Home » This Week in the House » 2017 » Verbatim Report NAS Sitting Tuesday 30th May, 2017

Verbatim Report NAS Sitting Tuesday 30th May, 2017

NATIONAL ASSEMBLY OF SEYCHELLES

 

Tuesday 30th May, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MR SPEAKER

Sorry pou sa pti retar pou bann ki ti pe esper nou dan lakour ek pasyans e ti annan en pti problenm teknik lo kote drwat dan Lasanble. Me i ganny rezourd. E parey mon’n dir byenveni pou en lot sesyon travay ki anmenn pou en semenn tre okipe parey labitid pou nou kontinyen servi lepep, la Nasyon ki’n met nou la pou travay pou zot. Enn de lanons ; premyerman zot a remarke ki Clerk i pa la ozordi, Deputy ki pe hold the fort parey Anglais i dir. Clerk i lo en training sesyon Maurice e sa i lo sa size ki nou enplike bokou ladan, SADC-PF i annan en progranm HIV/AIDS. E Clerk i pe pran par dan sa Training Session ansanm avek lezot Clerk Maurice. Dan menm laliny nou pou annan 2 lezot Manm Lasanble sa semenn ki pou kite, ki pou al pran par dan en workshop lo menm topic Maurice menm e zot pou al Vandredi le 2, sa se Onorab John Hoareau avek Onorab Audrey Vidot. Mon dir sa zis pou fer kler pou dimoun konnen si zot bann MNA pa la oubyen pa vwar zot dan Lasanble, se pa akoz zot pe dormi dan lakour, me akoz zot pe travay e nou partisipasyon dan bann workshop e forum enternasyonal i tre enportan  -pa zis pou reprezant Sesel, me osi pou devlop nou bann konesans e konpetans dan diferan domenn ki pou anmenn benefis pou Lasanble e pou pei. Petet dan sa menm laliny mon ti a kontan felisit, Onorab Sebastien Pillay ki pe al Head bann dimoun ki pe obzerv eleksyon ki Mrs Theresa May, Premye Minis Royaume-Uni, L’Angleterre in apele sa mwan Zen ki pe vini. E Onorab Sebastien Pillay in ganny swazir to Head the delegation of overseas observers e mwan mon krwar sa i en loner – pa zis Onorab Pillay, me pou Sesel. I montre sa ta travay ki’n fer dan lepase i en travay ki ganny rekonnet e si mon’n byen konpran i ti annan plis ki 30 pei ki ti’n apply pou form par. Savedir felisitasyon Mr Onorab e mon byen kontan ki ou fer nou fyer. I ti a byen osi ozordi pou mon felisit nou Sergeant-At-Arms ki ti marye dan en zoli seremoni Sanmdi ki ti vreman enpresyonan. Mon menm mwan mon pa ti konnen i annan serten skills, mon ti krwar zis i kriy ‘All Rise’ ek son Mes me i annan bokou skills sante, danse e tou, e mon krwar lafen lannen petet National Assembly i kapab met en Variety Show kot Onorab Georges i a sante, Onorab De Commarmond i kapab fer en pti pyes teat, ansanm avek Onorab De Letourdie, en fason ki nou a montre nou osi nou annan en kote serye me osi en kote zwaye dan Lasanble. Bon avek sa mon ti a demann Mrs Soopramanian pou apel nou premye sesyon nou pou annan en kestyon pou Minis en… Urgent Question pou Minis Didier Dogley ki Minis pour Lanvironnman, Energy e Climate Change e osi nou pou an menm tan Mr Bastienne pou vini pou donn li lanmen reponn sa kestyon. Onorab Ramkalawan.

 

HON WAVEL RAMKALAWAN

Mr Speaker, mersi bokou. Bonzour e bonzour tou Manm. Mr Speaker, petet ou pa okouran e manman Vis- Prezidan in pass away yer e mon krwar i ava apropriye pou nou lo la par Lasanble prezant li nou senser kondoleans, i sipoze pli tar vin devan Lasanble e swet kouraz tou lafanmir dan sa moman ki zot pe pas ladan. Dezyenmman…

 

MR SPEAKER

Eskize Onorab Ramkalawan. Mon byen okouran. Anfet konman son manman ti mor, mon ti telefonn li yer swar mon’n koz ek li e mon ti pe vwar li apropriye ki ler i vini akoz Onorab Vis-Prezidan pe vini apre midi. Pe vin anmenn serten leklersisman lo 3 Bills e mon ti krwar i ti pou pli bon pou mon lev sa pwen ler i la on behalf of tou dimoun be mon byen okouran anfet mon konn son manman e mon’n telefonn li yer swar. So nou ava gard ler i la ki nou a kapab lev sa.

 

HON WAVEL RAMKALAWAN

Apre dezyenmman Mr Speaker, mon krwar ki nou annan en partnership avek SBC

 

MR SPEAKER

Avek?

 

HON WAVEL RAMKALAWAN

Avek SBC

 

MR SPEAKER

Wi.

 

HON WAVEL RAMKALAWAN

Nou annan en partnership avek SBC alor mon krwar ki SBC i bezwen osi ed nou pou fer lepep Seselwa konnen ki pe pase. Yer swar par egzanp letan ou pe ekout Nouvel si SBC i dir demen dan Lasanble Leader Lopozisyon pou demann en kestyon prive e apre sa pou annan 3 kestyon irzan e pou annan detrwa Mosyon, i pa ed ditou. Alors pou fer dimoun konnen kwa ki pe arive, petet SBC i devret donn en pe detay lo kwa ki kestyon, kwa ki bann Mosyon pou ki apre nou konman en Lasanble nou pa ganny akize konmkwa nou pa pe fer dimoun konnen. So nou demann SBC dan sa partnership pou zot osi tou ede pou fer dimoun konnen kwa ki pe pase. Mersi bokou.

 

MR SPEAKER

Wi Onorab Ernesta.

 

HON PAUL ERNESTA

Bonzour Mr Speaker, bonzour Minis ek ou delegasyon, bonzour tou bann koleg. Mr Speaker, dan menm laliny i annan serten kominikasyon ki ganny sorti with regards to Order Paper pou ozordi e i annan serten modifikasyon ki’n ganny arive. Dan menm laliny mon ti a demande ki petet pou lord pou fer konnen bann tretman ki nou pou trete ozordi lo Order Paper. Mersi.

 

MR SPEAKER

Actually ankor sa ki mon’n lev-e Onorab Ernesta, mon ti pe al koz lo la akoz ler mon’n ekout SBC dan zot nouvel midi yer, i pe koz lo Minis Mondon, Minis  Dezinyen pou vin dan Lasanble pou reponn kestyon me Order Paper ti’n ganny revize pou diferan rezon e Minis Mondon pa pe vin dan Lasanble bomaten pou reponn 3 kestyon. Alor sa ki mon ti a demann avek SBC dan laliny sa ki Onorab Ramkalawan ek Onorab Ernesta i dir, ki avan Nouvel i sorti zot pran kontak touzour avek Biro Clerk sirtou li menm li Clerk si i la e parey dan labsans Clerk yer ek ozordi Deputy Clerk ki ansarz biro Clerk. So zis avan Nouvel i sorti i bon pou vwar ki si napa okenn revizyon dan oubyen lo Order Paper. Mon dir sa akoz mannyer keksoz pe ale… ou konnen nou dan en dinamik kot keksoz i al vit Sesel e keksoz i sanze. I for posib ki en Minis souden i pa la, i overseas oubyen pou en rezon ou en lot ou bezwen ranplas en Minis par en lot ; e parey mon’n dir lo televizyon yer nou tou nou pe travay an kolaborasyon etrwat pou nou fer pei marse. Nou dan Lezislatif, nou pe travay etrwatman avek Egzekitif e nou anvi fer keksoz marse alor pou fer sa bon kominikasyon ki azour e ki korek sa 2 MNA i annan rezon. SBC mon ti a sizere ki tanzantan e sirtou zis avan nou pe al zwenn Mardi bomaten zot verifye avek Biro Clerk avek Biro Deputy Clerk lekel Mosyon – lekel Minis ki pe vini pou lekel kestyon e donn en pti detay pou eksplike kwa ki nou pe diskit lo la. Mon krwar sa i en kestyon zis akord nou vyolon pou nou servi nou pep pli byen. Avek sa mon ti a kontan swet byenveni nou 2 Minis, Minis Didier Dogley ki pa en etranze isi pou nou tanzantan nou vwar li, Minis Bastienne egalman ek zot lekip, mon vwar Mr Andre, Mr Agricole, Mr Morin avek Mr Marie. Byenveni pou Sesyon bomaten e mon espere nou a pas en moman kot nou ava annan bokou leklersisman pou nou bann dimoun ki pe ekout nou dan lakour e nou bann zenn lo kestyon ki nou krwar i enportan pou popilasyon. Alor avek sa, premye kestyon ki nou annan pour Minis Dogley, se sorti kot Onorab Wavel Woodcock. Onorab Woodcock ou annan laparol.

 

HON WAVEL WOODCOCK

Mersi Mr Speaker. Bonzour Mr Speaker, tou koleg Onorab, Minis ek ou delegasyon e tou dimoun dan lakour. Mon kestyon i comme swivan : Avek proze pou konstri 3 gronny Anse Kerlan, Praslin, eski Minis i kapab dir sa Lasanble, eski okenn letid in ganny fer pour determinen si gronny i meyer solisyon pour rezourd problenm lerozyon lo lakot Amitie, Roche Corbizeau, avek Anse Kerlan Praslin? Eski ou Minister in konsilte avek manm piblik avan ki zot in deside fer sa proze gronny? Eski i korek ki sa proze pe ganny finanse par en biznesmenn prive ki pe osi konstrir en lotel Anse Kerlan? Eski Minis i kapab dir sa Lasanble, akoz zot in donn UCPS permisyon pou antre avek bato cargo ‘Little Boy’, lo lans Anse Kerlan Praslin pour debark ros pour konstriksyon ?  E eski letid in ganny fer pou vwar ki lefe sa pou annan 1o brizan? Eski Gouvernman in donn UCPS permisyon pou anmenn 2 kanmiyon 20 tonn Praslin ki kont Policy Gouvernman pour anmenn kanmiyon plis ki 10 tonn Praslin, e ki mannyer eski sa pou afekte bann propriyeter kanmiyon mwens ki 7 tonn? Mersi.

 

MR SPEAKER

Petet avan nou donn parol Minis Dogley, mon ganny demann kestyon yer petet pou eksplike ki si sa en gronny ? Mon krwar petet pou leklersisman piblik avan ou reponn kestyon petet ou ti a donn nou en lide ki si sa, sa apre ou reponn kestyon Onorab Woodcock, silvouple – zis pou leklersisman tou dimoun. Minis Dogley.

 

MINISTER DIDIER DOGLEY

Mersi Mr Speaker. Bonzour tou bann Onorab, bonzour tou bann dimoun ki pe ekoute dan lakour. Mr Speaker, en gronny i en bann striktir ki ti ganny devlope par bann Européen, Anglais sirtou pou lalit kont lerozyon lakot. I, si oule, en striktir ki ganny fer ek ros ki ganny mete atraver lans a en serten oter ki anpes mouvman… Par egzanp L’Angleterre ti plis pou fer avek bann pebbles, bann pti ros ki annan anler lo lans ; akoz zot annan en bon pe sa bann lans ki annan bann ros pa parey nou ki annan disab. E sa ti tre efektiv pou anpes sa ki nou apel longshore drift ki en mouvman sa bann materyo anler lo lans avek kouran depandan sezon kote ki i pe pouse.  E i tre efektiv parey mon pe dir sirtou dan sa bann landrwa e petet i en pe less effective avek disab ; akoz disab i bokou pli leze e i tant pou sispann dan delo. Alor pandan bann lannen ’70, ’60, bann Anglais pandan letan kolonyal, in fer en kantite sa bann gronny isi Sesel. Si ou vwar lo Au Cap, bann landrwa parey Au Cap, ou pou vwar en kantite sa bann vye gronny ki’n ganny built. I kapab en miray ouswa i kapab zis senpleman ros ki’n ganny met ansanm atraver lans pou anpes mouvman disab atraver lans epi pou fer sir i annan sa replenishment si oule, ki lans i reste stab. Se sa lesplikasyon ki mon ti a voudre donnen, Mr Speaker.

 

MR SPEAKER

Mersi Minis.

 

MINISTER DIDIER DOGLEY

Mr Speaker, larepons pou kestyon limero en ki Onorab in demande i wi. Baze lo letid ki bann expert JICA, sa se bann expert sorti Zapon ki ti vin travay ek nou an 2011 a 2014 ti fer, in montre ki la kantite disab ki’n akimile Grand Anse Praslin i apepre menm kantite disab ki’n perdi Anse Kerlan. Sa i montre ki i annan en long shore drift si ou le, en mouvman disab atraver lans ki pe pran disab Anse Kerlan pou anmenn Grand Anse Praslin. Pou anpes sa kouran kontinyen koz sa bann lerozyon i neseser met gronny atraver lans pou blok disab ler pe ganny retire par kouran. Rapor bann expert JICA, i osi fer resorti ki malgre lerozyon pe kontinyen lans ant sa bann gronny i reste ase stab alor Mr Speaker i kler ki dan ka spesifik Anse Kerlan gronny i meyer solisyon ler ou met li an konbinasyon avek rock armouring. Mr Speaker, Onorab in demande si nou’n konsilte piblik. Mon ti a voudre enform sa Lasanble ki wi nou Minister in toultan fer le neseser pou konsilte avek manm piblik, ler i annan bann proze ki tous la kominote. Lide se pou ganny lopinyon manm piblik avan enplimant proze e proze reabilitasyon lakot Anse Kerlan pa’n en leksepsyon. En bon pe rankont in ganny fer lo en baz endividyel e ti osi annan en miting ki ti ganny fer le 1e Out 2015 avek en group zabitan Anse Kerlan e lezot lorganizasyon lo letid ki’n ganny fer par EcoSol ki en lakonpannyen ki fer sa bann kalite letid Lakot pou prezant zabitan avek propozisyon e rekomandasyon sa letid. Bann zabitan in toultan ganny rod lenformasyon avek Minister lo letid e propozisyon bann proze parey. Mr Speaker, Gouvernman in osi toultan ankouraz kontribisyon e partisipasyon bann sekter prive dan bann proze ki adres bann konsern lanvironnmantal ki tous la kominote ; vi ki sa lerozyon pe afekte bokou propriyete Anse Kerlan e osi lezot landrwa dan zalantour ki pa pou sa businessman, nou siport e ankouraz sa lenvestisman ki sa endividi pe fer. Annefe laplipar dimoun dan sa kominote pou benefisye atraver sa proze ki pou kout anviron R8.7 milyon. Alor mon profit sa lokazyon pou lans en lapel avek lezot ki kapab, ki annan mwayen pou fer parey e donn Gouvernman en koudmen. Mon ti a voudre fer resorti ki mon Minister napa okenn lenformasyon ki sa biznesmen pe konstri en nouvo lotel Anse Kerlan. Mr Speaker, dapre lenformasyon ki mon annan desizyon pou donn bato permisyon pou debark ros lo lans i baze lo lefe ki UCPS pa ti’n ganny permisyon pou servi bann gro konminyon pou anmenn ros dan a landrwa. Alor ti neseser pou rod en lot alternativ. E pli bon alternativ sete parching.  Avan permisyon ti ganny donnen, en letid ti ganny fer pou fer sir landrwa kot bato pou pase, pa pou afekte koray. Annefe i annan tre pe koray dan sa landrwa spesifik ki annan koray i kot sa ros ki zot apel Ros Parisienne avek Pti Parisienne e an zeneral i disab avek bann gomon ki dan fon lanmer. Sa i ganny fer atraver en letid ki apel en Marine Survey ki ti fer an Novanm 2014. Mersi Mr Speaker.

 

MR SPEAKER

Mersi Minis. Petet avan nou donn Onorab Woodcock sans pou demann Supplementary Question, mon pa konnen si Minis Bastienne ou oule reponn sa bout 5 lo transpor e konminyon plis ki 10 tonn. Minis.

 

MINISTER CHARLES BASTIENNE

Wi Mr Speaker. Tou Manm Onorab bonzour. Mr Speaker, parey mon koleg Minis in dir larepons pou kestyon Onorab se ki Gouvernman pa’n donn permisyon UCPS pou li anmenn 2 konminyon 20 tonn lo Praslin. Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Mr Speaker, mon annan ankor 2 pti kestyon siplemanter. Mon kestyon i eski okenn Impact Environment Assessment in ganny fer pou determinen si sa gronny ki zot pe fer Anse Kerlan i pa pou afekte lezot landrwa lo lakot parey Amitie, Ros Corbizeau, Grand Anse Santral e menm La Pointe? E si zot pe konsider sa bann gronny fer bann gronny osi non selman lo lakot lo kote Anse Kerlan, me lezot landrwa o long la kot Grand Anse Praslin parey mon’n dir Ros Corbizeau, Grand Anse santral, La Pointe, Amitie, La Pointe ? E mon dezyenm kestyon i se ki ou’n dir pou dir ki ou Minister pa pe donn permisyon pou anmenn konminyon par lao 20 tonn Praslin, me selman konsern i reste ki sa bann lenformasyon in ariv dan zorey plizyer bann drayver konminyon Praslin, eski zot ti pe konsidere or sa lenformasyon ki zot pe donnen, eski i annan en fason ki vre ouswa zot in retract zot desizyon ki zot ti’n pran ; akoz konsern ki plizyer bann zabitan Praslin in anmennen sirtou bann drayver konminyon regardant sa size anmenn konminyon par lao 20 tonn. Mersi.

 

MR SPEAKER

Minis Bastienne.

 

MINISTER CHARLES BASTIENNE

Mr Speaker si dimoun Praslin i okouran set akoz petet zot okouran poudir UCPS ti’n fer demann avek mon Minister pou anmenn sa 2 konminyon 20 tonn e evidaman parey tou request, nou nou konsidere, vwar son lenpak ki pou annan vizavi semen, pon e tou ; e swivan sa mon Minister ti refize pou donn permisyon UCPS pou li mont ek sa 2 konminyon, e nou ti dir li vwar lezot alternativ pou li kapab anmenn son bann ros depi kot son Quarry kot i ete Anse Citron ziska Anse Kerlan. Mersi Mr Speaker.

 

MR SPEAKER

Onorab Woocock ou annan okenn siplemanter?

 

HON WAVEL WOODCOCK

Minis Dogley pa ankor mon kestyon zafer…

 

MR SPEAKER

Minis Dogley.

 

MINISTER DIDIER DOGLEY

Mersi Mr Speaker. Sa problenm Anse Kerlan i en problenm ki’n la avek nou pou en bon pe letan depi sa ki mon rapel depi an 1986 sa problenm vreman ti’n konmans vin ase grav e Gouvernman ant 1989 ziskan ’99 ti’n deza fer plizyer gronny pou anpes sa problenm lerozyon e menm pandan sa lepok ti annan bann letid ki ti deza pe fer pou regarde ki mannyer pou redwir ouswa kontrol e anpes lerozyon dan sa landrwa. E parey mon’n dir zot ti vwar poudir gronny avek rock armouring sa lepok mon konnen zot ti servi gabion osi pou sey anpes sa problenm. Pli resaman wi i annan letid ki’n ganny fer an 2014 e an 2015 i annan plizyer letid ki’n ganny fer par EcoSol, sa lorganizasyon Japanese International Corporation Agency, zot ti  la ek nou depi an 2011 ziska 2014. Zot osi zot in fer plizyer letid. E a la fen ti annan osi en lakonpannyen sorti Maldives ki ti vini li osi in fer bann lezot letid. Annefe ler nou regarde, napa lezot keksoz ki nou kapab fer, se ki nou bezwen met an plas bann striktir pou anpes mouvman disab, pou sorti Anse Kerlan pou al dan kote Grand Anse, akoz bann landrwa Grand Anse ozordi, laplipar dimoun ki reste Grand Anse i a dir ou, poudir zot in annan bann  acquisition ouswa bann ranplisaz disab ziska 25 met, 30 met devan zot propriyete kot ti ete. Alor i kler poudir disab i pe bouz dan direksyon pou al Grand Anse.  E sa bann travay ki pe ganny fer i senpleman dapre bann kalkilasyon ki bann expert in ganny fer, bann enzenyer, i pou ede pou kapab balans en pe sa problenm e sey redwir lakantite lenpak lerozyon ki annan dan sa landrwa. Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Mr Speaker, Minis in dir ki napa okenn proze lotel ki pe ganny fer dan sa rezyon, lenformasyon ki mon’n gannyen avek tou bann vwazen ki include lezot lotel, se ki sa gronny pe ganny fer pou protez sa proze lotel ki pe ganny fer. Eski Minis pe konfirm avek nou ki napa okenn proze lotel ki pe ganny fer la Anse Kerlan dan sa landrwa?

 

MR SPEAKER

Ou kestyon i devret strikteman lo sa ki ou ti’n demande avan alor ou pe demann kestyon eski Minis…

 

HON WAVEL WOODCOCK

Sa proze lotel i ladan.

 

MR SPEAKER

Eski Minis pe confirm

 

HON WAVEL WOODCOCK

Mon ki mon pe demande…

 

MR SPEAKER

Si pou annan lotel oubyen non?

 

HON WAVEL WOODCOCK

Ok.

 

MR SPEAKER

Se sa. Ok. Minis…

 

HON WAVEL WOODCOCK

Sa proze lotel i ladan. Mwan mon kestyon mon pe demande Mr Speaker akoz zot ti fer meeting avek zis detrwa bann dimoun, bann stakeholders dan sa area zot pa ti fer meeting piblik parey zot pe dir, zis detrwa dimoun ki ti ganny envite. E dan sa meeting ti ganny resorti sa proze gronny ti sipoze pou harbour, pou protez sa proze lotel ki pe ganny fer dan sa landrwa. Mwan mon pe demann Minis eski Minis pe konfirm ek sa Lasanble la, ki napa okenn proze lotel ki pe ganny fer dan sa landrwa e ki sa gronny i pa pou sa, pou protez sa lotel ki pe ganny fer dan sa landrwa ? Sa mon kestyon.

 

MR SPEAKER

Ok. Sa i akseptab. Minis.

 

MINISTER DIDIER DOGLEY

Mr Speaker, mon repete poudir nou dan Minister Lanvironnman, nou napa okenn lenformasyon ziska prezan pou dir nou ki i annan lotel ki pe al fer Anse Kerlan par sa endividi. Proze ki’n ganny submit avek Planning, ki’n vin kot Minister Lanvironnman, i senpleman gronny avek rock armouring pou protez sa lans, sa landrwa kot sa endividi i annan son propriyete an menm tan plizyer bann lezot propriyete ki dan zanmirant. Sa lenformasyon ki nou annan Mr Speaker.

 

MR SPEAKER

Onorab Woodcock.

 

HON WAVEL WOODCOCK

Eski sa proze ope ganny finanse par ou Minister ouswa Minis pour Land Use and Habitat e si ou kapab dir nou lekel ki pe sponsor sa proze gronny Anse Kerlan?

 

MR SPEAKER

Minis.

 

MINISTER DIDIER DOGLEY

Sa proze pa pe ganny finanse par Minister Lanvironnman. I en proze ki pe ganny finanse par en endividi ki’n anvoy kot Planning, atraver tou bann proze parey definitivman i bezwen pas par Planning e Minister Lanvironnman i enn bann key Lazans ouswa Gouvernmantal ki ganny konsilte e sa soz pe ganny fer par en businessman ki apel Ahmed Didi. Mersi bokou.

 

MR SPEAKER

Minis Bastienne, eski ou anvi azout okenn keksoz lo la oubyen ou ok? Ok. Onorab Ferrari.

 

HON JEAN-FRANCOIS FERRARI

Mersi Mr Speaker. Bonzour tout le monde. Mr Speaker, konman en lanmwatye Praslinois, mon osi ki konn byen sa landrwa, mon ti a kontan demann avek Minis si… 2 pti kestyon. Premyerman, mon ti a kontan ki Minis i profit sa lokazyon pou reasir bann dimoun, ler nou fer gronny i anpes later ale me selman i anpes later retournen osi, si later i bezwen retournen ; eski sa i en keksoz ki korek e eski i annan son lefe benefik me selman i annan osi sa lefe negativ. Sa i mon premye kestyon. Mon dezyenm kestyon se vi ki Anse Kerlan i en landrwa ki pe vreman ganny afekte par lerozyon, long shore drift parey zot dir, eski Minister Lanvironnman, in konsidere pou annan en plan konpreansiv lo en serten kantite gronny e en serten kantite rock armoring ki merit ganny fer idealman dan sa landrwa, pou protez tou later lo sa bout lans. Oubyen eski Minister Lanvironnman pe les sa pou bann endividi sakenn pou vini e fer gronny e fer rock armouring ?  Eski i annan en plan konmsi ki zot ti a kontan ankouraz tou le zot zabitan be ok pou ou protez ou landrwa la i la zistans ki ou krwar ou devret met enn, si ou anvi si ou annan larzan si ou annan resours eksetera – donk sa plan konpreansiv. Mon ti a kontan demann Minis ler, akoz sa i en pti kestyon ki lev-e souvan, ler later i ganny konble en kote oubyen lot kote en gronny, i annan en benefis, ki mannyer Minister, ki mannyer Gouvernman, sa Minis Bastienne ki pou konnen sa, sa later la, i pou vin pou lekel? Akoz en dimoun i fer en gronny apre i akimil later lot kote devan en lot dimoun, propriyete en lot dimoun e sa dimoun ki’n fer sa gronny i dir, ‘‘be, tyonbo en kou mon ki’n fer sa gronny, be sa later i bezwen pou mwan, mwan ki’n…’’ Ou konpran? Kekfwa Minis ti kapab donn nou. E dernyen kestyon ler Minis ti ava pran laparol dir avek Lasanble, klerman ki tonaz konminyon ki permet aktyelman Praslin, pou ki i kler pou tou dimoun. Mersi Mr Speaker.

 

MR SPEAKER

Minis Dogley avan apre Minis Bastienne.

 

MINISTER DIDIER DOGLEY

Mersi Mr Speaker. Konsernan gronny ki Onorab i demande poudir, well in eksplike poudir ler ou fer gronny i tant pou blok disab pou bouz dan tou le 2 fason. Mon krwar an zeneral son lenformasyon i korek, me parey mon’n dir disab i en keksoz ki ase leze ou pou toultan ganny serten mouvman disab pandan letan lanmer plen par egzanp. Me solman prensip i korek sa ki ou pe dir i blok disab, mouvman disab lo tou le 2 kote. Me solman si nou regard zistwar Anse Kerlan parey mon’n dir depi an 2006 nou’n vwar sa gro problenm lerozyon dan sa landrwa ; bann disab ki’n desann ki’n al Grand Anse pa’n zanmen retournen. Now i annan bann method ki ozordi i ganny servi, ki zot apel sa beach nourishment, kot ou ale ou kapab retir sa disab ponp sa disab ki’n desann remet li dan son plas epi sey refer gronny pou anpes li desann dan lot kote. Be sa i bann loperasyon ki ase koute e nou napa bann kalite larzan pou fer sa bann kalite loperasyon. Alor lesansyel ki nou, nou pe esey fer se fer sir ki sa bann dimoun ki pe kontinyelman perdi later an servant rock armouring avek gronny at least protez sa bout ki ankor reste avek zot. Se sa nou bi prensipal akoz nou deza konnen ki sa later ki’n desann ki’n al Grand Anse i pa pe tournen alor now sel keksoz ki nou nou kapab fer se fer nou mye ki zot pa kontinyen perdi later. Se sa nou bi. Mersi Mr Speaker.

 

MR SPEAKER

Minis Bastienne lo konminyon.

 

MINISTER CHARLES BASTIENNE

Wi Mr Speaker, i annan 2 kestyon. Konsernan konminyon Mr Speaker, Lalwa Road Transport Act i fer provizyon pou annan konminyon ki pa plis ki 7 tonn unladen lo Praslin. Wi, dezyenmman Mr Speaker, konsernan kestyon Onorab, si i arive kot later i ganny kree an rezilta sa gronny e sa later i vin pou ki? Normalman sa later i vin pou dan domenn piblik, me prezan si sa dimoun ki imedyatman baliz avek sa later i anvi sa later i form parti son propriyete, then i fer en request atraver mon Minister, Minister ki responsab pour Later e la  survey neseser  i ganny fer pou nou kapab kree sa later : an dot mo pou kapab anrezistre li konman en parcel Later. Me pa neseserman sa dimoun ki petet ki’n kree sa gronny si an rezilta kreasyon sa gronny sa later i ganny kree lot kote sa lot propriyete then i Domenn Piblik ziska ler request i ganny fer. E dapre lenformasyon ki mon annan se ki sa dimoun ki imedyatman baliz avek sa later ki fek ganny kree i kapab fer sa demann e la Minister i konsidere. Mersi Mr Speaker.

 

MR SPEAKER

Mersi Minis. Onorab John Hoareau.

 

HON JOHN HOAREAU

Mersi Mr Speaker. Bonzour Mr Speaker, bonzour Minis ek ou delegasyon, bonzour tou dimoun ki a lekout. Mr Speaker, eski sa letid ki’n ganny fer par JICA e lezot ankor i demontre ki sa mouvman i relye avek sanzman klima oubyen i en disab ki, ou’n nonm long shore drift me konsyan ki longshore drift osi i kapab retournen. Sa i premye e dezyenm se ki, eski Minis i kapab donn son langazman son lasirans poudir napa okenn konfli lentere finansyel ant sa devloper ki sipoze pe fer sa lotel avek sa proze gronny? Mersi.

 

MR SPEAKER

Minis.

 

MINISTER DIDIER DOGLEY

Mr Speaker, letan parey nou konnen sanzman klima pe sanze e sa zafer coastal protection ouswa proteksyon lakot i en keksoz ki very complex, i deza complex dan li menm dan lepase, me ozordi nou konnen ki annan sanzman klima, i annan en bon pe bann ban koray ki ti pe protez lakot ki’n mor. Konmela ou vwar en kantite rubble ou nepli vwar sa vre miray koray ki ti pe protez bann lakot dan plizyer landrwa. Nou fek ganny en major coral bleaching an 2016 ankor. E bann kouran pe kontinyen sanze e nou, nou menm nou bezwen adapte ek bann sityasyon ki mannyer i ete. Menm bann rock armouring ki annan de ler ou fer ouswa ou servi en sistenm ki en pe pli estetikman pli zoli avek dibwa fer bann bollards pou sey protez lakot dan en fason pli soup si ou le, nou vwar poudir apre i pa marse akoz sistenm i kontinyelman pe evolye. Nou konnen poudir nivo lanmer pe kontinyen monte. Alor avek sa bann konesans ki nou annan i kler pou dir nou pa kapab vin avek en plan rizid nou bezwen toultan pe etidye sityasyon sey konpran li pli mye ki nou kapab ; epi adapte pli mye ki nou kapab pou deal avek sa bann problenm. E menm bann striktir ki nou’n fer parey bann gronny ki ti fer dan bann lannen ’89, ’99, tousala i demann refer demann kontinyen maintenace pou ou kapab esey lager kont sa problenm. I en problenm ki tre, tre grav e i bezwen sipor tou dimoun. Mersi Mr Speaker.

 

MR SPEAKER

Mersi Minis.

 

MINISTER DIDIER DOGLEY

Epi konsernan konfli of interest, sa mon pa pou konnen si i annan konfli of interest pou dir ou fransman. Sa ki nou, nou konnen se ki sa dimoun in submit en proze avek Planning ki’n vin kot nou e nou, nou pe travay lo laplikasyon ki li in fer e nou vwar dapre nou sa travay ki pe fer, sa envestisman ki i pe fer i dan bon sans, i pou ed en kantite dimoun dan sa landrwa. Alor se sa ki nou, nou pe focus lo la. Si i annan bann lentere aryer sa mon pa pou kapab konnen. Mersi Mr Speaker.

 

MR SPEAKER

Onorab Woodcock.

 

HON WAVEL WOODCOCK

Mr Speaker vi ki Minis pe koz en pti pe lo… in tous en pe lo rock armouring, me selman mon pe mazin en pe lo ki zot in esey fer lo kote La Pointe sa bann miray ki zot in… avan rock armouring ti en pe pli an deor, la zot in bouz bann miray, en sort of rock armouring, zot in met bann miray an long lakot La Pointe me selman si ou pou al gete, Minis pour Later osi i kapab al gete, ki deza lanmer in konmans manz anba sa bann miray ki zot in met o bor semen e byento i annan sa bann miray pou ale. Le kestyon mon pe demande si rock armouring i pa en lot gaspiyaz larzan e an plis osi i annan plizyer bann lotel, menm bann kliyan in konplent konmkwa evantyelman nou pou napa lans Praslin avek rock armouring akoz i pe bar lans, i pe fer en bann gale, touris pe tonm dan ros pe kas lipye, eski i napa bann lezot sistenm zot kapab vin avek parey break water ; ouswa gronny pa zis lo kote Anse Kerlan me antye lo lakot Grand Anse Praslin. Eski zot kapab konsider bann lezot opsyon, bann lezot alternativ olye rock armouring e osi vi ki mon konnen ou en sanpyon pou lanvironnman, bann kare osi pa pe kapab mont lo lans akoz zot pe bat dan gale, napa bann lot metod ki nou, ki ou Minister i kapab come up with pou esey rezourd en pe sa solisyon ? Zis 2 semenn pase, antye lakot Grand Anse pe ganny érodé, Anse Kerlan Dimans mon pas lo lans, preske tou bann pye sed o long lakot pe tonm dan delo sale. So ki zot solisyon long term ki zot stratezi pou deal avek nou problenm lerozyon Grand Anse Praslin? Mersi.

 

MR SPEAKER

Minis.

 

MINISTER DIDIER DOGLEY

Mr Speaker, mon krwar mon fek eksplike poudir Grand Anse sirtou bor ki kot ou pe koz La Pointe la, i bann travay ki’n ganny fer en pe letan pase. E avek sanzman klima, avek letan ki pe sanze, kouran ki i sanze, i normal ki ou vwar ek bann sityasyon ki keksoz i pa parey. E nou borde nou vwar sa bann kalite, nou okouran poudir i annan sa problenm dan sa landrwa. E ler nou konnen poudir i annan sa bann kalite sityasyon nou sey servi bann pli bon expert ki nou annan, bann konsiltan parey nou tir rod led avek bann Zaponnen pou sey ed nou pou nou pli byen konpran ki pe arive. Nou fodre met ros partou, nou osi nou konpran pou dir Sesel i en zoli pei e nou pa ti a voudre vwar ros lo tou nou lans, ros mon krwar i annan son landrwa e i annan landrwa ki devret ete e nou pa devret pe zet ros partou. Me bann sistenm ki nou’n esey servi ki pli soft i kler poudir pa marse. Nou’n esey met bann bollards ek bann soz Anse Boileau par egzanp, pa’n ale pou bokou letan in disparet e nou’n bezwen la pe mazinen pou al met rock armouring. So nou bezwen rod bann striktir ki ase soup, me selman ki ase for ki kapab tenir sa bann sityasyon e ler keksoz i sanze nou bezwen adapte. I vre i annan bann lezot fason pou fer li par egzanp JICA ti koz lo sa zafer pou met en breakwater an deor lakot, me en break water an deor lakot pou kout Sesel en kantite larzan e lezot landrwa osi nou kapab met break water, ankor ou pe zet ros dan milye kannal ki son kou e menm son lenpak ki pou annan dan lefitir nou pa san poursan sir ou pou bezwen al fer bann gran letid pou ou kapab fer li byen. So nou, nou e rod avek nou mwayen ki nou, nou annan bann solisyon ki marse ki efektiv e ki donn dimoun sa proteksyon ki neseser ; at least ki zot kapab zwir zot propriyete dan bann letan ki pe vini. Mersi Mr Speaker.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker. Bonzour tou le 2 Minis ek zot delegasyon e bonzour tou bann Manm ek tou bann dimoun ki a lekout. Mon annan 2 kestyon, 1 pou Minis Dogley, 1 pou Minis Bastienne. Pou Minis Dogley, eski, avan sa proze ki nou pe koze Anse Kerlan ti ganny antreprann, eski ti annan en meeting ki ti ganny fer, en meeting piblik kot bann zabitan Grand Anse ouswa Anse Kerlan ouswa bann dimoun dan vwazinaz kot sa proze pe ganny fer ti ganny konsilte ? 1.  E lot kestyon Minis Bastienne, mon konnen lontan la kot nou pe koze la sa later la ti annan en semen piblik ki ti pas la, lontan semen Anse Kerlan ti pas la bor lanmer avan. Eski i annan okenn aplikasyon ki’n ganny fer par sa nouvo owner pou li convert sa semen, sa semen ki nepli servi pou acquire pou li fer son propriyete prive anba Road Act?  E si sa i le ka eski i annan mezir ki’n ganny pran pou protez access avek lans?  Sa bout lans la, lo sa kote?

