Home » Order Papers » 2017 » Verbatim Report NAS Sitting Wednesday 31st May, 2017

Verbatim Report NAS Sitting Wednesday 31st May, 2017

NATIONAL ASSEMBLY OF SEYCHELLES

 

Wednesday 31st May, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Bonzour, tou bann Manm Onorab. Bonzour tou dimoun ki pe a lekout an deor Lasanble. Bonzour Minis avek PS avek Acting AG osi ek ou delegasyon.

Ozordi nou konmans ankor en lot zournen travay. Yer nou’n fer en zournen ki mon krwar ti tre benefik pour, pour nou e pour pei. E Minis in dakor pour tournen bomaten pour anmenn en pe plis leklersisman avek son lekip. Me mon krwar vi lanatir sa PNQ e mannyer keksoz pe deroul,  mon sizere meyer keksoz avan nou pran nou Mosyon pour nou fini avek sa PNQ bomaten, ki nou al lo Staz Komite ki a donn teknisyen serten kapasite pour reponn pli aprofondi bann leklersisman  bann Manm i oule anmennen.

E avek sa alor mon a demann Sergeant pour fer le neseser. Mersi. Minis, mon krwar ki nou a sizere se ki petet pour konmanse pour repran nou travay kot nou’n kite yer swar. Ou a fer en Deklarasyon pou eksplik nou en pe, epi si i annan okenn keksoz pli detaye, akoz parey Onorab ki ti’n prezant kestyon in dir i son prosedir ki nou bezwen fer kler e ki nou bezwen asire ki a lavenir nou swiv prosedir. Alor Minis mon a donn ou laparol ; par laswit nou a demann Onorab e lezot Manm si zot annan kestyon ki zot oule poze.

Minis Larose, Minis Finans.

 

MINISTER PETER LAROSE

Mersi bokou Mr Speaker, Bonzour Mr Speaker. Bonzour Leader Lopozisyon, Onorab Ramkalawan. Bonzour Leader Of Government Business Onorab De Commarmond, Bonzour tou bann Onorab Manm Lasanble e tou bann dimoun ki a lekout.

Mr Speaker yer swar ti annan en latas ki mon ti ganny demande pou fer, par sa Lasanble following PNQ, e alor la mon pou fer en Deklarasyon bomaten avek ou permisyon. Mr Speaker mon krwar i enportan ki Minister Finans Komers e Planifikasyon Ekonomik, i klarifye prosedir ki bezwen ĕtre an plas pour sa Tribinal. Apre ki nou’n diskit Bidze CAA an Fevriye 2017, Minister responsab pour Finans avek sa Tribinal, ti agree lo Bidze ki sa Tribinal i kapab fonksyonnen pour lannen 2017. Alor en sonm 569mil 66roupi 80sou, ti ganny agree.

Mr Speaker mon ti a kontan osi etablir, ki okenn depans personnel ki konsern sa Chairman pandan son prezans, ki pa konsern travay Tribinal, i pa ganny kouver anba sa Bidze. Sepandan sa Bidze i kouver fre, dinen, Transportasyon e lezot kou ki konsern avek sa Tribinal. Mr Speaker, mon krwar i osi enportan, apre deba yer, ki nou klarifye serten prosedir.

Premyerman Chairman Tribinal i sertifye tou invoice ki pou ganny depanse dapre sa Bidze eksepte invoice pour son fre Konsiltan. Apre ki Chairman Tribinal in sertifye sa bann invoice, i anvoy dan en file kot Sekreter Prensipal pour Finans ki verifye konteni bann dokiman e sertifye pour peye dan Kont Contingency. Sepandan, si i annan okenn depans ki konsern direkteman peyman sa Chairman, sa Tribinal, par egzanp son fre ‘konsiltan, sa i ganny kalkile par staff Public Accounts dan Minister Finans apre ki nou’n ganny en note kot Chairman pour dir ki in termin son travay pour sa Sesyon.

Mr Speaker tou depans pour sa Tribinal pe ganny depanse anba Contingency, an vi ki Contingency i en vot anba kontrol Minister Finans alor son accounting officer i Sekreter Prensipal Minister Finans. Tou depans anba Contingency i ganny odite par Lofis Oditer Zeneral. Si bann depans ki pe ganny fer anba Bidze CAA son accounting officer se pour Chairman CAA. Alor son natir, vi ki sa Tribinal in ganny etablir endepandan avek CAA, sanmenm sa ki nou, son depans pe ganny fer anba Contingency.

Mr Speaker mon ti a kontan koriz depans ki’n ganny dir yer, ki’n ganny depanse ziska prezan i senpleman 215mil 877roupi 76 sou non pa 220mil 993roupi 86sou. Mr Speaker sa fot i regretab e mon oule osi asir nou Lasanble ki mon pa la pou mislead zot oubyen pep Seselwa. Ler i annan en fot dan Minister Finans, mon pa la pour kritik personn, se mwan ki pran tou responsabilite. Mr Speaker mon ti a osi profite pour klarifye ki sa Avoka endepandan ki pe travay avek sa Tribinal pour ganny peye 20mil roupi letan i konplet son travay e non pa ‘pro bono parey nou ti dir yer.

Mr Speaker nou’n osi konstate ki Regilasyon Finansyer Piblik i pa detay lo okenn Tribinal oubyen Commission of Enquiry ki ganny etabli endepandan. Minister Finans pou bezwen finaliz en lankadreman dan regilasyon parey, pour fer si ki nou fer tou bann lenstitisyon Gouvernman i ofer, i ofe avek bann prosedir Public Finance Management. Avek sa 2 mo Mr Speaker, mon ou le remersye Lasanble.

 

MR SPEAKER

Mersi Minis Finans, Nou a donn laparol Onorab Leader Lopozisyon Onorab Ramkalawan.

 

HON WAVEL RAMKALAWAN

Mersi bokou Mr Speaker. Bonzour Mr Speaker. Bonzour Minis e tou Manm Onorab. Mr Speaker mon kestyon i tre senp. Minis in dir avek nou ki zot in ganny en laranzman, e ki i annan en Bidze ki ti tonm dakor lo la – mon krwar in dir konmansman lannen, an Fevriye, an Fevriye ti tonm dakor lo en Bidze. Kestyon ki mon anvi demann Minis se, e la mon pe challenge Minis lo sa Deklarasyon, direkteman.

Akoz ki letan Minister Finans in anmenn en Supplementary Appropriation an Mars – sa chiffre ki Minis in mansyonnen pa’n aparet dan sa Supplementary Appropriation. Sel chiffre ki’n aparet dan Supplementary Appropriation anba CAA set en chiffre R223mil 720, e sa ti pou kouver bann Manm ekstra CAA ki ti a pe vini.  Ok ?

Napa okenn chiffre anba Contingencies dan sa Supplementary ki mansyonn sa.  Nou ti ava ekspekte ki avek sa Disiplin Fiskal ki nou’n koz lo la, sa laliny ti ava aparet. Alor mwan, mon pe kestyonn sa, e mon ti ava kontan osi si Minis ti ava kapab donn nou konman en Lasanble,  sa dokiman ki in fek mansyonnen. E si i ti ava kapab fer sa o pli vit posib pour nou kapab regarde, ki kalite Kontra e ki kalite laranzman ki’n ganny fer. Mersi bokou Mr Speaker.

 

MR SPEAKER

Mersi Onorab Ramkalawan, Minis eski ou ti a kontan ekout lezot Manm avan ou fer en sel reponn – ou avek ou PS, oubyen oule reponn sa enn spesifikman.

 

MINISTER PETER LAROSE

Mr Speaker mon krwar i ti a normal pour reponn, mon reponn Onorab Ramkalawan lo son kestyon spesifik, epi nou ava ekout larestan Onorab pour zot kestyon.

 

MR SPEAKER

Tre byen, go ahead Minis.

 

MINISTER PETER LAROSE

Mersi bokou Onorab Ramkalawan. Parey mon’n dir dan sa Statement la, sa finansman i sorti anba Contingency. Ti napa en Budget Line la – ti napa en spesifik Budget Line. Sa savedir nou pa’n anmenn li dan sa Supplementary Budget.  Si natirelman ti deza annan en Budget Line pour li nou ti pou bezwen anmenn li dan sa Supplementary, e vwala kot nou leksplikasyon i koumsa.  I napa nanryen petet iregilye ki nou’n fer. Sa mon kapab donn ou serten lasirans.  E kot i konsern sa 569mil ki mon’n mansyonnen la, nou annan en kopi detaye nou a kapab fer ou gannyen la si i posib avek lasistans Clerk. Mersi.

 

MR SPEAKER

Onorab Arrisol.   Wi…

 

HON WAVEL RAMKALAWAN

Mr Speaker, ankor enn fwa mon pa, mon pa bezwen fer sa me selman mon anvi dir avek Minis, Mr Speaker, letan mon regard Konstitisyon ,sa dernyen larepons ki Minis in donnen mon war li i pa annord? Akoz i pa annord? Konstitisyon 156 (2), 156 (2) i met kler. ‘’Where any advance is made from the Contingencies Fund a Supplementary Estimate shall, shall as soon as it’s practicable be laid before the National Assembly for the purpose of authorizing the replacement of the amount so advanced.’’

Alor mon pa, mon pa pe swiv sa lozik e mon pa aksepte ki an Fevriye, an Fevriye zot fer sa laranzman, an Mars en Supplementary Appropriation i ganny, i ganny prezante atraver Leader Of Government Business. E ki napa sa laliny ladan. Sel konklizyon ki mon kapab tonm lo la, se ki in napa okenn, in napa okenn laranzman ki’n ganny fer an Fevriye; in napa okenn laranzman. Me ki sa ki nou pe gannyen la bomaten set en fason pour koriz sa fot dan en fason, konmsi pour normaliz keksoz. Mon krwar ki sa ki pe arive la i en defans after the event which, ki pa kapab ganny prezante koman a very good defence me when in fact it is not.

 

MR SPEAKER

Onorab Afif.

 

HON AHMED AFIF

Bonzour Mr Speaker. Bonzour Minis e ou delegasyon. Mon ti a kontan demann Minis Mr Speaker, vi ki i dir ki depans pour ‘Lotel’ e ‘Voyaz’ sa, Mr Etende pa pe ganny kouver anba sa sonm 500 – lekel ki pour kouver li? Mon mon’n konpran li koumsa, petet ou kapab koriz mwan. Mersi.

 

MR SPEAKER

Ekoute les Minis i a klarifye apre… ou’n fini ou kestyon Onorab Afif ? Minis petet ou ti a klarifye ?

 

MINISTER PETER LAROSE

Mersi bokou Mr Speaker. Mon’n donn detay sa bann depans, kot i konsern sa Chairman. E mon krwar parey mon pe dir ti annan sa fot ki yer nou’n dir 220mil olye 215mil nou’n koriz sa. Savedir napa nanryen ki’n sanze zis sa adisyon ki’n sanze sa bann depans in ganny kouver.

E pour plis lesplikasyon mon ava demann, ou permisyon Mr Speaker si nou antre dan Committee Stage, mon a demann mon bann teknisyen petet pour adres sa bann kestyon si i posib.

 

MR SPEAKER

PS Payet si ou ti a kontan pran laparol ?

Non. Non silvouple nou’n fini antre dan Committee Stage nou ti dir depi taler, Mr Rose in sanz mes in met devan PS Payet.

 

PS PATRICK PAYET

Mersi Mr Chair. Bonzour Mr Chair, bonzour tou Manm Onorab e tou dimoun ki a lekout. Zis pou azoute en pe pli kler lo Contingency; i annan 2 provizyon anba Contingency i annan Contingency Fund ki sa i provizyon anba Konstitisyon. Nou ti regarde ki letan nou fer lalwa Public Finance Management Act 2012 nou ti met anba 10 (3) Gouvernman ti propoz e ganny laprouvasyon Lasanble ki i annan en Contingency Appropriation.

E dan Bidze letan nou ti prezante ti annan en Contingency Appropriation ki lavaler 25milyon, e ladan nou fer bann ‘unforeseen expenditure’. So, sa i Apropriyasyon anba Bidze.

Sanmenm sa ki nou depans, akoz sa i en ‘unforeseen expenditure’ ki nou depans sa depans anba Contingency Appropriation. Me i pa pe ganny depanse anba Contingency Fund ki sa i en lot vot ki – ordinerman an se pandan akoz ki nou annan sa Contingency Appropriation nou pa pe servi li. Me selman sepandan letan nou prezan mid-year review, nou kapab donn zot en bilan lekel bann depans ki’n ganny depanse anba sa Contingency Appropriation, parey letan nou ti prezant Bidze Lasanble ti demann nou kwa, ki bann depans bann gro depans ki pe ganny depanse pour lannen 2016 e nou ti mansyonnen.

E osi secondly pour mansyonn konsernan sa ki Minis in dir ‘transportasyon. Nou’n dir ladan i kouver son, anything to do with Tribinal. Par egzanp si pour li ariv isi sa i ganny peye anba Contingency, anba sa Bidze ki nou’n mete. Me sepandan i li i anvi al fer en keksoz an deor Tribinal – par egzanp si i deside demen al La Digue ouswa Praslin ki pa en depans baze lo Tribinal, sa i pa pe ganny kouver dan sa Bidze. So, kekfwa pour klarifye tou keksoz ki relevan avek Tribinal ‘transportasyon,’ son ‘dinen,’ son ‘dezennen’ i ganny kouver me tou keksoz an deor Tribinal. sa pa pe ganny kouver. Mersi Mr Chair.

 

MR SPEAKER

Onorab Arrisol.

 

HON SANDY ARRISOL

Mersi Mr Speaker. Bonzour Minis, bonzour tou Manm e tou dimoun ki a lekout. Mr Speaker mon ti a kontan demann Minis dan bann dokiman ki in donn detay lo bann depans, mon ti a kontan dir mon pa war premyerman ki i mank bokou detay lo anyway, lo sa ki i fek koze an relasyon avek ‘Tiket  Sef Ziz Ntende pour son vizit aktyel son lapey ek son lotel. E an plis ki sa mon osi vwar ki napa okenn sif ki’n ganny mete pour servi National House par egzanp ek lasal kot Oliaji Building. E menm bann fasilite lanrezistreman pour sa Lakour ki’n ganny fer, e mon ti a kontan osi demande pou dir ki kote bann lekipman lanrezistreman, in ganny aste par egzanp ?

Ki fasilite photocopy zot pe servi ? E mon ti a kontan, mon pa pe ekspekte tou larepons avek Minis, parske mazorite sa bann detay, sa bann keksoz pe ganny fer par Zidisyer zot menm, e sa i en konfli dan li menm akoz sete Sef Ziz ki ti met konplent kont Ziz Karunakaran ; alor mon ti a kontan ganny leklersisman lo sa 2 pti detay Mr Speaker. Mersi.

 

MR SPEAKER

Minis.

 

MINISTER PETER LAROSE

Mersi bokou Mr Chair. Mersi bokou Onorab Arrisol pour ou bann kestyon. E la konman mon annan PS Payet la, nou a pe regard sa bann sif, si ou permet mwan mon a demann PS Payet pou reponn ou kestyon. Mersi.

 

MR SPEAKER

PS.

 

PS PATRICK PAYET

Mersi Mr Chair, mersi Onorab. Zis pour azoute lo, menm si ou pe vwar en pe detay kekfwa akoz i napa invoice ki’n ariv kot nou ziska prezan pour peye. E sa detay ki nou’n donn zot 215mil 877 roupi 76 sou, sa i bann invoice ki aktyelman, nou’n peye – aktyelman. Me i annan keksoz par egzanp pour National House ki zot pa ankor anvoy invoice e letan zot fini tou zot bann Sesyon ki zot pou ganny invoice from National House e nou anticipate.

Me selman sa i ganny enkli dan Bidze. i dan Bidze aktyelman. Secondly lo kote lekipman, i annan en computer avek en photocopy – sa zot pe lwe li avek en lakonpannyen prive pour zot fer zot neseser. Me tandis ki bann lekipman adisyonnel, sa i pa enkli dan Bidze e kekfwa nou bezwen demann Chairman en pe plis detay pour regarde kote sa bann lekipman ki zot pe gannyen si i annan adisyonnel.

Me tandis ki dan Bidze nou vwar konteni pour zot lwe en computer avek en photocopy.

 

MR SPEAKER

Onorab Loizeau.

 

HON NORBERT LOIZEAU

Mersi Mr Speaker, bonjour Mr Minis ek ou delegasyon – bonzour tou dimoun. Mr Speaker mon anvi demann Minis vi dan ou lentervansyon mon pa’n tann ou koz lo okenn Kontra ouswa kek bill ki sa Tribinal in fer.  Eski Minis ou kapab dir si, si ansyen CAA oubyen sa Tribinal li menm, in prezant okenn Bidze ek Kontra, ki in fer avek okenn sa bann dimoun ki lo sa Tribinal ? E an plis ki sa Minis, mon vwar in mansyonn Secretary Transcriber – Mrs Jaqueline Simeon.

Vi ki Mrs Simeon, Minis, i pe deza travay avek Biro Konmisyoner Eleksyon eski Minis i kapab dir nou, si sa i pa kont prensip Gouvernman pour en menm travayer fer 2 travay, e ganny peye anba Consolidated Fund?                                E trwazyenmman, Mr Speaker, mon anvi demann Minis eski sa madanm in pran Leave without pay’ kot Konmisyon Electoral, ouswa son lapey pe kontinyen ganny marse? Sa 3 pti kestyon mon anvi demande. Mersi Minis.

 

MR SPEAKER

PS Payet oubyen Minis.

 

MINSTER PETER LAROSE

Mersi bokou Mr Chair, mersi bokou Onorab Loizeau pour ou bann kestyon.  Tre bon kestyon ki ou’n souleve.  Mon a demann PS Payet pour reponn ou si ou aksepte sa.

 

MR SPEAKER

PS.

 

PS PATRICK PAYET

Mersi Mr Chair, mersi Onorab. Zis pour azoute ki negosyasyon ki Minister Finans pa ti ladan, letan sa Tribinal ti ganny apwente e apre nou’n koriz en pe bann prosedir letan nou ti prezant Bidze ki’n advise ki bann prosedir ki ti pe ganny servi, nou bezwen ganny korize dapre son lendepandans sa Tribinal.

Negosyasyon saler, sa ‘konsiltan ki ti pe travay i ti ganny agree avek CAA, ki i ti pou lo step 1 salary band 17. Ok. In accordance with the Judiciary (Amendment) Act zot ti swazir saler en Ziz, e sanmenm sa ki saler. Be selman i ti ganny peye lo pro rata, baze lo konbyen zour i travay. Me selman dan file ki nou’n regarde i napa, i annan zis diskisyon ki zot ti’n agree lo sa saler pour ganny peye pro rota, me tandis ti napa en Kontra spesifik. Ki sa ki nou’n demann Chairman osi lo la. Secondly in regards to travayer: travayer ki travay, si i en travayer Gouvernman ouswa en lot lenstitisyon endepandan, ki keksoz ki nou demande se in bezwen pran Leave, akoz par egzanp letan nou regard en pe bann peyman in travay from 8er ziska 3er edmi pour 5 zour konsekitivman. Alors definitivman i pou bezwen, menm si i pe ganny peye son saler kot sa lenstitisyon ki i travay i kapab pran Leave.

I kapab pran Leave so, i pe dan sa travay aktyelman. So sa i egziste si en travayer Gouvernman osi i pe fer en keksoz an deor i kapab, i kapab pran Leave without pay ouswa i kapab pran son Leave ki i ti pou bezwen pran. So, i pa pou kapab li an menm tan i pe travay full time on a day-to-day basis without pran Leave me an menm tan i pe ganny peye. So, ki nou’n konstate ki sa madanm in pran Leave letan in vin travay.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker. Avek ou permisyon Mr Speaker mon ti ava zis kontan sitye konteks mon kestyon. Minis ek ou delegasyon nou pe demann sa bann kestyon isi ozordi dan Lasanble akoz, nou pe sey etabli ki fason, ki sa Tribinal in ganny set up. Akoz, e akoz o depar i ti annan en kantite konfizyon e rush ? Nou pe sey, nou pe sey sa, akoz nou pe sey konpran si, ki en desizyon ki ti ganny pran zis avan ki ansyen Prezidan i leave office, konmsi i ti anvi fer sir pou dir sa Ziz i ganny koup, i ganny met deor. Me la, nou, nou, nou, mannyer nou pe ganny en konpran sa picture ki pe ganny devlope se ki o komansman se State House ki ti pe peye. Apre in pas anba Minister Finans, e, i annan en pe lord ki pe ganny mete parey Onorab, parey Mr Patrick in dir nou, which is, ki mon note sa pwen. Me selman nou ti a kontan war ki tou sa bann keksoz in ganny fer byen, dapre prosedir. Sa Kontra eski, eski Mr Payet i kapab dir nou, si i normal procedure ki tou travayer, sirtou bann travayer etranze ki nou recruit on Contract i bezwen siny en Kontra – en bonne   et due forme parey Franse i dir. Eski i bezwen siny sa Kontra ? E dan sa Kontra, eski i bezwen i annan bann detay parey konbyen tax i pour peye, kan i pou ganny son larzan konbyen zour eksetera, eksetera – tou bann detay.

E si wi, parey PS i dir nou akoz i pa’n ganny fer, eski sa akoz sa rush konmsi to kill, rush to kill Ziz Karunakaran se sa ki nou pe sey etablir ? Sa Kontra Mr Speaker i  mon krwar i enn bann eleman tre, tre enportan.

2enm keksoz akoz tou bann detay ladan pou enportan – nou anvi konnen ki lenterferans, akoz lot kote latab e osi Gouvernman reprezante isi, i annan, i pe met bokou lanfaz lo lendepandans sa Tribinal ki nou, nou believe pou dir napa en sou lendepandans dan sa Tribinal, i annan zis lenterferans.

Ok, alors…

 

MR SPEAKER

Ekoute, ekoute silvouple, silvouple i pe al poz son kestyon. Onorab.

 

HON JEAN-FRANCOIS FERRARI

Alors, mon 2enm kestyon Onorab De Commarmond, mon 2enm kestyon se bann detay parey son ‘transpor’ sorti kot son lotel tou le bomaten pour li al travay – lekel ki peye sa ? I enportan pour nou konnen akoz si i Biro Attorney Zeneral, nou pour dir be Biro Attorney Zeneral pe enterfer. Si i Lakour nou ava dir be Sef Ziz pe enterfer. Si i en lot departman ki nou pa konnen nou ava dir tou dimoun pe enterfer. Sakenn is trying to be nice to Mr Ntende. Alors be forthcoming vin avek nou, avek tou sa bann detay, akoz deza la mon war i pa en gran zafer.

Selman the devil is in the detail. Lo pwen, lo, lo sa papye ki Minis in donn nou, mon vwar ‘extras.’ Pourtan nou ganny dir, pou dir, i ganny peye son lasanm e son dinen e la nou konmans vwar ‘extras,’ be sa bann keksoz nou pour kontinyen vwar?  Nou pour kontinyen tolere? Konmsi, why is, akoz nou dan en sityasyon kot, kot sa bann keksoz pe ganny permet? Eski akoz, akoz i annan bann ulterior motives ? So, Mr Speaker la i la mon bann kestyon. E mon ti a vreman apresye otan leklersisman lo la ki mon kapab gannyen.

 

MR SPEAKER

Ok, mersi onorab, PS oubyen Minis si ou ti kapab reponn sa bann kestyon.

 

PS PATRICK PAYET

Mersi Mr Chair, mersi Onorab. Mon krwar en pwen enportan ki nou ti  nou’n koz avek Chairman ki there’s need to be en Kontra. E aktyelman en Kontra pa egziste. I zis korespondan ki nou vwar ki zot agree lo sa fre konsiltan. E Minister Finans nou ti fer the last payment Fevriye. E nou’n advise Chairman ki nou bezwen finaliz en Kontra avan nou fer okenn peyman la aktyelman pour mwan Me ki zot aktyelman dan Sesyon.

Dan sa Kontra nou fer sir ki par egzanp son ‘fre transportasyon’ sorti son pei pour vin isi, tou son bann fre kote ki i reste sa osi i ganny kouver. E osi kwa ki son rates pro rota osi, sa bann konteni i bezwen ganny mete dan Kontra me aktyelman Kontra pa egziste. Sa i keksoz ki nou’n koz avek Chairman ki’n Tribinal ki nou’n advise li, before nou fer okenn peyman pour dan next Sesyon i bezwen annan en Kontra.

Secondly in regards to ‘transportasyon, sa i en keksoz ki nou ti diskit avek li letan nou ti pe fer Bidze. I ti pe demande pour, letan i ti vini an Oktob, i ti ganny lasistans avek Foreign Affairs for a chauffeur-driven vehicle. So, bann travayer Foreign Affairs ti pe asiste li, avek en vehicle, Departman Foreign Affairs ti pe assiste li avek en vehicle. E sa nou’n dir, letan nou ti pe diskit sa pou Bidze nou ti pe rode akoz, vi ki, dan plas nou pe al lwe enn si Foreign Affairs i kapab asiste letan i vini.

Me si par egzanp Foreign Affairs i busy avek bann delegasyon – nou pou bezwen lwe enn. E sanmenm sa dan Bidze osi nou’n met en pti provizyon in case nou bezwen lwe en vehicle chauffeur-driven e sa dapre Lagreman ki nou ti annan avek li.

 

MR SPEAKER

Wi. Onorab Ramkalawan.

 

HON WAVEL RAMKALAWAN

Mr Speaker on a point of order mon krwar ki, pa rode which Order ou, ou expert ou, ou a konnen ou. Mr Speaker nou ganny, nou’n ganny dir i annan en dokiman e Minis in dir i a fer nou gannyen. Nou pe kontinyen dan en sityasyon la kot nou napa okenn dokiman pour nou refer to. Mon ti a kontan demann en brief adjournment pour nou kapab ganny sa dokiman dan nou lanmen so that nou tou, nou ava on the same page. Parey nou dir an Angle. Se tou ki mon  pe demande

 

MR SPEAKER

Ok, alright mersi Onorab. Eski Minis i santi ki si nou fer en brief adjournment ou pour kapab prodwi sa dokiman pour tou Manm Lasanble i ganny sa dan zot lanmen vi ki deba i lo bann detay osi. Minis?

 

MINISTER PETER LAROSE

Mersi bokou Mr Chair, Mr Chairman an kestyon avek Onorab Ramkalawan, nou  annan sa dokiman e mon ti donn lenpresyon ki Clerk i ti’n fini distribye sa. Ou konpran ?  I la e anvi, anvi ki nou pe demann en adjournment nou ava donn zot. Napa problenm.

 

MR SPEAKER

Minis, Minis mon pa konnen si nou pe koz menm keksoz la i CAA Tribunal Expenses – i en en feye A4. Eski sa ki nou pe koz lo la, oubyen nou pe koz lo sa ki ou ti dir taler en lot dokiman? Onorab Ramkalawan

 

HON WAVEL RAMKALAWAN

Mr Speaker mon pe koz lo sa lot dokiman, ki Minis in dir i ariv 500 ekek mil roupi. This is the one ki, i enportan pour nou ganny detay, pour nou ganny li dan nou lanmen pour nou kapab koz lo la. Mersi.

 

MR SPEAKER

Se sa ki mon’n konpran mon osi Minis, eski si nou fer en brief adjournment, nou pou kapab ganny sa dokiman lo sa 500 plis mil Roupi ki nou’n koz lo la?

 

MINISTER PETER LAROSE

Wi Mr Chairman mon kapab konfirmen mon kapab donn tou bann manm Lasanble en kopi sa Bidze 569mil 66 roupi 80sou. I la dan mon lanmen. Si nou fer adjournment zot ava ganny li toudswit. Mersi.

 

MR SPEAKER

Eski, kestyon letan, eski nou kapab donn Clerk sa dokiman pour fer photocopy anmezir nou kontinyen ek kestyon pour klarifye. Parske i annan 5 dimoun ki anvi koze i annan kestyon enkli kote, tou le de latab, me avan nou, olye adjourn i ankor boner 10er pa ankor sonnen. Nou a rod kopi dokiman pou sirkile. Me Attorney General Acting ou ti annan en pwen ou ti anvi fer sorti ?

 

AG ATTORNEY GENERAL  – MR DAVID ESPARON

Zis pour, permet mwan pour reponn Onorab Ferrari serten pti klarifikasyon ki i ti’n demande.

Wi Egzekitif obviously in ganny advice and obviously mon konnen ki mon pe koze – pe pran en pozisyon ki napa okenn enterferans lo lapar Egzekitif lo kote sa Tribinal. E in fact menm Biro Attorney Zeneral Ankour dan sa case ki annan la, i pe pran en pozisyon what you call – A Friend of The Courts – amicus curiae.

So, nou pa pe pran okenn kote, me nou bezwen la zis get Lakour lo presyon Lalwa. As regards to Egzekitiv nou very mindful. In fact lo kote finans we are very mindful as to that sanmenm sa ki obviously nou enn pti pe, nou bezwen fer sa travay parey zot pe demann nou la. Ki napa okenn lenterferans avek sa, fonksyonnman, sa proses sa Tribinal.

Me par kont parey mon’n dir ou la, i annan en case devan Lakour Konstitisyonnel la ki Judge Karunakaran in file nou osi nou en parti nou pa pe kapab koz lo la akoz i Ankour, me selman si serten alegasyon ki pe ganny dir pour dir ki i annan okenn lenterferans from any sides, Petisyonner li menm i kapab fer en claim devan Lakour Konstitisyonnel. I kapab dir, ‘’Be i annan lenterferans.’’

So, i kapab ganny sa claim devan  Lakour si i anvi. Pour le moman napa sa claim pour le moman, i annan zis en claim ki dir pe deklar sa Tribinal son Apwentman, i pa in accordance with Konstitisyon. So, si, i pe arive i annan tou drwa sa Petisyonner sa, Mr Karunakaran pou ganny okenn claim devan Lakour. Me, sa i pa dan mon knowledge sa.

 

MR SPEAKER

Mersi Mr Esparon me pour le moman nou dan Lasanble sa ki nou pe rod leklersisman e klarifikasyon sirtou lo kestyon procedural. Bann kestyon prosedir. Onorab Henrie ou ti annan en kestyon.

 

HON GERVAIS HENRIE

Mersi Mr Speaker. Bonzour tou dimoun, Mr Speaker mon 100 poursan dakor avek sa ki Onorab  Leader Lopozisyon in dir bomaten.  Konmsi ou a krwar letan bann dimoun in al dormi yer swar zot in kapab vin avek en defans, parski yer mwan, mon ti demann 2 kestyon Minis.

Premyerman kestyon ki mon ti demann li, se ki si i annan en kou asosye avek National House kot sa Tribinal pe deroule, e kestyon ki Onorab Arrisol in repete bomaten. 2enm kestyon ki mon ti demann li ; eski i annan en sif ki zot in prozekte ouswa zot pou les sa Tribinal depans larzan mannyer zot anvi. Ni premye, ni 2enm pa ti ganny reponn.

Solman la bomaten nou tande pou dir  an Fevriye in agree to 5 thousand 70 something, 500thousand something. So, akoz yer nou pa ti ganny sa leksplikasyon me apre en nwit, ozordi bomaten nou tande – sa premyerman –akoz yer mon pa ti ganny sa leksplikasyon ?

Dezyenmman nou pe koz ankor kestyon Kontra ; mon ti ava mazinen pour dir dan prosedir Gouvernman, CAA, avan, i ti’n deside pour fer sa Tribinal donk i ti konnen  i ti pe anmenn ziz Ntende. Prezan li sa ki mon ti a mazinen lozik, i dikte, se ki zot ti ava tonm dakor lo en landrwa spesifik kot i pou reste pour zot ganny the best deal possible.

Me selman ki nou vwar Ziz Ntende i vini i reste Savoy, 7 zour i pe pey 31mil ; Apre i al Le Meridien Fisherman’s Cove 29 mil pour 6 nwit i al H Resort en nwit – i pe pey 5mil, retournen al Savoy i reste 11 nwit – 44mil roupi. Akoz ki sa lorganizasyon – CAA pa’n tonm dakor avek en, en, en konman nou apel sa, en lotel par la kot i ava reste, en rate spesifik ki zot pou gannyen ? Sa i mon 2enm kestyon akoz eski napa en Kontra parla ki zot in fer ?

E an pasan mon le zis enform nou panel la, pou dir kestyon lekipman recording avek computer i sorti kot Zidisyer. Zot pa’n lwe avek okenn lorganizasyon prive. Mersi.

 

MR SPEAKER

Petet avan, avan nou demann PS oubyen Minis pou reponn, nou a pran ankor en kestyon avek Onorab Afif. Me, Onorab Henrie ou pe dir ki ou konfirmen ki sa bann lekipman i sorti kot Zidisyer ? Ok,  ok, alright les Onorab Afif demann kestyon apre nou a demann Minis avek PS. Wi Onorab Afif?

 

HON AHMED AFIF

Mersi Mr Speaker, Mr Speaker mon ti a kontan si Minis i kapab klarifye pour nou. Mon vwar ler mon pe regard an lord kronolozik sa ki’n arive en breakdown vreman dan Disiplin Fiskal. Premyerman depi ler Tribinal i ganny apwente, okenn invoice pa al kot Finans, pou pey kou sa Tribinal – sorti kot CAA – premyerman ler ti fek konmanse. Sa ti al State House, e State House ki aparaman zot ti dir, ti pe peye e zot in konfirmen konman Minister Finans pour dir sa pa prosedir normal.

E ou ti dir, PS Payet ou ekspekte a lavenir ki tou peyman e tou demann peyman pou ganny fer atraver demann sorti kot CAA, Se CAA ki’n apwent sa Tribinal. Se li paran. I annan sa i apel en ambilical cord avek Tribinal – pa lo kote, pa lo kote son desizyon, pa lo kote son zizman, sa nou pa antre ladan sa.  Me lo kote prosedir administratif, se li ki devret.

Me prezan la nou al 2017, 2017 nou trouve an fevriye ti sipoze annan en diskisyon e dan sa diskisyon zot in kalkile konbyen i pou depanse pandan lannen. E an Mars Minister Finans ti revin devan nou e donn tou bann estimate ki pou annan. E pou CAA ti annan zis ekstra pour bann dimoun adisyonnel ki ti pou vin lo Board CAA, me ti napa lezot depans. La en sel kou nou konpran pou dir malgre ki zot in prezant sa an Mars, an Fevriye ti annan en diskisyon. Me pa ti ganny prezante e zot pe dir poudir be bon nou pe kouver sa anba Contingencies Fund. Zot pe kouver anba Contingencies Fund.

