Home » Verbatim » 2017 » Verbatim Report NAS Sitting Thursday 15th December 2016

Verbatim Report NAS Sitting Thursday 15th December 2016

NATIONAL ASSEMBLY OF

SEYCHELLES

 

Thursday 15th December 2016

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Bonzour Vice President avek ou delegasyon. Bonzour tou dimoun ki dan lakour e an deor lakour ki pe ekout Lasanble ozordi e fotespere parey ankor nou a pas en lazournen enteresan seren e beni parey labitid.  Yer nou’n pas en lazournen ki dan mon pwennvi ki tre friktye. Mon krwar ti dan benefis tou dimoun, petet mon ti a kontan fer de komanter avan ki nou pran Order Paper – e Business of the day.  Enn premye se ki mon ti a kontan reasir tou bann Manm Ekzekitiv ki vin dan Lasanble isi ek bann teknisyen, Advisor ki lefe ki bann Manm pe demann kestyon pa santi ki en okenn latak personnel, oubyen i en attempt pou bring you  down. I en attempt mon kwar nou bezwen fer kler ek piblik ek tou dimoun ki bann Manm Lasanble i ganny in ganny elekte e reprezant swa zot distrik oubyen pep Seselwa an zeneral.  E alors si zot rod klarifikasyon mon ti fer kler sa yer bomaten ki nou pa pe vin demann bann Manm pou fer gran lektir me plito pou vin leklersisman, kestyon ek klarifikasyon.

E se pou sa rezon mon krwar ki i enportan ler Egzekitiv i vin dan Lasanble ki nou sey fer otan posib pou eklersi – keksoz pou reponn kestyon.  E mon donn de legzanp kler  yer enn ki Minis Finans ler ti annan sa deba ki Onorab Ramkalawan koman Leader Lopozisyon pe ensiste i oule konnen si en serten Lorganizasyon i pe pey tax, i ti eskize i dir donn li Break i al find out i a anmenen.

Mon  krwar koumsa ki nou devret azir napa sa zafer sansib ki nou pa kapab reponn kestyon.  Si en Onorab i santi ki en zofisye Governman – en Teacher – en zofisye sekirite pe ganny 2 lapey nou dir wi oubyen non.  Nou bezwen konnen.  E se sa dan sa lespri ki nou bezwen pran li.  Pa santi ki ou pe ganny latak personel oubyen ki nou pe bring you down parey Angle i dir.  I en kestyon leklersisman.  Akoz mon krwar en keksoz nou bezwen mazin byen nou tou Lasanble, Ekzekitiv, Zidisyer nou annan en sel bi pou anmenn nou sesel devan, sa Sesel ki nou kontan.   Sa i tre, tre enportan. .

Dezyenmman mon krwar i annan en lapse deroulman , Lasanble Nasyonal ki tre edikasyonel e tre enformatif . Tou letan mon’n dir ki Lasanble Nasyonal i parey en leson sivik education pou tou dimoun.  E yer mon ti kontan ki Onorab Georges ek Onorab Ferrari ti demann PS Lousteau Lalanne leklersisman lo Blue Economy e mon kapab dir pou dir mwan mon menm mwan mon’n santi mwan ler mon’n sorti isi pli edike lo Blue Economy, akoz sa madanm sa zenn PS ti konnen ki i ti pe dir.

I ti konn son sif.  I ti konn son substance i donn nou en leksplikasyon tre kler ki nou tou nou’n apresye e mon sir feedback ki mon’n gannyen piblik osi in apresye.  Mon krwar ki dan sa lespri ki nou kontinyen travay dan lentere nou popilasyon – dan lentere Sesel.

Ozordi ankor enn fwa mon swet byen veni, Vis Prezident Meriton.   Nou’n kouver en pe son bann Lazans ki tonm anba son portfolio.

Ozordi nou pou pran diferan Departman, Departman Industry ek Investment and Industry nou pou al lo,  NBS  National Bureau of Statistic apre nou a kontinyen.

Me zis avan avan nou komans pran nou bann diskisyon lo sa liv; Estimate of revenue and expenditure anba spesifik Departman ek Lazans anba  Oder Standing Order 35 (2) i annan en demann as a matter of privilege e sa demann i sorti kot en Manm Lasanble e dapre Standing Orders i bezwen demann en matter of privilege pou fer en statement.   e ankor anba 35 (b) ‘’the precise contents of the proposed explaination must be submitted in advance to the Speaker to ensure that they are appropriate.  Alors mon’n resevwar  son statement e sa pwen anba 35 (2) mwan donn Onorab Afif matter of privilege pou li fer son statement.  Onorab  Afif.

 

HON AHMED AFIF.

Mersi Mr Speaker, bonzour tou bann Manm Lasanble,  bonzour tou dimoun ki a lekout. Mersi ki ou’n donn mwan sa privilez pou kapab fer  en lesplikasyon avek Lasanble Nasyonal anliny avek Seksyon 35  dan Standing Orders.  I malere ki bomaten Minis pour Finans pa dan Lasanble, parske sa ki mon pe dir I konsern  Minis pour Finans. Yer dan son larepons pou Bidze 2017,  Minis pou Finans Dokter Peter Larose ti fer en deklarasyon, konmkwa mon annan en azanda personel kont li.  I ti answit fer serten alegasyon lo mwan ki mon konsider koman en latak personel lo mon entegrite.

Mr Speaker dan son ladress Minis pou Finans in dir ki mon ti enplike dan sa tranzaksyon 50 milyon dolar ki pase an Septanm 2002.  I ti dir ki mon ti siny bann Lease later pou bann zil tel ki Ste Anne.   I ti osi dir ki mon ti met lasenn otour IOT, pou bar zot loperasyon Sesel.   E  i ti montre en bout papye, ki i ti demande si pa mwan ki ti’n sinyen.

Mr Speaker sa bann statement i konpletman fo.  In afekte mon privilez koman en Manm Lasanble e in efektivman denigre mwan dan lizye piblik.   Permet mwan Mr Speaker pou eklersi Lasanble Nasyonal e pep Seselwa lo tou sa bann size.

Premyerman les mwan met lo rikord ki mon pa’n zanmen form parti sa tranzaksyon 50 milyon dolar ki Abu Dhabi ti fer Sesel kado e ki ti disparet.

Les mwan dir osi ki mon pa’n zanmen akiz Minis ki I form par ladan oubyen met sa dolar dan son pos.

Mon ti senpleman dir e verbatim Lasanble i kapab konfirmen, ki Minis in konfirm ek sanmenm sa Lasanble ki I rapel sa larzan ki sorti Abu Dhabi, ti ganny transfer dan kont SMB.

Dan mon statement mon zanmen akiz li pou fer okenn malonnet e mon konfyan avek son lentregrite ki i pa ti pou zanmen fer keksoz mal tel ki ti pase.  Annefe mon pa’n zanmen konn Peter Larose fer ditor personn ou fer okenn pratik malonnet pandan toultan ki mon’n konn li koman en koleg.  Akoz ki i ti bezwen atak mwan tel fason, kan sel keksoz mon pe rode se laverite ?

Annefe mon ti kontan ki Minis i fer en lanket detaye dan disparisyon 50milyon dolar an Septanm 2002, e i pou mon plezir pou donn li lanmenm rode oli sa larzan. Mon espere ki sa i ganny fer osito e ki sa rapor i ganny fer piblik ki lepep Seselwa i konn laverite lo ki mannyer sa 50 milyon dolar – nou larzan, in’n disparet.

Lo size zil e Lease R1 pour Ste Anne, Minis otan ki mon rapel sa ti ganny fer preski 20an pase kan mon pa ti ansarz ni Minister Finans ni Minister Later.  Ou osi ou pa ti dan Labank Santral sa letan. Mon pa’n zanmen siny okenn Lease later pou R1 avek personn, pou okenn zil parske mon ti napa okenn Lotorite dan sa zafer later.

Mon ti a osi kontan ki ou donn sa Lasanble en kopi sa Lease later R1 pour ki piblik I a vwar klerman lekel ki ti sinyen.

Permet mwan osi reponn lo sa 3enm lakizaksyon mon ti met lasenn otour IOT.  Minis Finans sa letan Danny Faure ti donn mwan direktiv an 2010 pou negosye en pli bon deal ek IOT dan lakel Gouvernman ti 40 poursan aksyoner, apre ki Labank Mondyal ek IMF ti donn en en direktiv ek Gouvernman e Minis Faure ki Sesel ti pe perdi tro bokou larzan, avek en Lakor ant Gouvernman ek IOT, ki ti’n ganny sinyen par mon predeseser le 6 Septanm 2005, kan mwan mwan pa ti dan Minister Finans.  Mon annan en kopi sa Lapor avek mwan.  Anba sa Lakor Gouvernman ti pe sibvansyonn IOT pou plis ki R100milyon  par an, akoz Gouvernman ti pey son bill elektrik ziska R5milyon par mwan.  Ti donn li ekzonerasyon – exemption  lo tax, lo saler travayer e menm pey en pey en porsyon lapey travayer IOT.  Les mwan dir ki ler mon ti ganny lenstriksyon avek mon Minis Danny Faure, mon ti lager lebra kase, e mon ti reisi ranvers sa Lakor pou ganny pli bon deal pour Sesel ; comme swivan ki ti sinnyen le 10 Out 2010.  Mon annan en kopi sa Lakor.

Anba  sa nouvo Lakor ki mon ede renegosye IOT ti oblize pey Gouvernman en total 7.8 milyon Ero an 2010 e preski 4 milyon Ero par ran apre sa pandan sa dezan swivan an term dividend ek tax ki prezan ti ganny enpoze, lo travayer.

An 2016 Mr Speaker – sa lannen Bidze i montre R24 milyon an dividend e lannen prosenn R37milyon an dividend.

Gouvernman ti osi aret pey bill elektrik lo la par IOT. Mon annan en kopi Statement ki ti ganny fer par State House zour Lagreman ti ganny sinnyen. E zis pour lir en pti bout ladan;

‘’ Principal Secretary for Finans, Ahmed Afif said that this agreement represent an improvement over the previous agreement. Vice President Danny Faure was present at the ceremony said that this agreement is timely.  We look forward to continue a long partnership with MW Brands as we seek to enhance the world class business, which should as a consequence enhance economic benefits for Seychelles, Government of Seychelles recognizes the needs for all private companies operating in Seychelles, to have economic stability, security and certainty and wishes that Seychelles becomes the top destination for global businesses.’’ Son tit;

‘Improve benefits expected from amended tuna canning factory shareholders agreement.

Date le 20 Out 2010. Vwala ki mon ti reisi fer pour Sesel.

Retir sibvansyon kot ti napa merit e fer zot pey Gouvernman ki ti akzyonner dan en biznes ekstrememan profitab ziska ozordi.

Dan mon lentervansyon pou Bidze mon ti zis demann Minis pou fer demann ek IOT pou asire ki en pti bwat ton ki lo letazer dan magazen sorti kot IOT pa vann plis ki R15 e non pa R22. Zot ti vann R5.50 ler Dolar ti kout R8 an 2008.  Se tou ki mon ti demande.

Akoz sa I ganny sa I ganny konsidere koman en azanda personnel Minis?

E sirtou, kot ou kan ou ti  pe asiz an Washington ler mwan e Minis Danny Faure ti pe navig bann delo difisil an 2010 –  e avek en lekip solid dan Minister Finans, nou ti ede efas 300milyon Dolar det lo Sesel ki ozordi pe met mwens fardo lo ou Bidze.

Mon dezapwente ki Minis i kapab ganny son bann fe osi mal ki sa, parske zot bezwen annan tou rikord kot son Minister lo sa dosye.  Ant ou leka mon ti a kontan kit sa bann kopi Lagreman avek IOT avan mon ti negosye, e apre ki mon ti negosye, pou ou MrSpeaker.

Les mwan a konklir an dizan Minis, ki i pa dan mon natir pou ofans person, me i pa dan mon natir osi pou aksepte  – avek respe Minis nenport ki mansonz, ki ganny anvoye lo mwan.

Mon demann ou Minis an bonn fwa pou silvouple retrack sa bann lakizasyon kont mwan ki afekte mon privilez e repitasyon devan piblik Seselwa.

Mersi bokou Mr Speaker.

 

 

(APPLAUSE)

 

 

DEPARTMENT OF NATIONAL BUREAU OF STATISTICS

 

MR SPEAKER

E prezan nou ava al direkteman lo nou business of the day – Vis-Prezidan mon krwar premye Departman ki oule pran pou diskite,  si mon’n ganny byen lenstriksyon dapre mon papye i Departman Lenvestisman ek Lendistri.  Eski sa i korek Vis-Prezidan?

 

VICE-PRESIDENT  MR VINCENT MERITON

Mersi Mr Chairman.  Bonzour.  Bonzour tou Onorab.

Mr Chairman avek ou permisyon, mon ti a demann ou permet ki nou pran National Bureau of Statistics avan, an vi ki apre sa nou annan Departman Lendistri ek Lenvestisman  satelit ki tonm anba li. Nou ava  dispose of NBS apre nou ava pran li ziska ler nou fini.  Avek ou permisyon Mr Chair.

 

MR SPEAKER

Napa problenm, nou a pran National Bureau of Statistics e nou a demann Ms Ah-Time pou vin devan o-bor son Minis apre gid nou en pti pe lo ki paz nou pou ale Vice President oubyen 51. 51 pou tou dimoun ki pe swiv dan Lasanble. Page 51 e Ms Ah-Time byenveni relax o-bor ou Vice President, e nou a les bann Manm rod leklersisman tou sa ki nou pe sey fer se rod leklersisman, klarifikasyon pou nou avek pep Seselwa avan nou aprouv Bidze. Avek sa mon a demann okenn Manm Lasanble okenn MNA ki annan leklersisman lo paz 51, 52, 53, 54, 55 e 56 lo National Bureau of Statistics. Onorab Ramkalawan.

 

 

HON WAVEL RAMKALAWAN

Mersi bokou Mr Speaker, bonzour e bonzour Vice President e bonzour tou manm Lasanble e tou dimoun ki pe ekoute. Mr Speaker mon kestyon i tre senp e tre bref, mon ti ava kontan demann Vice President espesyalman Ms Ah-Time ki ansarz sa Departman si sa ki dan Bidze sa sif i sanmenm sa sif ki son Departman ti demande pou zot kapab fer zot travay pour lannen 2017?  Mersi bokou.

 

VICE PRESIDENT – MR VINCENT MERITON

Mr Chairman, bonzour Onorab, nou ti demann en pe plis ki sa 12.8 milyon. Nou ti’n fer provizyon pou aste transpor, me mannyer Bidze apre in ganny aporsyonnen nou pa’n ganny sa larzan ki nou bezwen pou aste transpor so vwala kot nou ete.  Mersi Mr Chairman.

 

MR SPEAKER

Onorab Ramkalawan ou annan en klarifikasyon.

 

HON WAVEL RAMKALAWAN Apard transpor  konmsi met sa transpor de kote, eski sa Bidze 12 milyon 868 mil, eski sa i sifizan pou sa Minister fer son travay, ki i en travay tre enportan, parski se zot ki donn bann statistic esansyel pou nou kapab konnen egzakteman dan ki landrwa par egzanp lapovrete, ki pei pe fer, index  lo tou bann cost of living, ensidswit, vi ki sa Departman i sitan enportan, eski zot santi ki sa sif ki la pou permet zot fer sa travay, pour ki nou tou nou ava konnen dan direksyon nou pe ale, kote nou bezwen met plis zefor e ki mannyer keksoz pou deroule. Se sa mon kestyon, eski i sifizan?

 

VICE PRESIDENT MR VINCENT MERITON

Mersi Mr Chairman, nou annan 34 staff, kot NBS.  Nou annan nou 6 graduates e nou travay i ganny prioritize. E mon dakor avek ou, nou bezwen donn statistic nou bezwen ed bann lezot Lorganizasyon ki pe collect – pe anmas statistik pou nou kapab ganny li byen. Si nou pe koz en larzer teknolozi, nou bezwen ganny nou bann fason anmas lenformasyon byen, e Biro Statistik i la pou ed nou kapab fer sa.  E apard ki larzan ki nou gannyen avek Gouvernman nou osi ganny bann Grant aletranze; par egzanp ou ava apresye ki ler nou fer bann survey ou bezwen annan en ta papye ki ou bezwen komans demann dimoun.

Me en Grant ki nou gannyen avek ADB in permet nou ganny bann gadgets ki ou annan en paperless survey ki ou bann dimoun konman I demann ou en kestyon i fer antre lo en masin e nou kapab met lenformasyon ki apre In real time nespes nou kapab anmenn devan e ganny collect e analize. E travay i ganny prioritiz par egzanp an 2020, nou bezwen fer en lot Census en lot survey ‘Household.  Ti fer dernyen fwa an 2010 e nou prepar nou an 2017 pou nou kontinyen 2018 pou ki an 2020 nou fer sa survey.

Nou bezwen an 2018 osi fer en lot survey lo kou lavi ki nou fer an 2013, ki ti’n fer leve sa bann kestyon lapovrete la. So i en travay ki pa ganny fer en sel kou la, me en preparasyon ganny fer e nou e-tal bann program e ou’ n war dan bann PPBB bann segment  in ganny byen fer kler e bann dimoun i e-tal zot resours imen ki zot annan vizavi zot bann latas pou fer, pou nou kapab atenn lo lobzektif – fer plis, avek mwens me avek travayer de kalite.  

So nou bezwen gete ki mannyer nou kapab (1) desarz nou bann responsabilite; reste dan en lespas fiskal ki nou kapab fer, anmezir ki kapab agrandi dan bann lannen ki pe vini. Mersi Mr Chairman.

 

MR SPEAKER

Onorab Ferrari.

 

HON  JEAN-FRANCOIS FERRARI

Mersi Mr Chairman, bonzour tou dimoun.  Mr Chairman mon kontan vwar poudir ki National Bureau of Statistic is a full PPBB project, e sa i fer nou travay enteresan, akoz nou vwar pou dir i annan bann lobzektif – bann proze ki’n ganny liste. Ler mon get anba proze mon vwar de proze vreman tre enportan sa se Voter  Census pou 2017 e sa Vulnerability Study ki nou tou nou pe espere.  Now ler mon get lo paz 53  – ler mon vir paz, mon vwar ki Bidze pou sa Lorganizasyon – ou sa Departman, in ogmant par 2.4 milyon e mon lenpresyon se ki, i vreman tight e i pou difisil pou fer sa gro survey.

An menm tan ler mon vir mon bann paz mon al dan Biro Electoral  Commission  mon vwar ki Electoral  Commission  li osi i pa pou kapab take up sa burden finansyerman, akoz li osi son Bidze in ogmant par zis R500mil.  Donk i en gro latas. E Minis ou kapab dir ek sa Lasanble oubyen Miss Ah- Time dir ki mannyer zot pou achieve sa lobzektif e nou mon ti a kontan dir la, nou koman Manm Lezislatif, nou atas enormeman lenportans avek sa Voters Census.  Alors si zot santi poudir zot pa pe ganny ase resours pou fer sa travay, nou koman en Lasanble, nou kapab fer en lapel spesyal avek en pei zanmi, oubyen en Lorganizasyon zanmi pou nou ganny 2,3 milyon an plis pou fer sir ki sa survey i ganny fer.  E mon krwar ki Minis, Vice President i ava dakor – e Onorab De Commarmond i ava dakor,  akoz i anvi en eleksyon en pe vitman – i ti dir nou lot zour. So nou bezwen fer sa survey en pe vitman e konplet li avan lannen.  So si i annan okenn keksoz ki nou kapab fer Vice President demann nou, nou ava fer.  Mersi.

 

VICE PRESIDENT – MR VINCENT MERITON

Mr Chairman mersi. Nou osi nou atas gran lenportans ek statistik.  Si i annan en domenn kot Sesel par ler pa ganny klase kot i devret kot i merite se akoz i mank statistic. Pa akoz nou pe mal performen. So nesesite annan bann statistic ki byen detaye, byen desegregated i vreman o pwen.

So, ou pe koz zis eleksyon, nou, nou pe koz pei – devlopman pei an zeneral. E kot i konsern eleksyon nou les keksoz marse, eleksyon dapre Konstitisyon i normal li.  Ler pou ariv ler eleksyon nou ava fer eleksyon.

So Mr Chairman, mon kwar lenportans e rol ki sa Biro pe zwe, i kle dan devlopman pei. Wi i a port soutyen avek Biro Komisyon Eleksyon – lasistans teknik pou permet zot kapab desarz zot responsabilite ki zot osi annan anba zot Lalwa.

I annan en bout ki zot pou fer e en bout ki kot Biro Komisyon Eleksyon  pou fer, pou kapab fer sir ki sa Resansman i pran plas comme il faut. Mersi Mr Chairman.

 

MR SPEAKER

Onorab Ferrari en klarifikasyon ?

 

HON JEAN-FRANCOIS FERARI

Zis en pti follow-up Mr Chairman. Mon ti a kontan demann Minis, me kekfwa avek Mr Payet i ava kapab donn nou byen, tou bann Minister I sipoze compile bann statistic, e sa i sipoze en led pour National Bureau of Statistic.  Me ler mon dir sipoze mwan mon ti a kontan en lasirans ki ler zot in prepar Bidze – dan tou bann Minister, i annan en zefor spesyal pour ki Nasyonal Bureau of Statistic, i gannyen sa backup.  Akoz mwan kontak ki mon gannyen avek bann Information Officers dan bann Minister se ki par ler zot ganny mete dan en pti biro dan en kwen zot pa, konmsi zot pa ganny regarde konman keksoz vreman enportan.  E sa i vin en dezavantaz pou National Bureau of Statistics.  So reasir nou ki across the board i annan en zefor ki pe ganny fer

Pou nou ganny tou sa bann lenformasyon ki nou bezwen gannyen.  Mersi.

 

VICE PRESIDENT MR VINCENT MERITON

Mr Chairman apre mon a pas laparol avek PS me selman, wi, i en langazman ferm mon pe donnen ozordi le 15 Desanm, ki Gouvernman nou pe travay dan direksyon ki nou kapab organiz  fason ki nou anmas lenformasyon, pou nou menm, pou nou kapab kolet ek bann Lazans ki bezwen lenformasyon in real time akoz nou pe koz KBE – Knowledge- Based Economy.  E nou menm nou, nou bezwen fer sir ki bann lenformasyon ki nou zenere i a porte piblik kot i permet ; pou dimoun kapab fer bann resers, ganny bann tandans e bann donne apre servi dan bann letid.

Dezyenmman nou bezwen pran an konsiderasyon bann diferan Lalwa ki bann diferan Lazans i pe operate ladan, ki donn li serten restriksyon pou partaz lenformasyon e nou bezwen adres sa bann size la. Si i annan bann Lalwa, nou bezwen kapab partaz bann lenformasyon avek serten nivo restren tou an prenan kont serten konfidansyalite i annan, me selman ki Gouvernman i bezwen kapab annan, across the board –  annan lenformasyon ki permet li, konman sa leker kot konsern lenformasyon i konsernen zwe son rol. Epi an menm tan, mazinen i annan white paper ki nou pe fer lo sa freedom of access to information.

Sa osi i demann parey PS Rose ti pe dir, i demann serten travay de-baz, groundwork, spade work i ganny fer dan bann lorganizasyon pou idantifye bann zofisye ki anmas lenformasyon. Me pli enportan ki manyer nou klasifye, katalog lenformasyon ki ler bann dimoun i demande, baze lo bann diferan paramet Nasyonal, enternasyonal ki nou ava mete ki dimoun i kapab ganny lenformasyon i partaz avek dimoun baze lo bann sirkonstans, legzizans ki annan. Mersi Mr Chairman.

 

MR SPEAKER

Onorab Mondon.

 

HON TERENCE MONDON

Mersi Mr Chairman. Lo paz 51 epi i kontinyen lo 52 – NBS in fer resorti en pti pe zot bann defi ki zot pe fer fas avek. Enn parmi se pou retenir zot bann long serving staff e osi zot bann graduates. Vis-Prezidan i dir nou i annan 6 graduates ki pe travay deza kot NBS. Mon kestyon alor se, pou demann CEO NBS, eski i santi ki son Bidze i adres package ki son bann Staff i devret pe gannyen an konparezon avek bann lezot Departman Gouvernman pou zot kapab reste konpetitiv; pou zot kapab fer sir ki zot donn en package ki zot ban Staff avek leksperyans, avek konesans e skills i reste kot zot pou zot kapab kontinyen fer en pli bon travay, an koleksyon bann lenformasyon e bann lenformasyon enportan pou nou pei.  Mersi Mr Chairman.

 

VICE PRESIDENT MR VINCENT MERITON

Mr Chairman mon ava al pou bout zeneral e si Ms Ah-Time i anvi konplimante i a fer li. Nou konsyan nesesite retenir bann profesyonnel e bann graduates dan Gouvernman fas a en menas e en latak konsistan ki annan par Sekter Prive pou pran le meyer pou zot osi kapab fer en travay.  Mon pe dir en onslaught par Sekter Prive pou zot kapab pran dimoun, pran graduates.  I nou responsabilite Gouvernman pou train.  Nou train pour Gouvernman ; nou train pour pei, we train for the world. So nou konsyan ki le moman ki sa dimoun in desarz serten responsabilite dapre son Bond i lib – nou en pei lib, pou kapab al gete kot zerb i pli ver. E se pou sa rezon ki konsyan sa realite dizour NBS in prepar en Scheme of Service ki’n ganny aprouve e provizyon in ganny fer dan Bidze 2017 pou kapab retenir nou bann Staff pou zisteman desarz sa responsabilite enportan ki annan vizavi lanasyon. Mersi Mr Chairman. Mon pa konnen si Ms Laura  i anvi dir keksoz.

 

MR SPEAKER

Ms Ah-Time ou anvi azoute?

I ok? Ok Onorab Mondon.

 

CEO LAURA AH-TIME

Bonjour Mr Chairman, bonjour tou bann Manm Onorab, lesplikasyon ki VP in donnen i preski kouver sa ki mon ti pe al dir, akoz nou ti’n fer en Scheme of Service an lannen 2012 e nou’n vwar la sityasyon ki mannyer in sanze pou nou kapab retenir nou Staff. Nou fek revi sa Scheme of Service ki nou’n anvoy kot DPA nou pe esper approval e nou pe fer provizyon pou nou kapab donn en pli bon package tou nou bann Staff.  Mersi Mr Chairman.

 

 

MR SPEAKER

Onorab Mondon.

 

HON TERENCE MONDON

Mersi Mr Chairman zis en pti klarifikasyon, Vis-Prezidan i kapab reponn mwan. An konparezon avek bann lezot Departman parey Finans mon konnen zot ganny en bon package, eski sa Scheme of Service i menm nivo avek bann lot Departman parey Finans pe resevwar?  Mersi.

 

VICE PRESIDENT MR VINCENT MERITON

Mr Chairman, Ms Ah-Time pa pou konnen akoz li dan son konpartman, i pa pou konnen ki pase dan lezot.  Me selman Gouvernman ler nou devised bann Schemes of Service, i annan bann konesans de-baz ki ou bezwen annan, i annan spesifisite sa travay ki ou fer, i annan bann nivo teknik ki ou bezwen annan, bann leksperyans pou ou kapab fer sa; i annan bann ler-d-tan travay ki ou bezwen ganny fer; I bann danze ki ou fer fas dan ou travay, mazinen ler ou bann dimoun i al fer Resansman kantite lisyen i kapab mord ou, tou kalite – nou konnen ki annan Mr Chairman. 

So tousala i ganny pran konsiderasyon par kad, par Scheme e sa i ganny aplike across the public service.  E ler ou balans tousala se an traver sa bann desizyon final e la sonm final kot i konsern ou saler de-baz e bann lezot allowance ki reflekte legzizans sa servis avan desizyon final i ganny pran. Mon pa konnen si PS i oule azout keksoz.

 

PS PATRICK PAYET

Mersi VP. Bonzour Speaker, bonzour tou Manm Onorab.  Zis pou azoute letan nou regard Scheme par egzanp ler i vin kot nou pou evalye enpe lo ki kantite depans ouswa kantite ki nou kapab donnen dan Bidze, nou regard li enpe, par egzanp ler get National Bureau Of Statistics, dan ki domenn sa bann dimoun i sorti e dan ki zot kapab travay ; par egzanp ler ou get bann Economists i kapab travay swa Minister Finans ouswa Labank Santral ouswa National Bureau of Statistics ouswa bann line Minister. E ki nou fer nou, nou fer sir ki nou get sa overview of the Scheme par egzanp dan Minister Finans, National Bureau of Statistics, pou fer sir ki napa sa gran debalaz ki demen ki ou pa pou ganny en dimoun just for the sake pou kit Minister Finans pou al travay National Bureau of Statistics ouswa pou kit National Bureau of Statistics pou vin Minister Finans. Me parey VP in mansyonnen osi i annan bann spesyalizasyon ki zot fer e en konponan dan Scheme se marketable skills. Par egzanp si i annan en dimoun ki annan en Masters dan Statistics, i pa pou parey bann lezot Masters ki egziste dan Gouvernman, akoz sa market ki zot annan pa bokou ki annan en Masters dan Statistics.  So nou vwar sa bann keksoz dan, letan ki nou pe fer nou bann assessment osi. So nou kapab dir ki bann Scheme en pe preski parey Minister Finans, National Bureau of Statistics. Mersi.

 

MR SPEAKER

Onorab Arrisol.

 

HON SANDY ARRISOL

Mr Speaker mersi. Bonzour Vis-Prezidan. Bonzour tou dimoun. Mr Speaker mon ti anvi fer en propozisyon avek ou permisyon.  Parey ou’n dir, an relasyon sa ki ou’n dir bomaten kekfwa ler nou bann envite i vin dan Lasanble – nou bann PS, nou bann CEO, mwan mon ti pe mazinen kekfwa ki ti a kapab fer en pti lentrodiksyon an relasyon avek sa ki zot reprezante par egzanp, kote zot baze, ki zot rol, en pti pe parey Ms Lausteau Lalanne ti fer yer. Sa i a vin en lenformasyon pou nou menm konman en Lasanble e osi pou sa dimoun ki pe swiv deor. Mersi.  Mon dir avan letan nou bouz lo lot kekfwa nou a mazin sa an konsiderasyon.  mersi.

 

MR SPEAKER

Ok. Bon, en bon sizesyon. Onorab Pillay.

 

HON SEBASTIEN PILLAY

Mersi Mr Speaker. Mr Speaker mon le anmenn latansyon lo paz 52 anba bann proze ki NBS pe travay lo la. Mon oule demann en kestyon an relasyon avek sa dezyenm bullet point se sa Vulnerability Study 2017. Si ou permet mwan Mr Speaker, mon ti a kontan konnen ki modalite zot pou servi sa fwa si an relasyon avek sa letid ?

E ki kalite langazman zot pou anmennen pou anmenn plis partisipasyon stakeholders dan preparasyon oubyen dan disimilasyon  bann lenformasyon ki zot kolekte an traver sa letid? Mersi Mr Speaker.

 

MR SPEAKER

Ms Ah-Time

 

CEO LAURA AH-TIME

Mersi Mr Chair. Sa Vunerabilty Survey ki nou pe al fer i en pe dan menm laliny dan Household Budget Survey vi ki nou pe al regarde bann risk ki bann lakour i fer fas avek. Modalite se ki nou pa ankor vizit bann lakour, the usual procedure parey nou fer tou bann survey, kot nou fer nou lesantiyon lakour, nou donn formasyon sa bann dimoun ki pou al actually al deor pou al kolekte sa lenformasyon; nou pou devlop nou bann tools ki normalman nou abitye fer sa dan lepase kot ler nou develop nou        kestyonner and everything, nou actually partaz li avek bann lezot lorganizasyon pou zot osi donn zot input.

Me annan ki arive ki ou partaz avek bann lezot lenformasyon, ek lezot Lorganizasyon me i pa toultan leka ki ou ganny en feedback from zot. E an menm tan letan nou fer sa bann letid osi, nou osi konsilte avek bann lezot Lorganizasyon Enternasyonal sirtou Labank Mondyal ki’n ed nou en kantite ler nou ti pe fer sa Poverty Study akoz zot, zot annan sa lekspertiz ek sa leksperyans. So nou pou al dan sa bann menm laliny ki nou, nou abitye fer nou bann survey. Mersi Mr Chairman.

 

MR SPEAKER

VP.

 

VICE PRESIDENT MR VINCENT MERITON

An menm tan Mr Chair ,si i permet nou kapab partaz ek Lasanble, Onorab, si zot annan okenn keksoz pou azoute lo bann kestyon ki zot kapab osi donn plis kalite lo travay ki nou pe fer.

 

MR SPEAKER

Mersi. Onorab Henrie.

 

HON GERVAIS HENRIE

Mersi Mr Chairman. Bonzour tou dimoun. Mr Chairman mon annan zis en pti kestyon regarding larepons VP an konsernan transpor. Ou dir ki, konmsi sel keksoz ki zot pou, zot Bidze i ok ,me selman zafer transpor zot ti’n demande zot pa pou gannyen akoz mon anvi konnen ki kantite, konmsi how important sa konponan transpor an vi ki i annan sa 2 proze ki zot pe al fer zot bezwen mobil e alor ki plan zot pou pran dan short-term pou zot kapab dil ek sa sityasyon, eski zot pou servi transpor ki zot deza annan; ouswa absoliman zot bezwen e posibleman ti kapab koup enpe dan sa 5milyon kot State House pou donn zot en nouvo transpor. Mersi.

 

MR SPEAKER

Ms Ah-Time?

 

VICE PRESIDENT-MR VINCENT MERITON

Wi Mr Chairman, mersi pou ou kestyon tre pwenti. Dan Gouvernman toultan ler i annan en proze lenportans Nasyonal nou partaz resours e annefe yer mon kontan Onorab Ramkalawan ek Onorab Ferrari in koze, gete ki mannyer nou kapab optimiz resours pti git ki nou annan, dan en sityasyon dan en lespas fiskal sere, avek en disiplin ki nou pe fer. Se egzakteman sa ki nou pou fer.  E o fir e anmezir si ou trouve ki annan serten savings zot finans i fer then PS Finans, Minister Finans i sansib a bann bezwen sirtou parey in dir la pou kapab get ki mannyer nou’n fer, e an vi ki pa ti demann bokou dan son Bidze pou lannen prosenn. Mersi Mr Chairman.

 

MR SPEAKER

Onorab Prea.

 

HON NICHOLAS PREA

Mersi, Mr Chairman. Mr Chairman mon ti anvi zis fer en pti remark an vi ki NBS in antre lo full PPBB, nou vwar rezilta e nou vwar konman zot in kapab manage zot Bidze an 2016, sanmenm demann en supplementary and all that. Malgre tou konstrent zot in kapab delivre en bon travay. E petet i en legzanp pou lezot Departman, lezot Heads dan Gouvernman pou kapab swiv, managing their budget. Thank you.  Mon ti anvi zis fer sa pti remark. Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chairman. Mon kestyon i swiv sa ki Onorab Nicholas pe dir – e zisteman ler mon pe get sa Bidze lo paz 53 an total, ler ou get Bidze National Bureau of Statistics, i napa gran sanzman signifikan menm ziska 2019 e ki montre, wi zot pe kapab mentenir en Bidze, me selman ler ou pe gete bann challenge ki zot pe koz lespas pou zot travay, zot pe koz transpor e ou pa vwar provizyon ladan.  I montre ki zot pa pe met ase lenportans lo sa Bureau pou kapab fer sir ki zot kapab delivre pli byen e sirtou nou pei i bezwen bann lenformasyon de kalite. I bezwen fer bann travay pli aprofondir pou nou kapab fer bann desizyon ki pli bon pou pei.  E mwan mon pe remarke ki napa sa lenportans baze lo Bidze ki zot pe prozekte. Mersi Mr Chairman.

 

MR SPEAKER

VP.

 

VICE PRESIDENT –MR VINCENT MERITON

Parey nou’n dir Mr Chairman, PS in dir mon nou ava gete pandan lannen ki mannyer keksoz i ete pou nou kapab donn en sipor.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker, mwan anvi zis repran kot Onorab Henrie in kite – lo sa zafer transpor, vi ki sa Departman zot pe bezwen en transpor. I annan 5.4 milyon ki’n aprouve pou 6 transpor pou State House yer.  E 6 transpor a en valer 5.4 milyon i vedir bann transpor R900mil. Mon krwar ki State House ti ava kapab malgre ki sa Bidze in ganny aprouve, zot ti a kapab rekonsidere avek en lespri koupe, parski Lasanble tou in fer egzakteman sa, pou koupe pou olye al aste bann gro transpor ki kout R900mil, i ti a kapab par egzanp redwir pou vin bann transpor R600 mil, ki avek sa 5.4milyon, par egzanp ti ava kapab provide pou sa transpor pou    RR Statistics Department ki tre enportan parske si zot pou bezwen al partou. So mon krwar mon ti ava kontan ki ou konsider sa seryezman e petet pou osi annan bann lezot Departman ki ava bezwen en lot transpor.  Alors ki konmsi  nou pa ava dir be tou i al State House e bann lezot.   E mazin an term koupe silvouple. Mersi bokou.

 

MR SPEAKER

Wi Onorab.

 

HON WAVEL RAMKALAWAN

Mr Speaker, apre zis lo en pti point of order mon ava profite mon ava leve; nou konnen pou dir prensip Lasanble se ki bann dimoun ki vin dan Gallery pa ganny drwa servi zot telefonn me selman mon kwar ki nou bezwen koman en Lasanble realize ki, sa bann dimoun ki dan Gallery se bann top executive dan zot diferan Departman e ki alor mon ti ava demande ki si zot ti ava kapab, sekirite in pran zot telefonn – si zot ti a kapab ganny zot telefonn, parske i posib zot pou asiz la pou en kantite letan e ki they need to be in touch with their office.  So mon krwar sa ti a ….

 

MR SPEAKER

Ok mon kwar that’s a very fair, and relevant and valid point.  Nou a demann Clerk pou donn lenstriksyon ki bann top executives ki pe akonpanny bann Manm Egzekitiv Gouvernman ki vin reponn kestyon e klersi bann keksoz i ganny akse ek zot telefonn, me ki zot met li lo ‘silent. Met li lo silent me zot kapab kominike avek zot biro pou zot ganny lenformasyon kan i annan kestyon ki zot bezwen extra information.  So Clerk mon a met sa dan ou lanmen. Onorab Pillay.

 

 

HON SEBASTIEN PILLAY

Mr Speaker, mon ti oule zis dir ki yer mon’n ganny sans koz avek 2 nou bann dimoun ki ti anler e zot annan bann Departman ki lafen lannen la i annan bann keksoz ki zot pe, i enportan zot kapab annan sa kontak parfwa.

 

MR SPEAKER

So ou pe siport parol ki Onorab Ramkalawan?

 

HON SEBASTIEN PILLAY

Wi mon pe siporte.

 

MR SPEAKER

Tre byen Clerk i a take care of that. VP ou le fer komanter lo sizesyon Onorab Ramkalawan ?

 

VICE PRESIDENT VINCENT MERITON

Wi. Toutafe Mr Chairman. ’98 ler mon ti dan Lasanble kote ou ti pou antre ek mobile ? Letan in sanze, Ti Lwi in konpran. Mr Chairman selman pou azout lo la.

Wi Mr Chairman si ou ti kapab permet vre, akoz yer nou’n dir ki bann madanm ti ganny demande kit zot sak anndan, mon pa konnen si nou kapab konsidere – Mr Chairman, i pa dan mon konpetans, me menm bann pti locker ek bann pti lakle akoz bann madanm….

 

MR SPEAKER

Ok, VP nou a konsidere.

 

VICE PRESIDENT MR VINCENT MERITON

Mr Chairman, mon kwar, wi nou kapab e parey PS in dir mon, nou kapab gete ki manyer nou kapab donn en loto.  Me selman Onorab, en loto 600 mil konmela, mon loto ki mon ladan la ti kout 700 mil ler mon ti aste e sa ti, well ler Gouvernman ti aste 3an pase so in annan en pti pe – ou konpran ou ? Nou’n koupe, bann Honda ti kout R1.4 milyon nou’n desann, nou’n halve li, en Hyundai i kout R700mil then ler ti aste.  So ozordi in mont en pti git selman nou dakor, nou pou gete.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker konman en follow-up mon ava dir ki avek ou ki ozordi en Honda, en Honda Civic i kout R600mil.

 

MR SPEAKER

E mon kapab confirm sa akoz mon ganny en yer avek Finans. Ok, ok, any further questions lo National Bureau of Statistics avan nou pran en vot?

Si non, napa personn eski nou kapab pran en vot lo Bidze pou National Bureau of Statistics ?

Tou dimoun ki an faver, tou MNA lev zot lanmen?

Clerk, ou’n ok? Konte?

Mersi Bureau Statistics, National Bureau of Statistics ou Bidze i ganny aprouve linanimite.

Mersi bokou e avek en loto.  Vwala, you’ve been very lucky Ms Ah-Time bomaten.