 

MR SPEAKER

Minis Dogley. Ou ti annan en lot kestyon pou Minis Bastienne? Order ! Order !

 

MINISTER DIDIER DOGLEY

Mersi Mr Speaker. Konsernan meeting, i annan en kantite letan ki ti annan en kantite dyalog ant Minister Lanvironnman sirtou nou bann teknisyen avek enzenyer ki travay lo bann kestyon lakot avek bann dimoun Anse Kerlan. I annan en kantite letan nou pe lager avek sa problenm coastal erosion dan sa landrwa. Konsernan sa proze ti annan en meeting ki ti ganny fer le 1e Out 2015 dan Sant Sosyal Anse Kerlan. Sa meeting ti ganny organize par EcoSol i sa lakonpannyen ki ti’n ganny Kontra pou devlop sa proze e zot, zot ti prezant sa proze e zot ti eksplik dimoun egzakteman ki zot ti pe fer e Minister Lanvironnman ti la, ti ganny reprezante, ti annan menm en NGO mon konpran ki apel Avangard ki ti ganny kree spesifikman apre bann diskisyon ki nou ti gannyen avek bann dimoun Anse Kerlan pou ed zot ganny finansman enternasyonal pou invest dan proteksyon lakot e menm pou kapab ganny bann expert pou vin isi pou donn zot koudmen. Alor wi meeting ti ganny fer le 1e Out 2015. Mersi Mr Speaker.

 

MR SPEAKER

Ti annan en kestyon pou Minis Bastienne.

 

MINISTER CHARLES BASTIENNE

Mr Speaker, mon pou napa lenformasyon konplet pou mon kapab reponn sa kestyon Onorab. Me avek ou permisyon mon kapab petet donn li lenformasyon a en prosen de tan.  Mersi.

 

MR SPEAKER

Tre byen, senpleman Minis i pe dir i a rod lenformasyon pou sa kestyon pou klarifikasyon pou donn Onorab. Wi Onorab Hoareau.

 

HON BASIL HOAREAU

Zis pou Minis Dogley supplementary, mon pa konnen si i pou kapab reponn sa enn, eski ti annan okenn obzeksyon, to your knowledge ti annan okenn obzeksyon ki ti ganny raise an relasyon avek sa proze pandan sa meeting ouswa okenn lezot obzeksyon ki’n vini from bann zabitan Praslin lo sa proze?

 

MR SPEAKER

Minis Dogley.

 

MINISTER DIDIER DOGLEY

Non mon pa okouran poudir ti annan obzeksyon, ti annan definitivman diskisyon me obzeksyon kont sa proze sa mon pa okouran poudir ti annan.

 

MR SPEAKER

Onorab Larue.

 

HON FLORY LARUE

Mersi Mr Speaker. Bonzour tou dimoun. Bonzour Minis. Mon byen apresye avek proteksyon, nou’n ganny en dimoun ki’n kontribye pou vin protez sa lans e in volonter pou vin invest akoz Minis in dir nou en lenvestisman ki’n ganny fer. Mon kestyon i si ti annan sa kontribisyon par en dimoun prive, eski sa ti en keksoz ki ti ganny mete lo en nivo Nasyonal, eski i ti ganny idantifye par en Lotorite ki annan sa need akoz delo sale i bouze dan 2 kote, dan kote natirel nou annan nou 2 kalite letan, i bouze la nou’n met gronny pou anpes disab ale, eski sa ti en keksoz ki ti annan en bezwen Nasyonal? E letan nou koz lo lenvestisman parey ou’n mansyonnen eski Minis Bastienne i kapab dir nou ouswa konfirmen, ki napa okenn proze lotel ki’n ganny submit pou ganny fer dan sa area? E Minis Dogley osi in dir nou ti annan sa meeting ki Onorab Hoareau in koz lo la, eski nou kapab ganny Minutes sa meeting, koumsa nou ti a kapab konnen konbyen dimoun ti annan ki bann keksoz ki ti ganny dir ?  E bann studies ki’n mansyonnen, eski nou kapab ganny kopi sa bann studies silvouple? Mersi.

 

MR SPEAKER

Minis.

 

MINISTER DIDIER DOGLEY

Konsernan bann letid pou JICA nou kapab fer ou ganny en kopi i pa en… I la devan nou. Konsernan EcoSol nou pou bezwen rod permisyon son met akoz sa bann letid i pou sa kliyan ki’n pey sa bann dimoun pou fer. So nou ava koz ek zot pou kapab ganny zot permisyon pou donn kopi Lasanble, akoz i pa bann letid ki Minister li menm in fer, i bann ki’n ganny fer atraver en private endividi. Konsernan si sa proze ti en proze Nasyonal. Non i pa en proze Nasyonal i bann proze… Minister li menm li ti’n deza fer plizyer travay deza Anse Kerlan. Si mon rapel byen JICA osi ti fer en bon pe travay Anse Kerlan me solman bann endividi, i pa premye dimoun ki envesti dan gronny Anse Kerlan, i annan lezot dimoun prive ki’n fer li me solman zot pa’n fer li lo sa scale, zot in fer li plizoumwen pou protez zot propriyete an partikilye. E premye fwa ki en dimoun i fer li lo sa scale kot i pa zis pe protez son propriyete, me pe protez propriyete lezot dimoun osi dan sa zanmerant. Mersi Mr Speaker.

 

MR SPEAKER

Minis Bastienne.

 

MINISTER CHARLES BASTIENNE

Mr Speaker, lenformasyon ki i annan se ki nou napa en laplikasyon pou en devlopman lotel pou sa landrwa. Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi.

 

MR SPEAKER

Onorab Larue ou annan en klarifikasyon ankor?

 

HON FLORY LARUE

Wi, eskize Mr Speaker, mersi. Question arising from larepons Mr Dogley. Si en plan in ganny submit e avek sa plan i annan en study, sa study i sipoze public, ki mannyer i kapab prive pou nou al demann sa propriyeter ? Akoz in fini ganny submit to the Ministry, it becomes public, it’s a Government document now ki pe accompany sa. So i kapab klarifye ki mannyer en dokiman i reste prive letan in fini ganny submit as part of a plan? Please. Thank you.

 

MR SPEAKER

Minis.

 

MINISTER DIDIER DOGLEY

Well Mr Speaker, mon ava regard sa zafer legalman si i korek sa ki Onorab pe dir me solman nou, nou napa okenn, mannyer i apel sa…

 

MR SPEAKER

Obzeksyon.

 

MINISTER DIDIER DOGLEY

Obzeksyon pou donn ou sa dokiman mon senpleman pe eksplike poudir nou, nou bezwen tyeke poudir sa ki nou pe fer i korek pou nou donn Lasanble ; akoz i pa en dokiman ki nou nou’n travay lo la nou menm. E le moman ki nou’n ganny ‘green light’ definitivman e mon a bezwen tyeke legalman si i ok nou ava donn ou. Mersi Mr Speaker.

 

MR SPEAKER

Mon krwar sa i en prosedir normal, it’s ethical pou ou ganny zis permisyon menm si ou pa bezwen ganny permisyon avan ou fer li vin piblik ek Lasanble. Wi Onorab Larue.

 

HON FLORY LARUE

Mersi Mr Speaker. Eskiz mwan Mr Speaker, mwan mon…

 

MR SPEAKER

Wi, mon eskiz ou Onorab Larue. Met ou kestyon.

 

HON FLORY LARUE

Wi. Mon pa vwar si en keksoz in ganny submit to the Government it remains private. I reallly don’t understand sa consept e mon kapab demann Minis si i kapab commit pou anvoy Minutes sa meeting pou nou kapab konnen konbyen dimoun ti asiste silvouple. Mersi.

 

MR SPEAKER

Minis Dogley.

 

MINISTER DIDIER DOGLEY

Ya, nou ava regarde si i annan Minutes, nou ava anvoy ou Minutes.  I pa en problenm sa Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker. Bonzour tou dimoun. Mr Speaker, mon annan 2 kestyon, enn tou le 2 Minis ki dan Gouvernman e ki annan responsabilite vey lentere Sesel pe konfirmen ki napa proze dan sa landrwa ki’n ganny soumet avek okenn Departman Gouvernman? Solman mwan letan mon ekoute konmsi, be sa boug i annan telman en bon leker pou li depans R8.7 milyon zis pou fer en gronny si i napa en lentere trwa a lavenir ?  Konmsi zot konman Gouvernman zot bezwen think poudir be ekout en kou, zot bezwen mazin dan sa direksyon poudir sa boug i annan en keksoz ki pe al fer e mon krwar ki sa Lasanble ti merit annan en… zot ti kapab annan en larepons pou sa Lasanble vizavi sa. Mon dezyenm kestyon, Minis in mansyonn sa group Anse Kerlan Avangard ki ti pe esey rod fon, zisteman prezan dan sa direksyon mon le demann ou, la nou’n vwar en endividi ki li i annan kapital pou depans R8.7 milyon. Be what about bann lezot dimoun dan sa rezyon ki napa sa kalite Kapital eski Gouvernman atraver ou Minister i annan bann fason pou asiste bann propriyeter sa rezyon pou kapab fer serten keksoz si zot pe ganny afekte avek lerozyon lakot ozordi konman nou pe koze. Mersi.

 

MR SPEAKER

Minis Dogley.

 

MINISTER DIDIER DOGLEY

Mr Speaker, tou le an nou submit nou Bidze baze lo bann proze priyorite ki nou bann staff in idantifye lo Mahe, Praslin, La Digue. Parey mon’n dir sa problenm lerozyon lakot i pa spesifik pou Anse Kerlan, La Digue osi i annan gro problenm lerozyon. Mahe osi i annan gro problenm lerozyon plizyer landrwa e nou bezwen priyoritiz kote ki nou fer li. E an zeneral normalman se bann lenfrastriktir Gouvernman ki nou protez premye ; par egzanp semen, bann larout, par egzanp Baie Lazare, Anse Boileau, La Digue menm, Anse La Mouche, dan nor – North East Point par egzanp nou’n fer en kantite travay. So nou main target se bann landrwa priyorite pou sey protez bann lenfrastriktir ek bann propriyete Gouvernman. Kot vreman sityasyon i kritik par egzanp Anse Kerlan, nou’n antre, nou’n fer serten travay, bann premye gronny ki’n ganny fer tousala se Gouvernman ki’n fer pa bann dimoun prive. Bann dimoun prive in vin apre zot in donn en koudmen ki byen akoz si ou propriyete, si ou reste dan montanny, se ou ki fer miray pou protez ou propriyete pou anpes li degrengole ou lakaz or whatever it is me si ou reste bor lanmer i osi i devret korek ki ou osi ou fer serten lenvestisman pou protez ou propriyete. Alor Gouvernman kot i kapab antre nou fer ; me solman nou ti a voudre osi vwar i annan bann lezot sipor i sorti kot bann dimoun prive. Mersi Mr Speaker.

 

MR SPEAKER

Onorab Simon Gill.

 

HON SIMON GILL

Bonzour Mr Speaker, bonzour tou koleg Onorab e manm piblik ki pe ekout nou. Mr Speaker, mon ti oule demann Minis si dan son bann konsiderasyon ki in fer, i panse ki sa travay gronny avek son bann lezot lenfrastriktir ki pe ganny mete laba Anse Kerlan, i en keksoz pozitiv? Sa i premye kestyon. Dezyenm kestyon, baze lo repons lo repons ki ou’n donnen Minis e baze lo tou bann konsiderasyon ki ou Minister in pran lo kestyon lerozyon dan Anse Kerlan eski ou kapab konfirm avek nou Lasanble is ou Minister i ava antreprann en letid detaye e fer bann plan apropriye e soumet kou sa bann proteksyon, si nou kapab servi sa term, proteksyon posib ki kapab ganny mete lo sa lakot pou ki an retour bann lorganizasyon enternasyonal i kapab rantre e ede pou siport finansman sa bann proze lo sa lakot, pe enport ki propriyeter ki baliz avek sa landrwa kot nou pe koze. E lot eleman petet ki ou kapab konsidere, baze ki Sesel i annan en repitasyon tre eleve an sa ki konsern konservasyon lanvironnman e sa bann konversyon carbon footprint ki nou, nou pe rantre ladan avek bann lezot lenstitisyon enternasyonal, eski i pa en laveni ki nou kapab servi pou nou kapab ganny finansman pou kontinyen konserv nou lakot? Byensir dan sa landrwa e dan lezot parti nou teritwar Sesel e mon krwar si nou fer sa legzersis, mon krwar i ava en keksoz tre pozitiv. Prezan si i annan dimoun piblik ki enterese ler nou konn son kou, si i enterese pou chip-in ladan, e i ava ganny met o piblik tou dimoun i ava kapab entervenir ladan. Mersi bokou.

 

MR SPEAKER

Minis.

 

MINISTER DIDIER DOGLEY

Mr Speaker, i deza annan plizyer letid ki’n ganny fer, parey mon’n dir, dan sa landrwa pou Anse Kerlan ki tre detaye deza. I annan bann landrwa ki pli devan par egzanp bor kot Airport i ete, zis avan Airport kot Lapolis lontan ti ete ti annan en baz mon krwar dan soz, la osi i annan bann lerozyon ki definitivman e plizyer lezot landrwa ankor ki nou pou bezwen kontinyen fer letid e sa bann letid i pa bon marse. Nou kapab submit dan nou Bidze sa lannen pou ganny larzan pou kapab… akoz nou pa kapab fer tou sa bann letid nou menm nou napa ase bann dimoun pou fer sa, ki nou kapab ganny bann expert pou vini e fer sa bann letid byen detaye pou kapab submit pou ganny bann finansman. Me an di-z-an- sa, nou deza pe ganny sipor avek plizyer lorganizasyon par egzanp JICA i ti enn ki’n donn nou en kantite finansman, $4 milyon si mon rapel byen ki ti ganny depanse pou fer bann diferan letid e fer bann travay isi Sesel. Linyon Eropeen in donn nou 3 milyon ki nou pe servi la konmela pou sirtou fer travay lo La Digue pou rezourd bann problenm La Digue e nou avek nou finansman ki nou annan lokalman nou pe tackle bann lezot landrwa ankor. E nou pou kontinyen rod bann finansman; par egzanp nou annan sa ki nou apel Eco System Adaptation proze ki nou pe fer enn la pou plis bann zafer drenaz ek delo ki $5.6 milyon. Me le moman ki sa enn proze i fini, nou pou al rod larzan avek Adaptation Fund pou nou met finansman ki sorti an deor isi Sesel pou tackle en pe sa bann problenm, pou met dan bann coastal erosion. E i annan bann lezot sours par egzanp Green Climate Fund eksetera ki nou pou kontinyen tap laport pou rod finansman pou fer egzakteman sa bann travay. Akoz adaptasyon lakot i pou enn bann pli gro problenm ki Sesel pou vwar li pe fer fas avek dan bann deseni ki pe vini. Mersi Mr Speaker.

 

MR SPEAKER

Mersi Minis. Onorab Steven Pillay.

 

HON STEPHEN PILLAY

Mersi Mr Speaker. Bonzour tou dimoun. Mon kestyon se plito Minis vi ki sa proze gronny ki forma par, eski sa proze gronny ki zot pe fer Praslin i form par en letid Nasyonal pou gete bann lezot landrwa kot i annan lerozyon osi parey Au Cap ki mon ti’n koz avek Mr PS, ki si sa pou pran par dan zot letid pou fer anpes sa bann lerozyon e sa bann gro laroul ki pase, bann exposed area ki tonm lo semen, si i annan en letid Nasyonal ki nou pe fer pou rezourd sa bann problenm? E dezyenmman, Minis i konn byen lenpak gronny osi i anmenn konblaz artifisyel, eski letid pe ganny fer pou regarde si bann landrwa kot i annan plato parey Praslin e Au Cap osi ki sa bann konblaz artifisyel pa pou fer nivo plato desann, mont pli o lo bor lanmer, pli o ki dan plato ki kapab koz ban linondasyon lapli e enkli bann proze drenaz ki kapab rezourd sa bann problenm si i arive? Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Speaker, wi ler JICA ti la i ti fer en letid konpreansiv pou bann landrwa kle kot vreman, akoz ler ou annan en serten sonm larzan, ou pa kapab fer letid partou. Ou bezwen idantifye kote ou bann priyorite i ete kot ou bann landrwa ki vreman pe ganny afekte severman e nou, nou ti idantifye sa lepok pou fer bann travay dan bann landrwa ki vreman ti annan bann gro problenm lerozyon. E sa letid i la o bor mwan i en letid ki’n ganny fer byen detaye par bann expert Zaponnen akoz zot ganny en kantite, bokou pli gro problenm avek problenm lakot ki nou, nou gannyen alor nou ti bezwen anmenn zot pou zot donn nou en koudmen e train nou bann Seselwa pou zot osi kapab dan lefitir konnen ki mannyer pou apros sa bann problenm. Dezyenm keksoz konsernan bann konblaz artifisyel ; well en gronny i kapab selman pri disab ki ti deza la akoz i deal avek mouvman disab li, si sa disab pa ti la i pa pou kapab trap sa disab e menm disab ki oule ki pe bouz dan sa direksyon unless ki i annan nouvo kouran dan lezot landrwa la ou a ganny bann lezot konblaz si ou le, parey ou pe koze ki a vin dan sa landrwa. Me selman an zeneral, i menm disab ki bouze avek Vann Swet avek Vann Nor ki retourn dan en landrwa ouswa ki i ganny konble. E normalman avan ler ki nou met okenn gronny i annan bann letid ase detaye ki ganny fer par bann enzenyer ki tyeke egzakteman ki lenpak, zot fer plizoumwen sa ki nou apel bann modelling pou gete kantite disab ki pou ganny akimile dan tel landrwa … e se apre kot zot in fer tou sa bann travay ki nou deside si nou pou met li kote gos, kote drwat, ki zistans ki pou annan ant diferan gronny, ki design ki pou pran eksetera.   Alor i pa en travay ki ganny fer senpleman zis nou ale nou deside fer gronny a sa pwen ouswa a sa pwen. Tou sa bann lezot soz parey drenaz ki ou pe koz lo la i ganny pran an konsiderasyon. Mersi Mr Speaker.

 

MR SPEAKER

Onorab Pillay ou annan en lot kestyon.

 

HON STEPHEN PILLAY

Ya, en pti kestyon siplemanter, Mr Speaker. Si, parey i pe dir sa bann proze, parmi Zaponnen ki’n ed nou i annan enn ki’n fer Au Cap vizavi laboutik Mr Dodin ki’n vreman efektiv nou’n vwar ki in konble sa landrwa, me nou gran pye lontan partou kot ti fer gronny depi Au Cap antye in efektiv, kot gronny in kase ki nou’n vwar degradasyon e zot pa’n repare se sa mon pe demande si zot letid i enkli avek sa led Zaponnen ti fer pou Au Cap dan bor kot laboutik Mr Dodin, si li osi i annan en letid pe fer pou Au Cap, i ti zeneral ansanm or zot pe fer en letid pou Au Cap pou anpes sa laroul mont lo semenn e anpes sa degradasyon lo lans, vizavi… kot nou annan antye Au Cap kot nou vwar pe degrade. Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Speaker, mon pa tro asire kote laboutik Mr Dodin i ete, mon pe esey rod lenformasyon. Selman travay ki nou ti fer Au Cap resaman ti avek ankor bann Zaponnen e nou ti pe esey adres problenm inondasyon dan plato Au Cap e an menm tan sey adres osi sa problenm drenaz, mouvman disab. Me ler ou konpar problenm Au Cap avek problenm Anse Kerlan ouswa North East Point ouswa Anse La Mouche ouswa La Digue, Au Cap son problenm i vreman ba, i minimum. Annefe ou ganny plis disab ki mont lo lans ki soz. I definitivman i pa pou kestyon ki nou pou kit Au Cap de kote me solman… wi nou ava definitivman fer serten travay, me selman nou ler nou swazir nou bann priyorite i bezwen baze kot nou vwar, par egzanp Anse Kerlan, kot dimoun pe perdi zot lakaz, preski perdi 25 met devan zot propriyete. Mwan mon’n vwar dimoun, gran nwanr pe plere akoz i pe pangar i a perdi son lakaz Anse Kerlan. Alor pou nou, nou bezwen regarde kote nou, met sak sou ki nou annan pou fer sir nou adres bann problenm ki vreman kritik ki apre nou ava adres osi bann lezot parey Au Cap kot i annan serten problenm. Mon dakor avek ou. Mersi Mr Speaker.

 

MR SPEAKER

Mersi Minis. Mon azoute ki pa zis Au Cap, i annan Anse La Mouche avek Anse Boileau osi dan ou letid. Onorab Aglae.

 

HON EGBERT AGLAE

Mersi Mr Speaker. Mr Speaker mon pou withdraw mon premye 2 kestyon vi ki Minis in reponn me selman mon annan en kestyon swivi ki mon anvi baze lo larepons Minis ki’n fek donnen se ki, si nanryen pa ganny fer, ok, a lavenir petet Minis dan ou lekspertiz dan ou domenn lanvironnman, sa letid lenpak ki ler zot pe fer si zot pe pran kont tou laspe parey laspe socio economic sa landrwa ki annan lenpak lo bann zabitan son bann dimoun e bann biznes ki dan sa rezyon, si zot pe enkorpor le osi ladan dan bann letid a lavenir, e ki pou fer sa bann letid vin piblik apre ki bann dimoun i a konnen. E si ou Minister osi pa fer nanryen pou regle sa bann sityasyon dan sa bann landrwa, ki son konsekans ankor dan petet 20 an, 25 an avek sa bann nouvo zenerasyon ki pe vini, ki son konsekans ki nou pou kapab pe fer fas avek vi ki i annan sa bann sanzman klima. Mersi.

 

MR SPEAKER

Minis.

 

MINISTER DIDIER DOGLEY

Mr Speaker, personn pa kapab vreman reponn kestyon ki pou arive dan fitir. Avek sanzman klima, sityasyon i pou vin vreman grav akoz menm nou ti anmenn en team Cubain  ki ti pe… ki’n spesyaliz dan bann elevaz delo e in demontre poudir menm serten landrwa Sesel pou disparet e i pou al anba delo sale. Par egzanp bann plato ki nou annan o bor lanmer, par egzanp Baie Ternay, Port Launay i ankor dan 75 an sa bann landrwa pou preski anba delo sale. Alor nou pou le moman nou pe fer nou mye pou nou adres sa problenm coastal erosion e met bann baraz pli mye posib. Me bann problenm lakot i pou vin pli grav dan sa 50an ki pe vini, petet mwan ek ou, nou pou nepli la me sa lot zenerasyon zot pou vwar zot dan en sityasyon bokou pli konplike ki nou, nou ete ozordi. Alor nou, nou pe fer nou mye, nou pe aprann nou osi akoz keksoz pe sanze tre vit pou sey adres bann problenm ki pe afekte dimoun lo lakot. Me nou napa tou larepons akoz keksoz i ankor pe evolye e bann syantis lenformasyon ki pe donn nou se ki sityasyon pou bokou pli pir dan 50an dan, 75 an ki pe vini.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker, mon anvi demann Minis vi ki sa bann meeting ki zot ti fer avan, sa premye meeting ti annan zis anviron 10 dimoun ki ti asiste e la i annan en lentere pou tou bann dimoun dan sa area pou regard sa size e tou bann pwen ki ou’n fer resorti, mon osi mon konn byen sa landrwa, Legliz Anglikann ti annan en pti lasapel la e sa semen in fini ale e tou dimoun i annan lafreyer. Eski Minis pa ti ava konsidere pou annan en nouvo meeting piblik avek bann zabitan sa area ki ganny afekte, zis pou ekout zot pou regarde ki mannyer petet zot kapab ganny lasistans ; oubyen ki mannyer zot kapab antre zot osi tou korpere menm donn zot lide lo ki zot panse ki mannyer keksoz i kapab deroule. Apre mon dezyenm kestyon se Minis ou’n mansyonnen ki bann Fon par egzanp ki ou’n gannyen sorti kot Linyon Eropeen pe plito ganny servi pou La Digue ; e konmsi mon pe regarde si petet ankor enn fwa serten sonm dan sa Donasyon i pa kapab ganny osi servi dan sa direksyon pou ed bann dimoun ki napa sa larzan, pou zot kapab zot osi ganny sa proteksyon. Mersi bokou.

 

MR SPEAKER

Minis.

 

MINISTER DIDIER DOGLEY

Konsernan meeting mon krwar napa obzeksyon pou fer meeting. Mon krwar nou bezwen kontinyen annan sa konsiltasyon avek bann zabitan k nou tou nou bouz devan ansanm, nou konpran gravite sityasyon landrwa e ki nou kontinyen travay ansanm pou bouz devan. Konsernan sa finansman Linyon Eropeen ; annefe dan sa 3 milyon i annan apepre 1 milyon ki sipoze al pou La Digue ki pe deal avek drenaz avek lakot, tou le 2 ansanm. Ler nou ti ganny larzan avek JICA nou ti donn priyorite Anse Kerlan, North East Point apre mon krwar drenaz Au Cap ek enn de lezot landrwa. Alor ki nou pe sey fer, se at least sey met en landrwa anba kontrol apre ler nou ganny lenvestisman, nou met li dan lezot landrwa. Akoz ler nou pran larzan nou sey eparpiy li en pe partou ou pa vreman ganny sa critical aksyon dan bann landrwa ou tant pou fer bann pti bout, pti bout en pe partou ki a lafen ou bezwen retournen apre pou revin fer. Me solman parey mon pe dir i annan Green Climate Fund, i annan Adaptation Fund e Linyon Eropeen osi zot in asir nou poudir zot pou kontinyen donn nou sa bann sipor. Definitivman nou pou retourn ankor Praslin, akoz nou konnen poudir sityasyon laba i grav e nou pou donn sa bann landrwa sa latansyon ki zot bezwen. Mersi Mr Speaker.

 

MR SPEAKER

Onorab Woodcock ou ti annan en lot kestyon.

 

HON WAVEL WOODCOCK

Wi, 2 pti kestyon, i plito, Minis in dir boner zafer lo kote La Point i annan sa… ki sa bann rock armouring avan ti en bon pe letan pase, me selman i annan zot fek fer bann nouvo miray tout a long lakot La Point sa ki mon pe fer resorti kekfwa i ti a bon fer resansman ou a gete akoz deza sa bann miray pe ganny manze avek laroul, i annan en pres pou ale. Si tap gro laroul ankor sa miray pou ale, i ganny fer par en kontrakter prive, ti a bon ou get ladan akoz deza sa bann miray pe ganny afekte. I annan ki’n fini crack osi, i annan ki’n fini fouy anba la. Apre mon lot keksoz, mon annan en kopi sa plan sa gronny. Sa gronny Mr Speaker, i pe deservi zis sa bout later ki sa businessmen pe sponsor, zis sa area, i pa pe ed bann lezot dimoun akote. Annefe zis akote, pa tro lwen avek lo kote pou al dan Anse Kerlan menm, i annan later Mr Etheve avek Mr Hoareau. Zot later i deza pe ganny manze, i annan en lakaz pres pou ale dan delo. Mon pa vwar ki mannyer sa gronny pou fer zis sa area tousel kot later sa msye i pou ed tou bann lezot zabitan dan Anse Kerlan, si pou fer gronny, mon propozisyon se ki ou fer plis ki sa 3 ki ou pe fer me ou fer li a long lakot ki bann lezot zabitan i benefisye. Mon pa vwar ki mannyer pou ed Mr Hoareau, mon konnen ou konnen kote Mr Hoareau i ete, kot sa lakaz pres pou ale, lavarang i fini ale, i reste zis lakaz pou ale prezan, ziska prezan nanryen pa ankor ganny fer pou sa msye. Eski ou pe dir poudir sa 3 gronny ki ou pe fer la i pou vreman ed tou bann lezot zabitan lot kote, sa 2 kote sa gronny ? Mersi.

 

MR SPEAKER

Minis.

 

MINISTER DIDIER DOGLEY

Mr Speaker, nou pa kapab demann en endividi pou fer gronny pou tou dimoun. Mon krwar sa i pa lozik. Me solman sa ki mwan mon okouran, mon annan plan mon osi plan ki pe ganny fer, annefe i annan 3 gronny nef ki pe fer apre enn mon krwar ki pe retir net. Enn ki lwen avek son propriyete ki pe re-aranze. An tou i annan apepre 5 gronny ki pe travay lo la. E si mon rapel byen i annan apepre 3 gronny ki annan pou fer direkteman avek son propriyete. Bann lezot ki i pe met finansman ladan, i pa direkteman avek son propriyete, i tous osi propriyete lezot vwazen ki pre avek kot li ete. Well mwan mon pa kapab dir li al fer pou entel, sa ki nou, nou kapab fer avek finansman ki nou, nou annan. Nou a sey fer nou mye pou nou retournen parey mon’n deza dir pou ed bann lezot dimoun. Me solman nou ti a voudre osi ki nou vwar en kontribisyon osi sorti kot dimoun endividi ki pe ganny afekte. Parey mon’n nonmen bann dimoun ki reste dan montanny pa Gouvernman ki vin fer miray deor zot lakaz ouswa par devan zot lakaz, zot fer li zot menm. Zot ale zot pran en loan. Zot fer le neseser akoz a lafen se ou propriyete, i pou ou, lakaz i pou ou. Alor nou, nou ti a voudre osi vwar sa kontribisyon sorti kot bann endividi e in annan ki’n fer. I annan plizyer ki’n fer e nou, nou ava met dan Bidze ankor lannen prosen pou fer lezot travay ankor. Mersi Mr Speaker.

 

MR SPEAKER

Wi Onorab Woodcock.

 

HON WAVEL WOODCOCK

Mr Speaker, mon pa ti pe dir Minis dir sa dimoun fer gronny pou larestan dimoun, mwan mon ti pe dir adjacent an menm tan ki sa proze gronny ti pe fer laba, ki i annan posibilite afekte bann lezot vwazen, ki Minis ti kapab get posibilite osi pou get dan welfare sa bann lezot dimoun ; akoz ou fer en kote afekte en lot kote, plito ou fer en sel. E Minis in donn mon lesplikasyon son plan ki annan pou sa area. Ok.

 

MR SPEAKER

Ok. Onorab Pillay ou annan en point of order.

 

HON SEBASTIEN PILLAY

Thank you Mr Speaker. Mr Speaker depi bomaten mon pe ekout kestyon lo sa size, nou’n demann plizyer kestyon e ler mon pe ekoute nou’n kouver plizyer bout dan sa kestyon. Prezan anba Standing Orders, Order 32, i dir nou poudir ‘‘Not more than one subject matter shall be referred to in any question, the Speaker shall have the power to reject the question which should be considered excessive length.’’

 

MR SPEAKER

Redir mwan Standing Order ki limero pou mwan…

 

HON SEBASTIEN PILLAY

32(1) (a).

 

MR SPEAKER

32(1) (a).

 

HON SEBASTIEN PILLAY

Now, diskresyon in ganny servi, Onorab in met 5 kestyon lo Order Paper nou’n ok ek sa then Onorab in demann over 5 supplementaries ankor nou’n ok ek sa, Onorab in then come back in demann ankor 2 supplementary ankor nou’n ok ek sa. Now ki mon pe dir lo Order Paper, Mr Speaker nou annan en lot kestyon par en lot Manm ki sorti Praslin  i konsern Minis Dogley me ki posibleman osi kapab annan relevans pou Minis Bastienne anvi ki la.

 

MR SPEAKER

Wi.

 

HON SEBASTIEN PILLAY

Now si nou kontinyen avek sa deba then nou pou al… i vin excessive in terms of time, ki mon ti ava propoze avek ou Mr Speaker mon vwar poudir ou’n very lenient e mon’n apresye sa e tou Manm in ganny sans demann kestyon dan diferan direksyon avek the next question e si Onorab i annan lezot size ki i oule anmennen in regards to sa size ki mon krwar i vreman enportan pou li mon ti ava advise li pou li fer li by way of a Motion kot i vin devan e i eklersi tou bann eleman ; akoz i pou annan eleman ki pou kontinyen ganny azoute an relasyon avek sa kestyon ki pou fer ki bann Minis ki’n vini ki’n prepar zot lo sa 5 eleman sa kestyon pou vwar zot en pe dezavantaze, Onorab pa pou kapab ganny sa satisfaksyon sa bann larepons i ti a kontan gannyen. Mersi Mr Speaker pou ou konplezans.

 

MR SPEAKER

Onorab Pillay, mon apresye ou pwen ki ou’n fer sorti anba Standing Orders me i paret bomaten tou mon bann mouvman ki mon ti pe mazinen is being preempted parey Anglais i dir. Anfet mon pe get ler, mon konnen poudir Minis Dogley i annan en Urgent Question apre ki pe ganny demande par Onorab Gill sorti Baie Ste Anne Praslin e mon ti pe al sizere avan ki ou’n lev ou lanmen ki nou pran en Break i pros 10.30er e ki Minis Bastienne i ti la pou reponn kestyon Onorab Woodcock pa Onorab Gill alor nou ti pou eskiz Minis Bastienne avek Transport Commissionner Mr Tim Marie avek PS Transport Mr Pat Andre e demann Minis Dogley ek son PS ek son CEO PUC pou retournen pou nou kontiny pran nou kestyon. Eski sa i annan lobzeksyon lo la? Tre byen Minis Bastienne mersi pou vini bomaten, ou a kontinyen travay lo sa bann keksoz ki nou’n demande ki ou dir ou pou anvoye e Minis Dogley nou a vwar ou 11 er pou nou pran ou dezyenm kestyon Urgent from Onorab Simon Gill. Nou a revwar zot 11er.

 

(BREAK)

 

MR SPEAKER

(Technical problem)

….ankor nou remersye Minis Dogley pou reste pou  reponn en dezyenm kestyon e nou al toudswit lo kestyon Urgent Kestyon propoze par Onorab Churchill Gill.

 

HON CHURCHILL GILL

Mersi Mr Speaker.  Bonzour Minis ek ou delegasyon.  Bonzour tou koleg e tou ki a lekout.  An vi  ki pasyan dan Lopital e zabitan  otour sa Stasyon nepli kapab siport sa tapaz toulezour e zabitan pe osi ganny afekte ek lafimen ki osi kontinyelman pe sorti kot sa Stasyon.  Eski Minis i kapab donn leksplikasyon sa Lasanble lo kan ki son Minister pou revwar  lokasyon sa Stasyon Elektrik ki dan en landrwa  rezidansyel ?  Mersi.

 

MR SPEAKER

Minis.

 

MIINISTER DIDIER DOGLEY

Mersi Mr Speaker.  Mon ti a voudre enform sa Lasanble ki dan plan PUC pou tir sa Stasyon kot i ete Baie St anne Praslin e transfer li lo sa sit ki’n ganny konble an 2010 zisteman pou akomod sa nouvo stasyon. Parey bann zabitan Praslin i konnen sa later konble i pre o-bor  Zil Eve.  Rezon ki ziska prezan PUC pa ankor kapab transfer sa stasyon i akoz lenfrastriktir pou sa Stasyon i kout ekstrememan ser ki fer ki PUC i  vwar li difisil pou ganny sa finansman pou fer sa proze.

