Home » Verbatim » 2016 » Verbatim – Wednesday 28th December, 2016

Verbatim – Wednesday 28th December, 2016

NATIONAL ASSEMBLY OF SEYCHELLES

Wednesday 28th December 2016

The Assembly met at

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bonzour tou Manm Onorab, bonzour Minis avek ou delegasyon e mon dir en gran bonzour osi tou bann lodyans bann dimoun deor ki a lekout ki pe swiv Lasanble Nasyonal.

Avan nou komanse mon ti a kontan ki nou ganny en Mosyon pour nou Move into Committee Stage pour nou kapab kontinyen nou deba lo Bidze, en Motion from the floor.

 

HON CHARLES DE COMMARMOND

Bonzour Mr Deputy Speaker, bonzour Minis. Bonzour tou dimoun ki a lekout Mr Deputy Speaker anba Order 79 (1) mon oule move ki nou Lasanble i vin anba Staz Komite pour nou kapab kontinyen nou liberasyon lo Bidze. Mersi.

 

MR DEPUTY SPEAKER

Mersi Onorab De Commarmond, okenn ki segonde?

 

HON SEBASTIEN PILLAY

Mr Deputy Speaker Motion seconded.

 

MR DEPUTY SPEAKER

Mersi Onorab Sebastien Pillay, nou pran en vot. Madam Clerk.

Ok.

 

MADAM CLERK

Mersi Mr Deputy Speaker mon’n rikord 21 Manm ki’n vot an faver. Mersi.

 

MR DEPUTY SPEAKER

Bon Lasanble in aprouve ki nou move dan Committee Stage, mon a demann Sergeant-at-Arms pour bouz Mace devan.  Onorab Gill ou ti annan…? Yes go ahead.

 

 

HON SIMON GILL

Bonzour Mr Deputy, bonzour tou Koleg Onorab, bonzour tou Manm Piblik. Mr Deputy nou pe apros dernyen semenn, bann dernyen zour si mon kapab met li pli presizeman avan nouvo lannen e nou annan en pe nou bann Koleg Manm Lasanble pa la, in ale, zot in al zot vakans, mon osi mon ti ava kontan petet pran serten desizyon ki mon fer pandan sa bann zour festivite.

Be ti ava byen mon ti a apresye si ou donn nou en pozisyon e-tan ki konsern fini avek nou deba lo Bidze avan nou antre dan 2017, nou annan nou ozordi Merkredi, Zedi, i annan Vandredi mon pa konn plan fransman.

E mon pa tro krwar i pa pour en bon keksoz pour nou anvoy deba lo Bidze ziska Zanvye 2017, sa i en lopinyon personnel ki mwan retenir, mon respe lopinyon tou bann lezot dimoun lo sa size ;- me mwan krwar si ou donn nou en sans direksyon en kalandriye mon ti a voudre ki nou annan sa ki nou kapab fini nou deba lo Bidze avan ki nou antre dan 2017.  Mersi bokou.

 

MR DEPUTY SPEAKER

Mersi Onorab Gill, bon yer apre ki mon’n ganny en rankont avek Speaker apre nou Sesyon yer lakantite bann Minister, bann Departman ki reste menm si nou a travay ziska Vandredi nou pa pe fini.

So mon desizyon ki mwan mon pe pran nou pour travay ozordi full day e otan posib nou pour tant posib redwir nou break sirtou lunch break pour nou kapab ganny 1erdtan an plis.

So lunch break pour vin 1erdtan pour nou kapab ganny 1erdtan an plis pour nou kapab kontinyen nou travay e time management pour vreman enportan, pour vreman strict lo time management. Lo sak Minister, sak Manm pour vin avek 2 kestyon e mon pa pour pran okenn siplemanter ankor pour nou kapab bouz en pti pe.

Mon progranm pour ozordi se mon pe pran Minister Lanplwa, plis pour apre midi mon pe pran Minister pour Land Use and Habitat.

Demen mon oule pran antyerman demen Minister Lasante i en gran Minister e Vandredi nou pa pe, demen Minister Lasante nou pour adjourn e nou pour retournen Merkredi le 4 pour nou kapab fini lezot le 4, le 5, le 6 ki nou pe aim pour nou fini.

Vwala en pti pe progranm ki mwan ki mon pe travay lo la.  Tou i pour depan prezan time management parey mon’n dir me an menm tan osi tou mon anvi ki nou lazournen i pa fini tro tar, pli tar ki nou lazournen pour fini se 6er.  So la mon donn zot en pti pe nide ki mannyer nou pour fer nou travay.  Bon i annan en kantite, i annan en kantite konsern vizavi ki ler nou fini and so on ok, me pli tar 6er.

Si nou kapab ozordi nou fer sa 2 Minister i pour en gran lavans pour nou, demen nou fer Minister Lasante e i posib osi tou dan nou bann zour travay la i posib ki nou riske pe ganny serten travay adisyonnel.

Me ler sa i antre nou, nou bezwen la koman en Lasanble pour nou pran sa bann travay, ok so vwala en pti pe nou progranm travay.

Ok so nou ava move deswit lo nou program e petet osi tou mon ava enform Minis avek son delegasyon zot ki brief sa pti louvertir ki zot pour donnen sa osi tou i bezwen bref to the point, nou’n deza anvoy bann guidelines kot zot.

Al en pti pe vizavi sa bann guidelines e bann kestyon osi tou i ava vin direk lo zot Bidze e nou a kapab vin forward.

 

 

MINISTRY OF EMPLOYMENT

 

DEPARTMENT OF EMPLOYMENT

 

MR DEPUTY SPEAKER

So avek nou la bomaten nou annan Minis pour Lanplwa e Entrepreneurship Business Innovation Mr Wallace Cosgrow asiste par son PS pour Lanplwa Mr Jules Baker, son Special Advisor Ms Veronique Bresson, mon vwar Ms Pamela Charlette pour Entrepreneurship Development and Business Innovation e Mrs Eunice Tasianna Labrosse Accountant – ok.

E nou kontinyen ganny asiste par PS Payet kot Finans Patrick Payet – Monsieur Damien Thésée e Ms Noella Vinda.

Mon annan en bann lezot manm delegasyon ki tonm avek Minis Lanplwa avek Business be mon napa zot non la, me pli’tar mon a ganny zot non e mon a kapab klarifye.

Bon Minis the floor is yours se ou ki pour fer en pti prezantasyon lo ou Minister please annou brief, annou donn, annou al en pti pe vizavi sa mon krwar ou’n ganny sa guidelines koz en pti pe lo ‘’wages and salaries,’ bann ‘’office expenses,’’ ‘’transport,’’ ‘’goods and services.’’

Menm osi tou donn en pti pe sa lenformasyon e kestyon ki monte toultan se anplwayer, Seselwa, avek etranze, donn en pti pe sa osi tou i ava ed bann Manm pour nou kapab anmenn nou bann kestyon presiz. Go ahead Minister.

 

MINISTER WALLACE COSGROW

Mersi Mr Chairman. Mr Chairman, tou bann Manm Onorab, Manm piblik ki pe ekoute bonzour. Mr Chairman zisteman dapre nouvo guidelines ki nou’n gannyen avek Lasanble Nasyonal weekend nou pour fer en pti lentrodiksyon,

PS annefe pour fer en pti lentrodiksyon lo Minister an servan guidelines ki nou’n gannyen.

Nou pour plis ou mwen Mr Chairman, mon pour plis ou mwen donn en pti pe striktir Minister ki mannyer i ete.

Minister Lanplwa, Devlopman Lantreprenarya ek Inovasyon Biznes i en nouvo Minister dan lesanz ki dan sa 2 fonksyon si oule pa ti tonm anba en sel Minister avan.

Alors parey mon’n dir mon’n adres pour strikteman lo Departman Lanplwa apre ler Departman Entrepreneurship Development ek Business Innovation i vin devan nou ava fer en pti lentrodiksyon lo li.

Mr Deputy Speaker tout an respektan lakantite letan ki nou annan e lefe i enportan ki tou Manm i angaz li plis dan diskisyon mon pour sey kourt dan mon lentrodiksyon.

Mon pour al konsantre an gro lo striktir Departman Lanplwa nou misyon ; nou Misyon se pour promot lanplwa prodiktif pour tou dan en lanvironnman ki sen e tou an respektan e anforsi drwa travay an kolaborasyon avek nou bann partner sosyal.

Nou manda se pour zwe bann rol enportan an servan bann mekaniz lanplwa pour batir en lafors travayer prodiktif.

E pour siport tou zefor ki pep Seselwa zwir travay desan e en meyer kalite lavi.

Sa i an gro nou Misyon ek nou manda Mr Chairman, Departman Lanplwa i annan li 2 divizyon;- Divizyon Relasyon Travay, e Divizyon Promosyon Lanplwa.

Divizyon Relasyon Travay, sa divizyon i annan comme fonksyon pour administre enplimant e anforsi bann Polisi ek Lalwa Lanplwa, e asire ki i annan bon relasyon endistriyel dan pei e osi asire en lanvironnman travay ki sen.

I annan li 2 Seksyon, Seksyon Relasyon Endistriyel i konpri anba li Unit pour anrezistreman bann grievances e sa Unit i osi donn advice travayer ek anplwayer kot kan i neseser.

Nou osi annan Unit pour Medyasyon e Unit pour Prosekisyon i tonm anba sa Seksyon.  Lot Seksyon i Labour Monitoring and Compliance.  An gro sa Seksyon i asire ki bann kondisyon travay ki enkli Health and Safety i ganny mentenir dan bann landrwa travay.

Dezyenm Divizyon i  Divizyon Promosyon Lanplwa;- li i plis ou mwen monitor lanplwa travayer etranze dan Sesel;- bann Training Schemes e sa ki nou apel Special Employment.

I annan li 3 Seksyon ki Employment Services Section, Special Employment Programs, Labor Migration Section.

Minister nou osi annan Sekretarya PS, e anba Sekretarya PS i annan bann Unit en pe pli teknik par egzanp Unit Prodiktivite, ou konnen i annan en pe letan la ki Departman – Gouvernman nou pe promot prodiktivite dan pei.

So anba Sekretarya PS i annan en Unit Prodiktivite.  I  osi annan en Unit pour Policy Planning research avek International Corporation.

Sa i bann Unit Teknik ki tonm anba Sekretarya PS, kot zot fer bann louvraz en pe teknik par egzanp nou anmans Statistics – Research;- deal avek bann Lorganizasyon Enternasyonal par egzanp ILO, SADC, pardon, ALEC, IOM, so sa i bann diferan portfolio  ki tonm anba anba Sekretarya PS.

        So Mr Deputy Speaker to be brief, an gro se sa striktir Departman Lanplwa e prezan PS prezan baze lo guidelines ki nou ti ganny donnen pour donn en rundown en pti pe lo kwa ki nou fer.

Bann statistik, bann depans e an gro bann Bidze Departman Lanplwa pour 2017 pour bann Manm. Mersi Mr Chairman. Mon a pas la parol avek PS.

 

MR DEPUTY SPEAKER

Mersi Minis. PS Baker.

 

PS JULES BAKER

Mersi Mr Deputy Speaker, bonzour Deputy Speaker, bonzour Leader of Government Business, bonzour Leader of the Opposition, bonzour tou Manm Onorab e bonzour tou manm piblik ki a lekout ozordi.

Departman Lanplwa i enn bann pli pti Departman ki annan dan Gouvernman. Anse moman son nominal role i annan li 76 pos e only 66 staff ki an pozisyon ozordi.

E napa travayer etranze ki travay dan Departman Lanplwa. Mr Deputy Speaker an 2016 Departman Lanplwa ti ganny li en Bidze R22 milyon, 869 mil pour travay avek. E an 2017 Minister Finans in allocate R23 milyon, 152 mil, R150. Sa i fer en logmantasyon R283 mil, R150 pour lannen 2017.

Sa i reprezant 12 poursan dan ‘’Wages and salary e 4 poursan dan ‘’goods and services.  Annefe Mr Deputy dapre Finans, Departman Lanplwa i ankor lo en program prezantasyonel anba sa proze PPBB ki nou ankor pe sey adapte pour nou konmans konpran pli byen ki mannyer sa progranm pour marse.

Sa progranm 2017, nou Bidze 2017 i annan 3 progranm prensipal e 3 sub programs ki tonm anba la.  Progranm No.1 i annan Governance Management and Administration ki annan en Bidze 12 milyon, 767 mil pwen zero 2 sou.

Progranm No.2 kouver Labor Protection parey Minis in dir i Relasyon endistriyel i Lizyenn  ek sekirite dan travay i annan en total Bidze 5 milyon, 091 sou ki reprezant 4.2 milyon, 34 sou pour ‘’wages and services, wages and salaries’’ e ‘’goods and services’’ i reprezant 810 mil,898 sou.

Anba Employment Services ki annan pour fer avek son bann progranm plas dimoun dan lanplwa, donn dimoun training, devlop plis bann zenn ki pa pe ganny sans travay, swa bann ki dropouts e at the same time organiz bann job fair, i annan en alokasyon R5.2 milyon ki reprezant 3 milyon, 70 mil plus Goods and Services ki R2.2 milyon 213 mil pwen 44 sou.

Anba progranm No.1 ki Governance Management and Administration program ki tonm premye 3 subprogram ki tonm anba la – i annan Ministers Secretariat, Central Administration, Policy Planning and Research.

Pour Minister’s Secretariat i annan en total Bidze R2.2 milyon  ki reprezant 1.1 milyon anba ‘wages and salaries e ‘goods and services i reprezant R1 milyon R85.

Anba Central Administration, nou annan en total Bidze 8 milyon, 58 pwen 25 sou ki reprezant ‘wages and salaries – R2.4 milyon e ‘goods and services R5.6 milyon.

Anba Policy Planning and Research sa parey Minis in eksplike, nou annan en kantite proze an term ‘studies ki nou bezwen fer, annan bann resers ki nou bezwen organize, i annan bann workshop ki nou bezwen donn pli sansibilizasyon manm piblik – travayer/anplwayer e osi nou annan bann lobligasyon enternasyonal ki nou bezwen rann lapel avek bann drwa ki nou annan lo Lalwa Enternasyonal.

I annan en total Bidze 2.4 milyon ki reprezant 1.8 milyon pour ‘’wages and salaries’’ e ‘’goods and services ‘’R580mil.

Mr Deputy sa 12 poursan increase dan ‘‘wages and salaries’’ dan Bidze total i reprezant bann logmantasyon dan 13 Mwan Saler pour 2017, kreasyon nouvo pos, konfirmasyon bann pos ki bann dimoun ki ti lo probasyon;- salary increment baze lo Scheme of Service;- salary enhancement apre ki sa bann dimoun in konplet zot training enkli saler pour bann nouvo staff ki pe join nou.

Mr Deputy Speaker, dapre gidans ki nou’n gannyen yer se ki payroll total Minister Lanplwa pour Desanm i 828 mil, 788sou par mwan ki reprezant R9milyon, 945mil, R54 par lannen.

Anba Minister’s Secretariat pour sa Bidze, Ministers Secretariat pour ‘’goods and services’’ ki ti ganny li R1milyon, 85mil, pwen 41 sou ki reprezant depans pour ‘office rent’ ki enkli ‘telefonn, internet, newspapers, adverts’ and so on. I annan transport and travel cost ki reprezant ‘fuels, overseas airfares domestic, overseas subsistence, Hire charges, motor vehicles’’ and so on.

Anba Central Administration i annan en total R5 milyon, 604 ki’n allocate e sa i konpri office expenses, utilities ki R720 mil, telefonn i R530mil, consumable items  i R230mil, printing and stationary R305mil e lezot depans ankor ki si bann Manm i annan plis kestyon lo la, zot ava demann nou. I annan tro bokou pour mwan pas lo la.

Anba sa Central Administration nou osi annan en budget line ki apel ‘transport and travel cost;- pour fuel i R280mil, ‘hire charges of vehicles R620mil, domestic air fares’ i R70mil, ‘other transportation cost’’ i R655 mil, ‘overseas subsistence’ avek ‘domestic subsistence’ i R70 mil.

Annefe Mr Deputy Departman Lanplwa i annan li zis 2 transpor e prosesis i ankor an progre pour nou kapab aste en lot transport boner Zanvye;- akoz in montre ki i annan bokou demann lo Minister Lanplwa. Minister Departman Lanplwa parey ou konnen i en pti Minister, me i annan en gran group dimoun ki bezwen travay avek dan son sistenm lenspeksyon an Relasyon Endistriyel e nou santi ki 2 transpor par ase pour nou kapab desarz nou responsabilite.  Minister Finans in dakor pour advance nou ankor en pe larzan pour aste ankor en 3enm transpor pour nou.

E alor anba ‘Maintenance and repairs – motor vehicles, nou annan R106mil; office equipment R500mil;- office building i R35mil and other cost ankor tel ki machinery and equipment – sa i en pti pe pli minim ki nou depanse lo la.

Anba Central Administration ankor nou annan other use of ‘goods and services e sa i en reprezantasyon pour bann Board Members Allowance ki kout R500 mil pour nou kapab pey bann manm ki  i deservi bann Komite ki  anba Departman Lanplwa.

Nou osi bezwen kontinyelman envestir dan nou bann travayer e i enportan pour nou fer resorti ki travayer dan Departman Lanplwa i travay dir e nou bezwen kontinyelman met zot azour avek bann devlopman e alor i annan en Bidze Lantrennman – Lenvestisman ki kout R500 mil pour zot. E osi nou annan en office building rental  ki R315 mil. Anse moman sa office building rental i baze pour Praslin lofis ki nou annan lo Praslin ek La Digue akoz anse moman sa lofis ki nou ladan la Independence Annexe napa en kou rent ki antase avek.

Nou osi annan en kou pour local consultancy fees ki parfwa nou pa pe kapab internally pour kapab desarz serten responsabilite, alors nou out source bann servis avek bann Konsiltan lokalman e sa i annan en Bidze pour apepre R150mil e osi of course pour nou freight of vehicles nou annan R100mil pour Lasirans e i annan bann License Fees ki nou bezwen peye pour ‘’other use of goods and services.’’

        Mr Deputy osi nou annan en lot budget line ki apel ‘minor capital outlays ki sa i annan pour fer avek akizisyon – bann IT equipments i R196 mil, akizisyon furniture i R116 mil, akizisyon ‘office equipment’ i R45 mil, akizisyon telefonn i R20 mil, akizisyon bann ‘’kitchen and laundry services’’ i R12 mil e osi parey ou konnen i annan bann lenformasyon ki Minister i servi, i annan akizisyon bann scanners pour sak Departman ki avan ler tre minim i R10 mil.  E anba sa lot Seksyon ki annan pour fer avek Policy Planning and Research, nou annan osi bann expenses ki mon’n eksplike taler Bidze ki’n allocate ek li;- i osi annan preski menm prensip ek bann depans ki i annan pour fer in terms of office rent, transportation cost, ‘’other use of goods and services.’’

