Home » Verbatim » 2017 » Verbatim Report NAS Sitting Tuesday 27th December 2016

Verbatim Report NAS Sitting Tuesday 27th December 2016

NATIONAL ASSEMBLY OF SEYCHELLES

 

Tuesday 27th December 2016

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun.Bonzour tou bann MNA e Leaders.  Bonzour Minis e Prokirer Zeneral ek tou bann Teknisyen ki’n vin akonpanny Minis avek  AG e fotespere  ki nou tou enkli bann dimoun on ki pe ekout nou dan lakour e aryer  ki zot in pas en Bon Nwel dan lape dan kalm e ki nou a kontinyen nou travay sa semenn dan Lasanble avek diferan Prozedlwa avek Bidze.  Bomaten nou annan 3 Bill ki nou ti a kontan prezant devan Lasanble e parey mon dir mon ti a kontan swet labyenveni Minis Finans, Komers  – Minister Dr Peter Larose – I akonpannyen avek Mr Ronny Govinden ki AG  – Prokire Zeneral avek diferan Teknisyen parmi Cesar fidel comme labitid – Madanm Crea – eksetera.  E san plis tarde… Onorab Ramkalawan .

 

HON WAVEL RAMKALAWAN

Mr Speaker, bonzour e bonzour tou dimoun.  Mr Speaker set avek latristes ki  nou’n aprann lanmor  Oditer Zeneral  Vandredi e  mon krwar ki i toutafe apropriye pour Lasanble Nasyonal montre son respe pou Mr Marc Benstrong.   I ti travay etrwatman avek Lasanble Nasyonal koman Oditer Zeneral e koman Chairman FPAC  – Komite Finans dan Lasanble,  nou ti annan sa responsabilite pou nou depouy son Rapor, me mon pe mazin osi son fanmir espesyalman son manman tou ki ti en Manm Lasanble Nasyonal alors mon ti ava demande ki nou Lasanble i debout an respe – nou gard en moman silans an respe pour li.

        Mersi bokou.

 

MR SPEAKER

Mon krwar sa ki Onorab Ramkalawan in dir i toutafe apropriye.  Anfet in fer  sa ki mon ti pe al fer.  Son Rapor i anvoy kot Lasanble Nasyonal e koman Speaker mon ti a kontan ofer tou manm lafanmir Benstrong – son madanm – son manman madanm Florence Benstrong – son frer Minis – Michael Benstrong e  i en gran lafanmir ki mon’n konn zot depi lontan sirtou son manman ki mon’n travay avek depi dan Ledikasyon ka e lo lapar tou Manm  – e tou bann lezot Zofisye ki la, mon dakor ki nou devret debout e obzerv  en moman silans pour Mr  Defen Marc  Benstrong.

 

(I MINUTE OF SILENCE)

 

MR SPEAKER

Mersi tou dimoun e san plis tarde nou a komans pran – zot tou zot annan Order Paper pour ozordi e nou a pran First Reading Public Bill – Nou annan Public Officers Ethics (Amendment ) Bill 2016.  Mon a demann Clerk pou prezant First Readingsa  Bill PublicOfficers Ethics (Amendment) Bill.

 

MADAM CLERK

Mersi Mr Speaker.Bonzour tou dimoun.

        This Act may be cited asPublic Officers Ethics (Amendment ) Act, 2016.

 

 

MR SPEAKER

Ok, eski nou ti a prefere fer tou le 3 Constitutional AppointeesAmendments apre Public Enterprises apre  nou al lo Second Reading ?

        Clerk pran Dezyenm Bill which is the Constitutional AppointeesEmoluments (Amendment) Bill, 2016 apre sa ou al direkteman lo Public   Enterprises Monitoring Commission ((Amendment) Bill, 2016.

 

MADAM CLERK

Mersi Mr Speaker.

        This Act may be cited the Constitutional AppointeesEmoluments (Amendment ) No.2 Act, 2016 .

        This Act may be cited as a Public   Enterprise Monitoring Commission (Amendment) Act, 2016.

 

MR SPEAKER

Mersi.  Nou al lo Second Reading. 

 

HON CHARLES DE COMMARMOND

Bonzour Mr Speaker, bonzour Minis ek ou delegasyon. Bonzour tou Manm Onorab e tou dimoun ki pe ekout nou.

        Mr Speaker, avan mon fer sa Second Reading lo Order Paper olye ki ii vin PublicOfficers Ethics(Amendment) Bill, nou bezwen fer sa enn 2enm avan. Savedir Public Persons  Declaration of Assets (Amendment) Bill avan sa enn akoz son lyezon ek kanmarad e ki si sinon nou pou annan en duplication.  Konmsi nou fer sa enn avan apre la nou anil sa  enn 2enm.

        Mersi bokou.

 

MR SPEAKER

Konmsi la nou a pran Public Persons Declaration of Assets, Liabilities and Business Interest ?

Ok.  Tre byen.  Mersi Onorab De Commarmond. 

 

 

HON CHARLES DE COMMARMOND

Mersi bokou Mr Speaker.   Anba Order 91 (1)  Mr Speaker mon move ki nou sispan Order64 (1) lo Standing Order pou permet ki Public Persons Declaration of Assets, Liabilities and Business Interest  Bill, 2016 i  ganny lir en Dezyenm Fwa. 

 

MR SPEAKER

Mersi Onorab De Commarmond.   Eski i annan okenn Manm ki segonn sa Mosyon ?

        Onorab Pillay ?

 

HON SEBASTIEN PILLAY

Mr Speaker, Motion is seconded. 

 

MR SPEAKER

Ok tou dimoun ki dakor lev zot lanmen ?

        Clerk ?

 

MADAM CLERK

Mr Speaker, 26 Manm in vote an faver.

 

MR SPEAKER

Ok, so we agreepour nouregardPublic Persons Declaration of Assets, Liabilities and Business Interest  Bill 2016.

        Wi Onorab Ramkalawan ?

 

HON WAVEL RAMKALAWAN

Mr Speaker on a point of order.Mon krwar the Mace i dan pozisyon Committee.

 

 

MR SPEAKER 

Sergeant-At-Armsou a fer le neseser.   Mersi.  A sa pwen nou ava demann Minis Finans   – Minis Larose pou prezant  the  Bill.

 

 

MINISTER PETER LAROSE

Mr Speaker, Leader Lopoziyon  Onorab Ramkalwan, Leader Business Gouvernman Onorab De Commarmond – tou bann Onorab dan Lasanble  – manm piblik a lekout,  bonzour. 

        Mon annan en gran plezir pou prezant Bill No.33 2016 avek Tit;Deklarasyon Propriyete e lentere dan Biznes, aplikab pour tou Zofisye Gouvernman e lezot Zofisye dan  pozisyon responsab.  Sa Bill ti ganny pibliye dan Gazette Ofisyel Lendi le 19 Desanm 2016.  Si sa Bill ki nou pou diskite ozordi i ganny laprouvasyon, pou vin efektiv le premye Zanvye 2017.

        Mr Speaker, lobzektif sa Bill  i anliny avek prononsman fer par Prezidan Danny Faure ki Gouvernman i oule promot en kiltir – bonn gouvernans – latransparans e rann kont parmi tou Zofisye Gouvernman.  Sa son bi se pou evit e annan okenn koz ki kapab kontinyelman promot koripsyon.  Nou oule elimin koripsyon dan Gouvernman dan nou sosyete.  Sa konsep e obzektif i anliny avek norm enternasyonal pou adres  sa problenm koripsyon. An sa ki konsern Zofisye piblik  pou donn lasirans e konfidans, nou sosyete sa Bill i fonde lo prensip entegrite- lonnekte  – rann kont – responsabilite – lazistis – latransparans e bonn kondwit ver Lalwa.  

        Sa Bill ler i ganny aprouve,  e i vin Lalwa i aplik pou Prezidan  – Vis-Prezidan – Speaker Lasanble Nasyonal  Minis Dezinyen tou  Minis  Leader Lopozisyon  – Leader Business Gouvernman  – Deputy Speaker Lasanble Nasyonal,  tou Manm Lasanble Nasyonal  – Maire Lavil Victoria e Konseye dan distrik.  Apwentman Komisyoner e soumisyon deklarasyon  apre rekomandasyon fer par Constitutional Appointments Authority,Prezidan pou apwent en Komisyoner pou met an laplikasyon e sirvey sa prosesis DeklarasyonPropriyete – Det  e lentere dan Biznes aplikab pou  tou Zofisye ki’n gannymansyonnen dan sa Bill.

        Apwentman Komisyoner pou depan lo kalifikasyon leksperyans an a-kor avek Seksyon 5  saBill.  E Seksyon 5 i egzize ki sa  Komisyoner i annan en menm kalifikasyon avek en Ziz Lakour Siprenm oubyen Lakour D’apel Sesel.

        Demisyon Komisyoner ; An ka Komisyoner i oule demisyonen Lalwa i egzize ki i donn Prezidan 2 Mwan Notice an ekrir.  Komisyoner i osi kapab demisyonen si i ganny deklare bankrupt ou fait.  Si i komet en lofans ki an ekivalan ki i a kapab ganny en santans 6 mwan Prizon san lanmann ; si son lasante i pa permet li pou kontinyen avek son travay oubyen par azar maler i arive ki i deside pandan ki i dan lanplwa. 

        Terminasyon lanplwa Komisyoner ;

Prezidan i kapab termin lanplwa Komisyoner si Komisyoner pa konport li byen .  Si Prezidan i resevwar en konplent alegasyon  – rapor lo movez konportman Komisyoner aksyon ki Prezidan i kapab  pran,  se pou demann Sef Ziz Lakour Siprenm pou fer en lenvestigasyon  e soumet en rapor.  Si Sef Ziz i rekomande ki lanplwa Komisyoner i dwatet ganny terminen, Prezidan pou pran aksyon imedyatman.

        Fonksyon Komisyoner ;

Resevwar tou deklarasyon an a-kor avek sa Bill ; mentenir e retenir tou deklarasyon e rikord ; egzamin tou detay ki ganny deklare oubyen refiz-e aksepte deklarasyon si i pa satisfer avek lenformasyon dan son posesyon ; fer en lenvestigasyon si i neseser dapre lalwa  e soumet en rapor avek Gouvernman atraver Minis. 

        Soumisyon Deklarasyon ;

Tou Zofisye Gouvernman ki ganny apwente dan zot pozisyon respektif fodre soumet en Deklarasyon avek Komisyoner pa pli tar ki 3 mwan apre ki zot in ganny apwente.

        Soumisyon Deklarasyon Anyel fodre ganny anrezistre   dan en dele 30 zour apre komansman nouvo lannen fiskal.  En Deklarasyon fodre ganny soumet avek Komisiyo0ner 3 mwan  avan ki sa Zofisye i kit lanplwa formelman.  Tou Deklarasyon fodre ganny soumet avek Komisyoner an ekri e retenir en kopi comme rikord.

        Lenformasyon spesifik dan Deklarasyon ; 

Lenformasyon ki tre neseser pou konplet lenformasyon i swivan.

  • Non sa Zofisye Piblik
  • Son sinyatir e rezidans
  • Detay manm son fanmir

e lezot manm fanmir pros

 

  • Tit son pozisyon ofisyel
  • Dat ki i ti ganny anplwaye dan sa pozisyon
  • Detay sa pozisyon avan Deklarasyon.

Detay propriyete oubyen assets an Angle ;

Propriyete posede par sa Zofisye ki ganny kouver anba sa Bill ou manm son fanmir pros i comme sa ;

  • Deskripsyon sa propriyete
  • Son lokasyon
  • Dat ki i ti ganny aste
  • Konbyen i ti koute
  • Son valer prezan e
  • Detay sa propriyeter avan lakizisyon

Lenformasyon konsernan propriyete ki sa Zofisye Piblik oubyen manm son fanmir pros, transfer dan en lespas 24 mwan avan Deklarasyon  fodre ganny deklare.  Detay i comme swivan.

  • Deskripsyon sa propriyete
  • Dat ki i ti ganny vann ou transfer
  • Son valer e si i annan en lesans e son valer osi i bezwen ganny deklare.

Reveni ki sa Zofisye Piblik ou manm son fanmir pros in resevwar dan dernyen 12 mwan i bezwen deklar son sours – son montan ou valer- son dat e leksplikasyon akoz in resevwar sa peyman.

I obligatwar ki lenformasyon tou kont Labank e osibyen joint accounti  fodre ganny deklare lenformasyon koumsa.

  • Non Labank ou Lenstitisyon Finansyel ki kont i sitye
  • Balans dan sa kont
  • E menm si i annan plizyer kont
  • Deklarasyon i osi konpri shares ou par en Konpanni
  • Lenvestisman dan Government Stocks – Bonds – Treasury Bills
  • Life Insurance Policy
  • Oubyen lezot Schemes lenvestisman ki en Zofisye Piblik i posede menm en joint account.

Kot i konsern Det; Lenformasyon konplet lo det ki sa Zofisye in fer i fodre ganny detaye comme bann propriyete osi.  Lentere dan Biznes avek natir komersyal  i form par son Deklarasyon e lenformasyon Biznes Manm son fanmir pros.

Responsabilite pou mentenir rikord tou Deklarasyon.

Komisyoner i annan en responsabilite pou gard tou Deklarasyon pou en peryod 7an apre ki sa Zofisye Piblik ki’n kit lanplwa Gouvernman.

Si  i annan en lenvestigasyon lo son Deklarasyon Komisyoner i annan en Drwa anba Lalwa pou gard son rikord plis ki 7an.

Akse avek Deklarasyon par manm piblik.

Tou Deklarasyon ki ganny soumet avek Komisyone,i ganny konsidere koman en Dokiman Piblik.  Akse pou ganny trete avek gran konfidansyalite.  Nenport ki manm piblik pou ganny drwa  ganny akse avek sa bann dokiman i kapab fer li .Sel leksepsyon si Komisyoner  annan en rezon valab pou refiz akse a sa manm piblik.  La komisyoner i refiz-e pandan 14 zour pou ekrit sa aplikan e donn en rezon valab akoz in refiz son laplikasyon pour li ganny akse avek en Deklarasyon en Zofisye Piblik.

Lofans en penalties;

En Zofisye  pou komet en lofans si i pa swiv Regilasyon en prosedir sa Bill, pour li fayle son Deklarasyon dan  letan etabli.   I enportan  pou note ki en Zofisye ki fer en  fo Deklarasyon e i pou komet en lofans son pinisyon se R500mil fine  ou lanprizonnman pou 2an oubyen tou lede.

Diskalifikasyon  en Zofisye Piblik; 

Seksyon 12 ziska 15 i fer provizyon pou aplik Penalties e osi protez en dimoun oubyen en whistle blower ki donn levidans en Zofisye Piblik in soumet en fo Deklarasyon avek Komisyoner.

Si en Zofisye i pran aksyon pou pini en whistle blower, konsernan son Deklarasyon i pou komet en lofans  e pinisyon set en fine R250 mil  e lanprizonnman pour 2an.

Penalti pou devwal idantite en whistle blower.  Si en endividi i devwal idantite en whistle blower  i pou komet en lofans e i pou atrakte en fine R200 mil e lanprizonnman pour 1an.  Si en whistle blower i pas fo lenformasyon avek Komisyoner an krwayan ki  lenformasyon i fo, i  pou osi  komet en lofans e i pou ganny fine R250  mil e  2an Prizon.  Rapor Finansyel Komisyoner

Tou depans Komisyoner pou ganny peye anba Appropriation Act.I responsabilite Komisyoner pou soumet en Rapor Finansyel ki ganny odite par Oditer Zeneral.

Komisyoner pou bezwen soumet en Rapor Oditer Zeneral pa pli tar ki 31 Mars  tou le z-an.

E an konklizyon Mr Speaker,

Staff dan Lofis Komisyoner. 

Minis responsab pou apwent en Sekreter ki pou annan responsabilite pou administrasyon sa lofis toulezour.  Si i annan en bezwen pou plis Staff, depandan Komisyoner – depandan travay, Minis a fer le neseser, pou siport sa Biro avek plis resours.

Komisyoner pou annan en Staff ofisyel pou Sekreter pou servi avek  gran responsabilite.  Avek rekomandasyon Komisyoner Minis i annan pouvwar pou fer Regilasyon.Pou komans lenplimantasyon sa Act, pou annan en peryod tranzisyon  pour 3 mwan .

Avek sa Mr Speaker, mon oule remersye ou.

 

MR SPEAKER

Mersi Minis pour sa detay lo sa Prozedlwa.  Onorab De Commarmond.

 

HON CHARLES DE COMMARMOND

Mersi Mr Speaker.  Mon krwar ki sa Prozedlwa parey Minis in prezante, i en Prozedlwa ki nou  tou nou ti pe rode- en Prozedlwa ki mon rapel tre byen depi dan Kanpanny Eleksyon plizyer dimoun ti pe dir ki nou bezwen ale dan sa direksyon.  E mwan mon krwar ki even ki isi menm dan sa Lasanble ou’n koze ou menm ou  –  mon  rapel lot zour ou’n fer komanter lo la ki ou welcome tel kalite en move. E mon krwar ki Lotorite  – Gouvernman aktyel in ekout tou sa bann konplent – tou sa bann demars  – sa bann komanter.  E dan lespri latransparans – dan lespri rann kont  – dan lespri tou sa bann mouvman ki nou pou fer devan, e osi avek si ou kalkile  detrwa semenn pase mon krwar ti annan sa move osi pou kestyonkoripsyon  –Anti-Corruption move ki lemonn antye i pe bouz dan sa direksyon e sa i osi ede pou etablir platform ;- e en bon platform pou sa kalite prensip – sa kalite lespri ki nou pei pe al de-lavan ladan.  E alor mon vwar ki  en tel Prozedlwa i en bon Prozedlwa e nou pa devret enkyet sa nou.  Nou pa devret per nanryen.  E zisteman petet an pasan mon a zis tous lo enn parmi bann diferan definisyon ki i pe donnen lo member of the immediate family.Kekfwa dimoun i kapab dir,’’ Be mwan la ou bezwen al tous mon piti – la ou bezwen al tous..  be …’’ Ladan i fer kler osi ki  members of your immediate family i pa neseserman tou ou zanfan – ou zanfan ki in gran li  ki annan son lakaz pour li  – ki annan son soz pour li i pa enterfer avek ou – li i annan son demerd pour li;- konmsi ou pa pe pran tou sa kalite responsabilite  me sa ki reste ek ou dan lakaz, ou manda – si ou annan zanfan ki ou’n adopte ouswa ki  i pou ou menm ou,  pou ou menm Legalman  ki la  ankor  anba ou  twa- ki ankor  anba ou responsabilite  – ou menm ki ankor pe sonny zot – pe nouri zot mon krwar la ou annan sa full oubyen partial responsibility directly la osi sa Bill i al dan sa direksyon.  E napa nanryen ki nou devret enkyet.An menm tan osi, sa Bill i annan bann schedule– sa bann schedule i annan 4 an prensip. E sa bann schedule i donn form lafason i bezwen ganny anmase.  E les man dir ki i pa anpes en dimoun bouze – i pa anpes en dimoun avanse dan lavi.  Sa Bill pa devret la pou anpes  bann dimoun  ki konsernen – savedir bann Politisyen an partikilye – konmsi ki i blok ou konpletman ou pa vin parey en sitwayenordiner, me ou bezwen fer keksoz avek respe avek lord e disiplin parey nou ti dir lontan. E koumsa mon krwar i parey mon pe dir sa bann schedule la i donn ou en form byen.  E i donn ou 3 mwan en pou kapab anmas ou bann lenformasyon  – al rode tou ou bann shares kot i ete pour ou deklare – si ou annan 4 – 5 kont Labank ou dir ki annan ladan si 50sou, epi i dir ou det osi.  Souvandfwa dimoun lernoukoz lo Declaration of Assets and Liabilities nou get zis sa bann keksoz ki en dimoun i annan ouswa  ki en dimoun pe envesti;- ou pa get sa lour ki iannan de lot kote – sa  det ki i annan.  I annan bokou dimoun ki  osi iannan sa bann problenm ki sa Bill i tous lo la e  pour ou kapab vwar e konpare e balanse.

Mwan mon kontan ki i tous osi lo sa kestyonwhistle blower.  E la  i met osi responsabilite.  En boug pa zis kapab vini nek left right and center blanm – kritik en dimoun dir …akoz konmela i koumsa  – nou vwar lo menm lo social media kot en kantite keksoz zi ganny dir ki pa neseserman vre e la bann dimoun ki ganny met to task.   Ler ou vin dir keksoz lo ou kanmarad,  I bezwen annan baz ou pa kapab zis vin i akoz ou annan en drwa – en privilez pou dir ouswa ou krwar ou devret pa dakor avek sa dimoun, oule vin dir keksoz ki pa korek, la i pou met ou to task.  Ou bezwen fer sir ki ou’n byen reserse avan ou vin dir keksoz.  E mon krwar ki sa ki byen. Epi  kanmenm son non sa Bill i dir Persons Declaration of Assets i pa vedir ki sa i vin piblik ki nenport ki Tom, Dick and Harry i dir i oule get en kou ki Charles De Commarmond, i annan sa zafer ki i  ti deklare, ki in donnen laba ki i oule vin zis…i bezwen annan  prosedir – I bezwen rezon.  Ou pa kapab zis vini pou al fouy dan tou keksoz an bonnavini koumsanmenm.  Mon krwar i  bezwen annan respe vizavi sa .  Pour bann ka ki i ava neseser pli tar si anka Lotorite oubyen okenn sirkonstans, i annan  rezon pou zot al fouy dan sa bann keksoz – sa bann lenformasyon i ava la.  Ouswa si i annan fo lakizasyon lo en dimoun, sa i aosi ede pou defann li.  I osi ede pou defann li .  Mon vwar li dan sa lespri e  mon krwar mwan ki in byen fer zis petet taler, akoz nou konnen ler nou pou pas sa i pou annan en lot problenm avek lot Bill ki ava vini  nou pou bezwen repeal sa ki ti egziste avan kot nou pou sitye  – i nou ava fer sa.  Sinon mon krwar ki i en bon keksoz i en bon move ki nou pe ale – kot  nou pe al ladan e nou devret petet donn sa sipor sa Prozedlwa.

Mersi.

 

MR SPEAKER

Mersi Onorab De Commarmond.  Onorab Georges.

 

HON BERNARD GEORGES

Mersi Mr Speaker.

Mr Speaker, sa Bill ki devan nou, parey Minis ek Leader Gouvernen in dir   i en Bill ki pran son lenspirasyon dan en Lalwa ki deza egziste   -ki Public Officers EthicsAct kot tou bann Zofisye Piblik i bezwen fer en Deklarasyon zot assets me anliny avek bann prensip Anti-Koripsyon ek latransparans ki pe motiv sa nouvo Egzekitif e osi sa nouvoLasanble, sa Bill i al en pe pli lwen  dan an sa ki konsern en servi Zofisye Piblik.  E sa se parey in ganny dir depi La Prezidan Larepiblik an pasan par bann Minis  – bann Leader dan sa Lasanble  – bann Manm Lasanble – Maire Lavil avek bann Konseye Distrik ki pou ganny elekte pli tar.  Pour sa kategori dimoun zot Deklarasyoni pou  en Deklarasyon piblik.  Se sa gran diferans.  Bann lezot zot Deklarasyoni pa piblik i ganny met dan en landrwa kot piblik napa akse e kot  sa Zofisye ansarz i ava kapab ganny akse zis ler i annan en konplent ki bezwen ganny investigate.  Dan  sa ki konsern sa  Bill ki devan nou, sa bann Zofisye ki ganny liste dan sa BIll including nou tou  isi dan sa Lasanble nou Deklarasyon –  pou en Deklarasyon ki piblik pou ganny akse avek mwayen non ki i annan en nesesite  –  i annan en rezon pour ki piblik i  ti a anvi ganny akse.  Se la,  la  grande diferans.  Pour nou piblik – pour sa bann kategori dimoun  e piblik pou larestan Public Officersi pa piblik.  E  se sa grande diferans ant bann Lalwa ki ti egziste ek Lalwa ki pou egziste prezan.  Dan sa konteks Mr Speaker, lo sa kote latab nou napa okenn  problenm avek Deklarasyon nou bann byen dan en fason piblik.  Nou vwar ki sa ki al dan en tre bon direksyon e i a donn piblik plis konfyans ki bann dimonn  ki zot elekte pou travay pour zot,i bann dimoun ki zot elekte pou travay pou zot an premye  – ki rann en servis piblik an premye e ki travay pour nou prop gen. Apre dan en dezyenm lye.

Malgre sa, i annan  Mr Speaker, nou vwar enn de keksoz ki ti ava enportan pou fer sorti la bomaten.

Dan sa lalis Zofisye Piblik i posib ki i annan lezot Zofisye Piblik ki devret ganny enkli e ki pa ankor ganny enkli.  E mon ti ava zis souliny 2 kategori.  Enn bann Chief ExecutiveOfficer  bann Lakonpannyen Piblik –  bann Parastatal akoz zot, zot, an sa ki konsern zot Lorganizasyon  zot en pti pe parey  en Minis an sa ki konsern son  Minister  – zot ansarz en Lorganizasyon.  Attorney Zeneral i en  Minis in everything but name.  Li i pa’n ganny included ladan e kekfwa ti  ava bon si li osi i ti ganny enkli. E mon pe mazin bann Ziz  – bann Ziz Lakour ki zot osi i kapab annan en persepsyon ki en dimoun ki ziz en casei fasil ganny enfliyans-e – ganny koronpi.  Alors sa osi mon  krwar i en defayans dan sa Lalwa ki devan nou e   i ti ava bon ki nou mazin lo la e regarde si sa bann kategori  ki mon’n manke – si sa bann dimoun osi zot assets pa devret ganny piblik;- ganny met dan piblik parey assets bann lezot dimoun ki deza dan sa lalis.

Dezyenm pwen Mr Speaker, se sa Komisyoner li menm ki pou ganny apwente e si nou regard  clause (3) -sub-clause (5) nou vwar ki sa dimoun ki pou vin sa Komisyoner i pou swa en Ziz  ki’n pran son retret oubyen en Avoka ou en Homme De Lois ki kapab aspire pou li vin en Ziz ki i annan bann kalifikasyon neseser pour li vin en Ziz.  Alor ivery respectedsa Komisyoner pou bezwen enn ant sa 2 keksoz.  I pa pou kapab en Ziz ki egziste e kekfwa sa set en defayans – kekfwa nou ti ava anvi ki en Ziz ki egziste ki ti a kapab vin Komisyoner me ki mannyer Lalwa in drafte,i bezwen swa en Ziz ki’n pran son retret – has held the Office of Judge oubyen en dimoun ki annan kalifikasyon pou li vin en Ziz, me ki i pa ankor vin en Ziz.  Onorab Hoareau par egzanp – mwan menm – bann dimoun  ki’n fer en  serten kantite lannen.  Nou, nou pa kapab akoz nou deza en dimoun  ki ganny kouver par saBill,me mon  pe donn en legzanp.  Eski sa i pa tro restrictive akoz nou ava demande ki sa dimoun i bezwen en Homme De Lois.  Me mon al en pti pe pli lwen;- mon ti a kontan  malgre ki son lapwentman pou ganny fer par CAA,mon pa ti a kontan ki en desizyon in fini ganny pran lo sa dimoun ki pou vin stitiler sa pozisyon, ki i annan en desizyon ki’n fini ganny pran ki Mr X or Mrs X ki pou vin sa Komisyoner.  Mon ti a kontan ganny rekonforte kisa pa le ka  e ki sa dimoun i ankor unknown pour lemoman e ki i ava en dimoun avek kapasite  pour li desarz sa fonksyon dan en fason ki sa Lalwa i ekspekte.

Trwazyenmman, gran laliny dan sa Lalwa se son kouvertir.   I pa kouver zis parey Minis in dir i pa kouver zis sa Zofisye Piblik, me i kouver osi bann dimoun pros avek sa Zofisye Piblik.         Ou bezwen fer en Deklarasyon non selman saki ou,  ou annan me sa ki ou madanm ou byen sa ki ou msye i annan   e ou bann zanfan ki anba 18an  i annan oubyen bann zanfan ki ou ankor pe kontrole, malgre ki zot in fini pas 18an.  E nou vwar  – e nou konpran akoz sa i bezwen le ka.  Akoz parey nou tou nou konnen meyer fason pour ou kasyet sa ki ou annan se  pou met lo ou madanm, msye ouswa lo ou zanfan. Sa i meyer fason en fason tipik  oubyen lo ou bon zanmi oubyen lo ou asosye.  Alor nou bezwen konpran ki ou annan  – nou konpran son lespri akoz ki sa i bezwen leka akoz si ou tir sa ou pe tir ledan dan labous sa lisyen e i pa pou kapab morde.

Me i pou annan en serten retisans – nou pou bezwen aksepte ki pou annan serten retisans.  Serten dimoun  pou dir be ou  ki’n al rod eleksyon akfer fodre zot konnen ki sa ki mwan mon annan dan mon kont?  Alor nou  bezwen – i ava annan en prosesis leksplikasyon ek ledikasyon pour sa bann byen ki pa neseserman pour sa  Public Officer – mon sir ki dan tou nou ka isi dan sa Lasanble, sa ki pour nou i pour nou, oubyen sa ki pour nou zanfan i pou li.  Nou pa’n pran sa ki pour nou zanfan nou’n met lo zot pour okenn rezon  – move rezon alor i pou difisil pour nou al demann zot.  Me fodre  ki zot fer en Deklarasyon – fodre ki tou dimoun  i konnen ki zot, zot annan malgre ki sa ki pou zot;  zot in earn sa keksoz byen – sa ki dan zot kont i pour zot napa nanryen pou fer avek mwan.  Pou annan en retisans e nou pou bezwen aksepte poudir pou annan sa retisans me nou ava dir ki pour nou kapab fer lonmnet dizef ibezwen ganny kase.

Mr Speaker, se sa  3 mon krwar problenm ki mon ti anvi highlight.  I annan lezot me   nou pa anvi monopolize deba.  Mon krwar lide deryer sa Bill ki bon.  I enn ki  nousiporte – nou soutyen, me i annan  sa bann problenm  – sa bann issues ki  mon’n highlight bomaten ki nou pou bezwen  – i pou pran en prosesis parey mon ‘n dir leksplikasyon  ek ledikasyon.

Lo en lot  note – napa vreman gran partikilarite – mon trouv non sa Konmisyoner lour.  Sa dimoun ler i pou pe pou asiz lo avyon oubyen ler en dimoun pou demann li ki dyob ou fer i pou bezwen  dir.’’I am the Commissioner for Declaration of Assets, Liabilities and Business Interests.  ‘’ I pa pou dir, ‘’,Mon  en Avoka, mon en Teacher, mon en Dokter, mon  en Ners mon  en Zofisye Lapolis.’’i pou annan en long non e I ti ava swetab kekfwa ki nou kapab tourn en non en pti pe pli kourt pou  li.