Mr Speaker sa proze i estimen pou kout PUC anviron $25 milyon.  Sa Stasyon pou annan en kapasite pou accommodate apepre 20 mega watt me inisyalman sa Stasyon pou konmans avek en kapasite 10 megawatt e ler demann i ogmante plis zenerater pou ganny azoute pou asire ki demann konsonmasyon lo Praslin ek La Digue i ganny satisfe a tou moman.  An se moman PUC pe rod fason posib pou finans sa proze.  Dan enterim PUC pou pran serten mezir pou ede redwir tapaz ek lafimen  kot sa stasyon Baie St. Anne.  Sa pe ganny fer an  2 faz.  Sa bann mezir ki’n deza ganny pran dan faz enn  i premyerman ranplas Exhaust Stack e Silencer lo 3 pli gran konsonmater pour ede redwir tapaz kot sa stasyon.

Dezyenmman ranplas fan vantilasyon avek bann ki zener mwens tapaz pou fer ki  Power Station i mars avek tou laport fermen ki ede ankor pou redwir tapaz.

Trwazyenmman : PUC fek envestir dan en nouvo set zenerater 2.6 megawatt, sa i fer ki bann zenerater ‘Caterpillar dan container  ki pli vye e ki normalman fer plis tapaz an deor stasyon pe ganny servi bokou mwens konpare avek lepase e byento PUC pou fer monte sa miray blok dan bann landrwa ki direkteman an fas avek bann lakaz  pli o dan en fason pou ede redwir ankor tapaz.  PUC pe osi rod  bann panel soundproof pou met tou dilon kont miray ouswa anndan dan Stasyon pou redwir ankor tapaz kot sa Stasyon.  Mersi Mr Speaker.

 

MR SPEAKER

Onorab Gill.

 

HON CHURCHILL GILL

Minis mon okouran ki sa travay ti’n konmanse en pe letan me selman apre tou sa letan la nou vwar nou, nou ankor pe rod finansman.  Neanmwen apard ki tapaz ek lafimen sa lot sityasyon ki tre alarman se vibrasyon.  Akoz nou annan bann lakaz o-bor ki tre kler ki sa  bann vibrasyon in fer bokou dega e mon’n  ganny sans vizit Zil Elwanye avek sa Komite  e laba nou’n vwar zot annan bann Stasyon zenerater e nou’ n konstate ki napa lafimen e napa vibrasyon e tapaz i minim.  Petet mon ti a sizere ler ki ou’n pare pou ou bouze pou nouvo Stasyon ti a pran an konsiderasyon pou swa  vizite oubyen koz avek sa Chairman, petet ti ava annan bann sizesyon ki ti a kapab ganny servi pou evit tapaz apre vibrasyon ek lafimen.  Mersi Minis.

 

MR SPEAKER

Minis.

 

MINISTER DIDIER DOGLEY

Mersi Mr Speaker.  Okenn bann sizesyon definitivman mon krwar PUC i pou aksepte pou li vwar ki egzakteman ki mannyer i kapab redwir  tapaz vibrasyon avek lafimen.  Mon  krwar sa ki enportan pou dir, se ki PUC in deza pe  servi light  fuel oil lo Praslin ki en  fuel ki bokou pli ser i kout apepre 50 poursan pli ser ki sa heavy oil ki PUC i servi lo Mahe.  E sa i ganny fer spesifikman pou fer sir ki poudir la kalite lafimen ki ganny prodwi atraver sa Power Station i bokou mwens ki lo Mahe.  Dezyenm keksoz konsernan vibrasyon; mwan osi resaman mon’n vizit sa Stasyon, mon’n demann kestyon e mon’n kapab konstate pou mwan menm mon pa’n vwar sa vibrasyon ki ou pe mansyonnen.

Annefe CEO in reasir mwan poudir tou sa bann gro masin i deza lo bann spring e sa bann spring i absorb sa bann vibrasyon.  Lafimen vre i annan en pe lafimen.  Mon’n vwar pour mwan menm e tapaz vre i annan nou’n mezire e menm an deor nou’n vwar poudir i ankor annan en pe  travay pou ganny fer pou redwir sa kantite tapaz ki sa Power Station i prodwir.  E ler ou konpar li, en Power Station avek en zenerater pour en zil i posib poudir  ler sa zenerater ti ganny rekomande, par sa Lorganizasyon normalman ou kapab design li pou redwir tapaz depi kot i vini.  Lo kote Praslin i annan en vye Power Station. E nou, nou pe sey akomod en striktir ki’n la pou en pe letan pou regarde ki mannyer pou redwir bann tapaz maximum e par egzanp sa 2 Power Station ki’n fek anmennen, sa nouvo zenerater ki fek anmennen 2.5 li i bokou pli trankil ki sa bann vye zenerater avan.  Alor sak nouvo zenerasyon  zenerater, i toultan pli efikas e i pou donn ou mwens problenm tapaz eksetera.  E lide se ler nou pou’n build sa nouvo Power Station nou pou kapab customized build li pou fer sir ki nou pran  konsiderasyon tou sa bann laspe ki ou a pe koze konpare avek en keksoz ki deza egziste, ki ou pe sey rod fason ; premyerman idantifye kote bann sours tapaz, i sorti, epi rod fason ki mannyer ou pou atak sa problenm tapaz avek lafimen.  Lafimen parey mon’n dir PUC i deza pe fer son mye pou redwir lafimen sorti kot sa Power Station, an servan fuel ki pli ser. Enn, epi  in envestir dan en nouvo Stack ki ede pou redwir lakantite lafimen ki al dan zanmerant.  Mersi Mr Speaker.

 

MR SPEAKER

Onorab Gill ou annan en lot kestyon lo vibrasyon lo Baie St Anne?

 

HON CHURCHILL GILL

Yes, akoz Minis in dir mwan poudir sa vibrasyon ki mon pe dir i  pa vreman…i pa okouran; be mwan mon ti a sizer ek Minis nou aranz en vizit ansanm e mon ava montre ou landrwa kot an rezilta sa vibrasyon ki mannyer leta serten lakaz i ete.  Apre petet pou konsonmasyon dimoun Baie St Anne ti a bon nou ganny en nide apepre timeframe, mon konnen ou dir ou pe travay lo finansman, ou pe travay lo detrwa keksoz, petet donn nou en nide dapre ou  dan konbyen letan ou krwar petet sa i a kapab realize?  Mersi.

 

MR SPEAKER

Minis.

 

MINISTER DIDIER DOGLEY

Mr Speaker, mon a fer sir poudir mon set en apwentman avek Onorab ki nou ava al ansanm nou ava vwar, mon krwar ki nou bezwen anmenn enn sa bann masin ki mezir vibrasyon akoz bann keksoz koumsa ou bezwen mezire pou kapab ganny li korekteman.

Apre dezyenm keksoz ki konsernan pou donn enn komitman kan pou ale. Ankor parey mon pe dir nou pe sey akseler sa prosesis nou pe regard dan diferan opsyon si Gouvernman pa kapab raise sa larzan li menm.  Si i fodre al antre dan en PPP ouswa  antre dan en IPP, ki bann diferan model ki soz Gouvernman a bezwen prepar en papye di-si lafen lannen pou anmenn kot Gouvernman pou rod lezot fason pou kapab finans sa Power Station e pou tir li kot i ete.  Mersi Mr Speaker.

 

MR SPEAKER

Ok Onorab Gill?  Ou a konnen ki kalite masin.

 

HON CHURCHILL GILL

Wi I ok.  Mon a esper sa zour pou nou vizit prezan. Mersi.

 

MR SPEAKER

Ou a rod the right masin pou mezir vibrasyon.  Onorab Arrisol.

 

HON SANDY ARRISOL

Mersi Mr Speaker.  Bonzour Minis, Bonzour tou dimoun.  Mr Speaker mon ti a kontan demann Minis lo menm  laliny ki Onorab Gill in demande avek vibrasyon tapaz anvi ki ozordi bann  biznes ki ganny  fer dan bann landrwa rezidansyel, zot ganny dir zot bezwen sorti al dan bann zone endistriyel parski senpleman zot fer tapaz, loder, lapousyer, e mon ti a kontan demann Minis  akoz ziska prezan apre tou sa lannen zot ankor pe pran ankor en pe letan e zot pa vwar li priyorite pou ed zabitan Baie St. Anne an vi ki sa Power Station PUC in fer en pe dega dan zanmerant la ?

Mon dezyenm kestyon mon ti a kontan demann Minis, an vi ki bann travayer PUC zot servi bann safety gears pou zot prop proteksyon lasante e bann dimoun Baie St. Anne ki reste la dan sa zanmirant e  letan nou pe koz lo bann lafanmir papi avek Maria ki reste zis  pa anba semen kot Power Station par lao ou annan la fanmir Bellard, ou annan kot Ms Monique, Veronique,  Lilianne avek Jossy, tou sa bann fanmir in sibir tou sa bann  lapousyer, loder, vibrasyon ki Onorab Simon Gill pe koz lo la parske zot lakaz in crack e mon osi mon’n vizite, mon’n vwar.   Mon ti a kontan demann Minis alor an vi ki ban travayer PUC zot ganny tou bann safety gears pou zot rezon lasante e sa bann fanmir zot pa’n gannyen sa zot e zot in sibir tou sa bann lenfeksyon pandan tou sa lannen eski Gouvernman pe konsider en konpansasyon pou sa bann  fanmir, letan zot pe mazin tir sa masin kot i ete met li en lot landrwa en fason rekonpans zot lapenn zot napa swa e zot in bezwen sibir tou sa bann zafer sorti kot PUC.  Mersi bokou.

 

MR SPEAKER

Minis.

 

MINISTER DIDIER DOGLEY

Mr Speaker Gouvernman ansanm ek PUC in donn son komitman depi lo premye kou poudir i pou tire sa Power Station kot i ete. Avan, ler  Power Station ti ganny fer sa landrwa ti plizoumwen ganny idantifye koman en landrwa endistriyel e si ou konn byen i annan Seychelles Breweries, i annan bann lezot lakonpannyen endistriyel ki baze dan sa landrwa.  Me ler  ou anler lo en pti zil parey  Praslin kot ou napa en  landrwa parey Providence kot ou kapab dedye en zil ouswa en landrwa spesifikman ouswa en bout later spesifikman pou en lendistri, i komen  poudir lo bann pti zil ki ou ganny sa nespes melanz endistriyel, rezidansyel, e tousala preski o-bor kanmarad akoz i ti pti.  Zil i senpleman i ti pti e pou kapab fer sa Gouvernman bezwen  in kree li en nouvo zil pou kapab bouz sa Power station.  Savedir sa komitman, sa lentere pou adres sa problenm par Gouvernman i la.  Problenm parey ki mon’n mansyonnen se ki, pou enzekte sa kantite larzan pou al fer en nouvo Power Station akoz ler ou pou met li laba ou pou bezwen fer sir poudir  ou pa repet menm problenm ki ou annan la konmela ; akoz ou pa pou kapab build en Power Station, nenport Power Station laba.  Ou pou bezwen build en Power Station ki adres sa problenm tapaz, ki adres sa problenm lafimen e lezot ankor. E  sa i annan bann kou ki vin avek e i annan bann diferan lezot lenfrastriktir ki vin avek, ki ou pou bezwen envestir ladan e se sa ki pe koz sa problenm ki i pe pran en pe letan pou Gouvernman raise sa kantite larzan pou enzekte  dan en Power Station, ki kapab adres tou sa bann  paramet lanvironnman e menm lasante avek health Seselwa avek tou dimoun ki reste dan zanmerant.  Konsernan  Konpansasyon si i annan en request i ava vin kot Gouvernman, Gouvernman i ava etidye e i ava vwar  egzakteman  ki mannyer ki i pou adres sa demann.  Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker.  Ankor enn fwa bonzour tou dimoun.  3 pti pwen Mr Speaker.

Premyerman Minis in koz lo commitment Gouvernman pou move sa Power Station.  Mon oule i donn nou en, non pa en garanti, wi konmsi en keksoz for akoz pran legzanp Masin Koltar Cascade, akoz Onorab De Commarmond in ganny elekte lo sa promes ki i pou tire be ziskan konmela dimoun Cascade i ankor la i annan problenm. E Praslin Oktob 2009 4enm Lasanble in diskite lo sa zafer Masin Elektrisite Praslin e sa letan MNA elekte Baie St. Anne Praslin ki ti Minis Larue e menm Leader of Government Business sa letan madanm Potter ti siport sa Mosyon be apre commitment Gouvernman.  So sa i mon premye pwen.

2enm i kestyon planning.  Nou pou al met sa masin lo Zil Eve.  Ozordi kot masin elektrisite i ete dimoun i konplent i dir ou avek Basen Naze i annan problenm.  Be laba lo Zil Eve i annan lekol, i annan Basen Naze konmsi eski zot pe regard, parski demen ou riske ganny en lot problenm ankor ki dir be la ou’n vin met la i annan lot problenm?  So sa i mon dezyenm pwen.

E trwazyenm e mon dernyen pwen Mr Speaker pou benefis nou Lasanble e dimoun deor akoz parey mon pe dir an 2009 Oktob 2009 sa ti sa pwen ti ganny lev-e dan Lasanble. Konmsi mon konnen Minis in vin dan Cabinet selman 2012 mon krwar – be selman ki mannyer sa prosesis i marse ki Egzekitiv laba i tande ki Lasanble in dir apre pou fer sir akoz la nou pe koz 8an ki sa ti ganny anmenn dan Lasanble Nasyonal, e nou vwar poudir 8 an ankor zot pa ankor anmas sa $25 milyon ki bezwen alor ki mannyer sa i marse?  Mersi.

 

MR SPEAKER

Minis.

 

MINISTER DIDIER DOGLEY

Mr Speaker komitman Gouvernman i la. Parey nou pe dir, Gouvernman in envestir pa lo Eve in envestir direkteman lo en zil o-bor Eve kot i pou al met sa Power Station lo la.  Nou pa pe koz Eve. Nou bann dimoun Praslin i konnen kot i ete, mon pa konnen si i annan en non sa Zil me selman i annan en konblaz ki’n ganny fer pa tro lontan an 2010 kot Gouvernman in built spesifikman en zil pou li met sa Power Station lo la.  Savedir i montre ou poudir  deza sa komitman i annan serten demars, serten travay ki’n ganny fer pou fer sir poudir wi nou pe bouz sa Power Station.

E dezyenmman parey mon’n eksplike, poudir sa Power Station ki pou al met laba lo sa nouvo zil ki’n ganny konble i pou bezwen  ganny design dan en fason pou li kapab zwenn ouswa meet tou sa bann kondisyon ki nou pe koz lo la.  Akoz si ou ale ou zis fer en lot Power Station, ou kapab vwar ou dan menm sityasyon ki nou ete la ozordi e nou, nou bezwen fer le maximum poudir depi kot i ganny design laba deor zour nou  pou konstrir li poudir nou pou bezwen adres tou sa bann keksoz.  Akoz ler ou pe koz lo bann pti zil bann lespas i pa lwen –  e i fasil pou ou ler ou krwar poudir i lwen parey ou pe koze ou dir Baze Naze lot, lot kantmenm ou pa ava afekte lakaz ou pou afekte en lot keksoz.  So nou, nou pou bezwen fer sir baze lo mwayen ki nou ava annan pou fer sir poudir ler nou design sa Power Station nou bezwen meet bann paramet  ki i ava redwir sa bann issues ouswa sa  bann problenm ki nou pe koz lo la.  Ti annan en dernyen kestyon konsernan Lasanble 2009, sorry mon pa’n atrap sa dernyen bout.  Ya konsernan planning, well se sa ki nou pe fer konsernan planning.  Ler nou pou bouz li, sa sanmenm sa ki Gouvernman in deside pou al konstri en zil spesifik lwen ase lwen, ler ou lo en pti zil napa naryen ki ase lwen me at least ki i annan en serten  buffer area ou swa en landrwa ki vid o-bor li ki at least, i sa bann lezot landrwa, nou pa pou vwar lakaz ouswa bann lezot aktivite rezidansyel, ouswa bann devlopman rezidansyel ki pou ganny afekte dan le fitir. So bann planifikasyon i deza pe ganny pran. E an plis ki sa Gouvernman an 2012 atraver PUC, ti fer en letid pou regarde si  kapab prodwir tou lenerzi lo Mahe  e met 2 kab pou sorti lo Mahe pou anvoy lenerzi lo la Digue.  E sa letid ti annan en lakonpannyen Sid Afriken ki ti vini ti fer sa letid,  me selman ler nou regard kou i ariv apepre $58 milyon pou met tou sa bann lenfrastriktir ki neseser e met sa 2 kab anba fon lanmer pou al ziske Praslin. E a lafen ler nou regard son kou ankor, in montre poudir i pa en solisyon lo kestyon finansyel pou nou pou le moman.  Si nou ti kapab finans li definitivman i ti pou’n ganny fer. Alor nou stuck avek annan  en Power Station lo Praslin.  E se sa ki Gouvernman pe sey fer.  Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Mr Speaker en pe letan mon pa pas Praslin prezan mon pe sey mazin mon géographie.  Zil Eve mon pe get li la devan mwan so ki bor la lo son kote gos, drwat sa pti zil pou ete?  Son lokasyon spesifik?

 

MR SPEAKER

Minis.

 

MINISTER DIDIER DOGLEY

Mr Speaker i difisil pou eksplik gos drwat me i nor, i lo kote nor of Zil Eve.

 

MR SPEAKER

I nor an alan Cote D’or.  Ok.

 

MINISTER DIDIER DOGLEY

Lasose  i sid avek Zil Eve, li i kote nor.

 

MR SPEAKER

Apre pas Praslin en kou Onorab.  Onorab Ramkalawan.

 

HON WAVEL RAMKALAWAN

Mr Speaker avek tou respe ki mon annan pour  Minis avek PUC, mon anvi dir avek zot ki  sa ki zot pe dir ozordi mwan Wavel  Ramkalawan mon’n tann li depi 2009.  Tou sa ki’n ganny dir nou kapab al dan Verbatim Lasanble Nasyonal.  Mwan personnelman mon’n fer petisyon avek Mr Armand  Philoe ki sa letan ti annan 55 an, ozordi i annan  63an.  63 lakour dan sa area ti’n plennyen ki poudir zot in ganny ase.  Mwan mon’n vizite lakaz in krake, kerdbef i anmer, fiyapen pa kapab manze. Mr Speaker nou’n tande tousala.  Ti pou tir sa stasyon ti  pou met li Ile Eve, bann zabitan mon ti menm demande ki zabitan  pa pey elektrisite, ki zot ganny konpansasyon e  mon annan la devan mwan tou sa bann detay.

E dan sa Lasanble, Leader of Gouvernent Business sa letan madanm Marie Louise Potter, MNA Mitcy Larue zot ti siport sa bann  rezidan dan zot demann.  Ozordi Mr Speaker ou 2017, napa nanryen ki’n ganny fer.  Alor mon pe demande be pa ti Minis  Dogley sa letan sanmenm sa mon’n dir avek tou respe, eski nou pe zis rakont bann dimoun Baie St Anne en lot zistwar ? Oubyen eski nou pe zis donn en larepons?  Ki mannyer nou pou kapab krwar?  E se sa ki mon anvi demann Minis –  Ki mannyer nou pou kapab krwar sa ki i ape dir nou ozordi kan sa bann problenm i ankor egzakteman parey ? E mwan pa tro bokou letan pase Mr Speaker, Sanmdi ki’n fek pase la, Sanmdi mon’n al laba mwan kot sa Stasyon i ete e napa nanryen ki’n sanze.  Napa nanryen ki’n sanze.  Vibrasyon i ankor parey, lafimen  i ankor parey, tou keksoz i ankor egzakteman parey. E Mr Speaker mon anvi zis remind Minis ki apre ki Lasanble e Mr Armand Philoe ti sorti Praslin i ti asiste  sesyon Lasanble letan mon ti anmenn sa Mosyon.  I ti ganny aknowledge dan Lasanble. Onorab Gill, non, non  Onorab De Commarmond i konnen, parski Onorab De Commarmond…Onorab William i konnen.  Bann Manm ki ti la sa letan.  Mr Speaker napa nanryen ki’n ganny fer.

Alors mon kestyon se kwa ki pou donn  bann zabitan Baie St Anne Praslin ozordi konfyans ki poudir sa ki pe ganny dir, la pou arive e zis mon  ava remind Minis osi tou ki poudir apre ki Lasanble ti’n pas lo sa petisyon sinyen par bann zabitan la otour Lopital, Minis Dugasse, MNA, Minis Morgan, zot ti fer en miting dan Sant Kominoter.  Napa kalite keksoz ki zot pa ti  dir.  E la Mr Speaker, mon anvi osi dir ki dan sa landrwa, mon ti menm demande ki annan en Letid Medikal i ganny  fer – akoz dan sa landrwa bann zabitan rate Asma i tre o akoz sa lafimen.  I tre o.  Preski tou lakaz ki ou rantre ladan la dan sa landrwa zot annan en pti masin, en  pti laponp, en nebuliser.  Mr speaker mwan personnelman mon pa vwar nanryen ki’n arive e mon reste en St Thomas ki poudir Gouvernman – o fet napa okenn plan. Gouvernman pe mars  lo tola tola. E  Minis in dir ki problenm konmsi zot pe akseler-e, me mon anvi dir Minis ki poudir zot annan en gro problenm avek zot akselerater.

 

MR SPEAKER

Minis.

 

MINISTER DIDIER DOGLEY

Sa ki mon ti a voudre reponn Mr Speaker se ki an 2015 PUC ti fer vini bann eksper.  An 2012 parey mon pe dir ti annan sa letid ki ti ganny fer pou regarde si nou kapab met kab sorti Mahe pou al Praslin e nou’n regard son bann kou e nou’n vwar poudir sa ekonomikman i pa fezab.  Dezyenm keksoz an 2015 PUC in fer vini bann eksper sorti kot Vatika sa  bann lakonpannyen ki prodwi sa bann  masin, e zot ti anvoy en eksper ki deal ek sa bann problenm son, pou regarde ki mannyer pou minimiz tapaz kot sa Power Station.
E se apre sa parey mon’n nonmen –  dan sa premye faz ler zot ti’n idantifye kote sa tapaz i sorti zot ti vwar poudir sa Exhaust Stack, sa laseminen ki monte i ti pe koz bokou tapaz. Sa ti  ganny sanze avek en nouvo silencer ti ganny mete ladan.  Sa i aplik pou tou le 3 sa gran  zenerater ki anndan dan Power Station.

Dezyenm keksoz ki PUC ti fer, se ki ti sanz sistenm vantilasyon dan Power Station. Ankor akoz sa letid ki Vatika ti  fer ti monter poudir sa vantilasyon ti enn sa bann sours tapaz ki ti pe afekte bann dimoun.

Trwazyenm  keksoz ki PUC in fer, se ki in envestir 2.6 dan en zenerater, 2.6 megawatt – nef ki bokou pli performan  e ki pa fer sa kantite tapaz parey sa bann vye masin. E an menm tan pou li kapab pa servi sa bann vye zenerater Caterpillar ki deor dan container e se  zot ki ti pe fer bokou tapaz.  E ozordi zot ganny servi zis pandan bann peak hours ler vreman i annan en kantite demann elektrisite akoz sinon zot tou zot ganny tennyen.  Annefe Mr Speaker, PUC in depans en kantite larzan pou adres sa bann problenm.  E la konmela in donn Kontra en lakonpannyen pou refer sa miray pour remont li bokou pli o, ankor pou kapab met bann lenfrastriktir pou fer sir kot bann lakaz i ete zot ganny proteze kont tapaz. E sa i pou kout PUC apepre R200 mil.  Sa nouvo zenerater 2.5 megawatt in kout PUC apepre €4 milyon.  E pou ranplas sa Exhaust Stack avek son silencer an plis sa Fan vantilasyon PUC in bezwen envestir ankor €300 milyon, €300 mil. (Sorry i en fot lo mon par – mon korize).   Alor nou vwar poudir en kantite larzan in ganny depanse, pou sey adres sa problenm, me selman i ankor annan parey mon pe dir ler ou pe deal avek en vye lenfrastriktir ouswa en lenfrastriktir ki’n la pou en pe letan, i pa fasil pou ou kapab adres tou sa bann problenm ozordi a  lannmen. E nou tou nou konnen poudir solisyon se ki Gouvernman a lafen                                                i pou bezwen tir sa Power Station kot i été ; akoz nou kapab fer tou sa bann amelyorasyon me selman zistans ki sa bann lakaz i ete avek Power Station, ou pa pou zanmen kapab ganny en solisyon parfe.  Alor sel solisyon ki reste Gouvernman, se pou tir sa Power Station e mon’n dir poudir Gouvernman – enn in vwar poudir i pe ganny difikilte pou raise sa larzan, alor i pe regarde si  fodre fer en PPP, rod en lot partner prive pou envestir, pou donn li lanmen envestir dan sa Power Station ; ouswa menm si fodre fer totalman enn ki endepandan, ki dan en fason nou speed-up sa prosesis ki enn fwa pour tou sa Power Station i ganny tire kot i été.  E mon ekspekte ki di-si a lafen lannen Gouvernman, ava’n pran en desizyon final lo sa Power Station.  Mersi bokou Mr Speaker.

 

HON PATRICK PILLAY

Minis petet i annan 2 pwen ki’n souleve i annan en kestyon en survey pou vwar kondisyon medikal.  Onorab  Arrisol in koz lo konpansasyon, Onorab Ramkalawan in koz lo konpansasyon, petet si vre zot in pran, zot in sibir tou sa bann health hazards depi 2009 ou avan; vi ki ou’n depans en kantite larzan PUC ek Gouvernman eski pa ti posib pou fer en pti lanket pou vwar si zot pa  neseser ganny en lasistans medikal, en konpansasyon pou omwen soulaz zot detres parski i paret mwan si mon ekout  byen mon pa kon sa landrwa, me  si mon ekout byen ler tapaz ek lapousyer pe fatig ou nenport nou i kree enn kantite lenkonvenyans quite apart from the health hazards.   Eski zot pa ti a konsidere PUC pou ed sa bann dimoun?

 

 

MINISTER DIDIER DOGLEY

Mr Speaker parey mon’n dir si i annan en request ki vin kot Gouvernman, definitivman Gouvernman i ava etidye ki mannyer ki i kapab adres bann problenm bann dimoun,  Gouvernman in toultan in ofer tretman medikal pou son bann dimoun. Alors si i annan en problenm spesifik mon krwar poudir en travay i kapab ganny fer par en Minister Lasante, pou vwar egzakteman si i annan bann problenm medikal ki sa bann dimoun in devlope  pandan sa bann lannen, pou fer sir poudir la kalite lavi ki sa bann dimoun i viv i a la  oter ki i devret ete. E si i annan konpansasyon pou peye i en keksoz ki Gouvernman i ava etidye e i ava donn en larepons lo la.  Mersi Mr Speaker.

 

MR SPEAKER

Alor sa pou swiv petet Onorab Gill ou ki’n anmenn sa kestyon Urgent ou a vwar Armand Philoe e-tal – savedir lezot dimoun o-bor 63 fanmir e the onus  i pou lo ou pou fer en swivi avek medikal ek PUCYes Onorab Ramkalawan?

 

HON WAVEL RAMKALAWAN

Mr Speaker mon anvi demann Minis sa nouvo lokasyon la, sa zil, eski  zot pe al tir sa bann menm masin pou met laba?  Parski kot in dekrir nou sa zil nou konn byen, i devan kot lakour Mr Darrel Green, i en residential area ; in fact i Sant nou kapab dir li i Sant Komersyal Baie St. Anne Praslin o-bor  dokter Wilkin par deryer, mon konn byen sa landrwa akoz mon ti grandi la dan en serten sans en pe.  Eski  nou pa pe zis ‘Tir dan labarb pou met dan moustas’ oubyen ‘Tir dan moustas met dan labarb ‘- i desann?

E dezyenmman eski zot pa krwar – parski Onorab Gill in mansyonnen bann diferan landrwa ki’n ganny vizite e lo Mahe i annan diferan prive ki nou osi met bann masin ki pe generate elektrisite e i drol ki poudir zot, zot pa pe ganny sa bann problenm ki Praslin i annan.  Akoz ki, akoz ki prive i kapab fer keksoz ki mars byen san polisyon, san tapaz, san vibrasyon, e ki Gouvernman li i pa kapab, i pa kapab fer sa li osi?  Alor ki kalite masin ki ou pe al mete parski  sa zafer  high speed, low speed, ensidswit ? E an plis ki sa letan ou kalkile en bato ton i generate – I mean son bann soz probableman otan elektrisite ki i pe servi lo son output otan ki i lo Praslin ensidswit e ki en tenk, (sorry) en  tanker i prodwi sa kantite e napa sa bann zafer. Alor eski vreman, eski vreman sanz lokasyon ki mannyer zot ete pe al vreman rezourd ; oubyen eski zot pe al retir sa problenm la deryer o-bor Lopital e zot pe al anmenn li pli devan ; e la aprezan zot ava annan en lot group zabitan ki ava fer menm Petisyon  pour zot ganny en solisyon?  Mersi bokou Mr Speaker.  Me mon pa krwar dan okenn plan ki Gouvernman i annan la pou le moman.  Mwan mon krwar zot pe zwe avek zabitan Baie St. Anne Praslin.  Mersi bokou.

 

MR SPEAKER

Minis.

 

MINISTER DIDIER DOGLEY

Mr Speaker lo en pti zil i pa posib pou ou…i annan serten lenfrastriktir ki tou dimoun i bezwen an komen ki tou  dimoun i annan problenm avek.  Mon ti vin la resaman nou ti diskit lo landfill,  mon krwar pa si i annan en MNA ki ti a voudre annan en landfill dan son landrwa, dan son constituency, Airport, Power Station i bann keksoz ki tou dimoun i bezwen me malerezman personn pa oule sa  bann lenfrastriktir dan zot landrwa kot zot responsab.  Kalkilasyon ki Gouvernman in fer se ki ant kot sa Power Station pou ete ziska Baie St Anne i pou annan apepre  450 met buffer avek landrwa kot  dimoun i reste.  Ankor parey mon’n nonmen se ki, design sa Power Station ki a lafen pou determinen ki kantite tapaz, ki kantite vibrasyon, ki kantite lafimen ki  pou annan. E lavantaz ki Gouvernman dan sa ka spesifik, se ki ler ou konmans nouvo ou kapab plan en keksoz depi zero.  E sa i donn ou en  lavantaz ki ou kapab fer keksoz dapre ki i neseser ; ki dan sa ka ki egziste la konmela i pa neseserman  le ka akoz i annan en keksoz ki deza egziste e pou ou kapab remet li  san poursan dapre ki ou  ti a voudre, i pa fasil.  Konsernan pou lekel  bann zenerater ki pou ganny servi ; sanmenm sa ki fer li ser akoz an zeneral  PUC pou bezwen aste nouvo zenerater.  I annan ki ankor nouvo parey sa 2.5 megawatt zenerater ki fek aste lannen pase.  Sa pou definitivman ganny servi dan sa nouvo Power Station e si i annan ankor keksoz ki i kapab salvage i ava met li lo stand-by pandan bann letan ki i annan peak hours – bann keksoz koumsa ki i kapab servi. Me lide se pou aste bann nouvo zenerater  pou kapab fer marse sa nouvo Power Station.  E ankor mon ti a voudre repete ki ankor lo en pti zil i pa fasil.  Napa dimoun ki  pou le annan en Power Station dan son zanmerant.  E ler zil i  ptipti i en kestyon ki tre difisil pou  vreman find solution.  Apar ki adres sa Power Station li menm, depi li  konmansman e fer sir ki son design i adres  sa trwa main fakter ki afekte imen e lanvironnman.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker koman – e mon mazinen ki bann lezot Manm lo Komite Zil i ava siport mwan la.  Nou ‘n vwar bann pti zil  e nou’n  vwar ki zot in prodwir.  Desroches i prodwi elektrisite 2 megawatt ekivalan sa ki La Digue an antye ti ava bezwen.  I ti ava kouve La Digue antye.  Napa en tapaz.  Napa lafimen.   Napa vibrasyon.  I en pti zil.  Be nou trouv i drol ki poudir si sa i kapab arive akoz ki isi Mahe pa  kapab arive?  La Digue pa kapab arive?  Ephelia.  Ephelia 5 megawatt.  5 megawatt dan compound en lotel, nou pa tann nanryen,  ni en lafimen.  Touris pa konplent.  Be konmsi be pa i annan ase model la devan nou?  Eski nou bezwen al re envant larou ankor?  Akoz ki li Gouvernman, PUC  pa rantre dan bann keksoz konkret pou nou kapab rezourd sa sityasyon?  Mersi bokou Mr Speaker.

 

MR SPEAKER

Avan Minis i reponn Onorab De Commarmond i annan en kestyon dan menm laliny.

 

HON CHARLES DE COMMARMOND

Mersi Mr Speaker.  Bonzour Minis.  Bonzour tou dimoun ki a lekout e  bonzour tou Manm isi prezan.  Mr Speaker dan sa laliny  wi, akoz i vre nou’n vizit tou sa bann zil e lo sa  bann zil i annan tou sa bann zenerater.  Vre napa ni lafimen, tapaz tre minim preski napa ditou e vibrasyon osi napa.  Now, kestyon ki Minis i devret reponn nou la, se enn ki kantite megawatt sa enn lo Praslin i ete?  Eski zot in konsilte avek IDCIDC i annan leksperyans definitivman sa ki nou nou’n trouve. Ok?  Eski zot in annan a okenn moman en serten konsiltasyon avek IDC pou esey vwar en serten solisyon ki mannyer li IDC dan Sesel menm i ganny sa ki i ok  e zot kote zot aste pou zot pou pa ok.  Prezan sa enn nouvo la kan zot pe al mete?  Konbyen tan i pran pou mete?  Pa kapab met en pe deswit si ou ganny enn ki bon ki pou napa tapaz napa sa zafer olye pou al depans larzan pou al fer en miray la?  Sa oter miray?  Konmsi  sa bann keksoz.  Nou koz lo design.  Eski vreman design i le problenm ouswa i kestyon voltage, son kalite sistenm si i lo voltage si medium, si high?  Sa i bann kestyon mon panse senp pou bann dimoun ki dan sa domenn pou kapab reponn.  Mersi bokou.

 

MR SPEAKER

Minis.

 

MINISTER DIDIER DOGLEY

Mr Speaker mon’n demann PUC pou pran kontak avek IDC en pe letan pase akoz mwan menm mwan mon ti vizit Silhouette e Silhouette osi i annan en Power Station o-bor son lotel e zot ti pe ganny en serten difikilte avek tapaz e mon konnen poudir zot in fer serten zefor pou redwir tapaz atraver bann envestisman ki zot in fer, pou fer sa landrwa vin soundproof pou redwir la kantite tapaz ki i annan.  E apre ki mon ti’n retournen mon ti demann ek PUC pou fer le neseser pou ale pou al vwar akoz Silhouette i lanmenm la kekfwa nou pe koz Desroches i en pe lwen be mon mazinen Silhouette i pran 45 minit par bato pou arive dan en zournen ou kapab ale retournen tou.  Me an menm tan parey mon’n dir poudir nou okouran, nou okouran poudir design i en portan lo ou kalite soz ki ou  anmennen ; ou zenerater, ou container, ou fason ki i ganny fer, ki mannyer ki ou met bann spring anba ou zenerater pou fer sir ou napa vibrasyon eksetera. E i annan  bann eksper ki spesyalize dan pou redwir tapaz dan bann Power Station avek bann zenerater.  Mon pa konnen si IDC  pe servi sa bann dimoun pou ed li avek son bann Power Station lo zil ouswa ler i rekomande i rekomande poudir i son bann zenerater ler i vini, i ganny mete dan bann container. Mon konnen par egzanp lo Desroches son bann zenerater i dan container.  I pa dan …

 

HON WAVEL RAMKALAWAN

Non.  Zenerater Desroches pa dan container.

 

MINISTER DIDIER DOGLEY

Ok nou ava vwar avek IDC e nou a fer le neseser pou fer sir poudir sa problenm. Me selman lefe i reste poudir Gouvernman bouz sa Power Station pou sorti kot i ete pou met li dan en lot landrwa kot i pli konvenan la konmela.  Me nou nou’n deza fer serten travay parey mon pe dir.  Si sa lannen Gouvernman, akoz i annan restriksyon akoz i annan restriksyon ki gouvernman i kapab prete si fodre rod lezot model nou pe etidye sa bann model pou nou anmenn  en papye tre byento kot Gouvernman pou kapab  ganny…akoz lakle se finansman pou finans sa Power Station.  I apepre $24, $25 milyon apepre.  E ki Gouvernman i ava raise sa larzan atraver  diferan model pou kapab enn fwa pour tou fini finans sa Power Station.  Mersi.