Me, neanmwen, vi ki ou pe pran li anba Contingencies Fund i bezwen annan en fason ki ou fer en Bidze. Par egzanp si ou annan Sef sa Tribinal ki li i pour ganny peye, sa i bezwen annan en kont. Sa i bezwen annan en dimoun ki fer verifikasyon, ki dir pou dir sa sonm i normal. I bezwen annan en negosyasyon. Sa msye in vwayaze pour vin Sesel, napa Lazans Voyaz ki pour donn kredi – konmsa ki mon konnen. I sorti laba deor in ganny peye son tiket. I al kot sa bann lotel in ganny peye sa bann lotel. Lekel ki pe peye si Minister Finans pa ankor peye? I enportan pour nou konn sa, ok? E ki mannyer pa ankor fer en Bidze kot nou konnen lekel ki’n negosye sa Bidze?

Nou bezwen konnen lekel ki’n negosye sa Bidze avek Minister Finans parske se li ki annan pouvwar. E i devret lozikman CAA pa personn, me CAA pa antre dan deliberasyon sa Tribinal. Me i bezwen sa CAA. I pa kapab en lot dimoun. E si pa CAA lekel sa lot dimoun ki pe tonm dakor lo bann sif? E lo ki baz Minister Finans pe agree?  Se sa ki mon ti a kontan demann Minis Mr Speaker. Mersi.

 

MR SPEAKER

Ok, Onorab Afif ou’n demann ou kestyon, Minis si ou pou asiz en pti kou. I annan 2 kestyon relye nou a demann Onorab Georges, apre Onorab Sebastien Pillay, apre ou a reponn.

 

HON BERNARD GEORGES

Mersi Mr Speaker, Mr Speaker Mon…

 

MR SPEAKER

Onorab Georges ou kestyon i apepre lo menm liny …?

 

HON BERNARD GEORGES

Menm kestyon… Mr Speaker me avan ki mon demann sa kestyon mon bezwen anba nou Standing Orders e anba nou Code of Conduct, deklare ki en Manm CAA i mon madanm. Alor i fodre nou konpran byen kler, ki i annan sa lyen.

Me mon kestyon napa nanryen pou fer avek sa CAA la ; plito i annan pou fer avek son kestyon prensipal. E fodre nou pa perdi konsyans ki, PNQ son thrust se lekel ki sipoze pe validate bann expense Tribinal ? Sa se, sa kestyon ki devan nou ; eski se Tribinal li menm, eski se Minister, eski se CAA or whatever?

E mon ti anvi aport en leklersisman from en pwennvi pirman, pirman legal. Avek ou permisyon. I paret mwan, e mon devret, mon bezwen dir  sa osi, at the beginning ki, tou sa lenstitisyon sa Tribinal i ankor work-in-progress egzakteman parey repons dan sa Lasanble, i work in progress. An mezir nou pe ale, nou pe aprann bann lezot keksoz ki pe donn nou en serten, en serten lalimyer lo sa size. Mon retourn e mon krwar la baz se sa diferans ki annan ant sa de kote latab lo lendepandans sa Tribinal. E mon ti a kontan partaz parol Onorab Afif. Tribinal of course i bezwen endepandan avek CAA; i bezwen endepandan avek Egzekitiv – avek Zidisyer, avek Legislature avek tou keksoz dan son determinasyon.

Sa mon pa krwar i annan okenn dimoun ki annan okenn kestyon lo la. Me, me fodre pa nou bliye ki sa Tribinal, i pa en kreatir Konstitisyon, i en kreatir CAA. E diferans si nou regard, Lartik ki Konstitye sa Tribinal – set a dir Lartik 134 nou ava vwar. I kler; ‘’The authority shall appoint the Tribunal.’’ E si konpar sa avek Lartik 125 ki konstitye Lakour Siprenm – Lartik 125 i dir; ‘’There shall be a Supreme Court. ’Set en kreatir Konstitisyon. Lartik 145 i dir; ‘’ There shall be a PSAB.’’ Set en kreatir Konstitisyon. Tribinal i pa en kreatir Konstitisyon. I en kreatir CAA.

E nou bezwen, mon krwar se sa a la baz. E mon vin donk lo mon pwen. Ler Lartik 134 i dir, ‘’The CAA shall appoint a Tribunal,’’ mon krwar e pou sa rezon mon dir work in progress, sa ki CAA ti merite fer dan son lapwentman, se pa zis dir X, Y ek Z pou konstiti en Tribinal, zot ti devret, antre dan en Kontra avek X, Y and  Z fikse en landrwa kote sa Tribinal pour sit apwent en Sekretarya, fer bann roles pour sa Tribinal ; swazir bann manm – tousala se appoint a Tribunal. E se sa mon krwar kot in annan defayans. Zot in fer en pe – la nou aprann ki zot in, zot in anvoy en let zot in koz avek Prezidan Tribinal pour gete lo ki saler i pou stand.

Mon mazinen zot in koz avek, avek lotorite ki a ki, ki anploy sa 2 lezot Ziz pour sa de lezot Ziz  ganny ‘leave of absence’ pour vin servi dan Tribinal. E sa i toutafe normal ki CAA i fer sa bann keksoz. E   CAA  – mon pa kontan koz lo ansyen CAA ek CAA ozordi, akoz i annan zis en CAA. Me CAA in fer sa, sa ki zot pa’n fer se zot pa’n fer tou bann keksoz ki selon mwan. Zot ti’n merite fer, e se sa kot problenm in arive. Akoz si zot ti’n fer tousala enn bann keksoz ki zot ti ava fer se etablir en Bidze pour sa Tribinal e nou pa ti pour annan okenn problenm. Se sa ki CAA ti’n devret fer, e apre sa,  en fwa apre ki i ti’n konstitye tousala, donn sa Tribinal son pouvwar pour li travay endepandaman. That was not done and that is the problem that we face today Mr Speaker. Mon remersye ou pour sa loportinite pour eklersi sa bann pwen. Mersi.

 

MR SPEAKER

Minis oubyen ou teknisyen leklersisman lo sa bann pwen ki mon krwar lezot Manm osi in lev-e.

 

MINISTER PETER LAROSE

Mersi Mr Chair zis pour asir Onorab Henrie, fransman dir ou ek sa Lasanble, ti napa en stratezi yer swar ki nou’n al fer keksoz ki petet pour cover-up. Non, sa mon kapab garanti ou sa papye ti la avek nou yer, be inadvertently dan diskisyon, letan Lasanble, in en pe – se si oule demann bokou kestyon  at the same time, petet sa kekfwa i en mistake mon pa’n reponn ou kestyon. Be sa mon kapab garanti ou, ti napa nanryen abnormal ziska yer swar.

Kot i konsern kestyon Onorab Afif mwan demann PS Payet pour reponn, e kot i konsern kestyon Onorab Georges mon a met 2 Avoka kont kanmarad zot ava ganny en dyalog. E la mon a demann Acting Attorney Zeneral pour reponn ou kestyon.

 

MR SPEAKER

PS Payet.

 

PS PATRICK PAYET

Mersi, Mr Chair e mersi bann Onorab pour zot kestyon. Zis pour konmanse lo  kote ti’n ganny negosye pour sa Msye konsiltan reste dan Chairman Tribunal se Savoy. E sa ti’n negosye li, i ti met son propozisyon letan i ti pe negosye son package ki i pou reste Savoy, e zot ti pe negosye pri avek Savoy. Sepandan letan i ti pe vini an Novanm, ti napa room ki available, ti annan room available zis premye semenn,  e 2enm semenn ti napa room available. Sanmenm sa ki nou vwar ki in reste Savoy, Le Meridien Fisherman’s cove apre H Hotel. So, apre kontinyelman par egzanp secondly nou’n vwar ki in Savoy e la thirdly i ankor pe reste Savoy. Sanmenm sa negosyasyon. Secondly lo kote lekipman, dan negosyasyon ki zot ti advise nou zot, letan nou ti pe fer Bidze, zot ti advise nou ki zot ti pou bezwen en computer avek en photocopy, e zot ti pe negosye avek en lakonpannyen prive pou rod sa 2 lekipman. Me tandis ki any recording equipments, sa pa ti ganny mansyonnen dan negosyasyon Bidze. So, sanmenm sa ki Minister Finans i an deor pour konnen kote zot in al rod bann lekipman – akoz at the end of the day kekfwa nou pa konn zot travay ki i annan pour zot fer. Me selman zot, zot ti demande ki zot pou bezwen en photocopy avek en computer pour fer bann typist – bann keksoz konmsa.

E secondly lo kote kestyon Onorab Afif, pour nou letan nou ti prezant Bidze – 2mil – Supplementary 2017, nou ti vin devan Lasanble avek bann keksoz ki pa ti pe ganny kouver dan okenn Bidze. Par egzanp nou ti vwar ki sa diskisyon avek the Tribinal pe ki ti pe ganny etabli. Nou kapab tir li anba Appropriation Bidze ki i annan dan Lasanble sanmenm sa ki nou  pa ti vin adisyonnelman devan Lasanble pour vin demann zot Bidze adisyonnel pour sa Tribinal. Akoz nou ti vwar ki sa i keksoz tanporer ziska ler Tribinal i fer son travay e san menm sa ki nou ti tir li anba Contingency.

Si par egzanp nou ti vwar ki sa pou en Tribinal permanan, parey lezot Tribinal ki’n ganny etabli, nou ti pou bezwen pa tir li dan Contingency me vin devan Lasanble avek Additional Fund Supplementary ‘request pour demann Lasanble aprouvasyon. Pour lo konsernan Bidze Tribinal, letan nou ti fini diskisyon avek Lasanble, nou ti travay avek CAA lo kote Bidze.

Be selman the final endorsement se avek son Chairman, ki ti endorse son Bidze. Me selman diskisyon apre ki nou ti’n fini prezant Bidze, nou ti konmans diskisyon avek the CAA pour diskit en pe konteni, kwa ki pou ganny enkli e kwa ki zot in  negosye pou met dan Bidze sa Tribinal. Me selman the final endorsement nou ti ganny li avek son Chairman – zis pour advise en pe bann prosedir ki nou’n follow letan nou ti prepar Bidze sa Tribinal.

 

MR SPEAKER

Mr Acting Attorney General.

 

AG ATTORNEY GENERAL – MR DAVID ESPARON

Zis pour reponn kestyon Mr Georges – en pti pe, mon pa against Mr Georges obviously o-kontrer petet en pe klarifikasyon. Parey nou konnen Mr Onorab Georges i konnen, pou dir mon krwar si mon pa tronpe dan listwar Sesel premye fwa ki, i annan sa problenm ki i annan en impeachment of a Judge I believe – mannyer nou pe dir.

E obviously i en leksperyans, mon krwar i en leksperyans pour former CAA, e leksperyans pour nouvo CAA, i en leksperyans pour Minister Finans osi. Mon pa pe demann okenn leskiz pour petet okenn keksoz ki petet in ganny oversight, obviously, in kapab arive. Me selman, in fact si nou lir Lartik 134 i annan en kantite keksoz ki pa ganny, Lalwa i silans lo la, Konstitisyon i silans.  Petet ek sa eksperyans ki nou annan, petet zot bann Manm Lasanble demen zot a mazinen pou si annan, pour revwar Konstitisyon lo sa kote.

I menm napa en soz, en prosedir ki letan in ganny apwente how to stop it, ok?  So lo kote prosedir finansyel osi, mon mazinen ki premye fwa nou fer sa. Pour asir lendepandans avek enparsyalite  sa Tribinal i pa en keksoz ki personn in deza prevwar avan. I premye fwa ki arive dan listwar Sesel sa. So en leksperyans pour nou tou. And hopefully nou ava amelyor sa. And hopefully la Minister Finans in take note and zot  amelyor zot prosedir at the existing, with existing process ki pe arive la ,obviously.

 

MR SPEAKER

Mersi Mr Esparon. Onorab, avan mon donn laparol Onorab Afif, Onorab Pillay Sebastien ou ti le poz en kestyon.

 

HON SEBASTIEN PILLAY

Mersi Mr Speaker, Mr Speaker avan mon demann mon kestyon mon le sitye byen mon konteks mon komanter ki mon pe al fer, an relasyon avek  tou sa ki pe ganny dir; Mr Speaker atraver ou mon annan gran respe pour Onorab Georges in enn bann dimoun ki’n ed mwan aprann en kantite keksoz; me selman mon krwar, mon pa krwar ki senserman ki komanter ki Onorab Georges in fer li menm e li i krwar ladan. Akoz Lartik 134 Konstitisyon, i kler ki i koz lo Konstitisyon Tribinal, Lartik 134 pa koz dan okenn fason ki sa Tribinal i bezwen subject to CAA.

Largiman ki’n ganny avanse bomaten se ki CAA i bezwen sa accounting officer oubyen sa acounting body pour sa Tribinal.  Me par lefe ki resaman nou’n vwar ki CAA li menm li in demann the disbandment of the Tribunal. E si ozordi nou Lasanble pe diskit sa, eski pour pran parol Onorab Ferrari, eski sa pa lenterferans par zot dan lot kote latab pour anmenn lenterferans  dan travay ki sa Tribinal pe fer.

Mr Speaker ozordi bomaten Minis in vin kot nou pour prezant nou…

 

MR SPEAKER

Order ! Order !

 

HON SEBASTIEN PILLAY

…in vin kot nou pour prezant nou avek fe avek lefe an relasyon ek sa Tribinal pe fer. Kestyon ki mon annan pour demann Minis Mr Speaker ; eski dan bann depans ki pe ganny fer zot in etabli en fason ki sa bann defans :

1) pour ganny odite parey Lartik 158 mon krwar nou Konstitisyon i fer provizyon pou fer.

Dezyenmman : eski avan ki bann peyman i ganny fer zot fer verifikasyon ?

E trwazyenmman si dan konteks ki zot vwar pou dir bann peyman i pa, pa normal eski zot annan en mekanizm pou fer sir ki Tribinal i kapab eksplike, e pou klarifye bann peyman ki zot pe fer.

Mon annan en lot pti kestyon siplemanter Mr Speaker, mon a les Minis fini reponn sa enn. Mersi.

 

MR SPEAKER

Minister.

 

MINISTER PETER LAROSE

Mersi bokou Mr Chair, mersi bokou Onorab Pillay. Parey mon’n dir dan mon repons bomaten se ki accounting officer kot nou Minister Finans e PS Payet, dosye antye ki sorti kot Tribinal ou CAA i vin kot li pour verifye konteni avan-ler ki i otorize pou peyman.

Tou keksoz i bezwen sivre dan en lord disiplin. I pa zis ki konmsi en dimoun in fer, in met en sinyatir lo en invoice i anvoye e nou, nou pran li konman en fet akonpli nou fer peyman.

 

MR SPEAKER

Ou lot kestyon siplemanter Onorab Pillay.

 

HON SEBASTIEN PILLAY

Mersi Mr Speaker, Mr Speaker dan son larepons, Deputy Attorney Zeneral in entrodwi en fe mon pa konnen petet avek ou permisyon mon kapab servi.

In koz lo en case ki devan Lakour Konstitisyonnel mon pa le koz lo bann particulars of the case, me selman eski pou posib pour Depite Attorney Zeneral pou dir nou si an relasyon avek petisyon, ki Petisyonner in anmennen devan Lakour Konstitisyonnel. Si sa Petisyonner in anmenn en petisyon an relasyon avek lenterferans, oubyen, eski sa Petisyonner in anmenn en lot petisyon si, Mr Speaker ankor enn fwa avek ou direksyon e avek bann konsekans legal ki sa i kapab ete. Akoz mon konnen the matter i subjudice; si i posib pour ou klarifye e si non akoz then therefore mon prezimen ki Avoka ki pe travay avek sa Petisyonner oubyen ki pe ed li prepar son case e ki konn byen sa byen bann detay – zis parey Onorab Georges in dir nou akoz then zot pa’n anmenn li dan sa area ki parey Onorab Georges pe dir nou Mersi.

 

MR SPEAKER

Acting AG.

 

AG ATTORNEY GENERAL – MR DAVID ESPARON

Bon petet mon a klarifye en pti kou. Bon i tou depan, i depan lo sa Petisyonner li menm, sa dimoun ki anmenn sa case devan Lakour, ki i anvi mete an petisyon. Si i pa’n allege ladan then i pa pou ladan. E of course i pa ladan – zis pour konfirm sa.

 

MR SPEAKER

Ok, ou satisfe ?  Onorab Mondon.

 

HON TERENCE MONDON

Mersi Mr Speaker. Mr Speaker mon anvi demann Minis Finans, eski i pa krwar ki zot an defo avek bann Lalwa Prokirman ler  zot aksepte pour fer bann depans san menm en Kontra? Ki zot, akoz Minis in dir nou pour dir se zot ki accounting officer, par lefe ki ou accounting officer ou pe aksepte fer depans. Ou pe depans lazan pep Seselwa san en Kontra valid, devan ou.  E mon enkyet akoz Minister Finance, li menm li ki annan sa responsabilite pour gard sa disiplin, sa disiplin dan zesyon e administrasyon finans nou pei. Si nou pe aksepte sa kalite keksoz pe arive o nivo Minister Finans, mwan i enkyet mwan, mon enkyet. Akoz mon krwar mon, mon ti a kontan Minis Finans ti ava dir nou vreman zot, zot fer en fot, zot pe kasyet zot, en bann keksoz ki’n  mal ale, pa pe al byen, e zot pe sey kouver. E sa i pe met zot dan en bann difikilte pour eksplik, pour sey kouver ki mannyer keksoz in ale.

Mon pran en legzanp Mr Speaker nou get ok, sa msye, Mr Ntende pe reste.. nou pe pey lotel pour li. E ler ou get bann sif lotel, mon pa ganny en konpran akoz ki sa msye in vini in fer en trip le 31 Oktob i reste ziska le 6, i reste Savoy pour en kou 4mil 457 par nwit. Me selman i pa’n fer en lot trip, son lannmen i pe al reste Le Meridien Fisherman’s Cove ziska le 13 Novanm ; i sanz lotel e sa kou i deza sorti 4mil 457 in ariv 4mil 832. E son dernyen zour le, i reste,  i pey en lotel pour en nwit – 5mil 657.

Be ki mannyer nou, i 5 Star Hotel, nou met en dimoun la pour vin fer travay pour nou, ki mannyer dan  en pti lespas letan pour en trip ki in vini Sesel i pe sanz 3 lotel ?  E ki kantite i pou ale sa ?  Ou a  dir i pour enjoy tou sa bann 5 Star Hotel ki nou annan dan nou pei. Pour mwan i ti devret drwat – i reste dan en lotel nou pe peye pour tel amount. E ki mannyer nou pou, ki reperkisyon pour annan lo Bidze. Nou pou annan en Bidze ki nou pe … nou’n mete pour sa e ki nou pa ni konnen ki mannyer i pou ale.

 

MR SPEAKER

Ok, ok, ok, kestyon onorab, kestyon pour Minis.

 

HON TERENCE MONDON

Mon kestyon zisteman sa, i si  akoz Minister Finans pe aksepte bann keksoz parey ; kot sa dimoun pe sanz lotel e nou pe pey pli ser a sak fwa pour en menm trip.  Mon pe dir kekfwa pour next trip i vini kekfwa i pa kapab ganny sa lotel i reste dan en lot lotel. Nou pa pe vwar sa la nou. Nou pe vwar in vin en trip, i sanz 3 lotel – anfet 4 lotel, 3 lotel wi, 3 lotel. Mersi Mr Speaker.

 

MR SPEAKER

Ok, Mersi Onorab. PS Payet.

 

PS PATRICK PAYET

Mersi Mr Chair. Mersi Onorab. Kekfwa mon a komans dernyen kestyon avan, vi ki mon ti krwar mon’n mansyonnen letan mon ti pe reponn kestyon Onorab Henrie. Akoz in al Savoy, Le Meridien avek H Resort akoz dan Lagreman ki nou ti’n gannyen avek li se pou li reste Savoy dan son Lagreman. Me selman akoz Savoy ti fully booked sa bann lezot zour ki ti pou reste sanmenm sa ki i ti bezwen bouz lotel. Sanmenm sa ki in reste 3 lotel konpare letan in vini la, ki son bann vizit in kapab ganny plas kot Savoy.

Lo konsernan Procurement Regilasyon ouswa Lalwa ki egziste, en keksoz ki nou’n konstate letan nou’n pe fer peyman. Ti napa Procurement prosedir ki’n ganny follow. Me en kestyon ki nou ti demande nou osi akoz sa ti’n konmans avek CAA negosyasyon everything ti’n konmans kot zot, ki zot pa’n follow demann aprouvasyon letan zot pe siny Kontra ouswa letan zot pe endorse engagement avek en Kontra avek endividi pour zot demann aprouvasyon si pour zot in sot son limit Procurement.

Ki arive nou aprezan Minister Finans zis nou stop payment akoz sa pan’n ganny follow. En keksoz ki nou’n regarde i pa zis dan sa case konmsa me i bann lezot case ki par egzanp letan, Procurement Oversight Unit i dir ki avek en lenstitisyon zot in fini fer sa travay, me selman Procurement pa’n ganny follow.

Aprezan ki i arive i annan en keksoz ki very silent dan Lalwa ki nou pe diskite avek Attorney Zeneral avek Minister Finans, ki pou arive si demen Minister Finans pa pey sa endividi ouswa sa lakonpannyen akoz the Procurement prosedir pa’n ganny peye ? Sa nou’n vwar ki ti i annan en, i annan bann prosedir, ki par egzanp bann prosedir Procurement pa’n ganny follow.

 

MR SPEAKER

Mersi PS. I reste enn de entervenan, i reste nou zis 10 minit. Onorab Simon Gill.

 

HON SIMON GILL

Bonzour Mr Speaker mersi. Bonzour tou koleg Onorab, bonzour tou manm piblik. Mr Speaker depi yer nou pe ekout case atraver kestyon ki Onorab Ramkalawan in met devan.

Mon’n fer en kantite refleksyon lo sa size devan nou. E ziska serten degre, mon krwar honestly, mon pour dir i regretab ki nou’n ariv dan sa sityasyon. E nou Lasanble in ganny anmennen dan, si oule pour ekler tors lo travay ki Tribinal, pe fer ki’n ganny apwente par CAA. E en CAA ki an mazorite son bann manm pa la.  Nou annan nou en nouvo CAA la, e mon krwar nou bezwen tonm dakor lo en keksoz selman, ki Minister Finans premyerman, i bezwen dan en dele letan petet 48er or en semenn, al met annord tou sa bann prosedir finansyel ki annan mankman ladan.

Pour ki nou kapab annan en direksyon kler, en process kler lo ki mannyer legzistans sa Tribinal, e-tan ki konsern son lapse finansyel i ganny handle. On a day-to-day basis, weekly basis, monthly basis mon pa konnen ziska ki tan pour ale. This has to be done and taken seriously. E nou bezwen bouze annou pa gaspir letan lo sa. Sa i premye kontribisyon mon ti ava voudre fer. 2enm kontribisyon mon ti ava voudre fer, nou pe koz lo lendepandans Tribinal.

Mon trouv en konfli, tou an respektan tou bann lopinyon ki’n ganny anvoy devan. E mon krwar i annan, i annan tou rezon tou validite bann lopinyon ki’n met devan e mon pou dir i annan en konfli aparan e fodre nou fer atansyon. E ki li sa konfli ? Par lefe ki, ki CAA, sa current CAA la, in soumet pour sispann travay sa Tribinal. Now, kestyon fondamantal i lev-e – eski nou pou al donn zot lotorite pour zot administre Tribinal finansyerman ? Oubyen regilariz son bann depans, oubyen annan en kontrol. Si mon kapab servi sa terminolozi, annan en kontrol lo depans or donn laprouvasyon depans or sanksyonn depans.

Now, i pou annan en konfli Mr Speaker – ou a dakor avek mwan, e sa i kapab, pa neseserman annou get, nou pe get size ki devan sa Tribinal la mon pa pe get size la. Mon get an term process, pozisyon ki CAA in pran an relasyon avek Tribinal. Demen bomaten mon devan sa Tribinal mwan. E mon, mon, mon dimoun dan CAA akoz mwan ki devan sa Tribinal i dir, aret travay akoz i annan bann prosedir ki pa tro, tro normal. Probableman i pe fer sa akoz Simon. Now, si mon donn mon CAA ki pe defann mwan, ki pe defann mwan sa posibilite pou li dir si, si en dimoun i fer tel depans oubyen pa fer tel depans, then mon kapab bloke sa depans mwan.

Mon kapab bloke. Now, i anmenn nou pour antre dan en konfli direk – en konfli direk pozisyon CAA vizavi lendepandans sa Tribinal ; akoz zot pour war Simon, non pa the essence of the matter ki devan sa Tribinal. Now sa i mon 2enm pwen, mon 2enm pwen, mon 3enm pwen …

 

MR SPEAKER

Mon krwar Onorab ou konsern i kler ou annan 2 pwen … espere, espere  …ou annan 2 pwen ki mon krwar Prokirer Zeneral Ag i kapab reponn. Apre nou a gete si nou annan letan pou en 3enm pwen, akoz mon’n dir letan pe ale, ou menm ou’n dir, nou’n konmans depi yer avek delegasyon. Les lo ou 2 pwen Ag AG i reponn.

 

HON SIMON GILL

Ok, mon a, mersi Mr Speaker mon ava avek pasyans, mon napa zis en pwen mon ankor trwa pwen mon ti ava voudre soumet…

 

MR SPEAKER

Non, non, non ozordi malerezman ou 3 pwen ou a bezwen esper en pti moman, Ag AG.

 

AG ATTORNEY GENERAL – MR DAVID ESPARON

Ok, zis pour, pour klarifye ou pwen, definitivman i aparan ki i annan en break of relationship CAA aktyel avek Tribinal i annan. And of course Lartik 197 nou Konstitisyon i dir pou dir i bezwen enparsyal avek obviously, e sa bann Tribinal i bezwen enparsyal or endepandan. So, la nou bezwen azout ou caution en pti pe, akoz zanmen nou’n face en sityasyon konmsa e sa ki nou problenm. Be selman parey mon dir ou i annan en ka Ankour, annou esper sa rezilta sa Lakour nou gete ki arive vreman.

Nou pa pou kapab, mon pa pou kapab dir zot ki son proper result akoz Legal … Act konmsi i anpes mwan pou fer sa. Me selman nou bezwen en on caution on, on, on … ou byen pour dir sa nou bezwen en on caution as regards to ki mannyer sa prosesis pou deroule anvi ki sa konplikasyon sa pti konfli sa 2 lenstitisyon.

Enn in ganny kree pa CAA, ki’n ganny apwente par CAA sorry, e napa okenn provizyon once ki in ganny apwente – of course si i annan okenn dimoun ki kapab aret sa prosedir or not. I problematik akoz Konstitisyon mannyer in ganny drafte. So nou bezwen en air on caution ki, napa okenn lenterferans dan okenn kote ki arive. Me selman la desizyon i Ankour annou get ki arive, e nou les sa ek Lakour, en?

 

MR SPEAKER

Bon. Vi letan mon a  les en dernyen kestyon.  Wi Minis Larose avan nou les ou…

 

MINISTER PETER LAROSE

Mr Chair mersi bokou, mon krwar Onorab Mondon se si oule ou’n donn lenpresyon ki nou pe kasyet keksoz. Mon pa konnen si mon’n ganny, mon lenterpret ou lentervansyon konmsa, parske, non, non …

 

MR SPEAKER

Les Minis fini koze…

 

MINISTER PETER LAROSE

Non, ki mon, ki mon, mon le sey dir Mr Chair pour tou bann Onorab ki’n ganny sans vin Minister Finans nou moto i konmsa Ministry Of Finance Trade and Economic Planning will promote good governance transparency and accountability.

 Napa kasyet par deryer sa. Sa i nou MOTO sa. E si i annan petet kekfwa parmi serten Manm Onorab ki dan zot letan lib, zot le pas Minister Finans pase zot ava vwar sa ‘Plak’ ki welcome zot koumsa, Mersi.

 

MR SPEAKER

Ok mersi Minis la zot in ganny lenvitasyon avan mon donn dernyen parol pour loter PNQ, Onorab Ghislain ou  annan en quick kestyon ? Onorab Ghislain quick question.

 

HON CHANTAL GHISLAIN

Mr Speaker. Yes, Mersi Mr Speaker, mwan osi depi yer mon pe trankilman ekout diskisyon; si mon konpran byen CAA in sispann Tribinal, i pe demande pour sispann Tribinal, pou sispann sa Tribinal, pour zot aret fer fonksyonnman sa Tribinal arête. Sa ki mon pe sey demann, eksplike si mon pe konpran byen dan mon pti lespri.

E i paret osi la anndan osi, i annan dimoun ki pe ou a krwar anvi sa Tribinal pa fonksyonnen.

 

MR SPEAKER

Non, kestyon Onorab …

 

HON CHANTAL GHISLAIN

Mon kestyon, si eski Tribinal, ki CEA, CAA in fer en demann avek ou Minister ofisyelman pour pa fi.., pour aret finans sa, sa Tribinal e si wi ki rezon zot in donnen?

 

MR SPEAKER

Ok, Minis oubyen PS.

 

MINISTER PETER LAROSE

Mersi, Mr Chair, larepons se non.

 

MR SPEAKER

Quick question Onorab Ferrari vitman avan nou al pas kot Onorab Ramkalawan

 

HON JEAN FRANCOIS FERRARI

Yes, mersi quick Minis pour ou dernyen larepons byen kontan. Mon kestyon Minis i konmsa pour mwan demande sa Kontra e vreman mon osi mon ti a kontan dir ki, mon satisfe ki zot pe seye met en pe lord ladan. Me sa Kontra Mr Payet, evantyelman ler i pour ganny sinyen, i pour ganny sinyen avek lekel ? Akoz mon mannyer mon konpran Lalwa i dir the CAA appoints the Tribunal ok ? This is what the law says.

Sa Kontra pour Mr Etende, sa Kontra pour Mr Chetty lekel ki pour sinyen sa Kontra?

 

MR SPEAKER

Ok, kestyon i kler Onorab, PS Payet.

 

PS PAYET

Mersi Mr Chair. Mersi Onorab, definitivman i bezwen ganny sinyen par CAA.

 

MR SPEAKER

Ok, alright in reponn, ok Onorab Ferrari in reponn ou kestyon. Dernyen kestyon loter PNQ Onorab Ramkalawan…

 

HON WAVEL RAMKALAWAN

Mr Speaker, omwen nou pe fini lo en sourir…

 

MR SPEAKER

Order! Order!…

 

HON WAVEL RAMKALAWAN

…akoz, akoz sa dernyen larepons ti enteresan. Me zis pou servi, I mean Onorab Ghislain li menm li Mr Speaker in dekrir son lespri li menm li konman ptipti, in dir dan son pti lespri, sa pa mwan ki’n, sa pa mwan ki’n dir e…

 

MR SPEAKER

Kestyon, kestyon Onorab Ramkalawan.

 

HON WAVEL RAMKALAWAN

…e alor mon senpleman anvi, premyerman fer en komanter ki pou dir pour son pti lespri napa personn isi ki, napa personn isi dan sa Lasanble ki anvi enterfer direkteman dan travay Tribinal ok ?

 

MR SPEAKER

Kestyon, kestyon Onorab Ramkalawan.

 

HON WAVEL RAMKALAWAN

Alor Mr Speaker, mwan mon anvi demann premyerman Minister Finans, si sa papye ki zot in prezante i sanmenm sa standar ki zot travay lo la. Akoz si sa i standar ki zot travay lo la mon pou tre dezapwente.

Dezyenmman ankor enn fwa mon anvi konnen …

 

MR SPEAKER

Sorry zis pou klarifikasyon Onorab ou pe koz lo sa A4 ki fek sirkile…

 

HON WAVEL RAMKALAWAN

Lo sa Bidze ki’n… sa dernyen papye …

 

MR SPEAKER

569mil. Ok.

 

HON WAVEL RAMKALAWAN

Wi, wi, si sanmenm sa standar ki zot travay lo la ? Dezyenmman mon anvi, mon anvi konnen ankor enn fwa sa Kontra. Ensiste, mon pe ensiste lo sa kontra akoz Minister Finans an prensip i refize fer peyman si napa Kontra. E isi menm kot Lasanble Mr Speaker, zot ensiste ki fodre i annan  Kontra menm pou en Constituency Clerk pour kapab resevwar peyman. Si napa peyman, Minister Finans i refize, si napa en kontra Minister finans i refize.

Alors si Minister Finans i refize pour en Constituency Clerk ki ganny li 8mil roupi, ki mannyer sa menm Minister i kapab aksepte pour, pou bann sonm ki pe depas 100mil Roupi pour li peye san okenn Kontra ? E Mr Speaker, alor i annan, i annan problenm la.  Apre sa mon anvi demande be, eski sa bann peyman la, sa bann peyman i fini ganny fer, sa bann chiffre ki la, eski zot in fini ganny, zot in fini ganny fer?

Parski ankor enn fwa tiket, tiket pour sa dernyen vwayaz in bezwen ganny peye. In bezwen ganny peye. Lekel ki’n peye ? Nou anvi bann, nou anvi bann larepons direk.

E finalman Mr Speaker, pour sa ‘bat lanmen’ ki taler Onorab De Commarmond in pres pour li kas en latab,  mon dir avek li, lenterferans se letan CAA, se letan State House ti ape peye, se letan State House ti a pe peye pour sa Tribinal, se sa lenterferans dan sa sityasyon.

 

MR SPEAKER

Ok, ok, alright, ok, Order! Order! Order! Nou ti dir sa i dernyen kestyon. Nou a donn Minister Finans posibilite pour reponn sa 2 kestyon ki loter PNQ in demande… Order!

 

HON CHARLES DE COMMARMOND

Enterfer Mr Speaker, zot pe enterfer..

 

MR SPEAKER

Onorab De Commarmond, Order! PS oubyen Minis Finans.

 

PS PATRICK  PAYET

Mersi Mr Chair. Mersi Onorab pour sa 3 kestyon. Zis pour azoute in annan 2 dokiman ki nou’n donn Lasanble ozordi. Enn i konsernan bann peyman ki’n vin, ki’n ganny peye an referan sa Tribinal. So sa i premye paz sa dokiman, e sa i lavaler 215mil.

So, okenn peyman ki pa ankor ariv kot Minister Finans nou pa’n met li lo la. Par egzanp i annan tiket avyon ki sa msye i ariv Sesel, me sa i pa ankor endorse pour li anvoy kot Minister Finans. Sanmenm sa ki i pou bezwen ganny peye kot nou, once ki endorsement in ganny fer par sa Chairman Tribinal. Me aktyelman li nou pa ankor met li an detay akoz nou pa ankor gannyen sa invoice. Sanmenm sa nou pa ankor peye ki nou pa’n met li lo la.