E Bidze pli o ki annan anba la i local consultancy  ankor i ankor R285mil, akoz nou bezwen kontinyelman fer bann resers pour nou anmenn plis lenformasyon a bann partner sosyal ek stakeholders e osi Gouvernman lo ki Departman Lanplwa pe fer pour fer sir ki, parey Minis in dir nou labour force i vin pli prodiktiv, i travay pli dir e osi vin pli konsyansye.

Anba Labor Protection i osi anba progranm son progranm 2, i osi annan bann lezot issues  ki annan pour li deal avek;- nou annan office expenses, transportation and travel, other use of goods and services;- i osi annan local consultancy ladan ki apepre R220mil pour bann progranm workshop ki nou organize.

Fodre mon fer resorti Deputy Speaker a sa staz la, ki Sesel osi i en Manm bann Lorganizasyon Enternasyonal e parfwa nou ganny bann lasistans an term finans, finansyel ou menm teknik pour kapab ed nou achieve nou bann progranm ki nou annan.

E sa Bidze i fer provizyon ki si zanmen i arive ki ILO i deside donn nou, alors i annan rediksyon dan depans bann Bidze ki annan pour fer avek bann local consultancy fees.

        Annefe pour Employment Services ki osi en landrwa kle, ki annan pour fer avek plasman dimoun dan lanplwa, donn servis bann dimoun ki pe kontinyelman rod lanplwa ki vwar li difisil pour rod lanplwa, nou annan bann zenn aze ant 15 a 30an ki ankor pe vwar li difisil, akoz zot in kit lekol a en tre zenn az pour en rezon ou en lot ;- swa zot in ganny baba tre boner, ouswa zot pa pe kapab afford and zot bezwen drop out dan sistenm ledikasyon e Gouvernman i bezwen pran sa responsabilite ansanm avek tou son bann partners ek stakeholders pour aste sa bann dimoun.

Alors i annan en Bidze ki Gouvernman i met an plas anba Departman Lanplwa, me osi i annan en lot Bidze ki Gouvernman i met anba ASP ki mon pa pour koz lo la deswit la, akoz sa Bidze i ganny Gouvernen par Minister Finans ansanm avek ASP, me selman lenplimantasyon sa bann progranm i tonm anba ziridiksyon Minister Lanplwa.

Anba Employment Services bann depans prensipal ki nou annan, i ‘consumable items, internet, adverts, transportation cost’  – of course i annan bann overseas trips ki bezwen ganny fer detanzaot;- i annan overseas subsistence ki mars avek overseas air fares;- i annan ‘sother use and services.’

 

Anba sa ‘other use of services zot pour remarke i annan R1.5 milyon ki Minister Finans in allocate avek sa. Akoz sa  pour Employment Services i en pe pli bokou Mr Deputy, i akoz se ki i annan bann travayer ki ti travay avek Minister Lanplwa a en moman donnen, e desizyon ti ganny pran pour tir zot lo payroll Minister Lanplwa, akoz nou ti anvi donn nou en servis en pe pli pros avek lepep.  E nou ti tir zot anba la pour nou kapab fer zot vin bann service providers pour fasilit tir dimoun lo welfare e met zot dan lanplwa. E sa i annan apepre 8 a 9 service providers ki pe travay tre pros avek Minister Lanplwa. Zot saler i baze anba sa R1.5 milyon e ki nou pe fer annefe pour lenformasyon Lasanble, se ki sak fwa ki en dimoun ki pa travay ki pe rod welfare i bezwen fer en aplikasyon avek en Zofisye Lanplwa ki baze dan distrik par rezyon.

I bezwen ganny en sertifika avek en Zofisye Lanplwa ki konmkwa i pe aktivman pe rod en travay, i pare pour li travay e i pe rod en lanplwa pour en dernyen 6 mwan.

E si i pa kapab prouve poudir i pe rod lanplwa then lobligasyon pour li rod en lanplwa i lo li akoz san, san laplikasyon welfare pa pour marse.

I annan en timeframe ki nou donn sa dimoun ki up pour 3 mwan ki nou kapab dir avek welfare, ‘’ok vre i pe fer zefors ou kapab donn li welfare pour 3 mwan,’’ provided ki nou bann service providers ki travay avek bann Private Employment Agencies pour plas sa bann dimoun dan lanplwa o pli vit posib en fason ki zot a sorti lo welfare.

Be nou pa kapab afford pour annan en sityasyon kot en dimoun ki bezwen sa larzan la deswit, me nou dir li be ok al rod en louvraz deswit ;- ki ou pa pour ganny peye deswit. Nou bezwen soutenir li en pti pe e   li i pe fer sa zefor pour li ganny lanplwa.

Dezyenm keksoz ki kouver anba la osi, se ki a en moman donnen letan ti annan Macroeconomic Program, Gouvernman ti entrodwir Private Employment Agencies pour anmas bann dimoun ki ti tonm dan Depar Volonter e la nou ti annan 3 Private Employment Agencies.

        E nou ti santi ki the volume of dimoun ki ti pe antre lo labor market ki pa ti pe travay, nou ti pour bezwen rod en fason pour nou asiste zot.

E ozordi, i mean an 2012, 2011, 2012 Gouvernman ti pran en desizyon pour asiste bann Private Employment Agencies, par pey zot pour anrezistre dimoun e asiste Minister pour plas dimoun dan lanplwa.

Olye ki Minister Lanplwa olye ki li menm li i fer sa servis par pey bann Zofisye nou donn en serten larzan Private Employment Agencies, pour fer sa servis lo nou behalfThis is what you call outsourcing the services ki anse moman i R75 par dimoun ki anrezistre e R100 par dimoun ki i plase. E sa i annan en Bidze ki asosye avek e an prensip par mwan nou depans nou R21 mil pour sa bann Private Employment Agencies. Of course pa tou ki aktiv, bann ki aktiv i ganny en pe plis, bann ki pa tro aktiv i ganny en pti pe mwens.

Apre osi nou annan bann letid ki nou bezwen fer lo kote Employment Services ;- par egzanp nou pe vwar ki annan enn de bann koze deor konsernan bann zafer trafik imen ;- ki mannyer nou kontrol en pti pe labor migration dan Sesel ;- ki mannyer nou kontrol en pti pe bann soz dan Sesel.

E alor nou santi ki nou bezwen kontinyelman fer sa bann letid e alor vwala ki nou dir ki sa Bidze R1.5 milyon i en reprezantasyon bann depans ki nou bezwen fer anba sa Bidze.

So an gro Mr Deputy unless ki i annan kestyon pour mwan pour mwan al pli detay lo bann progranm ki nou annan, be selman  avek sa mon’n donn an gro bann depans ki nou annan. E mon ava aret la e  nou ava ekspekte bann kestyon. Mersi Mr Deputy.

 

MR DEPUTY SPEAKER

Mersi PS Baker. Zis avan ki mon pas la parol avek bann Manm mon anvi acknowledge dan lekip Minis, Ms Penny Belmont ki CEO SENPA e Ms Cecile Hoareau Direkter Zeneral Employment Promotion ki mon krwar mon’n ganny li korek la non ?  Sa 2 non ki mon annan, i Accountant, ok i Accountant.

Bon pour tir latansyon bann Manm Departman Lanplwa son Bidze i lo paz 442 ziska 446 dan nou liv Bidze. E prezan mon a pas la parol bann Manm ki pare pour demann kestyon.  Onorab Afif.

 

HON AHMED AFIF

Mersi Mr Deputy Speaker. Mon ti a kontan demann petet PS, mon konnen ou’n donn en breakdown dan bann sif office expenses lo paz 443, latab nimero 3 office expenses pour 2017 3.6 milyon – ou’n donn en breakdown lo la. Me son lannen presedan ti 2.6 milyon, alors en logmantasyon.  Alors si ou kapab dir mwan sa diferans 1 milyon lekel pli gran konponan dan sa diferans ?  Dan sa 3 pwen ki son diferans ?  Dan sa 3 pwen zis son diferans.  Dan kou ‘travel ankor en logmantasyon ase konsiderab preski – R700mil so dizon R2, mil par zour pour ekstra pour fuel, ou’n sorti 2 loto ou’n vin 3 loto ;- konmsi oubyen ou pe al vini 3, be eski napa scope pour redwir sa en pti pe ? Akoz mon vwar li i en gran logmantasyon pour zis en pti …R2mil fuel par zour i paret en kantite.  That’s it pour le moman.

 

MR DEPUTY SPEAKER

Mersi Onorab Afif, PS Baker.

 

PS JULES BAKER

Mersi Mr Deputy nou a pran kont sa konsern Onorab Afif lo kote fuel;- i vre ki Minister Departman Lanplwa i annan en progranm vreman entansif pour nou kapab amelyor servis tel ki;- bann lenspeksyon. Ozordi Departman Lanplwa pe ganny en bon pe difikilte avek bann anplwayer akoz nou napa sa resours neseser pour nou desarz nou responsabilite sirtou a ki konsern al dan landrwa travay pour fer bann resers.

E nou ti santi, e ler ou get sa Bidze 2016 ki Minister Finans i donn nou, nou ti depans sa larzan ase byen, ase byen malgre ti annan bann defi ki nou’n fer fas avek an 2016, be selman nou pe santi ki nou bezwen ranforsi nou servis lo nivo lenspeksyon. I ankor annan travayer ki pa pe ganny peye zot minimum wage ;- i ankor annan travayer ki ankor pe soufer avek labi dan travay ;- i ankor annan travayer ki pa pe, son bann kondisyon travay pa pe ganny respekte ;- i ankor annan bann anplwayer ki pa pe onor zot lobligasyon anba zot bann GOP ki zot in gannyen – bann pos ki zot in aprouve.

I annan bann dimoun ki pe sanz zot pos underground, nou bezwen annan zonm lo teren pour nou fer sa.

I annan bann aktivite ki nou pa kapab fer dan lazournen ;- pa egzanp en Lorganizasyon ki en Casino par egzanp. En Casino i operate aswar Mr Deputy e nou bezwen mobiliz nou bann dimoun aswar. Nou bezwen mobiliz 2 travayer avek 1 drayver – en loto pour nou fer al sir, gete, eski sa bann dimoun ki’n ganny anploye pour travay dan en Casino si aktyelman zot GOP i sipoze anba Casino ?

I annan bann lenformasyon, bann diferan keksoz ki dimoun ki dir ou.  I annan dimoun ki ganny anploye koman spa therapist ou vwar li deryer en  latab Casino ;- be nou bezwen bouze ;- nou bezwen bouze lo teren pour nou kapab rann sa servis. So mon dakor avek ou nou ava vwar nou ava aziste, nou ava get en kou baze lo nou bann progranm ki annan, si i annan space, room pour nou kapab amelyore.

 

MR DEPUTY SPEAKER

Mersi PS Baker. Onorab Afif.

 

HON AHMED AFIF

Wi zis pour reponn sa premye kestyon lo sa logmantasyon R1 milyon, ou pa’n tro eksplike kwa egzakteman ki’n fer sa logmantasyon 1 milyon ladan. Logmantasyon R3.6 milyon sorti R2.6 milyon 2016, an 2017 office expenses i mont par R1 milyon zis dir mwan lekel pli gran konponan ladan ?  Mersi.

 

PS JULES BAKER

Mersi Mr Deputy, annefe letan ou pe get sa line budget anba ‘’other use of goods and services Mr Deputy, i an zeneral letan ou pe get Bidze i pa’n ogmant an term R1 milyon li, me kekfwa akoz nou ankor anba sa Bidze prezantasyonel e kekfwa alokasyon sa bann budget pa’n vreman sorti byen.  Be selman letan ou pe get an gro – parey mon’n dir oparavan nou Bidze in ogmant senpleman par R283mil;- me alokasyon kekfwa ki mannyer in ganny allocate – akoz nou ankor dan sa progranm PPB ki an prezantasyon e mon krwar an an 2018 once nou antre fully lo sa progranm, nou ava annan en pli bon apersi ki mannyer bann alokasyon i vini.  Mersi Mr Deputy.

 

MR DEPUTY SPEAKER

Mersi. Onorab Roucou.

 

HON CLIVE ROUCOU

Bonzour Mr Chair, bonzour Minis ek ou Delegasyon, bonzour tou Manm Onorab, Mr Chair lo paz 446 progranm 3 i annan sa bout ki zot in koz lo Private Employment Agencies.

Alors mon pe demann Minis, si i kapab dir nou konbyen, oubyen PS, konbyen sa bann Private Employment Agencies i annan.  E pour ki, oubyen lekel zot ?

Epi ki zot pe fer pour atir plis lanplwa e si zot pe vreman atir plis lanplwa isi Sesel ?  Mersi.

 

MINISTER WALLACE COSGROW

Mr Chairman, Onorab mersi, nou annan pour le moman 3 Employment Agencies ki operational.  I annan ankor ki’n fer laplikasyon pour operate sa biznes, bann Employment Agencies i travay pres avek nou pour fer bann plasman ;-plasman job seekers dan bann landrwa travay, zot lyez tre pre avek nou, i osi lyez tre pre avek bann Lorganizasyon travay.

Resaman ler mon’n antre dan Minister nou de PS, nou’n zwenn avek bann Private Employment Agencies. Nou’n donn zot petet get en pe bann kontrent ki zot annan.

Nou’n get en pe ki mannyer zot pe travay e nou pe formil nouvo logmantasyon petet, kan mannyer nou pour travay avek zot pli pre pour fer sir ki zot kapab desarz sa fonksyon ki nou anvi ki zot desarze ;- sa fonksyon ki nou’n out source avek zot, pour fer sir ki zot desarz pli byen dan bann lannen ki pe vini.  So nou travay avek zot plis ou mwen pour fer bann plasman pour travay avek bann job seekers.

Zot  annan zot keksoz ki zot, zot fer. Me selman nou, nou fer sir ki zot fer bann plasman zot, donn nou bann lenformasyon e ki nou kapab asire ki mazorite bann job seekers i ganny plaseZis pour note Onorab ki nou pe evalyasyon bann Private Employment Agencies lot lannen lo zot fonksyon ki mannyer zot pe operateSo apre sa nou ava annan osi en rapor lo ki mannyer, ki nivo efikas si ou le Employment Agencies i ete e nou a kapab pran bann desizyon – si i annan nesesite pour fer. Mersi.

 

MR DEPUTY SPEAKER

Mersi Minis. Onorab Roucou.

 

HON CLIVE ROUCOU

Sorry Minis pa’n answer tou mon kestyon. in dir mwan selman 3 mon anvi konnen lekel sa 3, mannyer zot apele e pour lekel silvouple ?

 

MR DEPUTY SPEAKER

Yes Onorab, yes Minis.

 

MINISTER WALLACE COSGROW

Pour le moman i annan i annan Job Plus, i annan HEG, avek i annan enn ki apel i ase nouvo NSMS ok.  Apre i annan Hope ki fek anrezistre.

SMS i anrezistre me selman i pa aktiv ok, so nou annan 3 ki vreman aktiv.

Nou annan Hope, nou annan Job Plus avek HEG.

 

MR DEPUTY SPEAKER

Mersi, mersi Minis.

 

MINISTER WALLACE COSGROW

Pour ki, Job Plus ?

 

MR DEPUTY SPEAKER

Minis i ok. Onorab Ramkalawan.

 

HON WAVEL RAMKALAWAN

Mersi bokou. Ok, zot annan en logmantasyon dan zot Bidze, mon anvi konnen mwan ki mannyer ki bann sistenm entern ki zot annan pour annan plis kontrol?

Parske letan mon pe regard rapor Oditer Zeneral pour lannen pase, mon vwar R100 mil ki’n ganny depanse pour aste parfen, mont, pen sets, coffee, chocolates, e osi pour fer masaz.

Letan mon regard bann peyman ki zot in fer ki napa nanryen pour fer avek zot Minister.

Transpor zot pe koz ogmantasyon dan fuel, me selman en sonm R359 mil pa’n kapab accounted for an term fuel;- mileage records ki pa ganny available, excessive time frame for holding fuel coupons;

Ki konsonpsyon fuel li menm li ki konmsi eksesiv;-ki mon pe, mon ti a kontan konnen ki konfyans – parske nou pe al aprouv en biznes pour zot e zot pe demann en logmantasyon.  Ki konfyans ki bann mekanizm ki zot annan pour zot zistifye sa e si i pa pe al zis dan gaspiyaz ankor.

Parske la nou pe koz gaspiyaz plis ki well anviron R1 milyon.  E dezyenmman sa rental si ou ti kapab donn nou detay sa office rental silvouple.

 

MR DEPUTY SPEAKER

Mersi Onorab Ramkalawan, Yes PS. Minis.

 

MINISTER WALLACE COSGROW

Ok well mersi bokou Mr Chairman. mersi bokou Onorab Leader Lopozisyon. Onorab mon osi annan en kopi rapor Oditer Zeneral mon krwar petet i pa pour totalman korek poudir i annan gaspiyaz, gaspiyaz apepre R1 milyon in ganny fer.

Petet i annan serten landrwa ki serten dokiman pa annord, me selman mon kapab asir Lasanble e asir dimoun ki pe ekoute, ki larzan in ganny depanse.

Petet i annan serten prosedir ki nou devret ranforsi dan le fitir e mwan ek PS nou committed pour nou ranforsi sa bann prosedir e fer sir ki par egzanp kot i annan bann Register pour fer sir i ganny konplete kot i annan mileage book fodre nou fer sir ki the log i ganny gete byen.

Petet en pti pe dan sa kote ki Rapor Oditer Zeneral in sorti plis ou mwen en pti pe lapse dan prosedir rikord akoz Oditer Zeneral i travay lo rikord e si napa rikord i pour fer son komanter.

So mwan mon krwar ki enportan ki nou kit rikord byen pour fer sir ki nou pa ganny en rapor en pti pe koumsa.

Me selman an zeneral mon asire mwan, mon kapab asire ki par egzanp transpor, fuel transpor in byen ganny servi, fuel coupon par egzanp i ganny aste.

Petet i annan en serten practice kot nou aste en pti pe ler lannen pe fini sirtou si reste en pti pe larzan. Me selman la nou’n ganny advice ki poudir i pa neseserman korek.

Alors nou a pran bann mezir baze lo advice ki Oditer Zeneral in donn nou, dan sa rapor ki nou’n note.  PS mon krwar i ava elabor en pti pe.

