Home » Verbatim » 2017 » Verbatim Report NAS Sitting Wednesday 21st December, 2016

Verbatim Report NAS Sitting Wednesday 21st December, 2016

NATIONAL ASSEMBLY OF SEYCHELLES

 

Wednesday 21st December, 2016

The Assembly met at 9am

National Anthem

Moment of Reflection

Mr Speaker in the Chair

 

 

MR SPEAKER

Bonzour tou dimoun.  Tou bann Manm Onorab tou bann dimoun ki pe ekout nou dan lakour e aryer.  Bomaten mon ti a kontan swet la byenveni pou en lazournen travay avek nou Minis pour Lazenes, Sports ek Kiltir. Minis Idith Alexander avek son lekip e bomaten nou pou konmans avek 2 Departman dan son Minister avek son portfolio. Nou pou  ki zot pou vwar dan nou liv lo paz 486.  E nou ti a kontan osi swet labyenveni parmi nou PS Payet ek son lekip ki fidel touzour pe siport bann diferan Minister dan Gouvernman e osi the  Advisor Mr Kevin Vidot ki familye ek sa Lasanble in deza MNA e i Special Advisor pour Lazenes e Mr Jean Larue ki Special Advisor pour Sports.  Alor byenveni fotespere nou a pas en lazournen friktye e kalm e edikasyonnel ansanm.

Wi Onorab Adelaide.

 

HON FRANCOIS ADELAIDE

Mersi Mr Speaker.  Bonzour  tou Manm Onorab.  Bonzour Minis avek ou lekip.  Mr Speaker mon oule raise en matter of privilege konsernen sa latak ki  mon krwar Minis  ti  fer, konsernan son repons Bidze si posib avek ou permisyon, silvouple.

 

MR SPEAKER

Wi Onorab Adelaide.  Mon’n vwar ou request  for leave dapre Lartik 54 e Standing Orders e mon’n vwar ou statement ki ou anvi fer.  Mon donn ou laparol pou ou fer ou statement.

 

HON FRANCOIS ADELAIDE

Mersi Mr Speaker. Bonzour ankor a tous zabitan Baie Lazare e tou Seselwa ki pe ekoute.  Me pe demann ou permisyon Mr Speaker pou lev en matter of privilege  konsernan sa latak personnel ki Minis Larose in fer kont mwan, dan mon dan son repons Bidze Merkredi le 14 Desanm.  Mr Speaker mon oule met lo rikord Lasanble ki Minis Larose in konpletman mal enterpret mon deliberasyon. In donn lenpresyon sa Lasanble e lepep Seselwa, ki mon’n ensilte li.  E mon’n dir ki i koronpi e i pran gous.  In sey tou fason pou li anbaras mwan devan sa Lasanble ek lepep Seselwa.

Mr Speaker, mon panse ki nou konman bann adilt responsab ler nou pa konpran en keksoz e sirtou nou dan sa Lasanble kot nou annan en lenpak direk lo nou piblik ek kominote,  i tre enportan pou ler nou pa konpran en keksoz nou demann leklersisman avan tonm lo bann konklizyon ki pa egzakteman korek.  E nou vwar nou pe kre bann lennmi antre nou.

Mon pe fer li mon devwar, pou donn ou en ekstre mon verbatim pou ou Speaker gete e sey konpran mwan ki mon ti pe sey dir.  O-kontrer ki Minis Larose in dir mon ti pe senpleman dir ki atraver sa interview ki mon ti fer ek li dan sa Lasanble –  Minis ti konvenk mwan pou vot pou li kanmenm dan kominote bokou bann elektora ti pe dir mwan pa aprouv li.  Vwala rezon akoz mon ti servi sa term – ‘pa fer mwan ganny gro latet.’  An dot mo an kreol i vedir ‘’pa fer mwan dezapwente.’’  Mr Speaker tou sa bann mo dan mon lentervansyon se mwan

ki’n ekri e mwan ki’n lir.  Mon en garson ki’n grandi dan en landrwa kot respe e disiplin in byen ganny etablir.  Mon kominote Baie Lazare osi kot mon’n grandi bann zabitan ti fer sir ki zot ti byen gid mwan pou mwan vin  en bon sitwayen responsab.

Mr Larose, zis mwan anvi fer ou konpran e met lo rikord, ki mon pa bezwen okenn leskiz sorti kot ou.  Akoz mwan mon’n aksepte ki vreman ou pa’n konpran mon entervansyon.  Apre sa 2 zour ki mon’n pans lo sa sityasyon lannwit in vreman port konsey pour mwan e mon’n kapab feel at peace ek mon lekor. Minis mon pa bezwen okenn leskiz sorti kot ou.  Mon konnen pou dir ou’n mal enterpret mon parol.  Mersi Mr Speaker.

 

MR SPEAKER

Mersi Onorab Adelaide. Parey mon’n dir ou ti annan drwa anba 35 (1) and 35 (2).  E mon’n resevwar ou ‘demann – ou leave pou ou fer en statement e ou statement i devan mwan e verbatim osi parey ou dir ou’n  met devan mwan.  Mon ava  anmenn sa kestyon ou statement – verbatim avek ou request pou leave devan latansyon Minis konsernen.  I annan en lot dimoun ki’n lev lanmen.  Wi Onorab Stephen Pillay.

 

HON STEPHEN PILLAY

Mersi Mr Speaker i zis en anomaly  ki ti arive semenn pase lo en vot ki nou ti pran semenn pran  – Industrial Estate.  Mon ti port latansyon PS lo la, pou li kapab – avan mon bliye,   anytime ki li i santi i pare.  Akoz i annan en R12milyon ki nou pa ti allocate.  Ler nou ti vot lo la.  Nou ti vot mwens ki en lanmwatye.  Mon ti raise sa issue kanmenm pa ozordi me pli tar dan sa i kapab fer nou konnen .

 

MR SPEAKER

PS Payet.

 

PS PATRICK PAYET

Bonzour Mr Speaker bonzour tou Onorab e bonzour tou dimoun ki a lekout.  Nou’n vwar ki letan nou get total Appropriation Bill ki’n pibliye, i enkli sa R12.4 milyon dan PSIP me i pa ti pe enkli lo son detay PPBB statement.  So dan Appropriation Bill i annan sa 12.4milyon ki link avek sa PSIP avek son ‘recurrent ladan.  So nou’n rektifye, me selman letan nou selman letan nou pou pibliye the final document nou pou fer sir ki dan PPBB statement pour Industrial Estate Authority i enkli sa bout PSIP as well. Mersi.

 

MR SPEAKER

Eski sa  i klarifye ou bann dout ki ou annan Onorab Pillay?

 

HON STEPHEN PILLAY

Non Mr Speaker, i se ki nou pan debat lo sa R12milyon akoz nou’n vot zis pou R7 milyon 945  ler nou ti fer anba Heading.  Nou pa’n fer okenn deba lo sa 12milyon pour sa PSIB.  Pa pe dir la konmela konmsi anytime ki nou ganny en pti sans konmsi nou kapab.

 

MR SPEAKER

Ok. Ou pe dir evantyelman ou ti a kontan ki sa i ganny konsidere.  Ok mersi.  Si napa okenn lezot pwen ki sorti kot bann Manm, avan ki nou pran  nou deba – nou bann entervansyon lo Minister Lazenes Spor avek Kiltir.  Nou annan lo Order Paper bomaten en First Reading pou en Public Bills e mon a demann Clerk pou fer sa Reading.  Clerk.

 

 

MADAM CLERK

Bonzour Mr Speaker, thank you.  Bonzour bann Manm Onorab. Bonzour Minis ek ou delegasyon.  This act may be cited as the Employment (Amendment) Act, 2016.

 

MR SPEAKER

Onorab Ramkalawan.

 

HON WAVEL RAMKALAWAN

On a point of order ki pou osi matter of privilege pou Lasanble.  Mon anvi eksprim mon dezapwentman avek Biro Attorney General.  Akoz Lasanble ti tonm dakor ki poudir dir dan sa sleeve, i ti pou osi enkli sa 3 Private Members Bills e la nou war ki pou dir Attorney Zeneral  Biro Attorney Zeneral in deside pou li print sa 1.  This is disappointing parske nou ti an kapab fer tou bann First Reading parski sa bann Bills osi tou i enportan.  Mon krwar ki sa kolaborasyon i devret reel e non pa zis en jokeThank you.

 

 

MR SPEAKER

Pwen i noted.  Nou a fer nou a demann Clerk pandan Break pou pran kontak avek Biro Prokirer Zeneral pou vwar si i annan okenn rezon.  E i vre ki nou ti’n dir annou pas sa tou le 3 po nou al vit.  Petet i annan en rezon ou en lot; annan donn loportinite pou li eksplike epi nou pran sa pli tar.  Ok?  Bon mersi.  E avan nou al lo nou prezantasyon par sa 2 Departman ki tonm anba portfolio Minis Idith Alexander mon ti a zis kontan dir ankor remind bann Manm Lasanble ki dan nou bann lentervansyon, nou sey gard nou kestyon o pwen kourt e lo the substance of the budget ki anba diskisyon.  Sey pa deviate pou nou fer sir ki nou al vit e nou efikas dan sa ki nou pe fer.  Mon ti a osi kontan demann 2 Advisor ki devan avek Minis Alexander ki  si zot ki pou prezant zot Departman, zot fer en premye kourt lentervansyon pou donn en overview lo misyon zot Departman anba sa Minister Lazenes Sport ek Kiltir, pou donn nou en overview kwa ki zot pe fer.  Kwa ki zot anvizaze fer lo sa Bidze ki’n ganny prezante devan nou.  E dapre nou leksperyans osi ti a bon petet zot konsantre lo konmansman pou nou al vit lo Staff ki zot annan.  Konbyen Staff zot annan apepre si zot annan egzakt donn nou egzakt konbyen zot annan.  Si i annan expat dir nou konbyen expat i annan.  E apre sa ler nou al lo ‘’goods and services’’ donn nou petet bann premye 4 5 oubyen 3 4 5 pli gran depans ki zot pe anvizaze dan Bidze ki’n ganny propoze pou zot.  Ankor dan laliny pou fer bann Manm pou donn bann Manm sans pou demann kestyon pou pli pwenti – pli direk lo keksoz ki pa pou tonm lo ankor Staff avek bann ‘’goods and services’’ ki zot konnen i esansyel ki zot konnen i pran the lion’s share ,of zot Bidze.

Avek sa mon pa konnen Minis Alexander si oule konmans avek Lazenes oubyen avek Sports?  Whichever eski swa Minis oubyen son Special Advisor i kapab fer en pti kourt overview prezantasyon 4 a 5 minit avan nou konmans kestyon lo sa Departman. Mersi Minis.

 

 

MINISTER IDITH ALEXANDER

Bonzour Mr Chair nou a dir Mr Chair e tou bann Manm Onorab prezan e tou piblik ki pe ekout nou.  Mr Chair zis avan nou bouze mon ti a avek ou permisyon mon ti pe propoze ki;-   mon Minister i annan 2 Departman wi nou pran Lazenes ek Spor apre nou annan 2 entities ki link avek Lazenes e Spor – sa i Youth Council e Sport Council.  Nou ti a pran zot apre nou ti a pran Departman Kiltir mon pran sa 4 entities ki tonm avek.  Avek ou permisyon si i ok pou man  proceed koumsa.

 

MR SPEAKER

Toutafe normal Minis nou la pou travay ansanm, pou nou fer sir tou keksoz i marse alors i ok.  Lekel ki oule pran premye Youth Council?

 

 

MINISTER IDITH ALEXANDER

Wi mersi mon a pran Youth Council selman la lo premye kou mon a donn en pti overview mon Minister.  Mon a donn en pti pe lenformasyon lo manda, lo Staff apre mon pou pas avek mon bann Advisor i akoz en pti pe lo progranm ou ava aprouv.  Si zot aprouv mon Bidze Departman Lazenes e Spor apre nou a bouz lo Youth Council nou a fer Sports Council.  So mon kapab konmanse Mr Speaker.

 

MR SPEAKER

Tre byen napa problenm Minis ou kapab procced.

 

DEPARTMAN LAZENES E SPOR

MINISTER IDITH ALEXANDER

Ok mersi.  Minister Lazenes, Spor e Kiltir i konpri 2 Departman 157 Staff ler nou pe koz lo Minister.  Departman Lazenes e Spor i annan 14 staff e Departman Kiltir i annan 143 Staff ki fer 157.  Manda Lazenes, Spor e Kiltir se pou ekip nou bann zenn pou partisip aktivman dan bann realizasyon sa aspirasyon e osi dan devlopman Nasyonal e osi promouvwar dan zot en kiltir sportif, lwazir ek rekreasyonnel, pou amelyor byennet nou pep.  Manda Departman Kiltir se pou prezerv policy devlop Kiltir e lar avek bi pou soutenab ekonomikman annan bon devlopman sosyal, ki pou asir en Nasyon sen e fyer.  Anba mon Minister i annan 6 antite ki nou pou pran prezante apre.  Parey mon’n dir pou Departman Lazenes ek Spor nou annan Konsey Nasyonal pou Lazenes avek nou annan en Konsey pour Spor.  I enportan pou konpran distenksyon sa 2 Konsey zot enplimant progranm. Departman i formil Polisi.  Pou mon Minister kapab realiz son lobzektif i annan en striktir ki mon Minister nou’n propoz avek DPA.  Parey zot okouran an Oktob ki ler Prezidan ti fer sa reshuffle ti anons ti re organiz Minister.  E dan sa striktir ki mwan mon pe propoze mon’n submit avek DPA i pou annan li 4divizyon.  Premye divizyon i sa ki nou dir Youth Affairs.  Dan sa divizyon li ki pou annan pou fer i pou annan bann seksyon ki pou monitor sa bann progranm ki Konsey pe enplimante e ladan nou ava inisye kot bann progranm kote pou amelyore.

2enm divizyon ki parey nou tou nou konnen, ou bezwen en leker lorganizasyon pou fer marse.  Sa i pou nou divizyon pou resours imen ek ladministrasyon.

Trwazyenmman i pou en divizyon ki pou fer policy affairs avek international corporation.  Ler nou pe dir policy affairs i enportan ki ler ou pe fer bann policy ki i pou annan bann resers osi.  So i pou annan en seksyon ladan ki pou resers tou dan within sa policy affairs division.  E katriyenm vi ki parey nou Departman pou Kiltir nou annan en divizyon pour Kiltir.  E ki li i pou promot e bann diferan seksyon.  Sa i an gro striktir ki nou’n propoze avek DPA.

E pou mon Minister kapab delivre sa pti overview ki mon’n donn zot sa 4 divizyon,  nou pe propoz nou pou lannen 2017 Minister Lazenes, Spor e Kiltir en Bidze R68,444,200.  Ladan pou Departman lazenes ki pou al i al anba 2 progranm.  Departman Lazenes ek Spor nou pe propoz en Bidze R10,330,630.  Pour Kiltir li sa Bidze ki nou pe propoze R58,113,570 e osi ki enportan pou Lasanble pou zot lenformasyon se prezan ki mon Minister pe antre dan sa legzersis public performance- based budgeting.  Dan en lot mo nou dan en tranzisyon prezan ki nou pe antre dan sa tranzisyon e la zis pou mon kapab prezan entrodwir mon delegasyon pou zot konnen.  Mr Vidot i Advisor pour Lazenes e Mr Larue i Advisor pour sport.  E la prezan mon a pas ek mon 2 Advisor ki a donn zot en pti pe ki sa bann main program ki nou pe travay lo la.   Mersi.

 

MR SPEAKER

Mersi Minis Mr Vidot.

 

MR KEVIN VIDOT

Bonzour Mr Chair bonzour tou Manm Onorab e tou bann delegasyon PS.  Mr Chair i en privilez ankor pou retourn dan Lasanble e pou kapab adres issue konsernen Lazenes dan nou Minister Departman Lazenes e Spor.  Parey Minis in fek pronons son lekor lo la i annan 2 progranm anba Departman Lazenes e Spor.

E premye progranm se anver gouvernans zesyon e ladministrasyon.

2enm se kordinasyon e sipor pou progranm.  Anba gouvernans, zesyon ek ladministrasyon nou pe propoz en sonm 8,911,64 e kot 4,950,320 ladan pou al ver saler benefis travay e 3,960,730 i pou al pou ‘’goods and services.’’

2enm progranm pou kordinasyon sipor progranm, nou pe propoz en sonm 1,419,180 kot 582,90 roupi pou al fer saler benefis travayer kot R820,3370 pou al pou ‘’goods and services.’’  Fodre note parey Minis in prononse oparavan nou rol prensipal Departman Lazenes e Spor se plito devlopman Polisi evalyasyon bann progranm.

Se bann Konsey parey NSC, SNYC ki son tonm anba ki osi afilye avek nou ki enplimant sa bann progranm.  Me par-ler zis pou zot lenformasyon me par-ler natir serten progranm i fer ki zot pa kapab tonm anba bann Konsey.  Mon a sit zis 2 legzanp pou le moman.  Unit responsab antidopaz ki bezwen reste endepandan avek NSC pou fonksyonn dan en fason enparsyal i annan en Bidze ki zot kapab vwar ki pou anba Divizyon Lazenes e Sports Departman.

Dezyenmman se progranm Duke of Edinburgh’s Award ki en progranm enternasyonal ki resaman in ganny en manda pou donn licence bann Lorganizasyon parey bann lekol oubyen menm SNYC e pou fer sa progranm Award.

E se sa ki ou vwar rezon ki ou vwar serten Bidze ki’n ganny mete anba nou Departman kanmenm nou fer Polisi pou kapab enplimant sa bann progranm.

Zis pou note Duke of Edinburgh’s Award ki en National Award Authority an Out 2014.   I annan en Bord 9 dimoun ki lo la i annan PS Youth ki reprezante CSNYC, reprezantan Lasante, Ledikasyon e osi Chairman  e GAHA ki Golds Awards Holders Association.

Mr Chair pou note anba nou bann depans ki nou annan ki nou pe propose pour 2017, i still annan bann progranm ki nou oule enplimante atraver Duke of Edinburgh’s Award parey zot konnen, i enportan pou lepanouisman nou bann zenn; i enportan pou character building ki nou annan en Bidze osi ki nou asosye avek sa bann progranm, pou fer li vin en sikse e ki a lafen nou kapab zwaye e satisfe ki nou bann zenn pe grandi dan en fason ki sen e responsab.

Mr Chair en keksoz ki mon oule osi fer rekonnet ozordi.  Youth policy ki nou konman Departman nou annan pou fer policy.  Premye Youth policy ti vin an fors an Mars 1995 son premye revizyon ti arive an Out 2008 e dernyen revizyon  the latest revision ki nou’n fer lo Youth policy sa ti ganny fer an Out 2013.

Parey Youth policy i spesifye i bezwen ganny revwar tou le 5an e parey mon’n mansyonnen la, dernyen ti ganny revwar an 2013.  Savedir lot revizyon pou nou Youth policy i bezwen ariv an 2018.  Me pou sa arive Minis in fer sorti byen kler ki i annan en unit ki’n ganny mete anba Departman pou fer resers e pou fer analiz lo bann lenformasyon ki nou annan, pou nou kapab met bann policy an plas, ki pa bann policy ki zis dan vid koumsanmenm, me bann policy ki tape – ki fonde e ki relevan avek laspirasyon nou bann zenn dizour.

E pou sa i annan en resers ki apre nou a vin lo la si i annan okenn kestyon – nou  annan en youth survey ki’n fek fer ki’n fek ganny fer e sa youth survey ki’n fek ganny konplete ti konmanse an Desanm 2014 e sa youth survey in fini ganny konplete an Mars 2016 sa lannen;- ki byento nou pou prezant avek pep Seselwa e bann stakeholders en kopi the survey itself.

Me la prezan nou bezwen asize i annan en travay pli dir ki nou bezwen al fer pou nou asize al fer konman Youth Department pou nou asize pou al fer analiz lo la.  E ler revizyon 2018 lo youth policy nou bezwen asize annan lenformasyon adekwat e analiz ki’n fer dan en fason konpreansiv, pou nou kapab ozordi avek sityasyon lokal, rezyonal, e enternasyonal anmenn bann Polisi ki reponn a lapel e lenspirasyon nou bann zenn an zeneral.

Mr Chair avek ou permisyon mon anvi termin la pou le moman ziska ler i annan kestyon pou reponn pli tar.   Mersi Minis, Mersi Mr Chair.

 

 

MR SPEAKER

Mersi Mr Vidot, eski mon propoze ki i annan ki nou ekout Mr Larue epi nou a pran kestyon lo tou lede Departman.  I ok? Mr Larue?

 

MR JEAN LARUE

Mr Speaker bonzour, bonzour bann MNA, Onorab.  Konsernan Departman Spor i tre enportan ki nou konnen ki dan sa Departman kid an Minister ki konsantre lo policies e bann gran laliny stratezi. Alor pou fer sa Minister i travay an kolaborasyon tre kolaborasyon avek Konsey Nasyonal pou Sport ki li i sa lebra ki enplimant bann progranm – bann gran laliny policies.

Nou’n annan en policy sport ki son term i fini an 2017.  An menm tan nou’n annan nou en plan stratezik 2014-2018 kot ladan osi in tir sa bann gran laliny ki Konsey Nasyonal pou Spor i bezwen enplimante.

E tousala pe ganny revwar aktyelman pou fer sir pou dir bann benefis zesyon ladministrasyon bann progranm pou nou zanfan, nou bann zenn, nou bann adilt,  pour popilasyon an zeneral i ganny enplimante byen.  So la nou dan sa prosesis kot nou pe revwar bann gran laliny policies.  Lo kote Minister pou nou kapab fer byen sa travay policies i enportan ki nou annan bann unit ki fer resers.  Ki nou annan statistic;- ki nou bon lenformasyon ki letan nou formil bann policies avek sa lenformasyon, nou kapab avek nou Minis fer bann desizyon a-pwen – azour reel.

Prezan plis detay konsernan lenplimantasyon pou bann proze Spor sa pou ganny donnen par Konsey Nasyonal pou Sports letan nou pou al lo sa bout.  Me par kont, i enportan note pou dir dan bann gran laliny sportif nou annan devlopman ek formasyon.   Sa i tre enportan akoz nou bezwen form bann detay bidzeter.  Sa nou pou koz lo la en pti pe apre Mr Speaker.  Nou annan gran laliny Spor pou tou dimoun, e sa i epanouisman nou bann zenn partou dan nou pei.

Nou annan en  lot gran laliny ki nou pe vin avek se devlopman bann complex sportif rezyonal, akoz enn bann Polisi Gouvernman  se desantraliz spor – desantraliz bann aktivite.  Alor nou Polisi se annan 10 sa bann regional centres kot nou kapab dan nor i annan 1 – dan sid i annan 1 ;-  En fason ki nou bann zenn nou lapopilasyon i kapab rezouir sa.  An menm tan nou annan lot bout se bann atlet o nivo.  Nou bann atlet o nivo i enportan akoz zot ki nou bann anbasader, zot ki al reprezant nou zot ki fer lafyerte nou pei ki lev nou paviyon o e ki nou tou nou kontan letan ki Sesel i anmenn meday.  I enportan – trez enportan ki nou mentenir zot, i devlopman talan.  E si nou pou dir priyorite No.  1 ozordi pou nou, se sa idantifikasyon talan a en tre zenn az kot.  Kot nou fer sir pou dir sa relev bann zwe bann gran zwe ki pe vini bann atlet ki pe retire.

Me nou annan bann ki lo conveyor belt, bann ki pe vini.  So sa i pli gran priyorite nou Minister e natirelman travay avek manrmay lekol.  So, mon pa pou al an plis an detay, mon krwar i annan ase kestyon ki pou vini Mr Speaker.  Plis detay letan nou pour ariv lo Konsey Nasyonal pou Spor.  Me an gro se dan Minister nou konsantre lo policies and program strategies  – en fason ki sa prezan i ganny enplimante par Konsey Nasyonal pou Spor.  Mersi.

 

 

MR SPEAKER

Mersi Mr Larue. E  mon krwar i kler ki prezan nou a demann kestyon lo sa ki’n ganny dir.  Nou pour annan lezot Lazans parey National Sports Council ki son CEO ki afilye avek Minister Lazenes ek Spor, ki evantyelman zot a osi ganny sans poz kestyon.  Me annou poz kestyon ozordi lo bann gran laliny ki’n ganny outlined par sa 2 Special Advisor.  Avek sa mon krwar nou a konmans bann kestyon bann klarifikasyon e pwen.  Onorab Ferrari.

 

 

HON JEAN-FRANCOIS FERRARI

Bonzour tou dimoun dan Lasanble, tou dimoun ki a lekout.  Mr Speaker pou mon kapab poz mon kestyon, mon bezwen zis ganny en leklersisman  lekel 2 PS ki la i annan PS pour Lazenes e Spor e PS pou Kiltir Madanm Benjamine e pour Lazenes?

 

 

MR SPEAKER

Pour Lazenes PS i Mr Palmyre me mon krwar Minis, ki i la ozordi.  Advisor Mr Kevin Vidot i Special Advisor pour Lazenes dan Minister, Minis Alexander e Mr Jean Larue i Special Advisor pou Spor.  Wi Onorab Ferrari.

 

HON JEAN-FRANCOIS FERRARI

Mersi Mr Speaker mon kestyon i koumsa.  Minis depi nou pe fer sa legzersis lo Bidze, enn bann keksoz ki pli enportan pou nou se pou fer sir ki ler i annan bann depans ki pe ganny fer par Gouvernman, i enkliziv.  Parey Minis Larose  in dir ki tou dimoun in ganny enkli dan bann progranm.  Mon ti a kontan met devan ki Departman Lazenes e Departman Kiltir, se 2 Departman ki pli politik partizan dan Gouvernman pou lemoman.  Dan son striktir e dan son delivery.  Nou’n vwar par egzanp pour Lazenes,  Minis i politik, PS i ansyen MNA dan Parti Lepep – Advisor.  Nou annan en seri striktir tre politik – tre partizan.  E dan Kiltir nou annan serten Lazans ki mon kapab dir i 99 poursan politik partizan.  Sa se mon analiz. Ou  annan drwa pa dakor avek.  Mwan mon ti a kontan konnen ki ou kapab dir avek sa Lasanble, ki ler nou pou vot sa bann Heads ou pour apply sa ki Prezidan in dir  e sa ki Minis Finans in dir, ki nou pou sey delivre en servis Gouvernman ki pou tou sitwayen Sesel e ki zot pou met politik en pe de kote.  Sa i vreman tre enportan e mon kapab dir ou akoz.  Akoz i annan menm en Deputy CEO ki ankor pe ensilte nou lo social media ozordi e i enn bann Deputy CEO ki tonm anba ou.  Donk keksoz pa’n sanze e mon ti a kontan ou kapab dir nou ki ou anvi fer, pour ou reasir nou ki sa bann fon pou ganny servi pou lentere tou Seselwa.  Mersi.

 

 

MR SPEAKR

Minister.

 

MINISTER IDITH ALEXANDER

Mersi Mr chair e Onorab.  Lapwentman ler en dimoun i ganny apwente dan Gouvernman i annan bann kriter kler, me nou tou konman endividi pare you parey mwan.  Nou bezwen al vote nou annan nou, nou politik i nou devwar nou drwa.  Me dan Gouvernman i annan bann plans and targets.  La poumon pe dir ou an se moman, akoz mon’n bezwen vin Lasanble la.  Ler mon a fini la kot ou mon pa konnen ki ler mon pou fini pour mwan al  finalize.   Nou pe travay lo en plans and targets e mon plan ek mon target si ou’n ekout byen.  Mon manda ki mon pe dir mon pe vi travay pou mon achieve sa manda ki mon pe mon’n eksplike.  E ladan dan sa plans and targets i pour annan bann.  Bann endikater ki ekspre i annan sa divizyon policy ladan ki pou nou evalye.  Pou nou kapab vwar si nou’n kapab achieve nou bann target e pou mwan politik ler ou pe travay nou tou nou bann profesyonnel.  Si ou pou regard sa bann dimoun  ki ou pe dir.  I bann dimoun si ou get parey ou’n dir par egzanp mon PS ki ou’n servi.  Mon PS ti en headteacher in parmi sa bann ler ki in travay kot sa lekol Anse Royale, in en lekol ki’n fer byen.  Mon krwar zot pour aksepte.

Annou get pour atletik Anse Royale mannyer.  Me ler nou pou travay nou pou bezwen montre nou professionalism – annan nou plans and targets ki nou annan enn lo kote Minister apre i kase sa.  Sakenn sa bann PS sa bann CEO – sa bann DG zot osi zot bezwen fer sir sa ki nou dir i entegre dan zot plan.

E mwan koman Minis koman zot Minis mon bezwen fer sir.  Akoz si nou pa fer pa nou vin la kot zot devan Lasanble, zot pou vin demann mwan – pou target mwan pou dir mwan, ‘’Be Minis la nou’n donn ou sa Bidze ou pa pe fer.’’  E nou mon bezwen fer sir ki nou achieve nou target ki nou pe mete.  Mersi.

 

MR SPEAKER

Mon krwar ti zis en pti presizyon Onorab Ferrari ki PS Lazenes i ti en headteacher parey Minis in dir, i pa’n zanmen dan Lasanble.  Son Special Advisor Mr Vidot ki’n dan Lasanble avan.  Onorab Ferrari.

 

 

HON JEAN-FRANCOIS FERRARI

Mersi Mr Speaker, mon kapab dir mon en pti pe dezapwente avek larepons Minis, akoz i pa’n reponn ditou lo sa kestyon.  In mete targets wi, me i pa’n reponn mon kestyon fondamantal ki fodre pa annan politik partizan.  E sa i vreman enportan.  Nou fer politik isi la.  La nou pe fer politik, me ler nou deliver eski ou kapab dir nou ou bann hierarchy ou bann Staff –  ou’n dir avek zot aret, travay pou tou dimoun, aret ensilte dimoun lo social media.  Tou sa bann dimoun Deputy CEO se sa bann keksoz ki nou anvi vwar akoz mwan mon fer politik.  Me i annan dimoun ki’n dan politik, me zot pe travay pou Gouvernman pou lepep Seselwa e i annan en diferans la.  Mersi.

 

MR SPEAKER

Minis.

 

MINISTER IDITH ALEXANDER

Mersi Mr Speaker.  Ler mon pe dir plans and targets i anliny avek nou bann policy ki nou pe fer.  Mon krwar zot ti ekout byen Prezidan ler ti vini le 18.  Prezidan ti vi donn son statement Prezidan in donn en gran laliny ki bann keksoz ki i pa pe ankouraz okenn son bann senior government official pour al lo Facebook.  Sa i deza lo nou bann gran laliny nou bann etik travay.  Prezan vi ki ou kestyon ou pe adres lo direk pour en dimoun,  la mon annan enn ki mon advise enn deza dan Lasanble, ma les li i ava eksplik ou ki mwan mon’n dir li fer konman en Advisor dan travay.  La ou a ganny sa konkret prezan ki pou dir.  Ok? Mersi.

 

MR SPEAKER

Mr Vidot.

 

MR KEVIN VIDOT

Thank you Mr Chair, Onorab Ferrari mersi bokou pour ou bann konsern ki ou’n lev-e.  Mon krwar i enportan.  Mersi bokou Minis osi.  Mon krwar i annan en keksoz ki nou bezwen asire ozordi ki sakenn de nou ozordi ki vwar nou lekor bann Manm Onorab la dan Lasanble.  A en pwen dan zot karyer profesyonnel zot ti en lot landrwa, apre zot in deside pou zot pran en karyer politik.  I menm parey avan mon ti annan en karyer konman en politisyen pou vin en Manm Parlman, mon ti annan en karyer profesyonnel osi.  E Onorab Henrie i kapab testify to sa.  Onorab Wavel Ramkalawan osi i kapab testifye pou sa.  Mon ti enn bann zenn ki ti aktiv dan lazenes e menm fer serten training dan Lazenes.  Mon’n menm Speaker dan Lasanble Lazenes e premye Chairperson board SNYC ler ti vin autonomous.  A 2 repriz mon ti ganny elekte par bann zenn ki afilye avek SNYC.  Savedir nou’n annan en karyer nou’n annan en swivi avan- ler menm ki mon’n vin en politisyen.  Akoz mon dir sa?  Vizyon dan nou policy ozordi i dir nou en keksoz ki kler.  Si ou permet mwan Mr Chair pour mwan lir li.  I dir, ‘’the vision is to have an empowered youth participating actively in the realisation of their aspirations in the economic, social political, cultural and spiritual development of Seychelles and prepared for the global opportunities and challenges.’’  Ozordi nou vizyon i kler.  Sak zenn, sak endividi i annan en loportinite pou li swiv ouswa pou li attempt son bann aspirasyon.  Demen i annan enn nou bann zenn en legzanp ki out there ki en profesyonnel  medical  – en legzanp.

Me ler i realize i annan li serten lezot aspirasyon kekfwa dapre son abilite, dapre son bann bon fason fer, i kapab ganny idantifye konman enn nou bann dirizan i kapab vin en politisyen.  Ozordi sa pwen politisyen mon mazinen, se pou vreman la a lekout lepep Seselwa.  A lekout son bann zabitan.  E mwan ler mon’n sorti dan politik mon’n tir sa sapo politik mon’n met akote.  Mon’n vin kot sa Minister mon’n aksepte pou mwan pran sa pozisyon.  Mon’n dir. ‘’look mon’n en dimoun ki’n toultan annan pasyon pou lazenes.  La i en loportinite ankor enn fwa pou mon retourn kot mon ti ete.  Retourn dan Lazenes e vwar bann vizyon, vwar bann policy ki nou kapab met an plas.  Bann progranm  ki pou neseserman kapab ed nou bann zenn ozordi. ‘’  I annan nou bann zenn ki nou konnen pe tonm akote.  Nou bezwen admet nou tou.  Me ki mannyer nou kapab annan sa policy ki enkliziv parey ou dir.  Pou mon politik pa antre ladan i pa devret antre ladan. Akoz letan nou pe dir inclusive nou pe dir tou nou zenn, tou nou zenn.  E pou mwan sa i primordial.  E  nou travay parey Minis in dir nou oparavan nou annan nou briefing,  nou bezwen travay pou lazenes Seselwa e sa pou mon i enportan.  E ler nou pe travay laba nou pe advise Minis nou pe koze, nou pe fer sa fonksyon an lekip avek SNYC la.  Nou pe dir nou bezwen tous sak zenn Seselwa dan sak lakour Seselwa.  Mersi Mr Chair.

 

MR SPEAKER

Onorab Ghislain.

 

HON CHANTAL GHISLAIN

Mr Speaker mwan mon kestyon i an se ki konsern Polisi an se ki konsern bann grassroots sport.  Bann mon pa konnen  si i pou tonm avek kot zot Minis Youth ouswa kot NSC.  I kot zot swa kot Sports?

 

MR SPEAKER

Poz ou kestyon zot a deside lekel ki pou reponn.

 

HON CHANTAL GHISLAIN

Mon kestyon i konsern grassroots sport.  Pou bokou lannen nou’n perdi.  Nou kapab dir nou’n vwar en kantite bann talan sirtou dan bann le 29 Zen.  Sirtou sorti Praslin ek La Digue.  Bokou talan in sorti e ou vwar ladan e menm bann lezot sports parey dan volleyball ou vwar zot pe kontinyen, me selman apre zis akoz sa zistans ki zot ete zot pa pe kapab kontinyen.  I annan menm bann lazenes ki konmela la mon pe regard sa pti fiy la parey Nelly Etienne i sorti La Digue i prominan dan sport.  Son grander son i annan gabari pou zwe volleyball.  Pou vin en zwer profesyonnel.  Me selman letan ou vwar li i reste La Digue nou pa pe kapab atrape sa bann zenn pou kapab met zot mon pa konnen dan en Lakademi, dan en keksoz pou zot kapab kontinyen e vwar sa kontinyasyon, ki nou kapab war bann real professionals dan sports konmela.  Ki policy ki Minister i annan pou kapab atrap sa bann zenn met zot dan en Lakademi form zot.  Mon konnen poudir i pou lwen avek zot fanmir, me selman ki zot kapab aranz li.  Aranz li dan en fason ki nou kapab vwar sa zenes ki monte ozordi ki’n kapab vin profesyonnel dan sports.  Mersi.

 

MR SPEAKER

Mr.

 

MINISTER IDITH ALEXANDER

Mr Speaker, lo la i annan diferan mon pou demann Advisor pou pran.  Me selman i annan ki apre ler sa CEO Sports Council i vini akoz is a kot Sports Council ki administre.  Me selman mon a demann Advisor pour eksplik ou sa diferan Scheme ki annan. Mersi.

 

MR SPEAKER

Mr Larue.

 

MR JEAN LARUE

Mersi Mr Speaker, mersi Onorab pou sa kestyon.  Mon krwar sa kestyon i tonm tre byen dan travay ki aktyelman nou pe fer.  E nou’n toultan dir pou dir nou pa kapab kontinyen fer menm keksoz a la longer di-tan e ekspekte ganny menm rezilta diferan.  So kot i konsern grassroots kekfwa nou, nou apel li konman idantifikasyon talan. Nou pe travay lo en nouvo fason fer en nouvo stratezi kot olye nou ti pe met finansman dan bann lekip.  Dan bann Federasyon spesifik nou target la se al direkteman lo sa atlet personnel ki annan talan.  Atrap li parey ou’n dir met li dan en Lakademi.  E Lakademi i egziste kot NSC.  Taler nou a ganny plis detay avek CEO.  Lakademi i deza egziste.  Pran sa bann talan ki nou’n idantifye personnaliz zot, donn zot tou sa ki neseser.

Ler ou koz zistans wi nou konnen pou dir sa zistans ant La Digue  ek Mahe.  Me la osi nou pe travay pou ki nou ganny nou plis resours pou sa bann monte desann.  Me letan ou annan en Lakademi, Lakademi i redwir sa.  Akoz en Lakademi i fer ki sa dimoun id an en landrwa rezidansyel i a pe lekol, an menm tan i ganny sans fer son training an deor lekol.

Sa i deza en keksoz ki pe ganny fer, me parey ou pe dir nou bezwen amelyor li fer li vin pli o nivo.  Lo en lot keksoz ki ou’n koz lo la se sa zafer profesyonnaliz.  Sesel deza nou annan bann atlet ki nou pe apel zot bann semi- profesyonnel.  Bann atlet pe ganny zot en serten allowance ki taler nou a donn zot plis detay.  Pe ganny allowance zot louvraz se train.  E nou konnen pou dir i annan bann manrmay sorti Praslin mon konnen.  Ki deza dan sa parkour.  So mon krwar sa ki ou pe dir la i tonm tre byen dan sa nouvo Polisi sa nouvo stratezi spor ki nou oule anmennen.  Akoz nou konnen pou lafyerte Sesel 2011 nou tou nou ti kontan nou ti riye, nou ti sote eksetera.  2019 i annan en Zwe De Zil ki pe vini me nou, nou pa pe focus lo sa zwe de zil 2019 as such.  Nou focus se 2013.  So i donn nou en peryod 7an 8an pou prepare e pour sa nou bezwen focus lo sa bann talan ki nou’n idantifye.  Mersi.

 

MR SPEAKER

Mersi Mr  Larue, Onorab Gill.  Onorab Churchill Gill.

 

HON CHURCHILL GILL

Mersi Mr Chair.  Bonzour Minis ek ou lekip.  Mon kestyon i lo paz 487 latab 2.  Anba progranm P1 governance, maintenance and administration nou vwar en Bidze R8 milyon 900mil. An 2016 ti 3milyon.  Mon ti a kontan konnen ganny en leksplikasyon kwa ki’n fer sa ogmantasyon.  Apre anba ‘konpansasyon ek lanplwa’’ i annan en Bidze R5milyon 500 mil 2016 ti annan R1 milyon 300mil.  Sa osi mon ti a kontan ganny en leksplikasyon silvouple.  Mersi.

 

MR SPEAKER

Special Advisor oubyen PS Finans si ou kapab ede silvouple.

 

MR KEVIN VIDOT

Thank you Mr Chair mon krwar ou pe rode why the jump sa ogmantasyon?  Mon krwar parey Minis in dir oparavan nou bezwen note as en Lasanble ler Prezidan Faure ti fer remaniman dan Cabinet.  Pa ti egziste avan  en Minister pou Lazenes, Sport ek Kiltir.  Ti annan en Departman pou Lazenes ki ti tonm anba Prezidan Vis-Prezidan Faure sa letan ti Vis-Prezidan sa letan.  So ti annan sa.  E ler the Ministry in ganny fer in ganny met ansanm 2 Departman in ganny met ansanm, me ou bout sport in vini en bout Kiltir in vini.  E la prezan Lazenes in vini ki ou vwar i annan jump.  I annan bann bout ki’n ganny pran dan sa ki ou kapab mazinen PS kekfwa a elabor lo la apre.  I annan ban trou ki’n fer dan lezot Bidze pou kapab met ansanm pou Minister li menm li kot i vwar i annan sa logmantasyon.  Annefe ou pou vwar dan bann lezot alokasyon osi i ti annan bann logmantasyon.  Akoz la nou en Minister proper avek en Minister ek en Sekretarya pou Minis ek en Sekretarya pour PS.  Kot ou vwar i annan sa logmantasyon.  Akoz sa from before i pa neseserman en reprezantatif vreman an term neseserman ki budget ki ti pe ganny servi konman en Minister.  As i pa ti neseserman en Minister me zis en bout Departman ki ti pe operate ek mwens Staff ki oparavan.  E la nou annan plis Staff anliny avek nou lobzektif ki nou anvi fer konman en Minister pou devlop bann policies parey nou’n dir e pou kapab vreman ozordi annan bann Staff kalifye, adekwa e ki kapab donn nou rannman.  Nou oule rannman pou larzan vedir la nou annan en Minister ozordi.  Yes i annan sa finans sa logmantasyon, but pou zot kapab travay met bann dimoun dan bann landrwa konpetan, pou zot donn nou en rannman input for a better output.  Thank you Mr Chair.

 

 

MR SPEAKER

Onorab Gill ou ok?  Wi Onorab Woodcock?

 

HON WAVEL WOODCOCK

Mersi Mr Speaker.  Bonzour Mr Speaker, koleg Onorab, Minis ek ou delegasyon.  Tou dimoun ki a lekout dan lakour.  Mon kestyon i comme swivan i baze lo paz 489 progranm 2.  Coordination of youth support.  Gran lir sa progranm se pou fer provizyon.  Voluntary selfdevelopment activites pou bann zenn ant 14 a 24an.  Mon pe rod en pti pe leklersisman ki bann voluntary self-development activities ki zot pe antreprann dan diferan distrik.  Akoz menm dan mon distrik Grand Anse Praslin in annan bann konsern konmkwa i mank bann aktivite pour ankadre bann zenn dan distrik.  Annefe menm bann Bidze ki zot pe donn bann travayer lazenes dan distrik i ase ba.   E osi ler mon pe get lo paz 490 pou coordination of youth support.  Zot Bidze pou 2016 revised budget ti R1.2 milyon e i annan zis en pti logmantasyon R200 milpou Bidze dan Bidze pou 2017.  E mwan mon vwar sa i vreman, vreman ba sirtou nou pe pran kont ozordi bann ou kapab dir nou zenn i at risk.  Sirtou dan sa from age range ant 14 a 24 an bokou ou bann zenn pe tonm dan ban fleo drog ek lalkol e Grand Anse Praslin pa’n ganny sans fer.  Mon mazinen i annan plizyer distrik i annan 26 distrik Sesel.  Eski zot krwar ki sa pti Bidze ki zot in mete, i pou ase pou zot provide sa servis?  Pou zot provide voluntary selfdevelopment activities dan tou sa 26 distrik dan Sesel.  Mersi.

 

MR SPEAKER

Special Advisor.

 

MR KEVIN VIDOT

Thank you Onorab Mr Chair, thank you Onorab Woodcock.  En plezir pou vwar ou.  Mr Chair si ou permet mwan Onorab i korek dan son largiman me Selman klarifikasyon i enportan.  Avan anba Departman lazenes ti annan 2 progranm – enn ki nou apel SEYx30 apre lot progranm Outreach.  Sa 2 progranm son sa Bidze i pa neseserman in ogmant sa kantite pou vreman met larzan pou kapab fer sa bann progranm. anliny avek nou progranm se Departman Lazenes ek Sport i responsab policy.  E ler nou’n antre serten analiz ki nou’n fer parey mon’n dir nou ankor dan tranzisyon.  Nou’n deside pou tir sa 2 progranm retourn back kot i sipoze ete.  Sa se avek SNYC ki enplimant progranm.  SNYC ler pou vini taler ava eksplik ou about progranm aktivite an term distrik –  mon pa oule over step mon boundary osi.  E sa 2 progranm zot ti annan en Bidze avan ki ti pe osi cater pou sa 2 progranm.  E la prezan sa 2 progranm pe al anba SNYC dan son rightful place.  E sel keksoz ki nou ki pour osi annan progranm se Duke of Edinburgh’s Award ki mon dir mon ti dir oparavan.  Natir konman i en Lotorite i bezwen reste anba Departman i pa kapab afilye anba Konsey.  Mersi bokou mon pa konnen si sa i satisfer ou Mr Thank you Onorab

 

MR SPEAKER

Ok. Onorab Woodcock ou ok?

 

 

HON WAVEL WOODCOCK

Wi mon a ganny SNYC pli tar.  Mersi.

 

MR SPEAKER

Ok. Onorab Esparon.

 

HON REGINA ESPARON

Mersi Mr Speaker.  Bonzour Minis ek son delegasyon, bonzour tou Manm koleg MNA  e bonzour tou dimoun a lekout.  Mr Speaker mon anvi demann Minis an vi ki dan distrik Glacis nou annan difikilte pou ganny teren pou konstrir bann bon fasilite sportif.  Pou lemoman nou annan zis en laplenn foutbol Glacis santral ki pe byen mal ganny antretenir e nou annan en pti laplenn foutbol North East Point.  E lo tou lede laplenn napa okenn fasilite lalimyer.  Mon anvi demann Minis, eski i annan okenn provizyon dan sa Bidze pou nou kapab ganny lalimyer lo sa 2 fasilite sportive?  E mon osi anvi sizer ek Minis, akoz i pa fer demars vizavi son Gouvernman pou ganny sa later No.H4689 ki sitye zis deryer Ladministrasyon Distrik ki anrezistre anba SPPF, pou konstrir bann fasilite sportif parey volleyball a basketball pou nou lazenes Glacis ?  E sa ti a osi benefisye bann zanfan lekol.  Akoz pou le moman NSC pa antre an negosyasyon avek Mr Mancham pou ganny sa vye kort volleyball an atandan ki nou pe atann bann fasilite pou bann zenn dan domenn sport.   Minis dan distrik apart sa 2 fasilite sportif ki mon ti dir ou, i annan napa nanryen pou zenn.  Akoz nou konpran pou dir teren mannyer i ete, topografi landrwa i difisil ganny sa.  Se sa ki mon pe propose ki sa bout later ki deryer Ladministrasyon Distrik i anrezistre anba SPPF akoz ou pa negosye pou’n kapab ganny sa pou konstrir fasilite sportif pou bann zenes Glacis?  Mersi..

 

 

MINISTER IDITH ALEXANDER

Mr Speaker sa kestyon ki ou’n demande nou a pran li avek pou NSC.  La nou, nou get bann policy matter.  Mon pa’n dir mon pa pou reponn ou kestyon.  NSC pou vin eksplik ou nou bann proze ki nou pe fer bann regional sport centre.  Nou annan sa proze akoz pou nou mon pour eksplik la apre NSC pou vini pou repete.  Nou a pran li anba NSC ler i vini madanm Onorab.  Mersi.

 

MR SPEAKER

I akseptab mon krwar i en bon nide Onorab Esparon i ok? Wi parske CEO NSC i la.  Ok nou a pran lot kestyon Onorab Mondon.

 

HON TERENCE MONDON

Mersi Mr Chairman.  Bon Mr Larue in koz lo statistic avek resers mon ti oule en leklersisman.  Eski Mr Larue pe dir nou ki tou sa bann letan ki Departman in egziste zot napa bon statistics e zot pa’n fer ase resers ki ozordi nou ti kapab pe fer en pli bon travay.  Mon osi mon dakor ki statistics lenformasyon i vreman enportan.  Dan tou travay ki nou pe fer dan tou desizyon ki nou fer.  Sa mon ti a kontan en leklersisman lo la.  Dezyenmman mon ti a kontan konnen ki nivo langazman zot pe fer ler nou pe koz spor.  E nou tou konnen ki spor dan distrik zot fer fas avek en kantite difikilte bann lekip spor.  Takamaka nou annan foutbol nou annan bokse e nou annan petank.  E sa sipor finansyel ki zot gannyen i pa vreman ed zot pou zot kapab partisip plennman.  I annan menm bann ki pe lid bann group ki i pa ganny sipor menm dan son travay si i bezwen partisip dan bann konpetisyon enternasyonal.         I bezwen menm sanz travay.  Si oule i mank en kantite sipor pou bann lekip sport dan distrik.  E ozordi zot in koz lo Sport pou tou ki in al pou en kantite lannen be selman lannen apre lannen nou pa vwar sa gran diferans.  Mwan mon anvi konnen ki kalite langazman zot pe fer ki kalite sipor finansyel e si sa Bidze i vreman adres sityasyon pou nou fer sir ki dezormen lannen prosenn nou pe kapab donn ase sipor bann lekip sportif dan nou bann distrik.

 

MR SPEAKER

Mr Larue.

 

MINISTER IDITH ALEXANDER

Zis anvi mon pas eskiz mon Mr Speaker zis avan mo pas ek Mr Larue mon ti a kontan pou dir 2 pti pwen.

 

MR SPEAKER

Wi Minis i ok.

 

 

MINISTER IDITH ALEXANDER

Parey nou’n dir ler nou’n vini nou pe reorganiz

Minister e sa nou pe asize pou nou asize pou nou regard nou bann policy.  Enn ki nou priyorite ki nou’n vwar nou pour al travay avek Minister Ledikasyon ek lekol.  Nou pa pe al envante i deza annan ki zot deza.  Apre Mr Larue pour eksplike Madanm Rousseau PES osi kot nou pou al reviv pou nou travay ek Minister Ledikasyon.  Konsernan pou sipor finansyel nou pou bezwen mazinen 2008 ki ti rol Gouvernman?  Nou’n vin en fasilitater e Gouvernman la i dan mon lanmen.  Mon pa ti pou Minis pou Sport avan ler mon’n vini mon’n gannyen.  La statistic tou Federasyon i ganny en larzan ki Gouvernman – ki la ankor mon pou demann zot apre ler Madanm Rousseau pou vini pou Bidze pou Sport pou nou kapab asiste Federasyon.  Me kekfwa ou ava dir mwan sa larzan pa ase.  Me nou prezan dan sekter prive gouvernman in fer son bout li tou le-z-an pe mete larzan ladan e nou demande pou bann Lorganizasyon prive pou vin zot osi.  Nou pe koz lo travay ansanm vin ek zot bout.  CSR in vini Madanm Rousseau i annan son statistic kot in vini i annan serten Lorganizasyon dan prive.  Me mon pou demann zot ankor pou nou kontinyen.  I pa en keksoz ki sa i en fonksyon pou Gouvernman i manda Gouvernman.  Nou tou nou kontan sport.  Sport i vin ansanm zis pou ou’n koz lo bokse.  I malere si ou ti kontan bokse ti gou.  2 Sanmdi pase nou annan nou bann bokser ki ti bann sanpyon.  Nou Mr Raforme, Jerry Legras zot pe coach bann zenn manrmay ki mwan mon’n attend bann manrmay 7an 8an ki ti fer i byen e ler mon’n get sa mwan mon’n dir avek CEO SNYC annou met li dan Festival Lazenes.   En zournen pou sports day.  Ti en plezir pou mwan pas mon Sanmdi pou mon regard sa bann manrmay kot pe aprann zot bann pti teknik pou zot kapab bokse.  E sa bann dimoun in dir ek mon zot Federasyon i dir mwan si nou kontinyen.  Minis nou kontinyen nou travay ansanm nou nivo bokse pou monte i annan en bon pti group zot.  Prezan mon a pas avek Advisor ki a donn ou plis lenformasyon ankor lo la.  Mersi.

 

 

MR SPEAKER

Mr Larue.

 

MR JEAN LARUE

Mersi Mr Speaker, mersi Minis, mersi Onorab pou sa 2 kestyon.  Konsernan statistic mon krwar nou tou nou rekonnet pou dir letan nou fer bann desizyon nou fer li baze lo bann fe reel.  Me selman mon ozordi mon pou mon aksepte mon rekonnet pou dir enn bann landrwa kot nou feb se anmas bann lenformasyon.  Sa i nou i en weakness dan nou sistenm.  Letan mon dir nou anmas lenformasyon.  Nou annan bann bout lenformasyon i pa konplet.  Se pour sa rezon mon’n dir prezan ozordi lafason ki Minister pe restriktire pe revwar e lanfaz nou pe met – pa zis statistic, lenformasyon, resers, survey tou sa ki konpri ki anmenn lenformasyon pou nou.  Par egzanp nou’n pase nou’n pas dan tou distrik nou pe fer en nou pe en evalyasyon tou sa bann playing field ki si sa ki egziste.  Pou nou kapab dir be gete tel landrwa son  ki i annan, ki nou anvi pou demen.  Se pou sa rezon mon pa pou sot border kot Ms Rousseau pou vini pou dir be,   en regional centres ki lontan nou’n koz lo la.  Ozordi nou santi pou dir i pe vin an realite.  Me selman nou ti a kontan ki i vin pli vit posib.  Par egzanp Anse Royale nou pe aranz bann nou pe fer serten travay Anse Royale.  Serten travay Praslin me selman mon ti a kontan k ii vin plis pli vit.  Akoz nou tou nou anvi nou bann zenn i anvi.  Nou bann dimoun i anvi soSo me Selman pou nou fer sa nou bezwen annan plis lenformasyon reel mon pa pe dir nou napa. Me selman mon pe dir ki nou bezwen ranforsi li.  Langazman bann tim distrik wi nou osi nou rekonnet pou dir nou kapab fer plis e nou devret pe fer plis.  Me selman i annan 2 keksoz ki nou bezwen konpran.  I annan en bout ki NSC i responsab tou sa bann Federasyon Sport.  Sa bann Federasyon osi zot annan en responsabilite pour al devlop sport dan distrik en keksoz ki nou rekonnet zot pa tro fer.  Zot pa oule fer sa bezwen rekonnet zot pa oule fer.  Par kont nou annan bann Ladministrasyon Distrik ki pe sey osi soutenir bann tim distrik.  Kekfwa ou ava dir sa larzan ki zot pe gannyen i pa ase.  Me nou pe get bann lezot linisyativ.  Nou konnen CSR pe antre.  I annan bann lezot linisyativ ki deza la ler nou pe konsantre lo la, pou fer sir ki nou ganny en pti pe plis an deor avek bann sekter prive ki antre dan nou sistenm.  So tousala i an mezir en seri mezir ki nou pe antreprann la, la konmela.   Mersi bokou.

 

MR SPEAKER

Onorab Valmont ou annan en kestyon afilye ek sa.

 

HON JUDE VALMONT

Yes mersi Mr Chair petet.  Bonzour Minis, bonzour tou koleg Onorab e tou dimoun ki a lekout.  Dan sa laliny mon ti a voudre demann Minister konsernen sirtou sport lo kote Polisi.  Kwa ki pe anpes Minister rod bann sponsors parey bann – nou dir bann Konpannyen alkolik pou vini pou vin ed nou bann lekip sport parey i fer a aletranze.  Mersi.

 

 

MINISTER IDITH ALEXANDER

Mon si mon’n konpran son kestyon ou pe dir parey annou donn en legzanp konkret ki ou pou dir.  Ou pou dir parey Seybrew pou sponsor sport ?  I ti annan en policy ki dir ki bann ki konsonm lalkol prodwi pa konsonm prodwi lalkol.  Me Gouvernman in deza i annan demars ki nou pe travay pou fer sir, akoz mon konnen pou dir sa bann Lorganizasyon zot osi zot enterese.  So i annan demars ki’n konmanse e mon mazinen sa lannen 2017 nou ava kapab pouse avek sa.  Parey zot in vwar ki mon pe met lanfaz lo sa divizyon pour annan en policy fer bann resers pou nou kapab e sa i en policy issue ki nou pe take up byento.  Si zot aprouv mon Bidze mon a kapab ganny bann dimoun konpetan pou mon kapab vin ek bann policy koumsa pou for.  Mersi.

 

MR SPEAKER

Onorab Sebatien Pillay ou annan en related question?

