Home » Verbatim » 2016 » Verbatim – Tuesday 20th December,2016.

Verbatim – Tuesday 20th December,2016.

NATIONAL ASSEMBLY OF SEYCHELLES

Tuesday 20th December,

2016

The Assembly met at 9am

National Anthem

Moment of Reflection

Mr Deputy Speaker in the Chair

 

MINISTRY OF INTERNAL AFFAIRS

POLICE DEPARTMENT

 

MR DEPUTY SPEAKER

Bonzour tou Manm Onorab.  Bonzour tou dimoun ki a lekout e mon a dir en bonzour spesyal pou bann delegasyon ki parmi nou ozordi dan Lasanble, pou nou kontinyen debat lo Bidze 2017.  E avek nou bomaten, nou annan Minis Larue, nou annan Komisyoner Lapolis, Mr Reginal Elizabeth, asiste par son Advisor, Ms Vangadasamy.  E son Financial Comptroller, Madanm Angel Lebon.

Nou osi tou annan en Madanm Dogley ki Human Resources pourLapolis. E lo kote Minister Finans nou kontinyen ganny lasistans avek PS Payet, Mr. Damien Thesee e Ms Verghese.

Bon parey labitid bomaten nou pou pran Departman Lapolis e pou komanse nou ava demann Komisyoner pou donn en pti overview Departman Lapolis, son responsabilite.  Koman travay i ganny deroule e petet briyevman tous en pti pe lo Bidze ki mannyer i ganny partaze.  E Komisyoner mon a donn ou apepre 5 minit pou ou fer ou pti briefing e apre nou ava antre direkteman dan kestyon.  Go ahead Komisyoner.

 

COMMISSIONER REGINALD ELIZABETH

Mersi Deputy Speaker.  Bonzour Deputy Speaker, bonzour tou Manm Onorab.  I en gran plezir pou mwan fer prezantasyon pou Lapolis koman Komisyoner Lapolis. E Lapolis i la pou anpese e detekte krim ;  protez lavi e propriyete, asire Lalwa e Lord e prezerv lape ;  atrap e anmenn kriminel devan lazistis e rezourd bann problenm.

Nou travay an partenarya avek kominote dan en fason profesyonnel e nou kontinyen pou amelyor kapasite nou bann zofisye Lapolis.

Aba nou striktir Lapolis annan plizyer konponan, par egzanp nou a kapab komans avek konponan pou Sekretarya  Komisyoner ki anba la i annan Internal Affairs, i annan Lakademi Lapolis, i annan Lentelizans Kriminel, i annan nou Financial Comptroller e pou nou annan nou Seksyon Interpol.

Apre nou sorti nou desann, nou al dan Visible Policing, la kot i annan tou stasyon  Lapolis i tonm anba la e nou annan en cluster ki nou apel sa cluster Santral, sa i kontyen stasyon santral, Command Center, Traffic.  Epi nou annan nou emergency  services kote Dog Unit.  I annan Mahe, Praslin e osi stasyon Erport i tonm anba la.

Apre  nou annan nou Marine  Police. Marine  Police i annan en brans lo Mahe, Praslin e lot nou annan nou konponan Respond Services ki sa ti SPSSW avan.  Epi nou annan en pti konponan Sekretarya Loperasyon.

Lot konponan ki nou annan, se nou annan Seksyon CID, ki anba la nou annan bann general detectives, Priority Crime.Seksyon Forensic.  Seksyon Commercial CrimeChild protections, Somonn epi statistik.

Epi nou annan en tracking team ; sa tracking  team i responsab pou track bann dimoun ki Wanted.  Epi nou annan en pti konponan ICT e apre nou tonm dan konponan ladministrasyon, Human Resources e apre nou annan nou konponan physical resources.  Sa pou bann supply chain, management, mechanical apre training, health and safety.  Mersi Mr Deputy Speaker.

 

MR DEPUTY SPEAKER

Mersi Komisyoner.  Avan nou pran kestyon, mon zis anvi aviz bann Manm ki annan nou reste lo Bidze, annou fer nou kestyon sharp, direkteman lo Bidze e mon ti a kontan demann Komisyoner osi avek Minis, ki nou gard nou repons osi tou ase kourt.  Nou annan ou en long lazournen e Lapolis mon konnen i gran, alor annou sey kit nou bann kestyon, nou bann deliberasyon lo Bidze Lapolis.  Mersi.  Onorab Ferrari.

 

HON JEAN FRANCOIS FERRARI

Bonzour Mr Deputy Speaker.  Bonzour tou dimoun.  Mon annan en kestyon zeneral koman en premye kestyon pou mwan demann avek Komisyoner e avek Minis si zot kapab reponn, lekel ki pou reponn ?

Pour lemoman dan nou pei i paret ki dan Law Enforcement nou annan 3 Lazans ki endepandan e ki sakenn pe fer investigation e sakenn pe fer arrest.  Sa se FIU, NDEA e Lapolis proper.  Mwan mon ti a kontan zot eksplik mwan, ki mannyer dan en pei sa kalite laranzman i kapab fonksyonnen kan Komisyoner Lapolis napa kontrol lo serten Lazans ki fer sa ki zot anvi e si i annan par kont bann lyezon antre zot  pou eksplik nou, ki mannyer sa bann aksyon i kordinen, zot avan kapab dir nou.  Me selman nou koman piblik nou prevwar poudir i annan 3 lebra ki pe operater  endepandaman.

Mon dezyenm kestyon, i konsern visible policing.  Mon ase konsernen pou vwar ki zot ti annan sa lannen en Bidze R153milyon e zot in fini avek en revised Budget R166milyon e la an 2017 zot pe ganny mwens.

Mwan mon enn sa bann dimoun ki krwar ki prezans bann zofisye dan liniform i tre enportan pou deterrent e la mon vwar ki sa seksyon pe ganny mwens larzan dan Bidze.  Eski zot kapab eksplik mwan si in annan bann realignment bann diferan seksyon, akoz sa i osi reflekte ler ou get dan bann depans compensation pou employees i reste parey.  Me selman ‘’goods and services’’i desann dan en fason ase dramatik.  Son mon ti a kontan en repons lo la.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Deputy Speaker.  Nou travay ansanm avek lezot Lazans Mr Speaker.  NDEA, FIU, me selman sakenn i annan son rol spesifik.  Par egzanp Lapolis li i ganny gide anba Police Force Act.  Tou nou manda i sorti anba Police Force Act.  NDEA osi i en Lazans mon krwar ki annan son Lalwa  ki gid li.  I annan en Lalwa  ki gid loperasyon NDEA  e zot, zot travay baze lo according to Lalwa.  E FIU i osi annan son seksyon pou li.

Me selman ler  i annan serten loperasyon ki nou bezwen travay konzwentman ansanm, definitivman i annan sa networking ki nou travay ansanm.  Mersi Mr Chair.

 

MR DEPUTY SPEAKER

Yes Madanm Lebon.

 

MRS ANGEL LEBON

Mersi Mr Chair, mersi Onorab.  Mon a reponn ou dezyenm kestyon kot i konsern sa Bidze R153milyon pour 2016 e ti revise pou vin R166.  E 2017 i prozekte koman R137milyon.  An 2015 ti en Bidze santralize, 2016 ti nou premye lannen pilot  PPBB, kot sa Bidze santralize ti ganny kase atraver bann diferan progranm.  E dan 2016t i annan serten konponan ki ti dan sa program 2, parey gratwite ki prezan dan 2017 in al dan governance, dan program 1.

E letan nou’n kapab swiv the trend of  bann cost, atraver 2016, nou’n vwar poudir pou fasilit sorti dan santralizasyon pou antre dan PPBB, en kantite bann gro konponan Bidze ti ganny depoze dan community ziska ler dan 2016 nou ascertain correctly  the drivers of sa bann cost e nou’n aligned  li correctly dan 2017, nou re land scape nou Bidze pou fer sir ki tou bann progranm i kapab  travay dan en fason ekitab avek nou larzan ki nou’n gannyen.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mon ti a kontan retourn lo sa premye kestyon, avek respe Komisyoner.  Ler  nou annan 2 Lazans ki aret dimoun, ki annan zot prop kaso e ler  ou al Kord Gard ou demande, be tel dimoun in ganny arete, zot dir ou sa NDEA, nou napa nanryen, nou pa kapab sa.  Zot pa reponn nou kestyon, zot napa naryen pou fer avek Komisyoner  Lapolis.  Konmsi vreman, nou santi poudir i annan bann  duplication  e i annan bann konfizyon dan tousala.  Konmsi mon ti a vreman kontan si ou kapab dir  mwan ankor.  Dir sa Lasanble ankor, poudir i annan en striktir ok ?

Akoz enn ler nou vwar PSW pe ed NDEA.  Selman ler en dimoun i ganny arete, ou al kot Kord Gard Santral i dir ou sa pa pou nou, sa NDEA.  Nou pa kapab konn nanryen, nou pa kapab telefonn NDEA.  Konmsi i paret vreman i annan en dezord.

So reasir nou poudir i annan en lozik dan tou sa bann keksoz.  Mersi.

 

MR DEPUTY SPEAKER

Komisyoner.

 

COMMISSIONER REGINALD ELIZABETH

Mersi Mr Deputy Speaker.  En keksoz ki Onorab i bezwen ganny li kler.  NDEA son travay spesifikman se pou aret dimoun ki dan trafik, dan drog oubyen an posesyon drog.  An menm tan anba Lalwa i fer provizyon pou Lapolis osi atrap dimoun ki an posesyon oubyen ki pe trafik dan drog.  Me selman NDEA, napa pouvwar pou li al aret dimoun ki pe kas lakaz, ki pe vole lo lans, ki pe fer lezot kalite krim.  Zot manda i spesifikman pou drog, selman.  Konpran mwan.

Me nou, nou manda i pli larz.  Me selman NDEA, i napa ase resours landrwa pou li detenir dimoun.  Sanmenm sa ou vwar li i anmenn son bann dimoun ki in arete, parfwa kot stasyon Lapolis, pou demann lasistans pou nou detenir sa dimoun ki’n ganny arete pandan ki NDEA pe deal avek son ka.  E ler i fini avek, apre son letan detansyon, NDEA i vin sers li e anmenn li devan lazistis e lazistis i deside ki pou arive avek sa dimoun.  Mersi Mr Deputy Speaker,

 

MR DEPUTY SPEAKER

Mersi Komisyoner.  Mon pou enterfer en pti git lo sa.  Mon krwar Komisyoner sa konsern i zeneral pou tou dimoun ki premye pwen kot en sivilyen i vini i se kot Lapolis menm si en fanmir, en dimoun in ganny arete avek NDEA, avek PSSW.  Me zot vin kot en Kordgard pli pre pou ganny lenformasyon kote zot fanmir i ete.  E mon krwar dan laliny Onorab Ferrari, i anvi ki i annan sa lantant antre bann diferan lafors ki sa  premye pwen kontak, Lapolis kapab rod sa lenformasyon e donn sa fanmir sa lenformasyon.  Kot enn zot manm fanmir pe ganny detenir.  Petet en pti pe dan sa laliny Komisyoner.  Si oule.

 

MINISTER MITCY LARUE

Ok, Mr Chair.  Mon a reponn sa dezyenm kestyon.

 

MR DEPUTY SPEAKER

Yes Minister.

 

MINISTER MITCY LARUE

Sa leklersisman, petet parey Onorab Ferrari in dir.  Kekfwa letan son fanmir i vin la, si sa detenir kot Kordgard Santral par egzanp e ler zot vin la sa gard petet i devret, mwan mon krwar i devret asiste zot, dir zot pou sa se NDEA ki’n atrap li e rod kontak pou kapab sa fanmir kote son dimoun i ete.

Mon krwar sa i en pwen ki mon krwar i ase valab ki nou kapab antre nou kolabore e donn lenformasyon neseser kote e lekel ki pe deal avek.  Me non pa lezot keksoz ki anba lenvestigasyon NDEA.  Ok, so nou ava pran sa an kont e nou ava travay ansanm avek nou bann diferan Lazans e nou ava  fer sir ki sa bann lenformasyon i ganny donnen.  Mersi Onorab.

 

MR DEPUTY SPEAKER

Mersi Minis.  Onorab Mondon.

 

HON TERENCE MONDON

Mersi Mr Chairman.  Mon premye kestyon i lo latab 227, latab 1.  Mon vwar ki pou lannen 2016 Lapolis in kolekte R290.4milyon e par kont lo latab 2 mon vwar ki sa bann reset ki’n ganny transfer dan fon Leta i R18.6 milyon.

Mon anvi konnen ki’n arive avek larestan sa bann larzan ki’n ganny kolekte, akoz mon vwar zis R18.6 ki’n ganny transfer dan fon piblik.

Mon dezyenm kestyon.  Mon konnen ki Komisyoner Lapolis i ganny en Bidze spesyal ki i servi pou kolekte lenformasyon dan zot bann lenvestigasyon.  Mon ti a kontan konnen konbyen i sa Bidze e ki fason i pe ganny administre ?

Mon trwazyenm kestyon i lo latab 23 anba PSIP.  Mon vwar ki Lapolis pe fer provizyon pou en sonm R42.8 milyon pou zot aste nouvo veikil e ladan i annan en konponan foreign loan. En loan ki pou pran aletranze avek byensir mon krwar i pe ganny finanse par Lenn.  Alor mon anvi konnen ki terms and conditions sa foreign loan? E ki fason i pou benefisye Lapolis e par konbyen ?  Mersi Mr Chairman.

 

MR DEPUTY SPEAKER

Mersi Onorab.  Mr Payet ouLe reponn.

 

PS PATRICK PAYET

Wi.  Mersi Mr Chair.  Bonzour Mr Chair, bann Manm Onorab e tou dimoun ki a lekout.  Mon pou pran sa premye kestyon avek sa dernyen kestyon.  Premye kestyon in terms of latab 1 lo paz 227, konpare avek latab 2 lo paz 28.  Si ou pou regard lafason ki nou pe prezant Bidze 2017, tou Ministries avek entities i pou annan latab (1) ki pemontre ki kantite larzan i pe ganny from consolidated fund.  Sanmenm sa ki ou vwar latab 1, si ou vwar pou 2017 i pe demann R297 milyon e sa i ekivalan son depans lo expenditure lo latab 3.  Savedir sa i son depans avek son expenditureki i pe resevwar.  Son reveni in terms i parey en private institution ki reveni avek depans.

Tandis ki latab 2 dan tou sabann Minister i se larzan ki zot kolekte ki al dan consolidated fund.  Sa i partou.

Lo ou dernyen kestyon lo sa loan avek India i sa Indian line of credit.  Gouvernman ti resevwar sa Grant $25milyon ki mon ti mansyonnen semenn pase e osi in resevwar en line of credit ki nou pe anticipate $10 milyon tou le lannen e sa i apepre 2 poursan lentere e it’s very concessional  E parey ou konnen, letan nou ganny en line of credit avek India,nou bezwen vwar dan ki domenn ki nou kapab servi parske ou pa kapab aste tou keksoz dan tou Minister.

Nou’n vwar ki i annan en lenportans ki dan Lapolis akoz ti annan en fleet vehicle ki zot ti pe lwe e nou’n anticipate in the next 5 years ki kantite ki zot pe rann sabann loto lwe e avek sa don ki nou’n gannyen, par egzanp sa lannen zot in ganny en pe dan Grante nou anticipate lannen prosenn nou pou ganny en lot konponan dan Grant e apre sa replacement plan ki nou’n fer dan Lapolisin the next 5 years pou zot kapab retir en pe bann vye loto.  Met en pe nouvo loto dan sistenm.  Mersi.

 

MR DEPUTY SPEAKER

Ale Onorab.

 

HON JEAN-FRANCOIS FERRARI

Mr Payet in koz lo en line of credit apre in koz lo en Grant.  Konmsi it’s 2 different things? Ok.

 

MR DEPUTY SPEAKER

Mr Payet.

 

PS PATRICK PAYET

Mersi Mr Chair.  Mersi Onorab.  The grant component par egzanp nou ti mansyonnen dan SPDF defense, sa $25 milyon e ladan ti annan diferan konponan.  Par egzanp ti annan Defans, ti annan Ledikasyon R8 milyon.  Par egzanp Ledikasyon ti resevwar books.  E ladan osi i annan son konponan pou Lapolis ki zot in resevwar vehicle ki’n fini ariv dan pei.  Zot ti pe tire la, an se moman la, last week.  E osi ladan nou annan $10 milyon separe ki nou’n gannyen dan line of credit.  Sa i en loan ki nou’n gannyen avek India.  I diferan.

Nou annan son aporsyonnman, sak Minister ;  Par egzanp Lapolis i annan pou li ki dan vehicle.  I annan fingerprint equipment osi, i osi annan bann lezot konponan bann lezot Minister ki nou kapab pas lo la letan nou vin dan bann lezot Departman.  Mersi.

 

MR DEPUTY SPEAKER

Mersi Mr Payet.  Komisyoner ou ti annan lezot bout kestyon pou reponn.  Non.

 

COMMISSIONER REGINALD ELIZABETH

Mr Deputy Speaker, kot i konsern larzan pou lenformasyon i annan en larzan ki ganny kontrole par biro Komisyoner e sa larzan normalman i bann dimoun ki travay dan lentelizans kriminel, i fer son laplikasyon atraver biro Komisyoner e i donn son zistifikasyon.  E Komisyoner i aprouv sa larzan pou li kapab kolekte lenformasyon lo lentelizans kriminel.

E osi anba sa larzan, mon krwar i annan R650 mil ki’n ganny vote sa lannen.  Par egzanp si an ka i annan en reward ki Lapolis i oule ofer pou en krim ki ase sibstansyel, ki nou krwar nou devret lans en lapel avek manm piblik pou dir sa ki annan lenformasyon  lo sa ka, vin devan e la nou pe ofer ou en reward tan.  E sa larzan i ganny servi koumsa.

 

MR DEPUTY SPEAKER

Mersi Komisyoner, Onorab William.

 

HON WAVEL WILLIAM

Mersi Mr Chair.  Mr Chair, mon ti a kontan, well lafason mon kestyon i ete mon bezwen fer en pti komanter avan ki mon poz mon kestyon.  Commissioner mon ti a kontan demande, etandan ki en peletan pase nou’n koz lo Community Policing.  Me nou vwar ki sityasyon dan distrik, bokou bann fanmir pe ganny teorize ozordi.  Vol pe ganny ogmante e i annan bann nouvo krim.  Par egzanp bann dimoun pe servi telefonn, pe menas dimoun.  Zot bezwen al anmenn larzan pou deposit sansan zot ganny tyonbo isi, laba.

I annan en pti pe mon kapab dir vizavi krim lo nivo distrik.  Mon ti a kontan si Commissioner ti kapab eksplik nou, par egzanp lo sa eleman community policing la.  Kwa egzakteman bann improvement ki nou pou vwar ?  Akoz letan mon pe get manda epi mon pe get bann stratezi pou le fitir.  Kwa an plis ki nou espekte vwar onivo community policing ki nou dimoun, nou bann zabitan dan distrik ava satisfe.

E par egzanp dan en zournen konmsi ki bann aktivite.  Par egzanp nou annan en stasyon Lapolis Port Glaud.  Enn Anse Boileau, ki bann aktivite, akoz nou pa vreman vwar sa vizibilite.  Me selman bann fermye, lakaz dimoun pe ganny lase, bann fermye pe ganny teorize lo zot laferm.  Si ou kapab eksplik nou en pti pe kwa ki pe arive.

Epi parey mon dir, lo kote krim ki pe devlope la.  Kot dimoun pe ganny koud telefonn, pe ganny dir anmenn larzan.  Ki zot pe mazin fer pou edik dimoun en pti pe sansibiliz dimoun lo sa sityasyon akoz bokou dimoun pe perdi larzan.  Sirtou la bann lepok Nwel avek Lannen.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Deputy Speaker, kestyon ki Onorab in fer resorti i pa tro korek according to nou statistics.Baze lo nou statistic ki nou’n rikorde pandan Zanvye ziska 2015.  Nou pou vwar poudir nou annan en decrease 31 poursan e sa i bann fe ki annan dan nou rikord.

E community policing i ganny fer toulezour.  Mon a eksplik ou petet en pe dan ou rezyon.  Se ki Grand Anse Mahe son mother station i Anse Boileau.  Port Glaud li i zis en Police post.  Konpran mwan.  tou bann resours i ganny plase Kord Gard Anse Boileau e zot deplway zot patrol.  Zot Community Policing i sorti Anse Boileau pou fer patrol dan rezyon Port Glaude, Grand Anse, eksetera.

Zis pou fer resorti.  Pandan Zanvye ziska Novanm sa lannen nou’n rikord nou en average 316 ka par mwan konparab avek 461 lannen pase.  E ler nou pou al lo kote vol.  Vol nou’n rikord nou selman 95 ka par mwan konparab avek 146 lannen pase.  E sa i montre mwan en bes 35 poursan.  E nou’n koz lo kas lakaz ek vol, kas lakaz el vol sa lannen nou pe rikord nou 83 ka par mwan konparab avek 131 par mwan lannen pase.  E sa ki i montre mwan.  i montre mwan en bes 37 poursan.

So, voici kot nou ete ozordi.  Savedir nou community policing pe marse.

 

MR DEPUTY SPEAKER

Minis.

 

MINISTER MITCY LARUE

Mr Chair, mon kapab petet elabor en pti pe.  Parey ComPol in dir Onorab.  In annan en decrease atraver pei antye, atraver Sesel lo kantite vol, kantite ka burglary, eksetera, eksetera.  Me selman anmenmtan nou Lapolis menm ki i annan sa decreasei pa vedir nou satisfe akoz nou pe set nou target bokou pli ba ankor.  Nou santi dan lakominote akoz bann dimoun dan lakominote zot dir, zot pe dir poudir napa ase prezans Lapolis.  Akoz petet Lapolis i annan en ler ki i pase, apre zot pa pe vwar Lapolis e nou lo kote seksyon Lapolis,community policing, nou pe regard ankor dan lafason petet ki bann polisye i fer sa community policing.  How often zot ale ?  Kote zot ale ? Ke ler zot ale ? Ki zot fer ?  Konmsi nou pou al en pti pe plis an detay pou nou kapab osi satisfe sa piblik.  Nou, nou pe vwar li lo nivo statistik, me sak distrik pe santi li Dan son fason nou pa pe ganny ase.

Alor nou, nou pe pran sa lapros kot nou kapab ansanm asize vwar ki mannyer nou kapab fer li bokou pli byen pou ki demen bann dimoun dan kominote a santi zot en pti pe pli secure e zot case a ganny attend to.  E pou mwan osi dir, ozordi parey ComPol in dir nou annan seksyon plito rezyonal.  Parey Anse Boileau, nou annan Anse Royal kot la tou bann fasilite, tou bann resours i la e zot ganny deplwaye pou al dan bann lezot kominote.  E la ankor nou met plis resours.  Nou met transpor e transpor li i bezwen dapre nou timeframe ki nou donn zot se zot bezwen pran 10 minit at least pou attend to a crime seen akoz i enportan.  I annan de-fwa, la mazorite letan zot arive me i annan ankor febles kot zot pran en pe plis letan depandan kote transpor i ete at that time.

Tousala nou pe vwar annan tye ki 2016 nou ava annan en pe plis lapresyasyon lo nivo kominote.  Mersi Mr Chair.

 

MR DEPUTY SPEAKER

Mersi Minis.  Onorab William.

 

HON WAVEN WILLIAM

Mersi Mr Chair.  Mr Chair, sa larepons ki Commissioner in donnen, sa sif i onivo nasyonal sa, i pa reflekte o nivo distrik. E mon dakor avek Minis ki i annan sa nesesite pou revwar.  Akoz ki arive se ki mon konnen i annan reprezantasyon lo district team, me selman i demande ki nou melanz avek piblik pou kapab atak sa bann sityasyon.  Akoz i annan bann keksoz ki ou demann ou lekor si vreman letan patrol pe ganny fer, si i annan serten keksoz ki sa Lapolis li menm li zot pe deal avek ? Ou vwar poudir zis transpor i pase, me selman zot pa pe vreman deal avek sityasyon.  Petet i annan sa nesesite pou revwar e annan plis konsiltasyon lo nivo distrik.  Mersi bokou.

 

MR DEPUTY SPEAKER

Komisyoner oule reponn.

 

COMMISSIONER REGINALD ELIZABETH

Mersi Mr Chair.  Pou ou lenformasyon Onorab se ki mon kapab dir li poudir nou annan analiz lo sak stasyon, sak mother station nou fer son analiz, konbyen krim pe ganny rikorde dan sa stasyon.  E Port Glaud i enn bann rezyon kot nou rikord mwens krim.  Grand Anse i tonm anba stasyon Anse Boileau, i enn bann stasyon ki nou rikord mwens krim par semenn.  E mon napa statistic an detay avek mwan pou sak stasyon, mon annan an gro an zeneral.  Me selman si an ka Onorab i anvi, mon kapab fer zot gannyen pou sak stasyon konbyen nou pe rikorde par semenn.  Pa en problenm.

 

MR DEPUTY SPEAKER

Komisyoner an bref i annan n lot bout son kestyon – lo bann dimoun ki peservi mwayen telefonn, kominikasyon pou sey extort larzan avek lezot.  Kwa ki Lapolis pe fer vizavi sa ?

 

COMMISSIONER REGINALD ELIZABETH

Wi, sa bann krim i ganny fer lanket par nou seksyon Commercial Crime e an menm tan osi Lapolis pe sansibiliz manm piblik pou pa tonm dan sa pyez kot en dimoun i telefonn li, i dir li ou konnen ou en case, anmenn sepa R25 mil, R10mil.  Ou a zwenn mwan Lari Bazar, ou a zwenn mwan dan StadiumCar Park.

Konmsi i en bann ledikasyon ki nou bezwen edik dimoun poudir napa okenn peyman pou en case ki ganny fer dan Stadium Car Park.  Par ler se ki nou al fer peyman dan en biro.  Me si en dimoun i dir ou anmenn larzan pou li dan Stadium Car Park –  i a zwenn ou dan Car Park.  Konmsi nou bezwen êtreen pti pe mazin 2 fwa.  Me ki sa kalite peyman ki mon pou fer dan Car Park, Lari Bazar.  Konpran mwan.

Ou al Lari Bazar en dimoun i dir ou anmenn larzan pou li.  Ou tir larzan Labank ou anmenn Lari Bazar ou donn li ?  Konmsi nou piblik osi i bezwen ganny sansibilize dan sa laliny, dan sa direksyon.

Mon krwar ankor ledikasyon lo medya pou enform nou piblik pou dir napa okenn peyman ki ganny fer dan Lari Bazar, ouswa dan laboutik ouswa dan Stadium Car Park.  Mersi Mr Chair.

 

MR DEPUTY SPEAKER

Mersi Komisyoner.  Minis ou le dir keksoz lo la.

 

MINISTER MITCY LARUE

Mr Chair, petet pou azout lo sa ki ComPol in dir ankor.  Nou’n deza pe travay lo en plan kominikasyon, kot nou santi i napa ase ledikasyon pou sa piblik deor.  So 2017 nou pou sorti avek nou en plan kominikasyon kot nou ou donn bokou plis detay piblik pou li konnen ki Lapolis pe fer, kwa ki zot osi koman sa piblik deor zot responsabilite.

I annan en travay ki pe ganny fer e nou asire ki avek sa plan ler nou pou met li an mars.  I pou o nivo medya.  I pou o nivo lo social media, i pou osi o nivo kominote e tousala i pou ranforsi en pti pe sa piblik pou konpran en pe plis lo rol Lapolis, ki zot fer e ki mannyer zot bezwen zot osi an deo, donn nou sa sipor pou nou kapab travay ansanm.  Mon krwar sa i enn ki nou pou fer li tre enportan pou lannen 2017.  Mersi.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Mersi Deputy Speaker.  Bonzour tou dimoun, bonzour Minis ek ou delegasyon.  Minis avek ComPol, mwan letan mon pe get BidzeLapolis mon santimwanen pti pe dezapwente, akoz letan mon pe get bann endikater,akoz i performance- based.  Sanmenm sa nou bezwen relye li avek bann laspe pratik lo teren.  So everything we say, is about the budgetkantmenm i ganny dir i pa lo Bidze.

Mon pou konmans par Marine Police.  ComPol mon’n ganny fer konpran ki menm si dan Bidze la nou’n met Marine Police, me selman i annan serten zofisye ki pe travay avek Marine Police, zot pa pe santi zot pe ganny byen gete akoz enn, zot dirzot napa lekipman pou zot travay avek.  zot lo lans, zis zot de lanmen anpandan e zot in train selman dan bann fasilite ki Lapolis i train zot ki normal.  So zot ti a kontan kekfwa zot annan serten lekipman ki permet zot travay en pe pli byen pou zot desarz zot responsabilite pli byen.  E sa mon krwar si nou bezwen larzan pou nou aste sa bann lekipman mon krwar nou bezwen fer provizyon pou nou ganny sa.

Apre lo paz 228, nou annan ‘capital expenditure.’Kekfwa sa PS Payet i kapab eksplik mwan, akoz letan mon gete, mon senserman sey konpran, me mon pa ganny en konpran.  Paz 228 i annan ‘capital expenditure ’ki donn nou vreman lezot keksoz.  Apre letan mon pe get, mon ava donn ou en konparezon.  Letan mon get lo paz 233 budget book, mon vwar parey nou get SP1.Public Security Support, nou annan ‘goods and services ki’n ogmante, sorti R15 milyon in vin R24 milyon.  Nou vwar ankor dan SP2, ‘VIP services’ in sorti R2 milyon ‘goods and services’’in mont R4.3milyon.  Nou get ankor dan ‘Marine and Vessel Protection,’‘goods and services in desann actually.  In sorti 12 milyon, in desann 9 milyon.

So, si PS kekfwa ti kapab eksplik mwan sa bann logmantasyon ek sa bann bes.  Comparatively avek ‘capital expenditure’ ki nou pe dir devan.  So pou nou ganny sa en pti pe kler.

Apre ComPol avek Minis, lo paz 230, SP2.  Community, Airport Policing in sorti R159 milyon, in desann R127 milyon.  Eski pa i en lenzistis pou bann zofisye kipe travay Erport akoz olye vwar en logmantasyon par lefe ki nou annan en logmantasyon dan vol ki vin Sesel nou vwar en decrease.  So eksplik mwan en pti pe, ki mannyer sa bann zofisye laba kot Erport pou motive pou zot travay kan i annan en bes ladan.  Letan nou pe get Police ‘’emergency service’’, in monte konsiderableman li sorti R1.7million, in mont R4million. So sa i bezwen ganny eksplike.  Mon konpran nou oule fer en travay.  Me eski letan mon get ankor lo paz 232 ;  Minis avek ComPol, mon vwar number of station providing 24 hour public order and tactical respond unit. An 2016 nou ti annan 4 stasyon ki ti provide 24 erdtan servis, nou pou annan zis 6 an 2017.  Pa i en pti pe ti git vi ki nou anvi fer en pti pe mye ?

Letan nou pe get average annual number of average issues by the Police Certificate, nou vwar 2 an 2016 e pou annan en rediksyon enn.  So petet sa bann sif i neseser ki nou ganny eksplike.

E lo paz 234, overall crime detection rate, dan book, dan liv Bidze se en.  Minis ou pe ekout mwan.

 

MR DEPUTY SPEAKER

Go ahead Onorab.

 

HON CLIFFOD ANDRE

Dan liv Bidze, lo pa 234 overall crime detection rate.  60 poursan an  2016, nou pou fer logmantasyon zis 2poursan lannen prosenn ?  Mon krwar nou devret re get en pti kou pou nou fer en pti pe pli bon.

Turn around time to process forensic evidence, sorti 5 zour i pe desann 4 zour.  Kekfwa avek alokasyon en pe plis larzan mon mazinen nou ava kapab fer sa desann.

Lo konteks paz 233 ComPol, mon ti a kontan demann ou. Letan mon get ‘marine and vessel protection.’An 2016 ti napa nanryen pou compensation of employees.  2017 i annan 2 milyon ki pe ganny fer parey mon’n dir.  Eski sa i pou enkli satransfer ki bann manm SVPD i sorti anba Ladefans pou vin anba Lapolis e aparaman i annan serten saler ki zot ti sipoze pe gannyen, ki zot pa pe gannyen.  Be ki UNODC in fini fer kontribisyon pou kouver sa.  So mon ti a kontan ganny en pti git leksplikasyon pou sa.  Mersi.

 

MR DEPUTY SPEAKER

Mersi Onorab.  Komisyoner i annan en bon pe konsern ki Onorab Andre in lev-e.  Regarde koman ou kapab deal avek.

 

COMMISSIONER REGINALD ELIZABETH

Mr Chair, mon kapab reponn en pe ki mon’n kapab anmase .

 

MR DEPUTY SPEAKER

Si ou manke Onorab i ava repet son bann kestyon.

 

COMMISSIONER REGINALD ELIZABETH

E i annan kestyon ki pou bezwen ganny adrese avek mon FC e i a pran bann ki adres a son responsabilite.

Me selman pou ou lenformasyon, Marine Police i enn bann unit sa lannen ki’n ganny plis training dan tou unit.  Napa mwan ki Marine Police pa pe ganny training.  Nou’n menm peye pou anvoy nou bann skippers training, nou bann Zofisye Lapolis train koman skippers e i annan 3 ki’n kalifye sa lannen.  E kot i konsern lekipman, 2 repriz nou’n ganny lekipman ki nou’n resevwar avek UNODC ki bann zofisye dan Marine Police pe  servi.  E lannen prosenn ankor, i dan pipeline pe vini ki tre probab Mars lannen prosenn nou annan nou ankor 3 bato pe vini.  Ki mon krwar i vwar ase resours pou sa pti lekip Marine  Police, manke i pou tro bokou resours pou zot e nou pou bezwen adisyonn personnel dan sa Departman akoz resours pou la, i deza la e training zot in gannyen.

Kot i konsern bann target FC a pas en pe lo la.

 

MRS ANGEL LEBON

Mersi Mr Chair.Mersi Onorab.  Mon a sey kouver saki mon’n catch e si i annan keksoz.  Napa problenm.  Ou premye kestyon ki’n monte se anba PSS, Public Security Support, Program 1 of the response program.  E ou’n point out ki anba 2016 ti 15.7 pou goods and services e ki’n monte an 2017 par 24 milyon. So mon premye  leksplikasyon mn retourn kot sa enn mon ti donn Onorab Ferrari, kot 2016 ti en pilot year pou nou atraver nou bann program. E ti zis en asanpsyon, en evalyasyon ler nou ti sorti dan santraliz 2015 pou nou antre dan PPPB 2016.  Prezan an 2016 nou’n akimil bann data, bann trends of bann expenses, bann cost ki mannyer zot ganny drive atraver diferan bann progranm e an 2017 letan nou’n fer nou forecasting atraver nou ceiling ki nou’n gannyen nou’n etal nou Bidze, fer li ekitab across the board atraver tou nou bann progranm pou zot tou travay.

Me pou reponn ou kestyon lo sa PSS, pli presizeman anba PSSW sa seksyon Sensitive Building Security in antre koman en konponan anba zot ‘’goods and services.’’  E that is the increase akoz i enkorpor tou zot saler, tou zot bann depans pou zot fonksyonnen e tou zot bann konpansasyon ek gratwite ki zot gannyen.  That increase la i prensipalman pe atrap sa bann nesesite pou kouver BidzeSensitive ki’n antre anba public security support wing.

 

MR DEPUTY SPEAKER

Onorab Andre, klarifikasyon.

 

HON CLIFFORD ANDRE

Mersi.  Mr Chair, mon ti a kontan.  Konmsi i fer mwan pli konfize dan sa leksplikasyon la akoz nou pe al lo en performance-based budgeting, kot nou sipoze annan transparans e la olye met…Nou annan en konponan compensation of employees, nou annan en sif.  Me aparaman la ki nou ganny dir, anba ‘’goods and services’’i annan saler.  So eski, eski sa i vedir ki nou annan serten landrwa kot konmsi nou pe….  Mon pe pran li ki nou pa pe met li byen dan son plas.   Mon konpran nou bezwen pey dimoun.  Mon konpran sa.  Ganny mon byen.  Me selman eski son refleksyon letan mon pe gete i pa korek.  Si mon’n konpran byen sa ki ou’n dir ;  ki anba SP1, PSS e son ‘’goods and services’’in ogmante akoz i annan serten Sensitivity saler ki pou ganny pey anba sa 24 milyon.  Si sa mon konprenezon i byen.

Son mon ti a kontan ki nou ganny eksplike sa bann zafer epi lezot mon ava anvoye, akoz i annan bokou ki pa’n ganny reponn.  Mersi.

 

MR DEPUTY SPEAKER

Mersi.  Wi Onorab Ferrari.

 

HON JEAN-FRANCOIS FERRARI

Mr Deputy, mon osi mon konfize.  Mon konfize akoz mon krwar Onorab Andre in demann tro bokou kestyon e mon osi mon nepli kapab ganny en konpran.  Konmsi i annan en seri kestyon ki mon menm mwan mon’n perdi sa kestyon.  So mon ti akontan konmsi ki nou sey, mon pe propoze ki nou sey aligned noubann kestyon dan en fason en pe pli kler.  Mersi.

 

 

MR DEPUTY SPEAKER

Mersi Onorab.  Petet si nou annan 4/5 kestyon pa demann tou ansanm.  DepartmanLapolis i en Departman ki vreman enportan.  Nou a regard letan ki mannyer i ete, sanmenm sa mon pe dir fer nou kestyon kourt.  Zot a kapab ganny sans apre pou fer antre enn de kestyon ankor.  E anmenmtan i konfiz osi en pti pe panel pou reponn.

 

HON CLIFFORD ANDRE

Mon ti krwar nou annan sans pou demann kestyon en fwa.

 

MR DEPUTY SPEAKER

Non, sa Departman i en Departman ki enportan …….

 

HON CLIFFORD ANDRE

Ki mon pe sey dir, si ou dir mwan demann 2 kestyon a-lafwa mon pou ganny loportinite, mon ava demann 2 apre mon ava demann apre pli tar.

 

MR DEPUTY SPEAKER

Mwan ki’n state rules la.  Pa demann 4 kestyon ansanm.  Demann 2 kestyon, pli tar ler nou a’n fer round, ou a kapab demann ankor 2 kestyon.  Onorab William ou ti annan keksoz.  Ok, Onorab William i ok.

Mr Payet, mon krwar ti oule reponn sa kestyon.

 

PS PATRICK PAYET

Mersi Mr Chair, zis pou klarifikasyon.  Anba Lapolis e osi enn de Departman Gouvernman letan nou ti komans reform an 2008, nou pe fer en pe the outsourcing activities.  Par egzanp yer avek Minister Ledikasyon mon ti mansyonn the text book, Anse Royale Youth Hostel. Mon ti mansyon School Meal Center ki nou ti donn en management services sabann travayer ki ti pe travay.

Lo kote Lapolis anba ‘’goods and services,’’ letan nou ti pe fer reform an 2008 i annan en konponan ki bann landrwa en pe sensitive dan Gouvernman, par egzanp Minister Finans, DPA.Eenn de sa bann travayer nou pa’n outsource li avek the private sector for providing the security services.  I bann travayer ki’n ganny peye anba – zot pa zofisye Lapolis, me selman zot bann security officers ki’n ganny mete anba Lapolis.  Lapolisi fer sir ki zot sa recuire training pou fer sir ki zot kapab provide saservis sekirite dan sa bann landrwa Gouvernman.  Par egzanp dan Minister Finans, DPA, AG’s Office.  Enn de sa bann security areas.  Sanmenm sa ki ou vwar ki i annan sa konponansecurity services for Security Sensitive Building, nou apel li dan Gouvernman.  Enn de sa bann area.

So, sanmenm sa ki differentiateakoz they are not Police Officers dan Lapolis.  Mersi.

 

MR DEPUTY SPEAKER

Ok, Onorab Andre ou kler lo la.  Onorab Andre?

 

 

MR DEPUTY SPEAKER

Order, Order.  Onorab mon ki pe pran laparol.  Mon’n demann ou, adres mwan, adres the Chair.  Mon demann ou si ou’n kler, si ou annan klarifikasyon ou bezwen fer ?

 

HON CLIFFORD ANDRE

Non, lo sa ki PS in dir mwan mon konpran.  Me selman mon annan en kestyon ki mon’n demande.  Mon pa konnen si ou a permet mwan taler oubyen apre sesyon mon ava demande dan lasal.  Mersi.

 

MR DEPUTY SPEAKER

Ou ava demann apre.  Ale, mersi Onorab.

Onorab Churchill Gill.

 

HON CHURCHILL GILL

Mersi Deputy Speaker.  Bonzour Minis avek ou delegasyon, bonzour tou Onorab.  Mon kestyon i lo paz 229, table 4 anba P1Governance Management and Administration, mon vwar ki i annan en logmantasyon 24 milyon konparab 2016 ek 2017.  Mon konsyan osi ki sa madanm in eksplik nou poudir ler in komans PPB apre zot in ferrealignment.  Me selman mon ti a kontan apre sa realignment kwa ki pe reprezant sa gran diferans la ?Sa mon premye.  Mon annan zis 2 kestyon.

Apre mon dezyenm kestyon, i kot compensation of  employees pli ba, anba  current expenditure.  La osi i annan en logmantasyon 10 milyon ant 2016 ki 13 milyon, 2017, 33 milyon.  Mersi.

 

MR DEPUTY SPEAKER

Mersi Onorab.  Madanm Lebon.

 

MRS ANGEL LEBON

Mersi Mr Chair.  Mersi Onorab Gill.  Anba gouvernance, sa increase 2017 i ganny reprezante par, an 2016 governance ti 2 progranm.  Prezan nou’n merge, nou’n fer 2 progranm vin en sel progranm   vin governance, management and administration.  E an 2016 bann konponan parey konpansasyon.  Bann konponan gratwite ti anba community.  Akoz parey mon’n dir avan i annan dan pe antre dan pilot, i annan plen keksoz ki zot depoz dan community being the biggest program e letan nou’n re analiz nou bann progranm avek konsey Minister Finans nou’n retourn bann konponan gratwite.  Bann konponan konpansasyon back dan governance, management and administration.  E se saki reprezant sa increase from one year to the other.

E nou annan bann13th Month ki’n antre, ti annan dimoun ki pati pe ganny 13th Month an 2016, ki 2017 zot pou gannyen.  E i annan plen lezot bann konponan saler ki antre ladan, ki fer sa increase vin 56 milyon.  Ok.

 

MR DEPUTY SPEAKER

Mersi Madanm Lebon.  Onorab Churchill Gill ou ok ?Bon Onorab Esparon.

 

HON REGINA ESPARON

Mersi Mr Chair.  Bonzour Minis, bonzour tou dimoun.  bonzour tou dimoun ki a lekout, bonzour tou bann Manm Onorab.

Mr Chair, mon ti a kontan demann Minis ki plan zot annan pou Kord Gard Glacis.  Parski mon pa vwar nanryen dan Bidze pou Kordgard Glacis e fonksyon Kordgard Glacis an se moman i zis parey en focal point.  Tou servis pe ganny donnen Kordgard Beau Vallon.  I annan zis en zofisye Lapolis, ler ou al kot li i dir ou statement fodre ou al pran Beau Vallon, transpor i Beau Vallon.  Tou keksoz i pe ganny fer Beau Vallon.

Mwan mon anvi konnen ki future plan pou Kordgard Glacis ?

E dezyenmman ki PolisiDepartmanLapolis vizavi bann traine.  Sirtou bann zenn fiy ki tonm ansent dan training avan 1an.  Rezon mon pe demann sa kestyon Komisyoner, parski ansemoman i annan zenn fiy ki pe tonm ansent avan 1an dan Lapolis pe ganny demande pou kite.  E ki dernyen fwa ti annan en revizyon saler o nivo Scheme of Service pour Lapolis ? E eski i annan en progranm sistematik pou revizyon saler oubyen zot selman annan en progranm promosyon  tanzantan, e bann zofisye ki pa kalifye pou en promosyon i ganny kit ater ?Mersi Mr Chairman.

 

MR DEPUTY SPEAKER

Mersi Onorab.  Konmisyoner.

 

COMMISSIONER REGINALD ELIZABETH

Mr Chair, Kordgard Glacis anba nou restriktirasyon i selman en police post e Beau Vallon i son mother station.  Apre bokou analiz ki’n ganny fer dan lepase, nou’n vwar ki i pa rantab pou gard en Lapolis full fledge  stasyon Glacis baze lo statistik – lakantite case ki ganny raporte e mazorite dimoun ki antre dan stasyon i vreman minim.  Dimoun i fer bokou konplent par telefonn e konplent i fer either par nou command center oubyen i ganny directed to Beau Vallon Police Station pou respond to any case ki ganny raporte.  Pour lemoman dan Sesel nou annan nou 8 sa bann mother station e larestan i bann police post selman.

Lo kot i konsern bann zenn fiy ki tonm ansent letan zot lo probasyon, sa i ganny gide anba nou Police Force Act e i en Polisi ki si ou tonm ansent pandan sa letan ou ganny fer arete.  Me selman ou annan tou drwa.  Sa zenn fiy i annan tou sans pou li retourn dan Lapolis apre ki in ganny son baba e i kapab kontiny son karyer dan Lapolis.  Nou re pran li.  Mersi  Mr Chair.

 

MR DEPUTY SPEAKER

Mersi Komisyoner.  Mon krwar i annan en bout lo promosyon, lo saler.

 

COMMISSIONER REGINALD ELIZABETH

Scheme of Service dan premye Scheme of Service ti fini annefe an 2005 apre nou ti fer en revizyon an 2009 e nou’n fer en lot, saki nou pe travay  lo la aktyelman i sa enn ki ti pran lefe an 2011. E  an 2015 ti revize ankor e part of sa Scheme of Service 2015 in ganny enplimante, sa i konsern bann Inducement Act Allowance e osi allowance pou night shift.  Mersi Mr Chair.

 

MR DEPUTY SPEAKER

Mersi Konmisyoner.  Onorab Esparon.  Klarifikasyon.

 

HON REGINA ESPARON

Mersi Mr Chair.Mon ti ava anvi demann Komisyoner, eski i annan en progranm konmsi.  Par egzanp letan zot oule donn promosyon.  I annan en progranm konmsi ki sistematik ?

 

MR DEPUTY SPEAKER

Mersi Onorab.

 

COMMISSIONER REGINALD ELIZABETH

En promosyon i en keksoz ki toultan nou pe revwar e mon a dir ou nou preski finalize.  Anba mon direksyon nou’n set up en panelpou promosyon.  Savedir non sa kandida i ganny submit sorti kot son station commander, si i vwar poudir i annan en vacancy dan sa pos, dan sa stasyon, i vwar performans sa travayer i nivo pou li ganny promosyon e sa i submit kot panel of promotion.  Promotion Board e la apre Promotion Board a fer rekomandasyon avek mwan pou dir ok.  Sa dimoun ki pou ganny promosyon baze osi lo nou Bidze ki nou annan e si i annan posibilite sa dimoun i ganny promote.

 

MR DEPUTY SPEAKER

Mersi Konmisyoner.  Onorab Henrie.

 

HON GERVAIS HENRIE

Mersi Mr Chairman.  Bonzour tou dimoun.  Mr Chairman, avan mon demann mon kestyon mon zis anvi fer en pti remark dan mon 26an lavi en adilt kot mon reste dan en lakaz, zanmen en Zofisye Lapolis in deza tap lo mon laport, entrodwi son lekor koman li ki pe travay dan sa kominote.  Pourtan letan mon ti zanfan dan leo Cascade, toultan bann gard sorti Talbot ou ti vwar zot.  So obviously nou’n fer en pa an aryer.

Mon kestyon, premye i konsern stratezi e priyorite Lapolis.  I annan en pwen la ki zot in koz lo retention of trained personal.  Kestyon mon anvi demande, se dan sa Bidze ki Lapolis pou fer spesifikman avek sa sonm ki zot pe demande pou asire, ki tou bann zofisye Lapolis ihappykoman bann travayer, nou annan gard la anndan.  Zot happy ki zot loadtravay i rezonnab e ki zot reminerasyon osi i ok.

Mon pe mazin sirtou par egzanp bann atraver Erport la.  Akoz lakantite flight ki’n ogmante.  E dan sa menm kestyon la, an term la kantite gard ki nou annan vizavi nou popilasyon.

So ki alor loanLapolis zot travay i ava ok.  Sa i mon premye kestyon.

Dezyenm i konsern, i enteresan vwar ki Lapolis i en full PPBB entity li.  Sa pilot la ki zot pe fer.  Me  selman son bann target mon pa satisfe avek.  Konpare avek Minister Ledikasyon par egzanp ki nou’n vwar ouswa menm Departman Imigrasyon yer.  Konmsi ou vwar zot bann breakdown dan sot target i vreman byen.  Akoz ler zot koz par egzanp lo crime reduction.  Lo paz 2027.  Konmsi mon pa vwar vreman ki mannyer Lapolis pe fer sa, akoz sa statistik ki Komisyoner Lapolisin donn nou, avek tou respe mon pa krwar ladan mwan.  Mwan mon krwar zis dimoun in aret vol mwens akoz par egzanp progranm Methadone pe mars byen ouswa i annan plis dimoun dan prizon ki ti pe fer sa bann zafer.  I pa vedir ki Lapolis in fer annan rediksyon dan krim.  Mon pa krwar.

So mon oule vwar ki mannyer ladan zot pou fer sa crime reduction.  Mon dezyenm kestyon sa.

E trwazyenm e dernyen.  Rapor Oditer Zeneral in annan en kantite konplent lo Lapolis.  Pa swiv regilasyon Procurement Act, zot pa zer byen transpor.  Napa kontra formil avek bann car hire operator parmi en lalis problenm.

So, mon oule konnen ki mannyer Minister Finans la pou asire ki Lapolis i annan en mekanizm entern pou ranvers sa bann move kritik ki Oditer Zeneral i fer lo Lapolis lannen ale, lannen vini.  Mersi bokou.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair.  Lapolis parey plizyer Lorganizasyon ki challenging, i annan dimoun ki seye e zot vwar zot pa kapab, pa sa zot metye, so zot ale.  I annan dimoun ki annan sa dedikasyon, zot dedye pou travay Lapolis.  Ou kapab war plizyer manm zofisye Lapolis ki’n fe 40an.  I annan ki’n fer plis ki 40an, zot ankor pe donnen.  Savedir sa dimoun i annan se dedikasyon pou li travay dan Lapolis. E  nou toultan pe revwar ki mannyer nou kapab gard nou benn personnel dan Lapolis.  I pa zis larzan, i job satisfaction e nou osi nou pe vwar ki mannyer nou pou fer amelyorasyon, lafason zot travay.  E mon kapab dir ou Onorab poudir nou’n komans, nou’n revwar shift travay ki nou bann zofisye ti pe fer avan, ti pe travay lo 3 shift.Ozordi nou’n komanse kot plizyer, detrwa stasyon in bouz lo 4 shift.  Mon vwar poudir Zofisye ti fatige, i fatige en kantite.  Me selman nou pe rod fason, mwayen pou ede osi pou ki zot pas plis letan ek zot fanmir.  Ki zot pa vin agresiv.  Akoz ler ou fatige, ou’n travay long hours.  Ou kapab en senp pti keksoz, i kapab trigger en dimoun pou fer li reazir dan en lot fason.

So i annan travay ki pe ganny fer e dousman, dousman avek nou progranm recruitment nou kapab baz lo Sesel antye kot nou a kapab ganny 4 shift  system.  E la lapel se pou nou bann zenn zwenn Lapolis, pou ede konbat krim dan Sesel, pou nou fer Sesel pli safer e vwar la en pe.

En keksoz ki enteresan se ki ou dir mwan petet progranm  Methadone ki’n fer krim dimini.  Sa progranm pa tro lontan ki in konmanse e pour ou lenformasyon se ki nou annan nou 154 prizonnyen anba progranm ki’n ganny release dan sosyete e Lapolis pe fer tou sa ki i kapab pou konbat ki sa bann dimoun pa komet krim.  So challeng  ei la, Lapolis i annan en gro challenge devan li e nou, nou bezwen travay dir e vwar ansanm.  Analize ek mon lekip e vwar ki mannyer nou tackle sa  bann problenm.  Mersi Mr Chair.

 

MR DEPUTY SPEAKER

Mersi Komisyoner.  Minis oule azout keksoz.

 

MINISTER MITCY LARUE

Mr Chair, petet pou azoute mon ti a kontan petet Onorab nou osi apresye serten travay ki Lapolis i fer.  I vre nou annan en kantite challenges, nou annan en kantite problenm e par egzanp  ComPol, nou’n fer en sistenm 4 shift.  Akoz Lapolis zot menm zot in dir poudir zot 3 shift, konmsi long hours e zot fatige.  So sa ankor in ganny travay lo la e aranze pou ki i annan 4 shift e sa pe bouz dan diferan rezyon pou ki i a kapab konplet li over nasyonalman.

E dezyenmman, letan ou koz lo statistik.  Statistik i statistik ki nou anmase toulezour, i pa kapab koz manti sa.  Statistik i la.  Akoz se statistik ki donn nou levidans ki mannyer ou kapab amelyor ou stratezi.  Se atraver levidans.  Akoz si ou pa kolekte levidans ou pa kapab konnen kote i annan problenm e kot ou bezwen amelyore ou stratezi.  Se atraver levidans, akoz si ou pa kolekte levidans ou pa kapab konnen kote ou annan problenm e kote ou bezwen amelyore.  E sa statistik pe ed nou pou vwar ki mannyer nou re strategize e ki mannyer nou fer keksoz pli byen.

Trezyenmman, ou’n koz en pti pe lo rapor Oditer Zeneral.  I vre, i annan en kantite issues  ki tre konsernen.  Mon menm konman Minis mon konsernen avek e nou bezwen definitivman met an plas mekanizm pou fer sir ki nou abide avek bann regilasyon ki an  plas.