Avek sa nou eskiz ou Ms Ah-Time, nou a remersye ou pou letan ki ou’n pas avek nou e nou a swet ou tou le bon e bon kontinyasyon.

 

CEO LAURA AH-TIME WAS EXCUSED FORM THE HOUSE

 

DEPARTMENT OF INVESTMENT AND INDUSTRY

 

MR SPEAKER

Vis-Prezidan san plis tarde dir nou lekel lot Lazans ki oule pran koumsa ki ganny vit ou CEO oubyen ou PS pou vini.

 

VICE PRESIDENT  MR VINCENT MERITON

Mr Chairman mon ti a kontan demann avek ou permisyon nou pran Dr Fanny pou li vin donn mon sipor plito lo Departman Lenvestisman e Lendistri. Mersi Mr Chairman.

 

MR SPEAKER

Departman Investment and Industry.

 

VICE PRESIDENT MR VINCENT MERITON

Paz  49.

 

MR SPEAKER

Paz 49 pou dimoun ki pe ekoute.  Dr Fanny silvouple vin pran ou plas obor Vice President e byenveni dan Lasanble. 49. Mersi. Ok Dr Steve Fanny i la eski i annan okenn kestyon ki zot ti a kontan demann li lo Department of Investment and Industry anba Biro Vice President. Wi Vice President?

 

VICE PRESIDENT – MR VINCENT MERITON

Mr Chairman ti annan en Onorab ki ti’n propoze ki bann teknisyen i vini, i fer 3 pti minit en lentrodiksyon, kote i sorti, kote i…

 

MR SPEAKER

Ki mon krwar en bon lide ki Onorab Arissol in propoze. Dr Fanny.

 

PS STEVE FANNY

Bonzour Mr Chair, bonjour bann Manm Onorab. Mwan PS pour Investment and Industry. Mon a eksplik zot briyevman ki savedir, ki Lenvestisman apre Lendistri i fer.  Lenvestisman ek Lendistri i focus plis lo nivo policy when it comes to investment apre industry. Nou formulate bann policy pou investment; nou formulate bann policy pou industry. Nou kolabor in terms of investment, nou travay tre pros avek SIB, in terms of son promotion, bann investment activities ki zot bezwen fer.  Nou relye osi avek bann lezot Lorganizasyon enternasyonal tel ki COMESA ki annan bann diferan investment code eksetera, ki nou travay avek pou nou fer sir ki nou anmenn en good investment climate dan Sesel. E i annan osi bann progranm ki nou pe fer bann investment climate for Africa, konmsi ki nou pe dir dan Lafrik fodre bann good playing field si ou dan en pei Lafrik ou kapab trade avek bann lezot pei Lafrik, lo sa bann nivo lenvestisman koumsa.

Nou responsab pou investment ankor, en lot keksoz ki vreman enportan, the ease of doing business index, kot nou krwar ki ler i annan en World Bank Index, i met bann pei kot bann diferan pei i fer biznes. E nou, nou fer sir, nou esey travay nou mye pou nou fer sir ki Sesel i ganny byen reprezante lo sa index. E pou attract FDI, Foreign Investment dan Sesel.  An gro in a nutshell sa bann keksoz ki nou fer in terms of investment.

Nou responsab pou Lendistri. Lendistri dan Sesel i mazorite bann Sekter Prive, bann pti biznes tousala i tonm dan Departman Lendistri.   Dan Lendistri en nou bann pli gran focus ki nou pe sey konsantre lo la se ki mannyer pou anmenn valer azoute dan Lendistri, ki mannyer pou ede pou sa Seselwa ozordi zour ki prodwir Sesel, i prodwir son product to such a level ki kapab export li.  Dan Lendistri nou osi nou sey allocate bann dimoun, parey lo Providence, avek alokasyon later pou zot fer zot bann biznes.  Nou come up ek bann policy pou Lendistri e nou travay osi avek bann landrwa enternasyonal in terms of Lendistri. Bann lorganizasyon parey mon’n dir SADEC, COMESA, nou annan en policy industry ki nou’n osi, ki nou’n ekri, mon pou al dan detay ladan. Mon pa anvi tro pas en ta letan pou mwan eksplik zot about Industry ek Investment akoz si mon konmans koze manke nou pou kapab pran en ta letan pou nou eksplik tousala. Ok, mersi.

 

MR SPEAKER

Mersi Dr Fanny. Onorab Ramkalawan.

 

HON WAVEL RAMKALAWAN

Mr Speaker, mersi bokou Dr Fanny pou sa lesplikasyon. Vi ki nou pe koz lo policy, enn bann size ki’n leve dan sa Lasanble, ki i konsern bann SMEs an term tax lo turnover avek tax lo profi.  E i annan en nespes konsansis ki pe devlope dan sa Lasanble ki letan ou pe sarz sa bann SMEs lo turnover o fet i annan en eleman double taxation ki rantre ladan e si nou ti a kapab, ki ou panse pou sanz sa policy so that bann SMEs i ava kapab pey tax lo profi e non pa lo zot turnover. Mersi.

 

MR SPEAKER

Dr Fanny.

 

PS STEVE FANNY

Avan ti annan sa restriktirasyon Gouvernman, SME ti tonm anba nou Minister.  La nou en Departman Lendistri avek Investment, SME i tonm anba EmploymentM selman mon pa kapab reponn ou kestyon akoz bann SME nepli tonm ek nou, i tonm anba Employment konmela. Yes i tonm anba Employment. Pou SME ozordi zour i annan bann Scheme ki Gouvernman in fer, i annan bann threshold, mon krwar nou ankor pe define, Minis Employment i kapab donn en pe plis detay lo la, nou pe define egzakteman ki savedir en SME. I annan bann diferan theory i vin devan, i dir nou koumsa nou pou define li in terms of son turnover, i annan dir nou pou define li turnover konbinasyon avek numbers of employees eksetera.  Selman parey ou’n dir son tax ki mannyer i pe ganny takse, personn pa ankor fer en desizyon manyer SMEs pou ganny takse. Selman ki mon kapab garanti ou se ki bann SMEs zot pou ganny zot en rezim ki vreman favorab pou fer sire ki bann SMEs i devlope dan Sesel. Sa nou kapab garanti ou, akoz nou ti’n konmans travay lo la.

 

VICE PRESIDENT MR VINCENT MERITON

Mr Chairman Gouvernman pe travay lo la akoz i pa zis en kestyon en Departman me i bezwen across the board sirtou Finans, Lenvestisman, Lanplwa kot nou bezwen kapab fer sir, nou synkronizer pou nou vin en keksoz ki rezonnab parey nou bezwen fer.

 

MR SPEAKER

Onorab Andre

 

HON CLIFFORD ANDRE

Mersi Mr Speaker. Mr Speaker mon osi annan en proposal ki ganny met a mon latansyon, mon ti a met sa avek Lasanble avan mon demann VP sa kestyon. Bann dimoun ki ekout radyo in dir ki, zot pe demande ki letan nou pas en Head si annan 14 dimoun ki’n vot ‘pour si kapab ganny dir akoz lo radyo zot pa ganny sans vwar me zot plito pe ekoute; so si kekfwa Lasanble i kapab dir ki annan 14 ki’n vot pour oubyen unanimous; the Assembly has voted ‘for.

 

MR SPEAKER

Ok point is well noted. Clerk ler nou fini vote ou ava anonse ki kantite ki’n vot ‘pour e ki kantite ki’n vot against, si napa – zero ? Ok?  Mersi.

 

HON CLIFFORD ANDRE

Wi prezan…

 

MR SPEAKER

Ou kestyon.

 

HON CLIFFORD ANDRE

Vice President avek Dr Fanny, vi ki ou fek dir nou ki SMEs in sorti anba ambit sa Minister e nou vwar ki an 2016 ti annan en Bidze 4.1milyon me ti ganny revize pou li vin 3.4 milyon e la an vi ki Departman in sorti serten responsabilite in sorti akoz ki fer ki, since ou’n dir nou ki ou responsabilite, se pou formil bann policy, akoz ki nou vwar en logmantasyon la prezan 4.5 milyon ki fer ki from last year in ogmant apepre 1.1 milyon?  Apre dan the ‘’use of goods and services’’ ki ganny detaye anba, i annan en logmantasyon sorti ‘’office expense’,’ eski sa i vedir, ou pa ekout mwan? Akoz mon pa pou repete. Eski-

 

MR SPEAKER

Dr Fanny ou pe ekout son kestyon?

 

HON CLIFFORD ANDRE

Eski sa i vedir ki zot in sanz lofis? Nouvo lofis? Osi ‘transportation and travel cost’ in ogmante, dan ki kapasite sa? Epi osi nou vwar ‘other goods and services’ in monte sorti 927mil in ariv 1.2 milyon, so kekfwa nou kapab ganny bann leksplikasyon lo sa bann logmantasyon?  Mersi.

 

MR SPEAKER

Dr Fanny.

 

PS STEVE FANNY

Onorab ler nou pe get, mon pe get mon Bidze, lannen pase ti 4.1 la i pe vin 4.5. Wi. Yes. I annan serten laranzman ek reallocation ki bomaten mon koz avek Minister Finans – mwan osi mon’n vwar sa, i annan en serten adjustment and reallocation ki zot dir ek mwan koumsa in ganny mal apropriye. E mon krwar PS Payet i kapab koz lo la.

 

MR SPEAKER

PS Finans.

 

PS PATRICK PAYET

Mersi Mr Chair. Letan Bidze, akoz ki manyer Bidze 2016 ti ete, nou’n bezwen kas li en pe pou nou kapab ler restriktirasyon ti ganny anonse pou nou kapab fini lannen avek depans tou le 2 Departman ki’n ganny kase. Avan zot ti en sel Departman e vi ki la zot pe dan diferan premise, enn pou dan Oliaji Trade Center, lot in ganny mete kot Departman Labour, Employment i ete.  Nou’n kas en pe Bidze sa Minister pou nou kapab fini lannen avek depans ki sa Minister ti ganny fer. E zis pou dir lannen prosenn akoz zot pe bouz dan sa nouvo rent allocation, sanmenm sa nou vwar sa increase anba ‘’other use of goods and services.’’ Avan kot zot ti ete rent ti pli ba konpare kot zot ete ozordi. Akoz, par egzanp sa lannen, zot ti pey zis partly rent, zis pou en parti lannen akoz kot zot ti été ti Victoria Mahe Building apre zot ti bouz kot Annex Independent House ki zot pa ti pe pey rent e la vi ki zot pe bouz kot nouvo Oliaji building, zot pou bezwen. Kot Mahe Building zot ti zis partly rent akoz i ti zis pou 6 mwan lannen. Sanmenm sa ou vwar ki i annan sa ogmantasyon dan ‘’other use of goods and services.’’

E secondly nou kapab vwar parey dan ‘minor capital outlays,’ letan ou bouz lofis ou annan bann additional cost ki vin avek. I annan bann set up cost ki nou vwar lannen prosen zot pou bezwen just for the setting up of the office properly. So sanmenm sa ki ou vwar sa ogmantasyon dan sa Bidze. Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Chairman. Mr Chairman mon kestyon la i en kestyon en pe radikal. Mon ganny tro bokou en konpran akoz i bezwen annan en Department of Investment and Industry e apre annan SIB.?  Mon pa ganny en konpran akoz pa kapab annan, anba en sel twa, en Lorganizasyon ki fer polisi e Lorganizasyon ki fasilit lenplimantasyon sa bann Polisi. Mwan mon vwar i en, vreman en gran waste of resource.  La – Mr Fanny ki en Dokter ki i annan en kantite konesans, leksperyans, avek respe, i ganny mete dan en pti garaz, dan en pti sa.  Mr Fanny i kapab fer bokou plis keksoz ki sa, ki zis asize ekri Polisi. Mr Fanny i kapab osi involve dan fasilit lenvestisman e fasilit biznes dan Sesel. Mwan mon ti ava dir vreman swa Department of Investment and Industry i ale,swa SIB i ale e idealman tou le de in ganny merge i fer vin en sel Lorganizasyon. Akoz nou’n vwar Mr Payet in eksplik nou ki ban lozistik ki bann kou an plis dan sa bann keksoz e mon konpran, mon pa le impute bann motif ki pa apropriye. Me selman ler ou annan 2 Departman ki fer menm keksoz, ou kapab dir nou pe debrouye menm pou fer biznes devlope.

 

MR SPEAKER

Ok. Mon krwar ou’n fer ou pwen Onorab Ferrari. Mon a demann VP pou reponn. Ok Onorab Ferrari mon krwar ou pwen i fer, in kler. VP oubyen Dr Fanny?

 

PS STEVE FANNY

Onorab Ferrari, mersi pou ou kestyon. Onorab Ferrari en kantite dimoun in demande sa bann kestyon, be selman i annan, i kler sa separasyon. Akoz si nou pou al dan sa largiman i annan en kantite Minister ki ozordi nou pou dir koumsa akoz i annan en Departman par anba li, nou pou dir koumsa fodre pa ki sa Departman i egziste.  Me selman zot annan en bi pou zot egziste.

Mon ava koz lo mon Departman. Dan Investment ek Lendistri parey mon dir ou, nou nou focus lo, nou travay for lo bann policy. We are part of the parent Ministry, ler SIB i anvi fer en keksoz, i zis enpe parey sa concept of segregation of duties. Ozordi zour, parey lontan mon ti travay kot FSA, i dir ek nou koumsa sa Departman i pa kapab li menm li i supervise, an menm tan li menm li ki pe fer sa promosyon. The same argument goes a bit like, pour the Department of Investment and Industry. Departman li e SIB i konsantre lo promosyon, nou nou konsantre lo son policy side.

E mon kwar ki annan en merit, ki annan bann dimoun ki konsantre zis lo policy, akoz ou provide en pe sa oversight in terms, nou get bann gran laliny ki Gouvernman i anvi fer, in terms of investment dan pei e nou, nou come up avek sa bann policy, la la bann policy ki nou ti a kontan fer, in terms of investment dan pei.  Aprezan li SIB ki i fer i ale, i al fer sa promosyon baze lo sa policy avek sa stratezi. Nou konsantre lo sa policy, nou define the strategy, nou define the boundary aprezan li SIB i ale li i fer the mechanical side. Konpran mwan ?  In terms ki SIB li menm li pou fer tousala li menm, ou provide sa oversight ou. Ou fer sir ki, be ok, ki SIB i aprezan ki i pe fer sa keksoz. Normalman ler ou donn tou sa responsabilite avek sa menm Departman, par ler ou perdi, ou perdi en pe kot sa Departman, i pa neseserman ou ganny sa dimoun ki become like the watchdog, in terms of gouvernans, pou fer sir ki ou delivre lo sa target.

 

MR SPEAKER

Ok,Onorab Ferrari en pwen adisyonnel.

 

HON JEAN-FRANCOIS FERRARI

En pti presizyon. Dr Fanny mon pran ou leksplikasyon, selman avek respe ou pa’n convince mwan. Mon krwar i annan, i fer li pli difisil pou Lendistri. Mwan mon ti ava dir, mon konpran sa parent department.  Dan sa ka mon mon pe dir, mon pa pe dir ki nou bezwen ferm Department of Industry, annan son promotion arm anba Department of Industry e synergize e fer en one stop shop parey zot in promet nou. Ki ou pe dir- mon kwar Onorab De Commarmond i dakor ek mwan.

 

MR SPEAKER

Mersi Onorab. Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon ti le pran en kestyon an relasyon avek bout Lendistri ki konsern Departman of Industries. Mon ti oule konnen si an relasyon ek bann policies ki zot pe met an plas, si i annan en policy ki konsern diversikasyon bann baz Lendistri Sesel ? Pou retir depandans lo sa 2 Lendistri prensipal, Lapes avek Tourism.

E dezyenman mon ti oule retourn lo kestyon raised o par avan par en lot Onorab an sa ki konsern bann klasifikasyon bann antrepriz from micro to medium ; mon ti le klarifye avek Departman Lenvestisman ek Lendistri e Minister Finans vi ki mon kwar ki zot osi zot tonm ansanm dan sa serk ki sipoze deal avek sa sekter, si zot pa konsidere ki par fwa ler ou dekri zis turnover i pou posib ki en SME ki ankor vreman ptipti, i pri avek enn ki pli gro ki pe performen e la ler ou fer en policy oubyen ou entrodwir ban Lalwa ki afekte turnover sa enn ki pli pti i tonm ladan e la i vwar li i pa kapab meet up tou sa lekspektasyon ki sa bann Lalwa i annan. Mon ti a kontan si zot ti kapab pronons zot lekor lo ki zot pe fer pou kapab met sa bann dimoun dan sa kad ki zot ladan, pou ki zot kapab annan sa proteksyon par fwa ler bann Lalwa i vini. Mersi Mr Speaker.

 

MR SPEAKER

Dr Fanny.

 

VICE PRESIDENT MR VINCENT MERITON

Mr Chairman, zis pou en pwen leklersisman. Policy avek promosyon ek lenplimantasyon policy. Ou bezwen annan sa akoz i dan progranm e sistenm gouvernans modern enternasyonal. Nou pa pe envant lao nou la. Nou pa fer akoz nou bezwen anploy sa 6-8 dimoun ki kot li; akoz i annan en nesesite dan sistenm gouvernans ki zot osi zot siporte, zot osi zot pe promouvwar sa. It is precisely it.

Mr Chairman, si ou pran sa ki Onorab Pillay in demande, ki mannyer nou kapab fer bann Polisi ki pou reflekte legzizans dizour ki nou bezwen rod ban nouvo fason pou diverse dan bann lezot Lendistri apard sa 2 gran Lendistri ki Tourism ek Lapes. Ki mannyer nou kapab, en ser ladan, formil Blue Economy ; ki manyer nou kapab permet ki lasyans teknolozi i osi antre dan bann Polisi e gete bann lezot domenn ki nou kapab fer Polisi pou devlopman Lendistri. Ou konpran Onorab? So i bezwen dimoun pou bann graduates ki pe kalkile ki pe servi dernyen mo lasyans teknolozi ek linovasyon, gete ki manyer i kapab met dan Lendistri, aplik sa atraver en Polisi apre donn sa sekter responsab pou li kapab met devan.

E kot SIB i konsernen, ale mon boy ale, lala promouvwar sa. Ou bezwen en dimoun parey Dr Fanny pou fer sa.  So konesans i pa dan en pti garaz me i dan en workshop teknolozi modern ki permet li kapab war devlopman 360 degre e enplik lezot partner ladan pou ki en keksoz ler i sorti kot li en keksoz ki reflekte kot en bezwen ki anmenn lo paz devlopman.

 

MR SPEAKER

Mon ti a fer en lapel, i annan detrwa dimoun ki ankor ki’n demande pou koze. Silvouple en pti moman. Mon ti a fer en lapel avek tou dimoun akoz i annan en detrwa dimoun ankor ki oule koze zis lo sa Departman Investment and Industry.  Both MNAs ek VP avek ou teknisyen silvouple esey fer bann kestyon e repons kourt. Nou annan en long lazournen ozordi ek demen. Onorab Ramkalawan.

 

HON WAVEL RAMKALAWAN

Mr Chairman, tre senp akoz Minister Ledikasyon li i fer son policy e apre i egzekite, i dan menm Minister. Akoz ki sa pa kapab arive avek Lendistri?

 

MR SPEAKER

Dr Fanny?

 

PS STEVE FANNY

Si nou al lo sa deba parey mon dir  nou kapab ganny en gran deba. I savedir-

 

MR SPEAKER

Fer deba kourt, Dr Fanny.

 

PS STEVE FANNY

Savedir ou pou dir mwan ek sa koumsa sa largiman ki pe ganny pouse devan i en menm largiman ki si nou al ladan pou napa bokou bann lezot Parastatal company, akoz ou pou dir ek mwan i annan en, Minister for example, ki fer Tourism ki vreman enportan pou lekonomi; an menm tan nou annan STB, eski nou dir koumsa ki sa Minister pa devret egziste akoz STB pa i egziste? Ok? Mon ganny en konpran lean government selman toultan in terms of governance, i bon ki ou annan en Departman ki fer, toultan Gouvernman i annan Minister ki konsantre lo stratezi ek Polisi. Apre bann lezot par anba li parey, Vis-Prezidan in eksplike, li i plito i ale i al fer sa enplimantasyon.  Prezan sa enn ki pe konsantre lo sa policy ek sa, on the policy side, li i toultan annan sa oversight lo sa enn, pou fer sir ki nou pe meet sa certain goal. I vin pli fasil.  I vre ki ou kapab, mon pa pe dir koumsa i enposib, mon pa’n dir ki enposib. I posib ki ou kapab fer tou lede merg,e me selman mon pe koz ou lo sistenm gouvernans. Par egzanp ozordi, i posib ki ou kapab annan ou Accounting Officer li menm ki, Purchase Officer, li menm ki fer tou keksoz, me eski i the best pratice? I posib li,  akoz si nou al dan sa largiman lean nou kapab fer nou accounting process lean nou.  Nou pran one guy nou fer li fer purchasing, nou pran sa menm boug nou fer li fer accounting, nou fer li fer everything within the accounting department me selman it’s not the best practice.

 

MR SPEAKER

Ok mersi Dr Fanny. Onorab De Commarmond. VP si ou pou repet menm zafer ki i pe dir eksize avek respe mon krwar nou bezwen al vit.  PS Payet ou ti le dir en keksoz?

 

PS PATRICK PAYET

Mersi Mr Chair, zis en pti pe vitman pou adres kestyon ki Onorab in demande regarding diversifikasyon apre laspe Lalwa. An se moman nou pe travay konzwentman avek Departman Invesment avek Industry, Finans, Trade and Economic Planning, apre pou Departman Entrepreneurship avek Business Innovation lo en Lalwa, akoz nou’n annan en policy pou bann SMEs ki egziste me selman nou anvi fer li vin Lalwa parey Minis in anonse dan son diskour ladres; Ki pou fer sir ki kwa bann keksoz ki nou donn zot letan zot in konmanse, bann SME ouswa dan Lendistri, kwa ki nou donn zot lo konsernan tax, rent bann subsidy. E tousala nou fer sir ki dan en framework ki egziste.

Lo kote diversifikasyon, nou pe travay avek bann lezot partner osi pou fer sir ki dan nou lekonomi nou annan sa laspe diversifikasyon,ki nou pa zis depandan zis lo Touris Industry, me tandis ki bann lezot sekter osi i kapab devlope. E dan sa laliny osi, dan value chain osi nou pe travay lo la avek bann lezot sekter. Mersi.

 

MR SPEAKER

Onorab De Commarmond direk – kestyon.

 

HON CHARLES DE COMMARMOND

Mersi, Mr Chair. Bonjour Mr Chair. Bonjour VP, bonjour tou dimoun. Mr Chairman mwan mon pe al lo paz 50. Lo sa issuetransport and travel cost, ‘mon vwar in monte ensi ki ‘office expenses’ avek ‘goods and services.’ ‘Goods and services’ osi in monte. Me sirtou lo transpor, mwan dan laliny ki nou pe koze, eski i sa i pou fer ki akoz sa ki’n dir taler policy i reste dan biro la, en problenm sa e sa enn nou gro problenm dan pei. Eski sa ogmantasyon dan transpor i pou fer ki- mon ava zis vini pou zot tande -i pou fer ki zot pou kapab sorti dan biro plis pou al get lenplimantasyon Polisi lo teren, pou kapab ed nou pti SMEs e fer sir ki dan zot travay zot kapab fasilit lenplimantasyon Polisi e senplifye lafason pou kolekte tax oubyen 13th Month Salary pli tar letan nou ava soz ; konmsi ki pou kapab ed sa bann pti biznes la, pti lantrepriz pou tou keksoz vin senp  e fasil dan pei dan tou sa fason. Mersi.

 

MR SPEAKER

Dr Fanny.

 

PS STEVE FANNY

Mersi. Onorab, in terms of the transport, mwan ava vin direkteman akoz nou transpor in monte, i pa’n mont par signifikan, i more or less sa enn pou bann, i annan bann teknisyen ki travel parey mon dir nou annan bann serten komitman COMESA, donk serten- wi.  Zot bezwen al deor, mon annan bann Staff e mon annan zot, sa i plis pou relye avek zot, relye ek serten training, relye ek serten komitman ki nou annan. En keksoz ki mon anvi fer osi resorti, nou pa bezwen get sa transpor ki’n monte la. Minister Lenvestisman i annan en kantite bann consultancy ki nou’n gannyen ek bann partner enternasyonal. Lerop, Lafrik ensidswit.  Parey enn ki nou pe fer la i annan SME policy. Mon pe koz lo la akoz zot ti ek nou avan, i annan SME policy ki la i anba Employment. Nou annan policy pou Industry ki’n ganny fer e tou sa bann keksoz in ganny sponsor par bann Lorganizasyon enternasyonal. E ki mannyer ou ganny sa bann larzan pou ede pou anmenn Sesel ? Ou bezwen vizibilite, ou bezwen laba dan sa bann landrwa. Alor sa i cater pou sa bann dimoun, pou zot al dan sa bann landrwa, pou al dan bann konferans ensidswi,t pou nou fer sir ki nou fer nou louvraz byen.

 

MR SPEAKER

Onorab John Hoareau.

 

HON JOHN HOAREAU

Mersi. Mr Speaker, bonzour tou dimoun. Minis Finans dan son prezantasyon Bidze, i ti anonse pou dir pou annan en policy lasirans pou protez Lenvestisman e pti biznes. Eski, mon konnen dan ou lentrodiksyon, ou’n dir nou ou devlop policy ,so i resanble mon ki en bann policy ki sorti kot zot. Eski sa lenplimantasyon pou tonm anba ou Departman ?  Si wi eski i tonm anba ‘goods and services?’’ Oubyen ki i annan en prosedir pou tender out Lasirans pou protez sa bann pti biznes?

 

MR SPEAKER

Dr Fanny.

 

PS STEVE FANNY

Pou bann pti biznes parey mon’n dir, pti biznes in sorti, bann SMEs in sorti avek nou, i tonm anba Employment pou le moman.

 

MR SPEAKER

Ok. Mersi. Onorab William.

 

HON WAVEL WILLIAM

Mersi, Mr Chair. Mr Chair mon ti a kontan demann Dr Fanny avek relasyon avek paz 49, manda Departman Lenvestiman ek Lendistri e lefe ki bann Lendistri ki pe eksporte e donn valer azoute zot pe fer fas avek bann challenges – e dan ou repons taler e swivan en interview yer swar par Chairman SCCI, mon anvi demann ou Dr Fanny si dan zot policy zot pe konsider revwar en pti pe bann kou bann litilite; par egzanp bann elektrisite avek delo ki pa pe fer nou bann prodwi konpetitiv? Mersi.

 

MR SPEAKER

Dr Fanny.

 

PS STEVE FANNY

Sa bann, sa mon dakor ek ou, sa i enn parmi nou ban keksoz ki nou gete lo sa World Competitive Index ek Ease of Doing Business, kot nou asize, nou esey vwar bann stratezi, nou vwar bann keksoz ki afekte biznes e bann keksoz ki afekte Lendistri.  Parey ou’n dir lo sa Ease of Doing Business, mon krwar enn nou bann gran defi i elektrisite. E alor nou bezwen ler nou pe come up avek bann policy, nou bezwen osi esey relye avek Minister Finans pou nou fer sir ki kalite policy ki nou anmennen, ki i osi, at the same time, nou ankouraz biznes,me lot kote i pa afekte fiskal. Be selman mon kapab dir ou, wi sa ki ou pe dir nou pe regard li seryezman.

 

MR SPEAKER

Onorab John Hoareau ou ti annan en pti klarifikasyon pou ou kestyon.

 

HON JOHN HOAREAU

Wi eskiz mwan PS, mon pa tro kwar ou’n reponn mon kestyon ki mon’n demann ou. Mon pe demann ou lenplimantasyon akoz an vi ki ou’n koz lo policy, ou devise policy, so mon pe demann si lenplimantasyon, mon pa’n demann ou si pti biznes i tonm anba ou ankor, mon pe demann ou lenplimantasyon sa lasirans si i pou tonm anba ou.

 

MR SPEAKER

Dr Fanny.

 

PS STEVE FANNY

Ki lasirans?

 

HON JOHN HOAREAU

Eski Minis pour Finans ti koz lo la dernyen fwa pou protez likidasyon bann pti biznes, zot lenvestisman. Mersi.

 

PS STEVE FANNY

Mersi. Onorab i pou tonm anba Entrepreneurship Development, son lenplimatasyon.

Minister, ki mon dir, parey mon’n dir lo konmansman pou tonm anba Minister Employment.

 

MR SPEAKER

Onorab Larue.

 

HON FLORY LARUE

Bonjour Mr Speaker, bonzour tou dimoun. En pwen klarifikasyon plito, Mr Fanny in koz lo SIB dan Appropriation Bill nou vwar ki li in ganny allocate R8milyon eski SIB i dan menm building kot zot ete?  E si zot ti pe move, zot in move lannen e zot pe move ankor e sa nou vwar i fer monte kou, eski i annan en rezon spesifik akoz zot pe bouze?  Mersi.

 

MR SPEAKER

. VP.

 

VICE PRESIDENT MR VINCENT MERITON

Wi Mr Chairman. Mersi. Wi nou pe bouze akoz avek remaniman

i annan serten Minis Sekretaryat ki bann Minis ki’n bouze prezan nou tonm dakor avek SIB nou pe bouz kot Maison de Mahe. Mersi. Mr Chairman.

 

MR SPEAKER

Mersi. Onorab Basil Hoareau.

 

HON BASIL HOAREAU

Mersi Mr Speaker, bonzour Minis e delegasyon, bonzour tou bann Manm e tou bann dimoun ki pe ekout nou.  Mon ti a kontan demann ek Dr Fanny si Gouvrenman i annan lide agrandi bann kalite biznes ki ganny restrikte selman pou Seselwa, sa i enn.

E dezyenmman ki bann mezir ki ou Departman i annan an plas pou asire ki bann biznes ki deza restrikte selman pou Seselwa, pa pe ganny bypass, sa Lalwa pa pe ganny bypass kot etranze pe servi Seselwa konman nominee pou fer sa bann biznes Sesel. Mersi.

 

MR SPEAKER

Dr Fanny.

 

PS STEVE FANNY

Mersi. Onorab, well nou pa ti pe diskite pou nou agrandi sa lalis bann biznes ki zis, ki ganny restrikte pou Seselwa.  Mwan sa i pa en keksoz ki nou’n regard lo la. Mon pa konnen si, pou le moman mon kapab dir ek zot ler mon pe regarde,nou pa vwar vreman en nesesite pou nou al agrandi sa lalis. Nou napa sa demann pou nou agrandi lalis biznes ki ganny restrikte pour Seselwa. E ki lot, Onorab?

 

HON BASIL HOAREAU

Sorry dan Investment Act, dan regilasyon ki’n ganny fer i annan sa serten group biznes ki an restrikte pou Seselwa. Ki bann mezir ki ou Departman i annan an plas, ki pou fer sir ki etranze pa pe bypass sa bann regilasyon e take part dan sa biznes, servi nominee Seselwa.

 

MR SPEAKER

Dr Fanny.

 

PS STEVE FANNY

Sa i en keksoz ki en pti pe konplike in terms ki ou kapab regulate ki mon pou onnet la devan Lasanble –  i en keksoz ki konplike akoz ler ou ganny en Seselwa ki vini, i front pou en etranze, pou ou kapab prouve ki sa Seselwa pe front pou en etranze, fodre ou annan ou en kantite keksoz in terms of son laprev pou kapab vini, vin fer sa.  Me selman si i arive ki i annan okenn laprev ki nou konnen ki sa biznes, en Seselwa, sa etranze par egzanp nou kapab gete in terms of sa Seselwa son income li menm si en boug i vini, i pa travay selman mon pe antre dan property investment, ou pou bezwen en massive investment, nou kapab demann ek sa Seselwa “be where is your source of fund?’’ Ki mannyer ou sa?” I annan serten bann mezir ki nou fer in terms of ler nou pe konmans gete me selman si dimoun in maske li ase byen, i en pe difisil. Selman nou annan serten basic soz, ki an plas, bann prosedir pou nou regarde ki napa en labi.

 

MR SPEAKER

Onorab Hoareau – klarifikasyon.

 

HON BASIL HOAREAU

Yes. Eski petet Dr Fanny ou pa krwar ki ou Departman devret konsidere annan en group dimoun dan ou Departman ki ganny train pou idantifye, pou dir sa Lalwa pe ganny complied with e menm dan Investment Act konmela ki napa, petet pou annan provizyon pou dir si sa i ganny dekouver, pou forfeiture sa bann biznes.  Parske nou pa kapab les en sityasyon devlope kot Lalwa i ganny mete pou protez bann Seselwa e biznesmenn Seselwa, me selman nou les etranze at the same time an pratik bypass sa Lalwa.

 

MR SPEAKER

Dr Fanny.

 

PS STEVE FANNY

Wi mon kwar sa proposal i en proposal ki ou pe dir ki en keksoz ki fer sans.  Nou ava al travay lo la e nou ava fer fason ki nou ava come up avek sa sistenm an plas. Sa policy. Mersi.

 

MR SPEAKER

Onorab Afif

 

HON AHMED AFIF

Mersi Mr Speaker. Mr Speaker, mon pe zis koz en pti lo ki, an relasyon avek sa Bidze, statement ki ti ganny fer par Minis Finans, ki ti dir pou dir zot pe esey, enn bann mezir ki ti sizere ki ti permet bann pti e mwayen antrepriz ganny akse avek finansman e lezot servis dan kad sa servis, sa concept one stop shop servis finansyel. Mon santi en pti pe poudir la fason nou pe ale la avek SIB en kote, sa nou pe increase, nou pe ogmant cost en kantite, pou dimoun ki dan biznes i fer keksoz konplike.  Nou ptipti e seryezman mon ti a sizere si nou pa ti a kapab konsider pran tousala met anba SIB, fer en sel zafer. I annan en seksyon ki responsab pou policy e pou al fer promotion, ou annan en seksyon ki responsab pou lenplimantasyon, monitoring eksetera-

 

MR SPEAKER

Petet nou a donn Vis- Prezidan sans pou reponn sa, akoz se sa ki Onorab Ferrari in dir taler, mon vwar Onorab De Commarmond pe balans latet, i pe siporte, i segonde. VP ?

 

VICE PRESIDENT MR VINCENT MERITON

Vitman Mr Chairman. Mr Chairman konmsi dan gouvernans i annan en laspe policy ki nou fer, lankadreman politik apre lankadreman legal avek enstitisyonnel. 3 nivo – e sa i marse commensurately lo nivo gouvernance ki mannyer i pran plas. Se pou sa rezon ou annan en seksyon, en Departman ki pe deal ek policy ki etabli bann policy, ki annan mekanizm evalyasyon ki monitor e enforcement.

Apre osi ou annan lo laspe legal, sa bout kot sa Lazans ki sipoze enplimant sa, i zwe sa rol.

E apre ou annan osi tou ou bann lenstitisyon ki ede avek sa.

o Mr Chairman i pa en keksoz ki nou pe re envant larou, me i en sistenm neseser ki an plas, pou asire ki i annan mekanizm an plas pour ki i siport Lenvestiman. Depi son nivo policy, ankadreman legal avek enstitisyonnel pou fer marse ansanm. Mersi Mr Speaker.

 

MR SPEAKER

Onorab Larue.

 

HON FLORY LARUE

Wi, following on sa ki Onorab Ahmed Afif in dir, lo kote Gouvernman i annan en policy ki li i pe esey dir pou fer ‘Ease of tou keksoz dan Sesel.  Zot pe esey fer bann one stop shop pou tou diferan Departman. Me la ki nou vwar ki SIB li i deza dan Independent House Annex e biro Mr Fanny ti laba, zot fek bouze e la zot pe rebouz ankor, zot pe al dan en lot lokasyon e en lot Minister ki pe vini.  Alor, eski sa i pa montre ki zot pe kontradir zot prop lekor dan zot policy internal lo kote Gouvernman ki oule donn en one stop shop kote fasilit mannyer keksoz i ganny fer dan Sesel?  Mersi.

 

MR SPEAKER

VP?

 

VICE PRESIDENT  MR VINCENT MERITON

Mr Chairman mersi. SIB ki pran, ki fer promosyon avek bann biznes parey in eksplike pli boner.  Dan menm building i annan Lanplwa, i annan Imigrasyon, i annan lezot servis ki annan pou deal avek biznes. Li i deal avek policy monitoring – evaluation.  So sa ki enportan, i kritik dan en sel building se SIB ek bann lezot partner. Mersi Mr Chairman.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker. Mr Speaker en pti kestyon vi ki mon pe get Bidze ‘’wages and salary’’ pou sa Departman in annefe desann, eski Dr Fanny avek VP i kapab konfirmen ki zot pa pe anploy okenn nouvo Staff dan sa Departman? Mersi.

 

MR SPEAKER

Dr Fanny.

 

PS STEVE FANNY

Nou ‘wages and salary,’’ mon a eksplike akoz in desann. Nou pe anploye Staff, nou pe anploy en Staff adisyonnel. Nou pe anploy en staff ki pou fer monitoring ek evaluation. En dimoun ki pou bezwen annan en Degre pou fer sa louvraz. Part of which leksplikasyon akoz nou Bidze in desann,se ki ler in ariv restructuring, Ministerial Secretariat in move, in ale e sa bann cost ti relate avek for Ministerial Secretariat la prezan nou’n fer en readjustment.

 

MR SPEAKER

Mersi. Finalman Onorab Ramkalawan.

 

HON WAVEL RAMKALAWAN

Mr Speaker sa ki nou pe ganny eksplike la bomaten i annan bokou konfizyon. I annan bokou konfizyon, en pti bout ou pou al kot Departman Lanplwa, en lot bout ou pou al dan SIB, en lot bout ou vin kot Lendistri, en lot bout ou pou al laba. Mr Speaker mon ti ava kontan ki Gouvernman i sort out son lekor. I sort out son lekor e vin avek en keksoz konkret akoz la SIB son Bidze i 8 milyon, lot en lot 4 milyon, lot en lot laba e definitivman i annan duplication. E sa zafer Ease of Doing Business, mon kapab konpran akoz Sesel pa tro for lo sa bann zafer. Be, nou 95 ensidswit.

Mr Speaker nou lo nou kote mon kwar i bon ki Break pe vini la.  Ki mon ti ava kontan ki Gouvernman i organiz li akoz sansan, nou pou trouv nou dan en pozisyon kot nou pou bezwen vot ‘kont sa bann keksoz.  Fer keksoz vin an ord. Annan en keksoz konkret ki vin devan nou.  Servi sa Break pou nou fer sa, akoz sansan nou pe al dan sa direksyon la. Mersi.

 

MR SPEAKER

Onorab Henrie. Quickly.

 

HON GERVAIS HENRIE

Wi. Mersi Mr Speaker. San ki mon deley sa largiman fer par Leader Lopozisyon, selman i annan en pwen ki PS Fanny in fer ki  i reasir nou. In koz lo en zot bann Polisi se pou value added.  So pou nou ki pe donn ou sa Bidze nou oule vwar keksoz tanzib. Ler nou pe koz value added nou kontinyen vwar papay rape pe antre dan pei sorti deor, kolodan, dile koko, konmsi bann keksoz ki isi selman nou pe koz value added and yet we are giving you money to do this.

Konmsi pou mwan lannen- letan lot Bidze i vini kwa ki vreman ou Departman pou’n fer tanzib, ki konsonmater Seselwa pou vwar pou dir wi i annan en Departman ki pe fer keksoz pou ed SMEs, pou ed nou kiltir, pou ed tou, an traver travay ki ou Departman dwatet pe fer. Mersi.

 

MR SPEAKER

Dr Fanny.

 

PS STEVE FANNY

Mersi Onorab. In terms of value added sa i en bon pwen.  Nou annan anba nou Departman en Departman NISTI bann zafer science and technology. E taler NISTI osi pou vin prezant son Bidze, e se an traver NISTI ki nou pe esey anmenn sa knowledge in terms pou nou ed bann travayer Seselwa, bann biznes, ki nouvo teknolozi, ki nouvo fason process ki ou fer, pou kapab anmenn plis value added product. It is through sa ki nou pe fer.

 

MR SPEAKER

Onorab De Commarmond,

 

HON CHARLES DE COMMARMOND

Mr Chair, i pa en kestyon me following lo sa Onorab Ramkalawan in dir, mon konpran lespri ki ou pe dir sa e nou’n feel en serten keksoz la dan sa. Me selman for the purpose of the activity ki nou pe fer, mwan mon ti a demande ki Vis Prezidan petet i kapab dir en komanter lo sa bann konsern. E pou nou kapab, zisteman bouze, akoz sansan nou pou retard process, nou pou retard tou keksoz. I bezwen retourn, si i annan sanzman i bezwen retourn kot Prezidan ensidswit. Me selman not ki nou pe fer la, bann pwen ti a bon i ganny taken seriously into consideration e ki Vis-Prezidan i kapab fer en pti prononsman lo la e pou donn nou en garanti ki i annan keksoz ki a kapab ganny fer dan sa direksyon e ki nou Lasanble osi, nou a take it onboard ler nou a repran lannen prosenn, nou ava annan en fason swa kestyon swa en Komite kelkonk pou nou follow- up serten keksoz ki nou pe santi nou konsernen lo la, ozordi. Me selman mon ti ava demande ki nou bouze, annou vot lo sa bann Heads e nou ava kapab bouze. Mersi.