Mr Speaker,  i annan bokou lezot keksoz ki mon ti ava kontan koz lo la, an koneksyon ek sa Bill me zot bann keksoz tipografi e netway en pti pe sa Bill.  Mon pa pou fer li la,  akoz mon mazinen ki i annan lezot dimoun ki anvi koz lo prensip Zeneral sa Bill,me mon ava demann ou permisyon, pour mwan fer mon lentervansyon lo bann spesifisite lo tipografi ek leksikografi dan sa Bill en pti pe pli tar, ler lezot dimoun ki anvi koz lo merit in koz lo la.

Mersi Mr Speaker.

 

MR SPEAKER

Mersi  Onorab Georges.

Onorab Basil Hoareau.

 

HON BASIL HOAREAU

Bonzour Mr Speaker.Bonzour Mr Speaker.  Bonzour tou bann Manm e tou dimoun ki alekout.

Mr Speaker, Bill ki’n ganny anmennen la devan nou i enn ki al dan bon direksyon.  Onorab Leaderof Government Business e Onorab Georges in koz  pozitivman lo sa Bill.Annefe i en Bill ki Prezidan Faure ler i ti adres nou dan sa Lasanble le 18 Oktob i ti promet ki sa Bill pou ganny vin devan nou Lasanble.  E  pou vin an fors par Zanvye 2017  e i en promes ki in kite e ozordi nou vwar nou pe debat lo  sa Bill.

Nou vwar poudir sa Bill pou ganny administre parey Onorab Georges ek Minis in deza dir ki …Commissioner. E sa Commissioneri pou en dimoun endepandan. E parey  Minis in fer sorti osi i pou en dimoun ki pou  annan en job security parske Prezidan malgre ki i pou apwent li par rekomandasyon CAA.i  pa pou kapab zis tir li letan i anvi.  I annan en ground e sa se gross misbehavior.  Fodre sa groundi egziste pour nobou retir sa dimoun dan  son dyob savedir sa i pou permet sa Commissioner pou nobou desarz son responsabilite san okenn lafreyer e okenn lenterferans.  E sa i al dan laliny  avek bonn gouvernans.  Ankor sa Commissioner parey Onorab Georges in dir, son kalifikasyon i  pou bezwen swa en ansyen Ziz ouswa en  dimoun ki kalifye pou ganny apwente koman en Ziz.

Onorab Georges in dir akoz i bezwen annan en dimoun  avek sa kalifikasyon.  Mwan mon  krwar i annan en rezon pour sa, parske premyerman sa nature of thejob itselfi en job ase sansib e dezyenmman son bann  responsabilite ki i pou annan – par egzanp Lalwa i permet li fer en serten enquiry.  Par egzanp ibezwen kapab fer enquiry si en  dimoun ki’n donn en lenformasyon en whistle blower parey nou dir in donn serten lenformasyon lo en enn sa bannPublic Persons ki son Deklarasyon pa korek;- par egzanp sa Lalwa i permet kisa Komisyoneri fer en enquiry menm si sa whistle blower in donn en misleadinginformation li osi.  So  the  nature of the job son kalite responsabilite ki i annan, i enportan ki i annan en dimoun ki kalifye dan Lalwa – i en dimoun ki pou vreman konpran ki mannyer ki i pou conduct en enquiry.Somon krwar i enportan ki nou apwent bann dimoun avek vreman bon kalifikasyon e entegrite Mr Speaker.   Se pour  sa rezon ki mon krwar ki an relasyonavek en dimoun  – en former Judge ouswa endimoun ki kalifye koman en  Ziz, mon krwar sa  i en bon provizyon  – i en bon provizyon pozitif dan sa Lalwa.  Lo son  Declaration li menm, Lalwai fer ki letan sa Lalwa pou vin an fors, bann existing  public persons savedir nou, nou bann Manm Lasanble, nou pou annan nou 3 mwan pou fer nou Deklarasyon.  Okenn lezot dimoun  ki  i pran en pozisyon ki pou en  public person  as per    the Act apre ki Lalwa in vin an fors zot pou annan zot en peryod 3 mwan pour zot fer zot Deklarasyon.  E Lalwa i fer ki apre sa  by le 30 Zanvye, apre komansman lannen sa bann Public Persons zot bezwen update zot Declaration parske sa i a permet  sa Commissionervwar si i annanbannacquisition oubyen bann nouvo assets and so forth.E i pa zis assets ki pou ganny deklare – iliabilities osi ki bezwen ganny deklare anba saAct.  E sa ienportan parske pour sa Commissioneranobou  vwar ki kalite liabilities  en public officer pe pran – par egzanp eski i annan sertenloan?  Larzan ki pe ganny prete  ek serten endividi sa osi i enportan pou fer sir poudir sa bann Public Persons zot pe konn zot louvraz vreman byen.  Annefe en keksoz ki ti vin dan mon lespri letan mon  ti an relasyon avek Manm Lasanble, letan mon ti pe get sa Act  – fer mwan mazin sa Question for Cash  and Scandal ki ti pe arive Langleter, kot ti annan 2 member of Parliament of Conservative Party ki ti ganny akize konmkwa ki zot ti ganny peye pou demann seksyon lo lapar Mr Mohammed Al Fayad, e  ti en gran skandal e ti dan bann letan ki mon ti pe study Langleter – ti en gran skandal sa.  So sa i  montre nou lenportans pou annan sa bann provizyon.  I montre nou osi pour nou koman bann MNAs to be subjected to this Act.  To be subject to this Act pou fer sir poudir, personn osi demann pa kapab akiz nou.  Tou keksoz i open e kler.  E Mr Speaker, sa ki enportan osi ek sa Act i sa bann penalties kii fer.  Si swa ou pa declare – ou pa submit ou Declaration ouswa ou submit en misleading  Declaration.    I kree li koman en lofans  – par egzanp si ou’n donn en misleading Declaration, ki enn ki pa korek – ou kapab si ou’n ganny trouve koupab ou kapab ganny kondannen R500 ouswa 2an Prizon ouswa tou lede.  Me i al pli lwen sa penalty.  I fer poudir si par egzanp ou pa’n submit ou Declaration,   e san okenn rezon valab, ou non i kapab ganny retire lo Rezis Voter e ou ganny diskalifye pou voter pour en peryod 3an.  Sa mon krwar i enportan  e an sa laliny Commissioner malgre ki i en dimoun in fail pou submit son Declaration, Commissioner i kapabcompel li pou submit son Declaration e li en public person ki li in submit en misleading Declaration  li i kapab ganny retire lo Lalis Voter  – i ganny diskalifye pour vote pour en peryod 7an.  So  annefe ler ou get Lalwa  i mandatwar si ou’n ganny trouve ki ou’n fer sa otomatikman, i pou vin avek sa penalti.  I pou vin avek sa penalti e sa i enportan mon krwar  parske i montre poudir sa Lalwa i serye letan nou koz submit nou bann Deklarasyon, koman bann public persons i enn ki enportan e ki nou pe pran li tre serye parske, i vin ek bann penalti tre sever.  E mon krwar i fer sans osi parske si ou deside pou pa comply, koman en Public Person aveksa bann provizyon, then ou pa devret pe partisip dan bann Eleksyon – ou pa devret pe pran par dan election  to an Office ki i osi i ganny gouvernen  – i ganny kouver par sa Lalwa.

Mr Speaker, lo kote whistleblower Leader of  Gouvernment Business in koz lo la.  I pa zis en matter of  – en question of vini – vin fer bann konplent, me i enportan ki zot osi zot fer zit responsabilite e zot fer li byen  – zot fer sir poudir sa ki zot pe anmennen devan sa Commissioner i korek.  i korek.  I pa zis rimer ki nou’n tande dan semen me i keksoz ki i kapab ganny substantiated ethen aksyon i a ganny pran.  Alor sawhistleblower osi, i pa zis ganny en drwa anba sa Lalwa me i osi annan en lobligasyon ganny enpoze lo li anba sa Lalwa.  Mon pou zwenn avek Onorab Georges  letan i dir poudir petet nou devret  extend sa lalis.  Annefe letan mon‘n fer mon resers, mon’n vwar poudir nou Lalwa mon‘n vwar li very similar pou Lalwa Malawi, menm Lalwa ki zot ti fer an 2013 e zot, zot in extend zot Public Persons – par egzanp Ziz  –Attorney Zeneral, Registrar General parey Onorab Georges in dir  public persons si iCEODeputy CEO – Board Members of public bodies , Parastatal ,  Komisyoner Lapolis, ekivalan a Malawi ki tou nou Superintendent of Prisons,SRC, Commissioner, tousala i bann dimoun ki zot osi zot annan en lalis vreman long lekel bann public persons ki tonm dan sa  kategori.  E mon krwar poudir a longer di-tan sa i bann direksyon ki nou devret al ladan pour nou agrandi sa lalis.

E Mr Speaker, mwan mon  pou krwar poudir an konklizyon  mon krwar poudir sa i en bon Lalwaparske i pou anpes premyerman  dimoun servi zot lofis – swa nou pou servi nou Lofis pou anrisi nou prop lekor, swa nou fanmir swa bann dimoun  ki pre o-bor nou.  I pou anpes nou antre dan bann sityasyon  kot nou vwar bann konfli lentere  personnel e nou Lofis.   I pou anpes  misuse osi misappropriation of Public  Property  par bann dimoun  ki’n ganny met dan bann plas responsibility ki pe okip e pran ka eksa bann propriyete.

E katriyenmman  mon krwar ki i pou increase bann public confidence dan Gouvernman an zeneral. Parske letan dimoun isanti zot ki bann public persons i annan Deklarasyon pour zot fer e zot bann Manm Piblik pe vwar prosedir etabli anba Lalwa ou krwar pou zot kapab ganny akse avek sa bann Deklarasyon, sa i pou increase public confidence dan Gouvernman, parski i annan accountability;- I  annan  transparency   e mon krwar sa Act pou ede pour nou an zeneral enhance prosedir nou sistenm demokrasi ki nou annan.

Mr Speaker, parey Onorab Georgesin dir, mon osi annan serten comment ki mon pou fer petet an relasyon avek  other merits – general merit of the Act – serten spesifik provizyonof the Act – mon reserve mon right lo la.

Mersi.

 

MR SPEAKER

Mersi Onorab Hoareau.  Onorab Ramkalawan.

 

HON WAVEL RAMKALAWAN

Mersi bokou Mr Speaker.

Mr Speaker, mon ‘n fer en pti smile letan mon’n antann Minis e  bann Manm lo kote Parti Lepep, koz lo sa Deklarasyon ki Msye Faure ti fer dan Lasanble konsernan DeklarasyonAssets e mwan mon anvi zis anmenn zot en pti git pli an aryer parski sa ki nou pe pas devan Lasanble ozordi – ofet i en size  ki ti dan nou Manifesto LDS.  E ti fer kler e la mon lir lo paz 17 anba Tit – Bringing Integrity and Transparency.  E nou ti dir;

’To bring integrity and transparency, the LDS will

  • Revise the Public Officers Ethics Act to make the Declaration of Assets more reflective as a means of safeguarding against corruption. The Declaration of assets willapply to the President and Minster and all officials with final budget  authority in all Government  Ministries  Department, Agencies and  all public enterprises.  Once filed, the Declarations will become Public Documents.      And the public and the media shall have access to them.  Any person in breach of the Regulations will be investigated and recommendation sent to the Attorney General for appropriate actions.  ‘’

Alors, Mr Speaker, mon  anvi komans dan sa fason poudir ki sa Lalwa ki nou pe pase ozordi, ofet i en Lalwa ki nou, nou ti pou fer li nou menm.  E avek sa mazorite Parlmanter, si Lalwa pa ti pou sorti kot Gouvernman sa  i ti pou  enn bann Private Members Bills ki nou ti pou anmenn devan Lasanble. Alor  nouobviously nou welcome sa Bill  – bann pwen ki tou bann Manm in fer resorti – mon krwar ki i enportan.

Ou konnen Mr Speaker, an menm tan osi, menm si sa ti dan nou Manifesto  – parfwa ou demann ou si sat pa’n fini sove ki la aprezan nou pe anmar – sat me solman sat  nepli ladan.  E se pour sa rezon ki mon krwar ki sa Lalwa li menm ki, i pou bezwen dan en lavenir ase pros bezwen regard li ankor.  Ou konnen letan nou pe koz par egzanp lo Deklarasyon bann Assets e nou pe koz next of kin, e nou pe dir bann zanfan ki anba 18an ensidswit, me  Mr Speaker, mon bezwen dir ki i annan bokou zanfan par lao, 18an ki’n annan bokou assets ki’n fini ganny pase lozot non.  Par egzanp, mon kapab dir mwan mon konn serten dimoun la, ki ozordi i annan lakaz Eden Island – i annan Guest House isi laba – I annan kont Dubai, i annan kont Singapore ;- i en public officer me solman napa nanryen ki lo son non.  Tou i lo non son garson e i par lao 18an.  Alors ki mannyer ki si i annan en investigation, ou byen ou konnen ki poudir i annan serten keksoz ki sa dimoun  in fer, konmsi ki mannyer ou ale pourou fouye pour ou kapab reganny sa bann keksoz?  Letan ou pe koz lo bann overseas accounts, ou pe koz lo bann overseas account ki somehow in ganny kasyet – bann offshore accounts ki mannyer ou pou al tous sa.  Mon krwar ki iannan serten keksoz la li bon ki nou fer sa premye pa.  Mwan mon apel li en premye pa.  me solman mon krwar ki i pou bezwen annan en dezyenm pa  e apre sa i osi annan sa eleman;-the right of Appeal.   Anyway mon krwar ki bann Avoka, Attorney Zeneral tousala I kapab ed nou avek letan en dimoun in  ganny serten lakizasyon – konmsi ki mannyer sa bann keksoz pou marse son Drwa D’apel.

Mr Speaker, mon krwar ki parey mon’n dir mon apel li en premye pa e definitivman sa schedule (1) i pou bezwen ganny amande –  yes.Sa schedule (1)pou bezwen ganny amande e zisteman clause 21 (1) i donn Minis sa posibilite  pour li atraver bann (SI) dan Gazettepou li kapab fer bann lamannman dan schedule e mwan mon dakor antyerman ki poudir fodre ki sa i elarzi. Mon dakor kibann CEOs parske iannanen kantite CEO ki pe ansarzen kantite larzan e ki annan bann for lenfliyans ki fodre kizot osi tou zot vin dan sa radar ki nou kapab regardebann manm PSAB  – Constitutional Appointments Authority – Anti-Corruption  Commission  tousala bann kategori ki mon krwar e la mon ti ava demande ki dan sa lespas 1 mwan – konmsi dan sa peryod letan ki’n ganny mete pour ki nou, nou non  pou deza dan sa schedule ki dan lespas  en mwan ki en revised schedule (1) i ganny  tabled koman en (SI) pour ki nou  ava kapab balans sa  e fer ki i vin pli larz.

    Mr Speaker, mwan mon annan en problenm avek sa Bill e sa se konpozisyonaktyelCAA- Constitutional Appointments Authority e  se li CAA ki pou fer rekomandasyon lo lekel ki pou vin Komisyoner.   Mon napa – mon bezwen dir klerman  e parey ou konnen mon annan en Mosyon ki mon’n anvoye devan sa Lasanble pour ki CAA i ganny investigated avek bi ki nou ganny nou en  nouvo  CAA, mon ti ava kontan demande ki nou osi annan pli gran konsiltasyon  letan pe nonm sa Komisyoner.  Ki malgre ki Lalwa i dir ki CAA i ava fer rekomandasyon avek Prezidan, me ki Prezidan li menm li ki Ii ki ava pran sa koman enn son preogatif pou li annan pli gran konsiltasyon, pou ki nou ava kapab tonm dakor, lo en dimoun ki nou pou nou  dakor avek  e en dimoun ki ava annan tou sa lentegrite.

    Avek sa Mr Speaker, mon pou dir nou napa okenn problenm pour nou aprouv sa, me selman mon konsern espesyalman lo bann kont ki en pe partou deor me ki bann non  bann dimoun  pa zot non ki nou vwar;- ki mannyer pou kapab fer sa bann lenvestigasyon e nou kapab menm komans isi menm  dan nou pei parske  nou vwar Seselwa i ptipti e nou vwar bokou.

Mersi bokou, Mr Speaker.

 

MR SPEAKER

Mersi Onorab Ramkalawan.  Onorab Ferrari.

 

HON JEAN-FRANCOIS FERRARI

Mr Speaker, tre bref.  Mwan mon toutafe dakor avek LeaderLopozisyon ki sa i en premye pa – i pa parfe, me selman nou pou kapab amelyor li.  Me mwan selman dan sa premye pa vreman mon ti ava ensiste   – mon ti ava plede pour en keksoz ki anba clause (3)  pour bann kalifikasyon pour bann Commissioner, Section 3 (5)  ki i  ganny azoute other – the Gouvernman Judge of the Supreme Court or Justice of Appeal en qualified – an experienced or whatever – a chartered Accountant akoz mwan mon vreman, vreman krwar ki se en Accountant ki pli byen kalifye pour ki kapab spot bann move tranzaksyon pa tre tre korek – bann deplasman bann Fon e  dan en fason pa tre Legal e  mon santi ki isi Sesel i annan  bann chartered accountant avek bokou leksperyans e osi konsider zot;- akoz  mon dakor avek Onorab Georges ki iannan kekfwa mon ti ava dir koumsa avek respe ki si Prezidan Michel ti la, i ti pou nonm komanCommissioner – Mr Pereira e mon en pe per ki avek Prezidan Faure i nonm Mr Gaswaga akoz sakenn iannan son preferans. Me solman mwan mon krwar nou devret get an  deor sa group restriktiv e e gete si i annan bann chartered accountant ki annanbokou leksperyans, pour zot pran sa pos e mon krwar ki sa zot ava kapab.  I annan Seselwa  ki kapab fer sa travay tre byen.  Mon terminen an di-zan, wi  Prezidan Faure ti fer en promes pou anmenn sa devan sa Lasanble, mon ti a kontan laprosenn fwa ki i anmenn son promes en pti pe pli boner  plito ki nou vin konmsi toultan a lafen.- nou pe tay taye avek sa bann keksoz.

Promes i byen, me solman anmenn en pti pe pli boner me pa a lavey lannen.

E se sa mon 2 pti pwen ki mon ti a kontan  fer.

Mersi.

 

MR SPEAKER

Mersi Onorab Ferrari.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, bonzour.  Bonzour tou Manm Onorab.  Bonzour tou dimoun ki a lekout.

Mr Speaker, mon krwar ki dan sa Prozedlwaki devan i annan en keksoz fondamantal ki petet mon pa’n tann bann lezot entervenan avan mwan koz lo la, me se irelye avek konfidans ki piblik iannandan bann service ki gannyprovided to them and confidence  dan zot sistenm  gouvernans.  Mon krwar  si nou regard tandans apre tou sa ki nou’n koze pandan  menm letan pe diskit Bidze – pandan letan nou lir Zournal –menm enternasyonal e menm Nasyonalman, enn bann keksoz ki  fondamantalman definir  lafason ki dimoun irelate avek sistenm gouvernans- avek lenstans Gouvernman se konfidans ki zot annan dan bann dimoun ki pe zisteman gouvern zot ki pe zisteman  pran desizyon lo zot par.  E mon krwar enn bann keksoz ki piblik ki egziste i ki sabann dimoun  i bezwen annan lentegrite – zot bezwen fer sa dan latransparans.  Me souvandfwa prenon an kont, ki ler Zofisye Piblik dan tou nivo  ler ou antre koman en Zofisye Piblik, ou lavi i vin en ‘open book’ so to speak e en kantite keksoz ki ou fer i dan lizye piblik  – en kantite keksoz ki ou ti kapab fer avan ou pa kapab.  Me i osi fer ki ou bezwen elev ou nivo lentegrite ki ou pou kapab deservi sa  Lofis – deservi sa konfidans  -sa konfyans ki dimoun in met dan ou.  E mon krwar se sa lapros ki Prezidan Larepiblik pe pran.  Me pran en lapros koman nou pe al rekomans en nouvo lannen e dan sa nouvo lannen, nou bezwen annan en nouvo lapros travay – nou bezwen annan en pli o nivo standar  an relasyon avek ki mannyer nou deservi bann fonksyonn piblik ki nou annan.  Mon kontan sa standar in ganny etabli akozsouvandfwa dimoun i dir ou poudir zot santi  me  mon‘n met sa bann dimoun  la,  e bokou nou  kontan  servi sa term taxpayers money ki pe foot the  bill, me at the same time eski zot pe ganny en retonbe tanzib lo sa ki sa bann dimoun pe fer?  Me la avek sa Lalwa mon krwar ki  dimoun – nou  dimoun  ki pe ekout nou, Seselwa ki pe ekout nou, i devret  realize  poudir Lasanble Nasyonal, me selman osi fer en lot son rol enportan  e sa se met an plas en kad oversight – en checks and balance ki fer kler ki poudir avan ou antre dan fonksyon piblik ou bezwen konnen pou dir ler ou antre dan fonksyon piblik, i annan bann legzizans i ganny mete lo ou.  Ou pa kapab zis deside antre dan fonksyon piblik, akoz mon krwar poudir i pou ed ou sorti en bor pou ariv lot bor.  E dimoun – Nasyon Seselwa ou vin koman sa pon  k i pou anmenn ou laba.  Non.  Nasyon Seselwa i reste  sa dimoun ki pou deside si ou’n deservi sa fonksyon alaoter oubyen non.  So mon krwar se sa  en laspe enportan  ki nou bezwen fer.  E mon kontan lefe ki dan sa Lalwa i osi annan    provizyon ki nou pou kapab elarzi scope ki egziste ozordi  pour ki nou kapab enkli lezot lenstans – lezot antite pou fer ki si ou ganny en fonksyon pou ansarz en Lenstitisyon ki generate en kantite fon eksetera, ou kapab reste enteg e dimoun i kapab annan sa konfidans ki ou  pe run sa Lorganizasyon dan le meyer fason posib.

Mr Speaker, mon pa pou long akoz mon krwar poudir sa pwen ti devret ganny fer e mon osi apresye lefe ki dan en mwan oubyen dan en kour dele letan,  nou bezwen osi revwar bann provizyon sa Lalwa ki a permet nou elarzi en serten scope e zisteman pou deal avek sa sityasyon kot nou’n tann bann konsern tel koman  – ‘’piti vin pli gro ki papa – bann checkbook vin pli gro ki pou son papa,’’pour nou kapab vreman dir ek piblik, me vwala nou en sistenm ki ouver – nou transparan  – i annan accountability  – ou ti’n met nou la e nou pe fer tou fason pour nou deservi  alaoter ki’n demann nou.  E mwan koman en endividi Mr Speaker, ou konn mon pozisyon lo sa size  – mon vreman welcome sa e mon konn Lopozisyon lo la osi ;- e mon krwar ki LasanbleNasyonal an komansan totalite i devret pe siport sa Prozedlwa.

Mersi.

 

MR SPEAKER

Mersi Onorab Pillay.  Mon krwar ou en Onorab Mondon  ti dir ki zot pare  pou deklar zot assets.

Onorab Simon Gill.

 

HON SIMON GILL

Mersi Mr Speaker.  Bonzour tou dimoun.

Mr Speaker, mon pou komanse lo sa Prozedlwa ki devan nou Lasanble an referans avan nou Manifestopou Eleksyon Lasanble Nasyonal.  Onorab Ramkalawan in koz lo la e dan nou Manifesto nou osi nou ti annan  – dan nou Lazanda nou’nannan e si  mon ava quote paz 31 dan sa Manifesto ki nou ti al ladan dan EleksyonPrezidansyel, i kler ki nou osi nou ti pe get byen lwen dan lavenir Sesel.  E mon ava lir ou lo paz 32 nou’n dir. Ansanm nou Manifesto pour Eleksyon Prezidansyel. Zot, zot in quote provizyon dan zot Azanda dan Lasanble Nasyonal.  Lo paz 32 Mr Speaker, i lir koumsa;

‘’Lite kont Koripsyon –promouvwar latransparans ek bon gouvernans dan tou domenn gouvernans en lasosyete e dan sa loptik ou etabli en KomisyonNasyonal kont koripsyon anliny avek Konvansyon Nasyon Ini kont Koripsyon  anvi ki Sesel in siny sa Trete Enternasyonal.

Sa Prozedlwa i ankre nou  direkteman dan sa provizyon.

 

MR SPEAKER

Order! Order!

 

HON SIMON GILL

Ler nou koz  DeklarasyonAsset par bann Zofisye, ki annan bann pozisyon kle dan Gouvernman i osi  form par en legzersis e en zefor Nasyonal pour ki sa Gouvernman, en Gouvernman ki si nou kapab servi sa term i ouver.  I vin en liv ki tou dimoun i kapab servi bann provizyon Legal e bann prosedir pour li feyte e vwar nivo lentegrite tou bann dimoun ki annan en responsabilite pou gouvern nou  sa pei  – pa zis Prezidan ou Vis-Prezidan ou zis bann dimoun  dan Cabinet Ministers. I bokou pli larz ki sa e mon pou  zwenn avek 3 lavwa ki’n koz avan mwan poudir ki nou  bezwen dan en moman apropriye konsider pou elarzioubyen fer pli long sa lalis bann dimoun ki nou bezwen  demann zot, zot osi pou deklar zot bann Byen.  Sa ipremye eleman Mr Speaker.

2enm  eleman.  2enm eleman  i annan pou fer avek bann Deklarasyon ki tre souvan nou’n tande – nou pe tande e mon konnen   nou pou kontinyen  tande.  Si en dimoun in ganny li en loto oubyen in ganny li en bout later nou komans dir la in bezwen vole – pa konnen kot in vole ;pour li ganny sa bann zafer.  Me ler nou pe deklar nou bann Byen, i annan en loportinite  – en posibilite reel pour ou al feyte dan sa Deklarasyon ki nou’n fer, pou vwar ki nou bann dimoun entegral nou en bann dimoun ki’n swiv en prosedir normal e  onnet pour nou ganny sa ki no posede.

3enm eleman i osi enportan.  Se i donn proteksyon.  I donn proteksyon tou sa bann dimoun  ki dan sa bann Lofis ase o pour ki demen bomaten legalman zot kapab ale e defann zot pozisyon kot okenn fo Deklarasyon  ou Deklarasyonmalisyez ki parfwa nou’n trouv tro souvan, nou’n tann tro souvan dan nou  sosyete  – dan sa pti sosyete Seselwa.  Sa i bann pwen  tre enportan Mr Speaker, ki nou bezwen vwar li dan son lansanm e non pa zis vwar Deklarasyon Asset koman  en lot eleman pou fer malis.

Lot eleman ki tre enportan ;- 5enm pwen i  ki nou bezwen pe vwar sa Deklarasyon Asset koman pa en zouti – pa en lenstriman ki Leta – Gouvernman in  met la pou anpes ou sa endividi ki anvi envestir – ki anvi aste par – ki anvi etabli en biznes. Sa lenstriman pa la pour sa.  Tou lekontrer ou kontinyen fer sa ki ou pe fer osi lontan ki ou pe fer li byen dan paramet Lalwa tout an respektan tou bann keksoz ki annan alontour sa biznes ki ou, ou ladan ou byen ki ou pe al ladan.

Mon pe dir sa 5enm pwen Mr Speaker, akoz deor la Mr Speaker, i annan dimoun  pe dir ki ler sa Lalwa i vini  ou  pa pou kapab rantre danokenn  biznes.  Sa i pa korek.  Ou pa  pou kapab fer okenn lenvestisman; sa i pa korek.  Ou pa pou kapab ouver okenn kont dan en Labank swa Sesel oubyen menm deor.  Sa i pa  korek.  I pa korek ditou me osi lontan ki sa ki ou pe fer ou pe fer li byen e ki ou swiv bann prosedir Legal  ki la an egzistans ou pou kapab kontinyen  fer li e viv ou lavi koman en sitwayen ordiner.   Fodre pa ki nou panse ki i annan en nespes nyaz ki met la deor ki anpes ou epanouir koman en imen  – koman  en sitwayen.  Napa restriksyon ki sa Lalwa  pe met lo ou, etan ki konsern bann lenvestisman ankor enn fwa mon  pe repete oubyen bann tranzaksyon biznes ki ou anvi fer oubyen ki ou zanfan I anvi fer.  E an menm tan, nou bezwen pe tonm dakor e met piblik okouran la  – nou’n dir si  par egzanp ou annan en biznes ki lo ou fiy oubyen lo ou garson ki  18an or par anba 18an ki legalman mon krwar bann Avoka i konnen la  poudir ou pa kapab met nanryen lo en zanfan ki napa laz Legal.  Mon krwar sa i korek, me sa ki nou pe dir se napa nanryen ki pou anpes ou ankor enn fwa met en biznes lo ou garson ki 18an. Napa nanryen ki pe  anpes ou fer  saoubyen ki pou anpes  ou fer sa me ankor enn fwa fodre ki ou pe fer li tout anrespektan bann provizyon Legal e ou fer bann Deklarasyon ki sa Lalwa pe obliz ou pou fer.  Ou pa fer li an ekse.  Mon pa pou tro fer sa lentervansyon tro long Mr Speaker, mon  krwar mon’n fer 2,3 pwen tre kler akoz i  enportan ki ler sa Konmisyoner  – Onorab Georges in demande  oubyen in fer en propozisyon ki bann non  – mon pe mazin non i  pe mazin non i tro long.  Mwan letan ou pe dir sa, mon’n met en pti abrevyasyon ater la  – mon‘n met KAD – Komisyoner  Assets Declaration – probableman i en mo  ki nou a kapab -oubyen en fraz ki nou a kapab konsider li.

Me Mr Speaker, ler sa dimoun ki pou pran sa pozisyon in vin dan son Lofis, mon  lapel ki mon ava fer avek li, i ki i bezwen anmenn en  prosesis ledikasyon  entans  – aprofondi dan sa bann provizyon ki sa Lalwa i dir, pour ki i an retour nou tir tou bann gro nyaz ki sa Lalwa i kapab pe anmenn dan nou sosyete akoz anfen kont nou lentansyon e lentansyon nou Gouvernman e lentansyon Prezidan Faure ek son Gouvernman i kler e net;- e   mon pa vwar okenn rezon akoz ki nou pep pe devret bouz de lavan.

Mr Speaker, mon pou siport sa Prozedlwa.

Mersi bokou.

 

MR SPEAKER

Mersi Onorab Gill.

Onorab Afif.

 

HON AHMED AFIF

Mersi Mr Speaker.

Mr Speaker, mwan osimon ti a kontan komanse an  di-zan ki sa Bill i en lepa dan en bon direksyon e mwan osi mon pare pour mwan siport li, selman mon krwar fodre nou pa met dan nou lespri ki avek sa Bill – avek Public Ethics  Officers Act, nou’n fini avek tou mezir ki neseser pou asire ki pou napa ankor koripsyon dan Sesel.  Mon krwar i enportan our nou toultan dir poudir i en bon lepa, me selman i reste ankor bokou travay pour Sesel fer pou asire ki Sesel pe al an en direksyon;- ki asire ki tou bann Zofisye Piblik, i azir dan en  fason ki korek.