 

MR SPEAKER

Mersi Minis.  Mon krwar i kler ki definitivman sa bann dimoun enkli Mr Armand Philoe avek lezot dimoun dan zalantour i bezwen ganny en relief.  Zot in esper ase letan.  E la mon krwar ki bann dimoun in fer serten sizesyon petet apard Silhouette ou menm ou kapab lead en delegasyon pou al vwar lezot zil kot i marse kot i pa tro ser, ki i annan dan pli kourt dele sa zenerater i ganny bouze ki sa bann dimoun i kapab viv anpe  ziska zot dernyen zour.  Alor nou kont lo ou Minis pou fer le neseser.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker zis avan mon demann mon kestyon mon le konfirmen ki mon ti form par sa vizit e ler ou apros sa lenstalasyon i napa okenn container  annan en lenstalasyon parey as ki PUC i annan anvil en Shell, ok?  E ler ou antre i annan sa 4 zenerater ou pa ni menm ekspekte zot ti la, i prop, landrwa i ganny  well maintain e tou zenerater i lo concrete e sa concrete i annan en lepeser ki mon pa eksper dan konstriksyon Mr Speaker, me selman lozik i donnen ki si sa vibrasyon pe al dan sa concrete i ganny amortize oubyen i ganny abzorbe par sa concrete avan ki i al dan later pou li al afekte sa landrwa.  So mon kestyon  Mr Speaker se koz lo solisyon e solisyon pou mwan i bezwen vin dan en timeframe e nou bezwen ganny en commitment lo en time frame.  I fer 8an ki nou pe koz lo sa problenm so annou ganny en commitment lo en timeframe. Ok nou dir nou pe al fer en plan.  Eski sa plan pou pare lafen lannen la oubyen sa plan pou pare milye lannen prosenn ?  Following sa plan ki kantite letan zot annan lenplimantasyon ki bann problenm zot annan ki zot pa pe kapab dir nou la ozordi par egzanp, si zot pou aret sa stasyon fonksyonnen zot pou napa fason pou donn power Praslin, konmsi dir nou kwa ki pe kre en problenm pour ki  at least nou a konnen poudir be i annan diskisyon  lo Bidze ki pe vini la nou bezwen pran diskisyon lo Bidze nou bezwen vwar larzan dan bann proze ki neseser ki ganny materyalize. So nou bezwen vwar ; akoz i paret mwan menm si nou ti ganny $25 milyon demen nou pa ti pou kapab enplimant sa proze.  So zot pe konpran ki mannyer mon pe demann sa  kestyon.  So si nou pou al fer plan kan ki nou pou al fer sa plan ?  Donn nou en clear timeframe.  Onorab Gill in demann sa kestyon e mon krwar larepons ki in gannyen i pa vreman donn konfidans bann dimoun ki pe ganny sa problenm. Mersi Mr Speaker.

 

MR SPEAKER

Minis mon krwar i pa telman dan nou me osi bann dimoun Praslin ki pe sibir sa bann lenkonvenyans.

 

MINISTER DIDIER DOGLEY

Mr Speaker, problenm mon repete ankor ki mon’n deza repete i larzan.  Le moman ki PUC Gouvernman i ganny  sa larzan sa $24milyon PUC i ava apel, i a fer en tender pou bann lakonpannyen ki spesyaliz dan bann Power
Station
zot ava donn zot bann, ki mannyer ki zot  pou al build sa.  PUC i a donn spesifikasyon ki mannyer ki li i oule sa Power Station.  E le moman Kontra i ava’n donnen sa lakonpannyen i ava ale i ava batir sa Power Station i a met  zenerater ladan e nou ava konmans konekte li e nou ava konmans fer li operate.  Alor lakle mon repete ankor se larzan.

 

MR SPEAKER

Onorab.

 

HON SEBASTIEN PILLAY

Mr Speaker lakle i larzan me nou’n osi ganny dir poudir zot bezwen osi travay lo en plan so which means ki planifikasyon malgre larzan ti pou la ti pou pran letan. Now please klarifye.  Please klarifye pou mwan pour ki mon kapab ganny en konpran ki dimoun ki pe ekout nou osi i kapab ganny en konpran.

Eski zot pou pare, par egzanp zot plan, zot bezwen annan en plan avan ki zot pran sa  larzan.  Zot bezwen annan en plan lo ki mannyer zot pou al konstrir akoz ou pa pou zis al rod larzan apre pou fer plan. So Mr Speaker mon pe zis demande ki si zot kapab travay lo  en plan eski nou kapab dir ki within la ozordi nou an 2017 eski par an 2019 at least nou’n fini retir sa Stasyon dan sa landrwa konmsi oubyen 2020 nou fini tire konmsi donn nou en timeframe, en timeframe clear ki nou pe al tir sa Stasyon dan sa landrwa e nou tou nou a travay ansanm pou achieve sa solisyon.  Mersi.

 

MR SPEAKER

Minis. Order ! Order ! 

Minis eski i annan en timeframe ki ou kapab donn nou, konmsi i paret Lasanble i anvi ed ou rod sa 23 milyon pou enstal sa zenerater kot i bon.  Eski ou annan en timeframe ki ou kapab donn ou lekor ek ou bann teknisyen pou pouse pou amelyor  sityasyon bann dimoun ki’n sibir tousala pandan preski 10an ou plis.

 

 

MINISTER DIDIER DOGLEY

Mr Speaker lanvi, mon lanvi, lanvi Gouvernman i menm parey sa Lasanble pou tir sa problenm kot i ete enn fwa pour tou rezourd sa problenm.  Plan parey mon’n dir se ki nou’n vwar poudir  pandan sa bann diferan lannen ki nou’n sey rod sa finansman nou pa’n kapab ganny li up to now, se ki  Gouvernman pe eksplor lezot model ; par egzanp nou’n tann Gouvernman koz bokou lo Public Private Partnership.  Sa i enn bann model ki nou pe konsidere e osi nou a konsider lezot model dan bann semenn ki pe  vini, e nou ava anvoy kot Gouvernman kot Cabinet, en papye kot nou ava detaye egzakteman ki bann opsyon ki annan e rod laprouvasyon Cabinet, pou nou pran en desizyon ki mannyer ki nou pou al finans sa nouvo Power Station enn fwa pour tou.  Enn fwa ki nou’n ganny aprouvasyon nou pou bezwen al tender sa zafer …..si nou’n deside pou PPP,  nou pou bezwen fer en tender pou regarde lekel ki fer en pli bon of.  E apre PUC i ava fer le  neseser pou come-up avek en konsep, sa Power Station avek bann spesifikasyon ki neseser ki mon konpran poudir PUC i deza annan. E ler i a’n fini fer sa, i a tender pou ganny konstrir. E ler sa i a ganny konstri nou ekspekte dapre PUC i pou pran apepre  2 an pou konstrir li e met li  operasyonnel.  Mersi Mr Speaker.

 

MR SPEAKER

Antretan ou a konsider konpansasyon pou bann dimoun pour letan zot pe espere.  Onorab Basil Hoareau.

 

HON BASIL HOAREAU

Mersi Mr Speaker.  Mr Speaker mon annan 2 kestyon.  Mon premye kestyon annefe i en pe dan laliny sa ki Mr Speaker in koz lo la avek Mr Arrisol.

Eski Minis pa krwar  poudir i plis ki ler pou ki en letid detaye i ganny fer?  En letid detaye i ganny fer lo nivo Nasyonal pou vwar ki lenpak sa Stasyon Elektrisite i annan lo bann zabitan ki reste dan vwazinaz sa stasyon, lenpak lo zot lasante, lo zot propriyete. E baze lo sas letid olye fer sak dimoun anmenn en claim pou demann konpansasyon, baze lo sa letid Gouvernman i a then deside pou pey sa bann dimoun zot bann domaz ki zot in kapab sibir as a  result of sa Stasyon. E sa letid osi i ava ede parey Minis ou’n dir pou zot plan, e design sa nouvo stasyon parski zot a vwar ki lenpak  sa enn i annan e ki mannyer nou pou kapab remedye sa.

Mon dezyenm kestyon se ki depi 2009 ziskan la, ki Gouvernman in fer pou sey raise sa larzan, ki bann demars Gouvernman in fer pou sey raise sa larzan ?  E si si  annan en serten bout larzan ki zot in kapab garanti konbyen ki zot in raise so far ?  Mersi.

 

MR SPEAKER

Minis.

 

MINISTER DIDIER DOGLEY

Well mon  pa’n la pandan tou sa bann lannen mon pa kapab egzakteman, mon napa sa bann detay avek mwan pou mwan kapab dir egzakteman pou raise larzan mon konnen i annan bann Balleurs De Fond Gouvernman i abitye travay avek sirtou PUC ki zot dir mwan zot in apros sa bann Balleurs De Fond ki sa bann labank rezyonal eksetera, avek ki zot abitye ganny finansman me malerezman avek nou problenm debt ceiling PUC i annan en oter larzan ki i kapab prete tou le z-an e ziska aprezan in toultan en problenm akoz i annan lezot priyorite enfrastriktir ki  i pe finanse e i pa ankor kapab raise sa kantite larzan. E sanmenm sa ki fer nou aprezan konsider ki i annan lezot mwayen ki nou kapab konsidere e sirtou sa zafer PPP ki mon’n koz lo la ki kekfwa i ava en model  pou ed PUC sorti dan sa lanmaraz pret larzan ; ki kekfwa i a ede pou nou kapab bouz sa proze pli vit, pli devan.  Savedir nou ava ganny finansman sorti pa kot bann labank, me selman nou a ganny prive pou partisip osi pou envestir dan sa Power Station.  Konsernan letid nou pare pou fer letid parey mon’n dir oparavan.  I en keksoz ki nou krwar i devret ganny fer si i annan dimoun ki’n ganny afekte.  Gouvernman i ava regard lafason ki mannyer pou ed zot.  Mersi Speaker.

 

MR SPEAKER

Onorab Hoareau.

 

HON BASIL HOAREAU

En kestyon siplemanter Mr Speaker.  Minis ou’n dir poudir, ou’n nonm lalis priyorite, ou’n nonmen i annan lezot priyorite?  Eski pou relocation of sa stasyon ki priyorite i annan lo sa lalis PUC?

 

MR SPEAKER

Minis.

 

MINISTER DIDIER DOGLEY

Li osi i en top priyorite.  E ler ou regard si ou pou donn delo dimoun dan anler, mon pa konnen mon, dan Capucin dan bann lezot landrwa ouswa ou pou finans ranforsman danm La Gogue ouswa ou annan sewage  serten landrwa ki ou bezwen deal avek, La Digue par egzanp dan plato ki ou bezwen envestir dan sewage.  E an menm tan bouz en Power Station.  Alor ler ou regard la kantite demann ki annan, tousala i enportan.  At some point ou pran en desizyon, e sanmenm sa ki  nou pe dir ki poudir aprezan si fo esper sa bann lezot nou, nou pe  konsidere regard lezot opsyon ki dan  enn fwa pour tou nou rezourd sa problenm.  Mersi Mr Speaker.

 

MR SPEAKER

Ok, nou annan 4 entervenan avan nou arete.  Onorab Woodcock.

 

HON WAVEL WOODCOCK

Mersi Mr Speaker.  Mon pou siport tou sa ki bann entervenan in dir lo sa kestyon.  Annefe Mr Speaker dan deba pour Bidze mon ti anmenn en petisyon sorti kot zabitan Baie St. Anne regardan sa problenm  sa Stasyon.  Mon pou dakor sa ki Onorab Hoareau in dir konsernan fer en letid aprofondi pou non selman regard  lenpak lasante lo bann zabitan me osi en letid lo lenpak sa zenerater lo lanvironnman e osi  lenfrastriktir  bann zabitan otour sa Stasyon.  Minis in dir boner poudir pou fer sorti en kab Mahe, enn ou 2 kab mon krwar ou’n dir pou vin Praslin i  pou kout apepre $58 milyon e pou bouz sa zenerater pou fer sa nouvo Stasyon kot i ete la pou met li Ile Eve i pou $25 milyon me mwan mon pe mazin a long term.  Si ou pe konsider economies of scale, eski Minister pa pou benefisye plis lo sirtou lo kou dyezel avek pou maintain sa zenerater si zot konsider pran sa 2 kab ou 1 kab sorti Mahe pou Praslin in the long term eski nou pa pou benefisye in term of costing, in  term of kou ki nou pou depanse lo dyezel avek maintain en lot zenerater – eski kek fwa si mon pa konnen zot kapab ganny en Bon Samariten parey bomaten Anse Kerlan nou’n gannyen requesting pou fer gronny, kekfwa Minister i kapab konsider rod bann led enternasyonal pou ede avek sa kab soumaren pou anmenn sorti Mahe pou Praslin. Mersi.

 

MR SPEAKER

Kestyon i kler.  Wi Minis.

 

MINISTER DIDIER DOGLEY

Dapre lenformasyon ki mon’n gannyen, i pa vreman fer sans e annefe mon kapab fer ou ganny en sa rapor.  I en rapor ki PUC in finanse, sa i pou nou.  Ou ava kapab lir bann  detay ladan ti fer an 2012 e i rekomande ki ou annan Power Station lo Praslin akoz ek 2 kab osi i annan son bann lezot problenm ki ariv avek par egzanp ant La Digue ek Praslin i annan plizyer lensidan kot kab in ganny andomaze.  Sanmenm sa ki ou annan 2 kab at least ou kapab fonksyonnen e apre en serten letan ou pou vwar  ou pou bezwen envestir dan en trwazyenm kab probableman.  So mon  pa en eksper dan sa zafer, me dapre lenformasyon ki mon’n gannyen i plis fer sans  ki ou annan en Power Station lo Praslin li menm.

 

MR SPEAKER

Ok.  Onorab Ferrari.

 

HON JEAN-FRANCOIS FERRARI

Mersi Mr  Speaker.  Mon pa pou tro long akoz pli nou kontinyen diskit lo la mon krwar Onorab Sebastien pou al pran Lazil Politik L’Angletere.  Mon kestyon Mr Speaker se pou mwan demann avek Minis, Minister Lanvironnman i enn parmi bann Lazans ki pe lager avek en loder, en swadizan loder lo later Mr Cherubin Morin La Misere ok, e resaman ankor zot in anvoy bann teknisyen laba anler, pe sey lager ek sa msye kantmenm in mor.  Mwan mon oule demande se eski zot krwar ki sa i menm  priyorite?  Eski napa en pli gran priyorite pou zot atak sa problenm Praslin?

Mon 2enm kestyon se koumsa.  Mwan mon pe lager pou Mr Philoe, Mr Philoe pare zot in tande son laz pe avanse.  Malerezman i kapab kit sa later pa pou vwar Power  Station, alors mon anvi demann avek Minis konman reprezantan Gouvernman isi.  Eski zot pa krwar zot bezwen fer e zes?  En pti keksoz pou soulaz sa bann fanmir?  63 lakaz. Sa bann lakaz i servi kekfwa R1000 elektrisite sakenn par mwan.  Mwan mon enn bann dimoun ki an faver ki i annan en cost lo Gouvernman osi lontan ki zot pa move sa Power  Station oubyen pa fer li en pe pli safe.

 

 

MR SPEAKER

Ale Onorab ou kestyon.

 

HON JEAN-FRANCOIS FERRARI

Mon kestyon se ki eski i normal ki bann zabitan, sa 63 fanmir i pey pou en keksoz ki pe touy zot vi ki swisid i en  keksoz kriminel.  Ou pe fer sa bann dimoun swisid zot lekor e zot bezwen peye pou zot mor.  Eski i pa ler silvouple pou donn zot ziske ler parey Corgat Estate, zot pa pe peye lakaz akoz i tro vye. Sa bann keksoz pe touy zot akfer zot bezwen peye?  Eski zot dakor e mwan mon swete ki Lasanble i dakor si dan 3 mwan napa en solisyon nou konman  en Lasanble nou demande nou dir avek sa  bann dimoun aret peye akoz i pa posib pou sa bann dimoun zot pou mor par en keksoz…

 

MR SPEAKER

Ok Onorab Ferrari ou’n fer ou pwen.

 

HON JEAN-FRANCOIS FERRARI

Mon krwar mon’n fer mon pwen Mr Speaker.  Mersi.

 

MR SPEAKER

Mon krwar sa i al dan menm laliny ki Onorab Arrisol in koz lo la, ki Onorab Ramkalawan in koz lo la, nou bezwen regarde ki mannyer nou pou soulaz zot en pe apre tou sa soufrans.  Mon krwar sa ki Onorab Ferrari pe dir get zot en kou.  Minis.

 

MINISTER DIDIER DOGLEY

Mr Speaker mon krwar mon’n fini repete  plizyer fwa nou pou get zot en kou.

 

MR SPEAKER

Ok.  Lot kestyon, Onorab Aglae.

 

 

HON EBGERT AGLAE

Mersi Mr Speaker.  Minis mon kestyon vi ki ou’n site i annan bokou larzan ki pe ganny mete ladan pou fer sa relocation.  Dan sa plan ki zot pe vin avek a lavenir etandonnen ki Praslin i en zil ki zoli, ki i annan bokou labote apepre 2 mil lakaz.  Eski pa  in ler osi vi ki nou pe koz inovasyon pou annan en progranm avek sa 2 zil, kot i konsern lenstalasyon bann Solar Panel pour tou lakaz akoz ler ou pe gete mon pe mazin tou le lannen ou pe mazin fer, annan PUC pou ogmant prodiksyon tou lazournen e nou pe servi bokou fuel, eski pa in ler pou Praslin annan en progranm, konmans avek Praslin en progranm serye kot i konsern lenerzi renouvlab, lenstalasyon bann Solar Panel pou sa apepre 2 mil  lakaz ki annan lo Praslin e sa i a redwir en pe sa bann problenm.  Mersi.

 

MR SPEAKER

Tre bon kestyon.  Minis.

 

MINISTER DIDIER DOGLEY

Mr Speaker Gouvernman in met an plas bann diferan mezir pou ankouraz dimoun pou envestir dan lenerzi renouvlab.  Ozordi ou annan nou apepre 4 megawatt ki in fini, i annan 2 megawatt ki’n fini enstale e i annan 2 mega watt ki pe ganny enstale la konmela.  Lo Mahe nou annan plan pou 2 proze ki nou pe mete la konmela.  Enn i 5 megawatt enn i 4 megawatt.  Nou pli gro problenm mazer ki nou annan isi Sesel se later.  Akoz avek  Solar Panel ki tre byen ki mon san poursan siport ou Mosyon ou bezwen ou apepre en  hectar later pou sak megawatt ki ou mete, akoz menm pou La Digue nou ti’n fer en letid pou regarde si nou kapab donn La Digue la kantite lenerzi ki i bezwen atraver lenerzi renouvlab.  E La Digue normalman i bezwen zis 1.2, 1.3 megawatt dapre lenformasyon ki mon annan avek PUC.  Me selman si ou pou met zis pano soler ou pou bezwen annan ase back-up e bann  eksper i dir mwan a lafen ou pou bezwen annan ou apepre 19 megawatt ki ou pou bezwen enstale apre back-up batri.  Ankor problenm i retourn lo kote ki ou mete.  Ou bezwen later ki ase rezonnableman ki avek sa slope ki neseser pou ou kapab met sa bann pano soler. Alor nou, nou san poursan deryer sa.  Nou ti a voudre ki Praslin, La Digue, Mahe, tou nou bann zil pe mars lo renouvlab, akoz i annan bann lezot benefis enkli sekirite lenerzi ki kle pour  tou pei.  E nou pe kontinyen pouse. Ozordi en dimoun ki envestir dan pano soler Gouvernman si in envestir R100 mil i rann li R25 mil savedir pou sak  R100 mil  ou ganny rann par Gouvernman R25 mil.  Nou annan bann sistenm ki nou’n met an plas SEEREP – Seychelles Energy Efficiency avek Renewable Energy ki’n fini ganny met an plas, kot ou kapab pret  larzan avek labank up to R150 mil ankor pou ou kapab finans pano soler pou met lo ou lakaz e sa to lentere  i 5 poursan. E ki Gouvernman menm si sa labank pe demann 10 poursan Gouvernman pou pran sarz sa 5 poursan diferans.  Alor i annan plizyer travay ki nou pe sey fer pou donn bann incentive bann dimoun pou zot envestir zot menm dan lenerzi renouvlab akoz nou vwar lenerzi renouvlab konman en veikil pou dimoun envestir zot menm tandis ki Gouvernman i bezwen envestir.  E sa in arive dan plizyer pei partou atraver lemonn. E nou’n met an plas osi bann lakonpannyen envestir e si i annan en lakonpannyen ki le envestir mon pa konnen lo Praslin ki le met lenerzi renouvlab Gouvernman i ava travay ek li pou devlop en sa ki nou apel en Power Purchase Agreement e ki i ava  met sa lenerzi dan grid pandan lazournen e ki PUC i ava aste sa lenerzi avek li.  Alor bann sistenm i deza an plas me ankor nou bann pli gro limitasyon se kote ki ou met sa bann keksoz?  E kote ki ou ganny later pou ou mete?  Mersi Mr Speaker.

 

MR SPEAKER

Dernyen kestyon Onorab Simon Gill.

 

HON SIMON GILL

Mersi Mr Speaker.  Mr Speaker bann kestyon ki mon ti annan in preski ganny tackle me menm sa pa anpese demann enn ki mon panse ava met en pe lalimyer en pti pe plis ankor ki nou’n mete.

Premye kestyon; eski dan bann opsyon ki zot in konsidere e zot in get en opsyon kot prive i ganny donnen sa lespas sa zil ki’n ganny konstrir, laba pou zot build sa Power Station epi fourni elektrisite Praslin?  E si sa i en letid ki’n ganny fer ki son kou?  E ki finalman pou kout zabitan Praslin pou zot kapab servi sa fasilite ki Sekter Prive san poursan pou donnen si ou anvi vreman speed-up e si nou krwar ki nou kapab ganny dimoun dan prive isi Sesel ki pare pou fer sa lenvestisman $24 milyon san ki Gouvernman i entervenir ladan ?  Sa i premye kestyon e ki mon krwar i enportan.

Dezyenm kestyon Minis, ou’n dir nou ou konnen en pti pe ban model lenfrastriktir ki devret ganny konstrir.  Nou pe demann en senp kestyon.  Eski PUC i annan en plan sa batiman avek tou son bann teknikalite pare la pou nou kapab vreman fer en prezantasyon avek piblik?  Eski nou annan sa?  Ma kit sa 2 la pou le moman akoz mon ti  annan 6 – 2 in pran ladan be mwan les zot reponn sa 2 touzour apre mon a gete si ou donn mwan  sans pou mon poz ankor 2 omwen dan sa 6 ki mon ti annan Mr Speaker.  Mersi.

 

MR SPEAKER

Minis.

 

MINISTER DIDIER DOGLEY

Ok.  Mon a konmans premye avek si nou pe konsider sa ki nou apel Independent Power Producers ; savedir bann lakonpannyen endepandan ki prodwi sa elektrisite e vann sa elektrisite atraver grid PUC avek Leta.  Parey mon’n non men avan wi nou  pe konsider tou le 3 opsyon.

Premye opsyon se ki Gouvernman i trouv finansman  i finans sa Power Station li tousel.

2enm opsyon se ki ou annan en partisipasyon Sekter Prive ladan sa i vin en PPP kot ou annan tou lede Gouvernman avek private sector i enplike dan finansman. E trwazyenm se  kot ou annan Sekter Prive i envestir zis li tousel pou finans Power Station e sa ki nou apel Independent Power Producers an Angle.  Ankor dernyen bann konsiderasyon ki nou bezwen regarde, se ki nou bezwen fer sir poudir – enn nenport a lafen ki envestir dan sa Power station nou bezwen garanti  dimoun lenerzi toultan.  I bezwen en keksoz ki efikas ki reliable akoz elektrisite ou pa zwe avek ou pa kapab ozordi ou annan, demen ou  napa ou swa i pe koupe tou lazournen. Alor ou bezwen fer sir ou annan, si ou pe anmenn prive ladan i bezwen bann  lakonpannyen ki annan en repitasyon, ki annan leksperyans i konnen ki i pe fer.

2enm se pri.  Ler ou pou donn en lakonpannyen prive e ou  bezwen mazinen konbyen ki sa elektrik pou koute e i pou bezwen en pri ki stab ki rezonnab, ki dimoun i kapab peye.  Akoz ozordi nou bezwen realize poudir lenerzi ki dimoun i gannyen dan lakaz i ganny sibvansyonnen atraver private sector sirtou bann dimoun rezidansyel, zot pa pe vreman pey pri elektrisite ki vreman son kou i été. Alor i kapab anmenn en serten sanzman dan la fason ki keksoz i ganny fer konpare avek ozordi.  So pou reponn ou kestyon wi, nou pe regard tou sa bann diferan opsyon.  E ler nou’n pare nou ekspekte pandan bann semenn ki pe vini, nou ava prepar en paye pou nou anmenn kot Gouvernman pou konsiderasyon.

Konsernan plan PUC i deza annan en konsep.  Zot dir mwan i annan en konsep ki pare zot pa kapab fer en plan fiks akoz a lafen i depan lekel sa lakonpannyen ki ganny Kontra.  Zot pou bezwen donn zot bann spesifikasyon ki PUC i  oule avek en konsep ki mannyer i oule i ganny fer, me a lafen i depan ki kalite zenerater ki sa lakonpannyen i prodwi ouswa i pe al aste. Ki kalite fuel i pe al servi.  Sa i pou annan bann pti modifikasyon ki mannyer sa plan a lafen finalman pou ete.  Me selman konsep avek bann spesifikasyon i deza egziste.  Mersi Mr Speaker.

 

MR SPEAKER

Avan mon demann Onorab Gill posibilite pou demann enn, zis enn da son 4 kestyon, ki reste Onorab Ramkalawan ou ti annan en pti kestyon ki ou ti le demande?

 

HON WAVEL RAMKALAWAN

Mr Speaker premyerman mon anvi dir avek Onorab Aglae ki sa plan ki in mansyonnen la sete sanmenm sa ki ti dan mon manifesto e letan mon ti dir konsernan fotovoltaik zot ti riy mwan e la prezan pe ganny  propoze.  Mr Speaker mon trouv konmsi i annan lurking of figures dan ler.  Akoz mon dir sa. Nou ‘n ganny dir $25 milyon pou fer sa proze.  Me selman Ephelia  pou li etabli son stasyon 5 megawatt in kout li zis 3 milyon.  En kab sorti Dar Es Salaam pou ariv Mahe i kout $36 milyon, ti kout $36 milyon me pou sorti Mahe pou al Praslin ki zis 21kilomet konpare avek 2mil kilomet, 21 mil notik i $58 milyon.  Ki konmsi i annan keksoz la ki pa balanse. E finalman Mr Speaker, ozordi i en bon moman pou dir ki nou’n vwar kote priyorite i ete pour sa ansyen Prezidan ki ti la.  Son ansyen priyorite sete pou  li raise 150 milyon pou li fer batiman Espace olye donn zabitan Baie St. Anne Praslin en nouvo Stasyon Elektrisite.  Mersi bokou.

 

MR SPEAKER

Ok. Order ! Order ! Order ! La nou lo Praslin avek Stasyon Elektrisite Baie St Anne.  Minis i annan en kestyon ki Onorab in demande comparative cost.  Eski ou anvi fer serten komanter lo la?  Eski ou santi ki ou figure ki ou’n gannyen pou ou pran 2 kab sorti Mahe pou al Praslin i  accurate?

 

MINISTER DIDIER DOGLEY

Mr Speaker mwan osi ler mon ti ganny prezante ek sa bann figures, mon ti poz menm kestyon ki Onorab Ramkalawan pe poze akoz mon konnen poudir sa kab ki sorti Tanzania ti ariv isi mon krwar ti ariv apepre dan $40 milyon, $36 milyon e mon ti pe demann mon lekor be ki mannyer pou al Praslin i ariv $58 milyon.  Bann  eksper  PUC e letid ki’n ganny fer par group consulting sorti Sid Afrique ki parey mon pe dir mon kapab donn  zot en kopi sa letid, bann figures ou a vwar poudir pa mwan ki’n envante, i dan sa dokiman.  In break li down ki par egzanp zot in dir pou sa  bann kab pou fer EIA study pou ariv $80 mil.  Undersea  cable pou al Praslin i annan 2.  I pou arive $35 milyon sa i enkli son Marine Survey, supply of cables, transportasyon, enstalasyon, zot pou bezwen ranforsi en  substation Roche Caiman, zot pou bezwen build enn ki $1.6 milyon.  Zot pou bezwen met en substation lo Praslin ki $1.6 milyon.  Lo Praslin son transmisyon avek son distribisyon i pou bezwen, son bann  kab, son network i pou bezwen ganny reinforce.  Sa i vin $1.2 milyon.  Bann engineering cost avek  contingencies i vin $6.3 milyon.  Apre zot pou  bezwen envestir dan ranforsi  sistenm Power station isi ki ankor $ 12 milyon.  So la ou  breakdown kote sa $58 milyon i sorti.  Mwan mon pa en eksper mon senpleman pe lir sa ki annan dan sa dokiman e kote sa bann figures i sorti.  Mersi Mr Speaker.

 

MR SPEAKER

Mersi Minis. Ti a  enteresan konnen konbyen sa konsiltan oubyen sa group  konsiltan sorti Sid Afrique in ganny peye pou fe sa rapor ?

Ler mon ti, sa 27an ki mon ti Ledikasyon sirtou PS ek Minis 5an ti annan en definisyon pou bann konsiltan sorti deor.  I ti koumsa.  Toultan mon dir ek mon bann staff consultant sorti deor;’’ they come to find out and they leave before they are found out,’’ akoz si nou pa fer atansyon bokou zot i fer larzan e bann Funding Agency e mon pe  koz konman former Minis Foreign Affairs i depans bokou larzan e bokou larzan ki nou sipoze ed i al lo konsiltan ki ganny larzan olye proze progranm pou ed pei. E mon krwar sa mon pe dir sa pa pour Minis me pou Gouvernman an zeneral.  Nou bezwen konsyan ki financial assistance sorti kot international organization deed whatever i bezwen konsantre lo proze, lo progranm tangible pou pei pa lo consultancies kot normalman sa bann Funding Agencies zot menm dimoun ki vini e zot menm zot ki ganny sa larzan.  So mon krwar sa nou bezwen konsyan ki nou  fer atansyon ler nou pe envit sa bann konsiltan.  This having been said mon krwar Onorab Gill mon ti’n dakor pou ou dan ou 4 kestyon swazir enn ladan ou a demann Minis apre nou Break.  Ale Onorab Gill.

 

HON SIMON GILL

Mersi bokou Mr Speaker pou konsidere pou donn mwan en lot kestyon.  Mr Minis eski ou kapab konfirmen avek sa Lasanble ki ou Minister ki annan Portfolio responsabilite pou PUC dan sa pei in konpran, in tonm dakor poudir zabitan Praslin nepli oule tann ‘Resers’ ki zabitan Praslin Baie St. Anne spesifikman i anvi en solisyon pou zot problenm.  Eski nou kapab tonm dakor ki nou donn ou Minister 3 semenn pou retourn dan sa Lasanble avek en prezantasyon konpreansiv vizavi solisyon konkret pou zabitan Baie St. Anne Praslin.  Minis.  Mersi

 

(APPLAUSE)

 

MR SPEAKER

Minis mon krwar Lasanble ou realize Lasanble i siport sa fortman.  Ou reaksyon?  Minis.

 

MINISTER DIDIER DOGLEY

Mr speaker nou pare pou retournen dan 3 semenn.  Me kantite detay ki nou pou kapab donnen dan 4 semenn i pou depan ki kantite lenformasyon ki nou annan.  Me selman nou kapab travay parey mon pe dir i annan tou sa bann diferan keksoz ki nou deza pe fer.  Nou, nou  ava fer le neseser pou fer sir nou annan a clear plan forward e ki serten keksoz si nou ganny ‘Lalimyer Ver’ lo serten desizyon ki bezwen ganny pran ase vitman, nou kapab bouze pou fer sir poudir sa Power station, sa nouvo Power Station Baie St. Anne i ganny konstrir dan bann dele pli kourt ki posib.  Mersi Mr speaker.

 

MR SPEAKER

Mersi Minis.  Be nou a ed ou donn tou nou sipor dan Lasanble ki sa bann ‘Lalimyer Ver’ i vini pou fer  keksoz marse.  I kler e mon asir ou avek ou bann teknisyen zot in realize ki i kler ki Lasanble antye i siport bann dimoun  Baie St. Anne ki’n pas dan telman enkonvenyan ziska konmela.  Alor nou a remersye ou.  Nou a vwar ou dan 3 semenn.  Nou a remersye ou pou ou letan avek nou.  Mon a demann bann Manm Onorab reste deryer pou enn de lanons, e nou a eskiz Minis ek son bann delegasyon.  Mersi ankor Minis.

 

(MINISTER DOGLEY AND HIS DELEGATION WAS EXCUSED FROM THE HOUSE)

 

MR SPEAKER

Bon pou Lasanble pour bann koleg MNA, nou pou kontinyen apre midi nou annan 2 Minis ki pe vini avek Vis-Prezidan.  Nou pou komans 2… 2 er egzakt pou nou resevwar Minis Larue ki annan en Urgent  Question pou li vin reponn. E mon ti a kontan anonse ki toudswit apre nou break la on ti a kontan ki tou Manm Anti-Viktimizasyon Committee i zwenn dan Speaker’s Conference Room apre sa nou a kapab break pou al dezennen.  So pou tou bann dimoun nou retourn isi  2er.  Wi Onorab Ferrari.

 

HON JEAN FRANCOIS FERRARI

Zot pe al Ankour ?

 

MR SPEAKER

Non nou pe al dan Conference Room prezan si nou pou al Ankour nou a gete la taler.

 

HON JEAN-FRANCOIS FERRARI

Ok.  Mersi.

 

(LAUGHTER)

 

(BREAK)

 

NATIONAL ASSEMBLY OF SEYCHELLES

 

Extract of Verbatim

 

Wednesday 30th May, 2017

 

Minister Mitcy Larue

 

Reference TURNKEY SOLUTIONS

 

 

 

MR SPEAKER

Bonn apre midi tou dimoun, bonn apre midi bann MNA, tou bann dimoun ki a lekout. Bonn apre midi Minis avek ou lekip, mon ti a kontan swet ou la byenveni Mr Tirant, Mr Ghislain ek Mr St Ange pour reponn en Urgent Question me avan nou donn laparol Onorab Andre pour poz son kestyon, mon ti a zis kontan dir ki bomaten nou’n sey manage nou letan byen, apre midi nou annan Vis-Prezidan Meriton ki pe vini 3er e osi apre nou annan en Private Notice Question pli tar kot Minis Larose pour vini alor nou apre midi i bezwen ganny manage dan term letan tre byen.

So mon ti a kontan dedwir zot sey gard zot kestyon crisp and direct e pa fer Statement to beat around the bush koumsa ki Minis i kapab reponn bann kestyon byen e vit e pour nou pas lo lot VIP ki vini a 3er, wi Onorab Ramkalawan.

 

HON WAVEL RAMKALAWAN

Mr Speaker maybe mon ava propoze ki sa kestyon, 1 hour nou ale ziske…

 

MR SPEAKER

Se sa ki nou’n dir, 2er ziska 3er, ou pa’n tande.

 

HON WAVEL RAMKALAWAN

2er ziska 3er mon.. kekfwa mon  annan en problenm.

 

MR SPEAKER

Be ou ti a’n fer mon konpran mon ti a’n donn ou en pti Hearing Aid sorti Sri Lanka.

 

HON WAVEL RAMKALAWAN

Mon krwar next time met enn dan pos pour mwan.

