Home » Order Papers » 2017 » 1st Meeting » Order Paper – Sitting of Tuesday 4th and Wednesday 5th April, 2017

Order Paper – Sitting of Tuesday 4th and Wednesday 5th April, 2017

Sitting of Tuesday 4th and Wednesday 5th April, 2017 at 9 a.m.

 

  1. National Anthem
  1. Moment of Reflection
  1. Communications from the Chair
  1. Public Bills

First Reading

Public Holidays (Amendment) Bill, 2017

Anti-Corruption (Amendment) Bill, 2017

  1. Questions for Oral Answer
  1. Private Notice Question
  1. Urgent Question
  1. Motions
  1. Adjournment

 

 

Ms. Jutta Alexis

Clerk to the National Assembly                      27th March, 2017

 

(Please Read below for details)

____________________

 

Questions for Oral Answer

Mr. Jean Paul Adam

Minister for Health

 

  1. Clive Roucou – Member for Plaisance

Eski Minis pour Lasante i kapab eksplik sa Lasanble, ki plan son Minister an relasyon avek ICU aktyel ki kapab akomod zis 6 pasyan alafwa, dan sa moman kot i annan logmantasyon dan diferan ka maladi e aksidan e bann pasyan i bezwen deplizanpli servis Swen Entansiv?

 

  1. Clive Roucou – Member for Plaisance

Eski Minis Lasante i kapab dir sa Lasanble, ki bann prosedir ki an plas aktyelman pou anploy okenn travayer dan bann pozisyon kle dan Minister Lasante, tel koman:

  • Customer Relations Officer
  • Principal Policy Analysis Officer
  • Public Relations Officer /attached to the MOH/Minister’s Office
  • Senior Principal Nursing Officer

 

  1. Clive Roucou – Member for Plaisance

Eski Minis responsab pour Lasante, i kapab donn Lasanble en leksplikasyon pour zistifye sa kantite travayer etranze kot Bio-Medical Engineer Department e eski i annan okenn travay ki’n deza komanse pou fer Seselwa understudy sa bann etranze pour ki zot kapab pran ansarz sa Departman a lavenir?

 

  1. Terence Mondon – Proportionally Elected Member

Pou demann Minis responsab pour Lasante pou eksplik nou Lasanble akoz ki ozordi son Minister pe anploy etranze dan son Depaartman Prokirman (purchasing)?

 

  1. Paul Ernesta – Member for Takamaka

Eski Minis i kapab dir sa Lasanble, ki plan son Minister i annan, pou repar klinik Takamaka, pou fer li vin pli modern e pli konvenab pour bann travayer e piblik ki servi sa klinik?

 

  1. Sylvanne Lemiel – Member for Anse Royale

Eski Minis i kapab esplik sa Lasanble, ki zot pe fer pou deal avek fungus dan batiman kot Servis Dantis pou bann adilt, dan vye batiman Lopital Anse Royale?

 

  1. Sylvanne Lemiel – Member for Anse Royale

Akoz Minister Lasante in swazir pou fer Seksyon Dantis bouz dan en building prefab olye kid an main Lopital Anse Royale, kot tou lezot fasilite i ete?

 

  1. Sylvanne Lemiel – Member for Anse Royale

Eski Minister Lasante pe mazin ofer sa bann servis swivan dan Servis Danter Anse Royale;

  • Ortho
  • Maxilo Facial

_____________________

Private Notice Question

To the Minister for Finance, Trade and Economic Planning

Mr Peter Larose.