Mon pou donn zis petet en pti legzanp.  Si ou annan dizon bann Zofisye ki dan Servis Piblik, ouswa en lantrepriz komersyal i annan serten fason ki zot kapab azir ki dan en fason sa Lalwa e menm Public Officers EthicsAct pa neseserman pou anmas zot.  Zot ti kapab servi bann veikil ki zot apel sa bann Trust Fund ki zot pa servi ki pe dir i pou en keksoz aletranze, souvandfwa pa dan ou non  e i dan non lezot dimoun.  E zot kapab servi sa pour zot kasyet bann Byen ki pour, zot me ki pour zot pa ganny deklare dan okenn liv Sesel.  Alors sa ki mon pe dir, se ki tou bann Lotorite Sesel i bezwen a toultan – a tou moman, alert kan ou pe fer bann lanket  – kan ou pe regarde si dimoun i pe azir dapre bann norm  ki normal – ki tou sa bann Lotorite enkli Revenue Commission, ibezwenasire ki tou dimoun  ki annan Byen en pa zis  sa bann Zofisye parske sa Zofisye i kapab servi dimoun an deor.          E tou sa bann keksoz pe marye ansanm, pou asire ki finalman   sa bann Zofisye ki  pe deklare zot pa neseserman pe saye pou evit bann provizyon Legal ki deza la.

Mon krwar mon ti ava enplor osi Gouvernman pou asire ki nou pa ferm lizye lo lepase.  Sa i en keksoz ki pe regard nou ki la e  i annan en sizesyon ki devret agrandi li  e osi i annan lezot keksoz ki’n deza pase dan lepase e ankor nanryen personnel Minis;- les mwan dir sa, me i annan lensidan ki’n pase an 2002, $50 milyon  mon repet ankor i pa pou ganny kouver anba sa.  Alor i annan keksoz ki’n pase dan Sesel ki nou bezwen – nou pa kapab zis bliye krwar  poudir sa in fini  bous tou sa bann trou ki annan.  Mon ti a zis demande  finalman Mr Speaker, ki petet osi, si nou pou apwent en Commissioner anba la, ki petet sa Commissioner osi i devret pas devan Lasanble Nasyonal, pou nou satisfer nou lekor ki  i en dimoun konpetan – kapab  pou fer sa kalite louvraz.

Mersi. Mr Speaker.

 

MR SPEAKER

Mersi Onorab Afif.  Mon krwar nou’n  diskit lo sa Bill.Mon a ganny Dezyenm Reading Minis ava ou fer en 2enm Reply.

Clerk.

 

MADAM CLERK

Mersi Mr Speaker.A Bill of an Act to provide for Declaration of Assets, Liabilities and Business Interests by public persons  in order to promote public confidence and to ensure integrity, honesty, accountability, fairness, transparency, rule of law and impartiality among  the public persons elected to the Office ofthe President  – Vice- President – National Assembly and Minister and to matter connected therewith or incidental thereto.         

Thank you. 

 

MR SPEAKER

Mersi Clerk.  Vi ki  nou’n deza  pas lo komanter lo merit sa Bill, eski  mon ti kapab demann Minis pou reponn e fer komanter  avan ki nou pran en vot lo sa Public Persons Declaration of Assets, Liabilities an Business Interest Bill, 2016. 

        Minis Dr Larose.

 

MINISTER PETER LAROSE

Mr Speaker. Mersi bokou.  Mon’n ekout atantivman bann komanter tre pozitive  mon agree avek tou bann manm Onorab ki dir se ki sa lapros ki nou’n pran se aright approach –a very good direction.  E sa ki enportan osi se ki mon’n  noteki bann Manm Onorab i dir sa non Komisyoner  petet  si ti kapab vwar en lot non alternativ  – sa osi nou ava konsidere e lot konsiderasyon osi ki mon’n pran not se ki pou bezwen konsider elarzi sa bann Zofisye Piblik ki ganny kouver par sa Act;- par egzanp bann CEOs – bann Ziz – Attorney Zeneral – SRC ensidswit parski si,  nou oule  met en lord  pou minimiz koripsyon, nou bazen regard li dan tou son dimansyon.  E kot i konsern CAA pou advertize sa pozisyon ou Komisyoner la iosi nou ava pran an konsiderasyon  ki Onorab Ferrari i dir sa kalifikasyon sa Komisyoner i fodre en dimoun o  ki annan sa konpetans accountability, parske i pou meyer personn – oubyen Profesyonnel ki pou fer sa travay.

E kot i konsern right of appeal;sa osi i bezwen ganny pran an konsiderasyon e i en sizesyon tre, tre enportan.  E kot i konsern konsiltasyon osi monkrwar nou dwatet annan sa konsiltasyon dan sa lespas 1 mwan ki devan nou.

E lot pwen ki mon’n note. Mr Speaker, sa demann pou annan ledikasyon e lesplikasyon  pou fer li pli kler.

E  kot i konsernan bann tranzaksyon ki’n pase dan lepase, sa osi mon krwar i en konsiderasyon, kot nou bezwen pran li ase o serye.

Mersi Mr Speaker.

 

MR SPEAKER

Mersi Dr Larose pour sa statement.Mon krwar tou sa dimoun ki a pe ekout nou  i a dakor ki i annan sa bann vibrasyon pozitif e konsiltasyon e antant  sorti diferan kote.  Eski avan nou Break nou al dan Committee Stage?

Wi Onorab De Commarmond.

 

HON CHARLES DE COMMARMOND

Mr Speaker, nou a vot lo merit e prensip apre nou ava al dan Committee  Stage. Epi petet nou avan pran sa  lot Bill osi ki  vi ki  i  vitman apre nou ava al  Break.

 

MR SPEAKER

Ok, mon napa problenm avek sa.  Eski i annan okenn  lobzeksyon?  Si non nou a pran en vot lo merits of the Bill  as proposed  e  eksplike.  Tou bann ki ‘Pour lev zot lanmen?

Clerk?

 

MADAM CLERK

Mersi Mr Speaker.  Mon’n rikord 29 Manm ki’n vot an faver. Mersi.

 

MR SPEAKER

Savedir in aprouve as is e aprezan ou pe propoze ki nou al lo Committee Stage  e  si mon’n konpran ou byen Onorab De Commarmond ou ti a kontan pran sa lot Bill Public  Officers and Ethics Bill? Nou avaantre dan Committee Stage.  Mr Rose re-aranz Mace.

 

HON CHARLES DE COMMARMOND

Nou antre dan Committee Stage, me solman  an menm tan Mr Speaker mon oule move anba Order 91 (1) ki nou sispann Order 67 (1) akoz mon vwar  i annan detrwa proposed amendment ki’n ganny met devan nou e nou napa sa letan neseser ki’n ganny donnen –72 hours, so mon oule move ki nou sispann 67 (1) pou permet sa bann propozisyon la  – sa bann lamannman  – bann  proposed amendment devan nou Committee Stage devan  nou Lasanble pou nou debat  lo la and then we will deside .  Thank you.

 

MR SPEAKER

Ok, nou dakor si napa lobzeksyon nou dakor pou sispann Standing Order e we’ll proceed.

        Yes Onorab Pillay.

 

HON SEBASTIEN PILLAY

Seconded Mr Speaker.

 

MR SPEAKER

Yes Onorab Georges.

 

HON BERNARD GEORGES

Mersi Mr Chair.

Mr Chair, apard  sa bann amannman ki  enn de dimoun  in vwar  pou annan en seri lezot simple amendments ki apre lo papye ki  mwan mon pou propoze.  Mon  pe senpleman mansyonn sa la ;pou dir ki  pou annan plizyer me i  riske nou riske pran en 15  – 20 minit, zis pour nou konnen si nou pou Break oubyen si nou pa pou Break.  Mon ti anvi zis dir sa.  Mon napa problenm ki  nou al direk ladan.

 

MR SPEAKER

PropozisyonOnorab De Commarmond, se ki nou al direk ladan  epi nou a pran Break apre. Eski  i annan okenn lobzeksyon?

Yes Onorab Ramkalawan?

 

HON WAVEL RAMKALAWAN

Mr Speaker, mon pa konnen si petet dan sa lespri konsiltasyon si petet Onorab Georges  – Onorab Hoareau ti ava kapab  si nou pran en pti Break zot ti ava kapab ansanm avek Minis ek Attorney  Zeneral zwenn diskite pour ki letan nou retournen dan Committee konmsi nou kler lo ki mannyer nou pe ale e apre nou  kontinyen.

 

MR SPEAKER

Mon krwar  dan mon pwennvi mon krwar sa i en bon fason pou prosede.  I a save nou letan e i  a les sa konsiltasyon ansanm avek Minis ansanm avek Prokirer Zeneral, epi nou a retournen 11.30.  Is that acceptable?

11.30 nou a tournen.  So nou adjourn pour lemoman.

 

(BREAK)

 

MR SPEAKER

Bon welcome back tou dimoun.  Mon krwar konsiltasyon in ganny fer pandan  sa pause ki nou’n pran.  Eski nou dakor lo lekel ki pou prezante?

Onorab De Commarmond.

 

HON CHARLES DE COMMARMOND

Mr Speaker, OuChair la,.  Mr Chair nou’n zwenn  an konsiltasyon e tou bann amannman plus others andfor the typos parey nou kapab dir tousala in ganny diskite konsidere;- e   i pou ganny enkli dan Bill orizinal avan Prezidanin ascend to the Bill.  E petet zis pou mansyonnen avan sa osi le Biro Attorney Zeneral i ava’n  met o prop – i ava anvoy en kopi kot Lasanble pour bann ki ti dan diskisyon sirtou kote partizan  – Bipartisan group la i  ava repas lo la pou fer sir iok ava i enkli dan sa Bill.  Me an zeneral tou in ganny aksepte.  Mon ti oule raport sa avek ou pour ki nou kapab move for Third Reading of the Bill.  Mersi.

 

MR SPEAKER

E OnorabLeader Lopozisyon ou, ou an a-kor avek sa ki in ganny  prezante?

 

HON WAVEL RAMKALAWAN

Wi Mr Speaker, nou’ntonm dakor me solman  mwan mon ti ava kontan petet zis pou piblik  -pour piblik  ti ava enportan ki enn de  sa bann espesyalman bann major  – bann amannman mazer  ki nou’n fer rantre ki konmsi ki piblik i ava konnen.  Mon pa konnen si Onorab Georges i ava fer sa oubyen ki mannyer – par egzanp la zis pou mwan donn en legzanp.

Par egzanp nou’n tonm dakor ki CAA  i  ganny tire dan sa Bill konpletman.  Ki Prezidan i ava fer lapwentman sa Komisyonner e subject to the  approval of the National Assembly e sa i ava fer ki sa Komisyoner ki letan Prezidan i nonm li, absoliman parey i fer avek en Minis Komisyoner Lapolis, Anbasader, ki sa dimoun ava bezwen vin isi, pou dyalog avek Lasanble.  E sai ava fer ki Egzekitiv avek Lezislatif  ki ava pe aprouv sa dimoun komen…Mon pa konnen si Onorab De Commarmond i annan enn de bann lezot ankor ki  ava enportan, pour bann dimoun  konpran, ki poudir nou pe elarzi li parey ki ti nou lentansyon o komansman.

Mersi bokou.

 

MR SPEAKER

Onorab De Commarmond.

 

HON CHARLES DE COMMARMOND

Mr Chair, petet ti bon a sa pwen briyevman ki le de dimoun ki’n lead the amendments savedir Onorab Georges e Onorab  Basil Hoareau kapab petet pronons zot lekor briyevman lo la .

 

MR SPEAKER

Lo bann pwen mazer.  Ok be nou a donn sakenn son tour Onorab Georges – Onorab Hoareau sakenn son tour lo bann pwen mazer, parey nou’n ganny dir – lentere lenformasyon pour piblik zot konnen nou lo bon semen.  Lekel ki anvi ale?

Onorab Hoareau?

 

HON BASIL HOAREAU

Mr Chair, annefe beside saki Leader of Opposition in mansyonnen,  i annan ankor 2 lezot sa bann lamannman ki’n ganny propoze i ki’n ganny aksepte;

Premyerman lo kalifikasyon pou ganny apwente pou vin en komisyoner; dan Bill orizinal sa dimoun ti swa en former Judge or en dimoun ki kapab kalifye pou ganny pwente komen en Ziz.  Me nou’n osi  azout lefe ki sa dimoun ibezwen en dimoun ki kapab competently and impartially discharge sa Lofis.  Sonou’n azout sa kalifikasyon ki odela son bann academic qualifications i kapab  osi annan lentegrite basically.Sa i enn.

Apre dezyenm kinou’nfer, akoz i dir ki sa dimoun  pou ganny remove from Electoral Register nou’n demande ki at least en pe parey dan Elections Act ki fer ki oudir letan sa dimoun in  ganny  convicted of a criminal offence sa Lakour i anvoy son non kot Electoral Commission ki ti napa sa prosedir, pou fer  sir  poudir sa i ganny met an plas. E i annan en sistenm an plas kler ki mannyer sapou ganny fer.

Sa ibasically sa 2 as far  ki mon pe recall la   – sa 2 principal amannman  la avek sa 2 ki Leader of Opposition in propoze.

Mersi Mr Speaker.

 

MR SPEAKER

Onorab Georges, eski i annan okenn adisyonnel ki ou anvi fer sorti pou lenformasyon piblik?

 

HON BERNARD GEORGES

Tre briyevman, Mr Chair.Nou’n re aranz son long title en pe pou fer li  pli soup e an rekonesans  si sa Bill  i ganny extend pou bann lezot Zofisye ki a dan premye schedule pour le moman sa long title pa pou vin met retar avek sa.  Alor nou’n  ti bann non  bann dimoun ki’n ganny mansyonnen dan sa long title anprevwayan  ki pou annan lezot ki pou ganny apwent en pe pli tar.

Epi nou’n fer sa ki nou apel en toilette juridique  zeneral dan plizyer lerer tipografi eksetera ;pou fer sir ki nou annan prezan devan nou en Lalwa ki the best ki  nou kapab donn nou pep.

Mersi Mr Chair.

 

MR SPEAKER

Tre byen mersi OnorabGeorges e aprezan prosenn letab ki ou pou propoze Onorab De Commarmond.

 

HON CHARLES DE COMMARMOND

Mr Speaker petet zis  mon panse avan ki nou retourn an form Lasanble, Mr Chairi zis petet pou dir ki tou sa ki  i sous entendus  osi ki sa ki son lalis ki’n mansyonnen, ki o pli vit posib i ganny revwar atraver regilasyon anmennen  par Minis lo schedule (1) – lalis pour schedule (1) etandonnen osi  ki kekfwa pli tar danlazournen, nou kapab vwar nouvo Prozedlwa ki  ava vini   avek kestyon Anbasader,High- Commissioner ki  vin onboard – tou sa bann dimoun i ava osi ganny enkli mon sipoze dan lalis ki ava ganny revwar ;  par  regilasyon.

Mersi.

 

MR SPEAKER

So ou pe propoze ki nou postpone sa pou pli tar?

 

HON CHARLES DE COMMARMOND

Non, non.  Lalis sa i pour vini  apre ki nou dir ki dan koze, i  sous-entendu ki sa lalis i  o pli vit posib, i ganny revwar an tenan kont ki sa ki‘n ganny debat dan sa Lasanble e sa ki a  ganny debat ankor diran lazournen.  Se tou.

 

MR SPEAKER

Ok e prezan the next step. 

Wi  Onorab Georges.

 

HON BERNARD GEORGES

Mersi Mr Chair, Onorab Deputy Speaker fek fer mwan mazin en keksoz.  Mr Chair, mon konnen ou ti pou al pas lo Third Reading e si nou pou fer Third Reading, mon ti ava demann kekfwa Attorney Zeneral oubyen Legal  Draft Person pou donn avek Clerk the new listpou li li akoz se sa ki devret ganny lir e non pa sa enn….

 

MR SPEAKER

Avan ki nou retourn dan  –Assembly on the Whole?

Wi Onorab Ramkalawan.

 

HON WAVEL RAMKALAWAN

Mr Chairman avan ki nou sorti dan Komite, fodre ki nou pran en vot lo tou sa bann lamannman. Si  Lasanble i dakor avek tou sa bann lamannman,then nou ava kapab antre dan  Assembly proper for us to go to the Third Reading. 

 

MR SPEAKER

Me avan sa eski sa ki Onorab  Georges in  dir i form parti ki nou bezwen fer li la konmela?

I  a zis donn Clerk pou fer sir ki i enkli dan son revised Attorney General.

Ok Clerk?  Ok AG?  I kler ki pandan Recess  mon pou bezwen al fer en crash course dan Legal Affairs.

Onorab Ferrari.

 

HON JEAN-FRANCOIS FERRARI

Tre briyevman Mr Chairman.  Minis ti’n en pe promet mwan ki i ava konsider pwen charteredaccountantmight be sa… so anvi ki in ganny mansyonnen, mon  zis hope ki i kapab ganny enkli.

Mersi pour sa. Mersi.

 

MR SPEAKER

Ok, Nou pran en vot tou ansanm avek amannman.

Tou bann ki avek amannman ki  sa group ki’n konsilte avan in  dakor – tou bann ki dakor, pour sa Prozedlwa lev zot lanmen? Ok.Clerk?

 

MADAM CLERK

Mersi Mr Speaker, mon rikord 27 Manm ki’n vot an faver.  Mersi.

 

MR SPEAKER

Prozedlwa as is in ganny aksepte.  Nou aprezan al lo Komite of the WholeSergeant-At-Arms a fer le neseser avek Mace.

LGB  -Third Reading.

 

HON CHARLES DE COMMARMOND

Mr Speaker, anba 71 (1)  mon move  ki  Public  Persons Declaration  of Assets, Liabilities and Business  Interest Bill  2016 i ganny lir en Trwazyenm Fwa.  Mersi.

 

MR SPEAKER

Segonde par Onorab Pillay.  Clerk.

 

MADAM CLERK

Mersi Mr Speaker.  A Bill of an Act to provide  for the Declarations   of Assets, Liabilities and Business  Interest  by Public Person  as set in this Act, in order to promote confidence and to ensure integrity, honesty, accountability, responsibility, fairness, transparency, the rule of law and impartiality and  to make matter connected therewith  or incidental thereto.  Enacted by the President and the National Assembly.  Thank you. 

 

MR SPEAKER

Mersi Clerk e prezan,  nou pran en vot.

Tou bann ki ‘Pour lev zot lanmen?

Yes Clerk.

 

 

MADAM CLERK

Mersi Mr Speaker, mon rikord 27 Manm ki’n vot an faver.

Mersi.

 

MR SPEAKER

Savedir apre Third Reading, nou annan laprouvasyon sa Prozedlwa.

Mersi tou bann ki’n pran par.

Nou a pran Public Officers  Ethics (Amendments) Bill, 2016.

        Yes Onorab De Commarmond.

 

HON CHARLES DE COMMARMOND

Mersi Mr Speaker, anba 91 (1) mon move pour nou sispann Standing Order, 64 (1) pou permet ki  Public Officers  Ethics  (Amendments) Bill, 2016 i ganny lir en Dezyenm Fwa.

 

MR SPEAKER

Ok,  wi Onorab Pillay ou segonde?Mersi.

Clerk.

 

 

MADAM CLERK

Mersi Mr Speaker.A Bill of an Act to amend  the Public Officers  Ethics Act (Cap) 304 .  Thank you.

 

MR SPEAKER

Dr Larose  -Minister Finans.

 

MINISTER PETER LAROSE

Mr Speaker, mersi bokou.  Mon demann nou Lasanble pou  konsider fer amannman Public Officers  Ethics Act pou  retir sa bann Zofisye ki ti pe fer Deklarasyon anba sa Lalwa ava e pou met zot anba sa nouvo provision  – Public Persons  Declarations of Assets, Liabilities and Business  Interest .  Mersi Mr Speaker.

 

MR SPEAKER

Ok, eski i annan okenn komanter lo sa?  Onorab De Commarmond.

 

HON CHARLES DE COMMARMOND

Mr Speaker lo sa Bill  – Prozedlwa ki devan nou napa  okenn gran komanter i zis bezwen met en pe lord si oule dir  dan sa pou tir sa bann non sa bann Zofisye pou pa fer duplication.  E anfen kont i  en gro amannman.  E prezan ki nou pe demande ki Gouvernman  osi  dan son sazes ler i perevwar sa ki nou’n dir boner – sa kestyon revwar sa lalis dan schedule (1) sa Bill ki nou fek pase ki petet sey gete si i kapab vwar sa Bill ki devan nou ki nou’n tir sa bout ladan la;- konmsi ki i pa kapab enkorpor li dan en sel Prozedlwa pou lavenir e petet i a pli bon – mon panse.

Avek sa mon krwar ki i pe met  sa ki nou’n fek pase dan lord.  So mon krwar ki  i zis en matter of prosedir ki nou bezwen fer li koumsa nou a siporte.  Mersi.

 

MR SPEAKER

Okenn  komanter lo kote LDS?

Onorab Ramkalawan.

 

HON WAVEL RAMKALAWAN

Mr Speaker, napa gran keksoz parske enn i koriz lot me lefe ki parey Onorab De Commarmond in mansyonnen – lefe ki nou’n tonm dakor pou nou elarzi  sa lalis – probableman nou pou bezwen retourn ankor devan Lasanble avek en lot pti lamannman of thePublic Officers  Ethics Act  pour nou met li annord.

        So sa i zis en koreksyon, alors i straight forward.

 

MR SPEAKER

Avan ki nou take a vote, mon a demann Minis pou fer son  Right of Reply.

 

MINISTER PETER LAROSE

Mr Speaker, mon krwar n nou’n al  telman tre byen.  Mon napa nanryen pou azoute.

Mersi.

 

MR SPEAKER

Very good.So nou’n tonm dakor.  Nou ava al lo Committee Stage?

Yes Onorab De Commarmond?

 

HON CHARLES DE COMMARMOND

Mr Speaker, lefe ki  napa lamannman dan sa Prozedlwa ki devan nou, in fact napa any major amendment, mon oule propoz avek nou Lasanble ki anba Order 91(1) nou sispann Lartik 65 – 70 nou StandingOrder pou nou sot Staz Komite pour sa Prozedlwa.  Mersi.

 

MR SPEAKER

Ok segonde par Onorab Pillay e nou kapab vote.

Lev lanmen tou bann ki dakor  pou sot Staz Komite?

Clerk.

 

MADAM CLERK

Mersi Mr Speaker. Mon’n rikord 27 Manm ki’n vot an faver. Mersi.

 

MR SPEAKER

Ok, nou a pas laparol avek Onorab Leader of Government  Business. 

 

HON CHARLES DE COMMARMOND

Mr Speaker, anba Order 71(1)  mon  move  ki Public Officers  Ethics  (Amendment) Bill, 2016  i ganny lir en Trwazyenm Fwa.  Mersi.

 

MR SPEAKER

Ok, segonde par Onorab Pillay.

Lev lanmen tou bann ki dakor .

Clerk.

 

MADAM CLERK

Mr Speaker, mersi. Mon’n rikord 29 Manm ki’n vot an faver. Mersi.

 

MR SPEAKER

Mon a ganny en Third Reading.

 

MADAM CLERK

Mersi Mr Speaker.This Act may be cited as a Public Officers  Ethics (Amendment)Act 2016. Mersi.

 

 

MR SPEAKER

Ok, nou a pran en  Break  ziska 2er.

 

        (BREAK)

 

MR SPEAKER

Mon ti a kontan   de lapar National Assembly swet swet labyenveni Minis Gosgrow   ki Minis pour Lanplwa e  Devlopman Enterpreurship avek Relasyon Biznes avek son Sekreter Prensipal – Mr Baker avek Ms Bresson son Konseye Spesyal e osi AG ki la avek nou avek Mr Verghese ek Mr Pool.

Nou swet zot labyenveni pour sesyon  apre midi e nou pou kontinyen avek nou bann deba. Epremye nou pou pran Employment (Amendment) Bill e mon a demann Leader of Government Business pou pran laparol.

 

HON CHARLES DE COMMARMOND

Mr Speaker, mersi bonn apre midi Minister ek ou delegasyon.  Bonn apre midi tou dimoun ki a lekout.

Mr Speaker,  anba Order 91(1)  mon  oule move  pousispann Standing Order 64 (1) nou Standing Order pou permet ki  the  Employment (Amendment)  Bill   2016 i ganny lir en Dezyenm Fwa.  Nou fer sa akoz nou ti fer Premye Reading Merkredi pase, alors nou pa ankor ganny son 7 zour an prensip.

Mersi.

 

MR SPEAKER

Eski i annan en dimoun ki segonn sa?

Segonde par Onorab Sebastien Pillay.  Eski nou kapab pran en vot pour sispann the Standing Order? 

Tou sa ki dakor lev lanmen.

Ok?  Clerk?

 

MADAM CLERK

Mersi Mr Speaker.  Mon’n rikord 25 Manm ki’n vot an faver.  Mersi.

 

MR SPEAKER

E mon a ganny en Second Reading.

 

MADAM CLERK

Mersi Mr Speaker.a Bill of an  Act  to amend the Employment Act  Cap 69.  Enacted by the President and the National  Assembly.

 

MR SPEAKER

Mersi Clerk e nou a donn laparol Minis  Gosgrow.

 

MINISTER WALLACE COSGROW

Mersi Mr Speaker.

Mr Speaker, le 2 Leaders dan Lasanble Nasyonal, tou Manm Onorab, travayer e anplwayer e tou manm piblik ki pe ekout nou ozordi, bonn apre midi.  Mou oule dabor remersye sa Lasanble pou donn priyorite sa Prozedlwa ki devan nou  e pou kontiny deba lo en size ki sitan enportan e ki mon asire  pe atir latansyon en  gran mazorite nou popilasyon  pour lemoman.

        Mon oule osi remersi le 2 Leaders dan Lasanble Nasyonal zot reprezantan  – Biro Attorney  Zeneral , Minister Finans e tou bann ki’n form par konsiltasyon pour nou arive ek sa 2 Prozedlwa ki devan Lasanble ozordi.  Prozedlwa ti ganny pibliye dan Gazette Ofisyel Vandredi le 16 Desanm e menm apre piblikasyon in annan deba – in annan diskisyon  pou kontinyen lo sa size Trezyenm Mwan Lapey.  E nou’n osi fer serten lezot azisteman ki mon pou elabor lo la en pti pe briyevman apre,  lezot azisteman konpare avek sa Bill ki devan nou.  Mon ti ava kontan ki Lasanble i pran an kont sa bann nouvo pwen ki mon pou elabor en pti pe lo la.

Mr Speaker, i enportan ki pou fer resorti an se moman,  ki sa Prozedlwa i etabli en baz Legal pour en Trezyenm Mwan Lapey dan Sesel.  San sa,sa anplwayer napa okenn lobligasyon pou  pey en Trezyenm Mwan Lapey lafen lannen.  Se pour sa rezon ki nou la ozordi pou nou kontinyen pouse – antre dan konsiltasyon kot ti neseser.  Nou ekoute e pran kont bann pwennvi tou bann parti konsernen enkli sa Lasanble ki la lo sa size  pour ki finalman nou’n ariv avek sa Prozedlwa ozordi.

Prezan Mr Speaker, les mwan elabor briyevman en pti pe lo bann nouvo provizyon ki nou’n diskite, nou’n revwar e nou ti a kontan ki Lasanble I pran an kont  – i enkli dan sa Prozedlwa.  I enportan Mr Speaker, pou  konpran ki nou pe etabli en drwa dan Lalwa pou travayer, alor sa Prozedlwa  i fer pozisyon pour tou travayer Seselwa san eksepsyon ki zot lanplwa i tonm anba sipervizyon  Lalwa Lanplwa pou ganny en Trezyenm Mwan Saler.  Se sa enn bann propozisyon ki nou pe met devan ki tou dimoun i ganny en Trezyenm Mwan Saler  — bann ki lanplwa i ganny sipervize par Lalwa Lanplwa e petet sa en lamannman ki Lasanble i ava konsidere  lo Staz Komite pli tar.

Dezyenmman Mr Speaker, sa Prozedlwa pe osi fer provizyon ki Gouvernman i etabli en Fon ki siport tou bann anplwayer ki zot sipor finansyel zot vwar zot dan en sityasyon kot malgre zot anvi donn en Trezyenm Mwan Lapey, zot pa kapab fer li.  So premyerman nou pe dir ki tou dimoun i bezwen gannyen e dezyenmman nou pe dir ki si  anplwayer  – par egzanp bann pti anplwayer, i vwar  li i pou dan difikilte pou peye, Gouvernman i etabli en Fon pou ed zot fer sa  pou peye.  E sa Fon i a ganny zere par en Komite Spasyal ki ava apel 13th Month Pay Committee  ki pou ganny etabli par Minis Finans. Apre son konsiltasyon ek Minis Lanplwa sa Komite, i ava zer disbursement larzan – get tou bann ka – get tou bann laplikasyon e zer bann disbursement as and when i annan.  Anplwayer iava kapab fer laplikasyon ek sa Komite pour lasistans omwen 3 mwan avan ki sa Trezyenm Mwan Lapey idue.  Zot laplikasyon ava ganny konsidere lo bann kriter ki ava ganny set par sa Komite.  E en desizyon lo si zot osi zot pou ganny asiste ou non i ava ganny pran par Komite  – parey mon’n dir baze lo bann kriter ki ganny set.

Trwazyenmman, Mr Speaker, pour bann anplwayer ek travayer ki’n antre dan Kontra  pou pey en bonous – savedir si dan zot Kontra  i annan en bonous – in fer provizyon pour en bonous,  me si sa bonous i plis ki en Trezyenm Mwan Lapey, sa anplwayer pou  kapab aprezan tir sa lekivalans sa Trezyenm Mwan Lapey dan sa bonous e pey li koman en Trezyenm Mwan Lapey parey Lalwa pe demande.  Larestan balans i kapab pey li  koman son bonous. Ok?So sa i osi en lot lamannman ki nou pe propoze.  3 nouvo lamannman.