Ok, kot i konsern par egzanp lo kestyon transpor.  Mon pou donn ou en garanti ki vre in annan en bon pe issues kot i konsern transpor. Me definitivman pou lannen 2017 la nou pe al arete ek en kantite transpor lwe.  Nou ti annan 47 an tou, transpor ki nou lwe.  Nou pe al tire 27 dan sa fleet e nou pou reste zis selman 18 ki nou pou lwe.

So nou pe fer en fason pou nou amelyore e nou pe al met osi an plas en Polisi kot i konsern transpor.  Ki mannyer nou pou servi transpor.  Ki mannyer reparasyon transpor i ganny fer.  En Polisi pou al ganny mete atraver tou mon Minister, dan tou Departman nou pe fer en policy pou sa bann Departman pou fer sir ki sa sistenm transpor ki nou annan i ganny byen, tou dimoun i konnen vwar la nou policy, vwar la nou plan lenplimantasyon pou fer sir ki sa bann problenm ki nou’n rankontre dan lepase nou met li dan lepase.  Me sa nou bezwen fer li byen.

Dezyenmman, nou annan osi kot i konsern nou Scheme of Service.  Nou pe travay  aktyelman sa travay i an Mars, kot nou pe regard en pti pe nou plan.  Nou plan an  zeneral lo training, lo recruitment ki mon krwar nou pou bezwen annan en aggressive  equipment  kot nou al dan bann lekol pos segonder pou nou komans recruit bann zenn pou nou fer zot konnen kwa ki annan dan Lapolis pou enteres zot, pou motiv zot pou zot kapab pran en karyer dan Lapolis.

Tou sala e son rotation plan ki antre ladan, tousala i pou antre.  Localisation plan, succession plan.  Tousala i pou antre dan sa progranm ki nou fer li ase konpreansiv pou kapab benefisye nou bann police.  Akoz nou, nou bezwen en lafors disiplinen e en lafors profesyonnel byensir ki zot donn tou.  Me  nou osi nou bezwen montre sa laspe kot nou deryer zot, nou donn zot sa  sipor pou zot kapab fer zot travay byen.  Mersi Mr Chair.

 

MR DEPUTY SPEAKER

Mersi Minis.  Komisyoner ou le azout keksoz.

 

COMMISSIONER REGINALD ELIZABETH

Zis en pti keksoz pou mon azoute, pou mwan asir Onorab poudir nou annan nou en seksyon statistics ki tonm dan seksyon CID.  Se zot ki kolekte lenformasyon avek tou bann stasyon e zot compile sa bann lenformasyon e zot forward kot biro Komisyoner tou le semenn pou mwan fer mon analiz ki mannyer keksoz pe deroule.

So, lenformasyon i vin kot mwan i sorti dan biro statistics ki dedicated pou kolekte lenformasyon toulezour.  Mersi Mr Chair.

 

MR DEPUTY SPEAKER

Mersi Komisyoner.  Onorab Henrie.

 

HON GERVAIS HENRIE

Zis en pti pwen klarifikasyon lo kestyon, akoz par egzanp dan rapor NDEA mon vwar zot recruitment  planSo pou Lapolis, pou li al avek sa kestyon mon ti demande.  Ki kantite Zofisye par popilasyon ki zot krwar i pou rezonnab Sesel ki fodre Lapolis i annan tan zonm dan liniform ki zot krwar i rezonnab.  Mersi.

 

MR DEPUTY SPEAKER

YesKomisyoner.

 

COMMISSIONER REGINALD ELIZABETH

Nou annan nou apepre 933 Zofisye Lapolis e baze lo poursantaz nou popilasyon ki par lao 90mil.  Selman nou annan nou plizyer  unit.  I annan unit kiou bezwen plis zonm, apre osi pa tou zofisye ki da Lapolis ki angaze lo crime prevention  oubyen detection of crime.  I annan zofisye ki dan Lapolis ki vey building.  I annan zofisye dan Lapolis ki sekirite kot plizyer VVIP.  Savedir zot pa pe kontribye dan community policing.  Zot pe kontribye pou secure serten landrwa e sa osi i tonm anba nou responsabilite.  So nou bezwen fer en bon analiz lo la e vwar konbyen nou kapab dir per capita konbyen polisye ki noubezwen dan Lapolis.

 

MR DEPUTY SPEAKER

Onorab Lemiel.

 

HON SYLVANNE LEMIEL

Mersi Mr Chair.  Bonzour Minis avek ou delegasyon, bonzour tou Manm Onorab.  Mon ti a kontan demann Mr Komisyoner, lo paz 229 anba progranm 1Gouvernans, Zesyon avek Ladministrasyon, kot seksyon depans kapital mon vwar 450mil e ler mon get PSIP mon vwar obor Kordgard Anse Royal, mon ti a kontan petet  ganny en pti pe plis lenformasyon ki egzakteman zot annan pou fer laba akoz mon sa ki mon konnen nou ti annan sizesyon pou en relocation of sa stasyon Lapolis li menm.  ThereforeR450 mil lo sa stasyon  Lapolis aktyel la ki egzakteman zot pe al fer. Mersi.

 

MR DEPUTY SPEAKER

Mersi Onorab.  Madanm Lebon.

 

MRS ANGEL LEBON

Mersi Mr Chair.  Mersi Madanm Onorab, sa 450mil i reprezant  capital budget parey nou dir ki nou’n gannyen pou nou fer renovasyon lo sa excising kordgard Anse Royale. E mon believe i annan plan pou en nouvo Kordgard Anse Royale me pa an 2017.  Mersi.

 

MR DEPUTY SPEAKER

Mersi bokou.  Onorab ou ok?  Onorab Afif.

 

HON AHMED AFIF

Mersi Mr Chair.Bonzour Minis, bonzour Komisyoner avek ou lekip.  Bonzour tou dimoun ki a lekout.  Mon kestyon i baze lo paz 228, latab nimero 3 e vreman ki mon ti pe, mon ti a kontan Komisyoner i donn nou en pti pe reasirans.  Nou pe depans an tou R290 milyon ki ou’n propoz epou 2017 e pou nou koman

Lasanble, anfen pou mwan koman en Manm mon ti a kontan ganny en lendikasyon pou dir sa kantite ki nou pe depanse par norm enternasyonal, pou groser nou pei i en montan ki byen.  Pou 85mil dimoun.  Alor mon’n sey regard en pti pe ki lezot pei dan nou grander avek nou mwayen pe peye e pou mwan ou sif i montre ki sak Seselwa pe pey an mwayen $245 pou policing.  E sa i pa enkli sa ki sa R60 milyon ki NDEA, li osi i apel policing ki i ladan.  Me par kont kan ou regard pou en pti pe i sa groser mon’n rod en rapor ki’n fer par institute for crime prevention and control ki baze UN an 2004.  I ti fer sa en pe letan pase.  Me pou en pei sagroser i devret anviron 100, $100 a $150 par têt d’habitant.       Alor deza i montre nou poudir i en pe gro.  Alor si ou kapab eksplik nou en pti pe vreman akoz nou pe depans nou 7 pres R800 mil par zour pou nou ganny community policing dan Sesel.  R454 mil ladan par zour, dapre sa Bidze, i zis saler e akoz par egzanp, zis pou donn nou en pti legzanp, fuel ek transpor, nou pe depans R44mil par zour.  Prezan mon sey relate sa avek mwan oubyen nenport nou koman en endividi.  Petet mon depans mwan R20 mil lo mon loto, maintenance avek fuel.  Mon pa mars parey en Lapolis.  Double li, R40mil par mwan pou en loto e si ou annan ou 40 loto kekfwa i devret R1.6 milyon par lannen.  E la nou pe vwar bann Bidze ki 16 milyon, pa ankor maintain la.  zis transpor.  Maintenance li menm ankor en lot R10 milyon.  Vreman maintenanceR27mil par zour pandan lannen. Pou maintain en loto, R5mil, R10mil par an, en loto.  Nou annan 40 lote.  Me nou annan en Bidze pou R27 mil par zour.  Sanmdi, Dimans tou.  Antye lannen.

Pou mwan i paret en pe gro par norm enternasyonal ki mon’n fer referans avek.  i paret en pe gro e zis pou montre ou serten pei, vitman fer referans.  Afghanistan i annan ki 441 gard pou 100mil zabitan.

Mon dernyen kestyon mon ti pou demann ou, konbyen gard nou annan anba sa lafors, 933.  I deza 2 fwa plis ki Afghanistan par 100 mil zabitan.  Deza 2 fwa plis.  Alor i montre, eski nou annan en pe bataz pou nou re aranz sa, pou nou vin pli efikas ki nou ete.  E vreman si ou satisfe ki ou annan saki nou apel economies of scale, etan ki nou ti pti, prezan nou’n split  en gro bout lafors in al kot NDEA, nou annan 100ekek dimoun laba, 114.  E si ou kapab dir nou si ou osi ou annan en etranze e konbyen zot pe ganny peye dan sa Bidze165 milyon, konbyen bann etranze ki dan lafors pe gannyen silvouple ?   Mersi.

 

MR DEPUTY SPEAKER

Mersi Onorab.

 

COMMISSIONER REGINALD ELIZABETH

Mr Chair, analiz Onorab pe fer konparab serten pei avek konpare ek Sesel, mon pa konnen lekel pei, ki bann lapey en Zofisye Lapolis dan sa pei ki i pe koz lo la i gannyen en nou, nou zofisye Lapolis isi pe ganny nou apepre R12 mil par mwan.  E osi nou annan bann allowances.

Transpor, mon pa konnen ki kalite transpor bann Zofisye pe servi laba e ki pri fuel laba dan sa pei ki ou’n fer analiz avek.  E isi kou garaz, transpor letan nou anmenn dan garaz i kout en kantite, fer vini pyes i kout en kantite.Transpor  Lapolis i roul 24 lo 24.  Ou bezwen mazin where and ……..  larou, pyes i kase, clutch i fini, fren i fini.  Ki konstaman ou bezwen pe anmenn li dan garaz. Lapolis napa en garaz, sa garaz i bezwen en garaz prive ki nou anmenn nou transpor aranze ladan.  E sa dimoun i set son pri baze lo lagreman ki i gannyen avek nou pou repar nou transpor.  E sa i anmenn en kou tre, tre , te signifikan.

Pou kot i konsern etranze dan Lapolis, wi nou annan Nepale, nou annan sid Afriken.  E Nepale zot pe ganny zot anviron $1200 par mwan, sa Nepale e pou sa 4 Sid Afriken ki nou annan i tonm zot, zot gross anviron R500mil par mwan.  Pou tou le 4.  E Nepale nou annan nou apepre 67 Nepale ki pe travay anse moman dan Lapolis. So vwala en pe sa bann rezon akoz sa.

 

MR DEPUTY SPEAKER

Onorab.  Madanm Lebon.

 

MRS ANGEL LEBON

Mersi Mr Chair, mersi Onorab Afif.  Mon vwar ou’n fer referans avek nou Bidze dan consolidated, maintenance  and repairs.  Sa sif ki reprezante la i pa pe reprezant zis maintenance and repaired lo motor vehicles.  I annan en kante konponan ki mon plis ki asire si ou memwar serves you right, dan ou days of finance anba maintenance and repair i annan bann lezot konponan ki antre, pa zis pou motor vehicles.

Nou annan nou bann konponan maintenance lo nou bann air-conditioning, lo nou printing equipments.  Lo nou bann hi-tech equipment ki nou annan lo nou bann office buildings.  Ou vwar tousala i enkorpore dan sa 10 milyon.  I pa zis pou transpor.  Thank you.

 

MR DEPUTY SPEAKER

Onorab Afif.

 

HON AHMED AFIF

MersiMr Chair, sa referans ki mon’n fer i baze lo mwayen sa pei.  Savedir pli ou zofisye i ganny plis ou kantite ki ou depanse par zofisye i monte.  Me annou kit sa dekote.  Si ou ti kapab dir ek mwan par egzanp dan bann Nepale ki zot annan.  Eski i korek ki i annan serten ki lo semen, me selman zot napa en nimero lo zot.  Alors ler zot aret ou, si zanmen ou le rapor zot, zot napa en nimero koman en gard.  E si sa i korek, akoz sa i le ka ?

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Normalman Nepale letan zot ti ganny zot uniform, zot ti ganny mete zot non lo zot.  Nou pa ti donn zot en nimero.  So petet sa le ka akozou pa vwar en nimero lo son zepol.  Akoz i sipoze annan son non atase la lo son pos.  E si son non pa atase lo son pos savedir son uniform pa konplet, i pa pe properly dress.  En rapor i kapab ganny fer e si sa i le ka mon a fer mon zofisye ki ansarz disiplin vwar ki tou bann Nepale i met zot non lo zot, atase lo zot pos.  Mersi.

 

MR DEPUTY SPEAKER

Onorab Afif.

 

HON AHMED AFIF

Mon dernyen kestyon  Mr Chair, mon ti a kontan demann Komisyoner si dan son kad ladministrasyon i annan en kad kot i annan sivilyen apre ou annan polisye ki swiv en karyer Lapolis.  Me selman sa bann sivilyen zot pe ganny zot bann ran Polisye ki inspector, sub inspector e sa pe kree konfizyon parmi Lapolis.  Ki kan zot pe ganny promosyon zot pa asire lo ki baz sa pe ganny fer.  Parski zot pa pe swiv en kad Lapolis, zot bann sivilyen.  e i paret osi kot public service appeal board e bann lazans ki pe konstaman fer rapel avek Lapolis poudir zot annan plizyer konplent e sa pa pe ganny adrese.

Mon ti ava kontan komanter ek Komisyoner.  Parski i reflekte en pti pe lo motivasyon ki Lapolis pou annan e si nou pe met plis larzan pou zot eski vreman pou annan rannman.  Mersi.

 

MR DEPUTY SPEAKER

Mersi.  Komisyoner.

 

COMMISSIONER REGINALD ELIZABETH

Mr Chair, i annan bann unit ki spesyalize.  Ki nou recruitbann dimoun spesyalize ki zot antre lo serten ran.  Ki bann zofisye Lapolis ki antre koman konstab i pa kapab ariv lo sa nivo.  So, nou recruit baze lo zot degre ki zot annan.  Nou recruit zot koman bann specialist.  Par egzanp ou vwar dan forensic.  Nou pran bann dimoun avek masters e nou ankadre zot lo en ran.  Sirtou Seselwa.  Tou Seselwa i koumsa.  Mersi Mr Chair.

 

MR DEPUTY SPEAKER

Mersi Komisyoner.  Onorab Woodcock.

 

HON WAVEL WOODCOCK

Mersi Mr Speaker, bonzour tou dimoun alekout.  Manm Onorab, Minis.  Mon kestyon i comme suivant.  Avan tou les mwan profit sa lokazyon pou mwan remersye  Lapolis Grand Anse Praslin, espesyalman SP Leon pou zot bon travay, korperasyon pandan letan eleksyon.  Tou keksoz ti deroul dan en fason kalm e byen Praslin.

Mon vin lo mon kestyon.  Mon kestyon i baze lo progranm 1.  Governance and management and administration lo transportation and travel costEstimate actual pou 2015 ti R766 mil, me an 2016 revised budget pou sa progranm in monte ziska R4 milyon.  Selman pou annan en rediksyon R3.5 milyon, sa i lo paz 229 me pou annan en rediksyon R3.5 milyon an 2017 ki pou fer Bidze desann e vin R560mil.  Ankor anba visible policing lo paz 231, depans pou transpor ek travel cost ti 25 milyon e an 2017 i pou redwir pou vin 14 milyon.

Mon kestyon i akoz sa gran logmantasyon 2016 e en rediksyon signifikan an 2017 ?Mon lot kestyon i ki’n arive avek tourism police lo Praslin ? E eski i ankor egziste lo Praslin e en lot kestyon ankor pou Grand Anse Praslin.  Kan ki zot pe espekte konplet sa proze Kordgard Grand Anse Praslin e osi eski zot pe konsidere reviz bann allowance ki zot pe donn bann zofisye ki sorti Mahe ki pe reste Grand Anse Praslin.  Ki mon krwar aktyelman i R840 e si zot pe konsidere reviz sa bann allowance ki zot …… bann saler bann zofisye lo Praslin, mon’n aprann poudir i annan bokou bann zofisye ki sorti Mahe ki reste Praslin.  Zot bann kondisyon ki zot pe reste ladan i pa sitan konvenab e eski zot pe konsider get dan welfare sa bann zofisye.

E en lot keksoz ki mon anvi fer sorti, baze lo bokou konplent ki mon’n resevwar.

 

MR DEPUTY SPEAKER

Onorab pa konfiz bann Manm parey Onorab Andre.  Tro bokou kestyon ansanm.

 

HON WAVEL WOODCOCK

Ok, mon a demann sa bann siplemanter, sey pran sa bann touzour.

 

MR DEPUTY SPEAKER

Ale Komisyoner.

 

COMMISSIONER REGINALD ELIZABETH

Mr Chair.  Onorab, Tourism Police i en keksoz ki’n amalgamate avek Lapolis.  Savedir nepli annan tourism police as per say koman en unit lo limenm.  Se Zofisye Lapolis ki al fer louvraz tourism lo bann lans.  Sa i le ka.  e bann zofisye ki al travay Praslin zot resevwar zot en special allowance tou le mwan koman en incentive ekoman zot deplasman ki zot pe travay lo Praslin e zot pe resevwar sa allowance tou le mwan lo zot lapey.  Mersi Mr Chair.

Lot bout Madanm Lebon i kapab reponn.

 

MRS ANGEL LEBON

Mersi Mr Chair.Mersi Onorab Woodcock.  Mersi pou ou kestyon.  Anba transportation and travel cost, an 2016 ler nou ti ganny Bidze nou ti espekte ki bann loto anba Indian Grant ti pou antre early in 2016 e ti napa provizyon pou care hire at all an 2016.  Epi letan by February, March, loto pa ti materyalize pou diferan rezon nou ti bezwen resort back to hired vehicles e nou ti ganny en supplementary budget pou nou kouver nou bann hired vehicles.  That’s one reason for the increase.

Apre letan nou’n revwar nou PPBB 2017, nou realign nou bann cost, enn bann fakter primordyal ki’n redwir bann ost anba ‘transportation and travel cost’ i nou bann metod ki nou’n servi pou kontrol fuelFuel ki bann transpor i servi, No.1.  Epi No.2, nou’n redwir lo car hire malgre Lapolis pou toultan annan en bezwen pou en serten hired vehicles.  Me selman i pa parey i ete 2016, so sa i bring about sa rediksyon an 2017 epi parey mon’n dir nou’n revwar bokou bann cost drivers across the board e nou’n re landscape nou Bidze  correctly pou 2017 pou nou fonksyonn dan fason bokou pli efikas.  Mersi.

 

MR DEPUTY SPEAKER

Mersi Madanm Lebon.  Konmisyoner i annan kestyon lo completion of Grand Anse police station.

 

MINISTER MITCY LARUE

Mersi Mr Chair.  Kot i konsern Stasyon Police Grand Anse se ki nou espekte sa stasyon i konplete dan boner lannen 2017 akoz bokou travay in ganny fer lo al e boner 2017.  Mersi.

 

MR DEPUTY SPEAKER

Mersi Minis.  Onorab Woodcock, vitman.

 

HON WAVEL WOODCOCK

Zis en pti kestyon siplemanter.  Well, monn resevwar  plizyer konplent Grand Anse Praslin sirtou konsernan most bann Zofisye Lapolis zot tre profesyonnel lo Grand Anse.  Me  selman i annan enn 2 bann Zofisye Lapolis ki pe abiz en pti pe zot pouvwar.  Mon ganny plizyer konplent ki menm ler zot in al kot Lapolis pou fer konplent.  Bann zofisye in refiz-e an tre sa bann konplent dan Occurrence Book.  Mon pe  gete si konmisyoner i kapab get ladan silvouple.  Mersi.  Plito en statement.

 

MR DEPUTY SPEAKER

Yes Komisyoner.

 

COMMISSIONER REGINALD ELIZABETH

Mon’n note ou konplent e si ou annan lenformasyon spesifik ou kapab pran kontak avek mon biro, nou a vwar, nou a regard ladan.  Mersi Mr Chair.

 

MR DEPUTY SPEAKER

Bon, mersi Komisyoner.  Mon ankor annan 18 Manm ki lo lalis pou demann kestyon, mon sizere ki nou ava Break ziska 11er.  Me  mon avi zis fer rapel tou bann Manm poudir nou’n ganny rapor Oditer 2015, mon swete ki Madanm Clerk  in fini distribye avek zot tou.  Sa i ava osi ed zot dan bann lezot deliberasyon ki devan nou.

Yes Onorab De Commarmond.

 

HON CHARLES DE COMMARMOND

Mr Deputy Speaker, nou fek ganny sa Auditor’s General Report, me napa nanryen lo Lapolis pou lenformasyon.  E sa pete i rezon akoz dan senkyenm Lasanble an 2015 nou ti fer en lodit spesyal lo Lapolis, sirtou kot i konsern transport.  E mon kontan note ki napa nanryen la, savedir in annan en improvement probableman e ler mon pe get Bidzei reflekte dan Bidze poudir iannanimprovement lo Lapolis sa ki zot pe fer.

 

MR DEPUTY SPEAKER

Mon pa konnen si Mr Payet petet i oule koz en pti pe ki mannyer zot deal avek odit. Me petet pa neseserman ki toultan menm Departman  I  ganny targete par Oditer Zeneral.  Petet en pti pe dan sa  laliny Mr Payet petet ou ti oule fer en komanter.

 

PS PATRICK PAYET

Mersi Mr Chair.  Zis pou azoute, Department Internal Audit kot Minister Finans, nou travay konzwentman avek Auditors General Office e nou vwar avek li bann landrwa  ki li i pa pe kouver, nou, nou kouver.  So nou fer sir ki preski tou landrwa nou kapab kouver akoz nou vwar ki en pe kapasite kekfwa  zot pa kapab fer tou pandan lannen.  Me  selman nou osi nou ale nou al kouver sa bann area ki Auditor General pa kapab kouver, so nou’n kouver en pe Lapolis.  Mersi.

 

MR DEPUTY SPEAKER

Mersi Mr Payet.  Petet osi tou, nou fer sa demann, nou kontinyen met sa  demann devan Lotorite ki Rapor Oditer i bezwen vin swa an menm tan avek Bidze ouswa avan Bidze.  Ki ava ed bann Manm osi tou pou nou kapab reponn Bidze e fer bann deba lo Bidze.

Bon, avek sa  nou ava adjourn ziska 11er.

 

(BREAK)

 

MR DEPUTY SPEAKER

Bon nou ava kontinyen nou travay.  Mon annan Onorab Sophola.

 

HON NOLINE SOPHOLA

Mersi Mr Chair.  Bonzour tou dimoun a lekout.  Paz 229 ‘’Governance, Management and Administration.  Eski Minis i kapab dir nou konsernan Kordgard La Digue, ki ler mon pe regarde avek lakantite polisye ki’n ogmante e aktivite ki pe pase, mon remarke ki son lespas i tre limite e osi an prenan kont bann aktivite ki pe ganny fer konmela.  E osi konsernan bann Polisye menm, zot deplase Mahe pou La Digue.  Zot rezidans mon remarke ki i dan en move leta.  Eski Mini si i kapab dir nou si zot pe ganny kouver dan sa Bidze oubyen non.  Mersi.

 

MR DEPUTY SPEAKER

Mersi Onorab.

 

MINISTER MITCY LARUE

Mersi Mr Chair, mersi Onorab.  Mon rekonnet ki Kordgard La Digue vre i dan en leta ki vreman bezwen ganny serten travay renovasyon e lespas i vreman pti git pou lakantite Zofisye ki nou annan e kalite travay ki nou avi fer lo zil avek bann diferan servis ki nou pe anmennen.

Apre mon dernyen vizit mon’n remark sa e menm vizit bann lakaz kot bann polisyepe reste e desizyon ki nou’n pran se ki nou pe an zeneral regard tou bann lenfrastriktir ki tonm anba DepartmanHome Affaires pou nou annan nou en, baz nou bann diferan lenfrastriktir lo priyorite.

Ok.  E dapre larzan ki nou annan dan nou Bidze nou napa gran larzan pou nou kapab fer okenn nouvo batiman.  Me nou annan en serten larzan ki nou kapab fer en serten renovasyon lo existing stasyon Lapolis La Digue e menm serten pti travay lo sa bann lakaz kot bann Zofisye pe reste.  Me an menm tan nou propozisyon lonterm, par egzanp sa bann lakaz, pou nou sey met zot ater e refer petet lo en baz PPPB.  Nou kapab travay ansanm avek en Private Partnership pou nou kapab anmenn, pete fer detrwa lakaz en pti pe parey Fireman in fer.  Kot nou kapab house nou bann Zofisye ler zot Mahe dan en leta en pe pli konvenab.

E lo kote stasyon Lapolis nou pe regarde pour lemoman, i annan lapos ki akote ki pe okip en bon plas dan sa building.  Nou pe sey travay ansanm avek zot, regarde si i annan en posibilite kot ti annan en lot landrwa ki zot ti kapab move, si i annan then nou ti kapab ganny en pe plis lespas pou nou kapab fer serten travay kot Lapolis i bezwen.  Me sa i en travay ki nou bezwen an diskisyon avek zot, nou pa zis dir zot sorti ale.  Me travay avek zot an diskisyon, regarde ki mannyer nou kapab fer en sistenm.  Me selman definitivman i annan en nesesite pou fer en keksoz pou La Digue.  Mersi Onorab.

 

MR DEPUTY SPEAKER

Mersi Onorab.  Yes, Onorab Ramkalawan.

 

HON WAVEL RAMKALAWAN

Mr Deputy, depi bomaten mon pe swiv sa deba byen e mon vwar ki on a point of order anba Lartik 162 nou Konstitisyon, mon vwar akoz Minis i sa dimoun ki devret sa dimoun pe reponn kestyon lo Lapolis.  Mon krwar ki nou bezwen fer kler ki poudir nou Konstitisyon i fer.‘’the Commissioner of Police as the one.  The Police Force shall be commanded by the Commissioner of Police who shall be appointed by the President, subject to theapproval of the National Assembly. ‘’

        This have been done e mon pa vwar akoz Minis i bezwen pe reponn kestyon lo loperasyon Lapolis.  This is direct interference.  Avek tou respe Minis, me mon krwar ki nou bezwen desin en laliny dwat.  It’s the Commissionerof Police ki ansarz son Police Force, li ki bezwen reponn and not the Minister.

I think nou bezwen ganny sa kler, unless it is something to do with general policy lo nivo Gouvernman.  Me selman si nou pe koz lo loperasyon Lapolis parey nou pe fer la, an relasyon ek sa budget,  it should be the Commissioner answering the questions, or else nou Konstitisyon, Lartik 160 i vin en pe an dezord.  Mersi bokou.

 

MR DEPUTY SPEAKER

Mersi Onorab Ramkalawan.  Onorab Hoareau, yes.

 

HON BASIL HOAREAU

Mersi Mr Speaker.  Mr Speaker, sa ki Onorab Ramkalawan in dir i, partially correct but not entirely correct.  Lartik 160 i dir ou poudir,‘’the Police Force shall be commended by a Commissioner of Police who shall be appointed by the President.’’

Then Lartik 160(2) i dir ek ou, ‘’nothing in this article shall be construed as precluding reassignment to a Ministry or Department of Government or the responsibility for the organization, maintenance and administration of the Police Force. ‘’

So, Konstitisyon li menm i fer provizyon poudir en Minis i kapab take charge in respect of organization, maintenance and administration of a Police Force. 

So, mon krwar i byen ki tou lede pe reponn kestyon.  There is nothing unconstitutional in that.

 

MR DEPUTY SPEAKER

Bon, mon konpran largiman, mon konpran Point of Orderki’n ganny lev-e.  Minis i ava akonpannyen Komisyoner en pti pe lo Polisi, en pti pe lo bann desizyon administrative ki Gouvernman i pran koman son parent Ministry. Me otan posib, bann kestyon teknikal and so on, Komisyoner i ava deal avek.  Me Minis i la pou akonpanny li.  Ok.

Minis i kler, nou pa bezwen al ankor dan detay.  Ou a la pou ou kapab met ou pwennvi vizavi Polisi Gouvernman as a parent Ministry for Lapolis.  Ok.

 

MINISTER MITCY LARUE

Ok, yes Mr Chair.  Mon krwar sete egzakteman sa ki mon pe fer depi bomaten.  Tou bann kestyon loperasyon mon’n les ComPol, ki pe reponn tou kestyon.  Mon’n koz plito lo sa zafer lenfrastriktir, lo ou baz Policy.  Kalite policy nou met an plas pou lenfrastriktir.  So vwar la en pti pe kwa ki mon pe koz lo la Mr Chair.Mersi bokou.

 

MR DEPUTY SPEAKER

Ok, mersi Minis.  Onorab Sophola.

 

HON NOLINE SOPHOLA

Mr Chair, pwen klarifikasyon.  Bomaten Komisyoner dan en repons in dir ki bann Zofisye ki vin lo Praslin i ganny en allowance, mon anvi konnen si bann ki vin lo La Digue osi i gannyen en allowance e si zot allowance i parey pou Praslin ?  Mersi.  E konbyen.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Allowance pou Zofisye ki al Praslin i parey avek pou Zofisye ki al La Digue e zot ganny baze lo zot ran.  Sak ran i vin avek son allowance.  Si ou en Konstab ou allowance i R600, house station allowance.  E Serzan li i ganny en pe plis, si en Lenspekter li i ganny en pe plis ankor.  Baze lo ou ran.  Par mwan, tou le mwan lo zot salary i vini.

 

MR DEPUTY SPEAKER

Mersi Mr Konmisyoner.  Onorab John Hoareau.

 

HON JOHN HOAREAU

Mersi Mr Chair. Bonzour Mr Chair, bonzour tou bann dimoun ki a lekout.  Minis ek ou delegasyon.  Mon kestyon i fer referans avek Latab 2, mon premye kestyon, lo paz 228 anba ‘current receipts.  Lapolis kolekte anviron 8.6 milyon an 2016 e an 2017 zot in prozekte zot pou kolekte apepre 9 milyon atraver provizyon pou sekirite ek eskort dan delo –at sea.

So, mon kestyon i eski sa servis i ganny outsource avek bann lezot dimoun ki provide sa pou Lapolis or eski i annan bann prosedir tender ki ganny sivre si i ganny outsource ?

Mon dezyenm kestyon se, anba ‘’current challenges’’zot in site poudir zot napa proper infrastructure such as exhibit warehouse, archives, vehicle pound.  Pou mwan apre tou sa lannen ki Lapolis i an egzistans i fer mwan en pti, dan en move pozisyon pou analiz sa sityasyon, akoz souvandfwa nou ganny tande ki bokou bann drog, bann keksoz koumsa ki ganny atrape par Lapolis,i retourn lo semen ankor.  So ki provizyon dan Bidze zot pe fer pou tackle sa sityasyon lo kote egzibit ?

Mon trwazyenm kestyon, mon’n vwar osi ankor anba zot bann ‘current challenges  zot in site poudir zot mank en gas chromatography, mass spectrometer pour zot forensic Lab e sa i bann lekipman lo en pwennvi syantifik.  Mon konnen i kout tre ser.  Zot in sit en pri ki koute, 3.2 milyon.

Eski Lapolis i pe fer bann lyezon enter ministeryel, parey mon konnen kot lasante – dan lab lasante avek SBS zot annan serten sa bann lekipman, pou sey konmsi travay an sinerzi avek sa bann lezot Minister pou fer ki zot kapab analiz pli byen bann sibstans, tel koman drog ki zot atrape avek bann dimoun.

Apre mon dernyen pti bout kestyon, mon ti anvi konnen si Departman Lapolis i annan plan pou renovate sa kan gard Beau Vallon.  Se tou.  Mersi.

 

MR DEPUTY SPEAKER

Mersi Onorab.  Komisyoner.

 

MRS ANGEL LEBON

Mersi Mr Chair.Mersi Onorab.  Mon ti a kontan reponn lo sa bout kot i konsern bann receipts ki ou’n koz lo la.  Mon ti a kontan fer en pwen note ki Minister Finans avek korize, sa 9milyon anba SVPD i sipoze pou PSSW e sa 6milyon i sipoze pou SVPD.

Sa bann receipts ki’n forecasted la, i bann charges ki’n ganny gazete 2008 ek 2013  ki allow Lapolis pou sarz bann fees out letan i donn serten servis.  So se sa ki sa receipts i reprezante la.

 

MR DEPUTY SPEAKER

Yes Onorab Hoareau.

 

HON JOHN HOAREAU

Ou pe konfirmen ki se pa bann larzan ki zot kolekte atraver UNODC pou bann peyman ki ganny donnen pou sekirite pou akonpanny bann bato.  Ok, mersi.

 

MRS ANGEL LEBON

Non, these are purely bann charges, bann invoices ki nou invoice bann dimoun ki resevwar servis atraver PSSW.  Bann static charges ok.  Bann century, bann verification of containers ki bann tuna vessels ki request lasistans avek PSSW akoz sa kestyon zarm.  Epi SVPD osi i bann escort, kot zot demann Zofisye lo lanmer e these are just charges pou bann duties ki bann dimoun dan sa 2 Sekter i fer e i larzan ki antre back dan kof Gouvernman e nou met dan Consolidated Fund.

 

MR DEPUTY SPEAKER

Mersi Madanm Lebon.  Komisyoner ava pran lezot kestyon.

 

COMMISSIONER REGINALD ELIZABETH

Mr Chair, kot i konsern bann stores, mon krwar i en challenges pou plizyer Departman ou byen Lorganizasyon ki napa ase lespas pou sore e Lapolis osi i pa en leksepsyon kot nou vwar nou resevwar bokou exhibit.  Me ki nou fer, nou annan bann containers ki nou’n aste.  Nou nap a building ki’n ganny built ekspreseman koman en exhibit store, me nou annan bann containers ki nou aste e nou turn it into a store ki sa bann zartifay ladan i an sekirite.  Nou met li dan ne landrwa ki ase secure, ki annan gard ki veye e pour lemoman nou pe servi sa fasilit epou nou store nou bann exhibits.

Pou sa  GCMS, in fer provizyon pou ki sa lannen anba Bidze, detective, forensic lab nou pe resevwar sa larzan pou nou aste sa GCMS ki boner lannen prosenn nou a kapab ganny sa lekipman.  I en lekipman ki ase ser, pou annan en pe letan pou nou gannyen, me finalman nou pou resevwar li lannen prosenn e en bon pe nou bann egzibit ki nou’n anvoy aletranze pou analize i pou kapab ganny analize lokalman e nou a ganny rezilta pli vit.  E sa pou ed Lapolis en kantite definitivman.  Mersi Mr Chair.

 

MR CHAIRMAN

Mersi Komisyoner, Onorab Hoareau.  Leklersisman.

 

HON JOHN HOAREAU

Ou pa’n koz lo kan gard Beau Vallon.

 

COMMISSIONER REGINALD ELIZABETH

Ou konnen Beau Vallon i annan sa bann lakaz Beau Vallon e Lapolis i bezwen set en Polisi letan i allocate dimoun avek en lakaz.  Ki arive, nou vwar poudir i annan plizyer Polisye ki ti en letan polisye ki ti reste dan sa bann lakaz Beau Vallon.  Apre ki arive, zot kite dan Lapolis e zot kit zot partner dan lakaz.  E partner i reste dan sa lakaz, i pran en kantite letan pou anmenn sa bann dimoun lo en Board, pou retir zot dan sa bann lakaz.  E sa bann dimoun zot pa pe peye.  So nou a travay, nou a vwar ki pli bon fason, pli meyer fason Lapolis come up with a policy ki dir si ou reste dan lakaz Lapolis e vois si ki bann norms ki ou bezwen apply.  E ler ou sorti osi, ler ou kite gard oubyen ler ou retire ou bezwen evakye sa lakaz Lapolis.  Pour lemoman sa defi ki nou pe fer fas avek Beau Vallon.  Se bann Zofisye ki tin deza gard, oubyen i annan ki ti gard, in mor e zot madanm i kontinyen reste dan sa lakaz.  E pou ou tir sa fanmir pou met li dan en lot landrwa i en challenge pou nou.  Mersi Mr Chair.

 

MR DEPUTY SPEAKER

Mersi Konmisyoner.  Onorab Georges.

 

HON BERNARD GEORGES

Mersi Mr Chairman.  Mr Chairman avan mon demann mon kestyon mon demann zot leskiz akoz mon en pe parey Onorab Andre mwan.  Nou Avoka, nou kontan koze.  E mon kestyon pou en pe long.

Konmisyoner mon pe regard paz 227 e an referans avek sa pwen ki Onorab John Hoareau fek fer, mon prefas mon kestyon Mr Chairman avek ou permisyon an di-zan, premyerman mon annan bokou senpati pou Lapolis ki’n bezwen travay pandan bokou lannen e still ankor pe travay dan bann sityasyon ki pa vreman alaoter dan bokou Kordgard e zot menm zot, zot dir lo paz 227 ki zot annan inadequate office accommodation.  Overcrowding, health and safety issues, exhibits store.  Tou sa bann keksoz se bann mankman e ki mon sir i pez en pti pe lo kapasite e performans sa Lafors.

Mon kestyon donk in view sa sityasyon se sa enn e mon ti a kontan ki en pti pe parey nou pe dir depi yer swar, sa se sans ki zot annan, pou zot pa per e dir nou, nou bezwen plis larzan, nou bezwen plis larzan pou nou fer sa bann keksoz zolye zis viv avek e enbleman parey Komisyoner fek dir.  Dir be ki ou a fer, nou ava rod detrwa container.  Si zot bezwen en exhibit room, ou exhibit store ki alaoter fodre zot demande e nou ava sey rod larzan pou fer sa.  E mon kestyon se ki mannyer Komisyoner ou santi ou ler ou pe fer fas avek sa bann andikap mazer e ou vwar par egzanp ki serten lezot unit dan pei, mon pe koz prensipalman pou NDEA.  Sa saler zot Staff i bokou plis ki saler ekivalan dan Lapolis ? Zot lekipman ler nou regarde i bokou pli meyer.  Nou vwar zot dan bann liniform nef, bann belt, bann lekipman vreman alaoter.  Bann caps, eksetera, loto, jeep.

Ki mannyer ou santi ou avek sa gran diverzans ki annan ant 2 unit ki pe fer …., menm kalite travay ?

Mon dezyenm kestyon i konsern Lapolis vizib e mon ti a kontan ganny lopinyon Komisyoner Lapolis lo letablisman bann police post. Taler nou’n ganny koz lo Erport, nou’n ganny koz lo Glacis.  Me bann police post dan bann landrwa high risk kot ti ava bon annan en prezans dan police senpleman pou annan en prezans Lapolis.  Par egzanp mon pe dir Les Mamelles, ti ava bon.  Ti annan, zot in tire.  Mon pe mazin Roche Caiman.  Eskiz mwan Onorab Vidot pou enterfer dan ou distrik.

Me bann landrwa koumsa, bann landrwa ki self -contained.  Kot ti ava bon annan en prezans dan police.

Ki zot lopinyon lo la, akoz s aki nou vwar nou, sertennman Les Mamelle, nou pa zanmen vwar Zofisye in- blue ki nou ti a kontan vwar.  Sa ki nou vwar se NDEA monte, desann pe fer sa loperasyon ki nou ti ava plito kontan ki se bann Zofisye dan gro ble avek semiz blan ki ti ava pe fer.

Vwar la mon 2 kestyon pour lemoman Mr Chair.

 

MR DEPUTY SPEAKER

Mersi Onorab Georges.  Komisyoner.

 

COMMISSIONER REGINALD ELIZABETH

Mr Chair, i vre sa bann challenges ki nou’n mete pou lannen 2017.  Me selman ki nou pe vwar, nou pe vwar par egzanp stasyon Anse Aux Pins, sa nouvo Kordgard ki pe konstrir ki nou espekte i pou konplete boner lannen prosenn,  nou’n fer gran provizyon, i annan ground plus 1 anler pou nou fer en pe store, storage e osi nou kapab menm deservi li koman en command post.Si en ka, en lensidan i arive ki nou bezwen en command post anler dan sid ki nou pa kapab ariv santral, dan rezyon santral.  Sa i enn.

Osi Grand Anse Praslin ki nou espekte.  Savedir la mon mazinen kot i konsern akomodasyon i pou amelyor en kantite avek sa 2 nouvo stasyon ki pe ganny konstrir.

Lot kote se ki pou uniforms, nou’n ganny avek Gouvernman Lenn en Grant ki bann lekipman uniform in fini ariv dan pei e nou espekte sa pou ganny delivre avek nou dizon semenn prosenn.  Ladan pou annan tout sord akseswar ki ale avek uniform.

Stasyon Les Mamelles i en keksoz ki toultan i an revi.  Lapolis nou’n toultan revwar nou bann loperasyon e si nou vwar i fezab oubyen i annan sa demann ki nou devret met en stasyon Lapolis ankor Les Mamelles baze lo to krim ki pe arive dan sa landrwa.  Mon krwar toultan nou kapab revwar sa e si i annan nesesite nou a re met li.  Mersi Mr Chair.

 

MR DEPUTY SPEAKER

Onorab Georges.

 

HON BERNARD GEORGES

Mersi Mr Chair.  Komisyoner kekfwa ou pa’n konpran mwan.  Se pa uniform ki enteres mwan, se sa dimoun ki dan uniform ki nou ti a kontan vwar en pe plis vizib.  Me nou kontan konnen ki zot pe ganny en pe uniform.  Mon en pe dezapwente ki nou bezwen al rod sa avek lenn olye pe fer li nou menm dapre nou prop mwayen.

Me ou pa bezwen Komisyoner, ou pa bezwen en pe larzan pou ou olye al fer en letid eksetera, pou ou met en police post Mamelles ?  En police post mon pa konnen mwan, dan bann landrwa ki neseser ?This is your chance.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair, napa en landrwa ki pou dir ou son resours i adekwat.  Menm bann gran pei devlope i pou dir ou son resours zanmen i adekwa.  Toultan nou ti a kontan ganny en pe plis.  Me selman nou annan nou apepre, avek sa Bidze ki nou’n gannyen nou annan nou 10 mwan edmi pou nou travay.  10 mwan edmi letan ou’n dir ou Bidze i  release by lafen Zanvye e letan i dir ou koman Desanm nou pe wrap –up. 

So sa Bidze in fer provizyon pou nou al dilon lannen ki nou kapab gard, deservi nou bann loperasyon operasyonnel.  E kot i konsern sa bann uniform i en keksoz ki Gouvernman Lenn ti ofer nou letan nou bann diskisyon e zot annan en kantite Lendistri ki prodwi latwal e zot ti ofer nou.  Nou’n resevwar sa avek gran ker.  Mersi bokou Mr Chair.

 

MR DEPUTY SPEAKER

Mersi Komisyoner.  Mon kapab pete dir, legzersis ki nou pe fer, mon krwar lo tou lede kote latab ti a kontan vwar ki nou ganny en lafors Lapolis bokou pli o-nivo.  Konmisyoner pa ezit-e, menm dan break ou annan PS Finans ki la, dyaloge, diskite, retournen.  Mon asire tou lede kote latab si i annan en demann ou ava ganny sipor.

Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon oule pran lo paz 227 Bidze, an relasyon avek Bidze Lapolis.  Zis an pasan mon ti oule note ki crime rate an Afghanistan i 76.25 poursan.  So zis an relasyon avek serten larepons ki ou’n donnen oparavan vi ki in deza ganny entrodwir dan deba la, si ou ti kapab dir nou ki crime rate Sesel ozordi.  Premyerman.

Dezyenmman, an relasyon ek ou Bidze an se ki konsern bann responsive services  e sa mon pe koz spesifikman time ki ou pe donn bann response pou bann diferan grad sityasyon ki arive.  Mon ti a kontan konnen an relasyon ave bann sityasyon ki relye avek par egzanp burglary.  Kantite letan i pran par egzanp pou en Zofisye CID ariv lo sa scene kot sa burglary in arive tout an prenan kont ki i annan en Bidze ase konsiderab pou sa morso ?Thank you  Mr Chair.

 

MR DEPUTY SPEAKER

Mersi Onorab.  Konmisyoner.

 

COMMISSIONER REGINALD ELIZABETH

Mersi Mr Chair.  Mersi Onorab.  Pou crime rate dan Sesel nou pe rikord nou anviron 300 ka krim par mwan e sa pour Sesel.  So poursantaz letan nou pe kalkil li lo, par lannen.  I tonm nou dan 3700 ekek.  So ler ou pou term li krim par personn i pou tonm ou apepre 0.04 poursan krim par personn.

So, kot i konsern response time, letan ki nou reponn lapel a nenport ki ka.  Se ki i pran nou 80 poursan lapel ki nou gannyen, nou pe reponn sa lapel dan 10 minit.  80 poursan.  So i annan ankor 20 poursan travay pou nou fer pou nou kapab ariv 100 poursan.  Se poursa rezon enn de ka ki ou pou vwar, pou plizyer rezon e ki zot pran plis ki 1o minit oubyen 20 minit oubyen 30 minit.  Me selman sa nou pe travay lo la pou nou amelyor li plis ki 80 poursan.  Petet avek larive bann nouvo transpor sa lannen nou kapab pe mont dan 90 poursan.  Mersi Mr Chair.

 

MR DEPUTY SPEAKER

Yes Onorab Pillay.

 

HON SEBASTIEN PILLAY

Thank you  Mr Chair.  Mr Chair, an relasyon avek en lot issue ki konsern provizyon transpor e son kou ki i anmennen avek Bidze,  mon ti a kontan konnen si zot in fer prenan an kont bann rapor Oditer Zeneral par lepase in mansyonnen e in menm annan en odit spesyal ki’n ganny fer lo sa size.  Mon ti a kontan konnen spesifikman ki zot in fer pou ki i annan en management of sa sistenm transpor dan Lapolis avek en fleet management system dan Lapolis, pou asire ki sa bann transpor, lafason ki zot ganny servi.  Sirtou dan en pwennvi stratezik i ganny pli byen fer oubyen pou improve lo sa ki zot pe fer ozordi.

 

COMMISSIONER REGINALD ELIZABETH

Mersi Onorab.  Nou’n fer bokou amelyorasyon e depi ler mon’n vini mon osi mon ankor pe kontinyelman fer e Polisi pou transpor, mon pe al met nouvo Polisi ki mon pe fer sorti, pe al vin an fors byento.  E lafason ki nou Zofisye i servi transpor osi pou ganny kontrole e par egzanp i annan Zofisye ki ganny transpor apre ler.  Zot pou bezwen ganny lotorizasyon avek mon biro pou zot an posesyon en transpor apre ler.  E osi kontrol ki nou pou mete, tou nou bann transpor nou pe targete ki nou brand tou nou transpor.  Ki manm piblik ler nou transpor i pase lo semen, manm piblik i vwar poudir sa transpor Lapolis ki pe pase.

Osi nou pe travay osi lo lifespan transpor Lapolis.  Transpor Lapolis i roul 24 er.  Nou pe travay ki letan nou al kot lotorite nou pou dir zot be regarde.  Eski en transpor i kapab roule plis ki 3an.  Apre 3an eski nou pou kontinyen roul li.  Oubyen eski zot pou donn nou ziska 5an.  Nou bezwen annan en lifespan pou en transpor Lapolis.

Akoz ki nou vwar, nou fer bokou depans pyes masin akoz sa transpor in roul 24 lo 24 e ler in ariv 3an i komans donn ou problenm.  So bann Polisi koumsa ki nou bezwen fer antre e ti annan bann lezot Polisi ki ti deza an plas.

Par egzanp ler en shift i sanze se sa drayver ki pe hand over, tyeke, vwar poudir napa okenn domaz, okenn keksoz mal ki’n arive avek transpor letan i hand over avek sa lot dimoun.  Son mileage sheeti ganny regarde, analysis of fuel i ganny fer tou le mwan.  en return of mileagei ganny fer pou vwar ki kante bennzin pe konsonmen, ki napa labi lo fuel.Se poursa rezon ki ou vwar ozordi nou’n fer en bes lo lakantite fuel ki nou depanse.  Mersi Mr Chair.

 

MR DEPUTY SPEAKER

Mersi komisyoner.  Onorab Arissol.

 

HON SANDY ARISSOL

Mersi Mr Chair.  Bonzour Minis.  Bonzour Mr Komisyoner, bonzour tou Manm.  Mon ti anvi demann 2 kestyon kler, senp e direk.  Mon premye kestyon mon ti a kontan demann Komisyoner, an relasyon avek bann Zofisye Lapolis.  Par egzanp letan i annan remaniman State House, i annan lalis ki donnen pou Minis, PS, bann nouvo.  Mon ti anvi konnen si nou bann Zofisye Lapolis ek Kordgard santral zot annan lalis bann nouvo Manm Lasanble ;-  bann constitutional appointees an relasyon avek zot responsabilite anver nou, an vi nou ki vot zot Bidze.  Si zot, zot konn zot responsabilite akoz i paret zot annan zot sans respe zis dan bann sans seremonyal, be apre sa zot get nou, sirtou mwan koman en alien sorti dan lot planet.

Mon dezyenm kestyon, mon ti a kontan demann Minis oubyen Komisyoner.  An relasyon avek sa 4 Sid Afriken ki mon’n tann koz lo la bomaten.  An vi ki sa liv ki devan nou Mr Chair, i donn mwan saler Prezidan, saler Minis, mon saler i piblik.

Mon ti a kontan konnen konbyen sa bann Sid Afriken pe ganny par mwan ek lezot benefis ki zot gannyen osi.  Mersi.

 

MR DEPUTY SPEAKER

Mersi Onorab.  Konmisyoner.

 

COMMISSIONER REGINALD ELIZABETH

Mersi Mr Chair.  Onorab tou i ganny gide anba nou Police Force Acts ki respe i bezwen ganny aporte avek Manm Lasanble, Minis, Sef Ziz, Ziz bann Anbasader.  Lapolis i bezwen pay zot en respect.

Si pa fer sa, savedir i pe al kont son Lalwa disiplin e aksyon disiplin i kapab ganny pran kont li, si i annan en rapor ki vini dan sa laliny.

E saler pou bann Sid Afriken parey mon ti koz lo la taler zot ganny zis zotsalary gross, me zot pa ganny okenn allowances  no housing.  Lo zot saler zot pey zot lakaz.  Selman nou donn zot transpor.  Nou donn zot transpor.

 

MR DEPUTY SPEAKER

Onorab Arissol.

 

HON SANDY ARISSOL

Mr Chairman, mon ti a kontan si Komisyoner i donn mwan en sif.  R2 par mwan, R3 par mwan.  Donn mwan en sif pou mwan konnen egzakteman kwa ki ou pe koz lo la ?  Mersi.

 

MR DEPUTY SPEAKER

Mersi Onorab.  Madanm Lebon ou kapab reponn si ou le, si ou annan sa bann figures.

 

MRS ANGEL LEBON

Mersi Mr Chair.Mersi Onorab Arissol.  Mwan napa by name e konbyen egzakteman, selman sa 4 Sid Afriken, si ou pran tou zot saler ou met ansanm i fer n gross, en markup gross R500 mil par mwan.

Zot pey tax wi, but not pension scheme.  R500 mil.

Well on average it will be R125 mil sakenn.  Yes, i annan i ganny en pti pe plis, i annan i ganny en pti pe mwens.  Me si ou pe pran en average i pou vin R500 mil e sa saler i baze lo bann international norms ki sa bann dimoun a sa level, ki pe vin transmet sa bann expertise avek nou Seselwa ki zot pou bargain pou zot lapey.  Zot pa pou vin pran menm lapey ki pou ou.  E zot isi lo en kontra, apre en serten letan dan zot Kontra zot ganny assessed, zot ganny reviewed.  Si i annan nesesite i gard zot.  Si i annan nesesite i dir zot mersi e koumsa sa progresyon i marse.

Zot pey zot own akomodasyon, nou zis donn zot en tiket a lafen zot Kontra epi nou asiste zot avek en transpor dan desarz zot duties.Mersi sir.

 

MR DEPUTY SPEAKER

Onorab Arissol ou ok.  Onorab Churchill Gill, lo sa menm size.  Ou ok la.  Ou ti le demann en klarifikasyon lo sanmenm sa.  ok, ale Onorab Churchill Gill.

 

HON CHURCHILL GILL

Mersi Deputy.  Mon ti anvi konnen konbyen letan depi ler sa 4 dimoun pe travay ek nou isi.  Apre, sa travay ki zot pe fer pou sa kantite letan zot la, si nou napa Seselwa ki la prezan i kapab take over ?  E si nou pa ankor ganny sa Seselwa, konbyen letan ki nou anvizaze kit zot e si zot, zot satisfe avek sa travay ki sa bann dimoun pe fer, baze lo sa kantite larzan ki nou pe pey zot ?  Mersi.

 

MR DEPUTY SPEAKER

Mersi Onorab.  Komisyoner ou le reponn.

 

COMMISSIONER REGINALD ELIZABETH

Mr Chair, bann travayer etranze i toultan an revi akoz zot lo Kontra.  Si ou rapel lannen pase letan ti annan 2 sa bann Sid Afriken ki nou ti termin zot kontra akoz nou tin revize.  Nou ti vwar poudir i annan tro bokou e nou ti deside fer 2 arete e zot ti ale.  Nou konnen nou menm ki ti arive letan zot ti ale, nou ti ganny bokou kritik ti vin lo Lapolis, ti dir nou pa ti devret fer sa 2 dimoun ale akoz sa 2 dimoun ti expert.

So, zot annan Kontra 2an oubyen 3an e ler zot Kontra i arive e mwan i mon devwar koman Komisyoner Lapolis pou vwar ki travay zot pe fer, si mon satisfe avek sa rannman ki mon pe gannyen avek zot e pour lemoman mon satisfe akoz fe i koz pou li menm.  Zot kontribisyon, zot spesyalite, zot specialist dan sa bann domenn ki zot pe donn nou konsey ladan.