 

MR SPEAKER

Ok avek sa nou a pran en pause. Nou adjourn ziska e  nou a retournen 11er. Mersi.

 

(BREAK)

 

 

MR SPEAKER

Bon, nou ti pe diskit lo Department of Investment and Industries, e petet avan nou deside pou pran en vot mon krwar sak dimoun ti’n fini fer lentervansyon. Vis-Prezidan Meriton ou ti annan en Statement ou ti anvi fer. Mon a donn ou laparol.

 

VICE PRESIDENT – MR VINCENT MERITON

Mersi Mr Chairman. Mr Chairman parey ou’n dir e tou Manm in dakor bomaten, nou’n vin la pou donn leklersisman lo bann diferan striktir ki ganny prezante dan Bidze 2017. E nou ki nou ti pe dir dan lespri bon gouvernans e lantant ki nou kapab travay ansanm zis, mon ti le eksplike ki sa Departman i kordin, zet en koudey, malgre bann Lazans anba Lalwa lendepandans, sa parent Ministry ki nou ti pe dir yer, NISTI, IEA; Industrial Estate Authority, SBS avek osi SIB. E an menm tan swivan bann diskisyon, i bon note ki SIB Act, nou pe al vwar li ankor avek lide amelyor e streamline bann servis ki nou donnen. An menm tan SENPA Act. Gouvernman in dir nou pe al revize. An menm tan i annan new SME Act ki pe ganny prepare e sa i a permet nou kapab streamline nou bann servis ki a vin pli realis – pli viz pou bann end users ki ler en dimoun i vin devan pou li servi nou servis, pou fer en biznes marse konmsi i a ganny pli bon servis ki a mars pli vit e si Lasanble i santi ki annan okenn lespas kot bann lezot Lazans par egzanp – Biro Oditer Zeneral oubyen FPAC ki nou bezwen kapab vwar ki mannyer bann demars, bann depas i pran plas, mon kwar we are open to this. Si ou ti kapab konsider sa konman en Statement mon ti a kapab fer, Mr Chairman. Mersi.

 

MR SPEAKER

Mersi Vis Prezidan pou sa leklersisman ek sa sizesyon pou lavenir. Petet avek sa nou a kapab…  Wi Onorab Ramkalawan.

 

HON WAVEL RAMKALAWAN

Petet, Mr Speaker mon ti ava dir ki mon apresye sa ki Minis in eklersi sa e la nou vwar en way forward. Se sa ki basically nou ti pe rode e sa direksyon ki ou pe ale la, i kler ki- it’s the– konmsi en business model.  En business model e nou lo nou kote se sa ki nou pe rode, sa business model pou ki Gouvernman i lean, efficient e dimoun i bouze. So se sa ki nou ti pe rode e nou kapab- e nou espere within 6 months nou ava ganny en keksoz. Ok.

 

MR SPEAKER

Mersi.  Avek sa nou a pran en vot lo Bidze ki’n ganny propoze pou Departman Lendistri avek Lenvestisman.

Tou bann Onorab ki aprouv Bidze lev lanmen ? Clerk ou pou konte apre anonse.

Tou bann ki kont lev zot lanmen ?

E mon a demann Clerk dapre sizesyon Onorab Andre bomaten ki en sizesyon valab, dimoun lo radyo i anvi tande. Clerk anonse ki kantite vot ‘Pour e si i annan Against.

 

MADAM CLERK

Ok. For the Department of Investment and Industries Budget, the votes ‘For – 24.

24 vot an faver.

Napa vot Against.

 

MR SPEAKER

Savedir sa Bidze pour Departman Lenvestisman avek Lendistri i ganny aprouve par Lasanble. Mersi. E avek sa nou remersye Dr Fanny oubyen i pe reste ankor? I pe reste ankor. Ok sorry, Dr Fanny pa ki mon anvi fer ou ale, i zis ki prezan ki nou’n ganny leklersisman. Vis-Prezidan eski ou ti kapab gid nou lekel lot Lazans ki ou ti le tous lo la ?

 

SEYCHELLES INVESTMENT BOARD

 

VICE PRESIDENT – MR VINCENT MERITON.

SIB Mr Chairman, mon ti a demann Ms Antat, Ms Angelique Antat  pou vin zwenn nou devan.

 

MR SPEAKER

Ms Antat vin pran en sez ou kapab asiz kote isi oubyen la i annan en sez o-bor Dr Fanny. E welcome.

 

VICE PRESIDENT  MR VINCENT MERITON

Mr Chairman i lo paz 79.

 

MR SPEAKER

79 pou tou Manm Elekte, pou tou Manm Onorab. Seychelles Investment Board e parey in ganny propoze Ms Antat, eski ou ti a kontan petet zis pou donn en pti overview dan 3 minit koumsa? En pti overview what SIB is about avan nou pran kestyon. Laparol i pou ou.

 

DEPUTY CEO MS ANGELIQUE ANTAT

Mersi Mr Chairman. Mr Chairman, Manm Onorab, tou dimoun a lekout, bonzour. Mon apel Angelique Antat e mon nouvo Depite Sef Egzekitiv Seychelles Investment Board. Anba Lalwa Lenvestisman pou Sesel, Bord Lenvestisman oubyen SIB in ganny mandate pou ankouraz lenvestisman dan Sesel. I servi konman en sant fasilitasyon e promosyon pou divers envester e biznes. Vizyon SIB i anliny avek lobzektif Gouvernman pou etabli Sesel konman sa sant lenvestisman prensipal dan larezyon e sa i ganny fer par ofer en servis de o kalite. Dapre son Lalwa, bann aktivite prensipal SIB, i comme swivan ; drafte plan e stratezi promosyonnel pou vann Sesel konman en destinasyon lenvestisman ; organiz aktivite ki pou atrakte e retenir lenvestisman isi Sesel. Kontribye dan policy ki konsern lenvestisman. Azir konman en entermedyer ant sekter piblik ek sekter prive. Pou amelyor lanvironnman biznes dan Sesel.

Parey bokou prezan i o kouran si ou swete ouver en biznes, SIB i sa Lazans ki asiste ou. Ou pou ganny prezante avek en gid, ki relevan avek ou proze pou ed ou met ou proze an ekri. Answit ou soumet sa proze kot SIB e analis lenvestisman i annan 15 zour pou donn ou en larepons.

Pandan sa 15 zour sa analis pou konsilte avek bann diferan lorganizasyon respektif apre sa prosedir ou pou ganny enformen rezilta sa konsiltasyon e si tou dokiman i anliny avek Polisi Nasyonal, ou pou ganny dirize anver lot staz enplimantasyon ou proze. Mr Chairman pou lannen 2017 apard ki bann progranm labitid SIB pou met plis lanfaz pou promouvwar nou sekter finansyel. En Komite in deza ganny etabli pou adres ban difikilte e rod stratezi pou amelyor sa sekter. SIB i anvizaze adopte bann lapros pli entans ki pou expose Sesel plis lo marse enternasyonal. Sa pou ganny fer par met lanfaz pou devlop bann Lalwa, ki entrodwi nouvo prodwi finansyel e pou pouse pou ranforsi e moderniz bann striktir ki deza an plas. SIB i osi fek lans en Komite ki viz ver promosyon leksportasyon pwason. Sa pou asire ki nou eksplwat nou sekter lapes plis aprenan kont bann fason lapes ki soutenab e responsab. Sa Komite pou vin anfors boner Zanvye 2017 pou adres tou bann defayans ki pe afekte leksportasyon nou pwason. I pou osi annan en dyalog avek Gouvernman e diferan entervenan pou donn plis lanpler sa sekter.

Osi pou lannen 2017, lentansyon i ki plis konferans o nivo enternasyonal i ganny organize lokalman ki ava en benefis pou nou lekonomi an vi ki i pou kontribye anver larive touris.

SIB pou osi kontinyen siny bann Lagreman ki pou fasilit e promouvwar lenvestisman dan bann sekter ki bezwen sipor. Nou ava rapel ki SIB fek siny en Lagreman parey avek Lasosyasyon bann peser i met bato. Mersi.

 

MR SPEAKER

Mersi Ms Antat. Eski i annan okenn klarifikasyon  – kestyon, lesplikasyon ki okenn Manm i ti a kontan gannyen sorti lo sa size Seychelles Investment Board? Onorab Ferrari.

 

HON JEAN-FRANCOIS FERRARI

Mersi Mr Speaker. 2 kestyon. En kestyon e mon pe demande akoz mon pa krwar mon pou ganny sans demande apre. Zot bann lozistik kot zot ete, kot zot baze, mwan mon vwar li en problenm, mon vwar li i pa conducive to the one stop shop e la mon aprann ki annan Departman, li i pe kit sa building i pe al dan en lot building. Konmsi dir mwan, Madanm, si ou satisfe avek  ki mannyer Gouvernman in allocate ou bann premises ? E si i annan bann link ki ou pe rode avek bann Lazans ki enportan pou ou ? Pou ou kapab fasilit sa biznes ? Pa bezwen per Vis-Prezidan, pa bezwen per si ou santi pou dir ki i mank keksoz, pa bezwen per. I ok li kanmenm i pe get mwan en pe sa.  So dir nou akoz mwan mon santi pou dir ki zot pa dan en sityasyon ideal.

Sa mon premye pwen, mon dezyenm pwen, mon ti a kontan gete avek ou ki lirzans ou pe mete lo sa konponan eksport pwason ? Akoz la ozordi ler nou pe koze dan sa Lasanble, peser pe lapes, pwason pe ariv dan por, personn pa pe aste sa pwason ek zot, zot pa oule aste akoz zot dir zot pa kapab eksporte. I en kestyon ekstrememan irzan e mon ti a kontan konnen ki lenportans ou pe mete lo la. Mersi.

 

MR SPEAKER

Ms Antat oubyen pe les Dr Fanny.

 

PS STEVE FANNY

Mr Chair, mon reponn sa premye kestyon, Onorab Ferrari, lo kestyon lofis. SIB pe reste dan son landrwa kot i ete. It is the Department of Investment and Industry ki pe bouze.

DEPUTY CEO MS ANGELIQUE ANTAT

Mersi pou kestyon. SIB nou pe ankouraz plis electronic communication, so nou vreman vit ler nou servi sa e mon kwar i vreman efektif an se moman e nou fer sir ki nou redwir lo dokimantasyon, lo papye. So mon kwar nou pou kapab fer li no matter where Departman i ete. Sa i pou premye kestyon.

2enm kestyon nou pe act lo sa Lagreman tre irzan. I vreman irzan. Nou’n fini konmans etabli sa komite, nou’n sey met tou bann dimoun ki relevan lo la, tel ki SFA, Departman Lekonomi Ble, nou annan osi Finans lo kote Trade e diferan dimoun pou kontribye anver sa sekter e i vreman irzan. Nou pe esper larepons sorti kot sak Departman ki nou kapab formaliz sa komite e nou konmans diskite Zanvye. Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chairman. En pti kestyon mon ti oule demann-

 

MR SPEAKER

Ms Antat.

 

HON TERENCE MONDON

Ms Antat, si SBI i annan okenn servis parey consultancy zot pe outsource? Konmsi si zot pe fer tou zot keksoz zot menm as SBI ouswa zot pe outsource okenn servis parey consultancy?  Mersi.

 

MR SPEAKER

Ms Antat.

 

DEPUTY CEO MS ANGELIQUE ANTAT

Pou lemoman nou pa pe outsource, non. Tou keksoz nou fer nou menm.

 

MR SPEAKER

Mersi. Onorab Afif.

 

HON AHMED AFIF

Mersi Mr Chair. Mr Chair mon ti a kontan demann petet Dr Fanny si i ti pou war konmsi ti pou annan en benefis la ki SIB i la dizon zot ti anba en sel twa, mon pa konnen ozordi kot ou biro i sitye e si ou ti a vwar zot petet dan sa remaniman ki Vis Prezidan pe koz lo la kan zot pou streamline en pti pe, si ou vwar en posibilite kot zot kapab o-bor kot tou keksoz i mars byen akoz ozordi sa Bidze ki ler nou pe gete R8 milyon pou ou, R4 milyon pou Lendistri, R1 milyon par mwan. Eski i kout R1 milyon par mwan pou dir ek en dimoun ki bor pou ale pou ganny en licence ? Ki polis ki egziste ? Konmsi dan sa laliny eski ou santi ki ou kapab annan en benefis si ou biro, mon pa konnen kote i ete ozordi, si ou kapab met zot ansanm ek SIB, zot dan menm landrwa. I a redwir zot kou transpor pou SIB, i a redwir bann kou petet administrasyon en pti. Eski ou vwar en posibilite koumsa ?

 

MR SPEAKER

Petet pou piblik dir nou Ms Antat kot ou biro i ete avan.

 

DEPUTY CEO MS ANGELIQUE ANTAT

Nou biro an se moman i kot dezyenm floor nouvo building Independence House.

 

MR SPEAKER

Independent House, ok.

 

PS STEVE FANNY

Mon biro i, pou le moman trwazyenm floor, Independence House Annex. Li 2enm floor mon 3enm floor. Mon mon pe bouze mon sipoze pe al kot Maison de Mahe. Maison de Mahe i, zot konnen kote i ete-

 

MR SPEAKER

Ale Dr Fanny, Maison de Mahe. Ou ok Dr Fanny? Ok. Onorab Prea.

 

HON NICHOLAS PREA

Mersi Mr Chairman. Dan laliny ki Ms Antat in dir ki zot pe met en pti pe lanfaz lo devlopman eksportasyon pwason. Aparaman i annan serten biznes ki ti pe fer sa loperasyon, zot pa pe onor en pti pe zot bann Kontra avek zot bann kliyan ki- kliyan pe rantre ek pwason swa sa biznes i annan son bann mwayen kot zot pe ganny son pwason, swa son prop bato. So enn de bann peser pe santi zot- eski dan zot travay, eski zot pe ganny nouvo demann oubyen i annan deza ki zot pe process ki bann businessmen Seselwa ki pe rantre dan sa laliny vizavi eksportasyon pwason. Mersi.

 

DEPUTY CEO MS ANGELIQUE ANTAT

Wi. I annan nouvo demann e FBOA i en Lasosyasyon ki’n apros nou e zot in montre bokou lantouzyazm pou sa proze.

 

MR SPEAKER

Onorab William.

 

HON WAVEN WILLIAM

Mersi Mr Chairman. Mr Chairman mon ti a kontan demann Ms Antat, lefe ki nou konnen ki dan larezyon i annan bokou konpetisyon, mon ti a kontan demann Ms Antat si zot in fer en evalyasyon lo nou bann sekter si nou krwar pou dir i annan serten competitive advantage e kwa ki bann challenges ki nou pe fer fas avek. Akoz mon konnen pou dir ti annan en lalis sekter ki i ti pe esey promote. Eski i annan serten ki nou pou diminyen ouswa nou pou ogmante ? Mon ti a kontan en pti komanter lo la. Akoz mon konnen poudir i annan sa konpetisyon e letan mon pe lir dan paz 79 sa ki zot pe dir pou retain bann biznes kwa an plis ki nou pe fer dan sa rezyon konpetitivite. Mersi.

 

MR SPEAKER

Ms Antat.

 

DEPUTY CEO MS ANGELIQUE ANTAT

Ok mersi pou ou kestyon. Pou lannen 2017 nou pe pouse, nou pa pe kapab entrodwir nouvo prodwi me selman nou pe pouse pou entrodwir nouvo prodwi ki pou Sesel. Par egzanp annou servi legzanp Sekter Finansyel. I annan nouvo Lalwa ki ganny propoze so nou pe pouse ki sa Lalwa i a avanse e ki sa bann nouvo prodwi i kapab ganny, i vin lo nou marse, ki nou kapab promote prezan kot SIB. E osi nou pe servi bann nouvo sistenm teknolozi, nou pe update nou website, nou pe fer li pli atiran ki nou anmenn nou vizibilite pli devan pou Sesel. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Chairman. Mr Chairman, mon ankor en pti git konfize lo bann zafer landrwa kot zot biro i ete. Akoz mon trouv enterese ki letan nou’n vin koz lo SIB, Minis in dir Dr Fanny reste lanmenm e Ms Antat i a vin o-bor li, konmsi savedir i kontan letan sa 2 i o-bor kanmarad me selman la nou’n tande en pou Maison Mahe, lot pou- lot i laba, lot i dan Annex, pou le moman zot la konmsi zot pa- konmsi sa dan li menm li i eksprim en serten konfizyon ki nou pe koz lo la. Eski i annan okenn plan pou ki finalman zot ava trouv zot dan menm landrwa e ki sa i ava, parey nou pe dir, ede dan sa streamlining ki nou pe koz lo la parski i osi annan lezot Departman ki link, konmsi si mon pe ekout byen. Mon pa tro konn tou zot non, bann lezot Departman ki link avek zot me ki ankor enn fwa, enn i dan en lot landrwa so konmsi..

Apre Mr Speaker mon ti a kontan demann Ms Antat, ou konnen tanzantan Sesel, Sesel i en pe koumsa li, tanzantan nou ganny en lide e nou lans li e nou koz lo la. Ti annan en moman ki nou ti pe koz lo ‘made in ‘Sesel oubyen ti annan en label ki tou keksoz ti bezwen lo la e nou tou nou ti koz lo la. Label, label, label. Be la en kou an gran nou pa tann nanryen. Sa label nou a krwar nou’n fini perdi li ti menm annan en nespes tenm ti kol lo soz, la prezan tenm nepli- nou nepli tann tenm. E pourtan mon tann ou pe, rightly so pe ankouraz lo kote Sesel.  Konmsi eksplik nou en pti git.

 

MR SPEAKER

VP.

 

VICE PRESIDENT  MR VINCENT MERITON

Vitman Mr Chairman mon a eksplik lo kestyon streamlining. Mon’n dir taler ler ti annan konfizyon ler nou ti pe koz lo Departman ki li pou le moman i la, i kot Independence Annex i pe bouze pou al Maison de Mahe e li i pli ba lo 2enm floor i dir, SIB pe reste la, pa pe bouze. Ansanm dan Independence House Annex parey ler i ti lanse, langazman Gouvernman ti donnen se ki pou annan tou bann servis anba en sel twa sa i enkli Imigrasyon, i enkli Lanplwa, i enkli SIB. Me zot konman parent ministry zot ti napa en landrwa, zot in la, konpran? Konmsi pa vedir ki ler zot pe bouz Maison de Mahe ki pou napa sa koneksyon be la ankor nou’n dir avek sa prosesis streamlining ki nou pe fer, i a permet nou revwar sa pa zis bann Lalwa be osi bann striktir e bann fason labitasyon pou gete ki mannyer pou amelyor sa. Mersi Mr Chairman.

 

MR SPEAKER

Onorab Ferrari.

 

VICE PRESIDENT  MR VINCENT MERITON

Mr Chairman si ou permet sa- Angelique i a pran zafer tenm.

 

DEPUTY CEO MS ANGELIQUE ANTAT

Mersi pou ou kestyon. Nou tenm ki nou servi i ‘Exciting Seychelles.’ E i feature lo nou bann piblikasyon ki nou- i pou SIB. Sa mon..

 

PS STEVE FANNY

Sa pou SENPA sa, Onorab. Sa pou SENPA.

 

MR SPEAKER

Onorab Ferrari.

 

HON JEAN FRANCOIS FERRARI

Mersi Mr Chairman. Briyevman, synergy ek streamlining mon krwar sa i 2 mo ki nou pou tann bokou da sa lannen ki vini e mon mon pou ziz zot lo sa 2 mo. Eski SIB i annan okenn relasyon avek bann Lanbasad Sesel aletranze?  Eski bann Lanbasad Sesel, Anbasader, bann reprezantan Sesel i annan bann target spesifik pou zot al atenn bann konferans, trade conferences? Eski bann, eski zot in ganny training?  Eski zot ganny tou lenformasyon ki esansyel, timely lo tou bann prodwi ki zot devret pe fer? Si non eski mon kapab demann Ms Antat ki dan son program, vi ki lannen prosenn nou pe al dan full PPBB, eski sa se bann target ki kapab mete pou fer sir ki sa zouti ki nou annan aletranze, ok, i ede dan promosyon lendistri ek biznes dan Sesel?  Mersi.

 

VICE PRESIDENT  MR VINCENT MERITON

Mr Chairman mersi. Wi bann Anbasader zot rol primordyal se reprezant zot pei e ozordi, si zot a rapel, nou’n dir ki diplomasi i bezwen vin ekonomik e i devret anmenn en rannman pou sa dimoun Seselwa, sa dimoun ordiner, sa Seselwa. Prezan kot zot ti annan bann target, sa en travay ki nou bezwen fer pou asire ki i pa zis nou pe koze me osi bann limero, bann dat, bann keksoz spesifik. Mon pa konnen si Dokter oule azout keksoz lo la.

 

PS STEVE FANNY

Mon pou azoute ki wi, Onorab, bann Anbasader dan bann pei ler i annan en roadshow, bann konferans oubyen bann lezot keksoz enternasyonal, zot vini e nou fer sir ki zot la pou zot promouvwar Sesel. Parey ou’n dir an plis, sa bann bout target mon krwar sa i bann keksoz ki Minister responsab i ava regard ladan.

 

MR SPEAKER

Onorab Mondon.

 

HON TERENCE MONDON

Mersi Mr Chairman. Mon kestyon i lo paz 80. Mon le demann Ms Antat akoz son depans pou lofis in ogmante par R818mil?  E osi kwa ki zot pe antisipe anba ‘minor capital outlays’ e an total i fer R1.2 milyon ki ekivalan 2 lakaz pou Seselwa. Si i kapab eksplik mon akoz nou annan sa 2 depans an plis ? Mersi.

 

MR SPEAKER

Ms Antat.

 

DEPUTY CEO MS ANGELIQUE ANTAT

Mersi pou ou kestyon. Ok, so nou ‘office expense’ in ogmante akoz i plis dan printing and stationery, i plis bann materyo ki nou servi ler nou pe advertise, ler nou dan en event. So nou’n vwar poudir lannen pase – sa lannen i annan en defisit so nou bezwen plis sa bann materyo, sa comme bann piblikasyon ki nou plis al avek. Pou nou ‘minor capital outlays’ nou annan en printer ki en pti pe ansyen kot nou lofis so nou pe mazin pou nou ranplase. E osi vi ki, parey mon ti’n eksplike o par avan nou servi teknolozi nou servi mwens papye dan meeting ; nou bezwen bann lekipman, parey bann laptop pou nou kapab fer nou meeting e nou osi kominik avek bann envestiser lo Skype, so nou bezwen sa bann teknolozi avanse pou nou kapab fer sa bann kominikasyon. Mersi.

 

MR SPEAKER

Mersi Ms Antat. Onorab Valmont.

 

HON JUDE VALMONT

Yes. Bonzour. Mersi Mr Speaker. Bonzour Vis Prezidan, Manm koleg Onorab. Mwan mon ti a kontan demann petet Vis Prezidan petet Ms Antat i kapab osi reponn sa, ki- mon pe get sa paz 81, Program 2 Investment Promotion, Sub- Program 1 sa International Coopertation, Research and Marketing Promotion ou konnen i dir i pou promot sa eleman International Cooperation e mon get latab No. 4 SP, mon vwar an 2016 Bidze ti R2.9 milyon in mont R3.2 e zisteman sa mon ti a kapab demande ki bann aktivite SIB i annan an 2017 ki dan zot plan pou organiz bann promotional activities pou atrakte bann foreign investors ? Mersi.

 

MR SPEAKER

Ms Antat.

 

VICE PRESIDENT  MR VINCENT MERITON

En pti moman Mr Chairman.

 

DEPUTY CEO MS ANGELIQUE ANTAT

Ok, tentatively pou lannen 2017 an Fevriye nou pou propoze pou annan en leasing forum. Osi an Fevriye pou annan en Financial services open day. An Avril nou pe propoz enn Tourism Investment Forum sa i pa nou konman Gouvernman ki’n demande me plito bann dimoun ki’n apros nou ki prezan nou pe gete si nou pe kapab fer li. Ok. Pou Me, pou an Me, nou annan en ESAEUEPA forum e osi an Me overseas nou annan China offshore Shenzhen Summit sa i annan pou fer avek bann Financial services.  E osi nou pe propoze pou nou attend 2nd annual Asia Summit, Singapore.  An Zen osi, i annan Financial services Roadshow, Kenya. E an Zilyet isi menm Sesel, i annan STEP Conference sa i annan pou fer avek nou Financial services.  An Septanm nou pe ankouraz- pou annan PTA bank AGM isi. E an Oktob nou pe anvizaze attend Offshore  Financial Summit in Shanghai. Mon pe zis fer resorti ki sa i bann proposal pou le moman. Nou pa ankor konfirmen sa lalis. E osi i annan bann unforeseen events ki vini ki apre nou bezwen rod fason akomode. Mersi.

 

MR SPEAKER

Mersi. Onorab Valmont, wi.

 

HON JUDE VALMONT

Mersi, Mr Speaker. Zis en follow-up lo la, en keksoz siplemanter. Ki benefis egzakteman i annan pou Sesel? Dir Seselwa silvouple. Mersi.

 

DEPUTY CEO MS ANGELIQUE ANTAT

Mersi pou ou kestyon. Ler nou anmenn sa bann dimoun isi pa neseserman zot pe vin pou en investment forum – me ler zot vin isi SIB i organiz bann side events e la kot nou promot nou biznes isi. Par egzanp annou pran PTA Bank zot en Lorganizasyon ki banker. Ler zot vini i annan loportinite pou nou pti biznes benefisye avek bann asistans finansyel. So sa i bann loportinite ki nou servi pou nou bann biznes isi Sesel. Mersi.

 

.

PS STEVE FANNY

Mr Chair, si mon kapab azoute nou bann benefis ki nou bann aktivite promosyon i fer Sesel. Mon krwar ki tou dimoun i konpran se ki annan en relasyon ler ou fer ou marketing apre ler ou ganny bann dimoun, lenvestiser pou vin Sesel. SIB i anmenn sa vizibilite pou Sesel. Ler nou fer, par egzanp sa bann roadshow menm si nou al dan bann landrwa enternasyonal nou ede pou nou eksplik dimoun laba ki Sesel i annan pou ofer e en kantite bann viziter, bann investors, zot vin Sesel e zot enterese pou vin Sesel akoz en kantite sa bann road show ki nou’n fer. Mon konnen par ler dimoun i dir koumsa, eski ou kapab quantify sa ? Non, ou pa kapab quantify ,me selman nou konnen i annan en benefis akoz sansan the whole field of marketing pa ti pou egziste. I annan en benefis promosyon ek marketing e anmenn dimoun.

 

MR SPEAKER

Mersi. Onorab Ernesta.

 

HON PAUL ERNESTA

Mersi Mr Chair. Bonzour Vis- Prezidan ek ou lekip e tou dimoun a lekout. Anliny avek bann kestyon ki ganny demande pli boner, mon’n tann Ms Antat in koz bokou lo bann aktivite ki ganny fer, me mon pe fer referans lo paz 79 kot zot in koz en pe lo zot manda konman SIB. Nou konnen ozordi ti annan bokou konsern lo difikilte ki bann biznes i annan ozordi pou zot konmans bann biznes dan pei.  Petet eski SIB, zot annan provizyon pou zot kapab peryodikman set bann mekanizm pou zot kapab vwar ki mannyer pou zot kapab fer biznes bann si ou le fasilit sa lapros pou fer biznes dan pei?

 

MR SPEAKER

Dr Fanny.

 

PS STEVE FANNY

Mon a reponn sa kestyon Onorab, wi, SIB pe fer sa sanmenm ki ou vwar nou pe revwar both the SIB Act apre nou pe revwar SENPA Act pou nou sey anmenn li dan sa laniy ki ou pe demande.

 

MR SPEAKER

Onorab Hoareau ou ti’n demann laparol.

 

HON BASIL HOAREAU

Mersi Mr Speaker. En pe anliny avek sa Onorab Ernesta in demande, nou konnen parmi zot faksyon SIB se pou zot annan kordinasyon ek korperasyon ek sekter prive e Gouvernman pou get klima lenvestisman e osi pou bann policy decision. To what extent ki SIB pe vreman desarz sa faksyon an term pran konsern bann pti biznes Seselwa dan zot bann policy decision ki zot pe fer?  Ki Gouvernman pe fer?

 

MR SPEAKER

Dr Fanny.

 

PS STEVE FANNY

SIB in terms of pran sa bann konsern pou mon donn en legzanp parey lo boner ou ti’n demann nou en kestyon in terms of ki mannyer nou protez bann Seselwa ek bann etranze. Nou annan nou sa, what we call economic needs test. Anba nou economic needs test, i en test ki nou fer pou nou regarde ler en dimoun pe vin dan Sesel pou li invest – si i en etranze nou pe demann nou lekor en senp kestyon, eski sa etranze i devret pe fer sa biznes, sa aktivite dan lekonomi Seselwa, dan lekonomi Sesel ?  E si non, nou dir- si nou krwar ki sa biznes i kapab ganny fer byen menm par en Seselwa alor nou annan bann Polisi, nou annan bann mekanizm ki sa i ganny proteze zis pou Seselwa. E si i en keksoz ki massive investment, massive capital investment and expenditure se la ki ou vwar nou pou ouver e nou pou les bann lezot lenvestiser antre ladan. Be dan be dan sanmenm laliny ki nou, nou protez bann SMEs e nou protez tou lezot biznes ler zot vin kot nou, zot vin kot SIB, zot anmenn zot bann konsern, nou pran zot bann, espesyalman Departman Investment policy, nou, nou asize e sey fer bann polisi ki pou dan lentere sa bann pti biznes.

 

MR SPEAKER

Onorab Hoareau.

 

HON BASIL HOAREAU

Ki mekanizm ki an plas – ki SIB in met an plas pou asir sa korperasyon ant sekter prive ek Gouvernman?

 

MR SPEAKER

Dr Fanny.

 

PS STEVE FANNY

Pou le moman tou mannyer nou annan, lo board SIB nou annan en kantite dimoun ki dan sekter prive e koumsa menm sa ki nou fer sir ki nou pran en reprezantasyon sekter lendistri, biznes e tou dimoun i kapab ganny ekoute e ki SIB i ava anmenn sa devan kot Gouvernman. E mon krwar Angelique osi i anvi expand en pe lo sa…

 

MR SPEAKER

Ms Antat.

 

DEPUTY CEO MS ANGELIQUE ANTAT

Parey mon’n mansyonnen o par avan nou annan bann Komite ki nou formen. Ok sa bann Komite i annan diferan kalite dimoun, reprezantan sorti lo diferan biznes, diferan sekter ki pou kapab anmenn lavwa bann sekter devan. Ok, parey annou pran legzanp sa export – fisheries export marketing committee. Nou annan bann exporters already la, zot pou vin lo sa komite. Nou annan FBOA zot pou reprezant lo sa Komite zot osi.

 

MR SPEAKER

VP ou ti anvi fer en quick word.

 

VICE PRESIDENT – MR VINCENT MERITON

Wi Mr Chairman. Mon kwar ki nou pe dir, enn bann rezon akoz nou pe revwar bann lalwa se ki nou le reponn legzizans biznes ozordi. Akoz i annan bann dimoun i vin devan nou vwar poudir i pa santi son bezwen i ganny kouver anba SIB Act. Nou pran konsyans osi ki Seselwa i annan kapital. E enn bann zouti ki nou’n met devan lannen prosenn se kree bann fon kot Sesel i vin ansanm i kapab benefisye atraver lenvestisman e nou, nou bezwen kapab fer sir ki nou lankadreman legal i permet li kapab fer sa. So i annan sa avek lezot legzizans ki SIB avek Departman Lendistri in gannyen ki nou pe met li an aplikasyon an traver sa bann nouvo zouti ki nou oule travay lo la an 2017. Mersi Mr Chairman.

 

MR SPEAKER

Onorab Afif.

 

HON AHMED AFIF

Mersi Mr Chair. Mon kestyon i baze lo paz 80 mon ti a kontan demann petet Dr Fanny.zot in koz bokou lo bann zefor marketing par egzanp, tou sa bann konferans offshore eksetera ki zot pou ale. En kantite dimoun dan sekter finansyel i dir ozordi lanvironnman i pa vreman conducive pou zot kapab fer sa bann biznes. Eski ou kwar i vo lapenn fer sa kalite promosyon avan ki nou aranz lankadreman legal oubyen eski ou kwar i vo lapenn malgre sa parske dimoun pa pe vin anmenn larzan Sesel akoz zisteman tou sa bann lalwa ki konsern banking Sesel FIU i kapab sezi larzan pou preski 180 zour san okenn rezon ki pa egziste dan okenn pei. Alor eski ou krwar i vo lapenn pou nou promouvwar sa bann prodwi ?

 

PS STEVE FANNY

Mon poudir ki wi, i enportan mon kwar i annan en benefis pou nou fer sa bann promosyon akoz mon krwar si nou ti pou asize, nou pa ti pou fer nanryen nou ti pou dan en sityasyon en pti pe pli move. Parey mon dir vizibilite i atrakte lenvestisman e ler SIB i sorti la dan menm – dan bann sekter finansyel nou ale nou al promouvwar Sesel, menm si nou annan serten challenges. Me overall mon krwar wi, i anmenn lenvestisman pou Sesel, Mr Afif, mon krwar i annan sa benefis. Parey mon’n dir boner how do you quantify sa benefis, sa i en lot keksoz me selman mon kwar i annan en korelasyon ant marketing, met Sesel deor apre envestiser vin Sesel.

 

HON AHMED AFIF

Zis en pti kestyon adisyonnel eski ou krwar lankadreman legal ozordi i kapab ganny aranze vreman pou ed ou dan sa zefor marketing ?

 

PS STEVE FANNY

Pou toultan annan room for improvement.  E baze lo la mon krwar parey sanmenm sa dan sa loptik ki ou vwar nou pe sey aranz bann act, SIB Act e bann lezot act ki Minister Finans osi dan le fitir pou travay lo la, pou nou fer sir ki nou tou nou coherent ler nou pe dir nou pe anmenn investment, tou lebra Gouvernman pe bezwen travay ansanm pou fer sir nou pe delivre lo sa promes anmenn investment dan Sesel.

 

MR SPEAKER

Onorab Sebastien Pillay

 

HON SEBASTIEN PILLAY

Thank you Mr Speaker. Mr Speaker an relasyon lo sa kestyon lo ‘Ease of doing business mon ti oule klarifye avek SIB eski zot in etabli -,bann timeframe par egzanp pou ki envestiser potansyel i konnen par egzanp ler i pou al petet kot Employment, GOP ki kantite letan, Imigrasyon ki kantite letan, Planning ki kantite letan, lot ki kantite letan pou ki si vreman nou oule annan sa one stop shop. Ler mon pe get at a glance par egzanp, nou kapab dir par egzanp ki mon pe vin envestir i pran mwan tan letan. E ki manyer nasyonalman zot pe ankadre sa bann lezot Lazans osi i vin parti prenant sa prosesis pou redwir letan don bann desizyon pou ki bann envestiser potansyel i kapab konmanse ou byen anrezistre zot biznes, i konsern Biro Lanrezistreman osi.

Apre mon 2enm kestyon Mr Speaker i relye avek market access ki nou’n zis diskite anba WTO, me ki konsern Lenvestisman osi. Petet ki zot pe fer pou rode atraver WTO sa access neseser ki nou bezwen, pou serten bann prodwi sirtou bann prodwi a baz, bann prodwi lanmer tel konman pwason, bann marse akoz nou konnen poudir dan serten marse i ankor still restrictive pou nou prodwi access sa bann market. Mersi.

 

PS STEVE FANNY

In terms, si Onorab pou dele letan – timeframe i pou depan lo en kantite fakter. I pa- nou annan en dele letan normalman ki dan 15 zour fodre nou fini donn en larepons ler en dimoun i vin avek en proze kot SIB.   Selman sa dele letan par ler i kapab vin pli kourt oubyen i kapab vin pli long baze lo ki mannyer sa dimoun, kantite dokiman ki sa dimoun ler in submit son project kot SIB in pran, si tou son keksoz i la mon kwar i ava ganny en larepons avek SIB ase vitman. Par ler osi i depan lo konpleksite sa proze li menm si proze i pli konpleks ou bezwen al plis dan bann financial ensidswit pran en pti pe plis letan e pou nou fer fason ki sa dele letan i redwir, SIB i travay avek tou komite parey i annan Health Agency, nou annan Planning, nou annan tou sa bann lezot brans Gouvernman ki nou travay avek, pou nou fer sir ki nou fall within sa timeframe e ki en investor i ganny son larepons ase vit. E SIB i al pli lwen ankor dan plas ki sa dimoun li i bezwen al marse al kot Minister Lasante, al kot Lanvironnman, al isi laba, nou, nou ale nou fer sa pou li nou menm.

 

MR SPEAKER

Onorab Vidot.

 

HON AUDREY VIDOT

Mersi Mr Chairman. Bonzour Vis-Prezidan avek ou lekip, tou Manm Onorab, tou dimoun a lekout. Mon kestyon i pou Dr Fanny, mon konnen ki annan bann survey ki zot fer ki pou kapab ed zot vwar efikasite zot bann policies ki zot pe met an plas. Mon ti a kontan konnen en bann konponan dan zot regilasyon se ki zot bezwen fer bann periodic surveys pou zot evalye en pti pe lenpak Socio Economic e klima lenvestisman dan Sesel. Kan ki zot pou annan en prosen survey e ki kantite – konbyen survey zot pou pran ki dan zot plan la, ki pe vini ? Mersi.

 

PS STEVE FANNY

Mersi Onorab pou ou kestyon. Wi sa bann survey ki ou’n koz lo la i enportan se akoz sa bann survey ki nou come up avek bann policy, bann mekanizm pou Gouvernman konnen egzakteman, pou access klima lekonomi. Nou’n fer sa bann survey dan le pase me selman nou pa pe mazin fer li pandan next year, me selman nou pe mazinen ki by 2018 nou pou fer en nouvo survey.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair. Mon rekonnet ki SIB pe donn bokou sipor bann SMEs, me selman i annan en difikilte ki annan. I annan serten SMEs ki’n apros SIB avek son proze, me selman pou letan i en nouvo proze ki personn pa’n deza fer Sesel, prezan sa promoter pe rankontre en pti pe difikilte.  Alors lo kote policy, mon ti a sizere menm si nou travay lot bann policies me selman bann nouvo lide ki bann dimoun i vin avek ti a bon osi take on board. Ok.

 

MR SPEAKER

Wi Ms Antat.

 

PS STEVE FANNY

Ok Onorab nou pran not sa ki ou’n dir.

 

MR SPEAKER

Ok Onorab Simon Gill.

 

HON SIMON GILL

Bonzour Mr Speaker. Mersi. Bonzour VP avek ou lekip e bonzour tou koleg MNA. Mr Chairman, kestyon i annan plizyer bout avek e mon pou fer li pli kourt, pli presi posib pou ki ler nou sorti la nou kapab annan en keksoz en pe kler. Premye konponan, nou’n koz lo diversifikasyon ekonomik. Parey annou pran sa konman nou baz, premye eleman, eski nou annan en lalis bann sekter ki nou pou aim pou nou fer rantre e achieve sa economic diversification? Sa i limero 1. Par laswit nou a konnen kantite ki annan e 2enm eleman, lokalman e zot relasyon ki zot deza annan etabli avek bann pei deor, envestiser deor. Ki potansyel pou rantre dan sa bann diferan sekter ki zot in idantifye?

Lot eleman ki timeframe letan zot in donn zot lekor pou nou kapab achieve oubyen realiz li konkretman dan Sesel. Lot konponan ki enportan ki mannyer zot oule angaz Seselwa lokalman isi dan pei, penetre dan marse rezyonal, pou ki- pou zot ganny plis lespas pou lenvestisman e an retour pou kapab re export sa bann prodwi isi probableman avek en meyer pri pou nou gannyen. E ki relasyon overall zot etabli sa kalite mannyer fer avek nou bann Lanbasad ki deor ki en kestyon ki’n deza poze pli boner. Mersi. Ler mon’n ganny sa mon a konsidere si annan lezot follow-up questions pou mon demande. Mersi.