Mr Speaker,  in osi annan bokou kestyon an se ki konsern Trezyenm Mwan Lapey an relasyon avek income tax.  Trezyenm Mwan Lapey pou ganny ekzanpte  dan Lalwa tax lo saler parey i annan Lalwa tax lo saler.  Sa i pou parey sa egzanpsyon ki aplike lo sa sistenm bonous.  Alors okenn Trezyenm Mwan Lapey ki ganny peye, son egzanpsyon pou ganny aplike lo saler de-baz ouswa sa premye R10 mil.  Okenn saler par lao, R10 mil sa diferans ant saler de-baz e R10mil en tax 15 poursan pou aplikab. Par kont Mr Speaker, sa pou ganny revwar ler Gouvernman pou realiz sistenm tax lo saler lo en baz progresif.   I annan lezot pwen ki dan Prozedlwa ki form parti bann dernyen diskisyon.  Zot a remarke ki mon pa’n elabor lo la.  Sa i senpleman akoz napa okenn sanzman lo sa bann lot pwen.  Dernyen diskisyon ki nou ti gannyen dan Lasanble e in osi annan Lagreman Lasanble Nasyonal lo sa bann pwen. Sa par egzanp lo bann lenstans  kot  en sistenm pro-rata i ganny peye ler  osi kan ki Trezyenm Mwan Lapey i ganny  fer serten deduction – par egzanp ler en dimoun in absan  – unauthorized absence parey nou dir e osi serten kategori ki ganny exempt par egzanp expatriates avek  Kontra Skill Development – bann  ki lo Kontra Skill Development.

I osi annan serten konsern Mr Speaker, ki’n ganny mete devan Minister apropo  sa ki nou term koman bann Constitutional Appointees ouswa bann travayer ki zot lanplwa i ganny etabli si oule anba Konstitisyon  e zot saler  i ganny etabli e regle anba zot prop Lalwa.  Sa i enkli par egzanp Prezidan – Vis-Prezidan  – bann Minis  – bann Manm Lasanble Nasyonal – Attorney Zeneral  – Oditer Zeneral – Electoral CommissionerOmbudsmen eksetera.

So Mr Speaker, sa bann kategori travayer, zot pa pou entitled pou ganny Trezyenm Mwan Lapey parski se zot bann Lalwa ki gid zot saler.

Mr Speaker, mon ti a kontan repet en pti pe sa ki mon ti  dir dernyen fwa dan Lasanble.  Bokou in ganny fer pou nou lafors travayer – bokou benefis  in antre dan Lalwa koman bann Drwa  – par egzanp logmantasyon  konze maternite; konze paternite- logmantasyon saler minimonmeksetera.  Gouvernman i toultan met   lepep o sant devlopman e asire ki tou Seselwa i  benefisye avek tou son bann Polisi.

Mr Speaker, mon krwar ki  moman i apropriye pou entrodwir en Trezyenm Mwan Lapey. Nou’n diskit bokou, konsilte – agree – nou’n menm dezagree kot i neseser e finalman mon sipoze  letan in arive pour nou deside e mon krwar kantite konsiltasyon ki nou’n fer, mon krwar nou annan nou en bon Prozedlwa ki devan nou Lasanble, ki ava satisfer tou lede kote e ki nou a kapab bouz devan e ki travayer Seselwa i ava benefisye avek en Trezyenm Mwan Saler komans le 31 Desanm 2016.  I ava  due le 31 Desanm 2016.

Pour konklir Mr Speaker mon ti ava kontan remersi tou Manm Onorab ki’n ekout mwan – tou manm piblik e tou travayer Seselwa ki’n swiv sa size tre pros  – ki’n si kontribye avek zot bann sizesyon.  I mon swe Mr Speaker e mon krwar i osi swe pep Seselwa e sa Lasanble an mazorite ki sa Prozedlwa i ganny aprouve.

So mersi Mr Speaker, mon ava  aret la e mon ava ekout bann deba ki ganny mete  dan Lasanble e apre pli tar dan mon Right of Reply mon ava kapab adres serten size si i annan.

Mersi Mr Speaker.

 

MR SPEAKER

Mersi Minister  Gosgrow.  Nou a donn laparol Leader of Government Business – Onorab De Commarmond.

 

HON CHARLES DE COMMARMOND

Mersi Mr Speaker.

Mr Speaker, san ki nou pou al dan detay, sa Prozedlwa ki devan nou, nou lo nou kote nou welcome.  I    an prensip i en keksoz ki nou’n travay ansanm.  Nou’n fer en kantite diskisyon avek Minister lo kote Lopozisyon nou menm e nou’n ariv a en keksoz la ki mon  panse a mon’n avi I bon.  I bon koman en keksoz en mezir tanporer mon kapab dir  – ;pou kapab abord sa issue Trezyenm Mwan Saler – konmsi ki nou pa oule delay sa pour travayer.

Me 2 keksoz petet mon kapab fer resorti.  Ler Lalwa Lanplwa i ganny regete dan son totalite whatever bout kinouvwar i neseser osi pou aranze pou fikse ;pou aranze pou amande pou met li pli byen, nou a trouve nou.  Ler sa pe ganny enplimante nou a vwar kote bann mankman i ete e i ava ganny adrese letan Lalwa Lanplwa an zeneral i a ganny deal avek dan detrwa mwan e la nou a kapab gannyen keksoz ki pli konplet.Me pour komanse mon vwar  li iok  e i donn en Drwa travayer.  Travayer prezan pou annan sa koman  en Right.  Mwan  mon it vot an faver sa Bill letan ti vin devan nou lot zour e mon ti  dir ki i annan en bout ki mon pe ti tro, tro dakor avek ;- sebout kot bann ki pa kapab  – kanmenm i anvi  donn sa Trezyenm Mwan Saler e mon kontan ki la avek sa Prozedlwa ki devan nou e avek amannman ki nou ava move pli tar sa issue i ava ganny pran an konsiderasyon e nou vwar  poudir en Fon iava ganny etabli pour ki i get dan sa bann boot – bann dimoun – bann pti biznes e lezot biznes ki kekfwa en anplwayeri annan bokou problenm pou li asiste antye sa Trezyenm mwan oubyen i kapab donn en bout, me apre en bout i dir,‘’Vreman mon mwayen pa permet kanmenm mon seye.’’  Sa Prozedlwa la i pou donn lien letan osi pour li kapab rektifye sa.  I pou donn li en letan  2an.  En pti biznes in formen i annan 2an pour li kapab avek sa Fon ki’n ganny etabli pou li kapab demann lasistans anba sa Fon. E i annan fason ki  i pou fer sa lasistans i bezwen la dan  3 mwan, met son demann devan eksplike ki avek  sa Komite ki pe zer sa Fon, pou  regarde zot a vin kot sa biznes  zot ava gete si vreman en pti entity en pti biznes ki fek komanse ki vreman pa kapab – ouswa si sa dimoun ki pa pe tro zer son biznes byen e ki bezwen en gid – en lasistans – en lide pou donn li ankor pou li kapab aranz li ensidswit.  Sa bann issues i a ganny adrese.  E pandan 2an, nou panse ki en biznes ki pa ti kapab donn sa Trezyenm Mwan Saler, son anplwayer i a bezwen kapab deside ki i pou fer dan son lavi  – si i pou kapab kontinyen dan lavi biznes oubyen si i pou bezwen rod en lot fason pou li operate pour li kapab  sa.

Me lot pwen ki kekfwa  sa Lalwa i pou touse osi mwan mon kontan sa zafer bonous  e la nou pe lans lapel osi akoz i annan 2 keksoz ;- en dimoun ki donn bonous son travayer zis koumsa apre i annan dimoun ki dir ki anplwayer ki li dan son Lalwa  – dan son Kontra in annan en Kontra ek son travayer i dir, ‘’Lala mon pou donn ou 30 poursan bonous, be prezan sa Lalwa nou pe fer li en Right, prezan ki pou arive ek sa Kontra ki sa travayer ek sa travayer i deza sinyen?  Alor sa Lalwa la i pou adres sa osi.  I dir ou pa pou kapab akoz i pou  unfair lo sa anplwayer pou li fer 2 keksoz la ou donn  en Trezyenm Mwan Saler son travayer – plis sa Kontra ki i dir i pou donn bonous ankor, me i pa pou gannyen pou donnen.  So sa Lalwa  pe dir tyonbo en kou  dan ou bonous ou Kontra ki ou ti sinyen la si sa Trezyenm Mwan Saler son larzan i plis, ou a pran sa an konsiderasyon.  Sabonus a tonbe.  Me si  ou bonous ki plis ou a pran an konsiderasyon sa Trezyenm Mwan Saler, ou a donn sa travayer plus(+) ou a donn li sa diferans  koman sa bonous ou a kontinyen donn li.  Ou pa kapab zis konmsi dir non, non Lalwa  I dir Trezyenm Mwan Saler apr3ezan sa bout an plis  mon pa pou donn ou. – i pou bezwen donn li .  Mon krwar sa i byen.  E en lapel osi nou fer avek anplwayer.

Anplwayer pa devret konmsi vini servi sa Lalwa  Trezyenm Mwan Saler zis pou pa donn bonous son travayer.  Mon krwar nou devret get li koman en incentive an plis pou kontinyen regarde koman pou kapab enhance e fer ki travayer I sante li; pli byen – pli happy ler ou pe donn li sa bann lasistans.  Taler mon ava koze osi pou vwar ki mannyer travayer osi i pa kapab vini zis abiz lo anplwayer. Konmsi i vini zis  met presyon pour li ganny son Trezyenm Mwan Saler apre nanryen pa vini.Sa Lalwa ki mannyer nou’n aranz li la, i osi pran an kont en lot keksoz Mr Speaker.  I pran an kont ki ou peryod probasyon savedir ou bezwen travay 1an – ou bezwen travay 1an dan sa landrwa travay avan ki ou kalifye pour ou Trezyenm Mwan Saler.  Me selman dan sa 1an  ki ou travay dan sa landrwa ou peryod probasyon I osi enkli.  Savedir si ou’n pas probasyon – si ou pe travay  savedir ou travay in ganny aksepte koman ou ti pe fer byen alor i a enkli dan sa 1an.  Mon krwar sa ibyen  – pa kapab zis en dimoun i vini,  premye zour i oule ganny tou keksoz  – montre ki ou annan en leker – ou annan en bon kontribisyon anver sa landrwa travay pou ou kapab osi kalifye dan sa lot bout.

Mon dir ki sa Lalwa osi i en pe tanporer akoz i tous en lot keksoz tanporer.  Tax.  Sa kestyon tax Minis in mansyonnen ienportan.  Tax lo sa Trezyenm Mwan Saler ki Gouvernman pe pran  i pou vin parey deza i ete la, me nou vwar poudir i pou annan en amannman byento avek  Lalwa Tax Progresif ki pou vin devan  nou Lasanble pli tar an Zilyet e alor sa i a ganny aranze.  Solman mon dir tanporer akoz i pou ganny aranze  an relasyon avek sa.

Sa en lot pwen ki nou oule touse e  i kler sa Lalwa ki annan bann bout ki still i  pa pou touse.  I annan en exemption antre ‘’girme ‘’ si ou kapab met li koumsa.  Par egzanp Minis  – Manm Lasanble  – bann Constitutional Appointeesla dan sa sans la i pa pou  gannyen.  I pa pou tonbe anba la – Prezidan – Vis-Prezidan pa pou kapab ganny Trezyenm Mwan Saler ni nou  – ni nou 2 Leaders la nou pa pou gannyen.  I pa aplike pour nou sa.  Ni ou Mr Speaker, Sir ou pa pou gannyen e Lalwa i  kler lo la.  Sa bann dimoun i pa pou gannyen.  Sa travayer i bezwen osi konpran e apresye ki sa i annan en fairness ladan.

E alor la ki nou pou pas sa, e ki nou pou fer li byen travayer pou kontan,  nou anvi lans en lapel avek travayer – mwan mon krwar mwan i annan en keksoz ki nou bezwen dir avek travayer – travayer osi i bezwen konsyansye.  Nou bezwen rod stabilite dan travay.  Savedir si ou pou benefisye avek ou Trezyenm Mwan Saler i pou pran an konsiderasyon si  pou pe grandi dan sa Lorganizasyon kot ou pe travay dan sa travay dan sa biznes kot ou ete e ki swa Gouvernman ki swa dan Prive;  Sa i pou tous Prive sa, me mon pe lans lapel  pour tou dimoun – tou travayer, annou travay byen  – annou donnen nou osi dan travay pour ki ou ankouraz par ou latitid ou ankouraz ou Boss – ou anplwayer pou kapab konsider pou dir,‘’Look mon happy pour mwan donn ou.’’  Kanmenm Lalwa i la, me o kontrer  mon gete si mon kapab donn ou ankor  bonous – swa isi.  I bezwen annan sa lanvi osi de lapar travayer, me sa i depan lo sa relasyon travayer ant anplwayer avek travayer.  Travayer i bezwen enhance sa kalite ki i bezwen  donn son anplwayer.  I bezwen prodwi plis kote pou gannyen pou donnen si ou pa prodwi?

Alor la mon lans lapel seryezman pour bann travayer ki en pares – ki pa pe donn byen  – ki pa pe travay  byen – ki vin tar  – i rod toultan lekskiz ki i absan  pou  nenport ki rezon bet – ki Lendi i oule al Lopital  e i annan plizyer kalite rezon. E nou, nou konnen sirtou nou,  nou Nasyon ki mannyer i pran sa a la lezer en e i rod tou rezon pour li annan rezon.

So nou lans lapel ek travayer nou dir li  fer byen;- kontinyen byen;- donn lanmen pour pei avanse ; pour pei son baz prodiksyon i grandi pour ki nou kapab kontinyen  e pourquoi pas en pe lannen pli tar pou kapab olye Trezyenm Mwan a kapab vin en Katorzyenm Mwan ?  Me i pa pou vin ditou e nou pou bezwen revin dan Lasanble pou dir me tire Trezyenm Mwan  akoz prodiksyon pa bon.

Nou pa oule revin lo la me selman i sa bann keksoz ki nou pe lans lapel tou lede kote enn pou konsyansye e lot pou osi vin pli konsyansye e kontribye.

Mon panse ki an zeneral mon’n tous sa ki neseser Mr Speaker.  Si i mank keksoz lezot dimoun i ava mansyonnen me nou, nou’n lans lapel  se ki sa relasyon travay dan pei  e se sa ki en pei i baz lo la – Relation Work Relationship  e sa travayer e sa anplwayer  Gouvernman  ensidswit i bezwen annan sa good working relationship pou fer pei avan devan.  Lespri sa Prozedlwa  se osi pou fer pei avans devan dan son prodiktivite.

Avek sa mon pou siport sa Prozedlwa e mon demann tou Manm Lasanble  pou siport sa Prozedlwa pour ki nou bann anplwayer la i ava benefisye o pli vit posib.

Mersi.

 

MR SPEAKER

Mersi Onorab De Commarmond.  Onorab Georges.

 

HON BERNARD GEORGES

Mersi Mr Speaker.

Mr Speaker, zafer Trezyenm Mwan i en kestyon byen enteresan, me ase kontansye e ase kontroversyal.  Nou tou ki viv dan sa pei  e ki’n viv an deor sa Lasanble  pour sa detrwa dernyen semenn,  nou’n ganny largiman ki’n ganny donn avek nou an faver e kont en tel propozisyon.  Parey mon dir en keksoz ki koumsa i en keksoz ki pou anmenn touzour en serten deba.  I pa en keksoz ki tou dimoun  pou sot lo la  i pou aplodi   e sa pour la senp rezon  akoz I annan en dimoun ki  bezwen peye sa Trezyenm Mwan  e en dimoun i bezwen resevwar.   Alor i toutafe normal  pour ki sa enn ki pe peye i ava santi ki sa i annan en pozisyon me sa enn ki  pe resevwar i ava santi ki sa i en benefis.  Me fodre pa nou oubliy serten gran laliny ler nou pe regard  Trezyenm Mwan.  Enn sa bann gran laliny, se ki i annan bokou Lakonpannyen Prive ki deza pe subsidize oubyen ki pe ed zot anplwaye avek en Trezyenm mwan oubyen avek en bonous oubyen avek serten lezot lavantaz an plis ki zot 12 mwan saler.

Fodre pa nou bliye osi ki Sekter Piblik  – Gouvernman in deza resevwar li depi 1an son Trezyenm Mwan alor i toutafe normal ki sa progresyon  pou bezwen al fer  Sekter Prive a en serten moman.  I annan osi   sa largiman ki kontinyen ant saler  ki bokou dimoun i resevwar  avek kou lavi  eski saler i an step avek pri lavi  – avek kou lavi ? Oubyen eski bann saler i tro ba avek kou lavi ?  Oubyen eski kou lavi i tro o an relasyon avek saler?  Alor, sa Trezyenm Mwan, mwan mon vwar li dan en fason pou fer  sa lazistaz ki detanzantan en pei i bezwen fer e serten pei i pe fer dan serten fason – serten pei i fer salary revision.  Souvandfwa dan lepok kolonyal nou ti  konnen ki ti annan souvan en salary revision.  Ti annan Salary Commissioner ki ti vini – i ti revwar bann saler  – i ti revwar back pay pour bann ki pa ti ganny sa saler pour en peryod letan.  Donk i annan sa bann mwayen lazistaz e ler nou regard sa  nide Trezyenm Mwan fodre pa ki nou regard  li a selon mwan avek en sel lizye – zis koman anplwayer pe al ganny en benefis.  Fodre nou regard li dan tou son konpleksite e  fodre nou regard li an zeneral.

E ler nou regard li koumsa Mr Speaker, mon  krwar ki nou vwar pli byen oubyen, nou konpran pli byen ki benefis en Trezyenm Mwan I kapab anmennen san ki nou regard negativman son kou akoz i annan kou.  E fodre nou rezonnab e fodre nou aksepte ki ler i annan plis larzan ki ganny met dan lekonomi e lekonomi i ganny met anba presyon – foreign exchange  i ganny met anba presyon  – dimoun i aste plis nou en pei enportater. Alor i annan sa bann retonbe negatif.  Me mwan mon  regard li anba en loptik diferan.

Mwan mon regard sa Trezyenm Mwan e se  pour sa rezon ki mon pou anmenn mon sipor pour sa linisyativ ozordi koman en keksoz bokou pli senp.  Ekskiz mwan si mon annan en lespri senplis, me dan mon lespri,  i annan   bokou dimoun sirtou bann  ki lo saler pli ba ki viv de saler a saler.  E sel keksoz ki zot kapab fer se ariv lafen  di-mwan ganny peye apre rekomanse.  Ti annan enn nou koleg Avoka e Onorab Basil Hoareau i konn li byen – i ti kontan dir,’’My take  home pay doesn’t take me  home.’’E annefe i annan bokou ka  i annan dimoun ki koumsa – ki pa kapab arive fer en lekonomi.  Zot fridge i kase, oubyen zot bezwen en cooker i bezwen annan en Eleksyon  -mon konnen ki arive e  dan sa 4 lannen ant Eleksyon, sa bann dimoun i vwar li difisil pour zot aste sa komodite ki pou mank zot akoz i en gro depans e zot pa’n kapab fer sa savings – zot napa sa kousen dan en pti savings account – en landrwa ki permet zot  aste sa keksoz ki zot bezwen.  E  se pour sa kalite dimoun ki  mwan mon anvi koze;- plito se  pour sa kalite dimoun ki mwan mon pe siport sa Bill ozordi, akoz i annan bokou  e  nou konnen i  annan 40 poursan nou popilasyon ki pe viv koumsa from salary to  salary.

E se pour zot mon krwar ki sa Trezyenm Mwan pou vin koman en soulazman.  E mon konnen sa ki bokou dimoun pe dir  – sa ki bokou dimoun pe reponn mwan an mezir ki mon pe dir  sa, akoz ler mon’n servi sa largiman pandan sa detrwa dernyen zour,  mon’n ganny sa repons e sa se pa krwar. Seselwa pa save menm.  Avek sa Trezyenm Mwan zot still pa pou save li  -zot still pa pou annan sa pti saving e ler zot fridge pou kase oubyen zot cooker pou kase zot pa pou al lo sa Trezyenm Mwan pou al rode akoz zot  in depans sa Trezyenm Mwan.

Mr Speaker, nou tou nou viv Sesel. Nou konn nou popilasyon e nou konnen ki nou popilasyon i kontan depanse. Nou konnen ki nou popilasyon an zeneral i depans apepre sa ki zot gannyen,  me kekfwa – kekfwa mon annan sa lespwar ki akoz nou’n ganny sa deba lo Trezyenm Mwan, e mon  vwar li  i tre byen ki sa Prozedlwa pa’n pase koman in vin devan Lasanble e ki nou’n annan sa premye lesey  – sa 2enm lesey me la 3rd time  lucky ozordi se pour fer dimoun reflesir ki  i annan plis dan sa fenomenn Trezyenm mwan ki zis kestyon anmenn Lalwa fer dimoun ganny larzan, akoz sa i en bon keksoz. E annou pa regard bann problenm ki sa i kapab anmennen e mon krwar atraver sa detrwa dernyen semenn popilasyon deor, anplwayer koman anplwayer, i ganny en sans pour zot  pozisyon pou zot fer refleksyon e pour  zot sa pa selman en kote koman negatif oubyen en kote koman pozitif, me tou lede i bezwen kapab balans sa largiman. E aksepte  inevitabilite  sa Trezyenm Mwan koman en keksoz ki sooner or later ti pe vini e annou rod en fason pou nou kapab fer li mars dan en bon fason.

E Mr Speaker,  mon oule – pandan ki mon lo sa tenm mon oule osi dir ki   nou rekonnet ki anplwaye  i dan en kategori ase vilnerab dan biznes.  Sak fwa nou regard Televizyon e ki i annan en gro Lakonpannyen deor en Labank oubyen en Boeing  oubyen   whatever,  ki pe fer fas a sen kriz komersyal premye keksoz zot fer zot layoff zot Staff.  Akoz? Akoz Staff  expendable.  Ou pa kapab pa pey ou lokasyon akoz ou pou ganny  met deor ;- ou pa kapab pa pey ou tax akoz Taxi tay deryer ou;- ou pa kapab pa pey ou bill elektrisite  avek delo akoz PUC pou koupe.  Par kont, ou kapab layoff sa anplwaye e  Lalwa ki nou annan konmela, i permet pour sa arive.  Alor se pour sa vilnerabilite ki bokou anplwayer ibezwen fer fas avek.  Mon krwar ki nou pou bezwen konpran laspe sa Trezyenm Mwan.  E mwan mon regard li dan sa fason.  Mon regard li koman en kousen ki

lasosyete pe donn bann ki pli vilnerab.  Mon pa vwar en bon largiman pour ki en dimoun  ki ganny R25 – R30 ou R50mil i devret ganny en Trezyenm Mwan.  Si zot pou gannyen then very good.  Me mon pa vwar en largiman ki al dan sa faver.  Par kont mon vwar en tre bonn largiman pou zot  pou bann ki lo en pli ba saler i annan bann ki pli vilnerab ganny sa posibilite annan sa kousen ki zot napa san sa Trezyenm Mwan.

Mr Speaker, enn bann problenm ki mon ti annan e  ki mon vwar ki in ganny rezourd la se kestyon diskriminasyon ant anplwaye.  Mon pa ti konfortab avek en sityasyon kot nou les Trezyenm Mwan dan lanmen anplwayer, akoz i kler ki serten anplwayer pa ti pou kapab arive peye swa akoz zot biznes pa profitab ouswaakoz zot biznes pa pe ganny run dan en fason apropriye.  Me si nou pou fer en Trezyenm Mwan vin en keksoz iniversel nou bezwen fer li vin iniversel e mon kontan ki nou’n trouv en solisyon dan sa support fund ki  pou la pou siport bann anplwayer  e mon dir tre byen bann anplwayer akoz lobligasyon se lo anplwayer pou al rod sa lasistans pou kapab pey zot anplwayer.  E mon krwar ki sa i en bon keksozakoz personn papou gannykit ater si nou pou donn en Trezyenm mwan fodre ki tou dimoun i kapab benefisye.

Alor lo sa kote, mon krwar ki bann anplwaye zot kapabdir ki zot pe ganny en bon dealatraver sa Lalwa tel ki i ete ozordi.

Me parey mon’n dir o-komansman,  nou pa kapab regard zis en kote.  Ou pa kapab zis dir, ‘’Sa i en bon keksoz pou anplwayer,so annou aplodi sa,’’ e tap nou lekor lo nou ledo e dir, ‘’Nou’n fer en zoli keksoz dan rafal Nwel sa lannen pou bann anplwayer.’’ Akoz nou bezwen regard lot kote osi e nou bezwen fer sir ki bann anplwayer akoz tel parey Leader of Government Business in dir se ler en Lakonpannyen i an bonn eta finansyel e  ekonomik, ki i kapab byen pey son Staff e fer sir  – e anploy en pe plis Staff e fer sir ki pa bezwen al rod dan sa Fon pou li kapab pey sa Trezyenm Mwan.  Me ki sa i  vin atraver son profitabilite.   E son profitabilite, i vin de lapar bann anplwaye, alor ler ou pe donn bann anplwaye sa Trezyenm Mwan  mon krwar i enportan pou nou dir ki sa se pa ni en kado, ni en kado Nwel ki Lasanble pe fer, oubyen ki Gouvernman pe fer, me i vin avek son responsabilite.  E mon krwar ki nou pa kapab evite met sa pwen devan akoz lemoman ki en anplwaye – lemoman ki travayer i pran sa Trezyenm Mwan koman en keksoz ki zot ganny drwa  – en keksoz ki en lobligasyon ki fodre lasosyete i donn zot, mon krwar ki nou pou mank lespri ki deryer sa Trezyenm Mwan.

Alor mon kontan sa bann provizyon dan sa Lalwa ki fer ki i annan en minimonm letan ki en anplwaye i bezwen reste dan lanplwa, ki kalifye pou sa peyman.   E sa donk mon krwar i en premye pa anver responsabiliz, en anplwaye e ler sa anplwaye i konnen ki dan sa  lanplwa kot iété, i pa ganny sa Trezyenm Mwan, akoz i pe prodwi – e donk sa biznes i kapab pey li, i ava pli anvi reste dan sa biznes olye al dan en lot ;- kot  kekfwa i ava en pti pe pli problematik pour li ganny son peyman akoz parey nou dir sa sibvansyon –  sa support fund pa pou la eternelman.  I pou la pour en peryod letan, pou les tou bann biznes pou kapab aziste zot lekor e rantre dan profitabilitepour ki sa Trezyenm Mwan i pa vin en  drain lo zot finans.  Alor an mezir ki ou pe protez bann pti biznes ki annan problenm, i annan osi met responsabilite lo anplwayer e fer sir ki zot pa zis antre sortie dan biznes tel parey zot sanz zot lenz e  ekspekte ki sak fwa ki zot pou fer detrwamwan dan en biznes, zot pou ganny en peyman detrwa mwan, zot Trezyenm Mwan.  Pa pou mars koumsa. E keksoz ibezwen mars dan en fason bokou pli disiplinen – e bokou pli dan lavantaz travayer e anplwayer akoz travayer ek anplwayer parey zot konnen i de parti – dan menm mekanizm ki fer sa biznes  marse.

Mr Speaker, donk an gro, mon  vwar en bon balans dan sa Lalwa.  Mon vwar en lanvi lo par   tou bann dimoun ki’n donn lide e bann ki’n konsey Minis ek lezot pou annan sa balans.  Pou annan en reward  akoz I annan en logmantasyon dan prodiktivite e non pa zis en fardo lo anplwayer e en kado lo  anplwaye.

Tou lede pou bezwen mars ansanm  – pou annan sa sinerzi ki pou fer ki ler sa nou vo Lalwa, akoz sa provizyon parey nou’n ganny dir – i en provizyon tranzitwar ziska ler nouvo Employment Act i vin an plas e la nou  ava’n konnen ki manner sa keksoz pou marse;- nou ava met li annord ki ziska sa moman responsablitie ava ganny mete – prodiktivite ava kapab ogmante pour ki sa reward i vin dan en fason bokou pli fasil.  An  plis ki sa ki mon fek dir,  Mr Speaker, i annan 2 keksoz ki  mon pa vwar dan sa provizyon e ki mon ti a kontan vwar ankor enn fwa pou protez anplwaye ek anplwayer.

Premyer lo proteksyon anplwaye, mon pa vwar en sistenm kot en  travayer ki pa’n clock son 12 mwan, me ki ganny met deor, par son anplwayer mal a propo  ki pou ganny son Trezyenm Mwan  pro-rata.  Alor mon ti a demann avek bann ki responsab pou at least fer sir ki akoz nou konnen ki tou bann tel problenm ler ou ganny met deor, ou bezwen al devan Minister ki Minister ava pran sa an konsiderasyon pou fer sir ki personn pa perdi son  Drwa.

Dezyenmman,  e sa lo kote anplwayer, mwan mon ti a kontan vwar en sistenm  evantyel kot anplwayer i kapab pey sa Trezyenm Mwan pa neseserman tou en sel kou an Desanm, me ki zot kapab pey swa par morso atraver lannen an konsiltasyon avek zot anplwaye oubyen ki sa i ganny peye lo sak lanniverser ki sa anplwaye in ganny anplwaye.  Donk sa i ava kapab spread the pain parey nou dir an Angle pour ki biznes pa pou vwar zot kwense en sel kou tou ansanm.  Sa se mon krwar bann keksoz ki ofir e an mezir  – fer sir ki nou pe bouz from sa prepozisyon  ozordi ;- akoz sa pozisyon ki pou dan sa nouvo Employment Act ki nou’n ganny dir pou ganny anmenn devan an 2017 e ki pou  pran an konsiderasyon sa bann zafer, nou ava’n kapab etablir serten lareg e vwar ki mannyer keksoz imarse.

Alor Mr Speaker, mon ti a kontan koman en dernyen parol, dir avek bann anplwayer ki  malgre ki sa pou vin koman en  ‘’plis’ ki zot pou bezwen peye pa vwar li dan en fason negatif, me plito servi sa loportinite pour zot egziz prodiktivite avek zot anplwaye e mon  ti a kontan dir avek bann anplwaye – pa trouv sa koman zis en kado – zis en don  – zis en benefis  – zis en detrwa ki zot annan, me osi remarke ki sa i en keksoz ki pe vin koman en lavantaz pour zot  – rann sa lavantaz dan plis disiplin – dan plis prodiktivite e dan plis responsabilite  dan zot travay.

Mr Speaker, mon annan enn de propozisyon pou fer taler ler nou a vin lo bann amendments, me avek ou permisyon mon ava aret la lo bann gran prensip sa Bill pour lemoman.

Mersi.

 

MR SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon ava sey ase bref lo mon bann pwen.