Mon satisfe e ler zot kontra i terminen mon a vwar si i annan nesesite pou zot reste, mon a ofer zot en lot Kontra.  Oubyen si non, nou a dir zot me mersi bokou, i annan dimoun ki mon krwar i kapab pran ou plas la.  Mersi pou ou servis ki ou’n rann nou e nou a separe.  Ou  konpran mwan.

Me lefe i reste, se ki i annan dimoun ki pe follow dan footsteps sa bann etranze pou understudy zot.  Mersi bokou Mr Chair.

 

MR DEPUTY SPEAKER

Mersi komisyoner.  Onorab Ramkalawan lo menm size, menm laliny.

 

HON WAVEL RAMKALAWAN

Lo menm laliny, mon ti ava kontan ganny en leksplikasyon si sa Kontra in sanze.  Akoz la dan mon lanmen mon annan en Kontra, mon annan kopi en Kontra e dan sa Kontra mon vwar,’’thePolice shall pay a housing allowance of R9thousand per month to the person engaged.’’  Pli ba an relasyon avek akomodasyon menm, ‘’the person engaged maybe required to remain ina hotel or guest house for a period of time until the person is allocated accommodation by the Police.’’

Mon vwar, ‘’the person engaged shall be provided with free official telephone and internet facilities. 

The person engaged shall be provide with free transport and fuel for the performance of his duties.’’  Ok, duties i ok.  Me an pliski sa mon vwar ki, ‘’the annual salary payable to the person engaged in respect of the services and the disagreement shall commenced at the rate of Seychelles Rupees 1million, 904, 4 hundred rupees yearly, payable monthly in arrears of Seychelles Rupees 158 thousand, 700 rupees. ‘’

Mwan anvi demande si zot bann nouvo Kontra in sanze e ki i pa enkli sa bann keksoz ladan e selman mon bezwen dir ki mon soke pou vwar ki Sesel i pare pou anploy en etranze e kit nou Seselwa ater….

 

(APPLAUSE)

 

 

HON WAVEL RAMKALAWAN

…pou donn zot sa kalite lapey e kan mon vwar ki non bann Seselwa e Komisyoner ou konnen poudir mon annan en gran respe pou ou ;  konmsi koman mon vwar en kantite nou bann Seselwa  ki si zot ti pan ganny sa lankourazman pou al fer training i pa ti ava pe kout Sesel sa kantite me nou ti ava bokou pli efikas.  Mersi bokou.

E ou menm ou Komisyoner, mon konnen, parski nou regard lapey.  Ou pa ni pe tous en tyer sa ki nou pe regarde e nou, nou vwar sa poudir it is totally unfair.  I en lenzistis ki nou pe deal avek.   Mersi bokou.

 

MR DEPUTY SPEAKER

Mersi Onorab Ramkalawan.  Onorab De Commarmond, ou le dan menm laliny, apre Komisyoner ava fer komanter.  Mersi.

 

HON CHARLES DE COMMARMOND

Mersi Mr Deputy Speaker.  Chair.Mr Deputy Speaker Chair, mwan osi mon tre konsernen avek sa ki mon pe tande dan nou Lasanble e mon note ki napa en proper recruitment policy pou sirtou bann etranz dan nou Lapolis.  E napa ni menm en policy pou si ou le dir, replacements strategy.  Konmsi ki mannyer zot travay pou ranplas bann dimoun, pou train e ranplas bann dimoun ensidswit.

Apre mon vwar poudir i annan problenm avek bann Kontra pou bann foreigners.

Mon demande alor ki Minis, sirtou Minis Finans i osi apre ki nou’n pas lo Bidze, petet PS i la, i a kapab dir en keksoz dan sa direksyon avek Minis ki isi avek nou, pou pronons zot lekor lo sa kestyon Kontra pou revwar petet bann Kontra ki ganny fer.  Fer li subject to DPA and FinanceFinance pa konnen osi par fwa sa bann kontra ki pe ganny fer.  Mon demande alor ki i annan en prononsman serye, o nivo e senser pou lavnir.  Si ou le dir pou ki tou sa la i ganny fer, i a ganny prononse la.  Me son follow-up i a ganny fer dan sa enn, de mwan ki vini.  Dizon first quarter of 2017.

Sa bann keksoz i bezwen met anliny, o kler e drwat dan nou pei.  Mersi bokou.

 

MR DEPUTY SPEAKER

Mersi Onorab.  Mon a demann Komisyoner pou reponn e apre si Msye Payet osi i oule fer komanter.  Komisyoner.

 

COMMISSIONER REGINALD ELIZABETH

Mr Chair, sa bann Sid Afriken zot la, zot ti siny zot Kontra apepre 3an pase.  Kont 3an zot pe al gannyen lannen prosenn.  I annan ki pou ganny 3an e zot kontra i annan ki pou sipoze terminen lannen prosenn e nou a revwar e si osi nou annan opsyon pou nou i travay lo en Polisi, en equipment Polisi pou bann travayer etranze ki nou a vwar letan nou bezwen en etranze, nou a set up en Polisi anba ki zot pou vin travay lo la.  An ba ki nou pou kapab fer sa demann osi avek Minister Finans, pou dir ek Minister Finans, vwar la bann rezon det ki sa bann dimoun i annan an plis ki nou bann Seselwa napa.  E si nou vwar poudir nou bezwen, se en ekspertiz, mon krwar plizyer Lorganizasyon, plizyer Departman Gouvernman i annan etranze ki travay e Lapolis i pa en leksepsyon ki nou pa bezwen ekspertiz.

Si nou annan dimoun ki annan ekspertiz, ki nou krwar nou bezwen, nou pou napa swa kantmenm i kout nou en pe ser.  Me selman lefe i reste, i bezwen delivre lo sa lapey ki i pe gannyen.  Mon pa konnen si PS Payet i annan serten komanter i oule fer lo kote Minister Finans.

 

MR DEPUTY SPEAKER

Mr Payet.

 

PS PATRICK PAYET

Mersi Mr Chair.  Mon krwar depi ler nou’n komans deba lo Committee Stage dan Lasanble, nou’n vwar en pe nesesite pou nou revwar provizyon dan PFM Act.  Akoz nou pe vwar ki i annan Komikman, langazman ki pe fer par bann Departman lo sa bann entities Gouvernman ki i bezwen ganny endorseby Minister Finans avan ki sa bann Kontra i ganny sinyen.  E nou pou travay lo en amannman dan nou PFM Act ki nou pou fer li specific ki okenn Minister pa kapab siny okenn Kontra si pa’n ganny endorse par Minister Finans e nou pou fer sir s ai dan en provizyon dan nou PFM Act, akoz s ai pa zis konsern depans lo Bidze li menm.  Me selman pou en Departman Gouvernman pou zot kapab antre menm pou zot resevwar en Grant ki at the end of the day i kapab annan son lenpak Bidzeter, mwayen term.

So avan ki zot antre dan sa bann negosyasyon swa siny okenn lagreman, ki sa i bezwen ganny endorse par Ministry of Finance.

E secondly, nou pe revwar osi bann prosedir ki tou bann foreign contract ki ganny sinyen par Departman Gouvernman i bezwen ganny engaged avek Department Public Administration avek Minister Finans.  Sa osi nou pe prolonz nou lekor koman Minister Finans pou nou travay konzwentman, first thing kekfwa pou nou pran en take….stock of tou sa bann Kontra ki egziste dan Gouvernman e nou kapab prepar en rapor osi pou nou kapab donn Lasanble e travay konzwentman avek DPA,Department of Public Administration pou nou kapab revwar tou sa bann Kontra.  Mersi Mr Chair.

 

MR DEPUTY SPEAKER

Mersi Mr Payet.  I annan en bon pe travay pou zot fer 2017 e zot pou bezwen retournen Desanm lannen prosenn pou rann kont avek Lasanble.

Onorab Ramkalawan ou annan en follow- up.

 

HON WAVEL RAMKALAWAN

Wi, zis koman en follow-up parski i osi vin en konfizyon.  Vi ki nou pe koz lo lapey bann etranze, bomaten Komisyoner ou’n koz $1200 pou bann Gurkaz ki fer R18,000.  Konmsi letan mon konpare sa avek sa ki nou bann Zofisye pe gannyen, nou bann Zofisye Seselwa, mon vwar poudir ou a dakor avek mwan, i annan en gran disparite e mon en pe etonnen ki ankor lo 1200 parski tou resaman la, Minis Bastienne in anonse ki poudir li in kas en cartel i bann Gurkha i kout $700.  Konmsi ki mannyer eski sa lazisteman i kapab ganny fer pou ki.  Parski la nou pe koz an term ki mannyer pou nou koup depans.  E pli mon ekout sa bann deba lo Bidze nou vwar ki mannyer Sesel nou’n gaspiy en kantite larzan, en kantite larzan zis in disparet e alor eski sa bann nouvo zot pe antre lo R700 oubyen eski Lapolis i ankor pri avek sa bann eleman $1200 ki parey mon pe dir ankor enn fwa.  Parey mon’n konpar sa bann lapey avek ou prop lapey Komisyoner.  Me letan mon konpar R18mil pou en Gurkha, konpare avek mwens ki R10 mil pou en Zofisye, mon pa vwar ki mannyer nou kapab ankouraz nou bann Seselwa.  Mersi bokou.

 

MR DEPUTY SPEAKER

Mersi Onorab.  Petet komisyoner avan ou fer komanter.  Onorab Andre ou annan en keksoz dan menm laliny ki Komisyoner i kapab pran ansanm.

 

HON CLIFFORD ANDRE

Wi, mersi Mr Chair.Lo sa laspe etranze ki pe travay Sesel mon still pa konpran akoz nou napa ase Seselwa ki kapab fer sa travay.  Me amwen ki i annan sa bann etranze la, mon pou demann Komisyoner, avek Minis si i pa pou kout nou Seselwa meyer marse, si nou ti anvoy en cohort Zofisye al etidye Sid Lafrik avek sa bann Zofisye.  Apre ler zot retournen zot re vin fer sa ki sa bann dimoun pe fer a ler aktyel.  Sa i 2 pwen ki mon oule met devan.  Taler mon a met en lot akoz mon konpran nou annan 2 par 2.  Mersi.

 

MR DEPUTY SPEAKER

Mersi Onorab.  Onorab Arissol.  Lo menm laliny.

 

HON SANDY ARISSOL

Wi, mon ti an vi zis en klarifikasyon mwan.  Mr Chairman, parski an vi mwan ki’n demann sa kestyon orizinal, an relasyon ek bann dimoun ki pe ganny peye.  Letan mon gete zot ganny plis ki Prezidan Larepiblik, mon anvi ki nou set the record straight.  Eski lenformasyon ki mon’n gannyen avek Lapolis ki korek, ouswa lenformasyon ki Onorab Ramkalawan in dir ki korek.  Akoz mwan mon’n ganny 2 sif la.

Letan mon’n demande, mon’n kestyonnen i dir R125 mil, me lo Kontra ki Onorab Ramkalawan in dir i ton R158 mil.

Zot pe dir zot pa ganny lakaz en kote.  Konmsi mon anvi ki Lasanble osi i ganny en record straight an relasyon ek sa bon lenformasyon ki nou bezwen.  Setou mon pe rode.

 

MR DEPUTY SPEAKER

Mersi Onorab.  Komisyoner.

 

MRS ANGEL LEBON

Mersi Mr Chair.  Mersi Onorab Arissol.  Mon pa konn sa Kontra ki avek Onorab Leader Lopinyon.  Mon pa konnen si sa dimoun i ankor la, ouswa si i reflekte pou en dimoun ki’n fini ale.  From sa ki mwan mon’n vwar dan saler ;  parey mon’n dir ou, sa 125 i en average.  I annan ki ganny R112, i annan ki ganny en pe plis.

Maksimonm ki mwan mon rapel vwar dan payroll pou enn sa bann Sid Afriken i R132 mil e si i annan allowance ladan parey pou housing, its inbuilt dan sa gross salary.  Selman zot fer debrouy zot prop lakaz.  I pa anba nou ditou.  Zot fer zot prop debrouy zot lakaz.  Zot pey zot own lakaz, zot pey zot own elektrisite e nou donn zot, zot pasaz ler zot in pare pou zot ale.  Epi nou asiste zot avek en loto parski i servi zot dan desarz zot travay.  Selman an tout lonnekte pou annan enn R158 mil at this point in time.Sa ki mwan mon rapel dan payroll, sa ki pli o i 132 gross.  E i annan ki 112, i annan ki en pti pe plis.

I annan 4 zot, letan mon ti markuptou zot saler, zot ti tonm R500mil – zot tou le 4 ansanm.  I annan 4 sir.  4 ki Lapolis,  nou, nou peye.

 

MR DEPUTY SPEAKER

Leklersisman, ale Onorab Ramkalawan.

 

HON WAVEL RAMKALAWAN

I resanble napa 4.  I annan plis ki 4.

 

COMMISSIONER REGINALD ELIZABETH

Mr Chair, mon kapab donn ou en legzanp.  Par egzanp nou annan en Sid Afriken ki travay avek Dog UnitSCAA ki pey son lapey.  Konpran mwan.  i pe travay ek Lapolis, selman in ganny sponsor anba CSR SCAA pou Dog Unit.  Pou train nou bann Zofisye Lapolis dan explosive dog.  Ou vwar.

Isi Sesel nou napa personn e SCAA ti vwar poudir i annan en nesesite pou annan lisyen ki kapab trace explosive lo Erport.  Soi ti pran sa koman enn son priyorite, i ti apros nou pou demann nou resours e li i ti pare pou pey sa trainer pou train nou Zofisye koman bann explosive dog handler.  E ozordi sa bann handlers pe travay lo Erport.  Pe tyek bann bagaz ki antre, ki sorti.  Ki pe al lo avyon pou fer sir napa okenn explosive dan sa bann bagaz.  Ki met an sekirite nou tou ki voyaz, nou tou Seselwa, tou bann etranze ki pe voyaze lo nou bann avyon oubyen lo bann lezot avyon.  I an sekirite akoz in ganny sniff pou explosive.

So, mon krwar i en keksoz tre enportan ki SCAA in dekouver sa e nou’n ganny sa MOAavek SCAA pou nou kapab ozordi annan lisyen ki kapab trace explosive lo Erport a sak fwa ki i annan en avyon lo Erport.  Mersi Mr Chair.

 

MR DEPUTY SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, koman en Manm FPAC mon en pti pe query about sa 2 Kontra.  Akoz nou pe ganny en kontra laba ki Onorab Leader Lopozisyon in koz lo la.  So, nou bezwen substantiate lekel Kontra ki pou lekel ?

Mon ti oule konfirmen, eski lenformasyon ki Lapolis pe donn nou i an relasyon avek sa ki mon pe aprouve anba sa Bidze e sa enn Kontra napa naryen pou fer ek sa Bidze.  Or mon ti pou demande ki atraver ou Lofis nou ganny sight sa enn Kontra ki Onorab Ramkalawan i annan e kontra ki Lapolis annan pou nou kapab konpare e pou nou konn provenans sa 2 Kontra.  Akoz nou pe koz diferan keksoz anba en size ki petet napa nanryen pou fer.

La mon fek tann en lot lenformasyon, so obviously la SCAA nou vwar zot, nou pou bezwen kapab pe demann zot sa menm kestyon lo la.

So, koman en Manm i enportan pou mwan konnen, epi koman en lot Manm osi nou substantiate bann largiman ki nou’n avanse an relasyon ek lenformasyon ki nou annan.  Mersi.

 

MR DEPUTY SPEAKER

Ok, ou le ki sa dokiman i ganny fer available dan FPACOk.

Onorab Ramkalawan.

 

HON WAVEL RAMKALAWAN

Non, non.  Sa dokiman i mon dokiman.  Ok.  I mon dokiman ki mwan mon’n fer mon resers mon’n gannyen.  Sa napa nanryen pou fer avek FPAC.  Mon’n challenge zot, setou.  Ok?

 

MR DEPUTY SPEAKER

Ok, FPAC  ava diskit lo la.  Zot a kapab re anmenn Komisyoner ek Madanm Lebon petet pli tar, pou zot kestyonn en pti pe, ganny detay bann Kontra ki Lapolis pe fer ek bann etranze.

 

HON SEBASTIEN PILLAY

Mr Chair, mon oule direct ou latansyon to nou Standing Orders ki dir, poudir okenn Manm ki raise okenn issue i bezwen kapab substantiate son largiman.

Now, lefe ki sa largiman in ganny anmennen dan public domain ki tou dimoun pe ekoute.  Mon’n tann Lapolis fer en komanter lo s aki pou zot, mon oule get to the truth of this.  So eski Lapolis pe dir mwan the right information or eski Onorab Ramkalawan pe dir nou the right information.

Aprezan nou’n tande par lo la ki i annan en lot zafer SCAA, Dog Unit.  I sipoze annan 3, 4 oubyen 7.  So, mwan ki mon oule konnen, mon pe aprouv pou 4 anba Bidze mwan.  Mon santi li i neseser ki ou annan serten ekspertiz etranze dan serten domenn ki pei napa.  Ki tou dimoun i konpran.  Nou pa kapab ale demen dir tou etranze ki pe travay Sesel ale.

I pou annan bann ekspertiz ki nou bezwen.  Me nou bezwen osi asire ki i annan latransparans dan lafason ki zot pe ganny anploye, ……. Zot bann Kontra.

So mon pe zis demande, en humble request.  Vi ki sa in vin subject matter of the House, ki nou share lenformasyon.  Mersi.

 

MR DEPUTY SPEAKER

Me Madanm Lebon in fer kler ki i pa konn sa lenformasyon.  Kontra ki Lapolis i annan, in donn nou detay lo la.  Ok?Sosa lenformasyon sa dokiman ki avek Onorab Ramkalawan i pa antre dan sa Bidze ki nou pe diskit lo la, ki nou pe debat lo la.  Ok?

Onorab Esparon ou annan en kestyon ki lie avek sa matterla.

 

HON REGINA ESPARON

Wi.  Mersi Mr Chair.  Mon ti a zis kontan an bref, Komisyoner i dir ek nou ki postsa 4 Zofisye i okipe silvouple ?

 

MR DEPUTY SPEAKER

Ok.  Komisyoner.  Ki pos, ki Departman zot travay ladan ?

 

COMMISSIONER REGINALD ELIZABETH

Mr Chair.  I annan enn i Deputy Commissioner.  I annan 2 i Sef Sirentandan, apre i annan 1 i Sirentandan.

 

MR DEPUTY SPEAKER

Repet ankor Konmisyoner.

 

COMMISSIONER REGINALD ELIZABETH

Mr Chair. En Depite Komisyoner.  2 Sef Sirentandan avek 1 Sirentandan.

 

MR DEPUTY SPEAKER

Ok.  Mersi Komisyoner.  Onorab Ernesta.

 

HON PAUL ERNESTA

Mersi Mr Chair.  Bonzour Minis ek ou lekip.  Mwan mon oule fer referans lo paz 227 ki annan pou fer zot in koz en pe lo stratezi.  Mon’n tann boner Komisyoner in koz lo requitment ki petet mon pa vwar ki mansyonnen petet sa bann i ganny antre lo la.  Me mon pou retourn lo paz 231 osi, lo zot visible policing.  Mwan mon ti a kontan ganny en pe plis leklersisman lo zot ‘’wages and salaries.’’  Si Komisyoner pe dir ki ladan zot annan pou zot fer recruitment e osi mon mazinen pou annan trezyenm mwan saler.

Petet mon ti a kontan ganny en pli bon leklersisman lo la, en pli bon detay lo sa.  Lo zot ‘’wages and salaries,’’ ki mannyer zot alokasyon i ete.

Apre en lot keksoz ki mon ti a kontan pete sa i en pwen rekomandasyon.  Anliny avek bann regional station.  Mon konnen pou Anse Royal i tous osi Takamaka.  Zot in fer mansyonnen lo kote transformasyon e at time nou vwar nou difikilte, ariv en sityasyon Takamaka.  Si sa transpor ki baze Anse Royal i dan en lot bor, nou bezwen esper sa transpor kot i sorti pou li vini.

Petet mon a demande ki zot kapab revwar, revwar zot alokasyon zot bann dimoun pou vwar li pli efektiv e osi an prenan an kont ki lannen prosenn nou pe annan en Housing Estate ankor Takamaka.  E sa pe vin regional, ki vedir logmantasyon dan nou popilasyon.  E petet mon ti a kontan ki Lapolis zot sey vwar en pe ki mannyer zot re amin zot bann dimoun dan distrik.  Mersi.

 

MR DEPUTY SPEAKER

Mersi Onorab.  Komisyoner.

 

MRS ANGEL LEBON

Mersi Mr Chair.  Mersi Onorab.  Mon a recapture ou kestyon.  I lo ‘salaries and wages’’anba visible policing dan consolidâted  oubyen anba son program endividi ?  As a consolidated figure pou visible policing?  Akoz i kase an 3.  Ou pe koz lo sa 79.9 million.

Yes, sa 79.9 million i kouver lapey trafik.  Bann Zofisye trafik, bann Zofisye kominote avek bann Zofisye Erport avek police emergency services.  Oubyen mye koni koman Dog Unit.  Sa 79 i kouver zot saler.  Nou annan en pe recruitment ladan.  Nou annan zot 13th Month ladan and i annan en pe small spaces pou nou fer en pe promosyon and in between bann ranks e nou annan en pe recruitment, pa bokou.  Onnetman.

Space pou nou fer promosyon I re pe.  In between bann diferan grad dapre bann Scheme e sa i kouver sa 79 million.Akoz li menm li nou pli gro konponan dan Lapolis.  Sa visible policing.

 

MR DEPUTY SPEAKER

Ok, Onorab Ernesta.

 

HON PAUL ERNESTA

Letan ou pe dir mwan sa recruitment i pa bokou, eski ou pa’n nou en sif la ?  Eski ou pe dir nou ki zot ti ava kontan rod plis pou ed zot pou kapab asir zot target ki zot annan, me malerezman zot pa kapab or i sa target ki zot annan pou recruit sa kantite ki napa en sif.

 

MRS ANGEL LEBON

Mersi Mr Chair.  Mersi Mr Onorab.  Quantity does not necessary means quality.  Letan nou fer recruitment nou pe aim osi kalite, personnaz sa bann dimoun.  zot baz ledikasyon pou zot kapab undergo sa training ki Lapolis i demande pou nou kapab form bann Zofisye.  Ou konpran.

I pa en kestyon zis fer en kantite recruitment, nou bezwen selective letan nou fer nou recruitment.  Mersi.

 

MR DEPUTY SPEAKER

Mersi Madanm Lebon.  Madanm Lebon, petet mon anan en pti querylo mon kote.  Petet dan menm laliny lerou’n koz lo traffic police, eski bann warden i tonm anba zot direktiv oubyen i tonm anba SLTA?E  lekel ki donn training bann warden pou vin dan semen ?

 

MRS ANGEL LEBON

Mersi Mr Chair.  Bann wardeni tonm anba Land Transport, zis bann Zofisye ki ou vwar zot dan zot uniform Lapolis ki tonm anba traffic management Lapolis.  Bann wardens pa mete uniform Lapolis Mr Chair.

 

MR DEPUTY SPEAKER

Be lo kote trainingpou zot deal avek trafik.

 

MRS ANGEL LEBON

Sa i antyerman zot Departman Land Transport ki responsab pou zot training e i pa tonm anba nou, unless zot ganny en MoU avek nou kot zot demann nou lasistans.  Thank you.

 

HON PAUL ERNESTA

Mr Chair,sorry i reste en bout kot Takamaka.

 

MR DEPUTY SPEAKER

Ale Onorab Ernesta.

 

COMMISSIONER REGINALD ELIZABETH

Mr Chair, Takamaka parey nou’n ganny fer sorti pi boner i en police post, i pa en mother station.  Plan loperasyon i ganny fer Anse Royal ki sa mother station.  E li i fer son bann deplwayman pour bann patrol, bann community policing pou Takamaka.  Savedir plan la, i napa provizyon pou ki Takamaka i vin en mother station.  I pou kontinyen resevwar sipor sorti Kordgard Anse Royale.

Sa i baze lo nou bann statistics ki nou anmase lo kantite dimoun ki antre dan Kordgard, kantite calls ki vini dan Kordgard Takamaka.  E nou’n vwar poudir i pa soutenab pou nou annan en Stasyon full fledge Police Station, Takamaka.  E sa i anliny avek bann koupman depans osi ki nou’n mete dan Bidze.  Mersi Mr Chair.

 

MR DEPUTY SPEAKER

Mersi Komisyoner.  Onorab Ernesta nou a regard letan ki mannyer i ete nou a donn ou.

 

HON PAUL ERNESTA

Zis enn dernyen Mr Chair.

 

MR DEPUTY SPEAKER

Ale.

 

HON PAUL ERNESTA

Petet then dan sa konteks, pou ede lo zot response time eski zot kapab ogmant ete, mon pa konnen mwan –  Lafors Stasyon Anse Royale ki kapab permet redwir en pe sa response time anler dan distrik.  Thank you.

 

MR DEPUTY SPEAKER

Yes Komisyoner, ou le fer en komanter.

 

COMMISSIONER REGINALD ELIZABETH

Mr Chair, pour lemoman Kordgard Anse Royale nou annan nou 59 Zofisye ki pe travay Anse Royale e nou pe toultan reviz sa.  So sa 57 la, i pran an kot pou deservi patrol,community policing, lanket Takamaka osi.  So avek bann revizyon ki nou fer tanzantan, tanzaot e osi nou  pe targete ki Anse Royale i kapab bouz lo4 shift system pandan 2017 e sa osi pou ede dan community policing pou Takamaka, Mr Chair.

 

MR DEPUTY SPEAKER

Mersi Komisyoner.  Onorab Stephen Pillay.

 

HON STEPHEN PILLAY

Mersi Mr Chair.  Mr Chair, mon ti a kontan demann Minis or ComPol, konbyen loto zot pe gannyen dan sa 11milyon, 340 mil ki pe anba zot‘capital expenditure’2,3,1.  Si zot pey duty lo la ? e ki zot Bidze sa lannen pou lwe loto.  Parey zot tip e dir boner, 47, 27 pou vin 18 ?  Ki zot Bidze pou gannyen sa lannen pou lwe loto ?Mersi Mr Chair.

 

MR DEPUTY SPEAKER

Mersi Onorab.  Komisyoner, Madanm Lebon.

 

MRS ANGEL LEBON

Mersi Mr Chair.  Mersi Onorab Pillay.  Nou pe al ganny nou 35 transpor.  Ladan i melanze, i annan jeep apre i annan loto, pou meet nou bann diferan demann.          Car Hire.  Nou otomatikman nou Bidze Car Hire in redwir to less than R3 million for the year.  Akoz i annan serten seksyon ki pou kontinyen servi nou car hire.  Nou pa kapab do without, i pa cost effective pou nou e nou Bidze so in desann par en good 70 percent lo hire charges.  Mersi.

 

MR DEPUTY SPEAKER

Yes, Onorab Pillay.

 

HON STEPHEN PILLAY

En pti kestyon siplemanter lo sa ki ComPol ti dir taler Mr Chair.  In nonm 3 bato zot pe al gannyen lannen prosenn pou Marine Police.  Mon pa’n vwar dan Bidze pou ‘capital expenditure’pou 3 bato.

 

MR DEPUTY SPEAKER

Yes Komisyoner.  Mr Payet i oule reponn.

 

PS PATRICK PAYET

Zis pou mansyonnen, s ai bann negosyasyon ki ankor ongoing.  Sa diferan ki letan nou’n fini mete lo Bidze i bann sign agreement ki egziste.  So ComPol in mansyonnen ki this is the ongoing ki zot espekte, me selman nou napa en lagreman avek sa UNODC mon krwar ki pe donnen.  Be nou napa en lagreman ki nou pa ankor kapab met li lo Bidze.  Mersi.

 

MR DEPUTY SPEAKER

Onorab Pillay ou ok ?  Onorab Aglae.

 

HON EGBERT AGLAE

Mersi Mr Chair.  Mon kestyon i vize ver paz 232 kot latab 7, kot i annan number of station providing 24hour services. I en pe dan laliny ki Onorab Andre ti demande taler, me mwan mon pou al en pti pe pli devan avek plis leksplikasyon.  Kot 2016 pe met 4, 2017 pou annan 6, 18 – 8.  Donn nou en lesplikasyon, lekel sa bann stasyon ki zot pe konsidere pe al ogmante lo en baz 24 er.

Apre Minis, petet pou bann zenn aspiran polisye, eski ou Minister pe konsider lentrodiksyon ouswa kontinite dan sa diploma in policing ouswa Young Leaders. A pre dernyen se bann post ki pe ganny, bann stasyon ki pe ganny servi koman pos.  Ki kriter zot pe servi petet pou allocate bann Zofisye Lapolis. Akoz i annan fwa ou pase ou pe vwar en Zofisye par zour dan en stasyon e sa Zofisye li menm li enn ler i pe ferm li anndan dan stasyon.

Si i annan problenm staffing pou rezourd e si zot pe pran an kont sa by 2017 dan zot Bidze.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Number of station providing 24 hours public on a ………

E sai bann sipor ki respond services i provide avek bann stasyon lo demann.  I annan stasyon ki ou pou vwar ki demann pou personnel i plis.  So nou pe prevwar ki response services i kapab donn en servis 24 er olye ki dan plas at request.

So nou poste sa bann Zofisye.  Parey ou pou vwar, Praslin ozordi oubyen La Digue, nou annan bann Zofisye ki sorti response services ki pe baze permanant-man Praslin e La Digue.  Ler zot desann i annan en lot group ki monte.

E nou’n deza komanse provide sa sipor 24 lo 24 lo serten landrwa.  Sa i nou bann travayer response services.

Kot i konsern Lakademi, nou pe anvizaze pou annan en cohort ki pou antre an Zanvye.  Bann etidyan S5 ki pou annan en nonm zot ki pou antre pou swiv en kour 2an in advance certificate.

Pour lemoman nou napa course diploma in policing akoz, nou’n komans en negosyasyon avek Tshwane University.  Me sa negosyasyon pa ankor materyalize baze lo plizyer fakter ki i pa’n ganny materyalize.  Me selman bann etidyan pou swiv zot course lo advance certificate in policing.  Apre nou pou annan nou Recruit Course ki pou en certificate in policing ki pou kontinyen pandan sa lannen ki pe vini.  Mersi Mr Chair.

 

MR DEPUTY SPEAKER

Mersi Konmisyoner.  Onorab Aglae.  Yes Onorab.

 

HON EGBERT AGLAE

Zis en pti klarifikasyon Mr Chair.  Akoz ler mon pe get dan son progranm 1.  Komisyoner pe fer mon konpran poudir sa i en groupman bann dimoun ki ganny poste.  I pa neseserman reflekte lo en stasyon.  Parey mon pe dir Anse Aux Pins, Anse Royale.  I pa mars koumsa sa.  Sa ki mon oule ganny klarifye lo la.  Mersi.

 

COMMISSIONER REGINALD ELIZABETH

……………………

 

MR DEPUTY SPEAKER

Mersi Komisyoner, Onorab Adelaide.

 

HON FRANCOIS ADELAIDE

Mersi Mr Chair.  Bonzour Minis avek ou delegasyon.  Minis mwan pe demann pete Komisyoner ava pran sa kestyon.  Ki bann mezir ouswa bann metod ki annan an plas pou ki ler i ariv en aksidan miner dan Victoria, nou pa vwar ki lavil antye i ganny lo en staz standstill.  Menm parey dan Point Larue ler ou vwar i annan en aksidan ki ou vwar semen i bloke e menm travayer pa pe kapab ariv travay a ler.  Eski ou kapab petet donn nou en pti, petet en pti konsey lo ki nou devret si petet en pti aksidan miner i arive pou nou pa ganny sa gran blokaz trafik.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Sa i pou antyerman depan lo sa 2 drayver ki’n fer sa miner.  Ou konnen i annan dimoun ki pa korpere ek kanmarad, ki pa trust kanmarad.  Me selman nou ki dan kote Lapolis ki nou fer, se ki nou deploy nou bann moter ki patrole dan bann peak hours dan tou bann landrwa ki nou konnen nou pe ganny konsesyon trafik, sirtou lavil, Mont Fleuri, ziska Providence.  E Anse Aux Pins, Pointe Larue e sa osi nou annan nou bann moter ki monte desann.  Si i annan okenn cause aksidan zot kapab ariv kot sa landrwa, lye kot aksidan in arive vitman e deblok trafik.  So i annan en keksoz an plas pou fer sir ki trafik pa tarde ganny debloke.  So bann moter i fasil, menm ki trafik i bloke, zot kapab pase, ariv kot lye kot aksidan in arive pou zot pran aksyon neseser, marke e deblok trafik an atandan ki sa bann 2 drayver i ganny en konprenezon ek kanmarad.

 

MR DEPUTY SPEAKER

Mersi Mr Chair.  Onorab Adelaide, ok.

Mersi, Onorab Vidot.

 

HON AUDREY VIDOT

Mersi Mr Chair.  Mon annan zis 2 kestyon, pa sipoze konplike.  Dan sa liv paz 230, progranm 2, osi referans lo paz 231 SP2.

Mr Chair, mon ti a kontan si Komisyoner Lapolis i kapab garanti sa Lasanble ozordi ek manm piblik ki a lekout sa Bidze ki zot in gannyen pou community policing, si nou kapab garanti nou bann piblik vizilans Lapolis dan distrik, pa zis patrol dan transpor.  Me annan sa dyalog avek piblik dan distrik pou nou kapab redwir en pti pe sa bann aktivite ki ilegal, ki pase swa dan staircase housing estate, bann laboutik.  Enkli partou dan bann distrik ki pe fatig nou e byensir ki a ed zot dan zot networking avek bann lezot Lazans parey NDEA.  Zis pou adres en pti pe sa bann issue drog osi.  Zot kontribisyon.

Mon dir sa akoz pete dan rapor 2017 avek sa finansman ki zot gannyen, nou ava vwar en pti pe solisyon ki Roche Caïman nou pa ava vwar lavant rasin Kanabis, Eroin ek asis parey mon’n vwar dansa rapor 2015 pou NDEA.

Mon dezyenm kestyon i lo paz 233, progranm 4.  Osi referans avek paz 235 SP1.  Zis en klarifikasyon osi.  Mon’n en pti pe konfize taler dan deba pli boner letan Onorab Afif i, petet koriz mwan si mon mal –  In dir ki petet zot pe ganny en pti pe plis larzan, apre mon’n tann Onorab George in dir pete si zot bezwen ankor plis dir zot.  Petet sa bann larzan ki zot annan la, eski i pou ed zot kapab amelyor en pti pe zot landrwa kot CID i resevwar piblik, kot Kordgard Mont Fleuri, sa bout par deryer.  Petet pou amelyor ne pti pe servis, dimoun i a vwar en pti pe plis konfidansyalite letan i vin fer son statement, pli trankil, pli konsantre.  Mersi Mr Chair.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chair.  Pou asir vizibilite Lapolis dan tou le 4 rezyon Mahe.  Nou annan dog unite ki kapasite in ogmante.  Nou annan response services, zot osi ki donn sa sipor.  Sa mon pe dir ou an plis ki stasyon Lapolis li menm ki converge lo sa bann landrwa pou donn sipor.

Nou annan nou osi en group ki nou apel crime combating unit.  Zot osi zot en team ki fer bokou lentervansyon.  Sirtou kot bann landrwa kot bann sibstans ilegal pe ganny vann oubyen pe ganny trafike.  E lo kot i konsern Mont Fleuri, sa building ki ti vye barak in sipoze fini ganny renovate pou house CID.  Zot pou sorti la deryer kordgard, zot sipoze al dan sa building letaz pou resevwar manm piblik.  I annan en renovasyon ki’n ganny fer lo sa building e zot a kapab resevwar manm piblik dan en pli bon konfor.  Mersi Mr Chair.

 

MR DEPUTY SPEAKER

Onorab Vidot.

 

HON AUDREY VIDOT

Zis pou ranforsi lo mon premye kestyon.  Savedir ou pa pe garanti nou, espesyalman mon zabitan Roche Caiman ki nou pou vwar zis parey Onorab George in dir –  plis vizilans Lapolis pou zot kapab adres sa bann issues ki annan akoz i pa zis problenm drog osi ki en problenm.  Nou annan disturbance lanmizik.  Voler bomaten, apre midi ek aswar Roche Caiman.  Konmsi nou anvi vwar Zofisye prezan, pe fer sa patrol konekte.  Akoz i annan en kantite lenformasyon zot kapab anmase avek zabitan ki pou ed zot kapab vwar sa bann dimoun ki pe fer sa bann aktivite ilegal.  Pou zot konnen en pti pe sa bann sispe ki annan, ki pe kas lakaz dimoun, pe vole.  Sa ki mon pwen.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair, mersi.  Mon kapab asir Onorab poudir i annan en gro travay ki’n ganny fer dan distrik Mont Fleuri.  En travay enorm, sa mon kapab garanti ou.  Kot ti ete aven e kot i ete la ozordi.  E travay pe kontinyen, i annan room pou improvement.  I annan ankor en kantite lespas pou nou improve dan service delivery e pou nou donn en pli bon quality service nou manm piblik.  E osi nou bann miting ki nou fer avek nou bann stakeholder.

Mon krwar nou annan nou bann zofisye ki asize lo DCC meeting ansanm avek bann lezot partner kot lenformasyon i ganny sanze e ler zot vwar sa bezwen zot met a latansyon station commander ki ansarz sa distrik e li dan plan son loperasyon letan i tourn kot son stasyon, i bezwen fer en plan son loperasyon pou fer sir ki i konbat sa bann aktivite ilegal e osi aktivite lanmizik for.  Nou konnen poudir sa i en problenm dan plizyer kwen Mahe ki nou Lapolis i la pou reponn sa lapel letan i annan sa demann.  Mersi Mr Chair.

 

MR DEPUTY SPEAKER

Mersi Komisyoner.  Minis ou le azout en pti pe lo ou Polisi.

 

MINISTER MITCY LARUE

Mersi Mr Chair.  Mr Chair, mon ti a kontan mon osi, letan mon’n ekout Onorab Vidot.  Senserman mon krwar ki definitivman nou donn zot sa garanti ki nou bezwen ranforsi nou vizibilite dan bann kominote pou anpes krim.  Akoz sa i enn premye bi, se anpes krim arive olye zis rezourd krim, me anpes krim arive.

Alors sa i enn ki nou bezwen fer e nou pou ranforsi.  Me selman an menm tan parey ou’n dir pli boner.  Letan nou ekout Onorab Afif taler, letan in fer konparezon avek en pei avek pou nou.  In dir lakantite, petet la kantite polisye ki nou annan petet i bokou ler nou pe konpar larzan ki nou pe donnen.  Me an menm tan ler nou pe gete, nou annan demann servis partou kote.  Nou pe demann plis post pou ouver.  Plis dimoun dan Kordgard.  Alor la i en pti pe kontradiz sa ki zot pe demande e apre an menm tan letan nou pe ekout lot kote.  Onorab in dir si nou bezwen plis larzan, larzan touzour zanmen i ase.  Me nou definitivman dan Departman Lapolis, nou krwar avek sa ki nou annan nou kapab fer en travay vreman formidab.  En travay kot nou kapab anmenn sa servis ki nou krwar sa popilasyon i bezwen avek nou.

So vwar la en pti pe.  Nou  donn zot sa garanti atraver tou bann Manm Lasanble dan zot distrik, nou pou la pou donn zot sa sipor atraver visible policing.

 

MR DEPUTY SPEAKER

Mersi Minis.  Onorab Vidot, vitman.  Klarifikasyon.

 

HON AUDREY VIDOT

Zis petet mon ava share ou nide taler Mr ChairIn regards to petet zwenn avek Komisyoner, avek Minis pou mwan dir zot akoz mon pe anforsi sa dan mon distrik.  Akoz mon santi i annan en merit, sanmenm sa mon’n met ankor sa pwen.  Mon a koz ek zot lo sa apre.  Mersi.

 

MR DEPUTY SPEAKER

Mersi Onorab.  Komisyoner in dir i a dispozisyon tou manm si zot annan leklersisman, menm lenformasyon pou ed li fer son travay.

Onorab Roucou.

 

HON CLIVE ROUCOU

Mersi Mr Chair.Bonzour tou dimoun.  Bonzour Minis.  Mr Chair, eski Mr Konmisyoner i kapab dir sa Lasanble si dan sa nouvo Bidze ki i pe demande i annan provizyon pou anploy plis bann gard lans dan relasyon tourism police, an relasyon avek plis latak, plis vol lo bann touris.  E an relasyon avek bann Zofisye ki pe aktyelman travay, kot i annan en kantite konplent kot zot napa ni landrwa lasyet pandan letan lapli.  Ni fasilite toilet, ni liniform.  E la dernyen er nou’n tande ki bann Sid Afriken pe ganny R135, R140 mil.  Why not nou met sa bann larzan gate dan nou frer ek ser Seselwa ?  Mersi.

 

MR DEPUTY SPEAKER

Mersi Onorab.  Konmisyoner.

 

COMMISSIONER REGINALD ELIZABETH

Mersi Mr Chair.  Mersi Onorab.  Pou ou lenformasyon se ki tourism police nepli sa unittourism policeTourism police in almagated ek regular policeSo i annan en sel lafors Lapolis konmela.  Sa bann Zofisye ki sorti dan stasyon ki fer sa travay tourism police.

E kot i konsern bann fasilite nou konnen i en problenm.  Par egzanp napatoilet.  Me selman ou pou vwar poudir, eski i responsabilite Lapolis pou al fer toilet  lo en trail ?  En ?  Eski Lapolis i kapab al build en toilet anler laba ?

So, ki nou fer.  Nou donn sa servis, selman i annan lezot Minister ki devret antre pou provide toilet ou pou provide lezot lenfrastriktir.  Petet en keksoz ki nou kapab sizere se ki ansanm avek bann Minister, zwenn ansanm.  Si en dimoun pou al lo trail, whynot nou pa sarz en pti R10 ki a provide en servis pou provide toilet.  I pa zis pou sa Zofisye Lapolis, me osi sa bann dimoun, bann touris ki vin la, zot osi zot Sali landrwa.  Zot osi zot al litter the place. 

So i en keksoz ki nou bezwen regard ansanm ki mannyer, nou kapab rezourd sa problenm.  Bann fasilite dan sa bann landrwa kot bann tourism police i veye.  Mersi Mr Chair.

 

MR DEPUTY SPEAKER

Mersi Komisyoner.  Onorab Roucou.

 

HON CLIVE ROUCOU

So, komisyoner pe donn nou sa langazman ki i pou fer sa, ki i pou asire ki sa bann Zofisye ki ganny allocate dan sa bann landrwa i ganny tou sa bann le neseser.

 

COMMISSIONER REGINALD ELIZABETH

Mwan pa’n donn ou sa langazman, mon’n dir ou i en keksoz ki nou kapab vwar ansanm avek lezot Minister.  Ansanm ki mannyer nou kapab fer sa.  Ou ganny en konpran mwan.  Akoz Lapolis, i napa en bout later anler laba Copolia li, pou li al fer en toilet.  Nou pe provide servis pou anpes dimoun vol bann touris ki pe al dan sa landrwa.  Mersi Mr Chair.

 

MR DEPUTY SPEAKER

Mersi Konmisyoner.  Bon nou a pran en dernyen kestyon avan nou Break akoz nou annan bann komite osi tou ki pe meet pandan Break.  Mon annan 12 Manm ankor.  Nou pou pran en dernyen kestyon avan nou Break.  Nou ava retournen 2er.  Nou ava sey fini e annou ankor en pti pe bref dan nou kestyon.  Nou a fini ek Lapolis, nou a kapab pran Departman pizon avek Fire and Rescue apre midi.

Onorab Basil Hoareau.

 

HON BASIL HOAREAU

Mersi Mr Deputy Speaker.  Mon annan 4 kestyon, kourt kestyon.  Mon kestyon i konsantre lo paz 226 ek 227.  Nou vwar poudir an 2015 ek 2016 in dir i annan 90 cameras ki’n ganny enstale.  Eski i annan provizyon dan Bidze pou maintain sa bann camera.  Akoz nou konnen dan lepase i annan sityasyon ki’n devlope kot camera pa’n marse, sa i enn.

Dezyenm, lo paz 226 nou vwar poudir i annan 10 additional members ki’n ganny recruited and train avek detective services.  Mon kestyon se ki kote sa bann training in ganny fer, lokal ouswa enternasyonal.  E eski sa bann manm ki’n ganny join sa service zot in spesyaliz dan okenn bann field.  Par egzanp frod, figer printing.  Sirtou ki nou konnen frod pe vin complex e nou bezwen bann Zofisye ki’n spesyaliz ladan pou nobou fer investigation.

Trwazyenm, kestyon en pe dan laliny sa ki Onorab George ti raise, ‘’current  challenges nou vwar detainees detention centres avek exhibit warehouse.Me selman nou pa vwar zot dan strategic  priorities pou 2017 ek 2019.  Kwa ki pe fer pou adres sa 2 sityasyon ki pou mwan mon vwar li i ase konsernan.

E katriyenm, nou konnen i annan serten e mon mazinen bann Avoka isi pou dakor avek mwan.  i annan serten kaso ki pa alaoter ditou.  Ou antre dan sa bann kaso i pa bann landrwa ki ou pou dir devret pe kit en imen.  Menm si in fer en krim.  Ki pe ganny fer dan limedya pou nobou rezourd sa problenm, pou rezourd kondisyon ki nou vwar nou bann dimoun pe ganny deteni ?Sa i mon 4 kestyon.  Mersi.

 

MR DEPUTY SPEAKER

Mersi Onorab.  Yes Komisyoner.

 

COMMISSIONER REGINALD ELIZABETH

Mersi Mr Chair.  Mersi Onorab.  Training pou CID i ongoing.  Tou dilon lannen i annan bann kour ki bann Zofisye CID i swiv e la pou fer resorti, normalman se sa bann Sid Afriken ki run sa bann kour pou nou bann Zofisye ki dan CID.  E i annan Zofisye ki’n retournen sorti aletranze ki’n fer masters dan forensic profiling, ki’n retournen ki pe travay avek CID.I annan Zofisye osi ki’n fer kour dan industrial physiology ki pe travay avek commercial crime ozordi.

So i annan bann kour bann Zofisye in al swiv aletranze.  Human trafficking, bann short courses.  Plizyer bann short courses ki nou bann Zofisye in al swiv aletranze, parey Botswana, bann lezot pei.  Kenya.  I annan course ki nou bann Zofisye in al swiv dan cellebrite. Savedir bann extraction of information lo bann mobile phones ki ganny servi.  Forensic computers aswell e par egzanp nou annan nou seksyon forensic computer lab.  Sa osi nou bann Zofisye in al train aletranze.  Zot ganny a bann short courses ki par ler nou ganny sponsors par Interpol e sa i ongoing.

So plizyer kour Zofisye CID in al swiv aletranze e osi ki lokal an menm tan.

Nou ban kaso, i vre ki serten nou bann kaso depi lepok ki kolonyal ti fer sa building.  I ankor la ozordi, ankor pe house sa bann dimoun ki detain pou 24er.  E nou fer provizyon ki i annan manm fanmir ki le anmenn en pti matla per ler, zot donn zot fanmir pou lannwit.  Akoz zot pe ganny detenir dan sa kaso.  So i annan serten pti provizyon ki adisyonnel ki nou allowed pou bann deteni ganny serten lasistans.

Me kaso i kase, nou pa kapab sanz zon fason.  Ou konpran mwan.  i reste en kaso.  Me nou annan nou remand centre ki’n fek almost complete e sa i kapab house apepre 80 dimoun dan sa kaso.  E camera osi i annan.  Madanm Lebon a koz en pti pe plis lo bann Bidze camera.  Mersi Mr Chair.

 

MR DEPUTY SPEAKER

Ok, onorab Houareau.  Ok.

 

MRS ANGEL LEBON

Mersi Mr Chair.  Mersi Onorab Hoareau.  Dan nou Bidze nou kontinyen avek nou plan pou enstal CCTV Cameras dan bann sight ki neseser e tousala i ede a-port sa rediksyon dan krim e pou apprehend bann dimoun ki komet krim.

E wi nou annan, dan nou minor capital nou annan CCTV e nou annan pou maintenance of the ones already installed e tou bann nouvo CCTV ki’n ganny installed i link direkteman avek nou command centre.  Nou new command centre ki nou’n fer mid year e  i vreman a la oter e i pe vreman fonksyonn dan en fason tre efikas e nou annan zis en lannen pou nou enplimante bout par bout nou bann plan CCTV e anmezir nou ale nou prioritized dan nou Bidze ‘’minor capital’’ ki konponan nou oule mete pou nou CCTV.  Ki nou plan, ki bor CCTV e dapre nou bann costing ki nou’n fini fer nou met larzan ki neseser pou nou kontinyen avek nou plan pou enstal CCTV  e link li avek nou command centre pou facilitate response time e en kantite keksoz ki link avek Lapolis.  Mersi sir.

 

MR DEPUTY SPEAKER

Mersi Madanm Lebon.  Onorab Hoareau.  Ok.

Onorab Ferrari ou annan en pti follow-up lo la.  non, Onorab Henri.

 

HON GERVAIS HENRI

Wi Mr Chair, konsernan bann CCTV Camera.  Eski Lapolis i annan en Kontra avek en service provider pou enstal sa bann CCTV Camera, pou mentenir. Si in tender, lekel sa ki’n gannyen pou enstal sa bann lekipman.  Mersi.

 

MR DEPUTY SPEAKER

Mersi.  Komisyoner oubyen Madanm Lebon.

 

MRS ANGEL LEBON

Nou proze CCTV i pas atraver procurement ek Tender Board e akoz son level of sensitivity and security nou pa fer open tender.  Nou annan nou service provider ki travay avek nou bann polisye ki’n ganny train dan kominikasyon, diferan laspe ki link avek bann keksoz ki pre avek CCTV.E nou bouz dan sa direksyon akoz sa eleman sansib ki atase avek CCTV.  Mersi.

 

MR DEPUTY SPEAKER

Onorab Henrie.

 

HON GERVAIS HENRIE

Me selman konbyen larzan nou pe koze e si Minister Finans i ok ek sa laranzman ?

 

MRS ANGEL LEBON

Yes Onorab Henri.  Mon kontinyen reponn ou.  Ler nou ganny subit nou Bidze, nou travay lo nou ‘minor capital’ki form par sa ‘goods and services’110 milyon e ladan nou konnen konbyen nou oule vize ver CCTV.  1.5 Milyon.

 

MR DEPUTY SPEAKER

Mr Payet.

 

PS PATRICK PAYET

Thank you Mr Chair.  Ou pe koz lo sonm ouswa lafason ki prosedir ki zot in follow.

Dan prosedir tender i annan diferan kategori.  I annan opentender, selective ouswa CS.  Specific single source.  Sanmenm sa ki nou, nou fer sir ki sa bann prosedir i ganny follow dapre Lalwa Procurement Act i egziste.  So, zot bezwen defann zot case letan zot al kot NationalTender Board.  Akoz ki zot pe fer li selective ouswa si zot pa pe fer li open tender, rasyonal, akoz?

So zot, zot bezwen fer sa bann prosedir e defann zot case letan zot al National Tender Board.  Mersi.

 

MR DEPUTY SPEAKER

Mersi Mr Payet.  Onorab Ramkalawan.

 

HON WAVEL RAMKALAWAN

Yes sir.  Mersi bokou.  Eski i pou tro sensitive pou zot donn nou non sa Lakonpannyen ki pe met sa bann cameras ?  Akoz kestyon ki mon avi demande se.  Konmsi depi ki nou’n komans sa deba i resanble ki tou keksoz ki sensitive nou trouv son larout i retour Ireland.  Konmsi mon anvi konnen si sa enn la osi tou se bann Irish ki pe mete e mon anvi zis sa konfirmasyon.  Mersi bokou.

 

MR DEPUTY SPEAKER

Mersi Onorab.  Avan ki komisyoner i reponn.  Onorab De Commarmond dan menm laliny.  Ok, Komisyoner a pran tou lede ansanm.

 

HON CHARLES DE COMMARMOND

Wi Mr Chair.  Zisteman lo bann service contract.  Par egzanp i enkli camera e lezot services.  Swa pou Lapolis ki swa FIU.  Nou’n koz lo FIU, ki swa NDEA osi.  Mwan mon krwar ki sa osi i devret ganny revwar e ki Minister or byen menm President’s Office.Prezidan li menm zot kapab met sa devan li pou ki nou revwar sa fason ki nou pe fer li.  Pa lo kestyon tender, mon pa antre direkteman dan Tender Board sa bann zafer, me selman par egzanp si ou dan en Lorganizasyon ou pa kapab où menm ou or dimoun ki pe travay la akote ou, li osi i pe tender menm zafer.  Ki anndan konmsi.  Akoz i sekirite, tousala i la antre zot.  Konpran.

Sa bann keksoz koumsa, mon pa dir i arive dan Lapolis.  Konmsi sa mon ti a kontan Gouvernman i pronons li lo la pou ki lavenir ouswa pros lavenir sa bann zafer i arete, nou vwar en fason pli transparan, pli korek ki sa bann keksoz i ganny fer.  Sa a ed nou pou nou kapab pran bon desizyon lo Bidze ki devan nou.  Mersi.

 

MR DEPUTY SPEAKER

Mersi Onorab.  Onorab Ferrari ou ti oule dir keksoz dan menm laliny.

 

HON JEAN-FRANCOIS FERRARI

Wi, mon ti oule zis senpleman azoute pou Minis oubyen Madanm Lebon reponn.  Si i annan son maintenance contract, component.  Akoz souvan se ladan ki annan bokou plis larzan ki ganny depanse.  Eski i annan en maintenance contract pou sa bann camera.  E sa enn la petet pou Minis akoz i lo Polisi.  Eski vi ki nou’n devlop IT dan Sesel.  Met camera i annan pres en ven-tenn konpannyen ki met Camera.  Eski i tro sansitiv pou donn en konpannyen Seselwa posibilite pou li enstal bann camera dan nou pei silvouple ?

 

MR DEPUTY SPEAKER

Mersi Onorab.  Komisyoner.  Madanm Lebon.

