Home » Verbatim » 2016 » Verbatim Report NAS Sitting Wednesday 22nd February, 2017

Verbatim Report NAS Sitting Wednesday 22nd February, 2017

NATIONAL ASSEMBLY OF SEYCHELLES

 

Wednesday 22nd February 2017

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou bann Manm Onorab. Bonzour tou dimoun ki pe ekout nou. Ozordi sa Merkredi bomaten, nou pou kontinyen nou travay – letan nou a pe regard bann Bidze, analiz bann Bidze, rod klarifikasyon lo bann diferan Heads, bann diferan Lazans Entities dan Gouvernman.

E mon ti a kontan bomaten dir ki nou pe kontinyen avek nou bann deliberasyon e ki mannyer nou pe ale nou lo schedule. E mon krwar ki si nou kontinyen dan sa lespri Vandredi nou ava’n fini avek Bidze antye, ki semenn prosen nou a kapab pran nou bann travay regilye.  E avek sa mon apresye bokou ziska konmela sa brevity of zot bann kestyon, zot bann komanter ki fer ki nou pe al dan en fason tre dédicase. Avan mon donn la parol Leader Lopozisyon mon ti a kontan swet la byenveni parey labitid Minis Finans ek son delegasyon ki pe fer touzour en sipor anmenn en sipor pour nou.

Yer swar nou’n telman, fer en bon travay ki mon’n menm rev ‘forensic auditing’ ki mon krwar ou, pour anmenn nou lwen dan Sesel an term kriye, met en kontrol sa zafer koripsyon, ki mon krwar nou tou nou dakor, napa en dimoun ki pa dakor isi dan sa Lasanble pour nou met en stop ek sa.

 

POSTAL REGULATORY SYSTEM

 

MR SPEAKER

Nou swet la byenveni premye Entity ki nou pour pran se the Postal Regulatory System, Mr Thomas Nolin i la pour reponn kestyon lo son Bidze.  Li i Chief Executive Postal Services. E nou osi annan, e apre sa nou pour al lo Government Audit Committee me selman avan pran okenn pwen, Onorab Ramkalawan ou annan en pwen ou oule lev-e.

 

HON WAVEL RAMKALAWAN

Bonzour Mr Speaker. Bonzour tou dimoun.  Mr Speaker i zis vin koman en pti pwen klarifikasyon mon krwar.  Yer letan PS Payet in donn nou detay lo bann peyman ki State House in fer an relasyon avek the Tribunal in donn nou lapey Former Chief Justice Ntende in donn nou, in dir nou ki bann Ziz pa pe ganny peye.

Me selman i pa’n donn nou konbyen Legal Fees – sa ki Mr Elvis Chetty antan ki Prosekiter lo sa Tribinal, pe resevwar.

Sa i en lenformasyon ki mon krwar i enportan pou konplet sa lenformasyon.  E an menm tan osi konbyen zot pe lwe laba kot zot pe fer kot Tribunal pe meet, si pandan lazournen i ti ava kapab donn nou sa lenformasyon, mon krwar ti ava byen ganny welcomed. Thank you so much Mr Speaker.  Have a good day.

 

MR SPEAKER

Mersi Onorab Leader Lopozisyon, mon krwar PS Payet ou’n pran not e ou a rod sa lenformasyon pour donn Lasanble evantyelman pandan lazournen.

Pour Postal Services mon ape regard son paz la i sipoze 197,199 ? 183, 184 vwala. So si tou dimoun i kapab regard sa.

E avan mon donn laparol Lasanble pour demann kestyon mon a donn laparol Minis Finans Dr Larose.

 

MINISTER PETER LAROSE

Mr Chair mersi bokou, bonzour Mr Chair, bonzour Onorab Leader Lopozisyon, bonzour Leader Government Business, bonzour tou Manm Onorab e tou dimoun a lekout.

Mr Chair mwan mon pa pour fer okenn reelman komanter, okenn lentrodiksyon, i senpleman i normal pour mwan ler mon vin dan sa Lasanble, mon ti la yer swar alor mon dir bonzour nou Lasanble, tou dimoun ki pe ekout nou.

Mon a demann Mr Thomas Nolin Chief Executive Officer pour prezant son Bidze lo paz 183.  Mersi Mr Chair.

 

MR SPEAKER

Ok Mr Nolin briyevman avan nou al lo kestyon.

 

CEO – MR THOMAS NOLIN

Yes Mr Speaker, bonzour Mr Speaker, Mr Speaker, le 2 Leaders dan Lasanble, bann Manm Onorab e tou bann dimoun a lekout.

E si oule mon Bidze tou sa Lannen 1 milyon, 439 mil e sa i pour enkli anba, mon annan ‘office expenses’, ‘maintenance and repairs,’ ‘transportation and travel cost’, ‘use of goods and services’, e apre anba’ minor capital outlays,’ osi nou annan ‘wages and salaries’.

E bon an se moman nou pe rankontre bann challenges se ki nou napa ase resours pour nou kapab proceed avek nou bann travay.  E sa deza mon’n ganny en diskisyon avek Minis Finans ki’n donn mon sa se si oule sa, son garanti poudir i pou donn nou sa sipor pour nou kapab proceed avek nou bann travay.

E osi anse moman ki nou pe koz lo sa Bidze e mon’n tann dan Lasanble zot in resaman  in koz lo Resansman pour bann zafer eleksyon e mon ti a kontan demann sipor Lasanble ; ki anse moman i annan en Komite ki’n deza etabli pour ki i annan en proper Addressing System dan Sesel.

E mon krwar mon’n tann plizyer fwa dan sa Lasanble e direksyon ki Sesel pe move ozordi, nou nepli annan sa sistenm extend dan family ok, nou annan en kantite etranze nou annan en kantite lakaz ki pe ganny fer, bann Estate partou e i pa pour sifi zis en census pour zafer eleksyon, mon krwar i devret annan sa Sistenm Addressing ki dapre Nations Unies i demande ki tou dimoun i annan en physical address, so mon krwar mon demann zot sipor. Nou pa kapab kontinyen poudir nou al delivre en let menm i pa bon zis pour Lapos me pour pei an antye ; lo kote makroekonomik ki letan nou pe gete parske ler nou pe get lo kote bann servis litilite, parey bann servis esansyel Lanbilans, Lapolis menm lo kote eleksyon – ou pour al donn en servis en dimoun i pour dir ou Mr X kot i reste, i dir ou,  ‘’ou mont dan kote Anse Aux Pins.  Ler ou ariv la i dan semen Bodanmyen ou fer gos ou a vwar en gro touf bannann – ou a vwar – ou konnen i annan en pti lakaz.’’   Ki pa apropriye.   Mon krwar nou devret bouz dan sa direksyon  Mersi Mr Chair.

 

MR SPEAKER

Mersi Mr Nolin definitivman nou bezwen modernize.  Nou pa ava fer ou tourn gos e ou tourn drwat. Onorab De Commarmond.

 

HON CHARLES DE COMMARMOND

Bonzour Mr Chair. Bonzour Minis Finans avek ou delegasyon ek tou nou bann koleg Lasanble e tou sa ki pe ekout nou bonzour. Mr Chair mon konnen i pa telman kantite larzan ki nou pe al aprouve la or ki pe sey met devan nou pour aprouve, me mon ti anvi selman 2 keksoz.

1) Lo zisteman sa ki Mr Nolin in dir, mon oule konnen lekel responsabilite sa.  I kot Lapos, kot Biro Eleksyon ? Local Government ? Statistik ? Kote i pour al fer sa ki i pe dir la ?

Akoz mon pe poz sa kestyon, e mon oule osi kekfwa i donn nou en pti kontrandi tre bref, ki i fer li laba li Postal Regulatory Agency la, ki i fer li ?

Akoz i annan en lot zafer laba ki okip lapos ki Mr Roy Diaz i ansarz aprezan li i regulate mon krwar li, be dimoun li kwa ki i fer li.

Apre en pe Lannen pase ti annan en zafer, bann zafer bwat Lapos ki ti sipoze mon krwar pour zisteman update sa bann zafer ladres, ki zistans sa proze i ete vizavi sa ki zisteman i pe koze la dan Lasanble ek nou?

Mon oule en leklersisman lo la pour nou pa mont lo lipye kanmarad pour ki zot pa al fer en sistenm zot, zot Ladres la, pare Biro Eleksyon i al fer en lot sistenm Ladres ; Statistik i al fer en lot sistenm Ladres pour li ki sa pti Sesel la nou kapab fer en keksoz ek sa devlopman ki nou pe fer, ki i ava update nou bann keksoz parey Nations Unies i demande.  Mersi.

 

MR SPEAKER

Mr Nolin.

 

CEO – MR THOMAS NOLIN

Mersi Mr Chair, bon i annan en serten travay ki’n deza pe fer lo kote i annan en Komite Lapos, Local Government, Minister kot Land Use ki’n komans travay lo la me apre sa in tonm dan delo akoz mon krwar problenm se kestyon finans.

E konsernan bwat Lapos i annan serten deza – mon krwar zot in vwar dan bann distrik kot nou pe sey met bann bwat pour si oule, pour deservi bann piblik.

Ok i annan bokou dimoun ki pe demande pour zot ganny bwat Lapos e osi aktyelman i annan difikilte pour servis postal rekrit bann postman akoz lapey ki zot pe gannyen i vreman tre ba.

E dernyerman ti annan apepre 10 pos dan Nasyon zot dir mwan ; e laplipar bann in turn sa down zot pa’n vini.  E lo kote mon responsabilite pour Lapos, mon krwar mon ti devret koriz sa depi taler Mr Speaker in dir Seychelles Postal Services.

Mon krwar depi 2006 ti annan reform ki ti komanse dan Lapos, e reform Lapos i pran en pe letan akoz partou dan pei Eropeen in annan sa bann transformasyon.

E avan Lapos tou keksoz ti tonm anba Lapos, policy, regulatory, process, son bann servis loperasyon e sa se s i oule apre ek nou bann reform ti ganny separe.

Polisi ti al avek Minister Finans e in etabli sa Public Postal Operator ki Seychelles Postal Services.

E lo mon kote Postal Regulatory Agency ki sipoze set bann target, evalye bann kalite servis lo nivo bann enternasyonal.

E osi gete si napa bann dimoun ki pe sey etabli ‘Cartel oubyen ki nou apel bann predatory pricing kot bann dimoun i fer bann low, bann pri ki ba apre i touy tou sa Sekter apre li i si oule i reste.

E sa enn son manda.

e osi pour set bann target dan kot ki mannyer nou apel sa bann servis universelle sa en pti pe an gro.   Mersi Mr Speaker.

 

 

MR SPEAKER

Ok, Onorab De Commarmond, wi mersi Mr Nolin. Onorab Arrisol.

 

HON SANDY ARRISOL

Mersi Mr Speaker, bonzour Minis Finans, bonzour Mr Nolin, tou Manm Lasanble e tou bann ki a lekout.

Mon ti a kontan demann Mr Nolin 2 kestyon Mr Speaker, premyerman mon ti a kontan demann li konbyen Staff zot annan?

E dezyenmman mon ti a kontan demann ou en kestyon an relasyon avek larepons ki ou’n donnen.

Ki, an vi ki zot tonm anba Minister Finans eski zot in negosye avek Minister Finans pour en nouvo Scheme of Service pour nou bann Fakter, an vi ki zot pas atraver diferan kontrent ki mon’n tann ou koz lo la, la, Ladres i enn, lisyen i enn, labou lezot keksoz zot rankontre.

Eski ou ou’n koz avek Minister Finans pour reget en pe Scheme of Service nou bann postman e la byento avek modernizasyon zot preski napa, sa pti gin ki nou annan eski zot pe fer keksoz pour retenir e contain zot byen an relasyon avek Scheme of Service ? Mersi bokou.

 

MR SPEAKER

Mr Nolin.

 

CEO – MR THOMAS NOLIN Mersi Mr Speaker. Bon mon komans par ou dernyen kestyon; sa i responsabilite Public Postal Operator, Seychelles Postal Services pour get dan Scheme of Service son bann Staff, be sa pa ti ava anpes mwan diskit avek Minis Finans petet pli tar lo la.

Ek ou premye kestyon i sorry, mon annan zis 2 Staff mon avek en Administrative Officer.

 

MR SPEAKER

Ok. Onorab William.

 

HON WAVEN WILLIAM

Mr Speaker mersi, Onorab Arrisol in tous lo mon kestyon. Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair. Bonzour tou dimoun. Mr Chair mon kestyon i baze lo paz 183 kot zot in koz lo major achievements Lannen 2015 ek 16, e ladan dan sa dernyen pwen i koz lo product development – so mon ti a kontan ki Mr Nolin i donn nou en pe leklersisman lo la, se kwa bann nouvo prodwir ki zot anvi anmennen?

E dezyenmman zis en pti sizesyon pour bann negosye avek bann Ladministrasyon Distrik pour etablir bann bwat postal la, akoz tou dimoun ki reste dan en distrik i pas la i al avek son transpor i ouver son P.O Box apre i al se li, so sa i en keksoz zot kapab konsider seryezman.  Mersi.

 

MR SPEAKER

Mr Nolin.

 

CEO – MR THOMAS NOLIN Mersi Mr Chair. Lo kote bann servis si ou oule in annan sa EDI Electronic Data Interchange kot se si oule nou verifye bann, track bann mail parey parcel, registered item.

E nou annan se si oule sa servis bill capturing kot Lapos i fer bann bill pour bann Importers get en pe.

E osi i konmans antre dan bann servis- bann frontier, kot nou pey en pe bann, nou vin parey se si oule Seychelles Postal i vin parey en pe parey en Agency kot i fer bann louvraz pour – par egzanp kekfwa Cable & Wireless, PUC kot zot pey zot bann bill en pti pe dan sa laliny.

 

MR SPEAKER

Onorab Ramkalawan.

 

HON WAVEL RAMKALAWAN

Mr Chairman mon ti zis anvi fer en pwen e pour ranforsi sa ki Mr Nolin in dir en vye schoolmate – nou ti lekol dan menm laklas nou 2 Mr Nolin, fun days.  Non i pa ti dan SCOTT.

Lo sa size Ladres mon krwar sa i en pwen enportan parey – petet zis mon anvi atir latansyon ki depi dan premye Lasanble, sa premye Lasanble 1993. ’98 mon personnelman pour demande – parske Lanbilans, i pa zis kestyon Lapos, i kestyon Lanbilans letan ou fer en call Lanbilans pa konnen kote sa dimoun i ete egzakteman mont isi, mont laba.

E alor mon ti a kontan demann Mr Nolin, pour li osi tou ed nou koman en Lasanble, pour nou regarde ki mannyer nou kapab zwe en rol dan sa direksyon.

Kwa ki ou ti ava propoze ki Lasanble i kapab fer pour ede pour nou annan proper sistenm premyerman kot tou semen i annan en non ?

E kot finalman kot nou ti a kapab fer nou prop A-Z parey i annan dan bann lezot pei oubyen en pti GPS kot nou kapab en pti ‘tonm tonm’ nou osi nou ava annan pour nou regard partou kote.

Ki ou ti ava konsey nou, ki sipor ou ti ava kontan Lasanble i donn nou pour ki sa i ava arive ?  Mersi bokou.

 

MR SPEAKER

Mr Nolin.

 

CEO – MR THOMAS NOLIN

Mersi Mr Chair. Bon i annan serten travay parey mon dir ki si ti fodre  pour kominik avek Lasanble nou kapab fer li.

E se ki Minister Finans i provide nou swa mon pa konnen sa Komite ki i annan swa pour re beef li up pour gete ki mannyer nou ranforsi li, pour fer en pli bon travay.  E nou al dan sa laliny kot i annan ase finansman pour nou bouz dan sa direksyon.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Chairman e bonzour tou dimoun, 2 pti kestyon ; (1) i mon lenpresyon akoz ou ti pe dir, dir mwan si mon mal Mr Nolin e ki en dimoun parey ou avek sitan lekspertiz e sitan leksperyans you are being under utilized.

Konmsi ou avek en dimoun ki pe sa… ki pe travay en pti an izolasyon ; so mon ti a kontan ki ou ganny better utilized.

So mon pa konnen dan ki seksyon ou été, me selman mon pe dir avek Minis, avek PS poudir kekfwa i annan plis responsabilite ki ou kapab ganny devret ansarz pour aktyelman get sa bann proze ki nou pe koz lo la up and running.

Mon 2enm pwen se lo bann Fakter, mon konnen poudir you are ‘Regulatory ou pa anploy bann Fakter.

Vi ki Prezidan Faure pe koz lo Minis Lafanmir, Minister Lafanmir pe sey gete ki mannyer nou kapab met bann Kominote ansanm.

Mwan pour mwan en Fakter en dimoun ki delivre let i en dimoun esansyel dan en Kominote, nou pa realize ki kantite lazwa, ki kantite kontak ki i anmennen ler i anmenn en let kot en dimoun ki reste tousel.

Konmsi i en unifying factor dan bann distrik, so mon ti a kontan dir avek ou dan tou bann reform ki ou fer, sey gete ki mannyer ou kapab kontinyen fer viv sa lenstitisyon Fakter.

Mon konnen dan bokou pei avek devlopman i ale, i ale bann pos i ganny koupe, i ganny koupe e pour nou vi ki la nou pe sey fer en pe renesans dan nou bann kominote, i vreman en keksoz enportan, so mon ti a vreman ankouraze si mon ti vwar poudir sa group travayer pe ganny mentenir e i ganny nurtured properly.  Mersi.

 

MR SPEAKER

Mr Nolin.

 

CEO – MR THOMAS NOLIN

Mersi Mr Chair. Bon personnelman lo Sekter Lapos kot si oule kot manm piblik menm parfwa lo kote Gouvernman, dimoun i annan sa tandans pour krwar ki ou konnen Lapos i en servis ki pa neseser; sirtou dan sa mon’n kot nou pe ale konmela kot parey nou apel sa mail substitution in pran plas kot nouvo teknolozi in rantre e Lapos i ganny met 2 kote.  Non. I pa le ka e sa nou ti’n prevwar en bon pe lannen pase letan bann Forum ki mon’n attend, Lapos pour ariv en letan kot i pour stabilize akoz lo kote parey nou pe koz lo personal mail. Sa in decline.

Me selman business mail, business to business lo kote bann E-commerce e si oule Lapos in bezwen sorti en porsyon kot i ete actually in al dan en lot batiman ; akoz i pa kapab tenir sa kantite pti pake vi ki lekonomi, se si oule nou annan en lekonomi ki pe kontinyen grandi e – si oule Lapos i ape devlope malgre bann kontrent.

Lontan nou ti vwar e sa in rekonnet dapre UN se ki Lapos si ou le, Lapos ek UPU ti 2 si ou le 2 dimoun ki ti toultan konmsi ki pa ti kapab bord kanmarad avek ITU.

Be actually se ki avek devlopman IT se ki tou le 2 i bezwen kanmarad pour zot kapab bouze.

E lo kote mon leksperyans parey mon dir Lapos i involve dan en kantite keksoz parey ou bezwen konn en pe parey bann Trete Enternasyonal, ou bezwen konn byen bann Lalwa IATA, ICAO akoz ou bezwen servi bann Airline parey WCO World Custom Organization tousala ou bezwen konn byen.

E i enportan ki nou kontinyen, ki nou kontinyen edik nou bann piblik ki dan sa laliny e kontinyen donn bann dimoun bann training ki neseser. Parske si nou pa train nou bann dimoun, parske actually dan Lapos napa bokou dimoun ki annan sa konesans pour être fran parey mwan.

Laplipar dimoun fini, bokou bann zenn pa tro ganny sa lentere pour zot ganny Labours, alor mon ti a demann si ou le Minister konsernen pour sey get dan sa direksyon pour fer sir ki Lapos i bouz dan en bon direksyon dan lefitir.

E osi konsernan Postmen ankor mon krwar i pour tous bon pe dimoun dan sa pei ; akoz ler nou mazin Lapos lontan letan ti napa bann sistenm telekominikasyon pa ti sitan ariv sa nivo nou ti vwar postmen devan nou laport ki ti anmenn bann let ler i vini i annan ki ti vin depi kot Lapos.

E bann postman ler i al  -si oule dan bann distrik kot i annan bann fanmir, i annan bann dimoun ki tousel kot lakour, i annan i endikape, i annan, ou konnen i en soulazman pour zot i pase i koze ek sa bann dimoun.

Mon krwar ki pour mwan mon’n travay avek Lapos mon’n pas atraver sa bann non leksperyans e mon swete nou kontinyen dan sa direksyon.  Mersi Mr Speaker.

 

MR SPEAKER

Mersi Mr Nolin. Onorab Ernesta.

 

HON PAUL ERNESTA

Bonzour Mr Chair. Bonzour Mr Nolin e tou bann koleg Onorab e tou dimoun a lekout; zisteman dan sa laliny Mr Nolin kot ou’n dir mon vwar lo ou pwen ou enn parmi lo paz 183 kot ou’n mansyonn bann challenges e enn premye anler e i reflekte egzakteman sa ki ou pe koz lo la.

Petet ki mon ti a kontan konnen ki zot stratezi pour zot kapab adres sa sityasyon briyevman ou’n mansyonn en pe recruitment ki zot pe mazin fer, ki bann nouvo lezot stratezi ankor pour zot kapab adres sa enn premye?

Apre mon lot kestyon i refer lo 184 kot ou’n koz en pti gin lo ‘transportation and travel cost’ kot letan mon get pour lannen 2015 i 152 mil, 40 sou e apre 2016 e 2017 i basically i the same amount ki en pti rediksyon, petet en pti pe leksplikasyon lo la please.  Mersi.

 

 

MR SPEAKER

Mr Nolin.

 

CEO – MR THOMAS NOLIN

Bon pour nou sey fer fas avek sa bann challenges, mon krwar nou bezwen ganny plis resours si oule ; e sa si ou le si nou pa ganny resours nou pa pour kapab bouz devan plis.

Alor mon krwar mon’n deza an diskisyon avek Minis Finans, ki’n garanti mwan poudir i pour donn mon sa sipor pour nou al en pe dan sa laliny.

E anba ‘transportation and travel cost,’ bon mon pa vwar gran direksyon petet lo nou petet in kapab annan en pti defayans akoz lo nou Bidze pour sa lannen si oule konpare avek lannen pase i en pti pe parey.

Petet anba, ki mannyer mon pour dir sa ?  Dan nou Revised Budget i posib akoz nou ti annan sa trip kot mon ti attend Kongre an 2016 wi Turkey.

 

MR SPEAKER

Mersi Mr Nolin, Onorab Mondon.

 

 

HON TERENCE MONDON

Mr Speaker mon kestyon in fini ganny adrese. Mersi.

 

MR SPEAKER

Onorab William.

 

HON WAVEN WILLIAM

Mersi Mr Chair. Mr Chair mon entervansyon i plis ou mwen en komanter; en komanter ki mon krwar ki nou devret pe pran li en pti pe pli, ki mannyer mon kapab dir?  En pti pe pli serye akoz letan mon regard sa statement ouswa sa komanter ki Mr Nolin in fer sorti vizavi bann Non semen ouswa bann landrwa ki bann dimoun i reste.   Mr Chair en bon letan dan lepase nou’n koz lo la, me i en size ki mon krwar i enportan me nou pe zis, parfwa nou pa pe task okenn Lazans pour deal avek sa sityasyon akoz mon kapab dir i ant lavi ek lanmor.

E mon ti ava demande si petet nou pa kapab, well Minis Finans i la, Mr Nolin i la ki fason ki nou kapab enn fwa pour tou komans inisye serten travay ver sa sanzman ?

Akoz mon krwar i tre enportan, akoz tro bokou letan nou pe zis vire avek sa size e nanryen pa pe ganny fer. So si nou anvi oule al pli devan mon krwar somebody has to take ownership, akoz si somebody pa take ownership mon pa pe vwar li bouz par devan. Mon krwar i tre enportan pour lavenir Sesel.  Mersi.

 

MR SPEAKER

Mersi Onorab William me mon krwar sa pwen, zisteman sa pwen sa Leaders in fer, Onorab Ramkalawan in koz lo la, Onorab De Commarmond in koz lo la e mon is Minis Finans in note pour li petet diskit dan Cabinet – dan Konsey de Minis en Lazans ki spearhead, koz nou tou nou dakor i bezwen ganny fer depi avantyer.

So nou a les sa dan lanmen Minis Finans, mon krwar i annan Onorab Stephen Pillay – ou ti’n lev ou lanmen ?  Wi ale.

 

HON STEPHEN PILLAY

Wi mersi Mr Chair mon kestyon i baze lo 185 ek 186 lo ‘wages and salaries,’ mon pe get anba program 1, ‘wages and salaries’ i annan R12mil par mwan; me parkont ‘other goods and services’ anba program 1 e 5 kont in ariv R39mil par mwan e ou get pour program 2 i tonm apepre R39mil par mwan –‘salaries and wages’ akoz sa dekalaz 506 anba pour en travayer mon krwar R12mil i pe depans 506 par mwan R1, 000?  Mersi.

 

MR SPEAKER

Mr Nolin.

 

CEO – MR THOMAS NOLIN

Bon sa i fer progranm 1 Government and Administrations sa i pour Administrator, sa Administrative Officer ki tonm anba sa progranm.

Apre lot i mon saler e ladan in enkli bann areas ki pour tonm dan Kontra 2014, non 2011, 2014, 2017 sorry.  Mersi.

 

MR SPEAKER

Ok mersi, ok. Onorab Pillay ou ok?

 

HON STEPHEN PILLAY

Zis en pti, konmsi sa 506 la ki ou pe dir mwan pour Management? Ou pa Management ou, ou anba Standard Setting and Monitoring? You are not part of the Management of the Regulative Agency?

 

MR SPEAKER

Mr Nolin.

 

CEO – MR THOMAS NOLIN

Mon form par sa Management me mannyer sa progranm in deza enn, se ki li i tonm anba Government Administration. Mwan mon tonm anba sa lot progranm Setting and Monitoring. Mersi.

 

MR SPEAKER

Ok. Onorab Prea.

 

HON NICHOLAS PREA

Vitman Mr Speaker mersi; i annan en konsern Mr Nolin vizavi cost of rental of boxes, P.O Boxes dan sa dernyen 3an, 4an in sorti R1, 000 in vin R1,200 la in vin R1,500.

Si zis ou kapab pour konsern piblik bann ki annan Rental boxes kapab donn en pti pe leksplikasyon pour zistifye sa increase?  Mersi.

 

MR SPEAKER

Mr Nolin.

 

CEO – MR THOMAS NOLIN

Mersi Mr Chair. Bon mon konnen poudir i en pti ser me selman demann sirtou dan Lavil i annan en kantite demann e napa plas ase landrwa pour met ase bwat ; e bann kou ki Lapos i annan pour fer avek servis si oule i en pe o, e i paret mwan dan bann Lannen 2015 mon krwar nou’n fer en pert avek sa bann peyman 13enm Mwan saler, sa bann azisteman saler osi, zot bezwen osi sey aziste zot.

Be selman dan sa konteks mon krwar ki ler nou’n fini organize e diskit avek Minister Finans, nou bezwen etablir klerman dan bout Seychelles Postal Services ki the Public Postal Operator kot son bout komersyal, son accounts i separe e son bout servis Universelle i separe.

Kot servis Universelle kot Gouvernman i sipoze pe fer serten kontribisyon ladan.  Sa i bezwen klerman defini kwa ki Gouvernman pour antre ladan pou peye.

Akoz la pour mwan i en pti pe an dezord akoz tou i ansanm.  Mersi Mr Chair.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair. Mr Chair bonzour, bonzour tou Manm Onorab e bonzour Mr Nolin e tou manm delegasyon.

Mr Chair mon ti oule zis demann en kestyon, en klarifikasyon Minister Finans an relasyon avek bann strategic priorities ki Postal Regulatory Agency in met, in apel Development of Licensing Framework and General Regulations, which is important akoz bann Courier Agencies se ou ki regulate zot, tou bann Courier, DHL  – lot, lot – tou se ou ki regulate.

E dezyenmman; ‘review secondary regulations to define universal of service obligations,’ now sa osi i vreman enportan, mon ti a kontan demann en klarifikasyon an vi pour le moman Postal Regulatory Agency i annan zis ou avek en administrative officer is that enough pour ou kapab deservi sa mandate of regulating the whole plus postal operator which is Lapos ki i annan en travay ase sibstansyel?

        Is that enough pour ou kapab delivre lo sa manda? And pour Minister Finans, eski i annan posibilite ki zot kapab increase – konpleman travay ki travayer oubyen staffing ki Mr Nolin i annan, pour li kapab zisteman kapab fer sa louvraz? Akoz demen piblik ki pour kriye ler sa bann courier services pa deliver ouswa bann lobligasyon ki zot annan.  Mersi Mr Chair.

 

 

MR SPEAKER

Mr Nolin oubyen PS Payet.

 

CEO – MR THOMAS NOLIN

Mon krwar Mr Chair mon a les sa avek Minis, vi ki nou ti’n fini diskit sa.  Mersi.

 

MR SPEAKER

Minis Finans.

 

MINISTER PETER LAROSE

Mersi Mr Chair.  Nou ti’n deza ganny en diskisyon avek Mr Nolin ki son plan pour lavenir, ki son bann challenges ki i pe fer fas avek ?  Me lakle se resours.

E natirelman li i pour vini avek son plan devlopman petet pour le next 3 to 5 years ; e petet en pe pli long ki sa.  E nou, nou bezwen vwar resours pour nou ed li fer sa travay.  Sa i dan lentere pep Seselwa.  Mersi Mr Chair.

 

MR SPEAKER

Mersi Minis. Onorab Andre.

 

HON CLIFFORD ANDRE

Mersi Mr Chairman. Mr Chairman mon ti a kontan demann Mr Nolin vi ki i pe regulate postal services, si i dan zot plan pour zot kapab ankouraz plis sekter prive, parey mon vwar Unity House i annan an lakonpannyen prive mon krwar ki pe provide sa Postal Services pour bann Unit ki la, si i pe ankouraz sa arive dan bann landrwa kot i annan bann building ki i a fer ki at least sekter prive i a kapab antre dan sa domenn pour ed Gouvernman delivre sa servis?  Mersi.

 

MR SPEAKER

PS oubyen Mr Nolin? Mr Nolin.

 

CEO – MR THOMAS NOLIN

Mersi Mr Chair. Bon dapre bann letan ki nou’n ouver sekter, e bon servis, lezot prive i kapab antre me selman i annan bann kondisyon.

E aktyelman mwan pour mon personnelman mon vwar li en pe difisil, mon vwar i annan en pe dezord dan sa sekter e i demann met en pe lord.

Parske parey mon’n dir nou bezwen resours e sa i… mon welcome sa parske i pour donn konpetisyon e sa ki fer nivo servis monte dan pei.

Bon en lot pwen pour mon ki Minis ti’n deza komant lo la avan, dan sa laliny nou’n fer en kantite travay akoz mon’n anmenn bann expert bann konsiltan vini, nou ti annan 1 sorti kot EU, 2 sorti kot EU avek COMESA zot in fer serten travay e zot in fer zot serten rekomandasyon.  Prezan i reste nou pour met li an aplikasyon.  Mersi Mr Chair.

 

MR SPEAKER

Avek sa mon krwar tou bann mon krwar ki ti anvi demann kestyon ; Onorab De Commarmond ou oule demann en dernyen kestyon ? Ale go ahead.

 

HON CHARLES DE COMMARMOND

Mr Chair, 2 pti sizesyon an pasan, Mr Nolin pe koz lo postmen, postmen ou, ou pa konnen ki postmen ti fer letan mon ti’n perdi lo lanmer ou.

 

(LAUGHTER)

 

MR SPEAKER

Ale Onorab De Commarmond

 

HON CHARLES DE COMMARMOND

Mr Chair…ti vizite…. I bon ler pour annan en pti lanbyans dan sa ; Mr Chair ou vwar mon annan detrwa sizesyon pour mete petet ki petet Minis Finans i a kapab pran an konsiderasyon sa ki’n sorti avek sa ki’n ganny eksplike dan Lasanble, mon krwar i kler ki Mr Nolin i bezwen ansarz sa Komite, i bezwen annan en Komite ki fer pour sa zafer Ladres ki nou’n mansyonnen la, ki’n ganny mansyonnen par plizyer dimoun sa i …Li menm i dir Komite ti’n fer – in mor me mon krwar donn li pour li relev sa Komite pour anmenn sa travay ; en fason i a lyez ek nou osi, nou kapab fer en kontribisyon parey in ganny propoze pour ki nou bouz ek sa.

Akoz mon vwar poudir i under utilize vre, me an plis ki sa ti a bon annan en asistan osi, en dimoun ki pa kapab zis li avek en lot zofisye, me i bezwen annan en lot dimoun pour ki si en problenm i arive demen akoz zot dir napa bokou dimoun ki konn sa bann zafer Lapos, bann Lalwa.

Be ti a bon osi en dimoun ki pe understudy li dan en fason, epi mon oule met devan en lot keksoz, sa bann gran Housing Estate la parfwa nou fer, la i en landrwa kot nou kapab met bann bwat Lapos. Napa en landrwa. Postmen i vini i pa konnen you know? Si ti annan en landrwa common la i fasilit travay sa bann postmen e an men tan bann dimoun i konnen la, la, la zot bwat i fasilit tou sa, ou vwar letan vakans, mwan mon premye dyob set en Fakter, dan vakans mon ti Kolez mon ti al travay Lapos.

Ozordi mon ti a voudre ki i pa pour tonm petet avek ou, me sa i en pwen ki nou pe mete la, nou bann zenn manrmay souvandfwa dan vakans i pe rod en pti dyob.

Mon ti a kontan ki sa kestyon Lapos Minis i pran an konsiderasyon pour gete ki mannyer avek ledikasyon, i kapab al servi ouswa zis zot fer en pti piblisite pour pran en pe bann zenn manrmay, pour kapab ganny en louvraz dan vakans.

Me i en keksoz ki osi zot a grandi avek, i ava bon e la dimoun i a kapab konpran osi pli byen lenportans postman.  Mersi.