Premyerman, mon ti a kontan dir ki mon ase dezapwente avek pozisyon  Minister Lanplwa.  E avek respe mon ava dir zot akoz mon dezapwente.  Par kont mon rekonforte avek pozisyon Onorab De Commarmond – avek Onorab Georges ki’n  pran en lapros bokou pli egaliter;- dan sans ki nou pe rode ki nou kapab gannyen pour tou dimoun – kot i kapab annan en win-win situation.   Minister Lanplwa malerezman e avek respe, malerezman Minister Lanplwa i ankor pe portre son lekor koman en Union pou Travayer.  Konmsi ki donn ou lenpresyon ki zot pa pe sezi tou sa difikilte ki en anplwayer osi i annan.  E nou sey rode sak fwa ki nou donn en benefis en kote nou sey gete ki mannyer sa benefis pou vini – konmsi nou ‘n koz lo bann Drwa travayer, me selman Minister ler in fer son prezantasyon in met de kote, sa laspe biznes pou kontinyen  progrese.  E pour mwan sa i  fatig mwan akoz nou konn tre byen ki’n arive avek Drwa Zanfan.   Nou’n al lo Drwa Zanfan pandan 25an – pandan 29an e finalman nou’n vwar poudir zanfan in ganny zis Drwa e zot in nepli annan responsabilite.  Mwan personalman, mon pa 100 poursan konfortab avek sa Lalwa mannyer i ete,  e mon ti a kontan dir ki ozordi i fer 2enm Lalwa ki nou pase, ki  vin en premye pa apre nou pou aranze –nou ou finetune.  Mwan mon ti a kontan partaz avek Gouvernman a lavenir dan sa Sizyenm Lasanble  ki ler nou pran sa pa laprosenn fwa, i pa ni en premye pa  – ni en dezyenm pa. Sa pa ki nou bezwen nou fini fer li e nou met tou nou keksoz ladan  e sa ki donnen i donnen – sa ki gannyen i gannyen i resevwar  – tou dimoun  i vwar li en pe satisfe ladan.

Ozordi mwan mon santi  ki nou pa’n ase  – apard Onorab Georges, nou pa’n ase – konmsi dir avek biznes bann anplwayer ki nou  pa’n ase ekskiz nou lekor vizavi bann anplwayer pou dir, zot ki i annan bann keksoz  – bann kontre parti ki  zot merit gannyen,me solman vi ki sa bann keksoz i en pe prese nou pa ankor fini donn zot tou sa bann keksoz.  E nou bezwen.  E la mon santi – par egzanp mon revin ankor lo Onorab De Commarmond, mon vwar klerman en dimoun ki’n dan biznes e avek respe bann dimoun ki pa’n dan biznes e  mwan en zour mon ti a kontan vwar en Gouvernman kot i annan bann  dimoun ladan ki’n dan biznes zot osi ki’n vwar ki mannyer i difisil pour en anplwayer par ler meet tou son bann lobligasyon, me solman ozordi mwan mon anvi dir avek bann anplwaye ki nou kontan pour zot. Mwan depi Zedi swar, ler nou’n fini sa Lasanble mon‘n al dormi zis avek sa Trezyenm Mwan Saler  lo mon lespri.  Ki mannyer nou kapab ganny en solisyon avek sa Trezyenm Mwan Saler;- ki mannyer nou kapab ganny en solisyon kot tou lede kote i kapab satisfe avek e finalman nou pou ariv pros avek sa.  I  pa parfe, me mon ti a kontan dir avek bann travayer ki mon kontan pour zot e mon ti a kontan kapab dir avek bann anplwayer, ki menm  si zot vwar i pa parfe nou ava sey fer li vin pli meyer o fir  e amezir.  Par egzanp,  bann  anplwayer i bezwen santi  ki nou rekonnet zot difikilte par lefe ki nou’n met en support fund.  Nou’n rekonnet ki i annan serten dimoun ki pa pou kapab alor  sa Lalwa in fer provizyon pour en support fund.  Donk i  annan sa bann keksoz ki kapab soulaz en pti pe sa sityasyon.  Me solman enn bann keksoz ki mwan mon pa’n vwar ase dan sa Lalwa se responsabilite.  Nou ankor enn fwa mon santi ki nou pe met saret devan bef.  Konmsi nou pe dir nou a  donn ou solman la nou donn ou  – travay konmsi ou, ou’n benefisye be prezan ale al travay.  Be akoz i pa kapab vin tou lede ansanm.  Nou’n donn ou ou’n benefisye si ou pa travay, la ou sanksyon ki  mannyer i ete.  Konmsi i mank…. Mon dakor Onorab Hoareau.  I ptipti.  I annan bann lezot keksoz ki kapab fer li pli …konmsi ti en lokasyon pour nou kapab fer li pli – en ledikasyon  pour nou travayer pour nou fer zot santi ki prodiktivite i  pa zis en anplwayer ki pe zis ou disan, me prodiktivite i fer grandi en Nasyon.  Koumsa ki mon ti  a kontan vwar.  Me selman malerezman nou pa’n vwar e la mon  a pran sa lokasyon pour mwan dir ki on totalman dezapwente avek Gouvernman.  Lannen pase Prezidan Michel ki’n donn  sa Trezyenm mwan Saler dan Sekter Piblik san okenn kondisyon. Nou bezwen annan en keksoz an kontre parti – san okenn kondisyon.  La ou, ou  donn mwan nanryen mwan mon donn ou.  Konmsi napa nanryen ki dir  – ki fer li vin pli responsab – ki fer li vin pli travayant – ki fer li vin pli disiplinen.   Nou’n donnen san nanryen an retour e sa pour mwan i dezapwentan.  E ler mon pe met sa bann pwen devan, mon pe anvi lans en lapel – mon pe fer en pledwari vizavi Minister Lanplwa.MinisterLanplwa an realite mwan si en zour mon ti annan en keksoz pou fer dan Gouvernman, mon ti pou met Minister Lanplwa ansanm avek Minis Biznes- donn zot en challenge pour sak fwa zot get lanplwa zot get biznes;- sak fwa zot get biznes zot get lanplwa- pou fer sir ki tou  -tou dimoun i benefisye.  Minister Lanplwa mwan mon ti ava demann zot mon pledwari ozordi se pou aret zis konport zot koman en lennmi anplwayer – en lennmi biznes – Ok?  Konmsi ki mannyer zot kapab akonpanny sa  –  pa zis si en dimoun i pares – si en dimoun i lager.  Si en dimoun ivole konmela, pour bann dimoun ki anploye, si en dimoun i vole konmela i al kot Tribinal oubyen i al kot Lanplwa parey zot dir i al kot Lanplwa  li ki ganny rezon – ou napa drwa met li deor.  Nou bezwen sanze sa mantalite.  Nou travay – nou rekonpanse me selman nou disiplinen.

Mr Speaker, mwan mon ti ava kontan terminen an fezan enn de pti propozisyon.  Sa Komite, ki pou deside lo sa support fund mon ti a kontan vwar li tripartite;- kot anplwayer, anplwayer – Gouvernman zot asize ansanm e ler zot  pran en desizyon zot pran en desizyon dan lentere tou dimoun, ok? Pour nou kapab ganny en vre benefis ler sa keksoz iarive.  Ok, mon dernyen pwen, se pour dir ki mon  santi i vreman, vreman esansyel.  Mon pa konnen si  i san Lalwa si in ganny written down, se sa posibilite pou peye sa Trezyenm Mwan Saler kan i vin due.  Sa pour mwan i vreman, vreman  enportan pou spread li out akoz i annan en kantite biznes,  ki santi pou dir si toultan mwan Seselwa i pou en lour.  So annou rod en fason pou fer li –spread li out  toulezourover the whole year.

Mon ti a kontan remersye bann dimoun ki’n travay lo sa Lalwa.  Mon ti akontan vwar en sanzman dan fason ki nou apros sa bann keksoz.  Mon ti ava kontan vreman vwar plis lanfaz ganny  mete lo lanplwa lo ki manner nou kapab protez lanplwa lo ki mannyer  nou kapab ankouraz biznes e mon ti a kontan dir avek Gouvernman finalman dan lannen 2016 epi dan lannen 2015  – 2015 – 2016 sete 2 lannen Eleksyon nou’n fer en bon pe keksoz dan faver travayer – en bon pe keksoz.  Mon krwar Minis menm in aksepte en bon pe keksoz in ganny fer.  Fek mont lapey minimonm la  ankorTrezyenm Mwan Saler.  Lannen 2017 mwan mon krwar in ler pour en lannen kot nou rekonnet bann anplwayer konmsi ki nou sey gete ki nou kapab donn  prezan, donn zot en keksoz pour zot kapab grandi zot osi e pour zot anploy pli  dimoun .So mwan mon ti ava kontan dir avek Gouvernman pa bezwen vini an 201`7 avek ankor tax – ankor presyon ankor fardo lo biznes e lo anplwayer.  La ipou en lannen  pour sa bann anplwayer konsolide e grandi e kree lanplwa.

Mon ti ava kontan remersye ou Mr Speaker.

 

MR SPEAKER

Mersi Onorab Ferrari.  Onorab Basil Hoareau.

 

HON BASIL HOAREAU

Mersi Mr Speaker.

Mr Speaker, despite the  fact ki pandan sa 2 semenn nou ti pe diskit lo Bidze enn bannpwen konsern parmi popilasyon aktyelman e mwan kot mon’n pase bann travayer in koz avek mwan sete eski zot pou gannyen zot Trezyenm mwan Saler?  Sa ti en konsern e ziska lavey Nwel mon’n antre en landrwa en dimoun i vini i demande eski nou pou gannyen sa Trezyenm Mwan Saler nou pa pou gannyen?  E mon kontan pou vwar ki nou bann travayer dan Sekter Prive pou gannyen sa Trezyenm Mwan Saler  e mon krwar i en  travay  lo tou lede kote latab e sa mon krwar i en bon siny.  E mwan keksoz ki mon vreman apresye se ki tou travayer, pou gannyen napa leksepsyon napa group ki pa pou gannyen – tou travayer Seselwa dan Sekter Prive pou ganny zot Trezyenm Mwan Saler.  E Onorab Ferrari in koz lo commitment in dir, poudir bann anplwayer pe montre zot commitment par lefe ki zot pou bezwen pey sa Trezyenm Mwan Saler, me napa commitment lo bann travayer.  Mon pou dezagree avek Onorab Ferrari poudir  poudir sa Lalwa sa lamannman ki’n ganny fer i montre pou dir i osi bezwenannancommitment lo  kote travayer.  Parski premye commitment ki sa lamannman ki sa nouvo Lalwa ki pe  vini – I annan ladan se ki pou en travayer pou nobou ganny en Trezyenm Mwan Saler fodre in nobou travay pou 1an at least avek sa anplwayer.  Savedir sa dan li menm i montre ou poudir  i pa pou zis  – ibezwen en travayer ki’n montre en commitment parske pou li travay – ok 1an i pa en kantite letan me nevertheless in montre serten komitman ki in pare pou reste ek sa Lorganizasyon pou 1an.  E si pandan sa 1an, sa anplwayer pa’n pran aksyon disipliner pou terminate li  i vedir poudir sa travayer pe perform.  So sa dan li menm i montre commitment so i pa pran kont poudir  sa Lalwa – pa pe pran an kont komitman en travayer an relasyon ek son anplwayer.         Sa i enn.

Dezyenm fason ki sa Lalwa osi pe demann en travayer pou commit – montre son komitman atraver son anplwayer se lefe ki si sa travayer i mank travay san okenn zistifikasyon i annan rediksyon ki vini lo sa Trezyenm Mwan Saler.  Annefe letan mon’n fer mon’n fer mon Maths mon pa tro bon lo Maths me letan mon’n fer mon Maths, mon’n kalkile si en travayer in ogmant apepre 12 zour  travay san zistifikasyon, i pou perdi sa Trezyenm Mwan Saler, konpletman.  Sa i pe demann sa travayer osi ou bezwen committed ou osi – ou bezwen fer sir ou vin travay parske si ou pa vini  san zistifikasyon a lafen lannen ou riske vwar ou san en Trezyenm Mwan Saler. So mwan mon pou dir ki sa Lalwa i annan en balans – i annan en balans lo  tou lede kote – lo kote bann travayer e o kote anplwayer.  Letan nou get sa Lalwa  – sa nouvo Lalwa, ki pe anmennen parey Onorab Georges in dir e Leader of  Government Business in fer sorti, i  pe pare pou asiste bann anplwayer ki pa dan en pozisyon pou pey sa Trezyenm Mwan Saler, avek sa nouvo Lalwa.  Nou konpran poudir i annan biznes ki petet i pa pou kapab tenir sa sekous ki sa nouvo Lalwa i anmennen lo li e alor i annan en mechanism an plas – sa Komite ki ganny etabli e sa ki byen dan sa Komite se i pa met sa lobligasyon lo sa travayer pour li al kot sa Komite pour li demann lasistans, me i met lo sa anplwaye.  E  sa anplwayer ki bezwen demann sa Komite poudir i pa  dan en pozisyon pou pey sa Trezyenm Mwan Saler e la si i satisfer bann kriter ki ganny etabli par Lalwa, i ava ganny asiste e lasistans i la, selman pour en peryod 2an, so i a ed sa bines pou debout lo son 2 lipye parey nou dir e i a nobou progrese e al de lavan.

E Mr Speaker, parey mon’n dir wi nou pe travay lo tou lede kote latab nou pe travay ansanm e sa i ti en promes Parti Lepep, – en promes ki ti ganny fer 2015 e ozordi, Prezidan Faure pe delivre lo sa promes.

Mersi Mr Speaker.

 

MR SPEAKER

Mersi Onorab Hoareau.

Onorab Henrie.

 

HON GERVAIS HENRIE

Mersi Mr Speaker.

An se ki konsern sa Prozedlwa ki devan nou mon pa pou tro long osi –i annan zis  2 pti pwen klarifikasyon  solman mon ava dir dabor mon kontan ki mon vwar ki Gouvernman in ekout bann kontansyon ki ti annan devan nou Lasanbleletan sa Bill ti vini dernyen fwa e ki in retourn devan nou.  Mon krwar sa i en bon legzersis pour demokrasi parske i montre nou ki pli devan letan nouanmenn bann lezot oubyen avan nou anmenn bann lezot Prozedlwa, i enportan  ki i annan konsiltasyon e mon kontan osi ki sa konsep ‘white paper’dezormen pou vin en norm kot piblik ki pe ekout nou, osi ozordi zot a kapab partisipe e enn sa bann Lalwa kot piblik i kapab a-port zot kontribisyon Mr Speaker, se access toinformation ki piblik i deza pe ferzot kontribisyon.

Sa ki mwan mon ti oule  demann Minis, dabor i en pe konsernan sa parske i annan bannlamannman ki’n vin la bomaten prezan ki nou pe vwar.  Anfet enn mon bann pwen  la Onorab Georges in  port mon latansyon  lo en keksoz.  Me solman ankor imontre ki zot bezwen anmenn bann keksoz en pe pli boner, ki nou tou nou kapab fer bann kontribisyon valab koman bann ManmLasanble ganny letan prepare, konsilte avek bann dimoun   dan distrik.

I annan sa pwen kot i dir workers  whose basic salarywho is above an amount as been prescribed by the Minister ki ganny dan  sa clause  (9) me solman i baze lo amannman  ki’n sanze pou vin 8 – sa  i en  keksoz ki  mon rapel depi dernyen fwa nou ti ensiste ki Minis i dir nou ki  kantite ki zot anvi  prescribed by the law e la ankor enn fwa i vini san en figure spesifik so mon ti ava kontan ki i eklersi lo la.

Apre konsernan ok i kapab vin dan (S1) mon pa konnen si i en keksoz ki nou koman en Lasanble nou anvi aksepte ki si zot anmenn li dan en (SI), i ava donn nou en leksplikasyon lo la.

With regards to the 13thMonth Pay Committee,  mon ti ava kontan demann Minis en leksplikasyon lo la, ki mannyer sa pou marse.  Dan Bidze aktyelman nou’n ganny dir poudir i annan bann Lakonpannyen par egzanp ki annan Kontra ek Gouvernman, par Egzanp Sekirite, Cleaners e zot gouvernman in pran an kont sa so in fer en Provizyon dan Bidze ki apepre R16.9 milyon, ki pou kapab re aziste Kontra sa bann Lakonpannyen pou kapab pey zot bann travayer 13th Month Salary.  Sowith regards to sa 13th Month Pay Committee, eski  nou pe anvizaze vwar en supplementary ouswa dan ki provizyon Bidze sa pou sorti  – dan CRS kote pou sorti  pou kapab fer sa kontribisyon.  E apre i pe donn bann anplwayer,  – konmsi ou  pa pou kapab fer bann claim plis ki 2 fwa – 2an en.  What happens to them after that?  I mean i annan biznes tel ki pa pou kapab so ki pou arive avek zot apre  sa 2an?  Swa zot pou fer monte zot servis – swa zot pou bezwen fermen.  Sosa osi mon ti ava kontan ganny en pti lesplikasyon lo la.  E apre zis en pwen mon ava ranforsi lo sa ki Onorab Ferrari  in dir, avek mon krwar Onorab Georges osi in mansyonnen sa – sa zafer la Lalwa in prevwar ki  by le 31 Desanm, ou bezwen peye.  Plizyer biznes ki mon’n koz avek  ki zot fer sa – par egzanp letan zot travayer  i ganny  zot laz, zot donn li  – konmsi i spread over the year  sakoz zot cashflow, pou ganny afekte so sa i en konsiderasyon konmsi ki merit ganny regarde.

So avek sa Mr Speaker, mon ti ava aret la e zis ankor repete ki mon krwar bann Prozedlwa parey ki dan lentere piblik i vin  devan nou Lasanble en pe pli boner ki  nou tou nou ganny sans donn en kontribisyon en pe pli valab  olye ki zis tay avek  dernyen minit.

Mersi bokou.

 

MR SPEAKER

Mersi Onorab.  Avan nou donn Minis laparol pour son Reply, mon a donn Onorab Ramkalawan en sans pou koze apre Minis ou a reponn.

 

HON WAVEL RAMKALAWAN

Mersi bokou Mr Speaker.

Mr Speaker, mon ti ava  kontan premyerman, dir ki sa legzersis ki nou’n fer depi dernyen fwa ki nou ti diskit lo sa size Trezyenm Mwan, pou  mwan mon’n konsider li koman en legzersis itil – en legzersis pozitif.  Mon krwar ki  malgre ki premye fwa ki Bill ti ganny prezante, ti annan petet en pe plis lanimozite dan Lasanble   – petet zot ti annanen  pe plis sa lide ki mannyer zot pou score bann pwen politik.  Mon kontan ki depi sa moman, nou’n kapab koman bann Manm Lasanble, e osi lo kote Gouvernman nou’n kapab  avek lespri fre reflesir e regarde ki meyer konteks ki nou pou anmenn devan e mwan mon  krwar ki poudir sa ki ozordi nou pe prezante, i en keksoz akseptab.  I en keksoz akseptab e mon kwa nou kapab bouz devan avek.  Pandan deba lo Bidze nou’n met bokou lanfaz lo ki mannye  Seselwa pou ganny lanplwa – ki mannyer Seselwa  i a kapab pran plas bann etranze ki pe travay dan nou pei.  Nou’n koz lo bann lapey.  Tousala nou’n fer li dan lespri kot byensir letan nou pe regard Bidze se dan kote Egzekitiv – se dan kote Gouvernman,  me solman mon krwar nou’n fer li avek sa lespri ki nou ti ava kontan ki nou Seselwa i vreman pran kontrol nou lekonomi.  Nou anvi ki nou Seselwa  i pran sa loportinite – tou loportinite ki devan li pou li travaye e pou li  kapab nouri son fanmir e ki sa larises  ki nou pei ikree  i pa ava zis pe pas atraver bann Labank e pe kit nou pei.

Alor mon krwar an dizan sa,  e la mon zwenn Onorab De Commarmond dan sa ki in dir, mon krwar  en mesaz se ki pour nou dir avek Seselwa nou anvi en workforce ki serye.  Nou fatige tann dir,’’Travayer Seselwa pa kapab kont lo li;- travayer Seselwa i pares; travayer Seselwa i se si ; travayer Seselwa i sela.’’

Mon krwar ki nou koman en Lasanble nou anvi e i nou drwa pour nou dir avek tou Seselwa san eksepsyon annou pran travay dan en fason serye.

E vwala la Mr Speaker,  sa i enn bann rezon  – mon kontan dir ki Prizon –  bann dimoun ki dan Prizon – bann prizonnyen fodre pa ki zot lev 10er bomaten.   E zisteman se parske zot in lev 10er bomaten ki kekfwa bokou zot i dan Prizon.  Fodre parey ou avek mwan nou tande letan 5er bomaten i sonnen.   Akoz nou konnen ki poudir 5er bomaten mon bezwen pe komans met mon lespri annord – mon bezwen pe komans fer en refleksyon- bann ki krwayan pe sey anvoy en pti mesaz pli o pou nou kapab ganny gidans Le Tou Pwisan e an menm tan osi pou nou kapab balans nou lazournen.  So i enportan pou nou Seselwa, konpran sa konsep.

E la mon anvi felisit bann bon travayer Seselwa-bann Seselwa ki fer en travay onnet ki fer en travayer nob  – bann Seselwa ki azir dan en fason konsyansye.  Ok bann travayer ki fer en travayer konsyansye e se sa bann travayer ou konnen Mr Speaker, menm si ti napa  Lalwa TrezyenmMwan, zot anplwayer ti pou rekonpans zot.  I annan bokou zot e parske mon konn en kantite zot e emon konnen ki zot bann dimoun konsyansye e zot deza pe ganny menm sa rekonpans.  Me sa Lalwa iozordi danen serten sans i formaliz bokou sa bann Konpansasyon i osi anvoy en mesaz  pour bann travayer mon krwar i ava ed e pou nou ranforsi sa relasyon ant travayer ek anplwaye.

Mwan osi mon ti ava kontan felisit bann Lakonpannyen ki deza pe rekonpans  zot bann travay.  Bann bon travayer  lo en kote me bann Lakonpannyen ki letan zot in fer profi  zot pa kit tousala pour zot, me zot osi partaz li avek zot anplwaye e sa i fer ki  sa dimoun li osi tou i kapab ganny keksoz.

I annan serten Lakonpannyen wi zot fer li lafen lannen. I annan serten Lakonpannyen  zot fer li pandan lannen zot spread li out e alors  tousala i  bann diferan fason.  E menm Mr Speaker iannan bann lakonpannyen  ki letan in ariv lafen lannen  – letab zot  fer parti pou  zot bann travayer, zot osi met bann pri enteresan- annan tiket pou al deor – sepa en wikenn sepa ki landrwa e tousala i tonm lo sa Lakonpannyen e byensir li i fer son demars ki mannyer pou fer  li;- me selman bann travayer ikapab enjoy dan en fason.  Mon krwar ki se sa ki nou Lasanble pe rode – set en bon  lantant ant travayer avek anplwayer. E sa in ganny fer resorti par bann dimoun avan e travayer i santi poudir ibezwen travayer i bezwen  konsantre  – i bezwen konsyansye. E lo lot kote en anplwayer ki santi i bezwen rekonpans se travayer akoz enn pa egziste san lot.  Enn pa egziste san lot e alors i en partnership  nenport ki fason ki nou regard li.

Mr Speaker,  petet  i annan serten travayer i pou dezapwente letan poudir ki ou bezwen  ki ou’n travay 1an avan ki ou kapab ganny sa Trezyenm Mwan.  E la i  enportan pou nou fer sa travayer konpran byen kler.  Sa i apel Trezyenm Mwan Saler.  Me pour ou ariv Trezyenm Mwan i bezwen annan douzyenm Mwan.  E alor  pa bezwen pran sa konmsi nou pe fer diskriminasyon ensidswit. Pou ganny 13enm ou bezwen annan 12.

E la Mr Speaker, i bezwen vin en pe parey pour bann travayer pou  zot dan en landrwa travay, pou zot claim Konpansasyon zot bezwen servi 5an.  Tousala se bann fason poudir i bezwen annan sa partnership ki   sa landrwa travay i pa ganny li  en travayer la – I train sa travayer e apre  sa , sa travayer zis ki kite i ale – oubyen sa travayer i santi  poudir mon landrwa travay mwan zis mon vini pou mwan ganny mon larzan.   I bezwen mars dan en partnership e mwan koman en Leader mon bezwen met sa devan travayer e an menm tan, osi mon bezwen met devan bann anplwayer, ki poudir i pa  akoz ki ou pre pou donn  en dimoun en keksoz ki ou pous li.  E la mon plis ki sir – e mon osi mon pou ensiste ki bann dimoun ki ganny pouse malapropo letan i pre pour zot ariv zot 12 mwan ki letan Employment Tribunal, i vwar ki poudir sa dimoun in ganny pouse malapropo  i pou dir sa eleman Trezyenm Mwan i osi  form parti sa peyman, ki i bezwen  donn sa travayer akoz sa I apel en lenzistis e nou pa la  pour nou toler okenn lenzistis.

Mr Speaker, ivre ki anba Lalwa  ki mannyer i ti ete avan, i ti pou annan serten dimoun ki pa ti pou ganny sa Trezyenm Mwan e  la  mon anvi dir ki sa in form parti sa konba ki nou’n anmennen, kot nou’n met devan pou fer sir ki tou dimoun in ganny li e san ki  sa bann landrwa travayer zot ganny afekte.  E sa mon krwar i enportan.  Letan nou pe regard  lo sa size, la nou’n fer rantre sa eleman ki poudir i annan sa Fon – sa Fon ki pou asiste bann landrwa travay ki zot ganny difikilte  pour zot peye.  Me Mr Speaker, la mon ti ava dir i enportan osi – i  enportan osi ki Minister Lanplwa  -bann ki pou ansarz bann pti biznes pou osi pandan lannen parske la nou pou annan nou letan devan nou, pour zot regarde ki mannyer sa bann pti biznes kwa konmsi ki fer zot ganny problenm   – spesyalman sa bann ki pou fer laplikasyon pour zot ganny sa larzan pou pey zot travayer.  Sey regarde akoz zot pe ganny problenm?  Eski i dan zot management menm ki zot pa konn manage zot biznes?  Eski  zot dan en biznes ki napa lavi konmdi koze?   Ki alor petet redivert zot dan en landrwa kot  konmsi zot ava ganny plis lavi  e alor zot cashflow zot ava ganny plis income? Regarde en pe ki sa bann problenm parski an menm tan osi  – well letan nou a vin lo amannman – nou a pe dir ki nou pa pou kapab lannen vini – lannen apre pe konmsi Gouvernman ki pe run en biznes pour en dimoun, parski i bezwen kapab regarde ki ekstravagans ki i  pe fer – koupe redesann lo en nivo ki  akseptab pour li kapab sorti ladan.  Me an menm tan osi, i osi parfwa ki annan bann zafer Cartel.  Ou konnen mon’n ganny en mesaz sorti kot en dimoun ki dan en biznes lwe bato- bann charters e i en dimoun  ki Praslin e i rakont mwan konmsi ki mannyer li i a pe sey fer deboury li koman en pti biznes.  I a pe seye.  Me selman i trouv li – li I pe pey son license – li i pe pey tou keksoz me i trouv li pe fer fas avek bann dimoun ki ilegal-   bann dimoun ki ilegal ki pa kontrole ;- alor li letan i pe pey son license i annan tou sa bann soz sekirite, e i  a pe sarz en dimoun dizon,  25 Euro – i  pe fer sa, akoz i konnen poudir sa i kouver, tax pour son biznes ensidswit – tou bann lezot zafer.  Alor sa osi tou, mon ti ava demande ki nou regard ladan.  Nou pe osi dir avek bann anplwayer, prepar zot lekor – plan zot biznes absoliman parey zot plan  si en dimoun pou pey Konpansasyon ki pe ariv 5an ensidswit – spread li out pour zot nobou ariv lo en keksoz.

Me letan  mon  pe terminen mon it ava osi kontan dir ki bann biznes parey dan nou mantalite Seselwa, annou pa akoz nou dan en biznes krwar ki poudir tou larzan ki  nou ramase nou turnover.  Pa krwar ki poudir turnover i profi.  Annou pa melanz turnover avek profi.  Annou realize ki poudir turnover i annan det pour nou peye.  E ki si nou pa sort out nou bann det, nou papou kapab ariv lwen.  E parey mon pe dir malerezman sa i mantalite Seselwa, letan in fer en parti bann dimoun ki annan plis larzan- letan i fer Premyer Konminyon ensidswit, nou fer en pti keksoz pou nou zanfan.  I annan serten dimoun ki pli napa zot menm, zot ki bwar sa pli gro Blue Label ensidswit.  Mon pa pe  soz me solman mon pe dir la kot nou ete dan sa lavi in ler, pou nou fer bon refleksyon pou nou konnen ki mannyer nou avans devan.

Avek sa detrwa parol, Mr Speaker, I’m sure pandan Committee Stage, nou ava fer serten keksoz me mon krwar ki i enportan pour nou koz lo sa partnership en real partnership e ki tou lede kote – tou lede kote i benefisye e nou lafors travayer Seselwa i ganny  rekonpans ki zot merite   e biznesdan Sesel  i kontinyen grandi pou ranforsi nou lekonomi.

Mersi bokou.

 

MR SPEAKER

Mersi  Onorab nou a donn laparol Minis Cosgrow.

 

MINISTER WALLACE COSGROW

Mersi Mr Speaker.

Mr Speaker, mon ‘n ekout atantivman Manm Lasanble.  Mon ti a kontan remersi nou 2 Leaders dan Lasanblepour zotkontribisyon byen pozitif  e osi bann lezot Manm ki’n koz  an zeneral ki’n koz pozitif lo sa Prozedlwa ki devan nou.  Mon ti’n entrodwir bann nouvo lamannman an bref ler mon ti’n  fer mon len tradiksyon e  mon ti pe hope ki mon kapab al an detay en pti pe plis – donn plis leklersisman pandan Committee Stage kot si i annan okenn kestyon  nou a kapab diskite, koze e si fodre kot fodre amande – amande.

Me Mr Speaker, mon krwar i annan detrwa pti keksoz ki’n ganny fer sorti ki mon krwar dan mon Right ofReply  touse san ki mon fer en gran speech si oule.

Enn bann pwen ki’n sorti dan diskisyon  se mon krwar  in sorti avek Onorab Georges e osi avek Onorab Henrie, konsernen sa kantite larzan ki en dimoun i gannyen ki i pa pou  se saler si oule ki en dimoun i gannyen ki i pa pou benefisye avek en Trezyenm Mwan Lapey.  Mon ti a kontan reasir zot ki poudir nou’n pou insert li dan en Regilasyon.  Nou’n prepar deza en Draft Regilasyon ki   pou enkorpor sa ladan akoz i pou kapab annan bann lenstans kot sa i sanze. E  nou pa pou bezwen vin devan Lasanble tou lazournen nou kapab fer li an Regilasyon, me solman  lespri i reste ki si i annan en nesesite pou sanze Regilasyon i ava sanze pou monte or pou desann.  An se moman, lakantite lavaler larzan ki nou met dan sa Regilasyon i  lavaler 9 fwa minimonm wage  – ler mon dir minimonm wage se sa minimonm lo en semenn 35 erdtan – savedir R5050 – minimonm wage 9 fwa.  An tou I tonm R45, 500. So  sa nivo saler ki ganny exempt from 13th Month Salary.  Savedir sa i Lalwa.  Sa ivin labaz ki Lalwa i donnen.  Me parkont si en anplwayer I deside li donn son travayer malgre ki  i ganny sa kantite larzan, en 13th Month  Salaryfree pou li fer.  Mon’n tann Onorab Georges taler in donn detrwa sif  35, 40, 30 e ler mon ti vini lot fwa mon  ti dir en saler par lao R40 mil me  nou ti ankor pe fer serten desizyon e la nou’n come up avek en figure ki’n definir.