 

MRS ANGEL LEBON

Mersi Mr Chair.  Mersi Onorab.  Pou met bann camera, bann serten laspe vizyel sekirite nou annan langazman avek enn de Seychellois owners.  Wi nou annan.  Me i annan en serten nivo ki zot kapab provide, i annan en serten nivo ki nou bezwen sa lekspertiz en pe pli o.  E letan nou bezwen nou ale.

E napa nanryen pou nou kasyet.  The maintenance of CCTV Camera nou annan en R 1 milyon e sa i kouver zis bann replacement bann spare part.  Annan de ler, pa konnen mannyer i apele sa bann zafer, me selman bann spare parts pou ranplase e nou annan zis R1 milyon e PS i kapab dir e nou MCO ki nou’n mete pou CCTV it is only 1.5million.  Akoz nou annan zis 10 mwan pou nou travay avek sa progranm.  So nou met larzan ki nou kapab enplimante e egzekite.

 

MR DEPUTY SPEAKER

Madanm Lebon ou pe dir sa Bidze i kouver sa 90 Cameraki zot annan.  Sa 1 milyon pou maintenance i kouver.

 

MRS ANGEL LEBON

Wi sa Bidzemaintenance i kouver sa 90 camera.  Akoz en kantite sa bann camera letan ou’n met li i annan en serten live avek li.  I pa, ou bezwen mete ozordi, demen nou ale nou pe fer maintenance.  I annan en livespan.  So nou bezwen realistik ki sif nou mete pou son maintenance e nou pa kapab zis met sif akoz sa i CCTV.  Nou bezwen met sif ki manageable avek nou CCTV ki nou annan.

 

MR DEPUTY SPEAKER

Mersi Onorab Lebon.  Onorab Ramkalawan.

 

HON WAVEL RAMKALAWAN

Mr Chair, mon anvi zis enform Lapolis ki avek sa zafer sekirite, Sensitivity.  Zot in aktyelman ganny sarze a thousand percent more ki son real cost.  E sa i sorti kot en sours direk.  Mon konnen ki poudir i pa en irish, i en angle.  I a  thousand percent more e mon ti ava zis demande si zot pa ti a kapab fer en pti legzersis pou zot regarde.  Konpare avek sa kalite pri ki zot pe peye, si zot ti pou les en lot Lakonpannyen Seselwa osi sey prezant en tender pou zot nobou fer sa konparezon.

Parski nou pe al dan milyon e parey in ganny dir, ozordi mon pa kapab vwar ki mannyer nou en pei ki pe devlop IT.  Nou pe met lanfaz lo IT, lo nivo Lafrik nou ganny dir tanzantan, Sesel kot IT i konsernen.  Ki konmsi aprezan pou nou met detrwa cameras Anvil ki pou konekte sa bann cameras avek Kordgard santral, ki poudir nou bezwen pey en angle pou li vini e i ape byen pase lo nou.  Mersi bokou.

 

MR DEPUTY SPEAKER

Mersi Onorab.  Madanm Lebon ou le fer komanter.

 

MRS ANGEL LEBON

Mersi Mr Chair.  Mersi Mr Onorab Leader Lopozisyon.  Sa ki ou’n dir i egzakteman dan nou bann deliberasyon ki nou’n fer.  I egzakteman direksyon ki nou oule pran in the new year.

Ler nou’n regard bann pri ki the ongoing  CCTV implementation plan pou kout nou e nou bezwen dan Lapolis ki nou annan.  I en desizyon ki nou ti pran letan nou ti pe diskit Bidze o profon ki nou pou regard lezot sours, an pratik nou deza annan 2 Lakonpannyen Seselwa, bann endividi ki pe prodwi on trial bann bon travay lo sirveyans.  Lo bann sekirite e zot pri i vreman abordab e in the year 2017 nou oule al dan sa direksyon menm, si pa 100 poursan but at least 95 percent e i ava travay avek sa current dimoun la, ki i ava annan sa lesanz osi lekspertiz kot nou pa ava depandan lo aryer, me nou ava annan nou bann Seselwa ki kapab anmenn sa sipor pou Lapolis pou sa travay ki nou oule fer.  Mersi bokou.

 

MR DEPUTY SPEAKER

Mersi Madanm Lebon.  Bon Komisyoner oule azout keksoz.

 

COMMISSIONER REGINALD ELIZABETH

Mr Chair, zis pou lenformasyon Leader Lopozisyon.  Se ki nou’n deza recruit en IT specialist ki pou understudy sa dimoun ki pe met nou bann cameras, ki maintain nou bann cameras.  Si travay in deza komans ganny fer dan sa direksyon e osi i serten Lakonpannyen etranze ki’n deza apros nou pou enstal camera sirveyans.  Me nou ti vwar poudir son kotasyon ti vreman pli o ki sa ki nou pe ganny ofer.  So travay pe ganny fer dan sa direksyon e parey Madanm Lebon in eksplike ankor.  So nou pe bouze.  Mersi.

 

MR DEPUTY SPEAKER

Mersi Komisyoner.  Mon krwar this is the way forward.

Bon avan nou adjourn mon ti annan 2 pti kominikasyon pou mwan fer.  Nou annan 2 Komite ki pe meet pandan Break la.  Nou annan Komite lo Laverite ek Rekonsilyasyon.  Mon panse zot pou meet dan Room 1 akoz Room 2 in fini ganny pran.  Committee Room 1.  1er nou dir oubyen deswit la?

 

HON WAVEL RAMKALAWAN

Mr Chair, problenm se ki mwan mon annan en Anbasader ki pe vin zwenn mwan 1er, parski nou ti’n dir 12:30 meeting sa Truth and Reconciliation.Mon pe trouv en pe difikilte pou nou kapab.  Annou postpone li pou demen.

 

MR DEPUTY SPEAKER

Ok, si oule postpone pou demen.  Komite Laverite avek Rekonsilyasyon i ava meet demen alor.

Lot Komite ki pe meet la, 1er nou annan Komite lo Government Assurances.  Zot pe meet 1er.  Avek sa nou ava remersi Minis, PS, Komisyoner e nou a demann zot pou pran en pti pe pasyans.  Nou a retournen 2er e ankor mon enplor bann Manm.  Nou annan ankor apepre 10 Manm ki pou demann kestyon.  Annou sey fer nou kestyon short, brief e nou a re ganny bann repons osi tou ki spesifik.  Nou a kapab fini avek Lapolis e nou ava pran Prizon avek Fire and Rescue pou ozordi.  E demen pou met zot pare, pou fer preparasyon.  Demen nou oule pran Minis pou Sports ek Kiltir.  Minis Alexander akoz li osi i annan en progranm ki nou bezwen sote demen, pran li avan nou follow nou liv.  Avek sa nou ava adjourn ziska 2er.

 

(BREAK)

 

MR DEPUTY SPEAKER

Bon mon ti a zis kontan prezant en leskiz avek bann dimoun kot lakour, bann dimoun partou ki pe ekout nou.  Nou ava atann ankor en minit, 2 minit.  Si non, mon pou adjourn akoz nou napa en quorum.

Bon, mon krwar nou Madam Clerk, non.  Ok, mon zis repete ankor, pou nou kapab fini nou bezwen sey fer en mannyer ki nou kit nou letan e an menm tan mazin bann delegasyon.  Minis ek son delegasyon, PS Payet ek son delegasyon Finans ki’n avek nou pandan tou sa bann zour.  Pou nou kapab osi a-port sa soutyen avek zot.

Ok, nou ava kontinyen nou travay.  Next lo mon lalis i Onorab Simon Gill.

 

HON SIMON GILL

Mersi bokou Mr Chairman.Bonn apre midi Minis ek ou lekip e bonn apre midi tou koleg Onorab.  Mon kestyon i swivan.  Mon ti oule ganny en pe leklersisman dan kadreman Bidze 2017.  Mon pa trouv loptimanm an term ou striktir loperasyon lo nivo rezyonal, tout an konsideran legzistans bann Kordgard dan bann distrik.

Nou’n osi ganny lenformasyon dan bann reprezantasyon bomaten ki Bidze i tro bokou.  Eski vreman i tro bokou si nou pe koz lo lefikasite en Lafors, ki kote ki annan bann mankman si i pa tro bokou.  Sa i premye kestyon.

Dezyenm kestyon, eski i annan okenn konsiderasyon dan Bidze pou en risk assurance pou bann zofisye Lapolis.  Mon pa trouv li aparet kler lo la oubyen i anba en lot portfolio ki nou, nou pa konnen.  Eski i annan sa.  Sa i mon 2 kestyon pour lemoman Chairman.Mersi bokou.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chairman, mersi Onorab pou ou kestyon.  Nou loperasyon nou striktir baze lo, nou annan konponan ki nou apel sa visiblepolicing ki bann loperasyon bann Gard dan uniform i travay anba la e bann plan loperasyon i ganny fer, sirtou par bann station commanders ki submit zot plan kot direkter loperasyon ki en Sef Sirentandan ki ansarz loperasyon;  ki vwar zot operation plan.  Par egzanp mon a donn ou en pti legzanp se parey Arrive Alive Campaign ki en plan ki ongoing an se moman.  E nou annan en Festive Season Operation Plan ki an se moman i aktyelman an viger.  E trafik osi i annan son plan loperasyon kot i target bann dimoun ki pe fer speeding e konsonm lalkol apre al dray.

E sa i ganny marye avek bann lezot unit ankor dan visible policing parey ou annan ou Dog Unit ki aport sa sipor.  Ou annan ou response services ki aport sa sipor.  Osi ou annan ou en konponan ki sorti kot CID.  So an gro i en networking ki nou travay ansanm ek kanmarad lo bann plan nou loperasyon baze lo bezwen a sa moman.

Bidze e i pa tro bokou. Avek sa Bidze ki’n ganny propoze pou 2017 mon krwar ki i sifizan pou nou desarz sa servis ki nou’n ganny mandate pou fer e osi nou oule donn en servis de pli o kalite ki lepep Seselwa, bann sitwayen, bann etranze ki viv dan Sesel i espekte en Lapolis profesyonnel.  I espekte resevwar avek en Lapolis pli profesyonnel ki annan training ki’n ganny ankadre dan sa Bidze, annan en konponan pou training ki pou ongoing pandan lannen 2017 pou nou kapab pli bon donn sa servis manm piblik ankor.

Risk allowance, napa en provizyon pou risk allowance pou zofisye Lapolis, me ki i annan.  I annan en inducementallowance e baze, mon konpran avek DPA si ou pe ganny sa inducement allowance i kouver, ou pa pou kapab ganny riskallowance akoz ou pe ganny sa inducement allowance ki fer provizyon pou sa.  Mersi Mr Chair.

 

MR DEPUTY SPEAKER

Mersi Komisyoner.  Onorab Gill.

 

COMMISSIONER REGINALD ELIZABETH

Insurance?  Nou napa en Polisi insurance pou zofisye Lapolis.  I en keksoz ki plizyer lenstan dan lepase nou’n diskite, nou pa ankor vwar en solisyon pou problenm pou donn en lasirans pou nou bann zofisye Lapolis ki nou bann dimoun ki travay dan Lapolis.

Plizyer repriz, plizyer lakonpannyen nou’n diskit sa avek zot.  Me son premium i sitan o ki fer li nou pa kapab pran li pour lemoman.  Mersi Mr Chair.

 

MR DEPUTY SPEAKER

Onorab Gill.

 

HON SIMON GILL

Mersi Mr Chair.Well, mon’n mansyonn sa.  Eski dan ou loperasyon Lapolis, dan zot filozofi travay Lapolis eski ou santi en nesesite pou annan en risk insurance cover or some sort of kouvertir pou bann zofisye Lapolis e ki arive dan ka kot zot al lo en scene, zot ganny andomaze.  I annan en kantite keksoz ki arive.  Fodre en zofisye Lapolis i pourswiv Lapolis pou li ganny compensated ?  Ki mannyer i marse sa.  E anba ki kouvertir i pou tonbe dan en sityasyon parey mon pe koz lo la ?Mersi bokou.

 

MR DEPUTY SPEAKER

Mersi Onorab.  Madanm Lebon.

 

MRS ANGEL LEBON

Mersi Mr Chair.  Mersi Onorab Gill.  A sa moman la, ler en zofisye i ganny andomaze or i rankontre en aksidan.  Serten domaz dan son loperasyon travay i fer en case avek Lofis Komisyoner e s acase i ganny investigate.  Nou demann lopinyon Attorney Zenerallo la, lo son konpansasyon ki i merit gannyen e nou submit case avek Minister Finans pou Minister Finans kapab pey sa konpansasyon.

 

MR DEPUTY SPEAKER

Mersi Madame.  Mr Payet ou le azout keksoz.

 

PS PATRICK PAYET

Mersi Mr Chair.  Zis pou azoute, nou fer li avek tou Departman ouswa Lenstitisyon Gouvernman ki okenn case ki par egzanp.  Enn ler ou ganny case ki bann teachers in al en vizit, in ariv en keksoz, zot in slip.  In ariv en keksoz ek zot.  Nou fer li though AG’s Office e konpansasyon i ganny peye anba Contingency.  Si i annan okenn case ki ganny fer avek okenn public servant  e osi zofisye Lapolis.  Mersi.

 

MR DEPUTY SPEAKER

Mersi Mr Payet, onorab Gill ou ok.  Onorab Larue.

 

HON FLORY LARUE

Mersi Mr Chair.Bonn apre midi tou dimoun dan lakour.  Bonn apre midi tou Manm.  Bonn apre midi Minis ek ou delegasyon.

Komisyoner in dir bann sif krim ki’n annan dan pei e mwan mon regard lo sit NBS.  Biro Statistik e mon vwar depi 2012 ziska prezan in annan en ogmantasyon dan krim e bann sif i koumsa.  10,168 pou 2012.  15, 900  -2013.  22, 262 an 2014 e 17, 364 an 2015.  Me la apre zis trwazyenm kar lannen nou vwar nou annan nou 18, 560 ka ki’n anrezistre, ki fer by lafen lannen Desanm nou pou sote 20mil krim ki’n ganny fer sa lannen.  Ki fer dan zis 4an krim in double pou ariv plis ki 20 mil.

Si letan nou get paz 227 dan nou liv nou vwar ki enn bann ‘strategic priorities’ ki ganny mansyonnen, premye i reduction in crimes pas 227 e letan nou dir sa, mwan mon vreman konfize letan mon regard sa.  Akoz parey bokou Manm in mansyonnen, mon pa pou re go over it, nou pou vwar dan bann challenges, bann diferan keksoz ki’n ganny idantifye e dan ‘strategic priorities’ letan nou get pli ba nou pa vwar okenn devlopman pou bann nouvo lenfrastriktir.  Tou dimoun in koz lo Kordgard, nou pa vwar nouvo lenfrastriktir.

Mwan mon kestyon i koumsa.  Donn nou, donn pep Seselwa 3 stratezi ki zot pou servi, si zot pa pe envestir dan okenn nouvo lenfrastriktir, ki zot pou servi pou zot kapab fer desann krim.  Akoz mwan avek sa rate mon vwar li zis pe ogmante e mon krwar pep Seselwa pe rod en bon servis parey komisyoner pe dir.  E servis ki Lapolis i donnen se sekirite.

Mon dezyenm kestyon, eski Lapolis pe fer okenn lenvestigasyon lo sa cartel ki Minis Bastienneti fer monte apropo bann Nepale ?  Lefe ki sa i pou bezwen sorti lo kote Gouvernman akoz bann dokimantasyon pou les etranze antre dan pei i ganny fer par bann lezot Departman.  E ki mannyer Lapolis i investigate letan i annan sa kalite alegasyon ki ganny fer pa en Minis ?  Letan i dir i annan en cartel lo Nepale.  In osi idantifye ki i annan en cartel dan konstriksyon.  Alors si ou kapab eksplik nou ki mannyer Lapolis.  Eski Lapolis i tir politik ladan e zot fer en lenvestigasyon?  Mersi bokou.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chair.  Mersi Onorab.  Fodre ki Onorab i konpran byen krim ler nou koz krim.  Se ki nou annan sa ki nou apel reactive crimeReactive se bann krim ki Lapolis i reakte lo la.  Apre nou annan nou sa ki nou apel generated crime.  Onorab pe koz lo generated crime ki par egzanp ou pou vwar poudir sa lannen nou’n rikord nou 19, 153.  E ler ou vwar ou krim ki ou’n generate increase, sa i montre ou lefikasite travay ki Lapolis pe fer dan semen.  Savedir i pe detekte plis kontravansyon kot pe ganny komet.

Reactive crime se ki in nobou anpes krim ganny komet. Se sa ki’n fer desann pou lenformasyon Onorab.  E bokou dimoun in pas, ler nou koz striktir – nou Kordgard Anse Aux Pins i almost complete.  Nou pou pas Praslin nou vwar en manman batiman ki pe al ganny konplete.  So i annan ankor landrwa ki nou kapab dir nou bezwen Kordgard.  Nou pa dir ou poudir nou pa bezwen ankor Kordgard.  Par egzanp Anse Royale, nou ti a’n kontan ganny en Kordgard, me selman nou bezwen ganny li anmezir nou progrese, anmezir nou devlope,  nouvo striktir a ganny fer.

Nou annan plan lannen prosenn, si tou keksoz i mars byen nou pou set up nou DNALab e sa osi nouvo striktir ki pou ganny met an plas.  Konpran mwan.  Nou’n fini earmark en building ki nou pou renovate pou met li dan en fason, lo en standar ki nou kapab fer en laboratwar DNA. E sa striktir i deza an progresyon.  I annan building ki pe ganny fer pou Kordgard.  Mersi Onorab.  Mersi Mr Chair.

 

MR DEPUTY SPEAKER

Mersi Komisyoner.  Onorab Larue.

 

HON FLORY LARUE

Eskiz mwan, i pa’n reponn dezyenm kestyon.  Apropo alegasyon ki Minis in dir nou i annan en cartel.  Eski zot pe ganny investigate e zot in menm idantifye ki i annan en dezyenm cartel dan konstriksyon –  eski tousala pe ganny investigate akoz Lapolis i sipoze endepandan avek politik?

 

COMMISSIONER REGINALD ELIZABETH

Mr Chair, tou krim ki ganny raporte avek Lapolis i ganny investigate.  Si i annan en krim dan sa zar, sa zanr ki’n ganny raporte avek Lapolis byensir i pou ganny investigate.  Mersi Mr Chair.

 

MR DEPUTY SPEAKER

Yes, Onorab Larue.

 

HON FLORY LARUE

Letan Komisyoner i dir mwan mon pa konpran diferans ant generated crimes avek reactive crimes,  mon vreman mo konpran sa diferans ant sa 2 e ki diferans i annan letan zot pe ganny plis generated cases.It means ki zot pe aret plis dimoun ki pe komet krim.

Me selman lo reactive cases osi, si ou pou donn bann egzakt increases ou pou vwar ki letan ou pe dir in desann, i pa en enorm desann.  Letan ou pe get sa kantite larzan ki nou pe mete, it’s not a huge decrease. Alors ki sa 3 keksoz prensipal, ou pa’n reponn sa premye kestyon.

Ki sa 3 keksoz prensipal pou zot kapab meet zot strategic priorities to reduce crimes. Akoz en kantite nou la in dir ki dan nou bann kominote i vwar krim i sitan vizib, i lo pavement ek nou.  Nou vwar li kot i pe arive e Seselwa pe perdi konfyans dan zot Lapolis e Seselwa pe perdi konfyans dan zot Lapolis e zot pa pe ni raporte crime anymore.

Alor ki bann 3 keksoz ki zot pe fer bann lannen ki pe vini pou reduce crime.  I enn zot bann priorities.  Pardon, eskiz mwan, sa Kordgard Santral, nou Headquarters.  Mon krwar Onorab Simon Gill i kapab aksepte  Angle ki ti donn nou.  Ki nou ti ganny li avan 67 e i ankor parey.  I ti ptipti e ki plan ?  Eski nou pou annan en nouvo Headquarters, nou pou ganny en bout later pou nou fer en keksoz, pou nou meet sa enn strategic priority, zot current challenge ki dir zot annan inadequate facilities ki tight ?Ki zot pe fer ? Oli sa plan ?

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Letan mon pe regard 5an pase.  Mr Chair, si mon pou regard ou pou vwar reactive crime.  Si nou pran par egzanp mwan Mars, 2012 akoz toultan nou fer referans the last 5 years.  Ou pou vwar poudir nou ti pe rikord omwen 755 ka an Mars, 2012 e ler mon pou regard i annan mwan dan 2016 ki nou pe rikord nou 281 ka.  Pou sorti 700 pou desann 281 ka, Mr Chair, mon krwar sa i en sif tre signifikan.  Mwan pli ba dan 2012.  Ou konpran mwan ?

E sanmenm reactive mon pe koz lo la.  Generated i en lot, bann ki nou pe koz dan 19 mil an montan.

Osi Kordgard Santral i en Moniman ki’n ganny deklare pou prezerve.  Mersi Mr Chair.

 

MR DEPUTY SPEAKER

Onorab Larue.  Dernyen.

 

HON FLORY LARUE

Zis en klarifikasyon.  Si li i en moniman, eski nou annan en landrwa pou nou met enn nouvo, enn nef ? En Headquarters nef ?  E mwan mon krwar ki piblik Seselwa nepli annan konfidans e zot pa pe dir kantite krim ki annan.  E an plis ki sa, eski letan i ganny anmennen Ankour, eski zot pe donn bann proper levidans ki bann dimoun apre i ganny prosekite.  Akoz nou vwar Lapolis pa anmase sa bann ase levidans ki fer prosekisyon apre.  Seselwa in perdi konfyans dan Lapolis.

 

MR DEPUTY SPEAKER

Ok, Onorab.  Komisyoner, kestyon lo Kordgard si pou annan en nouvo Kordgard dan lavil ? En nouvo post ?  I annan en bout son kestyon ki, Komisyoner, lo sa bout Kordgard pou Onorab Larue.  Minis ki oule reponn.  Ale Minis, go ahead.

 

MINISTER MITCY LARUE

Mr Chair.  Onorab, mon krwar pli boner dan lentervansyon mon ti fer sorti poudir anba Minister Zafer Entern nou pe prepar en Polisi lo nou bann lenfrastriktir.  Savedir nou pe take stock tou sa ki nou annan, nou pe regarde, epi nou pou priyoritiz nou bann lenfrastriktir.  E sa byensir i pou konsolid Kordgard Santral ek tou lezot e regarde ki mannyerover en plan 5an ki mannyer nou pou tackle nou lenfrastriktir.

Nou pa kapab fer tou keksoz en sel kou.  Nou annan en serten kantite Bidze e nou napa zis Lapolis dan Gouvernman, dan Sekter Piblik.  Nou annan plizyer lezot, so nou bezwen pran pou nou, fer nou Polisi.  Travay, anmenn kot Gouvernman apre travay ansanm avek Minister Finans, pou nou kapab vreman konnen lekel nou priyorite e travay ver nou priyorite ziska ler nou ava kapab konplet nou bann lenfrastriktir e met li annord parey nou ti a voudre.  Mersi.

 

MR DEPUTY SPEAKER

Mersi Minis.  Wi Onorab Sebastien Pillay.

 

HON SEBASTIEN PILLAY

Wi Mr Chair.  Mr Chair, mon oule re diriz ou latansyon pou Lartik 159(2) nou Konstitisyon.  I dir nou koumsa poudir;‘’Nothing in this article shall be constitute as precluding the assignment to a Ministry or Department of Government of responsibility of the Organization, maintenance, administration of the Police Force.’’  Which i pa zis relate to policy, me i konsern Lorganizasyon osi.

So, mon krwar i annan serten kestyon ki Komisyoner i reponn dan son kapasite on the operations.  Me mon krwar ou osi ou devret allow sa scope  ki Mini i kapab reponn sirtou bann kestyon kot i konsern,,,,,resources .

 

MR DEPUTY SPEAKER

Nou’n tackle sa depi bomaten.  Sa pwen in ganny leve bomaten e nou ok, nou kler lo la.  Minis i antre lo kote kot Polisi i konsernen, Minis i azout son bout.  Nou’n fini deal avek sa, sa ti en matter ki ti ganny raisebyOnorab Ranmkalawan avek Onorab De Commarmond lo ou kote.

Bon, Onorab Ghislain.

 

HON CHANTAL GHISLAIN

Mersi Mr Deputy.  Mr Deputy, mwan mon kestyon i konsern anba ‘’wages and salaries. ‘’ Mon zis anvi konnen, bann allowances ki bann Lapolis i gannyen.  Ou’n nonm taler displacement allowance ki R600.  Mon konpran zot ganny en night shift allowance, i konbyen?  Sa risk allowance osi i konbyen?  Apre sa meal allowance ki zot gannyen i konbyen? E si sa bann allowances sirtou sa risk allowance e sa meal allowance i ganny tir tax lo la ?

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair, mersi.  Onorab i annan plizyer allowances ki zofisye Lapolis i gannyen.  Par egzanp i annan meal allowance, ou annan night shift allowance, ou annan clothing allowance; ou annan skills allowance, apre ou annan bann par egzanp bann CID ki pa travay dan uniform, zot ganny soulye, allowance pou soulye, allowance pou soset osi tou.  So, apre ou annan ou inducement allowance.

So plizyer allowance i ganny fer provizyon anba Bidze pou bann zofisye Lapolis.  Mersi Mr Chair.

 

MR DEPUTY SPEAKER

Komisyoner mon krwar son kestyon i demann ou konbyen sa bann allowance.  Ale Onorab Ghislain.

 

HON CHANTAL GHISLAIN

Mon pli enterese avek sa inducement allowance konbyen zot gannyen.  Zot night shift  allowance konbyen zot gannyen, zot night shift allowance konbyen zot gannyen ek meal allowance konbyen zot gannyen e si i ganny takse sa 3 la.

 

COMMISSIONER REGINALD ELIZABETH

Inducement allowance pou en Konstab i ganny li R2400 par mwan, inducement.  Meal allowance i ganny li R600 e night shift allowance i ganny li R700.  I fer li en total an tou ek son lapey R11205 par mwan.

 

MR DEPUTY SPEAKER

Yes, Onorab.

 

HON CHANTAL GHISLAIN

Mon pwen se si dizon sa inducement allowance i R2400 e i ganny tir tax lo la.  Savedir ou pe dir sa zofisye Lapolis ki met son lekor an risk i vo R2400, still ou tir tax lo la ki fer savedir son risk or son inducement ki i gannyen i pa vo sa larzan ?

And then sa meal allowance ki R600, ou’n tir tax lo la.  Ler mon’n fer kalkil savedir en bwat manze i R25 par zour pou sa zofisye e nou konnen en bwat manze i R50.

 

MR DEPUTY SPEAKER

Mersi Onorab.  Madanm Lebon oubyen Mr Payet.

 

PS PATRICK PAYET

Thank you Mr Chair.  Thank you pou sa kestyon Onorab.  Zis pou azoute lo kote letan ou get saler Gouvernman avek lenpak lo taxation.Ki mannyer Lalwa i ete ozordi, tou dimoun ki ganny R8555.50 savedir si en travay i pe ganny li en baz R5200 -son saler, son basic.  Apre i ganny li en allowance R2000 ki fer li mwens ki sa R8555 i pa ganny tire tax.  Ok.

E osi i ale ziska R10mil 65 ki i pa pey sa 15 poursan, i pey zis 13, 14 poursan.  I depan sa prosedir parey Lalwa i ganny mete ladan.  Me okenn dimoun ki pe ganny committed overtime allowance, sa tax pa aplikab.  Lalwa ki mannyer i ete, provizyon.

Letan nou pe get Zilyet 2017, ki mannyer nou pe met propozisyon ki Lalwa pou vin devan Lasanble tre byento,  i pou towards en progresiv income tax systemSo ou pou vwar sa dimoun pou ganny son benefis.  E diskisyon ki nou’n gannyen fortman dan Gouvernman se sa risk  allowance.  Akoz nou’n met Scheme of Service, letan nou diskite avek DPA, Minister Finans.  Scheme of Service in operation dan bann Minister ouswa dan bann Lenstiti Gouvernman i pou sa risk, sa konponan risk ki sipoze in fini ganny factor in dan son basic pay.  Savedir letan en dimoun i al kot DPA pou fer son job evaluation, sa bout kote risk i en konponan dan son kalkilasyon ki pou fer ki lo son basic pay kote i sipoze ete.

Sanmenm sa ki ou vwar diskisyon avek DPA ki nou pa met risk allowance koman en allowance diferan.  Me tandis inducement allowance i mete an plis, apard ki son basic place sa i across the board as per the business Scheme of Service.

Mon krwar en diskisyon ki nou’n gannyen avek Departman Lapolis, se in regards to the meal allowance.  Me letan nou, nou pe diskite dan Minister Finans, nou pe vwar ki why ki nou ti entrodwi sa meal allowance dan Lapolis ?  Eski i ti pou letan toulezour depi Lendi ouswa letan sa bann dimoun i travay ouswa letan zot ganny mete lo en baz ki zot pa ganny akse, zot pa kapab anmenn zot manze ?  E ti sa rezon ki mon krwar zot ti demande pou met sa meal allowance.

Akoz ki nou pa oule fer li, zot ti demande pou increase.  Ki nou ti vwar si ou pe li i pou annan demann dan bann lezot Minister osi. Lenpak letan ou fer sa i annan demann lo bann lezot Minister.

So, nou letan nou fer diskisyon nou fer li lo en globalite.  Nou pa get li specific zis pou Lapolis, nou get li en pe lo globalite.  E en keksoz par egzanp nou diskite ek Lapolis.  Letan ou regard en konstab, ki mon krwar i en dimoun ki annan en certificate in policing, zot total salary ki zot komans avek i apepre R10, 500 e sa en dimoun ki’n fer 1 year of training i pe ganny li R10, 500 ki nou krwar ki i en pe attractive.  Kekfwa, akoz si ou’n komans increase li ou pou ganny demann dan bann lezot sekter Gouvernman avek en dimoun ki annan en devlopman, en degre pou push up again dan salary.

So, nou dir ki vre i annan demann pou increase saler pou Lapolis kekfwa vre en pe, vwar en pe zot bann lezot Scheme me nou bezwen get li lo en globalite, pa get zis Lapolis akoz ou kapab annan demann dan bann lezot Sekter osi parey teachers.  Letan ou’n push up the salary of Lapolis.  Mersi.

 

MR DEPUTY SPEAKER

Mersi Mr Payet.  Onorab satisfe?  Onorab Loizeau.

 

HON NORBERT LOIZEAU

Mersi Mr Chair.  Bonzour Minis.  Bonzour Komisyoner, bonzour tou dimoun.  Mr Chair, mwan mon annan 10 pti kestyon, selman mon a demann 2 akoz pou tro long.

Mon anvi demann Komisyoner ki’n arive avek sa progranm Young Police Leaders la.  eski i annan keksoz ladan pou relev li, akoz i paret mwan en pe letan i paret mwan in freeze or i pa pe egziste.  E ki’n arive avek sa 2 group ki’n fini bann formasyon detrwa letan pase anba sa progranm.  Ki pe arive ek zot ?

E osi Minis, en pti kestyon konsern, vi ki nou pe koz lo en performance-based budget.  Mon ti a kontan zot dir mwan ki laz retret pou bann polisye ?Ki zot laz zot demande pou pran retret.  Mersi.

 

MR DEPUTY SPEAKER

Yes Komisyoner.

 

COMMISSIONER REGINALD ELIZABETH

Mr Chair, mon kapab reponn kestyon Onorab.  Mersi pou ou kestyon Onorab.  Progranm Young Leaders, sa progranm ki ti ganny konsevwar lannen pase, nou’n vwar ki i pa’n mars ase efikasman e Lapolis osi pa’n nobou enplimant li parey i ti devret.  E se pour sa rezon ki ou vwar napa sa progranm Young Leaders ki pe ganny fer a sa moman.

Pour lemoman i pa lo latab e i pa dan Bidze pou sa lannen osi.  So sa progranm pour lemoman i an deor.

Laz retret parey nou tou nou konnen 60an oubyen 63an.  I aplik parey tou lezot Minister.  Mersi Mr Chair.

 

MR DEPUTY SPEAKER

Onorab Loizeau.  Mersi.  Onorab Valmont.

 

HON JUDE VALMONT

Mersi Mr Deputy Chair.  Bonn apre midi tu Koleg MNA.  Bonn apre midi Minis ek ou delegasyon.  Ou konnen, mon pe get lo paz 229, ‘strategic priorities 2017 ziska 2019.  Sirtou bullet point 3 ki revise and improve administrativeand organization control procedures.

Mon’n note Komisyoner Lapolis in dir ki i annan provizyon pou en nouvo DNA Lab.  Mon ti a kontan konnen konbyen i pou koute e si sa pou garanti ki bann zofisye CID pou nobou ganny relocate pou fasilit zot pou nobou interview zot bann sispe e lezot dimoun pli efektivman?E dezyenm mon ti a kontan fer sorti, mwan osi mon enn sa bann MNA ki vreman, vreman konsernen avek sa zafer response time sirtou ler i vin pou en distrik ki parey Point Larue, nou napa en stasyon Lapolis e Anse Aux Pins pe ed nou.

Mon ti a voudre demande ler sa nouvo Stasyon Lapolis i konplete Anse Aux Pins, konbyen gard pou ganny mete ladan, konbyen shift pou annan.  Si 4 parey zot pe dir e si sa i enn bann manev, enn bann solisyon pou amelyor response time –  sirtou pou nou bann dimoun Pointe Larue.  Mersi.

 

MR DEPUTY SPEAKER

Mersi Onorab.  Mersi Komisyoner.

 

COMMISSIONER REGINALD ELIZABETH

Mersi Mr Chair.Mersi Onorab pou ou kestyon.  DNA Lab i dan Bidze.  I en Grant ki nou pou gannyen avek India.  Selman ou konnen, pou materyaliz sa i annan en kantite travay ki bezwen ganny fer e sirtou letan ou pe ganny en Grant avek India, India pa prodwir sa bann kalite lekipman ki pou met dan en Lab.  Laboratwar DNA.

So, zot prosedir se ki ou bezwen aste sa bann lekipman dan Lenn e dan Lenn napa.  So nou bezwen demann zot pou nou travay avek en lazans dan Lenn ki kapab aste sa bann lekipman dan en lot pei e nou’n e-mark en Lakonpannyen ki apel Cellmark Forensic an Langleter ki pou set up sa Lab pou nou.

Me selman sa i en kantite travay ki pou bezwen ganny fer.  Nou’n fini earmark en landrwa kot Bois De Rose Police complex, kot CID i ete, dan letaz anler ki nou pou fer sa LAb dan sa landrwa.   Savedir bann CID ki travay dan sa building pou bezwen ganny relocate e nou’n fini komans fer provizyon e nou’n fini fer provizyon osi ki landrwa zot pou ale.

Savedir bann CID ki pe travay dan sa building zot pou al kot SVPD i ete e SVPD pou bouze, nou pe fer zot lofis kot Topaz Mace ti ete, nou pe renovate anndan la pou akomod SVPD ki pou bouz la.  aprezan CID i kapab sorti la kot sa building kot nou pou al fer nou laboratwar i ete e pou bouz dan lofis kot bann SVPD pe ekipe.

En pti renovasyon pou ganny fer, sa building ki SVPD pe ekipe i ankor an bonn eta, so sa pti renovasyon apre zot kapab bouz ladan.

E response time pou Anse Aux Pins.  Anse Aux Pins i en stasyon ki nou pe prevwar poudir pou annan 4 shift li osi.  Savedir nou pou ogmant nonm personnel ki pou al travay dan sa stasyon.  So mon pe prevwar ki response time pou lekspektasyon ki nou pe targete, savedir 10 minit pou nou kapab fer li.  La ozordi nou respond time i 80 poursan anba 10 minit.  So why not ki i kapab monte 90 poursan lannen prosenn avek logmantasyon personnel dan stasyon Anse Aux Pins e avek osi lasistans transpor nef ki nou pou donn zot. E nou osi nou pe prevwar pou Anse Aux Pins poudir pou annan en moter ki bann patrol moter ki pou monte desann lo semen La Point Larue ziska Erport pou fer sir ki trafik pa bloke.

So, nou pe train bann riders ki travay Anse Aux Pins pou nou donn zot moter pou zot kapab fer sa kalite travay lo semen.  Mersi Mr Chair.

 

MR DEPUTY SPEAKER

Mersi Komisyoner.  Onorab Valmont.

 

HON JUDE VALMONT

Yes, mersi Mr Deputy Chair.Mon annan zis en pti klarifikasyon.  Mon ti a voudre demande kan ki egzakteman sa bann zofisye CID pou kapab bouze  ?E dezyenm, eski zot annan sa resours imen available pou fer sa louvraz dan sa Lab DNA ?Mersi.

 

MR DEPUTY SPEAKER

Yes komisyoner.

 

COMMISSIONER REGINALD ELIZABETH

Pou bouze, boner lannen prosenn, definitivman zot pe bouze.  Boner lannen prosenn zot pe bouze akoz lentansyon se ki nou anvi ki nou komans travay lo nou building laboratwar par Fevriye.

Si tou keksoz i mars byen, by Fevriye travay i devret pe komanse lo sa building ki nou pou set up nou DNA Lab  lo la.

Resours imen.  Resours imen nou annan dimoun ki ase kalifye.  Nou annan zofisye ki pe travay laba.  Nou annan 2 zofisye ki annan zot masters dan forensic e petet lo kote biology.  Osi parfwa nou ganny bann deputation from Indiaki asiste nou.  La i annan enn ki fek ale e lentansyon se ki nou pou demann enn ankor pou travay dan nou Laboratwar DNA avek Gouvernman Lenn.  Pou ranplase tou le 2an, enn i ale e nou demann en lot ki vini.  Mersi Mr Chair.

 

MR DEPUTY SPEAKER

Mersi Komisyoner.  Onorab Letourdie.

 

HON JANY DE LETOURDIE

Mersi Mr Chair.  Kestyon i viz pou Komisyoner.  Mr Komisyoner, ler nou tann Lapolis, dan nou lespri nou, nou konn sekirite, nou lord, nou lape e nou lazistis.  Sa premye keksoz ki vin dan nou.  Me selman nou bezwen aksepte ki souvandfwa ler en dimoun i ganny en difikilte, i annan en vol kot li oubyen en dimoun pe harass li.  Ler ou dir li ou’n call Lapolis i touzour annan sa defayans ki dir ou, ‘’Be kan pou vini ?’’

So nou bezwen aksepte poudir i montre petet poudir i mank sa konfyans la.  Sa nou pa kapab deny.

Mon kestyon i, mon ti a kontan demann ou, ki bann nouvo lekipman ki Seksyon Forensic in aste ? E mon konnen i annan en gas chromatography, mass spectrometry.  Mon pa konnen kwa sa, apre ou kapab eksplik nou.  Ki bann lekipman ki zot ti napa ki ou krwar pou benefis piblik sirtou ki pou benefisye piblik direkteman ki pou soulaz zot -e sirtou letan i konsern kot bann vandalizm vizavi avek vol, vizavi zot bann propriyete ?

Apre mon dezyenm pti kestyon.  Mon pe realize, mon pe remarke ki mon pa ankor vwar bann portre Komisyoner dan bann Kordgard.  Mon pa konnen si fek mete la, apre dan Santral osi.  E mon pe demande si eski sa i annan en Bidze pou li ? E si i annan konbyen ?

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chair, mersi Onorab pou ou kestyon.  I vre i annan en kantite travay pou nou fer pou nou enstal konfidans dan manm piblik.  Sa nou pa kapab deny sa.  Me selman nou pe kontinyelman ankadre nou bann zofisye e donn zot training. E  bann ki ti napa, i annan zofisye ki zanmen in deza follow en training courseSo sa lannen nou’n fer sir ki la mazorite zot ki zanmen in deza al en kour lakademi, in swiv kour Lakademi e zot ti graduate resaman e i annan ankor enn de ki nou bezwen fer sir ki lannen prosen zot antre dan Lakademi.  Sa ki nou apel sa recruit course.  Donn zot training, akoz san training piblik pou mank konfidans menm dan zot akoz zot pa pou konnen ki zot pe fer.

I enportan ki progranm training i kontinyen e nou a vwar en amelyorasyon.  E sa ki mwan anvi vwar Lapolis vini e sa  mon osi mon krwar ki lekspektasyon manm piblik i espekte de nou.  Pou donn en servis de pli bon kalite, pli bon standar.

Lo sa lekipman ki ou’n koz lo la gas chromatography, mass spectrometer, sa i en lekipman ki pou sirtou detekte bann pwazon dan bann sibstans.  Parey i annan plizyer ka pwazon dan delo, pwazon dan manze e pou toxicology.  Lalkol, nivo lalkol dan disan, nivo lalkol dan lirin.  Sa lekipman i pou ede ki nou kapab konnen egzakteman ki poursantaz oubyen ki kalite pwazon dan sa – swa manze, swa delo.  I kapab dir nou egzakteman non sa pwazon ki’n ganny mete dan sa landrwa or dan sa keksoz.  Mersi Mr Chair.

 

MR DEPUTY SPEAKER

Mersi Komisyoner, Onorab.

 

COMMISSIONER REGINALD ELIZABETH

Portre i pa pou kout nou bokou.  Byensir Zanvye portre pou ganny mete dan tou Kordgard, portre Komisyoner e portre Prezidan osi pou ganny mete tou.  Mersi Mr Chair.

 

MR DEPUTY SPEAKER

Mersi Komisyoner.  Onorab Ramkalawan.

 

HON WAVEL RAMKALAWAN

Mersi bokou Mr Chair.  Bon, speed cameras.  Eski zot annan okenn lentansyon entrodwi speed cameras.  Tro bokou nou bann zenn pe mor.

Character certificates, kou lavi i deza ser, bann ki unemployed zot trouv li ser e zot vin kot nou prensipalman pou donn zot R150 pou ganny en character certificate.  Eski Lapolis i kapab ede pou ki cost of living ava desann e at least sa bann dimoun ava ganny en lanplwa.

Marine police, eski zot kapab osi ede pou tyek sa bann hire crafts ki napa license en pe partou.  Espesyalman laba Cote Dor.

Prezan lo scheme of service, konplent ki pe gannyen la avek bann gard se ki ou annan stasyon ki fer 4 shifts, me selman zot pe travay mwens e zot ganny plis zour off.  Zot fer 4 shifts e zot ganny zot 4 zour off.  Tandis ki bann stasyon ki pe fer 3 shifts zot pe travay plis, zot pe travay 4 zour e zot pe ganny less off.  2 zour selman.  E erport li i pa’n ganny enkli dan sa pilot program ki Lapolis pe lanse e bann zofisye zot santi zot travay en kantite, espesyalman la ki i annan plis avyon.  E dan en serten sans zot, zot pe travay bokou e zot pe demande akoz ki zot, zot in ganny sote.  Espesyalman ankor enn fwa sa bann zafer shifts, 4 shift, 4 off.  3 shifts ou ganny zis 1 off avek en rest day.  Konmsi pou regard ankor sa pilot program.

Outsourcing.  Nou’n vwar bann zafer camera, eski Lapolis oubyen Minister Zafer Entern a pare pou ki i annan en investigation lo sa outsourcing ki’n fer installation of bann security cameras pou nou vwar kot in annan labi.

Anse Aux Pins police Station, lekel ki pe konstri li, ki son cost ?Eski i tonm anba sa Private Public Partnership Board.?Nou annan 2 pti pwen ankor.

Promotion Board.  Lapolis napa en proper promotion Board.  Eski enn i kapab ganny etabli ki ava osi parey i arive dan bann pei kot pe regard modern policing.  Kot civil society osi toi, .  i ava annan manm civil society ki ava ladan.

E maintenance, garaz.  I kler ki tou Lakonpannyen ki annan plis ki 15 oubyen 20 loto zot annan zot prop garaz e sa i kout zot bokou mwens e obviously zot bezwen annan en proper asset register parski en loto menm si i roul 3an 24 lo 24, si ou pe fer son servicing kan in ariv ler, so lavi pou bokou long.  En pe pare bann bis tata ki annan ki annan plis ki 15an.

E finalman, 3.6 poursan ou wage bill i pou 4 etranze.  4 out of 993 travayer.  Eski nou pa vwar ki poudir sa i vreman son proporsyon i vreman an deor?  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chair.  Mon konnen lalis kestyon i en pe long me selman mon a fer fason reponn tou.  Character certificate i en keksoz ki, i annan en kantite dimoun ki pa afford.Zot fer laplikasyon dan mon biro e nou donn zot en character certificate free.  Savedir zot vin vwar mon sekreter, mon sekreter i pran bann lenformasyon ek zot, zot eksplik zot ka poudir zot pa kapab peye e nou donn zot enn fre e, i annan en kantite dimoun ki pa afford.  Zot fer laplikasyon dan mon biro e nou donn zot en character certificate free.  Savedir zot vin vwar mon sekreter, mon sekreter i pran bann lenformasyon ek zot, zot eksplik zot ka poudir zot pa kapab peye e nou donn zot enn free pou zot kapab anmenn kot zot devret anmennen.

Marine police, mon kapab dir ou tou le, zot pe travay, zot pe tyeke bann hire craft ki napa licence e tou le semenn mon resevwar en rapor.  Travay ki zot in fer Mahe e travay osi ki zot in fer lo Praslin.  So zot fer en return, kantite bato, hire craft zot in arete, ki zot in tyeke.  Lekipman ladan, bann lekipman sovtaz, tou i annord.  Si i annan lasirans, si in anrezistre pou zot fer sa travay.  Sa pe ganny fer, napa problenm ek sa.

Ou konnen Mr Chair, i annan sa 4 shift ki nou koz lo la.  Si nou pou enplimant li en sel kou lo Sesel, zanmen nou ti pou nobou fer li e zanmen nou pou nobou fer li pou enplimant li avek lakantite resours imen ki nou annan.  So nou’n deside why not ki nou pa komans li par faz.

So, nou bezwen komans en landrwa, nou ti kapab komans li lo Erport, nou kapab komans li santral.  Nenport ki landrwa ou pou komanse i pou annan mirmirasyon ki nou zofisye pou konplent lo la.

So, nou bezwen komans li e ler nou’n komans li, nou’n komans li santral, nou’n bouz Beau Vallon, nou’n bouz Mont Fleuri.  La nou pe bouz Anse Aux Pins me apre nou kapab bouz Anse Royal.  Anmezir nou ganny resours imen nou pou fer en fason ki Sesel antye.  Nou pa pou kit personn deryer, otan ki posib.

Personn pa pou reste deryer.  Plan i pou ki Sesel antye, tou zofisye ki travay dan Lapolis i travay lo en 4 shift system.Me malerezman nou napa ase.  Si nou ti pou fer li one go, nou ti pou bezwen nou apepre 80 zofisye a sa moman, ki nou napa.  So why not ki nou komans li par faz.  Gradyelman nou ava bouz dan lezot stasyon.

Speed cameras.  Speed cameras i pa dan proze pou sa lannen, me selman nou annan en progranm 3an.  Pandan sa 3an nou espekte petet nou kapab ganny en speed cameras e osi i pa vedir ki tou sa i fini la.

Par ler i annan bann donors ki vin kot nou.  I annan bann partner ki nou travay avek ki sa osi nou’n met devan zot.  Petet i annan bann sponsors ki vini.  Parey nou’n fer en lapros avek konpannyen lasirans e sa i ede si nou kapab redwir aksidan dan semen.  Zot osi zot benefisye.

So, lapros in ganny fer avek zot pou zot konsidere e zot pe konsidere e si nou annan provizyon nou osi nou kapab.  Petet Lapolis nou dir be ok, si i ariv R500 mil why not ki nou kapab met en 100 mil en 200mil, si zot kapab kontribye en pe.

Me selman lo Lapolis menm, anba nou Bidze la, nou pa pou kapab met speed cameras dan semen.  Me selman nou annan fason ki nou pe tyek speed.  Nou annan ray gun ki nou pe servi.  Nou bann zofisye i servi pou tye speed avek.  Me selman speed cameras i pli efektiv akoz ou kapab kit li la e li i pou kapab tir ou portre e fer tou bann process ki i devret pou rikord speed bann motoris.

Promotion Board.  Bomaten mon ti koz lo la.  monn plan la, monn fini nomin bann dimoun ki pou al lo Promotion Board e next promotion ki pou vini definitivman bann non pou pas atraver sa Promotion Board avan ler i ganny anmenn kot mwan pou mwan endorse.So nou pe bouze lo la.  Non, nou napa plan pou met sivilyen lo la, selman bann zofisye responsab dan Lapolis ki pou asiz lo la.

Garaz petet finans oubyen ek Kordgard Anse Aux Pins Minis i kapab koz lo Kordgard Anse Aux Pins.  Konpannyen ki’n ganny Kontra pou fer Kordgard Anse Aux Pins.  Mersi Mr Chair.

 

MINISTER MITCY LARUE

Ok, mersi Mr Chair.  Mersi Onorab.  Kestyon lo Stasyon Lapolis Anse Aux Pins, sa Stasyon nou ti annan en larzan ki ti reste lo lenfrastriktir Coetivy ki tonm anba prizon e sa larzan in ganny transfer pou fer sa building Anse Aux Pins e i ganny fer par GICC e GICC i pe donn 50 poursan lo la anba son CSR  e sa building pe kout R5 milyon.

Dezyenm, mon a pran petet Grand Anse Praslin, li osi i menm zafer.  Ti annan en savings lo YRTC Vijay ki ti pe fer konstriksyon YRTC.  Ti annan en savings ki nou’n pran sa savings nou’n anvoy lo Grand Anse Praslin e Vijay osi in met 50 poursan son CSR lo la e sa i fer li osi 50 milyon pou konstriksyon sa enn.  Mersi Mr Chair.

 

MR DEPUTY SPEAKER

Yes, Onorab.

 

HON WAVEL RAMKALAWAN

I annan kestyon sa outsourcing, sa bann cameras si zot ava pare pou fer investigation.  Sa wage bill ki totalman out of proportion e totally out of proportionI mean 3.6 percent of ou wage bill  i pou 4 dimoun?

 

MR DEPUTY SPEAKER

Yes, Mr Payet.

 

PS PATRICK PAYET

Thank you Mr Chair e thank you Onorab pou ou kestyon.  Defini i devret al travay konzwentman avek POU.Procurement Oversight Unit ki nou a fer en investigation lo sa security camera e nou a provide Lasanble.

In regards to the wage bill in regards to the expat.  Sa osi parey mon’n mansyonnen bomaten.  Nou’n donn sa Lasanble sa langazman pou nou revwar en pe tou sa bann Kontra ki egziste.  Travay avek DepartmanPublic Administration e sa osi nou a provide en rapor.  E si i arive ki i annan okenn savings letan nou’n fini fer sa bann travay lannen prosenn.  Nou kapab  donn Lapolis pou zot kapab fer bann lezot progranm ki zot ti’n anticipate pou fer kekfwa 2018, fer li en pe earlier dan 2017.  Mersi.

 

MR DEPUTY SPEAKER

Onorab.  Zisteman mon’n tann nonm DNA.  Pou al fer nou DNA Lab e la pour lemoman i annan zis en Lab ki zot pe deriv pou DNA.  Enn bann demann ki nou’n fer dan sa Lasanble se an relasyon ek skull ki ti ganny anmase Bel Ombre.

Eski mon kapab demann Komisyoner ki son pozisyon pou allow bann fanmir ki’n vin devan pou zot nobou ganny en sample pou fer en test dan lezot Labs.  I annan plizyer fanmir ki anvi kapab ganny en semple pou zot fer en lot DNA test pou ki once and for all this issue will be put to rest e si i annan closure pou fer zot ava kapab fer li.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mersi Mr Chair.Mersi Leader Lopozisyon pou ou kestyon.  Ou konnen bann fanmir ki ti vin devan, egzibit ti ganny anmennen dan laboratwar Moris ki en laboratwar ki annan tou son standar, ki’n ganny akredite.  Ki nou’n travay avek pandan plizyer lannen, nou napa okenn dout pou nou dout sa laboratwar lo rezilta ki i donn nou.

Bann fanmir ki ti vin devan zot samples ti ganny anvoye danlaboratwar e ler i ti retournen i pa ti en match avek sa egzibit ki nou ti anvoy dan laboratwar.

So, savedir nou pa kapab pran sa egzibit, donn en lot parti, dimoun ki napa nanryen pou fer avek.  Me selman, pou ou lenformasyon i annan ankor fanmir ki’n vin devan.  I annan ankor en fanmir ki’n vin devan e nou’n anvoy son sample dan laboratwar Moris pou regarde si pa match.  Me si demen nou’n pran egzibit nou’n donn en dimoun ki sa pa ti pou li e en lot fanmir i vin ankor devan, i dir nou.  Be mon osi mon oule fer en tes, mon krwar i kapab enn mon fanmir.  Me nou, nou napa sa, nou’n fini donnen.  Oubyen nou’n pran, akoz pa tou morso ki ou kapab servi lo sa egzibit pou extract DNA, pou kapab ganny en profile lo la.  Ou vwar.

Be si mwan, mon’n pran sa bout.  Demen i annan en lot ki vini, nou pou napa.  Akoz mon rezilta ki mon’n gannyen mon kapab pibliy li media.  Vwar la.  Selman akoz ki i annan non plizyer fanmir ki ti come forward, pa oule met non tou dimoun.  Akoz the whole thing mon kapab fer pibliye, mon napa problenm ek sa mwan.  Napa nanryen ki nou pe kasyet.

So, si zot oule lenformasyon lo la zot kapab vwar rezilta sa laboratwar a nenport ki moman ki zot anvi.  Nou a fer zot ganny lenformasyon.  E mon pa pe kasyet nanryen mwan.  Si pa pou ou, i pa match avek pou ou.  Mon pa pou kapab dir ou i match avek pou ou, sorry.  Nou bezwen annan en responsabilite nou osi koman en Lorganizasyon, koman Komisyoner Lapolis.  I pa match ek pou my friend, pa kapab donn ou.  Konpran mwan.  Lafanmir, pa kapab donn zot.  I pa pou ou, i pa match ek ou.  So fodre zot konpran sa bann keksoz koumsa.  I annan en kad Lalwa ki nou travay anba la.  Mersi Mr Chair.