 

MR SPEAKER

Mon krwar i annan en bann bon sizesyon ki’n come up, me le pwen i reste ki nou’n demann Minis Finans letan ki li i Minister Tutelle pour Postal Services dan Cabinet i anmenn sa sizesyon an gardan, an tenan kont sa bann propozisyon ki’n ganny fer e si Cabinet i deside ki Mr Nolin i devret spearhead en Komite. Me mon krwar lesansyel nou tou nou’n dakor i devret ganny fer pour fer sir ki i annan en pli efikasite dan idantifikasyon kote dimoun i reste dan zot distrik.

Avek sa nou a pran en vot lo Bidze Postal Services e mon a demann tou bann ki ‘pour lev zot lanmen ? Okenn dimoun ki kont ?  Clerk?

 

MADAM CLERK

Mersi Mr Chair. Tou Manm in vot an faver, 30 Manm an tou.  Mersi.

 

MR SPEAKER

Mersi savedir ki Lasanble Nasyonal in aprouv Bidze pour Postal Services Regulatory Body pour 2017, e avek sa nou a eskiz Mr Nolin e remersye li pour son letan ki in pas avek nou.  Mon krwar i annan bann bon sizesyon ki’n sorti ki i a fer sir i form parti nou devlopman koman en sosyete pli modern a lavenir.  Nou annan Minis Finans ki anvi dir en mo.

 

MINISTER PETER LAROSE

Mersi Mr Chair.  Mon reelman apresye sa sipor ki Lasanble in donn Postal Regulatory Agency. Mon’n pran not tou ou bann propozisyon mon ava anmenn dan Cabinet e nou a sivre li par aksyon tre vit.  Mersi Mr Chair.

 

MR SPEAKER

Mersi Minis. E avek sa nou a remersye Mr Nolin e eskiz li e swet li tou de bon pour 2017.

 

 

MR THOMAS NOLIN WAS EXCUSED FROM THE HOUSE

 

TAX AND CUSTOMS AGENT BOARD

 

MR SPEAKER

E mon krwar vi ki Mrs Jennifer Morel i deza la avek nou o-bor PS Finans ek Minis e i osi son Minister Tutelle, son parent ministry se Finans. Alor nou a pran Tax and Customs Agent Board with ki lo paz 179, 179 lo bann ki annan zot liv Revenue ek Expenditure.

E mon krwar ki nou a fer, unless Ms Morel i oule fer en brief introduction, mon krwar nou a fer parey nou abitye al fer, al direkteman lo kestyon ki zot annan, PS Payet ou anvi fer en pti lentervansyon.

 

PS PATRICK PAYET

Mersi Mr Chair e bonzour tou Manm Onorab e bonzour tou dimoun ki a lekout, zis pour mansyonnen Mr Chair se Bidze pour Tax and Customs Agent Board nou pe met tou le 2 ansanm Revenue Tribunals.

Savedir i kouver 2 Lazans ouswa Komite ki’n ganny kree anba sa Revenue Administration Act se Tax and Customs Agent Board apre Revenue Tribunals osi, so tou le 2 Lazans i tonm anba la e osi…

 

MR SPEAKER

Lo ki paz PS Payet sa lot 2?

 

PS PATRICK PAYET

Non i osi tonm dan menm Bidze so….

 

MR SPEAKER

Tou Bidze lo paz 179. Ok? Tre byen.

 

PS PATRICK PAYET

Wi, so me selman i annan 2 diferan Komite me akoz son Chairperson aktyelman in resign e nou pa ankor apwent en nouvo Chairperson pour The Revenue Tribunal.

Apre osi zis pour mansyonnen zis akoz nou pe al pran Government Audit Committee apre, lo paz 197 a paz 199 zot pe share en pe administrativman – bann resources akoz zot aktyelman baze lo menm building.

So par egzanp zot share Office Assistant avek en Admin Manager.

 

MR SPEAKER

Eski ou ou le PS Payet, savedir ki Gamini Herath ki Chairman Government Audit Committee la ansanm avek Ms Morel oubyen nou a pran li separeman?

 

PS PATRICK PAYET

Non, ti a bon petet si nou pran li ansanm me selman en leskiz pour Mr Gamini ki pa kapab la avek nou ozordi akoz son papa in passed away last night e in bezwen travel overseas.

 

MR SPEAKER

Bon lo lapar Lasanble Nasyonal silvouple ou fer Mr Gamini Herath tou nou kondoleans. Avek sa nou ava al drwat lo kestyon lo Government Audit ansanm avek Tax and Customs Agent Board, Onorab Sebastien Pillay.

 

HON SEBASTIEN PILLAY

Mr Speaker mon pa ti oule demann en kestyon just yet me selman mon ti oule propoze ki why not ki PS Finans i pran sa Bidze Government Audit Committee ansanm pour ki i pa ava tard nou travay.

 

MR SPEAKER

Se sa ki in dir, ou pa’n ekoute Onorab Pillay, se sa ki PS Finans in dir i oule pran tou le 2 me li i kouver pour Mr Gamini akoz Mr Gamini son papa in fek mor, ok? Alright ok. Kestyon, Onorab Prea.

 

HON NICHOLAS PREA

Mersi Mr Chair zis mon anvi al lo paz 179 pour mwan regard zot premye challenge, wi 179, eski sa premye challenge i osi en fakter ki pe fer ki sa non- compliance, sa mank knowledge and all that ki i enn sa bann fakter ki pe – petet Customs Department pa pe ranmas sa reveni petet enn ler par-ler i pa pe anmas reveni ki neseser pour pei? Zis mon oule en pti leklersisman lo la.  Mersi.

 

PS PATRICK PAYET

Mersi Mr Chair. Mersi Onorab, en keksoz ki nou pe travay lo la avek Customs se en training pour tou bann Agent, so nou pe finaliz sa avek UNISEY pour fer sir ki avan en Agent i ganny anrezistre i annan en training ki in follow . Akoz souvandfwa nou vwar vre i annan fot ki zot fer; par egzanp letan zot pe met data lo ASYCUDA aprezan Customs osi i pran letan osi pour rektifye en pe bann issues letan.

So definitivman i en challenge pour Customs akoz sa proper training ki nou pe met an plas avek UNISEY is like urgent, me selman nou pe anvizaze by this year we should be able to fer sa training.  Mersi.

 

MR SPEAKER

Mersi. Onorab John Hoareau.

 

HON JOHN HOAREAU

Mersi Mr Chairman, bonzour tou dimoun, mon plito i plito baze en pti pe lo sa sityasyon ASYCUDA World ki’n ganny entrodwir.

Dan Rapor Oditer Zeneral zot ti montre poudir i annan bokou defayans dan sa sistenm e ki ek lentrodiksyon sa sistenm ASYCUDA World ti annan bann, en kantite reveni ki pa ti pe ganny ranmase e ki zot pe fer pour zot kapab redres sa apard training?

Eski zot pe anmenn en n nouvo versyon sa progranm oubyen si i annan defayans dan sa progranm li menm ki fason zot pe adres sa ?

2enm bout mon kestyon i annan bann, osi bann Manifest pour bann bill of entry, an tou leka in sit 14 ka ki pa’n kapab ganny trace pour zot kapab anmas le neseser reveni….

Ki zot pe fer pou adres sa bann defayans ki reveni i ganny kolekte normalman parey i devret? Mersi.

 

MR SPEAKER

Mersi Onorab Hoareau. Ms Morel oubyen PS Finans. Minis Peter Larose ?

 

MINISTER PETER LAROSE

Mersi Mr Chair. Mon krwar Onorab Hoareau in lev en pwen tre, tre enportan. Avek permisyon Lasanble an vi ki no pour diskit lo nou Kalandriye demen Seychelles Revenue Commission.

Alors si mon demann Lasanble pour esper nou ziska demen bomaten, nou kapab diskit tousala holistically ; dan en serten fason nou get Customs Revenue ensidswit ki problenm ki i annan e nou, nou kapab detaye ki plan nou annan pour pran mezir pour adres sa bann problenm pour kolekte reveni.

Parske pour nou sak roupi sak sou i enportan pour nou devlopman.  Mersi Mr Chair.

 

MR SPEAKER

Tre byen, mon krwar sa i en bon nide Minis. Onorab Andre.

 

HON CLIFFORD ANDRE

Mersi Mr Chair. Mr Chair mon ti a kontan demann Mrs Morel vi ki Tax and Customs Agent Board mon vwar pe regulate bann Tax Agent ki fer ki Customs i kapab ganny sa bann dues ki neseser, eski dan sa konteks pour annan bann progranm ki ganny met an plas pour asiste bann Tax Agent?

Akoz parey PS in dir letan zot sorti liniversite i bezwen annan serten kriter whatever pour zot kapab ganny registered as a Tax Agent.

Eski pour annan en Unit ki pour kapab swiv zot e donn zot konsey letan zot pe posibleman pa pe byen fer? Oubyen pa pe mal ale pour ki zot ava kontinyen kapab annan zot laysenns avek gidans e definitivman regilasyon ki Gouvernman i a met an plas, pour ki zot a kapab swiv e kontinyen annan en biznes, si zot ti a kapab soutenir zot lekor zot osi?  Mersi.

 

MR SPEAKER

Ms Morel.

 

MS JENNIFER MOREL

Wi, pour le moman nou pe zis fer pour Customs akoz i neseser pour fer ki Customs, akoz i annan sa mank leksperyans ek qualifications dan bann Agent. Be definitely nou a get ladan akoz menm pour Tax Agent nou bezwen regulate. It’s something we have to regulate, yes.

 

MR SPEAKER

Mersi Onorab De Commarmond.

 

HON CHARLES DE COMMARMOND

Mersi Mr Chair. Mr Chair zis detrwa pti leklersisman si Ms Morel ti kapab dir nou lekel ki lo sa Board e konbyen Tax Agent ti annan?  Konbyen Custom Agent ti annan?

E si i annan pandan lannen ki’n pase la, perdi zot agentship, konmsi ki’n fer kek fot ki zot laysenns in ganny kennsel?  Mersi.

 

MR SPEAKER

Ms Morel.

 

HON CHARLES DE COMMARMOND

Ok lekel ki lo Board, konbyen Tax Agent i annan?  Konbyen Custom Agent i annan, e si i annan ki’n perdi zot laysenns?

 

MS JENNIFER MOREL

Ok thank you, yes mersi Mr Chair, pour lekel lo…, dan sa Bidze i annan peyman pour allowances pour Revenue Tribunals and TACAB – I’m the Chairperson for TACAB; so on the Board there is a Vice-Chair unfortunately he passed away Mr Collin Jean-Louis, so we have Steve Jardine representing, he is a Technical Advisor, we have Bernard Pool representing the Tax Agents; we have Marcus Naiken representing the Customs Agents on the Board, and we have Mrs Georgette Pillay representing the SRC on the Board. This forms part of the Board.

 

MR SPEAKER

I annan 2 lezot kestyon ki Onorab De Commarmond ti demande; konbyen i annan Agents, si i annan ki’n perdi zot laysenns? Oubyen laysenns ki’n ganny revoked?

 

MS JENNIFER MOREL

For the last 2 years nou ti annan 93 registered Agents. From the 93 registered Agents 54 Customs Agents, and 39 are now Tax Agents but in the last year we haven’t had any deregistration. So it’s possible that there was in the past previous but we’ve got only 2.

 

 

MR SPEAKER

Ok kestyon in ganny reponn, prezan nou a donn Onorab Mondon.

 

HON TERENCE MONDON

Mersi Mr Chairman. Bonzour bann Koleg MNA, tou dimoun ki pe ekout nou. Mon kestyon i adres lo paz 180, sa 5enm e sa 6enm bullet points anba zot ‘current challenges.’

Mon anvi konnen en pti pe plis an detay akoz i mete Tax and Customs Agents Board pa pe ganny akse avek ASYCUDA World, i napa menm Lagreman avek DICT eksetera.

E 6enm pwen i fer resorti zot challenges; osi kot zot pa pe kapab enforce serten sanksyon anba Lalwa.

Mon ti a kontan si ou ti kapab eklersi nou en pti pe plis ki pe arive anba sa 2 sityasyon, petet kot nou a konpran pli byen pour nou gete kekfwa ki mannyer nou dan Lasanble nou kapab a-port serten sipor.

Lo kote Tribunal Rapor Oditer Zeneral in fer resorti bann defayans an term kantite letan ki SRC li menm li, i pa pe fer sa travay pour fer sir bann dimoun ki bann dimoun ki pa pey zot bann revenue on time pour ariv devan Tribunal. Petet dan ou perspektiv ou konnen demen nou pour zwenn SRC, dan ou perspektiv pour ou petet lo kote Tribunal i konsernen, dir nou kote pli gro problenm i ete. Petet nou osi, si i bezwen en sipor Bidze eksetera – petet nou osi kapab gete ki mannyer nou kapab a-port sipor.  Mersi Mr Chairman.

 

MR SPEAKER

Ms Morel.

 

MS JENNIFER MOREL

Mersi Mr Chair. Pour akse avek ASYCUDA World nou’n fek recruit en dimoun full-time prezan la nou pour avek SRC pour fer li ganny sa training, pour fer li byen konpran ki mannyer pour servi sistenm ASYCUDA World.

Lo zafer sanksyon vre napa. Prezan nou pe review the Law pour sey introduce bann provizyon pour met an plas bann sanksyon pour penalize bann Customs Agents or Tax Agents. Selman it’s… we are reviewing the Law together along with the Ministry of Finance; the Board.

 

MR SPEAKER

Ok. Onorab Mondon.

 

 

HON TERENCE MONDON

Yes Mr Chairman, petet i ti kapab dir nou ki konsekans par lefe ki zot annan sa bann defayans, donn nou en pti pe ki bann konsekans sa bann defayans aktyelman pe poze lo travay ki sipoze ganny fer. Akoz mon konnen – e nou pe perdi en kantite reveni.  Sa Rapor i ranpli avek bann defayans ki annan; petet donn nou en pti pe plis pour nou kapab gete kote nou ete, e ki sa bann konsekans pe poze lo nou sistenm koleksyon reveni.  Mersi.

 

MR SPEAKER

Ms Morel oubyen PS Payet.

 

PS PATRICK PAYET

Mersi Mr Chair. Mersi Onorab. Zis pour azoute en keksoz ki nou pe devlope akoz letan ASYCUDA ti ganny devlope ti annan bann rapor adisyonnel ki i dan sistenm, me selman i pa’n met into operations.

E sa keksoz ki nou pe travay avek DICT avek sa Konsiltan ki zot ti provide, pour fer sir ki tou bann Lazans ki bezwen sa bann rapor on a daily basis, nou bezwen kapab tire; menm at Ministry of Finance, menm at National Bureau of Statistics i annan bann rapor detaye ki lo ASYCUDA ki nou bezwen kapab rektifye. So en keksoz ki 2 weeks ago sa Konsiltan ti aktyelman Sesel e i ti pe travay avek Trade Division avek Departman Customs e osi DICT e osi menm nou Staff kot Makroekonomik Forecasting dan Minister Finans, pou fer sir pour rektifye tou bann additional reports ki zot bezwen. E sa i en progranm travay ki by mid of this year nou bezwen fer sir ki tou sa bann rapor in fini ganny met an plas.

So sa nou pe travay konzwentman avek sa Konsiltan ek DICT. Lo kote Revenue Tribunal ti annan depi ler zot in vin operasyon i annan 16 ka ki zot in ekoute, e ki zot in donn zot verdict.

E sa biznes i kapab aprezan li once ki zot in fini donn sa verdict, swa dan sa bann ka i kapab zot in dir ki SRC i bezwen kapab refund sa larzan, ouswa menm sa Tax sa biznes i bezwen pey SRC si sa larzan ki i dwa.  Me sa biznes i kapab aprezan li further son case into the Supreme Court.

 So tousala i bann keksoz ki nou pe revwar. Kekfwa bann dele letan ki i egziste dan Revenue Administrative Act pour nou kapab regarde ki nou kapab fer mye, en pe pli pti, fer li en pe pli kourt tou sa bann dele letan. So i bann travay ki nou pe fer pour nou kapab revwar en pe Lalwa.

 

MR SPEAKER

Mersi. Onorab Aglae.

 

HON EGBERT AGLAE

Mersi Mr Chair. Bonzour a tous, bonzour tou Manm. Mr Chair mon kestyon i konm swivan, baze lo manda Tax and Customs Agent Board se regilasyon e rezistrasyon tou bann zofisye Tax sa ki ek Customs.

Mon kestyon i konm swivan; baze lo sa, lo sa 2 rol ki zot zwe, ki zot fer e petet how in depth ki zot ale, sirtou kan kot i annan bann alegasyon kot i annan bann bad practices ki ganny fer.

Nou tou nou konnen poudir pei i bezwen anmas otan reveni ki bezwen sirtou kot i annan bann pratik, ki ennler kot nou ganny i kapab en blansisaz rimer. I kapab bann alegasyon parey nou dir, kot i annan serten bribing, bann false declaration ki ganny fer ki kout pei en kantite an retour

E mon ti a kontan konnen ki zot fer dan sa bann konteks e ki zot rol osi pour anpese ki sa bann pratik i kontinyen?  Mersi.

 

MR SPEAKER

Ms Morel.

 

MS JENNIFER MOREL

Mersi Mr Chair. Wi pour si i annan okenn alegasyon kont en Customs Agents or a Tax Agent nou lyez for avek Revenue Commission akoz zot, zot napa bann resours pour fer sa investigation.

La si zot vwar i annan en keksoz ki sa Customs Agents in fer ki mal la zot a refer the case to – the matter to TACAB Board, nou a get ladan.

E si nou bezwen deregister nou a deregister, it all depan lo resours, resources within the SRC pour fer sa bann investigation.  Mersi.

 

MR SPEAKER

Mersi. Onorab Sebastien Pillay.

 

HON SEBASTIEN PILLAY

Mersi Mr Chairman, Mr Chairman mon annan 2 kestyon, mon premye kestyon i relye avek sa size ASYCUDA in annan pa mal konsern kestyon, persepsyon ki’n lev-e otour ASYCUDA. Mon ti a kontan demann Minister Finans from a policy perspective, eski zot annan lentansyon fer en revi ASYCUDA e tackle once and for all sa size DICT, ASYCUDA akoz sa i komans vin en lanbara pour SRC – akoz tanzantan ou pe tann menm size i ganny releve, i ganny releve.

Mon krwar menm depi ler current Tax and Customs Board CEO ti laba, that issue was coming up, – mon pa pe dir i en issue ki relate to SRC, me i en issue ki relate to prosedir.  Ki i annan an plas ki nou kapab tackle, so ki Minister Finans i kapab dir nou kwa ki zot pe fer realistically pour kapab deal avek sa sityasyon?

Apre dezyenmman i annan sa pwen investigations ki relye avek zot rol pour regulate bann Tax ek Customs Agents.

Eski ou annan okenn lide konbyen investigations ki zot in – oubyen ki’n ganny lanse dan bann Customs Agent? Akoz parfwa ou tann bann dimoun vin vwar ou zot pou dir ou koumsa,’’ Mwan mon’n pey tan e li in al vwar en Custom Agent in pey mwens.’’ So i sa persepsyon e sa discrepancy ki i annan ki kree parfwa en kantite malez parmi bann dimoun ki pe servi sa bann larzan. So eski ou ti kapab reponn sa 2 kestyon?  Mersi.

 

MR SPEAKER

Minis.

 

MINISTER PETER LAROSE –

Mersi bokou Mr Chair. Mersi bokou Onorab Pillay, sa ASYCUDA World les mon a donn Lasanble en commitment.

Si nou annan en sistenm i bezwen marse, me si nou annan en sistenm ki pa marse akfer nou pour annan sa sistenm ?

Parske reveni pei i enportan, se si oule nou pe aprouv depans pour pei Bidze, me si nou pa kapab kolekte reveni ki mannyer nou pour kapab pey sa bann depans ?

Sa enn fwa pour tou nou pe pran mezir pour nou adres li enn fwa pour tou. Sa mon kapab donn komitman nou Lasanble Mr Chair. E zis pa pour nou step 1, go 1 step ahead ; alor nou a kapab diskit sa demen ler nou fer en tours d’horizon lo sa zafer SRC avek Customs ensidswit.  Mersi Mr Chair.

 

MR SPEAKER

Mersi Minis pour sa bann parol ankourazan pour tou Seselwa – pa zis pour nou. Onorab Stephen Pillay.

 

HON STEPHEN PILLAY

Mersi Mr Chair. Mon ti oule demann PS oubyen Chair, the Chairperson ki, akoz ki en pe plis detay omwen lo ‘other uses of goods and services’ ki apepre R73mil par mwan, in mont parey R10mil lannen pase.

Vi ki i annan son salary, konmsi son relasyon avek ‘salaries and wages’ given R3mil, apepre, akoz sa dekalaz plis ki 3 fwa plis dan ‘other uses of goods and services?’  Mersi Mr Chair.

 

MR SPEAKER

Ms Morel oubyen PS Finans.

 

PS PATRICK PAYET

Mersi Mr Chair e mersi Onorab. Zis pou azoute dan saler anba Tax and Customs Agent Board avek Revenue Tribunal aktyelman, zot annan en Staff e zot pe recruit en additional staff akoz i pe oversee 3 Lofis, Revenue Tribunal, TACAB apre osi Government Audit Committee.

So sa i bann Admin Officers ki zot, zot resevwar bann case. Si zot annan peyman bann keksoz operasyonnel zot ki fer, e nou’n bezwen pran 2 Staff akoz the segregation of duties anba ‘saler’, anba ‘other use goods and services’ nou annan ‘rent’ actually ki zot peye, apre Board allowance.’

E Board allowance nou annan pour 2 Tax and Customs Agent Board, apre nou annan pour Revenue Tribunal.

E ki nou’n vwar anba Board allowance i annan 75mil ki lannen pase nou pa ti pey sa bann….

Dan Revenue Tribunal nou bezwen pey zot dapre ‘case – R1, 000 sak manm dapre ‘case ki’n zot in ‘heard’ – ‘ekoute.’ Me lannen pase nou pa’n kapab pey zot.  Nou pa’n pey zot. Sa i en… Akoz Policy ti vin an plas. Me zot pa ti okouran the Policy was in place. Me sa lannen nou pe pey zot all the payment that was due for last year as with… Yeah.

 

MR SPEAKER

Mersi PS. Mon krwar Onorab Sebastien Pillay ou ti annan en dernyen kestyon.

 

HON SEBASTIEN PILLAY

Mersi Mr Chair. Mr Chair ti zis en pwen ki pa’n ganny reponn par Tax and Customs Agent Board an relasyon ek sa kestyon demande par Onorab Aglae – ki i annan pour fer avek bann investigations, mon ti oule konnen ki kantite investigations ki’n ganny fer an relasyon avek bann Customs Agent?  Mersi Mr Chair.

 

MR SPEAKER

Ms Morel.

 

MS JENNIFER MOREL

Mersi Mr Chair. Pour bann investigation so far napa okenn ki’n ganny sent to the TACAB. It is possible that SRC Customs in fer zot prop investigations. Petet demen ou kapab ganny plis lo la.

 

MR SPEAKER

Ok, mersi Ms Morel. E avek sa nou a pran en vot pour lo sa 2 budget line, 1 pour Government Audit Committee lo paz 97 to 99 e osi lo Tax and Customs Agent Board 179 to 180.

        Tou bann ki ‘pour – an faver sa 2 Bidze lev zot lanmen? Okenn dimoun ki kont sa 2 Bidze lev zot lanmen? Clerk.

 

MADAM CLERK

Mersi Mr Chair. 26 Manm in vot an faver, personn kont.  Mersi.

 

MR SPEAKER

Savedir Lasanble Nasyonal in aprouv Bidze Government Audit Committee ki tonm anba son Chairman Mr Gamini, Mr Herath Gamini or Gamini Herath, pardon.

E osi Bidze Tax and Customs Agent Board ki tonm anba Chairperson Ms Jennifer Morel.

Nou a remersye zot.  Mon krwar nou pe al byen, petet la ki nou a pran en half an hour Break, nou a retournen 11er mwen z-en kar.   E mon a demann Clerk pour notifye Mr Andre Pool avek son asistan Ms Angelic Appoo pour Seychelles Licensing Authority.

E an menm tan osi vi ki nou pe al ase byen fer, averti Fair Trading Commission Mr Lebon ek son asistan, Administrative Officer Ms Selma Joubert isi 11er mwen z-en kar.

So nou a Break. Nou adjourn ziska 11er mwen z-en kar kan nou a repran pour nou zwenn sa 2 lezot Agency. E nou a eskiz Ms Jennifer Morel. Mersi bokou pour ou letan e tou de bon pour 2017.  Mersi.

 

MS JENNIFER MOREL WAS EXCUSED FROM THE HOUSE

 

(BREAK)

 

 

SEYCHELLES LICENSING AUTHORITY

 

MR SPEAKER

Bon nou a repran nou travay pour bomaten e prosen Lazans ki nou pour diskite ansanm se Seychelles Licensing Authority e mon ti a profit sa lokazyon pour swet  byenveni dan Lasanble ozordi en ansyen MNA, en ansyen Deputy Speaker.

Konmsi ler in antre i ti avek en pti git nostalgie, Mr Andre Pool i Chief Executive of Seychelles Licensing Authority e son Depite se Ms Angelic Appoo ki i osi egalman in travay lontan dan Lasanble e mon sir i annan bann bon souvenir.

San plis tarde nou a fer parey nou’n fer avan, olye rod en lentrodiksyon avek CEO, nou al direk lo kestyon ki zot annan pour Seychelles Licensing Authority ki lo paz 136 ziska 142, correct?  Mr Onorab Afif.

 

 

HON AHMED AFIF

Mersi Mr Chair. Mr Chair mon kestyon i baze lo paz 137, Latab No.1 anba ‘wages and salaries’ pour 2017 nou vwar en logmantasyon 1.2 milyon, si petet CEO i kapab donn nou konbyen Staff zot annan, konbyen zot in ogmante pour zistifye sa, oubyen si i annan logmantasyon dan saler li menm.

E answit ‘office expenses’ in mont ankor par apepre en 20 poursan, si i zis kapab donn nou en pti pe detay lo la.  Mersi.

 

MR SPEAKER

Mr Pool.

 

CEO – MR ANDRE POOL

Mr Chair, Manm Onorab, Minis, PS e piblik ki pe ekout nou, mon a dir bonzour zot tou. Mr Chair petet avan mon al direk lo kestyon Onorab, mon ti a kontan remersi sa detrwa mo pour akey mwan ki ou’n fer resorti.

I vre i en gran loner pour retourn dan sa Lasanble ki mon’n pas en bon letan mon parkour mon kapab dir.

Me an se ki konsern kestyon lev-e par Onorab lo kestyon’ wages and salaries’, ki nou pe fer kot SLA, oparavan nou Bidze ti ganny kase par bann diferan Seksyon ki nou annan.

Nou annan 3 Seksyon, nou annan Ladministrasyon li menm, Management, answit nou annan Trade, nou annan Traffic, apre nou annan Inspectorate.

So ki nou pe fer anba sa nouvo format Bidze, nou pe santraliz tou keksoz ki i annan pour fer avek saler anba en sel progranm, olye kase sakenn pour li.

Me an menm tan Mr Chair mon krwar i enportan pour nou fer resorti ki anba ‘wages and salaries’ nou pe cater pour en structural review pour SLA ki pour anmenn nou ver en nouvo Scheme of Service pour bann Staff SLA.

E si tou keksoz i al byen nou pe anvizaze ki by Juin pli tar Juillet sa nouvo Scheme of Service pour vin an plas.

E sa dan sa nouvo Scheme of Service byensir, nou pe osi cater pour bann promosyon ki pour al avek sa nouvo striktir.

Nou’n osi cater dan sa ‘wages and salaries’ pour en nouvo package pour nou driver pour met li anliny avek bann drivers dan civil service.

E nou’n osi dan sa ‘wages and salaries’ nou ti’n osi cater pour Trezyenm Mwan Saler, so se pour sa rezon nou pour vwar ki i annan sa logmantasyon. Bon SLA an tou nou annan nou 54 Staff ki travay dan SLA.

Mr Speaker an se ki konsern ‘office expenses’ ankor enn fwa oparavan dan Bidze tou bann depans ki i annan pour fer avek lofis ti ganny si oule partaze par bann diferan Seksyon.

E la dan sa Bidze apartir 2017, nou pe santraliz tou sa bann depans anba en sel vot olye met li anba plizyer vot.

So se pour sa rezon ki nou pour vwar i annan sa diferans ant Bidze oparavan avek Bidze ki nou pe demann laprouvasyon Lasanble pour li… Mersi Mr Chair.

 

MR SPEAKER

Onorab Churchill Gill.

 

HON CHURCHILL GILL

Mers Mr Chair. Bonzour Mr Chair, bonzour tou Manm Onorab, mon ti a kontan demann CEO lo program P1 i annan en logmantasyon preski 4 milyon, mon ti a kontan ganny en leksplikasyon kwa nouvo ki’n fer sa mont sa kantite ?  Mersi.

 

MR SPEAKER

Mr Pool.

 

CEO – MR ANDRE POOL

Wi Mr Chair an se ki konsern program P1 ki Onorab in demande, ankor enn fwa parey mon’n eksplike taler, oparavan sa bann depans ki tonm anba sa progranm si oule ti ganny allocate avek bann diferan Seksyon ki i annan dan SLA.

E avek Bidze 2017 nou pe santraliz tousala – parey mon’n dir anba Human Resource Management ; se pour sa rezon nou pour vwar sa logmantasyon sibstansyel, me Bidze 2016 sa bann depans ti deza la, me i ti anba diferan Seksyon.

An 2017 nou’n santraliz li pour nou kapab make much better use avek nou bann resours – sirtou nou human resources. Se sa ki fer sa diferans.

 

MR SPEAKER

Ok.

 

CEO – MR ANDRE POOL

Nou pe desann menm zafer si ou byen gete, me olye anba diferan landrwa nou’n met li anba en sel parasol.

 

MR SPEAKER

Mersi CEO Pool. Onorab Arrisol.

 

HON SANDY ARRISOL

Mersi Mr Speaker. Bonzour Mr Pool, bonzour Ms Appoo. Mr Speaker mon ti a kontan fer en pti komanter o komansman ki plito mon demann mon kestyon ki baze lo paz 136.

Mon ti a kontan dir poudir mon apresye lefe ki pas driving license ozordi in sorti an 5an la in ariv 10an e mon swete Imigrasyon osi zot swiv dan sa lepa – parske ozordi Paspor in R800 – parske letan ou’n pey R750 Paspor, R50 portre i vin 800.  I nepli valid pour 5an; i plizoumwen 4an edmi parske 6an avan i ekspire, ou bezwen refer ou Paspor. So si zot ti a kapab al dan sa laliny.

Prezan mon kestyon i vin lo paz 136 anba ‘agency strategic priorities 2017 to 2019,’ premye pwen ki koz lo; ‘providing high quality timely and efficient licensing process in line with the applicate applicable rules, regulations and policies’, mon ti a kontan demann CEO si zot pe mazin osi revwar license bann biznes?  Par egzanp,  kot ozordi tou le-z-an kekfwa ogmant li pour vin 5an me avek proper monitoring, assessment ki zot fer ek bann visit, pour fer sir ki bann biznes zot an ankor avek bann Polisi ki Licensing i enplimante.  Mersi Mr Speaker.

 

MR SPEAKER

CEO.

 

CEO – MR ANDRE POOL

Bon kestyon Mr Chair. I a permet mon petet koz en pti pe lo serten bann progranm ki nou pe anvizaze fer.

Mr Chair ozordi ki nou pe vwar kot SLA i annan diferan kalite license ki ganny issue.

Nou annan dan domenn Traffic, apre nou annan dan domenn Trade, Biznes parey Onorab in fer sorti.

E nou pe komans en travay dabor pour revwar Licences Act li menm ansanm avek nou parent ministry, Minister Finans, revwar antye, konpletman ; akoz mwan mon santi ki Licences Act ti ganny fer an 2010 e i deza si oule an retar avek devlopman ki nou annan ozordi e ki pour vini dan lefitir.

So i en legzersis ki nou’n deza komanse.  E dezyenmman once ki nou fini avek sa nou pour revwar tou bann prosedir bann licences ki egziste ozordi, ok ? Nou bezwen revwar tou san eksepsyon e sa pour swiv par revwar bann kondisyon anba ki sa bann license i ganny donnen. Sa osi mon santi ki nou bezwen fer li, akoz mon a donn en legzanp ; ozordi en dimoun i ganny drwa annan en license DMC an menm tan en license Car Hire, an menm tan li menm li i annan license omnibus, an menm tan li menm  li i annan lot, i annan lot, i annan lot.

Me tandis ki par egzanp en Taxi drayver li nou met restriksyon lo li i pa ganny drwa annan en license omnibus, zis en legzanp ok ?

So mon pti parkour dan Licensing, mannyer 3 mwan – 3 mwan edmi, pe fer mwan dekouver poudir i annan en en kantite ki nou bezwen revwar e fer bann proposals ; avek Gouvernman byensir. Sa ki fodre vini, i a vin devan Lasanble pour zot kapab donn zot kontribisyon zot osi, ki en mannyer nou a kapab larg lanmen Seselwa. That’s the word ki mon ti anvi servi. Larg lanmen Seselwa pour zot debourye.  Me an menm tan nou bezwen osi sa ki mon ti tann Leader Lopozisyon ti koz lo la tou dernyerman, an se ki konsern vertical integration ok ?

Akoz si nou pa fer atansyon osi gro pwason pour detri pti pwason.  Sa zot ava dakor avek mwan ki nou bezwen annan sa ‘safety net’ si oule pour nou kapab protez serten bann pti biznes. How far we go – sa nou pour bezwen ansanm fer li.

So wi, nou pe fer serten travay pour revwar bann business license an tou ka tou bann business license an se ki konsern son la kantite lannen, son bann kondisyon ki asosye avek, menm son bann fees ki ganny peye parey ou pe dir.