E osi lezot pwen par egzanp mon’n tann Onorab Ferrari ki in dir ki i dezapwente ki nou  operate koman plizoumwen en Union pour ravayer, mon ti a kontan asir Onorab e asir tou Seselwa e anplwaye an zeneral ki pe ekoute ki nou travayer pou tou  – pou travayer e anplwayer.  Nou annan en Lalwa Lanplwa ki get dan  pou tou travayer e anplwayer  e i annan bann diferan provizyon Lalwa Lanplwa ki si en dimoun – en travayer i santi parey Onorab Basil Hoareau in dir  ki si en anplwayer i santi ki son travayer pa pe perform ouswa i annan  serten mankman  –  i annan serten provizyon dan lalwa ki ou kapab deal avek ou travayer.  E i zis sifi ki  anplwayerzot osi zot met zot azour avek Lalwa.  Zot met zot azour.  Zot pa pran bann desizyon ki konmsi dan lakoler – ouswa pran en disiyson vitman.I annan en kantite proiziyon dan lalwa, ki kapab ed ou pran en desizyon kont ou travayer.  E parey in ganny dir nouvo Employment Bill pou vin devan Lasanblee i annan bann provizyon ki nou’n mete ladan ki mon krwar i pou osi dan faver  travayer dan sa lespri travayer ansanm – prodiktivite ki 2017 nou kapab travay lo la  – byen boner 2017  e ki nou kapab fer nou bann input ladan.  In annan osi serten query sorti kot OnorabHenrie  sirtou lo kote the 13th Months Pay Committee.  13thMonths Pay  Committee mon ti koz en pti pe an bref lo la dan mon lentrodiksyon.  13th Months Pay Committee i ava ganny etabli  par Minis Finans an konsiltasyon avek Minispour Lanplwa e i ava ganny met ansanm an anmennan tou parti konsernen.  I annan propozisyon ki  nou enkli  reprezantan travayer avek anplwayer lo la.  Nou ava kapab diskite  – gete si sa Ii fezab.  Mon pa vwar okenn problenm avek sa  dabor.  I pou annan reprezantan Minister Finans – reprezantan SRC – reprezantan Minister Lanplwa  ki kapab ansanm lo sa Komite  fer bann desizyon kot I konsern bann laplikasyon ki vin  devan  Committee.  E ki mannyer ipou marse se ki bann anplwayer i ava submit en laplikasyon dan en prescribed form ki Komite i ava met devan e  zot ava fer li dan en dele letan ase rezonnab pou donn Komite ase letan pou kapab travay lo sa.  E zot  a kapab donn zot en larepons avan ki sa Trezyenm Mwan Lapey i  due.  So propozisyon ki nou pe fer se ki zot fer  3 mwan davans savedir at least an Oktob  ou komans prepare ou lekor ou anvoy ou laplikasyon devan Komite e Komite li i  ava  get sa laplikasyon i annan 1 mwan  pou li rann ou en larepons.  Ok baze lo bann lenformasyon ki ou bezwen supply sa Komite.

E so sa Komite I pou koumsa.  E prezan Komite pou entertain claims  from en anplwayer  pa plis ki  2 fwa pa plis ki dan 2an konsekitiv.  Sa i avek lespri ki nou pa er bann anplwayer lo depandan Gouvernman, me zot osi rod en fason pour zot striktir zot biznes. Si biznes apre 2an zot  pa pe kapab kontinyen cater pou sa i bezwen annan serten problenm striktirel avek sa biznes zot bezwen revwar zot biznes – revwar zot  pri ki zot sarze e re azite zot biznes pou kapab enkorpor en eleman Trezyenm Mwan Lapey dan zot biznes.

So se sa ki  i annan sa bout 2an.   E mon ti  a zis kontan fer resorti osi ki Trezyenm Mwan Lapey i vin due le 31 me solman i pa bezwen neseserman ganny peye by le 31 Desann.  Lalwa pou donn loportinite   ki i ganny peye at least by le 31 Zanvye e sa lannen nou pe donn en extension ki  pour lannen prosen at least by le 31 Mars tou in bezwen fini ganny peye.  So,  donn anplwayer en dele letan ziska le 31 Mars pour zot kapab afektye peyman.  Mon pwennvi e  pwennvi bokou dimoun ki nou’n konsilte si nou spread en Trezyenm Mwan let’s say over detrwa mwan over menm 12 Mwan si nou donn li tou le mwan en pti morso mon krwar idilute en pe sa lefe Trezyenm Mwan Saler e i  pa vin en Trezyenm Mwan Saler si oule.  So se pour sa rezon  ki nou pa’n vin avek sa eleman spread li over en pe letan.

So mon krwar mon’n klarifye en pti pe serten dout ki ti annan dan Lasanble.

An zeneral Mr Speaker,   parey mon‘n dir mon kontan pou vwar ki nou’n nobou diskite – nou’n nobou tonm dakor ansanm – pran pwennvi kanmarad e  nou’n vin avek sa Prozedlwa  ki la.  E mon kontan vwar  poudir mazorite  dimoun in  koz an faver menm si zot annan serten rezervasyon me zot  lentervansyon i plizoumwen an faver sa Prozedlwa.  I annan zis en pti bout ki mon’n petet manke, me mon ti’n ganny demande konsernan Bidze kote pou ganny sa larzan?  Minister Finans dan Bidze pou bezwen rod en fason  – en larzan pou kapab ganny met a dispozisyon. Parske sa in vin apre ki Bidze in fini fer so Minister Finans  in donn komitman pou rod en  larzan avek laprouvasyon Lasanble sirman pou kapab cater pour sa .  Me si larzan pa ase nou bezwen vin devan sa Lasanble osi pou ou kapab demann sa Lasanble pou nou cater pour sa provizyon ki la.  So Minister Finans in donn komitman pou kapab al rod sa Bidze pou kapab cater pou sa ki nou pe demande.

So an zeneral Mr Speaker parey mon’n dir mon vreman apresye mood  dan Lasanble ozordi e  mon en pe pli relax ki lot fwa  e mon krwar  –  mon pozitif ki ozordi Lalwa i ava ganny pase e ki travayer Seselwa i a benefisye e anplwayer osi  mon krwar dan le firt ei i ava vwar en workforce en pe pli prodiktif parey nou tou nou a anvi vwar e  nou ava kapab bouz de-lavan.

So Mr Speaker, avek sa mon a dir tou Manm Onorab mersi e  mon krwar nou pou bouz dan en lot staz apre sa.

Mersi bokou.

 

MR SPEAKER

Mersi  Minis Cosgrow pour sa bann pwen  leklersisman   lo  bann pwen ki’n ganny lev-e.  Eski mon krwar la prezan nou  a vot lo merit.

Tou bann ki dakor lev zot lanmen?

E Clerk  i a konte.

Clerk?

 

MADAM CLERK

Mersi Mr Speaker.  Mon’n rikord 28 manm ki’n vot an faver.  Mersi.

 

MR SPEAKER

So the merit of the proposed amendment to the Employment (Amendment) Bill in pase.

Mon a ganny mwan en Formal Second Reading.

 

MADAM CLERK

Mersi Mr Speaker.A Bill of an Ac to amend the Employment  Act Cap (69) enacted by the  President and the National Assembly.

 

MR SPEAKER

Mersi.   Mon a propoze ki nou pran en short Break apre nou ava kontinyen.  Ouswa nou al lo Committee Stage  apre nou kontinyen?

 

HON CHARLES DE COMMARMOND

Non formally  nou antre dan Committee Stage  – nou pran en Break pour en serten konsiltasyon apre nou a fer parey taler nou a report.

 

MR SPEAKER

Tre byen.  Sergeant-at-arms nou ava antre dan Committee Stage.

Yes Onorab De Commarmond.

 

HON CHARLES DE COMMARMOND

Mr Speaker, anba Order 91 (1) nou Standing Order mon oule move    ki nou sispann Order 67 (1)  pou permet bann amannman lo sa  Bill ki devan nou ganny aksepte dan nou Lasanble.  Akoz i napa son 72hours so  si nou ti kapab segonde e vot lo sa propozisyon.

 

MR SPEAKER

Okenn dimoun i segonde?  Onorab Sebastien Pillay,  ok?  Napa lobzeksyon.  So nou  a pran en vot lo la.

Silvouple tou bann ki dakor lev zot lanmen?

Clerk?

 

MADAM CLERK

Mersi Mr Speaker.  Mon’n rikord 27 Manm ki’n vot an faver.  Mersi.

 

 

MR SPEAKER

Savedir sa  proposal par Leader of Government Business in ganny aksepte nou kapab pran en Break.  Nou pou retournen 4.15pm.

 

 (BREAK)

 

MR SPEAKER

Bon byenveni tou dimoun.  Nou  a re kontiny nou deba.  Nou lo Staz Komite prezan nou  pou diskit lo bann lamannman. E laparol  Onorab De Commarmond.

 

HON CHARLES DE COMMARMOND

Mr Chair thank you.  Pandan Break Mr Chair, the Bipartisan  Committee, in konsider bann amannman ki ti devan nou Lasanble – plus the  typos – i ti annan  enn de pti typos osi  ki’n ganny fer e anba lamannman in ganny aksepte.  Mon anvi demann nou Komite – nou Lasanble pou konsider dan Committee Stage  sa bann lamannman ki’n ganny propoze alor.    Mersi.

 

MR SPEAKER

Eski i annan okenn dimoun ki segonde?  Wi Onorab Pillay i segonde.

Ok,  Onorab De Commarmond oule eksplike sa bann lamannman  pour ki piblik i konpran ?

 

HON CHARLES DE COMMARMOND

Non mon pa ti’n vwar li neseser pou eksplike akoz tou konteni sa bann lamannman la in fini ganny diskit lo la  dan prezantasyon   Minis  – dan nou lentervansyon tousala in fin ganny enkli.  Savedir tou the Bill ki nou’n diskit lo la  an prensip in enkli deza sa bann  proposed amendments ki lo la.  Se sa an realite.

Mersi.

 

MR SPEAKER

Savedir piblik in tande taler ki deba ki ti annan.  Ok nou pran en vot.

 

MR SPEAKER

Nou kapab pran en vot.   Lev lanmen tou sa ki dakor?

Wi  Clerk?

 

MADAM CLERK

Mersi Mr Speaker.  Mon’n rikord 28 Manm ki’n vot an faver.  Mersi.

 

MR SPEAKER

Ok savedirsa propozisyon ki LGB in fer nn ganny aksepte e la nou move back to Committtee of the whole.

Yes Onorab De Commarmond.

 

HON CHARLES DE COMMARMOND

Mr Speaker, anba Order 71 (1) mon move ki  Employment (Amendment) Bill  2016 i ganny lir en Trwazyenm Fwa.

 

MR SPEAKER

Okenn Manm ki segonde?

 

HON NICHOLAS PREA

Mon segonde Mr Speaker.

 

MR SPEAKER

Onorab Prea i segonde.

Mersi Onorab Prea.

Clerk.

 

MADAM CLERK

Mersi Mr Speaker.  This Act may be cited as the Employment  (Amendment) Act  of 2016.

        Thank you. 

 

MR SPEAKER

Mersi, Clerk.

Tou sa bann ki dakor lev zot lanmen ?

Clerk.

 

MADAM CLERK

Mersi Mr Speaker.  Mon’n rikord 29 Manm ki’n vot an faver.  Mersi.

 

 

MR SPEAKER

Savedir  in pase the Prozedlwa – proposed amendment to the Employment ((Amendment))  Bill 2016 in  pase par Lasanble Nasyonal.

Mersi Minis.  Mersi PS  e mersi Special AdvisorAttorney General mon pa konnen si ou pe  esper pou prezantasyon par VP parski Vis-Prezidan pe vini.

Minis nou  a ekskiz ou.  Nou a  ekskiz Mr Baker – PS  – nou a ekskiz Ms Bresson  – Special Advisor e swet zot tou de bon.

 

THE MINISTER AND HIS DELEGATION WAS EXCUSED FROM THE HOUSE

 

MR SPEAKER

Nou a swet labyenveni  ankor enn fwa dan Lasanble Vis- President Vincent Meriton avek son PS  – Mr Alain Volcere e nou pe pran Public Bill ki lo Order Paper – Constitutional Appointment Emoluments  (Amendment) Bill, No.2   2016.  E avek sa mon a donn laparol LGB – Leader of Government Business.

 

HON CHARLES DE COMMARMOND

Mr Speaker, anba Order 91 (1) mon oule move pou sispann Order 64 (1) nou Standing Order pou permet ki Constitutional Appointment Emoluments  (Amendment) No.2 Bill, 2016 i ganny lir en Dezyenm Fwa.

 

MR SPEAKER

Mersi LGB.  Eski i annan en dimoun pou segonde?

Onorab Basil Hoareau ou segonde?

 

HON BASIL HOAREAU

I second the Motion.

 

MR SPEAKER

Mersi.  Lev lanmen tou bann ki dakor to suspend the Order parey in ganny propoze?

Clerk?

 

MADAM CLERK

Mersi Mr Speaker.  Mon’n rikord 26 Manm ki’n vot an faver.  Mersi.

 

MR SPEAKER

Tre byen, so nou suspend the Order e avek sa nou  a demann Vis-Prezidan Meriton  pou prezant the merits of the Bill Constitutional Appointees Emoluments  (Amendment) No.2 Bill, 2016.

 

VICE PRESIDENT MR VINCENT MERITON

Mersi Mr Speaker.  Bonzour Mr Speaker.  Bonzour tou bann Manm Onorab e tou dimoun ki pe eksplike.

Mr Speaker, devan nou i Prozedlwa pou amann Constitutional Appointees Emoluments  Act. Bann lamannman Mr Speaker, se pou fer desann laz ki en Constitutional Appointee  – savedir Minis Dezinyen  – Speaker Lasanble Nasyonal, Minis ek bann Manm Parlman i kapab resevwar en Pansyon sorti 63an pou al 60an. I bon note ki  en constitutional appointee pou’n bezwen  travay 48 mwan  pour li kalifye pour  sa pansyon. 

        Dezyenmman pou permet en constitutional appointee  ki’n travay 144 mwan  – savedir 12an pou resevwar son pansyon alaz 55an.

        Trwazyenmman pou permet en constitutional appointee  ki’n travay 48mwan parey mon’n dir dan premye ka – me ki rezon an deor son kontrol pour rezon maladi e maladi ganny sertifye par Lotorite konpetan – Lotorite Medikal Konpetan  ki sa dimoun i pa kapab kontinyen fer sa travay li osi i a kapab resevwar son pansyon  me la a nenport ki laz.   Apre;-

Katriyenmman Mr Speaker, pou enkli dan sa lalwa peyman saler, Gratwite ek Pansyon   pour bann Anbasader  – O-Komiser e lezot reprezantan  prensipal Sesel.

Mr Speaker, bann lamannman i comme swivan;

Premye parey mon’n dir  ki enkli Anbasader e lezot reprezantan prensipal Sesel dan group constitutional appointees. 

Dezyenm;- entrodwi saler pour sa bann Anbasader e la fodre note  ki Anbasader ki saler i an 3 kategori.

Premye kategori i step 7 salary band 13.

Dezyenm kategori i  step 5 salary Band 13. E;-

Trwazyenm kategori i  step 1 salary band 11 ki dan latab saler Servis Piblik anba Lalwa Saler Servis Piblik 2013.

Trwazyenmman Mr Speaker, nou pe entrodwir en peyman Gratwite ekivalan 50 poursan saler ki sa constitutional appointee i gannyen pour en peryod 5an e

Katriyenmman entrodwir en pansyon ki en constitutional appointee parey  mon’n nonmen i pou gannyen a en ekivalan en pti pe mwen ki lanmwatye 1 poursan savedir 5 douzyenm 1 poursan par mwan multiply par kantite mwan ki in  travay e aret a en maksimonm 180 mwan.

        Mr Speaker, nou‘n anmenn sa Prozedlwa avek konsyan ki travay sa bann endividi ki parey mon’n nonmen – Speaker, Minis Dezyenmmen, Manm Lasanble i antrenn bokou stress anvi responsabilite enorm ki asosye avek natir sa travay.  Zot pa travay 8er – 4er.  Zot annan en  kantite sakrifis  ki zot bezwen fer ki souvandfwa, i annan en lenpak negatif – i annan en lenpak advers lo zot lasante e lo zot lavi sosyal e lo zot fanmir.

Konbyen zenn dimoun ki enplike ladan ki ozordi pe tonm malad?

Mr Speaker, parey  zot konnen ki lekspektasyon piblik anver sa bann endividi i o  – i tre o .  Konsekans zot bann zizman – zot bann desizyon i annan en lenpak en enportan lo direksyon ki pei i pran.

Mr Speaker, fodre fer osi sorti ki  dan ka bann Anbasader ki nou fek entrodwir, zot osi zot travay ekstrememan anba bann kondisyon difisil – zot travay 24 lo 24 e zot bann desizyon ki zot pran – bann diskisyon  – bann reprezantasyon e bann sinyatir ki zot fer e lo non Prezidan Larepiblik, i annan en retonbe enportan  dan lavi nou pei  – devlopman ekonomik , sosyal, kiltirel e lanvironnmantal nou pei.     Mr Speaker, ler   mon pe prezant sa Prozedlwa, mon  osi konsyan lezot group travayer ki pe osi travay de long lannen  – ki pe trimouse o servis nou Nasyon  e mon ti  a kontan enform Lasanble ki lala  as we speak parey Angle i dir, i annan travay  pe ganny fer pou anmenn en pansyon spesyal ki pou tous nou bann Ansenyan – nou bann Dokter, nou bann Ners – nou bann Lapolis – nou bann Militer e nou bann dimoun   Fire Brigade.  Travay pe ganny fer e tre byento  boner lannen prosenn, sa Prozedlwa a ganny prezante avek Lasanble pou li komans vin operasyonnel an Zilyet 2017.

Avek sa 2 mo Mr Speaker, mon ti a kontan soumet sa Prozedlwa avek Lasanble pou konsiderasyon.

Mersi Mr Speaker.

 

MR SPEAKER

Mersi Vis-Prezidan Meriton.

Prezan nou a pran bann klarifikasyon  – kestyon lo merit sa Prozedlwa ki’n ganny prezante.

Onorab Ferrari.

 

HON JEAN-FRANCOIS FERRARI

Mersi Mr Speaker.

Mr Speaker,  pli boner sa lannen an Fevriye mon krwar ansyen Prezidan James Michel, ti anonse avek kantite lenerzi ki Lalwa pou ganny sanze e ki  pou koup saler,  koup pansyon bann Manm Lasanble  detrwa semenn apre en Lalwa ti ganny prezante devan Senkyenm Lasanble  e ki ti ganny vote avek aklamasyon  – ti aklanmen  – ti premye fwa dan Sesel e kekfwa premye fwa dan  lemonn kot nou ti vwar bann dimoun pe vote pou koup zot prop benefis.  Ti en nespes swisid kolektif dapre mwan.  E sa   avek respe  ki mon lopinyon ki ti ganny fer  – ti en Lalwa ki ti ganny fer par malis – par revanz – akoz detrwa mwan plito pour Eleksyon Prezidansyel, i annan serten dimoun – i annan serten Politisyen ki ti  deside ki zot pe sanz zot laliny politik e ki zot pe al fer kanpanny pour en lot  kalite politik dan en lot Parti Politik.

Bokou sa bann dimoun ti sorti dan Parti Lepep e sa ti atir en gran lakoler lo kote ansyen Prezidan Michel.  E set avek en lapros revanz ki sa bann pansyon ti ganny koupe.  Malerezman parey zot tou zot konn parol – koze ki mannyer i dir sa lakord ki anmar bef nwanr i osi anmar bef rouz.   Lekel ki ti mazinen apard nou isi ki dan prosen Eleksyon keksoz ti pou diferan.  E ki nou’n vwar en kantite dimoun in vin bann collateral damage  – kantite dimoun  in perdi sa posibilite  ganny en benefis apre zot travayer dan politik e zot in ganny kit ater prezan avek sa Lalwa.

Mr Speaker, mon’n deza  rakont sa lensidan e mon rakont  li ankor, ki dan en Seminar organize par Commonwealth, ti annan en Konsiltan ki ti pe eksplik nou Lasanble ki  mannyer i enportan sak fwa nou fer en Lalwa, nou tou nou mazinen ki mannyer sa Lalwa i bon pour nou ler nou dan mazorite e ki mannyer i osi bon pour nou ler nou dan Lopozisyon.   Malerezman tro bokou Politisyen i mazinen ki mannyer  ki nou pou fer sa Lalwa,  ler nou dan mazorite akoz zanmen nou pou dan Lopozisyon – zanmen nou pou dan Lopozisyon.  E  se sa e ti annan en Manm Lasanble ki ti dir avek sa Konsiltan e  i ti riye.  I ti dir, i pa krwar ki zanmen  Parti Lepep pou dan Lopozisyon.

Me keksoz i sanze e ozordi nou vwar devan nou en propozisyon pou repar en malis – pou repar en keksoz ki ti en lenzistis e sa lenzistis  Mr Speaker,  in tap an premye pa enn lo sa kote latab – me enn lo lot kote latab ki’n travay dir  – ki’n donn son letan – ki ti’n ariv ziska Deputy Speaker  dan nou Lasanble;- e  ki  malerezman pour en rezon an deor son kontrol, son lasante in fail i pa’n kapab kontinyen servi – in pa’n kapab kontinyen son practice e in retrouv li apre en pe letan san okenn sipor.  Pour en dimoun ki‘n servi Nasyon Seselwa  – in servi lepep Seselwa  i pa akseptab ki Nasyon Seselwa i kit li o-bor semen.  Me se sa ki’n arive.  E mon dir ankor e kekfwa mon  pou dir kekfwa 25 fwa avan mon vini  tousala in ariv par malis.

`       Mr Speaker, ozordi nou ganny apele pou met en keksoz ki tord met li drwat e depi tre lontan i tord.  Sa zafer pansyon pour bann  Constitutional Appointees  -pour bann Minis – pour bann Manm Lasanble in toultan ganny servi  koman en zouti politik pou rekonpans sa bann ki nou kontan e pini  sa bann ki  nepli dakor avek nou.  Mwan koman MNA Mont Fleri, zanmen mon pou oubliye e zanmen mon pou oubliye e fotespere personn pa oubliye sa limilyasyon ki nou pei in fer avek nou ansyen Mr Matthew Servina.  Ti en limilyasyon pour en dimoun ki’n servi son pei e nou ti servi sanmenm sa kalite Lalwa – sa kalite prensip pour nou imilye – pour nou pini en dimoun e sa Mr Speaker i mal.

Nou ti fer Lalwa, e Lasanble Nasyonal nou ti  fer Lalwa akoz dan  Konferans Konstitisyonnel  ti annan en provizyon  pou nou  prevwar pou pansyon pou  bann ansyen Minis.  Ler Lalwa ti pase devan sa Lasanble  – sa Lasanble  ti vot kont.  E apre Lasanble in fer en proze Lalwa pou okip zis bann ansyen Minis apartir Dezyenm Repiblik.  La ankor i annan bann dimoun ki’n ganny imilye enormeman.  Konmsi mon mazin Mr Philip Moulinie  – paren – in servi in ganny kit ater.  Mon mazin en kantite lezot dimoun ki’n ganny kit ater pandan plizyer lannen.  Annou pa koz lo – kekfwa zot ava dir mwan i annan konfli lentere;- annou pa koz lo Maxime Ferrari akoz li i pa’n gany kit ater akoz li ler I ti  kite, i ti al travay  pour United Nations in ganny pansyon United Nations.  So mwan mon pa pe lager pour mon fanmir mwan.  Mon pe zis dir ki son prensip i mal  – i mal.  Ti annan imilyasyon.  So mwan mon rapel ler mon zanmi Philibert Loizeau ansyen Minis ti dir mwan an prive,’’ Mon pa kapab fer bokou tapaz akoz mwan mon pe gannyen en pansyon tandis ki lezot son bann koleg pa ti pe gannyen.’’

E en zour  tantasyon ti tro for  i ti deside vin dan en rally Lopozisyon Anvil e son lannmen Mr Philibert Loizeau ti perdi son pansyon.

So tousala – so e bann keksoz ki mon krwar i devret gif nou pou lavenir – i devret gid nou pou nou fer en keksoz diferaman.  Ozordi nou pe ganny demande pou nou fer en keksoz ki  mal pou nou met li drwat;- pou nou anmas enn nou frer ok ki ti pou ganny fer Lalwa – ok en sipor dan son maladi.- me la i pa pe gannyen. Me mwan mon kontan vwar poudir sa keksoz pou ganny met drwat atraver sa Lalwa.  Bann Ziz ki bann constitutional appointees ki zot osi zot pou gannyen.  Sa ki pou ganny met drwat pour zot.  Nou isi lo sa kote latab napa, enn antre nou ki pou benefisye e mon  pa krwar   lot kote latab osi i annan  okenn dimoun ki pe benefisye.

So pou premye fwa i en Lalwa ki pa anmenn imedyatman okenn benefis pou okenn sa bann dimoun ki pe vote.  Mon ti a kontan  selman an pasan dir ki mon regrete – ki mon vreman regrete ki ler nou pe fer en keksoz drwat Nou pe osi sey fer antre par en laport deryer bann Anbasader  ek bann High-Commissioners.  E mwan mon pou dir sa akoz I annan tro bokou bann  apwentman politik parmi bann Anbasader e mon vwar sa koman en keksoz ki pa merite, me solman in enkli  dan sa Lalwa;- e nou ler nou pou vot lo sa Lalwa nou pe pou zet pti baba  laba avek son delo bennyen.

So sa i bann pwen ki mwan mon krwar, ki tou dimoun i bezwen konpran byen for e mwan mon ti ava dir ozordi  dan sa Lasanble e ler nou pou pran en vot lo la, i annan 3 zot lo sa lot kote latab ki ti la  – ki ti vote pou koupe e ki ti aklanmen  – Onorab De Commarmond – Onorab Ghislain – e Onorab Sebastien Pillay – zot ti vote lo en Lalwa ki ti malisye, me solman  keksoz fotespere  a sanze.  Mwan enn mon lakoler vreman ozordi sa msye ki ti Prezidan Larepiblik  sa lepok ki ti fer vin met sa.   Ki i ti montre son malis ki mannyer i pou pini dimoun ki i pa kontan.  Ozordi fotespere ki sa Lalwa – ler nou fini vot sa Lalwa nou fini met  li annord nou fini rann Cesar sa ki pou Cesar nou pa zanmen ankor servi sa Lalwa pou pini dimoun pour en rezon politik.

Nou respekte tou dimoun ki’n servi nou pei avek zot kouraz  – avek zot lasante e ki zour zot nepli annan kouraz – zour zot napa travayer nou ki  bezwen donn zot sa sipor e mwan mon a demann tou bann Onorab isi dan sa Lasanble pou  vot an faver sa a Lalwa e pou fer en komitman ki nou pou kontinyen respe bann dimoun ki’n vin avan nou e ki’n travay pour nou pei.  So mwan personnelman san okenn – kekfwa i annan en pe lakoler dan mon lavwa, – me solman napa lakoler dan mon leker, mwan mon anvi zis dir avek zot – zot i zwe avek sa Lalwa zot ava vot zot menm pour zot repare.  Mwan mon pa pou vote.  Se zot ki’n fer mon ti a kontan vwar zot prezan vote pou met drwat en keksoz ki zot, zot in kase.

Mersi Mr Speaker.

 

MR SPEAKER

Mersi Onorab Ferrari. Eski I annan okenn lezot entervenan ki anvi pran laparol?

Onorab Ramkalawan?

 

HON WAVEL RAMKALAWAN

Mr Speaker, mon subscribe  sa ki Onorab Ferrari in dir parski ki vre ki sa lespri mon krwar fodre nou sanze.  E mwan mon enn ki annan sa konfyans ki avek sa nouvo Lasanble nou pe ganny sa sans – pou nou refer bokou sa bann keksoz ki’n met en lobstak. E se pour sa rezon ki mon welcome sa Lalwa e mon krwar ki I al dan bon direksyon.  E mon krwar ki I osi tou ki  dimoun ki’n servi pei i bezwen ganny rekonpans apropriye.  Letan mon pe regard sa Lalwa, mon osi mazin bann lezot travayer.  I byen ki Vis-Prezidan in  mansyonnen ki i pe travay lo sa special pension pou bann Ners – Dokter – bann Travayer Lasante an zeneral – anyway nou ava ganny bann detay – bann Polisye  – bann Teachers ek bann dimoun ki’n servi militer – sa 4 kategori dimoun  pou  ganny regarde dan en fason spesyal.  Me selman mon’n deza mansyonn sa avek Vis-Prezidan, lefe ki dan sa Lalwa I pe osi fer provizyon  pour ki bann Manm – tou sa bann Political Appointees ki’n servi en total 144 mwan e pour kek rezon ki tonm anviron 12an e pour kek rezon medikal oubyen bann  lezot sirkonstans, zot ava kapab pran zot pansyon a laz 55an – mwan mon pou ensiste ki sa provizyon i osi ganny mete pour nou bann lezot travayer.  Konmsi dan Lalwa ti ava fer antre ki par egzanp en Teacher ki’n servi plis ki 25an – ki’n servi sa kantite letan ki In fatige – en Ners, ki night duty in tap li – extra hours konmsi pou li vwar en dimoun  ki pe soufer pou li donn tou ki zot osi tou zot ti ava ganny sa posibilite  pou zot pran zot retret pou bann rezon ki ava spesifye par en laz 55an.  Mon krwar bokou   nou dan sa Lasanble letan nou regard dan sa Lasanble mon konnen poudir bokou nou, in annan sa bann dimoun ki tonm dan sa kategori dan nou fanmir.  Mwan mon’n  annan en manman ki ti en Teacher, e mon konnen ki zefor ki in ganny mete dan sa travay e  zisteman dan sa bann letan I ti ganny sa posibilite pou li pran son retret a laz 55an e petet akoz in pran son retret a laz, 55an sanmenm sa ki’n permet li viv ziske 72an.  Si i ti’n esper sa 63 kekfwa i ti pou’n kit nou pli boner.  Parey mon’n dir letan mon regard dan sa Lasanble mon konn lezot dimoun  ki annan bann Teachers dan zot fanmir la – mon pe mazin Onorab Basil Hoareau ki vizavi avek mwan ki mon konnen li osi  tou in konnen sa kalite devosyon e ou menm  ou Mr Speaker, ou’n dan sa teaching profession e mon plis ki sir  ou pou apresye sa dan en lot fason koman en manager koman en Teacher e bann lezot osi tou dan Medsin  – lo kote Medikal  – I’m sure Onorab Esparon   – Onorab Roucou zot osi zot a kapab koz en pe dan sa direksyon.  So pour konmsi pa ganny trouve ki konmsi nou pe zis regard bann dimoun – sa bann kategori dimoun, me ki nou pe regard nou popilasyon e pou nou regard welfare nou popilasyon.  E mon kontan ki – mon konpran pwen Onorab Ferrari vizavi bann    political appointees ki’n vin Anbasader me selman mon  osi baze lo konesans sa Lalwa ki mannyer i marse, mon konnen ki poudir sa bann dimoun zot in osi servi en peryod letan swa koman en manm Lasanble swa koman Minis.  E alors tou fason konmsi zot ti pou ganny ranmase atraver en lot mwayen e la mon smile en pti git akoz ou Mr Speaker ti annan 3 pannyen ki ti kapab anmas ou.  Ou ti kapab ganny kouver koman en ansyen Minis – ou ti kapab ganny kouver koman en ansyen Anbasader e la koman en Manm Lasanble koman en Speaker.  Alors ki ou gro – ki ou ptipti me ou’n byen ganny ranmase.

