; nou annan sa ki appel Alternative Education Programme, apre nou annan Youth Integrated Support Programme, YISP.

E tou le de progranm i annan en ki annan 90 etidyan ladan ki ganny fer pandan letan Day Release, apre i annan enn ki 84 etidyan ki ganny fer dan letan vakans e se sa progranm 13, 14 zour ki mon’n koz lo la ki en progranm entansif. So sa progranm i ankor li, me selman in sanz landrwa, in Lakademi Militer, e pour…konmela i annan bann dimoun Lakademi Militer ki pe ede pour antreprann sa progranm.

Wi nou’n annan success stories, in annan menm dimoun ki dan o ran dan lapolis ozordi Mr Speaker ki’n pas atraver bann tel progranm. So i en keksoz ki marse. Me sa ki nou bezwen la fer se nou bezwen eberz li dan en landrwa permanan e met li an mars a plen tan. Mersi bokou Mr Speaker.

 

MR SPEAKER

Me antretan mon siport Minis, mon siport Onorab De Commarmond antyerman ki mon pa krwar ki i devret annan en lanpesman akoz i napa pos oubyen napa larzan. Nou tou nou aksepte pour dir sa i en keksoz irzan. So sa zafer napa pos ek napa larzan la. Mwan koman en Seselwa mon pa aksepte. Mon krwar nou dir i annan en bezwen, ou bezwen lager pour fer sir pour ou ganny sa larzan pour pey sa dimoun sirtou si i spesyalize i la. Onorab Ramkalawan.

 

HON WAVEL RAMKALAWAN

Mr Speaker.

 

MR SPEAKER

Please, please, en dernyen kestyon, Onorab Ramkalawan.

 

HON WAVEL RAMKALAWAN

Mr Speaker, mon pa pe al met en sizesyon, mon pe al demann en kestyon Minis. Letan Minis ti ganny apwente koman Minis Ledikasyon ti annan enn bann kestyon ki ti ganny poze pandan Bidze se pour dir pour demann li – etandonnen ki i annan sa leksperyans vizavi lekol prive parey mon osi tou mon annan sa leksperyans ek lekol prive; apre sa peryod letan la; 6 mwan a 9 mwan ki in dan Minister Ledikasyon ki kwa ki i santi i bezwen fer dan lekol Gouvernman pour ki sa bann problenm ki in donn nou en pe statistik ozordi, ki pa egziste dan lekol par egzanp Independence School i kapab ganny turn around pour ki sa nivo disiplin i arive dan nou bann lekol, dan nou bann lekol Gouvernman ?

E 2enm Mr Speaker sa portre ki in penn i en portre vreman ki donn depresyon. Si mon ti annan, e in fact i annan en manman pandan ki nou pe fer sa deba ki’n anvoy en mesaz pour Onorab Henrie pour dir ki letan i pe okip son zanfan, son fiy dan bomaten i priye pour ki Bondye i beni son zanfan e protez li pour li retourn dan lakour sen e sof. I enport…i en zimaz negatif, e mwan mon pa ti pour kontan nou fini lo en, lo en pwen negatif. Alor eski Minis i kapab dir avek nou, donn nou en mesaz lankourazman, donn nou en mesaz lespwar pour nou fini avek. Mersi bokou.

 

MR SPEAKER

Minis – Minis Morgan.

 

MINISTER JOEL MORGAN

Mersi Mr Speaker. Mr Speaker, mwan annan en kestyon ki mon pa’n reponn ou pour ou konsernan bann MNAs. Mwan demann leskiz pour sa. Mwan ti a kontan envit tou nou MNAs, tou nou bann Manm Onorab Lasanble  pour partisip plennman dan bann keksoz ki annan pour fer avek bann lekol. Zot welcome, at anytime. Zot kapab fer li e si zot annan bann lanpesman then nou ava fer sir ki sa bann lanpesman i ganny retire dan en fason ki zot kapab fully involve e donn parey Speaker in dir e koudmen, en soutyen lo nivo bann lekol ki nou annan dan nou pei.

I enportan sa akoz zot osi zot bann role models ; zot osi zot bann public figures, zot kapab partisip dan bann desizyon, ouswa met a latansyon Management bann lekol, menm latansyon mon Minister bann problenm ki nou pe fer fas avek, e mwan personnelman Mr Speaker mon welcome toultan enteraksyon avek zot a nenport ki moman zot anvi enterakte mon disponib pour nou kapab fer li. E parey toultan mon dir napa personn ki annan monopoly lo bon nide. Mon krwar tou dimoun i kapab annan en kontribisyon tre enportan pour fer e zot ki an kontak avek lakominote zot vwar serten keksoz petet ki pa toultan mwan mon vwar, ouswa mon napa sa loportinite pour mwan ganny sa lenformasyon. So silvouple fer li, anmenn li kot mwan, ouswa anmenn lekol direkteman si zot anvi, nou ava fer le neseser.

An sa ki konsern kestyon Onorab Lopozisyon ki mon bezwen fer koman Minis pour adres sa sityasyon ki nou fer fas avek ?   Mon krwar larepons se met nou bann striktir dan en leta fonksyonnel. Ozordi dan Minister nou annan en kantite striktir, me pa tou ki pe fonksyonn parey i devret fonksyonnen.