 

 

HON SEBASTIEN PILLAY

Mr Chair wi mon annan en related question. Mr Chair mwan mon pe zis pran from sa ki Onorab Valmont in dir.  Legzanp i la otour nou dan la rezyon kot i annan COSAFA, Castle Cup ki ganny sponsored par Castle beer.  I annan Heineken ki sponsor Champions League.  I annan plizyer landrwa bann lenstitisyon ki  sponsor bann Lorganizasyon ki sponsor bann sa.  Mwan mon pe zis dir vi ki sa bann Lorganizasyon i prodwi lalkol ki dimoun i bwar e servi detri zot lasante mon krwar lo en lot kote si ou kapab get li dan loptik.  Pou borrow mon prop fraz zot kapab osi kontribye pou ede dan devlopman sport, akoz i en problenm pou bann klib kapab ganny sponsorship ozordi dan tou bann disiplin, akoz lakantite larzan ki available dan CSR normalman laplipar klib pe al laba.  Pa egzanp ou pou vwar pou dir si Northern Dynamo pe tap en laport.  St Michel in fini tap sa laport, baya in fini tap sa laport.  Lion in fini tap sa laport, Lion i fini tap sa laport e i en nightmare parfwa pou en klib kapab survive dan sa kondisyon.  Mersi Mr Chair.

 

 

MR SPEAKER

Minis, oule demann en menm kestyon dan menm laliny.  Onorab De Commarmond.

 

 

HON CHARLES DE COMMARMOND

Mersi Mr Chair.  Bonzour, bonzour Mr Chair, bonzour tou dimoun ki a lekout.  Mr Chair lo sanmenm sa issue petet si.  Minis i nouvo dan sa responsabilite li en.  Mr Larue i la i konnen ki travay in ganny si mon ti a demann li pour entervenir, akoz Minis in dir nou dan Polisi.  Akoz napa Polisi an ekri lo la.  Mr Larue ti kapab eksplike ki sa ki pe ganny fer dan sa direksyon pou ki nou tou nou ganny en konpran.  Mersi.

 

MR SPEAKER

Mr Larue avek permisyon Minis.

 

MR JEAN LARUE

Mersi Mr Speaker.  Mersi Minis, mersi Onorab.  Letan nou ti pe koz letan Minis in koz lalkol oubyen bann sigaret, in napa en Polisi ekri dan pei in zanmen annan en Polisi ekri.   I zis in annan an lantant verbal se pou sa rezon zanmen Seybrew oubyen soz in sponsor okenn tim sportif i pa’n egziste.  Me par kont ozordi detrwa mwan pase nou’n konmans en travay kot nou pe koz alcohol beverages in sports.  Sponsorship and advertisement of alcohol in sports.  So i annan en travay ki’n ganny deza ganny fer e sa travay in ariv devan kot Cabinet kot nou pe vwar pou dir be avek tandans ki pe arive dan lemonn antye ozordi bann gran pei –  sa ki pe pran lotri pe fer gro larzan Langleter, sports i ganny sponsor just by lotri – loto eksetera.  E i annan lezot pei osi sponsorship of alcohol letan nou koze nou koz well say labyer.  Parey egzanp nou vwar konpetisyon COSAFA i sponsored by Castle.  E Castle i met larzan dan sport.  I pa vedir ki tou dimoun suddenly lannmen i ale i bwar Castle.  Me selman sa larzan i reprezant i al anver devlopman sport.  So sa i en keksoz ki Mr Onorab in dir in fini ganny zis pou define son bann modalite ki mannyer i pou marse. Me selman son prensip in fini ganny aksepte.  Mersi.

 

MR SPEAKER

Mersi Mr Larue, Onorab Ramkalawan.

 

 

HON WAVEL RAMKALAWAN

Mr speaker mwan mon trouv li vreman bizar.  There’s no written policy, there’s a verbal agreement.  Be akoz zot pe azir pli Katolik ki Lepap?  Akoz ki gouvernman i le zir pli Katolik ki Lepap?  Nou konnen pou dir tou dimoun ki vey foutbol kot li ki vey premier lig i annan 4 ti sopin labyer o-bor li.  Nou konnen ki pou dir labyer i annan en lefe negativ me si en pe sa lefe lalkol ;- me si nou kapab pran en pe sa lefe negative met dan nou zenn pour anpes zot al dan lapoud ensidswit.  Annou pa pli Katolik ki Lepap silvouple.  Mersi bokou.

 

MR SPEAKER

Ok Minis oubyen Mr Larue.

 

MR JEAN LARUE

Mon rekonnet wi ki in annan en moman ki Gouvernman in dir annou revwar sa non written policy, annou revwar.  Ozordi letan ki’n arive ozordi nou 2016 byento 17 tou sa bann letan sa Lakonpannyen in anvi met funds me selman i dir i pa kapab.  Me ozordi nou’n ganny annou revwar.  So mon krwar dan sa lespri revwar se egzakteman sa ki nou’n fer.  Mersi.

 

 

MR SPEAKER

Onorab De Commarmond.

 

HON CHARLES DE COMMARMOND

Mr Chair mwan mon anvi Mr Larue i fer commitment dan sa Lasanble dir li dir laverite kwa ki  pe arive dan sa domenn eksplike mannyer pe konmanse.  I pa zis Gouvernman ki anvi revwar akonte kwa ki’n arive e kote nou’n arive ek sa revwar sa polisi verbal.  I annan zis pou lenformasyon Mr Chair depi lannen pase well plito konmansman sa lannen en propozisyon in ganny fer.  Ki’n arive avek sa propozisyon i dan ou lanmen sa avek SBC ensidswit i annan tousala ansanm.   Ou konnen Komite ki nou pe travay lo la.  Donn en bilan dir nou kote i ete la.

 

MR SPEAKER

Mr Larue ekler piblik Seselwa sa ki Onorab De Commarmond pe koze.  Mon krwar si nou konnen.  Sey ekler nou en pe lo la.

 

MR JEAN LARUE

Mersi Mr Speaker mon esey fer li pli kler.  Se ki sports a en moman ti ganny demande par Gouvernman pou revwar.  Pou vin avek en nouvo linisyativ.  E prezan i annan bann lakonpannyen lalkol ki annan larzan ki le met larzan dan sports.  Prezan Mr De Commarmond osi ti asiz ansanm avek nou pou nou brainstorm.  Nou li osi in pouse wi.  Nou’n pouse nou’n fer sa papye.  I annan dimoun dan sekter prive ki’n vin donn nou ansanm landmen.  Prezan nou’n dir pou dir dan son bann modalite pou pran zis bann labyer savedir i en dimoun ki fer labyer zis anba konbyen 16 poursan avek diven.  So si ou ou en sponsor Seybrew par egzanp i vini i le sponsor mon pa konnen lekel tim i kapab fer li.  Me selman sa ki mon pe dir son modalite spesifisite ki mannyer i fer se sa ki nou pe travay lo la.  Me selman son prensip global in fini fer in sorti dan mon lanmen in al kot Lotorite konsernen.

 

MR SPEAKER

Mersi Mr Larue, Onorab Ramkalawan.

 

 

HON WAVEL RAMKALAWAN

Mr Speaker nou Lasanble depi ki nou’n konmans regard sa Bidze in annan bann keksoz kler ki’n….  in annan bann lanons ki’n ganny fer depi State house.  Mr Speaker mwan mon pa pe ganny en konpran avek tou respe ki mon annan pou mon koleg Scott ankor.  Mon pa pe ganny en konpran sa ban zafer modalite, spesifisite, loptik.  Mwan Mr Speaker mon pe demande avek sa deba Prezidan i fer en lanons ki pou dir dezormen sponsorship from bann sorti kot bann lakonpannyen ki prodwi lalkol i kapab ganny aksepte lo nivo sport.  Annou pa rod konplikasyon me annou rod fasilite.  Toulezour sa i tap nou lo nou televizyon.  Toulezour nou vwar partou dan lemonn.  Mwan mon pa vwar akoz Sesel nou bezwen reste an aryer.  Nou frer Maurice pe fer parey.

 

 

MR SPEAKER

Ok le pwen in ganny fer annou retourn lo Bidze ankor.  Minis Alexander i lo Cabinet.  I an kontak avek son Prezidan ek Prezidan Larepiblik nou a retourn lo Bidze ankor.  Onorab Vidot.

 

 

HON AUDREY VIDOT

Mersi Mr Chair.  Mr Chair mon ti zis le demann avek Minis eski dan zot bann dan zot plan ki zot pe revwar bann Polisi zot.  Ler zot in koz lo sa survey ki zot in fer,  eski zot in link osi ek bann NGO’S bann ki travay espesyalman avek bann zenn pou ed zot osi lo la.   Zis en pti leklersisman.  Mersi.

 

MR KEVIN VIDOT

Thank you Mr Chair, thank you Onorab Vidot.  Mon krwar ler Onorab pe koz lo sa youth survey yes, en bon pe lenformasyon in ganny anmase en bon pe data in ganny kolekte an sa ki konsern sa youth survey.  E byensir nou vwar ki byensir nou bann youth groups nou bann afilyasyon lazenes nou NGOS vreman i bezwen serten sipor.

Parey mon’n dir i annan plis analiz pou fer lo al data in fek ganny compile.  In ganny prezante avek nou.  La prezan louvraz assize analiz tou sa bann data e vwar neseserman ki bann pwen konsern bann rekomandasyon ki nou kapab vin avek,  e come  up avek en policy ki all and parey nou dir.  Yes annefe konman mon leksperyans avek lazenes yes nou’n vwar e osi prezan  ki nou annan bann lasosyasyon lazenes ki formen me ki pa neseserman bezwen annan sa kapasite total, pou zot kapab vreman operate koman en NGO ouswa pou zot kapab fonksyonnen dapre zot vizyon, dapre zot statement.  E sa anliny avek SNYC osi, akoz mazorite sa bann NGO Lasosyasyon i afilye avek SNYC.  Nou pou rod en fason ki mannyer atraver nou bann progranm ki nou oule devlope ki mannyer nou kapab osi enkorpor bann capacity building pou nou bann NGOs ki a lafen nou kapab.  Pa zis gouvernman parey nou kontan dir gouvernman fer Gouvernman fer me nou osi nou donn kapasite nou bann zenn.  ‘’There’s nothing for the youth without the youth.’’  Sa en statement ki mon oule fer.  Savedir ki mannyer nou kapab increase kapasite sa bann zenn pou zot al out there zot osi pou zot kapab empower lezot zenn e build up zot kapasite ki demen.  Parey nou dir nou zenn nou lazenes i fitir nou pei.  E pou zot fitir zou pei nou start avek zot ozordi donn zot kapasite, ki demen zot vin sa bann dirizan pe enport pa bezwen vin en politisyen pour en dirizan.  Pe enport dan ki field zot ete.  Dan ki Departman ki zot ete zot kapab vin en dirizan.  Enspir lezot zenn.  Savedir pou sa arive nou bezwen yes build kapasite nou bann NGOs lazenes.  Thank you Onorab.

 

 

MR SPEAKER

Onorab Henrie.

 

HON GERVAIS HENRIE

Mersi Mr Chair.  Bonzour tou dimoun.  Mon kestyon i konsern polisi dan sports.  Akoz mon krwar sports i keksoz ki pli inifye nou nasyon.  E mon senpatiz en pe ek zot Departman akoz si nou realiz sa kantite larzan ki nou pe depanse dan sa Bidze pou deal ek drog.  Si nou ti napa sa problenm, sa larzan ti kapab al pou sports.  Mon kestyon i an parti en pe sa ki Onorab Esparon in demande.  Mon pa oule ki zot dir mon letan NSC pou vini pou deal avek sa.  Akoz mon krwar se zot konman Minister ki parent Ministry of NSC ki bezwen deal avek sa.  Premyerman i konsern sa bann zafer devlopman bann sports complex lo nivo rezyonal.  Dan Bidze nou vwar bann ti pti proze.  Lalimyer Baie Sainte Anne, Pointe Larue, Beau Vallon changing room, Anse Royale upgrade multi purpose court, gym plito Praslin.  Depi ler mwan mon ti zanfan dan bann lannen ‘80 Msye Mascarenas ti ankor vivan.  Lo televizyon ti fer en reportaz ti pour annan  sports complex kot lekol Grand Anse Mahe i ete.  Beau Vallon ti pour annan enn.  Mon pe koz ou lannen ‘80’.  I annan plis ki almost trantan pase.  Be zis la Bidze 2017 napa.  Konmsi i annan en problenm lo nivo Minister,  ki’n annan sa – not NSC.

Mon premye kestyon so mon oule konnen akoz i napa sa commitment pou rod sa larzan dan Bidze.  Nou bezwen 10 – dousman, dousman nou ava fer.  Premye kestyon sa d, dezyenm Mr Larue in koz lo relev, conveyor belt in servi en lekspresyon.  Mont Buxton alors en zour nou ti form atletik, foutbol, volleyball, basketball me ozordi.  So letan zot pe fer zot statistic zot konman Departman Sport konmsi ki zot target pou dir par egzanp dan lepok ’80 letan ti annan rezyonalizasyon,  tou sa distrik ti annan lekip tou sports en.  Madanm, Msye.  2016 i annan distrik napa sports ditou zis Baie Sainte Anne ki annan tou.  So obviously konman en Nasyon nou’n fer enn de trwa kat menm senk pa an aryer.  So dan zot ban statistic dan zot bann stratezi kwa ki zot pe fer zot pa NSC but as a Ministry ki nationally sports is a national passion?  Mersi.

 

 

MR SPEAKER

Mr Larue.

 

MR JEAN LARUE

Mersi Mr Speaker.  Mersi

Mr Henri Onorab.  Mon krwar dan nou vizyon wi in toultan nou’n anvi.  Ou pe dir commitment nou’n toultan anvi sa bann regional centres.  Me selman pour ou kapab met regional centres ou bezwen annan resours.  E si resours ou pa ganny li ou pa kapab fer fasilite.  Konsernan tonm an aryer letan nou ti konmans fer rezyonalizasyon sa se en desizyon ki Gouvernman ti pran sa letan.  Sete pou zis desantraliz met plis tim dan bann distrik.  E nou ti vwar en boom’ nou ti vwar en ‘boom bann klib.  Be a longer di-tan nou konnen pou dir bann resours pa vini bann klib pa kapab soutenir sa zot klib.  Sa kou pou zot kontinyen met zot klib.  E an menm tan travay ki NSC i fer akoz NSC ki allocate en Grant ek bann Federasyon bann Federasyon i vwar zot difisil pou pran sa Grant pou soutenir bann klib.  E an kantite klib natirelman zot tonbe.  Sa nou’n rekonnet.  E se pour sa rezon ozordi.  Nou’n dir be gete apre en serten letan in ler pou nou revwar tou sa bann zafer la.  Tou sa bann stratezi sa ki’n marse annou pran li.  Sa ki pa’n marse annou revwar.  Se pou sa rezon la ozordi nou pe re asize Departman Sport avek NSC.  Ek bann Federasyon osi.  Akoz zot osi bann parti prenan.  Pou revwar ki mannyer nou travay pou relev sa nivo sport relev sa nivo dan distrik.  Lev li lo nivo Nasyonal. So i en gran travay nou tou nou rekonnet pou dir sport i anmenn laglwar i anmenn benefis sosyal.  I anmenn benefis lasante eksetera.  Me selman i en gro travay ki nou pe fer la aktyelman.  Mersi Onorab.

 

MR SPEAKER

Mersi Mr Larue. Onorab Henrie ou annan en klarifikasyon siplemanter.

 

HON GERVAIS HENRIE

Wi Mr Speaker zis en quick question.  Sirtou an relasyon avek repons ou premye kestyon letan ou’n dir si nou pa ganny resours pa pou kapab fer.  Eski alor ou pe konfirm a ek sa Lasanble pou dir in annan en mank volonte politik, pou met resours apropriye pou ki nou kapab ganny nou bann sports complex e asire ki sports lo nivo kominoter is a nivo ki i ti ete dan bann lannen’ ‘80 Sesel.  Mersi.

 

MR SPEAKER

Mr Larue.

 

MR JEAN LARUE

Wi mon kapab konfirmen ki  dan nou Bidze sa ki nou request.  sa ki nou, nou ti demande i annan nou pa’n gannyen.  So nou prezan nou travay avek sa ki nou annan.  Mersi bokou.

 

MR SPEAKER

Related to that Onorab Ramkalawan?  Apre Onorab De Commarmond.

 

HON WAVEL RAMKALAWAN

Mr Speaker mon krwar ki ankor enn fwa nou Lasanble i bezwen fer en commitment.  Ozordi nou pe koz fleo sosyal.  Nou pe koz nou bann zenn ki pe disparet.  Napa aktivite, napa isi laba.  E yer dan sa Lasanble nou’n antann ki pou dir SCAA i pey en dog handler R100 mil par mwan.  Eski Minister Finans ti ava kapab pran sa size CSR o size dan en fason serye pou nou vwar ki spesyalman bann parastatals olye bann public enterprise ensidswit.  Olye pran zot larzan pou zot met dan JJ Spirit Foundation R100 mil pou dog handler annou pandan sa lannen 2017 met li dan sport.  Devlop nou bann zenn pou nou kapab annan en lenpak permanan lo lafason ki nou sosyete i devlope.  Mon pour ensiste lo sa pwen.  Ki Minis Finans, Minister finans i pran sa size serye pou nou regard sa zafer CSR.  Pou nou kapab ed nou bann zenn silvouple parski zot ki pou nou baton vyeyes.  Me osi an menm tan tir zot kot zot ete ozordi.  Mersi bokou.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Dan menm laliny Mr Speaker mwan mon konsernen bokou avek kestyon Polisi lo Minister Sport.  E erezman la nou annan en zoli Minis en nouvo Minis.  Minis nou konnen ou nouvo dan sa Minister e nou konfye ou sa bann pwen ki nou pe mete dan nou Lasanble pour ou travay lo la  pour amelyor sa keksoz sa akt sports dan lespri ki nou pe dir.   Par egzanp si mon pran dan menm laliny.  Ozordi dan distrik par egzanp, nou pe koz bann problenm klib distrik en biznes.  En entity dan distrik i anvi donn son CSR sa klib son distrik ki i ladan li.  I reste la li dan sa distrik dizon Cascade.  I anvi donn tou son CSR e menm an plis petet pou siport sa klib.  Me Lalwa CSR i anpes li fer sa e prezan nou demann Minister Sports dan zot Polisi pou revwar sa Polisi vizavi Minister Finans kot ler i annan bann ka koumsa ki annan bann posibilite ganny fer sa.  Ou konpran?  Sa i en pwen.

Dezyenm pwen nou a pe koz bann klib sportif.  Tou klib pou fermen byento si nou pa revwar fason e concept pou les klib epanouir li menm li.  Sa zafer regional whatever ki zot pe mazin fer la.  Sa zis zot pe al zis pran larzan met dan en trou san fon.  I pa pou marse.  Petet avek lide ki Onorab lider lopozisyon in mete nou kapab elarzir li.  Bann paraetatik zot vini take ownership bann klib zot annan bokou CSR.  Zot detrwa zot ansanm take ownership fer en klib vin en real club.  La nou a vwar keksoz ki pe arive.  Sports ava soz ou ava annan en lot nivo spor, me an menm tan ou ava annan high level.  Ki prezan sa kestyon taler ki nou pe koze lo sa zafer beverages pou sponsorship la.  Beverages ou pa kapab ekspekte li al sponsor pti klib anba ouswa manrmay lekol ensidswit.  Ou pa kapab met lalkol ek manrmay lekol.  I bezwen high level li.  Ou konpran? Nou bezwen vwar sa dinamik proper konmsi.  Be sa pa kout nanryen pa kout much money sa.  Pa bezwen bokou larzan sa.  I demann will, political will.  Detrwa zot si zot bezwen nou ankor nou a vin ansanm.  Met ater nide e deside fer marse.  Ok dernyen pwen petet dan sa direksyon nou bezwen revwar Lalwa bann Federasyon.  Bann Federasyon ozordi i annan serten Federasyon i pa proper.  Lalwa pa bon.  Pran Federasyon volleyball i annan bokou problenm avek. Ou pran ou en klib volleyball.  Pran Cascade nou annan nou en.  En zwer Cascade i kapab ganny vann ouswa ganny al zwe dan en klib deor.  Cascade li ki’n depans ek sa zwer nou pa kapab anmas en sou.  Lekel ki anmas larzan? Kote sa larzan i ale? Ki laranzman?   Zis  i donn nou en bout papye oubyen sinyen konman manager.   That’s not proper. I  annan problenm la.  E sa i pa kapab NSC sa. I bezwen Sports.   Minis konman ou nouvo la pran sa bann zafer onboard nou konfye ou ek tousala.  Mersi.

 

 

 

MR SPEAKER

Mon krwar ki tou lede Leaders –  Leader Lopozisyon ek Leader of Government Business in fer en pwen zeneral lo politik sports e mon krwar pou nou kontinyen,  Mon  a les sa dan lanmen Minis, PS Finans mon vwar li i annan en zoli sourir.  Minis Sport osi i annan en zoli sourir.  Mon krwar zot tou lede zot pou konnen ki mannyer pour al kwi sa.  Nou a kontinyen lo nou Bidze e nou a demann Onorab Ernesta pou demann ou kestyon.

 

HON PAUL ERNESTA

Bonzour Mr Chair, bonzour Minis ek ou delegasyon e tou koleg Onorab e tou dimoun ki pe ekout nou presizeman bann dimoun Takamaka.  Minis petet mon pou koz en pe lo lazenes  – Polisi.  Konseye Spesyal in dir pli boner zot pe get kalite.  Mwan mon konsernen lo kalite nou bann ankadrer ki nou annan.  Kalite bann ankadrer.  E mon pa vwar dan Bidze, si zanmen zot in fer provizyon, pou nou kapab atir bann kalite bann ankadrer pou kapab delivre sa progranm ki zot, zot annan.  Akoz sa i ekstrememan enportan letan nou pe get lazenes ozordi.   Lazenes zot laspirasyon parey Polisi i dir, i vast.  Me ozordi nou vwar petet mon pa konnen si sa lo kote Nasyonal ki pour anmenn – ouswa lo kote SNYC ki pou touse.  Me nou vwar plis konsantrasyon pe ganny mete lo nivo Nasyonal, me dan distrik napa nanryen.  Kot nou vwar nou bann zenn i perdi.  Mon krwar i ekstrememan enportan nou  re anmenn sa ankadreman lazenes lo nivo kominoter.  E mon pa konnen si sa i pou tonm osi lo ou kote ouswa lo kote pou Sports.  Nou pe koz high level. Nou annan nou bann pti sport lo nivo distrik ;- bann pti mass sport.  Sa i bann pti keksoz ki ede pour anmenn nou bann zenn ansanm.  Met tou nou bann dimoun ansanm.  Mon krwar zot bezwen parey nou pe ganny dir dan zot Polisi letan zot vwar Polisi revwar tousala, ki kapab ede lo kote finansman.  Ozordi letan nou gete si mon kalkil sa Bidze ki zot in donnen dan Youth Support,  i pou tonm apepre en R1400 roupi par mwan pou distrik  – pa ase.  E not much can be done e petet sa osi i kapab revwar dan sa processThank you.

 

 

MR SPEAKER

Minis oubyen Special Advisor.

 

MR KEVIN VIDOT

Thank you Mr Chair, thank you Onorab Ernesta.  Onorab Ernesta i en pasyonnen akoz i en ansyen travayer Departman Lazenes.  Mon krwar i annan en keksoz in fer kler, se in koz lo kalite bann ankadrer.  Parey nou dir quality input ki determinen kalite output ki ou gannyen.  Mon krwar mon pou tant pour agree avek Onorab Ernesta.  En keksoz ki ler nou’n antre i annan apenn en mwan sote ki nou’n antre.  E sa i enn bann diskisyon ki nou’n annan ansanm avek SNYC  -bann miting ki nou’n fer ansanm avek Board SNYC.  Ki fason ki nou kapab ozordi train nou bann ankadrer ,increase zot kapasite pou zot osi kapab delivre a sa oter ki neseserman ki neseser ozordi,  An term konpleksite ki egziste ant lazenes an zeneral ;-  pa zis Sesel i osi enternasyonal sa en ?.  Yes, i bezwen annan en Bidze ki asosye avek sa.  Nou’n vwar sa nou.  Me malerezman bann letan ki nou nou’n antre in annan pti gin keksoz ki nou’n kapab fer, pou nou kapab pou nou kapab met tou keksoz an plas.

Me parey nou dir la nou an term kot nou pe analiz serten keksoz.  Nou pe kree bann divizyon spesifik ki pou nou kapab tackle sa.

I neseser osi kekfwa ki nou dan lefitir –  fitir pros mon pe koz lo la la.  Nou konnen ozordi ou konn sa tre byen Onorab Ernesta ki nou annan bann youth workers zot osi nou bann dimoun ki tous nou bann zenn en pti pe pli direk lo nivo distrik lokal.

Zot osi nou pe rod en fason direk ansanm avek zot diskite avek zot oparavan avan avek SNYC, ki fason nou kapab increase plis zot kapasite zot osi.  Pou zot kapab delivre a sa oter ki nou nou pe ekspekte de zot.  Ou pa kapab ekspekte something avek en dimoun a en oter si ou pa’n envestir dan li pou li deliver a sa oter.  Mon krwar ou pour agree.  Me as nouvo Minister Lazenes, Sport an term policy sa osi i bezwen antre dan term policy.  Ki nou bezwen annan kalite.  Me si en keksoz ki nou bezwen fer kler ozordi pou Lasanble konpran, ki mon mazinen 2018 ler nou pe ganny Bidze pou nou Minister i bezwen ogmante.  Why?  Akoz nou bezwen pran kont tou sa bann keksoz.  Vwar ?  Si nou pe rod sa kalite dimoun pou delivre pou ankadre lezot zenn,  nou bezwen osi pey li pou kalite k ii annan.   Nou pa pou kapab ekspekte pey li a en nivo sa oter ekspekte delivre sa oter.  So nou bezwen rod en fason ki mannyer nou pe rod sa kalite dimoun.  Me pare pou envestir li osi an term son saler, bann lezot keksoz ki vin avek.  Ki demen the ripple effect rezilta se ki nou annan bann zenn ki kapab omwen soz en pe ;-tir zot dan ban lenfliyans ; tir zot dan bann problenm sosyal ;  tir zot bann laspe ozordi ki pe anmenn zot dan en move semen.  Mon krwar ou annan en pwen e mon krwar ansanm avek Minis nou’n asize.  Minis konman en zenn Minis li osi, mon krwar i tonm byen an term Minister lazenes –  e ansyen CEO SNYC pou mansyonnen Minis si ou permet mwan, ki  i bann keksoz ki nou pe asize an etrwat kolaborasyon avek CEO SNYC, pou nou vreman met en lanmen serye lo la.  E mon swete ki next time nou vin dan sa Lasanble ki dan 1an Bondye pitye,  nou kapab vreman vin montre zot vwala ki nou anvi fer vwala stratezi.  Akoz nou pa pe travay zis pou 1an nou.  Nou annan – nou oule en plan 5an – ki mannyer nou oule etablir keksoz e ki mannyer nou pou vreman vwar sa output dapre nou bann target, ki nou nou ekspekte ozordi.  Avek n,ou ankadrer avek nou lazenes an zeneral.   Mersi Mr Chair.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Chair mon anvi zis en pti bout pour azoute.  Bonzour Minis ankor enn fwa.  Par egzanp ler pe fer bann sa bann travay la,  mon ti a kontan ki zot bear in mind osi sa bann policy pou petet mazin bann tim ki en pe lwen.  Parey Baie Lazare sirtou lo kote bann transportasyon.  Ou pa kapab donn Mont Fleuri R2mil pou transpor ou donn Baie Lazare R2mil menm.  I ti a bon ki petet zot get en pe ladan.  Mersi.

 

MR SPEAKER

PS Finans ou ti anvi dir en keksoz lo la oubyen Minis ?

 

PS PATRICK PAYET

Mersi Mr Chair mersi Onorab nou kapab revwar avek Minister Youth and Sports, Departman Youth and Sports apre osi Local Government.  Sa osi i tous en pe kot zot.  Nou kapab asize avek Minister Finans e revwar sa.  Mersi.

 

MR SPEAKER

A tir pti morso lo sa bann ki nou pe dir i annan tro bokou.  Onorab Loizeau.

 

HON NORBERT LOIZEAU

Mersi Mr Chair, bonzour Minis ek ou delegasyon.  Bonzour tou dimoun.  Minis mon annan detrwa pti kestyon kourt.  Mon premye kestyon mon anvi demann en kestyon konsernan high level sports la.  Mon anvi demande akoz ki high level sport parfwa, i selman bann atlet ki pe fer bann sport endividyel ki pe ganny bann gro allowance?  Menm si mon byen dir mwan si mon mal osi.  I annan ki pe ganny en lapey tou le mwan.  Akoz zis bann atlet ki fer sport endividyel ki pe ganny sa – ki par kont nou annan nou bann lekip foutbol ki fer sport kolektiv.  Ki zot osi zot fer bann sport o nivo.  Parey konpetisyon Lafrik pou kalifikasyon Lafrik.  Menm World Cup, Zone 7.  Zot osi zot pe fer sa nivo me zot sa bann zwer dan sa bann Nasyonal tim zot zot pa pe tous nanryen zot.  Zot pe get zis sa bann…

 

MR SPEAKER

Ok kestyon i kler.

 

HON NORBERT LOIZEAU

Ok mon ava al lot, Mr Speaker. Parey Onorab De Commarmond in koz lo bann biznes pou pran sport.  Mr Larue in koz lo zot pe menm mazin pou ariv lo nivo lo semi-profesyonel – mon krwar mon’n byen tande non?  Ki zot pe fer konmsi pour ankouraz biznes pou pran en lekip sport e run li lo zot menm.  Kot zot ava annan zot prop reveni ;- konmsi ki ava petet i a ede pou nou ariv lo nivo.  Parey nou pe koz lo kote lenfrastriktir.  Kot zot, zot pa kapab fer en indoor gym petet.  Mwan mon kapab mwan mon pran lekip Baya mon pran kort Baya mon fer li vin en indoor gym konplet kot mon kapab zwe ek Home la e mon anmas mon reveni e tir en fardo lo zot.

 

MR SPEAKER

Ok dezyenm kestyon i kler.

 

HON NORBERT LOIZEAU

Mr Speaker, apre mon anvi demann Minis demann zot lantouraz, vi ki zot pe ankouraz dimoun pou fer sport.  Zot pe ankouraz healthy living konmsi.  Vi ki PS Finans i o-bor zot la eski zot pe koze ek Minis Finans pour ki tax lo serten bann lekipman – mwan mon pe dir tou lekipman sports i ganny redwir pour ankouraz dimoun pou fer sport.  Sirtou lo bann lekipman legzersis.  Ler mon pe koz lo sport mon pa pe koz zis dimoun ki pe fer sport konpetitiv mwan.  Mon pe koz lo petet ou PS apre ki ou’n fini sorti dan Lasanble 9er diswar ou kapab aste en pti treadmill petet – ou konpran mwan ?

 

MR SPEAKER

Non ou’n fini poz 3.  Dernyen fer ou dernyen kestyon.

 

HON NORBERT LOIZEAU

Dernyen mon’n tann koz lo dopaz me selman lo sa bout avan mon pa’n tro tro konpran.  Selman i annan en koze lo dopaz ki mon krwar Mr Kevin in koz lo la.  I annan en pe letan pase napa okenn dopaz ki’n ganny fer test dopaz kot bann venue sport.  Mon frekant venue sport ki’n ganny fer.  Zis la prezan ki mon’n tann konmsi i annan en keksoz lo la.   Anr ok.

 

MR SPEAKER

Mersi i annan 4 kestyon.  Minis oubyen Mr Larue i a sey reponn lo le 4 briyevman.

 

MINISTER IDITH ALEXANDER

Mr Speaker mon pou pas avek mon Advisor pou Sports ki annan plis ki 30an i pe travay dan sa Minister Sport.  Be zisteman lo kote pou high level sport ler sa bann atlet ki ganny vin met lo la lo sa Scheme.  Apre msye pou eksplik ou sa bann kriter.  Sa i ganny idantifye par Federasyon zot menm. I napa nanryen pou fer avek pour nou dan Gouvernman –  en zofisye dan Gouvernman. Federasyon ki idantifye, me Scheme i ganny administre par NSC.  E mon ava demann Advisor pou Sport elabor byen lo sa bann Scheme.  Ki NSC i donnen?  Ki kriter?  Ki mannyer i fer pou zot kapab vin lo sa bann Scheme.  Mersi.

 

MR SPEAKER

Mersi Minis e si i annan okenn lezot ekleraz oule pli tar Onorab Loizeau CEO NSC i la nou pou vwar li en pe taler.  Mr Larue si ou kapab briyevman reponn sa 3 premye kestyon.

 

MR JEAN LARUE

Mersi Mr Speaker Mersi Onorab pou sa bann kestyon.  Briyevman wi nou annan bann individual bann atlet endividyel ki lo bann Scheme.  E bann Scheme nou annan i annan bann Scheme ki nou apel sa bann atlet elit oubyen semi- profesyonnel.  Kot zot ganny en pti allowance ; kot zot ganny sans train e sa bann atlet pe reprezant nou pei a letranze zot pas plis zot letan dan bann konpetisyon pe compete pou Sesel. Apre nou annan en bann atlet osi ki nou apel zot lo high level nou, nou get zot akoz zot lo en nivo – nou apel zot, the  world oubyen olympic level oubyen Commonwealth.  E zot osi zot pe prepare toultan pour al sa bann konpetisyon.  So nou bezwen get dan zot welfare.  Ler ou dir an menm tan sa bann atlet parey ou’n dir se sa Federasyon ki met zot non devan.  E i annan kriter e kriter se bann kriter enternasyonal. I annan bann barenm oubyen bann kriter ki kalifikasyon ki zot meet.  E sa Federasyon i submit zot kot NSC ki ganny konsidere.  Parey bann tim letan ou koz tim, tim i en pe pli difisil i en pti pe pli konplike.  Me par kont li osi ou kapab ganny en tim basketball – en letan ti common dan volleyball kot enn de bann atlet ki ti bon ki ganny idantifye.  Ou ti vwar zot pe pran pe al  aletranze.  So in deza annan en keksoz.  Nou pa’n sponsor oubyen siport en tim me selman i annan bann endividi dan en tim ki ale ki ganny sipor.  E apre letan i retournen nou revwar rezilta ki in fer.  Mon krwar sa pwen ki bann team sports i kapab pran ownership mon krwar taler nou’n koz lo la.  Mon krwar sa i en tre bon nide.  Nou’n note konmsi i ava vin enn bann stratezi – bann policies ki bann landrwa i pran ownership.   Mon krwar i en tre bon nide lo la.

Healthy living pa neseserman ki tou dimoun i vini ki tou dimoun i bezwen aste en treadmill me i annan semen apre ler travay ou kapab pran ou pti rucksack met lo ou ledo marse al se ou.  I healthy living. Ou fer gardening i osi i bon.  I annan fitness trail, i annan la plage, i annan delo sale tousala i ede dan healthy living.

Ler ou koz dopaz ou dir napa tes i pa korek napa test i pa korek i annan tes.  Me selman i annan stratezi ki’n ganny met an plas.   Pa neseserman en dimoun i bezwen vin teste ozordi.  I kapab zis 2 zofisye i asize ozordi i fer lobzervasyon e ou remarke ki pe pase.  Me selman tes i kontinyen ganny fer.  I pa pou zanmen ganny arête.  Mersi bokou Mr Speaker.

 

MR SPEAKER

Onorab Vidot en quick question pa statement, vitman.

 

HON AUDREY VIDOT

Mersi.  Zis anliny avek sa ki Mr Larue in dir in regards to sa bann atlet ki ganny incentive la.  Eski i annan zot ki zot pa difikilte.  Mon konpran ki i annan zot ki ganny difikilte pour anploye dan en travay akoz parfwa letan zot bezwen al compete, zot bezwen sorti souvan dan zot travay.  Prezan sa incentive i sipoze ed zot.  Eski i dan zot plan pou revwar osi sa.  Konbyen zot gannyen apepre?  Mersi.

 

MR JEAN LARUE

Mr Speaker mersi.  Mersi Onorab.  Wi se egzakteman sa nou konnen zot ganny difikilte dan zot landrwa travay zot pas plis letan dan avyon e pe compete pou… Sesel.  Konbyen zot pe gannyen?  Avek bi revwar nou annan sa bann ki nou apel zot bann semi- professional ouswa dan bann special Scheme,  zot ganny R5mil par mwan ok.  Prezan over and above sa zot ganny zot en lot pti allowance akoz sa bann zot pe pas plis zot letan  aletranze.  Me an menm tan letan zot pe meet the world oubyen Olympic qualification zot osi zot ganny en pti larzan ankor zot ganny R2500.  So R7500 deza.

Me avantyer menm zot pe dir annou revwar akoz zou pe rekonnet poudir i pa ase.  So i deza pe ganny revwar pou fer sir k ii ganny re aziste pou meet demann ozordi.  An plis ki sa .  mersi Minis letan i ariv i annan bann kou ki adisyonnel.  Letan enn sa bann atlet i al aletranze i annan zanfan, i annan en allowance ki ganny peye pou childminder pou son zanfan ganny veye.  Sa atlet letan i vwayaze li zis i mont lo avyon – son lotel, son breakfast, dezennen, dinen tousala i ganny peye.  An plis i ganny en pti allowance dan son pos.  Savedir son latet pa fatige i konnen pou dir son zanfan pe ganny taken care of.  So tousala i bann cost ki adisyonnen.  So…

 

MR SPEAKER

Eskize Mr Vidot nou pou bezwen pran en Break.  Mon ti krwar mon pou fini mon pou vote avan nou pran en Break.  Me mon i annan ankor 3 dimoun ki anvi koze ankor.  So nou bezwen pran en Break apre nou a retournen nou a pran en vot vitman.  Sansan sa 3 msye ava dir mwan mon pa’n donn zot sa sans koze.  Nou a pran en Break nou a retournen dan 15 minit savedir nou 11er nou retournen.  Quick intervention and then nou pran en vot.  Mersi.

 

(BREAK)

 

MR SPEAKER

Bon nou a kontinyen avek  nou bann  kestyon.

Onorab Larue.

 

HON FLORY LARUE

Bonzour Mr Speaker, bonzour tou dimoun mon ti a kontan lev en matter of privilege silvouple si ou permet mwan Mr Speaker.

 

MR SPEAKER

Ok go ahead.

 

HON FLORY LARUE

I fer plis ki en semenn ki Onorab Wilbert Herminie ti fer en lakizasyon kont Mr Speaker.  E mon ti follow prosedir mon’n ekrir en let e la i fer 7 zour depi ler mon’n ekrir en let kot ou biro.  Eski ou kapab donn mwan leklersisman lo la silvouple?

 

MR SPEAKER

Mersi Onorab Larue,  wi efektivman ou let i date le 15 Desanm e mon ti koz avek Onorab Herminie mon sizere ki Onorab Herminie pa la pou le moman.  Mon a donn ou en repons pli tar Onorab Larue akoz mon ti apel Onorab Herminie me malerezman i pa Chamber  ozordi – at least la.  Me mon a koz ek li taler epi nou a pran en desizyon ok ?  Mersi Onorab Larue.  Nou a kontiny nou lentervansyon Special Advisor Vidot ti anvi fer en  entervansyon.

 

MR KEVIN VIDOT

Thank you Mr Chair.  Mr Chair ankor enn fwa anliny avek sa ki Onorab Loizeau ti dir.  Sa ki i ti pe dir oparavan an term sport lwazir pou tou dimoun.  Zis pour enform Lasanble ki nou annan en progranm ki ti ganny devlope anba Departman Lazenes ki ti apel SEYx30 ki mon’n dir oparavan ki tonm anba SNYC.  Sa progranm i en mouvman ki pou dedye pou tou Manm piblik espesyalman bann adolesan ek bann zenn.  E sa se pou fer 30 minit legzersis ok ?  Legzersis fizik pour anpes e kontrol obesite parmi popilasyon zenn e nou Seselwa an zeneral.

Zis pou note ki parey mon’n dir sa progranm ti ganny inisye devlope par Departman Lazenes anliny avek bann larestan stakeholders ;-  parey Konsey Nasyonal lazenes, Minister Lasante, Lazans Swen Lasante, apre Minister Ledikasyon e Konsey Nasyonal pou Sport, Departman Devlopman Kominoter.

Anliny avek sa nou annan 10 lekol segonder ki’n fini fully enroll dan sa progranm ki zot deza pe fer li.  E lekol Independent School ek International School in montre lentere pou zot osi komans sa progranm.  E ki an 2017 i annan tou ledikasyon ansanm avek SNYC zot pou konmanse.  I annan de landrwa travay STC ek SCAA osi ki’n fini anbark lo sa progranm e IOT pe organize pou zot osi zwenn.  Kekfwa mon kapab lans en lapel avek Mr Chair, ki Lasanble osi i konsidere parey anliny avek Onorab Loizeau ki’n dir zot enroll lo sa progranm.  Mersi bokou.

 

MR SPEAKER

Onorab William.

 

HON WAVEN WILLIAM

Mersi Mr Chairman.  Mr Chairman mon ti a kontan demann Mr Larue lefe ki dan enn son larepons.  Mon krwar dan son statement in dir ki lentansyon se al kre 10 sport complex.  Mwan mon anvi demann Mr Larue, si dan zot analiz an menm tan zot pe devlop zot bann stratezi zot revizyon,  eski zot in pran an konsiderasyon lo nou realite dan bann distrik?

Dezyenmman eski zot ki fason zot pe mazinen pou fer sa.  E fason pou manage sa, akoz ozordi nou pe ganny difikilte pou manage laplipar nou bann sport facilities nou annan lo nivo distrik.

E trwazyenmman Mr Chairman si ou permet mwan.  Mr Larue mon anvi demann ou eski ou pa krwar pou dir i annan serten sekter nou pe tro tay avek kan nou devret pe marse pou vwar keksoz byen ?  Avan-ler ki nou, nou pe fer bann depans ki vreman nou pa pe vwar ki bor pe anmenn nou.

E sa an menm tan i pa pe fer nou osi edik nou bann atlet kondisyonn zot ki zot lo nivo partisipasyon.  Lo nivo bann aktivite konpetitiv zot moralman ganny byen prepare.  Akoz mon santi poudir nou annan serten problenm dan sa area.  Mersi bokou.

 

MR SPEAKER

Mr Larue.

 

MR JEAN LARUE

Mersi Mr Speaker mersi Onorab pou ou kestyon.  Dan nou analiz nou pe vwar pou nou al pli devan al pli lwen.  E se pou sa rezon sa konsept regional sport centres ki nou’n vin avek ;-  ki’n nou’n diskite avek nou bann stakeholders nou bann Federasyon.

Natirelman i annan ki pran spesifisite sa rezyon.  Ler nou’n design son bann plan i pran an konsiderasyon sak rezyon ki mannyer i ete.  Savedir sak complex pou diferan baze lo spesifisite e needs dan sa landrwa.  Kekfwa ou pe dir si nou pe tay avek nou kapab al ase vit.  Me selman si nou santi i annan nesesite pou nou revwar fer li par staz nou ava fer li.  Me selman nou santi poudir in ariv en moman, kot nou bezwen al en pe pli lwen akoz en regional sport centres i kapab kre loportinite lanplwa pou bann dimoun ki travay dan sa rezyon.

An menm tan ler nou pe dir desantraliz bann aktivite sportif olye ki tou dimoun i vin anvil.

So dan enn bann fason panse stratezik se ki i annan bann dizon i dan Nor –  Glacis, Beau Vallon, Bel Ombre zot kapab pe fer konpetisyon konmsi parey Home and Away.  Se sa dan sa laliny Onorab ki nou pe mazin li.  Apre i annan en lot kestyon ki ou’n demande konsernan disiplin.  Ou pe dir nou bann atlet in ler pou vin pli disiplinen ?   Sa nou toutafe dakor. Anfe semenn pase dan lasemenn nou ti annan en forum ki nou fer avek tou Federasyon.  E enn parmi bann pwen pli enportan ki ti ganny resorti sete  nou kapab met tou keksoz, me selman nou bann atlet i bezwen disiplinen, kondisyonnen –  fer plis sa travay endividyel ki ava anmenn nou plis rezilta.  So i toutafe normal ki disiplin i pas devan lo sa nivo.  Mersi.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker, bonzour tou dimoun.  Mr Speaker mon kestyon i plito baze lo Polisi high level sport.  Mon ti ava anvi konnen premyerman ki kantite coach etranze i annan Sesel ki pe fer sa louvraz e ki konponan nou Bidze i ganny allocate pou sa? E osi si i annan en legzersis ki ganny fer ok.  Si i annan en legzersis ki ganny fer pou gete si i annan Seselwa ki kapab fer sa bann louvraz fer sa bann coaching e anba ki kondisyon zot rod bann lasistans bann expat.

Mon dezyenm kestyon se en pti pe lo Polisi desantralizasyon en pti pe pou ‘Spor pou tou,  ok.  E la mon konnen ki Mr larue ou konn tre byen ki Pascal village ti annan en landrwa parcel 8458 ki ti ganny servi konman en laplenn e sa ti retir en kantite bann manrmay anba pye mang o-bor laboutik.  Mon oule konnen si zot annan okenn plan pou re organiz sa landrwa ki i ava kapab deservi kominote Pascal village. Mersi.

 

MR SPEAKER

Mr Larue.

 

MR JEAN LARUE

Mersi Mr Speaker mersi Onorab.  Konsernan high level sports Ms Rousseau nou CEO pour annan detay spesifik, breakdown spesifik ki pou vin avek.  So mon pa pou kapab mon pa pou dir ou si nou annan 10 coach aletranze, me selman nou pou donn ou detay dan en pti moman si ou aksepte.  Prezan konsernan nou bann coach lokal wi toultan nou’n konsidere e enn nou bann plan ki nou bann coach lokal i ranplas sa bann etranze.  Se pour sa rezon nou annan en seksyon ki fer training aletranze formasyon pou nou bann coach lokal.  Ki ganny sans osi al fer bann course enternasyonal pou zisteman met zot lo sa nivo ki sa bann coach etranze.

Ozordi nou kapab dir pou dir dan laboks nou annan nou 3 Seselwa.  Jerry Legras, Roland Raforme, Rival Payet ki’n pran plas sa coach etranze.  So nou’n vwar nou’n fini konble sa trou.  Dan atletik osi nou annan.  Joseph Volcy ek lezot.  Kot badminton nou annan en coach Seselwa ki ozordi pe evolye aletranze.  Nou annan ki lokalman.  So nou’n vwar pou dir wi sa bann pos in ganny pran par Seselwa ki kalifye e nou pe vwar rezilta.  Konsernan ‘Sports for all, ‘Sports for all pa neseserman im bezwen ganny fer dan en pti landrwa par la.  ‘Sports for all nou annan bann zoli lanvironnman e Mr Francis Remy ki li ki ansarz sa seksyon.  I annan li en douzenn progranm ki i fers ir poudir nou annan varyete dan progranm.  Par egzanp i annan enn Christmas special ki pe vini byento, i annan pou bann Trwazyenm-Az eksetera.  So pou le moman nou santi pou dir avek ‘Sports for all i annan ase aktivite pou sakenn dimoun. Mersi.

 

MR SPEAKER

Avan mon donn laparol Onorab Prea.  Onorab William ou ti annan en pti klarifikasyon apre ou 3 kestyon.  Mon a donn ou laparol.

 

HON WAVEN WILLIAM

Mr Chairman mersi baze lo kestyon ki mon’n demande Mr Larue mon still pa tro konvenki lo larepons ki ou’n donn mon vizavi sa bann sport complex.  Mwan mon pe vwar en pti pe realite o nivo distrik e kot bann fasilite i egziste deza.  E mwan mon anvi konmsi ou donn nou sa garanti poudir nou larzan pa pe al ganny gaspiye.  Dan le sans ki kot ou pe mazin met sa bann sport complex, eski nou pou pran deza an konsiderasyon bann lanplasman bann fasilite ki’n deza la.  Pou kapab fer serten travay avek ouswa ou pe mazin lezot nouvo keksoz.  Konmsi sa ti a bon akoz i pe annan konmsi ou a krwar en pti pe diplikasyon.  Akoz zis pou en pti komanter lo sa pwen ki Onorab Henrie in fer Grand Anse Mahe wi nou ti annan en demann pou en sport complex.  Me letan nou’n revwar en pti pe an zeneral lo devlopman distrik nou ti pran en desizyon pou nou pa fer li.   Akoz nou pa ti vwar li en priyorite.  Akoz ozordi nou pe vwar bann realite vizavi bann dimoun ki  pe servi sa bann fasilite e an menm tan nou pe vwar bann lotorite ki pe ansarz pou promot sport pa pe donnen sa bann sipor lo nivo distrik ase parey nou ti a voudre.  Ki fer ki bann tim ler napa bann ankadrer bann keksoz pa pe tenir lontan.  Mersi Mr Chairman.

 

MR SPEAKER

Mr Larue oule fer komanter lo la?

 

MR JEAN LARUE

Mersi Mr Speaker mon krwar Onorab William i toutafe korek.  Letan nou get li ankor nou santi poudir avek nouvo devlopman i annan nesesite.  Me selman pou reponn ou kestyon pli spesifikman wi se bann landrwa ki deza annan serten fasilite.  Par egzanp Anse Royale kot liniversite nou annan detrwa bann fasilite ki deza la.  Aktyelman i annan en diskisyon ki pe ganny fer ant nou Minister NSC avek liniversite, akoz nou tou nou konnen kantite nou ki’n al liniversite.  Nou konnen lo en campus liniversite i annan serten fasilite sportif.  So pou nou enn ban landrwa ideal se ki, deza i annan en laplenn i en matter aranz en bout pou fer en pe atletik.  I deza annan kort volleyball.  Sey aranz li en fason ki liniversite osi i kapab servi e zabitan distrik e bann distrik zalantour i kapab servi.  Me selman wi nou pa pou fer nou pa pe prevwar fer 10 enn deryer lot.  Me selman nou bezwen konsantre priyoritiz kote ki annan sa bann fasilite ki deza egziste e anbelir li fer sir ki nou kapab anmenn plis benefis pou nou bann zenn.  Mersi.

 

MR SPEAKER

Minis i oule dir en dernyen parol.

 

MINISTER IDITH ALEXANDER

Wi Mr Speaker zis mon ti anvi dir en dernyen parol.  Sa i konmitman Gouvernman ki nou pe vwar.  I demann ki’n vini ki mank bann lenfrastriktir.  Sa ki Onorab William in dir i en pwen enportan ki kote ki pou fer?  Mon Minister sa i nou komitman pou nou devlop sport.  Me nou pa pou fer li an izolasyon nou tousel.  Nou pou bezwen travay avek bann Lotorite Distrik pou nou kapab konnen ki zot, zot bann Manm elekte.  Zot pou kapab dir nou zot demann si i la sa ideal.  Si vre kot nou’n ale kekfwa i annan landrwa zot pou santi parey ou’n donn ou legzanp. Ou pou dir nou sa pa ideal. Nou pa pou fer li dan sa landrwa.  Sa ki enportan nou pou annan sa kominikasyon, sa travay ansanm, sa konsiltasyon.  Mersi.

 

MR SPEAKER

Mersi Minis dernyen kestyon Onorab Prea.

 

HON NICHOLAS PREA

Mersi Mr Chairman bonzour tou dimoun.  Mr Chairman mon ti a kontan demann Minis an vi ki zot pe revwar Polisi.  Si Minis i kapab donn en firm commitment sa Lasanble la bomaten.  Ki ler zot pe revwar zot Polisi zot pour osi revwar sa sitasyon ki konsern nou bann professional, semi-professional ki a letranze zot fer paviyon Sesel monte zot fer nou vreman fyer.  Ki zot nivo disiplin osi fantastic ok ?  Zot bann anbasader pou nou.  Revwar en pti pe zot kondisyon.  Sa bokou pa pe kapab travay sa allowance R5mil roupi i medyok.  Nou bezwen revwar sa.  Ed zot osi tou avek fasilite petet mwayen pou zot kapab ganny en loan kot zot kapab ganny en lozman apropriye pou zot.  E petet menm pou kapab ganny en lakaz atraver Minister konsernen.  Akoz mon konnen i annan bokou ki pe pas dan sa bann difikilte.  E zot allowance ki zot pe viv lo la pa pe fer permet zot fer gran keksoz.  E la mon ti kontan konmsi mon tir chapeau ek bann manrmay parey Lisa Labiche ki’n menm in konmans en fanmir me in fer bokou sakrifis pou li mentenir son pozisyon.  Mwan mon asire sa kalite rekonpans ki zot pe gannyen i pa oter son nivo.  Apre zis en pti sa an pasan.  Mr Larue mon vreman apresye ki ou dir nou devret fer bann zafer keep fit pou zafer nou pe koz healthy living and so on.  I pa vreman posib ozordi pou met en rucksack pou met lo ledo pou mars depi anvil ziska Bel ombre.   Akoz most of those places napa proper pavement ek sa increase dan trafik and all that,   ou pe met ou lavi an danze. So zis en pti remark an pasan.  Mersi.

 

MR SPEAKER

Mr Larue mon krwar ou pa ti’n dir tou dimoun ou pa pe mars ziska anvil pou al Port Launay.  Mon krwar sa ki ou ti pe dir le pwen se ki sey mars en pe.

Si ou napa okenn komanter pou fer mon krwar nou a pran en vot.  Mr Larue oule fer en komanter oubyen Minis?

 

MINISTER IDITH ALEXANDER

Ki pou Onorab Prea par kree sa divizyon li menm ki mon pe fer pou policy planning, i pe montre sa konmitman ki deza konman mon’n pran sa nouvo portfolio ki mon pe fer, kree li pou en divizyon.  E mon pa ankor pe espere parey mon pe dir ou i deza kot DPA travay in fini konmanse e nou an konsiltasyon kot mon’n demann NSC.  Donn mon tou sa ban Scheme kot nou pe asize pou nou kapab revwar.  Pour ou lenformasyon mon’n fini rankontre bann Federasyon e ki nou’n donn nou konmitman ki nou pou zwen tou le 3 mwan.  Kot zot in fer sorti zot bann pwen feb ki pa mwan ki’n dir osi.  Zot bann solisyon ki pou vin avek.  So i bann travay ki’n deza fini konmanse, me prezan nou bezwen finaliz nou bann plan.  E mwan an aprouv-an sa Bidze nou pou fini annan sa divizyon e al nou pou annan nou bann policy ki for.  Pou kapab ankor pou kapab enplimante pou fer bann devlopman sport dan pei.  Mersi.

 

MR SPEAKER

Mersi Minis e avek sa nou a pran en vot pou Bidze Departman Sports avek Lazenes ki in ganny.  Zot a vwar lo paz 487 ziska paz 490.  Tou bann ki pour lev zot lanmen?  Okenn dimoun ki against?    Ok, okenn dimoun ki kont?  Zero napa person ki kont.  Clerk ou kapab anons rezilta an Kreol?

 

MADAM CLERK

Mersi Mr Chair.  Mon’n rikord 27 vot an faver e napa person ki’n vot kont.  Mersi.

 

MR SPEAKER

Avek sa savedir Bidze pou Departman Youth and Sports in ganny aprouve par Lasanble Nasyonal.  E prezan Minis si mon rapel byen oule pran Seychelles National Youth Council se sa?   Petet ki nou a dir nou a demann Mr Vidot reste an ka ki i annan okenn keksoz lo youth ki oule vini.  E nou a envit Mr Alvin Laurence pou vin asiz la o-bor Mr Jean Larue.  Mr Jean Larue osi mon ti a swete ki ou reste la ler ki nou pran NSC an ka ki i annan kestyon ki tous lo tou lede.

Mr Laurence fer ou lekor konfortab e ler ou’n asize petet ou a donn nou en pti overview 5 minit unless Minis oule fer li ou menm.  Minis i a fer en pti overview lo Seychelles National Youth Council apre nou a pran kestyon e Mr Laurence avek lekip i a kapab reponn.  Minis laparol i pou ou.

 

SEYCHELLES NATIONAL YOUTH COUNCIL

 

MINISTER IDITH ALEXANDER

Mersi Mr Speaker.  Konsey Nasyonal pou lazenes SNYC i ganny gouvernen par en Act ki ti vin an fors an 1998.  Bi Konsey Nasyonal pour Lazenes se pou kree loportinite pour lepanouisman lazenes Seselwa atraver konsiltasyon partisipasyon e empowerment dan lentere Nasyonal e lo nivo enternasyonal.  Konsey parey zot vwar i ganny dirize par Mr Alvin Laurence.  Mr Laurence pou ou lenformasyon ti ganny apwente konman CEO an Out 2015.  Konsey Nasyonal pour Lazenes nou pe propoz en Bidze R18 milyon 575 mil 270 e sa i pou konstitye  2 progranm.  Premye progranm i gouvernans, zesyon ek ladministrasyon.  Sa i enportan pou dir tou sa antite ki pou vini premye progranm i standar e pour sa i R7 milyon 96 mil 90.  2enm progranm ki pou fer devlopman e enplimantasyon progranm lazenes sa i R11milyon 479 mil 180roupi ki fer nou sa total R18milyon 575mil 270roupi.  Mersi.

 

MR SPEAKER

Mr Laurence eski oule azout okenn keksoz lo sa ki Minis in dir oubyen nou ava al direk lo kestyon?