Wi ou’n felisit nou en pti pe lo nou license fees, eski nou pour gard li parey, oubyen eski nou pour fer li monte, oubyen eski nou pour fer li desann? So tousala nou pour bezwen revwar li. So wi Onorab pour reponn ou kestyon direk, nou pe travay lo bann business license pour nou ganny sa ki meyer pour tou dimoun.  Mersi.

 

MR SPEAKER

Mersi CEO. Onorab Henrie.

 

HON GERVAIS HENRIE

Mersi Mr Chair. Ankor enn fwa bonzour tou dimoun. Mon kestyon pour Mr Pool baze lo paz 136 letan i koz lo bann defi, zot bann defi ki SLA i fer fas avek, e petet son larepons i ava ed nou osi konpran en pe akoz nou pou vwar sa, avek bokou bann Lazans Gouvernman, letan zot pe koz shortage of Staff, parske nou annan nou bann lekol pos-segonder parey Business Studies ki merit pe provide travayer – non selman pour SLA, me pour SRC e tou sa bann Lazans.

So mon anvi konpran en pe akoz i annan sa shortage of Staff e ki sa bann antite pe fer pour al dan sa bann Lenstitisyon pour ankouraz sa bann manrmay zwenn zot lafors travay. Sa i enn.

E dezyenmman parske zot ki donn license – SLA, mon anvi konnen ki kalite stratezi zot annan pour asire ki pour en nenport ki biznes ki ganny license ek zot, i annan posibilite grosi ? So ou cap the number of licenses ki ou donnen dan sak bann Sekter ; par egzanp Taxi ou dir nou ou pa pour donn plis ki 400 koumsa ki en boug i kapab grosi or laboutik dan en distrik ki avek tel grander popilasyon ou pa kapab annan telman laboutik akoz son profit of margin apre i tonbe.

        So mon anvi konnen si zot annan en stratezi dan sa laliny san, malgre wi biznes i ouver me nou en pti zil e nou bezwen pran sa an konsiderasyon. Mersi.

MR SPEAKER

CEO.

 

CEO -MR ANDRE POOL

Mersi Mr Chair. Mr Chair an se ki konsern premye kestyon shortage of staff, mwan si ou demann mwan ozordi akoz ki dan SLA nou annan sa sityasyon vizavi Staff;

Mon premye larepons ki mon pour dir ou se package kondisyon. This is why ki mon tre kontan ki Minister Finans in donn nou sa budget pour nou fer sa structure review e answit pour nou kapab anmenn sa Scheme of Service ki pour met nou bann Staff anliny avek bann package ki ozordi i annan dan civil service pour nou kapab retenir nou bann Staff e ganny bann nouvo Staff.

So nou, nou santi ki sa legzersis ki nou pe fer la i al revwar striktir e meyer sa nouvo Scheme of Service ki pour ede si oule rezourd sa sityasyon shortage of staff. E wi Onorab mon dakor avek ou ki nou pour bezwen pa selman annan nouvo Staff pour rezourd nou problenm shortage of staff, me osi pour nou expand nou bann servis, ok? Akoz la osi mon santi ki nou devret al pli lwen ek nou bann servis. Ok par egzanp mwan mon santi ki nou devret annan en Lofis dan Sid, ou kapab bann dimoun ki reste Sid Was Mahe, menm Les Mahe olye desann Providence, anvil zot ti a kapab al dan nou lofis laba e enjoy nou bann services.

So wi si nou annan bon package e nou annan Staff ki pour permet nou al pli lwen avek bann services ki nou pe donnen dan lezot rezyon.

Bon an se ki konsern bann biznes grosi, restriksyon ensidswit ; sa i en Polisi ki Gouvernman i pou bezwen vwar si nou pour met restriksyon, kote, dan ki domenn, dan ki areas biznes ki nou met restriksyon.

Si anba nou Lagreman ki nou’n sinyen avek WTO – par egzanp how far ki nou kapab ale dan sa direksyon.

Me mon leksperyans kot SLA, dan en kantite areas mon santi ki i annan lespas pour agrandi, tandis ki serten mon santi ki i pe komans saturated. Ok ?

So nou pour bezwen kree sa balans, pran desizyon ki pour kree sa balans kote nou devret tenir, mon pa pe dir petet arete, kote nou devret tenir, e kote nou devret ankouraz dimoun pou envestir.

Me sa i en desizyon i pa pour selman SLA. Mon krwar i en desizyon ki nou pou bezwen asize pran konsiderasyon tou bann fakter e apre ansanm avek nou parent ministry ki Minister Finans konsey Gouvernman dan ki direksyon pour ale vizavi sa issue.

Me wi mon dakor avek ou ki i en issue ki nou pour bezwen tackle tre byento.

 

MR SPEAKER

Onorab Woodcock.

 

HON WAVEL WOODCOCK

Mersi Mr Chair. Bonzour tou Koleg Onorab, Minis CEO, Madanm Appoo e tou dimoun la a lekout dan lakour.

Mon kestyon i baze lo paz 137 Latab 2, P3, mon kestyon i sirtou lo lapse ‘enforcement of Licensing Authority’.

Now provizyon i ganny fer anba License, anba Licensing Act pour ‘compounding of offences parey sezi bato ki pe operate san license ouswa fine pour bann Laboutik ki pe trade san en license ou an deor en license.

Mon’n aprann Lenspekter baze lo Praslin ki’n fer plizyer ‘compounding lannen pase, en egzanp; zis pour en Lakonpannyen Bato, leisure boats lannen pase 9 bato charter ti ganny compound sezi e fine R15mil par bato ki ariv en total R135mil.  Parey mon’n dir bann Lenspekter osi i anmas larzan atraver compounding avek bann laboutik ki vann bwar avan ler apropriye apre an deor kondisyon zot license.

Compounding fee ouswa bann fines i ant 15mil menm up to R50mil. In annan bato ki’n operate san license in ganny compound pour R50mil dan lepase.

Mon kestyon i konm swivan; konbyen larzan eski Licensing Authority in anmase Lannen 2016 atraver Compounding e kote sa larzan i ale?

E eski bann Lenspekter pe enforce sa Lalwa Compounding parey i fodre?

Mon 2enm kestyon i konm swivan; nou’n koz en pti pe lo en nouvo Scheme ki pe vin anfors byento, mon kestyon i ki’n arive avek larzan ki ti’n ganny bidzete 2016 pour logmantasyon saler plizyer Staff parey Deputy CEO Principal Licensing Inspector, Senior Licensing Inspector ek 2 Licensing Officer?

E eski provizyon in ganny fer pour zot ganny zot logmantasyon dan sa Scheme pour sa Lannen 2017 ?  Mersi bokou.

 

MR SPEAKER

CEO.

 

CEO – MR ANDRE POOL

Mersi Mr Chair. Mr Chair premye kestyon an se ki konsern enforcement; wi i vre ki dan rikord mon’n vwar Lannen pase ti annan sa lensidan ‘compounding ki ti arive lo Praslin kot serten bato charter ki aksyon ti ganny pran kont zot parey Onorab pe dir.

E lo Mahe osi in annan serten ka kot serten bann dimoun ki annan license ki aksyon in ganny pran kont zot. Bon zeneralman letan i annan sa bann lofans ki ganny komet e laprev i la, anba Licensing Act pour nou kapab fine sa dimoun. Sa dimoun i bezwen admit an ekri ki wi in komit en lofans ok?

So si sa dimoun, si sa dimoun i deny konmkwa in konmet lofans, la nou bezwen anvoy devan Board pour Board kapab pran desizyon.

Sa osi i anba revizyon Licensing Act nou pe revwar akoz si levidans i kler ki lofans in ganny komet, sa dimoun ki’n komet sa lofans i refiz-e admet an ekri ki’n komet sa lofans, i al en prosedir initil ki pran letan ensidswit ; akoz malgre nou pran aksyon e nou compound sa lofans sa dimoun i annan drwa pour li fer appeal akoz nou annan en Appeals Board ki deal avek bann sityasyon.

So nou pe revwar sa. Kote sa larzan pe ale : tou larzan – tou larzan ki SLA i anmase se SRC ki ansarz nou larzan ok ? Nou, nou pa tous en sou, SLA. Tou larzan pour zot kapab vwar ler zot vin – par egzanp zot vin fer zot peyman anba kot nou main office, se bann zofisye SRC ki la, se zot ki kolekte larzan, e apre larzan i al Consolidated Fund dan kof Gouvernman.

So tou kestyon konbyen ensidswit, sa mon a les avek PS i ava reponn.

Bon lo kestyon an se ki konsern provizyon logmantasyon, Scheme of Service : si oule  wi, pou fer provizyon pour nouvo striktir, ok ? Nouvo striktir, e ler i pour annan nouvo striktir definitivman tou bann pos par anba Deputy CEO ou ganny konsidere anba nouvo package so

 

 

MR SPEAKER

PS Payet.

 

PS MR PATRICK PAYET

Mersi Mr Chair e mersi Onorab pour sa kestyon.  Zis pour refer back lo paz 8 summary of Reveni, Section 1 ki pe koz lo Appropriation Bill, nou pour vwar i pe koz lo other taxes.

E lo la ou pour vwar tou bann larzan ki SLA in directly, menm si SRC in anmase e tou sa bann larzan ki ganny anmase anba la; par egzanp i annan Trade Licensing, Registration, Road Tax tousala i spesifye, e an total i annan 368 milyon e sa i enkli SFA Fees, si ou tir sa, ou ganny sa total.

Apre i annan bann lezot fishing license sa i ganny anmase par SFA apre some duty anba Legal Affairs. So i annan en pe detay specific.

 

MR SPEAKER

Mersi, Onorab Woodcock ou annan en…?

 

HON WAVEL WOODCOCK

Zis en pti siplemanter, mon’n aprann ki lofis Seychelles Licensing Authority i ankor dan Horizon Complex Praslin ki appartient a Parti Lepep, eski zot pe kontinyen laba or zot pour relocate?

 

MR SPEAKER

CEO.

 

CEO -MR ANDRE POOL

Mr Chair, nou Lofis ki nou lwe Praslin, mon annan kopi dokiman avek mwan nou lwe li avek 21st Century Properties Limited pour en sonm R19, 700 par mwan – 2 Lofis e son rent i fini 2019.  Mersi.

 

MR SPEAKER

Ok. Onorab Prea.

 

HON NICHOLAS PREA

Mersi Mr Chair. Bonzour Mr Andre e Ms Appoo, mon anvi fer referans lo paz 139 kot mon vwar lo latab 5 ‘office expenses’ i annan en logmantasyon konsiderab – zis en pti pe par anba R2 milyon, e zis par anba li osi tou mon vwar ‘transport cost’ osi tou in mont dan en fason ase konsiderab, si i kapab donn nou en pti pe leksplikasyon lo la?

2enm lo paz 139 ler nou pe koz program 3 – ‘Inspections Investigations and Enforcement’ la mon vwar son Bidze in koupe konsiderableman lo kote ‘compensation of employees’ e tou bann lezot depans  ki antase avek, si sa osi si nou kapab ganny en pti pe leksplikasyon akoz mon krwar Lenspeksyon, Envestigasyon avek Enforcement i vreman enportan.

        Apre si CEO i kapab dir ek nou, si i kapab zistifye i annan en logmantasyon tou dernyerman pour en drayver oubyen owner of a vehicle pour li retain son number plate in sorti R1, 000 pour vin R2, 000, si i kapab donn nou lesplikasyon pour sa.

Apre dernyen depi en pe letan nou annan en Regilasyon ki’n ganny enpoze lo sale of alcohol i annan ler ki vann, ler ki i aret vann, si i annan okenn boutiquier ki son license in ganny revoke ki’n kas sa bann Regilasyon ?  Mersi.

 

MR SPEAKER

CEO.

 

CEO – MR ANDRE POOL

Thank you Mr Chair. Mr Chair premye kestyon i konsern ‘office expenses,’ ‘transportation and travel cost.’

Bon an se ki konsern ‘office expenses’ parey mon ti dir taler sa logmantasyon i akoz oparavan sa bann eleman anba la ti ganny si ou le sak son Unit sakenn ti annan pour li.  Prezan ki nou’n fer, nou’n santraliz tou sa bann zafer ki en mannyer en sel landrwa i pey sa bann utilities olye al diferan landrwa, se pour sa rezon ki nou pour vwar li.  Sa budget ti la li sa lannen avan me i ti ganny kase dan diferan landrwa ok ?

Transportation and travel cost’ sa osi menm zafer ok ? Nou ti kas li la prezan nou’n santraliz li.

Lot issue se number plate, bon sa zafer number plate la i enteresan, ozordi tou dimoun i oule en zoli nimero – i oule se si, i oule sela ler i aste son veikil. Bon mon dir tou dimoun pa neseserman ler mon’n vini mon’n zwenn sa ok ? Ozordi si en dimoun i vini avek – i vin register en transpor nef, number plate i pour nanryen ;  savedir nou dwa li.

        Me si en dimoun i anvi aste en number plate i ganny sarze R2, 000 ok ? E i annan en lot sistenm ki egziste se, zot apel sa en ‘reserved numbers.’

Ok ‘reserved numbers’ si ou, ou deside ou annan, ou anmoure avek No. 77, ou vini ou vin rod No.77 e ou oule aste sa nimero, e sa nimero i ganny vann avek ou, ou pey R2mil pour 2an.  Pandan sa 2an sa nimero i ganny park anba ou non. E enn bann premye legzersis ki mon ti fer, se rod en print out tou lenformasyon an se ki konsern bann ‘reserved numbers’ and you would be surprised lakantite nimero ki’n ganny rezerve ok ?

E nou bezwen pran en desizyon lo la ok, mon pa anvi tay avek sa enn, akoz resers ki mon pe fer mon dekouver ki i annan dimoun ki anmoure avek sa nimero pour plizyer rezon ; petet i a dir sa ti nimero mon papa, mon’n ranmase akoz zour mon pour rod en transpor nef mon pour oule servi sa nimero ; lot i a dir ou sa ti nimero manm – son fanmir ensidswit.

So nou pour bezwen a lavenir pran en desizyon ; eski nou gard sa sistenm an plas, oubyen petet eski i en fason pour SLA, Gouvernman anmas plis reveni, fer li monte – si vre i annan en lafeksyon, sa pour ou petet ou ava pey en pti pe plis sorti R2,000 – mon pa konnen pour al en pti pe pli o.

Me selman mon kapab dir zot ki nou pe met en pe lord ladan, akoz ki arive nou dekouver ki i annan dimoun pe fer sa koman en biznes, ok i vini i park sa nimero apre i rod vann ok ? Mon’n tann en bann zafer vizavi sa ki i annan en bann dimoun in pey nimero R200mil  R300mil ensidswit. Mon napa laprev mon pa konnen si vre.

Me selman pour en biznes wi i annan serten akoz menm lo Facebook en dimoun ti montre mwan en zour, en dimoun ti’n mete ‘For sale, tel nimero –  mon pa pour mansyonnen – sa ki enterese kontakte li ok ? Mon ti vwar.

So a lavenir nou pour bezwen pran en desizyon vizavi sa zafer ‘reserved numbers.’ Me selman ozordi nou aksepte selman, nou aksepte selman ler sa nimero i lo ou non dan ‘reserved numbers ki ou transfer sa nimero lo en close relative, sa nou pe aksepte pour le moman.

Me si ou oule transfer li lo en lot dimoun nou pa aksepte, e sa i enn bann kondisyon ki nou pe fer atase avek ‘reserved numbers.

        E parey mon pe dir nou pour bezwen fer ankor en pti pe resers e pran bann desizyon apropriye si nou garde, si nou pour kontinyen garde ki bann kondisyon, me si nou deside pa garde what do we do ? Ok sa i vizavi number plates.

Bon sale of alcohol depi ler mon la personn pa ankor ganny arase son license. Nou’n fine 3 Komersan; nou’n issue 8 ‘Final Warning e nou’n issue 4 ‘First Warning.

        So i kler pandan sa 3 mwan edmi la nou pe met lanfaz lo sa pti git resours ki nou annan vizavi Inspectorate, nou pe met resours pour nou kapab fer sir ki ler vann lalkol i ganny respekte.  Thank you Mr Chair.

 

MR SPEAKER

I annan 2 follow-up questions, Onorab Prea ou annan en quick one.

 

HON NICHOLAS PREA

Yes zis lo, i annan en pti bout ki CEO pa’n reponn lo program 3 lo Inspections of Investigation Enforcement kot nou vwar en rediksyon dan son Bidze, si i annan en zistifikasyon pour sa ? Akoz mon krwar la ki i en bout ki ase enportan pour SLA. Mersi.

 

CEO – MR ANDRE POOL

Wi Mr Chair, ankor enn fwa i pa vedir ki larzan in diminyen pour ‘Inspection, ‘Investigation avek Enforcement,’ serten depans ki avan ti tonm anba la nou’n centralized li anba lezot vot. Ok vizavi ‘wages and salaries’ ki ou pe dir mon kot in annan sa rediksyon nou annan serten Staff ki’n kit nou ki nou pe recruit.

 

MR SPEAKER

Follow-up questions Onorab Ramkalawan.

 

HON WAVEL RAMKALAWAN

Mersi bokou Mr Chairman. Mr Chairman eski Onorab Pool i kapab dir avek nou si pa ler pour nou think en pe outside the box? Zafer nimero, i sanble mwan i annan en bon market R200mil, R300mil ensidswit.

Eski i pa moman pour nou sorti avek sa bann zafer “S” zis komans avek “S” ale ziska 7060 or whatever pour nou kapab donn sa posibilite en dimoun e annan bann cost ki en pli o R5mil, R10mil whatever ki zot soz – pour ki si mwan mon anvi vin kot zot Licensing poudir mon annan mon transpor mon anvi ki son nimero i WR24, ou dir ek mwan i kout R25mil pour sa; e sa i ava en source of income pour Gouvernman, olye ki tou nou bann zafer i komans avek “S” konmsi let us think en pti pe outside the box e annou fer li eksitan.  Nou kapab annan DECO75 e bann keksoz dan sa sirkonstans – ki i ava fer li pli eksitan, but at the same time i ava en lot source of income pour Gouvernman.  Mersi bokou.

 

MR SPEAKER

Mon krwar LGB i siport sa. CEO donn nou en repons.

 

CEO – MR ANDRE POOL

Mr Speaker mon oule confirm ek sa Lasanble ki wi nou pe think outside the box e nou pe met ater plizyer opsyon. PS Finans i la o-bor mon akoz zot osi zot involve ladan.

E mon pa pour dir tre byento, me byento nou pour kapab anmenn bann proposals pour fer sir ki nou ganny bann – mon pa pour dir solisyon, me bann propozisyon outside the box. Thank you.

 

MR SPEAKER

Mersi CEO. Follow-up lo sa menm pwen Onorab Larue?

 

 

HON FLORY LARUE

Wi lo menm pwen konsernan number plate. Mon ti oule demann CEO si Licensing son Polisi i pa pour donn lenformasyon lo nimero transpor ? Akoz si parey en dimoun i tap ou loto, ouswa en dimoun in pas pre o-bor ou in le fer en konplent ou call Licensing ou pa pour gannyen okenn lenformasyon apropo number plate.

 E since nou’n pran sa konversasyon lo kote bann number plates e extend bann choix ki bann dimoun i kapab annan, eski nou’n deza konsidere pour donn nou Prezidan en ‘designated number parey S1 ki nou konnen ki i en Ex-Prezidan ki i annan sa transpor si nou pa’n zanmen konsidere pour fer li the official designated presidential number plate, zis since nou pe diskit sa bann opsyon.  Mersi.

 

MR SPEAKER

CEO.

 

CEO – MR ANDRE POOL

Mr Speaker dan sa review ki nou pe fer nou pe konsider tou opsyon. Me sa ki enportan se ki sa osi pour lenformasyon Lasanble, i enportan ki mon dir zot, nou pe revwar nou website, nou SLA website ; akoz mon asire pour bann zot ki’n al lo la, si zot pa ankor al lo la, tap lo la ; i en website ki kapab bokou pli byen ki ete ozordi.

So nou pe revwar nou website. Zisteman legzersis i ankour la. E enn bann keksoz ki mon ensiste se ki nou bezwen fer li plis interactive ant SLA avek piblik.

Dezyenmman pour permet ki piblik ozordi kantite bann lenformasyon ki zot pe rode avek nou ki zot kapab al lo sa website e zot kapab vwar.

Mon a donn en legzanp, nou pour fer li ki par egzanp bann vacant, bann available numbers plito nou met li lo nou website ok ?

Ou pe aste en transpor nef demen bomaten ou anvi en 3 digit. Olye vin laba pour vwar Mr Pool, madanm en tel – whatever, ou al lo nou website en Seksyon kot available numbers ou tape ou gete, ah nimero 360 i free mon ti a kontan sa nimero e ou desann kot nou e ou demann 360.

Ozordi mwan mon ganny sa konplent – mon asire ki zot osi zot in tande, ozordi souvandfwa i tre difisil pour ou ganny en nimero ki petet ki ou, ou ti a kontan- en 3 digit, 4 digits or whatever.

So nide se bouz dan sa direksyon.  Ok tou nou bann lenformasyon met li lo nou website ki a en mannyer a okenn moman, okenn manm piblik ki anvi sa lenformasyon dan lespri latransparans, accountability, lenformasyon SLA, i lo website SLA e everybody zot kapab ganny akse avek.

So how far ki nou go now, nou ava desid o-fir e an mezir ki nou ale. Thank you Mr Chair.

 

MR SPEAKER

Mersi CEO. Onorab Larue ou annan en supplementary.

 

HON FLORY LARUE

Wi, mon krwar mon kestyon pa ti kler, the issue i akse kot lenformasyon of the number plate of somebody else on the… pour ou ganny non en dimoun ki propriyeter sa transpor. Akoz parey si ou bezwen al rod en lenformasyon kot Planning ou ale ou ganny sa lenformasyon.

Me kot Licensing dapre mon konpran si ou ale ou demande lekel sa dimoun ki i annan sa transpor – si ou’n ganny lensidan ou pa gannyen akse avek sa lenformasyon. Zot anvoy ou Kordgard and things like that.

 

MR SPEAKER

CEO.

 

CEO – MR ANDRE POOL

Bon, mon kapab asir Onorab ki i annan serten lenstans kot dokiman in vin kot mon sorti kot bann agencies kot par egzanp kot bann Lapolis ki’n demann nou limero tel transpor akoz in involve dan aksidan or whatever nou’n donnen ok.

Me dan ka spesifik ki Onorab pe fer resorti, wi mwan pour mon si napa nanryen legal ki anpes nou met sa lo nou website nou pour fer, me selman nou pour bezwen pran konsey legal, akoz serten sa bann lenformasyon i lenformasyon personnel limero 24 i pour sa enn, limero 5 i pour sa lot, limero 1 i pour sa lot.

Si napa nanryen legal ki anpes nou, nou ava met li lo nou website e apre tou dimoun i ava ganny akse avek. Mwan pour mwan sa pa koz okenn problenm.  Thank you.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker dan lespri thinking outside the box e lo laliny lenformasyon, eski pa ler pour Licensing Authority donn en Lapolis akse avek zot database pour ki ler Lapolis pe fer en kontrol? I pa dan en sans fer harassment avek bann dimoun ki anreg me ki konnen – e nou dan lepok laptop kot i tap en nimero lo son IPad i vwar deswit sa dimoun i an konformite avek son lasirans ek son bann keksoz; e sa i fer ki travay Lapolis i pli vit – bann dimoun ki pe kas Lalwa i ganny deal avek deswit e nou pei i vin pli efikas. Sa i mon premye kestyon.

Mon 2enm kestyon i baze lo lefe ki Licensing Authority in pandan tre lontan in ganny asosye avek politik e i enportan ki nou move away from sa limaz.

Alor mon ti a demann avek Onorab Pool, mon dir li CEOrental of space’, si CEO Pool i konnen ki parey mwan ki 20th Century Properties i pour Parti Lepep, kekfwa i devret dir nou sa enn fwa, pour nou pa bezwen al fouy ankor apre pour nou retourn lo menm deba ankor lo pour lekel, akoz? I ankor annan link avek en parti politik?

Menm zafer mon ti a kontan ki CEO i kapab dir nou lekel owner sa Biro Orion Mall ki Licensing Authority i lwe? Mersi.

Mon dernyen bout se ; ‘business and conflict of interest,’ CEO mon ti a kontan ki ou re asir sa Lasanble ki si ou involve dan okenn biznes ki licensable ; ou’n deklar ou lentere oubyen ou’n retir ou to a certain extent ki ou pa involve dan Management, sa bann biznes si ou annan ownership, ou annan ‘shares ki ou pa involve dan Management ki kapab annan en konfli lentere akoz Management i ava pe apply pour License e pour ava – parey mon pe dir konfli lentere.

Eski ou kapab dir sa Lasanble ki sa i le ka e ki ou pe act really at arm’s length and without conflict of interest? Mersi.

 

MR SPEAKER

CEO.

 

CEO – MR ANDRE POOL

Mersi Mr Chair. Mr Chair premye kestyon konsernan akse nou sistenm avek Lapolis, bon mon oule confirm avek sa Lasanble ki wi nou annan en sistenm ki apel DVL ki i annan pour fer avek tou bann vehicles ki register avek nou. Lapolis i annan akse avek. E an prensip nou’n fek zwenn zot 2 semenn pase pour nou vwar ki mannyer sa relasyon i pe marse, zot in dir nou ki kote kot – pa kot nou i outdated. E nou nou’n fer li nou devwar pour nou konnekte zot avek DICT ki’n met sa sistenm an plas e ki pe manage the system pou kapab fer sir ki sistenm Lapolis i updated e i ganny tou bann lenformasyon ki fodre avek nou.

Wi Onorab, Lapolis i annan akse avek sa. E zot kapab servi sa sistenm a nenport ki ler ki zot santi ki zot devret servi. Wi, wi deswit la nenport ki ler ki zot fer le neseser zot ganny lenformasyon deswit, ok?

Bon dezyenmman an se ki konsern sa batiman Praslin, parey mon’n dir taler nou pe rent avek sa lakonpannyen ki mon’n mansyonnen e son Kontra i fini 2018.

E si i annan laspe politik ki atase avek, sa i pour en desizyon ki nou parent ministry pour bezwen take care of it ; akoz otan ki mon kapab mon’n al vizit sa landrwa e mon santi ki en bon pri. I dan en bon landrwa biznes, me si i annan en issue politik sa nou parent ministry parey bann lezot ka in ganny diskite isi zot ava deal avek akoz, zot pour bezwen lot landrwa pour nou move si nou bezwen sorti dan sa batiman. Akoz i pa pour dan lavantaz personn si nou annan en disruption of service osi dan nou aktivite Praslin, me sa mon asire nou parent ministry i ava take care of it.

Bon an se ki konsern Orion Mall, Orion Mall i pour nou. Me i annan en Corperation ki apel Orion Mall Corporation se si ou le ki nou annan en serten service charge ki nou peye. I pa gran zafer li, me selman landrwa i pour nou ; nou ki manage nou landrwa. Si i annan bann maintenance bann zafer nou ki fer.

Bon 3enm an se ki konsern Konfli Lentere : mon oule asir sa Lasanble mon pos koman CEO SLA pa prezant okenn konfli lentere akoz mon’n fer tou le neseser pour deklar okenn konpannyen ki mon annan Directorship ladan e mon asir Onorab ki kot SLA mon napa okenn license ; mon pa involve dan okenn biznes ki licensable. So sa ou kapab verifye a nenport ki ler.

Koman CEO SLA mon annord dan sa domenn, sa mon asir ou.  Thank you.

 

 

MR SPEAKER

Mersi CEO. Eski Onorab Pillay, Sebastien ou annan enn dan sa menm laliny, oubyen en kestyon separe?  Si i separe i annan lezot dimoun avan ou. Onorab Andre.

 

HON CLIFFORD ANDRE

Mersi Mr Chairman, Mr Chairman mon ti a kontan demann CEO lo paz 136 nimero 1 budget summary, dan progranm No.1 ‘governance, management and administration compensation to employee’ 3.8 milyon, tandis ki ‘other use of goods and services’ i 5.3 milyon, akoz normalman i visversa, akoz sa dekalaz dan lot kote?

Apre i remarkab ki  – mon konnen i annan sak dimoun i annan son Management style me selman Licensing i en keksoz ki sipoze ganny regulated by en Lalwa apre subsequent ki i annan regilasyon.

Nou’n koz lo number plate mon krwar serten sa bann zafer devret vin dan en Regilasyon ki demen lot i sorti, lot i antre i kapab kontinyen fer; akoz sa eleman kot letan enn i vini i dir ou i bezwen annan store pour ganny license enportasyon apre subsequent li sa i kapab sanze oubyen visversa – kekfwa nou ti merit annan en Scheme, en Lalwa ki gid tousala.

3enm pwen se vi ki Licensing ki anmas larzan patant i annan bokou konsern lo kondisyon semen me mon’n pey mon patant.

E sa kondisyon semen demen i fer mwan perdi mon patant akoz mon bezwen al fer reparasyon pour mon kapab ganny en patant.

Eski Licensing in diskit avek son parent ministry pour li lyez avek Departman Transpor lo Later, pour kapab fer sir ki konzwentman zot 2 zot kapab asire ki tou drayver ki pey son patant i annan en semen ki pa pour kas son loto ; apre i pa pour ganny patant pour li al aranz sa soz ?  Mon lot pwen…

 

MR SPEAKER

Restrictement parler Onorab Andre sa ki ou pe demande i devret al vize ver Land Transport me selman an ka ki CEO i oule reponn si i annan en rol pour zwe mon a les ou kestyon pase. Ou annan zis en dernyen kestyon ?

 

HON CLIFFORD ANDRE

Wi bon dernyen kestyon se i vize ver PS oubyen avek Minis, mon’n tann CEO in dir poudir zot in ganny en logmantasyon dan Bidze ki aparet lo paz 137 sorti 7 milyon dan ‘wages and salaries’ sorti 7 milyon pour vin 8.4 milyon. Akoz ki bokou lezot Departman pa’n ganny menm privilez oubyen sans pour li kapab ganny sa logmantasyon enkli Lasanble  – konmsi en logmantasyon pour kapab fer sir ki son retention rate i o me ki li son retention rate i ba.  Mersi.

 

MR SPEAKER

Eski PS ou oule reponn sa oubyen CEO ?

 

PS PATRICK PAYET

Mersi Mr Chair e mersi Onorab pour sa kestyon. Zis pour akoz yer mon krwar nou’n diskit Bidze Finans e ozordi mon krwar Licensing ki tonm anba Minister Finans nou pe vwar ki, e demen nou pe diskit Bidze SRC nou pour vwar ki zot osi zot annan en nouvo Scheme of Service.

Zis pour mansyonnen par egzanp Licensing zot ti napa en Scheme avan – konpare kekfwa avek bann lezot landrwa. Sanmenm sa ki nou’n met lanfaz ki nou travay avek Departman Public Administration nou vwar par egzanp… lo Minister Finans.  Zot Scheme dernyen fwa ti ganny revize an 2009. So now mon krwar in ti’n ler pour li revwar sa Scheme of Service.

So tousala nou revwar avek Public Administration kan, ki lekel bann landrwa ki annan Scheme of Service, ouswa ki dat ki dernyen revision ti annan e tousala nou’n met an plas.

E mon krwar keksoz ki nou pe travay avek zot pour nou kapab annan en plan a lavenir si Gouvernman pour met 30 a 50 milyon, dan revizyon Scheme of Service tou le z-an. Aprezan nou, nou a deside bann ki’n dernyen revize, kan ki nou re- vizit li ankor.

So nou pe travay avek Departman Public Administration pour nou annan en plan in the next 3 to 4 years lekel bann Departman ki nou pour kapab met dan Scheme of Service.

 

MR SPEAKER

Ok?

 

HON CLIFFORD ANDRE

I annan kestyon ki’n mon’n poze zis ‘mode of service’ ki’n ganny reponn la; i annan kestyon ki mon krwar CEO ti sipoze reponn mwan akoz Regilasyon Lalwa pa an konformite sakenn i vini i fer pour li.

Apre i annan lot ki ou’n dir i a son diskresyon zafer Land Transport avek Patant.

 

MR SPEAKER

CEO petet ou a reponn sa dezyenm, pa transpor, transpor mon krwar i devret al kot Land Transport.

 

CEO – MR ANDRE POOL

Mr Chair Road Funds License ki Onorab in demande ankor enn fwa sa larzan ki ganny ranmase par SRC i al dan Consolidated Fund e apre Gouvernman i deside kote i pour servi. Mon krwar taler PS Finans i koz lo la en pe.

I annan en porsyon ki devret al dan aranz semen e parey ou’n dir Mr Chair, sa i ganny diskite ant Minister Finans avek SLTA pour zot kapab konnen konbyen i ganny allocate pour aranz semen.

E nou koman en Lotorite nou napa vreman en say ladan. Mon pa konnen si PS Finans ti a le elabor plis lo la.

Mr Chair, an se ki konsern Lalwa Licensing mon krwar parey mon’n dir taler o komansman i ape ganny revwar – i bezwen ganny gete dan son konteks ozordi e a lavenir mon krwar i trez enportan.

E ankor enn fwa tou mannyer sa Lalwa pour vin devan Lasanble, e zot koman bann Manm Lasanble Nasyonal zot pour annan zot loportinite pour zot fer zot kontribisyon. E mon asire ki zot pour fer pour nou kapab ganny the best Licenses Act ki nou merit donn Sesel.

So, e mon laport i reste ouver. Nenport ki ler Manm Onorab i anvi zwenn mwan pour diskit okenn issue ki i annan pour fer avek the Act as it is today; deza i annan ki’n fer li ki’n ganny kontak avek mon regarding diferan cases.

Silvouple zot lib pour zot vini nou a kapab diskite. Me selman wi mon a dakor avek ou Onorab ki the Act as it is today i annan en kantite keksoz ladan ki mon krwar ki nou santi nou devret amande. Thank you Mr Chair.

 

MR SPEAKER

Onorab Aglae.