Me selman an se ki konsern par egzanp bann  gifts ki Onorab in nonmen, mon krwar Mr Deputy Speaker i annan en provizyon anba Bidze pour fer serten gifts;- par egzanp avek bann official gifts avek bann Anbasader, bann Digniter bann lenstans kot i annan nesesite pou fer bann official gifts.

E mon krwar sa enn la in al atraver official gifts e ki mon krwar i zistifye. Petet nou bezwen fer sir ki nou annan plis levidans dan lefitir pour montre kote sa in ale.

Me selman an prensip peyman i ganny fer baze, be peyman i ganny fer Santral Minister Finans.

E mon krwar Minister Finans i satisfer ki sa in al atraver bann fofficial matters.  Mon pa konnen petet PS ava elabor en pti pe lo sa bann keksoz, mon pour aret la Mr Chairman. Mersi.

 

MR DEPUTY SPEAKER

Yes PS Belmont, PS Baker.

 

PS JULES BAKER

Mersi Mr Deputy annefe zis pour azoute ki konsern Onorab Ramkalawan e pour azoute avek sa ki Minis in dir.

Already ki mon ti’n ganny an posesyon sa rapor Oditer Zeneral nou ti deswit call en meeting irzan pour nou vwar ki pli bon fason pour nou regle sa bann zafer.  Mon ti call in nou Accountant avek HR, ek Sistenm Administrasyon e nou ti vwar ki vre ti annan serten lapse dan prosedir. E alor ki nou’n fer apartir Zanvye 2017 pour annan bann prosedir pli strik an plas ki mon kapab demann avek Lasanble pour donn zot sipor, pour ki zot kapab asiste nou.  Ki i annan bann mezir ki nou pour met an plas ki next year nou pa pour vwar en Rapor Oditer Zeneral kekfwa dan sa zanr.

Lo kote ou dezyenm kestyon lo kote office rent Departman Lanplwa i annan en Lofis La Digue ki pe lwe avek Pension Fund i kout R850 mil par mwan.

E nou annan en Lofis Praslin Baie St Anne ki nou pe lwe avek 21st Century pour R17, 700 par mwan. Mersi Mr Deputy.

 

 

MR DEPUTY SPEAKER

Mersi PS. yes Onorab Ramkalawan.

 

HON WAVEL RAMKALAWAN

Mon oule zis port a ou latansyon ki sa leksplikasyon ki zot in donnen konsernan perfumes and, me selman mon pa ganny en konpran masaz, zot donn masaz tou koman ‘Official Gifts?’  Konmsi sa i en pe drol, konmsi i kler ki poudir i posib i annan labi la, i posib i annan labi la e i posib in fer kler ki poudir dan labsans, in the absence of relevant evidence audit is not in a position to appreciate the response as items purchased from the Duty Free Shop including earrings, perfumes and branded pens.  Mersi.

 

MR DEPUTY SPEAKER

Yes Minis.

 

MINISTER WALLACE COSGROW

Mr Chairman mon sipoze par egzanp masaz i annan bann coupon ki ganny donnen koman gifts.

E coupon mon pa krwar i annan okenn Zofisye Minister ki’n al asiz dan en spa in al fer masaz.

Petet i en gift koman en coupon i annan bokou bann spa ki fer bann coupon koman gift and petet in ganny purchase pour petet dan sa fason.

Mon pa krwar – mon pare pour defann, mon pa krwar i annan okenn Zofisye Minister ki’n al fer masaz lo larzan Gouvernman.  Mersi.

 

MR DEPUTY SPEAKER

Wi Onorab.

 

HON WAVEL RAMKALAWAN

Sa dezyenm pwen lo konsernan sa Lease.  I’m sorry be audit i dir the Ministry effective monthly rental payment of R17, 700 during the year.  Me i pa’n vwar okenn Lease documents – napa nanryen ki’n sinyen ofisyelman.

 

MR DEPUTY SPEAKER

Ok PS ou le reponn sa ?

 

PS JULES BAKER

Mersi Mr Deputy annefe i korek ki lease i annan me i pa ti’n ganny sinyen pour ki rapor Oditer Zeneral ti kapab pick sa up koman en dokiman.

Me en lot keksoz ki mwan mon’n fer letan mon’n vwar sa pour lenformasyon Lasanble mon’n hold on to peyman ki i annan pour fer avek 21st Century ziska ler nou annan en lagreman konkret ki ganny sinyen par tou le de parti.

Pardon ?  Mon pa tro tro konnen exactly egzakteman tou fason, sorry, i Horizon Complex Baie St Anne .

 

HON WAVEL RAMKALAWAN

Horizon Complex i en batiman ki si zot pa konnen, Horizon Complex i en batiman pour Parti Lepep. E la ankor enn fwa nou end up avek sa menm sityasyon kot Minister Gouvernman pe lwe batiman avek en Parti Politik e ki sa i bezwen sanze.  E mon ti ava demande ki nou tenir sa, ki nou tenir sa R17, 700 parey, parey nou’n dir egzakteman avek Minister, Departman Heritage pour tenir sa 40mil ki zot pey Parti Lepep e nou pe kontinyen kestyon STC sa R500mil pour Parti Lepep.

 

MR DEPUTY SPEAKER

Mersi Onorab. PS ou le klarifye oubyen PS Finans. Ok.

 

MINISTER WALLACE COSGROW

Mr Chairman mon krwar nou, si nou annan en lagreman ki nou’n rent mon krwar i zisteman normal ki nou peye.

Me selman si nou pe dir revwar lagreman, revwar landrwa kot nou ete sa nou a kapab avek Minister Finans nou a gete nou a revwar.

Me si nou pe lwe en landrwa nou’n servi fasilite la mon krwar i zisteman normal pour nou peye apre nou ava get pli tar ki mannyer nou rod en lot lokasyon si i neseser pour rod en lot lokasyon.

Akoz la i landrwa kot bokou dimoun, ou konnen en Sant, ou konnen Praslin napa bokou landrwa rental.

La Baie St Anne i en Sant ;- i en biro ki Lazans Proteksyon Sosyal i ete, Labank lezot keksoz i ete me petet nou kapab rod en lot lokasyon me selman si nou’n servi.

Mon krwar si nou’n servi it’s only  right ki nou peye, so… .

 

MR DEPUTY SPEAKER

Mersi Minis, PS Payet oule fer komanter lo la ?

 

PS PATRICK PAYET

Bonzour tou Manm Onorab ;- e bonzour tou dimoun ki a lekout ozordi nou ava zwenn avek Minister Lanplwa anyway nou a diskite the first quater kwa bann posibilite ki annan lo Praslin.

Kwa bann lezot alternatives ki zot kapab fer e nou ava review e nou ava advice Lasanble osi. Mersi.

 

MR DEPUTY SPEAKER

Mersi.

 

HON WAVEL RAMKALAWAN

Zis pour sinyen pour 3 mwan nou ava regard 3 mwan pour 2017 e during that time i ava ganny regarde e apre zot ava rod nouvo landrwa pa Parti Politik parske Mr Faure li menm li ki’n ranforsi sa pwen ok?  Mersi.

 

MR DEPUTY SPEAKER

Mersi Onorab. mersi PS Payet, Onorab De Commarmond.  Lo sa size Onorab ?

 

HON CHARLES DE COMMARMOND

Wi Mr Chair, Mr Chair lefe ki sa dimoun ki ti PS dan sa Minister i la dan sa Lasanble ozordi la koman Advisor la to the Minister e sa bann keksoz ki zot pe dir la dan rapor Oditer Zeneral i pas dan son letan.

I la petet i kapab donn en leksplikasyon, eksplike rasyonnel deryer bann keksoz ki’n ganny leve, mon ti a kontan ki i intervene dan en keksoz.  mersi.

 

MR DEPUTY SPEAKER

Mersi Onorab. Ms Bresson.

 

SPECIAL ADVISOR – MS VERONIQUE BRESSON

Mersi Mr Chairperson, bonzour tou dimoun mon mazinen Minister in adres sa byen me selman si Lasanble i ou le en re asirans mwan mon oule re asir zot ki sa bann purchase.

Tou purchase ki ganny fer ti’n fer above board e ler nou ti ganny diskisyon avek Lofis Oditer Zeneral. sot sel issue ki zot ti annan avek sa bann purchase, sa bann purchase pour official gifts nou annan permisyon pour nou fer, pour fer sa bann purchase anba Bidze – e pour Biro Minis dan sa bann gifts koman official gifts.

        Sel issue ki nou ti annan avek purchase se ki i annan serten prosedir ki zot, zot pe dir ti manke ki montre poudir ki sa purchase i vreman annan latasman avek official gifts.

        So petet anba bann prosedir Finans sa pa ti’n swiv. Be selman nou lo kote Minister nou ti fer nou prosedir e sa peyman ti ganny aksepte par Trezor.

So petet lo kote Minister Finans osi kekfwa i bezwen annan strengthen en pti pe met bann prosedir en pti pe pli kler ki tou bann Lotorite, tou bann Minister i kapab fer sir ki letan nou pe fer en peyman tou keksoz i annord.

Akoz nou onnetman nou ti pe, nou’n prosedir ki nou ti pe fer, en local purchase order ki ti annan detay ki ti donnen lo la ;-Nou ti annan nou payment poucher ki sa in ganny aksepte par Minister Finans koman en valid payment.  So alor si ti annan okenn doutans ki sa pe ganny servi dan son fason ki pa devret sa ti’n kapab ganny pick up me selman vi ki pa’n pick up then i bann depans ki montre ki bann depans ki’n ganny fer above board e se sa bann depans ki’n ganny fer dan son right way. Mersi.

 

MR DEPUTY SPEAKER

Mersi Ms Bresson. Onorab Vidot.

 

HON AUDREY VIDOT

Mersi Mr Chair bonzour tou dimoun a lekout, tou bann Onorab, Minis avek ou Delegasyon.  Mon kestyon i anliny avek logmantasyon dan kote transport letan zot pe fer bann vizit.

Eski zot pe mazin entansifye en pti git lo kote lo bann zil pour vwar en pti pe si vreman bann Lorganizasyon Touristik pe revwar pour pran plis Seselwa ki bann etranze.

E dezyenm with regards to zot Bidze ki zot gannyen pour organiz bann job fairs laplipar ditan mon personnelman mon kontan attend pour ankouraz bann dimoun espesyalman bann zenn.

Petet mon pa’n tro obzerve si vreman zot met en bout kot zot kapab donn formasyon nou piblik an zeneral  lo zot Drwa koman en travayer e ki mannyer zot kapab si i annan okenn konsern ki bor zot ale k laport zot tape. Mersi.

 

MR DEPUTY SPEAKER

Mersi Onorab, PS.

 

PS JULES BAKER

Mersi Mr Chair, mersi Onorab pour ou kestyon, konsernan entansifye vizit lo bann zil parey mon’n fer resorti Departman Lanplwa i enn bann pli pti Minister.

Nou annan 47 mil travayer dan sa pei, nou annan nou forse zis 6 a 5 Lenspekter ki al fer vizit dan bann landrwa travay.

Nou pe entansifye nou zefor nou diskisyon ek Minister Finans pour vwar ki mannyer ki nou kapab ogmant sa bann resours neseser, me selman wi nou annan en progranm vizit dan tou landrwa travay enkli bann zil ki inner and outer islands.  Annefe pour lannen 2017 nou’n deza fini formil en progranm ansanm avek Minis  -en Ministerial Delegation ki pour enkli nou bann Zofisye Teknik osi pour nou al vwar en pti pe sityasyon lanplwa – sirtou lo inner and outer islands.

Akoz i vre parey ou pe dir, anba sistenm quota dimoun laba i ganny en pe pli o quota pour zot anploy expatriate akoz nou annan en difikilte avek internal migration.

Mahe i deza pti, pti li menm i pa pe kapab fourni sa Labor, supply sa labor ki i bezwen e bokou dimoun pe sorti Mahe pe al Praslin.

Bokou dimoun pe sorti Praslin pe al Desroches pe al Zil Elwanye e nou annan sa difikilte. E alor in terms of entansifye nou zefor pour vwar ki bann kondisyon pe ganny adhere to.

Wi sa i enn parmi nou bann progranm pour ki nou entansifye e pour azoute osi nou annan en progranm atraver presyon ki nou’n gannyen.

Demann ki nou’n gannyen lo kote Praslin pour nou fer en letid sityasyon lanplwa lo Praslin.

Praslin i deza en pti Kominote 6mil dimoun apepre, ou anviron si mon statistik i byen, me selman ladan ou annan manrmay lekol, ou annan dimoun ki vye.  Be eski Praslin i kapab soutenir demann dan domenn Touristik ? E nou tou nou konnen ki poudir Praslin son lavi Ekonomik i baze anviron touris.

E alor ti neseser pour nou kapab lannen prosenn komans en, well annefe nou’n komans en progranm avek Liniversite Sesel e ki pour fini ver milye lannen prosenn pour nou vwar ki sityasyon lanplwa lo Praslin.

E alor baze lo sa nou ava come up avek en pli bon apersi lo ki sa nou ape gete an term bann Zil, Inner Islands avek Outer Islands.

Lo kote job fairs, wi job fairs son bi prensipal se ki pour target bann dimoun ki pa dan lanplwa, bann dimoun ki anvi en plas travay, bann dimoun ki pe ganny difikilte pour ganny en plas travay.

Of course wi me selman dan job fairs nou pa ti mete pour le moman bann zafer Drwa Travay akoz sa i annan en ta lezot aktivite ki nou fer pandan lannen an term media program ki nou fer lo televizyon.

I annan Labor Day osi bann progranm ki nou fer, i annan Safety Week ki nou fer, so tousala i bann Bidze ki’n fini ganny earmarked pour lannen 2017 pour nou fer sa bann progranm.  Me sak sa bann progranm i annan zot bann spesifik bann target group ki nou targete pour nou kapab achieve maximum as possible anba sa Bidze. Mersi Mr Deputy.

 

MR DEPUTY SPEAKER

Onorab Vidot.

 

HON AUDREY VIDOT

Yes, parey petet mon ti pe sizere prenon ki parfwa ou ganny bann dimoun espesyalman bann zenn osi ki ler i pe rod, i pe rod en better choice

En better louvraz pour li ganny sans progrese me an menm tan i anvi konn en pti pe detay an term son Drwa koman en travayer.

Ti a bon en pti bout Unit dan zot bann progranm Job Fairs konsidere petet i ti a bon donn sa servis pour bann ki ti a kontan konn en pti pe an detay lo zot Drwa. Mersi.

 

MR DEPUTY SPEAKER

Mersi Onorab. PS.

 

PS JULES BAKER

Mersi Mr Chair annefe zis koman nou konfirmen la ki dan bann job fairs ki nou’n fer dan lepase i annan en Desk Minister Lanplwa ki la ki pour asiste bann Manm Piblik ki pe rod en lanplwa e menm ki zot pe rod en pe plis lenformasyon lo zot Drwa e lobligasyon dan travay. Mersi Mr Speaker.

 

MR DEPUTY SPEAKER

Mersi PS, Onorab Valmont.

 

HON JUDE VALMONT

Bonzour Mr Chair mersi bokou, bonzour Minis e ou Delegasyon, bonzour tou Manm Onorab tou piblik a lekout.

Mwan mon ti a zis dan laliny  kestyon Onorab Vidot mon ti a voudre demann PS sa Bidze pour lannen 2017 i enkyetan pour konbyen Lenspekter an plis e si zot annan plan ler zot dir zot an diskisyon avek Finans, konbyen zot annan ankor, konbyen zot pe demande ankor ?

E ki zot pe fer, zis mon a profite demann zot ki zot pe fer pour ki ler bann Lenspekter i ale i fer lenspeksyon zot raporte oubyen dimoun i fer en rapor pour zot protez sa dimoun akoz in annan dan lepase sirkonstans ki en anplwaye i fer en rapor ;- apre demen ou vwar li ler son anplwayer in fini ganny konsilte oubyen Lenspekter in vini detrwa zour apre, i ganny met deor i dir ou tel dimoun dan tel Minister i dir li ki sa dimoun ki’n raport sa. Mersi bokou.

 

MR DEPUTY SPEAKER

Mersi Onorab, PS.

 

PS JULES BAKER

Mersi Mr Chair, mersi Onorab pour ou kestyon, ou premye kestyon an sa ki konsern Bidze, nou Departman Lanplwa, nou okouran ki Minister Finans i deza annan en pers osi ki tight ki bezwen partaz Bidze avek tou lezot Departman dan en fason ki realis e nou konnen ki malgre ki nou, nou annan nou lobzektif ki nou anvi achieve nou pour bezwen travay ansanm avek Minister Finans.

So far la nou annan 2 post ki vacant in adisyonn avek sa bann travayer ki nou, nou annan nou krwar anviron en 8 a 9 i ava ranforsi pour 2017 en fason ki nou a kapab achieve en pe nou lobzektif an sa ki konsern lenspeksyon. Lo kote konfidansyalite i annan plizyer fason ki ou kapab get konfidansyalite.

En dimoun ki letan ou appel parfwa en whistleblower parfwa ki pa oule dir ou …, ouswa i ekri ou en let, i dir ou koumsa poudir i annan tel sityasyon dan tel landrwa travay, me selman mon pa ou le nonm mon non.

Me selman ou kapab al dan sa landrwa travay fer anmas bann lentelizans, demann, fer bann envestigasyon me letan ou pour ariv lo en konklizyon of some sort ou pour santi poudir vre kekfwa ki i annan serten issues dan sa landrwa travay.

E ouswa parfwa i zis akoz i annan serten nou ki pa tro dakor avek en serten kalite dimoun, ouswa an particular etranze ki pe travay otour nou, i pa oule fer li perdi son landrwa travay, e alor i met devan nou dan en lot fason.

Me selman an se ki konsern konfidansyalite as much as possible, tou mon bann Zofisye i ganny byen brief pour ki, ki mannyer zot anmas lentelizans, i annan bann lantrennman ki zot pas ladan detanzaot e zot ganny bann lenformasyon ;- as much as possible ki mannyer bann envestigasyon i devret ganny fer, ki kalite lenformasyon ki ou pas avek travayer, ki kalite lenformasyon ki ou pas avek travayer e nou a tou pri nou pa deklare avek anplwayer lekel ki’n fer rapor.

Unless ki sa dimoun li i santi i annan en case harassment viktimizasyon against li ki personnelman ki nou, nou napa swa. Ki nou, nou bezwen dir li be sorry  ou annan en case kont ou, i annan en provizyon anba Lalwa ki nou bezwen fer investigation anba diskriminasyon, viktimizasyon e harrassment e vwala ki mannyer nou atak sa. Mersi Mr Deputy.

 

MR DEPUTY SPEAKER

Mersi PS, Onorab Woodcock.