 

MR DEPUTY SPEAKER

Mersi, petet komisyoner lo sa menm pwen si DNA sa skull in fini ganny rikorde, i fini la dan rikord.  Nou pa bezwen en lot sample sa skull.  Mon believe ki nou bezwen sample sorti kot sa fanmir ki vin devan pou fer konparezon.

So, i pa pou en bezwen kot nou pou bezwen more  samples sak fwa ki en fanmir i vin devan.  Koriz mwan, petet mon mal.  Once ki DNA sa skull in ganny analize, in ganny rikorde ou bezwen zis pou ou match li avek en fanmir ki vin devan.  Ou pa bezwen samples each time ki en fanmir i vin devan.

 

COMMISSIONER REGINALD ELIZABETH

Mr Chair, en keksoz ki toultan nou bezwen prevwar se ki en egzibit nou bezwen maintain son chain of custody.  I bezwen reste sa chain of custody.  I pa kapab al dan lanmen en sivilyen.  Si demen en fanmir i dir mwan, ok.  Mon ti a kontan pran sa egzibit, anmenn Langleter dan en laboratwar Langleter, the chain of custody has to remain with the police.  E Lapolis i bezwen akonpanny sa fanmir Langleter.  I pa pou kapab pran sa egzibit, donn ek en sivilyen e dir li ok ale al fer ou tes dan langleter.  Maintenance of chain of custody i reste ziska a lafen case i ganny konklir anba Lakour.  Mersi Mr Chair.

 

MR DEPUTY SPEAKER

Ok, savedir sa case i ankor open.

 

COMMISSIONER REGINALD ELIZABETH

Wi.

 

MR DEPUTY SPEAKER

Onorab Ramkalawan

 

HON WAVEL RAMKALAWAN

Mr CommissionerChain of custody, mon dakor 100 poursan.  Be si i annan en fanmir ki parey pou kouver tou bann fre, tou bann fre Lapolis pou akonpanny sa skull so that the  custody remains avek Lapolis e sa mon dakor 100 poursan lo son prensip e zot ale zot fer sa.  Zot fer sa DNA dan prezans Lapolis.  E la les mwan dir, problenm mon napa okenn dout lo sa ki ou pe dir mwan.  Me selman lefe ki in pran sa kantite letan avan ki Lapolis in fer en deklarasyon lo la.  E antretan in annan 2 zofisye ki ti Sid Afriken, sanmenm sa ki fer bann.  Se sa, nou menm nou, nou kree nou prop problenm.  2 Sid Afriken ki ti pe travay lo sa skull, overnight zot in ganny demande pou kit pei.  Tousala i fer bann keksoz kekfwa ki pa ti la, i fer zot vini.  I sanz persepsyon konpletman e alor mon pe senpleman dir, kit ou custody me si fanmir i pare pou vin devan.  Pey tou bann fre.  Why not?  Parski pou ganny en DNA sample avan zot fer lanons.  Dan menm peryod sa avyon ki ti kraze dan Alps, ki ti annan plis ki 100 dimoun lo la, zot in nobou idantifye tou sa bann dimoun.  Tandis ki nou avek en skull nou pa ti ankor ganny en sample, plis ki 3mwan.

So, mon anvi zis ou sezi s aki mon pe dir.  Mon konnen nou’n al en pti git an deor Bidze, me lefe ki i en performance budget style, nou bezwen osi regard performans Lapolis e zot efikasite.  It’s not just a budget of figures, me i en budget ki annan pou fer avek performans, alors se pour sa rezon ki nou pe osi kestyonn performans Lapolis.  Mersi bokou.

 

MR DEPUTY SPEAKER

Mersi Onorab.  Onorab Gill, ou le azout keksoz lo la.

 

HON SIMON GILL

Yes.

 

MR DEPUTY SPEAKER

Ok, Onorab.

 

HON SIMON GILL

Pa pou long.  Mon realiz mon osi ki sa size i an deor Bidze me an menm tan nou kapab konekte li ankor enn fwa avek performans.  Mon krwar ou korek Onorab.  Me mwan mon annan en kestyon senp.  I vedir ki tou bann fanmir ki’n devan zot in anmenn zot lesantiyon.  Zot DNA pou zot, ler ou’n match pou zot avek rezilta sa skull, ki vedir ou pa’n kapab ariv lo okenn konklizyon pozitiv.  Ki sa bann fanmir ki’n vin devan, vwar la vre i relasyonnen sa DNA sa skull.

Eski nou pe ganny sa lenformasyon la ozordi la Mr Komisyoner ?  Mersi.

 

MR DEPUTY SPEAKER

Mersi Onorab.  Komisyoner ou annan 2 pti repons.  Enn lo kote Onorab Ramkalwan, enn lo kote Onorab Gill.

 

COMMISSIONER REGINALD ELIZABETH

Mr Chair, pa mwan ki ti fer konparezon.  Se syantis dan laboratwar Moris ki ti fer konparezon.  Mon ti resevwar zot rapor ki ti anvoy kot mwan e ti dir mwan poudir sa fanmir A, B, C, D ki mon’n anvoye avek sa egzibit ki la i pa match, i pa li.  Napa okenn koneksyon.  So rapor ki zot ti anvoy kot mwan.

Lo kote Onorab Ramkalawan son kestyon, si demen fanmir i pare pou pey pasaz sa zofisye Lapolis pou anmenn dan en lot laboratwar pou al rod en lot lopinyon.  Si laplikasyon i vin devan mwan, en laboratwar ki kredib.  Mon napa okenn rezervasyon lo la.

Me selman akoz i pran sa kantite letan dan laboratwar.  Moris osi i annan son kantite krim ki i pe deal avek laba li.  Ler ou Sesel ou vin kot zot, zot annan zot priyorite zot osi.  So pou ou i ganny mete dan laliny e ler zot annan sa letan pou zot travay lo la zot kapab donn nou akoz zot pe fer sa complimentary pou nou.  Nou pa pey nanryen letan nou anmenn sa bann egzibit Moris dan laboratwar akoz zot ofer nou sa servis.

E mon osi santi ki zot laboratwar i osi alaoter enternasyonal.  Mon napa dout lo la.  Mersi Mr Chair.

 

MR DEPUTY SPEAKER

Mersi Komisyoner.  Onorab Roucou.  Ou ti le azout keksoz lo menm size, lo menm laliny.

 

HON CLIVE ROUCOU

Mersi Mr Chair.  Mon ti anvi zis azout lo menm laliny menm, zis lo ki Komisyoner in koze lo DNA ki as if i annan en bout spesifik ki ou pou pran pou ganny en DNA.  DNA its the molecule of life.  Its the blue print.  Any parti ki ou pou pran ou kapab ganny en DNA avek.  it doesn’t mean ki parti ou pou pran.  Si lekor imen, any bout.  Lezo, seve, zong ou kapab ganny en DNA avek pou fer en DNA typing.

 

MR DEPUTY SPEAKER

Mersi Onorab. Sa i en leklersisman.  Mersi.

Komisyoner ou le reponn.  Ale, mersi.

 

COMMISSIONER REGINALD ELIZABETH

Sa egzibit ki nou ti gannyen, pa tou landrwa ki nou ti kapab ganny DNA avek pou ou lenformasyon.  Se pour sa rezon ki zot in ganny en kantite difikilte pou zot extract DNA avek lekipman ki zot, zot annan.

Lot kestyon, si i annan en leklersisman, se ki par egzanp kestyon Leader Lopozisyon se lo sa 2 sid Afriken ki ti ganny met deor ki ou’n fer resorti.

Enn premyerman ti travay dan Biro Statistics.  Sa madanm ti travay dan Biro Statistics, i ti napa nanryen pou fer avek okenn investigation.

Lot, sa msye.  I pa ti the lead investigator dan sa case.  I ti form parti en lekip.  I was the leading investigator.Mon ti donn mon interview lo televizyon sa zour swar e mon ti dir ki mwan ki pe lead sa investigation.  So son depar ti napa okenn koneksyon avek sa case.  Mersi Mr Chair.

 

MR DEPUTY SPEAKER

Mersi Mr Chair.  Mon annan detrwa Manm ki’n port a mon latansyon ki zot annan enn de kestyon ankor pou reponn.  Mon zis ti a kontan ki zot fer li en pe bref pou nou kapab fini avan 3.30 pou nou kapab liber ComPol avek son lekip.

Onorab Andre.

 

HON CLIFFORD ANDRE

Mersi Mr Deputy, mon annan mwan detrwa kestyon.  Mon ava sey fer li en pe dousman koumsa Minis avek ComPol ava kapab pran notes pou reponn apre.

Bon Minis eski, oubyen ComPol.  Wi ki nou pe koz performance-based e nou’n koz en forensic lab probableman ganny mete isi.  Eski Lapolis i annan lentansyon pou met bann camera, kot letan zot pe interview en dimoun,  ou kapab vwar si letan li i claim in ganny bate oubyen in ganny forse pou donn en interview kot nou ava kapab vwar si sa i korek oubyen i pa korek.  Sa i enn.

Dezyenmman, letan nou get lo pa 229 budget book i dir nou ‘’office expenses’’ la in  respect of governance, management ek administration‘’ in annan en logmantasyon R10 milyon.  Nou ti a kontan ganny en pti leksplikasyon.

Lot kestyon se, mon annan detrwa koleg ki dan SVPD, zot in dir ek mwan poudir zot saler i sipoze R22 mil, zot pe ganny peye senpleman R11 mil.  E zot, zot on dir mwan zot in aprann ki UNOCD in fini anvoy sa larzan pou fer peyman.  Akoz zot pa pe ganny sa e letan in fer sa transfer sorti from SPDF pou vin avek Lapolis an prensip i sipoze annan en pti azisteman oubyen konpansasyon ki zot pe dir.  So kekfwa ComPol i kapab get ladan.

Mon katriyenm kestyon se vi ki ComPol ou’n dir ki pou annan en panel ki get lo promosyon.  Mon antyerman dakor ek sa e mon felisit ou pou met sa.  Me selman eski bann polisye ki annan apepre 20an, 25an an i annan ki annan apepre 27an e zot ankor lo ran Konstab.  Eski ComPol i kapab get ladan oubyen Minis get ladan pou kapab donn zot en pti keksoz zot osi zot ti ava met lo zot zepol oubyen kantmenm sey aranz zot saler pou ki i ava vin en pti pe pli bon.  Akoz i ankor annan zot ki pe ganny zis R7 mil.  Mersi Mr Deputy.

 

MR DEPUTY SPEAKER

Mersi Onorab Andre.  Madanm Lebon.

 

MRS ANGEL LEBON

Mersi Mr Chair.Mersi Onorab Andre.  En plezir mon’n ganny sans pou mwan reponn ou en pti kestyon.  Mon pran ou topik lo office expenses anba governance.  Office expenses anba governance son cost ki’n fer sa Bidze monte dan sa fason, se ki nou’n pran tou bann utilities.  Elektrisite, delo, telefonn, internet antye anba tou bann progranm.  Nou’n konsolid li koman en sif Bidze.  Of course elektrisite i pou li, delo i pou li.  Telefonn i pou li, internet i pou li.  Nou’n pran tou, nou’n konsolid anba sa office expenses akoz i fasilit nou pou nou monitor, pou nou kontrole e pou nou peye.  Akoz ler nou annan Bidze elektrik ek sa bann utilities i fannen partou atraver bann progranm.  Nou vwar poudir ler pou nou pey nou bann bill, nou rankontre sa difikilte.

E letan ki nou ti pilot atraver nou ban diferan enteraksyon ek Minister Finans ek bann konsiltan.  Pa zis nou, lezot Lorganizasyon osi ti met sa devan e ti agree ki nou ti annan drwa pou nou konsolid nou bann utilities, met li tou anba office expenses dan ladministrasyon e se sa ki fer sa pli gro konponan ki drive sa cost, fer li vin o sorti 3.4 milyon pou vin 13.7.  Akoz prezan anba bann community police ou pa pe gannyen ankor sa elektrisite.  Tou in ganny konsolide anba ‘’office expenses governance.’’  E nou napa zis elektrik, delo and so on anba ‘’office expenses.’’

Nou annan bann lezot item parey nou annan printing and stationary pou governance avek administrasyon.  Nou annan bann cleaning expenses, nou annan uniforms.  Nou annan adverts, nou annan newspapers and magazines.  Nou annan bann other office expenses.  Tousala i konsolide pou li ansanm avek elektrik, delo, internet and local telephone pou li fer total office expenses budget pou governance and administration.  Mersi.

 

MR DEPUTY SPEAKER

Onorab.

 

HON CLIFFORD ANDRE

Mr Chair,so si ou pe dir mwan tousala i tonm dan anba office expenses eski ou kapab eksplik nou kwa ki ganny kouver anba ‘minor capital outlay’ki 2.5milyon. Eski tousala i kouver anler?

 

MR DEPUTY SPEAKER

Madanm Lebon.

 

MRS ANGEL LEBON

(Microphone off)

 

MR CHAIRMAN

Komisyoner.

 

COMMISSIONER REGINALD ELIZABETH

Mr Chair, pou cameras ki Onorab pe demande.  Pou lenformasyon Onorab i annan serten stasyon Lapolis ki nou’n deza fini met cameras dan kordgard.  Dan son inquiry office ou pou vwar poudir i annan cameras akoz i enportan pou nou osi konnen koman bann management kwa ki pe pase dan nou Kordgard.  E kot interview room, dan interview room nou pou vwar osi posibilite pou nou annan en interview room kot nou ava enstal camera, kot i ava napa.  Tou lede kote ava benefisye.  Win, win.  Lakize, Lapolis tou lede pou benefisye lo la.

SVPD.  SVPD ler zot ti transfer sorti avek ladefans, zot ti vin anba Lapolis zot ti sorti net.  Savedir tou zot bann kondisyon ki ti avek Ladefans ti tonbe.  E zot ti re ganny anploye de nouvo e zot ti ganny ofer en plas dan Lapolis koman en polisye.  Koman en konstab.  Zot ti annan en swa.  Either zot ti pran sa pozisyon koman en konstab oubyen zot ti dir non, mon pa enterese.  I annan mon krwar ki pa ti enterese ti ale.  Me bann ki ti enterese pou kontinyen travay zot ti zwenn avek Lapolis e zot in antre ozordi zot en konstab.

Zot larzan i anba Bidze 2017 ki’n fer provizyon pou sa.  napa okenn larzan ki Lapolis in resevwar avek UNODC oubyen avek UN nenport pou SVPD.  Napa sa, sa nou’n bezwen ganny bann SVPD ki bezwen ganny sa kler ki poudir napa okenn larzan ki sorti avek UNODC pou zot.

Bidze pou zot sale ri tonm dan Bidze 2017 ki Gouvernman in fer provizyon pou sa.

Promosyon i baze lo performans, lo ou skill, lo ou rekomandasyon ki ou station commander i fer lo ou si ou en konstab.  Savedir ou osi, ou bezwen perform.  Sa konstab i bezwen perform, i bezwen montre.  Nou pa kapab zis donn promosyon koumsa akoz ou vin travay, ou vin travay 5an, 10an nou bezwen donn ou promosyon.  Non.  Ou bezwen montre mwan ki ou pe perform pou mwan kapab dir ok, mon a promot ou.  Be si ou pa travay, ou al kot Dokter tou lazournen mon pou donn ou promosyon akoz ou en konstab.  Me non, sa i pa le ka.  nou bezwen être kler lo la.  Mersi Mr Chair.

 

MR DEPUTY SPEAKER

Yes, Onorab Andre.

 

HON CLIFFORD ANDRE

2 pti klarifikasyon.  Savedir, mon pou demann avek ComPol si sa bann dimoun ki ti dan SVPD e UNODC e UNODC ti pe pey, sa kondisyon ki ou dir mwan ti ete avan, zot pe fer menm travay, selman zot kondisyon saler in desann letan zot in transfer from SPDF pou vin avek Lapolis?Sa i enn.

Dezyenmman, ComPol i en pe difisil pou mon konpran si ou dir mwan en gard ki vin ek rapor medikal, apre rapor medikal pou li fer 27an dan gard.  Si ou pe dir mwan i pan perform ou ti’n devret fer li ale. S a i mon pwen.

Apre mon annan en lot konsern pou mwan met devan ou.  Sa mon krwar i en yes or no answer.  Dir nou si korek ki nou annan comme etranze Depite Komisyoner, Chief Superintendent Marks ki ansarz CID.  Chief Superintendent  Jaqueline ki ansarz visible Police ASP Victor ki ansarz Dog Unit ASP Sailyor ki ansarz Fraud. E nou osi annan ASP Naville Tover.  Si i korek ki sa bann dimoun i la.  I fer plis ki 4 ki in dir nou bomaten.  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair, Sid Afriken ki pe travay avek Lapolis Sesel, lo nou payroll Lapolis i annan 4.  Ti eksplike bomaten.  I annan sa ki ou’n dir mwan Depite, Sef Sirentandan avek Sirentandan i fer 4.  Dog Unit mon ti eksplike bomaten, ti en MoU avek SCAA.  Commercial Crime pa lo nou payroll sa zenn homme la.  I tonm anba payroll Minister Finans li.  Pa anba nou payroll.Non, nou napa nanryen ki nou donn li nou.

 

HON CLIFFORD ANDRE

Depite Komisyoner ki en etranze, Chief Superintendent Marks ki ansarz CID si mon korek.  Chief SuperintendentJaqueline ki ansarz Visible Police.  Ou’n dir mwan Dog Unit e SP Victor i pa tonm anba pou zot, i ok.  I annan ASP Sailyor ki ansarz Fraud  i pa lo zot payroll li, Selman i travay ek Lapolis.  Savedir i annan 2 ki pa lo payroll Lapolis, ki pe travay ek Lapolis.  Ok, mersi bokou.

 

MR DEPUTY SPEAKER

Ok, Onorab Andre.

Bon, Onorab Churchill Gill.  Annou sey fer li vit.  Presiz lo ou kestyon.

 

HON CHURCHILL GILL

Mersi Mr Chair.  Mon kestyon i tre spesifik, i konsernan Car Hire.  Bomaten nou ti ganny dir ki inisyalman dan Bidze pa ti met car hire akoz zot ti antisip sa bann transpor sorti dan Lenn.  Me apre sa ti delay zot ti vwar zot bezwen pran car hire.  Me selman i annan en konsern ki’n ganny met devan mwan kot sa bann car hire prezan pou letan pa ti dan Bidze inisyalman.  Eski zot pou ganny peye avan Bidze 2016 e fini dan Bidze 2016 oubyen si porsyon zot peyman ki pou due pou zot i pou pas an 2017 ?

 

MR DEPUTY SPEAKER

Madanm Lebon.

 

MRS ANGEL LEBON

Mersi Mr Chair.  Mr Gill mon krwar bomaten ou ti demann mwan menm kestyon, mon ti eksplik menm keksoz or maybe somebody else dan lasal, en lot Onorab.

Bomaten mon ti eksplik sa menm size.  Nou ti ganny supplementary budget pou nou pey bann car hire ki nou ti oblize pran letan loto pa ti materyalize early 2016.  Thank you.

 

MR DEPUTY SPEAKER

Mersi,  Madame Lebon.

 

HON CHURCHILL GILL

Wi, mon kestyon se eski zot pou ganny peye akoz la 2016 pe fini,  eski zot pou ganny zot peyman dan sa Bidze 2016.  Anyway ou’n supplementary savedir la, me eski zot pou ganny peye Desanm oubyen zot pou ganny peye boner 2017 ?

 

MRS ANGEL LEBON

Mersi Mr Chair.Mr Gill, mon’n dir ou koumsa poudir sa supplementary budget nou’n ganny donnen pou nou pey car hire.  Savedir ler nou ganny nou larzan nou pey car hire.

 

MR DEPUTY SPEAKER

Ok, Onorab Esparon.  Annou fer vit, annou fer li vit.

 

HON REGINA ESPARON

Mon ti a kontan demann Komisyoner si i kapab eksplik nou akoz ki ler en zofisye Lapolis i ganny konze Dokter i ganny demande dan serten ka pou rann sa bann zour konze dan son zour off, menm si in prodwi en papye konze ?E konbyen Staff dan Departman Lapolis ki anploye koman drayver? E ki arive dan ka kot en zofisye Lapolis i ganny demande pou dray en transpor Lapolis e i fer aksidan. E  ou’n dir nou poudir i pa ganny kouver anba lasirans,  ki mannyer ou Departman i deal ek sa? Eski sa zofisye i peye pou domaz oubyen lasirans ki kouver ?

E donn mwan en pti klarifikasyon, ki lyen ki Lapolis i annan en firm security Marc Pol e klarifye akoz ki transpor Lapolis ki anmenn bann travayer Marc Pol kot zot ler zot fini travay aswar akoz komisyoner ou prop gard ki pe konplent akoz zot fatige vwar sa kalite labi.  Mersi.

 

MR DEPUTY SPEAKER

Mersi Onorab.  Komisyoner, bref.

 

COMMISSIONER REGINALD ELIZABETH

Mr Chair, zis avan ler nou bouz lo kestyon Onorab.  Madanm Lebon i oule zis koriz en lapey enn sa Sid Afriken ki fer travay Lapolis.  ASP Victor, kondisyon, mannyer kondisyon SCAA avek Lapolis i ete lo la.  zis pou met keksoz dan kler.

 

MRS ANGEL LEBON

Mersi Mr Chair.  Mersi tou Onorab.  E ASP Victor, parey nou ti eksplike bomaten i en Dog Trainer.  I en spesyalis dan bann zafer police dogs e ti lide SCAA, zot ki ti apros Lapolis avek sa lide pou zot fer en MOo, en sharing. Konmsi en partnership ek Lapolis.  Zot, zot napa lisyen, Lapolis i annan e Lapolis i bezwen enn sa kalite trainer koumsa ki annefe zot, zot pou benefisye avek atraver bann sniffing bagaz ki pase Erport.  E sa MOU ti ganny etabli e ASP Victor, wi i met uniform Lapolis, i travay withinthe discipline of the police, i lo payroll Lapolis.  I ganny R100 mil par mwan me SCAA tou le mwan i rann sa dan wages sa progranm kot Mr Victor son lapey i sorti e sa i ganny fer direk atraver Trezor.  E so nou kapab dir poudir pa nou ki pe peye, me i en kontribisyon ki nou, nou pe benefisye avek.  SCAA pe benefisye avek anba sa MoU.  Me nou, nou pey li atraver nou payroll.Me selman SCAA i refund nou sa direk atraver Trezor.

 

MR DEPUTY SPEAKER

Komisyoner i annan kestyon siplemanter.

 

COMMISSIONER REGINALD ELIZABETH

Mr Chair, kestyon Onorab lo drivers dan Lapolis.  Nou napa nonm kantite drayver dan Lapolis.  Me selman ki mon kapab enform Lasanble, se ki tou polisye ki drive transpor Lapolis i ganny li en driving allowance.E tou transpor Lapolis i comprehensive.  Savedir i fully insured.  Se pour sa rezon ki nou pa oule demen, si enn nou drayver in fer aksidan e i trouv li avek en gro det.  Petet si i annan tor i a pey sa excess of insurance.  Me apard sa, lasirans i pran ka avek larestan domaz.

Marpol.  Lapolis napa okenn koneksyon ek Marpol.  Si en drayver in abiz transpor pou li anmenn en travayer Marpol.  Si i annan sa lenformasyon mon ti a kontan ki ou raport li devan ouswa sa dimoun ki’n vwar sa i aport li a mon latansyon oubyen aport li a latansyon mon Internal Affairs e nou a fer investigation e sa dimoun ki’n abiz transpor Lapolis aksyon disipliner a ganny pran kont li.

Sa i pa en keksoz ki mon pou toler zanmen e mon pa tolere labi nou transpor dan Lapolis.  Mersi Mr Chair.

 

HON REGINA ESPARON

Mersi Mr Chair, mon premye kestyon pan ganny reponn zafer konze Dokter.  Zafer konze Dokter, bann Lapolis ki ganny konze Dokter e i ganny demande pou rann sa dan zot letan off.

 

COMMISSIONER REGINALD ELIZABETH

Mon ti tande ti annan sa e mwan mon’n dir avek mon bann station commanders ki ansarz bann stasyon, ki si en dimoun i ganny son konze Dokter, son konze Dokter i son dues.Nou pa kapab dir li rann konze Dokter, sa i pa ladan.  I pa akseptab.

Si i dimoun in ganny son konze Dokter, i pa devret ganny rann avek son konze.  Non.  Mersi Mr Chair.

 

MR DEPUTY SPEAKER

Mersi Komisyoner.  I annan en kestyon ki pe arise lo en matter.  Onorab Georges.  Vitman.

 

HON BERNARD GEORGES

Mersi Mr Chair, mon pa anvi fer long mon ti anvi zis dir, mon napa zanfan me si mon ti annan mon pa ti pou anvoy zot aprann Avoka, mon ti pou anvoy zot aprann dog training.Akoz R100 mil pou en dogtrainer mon vwar i en pti pe egzazere.

Pwen ki mon ti anvi fer sorti, se mon krwar nou devret pause en pti kou lo la akoz in lev en keksoz.  Mon konnen Leader Lopozisyon pou koz lo la pli tar dan sa deba.

Me mon krwar ki nou vwar la, kote labi i antre.  SCAA i servi son CSR ki olye pey tax i pey en dog trainer.  Si i ti pe pran son prop larzan pou li pey en dog trainer, mon plis ki sir i pa ti pou pey R100 mil en dog trainer.  Se akoz sa larzan pa pou li, se akoz i pe dir dan son lespri i pe pran larzan ki in anyevent i ti pou al pey tax ki i kapab pey dog trainers sa kantite Larzan.

Mon krwar la nou vwar en posibilite Mr Chair, kot akoz sa zafer CSR ki pas atraver, i pa al dan Bidze Gouvernman kot Gouvernman i ava annan en kontrol lo la.  Me i en pti laranzman ki ganny fer, se la kot nou vwar labi.

Mon ti krwar i ti ava en portan lev sa la, se pour sa rezon ki mon’n fer li.  Mersi.

 

MR DEPUTY SPEAKER

Mersi Onorab George.  Mr Payet mon krwar ti a kontan reponn sa.

 

MS PATRICK PAYET

Mersi Mr Chair.Zis mon pou azoute, usually en Lenstitisyon Public Enterprise, si zot anvi tir sa lo zot CSR, zot bezwen vin lo CSR Committee pou demann en let laplikasyon.  E a sa moman mon napa okenn, akoz mwan ki ChairmanCSR, mon pa’n vwar sa vin devan Komite.  I annan SCCI, mon pa konnen si kekfwa zot in panse sa i dapre guide ine ki egziste.  Me an se moman napa let ki’n ganny issue pou zot kouver sa akoz i pa pou tonbe anba guideline.  Mersi.

 

MR DEPUTY SPEAKER

Mersi Mr Payet.  Onorab Ramkalawan.

 

HON WAVEL RAMKALAWAN

Yes, Mr Chair.  Mon krwar ki i, anyway mon krwar deba in plizoumwen epwize.  Me selman at the same time mon krwar ki e enportan pou nou fer remarke, anliny avek sa bann pwen ki ganny fer resorti la, ki poudir nou pa konfortab.  Nou pa konfortab avek sa ki nou pe antann e mwan mon krwar ki enportan pou nou ganny en commitment, en commitment lo lapar Lapolis.  Lo lapar Minister Finans ki pou dir tou sa bann keksoz ki nou pe antann ;  R100 mil pou en dog trainer, R100 mil pou en dog trainer ?  I annan Seselwa ki train lisyen.  I annan en kantite Seselwa ki train lisyen e mon osi konnen ki poudir serten sa bann Seselwa, oubyen ou kapab R100mil, ou kapab anvoy detrwa Sesel al train.  Al fer training pou zot retournen koman bann profesyonnel.  E annou pa bliye ki poudir training lisyen Lapolis Imean ComPol i rapel sa pli byen ki mwan, letan bann TiTi, rafal Lendepandans Mr, well mon’n konn li koman TiTi.  Mr Chang-Waye, Mr Ken Payet, ti annan sa 5 ki pou Lendepandans ti annan zoli demonstrasyon e apre sati pe komans fer bann travay dan Lapolis, ki konmsi in annan sa long history ki Seselwa in involve dan dog training. 

So.  E ozordi i annan plizyer Seselwa ki involve dan dog training e konmsi nou bezwen Mr Chair. Sorry si mon pe fer en statement me i zis akoz pre pou nou pran en vot e avan nou pran sa vot mon krwar ki i bezwen annan en commitment ki pou dir sa bann lapey R135.  En dog trainer pe ganny plis ki Prezidan Larepiblik?  Annou kantmenm, annou balans keksoz en pe.

So, mon krwar nou bezwen en commitment, nou bezwen regard osi sa bann Kontra, mwan mon krwar ki Lasanble i bezwen ganny kopi sa bann Kontra.  Parski pandan sa deba la nou pa’n tann ditou lo ki spesyalite sa bann dimoun e dapre ki mon konpran osi zot pa pe vreman pas okenn nouvo leksperyans.  Konmsi zot involve dan daily police work.  Me selman napa okenn spesyalite ki pe dir la i la, i annan sa 4 zofisye ki nou pe montre zot ki mannyer zot pou fer tel, tel, tel keksoz.

E ki alor mon krwar i vin en pe parey sa bann zafer FIU ki nou pe osi pas ladan.  We need a commitment ki pou dir sa kalite labi lo larzan lepep Seselwa, pa pou kapab kontinyen.  E mon plis ki sir ki Leader of Government Business li osi tou i ava donn en commitment dan sa direksyon, akoz seryezman, seryezman en pe parey pou FIU, nou ti kapab fasilman dir be sa 4 etranze ki pe pran 3.6 poursan dan wage bill annou koup sa e annou….

So, sa commitment ki deswit la, sa pou ganny regard ladan e nou Seselwa i ava ganny sa bann pozisyon apropriye e ki sa Bidze i ava koupe.

E zis an terminan mon ti a zis kontan demann, parski ankor enn fwa i annan en pe konfizyon.  Letan i annan promosyon, eski se Komisyoner Lapolis ki aprouv sa bann promosyon avek tou son Lotorite oubyen se Minis ki aprouv promosyon ?  Parski la ankor enn fwa, parey ou pe vwar Komisyoner, mwan mon anvi ki Komisyoner Lapolis i pran son power e tou son Lotorite anba Lartik 160.  Ok ?  Mersi bokou.

 

MR DEPUTY SPEAKER

Mersi Onorab Ramkalawan.  Avan Komisyoner i reponn mon a donn laparol Onorab De Commarmond.

 

HON CHARLES DE COMMARMOND

Mersi Mr Chair.  Mr Chair, mon koleg la, Onorab Sebastien Pillay.  I dir mwan poudir Glacis i annan Seselwa ki pe train lisyen, son lisyen i partisip ansanm avek NDEA Unit laba.

Anyway, zis pou mwan met lanfaz lo sa ki mon’n dir bomaten e la Leader Lopozisyon pe dir e mon oule reitere sa ki mon’n dir e menm al pli devan ki Gouvernman la i devret donn nou en immediate commitment e enn, hold tou bann new recruitment.  Pa bezwen recruitokenn etranze nouvo dan sa bann landrwa Lapolis.  FIU e NDEA.  Ni Nepale.  Okenn etranze pa devret ganny recruit new la.  Ereview all existing etranze ki travay, sa bann Kontra ensidswit e met li anliny avek laprouvasyon DPA Ek Minister Finans.

I devret annan sa scrutiny la, zot devret pe gete.  I bezwen ganny fer annord e an menm tan si i neseser en amannman dan Lalwa quelque part, fer li pou ki sa bann keksoz i ganny fer korekteman.

Nou antretan, tan ki napa sa commitment.  Nou oule en commitment for e les mwan osi dir avek Onorab Ramkalawan, la taler, zis apre sa Break nou ava zwenn ansanm avek lezot Lotorite, Minister Finans pou nou diskit certain other issues dan sa bann laliny la, avek Speaker pou ki nou kapab al en pe pli vit avek nou Bidze ler nou ava’n ganny serten commitment.

Mon demann ki nou bann Manm Lasanble i konpran en pe osi dan sa direksyon.  Pou ki nou bouz vit, me selman i bezwen annan sa commitment for, serye e real.  Mon dir koumsa.  Serten keksoz kekfwa pa kapab ganny fer ozordi, ozordi.  Me la in the, sa premye quarter.  Sa premye quater 2017 la, sa bann keksoz ki nou pe leve la i bezwen ganny address par hook or by crook.

Mwan mon krwar dan sa fason la, nou Lasanble i a konpran e i a donn sipor sa ki Prezidan Faure pe sey fer pou nou pei dan lespri sa Bidze e ki nou osi nou Lasanble i ava onboard avek sa ki nou pe fer.  Mersi bokou Mr Chair.

 

MR DEPUTY SPEAKER

Mersi bokou Onorab.  Mr Payet.  Mr Payet i a reponn.

 

PS PATRICK PAYET

Mersi Mr Chair e mersi kontribisyon LGB avek Leader Lopozisyon.  Mon krwar depi Merkredi deba in komanse lo Bidze e nou osi koman Minister Finans nou’n tann bokou e mon krwar nou’n aprann bokou la ek bokou diskisyon ki’n ganny fer dan sa Lasanble pandan sa 5 zour deba.  E mon konvenki ki definitivman Minister Finans nou bezwen zwenn avek DPA pou revwar tou sa bann Kontra foreigner ki egziste akoz dan prosedir tou bann foreigner letan zot pe ganny recruit dan Sesel, dan Public Servant ouswa dan en Lenstitisyon Gouvernman zot bezwen fer li through Departman Public Administration e li ki i kouver.  Zot sipoze al lo wage grid properly.

Par egzanp Minister Finans, nou annan en foreigner ki travay dan internal audit, i dan wage grid Gouvernman e i ganny peye en Seselwa ki ti pou dan sa post,me selman i ganny li en housing an plis ki i vini.  So lo sa baz parey in ganny dir, definitivman nou bezwen etabli en Komite dan Minister Finans, konzwentman avek DepartmanPublic Administration pou nou review tou sa bann kontra ki egziste e dan nou first review letan nou prezant fiscal review pou first quarter of 2017 nou ava anmenn en rapor kot Lasanble Nasyonal e zot ava vwar ki zistans nou’n arive.  Ki nou’n fer avek sa bann Kontra ki egziste dan NDEA, FIU avek Departman Lapolis e osi dan Departman Prizon.  E osi bann lezot Lenstitisyon si i egziste ki nou pa ankor etabli.  E mon konvenki any savings ki kapab ganny fer, i ava ede dan bann lezot loperasyon par egzanp dan Departman Lapolis.  Si i annan urgency pou zot kapab fer additional keksoz e osi kapab recruit additional staff e sa bann savings i kapab ganny servi dan sa konteni.  E mon konvenki ki nou kapab fer sa travay dan first quarter 2017.  Mersi.

 

(APPLAUSE)

 

MR DEPUTY SPEAKER

Mersi Mr Payet.  Komisyoner ou ti le azout keksoz?

 

COMMISSIONER REGINALD ELIZABETH

Mr Chair, keksoz ki mon ti oule azoute se ki fodre pa ki nou baz ekonomik lo lavi imen.  Ki mon pe dir pa sa.  Nou annan nou en avyon plen ek pasarze ki dekole lo Erport Enternasyonal, Pointe Larue.  En dimoun in slip en bonm e personn pa’n detekte.  Ki katastrof, eski i kout R100 mil par mwan ?  Ou konpran mwan aki mon pe dir.  Se ki lavi imen i kout plis ki sa R100 mil.  Explosive dog, bann lisyen ki kapab detekte eksplozif lo Erport i en keksoz ki nou pa kapab met en kou lo la.

So annou pa tro, tro mazin zis ekonomik.  Annou mazin lavi.

 

MR DEPUTY SPEAKER

Order! Order!

 

COMMISSIONER REGINALD ELIZABETH

Me selman dan review nou kapab regard ladan.  Me selman nou bezwen mazinen osi.

 

MR DEPUTY SPEAKER

Mersi.  Onorab De Commarmond, de pti mo.  Konklir, nou konklir sa size.

 

HON CHARLES DE COMMARMOND

Mr Chair, i enportan fer sorti sa klerman.  Nou Lasanble pa’n dir zanmen pous tou etranze ozordi pou demen.  Nou Lasanble pe dir annou revwar, nou konnen nou.  Nou konsyan poudir i annan en kantite court case la deor, dizon ki FIU pe soz.  Nou konnen nou poudir annan kestyon sekirite, i annan kestyon defans.  I annan tou sa baan issues.  Nou konsyan tou sa e nou konpran ou Komisyoner.  Pa trakase, napa okenn zafer sepa bonm, sepa kwa.  Nou, nou pa pe dir tou sa dimoun sorti ale ozordi pou demen.  Nou’n dir selman nou bezwen pe en fason pli serye regard dan tou sa keksoz, dan sa fason ki nou’n dir pour ki nou pep, nou Lasanble, nou bann Lenstitisyon e kot Lapolis laba, ou vwar sa ki pe arive.  I vin parey en mank respe pou depans finansyel nou pei.

Mon pe get li koumsa e mon krwar mwan nou bezwen put things back to order si mon kapab servi sa mo.  Si ou permet mwan e mon asire Minister Finans parey in ganny committed la, parey ou’n dir PS.  Sanpyon, chapeau e mon krwar mwan dan sa direksyon ki nou pou ale napa nanryen pou stop.  Nou pa pe dir stop nanryen pou konmsi blok tou keksoz.  Pa sa.

Me selman nou pe dir nou bezwen vwar, met annord tou sa bann zafer la.  Mersi.

 

MR DEPUTY SPEAKER

Mersi Onorab.  Onorab Andre, vitman.

 

HON CLIFFORD ANDRE

Vitman, vitman.  Kekfwa en sizesyon ki nou kapab fer.  Fer en pti pe parey SPDF, par ler i annan bann technical assistant ki ganny donnen ansanm avek mon krwar i annan Endyen, i annan lezot nasyonalite ki vini ki pa nou ki pe bear sa cost.  Me sa Gouvernman laba.  So mon krwar Lapolis i kapab fer sa osi.  Mersi.

 

MR DEPUTY SPEAKER

Mersi Onorab.  Bon PS Payet in donn en komitman.  Nou tenir an kont sa komitman e first quarter i pou fer en review, i pou retour devan Lasanble e nou a kapab regarde koman keksoz in ale.  Nou a kapab evalye.

Mon annan 2 dernyen entervenan. Bref, Onorab William apre Onorab Mondon.

 

HON WAVEN WILLIAM

Mersi Mr Chairman.  Mr Chairman, mwan mon ti a kontan on behalf of zabitan Grand Anse Mahe ganny en Komitman avek Komisyoner Lapolis pou aksepte pou vin fer en miting piblik dan distrik Grand Anse Mahe, lefe ki si son bann larepons ki nou’n gannyen i annan serten keksoz ki nou bann zabitan ti a kontan met devan Komisyoner Lapolis e mwan mon ti a kontan gannyen en komitman avek Komisyoner Lapolis ki boner 2017, nou kapab ganny en miting dan distrik Grand Anse Mahe?  Mersi.

 

MR DEPUTY SPEAKER

Mersi Onorab.  Komisyoner.

 

COMMISSIONER REGINALD ELIZABETH

Mr Chair, si Onorab i organiz en meeting pou mwan asiste avek bann zabitan Grand Anse Mahe, mon pare pou vini.

 

MR DEPUTY SPEAKER

Mersi. Mersi Komisyoner.  Onorab Mondon.

 

HON TERENCE MONDON

Mersi Mr Chair.  Mwan zisteman mon ti anvi eksprim mon dezapwentman lo sa size saler, sirtou nou bann polisye, nou bann polisye ki fer plis ki 20an i ankor lo en saler R7900 e ler ou konpare mannyer zot pe tret etranze, kantite larzan zot pe gannyen.  Pou mwan mon pa satisfe, mon dezapwente.  Me selman le pwen in fini fer.  Deba in epwize, mon pa pou al pli lwen ki sa e sa i on pozisyon.  Mersi.

 

MR DEPUTY SPEAKER

Mersi Onorab Mondon.

Bon, nou’n ariv a lafen deba lo Bidze pou Lapolis.  Nou’n ariv dan pozisyon pou nou pran en vot e mon a demann tou bann Manm ki an faver Bidze Lapolis ki trouve lo paz 226 ziska paz 235.

Tou sa ki an faver pou lev lanmen ?Mon a demann Clerk pou konte.

Okenn ki kont?  Onorab Ferrari ou kont ?  Okenn ki kont Bidze Lapolis ?  Non.  Konbyen nou’n gannyen ki an faver ?

Bon nou annan 18 vot ki an faver.  Alor Bidze Lapolis in pase.  Bon avan nou pran Break mon a zis eskiz Komisyoner Elizabeth parmi nou, Madanm Lebon, Manmzel Vangadasamy e Madanm Dogley osi parmi nou.  Mersi pou zot pasyans.  Mersi pou fer sa lazournen avek nou e mersi osi tou pou kapab ed bann Manm pou kapab konpran en pti pe plis Lapolis e ki mannyer i mannye son Bidze.

 

THE POLICE COMMISSIONER AND HIS DELEGATION WAS EXCUSED FROM THE HOUSE

 

MR DEPUTY SPEAKER

Bon avek sa nou ava pran en Break, nou ava retournen 4.20, pou nou pran Departman Prizon.  Ok.

 

(BREAK)

 

DEPARTMENT OF PRISON

 

MR DEPUTY SPEAKER

Bon nou prezant leskiz pou sa retar.  Me pa trakase nou ti annan en meeting konsernan nou travay avek Minis Finans avek le 2 Leader.  Nou ava kontinyen nou travay pou apre midi la e ankor mon redir, mon donn en konsey bann Manm.  Depi la apre midi nou pou limit kestyon.  Pa plis ki 2 kestyon par Manm e otan posib mon pa pe re ouver lalis ankor pou en Manm re antre a lafen avek kestyon adisyonnel.

Nou fer nou kestyon spesifik, nou fer li bref e Minis, PS avek son panel ava donn bann larepons osi bref.

Bon nou pou pran Prizon e lo panel devan nou annan PS Payet, nou annan Minis Larue, Minis pou zafer Enter.  Nou annan Sirentandan Prizon, Mr Vic Tirant, nou annan Advisor, Mr Maxime Tirant e Madame Bessy Banane, Financial Comtroller asiste par Mr Sam Dodin, Prison Division e Madanm Florianne Vidot koman DG pou Human Resources and Admin.

Lo kote Finans touzour prezan parmi nou, nou annan Mr Thesee e Manmzel Verghese.

Bon, parey nou’n fer pou lezot Departman mon ti a kontan demann Sirentandan Prizon Mr Tirant, Mr Vic Tirant pou donn en apersi apepre en 4/5 minit lo the running of prizon.  Si ou le tous en pti pe lo ou cost.  Petet mon a kapab donn en pti konsey osi tou.  Fer sorti en pti bann detay par egzanp ki kantite travay ki Lotorite Prizon i anploye, ladan konbyen ki Seselwa.  Konbyen ki foreigner sa akoz sa i bann kestyon ki monte lo latab.

Zis petet i a koup en pti pe letan bann kestyon.  Ok.  Go ahead Mr Vic Tirant.

 

SUPERINTENDENT VIC TIRANT

Mr Chair mersi.  Bonn apre midi tou bann Onorab.  Mon ti a kontan fer sa prezantasyon pou koz en pti pe lo misyon prizon parey nou’n ganny demande.

Alor, nou misyon se pou annan en sant ekselans pou efektivman mentenir e reabilit nou prizonnyen anliny avek bann standar enternasyonal.  E osi nou tret zot avek liminite e respe avek bi pou viv en lavi san krim pandan zot letan anba nou responsabilite e letan zot ganny large.

Alor, nou Misyon se pou protez piblik kont bann ki fer lofans.  Delivre en progranm reabilitasyon profesyonnel, asire ki bann prizonnyen i ganny bon loportinite ledikasyon e devlopman personnel.  Devlop koneksyon avek lakominote biznes pou asiste prizonnyen pou annan en lavi baze lo bann bon valer.

Nou’n idantifye 7 priyorite pou lannen 2017- 2019.  Sa 7 se pou amelyor provizyon servis e sekirite prizonnyen.

Devlop en framework solid pou reabilitasyon e reentegrasyon prizonnyen.

Amelyor sekirite pou asir sekirite lapopilasyon.

Amelyor nou kapasite resours imen.

Amelyor nou bann lenfrastriktir.

Devlop bann loportinite pou ariv ganny financial sustainability.

Ranforsi nou langazman avek bann partner kle o nivo Nasyonal e enternasyonal.

Vwar la en pti pe lo nou manda pou nou travay avek bann dimoun ki vin kot prizon.

Parey ou’n demande Mr Chair, an term Staffing kot prizon nou annan 76 zofisye Seselwa e nou annan nou 80 zofisye etranze.  E sa prensipalman se bann Nepale.  Alor mon krwar mon a termin la e mon a espekte bann kestyon.

 

MR DEPUTY SPEAKER

Mersi Mr Tirant.  Bon nou ava open floor aprezan pou kestyon.  Onorab John Hoareau.

 

HON JOHN HOAREAU

Mersi Mr Chair.  Mr Chair, dan rapor Oditer Zeneral pou 2015 i montre ki bann peyman bann travayer expatriate in ganny fer bonafide, okenn personal income tax pa’n ganny tir e lo la e in kout Sesel anviron plis ki R2 milyon, 900 mil.  So mon ti oule konnen si i annan okenn amelyorasyon lo sa.  Si actually la at this point in time si i annan travayer ki ankor pa pe pey tax kot prizon akoz sa i kout Gouvernman en kantite larzan.  Mersi.

 

PS PATRICK PAYET

Mersi Mr Chair.  Mersi Onorab pou sa kestyon.  Letan nou ti pe diskit avek Oditer Zeneral nou ti vwar sa anomaly ki egziste e letan nou ti an diskisyon avek the Ministry of Home Affairs nou ti vwar ki lagreman ki zot ti sinyen ti net pay avek bann Nepale.  Savedir zot lagreman ti net of taxes.  Sanmenm sa ki nou’n met provizyon sa lannen, lannen prosenn osi pou fer sir ki sa konponan income tax i ganny mete lo zot saler pou peye.  E dan provizyon 2017 sa anomalies in ganny korize.  Mersi.

 

MR DEPUTY SPEAKER

Mersi Mr Payet.  Onorab Esparon.

 

HON REGINA ESPARON

Mersi Mr Chair.  Lo paz 221 anba strategic priorities 2017-2019, bullet 1.  ‘’Improve the provision of appropriate acre and safety of prisoners. ‘’ Mon ti a kontan demann Mr Tirant pou konfirm avek nou Lasanble ki i annan en Madanm Berj dan prizon ki ti ganny kondannen ki ansent.  Eski Departman Prizon pou pran responsabilite pou okip sa zanfan an vi ki i en etranze ?  E eksplik nou ki pou Polisi prizon vizavi bann tel sityasyon.

Dapre bann madanm ki laba, zot ti ganny promet ki Departman Prizon pou amelyor zot sityasyon 3an pase, me ziska prezan tou keksoz i ankor parey, zot ankor pe lav zot bann vesel sal dan lasal de bain avek dan toilet.

E ki’n arive avek sa progranm kot bann madanm ti pou ganny plase kot IOT?  Mersi.

 

MR DEPUTY SPEAKER

Mersi Onorab.  Mr Tirant.

 

SUPERINTENDENT VIC TIRANT

Mersi Onorab.  Mon en pti pe soke akoz ofisyelman mon pa ankor tann naryen lo sa zafer ki ou’n mansyonnen.  Mon krwar koman mon monte mon ava al rode.

 

HON REGINA ESPARON

Mersi, avan ou al lo nimero 2.  ki pou arive ek sa zanfan ?  Eski zot pran responsabilite.  Si i arive ki i ansent ou dekouver vre sa ki mon pe dir ou i ansent.  Ki pou arive, zot pran responsabilite ?  Parski i en etranz eli.

 

MR DEPUTY SPEAKER

Ok Onorab, ok.  Mr Tirant.

 

SUPERINTENDENT VIC TIRANT

Si nou arive trouve kis a madanm i ansent, mon krwar kot prizon nou pou bezwen al fer en enquiry pou rode ki mannyer ki sa madanm in fer pou li ansent e otomatikman nou pou bezwen rod en metod.  Mon pa konnen, mon a ganny gide par mon advisor ki’n la tou sa lannen, pou vwar lo ki best solution pou fer avek sa zanfan.

Me selman parey mon pe dir ou, mwan personnelman mon pa ankor tande, mon pa ankor ganny met officially okouran si sa in arive.  Mon krwar mon kapab al lo sa dezyenm kestyon.

Dezyenm kestyon sete kwa.  Wi, be Onorab konmsi, avek tou respe mon annan, be mon pa konnen kote ou gannyen sa bann lenformasyon.  Prizon kot bann madanm in ganny organize,  i annan en lakwizin kot zot kwi zot manze, kot zot lav zot vesel e i annan travay ki aktyelman pe ganny fer kot bann madanm kondannen i ganny housed.  So mon pa konnen kote sa bann lenformasyon i servi.

Ok, nou aktyelman dan nou progranm reabilitasyon, nou pe travay lo bann demars pou nou fer nou bann kondannen as much as possible sorti dan prizon pou al partisip dan travay. E  pou donn zot sa labitid travay pou zot kapab re entegre dan sosyete ankor.  Byen.  Nou annan en bon pe dimoun ki’n ale ki pe travay par egzanp kot SAPMER.  Nou annan dimoun ki pe travay kot STC.  Nou annan dimoun ki pe travay kot Land Marine e mwan parey ou konnen mon fek ariv laba.  Mon pe revwar ou keksoz ki ti egziste kot prizon pou nou kapab sey fasilit keksoz en pti pe plis ki i ti annan dan legzistans.

So, si i annan keksoz pou fer pou anvoy sa bann dimoun travay mon krwar wi, nou a fer li.

 

MR DEPUTY SPEAKER

Mersi.  Onorab zis en klarifikasyon.

 

HON REGINA ESPARON

Zis en siplemanter.  Si i annan en Polisi vizavi sa bann zafer lansentman dan Prizon.  Eski zot annan en Polisi dan prizon ?

 

MR DEPUTY SPEAKER

Mr Tirant.

 

MR MAXIME TIRANT

Bon, mersi Mr Chair.  Mersi Onorab.  Bon, otan ki mon okouran napa gran zafer dan Prison Act ki gid nou lo sa zafer.  Par egzanp si en madanm i antre dan prizon, nou’n deza annan bann ka kot bann madanm ki vini, en prizonnyen i antre dan prizon i deza dan sityasyon lansentman e prizon i drwa kapab pran ka ek sa madanm, donn li son bann neseser, i ganny son baba.  E normalman nou ganny gide pou les li reste ek son baba at least pou en 18 mwan koumsa.  Son piti i devret grandi ek li dan prizon.

E pou adres sa mon ti’n fer en pti unit par kote, si an ka nou annan en senaryo parey i devlope.  Nou’n gannyen parey mon’n dir, enn de madanm ki’n ganny zot baba letan ki zot in dan prizon.  Me selman zot in al maternite e answit Sosyal, baze lo zot ka spesifik, Sosyal in pran sa bann baba.

So zanmen dan mon letan, sa dernyen 7an, mon’n zwenn en baba ki’n grandi dan prizon.  Me si sa i arive provizyon i la.  Nou travay tre etrwatman avek zafer sosyal lo sa size.  Mersi.

 

MR DEPUTY SPEAKER

Mersi Mr Maxime Tirant.  Onorab Woodcock.

 

HON WAVEL WOODCOCK

Mersi Mr Chair.  Mon kestyon i baze lo paz 225 anba progranm 3,  ‘’Rehabilitation and reintegration.  Dan 2015 zot estimated actual ti 3.2 milyon e sa ti ogmante an 2016 anba zot revised budget ti ariv 7.4 milyon e la ankor dan 2017 mon vwar zot pe redwi sa ankor pou retour 3.2 milyon.  E Mr Tirant fek dir comme quoi enn bann lanfaz prizon se pou rehabilitation and reentegrasyon bann prizonnyen back dan lasosyete.

Me selman mon pe demann mon kestyon, be avek sa rediksyon dan sa Bidze pou reabilitasyon ek lentegrasyon, eski zot pou kapab fer sa e akoz ki zot pe fer en sitan gran reduction ?

Mon dezyenm kestyon, i annan parol deor comme quoi prizon Anse Marie Louise pe al fermen.  Si i vre, eski zot pou cater pou re alokasyon sa bann prizon dan sa Bidze pou 2017 ?  Mersi bokou.

 

MR DEPUTY SPEAKER

Mersi Onorab – Madanm Banane.

 

MRS BESSY BANANE

Mersi Onorab pou kestyon.  With regards to sa alokasyon from 2015 up to 2017, sa diferans i mainly akoz kreasyon DDRU e sa konponan ti pe ganny cater for dan Bidze prizon e sa in ganny reallocate under DDRU for 2017, ki nou’n address yesterday.  Mersi.

 

MR DEPUTY SPEAKER

Mersi Madame Banane.  Minis oule reponn sa dezyenm kestyon.

 

MINISTER MITCY LARUE

Dezyenm kestyon.  Mersi Onorab.  Mr Chair, onorab in dir poudir ou’n konpran i annan en koze pou fer Marie Louise.  Ok Onorab, pour lemoman kot nou’n fini travay lo en proposal, en proposal akoz dan prizon li menm i annan en kantite keksoz ki nou bezwen re gete.  Si ou regard rapor Oditer Zeneral ou pou vwar kantite issues, konsern ki annan ki nou bezwen adres.  E lakantite prizonnyen nou’n redwir in ariv 500 keksoz konpare ek 800.  479, ok?