 

HON EGBERT AGLAE

Mersi Mr Chair. Mr Chair mon kestyon pour CEO i baze lo progranm 3 ‘Inspection and Investigation’, mon ti anvi demann CEO konbyen Staff zot annan dan sa Unit Inspectorate?

 E baze lo son larepons petet si ou santi ki ou annan ase Staff akoz i annan serten konsern deor sirtou lo bann renewal of licenses ouswa bann Beginners License; kot i annan serten retar petet ki ganny mete. Akoz lenspeksyon pe ganny fer a-tan e biznes parfwa i bezwen santi li espere pour en peryod letan.

E dan sa laliny osi mon konnen ki issuing of licenses i pa neseserman travay zot tousel i annan konponan Planning Lanvironnman ki atase avek.

Eski ou Lazans parfwa petet i annan serten leniency ki fer ki i annan serten biznes parey nou dir “lev-e debourye” i anvi komans son biznes me i annan serten kondisyon ki zot pe met avek ki parfwa i rann li enposib?

Mon konnen poudir lannen pase i annan serten mansyon ki Prezidan Michel ti fer dan laliny ‘the ease of doing business’ pour allow zot komanse menm si i annan serten keksoz kriter ki swa Planning, swa Lanvironnman pe mete pour fer, ki sa dimoun i kapab komans son biznes.

E mon 2enm kestyon i annan en pratik ki egziste kot i annan serten biznes pe operate anba license serten lezot dimoun ouswa biznes.

Ki zot fer dan sa bann ka kot i annan sa bann pratik? Akoz mon demann sa se ki ler i annan problenm ki lev-e avek sa biznes ki pa pe operate anba son prop license zot vwar zot dan difikilte pe tay isi, pe tay laba ou bezwen al Ankour.  Mersi.

 

MR SPEAKER

CEO.

 

CEO – MR ANDRE POOL

Mr Chair mersi. Mr Chair premye kestyon vizavi Staff sirtou Inspectorate. Pour le moman nou annan 10 Staff dan sa Seksyon e i vre i pa ase.

En bon nouvel se ki nou pe ganny larzan pour recruit ankor pour nou kapab agrandi nou lekip pour asire ki zot vin pli dinamik ; pli aktiv akoz i annan issue ki taler Onorab Woodcock in lev-e with regards to bann biznes ki pe operate san en license. E nou pe al met lanmen lo la sa enn la, akoz nou pa kapab annan en kategori dimoun ki met li annord i fer tou son prosedir, pey son license, son Tax, tou son zafer pour li fer son biznes e ou annan ou serten, pa bokou, me i annan ; e ou annan ou serten ki operate anba, anba san sa bann zafer. E souvandfwa ler en lensidan i arive la prezan ki tou dimoun i tay isi, i tay laba.

So SLA nou oule met lanmen lo la e pour fer sir avek bann nouvo Staff ki nou gannyen dan Inspectorate nou a kapab adres serten bann issues akoz nou pe ganny menm demande bann additional services vizavi Inspectorate.

Par egzanp nou pe ganny demande avek pour la letan cruise ship i antre, ki ozordi nou napa en prezans laba e ou annan ou en kantite unlicensed people ki vini laba e i vin rod touris pour anmenn pronmnen, pour anmenn isi ki i annan bann unlicensed boats ki pe operate ok ?

So nou annan tou sa bann lenformasyon ki nou pe gannyen e nou bezwen fer sir ki nou beef up sa Unit Inspectorate pour nou kapab fer sir ki tou biznes i annord, ok ? I annord.

E dan sa nouvo demars ki nou pe fer, nou pe fer provizyon pour nou annan 2 additional Inspectors pour Praslin tre enportan e 1 pour La Digue.

So nou’n ganny… budget in ganny propoze ladan, so si nou ganny laprouvasyon sa Lasanble definitivman i pour beef up nou kapasite pour nou kapab delivre.

Bon ease of doing business: yes, mon dakor ek ou, Gouvernman pe met lanfaz lo ‘ease of doing business’, and ‘ease of doing business’ means ‘ease of doing business’.

Nou bezwen larg lanmen Seselwa pour fer biznes ok, e mon’n ganny en rankont avek mon Minis e i osi partaz sa vizyon, sa pwennvi ki nou bezwen fer fasil pour tou Seselwa fer biznes, ok ?.

E dan sa direksyon, nou’n tonm dakor ki nou bezwen sorti en pti pe dan nou lantouraz lokal, dan nou lantouraz Sesel e vwar en pti pe dan larezyon ki mannyer sa zafer i ganny fer la, ok ; ki bann best practices ki nou kapab aprann avek serten lezot pei, serten lezot lorganizasyon ki i annan pour fer avek ‘ease of doing business’, e la osi nou pe bouz dan sa direksyon pour nou kapab aprann sa ki lezot in fer, e in marse.

So wi ‘ease of doing business ‘ e la mon a dakor ek ou osi ki i annan serten kondisyon ki atase avek serten license ki pour mon i pa fer sans, 2017 i pa fer sans.

E se pour sa rezon o komansman mon’n dir zot ki nou pour revwar, nou pe revwar sa bann kondisyon pour fer sir ki nou aranze, ok nou aranze.

Par egzanp ki vin dan mon latet, set en legzanp serten parmi bann Onorab in koz ek mwan lo la, pour en boug vann moter ozordi nou demann li fodre i annan en sekirite R600mil, Labank avan-ler nou donn li en license pour li fer biznes vann moter parske. Eski i fer sans sa an 2017 ? Ok sa i 1, mon asire ki i annan lezot.

So definitivman nou bezwen revwar sa bann zafer and do       away avek sa bann kriter e kondisyon ki nou santi byensir avek blessing nou parent ministry pour nou kapab fer sir ki nou enplimant ‘ease of doing business. Ease of doing business  mon repete – means ‘ease of doing business’ ok?

 

MR SPEAKER

Round-up CEO, i annan en kestyon dernyen kestyon ki Mr Aglae in demande.

 

CEO – MR ANDRE POOL

Sorry, wi in demann bann sityasyon kot i annan ki operate anba son license son kanmarad.

Bon as far ki SLA i konsernen ler nou donn ou en license pour fer en biznes mon pa rapel dan okenn kondisyon a okenn moman dan okenn biznes ki permet ou transfer ou biznes, oubyen met lezot biznes anba ou parasol.

So si sa pe arive it’s illegal e ou les nou konnen e nou pran aksyon neseser. So nou kont lo zot.  Mersi bokou.

 

MR SPEAKER

Nou pe les letan pe ale, nou ti’n komans 10.49 nou bezwen bouze. I annan en kantite dimoun ki oule demann kestyon, pour demann zot poz en kestyon pa 3 oubyen 4 ; e mon ti a demann CEO pour en pe plis brevity dan son repons. Onorab William.

 

HON WAVEN WILLIAM

Mersi Mr Speaker. Mr Speaker mon ti a kontan demann CEO lefe ki manda Board Licensing in fini, eski nouvo Board in ganny apwente pour deal avek bann nouvo case ki pending avek Licensing?

Si ou permet mwan Mr Speaker i annan en lot konsern ki mon krwar i tous tou distrik, lefe ki bokou dimoun pe ‘lev-e debourye’, mwan mon anvi ki CEO i eklersi nou akoz sa i enportan pour nou bann dimoun konpran.

Par egzanp i annan bann dimoun ki met en pti latab o-bor semen pe vann, oubyen en dimoun ki deside ozordi in fer son pti gato i anvi al dan en distrik oubyen al o-bor en lans pour vann.

Eski sa bann kategori dimoun zot pe mazin en pti pe lo la osi ? Si CEO, mon konnen ou’n tous lo revizyon, eski zot pe mazin en pti pe lo la ; ki fonksyon sa pour marse dan lavenir?  Mersi.

 

MR SPEAKER

CEO ?

 

CEO – MR ANDRE POOL

Mr Chair ou’n dir mon fer li pli kourt, mon a fer li tre kourt, nouvo Board, non nouvo Board, i pa ankor ganny apwente e nou osi nou pe esper nouvo Board pour nou kapab deblok 1 oubyen 2 cases ki ti pending avek Board ki ti la avan ; enkli en case ki Onorab William ti anmenn kot SLA ki mon’n fer li mon devwar zwenn li e donn li tou bann lenformasyon neseser dan lespri latransparans.

Dezyenmman i annan serten bann kategori licensed biznes ki nou issue ki permet ou bouze parey ou pe demande. Me ankor enn fwa dan nou revizyon license ki nou pe fer, nou pour met lanfaz kot i annan sa nesesite pour bann dimoun paraetatik an se ki konsern zot biznes nou napa okenn problenm pour fer sir ki bann nouvo kondisyon ki nou mete, pa anmar lanmen bann dimoun dan sa direksyon. Sa mon donn ou mon garanti ki i enn nou priyorite ki nou pe bouz ladan.  Mersi Mr Chair.

 

MR SPEAKER

Onorab Vidot.

 

HON AUDREY VIDOT

Mersi Mr Chair. Bonzour tou dimoun dan Lasal, bonzour tou dimoun a lekout. CEO mwan mon kestyon i an referans letan ou pe dir ou pe revwar Licensing, mon mazinen osi kekfwa an pasan ou’n dir pour vizit osi bann landrwa kot zot pe al revwar sa bann dimoun ki annan sa bann license, sa bann biznes.

Mwan mon pwen ki mon ti oule fer sorti se ki ti a byen ranforsi en pti pe for lo la akoz nou annan dimoun ki i annan license ki pa neseserman zot pe pratik sa biznes ki dapre sa license ki zot in gannyen.

E i osi fer mon tous en pwen for lo en, ou annan en laboutik ozordi dan bann Kominote ki annan license pour vann komodite de-baz ensi osi ki son sigaret, son lalkol ; e ou vwar zot ki apenn ki ou annan komodite esansyel ki kominote i bezwen e li i pe fer plis son biznes lo sa lalkol avek sa sigaret e i afekte sa kominote.

Akoz parfwa mon get distrik parey Roche Caiman ou bezwen marse pour al Plaisance nou bann dimoun pour zot al rod zot komodite akoz laboutik kot Roche Caiman ki zot dir Eden Village, pa Kosovo, i osi bann dimoun i rankontre bokou kontrent, akoz Laboutik ki la i pa pe vann bann komodite esansyel ki piblik i bezwen.

 

 

MR SPEAKER

Ok the point has been made. CEO.

 

CEO – MR ANDRE POOL

Mr Chair mon krwar plito in fer en komanter but noted.

 

MR SPEAKER

Good. Mersi, Onorab Roucou.

 

HON CLIVE ROUCOU

Mersi Mr Chair. Bonzour tou dimoun. Mon ti annan 2 pti kestyon pour CEO. Premyerman lo paz 136 lo major achievements in 2015, 2016, point No. 3, mon ti anvi en pti leklersisman lo sa pwen No. 3, ‘the SLA linked system with Financial Intelligence Unit is now in operation’, so mon ti a kontan SLA i eklersi mon en pti git lo la.

Epi mon lot kestyon se CEO in koz lo bann biznes ki ti pe operate san en license, mon pe zis demann CEO si i annan okenn statistik pour dir apepre konbyen sa bann biznes ki ti pe operate san en license? E konbyen letan zot in operate? E ki aksyon ou pour pran apre sa?  Mersi.

 

MR SPEAKER

Ou’n ganny privilez Onorab Roucou. Konmsi ou’n demann 3 kestyon. Tou fason nou a les CEO reponn.

 

CEO – MR ANDRE POOL

Mr Chair mersi. Bon with regards to link with FIU i dan sa laliny ki kestyon Onorab Ferrari ti demande taler kot nou’n donn zot en koneksyon parey nou’n donn Lapolis. An se ki konsern nou sistenm veikil kot tou bann lanrezistreman veikil si a okenn moman zot oule fer serten investigation zot annan akse avek nou sistenm.

So sa ki nou pe dir, me sa i pa anpes zot si dan lezot sityasyon ki zot anvi lezot lenformasyon ki dan nou sistenm, nou annan sa rapor travay avek zot.

E sa si oule i dan zot Lalwa ki ler zot bezwen serten lenformasyon, mon bezwen donn zot.

Bon an se ki konsern business without a license, Mr Chair pour être fran avek Lasanble non mon pa ankor build up en  – se si oule en sistenm data, lo lakantite sa bann i été. Wi nou pe ganny bann rapor nou pe rikorde me nou pour fer li, nou bezwen fer li pour nou kapab apre tonm dakor e pran aksyon. I plizyer i varye. Nou annan ka kot bann bato par egzanp ki napa license pe anmenn touris charter.

Nou annan ka par egzanp kot bato lapes ki anrezistre avek SFA pe vin pran touris abor cruise ship pe anmenn zot pronmnen Praslin, La Digue partou.

E i serye zour en aksidan pour arive nou tou nou pour sot anler nou pour blanm kanmarad. So let us put a stop to that, e bann lezot biznes pour être short.

Lide se ankor enn fwa, i mean si ou oule al dan sa biznes antre, fer ou prosedir pour rezon sekirite, pour rezon lot, lot met ou annord e fer li, ou konpran mwan ?

Pa sey rod en shortcut pour fer li anba, pour fer li pirat parey nou dir, apre zour zafer i sal nou pou blanm lekel ?

Nou annan en tandans letan zafer i sal nou rod en ledo nou met lo la, so nou koman en lotorite ki donn License  – pour fer biznes, nou santi li i nou devwar pour fer sir ki sa bann zafer koumsa nou arete ok ? Premye keksoz ki mwan mon fer mwan, mon apel ou mon koz ek ou, mon dir ou vwala nou annan levidans ki ou pe fer sa san en License silvouple met ou annord ; ou konpran mwan ?

Nou donn en dimoun en pe letan pour li fer son desizyon. So sa en pti pe dan sa laliny ki mannyer nou pe tackle sa issue sa ‘business without a license.  Mersi Mr Chair.

 

MR SPEAKER

Onorab Adelaide en kestyon.

 

HON FRANCOIS ADELAIDE

Mersi Mr Chair. Bonzour Mr Chair. Bonzour tou Manm Koleg Onorab. Bonzour Minis avek ou delegasyon.

Minis permet mwan pour dir ou mersi pour adres sa pti malentendue e nou’n re ofer kanmarad lanmitye – mon krwar i vreman enportan.

Pour CEO dan sa lespri bon Gouvernman, bon gouvernans vi ki souvandfwa bokou dimoun i tyek sa Seksyon Planning ansanm avek Licensing kot fodre i annan gous marse pour ki zot laplikasyon biznes i bouze.

Vi ki sa Departman i dan ou Leadership, ki ou pe fer pour fer sir ki sa pratik i arete e ki tou Seselwa i ganny en fair deal konsernan zot biznes ?  Mersi.

 

MR SPEAKER

CEO.

 

CEO – MR ANDRE POOL

Mr Chair larepons i senp, si a okenn moman nou annan okenn lenvidans, okenn Staff SLA in involve dan okenn ka koripsyon akoz gous se en eleman koripsyon – ZERO tolerans.

Aksyon pour ganny pran kont okenn Staff ki levidans i montre klerman ki in involve dan okenn deal.  Mersi bokou.

 

MR SPEAKER

Savedir ki CEO pe dir si i annan okenn MNA i annan levidans anmenn kot CEO, nou bezwen koup sa zafer koripsyon, pti gous, gro gous, pti zak, gro zak nou bezwen koupe. Onorab John Hoareau 1 kestyon.

 

HON JOHN HOAREAU

Mersi Mr Chairman. bonzour Mr Pool e bonzour Manmzel Appoo, mon krwar Onorab Aglae in fer en pti sa laliny ki mon ti pe al demande; me selman parkont mon still annan en pti morso ki mon kapab demande lo la; mon pe demande si, akoz dan zot bann ‘current challenges’ lo paz 136 kot zot in dir poudir enn bann fakter ki petet retar biznes akoz nou konnen petet Sesel konmela the ‘ease of doing business’ i apepre 21 zour pour ou ganny en license.

Tandis ki annan serten ziridiksyon i 1 semenn, i detrwa zour; parkont wi zot in point out poudir i mank kordinasyon ant bann other Regulatory Bodies.

        So ki ou pe fer ok ki ou pe fer koman CEO pour donn sa servis piblik, pour fer sir ki dimoun pa ganny vir an ron e nou annan nou en one stop shop parey nou dir, dimoun i al laba e i konnen poudir si i vin kot ou son license tou son bann zafer pour ganny fer within the shortest delay.  Mersi.

 

MR SPEAKER

CEO one stop shop.

 

CEO – MR ANDRE POOL

Yes Mr Chair, one stop shop. Tre bon kestyon. I en issue ki mon’n diskite avek mon Minis. Mr Chair ler License i depan lo nou SLA pour donnen mon garanti ou nou annan en Lareg 24hours sa dimoun i bezwen ganny son license.

Lot kategori se ki ler nou bezwen bann Regulatory Bodies bann lezot Agencies, plito pou donn en komanter lo la – pour le moman nou pe donn 7 zour, ok nou anvoy 7 zour.

E ler mon ti antre mon ti tann konplent ki i annan menm Agencies ki’n ariv 21 zour pa ankor donn repons nou’n put en stop with that; 7 zour. I 7 zour.

Mon’n menm serten ka kot 4 zour kot sa dimoun konsernen kontakte sa Agency e enform li ki i reste li 3 zour.

Bon nou pour bouz pli lwen ki sa, Minister in siport mwan ladan kot nou pour sey vwar si nou kapab fer li menm mwens ki 7 zour kot bann Agencies i action. Si non, si ou pa action within sa dele letan i vedir ki ou napa lobzeksyon e nou issue the license, ok ? Sa i en opsyon.

E lot opsyon ki nou pe study seryezman se serten ka kot nou donn en provisional license, ok nou pour donn ou en provisional license me ou al met annord 1, 2, 3, 4.

E si apre en serten peryod letan ou’n fini meet sa bann kriter, la nou issue ou the normal license. Si non ou pou pa ankor an fonksyon me selman i pa anpes fonksyonnen dan en dele letan tre rezonnab. E anliny avek sa osi, nou pe met nou bann form laplikasyon online – dan en mannyer en aplikan i kapab fer son tranzaksyon online pour fer keksoz pli vit.  E i a menm kapab swiv son prosedir online pour permet li konnen kote ki i annan problenm.

So se sa ki nou pe fer pour evite ki en dimoun i pri dan sa process. Akoz en Coordinating Agency si oule pa pe fer sa ki i devret fer. So nou pe met lanmen lo la.  Mersi.

 

MR SPEAKER

Onorab Larue – en kestyon.

 

HON FLORY LARUE

Mon ti pe klarifye en pwen me selman CEO in fer sa.  Mersi.

 

MR SPEAKER

Klarifye pwen; in fini ganny klarifye, mersi. Onorab Ghislain – en kestyon.

 

HON CHANTAL GHISLAIN

Mr Speaker mon bann kestyon ki mon ti annan ti bann kestyon siplemanter, me selman me selman son larepons i kourt i sipoze non ou wi.

Par egzanp lo sa zafer number plate la mon ti anvi zis verifye si dizon sa dimoun in aste son plate pour en fwa in pey sa R2mil si dizon i vann son loto ankor, i pour re pey ankor sa R2mil ?  Sa ti enn.

Apre ti ariv en lensidan en fwa kot bann zafer bisiklet La Digue kot zot ti pran sa plate Praslin zot ti pran zot ti anmenn La Digue, zot ti lwe bann bisiklet ; konmsi zot ti pran bann bisiklet ki ti vini zot ti pran zot ti anmenn La Digue zot ti met bann number plate ki sorti Praslin ki pa menm kouler avek La Digue, eski sa i norm ?

Apre dizon si en dimoun i pran son transpor Mahe parske i annan ki fer sa, i pran i anmenn Praslin lo bato i servi zis pour li evite dizon – pour li lwe transpor Praslin i pe servi sa, eski sa i norm ?

Me mon kestyon orizinal se ki par egzanp Licensing tou dimoun ki own en transpor i pey license akoz i anmenn pasaze.  Me tandis en dimoun ki own en Mini Mahe dizon i anmenn pasaze me selman li i pa pey license, sa i mon kestyon.  Mersi.

 

MR SPEAKER

CEO.

 

CEO – MR ANDRE POOL

Bon 4 kestyon Mr Chair petet ou pa’n realize.

 

MR SPEAKER

Wi mon’n realize akoz i dernyen Onorab ki mon pe donn laparol , se sa ki mon’n ferm mon lizye en pti pe- zorey osi.

 

CEO – MR ANDRE POOL

Mon’n vwar mwan. Mon ankor annan sa leksperyans Chair. Bon premye an se ki konsern number plate sak fwa ou annan en number plate ki ou servi pour ou ganny en lot, definitivman ou pour bezwen peye si ou pa dan sa ‘reserved numbers. Reserved numbers i R2mil.

So si ou annan en ‘reserved number ou deside issue e ler ou demann lot ou pour bezwen peye. So no exception.

Bon an se ki konsern sa zafer number plate bisiklet La Digue/Praslin mon pa okouran sa. Mon a kapab verifye akoz ki zot in pran pour Praslin zot in anvoy pour La Digue, petet i annan en rezon me mon a verifye.  Bon wi i annan sa practice kouran kot transpor, en dimoun i mont ek son transpor Praslin pour li pa al lwe Car Hire. Pour le moman napa nanryen ki anpes li fer sa.

I pa tonm direkteman anba nou, me i tonm anba Land Transport. So si zot santi i en problenm mon krwar zot merit met konsern devan e lotorite i ava etidye sityasyon e pran en desizyon.

Apre sa enn dernyen la, sa zafer wi, sa zafer ilegal Mini Mahe la mon pa’n tro ganny ou.

 

HON CHANTAL GHISLAIN

Tou dimoun ki rod en transpor i pey en license, tou dimoun ki own en transpor i pey en license akoz i annan drwa anmenn pasaze pour li pey son license and son… apre pey son Lasirans.

Me tandis en dimoun ki own en Mini Mahe, bann pti bato still zot anmenn pasaze, me selman zot pa pe pey en license ; si pa in ler pour fer tou sa bann zafer legal ki tou dimoun i ganny trete lo menm platform pour evite ki i annan bann lensidan ki arive kot dimoun i perdi lavi zot pa konnen kot zot pour ale.  Mersi.

 

MR SPEAKER

CEO.

 

CEO – MR ANDRE POOL

Ankor enn fwa Mr Chair, sa aktivite ki Onorab pe koz lo la, i pa egziste zis dan sa bann ka ki ou pe dir. I egziste osi kot mon ti dir taler ki zot pran touris lo cruise ship dan Mini Mahe zot anmenn pronmnen, zot anmenn La Digue, zot anmenn Praslin, zot anmenn partou.

Bon pour lenformasyon Lasanble nou’n met sa a latansyon SMSA e nou’n annan en meeting avek SMSA li menm, avek Coast Guard, avek Marine Police e nou pe met lanmen lo la ok. Thank you Mr Chair.

 

MR SPEAKER

Mersi CEO. Bon aprezan nou pour pran en vot lo Seychelles Licensing Authority. Parey mon ti dir zot avan i lo paz 136 we are talking of 14 million – tou bann ki ‘pour lev zot lanmen? Okenn dimoun ki kont lev zot lanmen? Clerk.

 

MADAM CLERK

Mersi Mr Chair. Zis pour mon klarifye Onorab Ferrari eski ou ti lev ou lanmen silvouple ? Ou lanmen ti anler Onorab Ferrari ?  Non? Ok. So Mr Chair mon’n rikord 29 Manm ki’n vot an faver.  Mersi.

 

MR SPEAKER

Tre byen mersi Clerk. Savedir ki Bidze pour Seychelles Licensing Authority in ganny aprouve par Lasanble Nasyonal.

Mon ti a kontan a sa pwen remersye Mr Andre Pool, CEO SLA avek son Depite Ms Angelic Appoo pour zot letan ki zot in pas avek nou pour reponn nou kestyon.

Anfet Mr Pool mon santi koman Speaker ki i annan en nouvo volonte pour fer keksoz marse pour moderniz keksoz an se ki konsern Licensing. E nou swet ou tou de bon avek ou lekip pour sa lannen, sa travay ki ou pe fer pour anmenn nou devan.

 

CEO MR ANDRE POOL AND HIS DELEGATION WAS EXCUSED FROMTHE HOUSE

 

MR SPEAKER

I annan 3 lanons avan nou adjourn pandan Break la i pour annan meeting Media Committee, Media Committee pe zwenn CEO SBC Mr Onezime 12.30. I ankor annan 15 minit dan Committee Room 2; apre sa i pour annan HIV AIDS Committee ki pe zwenn osi 12.30  dan Committee Room 3; e trwazyenmman ABC Assembly Business Committee ki mwan mon Chair, nou pour annan en meeting 1er dan Speaker’s Conference Room. Since i annan sa bann aktivite, sa bann meeting ki nou pe kontinyen travay pandan lunch break olye retourn 1.30 nou pour retourn 2er pour nou pran Bidze Fair Trading Commission. Avek sa mon a swet zot bonn apeti retourn byen for pour nou kontinyen nou travay 2er.

 

        (BREAK)

 

FAIR TRADING COMMISSION

 

MR SPEAKER

Bonn apre midi tou dimoun dan Lasanble e an deor Lasanble. Byenveni.

Nou a kontinyen nou travay ki nou ti pe fer bomaten e apre midi nou annan plezir pou envit lekip Finans.  I reste ek nou.

Nou annan plezir pou envit bann zofisye Fair Trading Commercial.  Nou annan Mr Georges Tirant li menm li CEO. Nou annan Mr Francis Lebon who is Deputy CEO, e kote isi mon krwar mon annan Ms Joubert, se ou? Byenveni.  Ms Joubert I dan kote laba i Administrative Officer.

E san pli tarde nou ava kontiny parey nou ti fer bomaten lo kestyon pou Fair Trading Commission e nou pe koz lo paz 143 pou 154 ok.  Eski nou kapab al drwat lo kestyon.  Onorab Afif.

 

HON AHMED AFIF

Mersi Mr Chair.  Bonn apre midi Minis, bonn apre midi CEO avek ou lekip.  Mon kestyon i baze lo paz 145 latab nimero 2, ‘wages and salaries’ ki’n ogmante sorti 2016 – 5.6 milyon pou 6.4 milyon an 2017; petet si ou kapab dir nou konbyen Staff ou annan e akoz sa logmantasyon?  E osi nou vwar en rediksyon ki en keksoz ki ou akey li byen normalman me selman petet ou kapab eksplik nou akoz.  3.2 milyon  anba ‘other uses of goods and services’ in redwi sorti 3.2 pou 2.8 milyon.  Si ou ti kapab donn nou en pti pe plis detay lo la. Mersi.

 

MR SPEAKER

CEO.

 

CEO – MR GEORGES TIRANT

Bonn apre midi Mr Chair.  Bonn apre midi tou bann Manm Onorab, tou bann dimoun dan lakour e tou bann Staff FTC sirman ki pe ekoute.  Lo kote ‘increase and salary’ i prensipalman pou cater pou 13th month salary e osi nou annan en marketable skill ki serten zofisye pa ti pe benefisye e nou’n kapab rektifye sa.  E nou pou permet ki zot ganny zot marketable skill allowance.  Lot osi se pou bann zofisye ki napa Degree, University Degree ki napa Diploma, nou’n vwar osi ki i pa pe atrakte zot osi ozordi si nou pa donn zot en marketable skills allowance pou zot Diploma respektif  ki  zot annan so basically sa increase dan ‘wages and salaries’ i form par sa increase.  Mersi. I annan osi inducement allowance da premye bout ou kestyon.

2enm dan decrease i annan serten savings ki nou’n fer par egzanp kote IT ki nou’n vwar nou’n kapab redwi serten cost ki nou annan; par egzanp fuel osi ki nou’n redwi en bon pe.  Apre en pe letan la nou pe kapab aziste.  Mersi.

 

MR SPEAKER

Mersi Mr Tirant. Onorab Adelaide.

 

HON FRANCOIS ADELAIDE

Mersi Mr Chair. Bonn apre midi Mr Tirant, bonn apre midi tou dimoun a lekout.  Mr Tirant  zis petet pou eklersi nou en pti gin.  Lo kote parey ou manda Trading Commission i annan sa 3enm la ki protect Consumers Right.  Ler mon get li i en pe parey avek NATCOF, eski zot preski menm zafer ouswa i diferan?  Sey donn nou en pti leklersisman silvouple.  Mersi.

 

MR SPEAKER

CEO.

 

CEO – MR GEORGES TIRANT

Mersi Mr Chair.   Mersi Onorab. NATCOF i  en NGO – Non- Governmental Organization i parey en group lasosyasyon konsonmater.  Zot in la pandan plizyer lannen.  Zot manda se pou ede dan lenformasyon, ledikasyon, lobby avek bann stakeholders petet pou en meyer Lalwa.  Lenportans NATCOF i pa forseman i bezwen zis en lorganizasyon.

Dan bokou pei ou annan plizyer lasosyasyon ki egziste. Fair Trading Commission li in ganny etabli par Lalwa an 2009.  Primordyalman 2009 sete pou administre Lalwa Fair Competition Act ki regard Lagreman Mergers apre abuse of dominance.

E apre an 2010 Lasanble ti vote poudir i osi administre ki pou protez konsonmater.  E nou rol nou annan…menm si pa dan Lalwa mazorite nou travay nou sey fer mediation kot i annan en konplent.  Nou sey solve sa problenm, ki bann avoka i konnen ki bann difikilte ki ariv dan sa lakour akoz i en Kontra sa ant en business avek en consumer; apre nou osi carry out bann investigation lo bann case ki nou war i sibstansyel e osi nou prosekit bann case devan Tribinal.  Mersi.

 

MR SPEAKER

Mersi CEO. Onorab Ferrari.

 

HON JEAN-FRANCOIS FERRARI

Mersi Mr Chairman. Bonn apre midi tou dimoun.  2 kestyon.  Premyerman dan lannen ki’n pase nou’n vwar en logmantasyon dan poor quality goods on the market e sa i fer nou poz kestyon what were you doing?  Zot la? E sa i pe kontinyen ogmante.  Eski it is a lack of resources ki zot annan?  Eski i annan bann  reglemantasyon ki manke kek landrwa?   Me sa i en gro konsern pou piblik e non selman zot anvi en bon pri pou zot prodwi me zot anvi en bon kalite.  Eski zot kapab dir avek piblik ki zot pe fer?  Ki zot in fer?  Oubyen ki en lobstak ki zot annan pou zot asire ki piblik i annan kalite dan  bann keksoz ki zot war dan marsandiz dan  laboutik.  Sa i mon premye kestyon.

Mon 2enm kestyon ler nou koz lo Fair Trading nou osi koz lo konpetisyon ant sekter prive ek Gouvernman akoz pou en rezon istorik Gouvernman Sesel i ankor dan trading atraver STC.  E bokou dimoun  ki osi dan trading dan sekter prive i santi ki tre souvan Gouvernman i annan en unfair advantage dan ki fason zot ganny trete fasilite  dan Customs bann warehouses ki pou Gouvernman ki zot gannyen –  eksetera, eksetera. Whilst mon rekonnet nesesite pou annan STC avek bi pou kit bann pri ba –  eski a okenn moman Fair Trading Commission in pran sa linisyativ oubyen pran zot rol ase o serye pou zot regard ki i annan en fair and level playing field ant Gouvernman avek sekter prive?  Mersi.

 

MR SPEAKER

CEO.

 

CEO – MR GEORGES TIRANT

Mersi Mr Chair.  Mersi Onora. Petet ti ava bon  mon donn en pti figures lo sa 6 an ki’n pase 2011 a 2017. FTC in rikord apepre 75 Competition cases. Nou’n fer 9 Opinion papers pou Gouvernman dan plizyer sekter.  Kote Consumer cases nou’n rikord 1996 case, nou’n permet avan ki i ariv devan Board of Commissioner’s/Tribunal. A mon nivo, nivo mon bann Staff nou annan …permet konsonmater i ganny  apepre total 4 milyon 813 mil 787 roupi an refund. Refund sa i minorite nou louvraz. Repair i pou difisil pou quantify kantite akoz sa nou pou bezwen go back.  No pe travay lo nouvo database la ki pou an fonksyon pou ed nou kapab capture information. Performance of service i ankor en gro morso ki nou pa pe kapab quantify la.  I annan osi replace. Mwan mon krwar Fair Trading in fer en kantite lo sa nivo malgre resours i vreman limite. Nou annan 26 Staff me i proporsyon-nen dan diferan Departman. Par egzanp Praslin nou annan zis en Staff ki ozordi i dan konze dokter. Nou pa pe fonksyonnen. Me even la ki nou’n met an plas en Market Monitoring Department nou pe sey pran bann zofisye pou kapab ede dan sa Departman. Zot osi zot annan lezot  louvraz.  Sa konsonmater pa anvi konnen ki mannyer pou fer market monitoring; i anvi konn son case. Nou napa en team inspectorate me nou fer plis ki 300 inspection per year; kot nou vwar bann problenm. Kot i neseser nou anvoy devan Board lo nivo CEO i napa en pouvwar pou enpoz en penalty e sa i pou ganny revwar dan Lalwa. So par egzanp an 2015 nou ti anmans 395,519 an refund e an 2016 mo vreman apresye akoz lo 342 konplent nou’n anmas 795mil 317 Roupi an refund pou konsonmater e sa  bann case ki nou’n fermen.  Me case ki ankor ongoing e ki nou’n trouv en undertaking avek en business akoz i pa pe kapab pey toudswit.  I annan plis ki R200 mil  ki nou pe anmanse o fir e a  mezir la;  2016 plis ki 200 mil. So lo kote perspektiv i montre en pti pe kwa ki nou pe fer avek  sa resours limite. Poor quality nou napa much jurisdiction pou dir ki sa keksoz i off – I pa devret  dan pei. Me letan i annan en konplent anba seksyon (42) nou pran sa konplent  nou assess li e nou vwar son letan ki’n ariv sa problenm, Lalwa i permet 6 mwan pou annan en remedy. E Lalwa i donn kler bann remedy ki moman ki devret annan refund.  Ki moman ki i annan en replace, ki moman i annan en repair.  Me i annan en travay pou fer.  En travay pou fer avek lezot lazans par egzanp Customs, SBS pou nou kapab teste poudir of poor quality akoz nou kapab rann nou lekor Ankour e nou perdi en case.  Me selman i annan en travay pou fer me selman i enportan note i annan serten sanzman dan market.   Ozordi  ou pou vwar bann brand pe rantre ou pou vwar bann authorized distributor ki pe antre dan pei.  Lo kote konpetisyon FTC son manda se regard tou korperasyon.  I kapab en prive,  i kapab  piblik.