Me alors tou sa bann keksoz I byen.  E mon ti ava kontan  zis en leklersisman avek Minis.  Parske pansyon – parski la bann Anbasader tou i antre ladan, mon ti ava kontan si Minis ti ava kapab eklersi ki pansyon bann Anbasader ek bann O-Komiser zot pansyon pou mars an relasyon avek saler ki bann Anbasader pe gannyen la konmela.  Akoz la I parey pou bann Minis – pour Speaker pou ki nou pansyon parey pou en ansyen Prezidan – son pansyon i mars  an relasyon avek saler ki sa post ki i ete la;- e se sa ki permet ki si I annan en logmantasyon zot osi zot pansyon i kapab monte.  E mon krwar ki i  ti pou bon ki zot pansyon i mars anliny avek depandan lo ki step ki zot ete ensidswit  – i mars anliny ek son pozisyon aktyel. So sa mon ti ava kontan ganny en leklersisman.  Alor sa Lalwa definitivman i pou pase.

Me solman Mr Speaker, mon osi tou mon krwar ki nou pe donn zot sa sans – nou pou donn Parti Lepep sa sans pour zot koriz sa ki Senkyenm Lasanble ti fer, parski  letan Senkyenm Lasanble ti fer sa desizyon, mon anvi dir avek zot ki i ti en desizyon ki pa ti zis.  I ti en desizyon ki ofet san realiz zot ti anmenn soufrans lo zot prop Manm ozordi ki an deor Lasanble.  I  ti en keksoz ki ti totalman mal.  E alor mon krwar ki lo nou kote,  nou ava donn zot sa posibilite dan sa moman kot nou pe koz Rekonsilyasyon Nasyonal  – dan sa moman Nwel kot nou pe koz lape, kot nou pe koz lanmour, nou pa a vol sa loner avek zot me nou a donn zot sa loner, nou konnen ki ti annan 3 zot ki ti la – me sa 11 ava donn zot sipor – i ava donn zot lanmen pour zot kapab lev zot lanmen byen o pou fer sa Lalwa pase.

Avek sa Mr Speaker, mon  dir n ou siport son prensip e  mon pou kontan pou vwar sa 3 Manm pour mwan regarde ki oter zot pou lev zot lanmen safwasi e nou lo  nou kote LDS nou ki pou aplodi safwasi.

Mersi bokou Mr       Speaker.

 

MR SPEAKER

Mersi Onorab Ramkalawan.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, bonn apre midi.  Bonn apre midi bann Onorab e bonn apre midi tou dimoun ki pe ekout nou.

Mr Speaker ou konnen parfwa dan karyer politik  en dimoun ou fer fas avek plizyer sityasyon.  Ou rankontre diferan lenstans kot ou karakter ou fason ou kredibilite i ganny kestyonnen.  E sa ki vreman defini ki ou en Politisyen se ou abilite pour nou sirmont sa.

Mon krwar kot nou pei  ozordi in arive  Mr Speaker, in ariv en letab kot nou pe komans rekonsider en kantite keksoz dan lafason ki nou fer – dan lafason ki nou dir menm  zisteman dan Lasanble,  parey nou fer dan bann prosedir bomaten kot i annan bann  diskisyon kot nou kapab trouv en semen ki anmenn nou pli devan.

Mr Speaker, i annan bokou komanter ki‘n ganny pase par bann Manm lo lot kote latab e i pa mon lentansyon pour mwan al reponn sa bann komanter ;- akoz sak dimoun i annan drwa fer serten komanter  kot i prezant son lopinyon e mon respekte sa.  Mon’n toultan en dimoun  ki’n respe sa.  Tou dimoun ki konn mwan i konnen ki mon en dimoun ki respekte lopinyon en lot dimoun.  Me solman mon pou apros mon lentervansyon lo sa Prozedlwa e mon pou koz lo 2 keksoz.

Premye keksoz ki mon pou koz lo la – mon pou sorti en pti pe lo sa Prozedlwa, mon pou koz lo en group dimoun ki mon konn tre byen Mr Speaker.  Mon’n en Ansenyan par profesyon.  Mon’n tann entervenan avan mwan koz lo la mon madanm i en Ansenyan, mon manman i en Ansenyan mon annan plizyer kouzin ki en Ansenyan.  Mon manman ti en Ansenyan pou bokou letan  mon krwar ou konn li tre byen Mr Speaker e si i annan en keksoz ki defini sa group dimoun, se mon krwar ki se lefe ki devouman e devosyon ki ou bezwen anmennen dan ou louvraz  e sa lenpak moral e parfwa menm psikolozik ki i pran lo ou, e son lenpak sosyal ki i pran lo ou.  E souvandfwa ou vwar ou pe negliz ou prop zanfan e bokou dimoun ki demande ler i vwar zanfan en Ansenyan ki pa fer byen lekol, i dir be son papa, be son manman i en Teacher ki mannyer i pa fer byen?

Souvandfwa i akoz probableman sa dimoun  pe donn tou son letan zanfan lezot dimoun e zot napa tou sa letan.  E ler mon pe ger sa Lalwa, mon mazin bann Ansenyan – mon mazin bann Ners – mon mazin bann Politisyen ki nou pe koz lo la – mon mazin bann Dokter. – mon mazin tou sa kad ban dimoun ki zot louvraz dan en fason i en vokasyon.  I pa zis en metye pour zot me i en desizyon konsyansye pour zot fer  pour zot al dan  sa louvraz e non pa en desizyon  pour mwan al dan sa louvraz pou ganny en income pou fer larzan – ganny en lakaz eksetera.  Me i en devosyon  – i en konviksyon – i en vokasyon ki zot al ladan e zot fer li avek tou zot lentegrite me avek tou sa ki zot kapab donnen.  Me mon krwar ler zot pe koz lo en size Pansyon nou bezwen osi persiste ki sa bann dimoun  i la pe ekout nou e si nou pe koz lo bann sanzman ki  nou kapab fer an relasyon avek nou bann constitutional appointees nou bezwen osi komans mazin nou bann sanzman ki nou kapab fer ki pou benefisye sa  group dimoun ki pou donn zot en lanvi pour sa profesyon, me sa ki pli enportan e mon krwar en parol ki’n ganny dir  oparavan se ki zot  a kapab ganny plis letan ler zot retire pou zot pli relaks pour zot retire en pe pli zenn- az  ki posib – malgre bokou zot pa oule retire en pli zenn-az akoz zot kontan zot louvraz ki zot fer.  So mon ti a kontan nou konsider sa group dimoun osi  ler nou pe koz lo sa size.

Mon dezyenm pwen Mr Speaker, i retourn mwan lo sa Lalwa ki devan nou  e son konteni.  Mon ekout 2 entervenan  sorti lo lot kote latab e la mon pou demann zot – mon pou enplor zot annefe – si zot dir lo nou kote an relasyon avek desizyon ki nou’n pran e ki ozordi zot, zot santi ki poudir 100 pour 100 sa Lalwa ki la devan nou desizyon ki zot pe pran, i pou kler, i pou en desizyon ki zot konnen ki i ladan, then zot osi zot devret zot lo sa Lalwa.  Zot osi zot ti devret pe siport sa Lalwa.   Me i en pozisyon ki zot in pran.  I  pa mwan ki pou ziz zot lo sa pozisyon ki zot in pran malgre  – petet zot pa pe ziz nou – petet mon santi ki nou fer serten komanter lo pozisyon ki nou’n pran.  E se la kot mwan mon pou remind nou tou la anndan koman Politisyen.  Ou konnen parfwa nou dir bokou keksoz- nou fer bokou keksoz me si i annan en keksoz ki nou pe aprann apre ki nou pe travay avek kanmarad e mon asire  bokou lo lot kote latab ti annan en persepsyon diferan  latab avan ki nou antre dan sa Lasanble ansanm.  Zisteman parey bokou lo sa kote latab ti annan en [persepsyon diferan avek bokou lo sa kote latab.  Mon  pa  pe dir nou pe ganny Stockholm Syndrome.  Non.  Me solman lefe  i reste ki nou persepsyon e nou enteraksyon i pe ed nou konpran kanmarad. E ki sa pe fer pour lepep Seselwa an deor i pe montre lepep Seselwa ki Lasanble Nasyonal i kapab fonksyonnen koman en parti Gouvernman – Egzekitiv i kapab fonksyonnen e Zidisyer i kapab fonksyonnen.  E se sa mon krwar lideal kot nou pe ale .  Mon konnen i pou annan ankor bann Prozedlwa ki pe vin devan kot nou pou dir  ou ti fer sa – ou ti fer sa  – ou ti dir sa.  Me lefe i reste ki a en moman donnen nou pou arete dir sa e nou pou komans koz avek en sel lavwa e lavwa Lasanble Nasyonal e ozordi lavwa Lasanble Nasyonal pe met devan nou en propozisyon  – en Prozedlwa  ki pe zisteman met an perspektiv  ki mannyer nou tret bann Politisyen;- e fodre pa oubliye e mon krwar ki lepep Seselwa i bezwen apresye lefe ki ozordi dezormen i pa pli fasil ki yer pou vin en Politisyen  e ki i pa pou pli fasil ki demen pou vin en Politisyen. Son ou tou koman Politisyen nou bezwen realize ki i annan bann pon ki nou pa pou kapab brile akoz nou pa zanmen konnen demen kote nou pou ete.

Mr Speaker, mwan mon pou avek plezir siport sa Prozedlwa akoz sa ki byen i pli gran ki nou tou.  Mon pou avek plezir a-port mon sipor pou tou mon bann koleg e sertennman mon pa pou bezwen personn pou tyonbo mon lanmen pou lev mon lanmen, me solman mon repete Mr Speaker,  mon repete ki ou kapab vwar en lapros ki mon pe pran  – so mon pe fer bann analiz – mon pe regard lafason ki mon koze – lafason ki mon enterakte pour en senp rezon Mr Speaker, mon oule vin en meyer reprezantan pour sa bann dimoun ki regard mwan.  E se sa lesansyel ki mon oule fer.

Mersi Mr Speaker.

 

MR SPEAKER

Mersi Onorab Pillay.  Since sa ki fodre ganny dir in ganny dir, dernyen entervenan Onorab  De Commarmond.

 

HON CHARLES DE COMMARMOND

Mersi Mr Speaker.

Mr Speaker, pou et bref avek sa propozisyon ki devan nou sa propozisyon Lalwa la i annan 2 keksoz;

1)Petet si sa ki ti’n arive pa ti’n arive ozordi nou ti pou napa sa Prozedlwa ki devan nou.   Sa Prozedlwa ki devan nou I enn ki pli byen ki sa ki ti ete avan.  Mwan mon get li dan sa direksyon.  I pa ti pou pous personn pou revwar sa Lalwa i ti pou la  ek son mankman ladan.  Lefe ki in ganny fer e sa ki pase in pase – in ganny fer dan sa fason i permet nou ozordi  anba nouvo Ladministrasyon pei, pou revwar e  vwar mankman ki i ti annan avan.  E ozordi devan nou, nou annan en pli bon Lezislasyon e ki kouver bann area ki pa ti kouver – bann dimoun  ki pa ti kouver e nou vwar ki i merite ganny aksepte e parey nou Lasanble in dir ozordi.  E pour mwan sa i en pa – i  en gran pa devan e lot kote – lot pwen se ki in pous nou – sa Lalwa i pous nou pou en keksoz par egzanp pour mwan personnelman, mon  pe lager e kontinyen lager pou serten kous nou popilasyon  – bann Teachers, special pension pou Teachers – pou Nurse – Solda avek Polisye i en keksoz ki mwan personnelman tou dilon mon letan dan Lasanble mon’n mansyonnen   – mon’n koze – mon’n pouse pour sa keksoz arive;- e mwan mon’n kontan ki sa issue in ganny pran –   taken onboard dan Bidze ki annan devan nou la e ki byento dan detrwa mwan i pou vin Lalwa.  Ler i pou vin Lalwa la pou ki son special pension la – formelman konmsi letan in ganny revwar korekteman an Juillet  sa ki nou pe koze ladan – sirtou sa kestyon 55an, pou letan travay pou sa bann dimoun ki annan bann vokasyon parey, i ganny fer  – i pou ganny pran an konsiderasyon.  E la nou pou pouse ler nou pe aprouv sa Prozedlwa ki devan nou la – nou pou pouse avek Gouvernman  – Attorney Zeneral ou la ou ava take onboard sa pwen enportan ki nou pe dir la akoz souvandfwa nou vwar ki sa bann dimoun  – bann profesyon in travay 30an – 35an e ler zot fini zot pa pe ganny li sa pansyon ki zot merite or a sa laz 55 ki nou pe koze la  – ki Onorab Ramkalawan  par egzanp ou dir ou mummy in pran ladan.          I annan plizyer nou la ki nou konnen  nou pros –  nou dimoun ki dan fanmir ensidswit, i tonm dan sa kategori e  sa issue i ava ganny gete,.  Mon konnen mwan sa kalite keksoz ki mon aklanmen – sa kalite keksoz ki mon pe dir yes – nou Prezidan  – nou gouvernman la i pe vwar sa bann keksoz avek en nouvo lizye – en nouvo fason e fodre toultan ;- e mwan  mon get li dan en fason dyaletik kot nou build up sa ki nou kapab – lo sa ki pe kit  nou pe ale  – lo sa  ki mal avan – lo sa ki nou’n met akote nou bezwen  pran li koman en fimyen pou nou fer pli byen  – pou nou fer pouse keksoz ki anmenn dibyen e en bon lavenir pou nou pei.

Avek sa Mr Speaker, mwan mon pou siport sa Prozedlwa, akoz i pli bon e i pli for ki sa enn ki ti la avan

Mersi bokou.

 

MR SPEAKER

Zis mon remind zot ki i ankor  annan Minis Larose ki pe esper nou avan nou redonn parol Vis-Prezidan Meriton briyevman Hon Hoareau – Onorab Gill avek Onorab Ramkalawan.

A point of order.

Onorab Ramkalawan.

 

 

HON WAVEL RAMKALAWAN

Mr Speaker, mon ti avan zis kon tan dan sa lespri ki nou pe koz lo la, pe koriz sa bann keksoz ki mal – mon ti ava kontan si Minis ti ava adres size pour nou kouver bann Manm ki ti dan Gouvernman swa koman Minis swa koman  Manm Legislative Assembly  Premye Repiblik.  Sa ti ava ed nou pou nou kouver sa bout e enn fwa pour tou – napa bokou zot – i annan detrwa zot pour ki nou ava pe bouz in the right direction.

Mersi bokou.

 

MR SPEAKER

Mersi Minis in pran not.  Briyevman Onorab Hoareau e Onorab Gill avan Minis i round-up.

 

HON BASIL HOAREAU

Mon pou kourt Mr Speaker.

Mr Speaker, mon panse – mon krwar ki letan en Lalwa i ganny fer i pa devret zanmen ganny fer pour en endividi ouswa en group  dimoun.  I toultan en Lalwa i devret get plis dan en laspe Nasyonal kwa ki bon pour pei – kwa ki pou ede pou anmenn pei pli devan.  E letan mon’n get sa Lalwa, mon krwar la nou’n ganny li right aprezan.  Ti annan en moman ki sa Lalwa ti la extreme dan en fason kot ti annan bann dimoun tre zenn e ki pa ti’n travay pou en kantite letan  swa koman en MNA – swa koman en Minis kot zot ti’n kapab kalifye pour en pansyon .  Apre petet vre nou’n bouz lo en lot extreme kot nou ti pe deprived dimoun ki ti devret – ki ti merite. E la mon  krwar la prezan nou’n ganny li – nou’n ganny son tempo parey nou dir an Kreol.  I lo mitan nou’n ganny the right laz – the right length of time ki en dimoun  in servi dan Lofis;- e mon  krwar poudir sa Lalwa i bon parski sa Lalwa pe asire ki bann dimoun ki’n merite ki’n servi Seselwa – ki’n servi Gouvernman, i an retour ki letan zot deside pran retret zot ganny trete avek dinyite. E se sa ki mon krwar sa Lalwa pe fer e i byen.  E i vre nou  pe koz Politisyen la e Politisyen – politik lavi en Politisyen i enn ki difisil – ki stressful nou tou nou konnen sa e i merite ki letan en dimoun in ariv son ler retret ki i ganny trete byen avek dinyite.  Me an menm tan mon pou zwenn avek lezot mon bann koleg ki’n koz lo lezot dimoun ki dan bann landrwa travay  – bann Teachers – wi mon manman ti en Teacher e mon konn tre byen ki i en louvraz stressful ki I en louvraz ki  ou pa zis kit an deor letan ou’n fini kot lekol, me ou osi bezwen anmenn serten keksoz kot ou lakaz  e i en louvraz ki demanding ;- e i annan bann Nurse, Solda, Lapolis bann dimoun ki dan bann servis ki esansyel e ki enportan pour nou sosyete.  Mon krwar zot osi nou bezwen reget zot. E la mon pou siport Leader of Government Business – ek Leader of Opposition letan zot in tou lede mansyonnen ki nou bezwen osi reget kategori dimoun e mon kontan ki Vis-Prezidan in koz lo la poudir zot osi zot pou reganny gete.  E       mon krwar sa i pou anmenn en pe pli equality dan sosyete an zeneral – pa zis en group dimoun ki pe ganny gete me nou pe get dimoun across the board.  E se sa ki nou pe fer dan sa Lasanble Mr Speaker.  E mon pou demann mon  bann koleg Onorab Ferrari  – ou konnen ou’n koze ou’n dir poudir ou pa pou vot an faver, me mon  pou demann  ou poudir si i bon annou vot an faver.  Ou konnen ou ki mannyer ou’n koze, mon konpran poudir ou realize poudir i en bon Lalwa.  Si i en bon Lalwa i ou lobligasyon koman en Manm Lasanble – si i bon nou konsyans ki dir nou poudir i bon mon krwar,  i byen si nou vot  an faver sa Lalwa.  Oubliye sa ki’n ganny fer dan lepase annou get la.  The present is important.

Mersi Mr Speaker.

 

MR SPEAKER

Onorab Gill briyevman silvouple.

 

HON SIMON GILL

Se ki mon touzour krwar ki i annan nouvo keksoz.  Ler ou dir mwan donn sa ki bon Mr Speaker, mon pou dir ou koumsa.

Premyerman napa keksoz ki reprezant pli gran labonte  dan sosyete imen  – dan sosyete zonm ler ou trouv bann zonm avek bann lespri rezonnab – rasyonnel ki rekonnet poudir ozordi i pa lafot dimoun, me ki ozordi i selman en nouvo komansman ver en lavenir pli meyer pou Sesel.  Se sa ki fer labote zonm e i fer en pli gran labote imen – zonm ler en zonm i acknowledge ki enn son frer  pe enport ki son nivo i kapab enn pti zanfan 16an i rekonnet poudir i annan en lerer ki’n ganny fer e i dir annou acknowledge li e annou tonm dakor pou nou move forward.  E ou move forward pa kot ou repet sa ki mal me ou  move forward e ou fer sa ki byen akoz dan ou lespri se ki ou touzour mazinen pou nou tout en posibilite pour fer pli byen.  E sa Lalwa ki devan nou Mr Speaker, i en Lalwa ki pe anmenn bann zonm  rasyonnel pou realize  poudir i annan posibilite pou nou fer pli byen  ki nou ti fer yer e se sa rezon ki nou’n fer bann amannman e nou’n vin avek pe enport  si i annan Onorab Sebastien ou Onorab De Commarmond  – i annan Onorab Ghislain i ki ti part en desizyon.  Me ozordi nou wi.  Nou pou annan kouraz  – nou pou annan lafors akoz nou sa bann zonm ki pa parfe  e nou annan kouraz ek bann zonm ki pa parfe parey i annan dan sa Lasanble la otour sa latab e ki gos a drwat e ki nou bezwen tonm dakor nou tou poudir nou pa parfe e ki nou resolve pour nou adres bann problenm  ki nou annan e ki nou bouz devan.

Mr Speaker, vwala sa ki mwan mon annan poudir dan  2,3 mo e nou resolve koman en Lasanble  pour nou kontinyen affirmatively pou nou fer sa ki byen pour nou pep.

Mersi bokou.

 

(APPLAUSE)

 

MR SPEAKER

Mersi Onorab Gill.  Avek sa  nou a donn  laparol Vis-Prezidan Meriton pou reponn.

 

VICE PRESIDENT MR VINCENT MERITON

Mersi  Mr Speaker.  We are Fearless In Dignity. 

Mr Speaker, mon sagrinen dan en serten sans akoz ler mon ti pe espere deor Lasanble ti annan en bon ton e mon kontan ler Minis Cosgrow ti dir ozordi nou pe byen ale, me ler mon’n antre i annan serten lakoler – ki’n ganny dir e prezan konmsi  prezan i fer mwan retourn dan mon trou.  Nou’n fer letour – nou’n al fer letour dan listwar selman ekonomikman n ou, nou pa dir tou keksoz Mr Speaker.

Mr Speaker, i annan dimoun ki petet par Lalwa pa ti ganny taken care of, me selman mon a dir ou Onorab Ferrari person pa ti delese.  Ki nou pe fer la ozordi, nou pou formelman dan Lalwa pe get bann dimoun ki  pou en  – parey   ou’n dir – ou’n byen servi – mon’n quote ou – pour en rezon an deor zot kontrol nou santi in ganny kit dernyen.

Mr Speaker, mon ti a kontan remersye tou bann ki’n sorti e pou donn sipor sa Prozedlwa.

Mr Speaker, labote imen si ki ler nou fer dibyen;-Onorab Gill in koz lo la.  Mon oule fer sorti en keksoz tre kler.  Gouvernman i pa diriz par malis – par revanz oubyen pou pini, akoz si sa i koumsa mwan mon ti’n donn mon demisyon mon ti’n ale.

Mr Speaker, mon la pou fer dibyen.  Nou azir par konpasyon, lanmour, devwar e responsabilite.  E se sa ki nou pe fer.  Sa ki nou pe fer i byen e sa ki  nou ti fer an 2016 ti refleksyon serten santiman ki ti pe ganny reflekte dan sosyete sorti lo sa kote e Gouvernman ti azir.  Ozordi ki nou pe fer annou regete;-   Prezidan Faure in reevalye sityasyon e in vin avek en propozisyon devan pou kapab amelyor keksoz.  E mon dakor nou tou nou dakor ki i annan lespas pou amelyore.  Sa ki bon pour Lasanble – sa ki bon pou bann dimoun ki’n trimouse  – ki’n travay i bon pour Sesel.  E nou bann reprezantan lepep nou annan en lobligasyon pou donn sipor sa ki pase.  Konmsi nou pa kapab reste lo sideline e pa pran par dan en desizyon sitan enportan.

Onorab Ramkalawan in lev en pwen ki eski Lalwa pou tous bann Anbasader Onorab in demande?  Zot saler?  Wi zot saler mon ‘n dir lo kategori (1) I vin step 7 band 13 – i vin R32 mil.  Sa se selman ou komans avek apre pou graduate an montan.

Dezyenm kategori I vin step 5 band 12  – R27 mil e trwazyenm kategori i vin step  (1) lo band 11 – i vin R22 mil.  Sa i graduate an montan.  Mon ti a kontan a-port sa leklersisman.

Dezyenmman Mr Speaker, mon ti a kontan fer sorti en pwen ankor ki Onorab Ramkalawan in demande;- eski nou pou kapab kouver osi bann levennman dan Premye Repiblik?  Nou pa kapab donn en langazman la, me solman sa ki mon kapab dir Prezidan ti’n fer sorti  – State House ti’n fer sorti ki nou pou bezsern vwar en Lalwa ki pou kouver bann depans adisyonnel bann ansyen Prezidan, mon mazinen  sa en loportinite pou kapab gete kot ki annan posibilite pou kapab fer en keksoz.  Nou anvi rod posibilite [ou fer le meyer pou nou kapab bouz devan.  Nou anvi rod posibilite pou fer le meyer pou nou kapab bouz devan.  Si nou pe koz linite, si nou pe koz Rekonsilyasyon Nasyonal, si nou pe koz lape, nou bezwen konmsi viv li  – koz li me solman konmsi annou viv li pou nou kapab montre sa dan nou diskour ki mannyer nou kapab fer li vin en realite.  E mon ti a kontan remersi tou dimoun ki’n pran laparol pou siport sa lakoz, pour nou kapab fer si ki nou pe al an avan.  Se pa Parti  Lepep ki nou pe donn en sans ozordi,  se sa bann dimoun ki’n travay pour nou irespektiv ki zot kouler politik – irespektiv kote latab zot ti ete, me ki i en lobligasyon moral ki nou bezwen pou kapab rekonnet e anmenn rekonesans pour sa travay ki zot in fer pour nou pei.

Mr Speaker, avek sa 2 mo mon ti a kontan remersi tou bann dimoun ki’n partisip dan sa deba e mon soumet Lalwa a zot konsiderasyon.

Mersi Mr Speaker.

 

MR SPEAKER

Mersi Vis-Prezidan pour ou summing-up.

Eski nou kapab pran vot lo merit apre ki Vis-Prezidan in fini reply to the debate?

Tou dimoun ki ‘Pour lev zot lanmen?

Clerk.

 

MADAM CLERK

Mersi Mr Speaker, mon‘n rikord 14 Manm ki’n vot an faver.  Mersi.

 

MR SPEAKER

Wi Onorab De Commarmond?

 

HON CHARLES DE COMMARMOND

Mr Chair eski en aklamasyon  i pa egal en vot?

Mersi.

 

        (LAUGHTER)

 

MR SPEAKER

Mon krwar i annan bokou sourly lot kote ki kontan ki tou dimoun lot kote isi in vot ‘Pour e sa i en bon siny parski i anmenn bokou benediksyon pour sa Lasanble, akoz mon krwar nou pe travay byen ansanm.  Byen  mon remersi zot.

Onorab Georges eski i annan okenn lamannman?

 

HON BERNARD GEORGES

Mersi Mr Speaker.  Purely bann lamannman tipografi e en pti toilette juridique.  Mon koman avek clause 2  – nouvo Seksyon 7 (a);

‘’There shall be paid to the Ambassador – High- Commissioner or the principal representatives’’ mon pe propoze ki nou ekrir;-  ‘’There shall be paid to ‘an Ambassador – High- Commissioner or any other principal representative – (in the singular) pa ‘representatives’’  – si i annan okenn lobzeksyon silvouple enteronp mwan otherwise mon ava zis kontinyen.

7(a) small  (a) sa ki komans  ‘a monthly salary’ mon al a lafen sa paragraf e mon regard  kot i met  ‘’of each 12 month’’  i devret annan en “s’’12 months be progressed to the next step’’ – mon pe propoze ki olye met ‘’in accordance with’’ nou met ‘’the next step ‘of  that salary band’  set egzakteman sa ki nou’n servi o-komansman ‘’of salary band 13’’  dan bi mon propoz dan son dernyen 2 laliny kot  i mete konmela  – ‘’a gratuity amount equal to 50% of salary during that period’’  – mon pe propoze ki nou met;-

‘’a gratuity’’  cross out (amount) ‘’a gratuity  equal to 50% of  the salary earned during that period’ pou fer li lir en pe pli byen. So that i ava lir;-

‘’a gratuity  equal to 50% of  the salary earned during that period.’

The next one i en pti pe konplike Mr Speaker, akoz i en pe long sa fraz mon a esey fer li osi vit ki posib.  Mon pe propoze dan (C) nou fer sa  bann koreksyon swivan;

‘’Upon ceasing to hold Office met en comma (,) e en monthly pension’’ – azout mo ‘’monthly’ – ‘’upon ceasing to hold office  comma (,) a monthly’’ – add the word ‘’monthly pension of an amount equivalent to 5/12 of 1 % of the monthly salary in’’ – mon propoz  -‘’the salary band and not  ‘’that’’ – ‘’in the salary band – no comma (,) after ‘’band’’‘’in the salary band and referred to in paragraph  (a)’’ or annou gard son comma (,) ‘salary band’ (,)comma referred to in paragraph (a) (,)comma, at which the person cease to hold office’’ mon propoz ki nou delete  ‘’as such’’  e mon propoze ki nou delete (,)comma’’ apre ‘’or’’.  Konpran mwan byen;- so that it reads;

‘’at which the persons cease to hold office or of,’’ e  la mon pe propoze ki nou insert ‘’of’’  – nou insert ‘’the monthly salary in the salary band in’’ so that it reads;-

‘’ to hold office or of the monthly salary in the salary band in any other designated office specified in  (8)  (1) ‘’.

0k sa ki mwan.  Insert between ‘’of and any’’ 4 laliny from the bottom, the words ‘’the monthly salary in the salary band in’’ so that the whole thing will read – ou ganny sa ki  ‘’the salary band referred to in paragraph  ‘(a)  – ‘’at which the person cease to hold office or of any or of the monthly salary in the salary band in any designated office  specified in  (8) (1). ‘’ So it’s’’ either – or’’.

E si sa i aksepte, the dernyen laliny right at the bottom, nou met en space ant ‘’up’’ ek ‘’to’’ the ultimate word. E mon krwar i ava lir pli byen Mr Speaker, si sa bann propozisyon I ganny aksepte – konmsi  i ava lir en pti pe pli byen.

Si  nou pa bezwen relir li, mon ava al lo paz swivan under  ‘’(b) little (m) ‘’Ambassador  – ‘’High-Commissioner, other principal’’ ankor en fwa koup lo ‘’representatives’’ met  ‘’representative of Seychelles.’’ Lo menm paz anba 3  capital (A) ki komans ek ‘’who has served for an aggregate period’’ la mon ti a kontan restriktir sa paragraf e mon restriktirasyon i dan 3enm ek 4enm laliny.  Mon pe propoze ki nou pran ‘’shall be eligible for pension’’ mon ti ava swete nou azout  – ‘’  shall be eligible for a pension e nou met sa en pe pli tar so that I ava lir;-

’who has served for an aggregate period of not less than 144 months in any of the designated offices under sub-section (1) e la nou insert’’ shall be eligible for pension on  attaining the age  of 55 years so that it reads better. 