 

CEO ALVIN LAURENCE

Bonzour tou dimoun bonzour Mr Chair.  Mersi Mr Chair, mersi Minis.  Konsey parey zot okouran oubyen i ava en lenformasyon nouvo pou zot.  I konpri Staff Seselwa zis Seselwa e la pou le moman i annan li 77 Staff ki fer li fonksyonnen.  68 ladan i anploye direkteman avek Konsey e lezot byensir se bann kolaborater ki tonm anba bann lot antite;-  parey Korperasyon, parey Minister Finans e Zarden Botanik egalman.  E Konsey i deservi lazenes Seselwa dapre polisi 15an ziska 30an.  Me sa i fer ki nou osi fer lespas pou travay ek bann zenn mwens ki 15an.  Annefe depi ki zot dan segonder e atraver lezot progranm menm dan primer.  Konsey Nasyonal Lazenes i sel Lorganizasyon isi Sesel ki son Bord pa ganny apwente par Prezidan.  Son Bord i ganny elekte par bann zenn.  E se sa bann zenn ki anbark lo en progranm empowerment zot osi pou byensir sirvey travay ki mwan mon fer.  E byensir i annan en kantite keksoz ki nou’n kapab dir zot lo Konsey me mon krwar i a vin plis atraver bann kestyon ki zot ava annan pou poze.  Mersi bokou.

 

MR SPEAKER

E pou remind tou bann Manm Lasanble ki SNYC son Bidze i lo paz 408 ziska 500 ok?.  Onorab Vidot ou annan en kestyon.

 

HON AUDREY VIDOT

Mersi Mr Chair mon kestyon pou CEO SNYC.  Eski ou kapab donn nou en pti pe detay egzakteman ki mannyer zot zer zot partaz sa larzan finansman ki zot donn zot bann youth workers.  Ki petet nou vwar i annan sa vreman sa limited fund.  E si zot i dan zot plan zot kapab donn nou en komitman ki zot pou travay pou revwar sa.  Mon 2enm eski i dan zot plan SNYC pou 2017 pou vwar en pti revwar en pti pe ki mannyer zot pe fonksyonn sa bann internet cafe dan bann sant rezyonal pou bann zenn e pou dan benefis kominote.  E mon lot pwen, eski osi ou kapab mon konnen.  Mon konnen i kapab sorti pli tar sa kestyon.  Mon anvi en leklersisman pou Manm Lasanble enkli pou bann zenn a lekout.  Bann paran ki ti a kontan zot zenn i partisip dan Lasanble zenn ki mannyer i ganny formen sa recruitment.

Mersi.

 

MR SPEAKER

Mr Laurence.

 

CEO ALVIN LAURENCE

Mr Chair mersi pou ou donn mon laparol.  Mersi Onorab pou kestyon.  Larzan ki ganny allocate pou distrik i vin anba vot pou community activities avek volontarya.  Lannen pase ler nou’n asize nou’n kalkil nou Bidze nou annan R1000 par distrik par mwan.  Sa i zis pou aktivite dan distrik.  E nou’n annan miting konsiltativ avek Minister Finans.  2 miting konsiltativ kot nou’n  anmenn

sa pwen devan e kot bann zenn osi in asiste sa miting konsiltativ.  E sa lannen i pou annan en lezer logmantasyon par R150.  Zis sa ki youth worker i annan pou li manage.  Me an menm tan anba nouvo alokasyon Bidze PPBB ki nou Konsey nou ti’n deza anbark lo la.  I permet nou pou nou tir en pe ki ganny allocate kot progranm Nasyonal pou deservi osi lo nivo distrik.  E sa i fer ki avek alokasyon pou 2017.  Nou pour annan nou plis fleksibilite pou nou kapab ogmant Bidze ki pou distrik.  Me malgre sa nou pa pou kapab dir ki sa i ase.  E se sa rezon akoz nou an gran negosyasyon avek plizyer Lakonpannyen  e menm endividi pour ede sak fwa ki nou annan aktivite lo nivo distrik.  Bann MNA zot devret konn sa tre byen akoz zot osi zot laport i ganny tape pou kontribye.  Alor pa ezit-e pou fer li dan lannen 2017.

Internet dan distrik nou’n observe depi ki nou’n lans internet cafes ki gradyelman i pe perdi son vre lideal.   De zour an zour nou bann zenn annan zot prop lekipman ki zot vin avek.  Zot pa neseserman dan mazorite ka bezwen en computer.  Zot bezwen en access point.

E ansanm avek DICT nou an pe travay ansanm pou ki dan pei.  Nou annan plizyer access point kot en zenn pou vini i pou kapab branse.  An menm tan nou annan bann Lakonpannyen ki nou’n siny Lagreman avek ki pe permet nou annan bann tarif bokou pli favorab pou nou bann zenn.

Sa i fer ki i pa nou lanbisyon pou kontinyen envestir bokou dan internet cafe e dan bann computer zot menm.  Par kont envestir pou kree access point pour ki nou pas dan en staz tranzisyon e nou osi annan computer ki pe fonksyonnen toultan, pour ki nou asire si zanmen i annan en ka kot en dimoun li osi i bezwen pou x rezon i gannyen.  Ozordi nou kapab fer zot okouran ki an tou nou annan nou 68 computer dan bann diferan internet cafe ki pe deserve nou bann zenn.  Parmi ladan i annan ki bezwen ganny ranplase konpletman – i annan ki kapab ganny fer maintenance lo la.   E byensir sa i annan en Bidze ki’n ganny allocate.  Me li osi mon kapab dir zot k ii pa ase.  Pa ezit-e si zot annan donasyon zot anvi fer nek kontakte mwan.

3enm kestyon partisipasyon dan Lasanble Lazenes mon ti a kontan ozordi sezi sa loportinite ankor enn fwa, pour ed tou dimoun konpran ki Lasanble Lazenes se pa en mini National Assembly.  I pa pe prepar personn pou vin MNA demen.  Si par kont ou’n pas dan Lasanble Lazenes ou’n vin MNA nou byen kontan pou ou.  Akoz rol Lasanble Lazenes se ed bann zenn  pour aprann fer resers.

Ed en zenn pou devlop son art of speech e ed en zenn pou konpran ki nou annan lopinyon diferan e respekte sa bann lopinyon diferan.  I en progranm 1an e malgre i annan bokou zenn ki ti a kontan fer plis letan ki 1an.  Otan ki posib nou demann zot pou les plas pou en lot.  Sa bann zenn i ganny swazir par zot District Youth Committee avek zot youth worker.  Zot DA i annan en say ladan akoz tradisyonnelman Minister Lazenes ti atase avek Community Development ki zot DA ti donn lanmen siperviz lo nivo distrik.

Me la Lasanble Lazenes i pa konpri selman bann zenn reprezantan distrik.  I annan bann reprezantan lekol segonder osi byen ki pos segonder e sa se the student body sa lekol ki swazir ansanm avek management lekol zot reprezantan.  Tou le lannen nou pran sa group manrmay regardless zot nivo, nou kapab koz tou le 3 langaz dan Lasanble Lazenes e nou travay avek pour ki demen zot kapab al kontinyen sa travay dan zot lenstitisyon skoler oubyen zot distrik.  Mersi.

 

MR SPEAKER

Onorab Vidot ou annan en pwen klarifikasyon?

 

HON AUDREY VIDOT

Yes petet mon ti anvi zis demann avek CEO anliny avek zot bann parey ou’n koz pou zot internet cafe zot Lagreman ki zot fer.  Eski dan sa latransparans ki nou Prezidan pe koz lo la eski i annan bann prosedir ki zot in pran pou sa ki napa okenn nanryen pou fer bias ki in swazir enn an lapliferans letan zot pe fer sa laranzman.

Dezyenmman, mon ti a kontan ganny komitman Minis ki la.  Mon konnen poudir ki la i byen nou annan tou le 3 youth, sports and culture i ansanm.  Ki sport osi i donn son konmitman son sipor avek SNYC letan bann youth workers i organiz bann progranm dan distrik nivo sportive.  Ki nou kontinyelman donn sipor an term lekipman petet osi i pa vin en kontrent lo sa pti resours ki zot gannyen pou zot kapab rod lekipman oubyen sa pou servi letan zot fer zot bann aktivite.

 

MR SPEAKER

Ok Minis.

 

MINISTER IDITH ALEXANDER

Lo kote Minister parey ou’n vwar in vin sa 3.  Ler ou pou dir i annan sa 2 Departman, Lazenes ek Sport i ansanm.  Ki nou pe travay ansanm pou nou konplimant.  Nou bezwen fer sir ki nou annan optimum utilization of resources .  Nou bezwen fer sir ki nou servi li byen.  E i dan sa laliny ki nou, nou bann policy ki nou pe travay pou nou kapab konplimant kanmarad. Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker zis les mon fer en pti komanter.  Mon byen kontan ki mon vwar Onorab Vidot avek Mr Vidot ek Mr Laurence la.  Bann manrmay ki nou’n lekol ansanm menm letan e nou’n travay bokou fwa dan lepase lo bann travay lazenes.  Bann progranm lazenes e i en plezir pou vwar zot la ozordi.  Mon kestyon i koumsa i trouve lo paz 500 anba progranm 2.  Development and implementation of youth programs.  Zot – pou sa progranm se, ‘’the purpose of the program is to provide support to all youth and motivate them to take part in productive initiative program and activities for individual, community and national development.’’  Me ler mon pe get sa Bidze ki zot pe gannyen par youth services avek youth empowerment and services i R4 milyon, youth empowerment li osi i R5.4 milyon.  An 2016 revised budget ti R11.2 milyon la i annan en logmantasyon par selman R200mil ki pour ariv .   ki pou 2017 i pou fer li ariv R11.4 milyon.  Mr Laurence pe gel avek nou i pe sipliy avek nou pou gete ki mannyer nou kapab ede mannyer nou kapab pou donn en pti larzan – en pti sponsor en pti isi en pti laba.  E in dir pou dir distrik bann travayer lazenes dan distrik pe ganny zis R1000 roupi.  In fact sa konsern ti lev-e dan miting ki ti fer Praslin Prezidan ti la.  En zenn ti lev-e i ti dir i ganny R1000mil  ki en zenn pou fer ki aktivite ou pou fer avek  R1000 ?  R1000 ni  3 sez ou pa pou gannyen avek R1000 mil.  Zis pou lwe sez i pa ase avek R1000mil.  Selman mwan mon krwar pou dir sa Bidze ki zot pe gannyen ozordi pli gran popilasyon Sesel se lazenes avek apepre 40 ekek poursan zenn Sesel.  E nou pe dir aktivite pou tou zenn dan tou distrik.  Sa Bidze i ridikil i tro pti gin,  so mon kestyon i eski Minis Finans ouswa Minister, Minis or PS ou la si zot kapab get en fason pou fer alokasyon en pe pli signifikan en ,pe pli gran pou sa bann aktivite dan distrik.  Ozordi i annan en kantite aktivite pe afekte nou zenn e mon krwar nou bezwen get en pti lo bann progranm, bann aktivite pou lazenes dan distrik.

Mersi.

 

MR SPEAKER

Mersi Onorab Minis oubyen PS Finans.

 

PS PATRICK PAYET

Mersi Mr Chair mersi Onorab pou sa obzervasyon e sa kestyon osi.  Lanfaz ki nou pe mete ki nou pe revwar en pe par egzanp the CSR guideline.  En pe konsern ki’n lev-e avek Lasanble Manm Lasanble Nasyonal.  E parey Minis in anonse dan son diskour pou nou revwar en pe CSR guidelines ki mannyer i ganny donnen.  E pandan i annan 5 sekter ki’n ganny dedye pou fer sir ki larzan pe al ladan dan CSR e enn ladan i pou community, youth, sport avek arts.  E mon krwar en konsern ki’n ganny mete bomaten,  se nou vwar en pe bann lantrepriz piblik ki mannyer zot pe depans en pe zot CSR.  Vre kekfwa pa tou larzan ki nou’n ganny mete dan Bidze.  Nou kapab zwenn avek lantrepriz piblik osi pou vwar ki mannyer nou kapab met en pe plis lanfaz dan sa sekter ;-  community, youth, sport avek arts osi.  Mon konnen i annan bann lezot sekter osi mon konenn par egzanp lanvironnman i ganny bokou parey dan bann NGOs.  Me tandis ki letan ou get en pe dan youth, sport and art,  ki mannyer nou kapab ankouraz plsi bann public enterprise pou nou kapab met en pe plis.  So definitivman nou ava zwenn avek sa National Youth Council avek Minister konsernen pou nou fer sir ki bann  larzan osi ki nou’n idantifye ki nou kapab ganny savings dan first quarter letan nou anvoy rapor kot Lasanble Nasyonal ki nou kapab ganny met en pe plis dan sa bann sekter ki dan  guidelines. Mersi.

 

MR SPEAKER

Mersi PS pou sa mo lankourazman.  Onorab William.

 

HON WAVEN WILLIAM

Mersi Mr Chairman.  Mr Chairman mon ti a kontan demann Mr Laurence dan ka kot en distrik napa son youth worker ki fason sa zenn dizon dan distrik Grand Anse Mahe ouswa en groupman zenn zot konnekte avek Youth Council?

E dezyenmman mon anvi demann Mr Laurence vizavi bann aktivite ki National Youth Council i organize ki bann kriter ki ganny servi pour fer sir ki dan sa lespri desantralizasyon, ki bann aktivite i ganny fer mon kapab dir en pti pe dan tou distrik kot i posib,  eski zot annan en fason fer vizavi zot bann aktivite ki zot swazir bann distrik pou fer sa bann aktivite?

Mersi.

 

CEO ALVIN LAURENCE

Mersi pou kestyon.  Youth worker aktyelman nou annan ki absan dan 4 distrik e prosedir in ganny fer pour ki Zanvye tou pos i ganny ranpli.  Dan mezir kot napa en youth worker dan distrik i annan li en regional ki supervise sa bann youth worker ki azir pou pran kontak.  Nou pa pou kapab dir ki sa pe mars ekstrememan byen, akoz an menm tan ki pe i pe desarz son rol sipervizyon, i pe bezwen azir konman en youth worker.  E sa i montre nou ankor ki mannyer i delika akoz pandan lannen osi i annan youth worker ki bezwen pran konze.

E parfwa i arive kot nou trouv nou i annan en mank travayer dan serten rezyon oubyen menm serten distrik.  E se la kot lezot ki travay lo nivo Nasyonal nou fason mye – pli mye posib pou kouver sa distrik.  Souvan sa youth worker vwazen osi i sey ranplase.  Ler nou’n fer nou survey e sa i pour anmenn mwan lo ou dezyenm kestyon.  In montre nou byen ki rezyon ki’n ganny neglize plis akoz.  Akoz mon krwar tou dimoun i kapab asize vin ek zot lopinyon dir kot mwan i bezwen plis.  Alor nou’n fer en letid syantifik.  Demen i pe ganny prezante byensir Lasanble osi pou ganny son kopi.  Nou ankouraz tou MNA pour aste enn R100.  Larsiv a ganny enn kado e zot a vwar ladan.  Bann bon pwen ki pou menm ed zot anmenn bann bon mosyon devan.  Sa i pou gid nou dan ki aktivite ki nou fer e ki landrwa osi ki nou fer sa aktivite.  Parey egzanp i annan rezyon nou’n vwar zot in fleri lo nivo Kiltirel, me en lot rezyon in ganny neglize.  Sa i pour anmenn nou Mont Fleuri ii ase stab.  Sa i pour anmenn nou pou nou kapab deside ki aktivite byen menm nou pou fer.  Alor dan sa rapor ki la li ki pou servi konman nou gid.  E an menm tan i enportan pou note relye bann kestyon presedan ki nou bann youth worker apartir lannen prosenn zot pe anbark lo en proze pou nou’n profesyonnaliz sa louvraz.  I nepli tan pou nou krwar youth worker is the other alternative si napa louvraz.  I en louvraz osi enportan ki en ansenyan ki en social worker.  E son travay i bezwen ganny proper training to do it.  Enn i teach dan lekol enn pe teach an deor lekol.  E pour ki nou fer sa byen i annan en kantite travay ki pe ganny fer.  Nou pour annan nou annan en Lagreman ki nou’n sinyen avek Liniversite Sesel.  Scheme of Service in ganny revised e Minis in donn son komitman pour anmenn sa dan Cabinet.  Nou espere letan i a vin Lasanble nou a ganny zot sipor.  I osi annan sa dezir profon pour ki nou kapab anvoy serten training aletranze.  E deza demars neseser in ganny in konmanse.  Alor i annan toute en travay an zeneral ki pe ganny fer pour ki non selman nou’n idantifye landrwa.  Me nou konnen ki travayer ki bezwen ganny fer e nou annan dimoun konpetan osi pou fer sa travay.  Mersi Mr Chair.

 

MR SPEAKER

Onorab William ou annan en klarifikasyon

 

HON WAVEN WILLIAM

Mr Chairman, mersi an relasyon avek larepons Mr Laurence mon ti a kontan si Youth Council pe osi consider revwar Scheme of Service bann youth workers  pou donn zot plis lankourazman akoz natir sa travay?  Mersi bokou.

 

MR SPEAKER

Mr Laurence.

 

CEO ALVIN LAURENCE

Zis parey mon fek dir wi nou’n fini fer en travay lo la.  E a nenport ki moman Minis pe anmenn sa dokiman devan Lasanble pou nou asire ki nou Scheme of Service i pe anmenn devan Cabinet.  I pe match kriter e lenstans ki nou pe viv ladan ozordi.  Par egzanp si en dimoun ki annan en Degre e a anvi vin en youth worker i ganny peye parey en young graduate.  Mersi Mr Chair.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker bonzour Mr Laurence.  Mr Speaker mon anvi demann Mr Laurence ki training ki bann youth workers an en lot mo si zot annan en plan training pou bann youth workers.  E anba ki sipervizyon ki sa i ganny fer.  E osi Mr Laurence si ou kapab dir mwan Bel Air lekel sa youth worker akoz mon pa konn li pou mon kapab ganny kontak ek li.  Akoz mon pa vwar nanryen ki pe arive Bel Air.

 

MR SPEAKER

Ou pa vwar nanryen – demann kestyon.  Wi Mr Laurence.

 

CEO ALVIN LAURENCE

Dan lepase training prensipal ki bann youth worker ti gannyen sete community studies.  Apre sa training in aret fer e byensir i annan ban lezot ki’n fer bann letid parey social studies.  Right now NIHSS pe ofer en training o ki permet ou annan en youth worker apre.  I osi annan Degre ki pe ofer par Liniversite Sesel dan social work e youth work.  Me sa ki nou’n konstate i petet par permet tou nou bann travayer aktyel  pou meet kriter.  E se sa rezon akoz apartir lannen prosenn nou pe konmans avek en certificate in youth work.  Nou pe osi annan en diploma in youth work avek liniversite Sesel.  En letid ki non selman annan en laspe akademik me osi lo teren.   En letid validate both by SNYC, university me an menm tan SQA.  An plis ki sa pandan serten lannen ki’n pase ti annan en Diploma in youth work ki Commonwealth ti ofer atraver University of South Africa.  E sa lannen i ti son dernyen lannen alor apartir lannen prosenn sa pou ganny fer atraver Liniversite Sesel.  Me permet mwan pou dir ki letid tousel pa fer ou vin en youth worker.  Lapros, latitid e i annan plizyer lezot letid.  Si ou’n spesyaliz dan la, si ou’n spesyaliz dan sport, si ou’n spesyaliz dan kominoter ki kapab fer ou vin en tre bon youth worker.

 

MR SPEAKER

Onorab Aglae.

 

HON EGBERT AGLAE

Mersi Mr Speaker bonzour Mr Laurence.  Mr Laurence en bout mon kestyon ou’n deza donn larepons i konsern Scheme.  Mon krwar ou’n eksplik ase byen.  E mon vwar poudir ti annan sa nesesite akoz kalib ki youth worker nou pe demande i enportan.  E an menm tan mon pe vin lo mon kestyon Mr Speaker.  Mr Speaker Mr Laurence in fer resort i annan konsern bann internet cafe ouswa bann news service bureau kot zot pe antre an negosyasyon avek bann private partnership.  ICT, DICT, Cable, Airtel bann service providers.  E mon kestyon si pa ti a bon osi consider bann local partnership lo nivo distrik, akoz i annan dimoun ki pare lo nivo distrik ki pare pour ede avek sa servis.  Me tout an partnership avek Youth Council.  Pou kapab osi zer sa aktivite an menm tan anmenn inovasyon osi avek bann pti lezot servis ki petet SNYC pa pe kapab enkorpor dan zot progranm.  Mersi.

 

MR SPEAKER

Mr Laurence.

 

CEO ALVIN LAURENCE

In annan partnership avek distrik kot serten nou bann youth cafes services bureau i stasyonnen dan Ladministrasyon Distrik.  Me any new partnership most welcome at any time.

 

MR SPEAKER

Onorab Esparon.

 

HON REGINA ESPARON

Mersi Mr Speaker mon ti a kontan demann Minis lo size sa bann youth workers.  Ki mon konnen dan lepase zot ti ganny servi konman bann lenstriman politik e sa in anpes lezot zenn ki annan talan ganny sa sans partisip dan bann aktivite ki swa lo nivo Nasyonal dan nivo distrik ouswa kontribye dan devlopman lazenes.  Ki nouvo louvertir ki annan anba Departman SNYC pou permet tou zenn ki anvi.  San get kouler politik oubyen gete lekel son Manman ou lekel son papa.  Oubyen s ii ti pile dan dernyen eleksyon pou ganny sa sans pou li partisipe li osi.  E akoz SNYC i servi en sistenm vetting pour aksepte en zenn dan Lasanble Lazenes e ki kriter pou sa zenn ganny aksepte.  Mr Speaker mon santi Mr Speaker ki i annan tro bokou politik dan sa bann zafer akoz detrwa lannen pase mon garson ti ganny swazir pou partisip dan Lasanble Lazenes e Mr Onorab Georges i kapab konfirmen i ti endorse li.  Me i dir ganny dir kategorikman ou Manman i  dan politik nou pa pou kapab aksepte ou mersi.

 

MR SPEAKER

Minis.

 

MINISTER IDITH ALEXANDER

Mersi Mr Speaker konsernan pou Lasanble zenn CEO mon’n dir ti ganny apwente an 2015 e in eksplik byen klerman  ki son policy SNYC i la pou tou zenn Seselwa.  Alor in eksplik byen ki mannyer Lasanble zenn i marse ki napa sa bann zafer pou politik ladan.  Konsernan pou Scheme of Service ler ou pe koz pou travayer lo pou travayer lazenes.  I enportan pou zot konnen nou pe koz bokou lo en Scheme of Service.   En Scheme of Service i eksplik ou klerman lo diferan dan sa cadre savedir i pou pran si  i asistan youth worker, en youth worker, en senior youth worker, principal youth worker.  I eksplik ou byen an term sa duty sa louvraz ki i pe ekspekte de ou.  I pou donn ou osi son reminerasyon ki i annan.  Lo konsernan pou politik enn fwa ki ou annan sa Scheme of Service i kler Onorab ou ganny en dimoun i ganny rekrite dapre sa spesifikasyon ki mete dan sa louvraz.  Mon krwar Prezidan ti dir le 18 Oktob i ti vin la dan sa Lasanble i ti dir napa sa bann zafer clearance.  I kler tousala savedir en dimoun ki ler ou anvi vin en youth worker ou pour annan ou bagaz ou pou vwar kler.  Ou apply pou sa post si ou meet pou sa bann kriter ki mon pe dir.  An term kalifikasyon ki i pou demande si ou pou kapab fer sa louvraz.  Mersi.

 

MR SPEAKER

E si i annan okenn ka spesifik parey ou’n mansyonnen Onorab Esparon i annan dan Lasanble ki kapab koz lo la.  Onorab Ernesta.

 

HON PAUL ERNESTA

Mersi Mr Chair mon kontan ki annan sa lapros pou re get ankor finans pou bann progranm zenes dan distrik.  Mon get presizeman sa zenn.

Eski i annan bann mechanism pour ankouraz parey nou’n dir pou empower sa zenn pou li kapab fer keksoz lo li menm.  Akoz la lenpresyon ki mon annan tou keksoz pe ganny dictate lo sa zenn.  Eski i annan en mechanism an plas ki pour ankouraz zot pou zot kapab zot menm.  Deside pran bann inisyativ pou kapab enplimant bann progranm bann aktivite baze lo zot swa.  Mersi.

 

MR SPEAKER

Mr Laurence.

 

CEO ALVIN LAURENCE

Konsey in sa lannen selebre li 18an legzistans.  Ler i ti konmanse 1998 mon ti en founding member e mon rapel tre byen son bi se  vin en lavwa pou bann zenn.  In epanouir pou li sorti pou vin en lavwa pou vin part of the decision making process.  Pou li vin en Konsey ki enplimant progranm.   E ozordi nou dan en lot faz tranzisyon kot Konsey pe sed laplas avek bann youth lead organisation.  Pou zot lead bann progranm dan pei.  Nou, nou vin sa sipor pou zot.  So lo en nivo nasyonal nou kapab konfirmen i annan plizyer group ki pe fer ekstrememan byen.  E menm pli byen ki si nou, nou ti pe sey fer li kot konsey.  Akoz zot, zot ganny sans focus lo en domenn.  E lo nivo distrik atraver zot DYCDistrict Youth Committee nenport ki zenn i devret vin vwar son MNA son youth worker son DA pou propoz bann progranm.  MNA i kapab fer propozisyon isi oubyen i kapab kontakte mwan.  DA i kapab fer li atraver son Minis oubyen i kapab kontakte mwan osi.  Oubyen nenport ki travayer kot Konsey.  E youth worker i son responsabilite pour anmenn sa lenformasyon kot nou.  Alor konsiltasyon in reste enn nou priyorite i pou reste enn nou priyorite.  Me si en zenn i santi ki i napa okenn mwayen pour anmenn son nide devan ozordi nou ofer li text, limero telefonn, Facebook, e-mail address.   I kapab ekrir en let i kapab anonim plizyer mwayen.  Annou sezi tou loportinite pour anmenn nide, akoz nou, nou konnen pli bon nide i kot nou lazenes out there.  Mersi.

 

MR SPEAKER

Tre kler pou Onorab Ernesta.  Onorab Sophola.

 

HON NOLINE SOPHOLA

Mersi Mr Chair paz 498.  Mandate SNYC se ki nou’n dir ladan se pou provide equal opportunities e pou devlop bann zenn donn zot en holistic approach.  E pou mwan ler mon regard sa mon ti anvi konnen ki pozisyon bann zenn La Digue i trouve ladan.  Akoz souvandfwa se ki mon remarke bann zenn La Digue i ganny reste en pe a lekar malgre ki nou annan travayer.   Mon apresye travay ki zot pe fer, me mon remarke ki zot mank ankor en pe empowerment.  E apre dapre sa ki CEO in dir revwar policy avek e mon krwar pandan apwentman osi.  Regard en pti pe monitoring travay ki ganny fer.  Pa zis nou donnen me monitor osi mon krwar i enportan.  Mersi.

 

MR SPEAKER

CEO.

 

CEO ALVIN LAURENCE

Mersi bokou Mr Chairman mersi pou kestyon.  La Digue i reste enn nou priyorite e nou survey ki la i la pou guide nou.  I en landrwa kot nou youth services bureau i mars pli byen.  Nou annan nou de travayer an permanans lo La Digue an plis bann lezot ki nou kolabor avek.  Sa i pa vedir nou satisfe nou osi nou anvi vwar amelyorasyon kot i konsern progranm e aktivite ki annan lo La Digue.   Lot issue se ki pou nou bann travayer e pou nou asire ki nou zwenn tou dimoun nou pe kontinyen dan nou zefor avek konsiltasyon e an menm tan nou oule fer sir ki tou zenn in santi zot lib pou vin apros travayer lazenes e vin kot Konsey.  Mersi.

 

MR SPEAKER

Mersi Mr Laurence i reste nou 2 entervenan Onorab Ferrari.

 

HON JEAN-FRANCOIS FERRARI

Mersi briyevman Mr Speaker.  Preparing the youth for life i osi fer zot konpran sa ki valer keksoz ki valer larzan.  Mon kestyon se eski dan zot aktivite zot osi enkilke dan bann zenn pou zot fer en pe fundraising pou zot manager en pe bann larzan bann resours byen.  Pour ki nou pa ganny bann zenn ler zot in ariv en pe pli gran.  E zot dan bann sports oubyen dan Kiltir.   Ki zot ekspekte ki tou keksoz i ganny donnen pou zot.  Menm al rod zot pour anmenn zot.  Akoz zot pa’n ganny empower pou zot pran zot responsabilite ekonomik dan lasosyete.   Sa i mon premye kestyon.  Mon dezyenm kestyon pli enportan se ki link Mr Laurence i annan ant youth worker e lekol.  Eski i konpletman delink oubyen eski sa youth worker i angaz li avek lekol pour li deza idantifye bann talan e osi bann difikilte ki bann zenn i annan.  E pour zot kapab ofer en pe Konsey dan distrik atraver lekol.  Mersi.

 

MR SPEAKER

Mr Laurence.

 

CEO ALVIN LAURENCE

Mersi Mr Chair mersi pour ou kestyon.  Chapter 3 dan nou survey i koz lo youth empowerment economic participation.  E ladan deza nou’n konstate sa in en febles dan lepase kot nou pa’n akord ase latansyon lo la.  Byensir plis focus ti lo Sport avek Kiltir.  E depi sa lannen nou’n entrodwir en nouvo unit pou zenn entrepreneur.   I ti egziste avan me avan i ti lanplwa e lantreprenarya ansanm.  La nou’n kree li separeman kot i pe empower plis nou bann zenn.  Me an menm tan pou ki nou better reach out pou maximum nou bezwen empower nou bann dimoun ki travay ek sa bann zenn.  E sa i en konponan esansyel dan zot certificate in youth work ki zot pe al konmans fer lannen prosenn.  I deza annan bann travay ki pe ganny fer lo la.  Me i plito lo nivo Nasyonal e nou kapab declare ki wi i annan bokou plis ankor pou nou fer.   Lekol nou kapab dir depi ler nou’n kree National Youth Policy Forum i en forum ki regroup bann PS ki travay direkteman avek lazenes;  enkli Minister Lazenes in annan en gran amelyorasyon akse e lafason ki nou youth worker i antre dann lekol.  E nou pe vwar en amelyorasyon e nou kapab remersi Minister ledikasyon pour sa.  Nou bann youth worker i ganny demande otan ki posib pou asiste Assembly omwen pou zot konnen ki pe pase dan lekol.  Zot ganny demande pou kolabor avek lekol parey letan Festival Kreol i vini.  Nou annan plizyer nou bann youth worker ki zot menm zot angaze dan lekol.  Pou prepar bann zenn pou bann diferan konpetisyon.  Wi i annan en bon kolaborasyon ek lekol.  Plis avek lekol segonder.  Nou’n met en stratezi an plas avek Bord pou nou improve dan lekol pos-segonder e nou reach out avek nou bann lekol primer plis atraver Young Citizen Program.  E i nou dezir pour ki nou annan en prezans pli for kot lekol sirtou apre lekol pou bann extra curricular activities.  Mersi.

 

MR SPEAKER

Dernyen kestyon Onorab Henrie.

 

HON GERVAIS HENRIE

Mersi Mr Chair bon apremidi tou dimoun.  Mr Chair mon plito annan 2 pti komanter an relasyon avek Bidze sertennman.  Premyerman konsernan manda Mr Laurence.  ‘To provide equal opportunities mon konn ou kapasite mon konnen travay ki SNYC pe fer.  Me selman mon krwar sa pwen ki Onorab Esparon in fer i enportan ki note.  Ou konnen i annan en nyaz politik otour Lorganizasyon ki pe afekte son kredibilite parmi lazenes Seselwa.  Parmi sa nouvo klima politik ki’n sanze mon krwar i enportan ki zot pran not parey zot vwar.   Ki mannyer zot kapab atir bokou plis zenn pou partisipe.  Ler nou vwar zot youth worker pe fer kanpanny par egzanp.  I anpes sa lot zenn parey DA ozordi i ganny gete.  Youth worker osi i ganny gete dan sa fason.  E sa i en keksoz ki fodre zot sanze.  Because you are working for everybody e sa i taxpayers money ki nou pour al vote pou donn ou.

Mon 2enm pwen i konsern program 2 letan nou koz lo bann keksoz ki zot fer.  E ou konnen pa tou keksoz ki nou bezwen larzan pou fer.  E la mon ava donn ou en sizesyon.  Pour ou sey devlop en mentorship program kot i annan en kantite bann.   Zis get la anndan konbyen zenn anba 35an ki kapab pe kontribye en keksoz volonterman dan zot distrik.  Kote. Sa i pa mon nide.  Mon’n vwar sa lo televizyon.  Langleter i annan en progranm kot bann solda ki retournen from overseas service zot pran en zenn dan zot kominote.  I annan oubyen screen lekel bann dimoun pangar bann Pedofil sepa kwa.  I mentor en zenn, i annan en contact hour apre bokou bann soz lo telefonn.  Zot al get sport ansanm.  Konmsi i tyonbo sa zenn pou li grandir.   E sa en keksoz ki ou ti kapab fer dan bann distrik.  Dan bann lekol segonder.  Konmsi ed sa manrmay ek son leson, bann keksoz koumsa.  So en mentorship program ki volonter napa larzan ki enplike.  Ou ti kapab mete dan ou progranm SNYC.  Mersi.

 

MR SPEAKER

CEO 2 bon sizesyon.

 

CEO ALVIN LAURENCE

Mersi bokou mersi pou tou lede pwen ki ou’n lev-e.  Mon kapab garanti ou e si i permet retourn kot Onorab Esparon.  Madanm si ou zanfan i ankor tonm dan sa kategori laz i annan plas pou li dan Lasanble Lazenes.  Nou kapab konfirmen kot SNYC napa en sel dimoun Parti Politik ki travay.  Mwan mon konn mon bann travayer ki’n vwar mon ki’n dir mwan zot lopinyon politik.  Mon kapab konfirmen ki nou annan bann youth worker ki ler nou’n vini zot ti angaze dan zot prop drwa konstitisyonnel dan politik.  E direktiv ki nou’n donnen ?  Pa dan letan travay pa dan premise.  Unfortunately mon pa kapab anpes zot.  Me mon ankouraz zot otan ki posib pou kit zot laport ouver pou tou zenn.  E dan zot afilyasyon politik pour ki sa i pa vin en baryer.  E byensir nou’n annan plizyer dimoun ki’n pas dan plizyer progranm ki annan lopinyon diferan.  E nou nou byen bezwen sa.  Nou pa bezwen ens el lopinyon politik kot Konsey.  E mwan tou le semenn ler mon pe vwar dimoun zot vini.  Sa ki anvi dir mwan i dir mwan, me i pa en kriter pou vin kot nou.  Mentorship program nou’n fini konmans son pilot me sa ki ou’n anmennen la se en nouvo eleman ladan.  Mersi i annan ki’n deza pe ganny diskite lo nivo Departman.  Sa ki mon kapab konfirmen nou annan en progranm kot nou’n fer pilote kot bann zenn i retourn dan zot prop lekol kot zot ti ete.  Pou zot mentor bann zenn ki dan sa lekol.  Nou annan ‘Meet and Greet,’ li i en form rankont.  E nou annan ‘Youth inspire youth.’  3 mentorship program ki deza on.  Dernyen ki nou ti fer sete ansanm avek en UN delegate ki ti kot nou 2 semenn pase.  So nou welcome onboard sa ki nou konnen pour annan lannen prosenn.  Nou pe annan en group artis ankor ki pe zwenn avek nou.  Pou annan plis mentorship mentoring pou bann nouvo artis, zenn artis ki pe mopnte.  Atraver Latroup Lazenes e sa nou ankor pe finaliz li e nou espere lannen prosenn i a pran tou son lanpler e tou son splander.  Mersi bokou.

 

MR SPEAKER

Mersi CEO Alvin Laurence pou ou bann kestyon repons tre kler e ankourazan.  E a sa pwen nou a pran en vot lo sa Bidze pour Seychelles Youth Council lo paz 498 ziska 501.  Tou bann ki an faver lev zot lanmen?  Anybody against?  Okenn ki kon? Clerk ou ava anons rezilta.

 

MADAM CLERK

Mersi bokou Mr Chair mon’n rikord 26 vot an faver e napa personn ki’n vot kont.  Mersi.

 

MR SPEAKER

Alors sa Lasanble Nasyonal in aprouv Bidze pou Seychelles Youth Council.  E avek sa nou a remersye CEO SNYC Mr Alvin Laurence.  Nou a osi Minis mon krwar ou’n fini avek Special Advisor Youth parske larestan i Kiltir avek Sports.  Nou a eskiz Mr Vidot – nou a eskiz Mr Laurence.  Nou a swet zot tou de bon dan zot travay avek lazenes.  E sipor Lasanble i la lo bann progranm ki zot pe fer pou lazenes.  Mersi.

 

CEO ALVIN LAURENCE AND DELEGATION WAS EXCUSED FROM THE HOUSE

 

MR SPEAKER

E nou demann Ms Giovanna Rousseau pou vin devan konman CEO National Sports Council, Ki lo paz 502 pou pran lot Agency oubyen Council ki tonm anba responsabilite Minis Idith Alexander.  Wi Onorab Ferrari.

 

HON JEAN-FRANCOIS FERRARI

Mr Speaker mon ti zis atir ou latansyon lo bann Committee miting.  Mon krwar ki ti annan enn ki ti pou rankontre.

 

MR SPEAKER

Wi aktyelman nou annan 2 miting ki nou sipoze fer dan lunch break.  Nou annan enn pou Truth and Reconciliation Committee.  Apre nou annan en lot dan Room 2 pou Women Parliamentarians.  Selman mon sizere ki nou kontinyen ziska 1er.  Apre 1er nou a vwar si petet zot kapab fer menm 1er edmi sa 2 miting.  Eski sa i akseptab?  Mon krwar nou kapab travay avek Ms Giovanna Rousseau CEO National sports Council.   Mon konnen li i efikas e vit, vit.  So nou a’n fini by 1er.   Onorab Esparon ou annan en komanter.

 

NATIONAL SPORTS COUNCIL

 

HON REGINA ESPARON

Mersi Mr Speaker.  Mon anvi zis klarifye pou nou ki ti demann kestyon bomaten ti dir nou esper CEO NSC eski nou bezwen re demann sa kestyon oubyen…

 

MR SPEAKER

Wi, wi mon krwar i pli bon si ou annan kestyon pour ki tonm anba CEO NSC Mr Larue ti konsantre lo policy.  La nou pe get bann progranm sport, Federasyon ensidswit.  So ou kapab re demann ou kestyon.  Me avek sa mon krwar petet nou a demann Ms Rousseau pou fer en pti overview vitman avan ou demann ou kestyon Onorab Esparon.

 

CEO GIOVANNA ROUSSEAU

Bonzour Mr Speaker, bonzour tou Onorab e tou dimoun kip e swiv sa deba.  Lobzektif Konsey Nasyonal pour Sports pou devlop en lanvironnman sport kot bann sitwayen i viv an bonn santé.  E osi kot i promouvwar lafyerte, idantite en nasyon ek tou bann benefis ekonomik.  Konsey i konstitye ant 2 progranm akoz nou pe antre dan sa progranm PPBB.  Premye i lo gouvernans, zesyon ek ladministrasyon ki konpri 3 sou progranm.  Servis zesyon management services, resours imen avek servis sipor.  2enm lo devlopman zesyon pou sport, Sports Management ki konpri 4 sou progranm.  Sports Medical, Devlopman Sport,Sport pour tou e Sport Rezyonal.  Pou lannen 2017 Konsey Nasyonal pour Sport in ganny en Bidze R65.5 milyon roupi dan sa R65.5milyon.  R12.2 milyon i pou saler bann Staff permanan ki dapre nominal rol Konsey Nasyonal pour Sport i devret annan li en total 113 pos.  Me pour lemoman i pe fonksyonn avek selman 85 travayer.  Dan sa R12.2 milyon i osi enkli pou saler i annan R10.5milyon.  I annan gratwite ladan; i annan bann vacancies ki egziste.  I annan Trezyenm Mwan Saler pou Staff.  I osi annan bann allowance ki ganny peye koumsa.  Graduate allowance, Scheme of Service allowance, responsibility, duty allowance eksetera.  Lo kote servis nou annan R44.6 milyon ki’n ganny Bidzete koumsa.  I annan depans pou bann lofis R14.5 milyon.  E letan nou pe dir sa pou lofis –  savedir i annan telefonn – ki telefonn si nou get Bidze sa lannen ki nou pe depanse,  i ariv R676 mil 528.   I annan internet R425 mil , elektrisite R5.5milyon.  Delo R3.2milyon apre nou annan stationeries R297 mil eksetera.  Nou annan transportasyon – sa i pou bato, bis, avyon, taxi R8.5milyon.  Lo kote ‘maintenance and repair’ R2.9 milyon.  I annan en bann sorry mon pa tro konn son mo an kreol.  ‘Material  and supplies’ nou annan – sa i konpri klorin, medical, calls ki ganny fer kot training R2.6 milyon.  Bann lezot servis nou annan R15.1 milyon e sa i al pou sekirite ki R3.3 milyon.  Lazans maintenance R3.6 milyon.  ‘Local and foreign consultancy’R1.1 milyon.  Bann allowances R2 milyon.  Si zot oule konnen kwa dan allowances nou annan bann coaches, bann high level elite athletes sport pou tou R1 milyon.  Devlopman spor rezyonal R1 milyon.  Alokasyon pou Federasyon R3 milyon.  Dan ‘minor capitals’ nou’n ganny R800 mil e sa se pour amelyor lekipman medical R300 mil.  Amelyor lekipman teknolozi R100mil.  Lekipman enprimen R100mil.  Klimatizer R100mil, nouvo klimatizer R100mil avek meb R100mil.  Proze devlopman PSIP nou’n ganny R8.650milyon.  E sa se nou annan R3 milyon pou devlopman rezyon Praslin. R2 milyon rezyon sid e R3.650 milyon pou Victoria Gym.  Mersi bokou.

 

MR SPEAKER

Onorab Esparon.

 

HON REGINA ESPARON

Mersi Mr Speaker an vi ki dan distrik Glacis nou annan difikilte pou ganny teren pou konstrir bann fasilite sport –  pou le moman nou annan zis 2 laplenn foutbol enn dan sant Glacis, enn ki sitye en pti laplenn lo bor lanmer North East Point ;  ki napa ni menm lalimyer i byen ganny mal antreprann.  Mon ti a kontan demann Minis si dan sa Bidze i annan okenn alokasyon ki’n ganny mete pou distrik Glacis ?  E mon ti a kontan fer en sizesyon pou demann Minis akoz i pa fer demars vizavi son Gouvernman pou ganny sa morso later limero H4689 ki sitye zis deryer biro ladministrasyon distrik ki anrezistre anba SPPF pou konstrir bann fasilite parey volleyball e basketball pou nou lazenes.  E sa pa pou benefisye pa zis zabitan lazenes me i a osi benefisye zanfan lekol ki lanmenm la o-bor.  E akoz pou le moman NSC pa antre an negosyasyon avek Mr Mancham pou re ganny sa volleyball court ki ti la avan ki i ti ganny konstrir par Gouvernman ?  Pour ki bann zenn Glacis a kapab servi antretan ki zot pe esper bann nouvo fasilite.  E eski zot outsource pou sa louvraz.  Mersi.

 

MR SPEAKER

Minis.

 

MINISTER IDITH ALEXANDER

Mr Speaker mon pou pas li avek pou CEO pou kapab.  I ava dir kote ki parey nou’n dir nou pou fer bann regional sport center.  I ava dir ou kote dan nor ki kekfwa i ti pe antisipe pou li kapab.  E parey mon pe dir i pa ankor definir sa bann landrwa nou poudir nou pou fer la.  I bann keksoz ki an konsiltasyon.  Premye ki nou’n gannyen dan sid ki nou’n dir.  Nou pou al kot liniversite kot ou’n vwar in met sa R2 milyon kot Liniversite Anse Royale.  Pou sa bann lezot nou ankor dan bann konsiltasyon.  So mon a pas laparol avek CEO pou li kapab elabor byen lo la.

 

CEO GIOVANNA ROUSSEAU

Mersi Chair e mersi Minis.  Mon ti a kontan eksplik en pti pe nou nide par deryer rezyonalizasyon ki nou pe propose la prezan.  Sesel nou annan nou R93mil zabitan.   Ladan si nou tir bann manrmay 1 mwan ziska 5an,  nou pa vwar zot pe fer sport pou le moman.  Kekfwa i annan 8mil si nou tir bann par lao 40 an ouswa 50an.  So letan ou gete i reste nou zis en popilasyon 53mil dimoun.  Dan sa 53mil dimoun ki reste pa tou dimoun ki fer sport ouswa ki anvi fer sport.  I annan ki dan Kiltir i annan ki dan lanmizik.  I annan i dan zot travay biznes personnel.  Zot pa kapab fer.  Prezan mon pou dir 1979 letan Gouvernman ti  pran sa desizyon pou rezyonnaliz sport.  Mon pou dir pou dir i ti en bon desizyon, me selman i ti ganny mal egzekite.  Mon rezon nou pa kapab krwar ek sa pti popilasyon ki nou annan.  Nou kapab annan nou 25 klib foutbol, 25 klib foutbol, 25 klib volleyball.  At the moment pou le moman nou annan nou 33 diferan Federasyon.  So nou pa kapab annan nou 33 diferan klib sa sport dan sak distrik.  E Gouvernman osi fer sa ki i oule i pa pou zanmen kapab fer tou sa fasilite 25 laplenn foutbol, 25 indoor gym pou nou.  Alor sanmenm sa nide si nou fer lo kote rezyon.  Mon krwar i pou pli posib.  E si sa kekfwa ti’n ganny fer depi lontan by now nou ti a’n fini gannyen.  Me zanmen never too late.  Alors nou a konmans li.  Par egzanp nou pe dir 10 rezyon, 8 rezyon lo Mahe e 1 lo Praslin, 1 lo La Digue.  Fason ki nou, nou pe fer rezyon i baze par egzanp letan nou dir nor.  Nou pa pe mete Anse Etoile, Glacis, Beau vallon, Bel ombre.  Akoz Anse Etoile i pli fasil pou li desann bor anvil ki pour li al Beau vallon.  So dan premye group nor i annan Bel Ombre, Beau Vallon, GlacisSo zis mon oule ki zot picture sa 3 distrik nou met zot ansanm.  E la prezan nou pou kapab kot Gouvernman i a kapab dir be pour sa nou pou kapab anplway dimoun.  Met travay dan sa rezyon, nou ava annan en laplenn foutbol, en indoor gym.  Nou ava tou bann fasilite ki neseser.  Me par kont i pa savedir ki sa i pou zis tonm either Beau Vallon ouswa Bel ombre ouswa Glacis.  Nou pe analiz tou sa bann landrwa nou pe gete.  Akoz sa rezyon i konmans Bel ombre ziska Glacis.  So i kapab annan enn ki Beau Vallon i kapab annan enn ki Bel ombre.  I kapab annan enn ki Glacis.  So li antye.  Lot i pou vin Anse Etoile rezon osi ki nou’n fer sa letan nou’n get popilasyon, nou pe sey fer ki dan tou sa bann  rezyon nou annan apepre menm kantite dimoun ekspekte natirelman La Digue kanmenm dan next 25an.  Mon pa vwar ou pe ganny sa kantite dimoun.  Me par kont si nou Anse Etoile i vin en rezyon akoz Anse Etoile i pou ansanm avek Ile Aurore.   Mon’n aprann poudir ki lo kote Ile Aurore i pou annan dimoun ki pou reste laba.  Lot se Perseverance – sa se Perseverance (1) avek (2) apre i a vin English River.  English River i pou’n konpri English River, Mont Buxton, Saint Louis, Bel Air zot tou ansanm.   Lot Mont Fleuri, Plaisance, Roche Caiman, Les Mamelles zot tou ansanm.  Kote Pointe Larue i ava annan Cascade Pointe Larue e Anse aux Pins.  Bor Anse Royale i annan Au Cap, Anse Royale, Takamaka Baie Lazare e Grand Anse, Anse Boileau, Grand Anse, Port Glaud e La Misère.  La Digue nou annan La Passe, Anse Réunion, Silhouette, selman i pou en pti pe lwen pou Silhouette vin fer sport laba.  Me selman mon pa tro krwar i annan bokou dimoun ki pe sport from Silhouette.  Apre Praslin natirelman Grande Anse avek Baie Sainte Anne.  Mon oule osi ki zot sey konpran.  Ki par egzanp La Digue nou annan nou 2 lekip foutbol tou lede i dan premye divizyon.  Praslin osi mon krwar i annan 3 lekip foutbol zot dan premye divizyon dezyenm.  Si nou analiz sport pou le moman nivo sport mon war li i pe tonbe.  Si ou al gete spektater letan bann match pe zwe i annan zis 4 tim ki anmenn en pe spektater me larestan i pa tro.  Volleyball kote zot in deza tande tim volleyball i al zwe IOCC i sorti dernyen?  I en wake up call pou nou sa ok?  Basketball mon annan en pe lespwar akoz mon vwar en pe bann tim zenn pe formen mon vwar ki zot pe monte.  So ler nou pou fer sa bann rezyon natirelman nou pa pou kapab fer tou ansanm straight away.  Sa  ki enportan se ki Gouvernman i konnen pou dir ki lala bann fasilite ki nou bezwen dan rezyon.  E alors fer sir ki en bout later i ganny rezerve pou nou fer sa bann batiman.  So ler nou ganny larzan natirelman then nou ava fer li.  E si en sponsor i vini lo la si ti kapab montre.  Mon’n ti’n fini fer pou Praslin avek La Digue zis pou donn zot en nide ki mannyer i pour ete ok ?   E Praslin ek La Digue letan nou’n fer nou’n al kot sa 2 landrwa nou’n rankontre tou lede distrik.  Nou’n pas devan zot, zot in more or less aprouve.  E pezan i reste pou nou ganny larzan pou nou fer sa bann keksoz.  Already dan Bidze la pou Praslin nou’n ganny nou R3milyon, me par kont mon pou demann permisyon avek Finans ki nou’n gannyen milyon pou Anse Royale.  Eskiz mon distrik Anse Royale ki nou met dan Praslin.  Akoz en indoor gym nou pa kapab fer ek R3 milyon ni R5 milyon i pa pour ase ok ?  Me selman nou mazinen ki kekfwa nou kapab ganny sponsor.  Mon annan serten nide osi ki mannyer nou kapab raise funds  pou nou ganny sa larzan.  Me par kont si nou fer en indoor gym Praslin i ava benefisye, akoz Praslin nou annan en gro problenm osi.  Mon krwar zot a dakor poudir nou bann lazenes i annan en kantite talan, me drog osi i deryer zot.  Alors i enportan ki nou ganny en landrwa kot nou kapab donn nou bann zenn kot zot kapab vini vin de-foule, pou zot pa al rod en lot keksoz.  Mon krwar zot in soi tande ki Mr Joe Albert in pare pou li donn R200mil pou en squash court.  So si en sponsor li i vini i dir mwan mon anvi sponsor sa, nou, nou progranm in fini pare.  In fini pare, so nou kapab konmans fer 2 3 proze at the same time si nou annan larzan.  So pou retourn lo rezyon si sa 2 tim La Digue ti merge zot form zot en lekip La Digue menm parey Praslin, zot form zot en lekip Praslin konmsi zot kapab zis sey mazinen nivo,  La Digue zot ti annan zot 2 lekip volleyball already enn in fermen, akoz i difisil pou zot ganny sponsor.  I difisil pou zot ganny en management team, akoz tousala nou bezwen pran an konsiderasyon.   I pa fasil so annou pa tay avek en ta keksoz akoz nou vwar tou landrwa, se pa get nou popilasyon ki nou annan.  E sa i enportan.  Letan mwan al deor dimoun i demann mwan ki ou popilasyon.  Letan mon dir 85mil i dir mwan, ‘’you’re joking non ?’’  Mon dir zot non sa ki nou annan be nou pa kapab avek 85mil pou nou kapab fer tou sa bann 25 tim foutbol, 25 tim volleyball akoz No.1 nou pou napa.  E tan nou fer rezyon osi sa ki nou anvi war retourn dan en vre lespri club.  Pou le moman Baya i en tim basketball lot laba Premium i en lot tim.  Prezan si i annan Bel Air ki  i annan ankor? Napa.  Konmsi re anmenn sa zafer klib kot sa rezyon li  i a fer sir dan sa 3 distrik ouswa 4 distrik maximum i 4 distrik ki nou’n met ansanm.   Ou a kapab zot tou form en vre klib.  Zot tou zot ava pe met menm  uniform.   Ler enn pe zwe lot i ava al siport kanmarad.  Konmsi retourn sa lanbyans vre club.

 

MR SPEAKER

CEO mon krwar ou pwen in fer sa.  I annan en kestyon relye to what you’re saying sorry.  Onorab Valmont lo menm sa ki CEO pe koze non.  Ale sey demande i a kontinyen.  Vitman.  Pointe Larue pe al join Anse Aux Pins.

 

HON JUDE VALMONT

Mersi Mr speaker bonzour CEO.  Tes yes premyerman o non tou respe CEO mon prezant.   Mon pa krwar rezyonal pou marse ler nou pe picture.  Nou pe picture St Michel pou merge ek St Jean Bosco, La Passe pou merge ek Anse Réunion.  Mon krwar i en pe difisil sa premye.   2enm pwen e 2enm mon pe demande par nou’n dir pou fer bann sant rezyonal sport centre apepre konbyen letan CEO i ekspekte sa pou pran konbyen lannen ankor ?

Mersi.

 

MR SPEAKER

CEO ou a eksplike zis en sizesyon ki ou pou fer.  Ou pa pe fors zot merge apre nou al kot Onorab Esparon.

 

CEO GIOVANNA ROUSSEAU

Mwan mon tre pozitiv mon krwar pou dir si par egzanp La Digue i ganny dir i pa ganny forse –  Napa personn ki ganny forse pou ganny dir, akoz   letan mon pe dir sa i pa savedir li i pou fer i pou annan zis en klib.  I kapab annan 2 klib – 3 klib.  Me selman menm pou zot bann atlet pou zot al dan sa premye tim La Digue i pou en lankourazman pou zot travay.  Pou zot, zot pou konnen poudir mon dan premye tim olye i annan i ava dan 2enm tim ok ?  Konbyen letan i pou pran ?  Sa mon pa konnen, i pou tou depan kote nou ganny larzan letan.  Zot tou la zot annan 3 – 4 zot dan en distrik – sey gete.  Akoz nou pe sey al fer pou Praslin, La Digue nou pou ale Praslin, sey ganny en miting avek tou bann businessman ki annan.  Demann zot pou met zot larzan CSR dan sa bann proze.  E menm parey pou rezyon.  E ler zot al diferan landrwa zot kapab ganny dimoun ki kapab donn ou ed nou.  Then nou ti ava apresye.

 

MR SPEAKER

Vwala tou dimoun i angaze Onorab Prea.

 

HON NICHOLAS PREA

Bonzour Mr Chairman.  Mr Chairman mon pou highjack en pti pe sa kestyon ki ti lev-e boner lo kote etranze.  Akoz mwan osi mon ti pou al lo sa pwen.

 

MR SPEAKER

Me fer li vit.

 

HON NICHOLAS PREA

Mon ti a kontan demann ek CEO konbyen etranze ki pe ganny anploye par NSC swa konman swa konman coach oubyen konman  technical advisors.  E ki zot bann packages ki enkli menm housing and all that.  Si NSC i satisfe avek zot nivo e zot rannman.  E osi tou pou eklersi en pti pe sa bann kankan sa bann roulman ki pe arive vizavi sa swimming coach ki en Franse e i annan apepre 15mwan depi ki i dan pei.  Mersi.

 

MR SPEAKER

Ms Rousseau.

 

CEO GIOVANNA ROUSSEAU

NSC pou le moman nou annan nou zis 4 etranze ki nou anploye.  I annan 2 coach atletik enn i ganny R15mil par mwan.  En lot i ganny R16mil 500.  Nou annan en lot en Franse ki en physical trainer i ganny R10mil par mwan.  E apre nou annan en lot Franse ki DTN kot swimming i ganny R22mil 500.  So i annan 3 zot nou bezwen donn zot en lakaz.  Sa physical trainer nou pa donn li lakaz nou pa donn li nanryen.  Sa 2 Cuban i en pti pe parey bann lakor ki i annan.  Sa Franse nou donn li en lakaz avek sa saler.

Ok, parler nou problenm ki nou gannyen se nou bann Staff toultan zot mazinen pou dir en dimoun en etranze i vini i pran nou plas.  Nou bezwen lekspertiz etranze, akoz nou sport kanmenm nou’n al dan Olenpik, me nou pa ankor zanmen ni ariv lwen ladan.

So nou bezwen sa bann dimoun in fact mon pou dir ou poudir i mank nou bokou plis me selman se tou ki nou annan at the moment.