So nou’n prepar en proposal e nou’n fini submit ek cabinet e sa proposal pe ganny pran par Cabinet Merkredi prosen e de la pou konnen egzakteman the way forward.  Ok.  So pour lemoman zis atann.  Mersi.

 

MR DEPUTY SPEAKER

Mersi Minis.  Onorab Henri.

 

HON GERVAIS HENRIE

Mersi Mr Chairman.  Ankor enn fwa bonn apre mini tou dimoun.  Mon premye kestyon ki mon ti ava kontan demande se konbyen i kout taxpayers Seselwa dan sa Bidze la ki pe ganny propoze pou nouri sak ant sa 479 prizonnyen enkli zot breakfast, dezennen, dinen.  Delo pou zot bennyen, elektrisite ki zot servi e transpor par egzanp pou al kot Dokter.  Donk konbyen i koute par prizonnyen?

Dezyenmman mon oule konnen lekel servis ki Lotorite Prizon i outsource.  Lekel bann diferan servis, enkli donn manze, lavyann, pwason?  E ki poursantaz sa Bidze ki pe ganny propoze ki al dan sa bann zafer ki pe outsource pou fourni prizon avek bann servis e materyo.  Mersi.

 

MR DEPUTY SPEAKER

Mersi Onorab.

 

MRS BESSY BANANE

Mersi Onorab.  Pou prizon konsernan food an ration en average per day i kout nou R50mil, inclusive of dinner, lunch and breakfast, per month i R1.5 milyon.  Annually i ariv R18 milyon.

Dezyenmman lo kote utilities.  Electricity per month, prizon i consume R153 thousand per month for electricity e water i R76 thousand, 855 per month.  Mersi.  Sorry, eskize mon’n mank telefonn.  Telefonn local i roughly average per month R25 thousand, 929 per month.  Mersi.

 

MR DEPUTY SPEAKER

Mersi Madanm Banane.  I annan sa dezyenm kestyon lo outsourcing?

 

SUPERINTENDENT VIC TIRANT

Onorab, sa zistwar outsourcing, parey ou konnen poudir prizon at the moment nou vreman pa pe prodwi sa lakantite ki nou kapab dir nou ti ava vin self- sufficient ek prizon.  So ki pe arive se ki nou pe bezwen aste mazorite bann danre an deor prizon.  Savedir pwason, lavyann, legim.  Tou bann keksoz ki annan pou fer avek maintenance prizon.

 

MR DEPUTY SPEAKER

Onorab.

 

HON GERVAIS HENRIE

Eski zot tender sa pou bann fourniser fourni zot ? E ki poursantaz soz Bidze pe al ladan ?  Mersi.

 

SUPERINTENDENT VIC TIRANT

Ok, mon pou pran sa premye pti bout, sa zistwar tenderAs much as is practicable mon krwar nou’n vwar i annan ki ti ganny tender, i annan ki pa’n ganny tender e mwan mon mandan la ozordi avek prizon, se pou ensure ki tou keksoz ki annan pou fer avek prizon an term larzan Gouvernman i ganny montre dan en sans transparans, kot tou keksoz i ganny montre poudir in ganny fer byen.  Ki mannyer i ti fer dan lepase, mon pa pe dir i pa ti byen me i ti ganny fer dan sa letan.

Apre dezyenm bout poursantaz sa mon a les ek sa pti Madanm la.

 

MRS BESSY BANANE

Eski, in terms of poursantaz nou pou napa, me what I can say,  lo kote fish supply per week nou pey an average of R58 thousand, per week.

 

MR DEPUTY SPEAKER

Ok Madanm Banane, fini?

 

HON WAVEL RAMKALAWAN

Zis en follow-up Mr Chair, mon ti pe demande si i kapab dir avek nou lekel supplier?  E si in pas atraver tender process?  E lavyann osi tou.

 

SUPERINTENDENT VIC TIRANT

Mersi Onorab.  Mon annan en dokiman la kot mwan.  i annan bann dimoun from ki nou pe aste, ki mon’n zwenn nou pe aste.  Pwason pe ganny aste from Danny Loizeau.  Nou annan lavyann ki pe ganny aste from BnB Farm apre nou annan West Hill Farm, nou annan STC.  Apre nou legim nou pe aste avek Mr Jose Pool.

Aprezan mon krwar Onorab Ramkalawan in demande si i annan tender.  Tender mon krwar nou’n vwar zis pou Mr Danny Loizeau.  Parey mon’n eksplik ou, tou lezot sa bann tranzaksyon ki pe ganny fer kot prizon, nou pe al rod fer le neseser pou nou kapab fer li dan bann prosedir korek.  Mon pa pe dir i pa korek, me selman nou oule al fer li dan en lot kalite prosedir. E n nouvo sanzman kot prizon, en nouvo ladministrasyon.

 

MR DEPUTY SPEAKER

Matter arising, ale Onorab Ferrari.  Go ahead. 

 

HON JEAN-FRANCOIS FERRARI

Mr Chair, BnB, akoz mwan mon ti’n gannyen sa lenformasyon.  BnB se Bastienne and Bastienne.  Now, mwan mon ti a vreman kontan konnen si zot konnen, si zot pa konnen zot dir mwan zot pa konnen.  Si zot konnen poudir sa BnB i annan en relasyon avek Minis Bastienne ki ti Minister for Home Affairs and that will be a massive conflict of interest.  Massive.  So eski zot konnen –   I stand to be corrected.  I stand to be corrected be mon travay la se pou rod sa lenformasyon.  Eski zot konnen poudir BnB i stand pour Bastienne and Bastienne.  Se tou repons ki mon ti a kontan.  Mersi.

 

MR DEPUTY SPEAKER

Mersi Onorab.  Mr Maxime Tirant.

 

MR MAXIME TIRANT

Bon mersi Mr Chair.  Mersi Onorab Ferrari.  Otan ki mon konnen BnB i en laferm ki baz Grand Anse, mon okouran ki frer Minis i operate sa laferm.  Me si Minis li menm li osi i ladan mon pa pou kapab dir sa. Me solman wi.   E nou ti antre tranzaksyon ek sa laferm byen avan ki Mr Bastienne, Minis ti vin Minis.  Mersi.

 

MR DEPUTY SPEAKER

Mersi Mr Tirant.  Onorab Rankalawan.

 

HON WAVEL RAMKALAWAN

Avan ki BnB ti komans provide poul, zot ti pe aste poul avek en lot lakonpannyen e eski zot ti remarke ki poudir letan zot ti komans aste ek BnB .ki poudir pri sa komodite ti bokou pli ser, ti monte ?  Me selman zot ti koup kontra sa lot dimoun e san okenn prosesis tender zis sa lot dimoun ti perdi sa Kontra e zot ti komans avek BnB.

 

MR MAXIME TIRANT

Bon, mersi Mr Onorab.  Otan ki mon okouran napa personn ki ti ganny tender pou supply poul kot prizon.  Par egzanp lavyann e otan ki mwan mon okouran parey Mr Sirentandan in mansyonnen.  3 supplier pe ganny servi aktyelman e in toultan le ka.  West Hill Farm ki par konsekan i pa lwen avek BnB.  Alor, nou pran avek 3 supplier.  Par fwa i annan suppler ki napa sa poul.  Alors nou switch lo lot, nou switch lo lot koumsa.  Me zanmen nou’n detri okenn dimoun ki mwan mon okouran ki ti pe donn supply kot prizon.

E petet mon ava azoute ki mwan mon’n vin zwenn prizon an prensip, pwason ti pe pran ek Mr Loizeau, parey Sirentandan in dir.  Legim ti pe pran ek Jose Pool.  Eksetera.  Konmsi napa nanryen ki’n sanze vreman anba mon komann.

Lo kote kou, sa i depan komodite li menm letan sa keksoz i ganny agree lo la e sa i ganny fer atraver nou financial controller. Mon pa kapab regle pri akoz sa i konsern sa bann dimoun, zot komodite.  Poul i fluctuate.  Monte, desann.  Mersi.

 

MR DEPUTY SPEAKER

Mersi Mr Tirant.  Madanm Banane ou le azout keksoz lo depans, lo pri.  Oule azout keksoz  ?

 

MRS BESSY BANANE

Mr Chair, non pour lemoman.

 

MR DEPUTY SPEAKER

Ok, onorab De Commarmond, question arising.

 

HON CHARLES DE COMMARMOND

Wi, Mr Chair, mwan mon ti pe dir ki Mr Tirant, Vic Tirant, in donn en commitment ki zot pe revwar tou sa bann keksoz, pou nou kestyon letan nou’n vwar koman i ete e annou bouze konmsi pou pli devan.  Konmis nou pa dwell lo la.  In kler lo la, in koze, in dir,  vwala la bann forward movement ki bezwen ganny fer.  Ok, be annou bouze nou osi.

 

MR DEPUTY SPEAKER

Yes Onorab Henri.

 

HON GERVAIS HENRIE

Mr Chair, the fact that orizinalman sa i kestyon ki mwan mon ti demande, mon pa satisfe ki zot donn mwan zis pri pwason, R58mil par semenn, selman mon pa kapab ganny pri lavyann ek legim.  Gato pa ankor kwi, in dir la dan Lasanble.  Konmsi mon bezwen en sif, menm si approximate.

Nou annan pwason, lezot osi nou bezwen annan.  Mersi.

 

MR DEPUTY SPEAKER

Ok Onorab, ou’n fer le pwen.  Madanm Banane.

 

MRS BESSY BANANE

Mr Onorab, an average pou lavyann i kout nou apepre R232mil par mwan, legim apepre R125 mil par mwan.

 

MR CHAIRMAN

Ok, Onorab Mondon.

 

HON TERENCE MONDON

Mersi Mr Chair.  Bon mon kestyon i lo paz 222 e i konsern en pti pe ankor parey, mon ti pou al en pti pe pli spesifik lo ‘’goods and services’’ akoz parey mon gete sa sif, R77.8 milyon pou ‘’use of goods and services’’ i reprezant 80 poursan Bidze total.  I en konponan enportan e parey mon konnen IDC i enn sa service provider ki pe pran pli gro chunk en pti pe sa Bidze.  I pe donn servis avyon, personnel, prizonnyen pou al lo zil.  I pey bato, fuel pou bato eksetera.

Apre mon aprann poudir i annan en rental pou zil, mon ti a kontan konnen ki bann servis ki zot pe aste avek IDC e konbyen an total sa i reprezante dan zot Bidze anba ‘’goods and services ?  Sa i mon premye kestyon.

Mon dezyenm kestyon i tous en pti pe lo ‘’materials and supplies’’ ki’n ogmant par 4.5 milyon.  Mon ti a kontan konnen lekel sa service provider ki pe fourni zot sa servis pou CCTV ?  Lekel zot service provider ?

E finalman.

 

MR DEPUTY SPEAKER

Non, Onorab.  Nou’n dir 2 kestyon par Manm.  Mersi Onorab.  Mr Tirant ou Madanm Banane.

 

SUPERINTENDENT VIC TIRANT

Mersi Onorab, mersi Mr Chair.  Mon sorry Onorab, mon pa’n ganny ou dezyenm kestyon.  Me selman apre ou a  repoze.  Mon ava al lo sa enn premye.  Ou’n demande kwa ki nou pey IDC.  I byen sa.

IDC nou pey li R650mil par mwan pou lokasyon lo Coetivy, apre nou pey li R600 mil par mwan lokasyon pou Marie Louise.  E aparaman sa ki mon’n konpran letan mon’n vwar sa bann zafer, sa i kouver nou en servis pou nou ganny bann lenfrastriktir lo sa bann zil, delo, elektrisite.  Apre normalman zot donn nou one boat trip every quarterly.

Alor sa i kwa ki nou gannyen from IDC.  E parey mon pe dir ou, mwan koman sef prizon mon pe al re vwar tou sa bann dokimantasyon e tou sa bann zistwar ki nou pe koz lo la ozordi.

 

MR DEPUTY SPEAKER

Mersi Mr Tirant.  Dezyenm kestyon Onorab Mondon.

 

HON TERENCE MONDON

Wi Mr Chair.  Mon’n vwar ki zot materials and supply in monte par 4.5milyon pou 2017 lo paz 224.  Apre mon’n vwar dan zot progranm ki zot pe vwar en servis pou CCTV.  Eski zot annan sa servis ?  Lekel ki pe provide zot ?

 

MR DEPUTY SPEAKER

Mersi Onorab.

 

SUPERINTENDENT VIC TIRANT

Ok Onorab, ou pe koz lo sa zistwar security cameras.  Security cameras nou pe aste en bon pe security cameras ki nou pe enstal kot prizon.  E at the moment parey mon’n dir ou,  koman mon’n arive enn bann keksoz ki mon’n premye komans revwar se sekirite prizon.  E nou pe fer laranzman avek en Lakonpannyen ki apel ATS, mon krwar Mr Ronny Ernesta ki ansarz sa zistwar,  nou pe koz ek Mr Ernesta pou li kapab mont lao.  In komans monte.  Nou pe fer bann survey otour prizon pou nou vwar egzakteman nou demann e nou requirement  ki nou annan kot prizon.  Thank you.

 

MR DEPUTY SPEAKER

Mersi Mr Tirant.  Onorab Afif.

 

MRS BESSY BANANE

Eskize Onorab, mon ti oule brought to light en pe sa bann…… eskize, anba ‘’materials and supply’’ i annan sa breakdown ki nou include linen pou prizonnyen.  i zot uniform prizonnyen, bed sheets, maybe this is why ki ti annan sa increase. Not maybe, this is why i annan sa increase.  Bedsheet, towels, prisoners clothing apre i annan, well that’s about it sa increase. Maybe ou pe contest lo la and food and ration i tonm anba la as well.  Material and supplies.  Food and ration i tonm anba sa konponan dan sa Bidze.  The bulk of it.  Mersi.

 

MR DEPUTY SPEAKER

Mersi Madame Banane.  Minis.

 

MINISTER MITCY LAURE

Mr Chair eskiz mwan, mon krwar taler letan Sirentandan in donn en pti pe detay lo sa rent ki nou pey IDC pou Marie Louise mon ti a kontan petet donn en pti pe plis detay lo la pou zot kapab konn ki s aR600 mil, kwa ki entail dan sa 600 mil ki nou peye par mwan, ok.

I annan IDC Staff salary, akoz nou annan en pe ICD staff ki la lo sa zil, R64mil.  Nou annan fuel ek oli pou zenerater avek lekipman ki R180mil.  Consumables pou desalinasyon R5mil.  Telekominikasyon, son cost avek son maintenance 20mil.  Consumable, savedir property items general, R5mil.  Repairs and maintenance building ki annan lo zil, R10mil.  Repairs and maintenance pou zenerater, desalinasyon, sewage plant, cold stores avek chillers, R30 mil.  Boat trip, 1 per month, R124mil.  Plane trip, i osi annan 2 par mwan R92 mil.  Kontribisyon R10mil par mwan pou ICS pou monitor lanvironnman, paramet lanvironnman.  Rent for use for IDC infrastructure, R60mil e total monthly operation cost i R600mil.  Ok.  E pou note i annan 7 support Staff lo Marie Louise e i annan sa trip pou avyon ki pou IDC Staff movement including bann head office staff visit to island for technical support.  Apre bann buildings ki pe servis by bann prizonnyen, bann Staff prizonnyen Marie Louise osi.  E zil parey nou konnen i owned by IDC.

So vwala en pti pe tou bann cost ki ganny fer avek sa R600mil.

 

MR DEPUTY SPEAKER

 

Mersi Minis.  Ale Onorab Ramkalawan.  Question arising, ale.

 

HON WAVEL RAMKALAWAN

Lo sa zafer, mwan mon servi sa mo zafer.  Mr Tirant i kontan servi zistwar.  Fotespere i pa donn nou zistwar.  Lo sa size camera, i deza annan camera ki’n ganny set laba. E  mon ti ava kontan konnen lekel ki ti set sa bann camera.  Lekel ki ti ganny sa Kontra avan, si se sa menm Msye Angle ki’n osi ganny kontra pou li set bann camera anvil pou Lapolis.  Parski i annan en gro kontradiksyon lo al.  Mon ti a kontan si prezan bann nouvo ki zot pe rod sa ATS, ki mannyer i ete.  Mon ti a kontan ganny byen sa larepons.

 

MR DEPUTY SPEAKER

Mersi Onorab.  Mr Maxime Tirant.

 

MR MAXIME TIRANT

Mersi Onorab Ramkalawan.  Mersi Mr Chair.  Otan ki mon okouran, over the last 7 years ki mon’n prizon.  Letan mon ti pran prizon ti annan en Mr Steve, en Angle ki ti la.  Mon ti vin zwenn li la.  Me i pan tarde apre nou’n ganny en lot konpannyen, MODELCO ki ti fer.  Me ankor i pa’n donn nou sa satisfaksyon, espesyalman pou letan nou’n annan problenm pou zot vin respond pou met nou annord.  Apre nou’n sanze nou’n al en kou ek Mr Jimmy Pillay –  Smart and Secure.  E an se moman la ankor nou dan en tranzisyon pou nou sanze company akoz nou ganny sa difikilte pou zot gard sa commitment, pou zot fer sir ki nou bann camera i reste an serviceable.  E sa i nou pli gro defi.

La an se moman nou pe, parey Sirentandan in dir, nou pe angaz Mr Ronny Ernesta,  son company ki pe run lo la.  Mersi.

 

MR DEPUTY SPEAKER

Mersi Mr Tirant.  Onorab Afif.

 

HON AHMED AFIF

Mersi Mr Chair.  Bonn apre midi, mon ti a kontan demann kestyon baze lo paz 222, latab No.2.  Lo ‘’other uses of goods and services’’ R42 milyon.  Minis in donn detay lo sa R600 mil, annefe R1.2 milyon par mwan.  Dizon R14 milyon dan n lannen ki account pou en parti dan sa R42 milyon.  Me sa R28milyon prezan ki reste.  Ki zot pe peye avek.  Parski anler nou’n fini pey elektrisite, nou’n fini pey veikil.  Me i annan R28milyon par an ki plis ki R2milyon par mwan ki zot pe peye avek sa.  Parski i preski en tyer zot Bidze.

 

MRS BESSY BANANE

Mersi Mr Onorab.  Si mon elabor lo ‘’other uses of goods and services’’ apard ki ‘’office expenses,’’ i annan ‘’transportation and travel cost.’’  Specifically anba ‘’transportation and travel cost’’ nou pey overseas airfares pou bann Nepalese, apre i annan domestic airfares ki nou bann flights to IDC.  E further down nou annan ‘’maintenance and repairs.’’  ‘’Maintenance and repairs i involve repairs of motor vehicle, office building, aircon, any other repairs and maintenance apre ‘’other uses of goods and services.’  Then we have ‘’minor capital’ ki bann minor acquisition of assets.

 

MR DEPUTY SPEAKER

Yes Onorab Afifi.

 

HON AHMED AFIF

Annefe mon kestyon ti vreman vize lo ‘’other uses of services.’’  Larestan ou tin donn deza en pti pe lesplikasyon.  Sa ki mon pe dir ou se sa R42 milyon ki’n Bidzete pou 2017. Mini sin donn detay pou 14 dan sa 42.  Mwan mon pe rod sa 28 milyon.  Ki zot pe depanse ek sa R28 milyon anba ‘’other ueses of goods and services?

 

MR BESSY BANANE

Mersi Onorab.  Lezot detay apard ki outsourcing in IDC agreement, other service agreement i annan bann training fees, license fees.  annan R40.31, license fees, R80.10 par an sa nou pe koze.  Annuel budget.  Apre i annan insurance for vehicles.  Apre i annan security and enforcement ki peyman of Nepalese, i R23.38.

 

MR DEPUTY SPEAKER

Yes Onorab Afif.

 

HON AHMEND AFIF

Savedir R23 milyon dan sa R28 milyon i payment of Nepalese. Savedir – be i pa dan saler sa bann?

 

MRS BESSY BANANE

(Microphone off)

 

HON AHMED AFIF

Be savedir en Lakonpannyen ki ou pe peye la ?

 

MRS BESSY BANAE

Mon pa pou kapab reponn ou kestyon mon a pas…

 

PS PATRICK PAYET

Bann peyman, akoz zot pa ganny klasifye lo striktir payroll ki egziste akoz sa kantite ki i annan zot pa lo zot striktir spesifik.  Zot siny Kontra endividyel avek sak Nepalese, sanmenm sa nou klasifye li anba ‘’goods and services,’’ R23 milyon.  Savedir tou son konponan saler sa bann Gurkhaz, apre i annan zot bann uniform cleaning ki specific pou sa bann Gurkhaz.  Zot bann manze, overseas airfares, tousala i ganny klasifye anba ‘’goods and services.’’  Ki total R23.38 milyon par mwan.

 

MR DEPUTY SPEAKER

Ok, Onorab Afif.

 

HON AHMED AFIF

Mon ti a zis anvi konnen si petet zot ion kalkile pa ti pou fer plis sans pey sa bann Gurkha direkteman.  Akoz konbyen i pe arive per Gurkha ler ou pe pey R23 milyon.  R2 milyon par mwan.  Konbyen Gurkha i annan ?

 

MR DEPUTY SPEAKER

Mersi Onorab.  Onorab De Commarmond ou le azout keksoz.

 

HON AHMED AFIF

I vin R20mil en Gurkha.

 

HON CHARLES DE COMMARMOND

Wi, Mr Chair, mersi.  Non zis pou dir pou enform Lasanble ankor poudir i annan commitment ki’n ganny fer par Minister Finans lo sa issues travayer etranze.  Gurkha, ensidswit.  E ki tou sa bann zafer la pe al ganny revwar.  Mersi.

 

MR DEPUTY SPEAKER

Wi Onorab, me lefe ki nou pe koz Bidze la, bann figures i la, mon krwar PS oubyen Madanm Banane i kapab donn sa detay.  Minis, yes Minister.

 

MINISTER MITCY LARUE

Yes Mr Chair, mon krwar ozordi nou annan nou 80 Nepale.  Me parey nou’n dir mon a donn en pti kou sif.  I annan 40 ki nou pe pey $1200, i annan 2 ki nou pe pey $1500 apre nou annan 38 nou pe pey $700.  Me nou’n fini stop okenn recruitment.  Nou pa pe fer okenn recruitment, i annan plis ki 1 mwan la nou pa pe fer okenn recruitment e nou’n dir nou pe atann Gouvernman lo ki mannyer pou revwar bann Kontra avek bann etranze.  So vwar la en pti pe e sa in vin nou R1.047 milyon 600 mil.  Ok.

 

MR DEPUTY SPEAKER

Onorab Afif.  Leklersisman.  Vitman.

 

HON AHMED AFIF

Zis en pti follow up, baze lo sa sif ki ou’n donn mwan.  minimonm ki ou pe peye par Gurkha se $17. E si maksimonm enn i gannyen i $1200, leres i ganny en pti pe mwens, i annan en dimoun ki pe fer minimonm $500 ziska i pe fer $1000 par Gurkha e nou, nou pe pey sa.  Sa i baze lo ou sif ki ou’n donn mwan.

 

MR DEPUTY SPEAKER

Mersi Onorab.

 

MINISTER MITCY LARUE

Mr Chair, parey mon’n dir la.  sa sif ki nou annan se i annan 40 ki depi komansman zot la, zot pe ganny peye $1200 sa, i annan 2 ki pe ganny peye $1500.  Me dernyerman letan nou tin ganny bann lezot Nepale, sa 38 nou pe pey selman $700 par Nepale.  Me ler nou total li byensir, ler nou met tou ansanm i vin nou R1.047, 600 mil.

 

PS PATRICK PAYET

Kekfwa zis pou azoute, kekfwa mon pa konnen si financial controller ou annan sa lenformasyon, akoz anba Gurkha mon konnen i annan son bann lezot konponan ki zot peye.  Uniform, elektrisite, water pou zot bann baz kot zot reste.  Food and ration ki zot peye.  Eski ou annan okenn additional cost ki’n ganny klasifye anba sa security and enforcement apard ki saler,  Kekfwa?

 

MRS BESSY BANANE

I include zot saler, zot PH, annual leave ek zot avyon.  Tousala incorporate.

 

MR DEPUTY SPEAKER

I ok Onorab Afif?

 

HON AHMED AFIF

Zis pou mwan fer en komanter ki fasilman mon vwar R5milyon ki an plis dan sa R28.  Parski i zis larzan ki nou pe peye kan nou ti kapab pey bokou mwens.  So straight away olye R97 milyon ti devret omwen R80 milyon koman en Bidze.

 

MR DEPUTY SPEAKER

Ok, Mr Payet i pran note atraver ou komitman, bann keksoz ki nou pou bezwen revwar.  Onorab Georges.

 

HON BERNARD GEORGES

Mersi Mr Chairman.  Mr Chairman mon kestyon i al dan en lot direksyon.  E son direksyon se sa landrwa li menm kot prizon i ete, striktir prizon ki konmela i annan 3 konponan, 2 lo zil.  Eski bann dimoun ki responsab la i kapab dir nou, eski i zot satisfe avek sa sistenm, si zot satisfe avek sa landrwa kot main prison i été ;- oubyen eski son striktir li menm ki nou konnen i vin avek en kantite tapaz avek en move vantilasyon, mannyer in ganny konsevwar.  I increase zot kou pou run li, dan son landrwa kot i ete e avek lefe ki annan 3 morso.

Lo paz 221, enn zot bann stratezi priyorite ou priyorite stratezik pou sa 3 lannen ki pe vini se pou improve physically infrastructure.

Alor mon kestyon a la baz tousala se, eski nou pe fer the best use nou larzan avek sa striktir mannyer i ete oubyen zis an abolisman sa 2 zil, deza lanmenm la nou pe save R1.25 milyon par mwan –  R15 milyon par an.  Eski i annan en fason pou nou kapab mye depans nou larzan e pou anmenn Mr Tirant, sa bann gran laliny ki ou’n dir nou o komansman ki i zot role in the prison service pou zot delivre.  Mersi.

 

MR DEPUTY SPEAKER

Mersi Onorab.  Mr Tirant.

 

SUPERINTENDENT VIC TIRANT

Mersi Onorab.  Mersi Mr Chair.  Well, zis pou mwan dir ki nou lenfrastriktir, mon pa’n konn li avan, mon’n konn li atraver portre.  E letan mon pe regard li ozordi, sa transformasyon ki mon predeseser in fer in vreman anmenn en kantite plis si ou le keksoz pozitiv dan sa existing prizon ki i ti ete oparavan.

Me otomatikman si ou pou demann mwan si mon satisfe avek lenfrastriktir mannyer i ete mon pou dir ou non.  E se pour sa rezon ki ozordi mon a dir ki nou’n fer en propozisyon avek Gouvernman pou nou fer en re lokasyon Prizon Sesel ki nou pou fer li vreman a onivo koman en vre prizon i devret ete.  Alor pete mon krwar mon’n reponn ou kestyon. E sa parey nou pe dir ki sa nou’n table.  Mersi.

 

MR DEPUTY SPEAKER

Mersi Mr Tirant.  Onorab Georges.

 

HON BERNARD GEORGES

Mersi Mr Chairman.  Se egzakteman sa ki ti mon follow- up question. Eski nou pe anvizaz bouze ?  Mersi ki ou’n reponn sa.

 

MR DEPUTY SPEAKER

Mersi Onorab.  Onorab Churchill Gill.

 

HON CHURCHILL GILL

Mersi Mr Chair.  Mon ti anvi en klarifikasyon avek PS.  Pli boner in dir nou poudir konsernan saler, in fer provizyon dan Bidze pou 2017 konsernan tax ki pa ti pe ganny peye an 2016.  Apre la nou’n ganny breakdown bann staffing.  I annan ki ganny $700, i annan i ganny $1200 apre i annan 2 i ganny $15,000.  Ki mon oule konnen, apre Minis osi in dir nou poudir zot pa ankor deside pou recuite zis ka ler en desizyon i ganny pran.  E prezan si zot desid e pou recruit, si nou pou sorti lo sa baz kot nou dir s a $1200 net, konmsi nou negosye byen kot nou desid en gross pou zot.  Prezan sa provizyon ki ou’n mete la dan 2017.  Ou basis ki ou’n fer sa, akoz sa detay ki nou’n gannyen 3 tyer saler mon ti anvi konnen ki kantite ou’n mete la pou nou vwar si kekfwa sa provizyon i pa kekfwa en pe an plis baze lo ou basis ki’n pran.  Si zis ou a eklersi mwan.  E akoz si nou kapab eklersi sa i a ede pou nou vwar si sa Bidze payroll i pa tro o oubyen i ok.

 

MR DEPUTY SPEAKER

Mersi Onorab.  Mr Payet.

 

PS PATRICK PAYET

Mersi Mr Chair.  Mersi Onorab.  Mon napa sif egzakt pou sa tax arrears akoz SRC letan ou drwa li i pa pou gete si Gouvernman ki’n siny lagreman ou pou bezwen pey li.  So definitivman sa assessment nou ava rode noua  kapab fer Lasanble gannyen.  Ki kantite ki SRC in access ki Departman prizon pa’n remit to tax office lo income tax sa bann saler sa bann Gurkha ?  E from ki lannen ki zot pa’n kapab fer li.  Nou a kapab fer ou gannyen sa detay.  Definitivman zot pou bezwen pey sa bann provizyon.  Me selman dapre assessment ki nou’n vwar la dapre 80, me selman nou sif ki dapre Bidze ki nou’n vwar i apepre 80 Gurkha.

Me aktyelman l ai annan 80 Gurkha.  Selman provizyon ki ti’n ganny fer previously ti 90.  Me selman parey komitman ki nou’n fer napa recruitment ki pou ganny fer ziska ler sa proper assessment i fini determinen lo ki Kontra ki nou pou met sa bann Gurkhas e si, ki kantite ki pou reste e osi ki clauses proper ki nou pou bezwen mete dan zot Kontra pou fer sir ki sa konponan tax osi i ganny enkli ki zot pa in conformity avek Lalwa ki egziste.  Mersi.

 

MR DEPUTY SPEAKER

Mersi Mr Payet.  Onorab Arissol.

 

HON SANDY ARISSOL

Mr Chairman bonn apre midi.  Bonn apre midi tou dimoun.  mwan mon avi, letan nou lo prizon, prezan mon dezapwentman avek prizon.  Mon a eksplik mon lekor akoz avan mon demann mon kestyon.

Premyerman bann komitman ki Mr Tirant pe donnen ozordi mon ti a kontan dir avek lepep Seselwa avek Lasanble poudir Benedic letan ti vin Komisyoner Prizon i ti donn nou menm komitman, i ti fer mon krwar selman zis 6 mwan.  apre ti vin Mr Tirant ki li in la, nou’n vwar gard prizonnyen in antre dan prizon tou lazournen pe tir mobile, gran kouto, pik lafrin e napa  nanryen ki’n amelyore.  La nou’n ganny nou en lo Sirentandan prizon.  Sa i mon premye pwen.

Letan mon pe get bann prizonnyen ki mon’n tann koz lo la i nou bann fere ek ser Seselwa ki’n komet en lofans dan lasosyete e mon pe get kantite larzan ki nou, nou pou al vote pou nou depase avek zot, man mon kar i en pti pe tro.

Letan sa Seselwa ordiner laba deor pe struggle, prizonnyen non, nou pe depans Mr Chair, R232 mil par mwan zis pou lavyann.  Mon’n tann koz en cartel Gurkha, la i annan en cartel lavyann dan prizon Montagne Pose.  Sa ki mon ti a kontan dir lo lavyann.  West Farm Hill li ki responsab pou touy poul BnB ki nou’n tande i Minis avek son frer.  Si zot rode i en conflict of interest.

Mon ti a kontan demande lekel ki supply lavyann pork?  Sa mon tande i en lot conflict of interest ankor dan prizon.  Si Seselwa ki en bann taxpayers pe donn larzan pou bann dimoun ki’n komet lofans e nou  pe lwe zil pou zot R600 mil, mon krwar pa akseptab.

Si nou bezwen pey avyon pou bann kondannen monte desann lo zil, mon krwar i pa akseptab.  Ler sa Seselwa laba deor li i pe ganny dir ser son sang, fer sakrifis.

Si nou’n kapab fer NDEA koupe, nou pe fer FIU tournen, nou pe fer SPDF tournen, mwan mon krwar prizon nou bezwen revwar.  I pa kapab en zafer kot bann Gurkha i vini, nou depan R23 milyon ek zot zis lo saler e  i annan zot ki pape pey tax parey nou Seselwa laba deor.  Mwan mon krwar i pa akseptab.

I byen nou pe koz prizon.  I en sant reabilitasyon, mwen mon krwar nou bezwen revwar prizon e mwan mon enn bann ki pou vot kont sa Bidze parski mon vwar tro bokou larzan pe ganny donnen a en bann endividi, bann dalon e nou bezwen pey zil pou bann dimoun ki’n komet zot fot dan lasosyete e nou annan dimoun ki ankor deor laba pe sibir, parski  i pa ankor ganny rann s aki in perdi.

Ler Gurkha nou pe pey zot R28mil par mwan pou vey bann prizonnyen, taler mon’n tann Onorab Vidot, Roche Caiman pe kriy lasasen an relasyon avek bann aktivite ilegal ki pa responsab ki pe arive dan distrik.  Mwan mon krwar nou bezwen revwar prizon.  Parski tro bokou larzan pe ale e nou pa konnen kot pe ale.

I annan bann Gurkha bann Kontra i annan plizyer zot pa ankor sinyen.  Selman nou’n tan bann koze Finans, PPB, bann progranm ki pa ni pe tro fer sans pou mwan dan mon pti konesans.  Sa i mon kontribisyon Mr Chairman.

 

MR DEPUTY SPEAKER

Mersi Onorab Arissol.  Mr Tirant i oule reponn, i oule dir keksoz oubyen Mr Payet?

 

SUPERINTENDENT VIC TIRANT

Mon a dir mersi pou sa lektir ki Onorab Arissol in donn nou.  Aparaman letan nou pe koz lo manze dan prizon, mon krwar enn bann keksoz pli enportan pou ou mentenir stabilite dan en prizon se manze.  So, kote ki nou aste nou manze, i enportan ki nou bezwen aste nou manz e pou nou donn dimoun.

Parey mon’n eksplik ou, mon’n eksplik Lasanble poudir ler mon’n vini, Msye sa premye ki ou ti nonm son non la, mon pa rapel, Benedic, li i piti en lot manman.  Mwan en lot manman mwan.  Ok.  Mon’n vini mon’n vin travay.  Si mon santi poudir mon pa pe kapab delivre dan mon travay, mon pou vin la oubyen kot mon pou ale, mon pou dir mersi bokou, mon pa kapab kontinyen.  Sa i mon lasirans ki mon pe donn lepe Seselwa parey ou’n koz devan lepep Seselwa.

Lot keksoz ki nou pe dir, sa bann problenm ki egziste dan prizon.  Mon krwar si nou’n swiv nouvel la weekend, nou’n vwar dan bann prizon pli profesyonnel atraver lemonn.  Langleter, Her Majesty’s Prison Birmingham.  Her Majesty’s Prison, Hull in annan gro problenm.  Gouvernman angle avek tou zot resours avek tou zot larzan.  So si ozordi Sesel i annan enn de pti problenm dan prizon.  Mon pa krwar nou devret asize kraz prizon Sesel.  Kot ou pou vwar drog, ou pou vwar drog dan prizon si ou’n pran tou droger ou’n et dan prizon.  Drog i bezwen la li.  I pou bezwen annan trik, i pou bezwen annan biznes, i pou bezwen annan tout sord kalite keksoz dan prizon e sa i nou manda pou anpes li arive.  Ok.  Sa dan atraver nenport ki prizon kot ou pou ale ou pou zwenn sa, i pa nouvo Sesel.  Mersi bokou.

 

MR DEPUTY SPEAKER

Mersi Mr Tirant.  Onorab Arissol.

 

HON SANDY ARISSOL

Mersi Mr Chair.  Mon ti a kontan dir Mr Tirant mon osi mon piti en manman.  An menm tan mon ti a kontan met dan latansyon rikord poudir Mr Tirant pe konfirmen ankor parey Minis ti dir ek nou poudir dan prizon aktyelman i annan drog.  Akoz bann droger ki ganny anmase ki ganny met dan prizon, alor i kontinyelman annan drog dan prizon.

Mwan mon anvi en konfirmasyon.  Onorab Sebastien Pillay si ou annan en larepons, lev ou lannen ou a demann ou kestyon.  Mwan mon anvi Mr Tirant i donn mwan akoz Minis in deza vin dan Lasanble ti dir nou sa, poudir i annan sa, i annan drog dan prizon. E la ozordi nou Sirentandan, mon ti anvi konnen, konfirm avek li si wi.  Se tou.  Mersi.

 

MR DEPUTY SPEAKER

Mersi Onorab.  Mr Tirant.

 

SUPERINTENDENT VIC TIRANT

Mon pou reponn ou pou dir ou napa naryen pou mwan kasyet.  Wi i annan drog dan prion, mon personnelman depi ler mon’n monte kot prizon monn atrap prizonnyen ek drog.  Mon’n fer anvoy kot NDEA pou pran aksyon avek sa bann dimoun.  So parey mon’n eksplik ou, sa i pa pou zanmen nouvo dan prizon sa.  I pou toultan la.

 

MR DEPUTY SPEAKER

Mersi Mr Tirant.  Minis oule azout keksoz ?

 

MINISTER MITCY LARUE

Mr Chair, mon ti a kontan zis reasir Onorab ki dan prizon, en kantite travay sa bann gard prizonnyen pe fer.  Dan bann leta ase difisil avek ou 479 prizonnyen.  Mwan personnelman mon’n al vizit prizon, sa bann dimoun pe fer en ta travay, me i pa fasil pou zot.  Kondisyon, landrwa, lenfrastriktir kot i ete i pa vreman conducive e drog i antre dan prizon.  Wi, akoz nou’n vwar poudir nou bezwen annan en search room ki nou bezwen enstale dan larantre prizon.  Nou bezwen fer sa e sa nou pou fer an 2017 pou nu fer sir ki tou fanmir ki antre.  I annan de fwa pa zis prizonnyen ki anmennen drog.  I annan de fwa i fanmir ki anmennen drog.  I annan dimoun ki vin prizon.  I annan de fwa menm travayer ki anmennen drog.  Ou konpran.  Nou, nou bezwen met sa search room kot la nou a search tou dimoun, nou ava annan lekipman neseser pou nou fer sir ki drog pa antre.  Nou pe seye, bann dimoun pe seye.  Me nou pe fer en travay.  Nou demann zot pou donn nou sa sipor.  Donn nou bann dimoun sa sipor.  Pa zis kritike.  I gou letan ou la, ou kapab kritik ki mannyer ou kapab.  Me letan ou dan sa soulye i en lot zafer.

Dezyenmman ou’n koz lo manze.  Nou depanse, mwan osi letan monn demann zot bann breakdown mon’n dir konmsi i bokou.  Me ler mon kont lakantite prizonnyen, ou kont bann gard prizonnyen ki pe manze la osi,  be i en kantite sa e non, nou pa kapab mal nouri nou prizonnyen.

Ler mon ti al laba ou konnen i annan prizonnyen ti kriy ek mwan, Minis manz pa bon.  Nou pa anvi zis sa.  Nou anvi lavyann, nou anvi sa.  Zot pe demann ou, zot osi zot bezwen en nouritir ki balanse.  Pa akoz zot en prizonnyen ki ou pou deprive zot, zot drwa pou en manze ki balanse.  Ou bezwen donn zot.  Eski ou pe dir nou pa donn zot sa manze, oubyen koup lo sa manze.  Eski sa ki ou pe dir nou ?

Mon krwar nou bezwen get byen, balans keksoz byen akoz kot depans la i zistifyab.  Nou bezwen donn manze nou prizonnyen.  Mersi Mr Chair.

 

MR DEPUTY SPEAKER

Mersi Minis.  Onorab Arissol.

 

HON SANDY ARISSOL

Dernyen pti klarifikasyon.  Mon kontan sa ki Minis in dir mwan.  Mwan dan sa laliny se sa ki mon ti a kontan.  Parey Minis in dir nou, nou ava annan en pti search room.  Mon ti a kontan vwar Bidze pou bann prose koumsa.  An menm tan i ti a bon ki nou bann prizonnyen osi zot prodiktiv.  Zot ti a kapab zot osi dan sa laliny reabilitasyon, letan nou pe vot sa kantite Bidze pou zot, zot osi zot ti a kapab prodwir en pe.  Sa ti a fer ki nou ti a koup lo lakantite larzan ki nou pe depans par egzanp avek lavyann.

Si zot osi zot ti ape prodwi en pe, par egzanp bann ki lo zil.  Nou ti a enkli sa dan zot pou zot osi kapab prodwi en pe. Sa i fer ki nou kapab koupe.  Par egzanp bann sekirite etranze par egzanp.  Si zot osi zot ti kapab pey zot tax dan en fason ki Minister ti kapab ganny sa larzan anmase pou nou kapab servi.  Sa i ti a fer ki Bidze ti ava redwir en pe an relasyon avek sa.  Tousala nou ti kapab fer.  Zis pou fer sir ki wi, mon kontan nou bann prizonnyen pe manze parski mon osi mon annan fanmir ki dan prizon.  Me selman lakantite larzan ki nou pe depanse avek zot, si zot osi zot ti kapab prodwir en pe lo zot menm ti a koup en pe depans.  E si bann Gurkha parey nou’n tande zot pa pe pey tax.  Si zot ti fer zot kontribisyon sa ti a ede ki Minister ti a ganny sa larzan, sa ti a fer ki lo kote Bidze nou pa ti ava vwar sa kantite depans zis pou prizon par egzanp.

Par egzanp en lot pwen Minis ki mon ti a kontan adrese.  Par egzanp zil.  Akoz ki nou’n bezwen transfer bann prizonnyen pou anvoy zot lo zil par egzanp, kot ozordi nou pe lwe zil R600 ekek mil ?  Ou konpran, zis en pti pe lo sa laliny pou nou kapab seye, pou nou koup bann depans ki nou kapab fer a lavenir.  Mersi.

 

MR DEPUTY SPEAKER

Mersi Onorab.  Onorab in fer plizyer sizesyon, propozisyon.  Mr Tirant.

 

SUPERINTENDENT VIC TIRANT

Wi, mon ti a kontan pete anliny avek kwa ki Onorab Arissol in dir.  Mon krwar Onorab Georges taler fek demann nou avek nou striktir.  Mon krwar nou’n fer li kler, nou’n dir poudir nou pe travay lo re alokasyon prizon e pou nou osi nou santi poudir i enportan ki nou bann zenn ki malerezman zot in ariv kot zot ete, nou ti a kontan ki zot partisipe osi dan sosyete.  E ki mannyer nou anvi zot partisipe sey partisip dan prodiksyon.  Nou anvi ki nou kapab sustain nou lekor kot prizon.  E si nou kapab sustain nou lekor avek en sirplis, nou osi pou anvoy sa dan lasosyete Seselwa.  Ok ?

E anpasan en pti keksoz ki mon ti a kontan dir ek Mr Arissol.  Parey Minis in dir, mon krwar i enportan ki letan nou koze annou aret souzestim nou bann dimoun  ki pe travay kot prizon.  Sa bann dimoun pe fer en travay nob.  Mon krwar letan nou tou nou pe dormi aswar se nou, nou pa konnen ki e pase laba.  I enportan ki aswar avan ler nou fer nou lapriyer, asize kalkil en pti kou prizon ki zot ladan aswar.

 

MR DEPUTY SPEAKER

Mersi Mr Tirant.  Mersi.  Yes Onorab De Commarmond.

 

HON CHARLES DE COMMARMOND

Mr Deputy Speaker.  Dan sa laliny ki nou pe koze la, eski avek sa Bidze ki devan nou pou prizon, ki plan nouvo ladministrasyon prizon pou redwir lakantite prizonnyen dan prizon pou permet ki nou pa bezwen anmenn zot lo zil.  Tousala i ava ganny manage dan sa nouvo lokasyon.  Konmsi isi menm, i a pli fasil pou nou kapab manage sa detrwa ki ava reste si nou’n les bann ale ?  Mersi.

 

MR DEPUTY SPEAKER

 

Mersi Onorab.

 

SUPERINTENDENT VIC TIRANT

Nou aktyelman dan nou prizon, dan nou main prison ki anler Montagne Posée, Onorab nou annan sa kantite ki nou’n mansyonnen.  Mon krwar tou dimoun i okouran ki poudir nou annan sa sant rimann ki Bois de Rose.  Savedir ki nou pou tir en bon pe bann remandees kot nou apepre 70 nou pe anvoy laba, savedir nou pe fer desann nou popilasyon.  E si nou pe fer desann nou popilasyon avek tou short term ki nou annan.  Nou kapab si oule  repran en pti pe kontrol lo nou prizon pou nou kapab sey re aranz li.  Pou nou kapab re striktir en pti prizon.

 

MR DEPUTY SPEAKER

Mersi Mr Tirant.  Onorab Larue.

 

HON FLORY LARUE

Mersi Mr Chair.  Bonn apre midi tou dimoun.  Letan nou’n komanse Mr Tirant in mansyonn bann travay ki prizonnyen i fer.  Eski i annan en Scheme pous a sistenm dan prizon ? E eski i marse, ziska prezan eski sa i marse ?

Mon dezyenm kestyon i pou Minis direkteman.  Taler letan nou ti annan Lapolis, mon ti tous lo la.  Minis in eksplik nou tou sa bann diferan saler ki bann Gurkha i gannyen.  E avek sa leksplikasyon i montre somewhere along the way i annan en dimoun along the way dan Gouvernman ki’n negosye sa.  Savedir i annan en ka frod, i annan kek keksoz ki’n arive.  Eski i annan en lenvestigasyon ki pe ganny fer par Lapolis pou montre nou lekel ki accountable dan sa zafer, pou nou konnen ki’n arive ?  Akoz sa ki nou pe dir ki sa Bidze in ariv koumsa.  Ki sa keksoz in ganny tolere e Ex- Minis Bastienne ti mont lo televizyon ti dir nou i annan en cartel.  Eski Lapolis pe fer en lenvestigasyon pou dir nou akoz nou dan sa sityasyon ?  Akoz i nou larzan ki pe ganny servi.  Mersi.

 

MR DEPUTY SPEAKER

Mersi Onorab.  Mr Tirant.

 

SUPERINTENDENT VIC TIRANT

Mersi onorab Larue.  Ou’n koz lo sa Scheme ki nou pe aktyelman antreprann.  Sa bann travay ki nou’n dir, wi i pe arive e mon kapab dir ou poudir i en sikse akoz nou annan kondannen aktyelman ki annan bann zoli pti kont personnel, zot larzan ki zot in travay ki a zot dispozisyon.  So sa i pe mars tre byen.  Aparaman nou napa okenn problenm avek e nou oule kontinyen, nou oule sey ogmante sa lakantite dimoun ki nou pe met dan sa bann progranm.  Mersi.

 

MR DEPUTY SPEAKER

I annan en dezyenm kestyon Onorab Larue.  Minis ou le pran sa dezyenm kestyon Minis, go ahead.

 

MINISTER MITCY LARUE

Mersi Mr Chair.  Mon krwar lo sa kestyon cartel ki ou nonmen Onorab.  Mon ti a kontan dir bon sa i en keksoz ki Minis li menm personnelman i ti mont lo televizyon i ti koze, i ti eksplike e si i annan en investigation i dan lanmen Lapolis oubyen kwa.  I pa konsern nou dan Minister Zafer Entern.  Mersi.

 

MR DEPUTY SPEAKER

Mersi.  Onorab Larue.

 

HON FLORY LARUE

Mon pa santi ki Minis in reponn mon kestyon, si i dan lanmen Lapolis i bon.  Me selman mon ti a kontan konnen si i annan en lenvestigasyon ki pe ganny fer internally dan Gouvernman pou nou konnen lekel ki accountable pou sa sityasyon ?  Ki mannyer nou’n arive ki en keksoz koumsa in arive e ki i annan en cartel Gurkha dan Gouvernman ?  Sa i mon kestyon.

 

MR DEPUTY SPEAKER

Mersi Onorab.  MiniS kestyon i kler.  Onorab pe demande si i annan investigation oubyen non.  Si nou donne n wi oubyen non, then we can move on.  Si i annan investigation then nou konnen nou a pa pou kapab kestyonn sa ankor.

 

MINISTER MITCY LARUE

Mr Chair, mon ti a kontan petet zis dir ne keksoz. Annou ganny li byen.  Manm Lasanble letan zot dan Lasanble zot annan iminite privilez.  Zot dir nenport kwa.  Zot dir nenport kwa akoz napa personn ki kapab anmenn nou Ankour.  Mwan mon pa pou antre dan sa deba.  Si i annan investigation, investigation a ganny fer apropriyetman.  Me annou dan Lasanble aret servi nou privilez pou nou dir zis nenport kwa.  Mersi.

 

MR DEPUTY SPEAKER

Minis, kestyon i senp.  Si ou pa konnen i annan investigation ou dir ou pa konnen i annan investigation.  Wi, tou Manm dan Lasanble i annan sa iminite e zot kapab poz zot konsern devan.  Alor mon konklir ki Minis i dir i pa okouran ki i annan investigation.  I vre sa Minis ?  Ou pa okouran ?

 

MINISTER MITCY LARUE

Non Mr Chair.  Onorab Hoareau ou annan en Point of Order.

 

HON BASIL HOAREAU

Non Mr Chair, mon ti pe zis an relasyon avek sa Ki Onorab Larue in raise.  Bomaten dan sesesyon sa ti ganny raise avek Komisyoner Lapolis. E  letan mon get Order 32(1.0) i dir ou, ‘’a question fully answered shall not be asked again during the same session.’’  E nou pe go, nou pe zis go round in circle.

 

MR DEPUTY SPEAKER

Bon, son kestyon in al spesifikman lo sityasyon foreigners kot prizon.

 

HON BASIL HOAREAU

Non, be ti menm zafer ki ti demann ComPol sa.

 

MR DEPUTY SPEAKER

Bomaten ti foreigners anploye dan Lapolis.

 

MR DEPUTY SPEAKER

Ok, annou move on.  Onorab Herminie.

 

HON WILBERT HERMINIE

Mersi Mr Chair.  Mon anvi met latansyon lo paz 225.  Mon ti anvi demann Mr Tirant ouswa Minis lo sa bann progranm.  Ki kalite progranm reabilitasyon ki prizon i run ?  E si sa bann progranm pe marse akoz mon vwar Bidze pou Bidze pou 2016 in koupe par lanmwatye sorti 7.4 pou vin 3.2 milyon.  Sorry, 2017.  E anpasan si i kapab donn nou en pti leklersisman lo jammer si pe marse ouswa i pa efektiv ?  Mersi.

 

MR DEPUTY SPEAKER

Mersi Onorab.

 

MRS BESSY BANANE

Mersi Mr Chair.  Aparaman mon tin fini reponn sa kestyon previously. 

 

MR DEPUTY SPEAKER

Sa premye part in reponn taler non.  I annan en dezyenm kestyon.

 

HON WILBERT HERMINIE

Non, mon ti pe demann en pti pe leklersisman lo jammer si pe marse ouswa pa an servis ?

 

SUPERINTENDENT VIC TIRANT

Bon, o size jammer kot prizon, an se moman nou annan difikilte akoz trwa kar nou lekipman pe mal function akoz limidite, tou sa bann zafer i afekte li.  Alor napa konsistans.  Selman mon kapab dir 25 poursan lefe nou annan.  Me nou pa kapab kouver landrwa antye e nou’n konstate osi ki i difisil sa zafer jammer kot prizon akoz Cable and Wirless i next door avek nou, i anmenn nou bokou, bokou konplikasyon.  So nou napa sa lekspertiz pou nou kapab vreman ganny sa zafer jamming byen.  Pour lemoman parey mon’n dir apepre 25 poursan i kouver.  Mersi.

 

MR DEPUTY SPEAKER

Mersi Mr Tirant.  Onorab Herminie ou ok ?  Onorab Andre.

 

HON CLIFFORD ANDRE

Mersi Mr Deputy.  Mon annan 2 pti kestyon epi kekfwa en trwazyenm i ava vini.

Mr Chair, nou’n ganny dir ki Coetivy avek Marie Louise pe house bann prizonnyen.  lenformasyon ki mon’n gannyen, koris mwan si mon mal.  Mon pa pe servi okenn iminite.  Mon krwar pep Seselwa i bezwen konnen ki mannyer son larzan pe ganny depans e se la ki nou vini pou ganny lesplikasyon.

Prizonnyen i ganny house Coetivy avek Marie Louise parey mon’n dir e laba mon fer konpran ki zot fer serten travay osi.  E parey Mr Tirant oubyen Mr Tirant menm in dir ki serten zot i annan en gro kont.  Konmsi relativman.  Me i annan serten osi ki’n fer serten travay e aparaman zot pa ankor ganny zot dues e zot in dir mwan ki dan sa travay ki zot fer, prizon i ganny en tyer.  Eski sa i korek.  Si sa i korek Mr Tirant a dir nou.

E zofisye, zot dir mwan Mr Dodin, Sam Dodin ki la ek nou, ki toultan zot kontakte pou zot ganny.  Aparaman zot in ganny dir ki li ki bezwen, oubyen prizon i bezwen donn sa dokiman pou konfirm pou sa peyman ganny fer.  Me sa dimoun pe demande, zot pe anvoy li over and over again.  Sa i enn.

Prezan dezyenm, se letan mon pe get lo paz 223 liv Bidze, progranm 1.  Nou vwar ki ‘’wages and salaries in cash’’ in monte sorti 2.3 milyon, in mont 4.7 milyon.  Me letan nou konpar lo 224 progranm 2 ki custodial.  Nou vwar ki sale rin desann sorti 14 milyon pou al 12milyon.  Eski Minis oubyen Mr Tiran i kapab dir mwan akoz sa bes.  Eski nou pa pe met lanfaz lo custodial an 2017, me nou pe met lanfaz lo Gouvernans, Ladministrasyon ek management kot saler pe monte mon mazinen se en post ki pe ganny kre epou cater pou serten keksoz ? So sa i de sa leksplikasyon.  Mon ti pou demann en pti pe plis me selman par lefe ki mon’n restrikte avek 2.  Mon krwar mon bann dimoun a konpran ki mon napa lot swa ,me termin lanmenm.