Me 2enm dokiman Bidze.

 

MR SPEAKER

Mr PS Payet esper en pti moman. Silvouple kourtwazi komen i demande. Zot in demann en kestyon, PS Finans pe donn en repons – ekoute. This is simple human courtesy which the house has to observe. Kontinyen Mr Payet.

 

PS PATRICK PAYET

Mersi Mr Chair, 2enm dokiman ki lo paz 2 sa dokiman ki’n ganny partaze apre, sa i konsernan Bidze ki nou’n agree. Letan ou regard Bidze ki Gouvernman i travay lo la, i annan bann diferan code ki nou met li ladan.

Me tandis ki nou’n fer li, i annan bann additional working avan nou ariv sa Bidze 569mil ki nou bann staff in etabli. Me sa i zis en summary for the final figures. Me tandis ki si nou ti pou met li dan en bidze par egzanp sa bann Budget Book Document ki i ganny prezante, i annan son detay bann spesifik code ki nou met nou Bidze ladan, me sa, sa Bidze ki nou’n prezante avek Lasanble – i zis en summary of all the bann depans.

Sepandan, letan nou a prezant mid-year review report, letan nou’n fini konn tou bann depans anba Contingency, nou ava donn zot en detay anba sa vot kwa ki bann depans, kwa ki’n ganny depanse. Akoz anba vot Contingency i pa zis sa Tribinal i annan bann lezot unforeseen – par egzanp si i annan en case ki Gouvernman in perdi par Lakour ki ganny peye anba Contingency.

        Secondly … thirdly, about Kontra sanmenm sa ki mon’n mansyonnen en pe pli boner, nou’n demann en kopi Kontra ki nou dir nou pa pe kapab fer peyman la 3enm an Me akoz nou napa kopi Kontra.

Sepandan, lannen pase ti ganny peye anba Lofis Prezidan e an Me, an Fevriye ti pe ganny peye anba Contingency lanmenm la ki nou’n met sa anba CAA; ki nou’n demann zot en kopi Kontra avan fer any other payments. Me nou’n vwar dan file i annan en Agreman ofisyel ant sa 2 parties CAA avek sa Chairman ki ti’n agree lo pri. Me sepandan ti napa detay lo bann kondisyon, ki an deor; par egzanp dir son Consultancy bann lezot kondisyon ki pour ganny mete lo Kontra. E sa nou’n demann zot en kopi pou fer sir ki avan nou fer the next payment, nou bezwen ganny sa kopi. Mersi Mr Chair.

 

MR SPEAKER

Bon. En follow-up question. Yes Onorab Ramkalawan.

 

HON WAVEL RAMKALAWAN

Mr Speaker, mon anvi, mon anvi demann Minis, mon anvi demann Minis Finans, letan en konsiltan i vini sorti deor i bezwen pey tax li, i bezwen pey PIT, me selman eski sa msye pe pey PIT? Eski i annan okenn levidans ki poudir i pe pey, i pe son PIT?

 

PS PATRICK PAYET

Mersi Mr Chair. Mersi Onorab pour sa kestyon zis pour azoute ki letan en konsiltan etranze i vini, si i napa DTA Lagreman ki i pa sipoze pey tax Sesel. I bezwen pey withholding tax 15 poursan. Withholding tax in ganny tire, me sepandan son Kontra li i ganny mete li in full. Me selman i bezwen deduct.

I parey en saler, en saler in ganny mete in full, me selman income tax, me li sepandan i bezwen withholding tax. Nou kapab don’t Lasanble dokiman pou montre ki withholding tax in ganny tire dan son. Mersi.

 

HON WAVEL RAMKALAWAN

Mr Speaker la nou pe, tou keksoz e, e, I mean FPAC i kapab demann sa, me lefe ki i la  dan Lasanble, eski Lasanble i kapab ganny tou bann, sa bann invoices  ki zot in peye ensidswit – parski pou pey en tiket ou devret, ou’n devret fini peye pour li ariv isi e si zot pa ankor invoice, lekel ki’n peye ?

I mean sa i en kestyon ki sorry i kontinyen vini, me ziska aprezan nou pa ankor ganny en larepons lekel ki’n pey son tiket pour li vini sa, this time ?

 

MR SPEAKER

PS ou a kapab fer FPAC ganny sa lenformasyon ?

 

MINISTER PETER LAROSE

Mersi bokou Mr Chair. Anvi ki Onorab Ramkalawan in demann pour vwar fizikman sa bann dokimantasyon, nou a fer li gannyen, Manm Lasanble nou a fer li osi gannyen konman Chair FPAC osi, e tou bann dimoun, tou bann Manm Onorab Lasanble ki le ganny en kopi i ava ganny en kopi. Nou transparan e nou bezwen rann kont vwala. Mersi.

 

MR SPEAKER

Savedir Minis ou a fer Sekretarya kot Clerk ganny kopi konmsa ki nou kapab distribye avek tou bann Manm dan Lasanble.

 

MINISTER PETER LAROSE

Wi, Mr Chair.

 

MR SPEAKER

Avek sa nou t i a kontan petet retourn Lasanble Committee of the Whole Mr Sergeant-at- Arms. E a sa pwen mon ti a kontan remersye Minis, PS avek ou delegasyon, AG, Acting AG ki’n vini.

Mon krwar leson ki nou pe aprann ki en leson tre enportan pour nou pei, ki enportan ki nou fer keksoz byen. Nou pa pe vin la pour viktimiz, oubyen kritik, oubyen enterfer dan nanryen, nou pe zis fer sir ki prosedir i byen. E mon krwar nou’n annan sizesyon ki en Manm in fer sorti ki petet lapros lavenir ki si i annan leklersisman ki Minister i kapab anmennen, nou ava apresye. Nou menm nou dan Lasanble nou konnen bann prosedir kot nou kapab servi pour nou kapab plis lenformasyon lo sa size – tousala i posib.

Avek sa nou a remersye Minis ankor, swet ou bonn kontinyasyon nou a pran en Break nou a retournen 11er.

 

(BREAK)

 

MR SPEAKER 

Nou a kontinyen avek nou travay pour ozordi.  E nou al lo bann Mosyon ki ti lo Order Paper ki’n sirkile yer. E premye Mosyon nou a demann Leader Lopozisyon Onorab Ramkalawan – pour prezant sa Mosyon konsernan Komite Zil. Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker premyerman mon a remersye Lasanble pour aksepte ki sa rapor provizyonnel, en rapor provizwar, provizyonnel which ever way nou anvi apel li, ki nou kapab prezant li ozordi.

E sa parey letan nou ti eksplike i swiv sa vizit ki komite zil ti fer lo zil Coetivy. E petet serten dimoun i ava demande, be akoz ki apre ki nou’n vizit en kantite zil nou pa ankor fer en rapor provizwar, me ki lo Coetivy nou’n santi sa nesesite pour nou prezant keksoz  devan Lasanble e atraver sa byensir devan, devan Gouvernman.

Rezon prensipal Mr Speaker se, pour le moman i annan bokou konfizyon an relasyon avek zil Coetivy, e i annan bokou diskisyon ki pe ganny fer. Zil Coetivy konpare avek bann lezot zil ki nou’n vizite,  i pa anba IDC as such. Desroches i anba IDC, Farquhar i anba IDC ensidswit, me tandis ki lo zil Coetivy, IDC i ansarz the management pour provide, pour, fer sir ki i annan elektrisite, delo ensidswit bann lenfrastriktir. Me tandis ki, se pa li ki ansarz sa zil, e lo Coetivy i annan, i kontinyen annan en Sant Detox, i annan en group prizonnyen e apre sa i annan, i annan byensir sa kote IDC.

E la petet mon ava, mon ava profite pour mwan dir ki, Komite Zil byensir pe travay lo son bann, lo son rapor deza nou pe konmans fer sa. E ki letan pour ariv son moman, nou ava prezant en rapor lo, lo tou bann zil ki nou’n vizite e sa i ava enkli osi bann zil prive ki la pour le moman nou ankor pe esper zot pour zot donn nou en lide, kan nou pou kapab vizit zot. E sa rapor i ava osi enkli, letan nou ava’n koz avek diferan dimoun ki enterese avek devlopman zil, e bann dimoun ki deza bann akter, tel ki bann peser, tel ki bann dimoun ki dan lendistri banbara, bann dimoun ki dan Lanvironnman, SFA li menm.

Alor mon anvi konman Chairman sa Komite dir avek tou bann dimoun ki pou dir personn pa pou ganny met dekote. E an plis ki sa, pou dir avek zot ki nou pa ankor formil bann rekomandasyon pour nou kit en group deor, pour nou kit en lot group deor. Non. Se pa sa nou lentansyon, e letan nou, letan nou pe vizit bann zil nou fer komanter lo sa ki nou vwar.

Byensir i annan serten dimoun ki koz lo bann keksoz ki’n arive lo bann zil, me zisteman zot pou annan sa posibilite pou zot, si dimoun i annan okenn, okenn lenformasyon, okenn detay, nou pour annan sa posibilite pour zot kapab vin koz avek nou pour zot ekler nou. A okenn moman sa 7 dimoun ki lo sa Komite Zil nou deklar nou lekor koman bann dimoun ki konn tou ; nou pa konn tou e alor nou pou, nou pou kit sa lespas pour dimoun kapab, koz avek nou.

Alors Mr Speaker Komite Zil ti fer vizit lo Coetivy Vandredi le 26 Me. Petet lo,  rapor ki’n ganny sirkile i annan en fot nou’n met le 26 Zen, me vizit ti ganny fer le 26 Me. E Zil Coetivy zis pour konesans piblik an zeneral, i annan en siperfisi 933ektar e sa i ganny tradwi konman 2,300 arpan. I 290kilomet avek Mahe e dan nou lopinyon i prezant li koman en zil avek gran potansyel. I annan bokou lenfrastriktir ki’n ganny konstri lo sa zil dan lepase. E tousala i ganny servi dan diferan fason. E atraver bann lannen zil Coetivy en moman ti prensipalman en kan Militer, apre sa, apre sa in plito dan vokasyon agrikol, e a en serten moman parey nou  tou nou konnen ti annan en Laferm Kanmaron lo zil Coetivy konman aktivite prensipal.

Ozordi i reste en zil pour Gouvernman, me se pa sa Paraetatik ki apel IDC ki okip li. E parey mon’n mansyonnen pli boner i annan en Sant pour Reabilitasyon pour dimoun ki lo drog, me la pour le moman napa personn ki laba. I annan 6 prizonnyen anba en, sipervizyon en zofisye prizon Mrs Agathine ki nou ti zwenn li, e nou ti ganny sans koz avek li. Parey ki nou ti ganny sans pou koz avek Mr Waye-Hive e avek detrwa travayer.

Mr Speaker i annan lo sa zil, ti menm en moman kot ti annan en businessman ki ti’n ganny sa zil an antye. E sa ti en deba ki ti ganny fer dan 4enm Lasanble, kot nou ti demande ki sa zil i retournen koman en zil pour Gouvernman me la pour le moman i annan anviron 100 arpan lo sa zil ki form parti en ‘Bay ki Gouvernman in fer avek en businessman. Me napa nanryen ki’n ganny konstri e sa ‘Bay i plito lo parti Sid sa zil.

Sa proze Kanmaron ankor enn fwa zis pour donn en pti background lo zil Coetivy, sa proze Kanmaron ti ouver an Mars 1994 par ansyen Prezidan Rene e i ti en proze SMB anba direksyon Mr Mukesh Valabji. Prodiksyon kanmaron ti ariv ziska 1085 ton an 2003. Dapre bann rapor ofisyel standar ti o tou bann lekipman ti an plas e sete standar Eropeen. Mr Speaker i malere pou dir, ki letan nou ti ariv lo sa zil nou ti vwar restan sa proze ki ti an det Sesel plis ki 300, plis ki 200milyon Dolar.

Sete sa det ki Sesel ti, ti ranmase atraver sa proze Kanmaron, e sa ki nou ti vwar ti sok nou en kantite. Nou ti war, e la nou eksprim nou dezapwentman ek sok pou vwar leta gaspiyaz e mank responsabilite apre ki sa proze ti arete. Ou a krwar ki apre ki sa ki sa proze ti arete, tou dimoun ti zis kit zil an abandon, e apre sa bann dimoun in mont lo zil e zot in fer shopping. Mr Speaker laplipar bann keksoz ki annan valer in ganny vole, e sa ki ti deza en proze o standar i zis bann batiman vid. Kot ti annan Cold Store ozordi i zis miray vid, e sa ki ti deza bann basen pour kanmaron i plito bann basen kot pye sed pe pouse ozordi. E la mon anvi mansyonn spesyalman sa plastik ki zot ti mete dan baz sa bann basen ; bann plastik ki ti kout 40 Dolar par met kare, 400, sorry –  400 Dolar par met kare i ti zis dan labandon. E in annan bokou dimoun ki’n monte pour zot vol sa bann plastik nwanr, parski byensir i annan en market, parski, i pa fasilman, i pa fasilman ganny detri.

Tousala Mr Speaker ti vreman kas nou leker, petet si ozordi nou pe anmenn sa size dan sa Lasanble pour demande ki Gouvernman i fer en keksoz, se zisteman akoz sa bann keksoz. Crane ki ti ganny servi pou met bann container lo bato, crane i la rouye ; bann gro crane, parmi bann pli gro crane ki annan dan nou pei. JCB i lanmenm la in rouye, i pouri in ganny abandonnen, e pourtan le pep Seselwa in ganny demande pour li kontinyen pey sa loan apre ki in annan serten in annan serten negosyasyon pour fer li, pour fer li desann sa loan.

E kestyon ki nou demande Mr Speaker se – eski vreman Sesel in ganny li tou sa ki i ti bezwen ? Oubyen eski i annan serten ki’n byen pase me Seselwa ki’n pey lepo kase ? Donk baze lo tousala, e letan nou’n regard potansyel ki sa zil i annan e, sa bann dernyen lannen, nou’n vwar en pe potansyel letan bann prizonnyen ti laba lo zil, nou ti ganny sans swiv serten progranm lo SBC ki ti montre sa prodiksyon agrikol.

E letan nou’n koz avek bann dimoun ki lo zil zot pe, e nou’n vwar serten bann zarden ki prodwi sou, ki pe prodwi brenzel, ki pe prodwi ponmdamour, tomat e zot koz an term posibilite prodiksyon zonnyon, ponmdeter – ensidswit.

Alor, Komite Zil i vwar ki lefe ki napa gran plan la pour le moman, nou santi ki poudir i nou responsabilite pour nou met serten keksoz devan Gouvernman. Koman bann rekomandasyon, e demande ki aksyon i ganny pran o pli vit posib, pour ki sa zil i ava ganny devlope e i a kapab ganny servi pour, pour fer sir ki nou prodiksyon i ava monte.

E petet an menm tan i ava osi, tonm dan en bon moman parski, parski semenn pase Lasanble Nasyonal pandan 2 zour, nou’n koz lo lagrikiltir. Nou’n koz lo ki mannyer sa Sekter Lagrikiltir i bezwen reganny  lanse. Ki mannyer later, later Lagrikiltir i bezwen ganny proteze, e ki mannyer nou bezwen donn, nou bann fermye tou sa ki neseser pour zot lanse.

E alor leta sa ki nou’n vwar lo Coetivy, in donn sa posibilite pour nou ozordi dan sa menm lespri, met pei premye e regarde ki mannyer nou kapab koup lo lenportasyon, souvandfwa keksoz ki nou pa konnen, alors pour nou kapab met lanfaz lo la. An menm tan osi etandonnen grander sa zil, pour nou regard bann lezot aspe son devlopman. Donk Mr Speaker mon pour pas lo, lo sa 10 rekomandasyon ki Komite i ti ava kontan met devan.

Premyerman nou pe dir vi potansyel, devlopman touristik lo sa zil etandonnen son bote, nou demande ki Gouvernman i fer bann demars, pour ki sa zil i retourn an antye pour Sesel, pour Leta Seselwa. Alors nou pe dir, sey fer fason pour cancel sa Bay 100 arpan, pour ki avek nouvo kolaborasyon, i ava kapab annan en sityasyon kot i ava annan en devlopman touristik. Me ki nou donn Seselwa priyorite pour en tel devlopman touristik lo sa zil. E la letan nou pe dir donn Seselwa priyorite, byensir parfwa pour fer bann gran devlopman konmsa, i kapab osi annan en partnership me ki otan ki posib kontrerman avek sa ki sa trend kot devlopman touristik in ale, kot se bann etranze ki, bann lakonpannyen etranze, ki konstri bann lotel ; e ki alor, apre larzan i al deor me ki otan ki posib larzan i ava reste dan nou pei pou benefis nou pei, nou Seselwa.

Dezyenmman, nou demande ki pandan ki sa bann demars i ganny fer e, etandonnen, sa chiffre ki mon’n mansyonnen pli boner 400 Dolar par met kare pour sa bann plastik ; kot ozordi pye sed ki ape anvair sa bann basen, nou demande ki, i annan en travay ki ganny fer imedyatman pour ki sa bann ansyen basen kanmaron i ganny netwaye. La ki sa bann pye sed zot ankor annan zis detrwa lannen, e nou pa esper letan zot n’ariv 10an pour nou netwaye. Ki alors sa i ganny netwaye, e ki an menm tan, an menm tan, nou, nou regarde ki mannyer sa bann basen i kapab ganny servi.

Vi ki ozordi, ozordi nou pe koz dan bann, dan bann diferan fason lo devlopman mariculture. E, e alor ki mannyer menm i ava petet annan sa posibilite pour komans prodiksyon kanmaron lo en nivo bokou pli ba, e sa i ava prensipalman pour nou marse lokal. In annan serten konsiltasyon ki nou’n fer avek bann, bann, bann dimoun ki i annan sa konesans. E zot krwar ki pou dir ki i annan posibilite pour avek serten sanzman avek dan striktir pour ki i ava kapab annan en prodiksyon lo en, lo en nivo ki ava, ki ava ase  pour, marse lokal.

E sa i ava osi enkli pour bann lotel ki, e la nou pe koz d’apre bann chiffre ki’n ganny mete. Anviron 200 ton dan en lannen, i sipoze ase pou kouver prodiksyon lokal. E la ankor enn fwa Mr Speaker, e petet en parol ki nou pou met lanfaz lo la, se pou donn posibilite pour Seselwa an premye, pour ki Seselwa i kapab envestir e osi regard posibilite bann partnership kot i apropriye.

E trwazyenmman lo sa size mariculture, kot nou pe koz, fer levaz bann, bann lespes marine, dan basen – dan en fason kontrole, nou demande ankor enn fwa ki sa i ganny ouver pour ki sa devlopman i kapab arive. E, e ankor enn fwa selon bann eksper, bann keksoz ki, ki kapab lanse apard, apard pwason, nou kapab pe koz an term krab, banbara ek lezot lespes marine ki ava ede pou koup lo lenportasyon.

E byensir zis koman nou koup lo lenportasyon e nou fer nou prop prodiksyon i al pour marse lokal ek pour nou marse touristik.

Katriyenmman Mr Speaker zil Coetivy i annan en gran potansyel pour lagrikiltir, e i annan bann dimoun ki oparavan zot ti annan kek, kek involvement avek Coetivy.  E zot osi tou zot in koz lo sa, lo sa gran potansyel pour lagrikiltir, me malerezman zanmen in deza annan en plan konpreansiv.

Alor nou pe propoze ki Gouvernman sa fwasi i pa zis koze, me ki i annan keksoz konkret ki ganny fer. E avek sa siperfisi ki nou annan napa okenn rezon akoz pa kapab diviz sa zil dan bann diferan laferm, pour ki par egzanp nou kapab rantre dan  plantasyon. E parmi bann plant ki nou pe koz lo la, nou pe koz lo tomat, sou, brenzel, zironmon, zonnyon, lay zenzanm, ponmdeter, piman e mon plis ki sir bokou lezot ki, ki, spesyalman kontan bann plant ki al byen dan bann later disab, ki alors nou ava kapab, nou ava kapab prodwi.

E lo en lot nivo lefe ki sa zil i sitan fertil akoz nou pa kapab al dan prodiksyon zannimo ? Nou ava kapab al dan prodiksyon zannimo e parey bann zannimo ki’n ganny mansyonnen i annan koson, bef, poul, kannar, pentard, zwa, den ek kabri, e petet osi bann lezot ankor. E la Mr Speaker i pa zis en rev ki nou pe, ki Komite Zil pe fer, me nou Komite nou pe, nou pe met bann propozisyon konkret. E parey nou pe dir kot Gouvernman i bezwen li osi tou zwe son rol e avek bann, avek bann diferan partner, avek bann diferan dimoun ki annan sa lekspertiz, zwenn fer en plan.

E nou pa war okenn rezon akoz ki petet dan sa bann mwan ki pe vini i pa kapab devlop en plan, en plan serye, pour ki dan lannen 2018 nou ava kapab pe, nou ava kapab pe vwar serten mouvman. E alors Komite pe demande ki deswit Minister Lagrikiltir avek tou son bann tou son bann lezot partner, ki IDC avek sekter prive, zot fer en plan detaye lo ki mannyer pour fer en Land Use Plan lo sa zil pour bann diferan laferm avek Seselwa an premye, etranze, e byensir i avek serten, serten ka kot i ava annan partenarya avek bann etranze pour zot lans zot dan… pour ki prodiksyon i ava kapab konmanse o pli vit posib.

Senkyenmman Mr Speaker mon konnen ki ou konman en manm, ki lo sa Komite ki pe regard Prizon i pou en pwen ki pou enteres ou, parske nou krwar ki pour annan osi sa posibilite pour nou enkli bann Kondannen dan sa devlopman.

Posibilite pou reabilitasyon prizonnyen dan domenn, lagrikiltir i posib e dan lepase nou’n vwar ki mannyer i kapab ete, e, e se la kot si, si sa i ganny pran o serye. E ki i ganny fer byen nou pa vwar okenn rezon akoz ki prizon osi tou i pa ava kapab annan en laferm, e dan sa laferm zot a kapab prodwi bann nesesite pour bann diferan lenstitisyon. Premyerman pour prizon li menm, e la ki Prizon Marie-Louise in fermen. Alors nou pe koz zis lo prizon ki isi lo Mahe pour prodwi bann nesesite ki i ava koup lo depans ek bann lezot lenstitisyon ; tel ki lopital, Vilaz Prezidan, bann fwaye lo Mahe. Napa okenn rezon akoz nou pa kapab al dan sa direksyon.

E la mon mazin par egzanp prizon ki mannyer i ti fonksyonnen letan i ti Union Vale. Zot ti prodwi dile ki zot ti partaze partou lo Mahe, dan lopital,  e dan bann lezot, dan bann lezot landrwa. E legim tousala – sete prensipalman prizon ki ti prodwi, e alor nou krwar ki pou dir ki pou annan en plas pour bann Kondannen travay. E la nou pe koz bann dimoun  ki – parske i annan bokou prizonnyen ki, ki kantmenm malgre zot in fer zot fot, zot serye, e zot ti ava kontan re ganny en lansman. E letan nou’n lo zil, mwan mon’n koz avek, avek serten, parmi sa 6 prizonnyen ki la, e definitivman, zot ti ava kontan pe fer en keksoz ki an menm tan ti ava met en pti keksoz dan zot kont, pour ki letan zot sorti dan prizon, zot kapab lans zot. E byensir si sa pe mars byen mon pa vwar akoz, e i annan enn  – in fact ki’n dir avek mwan ki si i annan posibilite pour li letan i sorti pour li retourn lo sa zil koman en fermye. I vwar sa potansyel ki i ti ava kontan refer li. Alor la lanmenm la i donn nou en serten lalimyer.

Me selman Mr Speaker nou 6enm rekomandasyon se pou dir avek Gouvernman ki nou pa vreman vwar ki mannyer sa reabilitasyon pour bann dimoun ki lo drog lo Coetivy pour marse. Nou’n koz avek sa msye ki ansarz sa sant, e nou, dan nou dyalog nou’n war i kler ki pou dir ki i pa pour marse. E sa ki’n pase dan le, sa ki’n arive dan lepase i montre ki poudir i pa pou marse. E i annan en problenm avek profesyonnel ki mannyer pour adapte, e lo sa nivo. Alors, nou pe demande ki Gouvernman seryezman i regard ankor dan sa plan, e pa al dan direksyon pou met sa sant lo Coetivy, me plito rod en landrwa apropriye isi lo Mahe pour sa,

E enn nou 7enm pwen, e la mon anvi ankor enn fwa dir avek nou Lasanble ek tou Seselwa, ki poudir enn bann keksoz ki nou ensiste lo la se sa kote touris lokal. Pour nou bann Seselwa kapab vizit zil, nou’n vwar kot i annan serten fasilite, e nou’n demann kestyon, avek IDC serten landrwa kot ozordi, par egzanp letan nou get zil Alphonse ; ozordi sa bann villa ki ti sipoze pour bann Seselwa kapab servi akoz zot annan en problenm akomodasyon zot pe met bann travayer ladan.

E sa i fer ki sa posibilite pour Seselwa vizit sa zil i, i fermen.  E nou, nou pe met lanfaz pour ki Seselwa i kapab vizit son bann zil e,  sa i en keksoz ki nou met lanfaz lo la. E nou’n vwar serten bann zil kot bann fasilite i egziste. E, nou, nou ensiste ki sa bann menm fasilite i ava egziste lo zil Coetivy e Seselwa i ava kapab al laba lo sa bann zil pour en pri rezonnab ; pour en pri ki ava bon marse e zot ava kapab enjoy. Alors sa i en pwen ki, ki nou met bokou lanfaz lo la.

Nou 8enm pwen konsernan Lekol Lagrikiltir, i en pwen ki petet letan nou ava regard li an relasyon avek, avek bann profesyonnel, ki pour al travay laba. Petet nou osi konnen ki pou dir bann dimoun ki, bann ansenyan dan Lekol Lagrikiltir se souvandfwa bann dimoun ki kontan lagrikiltir. Alors petet la ankor enn fwa i a kapab annan sa, en serten, en serten laranzman kot anmezir bann zenn pe aprann lagrikiltir – petet sa bann dimoun zot ava trouv zot, alez si zot annan zot fanmir e zot osi zot tou zot ava annan en pti laferm – kot zot ava pe donn en koudmen, en koudmen,

E Mr Speaker sa 9enm pwen i en pwen ki, i en pwen ki serye parski si nou enterese pour nou relans devlopman zil Coetivy – e ki nou pe regard li koman, koman en zil ki kapab vreman vin en bread basket parey nou dir, pour nou pei, nou pe santi ki, ki i enportan pour nou donn en serten tax break.  E se sa ki en kantite pei i fer. Letan – e mon ti pe regard Bidze Maurice par egzanp pour sa lannen, letan i anvi ouver en keksoz pour donn lankourazman, i tant pou li, i tant pou li donn bann, bann, donn bann tax breaks savedir kot par egzanp i kapab dir be pour premye 5an oubyen premye 3an, sa bann dimoun ki pe lans zot dan sa bann domenn, zot pa ava, zot pa ava pey okenn tax me ki tou zot larzan i ava al dan devlopman.

So, nou pe met sa osi konman en posibilite. E byensir Mr Speaker, letan nou pe, letan nou pe regard tou sa bann keksoz kekfwa nou kapab mansyonn kou. I mean sa zistans ki Coetivy i ete avek kou, me i annan, i toultan annan sa eleman kot si en sel dimoun ki pe fer sa, sa aktivite byensir i pou ser.

Me selman si i annan posibilite – parey nou pe dir pou ouver li, pour, pour ki i ava annan diferan laferm ki pe fer diferan aktivite, la aprezan i pou vin pli bon marse, akoz olye en dimoun par egzanp pe pey 50mil Roupi pour bato i ava annan omwen 25mil, 25 dimoun oubyen 30 dimoun. E sa kou i ava ganny partaze e ler la sa kou i vin, i vin bokou pli ba, e sa i ava ede pour ki letan prodwi i sorti, i sorti laba i ava en pri rezonnab pour nou marse. E sa dan li menm li i ava ede, pour nou, pour nou  dan sa demars ki nou pe fer dan sa Lasanble, pour nou met lanfaz lo fer desann pri lavi. E finalman Mr Speaker mon krwar ki si i ava, i ava plito enn pour FPAC, en pwen ki petet apre sa ki mon’n mazinen e ki nou ti’n koz la. Parski i annan en prosesis la pa ankor terminen avek Proze Kanmaron.

I annan sa ki nou apel liquidation, pour regard tou bann det, tou bann, tou keksoz ki annan pour fer, e la pour le moman lenformasyon ki nou’n resevwar se ki sa prosesis pa ankor fini ganny fer. E sa i ava en responsabilite ki mon krwar Lasanble i ava donn FPAC, pour demann bann kestyon apropriye, e pou anmenn bann dimoun ki  konsernen pour vin koz lo la, pour ki nou ava konnen egzakteman ki mannyer keksoz i ete. E baze lo sa bann rapor, si FPAC i santi ki poudir fodre ki annan en lenvestigasyon, en lenvestigasyon ki swiv, then i ava pran sa desizyon. An konklizyon Mr Speaker, mon anvi dir ki Komite Zil dan Lasanble Nasyonal, i santi ki en desizyon imedyat i bezwen ganny pran. Pli nou espere se nou pei ek nou pep ki pou perdi. Moman i la konmela pour ki nou pei servi potansyel ki zil Coetivy i annan pour devlopman nou pei. Mersi bokou Mr Speaker.

 

MR SPEAKER

Mersi Onorab Ramkalawan, e Chair Komite Zil. Zis pour klarifye lo mwan kopi i annan zis 8 rekomandasyon. Eski tou dimoun in ganny sa, sa ki…i annan 10, 10 – tou dimoun i annan sa ki 10. Ok. Mon a rod pour mwan apre.

 

HON WAVEL RAMKALAWAN

Mr Speaker en pe parey Minister Finans, konmsi nou annan page 2 pandan lannwit.

 

MR SPEAKER

Mwan a rod mon soz. Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker wi lo papye petet ki devan ou, ou vwar 7 rekomandasyon me Mover Mosyon in dir i annan 10, e in mansyonn son 3 lezot. I tou byen.

Mon ti le zis pran laparol pour siport, e segonn, segonn e siport sa Mosyon ki devan nou. Mon krwar Mosyon i byen. Napa much pour azoute. Zis pour dir 2 pti keksoz Mr Speaker. Enn parmi bann aktivite ki ti annan lo zil Coetivy ler sirtou IDC ti pe ansarz li apre ki militer ti’n sorti, se prodiksyon pti poul – prodiksyon bann pti poul ki ti fourni zisteman bann fermye lo Mahe, bann dimoun in servi pour kapab fer ki vwar prodiksyon poul a en serten letan dan nou pei ti’n ariv preski 80 poursan. So originally sa ti sorti Coetiviy – zis pour montre son potansyel.

Lot keksoz kekfwa ki nou kapab mansyonnen parmi…bann kalite plant ki ou kapab fer laba, bann kalite keksoz, se patat ki zot pa’n mansyonnen. Patat osi i pou vin byen. E petet osi nou kapab fer re sorti ki mwan sa zafer prizonnyen pour al laba en pe vitman, ou vi ki Mr Speaker ou menm ou lo sa Komite Prizon, sa nou demann ou sipor pour kapab donn en koudmen pour akselere, pour ale, pou maintain landrwa, pou komans serten prodiksyon.

Mon swete sa voyaz sa ki zot prodwir i ava ariv kot prizon. Akoz i annan alegasyon ki konmkwa serten keksoz zot prodwi enn ler pa ni arive kot prizon. So sa bann keksoz i kapab ganny gete ladan. Mwan letan nou Coetivy laba i dir si Paya ti kapab koze. Paya Mr Speaker, en pti lakaz, en lakaz laba lo zil, nou pa pour al dan detay son zistwar. Me selman i annan en zistwar par deryer li so sa en pour en lot moman.

 

MR SPEAKER

Koman i apele Paya?

 

HON CHARLES DE COMMARMOND

Paya.  Mr Speaker, zis pour dir avek nou Lasanble os, ki letan ki nou’n vini, e ki depi yer i annan lo televizyon, rapor ki’n ganny fer, Chairman in koze. I annan dimoun ki’n telefonn mwan personnelman, fermye ki pe montre lentere ; ki pe dir be kote pour ale, ki pour fer pour li kapab get posibilite, pour ganny en bout Coetivy pour li lwe, pour li kapab komans fer en devlopman.

Savedir mwan mon mansyonn sa, akoz pour montre pou dir nou pa pe koz dan vid. It’s real, e dimoun i enterese ; Seselwa. Seselwa i enterese, mon krwar sa laport i devret ganny ouver pli vit posib pou permet devlopman Coetivy proper ganny fer ki nou kapab nou pei benefisye from sa gran zil dan nou teritwar.

Avek sa mon pa pou al dan plis detay. Mon krwar bann pwen in ganny sorti. E i byen ki nou siport sa Mosyon ki devan nou Lasanble ozordi. Mersi.

 

MR SPEAKER

Mersi Onorab. Onorab Arrisol.

 

HON SANDY ARRISOL

Mr Speaker mersi. Mon ti a kontan mon osi prezant mon sipor pour sa Mosyon. Parske bann rekomandasyon ki’n fer mon krwar i ase rezonnab, e i kler. E mon ti a kontan dir ki mon pa lo Komite Zil, be selman mon apresye travay ki bann Manm ki lo sa Komite, zot pe fer  an relasyon avek zil.

E sa ki enportan se bann rapor parfwa ki zot donnen mon krwar klersi en pe lespri dimoun laba deor an relasyon avek bann zil ki zot vizite osi. Mon krwar i fer bokou sans. E ozordi sa rapor ki nou’n gannyen, mon krwar i fer en kantite sans an relasyon avek travay ki sa komite pe fer. Mon ti a kontan koz an relasyon avek lagrikiltir. Parey in ganny dir mwan mon rapel letan, mwan mon enn bann Manm letan Mosyon lagrikiltir ti vin dan Lasanble Nasyonal, mon ti dir poudir i annan en presyon ozordi an term later an sa ki konsern konstriksyon lakaz. E St Louis dan mon distrik i enn le ka.

Alor mon ti dir, e mon kontan la dan sa rekomandasyon in fer resorti pour dir nou bann zil ki nou annan, e Coetivy ozordi in ganny idantifye koman en zil potansyel kot nou kapab fer lagrikiltir, e mon kontan sa.

Dezyenmman Mr Speaker i annan sa ki konsern pwen nimero 5. An sa ki konsern Komite i krwar ki posibilite pour reabilitasyon prizonnyen dan domenn Lagrikiltir i posib. Nou senserman krwar ki en laferm pour prison, i ava kapab prodwi bann nesesite pour sa lenstitisyon ek lezot lenstitisyon tel ki; lopital, Vilaz Prezidan, e menm bann Fwaye lo Mahe.