Alor i ava lir ;- ‘’an appointee who has served for an aggregate of not less than 144 months, in any of the designated offices under sub-section (1) shall be eligible for a pension on attaining the age  of 55 years.’’  Mon krwar i ava li pli byen e si sa i ganny aksepte mon annan zis 2 pti propozisyon dan

(b) ‘’who vacated office for medical grounds’’ koup ‘’and’’

‘’who has vacated office for medical grounds certified  by the appropriate medical board’’ eksetera e ankor en fwa  3 laliny from the end lo lot paz  ‘’ for  a pension irrespective of is or her age.’’

Vwala Mr Speaker, briyevman, mon  bann propozisyon pou bann pti lamannman tipografi avek sa propozisyon.

Mersi.

 

MR SPEAKER

E i kler ki bann legal draftsmen in ganny sa kler?  Yes Mr Pool? Ok.  Mr Verghese?  All right?  Good.  Eski nou oule pran en vot lo sa lamannman?

Wi Vis-Prezidan Meriton?

 

VICE PRESIDENT MR VINCENT MERITON

Mr Speaker, eski ou ti kapab tenir en pti kou silvouple – sanmenm sa ki nou ti pe rod -sa  ki i ti  pe propoze Mr Speaker.

 

MR SPEAKER

An ekri? Tre byen.  Mersi Onorab Georges.

Vis-Prezidan?

 

VICE PRESIDENT MR VINCENT MERITON

Mr Speaker, wi nou pa vwar i sanz lesansyel, me i en form me annefe nou kapab debat  -enstal me solman nou oule bouze.

Mersi Mr Speaker.

 

MR SPEAKER

Onorab De Commarmond oule dir en pti parol?

 

 

HON CHARLES DE COMMARMOND

Mr Speaker,  non lefe ki mon’n konsider alor ki i bann simple amendments, mon ti oule move ki napa lamannman mazer alor ki anba Standing Order 91(1) nou move ki nou sispann Lartik 65 a 70 Standing Order pour nou sot Committee Stage.

 

MR SPEAKER

Si napa okenn lobzeksyon, segonde par Onorab Pillay.

Lev zot lanmen tou bann ki ‘Pour pou sot Committee Stage?

Clerk?

 

MADAM CLERK

Mersi Mr Speaker.  Mon’n rikord 20 Manm ki’n vot an faver.

Mersi.

 

MR SPEAKER

Mersi.  Yes Onorab De Commarmond?

 

HON CHARLES DE COMMARMOND

Mr Speaker,  prezan nou a fer Third Reading.  Anba Order 71 (1)  mon move ki sa Constitutional Appointees Emolument (Amendment)  No.2 Bill, 2016 i ganny lir en Trwazyenm Fwa.

 

 

MR SPEAKER

Segonde par Onorab Pillay.

Nou a pran en vot.  Lev lanmen tou bann ki’ Pour  sa Bill?

Clerk?

 

MADAM CLERK

Mr Speaker, mon’n rikord ofisyelman 14 Manm ki’n vot an faver.  Mersi.

 

MR SPEAKER

Mersi Clerk.  Yes?

 

MADAM CLERK

This Act may be cited as  the Constitutional Appointees Emolument (Amendment)  No.2 Act, 2016.

        Thank you.

 

MR SPEAKER

Tou dimoun i dakor – in aprouve e nou a ekskiz Vis-Prezidan.  Mersi pou ou letan ki ou’n vini  – pour ou pasyans.  Mersi Mr Volcere, mersi pou ou letan ki ou’n vini.  Mon ti a swet zot bonn kontinyasyon. Mr Vis-Prezidan avek ou PS – Bonn Ane osi.

       

THE VICE PRESIDENT AND HIS DELEGATION WAS EXCUSED FROM THE HOUSE

 

 

MR SPEAKER

E avek sa mon  envit Dr Larose parmi nou.  Welcome  back Minister.

Onorab Afif.

 

HON AHMED AFIF

Mersi Mr Speaker.

Mr Speaker, mon ti a kontan lev a matter of privilege avek ou permisyon.

 

MR SPEAKER

Wi.

 

HON AHMED AFIF

Mr Speaker, ou apel mon  ti fer en larepons swivan  – en remark ki  Minis  pour Finans ti fer dan Reply to the Budget e mon ti soumet avek ou pou fer en desizyon e mon ti fer en demann ki Minis i fer en retraction sa ki in dir.  Mon ti a kontan konnen si i kapab fer li ozordi, parske mon krwar ki  le mwens ki mon kapab demande.

Mersi Mr Speaker.

 

MR SPEAKER

Mersi Onorab Afif.  Wi ou ti fer sa soumisyon e mon ti anvoy kot Minis;- e  mon a donn laparol Minis Finans Dr Larose.

 

MINISTER PETER LAROSE

Mersi Mr Speaker.  Mon ti pe ekspekte ler  mon pou round-up dan Bidze pour Minister Finans, la mon ti pou adres sa issue Onorab Afif.  Si ou kapab pasyant en pti pe.  Mersi.

 

MR SPEAKER

Eski Onorab Afif sa i akseptab avek ou?

 

HON AHMED AFIF

Mon aksepte Mr Speaker.

 

MR SPEAKER

Tre byen mersi Dr Larose  – Minis Finans, eski nou kapab konsider 3enm Bill?  Se pour ozordi ki lo Order Paper – it’s the Public Enterprises Monitoring Commission (Amendment) Bill, 2016.       

        Onorab De Commarmond – LGB. 

 

 

HON CHARLES DE COMMARMOND

Mr Speaker, mersi  pou Second Reading la en.

Anba Order 91(1)  Mr Speaker, mon move pou nou sispann Order 64 (1) nou Standing Order pour ki Public Enterprises Monitoring Commission (Amendment) Bill, 2016 i ganny lir en Dezyenm Fwa.

Mersi.

 

MR SPEAKER

Eski i annan en dimoun ki segonde?  Onorab Sebastien Pillay seconded.  We now take a vote.

Tou bann ki dakor propozisyon LGB?

Yes Clerk?

 

MADAM CLERK

Mr Speaker, mon’n rikord ofisyelman 14 Manm ki’n vot an faver.  Mersi.

 

MR SPEAKER

Savedir the proposal accepted lo… sa Reading.

Minis Finans if you will present the merits of the Bill pou Public Enterprises Monitoring Commission (Amendment) Bill, 2016.

 

MINISTER PETER LAROSE

Mersi Mr Speaker. Mon pou demann Lasanble Nasyonal set apre midi pou fer serten amannman lo Public Enterprises Monitoring Commission (Amendment) Act , 2013. E sa i Seksyon 2 kot tou Chairmen Bord  bann Antrepriz Piblik zot Sef Egzekitiv osinon zot Managing Director osinon nenport ki dimoun ki dan pozisyon tre o nivo dan Ladministrasyon,  pou zot vin devan nou Finance Public Accounts Committee pou prezant zot Rapor Anyel e zot Rapor Finansyel pou sak Antrepriz Piblik.

E ler mon regard lo sa Bill Mr Speaker, mon vwar ki i met zis Finance Accounts Committee me ‘Piblik’ i manke;- e sa mon krwar i annan en pti koreksyon ki nou dwatet fer.  E sa si oule Mr Speaker, dan sa nouvo lanvironnman kot Prezidan Faure i dir  nou bezwen annan latransparans – bonn gouvernman e rann kont, mon krwar i toutafe normal ki tou dimoun dan pozisyon responsab  dan bann Konpannyen Paraetatik osinon dan Lazans, i dwatet et rann kont zot osi.

Mersi Mr Speaker.

 

 

MR SPEAKER

Mersi Dr Larose.  Eski nou kapab komans deba lo merits of the Bill as proposed – Public Enterprises Monitoring Commission (Amendment) Bill.

Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi Minis.  Bonn apre midi tou dimoun.

Mr Speaker, mon pa pou long.  Mr Speaker sa provizyon  sa Prozedlwa i enn ki tre senp – ki tre straight forward e i fer provizyon pour ki bann Zofisye ki pran sarz bann  sa ki nou apel bann Public Enterprise – ou byen bann Lantrepriz Piblik pou vin devan Komite Kont Piblik dan Lasanble Nasyonal ki ganny Chair parey i pratik dan lezot zirestriksyon Commonwealth, par Leader Lopozisyon, pour ki zot vin prezant zot Rapor e pou zot osi vin reponn serten kestyon sirtou baze lo Rapor Oditer Zeneral…

Mon‘n en Manm Komite Kont  e  Finans Piblik dan dernyen Lasanble.  E i en travay ki vreman enportan sirtou par lefe  i donn Lasanble pou  li egzers son rol oversight e pou maintain scrutiny lo bann  diferan Lantrepriz Piblik.  Neanmwen Mr Speaker, mon oule osi anmenn latansyon Lasanble Nasyonal lo sa Lalwa Public Enterprises Monitoring Commission  li menm e la mon oule koz spesikman, vi ki i relye avek sa lamannman ki nou annan la an se moman ki konsern kategorizasyon bann diferan Lantrepriz Piblik.  Mon ti a kontan ki dan lefitir Minister Finans i komans vwar ki  mannyer sa kategorizasyon i anmenn – si pa tou me laplipar sa bann Lantrepriz Piblik anba sipervizyon Public Enterprises Monitoring Commission.  Mon santi ki sa i vreman, vreman enportan par lefe ki se sa Komisyon li menm ki devret annan en premye rol pou zwe dan egzers serten kontrol – oubyen serten gidans oubyen – serten sipervizyon  lo sa bann Lantrepriz Piblik. 

        An plis ki sa Mr Speaker, lefe i reste, i bezwen annan en lenstans ki monitor apard ki Lasanble Nasyonal, avan ki  i al kot Lasanble Nasyonal ki monitor ki mannyer bann Lantrepriz Piblik i pe fonksyonnen  e sa i rol Public Enterprises Monitoring Commission. E la ler mon pe dir sa, mon oule osi lans en lot lapel e fer en lot rekomandasyon ki dan sa Lalwa ki nou annan pou Public Enterprises Monitoring Commission, pou vwar ki mannyer nou kapab ranforsi sa Kad Legal ki egziste pou donn li plis ledan so to speak –  si oule dir, pour li kapab efektivman take to task bann Lorganizasyon bann Lantrepriz Piblik, ki pa konform avek bann rekomandasyon statitwar ki egziste anba zot bann Lalwa.  Mon  dir sa Mr Speaker, akoz si nou regard  Rapor Oditer zeneral a plizyer repriz, nou vwar kot i annan bann Lantrepriz Piblik ki pa pe arive fulfill bann legzizans ki zot Lalwa, i mete. E sa se fer sir ki zot table zot bann kont oubyen met zot bann kont annord.  In annan plizyer lenstans – mon byen kontan ki nou’n met sa dan en Kad Legal ki prezan sa bann CEOs i ava vin devan Komite Finans e Kont Piblik Lasanble Nasyonal, pour ki zot ava reponn sa bann kestyon an relasyon avek zot bann kont – apre tou sa i larzan piblik e i enportan lafason ki larzan piblik i ganny zere – i ganny byen scrutinize.

Mr Speaker, avek sa 2 pti mo mwan personnelman mon pou donn mon sipor sa Prozedlwa malgre  in paret en pti morso Prozedlwa, me i pa souvandfwa ki mon pou ganny sans koz lo Public Enterprises Monitoring Commission, dan menm letan ki nou pe pran Bidze  – dan menm letan ki Rapor Oditer Zeneral malgre ki nou tou nou saddened par the passing away of ansyen Oditer – Mr Marc Benstrong ki’n fer en travay a mon avi – en travay formidab pandan bann lannen ki in la pou elev nivo sa Biro, alors mon’n oule profit sa loportinite pour mwan met sa devan Minis Finans e osi Attorney Zeneral i la e PS pour Finans i la, pour ki zot kapab pran sa bann rekomandasyon onboard e regarde ki mannyer nou kapab ranforsi sa Kad Legal – zisteman pou fer sir ki nou bann Lantrepriz i konform avek sa bann legzizans ki zot bann Lalwa i demann zot.

Mersi Mr Speaker.

 

MR SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Mersi bokou Mr Speaker.

Mr Speaker, sa Bill nou welcome li parski nou krwar ki poudir I tre enportan e koman Chairperson Public Account Committee  – FPAC  – Finance and Public Accounts Committee, mon krwar ki sa i ava donn nou sa loportinite  pour nou rankontre tou sa bann dimoun e pour nou fer sa scrutiny.  Deza pandan sa bann deba dan Lasanble, nou’n komans fer en pe scrutiny e I annan bokou bann keksoz ki’n  fer nou poz bokou kestyon e an menm tan osi mon krwar lefe ki i annan bokou sa bann Public Enterprise e  akoz zot pa budget dependent zot pa vin devan Lasanble, omwen zot ava kapab vin devan Komite Finans ek Public Accounts Lasanble.  Me la mon anvi dir ki absoliman parey ki letan Lasanble dan  Committee Stage ki nou ankor ete pour Bidze nou’n fer li piblik, pour ki tou dimoun in ganny sans pou tande, kwa ki bann keksoz ki nou pe diskite mon anvi dir ki enn bann desizyon ki sa Komite  mon mazinen i ava tonm dakor lo la, se ki letan sa bann Sef – bann CEO, pe vin prezant zot bann financial reports, sa osi tou nou pou demann SBS pou pas  sa bann deliberasyon lo SBS pour ki pep Seselwa i ava konnen, kwa ki  pe arive dan sa bann Lantrepriz;- letan par egzanp nou pou koz lo STC, dimoun i ava konnen egzakteman par egzanp ki prosesis atraver bann kestyon ki nou ava demande ;- ki mannyer zot fer zot biznes – letan zot pe koz lo IDC – lo Green Island Construction Company – lo Green Tree – lo SCAA- lo tou sa bann diferan Lakonpannyen ki’n fer nou poz bokou kestyon, alors nou ava kapab ganny keksoz kler.    E sa mon krwar i enportan pour tou dimoun konpran byen, kwa egzakteman ki pe arive.   E sa i ava anmenn plis accountability;- i ava anmenn plis transparans. E Finance and Public Accounts Committee se sa enn nou travay – enn nou rol dan sa Lasanble. Alors Mr Speaker, mon krwar ki sa lamannman I ava anmenn nou egzers pli byen nou responsabilite  – byensir i pou vedir plis travay pour sa Komite me selman, zisteman nou’n vin la pou  nou  travay.  E alors pandan lannen anmezir ki sa bann diferan Lantrepriz zot ava annan zot kont odite zot ava vin devan nou, nou  ava kapab fer sa travay scrutiny.

E la ankor enn fwa sa bann diferan Lantrepriz Leta,  zot pou bezwen konpran ki letan zot vin devan sa Komite nou pa vin la pou nou ziz zot, me solman nou vin la pou nou ganny leklersisman. E an menm tan osi kot nou bezwen donn konsey  – nou ava donn konsey – kot nou bezwen eksprim konsern nou ava eksprim konsern;- e kot nou bezwen donn lankourazman nou ava osi fer li.

E mon byen kontan ki Minis Finans in pran sa koman en nesesite e mon krwar ki tousala in al dan sa lespri ki nou’n abord Bidze e mwan mon welcome sa en kantite.  E petet letan sa bann keksoz pe arive mon ti ava osi demande e la mon’n deza lans en lenvitasyon pour Minister Finans, ki letan nou pe fer sa bann travay, ki i ava annan bann Zofisye sorti dan Minister Finans, ki ava prezan pour zot take note e pour zot fer – petet zot ava kapab donn konsey Gouvernman li menm. E an menm tan osi donn sa Komite pour ki a lafen di-zour nou konnen ki poudir nou pe fer en travay ki byen e en travay ki bon pou nou pei.

Mersi bokou Mr Speaker.

 

MR SPEAKER

Mersi Leader of the Opposition.  Onorab De Commarmond.

 

HON CHARLES DE COMMARMOND

Mersi Mr Speaker.

Mr Speaker, tre briyevman lo sa Lalwa sa Prozedlwa ki devan nou.  Mwan letan mon  pe get sa Prozedlwa ki fer mwan mazin definitivman defen Oditer Zeneral Mr Benstrong.  Ler nou’n dan FPAC depi dan Lasanble avan i enn bann keksoz ki li in propoze.  Se son baby parey mon kapab dir.  Anfen kont nou  mank li – FPAC pour – mon dir sa avek soz pou sagrinasyon  –  i pou an retar akoz mankman kan Mr Benstrong.  Sa institutional memory  ki nou lasanble Nasyonal sirtou nou Komite Finans  e   Kont Piblik e nou a rode ki mannyer nou pou ranplas sa;- e ankor en gran mankman.  Ankor enn fwa senpati lo nou kote.  Me li ki’n inisye sa mon rapel tre byen.  E i ti met sa devan akoz i annan plizyer Lantrepriz Piblik ki pa ti  pe donn zot kont – zot Rapor – konmsi Lasanble li ti pe fonksyonn dan en fason sa bann entity la zot pa ti pe donn nanryen, nanryen, nanryen;-  la prezan la vwar nou dan en sityasyon.  Ni Rapor avek Lasanble –  I annan 2 Rapor  – I annan zot Rapor Finansyel epi zot Rapor, zot bezwen donn en kontrandi ek Lasanble – nanryen. Sa bann zafer pa ti pe prodwi e prezan lanmenm la i  ti met devan Komite Odit kot Minister Finans i dir, be get annou rod en fason pou summon so to speak sa bann entity la – sa bann Chairperson ek zot CEO, pou obliz zot vin devan sa Komite sinon pa dan Komite Lasanble li menm me a plis devan Komite Kont Piblik.  Komite Odit dan Minister Finans alor in pran sa sityasyon akoz  zot ki annan sa Lotorite pou formil sa pwennvi e la mon kontan ki zot in nabou anba ou direksyon monsieur le ministre pou anmenn sa Prozedlwa senp, me i annan en kantite valer ladan; pou anmenn sa devan nou Lasanble e nou, nou pou donn nou laprouvasyon akoz nou krwar i en bon keksoz.  Nou krwar ki i enportan  pour zot vin devan Komite Finans e Kont Piblik. 

        E i annan en bout an plis – parey Leader Lopozisyon in dir  – i en bout an plis ki nou ti pe dir la kot nou ti pe koz lo Public Hearing  e nou ti pe dir ki ler zot pe vini wi i enportan Medya i la pou tande e konpran kwa ki pe pase.  Akoz nou larzan ki zot pe zere. Nou pa pe akiz personn dan nanryen ditou nou, me solman i enportan ki nou annan en accountability – nou’n vwar ki pe pase latransparans dan sa bann landrwa.  E si en entity  i pa  pe donn ditou son kont finansyel son Rapor isi laba me nou a dir – nou a tande – nou a konpran kekfwa i a vwar  poudir ki annan en mankman pa par li neseserman, me par en lot nivo keksoz .  Si Minister Finans akoz sa issue i fer vwar osi  si  annan mankman dan Minister Finans dan son Komite Lodit, ki pa pe fer son travay la osi nou met devan zot latansyon pou vwar – i en travay konpreansiv sa.  E ler nou pe zwenn sa Chairperson ek sa CEO  – sa bann Lantrepriz Piblik Minister Finans i bezwen osi la – i  pa mete dan Lalwa sa bout la, me i sous entendue ki zot bezwen vin la e Biro Oditer Zeneral i osi bezwen la.  Akoz?  Si FPAC li i vwar i annan en bout kekfwa ki li i vwar i flou  pour li  – i difisil pou li, akoz i bezwen aksepte bann Manm ki lo dan FPAC pa tou ki 100 poursan;- ou kapab ganny ou en FPAC  – pa tou bann dimoun ladan i doue finansyerman  – sa voyaz nou annan en sans ki enn de dimoun  i doue, me solman ou kapab ganny ou en moman kot ou annan sa mankman;- e de tout fason doue pa doue, Oditer Zeneral son Biro e Minister Finans, i bezwen la onboard pou vwar kote si i annan mankman  zot osi zot bezwen pran aksyon lo zot kote.   E ler Oditer Zeneral i pe odit  ouswa serten sa bann keksoz  I pas devan son Biro i  osi konn pli byen ki mannyer nou pou advise.  Annou pa mazin zis konmsi en dimoun in – mon pa pe mazin bann move keksoz as such mwan me ki mannyer nou kapab rod fason pour nou improve  nou accountability  – improve lo lafason ki  sa bann Lantrepriz  i pe fonksyonnen pou vwar si i annan  amelyorasyon pou dibyen nou Gouvernman – pou dibyen nou pei – pou dibyen osi sa bann ….Epi nou devret vwar atraver sa la i pou fer nou vwar kote, ki  i annan bann good examples ki sa i kapab alors share avek lezot ki annan mankman.  Se dan sa bon lespri ki mon rapel alor defen Oditer Zeneral li i ti anvi sa keksoz i ganny fer e mon kontan ki sa i pe ganny aplike  – i pe ganny met devan  e nou  pou mazin li definitivman ler nou pe vwar in future sa bann Lantrepriz ki devan nou. E avek sa mon krwar ki nou Lasanble i devret demann sipor sa akoz  pou anmenn nou devan.

Vwala mersi bokou.

 

MR SPEAKER

Mersi Onorab De Commarmond.

Onorab Georges.

 

HON BERNARD GEORGES

Mersi Mr Speaker.

Mr Speaker, mon napa okenn gran keksoz pou dir lo merit sa Bill, me  pou nou kapab vot en sel fwa Onorab Prea in atir mon latansyon lo en fot tipografi ki mon ava demann  korize silvouple.

 

MR SPEAKER

Mr Pool, i annan en pti typo ki i pe sizere.

 

HON BERNARD GEORGES

Son ‘’Principal Act e Public Enterprises Monitoring Commission Act’’  me  dan son long title, dan son short title e dan clause  (2) it’s the ‘’Public Enterprise’’ in singular.

Mon mazinen ki dan sa 3 landrwa i pou bezwen ganny korize avan ki nou pas li.

Mersi.

 

MR SPEAKER

Mersi Onorab Georges.  Onorab Pillay dernyen parol.  Wi?

 

HON SEBASTIEN PILLAY

Zis lo sa lamannman mon pe get son actual – son main Lalwa i  ‘Public Enterprise in the singular – savedir nou bezwen retir sa  (s).

 

MR SPEAKER

Mersi Onorab Pillay.

Yes Clerk.

 

MADAM CLERK

Mr Speaker, en pti amannman ki nou’n vwar  lo Clerk’s Table la dan  objects and reasons  the last sentence – ‘respective pubic’  – should be ‘’public enterprises.’’

 

MR SPEAKER

Redir pou Legal Draftsmen note.

 

MADAM CLERK

Ok, Mr Pool dan son ‘objects and reasons for the Bill ‘nou pe regard sa dernyen fraz i annan en pti mo ladan ki i mank en (l)

 So nou ava fer en pti amannman please  – en pti typo;- instead of sa nou ava met li ‘public enterprises.’

Mersi.

 

MR SPEAKER

Avek sa mon a donn laparol Minister Peter Larose  Dr – Peter Larose pou li ‘Reply.

 

MINISTER PETER LAROSE

Mersi Mr Speaker.  Mon  krwar Onorab Sebastien Pillay  e Onorab Wavel Ramkalawan e Onorab De Commarmond in fer bann bon sizesyon e mon antyerman dakor avek zot ki nou tou nou bezwen rann kont.  E mwan kot otan ki posib ler sa bann Chairperson  – zot managing Director osinon zot CEO i  la pou donn larepons, mon pou la otan ki posib e sa mon konfirmen ki mon a osi la avek Oditer Zeneral pou fer sir ki nou tou parey koman nou dir we are all on the same level playing field.

Mersi Mr Speaker.

 

MR SPEAKER

Mersi Minis.   Aprezan nou pou vot lo merit apre lo lentervansyon  Minister Larose.

Hands up to bann ki dakor on the merits of the Bill?

        Clerk?

 

MADAM CLERK

Mersi Mr Speaker.  Tou bann Manm in vot an faver sa Bill e mon’n rikord 29 Manm.

Mersi.

 

MR SPEAKER

Clerk?

 

MADAM CLERK

Mersi Mr Speaker.  This Act may be cited as the Public Enterprise  Monitoring Commission (Amendment)  Act of 2016.

Mersi.

 

MR SPEAKER

Thank you. And Onorab De Commarmond.

 

HON CHARLES DE COMMARMOND

Mr Speaker, lefe ki napa okenn amannman  – well zis sa pti fot la sa pti minor amendment, mon pe move anba Order 91(1) ki nou sispann Lartik 65 a 70 nou Standing Order pou nou sot Staz Komite lo sa Prozedlwa.

Mersi.

 

MR SPEAKER

Seconded by Onorab Sebastien Pillay  e osi approved and agreed by son koleg Onorab Basil Hoareau.

Bon lev lanmen ki nou skip Committee Stage as proposed?

        Clerk.

 

MADAM CLERK

Mersi Mr Speaker.  Pour sot Staz Komite mon’n rikord 29 Manm.  Tou Manm in vot an faver.

Mersi.

 

MR SPEAKER

Mersi tou bann  dimoun.  Bravo e avek sa  nou a demann Clerk pou fer Third Reading  apre sa unanimous vote.

Move Onorab De Commarmond.

 

HON CHARLES DE COMMARMOND

Mr Speaker, anba Order 71(1)  mon oule move ki Public Enterprise  Monitoring Commission (Amendment)  Bill, 2016 i ganny lir en Trwazyenm Fwa.

.

MR SPEAKER

Okenn Manm ki segonde?

 

HON SEBASTIEN PILLAY

Seconded Mr Speaker.

 

MR SPEAKER

Segonde ankor par Onorab Sebastien Pillay .

Yes Clerk.

 

MADAM CLERK

Mersi Mr Speaker.  This Act may be cited as the Public Enterprise  Monitoring Commission (Amendment)  Act of 2016.

Mersi.

 

MR SPEAKER

Tou bann ki ‘For lev lanmen?

Clerk?

 

MADAM CLERK

Mersi Mr Speaker.  Ankor enn fwa mon’n  rikord 29 Manm ki’n vot an faver.  Tou Manm in vot an faver

Mersi.

 

MR SPEAKER

So Public Enterprise  Monitoring Commission (Amendment)  Bill 2016 is approved by the whole assembly.

        Mersi tou dimoun ki’n vot an faver.

Avan ki nou ekskiz Minis avek Attorney General avek PS Payet avek  Mr Verghese avek Mr Pool. Mon ti  a kontan ki Clerk pour zot preparasyon i anonse lekel Minister ki nou pe pran demen bomaten.

Yes Clerk.

 

MADAM CLERK

Mersi Mr Speaker.  Nou pou pran Minis Cosgrow demen bomaten 9er e sa pou swiv par Minis Bastienne mon mazinen early afternoon.

 

MR SPEAKER

Ok, eski i annan okenn lobzeksyon.  2 pti lanons avan nou adjourn mon ti annan en pti demann spesyal vi ki la ankor nou’n dir Minister Finans vini ler Finance ek Public Accounts Committee pe zwenn.  Mon’n aprann avek en pti pe sagren ki semenn pase, PS Payet ti fer en pti aksidan e mon krwar ki petet vi son travay e son konsantrasyon ek presyon ki i anba la – petet Minis Finans i devret servi son preogatif e donn li en driver parey bann Sekreter D’eta i annan.  Sa i en pti demann akoz mon krwar i en travay enorm ki i pe fer e in la fidel toulezour pou ed sak Minister, e i pa’n fail dan son duty pou touzour gard en souriy.  So sa i  en demann.

Epi en lanons ; mon ti a kontan dir ki demen se Deputy Speaker – Mr Onorab Nicholas ki pou dan Chair akoz mwan mon ti’n boukte en pti vakans avek mon fanmir alor mon pou ale demen.  Mon a profit sa lokasyon pou swet zot tou ek piblik an zeneral ki pou Lannen  ler i komanse tou dimoun i pas en bon komansman lannen;- kontinyasyon  demen ziska ler Lasanble i adjourn pour Recess ki i al byen  – ki zot a donn Onorab Prea tou son sipor ki i neseser e mwan  mon ti a kontan zis dir ki mon’n enjoy depi le 27 Septanm – mon‘n aprann bokou – mon ankor pe aprann – mon kontan tou sa ki’n gid mwan en ler kot mon’n oubliye si  nou sipoze vote oubyen riye.

E mersi pour zot sipor.  Mon krwar Lasanble in fer en travay tre, tre edikatif ki bokou dimoun deor  – feedback ki mon’n gannyen in apresye.

E mon krwar Onorab Ramkalawan ou ti anvi fer en point of order?

 

HON WAVEL RAMKALAWAN

Mr Speaker, mon  an kominikasyon avek Onorab Larue mon ti ava kontan konnen ki dernyen pozisyon vizavi sa matter of privilege  ki  I ti raise – mon pe dir sa akoz ou pa pou avek nou pou kontinyasyon e vi ki sa size ti dan ou lanmen – konmsi ki ou…

 

MR SPEAKER

Mersi pou lev sa pwen Mr Speaker Onorab Ramkalawan.  Anfet mon’n vwar sa ki Onorab Herminie parey  nou ti’n prevwar – parey nou ti’n eksplik Onorab Larue avek son Avoka  – mon’n vwar levidans ki in anmennen ki’n montre ki sa ki i ti pe dir i pa ti out of order.  E prezan i en kestyon ler Onorab Larue i vini pour mwan diskit ek li sa levidans ki mon’n vwar e pour li vwar si i satisfezan.

Dan mon lopinyon, non legal – mon annan mon’n krwar ki sa ki mon’n vwar  bomaten an ekrir bann korespondans i kouver sa ki Onorab Herminie ti dir, me parey mon dir Onorab Larue ti averti mwan e in notifye mwan ki in kit pei Dimans.  Ler i tournen mon ava diskit ek li mon ava montre li sa bann levidans. E mwan mon annan konviksyon ki i pou satisfe avek levidans ki annan. Minis ou anvi dir en pti parol.

 

MINISTER PETER LAROSE

Mersi Mr Speaker, an vi ki ou’n anons nou Lasanble Nasyonal ki ou pa pou la, mon ti ava profit lokazyon pou swet ou avek ou fanmir Bonn Ane – mersi bokou pou ou lasistans ki ou’n donn nou avek ou bann Staff.  Me tou lezot Onorab mon ava swet zot dan moman apropriye.  Mon swet ou osi en bon vakans ki nou kapab repran lannen prosenn avek bokou lenerzi parski i annan bokou travay devan nou pou fer.

Mersi Mr Speaker.

 

MR SPEAKER

Mersi Dr Larose – Minis Finans e definitivman travay i la e nou’n komans lo en bon semen sa lannen  e sa 3 mwan ki nou pe travay e mon krwar nou a kontinyen lo sa semen.

Avek sa mon ava remersye zot e nou adjourn.  Nou a zwenn demen 9er.

 

 

(ADJOURNMENT)