 

MR SPEAKER

Dr Fanny

 

PS STEVE FANNY

Mersi Onorab. Mon ava konmans avek ou premye kestyon in terms of diversification. Diversification ozordi ler mwan mon gete dan Sesel, nou annan nou en reliance lo Tourism Industry. Mon krwar senserman konvenki tou ki the Financial Service Industry i sa lendistri kot Sesel i kapab fer ekstrememan byen. Mon dir sa akoz Financial Service Industry, mon krwar bann dimoun ki konpran Financial Service Industry i konn sa tre byen, ou capital expenditure i ekstrememan ba me ou return lo sa capital expenditure i masiv.  E se sa ki mon kwar nou devret pe mazin lo la akoz Financial Service Industry i osi promot e provide lanplwa pou bann manrmay ki dan liniversite e ed Seselwa pou li aspire pou li study accountancy, pou zot vin bann avoka, bann lezot keksoz ki annan pou fer avek biznes e ki mon kwar bann zenn manrmay ler zot in ganny sa bann kalifikasyon apre dan staz Lekonomi Ble, bann keksoz koumsa, mon kwar ki ler zot in ganny sa bann kalifikasyon, sa bann manrmay i kapab kontribye en kantite dan Financial Service Industry. Mwan mon pou dir diversification dan Sesel nou bezwen focus en kantite lo Financial Service Industry, the whole – banking, International Services Industry e this is where mon krwar ki Sesel i kapab vin en model.

Akoz mon senserman krwar dan sa filozofi ki Dokter ti dir en fwa ki Sesel i kapab vini en Switzerland e nou annan potansyel enorm pou nou fer Sesel vin en Switzerland. 2enm kestyon, savedir la mon’n fini kouver lo potansyel, i annan sa potansyel e ki timeframe ? Timeframe se ki i ava depan lo bann mekanizm, lo bann Act ki nou met an plas. Ki ava ganny pase par sa Lasanble pou nou fer sir ki nou ava fer sa dan pli pti git letan ki posib.

And finally – ki mannyer nou pou fer Seselwa al etranze, ler mon ti pe konmans eksplik Departman Investment and Industry mon ti dir zot koumsa nou lyez avek COMESA, SADC, e sa bann lezot lorganizasyon enternasyonal. E sa bann keksoz ki nou pe fer dan sa bann lorganizasyon se bann trade facilitation kot lo nivo Lafrik, Lafrik in mazinen ki ozordi ti ava bon ki ler en Seselwa i prodwi dan Sesel, i posib pou li anmenn son prodwi dan en lot pei Lafrik san ki i bezwen pey en kantite tax ; kot nou esey fer Lafrik en sel gran kontinan en pe parey dan European Union Concept.

E mon krwar si Seselwa i eksplwat sa avek Departman Trade ki dan Minister Finans, zot al rod plis lenformasyon, Seselwa i annan en kantite potansyel pou zot kapab al dan bann lezot pei Lafrik – e kot bann dimoun napa sa resours pou nou kapab fer lagrikiltir dan en lot pei, – enport Sesel oubyen export dan bann lezot pei Lafrik espesyalman pwason eksetera. Mersi.

 

MR SPEAKER

Onorab William.

 

HON WAVEN WILLIAM

Mersi Mr Chairman. Parsyelman mon kestyon in ganny kouver par Onorab Gill me zis lo sa larepons ki Mr Fanny in donnen, sa i resanble i en challenge. Eski SIB pe mazin met en pe lanfaz lo travay avek bann Trade – SCCI pou fer sir zot annan lenformasyon akoz ozordi bann biznes Seselwa pe rod bann debousman, akoz Sesel i deza sere, zot pe rod sa debousman alors mon santi pou dir i annan sa nesesite. Mon pe fer en sizesyon ki lanfaz i ganny mete pou kapab travay ek Trade pou zot kapab ganny sa bann lenformasyon pou bouze. Mersi Mr Chairman.

 

PS STEVE FANNY

Nou premye nivo, nou pe fer li lo (1) nou annan sa komite ki SIB in dir. Lo dezyenmman nou pe fer sa bann investment avek sa bann konferans lannen prosenn. Nou’n dir la ki apartir lannen prosenn, mon krwar Angelique in donn en lalis bann konferans – kot nou pe fer konferans nou pe esey focus enpe plis dan Sesel e envit Seselwa pou li partisip dan devlopman lekonomi. E ler dimoun i vwar advertise sa bann konferans nou pou donn bann lenvestiser Seselwa ase lenformasyon pou zot kapab pozisyonn zot, pou zot kapab al aletranze, pou zot osi become as competitive over there. Akoz nou senserman krwar ankor ki Seselwa i annan en kantite potansyel pou zot kapab kaptir sa marse Lafrik.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Speaker. Mr Speaker mon anvi ganny en leklersisman avek lekip konsernan sa nouvo moratorium ki fek anonse yer, konsernan construction of big hotels, eski sa i vedir la ki, vi ki ti annan 1 aprezan i annan konfizyon konsernan bann ki plan oubyen ti’n deza fer kek demars. Ki sa nouvo moratorium i vedir? Eski menm sa bann ki’n ganny permi aprezan la zot pa pou kapab konstri ?  Par egzanp bann lotel Anse Forbans ki nou’n koz lo la dan Lasanble.

E dezyenmman vi ki zot koz lo zot strict me ozordi nou vwar bokou bann pti biznes Sinwan ki pe fer konpetisyon avek Seselwa e la nou menm aprann zot konmans vin vann lisyen dan bazar.

Konmsi ki egzakteman zot pozisyon lo sa, pou ki Seselwa i ganny sa ki Lalwa i dir i rezerve zis pou Seselwa e lot market i ava pli ouver. Mersi bokou.

 

PS STEVE FANNY

Lo sa moratorium nou pe rod en pe lenformasyon avan mon kapab donn ou.

 

VICE PRESIDENT  MR VINCENT MERITON

Mr Chair, sa ki nou konnen Gouvernman ti pran en desizyon ki bann gro lotel nou tenir. Mon pa konnen ki dernyen devlopman ki’n arive yer, me selman sa ki mon pe al dir ou se ki bann pti lotel ziska 5 lasanm i rezerve pou Seselwa i ankor ouver. 10, pardon. 10 lasanm me selman pou retourn deryer ti a bon anmenn serten leklersisman. Mon krwar nou pe esey pozisyonn nou lekor konman en sant ekselans pour lenvestisman lo nivo rezyonal e nou le fer nou lekor vin en hub, en gateway pou al Lafrik. So nou pe koz osi lo oportinite pou envestiser Seselwa pou kapab fer en perse dan marse laba.

Me osi avek devlopman i annan en kestyon ti ganny demande boner si nou pe kalkile ouver levantay pou bann biznes ki pou garde zis pou Seselwa. Wi, akoz anmezir keksoz i devlope, nouvo fason fer keksoz, nouvo sekter biznes i kapab sorti, mazinen nou pe koz Blue Economy, nou pe koz servi lasyans taler NISTI pe vin kot nou. E dan Blue Economy i annan loportinite ki nou devret vwar.  Pa zis lapes plis e pa zis lapes me lapes pli byen dan en fason soutenab me osi get bann lezot posibilite ki nou losean i kapab ofer nou, pou fer biznes. I annan ladan i bezwen en kantite lenvestisman e kapital, i annan i bezwen zis inovasyon pou nou kapab gete ki mannyer nou kapab servi. So apard ki servis finansyel, i annan osi Lekonomi Ble, i annan sa kestyon value added ki nou pe dir. Lotrezour mon ti dan en miting Praslin e bann dimoun ti pe dir nou le devlop dan ki mannyer nou kapab servi seaweed. Vwala so sa i bann lide ki mannyer nou kapab servi sa dan en fason ki pa neseserman ser me an menm tan ki permet Seselwa vin ansanm pou kapab ganny en biznes donn dimoun travay.

Nou bezwen osi tonm dakor in koz lo bann konferans ki nou pou fer, nou bezwen fer- pa zis bann konferans me osi kree en mekanizm ki pou elimin mistrust ant bann partner lokal Seselwa, pou zot kapab vin ansanm an traver bann funds, bann new products ki nou pe fer pou ki dimoun i kapab santi li konfortab envesti son larzan e partisip lo en nivo pli o kot konsern bann gran lenvestisman ; akoz ozordi nou pa pe koz zis bann pti lenvestisman me osi i annan Seselwa avek kapital ki nou bezwen kapab fer li envesti dan bann gran lenvestisman at par avek bann envestisman etranze pou nou osi ganny enpe lakrenm, ler gato i ganny partaze. So Mr Chairman les nou a ganny plis lenformasyon, nou a vin lo la be selman pou le moman nou ava aret la.

 

MR SPEAKER

Avek sa – oule en klarifikasyon ? Well petet nou pa devret pik lo en group me etranze ki pe compete ek Seselwa.

 

PS STEVE FANNY

Parey nou’n dir o par avan, nou annan en economic needs test e baze lo sa economic needs test, nou gete si en dimoun i devret pe invest dan Sesel. Mon pa pou konn- mon pa pou kapab dir egzakteman lo sa partikilye biznes ki ou pe met lo la, i posib ki sa dimoun i en Seselwa, i posib osi ki i annan en parti en dimoun, i en share, en Seselwa i en share avek li. Konpran mwan. So…

 

MR SPEAKER

Ok avek sa tou bann kestyon in ganny demande, bann ki ti anvi demann kestyon. Mon propoze nou pran en vot lo appropriation pou Seychelles Investment Board.

Tou bann ki an faver lev zot lanmen ?

Clerk ou pe konte? Ok Clerk.

Tou bann ki kont lev zot lanmen ?

Mon a demann Clerk pou anons rezilta koumsa ki piblik lo radyo i tande parey nou’n ganny dir pou fer bomaten.

 

MADAM CLERK

Thank you Mr Speaker. So Bidze pou Seychelles Investment Board, SIB, ti annan 27 vot ‘for, 27 votes for the Budget for the Seychelles Investment Board.

 

 

NATIONAL INSTITUTE OF SCIENCE TECHNOLOGY & INNOVATION.

 

MR SPEAKER

Savedir Lasanble in aprouv Bidze pou Seychelles Investment Board. Mersi avek sa nou a demann Vis Prezidan si i oule pran pou 30 minit en lot Lazans vitman, akoz nou pou annan en gran lazournen. Petet olye pran 2er tan dezennen nou a pran 1erdtan edmi, annou pran 30minit pou en lot. Eski zot dakor oubyen zot lafen zot anvi al manze ? Bureau of Standards.

 

PS STEVE FANNY

AIE. Industrial zone.

 

MR SPEAKER

Ou annan Bureau of Standards, ou annan National Institute of Science Technology Science & Innovation.

 

PS STEVE FANNY

Nou a pran NISTI pti pti ok ?

 

VICE PRESIDENT – MR VINCENT MERITON

Nou a pran NISTI, Mr Chairman.

 

National Institute of Science Technology & Innovation.

 

MR SPEAKER

National Institute of- paz 68 – Technology & Innovation e alor nou a demann Mr Estico, ki direkter non? Mersi Ms Angelique Antat, mersi pou ou letan ek nou e pas en bon lazournen.

 

MS ANGELIGUE ANTAT WAS EXCUSED FROM THE HOUSE

 

MR SPEAKER

Nou a demann Mr Xavier Estico pou vin zwenn nou devan. Pran devan o-bor Vis Prezidan ou ant Vis Prezidan ek Dr Fanny, Mr Estico.

 

MR SPEAKER

Gid mwan ankor en pti kou Vis-Prezidan ki paz nou ete la?

 

 

VICE PRESIDENT – MR VINCENT MERITON

68 Mr Chairman.

 

MR SPEAKER

68? . I dan nou gro liv pou tou dimoun ki dan Lasanble e bann ki annan en gro liv ki deor 68. E parey labitid Mr Estico ki nou demande Lasanble se dan 30 minit ou esey donn nou en overview sa lenstiti pour ki ou responsab kwa ki fer, son lobzektif epi par laswit nou a demann ou kestyon lo ou Bidze ki ou’n propoze. Laparol i pou ou.

 

CEO XAVIER ESTICO

Mersi Mr Speaker. Bonzour Mr Speaker, Manm Onorab Lasanble. Mon pe reprezant National Institute of Science Technology Science & Innovation ki nou dir li NISTI dan kapasite konman son Chief Executive Officer. NISTI i en Lorganizasyon ki ganny en inakte an 2014 e in ganny en inakte formen lo en rasyonal ki i baze lo en letid ki UNESCO ti fer, ki i ti dekouver poudir sityasyon lasyans ek teknolozi isi Sesel i ganny zesyon i ganny vreman fragmante, tou keksoz i dan… i napa en Gouvernans, en zesyon armonize.

E alors baze lo sa rasyonal, NISTI in ganny kree. E pou sa rezon NISTI son manda fondamantal sa, i broad son manda, se ki i pou promot devlopman lasyans teknolozi ek inovasyon atraver tou sekter ek progranm Nasyonal. Nou tou nou konnen pou dir lasyans, teknolozi i tou sekter e parey nou dir i vreman cross-cutting e alors NISTI pou li kapab arive fer sa, pou delivre sa manda i bezwen travay avek tou bann stakeholders, i bezwen travay avek tou bann partner Nasyonal.

Me selman par kont an 2015 letan Sesel in deside dir ki pe bouz ver lekonomi baze lo konesans ki nou dir knowledge-based economy, NISTI i enn bann Lorganizasyon, bann Lazans ki asiz lo en Komite o nivo ki ti ganny ti ganny Chair par ex-Vis-Prezidan, ki ozordi i Prezidan Mr Faure.

E alors la NISTI ti ganny osi en lot manda pou regard sistenm inovasyon Nasyonal. Sistenm inovasyon Nasyonal se 1 bann pilye knowledge-based economy. I annan plizyer pilye, i annan 5 pilye. NISTI i sipoze regard kote inovasyon – National Innovation System.

I osi annan pilye Rezim ekonomik avek bann incentives. I annan pilye Ledikasyon avek bann medev kalifye.  I annan osi pilye Lenformasyon ek kominikasyon teknolozi e osi pilye gouvernans. E anba sa enn pilye la nou ti ganny demande pou regard ki annan en Polisi Nasyonal, en stratezi ki kapab ed Sesel fer sa tranzisyon ver knowledge- based economy. E alors 1 bann aktivite ki nou’n focus lo la se fer sir,  ki avek tou bann konsiltasyon bann stakeholders e osi bann levidans konkret ki nou’n fer par bann odit, arive devlop sa Polisi Nasyonal e sa Policy in ganny validate tre resaman.

Apard sa osi NISTI dan son konmansman in regarde osi si nou pou devlop resers, nou bezwen vwar ki kapasite resers, bann fasilite lokal. Nou’n fer bann odit lo bann laboratwar Nasyonal e vwar ki kapasite i annan sa bann fasilite resers e ki mannyer nou kapab optimiz sa bann resours ki egziste, ki nou kapab delivre en pli bon servis piblik e osi kekfwa osi vwar ki manyer nou kapab redwi kou loperasyon sa bann laboratwar. E osi sa, nou’n arive fer en workshop ek sa bann partner ek stakeholders ki’n partisip ladan e nou annan bann rekomandasyon ki nou konmans vwar pou ki mannyer nou kapab anmennen, enplimante lo… an 2017.

En keksoz ki mon fer resorti devan Lasanble se ki i enportan pou dir ki nou pou devlop Lasyans teknolozi me selman nou bezwen devlop li ek kad. Nou realize ki kad syantifik Sesel i limite alors en konponan ki nou’n vwar osi nou’n fer odit se ki mannyer nou… an mwayenn term, medium term e a long term ki manyer nou arive annan bann kad syantifik e sa nou pe travay an kolaborasyon ase pros avek bann partner tel ki Minister Ledikasyon, ki mannyer nou kapab redonn lentere lasyans dan lekol osi konponan teknolozi, inovasyon osi lo nivo depi dan pre-school ziska dan liniversite.  I tre enportan ki nou annan bann kad, bann statistic ki montre par ANHRD, nou remarke de zour an zour i annan mwens kad ki fer ki pran bann karyer syantifik. An grosso  modo sa fonksyon NISTI. Mersi.

 

MR SPEAKER

Mersi Mr Estico. Onorab Prea.

 

HON NICHOLAS PREA

Mersi Mr Chairman. Mon ti a kontan atir latansyon Mr Estico lo paz 69, lo premye latab anler ‘’minor capital outlays.’’ Mon vwar in fer en depans pres R900mil 2016, mon pa konnen si sa move zot in fer pou vin dan batiman Bel Ombre, bann renovation whatever. Me i annan en additional ankor ki’n prevwar pou 2017, se R156 mil pete donn en pti leklersisman lo la please ? Apre zis sa logmantasyon osi dan ‘’goods and services’’ zis par lao. Mersi.

 

CEO XAVIER ESTICO

Mon a konmans ek ‘’goods and  services.’’ An realite NISTI nou ti pe okip 2 biro Anvil avek nou depans ti mwens me an menm tan nou ti pe travay lo rekonfigirasyon sa batiman, ex- STB building Bel Ombre e osi son reparasyon. Nou’n fer move, nou’n transfer laba apartir Zilyet e definitivman la nou kou lozistik, nou kou mentenans in ogmante e mon a dir zot ki nou ti pe mazinen menm public utility cost, elektrisite, delo, i annan kou ki nou ti napa dan lavil, waste management. E nou’n ofisyelman ganny, an realite sa building ofisyelman nou landlord sa propriyete antye.  E konman i en asset Gouvernman nou bezwen fer sir ki i reste dan en bon kondisyon apard ki nou depans operasyonnel avek sa kantite Staff ki nou annan. Lo ‘capital outlay’ definitivman nou annan lefe.  Sa osi i fer lefe, nou pou annan en transpor – en mwayen transpor ki nou ti napa, en loto ki nou pou bezwen.  I enportan pou nou mobilite e sa i reponn sa… Mon krwar i reponn ou kestyon.

 

MR SPEAKER

Onorab Afif.

 

HON AHMED AFIF

Mersi Mr Chair. Mon ti a kontan demann Mr Estico si i kapab donn nou en legzanp ki mannyer zot in kapab, dizon donn konsey en bann biznes petet bann gro ki prodiktiv dan lekonomi parey SeyBrew oubyen IOT oubyen…Donn mon en legzanp ki manyer zot lenstitisyon in annan en lenpak lo reel lo swa en SME swa enn mwayen oubyen gro. Mersi.

 

CEO XAVIER ESTICO

Bon,  nou sipoze annan sa fonksyon ki nou pou sipoze kapab ed bann mwayen MSME pa zis SMEs – micro osi. E sa i nou pou kapab fer li akoz nou annan kapasite pou fer li. Ki mon pe dir kapasite ?  Se ki nou bezwen annan sa medev pou nou kapab arive al kot sa bann biznes. E  la pou le moman NISTI nou annan nou en seksyon ki inovasyon ; en seksyon teknolozi ; en seksyon R&D. E i ganny okipe par en principal research officer dan sak, e apre nou annan enn ki principal research  officer kot  knowledge management. E sa akoz sa bann Staff iN ganny antre dan NISTI gradyelman e la dan nou plan se ki nou pa reste dan biro ; par egzanp kot inovasyon nou plan se ki sa zofisye i ale, i al vwar sa bann pti antrepriz, sa bann pti biznes, regarde kote zot ete e kote zot kapab ed zot pou kapab anmenn sa konponan inovasyon dan zot biznes pou zot anmenn zot prodwi, servis pli konpetitiv. Mon pa kapab dir direkteman nou ale nou’n dir ek en biznes ki mannyer zot pou improve, me selman depi ler nou’n konmanse nou pe bouz dan sa direksyon.

 

MR SPEAKER

Mr Estico ou en bann lo paz 68, ou bann etidyan ki mon’n fer lekol ki ti vreman bright dan lasyans. Mon vwar ou manda la lo paz 60 paragraf anba ou’n met R&D, ou devlopman agenda se pou fer research and development for Seychellois better quality of life, eski napa en posibilite ki ou kapab kolabore ?

Mon konnen i en kestyon ki dear to the heart to my dear brother MNA Onorab William, pou esey sov nou ek sa Senir Plim la, pa kapab travay avek Minister Lagrikiltir fer en pe resers laba dan ou lenstiti, pa anbarase, pa zis Anse Boileau, pei antye Praslin kot ou sorti partou pe ganny tape ek Senir Plim.

 

CEO XAVIER ESTICO

An realite pou konpran fonksyon NISTI i lo nou fasilite nou unable e nou zwenn bann partner pou nou kapab rezourd serten issue Nasyonal. Mon pa pou al… akoz sa sityasyon Senir Plim i en… Mon konsernen i en gro menas pou nou pei, i en menas ekolozik e sosyal. I vreman, vreman en konsern.  Ki nou’n fer kot nou pa kapab nasyonalman nou bezwen rod led. Nou bezwen gete si sa lepidemi Senir Plim in deza afekte serten pei ki zot annan konesans e lefe ki yer PS Lousteau Lalanne ti mansyonn Bio-Technology nou konnen pou dir nou annan en biodiversite ris e bann domenn nou pe regarde pa zis dan lanmer, se si nou pa kapab servi bio-teknolozi pou ed nou lekonomi e 1 pei ki’n fer kantite lavans ladan se Cuba. Nou’n fer lapros  Minister Lasyans Teknolozi Inovasyon Cuba pou devlop kolaborasyon dan bio-teknolozi, pa neseserman dan domenn ekonomik me osi mon’n anmenn sa sityasyon Senir Plim laba diskit ek zot demann zot si zot kapab regarde, si zot in deza annan leksperyans dan sa domenn e ki manyer zot kapab ed nou. Sa mon’n fer tre resaman apepre en mwan pase. Lo nivo kolaborasyon, lo nivo Nasyonal, se ki enportan taler nou’n koz lo synergy. Mon konpran ki zot pe esey dir.  Nou pli gro problenm Sesel ki nou pa pe arive avek lazanda lasyans ek teknolozi inovasyon menm inovasyon ki nou koz bokou se ek sa mank synergy. E nou NISTI se ki nou oule foster dan sa National Innovation System i tou senpleman ki nou kapab devlop sa ki nou apel sa social capital, sa konfyans antre nou, bann diferan partner. Nou’n erit en sityasyon isi Sesel ki tou dimoun i dan en silo. Nou pa konnen ki lot pe fer.  Nou pa pou arive zanmen arive fer inovasyon sa lendividi ki annan en lide dan son late,t i pa pou arive innovate si i pa annan en sistenm ki conducive pou li.

E sa sistenm se pa zis NISTI ki pou fer, Gouvernman, finansyel, liniversite, NGO, tou sa bann players, bann lasosyasyon ki mannyer nou annan sa lyen ki sa dimoun i kapab… i annan sa ekosistenm. Bann pei ki’n fer sa byen zot in fer progre e en sa, i enn bann lobzektif fondamantal ki NISTI ki nou kapab arive sa Sesel. Sa nou problenm, sa ki nou pe koze la bomaten, nou pe koz menm langaz, synergy, cross-linkages. Mersi.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker. Mr Estico in dir nou ki well i enn osi dan s Bidze, ki enn son bann lobzektif se pou promouvwar lasyans e zot annan en etrwat kolaborasyon mon mazinen avek Minister Ledikasyon, so eski ou kapab donn nou 1 2 bann progranm ou pe sey enplimante oubyen ki ou annan lobzektif enplimante anba ou Bidze pou senpleman fer sanmenm sa pou promouvwar ledikasyon, teknolozi ek devlopman lasyans. Mersi.

 

MR SPEAKER

Mr Estico.

 

CEO XAVIER ESTICO

Mersi pou ou kestyon Onorab Hoareau konman en edikater Science Teacher. An realite premye linisyativ ki se ki nou’n fer NISTI se nou’n apros… nou bezwen al kot bann lekol. Nou’n apros Minister Ledikasyon demann permisyon ki nou form bann klib extracurricular activities science technology & innovation. Nou bezwen fer bann zanfan pa zis apresye lasyans konman lasyans e an realite se ki sa zenerasyon zenn konmela i ekspoze plis ek teknolozi ek lasyans ki dan nou letan. Me nou dan nou letan nou ti pran… nou ti vwar… nou ti annan sa bann klib lasyans teknolozi ek inovasyon I mean sirtou lasyans ki fer nou apresye lasyans e sa relevans ek nou lavi.  E nou pran lekol Beau Vallon konman 1 akoz nou pros i enportan akoz nou pozisyonnen dan Beau Vallon nou pa zis pran ledikasyon problenm se ki Sesel ou pa kapab pran zis ledikasyon, Kominote i bezwen involve pou fer sa bann zanfan enterese ek lasyans e en bann konponan Kominote se kot sa bann larzan i ganny fer e mon apros tou sa bann lotel e i annan lotel ki’n deza zwenn ek mwan… ek nou NISTI parey Fisherman’s Cove, i vwar lenportans ki nou travay ek sa bann lekol, fer zot devlop bann proze, fer zot apresye lasyans dan zot Kominote, dan nivo nasyonal e osi lo nivo enternasyonal. Lo nivo enternasyonal i annan en proze avek en NGO Ameriken ki fer bann zanfan apresye… i apel First, i apresye lasyans atraver lasyans robotic. E sa osi nou pe anmennen pou met sa dan lekol Beau Vallon konman en pilot project pou zot kapab osi compete lo nivo enternasyonal lo bann size lasyans.

Nou bezwen fer zanfan apre lekol, servi zot letan lib e keksoz kreativ ki deza i kapab tir zot enpe dan sa bann social ills ki deza pe afekte nou…

Nou pou konmans ek lekol segonder, nou ti sipoze lans nou klib be la nou pou lans li le 20 Zanvye. Nou pou fer osi lo nivo primer e osi anmenn li lo nivo pre-school. Nou bezwen devlop sa zenerasyon kad ki letan i ariv liniversite i vwar lasyans teknolozi konman en mwayen pou zot ganny zot lavi e osi relevans avek devlopman nou pei. Mersi.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker. Zis en pti remarke avan mon asire Onorab Prea pou dakor ek mwan, NISTI i trouve Bel Ombre pa Beau Vallon. Kestyon ki mon annan Mr Chairman, se pou ed NISTI enplimant son bann progranm, eski NISTI in siny okenn MOU ouswa Lagreman avek bann similar institution dan lezot pei e si wi ki benefis ki NISTI pou gannyen anba sa bann Lagreman ?  Mersi.

 

CEO XAVIER ESTICO

An realite lo nivo stratezik, nou bezwen realize nou napa bokou resours dan lasyans teknolozi ek inovasyon e sa i en keksoz ki letan pou regard nou bann travel cost se mon’n voyaz bokou pou sa. Enn premye nou’n sinyen isi dan prezans Minis Lasyans Teknolozi e Inovasyon Malaisie avek en lenstitisyon ki apel ISTIC, International Science Technology & Innovation Center of Malaysia, nou’n fini siny en MoU. Nou’n preski ariv final bann plan of action pou devlop en kolaborasyon avek Department of Science & Technology of South Africa.

Dan SADC, dan EU, Sid Lafrik i en sa pei ki annan plis kapasite resers e nou Sesel konman en leta manm SADC, nou annan en kantite keksoz nou kapab benefisye me selman nou bezwen met li dan en kad kolaborasyon. Letan mon negosye, nou pa negosye NISTI pe negosye en konponan lasyans teknolozi, mon negosye en konponan Nasyonal. Prezan tou bann area ki konsern diferan Departman, sa bann Departman i ava enplimante. Alors dan sa enn pou Sid Lafrik i annan konponan Blue Economy, i annan konponan lanvironnman, i annan konponan… e avek Cuba tou i parey, avek Lenn nou pe devlope. E dernyerman nou annan en kolaborasyon avek, en progranm avek Liniversite Harvard, en progranm ki mon lir dan en group e nou privilezye pou annan en liniversite sitan repite pou osi step in dan Lafrik e nou Seselwa nou bezwen pran loportinite pou nou kapab ed nou pou amelyor nou sistenm teknolozi inovasyon e entreprenariat dan Lafrik e sa i 1 bann benefis. E i pa pou sipoze arete akoz Sesel lefe nou resours i limite, nou bezwen tal en pe red carpet pou nou ganny kolaborasyon. Mon mazinen ki annan pei ki, par egzanp Singapore osi in fer sa letan i ti pe form son bann kad in les bann lekspertiz vini pou kapab build. Nou bezwen rod en model pratik akoz nou en pti pei ki nou resours i limite. Mersi.

 

MR SPEAKER

Onorab John Hoareau konmsi ou ti annan en pti kestyon siplemanter, non?

 

HON JOHN HOAREAU

Non, mon ti annan zis en pti komanter pou fer Mr Speaker,

 

MR SPEAKER

Wi.

 

HON JOHN HOAREAU

Mon pe dir ek Mr Estico kont lo mon sipor si i pe fer li pou lekol Beau Vallon mon pare pou donn en koudmen volonter ladan. Mersi.

 

MR SPEAKER

From Science teacher tou Science teacher, yes Onorab Ferrari.

 

HON JEAN-FRANCOIS FERRARI

Mr Chairman, mon osi mon en teacher me selman mon pa en Science teacher. Apel mwan Ekstremis oubyen apel mwan Radikal Mr Speaker, mon retourn ankor lo menm keksoz, synergy make use of that. Mwan pou mon sa lenstiti i devret part of liniversite ki fer applied research. Applied… koumsa dan tou pei i konmanse, i pa’n konmans konman en keksoz en gro lorganizasyon, i konmans konman en Departman ki fer applied research kot bann zenn i konnen ler ou melanz hydrochloric acid avek tel prodwi i vin tel prodwi. Zot vwar larealite lasyans. Mwan pou mwan, mon vwar ankor ler lo… nou pe kree ankor en lot lorganizasyon ki nou pa pe kapab sustain. Mr Estico ti kapab vin ansarz sa Departman e promot applied science technology and innovation. Ok, mon pa pou al pli lwen zis pou mon dir ki R4.8 milyon, mwan mon pa pe al vote an faver sa, akoz mon pa… mwan personnelman mon konmans fristre avek duplication avek tou sa bann keksoz. Nou pa kapab… i zis… nou a kwar i zis en trend ki nou pe zis kree bann Lazans.

Annou get sa ki nou annan, nou annan en liniversite, devlop li fer li ganny en lenstiti ladan ki pe fer sa bann keksoz konkret so sakenn i annan son lopinyon, mwan kekfwa zot a dir mon en Ekstremis. Mwan mon pa dakor avek sa.

 

MR SPEAKER

Ou’n fer ou pwen Onorab Ferrari mon krwar i annan en lot ansyen teacher ki le koze Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon’n en teacher, mon’n osi en lecturer liniversite lo son konmansman, mon ti osi form par son Board of Governors ler i ti konmanse. I annan toultan en difikilte pou ou kapab etabli en Departman dan en liniversite akoz ou bezwen en kad pou ou kapab fer li e bokou liniversite in nobou etabli bann Departman an traver bann Lazans ki deza egziste par egzanp Sid Lafrik in fer li, Australie  in fer li koumsa, kot ou annan bann lenstitisyon ki se zot ki actually sponsor sa Departman dan sa liniversite. Par egzanp i annan en Departman ki vreman enportan Australie  ki apel Micro Biology dan en liniversite kot mon ti ale e ti ganny sponsor par en Departman an deor. Mon ti le zis fer en komanter an pasan Mr Speaker, 1 bann eleman enportan ki ti ede devlop lasyans dan letan… dan mon letan se en Science Fair ki ti ganny fer regularly pou bann lekol.

E bokou pei in servi sa model ozordi pou zot promouvwar lasyans an traver sirtou bann lekol segonder e bann lekol pos segonder. Ki mon ti pe demande Mr Speaker, se eski an traver zot manda ki zot annan akoz vi ki zot annan en platform en pe pli larz zot pa kapab atrakte bann baryer de fond pou kapab vin partisip ed bann lekol partisip dan science fair e bann nivo enpe pli o koumsa bann zanfan letan zot… akoz bann zanfan parfwa i annan bann lide inovativ ki zot vin avek ki a kapab ed zot e sirtou sa bann lenstitisyon enternasyonal i kapab ede sponsor sa bann zanfan dan bann exchange programs avek bann lezot liniversite, bann lezot lekol aletranze. Mersi.

 

MR SPEAKER

Mr Estico.

 

CEO XAVIER ESTICO

Bon, pou reponn kestyon Onorab Ferrari, nou koz lo best practices e model deor, tou pei i annan son lenstitisyon iniversiter ki nou apel sa bann academic institution e apre i annan bann research institution. Letan ou pe dir applied research e sa i en keksoz ki nou fek diskit lo la dichotomy applied research, basic research. Letan nou tir sa nyans lanmenm ler i vin en kestyon finansman, kwa ki ou pou met larzan ki ou apel applied research, kwa ki ou met basic research. I enportan ki nou NISTI nou annan en retonbe direk ver lendistri. Liniversite i en… liniversite i kolabore ek nou akoz nou annan Vice Chancellor ki lo nou Board. Nou manda se ki nou, letan nou fer resers dizon nou siport lendistri i al direk an ver komersyalizasyon. Liniversite i annan son area resers li ki’n deza idantifye parey BERI Blue Economy Research Institute, zot pe get dan Environmental science. E nou bezwen realize poudir ki nou liniversite i zenn e nou osi nou en zenn lenstitisyon. Mon pa krwar ki en kestyon ki ou kapab… akoz en lot keksoz ki Onorab i dir, ki i bezwen konnen, tou liniversite i operate anba en sistenm legal ki apel academic freedom. E letan ou donn en liniversite academic freedom ou pa kapab tire ek li, si li i pa kapab dir li ki resers i pou fer. Ou konpran?

Akoz se sa tou pei i fer sir ki i annan en lenstitisyon ki non-academic ki focus. Akoz liniversite i kapab fer nenport resers basic, i kapab Skyblue research. Nou, nou le en resers ki enpakte lendistri direk, ki al direk dan lendistri, nou pa ni bezwen al fer bann gran resers, i annan bann pti keksoz an plis sa bann direct research nou’n travay avek bann partner lo field e nou anmenn bann keksoz ki pou ed lendistri. E mon kwar i en presedans danzere si nou sanz formil ki nou lo la. E sa an realite bann, menm ki nou pa kapab dir akoz nou’n al dan liniversite prestizye parey Harvard, zot osi zot konsernen ek sa e sa i en gro problenm menm Lanmerik ki i annan son bout akademik, en bout pou sa… zot in anpaye ladan. Nou, nou pa merit anpaye dan bann sa, nou konnen egzakteman ki nou anvi, ki sa bann SMEs i ganny sipor lasyans teknolozi pou zot anmenn zot prodwi lo marse. Mersi.

Lo konsernan sa komanter  Onorab Pillay, wi nou annan sa… pou science fairs, an realite sa lannen nou’n mank partisipasyon, sa enn nou lentere me pou inovasyon nou le al en pe pli o. Lo inovasyon nou pe… nou’n deza drafte terms of reference pou nou fer en bann incentive pou inovasyon lo nivo nasyonal ki pou trickle down depi biznes ziska lekol. E sa nou’n fini submit ek nou bann board members, bann stakeholders pou nou e nou pe ganny sipor British High Commission pou ed nou pou met an plas sa Scheme. I enportan ki inovasyon i ganny incentive Sesel pou dimoun vwar en rezon pou innovate. Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chairman. Mon kestyon i al en pti pe dan laniy ki Onorab Afif in demande taler e mon konpran akoz i annan serten santiman vizavi ou lenstitisyon parske la mon konstate i zot trwazyenm ki zot in gannyen 2015, 2016 e la zot pe al ganny pou 2017.  Selman pandan 3 an ki ou’n egziste konmsi sa dimoun anler Mont Signal oubyen Dan Lenn li i pa konnen ki mannyer sa ki ou’n fer in enpakte direkteman lo li. Konmsi… e letan nou pe donn ou taxpayers’ money there needs to be something tangible so si ou kapab re konvenk nou kwa ki ou dan ou legzistans, ou lenstitisyon dan ou legzistans ki mannyer i enpakte lo sa madanm ki reste laba anler dan Lenn. Mersi.

 

CEO XAVIER ESTICO

Ok parey mon’n eksplike fodre… nou’n gannyen Bidze, wi nou’n gannyen Bidze e si ou regard an aryer 2015, 2014 ki kantite Bidze nou ti annan pou travay avek, ou ava konpran ki sityasyon ki NISTI in evolye. Nou ti konmans avek en Bidze vreman ba e mon ti kapab anploy zis en sekreter e mon ti napa ni en loto, mon’n bezwen servi mon prop loto, ou konpran ? Resours i enportan pou ou kapab enplimante, la napa leskiz apartir 2017 ki mon pa deliver, akoz mon annan Staff, zot in ganny training, zot in ganny ekspoze, zot in ganny, ki manyer mon kapab dir… ekspertiz deor, bann lezot pei ki manyer i marse e la nou le ki zot sorti… nou ale nou fer sa lenpak lo sa bann pti biznes. Nou’n tre konsernen letan ti annan promosyon ki mannyer pou fer pti biznes, mon ekoute, me nou anvi arive fer li avek… resours ki nou ti annan ti limite, me selman mon pe dir la apartir 2017nou’n deza annan at least en zofisye pou teknolozi ki kapab osi ed bann dimoun ki manyer nou kapab prospect the best technology pou son biznes. Sa enn pou inovasyon ki mannyer i ava al kot SENPA i ava pran en lalis, gete lekel ki bann existing business ki la, ki bezwen sa pti koudmen pou fer li innovate. E osi nou annan kote konesans osi, resers ki manyer nou pou enplimant sa sistenm gouvernans entegral ki nou kapab fer sa bann lenformasyon resers available ki en pe eparpiye partou.  Sa en keksoz ki mon’n bliye dir. Dimoun kot i ganny akse ek lenformasyon, nou osi nou bezwen fer sa ki i fasil, ki zot ganny akse. Nou pou fer sa lenpak. Dan sa 3 an nou kapab dir nou’n pran sa resours ki nou ti annan, nou’n fer bann survey, bann study konkret pou nou met en propozisyon gouvernans ek Gouvernman pou dir la direksyon kot nou ale. Sa osi in kout nou resours pou fer li. Mersi.

 

MR SPEAKER

Nou a pran nou dernyen kestyon, Onorab Simon Gill.

 

HON SIMON GILL

Mersi Mr Chairman. Selman dan en lespri ouver e pozitiv, pou mon swiv lo kestyon Onorab Ferrari. Mon krwar dan en laliny kler, eski nou pe konpran ki napa nanryen ki anpes ou lenstiti annan en memorandum of understanding ki zot sinyen zot 2 pou ki an retour i annan sa relasyon, menm sa sinerzi ki ou koze ki manke, ki ou kapab demen bomaten annan bann dimoun tre kalifye ki sorti Liniversite Sesel ki entegre e ed ou lenstiti marse e fer bokou pli bon resers ; e ki annan en retonbe bokou pli efektiv dan lekonomi, dan bann diferan antrepriz, napa nanryen ki anpese sa? Mon prezimen  ou ava annan en repons wi pou nou Mr Estico. Mersi bokou.

 

MR SPEAKER

Mr Estico.

 

CEO XAVIER ESTICO

Ki mon krwar sa pa en problenm an realite, deza sa en MoU nou deza annan en Vice Chancellor ki pe… ki ansarz liniversite i swiv me par kont nou pe travay an pros kolaborasyon avek BERI ki en konponan blue research economy. Nou NISTI avek nou kapasite nou pe deza travay ek zot, pou zot devlop zot terms of reference pou resers dan Blue Economy.  Nou travay an close kolaborasyon.   Si nou le formaliz li avek liniversite, nou kapab fer formaliz li an traver en MoU formel me i pa zis liniversite. Nou annan lentansyon osi ek bann TVETs akoz linovasyon bokou pa pou sorti liniversite.  Nou vwar pou dir bann technical cadres ki fer inovasyon.  Zot ganny train pou sa.  Nou annan SIT ki nou bezwen al laba, nou annan lekol Lagrikiltir. Pou met ou en legzanp konkret mwan en enzenyer agrononm mwan. Mon’n deza dan hydroponics. Mon vwar ki fermye pe struggle avek prodiksyon agrikol throughout the year, mon deza pran linisyativ avek NISTI join Energy Commission, join SAA, join Lekol Lagrikiltir pou nou fer en joint project ki mannyer nou kapab rezourd sa problenm e nou proze nou pe rod funding. Sa bann proze… sa nou pe reach out pou lezot – i pa zis liniversite. I enportan ki nou get li dan en laspe zeneral. TVET i tre enportan bann technical vocational training, zot ki fer inovasyon, zot ki bann teknisyen. Mersi.

 

MR SPEAKER

Mersi Mr Estico. Avan mon donn laparol VP pou fer en dernyen round-up, dernyen dernyen kestyon Onorab Andre vitman.

 

HON CLIFFORD ANDRE

Mersi Mr Speaker. Mr Speaker mon pa en ansenyan par profesyon me lo paz 68 dan Bidze in annan en logmantasyon revised Budget, sa lorganizasyon ki nou pe koz lo la, NISTI en logmantasyon R230 mil dan son wages en, eski sa i vedir en increment pou bann existing travayer oubyen ou pou anploy nouvo travayer ?

 

MR SPEAKER

Mr Estico ou kapab klarifye. Order! Order! ou’n demann ou kestyon Onorab Andre espere. Mr Estico.