 

HON WAVEL WOODCOCK

Bonzour Mr Chair tou dimoun a lekout dan lakour, Manm Onorab, Minis ek ou Delegasyon, mon kestyon i anliny ek sa ki Onorab Vidot in demande konsernan letan bann travayer ki pe travay dan Tourism Industry sirtou dan bann lotel Praslin.

Anba progranm 2 Labor Protection lo paz 445 dan Bidze, Minister i ganny en Bidze pour fer sir ki bann travayer pe comply avek Lalwa Lanplwa me annefe dan sa Minister i pour protez e safeguard tou travayer Seselwa.

I annan en issue anse moman la lotel Raffles Praslin kot en General Manager sa lotel Joerg Roterberg pe maltret, abiz, e overworked bann travayer Seselwa.

I annan alegasyon racism dan sa lotel, sa Manager in fer kler ek sa bann staff Seselwa ki zot pour ganny ranplase avek staff etranze e mon pe dir en delegasyon antye ale al vizit sa lotel.

Me zot ti zwenn senpleman avek bann Manager me pa avek bann staff sa lotel.  E dan sa lotel zot enkorpor zis bann etranze ki plis ou mwen ganny bann promosyon.

I annan ki antre Butler detrwa mwan zot vin Egzekitiv tou privilez i al pour etranze.  I annan bokou staff la resaman la ki’n ganny laid off e mal apropo i annan ankor bann lezot la.

Be mon kestyon i anliny avek sa progranm 2, ki ou Minister pe fer pour fer sir ki zot pe protez lanplwa travayer Seselwa e anpes ou bann travayer ganny abize e ranplase e etranze sirtou Praslin ki pe arive kot lotel Raffles Baie St Anne. Mersi.

 

MR DEPUTY SPEAKER

Mersi, ok Minis.

 

MINISTER WALLACE COSGROW

Mon pour pran sa, mersi Mr Chairman, mersi Onorab pour ou kestyon, Onorab enn bann premye vizit ki mon’n fer ki letan mon’n vin Minis Lanplwa sete pour vizit Raffles.

Sertennman akoz ti annan serten konsern avek bann travayer Raffles i annan ki ti anvoy mwan mesaz personnelman dan mon inbox lo facebook.

I annan ki’n call mwan, i annan ki’n fer serten konplent avek Departman.

Enn bann premye vizit ki mon’n fer mon’n al Praslin mon’n al vizit staff Praslin mon profite mon’n vizit Raffles.

Mon’n vizit Raffles mon’n vizit GM laba Mr Joerg Roterberg e vizit mannyer in organize i pa korek ki mon’n vizit zis bann Managers.

Vizit mannyer in organize nou zwenn avek Management i vin zwenn nou, Management i larg nou dan son landrwa travay, ti al mwan, PS, SA avek bann lezot delegasyon e nou, nou al konsilte avek bann travayer.  Sak Seksyon nou zwenn bann Manager avek son bann travayer.  Bann dimoun Raffles ki pe ekout nou ozordi ki ti la ler mon ti vini i ava sertifye sa konmkwa poudir i annan ki petet nou pa’n zwenn pa tou, ti annan ki ti lo shift.

        Selman manner ki vizit ti ganny fer se ki nou zwenn Management avek travayer nou zwenn sak Seksyon e sakenn i donn zot pwennvi.

Enn bann premye pwennvi ki mon ti gannyen ler mon ti al Raffles be Minis kan nou pour ganny nou Trezyenm  Mwan Saler ?

Mon krwar la zot happy zot in ganny zot 13enm mwan saler in arive, so nou’n pas dan tou seksyon.

Nou’n ganny en ta konplent, nou’n ganny en ta bon keksoz osi, i annan seksyon ki nou’n pase zot dir zot napa problenm.

I annan seksyon ki nou’n pase zot in donn zot konplent, so i varye ok, nou, nou’n zwenn avek Management Raffles, letan nou’n fini nou’n zwenn avek Manager, General Manager e serten son bann O Zofisye, nou’n met serten pwen devan li, nou’n retournen nou’n anvoy li en let, nou’n donn li serten aksyon ki bezwen fer pandan serten letan e mon’n zwenn sa GM ankor 2 semenn pase e mon’n koz ek li mon’n eksplik li kwa ki nou ekspekte de li e de Raffles.

Mon konnen Minis Tourizm in koz ek sa GM lo sa size e nou dan en progranm ansanm la.

Ok lot lannen nou pour zwenn ansanm ankor, tou bann landrwa ki annan difikilte, nou problenm nou pe set bann meeting regulary pour kapab gete ki mannyer nou pour kapab aranz bann issues ki i annan.

Me selman mon bezwen fer resorti i pa kapab koman i annan en issue tou dimoun i sot anler i dir pous GM fer ale nou pa travay koumsa.

Nou, nou travay pour maintain relasyon endistriyel anplwayer, travayer.  Parey yer Onorab Ferrari yer ti dir nou en Union pour travayer but anyway sa yer sa.

So nou pa fer koumsa nou ou vwar ?  Nou, nou mentenir relasyon endistriyel sa i enn nou manda sa.  So nou bezwen fer sir ki nou kapab travay ek sa Management.

        E demen bomaten si letan nou’n met serten kondisyon devan li i pa pe swiv i annan bann opsyon ki nou kapab fer, i annan bann opsyon ki si nou vwar li pe pous ban travayer Seselwa nou a kapab tenir li en pti pe lo travayer etranze.

Me selman travayer osi Seselwa si i vwar i pe ganny pouse vin kot nou i annan bann mekanizm ki ou bezwen pas atraver, ou pa kapab zis ou’n ganny pouse ou ale ou reste trankil ouswa ou konplent en lot landrwa.

Vin en channel ofisyel anrezistre ou grievance, met ou bann problenm devan e nou, nou ava fer le neseser.

I annan en kantite dimoun ozordi Sesel ki ler i annan en problenm i fer son grievance i vini e nou deal avek.

Konbyen dimoun ki pas devan nou sistenm Mediation, konbyen dimoun ki pas Mediation ki ale ki al dan Employment Tribunal e case i ganny deal avek.

So nou, nou la pour ede nou, nou la pour solve problenm e se sa rezon ki nou’n monte pour vin gete pour koze.

E la nou lo en progranm si sa bann keksoz i ganny deal avek wrong and good be si non nou ava rod en fason ki mannyer nou deal lotel ek GM so se sa ki nou pe fer. Mersi Onorab.

 

MR DEPUTY SPEAKER

Mersi Minis, Onorab Churchill Gill.

 

HON CHURCHILL GILL

Mersi Mr Chair, bonzour Minis ek ou delegasyon, bonzour tou Manm Onorab.  Mr Chair mon ti anvi met dan latansyon Minis sa size understudy Seselwa vizavi travayer etranze.

Mon ti a sizere ki letan laplikasyon i ganny fer mon konnen i deza annan en lalwa ki fodre annan sa me selman baze lo sa bann problenm ki’n ganny fer resorti i paret kekfwa son laplikasyon nou bezwen konmsi kekfwa gete en pe pli serye.

Akoz avan ki nou donn sa laplikasyon si nou pa ti kapab fer sa Letablisman ki pe demann sa request, pour expat met son bann detay lekel ki pe understudy sa dimoun pour konbyen letan e kwa egzakteman ki sa dimoun pour fer.

Sa i donn avan-ler Minister Lanplwa i donn laprouvasyon koumsa apre i kapab si an ka GOP i ganny donnen prezan Minister i kapab fer en swivi pour gete si i pe marse.

Akoz menm dan sa kestyon la ler ou gete i annan bokou expatriate, me selman napa Seselwa ki pe understudy zot.  sa i enn.

        Apre No. 2 konsernan Oditer Zeneral ki’n ganny fer sorti mon ti a sizere PS ki letan ou fer ou quarterly review ou osi enkli Minister Lanplwa pour nou ganny en nide bann koreksyon ki PS pe fer pour nou gete si i pe marse e nou pe al dan bon direksyon. Mersi.

 

MR DEPUTY SPEAKER

Mersi Onorab Churchill Gill, Minis i oule pran sa.

 

MINISTER WALLACE COSGROW

Briyevman Mr Chairman en, mersi Onorab an term understudy Seselwa, wi i annan requirement pour ki tou bann lotel, bann letablisman sirtou ki pe demann etranze.

Zot bezwen donn nou en localisation zot bezwen montre nou poudir wi mon annan sa etranze la mon anvi ranplas li eventually par en Seselwa la, la mon Seselwa lekel ki son kalifikasyon, kantite letan i pour pran pour li sorti kot i ete pour li ariv dan plas sa,

Annou pran par egzanp GM, so i bezwen donn nou sa plan, souvandfwa dan bon pe ka i marse, be dan lezot ka osi i annan ki pa marse swa sa dimoun i kite, swa sa dimoun i demotive, ou konnen i annan bann diferan, be selman nou, nou bezwen fer sir ki nou kontinyen pouse.

Me selman mon dakor ek ou e mon krwar i en bon pwen e nou, nou a fer sir ki nou ranforsi nou sistenm internally pour fer sir ki nou pouse.  I pa fasil, i pa fasil me selman me selman nou a kapab travay ansanm. Mersi.

 

MR DEPUTY SPEAKER

Mersi Minis. Onorab Mondon.

 

HON TERENCE MONDON

Mersi e bonzour Mr Chair, bonzour Minis avek ou Delegasyon e tou dimoun ki pe ekout nou.

Mon kestyon, mon konnen ki Minister i osi out source serten servis parey training avek zot bann Private Employment Agencies e mon ti a kontan konnen ki zot Bidze pour sa e ki zot prosedir ki zot pe servi pour fer sir ki tou bann Agencies i ganny sans pour partisipe e pour fer sir ki Seselwa i ganny en valer pour larzan ?  Mersi Mr Chairman.

 

MR DEPUTY SPEAKER

Mersi Onorab, yes PSIts ok annou kontinyen PS.

 

 

PS JULES BAKER

Mersi Mr Chair pour reponn kestyon Mr Onorab Mondon parey mon’n fer resorti pli boner i annan anba Employment Services en budget line ki 1.5 milyon ki kouver bann local consultancy pour trainings.

So trainings nou pe koz plito bann soft skills training pour bann manrmay ki’n drop out dan lekol pour rezon ou en lot ant 15 a 30an.

E so far nou’n annan enn de Konsiltan ki nou’n kontakte pour asiste Minister Lanplwa avek outsourcing pour sa bann training.

I annan ki Psikolog par egzanp ki 1an, 2an pase nou ti pe pran li e ozordi nou annan Private Employment Agencies ki’n apros nou pour demann nou, pour donn li sa lasistans.

Sa i bann training ki ganny gete anba Bidze Departman Lanplwa en, mon pe koz ou la ki konsern Private Employment Agencies.

        Me selman ankor pour mwan fer resorti i annan en lot Bidze ki Minister Finans i donn nou pour administre bann lezot formasyon anba Skills Devlopment Program ki sa i ganny administre, i ganny donnen par Minister Finans ki nou pey bann zenn ki anvi travay, ki pare pour travay en allowance R3mil par mwan avek en pti allowance bus fares pour zot kapab partisip dan sa training e apre osi R500 par mwan pour bann ki annan zanfan ki pa pe kapab afford en Day Care so nou donn zot R500 ki an zeneral apepre zot ganny apepre R3800.

Now pour zot antre lo sa progranm nou bezwen donn zot sa sipor sa i enn, be dezyenmman osi nou bezwen en bann dimoun ki byen ankadre, byen ankadre pour ki i kapab donn formasyon sa bann zenn.

Zot vilnerab zot menm zot annan zanfan, zot menm zot ki annan problenm sosyal, nou travay tre pros avek probasyon avek bann deal pran Lazans menm avek Rehabilitation Centre pour kapab donn sa bann zans en segonn sans pour zot ganny en training.

Be selman pour le moman nou annan Job Plus ki nou annan Kontra avek pour donn bann training neseser of course letan nou annan bann Lazans ki kapab montre poudir zot pare pour zot donn bann formasyon bann zenn dan sa kategori.

Wi nou pare pour nou outsource e nou ava konsider zot e nou ava fer bann prosesdir neseser parey Lalwa Finans, Financial Regulations i dir, Procurement met dan Nasyon e tou dimoun ki anvi, fer donn sa servis nou a donn zot.  Mersi Mr Deputy.

 

MR DEPUTY SPEAKER

Mersi PS. Onorab Ferrari.

 

HON JEAN-FRANCOIS FERRARI

Mersi Mr Deputy e bonzour, Mr Chairman anliny avek sa ki mon ti pe dir yer mon ti a kontan demann Minis kote dan Bidze nou kapab trouv en sonm ki konsern okenn progranm pour ankouraz oubyen edik bann travayer pour vin pli prodiktiv ?

E anliny avek sa ki mon pe dir yer, konmsi ki mannyer nou osi get pli lwen lannen 2016 in lannen Drwa Travayer e bokou benefis e la an 2017 kekfwa mon ti a kontan sizere Minis ki ou kapab sizer avek Prezidan mon krwar i pour kontan, ki lannen 2017 i vin lannen responsabilite, prodiktivite konmsi i ti ava en bon lide.

Mon dezyenm kestyon se kote i annan larzan oubyen progranm pour get kondisyon bann travayer dan Lendistri Ton sirtou bann ki pe anploy permanan;- e bann dan menm Lendistri par-ler zot permanan me selman zot ganny met tou ansanm parey bann travayer kot Casamar ki travay toulezour zot me selman zot pa ganny okenn benefis bann travayer anploye a plen tan.

So ki progranm i annan pour get sa sekter ki en sekter tre prodiktiv me selman bann travayer i santi zot en pe dan vag zot pa ni konn zot Drwa, zot pa ni konn kwa ki zot sipoze gannyen eksetera so si ou kapab eklersi mwan lo sa 2 pwen. Mersi.

 

MR DEPUTY SPEAKER

Mersi Onorab Ferrari. Minis.

 

MINISTER WALLACE COSGROW

Mr Chairman mersi. Onorab mersi, Onorab nou ti fer en Productivity Survey lannen pase, nou rapor in pare plan stratezi ki mannyer nou pour atak sa size prodiktivite.

Nou osi annan en Unit dan Minister parey mon’n dir taler anba Sekretarya PS kot i annan en dimoun, 2 dimoun pardon ki tackle sa issue prodiktivite.

So zot pe fer travay in regards to prodiktivite deplizanpli prodiktivite dan Minister Lanplwa, mon rapel an 2000 sa Unit mon krwar si mon pa tronpe ti form an 2004, 2005 si mon pa tronpe e plis an plis nou ganny plis lenportans akoz nou konnen nou konpran poudir san prodiktivite dan travay nou pa pour al lwen.

So nou annan en Unit spesifik dan Minister anba Sekretarya PS e Ps i oversee toulezour e nou annan en survey ki’n ganny fer lannen pase e la nou pour al lo Action Plan.

So nou annan bann aksyon ki pe ganny fer konsernan prodiktivite, so en Bidze spesifik ladan, i napa en progranm spesifik me selman i annan bann travay ki pe ganny fer.

So nou Action Plan pe ganny fer par nou menm, nou survey ti ganny finanse par consultancy e ILO i ti ed nou e nou Unit i la toulezour pour promouvwar prodiktivite.

An se ki konsern kondisyon travay pour bann dimoun ki dan Lendistri Ton par egzanp nou la, toulezour nou la pour ofer advice nenport ki anplwayer enkli bann dimoun dan Lendistri Lapes, ouswa Lendistri Ton.

Petet sa ki Onorab pe dir i enportan ki petet nou al ver zot en pti pe plis get zot, eksplik zot kwa ki zot Drwa. Mon kapab fer sa, mon krwar petet mon get dan Lendistri Lapes an zeneral vi ki mon osi mon’n deza dan Lendistri Lapes en pti pe mon konpran byen ki mannyer sa Lendistri Lapes i marse.

So nou ava gete lot lannen ki mannyer nou kapab angaz sirtou bann dimoun ki lapes, bann dimoun ki, akoz bokou sa bann dimoun dan sa Lendistri zot fer li lo en baz zournalye, baz casual, en baz par egzanp ;- peser mon al lapes mon annan mon par, par bato zot travay an par plis ou mwen

Ok so, wi dan lasenn osi i annan bann dimoun ki fer zournen, anploye osi wi mon dakor avek ou, so we’ll do en pti task force lannen prosenn nou a regard en pti pe plis sa Sekter Lapes, mersi Onorab. Mersi.

 

MR DEPUTY SPEAKER

Mersi Minis. Onorab Sebastien Pillay.

 

HON SEBASTIEN PILLAY

Mersi Mr Chair, bonzour Mr Chair, bonzour tou bann Onorab, bonzour Minis ek ou Delegasyon e lezot dimoun ki a lekout.

Mr Chair mon ti a kontan demann Minis an relasyon avek son bann progranm petet PS i kapab ed li si i annan okenn new spending proposals ki zot ti met devan Minister Finans akoz mon konnen sa i ankor en konponan PPB.

E si anba la mon kontan ki zot konsidere enkorpor en konponan ki deal avek bann aktivite, mon konnen Onorab in demann en kestyon lo Por me bann aktivite ki relye avek bann travay ki fer lo Por e la mon oule spesifikman koz lo bann Stevedores, bann Doker.

Akoz enn bann konsern in eksprimen par sa group dimoun se ki zot vwar bann Konpannyen ki pe fer sa bann aktivite, pe fer bokou, pe zener bokou kapital me an relasyon avek retonbe pour sa bann dimoun ki travay dan sa Sekter petet i pa vreman konpatib.

So eski ou annan okenn plan pour regard sa Sekter, zoom en pti pe sa Sekter spesifikman nou pa pe koz lo lapes me nou pe koz bann aktivite ki pase lo por akoz si sa bann dimoun pa la travay bann keksoz pa ganny tire lo bann bato. Mersi Mr Chair.

 

MR DEPUTY SPEAKER

Mersi Onorab, Minis ou’n tous en pti pe, si ou oule elabor ankor en pe ?

 

MINISTER WALLACE COSGROW

Briyevman Mr Speaker, briyevman ok. Wi mersi Mr Chairman, Onorab wi mon konnen i annan serten travay ki’n komans fer apepre 2 mwan pase mon ti ankor dan lot Minister sirtou vizavi bann Stevedores i annan serten travay, serten resers ki’n ganny fer lo kwa bann Stevedores pe fer lo Por, zot natir travay e kwa ki Gouvernman i kapab fer plis pour ed bann Stevedores.

So i annan ankor serten resers ki ti pe ganny fer, i annan serten travay met ansanm sa bann resers e petet 2017 nou ava vwar, i pa neseserman Minister Lanplwa sa en.