Lo kote nivo mwan i annan mon krwar i annan ki pe fer zot pe fer en bon travay.  Lo kote Cuban i annan enn mon’n dir li mon ti a kontan swa i konn koz Angle ouswa Kreol, akoz mon krwar i enportan ki en coach i kapab koz avek son bann dimoun.  Me selman zot tou zot pe fer en bon travay.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker mon kestyon i konsern sa water sport centre – Praslin.  Mon annan en lot ti kestyon mon santi ki sport Praslin plito Grand Anse pe vreman ganny neglize.  I annan sa water sport centre ki dan en kondisyon vreman deplorab annefe pye dibwa pe pouse dan kayak avek canoe.  E ozordi nou napa ni menm en landrwa nou bann best windsurfer Sesel i sorti Praslin.  Zot napa en landrwa pou store zot bann lekipman e sa se en gaspiyaz leta sa sant.  I annan en kantite bann bato ki dan bann kondisyon vreman, vreman mal.  Ki zot pe fer pou zot revive water sport Grand Anse Praslin pou get en pe dan sa sityasyon.  Parey mon’n dir sa bann lekipman i not only pye dibwa pe pous lo la.  Dimoun i pe servi konman bin so mon krwar zot bezwen get ladan.  Apre konsernan bann tim inner islands  sa i enkli Praslin La Digue.  Zot bezwen pran bann bato pou al bann match lo Mahe.  E mon konnen ti volleyball i ganny li apepre zis R1800pou tim.  E mon konnen bann lezot lekip osi zot ale zot ganny en serten refund.  Me selman ki sa i vreman  pa ase i tro pti gin.  E mon pa vwar ase alokasyon pe ganny fer pou bann tim inner island.  E ki nou pe vwar Praslin bokou bann tim pe fermen, akoz zot napa sa Bidze pou run zot tim.   Ouswa pou al bann konpetisyon ou bann match lo Mahe.  E mon kontan ki ou’n dir ki  i annan zot pe mazin fer en indoor court  -en indoor gym ki manke Praslin.  Bokou match in ganny kennsel e i kout zot bokou larzan ler bann tim ki sorti Mahe i vin Praslin.  Lapli i tonbe match i kennsel.  Zot bezwen retourn en lot zour.  So kan eski zot pe anvizaze konmans en indoor court Praslin e kote zot pou fer li ?  Apre i annan sa sport complex Amitie ti sipoze en sport complex konplet me la nou vwar zis en laplenn foutbol.  I sipoze annan track tou napa okenn track pou bann track event.  Nou bann zanfan lekol primer ek segonder i bezwen al La Digue pou al bann konpetisyon enter skoler.  Kan zot pe anvizaze fini sa sport complex Amitie Praslin.  Apre i annan nou laplenn Grand Anse Praslin osi ki dan en kondisyon vreman deplorab.  Floodlight in tonbe i annan plis ki 4 mwan pa ankor aranze.  E ki zot anvizaze fer pou fer en pti pe maintenance lo laplenn Grand Anse Praslin vizavi Pension Fund complex.  Mersi bokou.

 

MR SPEAKER

CEO.

 

CEO GIOVANNA ROUSSEAU

Mon ti a kontan fer resorti ki i annan serten fasilite ki tonm anba responsabilite NSC, me i annan ki pa tonm anba responsabilite NSC.  Lo kote sa complex kot Amitie, nou pa pou mete track la.  Akoz si ou konn byen sa stadium i annan li artificial grass.  Ou pa kapab fer atletik ou pa kapab fer bann throws lo en stad ki son i artifisyel.  Pour atletik nou oule fer li nou main center pou Praslin i pou Eve island, Ile Eve.  E laba i pou i deza annan en laplenn foutbol so nou sipoze agrandi li met track la.  Water sport wi mon dakor avek ou sa dimoun ki sipoze responsab, i ankor en top atlet.  E i pa laba toultan.  Sa dimoun ki nou’n anplway li laba.  Me selman i pa pe tro fer son louvraz ase byen.  E nou pe mazinen pou lannen prosenn either nou ferm li ki nou konsantre lo Mahe ouswa lo Ile Eve apre.

 

MR SPEAKER

Apre i annan laplenn Grand Anse Praslin.

 

CEO GIOVANNA ROUSSEAU

Sa laplenn napa nanryen ki pou fer ek sa laplenn.  Sa laplenn i ok li.

 

MR SPEAKER

Wi Onorab Woodcock.

 

HON WAVEL WOODCOCK

Non i annan en floodlight i annan 4 mwan i ater.  Bann tim sport pa pe kapab train ditou aswar akoz sa floodlight.  Plus field osi in zis trou ladan.  Epi mon lo kestyon osi i konsern bann alokasyon ki bann tim volleyball, basketball menm inner island osi ki zot gannyen ler zot al Mahe akoz i pa sifizan.

 

MR SPEAKER

Pou vin Mahe, wi CEO.

 

CEO GIOVANNA ROUSSEAU

Ok sa poto elektrik nou’n fini met li an plas in sipoze pe marse.  Mon ava find out si i pa Ankor marse akoz i pa ankor marse.  E lo kote alokasyon dan nou dezyenm senaryo B se pou demann plis larzan pou Praslin’ La Digue me malerezman nou pa’n ganny plis.  Sa ki nou’n gannyen sanmenm tou ki nou kapab donnen.  Mersi.

 

MR SPEAKER

Onorab vitman ou kestyon.

 

HON WAVEL WOODCOCK

Indoor court gym kan pe konmanse e kote pe fer?

 

MR SPEAKER

Ar wi ou ti’n demann sa kestyon se vre.  CEO eski ou annan en nide?

 

CEO GIOVANNA ROUSSEAU

Mersi Mr Chair next year nou pou konmanse.

 

MR SPEAKER

Ok Minis oule dir en pti keksoz.

 

MINISTER IDITH ALEXANDER

Mon oule add lo la Onorab Woodcock.  PS in eksplik byen pou dir CSR i annan pou sport ladan.  In nonmen sa bann i tonm pou community, youth, sports and art.  So i ladan i al NSC ki sa de regarde savedir nou kapab ganny en pti pe lo CSR.

 

MR SPEAKER

Further clarification Onorab Woodcock.

 

HON WAVEL WOODCOCK

Wi, wi si mon pou dakor avek CEO avek serten pou ferm sa.  I annan en posibilite ki zot pe mazin consider sa water sport Praslin.  Akoz ou konnen i annan kantite en kantite nou bann best sport water sport atlet dan water sport i sorti Praslin sirtou lo kote windsurfing.  E mon krwar pou dir i en bon nide pou ferm sa.  Mon ler mon ti zenn mon ti fer canoeing e ozordi bokou nou bann zenn napa sa ankadreman e sa ti en fason ki nou ti anmas bokou, nou bann zenn pandan letan skoler lontan dan letan vakans.  So mon krwar i en bon nide.  Mersi bokou.

 

MR SPEAKER

Annefe Mr Gardet ki ti al oubyen ki pros ti pou al Olympics sorti Praslin menm non?  Ok mon krwar Minis ek CEO in konpran sa tre byen.  Wi Minis.

 

MINISTER IDITH ALEAXANDER

Mon’n ekout li byen annefe nou ava asize nou a revwar.  Sanmenm sa dan sa lespri travay ansanm nou a regarde.

 

MR SPEAKER

Se sa.  Onorab John Hoareau.

 

HON JOHN HOAREAU

Mersi Mr Speaker.  Mr Speaker zis an pasan mon ti oule fer konnen CEO pou NSC ki sa DTN kot swimming pool i napa en bon relasyon avek bann lezot coach.  E i pe train zis 10 manrmay pandan 1an ki in la e lafors sa pa pe benefisye bokou bann dimoun ki vin naze laba bann klib sirtou.  Mon kestyon Mr Speaker sirtou lo sa ki mon’n fer resorti en pe taler.  Mon pa vwar ki bor mon distrik i tonbe anba dan NSC parske, mon’n demande ki sa parcel V8458 ki ti ganny servi konman en laplenn oparavan ki’n deteryore  – pye dibwa pe pous ladan.  Mon pe demande ki serten keksoz i ganny fer ki sa bann manrmay ki anba pye mang Pascal Village i ganny en lokipasyon.  Zot ganny en zot kapab servi sa laplenn pou legzersis pou sport.  Mersi.

 

MR SPEAKER

CEO ou anvi komant lo la.

 

CEO GIOVANNA ROUSSEAU

Mersi Chair.  Pou le moman Beau Vallon i pa tonm anba NSC.

 

MR SPEAKER

I ok Onorab John Hoareau?

 

HON JOHN HOAREAU

Eskiz mwan Mr Speaker bomaten mon’n fer sa kestyon mon pa’n ganny en larepons ki satisfezan.  La mon refer ankor so e ki  i tonbe?  Ki bor i ale sa?

 

MR SPEAKER

Kot i tonbe savedir mon’n tann dir i anba Local Government.  Anba Minister Madanm Mondon ok.  Ou a klarifye apre pli tar.

 

HON JOHN HOAREAU

Mersi.

 

MR SPEAKER

Onorab William.

 

HON WAVEN WILLIAM

Mersi Mr Chairman, Mr Chairman mon ti a kontan demann Madanm Rousseau, lefe ki nou anvi lev nivo nou bann tim pou high level.  Mon pe demande si zot pe servi en pti pe sa framework COI pou ankouraz en pti pe bann aktivite rezyonal kot nou bann tim i kapab al partisip swa Maurice swa Madagascar epi fer bann lesanz.  Eski zot  pe al en pti pe ladan, akoz mon pa’n tann nonm sa ditou dan bann prezantasyon.  Epi dezyenmman ler nou complex sportiv ti ganny fer Roche Caiman ti annan serten sa lespri osi pou market li en pti pe avek bann lezot lekip etranze pou vin isi.  Eski sa osi pe ganny konsidere dan bann revizyon ki zot pe fer?  Mersi bokou.

 

MR SPEAKER

CEO.

 

CEO GIOVANA ROUSSEAU

Ok pou bann lekip zenn NSC nou pe travay bokou lo la.  Ou ava mazinen pou dir ki nou’n konmans entrodwir Jeux D’espoir e sa nou fer avek tou bann lekol segonder.  E nou fer li tou le 2 an.  E lannen ki nou pa fer then nou fer bann e-sanz inter-school e nou osi partisip dan CJSOI.  E CJSOI i annan bann lezot events ki zot fer ki pa tonm dan zwe CJSOI.  E sa nou partisip ladan e se NSC ki finans tou sa bann deplasman.

 

MR SPEAKER

Lo kote Roche Caiman.

 

CEO GIOVANNA ROUSSEAU

Lo kote Roche Caiman pour market li.  Nimero 1 pou le moman mon napa en marketing officer, No.2 toultan nou pa kapab osi. .Akoz sa se nide letan nou pou ganny sa bann regional centres ki apre nou kapab upgrade nivo Roche Caiman ki apre nou kapab vreman lwe sa bann fasilite ki nou annan avek bann lekip pou zot kapab vin train Sesel.

 

MR SPEAKER

Onorab William ou ti annan en siplemanter.

 

HON WAVEN WILLIAM

Yes Mr chairman i pa’n tous lo kote nou bann national team.  Akoz ki mon ti pe demande osi se ki par egzanp nou national team par egzanp pran foutbol.  Avan i al lo grande terre kontinan Lafrik ouswa zwe parey zwe parey World Cup eski nou e mazin osi organiz bann…  Mon kapab dir bann Lig rezyonal par egzanp lontan nou ti fer bann konpetisyon triyangiler.  Kot Maurice, La Réunion ki nou bann tim zot kapab ganny en pti pe sa o nivo kalifikasyon pou kapab prepar zot pou al bann lezot aktivite enternasyonal.  Mersi.

 

MR SPEAKER

Ms Rousseau.

 

CEO GIOVANNA ROUSSEAU

Mersi Mr Chair.  Sanmenm sa ki depi sa lannen nou’n fini lans nou preparasyon Zwe de Zil 2019.  Nou’n demann bann Federasyon dabor pou fer nou ganny zot seleksyon e nou’n dir ki tou le-z-an omwen zot bezwen fer en deplasman.  Me selman nou konman NSC nou pa kapab fer sa zot ki bezwen fer.  Nou, nou donn zot sipor.  I annan ki donn nou zot non zot bann atlet i annan ki i pa fasil tro gannyen.  Mon pa konnen si mon’n reponn ou satisfezan.  Me selman wi si pou nou gannyen i enportan ki bann national team i ganny sa bann e sanz.

 

MR SPEAKER

Ok Onorab William?  Onorab Sophola eski ou kestyon in ganny reponn ek sa seri kestyon ki Manm Onorab pou Grand Anse Praslin en demande.  Oubyen oule demann ou kestyon?

 

HON NOLINE SOPHOLA

Pa totalman.

 

MR SPEAKER

Ale.

 

HON NOLINE SOPHOLA

Mersi Mr Chair CEO ou menm ou’n dir La Digue i annan bokou talan bokou kalite.  Me avek tou respe mon pa dakor avek sa zafer merging bann sa bann group.  Akoz nou kapab vwar ler ou pe merge ki pour arive.  Akoz sa bann zanfan parey zot dir dan term Kreol zot pou penn ban.  Zot pa pou pe zwe e la petet zot pourvi al dan sa bann fleo ki petet nou pa oule zot a; ladan.  Me mon pou tous ankor sa sports complex, akoz La Digue i ti premye landrwa ki ti ganny idantifye pou fer sa.  Son plan in fini fer landrwa in fini demarke mon krwar tou keksoz i la.  Se zis pou nou fer li.  Petet – maybe son priyorite.  E mon ti ava anvi konnen kan ki Digwa pou ganny son basen naze silvouple.

Mersi.

 

MR SPEAKER

CEO.

 

CEO GIOVANNA ROUSSEAU

Nou pa ankor defini egzakteman ki mannyer bann rezyon i pou marse.  So ou pa pou kapab dir ou pou dir ou lot tim i pou asize mon pa krwar.  Parey mon’n dir oparavan i pa neseserman letan nou fer rezyon ki nou’n pou annan zis 1 lekip.   Pou pou kapab annan plizyer lekip me sa nou ava ekout ou.  Lo kote basen naze plan in fer si nou ganny en sponsor.  Mannyer mon konpran La Digue ti annan en dimoun ki ti enterese pou sponsor i kapab partly basen naze.  Then nou ava fer li me selman fodre nou ganny larzan.  E lo ou lot ou gym indoor gym parey mon dir mon optimis.  Mon’n deza konmans koz ek en sponsor menm si Finans pa’n donn nou larzan la.  Me selman mon krwar pou dir nou, nou kapab konmans fer keksoz.  Si par egzanp bann dimoun La Digue i korpore ansanm nou ganny larzan.

 

MR SPEAKER

Mersi CEO nou annan ankor 10 Manm Lasanble ki’n demann pou entervenir.  Mon sizere ki vi ki sports i en konponan tre enportan pou devlopman bann zenn nou a retournen 2er pou….  Ou ti annan en kestyon direkteman lo la.  Ale.

 

HON GERVAIS HENRIE

Wi zis sa ki konsernan sa ki sponsor pa sa etranze Marek ki ti pou sponsor pou La Digue.

 

MR SPEAKER

Non pa li ok.  Ki mon sizere se ki nou a retournen 2er pou nou repran sa bann kestyon epi bann lezot i ankor annan 5 Lazans anba Minister Minis Alexander.  Nou a repran tousala apre midi.  Me zis mon a remind zot avan nou Break ki Truth and Reconciliation Committee i anvi zwenn dan lunch break apre group Women’s Parliamentarians Committee.   Eski zot pare pou zwenn 1er edmi enn dan Room 2 Women Parliamentarian e lot Truth and Reconciliation Committee li osi in met dan Room 2.  Mon sizere zot zwenn dan Speaker’s Conference Room.  Wi Onorab Ghislain.

 

HON CHANTAL GHISLAIN

Speaker si nou kapab zwenn la konmela nou kapab zwenn la konmela.

 

MR SPEAKER

Women’s Parliamentarian Group i kapab zwenn la konmela.  Truth and Reconciliation Committee i a zwenn 1er edmi dan Rm 2.  Nou a retournen 2er pou nou kontiny nou deba.

 

(BREAK)

 

MR SPEAKER

CEO Ms Rousseau ti anvi dir en mo.  Wi go ahead.

 

CEO GIOVANNA ROUSSEAU

Mersi Mr Chair mon ti a zis kontan anmenn en leklersisman lo Praslin Grand Anse lalimyer.  Mon ti a kontan enform ou ki lalimyer i annan plis ki 1 mwan edmi depi in fini aranze – pe marse tou.

 

MR SPEAKER

Mersi CEO nou a repran bann dimoun ki ti’n demann pou koze nou a ganny en sans pou koze.  Onorab Georges.

 

HON BERNARD GEORGES

Mersi Mr Chair.  Mr Chairman mon pran laparol konman en Onorab sa distrik ki capital sport Sesel Les Mamelles.  E an e la zisteman premye kestyon i annan pou fer avek sa.  Mon’n ganny nouvel ki enn nou zabitan en zenn fiy in fek sorti Praslin avek 19 meday dan 13 lor dan en konpetisyon swimming ki ti ganny fer.  Ki ti ganny fer laba.  E mon premye kestyon i an konsern i konsern sa.  Eski ki NSC ki son propozisyon vizavi bann klib prive?  Eski bann klib prive pour annan en sibvansyon pour annan okenn posibilite gannyen  larzan avek NSC dan sa Bidze ki pe vini ?  E an partikilye i annan okenn alokasyon pou sel teren sport Les Mamelles ki malerezman konmela i ganny trouve Roche Caiman.  Savedir kort basketball Les Mamelles pou 2017.  Mon 2enm kestyon i annan pou fer avek foutbol.  Mr Speaker an vi ki foutbol i annan son Federasyon e nou konnen ki non selman i sport pli popiler me i osi sa spor ki annan plis finansman.  Eski foutbol i tonm anba  – NSC –  Oubyen eski i tonm an deor?  E touzour an koneksyon avek foutbol mon ti a kontan regarde si NSC ti a kapab etandonnen ki foutbol i very well funded –  si zot ti a kapab regard si zot pa ankor fer li dan posibilite fer en Federasyon foutbol oubyen bann clubs ki zwe.  Pey tou ou en pe zot kou floodlighting dan en fason ki sa larzan ki nou kapab save ti ava kapab anvoy dan bann lezot disiplin ki napa sa kantite resours ki foutbol i annan.  Mersi Mr Chair.

 

MR SPEAKER

Minis oubyen CEO.

 

CEO GIOVANNA ROUSSEAU

Mersi Mr Chair.  Dabor lo kote club prive NSC nou pa fund okenn klib.  Nou fund nou donn en Grant Federasyon.  Me par kont lo kote swimming –  akoz zot in fek konmanse nou pe donn zot fasilite swimming servi swimming pool pou preski nanryen.  Les Mamelles unfortunately i pa tonm anba NSC.  Foutbol ziska prezan i pe ganny en Grant avek NSC.  Me selman mon’n fini koz avek Chairman Bord.  Akoz menm sa lannen sa ki mon okouran pou dir ki foutbol FIFA pe donn zot en gro sonm larzan e mwan mon krwar poudir ki nou pa devret fund foutbol.  Ki s a larzan nou a gannyen nou  re partaz avek larestan sport.  E lo kote floodlight well nou ti get li konman en pti kontribisyon ki nou fer pou sa bann klib olye Federasyon direkteman.

 

MR SPEAKER

Mersi CEO me kekfwa lo kote Lasanble Nasyonal, nou ti a kontan atraver ou Mr Georges felisit sa zenn fiy ki’n ganny sa kantite meday.  I enpresyonan.  Nou a pran Onorab Lemiel.

 

HON SYLVANNE LEMIEL

Mersi Mr Chair.  Bon apre midi Minis ek ou delegasyon, bon apre midi tou Manm Onorab.  Mr Chair mwan mon ti a kontan poz en pti kestyon avek CEO NSC.  Aparaman mon annan 2.  ARSU volleyball madanm i fer 10enm fwa depi ler in i ranport laviktwar dan IOCC game.  E la i pe plan pou li la lo al dan sanpyon Lafrik.  Mon ti a kontan konnen si dan sa Bidze 2017 petet NSC in fer provizyon pour okenn lasistans pour asiste sa tim volleyball ki pe al lo nivo sanpyon.

Akoz mon krwar i a fer 2en fwa ou 3enm fwa zot in anvi sey ale zot pa kapab ale akoz problenm funding.  Nou pa pe demann zot pou fund tou me selman at least si zot pa kapab dan sa Bidze ki pe vini lannen prosen.  Ed sa tim pou zot kapab materyaliz zot rev akoz ler nou gete i pa pe al zis reprezant pep – klib as ARSU.  Mon krwar i reprezant Sesel osi.  Dezyenmman mon vreman dezapwente avek NSC CEO sa ki ou’n anonse bomaten.  I fer tre lontan ki Anse Royale son sa leta kot bann fasilite sports li menm  i demann en bon renovasyon lo la.  Desizyon ki NSC zot in pran se ki pou fer la en regional sports complex ki nou, nou pe akeyir sa nou.  Nou, nou byen kontan.  Si i annan distrik ki zot, zot pa bezwen or rezyon.  Nou, nou pe welcome sa.  Me selman mon vreman dezapwente pour antann ou met en sizesyon ozordi dan Lasanble.  Pou demann pour al demann Minister Finans petet pran sa larzan pou donn Praslin.  Mwan mon pou dir Minister Finans pa bezwen pran sa rekomandasyon.  Mon krwar i annan lezot landrwa ki mon krwar zot kapab koupe dan lezot Bidze pou nou kapab asiste Praslin.  E menm Anse Royale nou pe request plis larzan ki sa ok.

I pa pe ase sa R2 milyon, wi mon konnen sa proze pou e-tale pou en pe letan.  Me apre osi Mr Chair permet mwan mon krwar ki nou’n toultan koze nou’n dir kominikasyon i enportan.  Konsiltasyon i enportan.  Mwan mon ti a rekomande ki NSC i vin dan distrik i vin enform zabitan Anse Royale e sportsmen Anse Royale ki pe al annan.  Ki pe al fer sa dan sa sport complex, anmenn sa plan nou a gete.  Mon konnen nou pe al upgrade en pe sa bann fasilite ki la.  Me nou, nou ti a vreman konnen ki egzakteman pe al annan.  Si i annan en plan sportsmen i vreman oule konnen ki pe al annan.  Akoz nou pe zis tann a la lezer pour annan isi pour annan laba.  Vin kot nou, nou a koze nou a diskite akoz nou osi petet nou annan rekomandasyon, ki petet zot, zot pa’n mazinen pou met dan sa sports complex  ki nou, nou ti ava kontan met devan zot.  Mersi Mr Chair.

 

MR SPEAKER

Tre byen ou pwen i kler mon krwar CEO in note.  Sorry Onorab Lemiel CEO i annan en kestyon ki ou pa’n reponn silvouple.

 

CEO GIOVANNA ROUSSEAU

Mersi Mr Chair.  Dabor tou lekip ki sorti Sesel i al deor NSC i asiste zot.  2enm lo sa kote plan kekfwa sanmenm bomaten kekfwa mon pa’n tro al tro an detay.  Mon krwar mon ti pe koz tro bokou.  Rezon ki mon dir nou pou tir nou pa pou fer li Anse Royale.  Se akoz nou an diskisyon avek polytechnic avek liniversite.  So nou pe regard lanvironnman an antye ki mannyer pou re devlop sa landrwa.  Si la nou pran R2 milyon nou ale nou fer sa en keksoz ki apre letan plan i vini, i en lot nou ti pou fer li en lot fason.  Pou mwan i pou R2 milyon ki pou’n gate.  So vo mye nou met sa larzan dan Praslin ki li in pare – landrwa tou keksoz.  Gran plan in fini fer nou fini travay avek Liniversite Sesel lannen 2017.  Koumsa nou konnen egzakteman ki mannyer plan pour ete e ler nou konmans fer sa bann proze nou konnen nou pe fer sa.  Me pou le moman la nou’n deza konmans fer serten keksoz.  Si ou pas Anse Royale ou pou vwar poudir ki nou’n netwaye nou’n aranz nou pe aranz track.  Nou’n met en miray pou anpes dimoun antre avek zot loto.  Me ler i ariv pou plan letan nou pou vini.  Parey konman nou ti fer Praslin ek La Digue nou pou konsilte ek zot tou.  Me selman i pa pou zis Anse Royale i pou le 4 distrik ki tonm dan sa rezyon.  Nou pou fer en miting ansanm avek zot.  Mon espere parey nou ti fer dernyen fwa Praslin La Digue ansanm ek Minis ek tou.  Kot nou vin montre zot nou plan e zot, zot donn nou zot rekomandasyon.  Mersi.

 

HON SYLVANNE LEMIEL

Mr Chair i kler li, me selman mon ti a kontan deor konsepsyon la zot pe konmans diskit avek liniversite, involve Lotorite Distrik tou dan zot diskisyon silvouple.  Mersi.

 

MR SPEAKER

CEO ou’n note  non?

 

CEO GIOVANNA ROUSSEAU

Nou a pran napa problenm.

 

MR SPEAKER

Very good Onorab Mondon.

 

HON TERENCE MONDON

Mersi Mr Chair.  An vi ki naze i enn bann disiplin ki pratikman pa aksesib pou nou bann zanfan e nou bann zenn dan nou bann distrik sid e sid was.  E mon konpran santiman lafyerte ki Onorab Georges in eksprimen la apre midi, ler i koz lo son nazer ki’n fer byen dan sa disiplin.  E mon kestyon akoz ki NSC ziska prezan pa’n vwar li neseser pou met en fasilite naze pou kapab re-tous nou bann zanfan dan distrik dan la rezyon depi Au Cap ziska petet Anse Boileau si oule.  Mon krwar i enportan ki nou mete.  Akoz mwan mon krwar ki si nou annan en fasilite parey nou bann zenn.  Parey Minis ti’n dir pli boner ki i nou pe met lanfaz kot lekol nou bann zanfan.  Mon krwar sa enn nou bann disiplin ki nou devret seryezman get ladan pou nou bann zanfan dan la rezyon.  Mersi Mr Chair.

 

MR SPEAKER

CEO.

 

CEO GIOVANNA ROUSSEAU

Mersi Mr Chair, konsernan naze well i vreman ser pou konstrir en swimming pool.  Me pa zis pou konstrir son maintenance i vreman i vreman o.  Me dan nou plan nou annan plan pou fer en lot swimming pool ki ava kote dan southwest ok.  Me sa ankor ler nou ava ganny larzan.  Me par kont pou ed sa bann manrmay dan sa kote laba.  Pandan vakans nou fer la si ou la get Port Launay nou pe train bann manrmay.  So nou pe fer li dan delo sale.  Bann landrwa kot i lwen tou le vakans nou pran manrmay pou donn zot leson naze.  Me par kont lo kote kot swimming pool anvil nou tib oule anmenn zot.  Nou’n fini fer en plan, me selman annan ler i son zistans ki zot ete.  Apre nou bezwen plis bis ki so far nou annan nou’n ganny kado 2.  Be nou ankor pe rod ankor akoz i still pa ase lo kote transpor pou nou savoy zot pou anmenn zot.  Mersi.

 

MR SPEAKER

Onorab Ghisain.

 

HON CHANTAL GHISLAIN

Mersi Mr Chair.  Mr Chair mon pa telman bann kestyon me selman bann propozisyon osi ki mon pe mete.  Letan mon pe regard sports an zeneral nou’n koz lo spor rezyonal.  Mwan mon napa nanryen kont sport rezyonal parske letan nou pe regard an lannen 80 letan i ti retournen apre in vin klib.  Vre in annan sa dekalaz dan norm kantite dimoun ki ti pratike i ti monte.  Me selman son kalite ti desann sa nou bezwen aksepte.  Mwan mon pe koz lo La Digue, La Digue si ou vwar ozordi i annan 2 tim foutbol ki zot profesyonnel mon kapab dir e zot pe bat laplipar bann tim isi.  Se akoz La Digue in trouv li en bann sportsmen La Digue zot in bezwen nou dir lanmenm la.  Zot in oblize al dan foutbol.  Get depi sports atletik in konmanse le 29 Zen.  Toultan ou’n vwar La Digue in sorti premye toultan nou’n sorti avek bann bon atlet.  Ki arive sa bann zanfan i partisip dan sport.  Bomaten mon ti pe koz lo grassroots sports.  Zot in ariv letan zot ariv S5 si zot ganny sans pou zot vin Mahe pou zot vin lekol.  Parfwa zot ganny sans antre dan en lekip parfwa zot ganny national sa.  Me bann ki reste La Digue pour zot, zot pa vwar zot.  Napa ankor sport pou zot antre laba apard ki foutbol.  Sanmenm sa ki ou vwar ozordi i annan 2 gro lekip La Digue, Anse Réunion ek La Passe.  E mon pa vwar ki sa 2 lekip pe melanze akoz once ki ou’n melanze larestan pour asiz lo ban.  In vin la Digue Pro bann atlet ki ankor bon dan zot sports zot in bezwen forse pour arête akoz tro bokou zenn pe monte e finalman ou vwar zot i annan 3enm lekip.  E ozordi zot pe still fer fraka.

 

MR SPEAKER

Ou propozisyon Onorab.

 

HON CHANTAL GHISLAIN

Mwan mon problenm ladan se ki NSC or Gouvernman sport an zeneral i bezwen annan en lankadreman byen formen.  Annan nou bann coaches ki pa reste zis Mahe.  La Digue i annan volleyball i annan foutbol i annan zwer tennis, i annan bisiklet, zimnastik, naze, badminton, darts.  Tou sa sport i annan e atletik ozordi apre S5 nou pa vwar sa bann dimoun pe kontinyen dan sports.  Sa mon problenm se ki fer en fason olye deplas en gran group dimoun pou mont Mahe pou vin train,  nou deplas en coach omwen 2 fwa par semenn zot vin train.  An se  ki konsern bann klib lo rezyon Nasyonal lo rezyon rezyonal mon pe propoze annou ouver bann landrwa, les sa bann dimoun ki par egzanp i annan en restoran or en landrwa ki kapab devlop li into a proper club.  I fer son avertisman sport si i pou vann son labyer si i pou vann son bwar.  I pou son landrwa ki tou son bann sportsmen i vini i vin zwenn.   Mon pe donn en legzanp par egzanp Tarosa La Digue li in pou La Passe.  Sa bann dimoun pa pe kapab fer okenn promosyon sport promosyon pou zot sport La Passe kot tousala i afilye zot ek zot.  Mon pa pe ni dir ni La Passe ni Anse Reunion me selman mon pe donn en legzanp Tarosa.  Si i annan bann landrwa sport annan bann landrwa kot nou kapab dan bann rezyon.  Sa bann dimoun i pare pou zot devlop zot landrwa as a proper club ki tou zot sport i vin ladan.  Zot fer zot promosyon zot larzan.  Si zot pou donn bal zot donnen.  Zot a kapab ranmas zot larzan pou zot kapab fer zot sports marse.  And now klib i ava marse lo nivo rezyonal.  Sa mon pwen mersi Mr.

 

MR SPEAKER

CEO oule fer komanter lo la.

 

CEO GIOVANNA ROUSSEAU

Anyway i bon propozisyon me selman zis sa ki mon ti a kontan azoute ki parler letan  dimoun i kontan dir sa zot le 29 Zen ouswa la le 18 Zen.  Ou war en kantite manrmay ou vwar bann bon talan ki ganny dekouver apre nanryen pa arive.  Mon ti a kontan fer sorti ki mazorite to sa bann manrmay ki zot trouve la.  Letan ou dan lekol ou oblize compete pou ou lekol.  Me sa bann atlet sa bann zenn zot menm zot ki fer volleyball, zot menm zot ki fer basketball ki fer handball, ki fer lezot sport.  So ler zot fini i pa neseserman ki zot anvi rested an atletik.  Me zot anvi al dan en lezot sport.  Me selman sanmenm sa wi NSC nou’n anploy en graduate La Digue ki nou pe demann li la pou li form byen en Komite pou travay.  E nou pe osi regard dan posibilite anploy en coach.  Letan mon pe dir en coach, en coach ki kapab fer plizyer sport lo kote La Digue pou devlop sa bann manrmay.  Akoz nou pa pou oule ki zot al astray.  So nou pe regard ladan.  Mersi.

 

MR SPEAKER

Onorab Loizeau.

 

HON NORBERT LOIZEAU

Mersi Mr Chair.  Bon apre midi tou dimoun.  Mr Chair mon anvi demann CEO vi ki taler ler ou’n koze ou’n dir ki dapre ou resers ki ou’n fer.  Ou’n vwar ki sel sport ki’n montre e progre pandan sa bann pandan sa lannen mon pa konnen mannyer ou pe prezant sa,  sa se basketball eski savedir sa Federasyon in vreman travay byen CEO si ou dakor ek mwan.  Alors eski ou pe mazin an term sa Grant ki bann Federasyon i gannyen.  Eski ou pe mazin ogmant sa Grant ki Federasyon basketball i gannyen pour ed li fer pli byen ankor ?

Mon 2enm kestyon eski zot annan plan pour ankouraz bann lezot lekip sport pou annan en lakademi ?  Nou Bel Air nou annan en lakademi pou basketball.  E si osi ki zot plan a lavenir or mon pa konnen si sa lannen.  Si zot annan plan pou ed sa lakademi finansyerman pou kapab fer pli byen ?  E osi Minis en dernyen kestyon dapre si i vre.  Dapre konpran tennis i annan anviron 1an napa en coach.  Si i vre si pa vre i ok.  Si i vre donn en pti leksplikasyon akoz.

Mersi.

 

MR SPEAKER

CEO oubyen Minis.

 

CEO GIOVANNA ROUSSEAU

Mersi Mr Chair dabor mon pa ti dir zis basketball ki’n fer progre.  I annan lezot sport osi ki’n fer progre, me selman letan mon ti pe koz plito lo bann team sport,  ki mon ti sa.  Lo kote Grant si pou ogmante, tou le-z-an mon pe sey fer en fason ki nou donn zot en pti plis.  E mwan osi mon enn mon prensip se dimoun ki sey travay plis ou reward li.  Akoz i annan i pa fer bokou zefor, apre i espere pou li gannyen.  So definivman.  Me osi mon ti a kontan fer sa Lasanble konnen ki sa Grant ki nou donnen i pa selman sanmenm tou lasistans ki nou donn bann Federasyon.  Zis mon pou sit detrwa, mon kapab.  Par egzanp nou donn zot landrwa training ek pou zot konpetisyon free of charge.  Nou donn zot lantrener ki pe train tim Nasyonal whether i kadet, junior, senior.  Nou pey sa bann dimoun en allowance ki kout nou apepre R1 milyon par an.  Nou donn serten nou anplway serten antrenner fulltime pou serten sport.  Nou osi anplway serten zofisye pou travay avek sa Federasyon lo zot nivo ladministrasyon avek teknik devlopman.  Nou pey lasirans pou tou atlet ek lantrener ki form parti lekip nasyonal.  Nou pey lasirans vwayaz sak fwa zot vwayaze.  Nou pey childminders pou bann ki bezwen.  Nou donn zot transpor bann ki dan lekip Nasyonal.  Nou provide zot transpor.  Nou devlop lekip zenn pou serten Federasyon par egzanp atletik, badminton, basket.  En bon pe zot nou pe kontribye pou devlop zot lekip zenn.  Nou donn zot en pti pocket money sak fwa ban atlet i vwayaze.  Nou donn zot lekipman sa bann atlet.  Nou donn zot refreshment kot training.  Nou rekonpans zot avek larzan kan zot ganny meday dan konpetisyon ki’n aprouve.  Nou asiste zot zofisye letan ki zot al an kongre.  Nou osi asiste bann lekip sanpyon avek tiket avyon pou IOCC ouswa parey la en Onorab in demande pou lo kote Lafrik.  So tousala i bann adisyonnel ki nou donn bann Federasyon.  Mersi.

 

MR SPEAKER

Onorab.

 

CEO GIOVANNA ROUSSEAU

Ar sorry, tennis i annan en fiy en graduate ki’n ganny train in spesyaliz dan tennis e i travay laba fulltime avek Federasyon tennis.  Mersi.

 

MR SPEAKER

En quick leklersisman Onorab Loizeau ou’n demann 4 kestyon in reponn.

 

HON NORBERT LOIZEAU

Non mon’n ekout CEO in koz lo bann zot osi donn bann lantrener pou antrenn sa bann dimoun.  Vi ki i annan serten lantrener ki pe antrenn 2 lekip.  Par egzanp i annan ki pe antrenn lekip junior apre i e antrenn kadet or L’espoir.  Eski zot ganny 2 allowance ouswa zot sipoze ganny zis 1 ? Sa en kestyon ki zot pe demande.  Apre mersi mon vwar en pti larzan pou renovasyon gymnasium.  Mon krwar i pou sa, me pa bliye ki Palais de Sport osi problenm letan lapli.  Met dan kont sa.

 

MR SPEAKER

CEO.

 

CEO GIOVANNA ROUSSEAU

Lo kote allowance, in fact nou pe revise allowance akoz i annan serten coach ki coach 2 fwa par semenn.  I annan ki coach toulezour.  Tousala nou pe fer en fason pou balance apre letan nou gete kantite ki zot pe mete i pa.  So nou pe ogmante, me selman nou oule war rezilta – nou oule vwar en vre lan travay.  Lo kote Gym wi nou pour aranze next year.  Me Palais de Sport nou ti’n fini rekouver re aranz kot i ti koule.  Sel problenm se letan lapli i vini avek vandswet i fwete.  So sa nou pa tro kapab aranze.

 

MR SPEAKER

Mersi CEO i reste zis 4 dimoun pou demann kestyon. E mon a demann la i annan kontrent letan nou annan ankor 5 tim pou vini avan nou fini ozordi.  E nou oule fini ozordi pou Minis Alexander ganny libere.  Alor mon a donn laparol Onorab Vidot.

 

HON AUDREY VIDOT

Mersi Mr Chair mon oule demann avek CEO eski NSC letan zot travel ? Eski zot travel osi business class si wi lekel ki peye pou sa bann travel ?  E mon lot kestyon mon ti ava petet pou dimoun ki pe ekoute.  Bann ki swiv byen bann aktivite sport.  Ti a byen ou ti a kapab fer zot konnen.  Ki bann fasilite sportif ki priyorite pou ganny repare anba Bidze ki zot in gannyen ?  E trwazyenm.

 

MR SPEAKER

Zis en kestyon mon’n dir pou sak dimoun.  Onorab ou’n deza demann 2 kestyon.

 

HON AUDREY VIDOT

Non zis sa lot i an referans avek sa  ki Onorab Loizeau in dir.

 

MR SPEAKER

Ale go ahead.

 

HON AUDREY VIDOT

With regards to en lankadreman pou nou bann atlet akoz mon vwar petet CEO ou kapab klarifye.  Letan zot fer sport nou obliz tou bann teachers ki teach PE dan lekol.  Ler ou pe get zot laz fer mon felisit Sir Jerris ki Plaisance lontan i la.  Be ki mannyer nou pe pran sa bann talan ki dan nou lekol nou pe motiv zot pou zot pli tar pran sa bann pozisyon p[ou kapab train nou bann zenn. Mersi.

 

MR SPEAKER

CEO.

 

CEO GIOVANNA ROUSSEAU

Mersi Mr Chair.  Sel dimoun dan NSC ki travel business class se mwan zour mon travel.  Akoz sa se en regilasyon Gouvernman.  Letan nou annan parey si annan en game kot nou pran fer krwar nou lwe avyon.  Nou charter pour anmenn en delegasyon natirelman la i annan bann bout business class,  ki then  nou partaze nou sey en fason ki tou sport ki ganny reprezante, 1ezot dimoun i al business class.  Lo kote renovasyon sa i dapre sa ki nou’n fini dir lekel ki ladan.  Mersi.

 

MR SPEAKER

Onorab Vidot eski i annan 1 ki i pa’n reponn.

 

HON AUDREY VIDOT

In regards to bann zanfan apre with an referans avek premye kestyon pou travel.  Eski i finanse anba Bidze Gouvernman oubyen ki zot pe ganny bann petet bann landrwa ki zot pe ale ki pe donn zot sa finansman?  Akoz mon konpran dan prezantasyon Bidze ti pe dir pou rezon pou reviz en pti pe sa cost of travel petet pour ankouraz pou nou redwir en pti pe depans lo kote business class.  Mersi.

 

MR SPEAKER

Onorab Vidot Ms Rousseau in dir ou ki sa i en regilasyon Gouvernman ki li i pa kapab – business class.  Ou kestyon in fini deza ganny reponn.  Onorab Larue.

 

HON FLORY LARUE

Bon apre midi Mr speaker bon apre midi tou dimoun.  CEO in dir nou ki zot annan en progranm.  Eski i kapab dir nou ki peryod letan ki sa progranm pou fer bann zafer rezyonal,  ki peryod letan Gouvernman pe don son lekor pou li akonplir sa time frame?  E letan ou’n koz lo bann alokasyon ki Mr Loizeau in demann ou lo pou bann enstrikter, ou’n dir koumsa oule zot donn ou en plan e zot donn ou rezilta.  Alor eski ou kapab dir nou eski i annan en plan en dokiman ki nou kapab vwar progresyon sport?  Ki mannyer zot pou met an plas sa bann fasilite?  E eski i annan en dokiman Nasyonal pou montre sa bann progranm ki zot pe met an plas?  Koumsa nou a kapab mezire akoz parey mon pe dir nou budget i performance-based.  Eski i annan en plan fizik pou montre kote nou pe ale avek sa.  Mersi.

 

MR SPEAKER

CEO.

 

CEO GIOVANNA ROUSSEAU

Ok i annan serten sport i fasil pou nou mezire.  Ki par egzanp weightlifting, atletik, swimming.  Sa ou kapab vwar letan dimoun pe progrese.  Lezot be si ou’n pran en tim i ti dan 2enm divizyon son equivalent.  Prezan ou’n nobou anmenn li dan premye divizyon.  So ou vwar. E letan ou vin get letan ou al get konpetisyon, i fasil pou vwar en tim ki pe ganny byen train avek enn ki pa tro.

 

MR SPEAKER

Wi Onorab Larue ou kestyon pa’n ganny reponn?

 

HON FLORY LARUE

Non i pa kler mon pe koz lo lenfrastriktir.  Akoz letan ou pe dir nou ou pe fer en plan rezyonal avek 10 complex.  E ki en peryod letan ki Gouvernman i pe donn son lekor pou li konplet sa progranm –  eski  i annan en plan fizik ki montre nou ki sa bann keksoz ki pour arive.

 

MINISTER IDITH ALEXANDER

Mr Speaker permet mwan mon ava dir lo la.  Parey ki nou’n dir nou ankor pe travay lo la.  Le moman ki nou’n fini prezan nou pou kapab priyoritiz li.   Pou nou kapab dir lekel bann rezyon ki pou kapab.  Pou le moman in vini in dir sa i annan son 10 ki in eksplike.  Pou annan 1 lo Praslin, 1 lo La Digue, 8 lo Mahe.  La prezan nou bezwen konsiltasyon ki nou bezwen fer.  Ale bann vizit vwar konsilte bann distrik pou nou kapab priyoritize ansanm avek Minister Finans anba osi CSR pou nou kapab gete lekel prezan ki pour al premye, dezyenm mersi.

 

MR SPEAKER

Onorab Arrisol.

 

HON SANDY ARRISOL

Mersi Mr Chairman, bon apre midi Minis, bon apre midi CEO ek zot delegasyon.  En kestyon senp e kourt Mr Speaker.  Bomaten mon’n tann  koz lo fencing, floodlight ater, mon’n tann larzan pou gymnasium alor mon kestyon i lo la.  Mon ti s kontan demann CEO lekel ki responsab pou maintain bann proze NSC pou laplenn, pou floodlight e si ti annan en proper tender.  E mon ti a kontan konnen lekel ki responsab pou sa bann maintenance ?  Mersi.

 

MR SPEAKER

CEO.

 

CEO GIOVANNA ROUSSEAU

Mersi Mr Chair tou fasilite ki tonm anba NSC i ganny maintain par en lazans ki ti ganny kree espesyalman pou sa.  E i apel management sport facilities.  Mr Collin Quatre ki ansarz.

 

MR SPEAKER

Ok mersi.  Dernyen kestyon Onorab De Commarmond.

 

HON CHARLES DE COMMARMOND

Mr Chair pa en kestyon neseserman zis en klarifikasyon ki mon oule CEO i fer.  FIFA ordinerman i pa donn larzan nenport kwa  li i donn pou ban progranm e bann proze spesifik.  Savedir si NSC dan sa Bidze nou pa pe donn larzan Federasyon foutbol.  Par egzanp bann klib ki al zwe Praslin La Digue pa pou zanmen ganny lasistans.  Akoz i pa pou kapab pran larzan FIFA pou fer sa avek.  Epi mon oule ou konfirmen eski NSC i pour i vreman ede pou bann tim ki pe al zwe Lafrik konmsi.  Kwa ki zot pou fer.  Par egzanp la volleyball Anse Royale kwa ki zot pou fer pou sa tim ?  Mersi.

 

MR SPEAKER

CEO.

 

CEO GIOVANNA ROUSSEAU

Mersi Mr Chair.  Pour sa tim definitivman nou ava p[ey zot tiket avyon.  Me selman nou ekspekte ki Federasyon sa tim li menm i ede.  Me once ki nou’n pey zot tiket avyon mon krwar en gro bout i sorti lo zot.  Lo bout foutbol bann tim letan i zwe zot anmas gate receipt.  NSC pa pran nanryen ladan.  Parey ou’n dir taler i annan enn in propose ki nou pran en pe larzan ladan.  Nou pa pran pou zot kapab ganny en pe.  Me FIFA li osi sa ki mon konnen i donn larzan pou ladministrasyon.  E apre sa ki mon vwar i en pti pe drol nou ganny en kantite sponsor pou foutbol.  So letan zot fer zot dokiman pou zot al rod sponsorship mon ti ekspekte ki zot pran konsiderasyon pou dir ki zot annan tim ki sorti Praslin avek La Digue e zot met sa ladan ki zot ganny larzan pou kouver sa.  Mersi.

 

MR SPEAKER

Mersi CEO e avek sa nou a pran en vot lo Bidze ki’n ganny propose pou National Sports Council lo paz 502.  Tou bann ki pour lev zot lanmen?  Anybody against?  Clerk ou ava anons rezilta.

 

MADAM CLERK

Mersi Mr Chair si mon lizye i korek mon vwar tou Manm in vot an faver sa enn Bidze.  Mersi Mr Speaker.

 

MR SPEAKER

Tre byen felisitasyon CEO National Sports Council evidaman ou’n fer en bon travay.  Si tou dimoun i satisfe ek ou kestyon savedir ki Bidze pou NSC in ganny aprouve par Lasanble Nasyonal.  E avek nou a remersye Ms Rousseau pour ou letan e ou prezans.  E nou a eskiz ou pou nou pran en lot Lazans anba portfolio Minis Alexander.  Mon krwar ki nou kapab osi eskiz Mr Jean Larue Minis.  Nou a remersye ou Mr Larue pour ou letan ki ou’n pas avek nou.

 

CEO GIOVANNA ROUSSEAU AND DELEGATION WAS EXCUSED FRON THE HOUSE

 

DEPARTMENT OF CULTURE

 

MR SPEAKER

E prezan i annan diferan Lazans ki tonm anba ou Minister i annan Kiltir li menm li.  Apre i annan National Arts Council, Creole Institute, National Heritage Foundation, Creative Industries, National Events Industry.  Lekel ki ou ti a kontan pran premye?

 

MINISTER IDITH ALEXANDER

Mersi, Mr Speaker mon mazinen nou a fer parey nou’n fer bomaten.  Nou a pran Departman Kiltir.  Anba apre Kiltir i annan 4 entities nou a pran NAC premye, nou pran Lenstiti Kreol, nou a pran CINEA apre dernyen nou a pran Heritage Foundation.

 

MR SPEAKER

Tre byen avek sa nou a kriy PS Benjamine Rose pou vin zwenn nou apre avek son Special Advisor Mr Emmanuel D’Offay.    Mersi ankor CEO ek Special Advisor.  Letan ki nou pe ekoute pou bann ki’n demann mon dezyenm fwa pou koze.  Bon eskize mon bezwen strict akoz sansan zanmen nou pou fini.  E mon konnen pou dir Minis i annan lot langazman demen e apre demen.  So nou anvi fini ozrdi avek tou sa bann Lazans ki tonm anba son responsabilite.  So konpran mwan en pe Onorab Ramkalawan.

 

HON WAVEL RAMKALAWAN

Kekfwa an menm tan Mr Speaker kekfwa nou ti a kapab donn allocate letan pou sak sa bann Lazans.  Koumsa nou pa zis go on – go on.  30 minit pou sakenn mon krwar ti ava ase.

 

MR SPEAKER

Ok e nou a konmans avek Kiltir zeneralman.  Ms Rose ou ki PS nou ti a donn ou laparol pour apepre 5 minit zis pou donn nou en overview Departman Kiltir kwa ki zot pe fer.  Petet parey nou’n fer ek lezot bann Staff ki ou annan si ou annan etranze.  Si ou Seselwa, si zot Seselwa, bann expenses.  ‘major expenses,’ ‘goods and services’ ki ou annan epi par la suite nou a pran bann kestyon.  E mon prezimen Minis nou a donn Departman Kiltir 45 minit.  Eski sa i aranz ou i ok pour ou?  Minis Alexander?

 

MINISTER IDITH ALEXANDER

I ok Mr Speaker.  Mersi.

 

MR SPEAKER

Laparol i pou  PS Rose.

 

PS BENJAMINE ROSE

Bon apre midi Mr Speaker, bon apre midi tou bann Manm Onorab.  Tou bann dimoun ki pe ekoute.  E mersi pou donn mon laparol.  Departman Kiltir son manda se pou devlop Polisi, prezerv Kiltir e Lar avek bi kontribye anver devlopman ki soutenab.  Ekonomikman annan en bon devlopman sosyal ki pour asir en Nasyon sen e fyer.  Dan nou Departman Kiltir nou annan nou 8 diferan seksyon.  Nou annan nou Libreri Nasyonal, Larsiv Nasyonal, Mize Nasyonal, seksyon Leritaz e Resers.  Nou annan nou lofis Drwa Doter ; nou annan nou National Conservatoire of performing arts  e nou annan film unit.  Apre nou seksyon administrasyon.  An tou Departman Kiltir in ganny li en Bidze R58 milyon 113 mil e 570.  E son Bidze in ganny diviz an saler, savedir bann konpansasyon pou  anplwaye i 24 milyon 836.26.  Komodite e servis i R23 milyon 685.30 e proze mazer i R9 milyon 592 mil –  an tou ki fer en total R58 milyon 113 mil.  Sa i en pe mon lentrodiksyon. Si zot annan okenn kestyon a lekout. Mersi.

 

MR SPEAKER

E pou lenformasyon bann Manm paz 491 i paz ki annan budget summary, ek budget overview pou Departman Kiltir.  Onorab Prea.

 

HON NICHOLAS PREA

Mersi Mr Chairman mon ti a kontan dir bon apre midi tou dimoun.  Mon kestyon i al avek PS.  Mon ti a zis kontan demann li sa allowance ki Minis avan ti promet bann Staff vizavi fungus si i tonm dan sa Bidze?  Si bann Staff pou gannyen zot allowance?  Kan i annan en konsern piblik deor kan eski Library pou re ouver  –  Pou retourn en Library ?  E si eski zot in fer provizyon anba sa Bidze,  si ler Library pou ouver pou refurbish Library avek nouvo liv ;  An vi ki mon konpran leta sa 3 container liv Providence pa bon ditou.  Si i kapab donn en pti pe osi.  Si petet zot a verifye osi tou ki leta sa 3 container liv i ete laba Providence.

 

PS BENJAMINE ROSE

Mersi Onorab pou kestyon. A n se ki konsern allowance.  Wi nou annan provizyon pou allowance nou bann Staff Larsiv e nou bann staff library.  Annefe allowance zot in komans gannyen depi Zilyet ziska Desanm sa lannen.  E i annan provizyon pou 2017.  Dezyenmman reouvertir seksyon lending kot national library kot an se moman i annan Biro Eleksyon,  sa i en desizyon Gouvernman ki pou pran.  E ler Gouvernman i a pran desizyon i a enform nou.  3enm kestyon ki ou’n demande Onorab state of container sa bann liv; annefe wi i annan 3 container.  Pour ou lenformasyon i annan 2 container ki liv i bon ki ladan.  Ki nou’n kaste nou’n byen dan bwat.  Apre i annan en container mon krwar si zot rapel ti annan 1an pase en outcry kan nou ti zet bann liv e me mon ex-Minis ti monte ti eksplike ti demann apology.  E dan sa en container i annan bann liv ki nou konsider bann vye liv.  E ki nou, nou pe esper, nou’n zwenn bann diferan Lotorite pou nou vwar ki mannyer.  Si i bon pou konmans konsonmasyon piblik oubyen si nou pou bezwen dispose.  E ki mannyer nou dispose sa bann liv.  Mersi.

 

MR SPEAKER

Onorab Larue.

 

HON FLORY LARUE

Mersi Mr Speaker, eski ou kapab eksplik nou ki pe arive avek konkour Pri Distrik Kiltirel ki zot in set up?  E sa lannen i pa’n ganny fer.  Eski ou kapab dir nou akoz sa pa’n arive ?  Mersi.

 

MR EMMANUEL DOFFAY

Mersi Onorab Larue, Mr Chair Pri Distrik ti ganny lanse an 2013 e i ti ganny efektye.  Pri ti ganny efektye prezante lannen pase 2015.  E i pa’n ganny lanse ankor akoz dapre son progranm.  Se ki i ganny lanse tou le 2an. Alor 2015, 2016 se  i pou ganny lans an 2017.  E rezon ki Pri Distrik pa ankor ganny lanse osi se akoz nou annan nou bann proze tre enteresan ki’n ganny soumet par bann diferan distrik e nou prezan nou oule al enplimant sa bann proze avek zot lasistans.  E zot input ladan pou nou a kapab dabor enplimant sa bann proze apre kontinyen lans Pri Distrik.

 

MR SPEAKER

Onorab Woodcock.

 

HON WAVEL WOODCOCK

Mersi Mr Chair.  Mon kestyon i koumsa.  Mardi le 26 Zilyet 2016 sa lannen Minis Kiltir sa letan Minis Sainte Ange ti vin devan 5enm Lasanble konfirmen ki Gouvernman ti donn kare later PR4030 lo zil Eve Baie Sainte Anne Praslin.  Avek Departman Kiltir pou fer en sant Kiltirel.  E sa alokasyon ti ganny fer an 2011.  Sa sant ti pou donn servis bibliotek, Larsiv Nasyonal, Leritaz Nasyonal e Konservatwar Lanmizik.  Minis St. Ange ti dir ki proze ki ti sipoze konmanse an 2014 pou aprezan konmanse an 2017.  Me mon pa pe vwar dan Bidze anba ‘capital project’ kote sa proze i feature.  Eski Minis i kapab dir sa Lasanble si sa later i ankor dan posesyon Minis Kiltir e  eski zot pe anvizaze konmans sa proze ?  Akoz zabitan Praslin e sirtou bann artis Praslin pe espere.  Mon dezyenm kestyon se, eski Minis i kapab get dan welfare bann artis Praslin I mean mon konnen resaman fek fer en aktivite Praslin ki ti ganny fer kot PS ti la.  OASIS.  Me selman still napa ase aktivite ki pe ganny fer lo Praslin pou ankadre bann artis e napa en landrwa santral kot bann artis i kapab ale pou ganny bann lenformasyon.  Sirtou bann form pou ranpli pou zot partisip dan bann aktivite ki ganny fer lo Mahe.  Eski Minis i kapab get ladan e mon asire si sa sant Kiltirel i ganny fer sa i  pou en landrwa ki kapab fasilit bann artis avek bann lezot aktivite Kiltirel ki bann zabitan Praslin i anvizaze fer.  Eski mon kapab ganny en pe leklersisman lo la.  Mersi.

 

MR SPEAKER

Mersi Onorab i annan 2 kestyon.  Minis oubyen PS?  PS.

 

PS BENJAMINE ROSE

Mersi Onorab pour ou kestyon.  Ou premye kestyon sa ki konsern sa sant Kiltirel lo Eve.  Wi i en proze ki lo nou plan devlopman pou Departman Kiltir.  I en proze kot nou’n dir i pa’n paret lo plan 2017 selman lo nou gran plan 5an nou proze i paret lo la.  Akoz nou konnen poudir bann dimoun Praslin – artis Praslin i devret annan sa servis.  Alors nou’n an diskisyon avek Minister Finans pou nou fer sa proze konman en PPP project.  Ki nou vwar i pou pli soutenab e i ava benefis tou zabitan Praslin.  Ou dezyenm kestyon ki ou’n dir bann Praslinwa zot napa ase aktivite Kiltirel lo Praslin.  I en pwen kot nou ti remarke pou dir Praslin i napa ase aktivite e se pourquoi ki 2an pase nou ti konmans fer Praslin Culinary and Arts Festival.  Pou nou anmenn bann Praslinwa ansanm e pou nou kapab ed zot ekspoz zot talan artistic dan bann diferan domenn, legzibisyon, show Kont Animen .  Annefe tou sa ki egziste lo Praslin.  Nou osi annan nou Konsey Nasyonal pou lar kot nou CEO pli tar i kapab koz lo bann langazman ki Konsey in pran ansanm avek bann artis Praslin pou fer sir ki zot osi zot ganny menm loportinite, pou zot kapab epanouir lar e zot bann talan an zeneral. Mersi.