 

MR DEPUTY SPEAKER

Mersi Onorab.  Mr Tirant.  Madame Banane.

 

MRS BESSY BANANE

Mersi Onorab.  Avek relevans ou kestyon pou program 1, administrasyon akoz i annan sa increase.  I mainly lo kote akoz nou oule buff up nou sistenm lo kote store ki nou pe recruit en pe bann support officers in terms of storekeeper ki nou napa en proper sort keeper e ki pou ed nou osi in terms of control, internal control lo kote nou bann items lo kote central store.

Plus nou sipoze pe recruit 2 admin officers e lo kote sa rediksyon lo kote custodial i mainly gratwite akoz tou le an pa menm number of person ki ganny peye menm kantite gratwite.  Number of gratuities being paid to Staff.  Mersi.

 

MR DEPUTY SPEAKER

Mersi Madanm Banane.  Yes, Onorab Andre.

 

SUPERINTENDENT VIC TIRANT

Onorab Andre, mersi.  Pou size zafer reminerasyon prizonnyen lo Coetivy.  Prizonnyen i travay lo Coetivy, normalman en gran parti bann prizonnyen ti al travay pou IDC e en pti poursantaz prizonnyen ti reste dan vilaz pou fer bann keksoz parey lapes, plant en pti pe pou vilaz.  Bann zafer, pou nou sustain nou progranm.  E tou dimoun i ganny R20 par zour e sa larzan i ganny peye apre ki ou sorti dan prizon.  Zot pa ganny sa dan zot lanmen.  Sa laranzman ki ti annan avek sa bann ki baze lo Coetivy dan progranm.

Alor, i vre ki parfwa letan sa dimoun i sorti i bezwen annan bann dokimantasyon fer par Mr Dodin pou konfirmen poudir sa prizonnyen in ganny release efektiv tel dat.  Manager laba lo zil i bezwen konfirmen poudir wi sa dimoun in earn sa larzan akoz parfwa si i annan bann dekalaz ki sa dimoun osi in fer serten keksoz disipliner kot nou’n reakte lo la.  Alor an gran parti keksoz i al byen.  Me enn de ka kot petet i annan serten retar.  Me touzour keksoz in ganny rektifye.  Zanmen nou’n annan en sityasyon kot en dimoun pa’n ganny peye, menm si parfwa i annan en pti retar.  Me nou fer nou mye pou nou fer sir ki zot ganny li o pli vit posib ler zot sorti pou zot kapab siport zot lekor.  Mersi.

 

MR DEPUTY SPEAKER

Mersi Mr Tirant.  Onorab Andre, vit.

 

HON CLIFFORD ANDRE

I annan en bout ki Mr Tirant oubyen Mr Tirant pa’n reponn.  Eski prizon i gannyen tyer ladan? E pi an referans avek klarifikasyon ki madanm in donn mwan lo bann storekeeper ki pe al fer la.  Be akoz nou pa pran prizonnyen pou ed ki fer storekeeping apre nou pey li en pti larzan dan plas nou al pey sa gro larzan ki nou pou al pey en storekeeper?  Mersi.

 

MR DEPUTY SPEAKER

 

Yes, Mr Tirant.

 

MR MAXIME TIRANT

Bon Onorab, o size sa zafer tye lo sa R20.  Nou pa pran naryen.  Tou i al pou zot.  Kote prizon pe aktyelman, dan progranm ki nou pe fer lo Mahe.  Kot nou pe met bokou nou bann prizonnyen dan travay.  Zisteman pou tir en pe sa problenm character certificate akoz bann anplwayer i deza konnen zot pe anploy prizonnyen.  Nou angaze an se moman ek Land Marine, IPHS e pete dan tre prosenn fitir nou pe al angaz IOT eksetera.

La nou annan en Kontra ki nou sinyen avek Lakonpannyen konsernen e avek prizonnyen.  E sa larzan ki mannyer pe ganny fer la se ki en tyer sa larzan i bezwen reste dan kont sa prizonnyen pou li ler i sorti gannyen deswit pou li servi.  En tyer i vin pou prizon akoz bann deplasman.  Nou bezwen anmenn zot, anmenn manze eksetera.  Pare en tyer i ganny servi pou ed li, par egzanp si i annan fines pou peye, si i annan zanfan pou siporte e pete menm al pli lwen si zot enterese bann espesyalman ki lo long santans.  Petet komans kontribye ver zot lozman pou lavenir, tou sa bann keksoz.  Alor sa i a depan lo sa kliyan aktyel ki mannyer i servi son en tyer.  Me sa in etabli.  Nou annan en kontra.  Tou prizonnyen ki pou al dan okenn progranm kot zot ganny reminerasyon, zot bezwen fer sir ki sa i mars e prizon li menm li i pe dekonekte dan sa management sa bann zafer.  Tou keksoz pe al anba financial controller anvil kot tou sa bann zafer, sa bann cheque i ganny anmenn kot li.  Li i fer sa 3 separasyon larzan, fer sir ki keksoz pe al dan sa direksyon.  Mersi.

 

MR DEPUTY SPEAKER

Mersi Mr Maxime Tirant.  Mr Vic Tirant i oule azout keksoz.

 

SUPERINTENDENT VIC TIRANT

Mersi Deputy Chair.  Mon oule adres Onorab Andre ankor.  Ki mon tin dekouver letan mon’n fek vini.  Se ki mon’n al vwar ki sa bann zafer en tyer i ti pe marse li.  Me selman problenm se ki nou ti annan sa bann kondannen, rezon ki akoz zot annan zot larzan, zot konnen zot in travay.  Zot met presyon tou lazournen, tou lannwit zot anpli form ki zot oule zot larzan.  Ok.

E nou, nou pe sey montre zot poudir be gete  ou larzan i pou ou, ou’n travay.  Nou pe sey ed ou, pou kapab si ou le fer en pti saving, annan en pti larzan.  Alor ki nou fer la recently.  Nou’n fer laranzman ki tou sa larzan nou pe ranpli en lot form avek sa bann dimoun, pou zot donn nou zot account number dan en labank anvil ki tou sa larzan i sorti direkteman i antre dan zot account number.  So ki napa sa largiman between kondannen avek Lotorite prizon.  Ki zot oule zot larzan tou lazournen, tou lannwit pou donn entel, pou al donn entel.  Mon oule donn R2mil sa enn, mon oule donn R3mil sa lot.  Donn mon girlfriend, sepa kwa.  Mon krwar i pa pe ed zot dan sa sityasyon.  So mon krwar sa nou pe fer li.

Dezyenm keksoz ki ou’n koz lo la se sa zafer storekeeper.  Nou ti a voudre kapab pran nou en storekeeper ki ti en kondannen.  Me mon krwar si nou’n get nou Audit report, nou’n vwar poudir nou annan en bon pe defayans dan nou stocks, dan nou stores.  Alors mon krwar pou nou kapab sirmont tou sa bann problenm pou ki lannen prosenn letan lot Audit report i sorti i pa sorti ankor avek keksoz ki ti sorti an 2015 oubyen 2016.  Nou oule fer sir ki once and for all nou rod nou en dimoun profesyonnel ki konnen kwa ki i pe vin fer and then nou liber li ek sa store, nou pe fer li marse.  Mersi bokou.

 

MR DEPUTY SPEAKER

Mersi Mr Tirant.  Onorab Afif en follow- up question.

 

HON AHMED AFIF

Zis en follow-up. Ler zot gard sa en tyer larzan ki mannyer zot fer sa.  Eski zot annan en kont ki zot operate koman prizon, oubyen ki mannyer anba treasury single accounting sa i ganny fer?  Mersi.

 

MR DEPUTY SPEAKER

Wi Madanm Banane.

 

MRS BASSY BANANE

Currently i annan en suspense account ki pe ganny maintainby Treasury e i en revolving account.  Mersi.

 

MR DEPUTY SPEAKER

Mersi Madame.  Onorab Ernesta.

 

HON PAUL ERNESTA

Mersi Mr Deputy.  Mr Deputy mwan mon kestyon i anliny lo paz 221.  Mon’n vwar kot prizon in fer en konsern lo zot si oule zot bann shortfallings kot pou zot attract quality staff dan zot Departman e osi dan zot strategic plan zot in fer provizyon pou zot kapab improve sa.  E petet mon ti avan kontan konnen ki mannyer zot pou fer pou zot adres sa size.  Enn.

Apre dezyenmman, pete mon pa konnen si zot in deza fer en legzersis pou zot kapab konnen ki kantite an mwayenn ki zot depanse lo term manze par prizonnyen par zour.  Thank you.

 

MR DEPUTY SPEAKER

Mersi Onorab.

 

SUPERINTENDENT VIC TIRANT

Mersi Onorab.  Mon pa konnen petet si Ms Banane pa ti byen eksplike taler.  Mon krwar i tin eksplik en pti git sa zafer manze an mwayenn.  Konsonmasyon prizonnyen.  Me petet i a kapab eksplik sa ankor.  I ok.

Apre lot kestyon sete si ou kapab dir nou.  Nou’n fer nou strategic plan e an plis ki sa, akote nou strategic plan nou’n fer nou Scheme of Service.  E nou Scheme of Service ti ganny fer en pe letan pase.  I aktyelman lo latab kot mwan.  Nou pe sey reviz ankor sa Scheme of Service akoz parey ou konnen i pa fasil pou ganny dimoun pou vin travay kot prizon.  Prizon mon pa konnen si i en dilenm personnel ki ler dimoun i get prizon, i pa konpran.  Oubyen i krwar poudir prizon i sa dernyen landrwa ki i bezwen vin travay.

I annan dimoun ki santi son sekirite i pe ganny ekspoze ki kot prizon.  E mwan, mon ti a dir zot tou poudir kot prizon nou prizonnyen i en bann bon dimoun, zot en bann bon zanfan.  Zot pa bann move dimoun ki piu fer sir, ki pou fer dimoun, fer nou per.

E nou pe sey aranze ki nou ganny nou bann dimoun, nou bann piblik.  Bann dimoun ki oule travay pou vin kot prizon.  Nou pe menm panse ki atraver nou recruitment nou oule komans al koz avek bann zenn dan petet S4, S5 pou nou kapab montre dimoun ki poudir kot prizon la, nou pa zis tak en boug.  Nou pa zis met en boug ek en lakle.  Kot prizon nou annan en kantite travay.  Nou kapab ganny dokter, nou kapab ganny psikolog, nou kapab ganny ners.  Nou kapab ganny welfare officer.  Nou kapab ganny sosyolog.  Nou kapab ganny tout sort kalite dimoun.  Mon krwar i enportan ki nou sey montre dimoun kwa ki i annan kot prizon.  Prizon pa zis en trou kot nou pran dimoun nou met ladan.  Pa vre sa.  Fodre nou sorti ek sa konsep.  E petet ozordi la mon ti a servi sa loportinite lo televizyon nasyonal pou dir ek dimoun poudir nou pe fer recruitment.  Vini vin vwar nou.  Nou a sey bouz sa prizon en pe devan.  Mersi.

 

MR DEPUTY SPEAKER

Mersi Mr Tirant.  Onorab ou ok.  Onorab Letourdie.

 

HON JANY DE LETOURDIE

Mersi.  Mr Vic Tirant.  Mon pa ti a kontan mwan personnelman souzestim ou.  Me selman ou ti pres pou fer mwan letan ou dir drog pou touzour la dan prizon.  Ale donn mwan en sipor, donn mwan en konfor e dir nou egzakteman kwa ki zot pe fer pou adres sa sityasyon drog dan prizon.

Apre mon dezyenm kestyon i konsern training pou bann travayer.  Ki kriter zot servi pou met travayer lo training e kote zot ale pou fer zot bann training ?

 

MR DEPUTY SPEAKER

Mersi Onorab.  Straight forward.  Mr Tirant.

 

SUPERINTENDENT VIC TIRANT

Mersi Onorab Jany.  Ou konnen kot prizon parey mon’n eksplike.  Al dan nenport ki zournal atraver lemonn.  Get kot ou anvi.  Ti pase over the weekend la, in montre poudir pli gran problenm ki’n egziste Langleter dan weekend serten sereng pe sey pik travayer ki pe travay dan prizon.  Ok.

Nou isi, mon pe seye e ansanm nou tou, enkli ou, enkli tou dimoun ki la.  Nou pe seye pou fer ki nou eradike sa mons ki nou apel drog dan prizon  e sa i enn mon priyorite pou anpese ki i kontinyen.  Parey nou’n eksplike, nou pe sey fer nou ganny nou en search room e sa search room ozordi letan nou koze nou pe mazin dimoun i al fouy lo son prosen.  Personal body searchBody search no longer works atraver nenport ki landrwa.  i nepli marse sa.  Nou pe bezwen ganny nou bann teknolozi ki pou nou met dan nou search room ki nou kapab vwar ok.  Kote, kot nou kapab vwar kote ki sa drog i ete.

Ozordi i malere.  Lo televizyon mon pa pou kapab dir li.  Mon krwar nou tou nou konpran kwa ki mon pe sey dir.  Ki mannyer drog i antre dan prizon.  Ok.

So, nou.  Nou pe sey tou.  Mwan, parey ou pe mazinen Onorab.  Mon ti a kontan e mon swete e mon voudre e mon anvi ki nou tir drog dan prizon.  Mon pou fer tou.  Ok.

Apre dezyenm keksoz ki ou ti demann nou.  Training.  Oparavan mon krwar mon predeseser ti annan bann training ki zot ti fer avek Moris.  Non pa Moris.  Mon ava pas ou avek Mr Tirant.

 

MR MAXIME TIRANT

Bon Onorab.  Pou dir prizon nou annan sa kontrent, mon krwar nou’n met li enn dan nou defayans lo nou papye se training.  Nou napa ase lekspertiz lo nivo prizon li menm.  Me UNODC in asiste nou avek serten form training.Me nou pe anvizaze la pou ganny ed avek UNODC.  Zot in promet mwan ki nouvo strategic plan ki pe vin anfors byento, zot pou donn nou en pe sipor pou nou kapab omwen donn training de-baz nou bann dimoun ki vin zwenn servis.

Me ankor nou napa en fasilite pou nou fer sa.  Lapolis i annan son lekol, son fasilite.  Nou, nou napa.  Me mon’n sey fer en pti laranzman toudmenm lao laba pou nou ganny en pti lasal e nou a komans ek sa.  Me enn bann keksoz primordyal se fodre nou tarin nou dimoun akoz se sa ki manke kot prizon.  Sa dimoun ki annan sa bon bagaz pou nou kapab travay ek nou bann dimoun ki dan prizon akoz zot deserve en bon servis.  Mersi.

 

MR DEPUTY SPEAKER

Mersi Mr Tirant.  Onorab Letourdie ou ok.  Onorab William.

 

HON WAVEN WILLIAM

Mersi Mr Chairman.  Mon ti a kontan demann Mr Tiran si i annan sa lenformasyon.  Dan sa popilasyon prizonnyen si i kapab dir nou ki poursantaz i bann repeated offenders e eski i annan en mekanizm ki zot annan an relasyon avek bann lezot Lazans pou fer en swivi e s bann offenders si zot konnen osi ki bann rezon.

E dezyenmman mon’n tann Mr Vic Tiran dir ki sa bann prizonnyen ki travay, zot ganny serten renimerasyon.  Eski dan sa provizyon zot pe vwar osi pou bann ki kas lakaz e vole, pran bann byen bann dimoun.  Pou vwar en pti pe dan lavenir petet rekour pou byen bann dimoun ki zot in pran, si serten sonm i kapab ganny rann vizavi bann vol ki’n ganny fer.  Eski zot pe pran sa an konsiderasyon osi.

Akoz ki arive, en dimoun i annan son byen.  En dimoun in kas son lakaz ouswa in pran son larzan.  Me i pa ganny okenn rekour.  Me zis sa kondannen i al dan prizon, i fer son letan, epi i fini.  Eski zot pe mazin en ti pe osi lo sa akoz finalman viktim li i pa ganny nanryen.  Mersi.

 

MR DEPUTY SPEAKER

Mersi Onorab.  Mr Tirant.

 

SUPERINTENDENT VIC TIRANT

Mersi Onorab William.  Sa kestyon kot ou pe demande pou nou kapab donn ou bann repeated offenders konmsi ou pe demann mwan.  Pou mwan dir ou, fransman la mon napa ok.  E pou nou kapab ganny bokou bann lenformasyon nou bezwen pas en bon pe letan, file parti file.  En keksoz ki mon’n fini komans fer dan prizon se komans met bann striktir an plas kot at the touch of a bouton nou pou ganny tou nou bann lenformasyon ki nou bezwen a disponib.

Nou ti annan en pti pe kontrent lepase, nou pe fer li.  Savedir ki donn mwan en pti pe letan next time  nou kapab donn ou sa bann lenformasyon.  Kot nou’n mete dan nou mete dan nou major achievement,2015-2016 avek development of prisons management system – tou sa nou pe aktyelman met li an plas pou ki demen a nenport ki minit, nenport ki segonn ki ou bezwen lenformasyon ek nou –  from isi ou kapab access li pou nou kapab met an dispozisyon.

Prezan sa zistwar dan sa en tyer ki annan kontribisyon.  Ki nou apel sa bann social contribution. Keksoz ki bann kondannen i kapab donn nou, par egzanp pey zot alimoni.  Fer antre zot housing e sa bann lespes.  Mon krwar nou pou bezwen travay en pti pe pli pre avek Lakour.  Knowingly ki Lakour i konnen poudir i annan sa dimoun ki ti vol kot entel, in vol en televizyon, i kout tan.  Alor through en Court Order, Lalwa, Lakour i kapab donn sa direktiv pou nou kapab fer sir.  Part of the sentencing would be pou fer sa.

Nou menm nou, on our own nou pa kapab pran larzan sa endividi pou nou fer sa keksoz avek.  Mersi.

 

MR DEPUTY SPEAKER

Mersi Mr Tirant.  Onorab William ou ok?  Bon nou a pran dernyen kestyon.  Onorab Ramkalawan.

 

HON WAVEL RAMKALAWAN

Mersi bokou Mr Chair.  Mr Chair, mon krwar ki napa okenn attempt pou nou anbet nou lekor ki poudir prizon i en lenstitisyon ki difisil, parski son bann kliyan li menm li se bann kliyan difisil.  Zot antete, se pour sa rezon ki bokou zot i dan prizon.  I annan bokou agresivite e nou tou ki’n regard sa lenstitisyon en pe pre, ki’n pran nou letan nou pou dekouver ki poudir i en travay difisil e pou ou fer sa reabilitasyon i tough.

Alors, okenn dout ki nou rekonnet e i enportan pou nou dir ki nou rekonnet ki poudir bann dimoun ki pe travay prizon zot in swazir en karyer difisil, en karyer ki tough e alors zot bezwen ganny nou sipor.

Me an menm tan osi, mon krwar lo lot kote, nou’n rekonnet ki poudir i annan bann prizonnyen ki rekonnet ki poudir zot in fer en for e zot pe rod en fason pou zot sorti, literalman dan sa prizon kot zot in vwar zot.  Alors nou bezwen donn zot lankourazman.  E petet letan nou pe sey balans sa 2 kote.  Se la kot mon bann kestyon prezan pou vini.

Letan mon pe regard lo kote Ladministrasyon prizon ek bann keksoz ki pe pase, obviously mwan enn sa bann dimoun ki kwari ki si en dimoun i pa’n tan 5er bomaten dan son lavi, in plito tann la in ler pou al ka lakaz dimoun.  Nou bezwen fer li komans tann 5er bomaten e alor sa rezim li menm li, lafason ki, si mon pa’n tro tande  dan sa  kote reform.  Parski tro souvan nou tann reform prizon me nou pa tann reform prizonnyen.  Sa i enn bann keksoz ki mon santi i manke.

Alor, mon’n tann en pe bann keksoz ki zot anvi fer pou fer bann prizonnyen met  en pe responsabilite e la Mr Chair, zis mon retourn letan mon ti pe grandir.  Letan prizon ti ankor Union Vale, tou sa bann landrwa ti zis ranpli avek legim, avek zannannan.  Kot vilaz trezor ti ete ti en letab, ou ti al aste ou koson prizon.  Madanm Delhomme ti donn tou prizonnyen ki ti sorti dan prizon, R5.  Prizonnyen ti aprann en metye.  Kwa ki zot annan vreman, kote mon pou vwar dan sa Bidze, sa progranm reform prizonnyen.  reform prizonnyen pou fer sir ki nou donn zot en lipye pou zot antre dan lasosyete.  Sa ki mon pa pe vwar ladan e mon ti ava kontan vwar en keksoz kler.

Me an menm tan osi i annan en kantite keksoz ki mon’n tande la apre midi.  Ki mon’n tann son lot kote.  Par egzanp mon tande se ki prizonnyen ki pe fit bann cameras.  Prizonnyen ki pe fer bann fitting bann cameras ki pe involve ladan.  Mon tann se ki prizonnyen ki ede pou kwi manze.  Konmsi i annan, me ki konmsi i annan 2 diferan keksoz.

Lo Coetivy, enn bann keksoz ki mon tande, prizonnyen i prodwi en kantite, me zot fer delwil, par egzanp delwil ko-ko.  Me kote eski tou zot bann larzan, mon tande zot prodwi plis ki mil lit tou le – mon pa konnen egzakteman si tou le mwan, tou le 3 mwan e ki sa i vann avek IDC.  Kote, eski prizon atraver sa bann prizonnyen ki laba lo Coetivy, zot pe vreman ganny sa reveni ki zot devret pe gannyen ?  E vi ki nou pe lwe Coetivy pou R650 mil, kwa  ki nou kapab prodwi lo Coetivy pou fer prizon otosifizan ?  Parski Coetivy absoliman parey Denis Island, se 2 zil coraline island.  Alors mon pa kapab vwar akoz ki Coetivy i pa kapab prodwi tou s aki Denis Island pe prodwi e ki sa dan li menm li i ava annan otosifizans.

Mon pe an menm tan fer serten statement, an menm tan demann serten kestyon akoz mon vwar ki ou annan ou 400 ekek zonm, avan sa ti annan 800, mon pa vwar akoz ki nou pa kapab pe fer keksoz e menm the excess ki ti ava ganny vann an deor pou ankor enn fwa beef-up. E n epe parey Onorab Arrisol in dir, dimoun i afekte zot, apre nou menm nou taxpayers ki bezwen peye.

Alor Mr Chair, mon anvi osi demande, eski vreman seen search room ki zot bezwen  oubyen eski se petet pli gran sirveyans.  Taler nou’n tande ki en Sid Afriken ki ansarz pou train lisyen i ganny R100mil pou eksplozif.  E dan prizon i annan bann prizonnyen, mon konnen omwen en prizonnyen ki en professional dog trainer, ki zot in pran li, zot in anvoy li Marie Louis.  I ti kapab ganny servi pou servi sa bann.

So, e  ski vreman.  Eski vreman nou pe adres bann size parey i ete.  E la Mr Deputy, mon krwar ki pa  kler sa bann zafer tender.  I annan keksoz la ki pa pe balanse e mon pou propoze ki either parey Minis Finans, well taler nou ti ganny en konversasyon. Ki Minis Finis in dir pou tenir serten Bidze, kot keksoz pa tro kler, kot nou, spesyalman i annan sa bann etranze ki Onorab Afif in fer kler, are the’’ other uses of goods and services,’’  Sa 41 milyon, nou’n vwar ki poudir pa tou chiffre ki’n kapab ganny accounted for.  Mon pou demande ki i annan keksoz la ki ganny sispann.  And I’m sure Onorab De Commarmond pou siport mwan lo sa kote.  ki pat egzanp i kler ki i annan anviron R7 milyon ki nou pa konnen egzakteman ki bor i pe ale  baze lo lapey ki Onorab Afif, sa kalkil ki Onorab Afif in fer.  Alors i vedir ki dan sa R41 milyon i annan anviron R35 milyon ki vreman zot pou bezwen e  ki la mon ti ava demann PS Payet pou pran sa na konsiderasyon, pou tenir lo la ziska ki anmezir ki nou bouze, keksoz i ganny regarde.  Ki parski, sorry mon pe fer li dan form en pe statement, en pe kestyon.  Parski i enportan pou nou kapab account pou tou larzan ki ganny depanse e mwan Mr Chair, la pour lemoman sa bann kontra BnB, zafer Danny Loizeau, Bel Ombre.  Ou tann bann prizonnyen, mon konnen prizonnyen i pou kontan konplent, me selman konsernan la kalite pwason ki zot gannyen.  Plito bann pwason avek bokou disel ladan.  Se sa ki ban prizonnyen i koz lo la, ki konmsi annou pran en desizyon serye, sa R41 milyon nou bezwen tous li dan en fason for e mon plis ki sir  ki PS Payet pe tann byen ki mon pe dir.  Mersi bokou.

 

MR DEPUTY SPEAKER

Mersi Onorab.  I annan bout ki Mr Tirant ioule reponn, apre Mr Payet i a pran sa dernyen bout.  Oubyen Mr Payet i oule pran sa dernyen bout avan.

 

MR MAXIME TIRANT

Bon mersi Onorab Ramkalawan.  Mon pou sey, anfen mon pou reponn ou en pti pe o size sa premye parti ou proposal ki ou pe koz lo la.  I ti toultan kon swe koman Sirentandan pou met tou prizonnyen, san eksepsyon dan travay.  E parey nou’n konstate atraver Onorab Georges pli boner, sityasyon Montagne Posée i pan permet sa.  Akoz nou teren i difil, napa lespas eksetera.  E mon kontan, mon fyer ki ozordi mon’n kapab met prizonnyen dan travay, tel koman kot Land Marine, SAPMER eksetera.  E mon ti pe pran bokou risk.  Ou kapab konpran ler ou annan 100 ekek prizonnyen an deor prizon at anyone time, ki risk mon ti pe met lo mwan.  Mon’n met mon soz on the line la, en mon repitasyon.  Me mon’n pare pou fer li, mon sete sa ki’n pran sa plas Sirentandan i kontiny sa.  Me i en gro risk ki nou pran akoz nou antisipe ki nenport kwa i kapab al mal.  Me parey nou’n dir, nou bezwen met prizonnyen dan travay, nou bezwen pran sa risk dan lentere nou bann dimoun.  In toultan en lager pou mwan ganny sa otosifizans vizavi, espesyalman.  Nou pa pou ganny dan tou antyerman, me lo kote manze  pou prizonnyen.  Me Montagne Posse napa naryen nou kapab fer.  Dan sa pti bout deboulir ki nou annan.  Nou napa delo, nou napa naryen.  I difisil e petet mon ti pe swete ki petet Coetivy ti ava larepons, me progranm i pan kapab al parey nou ti pe  mazinen letan mwan mon ti pe met sa  proze Coetivy debout ;- akoz Coetivy nou annan nou limit e nou annan bokou kontrent ki al avek.  Menm si nou ti pou prodwi ozordi Coetivy, nou napa fason tire sa bann prodwi, akoz nou napa nou prop bato, nou prop eksetera.

Lo kote Mahe mon’n lager, ziska prezan ou kapab vwar dan nou strategic plan i reflekte.  Ki toultan nou’n oule ganny en laferm par egzanp.  En landrwa, en bout later kot nou kapab fer sa bann travay.  Prodwi pork, prodwi poul, prodwi legim eksetera.

Me nou pa’n kapab gannyen, mon swete ki petet Mr Tirant i a kapab gannyen.  Me i en bon propozisyon e mon krwar dan lepase sa  in prouve, i fezab.  I kapab ganny fer.  Mon sir ki si nou ganny fasilite i pou telman fasil pou nou prodwi pork, poul, legim.  Definitivman e pwason.  Si nou ganny sa loportinite lapes, pou napa okenn gran, gran difikilte la.  Me se prezan nou bezwen sipor Lasanble li  menm, sipor Gouvernman pou kapab fer sa arive.  Sa mon sir ki i pa konplike, me si nou ganny sipor sa ti ava en keksoz pou mwan, en rev vin vre, akoz vwar la ki mon anvi vwar.  Tou nou prizonnyen, whatever sa dimoun i ete, nou annan plan pou hard core, nou annan plan pou nenport ki prizonnyen.  i annan sakenn son landrwa nou ti kapab allocate zot pou fer sir ki zot lev-e zot al travay.  Akoz pou mwan mon osi mon’n konsernen parski Montagne Posse, ki ou ti pou fer ek prizonnyen.  Ler ou lev ou 800 prizonnyen, ki ou fer avek zot bomaten.  La anse moman at least nou annan en poursantaz ki pe al deor, ki pe al travay.  Me lamazorite i bezwen reste anndan akoz sityasyon pa permet.  E se sa ki parey sirentandan in mansyonnen pli boner, nou pe propose reallocate li dan en landrwa pli agreab kot nou a kapab vreman achieve sa bann lobzektif dan nou strategic goals ki nou annan.  Sa pou reponn premye parti ou kestyon.  Lezot petet i ava annan en lot …….. par en lot dimoun.  Mersi.

 

MR DEPUTY SPEAKER

Mersi Mr Maxime Tirant.  Mr Payet.

 

PS PATRICK PAYET

Mersi Mr Chair e mersi Onorab pou ou kestyon e komanter osi.  Definitivman avek diskisyon ki nou’n gannyen en pe, on both side nou vwar ki i annan bann keksoz ki pa kler.  Mon konnen ki lepep Seselwa pe ekout nou ozordi e dan Lalwa Public Finance Management Act, the Minister responsible for Finance i kapab set restriction for the use of the appropriation e secondly i kapab limit the use of an appropriation.  E ki nou pe rekomande avek Lasanble, apre ki zot in aprouv Bidze for Departman Prison.  Nou pe limit, nou pe propoze ki nou limit the use of 7milyon anba ‘’other uses of goods and services,’’ ziska ler nou kapab annan en kler definisyon, en kler azanda, en kler stratezi dan Departman Prizon e sa nou ava propoz avek Lasanble dan first quarter 2017.  E nou pe met sa langazman, nou koman Minister Finans pou nou travay avek Departman Prizon pou nou rektifye okenn sa bann issues ki annan e kapab annan en kler stratezi forward prezant avek National Assembly.

E nou pe propoze ki nou limit, once ki nou’n ganny the total Appropriation Bill ki’n aprouve, nou limit 7milyon anba sa vot ziska ler nou kapab annan en kler stratezi forward.  Thank you.

 

MR DEPUTY SPEAKER

Mersi Mr Payet.  Nou’n ganny en firm commitment.  Bon in ariv ler pou nou.  Madame Banane ou le dir keksoz.

 

MRS BESSY BANANE

Eskize Mr Chair.  Mon ti oule pete shed light en pe lo kote, with aspect avek sa budgetN appropriation pou prizon.  At the initial stage ki nou ti pe prepar Bidze pou 2017, DDRU expanses was being  incorporated within prizon at that time.  So all the actualities was based  on that.  We were only allocated with funds in November.  So there were some part of it ki ti’n incorporate dan existing budget.  Maybe I… omitted to elaborate on that.  So i kapab part of it osi in ganny include ladan.  Dan sa initial budget pou 2017 – based on actualities.  Ok.

 

MR DEPUTY SPEAKER

Ok, Onorab.

 

HON WAVEL RAMKALAWAN

Mr Chair, mon anvi petet osi dir ki letan nou pe fer sa nou pa pe pini dan okenn fason.  Nou zis anvi keksoz i kler e sa legzersis Bidze ki nou pe fer.  Premye fwa nou pe fer li koumsa.  Mon bezwen dir ki i annan bokou bann propozisyon ki mon kontan, ki Egzekitiv pe ekout li serye.  Par egzanp nou’n deza vwar la ki ozordi, well semenn pase nou ti vwar ki apre deba lo Defans in annan de propozisyon ki’n sorti pou konsernan kont labank avek bann dues pou bann former Presidents.

E ki la ozordi, le 20 Desanm in fini annan en lanons sorti State House baze lo sa bann diskisyon ki nou’n fer ki par egzanp ki recruitment of tou sa bann etranze, spesyalman an term Lapolis, Prizon, NDEA avek FIU pou pran en nouvo dimansyon.  Zisteman parski keksoz pa kler e ki lefe ki konmsi pou montre ki poudir letan mon pe dir sa R7milyon ki PS in aksepte, se pa pou pini, me pou nou fer sir ki larzan sa pep Seselwa i pe byen ganny itilize, tou bann prosedir pe byen ganny fer e ki nou osi elimin okenn eleman ki nou kapab  term koripsyon.  E in fact i annan 2 lanos ki’n ganny fer baze lo sa bann deba ki nou pe fer isi dan sa Lasanble. E alor mon welcome ek kantite sa ki PS Payet, sa komitman ki PS Payet in donnen akoz, sa i form parti sa travay ki nou lo nou kote nou ti dir nou pe vin fer.  Mersi bokou.

 

MR DEPUTY SPEAKER

Mersi Onorab.  Mr Tirant.  Vitman.

 

SUPERINTENDENT VIC TIRANT

Mersi Mr Chair.  Aparaman mon krwar nou pe al pran en vot.

 

MR DEPUTY SPEAKER

Wi Mr Tirant.

 

SUPERINTENDENT VIC TIRANT

Mon ti a kontan demann tou Manm Lasanble ki la prezan pou silvouple vot pou sa Bidze.  Aparaman nou’n ekout zot tou, nou’n pran tou pwen e parey mon’n dir zot poudir nou committed pou nou al travay pou nou fer bouze prizon e lannen prosenn petet si ler mon vin la, nou a vwar la diferans ki egziste.  Mersi bokou.

 

MR DEPUTY SPEAKER

Mersi Mr Tirant, Onorab De Commarmond, vitman.

 

HON CHARLES DE COMMAMROND

Dernyen pti parol Mr Chair.  Mon krwar Mr Tirant nou’n tann ou.  Nou ava donn ou sipor, me parey mon’n dir  bomaten, pandan lazournen mon’n repete e  mon krwar dan meeting ki nou’n organize, ki mon ti anons dan Lasanble sa bann keksoz, sa bann parol ki Onorab Leader Lopozisyon in dir osi, ki en travay ansanm ki nou pe fer, ki mon krwar pep Seselwa i devret apresye e konmen en Lasanble ki zot in vote, zot in met la.  E nou pe fer sa travay e mon krwar mwan i pe abouti a quelque chose de bon.  I en bon partenarya.  Dimoun pe ekoute, Prezidan pe ekoute e mon admir nouvo Minis Finans, mon admir Prezidan Faure dan zot sazes pou ekoute ki nou pe koze, pou diskit ansanm avek nou, pou nou vwar bon solisyon.  Bon propozisyon pou nou lavnir.  I byen.  Mersi.

 

MR DEPUTY SPEAKER

Mersi Onorab.  I byen, Lasanble pe travay, Egzekitiv pe ekoute e pe reakte dan en fason pozitiv.

Bon, in ariv ler pou nou pran en vot lo Bidze Prizon.  Nou pe pran en vot lo paz 220 ziska paz 225.

All in favor lev lanmen ?  Nou pe pran en vot Onorab Andre.  Non, nou pe pran en vot lo Bidze prizon sa proposal PS in fer e i pou ganny pran into account e nou pou annan quarterly review ki pou come back avek Lotorite Prizon devan nou.

Nou a pran en vot.  All in favor Bidze prizon, paz 220 ziska 225?

Any Member against?  Okenn Manm ki kont?  Napa.  Madame Clerk ou a lir rezilta silvouple.

 

MADAM CLERK

Thank you Mr Chair.  For this budget mon’n rikord 19 Manm ki’n vot ‘Pour e napa Manm ki’n vot kont.  Mersi.

 

MR DEPUTY SPEAKER

Mersi.  Sa i vedir ki BidzePrizon in pase, in ganny aprouve.

Bon mon ti a kontan dir mersi Mr Vic Tirant.  Mersi Mr Maxime Tirant, Madanm Bessy Banane.  Madanm Florianne Vidot e Mr Sam Dodin pou zot pasyans e zot korperasyon avek nou Lasanble apre midi.  Nou ava eskiz zot. Alor nou eskiz delegasyon Prizon.

 

 

MR VIC TIRANT AND HIS DELEGATION FROM DEPARTMENT OF PRISON WAS EXCUSED FROM THE HOUSE

 

 

 

FIRE AND RESCUE AGENCY

 

MR DEPUTY SPEAKER

E Lasanble nou reste, nou annan en dernyen Departman ki tonm anba Minister Zafer Entern, Fire and Rescue Services.  Nou ava kriy bann zofisye e nou ava kapab pran sa lot Departman.

Bon Bidze pou Fire and Rescue Agency i trouve lo paz 236 ziska 243.  Bon parmi nou, nou dir bonzour Mr Andre Morel –  Chief Fire Officer, asiste par Mr Roy Lemiel, Senior Human Resources and Budget Officer.

Mr Morel parey tou lezot Departman ou annan ou 4 a 5 minit pou donn nou en pti overview ou Departman, ou responsabilite –  zot travay.  Menm si oule tous en pti pe lo kantite travayer ki ou annan, feel free. E bann kestyon ki’n lev-e bomaten, petet menm osi ou kapab dir si ou workforce i totalman Seselwa oubyen si osi ou annan foreigners.  So feel free, ou annan ou 4 a 5 minit pou donn nou en pti overviewGo ahead Mr Morel.

 

MR ANDRE MOREL

Bon mersi Mr Chairman e bonswar osi tou bann Manm Onorab e tou bann manm piblik an zeneral.  Mon apel Andre Morel. Mon Sef Zofisye Ansarz Lazans Servis Tenny Dife ek Sovtaz.  Nou vizyon se nou anvizaze pou vin en pli efikas e pli modern Lazans Tenny Dife ek Sovtaz par mentenir en onivo preparasyon deplwayman dan bann ka lensidan.

Nou Misyon se pou protez e sov lavi, propriyete e lanvironnman kont lefe dife, materyo danzere e lezot lensidan.  Nou pou akonplir sa Misyon an kolaborasyon avek lezot partner e manm piblik par mentenir en lafors byen antrennen, ekipe e motive.  Promot en bon progranm lo prevansyon e prekosyon kont dife.

Sa Lazans ti ganny formen an milye 2010.  I ganny gide par en akt. I donn en servis 24 lo 24.  I reponn lapel apepre 400 call par lannen. Sa i enkli dife, aksidan transpor, kemikal e dezas natirel.  I annan 3 Seksyon anba son striktir, sa i Ladministrasyon ek Finans, Loperasyon, prevansyon avek Training.

Sa lesanz i annan 171 zofisye ki enkli 158 zonm, 13 madanm e 3 sivilyen.  Zot tou zot Seselwa.  I osi annan 18 manm lifeguard.

Lazans Tenny Dife i annan 4 stasyon, enn Victoria, 1 Anse Boileau, Praslin e La Digue.  I annan en scheme of service ki ti ganny revize an Zilyet 2016.  I osi annan son prop plan stratezi ki gid li dan son devlopman.

Lo kote Bidze, sa Lazans in ganny li R55 milyon 497.99.  Ladan i annan R29 milyon 838 mil pwen 66 ki al pou ‘’wages and salary.’’‘’Goods and services’’ i annan 17 milyon 517.33 e osi en Grant R8 milyon 142mil.  Mersi Mr Chairman.

 

MR DEPUTY SPEAKER

Mersi Mr Morel.  Bon nou komans avek kestyon.  Mon annan Onorab Ghislain.

 

HON CHANTAL GHISLAIN

Mersi Mr Chair.  Mr Chair, avan mon demann mon bann kestyon mon ti zis oule komann en pti pe lafors fire brigade akoz zot bann, en group bann dimoun ki dan uniform ki ziska ozordi nou vwar zot bann dimoun ki annan bokou disiplin e zot annan bokou respe piblik. Nou pa tro, tro tann bokou keksoz advers ki ganny koze lo zot.

Mr Deputy Speaker, mon bann kestyon, premye mon pou komans lo sa zafer ‘’equipment and machinery’’ and then mon a desann lo ‘’salaries ,‘’silvouple ?

An se ki konsern lekipman avek machineries dan zot sa, ziska ozordi nou pe vwar ki kot Fire Brigade, ki provizyon i annan dan Bidze, lafet ki ziska ozordi Fire Brigade, i annan li zis en lesel ki ariv mon krwar lo 3enm letaz e nou bann building i pe ariv ziska 5/6 letaz.  Ki nou pe fer an ka dife i arive dan sa bann building, lo kestyon prevansyon ?

E apre an se ki konsern, i annan bann loto hybrid ki fek komans vini e nou konpran osi si en zour Fire Brigade, ki al tir bann dimoun, viktim dan sa bann dife e mon pe ganny en konpran osi ki zot napa sa legan spesyal pou kapab al entervenir dan sa bann ka parey ;  ki Bidze pe fer pou kapab donn lekipman sa bann legan spesyal pou kapab deal avek sa bann sityasyon parey ?

E apre an se ki konsern transpor, nou vwar ki nou bann fireman, sirtou letan mon pe regard Praslin e menm lo Mahe, zot pe ganny transporte dan en pick up olye dan bis ; dizon par egzanp zot fek sorti, zot pe al ganny recruitPraslin, zot ganny transporte deryer dan sapick up ek tou zot bagaz e menm isi osi, si i ariv en ka ou byen al lev sa bann dimoun lo zot lili and all, met zot dan en pick up deryer pe travers sa pou zot kapab vin travay.  Si dan Bidze pe pran kont osi en bis, pou kapab transport sa bann dimoun.  Sa i mon premye parti, si ou kapab reponn.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman.  Mersi Onorab.  Lo kote machinery avek bann lekipman, i annan provizyon dan Bidze pou nou aste serten lekipman nouvo ankor.  Me selman parey ou konnen pa toultan ki ou kapab aste tou saki ou bezwen.

Lo kote leskalye ki ariv serten oter, sa wi i en konsern pou nou e nou’n met serten propozisyon devan avek Gouvernman, me pour lemoman i pa ankor vin en realite, akoz i en masin ki kout ase en bon pe larzan.  Par lao R9milyon e sa i en konsern ki nou okouran nou konnen nou bezwen kekfwa pli tar fer sa provizyon pou ganny li pli byen dan nou Departman, sirtou lo Mahe.

E lo kote bis sa osi i en konsern, me selman pour lemoman nou bezwen servi sa ki nou annan.  Nou annan en pick up, alors nou servi sa ki nou annan pour lemoman. E bis nou’n fer provizyon e pour lemoman i pa’n vin en realite.

 

MR DEPUTY SPEAKER

Yes Onorab.

 

HON CHANTAL GHISLAIN

Sa bout legan pou dan bann transpor hybrid an ka i annan dife dan sa bann transpor ?

 

MR DEPUTY SPEAKER

Mr Morel.

 

MR ANDRE MOREL

Lo kote hybrid sa osi i en konsern pou nou e nou’n pran kontak avek bann lakonpannyen ki fer vin loto hybrid pou nou ganny sa, en pe sa lekspertiz ki mannyer sa bann transpor i fonksyonnen.  Parey nou konnen i annan bann batri ki sa loto i mars avek tou e pou kapab ed nou dan bann ka kot si i ariv en aksidan kot nou bezwen entervenir.  Mersi.

 

MR DEPUTY SPEAKER

Mersi Mr Morel.  Onorab in reponn ou kestyon.

 

HON CHANTAL GHISLAIN

Mon lot prosen kestyon i an se ki konsern bann ‘’wages and salaries.’’  Bomaten nou ti pe koz lo kestyon Lapolis e ler mon pe regard saler bann zofisye Lapolis ek bann zofisye Fire Brigade, parski mannyer mon konpran bann nurses and bann teachers zot saler i mars presi parey ansanm.  Koriz mwan si mon mal Mr PS.  Tandis ki pou fireman avek lapolis i sipoze mars ansanm, me selman i annan sa gran disparite dan zot saler.

Par egzanp letan nou pe regard en nouvo recuite lapolis ki li i pe resevwar R7700 letan i fek antre pou li recruit, tandis ki en fireman li i ganny zis R6635.  I annan sa disparite e taler osi ti’n menm annan sa zafer kot en konstab i ganny R10mil e letan nou pe regard en SI kot fire brigade li i pe ganny R10,172. E sa SI i bezwen travay li 10an avan ler pou li ganny sa tit SI e pou li ganny sa saler.  Ki Minister Finans pe fer ek sa, pou kapab redwir sa disparite ant saler sa 2 kalite zofisye.

E osi i annan sa posting allowance pou bann dimoun ki al Praslin ek La Digue.  Taler nou ti ganny dir pou en zofisye Lapolis i ganny R600 par mwan, tandis ki pou en fireman i ganny li R15,000  li i ganny li en one-off pou 3 mwan, ki ou vwar i pa parey.  Ki Minister pe fer pou kapab redwir sa disparite dan saler sa de zofisye ; akoz letan nou pe regarde bann fireman zo, zot  fer bokou.  I pa vedir ki zot fer plis ki bann zofisye Lapolis.  Me selman letan ou pe regarde zot ki al lavan e zot lekor zot pli dan risk ki bann zofisye Lapolis.  Mersi Mr Chair.

 

MR DEPUTY SPEAKER

Mersi Onorab.  Mr Morel ou le reponn ou Mr Payet.

 

MR ANDRE MOREL

Mersi Onorab pou ou kestyon.  Lo kote pou esper 10an pou en dimoun vin en SI parey ou dir i pa realite.  Akoz si en dimoun i annan sa potansyel i annan abilite, sa kapabilite i anler dan promosyon.  Lo kote saler mon krwar ou byen.  En fireman le ri antre, en recruit, i ganny R6600 ler i antre e saler i ganny – si oule par DPA.  DPA ki evalye bann pos e i set bann nivo saler.  Nou napa nanryen ki nou kapab fer kont sa, se DPA ki deside.

Lo kote allowance mon krwar nou annan en Scheme of Service ki pa tro mal.  Par egzanp en dimoun i ganny li R600 meal allowance e si i en drayver ki dray gro konminyon i ganny R1200.  Si i dray en masin ki 4 tonn an montan i ganny R700 e pick up ek loto i ganny R400.  Si en dimoun i ansarz en stasyon lo Mahe i ganny R1,000 allowance, La Digue i ganny R15,000 e Praslin i ganny R2,000.  Si i en second zofisye in charge.Second IC parey nou dir, Mahe i ganny R500, La Digue i ganny R750, Praslin i ganny R1,000.

I annan en disturbance en one-off ki ler en dimoun nou pe anvoy li travay lo en zil.  En fireman li i ganny li R2mil e bann ran pli o i ganny en pti pe plis.

Island posting pou Pralin i R1,200 e La Digue i R15,00 parey ou’n dir.  Sa i par mwan, tou le mwan.  I annan inducement allowance osi ki R1,500 fireman e ran i mont en pe pli o.

Mekanisyen, akoz nou annan nou prop fasilite mekanik kot nou aranz nou prop transpor.  Sa i egziste depi ler Fire Brigade i egziste.  I ankor la pour lemoman.  E sa bann fireman ki fer, ki annan leksperyans dan mekanisyen.  Alors nou donn zot en allowance pou travay, pou aranz bann masin e osi lezot  bann lekipman ki annan.

I annan bann certificate  allowance.En certificate dan management, R600.  En Diploma dan mmanagement i ganny R800.  En Advance Diploma i ganny R1,000.

I annan en night shift allowance ki R75 sak fwa zot travay aswar. Pernight.  Apre i annan en stand-by allowance ki 5 poursan zot saler e osi zot ganny en gratwite 14 poursan ler ou’n fer premye 5an, apre i al tou le 2an.

Apre ou annan en sistenm osi appraisal kot tou le an si ou meet serten figures ou kapab bouz en pe lo ou salary band.  E osi bann dimoun ki al travay lo zil zot ganny zot 3 tiket.  Ferry ticket dan sa 3 mwan pou zot vin vwar zot fanmir ;  pou zot desann tou le mwan.  Savedir enn par mwan.  Sa Lazans ki donn zot.

E osi nou donn zot bann Mahe Praslin, La Digue napa, zot ganny bus fares  pou zot vin travay ouswa al kot zot.  E osi zot ganny uniform konplet.  Soset, soulye.  3 set uniform ouswa 3 triko par lannen.  Mersi bokou.

 

MR DEPUTY SPEAKER

Mersi Mr Morel.  Mr Payet ou le akoz keksoz ?

 

PS PATRICK PAYET

Mersi Mr Chair.Mersi Onorab pou sa kestyon.  Zis pou azoute Scheme of Service pou Fire and Rescue Service Agency ti fek ganny revize Zilyet 2016 e kekfwa pou donn Onorab plis lenformasyon nou kapab revwar avek DPA ki mannyer i ti ariv lo sa evalyasyon.  Akoz DPA i annan son bann rates ki i fer, ki in fer ki Fire and Rescue and Service Agency son base pay i pli ba ki Departman Lapolis.  Nou kapab asize avek DPA  pou vwar ki mannyer sa bann weights in ganny fer letan in fer sa evalyasyon.  I kapab share avek nou plis sa bann lenformasyon lo sa bann weights. Mersi.

 

MR DEPUTY SPEAKER

Mersi Mr Payet.  Onorab Ghislain ou ok?

 

HON CHANTAL GHISLAIN

Zis en pti leklersisman, CFO ou’n dir sa R1,500 zot ganny li par mwan.  Bann ki al Praslin la, La Digue la.  Mon pa’n ganny dir i ganny en one-off sa pou 3 mwan ki zot ale ?

 

MR ANDRE MOREL

Onorab one-off zot ganny li ler ou pe ganny poste pou premye fwa. Sa pou ou fer bann pti depans, kekfwa pou ou al avek lo sa zil. Me an menm tan ou ganny en R1,500 island posting. Sa i vin tou le mwan.  Si ou fer 3 mwan ou ganny li 3 fwa.  Si ou fer 1 mwan ou ganny li en fwa.  Mersi.

 

MR DEPUTY SPEAKER

Mersi Mr Morel.  Onorab Roucou.

 

HON CLIVE ROUCOU

Mersi Mr Speaker.  Mr Speaker mon ti anvi demann Mr Morel ki zot pe fer, akoz ler mon’n get dan zot challenges mon’n vwar ki zot in koz lo staff shortage.  Alors ki zot pe fer pou ankouraz plis bann zenn pou zot pran fire fighting koman zot karyer dan lesans pou ankouraz lakantite staff pou fer pli bon travay silvouple.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Onorab.  Mon krwar Scheme parey mon fek dir, mon krwar i enn bann fason kot nou’n met an egzistans pou atrakte bann dimoun e osi pou kit bann dimoun dan servis.  E osi apre nou al dan bann job fairs letan i ganny organize, sa osi nou partisipe. E osi nou annan en bon sistenm lantrennman.  Akoz nou met bokou lanfaz lo lantrennman bann staff pou dan zot devlopman.  Nou’n fer en kantite training pou sa bann dernyen 4an, 5an ou kapab dir e menm sa lannen  menm nou’n anvoy apepre 16 dimoun aletranze pou serten lantrennman dan serten field.  Mersi.

 

MR  DEPUTY SPEAKER

Ok, Onorab.  Mersi Mr Morel.  Onorab Churchill Gill.

 

HON CHURCHILL GILL

Mersi Mr Chair.  Mon kestyon i lo paz 238, anba latab 2, dan progranm P1.Governance, Management and Administration.  Pou 2016 ti annan R2.9milyon, 2017 i annan en logmantasyon pre R3 milyon.  Si nou kapab ganny en pe leksplikasyon kwa ki’n fer sa.

Apre dan P2, ‘emergency operations, li osi i annan en logmantasyon R6milyon.  Apre dan ‘capital expenditure’ anba, bann proze kapital, i annan en R8milyon ki’n ganny mete dan ‘’machinery and equipment’’.  Ler mon’n get dan PSIP napa detay.  Ti a voudre ganny detay pou kwa sa proze kapital R8 milyon.

 

MR DEPUTY SPEAKER

Mr Lemiel pou reponn sa.  Yes, Mr Lemiel.

 

MR ROY LEMIEL

Mersi Mr Chairman, mersi Mr Onorab Gill.  Si mon pran sa dernyen kestyon, sa ‘capital project’ sa i en Grant, Indian Grant.  I en loan – Indian Grant.  Re dir mwan sa premye kestyon silvouple, mon pa’n byen konpran.

 

HON CHURCHILL GILL

anba latab 2, dan progranm P1.  Governance, Management and Administration.  Pou 2016 ti annan R2.9 milyon, an 2017 i annan en logmantasyon pre R3 milyon.

 

PS PATRICK PAYET

Mon krwar enn de sa bann reorganization ki nou’n fer avek PPBB i annan sa konponan gratwite ki nou’n met li anba ‘’governance and administration ‘’e pour 2017 zot gratwite, akoz parey Chief Fire Officer in anonse pli boner, zot ganny 14 poursan e pour 14 poursan zot saler every 5 years apre tou le 2an.  E zis pou 2017, total gratwite ki pou peye i R2.5 milyon e sa avan nou ti pe met li dan bann lezot konponan e la i pe vin properly anba administrasyon.

Me apre osi i annan son bann lezot konponan lo ‘’office expanses’’ apre ‘’other use of goods and services.’’  Parey nou’n eksplike pou Lapolis, tou sa bann konponan elektrisite ki ti ganny mete en pe partou, partou in ganny mete tousala anba administrasyon, nouvo klasifikasyon dan PPBB.  So, in sorti en pe dan bann lezot konponan, nou’n met li dan son administrasyon properly.  Ok.

 

MR DEPUTY SPEAKER

Mersi Mr Payet.  Onorab.

 

HON CHURCHILL GILL

Pou mon kestyon lo proze kapital.  Nou’n ganny dir poudir i en en Grant, me selman nou vwar li koman en depans dan Bidze.  Eski i annan keksoz ki’n ganny progranmen pou fer ?

 

MR  DEPUTY SPEAKER

Ok Onorab.  Mr Payet.

 

PS PATRICK PAYET

Wi, zis pou azoute sa osi i anba sa Indian line of credit pou purchase of Fight – tender.  Letan nou’n gete i apepre $600 and 11 thousand ki ekivalan apepre R8 milyon.