 

MR SPEAKER

En pti joke en, en pti joke. Non, non se sa ki mon’n dir. Mon krwar nou manage nou letan pour nou fer sir ki 3er nou’n fini – VP i vini akoz i depi bomaten i pe espere, in very kindly les Minis Larue pase avan, apre VP nou pour annan Minis Larose. So 3er nou pour bezwen arete se sa ki mon pe dir annan fer nou kestyon crisp, direct and to the point, ok?

Avek sa Onorab Andre ou annan la parol pour poz ou kestyon, ou Urgent Question pour Minis Mitcy Larue.

 

HON CLIFFORD ANDRE

Mersi Mr Speaker bonn apre midi tou dimoun, tou protokol pe obzerve, mon kestyon i lir koumsa.

 

 

  1. Eski Minis i kapab eksplik sa Lasanble, ki sa Sant Rimann in ganny approval avek Fire Services pour vin operasyonnel.

 

  1. Eski sa approval i baze lo lefe ki menm laport i Entrance e Exit?

 

  1. Eski dan sa fasilite bann Drwa Konstitisyonnel bann deteni pe ganny abize akoz:-

 

  • Zot pa pe ganny sans fer legzersis parey Montagne Posée?

 

  • Zot pa pe ganny sans servi fri ki bon pour zot lasante, e sa ki mon bann kliyan in dir mwan.

 

  • Zot pa pe ganny akse avek televizyon ek zournal?

 

  • Zot Drwa Konstitisyonnel pa pe ganny respekte akoz zot pe ganny trete pli pir ki en kondannen Montagne Posée.

 

  • Annefe zot pa pe ganny akorde bann privilez ki sipoze pou rimann

 

Katriyenm kestyon.

  1. Eski Minis i kapab konfirmen ki i annan en tiyo SEYPEC ki pas anba oubyen tre pros avek sa Sant Rimann.

 

  1. Ki Lotorite pe fer pou rezourd sa bann problem?

 

  1. Akoz bann rimann pa ganny razwar pou servi kan kondannen Montagne Posée i gannyen pou zot servi?

 

  1. Akoz ki bann rimann i bezwen met uniform?

 

  1. Lartik 19(2) Konstitisyon i dir ki en dimoun ki’n ganny sarze i inosan, ziska ki Lakour i kondann li oubyen i pled koupab. Akoz ki kot sa Sant Rimann, i resanble ki zot in fini pas pinisyon lo sa akize e son bann Drwa pa pe ganny respekte?

 

  1. Akoz zot pa retourn sa bann akize Montagne Posée ziska ki zot ava kapab rektifye sa bann anomaly?

 

  1. Konbyen in kout Gouvernman pou konstrir sa Sant? E lot.

 

  1. Lekel Kontrakter ki ti’n ganny sa Kontra? Mersi Mr Speaker.

 

MR SPEAKER

Mersi Onorab, Minis ou annan la parol.

 

MINISTER MITCY LARUE

Mersi Mr Speaker. Bonn apre midi Mr Speaker. Bonn apre midi tou Manm Onorab e tou dimoun a lekou. Mersi Onorab pour ou kestyon. Mon pour pran ou kestyon par diferan kestyon san kwa i pour tro melanze.

Kestyon 1 avek 2 mon larepons se wi SFRSA ti fer lenspeksyon e ti aprouv sa fasilite parey i ete e dokiman lo laprouvasyon i dan mon posesyon. Me sa ki zot in dir nou ladan, se ki nou bezwen fer en training avek nou bann staff pour asire ki zot konnen ki zot konnen ki mannyer, kote Assembly Point i ete e ki mannyer, e si an ka i annan okenn dife oubyen okenn keksoz ki mannyer nou pour kapab tir nou bann dimoun dan Rimann. Me selman nou ganny aprouvasyon avek zot.

E nou bann travayer in deza fer en training anndan pour zot konnen kote Assembly Point i ete eksetera, e semenn prosenn Fire Service pe vin fer en training entansif avek nou bann travayer. Mersi.

Dezyenm, trwazyenm kestyon eski dan sa fasilite bann Drwa Konstitisyonnel deteni pe ganny abize akoz ou’n donn en diferan pwen. E  mon pour komans koumsa.

Mon ti a kontan reazir Onorab pour mwan fer konpran ki Drwa Konstitisyonnel  bann rimann pe ganny respekte. Premyerman mon ava profite pour elabor lo lafason ki bann deteni pe ganny trete letan zot dan sa fasilite.

Enn ler zot admit en file i ganny ouver ek zot profil, enn zot portre i ganny tire e zot lapeze i ganny antre pour vwar ki mannyer zot ganny antre; zot fanmir i ganny enformen e zot ganny dir bann Regilasyon ki annan an plas.

Ler zot attend Klinik e zot in ganny medikaman letan zot antre, sa i ganny antre dan e Rezis e latizann i ganny garde e zot ganny donnen zot latizann ler fodre par Zofisye on duty.  E zot sinyen letan zot ganny pran zot latizann, zot ganny screen e teste osi pour drog ler zot antre.

Dezyenmman zot ganny donnen en bwat kot ladan i annan zot bann basic item par egzanp zot savon, dantifris, brosadan, penny, 3 set liniform, savat, servyet.

Si zot vin avek zot lenz, 2 set i ganny kite dan en locker, sakenn i annan son own locker avek zot soulye pour zot servi ler zot al Ankour oubyen Lopital.

Drwa a Lasante kot ler zot malad si i pandan lazournen zot ganny anmennen kot Klinik La Rivière Anglaise e si i aswar zot ganny anmennen Casualty e nou dan prose pe fer screening medikal tou bann ki admit lo fasilite par nou Dokter kot fasilite li menm. E sa i en progranm ki nou pe al met anmars apartir semenn prosenn.

Dra avek servyet i ganny donnen e i ganny sanze tou le 2 zour. Lenz i ganny lave kot en Laundry prive e i ganny sterilize.

Vizit i ganny donnen 1 fwa par semenn pour ou fanmir e sa i 15 minit. Zot annan en swa, zot kapab fer li Mardi bomaten ant 9er a 11er oubyen Zedi ant 1er a 3er. Vizit par zot Avoka oubyen lezot Agency i osi ganny permet. Zot zis vini oubyen zot call e demann en ler apropriye. Nou’n deza annan Avoka ki’n deza fer vizit e mon krwar Onorab ou enn parmi sa 2 Avoka ki’n deza fer vizit kot ou kliyan. Akse avek lenformasyon, wi depi le 27 Avril desizyon ti’n pran pour annan en sistenm radyo AM, kot ‘speaker i mete pour ki tou kaso, tou bann rimann dan kaso i kapab tann Nouvel Sports ek lezot keksoz depi 6er bomaten ziska ki avan ki lights out 10er diswar.

I osi annan en televizyon dan hall sa i ganny kontrole. Zournal osi parey Nasyon, Labib eksetera i ganny aksepte, me nou pa les okenn liv ‘porno oubyen bann ki kapab ensit vyolans rantre. Ler zot pe dezennen midi edmi, zot kapab vwar Nouvel lo televizyon dan lasal.

Wityenm: rimann i ganny en erdtan legzersis, akse avek soley toulezour dan yard legzersis.

Dan nou Prisons Regulation Act Seksyon 3 limero 16 (1) i dir koumsa:’’ Alors Sesel osi i ganny gide par UN Standards for minimal treatment’’  – oubyen sa ki nou rekonnet koman Nelson Mandela Rules, e anba sa Regilasyon (23) 1erdtan in the open air toulezour. I osi annan game par egzanp Ludo, Snakes and Ladder, Domino, Kart, ki zot kapab zwe dan zot lasal, dan zot kaso – sorry.

Zot ganny breakfast bomaten, dezennen midi, dite avek 2 dipen apre midi avek dinen. Tou i ganny prepare an deor a leksepsyon breakfast, menm manze ki ganny servi par rimann i ganny osi servi par nou bann zofisye.

Pour le moman wi zot pa pe ganny fri me nou pe get dan posibilite en fri pour breakfast, ase delo i la pour zot nenport ke ler ki zot bezwen. Ankor enn fwa tousala nou ganny gide par nou Prison’s Act ek nou Regilasyon.

Bann rimann i netway zot kaso e aranz zot lili e lenspeksyon i ganny fer par nou bann zofisye ler zot pe rann kar apartir 7er a 7er edmi bomaten.

Gard i osi fer patrol pour asire ki bann rimann i an sekirite e sa patrol i ganny fer menm pandan lannwit. Nenport ki led oubyen konplent ki bann rimann i annan zot kapab met an ekri e avek Zofisye e sa i kapab ganny reakte toudswit. Si i annan okenn maler dan fanmir en rimann oubyen en lanmor, oubyen en lot keksoz Sirentandan, i annan diskresyon pour donn permisyon sa rimann pour asiste lanterman oubyen kot lekor son pros, e sa byensir i anba eskort en zofisye. Sa pour kestyon 3.

Prezan mon a pran kestyon 4 avek 5, eski Minis i kapab konfirmen si i annan en tiyo SEYPEC ki pas anba, wi i annan en tiyo ki pe pas akote me i an deor sa Sant. Osi i annan en Stasyon Petrol pour Lapolis an deor e akote sa Sant.

Ki nou’n fer? Tre byento sa Stasyon Petrol ki nou ti deza an diskisyon i pe ganny re locate e plan in fini pare e in ganny anvoye kot CEO SEYPEC, pour son laprouvasyon final e byensir sa pour ganny sanz son lokasyon.

E lo kote priyorite SEYPEC osi, zot in deza fer serten provizyon pour zot met en miray la, me selman an menm tan sa bann zafer ki nou pe koz lo la i pa vreman en danze pour Sant Rimann. Kestyon 6 razwar prizonnyen pa pe gannyen ki Prisons Regulations 2001 Seksyon 15 (3) anba Heading ‘Hygiene, en rimann pa anba okenn lobligasyon pour li koup son seve oubyen raz labarb ek moustas. Sa i a ganny fer selman si en Zofisye Medikal i donn direktiv pour rezon lasante ek lizyenn.

Me kantmenm sa si en rimann i demann en razwar ozordi nou pe donn zot e nou fer sir ki ler zot pe ganny sa razwar i bann disposable one zot servi e nou fer sir ki i ganny tire deswit.

Kestyon 7 akoz ki bann rimann i bezwen met uniform? Prizon i fer provizyon pour donn uniform bann rimann; premyerman pour rezon sekirite. E ozordi nou pe donn zot 3 liniform. Tou kliyan i ganny en locker kot zot met zot lenz personnel, e sa lenz personnel i ganny servi ler zot al Ankour oubyen zot al Klinik. Me dan Centre li menm zot menm sa liniform parey mon’n dir pour rezon sekirite. Sa liniform i tre senp, en pti triko ki napa okenn design e i pa abzorb bokou lasaler ki fer li pli konvenyan pour bann rimann, e mon pour sezi sa loportinite pour konfirmen ki Prizon osi tre byento tou prizonnyen pour met liniform; akoz sa in en dezord e nou pe fer sir ki tou prizonnyen pour met liniform tre byento sa osi pour sekirite ek lizyenn.

Akoz sa tre souvan ki nou vwar – bann prizonnyen oubyen bann rimann letan zot kot Prizon ler zot vin dan lenz oubyen zot anmenn zot lenz tanzantan dan bann roule, roule semiz, roule sa zot met drog, i antre drog zot met ladan e zot menm bann contraband ki nou apel par egzanp lanm, zegwir bann keksoz ki kapab anmenn serten mank sekirite dan sa landrwa. So vwala en pti pe bann rezon akoz nou fer zot servi liniform dan Sant.

Kestyon 8 mon pa pe tro konpran ki mannyer Drwa bann rimann pa pe ganny respekte be petet pli tar Onorab kekfwa i ava annan keksoz pour azoute lo la, be mon ti a kontan mansyonnen ki Prisons Act 1991 Cap 180 Section 21, 3(b) i koz lo prizonnyen ki pe esper zizman.

Sa Sant Detansyon i fasilit premyerman sa separasyon ant bann deteni ek bann ki’n deza ganny kondannen. Sant Detansyon i en Prizon e tou deteni teknikman i en prizonnyen e zot tonm anba Lalwa e Regilasyon Prizon e zot bezwen respekte disiplin prizon.

Nou pe tret bann rimann koman bann dimoun ki’n ganny lawfully denied of their rights to Liberty; nanryen plis e nanryen mwens.

Fason ki nou pe gard zot dan en fasilite avek en lanvironnman safe e an sekirite i laprev. Bann fanmir ki’n deza vizit zot pros in konfirm sa atraver en kestyonner anonim ki zot kapab ranpli apre ki zot in fer zot vizit.

E sa ki nou’n anmase nou annan kopi ki nou’n anmase lo sa kestyonner i tre pozitiv, e i tre ankourazan pour lafason ki sa landrwa pe ganny run.

Kestyon 9: mon pa pe tro konpran akoz nou bezwen retourn sa bann akize Montagne Posée fodre amwen Onorab i ava donn mwan en pe plis detay apre.

Kestyon 10 ek 11 nou ava met li ansanm, konbyen in koute pour Gouvernman konstrir sa Sant?  Repons se ki sa Sant ozordi, sa Sant Rimann ti en vye, ki mannyer nou apel sa, en vye landrwa ki ti la, en vye Warehouse, se en vye Warehouse e avan sa landrwa ti ganny transformen parey i ete ozordi mon pa ti la sa letan, Minis ki ti la avan, ti annan en bon pe konsiltasyon ki ti ganny fer avek bann Lotorite konsernen, parey bann dimoun kot Lapolis, bann lezot Lazan konsernen ti ganny konsilte pour vwar ki mannyer pour aranz sa landrwa pour fer li vin en Remand Centre akoz ti annan nesesite; Lakour osi ti pe donn nou en letan kot nou bezwen retir prizonnyen ansanm avek bann rimann Montagne Posée kot sa lepok nou ti annan nou apepre 700 prizonnyen dan Prizon Montagne Posée ki ti fer ki prizonnyen avek rimann ti enterakte ki ti ansanm dan menm landrwa – kot fasilite pa ti konvenab pour zot.

Alor sa proze orizinal li menm li, ti pour kout 4 milyon, R4.4, 123 milyon, me avek UNODC ti fer en vizit, bann zofisye fer en vizit pour regarde ki mannyer fasilite i ete, zot ti osi anmenn serten amelyorasyon ki nou bezwen fer pour li met li lo en nivo Enternasyonal. E la ti annan bokou keksoz ki bezwen ganny fer, e ler sa bann keksoz in ganny azoute e vin parey i ete ozordi i kout an tou R6.5 milyon. E konstriksyon ti komans an Fevriye 2016, e konstriksyon in konplete an Avril 2017, e son Louvertir ti Ofisyelman ganny fer le 26 Avril, 2017.

Kontrakter ki ti ganny sa Kontra ti Turnkey Solutions Seychelles Limited e zot ti ganny exempt from Tender pour ‘rezon sekirite’ lenfrastriktir Prizon – akoz ordinerman lezot lenfrastriktir kot Prizon ki nou’n fer konstri ti ganny exempt from Tender pour ‘rezon sekirite.’  Mersi Mr Speaker mon krwar mon’n reponn tou kestyon Onorab. Prezan mon ava atann okenn kestyon siplemanter.  Mersi Mr Speaker.

 

MR SPEAKER

Mersi Minis. Onorab Andre.

 

HON CLIFFORD ANDRE

Mersi Mr Speaker, mersi Minis, Minis premyerman eski i posib pour ou fer nou ganny kopi ‘approval ki sa building in gannyen ki ou dir. E dezyenmman, eski Minis i kapab konfirm avek sa Lasanble ki sa fasilite, i annan en laport ki ganny servi pour antre e li menm li i pour sorti – si, konfirm avek nou sa Minis.

Apre dezyenm kestyon se ki bann fanmir parey ou’n dir Minis i ganny 15 minit pour vizit, e pandan sa letan zot osi ganny dir ki zot kapab anmenn serten keksoz ki permisib par Lotorite Prizon pour zot bann pros ki en deteni.

Me selman parkont letan sa bann fanmir i ale, sa bann zafer pa ganny donnen, oubyen ganny garde pour servi par sa bann dimoun; si Minis i kapab konfirm sa avek nou, si i i korek, si i pa korek.

Prezan Minis ou’n dir nou ki teknikman ki ler en dimoun i lo rimann i en prizonnyen, me teknikman i difisil pour konpran ki mannyer son Drwa koman en dimoun ki ankor lib ki pa ankor ganny kondannen, me selman i pe ganny sibir e pe ganny mete dan bann kondisyon ki en dimoun ki’n kondannen i sipoze ganny met ladan. So teknikman mon pa pe tro konpran akoz sa i le ka. Apre si ou kapab katriyenmman si ou kapab eksplik nou oubyen dir nou Minis eskize, konbyen deteni ki pe servi sa fasilite pour le moman? Sa mon bann kestyon.

 

MR SPEAKER

Minis avan mon donn ou la parol, konmsi i annan en point of order from Onorab Pillay.

 

HON SEBASTIEN PILLAY

Mersi Mr Speaker. Mr Speaker kestyon ki Onorab i anmennen i en kestyon tre enteresan e in donn nou loportinite pour ganny bokou lenformasyon. Me selman i annan serten keksoz, i annan kek lenformasyon ki nou pe gannyen from sa kestyon ki raise serten konsern pour mwan personnelman e an relasyon avek nou Standing Orders.

A 2 repriz in fer referans avek lefe ki Onorab i en Avoka bann kliyan ki lo rimann e mon krwar poudir dan lentere ki nou diskite semenn pase an relasyon avek bann lentere ki nou ti agree koman en Lasanble ki nou bezwen maintain, mon krwar ki Onorab an relasyon avek phrasing son kestyon, konsantre lo son bann eleman ki pli zeneral e pa tous bann eleman ki pertinan pour bann kliyan ki li i annan, akoz sa pour mwan dan mon lopinyon Mr Speaker i reprezant en konfli lentere.  Mersi.

 

MR SPEAKER

Mon krwar sa i en fair Statement. mon mazinen Onorab Andre ti pe koz zeneralman lo bann remandees, me in servi vre dan kestyon 3 (b) ou’n koz lo mon bann kliyan, petet i ti zis en pti lerer lo son lapar. But yes Onorab Andre.

 

HON CLIFFORD ANDRE

Mr Speaker mon kestyon i zeneral parey ou’n vwar, selman zis mon met sa spesifisite e Minis menm dan son repons in dir ki 1 dan sa 2 Avoka, e li ki’n dir 1 dan sa 2 Avoka ki vin sa fasilite se mwan. So mon pa pe demann li out of the ordinary, mon pe spesifikman lo sa ki mon annan konesans, mon’n vwar e mon pe met sa avek Minis.  Mersi.

 

MR SPEAKER

Ok, Onorab Pillay.

 

HON SEBASTIEN PILLAY

Mersi Mr Speaker. Mr Speaker dan lentere piblik nou’n ozordi bomaten vwar ki bann kestyon ki’n ganny mete lo Order Paper an relasyon avek bann kestyon i en pti pe tro gran, me nou’n les sa pase akoz i enportan pour piblik ganny sa bann lenformasyon. Me zis mon oule fer referans avek Onorab – dan ou dernyen kestyon ki ou’n demande ou’n fer referans avek bann lenformasyon ki pertinan to ou bann kliyan, se sa ki mon pe fer resorti.

So mon konpran ‘Ruling ki Mr Speaker in donnen e mon krwar nou al lo gidans ki ou ou’n donnen.  Mersi.

 

MR SPEAKER

Dakor. Minis petet ou kapab reponn kestyon siplemanter.

 

MINISTER MITCY LARUE

Mersi Mr Speaker. Wi Onorab ou’n demann mon si, konmsi pour konfirm si nou laport antre ek nou exit i menm, wi, wi i menm; me selman parey mon’n dir ou i annan ankor, me lefe nou la i annan ankor keksoz ki nou kapab fer, me Fire, SFRSA in donn nou laprouvasyon e mon a kit kopi taler avek Mr Speaker pour zot gannyen.

Me i annan serten keksoz ladan ki’n dir nou ki nou bezwen fer bann pti keksoz parey training ki mon ti dir avek nou staff to the Assembly Point eksetera i pour vin donn nou sa training next week. Pour le moman nou annan nou 11 deteni kot Sant Rimann e leres i ankor Montagne Posée.

Sa Visiting Time ki ou pe dir 15 minit petet ou pe mazinen i tro kourt, sa i en keksoz ki nou a kapab rekonsidere, gete si nou kapab donn zot en pti pe plis letan.

Trwazyenmman letan mon dir ou poudir en rimann i teknikman en prizonnyen, ler mon pe dir ou teknikman – nou, nou kot Sant Rimann ek Prizon i ganny gide, tou nou bann keksoz i ganny gide par nou Prisons Act avek nou Regulation – tou, napa nanryen ki nou fer i an deor sa Prisons Act avek sa Regilasyon, tou within. Ok?

E ou’n osi dir poudir i annan de fwa fanmir zot vin avek serten keksoz letan zot vin vizit zot pros e nou pran. Ki’n arive se ki annan de fwa zot vini avek keksoz wi, me nou, nou bezwen fer sir. Ou konnen letan kot Montagne Posée nou pe pas atraver bokou problenm, bokou keksoz ki an deor kontrol parey zot konnen nou’n deza dir zot, e zot konnen i avek en High Level Committee ki Prezidan in met an plas, kot nou pe travay lo Reform antye, en kantite travay pe ganny fer e nou pa oule menm problenm ki nou pe gannyen dan Prizon ozordi i anmenn anba kot rimann. Nou anvi fer li vin enn ki pli egzanpler kot nou pa pe ganny sa bann problenm drog pe antre, tou sord kalite keksoz; e sekirite nou bann deteni i dan nou lanmen. Okenn keksoz ki arive avek enn sa bann deteni i responsabilite Prizon, i responsabilite Sirentandan avek son bann travayer la.

Alor okenn keksoz ki en dimoun i anmennen nou bezwen konnen kwa. Annan de fwa dimoun i anmenn en ponm, i annan keksoz ki ganny mete ladan, annan de fwa i anmenn en pake biskwi i annan fason ki zansla i antre keksoz ladan.

Petet, mon krwar zot in bezwen tande plizyer fwa sa in ganny dir, i annan en kantite keksoz. Alor i annan de fwa si zot vin avek en juice zot ganny dwa bwar zot juice la devan zot fanmir. E nou, nou pe restrikte lo lakantite keksoz akoz parey mon’n dir, zot annan zot breakfast, zot annan zot dezennen, zot annan zot dite 3er avek 2 dipen nou donn zot, nou donn zot, zot dinen ki nou pa bezwen vwar vreman akoz dan kaso kot zot ete, zot a kout i annan 5, i annan 6, i annan 10 e tousala Prizon nou pe vwar, ou vwar tou sord kalite kosonnyen dan landrwa kot zot pe reste – ki i pa, i napa lizyenn.

Ou konnen i vin mal, nou pa anvi sa i repete la. Alor se sa ki la nou annan sa serten restriksyon, me selman tou sa la ankor parey mon dir fir a mezir ki ler bann paran i ranpli sa bann form, nou vwar en pti pe ki zot pe mazinen e nou kapab aranze fir-a-mezir ki nou kapab.  Mersi.

 

MR SPEAKER

Onorab Andre. Minis switch off ou micro.

 

MINISTER MITCY LARUE

Petet wi i annan, parey mon fek dir zot, Prisons Act ki diriz nou akoz ladan osi lo kestyon manze osi zot donn nou byen ki mannyer sa i ganny, tousala in, petet nou kapab donn zot enn akoz nou Prisons Act nou deza pe revize osi e nou Regilasyon, ou kapab kit en kopi me nou pe revize ki nou pour vin dan Lasanble byensir avek pour zot laprouvasyon pli tar.  Mersi Mr Speaker.

 

MR SPEAKER

Onorab Andre.

 

HON CLIFFORD ANDRE

Dernyen pti kestyon, Minis ou’n dir nou an relasyon avek kestyon 10 ek 11, plito 11 ki Tender pa ti ganny fer pour rezon sekirite, ki sa rezon sekirite ki Minis i dir nou akoz letan en dimoun i rimann i pa neseserman reste dan sa fasilite, i pour sorti e si i pour al devwal lenformasyon, akoz ki sa 6.5milyon pa ti ganny tender- out e bann ki santi ki zot ti kapab kontribye zot ti ava’n fer en bid kekfwa ti a’n kout Gouvernman en pti pe pli meyer marse.  Mersi.

 

MR SPEAKER

Minis.

 

MINISTER MITCY LARUE

Ler nou ti Tender orizinalman, ti ganny Tender lannen pase sa, i ti 4. 423 milyon ok, me apre ki vizit ti ganny fer par bann Zofisye UNDOC ti vwar ankor i annan keksoz ki nou bezwen aranze, keksoz pour nou met li lo standar Enternasyonal, ok  ; en bon pe keksoz, mon menm mwan ler mon’n vini Sant ti’n tenir en pe, nou vini nou’n vizite nou’n vwar ansanm avek bann dimoun UNODC ek lezot nou’n vwar ki ti annan keksoz ki bezwen ganny fer pour met li lo sa standar ok?  E petet menm mon ava dir ou ozordi ti devret lo en pli o, en pli o standar petet lespas en pe plis, me ki mannyer landrwa ti ete, sa vye Warehouse in ganny re fer. I pa’n vin parey nou ti a voudre annan en Sant Detansyon.

Me poudir ki ti kapab kout nou pli bon marse, mon pa pour dir me selman nou ti ganny demann permisyon nou. Nou ti demann permisyon Procurement pour nou pa Tender, nou pa ti zis deside nou tousel pa Tender.

Ok, nou ti demann Procurement, nou annan tou dokiman avek nou la ki annan tou sa bann detay ki mannyer ti ganny demande e akoz nou ti ganny laprouvasyon pour nou pa Tender sa proze. Tou. Nou kapab kit tou sa bann dokiman avek zot apre, zot ava kapab pas lo la zot osi zot a vwar.  Mersi.

 

MR SPEAKER

Onorab Prea.

 

HON NICHOLAS PREA

Mersi Mr Speaker. Minis an vi ki se Lapolis ki fer arestasyon, detansyon e swiv prosedir Lakour ziska ki Case i fini, akoz ki sa Sant Rimann i tonm anba Lotorite Prizon e ki Prison Act ki pe diriz sa Sant e non pa Police Act, e si sa ki pe fer ki rimann petet pe fer sorti sa bann konsern ki zot pe ganny trete koman prizonnyen?  Mersi.

 

MINISTER MITCY LARUE

Ok Mr Speaker, mersi Onorab par egzanp parey mon’n dir taler dan nou Prisons Act i annan sa ok? E, ‘’unconvicted persons means a debtor or any persons on remand or awaiting trial or detained in safe custody or for one of sureties who has not been convicted by any Court.’’

        Ok, sa i reste anba Sirentandan, i reste la anba Prizon. Si prezan demen nou anvi sanz sa, nou kapab anmenn li koman en sanzman dan Lalwa, ok? Me pour le moman i tonm anba sa bann Prisons Act.

 

MR SPEAKER

Alright. Onorab Ramkalawan.

 

MINISTER MITCY LARUE

Ok petet, mon pe ganny eksplike ankor la kot i annan 2 kategori. I annan en kategori ki ler i ganny parey ou fek dir, letan Lapolis i anmas li, li i ganny met dan kaso. Sa i en kategori sa. I ganny met dan kaso ziska ler li prezan i al Ankour. La apre i ganny met kot rimann. Ler i sorti Ankour ki i ganny met kot rimann, ok? Akoz Ziz ki anvoy li rimann.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker, premyerman mon ti a kontan demann Minis sa Lakonpannyen Turnkey, lekel son bann Direkter? E konmsi pour nou konnen, akoz ki zot in ganny sa Kontra? E dezyenmman, mon ti ava kontan zis dir Minis ki poudir i vreman ridikil sa zafer rezon sekirite, parske once ou’n fini fer en batiman, be pa travayer i antre ladan i soz ladan e ki zot tou zot konnen kote baro i ete, kote laport i ete, kote tou bann keksoz i ete? Alors ki diferans i fer si ou pe konstrir en batiman pour rezon sekirite e apre sa se travayer ki pour ladan e menm bann dimoun pour reste ladan, bann remandees pour ladan, be pa zot konn tou?  Mersi bokou.

 

MR SPEAKER

Minis.

 

MINISTER MITCY LARUE

Mersi bokou Mr Speaker. Mersi Onorab. Petet ou dezyenm kestyon i annan definitivman rezon dan sa ki ou pe dir kot par egzanp sa bann travayer i konnen ki mannyer sa i marse.

Be selman sa i en keksoz ki enorm, ki’n ganny mon pour dir adopte toultan, petet i en keksoz ki nou kapab revwar dan lavenir ok?

Dezyenmman Direkter ki mon konnen se Mr Wilson Nancy. Apre mon pa konn lezot Direkter sa Konpannyen.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker mon krwar ki ou’n fini vwar mon direksyon, sa i kler ki poudir set en koripsyon, en koripsyon, akoz ki zis en dimoun ki li san Tender i kapab ganny sa Kontra. Sa i apel en koripsyon e mon krwar ki poudir nou bezwen regard ladan parske, I mean i annan tou sa bann, wi e an plis ki sa Mr Speaker nou bezwen mazinen poudir son ser i ansarz Tender Board e alor sa mon anvi met lo rikord Lasanble ki poudir nou bezwen pran li koman en koripsyon ki’n pase dan sa tranzaksyon.  Mersi bokou.

 

MR SPEAKER

Me petet avan nou al kot Onorab Ferrari dan sa laliny, petet Minis i kapab dir nou akoz ki sa Konpannyen an partikilye i pli kapab asir sekirite ki okenn lezot Konpannyen?

 

HON WAVEL RAMKALAWAN

Mr Speaker zis avan i ale, avan i ale mon osi anvi met lo rikord ki poudir Mr Wilson Nancy ti enn bann dimoun ki ti partisip dan PPB pour Mr Michel dan sa dernyen Eleksyon ki alors sa i fer li ankor enn fwa fer li vin en pli gro koripsyon ankor.  Mersi bokou.

 

 

MR SPEAKER

Ok, en pti moman, Minis ou anvi dir keksoz avan nou pran lot entervenan.

 

MINISTER MITCY LARUE

Mr Speaker mersi. Mr Speaker ler ti fer sa Kontra eksetera parey mon dir ti 2016 sa. Pa pandan mon letan, me selman i annan tou dokiman ki’n ganny ekri pour demande, pour demann laprouvasyon POU pour konstriksyon, renovasyon lo travay ‘’proposed human facility at ex- Coast Guard as the works involved are sensitive, we seek your approval to appoint.’’ La i la non sa Lakonpannyen to be the Contractor, e the project will cost R4.421, 769 million ok?

E nou ti ganny larepons, larepons ti ganny reponn;’’ as such the Procurement Oversight Unit has no objection for the Procurement to be exempted in Accordance with Section 3, 1 (A) & (B) of the Public Procurement Act.

 

MR SPEAKER

Be petet sa Section 3, 1 (A), (B) Madanm Minis petet mon krwar parey ou’n ganny dir taler, ou devret donn nou sa bann lenformasyon sa bann dokimantasyon pour nou regarde.

 

MINISTER MITCY LARUE

Mon a kite wi Mr Speaker.

 

MR SPEAKER

Akoz mon osi mon pa ankor konpran ki kalifikasyon sa en Turnkey i annan, pour fer li pli kapab secure en building ki lezot.  Me tou fason i annan lezot dimoun ki anvi entervenir, Onorab Afif. E avan mon, avan ou kontinyen Onorab Afif les mon a dir i reste nou 15 minit, mazinen nou pour aret 3er, wi, wi Onorab Larue mon vwar ou lanmen, zis mon pe dir zis fer sir nou pa koz tro lontan. Kestyon Onorab Afif.

 

HON AHMED AFIF

Mersi Mr Speaker, bonn apre midi Minis. Mon kestyon i baze lo pwen nimero 11 ki’n demande, pardon pwen nimero 10 kot i pe koz lo kou konstriksyon, ou dir finalman in ariv 6.5 milyon, si ou kapab donn nou en lide, 6.2 milyon, si ou kapab donn ou en lide, ki grander sa met kare sa konstriksyon ti ete silvouple?  Mersi.

 

MR SPEAKER

Minis.

 

MINISTER MITCY LARUE

Mon napa sa, i apepre konbyen?  200 met, apepre 200 met kare.

 

MR SPEAKER

Onorab Afif.

 

MINISTER MITCY LARUE

Me sa i pa telman egzakt nou kapab donn ou lenformasyon apre.

 

HON AHMED AFIF

Si sa i le ka in kout R32 mil par met kare kan konstriksyon pe kout apepre R10 mil a R11 mil par met kare; 3 fwa son pri.

 

MR SPEAKER

Minis. Order! Order! Order!

 

MINISTER MITCY LARUE

Petet mon ti ava osi petet profite pour mwan envit Manm Lasanble, envit Manm Lasanble pour vizit Remand Centre ok?

 

MR SPEAKER

Ok, nou a, mon krwar bann Manm Lasanble in tande, nou a vwar lekel bann ki enterese pour al vizit Remand Centre, nou ava aranze avek Minis ek son lekip, ok? Order! Onorab Ferrari.

 

HON JEAN-FRANCOIS FERRARI

Wi Mr Speaker mersi bokou. Yes?

 

MR SPEAKER

Wi Minis.

 

MINISTER MITCY LARUE

Mon krwar i annan en pti koreksyon la, mon bann dimoun pe dir mon i apepre 800 met kare akoz 200 i pti gin si ou pe gete.

 

MR SPEAKER

Ok. Onorab Ferrari?

 

HON JEAN-FRANCOIS FERRARI

Selman nou konnen sa building ti pe debout in ganny re zis convert, sa en lot zafer. Me mon ti a kontan Mr Speaker ki mon koman en Manm FPAC aksepte sa propozisyon ki Minis in fer ki o pli vit posib nou ganny sa bann dokiman ek bann korespondans pour nou kapab met sa o kler; e dek, e  pandan ki nou ava pe fer sa travay, nou ava mon mazinen aksepte ou lenvitasyon pour nou vin vizit landrwa pour nou kapab konpar sa bann keksoz. So o pli vit posib ki nou kapab ganny ou kolaborasyon lo sa dosye e tou bann dokiman, nou apresye.  Mersi.

 

MR SPEAKER

Mersi Onorab. Minis ou a les nou konnen pour nou enform tou dimoun ok.

 

MINISTER MITCY LARUE

Ok wi, Onorab, nou ava organiz sa Mr Speaker.  Mersi.

 

MR SPEAKER

Tre byen. Onorab Loizeau.

 

HON NORBERT LOIZEAU

Mersi Mr Speaker, bonzour Minis, bonzour tou dimoun. Mr Speaker mwan mon kestyon i lo en pti Statement ki Minis in fer dan pe reponn bann kestyon Onorab Andre.

Minis in koze in dir ki kan i annan en Lanterman en pros, en dimoun rimann ouswa en kondannen zot ganny sans pour al Lanterman zot pros, i byen Minis i ok sa, be pour mwan pour mon en Lanterman Mr Speaker i enkli kot lekor, Seremoni Legliz, e ler pe antere. Mon anvi demann Minis ki rezon ki bann rimann e menm bann kondannen pa ganny sans pour zot asiste servis Legliz e menm antere, zot vin zis kot lekor selman ou dir zot ganny sans asiste Lanterman.  Mersi.

 

MR SPEAKER

Minis.

 

MINISTER MITCY LARUE

Ok mersi Onorab e mersi Mr Speaker. Parey mon’n dir sa i a diskresyon Sirentandan, e sa dimoun, sa rimann oubyen sa prizonnyen i demande li, akoz i annan prizonnyen ki demande i ti a kontan li al kot lekor, i annan i demande pour li al kot Legliz. I depan. I depan kwa ki zot demande, me selman diskresyon Sirentandan se ki zot plito al kot lekor me pa tou son Seremoni antye akoz ou bezwen deplas osi letan sa rimann oubyen sa prizonnyen pe al laba, ou bezwen deplas at least 1 gard avek li, annan 2 fwa ou bezwen met 2 depandan lekel sa prizonnyen, depan kalite prizonnyen ou annan, kalite rimann ou annan. Ok i depan lekel ki ou pe, si enn ki vreman disiplinen ou anvoy 1 me annan de fwa ou bezwen 2. So ok? Mersi bokou.