 

CEO XAVIER ESTICO

Bon mersi pou ou kestyon Onorab Andre. Sa i pou 2017 nou pe anploy en driver ki nou ti napa e nou pe anploy en zofisye senior pou resers. I koensid ek sa…

 

MR SPEAKER

Nou a donn parol avek Vis- Prezidan pou dir ou dernyen mo.

 

VICE PRESIDENT  MR VINCENT MERITON

Mr Chairman mersi. Mon zis mon ti a kontan konstate en fe ki Lasanble i santi nou fyer ki nou annan dan nou prezans en Seselwa ki annan 3 Masters Degree dan 3 domenn ki separe ek kanmarad, lagronomi, ladministrasyon biznes avek aeronautical e osi pedagozi e fer nou fyer e son pozisyon i byen dan sa travay ki pe fer. Annou felisit bann boug pou bann keksoz ki i fer.

 

(APPLAUSE)

 

VICE PRESIDENT  MR VINCENT MERITON

E la en zoli lartik mon’n lir dan nasyon ki koz lo partisipasyon e rekonesans Sesel, travay ki Seselwa pe fer parey zot osi zot Seselwa avek Harvard Kennedy School e sa i annan en retonbe kontinyen sa e ki pou gete ki manyer nou pe kapab aplik sa bann keksoz ki nou pou fer dan lentere pa zis academia me ki mannyer i annan keksoz ki trickle down to the common man. Mr Chairman mon krwar mon ti le montre sa i vo lapresyasyon Mr Chair.

 

MR SPEAKER

Well mon a zis azoute pou dir i osi pa ti al lekol primer Seychelles College, i sorti Anse Bouden, Praslin – Ton Pierre ti feed li  lo friyapen. So en dimoun ki pa sorti dan en fanmir privilezye me in al lwen akoz son paran ti pouse. Dernyen parol mon a donn Onorab Hoareau sorti Praslin, Onorab Basil Hoareau.

 

HON BASIL HOAREAU

I en Pralinwa aktyelman Mr Speaker.

 

MR SPEAKER

Wi me se sa. Vwala tou sa bann Pralinwa i byen fyer, ou vwar Mr Estico ou pe fer tou dimoun fyer.

Avek sa nou a pran en vot lo Bidze pou National Institute of Science Technology & Innovation. Tou bann ki an faver pou aprouv Bidze lev zot lanmen ? Clerk. Tou bann ki kont lev zot lanmen. Abstention. Ok. Clerk ou kapab anons rezilta.

 

MADAM CLERK

Thank you Mr Speaker. So the Budget for NISTI, National Institute of Science Technology & Innovation, nou annan 25 votes for, 1 against and no abstention.

 

MR SPEAKER

Tre byen, mersi Clerk. Alor Bidze pou National Institute of Science Technology & Innovation i ganny aprouve par Lasanble. Avan nou adjourn mon ti a zis kontan dir ki nou pou retournen 2er pou nou kontiny nou deliberasyon. I pou en zournen long e pou demann zot ankor reflesir ler zot tournen, kestyon i devret kourt, repons i devret kourt osi sorti avek nou bann Egzekitiv. Pandan Break, tann anonse ki annou sey zwenn 1er dan Speaker… petet 1 er kar dan Speaker’s conference room pou bann Manm Anti- Viktimizasyon Komite akoz nou ti dir nou pou zwenn 5 er me nou pa pou kapab zwenn 5 er evidaman 5er nou pou ankor dan sesyon dan Chambers. Wi, wi me non, non, Minis Cosgrow i 1er li mon pe dir 1.15pm. Non sorry Clerk pe dir mwan nou annan en miting, nou avek Minis Cosgrow avek son teknisyen.

Mon pe dir pou bann ki dan Komite Anti-Viktimizasyon Onorab Hoareau ensidswit, annou zwenn 1.20pm dan Speaker’s Conference room parske nou pa pou kapab zwenn 5 er. Kanmenm zis pou 10 minit pou nou klarifye nou keksoz pou nou anmenn kot Lasanble next week.

Avek sa mon ti a kontan remersye Mr Estico, Dr Fanny, remersye tou bann teknisyen ki’n pasyante avek nou. Annan en bon dezennen e bon apeti. E nou a rezwenn 2er isi. Mersi.

 

 

(BREAK)

 

INDUSTRIAL ESTATE AUTHORITY

 

MR SPEAKER

Bon nou a kontinyen avek nou deliberasyon lo diferan Departman, Minister avek Agencies, Lazans. E avan nou get down to business. mon ti a kontan redir ankor ki letan i pa dan nou faver mon konnen zot in fatige tann lo time and time keeping. Mon redir ankor, kestyon i devret direk, pointed and short. Repons osi i devret direk, vit pou nou ale akoz nou annan en gro Bidze letan is not in our time. E nou pou set… nou’n dakor ki nou pou set en letan pou sak Lazans ek lezot bout Bidze, pou nou fer sir ki nou annan en serten disiplin ek en lord. Si nou’n overlap sa letan ou annan ou kestyon malerezman mon pou bezwen rule ki nou bouze. Fodre espere keksoz i kler.

Vis-Prezidan prezan avek ou gidans nou ti a konnen… kontan konnen lekel Lazans anba ou responsabilite ki reste ki ou ti a kontan pran ?

 

 

VICE PRESIDENT  MR VINCENT MERITON

Mr Chairman avek ou permisyon nou ti a kontan ki ou permet nou pran Industrial Estate Authority. Mr Chairman an menm tan permet mwan sa i lo paz 63 ziske paz 67. Mr Chairman  an menm tan permet mwan anmenn en leklersisman ki nou ti demande bomaten konsernan sa ki’n pase dan Nouvel yer swar. I koumsa, ziska 15 lasanm, i pour Seselwa, zis Seselwa, depi 15 ziske 24 lasanm i kapab annan en melanz Seselwa avek etranze ziska en maximum 80poursan pour etranze e 20poursan pour Seselwa. Par lao 25 lasanm i kapab en melanz, i kapab zis pou Seselwa, i kapab zis pou etranze. Bann lotel ki an varye ki egziste ozordi, si renovasyon i le ganny fer, i pa tonm dan sa moratorium. Bann lotel ki’n aprouve e ki lo en lalis avek SIB i pa tonm dan sa moratorium. Sa lenformasyon ki mon annan, mon ti a kontan apport a latansyon Lasanble. Mersi Mr Chairman.

 

MR SPEAKER

Mersi Vis-Prezidan. E okenn lezot lenformasyon siplemanter lo sa size zot kapab ganny dan Nation akoz i annan en lartik dan NASYON lo la. So la nou pe pran paz 63 ziska 67 e sa i lo Industrial Estate Authority e nou a demann CEO Industrial Estate Authority pou fer en zis en quick overview. 3 minit nou’n donnen pou ou dir nou kwa ki ou pe fer, the objective and purpose, apre nou pas pa plis ki 30 minit me preferableman 20 minit zis pou nou kestyonn, klarifikasyon pa statement lo sa Bidze ki’n ganny prezante R7.945 milyon. CEO.

 

DEPUTY CEO ALLEN KILINDO

Bon apre midi tou dimoun. Mersi Mr Speaker. Bon apre midi tou dimoun. Premyerman Mr Speaker mon a fer en pti koreksyon, mon la dan kapasite Depite Sef Egzekitiv Lotorite, mon pe reprezant nou CEO. Mon apel Allen Kilindo – Industrial Estate Authority ti ganny enacted an 2013 avek manda pou li manage devlopman soutenab bann Zone endistriyel dan pei, e osi bann micro enterprise sites. Ozordi nou annan nou main Zone endistriyel ki Providence, ki annan nouvo Zone endistriyel Ile Eve. Avek Ile Perseverance nou annan enn pti bout ki zone endistriyel e apre i annan bann existing, Le Rocher ki pli vye Zone endistriyel dan Sesel.

Nou, parey mon’n eksplike nou manda se pou fer sir ki bann Zone i ganny byen manage ki annan devlopman enfrastriktir. Nou asire ki tou bann parcels dan nou zone i ganny servi avek adequate infrastructure. Nou asire ki parey mon’n dir pli boner, devlopman soutenab bann Zone endistriyel e osi bann microenterprise sites. Micro enterprise sites nou annan Union Vale, nou annan detrwa ki an egzistans, nou annan Union Vale, nou annan Plaisance, i annan Anse Boileau ki an konstriksyon avek i annan Grand Anse. Parti nou manda se, etabli bann landrwa, idantifye bann landrwa ki nou kapab kontinye, konstrir bann micro enterprise sites pou fasilit nou bann pti antreprener. Mersi.

 

MR SPEAKER

Kestyon ? Onorab Afif.

 

HON AHMED AFIF

Mersi Mr Chair. Mon lo paz 64, latab No.2, ‘’wages and salaries in cash,’’ en kestyon i si ou ti kapab dir nou, konbyen dimoun zot ti anploye an 2016 e konbyen zot pe anploye an 2017?  E answit si ou ti kapab osi dir nou anba ‘’office expenses’’ mon vwar en logmantasyon ase konsiderab preski 50 poursan sorti 2016 pou al 2017 – si ou ti kapab donn nou en ti pe detay lo la. Apre dernyen ‘’other uses of goods and services,’’ R2.9 milyon si ou ti kapab zis donn nou en pti pe leklersisman lo la. Mersi Mr Chair.

 

DEPUTY CEO ALLEN KILINDO

Mersi Mr Chairman. Pou reponn ou premye kestyon Onorab, ‘’wages and salaries’’ an 2016 nou ti annan nou… nou ti konmans avek 14 anplwaye, 2 anplwaye in kit nou e rezon ki nou annan sa increase dan nou saler, se akoz pe anploy ankor dimoun, nou annan ankor 1 pou anploye, avek osi nou annan en pti Scheme of Service ki nou pe enplimante pou nou bann lenspekter. An sa ki konsern ‘’office expenses’’ dan milye 2016, nou ti ganny responsabilite pou nou manage sa nouvo building, sa nouvo micro enterprise site ki apel ‘Leve Debrouye, building.’ Avek sa in ogmant konsiderableman nou Bidze ki nou ti annan 2016. Sa ki fer ler nou’n propoz Bidze pou 2017, nou’n demann en pe plis larzan pou nou kapab abzorb sa bann depans ki sa building i anmennen bann depans ki an term elektrisite, sekirite nou’n bezwen ogmante e nou pe rann en lot lofis dan sa building, nou bezwen supply sa ki fer ‘’other goods and services’’ in ogmant en pti gin.

 

MR SPEAKER

Ok. Onorab Mondon.

 

HON TERENCE MONDON

Mersi Mr Chairman. Mon le demann Depite CEO dan sa nouvo Lotorite zot bann responsabilite eski i pe donn nou garanti ki napa okenn overlap avek travay ki Waste and  Landscape Management i fer?  Industrial Estate zot scope, zot travay eski zot pe donn nou garanti ki napa overlap avek Waste and Landscape Management?

 

DEPUTY CEO ALLEN KILINDO

Mr Speaker larepons i non. Klerman non.

 

MR SPEAKER

Onorab Ferrari.

 

HON JEAN-FRANCOIS FERRARI

Mr Chairman mersi. Mon ti a kontan demann Deputy CEO Seychelles Industrial Estate Authority i anmas reveni, i en revenue earning entity e pou sa lannen zot in anmas R9 milyon e zot pe forecast R20 milyon pou lannen prosenn. So eski sa i tonm anba ou responsabilite?  Si i pa tonm anba ou responsabilite, eski Minis i kapab dir nou si zot satisfe ki zot pe anmas tou bann reveni ki devret pe ganny peye ,oubyen eski i annan bann dimoun ki pou en rezon oubyen en lot pa pe comply avek peyman zot bann sa… e si wi ki zot pe fer pou zot anmas sa reveni?  Mersi.

 

MR SPEAKER

CEO.

 

DEPUTY CEO ALLEN KILINDO

Mersi Mr Chairman pou en koreksyon Mr Ferrari Lotorite nou budget-dependent nou pa pe anmas reveni perse – reveni ki ganny, dan bann leases i al direkteman ek Gouvernman. Wi Onorab, Gouvernman i anmase sa larzan.

 

MR SPEAKER

PS Payet.

 

PS PATRICK PAYET

Letan ou regard lo paz 63, definitivman letan ou konpar 2015 ek 2016 i sa bann leases ki’n donnen;- par egzanp nou’n sorti R5.8 nou’n ariv R9 milyon, 2015 konpare avek 2016. Nou vwar ki ti annan arrears letan ou get sa 2 lannen me letan ou pe get 2017 i son actual ki nou vwar ki nou kapab 2016 met en pe plis zefor pou anmas en pe sa bann outstandings ki ti annan. 2017 i son real larzan ki sipoze kolekte.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Chair. Mr Chair mon konnen poudir sa lotorite in sanz son Head avek lot. Anba Mr Tirant ti annan en bann latitid dominer, kot par egzanp i annan takeaway, i annan laboutik, i annan tousala lo… me selman ti annan en ban konplet, ti annan en zenn… en msye ki ti met en latab ki ti vann en pe legim- ki ti ed bann dimoun ki travay dan sa industrial estate pou zot kapab aste en pe legim. Me li i ti mal azir avek sa dimoun, eski i kapab konsidere pour ki sa kalite aktivite i kapab retournen pou ed bann dimoun ki depi granmaten zot lo soz, zot pa ganny letan pou al bazar.

E dezyenmman eski tou bann propriyete lo industrial estate, bann ki zot organize in fini ganny pran?  E eski i annan bann dimoun ki’n ganny later ki zis lo zot non  atraver zot bann koneksyon ki zot annan, me ki napa okenn devlopman ki’n arive e ki zot lentansyon fer?  Mersi.

 

MR SPEAKER

CEO.

 

DEPUTY CEO ALLEN KILINDO

Mr Chairman pou reponn premye kestyon Onorab, Mr Leader Lopozisyon, sa lensidan ki ou pe refer to, i en lensidan ki i pa neseserman en lensidan me konman en Zone endistriyel nou pa ti ankouraze ki en dimoun i vin lo en estate i met en pti latab akoz sa i enn, nou annan en sityasyon kot en dimoun i vini 4er ek en pickup pwason, i vini mete, en lot zour en lot i vini ek en bwat pickup dizef, bann keksoz. Nou pa vreman ankouraze ki dimoun vin lo estate pou vin fer sa kalite biznes ;- akoz premyerman kot zot pozisyonn zot i dan en larantre. Dan sa larantre.

Enn i annan en konzesyon, en kantite konzesyon, e dezyenmman i annan en kantite lapousyer, en kantite…Ou  konnen pou rezon lasante nou pa ti ankouraze.   Me i annan en devlopman ki pou kapab arive, kot pou annan sa fasilite kot pou annan landrwa apropriye kot dimoun pou kapab fer li. Mannyer zot ti pe fer li, i pa neseserman mal apropo, me selman zot ti pe fer li zis vini, setaki zis vini la, i pa ti neseserman byen. Menm si i ti pe anmenn en servis pou bann dimoun i pa ti neseserman byen pou nou bann dimoun.

An se ki konsern bann propriyete, ozordi mon kapab dir ou tou propriyete ki lo estate in fini ganny leased out ek bann dimoun.  I annan bann dimoun ki’n devlope ki fine.  Bann dimoun ki pa ankor devlop zot propriyete letan lotorite i vin an plas, nou’n fer legzersis kot nou’n vwar tou bann propriyete ki pa ankor ganny devlope, nou konnen dan lease agreement i annan en clause non-development covenant, kot si ou pa pe devlope nou kapab repran sa later ek ou.  Me nou’n zwenn sa bann dimoun, nou kriy zot, nou’n rezwenn zot, demann zot zot plan.  Si i annan nou’n advise zot soumet zot plan Planning, en development plan kot Planning e si zot pe monitor. Akoz i annan fasilite pou nou monitor letan ou plan i aprouve, kantite letan i donn ou.  Nou pe monitor.

 

MR SPEAKER

Onorab Woodcock.

 

HON WAVEL WOODCOCK

Deputy CEO zis en pti kestyon mon ti anvi demann ou konsernan industrial estate Praslin, Ile Eve Praslin, i annan bokou bann konplent alegasyon par bann zabitan Praslin tou le de kote Grand Anse avek Baie Ste Anne, konmkwa ki bann later, bann lenfrastriktir pou devlopman pe ganny fer pe pli ou mwen pe benefisye bann dimoun ki sorti aletranze avek bann dimoun sorti Mahe me pa neseserman benefisye bann zabitan lo Praslin. Mon kestyon se ki zot pe fer, ou Departman pe fer pou ensure ki bann zabitan Praslin pe benefisye? Apre ti annan en alokasyon later No. PR4030 ki ti’n ganny allocate pou Minister… par Gouvernman 2011 pou fer en proze en sant kiltirel ki ti pou enkli en bibliotek, sant conservatoire e bann lezot fasilite, me mon kestyon se ki si sa later i ankor la pou fer sa ki ti’n propoze ouswa in ganny servi pou fer en lot kalite devlopman ?  Akoz zisteman savan Zilyet sa lannen, devan Senkyenm Lasanble Nasyonal Minis St Ange ti vin devan sa Lasanble i ti afirm avek Lasanble konmkwa ti pou annan sa proze ki ti pou konmanse an 2017, konmansman 2017 me eski

aprezan pa ankor dir nanryen

lo la. Mon anvi konnen si sa later i ankor la e si zot pou fer sa proze ouswa i pou ganny fer en lot proze ?  So sa i a mon kestyon. Mersi bokou.

 

DEPUTY CEO ALLEN KILINDO

Mr Chairman eski konsern bann later lo Ile Eve, tou later ki’n ganny allocated pou dan… dabor les mon eksplik en pti kou Ile Eve. Ile Eve i annan en gran mazorite sa siperfisi ki’n ganny allocate avek lendistri, ki annan en bout kot Por, i annan en bout kot lekol, i annan en bout kot parey Onorab in dir i annan en zafer kiltirel, i annan Fire Brigade. Me lotorite… lefe ki sa bann lezot landrwa i en pe pti lotorite in ganny demande pou get the whole of Ile Eve. Lo Ile Eve la mazorite later, tou later in ganny allocate avek Seselwa me sa pa anpese ki en Seselwa i fer en partnership avek en etranze kot pou zot kapab fer zot devlopman.

Aprezan an ki konsern sa later, mon pa’n ganny byen sa parcel number ki ou mansyonn mwan. Si sa later ti’n ganny allocate pou sa avek en Minister pou sa proze definitivman i pa ankor pare. Selman nou bezwen verifye avek sa Minister ki zot development plan, kan zot pou konmanse. Nou bezwen get en lenplimantasyon avek zot.

 

MR SPEAKER

Ok? Onorab Basil Hoareau.

 

HON BASIL HOAREAU

Mersi Mr Speaker. Letan mon pe get paz 66 lo program 2, mon vwar poudir se zot ki responsab pou enforce bann Lalwa ek bann Lagreman lo industrial estate. Premyerman eski i annan bann landrwa ki nou konnen lo industrial estate ki pe ganny servi, ki’n ganny etabli par serten dimoun konman residential areas, Residential premises ki pa sipoze. Eski ou lorganizasyon pe pran step pou enforce sa bann konvenan pou fer sir ki dimoun pa pe servi sa industrial area pou residential purposes ? E dezyenmman dan sa bann Lagreman i annan serten lannen apre ki rent i kapab ganny reviewed, eski zot pe review sa bann rent letan sa bann ler in arive ?   Mersi.

 

DEPUTY CEO ALLEN KILINDO

Mr Chairman pou reponn ou premye kestyon an ki konsern policing lo industrial estate, nou konnen poudir ki annan sa… letan nou Lotorite ti’n ganny formen, nou ti vwar ki ti annan sa problenm. Lotorite ki nou’n fer, nou’n idantifye tou sa bann landrwa kot i annan sa bann rezidans e nou pe deal ek sa bann dimoun nou pe travay ek sa bann dimoun dan en fason ase amikal pou  kapab sorti.

2enm kestyon, rent review wi… dapre ou lease agreement, ou rent i devret ganny review tou le 5 an e sa legzersis i ongoing malgre i kapab annan en pti delay me i ongoing. Nou fer sir ki tou le 5 an sa rent i ganny reviewed on the agreed percentage.

 

MR SPEAKER

Ok. Onorab Churchill Gill.

 

HON CHURCHILL GILL

Mersi Chair. Mon annan en kestyon apre en klarifikasyon. Pou zil Eve mon kestyon ti pou si tou in ganny allocate, me selman dapre la ou’n dir tou. Selman pou letan i tonm dan distrik Baie Ste Anne e mwan mon reprezant distrik Baie Ste Anne, mon ti a kontan ganny en detay, pa la deswit, pli tar, sa ki’n allocate, ek ki in allocate, e ki kalite biznes. E mon lot klarifikasyon, se sa bann later ki dimoun in fini gannyen, ki i pa pe fer nanryen lo la, baze lo sa kantite letan ki zot pa’n fer nanryen, dan zot lease agreement zot sipoze konmans pey zot lease kan? Ler zot fini fer zot proze ? Serten kantite letan ler zot proze in konmans deroule ? Oubyen konman zot ganny zot lease? I annan en serten poursantaz zot konmans peye ziske ler zot konmans zot proze? Ou kapab zis eklersi mwan lo la.

 

DEPUTY CEO ALLEN KILINDO

Mersi Onorab. Mr  Speaker, Mr Chairman sorry. An ki konsern ou request pou Ile Eve, mon promet ou ki ou a ganny sa lalis. E letan nou pou annan en vizit nou pe plan pou fer en vizit Ile Eve pou zwenn bann dimoun very soon, petet early next year. Definitivman nou pou enkli Ladministrasyon Distrik avek Lotorite Distrik. E dezyenm kestyon, lease. Ok, ler ou ganny ou lease ou annan ou en peryod gras 2an. Dan sa peryod gran 2an i osi annan sa development covenant. Normalman nou donn ou sa 2 an pou ou kapab devlope akoz ou’n ganny ou lease, ou’n pey ou premium, i en lenvestisman ki ou pe fer, konmsi ou pa pe zener larzan. Ou ganny ou sa 2 an pou ou build e sa 2 an i graceI mean i rent free, en grace period. Apre sa 2 an la ou konmans peye. Me par ler i annan bann dimoun ki kekfwa en sityasyon ekonomik zot vini zot demann ou en pti extension ki nou konsidere.

 

MR SPEAKER

Wi Onorab Churchill Gill.

 

HON CHURCHILL GILL

Dan sa kestyon ki ou’n reponn taler kot zot kriy bann dimoun pou vwar akoz zot pa’n devlope, eski i annan ki’n sot 2 an dan sa batch?

 

DEPUTY CEO ALLEN KILINDO

Yes Mr Chairman. Yes Onorab i annan ki’n sot 2 an.

 

MR SPEAKER

Onorab Loizeau.

 

HON NORBERT LOIZEAU

Mersi Mr Chair. Bonzour tou dimoun . Mr Chair mon anvi demann Deputy CEO si sa Lotorite la, si zot annan plan reorganiz en pe lafason ki bann biznes i ganny plase lo sa bann industrial estate – kot i ava pli kler, pou mwan en legzanp si mon pe al aste en pyes air con, la mon gannyen si… ou konpran apepre akoz la pou le moman i en konfizyon total, en takeaway o-bor landfill, en hairdresser o-bor en garaz mekanisyen. Konmsi i annan en pti pe dezord…Mersi.

 

MR SPEAKER

Kestyon i kler, CEO.

 

.

DEPUTY CEO ALLEN KILINDO

Mr Chairman. Onorab inisyalman zone endistriyel letan i ganny allocated i ganny byen… ki mannyer mon kapab dir sa, i ganny zoned. Mekanisyen en kote konstriksyon i en kote, lot i en kote, lot i en kote. Be over the years letan bann dimoun i… akoz zot lease i fasilit zot konstri apre lwe avek en lot dimoun. S a ki fer ki nou annan en pe parey ou dir i annan en pe sa dezord kot ki i annan bann keksoz partou. Me selman nou as Lotorite nou pe esey met li annord, kekfwa i a pran nou en pe letan. Me selman nou pe esey met li annord pou esey retourn li dan sa sityasyon… nou zone li byen.

 

HON NORBERT LOIZEAU

Bann nouvo a lavenir konmsi organiz li en pti gin. Mersi.

 

MR SPEAKER

CEO.

 

DEPUTY CEO ALLEN KILINDO

Mr Speaker sa i dan nou plan pou nou fer li sa. Mersi.

 

MR SPEAKER

Onorab William.

 

HON WAVEN WILLIAM

Mersi Mr Chair. Mr Chair mon ti a kontan demann Deputy CEO i annan sa sit micro enterprise Grand Anse Mae, mwan mon demande si zot annan lentansyon revwar akoz ti annan plizyer propozisyon pou sa sit e finalman nou pa konnen vreman egzakteman kwa ki pou arive e sa bann tenant ki la zot osi zot en pti pe enkyet, pa konnen ki bann redevlopman ki pou annan. Mersi.

 

MR SPEAKER

CEO.

 

DEPUTY CEO ALLEN KILINDO

Mr Chairman. Wi Onorab i dan nou plan pou nou revwar sa bann microenterprise sites. Parey ou pe vwar Anse Boileau – Anse Boileau pe refer konpletman. I dan nou plan pou pas partou pou refer sa bann microenterprise sites, fer li dan en fason ki pou donn plis lespas.

 

MR SPEAKER

Onorab Vidot.

 

HON AUDREY VIDOT

Mersi Mr Chair. Si nou get lo paz 66 an prenan kont manda lotorite anba progranm 1 sub 1, eski Lotorite pe pran okenn aksyon pou regard en pti pe bann propriyete ki ganny allocate pou ede bann pti biznes tel parey bann garaz. Mersi.

 

DEPUTY CEO ALLEN KILINDO

Mr Chairman. Onorab yes, Lotorite pe pran konsiderasyon pou sa bann dimoun. Anfet i annan en proze ki nou… ki an diskisyon kot nou le etabli en microenterprise site ki pou zis mekanisyen, nou ava annan state of the art garaz, i ava landrwa – fasilite kot bann dimoun i kapab vann spare parts pou loto dan en fason ki ler en dimoun i a antre la i ava annan tou son keksoz e i a sorti.

 

MR SPEAKER

Wi Onorab Vidot.

 

HON AUDREY VIDOT

Zis en pti siplemanter, eski i annan posibilite pou 2017 ou… i dan plan pou sa lannen ki vini oubyen….Mersi.

 

PS PATRICK PAYET

Nou ti an diskisyon avek Industrial Estate Authority apre the previous Departman ki ti pe ansarz Investment Entrepreneurship e la nou a finaliz diskisyon avek nouvo Departman Lenvestisman avek Industry. Nou’n fini vwar ki kantite. Sa i pou baze Perseverans, i en plot ki’n ganny allocate i Perseverance e pe ganny finansman par Pension Fund. Pension Fund ki pou fer finansman e nou’n agree indirectly sa rate ki Gouvernman pou subsidize, ki pou vin dan Bidze, apre lo sa kote ki at the market rate, very subsidize rate ki nou pou ofer. So sa i mon krwar i anvizaze konmanse late 2017. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Chairman. Mr Chairman, eski Depite CEO Mr Kilindo i kapab donn nou detay letan i pe koz lo rezidansyel espesyalman laba Providence, eski i a pe dir avek nou ki lo industrial estate Providence pa devret annan okenn dimoun ki reste laba?  Okenn travayer pa devret reste laba? I devret pirman industrial?  Letan ou pe vizit Praslin, Baie Ste Anne, eski ou ava osi enkli MNA Grand Anse Praslin pou ki tou le de parski tou le de i sa…

E eski ou pa ti a krwar konmsi ti ava bokou pli fasil, kekfwa en proze, pou ki vi ki laba tou bann non semen i apre bann bato, pou ki tou bann laboutik, tou bann lendistri i ganny en limero, proper address pou ki mon konnen mon pe al Jolinda No.4. Mersi.

 

MR SPEAKER

CEO.

 

DEPUTY CEO ALLEN KILINDO

Mersi Mr Chairman. Onorab letan sa kestyon ti ganny demande zafer lord mon ti bliye mansyonnen ki i annan legzersis ki nou’n fini fer, nou pe al zis enplimante la, kot nou pe al met bann proper road signs avek non bann semen apre nou’n number sak plot zis parey nou vwar dan pei kot en building i pou annan dizon No.1, parey ou’n mansyonnen Jolinda (1) apre dan Jolinda (1) i ava annan son bann tenant mon konnen. Sa i annan zis pou fer lenplimantasyon.

Apre an sa ki konsern rezidansyel lo estate ozordi i annan dimoun parey in mansyonnen,  nou tou nou konnen ki annan dimoun ki pe reste as son lakour e i annan bann travayer.

I annan sa ki nou apel bann permanent resident for temporary, foreign temporary workers. Nou pa pe ankouraze, nou pa pe dakor avek sa zafer rezidansyel kot dimoun as lakour lafanmir, me selman nou bezwen konpran poudir bokou bann Lakonpannyen i anmenn bann travayer ki vin reste lo estate pou vin travay Sesel ki nou bezwen provide en landrwa pou mete. Bann dimoun ki dan bann biznes dizon konstriksyon par egzanp, zot kapab demann en permisyon pou zot pran en floor zot building pou fer li dormitory style accommodation pou zot bann travayer. Sa i allowed sa, sa nou lese. I annan plizyer anfet lo estate. Mon pa konnen si mon reponn tou ou kestyon Onorab ?

 

HON PATRICK PILLAY

En dernyen kestyon CEO Kilindo eski sa building ki pe fer dan krwaze Mont Posée, Anse Boileau, i tonm anba industrial estate management, anba ou management?

 

DEPUTY CEO ALLEN KILINDO

Mr Chairman yes, sa i enn bann microenterprise sites ki mon ti’n fer referans lo la taler. I microenterprise site Anse Boileau.

 

MR SPEAKER

Ok. Mon ti pe zis demann wi ou non, wi i tonm anba ou responsabilite.

 

DEPUTY CEO ALLEN KILINDO

Anba mon responsabilite.

 

HON PATRICK PILLAY

Ok Mon pa pou demann plis kestyon, mon ti a kontan ki nou organiz en miting semenn prosenn, mwan konman MNA Anse Boileau avek ou, pou ou donn bann lenformasyon lo tender, lekel kontrakter, lekel mannyer ti tender. Si i annan okenn alokasyon ki’n fer avek sa bann separasyon dan sa building pou mwan donn lenformasyon dimoun Anse Boileau. Avek sa malerezman mon vwar i annan 4 dimoun ki ti’n deza demann en kestyon ki lev zot lanmen, mon pou bezwen dir la nou arete akoz nou’n fini pas nou 30 minit. Nou pou pran en vot lo Industrial Estate Authority. Tou bann ki pour sa, ki vot pour sa Bidze pou Industrial Estate Authority met zot lanmen anler ? Tou bann ki kont? Clerk ou ava anons rezilta.

 

MADAM CLERK

Thank you Mr Speaker. So Bidze pou Industrial Estate Authority nou annan 24 votes ‘pour – ‘for – e zero vot ‘against.

 

 

SEYCHELLES BUREAU OF STANDARDS

 

MR SPEAKER

Savedir Bidze pou Industrial Estates Authority, Mr Kilindo in ganny aprouve par Lasanble. Mersi.  E nou kapab eskiz ou si Vis-Prezidan pa bezwen ou pou la prosenn Lazans. E Vis- Prezidan anons lekel prosen Lazans ki oule nou diskite ?

 

VICE PRESIDENT – MR VINCENT MERITON

Mr Chairman avek ou permisyon si nou ti kapab envit Mr Andy Ally pou vin ed nou kapab donn leklersisman lo vot Seychelles Bureau Of Standards.  Paz 73 ziske paz 78.

 

MR SPEAKER

73 to 78 pou bann ki pe swiv. Page 73 Seychelles Bureau Of Standards

 

 

MR SPEAKER

Lo 78. Mr Andy Ally byenveni, pran ou plas o-bor Dr Fanny e parey nou pe fer ek tou dimoun, Mr Ally la nou fason fer, i ou annan 3 minit pou ou prezant Seychelles Bureau of Standards e par laswit bann Manm i a demann okenn klarifikasyon, kestyon lo ou Bidze ki ou’n propoze ek Lasanble. Laparol i pou ou.

 

CEO ANDY ALLY

Mersi Mr Chair. Bonn apre midi tou bann Manm Onorab. Mon apel Andy Ally, mon nouvo CEO Seychelles Bureau of Standards, Biro Standar Sesel. Biro Standar Sesel i annan 2 brans i annan 1 Providence e osi nou annan la kot Fishing Port, kot Fish Inspection Quality Control Unit. Nou annan nou 55 staff, ladan i annan bann ki technical apre bann ki pa technical.

Biro Standar Sesel ti ganny etabli an 1987 pou ofer bann standar e osi pou ofer bann servis lo nivo laboratwar, lo nivo metrolozi pou bann diferan bann prodwi, prosesis ek servis ki ganny ofer lokalman e osi bann ki enporte pou nou determinen si zot lo standar Nasyonal ouswa standar Enternasyonal.

Lo kote SBS parey mon’n dir, i ki nou bann laboratwar i la, nou pe deservi tou bann lendistri, bann lendistri lokal ki pe fer bann prodwi ouswa ofer en servis e nou, nou donn zot sa sans pou zot kapab teste zot bann prodwi, pou gete si i lo sa standar ki nou’n etabli. Mersi Mr Chairman.

 

MR SPEAKER

Kestyon pou Mr Andy Ally, CEO SBS. Wi Onorab Ferrari.

 

HON JEAN-FRANCOIS FERRARI

Mr Ally mon kestyon i viz sirtou Fish Inspection Department. Nou konnen pou dir dan lepase zot in ganny bokou difikilte avek tel lekipman e sa in konpromet bann lefikasite dan leksportasyon pwason. Mon ti a kontan konnen si ou satisfe avek ou Bidze ki ou annan pou bann lekipman?

2enm kestyon mwan mon pa konn ou Mr Ally, mon ti a pran sa lokazyon pou mon demann ou, kekfwa ou kapab dir nou ki ou kalifikasyon e osi si i annan bann foreign workers ki pe travay avek ou e sirtou bann Morisyen, konpannyen Morisyen bann link avek bann konpannyen Morisyen. Mon krwar sa i enteres Lasanble en bon pe. Mersi.

 

MR SPEAKER

Mr Ally.

 

CEO ANDY ALLY

Mersi Onorab pou ou kestyon. An sa ki konsern Fish Inspection parey ou pe dir li Lotorite konpetan Sesel ki sertifye bann pwason ki pou al etranze ki nou pe eksporte.  Pa neseserman zis L’Europe me osi dan larezyon e tou bann lezot pei ki pa tonm dan L’Europe.  Wi nou ti konstate ki ti annan en serten problenm avek lekipman, akoz sa bann lekipman ki nou pe servi i bann lekipman ki nou ti ganny fon avek Linyon Eropeen anba en fon pou zot asiste nou ek sa bann lekipman.

E sa bann lekipman ou pou bezwen, i sitan sofistike, ou pou bezwen serten training pou nou bann Staff e nou ti ganny en pti retar lo kote commissioning sa bann lekipman.

Wi i annan letan kot ler nou’n operate sa bann lekipman, in ariv kot serten sa bann lekipman in andomaze e sa ti’n afekte en pe pou nou kapab deservi nou bann kliyan pou nou kapab fer bann test.

E nou ti deza fer provizyon dan nou Bidze kot nou ti bezwen anvoy sa bann test aletranze, mon krwar Maurice ti en ladrwa pli pre, nou’n kapab anvoye pou fer sa bann test.

La mon kapab konfirm ek sa Lasanble ki nou’n ganny… nou annan 2 lekipman la, tou le 2 lekipman pe marse. Nou’n kapab ganny re akredite akoz Linyon Eropeen, nou konn Linyon Eropeen i strict lo son bann standar lo kote pwason ki vin lo zot marse, pou protez zot bann konsonmater.

I dir ou fodre ou laboratwar parey …. I ganny akredite e nou’n deza ganny akredite pou 7 paramet dan delo.  Nou’n ganny akredite pour 3 paramet, nou apel sa metal lour, heavy metal ki ti vreman enportan parey menm merkir, diplon avek cadmium. Ti 3 metal lour ki ti pe anpes nou kapab eksporte.  E parey mon’n dir nou’n fini ganny akredite Septanm la e tou sa bann tes nou pe fer kot nou, nou nepli pou aletranze pou ganny sa bann test. Bann lendistri pwason i kapab servi vin kot SBS e nou a donn zot sa servis.

Lo kote mwan mon annan 26 an kot SBS. Mon’n spesyalize dan domenn standar mon ki ti pe ansarz sa divizyon avan. Mon’n fer en bon pe bann letid en pe partou, menm La Swisse,  menm dan L’Inde dan sa domenn.

Savedir mon’n spesyalize dan sa domenn Standar. Lo kote bann Lakonpannyen pou fer, ou dir mwan si travay ek nou, pirman kot SBS tou nou bann travayer i Seselwa. Nou annan 55 travayer tousala i Seselwa e nou annan bann graduates ki’n vini ki’n zwenn nou e nou ankouraz ankor sa bann graduates akoz i en domenn ki parey dan Lasyans ek Teknolozi dan laboratwar kot nou… Akoz resours imen lo kote kot nou, sirtou sa bann domenn laboratwar nou gannyen, bann graduates zot pas kot nou pou 1an, 2 n apre zot ale. Selman nou pe fer… nou annan progranm kot nou pe devlop en package pou nou kapab retain zot.  Mersi.

 

MR SPEAKER

Onorab Afif.

 

HON AHMED AFIF

Mersi Mr Chair. Mon ti a kontan demann CEO si i  kapab zis donn nou vitman lekel bann – lo paz 74, latab No.  3, lekel bann ‘office expenses’ ki i annan e answit ‘’other uses of goods and  services,’’ bann pli gran depans ladan answit ‘’materials and supplies.’’ Mersi.

 

CEO ANDY ALLY

Mersi pou ou kestyon. Lo kote bann ‘office expenses,’ laplipar letan nou cater en bon pe bann printing and stationeries akoz nou fer en bon pe bann marketing, en bon pe bann rezilta, en kantite rezilta nou prodwi nou bezwen print. Parey ou konnen nou annan apepre en 7-8 laboratwar e i annan en kantite rezilta nou bezwen print. Nou print en pe bann publication pou nou fer en pe bann marketing. Nou fer en pe lo kote bann awareness campaign lo kote bann standar ki nou devlope pou nou dimoun en pe azour ki pe arive, ki standar zot devret pe enplimante.

Osi nou kouver en pe elektrisite akoz nou konnen en Biro standar nou servi en kantite lekipman, bann lekipman ki trwa faz ki nou pe servi.

Laboratwar i run 24/7 lo air con akoz pou protez sa bann lekipman. Savedir nou air con i run preski toulezour, 365 zour sirtou pou bann laboratwar. Nou pe esey rod alternativ, ki fason nou kapab sey redwir en pe, servi bann resours alternativ parey solar, parey nou bann plan pli tar. I osi parey mon pe dir lo laboratwar fodre i ganny maintain, akoz i bann laboratwar ki, en bon pe i ganny akredite lo e tanperatir anba 25. E sa i bann konponan en pe an gro ki dan ‘’office expenses. ‘’

 

MR SPEAKER

Onorab Arrisol

 

HON SANDY ARRISOL

Mersi Mr Chairman. Mon ti a kontan demann Mr Ally 2 kestyon. Premyerman mon ti a kontan, lo paz 74, dan latab 3 P3, ki koz lo standar servis ki annan. I annan 2 servis, i annan standar avek sertifikasyon mon vwar i annan en logmantasyon. Mon ti a kontan demann Mr Ally an relasyon avek sa, si ou kapab dir nou si delo ki  Lakonpannyen PUC i distribye avek Seselwa i standar ? E osi bann outlet ki fer lalkol sirtou bann pti boutey ki nou annan konmela diferan kouler, diferan staz, ‘pti ponm’, ‘gro ponm,’ ‘mwayen ponm’ si zot standar pou bann Seselwa konsonmen, akoz sa i annan en lefe direkteman lo lasante.

Mon 2enm kestyon mon ti a kontan demann Mr Ally si bann test ki ganny fer, eski bann Lakonpannyen ki anmenn zot sample Biro Standar oubyen zofisye Standar zot al kot sa lakonpannyen pou zot al fer test olye mwan, par egzanp PUC, mwan mon organiz mon delo mon fer sir mon steriliz mon fer li vin prop e mon anmenn en sample kot ou pou ou donn mwan en Sertifika pou ou dir mwan si i standar oubyen non e pou bann outlet lalkol osi parey. Ki mannyer i ganny fer sa. Mersi Mr Chairman.

 

MR SPEAKER

Mr Ally.