 

MR SPEAKER

Onorab Afif.

 

HON AHMED AFIF

Mersi Mr Chair.  Bon apre midi Minis ek ou delegasyon.  Minis letan mon get ou Bidze opret is 2 an pase ki ti R40 milyon.  Ozordi ou pe depans pres R60 milyon ki 50 poursan logmantasyon dan 2an.  Donn nou en pti pe detay lo saler lo bann saler konbyen dimoun ou anploye eksetera.  Apre bann gro depans parey ‘office expenses’ R10milyon pou en Departman Kiltir ki annan very high expenses.  Apre ‘other use of goods and services’ tre o li osi R8 milyon.  R3milyon pou ‘minor capital’ pardon sa ti pou lannen pase.  Sa lannen osi tre o R5 milyon.  R2 milyon pou ‘minor capital’ epi sa R9.6 milyon pou ‘capital expenditure.’  Si ou kapab donn nou en pti pe leksplikasyon e zistifikasyon akoz ou bezwen ganny 50 poursan logmantasyon dan tou ou bann depans avek pros 25 poursan dan ou bann saler.  Eski ou’n anploy 25 poursan plis dimoun oubyen zis dimoun in ganny logmantasyon. E prenan kont ki rapor Oditer Zeneral pou 2015 lo Departman Kiltir i montre bokou defayans dan management larzan.  Mersi.

 

MR SPEAKER

PS oubyen Minis.

 

PS BENJAMINE ROSE

Mersi Onorab premyerman an se ki konsern saler.  Si ou pe konpar li an 2015 pou 2017.  Nou’n vwar ki’n sorti R19 milyon pou vin R24 milyon.  Sa i akoz nou’n etablir bann Scheme of Service pour tou nou 7 Departman dan.  Nou 7 seksyon dan Departman Kiltir.  I annan Scheme of Service pou National Library, i annan Scheme of Service pou National Museum, National Archive, National Heritage and Research, Copyright Office e National Conservatoire of performing arts.  Sel seksyon ki pa ankor fer en Scheme se Film unit e ki konpri 3 dimoun.  Se pourquoi Mr Onorab sa ogmantasyon dan saler e ou pou bezwen osi pran an kont ki i annan Trezyenm Mwan Saler osi ki’n enkli ladan.  Mersi.  Ou 2enm pwen i konsern si mon ganny li byen ‘’other uses of goods and services’’ dakor.  ‘’office expenses’’ ok, ‘’office expenses’’ mon bezwen fer note poudir an 2017 nou pou ganny nou en nouvo landrwa pou nou mize.  Ki i pli gran kot nou mize ti ete.  Avan i ti dan main batiman National Library. La i pou trouv li an kot ex- Supreme Court ti ete.  E definitivman nou pou bezwen mentenir sa landrwa e osi nou Heritage Research kot ex- Magistrate Court.  E sa osi i montre en ogmantasyon dn ‘office expenses’ ki nou bezwen antretenir.  Mersi.

PSIP mon kapab kontinyen.  Ou lot i  ‘other goods and services ‘ok.  Sa i an relasyon avek bann nouvo batiman osi ki nou pe gannyen.  E sa I vin plis dan kou elektrik akoz mon’n fer deza mon’n fer en pti resers pou vwar.  Nou kou elektrik i ariv R3.4 milyon alors si dan sa R5 milyon deza R5.3 ou tir ou R3.4, savedir i pa reste nou bokou pou bann lezot day to day running of the Ministry of the department.  Mersi.

 

MR SPEAKER

Onorab Afif klarifikasyon.

 

PS BENJAMINE ROSE

Size PSIP mon sa ki konsern art stadium, renovasyon ex- Supreme Court.  On ava les PS Finans reponn akoz i en proze Gouvernman an zeneral.  E apre nou’n ganny nou R1.1 milyon pou nou repar nou batiman stone building pou Mont Fleuri kot nou pe fer.  Akoz sa batiman i ase vye alors nou pe fer en reparasyon total lo la.

 

MR SPEAKER

PS Finans.

 

MINISTER IDITH ALEXANDER

Permet mwan pou dir Mr Speaker pou dir art stadium ki ti kout R12 milyon.  Pou sa lannen nou pe anvizaze pou termin li Oktob 2017.  E sa i annan R6.5 milyon ki’n ganny mete pou sa art stadium pou lanmizik.  E apre i annan sa exSupreme Court ki annan R1.5 ladan sa en proze Public Private Partnership ki i a pase pou PS eksplik ou ki mannyer ti deroule sa enn.  Mersi.

 

MR SPEAKER

PS Payet.

 

PS PATRICK PAYET

Thank you Mr Chair, thank you Onorab Afif.  Pour the ex- Supreme Court R1.507 renovation of the ex-Supreme Court to the anba P3.  Anba PSIP paz 17 PSIP.  Total sa kou sa building ki nou’n fer li avek parey mon ti’n anonse letan mon ti  e koz lo Mayor’s Office.  Sa 3 proze Gouvernman ki nou ti pe pilote anba PPP avek GICC Mayor’s Office ex-Supreme Court avek Independence House.  Pou lannen prosenn nou ti pe anvizaze pey R1.5 milyon e an total sa proze pe kout apepre R15 milyon.  E parey nou’n dir ek Lasanble ki nou ava revwar avek early next year.  Revwar sa proze an son totalite pou vwar sa PPP Kontra ki nou’n sinyen.  Pou regarde ki pozisyon si nou pou repran li dan Bidze.  Me selman nou, nou ava fer en proper assessment apre nou ava vin back avek National Assembly.  Thank you.

 

MR SPEAKER

En pti follow-up dernyen Mr Afif.  Onorab Afif.

 

HON AHMED AFIF

Zis pou dir ki R3 ekek milyon ki zot pe peye pour elektrik i preski R9 mil par zour ou pe pey elektrik.  Napa en fason pou redwir sa ?  I en kantite larzan.  Petet i annan en keksoz ki zot pe servi an plis.  Zis pou nou kapab redwir en pti pe kot i posib.

 

MR SPEAKER

PS.

 

PS BENJAMINE ROSE

Mersi Onorab les mon eksplik ou en pti gin an detay.  Ordinerman ler nou nonm Departman Kiltir nou mazin i annan zis en batiman kot Libreri Nasyonal.  Annefe Departman Kiltir i eparpiye, i annan Libreri Nasyonal, i annan kot NCPA, i annan Natural History Museum ki ex- Carnegie.  Nou annan osi ex- Magistrate Court e ler ou pran tou sa bann building ou met ansanm.  Ou get son kou elektrik ou vwar poudir i zistifye pour annan pou en lannen R3.4 milyon.  I annan record centre ki Providence.  Apre nou annan nou Archive ki nou bezwen kit aircon 24er ladan.  Alors mon krwar sa Bidze R3.4  ler ou’n diviz li par tou sa batiman.  Ou’n diviz li par tou sa mwan i rezonnab.  Nou elektrik ki nou pe peye.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Chairman.  Mr Chairman an vi ki nou pe koz lo Kiltir eski mon ti a kapab fer en pti sizesyon oubyen en pti demann ki Minister la Kiltir i fer en progranm pou nou donn non pozitiv bann keksoz olye apel zot ex isi e ex laba.  Ki’n vin en pti pe.  I tris pou dir ki nou Kiltir dan sa pei.   Mon kestyon i konsern sant Kiltirel ki annefe i Bibliotek Nasyonal.  Etandonnen ki sa building ti ganny sponsored par en Trust Fund ki ti lev larzan pou fer en bibliotek avek.  E ki ozordi i efr tou keksoz sof en bibliotek.  Eski mon ti a kapab demann Minis Kiltir pou vin en pti pe plis proactif vizavi Gouvernman ?  I pa pou esper zot tir Electoral Commission la me donn zot en deadline pou zot ale.  Pou ki sa building i a kapab repran son evokasyon son lide orizinal.  E dan sa loptik dan sa laliny eski nou ti a mon ti a kapab eksplik nou en pti pe ki pe arive avek Larsiv Nasyonal lo nivo modernizasyon sa Larsiv e prezervasyon bann keksoz valer ki annan dan sa landrwa.  E si ou annan letan Minis oubyen PS ou ti a kapab dir nou si i annan okenn larzan pou Mize de la Marine an 2017.  Sa proze ki lo drawing board.  Mersi.

 

MINISTER IDITH ALEXANDER

Mon a pran sa premye bout lo kote pou vin proaktiv.  Mwan le moman ki mon’n join sa Minister i vre mon’n pase mon’n fer letour.  Nou vwar nou santi dan nou diskisyon ki nou pou fer ki fason nou pou reorganize.  Ki ansanm nou pou bezwen asiz ansanm avek Minister Finans pou nou kapab regarde.  I vre ki ler ou pe dir pou bann travayer ou pe ekspekte ek zot.  Zot lanvironnman kot zot pe asize osi sa i en priyorite.  Konsernan sa 2 pou Archives avek pou La Marine mon a pas avek PS i ava donn ou plis lenformasyon lo la.  Mersi.

 

MR SPEAKER

PS.

 

PS BENJAMINE ROSE

Mersi Onorab an se ki konsern modernizasyon Archives wi  i en proze ki annefe nou pe travay lo la.  Nou’n fini konmans met li an versyon nimerik.  Nou annan parey ou vwar nou annan dokiman dan Archive.  En kantite dokiman e pou pran nou en pe letan pou nou kapab fini met li lo version nimerik.  Pou li kapab pou piblik an zeneral i kapab ganny akse avek.  Wi nou pe travay lo la.  E an sa ki konsern Musée de la Marine.  Musée de la Marine i reste i en konsep kot nou ti anmenn devan conseille de ministre.  E zot in etabli e nou bezwen diskit avek bann lezot partner pou nou vwar ki bann prosedir ki nou swiv e ki bann Lagreman ki nou tonm dakor pou nou kapab evantyelman fer en Bidze-  fer en plan pou nou dan bann lannen lavenir ki vini pour kapab.  Non i pa dan Bidze 2017 me i dan i bann prozeksyon ki nou pe fer pli tar.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker premyerman mon ti ava parske nou’n koz bokou lo sa bann PPP ki in fact pa PPP.  Mon kontan ki Minis ki PS in fer en statement lo la pou revize.  Akoz nou pe dekouver ki depi nou pe fer sa Bidze petet pour ou lenformasyon Minis.  Nou pe dekouver ki bokou sa bann PPP i zis en fason pour Green Island Construction Company avek Green Apple fer bokou larzan lo Green Tree.  Pran larzan Gouvernman e apre sarz bann sonm ekstra.  Mr Chair mon konnen ki pou dir Minis i nouvo.  E mwan anvi zis point out serten keksoz.  E mon demann zot ki mannyer zot pou fer ek zot Bidze.  Parske Rapor Ooditer Zeneral pou 2015 i montre ki pou dir Departman Kiltir i enn bann landrwa kot i annan bokou problenm.  Kot zis pou lir enn de.  En lenstans kot 243 mil 653 mil roupi napa supporting documents.  R459 mil 605 roupi outstanding unpaid Bills ki outstandingConservation materials ki ou’n anvoy en dimoun Maurice e apre pa konnen kot larzan in ale.  Festival Kreol ki zis en landrwa ou a krwar ki donn bal.  Parski zot pa’n prepar okenn.    E kot larzan Festival Kreol R261 mil roupi 90 sou ki ganny servi pou al lafet 15 Out Assumption.  Lafet Lasonpsyon La Digue.  Ki Minister pe fer ki Minister pou fer anba nouvo direksyon pou koup sa bann donn bal.  Espesyalman la ki Bidze in monte parski in perdi en kantite larzan.   E an plis ki sa eski en pe parey nou’n fer avek DefansEski nou ti a kapab fer en demann atraver PS pou Finans pour ki parey La Defans bann lezot Departman Gouvernman osi tou, zot pa ganny permisyon pour ouver bann kont dan bann lezot labank.  Me ki tousala i pas atraver Trezor pour ki i annan proper accountability.  Parske sa ki nou pe vwar la Mr Chairman i totalman pa akseptab akoz plis ki R1 milyon sa, sa ki oditer in vwar.  Me I am sure parske la en lezot lenformasyon.  Me selman Minis parey mon pe dir mon konnen, ki pou dir pa pou ki ti la ok.  Non, non mon pe zis fer soz konmsi an relasyon avek sa ki mon pe dir.  Mersi bokou.

 

MR SPEAKER

I riske ki mon krwar mon biro in resevwar sa Rapor Oditer Zeneral yer.  So i riske ki Minis ek PS pa ankor vwar.  So petet mon a demann zot si zot in ganny vwar.  Minis.

 

MINISTER IDITH ALEXANDER

Mr Speaker i vre i zis ler mon ti pe asize dan ‘lunch in antre.  Mon’n pas en pti pe vitman lo la   i enportan sa ki ou’n vwar i vre i annan ki mon’n vwar.  Sa i lenportans ki zot pe vwar ki akoz mon pe met en divizyon hr ek ladministrasyon.  Se pour sa ki sa divizyon pou ganny gete parey en Oditer pou Minister.  Konsernan pou Festival Kreol i sanmenm sa ki CINEA osi pou vin enn son manda.  Apre nou a pran li taler ler CINEA pou fer.  Pour nou kapab ki li ki organiz bann aktivite lo national level tou bann aktivite.  Me PS in met son pti bann zafer son festival son depans me nou pou bezwen al asize parey ou dir.  Mon fek vwar rapor by demen ler mon’n dan lofis nou pou size pou analize.  I dan sa fason pou nou vwar tou bann pti defayans pou nou kapab korize ki i ava improve i pa ava vin ankor koumsa.  Me selman mon a les PS apre pou kapab elabor en pti pe lo la.  Mersi.

 

PS BENJAMINE ROSE

Mersi Onorab.  Wi i annan ban non-conformant dan rapor Oditer.  I napa okenn larzan manke i annan non- conformant dan Bidze Departman Kiltir.  E an se ki konsern Festival Kreol son kont zot kapab verifye pou sa lannen ki in fer 2015.  Sel keksoz ki in fer sa fiy i pa’n issue en receipt.  Selman i annan bann sertifika ki’n ganny issue.  I pa’n issue receipt avek sponsor ok?  Sa i en defayans ki  i pa’n fer e apre i annan 8 item ki’n ganny peye pou bann lezot aktivite dan kont Festival Kreol.  Me selman ki pa Festival Kreol.  I en non- conformant wi, me selman sa 8 item in ganny peye pare you dir anba lafet La Digue.  Lafet La Digue 15 Out i pa en lafet endividi i osi feature konman en lafet Nasyonal lo kalandriye now ki CINEA.  Savedir i ankor en keksoz lafet Gouvernman par sa legzanp ki ou’n donnen.  E dan sa bann sityasyon kot ler ban lafet nou fer ki annan 8 lafet Nasyonal enkli lafet La Digue ki nou fer.  In ariv dan lenstans parey Odit in montre ki nou’n pey en bann serten bills anba Festival Kreol akoz son urgency.  Parey Bidze i release quarterly e si i annan en urgency in arive nou’n peye kot apre nou’n re apropriye dan Bidze Festival Kreol.  Mersi.

 

MR SPEAKER

Mersi PS Payet oule azoute?

 

PS PATRICK PAYET

Mersi Mr Chair, mersi Onorab pou raise bann konsern especially avek Treasury Single Account.  Usually letan nou’n donn laprouvasyon espesyalman enn de sa bann entities ki resevwar Grant avek private sector.  Nou’n vwar anler private sector osi letan nou’n operate dan Treasury Single Account.  Letan sirtou letan nou ti konmanse an 2010 nou ti vwar ki zot pa ti oule tro konmans sponsor zot ti krwar ki kekfwa sa larzan Gouvernman pe al pran pe al fer en lot keksoz.  Me selman nou kapab garanti avek private sector any Grant ki zot don specific pou en progranm.  Gouvernman pa kapab pran li pou fer lezot progranm.  Me selman definitivman parey lalwa PFM i dir e regilasyon.  I annan son bann kriter ki zot tou le mwan submit en pe bann detay kalite depans.  Me nou kapab revwar parey Oditer Zeneral in raise dan son Rapor pou 2015.  Nou ava asize avek Departman Kiltir pou vwar en pe sa bann anomalies ki egziste.  E si i arive nou a kapab tourn li back to Treasury Suspense Accounts met li parey en Grant in transit.  E nou ankouraz private sector osi si i arrive nou fer sa pou zot si zot anvi kontinyen fer donasyon.  Spesyalman zis pou sa bann progranm zot kontinyen fer li e nou garanti nou pa pou al servi li pour en lot keksoz be i pou specific pou sa progranm.  Mersi.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Chair.  Mr Chair mon kestyon an se ki konsern i annan en pe letan nou’n pas en mosyon dan Lasanble.  An se ki konsern nou pou troun Kiltir lo nivo distrik e mon konnen ki kestyon pa binding.  E mon asire ki Minister Kiltir zot in bezwen ekoute e zot in sa.  Ki zot pe mazinen pou fer an se ki konsern dan sa domenn pou kapab anmenn sa.  E apre kan ki divizyon Kiltir Minister Kiltir pou fer en proper National Awards pou bann artis ki pratik tou form lar isi Sesel.  E zis parey zot fer pou Sports Award akoz i tonm anba ou Minister.  Minis mon krwar ou devret kapab fer keksoz lo la.  E la sa Pri Distrik sa Pri Kiltirel Distrik i ava osi ganny enkli ladan.  Mersi Mr Chair.

 

MR SPEAKER

Minis oubyen PS?

 

MINISTER IDITH ALEXANDER

Lo konsernan pou Award i annan en Award ki nou pe…  En Arts Award ki nou pou propose pou 2017 ki nou pe travay lo la.  Konsernan pou Kiltir mon pou koze apre mon a pas avek PS. Me selman parey mon’n dir nou pe travay lo en plan pou 5an pou Minister.  E i enn ki mon’n mete priyorite ki mon pe demann zot.  Nou annan en divizyon Kiltir osi.  Mon’n demann li konman Departman Kiltir.  Lo konsernan vizibilite ek Kiltir pou nou kapab re anmenn li.  So i annan en travay ki zot pe fer e mon a demann l ii ava kapab elabor en pti pe lo la silvouple.

 

MR SPEAKER

PS.

 

PS BENJAMINE ROSE

Mersi Mr Chair, mersi Onorab.  An se ki konsern zot mosyon pour anmenn Kiltir plis dan distrik.  Annefe si mon memwar i bon dernyen fwa nou ti dan Lasanble sa i ti en pwen kot nou ti diskite.  Kot nou ti sizere kekfwa dan le fitir i annan bann cultural officer dan distrik menm par rezyon ki antreprann e manage Kiltir pour ed Minister Community Development pou fer distrik lo.  Pou fer Kiltir lo nivo distrik.

Selman an menm tan fodre nou konsyan ki nou konman dan Departman Kiltir nou fasilite.  Nou en facilitator en fasilitater e i pran devosyon.  I pran komitman bann dimoun lo nivo distrik ansanm avek sipor bann Onorab ki la pou nou kapab fer distrik.  Kiltir marse dan distrik.  E nou envit zot annefe dan nou plan 2017 nou’n mete ki i annan en lazournen kot avek permisyon Chair sertennman kot nou vini nou eksplik zot byen fonksyonnman Departman Kiltir.  Tou son bann Departman ki i fer e zot a konpran en pe plis nou Departman k ii fer.  An menm tan zot ava donn nide ki nou konman en Departman nou kapab fer pou amelyor sityasyon Kiltir lo nivo distrik.  Mersi.

 

MR SPEAKER

Onorab De Letourdie.

 

HON JANY DE LETOURDIE

Mersi Mr Chair, bon apre midi tou dimoun.  Minis depi ler ou’n vin nouvo Minis Kiltir mon pe anvi demann ou ki bann demars ki ou’n fer.  Bann mouvman ki ou’n fer.  Eski ou’n konsilte artis, bann lasosyasyon, bann stakeholders pou santi ou en pti pe pli pros avek sa domenn?  Oubyen ou pe rely petet zis lo bann advisors ban dimoun otour ou en?

Mon dezyenm, eski Minis ou krwar ki dan sa lendistri eski ou krwar i annan potansyel pou vin en lot pilye nou lekonomi?   Trwazyenm mon mazinen petet ou’n tous en pti pe akoz mon ti pe dir ki bann proze prensipal ki ou Minister pe enplimante par rapor a promosyon e devlopman Kiltirel?

 

MR SPEAKER

Petet sa enn dernyen nou kapab esper bann Lazans pe vini parey National Arts Council.  Si Minis i oule reponn silvouple, go ahead.

 

MINISTER IDITH ALEXANDER

Konsernan si mon pe rely lo mon bann Advisor.  Mon’n pran lofis le 7 Novanm mon ti bouze.  En Lendi le 7 Novanm e ladan mon annan Departman pour Sport, mon annan pou Lazenes wi pour Kiltir.  Mon’n ganny sans mon pe pase mon pe vwar –   mon’n vwar pou Federasyon pou Sport.  Mon pe vini mon pou mon kapab zwenn avek bann artis.  I enportan pour ki ou annan sa zorey pour ekoute. Mon pa pe rush avek things pou mon degaze mon pe ekout zot tou.  E mon pe demande pou sak sa ban Lazans osi e Departman.  Mon’n eksplik zot ki mwan mon pe antisipe mon anvi vwar parey zot.  Sa evolisyon pou bouze pou fer nou bann artis e la mon pe fer zot konsilte.  Al zwenn zot bann Lasosyasyon Federasyon.  Nou pe travay lo en plan ki byento apre mon kapab prezant li pou mon Minister e id an mon plan pou mon kapab kontinyen travay avek zot.  Mon pa pe vin travay pou mwan mon tousel ek mon bann Advisor non.  We are there, government i la pe donn en servis.  E pou donn en servis mon pa pe donn mon Advisor ek mon PS.  Mon pe donn sa piblik sa artis sa servis.  So mwan mon pe regard li.  Konsernan ki ou’n demann mon si nou kapab pou bouz li lo en lot letap.  Wi mon pou dir ou wi mon vwar.  Akoz si ou ti get byen CINEA  apre i a vini.  Ler ou ti get li byen i dir creative industry, i pe vin pou kreativ.  En lendistri pou nou vin inovativ kreativ pou zot kapab bouze pou vin lo en lot nivo.  E en keksoz for ki mon pe regarde dan sa Minister ler mon pe get li.

Mon 3 portfolio ki mon annan ler nou pe gete nou bann korperasyon ki nou annan bilateral.  Sa i enn ki mon pe vin met lanfaz lo la.   E i sa rezon ki zot, zot in vwar bomaten.  Si zot in get byen mon striktir mon’n donn zot en pti overview.  Mon’n dir i en unit mwan mon’n dir en divizyon.  Ler ou pe koz en keksoz en divizyon i pli for ki en unit.  I pli for ki en seksyon.  So par sa ki aksyon ki ou pe fer annan ler pa fodre ki ou koze.  Koze ou kapab koze depi bomaten ziska tanto mon a dir sa ki mon pe fer.  Me sa ki enportan get sa aksyon ki nou pe vini.  La i la e mwan the minute nou ganny plan zot la.  Tou sa bann antite ki pe vini i annan zot Act.  Pa mwan ki’n fer Act ti aprouv la dan Lasanble.  E tou sa bann Lalwa i annan zot bann fonksyon i annan enn in dir pa li.  Mon konnen pou dir pa ou me ti aprouve.  I la pou ou kapab ziz-e pou ou dir si nou pe delivre si nou pa pe delivre.  E i annan bann fonksyon kler ki mwan mon bezwen fer sir ki arive.  Pou mon fer sir pou mon achieve mon target.  Mon mazinen ou satisfe.

 

MR SPEAKER

Mersi oule klarifikasyon Onorab De Letoudie?  Proze, be petet taler ler CEO Creative Industries and National Events Agency i vini a kapab koz lo la.  Wi pa reste nou bokou letan mon a donn en kestyon pou bann dimoun ki reste pou koze.  Onorab Mondon en kestyon.

 

HON TERENCE MONDON

Mersi Chairman mon ti annan 2 me ok.  Mon a swiv ou gidans.  Alor mon kestyon se Minis pou Finans dans on deklarasyon ler i ti prezant Bidze.  I ti dir ki i ti anonse k ii pou koup depans litilite dan bann Minister, Departman, lazans.  E ler mon’n antann PS pe koz lo kou litilite pou depans elektrik.  Eski i kapab konfirmen ki i pou kapab arrive zwenn sa 10 poursan ki Minis in anonse.  Si non akoz?  Mersi.

 

MR SPEAKER

PS.

 

PS BENJAMINE ROSE

Mersi Onorab pou kestyon.  Annefe mon’n koz lo kou elektrisite dan ‘’other uses of goods and services’’ dakor.  Prezan nou Bidze parey zot annan devan zot, zot vwar pou dir i annan bann diferan lezot konponan ki vin nou Bidze total,  E Bidze ki nou’n gannyen nou ceiling mon krwar comme en Departman avek en bon zesyon ki nou fer li byen.  nou pour arive attempt nou bann target ki nou nou’n planifye pou 2017. Mersi.

 

MR SPEAKER

Onorab Valmont en kestyon.

 

HON JUDE VALMONT

Yes mersi Mr Speaker mon kestyon i annan detrwa pti kestyon.  Zis en kestyon Selman en.  Mon’n tann PS nonm Mize la marin.  Mon pe zis demann PS i dir i pa dan Bidze 2017.  Mon pe demande sa proze son konsepsyon eski in ganny konsevwar?  Ki staz i ete?  Si i dan lespri la transparans si in ganny diskite avek manm piblik?  E si pa ankor mon pe zis propoze ki sa i ganny fer avek bi lo kote larzan pou li vin profitab.  Ou fer Mize apre petet fer en pti vilaz kreol ki Seselwa i kapab vin laba e donn li en valer azoute vann bann prodwi e fer en pti larzan avek.  Mersi.

 

MR SPEAKER

Ok Minis.

 

PS BENJAMINE ROSE

Mersi Onorab annefe konsep Mize de la Marine i zis lo papye.  E pou diskit nide an zeneral i involve plizyer Minister.  MLUH, Lanvironnman, Foreign Affairs, Kiltir menm kot lo latab.   Nou tou ansanm nou’n diskite e nou vwar pou dir proze li menm nide i byen.  Nou pa ankor ni menm finaliz lo en plan.  Avek ou sizesyon mon krwar i neseser pou dimoun an zeneral met nide ansanm pou nou kapab al afen dizour si nou anvi annan Musée de la Marine.  I en mize ki Seselwa a santi li pou dir in kontribye anver sa prodwi an zeneral.  Mersi.

 

MR SPEAKER

Onorab Arrisol en kestyon.

 

HON SANDY ARRISOL

Mersi Mr Speaker mon ti anvi demann en kestyon.  Mon ti anvi demann PS si  i kapab eksplik Lasanble lekel propriyeter Craft Village avek l La Bastille.  Si i ankor pou Minister Kiltir oubyen in ganny fer tender?  E lekel sa ki’n gannyen pou sa 2 landrwa ?  Mersi Mr Chair.

 

MR SPEAKER

Minis oubyen PS.

 

PS BENJAMINE ROSE

Annefe Craft Village i pou i tonm anba Seychelles Heritage Foundation ki nou annan son CEO.  E proze la bastille osi i tonm anba Seychelles Heritage Foundation.  Mon a donn ou en e leklersisman e apre CEO i kapab eklersi an zeneral pli byen.  Craft village Domaine de Val Des Pres i propriyeter Gouvernman anba direksyon SHF e ladan i annan bann diferan prosesis pou nou fer bann diferan alokasyon.  Kot i annan bann kyosk kot bann dimoun in demann in met tender e dimoun in respond.  Ki prosesis pe ganny fer pou ganny alokasyon sa bann kiosk.  Dan vilaz li menm kot i annan kyosk ok?  Sa i pou Gouvernman li menm dakor.  E i annan en lot bout kot Madanm Savy apre konman CEO i ava eksplik ou an detay si oule plis detay.  An se ki konsern La Bastille.  wi in met lo tender e ti annan 3 biznes ki ti respond to the tender.  E parmi sa 3 ti osi annan kriter akoz zot bezwen mazinen pou dir La Bastille.  i en Moniman Istorik.  Osi SHF in etablir bann kriter pou dir sa bann ki ganny tender i respekte sa bann kriter ki son Moniman i reste dan son bon leta istorik.  Parey nou dir an angle ou pa deface the monument in the building itself.  E tender alafen dizour La Bastille Company.  I pa company limited ki’n gannyen e madanm Savy i ava dan en pli bon pozisyon pou reponn ou.

 

MR SPEAKER

Voila mon krwar PS nou petet nou a esper ler nou ariv lo Seychelles Heritage Foundation pou nou koz lo la.  Akoz mwan osi sa i enteres mwan pou mon konnen ki’n arive avek La Bastille.  Onorab Vidot quickly en kestyon.

 

HON AUDREY VIDOT

Thank you Mr Chair mon ti oule zis demann avek PS lo paz 494 program 2.  Subprogram 2 with regards to bann training pou an term bann progranm ki zot fer.  I annan sa pou Miss Kreol la.  Sa proze ki pe vin avek.  Ki zistans i ete please, eski i pou ganny sipor?  Ki mannyer keksoz pe ale?  Mersi.

 

PS BENJAMINE ROSE

Mersi Onorab si mon ganny ou byen subprogram 2 i ‘developments of the arts’ dakor.   E nou toultan nou travay avek nenport artis ki santi pou dir i bezwen sipor.  Oparavan Departman Kiltir ti sarz tou sa bann diferan event.

 

HON AUDREY VIDOT

Mon pe koz lo sa pti bout petet kot i dir ou offer general training.  Ki mon konnen petet i pou tous en pti pe lo sa laspe kot Miss Kreol in annan sa proze la.  Sa ki mon oule leklersisman lo la. Mersi.

 

MR SPEAKER

PS.

 

PS BENJAMINE ROSE

Ok mersi mon’n vwar ‘development of the performing arts’ son aim se offer general training to the public as well as showcasing the skill of performing artist of the conservatoire.  Konservatwar ti pe deza ofer bann training bann diferan Miss either Miss Kreol or Miss Seychelles.  Kot zot santi i neseser annan sa bann training.  E si zot vini zot in demann nou pour ed zot dan sa fason byensir nou la konman en konservatwar pour ede.  E pou donn sa training sa skill nou pou fer li mersi.

Proze Ms Kreol i anba en endividi ki’n antreprann Miss Kreol.  I pa anba nou ziridiksyon konman Development of Performing Arts NCPA.  Me i anba endividi si sa endividi i vini avek son proze e dir par egzanp i dir nou, nou bezwen led pou li ladans tradisyonnel.  Sirman nou pou ofer sa bann led Selman proze i pa pou nou.  Si Ms Kreol i vini demen i bezwen okenn led nou, nou pou ofer sa bann led.  Ki nou santi nou kapab donnen dan nou kapasite.  Mersi.

 

MR SPEAKER

Minis oule azout en keksoz?

 

MINISTER IDITH ALEXANDER

Si mon’n ganny byen sa ki Onorab Vidot pe demande ki sis a i pe cater pou sa proze Miss Kreol. Wi, Miss Kreol ti vin vwar mwan 2 or 3 semenn pase.  I ti vin vwar mwan pou vin demande pou son proze.  Sa ki la dan Bidze i larzan sa ki nou dir tax payers money larzan Gouvernman.  Nou bezwen fer sir ki fason nou depanse.  Nou’n vwar dan rikord oditer in dir la deza i annan bann keksoz.

Miss Kreol in fer son proze ki nou’n demann li ler in vin vwar.  Mon’n demann li pou fer li en proze pou nou kapab evalye.  Pou nou kapab gete si nou kapab donn li sa sipor.  Akoz i pe fer pou fer pou li kapab promot Kiltir parmi nou bann zenn.  Me ler sa ki in eksplik mwan i napa nanryen konkret ki in vin donn nou dan nou lanmen pou kapab dir nou sa i sa proze.  In eksplik mon verbalman k ii pe antisipe pou son proze ki nou’n demann li  pou li al ekri fer lid an en form dan project proposal.  Nou  a regarde ki mannyer nou’n a travay pou kapab donn li sa sipor pou nou kapab.  Si i pou tonm dan sa Bidze sa mon pa pou kapab dir ou la.  Fodre nou vwar sa proze vini pou kapab gete dan ki vot pou nou kapab ed li. Mersi.

 

MR SPEAKER

Onorab Loizeau en kestyon.

 

HON NORBERT LOIZEAU

Mersi Mr Speaker mon annan zis en kestyon ek en pti leklersisman vit.  Mon anvi demann PS akoz zis bann travayer kid an ki enkli dan Scheme Library ek Archive ki’n ganny peye sa larzan konsernan fungus depi Zilyet ziska la ki pe donnen?  E akoz lezot travayer ki travay ki pa dan sa Scheme me ki travay dan Library ki’n osi ganny afekte zot, zot pa pe gannyen?  E en pti leklersisman konsernan Latroup Nasyonal.  Nou annan en Latroup Nasyonal se zot ki al reprezant Sesel deor lo kote Kiltirel.  E zot annan zot dimoun zot manager.  En pti leklersisman mon anvi demande akoz ki lately ler zot pe al reprezante sa dimoun pe ansarz Latroup li,   i pa ganny enkli dan sa delegasyon, en pti leklersisman.  Mersi.

 

MR SPEAKER

PS.

 

PS BENJAMINE ROSE

Mersi Onorab an se ki konsern allowance pou fungus.  Les mon eksplik zot byen.  I annan Library Nasyonal son batiman ek Archive ki ti ganny endike pou dir i annan en problenm.  Alors nou ti vwar avek DPA pou donn zot en location allowance ler ou dan sa batiman pour ou fer sir ki kot ou pe travay i annan sa risk ki asosye avek.  Bann lezot Staff dan lezot Departman pli tar zot ti vini zot ti dir pou dir zot osi zot annan bann siny ki zot osi zot osi zot pe ganny bann gratman.  Nou ti fer provizyon avek DPA pou demande pou dir zot osi zot ganny sa allowance.  E DPA ti donn zot sa allowance.  Apre ki problenm ti rezourd zot allowance in koupe.  Tandis ki library ek archive akoz zot kontinyen travay dan liv zot kontinyen dan vye papye,  Zot allowance i pou kontinyen.  Sa zot natir zot travay.  Bann lezot dimoun ki dan building i pa zot natir zot travay.  An se moman ki ti annan sa problenm zot ti gannyen e ler napa problenm zot allowance i arête.  Bann ki dan Archive bann ki dan library zot kontinyen travay dan bann vye papye dan bann vye dokiman.  Alors zot allowance i kontinyen ok.

An kestyon Latroup Nasyonal, Latroup Nasyonal i en Latroup Nasyonal.  Okenn letan dan lenstans kot zot al reprezant pei lo Departman Kiltir.  E Departman Kiltir ki anvoy zot nou fer sir zot al dapre lenvitasyon ki zot gannyen.  I annan pei i spesifye zot lenvitasyon.   I a dir ou anvoy 10 Manm oubyen anvoy 8 Manm.  I annan pei i dir ou anvoy en group Latroup Nasyonal.  E parfwa pei i pey akomodasyon, i pey tiket i pey tou keksoz.  I annan lenstans nou, nou bezwen pran kou bann keksoz.  Zot osi deservi STB.  E STB son regleman ki’n ganny dir pou dir nou servi larzan ki annan pou kapab anmenn Latroup.  E larzan i pou bann dimoun ki pe perform.  Si mon pou pey 7 tiket mon pou pey 7 tiket pou dimoun ki pe zwe, dimoun ki pe danse e ki perform.  Si mon vini mon pa pe fer nanryen e si mon Bidze pa permet mwan mon pa pou kapab anvoy ou.  Akoz ou pe vini ekstra ou pa pe perform.  Mon Bidze i allowed mon pou sa 7 dimoun ki perform.  Alors nou bezwen swazir nou anvoy 6 ki kapab perform nou tir 1 ki pa pou fer nanryen.  Oubyen nou anvoy 7 ki pe perform e nou kit sa 1 deryer.  Ou konpran ?  I bann desizyon koumsa ki STB ki fer.  Tandis ki Departman Kiltir  mon eksplik byen ankor i vin bann lenvitasyon Korperasyon.  E a sak fwa ki i vini nou fer sir ki manager Latroup i asiz ansanm ek nou, nou deside lekel ki pour ale sa bann trip.  Mersi.

 

MR SPEAKER

Onorab Loizeau ou annan en zis en klarifikasyon vitman.

 

HON NORBERT LOIZEAU

Wi en pti leklersisman.  Savedir ou pe dir nou i pa enportan ki annan en coach la sa letan ek zot ?  Konmsi coach i reste deryer?  Konmsi zis zwer ki ale coach i reste?

 

MR SPEAKER

PS quick leklersisman.

 

PS BENJAMINE ROSE

Mon a eklersi ankor Mr Onorab Loizeau.  Departman Kiltir mon asiz avek son manager son coach e nou deside ansanm lekel ki ale.  STB i pa dan ziridiksyon, STB i deside dapre son mwayen lekel ki ale.  Sak fwa STB i ale i annan en reprezantan STB ki al avek.  E ki get deroulman sa bann adilt.  Laplipar zot dan Latroup Nasyonal zot adilt.  I get zot bann bezwen e i attend to zot bezwen.  Tandis ki ler Departman Kiltir i ale Latroup i al lo li.  I napa en dimoun ansarz ki al avek li apar-t son coach oubyen son manager.  Mersi.

 

MR SPEAKER

Onorab Sebastien Pillay dernyen kestyon.

 

HON SEBASTIEN PILLAY

Mr Chair mersi me avan mon demann mon kestyon mon oule raise en matter ki mon consider li en matter of privilege of a member.  Mon pa oule spoil the mood of the house Mr Chair.  I pa mon lentansyon me Selman mon krwar pou dir si nou pli stringent lo letan,  ler nou konmans bann kestyon then i pou fer ki bann Manm ki vin apre si zot annan 1 oubyen 2 kestyon zot kapab demann zot kestyon.  Mon krwar mon’n fer mon pwen Mr Chair.

Mon kestyon i al pou Minis ek PS Payet.  I annan 9 propriyete ki’n ganny allocate anba Minister e mon prezimen i annan ankor lezot propriyete.  En konsern ki mon war pe vini se ki as sa bann propriyete i ganny allocate as an asset zot depreciate in value e i annan bann repairs and maintenance ki ganny fer.  Mon ti a kontan konnen ki zot pe fer an relasyon lo Minister Kiltir pou zot deal ek sa sityasyon.  Ki mannyer zot enkorpor nou bann assets anba zot financial management plan ?  E ki Minister Finans pe fer pou ki nou asire nou annan en progranm etandi.  Lo now nou annan bann repairs and maintenance, akoz disi la ankor dan 5an nou pou vwar Bidze ankor pe monte an relasyon avek repairs and maintenance lo bann building ki nou annan.  Mersi Mr Chair.

 

MR SPEAKER

Minis.

 

PS BENJAMINE ROSE

Mersi Onorab. I annan distenksyon avek bann entite antite Seychelles Heritage Foundation ki annan son Bidze apre Departman Kiltir ki annan son Bidze ok?  Nou fer sir kontinyelman nou annan nou bann batiman parey mon’n nonmen Libray Nasyonal, NCPA la kot nou’n demann dan Bidze.  Ex- Magistrate Court, National History Museum, ex-Supreme Court.  Sa i nou bann batiman ek record centre.  Nou fer sir ki nou, nou annan en Bidze ki ganny apropriye anba sa bann diferan progranm ki nou annan. E ler nou get nou Bidze anba sa bann diferan progranm.  Nou diviz li osi par kar e nou get an term priyorite an term mentenans kwa ki nou bezwen fer.  E sa nou fer li on a regular basis pou fer sir nou bann building i byen maintain.  Si ou get building kot sant Kiltirel Nasyonal ki nou konn li konman National Library.  Ou pou vwar i annan apepre 25 lannen in ganny byen mentenir.  Mersi.

 

MR SPEAKER

Byen avek sa Minis nou a pran en vot lo Bidze ki’n ganny propoze pou Departman Kiltir.  Budget overview and budget summary i lo paz 499.  Tou bann ki pour sa Bidze lev zot lanmen?  Tou bann – any dimoun ki kont?  Clerk.

 

MADAM CLERK

Mersi Mr Chair pour Departman Kiltir mon’n rikord 19 vot an faver.  In napa Manm ki’n vot kont.  Mersi.

 

NATIONAL ARTS COUNCIL

 

MR SPEAKER

Savedir Departman Kiltir ou Bidze in ganny aprouve par Lasanble Nasyonal.  Eski Minis nou kapab al deswit lo National Arts Council?  E demann CEO National Arts Council si mon’n konpran byen se sa ki nou ti le fer.  Wi Minis nou ti kapab demann CEO National Arts Council Mr Jimmy Savy pou vin asiz devan o-bor Special Advisor.  Parey labitid nou a demann CEO NAC pou fer en pti brief 4 ou 5 minit overview kwa ki zot pe sey fer e si Minis i bezwen azout i ava azoute.  Apre nou a pran kestyon lo NAC.

 

MINISTER IDITH ALEXANDER

Ok Mr Speaker mon a pran mon ava entrodwir li en.  Konsey Nasyonal pou Lar is a lazans siprenm ki kordin lar  dan pei.  I ganny gouvernen par en lalwa ki ti vin an fors an Oktob 1990.  Son manda prensipal se pour organiz, devlop e promot lar an pei.  Konsey Lar i ganny dirize par en Bord, ki enkli en Chairman en 5 Manm. E pou lannen 2017 Konsey Lar pe propoz en Bidze R12 milyon 987 mil 220 e ladan.

Ladan i annan li 2 progranm parey mon’n eksplike bomaten sa P(1) sa gouvernans, zesyon e ladministrasyon.  Sa i standar pou tou.  Sa i vin R4 milyon 130 mil 504 e son progranm nimero 2 ki promosyon servis lar sa i  R8 milyon 856 mil 680 ki fer sa total R12 milyon 987 mil 220.  Prezan mon a pas laparol avek CEO ki Mr Jimmy Savy ki a kapab detay en pti pe dan sa bann progranm kwa i entail e son bann Staff.  Mersi.

 

MR SPEAKER

Mr Savy.

 

CEO JIMMY SAVY

Mersi Minis, bon apre midi Mr Chair, bon apre midi Onorab, bon apre midi tou dimoun ki pe ekout mwan.  Parey Minis in dir lanvlop pou lannen 2017 R12 milyon 987.22 e ladan i annan R4 milyon 130.54 pou zesyon ladministrasyon.  E dan parey zot konnen dan sa zesyon e ladministrasyon i osi annan en porsyon 3500 ki pour saler.  E nou koz saler nou NAC i bezwen li 17 Staff.  Ladan 11 i anplway permanan.  I annan 3 ki lo Kontra fix Kontra.  Apre 3 3 nou i lo Kontra PSC.  Nou annan vacant post ou 2 dimoun ki nou pou pran ki kouver anba Bidze.  Apre nou annan 3 dimoun ki sa korperativ ki pa nou ki peye ki travay ek nou.  Nou annan 2 progranm, progranm 1 ek parey mon’n dir zesyon e gouvernans.  Apre nou annan progranm 2 ki nou vwar i mark R8 milyon 856.68 ki pou promosyon lar.  Me ladan i annan en porsyon ki 4500 milyon ki pour PSIP ouswa capital proze.  Ki pou plito viz ver renovasyon National Theatre  – Teat  Nasyonal Mont Fleuri.  Ok National Theatre Mont Fleuri nou pti Teat R4.5 milyon.  E progranm 1 parey zot konpran se pour nou apre ki nou’n tir larzan ki nou pey Staff i pour nou fer nou bann travay labitid pou manage NAC ki pou pey son kouran, pey son delo, pey telefonn e pey tou lezot keksoz ki en Lazans i bezwen pou travay avek.

Progranm 2 i annan en seri progranm ki nou travay avek.  Nou donn servis tou bann artis ki bezwen nou servis tou artis.  E osi nou Act i osi dir nou ki nou travay avek bann Lasosyasyon oubyen bann Federasyon.

Bann servis ki nou donn bann artis i annan pou ed zot dan zot bann profil, ekri zot bann let, fer zot bann advert, design zot bann posters.  Nou donn zot bann pti Grant, nou ed zot ler zot pe fer zot spektak lanmizik.  E ler zot pe fer zot bann CD, legzibisyon.  Nou osi ed zot ler zot pe al vwayaze sirtou si zot pe la bann misyon Kiltirel ouswa sa ki zot pe al fer.

Nou ed zot apre osi nou fer bann progranm parey nou fer progranm dan vakans.  nou fer bann progranm avek bann manrmay, bann artis profesyonnel.  Bann artis etablir i vini pandan vakans i vini i travay avek bann manrmay.  Bann etidyan depi primer ziska pos segonder.

Osi nou fer lezot proze enkli nou travay ek bann artis Praslin osi La Digue.  Taler mon’n tann nonm Praslin, nou ansanm en groupman artis ki nou’n met ansanm Praslin e osi La Digue.  Kot nou ki’n vin form e mon byen kontan ki Praslin i konmans pran keksoz dan zot lanmen prezan.  Ki nou ed zot, e osi nou la dan prizon.  Nou’n ale 2 lannen konsekitiv nou’n travay ek bann prizonnyen ;  pou montre zot lanmizik, nou ed zot avek tou sort kalite lar, visual art osi.  Sa bann artis ki al ek nou.  Bann artis i al volonter ek nou.  I annan en groupman artis ki ale, bann danser, koreografi.  Depi son bann artis ki fer visual art, depi artis ki fer teat, mizisyen.

Nou travay ek sa bann dimoun pou letan zot sorti zot war pou dir i annan en lendistri zot kapab antre ladan pou zot ganny zot lavi.  E apard from sa nou fer bann progranm ki nou fer.  Parey nou fer festival lar, nou fer bann fairs kot nou sey pous.  Sey anmenn vizibilite pou bann artis.  Nou fer diferan proze anba sa progranm 2.

Vwala ki nou fer e Bidze ki nou’n gannyen pou lannen prosenn ki apard kontinyen donn servis bann artis.  Nou osi anvizaze fer detrwa proze mazer.  Enn se ki se pou fer en arts festival en dimoun in koz lo la.  Pa en arts festival me en Arts Awards, en dimoun in koz lo la taler.  Nou fer li an Novanm 2017, an menm tan nou anvi osi fer en Biennale des Seychelles.  Lontan nou pa ankor fer en byen ale Sesel.  Nou oule fer koumsa nou bann artis se sa ki ou vwar nou’n konmans bann formasyon mentorship.  Ouswa bann formasyon ki nou’n fer sa lannen.  Kot nou pou kapab prepar bann artis pou pran par dan Biennale des Seychelles.  E osi dan lavenir ganny en reprezantatif artis ki pour al dan ban lezot byen al deor.  Biennale par egzanp Biennale de Venice.  Nou osi anvi anvoy bann artis osi plis an deor plis vizibilite deor.  Parey bann ki nou’n konmans etablir en relasyon avek marse enternasyonal pou bann editer.  Ki fer parey enn bann pli gro profil kot bann artis i kapab ale.  E bann lezot proze ankor e mentenir serten relasyon enternasyonal.  Nou oule pran ansanm avek.  Par egzanp nou an vi fer en relasyon avek serten Konsey dan lot pei.   Vwala nou bann proze prensipal Mr Speaker.

 

MR SPEAKER

Mersi Mr Savy nou annan 30 minit pou kestyon.  Onorab Afif.

 

MR AHMED AFIF

Mersi Mr Chair, mon ti a kontan demann Mr Savy lo paz 520 ki relye avek latab nimero 2.  Si i kapab donn nou detay lo sa ‘capital expenditure R4.5 milyon ki en building and infrastructure.’  En pti pe lo la silvouple.  Apre si i annan okenn dan son ‘other use of goods and services’ si i annan outsourcing.  E si zot fer tender pou sa bann keksoz.  Mersi.

 

MR SPEAKER

Mr Savy.

 

CEO JIMMY SAVY

Lo R4.5 milyon ou pe koz lo la.  S R4.5 milyon parey mon’n dir i pou refer Teat Nasyonal ki mon krwar in ariv ler pou refer li.  E annefe i riske mank nou en pti gin me nou a konmans avek sa.  E i pou bezwen refer tou keksoz depi son twatir, son plafon;  tou son bann sez, sonn stage, son bann rido.  E se sa ki nou pou fer pou nou fer sa nou pou bezwen definitivman al lo sa ki pe demande ek tender an deor.  Nou napa okenn sekirite lot kestyon.  Nou, nou servi en sistenm plito camera ki nou annan en lazans ki nou tender nou rode.  E vwala ki nou fer se tou.

 

MR SPEAKER

Onorab Afif.

 

HON AHMED AFFIF

Wi se sa ler ou’n ariv sa sif R4.5 milyon eski zot ti’n deza fer en tender ?  Eski i annan plan e lekel ki zot ti’n anvizaze pou fer sa?  Mersi.

 

CEO JIMMY SAVY

Mersi Onorab non nou pa ankor fer en tender.  Nou ti pe esper nou ganny larzan.  I annan en pe letan ki nou pe sey rod larzan pou nou fer konstriksyon Teat Nasyonal e mon byen kontan ki sa lannen Minister Finans in konsider nou.  La ki nou konnen si sa Bidze i ganny vote.  La prezan konmans bann prosedir pou al lo Expression – Lekspresyon Lentere lo zournal.  E fer tou bann prosedir ki Tender Board i demande.  Mersi Onorab.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker premyerman mon ti a kontan felisit Arts Council zot in reste an zot Bidze.  E nou kontan vwar ler zot respekte zot Bidze ki zot in ganny allocated lannen pase.  Mon ti a kontan si ou ti kapab eklersi mon lekel stone building?  E mon ti a kontan osi si ou kapab dir avek sa Lasanble si ou bann aktivite.

 

MR SPEAKER

Kote stone building i ete Onorab Ferrari?  Oli li i dan..

 

HON JEAN FRANCOIS FERRARI

PS ti mansyonnen taler.

 

MR SPEAKER

Alright ok mersi.  PS.

 

HON JEAN FRANCOIS FERRARI

E si bann aktivite ki ganny organize eski i ouver pou tou ban artis oubyen i annan en lapliferans pou bann ki anploye avek NAC, Council oubyen normalman avek Departman Kiltir.  Mersi.

 

MR SPEAKER

Mr savy oubyen PS annou sey klersi lo sa stone building la.

 

PS BENJAMINE ROSE

Mersi Onorab annefe stone building mon pe koz lo sa batiman an ros Mont Fleuri opposite ‘Weeling kot lekol Lanmizik.  Ex– i ankor kot Konservater is a lekol kot manrmay i zwe lanmizik la.

 

MR SPEAKER

Kot lontan ti ex-Hotel School.

 

PS BENJAMINE ROSE

Wi ex-Hotel School byen Chair.  Non i annan zot bann non selman pou zot kapab en pe nou’n servi en pe bann ‘ex’ pou zot kapab revwar zot memwar.  Pou zot kapab asosye ansanm.  Zot annan zot non i apel National Conservatoire of Performing Arts Building.  Mersi.

 

MR SPEAKER

Mersi Onorab Ferrari ou ok?  Onorab de Letourdie.

 

CEO JIMMY SAVY

Non mon ti annan dezyenm part kestyon.

 

MR SPEAKER

Sorry yes Mr Savy.

 

CEO JIMMY SAVY

Mersi Onorab mon kontan ou’n demann sa kestyon.  Onorab Konsey Nasyonal i ouver sa laport pou tou artis.  Mon depi ler mon’n vin la.  Mon’n fer sir ki nenport ki artis ki anvi nou lasistans i kapab vini.  Nou travay avek bokou lasosyasyon, nou napa okenn artis ki anploye ek nou.  Nou travay ek bokou Lasosyasyon, i annan bann ki for e bann ki pli feb.  E nou travay ek zot e tou artis nenport ki i welcome.  Zot vini toultan pou nenport ki lasistans e nou kontan zot vini.  Akoz i zot landrwa sa ki nou anvi.  Nou anvi en landrwa ki zot santi zot lib pou vini.  E vwala nou pa fer okenn lapliferans e mon anvi.  Mon fyer pou dir ki tou artis ki’n vin kot Konsey Nasyonal pou Lar nou’n sey ed li dan nenport ki fason ki nou’n kapab fer.  Mersi.

 

MR SPEAKER

Onorab de Letourdie.

 

HON JANY DE LETOURDIE

Mersi Mr Chair.  Bon apre midi ankor Mr Savy mon vwar dan bann proze ki’n ganny konplete mon vwar en proze i apel ‘Artist Place.  Ki lekel sa enn la ‘Artist Place ?

 

MR SPEAKER

Lekel ki paz?

 

HON JANY DE LETOURDIE

Pardon bann proze ki’n fini konplete Artist Place.

 

MR SPEAKER

Ki paz Onorab de Letourdie ki ou’n vwar sa?

 

HON JANY DE LETOURDIE

I dan bann ‘capital project’’ wi.  Paz 18.

 

MR SPEAKER

I annan National Arts Council i lo paz 519, 520. 518 ok at the back.  Yes Mr Savy.  PSIP ou pe rode en pti kou.  It’s all right ok.  Sorry mon pa anvi fer zot ganny high blood pressure.  Take your time.

 

CEO JIMMY SAVY

Petet i bann proze ki nou aranz nou building.  Akoz Artist Place i landrwa kot Maison des Arts.  Kot nou building laba e nou’ fer detrwa travay lo la petet.  Selman kot Carrefour des Arts wi sanmenm sa.  Non i pa apel Artist Place petet mannyer in mete.  Son non petet in dir petet la Angle.

 

MR SPEAKER

Ok Onorab Letourdie.

 

HON JANY DE LETOURDIE

Ok mon kontinyen Mr Speaker?

 

MR SPEAKER

Wi Onorab De Letourdie.

 

HON JANY DE LETOURDIE

Mon ti a kontan met plito en propozisyon mon oule mete.  Nou konnen Mr Savy pou dir i annan plizyer Lasosyasyon parey ou’n mansyonnen.  I annan i en pe pli for, i annan i travay plis.  I annan i annan bann proze ase dinamik e nou konnen.  Akoz mon osi mon form parti en Lasosyasyon.  E mon konnen pou dir i annan sa R5mil ki NAC i donnen.  Mon pe panse ki si pa ti en propozisyon pli bon olye sa R5mil ki parfwa i annan en kantite travay ki bann Lasosyasyon i ti a kontan pou li fer.  E ki lo son kalandriye lannen.  E mon propoze si kekfwa tip ran R1milyon dan sa R8 milyon ki a reste ou.  Ou krwar ti ava en bon nide si nou ti kapab pran R1 milyon kekfwa pou nou partaz avek sa 7 or 8 lasosyasyon apepre.  I annan apepre en 7 oubyen 8 lasosyasyon pou zot kapab defal zot en pe pli byen.  E refer prodiktivite en pe pli vizib dan nou pei.

Apre lot Mr Savy apre pour redwir en pti pe sa divizyon ki egziste ant artis annan de ler.  Akoz petet i annan i krwar pou dir i annan pe ganny funding ganny asiste e i annan pa pe gannyen,  mon ti a propoze si pa ti a en bon nide pour ki NAC i pibliy lalis sirtou pou bann artis.  Pibliy lalis non bann artis e bann proze si zot in ganny konfirmen dan zot bann proze.  E konbyen zot in gannyen koumsa piblik ava artis an zeneral i kapab ganny sa lenformasyon.

 

MR SPEAKER

Mr Savy.

CEO JIMMY SAVY

Mersi Onorab wi be si.  Nou ava konsidere nou pe get Polisi NAC. E si nou vwar fodre nou pibliy bann artis ki ganny led.  Mon napa problenm ek sa ditou.  Mon krwar mon Minister napa okenn problenm ek sa.  Dezyenmman mon oule fer kler ki bann Lasosyasyon Onorab ou konnen.  I annan lasosyasyon ki’n byen pare tou son keksoz i drwat i legal i annan son kont labank.  I annan tou son keksoz e sa nou kapab met larzan.  Akoz si i annan bann lodit ki vini apre annord.  So i annan bann Lasosyasyon ki annord e nou donn zot sa pti larzan R5mil la.  I pa larzan ki nou met dan Lasosyasyon se tou.  Nou donn R5 mil pou bann pou bann ti akoz zot desann la zot vini volonter.  Parler i annan bann artis ki desann tou le semenn pou zot pey en pe zot bann ti pti cost.  Telefonn, keksoz koumsa, ladministrasyon.  Me selman nou’n inject en kantite larzan dan bann Lasosyasyon.  Par egzanp get annou pran SeyMas ki fer en kantite levennman in pouse pou remet moutya dan son plas Sesel.  Be i pa’n kapab fer sa li tousel.  Nou’n mete n kantite finansyel par deryer SeyMas.  E menm la dernyen-er ler nou’n fer arts festival.  Nou NAC nou pa’n ganny larzan totalman antyerman nou.  Nou’n met larzan dan sa bann lasosyasyon pou zot fer marse.  Parey ou konnen pour ini bann artis.  Mon i annan detrwa lannen mon’n fer en sa ki mon apel Chairman’s Forum.  Kot tou bann mon krwar ou’n deza asiste ou menm.  Kot tou bann Lasosyasyon i zwenn en fwa ek nou.  Tou bann Chairman ansanm nou travay ansanm.  Se sa aprezan ki ou war ler nou fer bann levennman.  Menm s ii en levennman zis visual art ou war tou lezot dimoun i la.  Akoz nou diskit sa miting e sa bann miting ki nou fer.  Sa bann forum ki nou fer in anmenn en bon keksoz osi akoz si i annan bann konsern pa zot pou oule koz lo CSR ouswa le koz lo Polisi en lot Minister.  Nou anmenn sa bann dimoun la, Minister Finans in deza vini pou eksplik tou bann Lasosyasyon lo polisi pei anver lar anver lendistri kreativ.  E an menm tan ler nou’n fer bann lezot levennman nou’n vwar pou dir i annan en unity parmi bann artis.  Mwan mon krwar pou dir si i annan plis linite dan Sesel aktyelman se parmi bann artis.  Zis get par egzanp festival lar la dernyenrer ler nou’n fer tou sa bann aktivite.  Ou’n war tou artis i la ansanm in travay ansanm pou fer marse.  Mersi Onorab.