 

MR SPEAKER

Onorab Larue.

 

HON FLORY LARUE

Bonn apre midi Minis, mersi Speaker. Eski Minis i kapab klarifye Rikord Lasanble ou dir ki sa Kontra letan ti ganny sinyen i pa ti anba, ou pa ti Minis sa Minister, eski ou kapab klarifye pour Lasanble lekel ki ti Minis sa letan silvouple?

 

MR SPEAKER

Minis.

 

MINISTER MITCY LARUE

Sa lepok ti Minis Bastienne.

 

MR SPEAKER

Ok? Bon alor nou’n dakor ki Minis pour fer nou ganny bann korespondans pertinan lo konstriksyon sa batiman, epi dezyenmman ler Finance Public Accounts Committee in vwar sa, annan en laranzman pour bann ki enterese pour vizit Remand Centre pour vwar egzakteman ki mannyer i ete e son grander ensidswit. Wi Onorab Ramkalawan.

 

HON WAVEL RAMKALAWAN

Koman Chairman FPAC, letan Minis pe donn nou sa bann dokiman, nou ti ava kontan osi si dan son rapor i mete si prizonnyen osi tou ti involved dan konstriksyon sa batiman. Si prizonnyen ti involve dan konstriksyon sa batiman, si sa batiman ti deza la avan pour nou kapab ganny tou sa bann detay.

 

MR SPEAKER

Ok.  Epi ler zot a vizite tou fason zot a kapab raport avek Lasanble pour dir koman tou keksoz in pase. Mersi. Onorab De Commarmond.

 

HON CHARLES DE COMMARMOND

Wi Mr Speaker, zis pour Minis klarifye en keksoz, sa Kontra i la avek li?  Lekel ki’n siny sa Kontra?  Kontra pa la.

 

MR SPEAKER

So petet Minis ler ou a anvoy bann lenformasyon, ou a anvoye lekel ki’n siny Kontra.

 

MINISTER MITCY LARUE

….i demann permisyon ok? En email, me nou napa Kontra la avek nou. Nou a rod tou lenformasyon nou a donn zot parey zot in demande, nou a fer en folder nou a anvoy pour zot avek tou bann dokiman ki zot bezwen.

 

MR SPEAKER

Onorab.

 

HON WAVEL RAMKALAWAN

Letan Minis pe donn nou sa bann dokiman, si i ti a kapab osi konfirmen ki poudir sa Lakonpannyen son Biro i dan Maison du Peuple.  Mersi bokou.

 

MR SPEAKER

Ok, Minis i a donn ou. Ok order! Order! Order! Order! Minis in dir nou i pour donn nou bann lenformasyon pertinan pour sa kestyon ki Onorab Clifford Andre in anmennen. Si i annan lezot lenformasyon ki nou pour rode sa napa problenm, be Minis i dir sa ki konsern li se sa Remand Centre. Kote Kontrakter i ete sa nou ava vwar apre. Wi Onorab Gill.

 

HON SIMON GILL

Non, non nou pa pe al konfirm nanryen me petet ti a enteresan konnen Mr Speaker, mersi pour la parol, konbyen deteni ozordi ki laba ki Onorab Clifford Andre i zot Avoka.  Mersi.

 

MR SPEAKER

Anfen.. Order! Order! Order!

 

MINISTER MITCY LARUE

Mersi Mr Speaker sa osi Mr Speaker sa mon pa pour antre ladan, me selman mon ti dir taler poudir in vizite akoz i annan dimoun laba ki son…

 

MR SPEAKER

Ou pa pour konnen ok, mersi, ok Order ! Bon Minis avek sa mon a remersye ou pour ou letan ou’n vini ou’n pas avek nou, mon kontan ki – Silvouple! Silvouple!  Mon kontan ou’n pas sa letan pour eksplik nou e i annan bann kestyon ki’n ganny lev-e .

Mon apresye ki ou’n dir nou ou pour donn nou lenformasyon siplemanter pertinan avek bann kestyon ek bann konsern ki bann Onorab i annan. E pli enportan mon kontan ki nou vinabou tenir nou 1erdtan parske Vis- Prezidan i la pour li vin pran 2enm Sesyon lo 3 Bill.  Alor avek sa mon a remersi ou ankor, swet ou bonn kontinyasyon e nou a eskiz ou avek ou lekip teknisyen.

 

MINISTER MITCY LARUE

Mersi Mr Speaker e mersi tou bann Manm Onorab.

 

MINISTER MITCY LARUE AND HER DELEGATION WAS EXCUSED FROM THE HOUSE

 

HON WAVEL RAMKALAWAN

Mr Speaker ou a krwar avek en pti laliny 15 liv nou’n ganny en gro pwason – nou’n ganny en skipjack.

 

(Laughter)

 

MR SPEAKER

Vis-Prezidan Byenveni dan asize, fer ou konfortab. Vis- Prezidan in vini pour sa 3 Bill ki lo Order Paper ki zot in vwar bomaten; Industrial Estate Authority (Amendment) Bill, Small Enterprise and Promotion (Amendment) Bill apre Seychelles Media Commission (Amendment) Bill. Mr PS Rose vin devan Mr Verghese, Minis byenveni pour prezant Second Reading on Public Bills e ankor osi nou swet ou lekip, mon vwar PS Rose, mon vwar Acting AG Mr Esparon e osi Mr Verghese sorti Attorney General’s Office, e san plis tarde nou a regard Industrial Estates Authority (Amendment) Bill, 2017. Mr Onorab de Commarmond.

 

HON CHARLES DE COMMARMOND

Mersi Mr Speaker. Mr Speaker anba Order 64 (2) nou Standing Order mon oule move ki Industrial Estate Authority (Amendment) Bill, 2017 i ganny lir en Dezyenm Fwa.  Mersi.

 

MR SPEAKER

Onorab Gill.

 

HON SIMON GILL

Motion seconded Mr Speaker.  Mersi.

 

MR SPEAKER

Motion seconded. Deputy Clerk eski ou a kapab lir Bill.

 

MADAM DEPUTY CLERK

Mersi Mr Speaker. A Bill of an Act to amend The Industrial Estates Authority Act, Act 9 of 2013.  Mersi.

 

MR SPEAKER

Eski mon kapab envit Onorab Vis-Prezidan pour prezant Bill devan Lasanble.

 

VICE-PRESIDENT – MR VINCENT MERITON

Mersi Mr Speaker. Bonzour Mr Speaker, e bonzour tou Manm Onorab. Mr Speaker mon ti a kontan remersi ou menm, Leader Lopozisyon e tou Manm ki’n eksprim senpati anver mwan ek mon fanmir lo lokazyon lanmor mon manman. Nou pe fer laranzman, me selman nou’n planifye e i reste pour konfirmen ki Lanterman pour fer Vandredi 2er edmi Cathedral Immaculée Conception. Mersi ankor enn fwa.

Mr Speaker, lamannman ki pe ganny propoze dan Lalwa Industrial Estate Authority pe senpleman ganny fer pour reflekte prensip – bon gouvernans, latransparans avek rann kont.

An premye, i annan en lamannman ki konsern Dirizan Board. Dan Lalwa aktyel se Sekreter Prensipal Departman Lendistri ki Chairman Board.

Sa fason fer, i pa neseserman siport sa prensip bon gouvernans. Alor nou pe propoze ki sa i sanze ki fer ki Board i ava ganny dirize aprezan par en dimoun, par en profesyonnel sorti dan sekter piblik.

Dezyenmman Mr Speaker, Sekreter Prensipal pour ganny ranplase par en reprezantan sa Departman e sa manm i ava ganny sans vot lo bann desizyon ki Board pour pran.

Bann Manm Board enkli son Chairperson pour ganny apwente par Prezidan, e parey labitid zot non ava ganny pibliye dan Gazette Ofisyel.  Vwala Mr Speaker, mon ti a kontan soumet sa bann propozisyon a Lasanble Nasyonal.  Mersi Mr Speaker.

 

MR SPEAKER

Mersi Msye Vis-Prezidan. Okenn kestyon, komanter from the floor sorti kot bann MNA? Yes Onorab Ramkalawan.

 

HON WAVEL RAMKALAWAN

Mr Speaker an vi, nou osi tou letan… nou anvi zis dir ki letan nou’n regard sa Bill, in fact sa 3 parske preski dan menm natir nou…

 

(Technical problem)

 

MR SPEAKER

Nou pa tande Onorab…

 

HON WAVEL RAMKALAWAN

…kekfwa akoz taler mon dir sa mo ‘’koripsyon’’ prezan in ….

 

(Technical problem)

 

HON WAVEL RAMKALAWAN

Mon a zis lev mon lavan en pe plis.  Mon pe….

 

(Technical problem)

 

(BREAK)

 

MR SPEAKER

Bon si mon’n konpran byen Onorab Leader Lopozisyon pe dir napa gran sanzman ki le fer. Eski i annan okenn lezot Manm ki anvi fer komanter lo sa Industrial Estates Authority (Amendment) Bill, avan nou demann Vis-Prezidan pou fer en pti round-up. Okenn komanter sorti kot personn? Si non,.. Onorab De Commarmond.

 

HON CHARLES DE COMMARMOND

Zis pou dir ki i straight forward ki nou ti kapab bouze al lo lot.

 

MR SPEAKER

Tre byen. Eski nou pran en vot Merits of the Bill? Yes Onorab Pillay.

 

HON SEBASTIEN PILLAY

Yes Mr Speaker. Avek ou gidans wi nou a pran en vot lo Merit of the Bill. Me solman nou ti annan detrwa pti Amannman plito cosmetic ki nou ti kapab fer. En pti pe toilette juridique  silvouple.

Lo nou pe koz lo  Industrial Estates non? Ok mersi.

 

MR SPEAKER

Go ahead.

 

HON BASIL HOAREAU

I second the Motion pou nou pran en vot lo sa merits – yes.

 

MR SPEAKER

Non mon ti krwar Onorab Pillay ti’n dir i annan serten pti amannman ki oule fer. Pardon pou lot sa. Committee Stage ok.

 

HON WAVEL RAMKALAWAN

Mr Speaker eski nou bezwen rantre dan Committee? If they are simple amendments let’s take them all so that we don’t go into Committee Stage.

 

MR SPEAKER

Dakor, eski savedir nou kapab al lo dezyenm…

 

 

HON CHARLES DE COMMARMOND

Mr Speaker se sa ki ou ti pe dir. Se Onorab Pillay si i annan serten pti amannman e ki fer sorti sa bann pti amannman. Apre i pou war i pa substantial, therefore nou ava propoze pou nou sot Staz Komite pou nou kapab vot.

 

MR SPEAKER

Tre byen. E se sa ki mon mwan ti krwar se sa ki mon ti pe sey dir. Ok eski nou kapab pran si okenn tir sa oubyen ou le anvoy kot Mr Verghese a separeman, oubyen ou le pran li la? Ok go ahead.

 

HON BASIL HOAREAU

Mr Speaker premyerman kot, an relasyon to Roman 11 2 in section 2 B. Kot i dir Member means the presentee reads ‘Member’ reads ‘the Member’. Nou pe dir – propoze ki it should read ‘’a Member’’. Member means a Member of the Board including the Chairperson. Sa i enn.

 

MR SPEAKER

Yes AG i ok?

 

(Technical problem)

 

HON BASIL HOAREAU

La i ok. So paragraph A. should read,’’ the Chairperson who shall be from the Private Sector,’’ rather bann ‘’Chairperson who is professionally in the Private Sector,’’

 

MR SPEAKER

Ok.

 

HON BASIL HOAREAU

And the first and last Amendments dan still stay C Roman 3. And an relasyon sub section 3. Pou apre ‘’shall be appointed by the President.’’

E nou pe sizere ki nou pe move ki the words ‘’cause it to’’ i ganny remove completely. So remove the few words ‘’cause it to,’’ and be substituted by the following words, ‘’The appointment shall be publish. So it would read, the Chairperson and the Members of the Board shall be appointed by the President, and the appointments shall be published by the notice in the Gazette.’’ So sa i sa 3 Amannman

 

 

MR SPEAKER

Amannman. Ok Onorab Georges.

 

HON BERNARD GEORGES

En lot pti amannman Mr Speaker dan sa seksyon ki swiv. Section 9, mon’n demann avek Legal Draftsman pou revwar ‘marginal heading.’

Zeneral mwan mon ti servi mo ‘marginal notes’ and not ‘marginal headings’ in dir mon i ava tyeke. E mon krwar dan IGPA – Interpretation and General Provisions Act nou servi ‘marginal notes’.

Me i paret mwan ki i annan en nouvo drafting  en prensip drafting kot sa mo ‘marginal heading’ i riske ranplas ‘marginal notes’, me sa nou a vwar an mezir nou pe ale.  Mersi.

 

MR SPEAKER

Okenn lezot amannman ki okenn Manm i anvi propoze. Si non eski nou kapab sot Committee Stage? Vot lo amannman, napa ankor amannman sa ki Onorab Pillay avek Onorab Georges ek Onorab Basil Hoareau in propoze, napa ankor. Eski nou kapab vot lo sa bann amannman alor. Tou bann ki dakor avek amannman lev lanmen.

 

(Technical problem)

 

MADAM DEPUTY CLERK

Mr Speaker mon’n rikord 25 Manm ki’n vot ‘pour.

 

MR SPEAKER

E napa Manm ki’n vot kont. Tre byen, Savedir amannman pour sa Industrial Estate Authority Bill i in ganny aprouve, bann amannman e we go to the Third Reading. Yes Onorab De Commarmond. Nou merit sa Bill is that what we do next ok. Lev lanmen tou bann ki dakor apre Vis-Prezidan Meriton napa nanryen pou azoute lo Merits of the Bill pou round-up. Annou vot lo la. Deputy Clerk,

 

 

MADAM DEPUTY CLERK

Mersi Mr Speaker mon’n rikord 25 Manm ki’n vot ‘pour. Mersi.

 

MR SPEAKER

Ok so Bill i aprouve by majority. The next step say Deputy Clerk.do we need to go for a the Third Reading request on the floor for the Third Reading. Yes Onorab De Commarmond.

 

HON CHARLES DE COMMARMOND

Mr Speaker anba 71 (1) mon le move ki the Industrial Estates Authority (Amendment) Bill. 2017 i ganny lir ankor en Trwazyenm Fwa.

 

HON SEBASTIEN PILLAY

Seconded Mr Speaker.

 

MR SPEAKER

Seconded par Onorab Pillay. Yes.  Deputy Clerk.

 

MADAM DEPUTY CLERK

Mersi Mr Speaker.

 

MR SPEAKER

Vote met lanmen anler sa ki pou Third Reading. Tou dimoun i dakor. Ok note, all right Deputy Clerk.

 

MADAM DEPUTY CLERK

Mr Speaker 25 Manm in vot ‘pour.

 

MR SPEAKER

Ok. And the next step now is, where are we now? The Third Reading of the Industrial Estate Authority (Amendment) Bill 2017.

 

MADAM DEPUTY CLERK

Mersi Mr Speaker. This Act may be cited as the Industrial Estate Authority (Amendment) Act 2017.  Mersi.

 

MR SPEAKER

Ok Bill in pase. Vis-Prezidan now we go on to the Seychelles Media am I right, Seychelles Media Commission (Amendment) Bill 2017. Non, dezyenm Vis-Prezidan se Small Enterprise and Promotion Agency (Amendment Bill), 2017.  Wi, wi nou kapab eskiz bann ki ti konsernen avek sa enn avan. Mr Dokter Fanny.  Mersi.  E nou a demann PS  Rose ek Ms Belmont pou vin devan. Let me try and consult my paper konman vwar sa this beautiful lady is coming in son non. PS Charlette PS of Enterprise Entrepreneurship Development Business Innovation Department. Please come. Sorry mwan pa’n get mon notes ava pou mwan konnen lekel ou. Denis nou tou nou konn li Mr  Rose nou tou nou konn li. Thank you Mr Verghese.  Bon nou al lo sa Dezyenm the 2nd  Bill for Second Reading.

 

HON CHARLES DE COMMARMOND

Mr Speaker anba Order 64 (2) nou  Standing Order, mon oule move ki The Small Enterprise and Promotion Agency (Amendment) Bill, 2017.i ganny li ankor en Dezyenm Fwa.

 

MR SPEAKER

Ok Onorab Pillay.

 

HON SEBASTIEN PILLAY

Seconded Mr Speaker.

 

MR SPEAKER

Seconded. Deputy Clerk.

 

MADAM DEPUTY CLERK

Mersi Mr Speaker. A Bill of an Act to Amend the Small Enterprise Promotion Agency Act Cap 324. Mersi.

 

MR SPEAKER

Thank you Deputy Clerk. Can I ask the Vice-President to now present the Bill to this Assembly.

 

VICE-PRESIDENT – MR VINCENT MERITON

Mersi Mr Speaker. Mr Speaker ankor dan lespri bonn gouvernans latransparans responsabilite avek rann kont, nou pe anmenn lamannman Lalwa senp a 2004.

An prensip sa Lalwa pe fer serten sanzman, premyerman ki Managing Director i vin CEO. Ki Minister ki responsab pour Lendistri ek Lenvestisman i vin Minister responsab pour Pti e Mwayen Antrepriz.  Ki Minis Lenvestisman ek Lendistri i vin Minis responsab pour Mwayen ek Pti antrepriz.

E an menm tan ki en nouvo konpozisyon Board e son konpozisyon i comme swivan. En reprezantan sorti kot Departman Lendistri avek Lenvestisman. En reprezantan sorti kot Biro Standar Sesel. En reprezantan sorti kot Lasanm Komers Sesel. En reprezantan sorti kot Sant Lantreprenarya kot Lenstiti Guy Morel. En reprezantan sorti kot Lasosyasyon bann Artizan. E 2 reprezantan sorti dan sekter prive.

Answit Mr Chairman, amannman ki propoze ki Chairman ek Board i ganny apwente pou 3an. E ki PS i pa lo Board, me en reprezantan sorti dan Departman i pou lo Board i pou kapab vot lo desizyon bann Board.

Epi finalman ki Prezidan ki apwent bann Manm Board olye ki Prezidan. Vwala Mr Speaker mon propoz sa amannman avek Lasanble pou konsiderasyon.  Mersi Mr Speaker.

 

MR SPEAKER

Mersi Vis-Prezidan. Okenn komanter on the merit of the Bills sorti kot bann Manm Lasanble? Onorab Ferrari.

 

HON JEAN-FRANCOIS FERRARI

Mersi. E bonn apre midi tou dimoun. Mwan ti a zis kontan si Vis-Prezidan ti kapab donn ou rezonnman akoz zot in re propoze ki the PS sits on the Board so what’s the and has voting rights.  So non mon pe tire sa ok.  Thank you.

 

MR SPEAKER

Okenn lezot. Yes Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker sa Prozedlwa ki devan nou byen sa ki pe fer. Me an menm tan mwan pe pran lespri en Mosyon ki ti pase dan Lasanble tou resaman, kot nou Lasanble Nasyonal ti demande ki distrik i ganny osi reprezante sirtou letan i annan bann keksoz ki konsern li, dan bann desizyon oubyen dan bann lenstans kot I annan pou fer ek distrik. Mon war pou dir SENPA i en landrwa kot bann pti antrepriz pti biznes, nou bann dimoun ki pe konmans en ki pe lev-e debourye.

Souvandfwa i sorti dan bann distrik byensir. E ki zot lavwa pa toultan ki ganny byen ekoute, e defann e promote.

Dan sa lespri mon oule propoz osi en pti amannman. Mon lev li la ki si Vis-Prezidan napa problenm i kapab ganny konsidere dan F. Dan seksyon dan 2 2 A B C D E F lo paz 5 lo Roman 5 F i met 2 Representative from the private sector, mon sizere ki i devret vin 1 Representative from the private sector apre nou azout G en Representative nominated by Local Government.

Savedir la i ava reprezant distrik lespri si oule se sa Mosyon ki ti move par Onorab pour St Louis. Sa ki mon ti annan pou met deva nou Lasanble.  Mersi.

 

MR SPEAKER

Okenn lezot propozisyon, amannman. Onorab Pillay.

 

HON SEBASTIEN PILLAY

Mersi Mr Speaker. Mr Speaker zis pou osi azoute an relasyon avek sa lamannman propoze. i annan bann distrik ki ozordi i trouv zot avek serten bann pti Micro Enterprise Sites – ki kapab ganny servi pou fasilit aktivite dan sa distrik spesifikman.

E dan sa  ka ki la, ler nou regard konpozisyon sa Board as is propose the amendments ki devan nou, i pou fer ki pou napa vreman sa bon, i pou mank serten kominikasyon ant, oubyen bon interferes oubyen synergy si ou kapab dir ant distrik avek Lotorite SENPA.

Sa lamannman ki nou pe propoze se ki, vi sa distrik i annan en DA ki tonm anba responsabilite Local Government, i ava annan en dimoun from Local Government ki li son rol i ava konman sa lyezon an distrik avek sa Lotorite, spesifikman an relasyon avek bann landrwa ki annan bann Sit Micro Enterprise.  Par egzanp at the top of my head mon mazin Port Glaud i annan enn. E mwan asire dan lezot distrik osi i annan.

Sa i al anliny avek sa konsiltasyon ki nou pe propoze. E dan sa lespri mon oule segonn sa propozisyon lamannman ki’n ganny fer par Onorab De Commarmond.

 

MR SPEAKER

Ok propozisyon lamannman i ganny segonde. Onorab Ferrari ou ti anvi pran laparol.

 

HON JEAN-FRANCOIS FERRARI

Mr Speaker mersi. Mon ti a kontan, i pa en amannman as such, me selman i en demann ki nou lo sa kote latab nou ti a kontan fer.

Vi ki mon krwar Prezidan in aksepte en propozisyon ki ti ganny fer o konmansman sa Lasanble, ki ler i met en dimoun from an organisation, ok, i demann sa lorganizasyon pou propoz en dimoun plito ki Prezidan i ale i pik within an organisation.

Mon krwar ti en pe sa, dan bann dan sa lide donn en pe respe en pe lotonomi sa bann lorganizasyon – ki en keksoz ki mwan mon’n defann bokou.

Mon ti a vreman kontan dir avek Vis-Prezidan, si i kapab pran kont a little word of caution, ler pou annan en representative from the Seychelles Chamber of Commerce and Industry.

I annan en pe kontrovers ki’n lev-e ozordi. E mon trust Prezidan I ava pran kont sa pou par propoz okenn, pou pa aksepte okenn nominasyon bann dimoun ki, si annan bann dimoun ki pe ganny kestyonnen, lo ethics something like that.

So that it doesn’t apre afekte travay ki sa Board i ava fer. This is just a word of caution. And I say it with respect, e mon mazinen pou dir Vis-Prezidan i ava aksepte pou pas sa avek Prezidan.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Yes Mr Speaker. Mr Speaker mon konpran sa direksyon ki Onorab De Commarmond pe koze, me selman keksoz i ankor egzakteman parey. Napa nanryen ki’n sanze.

Kot Local Government i konsernen, i ankor annan en latitid dominer. I ankor annan en latitid kot zot ki kontrol tou keksoz. E alor nou pa pou kapab siport sa lamannman ki ou pe propoze.  Parski i pou zis en kontinyasyon dan sa menm direksyon. Si en konparezon, letan nou’n fini ganny Eleksyon, Gouvernman Lokal, pou bann distrik ensidswit. La petet i ava annan en lot petet i ava annan en lot lespri.

Parski an plis ki sa. Ok pa tou distrik ki annan en, ki annan sa bann Micro Enterprise. Alors ankor enn fwa kekfwa nou pe al en pe tro, nou a pe sot en pe tro vit.

E nou lo nou kote nou krwar sa ki pe ganny demande la. Sa ki pe ganny propoze konman bann Manm sa Board, nou krwar pou dir i sifizan.

E ki sekter prive i ganny reprezante, me sa parol kosyon ki Onorab Ferrari in mansyonnen, mwan krwar ki nou bezwen pran li o serye.

Parski sa Chamber of Commerce, parey zot konnen i annan en kantite kestyon ki ganny poze lo la. E Praslin ozordi, par egzanp Praslin ozordi zot pe anrezistre, zot in fini in fact – zot in fini anrezistre zot prop lorganizasyon pou biznes.

Alors petet sa ki mwan mon ti ava demande, olye pou ou al lo Local Government. pou nou kapab bring in Praslin dan en fason direk. Annou plito demande ki en Manm lo sa lorganizasyon sa NGO ki’n anrezistre Praslin, oubyen zot lasosyasyon mon pa konnen egzakteman mannyer zot ete – ki sa i ganny reprezante, pou ki i ava annan en kontak direk avek SENPA.

E ki konmsi lo tou kote i ava ganny reprezante. Parski ozordi letan ou pou met Chamber of Commerce bann businessmen lo Praslin zot pa rekonnet Chamber of Commerce. E zot annan zot prop lorganizasyon. E zot pe anmenn zot prop lager.

Alors mwan mon pa pe mazinen egzakteman ki mannyer zot apele. Me ki mon

pa konnen mwan si nou ti a kapab met en reprezantan from Praslin Business Association par egzanp? Ou konpran mon Mr Speaker? I annan Praslin Business Association ki’n ganny anrezistre. E ki Praslin i ava ganny anrezistre, si demen La Digue i annan son La Digue Business Association, ki zot osi tou zot ava ganny reprezante.

Mon met sa devan latab, e petet Vis-Prezidan i ava kapab donn nou son lopinyon lo la.  Mersi bokou.

 

MR SPEAKER

Onorab Ferrari lo menm laliny?

 

HON JEAN-FRANCOIS FERRARI

Lo egzakteman lo menm laliny Mr Speaker. Kekfwa mon ti ava dir make it simple. Nou kit F mannyer i ete. 2 Representative for the Private Sector, 1 of whom shall represent the Business Community on Praslin. If that is acceptable I think we…Praslin and Inner Islands.

 

MR SPEAKER

Ok.  Nou kouver sa ki Onorab Ramkalawan ti pe dir. Onorab Andre.

 

HON CLIFFORD ANDRE

Mersi Mr Speaker. Mr Speaker mwan mon annan en klarifikasyon ki mon pe demande. Mon konpran dan laliny ki nou pe koze. Letan nou pe dir si i dir, en ‘’representative from the Chamber of Commerce and Industry. Apre (f) i dir ‘two representatives.’ Ok nou’n ganny en kalifikasyon from the Private Sector. Eski nou pe dir ladan, letan nou pe koze Private Sector i pa en Manm Lasanm Komers? Akoz Private Sector definitivman i annan ki Manm Lasanm Komers. So ki mannyer nou pou, kekfwa Vis-Prezidan i kapab eksplik nou sa.  Mersi.

 

MR SPEAKER

Onorab sorry ti annan Onorab, wi Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker zis an relasyon avek lamannman ki’n ganny propoze, akoz nou osi nou krwar pou dir i enportan ki Community Praslin i ganny reprezante.

Nou ti oule propoz sa lamannman dan sa ‘’one of whom shall be for the Business Community of…. One of whom shall be for the Praslin Business Community.’’ Ou vwar li i bon koumsa? Praslin and Inner Island Business Community?

 

 

MR SPEAKER

Ok

 

HON SEBASTIEN PILLAY

‘’One of whom shall be the island Community.’’ Mr Speaker zis pou fer en dernyen pledwari an relasyon avek lamannman ki nou’n propoze lo sa kote. Mon apresye komanter pase  Leader Lopozisyon.

Me selman enn bann keksoz ki mwan mon’n remarke personnelman, e ki bokou dimoun in koz ek mwan lo la, se ki parfwa dan distrik ler zot idantifye serten site ki zot krwar pou dir i annan potansyel pou fer Micro Enterprise zot rankontre serten difikilte pou kapab fer li materyalize e vin en site Micro Enterprise.

        E rezon akoz nou ti pe propoz dan sa laliny, ti kapab en lot dimoun. Me nou ti oule ki distrik i annan en reprezantasyon. Me par lefe i pa posib pou met 25 distrik lo en Board, nou ti oule ki i annan en laliny kominikasyon ant distrik.

Se distrik ki ava deside li menm. Par egzanp mon idantifye en site, meton dan plato Anse Royale, dan somewhere dan St Louis si i posib oubyen anywhere – ki sa, ler i pe ganny manage distrik i annan serten kontak direk avek sa ki pe pase. As opposed  mon asire si la ou challenge bann distrik ki annan sa bann Micro Enterprise site, zot pou dir ou i manke sa sinerzi. E se pou sa rezon ki dan serten sirkonstans bann pti antreprener dan distrik, i pa ganny loportinite pou fer zot biznes dan distrik.

E ler zot bezwen al rod loportinite elsewhere, al rod bann site elsewhere, zot ganny difikilte avek konpetisyon. E kou pou zot, par egzanp transportasyon eksetera, i monte.

So se sa laliny i en pti pe lespri ki nou ti pe al ladan.  Mersi.

 

MR SPEAKER

Tre byen. Les nou ekout bann lezot Manm ki annan pou dir lo la. Onorab Henrie.

 

HON GERVAIS HENRIE

Mersi Mr Speaker. Mwan mon ti annan  zis 2 pwen spesifik par relasyon ae sa zafer distrik. Selman mwan osi mon pa konpran ki mannyer distrik pou byen ganny reprezante atraver Local Government. So mon pa neseserman siport sa lamannman. Pwen ki mon an vi

anvi lev-e se lo paz Roman 5. pwen (e).  Sa reprezantan sorti kot Lasosyasyon Artizan, mon ti zis anvi en lasirans pou dir sa Lasosyasyon aktyelman i egziste?

I annan son bann Office Bearers. Zot  fer zot AGM.  E ki i pa en Lasosyasyon ki pa pe mars byen.

Apre lo paz Roman 5 pwen (2) – kot i koz lo lapwentman grander dirasyon lapwentman bann Manm. – 3an e zot pou eligible for reappointment at the end of the term. Konbyen fwa? Sorry mon pa konnen si dan son other Act i annan. Me nou ti a kontan konnen konbyen fwa ki en Manm i kapab re ganny apwente.  Mersi sa ki mon ti anvi konnen.

 

MR SPEAKER

Onorab William.

 

HON WAVEN WILLIAM

Mersi Mr Speaker. Mr Speaker mon pou siport sa lamannman ki’n anmenn devan par Onorab De Commarmond. Epi eksplike par Onorab Pillay.

Mr Speaker swivan Mosyon ti ganny anmennen par Onorab Arrisol, ki mon ti siporte: me parey in ganny eksplike, i annan bann distrik kot i annan later ki tonm anba SENPA zot in transfer avek Lendistri, nou pe ganny serten difikilte akoz nou santi poudir, konsiltasyon ouswa lavwa distrik pa pe ganny ekoute.

Nou vwar bann dimoun an deor ki rantre, san ki later in ganny met lo tender ouswa in annan konsiltasyon pou regarde si lo kote distrik, napa bann pri lantrepriz  ti a kontan fer sa biznes,  ou vwar ki loportinite i ale.

Mon annan ka kot mon annan en garson ki’n fer aplikasyon lo bout later ki okipe par SENPA ki’n transfer avek Lendistri; kot son aplikasyon in ganny refize.

Me solman parey mon dir, ou tande i annan serten later pe ganny donnen avek dimoun pou fer biznes, ki an deor distrik.

Me ozordi ki bor lavwa distrik pou ganny ekoute? Si distrik pa ganny reprezante lo sa Board. Mon konnen poudir nou pe esper Eleksyon District Council. Nou pa konnen si vre pou annan en Eleksyon District Council, malgre ki nou pe fer meeting, nou pa pou kapab esper tou sa letan, akoz keksoz pe bouz sitan vit.

E pli nou espere, nou santi pou dir sans pou nou bann dimoun dan distrik pe sap nou. Akoz desizyon letan napa reprezantasyon pour distrik, parey pe ganny espekte.

E mwan mon ti a kontan ki nou sey konsider sa lamannman, akoz i anliny avek sa Mosyon ki Onorab Arrisol ti met devan ki mon’n siporte; ki mon krwar i tre byen.

E nou bezwen lavwa distrik lo sa Board.  Mersi bokou.

 

MR SPEAKER

Onorab Andre. Ou ok? Ok ou pa ti’n lev ou lanmen. Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker mwan mon’n met sa pirman parey in ganny eksplike.

E nou konnen nou poudir District Council mon pa ankor ganny elekte la. Se sa rezon mon dir ‘’en reprezantan nominated by Local Government. ‘’ Antretan ki District Council i vini. Sansan ler District Council i vini nou bezwen re anmenn sa Lalwa si zot ensiste, si District Council zot ensiste – zot me en presyon ki bezwen anmenn en amannman sa Lalwa i bezwen revin ankor.

Mwan mon’n met sa la. Mon dir pou sa Lalwa pa bezwen vin ankor. Alor lentere distrik sa fason, i kapab reprezante. Petet a konsidere ankor. Mwan sa zafer Praslin, Businessmen Praslin si zot in organiz zot – felisitasyon.   E si i ganny reprezante lo la, mon napa obzeksyon. Mon kontan. I byen.

Me an menm tan Private Sector avek Chamber of Commerce mon krwar preski menm zafer sa. So petet la osi regarde si sa bann zafer Private Sector pa devret li son reprezantatif – son reprezantasyon i al lo kote Chamber.

Petet alor (f) i devret sa ‘’two representatives’’ – then one from Praslin Business Community – lot from district whatever it is.

Konmsi en keksoz dan sa direksyon bezwen ganny fer. Mwan mon santi lentere distrik i bezwen ganny promote, ganny defann ganny reprezante dan en fason.

E si Lasanble li dan son Whole i pa oule, then so be it. Solman mwan mon pe pous sa prezan keksoz i arive. E dan  lespri ki Lasanble li menm, i ti’n dir lotrozour ki whatever bann desizyon ki ganny fer dan distrik, whatever bann lentere ki distrik i reprezante, i bezwen osi ganny reprezantasyon somehow.  Mersi.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker. Mr Speaker mon pa pou dakor lo sa dernyen pwen ki Onorab De Commarmond in fer, an term Administrasyon Distrik oubyen reprezantasyon distrik.

Sa i en keksoz spesifik. Sa bann dimoun bann pti biznes ki regroup ansanm. So mon krwar ki zot reprezantasyon i bezwen zot san lenterferans Local Government, e mon krwar sa Mosyon letan ti anmennen, ti anmenn bann dirizan ki dan distrik, pou partisip dan desizyon distrik.

So sa i en Foronm kot nou kapab koz avek sa dimoun ki lo Chamber of Commerce. Li i anmenn sa input. Nou koman bann dirizan nou kapab koz avek sa representative. Me selman parey in dir mwan osi Private Sector avek Chamber of Commerce, parey mon’n dir mon vwar i menm zafer.

So nou kapab koz ek sa bann dimoun, sa Reprezantan Artizan, nou kapab koz avek li. I kapab sorti dan nenport ki landrwa. So mon krwar i pa neseser, e mwan pou siport sa pozisyon ki’n ganny pran par Leader Lopozisyon, ki nou pa devret enkli Local Government akoz sa i en keksoz ki mon krwar nou devret tir Local Government – de-politiz li. Annou plito les sa kominote travay pou kapab vwar lavansman dan son Sekter.  Mersi.

 

MR SPEAKER

Onorab William.

 

HON WAVEN WILLIAM

Mr Speaker mon sezi bann largiman pe ganny avanse. E mwan si sa reprezantasyon distrik pa rantre, Mr Speaker mon pou abstain lo sa Bill. Akoz mwan santi pou dir tou sa bann lorganizasyon ki zot pe nonmen la ki annan, me mwan pa pe santi zot prezans o nivo distrik.

Mwan asire en bon pe Onorab isi anndan la i konn sa tre byen. E letan nou pe dir Gouvernman Lokal, nou pa pe dir District Administration nou.

Sa i ganny nonmen par sa Minister lekel ki i nonmen lo sa Board, me i pe reprezant ‘Lokal. E parey mon’n dir si sa pa antre, mon pe abstain lo sa Bill.  Mersi bokou.

 

MR SPEAKER

Tre byen, in kler Onorab William. Dernyen entervenan Onorab De Commarmond.