I en group dimoun, i group dan diferan Minister ki’n ganny met ansanm pour kapab revwar travay, sorry pour kapab vwar travay ki bann Stevedores i fer lo Por e ki mannyer nou kapab pete asiste bann Stevedores.

Par egzanp bann ki napa bato, get en pe dan zot bann kondisyon sa bann keksoz koumsa. So i annan en travay ki’n komans fer Onorab mersi pour fer resorti ki’n mon’n kapab point sa out e 2017 nou a vwar petet en rezilta dan sa bann louvraz ki’n deza konmans ganny fer. Mersi Mr Chairman.

 

MR DEPUTY SPEAKER

Mersi Minis. Onorab Arissol.

 

HON SANDY ARISSOL

Mersi Mr Deputy Speaker bonzour Minis, bonzour avek ou Delegasyon tou Manm ki pe ekoute, Mr Deputy Speaker mon ti a kontan retourn lo paz 446 an relasyon avek program 3 ki Onorab Roucou in demande an relasyon avek sa Private Employment Agencies.

Ki mon’n tann koz lo 3 mon ti a kontan Minis i eklersi mwan lo sa 3, i annan HEG ki mon aprann pour Madanm Jovanna Charles ki baze dan en lakaz Roche Caiman, i annan SMS ki pour Madanm Sylvia Stravens i operate dan Biro Ladministrasyon Distrik Anse Aux Pins, apre nou annan Job Plus ki pour Madanm Wendy Didon li i baze Ocean Gate House e ki mon aprann poudir lanplwa ki pey son rent, apre i annan sa enn Hope.

Mon pe zis demann zot si i efikas lafason ki sa bann trazaksyon i ganny fer akoz mon’n ekout PS Baker, mon’n tann li dir bann ki mwen aktiv zot ganny R75 pour anrezistreman e bann ki pli aktiv i ganny R100.

 

MR DEPUTY SPEAKER

Onorab fini ou kestyon, PS i ava..

 

HON SANDY ARISSOL

Non zis mon ti pe sort sa klarifikasyon an relasyon avek sa R100 e sa R75, an relasyon avek sa 3 Private Agencies silvouple.

 

MR DEPUTY SPEAKER

Mersi Onorab, yes PS.

 

PS JULES BAKER

Mersi Mr Chair, mersi Onorab pour ou kestyon, ou konsern, premyerman mon oule koriz ou ki i pa korek ki Departman Lanplwa pe pey rent pour Job Plus.

Dezyenmman lo kote klarifikasyon pour lafason ki zot marse ou korek dan sa bann non ki ou’n mansyonnen lekel ki bann Owners sa bann Agencies sa i korek.

La ki mon’n dir taler se ki tou sa bann Agencies zot annan en sel rate ki nou pey zot baze lo sak endividi ki anrezistre.

Pour ou ki, i anrezistre zot dabor nou pey R75 par latet, dezyenmman letan in satisfer son lekor ki’n fer profiling whatever ki i annan pour fer en CV and what not, i reisi plas sa bann dimoun dan lanplwa nou pey li ankor R100 pour sak dimoun ki i peye sakenn de zot.

Parey nou’n dir taler i annan bann ki aktiv ki natirelman i ganny peye plis e bann ki pa aktiv natirelman i ganny peye mwens baze lo son register selman avek plasman ki i ganny fer.

Me selman zis pour korize se ki SMS i al anrezistre koman en Agency me selman pour le moman i pa pe practice dan sa servis.

 

MR DEPUTY SPEAKER

Mersi PS, Onorab Herminie.

 

HON WILBERT HERMINIE

Mersi Mr Deputy, bonzour Minis avek ou Delegasyon, eski Minis ouswa PS i kapab dir nou si dan Bidze 2017 i annan provizyon pour nouvo Scheme of Service pour bann travayer lanplwa sirtou bann Lenspekter avek bann Desk Officer?  Mersi Mr Deputy.

 

MR DEPUTY SPEAKER

Mersi Onorab, PS.

 

PS JULES BAKER

Mersi Mr Deputy, mersi Onorab pour ou kestyon senp nou deza annan en nouvo Scheme of Service pour tou travayer lanplwa ki Gouvern zot bann kondisyon travay e sa i enkli sak fwa ki i al training i pas son training i annan en marketing skills allowance ki i gannyen, i annan inducement allowance ki nou gannyen ki parey ki mon pe dir.

Bann Zofisye Lanplwa i travay ekstrememan dir anba en kantite presyon e zot bezwen ganny sa sipor pour zot ekstra pour zot al lo bann teren difisil fer fas avek bann diferan eleman e nou deza annan en Scheme of Service ki la avek mwan ozordi ki eksplik tou bann kondisyon ki Employment Officers dan Departman Lanplwa mersi Mr Speaker.

 

MR DEPUTY SPEAKER

Mersi Onorab Herminie Vitman.

 

HON WILBERT HERMINIE

Mersi Mr Deputy, Minis ou kapab dir nou ki dernyen fwa sa Scheme ti ganny revize silvouple ?

 

MR DEPUTY SPEAKER

Yes PS.

 

PS JULES BAKER

Mersi Mr Deputy annefe Scheme of Service ti ganny renouvle an Zilyet sa lannen pour 2 Seksyon selman sa i pour bann Employment Services avek Labor Migration.

Labor Migration parey ou konnen i annan sa lentansite laplikasyon lanplwa ki vini kot konstitisyonelman i annan en ta presyon pour bann file ganny fer en pti pe pli vit.

Ki ou konnen ki Gouvernman me kontinyelman demann Departman Lanplwa pour experdize en pe, pour streamline son bann servis e alor nou santi ki sa bann kategori travayer i devret ganny en pti inducement an plis ki aparaman sa ki mon vwar la se ki i annan bann logmantasyon ki zot in gannyen dan bann allowances ki zot gannyen. Mersi Mr Deputy Speaker.

 

MR DEPUTY SPEAKER

Mersi PS, Onorab Henrie.

 

HON GERVAIS HENRIE

Mersi Mr Chairman bonzour tou dimoun. Mr Chairman zis avan ki mon demann mon kestyon Departman Lanplwa i kapab ptipti me selman son lenportans pour pei en vreman, vreman enportan.  E konmsi letan mon pe asize mon pe ekout zot bann repons konmsi mon en pti pe trakase konmsi ou a krwar zot pa tro, tro lager for pour zot lenportans e i pa tro fer mwan optimiz pour ki nou kapab vreman deal avek nou bann problenm lanplwa ki nou annan.

So mon anvi vwar zot annan plis lenerzi lager en pe pli for pour ki zot pe fer pour pei.

So mon de kestyon aprezan i vin premyerman zot in nonm en konponan Bidze ki al pour bann Consultant, pour bann Consultant an term resers and training too mon krwar.

So mon ti ava kontan konnen konbyen, si zot annan en pool Local Consultant ki zot deal avek, konbyen e ki kalite Bidze ki nou pe koze.

Dezyenmman mon kestyon i konsern sa My First Job Scheme mon krwar i tonm avek zot Minister so mon ti ava kontan konn breakdown Bidzeter pour 2017.

E si ou kapab re cap 2016 ki mannyer sa progranm in marse, how successful, kantite larzan zot in depanse dan sa Scheme. Mersi bokou.

 

MR DEPUTY SPEAKER

Mersi Onorab.  PS, yes.

 

PS JULES BAKER

Mersi Mr Deputy, mersi Onorab pour ou kestyon;- annefe mon pa pour dir ki nou annan en gran pool of Consultants ki Minister i travay avek me i annan at least 2 ou 3 Konsiltan ki enterese pour travay avek Departman Lanplwa e ki zot in deza osi tire ed nou avek enn de Consultancy.

        In terms of Bidze nou annan anba sak program, nou annan bann Bidze ki ganny allocate pour local consultancy fee.

E sa i pour depan ki kalite progranm ki nou pe koz lo la, si i annan en progranm pour Employment Services par egzanp nou bezwen Consultant pour fer resers pour sityasyon lanplwa lo Praslin.

Nou pour bezwen pran sa Bidze anba Employment Services ki mon’n dir taler, eskiz mwan en pti kou.

Ki mon’n dir taler i Employment services, Local Consultancy i 1.5 milyon sa pour Employment Services akoz grander loperasyon ki i fer, bann kalite dimoun ki i pe travay avek e sa nou pour bezwen.

Lezot landrwa osi si par egzanp nou’n vwar en resers lo productivity nou annan en Bidze R150 mil anba Central Administration ki nou kapab allocate sa osi, avek sa i depan ki kalite progranm, kalite proze letid ki nou pe fer pour ou amelyor servis ki nou donnen ok.

Pour reponn ou kestyon, e by the way zis pour korize nou osi advertise bann, dan ka kot nou annan akoz i annan en prosedir ki nou bezwen travay avek Minister Finans anba Financial Regulations.

Nou bezwen advertise sa bann travay ki nou annan dan Nasyon e la bann dimoun i envite e prosedir i al kot tender e bann prosedir bidding i ganny fer.

Lo kote ‘My First Job mon dir taler ki wi ‘My First Job i ganny administre par Departman Lanplwa me son finans pa ganny manage par Departman Lanplwa ou pa pour vwar li dan sa Bidze la.

I en Bidze ki ganny allocate avek ASP me selman si mon pour donn ou statistik inisyalman an 2016 i en progranm ki ankor dan son infancy in komans Zanvye 2016.

Nou ti annan nou en Bidze ki ti allocate nou R25 milyon e letan nou’n komans anrezistre bann anplwayer as at Zanvye 2016, nou ti annan nou 280 anplwayer ki ti join sa progranm ki ti pare pour  zwenn avek bann zenn e dan sa prosesis ki nou’n annan dan 893 graduates ki’n sorti dan sistenm ledikasyon ladan already, already 617 in fini ganny absorb dan landrwa travay e larestan ankor pe fer desizyon si pour ale, si pa pour re travay ki ankor kot fanmir i dir ou i pa ankor pare pour li al travay, i annan i dir ou i pe esper en tyak pour li al en lot course, al pursue other education i pa oule al travay en pe dan sa laliny.

Be selman bann ki ankor enterese, i annan 17 zot ki ankor si oule drive pa ankor, pa ankor kapab fer.

But in terms of money now ki enteresan pour mwan fer resorti dan sa 280 anplwayer ki’n anrezistre anba progranm i annan zis 53 anplwayer ki pe claim, ki pe claim sa refund avek sa.

Sanmenm sa ki ou vwar ki nou pa’n consume sa 25 milyon ki ti ganny allocate avek nou, annefe sa ki nou’n consume iz zis R1.9 milyon pour bann anplwayer ki’n claim.

Parey ou konnen Gouvernman ti’n met en standar ki up to en lapey R7, 000 par mwan ki Gouvernman i pey 40 poursan apre i refund 40 poursan e parmi tousala dan sa 280, zis 53 anplwayer ki’n claim e alor i fer ki Minister Finans i ava vwar lannen prosenn ki mannyer nou pour marse avek 2017 ek sa progranm.

Me selman nou, nou santi ki kantite manrmay ki sorti tou le lannen nou kapab travay ek en Bidze en pti pe pli mwens. Mersi.

 

MR DEPUTY SPEAKER

Yes Minis.

 

MINISTER WALLACE COSGROW

Zis pour azout en pti pe Mr Chairman pour mwan klarifye pwen Onorab, Onorab nou 3 la anler nou as determinen as possible pour nou fer sir ki nou lager pour Departman Lanplwa i lager pour lakoz.

Nou 3 la anler si mon kapab servi sa term dan Lasanble, nou 3 dimoun ki annan hours dan Departman Lanplwa, Ms Bresson Departman Lanplwa in son premye travay Mr Baker e mon osi mon menm nou’n toultan dan Departman Lanplwa.

Well mon mwan mon sorti en pti pe mon’n ale me nou annan en bon pe letan dan Departman Lanplwa me nou kontan sa Minister, sa Departman e nou tap tou dan sa Departman, so petet we don’t look aggresive me selman believe me nou aggresive. Mersi.

 

MR DEPUTY SPEAKER

Mersi Minis, Onorab Henrie vitman.

 

HON GERVAIS HENRIE

Wi, i zis en pti pwen klarifikasyon letan Mr Baker in mansyonn 2 a 3 Konsiltan menm si i local eski Seselwa nou pe koze ?  Tou Seselwa, lekel zot sa ?  Akoz i menm, menm dimoun i paret ki pe ganny, ler ou dir mwan 2 a 3 ki toultan konmsi i vin devan.

 

PS JULES BAKER

Wi, mersi Mr Speaker tou Konsiltan i Sesel, of course i annan Investor Sesel ki en Lenstitisyon Akademik, i annan en size akademik lokal ki normalman avek GMI Institute.

 

MR DEPUTY SPEAKER

Mersi PS. Onorab Aglae.

 

HON EGBERT AGLAE

Mersi Mr Deputy, bonzour tou Manm, bonzour Minis avek ou lekip, Minis mon kestyon ouswa pour PS i anliny avek relasyon travay lanplwa vizavi Tribinal Lanplwa;- e mon ti a kontan petet pour bann travayer petet ki pe ekoute osi ki bann demars ki zot akonpanny en travayer kot ler i annan en case pour li al defann ouswa al fight avek son anplwaye ki mannyer zot anmenn li, carry li laba devan sa case akoz souvandfwa nou annan nou bann travayer ki pa tro konn zot bann Lalwa Lanplwa bann keksoz koumsa zot PSO bann keksoz koumsa.

Mon ti a kontan konnen ki zot fer pour akonpannyen ki sa travayer pa santi li tousel devan en Tribinal. E osi, petet osi pour lenformasyon Lasanble ki konbyen ka par lannen ki zot pe anrezistre ki bezwen al devan Tribinal e natir sa bann ka osi ki a enportan ki nou konnen osi. Mersi Minis.

 

MR DEPUTY SPEAKER

Mersi Onorab, yes PS .

 

PS JULES BAKER

Mersi Mr Deputy, mersi Onorab pour ou kestyon, wi Departman Lanplwa i annan en responsabilite pour asire ki i annan bon relasyon Endistriyel parey Minis in dir me selman nou annan nou limit ki nou’n kapab ale anba lalwa.  Nou annan en servis ki nou apel Medyasyon kot nou travay avek anplwayer avek travayer dan ka kot i annan en dispit en grievance ki nou apel sa pour esey fer mannyer pour nou kapab rezourd sa problenm as much as possible.

Nou konsey tou le de parti ki lenplikasyon i annan lo desizyon ki zot in pran. Ki swa en desizyon ki in pouse, en desizyon ki in resign, ki bann benefis ki asosye avek sa bann desizyon ki’n ganny pran.

E nou met lo latab devan zot vwala sityasyon, eski zot dakor pour zot negosye tonm lo en konpromi?  Once ki zot pa’n tonm lo en konpromi i annan en sertifika ki nou donn sa parti pour li al anrezistre en case devan Tribinal.

E anrezistre en case devan Tribinal nou, nou pa kapab ale koman Departman Lanplwa ki’n medye sa sityasyon apre ale nou menm devan Employment Tribunal ki en Lenstitisyon Ziridik pour Lanplwa pour nou kapab al defann lentere sa travayer.

I pour mal dan lentere Lazistis de la par sa anplwayer kot nou, nou enprevi sa bann negosyasyon apre, anfen nou vwar nou pe defann lentere sa travayer.  Sa travayer i annan bann Lenstitisyon atraver Linyon ouswa bann endividi, Avoka menm ki zot kapab ganny bann Legal Aid atraver sistenm Lakour pour zot kapab ganny reprezante.

Of course nou santi ki pa tou travayer ki annan sa kapasite finansyel pour zot kapab al met en case devan Tribinal ouswa menm en case devan Lakour for that matter me selman nou ziresdiksyon i aret letan nou issue sa sertifika e sak parti i kontinyen agrieve avek en desizyon i bezwen purchase son case devan Tribunal.

Sorry Onorab mon pa’n ganny en konpran ou dezyenm kestyon silvouple.

 

HON EGBERT AGLAE

Mon dezyenm parti i ti petet par lannen apepre konbyen ki bezwen end up dan sa Tribinal e petet ki natir plis ou mwen, ou’n nonm enn de taler la sa bann Termination end date, ki natir ?

 

PS JULES BAKER

Mersi Onorab pour ou kestyon, mon annan sa bann statistik avek mwan la me selman i bann statistik ki mon pa ti’n prepare for the purpose of budget exercise.

E si Lasanble Nasyonal i enterese mon kapab fourni sa bann lenformasyon, wi nou annan tou sa bann statistik e bann zanr par egzanp i annan bann case ki en dimoun i ganny bann warning letter i pa dakor.

I annan en case ki kekfwa en lofans ki miner ki’n ganny en strong warning ouswa en final warning ki i pa dakor i met kot nou.

I annan bann case ki konsern misconduct e pour letan ou terminate en dimoun dan en ka misconduct ou bezwen annan sufficient evidence pour ou kapab prouve devan Employment Tribunal poudir sa lofans i ganny komet.

I annan tou term mezir dan Lalwa Lanplwa ki kondisyon ki en dimoun i devret ganny en warning letter, en terminasyon, ouswa menm ganny fer redundant.

I annan anba laplikasyon, bokou laplikasyon ki vin kot nou ki dir ou koumsa poudir mon kapasite finansyel mon pa pe kapab afford pour mwan kapab kit travayer mon oule fer redundant.

Me i bezwen annan bann formalite ki i servi, ki bann kriter ki i servi pour li selekte lekel travayer ki pour ganny fer redundant, lekel ki pour reste, is it the first come last out, or is it the last out first come. 

Sa bann keksoz koumsa i bezwen ganny etablir tre kler e i annan diferan statistics ki nou kapab partaz avek Lasanble pour zot vwar.

Me annefe nou annan en Statistical Bulletin ki nou fer sorti tou le quarter ki nou kapab fer Lasanble, nou kapab fer Lasanble gannyen si zot anvi.  Mersi.

 

MR DEPUTY SPEAKER

Yes, Onorab Ramkalawan follow up .

 

HON WAVEL RAMKALAWAN

Yes mon kontan ou’n mansyonn sa mo redundant e zisteman mon anvi regarde vi ki zot ganny en Bidze i mean anliny avek sa zot ganny en Bidze pour deal ek sa bann issues ki ou’n fek mansyonnen.

Eski mon kapab demande ki mannyer zot kapab aksepte ki Cable & Wireless i fer 50 travayer redundant e apre sa, sa menm Cable & Wireless se zot osi ede pour issuance of GOP sa menm Lakonpannyen in met travayer Seselwa deor me apre sa i fer vini travayer Sri Lankan pour fer egzakteman travay ki sa bann Seselwa ti pe fer?

 

 

MR DEPUTY SPEAKER

Mersi Onorab, PS.