Alor nou krwar ki i annan en plas pour Kondannen travay e ganny en larzan pour fasilit zot reabilitasyon dan sosyete. Mr Speaker dan Bidze lannen pase, letan nou ti pe koz lo prizon, mwan mon ti dir bann prizonnyen nou bezwen vwar en fason pour zot kapab kiltiv zot prop manze. Akoz letan nou ti pe get Bidze depans ki nou fer sirtou avek lavyann pour bann kondannen ti bokou. E la ozordi rekomandasyon nimero 5 pe koz lo menm keksoz. E sa i montre poudir ek letan, ek letan i annan keksoz pozitif ki pe bouze dan nou pei, letan ki nou tou nou pe met lespri ansanm. E nou pe travay ansanm.

Selman lo sa pwen, mon ti a kontan dir – parey Onorab De Commarmond in fer mansyon en bout poudir prizonnyen bann kondannen pe travay – fantastik. En keksoz pozitif.  E mon krwar ou, koman sa dimoun ki lo sa High Level Committee an term prizon, i enportan pour rod serten leklersisman. Parske i annan prizonnyen ki’n lo zil Coetivy sirtou. E mon’n aprann ki zot in fer 3an, e zot ti pe ganny peye si mon pa tronpe R20 par zour.

Me i annan prizonnyen, oubyen Kondannen parey nou apel zot, zot pa konnen oli sa larzan. Dan ki kont in ale? Kote zot fanmir i kapab ganny akse avek sa larzan par egzanp ? I annan en konfizyon la. Mon krwar ti a bon nou klersi sa bann zafer.

Si nou pe fer sa bann dimoun travay pour bonn fwa parey in ganny dir pou zot kapab servi sa larzan pour reabilitasyon dan sosyete ler zot sorti, I enportan pour nou klersi, e pour zot konnen. Par egzanp letan ou fer letour dan lezot lenstitisyon i annan prizonnyen ozordi ki pe travay en pe partou, partou. Be i annan bann kondisyon ki pe ganny atase. Swa SMB i fer en kalite kondisyon ek zot, apre prizon i fer en lot kondisyon avek zot. Mon krwar tou sa bann pti keksoz i enportan.

Si sa bann dimoun zot pe vin pozitif, zot pe retourn dan lasosyete pour fer keksoz pozitif, e dimoun i vwar zot; mon krwar i enportan pour nou napa okenn manboulouk ki pe ganny pase. Mon pe dir sa parske i annan de fwa letan ou koz ek bann ki ou zwenn, kot zot pe travay, zot dir ek ou par egzanp zot pe travay, zot menm zot, zot pa konnen, oubyen zot fanmir pa konnen poudir i annan en kont ki’n ouver pour zot, akoz tou le mwan pe tir tan, oubyen tou le mwan pe met tan an relasyon ek zot larzan. E i annan prizonnyen, i annan kondannen ki annan zanfan deor. Oubyen kekfwa i annan ki’n ganny mete laba akoz zot pa pe pey Alimoni pour zot zanfan.

Be eski pa sa i bann posibilite kot nou kapab ed bann zanfan e demen i le 1 Zen, i Lafet Zanfan, kot bann zanfan ki zot papa sirtou i en kondannen. Omwen ti ava annan en landrwa kot sa bann manrmay. Sa paran ti a kapab annan koneksyon avek byensir sipervizyon prizon dan laranzman ki zot fer, pour ki bann fanmir i benefisye. E mwan mon toutafe dakor an relasyon avek sa. Parske prizonnyen parey Leader Lopozisyon in fer resorti dan bann prizon lepase, se zot ki ti kiltive, se zot ki ti annan en keksoz pozitif ki zot ti pe fer. E an menm tan parey in dir poudir  sa larzan i la letan zot osi zot sorti. Nou pa vwar zot pe tourn an ron akoz zot ti en kondannen, e lasosyete i get zot en fason.

Be omwen i annan en keksoz pour zot komanse. Mr Speaker mwan mon happy avek sa rekomandasyon ki’n ganny fer. Bann rekomandasyon. E pour sa enn premye pour fini an relasyon avek sant reabilitasyon – dimoun lo drog. Letan pe dir napa personn laba, mwan mon riye mon tousel dan mon kwen, mon dir be pa posib – be napa personn lo drog alors Sesel ? Parske si nou annan en sant laba kot napa personn. Si mwan pa bliye sa Sant ti ouver avan eleksyon 2015 Prezidansyel. Sete Minis Bastienne, ansanm avek Prezidan, Minis Bastienne sa letan ki ti ansarz, ki responsab Lapolis, Prizon ; sete li anba gidans Prezidan Michel, letan bann paran ti pe kriy lasasen an relasyon ek drog – zot ti fer en progranm, fer interview lo televizyon poudir bann zenn pour al laba 6 mwan, pour ganny veye, bann expert sorti Mauritius pour get zot. E la ozordi nou aprann poudir napa nanryen ki pe arive.

Sa i montre pour dir en lot failure ankor. Nou pour bezwen rod en fason ki mannyer, e la ozordi nou annan en dimoun – ki mannyer i a apel sa; en Sekreter D’eta pour Drog. En lot dimoun ki’n ganny mete la pour travay avek bann zenn ki dan problenm. Alor mon krwar sa osi, lo sa size drog an relasyon avek sa, i bezwen en keksoz ki nou bezwen organize, aranze, rode ki mannyer nou kapab ed nou zenn.

Mr Speaker mwan mon pour donn sipor sa rapor ek rekomandasyon fer par bann ki lo Komite Zil. Bon travay e mon asire pour dir sa rapor i pa pour enn final parske zot pa ankor fini vizit tou lezot zil. E mon krwar i en loner pour zot koman bann Manm Lasanble ganny sans vizit tou bann zil ki nou annan, dan nou pti Larsipel. E mon krwar pa tou Seselwa ki ganny sa loportinite, e mon felisit zot pour sa loportinite, pou sa bon travay ki zot pe fer.

Mon ti a kontan remersye ou Mr Speaker.

 

MR SPEAKER

Mersi Onorab. Onorab Afif.

 

HON AHMED AFIF

Mersi Mr Speaker. Mr Speaker tou dabor mon ti a kontan anmenn mon sipor pour sa Mosyon ki’n ganny prezante par Leader Lopozisyon. Set en bon Mosyon.

Mwan mon enn bann dimoun mon santi mwan privilezye ki mon annan en konesans Coetivy ler i ti an prodiksyon kanmaron. E mon’n osi vwar li resaman dan sa leta ki i ete. E fransman, i sagrinan. I sagrinan parske ou konn sa kantite lenvestisman ki’n ganny mete. I pa topik ozordi pour nou al ladan. Me sertennman, set en keksoz pozitif ki Leader Lopozisyon ozordi pe dir, annou regard de lavan.  Annou regarde ki nou kapab fer avek en sityasyon ki’n al mal, klerman, e kot ozordi ki nou bezwen anmenn devlopman pour Sesel.

E se dan sa laliny osi ki mon krwar ki nou devret aprann en pti pe bann keksoz, ki petet i fer nou ditor ekonomikman. Par egzanp si nou pour pran en gran morso later, nou donn en dimoun pour li devlope. Me nou pa met kondisyon. E i pas 8an, i pas 10an, nou pa vwar en devlopman. E sa i en perd pour Sesel. I byen ki ou kapab donn en lease en dimoun. Me selman an menm tan nou bezwen annan kondisyon.

Ozordi Leader Lopozisyon pe propoze ki bann zil ki Coetivy i ganny devlope –  pour laferm, pour prodiksyon zannimo. E mwan ti ava fortman ankouraze ki nou ankouraz sekter prive pour fer sa. Parske sekter prive i annan en lentere pour li fer sir keksoz i marse. Parske se son larzan ki i pe met ladan.

Me an menm tan nou bezwen aksepte pour dir sekter prive lo li menm pour difisil pour li fer li zis li tousel. Parske si nou get, semenn pase nou ti koz lo lagrikiltir, e bann problenm ki zot pe deza rankontre lo Mahe li menm. Avek tou son lenfrastriktir, ek tou sipor ki ou pe gannyen ler ou Mahe. E la ou pe al fer en loperasyon 290 kilomet avek Mahe, byensir pour annan lezot kontrent.

E se la kot Gouvernman. E petet atraver IDC, i bezwen annan sa kolaborasyon tre etrwat, pour fer sir ki sekter prive i ganny asiste o maximum pour li kapab anmenn sa kalite devlopman – sa kalite prodiksyon ki lo en baz ekonomik, i a redwir nou lenportasyon. I a nobou fourni bann lotel avek fri, ek legim ki ozordi nou pe vwar pe vin sorti Colombo partou. E se sa ki kapab kree lanplwa.

E ankor mon krwar ti semenn pase menm, nou ti pe koz lo problenm avek nou lafors travayer, e bann problenm sosyal ki nou annan, se petet en loportinite ki nou pe gannyen pour nou ankouraz dimoun. Nou pa pe dir pour al fer reabilitasyon laba. Me sertennman kree loportinite. Kree sa vizyon, kree  sa louvertir pour bann zenn ozordi, vwar poudir pour annan en prodiksyon, en landrwa en Sant Prodiksyon demen, ki pour mars byen, ki zot kapab fyer. Ki petet zot devret targete, e Gouvernman i devret ankouraz nou bann zanfan depi ozordi si zanmen zot aksepte sa rekomandasyon ki pe ganny fer, ki vwala bann louvertir ki pou annan a lavenir.

Alor nou donn nou zenn en keksoz pour zot kapab annan en rev lo la. An gro Mr Speaker, mon krwar ki sa Mosyon i annan bokou merit. Vwala ankor en lot zil, en lot resours nou pei ki kapab ganny servi pour maximum pour anmenn deviz etranzer, oubyen pour soz deviz etranzer ki nou pe depanse aryer. E pour kapab kree lanplwa, e pour kapab donn en lavenir pour nou bann dimoun e sirtou nou zenn.

Alor mwan mon ti a kontan anmenn tou mon sipor pour sa Mosyon. Mersi Mr Speaker.

 

MR SPEAKER

Mersi Onorab Afif. Onorab Prea.

 

HON NICHOLAS PREA

Mersi Mr Speaker. Mr Speaker parfwa i annan bokou alegasyon ki ganny fer. Me ziska ou vwar pour menm, ou koz avek bann travayer lo sa bann zil, then ou kapab draw ou prop konklizyon. E ou kapab vwar serten keksoz, e the way forward. An menm tan ki mon pe aport mon sipor pour sa Mosyon, Mr Speaker, osi mon kapab dir parey Onorab Afif,  mon’n, mon pa en Manm sa Komite. Me mon osi mon’n ganny sa privilez kot i  ti annan en pti plas ki mon’n kapab zwenn Komite Zil pour fer sa vizit Coetivy.

Mr Speaker alor mon le zis tous lo 5 pti pwen ki mon’n met lo mon pti papye. Wi, mon dakor avek Leader Lopozisyon, Onorab Ramkalawan ki Chair Komite, ki potansyel i egziste, e pour mwan Coetivy, son potansyel i enorm. E nou vwar kot nou kapab anmenn devlopman touristik, aquaculture, e lagrikiltir, e nou kapab marye tousala ansanm. E nou konnen pour dir sa devlopman touristik, i kapab ganny soutenir par lagrikiltir ki a pran plas lo sa zil. E nou konnen pour dir nou kapab prodwi ekse ki a kapab vin lo marse Mahe.

Mon dezyenm pwen – langazman Seselwa. E la ozordi sa Lasanble atraver Komite Zil, i pe demann Seselwa pour angaz li fully. I annan potansyel. I annan en resours vas. I annan en zil ki nou kapab dir i ankor vyez, e nou kapab rantre, tap the potential parey Onorab Afif in dir avek soutyen Gouvernman, avek soutyen IDC, mon pa krwar ki i annan okenn keksoz ki enposib. Mwan osi tou, mon pour tous lo sa rol prizonnyen. I annan 6 prizonnyen laba. E i ti en plezir pour vwar zot ki mannyer zot pe travay.

E dan apre midi i annan 4 ki’n antre lo bato, ki’n al fer zot tour lapes. E mon’n ganny sans osi, mon’n koz avek madanm Agathine, ki’n fer 6an lo zil Coetivy koman supervisor sa bann prizonnyen – en madanm. E i dir ou pour dir i santi li konfortab, konportman sa bann prizonnyen i fantastik. E la ankor nou vwar poudir, prizonnyen i kapab rantre pa selman dan sa rol prodiksyon lagrikiltir, pour kwa pa en lekip pour maintenance ?

Ler ou pe regard parey Onorab Afif in dir sa dega, sa depi ki Coetivy i ladan, bann zoli pti lakaz pour travayer  ki’n tonm preski an rin -. IDC pe sey repar en pe  –   pour kwa pa i annan en group prizonnyen osi tou ki kapab fer sa travay maintenanceinstead of foreign labor? Pour kwa pa en group prizonnyen osi tou i rantre pour netway sa bann basen. Dapre mon konpran a en moman ek bokou prizonnyen, bokou plis prizonnyen, zot ti pe prodwir sarbon lo zil Coetivy. E ler nou pe koup sa bann pye sed, sa bann basen pour kwa pa prodwir sarbon, e anvoy lo marse Mahe.

Ozordi lo marse Mahe, nou pe ganny sarbon ki enporte sorti Sid Lafrik. E son kalite par ler i pa vreman sa nivo. Mr Speaker mon vin lo mon 4enm pwen. I annan lease ki dapre mon konpran pour en businessman, etranze, Seselwa tou. Come on, annou, revwar sa. Annou revwar sa, e annou, mwan mon dezir, e mon krwar i dezir pep Seselwa – annou retourn Coetivy pour Sesel an antye – san okenn bout akote, pou isi, pour laba.

Mon dernyen pwen Mr Speaker, mon anvi koz lo sa  det Coetivy. Sa ti en size ki mwan mon ti lev-e dan 4enm Lasanble ler Prezidan Faure ti pe okip Portfolio Minis Finans. Zis avan sa Laferm Kanmaron ti fermen, Sesel ti pran $60milyon avek Exim bank Japon avek en bi pour refer, pour relans sa Laferm Kanmaron. Be mon krwar ti zis 6 mwan pli tar sa laferm ti fermen. Minis ti vin, Prezidan sa moman, Minis Finans ler i ti pe reponn mon kestyon dan Lasanble, i ti dir Sesel ki bezwen re peye. Savedir tou Seselwa ki bezwen pey sa det akoz, se Sesel ki’n garanti. Me nou bezwen rode kote sa larzan in ale ? Akoz sa larzan pa’n ganny re envestir dan Laferm Kanmaron Coetivy.

Si in ganny mete somewhere else, nou bezwen rode akoz i larzan ki Sesel in garanti. E tou Seselwa pe re peye. Annou rod sa larzan e sa i a vin part sa re envestisman dan Coetivy. Vwala alor en pti pe mon kontribisyon Mr Speaker. E avek sa mon pour donn tou mon sipor sa Mosyon. Mersi.

 

MR SPEAKER

Onorab William.

 

HON WAVEN WILLIAM

Mersi Mr Speaker. Mon pour donn mwan sipor sa Mosyon. Mr Speaker sa Mosyon i fer mwan mazin en bon pe letan pase. Mon’n fer en pe letan mon karyer lo Zil. E premye zil ki mon ti travay lo la se Coetivy. I anmenn bokou memwar.

Mr Speaker mon krwar pour dir in ariv en moman. In ariv en moman kot atraver travay sa Komite ki nou, mon krwar nou bezwen demann nou lekor sa kestyon, si pa’n ler pour nou annan en Minister ki annan pour fer zis avek zil, devlopman bann zil. Akoz la fason keksoz pe ale, e mon konnen i tonm anba Portfolio Vis-Prezidan. Me selman letan ou pe regard lavenir devlopman – mon krwar pour dir nouvo letap devlopman i konsern nou bann Zil Elwanye.

Lavenir e loportinite pour nou bann zenn, mon krwar i reste lo nou bann Zil Elwanye ki nou pa’n kapab eksplwate. Mon konpran en pti sa letan, sa lepok kot IDC ti annan, mon kapab dir kontrol total. Me letan ou pe regard devlopman ki mannyer pe arive dan pei, mon pe koz pe koz Mahe, Praslin, La Digue, ou pe vwar pour dir lespas pe sere. Loportinite osi pe sere, i manke. E mon krwar pour dir pour donn li plis sa lanpler, e sa lanfaz, e pour annan en focus direk, mon krwar in ler petet sa Komite osi i mazinen si pa ti a ler ki nou annan en Minister zis pour fer avek devlopman zil ?

Mon dezyenm se ki letan mon ti Anbasader, mon ti ganny akredite Sri Lanka. Zot ti, zot annan en Minister, Minister Koko. Mr Speaker ou ava etonnen ki fason Sri Lanka in eksplwat sa sekter ki ozordi depi son rasin, son tron ek son fey, zot in mon kapab dir donn valer azoute ki zot pe fer maximum profi ozordi lo la. E mon a dir ki, wi Coetivy i annan en ta potansyel. Be selman mon krwar pour dir sa Komite pour bezwen fer en travay pli o profon. Par egzanp letan mon’n ekout Chairman e loter sa Mosyon, in koz lo ki i annan konfizyon. I annan bokou diskisyon i bezwen ganny fer.

Mon krwar poudir nou bezwen liber sa zil avek tou sa bann konfizyon, pour nou kapab vreman larg lanmen Seselwa pour kapab vreman antre pour kapab fer sa travay. Wi, i neseser ki Gouvernman i regard lo kote konsesyon. Mr Speaker la ankor mon rapel nou ti fer Business Forum Sri Lanka, sef IDC ti monte ti fer en prezantasyon.

Ti annan serten sekter ki zot ti pe focus lo la. Me ou vwar poudir nou ti kapab al pli lwen ki sa. Me pour ou devlop sa lentere, pour ou anmenn envestiser, menm Seselwa ouswa etranze, pou bezwen annan bokou konsesyon Mr Speaker. Akoz i annan en kou ki atase avek. Akoz mon rapel letan nou ti travay laba ti annan en kou ki atase avek transportasyon, pour ou zener mon kapab dir elektrisite, i annan en kou atase avek. E nou bezwen regard tousala.

E mwan mon krwar pour dir, i annan en ta Seselwa wi ki ti a kontan envestir, me nou pa pour kapab ale zis envestir an fou, san vreman ki nou annan en lankadreman kot sa Seselwa i santi li an sekirite, akoz mon pour dir i en gro risk. I en gro risk si bann keksoz pa ganny mete o kler. Si bann keksoz pa ganny mete o kler sa lentere pour perdi. E mwan mon kontan ki, mon kontan lo sa bann rekomandasyon ki’n ganny fer, e mon a dir ki enn Komite pour bezwen, pour bezwen enn si nou anvi bouze, regarde osi, la nou pe regard Coetivy – ad hoc mon kapab dir…sa rapor baze avek lezot bann zil. Be petet revwar osi si nou pour fer menm zafer lo tou bann zil. Regarde si nou pa kapab de-partaz en pti pe kot sa administrasyon li menm li, i pa ganny bann difikilte – akoz pa tou bann zil petet ki pour kapab fer tou keksoz. Nou bezwen tonm dakor lo la.

Me letan nou pe koz pran aksyon imedyat, mon dakor, me parey mon dir annou fer en fason ki nou tir sa bann konfizyon. Par egzanp, kestyon ki monte loter Mosyon in dir pour dir i annan en ta keksoz; lekipman ki’n ganny abandonnen. E ti a bon konnen pour ki – eski i propriyete Gouvernman ki nou’n les abandonnen ki kout en ta larzan? Epi loter Mosyon in dir poudir be IDC i ti pe okip zis donn lenerzi, epi okip serten keksoz. Me ti a bon ki Lasanble i konnen, me lekel finalman ki pe okip Coetivy?

Sa bann lease, sa lease ki egziste, ki fason nou kapab deal avek li ki fer ki Coetivy i ganny libere? Mon krwar ki nou bezwen bouz dan sa bann direksyon fer sir ki enn; letan nou pe envit Seselwa ki mon konnen poudir parey mon’n dir bokou i enterese ki nou kapab deal avek sa bann problenm, e liber sa zil, ki Seselwa an partenarya si oule avek etranze, zot kapab maksimiz e profite pour kapab fer en reveni lo la.

Mr Speaker avek sa 2 pti mo, mon pour repete ki mon pour donn sipor sa rapor. Mersi Onorab William.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker. Bonzour tou dimoun. Mr Speaker mwan koman en Manm lo Komite Zil, mon santi mwan privilezye mon’n kapab ariv lo zil Coetivy. Me koman en zenn dimoun, mon’n dezapwente, e sagrinen par bokou keksoz ki mon’n ganny sans vwar lo Coetivy. Mon oule dir ki mon pour donn sa sipor sa Mosyon, e ansanm anba direksyon LOTO, Leader Lopozisyon dan Lasanble, nou’n vwar en pti pe bann defi ki sa zil i annan, oubyen ki’n sibir,  e ki mannyer nou kapab re anmenn li lo en leta ki Sesel ek Seselwa i ava benefisye.

Mr Speaker i annan bokou bann lenfrastriktir, oubyen bann lekipman ki letan nou’n pase, nou’n vwar in manke. Parey Loter Mosyon in dir, i paret ki letan desizyon in granny pran, in ganny pran posibleman soudennman, e zot in ale zot in kit sa zil e in annan en kantite, en kantite lezot dimoun ki’n vini ki’n pran bann lekipman e zot in ale.  E sa i malere.

Mon dir sa Mr Speaker, akoz mon krwar si ti annan en  lenstitisyon, oubyen ti annan serten devlopman, ti annan serten prodiksyon ki ti pe ganny fer lo zil. Nou bezwen al rode ki bann lekipman ki ti egziste. Ki bann keksoz ki ti annan laba pour nou kapab vwar ki kantite ki nou koman bann sitwayen Seselwa, nou’n perdi san annan kont lo la.

I malere pour nou vwar ki bann keksoz Mr Speaker ki sitan ondire i difisil pour tire, oubyen pour fer deplase pour al en lot landrwa, me sa bann keksoz in ganny fer, e in ganny tire. Dan sa laliny Mr Speaker mon pour osi dakor avek Onorab Afif letan i dir nou bezwen rod fason pour nou kapab vwar en lodit plito i ganny fer. E mwan mon sizere i annan en terminolozi ki apel forensic auditing. So mon krwar bann forensic la i bezwen antre pour zot vin gete, bann, bann levidans ki kapab gid nou pour nou kapab vwar serten sityasyon ki egziste.

Nou’n ganny loportinite Mr Speaker, pour nou ansanm koman en Komite pase e vwar dan bann Store. I annan plizyer Store ki annan lekipman, e mon’n dir nou’n vwar bann streetlights ki dan bann Store e nou bezwen sa bann lalimyer Mahe, demande si pa kapab konmsi anvoy kot nou la akoz Kapisen nou bezwen detrwa pour nou mete.

So mon krwar nou annan serten keksoz dan nou pei ki nou kapab servi pour nou pep. E nou bezwen ganny sa oubyen gete ki mannyer sa i kapab ganny fer available. Mr Speaker, Onorab William in dir pour nou eklersi Coetivy avek son bann difikilte oubyen son bann pase. Lenformasyon ki nou’n gannyen, se ki negosyasyon in ganny fer e 80 poursan, 70 a 80 poursan, sa bann, sa bann difikilte oubyen list problem in ganny rezoud e aparaman sa in ganny retournen avek Gouvernman Sesel,  me selman ti a bon ki nou vwar li an ekri, oubyen nou ganny sa bann dokiman kler.

So avek sa detrwa pti mo Mr Speaker, e reabilitasyon ki bann prizonnyen i kapab gannyen lo sa zil, mon krwar i osi enportan ki letan nou fer en letablisman touristik, nou kapab met bann lenfrastriktir ki ava alez en pti bann problenm lakaz ki nou annan lo Mahe – si serten dimoun i deside pour zot al, al reste laba. So i ava ed nou en pti git avek sa problenm lakaz. Mr Speaker avek sa, mon pour donn tou mon sipor sa Mosyon. Mersi.

 

 

MR SPEAKER

Mersi Onorab. Avan mon donn laparol Loter Mosyon pour sum-up, epi nou a pran en vot. Zis pour dir i annan bokou pwen tre, tre pertinan ki’n souleve bomaten. E Onorab Arrisol  mon kapab garanti ou ki sa ki ou’n dir i valab. I vre ki nou’n touse nou dernyen meetingHigh Level Prison Reform Committee ki Chair par Vis-Prezidan, e ki mwan son Depite Chairman. Nou’n komans fer bann investigation lo la.

I vre i annan konplent, e zis pour osi enform Lasanble ek piblik, ki demen sa Komite ann antye pe al Coetivy, pour nou kontiny nou travay pour vwar dan laliny ki’n ganny rekomande, e ki mon dakor avek mazorite sa bann rekomandasyon. Nou a kontinyen nou travay e mon krwar i en kestyon Dovetail tou bann, nou tou nou anvi ki i vin en landrwa ki prodiktiv. Alor ler nou’n sorti laba, nou osi nou ava annan en rapor ki esperon nou’n ariv nabou donn Egzekitiv, e kopi avek Lezislatif. Mon a demann Onorab Ramkalawan Loter Mosyon pour sey sum-up avan nou pran en vot.

 

HON WAVEL RAMKALAWAN

Mersi bokou, Mr Speaker. Mr Speaker mon remersye tou bann dimoun ki’n pran laparol. Mon krwar tou bann diferan kontribisyon in ede pour ranforsi sa Mosyon. E letan par egzanp Mr Speaker nou pe koz lo sa gaspiyaz. Par egzanp ti annan 3 ice plants lo sa zil – 3 ice plants, tou le 3 disparet.

E letan mon mazinen ki pour dir ozordi nou pe koz ek nou bann peser, bann diferan landrwa ki pe, ki pe dir ti a bon annan en ice plant ki Anse Etoile, ki i Roche Caiman, oubyen bann lezot landrwa kot i annan bann Kominote Peser, Praslin par egzanp, oubyen La Digue, La Digue ti’n kapab ganny servi. Bann laponp, bann konpreser, air-conditioning, bann difil elektrik, bann insulation. Tousala zis in disparet. Me i annan serten keksoz ki ankor kapab ganny servi.

Me la parey mon pe dir lo sa kote, sa Coetivy, son prawn project, sa i pour al dan en kote teknik ki nou’n fer propozisyon. Me nou, nou pe plito met lanfaz plis lo sa kote lagrikiltir. Parski sa zil ou kapab regard li an 2; kot son runway i ete, e lo son kote Sid, e kot ti annan prensipalman bann basen, e apre sa tou sa kote Nor.

Sa kote Nor i ankor apard bann lesey ki zot in fer ek bann diferan lespes koko, bann, me i vin an….tandi ki sa bout kote Sid la ou trouv, se la kot sa abitasyon ek bann lezot keksoz in ete. Donk, Mr Speaker mon pour dir ki travay i la. E letan nou ava’n aprouv sa Mosyon parey nou’n tonm dakor pour fer, Gouvernman atraver Lasanble i ava resevwar en kopi nou bann rekomandasyon, e petet lefe ki zot pe ale demen. Mon ti ava propoze ki kopi, kopi i osi ganny partaze avek zot High Level Committee ki zot ava war en pe bann travay ki nou pe fer, e petet sa i ava osi ede. E mon krwar ki bann diferan, tou bann diferan kontribisyon ki diferan group i kapab fer. i ava ede.

Avek sa Mr Speaker ankor enn fwa mon remersye tou Manm nou Komite ki mon krwar nou pe fer en bon travay letan nou pe regarde, e sa semenn la, Vandredi nou ti pour al vizit Zil Silhouette, me malerezman, nou pa pour ale akoz lanterman manman Vis- Prezidan.  Me semenn prosenn nou pour ganny sa posibilite. Nou ava tonm dakor lo dat, nou ava ganny posibilite pour nou vizit Silhouette. E letan nou’n ava’n vizit Silhouette, sa i ava’n vedir ki an prensip nou’n ava kouver tou bann zil ki anba sipervizyon IDC. E apre nou ava komans bann zil prive.

Avek Mr Speaker ankor enn fwa mersi bokou pour sa privilez pour nou servi Lasanble, e pour nou servi nou pei. Mersi.

 

MR SPEAKER

Mersi Onorab. Prezan nou a pran en vot lo sa Mosyon ki devan nou. Tou bann ki ‘pour lev  lanmen? Okenn dimoun ki kont?

Clerk?

 

 

MADAM DEPUTY CLERK

Mersi Mr Speaker. Mon rikord 29 Manm ki’n vot pour, personn pa’n vot kont. Mersi.

 

 

MR SPEAKER

Savedir Lasanble i aprouv sa Mosyon lo Zil Coetivy, e nou a fer sir ki parey nou’n tonm dakor ki Biro Clerk i anvoy en kopi Mosyon ek bann rekomandasyon. Petet mon sizere menm ek rapor an antye, pour Sekreter Cabinet koumsa ki Konsey de Minis i a ganny enformen lo konteni sa Mosyon e sirtou son bann rekomandasyon.

Avek sa nou ava adjourn ziska… Nou annan ankor 3 Mosyon pour nou pran apre midi. Nou a repran nou travay 2er.

 

(BREAK)

 

MR SPEAKER

Bon. Bonn apre midi tou dimoun ki a lekout, tou bann Onorab, Manm Onorab. Nou a kontinyen ek nou travay ki nou’n komanse bomaten lo Mosyon. E nou ava al  toudswit lo nou 2enm pour ozordi, e mon a demann Onorab John Hoareau pour prezant son Mosyon.

 

HON JOHN HOAREAU

Mersi Mr Speaker. Bonn apre midi Mr Speaker. Bonn  apre midi tou Manm, koleg. Bonn apre midi tou dimoun ki a lekout.

Mr Speaker, sa Mosyon ki devan nou pe demann Minister Ledikasyon pour fer le neseser pour etabli en sant, International Language, English Language Testing System (IELTS) pour fasilit lanrezistreman bann etidyan Seselwa, ki pe al swiv bann kour aletranze.

Mr Speaker ozordi zour, ler ou bezwen al fer en letid aletranze, oubyen ou pe imigre pour pran en serten lanplwa, swa England, swa Canada, swa Australia, oubyen New Zealand, bann form Imigrasyon pour ou ganny Visa, e liniversite i demande ki ou’n fer en legzanmen pour English proficiency. Sa legzanmen i apel IELTS ki vedir International English Language Testing System. Dan serten lezot pei Commonwealth, par egzanp Malaisie kot i annan brans serten liniversite parey Manchester University. E metod lenstriksyon i an Angle, i osi demande ki bann aplikan i pas atraver legzanmen IELTS.

Menm si en etidyan in ganny en bon grad dan IGCSE English as first language or second language. Alors sa kalite legzanmen i annan pour lobzektif, i annan en lobzektif tre partikilye, se pour etabli ki fason en aplikan i servi langaz Angle akademikman, e osi koman en langaz kominikasyon. I osi en legzanmen ki teste serten eleman social skills.

I annan 9 nivo, e i grad bann aplikan depi novice ziska expert. An se moman sa tes i ganny administre dan 140 pei avek anviron 1100 sant ki anrezistre pour donn sa servis. Isi Sesel nou annan zis en venue. Mon repete en venue ki International School, e sa tes i ganny fer zis 2 fwa dan en lannen. E i sarz R4200 pour pran sa legzanmen.

Mon’n ganny dir ki sa lannen zot pour fer 4 fwa pour annan en pli bon coverage. Son Official Centre Mr Speaker i ganny trouve Mauritius, e i ganny zere par British Council. Alor Mr Speaker International School napa kontrol ni lo dat kan sa tes i ganny fer, ni lo lakantite kandida ki kapab pran sa legzanmen a lafwa. I baze lo en first come, first serve basis. Zot senpleman pibliy dat kan sa legzanmen i ganny administre par bann Mauritian ki travay avek British Council.

Mr Speaker sa sityasyon i koz en kantite problenm pour etidyan ki souvandfwa larepons laplikasyon liniversite i ariv dan en moman kot sa tes pa pe ganny ofer par International School. Bann paran napa swa, me pour pey 2 tiket avyon, ek lotel pour anmenn zot zanfan Mauritius, ou Kenya kot sa tes i ganny fer an permanans.

Zis pour donn en nide pri avyon par egzanp pour al swa Kenya ou Maurice i kapab ariv ziska R8mil an montan.  E sa tes i kout R6500 Mauritian pour ou pran ler ou’n ariv Maurice. E ou bezwen osi a lafwa pey lotel ki osi ase ser. Menm parfwa bann paran i bezwen sibir en lot kou adisyonnel kot ozt bezwen al ankor pour al rod en Visa ek zot zanfan. Alor sa i met en kou finansyel tre signifikan pour bann paran, oubyen bann dimoun ki pe imigre pour pran en lanplwa dan sa bann pei ki mon’n nonmen oparavan. I annan menm etidyan ki’n perdi ‘scholarship akoz zot pa’n kapab pran sa tes dan bann dele letan ki ler liniversite in demande.

Alor zot bezwen re fer laplikasyon, e perdi en lannen an swit. Vedir ki Mr Speaker zot dele zot, zot larantre dan liniversite pour at least en lannen. Mr Speaker avek pri lavi ki deza o dan Sesel, sa Mosyon i enn ki ki pour donn bann paran ek bann etidyan ki egalman in travay tre dir, en nouvo rekour e soulazman. Si Minister Ledikasyon i angaz li dan en negosyasyon avek British Council pour permet Sesel annan en sant permanan pour donn sa servis, piblik i a reste asire ki zot pa pour bezwen depans sitan en kantite larzan pour senpleman fer sa legzanmen.

Si Minister Ledikasyon i ofer sa servis, i menm kapab annan en posibilite pour li zer en nouvo form reveni ; menm si nou konsyan ki son manda se  pa enn ki pour permet li fer gran biznes.

Minister Ledikasyon i osi kapab donn back-up en lekol prive, tel koman International School, ou Independent School pour fer zot vin en sant permanan. Donn zot sa backing pour zot kapab antreprann sa kalite legzanmen. Dan en lot mo, zwe en rol fasilitater pour zot. Alor mon pe demann tou bann ki prezan dan Lasanble pour donn sipor an faver sa Mosyon, pour ki bann paran pa a bezwen vwar zot dan en pozisyon pour depans ziske R40mil pour fer zot zanfan ariv liniversite kan pa neseser. Mersi Mr Speaker.

 

 

MR SPEAKER

Mersi Onorab. Eski i annan en…wi Onorab Roucou.