Dan le pase FTC in pran  mezir par egzanp kont Land Marine pou permet ouver sa sekter.  Ti annan en investigation e ti annan en konklizyon e ozordi nou vwar plizyer biznes dan sa domenn container.  Apre nou fer plizyer ankor parey mon’n dir Opinion papers. STC nou’n kapab investigate li dan serten lezot case par egzanp; son distributorship ti apel franchise nou’n fer zot sanze pou permet sa louvertir anver bann biznes, bann laboutik.  Nou pa’n vreman fer en opinion lo ou kestyon prensipal akoz ou bezwen mazinen en Opinion paper i kout en kantite.  I pran plizyer resours e nou napa ase lekip actually ki pe fer sa. Letan nou annan en Opinion paper ki ganny demande par Minister ou par en dimoun prive nou bezwen retir bann zofisye lo bann case e fer zot travay lo sa bann paper.

 

MR SPEAKER

Mersi CEO.  Petet dan menm laliny Onorab Ramkalawan ou annan en kestyon?

 

HON WAVEL RAMKALAWAN

Mr Chairman, mersi bokou e Mr Tirant bonn apre midi avek ou koleg Mr Lebon.  Mon kestyon i swiv sa 1 la lo konpetisyon ant Gouvernman avek sekter prive ki toultan i vin en unfair advantage.   Mon a donn ou en legzanp e mon ti ava kontan ganny ou… Nou’n rantre dan en sityasyon kot Gouvernman ti napa en Printing Press.  I ti annan avan me apre sa in liberalize e in annan  plizyer Private Printing Presses e Gouvernman ti pe source out  –  i ti a pe donn ..me la all of a sudden Gouvernman li par malis mon kapab dir, i deside pou li fer en printing press zis akoz i anvi.  I pa’n tonm dakor avek en operater prive li i deside ouver en Printing Press ki kout sepa konbyen e deswit Zournal Nasyon i al laba e tou sa bann lezot keksoz ki donn en unfair advantage. Ki mannyer Fair Trading Commission i vwar en tel keksoz e ki mannyer Fair Trading Commission dan sa sityasyon kot nou pe koz liberalizasyon; kot nou pe koz private sector e li Gouvernman being the facilitator ki mannyer en sityasyon koumsa ki donn en unfair advantage zot regard li?  Mersi bokou.

 

MR SPEAKER

CEO.

 

CEO – MR GEORGES TIRANT

Mersi Mr Chair. Mersi Onorab.  Mon krwar i enportan petet avan nou al pli lwen, mon krwar nou pou fer en demann avek Mr Speaker pou nou vin dan Lasanble or dan en sesyon pou eksplik zot bann; ‘Principle of consumer law; bann  ‘Principle of competition law e osi; The economics of consumer law – akoz petet sa mo Fair Trading i kapab vin en pti pe konfizan.  Lalwa konpetisyon  i regard 3 laspe, enn se laspe Lagreman. Any agreement ki kapab annan  en effect ouswa son object i pou detri konpetisyon.  En Lagreman 2 parties, 2 biznes.   Lot i regard okenn mergers and acquisition of one…me la fodre i annan en substantial par mon krwar 40% of the shares of the market kot letan i pe acquire i regard sa kote kot sa nou apel: ‘Mergers an acquisition apre i regard: ‘Abuse of dominance letan en biznes, dominans i pa ilegal; i pa  keksoz ki defann me si i pe abiz son dominans dan en ka parey napa sa 3 pillars of competition law.  La mon annan mon koleg mon ti ava kontan i ti ava elabor lo la.  Napa sa 3 pillars ki pe ganny afekte ki nou kapab lans dan en envestigasyon.  Me si i annan en demann parey  dan plizyer  sekter kot i annan en party ki dir, ki sa lenvestisman ki pe ganny fer i pe fer en unfair advantage dan business practice then nou, nou bi anba Lalwa nou fer en opinion paper to Gouvernman e ki pa binding, mon krwar en sel Pei ki mon war in binding i Singapore Lalwa pe amande then bann policymakers i bezwen deside si sa i vin binding. Kot la nou fer assessment nou pran en ta lenformasyon e montre  ki mannyer sa pe detri biznes,  olye pe ouver biznes pe fasilit biznes.  So nou’n fer dan plizyer sekter i lo ou website mon mazinen ti annan en lo transpor. Par egzanp ki nou’n  fer nou’n donnen e ankor enn fwa i pa binding anba Lalwa.

 

MR SPEAKER

Deputy CEO ou oule azoute?

 

DEPUTY CEO – MR FRANCIS LEBON

Mersi Mr Chair.  Bonn apre midi tou dimoun.  Mon ti pou zis konsolid  en pe lo sa ki CEO pe dir.  I vre ki lekonomi in liberalize from 2008.  Mon krwar sa bann keksoz i bezwen ganny gide from policy perspective. I depan ki model lekonomi Gouvernman i anvi pourswiv.  Si Gouvernman i anvi act koman fasilitater e tou bann biznes Gouvernman privatize ouswa vann sa i en desizyon ki Gouvernman i bezwen pran. Me selman par kont i annan lezot  pei kot sa bann bout kot Gouvernman i ete, i partisipe e konpetisyon osi i devlope. Me selman i bezwen partisip  on a level field ki the same role applies to all.

Me selman ou kestyon ki vin lo kot e si i vin en unfair advantage ler i pou Gouvernman la, nou lo nou kote i pa pe breach okenn Lalwa konpetisyon  per se direkteman kot nou kapab anforsi. Me selman nou kapab met sa devan Gouvernman e Gouvernman i kapab dir ok eski i vreman neseser pou sa biznes;  li Gouvernman antre ladan a sa moman? E sa byensir i pa desizyon FTC i en desizyon Polisi.  E nou, nou kapab ed  Gouvernman atraver Opinion paper pou dir la market i pa neseser i annan ase players ladan les li devlope. Me i pa pou  lo kote FTC pou li deside.  Akoz once ki en market i ouver i kontestab – nenport dimoun i kapab antre ladan. Me once ki Gouvernman i anvi sorti e sa model lekonomi ki I anvi swazir then i bezwen come from a policy perspective on a national level.

 

MR SPEAKER

Mersi Mr Lebon, tre kler. Onorab Woodcock.

 

HON WAVEL WOODCOCK

Mersi Mr Chair. Bonn apre midi tou le monde.  Mon kestyon  i baze lo zot manda lo paz 143 zis pou  mwan quote zot mandate sa 2enm porsyon ‘to promote, maintain and encourage competition to prohibit the prevention restriction or distortion of the competition and abuse of dominant positions in trade to ensure that enterprises irrespective  of size have the opportunity to participate equitably in the market place ‘.  Mon kestyon i vin anliny avek en topik ki mon koze an plizyer repriz dan Lasanble sa zafer vertical integration sirtou ki ase prominent lo Praslin osi bann monopoly, bann DMC ki bann Travel Agencies i annan ki zot pe brains out zot pe fer products differentiation, zot sorti from Travel Agencies zot in ariv  dan Chauffeur Services; zot annan lotel; zot annan leisure boat la i annan ki annan bato cargo tou ki zot pe fer pou  zot ensure ki i annan equal share of the market avek bann lezot biznes?  Apre mon en pti pe osi konsernen Mr Chair pou aprann ki i annan zis en Staff lo Praslin e  ler i dan konze napa okenn Staff ki pe travay.  An giz tou sa bann konsern plizyer biznes Praslin in  anmenn devan mwan konsernan sa size vertical integration avek monopoly bann DMCs, avek bann Travel Agencies lo Praslin.  Mersi.

 

MR SPEAKER

CEO.

 

CEO – MR GEORGES TIRANT

Mersi Mr Chair. Mersi Onorab.  Mon krwar sa lofis Praslin ti ouver lannen pase si mon pa tronpe.  Nou’n lager finalman nou’n nobou ganny en Staff ki nou pe met li an plas la.  E pou Praslin fonksyonn byen omwen minimum 3 Staff e menm plis akoz nou bezwen kouver La Digue.  Akoz otherwise nou resours Mahe ki bezwen deplase pou al lot sa de zil.  Lo kot vertical integration li menm, li vertical integration i napa nanryen illegal anba Lalwa konpetisyon. I pa defann i en economic model kot i permet biznes ouver en lot venture dan en lot kalite biznes.  Me lo kote Fair Trading pou antre li si en biznes ki annan en very substantial share ,Lalwa mon krwar i dir 40 poursan. Letan i pe antre i pe aste en existing business le kot nou bezwen assess pou vwar son lefe.

Lo kote Praslin nou okouran nou pe travay nou’n fer en papye ki mon krwar World Bank in comment lo la.  Ankor enn fwa i pa pe breach sa Lalwa, me ki mannyer in kapab annan en lefe lo bann players e tou sa i vin en policy bann perspective.  Akoz the Government li ki  bezwen deside lo kote policy si pou permet tel business venture lo sa kote.  Me selman i arive de fwa en konpannyen nou vwar li gro e i aste en biznes e in arive la recently; kot ankor nou’n zwenn avek Registrar pou nou kapab ganny bann lenformasyon o moman ki sa bann tranzaksyon pe vini

Me zot osi mon krwar zot napa resours zot pa ganny advice, me dan amannman Lalwa ki nou pe mete si ou pa’n…ou bezwen konn ou responsibility.  Si ou pa apply to FTC then pou annan en administrative penalty.  Ozordi dan Lalwa parey i ete  ki ti ganny vote an 2009 napa en administrative penalty; akoz nou’n vwar en biznes la kot i aste lezot i en competition concern me selman la i more en merger – en residential merger i …bann konkiran nou pe bring it to task. Me si ti annan administrative penalty dan sa lawal then nou ti pou enpoz en penalti.  La ki mannyer i ete la nou pe etabli tou bann facts e kot Board pou bezwen pran en desizyon ki mannyer i pa pou afekte lezot future competitor.

 

MR SPEAKER

Onorab Woodcock.

 

HON WAVEL WOODCOCK

Zis pou …avek sa i …me selman mon krwar DMC i own about 80% market share in the Tourism industry e konbyen konplent zot in gannyen dan sa lendistri until now? I mean in the past year?

 

CEO – MR GEORGES TIRANT

Nou pa’n ganny konplent merger per se, nou’n ganny bann konplent en pti pe dan laliny vertical integration me nou, nou menm sa Departman parey mon’n dir kot, nou bezwen pran bann zofisye pou ede. Nou annan nou en lentelizans kot ler nou asize nou regard en pti pe market – nou‘n vwar sa serten problenm. So from la ki letan nou gard nou lentelizans ki nou pran aksyon facts of the case.

 

MR SPEAKER

Onorab Churchill Gill ou kestyon i relye sa ki Onorab Woodcock in ale? Demann ou kestyon.

 

HON CHURCHILL GILL

Wi. Mersi Chair. Lo sa kestyon –  lo sa poursantaz market share pou letan zot konnen poudir la aktyelman i annan – parey ou pe dir i annan en case kot ou pe travay lo la pou met lo Board; me pou letan ou, ou napa sa pouvwar la ozordi – eski i annan sa posibilite kot ou kapab rekomande dan zot Lalwa, pou zot kot i fer antre sa, anmenn kot nou – isi kot nou, nou ava kapab fer li antre pou ou kapab deal avek sa bann sityasyon. Eski i posib pou ou fer sa?

 

MR SPEAKER

CEO.

 

CEO – MR GEORGES TIRANT

Mersi Mr Chair. Ankor dan en savings ki nou’n gannyen lo COMESA Funds dan 2 previous projects, nou’n ganny en konsiltan ki’n redrafte Lalwa. I dan final stage.  Nou’n mete sa. E petet mon ti ava demann bann Manm Onorab pou lir sa Lalwa byen pou ensure ki tou keksoz  i ladan.

So i pou vin devan Lasanble apre ki nou’n donn Cabinet tre byento so kot nou  pe met sa serten mechanism ki pou antre an plas.  Wi pou annan.

 

MR SPEAKER

Onorab Gill.

 

HON CHURCHILL GILL

Wi, mannyer zot in fer anter la avek sa bann expert ki ou’n  fer sa Lalwa antre la kwa ki egzakteman i pe kouver?

 

CEO – MR GEORGES TIRANT

Sa Lalwa li menm i pou annan bout konpetisyon e bout konsonmater. Si mon koz par egzanp lo kote ‘mergers, ozordi si ou pe aste en pti biznes ouswa ou en pti biznes dan tou jurisdiction, zot pa demann  ou pou apply pou ou kapab merge akoz i cumbersome. I bezwen en ta resours

Me i demann ou si ou annan substantial shares ou bezwen own ou share of the market then ou bezwen apply. Sa ki nou pe met dan sa market si ou pa’n apply ou pou bezwen aste then ou pou bezwen en penalti.  Nou apel sa administrative penalty ki pou bezwen ganny enpoze by The Commission. Ou bezwen pey sa penalty. I vin parey ou pa’n fer ou devwar pou disclose. Ou ti konnen akoz ou bezwen fer ou ledikasyon lo la. E si ou pa’n fer ou devwar, ou ti konnen.  Savedir ou’n kase.  Sa ki nou pe enkorpore dan sa nouvo Lalwa.  E apre Lalwa Konpetisyon i pou en senplifikasyon ozordi i malere pou dir i an dezord.  I pa soutenab sa Lalwa mannyer i ete.  Son bann prensip i la me selman i an dezord.  En bout seksyon i laba en bout i isi.  La in klarifye li pou fer li vin straight forward pou kapab fer li vin en meyer penalti.  Mersi.

 

MR SPEAKER

Lo menm size Onorab Ramkalawan?

 

HON WAVEL RAMKALAWAN

Mr Chairman, mersi.   Zisteman akoz zot pe nonm nouvo Lalwa.  Diriz mwan si sa ki mon pe al dir pa bon.  Anba Lalwa ki pe kontrol zot la pou le moman zot pe plito pran konsern bann endividi.

Kot ki konsern individual consumer issues e non pa business to business.  Mon krwar ki sa i en gran defo; parski sa legzanp ki mon’n servi li boner konsernen printing press sa i pa pou mwan konman en pti endividi ki pe …I pou biznes pour biznes.  Biznes pou dir; ‘’be mwan mon deza dan sa biznes la Gouvernman la prezan pe antre ladan.’’ E alors la i en unfair competition.  E la pou le moman Fair Trading Commission i pa rantre ladan, akoz i business to business. Akoz dan sa nouvo Lalwa ki zot pe travay lo la zot pe osi enkli business ki kapab fer konplent kont  en lot business? Nou ti vwar L’Amerique, Apple avek Samsung ti annan en gro problenm.  Me Apple Samsung lo kote Sesel Fair Trading Commission ti pou dir; sorry mon bezwen Wavel Ramkalawan vs Georges Tirant; la I ava rantre me si i pa sa then…ou konpran mwan?

 

MR SPEAKER

CEO.

 

CEO – MR GEORGES TIRANT

Mersi Mr Chair. Mersi Onorab Ramkalawan.  Lalwa konsonmater, sa bout konsonmater it’s individual towards a business. Me osi the CEO of the Commission. Me initiate any konplent, any investigation nou fer li sa souvan.  Sa kot konsonmater.

Kote konpetisyon it is business to business.  Laplipar keksoz biznes ki  anmenn devan apre osi the CEO of the Commission i kapab inisye en konplent.  Ankor enn fwa nou bezwen mazin resours.  Akoz bann case konpetisyon  ki nou annan ozordi nou i annan apepre 5,6 a 8 file bann gro, gro file e ou annan zis 2 zofisye ki ape travay e menm Sanmdi zot vini without getting any perks.

Mon annan en msye fek call mwan. I dir mwan i annan 3 an – Sud Afrique i pran 6an a 7an pou kapab conclude en case with 90 lawyers.  Ozordi nou pe train nou bann dimoun pou nou kapab retenir zot. I difisil. Actually la dan  mon legal team mon annan enn ki pe study law University, enn ki pe fer pupilage ki nou bezwen train li akoz nou bezwen al Ankour pou tir load lo AG’s office. So i annan tousala.  So konpetisyon it is business to business.  Business ki vin konplent  pa endividi.  Apre ou annan osi initiation of cases me selman parey mon’n dir taler, pou nou kapab apply any section ki swiv dan sa Lalwa, any seksyon i pou de-koul dan sa manda li.  Me si sa seksyon li i pa aplikab then ou pa kapab anmenn sa dimoun devan Lakour. E letan mon pe dir aplikab i pa vedir pa bon li.  I the principle of the competition law.

Dan ka kot napa principle si nou vwar  napa lefe lo market i pa’n vyol Lalwa Merger; i pa’n vyol Lalwa Lagreman; i pa’n vyol Lalwa Abuse of dominance se la kot nou fer bann Opinion papers.  E laplipar Opinion papers ki nou’n fer i sorti kot bann biznes.  Nou’n fer enn par egzanp Sekter Transpor i lo nou website son summary  -kot en biznes ti vin konplent en parastatal ki li i pe fer menm biznes. So nou’n submit sa opinion to Government sa lepok pou zot kapab aplik zot policy. Mersi.

 

MR SPEAKER

Yes Onorab Ramkalawan.

 

HON WAVEL RAMKALAWAN

Zis en pti komanter from sa ki ou pe dir e avek from nouvo Lalwa ki  zot anvi, ou ava  krwar ki basically would it be fair pou mwan dir ki Fair Trading Commission i ti ava kontan ki Lasanble Nasyonal i donn li en pe plis ledan.

 

CEO – MR GEORGES TIRANT

Mersi Mr Chair. Ledan definitivman nou bezwen; nou konnen ki savedir ledan.  Par egzanp nou annan de Lalwa nou devret gete ki mannyer nou adres sa. Sorry petet mon en pe diplomatik, me selman ki sa Lalwa pe propoze se kree en Tribinal ok? And then the CEO letan  i annan son case olye ki i annan en Board of Commissioners internally; i annan en Tribinal, sa Tribinal i ziz sa case par son desizyon e son desizyon i vin applicable like a Court of Law.  Sa i enn bann ledan.

Lezot se resours sa en lot ledan ki permet ou investigate bann case pli vit.  Mersi.

 

MR SPEAKER

Mersi CEO. Onorab De Commarmond.

 

HON CHARLES DE COMMARMOND

Mersi Mr Chair. Mr Chair i tonm byen la akoz mon kestyon se eski alor zisteman dan sa ki ou’n dir sa Bidze ki ou’n propoze ki devan nou la, i cater pou ou lotonomi, lotonomi Fair Trading, loto ki zot pe demande toultan pou donn zot,  zot ledan eski i pe reflekte sa?

2enm keksoz nou dan Sesel la nou pe koz lo fer desann kou lavi.  Nou  oule ki bann dimoun i kapab aste keksoz pli rezonnab. Boutey delo ki devan mwan la, menm boutey delo sorti kot menm owner menm owner menm prodikter ti R10 ozordi i fer li R6 dan laboutik ki fer son prodiksyon i R5   prezan olye met 15poursan markup i met 20poursan. I dir ok donn 20 poursan – i vin R1 lo 5, i fer R6. I dir avek marsan vann sa R6 dan laboutik en fason dimoun ordiner olye aste sa boutey delo R10 i aste li R6 – in save li R4 ki fantastik lide. Me i en problenm ek dimoun pou vann ek marsan.  Marsan i dir tyonbo,’’ Avan mon ti pe ganny plis larzan lo la e ou…Ou konnen i annan tout en kestyon. Ki Fair Trading i kapab fer ladan? La nou pe koz pri kontrol – me pa pri kontrol – pou fer nou reflesir.  Lot pwen dan menm laliny pou substantiate sa ki mon pe dir: Telecom services. Pran Cable & Wireless kot ou bill Internet i zis monte. I annan bann dimoun ki zis tap-in e ou napa en landrwa pou ale.   Ki Fair Trading i kapab fer ladan, eski zot in gannyen sa bann konplent?  E ki zot in fer?  Akoz sa i kontinyen, kontinyen, kontinyen? En bill Internet ki ti devret petet en R1000 – R2000 i ariv ou R18,000, R20,000, R25,000? Tou dimoun ki la i konn sa e what is being done about that? Mersi.

 

CEO – MR GEORGES TIRANT

Mersi Mr Chair. Pou ou premye kestyon Onorab De Commarmond mwan en dimoun  ki drwat, sa Bidze non i pa pe cater – mon krwar i annan en nouvo Staff ki’n pran ladan e funded for 10 months; e nou every year nou bidzete nou Bidze … selman byensir  kontrent budget finans i donn nou en ceiling kot la nou  pe cater – par egzanp bann Scheme me selman pou nou fonksyonn…Par egzanp ozordi lentelizans market surveillance ki osi regard,  par egzanp inspectorate ou bezwen omwen dan mon striktir ki mon’n soumet i  apepre 10 dimoun Consumer – konpetisyon apar. Me selman pou lenstan 5 nou  kapab fonksyonn avek li.  Legal parey e osi si mon pou regard par egzanp consumer services ki pe tous Konstriksyon e tou bann servis. E plis ankor nou pli gro problenm avek Konstriksyon nou annan 4 zofisye e sakenn i annan 45 case ozordi.  Nou pe koz nou annan apepre 230 kontrakter ki nou pe anmenn devan  e i annan ki ‘n deza menm pre pou ariv dan prizon akoz nou bann case I devan Lakour. Me nou konpran osi ki Attorney General i osi annan son load, i pa forseman son priyorite. Sanmenm sa ki nou pe train nou bann avoka pou zot al Ankour. Then ou kas Lalwa Fair Trading, Fair Trading ki anmenn ou Ankour. So i annan Bidze mon krwar i bezwen revwar.  Apre Bidze i bezwen revwar dan sa lorganizasyon ki son rol. Nou regard the market – nou pa en normal regulator parey lezot regulator ki regard en sekter, nou pe regard the market goods and services.  I for sa.

Ozordi nou marmay pe al dan lotel, pe get pri. Menm si ou pou donn nou ledan si nou napa en zofisye pou ensure ki i marse i difisil. So lo sa kote nou ti ava kontan ki dan le fitir nou ganny regarde even pli vit posib.  Mon konnen nou pa pou kapab ganny tou sa ki nou anvi, me selman pe par pe e mon kontan ki Minis Finans in asir mwan ki i pou travay avek Fair Trading lo sa kote pou kapab ed nou.

I osi parey nou’n welcome lo kote Scheme nou bezwen regard partou nou bezwen retain sa bann marmay ki nou pe train.  I pran 3an pou nou train en zofisye.  5an si nou anvi  I annan en Masters. 5 a 7 an.    Me si nou pa kapab retain li i pou ale.  Nou  annan 2 ki’n antre dan banking sector, enn dan telecom ki’n kit nou ki’n ale – akoz malgre ou pe ofer li i dir ou laba i pe ganny bokou plis. I anvi fer son lakaz; i oule en zanfan mon pa kapab anpes li ale son lavenir i dan son lanmen. Nou bezwen kapab ede lo sa kote.  Kote pri dan market byensir nou’n antre dan en sistenm liberalizasyon napa pri kontrol lo market.

Mwan osi mon en konsonmater, mwan osi mon soufer.  Mon aste en pti bwat milo mon krwar R8 ozordi mon pe aste li R14 e napa pri kontrol.  Selman dan mon resers ki mon fer pou ed sa konsiltan avek son zofisye, nou’n trouv en draft Law from Belize kot laba enn i pe cater …en kestyon  ki ti pase mon mazinen dan Lasanble kot si ou pe withholding supplies to a consumer parey sa kestyon mon krwar sigaret, zot ti pe koz lo la then ou pe anmenn sa devan pou policymakers kapab dir be sa i kapab bon pou nou.   Apre zot  a drafte sa Lalwa e lo kote si  ou pe met ou pri  tro o pou konsonmater then li osi i annan  en serten lefe. Me sa nou pe dyaloge avek sa konsiltan ki pe drafte Lalwa. E byensir Gouvernman i ava pran en desizyon  e apre Lasanble Nasyonal i ava pran en desizyon.

 

MR SPEAKER

Onorab De Commarmond

 

CEO – MR GEORGES TIRANT

Lo kote Telecom. Telecom nou annan en concurrent jurisdiction ant Praslin avek DICT. Nou gannyen konplent telecom me ozordi unless ki i pou en misleading advert sa kestyon 40 ki regard services ou ava krwar sa dimoun ki ti drafte li in mazin zis problem konstriksyon.  I plizoumwen letan ou pe get li, letan ou pe koz lo kote teknik, billing nou liaise avek DICT lo sa kote e la nou rekonnet wi i annan en travay ki bezwen ganny fer pou ede dan sa sityasyon.

 

MR SPEAKER

Onorab de Commarmond

 

HON CHARLES DE COMMARMOND

Mr Chair eski Minis Finans i kapab fer en komanter lo, akoz i serye lo sa ki nou pe tande la, akoz savedir zot pa pe kapab fer naryen pou ed konsonmater e ed nivo lavi? Eski Minister Finans i kapab garanti serten keksoz la pou Bidze Fair Trading pou permet zot  zwe zot rol e zot fonksyon korekteman? E sa kestyon  Lalwa lo Telecom be mon krwar nou devret revwar –  I do not know.  Nou bezwen reget tou keksoz  pou kapab met dinamik dan sa bann zafer akoz, san san i pa vo lapenn savedir tou sa bann problenm ki dimoun pe gannyen la Gouvernman personn pa kapab fer nanryen.

 

MR SPEAKER

Eski Minister Finans i oule fer komanter oubyen Deputy CEO Mr Lebon.

 

MINISTER PETER LAROSE

Mersi bokou Mr Chair. Mersi bokou Leader of Government Business. Pou sizesyon se ki si ou rapel sa Bidze  ki mon ti prezante la si ti santre  rediksyon kou lavi akoz nou ti koze poudir bon  i annan labank, lasirans, telecommunication e mon ti koze avek Mr Tirant parski  osito ki nou ti prezant ladres Bidze konmansman  Zanvye, ti annan detrwa pri ki ti’n monte dan magazin. Mon ti deswit summon Mr Tirant dan mon lofis pou mwan dir li fodre nou regarde, parski sansan Gouvernman in prezant en lanons en komitman avek Lepep Seselwa  – me an menm enstan keksoz i diferaman  avek realite.  Mon dir li fodre i fer en demars pou regarde sa bann komodite, akoz ki i pe monte.  Me  natirelman parey koman nou vwar dan tou sa bann Minister, tou sa ki nou’n diskite la ziska maintenant Mr Chair se en mankman resours.   Sa se la realite di-zour. Sa nou pou bezwen adres li sa.  Sansan ki i arive nou pou bezwen dir verbalman fer redwir kou lavi, me an pratik kou lavi pa pe redwir pe  monte.  Se sa ki mon pou bezwen donn li maximum sipor an term resours, dan en serten fason sa ki nou’n promet i bezwen arive an realite.  Mersi Mr Chair.

 

MR SPEAKER

Onorab Prea ou ti annan dan menm laliny en kestyon?

 

HON NICHOLAS PREA

Mersi Mr Speaker.  Zis question arising lo sa matter apre mon pou demann mon lot kestyon pli tar. CEO in dir ki zot pe deal avek bann kontrakter dezonnet and all that. Me problenm i paret ki ou manda I state clearly ki ou pe protez konsonmater me an menm tan ou annan en lot challenge, kot bann stake holders ou bann partner pa pe toe the line – pa pe reakte.  Mon konsern se ki an menm tan ki zot pe anmenn bann case bann kontrakter dezonnet and all that; sa bann kontrakter i kontinyen operate li.  I kontinyen operate e i annan son lot viktim i deza fer bann travay dezonnet oubyen in kit site par egzanp en building contractor i pa’n pran larzan i pe pran louvraz en lot kliyan kot i pe al fer parey.  Vwala en pti pe  mon konsern ki petet this is what we are talking about it – having teeth to bite. To bite.  Pa ledan sagesse whatever, me ‘teeth to bite’.  Sa ki nou oule nou.

 

MR SPEAKER

CEO.

 

CEO – MR GEORGES TIRANT

Mersi Mr Chair. Mersi Onorab mon konpran byen ou konsern i enn nou  konsern.  Sanmenm sa ki mon dir ledan napa en pei  demokratik ki pou donn en CEO en fwet pou bat en biznes en owner of the business. Me selman ledan i vin la dan sa domenn la.  Dan domenn sa Commission, me  osi par egzanp sa lotorite.  Nou gannyen  vreman bon led avek Planning e Licensing. Me ankor  enn fwa… bomaten mon’n tann CEO Licensing in koz lo review of Licensing Act ki neseser.  Akoz par egzanp lo mon nivo mon vwar en ta problenm, mon ekrir Licensing me Lalwa i dir ‘on conviction’. Prezan si sa kontrakter pa pe al devan Board akoz in fini peye, in taye in peye avan i al devan Board – i pa on conviction la. So menm i annan biznes ki’n menase pou pourswiv mwan akoz mon’n ekri Licensing. Me Lalwa i donn mwan permisyon pou mon ekri lezot lotorite of the same interest. So Lalwa lo sa kote i annan.  Apre par egzanp SBS, li osi i bezwen ganny upgrade pou kapab fer bann tes; par egzanp… bann sender test zot bezwen kapab fer li byen.  E lot ledan se la letan i annan bann Tribinal se nou zofisye ki bezwen al anmenn sa case devan akoz byensir en kontrakter menm si i konnen i an tor  olye pey sa 400mil, ki i fer  I rod en avoka.

Nou annan en case ki’n ariv devan Lakour Siprenm la akoz li osi i annan drwa pou li al devan Lakour Siprenm.  I appeal i al devan Lakour olye peye.  I zwenn en avoka. En avoka olye  dir li peye, sa avoka i ale.  Letan ou pe  koz ek li son Legal Fees i deza o.  E letan ou pe gete li ki ti  an tor me selman byensir tousala i bezwen ganny revwar. And mwan mon  konvenki….selman  lo kote konstriksyon bokou dimoun in ganny rann zot larzan.   Parey mon pe koz ou lo undertaking e i annan  osi bann dimoun ki dezonnet. Par egzanp bomaten nou’n koz lo la i napa en license ouswa i ti annan en license in perdi, i dir  sa konsonmater, i kapab fer sa …par egzanp fer en plan – i kapab fer en plan pou li .  Lo sa kote la nou napa jurisdiction akoz i pa in trade or commerce. So nou fer nou neseser pli vit posib. Nou ekri Lapolis atraver Commercial Crime Unit ki pran sa bann case e prosekite.  Bann dimoun ki endividi ki menm zot annan zot license; zot defraud consumers. De ki zot kas Lalwa; ki zot breach en compliance notice; zot breach en undertakin, ouswa en Order of the Board, nou fer le neseser o pli vit posib anvoy  fer en case kot Commercial Crime Unit. E i annan plizyer la ki mon aprann i devan Lakour, ki pou pas  Ankour tre byento.  E ladan  Lalwa i fer kler i annan en penalti ziska prizon so i enportan ki…bann lezot step i al pli vit, me nou konsyan ki si nou ti annan nou prop avoka nou ti kapab pe al Ankour then nou ti pou fasilit byen.

 

MR SPEAKER

Onorab Simon Gill.

 

HON SIMON GILL

Mersi bokou Mr Chairman e bonn apre midi tou koleg Onorab e Manm piblik. Mr Chairman nou devan en size ki mon krwar i vreman konpleks e i paret ki an menm tan ki nou vwar i fasil me i annan en kantite konpleksite dan sa travay ki Fair Trading Commission pe fer.  Ou konnen dan nou letid ekonomi e mon krwar Mr Afif pou dakor avek mwan, akoz i enn bann dimoun tre eksperyanse dan lekonomi isi.  Nou toultan krwar ki konpetisyon i otomatik anmenn en bes dan pri e ki par laswit konpetisyon se konsonmater an zeneral ki benefisye.  Sa i enn bann  fason, ki nou’n sey  ganny montre ki mannyer konpetisyon i operate e son rezilta.  Me ler mon swiv depi peryod  liberalizasyon ekonomik Sesel 2008 en pli gran louvertir e mon pou toultan refer avek Mr Afif akoz i ti bann akter prensipal dan sa prose.  Me nou pa’n trouv vreman konsonmater ganny en fair deal. Mon problenm i la. So dan la mezir ki ou dir ou amann Lalwa  ou pou anvoy kot nou;  dan la mezir ki ou pe dir donn ou en pe ledwa an plis pou sey morde mo pe dir senserman ou pou morde ou pa pou fini morde. Pa tro pesimis. Akoz sa problenm konpetisyon i en fair deal. Konsonmater i debord  Lalwa.  Akoz son problenm se pa Lalwa ki pou rezourd, se the mindset ki bezwen sanze. Mindset tou sa bann dimoun ki dan biznes.

 

MR SPEAKER

Onorab Gill kestyon oubyen propozisyon?

 

HON SIMON GILL

Wi mon pe vin lo la Mr Chairman nou bezwen pe met zafer dan en konteks. Akoz zisteman nou’n anmenn plis konpetiter oubyen service provider dan telefonn ki mannyer sa in benefisye konsonmater imedyatman.  Ozordi nou’n liberaliz lakantite marsan ozordi ki kapab enport dizon diri, i kapab tomat, i enport milo ki ou fek dir nou;  i kapab enport  fromaz. Ki mannyer konsonmater in benefisye avek sa liberalizasyon ki  nou’n fer ?  Ki kote nou’n benefisye?  Tou le kontrer ki i arive, Minis Finans fek dir nou’n donn en logmantasyon dimoun ki  dan biznes in santi loder travayer  in ganny en larzan, zis son lannmen ou trouv preski tou bann pri  komodite ki ti dan laboutik i  monte par R2 , par R3 par R4.