 

CEO ANDY ALLY

Mersi Onorab pou ou kestyon. Konsernan delo, ou pa ti a konn… mon a eksplik ou en pti pe manda SBS. SBS i la pou nou devlop standar e ofer bann servis. Lo kote delo ki PUC i donnen pou nou dan lakour, i ganny gouvernen anba en lot regilasyon.  Sa se Public Health Water Regulation ki ganny administre par Public Health Authority.

Lo kote pou nou, nou, nou kapab etabli standar. Nou kapab etabli sa standar e zot atraver zot – zot konman regilater zot fer referans ouswa servi sa bann paramet lo sa bann standar ki nou’n etabli ,pou zot kapab ranforsi sa regilasyon pou fer sir ki delo kip e donn piblik i pe meet sa bann requirement. Nou nou devlop sa standar.

Lo kote lalkol parey nou dir, nou nou’n deza etabli en standar, nou annan prosesis pou nou reviz li e nou’n fer en kantite letid lo bann lalkol ki ganny prodwi lokal. Preski tou sa bann factory ki pe fer sa bann lalkol, nou’n vizite, nou’n vwar zot prosesis fer lalkol. E mon kapab konstate ki preski sa bann lalkol nou’n teste. Nou’n teste, nou’n fer letid lo tou. E ler ou pe gete en bon pe sa lalkol, zot raw material i lalkol ki sorti deor. Lalkol ki sorti deor, i en food grade, isi ler zot arive i annan ki fer zot bann mixture pou zot kapab ganny sa nivo, met zot kouler ladan. Wi nou konstate ki menm lo kote kot nou, ler nou’n teste, nou vwar ki sa lalkol lo nivo ethanol, methanol i pe meet standar. Ki nou pe  al konmans en letid an 2017 kot i annan bann santiyon ki nou bezwen anvoy deor, akoz nou panse kekfwa dimoun pe dir i fer zot sou, kekfwa i pa bon pou lasante.

Nou anvi gete si i kapab i annan en reaksyon ant sa bann keksoz kouler ki zot pe mete ladan, ki kekfwa nou pa pe vwar. Nou’n deza fer en letid lo bann lezot high alcohol ladan. Kot nou’n fer en letid preliminer e nou annan en lot ki pe follow-up en pe pli an detay.  Nou pou fer en letid kot nou e nou pou pran bann santiyon osi pou nou anvoy kot bann laboratwar en e pli sofistike aletranze, pou nou kapab byen, si vreman sa bann lalkol i lo standar si i annan serten keksoz ki kapab annan en lefe lo lasante piblik.

Mon asir ou Mr Onorab ki i en progranm ki nou pe al enplimante,  en keksoz ki vreman serye. E i anliny avek bann lezot Polisi Gouvernman lo kote konsonmasyon lalkol, ki kalite lalkol ki pe ganny vann isi Sesel.

Lo kote sampling wi, lo kote bann sampling, nou nou annan en progranm kot nou kapab vizit bann Lakonpannyen nou. Bann Lakonpannyen, tou bann Lakonpannyen zot kapab anmenn zot santiyon volonterman zot rod sa servis kot nou. Sa bann servis i peye, se la kot  nou resevwar reveni. Me nou osi nou al vizite nou pa bezwen dir zot ki zour nou pou vini zis nou ale nou fer bann vizit.

Nou pran santiyon kot zot menm, nou aste dan laboutik, kot la nou teste nou ganny en serten lide lo kalite sa bann prodwi e nou, nou kapab rekonmann ek zot sirtou lo kote label ouswa i annan serten keksoz zot pou bezwen amelyore. Savedir nou fer sampling,  nou pa zis nou esper zot anmenn bann servis, demann sa servis kot nou. Mersi.

 

MR SPEAKER

Mr Ally, mon kapab demann en pti kestyon siplemanter apre sa kestyon Onorab Arrisol. Dan le sans ki sa bann ‘pti ponm’ ki in demande. Ou pe ekout mwan Mr Ally ?

 

Sa bann ‘pti ponm’ ki Onorab Arrisol in demande mon krwar i enteres nou tou. Lenformasyon ki mwan mon gannyen sorti kot Lasante ek Sosyal se i annan en lefe tre advers lo bann dimoun ki pran li. Zwe lo zot konportman, zot konportman vizavi vyolans dan lakour  e mon krwar sa ki ou pe dir ou pe rezilta sorti deor i bezwen annan en pe resers ki nou fer osi. Nou dan Lasanble nou ti a kontan ganny sa rezilta akoz sa nou bezwen swiv de pre akoz i pe afekte pa zis lasante me fabrik sosyal so sa i tre, tre enportan sa kestyon ki Onorab Arrisol e mon ti a plede ki ou ti anvoy nou sa rezilta dan sa Lasanble ler ou gannyen. Ok.

 

CEO ANDY ALLY

Wi Mr Chairman.

 

MR SPEAKER

Onorab Larue.

 

HON FLORY LARUE

Mersi, Mr Chair. Mon osi mon kestyon i follow on avek sa ki Onorab Arrisol in dir, lo paz 73, nou vwar ki manda SBS i dir nou koumsa, ‘’for the development, promotion and maintenance of standardisation.’’ Savedir zot pe maintain en standar. Prezan nou pe follow on lo sa ki Mr Chairman in dir lo kote Lasanble piblik e nou vwar ki dimoun i servi delo, mon go back to delo me selman kote ki nou konnen ki kalite delo nou pe bwar ?  E seeing ki Bureau of Standards ki fer sa bann test, eski zot ti kapab fer bann test regilye ki nou kapab ganny en rezilta online, ki nou kapab vwar ki kalite delo ki nou pe bwar on a monthly basis, pou nou vwar eski nou anmenn sa delo kot Ministry of Health ?  Konmsi ki mannyer nou piblik nou kapab garanti ki li PUC i pe donn sa delo ki nou oule, silvouple. Mersi.

 

MR SPEAKER

Mr Ally.

 

CEO ANDY ALLY

Thank you Onorab. Zis nou a vin lo sa pti pwen klarifikasyon, Chair. Nou’n deza fer tes lo sa ‘pti ponm’, mon kapab share ek Lasanble nou rezilta preliminer lo sa dokiman ki nou’n fer. Lo kote delo parey mon’n dir, nou teste delo. I volonterman bann dimoun ki annan biznes delo, zot anmenn zot delo pou teste kot nou. Delo PUC, parey mon’n dir, i tonm anba Public Health Water Regulation. SBS pa regilater delo PUC selman nou kapab si okenn dimoun piblik i anvi teste delo PUC, i kapab anmenn sa santiyon kot nou ouswa davans zot dir nou nou, donn zot en boutey spesyal, en boutey ki pa kontaminen, nou donn zot pou zot sample sa delo pou anmenn kot nou.

Lo kote bann delo – bann lezot Lakonpannyen boutey delo parey mon dir ou se ki anba Lalwa Public Health Act ,se zot ki regilater okenn ki fer Lakonpannyen ki fer delo dan Sesel. Nou SBS se nou nou annan standar ki zot zot servi pou konfirmen si sa delo final i pe meet sa standar. Nou standar i baze lo standar enternasyonal.

E osi nou ki nou fer se ki nou ki, li konman regilater i ale i fer son louvraz be lo kote sa bann dimoun ki fer delo i annan letan kot zot napa quality control. Ou pe fer en kantite prodiksyon delo, eski ou konnen sa delo ki ou pe al met lo marse la napa mikrob ladan ?  Se la kot zot servi fasilite SBS, zot ganny en lide lo kalite sa delo avan ler zot met lo marse.

Lo kote bann rezilta, ou konnen konman en laboratwar, rezilta en kliyan i pou en kliyan, nou annan en serten konfidansyalite. Me selman lo kote PUC si zot anvi fer en letid lo la, mon krwar nou ava gete ant Minister Lasante ek nou ki fason kekfwa zot kapab fer sa rezilta, pou popilasyon konnen lo kote kalite sa delo ki zot pe bwar ki sorti from the PUC water supply. Mersi Chair.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker. Mr Speaker mon kestyon i en pti pe anliny avek sa ki Onorab Arrisol in koz lo la me selman mon krwar nou bezwen elarzi nou scope en pti pe plis. In koz lo delo avek lo sa bann lalkol’ pti ponm’ isi, laba me selman i annan osi bann lezot prodwi ki pe antre Sesel ki pe ganny konsonmen, parey bann prodwi lavyann, juice, gato, plizyer bann prodwi lo market ozordi ki i pa bann bon kalite, ki pe afekte lasante Seselwa. La nou tande pou dir i annan sa bann zafer poul ki pe ganny pike avek steriods. Mon kestyon se ki, ki ou Departman, sirtou ou Departman pe fer pou ensure, pou garanti ki bann prodwi ki pe ganny vann lokalman, ki bann konsonmater pe konsonmen, i bann prodwi de kalite me pa bann prodwi ki pe annan bann lefe advers lo lepep Seselwa ? Mersi.

 

CEO ANDY ALLY

Mersi pou ou kestyon, Onorab. Ler nou pe get dan context manze, ou konnen i annan Food Act.  Food Act li ler ou pou lir ladan, Food Act 2014, i kouver tou manze, tou manze ‘food’ nou pe dir, so ki SBS li nou akoz nou annan fasilite pou teste, nou kapab teste nou, sa bann manze, i annan serten keksoz nou kapab teste, me selman i pa tonm anba nou zirestriksyon konman regilater.

Ou’n aste en prodwi deor, kekfwa en prodwi manze kekfwa ki ou santi i pa tro bon, ou kapab vin kot nou, ‘’SBS ou annan fasilite pou teste sa manze pou determinen ?’’ Nou kapab fer sa. E ou, ou kapab pran ou rezilta al anmenn en pe pli devan dir be gete sa prodwi pa bon, mon’n ganny afekte.  ‘’Regilater ki ou pe fer an konsernan sa ? Savedir regilater manze se Minister Lasante. Parey ou pe esey dir wi i annan bann lezot prodwi ki pe vini, nou, nou fer sir ki standar i la. Nou, nou anvi ki bann regilater servi sa bann standar ki nou met a zot dispozisyon pou zot kapab regulate diferan sa bann kategori prodwi ki kekfwa i kapab afekte piblik. Mersi.

 

MR SPEAKER

Vitman.

 

HON WAVEL WOODCOCK

Savedir manm piblik i kapab anmenn okenn prodwi si i santi si sa prodwi i pa en bon prodwi, i pou annan en lefe advers lo son lasante, i kapab anmenn kot SBS pou fer teste, i ok sa ? Okenn manm piblik i kapab vin kot ou?

 

CEO ANDY ALLY

Wi zot kapab vini, nou konnen Gouvernman in etabli en Consumer Protection Act e kot Fair Trading ki administre e si ou anvi fer li atraver Consumer Protection ou kapab met ou konplent, ou kapab anmenn sa prodwi e zot, zot ekri nou, zot pe fer lenvestigasyon. Otomatikman nou, nou fer sa servis, pou nou asiste zo,t pou investigate si vreman si nou annan sa kapabilite, pou kapab fer sa tes lokalman. e nou donn zot en rezilta, nou enterpret sa rezilta e li aprezan i a take up ki kekfwa ou drwa konman konsonmater in ganny afekte. Mersi.

 

MR SPEAKER

Sa ki pa ankor lev son, pa lev-e akoz mon pa pou donn zot laparol. Onorab Ghislain

 

HON CHANTAL GHISLAIN

Mersi Mr Chair. Mr Ally in dir en keksoz konsernan si en nenport dimoun ki anvi anmenn delo PUC pou vin teste kot ou, si i korek mon’n tann ou dir sa. Zot donn – ou donn sa dimoun en boutey spesyal i anmenn sa delo. Be ki garanti ki ou kapab donn nou poudir sa dimoun i pa pran sa delo nenport ki bor i vin anmenn kot zot, menm si i pou met dan sa boutey spesyal ?  E apre si zot kapab konfirmen ki tou keksoz ki nou konsonm an ekse i donn en dizesyon? Mersi.

 

CEO ANDY ALLY

Mersi pou ou kestyon. Ou konnen SBS lo kote laboratwar bann keksoz ki nou fer laba i en pe -pa dir sansib, me selman ou annan serten prosedir. Ler ou pou vin anmenn en santiyon, nou pou donn ou sa boutey akoz nou boutey ou sa boutey. Akoz nou pa anvi ou servi en lot boutey ki deza kontaminen ki aprezan kekfwa i a afekte ou rezilta. Nou donn ou en boutey ki si en konparezon ou pou al tamper ek sa delo, nou en form ki nou annan, nou  pou dir ki pa nou ki’n sample, akoz si i kapab annan enplikasyon legal ladan, nou mete lo nou form se ou ki’n anmennen. Ou konpran? E si kekfwa ou pou al met en keksoz kekfwa i kapab kontradir kekfwa kalite delo PUC akoz deza nou annan en serten benchmark, what is the quality of PUC water savedir kekfwa nou kapab konpare e selman si nou pe donn ou en santiyon, en boutey nou pe espekte ou pe pran en delo PUC – pa en lot delo.

Lo kote garanti, lo kote nou bann rezilta laboratwar mon asir ou ki, vi ki nou akredite… akredite i mon kapab dir en rekognisyon enternasyonal ki ou annan, ou kapab fer sa tes. Sa akreditasyon ou gannyen avek en lot dimoun, en third party ki vini ki enspekte ou. Ou pa bezwen aprezan… I donn ou konfidans.  I donn konfidans sa rezilta i 100poursan ou 95poursan accurate. Mersi.

 

MR SPEAKER

Onorab Prea.

 

HON NICHOLAS PREA

Mersi Mr Chairman. Mr Chairman mon ti a kontan demann Mr Ally, mon ex-koleg dan volleyball, vir lo paz 73, ‘construction materials lab,’ mon’n deza vizi –  dan en vizit ki mon’n fer laba mon’n vwar zot bann fasilite teste.  Eski zot osi apard sa bann construction materials ki zot pe ganny lo bann worksite, eski zot teste osi sample semen, koltar ki Land Transport pe apply lo semen, quality oubyen si zot annan sa mwayen pou fer li ? Zot in deza fer li oubyen zot annan mwayen pou fer ? Mersi.

 

CEO ANDY ALLY

Thank you, Onorab. Lo kote nou laboratwar konstriksyon, wi i annan kantite bann construction materials ki nou teste, nou pe dir lo kote blok, cube, later, pou en bon pe bann proze bann dimoun, i vin kot nou. Lo kote, ou pe dir mwan wi lo kote koltar, o par avan en bon pti pe letan pase kekfwa mon pe dir apepre en 15an, 20an nou ti annan bann lekipman akoz s bann letan nou ti pe ed Land Transport sa bann letan, me ti annan en letid ki ti’n konmanse lannen pase kot nou ti pe travay ek Land Transport lo kote ki fason nou kapab get en pe lo kote kalite semen, sey get kapabilite si SBS i kapab ofer sa servis.  E wi i en keksoz ki ongoing. Mon krwar nou kapab teste kalite koltar, nou‘n deza fer o par avan pou fer sir ki i lo standar.

Deza nou annan sa bann standar Angle ki lo kote bann koltar.  Mon krwar zis kekfwa nou ava get atraver nou Bidze si i mank serten pti lekipman, atraver nou Bidze, nou kapab ganny sa bann lekipman. E wi, ofer sa servis pou asire ki kalite koltar, kalite semen e i pe meet sa bann kriter, sa bann standar Angle.

 

MR SPEAKER

Onorab Lemiel.

 

HON SYLVANNE LEMIEL

Mersi Mr Chair. CEO nou konnen ki SBS parmi son bann fonksyon, se ki i annan diferan relasyon avek lezot biro standar dan lezot pei.  E mon ti a kontan konnen petet ki bann lorganizasyon ki Biro Standar Sesel i annan relasyon avek e pete ki benefis sa i anmennen pou nou pei ?

 

MR SPEAKER

Mr Ally.

 

CEO ANDY ALLY

Mersi pou sa kestyon Onorab. Biro Standar Nasyonal Sesel nou afilye avek en kantite lorganizasyon. Lo nivo enternasyonal i annan, nou konn tre byen nou tann nonm ISO, li ki Lorganizasyon siprenm pou Standar. Nou en corresponding member, Sesel i en corresponding member. Nou annan IEC ki devlop tou standar elektrik dan lemonn. Nou anba en affiliate country program.

Lo nivo la rezyon, nou en manm COMESA SQA, zot zot devlop standar rezyonal, nou partisip ladan. Lo nivo SADC, i apel SADC TBT program, nou en manm ladan pou nou devlop standar, pou nou armoniz standar. E sa bann lorganizasyon, menm CODEX, mon pe dir ou kote FAO, kot nou manm CODEX, kot nou ganny bann standar manze.

E sa bann Lorganizasyon i facilitate nou atraver training. Training pou nou devlop nou bann Staff e i annan bann lesanz kot nou bann dimoun i al fer bann training teknikal pou kapab amelyor en pe zot kapabilite. E osi nou ganny bann standar ki nou subscribe akoz i annan ki ou bezwen peye, parey lo kote bann enternasyonal ou bezwen peye e nou ganny sa bann standar ki aprezan nou servi li pou nou fer li vin nou bann standar Nasyonal. I bann benefis ki nou gannyen avek sa bann Lorganizasyon e menm osi lo kote konsiltan. La byento i annan en konsiltan sorti IEC kot ki konsern bann standar elektrik, mon krwar i vin en moman apropriye, wi pou nou esey tap sa issue bann prodwi elektrik ki pe vini lannen prosenn isi Sesel. Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Chair. 2 pti kestyon senp, sa lodit European Union i due an Zanvye 2017 pou bann standar… pou etabli SBS konman en competent authority, eski zot vreman pare. E dezyenmman lo zot manpower ek zot bann rikord, eski zot sistenm database i vreman up-to-date? E zot annan tou bann lenformasyon, si par egzanp mon anvi bann lenformasyon, eski i available?

 

MR SPEAKER

Mr Ally.

 

CEO ANDY ALLY

Mersi Onorab. Lo kote vizit, wi parey ou konnen, competent authority FIPCU ki fer bann lenspeksyon pwason tou le 3 an 4 an 5 an zot ganny en vizit sorti Linyon Eropeen, wi i annan en delegasyon ki pe vini apartir le 29 Zanvye, mon krwar zot pou fer en semenn Sesel. Le bi  ki zot vini se, zot vin get travay ki sa lotorite konpetan in fer. An sa ki konsern pwason ki al L’Europe savedir zot pou fer en odit en pe an detay tou zot bann progranm pou sak sa bann etablisman, pou fer sir ki zot rekomandasyon ki zot ti donnen an 2011 in ganny enplimante.

E si i annan ki pa ankor enplimante kwa ki pe ganny fer pou sa bann keksoz ganny enplimante ?  E zot pou fer bann vizit, zot pa zis pou dan lofis, zot pou fer bann site visit pou zot al gete zot menm reel, pran bann… tir bann portre, kwa ki’n ganny fer kwa ki’n ganny amelyore.

E mon’n fer miting avek sa Sef ki ansarz sa divizyon e en kantite amelyorasyon in ganny fer baze lo bann rekomandasyon ki ti’n ganny fer. Lo kote manpower, wi nou annan parey mon ti dir apepre 55 travayer ko SBS an total. Nou annan bann sistenm enformatik. Nou pe devlop en pe sirtou lo kote fer lenformasyon vin en pe pli azour avek piblik.  Nou annan en nouvo website ki nou pe… an konstriksyon e kot en bon pe lenformasyon ki nenport dimoun i pou bezwen sorti kot SBS, nou pou met a dispozisyon piblik. Nou eskpekte sa website i up and running by Fevriye, Mars lannen prosenn. Mersi Mr Speaker.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker, mon krwar Onorab Woodcock in kouver en pe sa kestyon ki mon ti pe demande.  Me selman mon ti oule osi extend sa scope pou dir ki bann prodwi elektronik ki lo market ki substandard, ler zot par egzanp ou lotorite konman Lotorite konpetan ler zot come across sa bann keksoz ki aksyon zot pran. Aksyon legal sirtou, si zot pran okenn ?

 

CEO ANDY ALLY

Wi nou konnen sa i en konsern. Deza nou fer vini tou sa bann standar ki gouvern preski tou sa bann keksoz elektrik, pou kapab fer sir ki bann keksoz ki antre dan pei i pe meet sa bann standar. I nou plan lot lannen pou konmans devlop regilasyon. Regilasyon pou fer sir ki ou serten mekanizm ki avan ler ou sa enportater i anmenn sa keksoz, i ariv isi Sesel, ou’n deza konn en lide kwa ki pe anmennen, ki standar i pe meet. E osi ler i arive si fodre fer serten lenspeksyon sa bann prodwi. Pou le moman kekfwa ou napa en laboratwar elektrik ki kapab teste ou bann, parey mon dir, bann LED TV ki pou vini. Me i annan serten lenformasyon ki normalman dan Trade i aksepte ou demande zot pou donn ou e nou kapab trace sa bann lenformasyon, nou kapab demann en sertifika e nou kapab trace sa lenformasyon, pou fer sir ki avan ler sa prodwi i ariv lo shore Sesel, nou’n fini konn kalite.  E la nou kapab fer sa serten lenspeksyon pou fer sir ki konsonmater i ganny bann prodwi de  o kalite. Sa i en keksoz priyorite lo nou azanda an 2017.

 

MR SPEAKER

Eski i annan okenn pinisyon pou bann standar ki pa  bon ?

 

CEO ANDY ALLY

Wi Mr Speaker ler ou pou annan en regilasyon ou bezwen fer provizyon ki annan bann sanksyon i ganny mete ladan si ou pa pe abide, ou pa pe meet sa bann kriter ouswa ou prodwi i substandard. Provizyon pou ganny fer dan sa regilasyon. Sel fason ki kapab garanti ki at all time quality sa bann prodwi i safe pou konsonmater. Mersi.

 

MR SPEAKER

Dernyen kestyon Onorab Loizeau.

 

HON NORBERT LOIZEAU

Mersi Mr Chair. Bonjour Mr Ally. Mr Chair avan mon demann kestyon mon le felisit mon zanmi lekol Mr Ally pou son pozisyon ki’n gannyen mon kontan mon vwar ou la. E mon anvi demann Mr Ally, vi ki mon vwar zot annan sa Gas Cylinder Testing Center, savedir zot teste LPG tou bann gas, enkli bann gas refizerasyon, bann ….

Ki mon anvi demann ou Mr Ally i vi ki zot teste osi bann lekipman refizerasyon ki antre dan pei e ou pou vwar si zot kontenir bann gas ki pa sipoze pe rantre, me selman Mr Speaker akoz ki nou vwar, vi ki zot fer sa bann tes, selman i annan serten lekipman ki konteni bann gas, parey R22 ki ti sipoze phase out aparti 2018 or 2020 ki napa lo market selman nou vwar serten lekipman ki pe rantre dan pei avek sa bann kalite ….. ladan.

 

MR SPEAKER

Mr Ally.

 

CEO ANDY ALLY

Mersi Onorab Loizeau pour ou kestyon. Sa Gas Cylinder Testing Center ki kot SBS i pirman po teste bann refillable gas cylinder.  Savedir i kouver LPG, i kouver en bon pe bann boutey plonze, i kouver bann pti boutey loksizenn ki dimoun i servi lo bato.

Nou, nou fer bann lenspeksyon lo sa bann boutey, nou annan lekipman, en lekipman sofistike ki i kapab teste kantite presyon sa bann boutey i kapab servi.

Nou pe fer lenspeksyon anndan, deor pou fer sir ki sa kliyan ouswa sa konsonmater ki pe servi sa boutey, anndan sa boutey i prop i pa pou al bloke, i pa pou napa okenn salte ki pou bloke ler i anba lanmer ki kapab annan en risk lo son lasante.

Nou pa teste konsernan bann gas ki vini dan refizirasyon, dan air con, i pa tonm anba nou manda, i tonm anba manda Ozone Unit, kot Lanvironnman, se zot ki regilater konsernan bann gas ki antre dan pei.

Nou sant i plito pou teste sa boutey itself, mazorite bann boutey ki nou teste i plonze, nou al teste bann boutey LPG tou  kot SEYPEC  e la nou pe fer provizyon pou nou teste sa bann nouvo boutey ki zot annan la, sa bann compos. Mersi Mr Speaker.

 

MR SPEAKER

Vis Prezidan eski sa ki ou anvi dir i adisyonnel avek sa ki Mr Ally in dir ? Silvouple bref avan nou pran en vot.

 

VICE PRESIDENT – MR VINCENT MERITON

Wi 2 minit Mr Chair…

 

MR SPEAKER

Non 1 minit pa 2.

 

VICE PRESIDENT  MR VINCENT MERITON

1 minit zis pou azout mon kontribisyon avek sa ki ou menm ou’n dir konsernan pti ponm, sa bann teste ki’n fer, SBS i teste metanol, etanol, disik e tousala nou vwar i dan limit. Be selman ki i pe dir nou pa vwar, i pe anvoy bann sample deor pou al gete. Be en sample ki nou pa ankor teste sirtou ki kantite bwar ki kreol i bwar i fer le prezan sou ki nou, nou krwar se konteni. Se pa kote lese ki kantite. Premyerman akoz nou ti fer… i ti fer en prezantasyon ler mon ti Chairman Drug & Alcohol Council menm zafer ti vin devan e mon krwar sa kestyon konsonmasyon ki nou bezwen gete. Dezyenmman e dernyen Mr Chairman se Mr Ally pa’n le dir dapre bann standar enternasyonal delo, delo Sesel i enn bann delo meyer ki i annan dan lemonn. Mersi Mr Chairman.

 

MR SPEAKER

Avek sa nou a pran en vot lo sa Bidze pou Seychelles Bureau of Standards, tou dimoun ki an faver sa Bidze lev zot lanmen ? Anybody ki kont sa Bidze pou Seychelles Bureau of Standards lev zot lanmen ?

Clerk ou a anons rezilta pou radio listeners.

 

MADAM CLERK

Thank you Mr Speaker. So Bidze pou Seychelles Bureau of Standards in rikord 32 votes ‘Pour.  Tou bann Manm in vote e zot in vot ‘pour. Mersi.

 

MR SPEAKER

Savedir Bidze pour Seychelles Bureau of Standards in aprouve e nou a remersye Mr Andy Ally ki CEO SBS ki’n vini e eskiz li.

CEO ANDY ALLY SBS WAS EXCUSED FROM THE HOUSE

MR SPEAKER

Vis Prezidan lekel lot agency ki oule pran ?

 

VICE PRESIDENT  MR VINCENT MERITON

Mr Chairman mon’n ariv a term mon travay, mon demann ou permisyon take leave of the House.

 

MR SPEAKER

Tou bann agency ki tonm anba ou portfolio in pase ?

 

VICE PRESIDENT  MR VINCENT MERITON

Wi Mr Chairman.

 

MR SPEAKER

Onorab Ramkalawan  ou a krwar ou anvi felisit Vis-Prezidan.

 

HON WAVEL RAMKALAWAN

Mr Chairman Vis Prezidan in  fer en statement in dir delo Sesel sa ki Mr Ally pa’n  oule dir  – meyer standar, me mon aksepte ki poudir delo sorti dan montanny ki nou ti pe gannyen avan i ti meyer standar eski i pe dir avek nou sa delo  – delo desalinasyon  – delo dan boutey ?  Ki delo ki  ou pe dir nou i meyer standar ?

 

VICE PRESIDENT  MR VINCENT MERITON

Mr Chairman delo ki PUC i trete pa delo desalinasyon e pa delo ki sorti dan montanny  – i delo ki PUC i gannyen  – ki dan catchment apre i trete.  Mersi.

 

HON WAVEL RAMKALAWAN

Ti ava bon Mr Speaker, si i ti kapab dir avek nou ki standar sa delo desalinasyon ki pe touy bokou dimoun  – ki pe fer bokou dimoun al dan….

 

MR SPEAKER

Petet sa i en kestyon ki nou a anmas pour Lasante parski mon krwar i en kestyon tre pertinan.

Avek sa Vis-Prezidan mon ti a kontan lo lapar tou bann Manm remersye pou ou letan  – ou pasyans ki ou reste avek nou depi yer e Mr Dr Fanny osi mersi pou vini e nou a ekskiz ou.

 

THE VICE PRESIDENT AND DR FANNY WAS EXCUSED FROM THE HOUSE.

 

MR SPEAKER

Mr PS Payet ou reste akoz ou Minis pe vini so ou napa sans pran leave reste asize. Mon ti ava kontan nou pran en Break 15 minit parske la nou annan  Minister Larose ki pou vini pou li  prezant Minister Defans avek FIU.

 

(BREAK)

 

 

 

DEPARTMENT OF DEFENSE

 

 

MR SPEAKER

Bon nou a swet zot welcome back e mon a pran sa lokazyon pou swet labyenveni sirtou Minis Finans  – Dr Peter Larose ki’n avek nou boner sa semenn ansanm avek Brigadier  Leopol Payet.

Minis Finans pou pran deba oubyen pou la pou reprezant commander-in-chief – Prezidan Faure pou deba latan nou pe koz lo depans pou Departman Ladefans ki toum anba  commander-in-chief – Prezidan Faure.

Wi Onorab Afif.

 

HON AHMED AFIF

Wi Mr Speaker, mon ti a kontan avek ou permisyon zis raise en matter of privilege.  Parey ou konnen bomaten avek ou permisyon mon ti demande pou fer en statement anba Lord 35 mon‘n fer sa statement ki mon ‘n kit avek ou e ladan mon  ti demann en retraction par Minis pour Finans e mon kit sa dan ou lanmen Mr Speaker e mon espere ki sa ii kapab ganny fer.

Mersi Mr Speaker.

 

 

 

MR SPEAKER

Ok mersi Onorab Afif. Zis pou mwan remind the House se ki Onorab Afif  ti demann en matter of privilege anba 31 (1) I ti demann ‘Leave pou fer en statement e dapre 35 (2) so  the  proposed explanations  i sipoze soumet avan in soumet ek mwan.  Mon’n regarde mon’n les li li zot in tande.  Ki mon sizere avek ou Lagreman Onorab Afif ki mon a pran levidans ki ou ti demann mwan ‘Leave pour fer ou statement.  Mon a fer en kopi ou statement e mon a donn the Honourable Minister of Finance e mon a vwar Minis Finans dan son sazes i a deside ki li i pou fer avek.

Eski sa I akseptab avek ou Onorab Afif ?

 

HON AHMED AFIF

I akseptab avek mwan.  Mersi Mr Speaker.

 

 

MR SPEAKER

Mersi. Mersi avek sa nou a pran nou deliberasyon pou apre midi.  Nou annan travay devan nou e nou, nou konnen, nou’n dakor pour nou travay.  Mon kwar mon’n fini swet labyenveni Minis avek Brigadier.  Annou pran Bidze Ladefans mon krwar i lo paz 24.

Normalman ki nou ferMinis e Brigadier Payet nou pran en pti moman -3, 4, 5minit petet, zis pou donn en pti overview lo sa Departman oubyen Lazans. Epi par laswit bann Manm i demann klarifikasyon, lesplikasyon lo diferan Heads, diferan parti Bidze. E nou annan en konversasyon, nou koze, nou rod lesplikasyon.  E mon sipoze i ede pou nou e pou piblik pou konnen ki pe pase. Alor avek sa, Brigadier petet mon a donn ou laparol.  Mon pa konnen si apre sa Minis i le pran laparol pou en pti kou avan nou konmans nou deba me tou fason laparol i pou ou

pou ou.

 

BRIGADIER LEOPOLD PAYET

Mr Speaker, tou Manm Onorab, tou dimoun prezan obyen a lekout, bon apre midi. Mon apel Leopold Payet. Mon ran dan Lafors Defans i Brigadier. Mon responsab Lafors Defans antye depi gard lakot, lo later e Air Force e mon baze kot army quarters, Bel Eau. Nou, nou, our mandate is to defend and protect the sovereignty of the republic of Seychelles and to take part in any internal peace-keeping operational outside of Seychelles. The unit of the Seychelles People Defence Forces; SPDF, should also assist the civil institution of government in the event of civil disaster. And also we are responsible for the security of our country, Seychelles. Thank you.

 

MR SPEAKER

Brigadier ou’n fini koze oubyen ou annan, ou’n fini fer ou lentrodiksyon? Mersi. Mersi Brigadier Payet. Minis eski oule le dir en de mo avan mon donn laparol Onorab De Commarmond.

 

MINISTER PETER LAROSE

Mr Chair bonn apre midi, mersi. Leader lopozisyon bon apre midi. Leader of Government Business bonn apre midi. Tou bann Onorab bonn apre midi e tou ki a lekout an deor sa Lasanble bonn apre midi osi.

Mr Chair, mon pe reprezant Prezidan Danny Faure pou prezant Bidze Lafors Defans Repiblik Sesel.  Sa se si oule, i en bann Bidze ki ganny dikte par Program Performance-Based Budget System. I fer premye fwa ki nou Lafors Defans, se si oule, i ganny an detaye son defans an term depans ki pou depanse pou 2017.

Mr Chair, konman ou konnen ler ou regard sa budget summary, i annan 4 konponan ladan. I annan governance, management and administration. Sa premye konponan.

2enm konponan se Maritime Defense and Security.

3enm konponan, Air Defence and Security.

4enm konponan, Land Defence and Security.  Sa i fer le 4 konponan ki form par tou lafors ladefans Sesel.  Konman Brigadier Leopold Payet in mansyonnen; lobzektif manda Lafors Defans se pou protez nou souvrennte Sesel avek tou son pep Seselwa.

Lo budget li menm, Mr Chair, i baze depi paz 24 ziska 29. Si ou ti kapab permet mon fer en pti summary. Ler nou regard sirtou kot i konsern ‘’wages and salar’’y avek ‘’goods and services’’ ti annan en misallocation ant 2016 e 2017 ki’n nou’n korize atraver sa Performance-Based Budget summary. Gratwite konpansasyon ki ti ganny bidzete dan ‘’goods and services’’ in prezan retourn dan son proper allocation place, ‘wages and salaries.’ Tandis ki ‘’goods and services’’ surely in ganny realinyen avek the proper headings of the expenditure.

Mr Chair, sirtou si nou regard ler detay pou ‘’goods and services’’ ki enkli saler, lasirans, licence, training expenses epi Trezyenm Mwan Saler. Me sa ki enportan petet kekfwa ki pou atrakte bokou latansyon kekfwa kestyon parmi bann Manm se sa ‘capital expenditure.’ Ler nou regard son konponan Governance, Management and Administration nou vwar ki Machinery and Equipment, 5 milyon 100mil. Maritime Defence Security; BuildingS and Infrastructure R20milyon 66 mil. Machinery and Equipment R6 milyon 565 mil. Air Defence and Security; Machinery and Equipment, R2milyon. Land Defence and Security; Building and Infrastructure, R119 milyon 966 mil e si nou regard summary an total, Mr Chair, ‘building and infrastructure’ i pou kout R140 milyon 932 mil; Machinery and Equipment R13 milyon 665 mil. Avek sa summary, Mr Chair, mon a les bann Manm Onorab poz zot kestyon. Mersi.

 

MR SPEAKER

Mersi, Minister Larose. Onorab De Commarmond,

 

HON CHARLES DE COMMARMOND

Mersi Mr Chair.  Bonzour Minis, bonzour Brigadier e tou dimoun ki a lekout. Mr Chair eski sa Bidze Lafors Defans ki devan nou, i pe fer provizyon pou tou demann ki Lafors Defans in demande e i bezwen pou kontinyen kit nou pei dan lord, dan lape e dan stabilite? Mersi.

 

MR SPEAKER

Brigadier?

 

BRIGADIER LEOPOLD PAYET

Sa ki ou’n demande, sa kestyon i wi. Mersi Onorab.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Chairman e bon apre midi tou dimoun. Mr Chairman, mwan annan en kantite kestyon me selman mon ava demann 2 la e-

 

MR SPEAKER

Demann 1 par 1, Onorab Ferrari oubyen 2 at the most.

 

HON JEAN-FRANCOIS FERRARI

Ok, 2 at the most.  Mon premye kestyon, mon pe konmans, Minis ek Brigadier lo paz 29, progranm 4 – Land Defence and Security, la mon bezwen 2 keksoz, en klarifikasyon e apre en lesplikasyon. Dan ‘capital expenditure’ lo sa paz, nou ganny dir ki i annan R119 milyon 966mil pou, paz 29, pou ‘building and infrastructure.’  Ler mon get dan ‘capital project, lo paz 3 ‘capital project’ mon vwar sa menm sonm i aparet me selman i ganny klasifye konman ‘upgrading of defence equipment.’’ Mwan  sa ki mon ti a kontan konnen si, si i en fot oubyen infrastructure and building i osi konpri equipment. Sa i mon pwen. Me selman pli enportan ankor, aparaman sa, ler nou get dan son allocation, nou vwar sa konman en Foreign Finance item. Me selman ler nou get dan ‘capital project nou war Government of Seychelles.  Now lo sa 2 keksoz mon ti a kontan ganny en lesplikasyon lekel ki pe finance e kwa ekzakteman, eski sa upgrading oubyen ‘maintenance of building’ pou R119 milyon. Sa i mon premye pwen.

Mon 2enm pwen lo paz 24 about budget summary lo ‘’allocation pou compensation of workers  -Eskiz mwan, i lo paz 25 premye laliny anler.  Ok nou pe koz R149 milyon, mon ti a kontan demann avek Minis e Brigadier si, pou dir avek sa Lasanble, si dan sa sonm ki la, eski zis bann personnel militer, zot bann travayer sivil, ki pe travay pou Lafors Defans, pou le moman ki pe ganny peye ladan? Oubyen eski annan okenn lezot dimoun ki pe ganny, ki nepli dan Lafors Defans me selman ki ankor pe ganny en saler? Mon pa pe dir en pansyon akoz mon konnen pou dir i annan pansyon ki pe en saler, zot nepli dan Lafors Defans ok? Par egzanp and it’s not limited to that, par egzanp eski bann dimoun parey ansyen Colonel David Savy ki ti en Colonel dan larme, ki nou’n aprann i ankor pe ganny peye, ansyen Prezidan Michel ki ti Sef Lafors Defans, eski iankor pe ganny peye? Se sa bann dimoun, bann o-zofisye ki nepli pe travay dan larme, me eski zot ankor pe ganny peye?  Sa i mon 2 kestyon.  Mersi.

 

MR SPEAKER

Mersi Onorab Ferrari. Eski Brigadier ti a kontan reponn sa 2 kestyon?

 

MINISTER PETER LAROSE

Mersi Mr Chair, mersi Onorab Ferrari. PS Payet pou pran sa premye kestyon lo Grant epi mon a  donn ou larepons lo ou 2enm kestyon.  Mersi.

 

PS PATRICK PAYET

Mersi Mr Chair, mersi pou sa kestyon definitivman nou oule apologize ek sa Lasanble ki en en fot ki lo paz 29. Sa 119 milyon olye ‘’building and infrastructure’’ i sipoze ‘’machinery avek equipment.   Sa laniny par anba ki i link avek ‘upgrading of defence equipment‘ e sa se pou zot bann bato ki zot annan apre bann lezot lekipman for maintenance.   It’s a Grant, yes, e lo paz PSIP parey zot vwar lo paz 3, pou Department of Defence dan section PSIP, I en foreign grant  from Indian Government.  Mersi.

 

MR SPEAKER

Ok.  2enm kestyon.

 

HON JEAN-FRANCOIS FERRARI

(Microphone off)

 

PS PATRICK PAYET

Non lo paz 1, lo summary of PSIP si nou regard byen, nou annan local financing for Department of Defence 33 milyon. Foreign loan napa nanryen, foreign Grant sa 19.9 milyon e the total i sa 53 milyon. Ok ?  E sa si nou link li avek paz 3 nou pou vwar son breakdown ki mon pe mansyonnen.

 

MR SPEAKER

2enm kestyon PS oubyen Brigadier oubyen Minis ?

 

MINISTER PETER LAROSE

Mersi Mr Chair. Pou konfirmen, Onorab Ferrari, Captain David Savy pa ganny peye avek Defence Forces.

 

MR SPEAKER

Wi Onorab Ferrari?

 

HON JEAN-FRANCOIS FERRARI

Avek respe Minis, mon ti dir, not limited to, Captain David Savy, mon ti donn zis en legzanp – mon kestyon se eski saler anba ‘’compensation of employees’’ pou Minister Ladefans zis bann solda ki an servis e bann sivilyen ki travay avek Lafors Defans ki pe ganny peye anba sa Head ? Oubyen eski i annan lezot dimoun ankor ki annan, ki ganny en larzan anba la ?

 

BRIGADIER LEOPOLD PAYET

Tou sa bann dimoun ki ek nou ki meliter avek sivilyen ki ganny peye avek nou. Parey i ganny dir Captain Savy pa ganny peye ek nou. I pa lo nou lalis.

