Home » Verbatim » 2017 » Verbatim – Monday 20th February, 2017

Verbatim – Monday 20th February, 2017

NATIONAL ASSEMBLY OF SEYCHELLES

Monday 20th February,

2017

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou bann Manm Onorab, tou bann dimoun ki’n zwenn nou bomaten pou nou komans nou travay lo Bidze e osi tou bann dimoun dan lakour e an deor lakour ki pe ekout nou pou nou travay lo Bidze ki komanse ozordi.  Mon espere ki nou tou nou a pas en bon semenn.  En semenn parey mon dir touzour, kalm e beni kot nou kontinyen travay pour Sesel.

        Ozordi avan nou pran nou travay lo Bidze e nou pe komans avek Zidisyer e nou esper ki sa semenn nou ava fini avek Bidze e semenn prosenn nou a kontiny nou travay regilye e ki Gouvernman i a kontinyen zot travay avek zot Bidze aprouve.

        Me pou komanse ozordi nou annan en pti seremoni ki enportan pou nou dan Lasanble akoz nou Clerk, Mrs Jutta Alexis in ganny konfirmen dan son pos apre ki i ti asim sa rol ler Lasanble ti swear in le 27 Septanm lannen pase.  Zot a rapel ki Clerk a sa pwen ti’n resigned, Deputy ti’n resigned e nou ti bezwen apwent en nouvo Clerk Ag e Mrs Alexis ti aksepte pou tenir sa pos ziska ler nou ganny ranforsisman epi li osi i ti pe aprann parey mwan menm e ozordi mon kontan ki in ganny konfirmen dan son pos e i pran son Oath of Allegiance devan Lasanble parey regilasyon i demande.

        Alor mon a demann Mrs Alexis pou vin devan pou pran ou Oath of Allegiance devan Lasanble Nasyonal.  Mon ti a demann tou dimoun pou debout.

MADAM CLERK

I Jutta Alexis do swear that I will be faithful and bear true allegiance to the Constitution of the Republic of Seychelles and that I will preserve protect and defend the Constitution of Seychelles.  So help me God.

 

(APPLAUSE)

 

MR SPEAKER

Mersi Mrs Alexis, nouvo Clerk e tou nou felisitasyon lo lapar Lasanble antye.  Mon a zis rapel zot ki parey mon menm, ler i ti komanse lafen Septanm lannen pase, i ti nouvo dan sa pos parey mon menm.  Me nou’n arive ozordi al lwen parey i annan serten dimoun in dir semenn pase e mon krwar nou kontinyen  ranforsi nou lafors koman en Lasanble pou nou kontinyen travay.

        Onorab De Commarmond.

HON CHARLES DE COMMARMOND

Mr Speaker, bonzour.  Bonzour tou Manm Onorab.  Ms Alexis, nouvo Clerk, bonzour e tou dimoun ki a lekout.

        Mr Speaker, mon ti anvi zis dir 2 mo lo par Parti Lepep, tou bann Manm dan Lasanble Nasyonal pou enn, felisit Madanm Alexis pou son nouvo apwentman, son sermantasyon koman nouvo Clerk nou Lasanble Nasyonal.  Definitivman sa i fer ki i ava vin dan listwar nou Lasanble.

        E an menm tan dir li kont lo nou sipor lo nou kote latab la e mon asire i pou ganny sipor Lasanble an antye parey ler nou’n vini dan sa nouvo Lasanble in leka.  E les nou dir ki nou piblik deor i tann nou.  I pa’n fasil pou Mrs Alexis mon asire dan sa moman kot bann lezot dimoun around in ale e ni ou, ni Speaker mon rapel bann moman letan kote  ki mannyer nou pou break the ice parfwa.  E mon vwar poudir in fer byen, in prouv son lekor.  I pa zis en kestyon Speaker in dakor ek ou pou met ou la, poudir ou vwar la ale, sa.  Me mon vwar poudir ou’n prouv ou lekor, nou Lasanble li menm in fonksyonnen anba ou gidans, malgre tou bann negativite ki’n kapab annan.  Me ou, ou’n persevere.  Mon krwar sa perseverans i pou anmenn lwen ; sa determinasyon i pou anmenn ou lwen e nou, nou Lasanble i devret siport ou.  Siport sa ki pe ganny fer e kontinyen ki nou Lasanble li menm anba ou gidans, anba gidans Speaker i al dan sa direksyon ki nou anvi ki i ale.

        Vwala, an plis nou pe kontinyen ganny en Madanm ki vin Clerk Mr Speaker.  Nou pa ankor ganny en Msye ziska la e mon pa konnen si sa pou reste koumsa.  Me selman i byen, nou, nou pare pou travay ek Mrs Alexis e donn li tou nou sipor.

        Vwala ek sa nou pou enn fwa felisit li and kont lo nou.  Mersi.

MR SPEAKER

Mersi Onorab De Commarmond.  Ok. Onorab Prea.

HON NICHOLAS PREA

Mersi Mr Speaker.  Bonzour tou dimoun.  Mr Speaker, mon osi mon ti a kontan aport mon felisitasyon e tou mon sipor a Ms Alexis.  Pandan moman kot nou’n komanse, kot ti annan en pe boulvers and all that in kapab antre dan sa plas e  in desarz son responsabilite dan en fason nob, dan en fason responsab.  In annan bann moman ki entans, sirtou dan sa prosesis deba lo Bidze,  kot bokou keksoz nou’n bezwen kapab kase, sanze aswar pou lannmen, menm pandan lazournen and all that.

        In kapab pas anba sa bann presyon, in kontinyen delivre e pandan ou labsans Mr Speaker, kot mon osi mon’n Chair en pe bann deliberasyon dan Bidze, Mrs Alexis in a-port sa soutyen, sa sipor.  Mon kapab dir unquestionable pou mon lofis.

        Parey mon pe dir nou’n travay anba presyon, i annan bann moman kot Egzekitiv in bezwen ed Lasanble pou nou kapab fer serten desizyon vitman, vitman.  Mwan, mon Lofis avek son Lofis nou’n kapab pran sa bann challenges e nou’n desarz li dan en fason ki mon krwar piblik an zeneral deor in pran li koman bann keksoz normal, san panse poudir par deryer isi ti annan bokou presyon ki nou tou nou ti anba la.  Me nou’n fer ki nou travay in pas as if tou keksoz ti anba kontrol, tou keksoz in deroul normal.

        Se dan sa lespri ki mon ankor felisit li e kont lo mon sipor, lo mon Lofis e mon panse tou bann Manm Lasanble parey Onorab De Commarmond in dir.  Mersi.

MR SPEAKER

Mersi Deputy Speaker,  Onorab Prea.  E prezan nou a donn laparol Onorab Ghislain ou’n demann laparol.

HON CHANTAL GHISLAIN

Mersi Mr Speaker.  Bonzour tou dimoun.  O non Komite Madanm dan Lasanble, mon ti oule a-port nou soutyen e dir felisitasyon e remersiman pou Madanm Clerk.  I touzour en plezir letan i annan en madanm ki vin devan e zot raise to great heights e se selman par bann ki persevere ki reisir dan lavi.  So mon konnen poudir i pa en task ki fasil koman en madanm e mon krwar tou lezot madanm isi dan sa Lasanble i kapab dakor avek mwan.  Letan ou annan zanfan, ou annan lakour pou okipe, i pa fasil.

        So mon dir felisitasyon pou Madame Alexis ki osi form parti nou Komite Madanm kot Lasanble.  So nou tou nou pou donn li bokou sipor. Mersi bokou.

MR SPEAKER

Mersi Onorab Ghislain.  Petet a sa pwen mon ti a kontan osi felisit osi Manman Mrs Alexis, nou nouvo Clerk.  Madanm Doreena Bibi ki la avek nou.  Madanm Bibi mon krwar li i anler kote isi, i en pti moman lafyerte pou ou, mon vwar Clerk pe riye pe regard ou.  Evidaman ou’n anmenn li dan bon semen ki ozordi in arive Clerk.  Onorab Ramkalawan.

HON WAVEL RAMKALAWAN

Bonzour Mr Speaker e mersi bokou.  Bonzour tou bann Koleg MNA e tou dimoun.

        Mr Speaker, mon krwar ki dan nou Sizyenm Lasanble ozordi i mark en moman istorik kot nou ganny en Clerk.  Mon kapab zis mazin sa detrwa mwan ki nou’n pase, spesyalman letan nou ti komanse –  kot bokou dimoun ki ti pe okip bann pozisyon enportan dan Lasanble ti deside pou zot ale.  Me mon kontan vwar ki mannyer nou Lasanble in vin, atraver sa bann challenges in vin for e  ozordi nou annan en Lasanble ki pe fonksyonnen e sa i gras  a sa bann dimoun ki travay dan Sekretarya ki donn nou konsey.  E byensir an menm tan serten parmi nou, bann ki bokou pli vye, nou osi nou donn zot en pe konsey e lapwi.

        Mon ti ava kontan met lo rikord nou apresyasyon e nou felisitasyon pou Madame Alexis e nou swet li tou kouraz dan son travay.  Ofet sa pozisyon Clerk i enn ki tre difisil parski ou bezwen a tou moman montre ou koman en dimoun enparsyal e letan ou dan en lorganizasyon politik byensir ou pou ganny provoke pou ou ris en kote kot en lot kote ensidswit.

        Alors mon ti ava kontan met lanfaz lo sa profesyonnalizm ki mon ava en standar tre o ki nou pe espekte.  Byensir en lanmitye ki nou tou reste zanmi, ki nou kapab fer travay dan sa lespri lanmitye osi tou, anmezir ki nou fer tou sa ki nou bezwen fer.

        Mon anvi felisit Madanm Alexis akoz li in parmi enn sa bann dimoun ki letan nou ti pe pas dan sa bann challenges li i pa ti ale, o kontrer i ti reste e i ti pare pou li mars avek nou pandan bann teething problems of the… konmsi letan nou ti pe fer fas avek sa bann teething problems of the National Assembly.

        Alors mon zis e nou’n kapab ganny sa bon korperasyon. Alors mon zis swete ki sa i ava kontinyen e i ava kapab vreman okip son pozisyon byen menm.

        Mon ti ava profite Mr Speaker, pou mwan osi dir ki tou bann Manm Sekretarya ki ti reste e ki’n tenir sa oter, sa standar profesyonnalizm mon anvi dir zot felisitasyon e mon vwar Manmzel Tania Isaac ki li osi tou i la, i enn ki’n reste e se gras a zot ki sa backbone in kapab tenir solid.

        Alors mon anvi dir zot felisitasyon, tou kouraz e mon koman ansanm avek Onorab De Commarmond koman 2 sa bann vye kong parey nou dir, nou pou pare toultan pou atrap son lanmen kot i annan bann kap pou nou kapab fer li sote e tousala dan lentere nou Lasanble Nasyonal e dan lentere nou pei.  Alor every blessing my dear and all the very best.  Mersi bokou.

MR SPEAKER

Mersi Onorab Ramkalawan pou sa bann mo ankourazan.  E prezan i annan en lot lanons ki osi donn nou bokou kouraz e bokou lespwar pou a lavenir.  Prey mon ti dir semenn pase, mwan pase nou Deputy Clerk, Madanm Rukaya Tirant ti resign pou bann rezon personnel.  I ti annan lezot keksoz i bezwen al fer.

E ki nou ti fer, nou ti tonm dakor ki dan lespri transparans nou pou advertise sa post Deputy Clerk.  Nou ti advertise, nou ti ganny 16 aplikan.  Enn ti drop a lafen, ti annan 15 ki ti vini e dan sa 15 nou ti interview zot.  Ti annan en panel parey mon’n dir 5 dimoun,  ki ti spearheaded by Clerk e parmi ti mon Depite, Depite Speaker ek 4 lezot dimoun dan Sekretarya, Senior Staff.  Zot ti interview sa 15 kandida –  en interview ase rigoureux e ou bezwen reponn kestyon lo Standing Orders, ki mannyer pou reponn korespondans ki vin kot Speaker’s Office, ensidswit.  E mon kontan poudir ki sa dimoun ki’n sorti frontrunner parey mon ti dir semenn pase, ki nou’n deside apwent li ; klerman i ti kalifye pou sa pos.  I pa – mon bezwen fer kler –  i pa en promosyon kot in sorti dan son pos kot i ti ete, Senior Research Officer dan Lasanble pou li vin la.  I en pos ki i pe ganny apwente on merit dapre leksperyans ki i annan, konpetans ki i annan, konnesans ki i annan pou sa post Deputy Clerk.  E mon ti a kontan ki zot donn round of applause Madame, i nepli Manmzel, in ganny son M.R.S.  I Madanm Tania Isaac.  Tania si ou kapab debout.

(APPLAUSE)

MR SPEAKER

Vwala, dapre nou regilasyon dan Standing Orders, dan Lasanble, i pa bezwen pran okenn Oath li.  Clerk in pran en Oath.  Alor Tania mersi –  parey Onorab Ramkalawan in dir ki ou’n tenir e ou’n ek nou pandan sa bann moman difisil.  Tania in fer en kantite travay an deor son prop responsabilite letan nou ti dan ayoyo.  Letan nou ti napa bokou dimoun, alor nou’n apresye parey Onorab Ramkalawan in dir,  nou’n apresye sa e mon kontan ki ozordi ou pe anmenn en valer dan Sekretarya sirtou ek Biro Clerk pou travay ki nou pe fer.  Ou kapab asize.

JUDICIARY  OF SEYCHELLES

MR SPEAKER

Bon mersi pou zot pasyans e prezan nou a pran nou travay pour ozordi.  Kontinyen nou travay lo Bidze.  I annan serten papye ki’n prezante, ki devan zot.  Pwen 5 e san plis tarde, si zot napa okenn pwen oubyen obzeksyon, okenn pwen pou zot lev-e nou ava al lo pwen 6 lo nou l’ordre du jour, lo nou Order Paper.  Mon ti a kontan swet labyenveni PS Finans, PS Payet.  Apre nou ti a kontan osi swet labyenveni sa delegasyon ki sorti kot Zidisyer, parski nou pe komans avek Zidisyer.

Kote Finans i annan parye Labitid PS Payet, epi i annan Comptroller General, Mr Thesee ki nou’n abitye vwar li depi nou ti pe diskit Bidze lannen pase.  Ms Croisée e Ms Verghese.  E sorti Zidisyer i annan delegasyon ase for ki ganny dirize par Madame Juliana Esticot ki Rezistrar dan Zidisyer Sesel.

Mon krwar mon ganny tou dimoun.  E parey nou fer dan labitid –  parey nou’n komans fer lannen pase, pou komanse pou Zidisyer nou a donn sa ki a latet delegasyon Zidisyer 4 a 5 minit pou fer en pti prezantasyon lo Bidze.  Petet ou devret konsantre lo the major aspect of ‘’goods and services. ‘’ Epi par la swit si PS Payet i oule azout okenn keksoz i kapab fer li.  Oubyen okenn manm delegasyon Minister Finans epi nou ava al direkteman lo diskisyon kestyon par bann Manm Lasanble.

Onorab Ramkalawan.

HON WAVEL RAMKALAWAN

Mr Speaker, premyerman mon krwar nou bezwen transform nou Lasanble a en komite.  Nou bezwen annan en Mosyon pou move it into a Committee e sa i premye pwen.

        Apre 2enm pwen, ki nou ti dekouver towards the end of lannen pase letan nou ti pe regard Bidze,  se pou nou koup sa bout lentrodiksyon.  Parski ou konnen i annan serten dimoun ti pe disiplin zot lekor pou koz zis within sa 4 minit.  Me ti annan lezot ki ti al long, long.  Alors mon krwar ki si mon ti ava propoze ki petet nou al dan sa menm direksyon pou nou met de kote sa lentrodiksyon e nou ava kapab demann kestyon direk e nou ava bouze.

MR SPEAKER

Napa problenm. Mon krwar sa propozisyon i akseptab.  Menm si ler ti pou komanse, parey zot konnen, si en dimoun ti al plis ki 4 ou 5 minit mon ti pou aret li pou dir li in ler pou kestyon.  Me selman mon aksepte sa propozisyon e petet avan nou donn laparol bann manm pou demann kestyon Zidisyer,  nou a  get propozisyon pou nou al dan Komite.  Onorab De Commarmond.

HON CHARLES DE COMMARMOND

Mr Speaker, anba Order 79 (1) mon move ki nou Lasanble i turn into a Committee of the whole Assembly, pou permet diskit e konsider bann matter ki I annan devan li.  Mersi.

MR SPEAKER

Mersi Onorab De Commarmond.  Onorab Pillay.

HON SEBASTIEN PILLAY

Mr Speaker, Motion seconded.

 

MR SPEAKER

Motion seconded.  Eski nou kapab pran en vot.  Tou bann ki ‘pour sa Mosyon lev zot lanmen ?  Ok, Clerk.

MADAM CLERK

Sa ki mon’n vwar Mr Speaker, tou Manm in vot an faver.

MR SPEAKER

Tre byen, Motion carried.  Prezan Mr Rose ou a fer le neseser pou ou fer sir ki nou nivo Komite.  Avek sa nou ava al direkteman, zis pou tou dimoun konnen kot nou été –  Zidisyer dan liv Estimates of Revenue and Expenditure, les mon a zis verifye i lo paz 84.  Pou bann ki annan zot liv ek zot, 84. E nou ava al direkteman kot Onorab Afif.

HON AHMED AFIF

Mersi Mr Speaker.  Bonzour tou bann Manm Onorab e tou dimoun a lekout.  Mr Speaker, mon kestyon i baze lo pas 85 e mon ti a kontan si Zidisyer ti kapab eksplik nou lo laliny ‘other uses of goods and services’ lo sa latab –  ki rezon in ogmante par apepre R4 milyon sorti 2015, pou li vin 13 an 2015 e in mentenir an 2016 ankor 13.

Si zis pou eksplik nou en pti pe kwa sa logmantasyon. E dezyenmman pou ‘transportation and travel cost,’ mon vwar ti’n monte an 2016 pou vin 4.4 me la in redwir par plis ki R1milyon.

Si zot kapab eksplik nou, parski apepre R9 mil par zour.  Kwa ki sa bann depans anba ‘transportation’.  Alor sa de kestyon.  ‘Transportation’ apre ‘other uses of goods and services.’  Mersi Mr Speaker.

MR SPEAKER

Onorab Ferrari ou osi ou annan en kestyon ki swiv lo la ?  Ok.

HON JEAN-FRANCOIS FERRARI

Bonzour tou dimoun.  Mon ti a kontan si zot kapab klarifye lenformasyon comme kwa zot annan bokou problenm maintenance avek sa nouvo building Lakour Siprenm e si sa i korek, si zot pe rezourd sa bann problenm an term maintenance oubyen zot pe fer bann renovasyon ki pa pou fer ki tou le lannen nou pou bezwen fer menm kalite maintenance toultan ?  Eski i annan en solisyon permanan ki zot pe trouve ?  Mersi.

MR SPEAKER

Ok, eski nou a pas laparol avek Madame Esticot.

REGISTRAR MRS JULIANA ESTICOT

Mersi Mr Speaker.  Bonzour Mr Speaker.  Bonzour tou bann Manm Onorab.  Bonzour PS Payet ek ou delegasyon e bonzour tou dimoun ki a lekout.

        Lo kote transpor kot ‘transportation and travel cost,’ Onorab ti pe demande sa logmantasyon pou ki rezon.  Aparaman ki nou fer, se ki nou anba ‘goods and services,’ nou annan bann diferan keksoz ki nou, par egzanp lo kote transpor nou annan bann trip ki nou ale, nou fer Praslin La Digue ki i form parti nou travay Zidisyer ki nou fer.  E sa bann depans i ganny kouver anba la.  E nou’n vwar en logmantasyon dan lakantite case ki nou annan Praslin sa lannen.  Pa zis sa lannen, bann lannen avan.  Me sa lannen in ogmant plis e nou osi vwar nou pe la en pti pe pli souvan e sa i fer ki lo kote larzan ki nou depanse pou nou al Praslin, akoz nou bezwen pey pasaz pou Mazistra, pour bann support staff ki al avek zot e nou osi annan Tribinal Lafanmir avek Lanplwa.  Me plizoumwen Lafanmir ki osi zot fer sesyon Praslin avek La Digue ansanm avek Lakour Mazistra.

        So sa i fer ki nou annan sa logmantasyon dan lakantite larzan ki nou depanse pou lannen 2016 konpare avek bann lannen avan.

        So, i en kou ki nou pa ti’n prevwar.  Me selman ler nou’n fer bann lazistaz dan Zidisyer baze lo nou novo plan stratezi, nou’n vwar poudir sa i neseser pou ogmant lakantite depans ki nou fer.  E nou pe prezimen ki dan lannen 2017 osi nou pou annan, akoz nou osi annan bann Lakour Supreme Court ki zot osi zot al sit Lakour Mazistra Praslin akoz i annan bann case par egzanp kot bann dimoun ki zot annan serten ka ; par egzanp zot handicap – bann keksoz  koumsa.

        So, Lakour i plito prefere deplase pou al ekout sa bann case Praslin instead of koz lenkonvenyans pou sa bann dimoun desann pou zot vin ekout zot bann case Mahe.  So sa i ede pou fer logmantasyon dan nou ‘transpor’.

        Apre, eskize.  Mon pa asire si mon’n ganny byen ou 2enm kestyon ?

MR SPEAKER

Onorab Ferrari.

HON JEAN-FRANCOIS FERRARI

Anba, mon mazinen i anba ‘other goods and services ‘oubyen ‘capital outlays, maintenance.’  E aparaman building lakour i demann bokou maintenance.  So.  Ou kapab eksplik nou si i korek sa?

REGISTRAR MRS JULIANA ESTICOT

Mersi.  Wi i korek.  Par egzanp nou vreman apresye sa led ki Gouvernman Lasin in donn nou pou sa nouvo batiman, byen zoli, byen gro.  E i abrit Lakour D’apel ek  Lakour Siprenm.  Me selman nou annan en kantite defi.  Menm si ou vwar li get gro a leksteryer letan ou dan building li menm lespas i vreman limite.  E pou nou kalite biznes ki nou fer, malerezman i annan en kantite defi ki nou fer fas avek.

        Mon krwar zot pou dakor avek mwan, bann dimoun ki’n dan National Assembly oparavan, zot konnen poudir zot osi mon aprann zot ti fer fas avek menm kalite problenm ek nou.  Par egzanp lo kote lespas, tou nou lofis i deza plen.  Prezan ki nou fer, se ki i annan bann serten Staff;  par egzanp lakantite dimoun ki rekomande par lofis, i tro bokou e nou bezwen fer en fason pou agrandi bann lespas.  Par egzanp nou annan anler dan Attic kot i preski vid, me selman nou problenm se ki i napa twalet e pou rezon sekirite Fire Services pa’n donn nou permisyon pou nou met dimoun ladan, ziska ler nou fer serten lamannman, azisteman.

        E par egzanp dan lofis Enterpret zis en legzanp, i annan 13 dimoun ki pe asiz dan en lofis kot i annan 26 met kare.  E sa definitivman i pa konvenab.  I en lenkonvenyans pou Staff.  Nou drayver pe asiz lo ban dan koridor ki nou pa ti a kontan i koumsa.

        Dan Attic nou ti’n demann dan Bidze sa lannen pou nou kapab met 5 lofis enkli twalet.  Me selman malerezman nou pa’n ganny laprouvasyon e sa ti pou’n ede.  E nou osi bezwen en staircase pou exit akoz nou napa Emergency Exit anler e si zanmen i ariv okenn lensidan bann Staff pa pou kapab sove.

        Apre, pou bout pou maintain sa batiman i en kantite, akoz sa batiman i osi o e nou ganny difikilte par egzanp letan pou re penn li or i annan serten problenm ki annan avek ki nou pa kapab ariv sa oter.  Nou bezwen lwe enn sa bann kanmiyon ki apel ‘’Get high’’ e i vreman koute pou nou kapab ariv anler pou fer bann maintenance anler.

        Nou osi annan en kantite fele lo batiman e mon rapel 2014- 2015 nou ti menm lyez avek Minister Planning, Lotorite Planning zot ti anvoy en enzenyer vin regarde ki kantite safe sa building i safe.  Akoz i annan en kantite crack.  Me zot in asir nou poudir malgre i annan sa kantite crack, building pa pou tonbe akoz i annan en kantite feray ki’n ganny mete ladan.

        Me selman ki nou pe vwar la –  lately nou vwar i annan 2 landrwa kot bann bout beton in komans tonbe, sirtou lo kote deryer.  E nou vreman konsernen akoz nou pa konnen ke ler en dimoun…  Ok, deryer i stab, me still i imen e nou konsernen.  Nou pa konnen ke ler sa bann beton pou tonbe –  en dimoun i pase, i pou fer zot dimal.

        Apre, par egzanp bann camera ki Sinwan ti’n donn nou, tou in aret marse.  Pour lemoman napa ki pe marse e nou bezwen en bon larzan pou nou ranplas tou sa bann camera.  Par egzanp ou konnen mannyer Lakour i été,  i enportan ki nou annan sirveyans sekirite a plen tan.  E i annan bann egzibit ki ganny mete kot Lakour.  Tou bann egzibit ki ganny prodwi an kour, en kantite toulezour e nou vreman bezwen sa camera pou kapab ed nou avek nou sistenm sirveyans.

        Me i kout nou en kantite pou kapab sanz tou sa bann camera.   E pour lemoman i annan serten ki nou’n sanze.  Me selman i annan ankor en kantite ki nou bezwen sanze. E ankor kontrent finansye.  Nou desarz kabinen i en problenm.

        Parey zot konnen mon i dan Lanvironnman e mon vreman konsernen akoz mwan mon ti enn bann dimoun Lanvironnman ki ti met lord lo sa bann kote desarz twalet.  E prezan mon vwar mon kanmarad i vin met lord avek mwan –  which is  -mon pa vwar li i zoli.  Par egzanp nou desarz kabinen kot i sorti dan pi perdi i pe kontinyelman koul lo sirfas later sa bout ki vir avek Supreme Court Annexe ;  bann ki konnen ki’n al bor laba, toulezour sa desarz i koule la.  I pa zanmen arete.  Akoz ki arive se ki nou tenk kabinen mannyer i ete –  parey ou konnen i en later konble e nou annan en tenk kabinen.  Sirtou ler gro lapli i tonbe, nou sirfas i an beton e tou sa delo ki sorti lo sa sirfas i desann dan bann septic tank.  Dan sa bann septic tank i ranpli e sa i ede pou fer deborde. E nou vwar nou pe kontinyelman pe pey bann kanmiyon pou vin fer ponpe sirtou letan i letan gro lapli dan 2 fwa par semenn apepre nou pe fer ponpe e sa osi i akimil en kou lo nou.