 

MR SPEAKER

Onorab Gill nou lo Bidze Fair Trading Commission – propozisyon oubyen kestyon? Pwen.

 

HON SIMON GILL

Kestyon ki mon pe demann Fair Trading atraver  son CEO ozordi isi se ki mannyer ou kapab donn sa pep  la deor en garanti ki si nou pou donn ou 25 Staff an plis ou pou fer sir  ki tou sa konsonmater dan sa pei omwen i ganny en real fair deal avek tou sa bann service provider dan  tou sa bann diferan kategori, biznes e domenn  ki zot ete isi?  Mersi bokou.

 

MR SPEAKER

Mersi Onorab Gill. Kestyon CEO.

 

CEO – MR GEORGES TIRANT

Mersi Onorab. Mon krwar ou’n fer sorti en pwen enportan.  Enn pli gran benefis ki konpetisyon in anmennen avek liberalizasyon market in anmennen market se choice.

Ozordi ou annan plizyer swa. Me selman kote pri ou annan en rezon me eski ou pou donn nou 40 Staff, 50 Staff?

Si pa dan nou manda, kwa ki nou pou  kapab fer?  Ou bezwen annan en serten mechanism an plas.  Apre mwan toultan mon krwar poudir letan en biznes i pe enporte konbyen i pe deklare in enporte? Letan i  pe vann. Si nou pe kapab capture so tax par egzanp byen eski i pou anvi fer monte son pri ok? Tousala i parey en lasenn i annan son mayon sa.  Sanmenm sa ki nou bezwen travay ansanm ok?  I bezwen annan bann policy petet bann regilasyon an plas.  Me eski nou pou kapab elimin tou problenm?  Napa en pei ki’n kapab fer li o mon’n akoz by the time ou get a better idea zot in fini avanse lo en lot keksoz.  Me selman  ankor enn fwa i pa zis Fair Trading sa.  I en travay ki bezwen ganny fer ansanm.

 

MR SPEAKER

Mersi. Onorab Ernesta.

 

HON PAUL ERNESTA

Mersi Mr Chair. Bonn apre midi Mr Chair,  Mr Marengo ek ou lekip e tou koleg Onorab e tou dimoun a lekout. Mr Chair mon  fer referans lo pwen 147 program 2 e osi lo 148 SP2 kot mon’n vwar anba ‘wages and salaries’ ki annan pa mal en pti logmantasyon ladan so la mon  kapab dir in preski double; so petet mon pou demande ki kantite dimoun i annan dan sa seksyon pou asire lenplimantasyon zot progranm  lo SP2?  Mwan letan mon pe dir sa mon pe mazin; par egzanp si i annan en konsonmater, en kliyan i aste en transpor ki kantite proteksyon? How far ki Fair Trading pou ale pou vwar si i annan en default dan sa transpor, pou asire ki sa konsonmater i kapab ganny sa proteksyon;  an prenan kont ki tou sa bann dealers zot annan zot bann Polisi ki protez zot, me selman  pa neseserman pe protez sa konsonmater?  Mersi.

 

MR SPEAKER

CEO.

 

CEO – MR GEORGES TIRANT

Mersi Mr Chair. Mersi Onorab pou ou kestyon.  Sa SP3 i kouver 2 Departman.  I annan 8 Staff including 2 Head of Department; savedir 3 Officers ek 2 Senior.  Logmantasyon i mainly pou kouver 13enm Mwan, pou kouver Scheme parey mon’n dir an globalite. Ok?  Sa 8 zofisye zot ki deal avek lamazorite, ek tou nou problenm konsonmater.  Zis 8 zot and   i annan enn  ki regard zis servis, enn ki regard zis consumer goods. Akoz nou ti vwar letan nou ti melanz zot  ansanm ou pe travay lo en ‘case’ Telefonn ou bezwen travay lo en ‘case Telecom diferan, nou pe koz en telefonn en handset ouswa en washing machine, ou bezwen  travay li lo en kontrakter – I vin en problenm. So nou’n separe selman zot anba menm progranm akoz nou ki PBB ti’n ganny etabli. So vwala en pti pe logmantasyon.

Lo kote transpor byensir i tonm anba sa seksyon 40 ‘services’. Letan nou ganny en konplent  nou bezwen assess sa konplent; regarde si i annan en case to answer ok and then nou antre an kominikasyon avek sa respondent e si fodre fer serten tes – nou servi VTS pou fer bann tes e nou kontiny nou lenvestigasyon.  Souvandfwa si nou vwar napa problenm, then nou dir napa problenm ouswa i kapab ganny aranze.  Nou ganny plizyer, en kantite konplent loto, bann dimoun ki aste transpor.  Me selman bomaten menm la i annan en Lazans ki’n replace en  transpor ok?

Recently lannen pase lafen lannen pase kot nou vwar dan Newsletter kot en konsonmater ti’n remersye nou pou ganny   rann son larzan apepre R500mil;  i ti ganny rann par sa Car dealer. Me ou pou annan byensir 1 ou 2 biznes ki pou met latet, akoz i konnen i kapab afford son lawyer e la nou annan en ‘case ki’n pas devan Board. Mon pa konnen si ou pe refer lo sa case.  In al devan Board, in ganny adjudicate e nou pe esper desizyon Board. Board i endepandan i separe  avek FTC i parey en Tribinal.  E la letan pou annan sa desizyon sa biznes i pou annan son drwa pou annan en Appeal e si nou, nou santi nou pozisyon i bon ki mwan mon krwar i bon -nou pe al devan Supreme Court pou al  appeal.  A lafen di-zour Supreme Court ki ava deside i ava donn en presedans dan sa case.  Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair. Bonn apre midi tou dimoun. Mr Chair mwan mon dan en sityasyon en dilemma en pe parey Onorab Simon Gill,akoz letan Mr Tirant ek Mr Lebon in vini zot pe eksplike konmsi avek viger – I can see the passion that you guys have for your job, selman pli mon’n ekout ou a krwar mon’n depress, akoz ou pe demann nou la pou vot  en Bidze apepre 12 milyon e nou nou reprezant  piblik an deor.  Konmsi kestyon ki Onorab Gill i on demann ou se pou donn sa garanti sa bann dimoun laba deor.

La mon pe ganny text mon poudir be tel size nou’n anmenn devan FTC letan i ekri son policy paper Gouvernman pa fer nanryen. Konmsi zot pa kapab ed sa bann pti dimoun fas a bann gro  biznes.  E konmsi ki mon anvi letan mon pou lev mon lanmen pou vot pou Bidze ki  mon rekonforte poudir wi 12 milyon pou fer lefe pou sa taxpayer laba deor.  E se sa ki li in demann ou ki mon pa’n satisfe ou larepons.  Mr Chair mon’n bezwen redemann sa ankor pou li donn en garanti poudir vreman; konmsi i pa pou kasyet deryer policy; deryer Board; deryer Lalwa – napa ledan.  Ou pe konpran mwan?

 

MR SPEAKER

CEO sey reponn sey satisfe Onorab Gill, Onorab Henrie.

 

CEO MR GEORGE TIRANT

Mersi Onorab.  Mon kontan ou dir nou pasyonnen.  Wi nou pasyonnen.  Enn: petet ver konpetisyon.     Enn,  petet ver konsonmater, me selman nou konplimant kanmarad e nou tou lede nou annan sa baz lo tou lede kote.  Byensir mon kapab donn mon ekstrenm mon pa kapab dir keksoz ki mon pa pou kapab fer.  Ou donn mwan Staff mon kapab apply seksyon ki dan mon Lalwa ok? Lalwa i sipoze vin dan Lasanble.  Nou’n koz lo policy plizoumwen State- Owned Enterprises. Si Lasanble i santi desizyon FTC the opinion paper shall be binding on Government sa i posib by the time ki binding – then mon pou konn mon lekor si i binding – I binding.  I bezwen swiv, ok? And sa i ava permet bann sekter kot vreman i annan problenm.

Mon pa konnen si…mon konn en case for example omnibus kot ti annan en konplent  kont SPTC, nou’n fer opinion binding then SPTC ti ava’n apply sa opinion paper .Me tan ki i pa binding nou pa kapab enforce, nou  kapab toultan pe al pli devan. Me lo kote pri lavi napa provizyon dan sa current Act.  Mon’n dir taler ki dan nou dyalog avek sa konsiltan dan mon resers mon’n vwar serten landrwa kot in capture en pti pe ‘price. Si ou get Malta, Malta pourtan i en pei Eropeen, me i annan ka dan pri latizann ki ou pa kapab depase pourtan i en pei Eropeen, en pei demokratik. Eski sa annou santi Sesel nou bezwen?  Akoz konpetisyon i en global principle i enportan ki sak pei i get son model i gete kwa ki li i santi i kapab ouver konpletman or annan serten prensip or rules ki pou anpes at the end of the day bann konsonmater imedya ganny afekte.   So selman si nou ganny nou Staff i en tim,  byensir sa ki nou vwar dan Lalwa i pe adrese.  Byensir lo kote si parey ou pou al devan Board ozordi si mon anmenn tou case devan Board i pa pou zanmen fini ariv devan.  Me selman par egzanp si pou antre dan en laboutik ou vwar napa pri in afise for example lo marsandiz i en lofans anba Lalwa.  Anba nouvo Lalwa nou pe demande ki i annan compound of offences; ki i annan settlement; ki i annan bann clear rules; par egzanp regilasyon kot devan CEO si ou’n fer en lofans i tan; si ou al devan  Tribinal i pou bokou plis ki kapab vin deterrent pou sa bann keksoz.  Me i vre petet ou ava krwar picture i ankor en pti pe sonm.  Mon pa vwar the bright side kot mon santi ki en kantite pe ganny fer.  I vre nou’n pa’n travay bokou lo kote ‘expired goods konpare avek 2011 kot ou ti antre.   En ler mon ti demann mon lekor mon ti mon tousel sa lepok ki nou ti pe manze? Nou’n sey netwaye ou ava ganny 1, 2 me pa parey avan.  En lepok mon ti pe enpoz serten settlement avek bann shopkeepers me selman apre mon’n ganny dir sa i ilegal mon napa pouvwar pou fer sa.  Mon kapab ganny anmennen Ankour so nou’n stop. Any case ki nou santi i substantial nou vini nou vwar en kantite keksoz – nou anmenn li devan Board e Board i pran son responsabilite pou li enpoz en penalti.  Mon krwar lo kote penalties – si mon pa tronpe, in anmase more than one million pou Gouvernman.  I al dan Consolidated Fund.  Nou’n anmase depi 2012 apepre ki Board pe fonksyonn fully.  Sa dernyen lannen petet mwens be sa i bann case ki letan nou’n investigate nou dir ki  i annan sibstans nou’n anmenn devan.

 

MR SPEAKER

Mersi. Sebastien Pillay.

 

HON SEBASTIEN PILLAY

Mersi Mr Chair. Mr Chair CEO in raise en pwen ki mon ti pe al demann li en kestyon lo la.  Eski anba son manda ki zot annan oubyen anba Minister Finans pa’n atraver Planning – zot dimoun Planning zot pa’n konsider zisteman parey Martha – i annan lezot ziridiksyon ki’n dan direksyon pou etabli serten capping an relasyon avek serten komodite.  Mon pe dir sa Mr Speaker akoz la mon pe koz lo konsonmater sa manman ki bezwen aste juice, bann  keksoz pou son zanfan al lekol kot i vwar  sa bann juice i ogmante. So, eski Minister Finans in fer serten lanaliz oubyen letid an relasyon avek sa?

Dezyenmman prenon kont ki si mwan  en marsan mon fer monte pa egzanp sa boutey delo par R4 obviously reset lo tax ki SRC i sipoze pe gannyen i bezwen ogmante.  Then eski Minister Finans pe fer en tracking or monitoring an relasyon ek reset reveni lo tax ,pou vwar si pri  ki pe ganny vann i commensurate avek reveni ki zot pe anmase?  Zisteman i en kestyon ki mon merit pe demann SRC, me i annan relasyon ki nou pe koz lo la avek FTC. Eski Minister Finans I kapab klarifye sa?

E mon very last point Mr Speaker i kler ki sa Bidze ki FTC in gannyen pa pou permet li fer sa travay ki i pe fer.  Mon ti ava demann Minister Finans atraver ou Mr Speaker, si i posib dir nou kwa ki zot bezwen egzakteman pou tackle sa issue pri komodite dan laboutik?  Dir nou klerman la; met devan nou e nou ava kler ki zot bezwen and if the mid-year review nou bezwen agree ki nou pou donn sa, then nou deal with it; akoz nou pou kontinyen koz lo la, koz lo la, i pa pou anmenn dimoun okenn solisyon.  Mersi.

 

MR SPEAKER

CEO oubyen Minis oubyen PS Finans.

 

PS PATRICK PAYET

Thank you Mr Chair and thank you Onorab.  Zis pou azoute nou ankor pe diskite avek Fair Trading; akoz proposal pou Lalwa sorti kot  zot i vin kot nou.  E diferan model par egzanp ki CEO in mansyonnen regarding capping sa i kapab ganny analiz en pe profon e nou kapab advice further si sa i kapab dan en model Sesel  ki nou kapab servi. So sa i kapab en keksoz  ki nou kapab analiz en pe pli profon e diskit avek Fair Trading Commission lo la.

E secondly lo monitoring system ki i annan, sa en keksoz mon krwar ki nou’n koze bomaten ki par egzanp san sa ASYCUDA System pou nou kapab les lezot Lazans osi kapab annan lyen avek sa sistenm e zot kapab pick up lenformasyon;  par egzanp letan keksoz pe vini at the port of entry.  Sa  i en diskisyon  ki nou pe propoze fer avek sa konsiltan ki aktyelman pe travay lo tou bann rapor ki zot pou bezwen  mete lo tou sa sistenm, pou fer sir ki tou lenstitisyon Gouvernman i kapab ava  ganny akse avek sa sistenm; e zot kapab analiz en pe plis bann data letan pe gannyen.

E thirdly regarding kekfwa additional resours; sa i en keksoz kekfwa nou kapab vwar kwa ki zot in demande e ki kalite dan zot senaryo (B) ki nou pa’n donn zot; e evantyelman nou kapab advice osi Lasanble, letan nou pe fer the first quarter report.  E vwar osi ki mannyer Fair Trading Commission pe depans osi son Bidze an se moman.  E osi zis pou azoute osi, nou ganny osi en pe Larzan anba COMESA Fund anba ‘consultancy.’

E osi en keksoz ki nou pe vwar la anba EPA ki Foreign Affairs anba EU Funding 10 milyon Ero ki nou pe gannyen nou  pe etabli  – ankor pe diskite avek EU ki kalite proze ki nou pou mete ladan.

So sa i kapab bann senaryo bann progranm ki nou kapab mete la osi bann additional resources

 

MR SPEAKER

Mersi PS.   Mon krwar ki Onorab Gill avek Onorab Henrie i ava rekonforte.  Apre first quarter CEO i riske ganny en pe plis ledan.  Onorab ou ti annan en  pti kestyon ou ti anvi repran apre ki ou ti’n demann ou kestyon?

 

HON GERVAIS HENRIE

Wi Mr Chair. Sa ki mon ti anvi dir avek CEO se ki mon pa telman  rekonforte mwan; akoz still petet lafason ki ou’n reponn mon kestyon, akoz (1) si ou pa sanze louvraz pandan lannen i tre probab nou pou vwar ou ankor dan Lasanble pe defann Bidze FTC an Desanm petet.   Me chances are bokou bann kestyon pou monte, akoz letan mon pe get ou bann target par egzanp lo paz 148 konmsi mon  vwar sa bann keksoz i reste leaner  – i reste parey dan bann lannen ki pe progrese malgre ou Bidze Ii i riske sanze dan bann lannen. So petet  en konsey ou ti kapab servi plito bann statistik pou dir nou poudir lakantite konplent i pe  ogmante akoz dimoun i konn travay ki nou pe fer; e nou performans an term bann fines ki nou pe enpoze, i pe sanze. So statistikman ou ti kapab konvenk nou poudir ou lofis wi i efektiv.  Me lafason kekfwa ki ou’n reponn pou future reference mazin en pti pe dan sa laliny.  Mersi.

 

MR SPEAKER

CEO.

 

CEO – MR GEORGES TIRANT

Mersi Mr Chair. Onorab Henrie mersi pou ou kestyon e ou konsey.  Sa bann targets ki’n mete ti dan sa strategic plan kot in fact, ti parey en lesey ki nou ti pe fer avek en konsiltan, in met sa.  E nou’n vwar poudir ki i pa pe…pa ki i pa achievable i pa  pe reflekte realite; petet even lo target i kapab pli o par egzanp goods I kapab nou dan 90poursan.  Ozordi en case goods i antre si i en keksoz ki nou santi vreman i annan en defo ladan.  Dan 2 zour i annan case ki pe ganny solve. E pa 7 zour.  E i enportan pou mwan dir ki osi nou’n met an plas en data base; actually la ki’n ranplas sa enn ansyen depi 2016 i anba lesey me selman nou ganny asiste par DICT ,kot nou flag nou bann konplent par egzanp.  Letan ki en konplent goods i antre let’s say apre 3 zour, sa zofisye i bezwen fer en keksoz lo la.  I bezwen annan serten aktivite ki pe ganny fer.

si pa’n fer let’s say i flag green, apre i flag yellow, i flag orange.  I annan son bann letan ki  permet mwan kot mon asize mon pa ganny  tou konplent mon’n delegate en pe pouvwar ek Deputy,  akoz otherwise i annan en birokrasi enorm.

 So mon kapab konnen  mon kapab call li  dir be i annan sa – i annan en problenm.  Kote services i en pti pe pli long i  konstriksyon mainly and li osi i  ganny flag.

Sa i enn bann keksoz ki nou’n met an plas lo sa kote

E la nou pe travay lo nou future strategic plan avek en konsiltan e nou annan sa bann figures ki nou annan.  Parey ler mon pe get performans Fair Trading pou ou anmans 4 milyon dan sa bann lannen ki’n pase, savedir ou’n sov apepre en pti pe mwens ki 2mil dimoun pou li pa ariv devan Lakour Siprenm; pou li pa bezwen pey en avoka.  Avek Letan ou fer ou plis ki 1000 inspection; savedir ou prezans…i se sa.

I enportan pou dir ki i annan lezot lotorite ki sipoze fer li me nou, nou kontinyen fer li akoz nou anvi konnen si pri in afise.  Letan nou pe koz lo pri monte si nou ti annan zofisye letan Minis ti call mwan -mon ti met devan li mon ti dir  si nou ti annan market monitoring sa zofisye ladan -nou kapab konn tou bann komodite enportan.  Zot pri nou vwar poudir i annan en substantial increase partou.

Enn; i kapab ed nou detekte Lagreman ‘cartel; lot i kapab dir nou be la i annan en problenm dan en lot petet area of Laws, ki petet SRC nou kapab advice.

I bann public service, nou kapab advice SRC la ou bezwen met en pe plis latansyon lo la. Sa i bann mechanism pou mete ki mon vwar bann model kot mon’n kot mon’n vizite atraver bann koleg Consumer Authority ki’n met li an plas.  Petet pou on the bright side mwan mon krwar poudir one of the best performing consumer protection petet pa konpetisyon akoz Zambia i sharp lo la dan la rezyon, even La Reunion i anba Franse – me kot nou pe met serten penalti – nou’n solve serten problenm.

Me ankor enn fwa i enportan ki nou vwar ki it’s a market monitoring regulator ki i pe okip en sekter li.  I pe regard plizyer sekter.  An menm tan travay ek lezot sekter.  Byento nou pou annan en meeting avek tou bann CEO’s ki nou anvi zwenn zot.  Dan le pase enn ler in difisil.  Mon’n menm voice mon lavwa.

Nou pe zwenn zot la byento an Mars pou dir vwala nou bann data base, vwala nou statistics. Kwa ki pe anpes nou solve tel problenm petet i dan ou domenn. You need pou ou beef up sa tel domenn pou ou kapab permet tel lazistis ganny aplike.  Pa bliye apre tou it is Administration of Justice.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Chairman, mon’n ekout avek pasyon sa deba ki nou ladan.  E mwan pou mwan i napa okenn dout ki sa lorganizasyon pe sey son mye pou fer son travay avek son bann Staff.  I annan konplent isi – konplent laba me selman i annan sa devosyon e ki zot anvi fer en travay.  Me en keksoz ki’n sorti klerman san ki mon repete avek sa Bidze ki nou pe demande I am sorry. I mean ankor enn fwa egzakteman parey mon ti dir avek Bidze Lagrikiltir nou anvi ki zot koud en kannson long me selman nou pe donn zot latwal pou  en kannson kourt.  I pou senpleman enposib; parske letan mon pe get tou ban responsabilite ki sa Commission i sipoze annan; letan mon regard bann responsabilite ki nou koman en Nasyon nou anvi met lo zot.  Bann ekspektasyon, pri lavi, i mean bann prodwi.

Ozordi nou pei i ranpli avek bann prodwi sorti La Chine. En dimoun i aste en fan R500, i met li dan plug apre 30 minit sparks pe sorti e i …

So i annan sitan keksoz pou kontrole ki mon krwar ki nou tou nou dekouver ki poudir sa Bidze pa pou fer okenn lazistis avek sa ki zot pe fer. Ok nou pe koz lo review me selman mwan mon  krwar ki i i enportan pou sa Commission osi tou, mon konnen ki son parent ministry i la avek nou pou nou regarde seryezman kwa ki nou anvi fer e konbyen zot pou  bezwen; parski se Lasanble Nasyonal ki annan sa responsabilite pou donn sa Bidze.

Bann lezot keksoz par egzanp; bann Small Claims Court, en Small Claims Court ki sa i ava al laba fini avek e ki i pa ava neseserman tonm anba zot responsabilite.  Konmsi i annan sitan keksoz ki mon vwar  ki zot lorganizasyon ki mannyer i bezwen ete.

Mwan mon ti ava kontan konnen – par egzanp sa Bidze ki zot ti gannyen konbyen egzakteman ki zot ti demande – pou nou kapab ganny en lendikasyon.  E mon konnen PS Payet i konmans sourir en pti git, pou regarde aprezan sa ki ti zot ekspektasyon e sa ki finalman zot pe ganny propoze; pou nou regarde koman en Lasanble, ki kalite lankourazman nou kapab donnen e pou nou kapab bouze.

 

MR SPEAKER

Ok. Mon krwar le pwen in ganny fer e i al dan menm laliny ki Onorab Simon Gill in koze, ki Onorab Gervais Henrie in koze, Onorab De Commarmond in koze.  Mon krwar nou tou nou dakor e mwan mon ti ava kontan dir ki mon vwar zot pe fer en kantite zefor.  Mon’n vwar lo televizyon i annan. In fact i enn bann lorganizasyon ki pe fer bokou ledikasyon piblik.  Mon konnen poudir dan nou rezyon –  e mon sir Onorab William in ava’n  vwar sa dan lans Boileau e dan  Grand Anse mon’n vwar bann poster lo laboutik kot i demann dimoun get expiry date keksoz ki ou pe pran;  get son pri apre en keksoz enportan gete si ou konpran sa langaz ki mete lo sa bwat. E la mon ti ava demann sa kestyon CEO, si mon ale mon al kot Shoprite Grand Anse mon vwar en langaz mon pa konpran ki mon fer? CEO.

 

CEO – MR GEORGES TIRANT

Mersi Mr Chair. En kestyon tre enportan.  Malgre nou   Lalwa Konsonmater i dir tou keksoz i  devret dan understandable language. This is a matter of Law parey bann avoka  – Onorab Bernard Georges in argimant ek mwan lo la.  Akoz mon’n deza ganny argimante avek bann avoka what is understandable language? Me selman Lalwa Konsonmater i enn bann meyer keksoz ki Lasanble, Gouvernman letan ti pas li ek Lasanble ti vote – sete provide ki nou ava osi son ziridiksyon i go further.

i kapab administre serten lezot Lalwa par egzanp; Food Act i fer kler ki i devret an langaz Nasyonal.  Konstitisyon i dir an 3 langaz ok?

E and then nou ki nou ki nou fer? N Letan nou fer inspection ouswa nou ganny en konplent, i vre nou ganny bokou konplent lo la me ek limited resources pou dispatch zofisye ki i difisil de fwa avek  zis petet 3 transpor ki pa evidan; e la nou pe anvoy en transpor Praslin akoz nou pa pe kapab afford pou pey Car Hire.  Nou pran aksyon par egzanp – nou fer zot tire lo letazer.  Selman ki nou’n vwar osi anba Public Health Act zot annan sa posibilite pou recondition, ok recondition en labeling. Actually ki nou pe fer letan nou act nou pe vwar ki’n ganny reconditioned, nou imedyatman kontakte Public Health zot Food Unit, Food Control Unit pou ensure ki zot in donn sa permisyon. Parey zot  in vwar lo Facebook recently ti annan diri ki pa forseman  sa diri ladan pa ti the real basmati me ti annan en reconditioning letan nou’n  fer nou envestigasyon; me sa reconditioning pa ti’n ganny permisyon Lasante.  So ki nou’n fer  nou liaise ek Lasante pou pran aksyon neseser pou retire e menm penaliz sa bann importers akoz zot konn Lalwa ki zot bezwen swiv.  Me an menm tan dan  nou diskisyon avek Lasante nou pe demann zot osi pou dan le fitir pou pa zis donn laprouvasyon pou re condition.  Ou ganny bann prodwi menm si pou annan Grek lo la me ou ganny li i annan son Angle.  I enportan ki sa bann labeling i annan sa bout Angle – pa zis son tit me i annan son bann instruction ki enportan lo la.  Me selman nou, nou pran bann aksyon lo sa  size e parey mon’n dir anba nouvo Lalwa i pou donn plis pouvwar CEO pou kapab si ou’n fer sa lofans nou kapab enpoz en serten penalti  ki deter ou. Akoz la si ou  al devan Board, Board osi i annan son kantite case. I pran letan and then i gat  resours.  Me dan nouvo Lalwa ki nou pou met devan zot byento, se   pou donn sa pouvwar, sa dimoun i kapab settle li menm; i kapab si parey i settle nou kapab compound the offence e enpoz en serten penalti ki byensir pou ganny trouve dan regilasyon e ki pou respekte bann norm pei.  Mersi.

 

MR SPEAKER

Bon mon krwar nou’n exhaust diskisyon e kestyon lo Fair Trading Commission e mon dakor avek Onorab Ramkalawan ki set en group ki pasyonnen lo sa ki zot pe fer.  Mwan menm mwan mon bezwen dir ki  ler mon’n  tann Mr Tirant pe ganny interviewed par Michael Payet lo NEWS EXTRA sometime last year – mon’n realize in vreman pasyonnen ek sa e i konnen ki i pe koz lo la.  Nou tou nou’n dakor dan Lasanble me semble t’il ki i devret ganny en pe plis sipor, en pe  plis larzan – sa ki en bann  i apel en pe plis ledan.  e si mon’n konpran byen PS Payet in dir ki  i pou regard en pe plis ladan e i pou koz avek sa lekip Fair Trading Commission e alor  mon vwar sa pwen pou sa ki’n propoze la – sa 12 milyon  ki’n ganny propoze pour FTC nou vot lo la an atandan ki i ava annan sipor adisyonnel; swa apre first quarter; swa milye review pou ogmant kapasite Fair Trading Commission pou fer zot travay.  Konbyen ti pe demande CEO ou annan en lide?

 

CEO – MR GEORGES TIRANT

Nou statistic letan  nou ti prepar Bidze ti 19 million pou nou ti en sonm ki menm si pa ase nou pa kapab osi  voras nou konnen i annan lezot Departman ek Minister.  Nou ti’n demann 19 milyon me apre anba senaryo B) nou ti bezwen re kase re aranze pou nou kapab cater pou nou Scheme. Me at the end of the day i penaliz lezot Departman par egzanp pou ganny en Scheme nou bezwen  tir …ledikasyon e ledikasyon i koute. At the end of the day si ou permet mwan Mr Chair enforcement of Law i parey en piramid.  Ou pli gro chunk i ledikasyon.  Pou fer dimoun vin bann premye enforcers of law. Sa i enportan  pou note e apre mon ava profite vi  ki nou pe fini pou advice tou sa Lasanble ki le 15 Mars i lazournen Drwa Konsonmater e sa lannen tenm  i digital age kot nou pou annan en symposium bann zenn,  bann Lakonpannyen Telecom lo sa kote.  Mersi.

 

MR SPEAKER

Tre byen be la nou’n vwar i annan 12 milyon – i ti’n demann 19 e mon krwar Lasanble pe koup, koup en pti pe landrwa, CEO pa perdi lespwar ou ava ganny ou 7 ankor.  Me nou annan vot lo sa ki la pou le moman.  Tou bann ki ‘pour sa Bidze Fair Trading Commission lev zot lanmen?  Okenn dimoun ki kont lev zot lanmen? Clerk.

 

MADAM CLERK

Mersi Mr Chairman nou’n rikord 24 Manm ki’n vot an faver.  Personn kont.  Mersi.

 

MR SPEAKER

Savedir ki Lasanble Nasyonal in aprouv Bidze Fair Trading Commission parey in propoze lo paz 143.  E avek sa nou ti a kontan remersye Mr Georges Tirant, Mr Francis Lebon avek zot Admin Officer ki’n trankil me mon krwar ki i pe ekout tre byen laba, Ms Selma Joubert e swet zot tou de bon.  Mon krwar nou tou nou apresye travay ki zot pe fer. E nou pou adjourn, nou ava retournen 4er pou nou pran Procurement Oversight Unit.

 

(BREAK)

 

PROCUREMENT OVERSIGHT UNIT & NATIONAL TENDER BOARD

 

MR SPEAKER

Bon nou ava kontiny nou travay kot nou ti’n arete e nou annan la dernyen 3 Unit. Nou annan Procurement Oversight Unit e nou annan Direkter sa Unit manmzel Annie Dugasse, mon krwar nou osi annan son Senior Procurement Inspector Ms Elsie Morel.  E nou osi annan Chief Executive Officer National Tender Board Madanm Marie-Nella Nancy.  Tou  le 3 i la nou ti ava kontan swet zot byenveni pou nou koz lo Procurement Oversight Unit ki lo 175 ziska paz 178 e mon krwar mon ti a’n kontan, nou ti’n diskit ek Finans mon ti a’n kontan  pran tou le  3, lot Unit se Small Financing Agency e 3enm se Public Enterprise Monitoring Commission ki 192, 196.  Nou ti a’n kontan dedye 30 minit pour sakenn amwen ki absoliman i annan kestyon ekstra; me mon ti ava kontan ki nou dedye 30 minit pou sakenn en fason ki nou ava kapab fini by 5:30 pm.  So mon ti ava fer en lapel avek tou dimoun pou pa fer statement me  plito demann kestyon presi klarifikasyon presi pou nou fer nou travay efikas e on schedule. Wi PS Payet ou annan en keksoz ou anvi dir?

 

PS PATRICK PAYET

Mersi Mr Chair. Zis pou azoute Mr Chair mon  zis propoze ki vi ki Procurement Oversight Unit i annan en relevan avek National Tender Board; akoz i annan 2 vot separeman enn lo paz 169,174 ki Procurement oversight Unit; apre lot  lo paz 175, 178 ki National Tender Board – si nou kapab pran tou le 2 ansanm si i annan kestyon – akoz i en pe relevan lo tou le de.  Mersi.

 

MR SPEAKER

Toutafe   e  mon krwar sa i en sizesyon tre bon – tre saz.  Si napa obzeksyon nou ava fer egzakteman sa.  Alor toudswit  nou ava al lo kestyon Onorab Ferrari.

 

HON JEAN FRANCOIS FERRARI

Mersi Mr Chairman. Mr chairman mon ti ava kontan remersye National Tender Board pou zot rapor pou 2015, tre detaye bokou lenformasyon ladan.  E mon kestyon se apard lefe ki mon vwar ki zot annan en kantite oversight ki zot in fer, en kantite travay pou analiz sa bann peyman, mon ti ava kontan demann en kestyon sirtou an relasyon avek konstriksyon.  Enn bann keksoz ki mon vwar bokou ladan se extension of contracts. E sa pou mwan i en pti enkyetan akoz mon ti ava kontan konpran kote nou pe al mal?  Eski bann project designers pa pe meet bann kalkil presi? Oubyen eski i annan en lese ale avek bann kontrakter ki pe profit en  pe lo sa bann zafer extension – akoz nou konnen ki poudir sa i area kot souvan  i annan overruns?  Mon donn zis en legzanp ki mon kon tre byen akoz i Mont Fleuri; Proposed retaining wall i Mont Fleuri Kontra i ganny approved an Mars 2015 e an Septanm 2015 deza nou pe vwar en contract extension. Eksplik nou en pe ki difikilte zot  annan dan Tender Board konmsi to keep the plan expenses to what the figures were?  Mersi.

 

MR SPEAKER

Madanm Nancy.

 

CEO – MRS MARIE-NELLA NANCY

Mersi Mr Chair. Mersi Onorab pou ou kestyon.  Onorab an verite parey ou’n vwar dan rapor parey ou’n mansyonnen, sa ki nou apel issue of extensions ek varyasyon i en konsern ki Board osi nou’n annan e nou’n sey  fer en pti pe legzersis en pti pe pli a profon pou nou osi sey idantifye pou ki rezon ki nou vwar bokou bann proze pe end up dan bann  varyasyon.  Sa ki nou’n konstate, se ki i annan diferan rezon.