 

PS JULES BAKER

Mersi Mr Speaker, mersi Onorab pour ou kestyon, zis en pti pwen klarifikasyon mon krwar, mon pa tro asire si mon kapab dir sa piblikman me selman lefe ki ou’n demann sa kestyon mon pour dir ou ki non Cable & Wireless pa’n gannyen aprouvasyon ek Minister pour met sa bann dimoun deor.

Nou fek fer sorti sa let 2 semenn pase ki nou’n fer sir ki nou pa’n satisfe avek bann kriter ki zot in dir pour selekter e nou’n dir zot non.

Of course Cable & Wireless i annan son Right of Appeal be selman nou ava ziz-e.

 

(APPLAUSE)

 

MR DEPUTY SPEAKER

Mersi PS mon krwar bann travayer Cable & Wireless ti en pti pe enkyet e lo la, la ou’n fer ou pozisyon Minister Lanplwa kler.  Bon mon annan ankor 2 Manm annou fer li ankor vitman Onorab Adelaide avek Onorab William. Onorab Adelaide.

 

 

HON FRANCOIS ADELAIDE

Mersi Mr Chair, bonzour Minis avek ou lekip, bonzour tou bann Manm Onorab, Minis dan ou lentervansyon ouswa Mr Baker mon’ n tann zot poudir dan zot Minister zot annan 76 post me selman zis 66 ki occupied.

Mwan mon anvi demann zot, dir sa Lasanble lekel sa bann post ki ankor vacant e pour konbyen letan sa bann post in reste vacant ?

Eski zot pe ganny problenm pour ranplas sa bann post ?  Si wi kalite problenm ki zot pe gannyen ?  Mersi.

 

MR DEPUTY SPEAKER

Mersi Onorab, PS.

 

PS JULES BAKER

Mersi Mr Deputy, mersi Onorab pour ou kestyon, annefe pour mwan eksplik en pti pe sa sityasyon Minister Lanplwa i en Minister ki bokou dimoun i kontan travay.

I kontan demann laplikasyon pour zot vin travay, me parkont i annan bann dimoun osi ki sorti nou pa kapab anpes en dimoun ale.

Ozordi si li in deside pour li ganny en pli bon ofer somewhere else, nou bezwen les li ale, me selman sa ki nou, nou prensip se ki as much as possible ki nou kapab retain nou bann Seselwa dan travay nou pour esey nou mye atraver nou Scheme of Service ki nou kontinyelman revise every year pour esey kapab fer zot reste.

Nou annan en post dan Policy Planning and Research ki en post Direkter, annefe pour fer resorti dan Departman Lanplwa en keksoz ki nou toultan targete i bann graduates.

E bann graduates, bann natir louvraz ki nou fer, bann pwen teknik, Legal ki nou travay avek nou bezwen bann dimoun ki ase o nivo ki nou santi i kapab ed nou teknikman pour pran bann desizyon ki obzektik ki nou kapab achieve, target e obzektif Gouvernman.

Post Direkter Policy Planning i ankor vacant nou’n advertise detrwa fwa, i annan dimoun ki’n vini ki’n santi i pa tro, tro annan sa kalifikasyon.

Annefe la anse moman nou fek advertise 2 semenn pase si mon pa tronpe e nou pe esper nouvo laplikasyon e prosedir pour kapab anploy li la, nou bezwen esper nouvo Bidze 2017.

Nou annan Direkter Zeneral pour Labor Relations ki fek kite Juillet, an Juillet,i ankor vacant li osi e i annan en prosedir an plas ki nou pe sey fer mannyer pour nou recruit li, en post Direkter Zeneral dan Labor Relations i vreman enportan akoz li ki bezwen lead sa bann lezot Direkter, sa bann fonksyon e i ankor vacant pour le moman.

E apre parey mon’n fer resorti baze lo kestyon Onorab Pointe Larue taler, lo bann post pour bann Zofisye en pe pli Senior menm si pa lo nivo pli Senior dan nou Seksyon Monitoring and Compliance.

Nou santi parey Onorab Henrie in dir, konmsi nou bezwen ankor en pti pe plis ledan pour nou kapab mord en en pe plis be nou bezwen plis Zofisye, nou bezwen plis resours, nou bezwen plis Lentelizans e osi sa, sa 2 post i ankor vacant.

Apre dan Labor Migration nou annan ankor 2 post i ankor vacant akoz nou santi poudir nou bezwen annan en lapros pour nou scrutinize en  en pe pli byen sa bann laplikasyon GOP ki vin kot nou.

Ou konnen the volume is so big ki parfwa i annan bann keksoz ki permet i esape alors nou bezwen plis lizye, plis resours, plis latansyon pour nou fer sir ki napa nanryen ki pas dan trou atraver bann zafer, so la, la en pti bann post kle ki nou bezwen al ansanm avek Minister Finans ki nou ava travay ansanm nou a get en kou lekel ki nou pour gannyen, lekel ki nou pa pour gannyen.

Me selman i annan sa bann post ki deza annan Bidze pour zot en, i zis ki nou pa ankor idantifye  ganny en dimoun ki apropriye, mersi Mr Speaker.

 

MR DEPUTY SPEAKER

Mersi PS petet zis en pti follow up PS, eski Minister pe advertise sa bann post ?

 

PS JULES BAKER

Wi, wi Mr Deputy tou post dan Minister i ganny advertise dan Zournal.  NATION. Mersi.

 

MR DEPUTY SPEAKER

Mersi. Onorab William.

 

HON WAVEN WILLIAM

Mersi Deputy Chair, mon ti a kontan demann Minis lefe ki in mansyonnen ki zot in fer en survey pour sey adres sa eleman prodiktivite ki en size ki bokou pe koz lo la, nou menm nou, nou Lasanble i tre konsernen avek ;- eski Minis i ava dir nou si sa survey ki zot in fer pour sa action plans si in kouver tou le de Sekter Piblik avek prive ?

 

MR DEPUTY SPEAKER

Yes Onorab kontinyen, ou fini?

 

MINISTER WALLACE COSGROW

Onorab Special Advisor i ava reponn sa kestyon akoz i ti…

 

MR DEPUTY SPEAKER

Yes Ms Bresson.

 

SPECIAL ADVISOR VERONIQUE BRESSON

Mersi Onorab pour ou kestyon, pour reponn sa letid prodiktivite parey nou’n koz bokou lo la dan Lasanble over sa bann zour ki’n pase e nou koman Minister zanmen in deza annan en letid lo prodiktivite toultan in en persepsyon poudir i annan problenm prodiktivite dan pei.

Seselwa pa oule travay kan nou, nou konnen, nou tou nou la nou pe travay so nou konnen poudir i annan Seselwa ki travay.

So toultan in en persepsyon poudir dimoun pa oule travay, so koman en Minister responsab nou ti deside fer en letid lannen pase pour vreman vwar ki sityasyon prodiktivite dan pei, byensir sa letid i pa konplet, konmsi ou pa kapab fer en letid ki konplet tou keksoz, i annan bann lezot pti konponan ki nou pour bezwen al en pti pe profon ladan me selman pour konmanse nou ti anvi get sa bann issues parey attendance, punctuality bann sityasyon koumsa ki pour kapab donn nou en pe lenformasyon kote nou ete e ki direksyon nou pour ale.

So pour zot lenformasyon rezilta ki ler nou, nou’n gannyen lo sa sityasyon prodiktivite i montre ki napa, napa en problenm prodiktivite.

Akoz nou dir sa ?  I pa vedir nou parfe, nou ok napa prodiktivite dan pei me i vedir ki lenformasyon dan Lorganizasyon napa.

Zis bann Lorganizasyon pe dir ki Seselwa pa travay, Seselwa pa vin travay, Seselwa i absan, me selman ler nou demann zot pour montre nou oli levidans ki vre ou travayer i absan, sa ti absan.

Alor rezilta in montre poudir pour le moman i napa en sityasyon mank prodiktivite dan pei, ti montre zis en pti poursantaz.

Me malgre sa nou, nou pe deside koman en Minister nou pour fer lezot letid aprofondir me pour sa bann sityasyon ki nou’n vwar, bann rekomandasyon ki’n sorti dan sa dernyen letid ki in fer la nou pe come up avek en plan ki mannyer nou pour adres sa bann sityasyon.

Par egzanp sa sityasyon mank lenformasyon dan bann Lorganizasyon nou bezwen adres sa.

So nou’n komanse osi avek GMI nou’n fer serten trainings pour bann HR Managers dan bann Lorganizasyon prive ensi ki piblik lo ki fason ki zot anmas lenformasyon.

Zot gard lenformasyon pour kapab letan i annan bann letid parey i annan sa bann lenformasyon ki available ki ler nou baz nou bann progranm nou baz li lo lenformasyon konkret.

Prezan malgre sa kantmenm sa pti group, sa pti minorite ki’n vwar i annan sa problenm prodiktivite i annan serten rekomandasyon ki’n sorti.

Par egzanp parey nou’n dir i annan provizyon lalwa ki petet pa pe ankouraz prodiktivite e sa Minister in pran li koman en rekomandasyon, nou’n koz lo la oparavan, nou annan nou Lalwa Lanplwa ki pe ganny revize, i annan serten previzyon dan Lalwa Lanplwa ki nou pour adrese, pour ki nou fer sir pour tire sa bann sityasyon ki kekfwa i annan lalwa ki pe, konmsi ki pa pe ankouraz dimoun vin prodiktiv.

So sa en pti kote nou ete la, rapor i available, mon asire ki i lo nou website, i available pour tou dimoun kapab vwar selman la nou avek GMI se zot ki ti pour annan enparsyalite ki Minister pa involve ladan, nou ti advertise.

E GMI ti montre lentere pour zot fer sa letid pour nou e la nou pe finaliz sa plan akoz i plan Nasyonal, i pa zis plan prive i en plan Nasyonal pour reponn ou kestyon Onorab i en plan Nasyonal.

Ti enkli tou Lorganizasyon, Lorganizasyon Prive e Lorganizasyon Gouvernman, so nou bezwen come up avek en plan Nasyonal lo ki fason ki nou pour move devan.

Ladan nou’n mete poudir i annan bann lezot letid aprofondi ki nou bezwen fer e osi bann lezot keksoz ki nou kapab adrese la konmela, nou pe al adres li dan sa plan, e sa plan nou pour komans travay avek 2017, mersi

 

 

MR DEPUTY SPEAKER

Mersi Ms Bresson, bon lo sa note in ariv ler pour nou pran en vot lo Departman Lanplwa ki trouve lo paz 442 ziska 446, yes Onorab Ferrari ?

 

HON JEAN-FRANCOIS FERRARI

Mr Chairman mon mazinen poudir nou pe pran en vot lo Departman Lanplwa.

 

MR DEPUTY SPEAKER

Wi i annan 3.

 

HON JEAN-FRANCOIS FERRARI

E Entrepreneurship and Development, Business Innovation ansanm akoz i small component of that.

 

MR DEPUTY SPEAKER

Non nou pa’n pase lo son Bidze, nou pa ankor lo son Bidze

 

HON JEAN-FRANCOIS FERRARI

Ok.

 

MR DEPUTY SPEAKER

I vin 3, i annan 3 Departman anba Lanplwa, nou a pran Departman Lanplwa la, anba sa Minister i annan 3, so yes Onorab Ramkalawan.

 

HON WAVEL RAMKALAWAN

Si nou demann rapor prodiktivite, eski nou pour kapab ganny enn Lasanble ?  Thank you.

 

MR DEPUTY SPEAKER

Ok.

 

SPECIAL ADVISOR VERONIQUE BRESSON

Wi i available, wi zot kapab gannyen.

 

MR DEPUTY SPEAKER

Yes mersi Ms Bresson, bon nou ava pran en vot lo Departman Lanplwa paz 442 ziska paz 446, all in favor show of hands, Madam Clerk, anyone against?  Non napa. Madam Clerk rezilta.

 

MADAM CLERK

Mersi Mr Chair mon’n rikord 27 Manm ki’n vot an faver e personn pa’n vot kont. Mersi.

 

MR DEPUTY SPEAKER

Mersi Madam Clerk savedir Bidze pour Departman Lanplwa in ganny aprouve par Lasanble Nasyonal.  Bon nou ava pran en Break e nou ava retournen 11.30, i annan de lot, annou fer li 11-20 – 20 minit Break.  Bon nou adjourn ziska 11.20am.

 

        (BREAK)

 

Ministry of Employment

 

DEPARTMENT OF ENTREPRENEURSHIP DEVELOPEMENT & BUSINESS INNOVATION

 

MR DEPUTY SPEAKER

Bon nou a kontinyen nou travay lo Departman ki tonm anba Minister Lanplwa se Departman, Departman of Entrepreneurship, Development and Business Innovation e nou a demann Minis pour fer son pti prezantasyon. Yes Minister.

 

MINISTER WALLACE COSGROW

Mersi Mr Chairman. Mr Chairman parey nou vwar Bidze pour sa Departman i enn ki pa bokou – sa i akoz sa Departman i enn pti Departman i en nouvo Departman ki’n ganny antase si ou le avek Departman Lanplwa.

I ti avan en Departman dan Minister MEDBI, Ministry Of Investment Entrepreneurship Development and Business Innovations.  So letan Minister in kase sa bout Entrepreneurship Development and  Business Innovation, in vin avek Departman Lanplwa.

Mon krwar zisteman pour kre en sinerzi ant Lanplwa parey – nou’n tann dir avan dan Lasanble between Lanplwa avek Devlopman Lantreprenarya avek Biznes sey marye li ansanm e gete ki mannyer nou kapab met zefor ansanm, pour nou – pa zis met nou zefor lo plas dimoun dan Lanplwa, me osi met nou zefor dan kreasyon antreprener, kreasyon antreprener, ki pou kre Lanplwa osi pour anploy dimoun.

So i neseser ki nou focus osi lo bann dimoun ki annan sa abilite ki zot pa anvi anploye me ki zot annan sa abilite pour kre bann biznes, pour anploy Seselwa e i enportan ki nou met zefor ki nou donn nou sipor sa bann dimoun koumsa.

So Departman Entrepreneurship Development and Business Innovation i zisteman sa. Departman i ptipti. I lyez bokou avek bann Lorganizasyon parey, Lorganizasyon Prive parey Labank, SBFA, SENPA bann Lorganizasyon ki lyez bokou avek pour fer son louvraz. E mon pour les PS Charlette elabor en pti pe lo son Manda vi ki Departman, i ase nouvo, son Manda i en pti pe sa ki i ti fer, sa ki sa Departman ti fer letan i ti dan Minister MEDBI.

E apre once ki nou’n kapab, lot lannen ki nou kapab met tou ansanm, nou ava annan nou en Misyon, en Vizyon, en misyon e en Manda pour Minister li menm ki pour enkorpor tou lede Departman ansanm.

Pour le moman nou pour get Manda ki Departman ti fer letan i ti dan Minister MEDBI, son responsabilite, son bann rol apre PS pour guide nou en pti pe lo Bidze 2017 e ki bann keksoz ki Departman i fer. i Lasanble i a pran kont ki sa Departman i en pti Departman avek selman pour le moman 2 staff e nou annan plan recruit ankor.

So Mr Chairman mon ava allow PS pour li kapab avek ou permisyon pour li kapab elabore. Mersi.

 

MR DEPUTY SPEAKER

Mersi Minis, la parol pour ou PS Charlette.

 

PS PAMELA CHARLETTE

Bonzour Deputy Chair e bann Manm Onorab ozordi. Nou Manda e nou vizyon se pour amelyor lanvironnman biznes pour fasilit devlopman e devlop en kiltir Lantreprenarya en met lanfaz lo bann pti e mwayen pti biznes.

Sa i pour permet kreasyon lanplwa e osi permet bann pti biznes pour kontribye konsiderableman dan Lekonomi nou pei.

An retour i pour ankouraz en pe diversifikasyon dan nou Lekonomi e nou Departman pour ede kre bann kondisyon favorab dan ki bann pti biznes i kapab grandi. E pour nou fer sa nou bezwen travay an kolaborasyon avek tou bann Minister ek Lazans Gouvernman.

E nou rol ek responsabilite i pour fer resers e ekri Polisi pour devlopman Lantreprenarya ek pti biznes, me osi asire ki nou revwar sa bann Polisi ki deza la pour Monitor e evalye zot lenplimantasyon e zot efikasite pour fer sir ki zot reste relevan.

Nou pour gid osi lo en pti pe nou bann Lazans lo lenplimantasyon sa bann Polisi ek stratezi e kolabor avek bann Lazans e Minister Gouvernman par egzanp SENPA, SBFA.  Nou’n deza komans konsiltasyon mwan pase e nou pe kontinyen pour nou kapab ganny en pti pe status pti biznes dan Sesel.  En lot responsabilite nou pour annan, ki nou pour annan se pour idantifye bann lasistans teknik oubyen enternasyonal, Lokal ouswa Enternasyonal e osi dan bann diferan resours ki pour neseser dan lenplimantasyon sa bann Policy.

Sirtou pour ogmant kapasite bann pti Lantreprener e osi nou bann staff en.  Nou pour kolabor avek bann Lenstitisyon Finansyel parey mon’n dir pour revwar bann linisyativ ki deza la akoz zot pa pe marse.

E osi inisye bann nouvo Scheme, bann nouvo linisyativ pour siport bann Lantreprener ek bann pti biznes.

Nou pour siport osi bann devlopman kapasite ek konpetans nou bann Antreprener ek bann pti biznes ;- e pour fer sa nou pour bezwen led ek Resours Imen ek training avek Lenstitisyon ki apropriye parey University of Seychelles.

E nou pour osi kre bann mwayen efektiv pour angaz Sekter Prive dan bann partnership ki nou pour annan.  Mon ava al direkteman lo nou Bidze prezan. Nou Bidze total i 2.2 milyon e 1.2 milyon i pour ‘wages and salaries parey Minis in dir, i annan deza zis 2 Staff e nou’n ganny aprouvasyon pour nou recruit ankor 2 nouvo Staff. Tou Staff i Seselwa ok.

Dan ‘use of goods and services nou annan R1milyon, R1 milyon pour nou, e sa i plito lo Office Expenses, nou annan transportation and travel cost.

Lo office expenses i pour plito printing stationary consumables, bann utilities parey Internet, telephone, electricity.

Transportation and travel cost – pour le moman nou napa en transpor nou oule fer sir ki kantmenm nou pe fer policy nou osi deplase pour nou al Praslin, La Digue pour nou vwar bann pti Antreprener bann pti biznes si pour annan training pour nou al fer nou pour kapab deplase.

Osi pour ‘transport i annan overseas travel sa i enkli  plito bann komitman ki nou annan, bann komitman rezyonal avek par egzanp pour SADEC avek COMESA.