 

MR DEPUTY SPEAKER

Ok, Onorab.  Mersi Mr Payet.  Onorab Esparon ou ti’n lev lanmen?  Go ahead Onorab Esparon.

 

HON REGINA ESPARON

Mersi Mr Deputy.  Mr Morel, detrwa lannen pase ti annan en Fire Brigade ki ti ganny stasyonnen kot Ladministrasyon Distrik Beau Vallon ki ti deservi bann sityasyon e bezwen dan bann distrik nor.  Mon’n obzerve ki sa servis in arete.

Eski ou kapab eksplik nou akoz in arete ?

E ki kantite ka dife zot tipe gannyen dan nord dan sa dernyen 2an ?

E dezyenmman ki difikilte ou Departman pe gannyen pou pey bann travayer zot overtime? Mersi.

 

MR  DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  Sa fire attendant ti met li stand by Beau Vallon pou serten letan akoz nou ti annan traffic jam bokou dan lavil.  Ti annan en serten moman nou ti bezwen arete akoz letan nou ti ouver stasyon La Digue ek Praslin osi,  nou nivo manpower in desann en pe, alo nou ti vwar nou en pe difikilte pou nou tir en fire attendant pou nou met li laba dan bann letan.   Me selman dan rafal Nwel ek Lannen letan i annan gran konsantrasyon transpor anvil nou ankor mete.

Lo kote statistik pou dan nor mon napa ek mwan la pour lemoman e lekel ou trwazyenm kestyon silvouple ?

 

HON REGINA ESPARON

Overtime.

 

MR ANDRE MOREL

Overtime ki nou annan pour lemoman se en bann PH ki nou pa ankor nobou, si ou le eklersi li.  Pou serten parey mon’n dir, serten rezon en pe manpower.  Me selman Desanm la nou’n fek, lo baze lo bann savings ki nou fer dan diferan vot, nou’n nobou clear apepre bann konze akimile, bann overtime ki ti annan apepre pou R200mil.  Savedir nou pe sey try nou best pou nou kapab clear sa bann outstanding leave ki nou annan.  Pa vacation leave me plito bann PH e overtime. E nou pou met en case devan avek Finans pou nou gete, pou nou kapab clear tou.  E apre pou nou redwir sa problenm, sak fwa en dimoun en dimoun i travay konze piblik ouswa i fer overtime, nou kouver sa dan son lapey lafen di-mwan.  Ki nou ava rezourd sa problenm enn fwa pour tou.

 

HON NICHOLAS PREA

Mersi Mr Morel, Onorab ok.  Mr Morel petet zis mon pou follow dan menm laliny avek Onorab Esparon koman, dan mon kapasite koman MNA Bel Ombre.

Ti annan en prepozisyon ki ti pou fire service ti pe regard dan posibilite set up en sub station dan nor Mahe, ankor avek menm rezon sa response time; e osi avek logmantasyon dan konstriksyon, swa lo kote tourizm oubyen lo kote bann dwelling houses dan rezyon nor Mahe.  Ki’n arive avek sa proze ? Eski sa i ankor dan pipeline oubyen eski zis in ganny abandonnen ?

 

MR ANDRE MOREL

Mersi Mr Chairman, pour lemoman sa proze i ankor dan pipeline.  Me selman dek koman keksoz i finalize nou pou met en stasyon Beau Vallon akoz i en pwen, en landrwa stratezi kot i annan en kantite lotel e en kantite lakaz osi.  Sa i enn osi nou priyorite pou nou met sa fasilite laba.

 

MR DEPUTY SPEAKER

Mersi Mr Morel.  Onorab Aglae.

 

HON EGBERT AGLAE

Mersi Mr Chair.  Bonswar Mr Morel avek Mr Lemiel.  Mr Lemiel, mon pe fer referans lo paz 236, ouswa Mr Morel, lo budget summary kot mon vwar poudir zot ‘emergency operation’  i annan apepre 40 milyon sote e anba ‘fire and prevention and safety’ i annan R4milyon  e mon pe met sa 2 konparezon, se ki akoz ler nou pe get lo kote prevansyon parey dikton i dir, prevansyon i pli bon ki gerizon –  mon vwar i annan sa nesesite pou petet atraver diskisyon avek Minister Finans, pou fer sir ki bann lakour sirtou, ki tou  resaman i annan bann dife ;  tou le z-an i annan sa, ki zot a pran bann mezir, me selman nou rekonnet poudir i annan son laspe finansyel ki bann lakour pou bezwen pe pran an kont, pou zot annan serten lekipman debaz tel ki fire extinguishers, bann fire detector ki tou lakour dan Sesel a lavenir i kapab annan sa bann lekipman.

Mon dezyenm kestyon i lo program 4, ‘’lifeguard and service.’’  Si ou ti kapab eksplik sa Lasanble ki kriter ki zot servi pou pozisyonn bann live gard dan bann landrwa kle. Rezon ki mon pe demann sa se ki i annan apepre 2an ki distrik Port Glaud pe fer rekomandasyon pou lans Port Launay kapab ganny en lifeguard en pe permanan vi ki son stati ki ganny frekante en pe pli frekaman.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  Dan sa R40milyon pou ed bann pti operation, akoz bokou dimoun i ladan.  Travay dan sa seksyon e i kouver bokou ki al ladan.  I kouver salaries en pe.  E sa R4.6 milyon ki ‘fire prevention ek fire safety ‘i tonm ladan, nou met bokou lanfaz lo kote prekosyon e prevansyon.  Akoz sa i No. 1, akoz i enportan ki ou annan en bon sistenm prevansyon avek prekosyon. E mon krwar ou’n vwar lo kote, kekfwa lo televizyon, sak fwa nou ganny en sans, nou sey pas en mesaz lo kote bann prekosyon ki dimoun i kapab pran kot zot lakour e osi nou al dan bann distrik pou nou pas sa mesaz.  Al dan bann lekol, al dan bann landrwa travay.  Me selman kekfwa parler i pa tonm dan bon zorey, dife i kontinyen arive e par ler i an deor nou kontrol.  Me selman nou pou kontinyen e nou pe sey pran en stratezi pou nou fer en pe bann leaflet pou nou kapab donn bann landrwa, bann dimoun. E osi al door-to- door si nou kapab.  Me selman sa i kapab, i demann manpower osi akoz en kantite letan pou al pas kot tou sa lakaz pou koz ek tou sa dimoun.

Me selman ler nou fer bann sesyon dan bann distrik, si ou le.  Bann rezyon.  Kantmenm i annan 50 dimoun ki vini, zot pe al dan bann lakor.  Kekfwa dan bann lakour i annan ankor 5.  Savedir zot pe pas sa mesaz.  Olye ki ou’n pas sa mesaz avek 50 dimoun.  Kekfwa ou’n pas avek 2500.  En 500 par la ou vwar.  Me selman i en keksoz ki en priyorite dan nou lazans e pou lo kote prevansyon avek kote safety.  Akoz ou pa kapab zis al tenny dife, me ou napa en bon sistenm prevansyon.  Akoz sa ki pou fer ou bann lensidan desann.

 

MR DEPUTY SPEAKER

Mr Morel i annan sa kestyon lifeguard.

 

MR ANDRE MOREL

Lo kote lifeguard.  Pour lemoman  lifeguard i annan 3 post ki i pe kouver.  I annan 1 lo Mahe ki Beau Vallon, apre i annan 2 lo Praslin, Cote D’or avek Anse Lazio.

I dan nou plan pou nou met ankor 5.  Anse Royale, Grand Anse Mahe ek Grand Anse La Digue.  Ek Port Launay avek Cap Ternay e osi en sizyenm Intendance.  Me tousala i pou depan lo resours.

 

MR DEPUTY SPEAKER

Mersi Mr Morel.  Onorab Aglae.

 

HON EGBERT AGLAE

Mr Chair, mon annan zis en follow up, leklersisman.  Pete mon rekonnet zefor ledikasyon ki zot pe fer avek tou bann lakour.  Me sa ki mwan mon pe demande se eski zot in a en pwen petet negosye ek Minister Finans si i kapab kree en Scheme.  Parey i annan sa Scheme lenerzi soler ki zot pe mete ki ava purchase avek en pri redwir.  Ki bann lekipman, fer sir ki tou lakour i kapab afford pou li annan en lekipman de-baz.  En extinguisher, en detector, mon pa konnen.  Ki en scheme.  Petet p a2017, petet 2018.  Konsidere ki sa household a benefisye anba la.  Petet sa i pou en diskisyon ki pou bezwen ganny fer avek Minis Finans.  Mersi.

 

MR DEPUTY SPEAKER

Mersi Onorab.  Mr Payet.

 

PS PATRICK PAYET

Mersi Mr Chair, mersi Onorab pou sa kestyon.  Zis avan nou ti anons Bidze 2017, Minister Finans Chair par Minister Larose, nou ti konmans diskisyon avek bann lakonpannyen lasirans pou vwar ki mannyer ki zot kapab ede adisyonnel e sa langazman i pa pou fini la akoz zot in vwar zot osi zot kapab par egzanp donn en pe bann fire detectors bann lakaz ouswa menm fire extinguisher dan bann lakaz osi.

So, pandan 2017 nou ava kontinyen s a diskisyon avek zot avek Departman Fire and Rescue Services Agency pou vwar ki kantite zot kapab fer e ki kante Gouvernman osi i kapab vini avek bann nou Scheme in place.  Mersi.

 

MR DEPUTY SPEAKER

Ok, mersi Mr Payet.  Onorab Arissol.

 

HON SANDY ARISSOL

Mr Chair, mersi.  Mon ti a kontan dir bonswar Mr Morel.  Mr Morel mon ti a kontan felisit ou.  Ou avek ou lekip pou travay ki zot pe fer.  Parski letan fire brigade i pase anvil, i Weee-oooo, Weee-oooo parey nou dir, nou tou nou met lanmen lo latet.   Nou pe rode lekel nou fer ek nou ser ki’n perdi son keksoz.  E travay ki zot pe fer mon happy avek sa.  selman mon osi lo laliny ki Onorab Aglae in dir.  Mon krwar zot devret fer en pti pe plis vizibilite.  Mon krwar i mank zot en pti pe vizibilite sirtou letan mon pe get paz 237 ki annan pou fer avek Staff shortage.  Kekfwa en pe plis talk dan bann lekol segonder pou atrakte bann zenn.  Sirtou bann garson, bann zenn garson.  Mon krwar en pe plis keksoz atiran ki a kapab donn zot en lanvi, en profesyon lo la.

Zis letan mon lo sa pwen, lo paz 237.  Zot bann challenges ki mon pe gete, premyerman i annan Staff shortage.  Epi sa ki enteres mwan se dezyenm, kot i dir i annan en kontrent Bidzeter la.  sa i fer ki zot pa ganny bann proper lekipman, ase Staff oubyen bann training pou zot Staff.  So mon ti a kontan kekfwa demann PS pou Finans akoz i annan sa current challenges lo kote sa Lazans.  En Lazans enportan dan nou pei.  Me letan nou pe get lezot landrwa, nou vwar lezot landrwa larzan pe ale sa okenn rezon. Me selman la mon ti a kontan konnen akoz kekfwa.  E si s ai reste en challenges pou nou, avek bann demann ki nou’n tande Bel Ombre, Port Glaud.  Menm pou lifeguard, mon krwar a lavenir i pou en problenm.

So, en Lazans sitan enportan, pirman Seselwa.  Menm zot garaz mon aprann parey in ganny dir Seselwa ki fer sa, mon krwar i en keksoz ki nou bezwen apresye.  So mon ti a kontan en pti pe leksplikasyon lo la.  PS Finans kekfwa, akoz sa koupir ki zot pa pe ganny sa, zot annan sa kontrent finans pou ed zot fer sa travay bokou pli byen ki zot pe fer la.  Mersi.

 

MR DEPUTY SPEAKER

Mersi Onorab Arissol.  Mr Morel.

 

MR ANDRE MOREL

Mersi Mr Chairman, mersi Onorab.  Lo kote ou premye pwen, monn note sa e nou a try nou best pou met li an pratik en pe plis ki nou pe fer pour lemoman.  Mersi.

 

MR DEPUTY SPEAKER

Mr Payet, ti annan keksoz pou azoute.

 

PS PATRICK PAYET

Mersi Mr Chair.  Mersi Onorab.  Zis pou azoute dan Bidze sa lannen nou tin donn zot larzan, apard zot Scheme of Service for recruitment.  Dan manpower budgeting exercise ki’n ganny fer, Out ziska Desanm 1.5 milyon e sa lenpak dan Bidze 2017.  Me nou ava vwar dan midyear review ki mannyer nou kapab asiste sa Lazans en pe pli byen avek resours e lekipman avek son stratezi ki an plas.

 

MR DEPUTY SPEAKER

Mersi Mr Payet.  Onorab Arissol, ok.  Onorab Andre.

 

HON CLIFFORD ANDRE

Mersi Mr Chairman.  Mr Chairman mon pou komans lo paz 238.  Lo latab nimero 2 nou annan en ‘office expense ‘ki’n sort 2.6 milyon, in ariv 3.3 milyon.  Kekfwa Mr Morel i kapab dir nou ki lofis e ki bann rezon i annan sa logmantasyon.  E letan nou pe get ‘’minor capital outlays’’nou vwar in ogmante sorti R1.4 pou li vin R1.7.  Eski sa i kapab ganny eksplike ?  E an pasan mon ti a kontan demande si i annan bann lofis ki zot pe rent an deor fire station pou bann Staff ki travay avek fire, rescue services.

Lot kestyon ki mon ti a kontan poze se ki bann PS in koz lo lasirans.  Bann Lakonpannyen lasirans in diskite, me mon krwar nou annan en keksoz fondamantal ki nou pa pe fer.  Lasirans pou sa bann fireman zot menm an vi ki zot travay i enn ki riske.  Mon ti a kontan konnen si zot annan en lasirans, en personal insurance ki zot Konpannyen i peye, akoz mon aprann sa pa leka.  Koriz mwan si mon mal.  Nou annan en sityasyon kot, eski i korek ki FCO in freeze recruitment of, konmsi pou pran bann dimoun pou travay avek Fire Rescue Services, sa i enn.

E lot issue se i paret ki bann dimoun ki’n travay avek servis tenny dife pou en bon pe letan.  12an-10an, zot vwar zot pe reste kole parey nou dir an Kreol e ki bann ki vini, 2an-3an i ganny promote dan sa servis.

Dernyen, se ki eski parad.  Mon’n ganny dir sa par plizyer zot.  Partisipasyon dan National Day Parade i en rekomandasyon neseser akoz mon’n ganny ki i annan serten manm ki letan in refize pou partisip dan parad in ganny met deor.  Mon krwar i annan 3 zot ki’n pas atraver sa sityasyon.  So si Mr Morel i kapab dir nou sa.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  I annan bon pe kestyon ou’n demann nou.  Mon a try mon best pou reponn, bann ki mon pa’n ganny ou kler ou ava re dir.

Lo kote ‘office expenses i annan sa ogmantasyon akoz parey ti ganny eksplike taler, tou bann Utilities in vin anba en sel vot.  Avan i ti eparpiye en pe partou.  I difisil pou letan ou fer pey bann bill.  Pou al tir en bout larzan isi, en bout larzan laba akoz meter i en sel meter, alors nou’n vwar li pli fasil ki nou’n met tousala anba en sel vot.

Lo kote ‘’minor capital, ‘’i sa i pou acquisition bann lekipman ek lezot itenm ki nou konsidere pou aste.

Lo kote lasirans, nou napa en lasirans  e i mars parey pou en travayer Gouvernman.  Si en fireman dan travay i ariv li en injury, en investigation i ganny fer, en rapor i ganny fer e nou ganny sa bann rapor medikal, nou atas avek.  Nou anvoy kot Attorney Zeneral e laba sa lofis i deside baze lo gravite son injury ki i gannyen konbyen son konpansasyon i pou gannyen e la peyman i ganny fer.

Lo kote promosyon, nou pa get en dimoun si i vye, si i zenn.  Si en dimoun i annan son abilite, i annan sa kalib, i annan sa devouman dan travay, i annan sa disiplin e i meet kriter, nou promot li.  E si mon kapab koz lo promosyon la, an Me nou fek promot 70 zofisye.  Depi en ….firefighter ziska senior division officer.  Savedir, ou’n propoz 70 Staff dan 171, savedir ou pe al pre lanmwatye.  Savedir i annan sa provizyon pou sa dimoun bouze dan son karyer.  Parey mwan mon’n bouze.  Mon ti antre en fireman mon osi, en requite.  Mon’n ariv en chief officer ozordi, mon’n ganny sans, mon’n devoue.  Mon’n ganny sans, mon’n arive ziska sa nivo.  E i annan en bon pe dimoun dan Fire Brigade ki annan ran.  Sa i pa en fakter ki retard dimoun dan servis.  Si i annan son abilite, son kapasite i ale, i flow.  Nou pa en dimoun ki get ni kouler, ni kalite, ni politik.  Nanryen nou.  Mwan mon en dimoun koumsa.  Si ou annan ou abilite, ou kapasite, en team ki evalye, alors ou ale.  Ou sans i la, ou ale.

Lo kote parad.  Nou en lafors disipliner e nou’n ganny demande pou nou partisip dan parad e nou pe fer sa mon krwar depi 69.  Mon menm mwan mon’n partisip dan parad pre 20 lannen e tou le an mon’n ale ziska ler in ariv serten ran mon’n aret.  E nou pe kontinyen ziska ozordi.  Nou’n ganny demande pou partisipe e si en dimoun i refiz-e, nou pe fer sa o nivo Nasyonal.  Si en dimoun i refiz-e nou bezwen pran aksyon avek li.  Akoz si nou tou nou refiz-e, personn pa pou al fer parad.  Vre nou’n pran aksyon avek serten dimoun ki’n refiz-e pou.  I pa’n refiz en fwa, nou’n donn li sans.  Nou’n dir be si ou annan problenm.  Koze nou a gete.  I dir i pa pou partisip dan parad li, i pa anvi partisip dan parad.  Alors nou’n bezwen pran en desizyon ki malgre i en pe tough, me nou’n bezwen pran sa desizyon.  Mersi.

 

MR DEPUTY SPEAKER

Mersi Mr Morel.  Onorab Andre.

 

HON CLIFFORD ANDRE

An vi ki natir zot travay, mon krwar i apropriye.  Mwan mon ti a prefere vot en logmantasyon kek par, ki mannyer son heading i ete, mon napa problenm.  Akoz mon santi ki letan en dimoun koman en fireman i pe servi, li ki al pli pros ek dife ki menm sa dimoun ki son propriyete pou li.  E si en keksoz i arive mon krwar i bezwen ganny kouver.  Nou pa kapab esper pou nou al kot Attorney Zeneral.  Me selman mon konpran sa ki ou pe dir.  Me selman mon pe dir kekfwa eksplor sa posibilite par natir zot travay pou fer sir ki zot ganny kouver par en lasirans, kelkonk par Lotorite li menm.

En lot pti pwen se mon pa tro dakor ek sa desizyon, me selman sa en desizyon ki lazans i pran pou expel en dimoun ki refiz-e pou fer en travay kekfwa ki pa dan son job description.  Mon pa mazinen i dan son job description, me par lefe ki ou’n dir ki zot bann lekipman, zot annan zot prop garaz.  Eski sa bann fire tender li menm i as safe as sa ki pou erport.  Oubyen kekfwa sa ki pou Erport son standar i en pti pe pli o ?  Mon pe zis demann sa ako mon krwar asi nou bezwen annan lekipman e sa natir travay parey mon’n dir.  Mon tout an faver ki nou bezwen os lekipman si i pa a la oter pou nou kapab fer sir ki delivre sa servis i enn pli o nivo.

Mon felisit zot pou sa travay ki zot fer, i enn pli o nivo.  Mon pa pe dir zot pa pe fer en travay.  Konpran mwan byen.  Selman mon anvi ki nou bann dimoun ki travay zot santi zot osi secure letan zot pe fer sa travay.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  Onorab mon kapab garanti ou ki Lazans Servis Tenny Dife i en landrwa kot nou maintain masin vreman byen e bann mekanisyen zot konverzan avek zot bann travay ki zot annan pou fer.  E si nou get par egzanp dan Gouvernman, mon krwar Lazans Servis Tenny Dife i en landrwa kot ou pou vwar i annan pli vye masin.  Akoz nou annan masin ki annan 23an e i ankor pe donn sa servis vreman efikas.  Akoz in ganny byen maintain e in ganny byen anmennen.  E Erport osi i annan son prop garaz ki aranz son prop masin, me selman nou, nou masin i roul plis ki pou zot akoz nou ganny plizyer lensidan pou nou atenn.  Me selman mon garanti ou poudir nou masin i ganny byen maintain e nou annan en provizyon kot letan pou ranplase, si nou vwar li nepli kapab donn sa servise nou fer sa provizyon pou ranplas li.  E lespas sa 2an nou’n aste mon krwar 5 masin nef pou nou anvoy lo bann stasyon ki nou’n ouver e nou’n kit enn victoria, anvil kot nou Headquarters i ete.

 

MR DEPUTY SPEAKER

Mr Payet.

 

PS PATRICK PAYET

Thank you Mr Chair, thank you Onorab.  Nou ava diskit avek Departman public administration.  Nou’n met R25 milyon anba contingency ki usually nou kouver si i annan okenn provizyon ki’n sorti claim, ki’n sorti kot AG’s Office.  Okenn Departman, Lenstitisyon Gouvernman.  Nou a diskit further avek Departman, vi ki natir zot travay avek Departman public administration osi, si nou kapab met en provizyon anba contingency pou kouver en sensual lasirans provision.  Mersi.

 

MR DEPUTY SPEAKER

Mersi Mr Payet.  Onorab Sophola.

 

HON NOLINE SOPHOLA

Mersi Mr Chair.  Minis mon kestyon ti konsern lifeguard services e sa in fini ganny reponn.  Me mon vreman apresye ki La Digue osi in ganny enkli lo lalis ki nou pou ganny lifeguarded service kot nou.

Me pou dezyenm mon ti annan en sizesyon.  Vi ki nou annan en fire station La Digue e ki pa souvan ki nou ganny bann ka dife.  Mon pe zis demande, si petet zot annan zot bann azans ki kot nou, tre kosto.  Si zot pa ti kapab ganny en lantrennman dan search and recue lo montanny e osi lo lanmer.  E petet sa ti pou kit zot en pe aktiv e les zot vin en pe pli prodiktiv.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab pou ou kestyon.  Lo kote lantrennman pou search and rescue dan lafore si ou le, i annan lekipman pou sa kalite travay La Digue e tanzantan bann zofisye laba i ganny demande pou asiste bann Lapolis pou al rod bann dimoun.  sirtou bann viziter ki’n perdi letan in al dan trail aswar e i rod lasistans avek nou pou al fer bann search and rescue.  Me par ler landrwa kot zot ete nou pa arive, me selman i annan i annan sa fasilite lo La Digue.

E lo kote bato osi i annan provizyon pou nou met en pti bato lo La Digue e osi Praslin pou asiste dan bann inshore rescue ki bann keksoz ki arive en pe dan lakot, lakot.

 

MR DEPUTY SPEAKER

Petet zis en pti follow-up Mr Morel.  Dan ka sa aksidan ki ti arive ek sa viziter tou dernyerman.  Eski pou bann zofisye dan La Digue ti enplike dan search and rescue oubyen i ti zis marine police ki ti fer.  Ki mannyer mon konpran marine police ki ti finalman dekouver lekor sa touris ?  Mr Morel.

 

MR ANDRE MOREL

Mr Chairman, ou pe koz lo sa bato lapas ki’n savire, non.  Ouswa.

 

MR DEPUTY SPEAKER

Non, non, non.  Lo sa ensidan ek sa viziter dan montanny.

 

MR ANDRE MOREL

Bann zofisye fire brigade ti pran par ladan, lapolis tou ansanm ti pran par ladan.

 

MR DEPUTY SPEAKER

Zot ti involve.

 

MR ANDRE MOREL

Yes.

 

MR DEPUTY SPEAKER

Ok, mersi.  Onorab Ramkalawan.

 

HON WAVEL RAMKALAWAN

Mon ti zis anvi demann Mr Morel si oparavan ti annan lifeguards lo La Digue e apre sa, zanmen zot in deza annan lifeguards lo La Digue.  E apre i annan en konplent lo zot container laba Anse Lazio.  Zot dir pou en zoli lans, be sa container laba Anse Lazio ki zot servi koman zot baz i annan en konplent ki poudir i en eyesore.  Konmsi zot pa kapab re aranz zot en pe.

 

MR DEPUTY SPEAKER

Yes Mr Morel.

 

MR ANDRE MOREL

Yes Onorab, well ki’n arive, nou ti bar li avek bann fey pou tir en pe sa vizibilite sa feray, sa container.  Me malgre sa kekfwa vreman i, ou kapab dir i en eyesore.  Me selman nou a rod en fason pli apropriye pou nou kapab storebann fasilite.

 

MR DEPUTY SPEAKER

Mersi Mr Morel.  Onorab Sophola ou ok.  Onorab Woodcock.

 

HON WAVEL WOODCOCK

Mersi Mr Chair.  Onorab Ramkalawan in tous enn mon kestyon, well plito komanter ki mon ti pe al pase regardan sa container Anse Lazio ki vreman i en eyesore. Menm bann touris pe konplent.  Kekfwa zot kapab get en pti pe ki mannyer zot kapab sort sa out.

Mo kestyon i ganny tire lo paz 240, progranm 2 anba ‘emergency operations.  An 2016 anba ‘wages and salaries ‘in cash zot ti R26 milyon e nou vwar an 2017 ki pou annan en rediksyon apepre R1 milyon pou vin R25milyon.  Mon kestyon i eski sa rediksyon i annan pou fer avek, zot pe dir zot pe ganny en difikilte retain Staff e eski sa i an rezilta en high level of a turnover.

E mon pe resevwar bokou konsern e konplent sorti avek bann fireman sorti sirtou lo inner island.  Mon krwar Onorab Ghislain in tous en pti pe lo la konsernan zot saler ek zot allowance ki zot pe dir i en pti pe ba.  Mon konnen PS fek dir ki zot fer reviz saler bann fireman, Zilyet mon krwar si mon pa tronpe.

Me selman kekfwa zot kapab konsider reviz ankor akoz i paret mwan still ki bann Staff i ankor pe konplent ki i ankor still en pe ba.

Apre dezyenmman i annan bann fiery hose Tamatave Estate aparaman napa delo ladan e enn de bann rezidan.  Tamatave Estate, Grand Anse Praslin.  So si ou kapab get ladan pou fer annan koneksyon delo.  Si an ka emergency  i arive i kapab en kontrent.  Mersi bokou.

 

MR DEPUTY SPEAKER

Mersi Onorab.  Yes Minis.

 

MINISTER MITCY LARUE

Mersi Mr Chair.  Petet mon ti a kontan reponn Onorab ki nou’n dir taler poudir nou pe re travay avek DPA pou nou kapab revwar en pti pe theScheme itself.  Ok, sa nou ava vwar.

 

MR DEPUTY SPEAKER

Mersi Minis.  Mr Morel ou le azout keksoz ?

 

MR ANDRE MOREL

Lo kote sa fire hydrant ki ou dir i merit get ladan, mon’n note.  Mon a fer bann zofisye Praslin al verifye.

 

MR DEPUTY SPEAKER

Mersi Mr Morel .  Mr Gill kestyon lo ki’n arise.

 

HON CHURCHILL GILL

Non, mon ti annan zis en sizesyon pou sa eyesore container.  Petet ki nou kapab fer avek, nou kanmouflaz li en fason ki apre nou met bann lenformasyon enformatik lo Anse Lazio lo la oubyen bann plant andemik ki egziste Anse Lazio.  Konmsi i a vin koman en keksoz edikasyonnel pou bann kliyan ki pe pase, ki pe gete.  Mersi.

 

MR DEPUTY SPEAKER

Mersi pou ou sizesyon Onorab.

 

MINISTER MITCY LARUE

Mon krwar mersi Onorab.  Akoz nou ti pe fek koz dan zorey pou dir nou bezwen regarde, akoz letan Onorab Ramkalawan in lev sa pwen, mon krwar i en keksoz ki vre i en eyesore.  Nou a regarde ki mannyer nou kapab fer li.  Si fodre anboufte li ek fey lantannyen, whatever.  Nou a regarde what is best pou nou fer li.  Mersi.

 

MR DEPUTY SPEAKER

Mersi Minis.  Onorab Henri.

 

HON GERVAIS HENRIE

Mersi Mr Chair.  Bonswar ankor enn fwa tou dimoun.  Mr Chair, premyerman mon ti ava kontan zis felisit fire service.  Lefe ki zot annan en mekaniz station e osi mon vwar zot in fek fer en modern fuel pump shed.  Ki mon krwar i merit en legzanp pou bann lezot entity parey Lapolis, parey Larme or nenport ki annan 10 transpor e plis.  Akoz i en cost saving exercise  e sa i tre byen.

Mon kestyon i baze en pti pe lo konmsi vizyon pou zot moderniz sa servis.  Akoz mon pe dir sa, akoz mon rapel letan sa act pou setup the agency ti dan katriyenm Lasanble e nou, nou ti la.  e enn bann keksoz ki mon ti met a laporte Minis sa letan.  Minis Morgan.  Zisteman pwen ki Onorab Ghislain ti lev-e, mon ti sit li Orion, SACOS Tower.  Son oter e ki ou bezwen bann fire tender ek bann leskalye ki kapab cater laba.

Pou li sa letan i pa ti en konsern.  Me la ozordi nou pe koz 5an pli tar e sa problenm pa ankor rezourd e alor pou mwan sa i en konsern ki zot merit adrese en pe dan zot vizyon strategic priorities.  R9 milyon mon krwar nou bezwen sey ros epou ganny enn s bann masin dan sa direksyon.

Dezyenm pwen mon oule fer i kot zot baze, Victoria.  Nou’n tann a lonterm prizon pou sorti Montagne Posée.  Zot konfortab kot zot ete, dan ka en traffic jam pou zot sorti si i ariv en major lensandi dan Victoria, zot pou kapab lo pick hours traffic kot zot ete la, bouze.  Konmsi zot konfortab pou lavenir ?  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  Mon krwar sa kestyon sa masin ki kapab mont en pe pli o, mon krwar taler Onorab ti demande laba.  Ki enn dan nou plan.  Akoz i annan en bezwen pou annan en masin koumsa.  Akoz i bon pou fire fighting, i bon pou rescue osi e osi bon pou letan ou pe tenny bann dife parey kot SEYPEC.  Kot ou bezwen serten oter pou ou apply bann foam, keksoz koumsa.  E lo kote lokasyon kot nou ete.  Ti deza annan en plan pou bouz sa stasyon la.  Me selman sanmenm sa ki nou anvi desantraliz sa servis an ka si i annan keksoz dan bann lezot landrwa kot nou kapab respond.

E kot nou ete i annan 2 semen nou kapab servi pour lemoman.  Nou kapab servi main road kot nou desann kot Maison du Peuple, ouswa nou kapab fer deryer kot Dockland.  Me selman parey ou konnen tou bann fasilite en pe riske i en pe la.  Si i ariv ek kekfwa nou kapab nou osi pri dan sa landrwa.  Me selman mon pa konnen, mon pa kapab garanti vreman si sa pou arive akoz i en gro proze pou bouz en fire station kot i ete la pou bouz li en lot landrwa.  Me selman sa konsern i la.

 

MR DEPUTY SPEAKER

Mersi Mr Morel.  Onorab Henri ou ok.  Onorab William.

 

HON WAVEN WILLIAM

Mersi Mr Chairman.  Mon ti a kontan demann Mr Morel, anliny avek prekosyon avek prevansyon.  Lefe ki Onorab Lemiel, Onorab Henrie in lev sa size konsernan sa konminyon.  Eski zot in set en target, akoz nou pe dir wi nou bezwen, me selman nou pa’n set en target pou nou kapab ganny sa lekipman.  Prenan an kont ki nou napa zis batiman ozordi, me nou annan bann cruise ship ozordi ki pe koste avek lasose ki vreman o e si i ariv en lensidan nou pou vwar nou vreman dan en sityasyon vreman difisil.

Dezyenmman Mr Morel, konsernan avek vizibilite dan distrik.  Nou konnen nou annan bann gran housing estate.  Eski nou annan, ouswa nou napa, ouswa nou pe mazin fer bann progranm kot i annan bann drills i ganny fer pou kapab sansibiliz bann dimoun vizavi prevansyon si i ariv bann lensidan.

E trwazyenmman eski zot pe travay osi avek biro standar ouswa Fair Trading pou vwar i annan bann item ki pe antre dan pei ozordi, bann materyo konstriksyon ki annan pou fer avek elektrik ki fasilman brile dan lakaz e koz bann dife.  Eski zot pe travay avek osi bann Lazans pou vwar e dekouraz enportasyon sa bann kalite materyo konstriksyon.  Mersi.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab pou ou kestyon.  Lo kote cruise ship, parey ou pe dir taler, pou ganny enn sa masin i deza nou’n met li an 2018 anba PSIP e si tou keksoz i marse mon panse an 2018 nou ava ganny enn sa masin ki vreman esansyel e vreman enportan.

Lo kote prevansyon.  Nou ale dan distrik me selman par ler ki arive, letan nou set bann miting dan bann distrik ou pa ganny sa turnout konmsi.  Dimoun, kantmenm ou fer li dan sanmdi zot pa vin bokou e sanmenm sa mon pe dir taler, nou bezwen sanz en kou nou stratezi.  Al kekfwa door to door ouswa rod bann lezot lapros ki nou kapab ganny sa lamas dimoun pou nou kapab edik zot lo kote prekosyon e prevansyon dife kot lakour.

E lot kestyon Onorab ki ou ti’n demande, 3enm kestyon.

 

HON WAVEL WILLIAM

Mr Morel, mon 3enm kestyon i an relasyon ek bann materyo ouswa bann keksoz ki annan pou fer ek elektrik ki pe ganny enporte dan pei, kot zot kalite i kapab okazyonn dife.  Mon pe demande si zot pe travay an relasyon avek bann Lazans parey Biro Standar ek Fair Trading ki nou kapab annan en bann lo sa bann kalite materyo konstriksyon.  Mersi.

 

MR ANDRE MOREL

Yes Onorab, nou travay avek sa bann lezot Lazans konsernan sa bann materyo ki, si oule ki antre dan pei pou gete lo kote standar si zot lo sa nivo ouswa lo sa standar ki zot merite.  Nou annan en dimoun lo sa Komite.

 

MR DEPUTY SPEAKER

Mersi Mr Chairman.  Ou annan en follow-up question Onorab Pillay.

 

HON SEBASTIEN PILLAY

Mersi Mr Chair.  Mr Chair, mon ti oule zis dir ki stratezikman kot zot located zot pre avek fuel farm SEYPEC, zenerater PUC e bann landrwa kot si i ariv en keksoz ki ase mazer, so pli lwen ki zot ete i pou kree plis problenm.

Mon ti oule zis fer 2 pti pwen lo sa size.  Petet mon ti a kontan demann Minister Finans an relasyon avek zot midyear review ki zot fer, pou regarde si dan bann provizyon bidzeter ki nou annan an vi ki sa lekipman ki SFRSA pe rode i ase enportan.  Pou ki dan plas met li anba PSIP pou 2018, ki nou konsider fer li atraver review ki nou fer an 2017.  Koumsa zot a kapab ganny sa lekipman e zot ava pare pou zot kapab attend to sa bann problenm an relasyon ek sa.  Mersi Mr Chair.

 

MR DEPUTY SPEAKER

Mersi Onorab pou ou sizesyon.  Mon krwar en pti pe dan sa laliny, sa bann legzersis ki nou pe fer.  Kot PS in pran sa langazman pou regarde kote nou kapab koupe, pou kapab donn en lot bor.  E sirtou dan s akote kot Fire Service i konsernen.

Mr Morel, mon krwar sa konsern lokasyon zot stasyon in lev-e dan lepase tou.  Sirtou parey Onorab Pillay in dir, i o-bor fuel farm.  An ka ki ariv en gro ensandi lo por, i posib zot pou vwar zot pa kapab deplase oubyen zot menm zot, zot kapab ganny afekte.  So la osi tou, pete sa plan pou zot bouze pete i devret ganny diskite en pti pe urgency.  CC bann sizesyon.  Minis ou annan en pti keksoz pou azoute ?  Yes Minis.

 

MINISTER MITCY LARUE

Mersi Mr Chair.  Parey pli boner mon’n dir, nou pe travay lo en proposal pou tou nou bann lenfrastriktir e sa nou’n deza an diskisyon.  Si pou met en propozisyon avek Gouvernman kot nou bann priyorite e s ai enn nou priyorite.  Apre desantralizasyon Anse Royale, Beau Vallon i osi tonm anba nou bann priyorite.

So nou pou prepar nou proposal pou nou anmenn devan Gouvernman ansanm avek Minis Finans pou sa bann proze.  Mersi.

 

MR DEPUTY SPEAKER

Mersi Minis.  Onorab Afif.

 

HON AHMED AFIF

Mersi Mr Chair.  Bonswar Mr Morel.  Mon kestyon i baze lo paz 243 anba lifeguardservices, latab No. 9.  Kot i montre poudir pou lifeguard services ou napa ‘wages andsalaries.’’  Konmsi ou pa pe anploy dimoun ki, mon panse savedir ou pe subcontract sa oubyen ou pe outsource li avek serten lakonpannyen.  Si ou kapab donn nou en pti pe detay lo sa R3.155 milyon ki ou’n mete anba ‘’other uses of  goods and services.’’Lekel sa bann Lakonpannyen ?  Eski ou’n fer en tender e donn nou en pti pe detay lo la.  Mersi.

 

MR DEPUTY SPEAKER

Mersi Onorab.  Mr Lemiel.

 

MR ROY LEMIEL

Mersi Mr Chairman, mersi Onorab Afif.  Lifeguard pour lemoman i pa pe ganny peye anba ‘’wages and salaries.’’  Zot pe ganny peye anba ‘’goods and service. ‘’ I pa ankor antre lo establishment.  So nou i pa ankor pran en desizyon final pou fer zot antre lo payroll.  Sa larzan ki nou’n bidzeter, sa pou pey zot saler avek zot bann lezot allowances.

 

MR DEPUTY SPEAKER

Mr Payet.

 

PS PATRICK PAYET

Thank you Mr Chair.  Zis pou azoute, sa i en diskisyon ki nou’n, mon krwar since last tear nou pe diskit avek Fire and Rescue Services.  Zot fer zot recruitment endividyel, i pa ganny properly avek outsource ouswa tender avek en respectiveentity.  I parey konmsi ou pe recruit en dimoun lo en service agreement, selman nou’n klasifye li koman en non-core services for Fire and Rescue Services.  Anyway nou a diskit further avek Departman Public Administration.  Si nou vwar sa nesesite pou met zot properly lo en striktir parey zot tin diskit en pe avek nou previously.  Mersi.

 

MR DEPUTY SPEAKER

Mr Morel.

 

MR ANDRE MOREL

Mr Chairman, kekfwa pou azout sa ki PS Payet in dir.  Pou nou kapab met lifeguard anba nou striktir, nou bezwen amann nou Act.  E nou’n fini travay lo la, i reste zis pou al kot Cabinet.  Toultan nou pa fer sa, nou pa kapab fer li antre anba nou sistenm Fire and Rescue Agency.

 

MR DEPUTY SPEAKER

Yes Onorab Afif.

 

HON AHMED AFIF

Zis en follow-up.  Savedir sa bann dimoun ki pe ofer ou servis ozordi zot pa form parti Fire Brigade, zot bann dimoun prive oubyen zot form parti Fire Brigade?

 

MR ANDRE MOREL

Administrativman zot form parti anba nou Lorganizasyon, selman nou bezwen ofisyelman amann nou Act pou li kapab antre dan nou sistenm e sa nou’n ganny advice avek Attorney Zeneral pou nou kapab fer sa.

 

MR DEPUTY SPEAKER

Mersi Mr Morel.  Onorab Afif ok.  Onorab Sebastien  Pillay.

 

HON SEBASTIEN PILLAY

Mersi Mr Chair.  Mr Chair mon pe withdrawn akoz mon’n fini ganny sans fer mon.

 

MR DEPUTY SPEAKER

Mersi Onorab.  Onorab Mondon.

 

HON TERENCE MONDON

Mersi Mr Chair.Mon premye kestyon i lo paz 240.  Mon vwar lo zot latab koman bann edikater, performans lo kantite letan zot pou pran pou respond pou al lo scene.  An 2016 zot ti met li within 15 minit e pou 2017 zot in met li within 12 minit.  Mon anvi konnen an vi ki ozordi, nou konnen poudir trafik in ogmante e ler ou get provizyon pou bann stasyon, kot zot annan stasyon.  Nou annan Anse Boileau apre Erport lo kote dan sid par egzanp e mon pe demande ki mannyer zot mazinen pou zot fer sa pou sorti with sa 15 minit pou zot vin dan within 12 minit ?  Sirtou parey mon pe dir konmsi avek trafik ki pe ogmante ?   Eski zot annan okenn kekfwa lezot keksoz dan zot plan ki zot pe mazinen pou fer ?

Mon dezyenm kestyon i lo paz 243, nou pe koz lo ‘lifeguard services’ e Mr Morel in mansyonnen ki i pe fer provizyon pou ogmant bann lans ki zot kouver anba sa servis ki zot donnen.  Nou konnen pou dir en bon pe lannen in reste zis sa 3 ki ou’n mansyonnen.  Beau Vallon apre 2 stasyon Praslin.

Mwan mon ti anvi konn ou lopinyon, si i annan bann dimoun endividi, prive ki anvi donn sa servis.  Ki ou lopinyon lo la, eski ou Departman i pare pou siport bann dimoun, akoz mon’n deza konn en dimoun Takamaka ki anvi donn en servis e sirtou parey dan rezyon sid.  Takamaka, Intendance, nou konnen nou’n vwar nou bann viziter e en bon dimoun ki noye malerezman dan nou distrik e tou dernyerman ti annan 2 viziter Intendance.

E mon pa pe vwar ki zot pou kapab ogmant sa prezans osi vit sirtou parey mon’n dir pou plizyer lannen in reste zis sa 3, zis Beau Vallon lo Mahe.  Petet mon ti a kontan konnen si zot pare pou siport en linisyativ kot en prive i antre, i kapab travay ansanm avek zot etrwatman pou zot kapab donn sa servis ?    Mersi Mr Chairman.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman, mersi Onorab.  Lo kote respond.  Pour lemoman in reste parey i ete la.  Nou’n met sa akoz anliny avek nou bann plan pou desantraliz sa servis.  Par egzanp si nou fer en stasyon Anse Royale, nou fer enn Beau Vallon e i annan plan pou fer enn Perseverance.  I pou reduce nou bann respond time e sa osi i pou ed  nou pou nou ariv kot en dife par egzanp pli vit e son risk kekfwa pou andomaz i pou redwir.  I annan sa posibilite.  Me sa pou vin an legzistans letan nou fer sa bann stasyon.  Pour lemoman i ankor reste dan sa margin ou kapab dir 15 minit.

Lo kote lifeguard, i annan serten propozisyon parey ou’n dir pou serten dimoun prive lans dan sa field si oule.  Me selman i annan serten konsern ki ou pa kapab annan 2 servis ki enn Gouvernman avek enn prive.  Ou pou  bezwen rod en bon fason ki mannyer ou pou regulate sa pou fer sir poudir i kapab fonksyonn byen.  I annan serten propozisyon ki ti ganny met devan Gouvernman,  me selman pour lemoman i pa ankor finalize.  Me selman sa i en opsyon parey ou’n dir, par egzanp pou les bann dimoun prive lans dan field.  Me selman i annan serten keksoz ki ou bezwen met li an plas avan ki sa i arive.  Mersi.

 

MR DEPUTY SPEAKER

Mersi Mr Morel.  Onorab Mondon.

 

HON TERENCE MONDON

Yes, zis en pti follow-up.  Savedir Mr Morel, mon’n konpran ou poudir pour lemoman i reste within 15 minit.  Savedir 2017, savedir si ou pe dir mwan 2017 pou vin dan 12 minit.  Nou pe espekte savedir dan 2017 menm pou annan, nou pe bouz dan Anse Royale.  Nou pou kapab stasyonn Anse Royale ?  Akoz si ou dir mwan pe redwir, ou pe mazin li lo la baz ki ou pou annan plis stasyon.  Savedir mon pe mazinen kekfwa tre byento nou a ganny en stasyon Anse Royale.  Mersi.

 

MR DEPUTY SPEAKER

Mr Morel.

 

MR ANDRE MOREL

Yes,Mr Chairman, sa i pou depan lo finansman.  Si nou ganny en stasyon Anse Royale i pou redwir.  Me selman sa i depan lo finansman e kan i pou arive.

 

MR DEPUTY SPEAKER

Mersi Mr Morel.  Onorab Lemiel.

 

HON SYLVANNE LEMIEL

Mersi Mr Chair.  Mon kestyon ti konsernan stasyon Tenny Dife pou Anse Royale menm.  Me petet larepons ki mon pe tande i en pti pe dezapwentan akoz i annan preski depi 10an depi ler  i annan later Anse Royale ki’n ganny allocate avek Fire brigade.Petet mon krwar annou fer li en pti pe o pli vit posib pou nou kapab ganny larzan dan Bidze, petet avan 2020 i arive.  Dan bann 2018 pli tar nou avan kapab ganny nou stasyon Tenny Dife Anse Royale.  Mersi.

 

MR DEPUTY SPEAKER

Mersi Onorab.  Minis oule reponn sa kestyon.

 

MINISTER MITCY LARUE

Ok Onorab, mon konpran ou dezapwentman.  Pete pou 10an i vre en kantite letan.  Me selman nou ava regarde ki posibilite, ki priyorite nou kapab donn li dan midyear review ki nou fer.  Mersi.

 

MR DEPUTY SPEAKER

Mersi Minis.  Onorab ou ok.  Onorab George.

 

HON BERNARD GEORGES

Mr Chair, ler i tar mon a pas mon kestyon avek en lot dimoun silvouple.  Mersi.

 

MR DEPUTY SPEAKER

Ok, Onorab Ernesta.

 

HON PAUL ERNESTA

Mersi Mr Chair.  Mr Chair, Minis ek lekip in fer resorti pli boner ki zot annan en problenm manpower.  Eski zot pa annan plan pou dan lannen prosenn sey ankouraz sa bann dimoun petet pou zot kontinyen fer overtime e petet vwar overtime pou kapab pey zot pou lannen prosenn kapab ed rezourd en pe sa problenm manpower ki zot annan.  Enn.

E dezyenmman osi, eski zot pa pe mazin pou train bann group sivilyen an ka letan i annan bann gro dezas si oule ki bezwen plis dimoun ki kapab ede pou respond en pe pli vit avek sityasyon.

Apre lo paz 243, i annan kot nou’n koz ‘’wages and salaries in kind’’e sa mon vwar R156mil konpare avek R89mil ki in cash.Petet eksplik nou en pe kwa sa, lo kwa zot pe refer.

Apre mon dernyen kestyon i plizoumwen nou aprann ki Praslin sa 2 zofisye ki baz lo Praslin, La Digue e Anse Boileau zot deza pe ganny en allowance konpare ek sa enn ki lo por.  Akoz sa disparity please Thank you.

 

MR DEPUTY SPEAKER

Mersi Onorab.  Mr Morel.

 

MR ANDRE MOREL

Mersi Mr Chairman.Mersi Onorab.  Lo kote lantrennman, ou premye kestyon pou train bann dimoun pou kapab ede dan bann ka.  Sa i deza egziste dan bann distrik, zot apel sa bann district brigade.  Kot ti ganny antrennen lo kote fire fighting tou, lo kote dezas.  Si i bezwen en ka kot nou bezwen additional manpower e mon panse ki sa i devret remet lanfaz lo la ankor.  Me selman kekfwa parler sa bann dimoun ki vin dan sa brigad i pa lo sa nivo ou kapab dir.  Kekfwa enn ler zot laz pa apropriye.

Dezyenm, lo kote lifeguard lo sa ‘’wages and salary in kind,’’ sa i larzan ki pey lakaz pou bann dimoun lifeguard ki Praslin.  Zot pe lwe en lakaz 3 lasanm.  I annan 6 zot e i ariv R156mil dan en lannen.  R12 mil par mwan.  E sa R89 mil i pou bann gratwite pou bann lifeguard menm, zot bann gratwite.

 

MR DEPUTY SPEAKER

Mr Payet.

 

PS PATRICK PAYET

Mersi Mr Chair e mersi Onorab.  Zi pou azoute lo kote premye kestyon regarding overtime.  Mon konnen nou pe al  ferm kont 2016 next week e virement i ti’n fini, tou virement in sipoze ariv kot Finans, me nou ava vwar avek Fire and Rescue Services si okenn larzan ki reste ki zot kapab vire e fer sir ki napa accumulated overtime ki ganny bring forward for 2017.  Mersi.

 

MR DEPUTY SPEAKER

Mersi Mr Payet.  Onorab Ernesta.

 

HON PAUL ERNESTA

Mersi Mr Chair.  Zis en klarifikasyon, mon konnen i annan sa group brigade lo nivo distrik.  La mon pa pe koz brigade, akoz brigade i reakte lo tou bann respond dan kad dirzans dan distrik.  La mon pe koz a pool of dimoun ki pou ganny tarin spesifikman an ka i annan bann dezas dife ki zot kapab anmenn letan zot bezwen plis dimoun pou kapab deal avek vitman.  Bann firefighter si oule ki nou kapab dir.  Bann volunteer firefighter parey ou pe eksplike.

E apre mon pa konnen si i le ka, petet si lo kote Mr Morel ti kapab eksplik nou si that is the case, zot pa lo Planning Authority, lo board Planning Authority.

 

MR DEPUTY SPEAKER

Mr Morel.

 

MR ANDRE MOREL

Mersi Mr Chairman.Lo kote train en pool dimoun, sa nou a pran note nou a gete si i annan sa posibilite fer li.  Lo kote Planning Board, non.

 

MR DEPUTY SPEAKER

Ok, mersi Mr Morel.  Nou a pran dernyen kestyon.  Onorab Rankalawan.

 

HON WAVEL RAMKALAWAN

Mr Chair, i pa ni pou en kestyon.  Mwan mon anvi zis felisit Fire Department ek tou bann zonm.  Mon’n vwar zot kot zot pe travay, zot fer en travay formidab.  In fact, mwan mon krwar ki zot wish list i bezwen ganny akonplir parski i pou vin pou proteksyon nou pei e mon dakor antyerman ki par egzanp pou sa fire ladder ki pou mont anler, parey ou’n propoze, mwan mon dakor, mon siport sa antyerman ki sa R9 milyon i ganny tire lo Bidze FIU e pas direkteman lo Agency pou nou kapab ganny enn sa masin.  Mr Morel mon anvi dir ou felisitasyon, ou avek ou bann zonm e kontinyen fer sa bon travay.  Nou pou donn ou tou nou sipor.  Mersi.

 

(APPLAUSE)

 

MR DEPUTY SPEAKER

Mersi Onorab Ramkalawan.  Bon nou’n ariv ler pou nou pran en vot lo Bidze SeychellesFire and Rescue Services Agency lo paz 236 ziska paz 243.

Mon ti a kontan demann all in favor pou lev lanmen ?  Ok Madam Clerk.  Okenn Manm ki kont ?  Napa, Madam Clerk anons rezilta.

 

MADAM CLERK

Mersi Mr Chair.Mon’n rikord tou dimoun in vot pour pou sa enn Bidze.  Mersi.

 

MR DEPUTY SPEAKER

Bon savedir Bidze pou Seychelles Fire and Rescue Services Agency in pase.  Avek tou Manm in vot an faver.

Bon nou ava eskiz Mr Morel.  Mr Morel mersi ek Mr Lemiel e nou ava eskiz zot en pti moman parmi nou avan nou fer bann kominikasyon pou demen.  Mersi.  Nou a eskiz Minis osi.  Minis mersi pou avek nou sa 2 zour.  Mersi pou ou pasyans.

 

MINISTER MITCY LARUE AND HER DELEGATION WAS EXCUSED FROM THE HOUSE

 

MR DEPUTY SPEAKER

Bon, avan nou adjourn, mon a zis fer bann manm konnen poudir demen maten nou pou rankontre 9er e otan posib silvouple ler premye laklos i sonnen annou fer nou prezans konte akoz i anbarasan i fer dezyenm zour ki i anbarasan ki nou live lo televizyon e nou pran nou 5 a  10 minit pou nou kapab repran nou sesyon akoz nou napa en quorum e  annou être punctual e sa osi i ava ed nou pou nou kapab speed up nou bann deliberasyon pou nou fini.

Demen matin nou pou pran minister pou Lazenes, Sports avek Kiltir e wi.  Lo kote NDEA, FIU ek Defans sa taler nou’n komans diskite, nou pou progranmen kan ki nou pou kapab pran e Minister Finans i ava gid nou lo la.

So demen nou pou pran Lazenes, Sports avek Kiltir.

Onorab De Commarmond.

 

HON CHARLES DE COMMARMOND

Mon dir, nou ti dir demen apre midi posibleman, sa 3 Defans.

 

MR DEPUTY SPEAKER

Tou i pou depan lo ki kantite letan nou pran avek Minis Sports, Kiltir.

 

HON CHARLES DE COMMARMOND

Fodre nou manage byen nou letan demen bomaten ki by midi nou fini, prezan apre midi nou ava ….

 

MR DEPUTY SPEAKER

I pou depan antyerman lo zot ki mannyer nou’n pran.

 

HON CHARLES DE  COMMARMOND

Be lo sa ki gid nou.  Chair.

 

MR DEPUTY SPEAKER

Chair i seye gide me bokou fwa i al en pti pe an deor.  Me anyway nou ava regarde demen.  So nou pou adjourn  ziska demen matin 9er.

 

(ADJOURNMENT)