 

MR SPEAKER

Wi Onorab de Letourdie.

 

HON JANY DE LETOURDIE

Mr Savy eski letan ou pe dir ou pe dir eski ou pe donn en garanti avek.  Sa Lasosyasyon ki santi li i krwar i serye i annan son proze.  I kapab apros NAC e NAC i pare pour ed li nenport ki fason k ii kapab pou fer li arrive?  Apar sa R5 mil ki mon’n dir ou taler.

 

CEO JIMMY SAVY

Egzakteman Onorab se sa ki mon pe dir pou dir.  Nou nou travay ek bann Lasosyasyon be fodre bann Lasosyasyon l i annan bann proze.  Premyerman ki fyab bann proze ki serye ki anliny avek devlopman ek promosyon lar.  E bann proze ki pou tous tou dimoun inclusive.  E si i annan sa zot bann lasosyasyon i annord avek zot bann Konstitisyon zot bann kont.  Nou pare pou nou travay ek zot.  Nou’n deza travay ek zot dan lepase parey mon’n dir.  Nou’n met larzan dan serten Lasosyasyon ki annord.  Mersi.

 

MR SPEAKER

Vwala ale vitman Onorab Letourdie.

 

HON JANY DE LETOURDIE

Vitman Mr Savy i annan dimoun ki’n zot in van zot servis ek NAC pou lokazyon Festival Kreol ki pa ankor ganny peye.  Eski i vre sa?  Akoz zot pa ankor gannyen si vre?

 

MR SPEAKER

PS Rose petet ou ki devret reponn sa.  eski i annan ki pa ankor ganny peye?

 

PS BENJAMINE ROSE

Wi i annan detrwa dimoun ki pa ankor ganny peye.  Nou ti donn zot en dele letan pou anvoy invoice.  E i annan ki’n anvoy invoice apre sa.  Me selman mon donn zot garanti ki zot pou ganny peye.

 

MR SPEAKER

Zot pou ganny peye.  Vwala Onorab Letourdie ou kapab fann sa parol pou dir zot pou ganny peye.  Onorab William.

 

HON WAVEN WILLIAM

Mr Chairman mon ti a kontan demann Mr Savy dan promosyon lar ek bann artis si zot osi dan zot progranm zot pe consider desantraliz en pe bann aktivite ki zot fer o nivo nasyonal.  Pou fer sir ki bann distrik osi ki pa byen annan bann resours kapab rezouir.   Letan sa bann aktivite i ganny organize.  Mersi.

 

MR SPEAKER

Mr Savy.

 

CEO JIMMY SAVY

Onorab mersi pou ou kestyon.  Premyerman menm la nou’n konmans fer sa.  get ler nou’n fer moutya nou’n al fer Beau Vallon.  Nou’n al fer Anse Royale, SeyMas in fer.  I annan diferan bann proze ki bann artis i fer ki desantralize e nou pa’n reste santral.  E mon nou annan sa lanvi sa volonte pou nou anmenn la dan kominote.  Me selman sa nou bezwen organiz nou.  Mon krwar osi bann konsey distrik pou bezwen zwe en rol akoz nou’n seye.  Si nou ganny kolaborasyon ek korporasyon i enn nou bi prensipal pour anmenn.  Pou tap lo bann talan sa bann ki annan dan distrik.  Akoz nou konnen i annan en kantite.  Mersi Onorab.

 

MR SPEAKER

Onorab Aglae.

 

HON EGBERT AGLAE

Bon apre midi Mr Savy mon kestyon i relye avek paz 519.  Kot dan ou manda ou’n mete provide resources.  Zis eklersi mwan si par egzanp dan en distrik i annan li en show ki pe  fer.  I annan en group ki bann resours petet ki ou kapab met a zot dispozisyon.  Parey bann lekipman e si zot pou fer sa. e si i annan en kou ki atase avek.  E mon dezyenm bout i konsern lontan nou ti annan nou National Arts Council ki ti tonm anba Minister ledikasyon.  Ki mon krwar konmela in bouz anba en sant profesyonnel.  Si zot annan en relasyon travay ansanm pou fer ki bann zenn ki pe swiv en kour en karyer ouswa dan lar i kapab ganny anmase.  Ouswa ganny ede ouswa ganny pouse pli anler.  Mersi.

 

MR SPEAKER

Mr Savy.

 

CEO JIMMY SAVY

Ou konnen Onorab nou ed tou bann artis ek resours ki nou annan.  Avan dan bann lannen avan nou ti annan tou bann fasilite teknik ki ti avek NAC.  E nou’n toultan ed tou bann artis menm distrik ki’n demann nou lasistans.  Nou’n ed zot dan bann laspe teknik lozistik ki nou annan.  E nou’n menm ed zot osi ler nou an bann konsiltasyon ek bann artis ki pour ed zot fer zot bann proze.  A lavnir CINEA ki pou deal avek sa akoz li ki pou deal ek lendistri dan sa fason.  Lo travay avek bann Departman skoler ouswa bann relasyon.  NAC i annan en MoU avek SIAD Seychelles institute of Art and Design.  Ki nou’n travay en kantite ansanm.  Depi debi SIAD ek NAC i annan en relasyon tre pre.  E mwan mon lo Bord SIAD tou.  So sa i enn e parey mon’n dir ou nou’n travay avek bann lenstitisyon skoler partou.  Akoz nou fer bann proze parey egzanp dan vakans.  E pou nou annan sa bann etidyan nou bezwen travay avek bann arts teacher.  Par egzanp letan nou fer bann workshop nou ti fer mentorship lo prodiksyon.  En kantite bann arts teacher in vini.  Nou’n fer workshop par egzanp lo contemporary arts.  Enstalasyon, bann art teacher in vini e atraver sa 2 arts teacher in ganny sans travel.  And sorti La Digue nou’n anvoy li Sid Lafrik.  Pou reprezant nou e en lot fiy ti al reprezant NAC dan Women’s Exhibition sa lannen Zambia sa lannen.  Mersi Onorab.

 

MR SPEAKER

I reste 2 dernyen kestyon nou a pran en vot apre nou a pran en Break.  Onorab Georges.

 

HON BERNARD GEORGES

Mersi Mr Chair, Mr Chair mon osi mon ti a kontan felisit Arts Council pou en lot rezon.  E sa se pou zot show pou lansman festival lor festival lar.  Mon profit sa lokazyon pou dir zot ki nou ankor pe esper zot soundtrack lo CD pou nou aste.  Parey zot ti’n kekfwa promet.  Mon kestyon Mr Chair mon pa konnen si i la.  Si mon dir koleksyon Nasyonal Lar eski mon demann li la oubyen anba National Heritage?  Heritage mersi.  Mon a demann li taler.

 

MR SPEAKER

Dernyen entervenan Onorab Ghislain.

 

HON CHANTAL GHISLAIN

Mersi Mr Chair partly mon kestyon in ganny reponn an se ki konsern lar vizyel.  Mon ti pe demann zot relasyon.  I osi annan sa zafer fim making ki  pe e konmans ganny fer.  Ki relasyon zot annan National Arts Council i annan avek sa?  E ki kriter ki zot pe servi pou swazir bann dimoun ki al dan sa Hall of fame?  Mersi.

 

MR SPEAKER

Mr Savy.

 

CEO JIMMY SAVY

Onorab mersi pou ou kestyon avek ou permisyon mon krwar PS a reponn sa bout hall of fame.  Me selman lo sa bout kestyon mon’n mank ou bout.  Film making, wi sa i en lendistri ki mon krwar i pe konmans devlope isi.  Nou annan relasyon nou’n travay avek SBC.  Nou ti travay ek SBC kolabore pou fer en pti fair lo lavalas.  Nou’n travay ek SBC lo 2 pti film ki ti fer sa lannen.  Nou’n deza osi sponsor en workshop kot bann dimoun ki anvi ganny konesans lo la ki zot ti kapab attend.  E nou oule met dan fitir vi ki la prezan i en lendistri promenan.  Nou anvi reviv re donn lenerzi CINE Sesel pou li kapab tay avek sa domenn.

 

MR SPEAKER

Onorab Ghislain ou annan en siplemanter?

 

HON CHANTAL GHISLAIN

Mon dernyen pti pwen.  I annan osi dan lepase i annan en kantite keksoz ki’n ganny fer par egzanp SBC in filmen en kantite bann teat.  Parey teat ‘Lo Stenn en kantite ki’n ganny fer i eparpiye en pe partou.  Ki relasyon ki zot annan avek SBC pou zot kapab anmenn tou sa bann keksoz met li dan en sel landrwa ki dimoun i kapab ganny akse avek.  Menm si fodre vann mon pa konnen ki lakor zot annan avek SBC.  E apre mon ti zis anvi felisit zot lo dekor building aswar i byen zoli.

 

MR SPEAKER

Tre bon kestyon.

 

CEO JIMMY SAVY

Ou pa pou tro pran sa dekor lavil.  Mersi toudmenm, me an relasyon bann.  Nou annan mon pandan lannen mon’n annan en kantite detrwa miting ase enportan avek SBC pou nou anmenn plis vizibilite travay Seselwa.  Ou annan rezon i annan en kantite prodiksyon – bon prodiksyon ki’n ganny fer Sesel ki’n ganny filmen.  E nou ti a swete parey ou ki sa bann travay i ganny mete lo akse.  Ki dimoun ki anvi aste i gannyen.  E an menm tan mon anvi profite pou remersi Onorab Georges pou felisit nou pou sa louvertir.  Mon krwar i ti en bon louvertir  e nou a fer ou ganny ou the architect of a political organisation Tou dimoun ganny son soundtrack me selman nou.  Pou nou fer sa bann levennman koumsa nou bezwen osi ganny sipor tou dimoun.  Mon ti a kontan plis Onorab ki attend bann levennman Kiltirel e artistik.  E nou ti a kontan mon profite ki dernyen parol mon pe dir.  Ki pour nou fer bann levennman koumsa i kout en kantite.  E nou ti a kontan ki nou ganny lasistans led osi ek bann sponsors osi.  Mersi.

 

HON PATRICK PILLAY

Mon krwar sa kestyon i bon.  Me Mr Savy mwan mon ti la e mon dezapwente mannyer lasal ti vid.  Minis in fer en zoli diskour ti fantastik sa lansman.  Ler mon al lot kote dan yard kot ti annan bazar whatever.  Mon demann dimoun zot dir mon zot pa ti okouran.  So petet en pti pe plis piblisite.  Me mon krwar sa sizesyon lo bann rikord par egzanp ‘Bolot Feray ti pou vann byen Maurice, La Reunion partou dan Caraib, Guadeloupe e Martinique.  So mon krwar sa sizesyon i bon.  Avek sa Minis ou anvi dir en pti mo avan nou pran en vot ?

 

MINISTER IDITH ALEXANDER

Mr Speaker lo sa bout mon agree avek ou.  Ki mon pou dir avek CEO.  Poudir sa propozisyon i very good.  Zot ganny dirize par en Bord kekfwa sa sa i merit met devan Bord R zot a kapab met devan Chairman.  Bord a pran en desizyon i byen.  Apre lo kote pou festival lar wi in montre wi spektak ti zoli.  Me pou nou montre nou piblisite pou mwan mon pe get sa dan kominikasyon.  Savedir sa i enn ki mon pou vwar kot NAC la i annan nou pti defayans kote kominikasyon pou nou kapab fer sir.  Me mon pou demann zot osi ti en pti pe malere zot ti dezapwent mon osi.  Speaker ti la mon pa ti vwar byen, byen bann Onorab.  Sa i merit ki en fason pou nou osi .  Ler nou pe dir nou pe siport sa bann artis osi zot osi par zot prezans osi i konte.  Mersi.

 

MR SPEAKER

Onorab Larue osi ti la wi.  Mersi Minis.  Eski nou kapab pran en vot pour lo sa Bidze.  Anvi nou pran en vot PS Rose ou ti oule dir en pti mo.

 

PS BENJAMINE ROSE

Mersi Mr Chair lo kote Hall of fame Onorab in demande ki kriter.  Annefe Onorab i pa Departman ki etablir kriter me nou ti donn sa latas SeyMas pou zot etablir kriter.  E a sak lokasyon pou zot idantifye bann artis ki zot in santi in kontribye en kantite anver lanmizik kreol Seselwa.  Mersi.

 

MR SPEAKER

Mersi PS avek sa nou a pran en vot lo Bidze pou National arts council ki lo paz 519 ek 520 ek 521.  Tou bann ki ‘pour lev zot lanmen ?  Lev ou lanmen pli o si ou siport ankor plis.  Clerk ou ok?  Silvouple Clerk in mank lanmen Onorab Arrisol.  Ok?

 

MADAM CLERK

Thank you Mr Chair pou sa enn vot mon’n rikord 27 Manm ki’n vot an faver.

 

MR SPEAKER

Mersi Clerk savedir Bidze pou National Arts Council i ganny aprouve par Lasanble Nasyonal.  E nou a remersye en pti moman Mr Savy CEO nou a remersye ou pour ou letan ki ou’n pas avek nou.  I reste zis 3.  3 lezot Lazans, Lenstiti Kreol, Seychelles National Heritage Foundation avek CINEA.  Creative Industries and National Events Agency.  Mon propoze ki nou pran en Break ziska 5er.  Nou a retournen nou a fini sa 3.  Pou release Minis ek son lekip ok.  Mersi nou a Break nou a retournen 5er.

 

(BREAK)

 

CREOLE INSTITUTE

 

MR SPEAKER

Bon welcome back tou dimoun.  Minis si mon ti’n konpran ou byen apre National Arts Council ou ti pran CINEA, Creative Industries and National Events agencyIs that correct? Or oule…

 

MINISTER IDITH ALEXANDER

Non Mr Speaker nou pe pran Lenstiti Kreol, Creole Institute.

 

MR SPEAKER

Tre byen Lenstiti Kreol e nou envit….

 

MINISTER IDITH ALEXANDER

I deza la mon a entrodwir Mr Speaker.

 

MR SPEAKER

CEO wi silvouple.

 

MINISTER IDITH ALEXANDER

Ok mersi Mr Speaker en.  Lenstiti Kreol Sesel ti ganny kree an 1987.  Manda lenstiti kreol se pou promot e devlop lalang maternel lamazorite Seselwa lo nivo Nasyonal, rezyonal e enternasyonal.  Lenstiti kreol i osi fer provizyon pou devlop zouti e ofer fasilite pou anplifye bann domenn syantifik, edikasyonnel, Kiltirel ek teknolozi.  Parey nou konnen tou bann lenstitisyon bann antite zot osi ganny gouvernen.  I annan en akt par en Bord e son Sef Egzekitif i Madanm Flora Ben David ki la akote.  Madanm Ben David ti ganny apwente le 1 Novanm 2016.  Savedir i annan li apepre 2 mwan dan sa pos.  E Lenstiti Kreol pou li kapab fonksyonnen.  I pe propoz li en Bidze R4 milyon 227 mil 80 ki osi konstitye 2 progranm.  Son premye i gouvernans, zesyon ek ladministrasyon ki sa i R1 milyon 870 mil 750.  E son dezyenm progranm ki devlopman e promosyon lalang kreol R2 milyon 366 mil 330 ki fer sa total R4 milyon 227 mil 80.  Mersi.

 

MR SPEAKER

E zot pou vwar Bidze Lenstiti Kreol lo paz 511.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker koriz si sa ki mon pe dir pa apropriye.  Me selman mon krwar mon kapab koz lo lapar tou Manm isi dan Lasanble.  Ki nou vreman an faver devlopman e prezervasyon lalang Kreol.  E ki nou anvi i ganny promote e i ganny byen okipe.  Nou napa nou’n fer diskisyon nou menm nou lo sa size.  E dan lentere avans en pe vit mon pa pe dir tou lezot manm i kapab pran laparol si zot oule.  Me selman an gro bann figures i paret rezonnab.  E a mwens ki lezot Manm i annan bann keksoz ki zot vwar i kontroversyel.  Mwan mon war li rezonnab e mon ti a kontan donn sa sipor pou sa Bidze.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mr Speaker Chair mon dakor avek sa ki Onorab Ferrari pe dir.  Mon krwar i kler nou kapab bouze.  La en landrwa kot nou vreman satisfe bann keksoz ki pe ganny fer.  E kontinyen dan sa bon parkour.  Dan sa bon direksyon pour anmenn nou lalang Kreol lo nivo pli o ankor.  Mersi.

 

MR SPEAKER

Nou’n tonm dakor avan nou pran en vot.  Selman Onorab Ghislain oule zis dir en pti parol, enn menm.

 

HON CHANTAL GHISLAIN

Mon oule zis, zis en pti zafer enn menm.  An sa ki konsern Diksyonner Kreol.  Eski zot pe refer enn sa, akoz nou napa enn pou le moman.  Sanmenm tou ki mon ti anvi pase.

 

CEO FLORA BEN DAVID

Bonswar tou Manm Onorab, bonswar tou sa pe ki ekout mon.  Mon krwar si zot permet mon zis fer en pti lentervansyon avan ki mon reponn kestyon Onorab.  Mon kontan ki Onorab Ferrari in vwar lenportans sa size.  E sa ki enportan se ki mon ti a kontan si tou Seselwa akoz la ki mon’n vwar se ki Lasanble pe donn nou sa sipor.  E sa sipor i tre enportan akoz promosyon, valorizasyon nou lalang, nou kiltir i konsern lepep antye.  Donk mon apresye ki Onorab Ferrari in fer sa byen boner avan ki mon’n fer mon entervansyon.  E i enportan ki lepep osi i konpran pou dir Lenstiti Kreol i annan li sa valer lidantite Nasyonal.  Ki mon krwar nou tou nou bezwen apresye sa.  Sa valer istorik e sa valer kiltirel, sa valer Nasyonal, sa valer touristik i tre enportan.  Akoz lengwis ki antre e i osi i annan son valer.  Me ler nou antre dan sa valer literer personnelman letan mon’n voyaz-e mon’n vwar pou dir.  Mersi Mr Ferrari.  Wi lo kote Diksyoner Kreol, Diksyoner Kreol i annan pe ganny fer la aktyelman e nou annan en komite lengwistik ki pe travay lo Diksyoner Kreol. Mersi.

 

MR SPEAKER

Tre byen vwala Miss Flora madanm Ben David.  Tou bann dimoun i an faver travay ki ou pe fer.  Nou donn ou tou lankourazman.  Nou a kontinyen nou a pran en vot lo la.  Bann ki an faver Bidze pou Creole Institute lev zot lanmen?  Okenn dimoun ki kont?  Clerk ou anons rezilta an kreol.

 

MADAM CLERK

Mersi Mr Chair pou sa enn Bidze mon’n rikord 27 vot an faver.  Mersi.

 

MR SPEAKER

Savedir Bidze pou Lenstiti Kreol Sesel in ganny aprouve.  E nou swet Ms Flora Madanm Ben David tou de bon pou kontinyen promouvwar nou lalang e nou Kiltir.  Avek sa Minis eski nou kapab pas lo Seychelles Heritage Foundation oubyen oule al lo CINEA?  Minis.

 

MINISTER IDITH ALEXANDER

Mr Speaker nou a pran CINEA prezan.  CINEA nou demann Mr Bresson.

 

MR SPEAKER

Eski nou kapab les ou entrodwir CINEA epi nou a demann Mr Galen Bresson pou vin devan.  Miss Flora mersi bokou nou a eskiz ou.  Sorry mon devret pe apel ou Madanm Ben David.  Me mon’n konn ou konman Ms Flora telman lontan.

 

CEO FLORA BEN DAVID EXCUSED FROM THE HOUSE

 

MR SPEAKER

Minis eski ou pou entrodwir CINEA oubyen ou ti a kontan Mr Bresson entrodwir.

 

MINISTER IDITH ALEXANDER

Mon a entrodwir li Mr Speaker apre zot a pran okCINEA ki i Cretative Industries and National Events Agency.  I ti annan son Act ki ti vini le 20 Out dan Lasanble isi le 2016.  E i ti ganny aprouve savedir son Act ti vin anfors an Out sa lannen menm.  E Mr Bresson i ti ganny apwente mwan pase le 1 Novanm konman CEO pou CINEA.  CINEA son manda se pou itiliz bann fasilite e talan bann artis e endividi ekspoz zot avek bann loportinite biznes.  En lot ki son manda se li ki pou organiz tou bann levennman Nasyonal.  Ki taler ler zot ti pe koz lo Festival Kreol.  Mon ti dir zot CINEA, so i annan en lalis bann levennman Nasyonal ki CEO apre i a donn zot sa lalis ki i pou organize.  E nou dan prosedir ki pou apwent en Bord parey zot tou zot in vwar bann lezot Lazans i annan en Bord ki ganny diriz zot.  So nou dan prosedir, e CINEA pou li kapab attain son lobzektif parey mon’n dir.  Mon’n eksplik zot i pe demann en Bidze R19 milyon 123 mil 480.  Sa Bidze i osi annan 2 progranm.  Progranm 1 ki annan pou fer avek gouvernans, zesyon ek ladministrasyon.  Li i R2 milyon 951mil 920 e progranm 2 ki annan pou fer avek bann levennman pou organize.  E apre pou sa lot bout bann ‘creative industries,’  li i R16 milyon 171 mil 560 e sa i fer sa total R19 milyon 123 mil 480.  E mon a pas prezan laparol avek Sef Egzekitif ki a donn zot en pti pe konbyen Staff i annan en pti plan son plan la ki i pou fer.  CEO mersi.

 

MR SPEAKER

Nou pe koz lo paz 507 ek 508.  Mr Bresson.

 

CEO GALEN BRESSON

Mersi Mr Chairman bon apre midi tou bann Manm Onorab, bon apre midi tou bann ki pe ekoute.  CINEA, Creative Industries and National Events Agency i nouvo.  E son rol prensipal i pou regard domenn kreativite Sesel.  E la i met li a parkour profesyonnel e i met son platform lokal osi byen ki enternasyonal.  Pou sey devlop bann profesyonnel dan creative industry e met zot a laport.  E donn zot commercial senseCINEA parey Minis in dir i annan 4 seksyon ki CINEA in enkorpor 1 i ICCS, i son enfrastriktir ek son Staff.  Dezyenm i events kot STB, trwazyenm i events kot Ministry of Culture e i annan apepre en 40 staff ki pou egziste.  Me anba nouvo lorganigranm ki nou’n travay en pe lo la pou CINEA i annan apepre 70 pos ki available.  I annan apepre i annan 4 seksyon.  I annan son seksyon events, i annan son event creative industry and education.  I annan son seksyon marketing and communication apre i annan son seksyon administrasyon and support services included.  Dan Bidze zot pou vwar CINEA in ganny li en pti pe plis ki R5 milyon e sa i anba ‘wages and salaries.  In ganny li la balans pou al dan ‘goods and services ‘ki enkli bann ‘mandated events national events’ ki dan son manda.  Ki’n ganny pou kontinyen fer enkli ki bann lot laspe ki nou servi i annan bann pti proze.  Mon dir sa pti proze kapital e ki enkli osi renovasyon building ICCS and so on.  Akoz sa i deza en fix asset ki CINEA in deza gannyen.  E headquarters CINEA baze dan building ICCS.  Mersi.

 

MR SPEAKER

Onorab Ferrari.

 

HON JEAN–FRANCOIS FERRARI

Mersi Mr Speaker parey not with standing to sa ki Minis in dir nou pli boner.  Mon ti pe ofer zot posibilite pou eklersi nou lo en sitasyon.  CINEA i the architect  of a political organisation all the way from the top.  The Minister we understand, the PS not the PS sorry the Advisors.  The CEO and the Deputy CEO.  Mon konnen pou dir ou’n reponn mon boner.  Ou’n re asir nou lo sa.  Me selman la nou dan en sityasyon en pe diferan en mwan parey mon pe dir.  Mwan mon travay se toultan pou fer sir i annan lenklizivite.  Ki mannyer ou pou reponn mwan si mon pou dir ou pou dir Deputy CEO CINEA i aktyelman pe ensilte nou dan Lasanble Nasyonal.  Konmsi vreman difisil sa Msye i fer li difisil pou nou siport sa.  E nou, nou anvi konpran nou anvi ed bann artis me selman nou anvi vwar pou dir nou dan en nouvo fason travay.  Dan en nouvo.. e ki nou kapab zistifye avek tou dimoun ki pou dir travay.  Mon pa pe personnalize sa Msye ki pe ensilte mwan.  Ok so mon oule demann ou ankor mon donn ou lokasyon pou ou redir nou e kekfwa CEO li osi i ava pran laparol pou dir avek nou.  Pou dir sa mesaz in pase e sis a Msye pa gannyen sa mesaz i lib.  Akoz nou rekonnet son drwa pou li fer politik me i ava fer politik an deor sa kad ki Gouvernman e Prezidan in met li ladan.  Mersi.

 

MR SPEAKER

Eski Minis…

 

MINISTER IDITH ALEXANDER

Mersi Mr Ferrari mon konnen depi bomaten mon ti pe ekspepte sa kot ou mon konnen ti pe vini.  Mon pou reponn ou dan 2, mon pou donn ou 2 larepons.  Ladan i sit klerman ki i merit fer ou delivre pou fer.  Mon demann ou si ou aprouv la ou ki lafors id an ou lanmen.  Ou pou bezwen bring nou to task,  mwan konman sa Minis ki ganny apwente pou fer sir pou fer.  Mwan konman Minis mon bezwen fer sir ki CINEA CEO, Deputy CEO pe travay anver sa.  Pa zis mon tousel i annan en Boad pou diriz li.  Bomaten mon’n dir ou ler nou ganny apwente.  Ler ou ganny apwente dan louvraz mon krwar zot konn byen ki bann prosedir nou kondwir mannyer nou fer.  Ler tou travay dan Gouvernman i al dan PSO Public Standing Order byen.  Si ou santi e sa bann dimoun ler ou post CEO, Deputy CEO ou al lo PSE contract.  Si ou santi ki sa i annan en serten endividi i dir ou byen dan PSO. – ki bann ki mannyer ou kondwir ou dan travay.  Ki ou eksepte konman en profesyonnel.  Si i arive ki ou santi la aksyon disipliner i a vini i ganny pran avek sa dimoun si ou annan.  Akoz ler ou pe travay tou dimoun i krwar i fasil konmsi fer sa dimoun fer sa ki i anvi fer.  PSO i state byen klerman mwan mon apel sa tou kou mon dir ek bann travayer ou bann ‘Do’s and Dont’s.  Ou bezwen konnen kote ou laliny i arive e si i santi i pran aksyon disipliner.  Si ou ekout byen mon krwar zot ti ekout byen ler Prezidan ti eksplik byen osi.  Prezidan in tir byen bann gran laliny lekel ki ti dir bann pozisyon ki annan drwa lekel pozisyon ki pou al dan okenn parti politik.  Pa ti kler sa ler ti vin la anndan.  Be in fini s ii pa’n konpran nou, nou pou koz ek li.  Enn fwa ki in ganny sa pou nou kapab fer.  Enn fwa ki nou’n donn li nou’n donn sa Bidze li osi pou ou lenformasyon pe siny en kontra li.  En PSE contract e tousala parey mon pe dir zot ladan i sit  tre klerman e mon konnen pou dir CEO avek.  I en profesyonnel e zot pou konnen kote ki pou tir laliny ok ?  Mon krwar ou’n satisfe oubyen ou pa’n satisfe ?

 

HON JEAN-FRANCOIS FERRARI

Mon anvi mon ti pe hope ki ou ti ava osi dir ki ou ava rekomann ou ava pas sa mesaz avek Prezidan ler i pe rekomann bann Manm lo Board of Directors.  Pour ki sa i kapab reflekte en balans dan fason ki dimoun i vwar keksoz, dan lendepandans sa Bord.  E sa tou sa bann bout ansanm i ava donn nou en Lorganizasyon ki profesyonnel e ki endepandan.  Mersi.

 

MR SPEAKER

Minis.

 

MINISTER IDITH ALEXANDER

Zis pou lo la ziste bon mon pa konnen si lately.  I paret mwan zot pe zot ganny akse ek bann press release ki pe sorti tou resaman lo Bord.  Ou’n vwar ki bann Chairman Bord ki pe ganny apwente ki dan sekter prive ki pou fer sir.  So i dan sa menm laliny ki bann non sanmenm sa ki nou pa ankor.  Ganny mwan byen mon pa’n dir Bord in apwente.  Mon’n dir nou ankor dan prosedir ki nou pe fer sir ki nou ganny bann dimoun ki konpetan ki pou kapab fer sir.  Ki pou monitor pou fer s lalwa marse.  Mersi.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mr Speaker mwan mon anvi lans ankor en lapel swivan bann deklarasyon ki ou menm ou’n fer dan Lasanble lo sa kestyon Facebook, social media, maltret kanmarad dir en bann zafer.  Konmsi in ler pour arête sa bann ensinifyan mon apel sa ensinifyan mon.  I parey en bann dimoun i annan serten dimoun parey Onorab Ferrari isi dan Lasanble la.  I annan dimoun ki travay dan Lasanble i osi fer sa.  Dimoun ki dan Lopozisyon e sa osi mon kondannen.  E mon dir arête silvouple, nou annan telman keksoz pou fer dan sa pei.  Travay pou fer ki nou perdi nou letan fer sa bann kalite.  So mon krwar mon mesaz i ganny pase.  Depite CEO whoever ankor Advisor Lasanble ki zot travay ki si ki laba.  Dan Minister wherever you are konmsi annou serye nou en pe.  Nou annan en pti gin letan lo sa later pou viv annou viv li byen.  Annou fer keksoz byen mersi Mr Speaker

 

MR SPEAKER

Mon krwar Minis mersi Onorab De Commarmond mon krwar Minis in donn en commitment.  Minis in eksplike in eksplik byen e mon krwar in reponn kestyon ou konsern Onorab Ferrari byen.  Mon si mon propaze se si sa lenkyetid zot annan i kontinyen i annan Question Time nou ava anmenn Minis pou dir be Minis ou ti dir nou tel, tel commitment.  I pa pe ganny respekte nou oule pran aksyon.  Eski Minis ou dakor avek sa?

 

MINISTER IDITH ALEXANDER

Mon dakor Mr Speaker wi.

 

MR SPEAKER

Tre byen dan sa ka annou rod kestyon spesifik si zot anvi poze lo Creative Industry and National Events Agency Bidze.  Onorab Afif.

 

HON AHMED AFIF

Mersi Mr Chair, Mr Chair mon ti a kontan demann Minis e petet CEO baze lo paz 507 ek 508 si i kapab eksplik nou dan en fason ki pou konvenk nou.  Akoz ou Bidze i bezwen sorti R4.2 milyon zis 2an pase pou ariv R19 milyon?  Plis 4 fwa sa k ii ti ete an 2017.  4 fwa e vreman nou pe depans apepre R60mil par zour.  Ki ekstra ki nou pe al gannyen pou promouvwar kreativite talan endividyel eksetera ?  E si vitman ou kapab donn nou en pe breakdown ou bann saler ki’n mont par preski 8 fwa.  Biro expenses in mont par omwen 5 fwa. E  tou larestan in mont par bann montan ki alarman.  E si ou kapab donn nou en pe detay ankor lo ‘capital expenditure’.  Zis konvenk nou ki sa kantite logmantasyon kan tou dimoun lenflasyon i ase ba.  Tou dimoun pe ogmant par 10-20 poursan eksetera.  E la nou vwar 400 poursan logmantasyon. Alor konvenk nou en pti pe akoz sa i normal.  Mersi.

 

MR SPEAKER

Minis oubyen CEO.

 

MINISTER IDITH ALEXANDER

Mon ava pas avek PS i ava reponn byen. Me selman si ou pou get byen avan ler ki mon pas ek PS ler ou’n konpran byen.  Ler ou’n ekout byen sa manda ki mon’n dir ki pou fer.  Mazin nou annan tou sa bann national events PS i pou al eksplik ou an detay.  Mon a donn ou en pti overview.  Tou sa national events ki ou konnen ou i pe vin anba CINEA.  E pou fer sa sa pti bout ki tonm avek STB tousala pe bouze pe vin avek CINEA.  E ler nou pe cater pou saler ou bezwen cater pou Trezyenm Mwan Saler.  Nou bezwen cater zot bann allowance, zot saler osi.  Prezan PS mon ava pas ek li i ava donn ou pli byen an detay egzakteman konbyen sa bann Staff i annan ki pe bouze.  En pti overview lo la.  Mersi.

 

MR SPEAKER

PS Rose.

 

PS BENJAMINE ROSE

Mersi Onorab si nou pou pran lo saler li menm nou pou vwar an 2016 ki ti R726 mil e la an 2017 nou pe koz nou lo R5.7 milyon.  Parey Onorab Bresson in fer konpran pou dir eskiz mon CEO Bresson in fer konpran pou dir i annan li 40 Staff an se moman  E in fer provizwar pou li kapab ganny nouvo Staff dan bann nouvo seksyon.  E sa Bidze 2016 ti fer provizyon pou zis bann Staff ki ti kot Departman STB dakor.  E la ou pou vwar parey ou’n dir 400% more.  Savedir kot Staff STB mon krwar i annan apepre en 7 Staff e pou ou al 40 staff its almost 400% percent more.  Dan cadre Staff ok Onorab.  Si nou pran ‘office expenses’ ankor nou vwar sa Bidze 2016 i zis kot sa bout ki STB ti pe antreprann.  E la Bidze 2017 ankor R5.4 milyon i pe pran kont Bidze vye Bidze ICCS.  En bout Bidze Departman Kiltir kot bann Staff kot Departman pe move kot CINEA.  E en bout Bidze kot bann Staff STB pe move dan sa nouvo entity.  Alors se pour sa ki ou vwar sa gran jump.  Mon fer resorti 900 mil i ti zis Bidze ki ti’n ganny allocate anba CINEA ki ti pe antreprann par bann Staff STB.  I ti napa Staff ICCS ladan i ti napa Staff Departman Kiltir.  E ICCS ti annan en bon nonm Staff.

Ou’n osi demann ‘capital expenditure, capital expenditure’ nou’n fer en vizit kot ICCS e nou’n vwar kot bann Staff Transport ti pe okipe.  Ler nou’n vwar pou dir i annan omwen apepre en 25 a 30enn Staff ki pou move kot ICCS kot CINEA pou baze.  Nou bezwen fer en bon renovasyon kot Transport ti pe okipe avan.  Nou bezwen renovate fer partisyon e renovate son flooring an antye.  E se pourquoi ki ou vwar anba ‘capital expenditure’ i annan sa R1.6 milyon.  Eski i ase kler sa bann pwen pour ou Onorab?

 

MR SPEAKER

Onorab Afif.

 

HON AHMED AFIF

Non i pa tro konvenk mwan akoz si ou dir mon pou dir STB par egzanp.  Ou’n pran bann Staff STB mon ekspekte wages and salaries STB i redwir, son ‘goods and services’ i tonbe.  Me i le kontrer la laba nek i monte.  Pe mont enkwayableman e ou, ou pe mont par wages pe mont vreman en kantite.  8 fwa.  Nou pe depans R60mil par zour anba sa Bidze.  E nou pe demande ki nou pe gannyen ki lavaler R60 mil par zour.  Avan nou ti pe ganny li pou bokou mwens pou R15mil par zour.  Se sa kestyon ki nou pe demande e i en kantite larzan.  Preski en 1 milyon liv sterlen, en kantite larzan sa.  Mon pa tro konvenki.

 

PS BENJAMINE ROSE

Mersi Onorab mon ava eksplik ou ankor.  Latansyon Onorab mersi, mon ava eksplik byen.  Pou dir STB si son Bidze i ogmante i ava eksplike dan ki domenn dan ki seksyon ki son Bidze in ogmante.  I son devwar pou eksplike be Selman mon pe fer ou konpran pou dir sa seksyon ‘events’ ki ti kot STB CINEA in prenan kont sa sa seksyon.  E osi ansyen Bidze ICCS osi in prenan kont dan sa Bidze ki la.  E dan sa seksyon ‘creative industries’ parey taler zot tou zot in vot an faver Bidze NAC.  Kot zot dir zot kontan devlopman bann artis.  E la Mr CEO Bresson in fer resorti poudir sa i pou ekspoz bann artis dan en fason biznes enternasyonal.  Ladan nou bezwen etablir dan striktir sa seksyon creative industry. E la nou bezwen bann dimoun kapab – bann Staff kapab ki nou pou met dan sa seksyon.  Nou osi annan en seksyon marketing ki ti napa pa i egziste okenn par avan.  E la nou annan bann Staff kot nou pou kapab market CINEA lokalman e enternasyonal.  Vann bann artis donn bann loportinite artis pou ekspoz zot lekor lo nivo komersyal enternasyonal.  E nou bezwen dimoun ki kapab fer bon marketing dan sa seksyon.  La nou bezwen anploy ankor dimoun dan sa seksyon, alors se pourquoi ou vwar dan ‘wages ou dir i annan sa logmantasyon.  Pou nou kapab delivre mon krwar nou bezwen envestir an premye plas.  Mersi,

 

MR SPEAKER

PS Payet mon krwar ou anvi anmenn leklersisman.

 

PS PATRICK PAYET

Mersi Mr Chair e mersi Onorab Afif pou sa kestyon.  Zis Mr Chair pou mon enform Lasanble ki si nou pran lo summary of expenditure i lo bann premye paz Bidze lo paz 16.  Nou ti vwar ki i annan lo paz 16 ki annan …’’current outlays of the summary of the expenditure’’ before nou al lo detay.  Zis avan CINEA nou pou vwar ki i ti annan ICCS.  International conference centre of Seychelles zot pou vwar ki an 2016 revised 2016 ti R9.4 milyon 3 Bidze 2017 i p’n ganny nanryen pou ICCS.  E sa ou vwar ki tou sa Bidze ki ICCS sanmenm ki ICCS in ganny enkli dan CINEA.  Si ou vwar lo kote CINEA, avan i ti annan li zis en Bidze R7.1 milyon ki nou ti’n mete 2016 azout sa R9 milyon.  So ou vwar lanmenm la preski R14-15 milyon apepre ok.  Me zis prenan kont adisyon zis saler ozordi tou sa bann Staff ki’n ganny transfer ozordi son ekivalan saler aktyelman without any recruitment i apre R5 milyon roupi.  Menm si akoz in ganny transfer from ICCS i annan sa bann bout kot STB.  Menm si STB akoz kekfwa letan nou pou diskit Bidze STB nou pou vwar son eleman Scheme of Service ki i pe demann Lasanble pou aprouve.  Zis son saler li menm i R5 milyon.  Apre i annan bann aktivite kekfwa CEO i kapab mansyonn en pe sa bann aktivite ki’n ganny retire dan STB ki pe vin anba CINEAMenm si nou pa’n vwar en reduction dan Bidze STB i annan bann aktivite.  Par egzanp karnaval, Creole Festival tou sa bann aktivite ki ti ganny fer anba STB.  Kekfwa CEO i kapab pas lo la en pe an gro.  Mersi.

 

MR SPEAKER

CEO donn nou en pe lenformasyon lo sa bann levennman la ki’n sorti laba in vin kot ou.

 

CEO GALEN BRESSON

Anba mandate Mr Speaker i annan Carnaval Enternasyonal de Victoria, Festival Kreol, FetAfrik, lafet La francophonie, lafet la Digue, Ms Seychelles, Ocean festival, Praslin Culinary and Arts Fiesta, Seychelles China day and Seychelles India day.  Mr Speaker ek ou permisyon zis pou azoute mon konnen i annan en pe konfizyon lo the amount.  But it’s because in merge CINEA son Bidze i zis merging of certain entities ki nou’n enkorpor.  E ler mon ti’n fer mon lentervansyon pou konmanse, mon’n dir ki nou annan apepre 47 Staff ki pou still ki zot lanplwa pou zis rediversify pou vin anba CINEA.  Me lorganigranm i stand at around 75 to 80 staff ki nou annan napa okenn budget really pou anploye.  Akoz i annan 2 nouvo seksyon anba CINEA, creative industries and education apre marketing and communication.  Ki menm la nou pa ankor ni mazinen i la dan CINEA.

Pli boner Mr Speaker pou montre en pti pe pli kekfwa planifye rol CINEA.  Pli boner nou ti pe koz lo economize benefits of culture in Seychelles.  CINEA i la pou met sa platform ekonomik benefis e met sa platform sa pilye ekonomik ki Onorab Letourdie in koz lo la pli boner.  Si mon pran lo menm mo ki Mr speaker in koz lo la i dir ‘Bolot Feray,  akoz i pa Ankor ariv enternasyonal.  Me si i ti pou ariv enternasyonal i ti merit deza ganny pibliye e arrive.  CINEA son rol prensipal se lo baz lokal, met sa rol profesyonnel a la port tou Seselwa.  Apresye sa profesyonnel pou en profesyonnel eseye ki sa profesyonnel i vwar.  Sa kreativite ki in fer, i kapab viv lo sa kreasyon e osi ouver son laport enternasyonal.  Mon a re donn mon a kontinyen ek sa legzanp ek ou permisyon Mr Speaker.

Nou’n koz lo film making pli boner.  Ozordi Maurice  e mon’n koz ek bann konpatriyot Maurice.  Maurice ozordi in kree en entity egzakteman parey CINEA me pou zot i pa donn anba Departman Kiltir, i tonm anba Investment Bureau.  E laba zot in pran par egzanp the creative industry of bann lar vizyel.  Sa ki nou apel bann pent e zot in sey ouver laport tou bann pent Morisyen a laspe enternasyonal pou zot kapab kontinyen viv avek zot lapentir.  E pran zot letan kreativite – non pa parey bokou ozordi nou pe vwar Sesel.  Ozordi bann kreater Sesel bokou zot apre zot bezwen al fere en lot louvraz kot zot kreativite i perdi dan sa prosesis.

Ozordi Maurice in kapab debous tou bann lar vizyel ki zot pe ganny bann debousman enternasyonal.  Ozordi Maurice  dan kote film industry Pioneer studio mon krwar bann ki get film i konn tre byen Pioneer studio.  Pe ouver en studio Ile Maurice, e i pa ankor ni konstrir in fini boukte pou premye lannen e nou’n kapab personnelman mon’n koz ek sa bann dimoun par deryer.  Ki si i annan bann film making  – lendistri film making ki ganny devlope par National Arts Council akoz zot pran lanfans –  zot devlop li e ler i vin profesyonnel iv in dan lanmen CINEA pou met  li a la portre enternasyonal ki la ou kapab rezouir.  Konbyen artis mon kontan ki mon vwar Ms Letourdie ozordi i la konman en Manm Onorab  ki’n kapab dir in vann son bann album e i pe rezouir ozordi dan Losean Endyen lo lavant son album ?

Maurice pa lwen, La Reunion pa lwen.  Me par kont ler ou al Maurice bokou bann artis ozordi i viv lo lavant marse Maurice e lavant La Reunion.  E ozordi lo nou lasenn lokal nou pe envit bokou artis enternasyonal mon pe koz ou lo domenn lanmizik pou perform.  E se sa ki CINEA i son rol prensipal ozordi pou rod sa debousman ki demen en artis mon pe servi legzanp artis Onorab Letourdie akoz i en santez byen koni –  kot i bezwen ganny en call kot i dir li vin perform Maurice e pey li.  Ozordi napa artis lokal ki pe ariv sa. En ekriven son liv pe vann i pe viv lo sa mwayen.  Ozordi mon’n fer parti plis ki 11an mon letan lo en Bord Sosyete Drwa Doter lokal e son Chairman i Mr David Andre.  E nou’n fer en lamars manifik ki ozordi Drwa Doter i ganny rekonnet dan nou pei.  Menm s ii difisil pou bokou dimoun pey zot drwa nou asire ki Lalwa i la ki le fitir sa pou arive.  E bokou bann santer ozordi pe konmans ganny en reveni vizavi sa.  E enn bann mandate CINEA i se pou asire ki tou bann dimoun in byen anrezistre tou zot oeuvre avan i menm al enternasyonal.  Mersi Mr Speaker.

 

MR SPEAKER

Prezan nou a rod en pe klarifikasyon mersi CEO.  Onorab Mondon.

 

HON TERENCE MONDON

Mersi Mr Chair, Mr Chair mon pwen se en pwen konsern en pti pe akoz.  Parey nou’n vwar pli boner ler nou ti pe koz lo Departman Kiltir.  En pti pe bann defayans lafason ki nou zer resours larzan piblik ki’n sorti dan Rapor Oditer.  Aprezan mwan mon pe met li  dan konteks CINEA kot i li i pe al manage bann gran gran levennman dan nou pei.  Ou konnen i annan bann gran levennman en kantite nou pe koz en gro Bidze.  R19 milyon e bann levennman osi ki pe i annan larzan osi ki involve.  I annan en ta bann aktivite larzan ki involve.  Mon anvi konnen petet atraver Finans osi ki fason zot pou zer bann reveni ki asosye ek sa bann aktivite.  E ki rol Finans pou zwe ladan e ki fason zot pou outsource en pti pe bann aktivite otour sa bann levennman.  Mon anvi war zot vin kler avek nou ki fason zot pou manage tousala.  Ki mon pa oule vwar ki bann gro levennman apre nou vwar en kantite bann defayans i repete.  Nou pe koz lo kote larzan. Mersi Mr Chair.

 

MR SPEAKER

Ok mersi, PS Finans epi CEO.

 

PS PATRICK PAYET

Mersi Mr Chair mersi Onorab.  Lo nou kote ki nou pe fer parey zot konnen tou konmansman 2013 tou bann financial controllers in tonm anba Minister Finans.  E nou’n konmans donn zot en pe properly avek sa nouvo regilasyon ki nou pe met an plas.  E tre byento nou pe vin avek the nouvo accounting manual ki nou pe fer sir ki nou annan bann prosedir vreman kler ki tou dimoun i kapab okouran.  Ki bann prosedir zot bezwen follow.  Ki nou’n fer nou se i annan bann entity ki pou rezon zot groser nou’n kapab don zot properly en accountant ouswa en assistant accountant ki travay direk kot zot.  Me selman letan nou’n vwar en pe i annan ki nou’n fer li centrally at the Ministry of finance.  Ki’n annan en group Staff accounts, ki fer sir ki zot ki oversee sa bann account sa bann entities.  E letan nou pe get CINEA akoz par egzanp National Arts Council avek ICCS li zot napa zot bann Staff accounts kot zot.  I ti pe operate kot Minister Finans.  So nou pe vwar avek CINEA la ki nou pe met li an plas pou fer li pas parey National Art Council.  I pa ganny son seksyon accounts kot li me tou bann invoice CEO once in fini fer bann prosedir i annan zot direkter administrasyon ouswa zot dimoun administrasyon ke fer tousala.  Me selman tou bann invoice i ganny endorse by CEO e sa process i vin kot Minister Finans.  Ki head by en director of accounts management kot Minister Finans.  E nou ki nou fer nou verifye si bann prosedir premyerman si Bidze i annan.  Secondly si bann prosedir tender dapre son bann regilasyon ki egziste si in ganny follow.  E thirdly la ki nou fer peyman.  So nou fer sir sa bann verifikasyon i annan en direkter accounts ki oversee sa seksyon dan Minister Finans, dan centralize accounts unit.  Nou fer sir sa bann prosedir in ganny follow.  E secondly avek sa Government Audit Committee ki nou’n met in place.  Nou pe fer sir ki tou bann aksyon bann proposal ki’n ganny fer dan odit Auditor General Report e tousala nou pe fer sir ki i annan bann rekomandasyon ki’n ganny fer.  E tousala i annan bann task sa bann Minister ouswa bann Departman i ganny follow e zot annan en action plan pou zot koriz sa bann defayans ki’n ganny mete.  Sa nou pe met an plas.  Nou pe travay konzwentman avek P.O.U osi ki konmansman lannen tou bann Minister e Departman zot bezwen prodwir en procurement plan.  E tousala sa procurement plan i ganny oversee par procurement oversight unit ki fer sir ki once ki ou konnen kwa ki ou pe al fer pandan lannen.  Ou bezwen annan en plan ou pa kapab zis tanzantan pe al fer isi pe al fer laba.  Ou bezwen annan en plan.  Procurement Oversight Unit i bezwen follow through your plan every quarter pou regarde ki ou’n fer kwa ki ou pa ankor fer.  E tousala bann prosedir ki nou pe met an plas. E definitivman sa nouvo lazans CINEA ki’n vin into force li osi i bezwen follow sa bann prosedir into place.

 

MR SPEAKER

Mersi mon krwar sa bann prosedir i kler.  Onorab Prea.

 

HON NICHOLAS PREA

Mersi Mr Chairman.  Mr Chairman mon anvi lo query ki Onorab Afif in lev-e taler mon anvi ankor en pe plis leklersisman.  Koriz mwan petet I’m wrong.  Mon ti annan lenpresyon petet ki karnaval ti organize baze lo sponsors.  La nou pe ganny dir ki CINEA lo pou organiz karnaval.  Mon ti a kontan konnen ki Bidze ki pe allocate avek organizasyon karnaval.  E an konparezon avek ki Bidze ki pe ganny allocate pou Lorganizasyon Festival Kreol.  Akoz par egzanp sa lannen nou vwar en lanpler lo karnaval o detriman nou Kiltir Festival Kreol.  Mon konsern i vin la akoz nou ti ganny dir i fer 4an ki nou pe organiz karnaval ki Sesel ti pou ganny en masiv ekspoze.  Nou’n depanse nou’n fer zournalis antre Sesel.  Kwa ki Sesel finalman in benefisye avek?  An menm tan ki atraver sa bann keksoz nou Kiltir pe ganny detri?  Mersi.

 

MR SPEAKER

Onorab Prea.

 

CEO GALEN BRESSON

Mersi Onorab Prea i en konsern ki byen note.  E mon ti a kontan dir ki nou pe fer en prepozisyon avek Cabinet.  Ki karnaval as of 2017 i vin parti Kestival Kreol.  E i pour i pa ankor ganny the go ahead i en keksoz ki dan sa pti letan ki nou’n kapab ne nou’n propoze k ii vin parti Festival Kreol.  Akoz nou krwar i en idantite ki kapab enkorpor dan festival kreol.  E i kapab showcase tou bann laspe kreolite ki nou annan.  Kestyon larzan wi i annan bann sponsors involve dan tou keksoz.  Akoz bann total budget pou tou levennman ki mon’n mansyonnen i at around R9.5 million given take lo sa Bidze 2017.  La mon pe koz tou sa bann levennman ki nou’n mansyonnen e bokou fwa PS koriz mwan si mon mal.  Festival Kreol alone 2016 in ariv apepre R3.1 milyon pou host Festival Kreol.  Me Bidze pou 2016, R3.1 milyon.  Pardon mon pe koz ou lo 2016 la.  The real figures for hosting Festival Kreol e sa mon’n tir.  Ler konman CEO CINEA en keksoz ki nou bezwen pe travay avek akoz nou pe analize tou bann levennman enn par enn konbyen ki’n koute, konbyen ki’n sponsors i antre ladan.  Par egzanp Festival Kreol the real budget was R3.1 million spent in 2016.  So konbyen ki Gouvernman ti rapatriye dan sa R3.1 milyon?  Konbyen ki sponsors in antre?  E figures ki mon kapab dir i la.  Sponsors came in with only R286 thousand e R265 thousand pou budget of R3.1 million and that is in kind of money based on money.  Ti annan serten sponsors kin donn dibwa akoz ti annan serten bann striktir ki ti pe fer.  Larestan Gouvernman in bezwen sey workout dan li menm dan en fason ou en lot pou meet the R3.1 million of Festival Kreol ki 2016.  Egalman si zot regard okenn levennman ozordi, nou bezwen pran nou lekor zot en bann Manm Onorab.  Mon asire ki zot in fer bokou levennman personnel pou zot. E zot ganny the real figures of organiz en levennman ozordi.  Konbyen ki en stage i koute en latant i koute, son i koute.  Zot pou vwar ki mannyer en levennman pa fasil pou zere ek serten Bidze.  E la nou annan nou apepre en dizenn Bidze ki include Praslin/La Digue.  Deplasman personnel, deplasman lekipman, lwe lekipman.

E pou mwan personnelman menm sa mon pou vwar li en pti pe difisil pou 2017 delivre lo bokou.  Mon welcome at any one time okenn Onorab ki anvi antre kot CINEA.  Vin depouy okenn Bidze mon welcome zot.  Sa mon personnelman akoz mon konman en dimoun profesyonnel dan mon domenn profesyonnel mon’n toultan mars avek en rikord ki prop.  E mon ti a kontan ki sa i kontinyen ler mon dan sa pos.  Mersi Mr Speaker.

 

MR SPEAKER

Onorab Prea avan mon fer en komanter.

 

HON NICHOLAS PREA

Very short Mr Speaker. Atraver bann tel levennman zot osi kolekte serten reveni i pa reflekte ladan eski zot annan figures par egzanp.

 

CEO GALEN BRESSON

Onorab Prea ou pe regard par egzanp Festival Kreol.  Reveni ou pe dir par egzanp dan term mon pou demann PS pou antre lo la.  Mersi.

 

MR SPEAKER

PS.

 

PS BENJAMINE ROSE

Mersi Onorab wi nou annan bann.  Annefe pou 2016 nou’n fer nou apepre en 34 aktivite Festival Kreol an total ok.  E ladan i annan zis 7 ki peyant larestan ti pou piblik an zeneral.  Alors pou piblik nou pa resevwar reveni.  E dan sa 7 ki peyant ti annan zis 3, 2 aktivite lo nou kalandriye ki peye.  Sa ti Bal Asosye apre ti annan fon lanmal otour dife.  Apre ek bann stall nou ti annan nou.  Nou’n anmas nou en sonm R40mil ek bann stall.  Nou’n anmas nou en sonm R125mil avek Bal Asosye, e nou’n anmas nou en sonm R70mil avek Fon Lanmal otour dife. Mersi.

 

HON PATRICK PILLAY

PS avek tou CEO mon krwar mon ti a kontan konman en ansyen Chairman Festival Freol pandan 8an.  Mon ti a kontan ganny en breakdown detaye sa R3 milyon ki ou’n dir pou nou prezant devan Lasanble.  Akoz mon en pti pe bafwe ki mannyer ou kapab depans sa kantite larzan pou Festival Kreol ?  Me petet ou annan rezon me mon ti a kontan ganny sa verse pou Lasanble.  Eski sa i posib?

 

MINISTER IDITH ALEXANDER

Wi i annan ek li la.

 

PS BENJAMINE ROSE

Mr Speaker mon annan en kopi antye la konbyen in arive.

 

MR SPEAKER

Tre byen mersi Onorab Ramkalawan.

 

HON WAVEL RAMKALAWAN

Mr Speaker mwan osi tou mon pa pe tro ganny en konpran la. E mon mank konprenezon kapab enterpret li dan diferan fason.  Me ou a krwar toultan sa Departman Kiltir la konmsi toultan i annan.  Ennler NAC i annan lenportans ennler NAC i ganny met de kote.  Ennler ou ganny lot Lorganizasyon, lot Lorganizasyon i ganny met de-kote.  Konmsi i napa en direksyon.  Mr Chairman letan mon regard National Arts Council lo paz 519 e mon regard son mandate. 

‘’The mandate of the National Arts Council is to encourage the appreciation of and provides resources for the development and promotion of arts in Seychelles at national and international levels.’’  Mon war sa konman mandate National Arts Council.  Aprezan letan mon regard the mandate of CINEA lo 507 ‘’is to the development.’’  Li zis in detay li en pti gin plis, ‘’the development of creativity, skills and talents in individuals and collectively in the fields of visual performing arts and literature.  Organize national events in a plan and coordinated manner and provide for matters collected there with or incidental thereto.’’

 Ok sa I’m sure i sorti I’m sure i sa bout la lo sa Act CINEA –  parski zis konman ou ganny connected there with and incidental thereto,  Ou konnen ki poudir sa i dan son Lalwa.  So pou mwan e lafason kin ganny eksplike Mr Speaker Mr Chairman dir mwan  – dir mwan mon enbesil selman mon pa vwar okenn diferans ant promosyon anba CINEA e promosyon anba NAC.  Mon pa pe vwar diferans e i fer mon poz mon lekor kestyon.  Mon anvi konmsi kapab dir be sa lezo sa lavyann. Me la pou le moman mon pa ni konnen si i kranmkranm si kwa, ki dan milye.