 

HON CLIVE ROUCOU

Mersi Mr Speaker. Bonn pare midi Mr Speaker, bonn apre midi tou koleg Onorab.

Mr Speaker mon pe segonn sa Mosyon prezante par Onorab Hoareau, e mon pe demann permisyon pour dir de mo lo la silvouple. Mersi.

 

HON CLIVE ROUCOU

Wi. Laparol i pour ou.

 

HON CLIVE ROUCOU

Ankor enn fwa mersi. Mr Speaker, sa Mosyon prezante par Onorab Hoareau i enn avek gran merit e lenportans. Sa se akoz nou pe koz lo nou bann etidyan. Nou pe koz lo lavenir Sesel.

Alors sa Mosyon dan en fason ou en lot, i pour benefisye nou bann etidyan prezaman e a lon term. Mr Speaker, sa Mosyon i pe koz lo sa International English Language Testing System. Sa i sa tes ki plizyer Lenstitisyon akademik, e i menm ganny servi pour bann prosedir Imigrasyon ki serten pei i demande. Bann pei tel koman L’Angleterre, Nouvelle Zelande, Canada, menm L’Amerique.

Mr Speaker sa Mosyon ki nou pe koz…sa tes ki nou pe koz lo la, i ganny fer dan plis ki 140 pei. E i ganny aksepte avek plis ki 9mil lorganizasyon dan lemonn antye. Sa i enkli bann liniversite. E parey nou dir bann, osi bann professional bodies. Mr Speaker zis lannen pase, plis ki 2.9milyon, sa tes English-testing in ganny fer dan lemonn antye. Sa i enkli nou ban tes ki nou bann etidyan Seselwa in fer. Me ki sagrinan Mr Speaker. Se sa Sesel napa en landrwa permanan – permanan pour nou fer sa tes. Parey Onorab Hoareau in dir, i zis International School ki annan sa venue. Me parey in dir ankor International School napa okenn dwa lo dat ki sa tes pou ganny fer.

Alors nou vwar en kantite nou bann etidyan Seselwa kot i bezwen al either Kenya, oubyen Maurice. Laplipar di-tan nou war zot pe al Maurice. Konpare avek Maurice Mr Speaker, kot i annan plizyer sa sant ki sa tes i ganny fer. Alors i ganny fer dan diferan peryod letan. Si ou’n mank li an Fevriye, ou kapab ganny li an Avril. Si ou’n mank li an Avril an dire lannen ou kapab gannyen. Konpare avek Sesel kot i annan zis 2 fwa. Si ou’n manke alors 1an dan lannen letid i ganny met deryer.

Alors Mr Speaker mon mazin mon bann dimoun dan distrik Plaisance. Mon mazin Philomena anler Belvédère ki son fiy pe al etidye, ki’n trimouse pandan en kantite lannen pour fer sir ki ozordi son fiy in akonpli. Be zis ki i pour depanse pour li al Maurice, oubyen al Kenya ler mon’n fer mon pt kalkil i pour tonn apepre 35 a R40mil. Zis depans pour al fer sa legzanmen.

Me si tel fasilite ti available isi Sesel, nou ti ava war sa benefis 35 a R40mil kot menm sa etidyan ti ava kapab gannyen koman en komansman. E menm lafanmir pa ti ava pe depans lo sa kantite. Alor Mr Speaker pour terminen mon ti a demann Minister Ledikasyon koman sa pli gran fasilitater, ou menm bann dimoun prive, oubyen lenstitisyon akademik prive ki kapab antre dan, dan sa mode pour fasilit sa tes isi Sesel koumsa nou bann etidyan i ava vwar zot dan en lanvironnman pli kalm ki zot in abitye avek, se isi Sesel, pli condusive ki nou ava garanti en meyer rezilta, e sa i ava benefisye sa bann fanmir e sa etidyan an zeneral.

Alors pour terminen mon demann Lasanble pour siport sa Mosyon dan son totalite ki ankor enn fwa i a benefisye nou etidyan. Mersi.

 

HON CLIVE ROUCOU

Mersi Onorab. Eski i annan okenn….?  Wi Onorab Pillay.

 

HON SEBASTIEN PILLAY      

Mersi Mr Speaker. Mr Speaker mon pran laparol lo sa Mosyon akoz i annan serten eleman dan sa Mosyon ki annan serten merit. E ki nou bezwen regard dan posibilite materyaliz serten keksoz ki Loter Mosyon in koz lo la akoz nou sityasyon aktyel ti pe reponn a bezwen nesesite ki ti la pour en bon pe letan.

Me lefe ki nou’n evolye en kantite dan domenn ledikasyon in fer ki i annan lezot demann, e lezot legzizans ki fer ki prezan i demande ki nou re vwar sirkonstans ki mannyer sa tes i ganny administre.

Mr Speaker i enportan pour nou etabli en pti konteks  akoz i annan en tel tes? Pour laplipar, pour la mazorite, dan lamazorite ka bann etidyan Seselwa ki kalifye pour en labours se bann etidyan ki’n pas atraver sistenm skoler. E par sa fe  either si zot in pas li atraver en lekol prive, ouswa dan lekol Gouvernman, zot in fer sa ki nou apel IGCSE, labaz Angle.

E par le fe ki the medium of instructions Sesel i Angle i fer ki dan lamazorite ka laplipar etidyan i ganny akse avek bann liniversite baze lo zot kalifikasyon IGCSE. Me le fe i reste ki pa tou Lenstitisyon ki recognize IGCSE koman enn sa bann kriter ki zot servi de-baz pour aksepte etidyan. I annan lenstitisyon ki pa aksepte. Me i annan lenstitisyon parey London School of Economics ki li i aksepte en Grad IGCSE.

Now Minister Ledikasyon li ti entrodwi IGCSE First Language, English as a First Language resaman zisteman pour reponn dan serten sirkonstans pour sa. Me osi pour donn etidyan lezot, e levantay pli gran an se ki konsern bann ki le focus lo laspe Angle, dan en domenn, swa domenn Literer.

Now en lot laspe enportan prezan ki’n antre se ki le fe ki ozordi osi nou pe regard lezot Lenstitisyon dan lezot ziridiksyon. Sa bann lenstitisyon dan sa bann lezot ziridiksyon zot in twin, oubyen zot partner bann lezot lenstitisyon ki egziste, ki deza an egzistans, ki deza annan en renonmen, en repute. Maurice par egzanp i annan liniversite ki’n partner avek bann liniversite L’Angleterre, Malaisie parey. Nou bann etidyan pe bezwen par fwa zot ganny labrous pour al dan sa bann liniversite. E ler zot ganny labours pour al sa bann liniversite…sa bann liniversite par egzanp Malaisie an vi ki son medium of instruction li menm li a priori pa Angle – li i met en legzizans ki ou annan en kalifikasyon IELTS. I annan 3 kalifikasyon ki ou kapab gannyen atraver IELTS. I annan enn pour Life skills, i annan Academic Qualification, apre enn sa ki zot apel en General Training Qualification. E se sa ki fer ki Mosyon Onorab i enportan dan sa konzantir akoz dan lepase ler nou ti regard labours se grad ki bann etidyan ti pe servi pour ganny Labours ti en pti pli elitist ki ozordi kot i annan en kantite etidyan oubyen dimoun ki in-service, ki pe ganny loportinite pour al fer training. E par le fe ki zot pe ganny loportinite pour al fer training dan In-service, souvan fwa zot pour bezwen apply pour en Visa.

I pa zis sa lenstitisyon ki enportan, me laplikasyon sa Visa. E enn bann kriter ki aparet lo sa Visa se si i annan, si i pe al dan sa bann pei swivan. Par egzanp Australia, Nouvelle Zelande, L’Angleterre, e Canada, e menm L’Amerique i enn bann kriter se ki se IELTS i ganny recognize as a proficiency in English Language akoz sa bann landrwa zot first language i ganny recognize as Angle. E se pour sa rezon ki Mosyon Onorab i enn ki tre enportan akoz nou’n move from sa.

En dezyenm pwen ki mon le fer sorti ki nou annan nou en diaspora konsiderab ki dan sa bann pei swivan; L’Angleterre Australie, Canada. E souvandfwa en Seselwa ki reste isi ki annan fanmir Canada i ganny loportinite pour al travay swa Canada, swa L’Angleterre swa Australie.

Me atraver laplikasyon visa ki bezwen ganny fer si i pe al pour travay, i bezwen osi annan serten kalifikasyon proficiency dan langaz. Si sa dimoun pa’n ganny akse, oubyen pa’n nobou fer par egzanp IGCSE dan sistenm lekol normal, ouswa ‘O Level, i bezwen annan serten proficiency dan sa langaz ki ganny servi kouraman dan sa pei.  E se pour sa rezon ki IELTS li i provide sa.

Now, vi ki mon’n etabli sa konteks  ki mon’n etabli ki i annan en nesesite deryer sa Mosyon, mon osi pe regard wording sa Mosyon, e mon’n diskite avek Onorab Hoareau ki nou pa vreman devret focus zis lo pour bann etidyan ki pe al aletranze, me pour osi pour nenport endividi ki ava bezwen fer en aplikasyon Visa kot IELTS i vin en kriter dan sa visa. E se pour sa rezon ki mon ti pe propoz avek Onorab pour nou extend scope sa Mosyon ki apre bann etidyan Seselwa…apre kot sa bout kot i dir, ‘’bann etidyan Seselwa ki pe al swiv bann Kour aletranze’’ nou azoute pour dir; ‘’e osi pour benefis nenport ki endividi ki fer laplikasyon Visa pour al dan serten pei kot en kalifikasyon IELTS i enn bann kriter ki ganny servi.’’ Konmsi nou enlarge li en pti pe pour nou enkli sa eleman tou le de kote. Akoz nou konnen pour dir nou annan sa dinamik kot dimoun pe bouze across borders frekaman.

Kot Onorab Roucou in fer sorti en pwen ki mon krwar  tre enportan,  se le fe ki IELTS li menm i owned. I en privately-owned entity par British Council, par Cambridge, Cambridge English Exams mon krwar, ki li en, i part of Cambridge University, e IDP Australia. E sa i fer ki en laplikasyon pour vin en sant IELTS i bezwen vin atraver sa bann lenstitisyon.

E mon krwar Cambridge li menm li i set sa bann kriter. E mon krwar Onorab Roucou i annan rezon, ler i met sa lanfaz lo bann lenstitisyon prive, akoz ler nou regard konsep IELTS across bann lezot pei, i plito bann, bann institutions ki provide li, bann private institutions ki provide li. E se la kot mon krwar petet si  nou ti kapab enkli akoz ler nou pe pran, prezant sa synopsis avek Gouvernman, nou bezwen met sa onus lo Gouvernman pour al etabli en sant.

Me ki annan en negosyasyon ki Gouvernman i anmenn avek bann lezot lenstitisyon pour vwar ki mannyer nou kapab fer zot vin en sant. E ler nou pe koz en sant, nou pa pe koz zis en sant pour Legzanmen, nou pe koz en sant kot i ava Akreditasyon pour osi provide sa training pour bann dimoun ki kapab then teach pour ki en dimoun sit en legzanmen isi.

Rezon mon dir sa set akoz ou pa toultan ki ou pour ganny en dimoun ki’n fer IGCSE, ki pour le sit IELTS. Ou pour ganny dimoun osi ki pa’n sit IGCSE. E ver fasilite IELTS i fer ki pa neseserman ou’n ariv nivo IGCSE pour pas IELTS. Son fason, son progranm mannyer in ganny design, nenport ki, as long ki the medium e sa kapasite to impart i la. Then sa dimoun i kapab aprann i kapab benefisye, e kalifye, e pas sa legzanmen.

So mon krwar ler nou pe koz en sant, nou pa pe zis koz en Sant Legzanmen parey ozordi nou annan zis exam…en sort en sant ki provide en legzanmen, me i ganny administre par en lot pei.

Mr Speaker, sa Mosyon i enn ki fer sans, e ki mon krwar nou devret osi kontinyen annan en diskisyon, e menm angaz bann lenstitisyon skoler prive. Mon konnen Minister Ledikasyon i annan AlDEC, e ALDEC i provide Adult Learning. Me eski ALDEC osi i kapab vin en venue pour IELTS? Sa i en keksoz ki nou kapab, nou kapab konsidere vi ki deza annan en set-up en sistenm pour li. Me mon konnen serten legzizans ki IELTS i demande. Mon’n Australie, mon’n konstat sa ki zot demann en dedicated centre to it, avek zot sign, zot – akoz zot kontan advertise zot brand, e pour zot sa i en brand. E zot pran bokou letan avan zot zis deside pour donn en Centre Accreditation.

So avek sa 2 pti mo e avek sa propozisyon ki nou annan sa lamannman pour elarzi en pti scope pour nou enkli nou bann frer ek ser Seselwa ki a kapab pe al dan al travay parmi bann lezot ki dan diaspora aletranze. Mon pour donn sipor Mosyon Onorab. Mersi Mr Speaker.

 

MR SPEAKER

Mersi Onorab Pillay. Onorab Sophola.

 

HON NOLINE SOPHOLA

Mersi Mr Speaker. Bonn apre midi tou dimoun. Avan mon pour demann en leskiz Onorab Hoareau si petet akoz ler ou’n komanse mon ti’n en pti pe an retar. Petet i annan keksoz ki ou’n dir – me mwan petet mon pa’n gannyen. Ok.

Mr Speaker sa Mosyon ki Onorab in prezante, mon krwar ki i annan son bi ; son bi se senpleman pour ed bann etidyan Seselwa ler zot anvi pourswiv zot letid aletranze. Sa Mosyon i pou dan benefis nou lazenes e nou pei. Me mon annan detrwa pwen klarifikasyon pour demann loter Mosyon. E avan mon al lo sa bann pwen leklersisman, mon anvi partaz avek sa Lasanble, bann keksoz ki mon’n dekouver atraver resers ki mon’n fer lo sa size.

Mr Speaker dapre resers ki mon’n fer, sa tes i sanble vreman enportan akoz an 2016 i annan preske 3milyon dimoun ki’n pran sa tes pour diferan rezon parey Imigrasyon, travay oubyen letid. E sa bann tes in ganny rekonnet par 6mil a 9mil lorganizasyon travay pou letid dan lemonn. Sa tes IELTS, i kapab ganny organize dan 125 a 140 pei diferan an kontan Maurice, Sesel, e Madagascar dan Losean Endyen. Mon’n dekouver osi ki isi Sesel parey zot in dir, se International School ki annan sa manda pour administre sa tes; 2 fwa dan en lannen. E deza Kalandriye pour lannen 2017 pour Sesel in fini sorti.

E Kalandriye pour sa lannen son ‘Sitting i le 29 Zilyet. E son kou i 4200 par legzanmen. Mon konn Seselwa ki’n fer sa tes isi menm Sesel. Par kont osi, mon konn Seselwa ki’n bezwen vwayaze pour al fer sa tes Maurice.

Alor, se pour sa rezon ki mon oule ki loter i eklersi sa Lasanble lo son motivasyon pour avans sa Mosyon devan.

Premyerman, eski loter Mosyon i anvi ki sa sant i vin enn ki ganny administre par Minister Ledikasyon?

Dezyenm, oubyen ki sa tes i ganny organize a la demann piblik? Savedir ler i annan en group dimoun ki pare pour pas sa tes. Ou ankor i oule plito demann lorganizasyon frekans sa tes isi Sesel. Par egzanp sorti 2 fwa par lannen pour vin 1 sak mwan par egzanp.

Mr Speaker en lot pwen leklersisman ki mon annan set akoz ki loter Mosyon in baz son formilasyon lo bann etidyan ki al pourswiv zot kour aletranze, kan sa tes i annan lezot provizyon. Par egzanp pour Visa, pour zot al vakans, ouswa pour zot al travay aletranze dan en pei spesifik kot i annan Sertifika IELTS koman en kriter.

Mr Speaker si i annan deza en lorganizasyon edikasyonnel ki pe fer sa travay, akoz nou pa les li kontinyen, ouswa avek British High Commission ki mon krwar i annan sa responsabilite pour akredit bann sant pour ki Liniversite Sesel i vin en sant, parey i le ka aktyelman an France kot sa bann Liniversite Sesel ki administre sa tes. Akoz mwan mon panse ki Minister Ledikasyon i annan ase dan son manda. E mon dir annan menm tro. Annou pa azout ankor lo sa manda ki deza tre sarze. E mon vwar sa i en bon Mosyon, e mon pour donn mon sipor pour sa Mosyon.   Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Speaker. Mosyon ki devan sa Lasanble pe demande ki Gouvernman i fer le neseser, pour etablir en sant ki pour fasilit bann etidyan pour anrezistre pour kapab swiv, e fer legzanmen ki konsern tes pour langaz Angle – ki bokou pei i konn li koman IELTS.

Mr Speaker ozordi bokou liniversite pe egzize ki bann etidyan pour zot ganny aksepte, fodre zot annan sa IELTS. Parfwa etidyan vwar zot bezwen defer zot larantre dan liniversite an atandan ki zot konplet sa tes e ganny son rezilta. I annan zanfan ki’n bezwen deplase pour al Maurice pare loter Mosyon in dir pour fer sa tes zis pour zot pa perdi zot dat larantre.

Sa i koz bokou lenkonvenyans pour bann etidyan. Alor en tel fasilite, ti pour osi donn lezot dimoun ki anvi fer sa tes sa loportinite pour zot kapab zot osi teste zot nivo dan langaz Angle. Ki demen ti a kapab vin en plus lo zot CV. Mr Speaker i bon note ki Maurice sa tes i kapab ganny fer pli souvan. I annan de ou 3 sant ki pe ofer sa fasilite konpare avek isi zis International School ki pe ofer sa 2 fwa par lannen.

I osi bon note ki ler sa etidyan i fini fer sa tes i osi bezwen esper 2 semenn pour li ganny sa rezilta ; ki parfwa sa etidyan i espere si i annan letan i esper Maurice menm, si non sa sant ki bezwen poste kot sa etidyan son rezilta par DHL, e li an retour i bezwen poste sa kot sa liniversite. Mr Speaker, mwan mon pe osi koz koman en paran ki ti war bezwen anvoy mon fiy Maurice pour li kapab fer sa tes zis pour li mank son dat larantre kot liniversite.

E mon konnen ki i koz bokou lenkonvenyans pour bokou paran akoz i en depans an plis ki zot bezwen fer.

Alor Mr Speaker, mon santi ki sa Mosyon i annan son merit, e alor mon pour donn li tou mon sipor. Mersi.

 

MR SPEAKER

Mersi Onorab Esparon. Onorab Gill.

 

HON SIMON GILL

Mersi bokou Mr Speaker. Bonn apre midi tou koleg Onorab. Bonn apre midi tou Manm piblik.

Mr Speaker Mosyon devan nou Lasanble, i en Mosyon ki annan son merit. Me nou bezwen pourswiv nou refleksyon lo la tout an rekonesan deza dan Sesel ziska serten degre i annan sa fasilite ki pe ganny donnen.

Alor, nou problenm ki nou pe fer fas avek i ki sa fasilite ki aktyelman pe ganny donnen par en lenstitisyon prive – Lekol Enternasyonal si nou kapab dir li koumsa, zot pe donn sa fasilite. I annan son limitasyon. Ki mannyer nou regle sa limitasyon? Ki mannyer Gouvernman i antre, spesifikman Minister Ledikasyon, i antre an kolaborasyon avek sa Lenstitisyon deza ki pe ofer sa servis, pour agrandi sa servis ki pe donnen.

Mon krwar sa i ava en loportinite ekselan. E i ava montre sa kolaborasyon Gouvernman an partenarya avek Sekter Prive pour donn sa servis pour ki nou elimin okenn posibilite ki personn pa santi li ganny oblize pour al Maurice, oubyen ayer pour al fer sa tes ki Loter Mosyon pe demande. Sa i premye eleman.

Dezyenm eleman, si nou dir i responsabilite Gouvernman baze lo bann provizyon nou Konstitisyon pour donn ledikasyon  son pep, posibilite reel i reste atraver bann negosyasyon ki ava ganny fer, e platform ki ava ganny etabli pour ki Gouvernman i kapab konsidere pour subsidize sa kou, or sa fre ki en etidyan ou nenport ki i bezwen peye pour fer sa tes. Sa i en premiz posib. E mon krwar si sekter prive e Gouvernman i met latet ansanm. Mon krwar i a fer en partenarya ankor enn fwa mon repete; ekselan.

San bezwen al dan bann gran detay Mr Speaker lo sa premiz ki mon’n etabli, mon a demann ou Mr Speaker, e loter Mosyon pour konsider en lamannman senp pour sa Mosyon. E mwan a lir mon lamannman ki mon oule soumet: ‘’Lasanble i demann Gouvernman – pli spesifikman Minister Ledikasyon pour fer le neseser an kolaborasyon avek ‘’sekter prive’’ pour etidye posibilite etablir en sant International English Language Testing System pour fasilit lanrezistreman bann etidyan Seselwa ki pe al swiv bann Kour aletranze.’’ Mon oule soumet sa pour ou konsiderasyon, e mon krwar i kree en levantay loportinite, pour ki plizyer lenstitisyon Prive ozordi ki pe angaz dan ledikasyon nou zanfan, i antre ankor enn fwa an partenarya avek Gouvernman, pour ki nou fer rev nou bann etidyan, nou bann fitir Leaders nou pei vin en realite. Mr Speaker mon move lamannman pour ou konsiderasyon. Mersi bokou.

 

MR SPEAKER

Mersi Onorab. Nou’n la, Onorab Hoareau, nou’n ganny 2 propozisyon amannman. Enn ki sorti kot Onorab Pillay, e enn ki’n sorti kot Onorab Gill, gran diferans se sa ki Onorab Gill in azout avek ‘sekter prive’ dan Mosyon. Mon prezimen ou’n pran note. E sa ki Onorab Pillay ti’n propoze. Ou osi mon’n sipoze ou’n pran note ki Lasanble i demann Minister Ledikasyon pour fer le neseser pour etablir en sant enternasyonal; English Language Testing Centre pour fasilit lanrezistreman bann etidyan Seselwa ki pe al swiv bann kour aletranze, e osi pour benefis nenport endividi ki fer laplikasyon Visa pour al dan serten pei kot en kalifikasyon IELTS i bann kriter ki ganny servi.

Ou annan sa 2 lamannman, mon a donn ou laparol pour ou – mon pa vwar okenn lanmen ankor. Mwan a donn ou laparol pour wrap-up.

 

 

HON JOHN HOAREAU

Mersi Speaker.

 

HON CLIVE ROUCOU

Oubyen pour konsider, konsider bann amannman avan nou vot lo amannman.

 

HON JOHN HOAREAU

Mersi Mr Speaker. Mersi tou bann entervenan ki’n kontribye dan sa Mosyon.

Mr Speaker mon napa difikilte avek lamannman ki Onorab Sebastien Pillay in met devan. Me selman mon annan en pe difikilte avek sa ki Onorab Simon Gill in met devan.

Premyerman ler nou pe koz lo pour fer en sant English Language Testing System Sesel, demande ki Minister Ledikasyon i fer le neseser pour etabli sa sant. Nou pa’n premyerman komit Minister Ledikasyon pour li fer sa sant li menm pour li administre sa li menm.

Nou dir li fer le neseser pour etabli sa sant. Sa i kapab met dan lanmen prive si i santi pour dir i pa kapab, i napa sa manpower pour li fer li, oubyen si i pa apropriye pour li fer li, kapab met dan sekter prive. Me selman le fe Mr Speaker i reste ki kler ki Minister Ledikasyon ki bezwen fer sa demars. Akoz? I annan 2 rezon prensipal.

Premyerman, pour ou fer sa bann demars pour fer ki Sesel i ganny akredite ou pour bezwen backing en Gouvernman. I pa zis vin en nenport ki lekol ki fer li.

E dezyenmman, Minister Ledikasyon i annan bann diferan seksyon ladan. Mon kapab dir bann partner kle ki zot pour bezwen met zot input pour fer ki sa i ganny realize. La mon pe mazin par egzanp SQA (Seychelles Qualification Authority) ; Mon pe mazin TEC (Tertiary Education Commission). Mon pe mazin ANHRD  e partner, Komite Partnership dan Minister Ledikasyon.

So sa bann dimoun, zot bezwen zwe en rol kle pour fer ki sa sant ki nou pe koz lo la i vin en realite. Mr Speaker i osi realis ki vi ki nou anvi ki sa i vin en sant permanans, Minister Ledikasyon i kapab negosye avek British Council ki bann teachers Seselwa par egzanp i pran serten training pour kapab administre sa lo en baz part time. Dizon sa tes souvandfwa i ganny fer dan Sanmdi International School. Alor sa training i a permet bann teachers Seselwa ki petet ki travay avek Minister Ledikasyon koman teachers. Me selman dan Sanmdi zot al fer sa tes.

Mr Speaker, sa negosyasyon parey mon’n dir i bezwen a nivo Gouvernmantal. In osi annan dan lepase kot ex- CEO NHRD ti pe sey demande ki Sesel i ganny exempt totalman from sa IELTS test. Akoz? Akoz nou deza pe fer English as second language apre English as first language dan nou sistenm ledikasyon. Me still bann Gouvernman dan sa bann pei ki mon’n nonmen oparavan i napa kontrol lo zot bann liniversite pour dir sa ki zot merit aksepte ou sa ki zot pa merit aksepte.

Alors solisyon pli fezab se ki anmenn en negosyasyon kot avek British Council, kot teachers Seselwa i kapab train, e administre sa isi. Swa zot ava al fer li dan en lekol prive. Swa Gouvernmantal. Me sa i pour tou depan lo zot. Mr Speaker, parey mon’n dir oparavan mon  napa problenm avek sa amannman ki Onorab Sebastien Pillay in propoze, e mon krwar ki en parti ki osi…Onorab Simon Gill in dir ki si par egzanp Gouvernman Sesel, ki ti deza annan en sant kekfwa i pour fer osi desann pri ki ou pe peye pour sa tes li menm. So an se moman zot pe pey R4200 pour zot fer kot International School. E sa i ava desann probableman a en pri pli ba.

Dezyenmman mon ti oule fer kler petet pour Onorab Sophola ki International School i zis en venue, i pa en sant akoz bann Mauritien ki, Maurice ki Official Centre pour sa, pour administre sa tes. Alor ki zot fer zot vin zis pour vin, bann zofisye Mauritien i vin zis pour vin donn sa tes isi Sesel apre zot ale.

Alright ? So, i pa en, i zis en venue, i pa en sant. So ki nou pe demande en keksoz en pe lo pli permanans, en keksoz ki en pe focus osi lo long term, e en keksoz ki pour pli frekaman. Mon krwar avek sa mon’n reponn serten bann kestyon, bann konsern ki ti’n ganny  lev-e. E petet osi parey mon ti’n deza fer oparavan dan mon prezantasyon,  mon’n dir poudir i osi annan en eleman sosyal ladan. E par egzanp bann dimoun ki pe al pran en lanplwa dan sa bann pei, souvandfwa zot ganny demande pour zot ganny zot Visa, zot in ganny demande pour zot fer sa. So sa i ava kouver osi sa, e sa i tonm tre byen parey Onorab Sebastien Pillay in mete dan son lamannman. Mersi.

 

MR SPEAKER

Alor ou’n aksepte sa amannman pour enkli pa zis etidyan ki pe al etidye deor, oubyen bann zenn – me bann endividi ki pe fer laplikasyon pour Visa osi.

Eski nou kapab tonm dakor lo sa lamannman ? Vot. ‘’Lasanble i demann Minister Ledikasyon pour fer le neseser pour etablir en sant enternasyonal English Language Testing Centre pour fasilit lanrezistreman bann etidyan Seselwa ki pe al swiv bann Kour aletranze. E osi pour benefis nenport ki endividi ki fer laplikasyon Visa pour al dan serten pei kot en laplikasyon IELTS in enn bann kriter ki ganny servi. ‘’

Onorab Hoareau in dir sous entendu ki si Ledikasyon i le kolabor avek prive parey Onorab Gill in fer i enkli ladan. So sa i sa amannman – eski nou kapab pran en vot lo la avan nou vot lo Mosyon ?

Tou bann ki ‘pour lev lanmen? Clerk?

 

MADAM DEPUTY CLERK

Mersi Mr Speaker, mon’n rikord 27 Manm ki’n vot ‘pour.

 

MR SPEAKER

Savedir sa lamannman i ganny aksepte. Eski nou kapab vot lo Mosyon prezan – amended Motion pour nou etabli si Lasanble i aprouv sa Mosyon amande par Hoareau ki’n ganny amande.

Sa ki ‘pour lev lanmen? Deputy Clerk?

 

MADAM DEPUTY CLERK

Mersi Mr Speaker mon’n rikord 27 Manm ki’n vot pour.

 

MR SPEAKER

Tre byen mersi Onorab Hoareau,  e mersi tou bann ki’n entervenir. Savedir sa Mosyon ki’n ganny prezante par Onorab John Hoareau in ganny aksepte ek bann detay nou ava fer sir ki ariv kot Sekreter Konsey de Minis pour enform Egzekitif.

Avek sa nou al toudswit lo nou 3enm Mosyon pour ozordi. E mon a demann Onorab Waven William pour prezant son Mosyon.

 

HON WAVEN WILLIAM

Mersi Mr Speaker. Bonn apre midi tou manm piblik ki pe ekoute spesyalman zabitan distrik Grand Anse Mahe.

Mr Speaker avek ou permisyon, e avek permisyon Lasanble, mon ti a kontan prezant mon Mosyon avek en pti amannman; ki mon Mosyon ava lir konm swivan; ‘’sa Lasanble i aprouve pour demann Gouvernman pour akseler enstalasyon Tretman Sistenm Desarz dan distrik an prenan kont presyon ek dinamik devlopman ozordi.

 

 

MR SPEAKER

Savedir ou pe sanz ‘enplimant,’ avek mo ‘akseler.’ Se sa?

 

HON WAVEN WILLIAM

Wi Mr Speaker akoz mon santi ki le fe ki i en size ase enportan ki demann aksyon imedyat. Yes.

 

MR SPEAKER

Pa pe al ase vit. So nou’n ganny sa kler. I fer en pti amannman i dir ki sa Lasanble i aprouve pour demann Gouvernman pour ‘akseler sa bann proze Tretman Desarz dan bann distrik an prenan kont presyon ek dinamik devlopman ozordi. Se sa? Ok.

Onorab. Okenn komanter. Onorab Ramkalawan.

 

HON WAVEL RAMKALAWAN

Mr Speaker kekfwa pour, i ti ava plito pour ‘akseler lenplimantasyon’ sa bann proze Tretman. Sa i ti ava fer, sa ti ava fer plis sans.

 

MR SPEAKER

Onorab William.

 

HON WAVEN WILLIAM

Mr Speaker mon napa problenm, i pa tro esansyel.

 

MR SPEAKER

Alor i lir koumsa ki Lasanble i aprouve pou demann Gouvernman pour akseler lenplimantasyon sa bann proze Tretman Desarz dan bann distrik an prenan kont presyon ek dinamik devlopman ozordi. Ok.

Bon Onorab William ou ganny rann laparol.

 

HON WAVEN WILLIAM

Mersi Mr Speaker. Mr Speaker, mwan mon krwar nou bezwen segonn sa Mosyon non Mr Speaker?

 

MR SPEAKER

Ou kapab. Mon ti ekspekte ou kapab koze apre nou a ganny segonn. Annou pran li si en dimoun segonn Mosyon apre Onorab i a kontinyen. Onorab Pillay.

Petet prosedir i pli fasil parey nou fek fer avek Mosyon Onorab John Hoareau. Ou fer ou prezantasyon apre. Parske in amande la.

Fer ou prezantasyon apre nou a vot lo sa lamannman. Apre nou al lo Mosyon. Yes Onorab Pillay. Klarifikasyon Yes.

 

HON SEBASTIEN PILLAY

Wi Mr Speaker, zis en pti klarifikasyon. Par egzanp si Onorab i pe amann son Mosyon li menm, then nou pa bezwen vot lo son lamannman ki li i pe propoze. Par kont si lamannman en lot Manm, then mon krwar i propoz son lamannman and then i move son Mosyon.

 

MR SPEAKER

Ou’n… sa ki ou’n propoze i annan en pti lazisteman ki Onorab Ramkalawan in fer, ou’n dakor avek, ou kapab prezant ou Mosyon.

 

HON WAVEN WILLIAM

Mersi Mr Speaker. Mr Speaker mon pe anmenn sa Mosyon – espesyalman pou bann zabitan kot flat Grand Anse Mahe. Bann zabitan Dauban. Bann zabitan ex-Tec-Tec – ex-Troyan  e Rivière Sèche e osi mon pran kont profil nou distrik kot i konsern sityasyon osi ki pe devlope La Misère.

Mr Speaker parey ou konnen, nou annan pti plato. Nou annan bokou montanny. E lepeser kous later lo sa bann montanny i pa bokou. I fer ki dan plato nivo avek lanmer apepre 1.2 a 1.5 a 2met kot bokou bann lakaz. Par egzanp bann Housing Estate in ganny fer. E dan leo i annan bokou bann devlopman ki’n arive ozordi. Letan mon pran kont ki mon ti komans mon parkour dan distrik Grand Anse Mahe an ‘81; apepre 36an pase.

E mon vwar ki sityasyon pe agrave. Sityasyon pe agrave Mr Speaker akoz ou pa ti pe eksperyans serten bann lefe ki pe arive ozordi kot later in nepli kapab pran delo. Par egzanp ek gro lapli, avek lanmer mont kot lanmar pa pe ganny debouse.

Ou vwar ki bann lakour, spesyalman kot bann Housing Estate, Sistenm Desarz pa pe fonksyonnen. E sa deplizanpli i pe vin pli grav. Akoz par egzanp kot bann Housing Estate pour sey rezourd sa problenm an rekonesan par Gouvernman, zot pe ponp sa bann tenk 2 fwa, a 3 fwa par semenn.

E deplis parfwa kot kontrakter pa kapab vini bann zabitan i bezwen sibir en bann sityasyon ki pa izyenik, e in annan bokou konplent. In annan bokou konplent e bokou presyon lo kote Lazans ki administre sa bann, sa bann travay ki annan pour fer avek ponp bann tenk, e osi rezourd bann Sistenm Desarz. Alor mwan Mosyon Mr Speaker pe demande, ki Gouvernman ki mon rekonnet Gouvernman dizour in fer bokou lakaz. Gouvernman dizour in fer bokou semen.

Mr Speaker avek devlopman parey mon dir kot nou pe met bann second house ankor la, i pour annan plis later pe al ganny vann byento kot i pour annan plis lakaz, e pour annan plis presyon. E si nou pe koz polisyon e an menm tan nou pe promot 5 Star Tourism, nou pou bezwen pran konsyan ki (1)  nou lakot – nou lakot pe ganny bokou polye.  E tou sa ki dan montanny i desann dan plato.