        Apre nou annan aircon santralize.  Nou pe ganny en en kantite problenm akoz –  par egzanp bann ki Lasin donn nou e nou pe ganny difikilte bann dimoun ki repare.  Menm si nou’n al rod detrwa, diferan konpannyen,  zot pe dir nou ki i difisil pou repare e i pou kout nou en kantite si nou kontinyelman mentenir li e i pli fezab si nou fini tir sa net e nou ranplas li par bann split unit.  E i annan landrwa kot nou pe fer li, nou’n komanse.  Me selman ankor i pou kout nou en kante larzan, akoz i en keksoz, i paret mwan ki i en keksoz kontinyel amwen nou ganny en larzan en sel kou ki fer en proze – enn fwa pour tou rezourd nou problenm.

        Apre nou annan bann condensation pipes ki dan koridor, letan ou pase.  Parey ou konnen nou plafon konpare ek sa enn plafon ki la i bann pti ‘cube’ ki vreman letan delo i tonm lo la i mouye e i mwazi.  Apre i komans grenn par morso.  E sa bann letan Gouvernman Lasin, bann kontrakter zot in fer sa building,  i annan serten proteksyon ki zot pa’n mete e ler zot pa met sa bann proteksyon sa i ede pou fer sa aircon, ki mon krwar bann dimoun ki konnen, i leak.  I transpire e sa bann delo i koul lo sa bann plafon e nou pe vwar nou, nou pe kontinyelman sanz plafon.  Osinon zis kit li koumsanmenm.  I annan landrwa ou pou pase dan building ou pou get anler ou pou vwar bann tiyo, bann zafer pase.  Akoz nou’n bezwen tir sa bann plafon.  Nou pa pe napa pou nou ranplase.

        Nou osi annan problenm tiyo delo.  Nou annan bann tiyo delo ki nou bann delo ki…

MR SPEAKER

Sey round-up lo ou bann problenm Madanm Esticot.  Sorry, mon pa oule koup ou lelan, me sey round-up akoz i annan en kantite kestyon.  Silvouple.

REGISTRAR MRS JULIANA ESTICOT

Ok, mon’n komans lo tiyo delo.  Mon kapab fini Mr Speaker?  Nou tiyo delo, akoz i en keksoz en pti pe serye.  Nou tiyo delo se ki ler sa kalite tiyo ki’n servi i pa sa tiyo apropriye.  Sa main tiyo pipe ki nou delo i pas ladan.  E ki arive se ki ler nou ti annan presyon delo la, presyon PUC son presyon i for e  ler i pas dan sa bann tiyo,  bann kontrakter ki’n vini in dir nou olye met en lazistaz pou aziste sa 2 tiyo –  bann dimoun kontrakter ki zot in fer, zot in pran sa bout tiyo zot in kol li e fer li antre dan sa lot bout tiyo.  E otomatikman avek presyon i debwete e koul anba later.  Nou pa pe konnen nou.  E sa nou vwar zis nou bill i kontinyelman monte.  Apre en serten letan ki nou vwar i pet sirfas e la ou bezwen komans kas beton pou pase.

        Prezan ki nou bezwen fer, rod en reducing valve met o komansman nou tiyo kot PUC e sa i koz en lot problenm ler nou met ….akoz nou delo pa mont anler dan tenk prezan dan bann kabinen nou napa delo.  So an gro nou vreman annan en kantite problenm e nou ti ava apresye si Gouvernman ti ava petet vin fer mon pa konnen.  Even nou kouran osi nou annan en problenm kot tou lazournen nou kouran i trip.  E mon ti a kontan si Gouvernman ti ava donn nou en pti pe plis sipor akoz nou annan en kantite Staff ki travay – 178 plus Ziz, Mazistra eksetera e i vreman en problenm pou nou.  Mersi Mr Speaker.

MR SPEAKER

Mersi Madame Esticot.  Si i okenn rekonfor pou ou, sa bann problenm i pa zis kot Zidisyer, Lasanble Nasyonal i annan osi en pti pe kapatya problenm.  Me zis sey redwir detay dan ou kestyon.  Ou repons i byen, napa problenm avek me letan i en problenm.

        Onorab Andre.

HON CLIFFORD ANDRE

Mers Mr Speaker.  Mr Speaker, prennan an kont sa ta problenm ki Rezistrar in dir nou, mon pou sey al en pti pe pli vit.  Lo paz 85 i annan en logmantasyon dan ‘wages and salary in cash,’ sorti 24 milyon pou vin 25.7milyon.  Savedir en logmantasyon 1.3milyon.  Mon ti a kontan en pti leksplorasyon lo la.

        Pareyman i annan ‘wages and salary in kind’ in sorti 4 milyon in mont 5milyon.  Mon ti a kontan konnen egzakteman kwa sa?  Lo paz 86 Mr Speaker, letan nou get dan progranm SP1 –  ‘Secretariat of the Chief Justice,’ nou vwar in sorti 1.730 in vin 1.722.  Mon ti a kontan konnen e sa i tonm apepre R141 mil par mwan.  Ki bann dimoun ki ganny anploye dan sa Sekretarya pou fer li marse ki nou bezwen R141mil ?

        Letan nou get en pti pe pli ba lo paz 86,  nou vwar ki dan ‘Secretariat of the Registrar -’  mon prezimen sa ki ou, kot ou été –  i annan en logmantasyon ki sorti an 2016, 6.7million, in mont 7.1milyon e sa i ‘compensation for employees. ‘ Kekfwa ou kapab eksplik nou si i annan okenn nouvo Scheme of Service e ki mannyer i pou marse.

        Apre nou annan lo paz 87 kot nou dir ki annan ‘office expenses.’  Nou vwar in redwir sorti 2.1milyon in vin 1.9 milyon.  Si i annan en logmantasyon dan aktivite akoz bann ‘office expenses’ pe desann ?  Kekfwa ou kapab donn mwan en pti detay lo la.

        Paz 88 nou osi vwar ‘Supreme Court Management ‘ kot in annan en logmantasyon 1milyon-  sorti 8.4, in mont 9.4.  Kekfwa ti a bon ou dir nou kwa sa ?  E sorti dan ‘goods and services’ i annan en rediksyon parey mon dir sorti 4.4 milyon in desann 3.4.  Sa osi kekfwa nou bezwen ganny en pti gidans lo la, akoz i enportan ki demen nou pa ganny en lot demann an referans avek sa.

        Menm zafer mon pe get kot ‘compensation for employees’  dan ‘Magistrate Court Management’ lo paz 88.  Sorti 2.1 in vin 2milyon.  Ou kapab eksplik nou akoz i annan sa rediksyon letan ou’n dir nou poudir i annan en logmantasyon dan bann aktivite.  Mersi.

MR SPEAKER

Mersi Onorab Andre.  Madame Registrar.

REGISTRAR MRS JULIANA ESTICOT

Mersi pou ou kestyon.  Lo kote program 1 pour ‘Office of the Chief Justice.’

MR SPEAKER

Ou ti a prefere pran en lot kestyon an atandan madanm Esticot?  Letan ou koleg pe sey rod sa lenformasyon ki Onorab Andre in demande.  E menm si ou santi ki oule en lot ou bann lyetnan i vin devan o-bor ou, zis endike e mon a demann zot, parski ou annan en lalis 13 dimoun avek ou.  Si ou santi ou ti a kontan en lot dimoun i vin o-bor pou ed ou reponn kestyon, les mwan konnen mon a kriy li.  Si i anler i a desann i a vini.

REGISTRAR MRS JULIANA ESTICOT

Mersi Mr Speaker, mon ti ava apresye si mon Direkter Administrasyon ti ava vini. Mr Eric Savy.

MR SPEAKER

 Mr Savy vin asiz la o-bor Mr Esticot pou ede anmenn sa bann lekleraz ki bann MNA pou demande.

        Onorab Ramkalawan ou annan en pwen ou ti oule fer sorti ?  Ok, dakor.

        Petet an atandan ki madanm Esticot pe esper serten repons ki Onorab Andre in demande, ki Mr Savy i a ed li.  Mr Savy mon espere ou’n ekout sa kestyon, ou’n tande.  ou konnen ki poudir.

        Alor petet nou a pran lot dimoun an atandan pou fasilit keksoz e pou save letanI annan Onorab Georges.  Ou ti’n met ou non.

HON BERNARD GEORGES

Mersi Mr Chairman.

 

MR SPEAKER

Madame Esticot laparol i pou ou.

REGISTRAR MRS JULIANA ESTICOT

Lo kote Lofis Sef Ziz e sa i SP1, Onorab ti’n demande.  So anba SP1 nou annan Lofis Sef Ziz;  Sekretarya Sef Ziz avek Sekretarya Rezistrar.  E nou annan bann Staff ki siport Sef Ziz dan son travay e nou osi bann Staff ki tonm anba Sekretarya Rezistrar ki enkli Registry –  savedir management Lakour Siprenm e nou annan en long lalis Staff ki travay anba la ;  bann call support staff enkli bann ki ede fer marse bann lezot fonksyonnman Lakour.  E nou kontinyelman vwar nesesite pou nou ogmant lakantite Staff ki travay ;  pa neseserman ogmante, me ogmant lo kalite travay e sa nou’n come up avek en multitasking scheme ki nou ti’n propoze.  E ki arive se ki nou annan bann Staff ki zot bezwen serten kalifikasyon spesifik pou zot kapab fer sa bann louvraz e letan ou pe regarde, i bezwen en kantite bann training eksetera ;  bann diferan kalite incentive pou kapab ed zot pou zot kapab reste dan lanplwa.  Akoz letan ou anploy zot, ou donn zot training e parey ou konnen napa en landrwa Sesel ki ofer training pou bann Staff Lakour.

        So zot ganny on the job training e ler zot in kalifye, si nou Scheme pa relevan, bann incentive pa ase ou vwar zot, zot kite e zot ale e nou vwar nou end-up rekomans ankor.

        E kote Rezistrar parey mon pe dir, wi i annan plis Staff ki travay anba Sekretarya Rezistrar konpare avek Sekretarya Sef Ziz.  Akoz parey mon pe dir ou, i annan tout en lalis sa bann Staff ki travay pou ‘call support staff’ e nou osi annan bann bout administratif ki tonm anba la e sa i ede pou fer lakantite larzan ki nou servi pou pey saler ogmante.

        E lo kote konpansasyon pou anplwaye, nou annan en problenm dan Zidisyer kot nou vwar nou parey koman en –  mon pa konnen si mon pou apel li en training ground or ki kalite.  Akoz  nou vwar bann Staff zot fini lekol Pos-Segonder, zot vini zot zwenn Zidisyer e zot fer 6 mwan, 9 mwan ;  wi i annan petet zot ti pe esper zot training Liniversite pare – zot kour.  Epi ou vwar zot, zot resign ek zot ale.  E nou annan bann ki letan zot vini, zot in reste en pe letan,  zot gete poudir i annan landrwa ki annan pli bon package.  Ou vwar zot, zot kite zot ale e nou bezwen pey konpansasyon pou sa bann Staff letan i ale.

        So, nou kontinyelman annan en rotasyon dan Zidisyer e pou ede sey eklersi sa nou’n come up avek en Scheme of Service. Akoz nou’n vwar poudir sel fason pou nou kapab gard sa bann Staff an plas se come up avek en nouvo Scheme of Service.

Nou ti annan enn an 2012 e li i pa ti pran an konsiderasyon pou bann dimoun ki annan leksperyans.  I ti senpleman pran konsiderasyon pou kalifikasyon. E ki arive, nou vwar Staff i dekouraze, zot demoralize akoz letan zot in vini zot in join Zidisyer, zot pe vwar bann ki fek vini zot vin avek zot Diplonm e zot, zot pe ganny pli o saler ki bann ki deza la avek zot kantite leksperyans. E  nou vwar bann ki pli long letan, definitivman zot resign, zot ale akoz zot pa pe ganny en ‘fair deal’ parey nou apel li.  E sa i ede pou fer nou kontinyelman annan sa logmantasyon dan konpansasyon.

So nou’n fer sa Scheme of Services, nou’n propoze avek lespwar ki sa i ava donn en incentive e i ava annan en sistenm kot progresyon.  Staff i kapab progrese, i vwar li i pa reste en sel pozisyon ek en sel saler.  I kontinyelman progrese pou ede pou gard li dan lanplwa, ganny en karyer instead of zis en louvraz.  Me unfortunatly nou’n aprann ki nou Scheme pa’n ganny funded pou sa lannen ki ti pou pran lefe le premye zanvye 2017.

So sa in vreman demoraliz en kantite nou Staff e ti menm annan …akoz  nou Scheme i date 2012, nou osi annan bann dimoun ki’n vin zwenn nou ;  par egzanp Tribinal Lanplwa, Tribinal Lafanmir.  Lanplwa ti deza annan en Scheme ki ti’n fini enplimante.  Tribinal Lafanmir pou li son Scheme ti’n fini ganny aprouve me pa ti ankor gannny enplimate akoz i ti napa funding.  E ler zot in vin kot Zidisyer, nou, nou Scheme 2012 nou ti pe revwar.  So nou’n end up ek 3 Scheme ki i pa fer en sans.  So nou’n bezwen re aziste tou keksoz e nou zepol i tonbe letan nou aprann la ki nou Scheme pa pe ganny funded.  E mon zis pe swete ki mon bann Staff i konpran mwan poudir nou’n seye e nou demann sipor Lasanble pou sey ed nou.

MR SPEAKER

Ok, mon krwar ou Staff i konpran ou’n seye.  Ok, Onorab Georges, ou kestyon in ganny reponn?

HON BERNARD GEORGES

Non Mr Chair.  Parsyelman.

MR SPEAKER

Onorab Andre, ou ki ti’n demann sa kestyon ?  Ok, sorry.  E petet mon ti a kontan dir madanm Esticot ;  pa forseman ki ou bezwen reponn tou kestyon.  Ou annan en Direkter Ladministrasyon, ou annan en Financial Controller, Mr De Silva.  Mon pa konnen si ou koz kreol.  No? I will permit you to answer in English if you understand the question to help the Registrar.

        Onorab Andre, ou dir ou kestyon pa’n ganny reponn.  Ale, presize.

HON CLIFFORD ANDRE

Wi Mr Speaker, premye kestyon.  I annan logmantasyon e mon’n demann ek Rezistrar pou eksplik mwan akoz ki Sekretarya Sef Ziz i bezwen R141 mil par mwan, ki bann dimoun ki ganny anploye?  Mon konpran larzan i bezwen ki bann dimoun ki ganny anploye pou kapab fer sa travay.  E si par egzanp in dir ki sa Scheme of Service pa’n ganny konsidere akoz  – sa i mon kestyon ki mon’n demann li osi –  akoz ki i annan en logmantasyon dan Sekretarya of the Registrar,  from 6.7 million to 7.1million.  So ki mannyer i annan en logmantasyon?

MR SPEAKER

Tre presi kestyon madanm Registrar.  Akoz sa logmantasyon ki in demande.  Very precise question.

REGISTRAR MRS JULIANA ESTICOT

Mersi Mr Speaker.  Anba Sekretarya Sef Ziz sa logmantasyon i senpleman akoz nou’n bezwen recruit legal researcher ki nou ti napa oparavan.  Parey ou konnen nou annan 2 Ziz ki sipoze, zot Kontra i sipoze terminen e deplizanpli nou annan bokou plis case ki vin aparet devan Lakour e bann Ziz i en pti pe… nou pou ede pou nou redwir lo sa kantite backlog ki nou annan e nou pe swete pa escalate.  Nou bezwen recruit legal researcher pou zot kapab ed Ziz pou fer resers.  Akoz bann Ziz bann zizman ki zot donnen i vreman enportan e ou vwar poudir zot napa ase letan pou zot fer resers, so sa 2 legal researchers ti pou ede pou fer resers pou bann Ziz pou zot kapab delivre zot zizman atan e a-ler e en bon zizman.

        E nou osi annan programmer ki son Kontra ti’n fini lafen Zanvye, sipoze fini.  Me nou napa swa, nou bezwen gard li ankor akoz nou annan sa nouvo sistenm Cast ki nou pe merge avek DICT e sa nou bezwen en dimoun eksperyanse.  Lafet ki i ti ladan, in komanse nou napa swa nou bezwen re recruit li.  Me selman unfortunately nou napa en dimoun pou li train avan ler i ale, so nou’n bezwen gard li. E sa legal executive assistant li i pe ede pou li train sa 2 legal researcher ki nou pe recruit e sa i ede pou fer sa logmantasyon.  Akoz nou ti napa sa bann dimoun, me la nou bezwen recruit zot.

MR SPEAKER

Very good.  Mon krwar ou’n reponn kestyon Mr Onorab Andre.  Onorab Georges, ti annan en kestyon ki pa ti ankor ganny reponn.

HON BERNARD GEORGES

Pa ankor demande Mr Speaker.

MR SPEAKER

Ale, demann ankor en kou nou a sey vwar.

HON BERNARD GEORGES

Mon annan annefe 3 kestyon oubyen 3 groupman kestyon.  Premyerman mon ti pe rod en pti lenformasyon lo bann biro dan Attic.  E nou’n ganny dir ti sipoze annan 5 zot pa’n kapab fer li.  Mon ti a kontan zis konnen si rezon ki nou pa pe fer li se akoz nou napa funding oubyen se Fire Department ki pa pe donn ‘green light ?

MR SPEAKER

Petet annou pran sa kestyon, i a sey reponn apre ou a pran lot.  Madame Esticot.

REGISTRAR MRS JULIANA ESTICOT

Mersi Mr Speaker, bann lofis dan Attic nou main rezon prensipal se pour Fire Services aprouve,  i annan serten kondisyon ki zot in donn nou e pou nou kapab meet sa bann kondisyon, definitivman nou bezwen finans e nou pa’n ganny finans.  Therefore nou pa pe kapab met zot an plas.

MR SPEAKER

Ok, pran ou 2enm kestyon prezan.

HON BERNARD GEORGES

So i en problenm finans.  Mersi.  2enm groupman kestyon i konsern sa Scheme of Service ki pa’n ganny funded.  Mon pa tro konpran ki mannyer i pa’n ganny funded akoz funding se la, se nou ki pe al deside si pou fund, si pa pou fund.  Alor kekfwa nou ava kapab ganny en pti lenformasyon lo akoz, akoz Registrar i kwar ki sa Scheme pa’n ganny funded e pour ki rezon?

        E dan sa konteks mon ti a kontan, in reponn en morso mon kestyon lo salary seniority.  Me mon ti a kontan si i adres liniform avek clothing.  Nou vwar Staff ki la ozordi zot tou zot annan en liniform spesyal, nwar ek blan  Ki koresponn avek lakour.  Eski zot ganny en allowance pou clothing and shoes e si non eski dan sa Scheme zot sipoze gannyen?

MR SPEAKER

Espere ou a demann ou 3enm kestyon apre.  Madanm Estico, 2enm kestyon.

REGISTRAR MRS JULIANA ESTICOT

Mersi Mr Speaker.  Aparaman Scheme of Service i R1 milyon 5 mil e  nou ti’n met li dan nou Bidze pou lannen 2017 dan senaryo B.  Pour ki rezon? Zis letan i annan sa revizyon ki sipoze fer pou Bidze e letan in retourn kot nou, nou vwar i annan bann landrwa kot Minister Finans in mete bann ki ‘n funded –  bann proze e bann ki unfunded e nou’n senpleman vwar li unfunded. So mon pa pe konnen. 

 

MR SPEAKER

Mersi Madame Esticot.  Ou 3enm kestyon Onorab Georges.

HON BERNARD GEORGES

Mersi, 1 milyon 500 mil.  Eski mon’n tann byen ?

REGISTRAR MRS JULLIANA ESTICOT

Non 1milyon, 5mil.

HON BERNARD GEORGES

1 milyon, 5 mil.  Pou en lannen antye?

REGISTRAR MRS JULIANA ESTICOT

Pou en lannen.

HON BERNARD GEORGES

Pou sa Scheme?

REGISTRAR MRS JULIANA ESTICOT

Wi.

MR SPEAKER

Pou sa Scheme, dakor.

HON BERNARD GEORGES

Nou’n pran note sa.  Lot sa Mr Speaker, ou’n aret mwan avan mon demann mon dernyen kestyon lo sa group.  Eski Registrar i kapab –  mon konnen sa i en pti pe an deor Finans –  me i annan pou fer ek sa Scheme of Service,  Eski Registrar i kapab reasir mwan ki enn de konplent ki mon’n tande avek bann Staff Lakour, sirtou bann clerical staff;  ki en pe per pou koz ek bann dimoun parey mwan –  ki zot konnen mon sorti dan Lopozisyon; Zot krwar ki, zot annan sa persepsyon ki si zot ganny vwar pe koz ek bann avoka or bann manm piblik ki sorti dan Lopozisyon zot a ganny problenm.

        E avan ki ou reponn, mon ti a kontan reasir ou ki mon konpran ou pa devret pe fer politik dan landrwa travay e sa i toutafe normal,  me zis si dimoun pe koze zot annan sa persepsyon ki zot pou ganny problenm.  Mon ti a kontan ou reasir mwan ki sa i pa le ka e i pa pou le ka dan sa lannen.

        E finalman mon dernyen kestyon,  i vin atraver ou wish list.  Nou Sef Ziz ler i ti prezant son progranm lot zour pou sa lannen,  in dir ki li son wish list se ganny R30 milyon pou fer Magistrate Court la Ile Du Port.  Ki ou wish list apart Scheme of Service 1.05 milyon.  Ki ti pou premye lo ou wish list Registrar, si ou ti annan enn ?  Mersi Mr Chair.

MR SPEAKER

Madame Registrar.

REGISTRAR MRS JULIANA ESTICOT

Mersi Mr Speaker.  Avan mon kontinyen, mon pa ti ankor fini reponn ou kestyon konsernan uniform;  kestyon Onorab.  Wi nou annan en sistenm an plas koman parti bann Scheme  –bann Staff zot osi ganny uniform akoz parey ou konnen i difisil pou ganny uniform pou vin travay Ankour, parey ou pe dir –  nwanr ek blan.  E nou annan dan nou Bidze tou le  z-an en konponan pou uniform e sa nou donn zot normalman 3 set uniform e sa i dir pou en lannen unfortunately.  Apre zot ganny 2 per soulye e bann msye osi parey.  Me selman parey ou konnen –  deplizanpli tou keksoz i monte.  So i annan de letan kot nou finansman –  petet bann landrwa…  akoz nou bezwen rod bann landrwa pou koud or aste ready-made ki de fwa pli ser.  Me selman nou sey nou mye at least pou nou kapab donn nou staff uniform.  Me selman ler nou donn zot iniform Zanvye, par egzanp e ler in ariv dan Zen, Zilyet, Out i annan ki’n grosi –  i annan ki’n maigrir –  uniform in en fason.  E i difisil pou nou kapab cope ziska Desanm.  E la ou vwar bann Staff i vini dan sa ki zot kapab afford ziske Zanvye letan nou re ganny liniform.

        Lo kote problenm pou koz avek bann Onorab Lopozisyon, mon pa konnen akoz i annan sa kalite persepsyon ki mon pa ti okouran poudir ti annan.Sel keksoz ki mwan mon konnen Onorab se ki nou’n dir Zidisyer i en landrwa ki sipoze endepandan from politik e osi relizye.  So anything ki annan pou fer ek politik nou pa ‘ban’ li, me nou anpese antre dan Zidisyer akoz sirtou dan batiman, lo nou permises akoz nou pa swete vwar i annan bann diferan – ou konnen kontrovers .  Me selman mon pa vwar rezon pou ki rezon bann Staff pa kapab koz ek bann lezot avoka.

        Mon vwar zot pe koze.  Mon pa ti konnen i annan sa problenm.  Me la ki ou’n met dan mon latansyon mon krwar mon bezwen parey Kreol i dir –  al get en pti pe ladan e fer sir ki napa okenn…

        Me selman si ou pou dir mwan petet bann lensidan ki’n arive dan lepase –  dan bann letan eleksyon kot bann dimoun, bann ki Lopozisyon in antre dan Lofis sa wi nou’n met en pti pe disiplin.  Petet sa ki zot pe dir, mon pa pe konnen petet sa ki zot pe koz lo la.  Si sa wi, nou’n met en pti pe disiplin akoz nou’n dir nou pa soutire politik dan building.

        Me selman konsernan pou koz ek zot zis koumsa mon pa vwar okenn rezon akoz Staff pa kapab koz avek zot.

        Apre lo kote mon wish list, i vreman long.  Me selman si ou dir mwan mon priyorite mon annan 2 priyorite.  Mon Scheme of Service avek mon Lakour Mazistra ki R40 milyon.

        Akoz an 2014 nou ti ganny promet avek Finans pou donn nou R24milyon e ou konnen 2014, la nou 2017  tou keksoz in monte e nou annan en prediksyon apepre 40 milyon nou pou bezwen pou nou Lakour.  Mersi.

MR SPEAKER

Ok, kler.  Ou annan ou 2 priyorite lo ou wish, ou’n fer kler.

        Les mon  fer 2 pwen.  10er in sonnen, nou annan en kalandriye tre, tre tight pou sa semenn ziska Vandredi.  From now on i annan 10 dimoun ki’n deza demann pou koze.  Mon pou donn zot, ou pa kapab demann 4 kestyon akoz nou tou nou anvi bouze.  I annan lezot Lazans ki pe vini.  Demann en kestyon apre pli tar nou a vwar.

        E Madanm Estico, silvouple sey donn en repons presiz.  Ki kante soule, ki kantite rob, ki kantite kor zot annan.  It’s fine.  Petet sa bann detay koumsa sey redwir li.  Onorab Prea.