E nou’n fek Minis fek reprimann nou pou lapenn nou pa’n vin asiste arts festival.  E in reprimann nou e mwan mon pa’n vini akoz mon ti annan 4 commitment sa zour.  E ti annan tro bokou commitment dan sa menm zour e an plis ki sa ti annan en gro lapli tou.

E me selman nou’n dir NAC ki ti organiz sa.  la in ganny dir NAC ki ti organiz sa zoli aktivite fantastic Onorab Georges pe rod sa on track ensidswit.  Ki konmsi mon pe demann mwan eski nou pa pe duplicate keksoz, eski nou pa pe duplicate ?  Nou’n pas en lannen in annan karnaval in annan Festival Kreol in annan tou sa bann diferan keksoz. E la all of a sudden CINEA i vin i pran prominans.  Kantite keksoz i tonm anba son lezel, ICCS byensir si ou pe kree en keksoz nek zis ou pran isi ou pran laba ou met laba.  Me selman sa pa vedir ki duplication i pa kontinyen.

Alor Mr Chairman mon personnelman mon pa pe vwar e mon pa pe unless mon ganny en definisyon kler baze lo sa bann keksoz ki nou’n tande.  Ki diferans i annan ant NAC avek CINEA?

 

MR SPEAKER

Ok petet CEO ou a sey donn nou en pe leklersisman.

 

CEO GALEN BRESSON

Mersi Mr Speaker e mon pou mon oule re-eklersi sa pou Onorab Ramkalwan.  Mon pa pou mars lo lipye National Arts Council ek son bann fix appendix.  Deza nou bann levennman ki nou fer lo nivo Nasyonal i totalman diferan avek National Arts Council.  Me lo la baz profesyonnel i take what is developed by National Arts Council and promote it on international standards.  E se pourquoi ou vwar nou pe regard re regard bann levennman ki i vin en platform pli o dan pei.  Mon a donn ou en legzanp si ou pe pran par egzanp nou di karnaval, Festival Kreol nou bezwen kapab ekspoze dan karnaval, festival avek bann idantite enternasyonal –  La television, la radio e menm lapres ekri enternasyonal pou pran tou sa ki ganny ekspoze anba nou bann mandated events e pran sa e al eksporte through avertisman ki ganny resorti.  Par egzanp Telekreol mon pa konnen konbyen zot ki’n vwar en lasenn dan la rezyon ki apel Telekreol.  Telekreol i pou bezwen ganny envite me i pa pou al dan arts festival, what arts festival looks at.  Bann ki ti la zot pou vwar in ekspoz bokou artis me pa neseserman lakrenm de lakrenm de artis lokal.  E se sa ki nou nou anvi fer as CINEA ekspoz the top artist akoz ou annan en prosesis konman en artis pou ou ariv a la porte professionalism.  E Telekreol i ava antre e fer i war nou bann platform ki nou’n etabli spesifikman pou ekspoz nou bann artis.  Fodre nou a mon konnen in arive mon pou konpran ou lenkyetid Onorab Ramkalawan.  Mon pou osi konpran ou konfizyon a sa pwen.

Par egzanp si ou pran en platform ki ti deza egziste an 2016 ki karnaval.  Nou pou pran bann artis, bokou artis i vini i monte.  I zwe playback i fer me i napa nanryen prominans.  Si mon ti demann zot ozordi en artis ki’n fer lamars tre byen dan sa parkour lannen i en artis parey Phillipe Toussaint.  Mon pe koz lo artis mizikal e nou pou bezwen kapab disteng lokalman artis ki pe demare, ki pe travay avek NAC pou demar li pou prodwi son profil.

Akoz lo sa platform ki CINEA i mete ou pou bezwen in fini pare e konplet konman en artis.  Ou pe prodwir profesyonnel, ou annan ou CV profesyonnel.  e ler bann dimoun i vin kontakte ou lo sa platform ou pe kapab deswit eksport li.  Non pa aprezan ki ou pou al form ou lekor pou al fer leksportasyon.  Mon pa konnen mon si mon’n kapab tous en pe ou bann konfizyon Onorab Ramkalawan.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Chair, Im sorry Mr Bresson me mon krwar zot pe kree en plas pou zot.  Konmsi sa bann keksoz ki ou’n dir la e mon in fact mon’n war ki bann artis Seselwa ki’n fer en zoli perse.  I mean Dezil ok Sandra tousala Dezil.  En pe pli avan ti menm annan sa sanson la ki bann garson mon pou dir li Pti Pate sorry mon’n bliy son nonStill Waters, Francois Vital pa plere ki ti ariv en gro skandal.  Sa ti en lanmizik konpoze par Seselwa ki en group Alman ti vole ok ?  Letan mon regard letan nou ti annan bann konpetisyon enternasyonal.  Kot Patrick Victor ti sorti avek ‘Koste Pep Losean Endyen’. Nou ser Onorab de Letourdie in deza ganny premye pri dan La francophonie, Marie-cecile Medor tousala, Jean-marc.  Mon al Maurice kot ou pase dan laboutik ti pe zwe sanson Chico.  Kot David Andre lo nivo La Reunion.  Konmsi nou, nou pa anvi zis bann zoli parol ganny mete ansanm e apre konmsi pou nou dir la aprezan nou a pe al fer la perse ensidswit.  E tousala ki sanmenm sa mon pe dir duplication e ki sa ki nou pe vwar la pou mwan i napa absoliman nanryen nouvo.

E sorry e mon konklizyon se ki e Kiltir parey nou nou’n parey mon’n mansyonnen taler dan lodit i annan tou sa bann problenm.  Mon ganny lenpresyon osi ki avek sa zafer karnaval ki ti pou donn nou tou sa piblisite enternasyonal.  Ki’n anmenn se pa konbyen lasenn televizyon ensidswit ensidswit, ensidswit.  Mon ganny lenpresyon ki ti en Minis Kiltir in soi donn nou en kantite zistwar.  E ki ozordi nou pe viv dan bokou sa bann zistwar e ki finalman nou pe trouv nou zis pe met plis larzan isi plis larzan laba.  Me ki finalman nou pe zis tourn an ron lanmenm la ater.  E mon krwar i annan en problenm la Mr Speaker i annan en problenm e nou bezwen konnen egzakteman dan ki direksyon nou pe ale.  Parske la pou le moman nou pa pe al mon pa vwar nou pe al dan en direksyon.  Mon trouv nou pe vir an ron e mon sa bann zafer vir an ron mon pa tro kontan.  Mersi bokou.

 

 

CEO GALEN BRESSON

Mr Speaker mon pou retourn ankor lo sa ki Onorab Ramkalawan in met a laporte.  Mr Onorab Ramkalawan in mansyonn bokou bann oeuvre lokal.  Ki son perspektiv in tande me eski is it commercially valuable to the artist?  Ou’n tann pe zwe ‘Chico eski ‘Chico ozordi pe viv komersyalman lo sa oeuvre?  Mon dir ou non.  Ou’n koz lo ‘Pa plere,’ ‘Pa plere’ i en gran zistwar ki ozordi personn pa kapab pe viv lo sa oeuvre ‘Pa Plere.’  E sa mon kap       ab dir ou en realite.  Ou’n koz lo Dezil, de zil in fer en perse me akoz nou lendistri pa ti ankor pare. Se sa ki CINEA pe antre ladan.  Dezil pa’n kapab prodwi nanryen ankor ozordi zot pa kapab al enternasyonal konman Dezil.  Akoz kontra ki zot in sinyen enternasyonalman in anmar zot lanmen.  So commercially they are no longer valuable internationally.  E zot pa pe kapab earn akoz zot in ganny rip.  I en keksoz ki’n antre lo lasenn lokal e in pran zot in fer wonder.  Nou’n koz lo Jean-Marc Volcy i enn bann ti perse kin kapab fer ozordi Jean-Marc i kapab ganny en pti call pou kapab al zwe Maurice.  Akoz tou dimoun ankor sant ou zis ‘Bake Yaya.’  Mon kapab dir ou mon pa nouvo dan field Entertainment parey bokou i konnen ou menm ou konnen Onorab Ramkalawan.  Sesel mon fek sorti en ganny en ekspoze avek en festival La Reunion e pou mwan ti en eye opener akoz ?  Ozordi premye lo lalis dan La Reunion i zot ‘Maloya.  Mon krwar nou tou nou konnen ki si sa maloya e ki sa e zot No. 1.  Ler Sesel in ariv laba zot pe demande be lekel zot.  Nou mazin en kou zot mazinen zot dir arm on krwar nou deza ganny en sanson Patrick , nou deza tann en sanson Joenise Juliette.  Nou pe mazinen kantite lannen pase, mon pae mon demande be eski okenn pe vann komersyalman?  Non, lekel top selling artist laba.  Alain Ramanisum, Laura Beg, mon kapab mansyonn bann artis Morisyen ki’n fer bann perse, ki’n kapab sorti e se sa platform ki CINEA i anvi sey devlope.  National Arts Council son lanmen i deza plen e i pe met lanfaz lo on the local scene.  Pou kontinyen generate ledikasyon pou tir grassroot pou anmenn li.  We need to develop ozordi, se sa kot CINEA pe antre.  Pou sey komersyaliz sa idantite me Onorab Ramkalawan mon ti a kontan ou demann ou koleg Mr David Andre how commercially viable.  E pou mwan ler mon dir ou commercially viable mon ti a kontan.  Mon en koleg David Andre nou’n travay ansanm pandan 11an la.  I aret montre lanmizik i montre son bann oeuvre komersyalman san poursan e viv lo la.  E this is where CINEA pe antre, pou montre sa platform pou fer li pli fasil.  E non pa mars lo lipye NAC.  E the commercial basis is the main concern.  Nou annan i annan labaz kekfwa oparavan bann Manm Onorab pa’n byen tann mwan.  Creative industries is now formed working in MauritiusNow formed and working in South Africa.  Creative industry nou get en wide variety it is an entity kot kreativite i bezwen vin en pilye lekonomi.  E se la kot CINEA i antre pou fer sir sa bann valer i ganny rekonnet lokalman, enternasyonalman osi.  Se la ki nou disteng nou lekor avek ledikasyon ki National Arts Council i fer e platform ki National Arts Council i fer.  Mersi Chair.

 

MR SPEAKER

Onorab Pillay ou ti oule pran laparol.

 

HON SEBASTIEN PILLAY

Mersi Mr Chair, Mr Chair ler mon pe regard dan liv Bidze mon ti pe regard pou Minister tourism.  Mon pe vwar i annan serten rediksyon an relasyon avek serten Heads ki relye avek ‘wages and salaries.’  So mon ti oule zis met sa lo rikord apre dezyenmman Mr Chair,  Prenan kont sa ki’n ganny dir mon pe regard lalwa CINEA.  E enn bann konponan son lalwa ki konpri creative industry i kre platform pou bann dimoun ki dan creative.  Pou kre zot lanmizik parey Joe Samy, David Andre, Jany de Letourdie bann dimoun koumsa ki’n kree zot sa.  Ti annan en problenm ki ti arive Mr Speaker if you recall pa tro lontan pase kot bann artis ti annan en outcry ki National Arts Council pa ti kapab akt konman sa platform pou zot.  Prezan ki mwan mon ti oule demann avek CEO.  Enn bann konsern ki bann artis ti annan a sa moman sete lefe ki National Arts Council son mandate ti sitan larz.  An se ki konsern nasyonalman i pa ti pe kapab get zot personnelman as artist pou zot kapab move the next step.  Sorti dan sa ki zot in kree pou fer li vin en commercially viable activity pou zot.  Zot ti le viv lo zot lar so to speak.  E sa pa ti kapab ganny fer anba National Arts Council.  Akoz li National Arts Council ti pe regard lar dan en laspe Nasyonal.  Promouvwar lar, protez lar e move li lo nivo Nasyonal.  Prezan mon oule gete mon an relasyon ek sa ki zot in fer tranzikman depi ler zot in ganny kree.  Ki zot annan plan pou fer konman en means pou ed sa bann artis ki pe kree zot lar pou zot kapab ganny en perse si oule lo nivo pa zis lokal me lo nivo enternasyonal.

Apre dezyenmman i annan en konponan dan zot lalwa ki relate avek Coyright Act.  Mon konnen Copyright Act i ganny manage par Rezistrar.  Me mon krwar ki konman en Lasanble nou pou pe fer en de service bann artis ozordi si nou pa regard sa entity ki la dan laform ki i kapab vin en loportinite oubyen en veikil pou ed bann artis ki pe kree zot lar.  Rather than zis get li from perspektiv en entity ki organiz Festival Kreol, Carnival de Victoria.  Sa i zis part of the mandate e not the whole of the mandate.  So mon ti a kontan ou klarifye le 2 e ki mannyer 1 i sipoze konplemant kanmarad.  Mersi Mr Chair.

 

MR SPEAKER

CEO si oule eklersi sa apre mon krwar nou pou bezwen pran en desizyon.  Oubyen PS oule eklersi sa briefly?

 

PS BENJAMINE ROSE

Mr Chair mon ti oule zis donn en pti leksplikasyon nesans CINEA.  Annefe an 2011 ti annan en survey ki ti ganny fer isi avek bann artis.  Ti annan 2 expert sorti UNESCO kot zot ti’n vin fer en letid lo nou lendistri kreativ isi e ki mannyer i e ale.  E atraver sa zot ti fer bokou bann focal interview zot in fer osi bann interview avek bann artis.  Bann diferan groupman artis e parmi sa enn zot rekomandasyon se pou kre en Lazans.  En Lazans ki se zisteman pou anmenn loportinite pou bann loportinite komersyal pou bann artis.  Pou zot kapab eksport parey Mr Bresson in eksplike.  Rekomandasyon i pa zis antre nou Sesel ki nou asize nou’n dir fodre i annan en CINEA or nou’n kre li politikman.  I ti rekomandasyon 2 expert ki ler in etablir in vwar nou lendistri kreativ.  E apre Maurice osi zot ti aktyelman pran konsey sa 2 expert pou zot fer pou zot. Annefe Maurice in taye in fer pou li in fini etablir.  E sa ti rekomandasyon sa bann expert e nou annan osi Lasanble i ti anvi kopi sa bann rapor.  Nou kapab fer zot ganny kopi rapor. Mersi.

 

MR SPEAKER

Mersi PS.  CEO esper en pti moman.  Avan nou donn ou laparol eski i annan lezot dimoun ki ti annan serten pwen parey pe eksprimen par Onorab Pillay e Onorab Ramkalawan ?  Wi Onorab Prea?

 

HON NICHOLAS PREA

Mersi Mr Chairman, Mr Chairman Onorab Pillay in fer referans ki i annan en rediksyon dan wages kote lo kote tourism.  Me CEO in dir ou zot in plug sa group ki ti organiz karnaval from STB.  Wi whole event of STB pe tonm anba CINEA.  Me ler nou regard wages STB napa gran diferans.  I pa desann i plito monte.  Si nou ti vwar en desann lo kote wages STB then nou a konnen be sa is a group  event organizer ki’n al lo kote CINEA.  I pa leka akoz nou pe regard STB’s budget.  Petet PS Payet i kapab eklersi nou lo la.

 

MR SPEAKER

PS Payet.

 

PS PATRICK PAYET

Thank you Mr Chair zis pou azoute parey mon’n dir pli boner.  Letan ou regard Bidze STB sanmenm sa ou vwar i more or less parey son revised budget 2016.  Se akoz son nouvo Scheme of Service kin vin an plas an Zilyet sa lannen ki pe pran lefe.  So napa sanzman sanmenm ki ou vwar menm si ou’n absorb sa group ou’n transfer li from STB to CINEA –  Ou’n tir li anba

‘event me i pa’n sanze son Bidze – saler se akoz sa bout nouvo Scheme pou STB ki pe vin into force.

 

MR SPEAKER

Mersi PS Payet.  I annan enn de dimoun ki oule koz ankor me letan pou ale.  Mon demann mon si nou pa devret parey nou’n fer avek 3 lezot Departman petet met li on hold.  Nou a diskite avek Minis pa pou ozordi me pou en lot moman.  Pa forseman ki nou bezwen pran en desizyon avan Nwel e ki nou eklersi sa bann keksoz.  Pou fer kler sa bann distenksyon parske nou’n deza aprouv R12 milyon pou National Arts Council R12.987 milyon.  Minis eski sa i ava en way forward.  Wi Minis Alexander.

 

MINISTER IDITH ALEXANDER

Mr Speaker konsernan pou NAC avek CINEA parey mon’n dir zot nou pe travay lo en plan nou pou Minister.  I enn ladan ki ler mon’n vini nou’n vwar mon annan mwan 6 entities.  So i enportan ki NAC i enn ladan.  Akoz NAC i annan sa bout teknikal osi ki pou sorti kip e al ek CINEA.  I pou annan en nesesite savedir pou nou reget fonksyon NAC.  So ladan ler nou pe fer nou kapab pran konsiderasyon tou sa bann keksoz ki zot pe dir.  Akoz ler pa la dan nou latet direkteman me CINEA ek NAC i sipoze pe konplimant kanmarad.  Me i annan ki ler ou pou enterprete mon pa pe mazin sa clause direk ki i pe fer bann konklizyon.  So sa i enn kot nou pou bezwen asize avek AG’s Office pou nou re regard sa bann clause avek sa bann reorganizasyon ki  pe arive.  Parey mon dir i annan en bout kot son teknikalite NAC pe sorti avek li.  So ler i pou bouze mon pou bezwen prezan nou konman Minister ki responsab sa Lalwa,  mon pou bezwen regarde mon pa pou kapab tir nou fer sa transfer selman nou kit li.  Nou pou bezwen re aranze tou sa.  Prezan bann bout ki zot pou dir nou a pran konsiderasyon nou a travay avek.  Selman i nou’n vwar nou menm kot nou pe dir konplimant me selman ler ou pe vwar i vin en pti pe konfizan.  Nou menm nou nou’n ouver nou’n vwar sa pti bout konfizyon kot pe pou vin aranze.  Mersi.

 

MR SPEAKER

Tre byen savedir PS Payet si avek ou gidans mon krwar nou annan letan Zanvye or somewhere around that time pou nou revwar sa 2.  Nou’n aprouv pou National Arts Council me prezan parey Minis in sizere avek AG’s Office nou a vwar mannyer pou revwar the Act.  Si sa i akseptab Mr Onorab Pillay pa vwar li akseptab.

 

HON SEBASTIEN PILLAY

Pa kestyon mon pa pe vwar li akseptab Mr Chair.  I annan konponan ‘wages and salaries’ anba CINEA ki sa bann dimoun i bezwen ganny peye.  So mon pa kapab afford pou fer sa bann dimoun esper Zanvye pou zot konnen zot pou ganny zot 13th month salary.

 

MR SPEAKER

Ok you’ve made your point.  PS Payet how do you get around that?

 

PS PATRICK PAYET

Mersi Mr Chair kekfwa letan nou regard son konponan saler ki i R5.7 milyon.  Apre sa R6.3 milyon ki ti revised 2016 ki i pe kouver ICCS more or less konponan.  Nou kapab avek sa provizyon dan PFM seksyon 26, letan ou regard sa R19 milyon ki nou pe demande ou kapab freeze ankor R7 milyon ziska ler kekfwa i annan sa bann proper proposal ki kler vreman avek sa bann definisyon.

 

MR SPEAKER

Which we’ll take care of the salary issue raised by Onorab Pillay.  Yes is that is PS Payet.  Ok Onorab De Commarmond.

 

HON CHARLES DE COMMARMOND

Mr Speaker dan sa ka nou vot lo sa bann Heads an tenir kont sa ki PS in fer pou nou kapab.

 

MR SPEAKER

Eski sa i akseptab Onorab Ramkalawan?

 

HON WAVEL RAMKALAWAN

Yes Mr Speaker la mon vwar en way forward e mon kontan lafason ki Minis dan en fason fran in rekonnet ki pou dir nou annan en konfizyon.  E mon kontan ki si nou ki pa pe ansarz sa Minister nou, nou pe vwar bann konfizyon.  E Minis ki ansarz sa Minister li menm li in dir ki i bezwen al redefine.  Menm pou ariv AG’s kot Biro Attorney Zeneral.  Mon krwar  ki i toutafe normal ki nou pran nou responsabilite e baze lo sa ki Onorab Payet in dir mon krwar en vot en this is the way forward

 

MR SPEAKER

Tre byen la mon vwar en keksoz pozitiv non nou pa pe pran ankor lopinyon nou’n fini tonm dakor.  Nou a pran lekout Minis.

 

MINISTER IDITH ALEXANDER

Apre osi nou bezwen mazinen sa Act NAC depi 1991 get ki nou ete la konmela.  So la i ava en letan nou a regarde sa Act NAC i 1991 la 2016.  So nou a kapab regarde so donn sa sipor prezan nou osi nou fer nou bout.  Kontrer ti a bon osi ler nou pe amande donn mon zot bout zot osi kote zot pe dir.  Kote kot pou nou aranze.

 

MR SPEAKER

Tre byen.  Wi Onorab.

 

HON WAVEL RAMKALAWAN

Zisteman nou, nou en Lasanble ki ou Lalwa vin avek ou lalwa nou ava koz lo la.  E nou ava fer nou kontribisyon parey nou’n fer avek bann lezot Lalwa ki’n pase ziska aprezan.  Me selman mon ti a kontan dir avek ou Deputy CEO CINEA son bann komanter lo Facebook kot i pe maltret nou.  I pa pe fer en komanter me i pe dekrir nou ki maziskil.  Sa i pa akseptab.

 

MR SPEAKER

Alright the point has been made.  Onorab De Commarmond in koz lo la.  Nou tou nou’n ganny maltrete yours truly osi in gannyen.  Prezan la in dir nou pou sey arête.  Prezan annou pran en vot lo sa Bidze.  Yes tou dimoun ki an faver sa Bidze an atandan ki nou ganny sa revizyon ki Minis in promet nou in donn nou en commitment.  Agency Creative Industry and National Events lev zot lanmen?  Eski tou dimoun ki vot pou sa lev zot lanmen.  Clerk?  Okenn dimoun ki kont?  Ok anons rezilta Clerk.

 

MADAM CLERK

Mersi Mr Chair mon’n rikord 13 vot an faver e en vot kont.  Mersi.

 

MR SPEAKER

Tre byen savedir ki sa Bidze pou Creative Industry and National Events Agency i pase.  E Minis in donn nou en commitment ki i pou anmenn en Act ki pou ganny revize ansanm avek Attorney General.  Mersi Minis –  of an impasse what looked like an impasse.  Sa prezan   eski nou kapab pran dernyen agency ki madanm Miera Savy i la.  E sa i Seychelles Heritage Foundation.  Nou a kapab eskiz Mr Bresson.

 

 

CEO GALEN BRESSON WAS EXCUSED FROM THE HOUSE 

 

MR SPEAKER

Nou a demann madanm Savy pou vin devan.  Seychelles Heritage Foundation i ganny outlined son budget summary and overview lo paz 515 e 516 ziska 18.  Madanm Savy ou ti a kontan dir koz lo la pou 5 minit oubyen Minis oule koz lo la ?

 

MINISTER IDITH ALEXANDER

Mon dir en pti kou Mr Speaker – zis mon a entrodwir li.

 

MR SPEAKER

Tre byen Minis go ahead.

 

MINISTER IDITH ALEXANDER

Fondasyon leritaz Sesel i osi ganny gouvernen par en Act.  Son Act ti vin an fors an 2006 avek bi pou met an valer e devlop bann Sit leritaz Kiltirel Sesel.  Konbyen en ‘byen soutenab e ekonomik.  I nou dan prosedir la pou li osi kot zot.  Son Bord son letan in fini kot pe pou apwent en nouvo Bord.  E son Sef Egzekitif i madanm Miera Savy.  E madanm Savy ti ganny apwente an Novanm 2015.  E pou sa nou Fondasyon Leritaz Sesel pe propoz en Bidze R7 milyon 418 mil 990 sa pou lannen 2017.  E i osi annan 2 progranm.  Premye progranm parey mon dir sa i standard pou ladministrasyon, zesyon i R1 milyon 718 mil 700.

Dezyenm progranm i pou fer avek konservasyon e valorizasyon nou leritaz.  Sa i R5 milyon 700 mil 300 ki fer nou en total R7 milyon 418 990.  E la mon a pas laparol avek madanm Savy ki ava donn zot en pti pe lo son Staff,  ki son bann gran proze ki i pe antisipe pou li antreprann 2017. Mersi.

 

MR SPEAKER

Mrs Savy.

 

CEO MIERA SAVY

Mersi Mr Chair e bon apre midi ankor tou bann Manm Onorab e tou piblik ki pe get nou sa ler.  Fondasyon Seychelles Heritage Foundation i travay anba portfolio Minister Lazenes, Sport e Kiltir.  E manda SHF se pour idantifye, konserv e met an valer bann Sit Leritaz ki Sesel ki Gouvernman Sesel in met anba zesyon SHF.  Lo kote saler en sonm R2milyon 830mil 470 in ganny Bidzete pou saler 2017.  Aktyelman nou annan 7 travayer ki dan pos 1 pozisyon i frozen e 6 pozisyon i vacant.  Nou anvizaze fer prosedir rekritman pou tou pos vacant apartir Zanvye 2017.  Vi ki la nou annan larzan pou sa bann pos pou tou sa bann pozisyon.  Konsernan repartisyon. Nou annan 4 unit, 1 ki pe konsakre lo ladministrasyon, resours imen ek finans.  Dezyenm unit i konsern zesyon bann Sit ki anba nou responsabilite.  3enm unit i met lanfaz lo konsyantizasyon e ledikasyon bann manm kominote konman lekol e bann groupman.  4enm unit i pe i met lanfaz lo marketing e Korperasyon enternasyonal.  Permet mon koz lo konsernan Bidze kote komodite e servis.  Pou permet nou realiz nou lobzektif an 2017 SHF in resevwar R3 milyon 63mil 520 roupi.  Ladan nou pe al itiliz li pou bann depans lofis ki annan pou fer avek ladministrasyon.  E konteni ladministrasyon travay SHF nou ti annan en total R436mil 780 ki nou’n konsantre pou sa bann depans.  Vi ki nou bezwen fer en provizyon pou logmantasyon litilizasyon elektrisite kot Domaine Val Des Pres kot nou bezwen met elektrisite on lannwit pou sekirite.  I annan osi tou bann depans kote advert pou permet nou enform mye bann popilasyon e bann regroupman konsernan nou aktivite.  I annan osi bann materyo profesyonnel ki nou bezwen met a latansyon piblik an zeneral.

Lo kote transportasyon e vwayaz nou’n vwar en logmantasyon sorti lo R175 mil 540 roupi pou ariv 383 mil 70.  Sa i montre sa  akoz nou ou annan 2 Staff ki nou pe anvoy La Reunion e enn Staff pou al formasyon La France an 2017.  I byen osi pou fer remarke ki an 2017 management SHF i annan plan pou plis vizibilite aksyon a travay lo teren ki pe ganny fer, pa selman Mahe me osi Praslin e La Digue.  Dan sa lanvlop SHF osi pou devlop lesanz savwar fer dan kad Korperasyon rezyonal.  Sa i permet nou ogmant nou kapasite stratezik ler nou delivre nou travay.  E dan sa bann relasyon, nou bezwen pran kou deplasman e osi akomodasyon nou bann Staff.  Lot laliny Bidzeter i larzan pou repar e mentenir lenfrastriktir.  An total R233mil 570 i ganny envestir dan Bidze 2017.  Sa i pran kont nesesite pou nou antreprann serten modifikasyon lo nou lofis.  E osi pou permet pou met a dispozisyon en store prop e konvenab pou gard bann lobze leritaz.  Nou osi pou antreprann bann louvraz reparasyon e maintenance neseser dan nou lofis Au Cap e dan nou kyosk Praslin.

Sa Bidze osi i pran kont zouti neseser ki Staff i bezwen pou fer zot landscaping.

Kote lezot komodite e servis, SHF in ganny en vot R805mil 100roupi.  Sa i konpri tou bann depans ki SHF pou fer atraver kontra pou asir son fonksyonnman tel ki koleksyon salte, kou formasyon, lasirans, transpor e batiman,  sekirite, pest control, servis legal.  Sa vot i osi pran konsiderasyon bann depans konsernan en seri levennman dan nou progranm.  Sa bann levennman e aktivite i konsern prensipalman aktivite pou promot ledikasyon dan bann lekol e avek bann groupman.  E si mon fer en pti round up nou pou lannen 2017 nou pou annan 4 workshop, 3 mini konferans, 1 gran legzibisyon. E osi nou’n konmans fer bann aktivite vakans pou zanfan.

E la mon profite pou dir ki i annan en levennman ki nou fek lanse ki son non i Dimans Val Des Pres.  I en levennman kin ganny fer pou met ansanm popilasyon community art group dan distrik.  E mon pe lans en lapel pou tou Manm Onorab isi prezan, pou kontakte konsilte mon biro, akoz nou resevwar tou bann talan.  Tou bann ta zenn talan zanfan lekol e bann Trwazyenm-Az ki anvi ede pou promouvwar e pou met a latansyon tou dimoun zot memwar kiltirel zot konesans tradisyonnel.  E mon petet Mr vi ki sa ti pas Au Cap nou premye aktivite en avangou pou Dimans Val Des Pres Sanmdi.  Mon krwar Mr Onorab lo Au Cap ki ti la ti prezan e ki ti enn bann organizater osi ki’n donn lanmen avek dir Au Cap i a kapab donn en feedback.

Lot laliny Bidzeter osi i konsern ‘minor capital outlays’ se en vot R1 milyon 205 mil ki’n ganny Bidzete pou SHF.  Sa vot an 2017 pou konsider bann depans pou amelyor ankor vizibilite lo bann aktivite.  E Sit e network ki SHF pou antreprann.  Ladan nou pe amelyor larantre kot Domaine De Val Des Pres. E aranz fence e netway regilyerman bann Simityer ki anba nou responsabilite parey Simityer Sans Soucis, Mission Lodge, i annan en Simityer ki nou fek ganny mete Anse Dejeuner e Simityer La Digue.  I annan design osi e met bann Bord ki endik eksplik viziter lenportans sa Sit Leritaz.  Piblikasyon epi pou dinamiz nou website.  Si mon pou pran ban proze mazer dan ‘capital project’ SHF in resevwar en total R1 milyon 525 milyon pou sa bann proze.  Nou pou annan renovasyon lo bann kyosk ki’n deza la kot Domaine De Val Des Pres, ki nou vwar pou dir apre 11an i merite ganny revwar.  Nou bezwen gradyelman fer travay renovasyon lo twatir e plis ankor devan pou sa 12 kyosk.  Nou plan pe ganny finalize pou soumet kot Planning e ler nou pou ganny sa misyon. Apre nou al fer son Bidze pli detaye dan laform en Bill lo lakantite e sa Bill pou ganny servi pou tender.

Lot proze mazer ki nou pou met an reparasyon se renovasyon lo Plantation House sa ankor kot Domaine De Val Des Pres Nou pou al refer son twatir akoz konmela i koule e nou santi pou dir annan twa i rouye e sa ki fer sa bann trou e nou pe al penn.  En lot proze mazer osi ki nou pe al….

 

MR SPEAKER

Mrs Savy al en pti pe pli vit akoz letan apre i annan en bon pe kestyon dimoun ki anvi demann kestyon, silvouple.

 

CEO MIERA SAVY

Wi pres pou fini.  I annan lamelyorasyon lo distribisyon elektrisite osi ki nou pe amelyore e delo kot Domaine De Val Des Pres ankor.  Pou le moman apre zot konnen napa elektrisite dan kyosk akoz PUC in ordonn nou pou refer sistenm an antye avan rekonket kouran.  E an 2017 nou pou refer osi sa sistenm lalimyer depi larantre ziska kot restoran.  Mersi Mr Chair.

 

MR SPEAKER

Mersi madanm Savy pou nou overview eskiz si mon’n rush ou me mon vwar en bon pe lanmen ki pe lev-e.  Nou a konmans avek MNA Au Cap Onorab Steve Pillay.

 

HON STEPHEN PILLAY

Mersi Mr Chair avan konmanse mon ti a dir avek madanm Savy. Au Cap Sanmdi Dimans ti en sikse tou dimoun in apresye in felisit nou pou sa ki nou’n fer Au Cap.  Me mon kestyon ki mon oule demande se plito kekfwa pou PS –  Ler ti pe demann plito taler sa lease ki pe ganny finalize dan sa bann landrwa SHF Val Des Pres.  Ou ti dir dan bann kyosk ansanm pe ganny lease.  Eski sa bann kyosk pe ganny konstrir oubyen pe lease zis sa bann later?  Bann avan lepase sa i annan en bon pe ki lease in fini ganny fer.  ….i bann ziska o-bor semen.  Si sa bann lease later i vid zot pa pe devlope.  Eski zot pou repran sa bann later pou nou kapab fer lot proze kekfwa pou lazenes pou isi pou laba.  Pou devlope pou repran?  Epi dan bann kyosk mon pe get zot Bidze R700mil ankor dan 3an ki zot pou fini repar tou kyosk.  I napa ase larzan forse 5 par an ki zot pou fini repare ler ou pe regarde.  Mersi Mr Speaker.

 

MR SPEAKER

Madanm Savy. Wi Minis.

 

MINISTER IDITH ALEXANDER

Mr Speaker pou sa mon ti a demann Special Advisor pou klarifye pou kapab reponn.  Akoz mon pou dir ki ler mon’n pran sa Minister mon’n al vizite e mon’n apwent mon Special Advisor Mr D’Offay ki mon osi mon’n al vizite.  Me mon pe met li lo la pou kapab dan sa ki ou’n dir.  I annan en travay ki mon pe fer li fer ki i pou donn mon en rapor lo la.  So i li i ofet byen tou i annan bann miting osi ki ou pe dir konsernan sa bann kyosk ki mon pe pou ki mon pe fer li al attend.  I ava kapab donn zot Lasanble ki pe pase ki zistans in arive tou sa bann devlopman.  Mon ava pas laparol avek Mr D’Offay – Advisor. Mersi.

 

MR SPEAKER

Mr D’Offay.

 

MR EMMANUEL D’OFFAY

Mersi Minis mersi Onorab.  Mr Chair i annan en travay ase konpleks ki nou pe fer lo Domaine De Val Des Pres.  Pou le senp rezon ki onnetman nou rekonnet in annan serten mankman.  Me nou pa la pou nou montre ledwa personn.  E se pou sa rezon ki konman mon’n antre dan Minister Minis in pas mwan sa dosye pou nou revwar dabor sa zafer later ki ou’n lev-e.  Nou pou revwar kondisyon ki sa bann kiosk i ladan pou nou amelyore.  Nou pou revwar osi lafason pou nou reganny bann repeyman ban peyman lo bann kyosk akoz nou annan aryeraz avek bann dimoun ki lo ki  e lwe sa bann landrwa.  So nou pe travay lo la nou pe reviz tou.  Menm bann morso later ki ou pe koz lo la nou pe re get ladan.  E ler nou ava ganny nou en dosye konplet nou pou retourn devan Lasanble pou nou re vin reponn okenn kestyon ki zot annan.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mon avek sa Seychelles Heritage Foundation la.  Mwan mon tre konsernen enn se ki mon pa konnen si dan sa Bidze la zot annan larzan ki zot pe donnen.  Zot pe i pou ganny mete pour anmenn zot rapor finansyel devan Lasanble Nasyonal.  Akoz mon depi ler zot in egziste zot pa ti ankor anmenn ditou.  Mon’n lo FPAC nou’n tou le-z-an pe lager ek zot pou anmennen pan anmennen.  Mon pa konnen si la zot pou anmenn si zot pe konmans anmennen si kwa.  Mon oule konnen si ladan i annan provizyon pou sa premye keksoz.  Dezyenmman i annan in ganny dir taler idantifye e met an valer bann Sit Kiltirel Sesel sa i enn zot misyon.  Me mwan mon oule konpran mon oule konnen.  Mon’n demann en pti kestyon taler.  Premye Seselwa mon repet lot zour mon’n dir.  Premye Seselwa lo liv Sesel Seselwa konmsi lo Civil Status Pierre Hangard in mor li lontan.  Son latonm ankor ek son landrwa kot ti reste la Hangard la dan distrik Anse Etoile, i ankor la.  Serten bann ruin e sa en keksoz ki nou devret pe preserve en Sit Kiltirel enportan e ki nou devret idantifye li e met li an valer.  Mwan mon dir la ki i kapab propriyete prive or Gouvernman.  Al rode a rod fason pou nou prezerv li.  I annan en lot Sit Kiltirel enportan.  Tre, tre, tre enportan pli enportan ki pou Pierre Hangard se anler Pti Boileau dan distrik Takamaka mon krwar si mon pa tronpe.  Pti Boileau laba kot ti annan pli gran Sit lesklavaz Sesel.  Tou son zafer ti la depi son vye kazo kot ti annan son lasenn.  Depi son en pti pe dan son bann ros la kot ti annan bann landrwa kot lesklav ti reste ti kasyet – ti fer tou zot zafer zot bann four i ankor la e manke mon aprann ki sa in vann.  E en bann keksoz koumsa zanmen ti devret pe vann.  Nou devret pe prezerv li si i pou prive  al rode.  Or travay ek sa prive pou met sa landrwa an valer.  E si in vann mon lans en lapel avek Fondasyon la ki i  a lyez ek Planning Authority pou ki okenn devlopman ki ganny fer la i bezwen devlopman ki gear –  ki vize ver prezervasyon e valorizasyon sa Sit Kiltirel tre, tre enportan dan Sesel.  Sa koumsa a ganny larzan ek touris.  E dernyen keksoz, nou annan tro lavantir lo Felisite sa osi i bann Sit Kiltirel enportan.  Ki bezwen ganny met an valer.  Touris i vin isi i rode sa bann landrwa pou al gete pou peye pou gete.  Nou isi nou pa pe met li an valer.  Mersi mon ti ava kontan ki ladan zot eksplik mwan ki konmsi i annan keksoz ki pou al dan sa direksyon.

 

MR SPEAKER

CEO oubyen Minis oule ou’n pran not pou al get Pti Boileau avek Hangard.

 

HON CHARLES DE COMMARMOND

Petet an pasan La Bastille osi menm zafer.  Ok nou pe pas over to some other business businessman.  Nou bezwen fer sir ki konmsi sa Sit la mon  krwar –  si mon pa tronpe Castor ti apepre lanmenm dan sa zanmerant ti sove ti konmans.  Ou konpran?   Se en  pe sa bann zafer la i bezwen ganny prezerve e met an valer.  Mersi.

 

MR SEAKER

Ok mon krwar dan sa menm laliny taler nou ti dir ler Leritaz Nasyonal pou vini.  Nou pou demann sa kestyon.  Onorab Arrisol mon krwar ou ti annan en kestyon lo La Bastille.

 

HON SANDY ARRISOL

Mersi Mr Chairman, selman mon ti a kontan fer en pti komanter.  Mon ti a kontan dir pou dir mwan mon en pti pe etonnen mon en pti pe soke pou dir nou leritaz avek tou respe ki mon annan pou madanm Savy nou leritaz se pa en Seselwa ki ansarz.  Lo mon kote konman en zenn mon en pe soke lo la.  Be selman mon re dir ankor, avek tou respe ki mon annan pou madanm Savy sa i mon lopinyon.  Mon kestyon prezan i vini se taler mon ti demande mon re demann ankor mon kestyon Mr Speaker.  Si i annan okenn leklersisman zot ava eklersi mwan.  Me selman sa i mon pwennvi.  Mon demann mon kestyon.  Lekel propriyeter Craft Village e lekel propriyeter La Bastille an vi ki nou pe koz lo la.  Mersi.

 

HON PATRICK PILLAY

Oule koz lo la oubyen lot kestyon ok?  Zis mon ti a kontan Onorab Arrisol avan mon demann PS oubyen Minis lekel ki propriyeter laba Anse Aux Pins non, Craft Village.  Mon ti a kontan fer komanter ki nou lo en kestyon telman sansib.  Madanm Miera Savy in viv lontan Sesel son zanfan i Seselwa in marye ek en Seselwa.  E mwan mon’n konn li depi lontan dan Minister Kiltir.  Mon’n travay ek li, mon’n apresye son devouman pou Sesel e pou Seselwa.  E mon ti a zis kontan met sa lo rikord.  Anfet son garson Yannick i pe vin en dimoun ki mon krwar nou tou nou pou fyer.  Son papa i Seselwa e nou tou nou pou fyer avek.  Mon aret lanmenm.  Eski i annan en dimoun ki ti a kontan reponn sa kestyon la Val Des Pres, Mr D’Offay pour ki ?

 

MR EMMANUEL D’OFFAY

Mersi Mr Chair dabor avan nou a lo Val Des Pres mon pou Mr De Commarmond pou Onorab De Commarmond tou sa ki ou’n nonmen la.  Sa bann landrwa i lo listing e resers in ganny fer par leritaz seksyon resers leritaz dan Sesel.  So nou annan sa bann lenformasyon. Me pou nou kapab reklanm sa bann later se en prosesis prezan ki nou bezwen al anver Gouvernman.  Akoz  Sesel tou later se MLUH ki annan.  Nou, nou bezwen al fer bann prosesis pou zot pas sa later avek Seychelles Heritage Foundation.  E se la ki nou, nou kapab fer nenport kwa pou prezerv li oubyen perdi li vwala.  Akoz in deza pou ou lenformasyon, in annan serten lensidan kot Trezor Bel Ombre MLUH ti annan en flat ki’n kouver en serten bann landmarks ki ti annan lo la dan lepase.  Alor la nou nou pe fer sir ki sa pa zanmen ariv ankor.

Pou retourn lo Craft Village se Seychelles Heritage Foundation ki propriyeter Craft Village e tou bann kyosk ki annan laba, i ganny lwe avek bann dimoun e zot pey en lokasyon.  Konsernan La Bastille, La Bastille i en proze i propriyete Heritage Foundation me apre en tender ki ti ganny mete pou devlopman La Bastille an prive e Heritage Foundation,  ti annan 3 aplikan e ladan i ti ganny retenir.  Se La Bastille Development e si mon rapel tre byen ma memoire est bonne,  sa menm kestyon in ganny reponn dan Lasanble par ex-Minister Sainte Ange detrwa mwan pase.  Alor si zot fer rod sa verbatim zot a ganny bokou plis detay lo lesplikasyon ki Minis Sainte Ange ti donnen.  Onorab eski in reponn ou kestyon?  Ale ki oule konnen ankor?

 

MR SPEAKER

Onorab Arrisol.

 

HON SANDY ARRISOL

Mr Speaker premyerman mon ti a kontan lo menm komanter ki ou’n fer lo Madanm Savy eksplik avek tou respe ki mon annan pou li –  me selman i enportan pou Lasanble dan rikord konnen, poudir i annan Staff kot Minister Alexander Minis Idith i ete avek PS i osi zot lopinyon lo sa ki mon’n dir.  Se pou sa rezon mon’n partaz sa. parey madanm Savy mon’n dir ek ou avek tou respe.  Sa i mon lopinyon zot gronnyen zot gonfle sa i mon lopinyon.  Prezan La Bastille mon ti anvi ganny en non.  Lekel ki’n ganny La Bastille Kontra ki zot in fer dan zot.  Mon anvi konnen lekel sa dimoun en non silvouple.

 

MR SPEAKER

Eski i annan en non ki Minis Sainte Ange ti mansyonnen dan sa verbatim.  Wi eskize ekoute Onorab Arrisol.  Eski i annan en non ki ti ganny mansyonnen Mr D’Offay.  Petet ou anmenn en pe leklersisman lo la.

 

MR EMMANUEL D’OFFAY

Mr Speaker wi i ti nonmen pou dir sete Mr Rasool avek bann developer ki’n pran.  Ki ti ganny tender kontra pou zot devlop La Bastille.  E zot lentansyon se pou gard sa batiman parey i ete.  Me Selman lefe ki i kout Gouvernman akoz i en vye batiman.  Alor napa nanryen ki pou sanze dan striktir La Bastille.  Akoz La Bastille i deza en moniman istorik e en moniman Nasyonal.  Mersi Mr Chair.

 

MR SPEAKER

Mersi ou satisfe ou larepons Mr Arrisol.

 

HON SANDY ARRISOL

Yes Mr Deputy mon ti anvi ganny en non.  Selman mwan mon’n tann en Dokter Torodovich eski i ok sa?  Dezyenmman mon ti a kontan konnen ki’n arive avek bann travayer an vi sa sanzman?  Eski bann travayer zot ankor la?  Eski zot kondisyon i ankor parey?  Mersi.

 

MR EMMANUEL DOFFAY

Mersi Onorab travayer ki ti la bastille sete bann travayer ki ti form par Heritage Research Section dan Minister Kiltir.  E zot tou zot in ganny deplase ansanm ek bann dimoun dan Minister ki ti form par Seychelles Heritage Foundation.  Zot in ganny allocate nouvo biro, nouvo landrwa travay e sa mouvman pa’n dan okenn fason anpes zot perform zot duty konman bann travayer Gouvernman ki ti pe travay ek Minister Kiltir.  Mersi Mr Speaker.

 

MR SPEAKER

Onorab Ferrari.

 

HON JEAN–FRANCOIS FERRARI

Mersi Mr Speaker.

 

MR SPEAKER

Onorab Ferrari i lo sa ki Mr D’Offay in dir oubyen i separe?  Ok sorry Onorab Ramkalawan i annan en follow-up question lo sa ki Onorab Arrisol in demande e ki Mr D’Offay in reponn.

 

HON WAVEL RAMKALWAN

Lefe ki Mr D’Offay in mansyonnen ki pou dir zot in sorti e zot in al dan nouvo biro.  Eski zot kapab dir avek nou kote zot nouvo biro i ete?  E konbyen zot pe lwe sa nouvo biro?  Mersi bokou.

 

MR SPEAKER

Mr D’Offay oubyen PS?

 

PS BENJAMINE ROSE

Mersi Onorab an se  ki konsern bann Staff National Heritage Research Section ki tonm anba Departman Kiltir.  Zot sitye kot ex-Magistrate Court e nou pa pe pey okenn rent akoz sa i en batiman Gouvernman.  Madanm Savy i ava dir ou pou Staff Leritaz.

 

MR SPEAKER

Mr D’Offay.

 

MR EMMANUEL D’OFFAY

Non, non pou Staff Leritaz.  Staff leritaz letan zot in sorti zot in rod bann landrwa pou zot kapab re allocate.  Akoz nou ti bezwen donn kontra sa dimoun ki’n ganny landrwa La Bastille pou li devlope.  E apre bokou resers bokou landrwa ki zot in ale zot a ler aktyel baze dan Mize SPUP ki deza en Mize Istorik.  Zot pe pey R40 mil par mwan i tonm pou 150 met kare –  ki vedir i tonm R226 par met kare.  Ki mon krwar i landrwa pli bon marse ki egziste dan sa pei.

 

MR SPEAKER

Onorab Ferrari.

 

HON WAVEL RAMKALAWAN

Mr Speaker mon ti anvi konnen lekel propriyeter sa landrwa sa Mize la.

 

HON JEAN–FRANCOIS FERRARI

Son vre propriyeter.

 

MR SPEAKER

Mon krwar propriyeter zafer i Ankour non Mr D’Offay?

 

MR EMMANUEL D’OFFAY

Mr Speaker mon pa kapab konfirmen si zafer i Ankour me selman propriyeter ziska prezan i SPPF.

 

MR SPEAKER

Alright bon mersi.  Onorab Ferrari.

 

HON JEAN–FRANCOIS FERRARI

Ok mersi Mr Speaker.  Mr Speaker mon ti a kontan zis dir lo konmansman la ki Onorab De Commarmond i annan absoliman rezon.  Depi i annan bann size depi 2007 savedir 9an pase ki ankor pa ankor rezourd. E depi tou sa letan bann kont leritaz Seychelles Heritage Foundation pa’n ganny konplete.  E okenn odit pa’n ganny fer depi 2010.  Mon ti a kontan dir avek Minis avek son delegasyon ki sa normalman pou nou i en rezon pou nou re anvoy zot kot zot lanmen vid.  Normalman.  Akoz nou komitman  e sirtou mwan Onorab De Commarmond lo Komite Finans Lasanble,  i vreman, vreman enportan ki sa bann keksoz i ganny met annord.  Akoz nou bezwen konnen ki zesyon in ete dan lannen pase.  Pou nou kapab apre mon krwar zot tou zot apresye sa.  So mon ti ava vreman dir dan en fason tre for pou sa entity e pou lezot entity.  Bann sef ki pe ekout nou ki this is the last chance.  Nou pou bezwen arête e nou pou bezwen fer nou pratik byen.  So sa se mon premye obzervasyon.  Mon kestyon i vin lo.  Mon vwar lo drol ki Mr D’Offay pa’n koz lo sa restoran dan Val Des Pres.  Eski ou kapab dir nou lekel ki pe lwe sa restoran?  Akoz dernyen fwa nou ti pas laba ti annan bann Sinwan pe reste anba dan lakav restoran anba.  Konmsi ki kalite biznes ki pe pase la?  Lekel ki involve dan sa biznes?   Akoz zot in koz lo lakaz Gran  Kaz.  Zot in koz lo bann ti kyosk.  Me very conveniently nou pa’n tous ditou sa.  So please dir avek Lasanble ki kalite keksoz ki pe pase anba sa restoran Pomme Canelles oubyen dan sa restoran e anba sa restoran.  Pomme Canelles parey nou konnen. Mersi.

 

MR SPEAKER

PS oubyen Mr D’Offay.

 

MINISTER IDITH ALEXANDER

Mr Speaker mon a pran sa premye bout konsernan pou Odit are mon a pas konsernan pou Vye Marmit nou ava pas avek SA.  Akoz apre mon pe dir zot nou pe pran sa serye.  I annan bann ki mon’n anvoy li pou li kapab fer.  I vre sa ki parey Onorab De Commarmond in dir parey ou osi ou’n fer resorti.  Nou osi ki ler mon’n vini mon’n vwar pou dir i pa’n fer.  Parey mon dir in fer depi 2006 i ti vin anfors nou pa ankor fer odit.  Me zot dir mwan i annan en oditer ki pe travay en accounting firm ki pe audit zot ACM.  Mwan osi mon’n al rode lekel ki pe audit zot mon’n al rod sa non.  E li osi in tarde i vre i pa akseptab sa.  E ki zot in fer la ek sa dokiman zot in soumet li kot Oditer Zeneral ki pou advise ki pou fer.  I pa kestyon ki nou pe asiz lo la.  Nou’n realize pou dir vre sa pti bout i en defayans me nou pe met lanmen lo la pou kapab. So nou pe esper advice from Oditer Zeneral apre nou ava konnen ki nou next step ki nou pou fer.  Me selman lanmen in fini mete lo la.

 

MR EMMANUEL D’OFFAY

Mr Onorab Ferrari mon pa’n nonm sa akoz kestyon sete lekel propriyeter Domaine…  La ou’n demann mon lekel restoran spesifikman taler ti Domaine Craft Village.  Ki mon  ti dir i reste touzour  SHFSeychelles Heritage Foundation.  Restoran i form parti sa propriyete e in ganny parey lezot kyosk e tou,   li in ganny lwe avek en lakonpanni ki apel Seylicious en lakonpanni ki anrezistre Sesel.  Kot i annan Seselwa ki annan par ladan.  E sa restoran a ler aktyel mon donn ou garanti Onorab Ferrari si ou ale ou pou vwar pou dir napa Sinwan anba la.   Napa personn pe reste anba la akoz nou’n asire ki ler nou ti.  Sa bann keksoz ti ganny met a nou latansyon nou’n fer sir ki nou’n al dan Kontra sa bann dimoun pou egzize ki zot apply sa ki zot in mete dan zot lease agreement.  E sa sete pou fer en restoran Kreol e de semenn pase letan mon ti laba.  Mon donn ou garanti mon ti manz en kari zourit kari ko-ko zourit.  Alor you’re all welcome for a lunch there and it’s Creole.  Seylicious.  Mersi.

 

MR SPEAKER

Mersi pou sa leklersisman.  Minis.

 

MINISTER IDITH ALEXANDER

Zis pou retourn ankor lo la ler nou pe koz lo Val Des Pres enn ankor ki nou pe.  Apre ki nou’n fer vizit.  Parey mon pe dir nou pe deza pran sa o serye.  Pa en keksoz ki sa en mwan ki nou’n ganny apwente i annan bann louvraz konkret ki nou deza pe fer.  Enn ki dan nou plan ki nou pe regarde, nou pe advise CEO e nou pe esper sa Bord.  Ki ler sa nouvo Bord osi i pou vini nou santi i annan en nesesite ki nou pou bezwen en dimoun en manager ki pou kapab regard sa vilaz.  Akoz pou le moman i napa en dimoun ki pou kapab.  Parey ki ou pe dir get sa kontra si ou avek sa enn ki’n pran kot restoran.  Fer sir ki sa bann keksoz ki i pe fer i anliny.  E ler mon ti al la avek Mr D’Offay nou ti fer li ekspre ki nou kapab manz laba.  Pou nou gete si i pe donn nous a manze Kreol.  E nou, nou pe fer sir an aprouv an sa Bidze nou a kapab ganny en dimoun.  En dimoun ki e pos elev-e parey mon pe dir en manager pou li kapab fer sir ki sa vilaz.  Ler nou pe koz nou Kreol nou pe dir nou idantite.  I pe fer nou kreolite.  Pardon ki ou ti’n demann mon en Scheme.  Wi nou pe rod li parey en administrater pou fer sir akoz parey ou pe vwar sa bann kyosk i annan bann kontra ki pe sinyen.  Ou bezwen en dimoun pou kapab fer sir pou regarde pou fer sir sa bann keksoz i anliny. Mersi.

 

MR SPEAKER

Onorab Ferrari oule leklersisman?

 

HON JEAN–FRANCOIS FERRARI

Wi ou kapab konfirm ek Lasanble dan ou konesans.  SHF pe ganny en bon rent pou sa lokasyon ki en zoli landrwa si ou okip li byen.  E i pe ganny en bon i pe kolekte en bon rent mersi.

 

HON PATRICK PILLAY

Mrs Savy konbyen ou pe kolekte pou sa zoli landrwa?

 

MR EMMANUEL DOFFAY

Onorab nou pe ranmas rent ki nou pe anmase avek ki zot peye tou le mwan avek sa lakonpannyen.  I en rent ki ekivalan a R10 mil.  The total amount ki nou anmase i 204 mil 600 roupi.  E en keksoz ki nou bezwen fer tre kler la e mon ti a kontan petet a lavenir zot asiste nou lo la,   se ki rent ki  met kare ki nou lwe avek bann dimoun ;-  sirtou pou bann propriyete parey pou La Bastille project parey pou proze Trois Frère Distillery.  Gouvernman ti a kapab fer bokou plis larzan si nou revwar nou Polisi akoz sa i baze lo polisi standar lo met kare etablir par Gouvernman.  E i minimal kot so petet Minis finans a kapab PS Finans i a kapab revwar sa pou ki nou ava kapab resanz sa kalite sa.

 

MR SPEAKER

Sey repet sa sonm zot a sey dir nou si sa par mwan oubyen par lannen ou si par 6 mwan.

 

MR EMMANUEL DOFFAY

R240mil par an i tonm R20 mil par mwan.  Zis pou restoran wi.  E parey mon’n eksplik zot i mean don’t shoot the messenger sa i baze lo Lalwa etablir par Gouvernman.

 

MR SPEAKER

Wi Onorab Afif.

 

HON AHMED AFIF

Mersi Mr Speaker.  Mr Speaker mon ti a kontan si petet Mr D’Offay i kapab zistifye byen avek nou oubyen Madanm Savy ki rezon zot Bidze in preski double dan mwens ki 2an.  Ou konnen ler nou pe aprouv en Bidze. Nou bezwen fer sir Bidze mars anliny avek lenflasyon anliny avek nouvo devlopman eksetera.  Me donn nou en pe gidans donn nou en pe konfor pou konnen pou dir ler nou pe zis double Bidze en Lorganizasyon i annan bon rezon pou sa.  I annan par egzanp ‘’building capital expenditure’’ mon vwar R1.5 milyon.  Kwa sa?  Eksplik nou en pti pe.  Eski i neseser pou fer la konmela?  Pou ‘minor capital’ in sorti R162 in mont 6 fwa son montan la in ariv R1.2 milyon.  I pa donn nou bokou konfor ler nou get bann if koumsa.  E alor zistifye en pti pe akoz ou pe double.  Mon konnen ou’n donn en pe bann, ou’n sey eksplik en pe detay.  Be pou mwan dan mon lespri ler mon pe get double en Bidze dan 2an i pa fer sans pou mwan.