        I en loportinite pour nou partisip dan sa bann meeting ouswa workshop ki nou ganny lenvitasyon through Foreign Affairs.  E sa bann meeting e workshop i enportan pour Sesel osi ganny en pti pe vizibilite lo baz rezyonal e osi pour nou kapab fer sir ki nou bann konsern, nou bann nide i osi enplike par egzanp dan bann demars, pour fer bann stratezi rezyonal oubyen bann road map rezyonal.

        ‘’Maintenance and repairs nou annan R29mil sa i pour plito office e IT equipment.

        ‘Other uses of goods and services i R436 thousand;- i mainly consultancy akoz nou anvizaze ki pandan sa lannen nou pour fer en bon pe konsiltasyon, en bon pe resers espesyalman revwar bannPPolicy ki nou annan pour fer sir ki parey mon’n dir i reste relevan e osi ki bann pti biznes i vreman ganny sa rekonesans, i ganny sa lanpler ki bezwen dan devlopman nou pei.

Apre nou annan osi pour in ‘’goods and Services, other uses of goods and services nou annan training avek workshop. Parey mon’n dir i nou plan pour nou konsantre en pti pe plis lo konpetans nou bann pti Antreprener e avek bann lezot Lenstitisyon parey SENPA – mon nou bezwen met en pti pe plis lanfaz.

Akoz ler mon’n join sa Departman, mon’n vwar en kantite lanfaz i ganny mete lo bann Scheme par egzanp SME Scheme ki deza la, me selman son lefikasite i pa la;- nou pa pe vwar bokou sa bann pti biznes pe pran sa loportinite pour fer li e nou bezwen konnen akoz ki sa pe arive. Se tou ki mwan annan. Mersi bokou pour ekoute.

 

MR DEPUTY SPEAKER

Mersi PS Charlette, prezan nou ava open pour kestyon. Onorab John Hoareau.

 

HON JOHN HOAREAU

Mersi Mr Deputy. Mon ti oule en pti pe leklersisman vi ki zot annan en Bidze pour osi kree sa ki nou apel en latmosfer biznes, en ease of doing business;-konmsi en latmosfer ki biznes i ganny fer en pti pe pli fasil, so ki zot pe fer anvi e ki avek rol ki Small Business Financing Authority i annan, eski zot pe lyez avek sa Lotorite pour fasilit fer li en one stop shop pour bann pti biznes ?

E osi mon lot pwen kestyon ki mon ti anvi zot klarifye mwan lo la, se ki Minis dan son Ladres Bidze i ti fer resorti ki zot pour demann bann Labank pour ofer en Lasirans kont business failure, eski sa i en proze ki pe al ganny met an mars lannen prosen e ki mannyer sa proze pour ganny met an mars, ki mannyer ki zot pe bidzete pour sa ?  Mersi.

 

MR DEPUTY SPEAKER

Mersi Onorab PS Charlette.

 

PS PAMELA CHARLETTE

Yes mersi bokou Onorab pour ou premye kestyon ou pe koz lo SBFA, sa i tonm anba Minister Finans me selman mon kapab asir ou ki ti annan en proze depi lannen pase ki ti annan en konsiltan Sesel ki nou ti fer en letid lo kote lanvironnman Sesel e dan sa proze.

I annan 5 konponan, e enn dan sa konponan ladan se pour revwar manda e resours bann striktir ki i annan e parmi i annan SENPA E SBFA.

I annan en Komite ki’n ganny fini mete pour nou, pour annan sa konsiltasyon ek Minister Finans pour nou kapab revwar SBFA li menm son bann striktir, son Manda i annan e ki kalite resours ki i pour bezwen;- son bann konpetans, kapasite pour nou kapab fer li en Lenstitisyon Finansyel pour bann pti biznes selman ok.

Apre dezyenm osi, Insurance mon krwar sa mon krwar sa i ankor an konsiltasyon, nou pour bezwen avek Minister Finans konsilte bann Insurance Brokers menm bann lezot Labank pour nou kapab gete ki kalite prodwir linisyativ ki nou pour anmennen.

Akoz nou bezwen sorti dan sa faz zis entrodwir en keksoz pour bann pti biznes.  Nou bezwen fer sir i efikas ki i vreman, vreman pti biznes i bezwen.

 

MR DEPUTY SPEAKER

Mersi PS, Onorab Mondon.

 

HON TERENCE MONDON

Mersi Mr Chair, ler mon pe get Bidze i vre i annan en pti Bidze pour sa Departman me selman mon vwar depi 2015 zot ti annan en Bidze.

Mon anvi konnen ki ozordi menm i annan bann SME’s pa ni ankor ganny definisyon konkret.

E mon anvi konnen ki lenformasyon ou annan ozordi lo SMEs par egzanp ou’n deza konmans en pe travay lo la.

Depi 2015 mon vwar zot annan Bidze, ki statistics zot annan, konbyen failure nou pe gannyen dan en lannen ? Oubyen konbyen small SMEs, konbyen SMEs pe start a new business ?  Zis donn nou en pe lenformasyon pour nou gete si zot ofe ek sa bann demann ki pe arive dan pei, pour nou kapab fer sir ki osi ki ou Bidze ou pe kapab travay avek pour kapab fer sa Departman marse. Mersi Mr Chair.

 

MR DEPUTY SPEAKER

Mersi Onorab.  Yes PS.  

Minis?

 

MINISTER WALLACE COSGROW

Mr Chair mon a pran en bout kestyon apre PS ava donn en bout statistik si i annan.  Mr Chair mon ti a kontan enform Onorab ki nou annan nou pour le moman en SME Development Policy and Strategy ki fek ganny devlope sa lannen.

E lot lannen nou pe target en lalwa pour SME, ok. So ladan ki nou pour kapab donn tou definisyon, what is, actually it will be an SME Law pour nou kapab donn tou definisyon what is a micro, what is a small, what is a medium enterprise.

An relasyon avek par egzanp tur over ki zot fer;- an relasyon avek kantite travayer ki zot anploye e tou bann lezot keksoz neseser ki en SME i bezwen kapab fulfill.

Taler nou pour koz en pti pe lo SENPA letan tour SENPA pour vini, me selman zis pour alert en pti pe, pa alert me selman zis pour al en pti pe an avan, nou pe osi revwar rol SENPA, nou pour osi revwar rol SENPA dan lot lannen ki vini pour nou kapab fer li, tackle en pti pe plis sa group ki nou apel SME Sesel.

I vre ki nou annan en pti pe defayans par egzanp lo term Rezistrasyon bann SMEs me selman sa ki nou pe met an plas la i pour fer sir ki nou anglob e nou anmas tou bann SME’s.

E nou annan en landrwa Santral ki nou kapab dir la ou ganny tou ou detay, tou lenformasyon konsernan SMEs e tou servis SMEs i ganny regle anba en lalwa e baze lo Polisi.

So, petet PS mon hope mon reponn en pti pe ou kestyon, prezan PS i a koz en pti pe lo la kantite SMEs an zeneral ki nou annan e si i annan lezot keksoz ankor pour li elabore. Mersi.

 

PS PAMELA CHARLETTE

Mersi Minister, mersi Onorab. Mon pour bezwen donn ou an gro akoz nou napa en, an detay me selman nou kapab fer ou ganny sa lenformasyon eventually.

Pour le moman la letan nou pe get SMEs i annan lo kote Cottage Industry ki nou apel Cottage Industry ki tonm anba SENPA ki register avek SENPA e li i annan apepre 2,335. Apre nou annan bann SME’s ki osi anrezistre anba Registrar ki osi annan en Laysenns.

Bann ki anba SENPA zot pa neseserman annan en Laysenns e zot pa pe pey tax pour le moman.

 So bann ki anba Registrar i apepre 5805. So ler nou pe gete an zeneral laplipar bann biznes Sesel i tonm en pe dan bann, i plito bann SMEs ok?

 

MR DEPUTY SPEAKER

Mersi PS.  Mersi PS Onorab Woodcock

 

HON WAVEL WOODCOCK

Mersi Mr Chair, mon kestyon i comme swivan manda sa Departman se pour amelyor lanvironnman biznes pour fer li pli profesyonnel transparan e aksesib pour tou dimoun.

Eski i annan serten biznes Sesel ki zis en serten dimoun ki annan monopoli lo la ? Kot zis en sel dimoun i annan Drwa annan Laysenns pour fer ouswa operate sa biznes ?  Mon a donn en legzanp, par egzanp lo Erport Mahe avek Praslin zis Jean-Marc Volcy ki annan monopoli pour wrap bann luggage bann bagaz.

Ti annan en Madanm ti annan son pti biznes luggage wrapping lo Erport Praslin ki ti ganny forse arete e ozordi i napa en tel servis lo erport Praslin, lekipman e masin sa Madanm i ankor la.  Eski zot Departman i ankouraz monopoli Sesel? Mersi.

 

MR DEPUTY SPEAKER

Mersi Onorab.

 

MINISTER WALLACE COSGROW

Mr Chairman mon ava pran sa kestyon.

 

MR DEPUTY SPEAKER

Minis.

 

MINISTER WALLACE COSGROW

Vitman nou Departman pa ankouraz okenn monopoli Sesel e, mon pa krwar Gouvernman pour ankouraz monopoli Sesel.

Si i annan en monopoli par la petet i son natir ki mannyer i ete i egziste personn pa ankor compete avek li, me selman an sa ki konsern wrap bagaz sa i en issue SCAA mon pa kapab antre ladan, si SCAA in donn en Kontra zis Jean-Marc Volcy sa i en issue SCAA, SCAA i ava deal avek. Mersi.

 

MR DEPUTY SPEAKER

Mersi Minis. Onorab Afif.

 

HON AHMED AFIF

Mersi Mr Chair mon ti a kontan petet demann swa Minis oubyen PS Finans si dan sa Bidze napa en pti pe repetisyon an term louvraz ki diferan dimoun pe fer?

Mon napa nanryen kont nide ki zot travay ki zot fer, zot apel Entrepreneurship Development and Business Innovation lo paz 447.

I dir koumsa zot louvraz se, ‘’facilitate Entrepreneur Development with an emphasis on innovation’’ – ki byen.

Apre ou al lo 68 dan liv National Institute of Science Technology i annan en Bidze plis ki 2 fwa pour zot i osi en bout ladan se, ‘’promotion application of science technology and innovation in Seychelles. ‘’

Apre lo paz 49 ou annan Department of Investment and Industries e i osi li formulate Sector, focus policies strategies and insure technological upgrading and innovations as enable create industrial growth employment eksetera.  Eski nou pa pe dan en pti pei nou pe met, e li i annan osi 4.5 li, 2 fwa zot Bidze ankor, konmsi letan ou met tousala ansanm i ariv 9 avek ankor 2 i fer 11, R1 milyon par mwan ki Gouvernman pe depanse swadizan pour Business Innovation;- eski nou pa pe tro pran resours e par pi zot partou epi nou pa pe ganny en focus konmsi ki mannyer nou pour vreman fer business innovation ?

Probableman sa larzan i 1 tyer sa ki zot pe donnen pour SBFA, SBFA konbyen in donnen li 25 milyon ?  Lanmwatye ladan in al, be dimoun i bezwen sa larzan pour travay pa pour neseserman pour al fer resers.

Zot fer resers zot menm be selman i annan tro bokou dimoun pe fer menm keksoz. Zis en sizesyon ki zot kapab streamline en pti pe silvouple. Mersi.

 

MR DEPUTY SPEAKER

Mersi Onorab, PS oubyen Minis i oule, en moman, yes Onorab De Commarmond, i lo menm laliny ?

 

HON CHARLES DE COMMARMOND

Yes Mr Chair zis pour azout en pti keksoz lo sa ki Onorab Afif in dir i annan SIBA osi i fer ankor preski menm application of…Konmsi ti bon ki tou sa i ganny gete.

 

MR DEPUTY SPEAKER

Minis i oule klarifye en pti pe zot pozisyon?

 

MR WALLACE COSGROW

Ok mersi Mr Chairman mon konpran en pti pe akoz petet bann Lorganizasyon ki’n vini avan nou, zot letan ou pe gete ti bann Departman ki ti dan en Minister ki ti ansanm.

Nou pe get li NISTI, NISTI ti tonm anba MEIDBI, nou pe get Ministry of Industry, Department of Industry sorry, Investment e la nou.

Me selman mon ti a kontan reasir sa Lasanble ki nou, nou pe get spesifikman Entrepreneurship Development and Business Innovation dan biznes dan bann pti Lantrepriz.

E nou, nou focus i lo bann SMEs se sa ki ou vwar nou ki devlop SMEs Policy, nou ki enplimant SME’s Policy e se nou ki pe anmenn devan Lalwa pour bann SMEs.  So nou, nou focus i plis ou mwen bann SMEs sa ki tou dimoun i dir i moter lekonomi bann pti biznes ki moter Lekonomi ki anploy mazorite nou Seselwa, ki kre larises pour nou Lekonomi.

So nou, nou focus plizoumwen micro, small and medium Enterprises ok – se sa landrwa kot nou ale.

Mon konpran en pti konfizyon petet akoz bann ki’n vin avan nou in eksplik en pe avan nou, prezan nou, nou bezwen vin la vin eklersi nou pozisyon.

Be selman mon kapab asir sa Lasanble ki dan sa ki nou fer napa okenn diplikasyon e nou, nou focus i lo SMEs bann pti biznes. Mersi Mr Deputy Speaker.

 

MR DEPUTY SPEAKER

Mersi Minis. Onorab Sebastien Pillay.

 

HON SEBASTIEN PILLAY

Mr Chair mersi lo sa size, issue i vin avek ler nou regard zot programs sort of statement e si zot regard zot program statement i pe montre i annan sa overlap avek sa bann diferan landrwa.  Mon krwar sa ki zot devret fer se fer re alignment zot program statement e i ava ed nou koman nou Lasanble pour nou kapab vin pli spesifik lo bann konponan zot Bidze e ki relye avek devlopman sa bann pti Lantrepriz;- olye ki zot pe koz lanvironnman biznes ki sa i pa vreman zis zot ki pe fer, e i annan lezot, SIBA e lezot Envestisman ki pe fer.

So koman en advice nou a konsidere ki Minister Finans i revwar sa program statement e fer li vin pli spesifik avek Manda ek core business ki sa Departman i sipoze pe fer. Mersi Mr Chair.

 

MR DEPUTY SPEAKER

Mersi Onorab. PS Payet.

 

PS PATRICK PAYET

Mersi Mr Chair, mersi Onorab Afif e Sebastien Pillay. Zis pour dir ki sa lannen sa bann Departman par egzanp NISTI  -Departman Investment and Industry e Departman Entrepreneurship Development ek Business Innovation – Zot prezantasyon Bidze i zis lo konteks program performance- based budgeting lo zis statement.

Me in the next 2 years nou la, anse moman nou pe swazir sa 4 lezot Minister ki pour vin dan prezantasyon 2018 zot pour annan bann performance indicators. Savedir lanmenm la ki nou pour bezwen vwar si i annan okenn duplication dan sa bann Minister akoz letan pour get sa bann performance indicators i bezwen specific tou zot portfolio.

I pa pour kapab annan performance indicators ki lot i annan, zot osi zot annan, i bezwen specific tou zot portfolio.

Nou ava travay lannen prosenn letan nou pe swazir sa bann 4 Minister, akoz 2019 letan nou prezant Bidze 2019 ki nou pour prezant li fully lo PPPB.  Savedir tou Minister pour annan son performance indicators because sa i en major exercise lannen prosenn letan nou prezant Bidze 2018 pour annan ankor 4 ki pour vin dan PPPB indicators 2019 fully.

Me nou ava travay avek sa 3 Departman pour fer sir ki si i annan okenn duplication ki egziste lo zot bann mandate, sa i ganny eklersi properly letan zot pe met zot mandate statement e osi letan zot fer zot performance indicators. Mersi.

 

MR DEPUTY SPEAKER

Mersi PS, bon si napa okenn kestyon ankor lo sa Heading nou ava pran en vot, alor nou a pran en vot lo Bidze Departman, Department of Entrepreneurship Development and Business Innovation ki trouve lo paz 447 ziska paz 448 en sonm R2.232 milyon. All in favor? 

Anyone against? Ok Madanm Clerk ou anons rezilta.

 

MADAM CLERK

Mersi Mr Chair mon’n rikord 22 Manm ki’n vot an faver e person pa’n vot kont. Mersi.

 

MR DEPUTY SPEAKER

Mersi savedir sa Departman son Bidze in ganny aprouve e nou ava eskiz PS Charlette avek son Accountant e nou ava pran lot Departman ki SENPA.  Mersi PS, mersi Madanm Account.

 

PS CHARLETTE AND HER DELEGATION WAS EXCUSED FROM THE HOUSE

 

SENPA – DEPARTMENT OF SMALL ENTERPRISE PROMOTION AGENCY

 

MR DEPUTY SPEAKER

Mersi. Pour SENPA Small Enterprise Promotion Agency, nou annan son CEO Miss Penny Belmont, e son Accountant Ms Cecile Hoareau.

Bidze i trouve lo paz 449 ziska paz 452, mon a demann Minis pour fer en pti prezantasyon.

 

MINISTER WALLACE COSGROW

Mersi Mr Chairman parey ou konnen SENPA son bann Small Enterprise Promotion Agency, i en Lazans ki tonm direkteman anba sipervizyon Minister Lanplwa,  Devlopman Lantreprenarya avek Inovasyon Biznes.

SENPA i ganny dirize, i ganny dirize par en Board, i annan son Board Chairman ek son bann Manm e the day to day running of SENPA i ganny fer par CEO par direksyon son Board.

E Minister atraver MEDBI ki provide, i provide policy direction an term small enterprises – small, medium enterprises ki de-koul lo SENPA koman en Lazans ki tonm anba nou sipervizyon.

So pour mwan pa tard plis, mon a allow CEO pour li koz en pti pe lo ki mannyer SENPA i marse, i a donn en pti pe detay lo SENPA e a donn en pe detay osi lo Bidze SENPA pour ki bann Manm i kapab apresye kwa ki SENPA i fer pour nou kapab komans deba. MersiMr Chairman.

 

MR DEPUTY SPEAKER

Mersi Minis, Ms Belmont la parol pour ou.

 

CEO MS PENNY BELMONT

Deputy Speaker, Minis, Leader Gouvernman, Leader Lopozisyon, Manm Onorab, manm piblik bonzour, SENPA i sa pti Lazans ki promot ptipti ek mwayen Lantrepriz e nou pe osi devlop artizanal ek biznes kot lakour.

Bidze 2016 nou ti annan, nou ti ganny nouR8.7 milyon e 2017 nou pou ganny R12.3 milyon, sa i en diferans R3.6 milyon.