HON NICHOLAS PREA

Mersi Mr Chair.  Mon osi mon oule repons bref.  Eski Lakour Anse Royale i ankor pe ganny servi, ankor pe ganny administre ?  Ki son kou atase avek ?  Apre vitman ou’n dir ou annan 178 Staff, konbyen ki Seselwa, konbyen ki etranze? Mersi.

 

REGISTRAR MRS JULIANA ESTICOT

Mersi Mr Speaker.  Pou Lakour Anse Royale, wi i ankor pe ganny marse.  In fact tou le zour eksepte en semenn ki i al La Digue.  Kou mon Financial Controller en pti moman i ava les zot konnen.  E lo kote Seselwa konbyen nou annan dan sa 178 ?  Pour le moman mon annan 3 travayer ki etranze e mon annan 175 ki Seselwa.  E sa mon pa pe koz bann Ziz ek bann Mazistra la.  Mon pe koz bann normal Staff.

MR SPEAKER

Ok, Onorab Prea ou ok?  Onorab Mondon.

HON TERENCE MONDON

Mersi Mr Speaker.  Bon mon pou ekout ou konsey pou pa demann mon 5 kestyon ki mon ti annan.  Mon kestyon i relye avek Court of Appeal.  Mon anvi konnen ki kantite Sittings Court of Appeal i fer par semen?  Akoz ki i pran tou sa kantite lannen pou bann case ganny ekoute ?  E mon kontan ki madame in dir, in donn garanti ki napa viktimizasyon akoz sa ti en lot mon kestyon.

        I serye, mon konnen viktimizasyon kot Zidisyer.  Mon kontan ou’n donn en garanti ki sa i pa le ka.  Dernyerman akoz nou bezwen etranze pou okip finans kot Zidisyer ?  Mersi Mr Speaker.

MR SPEAKER

Repran sa 2enm kestyon Onorab Mondon.

HON TERENCE MONDON

Akoz ki nou bezwen etranze pou okip en post finans kot Zidisyer.  Mersi.

MR SPEAKER

Ok.  Madame Esticot.

REGISTRAR MRS JULIANA ESTICOT

Mersi Mr Speaker.  Court of Appeal normalman i ‘sit 3 fwa dan en lannen pou 2 semenn.  Sa i Avril, Out avek Desanm e sa i pandan letan ki Lakour Siprenm i dan vakans, i dan vacation.

        I en pti pe difisil pou met zot tou ansanm, pou sit ansanm.  So sa in toultan le ka.  Me selman i annan serten sesyon ki ganny fer menm si Lakour Siprenm i dan sesyon.  Par egzanp si i annan bann ka ki vreman irzan, ki bezwen ganny deal avek,  la Lakour D’apel i ‘sit e la i bezwen pran en ziz lo Lakour Siprenm pou met lo la, pou fer sa 3enm Ziz e zot ‘sit.  Savedir i annan mainly 3 fwa dan en lannen me selman apre i annan bann lezot lenstans kot zot ‘sit.

        Savedir i pa zis sa 3 peryod letan ki mon’n nonmen.  I en zafer kontinyel.  Si ou pe demann mwan akoz i annan en kantite case devan Lakour.  Wi nou annan detrwa case.  Me selman la nou kantite backlog in redwir.  I zis i annan de letan ki nou bezwen esper bann proceedings pare ;  bann lezot keksoz, formalite ganny fer eksetera.  E la si ou pou vwar, lately la nou pe ‘sit menm si Lakour Siprenm i an sesyon nou osi annan Court of Appeal ki pe sit.

        Menm si i koz lenkonvenyans pou bann avoka ki bezwen sorti dan Lakour siprenm, al Court of Appeal akoz i priyorite.  Me selman nou pe ‘sit pour lemoman.

Konsernan akoz nou annan etranze dan finansman kot Zidisyer ?  Sa etranze i atase avek nou financial controller and he is a very good guy –  i atase kot Minister Finans avek Minister Finans.  Me i ganny segonde kot Zidisyer Sesel.  Parey i annan bann lezot Staff kot Minister Finans ki al dan bann lezot lorganizasyon e as far as ki mon konnen –  letan mon ti vin zwenn Zidisyer nou ti napa en Financial Controller, nou ti annan en direkter.  Nou ti annan detrwa problenm e mon ti vwar li neseser.  Mon menm personnelman mon ti dir, mwan mon pa konn bokou dan finans, mon pa pou kapab zer sa Bidze dan milyon.  Alor mon ti demande ki mon ganny en dimoun ki annan lekspertiz ladan e se pour sa rezon ki mon’n ganny sa dimoun.

MR SPEAKER

Ok, tre byen.  Ou’n reponn kestyon.  Onorab Ferrari.  Ou’n fini reponn ou kestyon.  Ok, Onorab Henrie.

HON GERVAIS HENRIE

Mersi Mr Chair.  Bonzour tou dimoun.  Mr Speaker, mon pou demann en kestyon parey ou’n dir e mon kestyon ti ava vize ver PS Finans lefe ki i la pe asiz.  So si i ti kapab donn nou leksplikasyon Minister Finans akoz ki sa Scheme of Service pan ganny aprouve? Egalman renovasyon Attic pou fer sa 5 lofis e retar pou provide capital fund pou fer Magistrate Court depi 2014.  Mersi.

 

MR SPEAKER

PS Finans.

PS PATRICK PAYET

Mersi Mr Chair e bonzour tou dimoun ki a lekout e bonzour tou Manm osi.  Zis pou azout, Scheme of Service parey zot konnen letan parey Registrar in dir nou donn senaryo A avek senaryo B.

        Nou donn zot en ceiling pou travay avek.  Sa i tou lenstitisyon endepandan e osi bann entity Gouvernman nou donn zot senaryo A.  E zot, zot met bann senaryo B, si i arive evantyalite nou ganny additional reveni letan nou pe finaliz Bidze.

        Letan nou’n pe finaliz Bidze nou’n vwar ki nou pa kapab soutenir sa additional request ki zot in mete dan senaryo B.  Sanmenm sa ki nou’n advice zot ki nou pou revwar dan mid year review si nou pou kapab finance the Scheme of Service e additional office ki zot in demande.

        Sanmenm sa ki nou pe pran tou sa bann opsyon ki bann lenstitisyon in mete dan senaryo B, pou nou revwar dan mid year review letan additional revenue i vini si nou pou kapab soutenir li e vin devan Lasanble ankor.

        Lo kote the Magistrate Court ki zot in demande, 40 milyon.  Nou’n vwar i dan plan, i dan PSIP ki nou’n mete.  Me selman i pa ti direkteman la, akoz nou ti anvi pe travay lo Development Plan avan ki pou pran an kont pou Judiciary as well.  E dan Development Plan ki nou anvi vwar se, kan ki nou kapab met li, akoz mon konnen kot zot ete zot pe lwe lofis aktyelman kot zot ete Magistrate Court.  Enn de lofis zot pe lwe dan Unity House.

So, definitivman nou pe met li koman en priyorite ki nou pe travay lo la dan nou Development Plan pou nou revwar kan ki nou kapab finance the additional component pour Lakour Mazistra.  Mersi.

MR SPEAKER

Mersi, Onorab  Henrie ou ok ?  Kestyon in ganny reponn?  Dakor i annan en kestyon dan menm laliny,  Onorab Valmont.

HON JUDE VALMONT

Mersi Mr Speaker.  Bonzour.  Bonzour tou koleg Onorab.  Eskize si mon’n pas par devan zot, me selman i dan laliny Scheme of Service.  Mon pe demann Madanm Registrar si ler in dir i pou reviz Scheme of Service, bann lezot Staff –  bann Staff Zidisyer, eski sa i enkli bann lezot support staff as well?  En legzanp se bann senior drivers e si i annan okenn propozisyon pou reviz zot Scheme of Service.  An konsidere  ki zot pa zis bann drayver, me zot parey bann caretakers pou bann Ziz e nou konnen zot osi zot bann dimoun ki lavi i kapab osi an danze.  Mersi.

REGISTRAR MRS JULIANA ESTICOT

Mersi Mr Speaker.  Pou Scheme of Service i an global tou Staff.  Me selman nou annan par egzanp driver, senior driver ki ou’n mansyonnen spesifikman,  zot, zot deza nannan en Scheme ki ti revize par Departman Administrasyon Piblik e zot in deza fini al lo sa Scheme.  So zot, zot in fini deza lo la e nou annan par egzanp bann dimoun dan seksyon accounts osi ki zot osi zot annan en Scheme e dan administrasyon.  E otherwise i tou sa bann lezot Staff ki travay dan Zidisyer Sesel.  Mersi.

MR SPEAKER

Onorab De Commarmond.

HON CHARLES DE COMMARMOND

Mersi Mr Chair.  Mr Chair, pou mwan pa ti en kestyon.  Rather letan ki madanm Esticot ti pe eksplik sa ta problenm ki i annan kot Zidisyer konsernan building ek son tiyo, ek son kalite materyo, ek son elektrik,   mon ti zis anvi fer en komanter pou dir ki Prezidan, son Lofis –  Gouvernman an zeneral i devret take note ki sa problenm, to that magnitude ki Zidisyer i annan e ki pe sers Bidze pou rezourd ,  the common Seychellois dan bann housing estate, sirtou la Cascade kot St Andre 2 e bann nouvo housing estate ki fer i ganny otan problenm e personn pa pe get zot e mon ti ava kontan ki somebody somehow, i pran sa an konsiderasyon, pou regarde lo kalite materyo ki antre dan pei.  Ankor enn fwa lo supervision e Planning e tou sa.  Tou sa bann issues konmsi ki nou pa pou kapab kontinyen zis depanse, depanse ek bann keksoz i repet son lekor.  Power surge, dan tiyo delo sa kestyon presyon.  Tou dimoun i gannyen sa e personn pa kapab get li.

        So mon ti anvi zis Gouvernman i pran not sa.

MR SPEAKER

Very valid pointPoint is made, its recorded.  Nou a donn laparol Onorab William.

HON WAVEL WILLIAM

Mersi Mr Speaker.  Mr Speaker, dan sa menm laliny ki Onorab De Commarmond in koz lo la mon ti a kontan adres mon kestyon avek PS Payet an menm tan mon pa konnen si Registrar ti a kontan reponn.  Mon anvi konnen lefe ki Registrar in fer sorti en litani problenm avek batiman laba,  eski i annan en Lagreman ?  Akoz mon konnen letan i annan en Don, i annan en Lagreman kot i annan en time frame pou maintenance.  Eski i annan en Lagreman ki kapab ganny re negosye kot sa bann maintenance ouswa keksoz ki pa bon-  ki annan pou fer avek workmanship i ganny rezourd ?  Mersi.

MR SPEAKER

PS Payet.

PS PATRICK PAYET

Mersi Mr Chair e mersi Onorab.  Zis pou azoute ki mon okouran lannen pase the Ministry of Foreign Affairs ti demann…  akoz ti en problenm ki Minister Finans ti raise ki tou bann batiman ki’n ganny build par sa don ki nou gannyen avek Chinese, nou vwar i annan problem.  E nou’n vwar ki Bidze pa pe kapab soutenir sa bann issues tou le lannen.  Akoz otherwise plito Gouvernman i fer son building li menm.

        E en keksoz ki Ministry of Foreign Affairs ti pe travay avek bann lenstitisyon pou demann zot tou sa bann problenm ki egziste dan zot batiman apre ki sa building in vin into force;  ki zot kapab relev sa avek Gouvernman Lasin.  Mon kapab klarifye pou regarde si sa bann dokiman in ganny re mete a latansyon Gouvernman Lasin e ki mannyer zot reaksyon apre, ki si sa dokiman in ganny re mete.

        So mon kapab diskite avek Minister Foreign Affairs.  Me kote Lagreman mon pa okouran si i annan, kekfwa Registrar i kapab azout keksoz lo la.

REGISTRAR MRS JULIANA ESTICOT

Mersi Mr Speaker.  Wi nou ti annan en Lagreman avek Gouvernman Lasin.  Zidisyer avek Gouvernman atraver Minister Foreign Affairs e sa i ti pandan letan ki sa batiman ti pe ganny konstrir e apre i 1an apre ki sa batiman in ganny konstrir.  Savedir pandan sa 1an apre ki nou ti’n commission batiman, nou ti ladan,  any issues ki ti lev-e nou ti annan bann travayer Sinwan la ki ti vini e zot ti vin rezourd sa bann problenm.  Me ki nou vwar se ki sa bann keksoz in escalate apre sa 1an  ki zot in ale e nou end up, nou bezwen retour kot Gouvernman prezan akoz sa Lagreman ti zis pou 1an.  Mersi Mr Speaker.

MR SPEAKER

Mersi Madame Esticot.  Zis pou azoute PS Payet, ki sa ki madame Esticot in dir i egzakteman problenm ki nou’n diskite dan nou management meeting 2 semenn pase.  Onorab Prea i la, i mon Depite dan management meeting.  I menm zafer.  Si nou pa fer atansyon, sa basen delo ki anler la, sa tenk delo –  Fire Brigade pe ed nou i riske pete e nou ganny flooded.

        Alor PS Payet, let ou fer sa pou Zidisyer, mazin Lasanble akoz nou annan menm problenm.

        Bon, Onorab Esparon.

HON REGINA ESPARON

Mersi Mr Speaker.  Bonzour tou dimoun, bonzour tou dimoun a lekout.  Mr Speaker, mon kestyon i lo paz 86, SP2.  ‘Secretariat of the Registrar.’  Mon vwar poudir an 2015 pou ‘goods and services’ zot ti depans 17 milyon, apre 2016 zot in demann 25milyon me selman zot in depans 26 e la ankor zot in prozekte 25 milyon 801mil.  Konmsi mon ti kapab ganny en pti pe detay, en pti breakdown lo ki kalite depans ki pe ganny fer lo ‘goods and services’ silvouple.

MR SPEAKER

Madame Esticot.

        Eski oule PS Payet i reponn kestyon madanm Esticot.

REGISTRAR MRS JULIANA ESTICOT

Mon Financial Controller ti pe al reponn sa kestyon silvouple Mr Speaker.

MR SPEAKER

Ok, you have the micro Mr Financial Controller.

MR RANJANA DESILVA

Mersi Mr Speaker.  We have different components in this under ‘goods and services;’ ‘building infrastructure,’ ‘maintenance’ that is the housekeepers, 1.3 million.  Then ‘security enforcement’ 3.5 million.  Then we have ‘office building rent,’ 3 million.  Those are the main items.  Then we have ‘cleaning expenses’ 384 thousand.  ‘Transcription and data entry’ 177 thousand and ‘legal insurance’ 124 thousand.  ‘Building insurance’ 188 thousand.  ‘Software license’ 158 thousand.  Yes those are the components.

MR SPEAKER

Onorab Ferrari.

HON JEAN-FRANCOIS FERRARI

Can I have a clarification on the security line please? How much is it exactly and who are you contracting?  Thank you.

MR SPEAKER

Apre nou a vin kot Onorab Esparon.  Please clarify Mr Desilva.

MR RANJANA DE SILVA

Yes.  Security we have Supreme Court we have 2 services.  That is the Sensitive securities from the Police Department.  Then Unity House we have private security firm is looking after the Unity House.  Magistrate Court also.  At Unity House is Magistrate Court plus The Family Tribunal, then duty at Judges Residence.

        We have private, 3 judges.  We have 3 services, different location.  Then specific duties at ……… residence.  Then under …………. We have a private firm.

 

MR SPEAKER

Ok.  Avan nou al kot Onorab Ferrari, Onorab Esparon ti’n demann son kestyon.  Mon krwar ou annan en kestyon ou le klarifye ankor.

        Ale Onorab Esparon, apre nou a retourn kot ou.

HON REGINA ESPARON

Mr Speaker.  Mr Desilva you mention something about ‘office building rent.’  Could I get an explanation of how much you are paying and where is the building that you are renting?  Which office?

MR SPEAKER

Which office?

MR RANJANA DESILVA

In the office building rent is related to Unity House.

 

MR SPEAKER

And how much?

MR RANJANA DESILVA

Unity House, Pension Fund.  We are paying nearly 2.5 million.  2.5 million to Pension Fund inclusive of Unity House, Praslin Pension Fund then Praslin we are paying for Family Tribunal and Magistrate Court.

MR SPEAKER

Ok, Onorab Ferrari ou ti annan, ou ok?  Bon, Onorab Afif.

HON AHMED AFIF

Mersi Mr Speaker, mon ti a kontan demann petet PS Finans, baze lo paz 86 si i kapab eksplike si petet i annan en pti fot lo sa paz.  Mon pe get sa laliny ki met ‘use of goods and services’  lannen 2017 son total i 25.9 milyon.  Prezan ler mon azout sa bann sif par anba ki sipoze azout 25.9 mon pe ganny anviron 22 milyon.  So kote sa 3 milyon ki pa liste la i aparet ?

MR SPEAKER

PS Payet.

 

MR RANJANA DESILVA

Mr Speaker, I read out the centralize word under Registrar Secretariat.  Then ‘other goods and services’ we have in the program 2.  We have 347 thousand for Court of Appeal.  Supreme Court we have 2.6 million.  Mainly Legal Aid, 2.4 million.  Then the Tribunals and Boards we have 1 million.

 

MR SPEAKER

Ok, Onorab Afif. PS Payet.

PS PATRICK PAYET

Mersi Mr Chair.  Zis pou azout ki klasifikasyon Bidze,  ‘use of goods and services’ son total i 25 milyon akoz i pe pran tou ‘office expenses,’ ‘transportation cost,’ ‘maintenance,’ ‘material and supplies.’  ‘Other use of goods and services’ apre ‘minor capital outlays.’  E osi I pran ‘wages and salaries in kind’ ki pran sa sonm tou, letan pe fer son adisyon.  Akoz nou pe pey en services.  Menm si i en ‘indirect wages,’ me selman nou pe pey en ‘outsourcing services. ‘

MRS  SPEAKER

Ok, Onorab Afif.  Klarifikasyon.

HON AHMED AFIF

Mon dernyen.  Mon ti a kontan demann lo baz, baze lo paz 85 anba 2017, ‘other use of goods and services’ 13.3.  Si i kapab donn mwan sa 4 pli gro item e ki zot sif ladan.  Dan sa 13.3.  Mersi.

MR SPEAKER

Mr Desilva.

MR RANJANA DESILVA

Mersi Mr Speaker.  Break down of top 5 expenses.  We have taken as I mentioned earlier. So Government building and infrastructure that’s for the housekeepers.  These are the main items.  ‘Security enforcement,’ 3.5 million, ‘legal fees ‘2.4 million.  ‘Office building rent’, 3 million.  ‘Honorary Members Board Fees’ 1.4 million.

MR SPEAKER

Lekel ki pe reponn la.  Mr Desilva are you the one answering?  Can you please answer and speak louder.

 

MR RANJANA DESILVA

‘Gouvernment building infrastructure’ is 1.3 million.  ‘Security enforcement,’ 3.5 million, ‘legal fees’ 2.4 million.  Legal aid actually although its mention as legal fees.  ‘Office building rent,’ 3 million.  Board fees, 1.4 million.

MR SPEAKER

Ok, mersi nou pou pran ankor akoz nou bezwen arete, nou annan en schedule.  Nou pou pran ankor 2 dernyen kestyon.  Mr Onorab Woodcock apre Mr Onorab Ramkalawan.  Onorab Woodcock, en kestyon.

HON WAVEL WOODCOCK

Yes, mon annan zis en kestyon Mr Speaker.  Mersi Mr Chair.  Bonzour tou Manm Koleg Onorab e tou dimoun a lekout dan lakour.  Mon kestyon i pou Registrar, i comme swivan.  An Zanvye 2015, Family Tribunal ki ti anba Minister of Social Affairs e osi Employment Tribunal ki ti anba Minister of Employment ti ganny transfer, ti ganny bouze anba Zidisyer.  Mon kestyon, sa i en konsern ki enn de bann Staff ki sort dan sa 2, Family Tribunal avek Employment Tribunal i demande, se ki akoz ki zot ankor lo menm Scheme ki zot ti lo la oparavan olye ki zot pa bouz lo Scheme pou Family Tribunal?  Mersi.

MR SPEAKER

Madame Esticot.

 

REGISTRAR MRS JULIANA ESTICOT

Mersi Mr Speaker, mon krwar monn eksplike taler.  Mon’n nonm sa bann diferan unit ki form parti ki’n merge avek nou.  E se sa ki mon’n dir nou’n fer sa Scheme 2017, sa i pou enkorpor zot akoz zot post title in sanze.  Me selman zot saler pa’n sanze akoz nou pe napa funding pou kapab finans sa.  So sa Scheme of Service 2017 i pou fer ki zot osi, dan plas annan 3 Scheme nou pou annan zis en Scheme e zot osi zot pou lo la.  Nou pou annan en sel Scheme pou Zidisyer.  Mersi.

MR SPEAKER

Mersi.  Onorab Ramkalawan.

HON WAVEL RAMKALAWAN

Mersi bokou Mr Chairman.  Mr Chair, mon annan en kestyon avek en propozisyon –  si ou permet mwan.

MR SPEAKER

Dakor.

HON WAVEL RAMKALAWAN

Premyerman mon ti anvi demande, konsernan transportasyon Staff Zidisyer, mon ti ava kontan konnen sa bis.  Si sa bis i pou Zidisyer, eski zot lwe e ki son bann detay lo la ?  Apre dezyenmman Mr Speaker, konsernan sa 30 ou 40 milyon.  Sef Ziz i dir 30 milyon e la mon’n tann 40 milyon ;  konsernan konstriksyon en nouvo Lakour Mazistra.  Definitivman nou bezwen en proper Magistrate CourtUnity House pa’n ganny fer pou en Magistrate Court.

        Mon ti anvi fer en propozisyon –  Etandonnen ki dan Bidze Larme nou’n tenir 110 milyon e sa ti pou al relasyon avek reparasyon Topaz.  E bomaten mon’n tande Topaz in retournen.

        Gouvernman Endyen e sa letan nou ti annan seminar kot Zidisyer, Gouvernman Endyen atraver son reprezantan ti dir ki sa i kout $2 milyon, ki alors zot pare pou fer li.

        Eski Minister Finans ansanm avek Minister Zafer Etranzer pa ti ava kapab negosye avek Gouvernman Endyen letan nou eklersi zafer Topaz, pou ki nou kapab ganny sa 40milyon dan sa Grant pou nou kapab fini en new Magistrates Court pou ki Zidisyer ki en brans enportan i ava kapab vreman ganny tou zot lendepandans.

        E apre sa zafer secondment from the Ministry of Finance, eski sa i pa al en pe kont the principle of separation of powers?  Kot ou annan en dimoun Egzekitiv ki’n ganny segonde pou vin Financial Controller dan Zidisyer.  Thank you.

MR SPEAKER

Ou pe demann sa kestyon.  Petet madame Esticot ou a reponn sa premye kestyon apre dezyenm propozisyon oubyen propozisyon fer par Onorab Leader Lopozisyon, PS Payet a reponn.  Madame Esticot.

REGISTRAR MRS JULIANA ESTICOT

Mersi Mr Speaker, sa bis ki ou vwar i ekrir Zidisyer lo la i en bis ki Zidisyer menm ki’n aste. So i nou prop bis pou nou e i fer 7 trip par zour.  I sarye bann Staff.  I anmenn bann Staff sorti anvil pou vin Palais de Justice apre pou retourn avek zot e osi letan nou annan bann par egzanp bann locus kot nou bezwen gran kantite dimoun ki ale pou servi sa bis dan plas anmenn plizyer kantite loto nou anmenn sa bis.  Savedir i pou nou menm nou Zidisyer.  Mersi Mr Speaker.

MR SPEAKER

PS Payet ou avi fer komanter lo sa propozisyon ki mon krwar  i en propozisyon enportan.

PS PATRICK PAYET

Mersi Mr Chair.  Mersi Onorab.  Zis pou azoute, let annou ti pe negosye sa Don avek Gouvernman Endyen, nou ti pe sey regarde ki bann konponan akoz parey zot konnen, letan ou ganny Don avek Gouvernman Endyen ou bezwen source out everything dan Lenn.  Sanmenm sa ki nou ti pe regarde ki bann services ouswa bann outsourcing contract ki nou kapab sinyen ki definitivman i bezwen sorti dan Lenn.

        Me sa propozisyon nou ava regarde, nou ava diskit avek Foreign Affairs baze lo diskisyon ki nou pe regard sa Grant component.  Kwa ki’n funded already e kwa ki remain for funding e nou ava met propozisyon avek Magistrate Court pou nou vwar si sa osi i kapab ganny mete ladan.

        Lo kote secondment, zis pou mansyonnen lo kote Finans.  Pou nou, Judiciary ti demann nou en led akoz nou osi parey zot konnen i difisil letan nou advertise pou nou ganny Financial Controller ouswa menm senior accountant.  I en pe difisil pou nou ganny Staff lokal.  E letan Judiciary ti demann nou en led pou nou ed zot, lo zot sistenm accounts kot Zidisyer akoz ti annan issuess sel Staff ki nou ti annan ki ti’n fek sorti kot parey zot konnen Mr De Silva ti travay kot SBC avan, Financial Controller –  e zot ti annan en nouvo Seselwa ki ti pran plas e nou ti annan en dimoun ki nou ti kapab anvoye pou al ede.  Me selman nou pa enterfer lo day to day operation of the FC, mon krwar i report direk avek Registrar menm si i report avek nou lo kote Bidze ouswa lo bann keksoz accounts. Akoz i pa aktyelman lo nou payroll akoz sa post accounts ouswa sa post FC kot Judiciary i parey Lasanble Nasyonal zot pa ganny mete lo payroll Gouvernman. E sanmenm sa ki nou vwar ki nou pa enterfer direkteman lo loperasyon Judiciary.

        Mon pa konnen kekfwa si Rezistrar i kapab mansyonn en pe si i vwar si i annan sa lenterferans lo nou kote.

MR SPEAKER

Mon krwar sa ki ou’n sa larepons PS Payet i kler, i o pwen Onorab Ramkalawan ou satisfe ek sa repons ?