 

HON CHARLES DE COMMARMOND

Mr Speaker mwan mon napa en sou problenm. Si zot pa oule i ok. Me selman mwan lans en lapel. Mwan lans en lapel avek Prezidan ki pou nomin sa bann dimoun lo sa Board, pou ki letan  i pe nomin  bann dimoun take note of sa ki nou pe dir la, mazin sa bann pti dimoun dan distrik mazin sa bann pti antreprener dan distrik, e met en dimoun ki zot leker i pou osi al ver sa bann antreprener ptipti ki pe sey lev-e debourye dan distrik.  Mersi.

 

MR SPEAKER

Onorab Georges dernyen.

 

HON BERNARD GEORGES

Mr Speaker mwan pe ekout sa deba e mwan pou proz en solisyon ki kekfwa i ava rezwenn sa 2  diferan lopinyon.

Dan (f) nou’n fini klasifye enn ant sa 2 reprezantan ki pou sorti dan Private Sector. E nou dir i ava reprezant bann lentere biznes Praslin avek bann Inner Islands.

Akoz nou pa dir dan (f) two representatives from the Private Sector, 1 to represent the business interest of Praslin and the Inner Islands. And the other to represent the interest of the districts.

E alor, zot ava ganny pick from the Private Sector. Alor i ava donn en direksyon – nou a konnen ki enn ant sa 2 dimoun son rol se pou lyez avek tou bann distrik lo sa Board.

 

MR SPEAKER

En amannman lo (f) Roman 5.

 

HON CHARLES DE COMMARMOND

Man dakor avek sa nide. Mwan mon krwar si sa nide distrik, ptipti dimoun dan distrik ki pe sey lev-e debourye i ganny reprezante, pou mwan  I am happy. Mon krwar mon segonn sa propozisyon.

 

MR SPEAKER

Ok, eski nou a donn Vis- Prezidan moman pou sum-up.

 

VICE-PRESIDENT – MR VINCENT MERITON

Mersi Mr Speaker. Mr Speaker vitman lo sa pwen Gouvernman Lokal mon kontan nou’n tonm dakor, e that’s the way forward.

Kot i konsern 2 pwen ki Onorab Ferrari avek Onorab Ramkalawan in souleve, wi nou pou pran serye bann sizesyon, bann nominasyon sorti kot lorganizasyon.

I nepli tan pou nou dir avek CEPS mon le sa dimoun dan CEPS pou reprezant tel Board ki mon pe al apwente.

Nou demann CEPS donn mwan en Manm ki meet kriter mon mete A ziske Z, prezan fer sir ki ou donn mwan si oule donn mon 4 dan lord priyorite apre i ganny swazir. Si ou donn li i pran swazir. Apre nou bouze.

So mon kontan zot in fer sorti Onorab Henrie in touse ki sa Lasosyasyon fodre in anrezistre.  Son bann Manm pe peye e fodre i pe fonksyonnen.

Fotespere sa i mars partou kote. Akoz CEO i dir in marse normal. Lezot Lasosyasyon si nou diskit lo la fer sir ki zot vivan, fer sir ki pa bann nanm.

So mwan dakor avek sa. Nou pran li o serye.

Kot i konsern eligibility, pou rod  en appointment, ordinerman dan Lalwa i ouver Onorab. Konmsi si ou’n travay byen  dizon 3an ou 5an, then apre i remet ou. Mwan krwar napa en ‘Cap  dan okenn landrwa – mon’n demann Prokirer Zeneral par enterim pou klarifikasyon. So in dir mwan sa.

So mon’n satisfe avek deba ki’n pase apre midi.  I a permet nou kapab ankor avans dan en bon direksyon kot i annan plis enklizivite fer keksoz plis transparan.  Mersi Mr Speaker.

 

MR SPEAKER

Mersi Vis-Prezidan. Eski nou kapab prezan pran en vot on the merit of the Bill? Tou bann ki ‘pour lev lanmen.

Sa lamannman ki’n propoze par Onorab Georges ki’n siporte par… Ou annan lezot lamannman?  Ok, dan sa ka remet zot lanmen anba. Wi Onorab.

 

HON SEBASTIEN PILLAY

Mr Speaker mon annan 2 pti lamannman dan seksyon 2 (b), kot nou annan definisyon ‘Minister, ‘zis pou nou tir sa ‘the’ devan ‘Small and Medium Enterprise. ‘ Nou vwar li?  ‘‘Minister’’ means the Minister responsible for  Small and…

 

MR SPEAKER

Ki paz sa paz 2?

 

HON SEBASTIEN PILLAY

Roman 4.

 

MR SPEAKER

Roman 4. Ok.

 

HON SEBASTIEN PILLAY

Zis en pti sa…  Tir sa ‘‘the’’ la. E dan section (c)…

 

MR SPEAKER

Ok.

 

HON SEBASTIEN PILLAY

Sentence before last. Ankor enn fwa nou tir sa ‘‘the,’’ kot Small Medium Enterprise.

 

MR SPEAKER

Ok.

 

HON SEBASTIEN PILLAY

Ok?

 

MR SPEAKER

Wi. Okenn lezot lamannman dernyen avan nou pran en vot? Wi Onorab Georges.

 

HON BERNARD GEORGES

Mr Speaker 2 lezot pti propozisyon amannman. Lo paz Roman 5, anba (e), mon retourn lo sa Artisanal Association, eski sa Asosyasyon i vreman apel Artisanal Association oubyen the Artisan Association? It doesn’t look right ‘Artisan Association.’

E kekfwa nou devret dir, e mon propoze;’’ a representative of the Association regrouping Artisan,’’ – something like that. Akoz i kapab son non ki sanze. Dan (f), zis apre dan (f)…

 

MR SPEAKER

So (e) ou pe propoze ‘’representative of Association’’ – representing Artisan.

 

HON BERNARD GEORGES

Yes something like that. Unless there is a actual Artisan Association, ki pou toultan permanan, e ki pou toultan be known as ‘’The Artisan Association. ‘’

 

MR SPEAKER

Ok. Onorab Andre. Onorab Andre.

 

HON BERNARD GEORGES

Apre mwan annan enn de Mr Speaker. Mon a fer la oubyen apre?

 

MR SPEAKER

Esper li fini apre ou nou a retourn kot ou. Onorab Andre.

 

HON CLIFFORD ANDRE

Mersi Mr Speaker. Mr Speaker mon ti a kontan propoze ki nou get en pti kou. Letan mon pe get (a) i fer referans avek seksyon 6. E letan nou pe get (e) i refer ankor lo seksyon 6.

Mon ti a sizere pou consistency, nou konmans avek section 2, ki (b), ki 2 (b) i section 2 apre nou al section 4, apre nou al section 5, apre nou vin lo section 6.

     So mon mon pe zis propoze ki nou remet li dan lord pou kapab ganny li byen.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Speaker. Mon krwar ki dan 2 (a), ARRANGEMENT OF SECTIONS annefe i vin devan, dan en Bill. I vin avan section 2. Se pou ki sa rezon ki i la dan sa…

Basically nou pe, se son premye bout devan kot i annan section 1, 2, 3, 4, 5, 6, 7 e sa seksyon 6 anba sa ARRANGEMENT OF SECTIONS pe ganny sanze. Alor mon krwar I – avek respe, i trouv i byen kot i ete la.

Mon retourn lo Artisanal Association Mr Speaker. Si i annan en lasosyasyon ki apel ‘‘The Artisan Association’’ parey i ete, then what I suggest is, ‘’a representative of the Association of Artisans.’’ Ok.

 

MR SPEAKER

Me se sa ki ou’n dir taler. Mon ti pe al demann …Vis- Prezidan si i konnen si sa i egziste.

 

 

MR SPEAKER

Roman 5 i ‘’representative of Artisanal Association’’ … that exists – Association?

      If not then Onorab Georges reprezante i pe propoze en amannman. ‘’A representative of the Association representing Artisans.’’ Vis-Prezidan.

 

VICE-PRESIDENT – MR VINCENT MERITON

Mr Speaker mon larepons i baze lo gidans ki mon’n gannyen par

CEO o-bor mwan. Me la i paret i annan en pti (s) ki manke, ki met tousala an kestyon.

So  ‘blan bonnen, bonnen blan’… nou ok avek. Lenportans ki nou annan en Lasosyasyon ki pe reprezant bann Artizan. En pti common name – en non komen.

 

MR SPEAKER

Nou a kapab zis – i safest alor pou dir, ‘’a representative representing  the Association of Artisans.’’ Mr Onorab Georges. Yes ekout en pti moman. Onorab Georges.

 

HON WAVEL RAMKALAWAN

Mr Speaker.

 

MR SPEAKER

Wi.

 

HON WAVEL RAMKALAWAN

Dan Government of Seychelles napa en lasosyasyon ki apel Artisans Association. There’s none.

 

MR SPEAKER

Ok. Onorab Georges.

 

VICE-PRESIDENT – MR VINCENT MERITON

Mr Speaker les go by what Honourable Georges proposed – it’s safer for everyone.

 

MR SPEAKER

Onorab Georges.

 

HON BERNARD GEORGES

Mon propoz – mon ti’n propoz ‘representative of the Association of Artisans.’

Me mon konnen en lot sizesyon k sorti lo Manm Bills Committee ki anvi elarzi from Artisans to something else. Kekfwa mon ava sed laparol.

 

MR SPEAKER

Ou sed laparol kote? Onorab Pillay.

 

HON SEBASTIEN PILLAY

Mersi Mr Speaker. Mr Speaker wi – si par egzanp pe arive ki sa lasosyasyon i kase pou ganny plizyer groupman Artizan.

So petet ki nou pe propoze nou avek lagreman mover, ki nou dir, ‘’a representative of the Artisans’,’ kit li ouver prezan ki a ganny en reprezantasyon bann artizan lo sa..

 

MR SPEAKER

Ou tir sa mo ‘’Asosyasyon’’? Is that right Onorab Pillay? You just cross out the word ‘’Association?’’ Ok. Yes Onorab Georges.

 

HON BERNARD GEORGES

2 ankor ptipti Mr Speaker, (f ) Private Sector capital P capital S i devret pti (p) pti (s) for consistency. Dan sa lo Bill ki nou fek regarde i ti koumsa. E ankor enn fwa right of the bottom (e) marginal heading pwen mon’n fini fer taler.  Mersi.

 

MR SPEAKER

Ok? Yes, Onorab Pillay.

 

HON SEBASTIEN PILLAY

Mr Speaker petet zis pou annan finalite, eski nou kapab sa Clause (f) an antye, pour ki tou dimoun i lo menm paz avek? Mon krwar i annan 2 bout ki nou’n azoute so si nou kapab fer li an antye ki tou dimoun i kler lo la. Mersi.

 

MR SPEAKER

Vis-Prezidan mwan mon’n konpran ki  in dir, (f) oubyen (e)? (f). ‘’Two representatives from the Private Sector one from Praslin and  the Inner Islands.’’ Is that sa ki nou’n dakor Vis- Prezidan? Onorab Georges.

 

HON BERNARD GEORGES

Mon krwar nou ti’n plito tonm dakor Mr Speaker lo, ‘’two representatives from the Private Sector – One mon pa anvi servi mo ‘representing’ – ‘’two representatives from the Private Sector, one to represent the one from the – non – ‘’one to represent the business interest of Praslin and the Inner Islands.’’ ‘’And the other Inner Islands.’’ And the other ‘’to represent all districts,’’  or ‘’all Electoral Districts,’’ or something like that.

 

MR SPEAKER

Me ki diferans i fer avek sa ki Mr Onorab De Commarmond in dir taler Local Governments represent all the districts?

 

 

MR SPEAKER

Through Local Government? Ok yes Onorab Pillay.

 

HON SEBASTIEN PILLAY

Zis pou petet fer li en pti pe pli kler why not we say, pou sa dezyenm – ‘’representing the business interest of entrepreneurs    in the districts?’’  Mersi.

 

MR SPEAKER

Ok.    Is that agreeable?  Fine. Eski i annan okenn komanter from the Vice-President lo bann Amendments to the Bill? And if not can we take a vote? On the amendments. Deputy Clerk i think majority. Vote on the amendment. Konbyen?

     Ok, the Bill avek as amended is approved by the majority. And now. Do we go to the Third Bill oubyen Third Reading Deputy Clerk?

 

MADAM DEPUTY CLERK

 

        (Mic Off)

 

HON CHARLES DE COMMARMOND

Mr Speaker…

 

MR SPEAKER

Motion from Honourable De Commarmond – LGB.

 

HON CHARLES DE COMMARMOND

Yes Mr Speaker, mersi.  Anba Order 71(1)  nou Standing Order, mon oule move ki the Small Enterprise Promotion Agency  (Amendment) Bill, 2017 i ganny lir..

 

(Mic Off)

 

HON CHARLES DE COMMARMOND

 

Non be nou’n fini move pou Second Reading.

 

MR SPEAKER

Go on Onorab De Commarmond.

 

HON CHARLES DE COMMARMOND

Mr Speaker nou’n  pa ankor vote lo Second Reading. Nou’n vot lo sa bann lamannman.

 

MR SPEAKER

Prezan nou le al vot lo Second Reading ?

 

HON CHARLES DE COMMARMOND

Annou vot lo Second Reading. Then we will go to the Third Reading.

 

MR SPEAKER

Ok, Deputy Clerk, lev lanmenm tou bann ki dakor. Deputy Clerk.

 

MADAM DEPUTY CLERK

Mersi Mr Speaker mon’n rikord 26 Manm ki’n vot ‘pour.

 

MR SPEAKER

Very Good. Onorab De Commarmond.

 

HON CHARLES DE COMMARMOND

Thank you Mr Speaker. Mr Speaker anba order 71 (1) lo Standing Order mon oule move ki the Small Enterprise Promotion Agency (Amendment) Bill 2017 i ganny lir en Trwazyenm Fwa.

 

MR SPEAKER

Seconded ?

Onorab Pillay i seconded. Deputy Clerk.

 

MADAM DEPUTY CLERK

Mersi  Mr Speaker. This Act may be cited as a Small Enterprise Promotion Agency (Amendment) Act 2017. Mersi.

 

MR SPEAKER

Yes, Onorab Pillay. Seconded by ?    Alright vote.  Can we take a vote ?  Deputy Clerk.

 

MADAM DEPUTY CLERK

Mersi Mr Speaker, mon’n rikord 26 vot ‘pour.

 

MR SPEAKER

Very good.  Next step, next we will go to the third. Non be pa nou annan en Trwazyenm Bill ?

Nou’n fini fer Third Reading ?

Done the Third Reading. Now we move on to the Seychelles Commission (Amendment) Bill,

  1. E nou a eskiz Ms Charlette, PS, Madanm Belmont, Mr Rose and Mr Verghese. Mr Rose ou pe vin devan and Mr Verghese koumsa ki televizyon i ava vwar zot pli byen. Thank you nou a kontinyen. Lets try and be brief and quick. 4er in sonnen nou annan Mr Larose ki pe esper Urgent… Thank you. Mon a ganny en Mosyon ? Onorab De Commarmond.

 

HON CHARLES DE COMMARMOND

Thank you Mr Speaker anba 64 (2) nou  Standing Order mon oule move ki Seychelles Media Commission (Amendment) Bill, 2017 i ganny lir en Dezyenm Fwa.

 

HON SEBASTIEN PILLAY

Seconded Mr Speaker.

 

MR SPEAKER

Ok, seconded by Onorab Pillay. And now can I ask the Deputy Clerk to read the long title of the Bill. Seychelles Media Commission (Amendment) Bill, 2017.

 

MADAM DEPUTY CLERK

Mersi Mr Speaker. A Bill of an Act to amend the Seychelles Media Commission Act (Cap 318.) Mersi.

 

MR SPEAKER

Tre byen prezan mon kapab demann Vis-Prezidan envit ou pou prezant the Bill.

 

VICE-PRESIDENT – MR VINCENT MERITON

Mersi Mr Speaker. Mr Speaker Medya Sesel pe vin deplizanpli evidan e i pe zwe en rol konman 4enm pouvwar, pou kit tou dimoun enformen, edik e distrer zot atraver bann progranm radyo, televizyon ensi ki bann lartik lo zournal e Internet. La popilasyon a son tour pe servi medya plis konman en metod pou kominik avek Gouvernman e partaz zot lopinyon lo bann size ki pe afekte zot. Parey nou konnen e zot kapab menm eksperyanse sa enteraksyon ant medya e bann sitwayen Gouvernman i pa enn ki parfe. E kot i annan enteraksyon antre imen i touzour annan serten konfli avek dezakor, kreasyon en Komisyon Medya Sesel an 2010 e zisteman pou vin entermedyer dan bann tel lenstans. Rol Komisyon Medya i osi pou siperviz, promouvwar e protez aktivite medya dan nou pei. An menm tan i osi son responsabilite pou asire, ki lentere piblik ki ganny proteze dan medya an zeneral. Nou Sekter Lenformasyon pe aktyelman pas dan en peryod reform, ki’n vwar an premye, kreasyon en nouvo Departman Lenformasyon ki tonm anba mon Lofis. E sa lannen menm sa Lasanble in aprouv lamannman dan Lalwa SBC pou fer li vin en lenstitisyon endepandan. E byento mon pou vin isi devan Lasanble pou rod laprouvasyon lo Lalwa ki konsern ‘Akse avek Lenformasyon. Sepandan ozordi, mon vin prezant zot serten lamannman dan Lalwa Komisyon Medya Sesel, ki osi form parti reform ki Gouvernman pe fer dan Sekter Lenformasyon. Sanzman mazer ki pe ganny propoze, i konsern konpozisyon sa Komisyon. An premye Prozedlwa pe rod en separasyon ant pozisyon ‘Chairperson ‘avek pozisyon Sef Egzekitif ki kontrerman avek sityasyon aktyel, kot sa 2 pozisyon pe ganny okipe par en sel dimoun. Touzour lo konpozisyon, lakantite Manm ki ganny apwente pou deservi lo Komisyon Medya, pou ogmante sorti lo 8 Manm pou vin 9 Manm. Lapwentman bann Manm pou konm swivan : en manm nominen par Lasosyasyon Medya Sesel ; en lot par Lasanble Nasyonal ; en trwazyenm par Zidisyer ; en lot par Departman Lenformasyon ; en lot Manm par CEPS, e 4 lezot manm parmi en Chairperson pou ganny apwente par Prezidan baze lo zot stati dan lasosyete. An tou pou fer 9 manm e zot lapwentman zot dir pou en term 5an posibilite pou ganny re apwente. Sa i swiv en pe bann nouvo tandans ki nou pe fer, dan lezot lenstans parey nouvo Lalwa SBC. An vi ki sa separasyon pos ‘Chairperson avek pos Sef Egzekitif, i neseser ki serten seksyon dan Lalwa i ganny retire, e nouvo seksyon i ganny azoute ; ki koz lo apwentman Sef Egzekitif. Se Prezidan ki pou fer sa bann lapwentman, an konsiltasyon avek sef Ziz e Speaker Lasanble Nasyonal. Rol sa Sef Egzekitif se pou zer bann travay Konmisyon e pou osi stabilite pou lenplimantasyon bann desizyon ki ganny pran par Konmisyon. Parey i leka pour bann manm Konmisyon, Sef Egzekitif pou osi deservi sa Lofis pou en term 5an e  i kapab osi  ganny re apwente. Vwala Mr Speaker,  – ganny re apwente pardon. Vwala Mr Speaker lentrodiksyon sa lamannman e soumet li avek zot konsiderasyon. Mersi Mr Speaker.

 

MR SPEAKER

Mersi Vis-Prezidan. Eski i annan komanter, sizesyon sorti kot Manm lo sa Bill as presented by the VP ? Onorab Henrie ?

 

HON GERVAIS HENRIE

Mersi Mr Speaker. Mr Speaker sa Lalwa ki devan nou, mon vwar en dimoun ki annan en lentere partikilye ladan, parski mon profesyon mon en zournalis – mon editer en zournal ; mon osi coowner zournal Le Seychellois. E nou annan en relasyon travay avek Media Commission. Mon zournal in deza ganny raporte avek Media Commission. E an plis ki sa, mon Manm Egzekitif Lasosyasyon Medya Sesel. E sa lasosyasyon parey Vis- Prezidan in dir, nou enn bann ki nomin en Manm lo sa Bord. E nou lasosyasyon pe marse, nou bann Manm i peye, nou fer nou AGM. Nou aboveboard. Mr Speaker sa bann lamannman i pas ase senp dan lesans ki i pe demann bann keksoz spesifik me selman mon pe get li pe anmenn Media Commission dan en nouvo konmansman. I vin en pe parey sa Bill bann lamannman dan Lalwa SBC, ki ti ganny anmennen lot zour. Avan mon tous serten pwen mon annan pete trwa pti komanter pou fer lo Roman 4 10 (a).  I en keksoz ki piblik deor pou tann souvan sa, kot Prezidan i apwente an konsiltasyon avek Lasanble Nasyonal avek Sef Ziz. Pou konsonmasyon piblik, mon ti a kontan ki VP i donn nou en lesplikasyon ki mannyer sa i marse ?  Letan i dir konsiltasyon lekel ki nomin avan – eski i nominen apre i pas kot Speaker,  CJ i dir la i la ki mon’n swazir e zot tonm dakor : ouswa zot dir non pa dakor i pa sa enn. So ki mannyer sa i marse?  Premye pwen. Touzour dan sa laliny nou vwar poudir sa model gouvernans ki Prezidan pe nonm bann Chief Executive – mon napa difikilte avek sa. Me selman dan lespri lavenir, nou konnen poudir sirtou dan Sesel akoz pa ti ava bon ki sa bann CEO zot apply ? Nou’n vwar sa in vini avek SBC. Mon pran SBC ,akoz i en pos Konstitisyonnel e pou kapab garanti lendepandans sa CEO alor i ganny… ou bezwen apply. But pour larestan – par egzanp sa i pe ganny nominate. So prezan par egzanp nou Sesel konman en pti pei, ki bokou dimoun tre talante in kit pei zot pe viv deor zot pe rod loportinite tournen pou vin rann Sesel en servis, sa i ti ava en loportinite, pa zis Seychelles Media Commission me bokou lezot bann entite, kot lezot i ava kapab apply pou li vin en CEO rather than being appointed by the President. So sa i en pwen ki mon ti a kontan fer. Lo Roman 5 pwen (3) anler ankor pwen ki mon fer taler lo sa zafer ‘term la nou’n vwar 5an apre i dir eligible for re appointment. Konbyen fwa? Si i en 5an i ganny apwente ankor enn fwa i fer li 10an, eski i kapab ganny re apwente e fer li 15an ?  Konmsi mon krwar mon i bezwen annan en moman kot sa dimoun i bezwen move-on   sed laplas sirtou pou bann zenn zenerasyon ki pe monte. E dan sa menm laliny mon ti ava dir osi par egzanp si en dimoun i ganny nominate par en lorganizasyon, be si i sorti i nepli manm sa lasosyasyon, mon krwar it’s only fair, ki li sa dimoun i sorti akoz i nepli form parti sa lorganizasyon e i pa kapab reprezant sa lentere anymore lo sa Bord sa lorganizasyon. E nou’n vwar la poudir dezormen pou annan en nouvo Bord Seychelles Media Commission ki pou ganny apwente. E Media Commission parey VP in dir, i annan en rol tre enportan parske li ki regulate. Me selman mon krwar i annan en keksoz ki nou’n regard Media Commission pe fer ki mon krwar ki nou bezwen dezormen dir, ‘’be ou rol i bokou plis ki sa.’’ I pa zis en lorganizasyon pou ou al konplent, akoz letan en zournalis in mal ekrir en keksoz ou santi poudir ou drwa in ganny en pti pe abize, prezan ou tay laba pou ou konplent. Konmsi mon krwar i bezwen, sa nouvo Bord i bezwen vwar poudir zot annan en rol bokou pli larz. Kot par egzanp zot sipoze la pou lenfliyans bann Polisi ki gouvern Medya konman en lendistri. Ozordi pa egzanp bokou bann Lalwa kekfwa in ler pou revize, be nou pa kapab zis esper Egzekitif atraver Attorney  Zeneral poudir nou pou bezwen anmenn sa bann Lalwa pou amande. Mon krwar Media Commission i bezwen en pe pli proactive pou reviz sa bann lalwa e sirtou bann keksoz ki bann zournalis nou menm nou pe koz lo la. Par egzanp pran kestyon difamasyon, ozordi dan Sesel kot nou ankor enn sa bann pei dan Lafrik ki i en sarz kriminel almost pou to defame somebody, ki pa devret leka akoz bokou pei Lafrik pe sanze. So sa i pou rol sa nouvo Bord ki merit konsider sa. I annan osi kestyon konteni dan medya. An zeneral nou dir medya i la pou edike, pou enformen, pou detann, me lekel ki sansibiliz medya  an zeneral lo konteni ?  Mon krwar poudir bomaten mon ti pe get en pe lo Telecommunication, Broadcasting and Telecommunication Act nou vwar poudir ladan i koz en pe lo la. Be mon  krwar poudir dezormen sa nouvo Bord ki vini, i bezwen konsider prop Lalwa Media Commission i kapab sanze, pou zot osi pran en pe sa onboard pou zot responsabilite. En keksoz ki nou tann souvan bann dimoun in koz lo la lo Media Commission ; eski i annan ledan ?  Eski i morde ?

Menm son manm Bord, mon’n deza partisip dan en Forum lo televizyon avek enn ki ti pe dir zot napa. Be lekel ki pou donn zot ? Zot mon krwar ki pe vini demen ki pou ganny apwente, ki pou bezwen met sa bann keksoz de lavan e le la Brans Egzekitif e apre Lasanble letan i pe aprouve, i ava vwar ki zistans zot a kapab fer serten sa bann keksoz. Alor se ki mon pe dir se ki, Media Commission i pa merit zis la pou li monitor sa ki pe mars mal dan medya. I bezwen annan en rol pli proactive, pou li fer ki medya Sesel, i kontyen fleri. Par egzanp Akreditasyon Zournalis, lekel ki fer sa?  La i pe vin National Day, ou tann sepaman lekel lorganizasyon ki enform ou pou rod Akreditasyon. Mon krwar sa bann keksoz i merit tonm avek Media Commission zournalis etranze ki pe vin Sesel ozordi pe  al kot STB. Mon pa krwar sa i leka. Mon krwar zot bezwen pas avek Media Commission akoz i annan en Code of Ethics, ki ler ou dan Sesel ou konman en zournalis ou bezwen konnen ki sa ou kapab fer sa ou pa kapab fer. E ki demen nou pa vwar en progranm lo Sesel deor e ki nou tou nou pa anbarase par ki sa bann dimoun pe fer.  E menm sa bann dimoun ler zot vini zot devret pe pey en laysenns pou zot kapab fer serten travay e sa i bann keksoz ki sa nouvo Bord Media Commission i bezwen konsidere pou li met tousala dan son nouvo fonksyon. E touzour dan sa laliny  se pou  pou build rapor  avek bann stakeholders. Mon krwar poudir Media Commission i bezwen sorti en pti pe dan son lakok, pou li ; swa etabli relasyon avek medya lokalman ouswa Nasyonal kot prezan i kapab anmenn loportinite pou zournalis dan Sesel pou training pou devlopman zot karyer – bann keksoz konmsa. E la Mr Speake, mon ti a kontan lans en lapel pou medya zot menm mon krwar poudir kekfwa nou konman zournalis nou pa’n osi helpful to the Media Commission. Enn bann proze ki Media Commission sete Editors Forum. Kot tou le 2 mwan tou le 3 mwan, i zwenn avek editer, zournal pou nou kapab asize otour en latab pou diskit bann size ki pe afekte nou. Par egzanp sa kestyon, ‘Akse avek Lenformasyon i en keksoz ki serten zournal par egzanp ‘Today,’Les Seychellois,’Seychelles Weekly’ in pouse e ki evantyelman Egzekitif e lezot stakeholders dan pei, in tande sa Lalwa pe vini byento. Nou  pe koz lo mank training ; nou pe koz lo loportinite karyer, be lekel ki pou kapab anmenn sa bann size devan si bann editer pa pe regroupe pou siport Seychelles Media Commission, pou fer sa bann keksoz arive ? Akoz apre tou nou ki dan sa profesyon, nou ki pe travay toulezour ki konn bann keksoz ki pe afekte nou, e alors se nou ki bezwen met sa devan.   Alor i enportan ki nou annan en relasyon travay tre direk avek Seychelles Media Commission, donn zot sipor kot zot merit. E annan en konversasyon fran, ouver ki alafendefen se ki tou zournalis e bann Media House i kapab benefisye. Alor avek sa 2 pti pwen Mr Speaker mon ava wrap-up la e dir poudir ki mon pou siport bann lamannman ki pe ganny anmennen ozordi. Mersi.

 

MR SPEAKER

Okenn lezot komanter lo sa Bill ki’n ganny prezante?  Si non baze lo sa mon demann Onorab Georges ou ti oule propoz keksoz?

 

HON BERNARD GEORGES

Enn de pti lamannman, Mr Speaker.

 

MR SPEAKER

Enn de pti lamannman ?

 

HON BERNARD GEORGES

Fer li la ouswa apre ?

 

MR SPEAKER

Fer li la, apre nou a vote.

 

HON BERNARD GEORGES

Mersi. Mr Speaker mersi lo paz 4 Roman 4 anba 2 (b) (i) dan trwazyenm laliny  subtituting ‘’therefor  the ‘words’ eight other members,’ akoz i annan 3 mo. E lo menm paz anba (b) (iv) menm keksoz dan trwazyenm laliny the ‘words.’ On the next page Roman 5 anba little  (d) ankor enn fwa menm pwen ‘marginal heading’. E finalman lo sa paz anba clause (e) kot nou pe amann section 10 pou azout 10 –  dan 10A (2). mon ti ava sizere nou met en comma (,) two lines from the end of 10A (2) apre mo ‘Commission.’ Akoz i annan plizyer ‘and,’ and shall be responsible’’ – etc, ‘’’Commission’’ (,) comma ‘’and may sign documents on the behalf of the Commission.’’ Mon konnen ki Onorab Hoareau i annan en lamannman, i fek antre mon ava les li sizer son lamannman, Mr Speaker.   Mersi.

 

MR SPEAKER

Onorab Hoareau.

 

HON BASIL HOAREAU

Yes, mersi Mr Speaker. Mr Speaker mon premye lamannman ki mon pou propoze i an relasyon avek lamannman avek section 7 lo paz No. Roman 5 kot i annan lamannman an relasyon avek section 7 ; ki mon pe propoze ki nou tir sa bann mo swivan ‘’such as may be,’’ ‘’such as may be,’’ ganny deleted. Apre nou tir sa fullstop (.) avek sa semi collumn, ( 😉 e nou azout apre the word ‘’prescribed’’ sa following words : ‘’by the Minister.’’ So 7, 7. So it will now read : ‘’the allowances of a Chairperson and other members shall be prescribed by the Minister.’’ Met li klerman ‘’prescribed by the Minister.’’ E dezyenm lamannman se an relasyon avek sa nouvo section 10A son subsection 3, ki pou azout sa bann mo swivan, pou azout sa 2 mo : after the word and, between the words’’and’’ and ‘’shall’’ dan milye met sa mo ‘’he or she.’’ So it would be

 

MR SPEAKER

Sorry re go ankor la ou lo Roman 5 10 (c) 10 (3) ?

 

HON BASIL HOAREAU

10 (3), 10A …section 10A

 

MR SPEAKER

10A.

 

HON BASIL HOAREAU

Subsection 3.

 

MR SPEAKER

Sub section 3, yeah.

 

HON BASIL HOAREAU

So pou azout between the words ‘’and’’ and  ‘‘shall’’ sa bann mo ‘’he or she’’. So it will be, ‘’the term of office of a Chief Executive Officer shall be 5 years, and he or she shall be eligible for re appointment. ‘’

 

MR SPEAKER

Ok, alright.

 

HON BASIL HOAREAU

Apre trwazyenm lamannman i avek sub section 4 of sa new section 10A. I pou similar to sa premye lamannman kot nou pou tir the following words ‘’such as may be’’ e remove the ‘fullstop’ (.) e azout sa bann mo souvan apre ‘’prescribed by the Minister. ‘’

 

MR SPEAKER

‘’…by the Minister.’’ ‘’Ok, good. Okenn lezot lamannman ki okenn dimoun i propoze ?  Avan nou demann Vis-Prezidan si i le fer komanter before we ask for second Motion to vote. Vis- Prezidan

 

VICE-PRESIDENT – MR VINCENT MERITON

Mersi Mr Speaker. 2 pti mo. Mon ti a kontan remersi tou bann entervenan mon krwar nou’n ganny bann input de kalite,  ki fer nou fyer poudir ler nou anvi met latet ansanm nou kapab pou lentere pei. E bann pwen spesifik ki’n ganny touse konsernan lapwentman CEO, mon krwar Bord i advertise apre Prezidan i resevwar, apre i deside. Kot i konsern apwentman Chair, sa ki ou’n demande Onorab ? Prezidan i konsilte – i propoz en dimoun i konsilte Mr Speaker avek Sef Ziz, apre i pran en desizyon. Kantite lorganizasyon, non ou’n demande si en Manm ki reprezant en lorganizasyon i arive sorti dan sa lorganizasyon i pa kapab reste. Pa kapab, ou bezwen kapab fer sir ki ou reprezantasyon i de kalite ki ou pe vreman reprezant sa lorganizasyon. E sa mon krwar i form parti prensip ki nou pe adopte. Mon dakor avek ou ki nouvo Bord la, i devret kapab pran sa Komisyon lo lot nivo. Batir sa rapor – amelyor sa rapor parmi bann stakeholders ; ant piblik avek bann zournal e fer sir nou pe promouvwar sa lantant ki annan, ki nou pe respekte en Kod ki an term konteni parey ou’n demande, ki nou reflekte laverite dan en fason ki pli akseptab. Byen sir, personn pa pou kapab donn en lord en papye oubyen en zournal, ki mannyer i pou raport lo en keksoz ki’n arive. Me selman otan ki posib ki ou reste dan sa lankadreman dan – sa nespes ‘gentlement’s understanding ‘ki nou raport keksoz e an menm tan nou kre la tolerans, nou promouvwar la tolerans ; e ki si annan en keksoz ki al mal ki nou bezwen koze. Mon krwar sa Komisyon i devret osi dan laliny ki ou’n propoze i annan en Code of Conduct ki in fer. Me nou devret al odela Code of Conduct. Gete ki mannyer nou kapab fer sir ki tou dimoun i kapab swiv li, ki mannyer parey ou’n dir, pran en lapros prevansyon proactive pou fer sir ki metye zournalizm i en keksoz ki ganny apresye ; Ki nou Nou an menm tan ki nou donn lenformasyon dimoun, nou edik e distrer dimoun, nou pe protez lentegrite endividi, akoz nou krwar sa i enportan. E osi sa kestyon ledikasyon zournalis, ledikasyon lo sa lantant ki nou pe fer, i osi enportan. Akreditasyon ou’n koz lo la Onorab ; la ozordi se Departman Lenformasyon ki fer. E mon krwar ki Komisyon Medya i devret zwe sa rol, annan en lankadreman, parey ou dir ler dimoun i vin isi i kapab donn bann dimoun bann Akreditasyon baze lo bann kondisyon ki nou’n mete. Ki pa pe pyetin lo zot profesyonnalizm me at least bann lankadreman ki normal dan en pei demokratik. Lapel ki ou pe fer ek bann zournalis pou vin ansanm, i en lapel ki mon ti a kontan echo – pli boner ki nou’n koze ki bann Lasosyasyon Biznes i vin ansanm. Nou bezwen regroupe nou pou nou ganny rekonnet. Dan serten domenn, i annan tro bokou bann pti lasosyasyon prezan i difisil pour Gouvernman pou kapab ganny en reprezantasyon akoz  nou divize.  Sesel in ariv en letan ki nou vin ansanm, pou byennet sa sekter – sa lendistri. E mon krwar mon ti a kontan felisit ou pou sa mesaz ki ou pe pase, Forum Editer ki mon krwar i zwe en rol enportan pou donn zouti, manze Gouvernman, donn zouti manze SMC pou li kapab mont lo en nivo ki pli o. Sipor teknik ki sorti aletranze – mon krwar i en keksoz ki partou dan tou sekter nou pe rode ; ki nou pa en zil malgre nou en zil – no man is an island.  Be nou kapab ganny sipor avek kominote enternasyonal dan sa ki nou pe fer pou nou kapab annan en konversasyon pli lib, pli fran, pli zis, ki al dan direksyon – plis la transparans, donn dimoun sans konn plis ki pe pase e ki tou dimoun i benefisye ladan. Vwala Mr Speaker, mon ti a kontan remersi tou bann entervenan e mon retourn sa propozisyon kot zot pou aprouvasyon. Mersi Mr Speaker.