E Mr Speaker mon ti a kontan atraver mon Mosyon demande ki (1) par egzanp Babarons kot byento an Zilyet lakaz pour ganny donnen, i annan en sistenm ki pe al ganny met an plas. Mon ava demande ki i pa zis deservi sa bann nouvo lakaz me i konekte bann dimoun Dauban – ex-Tek-Tek – dan land bank Barbarons osi tou.

Me Mr Speaker mon santi ki atraver polisyon ki ti arive La Misère, mon santi ki nou distrik in perdi en loportinite. In perdi en loportinite e la mon a demande ki Lotorite i sey regarde akoz dan premye faz negosyasyon, distrik Grand Anse Mahe ti’n ganny en propozisyon pour ganny 3 sa bann proze Tretman Desarz. E mon ti ava demann Lotorite pou regarde eski larzan ti ganny donnen?

Eski sa proze nou kapab enplimant zot ki a tir en pe presyon dan distrik ? Mr Speaker atraver sa Mosyon osi, mon ava demande akoz sa zabitan La Misère pe demande,  mon ti a kontan konnen konbyen larzan ti ganny peye pour sa problenm La Misère ki ti arive ? Delo polye. Mr Speaker pour kontinyen, mon ti ava demande ki Gouvernman malgre, malgre ki, mon krwar tar lannen pase, ou boner sa lannen, nou ti ganny envite dan en Forum kot PUC avek serten konsiltan, ti prezant nou avek serten bann proze ki annan pour fer avek enstalasyon bann gro Sistenm Tretman atraver pei.

Mr Speaker atraver bann diskisyon, nou ti dekouver ki sa bann propozisyon i pa ti bann plan konkret. Ti zis bann propozisyon. Be en lot problenm ki trakasan se ki, nou anvi fer sa bann proze Mr Speaker. Me nou pa ankor idantifye bann sit, e pa zis idantifye, me nou bezwen sekiriz sa bann landrwa. Pa fer devlopman dan sa bann landrwa ; akoz letan nou pour ganny larzan, ouswa in ariv ler pour fer sa bann proze, i pour vreman difisil, le fe nou pe koz pti lespas. I pour difisil letan pour nou kapab enplimant sa bann proze, e pour rezourd sa bann problenm Desarz.

Alors atraver mon Mosyon, mon pe demande ki Gouvernman i vin avek en plan konkret ki vreman i anvi fer pour amelyor sityasyon. E mon pe demande atraver sa Mosyon ki nou donn pep Seselwa en dele letan. Par egzanp pour Mahe, Praslin, La Digue kot tou lakaz a kapab ganny konekte enn se zour.

E montre en plan konkret, rod finansman ki sitwayen ki anvi ede dan demars pour ganny finansman a ede osi ; akoz Mr Speaker ozordi i annan plizyer lorganizasyon, plizyer bann dimoun ki vwayaze, ki annan kontak avek bann partner etranze ki zot kapab ede. Me Gouvernman i bezwen dir egzakteman ki anvi fer ;  prezant en plan konkret devan.

Mr Speaker atraver sa Mosyon, mon anvi demande osi ki Minister Lanvironnman, e osi Departman Lasante zot vin en pti pli proaktiv, pli proaktiv dan la fason ki zot pe apros bann problenm dan distrik. Par egzanp, nou ti a kontan konnen si bann zofisye ki pe pase, zot pe raporte lo sa bann ka ? Zot pe met devan ki wi i annan sa nesesite pour enplimant sa bann proze Tretman Desarz.

Alors Mr Speaker, mon pe anmenn sa Mosyon avek en bon lentansyon, akoz mon santi ki si nou pa fer nanryen, si nou pa fer nanryen keksoz pour vin pli pir, e mwan i fatig mwan letan mon pas kot mon bann zabitan, sa bann problenm i kontinyelman monte. E letan ou pe koz avek lotorite, ou pa vreman vwar en plan long term pour rezourd sa bann problenm. E nou dan distrik Grand Anse Mahe, e mon konnen taler bann lezot Manm Onorab ki pou koze, zot pou koz lo zot distrik. Be nou dan Grand Anse Mahe nou ti a kontan ki Gouvernman i prezant nou ek en plan konkret ki fason i pour rezourd sa bann problenm Tretman Desarz dan distrik. Mersi Mr Speaker.

 

MR SPEAKER

Mersi Onorab, Onorab Valmont.

 

HON JUDE VALMONT

Mersi Mr Speaker. E bonn apre midi tou koleg Onorab.

Premyerman Mr Speaker mon ti a voudre segonn Mosyon Onorab William e avek ou permisyon fer en pti lentervansyon silvouple.

 

MR SPEAKER

Go ahead.

 

HON JUDE VALMONT

Mersi Speaker. Mr Speaker parey zot konnen Pointe Larue i form par bann distrik rezyon lakot Les. E nou osi nou pa ganny eparnye avek sa problenm drenaz. E i bon pour note ki Pointe Larue pour le moman nou annan omwen 100enn lakaz. sa i dan rezyon Nageon Estate, bann lakaz ki’n ganny fer 35an pase. Zis apepre par lao 10 poursan sa bann lakaz ki konekte avek nou Sewerage Treatment Plant ki trouve kot Ladministrasyon Distrik Pointe Larue.

Alor nou, nou annan en total apepre 800 ekek lakaz Mr Speaker. Alor ou vwar zis par lao 10 poursan ki konekte avek sa Treatment Plant. E larestan zot annan bann sistenm endividyel. Parey bokou i konnen Pointe Larue i trouve lo lakot Les. E nou, nou en distrik vreman partikilye akoz nou ganny bare si ou kapab dir avek Erport. E prezan ki ou remarke, Pointe Larue i annan en plato, mon krwar bokou zot ki pas la zot remarke nou annan en rezyon plato avek en omwen en 100 ekek en 200enn fanmir ki la.

Ki arive Mr Speaker, mon pe an faver sa Mosyon akoz mon santi pour sa bann fanmir. Ki zot fer akoz Pointe Larue prezan nou eksperyans sa ki nou dir e High water table. Alor nou vwar fanmir ki pe fouy septic tank omwen 3 fwa par lannen. E mon mazin en madanm ki mon ti annan enteraksyon avek li, madanm Franchette – i ti fer son lakaz, e in arive sirkonstans ki in bezwen osi fouy son septic tank, e fason ki nou fer sa, ou bezwen fouye, met ros ladan dan plas ariv li en R10 ekek mil, in ariv li omwen R40mil pour fer sa. Alor i bezwen li menm li trouv fason pour ganny larzan akoz ler ou konnen ler ou ganny loan lakaz, ou pa gannyen pour fer sa pti bout la. Alor in bezwen rod extra, fer sa avan in komans fer son lakaz.

Sa i zis en fenomenn ki nou pa ladan Pointe Larue Mr Speaker. Me osi nou okouran Pointe Larue, nou annan osi bann Flat, bann Housing Estate parey Onorab in refer sorti. Ler i dir sa mon partaz sa douler. Akoz mwan osi mon pas kot ex-Albert, Anse Dejeuner, ex-Mellon, ex- Francois kot Biro DA, France Joseph, e Mirabel. Petet mon ti a zis pran Mirabel Estate an partikilye, Mirabel Flats akoz, Mirabel li parey mon sa ki mon okouran PMC i vin ponpe tou le Vandredi. E ler mon’n fer en pti resers i kout apepre R1000 tou le semenn. E Mr Speaker ou konnen dan 1an i annan 52 semenn and in deza fer R52mil la. Alor, e nou vwar sa, i pa zis letan ki zot ponpe ler lapli i tonbe, lanmer, mare i o. E zot bezwen vin ponp  ankor – akoz ou war tou sa malpropte, tou malpropte i monte. E i koz serten lenkonvenyans pou nou bann dimoun ki reste laba.

Mon konn zenn zanfan laba ki ganny problenm. Petet mon pa kapab dir ki sa bann desarz ki fer sa. Me selman nou sispekte i annan zanfan ou war zot ganny MRSA, sa ki nou dir ’klou. E i toultan zot pe ale vini lopital. Alor i koz, i koz en lenkonvenyans deza. Sa i zis enn parmi Mr Speaker.

En keksoz ki mon’n vwar avek sa bann sistenm ler i refoule koumsa la, in fer Pointe Larue petet parmi enn bann distrik ki ka Dengue i pli o, in ganny raporte deza. E tousala i ankouraz moustik sa bann malpropte. Alor i afekte nou bann dimoun. I afekte zot.

Alor Mr Speaker, mwan se pour sa rezon ki mon pe koz an faver sa Mosyon. E parey Onorab in re fer sorti, wi, ti annan en meeting Stakeholders ki ti fer par PUC, ti envit nou parmi ban MNA. Mon krwar bann letan nou ti fek komanse osi – mon krwar an Septanm lannen pase. Ti annan serten propozisyon ki ti’n ganny re fer sorti. E sa ti annan 2 propozisyon; ti annan sa enn pour sa Centraliszed System ki ti pour kout mon krwar si mon pa tronpe, ti pour kout apepre 550, non, Mahe antye ti pour kout apepre R185milyon. E zis pour konekte, zis en legzanp Pointe Aux Sel ziska Anse Dejeuner ti pour ariv apepre 550milyon…mon krwar apepre 50milyon or 550milyon. Ok ? Me mon krwar 50milyon. Me selman mon pa tro asire lo sa sif, me selman i annan en kou, en kou ki pour vin avek sa Central System.

Me selman Mr Speaker ti annan en lot, en lot opsyon ki zot ti prezant ek nou osi. Zot ti dir parey Onorab in refer sorti. I annan sa Decentralized System ki zot pour met en plan dan serten distrik. E sa osi, i osi i annan son challenge parey lespas. E osi i annan en kou. Me selman Onorab parey in refer sorti, ti napa en plan konkret. Alors se pour sa rezon ki mwan mon pe koz an faver sa Mosyon. E pour ede pour demann Gouvernman pour pouse pour donn en dele letan parey Onorab in refer sorti pour donn en solisyon bann dimoun. E solisyon ki nou kapab, nou kapab vwar, e nou kapab benefisye avek. E ou vwar ki i annan rannman demen Mr Speaker. E se pour sa rezon mon demann mon bann lezot koleg Onorab pour siport sa Mosyon. Mersi.

 

MR SPEAKER

Mersi Onorab. Onorab Lemiel.

 

 

HON SYLVANNE LEMIEL

Mersi Mr Speaker. Bonn apre midi tou dimoun  a lekout. Bonn apre midi tou mon bann koleg.

Mr Speaker ozordi dan sa letan ki nou’n arive ler ou regarde Tretman Desarz dan pei i neseser. Ozordi Gouvernman nou pe konstri vertikal. E ler mon pour pran legzanp distrik Anse Royale, nou annan nou 2 Housing Estate ki nou pe ganny vreman, vreman problenm avek sa bann zafer desarz. Nou annan nou Remiz.

Kot Remiz ou’n fer ou bann Blok Flat 6, e tou desarz sa bann lakaz, tou bann desarz lakwizin, lasanmben, i pe al dan en sel sistenm. E parey in ganny dir, tou le mwan or la konmela sityasyon aktyel, tou le de semenn nou pe bezwen call PMC, monte, vini, vin ponpe. E sa mon krwar i pe kout Gouvernman en kantite larzan. E mon krwar osi Mr Speaker letan nou pe gete mon annan mwan en lakaz, en unit partikilyerman, sirtou en ler ou ganny bann dimoun  ki anba, sirtou zot ki sibir plis, ou ganny bann malpropte ki pe mont dan zot lasanmben ki refoul dan toilet, refoul dan sink, dan lakwizin. E most of the time sa bann dimoun i bezwen vwar zot, zot pe pran ben an deor zot lakaz. Par fwa, sa bann sewer tank la zot pa kapab vini vin ponpe aswar. Zot pour vin landmen, e i fer ki sa i kree en kantite problenm pour bann dimoun. Bamboo Estate li son problenm li se ki nou annan de, 2 lakaz li son bann lakaz i plizoumwen separe. I annan son anler ek son anba. Me i annan serten. I annan 2 lakaz partikilye ki toultan i annan sa bann desarz ki reste lo sirfas. E Anse Royale i dezyenm lo lalis pli o lo kote Dengue parey in ganny dir. E i pa izyenik sirtou pour zanfan ki pe zwe dan lanvironnman, zot pe zwe dan sa delo sal. Par egzanp letan napa paran la. Be sa i kapab anmenn en kantite maladi. So mwan mon krwar ki in plis ki ler petet pour Gouvernman vwar en fason ki mannyer i pour envestir plis.

Dan Lasanble lotrozour isi, nou annan Minis ki ti vini, e ti ganny dir i annan larzan pour konstri 4 STP. E Remiz ti enn, but till today nou pa tann nanryen, nou pa vwar nanryen. So petet dan sa pti bout lentervansyon ki mwan pour fer la nou ti a demande avek konsernen, wi PUC pe fer son bout kot i pe get Sesel ann antye. Me mon krwar kot bann Housing Estate ki MLUH li menm, i ti donn serten garanti ki annan serten Treatment Plant ki pe vin ganny mete – enstale, pour rezourd sa bann problenm. Loder ki annan dan sa bann Housing Estate, sa bann problenm delo sal monte. Therefore mon krwar i vreman enportan ki Minister konsernen i bouze. Nou gete kote nou pour kapab ganny larzan – Anmennen isi kot Lasanble. E parkont mwan, mon ti pe annan kestyon ki ti pe vini pour Minis konsernen pour MLUH pour mwan demann li, ‘’Be lannen pase ler ou ti vini, ou ti dir pe vin fer, ki zistans nou’n arive ozordi?’’

So therefore petet i ava pran ladan menm, kot mwan mon pour demande ki Sistenm Desarz li menm i ganny mete dan distrik, i ganny fer e ki tou bann lakaz posib sirtou bann Housing Estate zot ganny konekte. E mwan mon pour siport sa Mosyon ki Onorab William in anmennen. Mersi Mr Speaker.

 

MR SPEAKER

Onorab Aglae.

 

HON EGBERT AGLAE

Mersi Mr Speaker. Bonn apre midi zot tou. Mr Speaker permet mwan avan mon komans mon lentervansyon lo sa Mosyon kot i annan en tantin ki mon ti pas kot li, in fer mwan riye. Dan pe ed li avek enn sa problenm Sewerage menm, i dir mon boy, lontan nou ti annan nou kabinen deor ki ti kabinen trou ki nou ti apel li pit latrin, mon pa ti zanmen ganny sa bann problenm. La ozordi nou’n avanse, nou’n modernize, gro problenm.

Mr Speaker mon komans koumsa lo sa…mon lentervansyon lo sa Mosyon akoz dan mon parkour koman en administrater distrik mon annan, rankontre diferan bann problenm. Mr Speaker avek levolisyon, modernizasyon kot Gouvernman ti’n antre ek en viger, dan konstriksyon bann lakaz sirtou bann Housing Estate, akoz ti annan bann demann. Nou’n vwar keksoz in bouz sitan vit.

Me dan sa lavites ki keksoz in bouze, i annan serten travay ki’n ganny fer dan konstriksyon sa bann Estate ki’n al en fason vit. E en fason osi ki pa’n byen ganny sipervize pour prevwar serten problenm a lavenir. E sa ler mon pe koz lo sa sistenm, bann sistenm Sewerage. I vre ki ozordi nou pe konsonm en kantite delo, dan tou lakour. I vre ki ozordi nivo lanmer in monte. I vre ki ozordi nou pe fer fas avek sanzman klima. Tousala i pe ede. E ler nou’n sorti dan leo, nou’ desann dan leba bokou konstriksyon i dan leba, nou pe vwar ki sityasyon in vreman, vreman agrave. Mon pour siport sa Mosyon akoz i pour ede rezourd serten problenm. Mon dir serten problenm, akoz pa tou lakaz ki pour kapab benefisye avek en tel fasilite.

Bann rezon i konm swivan. Teren mannyer i ete i annan lakaz ki ou pour bezwen, ki vreman i izole. E i pour kout en kantite larzan pou kapab anmenn sa sistenm konekte zot lo la. E bann lezot, lezot problenm ankor ki kapab arive avek sa, sa lenstalasyon. Mon konnen i pou kout Gouvernman en kantite larzan. Me sa ki i demande se ki dan sak distrik sirtou kot i annan Housing Estate akoz pour ou kapab met  en Sewerage Treatment an mars, ou bezwen annan ou en volim lakaz ki tanzib pour kapab fer sa sistenm efektiv. Ou pa pour kapab met 5 lakaz, me ou bezwen above 15 lakaz an montan.

Mr Speaker, sa problenm osi i pa zis en problenm ki zis Gouvernman ki bezwen pe met li an mars ; ouswa Gouvernman ki bezwen depanse ladan. Mon ti a swete osi  -parey Onorab William in nonmen ki in mank en loportinite i osi pour avek sa lensidan ki ti arive kot zot ti pe ganny ofer fasilite pour kapab enstal bann Treatment pPant dan zot distrik. Mwan rapel osi ki ler lotel Ephelia ti pe konstri ti annan en propozisyon ladan ki zot osi zot kapab enkorpor bann zabitan Port Launay avek dan sa sistenm.

Me sa pa ti ganny arive ditou. Mr Speaker, ozordi i annan bann fanmir, vi ki nou pe konbat kont lapovrete, e nou konnen pour dir kou lavi i ser dan sa pei. I annan fanmir ki dan en mwan i kapab pe war li 2 fwa pe ponp en Sewerage ki pe kout li 1200 a R1500. E par fwa se nou menm nou bann MNAs, ouswa kot Ladministrasyon Distrik ki bezwen antreprann vini, vin fer serten ponpe pour peye. E menm rezourd serten dega ki’n arive dan lakaz.

I annan en letan osi parey Onorab Lemiel in nonmen, sirtou si sa problenm i ariv dan weekend kot sa bann desarz i al desarze laba lo konblaz kot stasyon i dir ou i fermen. E sa dimoun ki dan sa biznes li menm ki pe vin ponp sa i dir ou i pa pour kapab vini akoz i bezwen kit sa, sa sewerage sa ki’n ponpe dan son kanmiyon ziska Lendi.  Mr Speaker tousala i kree bann lenkonvenyans pour nou dan distrik. Mr Speaker mon pour siport Mosyon akoz i pour ed nou en kantite. I pour ed sa fanmir malgre ki ler ou pe lans en lapel avek MLUH, ler ou pe koz ek PMC, ou pe dir li tel ou, tel landrwa kot zot in fer devlopman i annan problenm – zot dir ou swa dimoun in fini pey son lakaz, in nepli son responsabilite.

Me sa ki mwan mon swete, e en rekomandasyon ki avek Gouvernman, se ki bann prosen Housing Estate – mon konnen ki dan ex-Teachers prosen devlopman avek ‘Low Cost in fini met en progranm an mars pour STP ki pe kont, kout apepre 1.2  a 2milyon pour fer sa bann lenstalasyon. E mon swete ki bann lezot distrik, i vin avek  menm kalite panse, pour anpese ki nou pe kontinyen vir an ron avek sa zafer. E de la mon ti a kontan dir avek PMC, ek MLUH pour annan en pe konpasyon osi. Pa sa bann dimoun ki’n fer sa problenm, se en problenm dan planifikasyon  ki nou vwar ozordi, akoz normalman Planning avek Minister Lanvironnman i donn en zistans pour met en sewerage avek en lakaz. Normalman i dir ou above 8met a 10 met apre son Soakaway  i sipoze ankor en zistans. Me ou pe vwar ki tousala i dan within en area zis 10 e sa pa pe ede ditou. Nou annan non bann konstriksyon osi ki nou bann dimoun ki mon ti a lans en lapel, ki ler nou ganny en lakaz i byen nou anbelir kot nou. Me selman annou aret betonn partou, ouswa lev miray partou ki anpes delo osi abzorb sa bann filtrasyon ki sipoze ganny fer.

Ouswa ankor ler problenm i lev-e nou bezwen al defons partou pour kapab remedye sa bann sityasyon. Mr Speaker mon lentervansyon i lo la, i koumsa, i pour termin koumsa. E mon pour siport Mosyon ki Onorab William in met devan akoz i en keksoz ki nou bezwen met lanmen lo la a lavenir.

 

MR SPEAKER

Mersi Onorab Aglae. Mon ti a demann dan lentere letan, bann entervenan lavenir pour sey pa fer zot lentervansyon tro long. Onorab Prea.

 

HON NICHOLAS PREA

Mersi Mr Speaker. Mr Speaker mon rapel ler Ameriken ti annan fasilite La Misère, zot ti annan zot en sistenm Tretman Desarz ki ti vreman efikas e ler zot ti bouze, zot ti sorti isi Sesel, mon krwar ti an 1998, mon ti panse ki Gouvernman Sesel ti devret pran posesyon sa sistenm. I ti deza annan koneksyon ki ti sorti anler Tex site kot bann problenm, kot…whatever Emir Khalifa in fer son Pale ti deza annan koneksyon ki ti desann anba, i pas kot Base, e Base osi ti ganny konekte, ki ti al dan sa sistenm Tretman, e i ti mars tre byen. So i ti deza annan en laliny. I ti deza annan en rezo. Me nou’n mank loportinite, en pti pe parey bomaten sa ki’n sorti dan rapor Coetivy kot ou a krwar tou dimoun in sove dan lannwit, e nou’n kit tou keksoz pou tonm an rin ki Ameriken in ale, nou pa’n pran kontrol pour nou mentenir sa sistenm avek en bi ki ti kapab servi nou.

E sa ozordi i fer ki mon okouran sa problenm La Misère i dan tou bann landrwa montannyez; Cascade i parey kot ozordi ler ou regard teren Cascade, i bokou Glacis, i bokou ros. Wi, ou kapab konstri en septic tank. Me son Soakaway Pit – kote i ale? Kote ou mete?

E mwan asire 3 kar di-tan i napa, oubyen zis pe al dan lanvironnman. E La Misère i parey. E La Misère ler ou’n ganny ou 3 zour, 4 zour lapli. E nou konnen pour dir delo lapli i mix dan Soakaway, e bokou bann sours i kapab fasilman ganny polye. Me nou ti annan en sistenm parey mon dir ki nou pa’n servi, nou ti’n kapab ranmase, servi, mentenir, e ozordi i pa ti pour servi selman zabitan, sa nouvo Lekol STA ki’n ganny konstri ti kapab ganny konekte avek.

Me ki nou’n vwar? Lekol in bezwen al envestir dan en lot sistenm ki mannyer mon konpran tanzantan i donn zot problenm. Mr Speaker Anse La Mouche kot bann Flat, mon okouran ki zot pe rankontre menm problenm parey Grand Anse, parey plizyer lezot landrwa, parey Port Glaud.

E Anse La Mouche par ler i menm ki mannyer mon konpran i devid, i devers dan delo sale. Ok? La ankor kot parey le de Onorab ki’n koze avan mwan, in koze par ler planifikasyon sa bann Housing Estate i pa lo standar.

Me mon tous en pti pe mon distrik Bel Ombre. Bel Ombre petet mon kapab dir nou’n en pti pe pli sanse. Nou annan nou en sistenm ase modern, en gro sistenm. Me i en proze ki ti ganny serten finansman etranze e ti ganny antreprann par Bywater. Me ankor sipervizyon sa proze e completion of the project i pa’n lo sa nivo. I pa’n anmenn, i pa’n pran kont tou sa bann areas ki ti sipoze pran kont. E nou ti ganny dir pli tar i pour annan en dezyenm faz. Be la lenformasyon ki mon gannyen avek PUC, sa dezyenm faz kekfwa i dan fitir, i en pti pe lwen. Ler ozordi nou war extension Beau Belle Housing Estate. Ler nou regard the new exKhashoggi Estate. Bokou bann zabitan i dir mwan nou anler nou regard tretman desarz par anba nou e yet nou pa kapab konekte. Pa bezwen ni laponp nanryen, gravite i kapab anmenn bann effluence direkteman dan sistenm. Me zot pa pe ganny konekte.

E PUC i dir ek ou i napa mwayen. E sa ankor i montre ou pour dir ler bann enfrastriktir ti pe ganny mete pour vann sa bann later koman land bank sa pa ti ganny pran an konsiderasyon. Me pourtan sistenm ti’n deza fini ganny commissioned, e i ti pe marse. Mr Speaker, ler mon pe koz lo Bel Ombre, mon pe koz lo bann lakaz osi anba legliz St Roch. I pa zis lakaz la ozordi nou annan nou 2 Self- Catering apartment. Nou annan beach cove apre i annan en lot ankor ki fek ouver. Zot osi zot lo Glacis, lo en teren Glacis, e zot o-bor lanmer. Nou konnen levantyalite, kwa ki kapab arive. Ti annan en promes ler sistenm ti pe ganny konstri, sa main system Beau Belle ki en laponp ti pour ganny mete ki ti pour pran sa bann lakaz par anba Legliz St Roch, me ziska ozordi sa i pa’n posib.

A en moman ti annan negosyasyon ki ler Fisherman Cove Hotel i enstal son laponp, i ti pour osi anmenn sa bann konstriksyon, sa bann lakaz, sa bann Guesthouse onboard. Me sa pa’n arive. La mon ti a kontan petet mansyonn lafanmir Donkin ki li in ganny anbete dan en en lot fason. I ti donn permisyon, dan plas Bywater ti fouy dan semen ki pli difisil pour met zot tiyo, sa fanmir ti donn permisyon pour travers across zot property avek en kondisyon ki zot ganny konekte ek sistenm.

Me sa pa’n zanmen arive. Mr Speaker mon dernyen pwen ki mon anvi fer sorti lo sa Mosyon.

 

MR SPEAKER

Silvouple round-up Onorab.

 

HON NICHOLAS PREA

Se cost. Cost. Ok? Ozordi i annan en kalite cost ki pe ganny fer, i pe ganny kalkile lo kantite delo ki ou servi. Nou pa kapab kontinyen koumsa. Isi i 35 poursan si apepre 40 poursan lo ou lizaz delo. Non. I bezwen annan en cost ki vreman ganny kalkile byen, ki efektiv. Mon pa kapab si mwan mon annan zarden kot mwan, mon pe aroz mon zarden, mon pey sewerage lo la. Mon pa kapab si mon pe servi delo dan en lot fason ki pa pe rantre dan sistenm mon pey sewerage.

E sa nou bezwen fer atansyon ki ler sa bann proze i ganny fer dan distrik, nou bezwen regard byen nou koman bann Manm Elekte, bann Manm Lasanble, nou bezwen antre, negosye ki mannyer nou bann dimoun pour ganny sarze lo zot bill delo pour sewerage.

Akoz ozordi, i annan bokou dimoun Bel Ombre ki sistenm in ariv o-bor zot lakaz, zot pe mefye pour konekte akoz la fason ki zot pe ganny sarze. Vwala mon kontribisyon Mr Speaker lo sa Mosyon. Mersi.

 

MR SPEAKER

Mersi Onorab. Malerezman i annan en kantite dimoun ki anvi koze. Mon konnen sewerage i en problenm kot diferan distrik. Be mon ti a demann zot pour evite koz lo la fanmir Pillay, oubyen Payet dan zot distrik. Koz lo pwen zeneral. Mon pour les zis 2 dimoun koze avan nou pran en vot. Onorab Vidot.

E sa de dimoun mon pe les koze akoz senpleman ziska bomaten, depi bomaten mon pa ankor tann zot koze. Me lezot ki’n koze malerezman nou bezwen met en ‘stop. Onorab Vidot.

 

HON AUDREY VIDOT

Mersi Mr Speaker. Bonn apre Mr Speaker. Tou manm Onorab, e tou dimoun ki a lekout. Mr Speaker mon osi mon pour donn mon kontribisyon e sipor anver sa Mosyon Onorab William akoz pour mwan komanse, mon a dir ki i langazman pour protez nou lanvironnman, e promouvwar devlopman soutenab.

I tre byen ki Gouvernman i reste ferm dan son langazman pour konstri e donn, fer proze lakaz pour bann dimoun. Me Gouvernman osi, i bezwen amelyor, e seryezman siperviz bann devlopman, ki la fason ki mannyer i al en pti vit – espasyalman dan bann proze Housing Estate.

Sa i akoz Roche Caiman menm si nou annan bann tenk ki ede ek sa problenm sewerage, nepli, nou pa en distrik ki pe, ki’n pas dan sa bann leksperyans ‘pi perdi ensidswit. Me nou osi ganny afekte avek loder ki swa i sorti depi kot field Providence, e menm osi dan sa bann tenk letan in plen akoz i demann en kantite servis, PUC bezwen vini tanzantan pour vin debouse. E i annan menm lakaz ki pe ganny afekte kot parey i annan serten Manm in dir kot i flood, depi swa dan zot sink, oubyen dan zot, kot zot basen, kot lakour. E espesyalman kot zot lakwizin i pa en keksoz ki agreeab, e nou bezwen war fason ki mannyer nou pour amelyor en pti pe lo sa sityasyon.

E i kout, i kout PUC osi ; akoz prennan kont ki letan i annan de fwa kot zot, zot vin ponpe, si dan en Ward ranze lakaz kot in plen e ler zot pe ponp sewerage, zot vwar pour dir i annan de ka kot i annan bann fault kot i penetre dan lakaz dimoun. E zot war zot bezwen, swa lasirans i bezwen antre pour al pey domaz sa bann fanmir ki, fanmir ki ganny afekte dan bann sityasyon parey.

So definitivman Gouvernman nou bezwen en pti pe pli, pli sipervize lo sa bann devlopman ki pe arive, e byensir pour nou kapab rezourd en pe sa bann lenkonvenyans ki sa bann dimoun dan bann Housing Estate espasyalman, akoz landrwa i pre. E once i ariv en bor, i a kout 15, 20 unit i ganny afekte avek sa loder. E dezagreeab en 6er diswar en sityasyon parey i pase kot dimoun pe kwi zot manze ensidswit.

So mon krwar Gouvernman definitivman i devret met lanfaz pour fer adres sa sityasyon. Sa i mon kontribisyon anver sa. Mersi.

 

MR SPEAKER

Mersi avan mon donn parol loter Mosyon pour round-up, epi nou vote. Dernyen entervenan ki pa ti ankor koze se Onorab Ernesta.

 

HON PAUL ERNESTA

Mersi Mr Speaker. Bonn apre midi Mr Speaker e tou bann koleg, e tou dimoun a lekout.

Mr Speaker mwan osi, an ekoutan sa Mosyon, i tant mwan pour mwan koze akoz lefet kot mon distrik osi Takamaka, i annan Housing Estate kot sirtou i annan enn an partikilye, St Ange kot i osi annan sa Sistenm Desarz kot pe afekte nou bann zabitan. Mwan pa pour al dan gran iterik lo la lefet ki bann konsern i similar. Me mwan letan mon pe get dan sa lavantaz zeneral ki pour anmennen pour pei an zeneral.

Basically, mon vwar li, i pour annan 4 areas kot mon santi sa i pour anmenn nou bokou lavantaz annan en sistenm STP, enstale ase vitman ki osi nou annan en Housing Estate parey ou’n dir ex Desaubin ki pe al ganny enplimante tre byento.

E la nou pe demann osi Gouvernman akoz byento bann dimoun pour bouz ladan si dimoun pa bouze se avek sa STP ki pa ankor pare. Mon krwar la i pour annan en pe problenm pour nou bann dimoun. An gro Sesel pe devlope. E lavi nou bann dimoun pe devlope Mr Speaker. E avek en sistenm STP sa pour ede kot anmenn plis, en bon nivo standar lavi kot nou sorti parey Onorab Aglae in dir en serten moman, lepok dan listwar, nou ti pe servi ‘kabinen trou’. Me ozordi nou pe devlope dan sa direksyon.

E dezyenmman nou’n koz bokou laspe finansman e sa i pour anmenn nou bokou saving. Ozordi nou vwar nou regilyerman sa bann, si zot pe ganny, pe ganny ponpe. Me avek en sistenm STP sa i pour ede a longer di-tan koup osi sa bann kou ki Gouvernman pe bezwen mete pour al ponp sa bann desarz letan in arive overflow. Apre nou pe koz ozordi, save lenerzi delo. Me avek en sistenm, sa sistenm STP i pour ed nou osi kapab save delo. Nou kapab sa delo ki nou gannyen letan in fini fer tretman. Nou kapab servi dan zarden dan plas kot nou pe al servi bann delo, nou bann delo trete…i annan ler nou vwar nou bann dimoun i fer sa. E sa i kapab ed nou dan sa direksyon.

Osi Mr Speaker, lo laspe devlopman ekonomik. Ekonomik sa i pour ed nou bokou. Avek en sistenm byen kalkile. Avek en devlopman soutenab nou pour vwar nou lanvironnman i ganny proteze, e sirtou, mon pe get distrik parey Takamaka, ki en distrik ki ankor anba dan son bon leta vyez. Avek sa sistenm i pour ankouraz sa proteksyon lanvironnman ki ankor annan bokou lanfaz pe ganny mete ozordi dan distrik pour prevansyon nou lanvironnman ; enn.

E dezyenmman, touris osi i pour kapab anmenn plis latraksyon touris, touris i vin plis dan nou distrik. E osi avek sa, i pour anmenn plis reveni  finansyel dan distrik e dan nou lekonomi. Vwala an gro Mr Speaker. Mon pa pour tarde. Basically, zis mon anvi aport mon soutyen pour sa Mosyon. E avek sa mon konnen pour benefisye nou pei e nou distrik. Mersi Mr Speaker.

 

MR SPEAKER

Mersi mon a demann Loter Mosyon Onorab William pour round-up apre nou a pran en vot.

 

HON WAVEN WILLIAM

Mersi, mersi Mr Speaker. Mr Speaker dabor mon ti a kontan remersye tou bann Manm ki’n koz an faver sa Mosyon.

E mwan anvi dir ki pour sum-up, se ki i evidan ki letan Gouvernman pe koz en plan entegral, en plan long term, i enportan ki dan lavenir bann fitir Housing Estate. E lo size ki nou’n koze, ki zot pran konsiderasyon pour osi konstri Sistenm Tretman Desarz. Mr Speaker i vre ki nou pa ekspekte ki tou bann landrwa pour ganny konekte akoz baze lo profil nou later, e bann difikilte pour kapab fer bann proze, be selman otan posib dimoun ki kapab ganny konekte. E proze ganny fer, mon demande ki Gouvernman i konsidere.