HON WAVEL RAMKALAWAN

Mr Speaker, mon satisfe, mon ti ava ensiste ki sa i ganny taken into account.  Me i annan en lot pwen ki madanm Esticot ti fer resorti konsernan Scheme of Service incentives pou bann travayer; ki lo nou kote nou ensite ki poudir i en bon keksoz e fodre ki bann travayer i ganny sa bann incentives pou zot nobou perform.  E mon ti ava zis ankor enn fwa fer en pti propozisyon Mr Speaker.

        Avek tou respe lanmor Mr Mancham koman Former President –  i pou i fer ki ou Bidze ki ou’n fini Bidzete, pou bann Former Presidents i vedir ki la i pou annan en sonm ki pou available.  Kekfwa en pe plis ki 1 milyon ki pou available.  Eski Minister Finans ti ava kapab regarde ki mannyer zot kapab lefe ki Mr Mancham osi ti en avoka ;  konmsi i kapab donn Zidisyer sa larzan ekstra pou ki bann Staff i ava kapab ganny sa training e zot ava kapab ganny sa incentive.

MR SPEAKER

Me sa i en prepozisyon, pa en kestyon ki ou pou reponn.  I en kestyon ki’n ganny met devan ou.  I ganny rikord  ou a konsidere.

        Avek sa mon krwar, i annan bokou dimoun ki oule demann kestyon me malerezman nou annan en schedule pou nou swiv.  Mon vwar 4 dimoun in lev zot lanmen, nou pou bezwen pran en vot lo Bidze Zidisyer.  Onorab Georges, fotespere i pa en kestyon, i en komanter.

HON BERNARD GEORGES

Wi Mr Chair, mon pa pe al demann en kestyon annefe mon pe dir annou koman en Lasanble donn Zidisyer sa milyon ki zot pe rode for incentive.  PS Payet ava rode kote i pou al rod sa larzan.

        Mwan mon ti a kontan vot lo en Bidze ki include sa 1 milyon e non pa sa Bidze ki devan nou.

MR SPEAKER

Dakor, savedir nou annan en Bidze 60.2 milyon plis 1 ki’n ganny propoze par Onorab Georges ki Onorab Ramkalawan in lev-e.  Mon’n dir zot non –no more question.

        Yes Onorab Pillay.

HON SEBASTIEN PILLAY

Mr Speaker, according to nou bann regilasyon ki nou annan e prosedir ki…

MR SPEAKER

Wi, mon konpran sa Onorab Pillay.  Sa ki mon pe al proze, sa ki Onorab Georges in fer ek sa propozisyon ki Onorab Ramkalawan in fer,  nou kapab touzour anmenn li ant Finans avek Finance and Public Accounts Committee evantyelman.

        Oubyen nou kapab, i annan letan ou kapab anmenn li anba mid year review.  Pou la nou pou bezwen vote.  I’m sorry, nou vot lo sa Bidze 60 milyon ki pwen 2 pou nou release sa bann dimoun akoz nou annan en travay vreman pointu pou nou fer pandan sa semenn.

        Eski tou bann ki ‘pour sa Bidze ki’n ganny propoze lo paz 84 dan liv Estimates 60.2 milyon pou Zidisyer –  tou bann ki ‘pour lev zot lanmen ?

        Clerk.

MADAM CLERK

Mr Chair, mon’n rikord 30 Manm ki’n vot an faver.

MR SPEAKER

Bon sa Bidze pou Zidisyer in ganny aprouve e mon a ti a kontan a sa pwen remersye Madam Rezistrar, Mr Savy ou Direkter Administrasyon;  Mr Desilva who is the Financial Controller.  Mersi Mr Payet, mersi tou dimoun ki’n la dan Lasanble pou ekout nou.  Nou pou pran en Break, nou a retournen 11er egzakteman.

                (BREAK)

 

NATIONAL ASSEMBLY OF SEYCHELLES

 

MR SPEAKER

Bon welcome back tou bann Onorab e bann ki pe ekout nou dan lakour, nou prosen antite ki nou pour pran se Lezislatif, savedir Lasanble Nasyonal.

        Mon ti a kontan presize ki Clerk ki Accounting Officer pour Lasanble Nasyonal pour Lezislatif, me parey zot okouran Clerk i nouvo e Bidze ti komans ganny prepare depi avan nou’n vini par Ms Appoo ki ti Direkter Zeneral sa lepok.

        Parey zot konnen Ms Appoo osi i ti kite ler Lasanble ti’n sermante me selman Mrs Thelermont ki nou tou nou konnen isi dan Lasanble Mrs Ghislaine Thelermont li in tenir la bar.

        Parey nou’n dir taler in tenir nou Finans, fer marse e nou remersye li, e vi ki mon pe asiz dan Sez pe Chair alor nou’n dir PS Finans vin asize avek Mrs Thelermont pour reponn okenn kestyon ki zot annan lo Bidze Lasanble Nasyonal ki lo paz 89 zis apre Zidisyer.

        E avek sa vi ki nou’n tonm dakor ki nou pa pour fer okenn lentrodiksyon pour save letan, nou ava al direkteman lo kestyon ki zot annan pour demann bann dimoun. Onorab De Commarmond.

HON CHARLES DE COMMARMOND

Wi Bonzour Mr Chair zis en pti leklersisman sa ki ou’n eksplike mon konpran ou byen me nou annan en Direkter Zeneral pour Finans i ti kapab petet osi la akote PS.

MR SPEAKER

Wi nou, i efektivman i annan en Direkter Zeneral Finans i ti’n kapab petet la me malerezman son madanm fek ganny en pti baba e pour sa rezon mon’n eskiz li, anfet mon a profit sa lokazyon pour felisit Msye ek Madanm Hermitte ki zot in ganny en pti fir e nou’n eskiz li bomaten me in travay avek Madanm Thelermont pour ed li ansanm avek Madanm Clerk .   Ok Onorab Afif.

HON AHMED AFIF

Mersi Mr Chair.  Mr Chair mon ti a kontan demann madanm Thelermont baze lo paz 90 latab No. 2 anba ‘other uses of goods and services,’ si zis i kapab zis donn nou sa 4 pli gro item e konbyen zot ete?  Mersi.

MRS GHISLAINE THELERMONT – ACCOUNTS OFFICER

Anba ‘other goods and services’ 4 pli gro item ki nou annan pour peye se Sekirite, ‘maintenance of building,’ epi nou pey ‘overseas travels’ ek ‘subsistence allowance.’

        Son amount ki nou pour peye pour ‘maintenance of building’ i annan en Kontra ki nou peye pour ‘maintain building,’ sa nou pey en Kontrakter Sinwan R750 mil pour en lannen.

        Epi nou annan pour ‘general maintenance’ ki letan nou fer apepre en 100mil ki nou peye.

        Epi pour Sekirite nou annan sa SPSS ki nou peye pour sekirite  building li nou pey 65 mil par mwan sekirite ek  building 65mil par mwan epi 5mil par mwan.

        Epi pour ‘travel as and when nou annan sa bann air fares ki nou peye pour bann Manm avek bann Members, i tou depan kot zot pe travel.

MR SPEAKER

Ok Mr Afif?  En pti pe pli for Madanm Thelermont.

MRS GHISLAINE THELERMONT – ACCOUNTS OFFICER

681 ok?

MR SPEAKER

OkPS Payet ou oule dir en keksoz.

PS  PATRICK PAYET-

Zis pour azoute Mr Chair kekfwa lo kote kestyon Onorab Afif anba ‘other uses of goods and services’ pour la valer R20.9 milyon.

        Bann pli gro depans ladan se ‘Board Members Allowance’ 2 milyon, ‘Committee Support’ 3.4 milyon e the ‘Constituency Support’ 9.4 milyon.  Sa, sa 3 pli gro vot anba sa Head.

MR SPEAKER

Ok Mr Afif? Onorab Prea.

HON NICHOLAS PREA

Mersi Mr Chair. Mr Chair mon zis anvi en pti lesplikasyon lo en pe bann varyans ki mon pe vwar la, par egzanp sonm ki ganny Bidzete an 2016 apre nou vwar son revised budget ki mont apepre R3/ R4 milyon e 2017 i retourn staz normal, petet zis en pti leksplikasyon sa varyans en pti pe; mon pe regard par egzanp lo paz 89 kot in budget 37 milyon apre nou’n depans pres 42 milyon e sa i reflekte en pti pe partou lo tou bann ‘goods and services ‘and so on.  Mersi.

MR SPEAKER

PS Payet.

PS PATRICK PAYET

Mersi.  Zis pour reponn en pe sa kestyon anba ‘wages’ i annan konpansasyon ki ti ganny peye pour bann Staff ki ti exit National Assembly lannen pase, so ti bezwen pey zot konpansasyon akoz i pa ganny mete dan Bidze santralize parey dan bann lezot Minister.

        Apre ti annan bann adisyonnel pour ‘minor capital outlays’ pour nouvo furniture ki ti ganny aste lannen pase.  So more or less bann lezot vot in reste menm parey apard ki ‘maintenance and repairs’ ki’n monte from 502 in ariv 1.6 me tandis ki bann lezot vot in reste menm parey.

MR SPEAKER

Onorab Prea.

HON NICHOLAS PREA

Mersi Mr Chair petet zis pour konsonmasyon piblik deor letan nou koz nouvo furniture an ka zot a ganny sa persepsyon ki Sizyenm  Lasanble in antre, nouvo management ki nou’n, akoz i tonm en pti pe dan sa dernyen quarter osi ki nou’n refurbish nou bann Offices, petet donn en pti pe detay kwa ki bann furnitures ki’n ganny aste, mon fer sorti akoz i paret i annan serten…..

MR SPEAKER

Blansisaz rimer.

HON NICHOLAS PREA

Wi blansisaz rimer vizavi Lofis Speaker, mon Lofis, me mwan mon anvi fer sorti ki as far ki mon konsernen mon Lofis pa’n rod okenn extra furnitures, new furnitures.

        Mon pe servi sa ki ex Deputy Speaker ti servi e in kit lanmenm, petet donn en pti pe detay lo kwa ki nou’n depanse vizavi mon Lofis, wi.

MR SPEAKER

Mrs Thelermont dan en mo ou kapab eksplike ?

MRS GHISLAINE THELERMONT – ACCOUNTS OFFICER

I ti pour sa bann laptop ki nou ti bezwen ranplase, telefonn, epi ti annan en pe filing cabinets ki nou ti bezwen rode an plis ek en pe chairs ek tables, ok?

MR SPEAKER

Mersi mon ti a kontan reitere sa ki Deputy Speaker in dir ni dan Waiting Room oubyen dan sa ki nou apel Holding Room, ni anndan mon Biro, ni isi dan Chambers napa okenn furnitures ki’n sanze.

        Nou pa’n sanz okenn furniture.  Sa bann gro, gro sez ki nou’n zwenn i ankor bann gro, gro sez ki lanmenm. Wi Onorab De Commarmond.

HON CHARLES DE COMMARMOND

Mersi. Mr Chair, dan menm laliny petet si i annan okenn alizyon lo la dimoun pe fer akoz kekfwa zot in vwar mouvman serten meb ki’n antre kot Lasanble Nasyonal. Petet ti a bon en leklersisman lo la in annan, pour ki, kot sorti, si in aste, si in gannyen, si i en kado, si i en dimoun ki’n vin ek son meb sorti kot li whatever.  Mersi.

MR SPEAKER

Mrs Thelermont petet si Lasanble i permet mwan petet mon a kapab reponn sa kestyon oubyen ou oule reponn sa kestyon.

        I annan en dimoun ki vin avek son meb e i ti ganny mon permisyon akoz sa ki nou ti’n ganny propoze pour nou aste meb nou ti napa sa larzan a sa moman.

        Nou ti fek komanse nou ti annan en bann problenm e mwan mon ti donn li permisyon pour vin ek son meb pour met dan son Biro e sa se nou Special AdvisorOk Mrs Thelermont oubyen ou oule azoute ?  Non ? Annou pran lo kestyon.  Onorab Vidot.

HON AUDREY VIDOT

Mersi Mr Chair, bonzour tou Manm Onorab, tou dimoun a lekout, bonzour Mrs Thelermont avek PS.

        Mon kestyon dan lespri latransparans, kontabilite avek enparsyalite mon ti a kontan, eski Lasanble, si ou kapab dir Lasanble, eski bann advertise post bann vacant post ki ti annan depi lannen pase letan nouvo Sizyenm Lasanble ti sermante, eski ti annan okenn lavertisman?  Si wi nou ti a konnen kan ti ganny fer, e ki sours medya ki ti ganny servi ?  Si non nou ti a kontan konnen akoz?  E swivi mon 2enm kestyon, permet mwan Mr Chair ankor pour montre en pti sa latransparans parey nou koz lo la bokou, enform Lasanble Nasyonal ek manm piblik ki a lekout, konbyen bann Kandida LDS ki’n perdi dan Eleksyon 2016 ki ozordi i lo payroll Lasanble Nasyonal e ki zot post ki zot pe occupy ?  Mersi.

MR SPEAKER

Ankor Mrs Thelermont si ou permet mwan ek Lasanble i dakor, mon ti a kontan reponn sa kestyon, Onorab Vidot dan management  e mon annan plis ki  40an dan Management,  i annan 3 keksoz ki ou fer, i annan emergency contingency ler ou fer fas avek en sityasyon kot ou bezwen fer ou Lenstitisyon marse.

        Mon pe koz koman en Manager dan diferan lenstans ansarz diferan grander Lenstitisyon.  Apre i annan Management dan letan normal.

        Nou’n ganny dir taler pli boner ler nou ti vini le 27 Septanm ti annan en sityasyon ki ti abnormal – dan lesans ki bokou dimoun ti kite, mon pa konnen si akoz zot ti per mwan oubyen zot ti per politik.  Clerk ti ale, Deputy Clerk ti ale, PR ti ale, lot ti ale e nou ti trouv nou dan en sityasyon kot nou bezwen bouze e fonksyonnen.  Mon ti dir ek Mrs Jutta Alexis pran sa Post Clerk ou a act prouve ki ou kapab.

        Nou ti bezwen dimoun pour fer PR and Communications e Paul Riaze ti ganny propoze koman en kandida e mon ti dir ok, seye mon piti, si ou kapab prouv ou lekor, si ou pa kapab ou ava ale.

        Nou ti pran en Deputy Clerk ti Mrs Rukaiya Tirant sa lepok, mon ti dir li seye madanm in la, Mrs Rukaiya Tirant e evantyelman apre en pe letan in santi ki i pa kapab kontinyen, pour rezon personnel in resign.

        Bomaten mon entrodwir zot avek en nouvo Deputy Clerk.  Nou ti annan en problenm lo Zesyon Personnel, savedir ti bezwen annan en HR Manager.

        Dan mon leksperyans mon’n santi ki ti bezwen apwent en dimoun e Mrs Jeline Quatres ti en dimoun ki mon konnen tre kapab e nou ti’n met li pour li cordinate tou sa ki annan pour fer avek tou Staff, Parliamentary Reporters kot nou ti annan en kantite problenm, Staff Cleaners ki en bann ki ti ale, en bann ti krwar pour donn nou en pti pe sa zafer en pti pe bel e ki nou’n fer nou’n annan en HR Manager ki’n fer keksoz marse.

        E mon kapab dir ki mon pa ti’n met okenn interview, ti napa letan Onorab Vidot, i pa ni ti en kandida, i pa ti ni en reprezantan LDS, ni Parti Lepep i en qualified Professional e mon kapab dir ziska konmela in fer en louvraz ekselan.

        Par laswit ti annan enn ki mon’n met li koman Direkter Zeneral pour Ladministrasyon, ti ti deza Depite Komisyoner Police, si i ti kandida oubyen in perdi sa pa mon zafer.

        I ti en moman kot nou ti bezwen en dimoun for ki nou ti a nobou korde Ladministrasyon Finans avek Personnel e nou ti’n met Mr Godfra Hermitte, en pwen setou.

        Keksoz in ale.  I annan in resign in ale i annan ki ankor la, i annan ki’n ganny konfirmen koman, dan zot post parey nou’n vwar bomaten e napa nanryen zafer dalon sa.

        Tou dimoun i konnen poudir mwan mon oule keksoz i mars drwat.  Si enn sa bann dimoun pa pe perform zot konnen ki pour arive avek zot. Onorab Valmont.

HON JUDE VALMONT

Mr Speaker mersi bokou, petet dan sa laliny mon krwar ou konnen petet mon ti a  demande, nou ti’n ganny promet en Organigramme par ou menm Mr Speaker.

        Petet ou ti a’n fer sa vin piblik, fer nou konnen lekel ki dan sa bann post egzakteman lekel ki pe fer tel fonksyon, Yes.

MR SPEAKER

Very good point, Clerk fer si ki lafen lasemenn Organigramme Lasanble Nasyonal i ganny sirkile avek tou Manm Onorab ok?  Annou pran Onorab Andre apre nou ava al down ek lezot.

HON CLIFFORD ANDRE

Mersi Mr Chairman. Mr Chairman mon ti a kontan Mrs Thelermont i donn nou en pti leksplikasyon lo paz 90 kot nou vwar ki an 2016 apre ki Lasanble Nasyonal ti’n demann en Bidze 15 milyon, i ti servi annefe 17 milyon e la sa lannen nou revwar ankor 15 milyon, akoz i annan sa bes ladan?  Eski i relye avek lekel ki’n ganny mazorite ou non ,  pour al dan laliny Onorab Vidot. E osi sa i aparet dan ‘wages and salary compensation, akoz si nou annan menm kantite dimoun nou bezwen fer menm fonksyon, mon prezimen ki nou pour bezwen annan en logmantasyon dan plas annan en diminisyon dan Bidze akoz nou bezwen toultan improve saler nou bann dimoun.

        Mr Speaker sa i osi aparan lo paz 92 kot nou vwar …

MR SPEAKER

Be ekoute i a reponn sa enn kestyon avan Onorab Andre, Mrs Thelermont.

MRS GHISLAINE THELERMONT – ACCOUNTS OFFICER

Onorab i paret sa ki PS in repete, in reponn i akoz i annan en kantite end of contract bann dimoun ki ti pe ale, nou ti bezwen pey zot bann konpansasyon. Sanmenm sa ki ti annan sa logmantasyon. Epi la in retourn son normal.

MR SPEAKER

Ok?

HON CLIFFORD ANDRE

Mon lot kestyon Mr Speaker se ki nouvo Lasanble, Sizyenm Lasanble avek nide pour perform en pti pe alaoter nou’n annan serten Komite ki’n ganny kree, serten nou menm nou’n vwar ki zot pour bezwen bann Staff permanan ki pour travay avek sa Komite, konsider sa volim travay ki pour annan e akoz ki dan sa Bidze, parey ou’n dir in monte akoz konpansasyon, akoz i pa’n reflekte ki nou bezwen annan sa bann Staff ki kapab travay avek pour nou kapab fer louvraz en pli efektiv.

        E dan sa konteks mon ti a kontan demann PS Finans pour li revwar en pti pe sa pour ki nou ava kapab delivre en servis ki piblik pe ekspekte de nou – bann Komite e ki nou ava ganny sa bann dimoun permanan pour kapab delivre parey nou pep i ekspekte.  Mersi Mr Speaker.

MR SPEAKER

PS Payet.

PS PATRICK PAYET

Mersi Mr Mersi Mr Chair.  Mersi Onorab zis pour azoute parey zot konnen ki nou ti pe finaliz Bidze menm avan dan bann le 15 Novanm nou ti’n komans fini finaliz Bidze e ti zis pour nou pibliye, me nou ti ganny additional request kot Director General for Ladministrasyon ek HR ki ti met dan nou latansyon baze lo nouvo striktir Lasanble ki zot pour bezwen apepre R1.9 milyon adisyonnel pour bann additional Staff ki zot in, ki zot in bezwen dapre zot nouvo striktir e nou ti’n fini preski finaliz Bidze.

        So nou pa ti kapab donn sa larzan adisyonnel e nou’n demann la nou nouvo Clerk e nou ti’n demann DG pour annan en meeting avek zot pour nou regard nouvo striktir Lasanble kwa ki zot pe mete pour nou kapab konpran, pour nou kapab donn sa larzan adisyonnel e menm nou’n ganny request ankor pour en additional allowance ki zot pe donn sa bann Staff ki nou anvi finaliz zot nouvo Scheme of Service si zot pour annan ki zot nouvo striktir pour nou kapab vwar sa kou pour sa lannen.

        E baze lo la nou ava vwar dan mid year review ouswa ler nou vin  avek en Bidze siplemanter ki bann adisyonnel ki nou pou donnen.  Mersi.

MR SPEAKER

Mersi PS. Onorab Mondon.

HON TERENCE MONDON

Mersi Mr Speaker. Mon kestyon i konsern Lasirans ki Lasanble i peye pour bann Staff.

        Mon ti a kontan konnen si sa Lasirans ki pe ganny ofer ti ganny tender out ?  E kwa ki kouver ? Konbyen ki pe kout nou Lasanble e lekel sa supplier, lekel sa dimoun ki pe ofer sa Lasirans nou Lasanble ?  Mersi Mr Speaker.

MR SPEAKER

Mrs Thelermont ou oule reponn sa ?

MRS GHISLAINE THELERMONT – ACCOUNTS OFFICER

Nou ti pey Reliance Assurance sa larzan pour sekirite bann Manm.

MR SPEAKER

Pardon? Onorab Mondon.

HON TERENCE MONDON

Mon demande konbyen pe kout nou Lasanble par mwan, in dir mwan poudir Reliance Insurance e kwa ki kouver egzakteman sa Lasirans ?  Mersi.

MRS GHISLAINE THELERMONT – ACCOUNTS OFFICER

Onorab mon pour napa detay avek mwan la selman mon kapab prezante, nou pe pey R981 mil par lannen pour sa Lasirans.

MR SPEAKER

Avek permisyon ankor the House mon ava zis azoute ki nou’n diskite sa dan Management meeting e i vre ki i annan en Kontra ki ti’n ganny sinyen me nou pe revwar sa.

        Dan sa laliny ki ou’n mete ki i annan lezot dimoun ki kapab ofer  petet en more competitive rate be mon konnen ki Reliance i sipoze travay avek en Reinsurance Company Sid Lafrik, Johannesburg e sa Msye ki ansarz ti isi lo en business trip e in zwenn avek DG.  Mon pa konnen Mrs Thelermont si ou ti la, me nou pe sey vwar pour sa lannen e pour lavenir kot i annan lezot dimoun ki pou donn nou en quotation pour nou vwar kwa ki pli konpetitiv pour nou par rapor avek sa ki Reliance in donnen. Onorab Ferrari.

HON JEAN-FRANCOIS FERRARI

Ok, Mersi Mr Chairman. Mr Chairman mon demann Mrs Thelermont vi ki nou koman Komite on International Affairs ki dapre mon lenformasyon lontan sa Komite ti ganny en pe larzan dedicated pour zot fer zot bann travay e nou nou’n sa lannen dan lespri lekonomi e fer bann bon depans, nou pa’n demande en vot spesifikman pour International Affairs Committee, mon ti a zis kontan dir, demann ou si, akoz la nou pe komans vwar en pe load ki pe komans vini pour nou meet enn de depans, eski anba ki vot ki ou pour kapab konsider okenn depans spesifik ki nou pour kapab fer ?  Mersi.

MR SPEAKER

Mrs  Thelermont.

MRS GHISLAINE THELERMONT – ACCOUNTS OFFICER

Onorab tou Komite ti tonm anba en sel vot, tou Komite Lasanble ti tonm anba en sel vot.  Alor si ou annan nou ava pey anba sa menm vot ki nou’n ganny demande ki nou annan.

MR SPEAKER

Mersi. Onorab Herminie, ou pa ti’n demande pour koze ?  Non, Onorab Lemiel ki’n lev son lanmen, sorry Onorab Lemiel, apre Onorab Ghislain, Onorab Lemiel.

HON SYLVANNE LEMIEL

Mersi Mr Speaker. Mr Speaker mon ti a kontan konnen dan Bidze petet konbyen Staff ki Lasanble i anploye ki lo nou payroll?

        E an menm tan konbyen Service Contract ki Lasanble i pe fer silvouple ?  Mersi.

MR SPEAKER

Mrs Thelermont ou pour annan sa sif la akoz nou annan en bann dimoun ki nou’n anploye resaman koman Parliamentary Reporters ki ou annan sa sif oubyen ou oule prezant sa avek Lasanble pli tar ?  Mrs Thelermont.

MRS GHISLAINE THELERMONT – ACCOUNTS OFFICER

Pli tar nou a prezante akoz pour le moman la nou annan 26 staff lo nou payroll, lo payroll menm.  Pour le moman wi apre nou annan bann lezot ki nou pe al recruit.

MR SPEAKER

Sa  Service Contract ou ava fer li available pour tou bann Manm Lasanble.  Se sa ?

MRS GHISLAINE THELERMONT – ACCOUNTS OFFICER

Service Contract pour…. Mr Speaker mon kapab eklersi?

MR SPEAKER

Yes.  Wi Mrs Onorab Lemiel.

HON SYLVANNE LEMIEL

Par egzanp lo kote Lasanble eski nou pe outsource ouswa nou pe donn Kontra, par egzanp okenn louvraz isi ki pe ganny fer pour Lasanble ?

        Eski sa bann dimoun pa lo nou payroll me zot pe ganny peye anba ‘goods and services ‘lo en Service Contract ?  Mersi.

 

MR SPEAKER

Mrs Thelermont.

MRS GHISLAINE THELERMONT – ACCOUNTS OFFICER

Nou annan bann Housekeepers, nou pa outsource selman zot ganny anploye avek Lasanble, Housekeepers selman zot ganny peye anba ‘goods and services.’ Sekirite wi epi bis, transpor.

MR SPEAKER

Ok Onorab Lemiel?

MR SPEAKER

Wi ok, nou al kot Onorab Aglae.

HON EGBERT AGLAE

Mersi Mr Chair.  Bonzour tou dimoun a lekout, Mr Speaker boner ou’n nonmen comme ou annan en Legal Advisor petet latransparans mon ti a kontan konnen petet Mrs Thelermont si sa Legal Advisor i pour Lasanble Nasyonal ouswa i pour Lofis Mr Speaker li menm?

        E dezyenmman konbyen i pe kout Lasanble par mwan pour anploy en Legal Advisor ?  Mersi.