 

MR SPEAKER

Mersi. Onorab Mondon

 

HON TERENCE MONDON

Mersi Mr Chairman. Mr Chairman mon kestyon pou Minis; Oditer Zeneral in fer resorti plizer defayans dan lafason ki Departman Lafors Defans i zer resours ki Gouvernman i met a son dispozisyon, tel ki i dir dan son rapor, zot pa respekte Lalwa Prokirman; zot pa swiv lenstriksyon finansyel e zot napa en bon sistenm kontrol. Alor mon kestyon an vi ki Gouvernman pe demann nou pou aprouv R428 milyon pou lannen 2017, ki reprezant R126.5milyon an plis ki par lao 2016 e 154.1 milyon par lao konpare ek 2015.  Eski Minis I kapab dir nou Lasanble si son Minister in pran bann mezir neseser, pou fer asire ki nou pou nepli annan gaspiyaz kot sa Departman? E sa R428 milyon pou ganny bokou pli byen zere apartir ozordi ?  E si wi ki bann mezir ki son Minister in pran ? Mersi Mr Chairman.

 

MINISTER PETER LAROSE

Mersi Mr Chair. Mersi Onorab. Konman ou vwar dan sa dokiman budget en Program Performance-Based Budgeting Statement, si se vre Oditer Zeneral in fer sorti sa bann konsern, monk vwar i pou donn ou en loportinite pou regard sa Departman Defans ase pre e nou bezwen swivre parey ou’n dir se ki pou napa gaspiyaz e sa Performance-Based Budgeting ava ed nou pou regarde kot nou kapab redwir, si i annan okenn gaspiyaz ki fodre redwir e mezir neseser i ava ganny pran.  E parey mon pe dir se ki dan lannen 2017 ler nou Minister pou prezant se si oule bann budget performance avek sa Lasanble, ou ava ganny en sans pou ekoute si reelman i annan serten gaspiyaz ki’n ganny redwir. E sa mon kwar mon kapab donn en serten lasirans. Mersi.

 

MR SPEAKER

Wi Onorab Afif.

 

HON AHMED AFIF

Mersi Mr Chair, Mr Chair mon ti a kontan si, mon pa konnen si i pou Brigadier oubyen Minis, i kapab dir ek nou, lefe ki zot pe reklanmen ki en gro konponan sa bann depans ki nou apel ‘capital expenditure,’ i pe ganny fer atraver Grant; foreign Grant, eski Minis i kapab dir avek nou si I kapab fer nou ganny en kopi, en Lagreman nou pa pe rod detay militer nou – en Lagreman konmkwa i annan en sinyatir ki egziste ant sa parti ki pe siny Lagreman Gouvernman Sesel pou kwa, petet lepep Seselwa ti a kontan konnen – byensir nou annan en gran losean, nou annan later eksetera;- me zis en mo zeneral pou dir ek nou lekel sa Grant? Kote i sorti ? Eski i pou defans nou lanmer ? Nou teritwar ? Eski en keksoz ki lo later? Zis pou donn nou en lendikasyon kwa sa. En mon ti annan detrwa lezot kestyon siplemanter, tre senp, zis pou li kapab dir ek nou dan son depans konbyen ladan ki enplik sa ki nou apel outsourcing? Par egzanp aste manze, aste liniform oubyen zot outsource sa avek en dimoun pou fer sa pou zot. E eski i annan en prosedir tender dan militer pou asire ki larzan piblik i ganny byen zere ? Mersi Mr Speaker.

 

MR SPEAKER

Brigadier

 

BRIGADIER LEOPOLD PAYET

Onorab pou uniform nou pa outsource, laplipar nou uniform nou fer vin nou menm. Nou fer vin dan Lenn, nou fer vin Singapore apre Hong Kong.

 

MR SPEAKER

Onorab Afif.

 

HON AHMED AFIF

Mon ti’n demande si dan sa prosesis aste keksoz, Procurement nou apel li, si zot annan en sistenm tender kot zot asire ki dan zot Lorganizasyon, zot pe ganny meyer pri pou sa bann keksoz ki militer pe rode – oubyen zis en dimoun ki deside?  Mon ti a kontan en pti lesplikasyon lo la.

 

MR SPEAKER

Brigadier

 

BRIGADIER LEOPOLD PAYET

Pou le moman i annan en kontra ki ganny donnen pou dezennen avek dinen avek en takeaway Glacis. Me pou sa lannen nou pe al prepar nou lakwizin pou prepar nou manze nou menm. Dan milye lannen koumsa.  Mersi Onorab.

 

MR SPEAKER

Onorab Afif.

 

HON AHMED AFIF

Mr Chair mon premye kestyon pa ti ankor an term Kontra, si annan en lakor lo sa Grant. Mersi.

 

 

MR SPEAKER

Brigadier.

 

PS PATRICK PAYET

Mersi Mr. Chair, mersi pou sa kestyon, Onorab Afif. Gouvernman ti ganny en Grant 25 milyon Dolar avek India e mon krwar letan Anbasader-Onorab William ti ankor laba, nou ti ankor dan negosyasyon. Ki bann konponan ki zot ti pe advice nou, kwa ki nou kapab servi sa larzan.

E parey dan Bidze 2016 zot ti vwar ki annan ki ti pou Lasante e i annan ki loto lapolis in vini e SPTC – i annan bis SPTC ki’n arive lo sa Grant. I annan en konponan ki pou militer, se en pe pou zot lakizasyon pou bann lekipman elektronik, radyo.  Apre en bon pe konponan se zot bann bato pou zot al fer proper maintenance avek. So nou’n vwar ki every, i arive en dele letan kot zot bezwen al remaintain bato pou fer li kapab byen dan zot louvraz ki zot fer. E osi nou’n vwar en konponan pou avyon for inspection avek modifikasyon ki’n bezwen retourn kot India. Mersi.

 

MR SPEAKER

Onorab Afif.

 

HON AHMED AFIF

Mersi Mr Chair. Mon ti a kontan demande si sa ki zot pe dir, se vreman maintenance ?  Be maintenance akoz i pa dan ‘maintenance and repairs’ anler e i pe al dan ‘capital? Capital normalman se keksoz nef ki ou pe aste. Alor si zot pe repare i devret anler dan ‘maintenance and repairs. E si ou ti kapab osi dir nou vi ki sa Grant i en pe zeneral, mannyer ou’n eksplike 25milyon Dolar, konbyen ladan ki Lapolis in deza servi?  E ti annan en bout mon kestyon lo konmansman ki ou pa ti ankor reponn si ou ti a kapab fer nou ganny en kopi. Nou pa oule vwar detay neseserman lekipman eksetera, me bann gran liny dan sa Grant ki dir konbyen i pou ete? Ki period i pou verse? E konbyen in deza verse ziska konmela?  Mersi.

 

PS PATRICK PAYET

Mersi Mr. Chair. E mersi pou sa kestyon.  Nou kapab through Ministry of Foreign Affairs fer ganny en kopi Lagreman; kwa ki kouver? E osi bann detay, tou bann konponan ki’n fini dispersed. E sa Grant ti ganny negosye 3 an a 4 an pase. Ti konmans negosyasyon pou vwar ki bann konponan, mon kwar in pran en bon pe letan apre ki Indian Government i kapab konmans dispersed e i annan bann lezot konponan ki nou pa ankor finalize, par egzanp Defans ti 1. Lapolis, par egzanp zot in, loto in fek ariv lo por sa semenn. Ledikasyon sa 8milyon ki ti mansyonnen apepre 3-4 semenn pase. So i annan bann konponan ki nou kapab provide en pe bann detay lo kantite ki’n fini arive e kantite ki ankor, ki nou ankor pe espere lo sa Grant component. Mersi.

 

MR SPEAKER

Onorab Afif.

 

HON AHMED AFIF

E lefe ki i pa ankor ganny verse mon panse en pe pa ankor ganny verse. Si i pa ganny verse eski zot pou kontinyen avek sa depans ou non ?  Parske la i vin en kestyon finansman la. La i pe afekte kantite larzan nou pou bezwen al prete prezan. Parske si in pran 4 an zot pa ankor kapab tir 25milyon Dolar dan 4 an mon pe demann mon lekor si zot pou kapab tire ankor dan sa lannen ? Ki bann kontrent ki annan ? E si sa pa pou met en presyon lo finansman dan laniy Bidze pour Minister Finans. Mersi.

 

PS PATRICK PAYET

Mersi, Mr Chair e mersi pou sa kestyon ankor zis pou azoute ki in pran en pe letan akoz ki mannyer Endyen, Lenn in provide sa dispersement. Nou’n bezwen fer sir ki tou bann konponan ti’n pare. Par egzanp, lo lafason ki pou zot procure, zot ti bezwen follow Procurement Government of India pou source from dan Lenn.  E tousala ki nou’n fer sir ki nou’n anvoy tousala ansanm. Nou pa ti kapab konmans procure bann lezot keksoz, sanmenm sa ki i annan konponan ki nou ti’n fini anvoye ki nou ti’n fini donnen. Me tandis early next year definitivman, akoz nou’n fini konfirmen, par egzanp nou’n konmans disperse dan sa Grant in early next year pou Ladefans apre Departman Lenerzi osi.

Sa 2 konponan laplipar i reste ladan e nou kapab garanti ki aktyelman la nou ti pe koz avek Foreign Affairs i annan bann lezot konponan, for example, loan financing ki nou ankor pe finalize me tandis ki dan Grant nou’n kapab klerman vwar ki zot in pare pou donnen.  E mon kwar konpare avek bann lezot Minister, Departman Ladefans zot annan en konzwent, kolaborasyon avek Departman Endyen lo sa kote. Mersi.

 

MR SPEAKER

Onorab Afif.

 

HON AHMED AFIF

Zis mon lot bout kestyon ki i pa ti ankor reponn akoz i dan ‘’capital’’ e pa dan ‘’maintenance.’’

 

PS PATRICK PAYET

Nou’n vwar akoz sa i en ‘major maintenance.’  Sanmenm sa ki nou’n klasifye li anba dan ‘capital.’ Usually par egzanp si par egzanp dan ‘’goods and services’’ nou met bann ‘minor maintenance’ si nou vwar ki annan en ‘major maintenance’ ki met plis valer lo sa asset nou klasifye li anba PSIP. Mersi.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker. Mr Speaker, letan mon pe get lo paz 24, mon vwar ki dan tou Departman, I annan parey in ganny dir bann capitals, dan tou departman ‘capital projects’ pe ganny fer dan tou Departman ki enkli Governance, Management, Administration, Maritime Defence and Security, Air Defence and Security, Land Defence and Security. Pli gro konponan i dan Land Defence and Security. Mon kestyon se akoz ki dan tou sekter I, e non pa focus lo 1, e dezyenm kestyon ankor lo paz 24 menm, premye latab; budget summary mon pe koz lo la, letan nou get Land Defense, nou vwar ki i sa porsyon pli gro porsyon bidze e vi ki nou teritwar i en teritwar maritim kot yer nou’n tande Blue Economy I annan bann devlopman ki pe arive e nou bezwen aktivman sirvey nou teritwar Maritim, eski Minis Finans avek Brigadier Payet, I kapab consider refocus nou larme-d-ter lo Coast Guard avek bann unit respektif pou ki zot ava deservi pli efikasman nou bann bezwen konman en pti pei maritim.

Lot, Mr Speaker, se ki letan nou pe get lo paz 25, anler, nou vwar ki ‘office expenses’ in ogmante sorti 21 milyon ki’n 2 lannen konsekitiv pou li ariv 24 milyon. ‘Transportation avek Travel Cost’ in ogmant par 3 milyon. Menm parey pou ‘maintenance and repairs’ in mont par 5 milyon osi ki ‘minor capital outlays’ mon ti kontan ganny en pti lesplikasyon avek Minister Finans oubyen Brigadier ki in monte sorti 17milyon in ariv 19.5milyon, ki entail ladan pou ki nou kapab ganny lesplikasyon en pe kler, apre letan nou pe get ‘Capital expenditure’ kot sa 140 milyon avek 13milyon ki pou ‘machinery and equipment,’ eski sa ‘machinery and equipment  ’i pou sa ‘building and infrastructure’ ki’n ganny fer? Oubyen I pou bann lezot proze ki Ladefans pe fer. Mersi Mr Speaker.

 

MR SPEAKER

Brigadier oubyen Minis ki pou reponn?

 

BRIGADIER LEOPOLD PAYET

Onorab mon tann byen ou kestyon. Sa bout mon pa pou kapab donn ou detay, detaye akoz sa i en bout lo rezon sekirite, mon pa pou kapab don ou en larepons lo la.

 

MR SPEAKER

Onorab Andre.

 

HON CLIFFORD ANDRE

Mr Speaker bann lezot bout lo term Ladepans, bann depans ki’n ganny dir pou fer, mon kapab konpran rezon sekirite Brigadier pa kapab donn mwan serten detay, me selman lo kote depans logmantasyon an term ‘office expenses’ sa logmantasyon ki’n monte osi ‘capital outlays’ mon pa ankor ganny en repons.

 

MR SPEAKER

Brigadier?

 

PS PATRICK PAYET

Zis pou, mersi Mr Chair, zis pou azoute lo ‘office expenses,’ mazorite increase in arive dan elektrisite. Dan ‘Transportation and travel cost’ mazorite increase lo fuel for boat akoz plis bato ki zot in resevwar pou Maritim.

Apre i annan sa bout insurance osi akoz zot annan avyon ek bato e this is a major component as well, for insurance ki zot bezwen peye pou insure sa bann bato avek avyon. Sa 3 konponan.

 

MR SPEAKER

Wi Onorab Andre

 

HON CLIFFORD ANDRE

Lesplikasyon  Mr Speaker, PS in dir mwan, in reponn ki sa logmantasyon in akoz i annan plis bato.  Eski i kapab dir nou ki kantite plis bato i annan 2016 ki 2017 akoz nou pe koz en increase 2milyon, Mr Speaker. 2milyon e nou pa’n vwar at least nou pa’n vwar piblikman ki Coast Guard in ganny ankor 2 bato ki pou sirvey nou teritwar lannen prosenn.

 

MR SPEAKER

PS?   Brigadier oubyen Minis?

 

BRIGADIER LEOPOLD PAYET

Pou bato wi nou ti ganny detwa speedboat ki nou fer bann travay lo lakot isi avek Abu Dhabi, se sa ki nou fuel i monte.

Apre lo bout elektrisite nou servi elektrisite pou bann building ki kot gard lakot, apre nou servi elektrisite pou bann bato letan i dan larad loke olye start masin ou servi elektrisite pou zot kapab ganny kouran. Mersi Onorab.

 

MR SPEAKER

Onorab Ghislain

 

HON CHANTAL GHISLAIN

Mersi, Mr Chair. Mr Chair eski Minis or Brigadier i kapab esplik ek sa Lasanble lefet ki ti annan sa loperasyon ki ti apel Operation Ocean Shield ki ti pe fer par NATO, e nou’n aprann ki zot pe arete an Zilyet, zot pe sorti Sesel e lefe ki sa pou bezwen vin lo Lafors Defans li menm, eski Bidze Ladefans pou 2017 in pran kont sa?

E byensir nou pou bezwen al fer sa depans al sirvey nou menm e i pou bokou pli lwen.  E eski ou kapab dir nou osi si i annan en freeze lo recruitment pou bann zenn, akoz mon aprann ki annan en bon pe zenn Praslen e La Digue ki ti’n menm fini fer zot medical test i annan pli ki 6 mwan e zot ankor pe espere pou zot ganny recruit .

 

MR SPEAKER

Brigadier?

 

BRIGADIER LEOPOLD PAYET

Onorab mon a pran ou ou dernyen kestyon. Sa bann dimoun ki ganny recruit, vre zot pa ankor join akoz nou ti demann Finans pou ganny larzan pou nou ganny recruitment, nou pa’n gannyen. Sanmenm pou le moman nou pe espere pou nou pran zot lannen prosen ki vini, mannyer nou finans i ava ete.

Apre sa i ki ou’n demann mon zafer sirveyans, zafer NATO, wi zot sipoze arête, me selman i ankor annan diskisyon pou gete kan zot pou arete ?  Si nou pou kontiny sa louvraz nou menm parey nou fer konmela. Mersi Onorab.

 

MR SPEAKER

Onorab Henrie

 

HON GERVAIS HENRIE

Mersi Mr Chairman. Mon kestyon i pou en pe dan laliny kestyon Onorab Mondon pli boner, lo paz 25; Program Governance, Management and Administration. Ler mon pe get dan sa premye sub-program la, i annan sa konponan ‘record management’ e mon pou demann sa kestyon akoz repons ki Minis in donnen sa i ti reprezantasyon Minis ki dir letan Bidze i ava vini 2018 nou ava dan en pozisyon konman en Lasanble pou vwar. Me prezan mon anvi demande ki SPDF li menm in fer baze lo bann rapor Oditer Zeneral dan le pase, ti annan issue payroll, fuel perdi, bann dokiman pa konplet pou laprev okenn bann tranzaksyon ki zot in fer, menm dimoun mor ti pe ganny peye lo payroll larme e gro transpor, problenm transpor.

Savedir mon oule konnen, mon pa anvi esper 2018, me avek s agro Bidze la, taxpayer’s money, nou, nou pou al vote nou ler lasirans ki sa bann issue within Defence Forces as an institution, in pran note bann rekomandasyon Oditer Zeneral, e zot in met, kot i konsern ‘record management,’ ki la I mansyonnen lo paz 25, pou asire ki sa bann problenm in ganny rektifye. Mersi.

 

PS PATRICK PAYET

Mersi Mr Chair.  Zis pou azoute lo kote Finans, kwa ki nou nou’n fer. 2014 nou ti recruit en FC; en Financial Controller,. I pa tonm kot Departman Ladefans se i tonm anba Minister Finans e nou’n fer sir ki in met , apre ki nou’n ganny sa bann Audit Report 2014 sirtou nou’n met detrwa kontrol, bann prosedir an plas in set en bann prosedir par egzanp lo kote fuel, ki kantite, dapre zot Kontra ki sak Departman i sipoze gannyen e kwa, keler ki zot vin kolekte.

Sa bann prosedir kontrol in mete e anyway nou pe swiv lit re pros, nou’n recruit li aletranze i en Financial Controller, i tanzantan pe revert to nou en pe bann prosedir ki nou vwar ki nou si nou pa, nou pa kontan si keksoz pe pase ouswa si in sorti dan Auditor’s Report, nou fer sir at least i annan enplimantasyon lo kote kontrol.

Apre ki nou pe travay lo sistenm, nou pe vwar ki zot sistenm ki Departman Ladefans i servi, i compatible avek sistenm Trezor. So tousala i bann mezir ki nou pe met an plas ki letan zot ganny zot Bidze, nou kapab vwar on a day-to-day basis nou kote. Mersi.

 

MR SPEAKER

Wi, Onorab Henrie.

 

HON GERVAIS HENRIE

Zis en quick follow-up, savedir depi ki sa Financial Controller i la, i pe koz avek Minister Finans ase souvan, so ki zot assessment? Eski zot pe vwar en amelyorasyon dan record management of SPDF?

 

PS PATRICK PAYET

Nou’n war definitivman, anyway nou a esper Oditer Zeneral letan fini finaliz son odit akoz nou ti vwar enn de bann keksoz ki Oditer ti mansyonnen 2014 e nou pe esper the last audit sorti pou nou vwar amelyorasyon ki annan, me selman on a day-to-day basis as soon ki i vwar okenn issues i raise avek nou e nou nou koz konzwentman avek Brigadier ouswa avek Prezidan osi pou enform li any keksoz kekfwa ki nou lo nou kote, nou ti a kontan amelyorasyon.  Me definitivman nou a esper Auditor’s report, the last one sorti, nou ava vwar keksoz, si annan okenn keksoz ki zot in trouve ki nou kapab amelyor plis lo la. Mersi.

 

MR SPEAKER

Onorab Sebastien Pillay

 

HON SEBASTIEN PILLAY

Mersi, Mr Speaker. Mr. Chairman mon le demann 2 kestyon, an relasyon avek manda SPDF pou protez teritwar Sesel. Mon konnen ki en bann kosern pli mazer ki nou’n rankotre tou dernyerman, se konsern piratri, e in annan bokou loperasyon ki ganny fer an relasyon ek sa. Loperasyon konzwent SPDF in bezwen partisip ek lezot lafors, loperasyon tousel ki SPDF in fer.

Sa ki nou al an detay sa bann loperasyon, eski Brigadier i kapab konfirmen avek nou si wi ou non, ki ler nou fer sa bann loperasyon se SPDF ki bezwen pey son bann fre fuel, tou son bann kou, si SPDF ki bezwen peye? Premye kestyon, dezyenm kestyon ki pou arive si SPDF pa nobou reisi vin abou sa kou ki annan an relasyon avek materyel e maintenance and materials zot bezwen?

Eski sa pou afekte zot abilite pou protez nou Exclusive Economic Zone sirtou par lefe ki annan lendikasyon ki aktivite piratri i riske rekonmanse ? Mersi.

 

MR SPEAKER

Brigadier?

 

BRIGADIER LEOPOLD PAYET

Onorab pou zafer bato, fuel nou ki bezwen peye akoz i kout nou en kantite larzan letan nou deplas en bato si parey i al pou apre 2 semenn partrol nou zon ekonomik,en kantite fuel i ganny depanse e nou fek fer en rapor , semen pase, nou anvoy kot Komandan Sef, pou li verifye pou advise nou ki nou kapab fer.  2enm kestyon?

 

MR SPEAKER

Pou piratri,

 

BRIGADIER LEOPOLD PAYET

Wi piratri nou ankor pe kontinyen si nou bidze parey i ganny koupe nou pa pou kapab fer louvraz parey nou abitye fer. Letan pase nou ti ganny lasistans bann bato ki ti vin isi, ti donn nou koudmen. Olye nou deplase pou bal sa zistans, nou ti kapab zot fer en bou patrol pou nou apre nou fer en bout ki nou zwenn ansanm.

Me parey dernyen fwa nou ti ganny Endyen ki nou annan en relasyon avek zot, zo ti’n fer en bout patrol pou nou dan nou delo kot nou pa kapab arive pou nou fer akoz napa sa kantite fuel pou nou al sa zistans. Mersi Onorab.

 

MR SPEAKER

Onorab Prea.

 

HON NICHOLAS PREA

Mersi Mr Chairman. Mr Chairman mon ti a kontan demann ek panel kwa ki sa bidze plis ki 25 milyon roupi pe siporte an term lo paz 27-28, Air Defense kwa ki sa Bidze-

 

MR SPEAKER

Lo lekel paz?

 

HON NICHOLAS PREA

27-28

 

MR SPEAKER

Ok.

 

HON NICHOLAS PREA

Kwa ki sa Bidze plis ki 25 milyon roupi pe siporte an term Personel e ler mon dir lozistik, lekipman ki nou annan?  Konbyen en avyon, 2 avyon? Ler, par egzanp, mon pou regard an term maintenance par egzanp, mon vwar en sonm R5.4 milyon, kwa ki nou pe maintain?  Lo kote ‘machinery and equipment ‘anba i annan en sonm 2 milyon, e petet retourn lo paz 27, ler pou regard kwa ki sa progranm i fer, i siporte, mon vwar medical evacuation ti parmi bann lalis, par egzanp patrol EEZ, sa i ok, anti-piracy i ok, search and rescue, mon  krwar i ok, me ler mon vwar medical evacuations, kwa sa? Transportation of dignitaries, kwa sa?  Si mon ti kapab ganny en pti pe detay, mersi. Anyone from the panel?

 

MR SPEAKER

Brigadier oubyen PS?

 

BRIGADIER LEOPOLD PAYET

Wi bann, ler ou pe koz bann dignitaries, i annan bann travay nou pe fer lo zil Alphonse.  Ler sa bann dimoun i vin isi, nou bezwen donn zot avyon pou zot al fer sa louvraz laba. I ok? Mersi Onorab. I’m sorry?

 

HON NICHOLAS PREA

Lo medical evacuation.

 

BRIGADIER LEOPOLD PAYET

Sa osi annan deler nou fer si annan, parey nou annan lo zil, nou annan dimoun ganny baze si nenport keksoz i arive nou bezwen pran nou avyon pou nou al rod sa bann dimoun laba. Oubyen si par egzanp, avyon IDC dan bann zil zanmerant laba nou ganny kontak ek zot, ed nou pou evakye sa bann dimoun pou nou.  Mersi Onorab.

 

MR SPEAKER

Onorab Arrisol.

 

HON SANDY ARRISOL

Mersi Mr Chairman. Bon apremidi Msye Payet, mon ti a kontan, Mr Speaker, Mr. Chairman, lo paz 24 an relasyon avek zot manda, pou asiste bann lenstitisyon Gouvernman sivil avek bann levenman dezas. Mon ti a kontan fer en propozisyon lo la an relasyon avek kantite larrzan Ladefans pe demande olye zis asiste bann, sa ki annan pou fer avek dezas, mon pe zis met en propozisyon apre mon a demann mon kestyon Mr Speaker, an relasyon avek bann lenstitisyon skoler.

Par egzanp la nou dan vakans, kot larme zot rann enpe lakominote an relasyon ek larzan ki nou donn zot dan lakominote, par egzanp penn bann lekol, koup zerb sa i a fer ki Minister Ledikasyon i a koup lo son depans lo outsource sa bann Kontra.

Dezyenm propozisyon, mon happy avek sa ki Mr Payet in dir an relasyon avek kwi manze, parske si bann zenn ki ti al NYS ti kapab kwi zot manze, mon mazinen bann gro fanm ek zonm ki dan larme, zot osi zot kapab kwi zot prop manze olye depans milyon dan aste manze ek takeaway anvi ki zot deza annan en lakwizin kot Coast Guard. Prezan mon kestyon mon ti a kontan demann Msye Payet an relasyon avek mon tann li mansyonn niform boner, mon ti a kontan zis demann li lekel ki koud niform pou SPDF? Mersi.

 

BRIGADIER LEOPOLD PAYET

Onorab, parey mon dir bann uniform, i annan ki, si i kantite, nou fer koud isi. Nenport ki koudriez ler pou koud e laplipar nou bann uniform i fer vini koud depi deor.  Sa i enn. Sa zafer lekol, laplipar lekol ki demann nou pou ede dan vakans, zot plifere dan vakans, nou al ed partou lekol, nou ed Anse Aux Pins, la Pointe Larue, lekol Anse Boileau, Baie Lazare sa nou’n fer. Mon krwar la Anse Etoile osi nou’n fer. Ok mersi Onorab.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker mon premye kestyon se pou demann si SPDF i annan en kont Nouvobanq e akoz i annan en kont Nouvobanq e pa swiv bann prosedir Gouvernman kot en nenport Lorganizasyon Gouvernman i an son kont Trezor?  Eski bann solda kid an sekirite Msye Rene avek Msye Misel, pe ganny peye par SPDF? Savedir zot ankor dan SPDF oubyen eski zot ganny peye, zot in sorti dan larme, e zot ganny peye anba Bidze ki ganny donnen pou bann former Presidents?

Akoz ki lepep Seselwa i bezwen pey pou en kan militer Barbarons pou protez Msye Rene e en lot kan militer Sans Soucis pou protez Msye Misel? Eski sa 2 kan pa devret ganny fermen pou ki SPDF i kapab reorganize son lekor e fer en lekonomi ?

E konbyen larzan eski larme SPDF i ranmase avek bann bato pou sekirite lo, kote sa larzan i ale, e finalman pandan kanpanny prezidansyel kan SPDF ti fer bann deplasman zot bato letan Msye Michel ti pe fer son kanpanny eski sa sete lepep Seselwa ki ti a pe peye pou SPDF fer sa bann depans, oubyen eski Msye Misel ti pey sa konman parti son kanpanny defans, son kanpanny elektoral?  Mersi bokou.

 

BRIGADIER LEOPOLD PAYET

Onorab mersi pou ou kestyon. Nou kont i Nouvobanq wi. Nou annan kont Nouvobanq, nou annan 2 oubyen 3 kont Nouvobanq ki nou deal avek nou bann larzan ki nou peye e apre nou bann dimoun osi ki ganny peye, solda – zot annan kot Nouvobanq, Barclays ek lezot labank.

Parey ou’n dir kan Barbarons, kan Legzil, kan Barbarons i pa savedir en kan ki vey Prezidan Rene li menm laba, akoz sa i en kan kot i annan sekirite ki nou gard sa landwar konman en zone sekirite nenport kwa i kapab arive e nou kapab pran sa dimoun ki laba pou ganny deplaye pou kapab ed si annan en dezord pou met en lord.

Sa i ki Legzil wi i annan en kan lekzil akoz sel landrwar ki annan pou nou kapab fer sa, menm i donn sekirite Ex-Prezidan Michel wi, selman sa kan pou reste laba kot i été, akoz nou napa landwar pou nou move sa bann dimoun.

Apre ou’n dir zafer kanpanny, zafer si ti donn sekirite, lo bato sa nou deza fer selman savoyaz mon pa rapel si ti annan.  Mon pa okouran. Mersi Onorab.

 

HON WAVEL RAMKALAWAN

Mr Chairman, mon premye kestyon ti’n deza dan en serten sans fer en statement lo la e Brigadier in konfirmen la ki SPDF i annan kont Nouvobanq e mon kestyon i retournen akoz ki petet Minis tou ti kapab esplike akoz ki zot annan, zot ganny permisyon pou zot ouver kont Nouvobanq, kan nouvo, bann regilasyon se ki i bezwen pas antraver trezor. Se Trezor ki okip sa e Brigadier in mansyonyen osi ki sa kan larme aler Legkil i ganny servi pou proteksyon ansyen Prezidan Michel.

In confirm sa la, Onorab Pillay.  Pa repet sa ki, pa vin soz.  Brigadier in mansyonnen li menm li ki sa kan anler Legzil i osi ganny servi pou proteksyon ansyen Prezidan Michel.  Alor mon pe demande, konbyen, eski sa i kout lepep Seselwa vi ki en ansyen Prezidan i sipoze annan son bidze, absoliman parey Msye Prezidan Mancham i gannyen, konbyen sa pe kout Seselwa e alor eski i a pe dir nou, ki se bann solda dan SPDF ki a pe vey ansyen Prezidan Michel ?

Ou kapab reponn sa 2 touzour apre nou ava.. parske ou pa’n reponn i lo konbyen larzan zot ranmase avek bann bato pou sekirite, konbyen zot sarze, kote sa larzan osi tou i ale?  Mersi.

 

BRIGADIER LEOPOLD PAYET

Onorab mon pa’n ganny ou kler zafer sekirite bato, lo kwa ki ou pe koze akoz mon pa’n konpran sa 1. Silvouple.

 

HON WAVEL RAMKALAWAN

Letan bann bato i al deor, parfwa i annan bann solda ki arme, lafreyer pou pirat, ki bann peser, ensidswit, oubyen bann lezot bato lwazir, kot bann solda i al lo sa bann bato pou sekirite e zot bezwen peye sa, zot bezwen peye.  Sanmenm sa mon pe demande konbyen zot in ranmase avek sa bann loperasyon?

 

BRIGADIER LEOPOLD PAYET

Onorab sa mon ganny ou byen kler me PS Finans zafer bato i ava donn ou. Akoz nou pa anmas larzan lo sa bann bato ki fer sekirite. SVPD i pa tonm anba SPDF sirtou anba lapolis si larzan i anmase i bezwen al dan kont Trezor, silvouple. Mersi.

 

HON WAVEL RAMKALAWAN

Bann solda ki pe vey ansyen Prezidan Michel konbyen zot pe koute?  E akoz ki sekirite ansyen Prezidan Michel i pa tonm parey sa ki pou Msye Mancham?

 

BRIGADIER LEOPOLD PAYET

Onorab mon gannyen ou kestyon, me sa i en keksoz sekirite mon napa plis detay pou mwan donnen lo la.  Mersi.

 

MR SPEAKER

PS Payet.

 

PS PATRICK PAYET

Lo zis en, mersi Mr Chair, zis en klarifikasyon lo koleksyon reveni, Special Patrol i lo paz 10 details of ‘current receipts,’ e aktyelman pou 2017 nou pe fer ….. apepre 6.7 milyon i on average apepre 6.8 -6.9 milyon ki nou kolekte anba SVPD.

E dezyenmman lo sa kont Nouvobanq osi, Minister Finans li in donn aprouvasyon akoz Minister i annan en, i kapab give exemption for security reason. Swa ki nou’n donn legzanpsyon pou li kapab ouver kont Nouvobanq letan nou fer assessment.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker, mon pou bezwen fer en statement la, ou ava permet mwan parske sa bann larepons nou pe gannyen. Non parske i pou al direkteman lo bann sif lo paz 25.

 

MR SPEAKER

Allright. Ok.

 

HON WAVEL RAMKALAWAN

Sa bann statement ki nou pe gannyen e avek konesans ki nou annan nou pa satisfe ditou avek sa Bidze Defans.  E mon pe deza fer lentansyon, fer konn nou lentansyon, ki ofet si nou regard sa Bidze 2017 nou pou demande ki annan en rediksyon konsiderab.  Sa ki mon pe met devan e ki mon pe demann Minis pou konsidere se ki nou pou demande ki tou bann sif, bann nouvo sif, sa ‘current expenditure 274985, lo paz 25, sa expenditure 274985, i reste avek son logmantasyon byensir from 143 to 149 ki ava kouver bann lapey, tou bann zofisye, tou bann dimoun dan militer pou ki person pa perdi zot lapey, pa trouv zot avek en mankman me ki tou keksoz enkli zot Trezyenm Mwan i ava ganny konsidere.

‘’Goods and services’ sa 125milyon 397 li osi tou i mentenir.   E ki avek sa, ok, me selman sa 140milyon nou pe demande ki ganny redwir pou li vin menm sonm avek sa ki zot ti gannyen lannen pase, 35milyon parske sa i dan ‘capital projects’ ki fer ki Bidze larme i ava redwir from 428 milyon, 683mil 69sou pou li vin 310 milyon 004.

Se sa Mr Chairman, ki nou nou pou pare pou nou konsidere praske sa gran rediksyon i avan vin lo sa, lo sa kote ‘capital projects, ok ?  Kot olye sa 140milyon i a vin 35 milyon e sa i ava permet s i i annan okenn demann vreman irzan zot a bezwen retourn devan Lasanble pou nou konsidere. Mersi bokou Mr. Chairman e mon demann zot pou konsider sa seryezman parske se sa ki nou pe propoze e nou ava met sa an ekri pou Clerk.  Mersi bokou.

 

MR SPEAKER

Onorab Georges.

 

HON BERNARD GEORGES

Mersi Mr Chairman. Mr. Chairman mon ti pe retourn en ti pe lo repons ki Brigadier ti’n donn Onorab Leader Lopozisyon, akoz mon konstate ki, lo sa propozisyon ki’n fer pou annan en deba ki pou leve lo li menm. Les mwan silvouple, avek ou permisyon, fini avek sa pti pwen. Eski Brigadier pe dir nou an tout senserite ki en koensidans ki sa unit larme Barbarons i o-bor lakaz ansyen Prezidan Albert Rene? Tel parey sa enn ki Legzil i en koensidans ki i ti o-bor son lakaz ler li i ti laba, ler i ti reste laba prezan, i o-bor lakaz ansyen Prezidan Michel ? E eski Brigadier pe fer nou konpran ki, akoz sa koensidans, Msye France Albert Rene ansyen Prezidan pa pe ganny okenn benefis sekirite atraver lefe ki sa unit Barbarons i o-bor son rezidans?

 

MR SPEAKER

Brigadier.

 

BRIGADIER LEOPOLD PAYET

Wi Onorab, sa kan i Barbarons i ganny sekirite, wi.

 

MR SPEAKER

Onorab Ferrari.

 

HON JEAN-FRANCOIS FERRARI

Wi, avan mon anvi dir deswit ki mon siport sa propozisyon ki Onorab Ramkalawan in fer e mon ti a kontan fer 2 pwen la. Enn en pwen ki, en kestyon ki Onorab Ramkalawan ti leve ki nou pa’n ganny en repons se ki kekfwa Brigadier i kapab dir nou, eski bann solda ki aktyelman in move avek Msye James Michel e i still form par son sekirite notaman Msye Naiken ki son sef sekirite ki’n move avek li, eski tou sa bann dimoun ki’n move avek li, in resign dan militer ?

Oubyen eski zot pe provide en servis ki Msye Michel pe peye ? Oubyen eski i annan en lot laranzman ?  Sa i mon premye kestyon.

Mon deyenm kestyon i konsern en building Mont Fleuri ki aparaman, aparaman mon dir, I stand to be corrected, i apartenir a SPDF, sa building dan bor Weeling, kot  i annan en Biro Brans SPPF, Parti Lepep ladan, eski sa building i ankor pou militer, pou SPDF, eski SPDF pe lwe bann landrwar ladan? E eski zot pe anmas rent e eski Brigadier i kwar si sa building i ankor pou zot, eski i kwar ki i apopriye pou lwe en bout en building larme avek en Parti Politik? Mersi.

 

MINISTER PETER LAROSE

Mr Chair zis pou reponn Onorab Ramkalawan sa 140 milyon i annan 119 milyon ki an Grant alor pou latransparans i enkli ladan, konpran? Me kot i konsern konpansasyon employees mon dakor avek ou, nou pou mentenir, me zis pou fer sa pti koreksyon zafer sa 119 milyon ki dan sa 140 i-

 

MR SPEAKER

Minis koste en pti pe obor micro akoz mon kwar en bann pa pe tande.  E si ou pa ti pou mind repete koumsa epi dimoun i tande.

 

MINISTER PETER LAROSE

Mon dir dan sa 140 milyon ki Onorab Ramkalawan pe mansyonnen, i dir pou rewir an totalite, i annan 119 milyon ki en Grant sorti kot Lenn. Alor pou la transparans ti enkli ladan.  Se sa koreksyon ki mon tioule fer.

 

MR SPEAKER

PS Payet oule azoute?

 

PS PATRICK PAYET

Zis pou azoute Mr Chair okenn Grant ki nou koupe dan Bidze i pa pou afekte the overall balance akoz ki manyer nou klasifye dan Bidze, nou fer li vreman latransparans, nou’n met li d n son revenue;- par egzanp zot in vwar anler dan revenue ki reflekte dan son expenditure.  o overall balance kantmenm ou tir sa Grant i pa reflekte, i napa en refleksyon lo additional sirplis ki ou gannyen, Mersi.

 

MR SPEAKER

Onorab Ferrari ou annan en lot kestyon? En pti moman, Onorab Gill ou non i lo la pou ou vini, pa trakase. Ou osi Onorab les, annou fini avek, apre ou-, ou annan klarifikasyon.  Espere li osi i pe rod en klarifikasyon, son 2enm kestyon pa ankor reponn.

 

HON JEAN-FRANCOIS FERRARI

Eskiz mon Brigadier, ti annan premye kestyon bann solda oubyen bann ansyen solda ki ti dan servis militer ki aprezan i dan security detail Msye James Michel, eski se larme, zot ankor, se larme ki pe asir sa servis ?

E dezyenmman i annan bann building notaman en Mont Fleuri ki pe sa, eski in pe ganny fer, zot pe anmas reveni, eski i pe ganny fer korekteman?  E eski i apopriye pou zot lwe ek en Parti Politik ? Mersi.

 

BRIGADIER LEOPOLD PAYET

Onorab pou zafer sekirite ki ou’n demann mon tou sa bann dimoun i lo lalis SPDF zot ganny peye avek SPDF. Ou lot kestyon ki ou’n demann mon zafer building Mont Fleuri nou napa okenn building Mont Fleuri ki anba nou responsabilite.  Mersi.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair. Mr Chair mon pe seek en klarifikasyon la, akoz mon pe sey konpran ki mannyer nou pou, baze lo lesplikasyon ki Minis in ganny dir, akoz i annan en propozisyon ki’n ganny fer, mon pe esey klarifye en keksoz Mr Speaker.

 

MR SPEAKER

Lo kwa egzakteman Onorab Pillay?

 

HON SEBASTIEN PILLAY

Lo sa Grant ki nou’n dir la akoz mon pe esey ganny en konpran lo sa 119 milyon vi ki en Grant from Gouvernman Lenn. Spesifikman nou pa pe redwir Ladefans sa Grant kote pou ale?  Nou pe dir nou pa pep ran sa Grant oubyen mon ti a kontan petet Minister Finans i kapab-

 

MR SPEAKER

Yes PS Payet ou kapab esplike sa grant ki ou’n koz lo la? Silvouple, anmenn en pti pe leklersisman.

 

PS PATRICK PAYET

Mersi Mr Chair.   Nou’n met, dan tou Minister par egzanp zot in vwar dan Bidze, i annan konponan ki dan PSIP i annan domestic financing, loan financing avek foreign financing e sa bann grant.  E letan ou regard par egzanp dan sa kotenan 119 milyon, ki nou’n fer, nou’n met sa konponan anler dan revenue, dan summary table ou pou vwar ki annan sa Grant 119 milyon ki reflekte dan son expenditure akoz sa donater pe donn spesifikman Ladefans pou fer sa specific lekipman ouswa maintenance.  Ki arive si ou retir sa Grant, ou retir li dan son reveni, napa okenn, i pa afekte Bidze sirplis, i reste sa 3% primary balance.