E an menm tan, nou ti a kontan ganny en dele letan akoz ki arive parfwa nou zis koze, me nou pa set bann target. Bokou fwa nou dir en ta keksoz me nou pa set bann target pour nou kapab vreman sivre, e pour fer sir ki aksyon i diriz ver sa rezilta, ouswa solisyon ki nou pe rode.

Mr Speaker e atraver sa Mosyon parey mon’n demande zabitan distrik Grand Anse Mahe ti a kontan konnen, sirtou zabitan La Misère konbyen larzan ti’n ganny donnen e si larzan ti enkli pour sa 3 Sistenm Tretman Desarz. Nou ti a kontan konnen.

E an menm tan Mr Speaker mon kontan ki Onorab Prea in tous sa zafer basen Ameriken. I vre, nou’n mete devan, me nou pa konnen kwa ki pe kout PUC pour kapab fer en letid pour vwar ki fason La Misère, sa basen ki Ameriken. in kite, nou kapab fer li vin an mars, e rod larzan pou kapab ganny bann lekipman neseser pour fer li marse.

Mr Speaker, mon espere ki Mr Jude Jacqueline, madanm Militna Marie, Madelene Nicholas zot pe ekoute akoz se sa bann dimoun ki de tanzantan zot telefonn mwan…

 

MR SPEAKER

Onorab William, nou pa pour la lo endividi. I annan en kantite endividi La Misère, Cascade, Bel Ombre, Anse Boileau –  ki zis fer ou pwen.

 

HON WAVEN WILLIAM

Mr Speaker mon spesifik akoz se sa bann dimoun ki alert mwan letan i annan sa bann difikilte. Parey ou konnen i annan en Manm Lasanble dan distrik i pa kapab tou bann landrwa a en sel moman. Alors sa bann dimoun i enportan ki mwan mansyonn zot akoz zot pe ed mwan fer sa travay.

E pour konklir Mr Speaker.

 

MR SPEAKER

Konklir, konklir.

 

HON WAVEN WILLIAM

Ankor enn fwa mon remersye tou bann dimoun ki pe donn mwan sipor. E mersi pour zot sipor.

 

MR SPEAKER

Mersi Onorab. Nou a rapel zot ki ti annan en pti lamannman lo Mosyon orizinal kot nou’n azout apre pour : – ‘akseler lenplimantasyon’ bann proze. E sa..

 

 

HON WAVEL RAMKALAWAN

In fact, apre sa deba. Mwan mon krwar ki se pa sa mon ‘akselere’ ki devret rantre. Se devret komanse. Parske partou kote i annan problenm. Nou’n tann zis problenm la. Mon pe demann loter Mosyon si vreman i anvi ‘akselere? ‘

 

MR SPEAKER

Loter Mosyon taler..

 

HON WAVEL RAMKALAWAN

Si ou annan en ta problenm ki ou pour al akselere ?

 

MR SPEAKER

Non, ler ti ganny propoze. li menm li ki ti dir ti a kontan sanz sa mo enplimant met ‘akselere.’

E ou menm ou Leader Lopozisyon ou ti dir azout ‘lenplimantasyon’ apre ‘akselere.’

 

HON WAVEL RAMKALAWAN

Wi be mon ti fer sa…

 

MR SPEAKER

Ou pa ti ankor tande?

 

HON WAVEL RAMKALAWAN

…pour mwan fasilit son, pour mwan fer son Mosyon lir byen. Be apre ki mwan mon’n ekout sa deba…

 

MR SPEAKER

Nanryen pa ankor komanse.

 

HON WAVEL RAMKALAWAN

Egzakteman.

 

MR SPEAKER

Onorab. Ok. Ok. I take your point.  Mon a les loter Mosyon deside.  Eski oule vot lo Mosyon ki mannyer i ete avek sa lamannman ki’n ganny fer?

 

HON WAVEN WILLIAM

Mr Speaker, mwan mon napa problenm ki mo  zot anvi azoute  me selman le pwen in ganny fer.  I en nesesite – i en bezwen e mon kontan ki mon pa’n tande poudir  apre 40an zot pa ankor fer nanryen.  Mersi.

 

 

MR SPEAKER

Ok, ok.   Order! Order!  Order!    Wi Onorab Ramkalawan?

 

HON WAVEL RAMKALAWAN

Mr Speaker apre 40an zot in fer keksoz; zot in fer plis problenm.

 

MR SPEAKER

Ok.   Bon. Alright.  Nou a pran en vot lo Mosyon parey Onorab William in propoze.  Tou bann ki ‘pour lev zot lanmen?  Deputy Clerk?  Bon gran mazorite in vot pou Mosyon alor nou aprouv Mosyon propoze par Onorab Waven William lo sa Tretman Desarz.    E avek sa nou a pran en Break. Nou annan en dernyen Mosyon  –4enm Mosyon pou ozordi e nou a pran en Break e nou a retournen 4er.

 

 

(BREAK)

 

MR SPEAKER

Bon nou al toudswit lo 4enm e dernyen Mosyon pour ozordi. E mon a demann Onorab Prea pour prezant son Mosyon, silvouple.

 

HON NICHOLAS PREA

Mersi Mr Speaker. Mr Speaker Lartik 37 Konstitisyon Sesel i donn drwa Sekirite Sosyal, e sa Lartik i lir koumsa: ‘’ The state,’’ savedir Sesel, ‘’recognizes the right  of every citizen to a decent and dignified existence, and with a view to ensuring that it’s citizen are not left unprovided for, by reason of incapacity to work or involuntary unemployment, undertakes to maintain a system of social security. ‘’

Lartik 36 i osi dir ki: ‘’The state,’’ ankor Leta Sesel, ‘’recognizes the right of the age to special protection and with the view to ensuring the effective exercise of this right, undertakes to make reasonable provisions for improving the quality of life and for the welfare and maintenance of the aged.’’

Dan Konvansyon pour Proteksyon Drwa bann Travayer Migratwar, ki Sesel in ratifye resaman, bann travayer Seselwa ki’n al travay aletranze pour bann rezon swa ekonomik, oubyen bann rezon ki par egzanp fors bann rezon ki zot in ganny forse an Egzil, e zot ti bezwen rod lanplwa dan en lot pei, zot Drwa i osi ganny proteze.

Atraver plizyer Lartik dan sa Konvansyon proteksyon i kler. I fer referans lo proteksyon lentere bann travayer anba ILO, vilnerabilite ekonomik ki sa bann travayer ek zot fanmir i kapab sibir; Proteksyon Drwa Imen  tou bann travayer ek tou bann travayer e zot fanmir. E Lartik 27 i menm koz lo Sekirite Sosyal kot sa 2 Leta i etabli en norm ki determin modalite pour zot swiv.

Alor Mr Speaker Mosyon i lir koumsa: ‘’Sa Lasanble i aprouve, pour ki bann Seselwa ki’n travay aletranze, e ki’n retournen e pran retret Sesel zot kalifye pour Pansyon Sekirite Sosyal anliny ek Lartik 37 nou Konstitisyon, e Konvansyon Travayer Migratwar ki Sesel in ratifye.

Mr Speaker, rezon mon’n anmenn sa Mosyon, se pour rekonnet nou bann Seselwa ki’n ganny forse an Egzil san zot swa pour al reste e travay aletranze. Bann Seselwa ki’n al travay aletranze pour bann rezon ekonomik, me ki kontinyen kontribye dan nou lekonomi par anvoy larzan kot zot fanmir. Bann ki’n kit zot lakaz pour lwe deryer kot zot kontinyen pey tax ki en kontribisyon dan nou lekonomi.

Me ler zot deside retourn dan zot pei pour pran zot retret, i annan en fason, i bezwen annan en fason zis pour tret zot parey tou lezot Seselwa. Ler mon ti pe fer preparasyon sa Mosyon, mon’n dekouver ki napa zistis dan sa zafer kalifikasyon pour Sekirite Sosyal. Mon’n dekouver ki annan ki koman zot rantre dan pei zot kalifye, i annan ki pran ziska 3 mwan. I annan ki’n kalifye apre 1an. E menm bann Seselwa Natiralize ki pe ganny laz retret pe tous Sekirite Sosyal akoz zot ganny konsidere koman en Seselwa anba nou Konstitisyon. Me pour plizyer zot ganny en let ki dir zot, ki dir zot, zot pa kalifye me selman apre ki zot in fer 5an dan pei.

Mr Speaker mon annan en kopi sa let la devan ki son referans i Eligibility for Retirement Pension. Mr Speaker atraver resers, e atraver konsiltasyon avek plizyer sa bann Seselwa ki’n antre dan pei, mon’n menm aprann ki i annan Seselwa ki pa’n retourn Sesel, me ki’n ariv laz Sekirite Sosyal, e pe kontinyen reste aletranze, ozordi zot pe tous Sekirite Sosyal.

La ankor i fer ki ou vwar ki annan en dezord. I annan osi lezot rezon ki mon pe sey rod lazistis dan sa sityasyon. Pour en Seselwa ki’n reste, oubyen travay aletranze pour plizyer lannen, e ki napa Kart Idantite, i bezwen fer selman 3 mwan dan pei pour li kalifye en kart. Pour ou kalifye pour anrezistre koman en voter, ou osi bezwen fer 3 mwan dan pei kot apre ou non i ganny mete lo Rezis e ou kapab vote dan prosen eleksyon.

Me pour ou benefisye, enn bann Drwa fondamantal dan nou Konstitisyon, i annan en regilasyon ki met en kondisyon, ki mon santi i pa zis. E sa i ganny vwar dan Lalwa Sekirite Sosyal 2010 anba Lartik 41 Mr Speaker.

Me problenm avek 41, i posib li kree sa bann lenzistis; 41 (3) i donn Minis pouvwar pour waive sa regilasyon. Me parey mon pe dir eski sa pa li ki anmenn sa lenzistis. 42 (1) sa Lartik i dir ki en dimoun pa devret tous Sekirite Sosyal si i nepli en rezidan permanan Sesel. Me dapre mon resers, i annan dimoun ki nepli rezidan permanan Sesel e ki’n bouz aletranze ki kontinyen tous Sekirite Sosyal.

Mr Speaker sa mon konpran. Me ler sa Seselwa i retournen, e pran rezidan permanan dan son prop pei – akoz ki i bezwen esper 5an pour li kalifye? I annan ki kapab dir ki sa Seselwa i kapab annan doub nasyonalite. E ki i pe tous en pansyon dan sa pei kot i ti pe reste, e pe travay.  E petet i pa devret kalifye pour Sekirite Sosyal ki Sesel, Leta Sesel pe ofer.

Me lo lot kote, i annan plizyer etranze ki’n pran doub nasyonalite e ki’n pran nasyonalite Seselwa, e ki pe tous Pansyon Sekirite Sosyal ki Leta Sesel pe ofer. E an menm tan i osi kalifye pour li ganny en pansyon dan son pei kot in ne, kot i annan sa nasyonalite.

So alor Mr Speaker, mon pa pour vwar ki sa komanter koumsa si i vini, deza i annan deor ki i fer sans. Alor vwala rezon ki mon pe demande ki sa Lasanble, i aprouv sa Mosyon pour ki nou kapab revwar sa lalwa, e sa detrwa Seselwa ki tonm dan sa bann kategori i ganny ranmase, i ganny taken care off. Annou pa rezet zot, ouswa tret zot diferaman dan zot prop pei.

An konklizyon Mr Speaker, mwan anvi fer, mwan anvi fini par en quote, e la mon pour quote Ms, Manmzel Nanette Esparon kot i kontan servi sa pti quote Mr Speaker, “this land was made for you and me.” Mersi Mr Speaker. Avek sa mon ti a zis demande ki Lasanble i ava aprouv sa Mosyon. Mersi.

 

MR SPEAKER

Mersi Onorab Prea. Eski I annan dimoun ki segonn,..Onorab Ferrari. Segonn  the Motion. Eski oule pran laparol Onorab Ferrari, oubyen ou esper taler?  Onorab Andre.

 

HON CLIFFORD ANDRE

Mersi Mr Speaker. Mr Speaker mon pour aport mon sipor pour sa Mosyon ki Onorab Prea in anmennen, akoz dan distrik Anse Aux Pins, nou annan sa bann sityasyon kot nou bann zabitan, detrwa zot, zot in al aletranze e zot…apre ki zot in travay dan Sesel kot serten letan i annan ki’n menm fer 18an. Zot in travay kontribye, e zot in pey zot bann dues parey nou dir, Sekirite Sosyal comme il faut, e apre pour en rezon ou en lot, zot in santi ki i neseser pour zot deplase. Zot in kit zot lakaz la.

Zot lakaz zot zanfan in reste ladan. So in kontinyen annan, in kontinyelman annan serten kontribisyon menm pa manm zot fanmir dan, dan Sesel, dan lekonomi Sesel. Alors letan zot in retournen Mr Speaker parey in ganny dir, Lalwa i permet ki zot kontribye dan prosesis vote apre zot in fer en serten letan, 3 mwan zot in reste dan en distrik, zot al kot Lotorite, zot anrezistre zot lekor, e zot kapab desarz zot responsabilite Konstitisyonnel ki’n ganny mete lo zot – zot Devwar Sivik.

Me i pa, i pa byen letan nou pran le kontrer ki zot bezwen esper plis ki 5an pour zot isi dan pei, e menm zot pa pe travay, zot pa pe kontribye apre i dir ou zot kapab gannyen. Me zot in fer sa kontribisyon. So zot santi, mwan sa in ganny anmenn a mwan latansyon, zot santi ki, zot kontribisyon i pa pe ganny valorize, akoz letan i ariv zot la – si zot in tonm lo sa laz pour zot ganny sa benefis, zot pa pe gannyen. E mon krwar nou bezwen revwar sa pour nou kapab fer li vin pli ekitab kot sa dimoun si in kontribye i bezwen ler i vini kapab zwir sa benefis ki in fer kontribisyon dan lekonomi pei.

Mr Speaker, i enportan osi pour note ki bokou dimoun ki’n ale al travay aletranze, zot kontinyelman anvoy larzan dan Sesel pour ki zot zanfan oubyen zot paran i kapab kontinyen servi, e zot menm, i annan zot ki anvoy larzan pour konstri en lakaz.

So en lozman ki letan zot retournen, zot pa vin en burden lo sosyete, e zot kapab permet en lot dimoun ganny sa benefis lozman dan pei. So Mr Speaker, mwan mon krwar ki i vreman, vreman enportan ki nou rod sa lalwa pour nou fer sir ki i pe onor Lartik 37 dan nou Konstitisyon ki permet en dimoun zwir bann benefis sosyal. E sa i bezwen ganny fer prenan kont tou bann sirkonstans ki en dimoun i vwar li ladan.

Par ler i annan eleman osi kot en dimoun i santi li ki i  oblize bouze pour li ale. Kekfwa son zanfan pe al etidye. I annan paran ki santi kekfwa i le al akonpanny son zanfan. Prezan letan i ariv laba, i ganny en travay, e i epanouir, i fer sa ki fodre fer.

So Mr Speaker avek sa detrwa mo, mwan mon pour donn mon sipor, e mwan an faver ki nou, nou donn dimoun sa ki zot merite. Avek sa mon ti a kontan remersye ou Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker koman mon koz an faver sa Mosyon. Mon ti a kontan premyerman fer refleksyon lo sa nesesite pour nou koman bann Dirizan Sesel fer tou sa ki dan nou posib pour ankouraz tou nou frer ek tou nou ser Seselwa ki aletranze pour zot en zour retourn Sesel. Zot nou frer ek zot nou ser, e zot nou ser. E pe enport rezon ki zot in ale mon krwar ki toultan nou devret pe mazinen ki nou kit laport ouver pour nou re akeyir zot dan zot pei kot zot ti ne. Sa i mon prensip mwan ki gid mwan dan sa deba.

E se pour sa ki i enportan ki bann dimoun ki aletranze pour, pe enport rezon ki zot aletranze – taler nou ava pas lo sa bann rezon, me selman i enportan pour zot konnen pour dir Sesel i en pei ki welcome zot. Mon pa pou retourn dan bann deba lepase kot serten ti dir. ‘’Avyon i pase sa ki pa kontan ale.’’

Me mon anvi ki nou anbark lo en nouvo fason vwar keksoz ki nou vwar nou bann frer ek nou bann ser, ek nou bann kouzen, nou bann kouzen aletranze koman en larises pour nou pei. Parey bann pei parey Philippines, parey Liban, se bann pei ki annan en diaspora enorm deor, e sa diaspora i annan en relasyon privilezye avek zot pei lorizin. E se sa enn bann keksoz ki mon krwar nou, ki devret nou ultimate objective, ler nou pour fer okenn Lalwa ki kapab annan en lenplikasyon lo bann Seselwa ki aletranze.

Mon dir sa akoz kekfwa i annan ki mazinen poudir sa ki’n kit Sesel, sa ki’n ale, sa son zafer. E souvan i annan ki pe asize L’Angleterre lo Dole, oubyen Canada lo Dole, Australie lo Compo. Me selman mon leksperyans i montre mwan ki sa pa vre ditou. Aletranze laplipar nou bann konpatriyot in byen fer. Zot in pran sa, sa loportinite ki ti ganny prezante avek zot, e zot in reisir souvan dan sa ki zot in antreprann.  E se bann Seselwa ki ozordi i konfortab laplipar konfortab avek zot bann reveni, avek zot bann savings ki zot in fer. E ki zot in prepar zot retret souvan dan en fason byen entelizan.

Alors mon get sa osi koman en larises pour Sesel. Souvan mon dir ki en dimoun ki pe vin Sesel i annan ki get li koman, ki pe tourn Sesel koman ki pe vin rod sa 5mil 50. Me selman nou pa gete ki sa dimoun pe anmennen Sesel. Donk, annou annan en lespri ouver lo sa sityasyon. Me selman o menm moman ki nou annan sa lespri ouver, nou bezwen travay dir pour nou met lord dan en Sistenm parey Onorab Prea – in dir ki vreman dezord ; kot napa bann prensip kler, bann regilasyon kler.

E sa in arive akoz, sa ki pandan tou sa bann lannen, nou’n ensiste pa nou pa mwan – me bokou parmi nou in ensiste pour mete dan tou Lalwa ki vin Sesel ki nou fer Sesel dan tou regilasyon; ‘the final decision will rest with the Minister.

E sa in fer en kantite dezord at the discretion of the Minister – in fer en kantite dezord. E prezan nou annan tou kalite Lalwa, e i vre sa ki Onorab Prea in dir. I annan dimoun ki sorti deor ki ariv son laz, ki’n pas laz 63an, e retournen pour li vin devlop son pti kare later ki’n kite isi. En semenn apre i lo, i lo Payroll Sekirite Sosyal. I annan ki bezwen esper 5an pour li mont lo sa sistenm.

I annan ki bezwen esper plis ki 5an. I annan mon a donn zot, mwan mon annan legzanp konkret en dimoun ki ler in ariv…en dimoun ki ti’n tourn Sesel a laz 60an, 61an e zot in dir li i a bezwen esper 5an pour li kalifye pour Sekirite Sosyal, in dir be ok, napa problenm mon ava, mon ava espere.

Me pandan sa 5an, malerezman in malad en fwa, e in al aletranze pour li al trete, ler in tournen, zot in dir li be fodre ou esper 5an. Wi, mon pa pour nonm non sa dimoun, me i vreman kler dan mon lespri. Donk, i annan sa bann sityasyon ki en pe, ki vreman barok. Ki mon mazinen nou tou ki isi dan sa Lasanble, pe enport ki lopinyon politik nou annan, ler nou zis mazinen poudir sa ti kapab ariv avek enn nou zanmi oubyen enn nou  fanmir, e se la ki nou santi vre i annan en gran lenzistis. Vre i annan en gran dezord dan tousala. E apre parey lezot Manm ki’n koze i dir, nou’n tande. Mon osi mon’n tande ki annan dimoun ki pe asize L’ Amerique, e isi i annan en bon kontak li pe asize L’Amerique, son 5mil 50 pe antre dan son kont labank pandan plis ki 20an sa in deroule. Nou’n tande. Mon pa pe dir poudir i vre. Akoz nou’n tann en ta, en ta keksoz nou tande be selman pa neseserman vre.

E se pour sa ki mwan mon dir ozordi ki enn bann pli gro problenm kot i mank latransparans, kot i mank en fason responsab pour deal avek sa bann keksoz, se ki napa lalimyer ladan. E mon hope, mon lespwar se  ki Freedom of Information Act ki nou pe, ki nou pe al travay lo la pli tar sa lannen, i ava permet nou tou Seselwa, par egzanp i ava permet Onorab Jany De Letourdie pour li al gete, pour li al demande kot Sekirite Sosyal i annan en msye i a apel Antoine x, mon tande i reste Canada, me selman i pe ganny Sekirite Sosyal pour nou kapab konnen sa bann keksoz. Me nou pa konnen ozordi. Zot vini zot dir ou sa, i en lenformasyon prive – ou pa kapab gannyen sa lenformasyon.

Alors piblik an zeneral ki pe rode pour li, ki pe ede pour li met sa latransparans, pour li met sa lazistis pour li kler en tors lo en sityasyon ki pa normal. I pa ganny sans kler sa tors akoz Lalwa pa permet li. Donk sa i pour en keksoz ki pour esansyel – esansyel dan ler nou fer sa travay pour nou met latransparans dan bann keksoz.

Mon rapel en fwa Mr Speaker, zis en fwa ki mon’n al L’Amerique, e sete Gouvernman Ameriken ki ti donn mwan sa sans. Mon ti al dan en lavil ki appel Salt Lake City, ki annan pli gran Archive, oubyen pli gran sistenm organize ki anmas tou lenformasyon pour tou bann sitwayen. E sa piblik i kapab vini. Alors mon’n al laba zot pe montre mon sa. Prezan mon pe mazinen be lekel, lekel en Seselwa ki mon kapab konnen konmsi. Mon ava mete son lavil, mon a met son non. Mon mazinen, mon mazin Onorab Georges, akoz mon byen avek son manman. Mwan met madanm Georges, Florida. E mon vwar poudir wi, ler i la son ladres, la i la son lakaz koman…Konmsi i telman gou ler ou vwar sa lenformasyon, napa nanryen pou kasyet, napa nanryen pou kasyet. Tou keksoz i ouver, e tou sitwayen i annan sa posibilite pou li konnen ki pe arive dan son pei.

Donk sa i en prensip ki mon krwar nou pour bezwen ariv lo la en zour kot bann sitwayen menm ki pour vin, ki pour police sa bann reglemantasyon, e pour fer sir ki i marse.

Prezan mon dezyenm pwen i lo sa size – eski tou dimoun, tou Seselwa ki aletranze, ki pa’n travay lontan Sesel, oubyen ki’n travay en pti bout, oubyen ki’n travay en pe, apre ki in al travay Swiss koman en ners, Liban koman en housemaid, oubyen Canada koman en mekanisyen, eski tou sa bann dimoun i merit gannyen sa pansyon? Eski? Sa mon pa konnen sa mwan mon bann koleg. Sa mon pa konnen si tou dimoun i merit gannyen. Sa ki mon pe dir se ki pour le moman en bann i gannyen, en bann pa gannyen. Sa ki sa deba pe sey fer – mon mazinen, Onorab Prea i ava koriz mwan si mon mal – sa ki sa deba pe sey fer, se zisteman pour lay the groundwork, and the framework ki pour permet pour dir wi la i la bann dimoun ki kalifye, e la i la ki mannyer ou kalifye. Ok ?

Si, si nou kapab, mon pa krwar ki nou pour kapab fer sa ozordi. Me selman mon mazinen pour dir evantyelman sa i nou devret, in devret sa lobzektif, akoz an menm tan nou pa anvi, nou’n vwar tro souvan dan lepase, e i ankor annan konmela. Mon pa pe dir poudir, mon pa pe sey blanm en bann lo ledo en lot bann. Mwan vwar ki  i annan  ankor bann ka kot dimoun i pa pe ganny menm tretman ki lezot – ou vwar zot mizer, lakaz i koule me zot pa gannyen zot.  Zot in ariv en maler pou zot  – en fanmir – en madanm in ganny tape in dan Lager Beirut in bezwen kit tou son keksoz in desann Sesel.  Mon rappel sa fanmir ki nou, nou ti ed li sorti Ruanda ler ti annan bann Zenosid laba Ruanda  nou ti ed en fanmir Seselwa ti napa nanryen – nanryen.  In vin avek zis en lenz lo son ledo. I annan bann ka.  Donk nou ki nou bezwen fer se rod en fason pou nou etabli en benchmark ki pou permet nou donn lazistis tou nou Seselwa.  Alor s mwan  mon ti a kontan sipot sa Mosyon an di-z-an ki annou rod lazistis ; annou rod lekite ; annou elimin labi ; annou elimin favoritizm e annou fer sa par annan ensiste ki kler ki senp ki ouver pou tou dimoun gete dan en mannyer ki a napa en dimoun ki ganny kouver ; ki kapab ganny kasyet anba latab e ki anmenn en keksoz ki pa zis.  Alor mon pu siport sa Mosyon e mon krwar ki Gouvernman i ava ekoute e mon ekspekte ki Sistenm Sekirite Sosyal  – Gouvernman Sekirite Sosyal  i pran sa deba konan en premye pa pou reget sa prensip ; reget sa benefis sosyal ki dimoun i gannyen   e fer si ki i ganny fer dan en fason zis.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker lo sa Mosyon ki devan nou premye pwen, fodre nou pa bliye kote nou sorti.

Les mon fer rapel nou Lasanble, e piblik ki pe ekout nou, ki avan, oparavan avan 1977 spesifikman, nou bann dimoun nou bann Seselwa ler ti ariv laz retret si ou pa ti travay, si ou pa ti anploye. Ou pa pe ganny okenn lasistans, okenn pansyon, okenn whatever ou pa anploye, savedir ou pa ganny okenn pansyon.

Dimoun ki ti ganny pansyon se sa bann ki ti anploye. Ler sanzman in arive dan Sesel e spesifikman an 1987 – savedir avan sa Sekirite Sosyal in antre, e o fir anmezir ki sistenm Sekirite Sosyal in improve – bann dimoun, bann Seselwa menm ler ti’n ariv laz pansyon, kantmenm ou pa travay, si ou pe reste Sesel otomatikman ou ti konmans ganny ou ganny en lasistans. Pou ganny en pansyon. Pansyon Sekirite Sosyal ki nou apel li ziska ozordi. Ti en serten sif avan sa enn in monte ozordi in ariv 5550.

An 1987 sa bann pratik ti vin pli legal. Savedir ti vin atraver Lalwa. Lalwa ti ganny entrodwir then. Zot dir i vin lo prensip ou pe reste Sesel. Prezan menm si ou pa’n travay; savedir sa ki nou pe koze nou, i napa nanryen an koneksyon avek lanplwa.

En dimoun i kapab pe travay, i kapab pa travay i bezwen gannyen dapre Lalwa. E dapre Konstitisyon ou bezwen donn li son lasistans.

Now, prezan Lalwa ki egziste i dir ki ler ou ariv 63an savedir laz retret, legal ozordi; si non ler i dimoun i annan 60 an si i dan lanplwa i kalifye pou son pansyon. Sa dimoun i bezwen en rezidan Sesel.

E dan sa dernyen 5an avan ki avan ki sa 63an i vini, oubyen sa laz retret i vini dan sa dernyen 5an, i pa’n devret an deor Sesel pou plis ki 30 zour.

Oubyen en Seselwa ler i ariv sa laz 63an oubyen 60an ler i kalifye pou pansyon, pandan dernyen 15an, i pa’n devret cumulatively, savedir tou ansanm, pandan dernyen 15an absante Sesel letan ou met tou ansanm in al pou konze, in al pou medikal, in pou isi pou laba, tou ansanm 5an. Sa mon pe dir sa ki Lalwa aktyelman ozordi i dir.

Prezan nou, nou annan bann Seselwa en bann i ale, i al kot son fanmir. I al travay deor. I annan i al lo en Kontra deor. I ganny anploye par en Lorganizasyon Enternasyonal. Plizyer rezon dimoun i al deor i al travay.

Apre mon annan en bann. Sa bann ki mon pe koze al travay, petet i ale e i apre i kalifye pou en pansyon kot in al travay.

Apre mon annan en lot group Seselwa bann imigran tou sa ki sorti bann imigran. Alor i ale li, i al Beirut ou’n nonmen. Lontan ti al Jordan whatever, i ale i al travay spesifikman pou en serten peryod letan apre pou retournen. E souvandfwa sa bann dimoun osi zot ale e zot pa en pansyon zot. Ler kot zot in ale, ler i fini travay sirtou si in konmans vye, la i retourn kot li. I retourn isi. E sa bann sa bout Lalwa mon’n dir la i aplike.

Pezan nou vwar en serten trend e serten keksoz ki pe arive o fir anmezir Seselwa sa. Nou Nasyon nou veye kot nou vwar en trou nou antre – en loophole dan sa Lalwa nou antre.

Now dimoun i annan osi, nou pe vwar aktyelman Seselwa i travay isi Sesel depi laz 18an en boug i travay, letan in ariv 40 an, 48an. 45an i ganny en sans i al deor, ouswa i ale. Alor si in fer 20an isi si 20an dan lanplwa i pou kalifye pou pansyon. I ale i fer en pe letan deor, i kalifye pou en lot pansyon deor i a pe rode menm. I normal i pe debourye.

Alor nou vwar sa trend osi pe konmans devlope. E an menm tan in alegasyon taler i annan ki’n koze la ki’n dir zot in tande. I annan i deor laba, e i pe kontinyen ganny sa lasistans ki nou pe dir pa nanryen pou lye avek travay.

Nou vwar en lot keksoz. Serten koman i vini, wi. Konman i vini i ganny lasistans. E dan Lalwa i annan en derogasyon well i annan en bout kot i dir, Minis oubyen Prezidan i kapab waive pour ki sa dimoun i kapab ganny lasistans vitman anba hardship. Sa dimoun i dan en problenm serye – ensidswit.

Otherwise i bezwen esper sa bann letan ki nou’n dir. I bezwen dan pei pou 5an, esper son 5an apre pou gannyen.

Alor nou vwar i annan tou sa bann keksoz la. Prezan an menm tan, nou bezwen premye nou lekor detrwa kestyon. Parey serten kestyon in ganny poze la. Premye kestyon ki nou bezwen demande se son lenplikasyon finansyel. Eski nou annan larzan pou nou deswit. E mwan krwar i annan

Onorab ki’n dir petet nou pa pe dir taye pou al fer tou keksoz. Me selman annou gete dan sa sityasyon.

So the first thing is, si nou annan larzan pou nou deswit ale al fer – dir konman en boug i vini nek nou donn li.

Lot kestyon. Eski nou bezwen revwar ban kriter? Savedir kriter ki egziste Lalwa. Eski nou bezwen revwar? Mon panse wi letan nou pe nonm sa bann keksoz la. Nou pe dir ki la i la Lalwa ki egziste, la i la bann keksoz ki nou vwar pe arive. La i la bann trend ki pe devlope. I kler ki nou bezwen stop en kou, dir nou annou regard en kou ki pe arive.

Eski en lot kestyon ki mwan krwar en pti pe osi lapant diskisyon ozordi i kapab pran. I annan dimoun e i annan dimoun deor la dan nou pei i dir, eski sa bann dimoun ki ale i devret fer kontribisyon, ki ler i vini alor i kapab deswit ganny son lasistans, son pansyon, Sekirite la nou pe koze.

So vwala i annan bann ki’n ale avek bi pou reste deor; bann ki’n ale avek bi pou travay deor. Me tou fason ler zot retournen tousala nou bann dimoun e nou bezwen get dan en fason.

Prezan mwan mon pe sizer en keksoz, mwan obzerve pou dir i annan konmsi ki nou bezwen gete sa sityasyon, i bezwen annan en fairness. E mwan krwar nou Prezidan dan son ler in vin o pouvwar la i pe dir nou, nou bezwen e believe ladan. I bezwen annan fairness dan sa ki nou fer. Fairness dan bann Lalwa, nou bann Polisi ki egziste.

E avek lespri fairness, eski sa ki pe egziste la i fair? So nou bezwen regete. Alor mwan mon pe sizere ki, an menm tan ki nou donn sipor sa Mosyon; akoz Mosyon i pa vedir ki mannyer i pe dir get ladan, revwar al vwar son bann keksoz. Mon pe dir ki i bezwen annan en Departman Imigrasyon pou get dan sa size. I bezwen entrodwir  somehow, pa konnen si kot imigrasyon kot Biro Imigrasyon li menm. Home Affairs, si kote. Be i bezwen annan en lentrodiksyon en Seksyon, en Departman en keksoz koumsa pou swiv nou diaspora.

Nou annan nou bann dimoun deor, me petet nou zis dir zot deor, petet nou pa pe donn ase latansyon pou get zot de pli pre. Alor mon sizere ki en Departman Imigrasyon i ganny entrodwir pou kapab get pli close sa issue ,e an menm tan ki get nou diaspora son mouvman, son trend, son isi son laba. Pou ki nou menm ou demen si nou desid serten keksoz nou a kapab fer keksoz dan en fason pran bann desizyon dan en fason pli rasyonnel e pli byen.

Vwala Mr Speaker, mwan mon krwar pou dir mon oule anmenn sa bann pwen dan sa direksyon, kot nou ozordi nou’n fer parkour, nou’n avanse. Pli nou avanse pli nou bezwen regard ankor sa ki nou ‘n fer pou nou poli, pou nou fer keksoz pli byen. Pou nou fer keksoz ki pli fer pou nou Pep.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker. Mr Speaker sa Mosyon ki devan Lasanble ozordi en Mosyon ki vreman enportan. Ler mon pe regard sa, Mosyon mon pe mazin  plizyer – well Seselwa e menm Manm nou prop fanmir ki’n travay Sesel petet depi ler zot tre zenn 18an, 20an oubyen pli zenn ki sa.

E pou plizyer lannen zot in kontribye dan Lekonomi Sesel. Zot in pey zot income tax. Let say si en dimoun i travay 15an, 20an Sesel, apre pli tar i deside move aletranze. E in fer detrwa lannen aletranze, i retourn Sesel i bezwen esper 5an avan ler ki i kapab kalifye pou ganny Sekirite Sosyal. Me selman nou bezwen pran kont ki sa bann dimoun zot pou sa 15an, ou 20 an detrwa lannen ki zot in travay Sesel zot in peye zot income tax. Zot in kontribye dan lekonomi Sesel.

E Gouvernman i bezwen pran kont ki sa bann dimoun osi zot bezwen benefisye pou sa bann kontribisyon ki zot in fer dan Lekonomi Sesel sa i en keksoz ki nou bezwen get ladan.