MR SPEAKER

Be sa mon a reponn mon menm akoz i direkteman anba mwan, i tonm anba tou lede. Si i annan louvraz ki ou oule i advise ou lo la anmenn kot mon Biro mon a donn li advise ou e i ganny R50 mil net.

        Pa 100mil parey Dog Handler, i ganny 50 mil, mersi. Onorab Vidot.

HON AUDREY VIDOT

Mersi Mr Chair sorry pour al lo menm laliny avek kestyon Onorab Egbert Aglae in demande, akoz si mon konpran ki avan sa ti annan en Legal Advisor pour Lasanble i ti pe resevwar R20mil, petet ki rezon ki Lasanble pa’n – parey ou ti pe dir pour sa bann lezot opsyon pour sa sonm petet i en pti pe tro bokou. Si ti napa en lot negosyasyon par la ki ti kapab ganny fer pour en sonm en pti pe pli ba ki sa ?  Mersi.

MR SPEAKER

Sa dimoun ki ou ti pe koz lo la i apel Mrs Farzana Jumaye.  I pa ti ganny li 25 mil, i ti ganny li R39 mil, ti a sa lepok Onorab Vidot. Nou 2017 la si ou al ogard en Advisor dan Gouvernman mon kapab donn ou sif, mon a donn ou limero lo mon latab -si ou al regard en avoka, son average ki i pour gannyen par mwan koman en Attorney at Law, Notary ek en Barrister at Law i vin bokou plis ki R50 mil.

        Alor in my considered opinion sa i pa eksesiv parey mon dir, mon fek koz avek Chairman of the Board of SACOS, Financial Controller ki fek ganny en Golden Handshake in kite i ti ganny R50 mil par mwan.  Wi Onorab Vidot?

HON AUDREY VIDOT

Petet Mr Chair permet mwan si mon kapab demann avek PS an term son leksperyans, dan Gouvernman aktyel, konbyen apepre i kapab kout Gouvernman pour pey en Legal Advisor dan serten pozisyon? Wi en sonm petet mon ankor en pti pe dan dout lo sa sonm.  Mersi.

MR SPEAKER

PS Payet.

PS PATRICK PAYET

Mersi Mr Mersi Mr Chair.  Mersi Onorab, zis pour advise ti annan 2 fason ki dan Gouvernman nou pey bann dimoun avek bann kalifye Legal apard ki Attorney Zeneral ki li i annan en Scheme of Service.  Me tandis ki bann lezot Advisor kekfwa lo kote ki ganny mete dan bann Minister, par egzanp dan Minister Finans i en pe apepre R35/ R39 mil.

        Apre secondly tou bann Public Enterprise zot annan bann retainer fee ki zot pey bann Legal Office Private apepre R20 a R25 sa ki dan Servis Piblik.

MR SPEAKER

Onorab John Hoareau.

 

HON JOHN HOAREAU

Mersi Mr Speaker,  Mr Speaker mon ti oule demann Mrs Thelermont vi ki in koz lo sa R750 mil ki en lakonpannyen Sinwan pe donn servis mentenans.  Mon ti ava anvi konnen lekel sa Lakonpannyen Sinwan e si okenn prosedir Tender in ganny fer pour donn sa lakonpannyen sa Kontra, mon konnen i pa dan ou lepok i en lepok avan.

        Dezyenmman mon ti oule konnen anba sa Bidze R65 mil par lannen, par mwan pour Sekirite SPSS konbyen dimoun ki sa i kouver ?

        E trwazyenmman mon ti oule konnen lo paz 92 anba SP4, mon vwar i annan en rediksyon sorti 11.8 milyon pour al 10.6 milyon anba ‘Constituency Services,’ mon ti oule konnen akoz sa rediksyon ?  Mersi.

MR SPEAKER

Mrs Thelermont oubyen PS Payet.

PS PATRICK PAYET

Mersi Mr Mersi Mr Chair e mersi Onorab, lo kote sa ‘Maintenance Agreement ‘ ki pe sinyen avek sa lakonpannyen Sinwan kekfwa mon krwar Lasanble i ava rod en pe plis lenformasyon si Tender prosedir ti ganny fer sa bann letan e sa Kontra in ganny sinyen pour konbyen lannen?

        E secondly regarding paz 92 lo ‘Members Constituency Services; parey ou konnen SP4 tou Manm Lasanble zot ganny en ‘Constituency Clerk’ e letan Lasanble, Senkyenm Lasanble ti konplete nou ti bezwen pey zot konpansasyon.

        E la sa lannen nou annan bann nouvo dimoun so natirelman hopefully napa konpansasyon pou peye, so this is why ou pour vwar sa logmantasyon lo ‘Members Constituency Services’ SP4 lo paz 92 pour 2016 konpare pour 2017.

MR SPEAKER

Mersi. Onorab Hoareau ?

HON JOHN HOAREAU

I annan sa 65mil pour Sekirite, mon ti oule konbyen dimoun ki sa i ganny servi pour peye ?

MR SPEAKER

Mrs Thelermont.

MRS GHISLAINE THELERMONT – ACCOUNTS OFFICER

Sa nou pey pour bann SPSS zot vin aswar, 3 dimoun epi dan weekend.

 

MR SPEAKER

Ok? Onorab Arrisol.

HON SANDY ARRISOL

Mr Speaker mersi, bonzour tou Manm, bonzour tou manm piblik ki a lekout, mon ti a kontan premyerman felisit nou Lasanble ozordi nou ganny sa privilez pour nou kapab kestyonn Sekretarya nou Lasanble kot dimoun, piblik i tann laba deor – konpare ek avan kot bann Manm avan pa ti kapab fer li.

        Alor mon ti a kontan felisit nou lekor pour nou kapab ganny sa loportinite pour nou kestyon Sekretarya.  Dan lespri latransparans parey Onorab Vidot in dir Mr Speaker, mon ti a kontan demann mon kestyon, en Mosyon an relasyon avek sa, an parey i annan Kandida SPPF ki’n ganny bate dan dernyen eleksyon, zot osi zot in ganny anmase dan Gouvernman dan plizyer pozisyon e prezan kot Lasanble parey ou’n dir – anvi ki Mrs Jutta Alexis pa ti enn nou kandida, e Mrs Tania Isaac pa ti en nou kandida be bomaten zot in ganny apwente dan zot pos.

        Dan sa lespri latransparans mon ti a kontan demann lezot Staff, par egzanp Nou annan nou Sergeant-at- Arms la ki pa ti son pozisyon letan nou ti pran Lasanble Nasyonal, me ti annan en lot dimoun ki li osi i ti ganny forse pour li kite, be eski li osi in ganny apwente dan son pos oubyen zis i pe desarz sa responsabilite koman Sergeant- at-Arms ?  Mersi lo lide latransparans.  Mersi.

MR SPEAKER

Mrs Thelermont ou oule reponn sa kestyon, oubyen ou oule mon reponn ?  Reponn mon konnen ou konnen sirkonstans mannyer i ete, Mr Antoine Rose in ganny apwente koman Sergeant-at-Arms.

MRS GHISLAINE THELERMONT – ACCOUNTS OFFICER

Wi Mr Antoine Rose in ganny apwente Sergeant- at–Arms.

        (APPLAUSE)

 

 

MR SPEAKER

Wi Mr, Madanm Clerk ou oule dir en keksoz?

MADAM CLERK

Mr Chair si ou ti permet mwan, nou ti, in fact nou de Mr Rose avek Mrs Isaac of course avek larestan Staff nou ti parmi bann ki ti reste deryer parey nou’n dir bomaten.

E mwan letan mon ti pran Lofis koman Ag Clerk mon ti ganny sipor enorm avek Mr Rose ki konn Lasanble Nasyonal sa batiman li menm, the premises, the surrounding environment tre byen.

        E in deserving sa pozisyon e mon ti rekomande, eskize ler Mr Speaker ti pe gete lekel dimoun ki nou ti pour apwente dan sa pozisyon, mon ti parmi bann premye dimoun ki ti propoz li avek Mr Speaker.

        E petet i pou annan en steep learning curve  parey nou tou, parey nou kapab konnen, me selman Mr Rose i reliable i reste zis 2 pa avek Lasanble Nasyonal, ekstrememan reliable i deservi Lasanble bann moman ki nou pe dormi kot nou li i la 10er, 11er diswar.

        I pe aranz lalimyer, pe aranz en serten lenfrastriktir avek batiman, so dan sa laliny mon pour congratulate li osi pour donn nou sa sipor, in parmi bann very few staffs ki’n reste deryer.

        (APPLAUSE)

 

MR SPEAKER

Mr Arrisol ou annan en lot pwen ?

HON SANDY ARRISOL

Mr Speaker lo sa note mon anvi zis fer Lasanble konnen poudir Mr Rose i tour frer avek MNA Takamaka ki en Manm SPPF.

MR SPEAKER

Pa neseser devwal son relasyon familyal.

HON SANDY ARRISOL

Non sa pe montre poudir nou pa zis anploy LDS dan Lasanble.

MR SPEAKER

Efektivman la ki  ou sekre in sorti, Mr Rose i gran frer Onorab Ernesta e mon ti a kontan dir zot ki mwan otan ki mwan antan ki Speaker mon pa regret en sou ki nou’n apwent Mr Rose akoz mon vwar li Sergeant-at–Arms ki vreman, vreman, vreman, lwayal.

        Vreman i travay byen e sa weekend menm mon’n fer li fer serten check isi, sa weekend fek pase e i pa’n ezite pour marse sorti kot li Perseverance pour vin isi.

        Alor mon krwar i byen ki zot in donn li en lanmen, ki in reste e i pe travay.  Onorab Sebastien Pillay.

HON SEBASTIEN PILLAY

Mersi Mr Chair. Mr Chair mon ti a kontan fer zis en pti klarifikasyon, demann en klarifikasyon an relasyon sa dimoun ki ganny anploye koman en Legal Advisor, eski en Legal Advisor oubyen eski i en Special Advisor, e si wi, eski en Staff Lasanble ?

        E an relasyon avek sa, an prenon kont kestyon ki ti ganny raised par Onorab Ferrari ler nou ti zwenn CINEA an relasyon ek bann dimoun ki dan fonksyon piblik, oubyen fonksyon Gouvernmantal ki pe involve aktivman dan politik oubyen lo rezo sosyal, eski Lasanble Nasyonal i annan en Polisi an relasyon avek mentenans enparsyalite ek fonksyonner zis parey ki Lasanble lo tou lede kote latab pe demande ki sa i ganny fer dan Gouvernman, dan Zidisyer ki dan Lasanble Nasyonal ?  Mersi.

MR SPEAKER

Ok i Legal Advisor oubyen / Special Advisor. Sa kestyon partisipasyon lo rezo sosyal, zot konn mon pwennvi lo la, mon’n koz lo la plizyer repriz.

        Dan Management nou’n koz lo la, Depite Speaker, Onorab Prea i la, i Depite o-bor mwan ler nou fer nou Management Meeting.

        Nou pe travay lo en Policy anfet DG i sipoze prosen Meeting Management travay lo en Policy lo transport e nou’n tonm dakor ki osi nou bezwen travay lo en Policy lo partisipasyon lo rezo sosyal akoz i annan serten délicatesse oubyen serten sansibilite ki nou bezwen pran an konsiderasyon.

        Me pour reponn ou pwen wi i Special Advisor/Legal Advisor.Wi  Onorab Pillay?

 

HON SEBASTIEN PILLAY

Sorry pour sa issue eski ler sa Polisi i vin an plas nou klarifye enn fwa pour tou an relasyon avek bann Manm, mon napa problenm en Manm fer komanter, tou Manm i dan Politik dan Chamber, me eski nou kapab klarifye enn fwa pour tou ki rol ki Staff i bezwen zwe vizavi komanter ki en Manm i fer dan Lasanble?

MR SPEAKER

Tousala nou pour regarde.

HON SEBASTIEN PILLAY

E en dernyen pwen Mr Speaker, prenon kont ki Lasanble Nasyonal pe al pour plis letan e nou pe fini plitar, eski Lasanble Nasyonal son Sekretarya in pran konsiderasyon si pour annan en revizyon dan bann packages ki ou ofer nou bann Staff?  E mon ti le osi spesifikman koz lo bann Staff IT anvi ki konponan zot travay ozordi i bokou plis ki dan laplipar landrwa.

        Eski nou’n annan okenn diskisyon o nivo Management an relasyon avek revizyon lo bann Scheme?  Mersi.

MR SPEAKER

Zis pour reponn vitman ankor Mrs Thelermont ki lo Management Committee, Onorab Prea i lo la, Mr Stanley Allagain pa sa semenn, semenn pase in prezant nou avek en Policy avek son bann lakin kwa ki bezwen ganny ranforsi.

        Nou’n tonm dakor ki i annan serten travay pour fer, nou’n dakor ki i annan serten adisyonnel Staff pour ganny pran. Nou’n tonm dakor ki High Commissioner Angle pe ed nou avek en Consultancy pour anmenn en dimoun pour nou fer sa travay pour ogmant kapasite IT Unit dan Lasanble pou fer pli byen ; parske pour le moman nou annan zis Mr Allagain avek Darel Atala ki la.  So sa pe ganny konsidere, Policy in ganny prezant devan nou e zis pour mwan dir ki wi, nou bezwen vwar en Policy kler lo sa zafer rezo sosyal zot konn mon pwennvi lo la, e sa i enkli Manm Lasanble osi ki tir portre i met lo rezo sosyal. Fodre nou arete sa bann enbesilite.  Onorab William, wi mon vin kot ou, sorry mon’n mank ou, nou al kot Onorab William apre nou a retourn nou al kot Onorab De Commarmond.

HON WAVEN WILLIAM

Mersi Mr Speaker mon ti a kontan demande lefe, koriz mon Mrs Thelermont, ou’n dir poudir i annan en Maintenance Contract for R750mil par an avek en Kontrakter Sinwan.

        Lefe ki bomaten mon’n ekout Mr Speaker ki dir poudir i annan en pe problenm avek nou batiman, eski ou kapab donn en pe detay lo ki kalite Kontra sa i ete vizavi maintenance ki i annan pour fer avek sa batiman ?  Mersi.

MR SPEAKER

Mrs Thelermont.

MRS GHISLAINE THELERMONT – ACCOUNTS OFFICER

Maintenance i lo elektrisite, son sewage, son delo.  Sa main keksoz ki zot gete pour nou ok ?  Epi avan ti annan pou air  sa centralized aircon.  Me pour le moman la centralized aircon pa pe marse.

MR SPEAKER

Wi Onorab William, ou annan en lot kestyon ?

HON WAVEN WILLIAM

Mon ti a kontan ki Mrs Thelermont i konfirm sa 2 keksoz elektrisite avek sewage avek delo ki form parti sa R750 mil?

MRS GHISLAINE THELERMONT – ACCOUNTS OFFICER

Epi as and when i annan okenn keksoz ki i annan pour fer avek building zot come in zot fer.

 

MR SPEAKER

Ok Onorab William? Onorab De Commarmond.

HON CHARLES DE COMMARMOND

Mersi Mr Chair. Mr Chair lefe ki ou’n fer sorti Special Advisor li menm Advisor pour ou pour Lasanble ensidswit e Ms Jumaye avan i ti la dan Lasanble avek nou la sak fwa Lasanble ti zwenn. Eski zot ti kapab demande ki menm keksoz i arive pour Special Advisor i la sak fwa Lasanble i zwenn pour li  advise Lasanble ?

 

MR SPEAKER

Mon napa problenm avek sa mon a demann Special Advisor dezormen pour li asiz isi parske devan i annan plas pour Clerk ek Deputy Clerk dapre bann laranzman, Onorab Ernesta.

HON PAUL ERNESTA

Mersi Mr Chair e bonzour tou Koleg Onorab e tou dimoun a lekout, Mr Chair mon kestyon i anliny avek sa ki Onorab William in demande with regards to maintenance.

        Mrs Thelermont in mansyonn nou deza i annan sa Kontrakter ki pe fer sa bann travay maintenance e parkont lo progranm, lo paz 92, program 2 mon vwar ki i annan en ‘maintenance and repairs’ si mon byen.

        E osi i deza annan en pti logmantasyon ladan, eski sa i lye, e ki bann maintenance nou pe kozladan ?  E osi ki rezon i annan sa logmantasyon ladan ?  Thank you.

MR SPEAKER

Mrs Thelermont.

MRS GHISLAINE THELERMONT – – ACCOUNTS OFFICER

Sa ki ou pe koz lo la i pour refurbish bathroom kot Minister’s epi nou annan en Museum sa ogmantasyon, nou Museum anler i demann en pti pe maintenance ; epi nou bann doors lockers, bann lockers pour doors, pour bann laport ennler sa  i donn en pti pe problenm, sa ennler nou pour sanze.

        Epi service generator nou annan en generator laba lot kote letan elektrisite i koupe nou pey son service tou anba la, nou pey son service.  Se tou.

MR SPEAKER

Ok, okenn dernyen kestyon ?  Onorab Prea.

HON NICHOLAS PREA

Mersi Mr Chair.  Mon ti a zis kontan petet poz mon kestyon avek PS Payet, mon konnen dan lepase mon konnen enn de Komite in ganny son prop Bidze pour fer son bann Committee work.

        Anvi ki Sizyenm Lasanble i annan bokou Komite ki’n ganny set up e mon konnen sa i kapab enpakte direkteman lo Bidze Lasanble ; dizon, eski sa lannen Minister petet i kapab konsidere ki petet sak Komite i come up avek en budget e sa i ganny konsidere dan diskisyon Bidze Lasanble par Minister Finans ?

 

MR SPEAKER

PS Payet.

PS PATRICK PAYET

Mersi Mr Mersi Mr Chair e mersi Onorab, pour tou bann Komite ki nou’n mete, nou’n ti met anba ‘Committee Support’ nou’n met li centralized.

        So nou, nou propozisyon se Lasanble li, Sekretarya zot met tou ansanm e zot kapab, par egzanp si zot vwar i annan en Komite kekfwa pe servi ler ki zot kapab anvoy lo en lot Komite ki li i bezwen en pe plis sipor.  So sanmenm sa ki nou ti met li en pe centralized.

MR SPEAKER

Ok. Onorab Georges.

HON BERNARD GEORGES

Mersi Mr Chair mon ti anvi demann PS Finans ki lapey average en Special Advisor dan bann Departman? E apre mon ava fer mon komanter lo la silvouple.

MR SPEAKER

PS Payet.

PS PATRICK PAYET

Mersi Mr Chair e mersi Onorab. I varye, par egzanp zot basic i kapab kekfwa komans  a 25 a 30 mil apre mon konnen bann Special Advisor zot ganny zot en transport allowance apepre R5600; apre kekfwa i annan kekfwa vi ki son travay kekfwa i kapab arive dan en 42mil, i kapab, sirtou bann kekfwa ki’n PS ou kekfwa zot in CEO avan avek sa bann leksperyans.

MR SPEAKER

Onorab Georges.

HON BERNARD GEORGES

E donk si mon konpran li byen en Legal Advisor dan Gouvernman i ganny ant 35 e R39 mil, en Special Advisor ant 25 e R42 e si ou pe fer toulede dyob, nou konnen ki en conflated salary i 50.  Mersi.

MR SPEAKER

Me Order! Order! Onorab Georges fini ou kestyon.

HON BERNARD GEORGES

Mon’n fini Mr….

MR SPEAKER

Ou’n fini, PS Payet ou oule reponn.

PS PATRICK PAYET

Non, akoz sanmenm sa ki Lasanble zot annan zot endepandan, konpare ek nou ki nou servi striktir ki egziste.

        Ki par egzanp si i annan en travayer Gouvernman ki fer additional responsibility, i ganny additional responsibility allowance.

 

MR SPEAKER

Onorab Sophola.

HON NOLINE SOPHOLA

Mersi Mr Chair. Mr Chair mon annan zis en pti dout, mon ti a kontan ganny eklersi la in the House etandonnen pour latransparans osi,   e isi dan sa Lasanble nou’n koz bokou nou’n dir bann teknokrat, e taler ou’n koz Mr Godfra Hermitte ki nou tou nou konnen i en politisyen dan Parti LDS.

        Mon kestyon se akoz ki Lasanble pa ti anploy en teknokrat dan plas anploy en politisyen dan sa pos ki i été ?  E akoz li in ganny anploye, e prezan mon pe vwar sa ki nou, nou pe koze dan Lasanble nou pe kontrwadir nou lekor.  Mersi.

MR SPEAKER

Mersi Onorab Sophola me sa mon a reponn ou toudswit, i pa ti ganny anploye koman en politisyen, i ti ganny anploye koman en teknokrat zisteman akoz i ti Depite Komisyoner Lapolis.

        I ti annan leksperyans lo Management, lo kestyon Finans, Loperasyon e Human Resources.

        Mon pa ti vwar li parey letan ler mon get en Seselwa mon pa vwar li ni nwar ni blan, mon ti vwar li en Seselwa, mon ti vwar li koman en teknokrat, Onorab Ferrari.

HON JEAN-FRANCOIS FERRARI

Wi tre senp Mr Chairman, mon ti a zis kontan pour lenformasyon piblik fer remarke ki Bidze Lasanble Nasyonal pour sa lannen in reste parey 37 milyon lannen pase e 37 milyon sa lannen.

        Although lannen pase ler ti annan ti’n vot 37 milyon, sa 2 dernyen Lasanble ti depans 41.8 milyon, donk mwan mon krwar nou pe lead by example e mon kontan ki nou’n fer en Bidze strik e en Bidze ki pa pe demann en ta larzan.

        Me vi ki sa Bidze i strik e dernyen fwa, semenn pase ti annan en Manm ti pe kriy en pe for, en pe lasasen akoz i pa ti’n ganny son dues.   Ekoute mon oule fer en sir…

MR SPEAKER

Silvouple Order! Order!

Ekoute, order!

Yes Onorab Ferrari.

HON JEAN-FRANCOIS FERRARI

Les mwan  koze….

MR SPEAKER

Order!

 

HON JEAN-FRANCOIS FERRARI

Mon pe zis dir….

MR SPEAKER

Onorab Pillay espere ler ou ganny sans koze tou dimoun i ekout ou, Onorab Ferrari pe koze ekout li, annan lakourtwazi pour ekout li. Vwala tre byen. Onorab Ferrari.

HON JEAN-FRANCOIS FERRARI

Limaz nou Lasanble, tre byen dan lentere limaz nou Lasanble akoz mon pa kontan tande sa bann keksoz ki mwan mon pa’n ganny mon dues, mwan mon pa’n sa, mon’n ganny peye an retar konmsi sa normalman i pour bann dimoun ki en pti pe mizer, mizer ki fer sa., me selman nou byen gannyen, alors mwan mon oule gannyen si nou tou nou satisfe avek lefe ki nou annan en Bidze ki tou dimoun pour ganny son dues ?  Mersi.

MR SPEAKER

Ok. Onorab Henrie.

HON GERVAIS HENRIE

Mersi Mr Chair, Mr Chair avan mon demann mon kestyon, mon ti a zis kontan dir ki mon tre konfortab avek bann larepons ki Mrs Thelermont pe donn nou.

        Mon konnen ou en dimoun ki’n servi Lasanble en bon lannen, ankor mersi pour enn bann dimoun ki’n reste dan nou kote dan sa moman difisil ki nou’n pas ladan koman en Lenstitisyon.

        Sa ki mon ti a kontan demande zis pour mon ganny non sa lakonpannyen ki nou annan sa Kontra pour maintenance avek apre mon ti ava fer komanter Mr Speaker.  Mersi.

MR SPEAKER

Mrs Thelermont.

MRS GHISLAINE THELERMONT – ACCOUNTS OFFICER

Well Point Development.

 

MR SPEAKER

Ou’n ganny li?  Wi Onorab Henrie.

 

HON GERVAIS HENRIE

Kestyon ki mon demann sa, akoz lannen, letan sa Konpannyen ti premye ganny Kontra avek Lasanble ti dan en rapor Tender Board mon krwar.

        Zot ti pas atraver Tender process, be solman pour mwan sa letan mon ti anvi ekri en lartik dan Zournal e mon anvi partaz sa avek Lasanble.

        E mont i al kot Registrar pour mon rod lenformasyon lo sa lakonpannyen, parske sa sonm pour mwan mon ti vwar li, mon dir ki zot pe fer laba.

        Be selman napa lenformasyon, Registrar i dir mon napa, so eski i en Lakonpannyen ki’n ganny anrezistre Sesel, si pa Sesel pour lenformasyon Lasanble sa i en keksoz ki nou koman Manm nou bezwen konsernen.

ki mannyer in ganny Kontra avek Lasanble, selman letan i napa lenformasyon lo li kot Registrar.  Mersi.

MR SPEAKER

Alor mon sizere ki Mrs Thelermont ki sa nou a bezwen regard ladan e rod en plis lo sa Kontrakter e donn lenformasyon Lasanble lo la koumsa ki i annan latransparans e nou tou nou tonm dakor. Onorab Sophola.

HON NOLINE SOPHOLA

Mersi Mr Chair. Mr Chair zis pour mon reponn, pour mwan reponn Mr Onorab Ferrari,

ler mon ti poz mon kestyon dan dernyen Sesyon Vandredi, mon ti pe reponn sa ki Onorab Sandy Arrisol ti dir mwan.

E mwan, mon ti poz byen sa ki mon ti dir dan mon prezantasyon.  Mon ti dir ki Bidze pa ankor ganny aprouve dan son totalite.  E i sanble mon ki serten nou pa ti ankor konpran mon totalite, le mo totalite i vedir antye.  E mon ti dir i annan dimoun ki’n ganny afekte.  Mon pa ti nonmen.  Ler en Onorab Sandy Arrisol an krwayan i pour imilye mwan la dan Lasanble e se sa ki mon ti dir kwa ki mon pa ti ankor gannyen.

        I pa ti mon lentansyon pour mwan dir.  E osi mon pour reponn atraver ou mon pour reponn Mr Onorab Ferrari pour li dir ki nou pa pli mizer ki mizer.

        Me mwan Mr Ferrari, mon pa’n zanmen vin demann ou nanryen e ou pa konn mon fon ki mannyer i ete.