 

MR SPEAKER

Mersi Vis-Prezidan. Eski nou kapab ganny en Mosyon. Onorab Georges.

 

HON BERNARD GEORGES

Mr Speaker mersi, avan ki annan Mosyon Third Reading eski mon kapab fer en propozisyon anba Order 71 (2) pou en, sizer en lamannman. It’s late, be mon krwar nou kapab fer li anba 71 (2). Ti kapab fer li menm apre ti annan en Motion for Third Reading. Be mon pe pran sa lide ki Onorab Gervais Henrie in demande e ki Vis-Prezidan in reponn. Mon rapel nou ti fer li dan en previous Bill. E si mon kapab, e sa i about advertising for the post of Chief Executive Officer. Mon konnen ki nou’n, nou ti’n debat sa lo en Bill en pe letan pase, SBC Act. Si mon retourn lo 10A paz 5, ‘’there shall be a Chief Executive Officer of the Commission who shall be appointed by the President in consultation with the Speaker of the National Assembly and  the Chief Justice.’’ E Vis-Prezidan in dir korekteman ki sa pou swiv laplikasyon apre ganny advert. E mon krwar sa ki nou ti’n fer dan SBC, nou ti’n azoute, ‘’from among persons who have applied for the position following the advertising of the post, advertisement of the post.’’ Avek ou permisyon mon ti a kontan sizer menm keksoz isi la. Mersi.

 

MR SPEAKER

Ok, napa lobzeksyon. Onorab Pillay.

 

HON SEBASTIEN PILLAY

Mr Speaker  mon oule segonn sa propozisyon.

 

MR SPEAKER

Segonn sa propozisyon lamannman. Ok, eski nou kapab, Vis-Prezidan in wrap-up eski nou kapab prezan al pran lo en vot lamannman Second Reading. Yes Onorab Pillay.

 

HON SEBASTIEN PILLAY

Nou pran en vot lo all the admendments including merit zeneral Bill.

 

MR SPEAKER

Ok, tou sa ki dakor lev zot lanmen ? Deputy Clerk, i ok ? Lasanble in aprouv bann lamannman Second Reading e eski nou annan en propozisyon pou nou al Motion lo Third Reading. Onorab De Commarmond ?

 

HON CHARLES DE COMMARMOND

Mr Speaker, me dan sa ka nou bezwen sot Staz Komite ki mannyer in ganny fer la. Zis en prosedir lefe ; ki tou sa bann pti lamannman in ganny pase avan.

 

MR SPEAKER

Nou kapab sispann Komite.

 

HON CHARLES DE COMMARMOND

Anba Order 91 (1)  mon propoze ki nou sispann lartik 65 a 70 nou  Standing Order pou nou sot Staz Komite sa Bill.

 

MR SPEAKER

Tre byen. Segonde par Onorab Pillay e vote si tou dimoun i dakor, vi  letan ensidswit. Lev lanmen  sa ki dakor ? Ok, Deputy Clerk, ok. Eski nou kapab then al lo Third Reading. Deputy Clerk. LGB.

 

HON CHARLES DE COMMARMOND

Mr Speaker anba Order 71(1) nou Standing Order, mon oule move ki lir Seychelles Media Commission (Amendment) Bill, 2017 i ganny lir en Trwazyenm Fwa.

 

HON SEBASTIEN PILLAY

Seconded Mr Speaker.

 

MR SPEAKER

Yes.

 

HON SEBASTIEN PILLAY

Seconded

 

MR SPEAKER

Seconded by Onorab Pillay.

Vote. Lev lanmen o, Deputy Clerk i a konte. Ok ? Konbyen ou’n dir mwan. Majority. So we have aproved and agreed. So now Third Reading from the Deputy Clerk.

 

MADAM DEPUTY CLERK

Mersi Mr Speaker. This Act may be cited as the Seychelles Media Commission (Amendment) Act 2017. Mersi.

 

MR SPEAKER

And now we, fini. E nou remersye plito pa demande me remersye Minis Vis-Prezidan Meriton avek ou lekip pou vini. Ankor enn fwa, mon ti a kontan ofer ou lo lapar tou bann dimoun ki pe ekoute piblik e tou bann Manm Lasanble nou kondoleans avek passing away of ou manman. Parey mon’n dir bomaten, mon’n konn li Mont Buxton e silvouple pas nou kondoleans avek tou la fanmir ou bann fanmir – sirtou bann fanmir pros. Mersi ankor pou vini.

 

VICE-PRESIDENT MERITON AND HIS DELEGATION WAS EXCUSED FROM THE HOUSE

 

 

MR  SPEAKER

Eski, i 5er mwen en kar – nou annan Minis Larose ki deza la. Mon ti a kontan  – annou tonm dakor ki i deza la i annan en Urgent, well i annan en PNQ. Ki nou envit li e nou kontinyen is that ok with you ouswa nou pran en pti break ?  Nou oule kontinyen.  Madanm Deputy ou kapab rapel Minis Larose silvouple. Mr Larose asize. Bonn apre midi Minis, Minis Finans, Komers avek Planing Ekonomik, avek PS Payet, Acting AG – Mr Esparon ki ti deza la. Nou pou la toudswit, eskize si nou’n fer ou esper en pe letan avek ou delegasyon. Me nou ti ape debrouye menm. E mon ti a kontan pas toute swit lo sa PNQ  e demann Onorab Ramkalawan pou poz son kestyon.

 

HON WAVEL RAMKALAWAN

Mersi bokou Mr Speaker e profite poudir Minis welcome back.  E mon kestyon – e byensir Mr Payet, nou toultan kontan ler i dan Lasanble akoz nou ganny bokou lalimyer. Mr Speaker, vi sitasyon konplike ki pe arive an relasyon avek Tribinal lo Ziz Durai Karunakaran e ki CAA ki sa Tribinal i ganny sispann ; Me ki tou keksoz pe kontinyen e Ziz Frederick Ntende in vwayaze sorti Uganda e pe reste lotel Savoy, eski Minis pou Finans i kapab dir Lasanble – (1)  konbyen depans sa Tribinal in fer ziska prezan ?

(2)  eski Lasanble i kapab ganny en kont detaye lo sa depans ?

Trwazyenmman : lekel lorganizasyon oubyen endividi ki pe fer bann invoice e lekel ki pe peye ?

E katriyenmman : eski i annan okenn kominikasyon ant CAA avek Minister Finans direkteman, lo bann depans pour sa Tribinal ?

Mersi bokou Mr Speaker.

 

MR SPEAKER

Mersi Onorab. Mon pas laparol toudswit avek Minis.

 

MINISTER PETER LAROSE

Mersi bokou Mr Speaker. Bonn apre midi Mr Speaker, bonn apre midi Leader Lopozisyon Onorab Ramkalawan. Bonn apre midi Leader of Government Business dan Lasanble Onorab De Commarmond. Bonn apre midi tou Manm Onorab isi dan nou Lasanble, e bonn apre midi tou dimoun ki a lekout. Menm si i apre 4er mon krwar dimoun in fini zot travay zot annan en pe plis letan pou ekout sa Lasanble. Premyerman mon ti a kontan remersye Onorab Ramkalawan pou son very warm welcome ki ou’n swet mwan dan sa Lasanble mon krwar i annan en pe letan ki mon pa pas dan sa Lasanble la i mon tour set apre midi. E dezyenmman, mon ti a kontan osi remersye Mr Speaker pou son bann kestyon, at this point in time. De swit – i pou tre kourt konm labitid. Ziska prezan sa Tribinal in depans en total R220,993.86 depi 31 Oktob 2016 ziska 30 Me 2017 ki ozordi set apre midi le 30 Me. Dezyenm kestyon : Mr Speaker mon panse nou’n vin la byen prepare konm labitid ; ki nou’n deza partaz en kont tre detaye avek tou Onorab nou Lasanble. Avan ki mon reponn sa bann kestyon mon krwar par azar tou Manm in ganny en kopi sa bann depans. Me an bref, les mwan dir sa Lasanble se bann depans i swivan : Chairman Tribinal total depas i R45,861. Son Airfare cost R41,983 ; akomodasyon R110,546.86, e lezot depans R22,603. An total i fer egzakteman R220,993.86. Trwazyenm kestyon : Mr  Speaker detay bann invoice  in ganny mansyonnen dan kont ki nou’n al sirkile ki mon’n prezante avek tou bann Manm Onorab, prosedir an plas se ki tou bann invoice i bezwen ganny sertifye par Chairman Tribinal avan ki sa Biro Tribinal i anvoy kot Minister Finans Komers e Planifikasyon Ekonomik, pou  fer peyman. Minister Finans, i pey tou bann depans apartir 2017 dan kont Contegency Fund. Katriyenm kestyon : ziska prezan nou napa okenn kontak direk avek CAA, sepandan kontak i ganny fer atraver Madanm Jaqueline Simeon ki Sekreter Tribinal. Avek sa bann repons mon’n panse mon reponn kestyon Onorab Ramkalawan. Mersi bokou Mr Speaker.

 

MR SPEAKER

Mersi Minis. Eski annan okenn kestyon Siplemanter ki zot le demande. Onorab Ramkalawan ?

 

HON WAVEL RAMKALAWAN

Mr Speaker mon remersye Minis pou son larepons, me i annan 1, 2 kestyon. Mon premye kestyon se, vi ki se CAA ki’n set-up sa Tribinal eski bann invoice pa devret sorti kot CAA,  pour Minis Finans peye ?  Sa i mon premye kestyon. E la mon anvi remind Minis ki dan letan, an Desanm letan nou ti pe regard Bidze se PS Payet ki ti fer kler ki se CAA ki ti pe raise bann invoice. E zot ti pe anvoy sa bann invoice kot State House olye kot Minister Finans. E alor si sa i leka, eski Minis i kapab dir avek nou, akoz ki in annan en sanzman dan bann prosedir finansyel la aprezan, pour ki i annan en gran diferans ant la fason ki ansyen CAA ti a pe fer e kot nouvo CAA i pe fer. Mersi bokou. Parske sa dan li menm, i montre poudir i annan lenkonsistans dan prosedir alors eksplik nou akoz i annan sa lenkonsistans dan prosedir? Mersi.

 

MR SPEAKER

Minis

 

MINISTER PETER LAROSE

Mersi bokou Onorab Ramkalawan. Nou’n vwar poudir, dizon CAA avek Tribinal zot endepandan, alors se pou se la ki napa vreman en konsistans. Nou’n prezant zot detay bann depans ki’n ganny fer. Se pou sela ki natirelman nou’n vwar akoz sa prosedir in ganny swiv koumsa.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker be,  mon ti a kontan demann Minis be akoz an Desanm zot  ti dir avek nou, ki se CAA ?  Tribinal ti’n fini ganny etabli an Desanm. E akoz ki an Desanm, zot ti vwar li ki se CAA ki bezwen raise  sa invoice e fer tou bann laranzman pou peyman e ki la aprezan ozordi, ozordi sa Tribinal i ganny tou keksoz pe ganny fer dan en diferan fason. Mersi.

 

MR SPEAKER

Minis.

 

MINISTER PETER LAROSE

Mersi bokou Onorab Ramkalawan. E sa se prosedir in ganny sivre on the basis of legal advice ki nou’n gannyen. Mon ava demann Acting Atorney General pou klarifye en pti pe ; savedir i ava met tou keksoz kler. Mersi.

 

MR SPEAKER

Acting AG.

 

ACTING ATTORNEY GENERAL –MR ESPARON

Ok, petet mon ava eksplik, parey zot konnen i annan en sityasyon en pe konplike ki obviously

 

MR SPEAKER

Petet, petet… en kestyon prosedir. Minis Larose, en kestyon prosedir – normalman dan Commitee of the Whole i Minis ki reponn. E petet si kapab donn lenformasyon Minis pou li reponn. Teknisyen i koze ler nou dan Komite. For i en kestyon prosedir akoz nou pa’n al dan Komite avan.

 

MINISTER PETER LAROSE

Mr Speaker avek ou permisyon, si ou permet mwan mon pe konsilte Acting Attorney General lo en legal stand point, yeah ?

 

MR SPEAKER

Wi.

 

MINISTER PETER LAROSE

Mr Speaker mon ganny serten klarifikasyon avek Acting Attorney General e sa ki li i dir mwan se ki natirelman CAA i bezwen evantyelman fonksyonnen – menm si i annan en sanzman dan Tribinal, vwala. Mr Speaker ankor enn fwa letan ou pe koz avek en avoka parfwa langaz i en pe konplike.  Sa ki’n dir avek mwan la ankor, Tribinal i bezwen kontinyelman fonksyonnen, tandis ki CAA i kapab ganny sanze. Se sa ki in klarifye ankor.

 

HON WAVEL RAMKALAWAN

Mr Speaker, sorry…

 

MR SPEAKER

Eski i a diskresyon Speaker si nou le al lo Committee Stage – si petet oule plis klarifikasyon eski zot propoze ki nou al lo Komite Stage  si petet  i oule plis klarifikasyon ?   Eski ou propoze ki nou al lo Committe Stage ?

 

HON WAVEL RAMKALAWAN

Non, mon krwar nou pe al byen ziska prezan. Nou pe al byen ziska prezan Mr Speaker.

 

MR SPEAKER

Ale Onorab Ramkalawan.

 

HON WAVEL RAMKALAWAN

Mr Speaker, letan nou pe regard bann prosedir finansyel e la mon pou dir ki lafason  ki nou  nou’n ganny eksplike, nou santi poudir i annan e gran kontradiksyon. Akoz?  Tribinal i pa en budget-dependent organization. Napa en budget line pou Tribinal dan Bidze. Napa en Financial Officer dan Tribinal. Alors ofisyelman Tribinal napa personn ki accountable pou li kapab fer en demann lo ki pou sorti dan Contingency, dan Consolidated Fund atraver Contingency. Se  CAA ki en ‘body ki’n apwent Tribinal e li i annan en budgetline  dan Bidze e i annan en accounting officer , savedir li ki legalman annan sa posibilite  pou li fer en demann avek Minister Finans pour ki, pwen ki mon pe met devan la, se ki mon pe vwar ki laliny finansyel e disiplin fiskal, ki sa disiplin in ganny totalman kase. E mon ti ava kontan ganny en larepons kler parske sa konsey ki nou pe gannyen la – sa konsey legal, i al kont tou zot prensip. E konman Chairman FPAC mon pou demann kestyon plis ankor lo la. Parske suddenly nenport lorganizasyon pe demann, pe demann larzan sorti dan Consolidated Fund e zot pe ganny akorde, san ki i annan en disiplin. E sa i en – I’m sorry mon bezwen dir sa, me i en tas nwar dan prosedir fiskal. Parske   demen zot kapab – Tribinal i kapab demann nenport kwa e zis pou sorti dan Consolidated Fund ? Si mon ti kapab ganny en leklersisman lo la silvouple. Kote si mon ti ava kapab gannyen, kote ki son baz legal pour ki Tribinal ki napa nanryen pou fer dan Bidze, kote i gannyen sa Lotorite Legal pou li fer en tel keksoz ?

Mersi bokou.

 

MR SPEAKER

Petet Minis i a ganny sans konsilte ankor avek son PS avek Acting Attorney General. E apre nou a vin kot Onorab Ferrari. Ou annan – letan zot pe konsilte ou annan en kestyon dan menm laliny ?

 

HON JEAN-FRANCOIS FERRARI

Zis mon ti a kontan dir avek nou bann zofisye Finans ki isi ; menm parey nou ler nou asiz konman en Komite Finans, nou en komite dan Lasanble. Nou pa kapab aprouve en payment ki nou, nou’n fer  en defans oubyen nou pe demann sa. Nou bezwen pas par Sekretarya. E ki  Sekretarya son accounting officer  i pran responsabilite pou sa. This is the point we are trying to make. Konmsi nou, mon krwar i enportan, ki nou kontinyen sa laniy ki pe mars tre byen ki okenn depans ki ganny fer i pas atraver en accounting officer. This is the thing. E si pa pe ganny fer pou le moman, it should be done. Mersi.

 

MR SPEAKER

E ou pe dir ki sa accounting officer i devret anba CAA ? Ok ? Minis avek PS e Acting AG en pe letan konsilte epi zot ava amenn en pe lekleraz lo sa – ki paret en anormaly.

 

MINISTER PETER LAROSE

Mersi bokou Mr Speaker pou Lasanble pou pasyante pandan nou pe klarifye kestyon Onorab Ramkalawan ki mon apresye telman byen son kestyon. Se ki dapre Acting Attorney General, ki’n donn mwan konsey, Tribinal se ki ganny apwente par CAA. E prezan ki arive si  napa en relasyon telman direkteman ant CAA avek tribinal son breakdown.

 

MR SPEAKER

Nouvo CAA ?

 

MINISTER PETER LAROSE

Wi, e natirelman se sa ki ganny peye anba Contingency plan of the Government rather than CAA budget.

 

MR SPEAKER

Me, anyway mon demann kestyon, mon a les Onorab Ferrari ou annan en kestyon apre Onorab Ramkalawan. Ale Onorab Ramkalawan.

 

HON WAVEL RAMKALAWAN

Mr Speaker I’m sorry to say sa konsey ki pe gannyen – sorry Mr Esparon i pa bon. I pa bon akoz Tribinal napa en accounting officer. Se accounting officer ki bezwen anvoy en invoice pou ki sa peyman i ganny otorize. Napa okenn budgetline pou Tribinal. CAA i bezwen retourn kot CAA pou fer peyman. I bezwen retourn kot CAA ki annan en accounting officer pour ki sa accounting officer, i kapab fer demann. Se sa Mr Speaker, mwan mon pe met lanfaz lo prosedir finansyel. E o-bor mwan mon annan en former PS ki konn tre byen. Tribinal napa en zofisye.  E alor, e se pou sa rezon Mr Speaker ki anba vye CAA, zot accounting officer ki ti pe a pe raise invoice State House, pour ki State House i peye. Be la i annan en problenm.  E baze lo la pe ganny lenpresyon ki poudir i annan en kas kontour ki pe arive. I annan en kas kontour pe arive, akoz CAA aktyel in sispann – in demande pou sispann sa Tribinal. E alor zot pe bypass CAA ki annan en accounting officer pou zot fer kontour. E sa baze lo prensip Mr Speaker, sa i ilegal ; parske larzan pe ganny sorti dan Consolidated Fund, larzan pe ganny sorti dan Consolidated Fund dan en fason ilegal. E menm ganny apele dan en fason koronpi. Mersi.

 

MR SPEAKER

Sa ki ava enteresan osi pou konnen se ki avek Attorney General, dan lozik senp sa dan legalite – nouvo CAA i ganny apwente, sirman i pran rol CAA avan. Me tou fason i annan en, i pran rol ek responsabilite CAA ki’n deza demisyonen ki’n ale. I annan en kestyon oubyen sizesyon sorti kot Onorab Pillay.

 

HON SEBASTIEN PILLAY

Mersi Mr Speaker. Mr Speaker sa Tribinal in ganny apwente anba Konstitisyon e pa averti ki Konstitisyon  Lalwa Siprenm pei, sa Tribinal i pa answerable to CAA an relasyon avek son travay ki i pe fer la. CAA pa kapab annan kontrol lo sa Tribinal anver tir son finans, an relasyon avek son finans. So therefore si nou consede  wi ki devret annan en accounting officer, then Minister Finans i ava apwent en accounting officer for the Tribunal accordingly, e sa Tribunal i ava servi son louvraz endepandaman. Akoz si nou pou al da en direksyon kot nou pe dir se CAA ki deside pou sispann sa Tribinal, CAA pa kapab sispann sa Tribinal, akoz sa pou en breach nou Konstitisyon ozordi, ki li in dir klerman poudir sa Tribinal in ganny constitute anba Lalwa Siprenm nou pei. So, propozisyon ki nou bezwen pe fer, se ki si nou santi poudir i annan okenn, okenn aksyon ki pa devret pe ganny pran an relasyon avek Minister Finans, then Finans i ava met an plas son mechanism, an vi ki sa i sorti anba Contingency Fund pou li manage sa Fund, me non pa CAA ki pou determinen kantite finans sa Tribinal i gannyen e therefore par ekstansyon kontrol travay ki sa Tribinal pe fer. Mersi Mr Speaker.

 

MR SPEAKER

Ok, ok. Alright, order ! Onorab Ferrari.

 

HON JEAN-FRANCOIS FERRARI

Wi, en pwen en pe akote ; nou tou bann sitwayen ki’n swiv sa prosedir ki pe deroule, nou vwar par egzanp, i annan en avoka ki pe, i annan en Prosekiter. Ok, sa Prosekiter i bezwen ganny peye li. I annan en landrwa ki i bezwen ganny peye li. Be par egzanp sa Prosekiter mon pa vwar son bann depans la li. I pa ankor anvoy en bill, i pe fer li gratwitman – ki…

 

MR SPEAKER

Ekoute, ekoute Order! Les Onorab Ferrari fini son kestyon. Order ! Order !

 

HON JEAN-FRANCOIS FERRARI

Mr Speaker mon pe demann…

 

MR SPEAKER

Onorab Ferrari kontinyen ek ou kestyon e silvouple, ekoute !

 

HON JEAN-FRANCOIS FERRARI

Wi, Onorab Hoareau. Pa devret enterfer. Les mwan fini poz mon kestyon.

 

MR SPEAKER

Kontinyen Onorab Ferrari.

 

HON JEAN-FRANCOIS FERRARI

Mon pe zis demande akoz nou’n vwar par egzanp i annan en sekreter pou sa, i pe ganny peye. Nou’n  vwar i annan en Ziz i pe ganny peye. Lezot Ziz mon mazinen zot pe travay dan zot fonksyon ziz zot pa pe claim en pe plis larzan. Mon pa konnen ki zot pe claim. Me selman, i annan en Avoka, en Prosekiter, ou kapab dir nou si nou ki pe pey li, si kwa?  Sanmenm tou. Mon oule zis konn latransparans Mr Hoareau, Msye Faure i dir fodre nou konnen tou sa bann keksoz. Mersi.

 

MR SPEAKER

Ok, avan ki Minis i respond i annan en de dimoun ti a kontan poz en kestyon petet i ti a fer pli fasil pou Minis avek son delegasyon. Premyerman Onorab Afif.

 

HON AHMED AFIF

Mersi Mr Speaker. Mr Speaker mon ti a kontan tou dabor demann Minis en pti leklersisman lo adisyon. Ler mon pe get total 2016 ti annan R112mil e 2017 ti annan dizon  R104mil e ler ou azoute i devret R216 – so la deza mon vwar en pti keksoz ki drol. Dezyenmman si Minis i kapab klarifye, dezyenmman mon ti a kontan demann li an relasyon avek bann invoice pou peryod Me ziska la – ankor mon repete, mon pa vwar invoice pou sa Avoka. Mon osi pa vwar invoice ‘vwayaz’ pou sa Avoka, pour sa Ziz Mr Ntende parske  mon prezimen i pa’n reste la depi Fevriye in ale – e in trounen depi Me, me nou pa vwar zot invoice ladan. E akoz sa bann i an deor ?  E mon ti a kontan osi zis met sa pwen ki, mwan pour mwan, se CAA ki’n apwente – se CAA ki annan Bidze. PS Payet ti konfirm avek poudir  se CAA ki zot deal avek, pou fer peyman. Sa se prosedir legal. Se CAA  – pa lot lorganizasyon, irespektiv ki koneksyon ki zot annan a zot kote. Se CAA ki devret peye. E sa se en financial procedure. E alors mon pa konpran ki mannyer en sel kou, nou pe donn sa pouvwar en lot lorganizasyon kapab ser Fon ki pann ganny aprouve. Fon i devret vin atraver CAA. Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker, 2 pti pwen : dabor mon ti ava kontan konnen sa lasal kot sa Tribunal pe servi dan National House, eski i annan en kou ki pe bezwen peye pou sa lasal ?

E dezyenmman, an vi ki la prezan sa Tribinal pe asize eski zot annan en prozeksyon konbyen i kapab fini kout sa tax payers sa prosedir i fini ? Ouswa zis i zot kapab depans otan larzan ki ava fer zot plezir?  Mersi bokou.

 

MR SPEAKER

Mon krwar tou bann kestyon ki ti pou ganny demande in demande. Minis.

 

MINISTER PETER LAROSE

Mersi bokou Mr Speaker. Zis pou klarify,e mon krwar adisyon mon krwar Onorab Afif in servi son Excel Program tre vit. Mon krwar son kalkilasyon i telman byen, mon aksepte pou dir i annan en errer. Kot i konsern invoice pour Me, nou pa ankor gannyen sa invoice pour Me. E sa Avoka i dapre mannyer mon konpran, se ki i probono. Napa okenn negosyasyon ki’n antre ant sa Avoka, avek ki swa Tribinal ensidswit. Epi kot i konsern savings avek son kou, natirelman i pou en keksoz kot nou pou bezwen sivre sa Bidze ki’n allocate depi Fevriye.

 

MR SPEAKER

Onorab Pillay.

 

HON SEBASTIEN PILLAY

Mr Speaker mwan mon pe zis draw back mon lespri pou ler nou ti deal ek sa issue CAA. Mon mazin li  byen, akoz ti annan en issue avan CAA  ti prezant son lekor – akoz Chairperson CAA sa zour pa ti vini.  E alors sa i en pe ase fresh dan mon lespri. Mon rapel tre byen ki  ti ganny dir ki sa Avoka pou pran apepre R20mil pou sa case e  i non pa probono. So mon krwar ki nou bezwen fer sir ki nou annan tou lenformasyon. E mon krwar pou ed nou tou Mr Speaker, ki mon propoze avek ou, an vi ki ler ki’n arive nou adjourn e nou come back to sa kestyon demen bomaten.

 

MR SPEAKER

Non, non. Ok, Order ! Order ! Order ! Order ! Minis in ganny advice ki sa Avoka whose name has not been mentioned i pe fer sa travay probono. E mon krwar Onorab i annan rezon ki ler former Chairman CAA ti vin Lasanble, i ti donn en sif. Be mon krwar ou annan rezon  pou dir si ma memoire est bonne, i ti dir i pe pran R20mil. Petet san sa ka, vi ki i annan en pe leklersisman pou rode demen nou pe zwenn, demen bomaten nou annan nou 4 Mosyon pou nou regarde – petet nou ti kapab konmans avek sa ; anmenn en pe leklersisman si tou dimoun i dakor. Si Minis i dakor ki i anvi al rod en pe plis konsey. Re dir mwan for. Non, non be ekoute mon pe met devan Lasanble avan.  Apre nou ava al kot Minis. Mon pe propoze ki kler ki Minis i bezwen konsey legal. I bezwen al konsilte osi son bann teknisyen laba. Mwan mon propoze ki nou pran en Break nou donn sans Minis al fer en pe plis resers – ki i a kapab fini demen vin pran sa bann kestyon ki nou’n demande akoz i en bann kestyon tre enportan. Prezan bann Mosyon i ek nou sa, pou nou ki’n met nou 4 Mosyon, nou menm nou Lasanble ki’n met nou 4 Mosyon – nou 4 Mosyon nou kapab konmans li 10er – 11er si nou oule. Mon pa krwar i zis pou met Minis lo sa bann kestyon ki i pa ankor ganny sans pou li reflesir pou li konsilte. I bann kestyon enportan – tre enportan, parske in annan laranzman CAA. E mwan mon  sizere ki nou break. E mon ti a kontan demann Minis Larose – Minis Finans si ou ti pou kapab retournen 9er demen bomaten apre ou’n fer serten konsiltasyon, refleksyon. E Onorab Ramkalawan avek lezot MNA ,bann kestyon ki i pe demande i enportan, parske i annan serten devlopman ki pe arive. E mon krwar nou devret fer li en kestyon en fason kler. Nou bezwen fer li antet reposer. La i pe al 5.30edmi nou tou nou fatige. Demen bomaten nou a konmans 9er. Minis i a retournen avek son bann teknisyen e nou a kontinyen. Yes Onorab Ramkalawan.

 

HON WAVEL RAMKALAWAN

Mr Speaker avek tou respe mon konpran ki ou pe dir. But this is exactly the purpose of a PNQ.

 

MR SPEAKER

Wi.

 

HON WAVEL RAMKALAWAN

A PNQ is to ask a  – en kestyon. Se pour sa rezon ki zis mwan dan sa Lasanble, ki ganny sa privilez konman Leader Lopozisyon pou anvoy en kestyon 6erdtan avan ki Lasanble i zwenn. E se en PNQ ki montre nou this is one of the checks lo en Gouvernman pou fer sir ki Gouvernman i annan son ‘act’ byen.

 

MR SPEAKER

Together

 

HON WAVEL RAMKALAWAN

E sa ki, sa ki nou pe vwar apre midi – mon annan tou respe – mon bezwen dir tou respe pou Minis Finans avek  lo kote Minister Finans. Sa ki mon pa pe vwar akseptab se sa leskiz legal. Ziska prezan Mr Speaker, mon’n demande anba ki Lalwa ? Mon’n demann son baz legal, pour  sa bann keksoz ki nou pe ganny dir e mon pa ankor gannyen son baz legal. Savedir si mon pa ankor ganny son baz legal nou a pe zis ganny bann kalite leksplikasyon. Onorab Pillay tou pe donn nou bann kalite leksplikasyon. E i kler poudir sa ki nou pe fer fas avek se bann sityasyon ilegal. Devan sa Lasanble nou’n ganny dir invoice i ganny raised by CAA pou laba State House kot apre zot in vwar poudir i en melimelo. La ozordi se CAA ki pe raise son prop, se Tribinal ki pe raise son prop invoice. Desanm nou ganny dir Avoka pe pran R20mil la ozordi nou ganny dir avoka i lo probono. Mr Speaker mwan mon pa ni bezwen retourn demen, mwan mon krwar i kler ki poudir i annan en manboulouk e ki Gouvernman i fail ankor enn fwa.

 

                (APPLAUSE)

 

 

MR SPEAKER

Ok, Onorab Pillay, avan nou pran en desizyon final.

 

HON SEBASTIEN PILLAY

Mersi Mr Speaker. Mr Speaker mon apresye komanter ki Leader Lopozisyon in fer e mon toultan respe nou  bann Konstitisyon, nou bann Lalwa. E vre i annan preogativ pou anmenn en  PNQ. Me mon le reasir sa Lasanble annefe ki in servi e nou apresye ki souvandfwa ler i servi bokou lenformasyon i sorti, ki permet nou tou konn en pti pe ki pe pase. Me selman dan sa ka spesifik Mr Speaker, mon pou reiterate ; mon pou met lanfaz ki  mon komanter ki mon’n fer, i pa okenn komanter ki sorti dan okenn dan ler. Me i komanter ki sorti dan Lalwa Siprenm nou pei. Mwan mon koz lo, mon koz lo Konstitisyon en Tribinal Lartik 134 ki koz lo lendepandans en Tribinal. Me ans ki konsern son management son finans parey Onorab in dir, Si i bezwen annan serten keksoz ki bezwen ganny fer an management son finans, i ava ganny fer. Me lendepandans sa tribinal i devret ganny maintain. Mersi Mr Speaker.

 

MR SPEAKER

Ok, alright. Order! Order! Order ! Onorab Ramkalawan.

 

HON WAVEL RAMKALAWAN

Mr Speaker, sa kestyon pa pe kestyonn lendepandans Tribinal. Sa ki Onorab Pillay pe fer son gran fot ki i pe fer ; savedir i a pe dir lefe ki en Ziz i ganny peye par Gouvernman i pa endepandan, i pa endepandan. Nou pa pe kestyonn lendepandans travay sa Tribinal. Nou a pe kestyonn prosedir finansyel.

 

MR SPEAKER

Me se sa.

 

HON WAVEL RAMKALAWAN

E prosedir finansyel…

 

MR SPEAKER

Ok, order !

 

HON WAVEL RAMKALAWAN

Prosedir finansyel pa pe ganny swiv. Se sa ki nou pe dir. E malerezman Mr Speaker – malerezman ankor enn fwa, konman Chairman FPAC ki annan en bon relasyon travay avek Minister Finans, nou pe vwar ki ozordi. Non i napa en breakdown, ki ozordi Minister Finans pe ganny bann konsey ki pa bon e ki Gouvernman pe kouver son lekor atraver sa bann konsey ki pa bon e sa pwen i pe fer ki sa relasyon i vin en pe sour, i vin en pe pa gou. E kan ofet tou sa bann prosedir, e kot nou pe ranforsi, ser isi ser laba pou nou ganny tou nou bann keksoz drwat ; la ozordi nou pe ganny dir i annan en tribinal ki kapab zis lo li menm i egziste. Demann pran la kantite ki i anvi, pran la kantite ki i anvi.

 

MR SPEAKER

Ok Onorab, ok, ok, nou ava pran en dernyen.

 

HON WAVEL RAMKALAWAN

Byento nou a tande ki ziz pe reste Four Seasons e ki nou bezwen pey R20milyon par zour.

 

MR SPEAKER

Ok, Onorab ou’n fer ou pwen. Order ! Order ! Order ! Onorab Arrisol. Mon a pran en dernyen entervansyon Onorab Prea, apre nou a pran en desizyon. Wi, Onorab Prea.

 

HON NICHOLAS PREA

Mr Speaker mon krwar mon … with all do respect to the Minister avek son PS nou aprann. Se sa rezon ki Revised Order Paper i sorti tar, nou’n aprann Minis in antre bomaten dan pei nou’n donn li letan ki nou’n anvoy sa PNQ dernyen pou sey kapab li avek son PS pou organiz li en pti pe. Me mon, ler mon pe ekout tou sa bann kestyon, bann deliberasyon deplizanpli nou pe ganny brouyar, plis konfizyon. Dan bann deliberasyon Bidze, mon krwar sa ki Minis Finans in fer sorti tre, tre kler se Accounting Procedures, Financial Procedures i bezwen ganny swiv egzakteman parey Lalwa in fer. La ozordi nou pe vwar en Tribinal in ganny set- up en Sekreter in turn son lekor into an accounting officer or Minis Finans in kas son regilasyon in turn li into an accounting officer, I don’t know. Mon pa tro krwar Minis Finans in fer sa, me mon krwar i pe raise, e osi mon panse ki i petet i pa koupab , i inosan petet i inyoran dan sa bann demars. Me mon kestyon se ki demen Oditer Zeneral i lev kestyon. Who’s going to be responsible ?

Lekel ki pou reponn bann queries ?  Minis Finans ?

Prezidan in nonm la transparans, accountability me la nou pa pe vwar dan sa ka. Mersi Mr Speaker.

 

MR SPEAKER

Zisteman lo sa not, se pou sa rezon ki nou bezwen donn Minis Finans avek son lekip letan, pou eklersi son lespri depousye bann keksoz ki devan li. Nou tann en kantite keksoz la. Mwan mon krwar nou devret pran en break. Les Minis Finans al konsilte reflesir, in fek antre. Parey mon menm i pa en expert legal i en finance man – les li al konsantre. Demen 9er nou a vini pou bann ki annan kestyon nou a kontiny sa deba. Nou a ganny leklersisman oubyen lekleraz from Minister Finans dan son sazes i a konsilte dimoun. Nou a zwenn demen 9er e par la swit nou a pran nou 4 Mosyon. E nou adjourn

 

HON WAVEL RAMKALAWAN

Mr Speaker mon PNQ in fini ganny reponn.

 

MR SPEAKER

Pardon ?

 

HON WAVEL RAMKALAWAN

Mon PNQ in fini ganny reponn.

 

MR SPEAKER

Ok, nou adjourn ziska demen 9er.

 

 

(ADJOURNMENT)