 

  1. Wavel Ramkalawan – Leader of the Opposition

Vi ki i annan plis ki 5 mwan depi ki Lasanble Nasyonnal ti aprouv en Mosyon pour ki STC avek Gouvernman i pran aksyon konkret, pou fer desann pri lavi dan Sesel, e vi ki napa nanryen ki’n ganny fer ziska prezan, eski Minis Finans i kapab dir avek sa Lasanble:

  1. Ki aksyon imedyat ki Gouvernman i annan lentansyon pran pou fer desann pri lavi Sesel?
  2. Ki progranm ki STC pe met anplas pour ki Seselwa I vwar en seving dan depans ki i fer lafen dimwan?
  3. Lekel bann nouvo item lo ki nou pou war VAT ganny retire byento, pou fer sa diferans?
  4. Kan eski STC pou remet lanfaz lo komodite esansyel a en pri pli bon marse posib ,pour ki tou fanmir Seselwa I ava benefisye?
  5. Eski minis I kapab dir nou ki gouvernman pe fer pou ki lentere i redwir e Seselwa pou kapab pey mwens dan loan?
  6. Eski Minis i kapab dir nou si zot pou ankouraz plis konpetisyon dan Sekter Telekominikasyon, pour ki pri ki Seselwa i peye pour sa servis, i tonbe?

____________________

 

Urgent Question

To the Minister for Health

Mr. Jean Paul Adam

 

  1. Clive Roucou- Member for Plaisance

Swivan bann rapor lo medya konm’kwa in annan en skandal dan lendistri leksportasyon lavyan sorti Brazil e ki dapre lenformasyon se ki plizyer biznes dan sa pei ti pe eksport lavyann ‘substandard’ e menm pouri, sa Lasanble I demande ki Minis pou Lasante I donn piblik sa bann lenformasyon swivan:

 

  1. Ki kantite lavyann pe aktyelman ganny enporte dan nou pei sorti Brezil? Lekel sa bann enportater, ki diferan varyete lavyann ki pe ganny enporte, e anba ki mark sa bann prodwi pe antre dan pei ?
  1. Ki bann mezir kontrol e prekosyon ki ekziste normalman dan nou pei pou verifye kalite prodwi manze ki antre e ki bann mezir adisyonnel ki’n ganny met anplas swivan sa bann lensidan Brezil? Eski okenn prodwi sorti Brezil in ganny sezi depi konmansman 2017?
  1. Eski Minis i kapab eksplik Lasanble ki sa bann ‘hormones’ ek ‘antibiotics’ ki zeneralman ganny mete dan lavyann pou ogmant prodiksyon, e ki lefe sa i kapab annan lo lasante piblik?

____________________

 

MOTIONS

  1. Bernard Georges – Member for Les Mamelles

 An vi sa gran mank lakaz e lozman dan nou pei, sa Lasanble i demann Gouvernman pou konsider en plan pou ankouraz dimoun ki pe al konstri zot lakaz pou konstri (avek lasistans gouvernman pou en loan adisyonnel) en dezyenm younit pou lwe avek piblik dan en fason ki plis lozman a ganny met lo marse e an menm tan sa dimoun pou annan en reveni adisyonnel apre ki kou sa dezyenm younit in ganny repeye.

 

  1. Jude Valmont – Member for Pointe Larue

Sa Lasanble i demann Gouvernman pour met an plas en mekanizm pour idantifye e monitor bann aktivite ekonomik, ki pe deroule dan Sekter Enformel, avek bi ed zot pour devlope pou vin bann biznes pli prospere.

 

  1. Wavel Ramkalawan – Leader for the Opposition

Avek bi redonn en lansman Sekter Lagrikiltir, sa Lasanble, i demann Gouverman pou fer sa bann keksoz swivan imedyatman:

  1. met en embargo lo lavant okenn later ki’n ganny idantifye koman Later Lagrikiltir
  2. pran larzan bann dimoun ki’n aste Later Lagrikiltir pou fer en lot proze, me ki pa ankor develope
  3. fer en survey lo Later Lagrikiltir kot napa prodiksyon, avek bi ankouraz en lansman agrikol
  4. rod lasistans finansyel pour ki bann fermye i ava kapab ganny en nouvo lankourazman pou al dan prodiskyon agrikol lo tou nivo.