        (APPLAUSE)

HON NOLINE SOPHOLA

E si Lasanble osi i anvi konnen petet ki mannyer, akoz mon ti dir sa statement, si zot anvi konn plis ki sa ankor pour ou fer zistwar lo la, Lasanble in komanse Mr Speaker mon’n vin isi personn pa ti konnen lekel ki ti pey mon pasaz.

        Mon lodging depi Desanm, personn pa konnen kot mon pe reste si mon’n ganny met deor. La vedir Mr Ferrari ou a konnen prezan tou sa ki mon ti anvi dir kote mon ti reste.  Mersi.

MR SPEAKER

Mersi Onorab Sophola ou’n fer le pwen ou’n klarifye. Onorab Andre.

HON CLIFFORD ANDRE

Mersi Mr Speaker. Mr Speaker mon ti a kontan demann PS Payet pour konfirm avek Lasanble dan bann diferan lebra Gouvernman si i annan bann lenstitisyon tel ki Zidisyer kot en Ziz i kapab annan en pozisyon me osi i pe asiz lo La Cour D’appel si i ganny 2 saler; ki fer ki letan en dimoun pe okip 2 pos, i annan posibilite ki sa reazisteman i ganny fer parey Onorab Georges i dir. Mersi.

MR SPEAKER

Vit repons Mr PS Payet.

PS PATRICK PAYET

Mersi Mr Chair e mersi Onorab. Mon pa tro konnen si sa i egziste e nou kapab klarifye pour regarde lo payroll Gouvernman akoz si pa egzanp en Ziz ti sipoze ganny mete i pe ganny 2 lapey, nou ava vwar si sa pe arive.  Me zis pour azoute parey mon ti dir taler, si par egzanp i annan en dimoun dan Gouvernman ki i annan en additional responsibility si ouswa par egzanp, si i dan en post pli ba, par egzanp son Direkter Zeneral ki pa la pour en pe letan ouswa si i pe Acting PS pour en serten letan Ag CEO i ganny li en responsibility allowance apard ki son normal salary.

 

MR SPEAKER

Mersi PS Payet. dernyen kestyon, Onorab Pillay.

HON SEBASTIEN PILLAY

Mr Speaker i pa en kestyon vreman me selman mon pour reitirate en parol ki ou ti dir semenn pase mon ti vreman apresye lafason ki ou ti Chair Sesyon kot nou ti pe reponn Bidze e Diskour Prezidan.

        E ou ti dir ki nou dan en landrwa sivil e mon ti apresye ou ti fer sa, e ou ti vwar tandans kestyon nou pa’n atak okenn Manm.

        Mon krwar nou devret gard sa e mon repet ou parol ankor’’’ nou kapab fer tou nou politik me annou gard nou lekor sivil toultan.’’  Mersi Mr Chair.

MR SPEAKER

Tre byen mersi Onorab Pillay, sorry Onorab Vidot efektivman ou ti annan ou lanmen anler ou ganny la parol.

HON AUDREY VIDOT

Mersi Mr Chair. Mr Chair mwan mon kestyon i an referans bann Clerk.

MR SPEAKER

Eskiz mwan, parol mon pa’n donn ou Onorab Ghislain, mon’n donn Onorab Vidot, mon’n vwar ou lanmen pe vini, mon a lev-e mon a les ou koze en pti moman.  Pasyante. Onorab Vidot.

HON AUDREY VIDOT

Mersi, Mr Chair mon ti anvi demann avek Mrs Thelermont petet avek nouvo Lasanble letan nou’n antre bann Constituency Clerk dan bann distrik.

        Eski i annan okenn travay ki Lasanble i annan plan sa lannen pour zwenn avek zot an group petet osi pour zot si zot annan serten kestyon an referans pour bann ki nouvo ki ti a kontan eklersi avek Lasanble Nasyonal.  Mersi.

MR SPEAKER

Bon kestyon, Mrs Thelermont.

 

MRS GHISLAINE THELERMONT – ASSISTANT ACCOUNTANT

Wi Onorab nou annan propozisyon pour nou meet avek sa bann dimoun.

MR SPEAKER

Petet nou a dir nou pou zwenn avek zot prosennman.  Mon krwar i en propozisyon ki enportan kekfwa zot annan kestyon zot anvi klarifye avek ou.

        Me mannyer mon konpran, at least pour mwan Constituency Clerk tou keksoz pe mars byen. Mrs Thelermont i pey zot saler dan zot kont Labank pour fasilit keksoz tou le lafen di-mwan. Onorab Ghislain.

HON CHANTAL GHISLAIN

Mon annan zis en senp ti kestyon Mr Speaker, konmsi tou non dimoun in ganny nonmen, mon ti a voudre konnen lekel nou Legal Advisor silvouple?

MR SPEAKER

Daniel Cesar. Dernyen kestyon, Onorab Aglae.

 

HON EGBERT AGLAE

Mersi Mr Chair. Mr Chair pour mon i pa plis ou mwen kestyon, petet si i pour dan plan Lasanble Nasyonal mon vwar i annan en Media House deryer kot nou Members Lounge.

        Eski i dan plan pour asir zot konformite osi e ki nou ler nou pe sorti osi pe al dan Lounge laba kot parfwa i anbarasan petet pour zot osi pour konsider en pti landrwa en pti pe pli ase profesyonnel pour met zot ladan pour zot kapab fer zot travay.

MR SPEAKER

Sorry mon pa’n ganny sa dezyenm bout pour konsider kwa ?

HON EGBERT AGLAE

Pour konsider en landrwa ase apropriye profesyonnelman ki zot kapab anmezir ki zot pe swiv bann deliberasyon teknik pour Lasanble e ki ler nou, nou pe sorti pour nou al Break osi ki zot pa vin en lanbarasman petet pour Manm osi ouswa pour zot menm.  Mersi.

MR SPEAKER

Sa i en tre bon sizesyon. Ou’n fini Onorab Aglae ?

HON EGBERT AGLAE

Wi.

MR SPEAKER

Wi i en tre bon sizesyon anfen zis pour konklir mon a dir ki i annan en dimoun ki’n ganny propoze par, i en Arsitek Origine Ghanaian ki viv Langleter, London ki’n vini in zwenn avek Deputy Speaker.

        E Clerk ek mwan in fer letour, in regard Attic i pe fer en serten propozisyon, fotespere nou a ganny lasistans finansyel pour nou fer ki i pe regard antye, pour servi en fraz Angle ki mannyer we can make better use of the precinct, the whole Assembly.

        E mon krwar sa ki ou’n sizere i en bon sizesyon, nou pe mazin osi en Kantin kot dimoun a kapab vini, bann manm piblik ki kapab vin koz avek bann Onorab.

        Nou pe mazin en Mize kot tou sa bann zoli, zoli portre ki la petet i a en keksoz enportan parey House of Commons Westminster i annan Parliamentary Education Centre ki mars tre, tre byen.

        Clerk ek mwan nou ti vizite le 12 Zanvye sa lannen, Nou osi nou kapab al dan sa direksyon – parey mon’n dir semenn pase, nou pour annan en plan en vizyon pour sa prosen 4an kot nou enkli tousala ladan, pour nou fer sir ki pa zis modern me nou osi annan lespas pour bann aktivite ki pertinan. Onorab Ferrari.

HON JEAN-FRANCOIS FERRARI

Mon ti oule zis fer en pti presizyon mon krwar bann manm lo lot kote latab, mon ava apresye ki nou Legal Advisor i en ansyen kandida SPPF.  Mon krwar zot vwar enparsyalite ki….. Mersi.

MR SPEAKER

Onorab Prea.

HON NICHOLAS PREA

Mersi Mr Speaker, Mr Speaker mon ti a kontan enplor nou bann Manm Onorab pour nou donn sipor nou accountant.  I en dimoun enb, senp, trankil i pa fer tapaz

MR SPEAKER

Onorab lekel?

HON NICHOLAS PREA

Nou Accountant Mrs Thelermont

MR SPEAKER

Mrs Thelermont.

HON NICHOLAS PREA

Me i pe fer en travay ekselan annou kontinyen donn li sipor.  Mersi.

MR SPEAKER

Onorab De Commarmond avan nou pran en vot.

HON CHARLES DE COMMARMOND

Mr Chair dan sa sans mwan zisteman mon ti’n krwar poudir li ki ti pour vin nou Sekreter, Direkter Zeneral pour Finans me ki mon krwar osi i demann osi en promosyon.

        Lontan i la e son saler menm i bezwen ganny re osi ankor fer monte.  Lo sa pwen osi mon ti a zis fer en komanter lo sa ki ou’n dir konsernan Arsitek ki pe regard nou Lasanble Nasyonal pangar i ganny mal enterprete deor, ki nou pe pa get Arsitek lokal e ki nou pe get, e ki nou pe rod enn aletranze.

MR SPEAKER

Good point.

 

HON CHARLES DE COMMARMOND

I enportan fer sorti ki nou’n ansanm dan sa misyon e ki sa proze i en proze ki pour ganny finanse par Commonwealth.

E ki zisteman i pour en gran benefis si i ganny aprouve byensir pour nou Lasanble Nasyonal.  E hopefully  sa bann teething problems ki nou gannyen regarding building Sinwan i ava petet partly ganny rezourd.  Mersi.

MR SPEAKER

Mersi Onorab De Commarmond pour sa presizyon, e ou annan parfetman rezon e mon krwar i byen ou’n fer sa leklersisman pangar dimoun isi lokal i a akiz nou ki nou pe rod etranze  ki nou pa pe servi Arsitektir Seselwa. Alor mersi pour sa presizyon.  E avek sa nou ava pran en vot lo sa Bidze pour Lezislatif, pour Lasanble Nasyonal ki lo paz 89, nou’n demann 37 milyon .7 e tou bann ki ‘pour lev zot lanmen ? Clerk.

MADAM CLERK

Mr Chair eskize 29, 29 Manm in vot an faver.  Mersi.

MR SPEAKER

Ou’n enkli Mr Onorab Gill mon vwar son lanmen in lev en pti pe tar li, ou’n enkli li?  Bon napa personn ki kont ?

        Avek sa mon a remersi zot, savedir Bidze pour Lasanble Nasyonal in ganny aprouve. 2 pti lanons, nou pe komans, silvouple nou pe al byen e mon felisit zot nou pe al byen.  Nou ti a kontan komans anfen in ganny propoze par Minister Finans e mon siport zot, nou ti a kontan komans 1er edmi olye 2er pour nou pran Office of the Ombudsman and the Human Rights Commission.

        E mon ti a kontan osi demann, pour fer sir ki nou pa perdi letan, Office of the Auditor General osi si zot ti kapab la zis an ka nou fini boner olye vin 4er vin en pe pli avan.

        I annan osi mon’n ganny dir pour fer mazin bann dimoun ki 12.30pm dan Committee Room 2 pour annan Media Committee ki pour zwenn, Onorab Henrie mon krwar ou ki Chair e mon espere ki Mr Onezime i vini pour koz ek zot pour zot donn en rapor par laswit sa zafer internet oubyen non.  So tou bann ki lo Media Committee 12.30pm e Committee Room 2 e pour bann Woman Parliamentarians 12.30pm kot Committee Room 3.pm

        Ok avek sa nou ava adjourn nou a repran 1.30 pm sharp isi menm.

(BREAK)

 

OFFICE OF THE OMBUDSMAN

 

 

MR SPEAKER

Bon bonn apre midi tou dimoun.  Mon a swet zot byenveni bann ki’n tournen, bann ki pe ekout nou dan lakour e mon a osi profite pour swet labyenveni Mrs Dora Zatte Ki Ombudsman e son Principle Investigation Officer, Mrs Marie-Paule Gertrude ki travay dan Biro Ombudsman.

        E ankor nou touzour annan plezir pour annan avek nou PS Payet ki la pour donn nou lanmen bare avek son lekip Damien avek Manmzel Verghese ek Manmzel Croisée.

        Mon krwar parey nou’n laba nou’n fer laba nou pa pour rod lentrodiksyon nou ava al drwat lo kestyon ki zot annan pour Biro Ombudsman.  I annan en rapor mon pa sir si zot in gannyen sa rapor. I annan en rapor ki date le 10 Fevriye, reports of the Ombudsman for year  2016, eski zot in gannyen en kopi sa rapor ?  Wi Clerk.

MADAM CLERK

Mersi Mr Chair.  Mon Lofis fek ganny enformen ozordi ki nou’n ganny sa dokiman.  I en pe epe pour nou print deswit la.  Mon’n fer mon Sekreter print detrwa, mon krwar LGB in ganny en kopi, Leader of the Opposition avek enn pour Deputy Speaker pour le moman.

        Nou pe fer laranzman pou nou print pour larestan Manm, savedir bear with us while we send copies to zot Lofis ozordi menm. Ekskize pour sa.

MR SPEAKER

Ok. Onorab Ferrari?

 

HON JEAN-FRANCOIS FERRARI

Eski ou pe al direk lo kestyon ?

MR SPEAKER

Wi nou pe al direk lo kestyon unless okenn dimoun i annan okenn komanter i oule fer.  Parey Clerk in eksplike evantyelman zot kopi pour arive me eskize nou’n ganny sa, mon krwar en pti pe retar semenn pase.  Me nou al direk lo kestyon e mon sir Mrs Zatte pa pour mind, oubyen Mrs Gertrude pa pour mind pour al direk lo kestyon ok?  Onorab Ferrari.

HON JEAN-FRANCOIS FERRARI

Zisteman Mr Chairman, vi ki nou napa sa rapor, mon ti a kontan met en kestyon devan madanm Ombuds person, Mrs Zatte ki kekfwa i paret en kestyon en pe arogan me i pa dan sa lespri. Eski ou kapab dir avek nou Lasanble apard lefe ki lenstitisyon Ombudsman ek Human Rights Commission i 2 Lenstitisyon Konstitisyonnel, ki lot rezon, akfer ki nou merit pe finans sa 2 lenstitisyon, akoz piblik deor an zeneral e mwan I stand to be corrected –  piblik deor napa en bon lenpresyon, napa en bon lenpresyon ki i annan en servis efikas ki pe ganny donnen, e mon krwar sa ti ava vreman en lokazyon pour ou, ou Biro, konmsi reasir nou poudir i annan keksoz enteresan ki pe fer.  Ou alors menm mon ti ava dir kekfwa si napa bokou ki pe ganny fer kekfwa napa bokou problenm as such ki zot pe ganny demande pour trete, me selman reasir nou akoz it’s a substantial sum of money.

        E sometimes konmsi nou mazinen nou dir be why? Akfer? Ki vreman son benefis pour piblik?  Mersi fotespere mon’n kapab met sa kestyon an perspektiv.  Mersi.

MR SPEAKER

Mrs Zatte.

OMBUDSMAN MS DORA ZATTE

Mersi Mr Speaker mersi Onorab Ferrari, Onorab Ferrari pa mwan ki ti evante sa 2 lenstitisyon ki dayer enn i en Constitutional body, enn i en body ki ganny enakte par en Lezislasyon, ok?  So enn ladan i en Constitutional body, Biro Ombudsman.

        Mr Speaker permet mon en pti moman la. Avan nou bouze nou pour komans lo sa premise. Mon pour demann sakenn ant zot la konbyen case zot in anmennen swa dan Biro Ombudsman, swa dan Biro Human Rights Commission e ki ti ou reaksyon komans avek Leader Lopozisyon Mr Ramkalawan, si ou’n anmenn en case kot mwan ?

        Non, non nou pe etablir baz la akoz sa i mon persepsyon, nou pour set the perception very correct in this room la ozordi devan tou dimoun ki la.  Nou pe demann ou.

MR SPEAKER

Kontinyen Ms Zatte.

OMBUDSMAN MS DORA ZATTE

Non, non wi,

HON JEAN-FRANCOIS FERRARI

Mon pa krwar ou la pour vin demann nou kestyon, akoz mwan mon krwar ou la pour demann ou kestyon in good faith, poudir ou dir within la si ou satisfe, i annan en bon travay ki pe ganny fer.

        Akoz kantite dimoun in vin kot mwan mon pa konn lezot, mon’n ale kot Ombudsman me zot pa fer nanryen, zot pa sa, zot ekri en let….so mwan mon pe donn ou, mon ti a zis kontan enform ou poudir this is pa the case e ki……

MR SPEAKER

Ok Mrs Zatte.

MS DORA ZATTE OMBUDSMAN

Nou 2 Lenstitisyon i ganny servi par any citizen ki Sesel ki santi poudir swa i annan en lerer Administratif, swa i annan fot, swa i annan lopresyon by Lotorite Piblik swa i santi son Drwa in ganny vyole, ouswa i annan posibilite ki son Drwa i ganny vyole.

        Now Mr Ferrari ou’n dir ek mon poudir i annan persepsyon piblik ok ? Mwan mon pa pour kapab dir ou, mon pa pour kapab dir ou wi ouswa non i napa sa persepsyon.  Sa i ou persepsyon pour ou.

        Ou pe dir mon lezot dimoun ki pe dir pa ou, selman mwan mon pa’n zanmen gannyen konplent sorti kot ou, ou pa’n deza refer en dimoun kot mwan ok ?

        Dapre mon statistik ek travay ki mon annan dan mon bann rapor la, tou keksoz i laverite, bann dimoun ki vin kot mwan.  Sa ki pa akse nou servis mon pa kapab dir ou nanryen lo la mwan Mr Ferrari, pour en rezon ouswa en lot swa i pa anvi akse sa servis akoz petet i annan redres alternativ dan pei pour li ; petet i pli fasil pour li lo en pti Kominote 94mil dimoun, dimoun i kapab network .

        Tou Seselwa i preski konn kanmarad si mon pa konn ou, mon konn ou paran, ouswa ou zanfan i konn mon zanfan.

        So therefore, eski ou pe dir sa 2 Lofis pa efektiv ?  Mwan mon pa dakor ditou avek ou pwennvi ni ou largiman.  Selman zot ki la zot ki deside ki pour arive avek sa 2 Lofis.

MR SPEAKER

Ok mon krwar Mrs Zatte ou’n reponn kestyon Onorab Ferrari, ou’n dir sa ki ou, ou mazinen.  Nou a donn la parol Onorab Andre.

HON CLIFFORD ANDRE

Mersi Mr Speaker. Mrs Zatte mon premye kestyon se anfet, mon ti a kontan demande konbyen Staff zot annan kot Biro Ombudsman ki fer ki nou bezwen aporsyonn R1milyon, 38 mil pour saler ?

        2enm kestyon i lo paz 99 dan booklet, i annan ‘office expenses’ ki sorti 361mil in ariv 421mil, eski ou kapab donn nou en leksplikasyon akoz sa logmantasyon, si zot ankor pe servi menm Lofis, si zot in refurbish Lofis oubyen what is the reason in regards to this ?

        Mon ti’n met sa koman en kestyon, Schedule 5 :2 (B) i dir ou sipoze investigate bann konplent ki swa, mon ava lir li an Angle parey dan Konstitisyon i dir’

        ‘’Where the President, the Vice President or a Minister, or a Member of the National Assembly request the Ombudsman to investigate the action on the grounds of the person or body specified in the request. ‘’

        I ale i dir ou ki bann sityasyon ki mete mon pa pour lir sa akoz i lengthy, eski ou kapab dir avek sa Lasanble konbyen request ki ou’n gannyen swa sorti kot Prezidan, Vis-Prezidan, la i met Prezidan, Vis–Prezidan, Minis, e Manm Lasanble pour ou fer investigation.

        Konmsi konbyen sa ou’n gannyen lannen pase oubyen si ou annan sa statistik, akoz nou fek ganny sa rapor ki nou pa ankor gannyen annefe, so si ou kapab donn nou en pti klarifikasyon.  Mersi.

OMBUDSMAN MS DORA ZATTE

‘’Wages and salaries’’ nou annan nou 2, apard Ombudsman ki pa lo payroll Lofis either one of the 2 Offices, Lofis Ombudsman i annan 2 Staff pour le moman, Principal Investigations Officer, avek 1 Assistant Investigations Officer ok.

        I annan 2 vacancies pour le moman. Sa Bidze i pe fer provizyon pour Lofis recruit 3 dimoun, en Education Program Director, en lot Investigations Officer pour tir en pe load lo sa enn ki egziste. Akoz sa madanm ki la ki fer tou louvraz administratif li menm ki double up as nou spesyalis pour bann keksoz lanplwa akoz i annan leksperyans dan bann zafer lanplwa.

        So sa lot dimoun li i pe resevwar preski tou konplenan ki pe antre, the first Registration se li ki pe fer.  So nou bezwen en lot dimoun pour fer sa, pour donn lanmen fer sa louvraz.

        Now nou ti’n osi fer provizyon pour en Executive Secretary an vi ki 2014 e 2015 ti annan bann moves pour almagate sa 2 lenstitisyon, akoz nou ti vwar over the years depi 2010, 2011, 2012 resours ki nou ti pe demande anba sak lenstitisyon zanmen ti pe ganny akorde, pour en rezon ou en lot.  So nou’n sey detrwa mannev pour nou fer sir ki nou ganny sa resours pour fer marse sa 2 lenstitisyon dan fason ki nou ti krwar sa i apropriye pour sa bann letan.

        Me selman napa enn sa bann moves ki’n, napa enn sa bann demann ki’n ganny meet to the maximum.  Se pour sa rezon ki lannen pase Finans ti merge sa 3 Bidze ansanm.

        Ti merge 2 Bidze ansanm akoz practically Lofis Human Rights Commission ti pe servi resours ek manpower Lofis Ombudsman ok?

        Ler nou ti pe fer sa MBE lannen pase, Manpower Budgeting Exercise, nou ti al ek lide poudir ki sa 2 lenstitisyon i riske pe merge.

        Me la prezan mon konpran poudir i annan demars ki sa 2 lenstitisyon pour split then Minister Finans avek Gouvernman letan i pronons son lekor lo sa size, zot ava regarde ki zot pour fer.

        Me selman the current Bidze la nou ti’n fer provizyon pour sa 3 nouvo  

MR SPEAKER

Mersi Ms Zatte, mon ti a kontan petet zis presize ki avan ou kontinyen petet ou annan en leklersisman Onorab Andre pou dir ki anfet ler mon’n koz avek Ms Zatte mon pa konnen si ti bomaten oubyen Vandredi in sorti dan son fonksyon, mon krwar si mon korek, si mon byen ou’n fini ou Kontra ?

OMBUDSMAN MS DORA ZATTE

Yes Mr Chairman.

MR SPEAKER

Me selman mon ti dir li santi li lib klersi ek Egzekitiv i vini akoz it would not have been fair lo Mrs Getrude pour li vin li tousel.

        Alor in vini an bonne foi pour eklersi, petet vi ki in fini son Kontra nou pour annan en nouvo Ombudsman byento annou sey konsantre lo bann figures, rod leklersisman lo bann figures olye lo kantite ka ki’n pas devan li.

        Mon sizere mon pa oule anpes zot koze oubyen anpes zot demann kestyon, me parey mon dir son Kontra in fini,.. Wi Onorab Andre ou annan en pti presizyon pour ou demande.

HON CLIFFORD ANDRE

Non Mr Speaker i annan sa 2 kestyon ki Mrs Zatte pa ankor eklersi nou lo la, se akoz in annan sa logmantasyon dan ‘office expenses’ sorti ki lo paz 99, sorti 361 in ariv 421 ; eski i annan relocation of business oubyen whatever ? E presizman Mr Speaker an referans avek Schedule 5:2 (B) lo ki kantite referans in ganny fer ,se pour vwar si sa Bidze ki ganny donnen, se pour cater pour sa bann sityasyon ki nou kekfwa koman Manm Lasanble nou annan pouvwar anba Konstitisyon pour nou demann li pour investigate.

        Se dan sa laliny ki mon pe gete si nou aporsyonn larzan pour kapab fer sa travay.  Mersi.

MR SPEAKER

Ms Zatte.

OMBUDSMAN MS DORA ZATTE

Mersi Mr Speaker.  Mersi Onorab Andre ‘office expenses’ ki’n increase ler nou ti demann en increase dan nou cohort Staff, otomatikman i annan bann attendant cost ki pour monte avek sa bann nouvo pozisyon ki i annan.

        Nou ti pe prevwar ki bann keksoz, bann consumables, telefonn, internet ek lezot keksoz i monte, me selman osi dan sa Bidze la fodre ou note poudir ler ti annan demars pour sa 2 Lenstitisyon merge ansanm, well preski dir merge ansanm sa ki ti ekspektasyon,

nou ti pe fer provizyon pour relocate pour al dan en landrwa ki pli gran pour accommodate tou sa bann dimoun ok ?

        Pour le moman kot nou ete i about 147 square meters e nou pey en rent apepre R28 mil par Mwan, 32 mil mon krwar avek son VAT i tonm apepre sa, ok 147 square meters e nou pe pey R31,912 par Mwan ok ?

        Pour nou al dan en landrwa pli gran, nou ti’n prevwar poudir nou pe at least minimum ki nou pour bezwen i 250 met kare Lofis pour accommodate tou sa dimoun avek tou nou needs ki nou annan.

        En lot kestyon ki mon pa ti ankor reponn pour ou Onorab Andre, ou’n demann mon konbyen case ki mon’n gannyen sorti Lasanble Egzekitiv Nasyonal avek…., wi Prezidan pa’n refer okenn case kot mwan pandan mon 10 year of office dan 7an.

        Vis-Prezidan pa’n zanmen refer en case kot mwan.  Dan mon 10year of Office mon’n ganny en case refer to mon Office by Onorab Henrie 1, Onorab Ramkalawan 1, 2 ouswa, Onorab Afif 1.

        Tou sa bann case nou attend tou, nou’n process.  Zot la zot kapab testified to that.  Mersi.

MR SPEAKER

Mersi Ms Zatte. Onorab Aglae.

HON EGBERT AGLAE

Mersi Mr Chair, bonn apre midi Ms Zatte mon konnen Mr Chair in dir nou pa al dan demann kestyon baze lo sif me antretan ki rol en Ombudsman dan en pei, mon krwar i enportan, e  i ganny etabli anba Konstitisyon. Mwan mon kestyon ki mon anvi demande ok, se Ombudsman, eski i annan ase ledikasyon deor petet la kantite ka ki zot pe vwar dan en lannen pe i so minim i pa vedir napa problenm parey in dir, eski i annan ase ledikasyon deor pour eksplik nou pep Seselwa lo rol e fason travay Ombudsman dan li menm?