 

MR EMMANUEL DOFFAY

Mersi Onorab.  Onorab onnetman senserman rezon ki Bidze in monte e i annan en nesesite e nou kontan ki Heritage Foundation in gannyen.  Akoz  si nou pa fer li la ankor dan 2-3 an nou pou napa kiosk.  Akoz mon envit ou pou al vizit.  En zour nou kapab le nou 2 al vizit sa landrwa.  Ou pou vwar pou zistifye son degradasyon.  Gran Kaz si nou pa repar li i pou kout nou R10 milyon ankor dan detrwa lannen.  E sa Bidze ki’n ganny aprouve la, se en Bidze ki nou ti merit ganny li depi 2 ou 3 an pase.  So i en nesesite nou bezwen pou nou kapab antreprann sa bann reparasyon.  Si non nou pou perdi nou bann leritaz Kiltirel.  Mersi.

 

MR SPEAKER

Onorab Pillay Sebastien Pillay.

 

HON SEBASTIEN PILLAY

Mersi Mr Chair.  Mr Chair lo zisteman lo sa size i annan en rapor ki nou ti fer dan 5enm Lasanble FPAC an relasyon avek sa rent ki pe fer pe donnen pou bann propriyete leritaz Nasyonal.  E nou’n submit rekomandasyon avek Minister Finans, me mon krwar i pou louvraz sa FPAC pou follow up sa bann rekomandasyon.  E enn bann rekomandasyon ki nou’n met devan Minister Finans se pou fer ki zot revwar montan bann propriyete ki zot pe rent.  E regard dan sa bann lease e koleksyon reveni pou leritaz Nasyonal pou lefe ki nou pa va bezwen vwar sa kestyon ki Onorab Afif pe demande.  Me ki atraver zot reveni zot  a kapab efektiv bann reparasyon neseser lo zot bann …neseser.  E mon krwar sa rapor in deza ganny submit avek lofis Speaker si mon pa tronpe pou ki i sinyen.  So se pou sa rezon ki i pa ankor distribye Nicholas Prea Onorab Prea.  I kot Lofis Speaker pou le moman Onorab Prea.

 

MR SPEAKER

Ok Onorab Sophola.

 

HON NOLINE SOPHOLA

Mersi Mr Chair, Minis La Digue i annan bann batiman ki ganny klasifye konman moniman istorik oubyen moniman Nasyonal.  Zot pe tonm an-rin e bann propriyeter pa pe kapab repare dan lesans ki zot bezwen kit son larsitektir parey i ete.  E mon pe sey demande ki mannyer zot pe sizere mazinen pou zot ed sa bann propriyeter pour re aranz sa bann batiman.  Dezyenm en sizesyon, mon ti a swete si zot ti a kapab fer resansman osi lo La Digue regard bann moniman istorik bann Sit Istorik ki nou annan. E met zot an-valer parey Mahe e tenir kont osi ki nou annan Silhouette.  Nou annan lakaz Bonmboutyou osi ki ti a bon petet fer en keksoz lo la.  Mersi.

 

MR SPEAKER

Mersi Onorab, PS.

 

MINISTER IDITH ALEXANDER

Mr Speaker mon a demann Madanm Savy pou eksplik sa akoz sa i deza annan en Scheme Onorab.  I ava eksplik ou sa Scheme mannyer i marse.  Mersi.

 

MR SPEAKER

Madanm Savy.

 

CEO MIERA SAVY

Dan parmi nou bann progranm nou annan Seychelles Heritage Incentive Scheme.  I en Scheme ki permet bann propriyete prive revwar zot fasad pou gard sa lot anti site zot arsitektir.  Annou  fer en travay levanter avan i annan – lalis i long.  E dan par rapor a Bidze ki nou gannyen sak lannen. Nou esey premye lannen ti sa an 2016 e parmi bann lakaz lo lalis i annan enn ki nou pe al ki nou pe travay lo la.  I sa lakaz fanmir Sardes e nou’n monte laba avek en lekip avek en arsitek.  I pe prepar son scope of work an se moman e aussitôt ki nou annan tou sa bann detay nou kapab re apros sa fanmir pou nou konnen bann lenplimantasyon ki nou pe al lo la.

E petet osi serten lakaz avek son larsitektir tradisyonnel annan de fwa i lo en later prive.  E i annan 1 osi ki malere kot sa ti pas La Digue.  Ki ler nou ti’n arive sa later in fini ganny vann e sa propriyeter son nouvo propriyeter in kas sa lakaz.  Me nou’n ganny sans pran foto anndan ek deor e nou e gard ek nou ki si nou annan lokazyon pou refer sa pti lakaz.  Lo nou propriyete SHF nou a fer li pou en lenformasyon pou nou fitir zenerasyon.

E kot osi lot lezot proze konsernan prezervasyon leritaz La Digue nou annan La Digue Heritage Route ki nou pe travay lo la an se moman.  Nou pe al fer en piblikasyon dan nou proze 2017.  E par rapor annou travay osi nou travay bokou an kolaborasyon avek sekter prive ou bann lenstitisyon pou devlop bann aktivite ou bann progranm leritaz.  Nou annan en MoU avek Union Estate La Digue e nou travay dan sa kad.  Mersi Onorab.

 

MR SPEAKER

Onorab Sophola ou annan en pti kestyon ankor.  Wi Onorab Sophola.

 

HON NOLINE SOPHOLA

Mr Chair rezon ki mon dir sa akoz sa menm lakaz ki ou’n nonmen CEO –  akoz pe al pres 2an 3an in ganny promet.  Toultan zot pe vini toultan lekip i vini zot promet e napa nanryen ki ganny realize.  Esperons sa lannen la i ava ganny realize.

Mersi.

 

MR SPEAKER

Avan lafen premye kartye lannen 2017 Madanm CEO ou ava’n nobou get ladan?

 

CEO MIERA SAVY

Mersi Msye, mon kapab garanti madanm Onorab La Digue madanm Sophola ki i dan nou progranm 2017.

 

MR SPEAKER

Si ou pa fer nanryen madanm Sophola pou demann ou ankor an 2017.  Onorab Lemiel.

 

HON SYLVANNE LEMIEL

Mersi Mr Chair, Mr Chair mon kestyon ti vize ver sa zafer konservasyon avek valorizasyon leritaz.  Akoz mon’n konnen pou dir ti annan sa Scheme me par kont en bout sa ketyon Madanm CEO in reponn.  Me ki mwan mon ti a kontan konnen petet sa lannen la 2017 ki pe vini.  konbyen sonm larzan zot annan petet sa Scheme.  Zot pou kapab dir nou konbyen sonm larzan?  Mersi.

 

PS PATRICK PAYET

Mersi Mr Chair e mersi Onorab.  Si nou vwar paz i anba ‘’social program of government’’ i lo paz 23.  Summary of expenditure Seychelles Heritage Scheme R500 mil in ganny mete.  Wi e sa i en provizyon akoz ki nou’n fer nou i en fon ki Gouvernman in ganny mete.  Me tandis nou pe ankouraz sekter prive osi pou zot kontribye dan sa Fon.  I annan bann detrwa fund ki’n ganny etabli par egzanp disable, culture, sport innovation.  E nou pou ankouraz sekter prive osi pou met ladan. Mersi.

 

MR SPEAKER

Mersi PS Onorab Lemiel.

 

HON SYLVANNE LEMIEL

Mersi Mr Chair mon ti a CEO mon ti a kontan konnen me  sa apre pa la –  petet si i annan dimoun Anse Royale ki’n benefisye anba sa Fon apre. Mersi.

 

MR SPEAKER

CEO ou annan larepons la oubyen ou a regarde apre ou a donn li sa lenformasyon ?

 

CEO MIERA SAVY

Mersi Mr Chair, madanm Onorab mon krwar mon kapab donn ou lenformasyon apre akoz mon pa’n anmennen.

 

MR SPEAKER

Ok. Onorab Prea.

 

HON NICHOLAS PREA

Mersi Mr Chairman, Mr Chairman mon ti a kontan dir i mon apresye ki Minister in pran Mr D’Offay ki annan bokou leksperyans.  Kin anmenn li onboard at this moment kot si non mon krwar parey lenkyetid pe ganny eksprimen dan sa Lasanble.  Nou pe perdi nou bann leritaz.  Alor mon apresye e mon hope ki i a fer en bon bilan e donn en rapor osi tou ek sa Lasanble ki nou ava regarde ki next time ki zot bezwen ganny allocate.  Ki mannyer nou pou al lo la e si fodre donn zot plis nou ava donn zot plis.  Akoz anyway mon santi ki nou pe perdi.  Reveni foundation i sipoze pe fer reveni ankor i pa reflekte ladan.  Nou ti a kontan ki sa i ganny eklersi.  Ler nou regard lannen seksyon 2 konservasyon valorizasyon.  E la  rezon ki mon dir mon apresye ki Mr D’Offay in come onboard.  Konsern ki Lasanble pe lev-e se ki nou bann leritaz nou bann Sit in ganny konpletman neglize.  Mission Lodge i pe ganny anvair avek plant anvaisan menm dan son larantre pou antre i annan en plant ki apel watouk –  in take over konpletman anler laba ok.  Mr D’Offay in fer referans avek sit trezor Bel Ombre be sa osi si nou kontinyen ferm lizye i pe dezentegre i pe fini.  Ti annan bokou lafanfa simityer Bel Air e ex-Minister ti vin anmenn en gro delegasyon enternasyonal.  Nou pou lev fon nou pou, li osi i pe ale.  Onorab De Commarmond in fer sorti Mr Hagard son latonm, mon’n dekouver en pti marse dan Takamaka pou al Grand Police mon’n dekouver en pti simityer prive.  Ki petet i merit ganny i apel Anse Cache Cemetery.  Ki osi nou devret petet war azout li lo lalis.  I annan en bann vye, vye latonm laba ok ?  Me mwan mon pe dir ki mon pe war en gran ogmantasyon dan alokasyon Bidze anba progranm 2 pou konservasyon valorizasyon.  E mon swete ki sa larzan i ganny directed dan sa direksyon pou nou kapab prezerve e an menm tan an prezerve nou kapab petet zer li byen.  E zener reveni from there.  Mon lot konsern mon ti a kontan demann petet mon pa konnen Mr D’Offay li menm i kapab reponn.  Si zot annan en Konpannyen Sekirite ki zot pe ki’n ganny kontra kot Domaine De Val Des Pres, lekel sa lakonpannyen?  Konbyen sa kontra pe koute?  E si en tender ti ganny fer?  Mersi.

 

MR EMMANUEL DOFFAY

Mersi Onorab, Onorab larzan ki ganny ranmase i tonm anviron R1milyon 250 mil roupi ki pa gran keksoz ki nou ti kapab ranmas nou.  I ti devret ladan me i pa’n.  Sorry about that nou’n fer nou kalkil.  Ki ganny servi pou kontinyen amelyor bann Sit e ki deza pa ase.  E ki nou ti pou kapab ganny plis par Onorab Sebastien in fer resorti.  Once ki sa dokiman i a ganny aprouve e la nou kapab rent e fer plis benefis lo nou bann keksoz.  Konsernan Mission Lodge; proze Mission Lodge in ganny met on hold – in ganny arête.  Pou le senp rezon se ki Seychelles Heritage Foundation prezan pe fer bann demars pou enkli Mission Lodge konman en sit Patrimwann Kiltirel anba UNESCO.  Alor nou pa kapab defigir li – nou bezwen gard li dan son leta. E ler nou a’n prezant sa proze ki ler i a’n ganny aksepte. E prezan nou a propoz osi son adisyonnel ki nou pou fer, pou anbelir sa landrwa parey ti ganny fer avan.  Mon’n reponn tou ou kestyon?   Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chair, mon kestyon avan mon vin lo mon kestyon mon oule fer en pwen. Zisteman akoz ler mon get bann pwen ki’n fer sorti mon bann koleg in fer sorti.  Mon vwar NHF i vreman an retar.  Depi 2006 in ganny formen ni kont ziska prezan i pa’n kapab summit pou odit.  Parey in ganny dir nou annan sit Onorab De Commarmond in dir bann Sit Istorik, parey Pti Boileau.  Sa lepok ti ankor dan lanmen Seselwa ti a’n fasil fer laranzman pou retenir ozordi sa Sit i dan lanmen en gran Mr Arab.  Mon pa konnen ki mannyer zot pou al fer sa.  mon ti a kontan.

 

MR SPEAKER

Onorab kwa ki diferan ek sa ki Onorab De Commarmond in dir taler?

 

HON TERENCE MONDON

In fer sorti ki Sit istorik Pti Boileau ki nou’n perdi. Akoz later in ganny vann ozordi i dan lanmen etranze.  Mon pe dir Fon Leritaz i an retar  e i enportan ki Seselwa i note.  Prosesis tender nou pe koz val des pres, Vye Marmit prosesis tender se nou donn nou bann dalon e se sa ki’n arrive.  E Seselwa pa pe anmas sa larzan ki sipoze anmase e sa i kout ser.  Mon kontan Minis in dir ozordi aparti ozordi nou pou fer keksoz diferan i ok.  Mon pe look forward pou sa me selman nou bezwen konsyan ki Seselwa in perdi en kantite lafason ki sa Fon Leritaz in travay dan dernyen 10an.  Alor mwan mon pe demande ler zot pe fer sa bann sit ki zot in vwar.  Nou pe gard li konman bann Sit istorik.  Eski i annan en prosesis ki zot in anrezistre en fason ki si demen later pe ganny vann whatever –  Nou fer sir ki anrezistreman i kapab capture pou dir i annan en Sit la.  Nou bezwen fer sir k ii ganny proteze.  Mersi Mr Speaker.

 

MR SPEAKER

Apre sa ki ou pe dir se ki sa bann Sit kot i annan sa bann leritaz nasyonal i devret annan en pledge lo la kot land Registrar.  Koumsa ki avan i ganny vann zot bezwen ganny clearance avek National Heritage Foundation.  Eski mon’n konpran ou byen?

 

HON TERENCE MONDON

Wi Mr Chair.

 

MR SPEAKER

Vwala mersi mon krwar sa en bon sizesyon.  Onorab Prea ou ti annan en klarifikasyon?

 

HON NICHOLAS PREA

Mr Chairman mersi bokou mon ti annan en bout en kestyon ki pa tin ganny aborde.  Se lo sa kestyon sekirite kot Domaine De Val Des Pres.  Mersi.

 

MR SPEAKER

Madanm Savy.

 

CEO MIERA SAVY

Mersi Mr Chair, wi nou annan en lakonpannyen sekirite ki pe vey Domaine De Val Des Pres.  Marpol Sekirite, son ki nou pey sekirite i R40 mil roupi par mwan.  Wi ti annan tender ti annan 6 lakonpannyen kin tender e mon krwar lefe ki’n sorti byen son kou.  E an menm tan i annan son in propoz en patrol avek lisyen ki’n ed nou bokou.  Akoz nou annan souvan vandalizm kot Mize Ko-ko.  E la in arête. Mersi.

 

MR SPEAKER

Mersi Madanm Savy,  Onorab Simon Gill.

 

HON SIMON GILL

Mersi Mr Chairman, Mr Chairman sa deba i enteresan – tre enteresan kot mon pe demande si zot annan en provizyon ki ler nou’n fini ranmas tou nou bann sit –  Ki nou konsider nou leritaz nou larises istorik.  Si zot annan en plan pou pibliy sa dan en dokiman dan en liv.  Or si zot annan bann kadreman bann tablo pou met li dan en landrwa par la.  Kot nou kapab a lafen ler nou bann touris i vini bann tour guide i kapab met lo zot sa koman en pwen lo zot map.  Pou kontinyen fer piblisite lo nou larises Kiltirel ki nou annan isi Sesel.  Mersi.

 

MR SPEAKER

Sa i en bon sizesyon ki al dan laliny ki Onorab De Commarmond ti pe dir.  Pou donn touris landrwa pou zot ale e menm zanfan lekol.  So i en bon sizesyon.  Wi PS Rose.

 

PS BENJAMINE ROSE

Mersi Onorab, annefe i annan seksyon resers Heritage Research Section kot Departman Kiltir  Kin fer plizyer piblikasyon dan lepase an se ki konsern nou bann moniman, nou bann Patrimwann, nou lakwizin e zisteman parey mon’n dir nou.  dan nou plan nou’n propoz pou annan en sesyon workshop avek Lasanble apre laprouvasyon Chair sirman. E nou ava profite ki nou kapab met a zot dispozisyon tou bann piblikasyon ki nou’n fer ki ava pli byen enform zot –  ki si zot annan okenn kestyon dan le fitir zot a refer avek zot piblikasyon.  E zot a pli byen enformen lo nou bann diferan fonksyon e seksyon dan Departman Kiltir.  Mersi.

 

MR SPEAKER

Onorab Aglae.

 

HON EGBERT AGLAE

Mersi Mr Speaker.  Mr Speaker mon kestyon i plito en klarifikasyon tou an menm tan.  Mon ti a kontan demann Seychelles Heritage Foundation ki pe arive avek sa proze Mission Lodge.  E si Lagreman ki ti ganny fer apepre 2an pase konsernan devlopman sa landrwa in sanze ouswa i ankor parey?  E mon dezyenm i konsern Waterfall.  Si Waterfall pe ganny ankadre konman en sit leritaz anba zot Fondasyon?   E si non ki zot pou anvizaze fer vi ki annan serten issue avek sa landrwa ki vreman ganny frekante par touris el Seselwa lo en baz toulezour,  pou kapab annan en akse avek sa landrwa san okenn bann konpromi ki pe arive ozordi avek sa landrwa.  Mersi.

 

MR SPEAKER

Mersi Onorab. PS.

 

MR EMMANUEL D’OFFAY

Mersi Mr Chair, Onorab pou devlopman Mission Lodge mon’n fek reponn sa kestyon taler,  kot mon’n dir tou proze i on hold akoz nou pe fer bann demars neseser pou li vin en Sit Leritaz Patrimwann mondyal anba UNESCO.  Pou dezyenm kestyon konsernan Waterfall, Waterfall i apartyen a en propriyete prive kot Heritage Foundation depi son konmansman ti antre an negosyasyon pou manage sa propriyete pou sa lakonpanni prive ki Lanmisyon  Katolik ki propriyeter Waterfall.  Heritage Foundation ti antre an negosyasyon pou zot pou nou manage sa landrwa pou zot.  Zot pa ti enterese. E zot ti prefere lwe li avek en lakonpannyen prive.  Ki ozordi in kit zot dan sa leta ki i ete.  Mersi.

 

HON PATRICK PILLAY

Kestyon Onorab Aglae si mon’n konpran byen eski i annan okenn negosyasyon prezan pou sey prezerv sa landrwa an vi ki sa bann Larisi –  parske dan mon distrik laba mon reste laba mon osi.  Sa bann Larisi in kit li en labandon.  En lakaz pa’n fini – i annan bokou bann zenn garson laba –  ki servi sa konman en pti fason pou ganny en pti larzan anmenn touris pronmnen.  Eski i annan okenn negosyasyon ant Heritage Foundation avek propriyeter se dyosez katolik –  vi ki i annan sa problenm pou sey rezourd e pran posesyon sa landrwa.  Akoz i enn ki annan bokou lentere pou touris.  E al ankor dan sa lainy ki taler diferan Manm in koz lo lakot i kapab form parti en gid pou touris e pou Seselwa.  Mr D’Offay.

 

MR EMMANUEL D’OFFAY

Mr Chair senserman e onnetman lefe ki nou lanmen i telman plen la an se moman – e nou anvi vreman netway kot nou.  Mon pa krwar pou dir nou dan en pozisyon pou nou al negosye.  Petet ankor dan 1 an 2an nou kapab par kont al fer sa lapros.  Dir zot be i pa en keksoz ki nou pou fer li d n limedya.  Akoz parey zot in vwar tou bann Onorab nou lanmen i deza plen e nou pe met en pe lord kot nou.

 

MR SPEAKER

Onorab Basil Hoareau ou ti’n lev ou lanmen.

 

HON BASIL HOAREAU

Mersi Mr Speaker mon annan en kestyon Mr Chair mon annan en kestyon avek en komanter.  Kestyon kan ki sa devlopman kot ex-banker North East Point pou konmanse?  E dezyenm komanter mon anvi felisit Madanm Savy ki konman en Seselwa ou pe ede pou protez nou bann national heritage sites.

 

MR SPEAKER

Mersi Onorab Hoareau.  PS? Madanm Savy.

 

CEO MIERA SAVY

Mersi Mr Chair mon remersye Mr Onorab pou son sipor.  Mon anvi ensiste pou dir mon Seselwa.  Ler mon ariv kot mwan mon’n vin en etranze.  E mon apresye bokou tou konfyans ki depi mon’n reste isi 25an –  sa konfyans ki bann dimoun endividyel group bann siperyer in donn mon pou mon kapab eksprim mwan.  Mon annan konpasyon pou Kiltir mon kontan Sesel.  Mersi.

 

MR SPEAKER

Tre byen Onorab Churchill Gill.

 

HON CHURCHILL GILL

Mersi Mr Chair mon komanter i plito pou PS Finans.  Konman en Manm FPAC mwan osi mon tre konsernen avek sa zafer rapor pa ankor fer.  Alors mon pou sizer ek PS pou letan Minis i dir i annan en Oditer ki deza pe travay lo la,  ler i fer son midyear review pou Lasanble i donn nou en pe lenformasyon lo la.  At least nou a kapab konpran ki sitasyon e an menm tan i ava pe prepar sa landrwa – sa lenstiti pou li kapab ofe ler lot odit i vini an 2017.  Eski PS, i ok?

 

MR SPEAKER

PS Finans.

 

PS PATRICK PAYET

Mersi Mr Chair e mersi Onorab.  Zis pou azoute pou tou bann outstanding accounts ki pending ki Oditer zeneral in raise e ki previously in dan accounts 2015 zot rapor.  Nou’n fer sir ki i annan ki kot respective entity – i annan kin tonm kot nou.  Ki nou’n fer fini tender bann ki pending.  E kontra in ganny tender properly e in ganny awarded ek en entity ki pe fer sa bann audit.  E nou anvizaze konplete by Zen 2017.  So definitivman letan nou a vin devan Lasanble during the midyear review,   nou a kapab donn zot en proper rapor.  E osi si nou fini avan nou kapab advise FPAC ki zistans nou’n arive pending issues ki nou annan.  Mersi.

 

MR SPEAKER

Mersi PS Onorab Georges.

 

HON BERNARD GEORGES

Mersi Mr Chairman.  Mr Chairman mon ti dispoze o konmansman  sa sesyon pou mwan dir ki mon ti pe vin siport Seychelles Heritage Foundation.  Malgre bokou problenm ki nou’n tande la apre midi.  E mon kapab azout avek tousala sa fence otour Creole Institute ki mon krwar i lev sa batiman dan tou son lanpler.  E mon ti a osi kontan remersye sa linisyativ pou fer en lenvanter tou nou bann Patrimwann Nasyonal.  Akoz mon krwar i enportan e i neseser.  E nou menm nou, nou pou sirprann pou vwar ki kantite i annan.  Dan mon distrik Les Mamelles i pa kekfwa zot ava krwar i pa en gran lye eritaz.  I annan en kantite keksoz i annan en waterfall i annan latonm bann premye propriyeter Chateau Mamelles.  I annan en plantasyon miska; i annan bokou keksoz enteresan.  Par kont plantasyon kanabis napa.  Akoz NDEA i travay ase for dan mon distrik.

Mon ti anvi dir sa Mr Chair akoz mon ti anvi sey regarde kote nou ti pou kapab rod en pe larzan pou ed sa Fondasyon,  dan son travay ki en travay ki tre pros avek mon leker.  E mon konnen ki i annan enn de landrwa kot nou ti kapab al rode.  Kot dog handler, kot FIU eksetera.  Ti annan enn de portfey kot nou ti kapab al pran en pe larzan. Me mon ti pou vot an faver pou en lot rezon.  Pou en rezon bokou pli senp.  Okenn Lorganizasyon ki fer en Dimans Val Des Pres en Sanmdi,  mon krwar i merit mon sipor.  Me malerezman mon pa pou kapab siport sa Bidze apre midi.  E annefe mon pou vot kont pou en senp rezon.  Mon pa pou kapab regard mon lekor dan laglas,  ler mon vwar ki sa Fondasyon pe lwe office space avek en Lorganizasyon politik.  I pa al ditou dan laliny ki nou devret pe siporte e sa mon krwar zot ti’n devret rod en lot landrwa.  E i fer mon bokou lapenn ki en Lorganizasyon avek en lentere  osi Nasyonal i kapab al fer sa keksoz.  E in tous mwan for.  Having said that mon pou demann zot en kestyon e mon pou fer en sizesyon.  E set en keksoz ki mon ti’n lev-e pli boner.  E se sa nou koleksyon nasyonal lar.

Kot nou ete lo la?  Lontan nou pe koz lo la.  Nou annan en rises natirel enorm dan nou bann artis san mansyonn non nou napa letan.  Mon pa vwar nanryen ladan dan sa Bidze ozordi ki pou permet nou apre tou sa bann lannen,  annan nou en koleksyon lar Nasyonal.  Si nou napa larzan les mon kit zot avek en sizesyon.  Al tap laport mon sir ki si zot al kot bann labank kot bann gran sosyete touristik e konstriksyon,  e zot demann enn, enn sa bann sosyete sakenn sponsor en louvraz lar par an,  nou a kapab ganny nou en tre koleksyon ki nou a kapab met o servis nou popilasyon.  Mersi Mr Chair.

 

MR SPEAKER

Minis oubyen PS oubyen Mr D’Offay  zot anvi pran sa sizesyon.

 

MR EMMANUEL D’OFFAY

Mersi Mr Chair, Mr Georges mon konpran tre byen ou premye ki ou’n fer.  Kot pou dir i malere ki nou dan en biro me is el landrwa ki sa ler nou ti ganny presyon par lakonpannyen.  Petet avan kontra ti’n ganny sinyen nou ti’n merit rod landrwa me malerezman si bef in ganny met apre saret.  Saret pa kapab vin devan bef nou bezwen bare son konsekans.  Me demars pe ganny fer pou ki nou kapab move out of sa landrwa pli vit posib ki nou gannyen.

Lot nou annan en national collection nou deza annan en national collection.  E avan ki mon ti vin dan retourn dan Gouvernman sete mon konsiltan ki ti travay lo leta katalog e retir portre tousala.  E i annan en seksyon dan Galeri Nasyonal kot nou ti pe egzibit nou koleksyon nasyonal.  Me malerezman akoz i ganny servi pou fer legzibisyon souvan.  Nou’n tire nou’n re stok li  byen.  Wi sa ki ou’n dir ki ou’n dir nou pa kapab Bidze pa permet nou pou nou afford aste sa.  E i en tre bon lide kot nou rod bann lakonpannyen.  Me i ti ava swetab osi petet si bann Manm Onorab konman zot kontribisyon sosyal ouswa zot kontribisyon artistik.  Tanzantan zot met en pti larzan ansanm zot tou e zot acquire 2 tablo zot vin donn nou.  E zot fer grandi koleksyon e nou ti kapab dir sa in donnen par 6enm Lasanble, 7enm, 8enm.  Mersi Onorab.

 

MR SPEAKER

PS avan mon donn ou laparol mon a demann Onorab De Commarmond lo sa size.

 

HON CHARLES DE COMMARMOND

Wi Mr Chair en tre bon keksoz la e ki dan Bidze.  Minis dan sa Bidze oubyen petet dan la culture.  Nou devret in future ouswa nou devret konmans la revwar.  Omwen R500 mil roupi omwen pou aste louvraz nou bann artis pou zisteman add to that collection ki Mr D’Offay pe dir.  Pou fer ki sa galeri collection i vin en national collection sa.  I ganny anrisir i ganny valorize i ganny.  Dimoun i kapab peye i kapab vin gete ensidswit tou sa bann zafer.  Zis pou azoute i annan bann Fondasyon deor ki kapab ede osi ki nou kapab rod sours sa bann posib ki zot annan larzan.  E posibleman zot kapab osi kontribye dan Fon Finansyel National Heritage Foundation.  Sa bann Fondasyon ki protez bann leritaz.  I zis parey larou Cascade i pe nou annan en travay pe ganny fer par en Fondasyon ki pe ede pou remet sa larou an valer.

E pou fini Mr Chair sa pledge ki ou’n mansyonnen taler ki nou devret annan lo bann propriyete lo bann later bann landrwa ki annan valer Kiltirel.  Ki pou met en restriksyon ki i domaz letan ou ti Minis la culture ou pa’n fer fason nou ti a’n pli lwen ek sa.  Dakor ?  Me la Minis ki la i ava take note e nou ava devan.  Mersi.

 

MR SPEAKER

Kekfwa mon ti ankor tro zenn sa letan.  Mr D’Offay ou ti oule reponn sa enn?  Wi ale.

 

MR EMMANUEL D’OFFAY

Mersi Onorab Onorab De Commarmond.  Ou bann pwen in ganny note e petet mon ti a demande Mr Chair avek ou laprouvasyon pli tar zot regarde –  Akoz nou, nou annan en plan pou nou ganny larzan pou national collection se lwe bann tablo avek bann diferan Minister oubyen bann diferan landrwa ki napa.  E lefe ki mon get la mon vwar miray i preski vid.  Mon ti a swete ki Lasanble i pran li an konsiderasyon pou lwe 1 2 3 apepre 12enn tablo annefe ek nou.  Pou kouver sa miray ki mwan mon pare pou vin met anler.  Alor si sa i ganny konsidere nou a dir zot mersi.

 

MR SPEAKER

PS Rose.

 

PS BENJAMINE ROSE

Mersi Mr Chair mon pe fer referans avek pwen sizesyon Onorab Georges.  Nou deza annan en levanter konplet lo tou bann sit istorik isi Mahe, Praslin, La Digue e nou menm annan en piblikasyon tou bann sit ki annan valer istorik leritaz.  Nou menm annan en piblikasyon ki nou ti fer mon rapel –  nou ti donn Cable & Wireless en kopi.  Nou annan kopi available nou a fer li akse avek National Assembly.  Nou annan dan sa listing dan sa inventory i annan national monuments.  E osi i annan bann ki nou apel listing.  Listing i bann ki nou idantifye i annan sa valer.  Me selman i pa neseserman en Sit Gouvernman.  Oubyen i kapab en Sit prive me selman nou rekonnet pou dir i annan sa valer.  Alors nou annan en levanter konplet ki nou’n fer.  nou kapab fer zot ganny en kopi.  Mon pou fer li premye keksoz mon devwar asire pou dir ou a ganny en kopi sa dokiman.  Mersi.

 

MR SPEAKER

Sak Manm Lasanble pou ganny en kado sorti kot PS Rose.  Onorab William.

 

HON WAVEN WILLIAM

Mersi Mr Chair.  Mr Chairman mon ti a kontan demann Madanm Savy ouswa Mr D’Offay –  lefe ki bokou touris a aletranze,  zot pe regard Sesel konman sa five star tourism destination, zot pe reve vin Sesel.  Lefe ki nou konsyan osi ki letan zot vini zot napa bokou keksoz pou zot depans zot larzan lo la –  dan sa revizyon dan sa plan ki zot pe prevwar pou lavenir eski zot a konsidere,  elarzi sa plan ki i a kapab dan en fason konpreansiv enkli bokou sekter prive osi ladan.  Akoz sekter prive osi annan bokou bann lide ti kapab met ansanm avek zot pou kapab donn nou valer e valer azoute nou bann leritaz nasyonal.  E parey egzanp dan plizyer pei kot ou ale i annan bann Sit.  Kot ou vwar en pent i annan en pti group pe danse kot bann touris i peye pou zot.  San ki ou pe detrir sa Sit.  Me sa en pti pe dan lespri ki mon ti a kontan met devan pou zot konsidere.  Mersi.

 

MR SPEAKER

Mersi Onorab William, Mr D’Offay.

 

MR EMMANUEL D’OFFAY

Mersi Onorab annefe i en lide ki form parti sa redevlopman ki nou pe vwar dan Domaine De Val Des Pres.  Akoz i pou annan landrwa k ii pou ganny allocate.  Kot pou annan galeri, pou annan bann pent, ou pou vwar ban dimoun pe fer lenstriman lanmizik.  I pou annan tou sa bann keksoz e ki en dimoun ki pou vin dan Domaine De Val Des Pres.  I pou bezwen apepre 2 zour pou li kapab apresye vreman tou sa ki i annan dan sa landrwa.  So ou plan mersi bokou i en bon nide me in deza ganny pran an konsiderasyon.  Akoz nou osi nou tre konsyan pou nou tir maksimonm larzan avek bann touris letan zot vin Sesel.  E sirtou la ki nou pe ganny bokou bann touris Kiltirel olye ki bann touris la plage.  Mersi.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Speaker, Mr Speaker mon annan 2 pti pwen.  Par egzanp letan nou pe koz.  Mon konnen zot in koz en pti pe lo bann landrwa Sit Istorik.  Ou’n nonm i annan en levanter antye.  Ou’n nonm zis Praslin, Mahe, Praslin ek La Digue.  E nou tou nou okouran lo bann zil elwanye i ankor annan bann lakaz kolonyal.  I ankor annan zot bann kalorifer i annan zot ta.  Ki zot pe fer an se ki konsern sa?  Pou ki li osi i antre dan sa zot la sa.  Apre letan nou ope regard lavil Victoria mon krwar i pou bezwen tonm kot zot osi.  Lavil Victoria nou pe vwar bann building pe monte.  Swa i annan ki annan bann tiles lo la and all.  Be tou lavil lemonn i annan sa dizon par egzanp nou pran dan lenn.  I annan Old Delhi ki annan tou son magazen parey i ti ete avan.  Apre i annan New Delhi.  Mon konnen Victoria nou pa kapab al dan sa me letan nou regard dan lari bazar.  I ankor annan kot Jivan par egzanp i ankor parey i ti ete.  Menm si in refer son sa.  anba kot Dhanji laboutik i ankor parey.  Konmsi ki nou pe fer pou nou kapab prezerv sa pti morso ki reste dan lavil Victoria.  Pour ki at least nou annan tousala.  I pa zis lo portre ki nou kit dan en liv me selman i la vivan.  Mersi.

 

PS BENJAMINE ROSE

Mersi Onorab annefe nou’n fer levanter osi Silhouette apre bann lezot zil ki mon pa’n mansyonnen.  Eskiz mwan pou sa.  An se ki konsern bann buiding batiman ki ganny antreprann ki ganny met an plas. – Nou annan lo Komite Planning nou annan en dimoun Kiltir ki in fer son Master dan cultural management.  Savedir i asire ler bann devlopman i ganny fer –  bann nouvo batiman ki ganny konstrir.  Ki i fer resorti for son kontribisyon pou protez sa bann fasad.  Me si en keksoz i prive nou pa kapab fer gran keksoz lo la.  Me nou’n kapab negosye ankouraze atraver Scheme ki Madanm Savy in deza mansyonnen.  Me nou fer sir pou dir lo Board Planning i annan sa dimoun ki conscious nou leritaz e nou Kiltir.  Mersi.

 

MR SPEAKER

Mersi PS, Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon konnen ki sa Departman sa fondasyon i enportan.  Me selman an menm tan sorry pou dir me sa fondasyon konmsi i montre nou pou dir i annan bokou dezord.  E la zot in donn nou travay ankor.  E konman Chairman FPAC nou bezwen kriy zot devan FPAC letan nou pe fer letan nou pe fer nou bann deliberasyon ki i vedir plis travay.  Egzakteman avan tou zot in ganny kriye me napa gran keksoz ki’n ganny fer.  Mr Chairman mwan mon war ki  i gou letan ki lo televizyon zot pe koup riban apre zot in depans en pe larzan.  Me selman malerezman apre ki tou sa bann keksoz in arive.  Nou vwar ki i annan en labandon.  Ti zoli vilaz laba Au Cap letan ti pe ouver restoran, bann kyosk ensidswit.  Franse en lannen ti fer zot parti le 14 Zilyet laba ensidswit.  Me la ozordi in fini.  Maryaz ti ganny fer maryaz tradisyonnel.  Prezidan Mitterand ti din laba ler i ti vini me al in fini.  Lavwar Bel Air lanmenm la ater.  Letan ti pe soz manman ti annan tou sa gran….  Ozordi Lavwar i bezwen ganny lave se sa son leta ozordi.  Ou a krwar konmsi nou’n bliye.  Lot zour ti annan lak ki ti mete dan simityer Bel air ankor enn fwa ti zoli.  Leritaz ensidswit bann simityer tousala. Me apre sa nou bliye alor pou mwan i malere lo sa kote.

Me mon pou retourn lo pwen ki Onorab Georges in fer e mwan mon krwar k ii pa akseptab.  I pa akseptab e i deza annan en prensip ki ti ganny adopte depi Lasanble ti ankor anvil.  Ki Gouvernman oubyen en Lorganizasyon ki asosye avek Gouvernman pa kapab lwe batiman en parti politik.  I annan en prensip e se pour sa rezon ki sa letan, letan ti annan sa Lorganizasyon ki ti pe rod delwil la.  Ti annan SEYPEC ek SNOC ti a pe lwe kot Maison du PeupleSNOC ti sorti e i ti al dan en lot batiman.  Ozordi Mr Speaker letan mon regarde mon senpleman pa kapab ganny en konpran lozik e mon ava eksplike.  Leritaz Fondasyon Leritaz Sesel i lwe en pti bout batiman lo letaz dan letaz R40mil par mwan ki fer R480mil dan en lannen.  Me selman sa menm leritaz i lwe en restoran ki pli gran ki sa ki zot pe lwe ki zot pe peye R240 mil roupi pou en lannen.  An plis ki sa zot pey sekirite R40 mil par mwan ki tonm R480 mil.  I fer en total R720 mil roupi kid an sa Bidze byensir.  Ki Gouvernman pe donn zot pou zot peye, pou zot peye sa.  Me zot, zot pe lwe zot pe antre R240 mil.  E mon krwar ki i ti’n pou senp si zot ti move dan zot restoran.  Ti ava zero zot ti pou napa okenn rent pou zot peye.  Mon krwar ki zot bezwen, nou bezwen azir dan en fason lozik Mr Chairman.

Mon krwar ki se sa lespri ki si larzan ti pou nou.  Si larzan ti pou nou se sa  lafason ki nou ti pou reflesir.  E la mwan mon vwar ki pou dir i pa lozik.  E mwan mon krwar ki poudir I mean nou’n koz nou’n donn lapolis en gro Bidze.  Lapolis in ganny en gro Bidze e in nonmen ki pou dir PSSW i kapab fe…..  Mwan mon pa vwar akoz ki nou sa Bidze Seychelles Heritage Foundation i pa kapab desann e letan i desann.  Be ger PSSW pas laba osi tou met en gard.  Akoz nou bezwen pey R480 mil en lakonpannyen sekirite ?  Nou pa kapab fer en lot laranzman.  E mwan mon krwar ki se sa kalite lespri ki nou bezwen travay lo la.  E ki mon krwar nou’n konmans travay lo la.  E mwan mon ti a kontan si PS Payet ti a kapab donn nou en undertaking – ki par egzanp pandan sa prosen 3 mwan zot va fer sa sanzman.  Lenstiti Kreol i pa dan sant lavil li.  Lenstiti Kreol i osi tou i trouve dan distrik Au Cap e zot travay laba.  Be akoz ki sa bann dimoun la ki pe.  Akoz ki nou bezwen nou vote pou donn parti lepep R480mil dan sa lannen 2017 ki pe vini ?  Nou pa nou pa vwar lozik ladan.

E mon ti pou kontan osi konnen dan sa proze La Bastille dan sa proze La Bastille.  Konbyen ki, konbyen income nou pe fer prozeksyon pou nou gannyen?  Parske ankor enn fwa Mr speaker seryezman omwen ki konmsi i vreman en sonm enorm pou sa bann renovasyon – mwan mon zis pa ganny en konpran ki mannyer nek zis ou tande poudir ou tann parol avan.  I annan en dalon ki pe gannyen i annan 2 dimoun ki’n vin rode ki pe gannyen pe gannyen, pe gannyen.  Apre sa en bo zour iv in en lanons in gannyen.  E aprezan in gannyen, prezan taye regarde kot pou met Staff, kot pou tay isi kot pou tay laba.  Mon krwar ki in ler pou nou serye nou osi. E etablir nou dan en fason konkret.  La Bastille  tan ki in La Bastille.  Ti annan en moman i ti headquarters Minister Ledikasyon ti annan en koneksyon laba.  Me apre sa toultan in asosye ek Kiltir.

Stati Ton Pat ti laba, ti annan zarden medisinal.  Ki konmsi sanmenm sa ki mon pe dir.  Nou tay isi nou fer zarden medisinal, nou rod 1, 2 bann vye keksoz.  Nou fer louvertir nou fer progranm.  E apre sa tou keksoz i vin diferan.  E pourtan nou koz promot Kiltir, nou koz sa bann zafer.  Ki zis nou balans isi nou balans laba, nou balot isi, nou balot laba.

E alor mwan mon pe sey dir be annou annan en keksoz annou annan en laliny konkret.  Annou etablir bann tradisyon, annou etablir bann tradisyon.  E sa i en gro mankman dan nou.  Wi Onorab Pillay mon pe koze, mwan ki annan laparol pa ou ki Speaker la ok ?  Annou annan en keksoz konkret ki nou konnen dan ki direksyon nou pe ale.  Parske la pou oule moman i zis al dan tou direksyon.  Mon krwar mon komanter mon krwar mon’n fer mon lekor kler.  E mon ti a demande ki dan prosen 3 mwan –  dan sa prosen 3 mwan annou fer lekonomi.  Sorti dan sa mize repran zot restoran.  Ou ava al manz ou kari ko-ko zourit en lot landrwa.  I ava annan en lot restoran ki ava ouver.  E nou ava konnen ki pou dir nou larzan pe ganny byen depanse.  Mersi bokou Mr Speaker.

 

MR SPEAKER

PS Payet avek Mr D’Offay petet zot kapab respond to sa sizesyon.

 

PS PATRICK PAYET

Mersi Mr Chair  e mersi Onorab pou bann komanter e sizesyon.  Nou ava remet i annan en komite ki’n ganny etablir sa lannen pou office accommodation.  Nou’n fer sir ki i annan Departman public administration.  Ministry of Finance avek Minister responsab pou lenfrastriktir.  Nou’n met sa Komite an plas sa lannen.  Ki tou prosedir pou lofis la i bezwen al lo sa Komite before zot vin demann Finans larzan.  Nou ava remet the proposal to the Komite.  E ki nou a fer sir ki zot kapab anvoy en further proposal to Ministry of Finance pandan the first quarter of 2017.  Nou ava asiz avek mon krwar en travay ki Mr D’Offay in dir zot ti pe fer regarding lease.  Ki zot in fini take stock of tou sa bann lease.  Nou ava fer sir ki annan en review properly  – maksimize en pe reveni ki zot pe kolekte osi –  nou ava revwar tou bann clauses of the lease agreement ki’n ganny sinyen.  E osi nou ava asiz avek Departman Lapolis pou vwar the kapasite pou zot provide the sensitive building and for security purposes.  E sa zot kapab annan savings.  E osi en konponan ki nou pe revwar 2017 i tou bann PPP contract.  Ki already exist pou nou vwar si nou kapab review ouswa kwa ki’n ganny mete dan sa bann clauses dan sa bann Kontra.  Si napa en sistenm  ki bezwen ganny fer dan sa bann PPP contract.  E osi nou a kapab anvoy en rapor pou bann PPPs.  Akoz i pa zis heritage mon krwar i annan bann lezot lenstitisyon Gouvernman ki annan bann PPPs ki egziste.  Nou ava donn zot en detay lekel bann ki’n la lo tender e ki bann.  En proper rapor lo sa bann PPPs e en proper assessment avek nou Departman Odit dan Minister Finans.  So nou demann zot pou wi mon konnen i annan bokou travay pou nou dan Minister Finans of first quarter of 2017.  Me selman nou pare pou travay avek Lasanble pou nou revwar benefis ki nou kapab vwar.  Akoz mon konnen i annan bann depans ki nou’n diskite ki annan bann urgency pou donn zot en pe larzan an plis.  So tou sa bann savings nou kapab vwar dan first quarter pou nou kapab anvoy rapor avek Lasanble.  Mersi.

 

MR SPEAKER

Mersi PS Payet pour ou bann repons progressive and positive.  Onorab Ramkalawan oule fer en komanter.

 

HON WAVEL RAMKALAWAN

Yes yes Mr Chairman.  Mr Chairman an vi ki nou konnen ki parti lepep pe resevwar R500mil tou le mwan avek STC pou lwe en warehouse kot zot met zot bann materyo konstriksyon,  mon ti ava osi demann Minis e Onorab De Commarmond ki reprezant Parti Lepep pou zot montre good will. E pou ede pou koup sa Bidze e ki apartir Zanvye les national heritage –  Seychelles Heritage Foundation ziska ki zot fer relocate e fer bann laranzman pa pey okenn rent.  Mwan mon krwar ki sa ti ava en bon en vre PPP.  Sa ti ava en vre PPP e kot sa ti ava pe montre bonn volonte.  Parske mon krwar ki nou’n vwar mon krwar ki R500mil tou le mwan.  Omwen zot ti ava pe rann en mwan dan sa 12 mwan ki zot

annan.  E sa ti Fva help sa Fondasyon pou li kapab re

etablir li e bouz pli devan.  Mwan mon krwar ki mon krwar Onorab De Commarmond pe al dir wi.  Mersi bokou.

 

MR SPEAKER

Mersi Onorab De Commarmond.  Onorab Ferrari apre nou a vin kot Onorab De Commarmond.

 

HON JEAN-FRANCOIS FERRARI

Mr Speaker mon ti anvi zis dir avek PS Payet ki dan lamezir posibilite.  Si i ti kapab fer nou ganny en lalis tou bann building, tou bann keksoz ki Gouvernman pe lwe. Pa pou okenn rezon pou gete lekel me selman nou konman en Lasanble.  Mon krwar lot kote osi ti sa pwen ti ganny propoze en serten moman.  Konmsi nou oule gete ki mezir i kapab annan dan ankouraz Gouvernman pou annan en government building konmsi ase gran.  Avan ki lavil i totalman plen kot i kapab housed enn de Minister ok? E thinking long term at least zot kapab ganny their own space.  Mersi.

 

MR SPEAKER

E si mon pa tronpe mon krwar sa propozisyon ti deza ganny fer dan en deba avan par Onorab Adelaide.  Onorab i mean PS Payet oule fer komanter lo la.

 

PS  PATRICK PAYET

Non definitivman nou kapab fer Lasanble ganny sa detay.

 

MR SPEAKER

Ok mersi.  Avek sa si napa okenn komanter sorti kot Onorab De Commarmond nou a pran en vot lo Bidze.

 

HON CHARLES DE COMMARMOND

Mr Chair ou anvi mon dir en keksoz.

 

MR SPEAKER

Non, non in demande in dir ou dakor mon war ou ou’n riye.  Mon assume  ki ou riye…

 

HON CHARLES DE COMMARMOND

Non komanter in pase mon ava mon asire Lotorite Parti Lepep in tande.  Mon ava further to that koz avek zot.  Me selman mwan mon pa kapab pran desizyon la.  Me osi bann entity ki pe le sa bann landrwa zot osi zot annan zot fair share of responsabilite pou gete si napa lezot landrwa pou zot lwe.  Mon pa kapab antre dan STC pou al ou konnen pou al met… Mon a met sa devan Lotorite Parti Lepep.

 

MR SPEAKER

Si mon rapel byen Mr D’Offay in dir tou fason pli boner posib zot ti pou rod en lot landrwa pou lwe.  Pou sorti dan Mize kot zot ete.  Bon dernyen parol Onorab Woodcock short.

 

HON WAVEL WOODCOCK

Mon pa pou tarde zis en pti en zafer an pasan.  Regardan enn bann moniman pli enportan lo Praslin se sa moniman Lendepandans le 29 Zen 1976.  Vizavi bazar Praslin avek pa tro lwen avek legliz St Mathieu.  Mon santi i en relic rezete ki napa ase lanfaz ki pe ganny mete pou donn plis vizibilite e lenportans sa moniman Grande Anse Praslin.  So mon pe dir si zot kapab rod en fason pou ankadre li en pe parey zot in ankadre sa pti tonton.  Sa moniman pti tantin e pti tonton anba dan lakot vye Zonm Lib ti ete.  Zis met en pti lalimyer avek.  Ou konnen i sitan enportan pou Praslin zis gete ki mannyer zot kapab ankadre li en pti pe.  Mersi bokou.

 

MR SPEAKER

Ok CEO Savy in note.  Avek sa nou pou pran en vot lo Bidze Seychelles Heritage Foundation apre ki nou’n ganny serten garanti avek PS Payet.  Tou bann ki ‘pour sa Bidze Seychelles Heritage Foundation lev zot lanmen ?  Okenn dimoun ki kont lev zot lanmen ?  Clerk ou anons rezilta an Kreol.

 

MADAM CLERK

Mersi Mr Chair mon’n rikord 13 vot an faver avek 3 vot kont.  Mersi.

 

MR SPEAKER

Avek sa, sa Bidze pou leritaz Nasyonal Sesel i ganny aksepte or aprouve par Lasanble Nasyonal.  Mon ti a kontan a sa pwen remersye Minis Idith Alexander ek son lekip ki’n pas depi bomaten lazournen avek nou.  Pour pasyans Minis pou bann kontribisyon pozitiv ler nou’n annan serten dezagreman oubyen lenpas.  Mon ti a kontan remersye ou lekip ki’n vin avek ou.  PS Rose, CEO madanm Miera Savy, Special Advisor Mr Emmanuel D’Offay.  Pou zot letan e mon ti a kontan eskiz zot e swet zot bonn kontinyasyon.  En Zwaye Noel e en bon Lannen 2017 ki Fondasyon i pran konsiderasyon tou sa bann pwen pozitiv ki Lasanble Nasyonal in met devan zot.  Nou ava prezan eskiz zot akoz nou annan 1, 2 pti desizyon pou nou pran.  Eski Minis oule dir en pti parol ?

 

MINISTER IDITH ALEXANDER

Wi, wi zis en pti keksoz ou mon dir zot mersi.  E mon osi pareyman mon swet zot tou en Zwaye Noel e en Bonne et Heureuse Année e lepep Seselwa osi ki pe ekout nou.  Mersi.

 

MR SPEAKER

Mersi Minis e avek sa nou ava eskiz ou e swet ou bonne soiree. 

 

MINISTER IDITH ALEXANDER AND HER DELEGATION WAS EXCUSED FROM THE HOUSE

 

MR SPEAKER

PS Payet ou pa ankor ler pou ou ale asiz ankor.  Ms Flora, madanm Ben David ou osi mersi. sorry mon’n oubliye mansyonn ou.  Bon bann ser Onorab mon krwar avek sa nou bezwen deside.  Mon aprann ki i annan dimoun ki dir Nwel pe vini nou pe monopoliz SBC.  Nou bezwen pran en desizyon nou annan en desizyon ki demen bomaten nou pran Defans, FIU avek NDEA e nou envit Minis Larose pou vini.  Lot sizesyon se ki nou tenir Nwel e vini i annan dimoun ki oule fer zot bann demars.  E ki nou rekonmanse repran Mardi prosen.  Zot deside kwa ki nou ti anvi ki pli bon pou nou fer.  Onorab De Commarmond.

 

HON CHARLES DE COMMARMOND

Mr Speaker mwan mon krwar ki i enportan sa 3 sirtou. Ladefans, NDEA avek FIU se bann landrwa kot nou ti annan en pe plis kontansyon.  Mon krwar enn fwa ki nou’n pas sa 3 nou’n diskit lo sa 3 nou’n tonm lo en lagreman nou’n dakor.  Nou’n konpran sitasyon mon krwar lezot Departman Minister i a kapab petet serten al en pe pli fasil.  Savedir nou kapab bouz en pe pli vit lo la.  Me petet i kler nou pa pou kapab fini tou ziska pou Nwel.  Be mwan, mon pa mind pou travay pou Nwel ensidswit.  Si nou’n konmanse nou fini me selman petet pa tou.  Akoz semenn prosenn Lendi i konze piblik, nou annan Prozedlwa Trezyenm Mwan Saler Mardi petet pou nou diskite epi sa 2 lezot zour.  Alor nou bezwen petet al en pti pe pli vit.  Me mon krwar demen si nou pran sa 3 i pou ed nou pou konpran poudir leres i en pli ‘minor’ ki son pwa lo la.  Mon pans koumsa en.

 

MR SPEAKER

Mersi Onorab De Commarmond i annan lezot.  Onorab Ferrari.

 

HON JEAN–FRANCOIS FERRARI

Mr speaker dan nou desizyon mon krwar whatever desizyon nou pran mon krwar mon a aksepte.  Nou bezwen pran konsiderasyon Staff Lasanble ki vreman anba presyon e ki pa ankor ganny en sans pou zot al rod en pti keksoz pou Nwel.  Nou bezwen pran an konsiderasyon sa.  So sa mon les avek Lasanble me selman i enportan osi sa.

 

MR SPEAKER

Okenn lezot lopinyon kote isi?  Onorab Pillay.

 

MR SEBASTIEN PILLAY

Mr Chair mwan mon krwar pou dir mon ti raise sa pwen bomaten konsernan lafason ki nou manage letan ler nou pe pran bann diferan entities.  E mon krwar nou, nou bezwen vin pli en pti pe e pli ekonomik dan lafason ki nou manage nou letan.  E mon ti raise sa pwen avek ou bomaten.  Kot mon vwar a en serten moman ou afford serten Manm plis letan lo serten kestyon.  Me apre nou ganny dir 1 kestyon -1 kestyon.  Si nou ti’n pran 1 kestyon.  E zis dan sa laliny ki mon pe dir eski ti ava bon Mr Chair ki nou ganny gide.  As to ki nou ganny drwa fer akoz si mon osi mon ganny drwa pran en kestyon e fer en statement lo la.  Then mon ganny drwa fer.  Me par kont Mr Chair mon krwar pou dir nou ti’n devret pe mazin sa all along ki nou ti’n konmans sa prosesis.  Nou pa kapab ariv la a sa moman e mazin pou koz lo sa welfare.

 

MR SPEAKER

Onorab Pillay ki ou pe dir mwan la.  Sey dir mwan?  Mon pa ankor konpran ki ou pe dir mwan.   Mon pe dir ou ki ou pe dir mwan.

 

HON SEBASTIEN PILLAY

Mon pou donn ou en legzanp konkret par egzanp taler ok ?  Ekoute ekoute Onorab Ramkalawan I have the floor Onorab Ramkalawan les mon fini apre ou ava fini.

 

MR SPEAKER

Be degaze fini akoz nou osi nou oule adjourn.  Ou pe tro koze sanmenm sa ou problenm.

 

HON SEBASTIEN PILLAY

Be ekoute mon a kapab dir ou Mr Chair.  Mon pe sey eksplik ou mwan.  Mersi bokou Mr Chair. Pandan sesyon oparavan e a en moman ou’n dir 1 kestyon sak dimoun.  Nou pe wrap-up me towards the end ou donn dimoun sans pou fer statement.

 

MR SPEAKER

Sa i a vre mon annan tou mon lalis la.  Ou a pe akiz mwan pou en keksoz ki.  Can you just retract that?  I’m sorry I don’t accept that!  Mon sey fer zis pou tou dimoun enn bann dimoun ki pli koze se ou menm ou !  Can you retract that statement?  I take offence to your statement.

 

HON SEBASTIEN PILLAY

Mr Chair I’m very sorry ki mon statement in cause offence.  I pa mon entansyon pou cause offense pou mon statement. Me selman ki mon pe sey dir.  I retract the statement Mr Chair.  I pa mon lentansyon pou cause offence.  Me selman ki mon pe sey dir se ki nou annan nou 3 entity ki extremely important for the country.  E mon krwar pou dir nou pran li demen i ideal.

 

MR SPEAKER

Wi Onorab Prea.

 

HON NICHOLAS PREA

Mersi Mr Chairman.  Mr Chairman mon krwar mon’n fer pare you sa 2 Leaders nou donn zot sans a lafen nou bann deliberasyon pou zot fer en statement.  Akoz parfwa i annan bann kontansyon kot nou kapab sey anmenn PS Finans osi ladan pou ganny en solisyon.  E mon’n fer sa osi tou yer apre sak Head ki mon’n donn sa 2 Leaders pou fer en pti statement short statement to move the way forward.

 

MR SPEAKER

Mersi sa ki nou oule konnen la se ki Onorab De Commarmond in fer en propozisyon pou demen pou nou vwar sa 3 Departman avek Minis Larose.

 

HON NICHOLAS PREA

Mwan mon sizere demen nou pran en Break la.  Demen nou pa meet akoz nou bezwen.  Mwan osi mon pe mazin lo kote Staff e menm lo kote bann Staff Finans ki’n 2 semenn konplet in avek nou la.  So mwan mon sizere ki nou repran nou travay mardi prosen.

 

MR SPEAKER

Onorab Ramkalawan ou ti pe al dir en keksoz.

 

HON WAVEL RAMKALAWAN

Non Mr speaker sa ki Onorab De Commarmond in dir i fer sans nou zwenn bomaten nou dakor pou nou zwenn ziska midi.  Midi nou adjourn e tou dimoun i ganny en sans pou li.

 

MR SPEAKER

So be it alor desizyon i se ki nou zwenn demen bomaten 9er isi.

(ADJOURNMENT)