Apre Mr Speaker en keksoz ki m wan anvi met devan ozordi, annefe i en konsern ki plizyer bann Trwazyenm-az in met devan mwan, i annan konmela bann Trwazyenm-az ki’n fini ganny zot Sekirite Sosyal 63an, zot pe ganny zot Sekirite Sosyal, ki ler zot aletranze, si zot fer plis ki 3 an aletranze, zot Sekirite Sosyal i ganny koupe.

3 mwan eskize mwan. Zot in fer plis ki 3 mwan aletranze zot Sekirite Sosyal i ganny koupe. Mr Speaker mwan mon vwar sa en gro lenzistis. Sa bann dimoun tou dilon zot lavi zot in travay, zot in kontribye lo lekonomi Sesel, pou anmenn Sesel pli devan. Apre kekfwa ler i fer laz kot i anvi pran son retret; mon konnen i annan plizyer etranze kontan fer sa.

        Once zot ariv zot laz retirement zot deside al lo en cruise ship ouswa si zot fanmir aletranze kekfwa i anvi al reste avek son, I don’t know son zanfan, al vwar son pti zanfan. Kekfwa i le fer en 6 mwan, 1 an ou 2an deor.

I mean i son right – i son dues. In kontribye for many years pou anmenn en pei devan. E ler i deside pran en konze 6 mwan or ou 1an i fer 3 mwan laba ou koup son Sekirite Sosyal. Ki li i pe depan lo la, ki sa i son mwayen, i son sel formal income. Mwan sa en huge injustice. In fact i annan plizyer nou bann dimoun, nou bann manm fanmir. E bokou … sa i en konsey ki plizyer dimoun Praslin Trwazyenm-az in met devan mwan.

E mwan vwar sa i sagrinan e i en lenzistis. E sa ki en pli gro lenzistis selman i annan bann dimoun ki ler zot travel zot, zot Sekirite Sosyal pa ganny koupe. E mwan demande ki kriter ki ganny servi.

I annan dimoun konman i ale, konman i dir ou 3 an, 3 mwan i fer bang koupe deswit. E i pa pe resevwar nanryen i bezwen retournen al kot Social Protect Agency re apply pou son Sekirite Sosyal re ganny reinstate.

        E sa mwan krwar i en lenzistis Mr Speaker. Akfer ki nou bezwen fer sa avek nou Trwazyenm-az?  Si sa dimoun in kontribye in pey son income tax tou dilon son lavi, ler in ariv laz retirement i le al repoze aletranze, nou bezwen pini li koumsa?  I son right i dues. E sa mwan dir i en gro lenzistis anver nou bann Trwazyenm-az. In fini ariv laz retirement akfer ou bezwen fer sa avek nou bann Trwazyenm-az. Les zot. Si zot oule reste 6 mwan 1 an deor so what in ariv son laz retirement li. Annou ase fer soufer nou bann Trwazyenm-az.

Mr Speaker sa i mon kontribisyon ki mon oule fer lo la. E mwan konnen pou dir bokou bann Trwazyenm-az deor, mwan konnen nou bann Trwazyenm-az o kontan voyaz e. I annan bokou nou bann, menm nou bann manm fanmir ki aletranze pou vwar, i don’t know kekfwa i annan en ser aletranze, son fiy, son pti zanfan. Akoz ki nou bezwen pini li? Akoz ki nou bezwen koup sa apre 3 mwan kot apre 3 mwan ler kekfwa son larzan pe rantre lo son kont, ler i pe sey tir larzan laba napa nanryen ki’n rantre.

I mean is it fair, lo nou bann Trwazyenm-az? Akoz nou bezwen fer sa avek zot? Mwan mon krwar sa i en keksoz ki Gouvernman i bezwen reget ladan.

E osi pran konsiderasyon osi pou tou nou bann Seselwa ki’n kontribye pou plizyer lannen, 15an, 20an, 30an in al deor 10an, 15an 20an, be annou pa bliye pou dir in fer en kontribisyon at one point pou bouz lekonomi Sesel devan. In pey son income tax for 20, 30 years or maybe less. Me in kontribye li.

Akfer ki ler i retourn Sesel i bezwen esper ankor 5an avan ler i kapab become liable pou li kapab tous son bann benefis?

Mr Speaker sa mwan krwar i bann keksoz ki Gouvernman i bezwen reget ladan. Nou bezwen gete ki kontribisyon nou bann dimoun i fer nou Seselwa i fer.

E osi annou get dan sa zafer nou bann Trwazyenm-az ki pe … Sekirite Sosyal pou nou arete sa zafer koup zot Sekirite Sosyal once zot in fer 3 mwan aletranze. Sa i zot dues, zot deserve it. Annou aret pini nou bann Trwazyenm-az. Sa i mon kontribisyon Mr Speaker.  Mersi bokou.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Speaker. Mr Speaker mon pou koz lo mon papa. Avek lespwar ki dan lefitir lezot dimoun pa pou pas parey li.

E mon ti promot li en zour mon ti pou koz lo pou li. E la ozordi Mosyon Onorab Prea i donn mwan sa loportinite.

Mr Speaker nou annan en sistenm Sekirite Sosyal isi pou en pei ki napa bokou resours i tre bon. Peyman tou lemwan i annou pran en pti pe sa loner, gras a sa kote latab – en sonm ki rezonnab. E an plis ki sa parey Onorab Leader Government Business in dir,  i free sa Sekirite Sosyal tou dimoun i ganny li. Irrespective kot ou sorti ki ou’n fer. Ki ou pozisyon finansyel pou sosyal dan lasosyete, ganny menm sonm tou lemwan otomatikman.

Papa pou mwan konmans travay a en tre zenn az. Travay pou zis en anplwayer tou son lavi. Sa se Gouvernman Sesel. I monte gradyelman finalman in retire a laz retirement konman PS – Principal Secretary. E i ti ganny en pti pansyon 3 mil ekek roupi. Sa se sa pansyon ki’n gannyen dapre son saler ki ti pe gannyen ler i ti pran son retret.

Pour bann rezon ki nou pa bezwen al ladan – e ki vreman pa enportan, zot in deside li ek mwan manman pou al reste en peryod letan deor.

E annefe parey Onorab Ferrari in dir zot ti reste Florida L’Amérique. Pandan tou sa letan zot ti annan zot lakaz isi, zot ti annan zot pti lotel ki zot ti lwe. Zot ti annan en propriyete agrikol. Tousala ti marse. Tousala zot pa’n vann pou zot al aste en gro lakaz somewhere, gro loto whatever. Epi zot ti retournen.

E sa lepok Sekirite Sosyal ti apepre R2 mil. Papa pou mwan i dir bon zafer mon ava ganny en pti 2 mil mon a met lo sa 3 mil nou a kapab viv byen eps sorry i pa’n pas 5an isi in pas whatever L’Amérique, alor i pa’n gannyen.

In demande, in fer appeal. Me malerezman son non ti Georges e son piti ti dan Lopozisyon. E i pa’n enn sa bann ki’n ganny en sans pou li ganny son Sekirite Sosyal.

E malgre ki i ti’n travay pour sa Gouvernman tou son lavi. Malgre ki i ti’n pandan tou letan ki’n reste deor i ti’n gard tou son bann byen isi.  Malgre ki tousala in mor san ki in fer son 5an. E donk zanmen in ganny en sou Sekirite Sosyal.

Papa in viv napa problenm. E tou keksoz in mars apart sa relativman byen. Me nou vwar ladan i annan lenzistis Mr Speaker.  E lenzistis nou nou’n abzorbe. Nou ti annan lasans pou abzorbe. Li i ti annan lasans abzorbe. Malgre son lasante pa ti tro bon. Annefe i pa ti bon ditou. E pou sa rezon in mor a en laz ase zenn.

E i annan lezot bokou dimoun dan son sirkonstans. Tou bann rezon ki’n ganny envok e la apre midi. Bokou dimoun i al aletranze pou divers rezon.

Me sa ki enteresan se ki manman pou mwan. Ki li i ti travay L’Amérique akoz i ti ankor en pe pli zenn. E zot ti napa lemwayen pou zot viv san travay. Li in travay in kontribye Sekirite Sosyal laba e la ziska ozordi kantmenm i pe reste Sesel tou le mwan son tyek i vini, Sekirite Sosyal ki Prezidan Trump i anvoy pou li tou lemwan.

Alor nou vwar i annan en dekalaz la. Nou pa kapab Mr Speaker annan one size fits all. I annan serten pei ki kapab afford, i annan serten pei ki pa kapab afford.  E nou, nou enn ,sa bann pei ki kapab afford.

E mon krwar ki, nou bezwen sa mo in ganny servi e nou devret anmenn en pe plis fairness, en pe plis lekite dan sa ki nou fer. That’s the purpose of Sekirite Sosyal. Sekirite Sosyal se pou ed bann dimoun ler zot in ariv en laz, pou zot konnen ki zot kapab annan en minimum konfor.

E ou pa kapab penaliz en dimoun, akoz pou en rezon ki kekfwa ou kontan, oubyen ou pa kontan, in al reste dan en lot pei pou en pe letan.

E donk mon krwar ki sa Mosyon i ariv en moman tre apropriye apre midi. I en moman kot nou tou dan sa pei nou’n angaz nou lekor pou fer nou pei vin pli fer, pli zis. Nou’n angaz nou lekor pou otan ki nou kapab met zepol ansanm pou anmenn sa fairness dan nou pei. E i donn mwan bokou soulazman ki Mosyon pe al pase akoz tou lede kote in koz an faver, e ki nou ava kapab dan lefitir annan mwens. Kekfwa menm pa ditou dimoun ki santi ki zot pe ganny unfairly dealt with.  Mersi Mr Speaker.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker bonn apre midi. Bonn apre midi tou dimoun Manm Onorab. Sa Mosyon ki devan nou i enn ki tre enteresan i enportan ki nou regard byen konteks ki sa Mosyon i prezante. E osi nou konpran egzakteman lesansyel, dernyen sa Mosyon.

Premyerman Mr Speaker ler mon’n regard warding sa Mosyon, i mansyonn Lartik 37 sa Konstitisyon e premye fwa ki mon ti vwar li, mon’n angaz mwan pou fer en pe resers, pou vwar si ozordi nou pe vreman onor Lartik 37?

Mon pe eksplike akoz mwan tous Lartik 37 avan. Akoz i annan serten eleman sa Mosyon ki mwan krwar i pa vreman relye avek Lartik 37. Akoz Lartik 37 nou Konstitisyon i koz lo responsabilite Leta anver en dimoun ki li i pa travay, pa en kapasite. Oubyen envolonterman i pa kapab travay.

Si nou regard Lalwa Sekirite Sosyal ki nou annan ozordi, lo i fer provizyon pou sa ki nou apel bann benefis satitwar. Savedir bann benefis definir. Ki ski ou tonm dan en serten kategori i respektif sa ki arive ou sipoze ganny sa benefis.

E sa Lalwa in ganny amande a plizyer repriz. E la mon ti a kontan atraver ou Mr Speaker koriz serten misapprehension ki’n ganny fer. An relasyon avek sa Lalwa.

Ler nou pe koz bann benefis satitwar nou pa pe koz en larzan ki en dimoun i gannyen lo sa ki pou kantite letan ki’n travay. Akoz ler nou pe koz lo benefis i annan sa ki ou apel ‘defined contribution’, savedir bann kontribisyon ki ou’n fer dan pansyon, dan fon pansyon. Ki ou ganny en pansyon.

Apre sa ki ou apel en define benefit e sa, sa ki Lalwa i fer preskripsyon pou annan sa R5,550 ki nou pe koz lo la.

Prezan Lalwa ler nou pe koz lo en kapasite in met an plas bann diferan group dimoun ki tonm dan sa kategori.

Dernyen kategori ki mwan konnen in ganny re azoute, se bann dimoun ki ne oubyen ki pe soufer avek en dezabilite ki zot in gannyen depi lanfans. E ki sa i afekte zot devlopman ki oparavan ti napa. E ki sa osi i vin en benefis statitwar anba Lalwa ki ti napa avan.

I annan lezot ki’n ganny enkli, zisteman akoz nou’n sey elarzir pou nou kapab anmenn mazorite oubyen maximum kous dimoun anba sa Lalwa pou ki personn an relasyon avek lartik 37 parwaze dezavantaze inisyalman.

Savedir Leta i fer tou son mye pou li onor son responsabilite ki’n ganny donnen anba Konstitisyon.

Me ler nou vin spesifikman lo sa ki nou apel define benefit, se la ki nou bezwen regard lesansyel sa Mosyon. Li sa Mosyon i pe koz lo sa benefis ki ou sipoze gannyen zisteman parey entervenan prey mon’n koz lo la i respektif ou’n travay ou pa’n travay. Me si ou reste Sesel dan Sesel ou pou gannyen ler ou ariv retirement is which is 63 an.

E pou mwan kapab konpran en pti pe sa, mon’n sey al rod en pei kot petet nou diaspora Seselwa ki pe reste e pou mon konpran ki mannyer zot etablir sa sistenm zot apel zot, par egzanp L’Angleterre i apel li Basis State Pension pou mwan vwar ki diferans i annan avek sa ki pou nou.

E lo tousala fodre pa bliye. Zis parey entervenan avan mwan, ler ou pou fer resers pou regard across tou sa bann pei, Sesel i annan en bann Lalwa ki pli bon.

I annan bann Lalwa ki kouver plis dimoun. E i annan bann Lalwa ki fer li ki onor son lobligasyon ver Konstitisyon pli byen. Ki opre sa bann pei.

Ler nou regard pou L’Angleterre Mr Speaker. Li i dir ou poudir; ‘’to get full Basis State Pension you need a total of 30 qualifying years of National Insurance Contribution or credits. This means you were either working and paying National Insurance. Getting National Insurance Credits or paying voluntary National Insurance Contributions.’’

E sa i entitle ou pou £122.30 par semenn. Akoz zot fer lo  en weekly basis. I dir pou dir if you have fewer than 30 qualifying years you get less.

        So li in met en derogasyon ki varye lakantite ki ou kapab gannyen, depandan lo kriter ki’n met an plas.

Met nou Lalwa i pa’n met derogasyon pou varye lakantite ki ou kapab gannyen. Si demen sa benefis i mont R10 mil ou ganny ou R10 mil. Si once ou kalifye ou ganny ou R10 mil. Me nou konsern atraver sa Mosyon, e mwan lesansyel sa Mosyon ki mwan krwar nou devret eksplike se ki mannyer ou kalifye? E ki sirkonstans kot ou pa kalifye pou ganny sa R10 mil.

E se la kot nou ouver en deba pli larz, ki parey Onorab Ferrari in dir, eski i merit i devret al pou tou, oubyen eski nou devret annan serten kriter ki permet nou aziste?

Ler nou pe koz azisteman nou bezwen fer, annou pran konsiderasyon par egzanp mon asire bokou fanmir Seselwa mwan mon enn ki’n ganny touse par sa size, kot ou annan fanmir ki’n al travay dan bann pei Arab. Bahrain dan lezot bann pei. E sa bann dimoun i travay Lebanon konman bann housemaid.

E dan plizyer lannen zot in anvoy zot larzan pou zot fanmir isi. E ler zot retournen, parey provizyon ki Lalwa i fer anba Seksyon 42 zot pou bezwen annan sa qualification periods strikteman parey Lalwa i demande.

Dan en lot ka ou pou annan en dimoun ki’n travay Sesel pandan plizyer lannen, dizon konman en anplwaye Public Service i deside al viv aletranze ek en manm fanmir pandan 5an, 6an, 10 an apre i retournen. In travay pandan en peryod letan kontinyel dan Public Service. Obviously i pou benefisye avek son pansyon, Fon Pansyon. Me i pou annan serten kalifikasyon bezwen ganny fer anba benefis statitwar savedir son Sekirite Sosyal.

Prezan ou pou annan en trwazyenm kategori i kapab en dimoun pe viv aletranze ki li i pa’n zanmen travay Sesel ki ganny Nasyonalite Seselwa atraver son parante; ki si, nou pa fer sir, mon pa pe dir i pa devret gannyen. Me si nou pa abord sa size i pou otomatikman kalifye si nou fer bann derogasyon ki tro larz anba Lalwa.

Me kot mwan krwar nou bezwen pozisyonn nou lekor pou regarde, se an relasyon avek en dimoun ki’n travay, e la mwan dir ki’n travay, e ki kapab prouve. Prouve ki ou’n travay. Mwan krwar pou dir i bezwen annan serten leeway ki ganny extended.

Me parkont i annan en safety net an plas. Si par egzanp admeton mon ti travay Sesel e mwan al reste L’Angleterre mwan retournen mon pa pe travay Sesel pou en rezon kelkonk. Mwan still kapab apply pou benefis. Wi ou bezwen reunite tou le 3 mwan akoz i subject tou sanzman dan kondisyon sosyal.

Now si ou kondisyon sosyal pa pe sanze apre 3 mwan, then ou renewal i otomatik. Baze lo ou kondisyon ki ou ladan.

Si par egzanp mwan vini avek en disability, mwan pa pe dir dan sistenm is perfect, mwan pe koz lo kriter ki annegzistans, si mon vin en dezabilite ki mon pa kapab travay. Then mwan bezwen al anba sistenm an plas, ki sertifye mwan incapacity pou travay, e la mwan ganny en lot benefis.

Me sa ki mwan mon krwar, i fer mwan fer serten refleksyon se ki mwan osi pandan letan ki mon’n angaz mwan pou koz ek diferan dimoun, mon’n vwar serten diskre pans. Kot mon’n vwar diskrepans se kan i annan dimoun ki dir ou pou dir me in sorti aletranze in reste isi pandan 3an in kalifye pou ganny son Social Security.

Parkont i annan lezot ki dir ou be li zot in dir esper 5an. E se la kot mon pa pou krwar akoz sa bann dimoun ki mon’n koz ek zot ki pa’n issue pou mwan get zot politik. Mon zis anvi konnen ki mannyer zot santi anver sa size, e i pa en size politik.

Ki mwan mon krwar i bezwen annan en kriter kler. Byen defini anba Lalwa, ki mannyer ou kapab waive si fodre. Waive sa provizyon dan sirkonstans kot sa entitlement i kapab ganny prouve.

Mon konnen bokou dimoun pa pou dakor avek sa propozisyon. Me solman sa ki mwan mon pe mazinen se ki sa i en deba ase larz, ki involve tou kontribiter dan tax payers ki pe kontribye dan Fon dan lekonomi pei.

E i fer ki ou annan bann size. Mwan osi mon annan fanmir ki viv aletranze, zis parey nenport ki, ki la anndan. Nou tou nou pou ganny touse par sa size, akoz dinamik Seselwa. E lefe ki nou annan bann diaspora etranze nou tou nou pou ganny touse avek sa size.

Se pou sa rezon mwan mon krwar ki ler nou pe abord size sa Mosyon, nou bezwen reste focalize lo lepwen fondamantal. E sa, sa pwen i relye otour bann laspe Seksyon 42 ki  kree serten kondisyon kot dan sirkonstans kot pa egzanp, parey mon’n dir en dimoun ki’n travay isi pandan plizyer lannen in absant pei, pou  an, 7an. Ki prosedir ki ganny met an plas, e ki mannyer ler Assessment i ganny fer ki sa i pa en prosesis ki tro long, difisil e konplike.

Mr Speaker mwan reste divize lo sa Mosyon. Internally mon anvi dir mon an faver sa Mosyon.

Me ler nou regard, pei e nou regard lesansyel kot nou oule ale, mon konnen pou dir sa osi pou raise serten issue, so mwan pou ekout deba, pou vwar ki direksyon nou oule pran. E mon ti a kontan ganny en apersi pli profon sa problenm, akoz mon pa ti a kontan ki person out in the cold parey Angle i dir. E mon ti a kontan no tret dimoun avek fairness. E mon reste lo baz ki mwan ti konmanse, mwan annan en sistenm an plas malgre son bann defayans, i enn parmi le meyer. Me lesansyel ki ozordi ki nou pe fer, e s Mosyon mwan krwar se amelyor li en pe plis, pou ki parey nou’n dir en sosyete pli imen ki pli apresye tou nou bann diferans e anmenn tou dimoun ansanm.  Mersi Mr Speaker.

 

MR SPEAKER

Mersi Onorab Pillay. I reste zis en dernyen entervenan avan loter Mosyon i koze. So ou bezwen deside si ou pou vot internally or externally. Onorab William.

 

HON WAVEN WILLIAM

Mersi Mr Speaker. Mr Speaker mon pou raport mon sipor pou sa Mosyon. Mr Speaker mon pou rapor mon sipor avek sa Mosyon avek en lespri ouver. Letan mon pe ekout bann diferan entervenan, bann diferan entervenan letan zot fer zot prezantasyon i annan plizyer bann pwen ki’n ganny fer, sorti ki mon pa pou al lo la, ki enteresan.

Me mwan pe regard lavenir, epi direksyon ki Prezidan in donnen. Par egzanp in dir ki li i Prezidan pou tou Seselwa. Letan i pe dir Prezidan pou tou Seselwa i pe dir Prezidan tou Seselwa ki Sesel. Me osi Seselwa ki deor.

E an menm tan Mr Speaker, direkteman – endirekteman en Seselwa ki’n al deor travay ouswa reste deor. Letan mwan fer mon analiz mon vwar ki endirekteman i pe kontribye. Son prezans laba deor i anmenn kiltir Sesel deor. I pe vann li endirekteman.

Atraver son fason viv, manze petet ki i manze ki i partaz avek sa etranze. E ki osi lenfliyans sa etranze, ouswa si i annan zanfan deor pou vin Sesel.

E mon vwar osi ki letan sa dimoun i retournen. I retourn avek en serten larises. Avek bann keksoz ki’n aprann bann nouvo keksoz, i kapab partaze dan son pei.

E an di-zan sa pti mo Mr Speaker, mwan osi mon annan dimoun dan distrik ki trouv dan sa sityasyon ki’n apros mwan. E serten demars in ganny fer. E mon santi pou dir dan lespri sa Mosyon avek direksyon ki nouvo Gouvernans pe regarde, i ava ede osi pou Gouvernman Egzekitiv, regard Lalwa. Regard Lalwa e fer fason ki personn pa ganny kit deryer.

E osi Mr Speaker. i ava permet nou revwar en pti pe dan son totalite sa bann lasistans ki nou pe donnen. E avek sa 2 pti mo Mr Speaker parey mon’n dir mon pou siport sa Mosyon.  Mersi.

 

MR SPEAKER

Mersi Onorab. Apre nou pran en vot mon ava demann loter Mosyon pou wrap-up. Silvouple Onorab Prea.

 

HON NICHOLAS PREA

Mersi Mr Speaker. Mr Speaker mon ti kontan remersi tou bann manm fanmir ki‘n kontribye lo sa Mosyon. E petet mon, fer enn de pti referans dan mon wrapping-up. Mwan kontan ler mwan tann Onorab Andre, par egzanp i dir ki nou bezwen valoriz kontribisyon ki nou Seselwa i fer. Pa selman dan Sesel. Me osi aletranze e nou konn tre byen ki Seselwa aletranze i fer bann kontribisyon konsiderab.

E petet endirekteman sa i fer bann retonbe pou Sesel. Onorab Ferrari in al, dan sa direksyon kot annou pa regard swit abilite. Annou pa regard si sa bann dimoun pe met fardo. Me annou pran zot konman en rises pou nou pei. E se dan sa lespri pou nou ankouraz nou frer ek nou ser Seselwa aletranze, pou retourn Sesel e pou kontribye dan nou Lekonomi.

Etablir en benchmark. Onorab Ferrari in pli lwen pou dir annou revwar regilasyon. Akoz regilasyon dan bokou bann Lalwa i reste a diskresyon Minis. E nou tou nou konnen, tou dernyerman Lalwa ki pe vini nou pe dir tire sa clause.

Me dan sa bann Lalwa sa bann clause i ankor egziste, kot Minis i kapab servi son prop diskresyon. E se la par-ler kot ou ganny dimoun ki vin devan ou ki dir, i annan i labi. I annan lenzistis e sistenm pa kler.

Onorab De Commarmond in koz lo annou anmenn fairness. E petet in kestyonn sa abilite si pei i kapab soutenir?

Me i annan en kantite keksoz ki pei pa’n prevwar. Me ozordi nou pe soutenir. Mon annan en papa ki osi pa tro lontan in rantre dan pei kot in fer serten kontribisyon kot in dir ki nou pa kapab penaliz sa Seselwa akoz li in deside migrate al travay overseas e demen i retourn son pei Natal pou li settle. Nou pa pe dir Seselwa ki’n ganny laz ki’n ganny ki’n deside reste permanan dan en fason permanan L’Angleterre, Australie Canada ki osi i entitle. Ou pe dir sa ki pe rantre dan pei ki pe pran son retret dan en permanan isi Sesel.

E nou pa pe kapab defavoriz zot dan en serten sans. E i fer referans lo soustenabilite. Si sa bann dimoun in kontribye direkteman oubyen endirekteman parey Onorab De Commarmond in dir. Onorab Pillay osi in fer sorti. Petet zot travay 20 an, 25 an Sesel. Apre sa dernyen 15an zot al overseas, apre zot retournen.

I normal i annan etranze osi tou ki i vin Sesel apre ki in travay dan son pei. 10an, 5an, i isi i marye ek en Seselwa i ganny Nasyonalite ase fasilman i kalifye pou li ganny Pansyon Sekirite Sosyal, an menm tan ki pe tous Pansyon Sekirite Sosyal dan son pei.

Me sa ki msye in fer sorti. Bann keksoz ki’n arive ki nou kestyon in soustenabilite. Par egzanp fleo drog, fleo drog ozordi pei in vwar en fason pou sey soutenir. Pou sey pran larzan dan Bidze pou dir be annou sey counter and yet deor i annan diferan lopinyon. Deor i annan lopinyon ki dir be mwan mon’n travay, eski ozordi mon kontribisyon ver pei dan tax and all that, i sipoze al deal avek sa bann dimoun? E zot apel sa bann dimoun bann drug abusers. Pa ni menm viktim.

E i annan ki pe dir pou dir menm son kontribisyon dan sistenm Sekirite Sosyal, parfwa i ganny abize pou diferan purpose. E nou konnen pou dir par egzanp sa 2 dernyen Eleksyon. Kot Sekirite Sosyal son Fon ti ganny abize pou en bi.

E sa paran i fer sorti ek mwan kler. Pou dir annou pa koz soustenabilite kan nou menm nou, nou pa kapab zer sa Fon Sekirite Sosyal dan en fason ki byen, ki zis.

Onorab Woodcock in koz the right of movement. Byensir i annan bokou nou bann Trwazyenm-az, e nou ankouraz nou Trwazyenm-az ki ler zot pran zot retret pran en pti pe letan vwayaze.

Petet en manman i annan en fiy ki’n al deor. E i anvi dizon i pran 4 mwan, 5 mwan i al pas vakans, i al fer en pti pe letan laba i al war son bann pti zanfan ki i pa’n vwar petet depi nesans.

Eski lemoman ki ale i fer 3 mwan deor i diskalifye? And yet nou Konstitisyon i fer provizyon for the right of movement tou Seselwa.

Me akoz i bouze, i annan en Lalwa i annan en regilasyon ladan ki blok li. Akoz ou’n bouze ou’n fer plis ki 3 mwan nou bezwen pran sa drwa – sa lot drwa avek ou.

Vwala en pti pe dan sa laliny Mr Speaker nou pa kapab zis servi en regilasyon a diskresyon Minis e nou zwe avek.

Ler Onorab De Commarmond in koz lo, byensir in koz lo sa derogasyon, si en dimoun dan sa 5an ki i pe espere. Dizon in ariv 4an i pe esper li 1 an pou li kalifye i tonm malad i sorti aletranze, i tonm malad son zanfan i fer li monte. E son tretman i overlap 30 days son 5an i fini. I bezwen re konmanse.

Unless Minis i servi son derogasyon, i dir be ok dan sa ka whatever. Ok so i annan en pti pe bann dezord ladan Mr Speaker ki mwan ti a swete ki atraver nou deba ozordi nou kapab ganny li byen.

Onorab Georges in ganny sans pou met en lot legzanp devan nou. Ok legzanp son papa kot mon’n deza, mon fek pe dir li pou dir i en zistwar ki mon’n deza tande oparavan. E me li in al pli lwen in dir pou dir i santi ki ozordi leta ki nou pei i ladan, i annan fason ki nou pei pe avanse nou kapab soutenir sa ki sa Mosyon pe demande.

Mon kontan ki Onorab William in pran sa dan en lespri ouver parey in dir. E in menm al dan sa laliny kot kontribisyon Seselwa aletranze. Ki Seselwa pe fer aletranze, ki mannyer i kapab kontribye. E ki mannyer bann retonbe i kapab vin dan faver Sesel dan benefis Sesel.

Mr Speaker avan mon terminen. A en moman, petet sa i en keksoz ki nou kapab nou Lasanble i kapab rode pli tar. Ti annan serten dimoun ler zot ti ariv zot laz Pansyon Sekirite Sosyal 63an. ti annan en Sharing And Caring Trust Fund. Ki ti ganny etablir e zot ti ganny en let pou dir petet ou pa bezwen sa Pansyon Sekirite Sosyal alor met ladan.

Mon’n zis mazin sa akoz enn de dimoun in … sa ok. Petet sa osi Lasanble i Bezwen regarde ki’n arive ek sa Trust Fund? Akoz mon konnen i annan dimoun ki’n pass away. Mwan annan en bon zanmi ki’n pass away. Sa 63an konman i ti gannyen. I ti ganny en let sorti kot ansyen Prezidan pou li kontribisyon Pansyon Sekirite Sosyal ladan. In pass away mon krwar 10 years later, i pa’n zanmen konnen ki’n arive avek son kontribisyon.

        So Mosyon mwan krwar i kler Mr Speaker. Mwan pe dir Seselwa ki’n retournen e pran retret Sesel dan son pei.  E ki son pei i kapab rekonnet li. Mwan pa pe dir Seselwa ki ozordi in deside mon pe pran retret mon oule reste Canada  30an, Australie 30an mon pe pran retret laba. Me annou fer provizyon pou sa bann Seselwa parey sa nurse ki’n travay isi. Apre in al travay 30an deor ozordi i retournen. E son lepok i dir mon i ti kontribye. I ti kontribye dan Provident Fund, e in perdi tou. E ozordi i pe regarde ki mannyer son pei i kapab ranmas li osi tou. Avek sa Mr Speaker mon ti a kontan ki nou pran en vot lo sa Mosyon.  Mersi.

 

MR SPEAKER

Mersi Onorab Prea. Eski nou kapab, tou bann ki an faver sa Mosyon silvouple lev zot lanmen? Deputy Clerk.

 

MADAM DEPUTY CLERK

Mersi Mr Speaker. Mon’n rikord 22 Manm ki’n  vot ‘pour.

 

MR SPEAKER

Okenn dimoun kont?

 

MADAM DEPUTY CLERK

Personn pa’n vot kont.

 

MR SPEAKER

Personn pa’n vot kont. Dakor, mersi alor sa Mosyon as propose prezante par Onorab Prea in ganny aksepte par sepa Lasanble.

Mon ti a kontan sa pwen remersye zot tou ki’n pran par dan ban deba. E deliberasyon ozordi.  Me malerezman nou annan en pti pe apre 5er.  Me omwen dimoun in donn zot kontribisyon dan en fason konsernen, e valab pou nou avans devan. Avek sa nou a pran, nou adjourn nou rezwenn Mardi prosen 9 er antretan i annan bann Komite pe zwenn pandan lasemenn.

E i annan en Komite partikilye ki mwan mon Chair, nou ava les zot konnen kan nou kapab zwenn. Akoz i annan serten aktivite demen avek Vandredi. Wi Onorab Ferrari.

 

HON JEAN-FRANCOIS FERRARRI

Mon’n war nou’n resevwar 2 mesaz pou rankont demen FPAC pe rankontre. 1er 30 dan Committee Room 3. Me solman mon’n vwar osi Minis Lapes pe rankontre 1.30 dan Committee Room 3  osi. So si ti annan en dimoun ki kapab eklersi nou lo sa.

 

MR SPEAKER

Nou ti’n dir ki Minis Benstrong ti pou vini, pou vin fer en prezantasyon avan ki nou ratifye sa Lagreman ek Maurice avek Sesel.

Me petet nou devret revwar FPAC.  Onorab Afif.

 

HON AHMED AFIF

Mersi Mr Speaker. Mon’n ganny sans annan en pti diskisyon avek Deputy Clerk. E in dir ek mwan poudir petet i kapab aranz en lasal alternativ, pou FPAC zwenn an menm tan ki…

 

MR SPEAKER

Sa ou pe assume ki FPAC pa anvi tann Minis Benstrong,  son lesplikasyon.

 

HON AHMED AFIF

Annefe sa meeting in ganny set pou menm ler. Alors nou pou bezwen deside si…

 

MR SPEAKER

Petet ti a byen Chair FPAC i lyez avek Minis pou vwar… Mon mazinen, kekfwa i annan serten dimoun FPAC ki ti a osi kontan ekout sa ki Minis pou dir, pou eksplike.

Alternatively nou a les Biro Deputy Clerk fer lyezon ant Chair FPAC avek Minis Benstrong. Akoz Minis pa ti dan pei. E mon krwar i enportan ki nou ganny sans ekout li. Ok. Wi Onorab Prea.

 

HON NICHOLAS PREA

Mersi Mr Speaker. Zis en dernyen pti lanons ankor pou byennet piblik deor – nou annan ankor mouvman 4 Manm, sa Vandredi. I annan 2 Manm ki pe al Maurice, Onorab Vidot avek Onorab John Hoareau.

 

MR SPEAKER

Onorab Prea mon ti anonse sa yer bomaten…

 

HON NICHOLAS PREA

2 Manm osi ki pe al L’Angleterre. Onorab Pillay ek Onorab Arrisol.  Mersi.

 

MR SPEAKER

Nou ti menm felisit Onorab Pillay ki’n ganny pa zis i pe reprezant Sesel. Me in ganny elekte Chairperson pou Misyon ki pe al obzerv si Madanm May pou gannyen oubyen si Mr Jeremy Corbin ki pou gannyen. Wi Onorab Ferrari.

 

HON JEAN-FRANCOIS FERRARRI

Non zis akoz mon ti’n zis pou konfirmen mwan ti’n tann rimer konmkwa Onorab Pillay i kapab  demann Lazil Politik ler i laba L’Angleterre.

 

(laughter)

 

HON JEAN-FRANCOIS FERRARI

Konmsi dir nou si nou pou fer sa oubyen non?

 

MR SPEAKER

Ok bon.

 

HON SEBASTIEN PILLAY

Mr Speaker ditou en.

 

MR SPEAKER

I pa  pe demann Lazil Politik.

I tro kontan son Sesel. Ok nou a rezwenn Mardi prosen 9er.

 

(ADJOURNMENT)