        Akoz mon demann ou sa akoz mon mazinen letan mon ti ankor pe lekol, ler mon ti tann nonm Ombudsman ti en gro keksoz.

        Petet dan sa laliny dimoun pa pe konpran e petet mon santi osi napa ase ledikasyon ki ganny met deor ler dimoun i dan tel sityasyon pour zot seek  ouswa zot tay plizoumwen kot en avoka ouswa kot bann lezot Lazans, mon santi petet ki Ombudsman i fer li dan en fason koman en gro keksoz ki fer dimoun per pour koste.

        Eski dan en fason zot kapab petet ouver zot lekor avek dimoun lo en baz endikasyonnelman pour dimoun kapab vin devan?  Akoz i en lenstitisyon vreman enportan, en lenstitisyon enportan pour pei sa.  Mersi.

MR SPEAKER

Mon prezimen ki ou pa pe servi sa bann term literalman, ou pe servi li figuratively parey Angle i dir, Ms Zatte ou a kapab reponn silvouple.

OMBUDSMAN MS DORA ZATTE

Mersi Mr Chair, mersi Onorab Aglae. Mon admet Onorab Aglae poudir napa bokou ledikasyon ki’n ganny fer from nou Lofis pour sa rezon.

        Nou resours i sitan pti git, nou Staff i pti git ok, so nou bezwen priyoritize ki fonksyon ki nou pour fer e nou’n vwar dan sa bann letan the investigative roles and responsibilities ti pli enportan, i ti pli kritik pour ou deal ek sa ok e nou donn li plis priyorite.  Se pour sa rezon ki ou vwar nou’n demann en Program and Education Officer dan sa enn Bidze ki la, presizeman pour li konsantre lo sa rol ledikasyon, promosyon ethics ki EISA i en manda ki pe ganny duplicate by lezot lenstitisyon dan pei ok ?

        E pour realize dan bann Bidze oparavan 2015, 2016, bann landrwa parey Ethics Commission ok, ki i osi promot e edik lo bann keksoz ethics, pa neseserman i pe edik ou lo ki rol Ombudsman, me selman i ti pe desarz sa responsabilite e ou vwar poudir larzan ti pe ganny allocate dan sa bann landrwa ki i normal ki sa bann dimoun in fer ledikasyon promosyon Ethics ouswa good governance, bon ladministrasyon bann keksoz koumsa.

        Me mon pou dakor ek ou poudir nou, nou pa’n dan en pozisyon pti git dimoun ki nou’n annan avek resours ki nou annan, ok 3 nou pour le moman i pa fasil pour ou desarz tou ou responsabilite administratif – adjudicate lo bann cases, fer 2 Clinics lo Praslin, lo La Digue bann keksoz koumsa ki nou pe fer ; me selman mon krwar dimoun i annan en nide poudir akoz mon vwar nou servis i ganny access kontrerman avek persepsyon lezot dimoun.

Mon pour dir ou wi i annan en need la, e mon krwar nou’n fer provizyon pour adres sa need, ok ? Sa Ombudsman ki ava vini, i ava, si zot aprouv son Bidze i ava recruit son dimoun pour fer son promosyon avek ledikasyon.  Mersi.

MR SPEAKER

Mersi Ms Zatte, en follow-up question pour sa ki Onorab Aglae in demande. Onorab Vidot.

HON AUDREY VIDOT

Mersi Mr Chair, bonn apre midi ankor a tous petet mon a plito anmenn en prepozisyon dan plas en kestyon in terms of lo sa ki Onorab Aglae akoz mon kestyon ti pour lo la.

        Ti a byen parey ou’n dir e i annan lezot ki pe fer petet i koz en pti pe ki zot rol, me ti a byen osi si zot osi zot partnership parey ankor i ti a siport ou si ou napa sa gran Bidze pour fer li, ti a byen akoz i vreman en demann kot piblik i konnen vreman ki rol e fonksyonnman ou Lofis e ki zot kapab anmenn soutyen lenformasyon pour manm piblik.  Mersi.

MR SPEAKER

Ankor la en propozisyon Ms Zatte, eski ou aksepte?  Ou a….

OMBUDSMAN MS DORA ZATTE

Mersi, nou note nou a pran konsiderasyon.  Thank you.

MR SPEAKER

Wi, tre byen, mersi. Onorab John Hoareau.

HON JOHN HOAREAU

Mersi Mr Speaker bonn apre midi Mr Speaker, bonn apre midi Mrs Zatte, mon pe fer referans avek paz 99 anba ‘others goods and services’ ki mon vwar 2015 ti annan en sif 399mil ki la mon vwar an 2017.

        Zot in demann en Bidze preski en pti pe plis ki 1.2 milyon.

        So mon pe gete osi in monte osi 2016, eski ou kapab zistifye sa pour nou silvouple ?  Mersi.

 

MR SPEAKER

PS Payet ou  oule reponn sa?

 

OMBUDSMAN MS DORA ZATTE

Mersi Onorab Hoareau parey mon’n dir taler depi ler Lofis ti ganny kree pour Ombudsman e Human Rights osi i share menm Lofis, nou Mont Fleuri.

        Nou ti pe prevwar even depi lannen pase, nou’n sey search, nou’n al regard enn de landrwa ki nou krwar i apropriye pour accommodate the whole Human Rights and Ombudsman Office avek son Staff, avek bezwen ki sa 2 servis i bezwen ganny located lo en ground floor pour aksesibilite bann dimoun ki annan dezabilite ouswa lezot infirmities.

        Se sa ki ou vwar increase dan Bidze.  Nou pa’n relocate nou ankor dan menm landrwa me selman nou ankor pe source en landrwa ki pli apropriye akoz pour le moman nou lo 2enm floor en building.

Mon’n reponn ou kestyon?

 

MR SPEAKER

Eski Onorab Hoareau, ou ok ek sa repons?  Tre byen, pardon? Ok.

(Mic off)

 

OMBUDSMAN MS DORA ZATTE

La mazorite i pour rent Mr Hoareau e sa ki nou pe peye la i vreman, vreman bon marse pour sa location kot nou ete e laplipar landrwa ki nou pe source mon krwar zot pe demann plis ki la dan sa Bidze actually.  It’s only for rent, that’s the major chunk of it.

 

MR SPEAKER

Ok.  Onorab Arrisol.

HON SANDY ARRISOL

Mersi Mr Speaker, bonn apre midi Mrs Zatte avek ou delegasyon.  Mon ti a kontan zis demann en pti kestyon an relasyon avek sa ki Onorab Aglae in demande.

        Mr Speaker an relasyon avek sa zafer ledikasyon akoz mon krwar i enportan parske mwan mon annan en zabitan Daniel Seraphine mon krwar ou konn li byen,  in dir ek mon, in konplent poudir in demande pour vwar ou almost 2an me ou’n toultan refize pour vwar li.

Mon mazinen kekfwa la dan sa nouvo lespri, avek sa nouvo dimoun ki a kapab pran sa responsabilite, eski zot annan sa ki nou apel, parey nou, nou bann MNA nou annan sa bout ki nou dir Clinic kot nou vwar nou dimoun dan nou distrik, eski non zot Lofis apard zot lenvestigasyon apard sa ki nou, nou anvoy kot zot, eski i annan sa zour kot zot vwar bann manm piblik kekfwa ki i annan son konsern, i santi poudir i annan en keksoz ki’n ganny afekte i kapab vin vwar zot an relasyon avek sa Biro?  Mersi.

MR SPEAKER

Ms Zatte.

OMBUDSMAN MS DORA ZATTE

Mersi Onorab Arrisol, toulezour nou Lofis i ouver 8er ziska 4er dan bann letan en pe kritik dan pei nou annan en… nou Lofis i reste ouver osi e nou met nou prezans en pti pe partou nou monitor en pe

        Daniel Seraphine mon pe sey mazin sa case, pa neseserman i vin, sa non i familye pour mon akoz mon’n process son case mwan Onorab Arrisol, me selman fodre ou mazinen osi ki nou annan nou operating procedures.

Ler en dimoun i vini i anrezistre son case, i vwar Assistant Investigation Officer ki process, i annan form ki ranpli, nou pran, nou fer son KYC basically lo li pour nou gete.

        Apre la case i vin kot mwan la nou process sa case, so mon pa krwar i pa’n ganny asiste ouswa i pa’n vwar.

        Petet in vini on the face of the record of it, i napa en merit osi dan son case, petet sa i en posibilite, mon pa dir ou non me selman mon ava follow-up.

MR SPEAKER

Ok mersi mon sizere tou fason i annan en nouvo Ombudsman ki pour ganny apwente prosennman, e nou koman Manm Lasanble Nasyonal si i annan okenn nou Constituent ki demann en lasistans oubyen i demann en lapwentman oubyen randevou avek Ombudsman ki pa gannyen nou ed li pour li ganny en randevou an prenon kontak avek Biro Ombudsman.

         Onorab Larue.

HON FLORY LARUE

Mersi Mr Speaker, bonzour madanm, eski ou kapab dir nou ki saler Ombudsman e ki saler Human Rights Commissioner?

Eski ou kapab osi klarifye si pandan sa dernyen 7an ki ou, ou resevwar toulede sa saler ansanm combine akoz sa Lofis i mars ansanm?

        Osi eski ou 2 Biro i annan en sit web, mon demann ou sa kestyon akoz letan ou ti pret serman pour Lofis, ou ti dir ou pour fer li vin pli vizib e sa ti an 2010?

        E koman sa Biro ki regard Human Rights Sesel, eski ou kapab dir nou si i annan labi Drwa Imen isi Sesel Madanm?  Mersi.

MR SPEAKER

Onorab Larue, konmsi nou annan 2 kestyon separe e petet mon a les Ms Zatte a son diskresyon pour reponn oubyen i annan kestyon ki nou kapab demande evantyelman letan nouvo Ombudsman i vini me Ms Zatte mon a donn ou sa diskresyon.

OMBUDSMAN MS DORA ZATTE

Mersi Mr Speaker napa nanryen pour kasyet lo saler en Ombudsman i dan Lalwa, son allowance Human Rights Commissioners avek zot Chairperson i osi ganny regulated, by Lalwa.  Ombudsman i depan, si ou’n antre lo premye lannen, well dapre lannen grid ki i annan.  Eski ou oule konn mon saler la right now, ouswa oule konn saler ki en Ombudsman i antre lo la?

HON FLORY LARUE

 

(Mic off)

MR SPEAKER

Donn nou en nide lo kwa i antre lo la parske i pa zis ou, i zeneral.

OMBUDSMAN MS DORA ZATTE

Get dan Budget Book, ok?

(Mic off)

MR SPEAKER

Be espere Ombudsman i a dir poudir lo papye.  Donn li sans reponn, Onorab Larue ou’n demann ou kestyon.

OMBUDSMAN MS DORA ZATTE

Selman Onorab Larue mon napa okenn problenm mwan, akoz saler la, i piblik sa, i en dokiman piblik ok ?

        Human Rights Commission son Chairperson i ganny R14mil gross, son manm i ganny R6, 900 gross.

MR SPEAKER

PS Payet ou ti oule dir en keksoz oubyen non?

PS PATRICK PAYET

Mersi Mr Chair zis pour azoute ki Seksyon 4 Constitutional Appointees Emoluments  dan Budget Book, sa i apepre bann paz final dan Budget Book nou pour ki vwar lo paz 3 i annan lapey Emoluments pour Oditer Zeneral, Ombudsman, Electoral Commission, Constitutional Appointees Authority, Public Service Appeal Board e National Human Rights Commission osi.

        So dan Budget Book i annan en pe detay e i montre ou zot osi si zot pe ganny gratwite ki lavaler 15 poursan sa osi i ganny mete.

MR SPEAKER

PS Payet rod sa paz ki konmsa Madanm…..

OMBUDSMAN MS DORA ZATTE

Sorry Speaker, quote sa paz pour tou dimoun tande zot a vwar.

 

PS PATRICK PAYET

Seksyon 4 Constitutional Appointees Emoluments i lo paz 3.

MR SPEAKER

Paz 3, vwala i annan 2 dernyen kestyon, eski i annan klarifikasyon? Onorab Larue.

HON FLORY LARUE

Wi Mr Speaker akoz parey nou’n dir piblik Seselwa pa konnen fonksyon sa 2 Lofis e comme la nou pe demann lo kote Bidze ek finansman, ti a bon anmenn dan lizye Seselwa pour vwar ki reminerasyon sa bann dimoun ki travay dan sa Biro akoz zot napa sa bann gro liv zot. E zot pe ekout nou alor sa madanm i la mon demann sa kestyon si i ti kapab klarifye olye fer en paz referans plito i dir nou sa sif, si i devan PS dir nou Seselwa a konnen.

Apre mon annan sa 2 lezot kestyon mon’n demann li.  Mersi.

MR SPEAKER

Ou’n fer ou kestyon Onorab Larue, ok. PS Payet.

OMBUDSMAN MS DORA ZATTE

Mr Speaker dernyen saler ki mon ti gannyen koman Ombudsman vi ki mon manda in fini mon ti ganny apepre 46 ouswa R48, 000, 47.  Mersi.

MR SPEAKER

47 thousand, eski i kler, i ase kler?  2 dernyen kestyon Onorab Ferrari apre Onorab Ramkalawan.

HON JEAN-FRANCOIS FERRARI

Ok mersi Mr Chairman. Mr Chairman mon ti a vreman kontan sa Lasanble i konpran mwan byen.

        Nou annan 2 lenstitisyon ki dan mon lopinyon i pa’n over the years ganny trust of the public ok?

        Trafik mwan mon pa’n dan Lasanble sa bann dernyen letan mon napa sa bann figures, sanmenm sa mon’n sey demann bann figures, me selman mon reaksyon pa ti tro favorab pour mwan sey konpran how much traffic konmsi ki annan e ki kantite lentere oubyen konesans ki piblik i annan pour Biro Ombudsman?  Mwan mon santi e mon redir ki piblik napa trust oubyen i pa konnen, oubyen i napa problenm.

        Me selman mwan sa ki mon anvi dir, se ki si pandan 7an in annan en referral from Leader of the Opposition, 2 referral from Mr Afif e enn from Mr Gervais Henrie, 4 referral ok pour sa kalite depans, pour sa kalite lapey ;konmsi mwan mon pe vwar poudir swa napa problenm, napa problenm nou fer en lot keksoz oubyen swa piblik pa konnen.

        Oubyen piblik napa sa lanvi akoz sak fwa ki mon’n ale Mr Speaker ki mon’n dir avek en dimoun ale al vwar Ombudsman. Repons ki mon gannyen se laba i parey, ou pe al kot sa dimoun ki menm dimoun ki ou pe al konplent avek, menm dimoun ki dan Gouvernman. Which is not the case, I’m not saying anything I’m just saying… mon pe zis dir i annan sa problenm.  E mwan mon anvi konnen ki nou pour fer pour nou zistifye sa depans a lavenir pour fer sir ki nou annan en lefikasite dan sa depans ki nou pe fer.  Se sa ki mon oule.

MR SPEAKER

Ok ou kestyon i kler, it’s a fair question, Ms Zatte, ou pe sorti dan ou leksperyans eski ou santi plis i kapab ganny fer pour edik piblik Seselwa lo rol e fonksyon Ombudsman Office pour fer sir ki i annan plis lizaz oubyen litilizasyon ou Biro?  Ou repons, ou reaksyon?

OMBUDSMAN MS DORA ZATTE

Mersi Mr Speaker. Mr Speaker Sesel i en pti pei avek en small pool of people ok? Probabilite nou tou nou network ansanm nou annan zenerasyon ki byen edike ok?

        The public servants i konn zot duties tre byen ok? Where is the scope pour ou ganny sa flood? Toultan mon dir sak fwa mon fer interview mon dir mwan, akoz i annan dimoun i dir poudir tel keksoz i koumsa, mwan mon dir en lot fason.  I’ve been there for 7years whether you believe me or not it is something else, be sa i mon lopinyon poudir Sesel i ptipti, sa 2 Lofis parey dan tou pei lemonn, tou bann gran demokrasi ok, zot annan Lofis Ombudsman, zot annan Lofis Human Rights Commission petet zot annan en some kind of Public Service Appeals Board, i annan landrwa ki napa en Ombudsman, i annan en Parliamentary Commissioner pour deal avek menm ziridiksyon ki Ombudsman pe egzerse.

        It’s up to you ki laliny ki pei i pran.  Si ou krwar akoz sa bann statistics ki nou, nou pe gannyen mon pa kapab inflate mwan, mon donn ou laverite kwa ki mon pe gannyen, i dan tou mon bann rapor.

        Pa se tou ki mon gannyen parske mon’n demann Onorab li i annan 2 petet in refer 2, la petet osi 2 i fer 4 that’s not the totality of it.

        Si ou oule al dan rapor ou pour vwar ki kantite ki annan advise, Clinics lezot fonksyon ki nou desarze.

So i wrong pour ou, ekoute Mr Ferrari, esper en pti moman, mon pe dir ou regard sa keksoz dan son globalite pa regard zis en komanter ki mon’n fer ouswa en keksoz ki ou pa dakor avek.  Se tou ki nou pe dir ou.

 

HON JEAN-FRANCOIS FERRARI

(Mic off)

MR SPEAKER

Wi.

HON JEAN-FRANCOIS FERRARI

Mr Speaker mwan mon pa’n akiz person, mon pe sey konpran en sityasyon e i paret ki Ms Zatte pa oule konpran poudir mon annan en konsern e mon anvi ganny en leksplikasyon.

        Mwan mon anvi ki si nou pe depans R5 milyon oubyen R3 milyon, si napa dimoun ki al kot Ombudsman be ferm Ombudsman.  Se sa ki mon pe dir, fermen.

MR SPEAKER

Ok.

HON JEAN-FRANCOIS FERRARI

Si i annan plis dimoun ki bezwen ale nou edik zot, nou fer zot vini, sa ki mon pe dir, mon pa pe….

MR SPEAKER

Ok al right, ok mon krwar taler i annan sizesyon ki’n ganny fer, Onorab Aglae in fer sizesyon ki’n siporte par Onorab Vidot ki mannyer nou pou al devan pour edik dimoun ki sa Biro i egziste e ki nou devret fer mye.  Eski nou kapab les li at that?  Onorab Henrie ou ti annan en pwen en kestyon swivi ki lo sa menm laliny apre nou al Onorab Ramkalawan apre nou a klotir.

HON GERVAIS HENRIE

Mr Chair bonn apre midi, bonn apre midi tou dimoun, mon ti zis anvi demann manmzel Zatte pour dan lentere piblik parske son Kontra koman Ombudsman in terminen, me sa post in ganny advertise, eski ou’n montre lentere ladan pour re apply?  Mersi.

MR SPEAKER

Wi oubyen non, Ms Zatte.

OMBUDSMAN MS DORA ZATTE

Mersi Mr Speaker mon plan Onorab Henrie.

MR SPEAKER

Pardon?

MS DORA ZATTE- OMBUDSMAN

Mon plan, mon plan pour lavenir….

MR SPEAKER

Wi.

OMBUDSMAN MS DORA ZATTE

I konsern mwan ek mon Bondye, my next move is Gods call mersi.  Thank you.

 

MR SPEAKER

Be Ms Zatte savedir ou pa pe apply, i en kestyon senp, ou pa pe apply oubyen ou pe apply?

OMBUDSMAN MS DORA ZATTE

Mr Speaker mon ti krwar deba ti pour lo Bidze, i ti pour direkteman relevan lo Bidze, mon pa krwar mon plan ni mon lavi prive ni lezot keksoz i devret antre dan sa ki la.

MR SPEAKER

Ok, non mon pa tro sir, sorry Ms Zatte mon pa tro sir ki Onorab Henrie i anvi konnen ou lavi prive, mon pa tro sir dimoun i sa me selman nou respekte, nou respekte sa.

OMBUDSMAN MS DORA ZATTE

Mr Speaker Mr Henrie pour bezwen al devan CAA pour li demann sa kestyon.  Thank you.

 

 

MR SPEAKER

Non mon pa dakor annou kalme lanmenm, dernyen kestyon se Onorab Ramkalawan.

HON WAVEL RAMKALAWAN

Mersi bokou Mr Chairman. Mr Chairman mon krwar ki i enportan mwan premyerman fer en remark zeneral pour nou, nou tou koman en Lasanble realize ki pandan sa dernyen 4 Mwan nou tou nou pe koz lo ki mannyer pour sanz keksoz; ki mannyer nou annan bann fot, ki mannyer nou annan presyon.

        Dan Diskour Prezidan in fek fer, ankor enn fwa nou’n koz lo sa size, e mwan mon anvi senpleman dir ki sa 2 Lofis parey i annan bann lezot Lofis, zot in anba presyon oubyen zot pa’n ganny sa bann resours ki zot devret gannyen pour zot nobou fer zot travay.

        E mwan mon krwar ki kot nou ete la e menm mon ti ava dir si nou pour anvi en Lofis Ombudsman oubyen Human Rights Commission ki pour vreman ekipe, ki pour annan bann Staff ki i bezwen pour fer bann investigation, pour fer follow-up ensidswit, nou bezwen en Bidze ki bokou pli gran ki sa, nou bezwen en Bidze ki bokou pli gro ki sa, e pandan bann lannen, e letan nou pe regard bann chiffre an aryer nou’n vwar ki bann chiffre in ptipti; savedir sa i montre ki Gouvernman li menm li, i pa’n anvi ki sa Biro, sa Departman i fer sa travay ki i devret fer.

        E mwan mon krwar ki la avek sa nouvo lespri nou devret pe look ahead e pour nou regarde i annan en nouvo Ombudsman ki pour ganny apwente byento ; pour annan Human Rights Commission osi tou ki pour ganny regarde ; pour annan tou sa bann Constitutional Bodies ki nou pe regarde.

        Set a nou koman en Lasanble pour nou regarde ki mannyer nou donn zot plis ledan parey nou dir.

        Mon krwar ki it’s unfortunate ki dan nou pei nou’n annan bokou Institutions ki’n toothless by purpose.

        E alor mwan mon krwar ki kot nou’n arive la, nou kapab lev bokou bann lezot issues, mwan mon krwar kot in arive la, nou devret dan en pozisyon pour nou pran en vot, e nou bann konsern nou ava anmenn li. Nou ava anmenn li dan bann lezot deba pour nou regarde nou koman en Lasanble Nasyonal ki mannyer nou pour fer Office of the Ombudsman vin pli for the Human Rights Commission vin for, the Anti-Corruption Commission vin pli for the Ethics Commission vin pli for, ki mannyer nou pour ranforsi tou sa bann lenstitisyon pour zot vreman efektiv.

        Me bann konsern ki ganny leve, se bann konsern ki Lezitim, me la kot nou ete annou pran en vot and annou ranforsi li pandan sa bann lannen ki devan nou.  Mersi bokou Mr Speaker.

MR SPEAKER

Mersi Onorab Ramkalawan tout an tenan an kont ki prosennman pour annan en nouvo Ombudsman e mon remersye Ms Zatte.

        Pardon?  Mon remersye Ms Zatte ki in dakor pour li vini ozordi menm si son Kontra in fini, ki i nepli Ombudsman in vini pour anmenn serten leklersisman.

        Silvouple mon krwar mon’n dir o komansman nou bezwen annan plis lord dan sa Lasanble.

        Ler Speaker pe koze zot ekoute, ler zot kanmarad pe koze, zot ekoute, sa se the minimum kourtwazi komen sa.

        Me i annan zot konmsi pa oule konpran, eski nou kapab prezan remersye Ms Zatte ki in vini for the future Ombudsman ki pe vini, i annan en propozisyon Bidze lo paz 98, eski nou kapab pran en vot ? Tou bann ki dakor pour aprouv sa Bidze lev zot lanmen ? Wi Onorab Ramkalawan.

HON WAVEL RAMKALAWAN

Mr Speaker as Leader of the Opposition mon pa kontan serten komanter ki’n sorti lo nou kote and I want to apologize to Ms Zatte pour sa komanter ki’n pase.  Thank you.

        (APPLAUSE)

 

MR SPEAKER

Lekel, fek pase sa oubyen taler ?

HON WAVEL RAMKALAWAN

La, la fek pase.

 

MR SPEAKER

Be eskiz mon Ms Zatte mon pa’n tande e mon pa anvi tande, me selman si i annan en komanter ki mal apropo, alor mon ti a kontan mon osi zwenn Onorab Ramkalawan, parey mon dir mon pa anvi tande akoz mon bann keksoz negativ dan zenn az, mon napa letan pour mwan ekoute, me si i en komanter ki offensive mon zwenn Onorab Ramkalawan pour demann ou en leskiz.

        Avek sa nou kapab pran en vot lo Bidze pour Office Ombudsman lo paz 88, lev lanmen tou bann ki ‘pour ? Clerk.

 

MADAM CLERK

Mersi Mr Chair  21 Manm in vot an faver.  Mersi.

MR SPEAKER

Tre byen mersi.  Savedir Bidze pour Biro Ombudsman in ganny aprouve, mon ti a kontan ankor enn fwa lo la par tou bann Manm Onorab dan Lasanble  remersye Ms Dora Zatte avek Mrs Marie-Paul Gertrude pour zot letan isi.

        Mon swet zot tou de bon e sirtou ou Ms Zatte, mon swet ou tou de bon dan ou karyer whatever turn it takes kot ou ale.  Wi Onorab Prea.

HUMAN RIGHTS COMMISSION

 

HON NICHOLAS PREA

Mersi Mr Chair, nou annan Human Rights osi ki pour pran ansanm, Human Rights Commission.

 

MR SPEAKER

Ok, Human Rights i madanm, Zatte ou pe reste pour sa?  Onorab, PS Payet.

PS PATRICK PAYET

Mersi Mr Chair  zis pour azoute ki lo paz 109 a 110 nou’n met en provizyon pour annan sa….

MR SPEAKER

Ok, National Human Rights Commission e ou ti a kontan ki nou pran en vot lo la.

PS PATRICK PAYET

Yes, wi nou pe fer li avek Ombudsman akoz i en pe relevan.

MR SPEAKER

Tre byen, very good, mersi PS Payet, regard paz 109, 110 en budget overview ki 1.1,78 milyon, eski nou kapab pran en vot lo la? Wi Onorab De Commarmond.