1.Rezon prensipal se sa ki zot apel bann unforeseen events.  I annan de lenstans kot proze i ganny fer, proze i ganny enplimante parey dan ka Mont Fleuri kot par ler sityasyon on site ki zot come across – i arive ki zot bezwen sanz en pe scope louvraz, sanz en pe design e la zot bezwen  en instruct kontrakter pou fer bann louvraz adisyonnel ok? Sa i en opsyon.  Me selman parey ou’n mansyonnen osi i annan sa laspe osi kot nou’n idantifye kot paler nou vwar ki at the time ki proze pe ganny tender i annan tender document ki ganny fer e zot BOQ, i annan lenstans kot BOQ at the time of tender i annan bokou omisyon.  Sa i  de lapar bann sa ki nou apel bann project planning section ki fer ki an mezir ki proze pe ganny fer prezan ki sa bann keksoz pe rantre ladan e la  ankor i result dan bann project extensions, project variations. So lo kote board ki nou fer dan bann ka koumsa akoz nou osi nou bezwen asire ki sa amount ki pe ganny claim by the contractor i en amount ki zistifyab e ki fer sans. So ki nou’n fer dan bokou ka nou refer sa case kot Procurement Oversight Unit zot annan en seksyon ki apel Inspectorate Unit. So nou refer it kot zot, nou fer zot go on site al verifye si sa claim ki pe ganny mete i zistifyab. This is one.  E osi nou osi verifye sa BOQ pou additional works or varyasyon ki vini nou tant pou fer  sir ki sa rate ki sa kontrakter pe claim ;akoz i usually the same contractor ki lo site ki pe fer sa bout adisyonnel.  Nou verifye si son rate ki i pe claim is the same rate ki letan i ti tender sa bann bout ki dan proze menm, akoz si la i annan dekalaz, ou pou vwar  ki poudir be i annan en keksoz ki pa pe mars byen la.

So nou verifye tou sa la avan ki laprouvasyon i ganny donnen pou sa bann unforeseen, bann varyasyon. Mersi.

 

MR SPEAKER

PS Payet i anvi adisyonn en keksoz?

 

PS PATRICK PAYET

Zis pou azoute Onorab. I annan reform ki nou pe fer dan Public Investment Management Framework kot Minister Finans e en keksoz ki nou pe met lanfaz ladan se appraisal of project.  Nou pe met en Development Committee an plas  pou fer sir ki the process of appraisal before it goes to National Tender Board. Ouswa Procurement Oversight Unit i vin lo sa Development Committeee the appraisal of the project has been done thoroughly throughout; e diskisyon avek bann stakeholder. Par egzanp si ou pe al fer en lekol ou bezwen ou fer sir ou’n kalkil bann lezot resource ki vin avek dan lefitir. So ou bezwen fer sir ki dan Bidze avan ki proze i al kot National Tender Board proze in forecast pou the operational cost.

E secondly: par egzanp si ou pe fer en building kote semen pou pase e diskisyon in ganny fer avek bann lezot lenstitisyon  Gouvernman e sa nou pe met an plas dan sa reform – hopefully in the next two years letan sa i vin  an plas; ki sa osi i ou limit en pe sa bann cost overrun ki pou annan.

 

MR SPEAKER

Mersi PS. Onorab Ferrari ou annan en follow-up.

 

HON JEAN-FRANCOIS FERRARI

Briyevman. Eski mon kapab  ekspekte ki from Tender Board ki rediksyon bann claims for extension or the likes i en target ki zot, zot pe set pou bann lannen ki pe vini  it is reduced to a minimum? E eski ler zot Award bann kontra eski zot pa krwar ti en bon lide ki bann kontrakter ki annan tandans pou respekte bann pri e termin en louvraz dapre bann pri – se en kalifikasyon an plis to be awarded a tender e si i annan kontrakter ki annan tandans tro souvan pou annan cost overrun e zot,  zot perdi sa lavantaz, en pti pe en lavantaz stratezik dan building. So sa i mon 2 kestyon e mon remersye zot.

 

MR SPEAKER

CEO.

 

CEO – MRS MARIE-NELLA NANCY

Mersi Onorab ankor pou ou kestyon. I vre ki petet Tender Board i kapab konsider reduction in varyasyon additional work koman en target pou nou. Me selman parey si ou pou get dan Lalwa, bokou sa bann manda koumsa i ganny trouve anba Regulatory Body ki Procurement Oversight Unit; ki Board nou tant pou fer, nou tant pou refer nou bann konsern, nou bann issues avek POU pou zot take up avek Minister. Me selman parey ou’n dir wi i en konsern ki  nou’n targete e wi nou ti a voudre vwar i ganny redwi dan lefitir.  Konsernan issue about kontrakter ki petet i kapab ganny en advantage ‘sort of’ nou bezwen get pti pe lo 2 kote la. Akoz lo bokou lenstans kote cost overrun i pa neseserman at the expense of the contractor.  Li i senpleman pe ganny instructed pou fer sa bann louvraz. So mon krwar travay prensipal i devret ganny fer lo nivo Minister – lo nivo sa project entity ki pe enplimant sa proze, pou zot ensure ki letan en proze i ganny tender out, i ganny tender out konpletman; ki nou pa me omit nanryen e ki at the end of the day then son kou adisyonnel i pou redwir.  Mersi.

 

MR SPEAKER

Mersi. Mon osi mon dakor sa i en keksoz enportan ki en pti pe dan  mon lespri.  E mon a donn parol Onorab Prea  konmsi ou pe fer  lo menm laliny, non?

 

HON NICHOLAS PREA

Mersi. Zisteman lo la Mr speaker.  I pa zis parfwa overrun extension i osi lenkonvenyans ki serten proze e kontrakter i pran, i pa fini dan serten dele letan.  E petet ou’n mansyonn nou pe al aprouv  en Bidze pou zot, ou’n mansyonnen sa Unit Lenspeksyon.  I enportan mon pe pran en legzanp dan sa proze dan Vale Le Niole ki’n overrun way past son deadline – I am sure ki i riske  annan cost adisyonnel lo la, kot ou ganny kontrakter ki pran en travay, i met 12, 15 zonm lo site, i tay avek en lot travay, i tir 9 zonm lo site i kit 3 deryer  lo sa proze e i tay ek en lot travay i pa delivre a-tan  e apre i sa…So nou  ti a kontan ki sa seksyon Lenspeksyon tou i travay e Bidze i fer lokasyon pour sa pou zot kapab delivre.  Mersi.

 

MR SPEAKER

CEO.

 

CEO – MRS MARIE-NELLA NANCY

Mersi Onorab. Parey mon’n dir sa Seksyon Inspectorate son provizyon i anba Procurement Oversight Unit e mon krwar i annan en, mon plis ki sir ki i annan en Bidze ki’n ganny mete.  Me selman in view ki Board nou napa sa seksyon nou servi sa resours pou ed nou pour fer sa.  Me selman letan nou pou vin lo issue enkonvenyans avek bokou bann kontrakter, ki tant pou pran louvraz pa fini; again anba Lalwa i annan provizyon dan bann ka koumsa kot sa kontrakter i ganny sa ki nou apel debar from participating dan prosen tender.

 

Me selman prosedir mannyer i ete anba Lalwa, i toultan ki fodre sa Minister i lans en request to Procurement Oversight Unit pou dir look in view of bad performance of so and so we wish to debar li  anba en peryod letan fix. E la letan POU i sipoze fer son investigation pou gete si vre there is merit in the claim apre pou sa ganny aplike.  Me ki nou pe vwar ozordi se ki bokou Minister pa  pe pran sa zouti dan zot lanmen pou zot vin devan e pou zot demande pou zot debar kontrakter.  Rezon zot in donnen i varye; enn ler zot dir ou Sesel i ti pti taler sa kontrakter i target zot and whatever. Me at the end of the day nou vwar nou lo sa issue nou ankor pe  vir an ron. Actually i en konsern ki nou osi Board nou’n mete dan nou annual report kot nou ti a voudre vwar once and for all si en dimoun pa pe perform, nou pe pran  en pe mezir  en pe pli sever.  Mersi.

 

MR SPEAKER

Mersi CEO. Onorab Algae ou ti annan enn dan menm laliny non?

 

HON EGBERT AGLAE

Yes.

MR SPEAKER

Ok.

 

HON EGBERT AGLAE

Wi Mr Chair mwan mon ti oule met en lanfaz osi lo sa ki Onorab Ferrari in demande so i annan serten pratik  osi ki nou bezwen pran kont kot i annan bann kontrakter ki li son job i la zis pou tender ‘lower li.  I fer sir ki li i gannyen me selman i konnen ki i pa pou kapab fini sa travay e la li i ava ale i ava al demann pou adisyonnel.  E dan sa ka mon pe demann avek Procurement Oversight si zot…kan ki zot ganny en ‘red flag mon kapab demann ou ki sa bann ka ki pe repetitif avek en Lazans or a Minister e ki zot pou fer dan sa ka parey nou’n dir la?  Akoz sa pratik i en pe souvan mon krwar.  Mersi.

 

MR SPEAKER

Mersi. The Director oubyen CEO.

 

DIRECTOR – MS ANNIE DUGASSE

Mersi Mr Chair. Bon apre midi tou Manm Onorab.  Mersi pou kestyon.  Lo kote kestyon  Onorab nou okouran sa bann pratik kot i annan sa bann kontrakter  – sirtou parfwa ki par ekspre parfwa i fer bann low bids dan en sans  pou li  kapab claim ankor  adisyonnel, me selman i bon note  osi ki letan nou award kontra, letan Board oubyen konmite i award Kontra i pa neseserman award the lowest bidder.  Lalwa i kler lo la.  Normalman  i annan en serten kriter anglobe ki Board oubyen Komite i get lo la avan ki award sa Kontra; savedir i pa neseserman sa bidder kanmenm in fer the lowest i pa neseserman ki i oblize pou ganny sa Kontra. Me lo kote  ‘red flag osi parey CEO in mansyonnen – bokou fwa Minister mannyer i operate ozordi, i zis tant parey nou kapab dir, zis i dir.  I pa dir nou formelman ki i annan serten kontrakter ki pa pe perform. I annan bokou ka kot zot zis zot vin dir ou enformelman me parey Lalwa i dir Lalwa i kler; en Minister pou kapab reakte pou kapab fer en investigation pou nou kapab fer sa prosesis debarment parey Lalwa i rekomande i bezwen ekri nou formelman pou nou kapab fer  sa.

Be tan ki i pa fer sa i fer sa verbalman Lalwa i anpes nou reakte dan sa fason.  Nou ankouraze Minister pou met zot bann keksoz an ekri.  Akoz nou’n gannyen ka, ka selman i vreman minimal. Annefe pou sa lannen nou’n ganny nou zis 2 ka.  Lannen pase nou pa’n ganny ditou ka.  Me si Minister i pran zot responsabilite zot vwar  poudir en kontrakter pa pe perform mon krwar i pou ed lezot kontrakter osi pou lev en pe zot nivo si zot reakte zot fer prosedir normal neseser ekri nou zis en pti let senp by zot CEO oubyen zot PS. E nou from our side through the Inspectorate Unit ki egziste, nou fer nou envestigasyon nou osi apre nou pran en desizyon si pou debar e ki  dirasyon sa debarment pou dire osi.  Mersi.

 

MR SPEAKER

Tre kler. Onorab  Woodcock.

 

HON WAVEN WOODCOCK

Mersi Mr Chair. Mon kestyon i konm swivan.  Mon’n aprann ki i annan en nouvo Task Force ki pe ganny set up, ki pe ganny etabli pou inner island; that is Praslin, La Digue pou determinen lekel ki ganny kontra pou netway semen, lans e tir bin salte pou met landfill.  Sa Task Force pou ranplas rol Tender Board e tou bid inner island pou vin devan sa Task Force. So eski sa pa en konfli lentere?  Dan lepase nou’n vwar ki lamazorite kontra Praslin in ganny donnen antre zanmi e fanmir e menm dimoun pe ganny preski tou kontra lo Praslin – sa i vreman obvious e piblik Praslin i konsernen lo sa size; e eski pou annan la transparans dan sa nouvo Task Force e eski i pou ganny reprezante par bann dimoun enparsyal me non pa bann aktivis Parti Lepep?  Mon ti a kontan ganny en pe plis leksplikasyon lo sa Task Force?  Mersi bokou.

 

MR SPEAKER

CEO Nancy.

 

CEO – MRS MARIE-NELLA NANCY

Mersi Mr Chair. Mon krwar sa kestyon i en kestyon Regulatory mon a les Direkter POU take up this one.  Mersi.

 

MR SPEAKER

Madam Director.

 

 

 

DIRECTOR – MS ANNIE DUGASSE

Mersi Mr Chair. Mersi pou kestyon.  Annefe lenformasyon i korek.  I sipoze annan  en Task Force me sa Task Force i pou ganny kree spesifikman pou fer Government cleaning contract, cleaning tenders. Ki nou pe fer similer -man parey lo Mahe i annan en Task Force ki pe ganny kree similer-man parey lo Mahe e nou pe batch up bann cleaning tender. Sa pou  konpri 4 lorganizasyon, i pou konpri LWMA, Ledikasyon, Lasante avek Lanvironnman e sa i pirman pou  netwayaz lanmar, netwayaz lekol, netwayaz lopital.   E zistans ki’n arive so far sa Task Force has just been created, formalite pe ganny fer pou submit en paper to Cabinet pou ganny approval subject to the approval of PS Finance ki nou ankor an diskisyon avek.  E pou le moman  nou pa kapab devwal bokou lo sa Task Force given ki i pa ankor ganny bann approval neseser, me selman formalite in fini ganny inisye pou nou kapab komans …pou sa Task Force konmans fer son louvraz; savedir i annan serten kestyon ki ou’n poz mwan pou le moman mon pa pou kapab reponn ou, me subject to once ou’n ganny aprouvasyon in fini pase, tou lenformasyon pou kler. Sa Cabinet paper once i pase  tou dimoun pou ganny en kopi e lenformasyon  pou kler ladan konsernan sa tender. Mersi.

 

MR SPEAKER

Mersi Ms Dugasse. Onorab Mondon.

 

HON TERENCE MONDON

Mersi Mr Chair. Mon kestyon i relye  avek  bann Minister ouswa Lazans ki pa respekte Lalwa Prokirman e sa i vreman dezapwentan akoz i annan  en kantite sa bann ka e bann ka i repete; par egzanp dan Minister Ledikasyon in repete pour plizyer lannen.  Kwa ki zot pe vwar i ki i en mankman swa dan zot Lalwa ki pou kapab fer ki zot kapab met lord ek bann Minister ki vreman pa respekte Lalwa Procurement? E sa i pe kout nou Pei en kantite akoz laplipar di-tan sa bann keksoz, nou perdi sa bann larzan at the end of the day. Mon 2enm pti bout kestyon se zis eski zot National Tender Board ler zot pe evalye bann proze zot annan kapasite pou evalye tou sort kalite proze ouswa si zot annan serten mankman o nivo bann proze spesifik, ki kekfwa petet  zot napa sa dimoun ki kapab  evalye byen sa proze.  Par egzanp dan Lasante i annan bann keksoz spesifik kekfwa ki zot napa serten  manm, ki zot sityasyon aktyel?  Mersi.

 

MR SPEAKER

CEO.

 

CEO – MRS MARIE-NELLA NANCY

Mersi Mr Chair. Mon krwar mon pou take up sa kestyon akoz i pli relate ek Tender Board; with the issues about Ministries ki mannyer pou tackle zot ma les avek direkter POU. Mon krwar en bon kestyon Onorab. Tender Board parey Lalwa i prevwar i appraise proze par lao 775mil ok, e mannyer i marse se ki sa proze once i’n fini ganny ouver sa Minister i travay lo son rekomandasyon atraver en rapor e i anvoy sa rapor kot Tender Board kot la anba Lalwa nou fonksyon i kler; swa si nou agree avek prosedir ki’n ganny fer avek rekomandasyon proze i ganny aprouve.  Si nou feel ki i pa’n ganny fer byen i ganny rejected e i annan de ka kot i annan serten pti mankman da rapor e la Board i kapab  demande pou reevaluate.  Me selman parey  ou’n mansyonnen i annan serten proze  ki anba Lalwa i ganny exempted ki pa vin kot Board; par egzanp ou pou vwar bann donor funded projects.  Si letan ou annan en proze fer krwar anba BADEA ou whoever ki pe donate sa larzan, li in fini dir ou poudir mon anvi ou swiv mon procurement method -definitivman i pa pou vini kot Tender Board.  I annan ankor parey konmela nou tann nonmen bann PPP ziskan prezan PPP i pa en keksoz ki antre anba nou Lalwa. So i pa pe vin kot Tender Board.   Pour Lasante bann gro proze i sipoze vin kot Tender Board me selman mon krwar lo kote medicines bann keksoz ki spesyalize pou zot sa i annan en lot prosedir ki POU i allow zot pou servi.

 So i en pti pe dan sa laliny mannyer i marse.  So mon krwar i enportan osi pou Manm piblik letan zot a lekout pou zot letan zot tann en Tender – pa akoz i en Tender ki zot krwar ki tousala i vin kot Tender Board.  Nou bezwen konn byen ki son bann spesyalite e si i en keksoz ki  tonm anba purview of Tender Board.  Mersi.

 

MR SPEAKER

Director Dugasse ou oule azoute?

 

 

DIRECTOR – MS ANNIE DUGASSE

Mersi Mr Chair.  Zis pou azoute lo sa ki CEO in dir sirtou lo kote Lasante given ki sirtou son bann Procurement of medicine ki en pe vreman spesyalize e spesifik e pou  Lasante nou’n allow zot pou set up zot prop Procurement Committee ki appraise sa bann Procurement medicine menm parey Board ti pou fer. Given son nature i vreman spesyalize apre zot bezwen li ase vitman nou’n deside, en pe  letan pase annefe, nou’n allow zot pou set up zot prop Procurement Committee ki deal avek sa bann medicines; spesyalman zis pou medicine. Me selman leres zot bann procurement i swiv normal prosedir parey lezot Minister. Apre osi lo kote lezot Procurement Committee ki nou annan, i bon note osi ki letan Manm i ganny selekte lo Komite i ganny selekte depandan lo son skills parey nou annan en Komite pou Civil Works similar parey Tender Board li osi i annan son threshold, i aprouv proze par  anba R750 mil, konmansman 150 mil.  E lo sa Komite given ki i pirman Civil Works nou fer sir ki son bann Manm i konpran byen konstriksyon e sa bann Manm i pirman swa bann QS swa bann enzenyer ok?

Lo premye kestyon lo kote non- compliance:  wi nou  dakor i annan bokou non-compliance sirtou lo kote procurement prosedir.  Rezon pour sa i varye.  (1)  Premyerman fondamantalman rezon se planning e nou annan very, very poor planning dan bann Minister ki par ler nou vwar  ki procurement zot pa’n plan byen zot procurement – ki bokou fwa procurement i ganny fer vitman, vitman.  I ganny taye vitman, vitman e prosedir pa ganny swiv.  2enm petet rezon se mank resours osi nou konnen ki procurement i en field ki nou pa aprann dan laklas.  I pa ganny teach okenn par.  Ou bezwen aprann li an mezir ki ou fer. E pou ou kapab fer procurement ou bezwen konpran li e nou’n ganny operate anba en Lalwa e regilasyon e ou bezwen konpran li byen.  E parfwa  i annan bann Staff dan Minister ki pa tro konpran byen sa prosedir. E nou lo nou kote ki nou pe sey fer  nou pe ogmant nou sansibilizasyon.  Nou fer training pou Staff in-house. Nou menm al dan bann Minister nou fer prezantasyon avek son management.  Zis dan sa lespri pou nou kapab ed zot pou zot konpran byen procurement, ed zot bann Staff fer byen procurement pou zot kapab swiv procurement procedures ki byen.  Mersi.

 

MR SPEAKER

Mersi Ms Dugasse. Onorab Valmont.

 

HON JUDE VALMONT

Yes, mersi.  Bonn apre midi Mr Speaker.  Bonn apre midi tou koleg Onorab.  Bonn apre midi Minis e ou delegasyon.  Mwan mon pe demann en kestyon zis mon bezwen met an perspektiv avan se ki nou dir gaspiyaz i pli grav ki koripsyon.  Alor mwan  mon pe demann en kestyon dan sa laliny i bezwen zot sitye zot byen.  Sa kestyon se ki i annan okenn provizyon ant 2017 ler mon get  paz 169 bullet point 3 anba ‘agency strategic priorities’ 2017 ziska 2019 i mete klerman 3enm pwen; pour increase kapabilite inspectorate pou carry out more procurement inspections. Alor mwan mon kestyon i dan laliny lenspeksyon.  Mon anvi demande konbyen lenspekter zot annan an se moman?

E si zot annan plan increase e konbyen zot in demande e konbyen zot pou gannyen lenspekter, pour fer sir ki bann proze ki pe deroule dan bann distrik i ganny enspekte lo en basis regilye e menm spontane; pa neseserman ki distrik i ekri zot, me spontane pou garanti ki sa kalite proze ki fini by the end of the day ou pa vwar gaspiyaz; ou pa vwar ki zot bezwen refer e gaspiy larzan ki larzan tax larzan lepep.  Mersi.

 

MR SPEAKER

Mersi. CEO.

 

DIRECTOR – MS ANNIE DUGASSE

Mersi Mr Chair. Mersi pour kestyon.  Lo kote Inspectorate Unit nou annan nou 4 staff pour le moman.  Nou annan nou en Senior Procurement Inspector apre no annan 3 Procurement inspector. E zis pou azoute zis lannen 2016 bann Staff in inspect 58 proze e zot pa enspekte proze per se zot get sa procurement process ki sa proze in pas ladan.  Proze, – Proze, lenspeksyon Proze sa i ganny fer anba Minister Finans.  Lo kote nou inspectorate Unit ki nou focus lo la se sa prosedir ki sa proze in pas ladan ziska ler in ganny award. Apre osi dan Bidze  nou’n fer provizyon sa lannen 2017 pou nou recruit ankor en Procurement Inspector.  Mersi.

 

MR SPEAKER

Mersi Direktris. Yes Mr Valmont en follow-up?

 

HON JUDE VALMONT

Zis en pti follow-up.  Me eski ou krwar i ase zis enn ankor ekstra i pou ase? Oubyen…?

 

MR SPEAKER

Director.

 

DIRECTOR – MS ANNIE DUGASSE

Mersi Mr Chair. Mersi pour kestyon. To be honest definitivman non, me selman pou sa lannen nou’n ganny nou Bidze pour enn me selman petet dan ‘Supplementary PS ava konsidere pou donn nou en plis Staff – plis resours.  Mersi.

 

MR SPEAKER

Mersi. Onorab Larue.

 

HON FLORY LARUE

Mersi Mr Speaker. Parey nou pe vwar nou bezwen vey byen nou larzan, akoz partou i manke, mank bout.  Lo paz 175 pou National Tender Board nou vwar pour zot ‘strategic priorities’ 2017 – 2019 zot koz direkteman lo It ek zot resours pou update zot website e si nou pou al lo website li menm nou pou vwar ki zot website pa update.  Zot Archive i ale ziska…dernyen i 2014 e zot  menm zot, zot in dir ki piblik i bezwen sa. Alor ki zot in fer e ki si sa ki la ki Minis Finans i la ki nou kapab fer pou asiste ki  sa i vin pli up to date akoz nou’n vwar SLA taler in eksplik nou byen menm  ki zot, zot pe al konpletman dan sa direksyon moderniz zot servis; e alor dan zot kote  ki si sa ki zot bezwen pou fer li modernize?  Prezan taler ou’n eksplik en pe Ms Dugasse lo kote en mank konprenezon lo ki mannyer en Procurement i marse so kekfwa  pran mwan en pe dan sa lide mank konprenezon.  Anliny avek….

 

MR SPEAKER

Ou kestyon Onorab Flory.

 

HON FLORY LARUE

Wi mon pe demann kestyon.  Anliny avek latransparans ek rann kont e avek sa mank later eski ou kapab klarifye lavant later konble H1952 ki’n ganny vann avek Green Tree Investment pour R1. Sa later i 5.5 acres e State Land and River Reserves Act i dir;’’ all sales of State Land shall be by public auction or by Public Tender or of any State Land that is over 5 acres. Eski sa later ti an vyolasyon sa Lalwa? Eski ti annan en Tender pou sa bout later pou R1 to Green Tree Investment silvouple?

 

MR SPEAKER

Ok. Mersi. CEO.

 

CEO – MRS MARIE-NELLA NANCY

Mersi Onorab pou ou kestyon. Nou a pran nou premye issue ki ti about nou website. Parey nou’n deza diskite lo la, mon krwar atraver en konversasyon telefonn osi mon pa tro asire nou ti pe diskite nou website ti annan en major issue last year ,kot nou ti ganny en difikilte teknik pour nou upload nou bann tenders; akoz ki i arive every week POU i batch tou bann advert bann open tenders ki i annan and at the same time ki zot anvoy kot ‘NASYON pou met dan newspaper nou osi nou ganny en kopi pou nou upload lo nou website. So nou ti annan sa difikilte last year, nou’n sey struggle malgre parey nou dir en kontrent finansyel e avek led DICT nou’n kapab sey reconstruct nou website e and get it back up and running.  Me selman parey nou’n dir, parey ou’n mansyonnen nou Archive nou ankor pe input en kantite lenformasyon pou met lo la.

I pou pran  en pti pe letan, bear with us. Me selman we are getting there.  The issue is parey ou’n mansyonnen in terms of resours. At present Tender Board Secretariat i annan zis 3 Staff mwan menm ek 2 lezot Staff. So you can imagine dealing avek nou issue with nou Board letan i meet tou le semenn, on top mon pa konnen  si zot okouran nou asiste bann Minister avek tender opening. So sa 3 Staff ki fer sa.  Bann lannen pase nou’n annan bokou bann tender opening.  I annan de zour ou pe fer 4,5,6 and ou pe sey fit tousala. So nou end up avek mwan menm enn sel Staff ki at the end of the day pe sey upload tousala pe sey mete. So i en pti pe, nou lanmen i en pti pe anmare, me selman nou’n sey nou mye.  Nou konsernen avek ou issue and we will take it up as soon as possible. Me selman sanmenm sa nou ki nou’n fer sa request avek Minister Finans e ki provizyon in ganny fer dan nou Bidze sa lannen pou nou ganny one more Staff ki nou hope i a  kapab ed nou pa just with the website but ek nou administrative duties as a whole. Ok? With regards to sa issue later ki ou ti mansyonnen anyway i pa en keksoz ki to mon knowledge in vin kot Tender Board. Me selman anba Lalwa procurement bann sale of or even purchasing of immovables and properties are exempted anba seksyon 3 dan Lalwa ok? So mon pa krwar i en  keksoz ki ti pou vin kot Tender Board anyhow. Ok?  Mersi.

 

MR SPEAKER

Mersi CEO. En kestyon from Onorab  Sebastien Pillay.

 

 

HON SEBASTIEN PILLAY

Mersi Mr Chair. Mr Chair mon  ti oule seek en klarifikasyon avek Procurement oversight Unit avek National Tender Board. Ti annan en plan pour ki bann Tenders i ganny fer piblik an relasyon avek bann gro proze mon krwar i annan en mansyon lo la pou increase transparency lo la. To what extent are you moving in this direction? E dan menm laliny an relasyon avek procurement fer par bann entities ki pa neseserman budget-dependent, me ki posibleman Gouvernman pou bezwen end up al pret zot  larzan si zot bann procurement dan sa bann konteks pa marse, comes to mind  petet  si SEYPEC oubyen en lot PUC, eski Gouvernman i annan plan pou revwar striktir tender dan pei pou asire ki si par egzanp  mwan mon en entity mon pe aste en keksoz, sa keksoz ki mon aste i valer, i fer  sa ki i sipoze fer e ki apre nou pa bezwen vin kot Minister Finans. Taxpayers pa bezwen donn en supplementary pou kouver depans ki nou’n fer anba sa tender. Mersi Mr Chair.

 

MR SPEAKER

CEO? Si ou annan plis transparans the National process of tendering projects. PS ou oule reponn?

 

PS PATRICK PAYET

Mersi Mr Chair. Mersi Onorab pour sa kestyon.  Zis pou azoute mon krwar Prezidan in demann nou pou fer en current assessment of – spesyalman avek bann SOEs bann Public Enterprise akoz currently some of them are exempted, zot exempt from the Procurement baze lo existing Lalwa ki egziste.  Aktyelman nou Staff pe work avek POU pou vwar en framework ki zot pou bezwen tonm ladan.  E in the first quarter nou pe rekomann something to Cabinet e pou annan amannman Lalwa ki pou vin devan Lasanble. Hopefully in the second quarter pou annan amannman dan Lalwa.  E zis pou azoute in regards to the transparency mon krwar most, laplipar Tender i ganny fer, i ganny mete lo website, lo bann newspapers e osi ki nou envit dimoun par egzanp letan i annan Tender opening -ki nou envit dimoun ki’n participate dan Tenders pou zot kapab la e sinyen once ki zot pou verifye en pe bann dokiman ki’n ganny submit.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman e bonn apre midi tou bann dimoun. Mr Chairman letan mon pe ekout tou bann keksoz ki deroule la, mon ti ava kontan demann zot bon travay ki zot pe fer, me selman malerezman  i resanble ki Tender Board avek Procurement Oversight Unit konmsi ou a krwar zot, zot okip  bann ptipti keksoz; bann ptipti sonm me si PUC i anvi en  zenerater ki kout sepa konbyen milyon sa pa konsern zot.  Si Airport extension pou al kout sepa konbyen 150milyon ankor 1 fwa sa i an deor zot kontrol.  Si lasose pe ganny fer ankor i fwa sa pa konsern zot.  E se laba kot parey  – Mr Chairman ti  dir pli boner zak i pli gro, gous i pli gro.  Se la kot dalon i ganny dalon e se la  kot sa koripsyon i rantre.  E alor mon kontan letan mon pe antann ki pou annan nouvo Lalwa e sa ki mwan mon pe swete ,se ki letan sa Lalwa i vin devan sa Lasanble  tou keksoz dan sa pei i pas atraver proper Tender process, pou nou kapab lager  kont sa bebet ki apel koripsyon. Mr Chairman dan sa menm laliny sa ki nou’n tann nonm PPP. PPP pa PPP li.  Napa nanryen Private ladan.  It is Public Public Partnership parski sa ki nou pe dir Private se prensipalman GICC.  E GICC i  soz Gouvernman e ankor enn fwa se bann gro proze kot napa Tender; kot napa tender; par egzanp regard Independence House Annex ti napa okenn tender e zis nou vini nou tande in kout sepa konbyen bann gro milyon. So, eski nou kapab…e mwan mon siport zot antyerman dan sa ki zot pe fer -parski definitivman apre midi la mon’n tann konpetans pe koze. I mean zot tou le de zot in koz avek Ms Mathiot..

 

MR SPEAKER

Ms Dugasse.

 

HON WAVEL RAMKALAWAN

Wi, wi Ms Dugasse. Non, non letan mon regard li mon trouv sa figir Mathiot St Louis ki alor se sa …Sorry. Avek madanm Nancy ki definitivman se konpetans e Mr Chair mon kapab dir se i parey sa menm lantouzyazm ki nou ti vwar avek Mr Lebon e  Mr Tirant pli boner.  Me selman ankor enn fwa nou pe donn zot responsabilite me selman nou pe dir avek zot aret la, e alor wi mon kestyon Onorab Gill se …

 

(LAUGHTER)

 

MR SPEAKER

Wi kestyon Onorab Ramkalawan.

 

HON WAVEL RAMKALAWAN

Wi i kler Mr Speaker ki nou Lasanble pe ed myse, Onorab Gill parski i konmans konpran ki poudir ou bezwen konmans demann kestyon. Parski …

 

(LAUGHTER)

 

HON WAVEL RAMKALAWAN

Mr Chairman ki zot pe fer egzakteman pou zot pouse, pou zot pouse e dan sa papye ki zot pe met pou al devan Cabinet ki zot pe pouse pou ki once and for all, nou kapab regard tou sa bann keksoz dan en fason kler e ki nou pei i ava konnen ki poudir la i la direksyon ki nou pe ale.  I pa pou en pe, en pe pou lot.

Me zis pou fini ki prosedir ki zot annan enternman, internally pou zot investigate okenn manm ki zot santi i ape  travay avek dimoun an deor?  Eski zot annan en mechanism of internal auditing? Thank you very much. 

 

MR SPEAKER

Petet sa dernyen pwen CEO i a kapab reponn – me lo en pwen zeneral ki Onorab Ramkalawan in lev-e i en pwen ki mon krwar i konsern nou tou.  Tou lede kot latab e sa petet Minis e PS i a koz lo la apre.  Me petet CEO ou a kapab pran sa dernyen pwen lo prosedir internal.

 

 

CEO – MRS MARIE-NELLA NANCY

Mersi Mr Chair. Mersi Onorab.  Lo kote Manm Tender Board at present ki nou annan parey zot in vwar dan zot Annual Report nou bann Manm i reprezant diferan lorganizasyon ki’n fini ganny dikte dan Lalwa.  Parey  nou annan Manm reprezantan CEPS, SCCI, BAR Association, Accounting Professional e 2 Manm  sekter piblik.

So it is more private. Most of the time actually parey letan zot komanse zot konnen poudir parey whenever there is a conflict of interest. Akoz dan Lalwa i kler, si ou annan en close relative ki pe partisip dan tender ou sipoze disclose so nou practice sa byen. The minute ki en Board member i vwar ki la mon annan en konfli lentere, I know so and so dan tel lakonpannyen i sorti from discussion e lezot Manm ki take the discussion purely, because nou pa anvi ki demen nou tann ki entel i ser ek entel or i frer ek entel so that is why is pe donn sa Kontra.   So ziskan prezan sa prosedir in mars ase byen ki nou pa  ankor parey ou pe dir, set up okenn internal procedure pou dir sa enn Manm in  mal akte so nou bezwen fer koumsa. In the event ki nou fer fas ek en sirkonstans koumsa then definitivman the correct procedure ava ganny fer ek sa manm.  Me selman parey mon pe dir pou le moman nou pa ankor ni ganny okenn en whistleblower pou dir sey tyek sa enn manm akoz nou feel petet i pe lenfliyans tel  and tel desizyon.  Mersi.

 

 

MR SPEAKER

Mersi CEO. PS Payet ou  oule fer en komanter ouswa Minis?

 

PS PATRICK PAYET

Mersi Mr Chair. Mersi Onorab.  Zis pou azoute osi apard ki amannman  Lalwa procurement ki nou pe vin avek, nou pe vin avek en nouvo Lalwa  fer PPP e nou pe dir ki okenn PPP there’s needs to be tender ki ganny arive.