E osi i kapab arive ki Ladefans i kontinyen negosye son Grant si i vwar ki i enportan. And at the end of the day ou bezwen rekord li letan in fini resevwar son Grant.  Mersi.

 

MR SPEAKER

Ou ok? Ou le en klarifikasyon an plis, ale Onorab Pillay.

 

HON SEBASTIEN PILLAY

Wi akoz zis baze lo sa kalkilasyon ki mon’n fer then i vedir ki gouvernman pe actually donn Ladefans apepre R60 milyon anmwens ki ti donn li lannen pase e is a grant ki pe fer son Bidze paret, i laba anler. So

 

MR SPEAKER

Eski sa i leka, PS Payet?

 

PS PATRICK PAYET

Mersi Mr Chair.   Sa 428 milyon 683mil ladan nou annan 119 konponan pou Grant.  So apepre 310 milyon i pe sorti kot Gouvernman, konpare avek revised Bidze 2016 ki annan 306milyon. So i annan apepre 4 milyon an plis. Mersi.

 

MR SPEAKER

Onorab De Commarmond ou annan en kestyon ki relye avek sa?

 

HON CHARLES DE COMMARMOND

Wi Mr Speaker.

 

MR SPEAKER

Wi Onorab De Commarmond.

 

HON CHARLES DE COMMARMOND

Mr Speaker, letan mon ekoute la, eski nou pe dir tir or koup sa 119 milyon Grant, akoz ? E letan nou fer sa savedir bann bato ki enportan pou patrol nou teritwar, i pa pou kapab fer li akoz taler ti ganny esplike ki sa Grant i spesifikman pou sa bann bato, pou servis zot e operate zot.

E an menm-tan eski nou pe dir osi annou sanz formil bidze Ladefans, son  baz lo ki i servi olye, servi zot baz PPBB, Performance-Based Program Budgeting, e servis vye sistenm avan ki sa Grant i a sorti lo la. Konmsi nou a vwar li – ou konpran? I annan 2 keksoz swa nou fer sa, ouswa nou servi sistenm ki tou Minister pe servi then sa Grant ti pou antre otomatikman. Mersi.

 

MR SPEAKER

Me mon pa’n konpran, PS, petet ou a klersi eski i annan dimoun ki’n dir sanz sa formil PPBB, pou budgeting program?

 

PS PATRICK PAYET

Mersi, Mr Chair. Letan nou’n antre lo PPBB, nou fer sir ki tou konponan, tou financing, domestic financing ki Gouvernman i donnen, Loan Financing bann loan ki nou gannyen ek donater, e osi dan Grant financing nou bezwen met li dan tou son totalite. Nou pa’n fer li zis avek Departman Ladefans, nou’n fer avek tou Minister ki resevwar donater, Grant avek bann doner. Mersi.

 

MR SPEAKER

Konmsi sa bann Grant i vin part of the program definition?

 

PS PATRICK PAYET

Yes se sa.

 

MR SPEAKER

Ok.  Onorab Churchill Gill.

 

HON CHURCHILL GILL

Mersi Chair. Mon krwar sa lesplikasyon 119 in eklersi en pe sa 140 milyon.

Me selman mwan ki mon ti le demann Minister Finans avek son PS pou donn sa Lasanble en komitman akoz prenan kont groser sa Bidze e ler Oditer Zeneral i donn son rapor, i fer sorti bann defayans, dan plas kekfwa nou rod zis en Financial Controller baze lo bann defayans ki’n sorti, annou rod bann dimoun ki kapab met laba pou adres tou sa problenm.  En mannyer ler bidze i vin devan nou, nou kapab ganny bann lesplikasyon tre kler e i a fer nou travay bokou pli vit, bokou pli byen.  Mersi.

 

MR SPEAKER

Mon personelman mon krwar sa i en sizesyon pozitif, en bon sizesyon ki Onorab Gill in mete, ki pete Brigadier ou a konsidere pou lavenir.  Onorab Afif ou’n met ou lanmen anler depi taler.

 

HON AHMED AFIF

Zis pou klarifye en pti pe lo sa zafer Grant, i korek pou dir parey Mr Payet in esplike si sa Grant i antre e ou depans sa pou maintenance eksetera, i pa afekte position Bidze. Nou dakor lo la?  Sa ki nou pe dir se k ii pa kler pou dir ki annan okenn Grant devan nou la.  I pa ker ki annan okenn Grant ki pe materyalize, ki la.

E ki si nou aprouv sa Bidze parey i ete, otomatikman sa sonm pou ganny verse, dan en fason ki nou nou pa pe konpran.  E alor la i pou afekte sa deficit.  Si nou kler lo en Grant, ki pa kler la.  I ti pou sanz sa sityasyon, me i pa kler.

Alor si nou kapab montre klerman pou dir i annan en Grant.  Parske 4 an i pa’n vers son larzan e sa Grant i klerman vize ver militer e i kler pou sa i maintenance, nou ti ava konpran. E en lot konsiderasyon zis pou bann Manm se sonm R119 milyon. Konbyen i été ?  9milyon Dolar?   Petet. E eski 8 milyon Dolar eski nou pe dir avek en larzan ki nou ti kapab 2 pti avyon ki fer Twin Otter ki fer Mahe, Praslen, se sanmenm sa ki pe koute zis pou nou maintain en bato? Mon pe zis demann en kestyon.

 

MR SPEAKER

Sey demann en kestyon, PS Payet in lev son lanmen pou esplike, pasyante.

 

HON AHMED AFIF

Lannen pase zot ti pe patrole e nou nou pe, nou pa pe dir zot pa patrole, personn pa pe dir pa patrole. Mon kestyon se, mon pe dir annou maintain en bidze 310 milyon ki fer sir, ki ou pou kapab fer tou loperasyon an plis ki sa lannen ki ti 306 avek 310 milyon.

E si zanmen i kler pou dir ki annan en Grant ki pe materyalize ki spesifik ki kler ki nou konman Lasanble, nou kapab trouve ki sa i evidan devan nou, nou kapab reget sa sityasyon e pas en aprouvasyon siplemanter. in antre, parske Grant in antre i pa afekte.

 

MR SPEAKER

Ok, Order! Order! Onorab Afif ou’n fini demann ou kestyon. Mon ti a demann PS Payet prezan pou respond.  Akoz ou ti annan ou lanmen anler.

 

PS PATRICK PAYET

Thank you Mr Chair. Zis mon ti a kontan klarifye Mr Chair letan nou met larzan dan bidze e sa i en practice ki nou’n fer for the past 3an, nou met larzan dan Bidze ki annan sa konponan Grant, okenn Grant ki pa resevwar pandan lannen si i arrive, i pa pou reflekte depans sa Minister;- par egzanp, si par egzanp Departman Ladefans pa ganny sa Grant Minister Finans pa pou kapab donn li sa larzan adisyonel 119milyon akoz nou’n vwar ki sa Grant i anler dan Revenue e I dan depans.  Si i arive nou donn Departman Ladefans 119milyon ki nou pa’n ganny sa Grant, lanmenm la ki nou pou al dan en deficit oubyen nou primary balance pou desann 3% en pou desann pou vin 2.5 %.

E nou nou target ki nou’n dir avek Lasanble avek IMF ki’n negosye, nou pe reste en target 3%. Sa mon anvi azoute Mr Chair.

 

MR SPEAKER

Ok PS Payet ou’n fini?  Onorab Afif ou ti anvi demann en kestyon siplemanter.

 

HON AHMED AFIF

Wiz is mon ti anvi Mr Payet i konfirmen ki ou pe dir ki si grant pa antre e ou pa depans, evidaman sa maintenance, i pa afekte ou primary balance parske ou pa pou met li anler dan Grant e ou pa pou depans li anba.  I pa afekte.

 

MR SPEAKER

PS Payet, apre nou a donn laparol Minis Finans.  Silvouple annou ekoute pou nou fini ganny leklersisman. Annan en pti pe lord ek pasyans. PS Payet.

 

PS PATRICK PAYET

Wi. Si nou pa ganny sa Grant, i pa pou afekte nou primary balance. Letan nou gannyen si napa larzan nou pou bezwen vin devan Lasanble pou en Bidze siplemanter.

 

MR SPEAKER

Ok Minis Finans ou ti anvi dir en parol.

 

MINISTER PETER LAROSE

Mr Chair, Onorab Gill in fer sorti en tre bon pwen, sa Program Performance-Based Budgeting se sempleman pou met lord dan Gouvernman.   Se sa ki nou fer sa.

 

MR SPEAKER

Onorab Pillay. Onorab Sebastien Pillay.

 

HON SEBASTIEN PILLAY

Wi Mr. Speaker mon ti le koriz en pti, en keksoz mon ti’n fer akoz ler mon ti regard Bidze Minister Ladefans mon pa ti  pe pran son end of year position mon ti’n pran son budgeted position. Son budgeted position an 2016, 2015 sorry 2016 ti tras 388 mil, i ti fini lannen lo 306mil vedir i ti fer en savings apepre 388 minus 306, 72milyon ok?

So i ti’n actually fer en savings sa loannen so i posib i pa pou afekte si sa Grant pa vini so Minister Ladefans pa pou ganny afekte.

So there’s no point ki nou pe dir nou pou amann Bidze pou fer sa akoz the case would prove itself. Thank you.

 

MR SPEAKER

Ok. Nou ava al kot Onorab Aglae.

 

HON EGBERT AGLAE

Mersi Mr. Chair. Eski Minis ouswa PS i kapab donn nou enpe detay lo konpansasyon ki bann ex-service men ti konmans resevwar depi 2015?

E donn nou en lendikasyon osi si bidze 2017 pe fer provisyon pou annan sa bann dispersement pou sa bann ex-servicemen ki pe espere e donn en lendikasyon osi kan eski tou bann ex-servicemen ki’n kalifye pou ganny sa konpansasyon pou kapab resevwar tou zot benefis?  Mersi.

 

MR SPEAKER

Okenn manm delegasyon devan i anvi reponn sa kestyon?

 

BRIGADIER LEOPOLD PAYET

Wi onorab i annan en bon pe case kanmenm nou’n pey en bon pe, en bon pe case ki kot Biro Attorney Zeneral pe travay lo la ki nou pe espere pou nou pey sa bann dimoun. Mersi.

 

MR SPEAKER

Ok, Onorab Ferrari.

 

HON JEAN-FRANCOIS FERRARI

Mr Speaker, Mr Chairman, mon pa konpran akoz militer i bezwen protez Msye Michel, mon Msye Michel ti, ekoute-

 

MR SPEAKER

Ouswa i dan Bidze Onorab Ferrari, silvouple,silvouple, silvouple the question is relevant, Brigadier in donn en repons, i pe demann en klarifikasyon i annan son drwa les li demann sa klarifikasyon, taler ou a kapab demann pou ou Onorab Pillay, Onorab Ferrari sey kontinyen.

 

HON JEAN-FRANCOIS FERRARI

Mwan, vi ki, mwan ler Msye Michel ti prezidan i ti fer bat mwan e apre i ti dir pa’n ase bat mwan, mwan ki devret per, mon ki devret ganny sekirite, Brigadier.

 

MR SPEAKER

Onorab Ferrari, annou stick lo Bidze la. Demann ou kestyon lo…

 

HON JEAN-FRANCOIS FERRARI

Se sa mon dir, mon pa kapab aksepte ki mon mon pey, ki nou nou pey sekirite, nou peye, nou dir, PS in dir nou konbyen, R170mil par mwan, ki Msye Michel i gannyen pou son sekirite e son pansyon, Nou pa kapab ankor pey ankor solda.  Si i anvi ankor 4 solda oubyen 10 solda oubyen en platoon i devet peye li menm.

Se sa ki mon pe dir, i pa apoprye devan lepep Seselwa ki nou pey sa bann kalite keksoz. Sanmenm sa nou ti demande ki, eski Msye, bann ansyenn Prezidan i gannyen anba Lalwa, pa faver, anba Lalwa. Sa i mon premye kestyon e mon ti a kontan si zot ti annan en repons lo la pou mwan

E dezyenman mon krwar i toutafe pa akseptab e kekfwa nou bezwen demann sa kestyon ek Msye Faure konman Komandan Sef Lafors Defans, ki i annan 2 kan larme ki pe vey 2 dimou, pou redeploy sa kot bann Coast Guard. Zot zot dir, zot dir pou dir fodre nou protez nou lanmer kont pirat be annou pran sanmenm sa bann solda annou protez nou lanmer.

 

(APPLAUSE)

 

HON JEAN-FRANCOIS FERRARI

Nou pa kapab protez 2 dimoun.  E mon pa pou kapab vote pou en keksoz koumsa. Silvouple, mersi.

 

MR SPEAKER

Mersi Onorab Ferrari, Onorab Ramkalawan ou annan laparol.

 

HON WAVEL RAMKALAWAN

Mr Chairman, mon ki nou bezwen ganny keksoz kler.  Nou pe fer keksoz dapre Lalwa. E dan sa Bidze ki nou pe aprouve i annan, e letan nou ti fer President’s Office, anba President’s Office i annan klerman e sa i swiv sa ki konstitisyon i demande, ki pou dir bann former President zot ganny en pansyon e zot, e osi enn de bann lezot keksoz ki al avek e nou’n tonm dakor ki pou dir sekirite, alor i bezwen rantre anba Bidze e alors la nou pe koz lo fairness, lo equality, sa ki Msye Mancham i gannyen, Msye Rene i bezwen gannyen, Msye Michel i bezwen gannyen.  Parey.  Egalite.

 

Me nou pe al, la sa ki nou pe ganny fer konpran ki pou dir apard sa Msye Michel pe osi dan Bidze Ladefans ki i pa sipoze feature. I pa sipoze feature anba bidze Ladefans. Savedir Mr. Speaker i fer ki sa Bidze Ladefans li menm li, i pa bon, sa Bidze Ladefans ki devan nou, nou pe aprouv lapey pou bann dimoun ki pa devret ladan.  Savedir i en frod. E donk i bezwen ganny klersi sa, i bzwen ganny klersi parske s ii pa ganny klersi i vedir Bidze Ladefans i en frod.  E nou konman en Lasanble nou pa kapab aprouv en frod.

 

MR SPEAKER

Ok the point has been made avan mon demann Minis pou fer komanter lo la, mon ti a kontan donn laparol Leader Government Business Onorab De Commarmond.

 

HON CHARLES DE COMMARMOND

Mersi Mr Chair.   Mr Chair mon krwar in ganny esplike taler, ki se par koensidans sa 2 pti unit obor or dan zanmerant sa 2 ansyen Prezidan i reste.  E i domaz ki o-bor or pa tro lwen ek kot Prezidan Man    cham i reste napa en lot pti unit sansan ti pou ok, sa pou mwan napa problenm ek sa.

 

E dan Bidze la ki devan nou paz 24 an montan pou Ladefans mon pe esey rode lo la kote ki mete sekirite pou Prezidan Michel, Ex-Prezidan Michel e Ex-Prezidan sa, me non in dir ki lefe ki sa i o-bor…

 

MR SPEAKER

Please Order! Order! Order! Order!

 

HON CHARLES DE COMMARMOND

Mon mon vwar li koumsa akoz sa 2 pti unit kot i ete, sa ki mon konpran Brigadier in dir taler se ki zot enportan dan lower baz sekirite pou sa bann rezyon kot zot ete.  Si dimoun i pet anler laba dan soz…

 

MR SPEAKER

Silvouple les Onorab De Commarmond fini koze apre nou a rezourd keksoz.

 

HON CHARLES DE COMMARMOND

Ekoute, ekoute, ekoute.  Ou konpran?

 

MR SPEAKER

Kontinyen.

 

HON CHARLES DE COMMARMOND

So pou mon se sa ki mon pe esey dir se ki zot annan sa bann unit, zot valer sekirite pou sa bann rezyon ki zot ete e i parey mon dir, i par koensidans, ki sa bann lakaz i obor be kwar ki sa unit la i si  i zet en koudey or i lo bor sa bann lakaz i annan lezot lakaz ki lo bor, i osi gete si en problenm i arive, be i bezwen donn en kou-d-men, i bezwen pe zwe son rol sekirite.  Mwan non vwar li koumsa.  E la dan Bidze ki demann ou mon pa vwar kot i mete spesifikman sa ki mon ti pe sey rode.  Mersi.

 

MR SPEAKER

Ok. Allright mersi, Onorab De Commarmond zis pou klarifye sa ki ou pe dir i byen, i vre.  Vre Brigadier Payet in dir k ii annan sa 2 kan Barbarons avek Legzil e in dir i en koensidans ki zot laba o-bor kot rezidans Prezidan Rene, Prezidan Michel. Lot kote sa ki pe dir Brigadier osi in dir taler repons lo en kestyon latab kote LDS ki larme i pe pey sa bann sekirite ki pou Prezidan Michel mon kwar la, ki annan en pti pe konfizyon. Ou’n konpran mwan la en pti pe konfizyon alor petet en moman donne nou a demann Brigadier pou klarifye ankor.  Eski, please, mon konnen ou anvi koze, esper en pti moman. Brigadier petet ou ti kapab klarifye sa pou nou pou evit konfizyon. Apre sa nou a donn laparol Minis Finans.

 

BRIGADIER LEOPOLD PAYET

Wi, mon ki mon’n dir sa 2 unit mon dir sa 2 unit i 1 Barbarons, 1 Legzil. Sa 2 unit i bezwen reste kot i ete sa ki vey kot Prezidan Rene, i vey kot Prezidan Rene, si kot Prezidan Michel i annan sekirite sa son sekirite ki vey li, selman sa 2 unit, nou bezwen kite pou nou, pou rezon sekirite sa bann landrwar. Sa ki mon’n dir.  Mersi.

 

MR SPEAKER

Onorab Ramkalawan, apre nou a vin kot Onorab Georges.

 

HON WAVEL RAMKALAWAN

Mr Speaker, baze lo sa ki nou pe ganny dir, mon pou propoze ki Bidze Ladefans i ganny koupe par ankor 10 milyon.

 

MR SPEAKER

Ok sa en propozisyon nou ava koz lo la en pti moman les mwan…

 

HON WAVEL RAMKALAWAN

Pou fer li vin 300 milyon.

 

MR SPEAKER

Ok annou kontinyen ekout lezot dimoun, annou ekout lezot dimoun, Onorab Georges i anvi koze apre sorry avan ou i annan Onorab Stephen Pillay, konmsi ou’n lev lanmen enpe taler, ou oule pran laparol oubyen ou ok? Ou ok pou le moman, ou pwen in sorti.  Onorab Georges.

 

HON BERNARD GEORGES

Mersi Mr Chair. Mr. Chairman etandonnen ki nou’n ganny dir ki sa 2 unit fodre reste kot zot ete san ki nou’n ganny okenn rezon akoz zot devret reste kot zot ete, apard ki zot la konman en koensidans, mwan mon propozisyon e mon ti a kontan Brigadier i kapab ed nou, ki si sa vreman ki nou pe veye Legzil?

Akoz mwan mon pas laba tanzantan e mon vwar zis en pe plantasyon dite.  E mon pa krwar zot bezwen en unit larme.  Alor konbyen unit Legzil i kout nou pou mentenir li ? Si ou kapab dir nou sa, kekfwa la i ava en landrwar ki nou kapab annan en savings, akoz si i pa pe vey nanryen i pa devret la. I ava ganny redeplwaye dan en lot landrwar.  Ki si sa ?  Akoz ki nou bezwen annan en unit Barbarons? Si ou annan en bon rezon ou a dir nou si napa konbyen i pe kout nou ?

Kekfwa la osi nou a fer en savings and redeploy sa bann dimoun dan en landrwar pli prodiktif.  Mon kwar se sa ki nou ti pe rode ozordi, si nou kapab ganny sa 2 sif, konbyen Legzil i kout nou? Akoz nou bezwen li?  Konbyen Barbarons i kout nou? Akoz i bezwen nou, akoz nou bezwen li?  La kekfwa nou kapab vwar kote nou kapab pli prodiktif avek larzan lepep Seselwa.  Mersi Mr Chair.

 

BRIGADIER LEOPOLD PAYET

Onorab mon tann ou kestyon me mon napa en larepons pou mon kapab rann ou.  Mersi.

 

MR SPEAKER

Sorry, mon pa’n tande. Brigadier, eskize, avek tou respe, mon krwar petet meyer keksoz i ou ava al fer en diskisyon apre ou ava anvoy en repons. Mon pa krwar dan Lasanble ler nou pe koz lo larzan Gouvernman avek Bidze, ki nou dir nou napa repons. Nou’n dir nou evite ek bann Minis pou dir sa – eski mon ti kapab sizere ki ou al reflesir e diskit avek ou Konsey Defans e petet ou a donn nou en repons. Eski sa i ava akseptab pou ou?  Akoz nou’n dir konman en prensip bann Ekzekitif ki pou ansarz en Gouvernman, zot bezwen annan repons pou bann kestyon ki bann reprezantan i demande pou sa nou tou nou’n dakor. Kote Lepep, kote LDS, nou tou nou’n dakor.

Alor i pe se fer ki  pou sa moman la, ou pa pe mazin repons me i annan en repons. Alor nou ti a demande petet ou a reflesir avek Defense Council e ou anvoy nou en repons. Onorab De Commarmond.

 

HON CHARLES DE COMMARMOND

Mersi Mr Chair. Mr Chair mon krwar ou byen, mwan ki mon ti ava sizere osi lefe ki mon okouran ki FPAC, avan la nou FPAC nouvo, i osi swiv avek bon zistans Lafors Defans dan Bidze, pou vwar, pou donn koudmen ansanm ek Minister Finans e Biro Oditer Zeneral. Mon demande mwan ki, bidze devan nou, ok nou, nou donn sipor le Bidze ; me an menm tan ki Lafors Defans i donn nou en commitment ki zot pou regard dan sa pwen ki Onorab Georges in met devan ; par egzanp dan revwar tou sekirite pei, vwar ki sa 2 unit, zot cost vizavi zot petet, lenportans sekirite dan san landrwar ensidswit, pou ki dan lot bidze nou kapab or dan mid-year budget ; dan mid-year review nou kapab vwar pli byen sa sityasyon ki nou pe koze.  Me selman la entandonnen keksoz i devan nou, nou siport sa Bidze pou nou kapab bouze, akoz nou annan osi bann lezot Bill ki nou bezwen diskit lo la.  Mersi.

 

MR SPEAKER

Mon a vin kot ou Onorab Ramkalawan, me lontan Onorab Andre ki mon krwar ti en Kaptenn dan larme i anvi koze. Onorab Andre.

 

HON CLIFFORD ANDRE

Mersi Mr Speaker, non mon pa pe kontinyen ganny peye. Ki mon pe esey sizere an vi ki nou konpran, bann nou ki’n al visit kot Airport kot Lakademi Ladefans i ete, ki pou dir Lakademi Ladefans pou bezwen sorti, akoz pou annan en lot runway ki pou ganny fer, so mon ti a propoz avek Brigadier, pou konsider pran Lakademi Ladefans kekfwa anmenn kot Barbarons ki ava vin en unit ki annan training, akoz ti annan bann training ki ti ganny fer laba avan. So kekfwa i ava vin en unit prodiktiv epi ava swa perform sa duty ki mannyer en Ex-Prezidan i ganny son sekirite anba Konstitisyon e vis-versa osi revwar mannyer pou streamline en unit ki Barbarons oubyen si nou kapab met li anba Coast Guard parey mon’n sizere taler, nou fer li vin en pe pli lean kot nou ava kapab annan bann servis efikas, nou kapab annan en Marine Commando, anba Coast Guard ki kapab perform sa louvraz e provide sekirite appropriately pou bann dirizan.

 

MR SPEAKER

Se pou sa rezon mon kwar ki li s ii annan sa loptik si mon kapab prêt sa mo, ki mwan, ki Onorab De Commarmond in sizere ki dan laliny ki mon’n sizere, ki dan laliny ki Onorab Churchill Gill in sizere ki nou pe esey rod nou solisyon pou ed Brigadier Payet.

 

BRIGADIER LEOPOLD PAYET

Mr Chair mon ti a kontan rann en larepons Onorab Andre. Propozisyon ki Onorab Andre in mete, nou annan 2 propzisyon ki nou pe travay lo la, Barbarons apre kot grad lakot.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker, Mr Chairman, nou pe diskit en Bidze e in annan bann pwen ki nou consider enportan e ki nou consider osi kontroversyel. Sa bann zafer, annou aprouve e apre nou ava diskite, lo sa kote nou pa pe aksepte.  Nou pa pe aksepte li la, nou anvi vwar sa kopi akoz nou pa’n ganny okenn commitment ki napa nanryen ki pe sanze. Sa ki pe arive la pe kontinyen e sa ki pe kontinyen set en frod parske former Presidents pa pe resevwar sa ki zot merite anba Bidze, anba Konstitisyon.

Alor nou fer en keksoz la konmela, nou annan nou plizer zour ankor pou nou diskit, pou nou diskit Bidze e nou ava, zot ava retournen pandan sa detwa zour ankor la ki vini la parske nou pe koz en kantite larzan.

E an plis ki sa nou pe kantite larzan ki nou menm nou nou pa konnen kwa ki nou pe, kwa ki nou pe vreman koz lo la.  Kote larzan i ale e parey in ganny fer resorti en kantite fwa, Oditer Zeneral in fer resorti bann kestyon kot larzan pa konnen kot in ale?  Lekel ki responsab ensidswit kan ou vwar menm Onorab Gill in bezwen propoz en keksoz serye lo kote Finans.  Nou pe koz lo larzan lepep Seselwa e nou pa kapab kontinyen les larzan lepep Seselwa al dan tou direksyon.  Sa i pwen, sa i the bottom line konmdir Angle. Mersi.

 

MR SPEAKER

Onorab Larue.

 

HON FLORY LARUE

Mersi, Mr Speaker. Letan nou regard lo paz 25, nou vwar pou saler i annan 149 milyon 598, eski zot kapab dir nou ki kantite militer ek lanplwaye i annan ?

‘ E si, sa lo kote, zis en sif total pou sa kantite dimoun ki d an larme.

 

MR SPEAKER

Koz en pep li for Onorab Larue.

 

HON FLORY LARUE

Ou ti ava kontan mon repete ?

 

MR SPEAKER

Wi silvouple.

 

HON FLORY LARUE

Mersi. Lo paz 25 i annan en sif R149 milyon 598 mil pou saler, eski zot kapab donn nou total kantite militer ek lanplwaye ki annan dan Lafors Defans? E osi nou ti kontan konnen, nou’n ganny ki liniform i ganny enporte, dan lide kree lanplwa ek plis Lendistri e osi pou koup kou, eski Minis i annan lide demann Departman Defans pou fer koud liniform isi Sesel e bann niform ki ganny koud isi, eski Departman Defans i fer tender pou sa servis? Mersi.

 

MR SPEAKER

Minis oubyen PS oubyen Brigadier? Mon kwar kestyon i ase senp.

 

MINISTER PETER LAROSE

Mr Chair, mersi bokou. Pou rann repons Onorab Ramkalawan petet ketfwa mon kwar zis en lafason nou’n en pti pe eksite, letan nou pe diskit sa bidze pou servi le mo ‘frod’. Minister Finans mon kapab dir ou ki nou pa’n anmenn en frod la, me petet kekfwa…

 

MR SPEAKER

Ekoute, les li fini, les Dr Larose. Ok, Dr. Larose ek ou permisyon petet i a fer en pti entervansyon.

 

HON WAVEL RAMKALAWAN

Mr Chair a traver ou, Dr Larose mon pa pe dir ki Minister Finans in anmenn en frod.  Sa ki mon pe dir ki lefe ki zot in prezant sa Bidze e la aprezan ki nou pe vwar ki sekirite ansyen Prezidan  pe bann solda ki pe ganny peye anba bidze Minister Defans olye anba alokasyon pou former Presidents se sa ki mon pe dir ki konmsi i vin en frod akoz i vin en  larzan an plis konmsi ou pe ganny demande pou chiffre, ou a pe pey pou plis dimoun ki pa sipo ;e ganny peye, parske zot sipoze al anba sa budget 172mil ki ou ti pe dir bann former Presidents pe gannyen. Se sa ki mon’n dekri konman en frod pa Minister Finans.  Mersi.

 

MR SPEAKER

Dr Larose.

 

MINISTER PETER LAROSE

Mersi bokou. Mon’n konpran Onorab Ramkalawan byen kler la, mersi pou son klarifikasyon.  Kot i konsern sa program performance-based budgeting se pou se la ki nou’n entrodwir sa sistenm budgeting Mr Chair, pou met en lord kont Gouvernman, larzan piblik. E mon kwar si Oditer Zeneral in fer en kantite, express en kantite konsern lo Ladefans, i pou donn nou en serten moman pou rektifye sa bann issues, petet sa bann labi kot larzan se si oule ganny depanse, ki pa telman an akor avek manda Minister Defans.

Me kot i konsern liniform Onorab Larue les mon asir se ki mon pou dir avek Brigadier se ki as much as possible nou bezwen donn lanplwa nou Seselwa, kapab fer mannyer otan posib s ii annan bann koudriyer lokal ki kapab koud uniform mon k war preferans i pou bezwen al kot zot.  Nou osi nou bezwen donn en legzanp olye enporte, kot i pou kree lanplwa pou a leksteryer.

Sa mon krwar mon kapab donn ou mon komitman anler lo la e mon dir sa devan Lasanble kot Brigadier i la pe tande e monk war ou ava vwar pou dir nou pou koup depans dan sa direksyon. Mersi.

 

MR SPEAKER

Mersi.. Onorab Larue ou ti demann en kestyon lo solda? Redir silvouple pou nou ekout ankor.

 

HON FLORY LARUE

Wi. Mr Speaker mon’n dir ki anvi ki nou pey 149 milyon 598 mil roupi pou saler pou Lafors Defans, eski nou kapab en total, en chiffre, zis en chiffre total militer ek lanplwaye ki ganny peye anba sa Bidze pou Lafors Defans silvouple ?

 

BRIGADIER LEOPOLD PAYET

Onorab mon tann byen ou kestyon pou le moman mon pa pou kapab rann ou en larepons. Mon pa pou kapab donn pou rezon sekirite la. Mon pran lord avek Mon Komandan Sef avan mon a retourn kot ou.

 

MR SPEAKER

Tre byen alor nou ava espere, Brigadier. Mersi. Onorab Afif.

 

HON AHMED AFIF

Mersi Mr Chair.  Zis pou dir ki lo Wikipedia ou kapab vwar Lafors Ameriken ki lafors pli pwisan dan lemonn ki annan plis sekre in dir ou, ‘’the projected, active duty and strength the armed forces for the year 2017 was 1 million 261 thousand 900 hundred people.’’

Apre i dir ou,’’ with an additional 801 thousand 2 hundred people in the 7 reserve component. ‘’Ou konnen ekzakteman ki annan ekri pa en sekre.  Nou Sesel pli pti nou pa pe konnen.  Mon ti a kontan demann Brigadier petet si i konsider sa konman en Top, Top secret e si pe posib i kapab devwale, zis pou nou ganny en lendikasyon. Nou pa anvi konnen ki unit zot ladan. Zis pou nou ganny en lendikasyon ki R149 milyon i en larzan ki pe byen ganny depanse. Se tou.

 

MR SPEAKER

I plito i en komanter . Mon a les koze Onorab Mondon apre Onorab Simon Gill.

 

HON TERENCE MONDON

Mersi Mr. Chairman. Mon kestyon, mon komanter i dan menm loptik ki nou pe diskite kot i konsern ki Seselwa pe peye an plis la ki nou annan 2 ansyen Prezidan ki’n sorti o pouvwar, mon kwar i enportan ki nou Lasanble i realize ki Seselwa in pey pou tou bann privilez ki Prezidan i gannyen letan ki lo pouvwar e menm ler i sorti lo pouvwar, i ankor pe kontinyen fer provizyon pou li viv byen avek sekirite ziska son dernyen zour. Nou problenm ozordi, se ki Seselwa dan lavi ozordi en kantite pe sakrifye nou pa kapab les en Departman kontinyen servi larzan ki Seselwa pe met dan zot lanmen, pou kontinyen azout an plis lo sa bann privilez ki nou pe bann donn nou bann ansyen prezidan. Mon vwar li i mal e mon tonm dakor avek sa ki’n ganny sizere ki Ladefans i bezwen go back al revwar ki manyer i kapab donn nou en Bidze ki pli zis devan pep Seselwa e zis an menm tan i, par egzanp, Grand Police nou annn en lakaz kot i annan 3 solda e lo later avan ti kan larme, Grand Police, ozordi sa later leta in ganny vann avek Sheikh  Mohammed, e kestyon ankor ou demande ki sa 3 solda pe fer lo sa later?  Eski i pe vey propriyete sa msye e se Seselwa ki pe peye.   E se sa ki nou pe dir, ou bezwen go back al revwar e donn Seselwa en Bidze ki pli zis. Mersi.

 

        (APPLAUSE)

 

MR SPEAKER

Mon rekonnet i annan diferan dimoun ki le koze lo kote drwat e osi, mon note, tou sa ki le koze zot non i lo la enkli Onorab Simon Gill, Onorab Loizeau ensidswit. Mon sizere ki nou pran en pause. Wi Onorab Ramkalawan.

 

HON WAVEL RAMKALAWAN

Petet Mr Chair zis pou donn en lendikasyon an term sa salary budget si nou pran sa 149 milyon, ki’n ganny mete pou lapey si ou ti pou donn, letan ou work li out, i tonm, konmsi zot pe anploy 833 dimoun a en lapey R15mil r par mwan. Come on tell us another story.

 

MR SPEAKER

Ok, ok. Annou pran en pause, nou a retourn la i 6 er mwen keksoz nou a retournen 6 er, all ok? Alright.

 

(BREAK)

 

 

MR SPEAKER

Bon, Eski nou kontinyen avek, mon annan en lalis dimoun ki anvi koze. Onorab De Commarmond.

 

HON CHARLES DE COMMARMOND

Mr Speaker, mon pou, vi ki mon’n partisip dan debate, mon pou napa move pou en adjournment.  Mon pe demann Onorab Gill pou move for en adjournment lo sa vot.

 

MR SPEAKER

An fet Onorab Gill i ti, dapre mon lalis, ou tour koze, laparol Onorab Gill.

 

HON SIMON GILL

Mersi bokou Mr Speaker.  Bonn apre midi tou bann koleg Onorab e manm piblik ki pe ekout nou. Mr Speaker anba Order 22 (1), mon pe move ki nou adjourn debate lo sa kestyon ki devan Lasanble. Pou nou kapab reconvene prosennman demen, mon prezimen.  Anba ou direktiv pou nou kapab kontiny nou deba lo sa kestyon.

 

MR SPEAKER

Eski i annan en dimoun ki second sa propozisyon? Wi, Onorab De Commarmond.

 

 

HON CHARLES DE COMMARMOND

Mr Speaker mon segonn sa Mosyon, an menm tan se ou gidans ki nou’n servi taler ou’n move, well ou’n mansyonnen ki etandonnen sityasyon si i pa ti a bon si nou les Brigadier pou konsilte avek Defence Force Council e mon krwar ki en tre bon lide.  E se lo sa baz ki nou a les zot al diskite and then when we’ll come back, when at the appropriate moment before nou fini ek sa bann zafer pou nou vot lo sa Head. Nou pa a vote la, nou a vot then letan zot a vini. Nou a vwar ki sa ki zot vin avek pou nou kapab ed nou Lasanble pou pran en desizyon korek lo sa Head. –

 

MR SPEAKER

Mon pran sa i en bon nide, Onorab Ramkalawan eski ou dakor avek sa?

 

HON WAVEL RAMKALAWAN

Mr Speaker, ofet set egzakteman dan sa direksyon ki mon mon ti pe dir nou ava ale, parske mon kwar i annan en kantite issues ki nou bezwen regarde bann pwen pertinan ki ganny fer resorti e mon krwar, ok, Komandan Sef ansanm avek son Council, Brigadier e tou, zot ava regard tou bann konponan ansanm ek Minis Finans e nou ava kapab ganny en keksoz kler an relasyon avek Defans ; e ki Bidze ki ava ganny prezante i ava reflekte nou vre bezwen e nou ava bouz devan.

 

MR SPEAKER

Onorab Gill , I take it ki ou pe koz lo Departman Ladefans en, pa lezot?

 

HON SIMON GILL

Wi Mr Speaker, egzakteman deba lo kestyon devan Lasanble.

 

MR SPEAKER

Mersi, nou a vwar sa, personnelman mon kwar i en bon lide, nou ava les, eskiz Brigadier Leopold Payet akoz pou rezon ki nou’n dir, me avan ki nou fer sa, mon pa pe dir ki nou pe adjourn toudswit akoz nou annan ankor dimoun pou vini, nou pe travay me annou, sa propozisyon ki Onorab Gill in fer in ganny segonde par Onorab De Commarmond, Onorab Andre ou ti oule dir en keksoz.

 

HON CLIFFORD ANDRE

Yes, Mr Speaker, mon kwar nou bezwen pran en vot lo la.

 

MR SPEAKER

Wi be se sa nou ti pe vin lo la, mon ti krwar ou pe al, Onorab Ferrari? Ok annou pran en vot. Tou bann ki dakor avek sa propozisyon ki’n ganny segonde lev lanmen?  Clerk?

 

MADAM CLERK

Mr Speaker all members voted ‘for.

 

MR SPEAKER

Ki sa enn la ki’n vot 2 fwa?

 

MADAM CLERK

Can I have another show of hands?

 

MR SPEAKER

Silvouple, remet lanmen anler tou bann ki dakor avek sa propozisyon?

 

MADAM CLERK

I apologize. Correction, 31 members for and 1 member has abstained.

 

MR SPEAKER

Very good, alor nou’n tonm dakor avek sa. Brigadier Payet nou a remersye ou pou ou letan ou’n pas avek nou. Parey nou’n sizere nou konnen ou annan ou Defence Council, ou annan ou Komandan Sef, pou al diskite, ou a konsilte epi par laswit nou a rezwenn nou a rekonsider bidze avan nou pran en vot. Pou le moman, letan nou pe eskiz ou.

 

BRIGADIER LEOPOLD PAYET WAS EXCUSED FROM THE HOUSE

 

MR SPEAKER

Nou ti a kontan demann avek Dr Minis Larose si zot ti kapab pran FIU oubyen oule adjourn e retourn demen?  Eski Msye Moustache, osi mon ganny dir Msye Phillip Moustache i la pou FIU konman direkter. Eski nou kapab pran sa en nou ale en pti kou pou 30-45 minit? Onorab Ramkalawan?

 

HON WAVEL RAMKALAWAN

Mr Speaker, FIU i pou long.

 

MR SPEAKER

Ok.

 

HON WAVEL RAMKALAWAN

FIU, pou long e-

 

MR SPEAKER

Ou sizere ki nou pran li demen?

 

HON WAVEL RAMKALAWAN

Nou ti ava propoze ki nou adjourn la 6 er, e nou retournen demen. Nou tou nou ava fresh e nou a kapab fer en bon travay.

 

MR SPEAKER

Minister, Dr Larose, how do you feel about that? Eski, does that admit your approval? Your consent?

 

MINISTER PETER LAROSE

Mr Chair mon toutafe dakor siport propozisyon Onorab Ramkalawan. Les nou vini fre demen bomaten. Nou ava fer en bon diskisyon. Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair. Mr Chair, mon ti annan en propozisyon adisyonnel pou fer.  Vi ki letan pa dan nou faver, an relasyon avek lafen lannen. Mon ti pe propoze ki si i posib, avek bann Manm, pou osi konsider ki nou pran bann Sittings dan Sanmdi, pou regard lo modarite pou nou kapab fini avek travay ki nou annan devan nou.

 

MR SPEAKER

Eski i annan okenn propozisyon? Demen i Vandredi, eski i annan okenn obzeksyon ki nou zwenn Sanmdi akoz vreman nou bezwen travay pou nou clear sa Bidze. Sanmdi 9er nou vini, yes dakor? Propozisyon i ganny aksepte par tou dimoun? Onorab Ghislain ou pou mank ou avyon?

 

HON CHANTAL GHISLAIN

Mr Speaker be tou sa bann dimoun isi be tou le swar zot dormi se zot ek zot zanfan. Mwan osi pour mwan i La Digue. Mersi.

 

MR SPEAKER

Wi me ou bezwen fer en pti sakrifis Onorab Ghislain pou pei. Ok anyway pou le moman nou a revwar sa demen si annan dimoun ki annan difikilte eksepsyonnel me pou le moman. Wi ?

 

HON WAVEL RAMKALAWAN

Napa problenm nou kapab eskiz Onorab Ghislain parske i zis vote e alors nou konpran, nou napa problenm.

 

MR SPEAKER

Ok don’t be cruel. Ok annou dakor nou rezwenn 9er bomaten demen. Mersi.

 

(ADJOURNMENT)