Lo nivo Minister li menm li, lo nivo Headquarters, i annan bokou keksoz ki devret ganny fer, me ki pa pe ganny fer parey i devret ganny fer. E sa i koz, i koz bokou konplikasyon dan lenplimantasyon, e zesyon sa problenm dan bann lekol, sa i enn.

2enm keksoz lo nivo bann lekol ki mon bezwen fer, nou bezwen fer management bann lekol bokou plis annan sa pouvwar pour zot deal avek bann. Setadir empower zot. Akoz ozordi i annan serten disconnect ant Minister ek bann lekol dan serten sans kot they pass the buck, zot pa pran sa bann desizyon ki zot sipoze pran zot menm e souvandfwa i annan serten reperkisyon ki zot pa oule fer fas avek.

Lot keksoz Mr Speaker se nou bezwen annan en lapros bokou pli strik parey ou’n dir anver bann ki pa pe confirm avek Code of Conduct. E sa i fondamantal. Si nou pour kontinyen lese fer, nou pour kontinyen les bann dimoun get away with it, i pa pour marse, e la i involve non selman bann zanfan, nou koz lo lekol prive, Onorab Ramkalawan in koz lo lekol prive. Be dan lekol prive bann paran, zot, zot annan an mazorite zot annan en gran lentere dan devlopman edikasyonnel zot bann zanfan, e zot pe peye pour sa servis, be sa ki bann paran Lekol Leta pa realize, se zot osi zot pe peye pour sa servis akoz zot pey tax zot. Zot osi zot peye pour sa servis. So sa 700 ekek milyon roupi ki al anver Minister Ledikasyon, i vin, i sorti kote sa. I sorti kot tax payer. I sorti kot tax payer. E mon krwar si sak paran i pran sa realizasyon pour dir i pe kontribye dan ledikasyon son zanfan e i annan en responsabilite pour asire ki son zanfan i konport li byen, i travay byen lekol, i fer byen lekol, e li menm li lo nivo lakour i asir sa bann keksoz pour son bann zanfan, then nou kapab rezourd sa problenm.

Mr Speaker mesaz lespwar se ki mon determinen avek mon lekip, ansanm avek zot sipor pour nou kapab, non i pa en slogan politik sa, i zis en manner of talking. Mon determinen pour nou kapab deal avek sa sityasyon. Nou bezwen deal avek. We have no option. E mon krwar malgre ki nou’n vwar bokou bann statistik ki trakas nou apre midi ki mon’n koz lo la. ki mon’n dir i alarman, mon krwar ki ler nou met tou sa bann keksoz an plas i pour marse. I a vini, e nou pour vwar rezilta. Alors Mr Speaker mon ti a kontan dir avek tou dimoun pa perdi lespwar. Annou travay ansanm, en travay lekip, annou fer li ansanm, e sirtou bann paran, pran plis responsabilite avek zot bann zanfan. Mersi.

 

MR SPEAKER

Mersi, mersi Minis. Mon krwar ki nou tou nou donn ou sa langazman pour donn sipor. Mon konnen lo nou kote dan Was, Onorab Aglae, Onorab William e mwan a long term pase nou ti zwenn avek management lekol segonder kot tou le 3 distrik i feeder district e nou’n promet pour kontinyen nou bann rankont avek zot. E mon’n ganny lenpresyon ki laplipar MNA pe osi enterakte avek management lekol kot zot in ganny elekte oubyen kot zot pe reprezante.

Mwan personnelman mon kapab dir bann dimoun dan Was sertennman Anse Boileau ki mon annan, par natir mon en optimis; it will get better. Si nou tou dir met devan disiplin. E la ankor mon koz koman Chairman Anti-Viktimizasyon. The  trend ki ou vwar pase partou kot i annan problenm i senpleman mank disiplin dan nou popilasyon. E mon krwar nou tou koman leaders nou bezwen fer nou ‘mea koulpa.’ Si nou per pour dir non ek zanfan, zanmen pour annan drwatir. Fodre nou tou koman paran, koman sitwayen, koman teachers, koman administrater, koman politisyen, nou konn moman pour nou dir non, e non, se non. Nou a gannyen disiplin. Alor mon krwar i annan en kantite lespwar. Mwan mon krwar pour dir devan nou i annan en lavenir briyan in spite of tou sa bann problenm ki nou annan. E Minis mon kapab donn ou garanti ki nou dan Lasanble nou pour donn ou Minister ek ou bann staff sipor, menm si mon pa vin kot ou Anse Boileau nou laboratwar pa ti pe marse, mon ti al kot ou project officer, Mr Belmont, e in marse.

So mon krwar si nou tou nou pouse nou ava arive. Avek sa mwan ava remersi ou avek ou lekip, nou a eskiz ou, e remersi ou ankor pour letan ki ou’n pas avek nou.

 

(MINISTER JOEL MORGAN AND HIS DELEGATION WAS EXCUSED FROM THE HOUSE)