So okenn…par egzanp si demen Gouvernman i anvi fer rehabilitation of the Port of Victoria i deside fer  en joint venture i bezwen annan en proper tender process ki ganny arive. Nou pa kapab zis selekte one individual or one entity.  Nou bezwen kapab zistifye their proposal. So tousala i Lalwa ki nou pe …Currently nou pe finaliz Lalwa avek Attorney Zeneral before nou start the white paper stage pou kapab diskit further avek the public ek Manm Lasanble osi before i vin devan Lasanble.  E secondly in regards to the amannman of POU sa mon krwar i en keksoz ki nou pe pran li serye akoz  par egzanp PUC konmela i follow all the procurement process, me tandis ki bann lezot SOEs kekfwa zot ki pa ganny larzan dan Bidze; but at the same time it  is public funds at the end of the day. So ou vwar zot procurement process i ganny zis endorse by Tender Board me selman zot pa pe follow sa process.  E nou, nou pe dir ki we have to amend this e fer zot follow the process as well. Me selman en keksoz ki nou’n vwar ki  we have to build the kapasite kot POU avek National Tender Board akoz mon konnen sa kantite ki zot pou bezwen absorb the volume i pou en kantite.

 So definitivman zot pou bezwen build the kapasite osi.

 

MR SPEAKER

Mersi PS. Minis ou Ok? Ou pa oule azout nanryen? Wi Minis.

 

MINISTER PETER LAROSE

Mersi bokou Mr Chair. Zis pou azoute avek PS Payet si nou regard tit sa Agency i apel National Tender Board. Nenport ki proze Nasyonal i sipoze pas  kot National Tender Board.

 

MR SPEAKER

Mersi. Ok Minis? Fini.

 

 

MINISTER PETER LAROSE

Wi.

 

MR SPEAKER

Mersi Minis Larose pour sa leklersisman. Mon krwar sa pwen ki’n fer sorti se tou dimoun pti ou gro, pou pti proze, gro proze X oubyen Y i bezwen pas atraver National Tender Board. Ou’n donn nou sa garanti.  Mon ti a kontan zwenn lezot Manm Onorab ki’n koze pou dir nou enpresyonnen avek professionalism CEO Madanm Marie-Nella Nancy e Director Procurement Oversight Unit Ms Dugasse e sirman son Senior Procurement Inspector Ms  Morel ki osi la.

E avek sa nou a pran en vot lo Procurement Oversight Unit. Son vot i lo paz 169 to 174.  Ansanm nou a pran tou le de ansanm avek National Tender Board 175, 178 unless i annan okenn obzeksyon – nou ava pran tou lede ansanm.

Tou bann ki ‘pour lev zot lanmen? Okenn dimoun ki kont lev zot lanmen?

Clerk?

 

MADAM CLERK

Mersi Mr Chair. Mon’n rikord 26 Manm an faver e personn kont.  Mersi.

 

MR SPEAKER

Mersi Clerk. Savedir Bidze pour Procurement Oversight Unit ek Bidze pour National Tender Board in ganny aprouve par Lasanble Nasyonal.  Mon ti a kontan  remersye Ms Dugasse, Madanm Nancy e Madanm Morel pour zot letan ki zot in vini pour pas avek nou.  Nou swet zot tou de bon pou fer sir ki keksoz i mars byen annord e ki personn pa servi zot lotorite oubyen zot non pou pas atraver Tender Board. Mersi e nou a eskiz zot.

 

MRS MARIE-NELLA NANCY AND HER DELEGATION WAS EXCUSED FROM THE HOUSE

 

 

SMALL BUSINESS FINANCING AGENCY – SBFA

 

MR SPEAKER

Pou le moman nou a pran lot Agency e nou  a demann Mrs Rosanda Alcindor pour vin devan silvouple.  Li i Chief Executive Officer pou Small Business Financing Agency lo paz 187 to 191.  187 to 191nou a ankor dir ki nou sey pran sa enn Agency avan ki nou pran sa enn dernyen lo 30 minit menm mwens si nou kapab. E ankor pa fer statement, demann kestyon e direk. E nou a konmans avek en kestyon par dimoun. Madanm Alcindor byenveni.  Asiz obor PS Payet ki ou PS, parent Minister, Minister Finans.  E ankor Mrs Alcindor nou pou al direk lo kestyon ou Agency, Small Financing Business Agency e ou a anmenn okenn leklersisman.  Okenn kestyon sorti kot okenn Manm dan Lasanble?  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mon ti a kontan  ki Lasanble i ofer SBFA loportinite pou reakte lo sizesyon ki …oubyen ki SBFA i donn nou en leksplikasyon lo … la mon lo paz 188 dan zot  bann Bidze, Consolidated Bidze.  Eksplik nou en pe ki mannyer an 2015 zot total reveni, zot total ki zot gannyen i 53milyon, an 2016 i 51milyon, e apre sa 3 lezot pou sa lannen i 32milyon e forecast pou lannen 2018, 2019  i osi 32milyon.  Eski akoz lannen 2015 e lannen 2016 ti 2 lannen eleksyon ki sa ekstra larzan ti ganny mete dan sa Fon pou zot partaze dan sa bann lannen koumsa? So sa i mon kestyon.  Mersi.

 

MR SPEAKER

Madanm Alcindor.

 

CEO – MRS ROSANDA ALCINDOR

Mersi Mr Chairman. Mersi Onorab.  Onorab i annan detrwa lannen ki Gouvernman pe met bokou lanfaz lo pti biznes e ki fer ki bokou dimoun sirtou bann zenn i vin kot nou pou lasistans e nou fer  fas avek bokou request e i annan osi  labank komersyal ki pa pe ede akoz bokou dimoun  i vin kot nou i dir nou ki zot al kot labank komersyal e labank i dir zot  vin kot nou.  Nou, nou pli lenient an term nou collateral, nou napa personal contribution e nou lentere i 4.5 i 4.7 poursan. so se sa rezon ki nou annan en flood of bokou request ki vin kot nou e se sa rezon  ki ou vwar i annan sa. Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Mr Speaker kekfwa CEO i kapab  eksplik nou.  Vi ki sa lannen ki nou ladan ek lezot lannen i paret ki klima  lenvestisman, klima politik in byen apeze, tou keksoz pe mars tre byen nou ti ava ekspekte ki bokou dimoun ti ava vin demann ankor en pe loan dan sa lannen ek dan lezot lannen akoz eski larzan pour loan i redwir.  Mon ti ava ekspekte ki demann ti ava kontinyelman ogmante. So sa i en leksplikasyon e mon ti a kontan ou kapab dir avek nou Lasanble dan sa bann loans ki zot in fer an 2015 ek 2016 ki ou assessment, donn nou en picture zeneral lo repayment? Eski i normal oubyen i annan bann  keksoz ki pe pase?  Mersi.

 

 

MR SPEAKER

Madanm Alcindor.

 

CEO – MRS ROSANDA ALCINDOR

Mersi Mr Chairman. Mersi Onorab.  Normalman ler nou fer nou Bidze par egzanp si nou Bidze loan i 25 milyon nou try pou nou servi  sa Bidze; me selman dapre request prezan ler i midyear review nou demann ankor pour nou kapab fer fas avek sa bann request.  Me i pa vedir ki la akoz ou vwar ki sa request i reste parey me selman i annan posibilite ki nou pou kapab fer ankor request. Me selman nou annan ankor request, nou annan en kantite ki ankor pending kot nou se sa rezon ki letan nou’n vwar sityasyon mon’n met nou konsern devan Board lannen pase e Board in pran en desizyon depi Oktob, pou nou pa aksepte ankor laplikasyon e pou zot pa aprouv ankor loan zisteman pou nou kapab clear tou sa backlog ki annan.

An term ou 2enm kestyon lo repayment, wi  nou repayment nou annan 2014 par egzanp nou ti anmans 20 milyon, 2015 23milyon e 2016 31milyon.

 

(Mic off)

 

CEO – MRS ROSANDA ALCINDOR

Nou annan defaulting me selman problenm  se nou napa ase resours – staffing.

Nou annan zis 3 recovery officers ki pou recover 4000 files.  I pa posib sa i vreman difisil.  Nou osi nou database.  Nou data base nou pa ankor fini konplete. DICT pe travay lo nou database, nou report module ki pa ankor konplete.

So once nou annan nou report module nou pou kapab konnen at any one pointing time konbyen dimoun ki pa pe peye, ki sipoze pe peye ki pa pe peye.  Sa i pou ed nou bokou e si nou ganny resours osi sa i pou ed nou bokou.  Nou ti’n osi demann en additional transpor me selman mon krwar Finans i pa’n donn nou.  Me selman nou pou  try avek nou existing resours pou try nou best.  Nou pe sey nou mye nou konnen i pe ogmante.  Mon ase satisfe avek sa ki nou pe anmase 31milyon me mon ti a kontan anmas pli byen, plis ankor – me nou pe fer tou nou posib par nou pe pran aksyon legal e nou pe al konmans kriy dimoun lo radyo.

Me ankor  konman nou on Air, la mon ti a kontan demann tou dimoun, tou dimoun ki’n ganny loan avek nou silvouple pran zot  responsabilite, onor zot komitman, pou nou kapab  ed lezot dimoun parey zot, zot in ganny ede.  Akoz mwan  a sak loportinite ki mon gannyen pou fer en interview lo radyo mon  annan  sa lapel.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Ou annan en lide madanm, the defaulting rate?  Mon pe demann ou sa kestyon,  akoz i ava enteres  ou – i ava enteres ou pou tande ki i annan dimoun mon konnen ki’n ganny bann pti loan ki’n dir be sa larzan eleksyon mon pa bezwen re peye sa.  Donk i annan en persepsyon.  I annan en persepsyon deor poudir sa ti pe ganny donnen pou ganny eleksyon.   So ou pou bezwen fer fas avek sa sityasyon. So eski ou annan en lide la ki ou kapab donn nou lo defaulting rate? Mersi.

 

CEO – MRS ROSANDA ALCINDOR

Mersi Mr Chairman. Mersi Onorab.  Wi i annan dimoun, i en persepsyon ki zot dir sa larzan kanpanny, akoz nou osi ler nou apel zot nou dir zot vin pey zot loan i annan dimoun i vini i dir ou be sa ti larzan  kanpanny.  Mon pa ganny en konpran akoz zot tou zot in siny en Lagreman.  Nou Lagreman i dir loan agreement e ler zot vin siny zot loan agreement i donn zot tou detay.  Mon pa ganny en konpran akoz zot pe dir larzan kanpanny.  Nou annan en loan application form ki zot ranpli i dir loan application form i pa dir larzan kanpanny. So i annan dimoun i senpleman kekfwa i pe konmans rod zot fason pou pa anvi peye, me nou unfortunately nou napa larzan kanpanny. Nou ou’n pran en loan ou bezwen rann ou loan.  An term ki ou ti pe demann mwan lo kote bann defaulters an  rezon parey mon’n dir nou database nou pa pe tro kapab donn ou pour par  egzanp nou  bann loan YES Schemes, CCA me selman nou SBFA nou’n sey fer li manually en pti pe.  An 2015 nou performing loans was 53 and nou non-performing was 38 and pou 2016 nou performing loans was 70.6% e nou non-performing 28.  I pa neseserman 100% accurate nou’n fer manually. Ne selman this is around that. Yes, pour mwan mon pa satisfe mon anvi i desann ankor. Mersi.

 

MR SPEAKER

PS Payet ou ti le fer en pwen?

 

PS PATRICK PAYET

Mersi Mr Chair. Zis pou azoute osi ki sa larzan ki SBFA i kolekte i like en revolving fund ki go back again to loan out. Savedir kanmenm nou’n met zis sa 20 milyon pou 2017 sa koleksyon apepre 31 a 35 milyon ki i kolekte i go back again. E Secondly, lanfaz ki nou pe mete avek Commercial Bank pou zot osi donn en koudmen SBFA. Nou’n komans zwenn zot in January and February e tou le mwan nou pe fer fason pou nou zwenn zot pou vwar ki kantite SME zot in donnen e nou fer en rapor tou le quarter pou regarde lekel bann labank ki pe donn plis lo kote SME. Be i annan faz ki zot pe mete avek Commercial Bank osi pou zot osi ede dan sa demars lo kote SME.

 

MR SPEAKER

Onorab Ghislain ou ti le en related question.

 

HON CHANTAL GHISLAIN

Mr Chair mon ti zis anvi konnen lefe ki nou pe koz lo bann loans ti enteresan konnen lekel bann distrik ki …apepre lekel bann distrik ki’n ganny plis sa bann loans? E apre ou’n koz lo backlog apepre konbyen aplikan nou pe koz lo la, la?  Mersi.

 

 

MR SPEAKER

CEO Alcindor.

 

 

CEO – MRS ROSANDA ALCINDOR

Mersi Mr Chairman.  Mersi Onorab. Mon napa sa lenformasyon avek mwan pou bann distrik me nou kite, nou try kanmenm nou pe fer li manually, me selman nou kapab rod sa lenformasyon nou mon a fer ou biro Mr Chairman ganny sa lenformasyon.  An term…sorry Onorab ou 2enm kestyon mon’n…?

 

HON CHANTAL GHISLAIN

Kantite backlog.

 

CEO – MRS ROSANDA ALCINDOR

Nou backlog i apepre 20 a 25 milyon ki i annan premye disbursement, pou sa disbursement ki zot in gannyen sa an term sa ki’n fini aprouv.

 

(Mic off)

 

CEO – MRS ROSANDA ALCINDOR

Aplikan ok. Aplikan Mr Chairman ou a donn mwan en pti minit mon a sey vwar nou total aplikan ki nou annan.

 

MR SPEAKER

Petet evantyelman ou ti a kapab anvoy sa lenformasyon.

 

CEO – MRS ROSANDA ALCINDOR

Nou annan pending applications pou en total 21.9 milyon request.  Me pou le moman mon napa lakantite …

 

MR SPEAKER

Ok. Pli tar ou kapab anvoye.

 

CEO – MRS ROSANDA ALCINDOR

Mon kapab fer gannyen, wi.

 

HON CHANTAL GHISLAIN

Sa lenformasyon ki …anmennen avek kantite distrik la?

 

MR SPEAKER

Wi ou’n fer le pwen Onorab Ghislain i dir ou i pou anvoy sa lenformasyon. Onorab Churchill Gill.

 

HON CHURCHILL GILL

Mersi Chair. Chair mon krwar avek en to lentere 4 poursan annan eleksyon napa eleksyon napa Seselwa ki pa pou ale pour rod en loan pou li kapab debourye.

 

(APPLAUSE)

 

MR SPEAKER

Kestyon.

 

HON CHURCHILL GILL

Mon kestyon se CEO in dir ki Board in pran en desizyon ki pa pou issue loan pou le moman pou clear backlog, me selman sa dan li menm i bann nouvo dimoun ki pe mazin pou vini savedir sa bann dimoun pou en pe letan, zot pa pou kapab bouze pou zot kapab al debourye dan zot bann pti biznes ki zot oule.  Eski napa en lot fason fer ki ler nou pe clear sa backlog at least en serten kantite dimoun ti kapab zot osi kontinyen devlope sansan i vin parey en standstill pou tou bann dimoun ki anvi bouze e zot pou bezwen posibleman esper 6 mwan, 8 mwan. So mon ti a kontan si CEO avek Minis Finans ti kapab gete ki fason nou kapab fer pour sa ban nouvo dimoun ki oule vini pa vwar zot, zot bann proze i bezwen tenir pou clear sa backlog.   Mersi.

 

MR SPEAKER

Mersi pour kestyon. CEO.

 

CEO – MRS ROSANDA ALCINDOR

Mersi Mr Chairman. Mersi Onorab.  Ou pe try nou best pour clear tou back log, me letan mon pe fer forecast nou Bidze, la si i aprouve la konbyen nou pe gannyen pou loans ek repeyman nou pe target by mid year, nou pou fini clear tou backlog. E nou hope nou a kapab pran nouvo laplikasyon around July. Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chair. Zis en pti kestyon. CEO in dir nou ki i annan bann backlog.  Mon anvi konnen ki kantite bann loan ki pe ganny refiz-e e pour ki rezon?  Ki kategori loan ki pe ganny refiz-e aktyelman petet pou vwar ansanm avek progranm avek Finans kekfwa bann Commercial Bank i kapab antre asiste sa bann  dimoun ki zot, zot pe refiz-e.  Mersi.

 

MR SPEAKER

CEO.

 

CEO – MRS ROSANDA ALCINDOR

Mersi Mr Chairman. Mersi Onorab.  Nou napa tro bokou loan ki nou pe refiz-e.  An  2016 nou annan apepre en trantenn loan ki’n ganny refiz-e an rezon poor security oubyen zot deza annan loan ek nou ki zot pa pe peye, oubyen zot loan i depas  300mil kekfwa  450,500mil so zot pa kapab prove ek nou kote zot pou gannyen sa remaining. So nou pa vwar en sans ki nou,  nou asiste zot nou advice zot pou al kot labank komersyal.  Mersi Mr Speaker.

 

MR SPEAKER

Onorab Esparon.

 

HON REGINA ESPARON

Mersi Mr Chairman. Mon ti a kontan demann CEO ki kriter zot pe servi pou donn sa bann loan?  E eski i annan okenn investigation ki zot fer avan zot aprouv sa loan?  Si wi ki kalite investigation?

 

MR SPEAKER

CEO.

 

CEO – MRS ROSANDA ALCINDOR

Mersi Mr Chairman. Mersi Onorab.  Nou bann kriter se ..akoz nou manda se pou asiste tou bann pti biznes pou zot kapab komanse oubyen agrandi zot biznes. So nou kriter se nou fer sir ki zot annan security adekwat, parey mon’n dir oparavan nou pli lenient ki labank komersyal.  Nou fer sir ki zot proze i en proze ki nou krwar ki zot pou kapab generate reveni pou zot kapab re pey zot loan. E investigation, nou pa fer vreman investigation,  ki nou fer se kot i posib nou fer site visit pare nou evalye bann dokiman ki zot met devan nou bann lenformasyon.  Me in annan de fwa most letan most letan i enposib pou nou fer site visit; par egzanp lannen pase nou napa Staff, Staff i resign. E dan sa pti git ki reste i annan ki malad, i anmenn son zanfan kot dokter i reste nou 1 ou 2 zofisye dan lofis. Si nou pa fer site visit nou bezwen tir 2 zofisye i pa posib nou pou napa dimoun, zofisye dan lofis. So i en pti pe enposib akoz nou zofisye pa vwar kliyan on appointments. Walk-in clients 8er a midi, 1 er a 4 er. So se sa ki fer li difisil pou nou petet fer pli. So petet parey petet en investigation, nou ti a kontan fer me nou pa pe kapab fer. Me nou baze lo lenformasyon ki zot provide avek nou.  Me selman nou’n set up en unit dan nou seksyon loan pou nou kapab al fer bann vizit pou bann assisted loan pou nou vwar ki mannyer ki zot pe  servi larzan ki zot in gannyen.  Me there again nou pa pe kapab konmanse akoz rezon resours.  Mersi.

 

MR SPEAKER

Onorab Simon Gill.

 

HON SIMON GILL

Mersi Mr Chairman. Mr Chairman nou pe tous en size  sansib.  Mon pou al direk lo kestyon me an menm tan komanter.  Dan diskour ki Minis Finans ti fer devan sa Lasanble i ti donn nou en apersi nouvo lapros vizavi finansman ou sipor pour bann pti biznes.  Kestyon se kan apepre nou kapab vwar sa nouvo lapros vizavi sipor ki nou le anmennen pou sa bann pti biznes?  Mon trakase ler  mon tann an 2015 38 poursan non-performing e par laswit 28 poursan non-performing.  Lentansyon Gouvernman i bon pou fer dimoun ‘lev-e debourye’ aret depandan lo welfare.  I pozitiv sa me nou bezwen fer sir asire ki en lentansyon pozitiv pa retourn e vin en fardo lo Gouvernman – lo Leta or lo tax payer for that matter. Now…

 

MR SPEAKER

Kestyon.

 

HON SIMON GILL

Kestyon ki mannyer sa striktir pou ganny met an plas pou ki nou kapab fer sir ki nou build kapasite tou sa bann dimoun ki’n pran sa bann pti loan, pour fer sir ki zot pa faid, pour fer sir ki zot biznes i reste soutenab ziska ler zot osi zot in grosi e sorti dan pti biznes e la dan mwayen; akoz  zot vin en gro biznes, vin prodiktiv  e ede pour fer  grosi lekonomi Sesel.  Mersi bokou.

 

MR SPEAKER

Actually i en bon kestyon.  Ki sipor zot pe donn sa bann dimoun? I vre ki ou’n dir nou poursantaz pa pe rann, poursantaz pa kapab be eski nou’n investigate si zot in gannyen sa sipor pou zot fer zot pti biznes marse?  Mon krwar sa kestyon i fondamantal. CEO?

 

CEO – MRS ROSANDA ALCINDOR

Mersi Mr Chairman. Mersi Onorab.  Wi nou rankontre letan nou pe appraise proze nou realize ki bokou sa bann dimoun zot konnen ki zot pe al fer. They are good cook, they are good fisherman  -par egzanp, good seamstress me le problenm se management.  Nou vwar sa.  Me selman  nou napa en landrwa pou nou anvoy zot.  Si nou pou fer sa personn pa pou ganny loan. Annan de fwa nou dir zot al rod en business plan sa bann dimoun ki fer business plan i sarz zot 5mil, R 7mil.  Sa business plan i pa realite.  Zot krwar zot pe al fer en ta larzan e ler nou, nou re eksplik zot, zot dir nou, nou pa oule donn zot loan. Oubyen nou dir zot be start small, dan plas 300mil pran en pti 50 mil konmanse akoz nou  vwar parey nou dir an kreol zot pou al bite avek.  Le problenm se napa landrwa kot sa bann dimoun pou al fer sa bann training pour zot…Me la SENPA avek nou annan ADB, mon krwar PS Payet pou donn en pti pe plis lenformasyon lo la, so zot  pe konmanse sa training, en pti  pe sa bann training.  Me oparavan sa ti difisil.  I vreman difisil pou nou ler nou pe appraise sa bann proze nou vwar ki sa bann dimoun zot manke, i manke sa bann management training pour zot.  Mersi.

 

MR SPEAKER

PS Payet ou ti anvi dir en pti keksoz briyevman?

 

PS PATRICK PAYET

Yes Mr Chair. Briyevman, nou pe travay avek AFDB ki’n donn larzan avek Guy Morel Institute pou provide basic training pou fer sir ki en biznes, en sole trader i understand ki larzan biznes it is not your normal money – ki zis ou tir larzan ladan, it is business money. So pou zot understand the basic requirement of a business, the basic principle.  E secondly diskisyon ki nou pe fer avek departman entrepreneurship ek business innovation the after care. So ki mannyer ou pran sa pti biznes pou fer li grandi, re lev li. So sa nou ankor pe diskite avek Departman Entrepreneurship e hopefully in the second quarter ki nou pou kapab vin devan avek en pli bon stratezi how to do, ki nou anvizaze Gouvernman pour fer li.  Mersi.

 

MR SPEAKER

Pli bon stratezi apre ki zot in fer en evalyasyon ki mannyer sa proze pe ale ansanm ek sa Minister pou inovasyon. Vitman Onorab De Commarmond akoz nou bezwen pran en vot.

 

HON CHARLES DE COMMARMOND

The biggest problem ki mon krwar mwan Mr Chair se osi en price search apre ki… letan sa dimoun pe esper sa pti loan. In apply son pti loan, pri bann keksoz i tan.  Ler loan i aprouve pri bann keksoz in fini monte e i pa kapab fer sa biznes parey i  ti’n plan e la napa after care, problenm.  Mwan mon ti a demande ki Gouvernman i konsider write- off tou sa bann pti loan e revwar en rekonmansman pour sa bann pti biznes pou zot rekonmanse.

 

MR SPEAKER

Sa i en radikal sizesyon ki nou a les Minister Finans deside. Mwan personnelman se writing- off loan mon pa dakor avek sa.  Nou bezwen annan en lot lapros, mon dakor sa ki’n koz lo diferan psikolozi pou tro lontan nek nou’n write-off loan nek nou’n write-off loan, nou’n nepli annan dan sa pei en sans de sakrifis.  Ou’n pran en loan ou  bezwen fer sakrifis rann.  Mon pa krwar i en zafer soz me selman sa nou a repran.  Nou a repran en lot moman, nou bezwen pran en vot.  Dernyen dimoun ki’n demann pou koze, Onorab Ramkalawan apre nou a pran en vot.

 

HON WAVEL RAMKALAWAN

Mersi bokou Mr Chairman. Mr Chairman with all due respect parey nou dir an Angle i kler ki sa ki nou’n tande apre midi, sa eleman politik, kanpanny in monte.  Letan CEO li menm li i vini i dir avek nou ki letan dimoun apre ki zot in ranpli  zot form apre zot pa pe peye akoz sa i en larzan kanpanny – i kler ki poudir i bezwen  kot in sorti kot in anvoy li pou li ganny sa loan in bezwen annan en parol kek par. E Mr Chairman sa ki nou’n tande  la apre midi napa kontrol.

 

MR SPEAKER

Ok ou annan en kestyon pou demande.

 

HON WAVEL RAMKALAWAN

Napa kontrol e letan mon pe regard lo paz 190 dan zot ‘loan management’ program 2, letan  pe dir ki the percentage of loan, arrears per loan category i 40 poursan i montre mwan ki poudir i annan en gro problenm la.  E mon kontan ki PS Payet pe dir ki zot pou al fer training SIM ensidswit be nou’n osi tande sa.  Letan ti komans YES Scheme ti annan training SIM avek tou sa bann lezot landrwa e Mr Speaker pou mwan dir ou laverite, mwan mon trouv li difisil, difisil, difisil pou nou aprouv en keksoz koumsa parski Gouvernman pe met larzan dan en Scheme ki napa kontrol; ki 40 poursan pa pe marse dapre son bann figures e ki i zis en larzan ki nou pe… konmsi nou pe dir donnen e apre Onorab De Commarmond i vin dir avek nou write-off parski i en gro problenm.  E alor, mon pa konnen…mwan mon kestyon ki mon  anvi demann  Minster Finans…

 

MR SPEAKER

Kestyon pour Minis Finans e PS.

 

HON WAVEL RAMKALAWAN

Mon ti ava kontan si nouvo Minis Finans i krwar ki poudir sa progranm ki mannyer i ete i vreman fezab? I vreman pe ede pou anmenn pli devan? Oubyen eski i pa pe ede pou fons nou pli dan fon? Mersi bokou.

 

MR SPEAKER

Mersi Onorab Leader Lopozisyon avan mon demann CEO mon krwar Minis i en kestyon Polisi e fezabilite.  Minis ou ti a kontan oubyen PS respond to that?

 

MINISTER PETER LAROSE

Mersi bokou Mr Chair. Mon krwar Onorab Ramkalawan in raise en very valid point.  Mwan pour mwan personnelman larzan piblik ki nou’n donnen pa kapab ganny write-off.  Nou bezwen fer sir  ki i retournen parske si nou reste dan en lenpas konmsa ki vedir nou  les sa bann dimoun pa pe pey zot loan, se pou sela. Alor nou pa kapab aprouv nouvo loan.  I bezwen si ou oule revolve around.  Sa bann dimoun ki’n prete i rann sa loan ki nouvo dimoun ki pe espere i ganny lot.  Be mwan dan mon kote mon kapab asir sa Lasanble Mr Chair ki sa keksoz i’n traverse dan lepase nou pou bezwen reorganiz sa Small Business Financing Agency ki enkli osi Development Bank Of Seychelles.  Mon ti fer sa deklarasyon en ler lo televizyon, nou bezwen fer sir ki nou annan disiplin partou kote.  Dimoun ki’n pret loan i bezwen rann e nou fer sir ki napa personn ki ganny larzan free of charge parske sa se larzan manm piblik sa.  Mersi.

 

MR SPEAKER

Mon mazinen la mazorite dimoun sertennman mwan koman Speaker, Minister Larose mon dakor avek ou antyerman.  Petet nou devret annan en proviso.  Bann dimoun ki’n pran sa bann loan ki pan ankor kapab rann, nou pa pe koz politik, nou pa pe koz nanryen me petet zot zot pa devret ganny loan ziska ler zot montre en zefor kantmenm par R5 zot peye.  Me i bezwen, nou bezwen instill sa sans de sakrifis.  Ou’n pran ou bezwen rann sansan nou pou koule.  Dernyen parol pour CEO avan nou pran en vot.

 

CEO – MRS ROSANDA ALCINDOR

Mersi Mr Chairman. Mon oule zis fer en klarifikasyon.  Dan sa 40poursan i lamazorite se bann file YES Scheme, bann loan YES Scheme.  Parey mon’n dir nou SBFA mon’n donn detay nou non-performing loans. Akoz nou erit bann file YES Scheme e tousala sa i tou ansanm dan portfolio ki sa 40 poursan. So nou pe try nou best nou pou nou improve nou bann weakness ki nou’n war lepase, nou osi nou pe improve lo la.

Par egzanp en mechanism ki nou nou’n servi se ki tou dimoun konmela depi 2an pase, tou dimoun ki vin pran en loan letan i pe siny son Lagreman nou fer li siny en dokiman  ki in the event ki i default si i pe ganny any larzan avek Gouvernman en poursantaz sa larzan pou bezwen ganny transfer kot nou dan  son kont. So nou’n fer sa, i enn ki nou’n fer akoz nou konnen nou vwar an de fwa kot bann dimoun pe resevwar in fer kontra ek Gouvernman, i pe resevwar larzan selman nou pa pe kapab demann Trezor pou transfer amwen ki in siny en dokiman.  Se sa rezon ki nou nou’n fer sa dokiman e sa i bann mechanism ki nou, nou fer pour fer sir ki loan i ganny recover.  Me sa bann file YES Scheme loan sa parey mon’n dir nou’n erite nou pe try nou best pou nou recover, me lamazorite sa bann dimoun zot telefonn i nepli egziste sa limero.  Ou anvoy let i retournen.   So sel opsyon se kriy lo radyo.  Mersi.

 

MR SPEAKER

Tre byen Madanm Alcindor. Sa deza i en move pozitiv.  Mon krwar Minis Dr Larose in donn nou sa garanti ki i pou revwar tou sa Scheme e nou’n ganny garanti avek CEO SBFA ki i pou fer plis stringent measures sinyen si dimoun i deza dan en lanplwa – i a siny en Lagreman larzan lo zot lapey pou rann Gouvernman.  Mon krwar avek sa bann proviso nou kapab pran en vot lo sa Bidze lo 187.  En pti pwen, wi Onorab Ramkalawan.  Oule en pti pwen ou osi?

 

HON WAVEL RAMKALAWAN

Mon ti anvi zis demande konbyen bann dimoun ki’n default ki zot in deza anmenn en Court case?

 

MR SPEAKER

Any Court case CEO?

 

CEO – MRS ROSANDA ALCINDOR

Mersi Mr Chairman. Mersi Onorab.  Nou’n fek ganny nou Lalwa ki ti an operasyon Mars 2014 e 2014,2015 nou’n konmanse akoz nou bezwen annan en prosedir, ou bezwen konmans fer bann first reminder, tou bann prosedir avan-ler ou konmans pran aksyon Legal.  Me nou annan detrwa cases ki nou’n konmans anvoy kot lawyer e ler nou anvoy kot zot e lawyer i ekri zot, zot vini zot taye zot vin peye.  I annan ki letan nou’n fer First Reading Ankour ki’n dir zot si zot pa vin peye zot pou al Ankour.  Zot taye zot vin peye.

 

MR SPEAKER

Savedir zot kapab peye.

 

CEO – MRS ROSANDA ALCINDOR

Me selman apre zot retourn ankor. Parey mon’n dir i difisil akoz nou pti gin dimoun ki nou annan pou nou monitor tousala. Me selman nou pe konmans pran aksyon.  Nou espere pran aksyon plis ankor sa lannen.

 

MR SPEAKER

Good. That having been said tou bann ki dakor avek Small Business Financing Agency lo paz 187 silvouple lev zot lanmen?  Okenn dimoun ki pa dakor avek Bidze pour SBFA ek proviso ki nou’n gannyen  ek Minis lev zot lanmen?

Clerk?

 

MADAM CLERK

Mersi Mr Chair. 13 Manm ki’n vot an faver.  Mersi.

 

 

MR SPEAKER

Tre byen. Dan sa ka Bidze pou SBFA Small Business Financing Agency i ganny aprouve par Lasanble Nasyonal e nou a swet Madanm Alcindor tou de bon.  Fotespere ki next time ou vin dan Lasanble ou annan pli bon nouvel pou donn nou pou ki i annan plis dimoun ki’n rann.  Me mon sir ki anba direksyon Minis Finans ek sa nouvo lapros ki i pe anmennen, nou pou fer sir ki s aki pran loan i bezwen rann.  I parey larzan ki nou pret dimoun.  I vin pret ou larzan apre ou pa vwar li ankor. So ou bezwen annan en sans de responsabilite, konnen ki savedir sakrifis.  Avek sa mon ti a kontan ganny zot lopinyon.  I annan an deor Public Enterprise Monitoring Commission i deza preski  5.30pm mon ti a sizere ki nou adjourn, nou konmans demen bomaten akoz Minis Larue mon’n koz ek li taler pandan Break in dir mwan i pe al fer son miting ek son bann  dimoun – NDEA e i ekspekte vini demen 9er bomaten. So nou ava konmans avek NDEA demen, nou a pran Public Enterprise Monitoring Commission epi nou ava al drwat lo Seychelles Revenue Commission. Eski sa i akseptab avek mazorite Manm?  Wi?  Si sa i le ka nou adjourn, nou a  re-pran bomaten 9er. E mon a remersye madanm Alcindor ki’n vini pas letan avek nou e swet li tou de byen. Demen bomaten 9 er nou a re-vwar.

 

(ADJOURNMENT)