HON CHARLES DE COMMARMOND

Mr Chair en senp pti komanter ki mon ti oule fer, anfen kont i pour baze lo tou lede, ou konnen akoz anba requirements nou Konstitisyon, ou kapab, napa en case si oule.

        Me sa bann lenstitisyon i bezwen la, mon pa dir i pa byen ki napa en case e ou bezwen annan en depans ki al ver li.

        So nou bezwen osi konpran sa issue, parkont si nou oule fermen altogether, ler nou’n fermen nou pa kapab dir demen napa sa zafer.

        Apre i en bann norm enternasyonal ki pous pei pour annan. So i annan tou sa ki nou bezwen konpran, be mon krwar dan lespri Onorab Ramkalawan in koze nou bezwen al dan sa direksyon si i annan logmantasyon Bidze oubyen nouvo Bidze dan Bidze siplemanter ki pe vini osi byento, nou kapab enkorpor tou sa ladan pour nou kapab al pli devan.  Mersi.

MR SPEAKER

E osi Bidze siplemanter i annan osi i annan mid year review. Yes Onorab Ramkalawan.

HON WAVEL RAMKALAWAN

Mr Chairman mon ti ava zis kontan konnen allowance bann Commisioners, eski zot vin dan sa Bidze prensipal la, oubyen zot separe pour bann Commissioners.

        E ki kantite letan ki bann Commissioners i ganny apwente konmsi parske right now, si mon pa tronpe lafason zot lapwentman i ganny fer, se ki i annan enn ki Lasanble Nasyonal ki nonmen e sete sa dimoun ki ti Legal Advisor parske mon pa ti la taler, me i annan en ta tapaz ki zot in fer vizavi nou Special Advisor e ki taler kekfwa mon a ganny sans pour dir 2 parol lo la, bann komanter ki pa ti vreman neseser.

        Me alors ki mannyer i ete parske dan sa lespri pour nou ganny bann Commissions ki pa toothless mon pe vwar poudir the body right now which is call the Human Rights Commission i weak.

E ki konmsi pour nou regarde ki mannyer nou pou kapab bouze pour fer li vin for.

MR SPEAKER

Petet Ms Zatte oubyen Mrs Gertrude ou anvi fer komanter lo bann Commissioners.

PS PATRICK PAYET

Mersi Mr Chair zis mon a pran premye bout apre Ms Zatte i a pran the second part, zis pour azoute ki the Commissioners allowance i pa ganny mete dan sa Bidze me i ganny klasifye deryer dan bann Constitutional Appointees Emoluments.

        Lo sa paz ki mon ti’n mansyonnen taler lo paz 3.  So i an deor e sa pour en lot vot ‘other wages letan nou pour vote dan sa lasemenn.

MR SPEAKER

Savedir la PS Payet nou kapab pran en vot lo paz 109, 110 se sa ?

PS PATRICK PAYET

Yes.

MR SPEAKER

Ok. Onorab Ferrari ou ti annan en pwen.

HON JEAN-FRANCOIS FERRARI

Mon ti a zis kontan en klarifikasyon, taler nou’n tande  poudir Chairman Human Rights Commission i ganny li en allowance R14mil.

        Me selman letan mon get deryer la mon vwar probableman R298mil i fer mon pa konnen apepre R24, mil, so which figure is right ?  14mil oubyen 24mil ?  Mersi.

MR SPEAKER

PS Payet, donn en pti moman mon vwar Mr Thésee pe tap tape lo son calculator, ok okenn repons avan nou pran nou vot ?  Ms Zatte.

OMBUDSMAN MS DORA ZATTE

Mr Ferrari the Chairperson Human Rights Commission i ganny R14mil ekek for sure ok gross, lezot manm i ganny 6mil something gross.

MR SPEAKER

Very good.

OMBUDSMAN MS DORA ZATTE

Ouswa i annan en fot ouswa ou pe mal regard ou figures, Onorab Ramkalawan Commissioners i ganny apwente pour en term 4an.

        Chairperson i ganny apwente vi ki Ombudsman pour otan ki son, for the extent of a mandate.  Mersi.

 

MR SPEAKER

Ok avek sa nou a pran en vot lo paz 109, 110, Onorab Georges ou oule fer en komanter oubyen kestyon.

HON BERNARD GEORGES

Mon ti anvi demann en kestyon me…

MR SPEAKER

Wi ale.

HON BERNARD GEORGES

Pour mwan kapab sitye e dir mwan si mon out of order pour mon kapab sitye sa Bidze dan son konteks.

 Mon napa en rapor Human Rights Commission pour sa dernyen lannen kekfwa Chairperson ti a kapab endik avek nou groso modo konbyen fwa sa Komisyon in ganny solisite dan sa dernyen lannen Calendar year? Konbyen entervansyon Komisyon ti fer Ankour? konbyen lentervanyson ti fer vizavi bann Departman ki ti kekfwa pe breach Human Rights Laws? E konbyen trainings ki zot in fer anba zot manda pour sitye nou popilasyon dan zot leksperyans e konesans Human Rights?  Mersi.

MR SPEAKER

Deza ou’n demann 4 kestyon, nou pour arete apre Ms Zatte oubyen Mrs Gertrude si zot oule , si zot kapab donn en bann repons pour sa bann kestyon and after that no more question, sorry pa lev zot lanmen ankor. Ms Zatte.

 

OMBUDSMAN MS DORA ZATTE

Mersi Onorab Georges nou pa’n fer okenn entervansyon Ankour 1’ cases mon bann rapor tou mon bann rapor i annord i devan Lasanble.

        The past one i annan lannen ki nou’n amalgamate 2 pour 2 lannen ansanm dizon pour parey 2014/ 2015 ok?

        I annan Lannen osi ki nou’n amalgamate sa 2 Office of the Ombudsman, Office of the Human Rights Commission akoz pour fer 2 rapor pour sa pti cohort dimoun ki i annan and the bulk of it i tonm lo mwan i difisil pour ou egzekit sa kantite reporting obligations ok?

        Tou rapor i la nou kapab fer ou ganny en kopi tou nou rapor Human Rights, Ombudsman tou le de.

        The last one ki mon’n submit devan Lasanble Nasyonal, se sa enn pour Ombudsman because it was due on the 31st of January.

        The one, sa enn pour Human Rights Commission i due the 31st of March this year, so the deadline is not yet here, selman mon’n date pour fer ou gannyen petet en pti pe apre deadline 31st of March.

        3enm keksoz ki ou’n demande training, nou pa’n fer okenn training locally me selman nou Staff i al train parey si i annan bann keksoz ki bann lezot partners i fer locally and internationally nou ganny loportinite nou Staff i al trainThank you.

MR SPEAKER

Ok mersi. PS Payet,

PS PATRICK PAYET

Mersi Mr Chair, zis pour azoute lo klarifikasyon saler ki’n ganny mete lo paz 3, parey zot konnen aktyelman la ki Ms Zatte in mansyonnen sa R14, 000 i as per the current Lalwa e dan wage grid.

        E sa provizyon ki nou nou’n propoze lo paz 3 i avek lentansyon ki pour annan en separate entity on its own, so ki Lalwa pe ganny regarde.

        Sanmenm sa ki nou nou’n met sa provizyon me vi ki si Lalwa pa ankor fini finalize in the first 6 months i pour still exist ki i pour bezwen ganny parey ki egziste dan existing Lalwa.  Mersi.

MR SPEAKER

Mersi sa i en klarifikasyon ki’n ganny fer. Ms Zatte eski ou ankor anvi  dir en pti mo ?

OMBUDSMAN MS DORA ZATTE

Mr Speaker mon ti a kontan enform Onorab Ferrari poudir avan-ler mon manda ti fini mon ti fer Mrs Gertrude met tou mon bann papye annord pour zot stop payment the minute mon manda ti fini.  Mersi.

MR SPEAKER

Mersi.  Eski nou kapab pran en vot tou bann ki pour Bidze National Rights Commission lev zot lanmen? Clerk.

MADAM CLERK

Mersi Mr Chair. 21 Manm in vot an faver.  Mersi.

MR SPEAKER

Bon okenn dimoun ki kont ?  Clerk.

 

MADAM CLERK

Mr Chair mon’n rikord en dimoun, 1 Manm ki’n vot kont.  Mersi.

MR SPEAKER

Savedir ki Bidze pour National Human Rights Commission in ganny aprouve. Mon ti a kontan remersye Ms Zatte ek Mrs Gertrude pour zot letan ki zot in vini e osi remersye PS Payet ki’n la pour donn zot sa sipor e mon a swet zot bonn kontinyasyon e tou de bon pour lavenir.

        E avek sa nou ti a kontan eskiz zot 2

THE OMBUDSMEN AND HER DELEGATION WAS EXCUSED FROM THE HOUSE

PUBLIC SERVICE APPEAL BOARD

 

MR SPEAKER

Mon  envit Mr John Renaud ki Chair PSAB pour prezant son lekor devan Lasanble.

        E pour dir ki Bidze pour Public, Office of the Ombudsman sey ed mon bann ki annan, ki pli sharp pour regard PSAB kote son, kote paz i ete ?  page 100.  Wi Onorab?

 

HON JEAN-FRANCOIS FERRARI

Mr Speaker, just as a matter I refrained to make that statement when the Ombudsman was here but I would like to bring to your attention 2 things.

        1 the Ombudsman came in refused to address anyone with the term Honorable, refuse to – left the Chamber without bowing.

        Now I just want for you to know that because this was absolutely disrespectful as of most her replies.  Thank you.

 

MR SPEAKER

Ok the point is taken, is noted, Mr Renaud silvouple pran seat o-bor PS Payet, byenveni dan Lasanble.

        Mr John Renaud is the Chairperson of the Public Service Appeal Board and Constitutional Appointments Authority.

        Non sa i vin apre, la nou pe pran Mr Renaud li tousel koman Chairman PSAB, am i right Mr Renaud ou napa nanryen pour fer avek Constitutional Appointments Authority?

        Tre byen parey nou’n fer oparavan nou pour al drwat avek kestyon e parey mon’n dir Bidze pour PSAB i lo paz 100, Onorab Andre.

HON CLIFFORD ANDRE

Mersi Mr Speaker. Mr Speaker mon ti a kontan demann avek Mr Renaud sa logmantasyon dan ‘wages and salary in cash’ lo paz 101 sorti 400mil pour mont 859mil, akoz sa logmantasyon?  E  pour nou kapab ganny en pti leklersisman lo la.

        E osi dan ‘other goods and services’ i annan en logmantasyon 20mil, si Mr Renaud i kapab donn nou en pti leklersisman ?  E si i satisfe ki sa fonksyon ki’n ganny detaye lo paz 101 i annefe pe ganny fulfill par PSAB?  Mersi.

MR SPEAKER

Mersi Onorab Andre. Mr Renaud.

MR JOHN RENAUD – CHAIRMAN PSAB

Ok, kestyon ki’n ganny lev-e Mr Speaker i senp, pandan 6an i annan en Staff dan Biro PSAB ki pa’n ganny peye korekteman ler lannen pase ler nou’n resewar bann sirkile e bann papye sorti Finans nou’n remarke ki ti annan sa defi alor nou’n koriz sa.

        Sa larzan i reprezant arrears pou a  members of the Staff. Sa ti en fot PSAB, i en fot dan en kek sistenm somewhere.

MR SPEAKER

Onorab Andre.

 

HON CLIFFORD ANDRE

Mersi Mr Chairman, mon 2enm kestyon ek mon 3enm kestyon pa’n ganny reponn.

        2enm kestyon se sa logmantasyon dan ‘goods and services,’ apre se sa fonksyon ki’n ganny detaye lo paz 101.

        Si li Mr Renaud i santi poudir sa pe ganny fulfill par PSAB ? Apre R400 mil pour backpay i en pe lour.  Mersi.

MR JOHN RENAUD – CHAIRMAN PSAB

Avan ki nou ti konn sa nou ti sispe ki i annan en lerer dan sistenm Gouvernman ki enn mon Staff pa ti pe ganny peye byen.

         So ler nou’n vwar sa bann dokiman we went through them nou’n gete, nou’n etidye, e pa zis nou, nou’n demann konsey avek Minister Finans si nou  assessment is right. E bann dimoun dan Minister Finans in dir wi assessment is right, I korek so nou peye, setou lo sa gro morso.

        Lo pozisyon PSAB i fulfill i fer son travay zis ek sa larzan ki nou gannyen.  Annan de ler i mank en pe me selman nou bezwen debourye.

MR SPEAKER

Ok Onorab Andre, ok okenn lezot kestyon?  Onorab Prea.

HON NICHOLAS PREA

Mersi Mr Chair. Mr Chair zis petet en pti leksplikasyon pour demann avek Chair PSAB, kote zot pe meet pour le moman pour resevwar bann ka pour fer bann deliberasyon lo bann ka.

        Konbyen fwa zot pe meet par mwan ?  E si zot pe meet en landrwa ki zot bezwen pe pey en rent, ki sa rent ki zot pe peye ?  Mersi.

MR SPEAKER

Chairman Renaud.

MR JOHN RENAUD – CHAIRMAN PSAB

Mersi Mr Speaker, Speaker Onorab Prea i abitye avek sistenm PSAB in en Manm Reprezantan Lopozisyon pour en serten letan e nou napa en landrwa pour nou menm pour fer meeting.

E mon pa’n vwar li zanmen neseser i en pti zafer ki nou fer, so nou’n fer li byen dan building Independence House lo 2nd floor i annan en Boardroom ki nou prete sak fwa ki nou fer meeting 2 fwa par mwan.  Thank you.

MR SPEAKER

Mersi. Onorab Henrie.

HON GERVAIS HENRIE

Mersi Mr Chair bonn apre midi tou dimoun, Mr Chair mon kestyon i swiv en pti pe kestyon ki Onorab Andre in demande.

        Matematikman mon pe sey kalkile ou’n dir 400 mil apepre arrears pour 6an ki pour tonm nou apepre 166 mil par an, savedir sa dimoun in ganny peye pandan an mwens apepre 5,500.

        Konmsi be li menm li sa endividi, swa zot Lorganizasyon i en pe, konmsi mon pa kapab konpran sa mwan.

MR SPEAKER

Mr Renaud.

MR JOHN RENAUD – CHAIRMAN PSAB

Se sa ki’n arive Onorab Henrie in ariv sa fot e nou’n korize, i pa zis PSAB, e pa panse PSAB ki’n vwar sa sif, sa sif in ganny kalkile par Finans dan Departman ansanm ek nou.

MR SPEAKER

Onorab Esparon.

HON REGINA ESPARON

Mersi Mr Speaker, Mr Speaker mon pe remarke lo paz 101 ‘office expenses’ pour lannen 2017 in ogmante sorti 157 pour vin 167.

        E ankor lye avek kestyon Onorab Prea pour mwan demann avek Mr Renaud kote zot baze e konbyen rent zot pe peye par mwan.  Mersi.

MR SPEAKER

Mr Renaud.

MR JOHN RENAUD – CHAIRMAN PSAB

Dan Allied Building e nou pey R5,mil rent koman en kontribisyon tou le mwan, se tou ki nou depanse lo rent.

MR SPEAKER

Ok Onorab Esparon?  Ok Onorab Ferrari.

HON JEAN-FRANCOIS FERRARI

Mersi Mr Chairman. Mr Chairman mon konnen mon ti’n fer en not kek landrwa kot mon ti’n note ki dernyen fwa PSAB ti fer zot annual report ki zot sipoze fer.

        E prezan mon ti a kontan konnen mon pa vwar mon notes, mon ti a kontan konnen eski, kan zot in fer zot dernyen annual report ki obligatwar dapre zot statute ?  Mersi.

MR SPEAKER

Chairman Renaud.

MR JOHN RENAUD – CHAIRMAN PSAB

Mersi Mr Speaker mon annan plezir pour mon dir tou le-z-an pandan dernyen 23an PSAB in fer son annual report, e dapre Konstitisyon i anvoy en kopi kot Clerk Lasanble Nasyonal e apre nou’n met en kopi dan archives pour tou dimoun vwar.

MR SPEAKER

Onorab Ferrari.

HON JEAN-FRANCOIS FERRARI

An realite sa ki mon ti anvi dir, mon apologize se zot bezwen submit zot accounts, you have to submit accounts, yes you have to submit accounts pour a lafen tou le lannen, at the end financially you have to summit accounts, se sa ki mon oule konnen ki dernyen fwa zot ti submit accounts?  Mersi.

 

MR SPEAKER

Chairman Renaud.

MR JOHN RENAUD – CHAIRMAN PSAB

Nou pa submit annual account groser PSAB i ptipti nou annan en sistenm ki nou ganny peye en larzan pour fer nou travay tou le mwan pa parey dan Gouvernman.

        E tou le mwan nou ranpli en form nou montre nou depans nou anvoy Finans.

MR SPEAKER

PS Payet ou konfirm sa, savedir ou annual report napa okenn keksoz Bidze e budget expenditure Chairman Renaud, PS Payet.

PS PATRICK PAYET

Zis pour klarifye napa okenn financial reports ki’n ganny prodwir pandan sa bann letan akoz osi i zis en kontribisyon osi ki nou mete dan Bidze.

        Par egzanp rent is just partly sa 5,mil ki kontribye me selman nou ava regard en pe Lalwa ki specific, ki entails i dir e nou ava regarde lo kote finans ki mannyer nou kapab fer for improvement for the purpose.

MR SPEAKER

Tre byen mersi etandonnen ki napa okenn lezot kestyon, nou a pran en vot lo Bidze PSAB ki parey nou’n dir zot i lo paz 100 e tou bann ki ‘pour lev zot lanmen? Okenn Manm ki kont ?  Clerk.

MADAM CLERK

Mersi Mr Chair 20 Manm in vot an faver e person pa’n vot kont.  Mersi.

MR SPEAKER

Savedir Bidze pour Public Service Appeal Board in ganny aprouve par Lasanble Nasyonal e mon ti a kontan remersye Mr John Renaud pour son letan in pas avek nou pour anmenn serten leklersisman lo sa Bidze e nou ava eskiz li parmi nou.   Mersi Mr Renaud.

MR JOHN RENAUD – CHAIRMAN PSAB

Mersi Mr Speaker, ti en plezir e tou de bon.

MR JOHN RENAUD WAS EXCUSED FROM THE HOUSE

 

OFFICE OF THE AUDITOR GENERAL

 

MR SPEAKER

Nou apel lot group ki Constitutional Appointments Authority.  Eski nou ti kapab apel CAA silvouple.  Pardon, si napa okenn lobzeksyon parey bann dimoun Constitutional Appointments Authority pa ankor vini, so eski nou kapab al drwat Biro Oditer Zeneral. . Onorab Ramkalawan.

HON WAVEL RAMKALAWAN

Mr Chairman pour Bidze Auditor General anba Konstitisyon parey nou ti diskite i sipoze zwenn avek FPAC pour basically tonm dakor lo la.

        E ordinerman sa Oditer Zeneral oubyen son bann Reprezantan zot pa vini dan Lasanble.

        Be nou’n koz en pe, i mean mon’n annan en dyalog avek lot kote, nou pa’n fer en meeting as such me selman letan nou’n regard sa Bidze nou vwar ki poudir i anliny pour zot kapab fer zot travay e alor mon krwar ki nou kapab pran en vot lo la.

MR SPEAKER

Tre byen mersi Onorab Ramkalawan, sey dir nou egzakteman kote paz nou ete pour tou Manm vwar avan nou vote.

HON WAVEL RAMKALAWAN

94, 97.

 

MR SPEAKER

94, 97, ok tre byen Office of the Auditor General e zot budget summary i 17.59 million, si nou dakor eski nou kapab pran en vot?  Tou bann ki ‘pour sa Bidze silvouple lev zot lanmen ? Okenn dimoun ki kont Bidze pour Biro Oditer Zeneral lev zot lanmen ? Si non, Clerk.

 

MADAM CLERK

Mersi Mr Chair 22 Manm mon’n rikorde in vot an faver e napa okenn Manm ki’n vot kont.  Mersi.

MR SPEAKER

Tre byen savedir ki Lasanble Nasyonal in aprouv Bidze Oditer Zeneral. Mersi tou dimoun.

        Eski nou kapab vwar si i annan okenn lezot dimoun ki’n arive, i 3er mwen 10, sinon nou pour bezwen adjourn pour en Break.

        Eski nou kapab, napa personn ki’n arive ?  E vwala nou pe travay tre byen. Felisitasyon.   Si zot dakor nou ava pran en Break la nou al rod en tas kafe, ok ?

Mersi nou a repran, nou a sonnen ler the next dimoun i vini, si nou sonnen pour nou antre pour nou espere, ler Mrs Hoareau ek son lekip in vini oubyen lezot si i vin avan nou annan Office of the Electoral Commission apre CAA.   Sa ki ariv avan nou a sonnen nou a antre nou a pran nou travay.  Mersi nou a zwenn prosennman.

(BREAK)

 

MR SPEAKER

Ekskize pour sa retar me nou ti a pe sey vwar avek bann diferan Minister – bann diferan entities ki kapab vini, me malerezman  nou’n al pli vit.  Nou pli efikas ki nou ti ekspekte ozordi ki fer nou’n al en pe vit.  E nou’n dakor ki nou i pli meyer ki nou adjourn akoz Biro CAA – Constitutional Appointments Authority in enform nou bomaten ki zot pa pou kapab vini.  Epi menm keksoz avek Biro Electoral Commissioner.  Savedir demen nou ava komans avek sa bann entities apre NDEA e nou ava ale avek Minister Finans.  So mon ekskize ki mon’n fer zot espere.  E mon krwar i meyer nou’n tonm dakor  mwan ansanm avek Minister Finans ek Clerk, e  meyer keksoz nou ava adjourn e nou ava repran demen bomaten 9er.  Si nou kontinyen dan sa lespri dan sa lelan ki nou pe ale nou ava fini nou schedule Vandredi parey nou’n plan  – en fason ki semenn prosenn nou a komans nou travay dan en fason  regilye.  Eski i annan okenn lobzeksyon  – okenn komanter avan nou adjourn pou demen bomaten.   Wi Onorab Ramkalawan ?

 

HON WAVEL RAMKALAWAN

Mr Chairman mon ti anvi zis konnen avek CAA egzakteman ki zot problenm, parski tou bann lezot ti’n fini ganny enformen e  serten parmi  nou par egzanp, ti konnen depi bomaten ki poudir CAA ti dir zot pa pe vini.  E mon krwar ki poudir sa latitid i mank respe pour Lasanble Nasyonal e mon krwar i pa akseptab e mon ti ava aksepte ki poudir letan Chairperson CAA i vini demen, premye keksoz ki i fer se i prezan en lekskiz Lasanble Nasyonal.  Parski sa kalite fason  travay i pa akseptab e i montre en manm respe pour sa lenstitisyon.  Mersi bokou.

MR SPEAKER

Mersi Onorab Ramkalawan.

        Mon bezwen avoue ki mwan osi parey ler mon’n dir Sekretarya telefonn Chairperson  CAA pou dir li nou lib vini – nou konnen lontan i  pe travay savedir in fini al se li ; e mon dakor avek ou, antyerman ki sa  i pa dan lespri ki nou pe travay.  Nou pa pe vin fer personn – mon krwar sa en keksoz ki mon ou le fer piblik konpran byen e mon oule tou dimoun i konpran byen – Lasanble pa pe vin la pou anbaras personn oubyen pou belittle personn.  Mon krwar fodre pa ki nou annan sa soz to vin on the defensive oubyen nou per oubyen nou krwar nou pou soz – i pa sa.  Nou, nou annan en rol oversight pou nou fer sir ki keksoz i mars byen.  Sa rol oversight depi nou’n konmanse an Septanm,  nou pe fer li byen ansanm.  Tou lede kote latab, nou’n dakor ki nou pe fer li dan en fason sivilize – dan en fason, friendly e parey mon’n dir tanzantan ek diferan dimoun, nou ansanm dan sa bato pou nou fer en meyer Sesel.  So mon krwar ou annan rezon.  Personnelman si sa ki mon’n tande i vre ki sa madanm in dir ki i pe al se li i pa pe vini, sa i pa akseptab e mon espere demen ler i vini i donn nou en lesplikasyon.  Onorab De Commarmond.

HON CHARLES DE COMMARMOND

Mr Chair, mon partaz sa ki pe ganny dir dan  nou Lasanble la e mon osi mon siport sa lespri.  Nou pa pou kapab kontinyen – i lo schedule sa pou li vini – konpran ?  Depi avan ou ti a’n dir si i annan en problenm si  – amwen en malad fek arive me si sa ki ou pe dir la, we should not tolerate it.  E mwan mon dir  si lezot entity pe al dan sa dirreksyon, nou, nou osi nou a servi nou power  ki nou annan e nou a summon zot pou vini.  2enm keksoz petet pou nou pa tonm dan sa lanpayman ozordi la apre midi – demen petet nou ti kapab dir sa 2 lot entity ki vin apre,  dan sa sans la i vin Licensing  Authority avek Fair Trading Commission,  kantmenm nou pou zwenn zot, Merkredi bomaten nou dir zot met zot pare posib pou apre midi e nou by midi nou devret letan nou pran Break midi nou devret anvoy en sinyal pou zot pou dir,’’ look, there’s a possibility pou nou vwar zot apre midi, so met zot pare pou zot vini.’’  Konmsi ki nou pa tonm dan sa sityasyon.

MR SPEAKER

Toutafe Clerk sa ki Onorab De Commarmond in dir i toutafe korek.  La nou donn ou sa responsabilite, akoz ou vwar ler zot pe – i pa zis Lasanble – zot pe retard pei.   Dimoun i anvi vwar nou travay – pe seye fer en travay drwat korek e parey mon repete pou tou dimoun ; nou pa la pou vin pini personn oubyen pou vin okenn personn per,  nou zis la pou zwe nou rol oversight ki nou pe pran serye.  Alor Clerk ou a fer sir ki bann dimoun apre   Office of the  Electoral Commissioner, NDEA, Minister Finans e lezot osi i konnen   poudir met zot on the ready si nou al vit ki nou’n fini zot pou vini.  Mersi pour zot konprenezon.  Nou a adjourn nou a zwenn demen bomaten 9er pou nou kontiny nou travay.

 

(ADJOURNMENT)