Sa R12.3 milyon i ganny kase dan 3, R4.1 milyon pour nou saler, R5.9 milyon pour ‘’goods and services, R2.3 milyon pour ‘’Capital Expenditure.

Nou annan nou 2 progranm. Nou premye progranm i kouver ‘’Governance Management ek Admin e sa nou Bidze i R7.6 milyon.

Sa i konpri nou payroll, nou ‘’goods and services ek ‘’Capital Expenditure parey mon’n fek dir.

Progranm 2, i nou annan 2 sub program, nou progranm 2 i business development of SMEs.

        Anba premye progranm i tonm ‘Business Advisory apre nou dezyenm progranm i vin ‘Marketing avek Promotion.

SENPA nou annan nou 33 manm Staff, 22 ki lo payroll, 2 ki tonm anba Finans.3 ki tonm anba Cleaners Corporatives, apre nou annan 6 staff pour nou magazen ki nou run pour bann artizan.  Tou nou travayer i Seselwa e pour sa ki nou fer nou fer bokou vizit e sa rezon ki nou annan nou 2 transpor ki nou fer bokou after care apre osi pour nou bann laplikasyon Cottage Industry.E an prenon kont osi nou annan Praslin ek La Digue, so zot pour vwar dan nou Bidze nou annan en pti pe larzan nou’n rode pour nou transportasyon e sa se akoz nou annan bokou vizit.

Apre nou bezwen pran bato, nou bezwen lwe bisiklet osi ler nou al La Digue.  Ground maintenance avek Port Glaud pour le moman i annan zis 2 landrwa kot nou pey rent.

Sa se Pension Fund Praslin kot nou pey R7mil pour rental apre akoz nou annan en Lofis laba. La Digue nou napa Lofis me nou fer vizit tou le semenn e nou al direkteman kot dimoun kot zot lakour pour nou al vwar zot.

E ler nou bezwen fer bann training avek bann meeting nou lwe landrwa oubyen nou ganny lasistans landrwa ki nou pa bezwen peye.

Apre nou dezyenm landrwa ki nou peye se Port Glaud ki sa se Gouvernman ki pe subsidized nou pe pey avek Pension Fund e nou peyR17 mil rental par mwan pour nou run biznes ek bann artizan.  Lot landrwa ki nou lwe se Erport nou lwen en magazen avek SCAA, me sa nou pey lo poursantaz, nou pa pey dan Bidze Gouvernman.  Sa i poursantaz ki nou fer ler nou fer nou sales.

E sa lot larzan an plis ki mon’n dir R3.6 ki nou’n gannyen sa lannen, sa i rezon akoz, yer mon ti tann Onorab Ramkalawan ti demande nou devret annan en ti pti pe plis training pour bann pti biznes, R300 mil ladan se pour nou kapab annan plis training pour donn pti biznes. Parey mon kontan dir tou dimoun i kapab vini anrezistre en pti biznes.

Biznes i fasil pour anrezistre, be reste dan biznes i pli difisil ki tou keksoz. So en keksoz ki nou sey fer SENPA, se ki nou sey donn training avek bann capacity building, bann keksoz ki zot kapab reste dan zot biznes e ki mannyer pour manage zot biznes.

E nou pa’n demann bokou larzan osi dan training parske parey lannen pase, sa lannen 2016 nou ganny lasistans avek ADB, avek bann Labank deor ek bann Lenstiti deor kot ki ofer nou sa bann training.  Zis pour Oktob ziska la Desanm nou ti fer en special training ki nou’n fer, ki nou’n sinyen MoU avek Liniversite Sesel e sa ti ganny peye R2 milyon par ADB kot nou’n donn 250 training bann dimoun ki anvi komans zot biznes’ ;ki pour donn zot bann skills pour startup e zot 2enm faz nou komans le 23 Zanvye e sa bann dimoun ki deza dan biznes ki pe ganny problenm ki mannyer pour manage zot accounts, ki mannyer pour zot progrese – e sirtou sa bann dimoun ki anvi al dan lesanz, pa zis vann zot prodwir lokalman me osi enternasyonalman, e sa en pti pe an gro ki SENPA i fer.

Son dezyenm bout larzan i ki R2.5 mon krwar zot tou zot konnen SENPA i annan sa bann pti kiosk Lesplanad epi Camion Hall ki tonm anba nou.

E sa R2.5 se sa larzan pour nou fer renovation, 712 mil ladan se pour sa bann kiosk  e sa la diferans R1.5 i pour sa Camion Hall ki en vye building ki demann re dekouver repenn, re aranze e sa rezon nou’n ganny sa lot bout larzan diferans.  Mersi Mr Chair.

 

MR DEPUTY SPEAKER

Mersi CEO Belmont, bon nou ava pran kestyon prezan, Onorab Churchill Gill.

 

HON CHURCHILL GILL

Mersi Deputy Chai  rmon kestyon i lo anba latab 3 P1 dan ‘Governance Management and Administration’’ i annan en R3.2 milyon an plis ki 2016.

Apre anba ‘’wages and salaries’’ i annan R1 milyon an plis ki 2016,mon ti a kontan ganny en leksplikasyon en pe plis detay kwa sa diferans silvouple.  Mersi.

 

MR DEPUTY SPEAKER

Mersi Onorab, yes CEO Belmont.

 

CEO MS PENNY BELMONT

Mersi Mr Chair.  Mersi Mr Gill, SENPA nou annan nou 33 staff parey mon’n dir e pour le moman mon sel CEO, mon napa en Deputy, mon napa okenn Manager, mon ti pe run SENPA avek mon bann foot soldiers.

Me dan nou, pour sa Bidze nou’n demande ki nou kapab ganny en Business Development Manager epi osi en Information and Communication.

Akoz mon krwar, mon believed  an donn lenformasyon i annan 3 keksoz ki SENPA i sey fer, nou donn lenformasyon, nou donnen, nou donn lenformasyon, nou anmase, nou edik dimoun epi nou entertain sa, that’s the 3 things that we do.   So rezon ki nou pe rod en lot Manager dan Lenformasyon ek Kominikasyon, mon pa kapab fer tou mon tousel so nou bezwen fer sa.         Apre nou annan en pti bout an plis akoz nou pa donn overtime me nou pe donn en allowance R1000 pour nou bann Zofisye.

Mon annan mwan zis 6 Zofisye ki fer 25 distrik, sak Zofisye i annan li 5 distrik, dan sak distrik nou annan apepre 90 – 100 small businesses anrezistre ek SENPA ek sa ki pa anrezistre ek SENPA.

Ler zot demann led pour vin vizite nou bezwen la, so  nou’n met en pti git an plis, nou’n donn en pti allowance ki pa bokou R1000 me i kouver en kantite risk kot lisyen i tay deryer ou, kot ou ganny morde e tou sa.  So nou bezwen fer sir nou donn dimoun bon keksoz pour nou kapab ganny bon retour.  Mersi.

 

MR DEPUTY SPEAKER

Mersi Ms Belmont. Onorab Aglae.

 

HON EGBERT AGLAE

Mersi Mr Depite, CEO Belmont ou’n nonm sa kiosk ki i annan Port Glaud, mon ti a kontan konnen ki plan ou Lazans ok pour promouvwar en pe sa bann aktivite ki sa bann kiosk pe fer etandonnen ki la mazorite mon krwar pa pe tro fonksyonnen.

E nou konn en pe listwar par deryer sa se ki letan lotel Mahe Beach ti la zot ti rantab me la pour le moman zot pa pe rantab.

E kominikasyon ki nou annan avek sa bann dimoun ki annan sa bann kiosk se pour zot vwar osi, si i annan posibilite koman en konsiderasyon ki zot kapab pran pour ouver en pe zot scope of business dan sa landrwa, pour fer ki zot kapab zer en pe plis ki zot kapab ganny ase reveni pour zot kapab, pour fer sa biznes marse. Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Onorab. Port Glaud i en landrwa kot ti annan en lotel devan, so at the beginning ler ti pran sa landrwa avek Pension Fund, landrwa pa pour SENPA i pour Pension Fund.

        So nou lwe avek Pension Fund se ti pour artizanal e dan zot Kontra zot ti spesifye ki i artizanal.  Me nou’n ekri Pension Fund e sa Kontra i ant Pension Fund ek Minister Finans, nou’n ekri pour nou sanz scope of business laba.

E parey sa lannen nou’n fer en trial, nou’n fer renovation laba en bon pe nou pti larzan nou’n al netwaye nou’n aranz landrwa.

Nou’n sey met parey legim, bann keksoz aktivite ki pour benefisye lantouraz antye.

Me selman ler zot gete, nou regarde i annan keksoz ki zot demann nou zot oule fer parey vann laboutik lenz, pour vann bann lapentir e tou sa e sa i pa dan manda SENPA.

So nou annan 2 swa, swa nou rann Pension Fund sa landrwa – i repran, i regard li dan son laliny biznes parey i devret fer.

Oubyen nou. Zot dakor pour nou sanz biznes, me nou bezwen get li anba konteks SENPA e pa anba konteks Licensing akoz sankwa nou pe sorti dan nou manda. Mersi.

 

MR DEPUTY SPEAKER

Mersi Ms Belmont. Yes Onorab Aglae.

 

HON EGBERT AGLAE

Mersi mon’n konpran CEO savedir ki si ou kapab at least fer en komitman ki 2017nou kapab zwenn ansanm avek sa bann dimoun, avek SENPA, avek Pension Fund, avek Minister Finans pour nou ganny en dialog pour vwar the best way forward pour sa landrwa silvouple.  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mon totalman dakor avek ou e mon siport ou, me i annan en pti keksoz ki mon ti a kontan dir.

Ler nou sannz laliny biznes parey nou’n seye sa lannen, mon ti a kontan si dimoun i pran son responsabilite zot pey zot rent.

Akoz ler zot pa peye osi,i donn nou en problenm pour nou pey Pension Fund, apre pey nou bann rent ki nou fer.   Mersi bokou.

 

MR DEPUTY SPEAKER

Mersi Ms Belmont. Onorab John Hoareau.

 

HON JOHN HOAREAU

Mersi Mr Deputy. Mr Deputy mon ti a kontan ganny en pe leklersisman lo subprogram 2‘’Marketing and Promotion.  Mon ti a kontan konn en pe kwa ki’n ganny plase anba ‘’other uses of goods and services,’’ i tonm R2.3 milyon an montan?  E mon dezyenm kestyon se ki, eski ou’n fer serten depans anba Bidze 2016 pour ‘’official gifts, e si ou pe prevni okenn Bidze pour ‘’official gifts pour 2017 ?  Mersi.

 

MR DEPUTY SPEAKER

Mersi Onorab. Yes Ms Belmont.

 

CEO MS PENNY BELMONT

Mersi Chair, mersi Onorab, dan ‘’goods and services dan program 2 nou larzan i en pti pe an plis.

Parey mon’n dir mon annan 6 travayer ki pa lo payroll e zot, zot tonm anba magazen, e sa 6 travayer, nou annan magazen Erport ek magazen Anvil, ki zot travay round the clock tan ki i annan avyon, tan ki i annan bato ki antre.

E sa zot lo en Kontra ki nou pey zot en service contract, so zot pa ganny peye dan Bidze e sa i annan en serten ceiling e osi zot osi zot ganny en allowance akoz zot travay aswar oubyen zot napa transport zot bezwen fer provizyon pour sa.

Apre pour bannn zafer gifts, 3 kar gifts ki nou donnen nou, se nou ankouraz local gift nou donn plis bann keksoz ki ganny fer Sesel e lokalman.  So trwakarditan nou kapab travay anba la me nou napa bokou dimoun ki vini nou bezwen donn kado eksepte bann parey  ADB, bann diferan Lazans ki nou al tap laport pour nou ganny led finansman pour bann training oubyen capacity building pour Staf  fan zeneral.  Mersi.

 

MR DEPUTY SPEAKER

Mersi Ms Belmont. Onorab Stephen Pillay.

 

HON STEPHEN PILLAY

Mersi Mr Chair.Mon kestyon i pour CEO kekfwa en lot bout pour PS Finans, sa 715 pou kiosk, konbyen kiosk mon pe met apepre 20 – ki zot degradasyon lo la i pour tonm apepre R35mil par kiosk -zot nivo degradasyon ki mannyer zot pour pase pour finans li kekfwa lot i a pour PS Payet.

Si sa bann louvraz pour ganny fer lo proper tender parey ki Minis ti dir enkli sa ki pour fer lo Camion Hall, pour annan en proper process of tender pour zire sa louvraz.  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Nou annan nou 20 kiosk e avan ki nou’n fer nou’n al demann Finans nou’n rod 6 kotasyon parey Lalwa i demande e osi Minister Finans ki travay avek MLUH  avek zot bann Arsitek zot in al evalye.

E prenon kont nou annan zis roofing pour tire pour nou refer, apre sa bann pti brik, me nou annan SENPA osi nou annan sa bann dimoun ki nou’n antre dan progranm avek. E sirtou la mon bezwen mansyonnen ki’n dakor zot ki pe penn parey BODCO ki pe fer tou penn pour sa bann kiosk.

So nou pa pe al depanse lo serten keksoz.  So sak kiosk i tonm atraver R35mil.  Wi nou fer prosedir avek Procurement ek Tender.

Tou keksoz in pare nou pe al met Advert lo Nasyon once ki nou Bidze i ganny aprouve pour nou kapab ganny dimoun ki pour vini ki pour dir nou sa ki nou kapab fer e la nou travay lo la.

Par egzanp osi pour Camion Hall nou annan zis nou wiring avek nou re-roofing sa osi nou’n fer li proper procurement, proper tender process ki nenport ki Kontrakter ki kalifye i kapab vini pour zot vin fer.  Mersi.

 

MR DEPUTY SPEAKER

Mersi Ms Belmont, ti annan en bout pour PS Payet, oubyen in pran ladan en ?In pran ladan ok mersi.  Onorab Mondon.

 

HON TERENCE MONDON

Mersi Mr Chair. Mon kestyon pour Ms Belmont, mon aprann poudir i annan serten endividi ki ganny posibilite pour lwe plis ki en laboutik, si i kapab konfirm ek nou Lasanble ki sa i pa le ka; e si sa i en fe akoz nou annan sityasyon koumsa e ki kriter ki pe ganny servi?Mersi.

 

MR DEPUTY SPEAKER

Mersi Ms Belmont.

 

CEO MS PENNY BELMONT

Onorab mwan depi ler mon’n ariv kot SENPA ziska la napa 2, okenn 2 tenants, okenn 2 laboutik pour menm tenant SENPA. Non i pa korek.

E osi ler nou ti pe dir sa 6 travayer petet mon bezwen zis donn zot. Se a sa 2 magazen nou pran prodwir pour tou dimoun ki napa en laboutik pour met son prodwir.

Nou annan nou 130 artizan ki met son prodwir dan nou magazen, sa 2 magazen e se sa nou annou nou 6 travayer ki vann zot prodwir sa bann dimoun ; parske pour le moman nou napa laboutik pour donn sak endividi enn.

 

MR DEPUTY SPEAKER

Mersi Ms Belmont. Onorab William.

HON WAVEN WILLIAM

Mersi Mr Deputy Chair, mon ti a kontan demann Ms Belmont si i kapab dir mwan ki fitir plan devlopman avek sa Sit Grand Anse Mahe ?

I annan en Sit Grand Anse Mahe kot i sipoze annan en devlopman me sa devlopman pa’n zanmen arive, ki fitir plan devlopman sa Sit?  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Chair, mersi Onorab, Grand Anse, Anse Boileau, Union Vale, Providence tousala ti tonm anba SENPA avan.

Me ler sa Lotorite Industrial Property in vini tou sa in sorti in al avek zot; menm sa bann plan ki nou ti’n fini fer ki’n submit avek Finans parey zot vwar Anse Boileau pe monte i nepli anba SENPA prezan, i tonm anba Industrial Authority. Mersi.

 

MR DEPUTY SPEAKER

Mersi Ms Belmont. Onorab Woodcock.

 

HON WAVEL WOODCOCK

Mersi Mr Chair mon kestyon i pour Ms Belmont ti annan propozisyon dan lepase pour fer en proze kiosk Grand Anse Praslin – mon krwar ti pour tonm, ti pour kout, mwan mon’n aprann Erport ti pour annan.

Mon kestyon se ki si sa proze, akoz mon pe get la dan zot bann capital project mon vwar zis 3 gran proze ki zot pe anvizaze antreprann.

Eski zot annan lentansyon fer sa bann pti proze kiosk ki pour benefisye bann artizan avek bann pti biznes Praslin ?  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Onorab i en bon kestyon e mon kontan ou’n fer monte, nou’n ganny later avek SCAA, mon krwar zot pour realize nou tap laport bokou.

SCAA in donn nou later  Erport Praslin e spesifikman kot Erport Praslin nou annan 20 kiosk ki’n fini ganny design, fini aprouve and everything, me pour le moman nou napa Finans parske ler nou’n prezant nou proze avek Finans nou ti annan nou 4 proze pour sa lannen e nou pa kapab fer tou ansanm la. So nou bezwen kit pour lannen apre.

Parske i annan, mon dakor Praslin zot anvi epi menm Cap Samy nou ti annan en proze, me pour le moman nou pa kapab fer touat the same time.

 

MR DEPUTY SPEAKER

Mersi Ms Belmont.  Onorab Woodcock fini?

 

HON WAVEL WOODOCK

Zis en pti siplemanter pour PS Finans kekfwa ou kapab get dan nou welfare Grand Anse Praslin.  Mersi bokou.

 

MR DEPUTY SPEAKER

Mersi.  Onorab Sophola.

 

HON NOLINE SOPHOLA

Mersi Deputy Chair, eski Minis i kapab dir sa Lasanble ki Bidze 2017 pe fer pour Digwa kot SENPA i konsernen e osi ki zot pe anvizaze pe fer avek sa bann kiosk ki La Passe?  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Mr Chair.  Mersi Onorab La Digue nou annan en proze nou pe travay avek L’union pour nou kapab refer sa landrwa pour nou kapab donn bann artizan.

Pour le moman nou annan bann kiosk ki tonm anba Ports Authority ki anba ki zot pe servi ki zot pe vann, me anba kot L’union nou pe travay ansanm akoz nou napa en later lo La Digue per se pour nou kapab met sa bann kyosk e travay ek dimoun La Digue parey nou ti ava kontan.  Mersi.

 

MR DEPUTY SPEAKER

Mersi. Onorab Ferrari.

 

HON JEAN-FRANCOIS FERRARI

Mersi Mr Speaker tre vit, premyerman mon ti a kontan atir latansyon Ms Belmont lo lefe ki son bann kont i an retar depi 2009 i annan bann sinyatir.

Konmsi avek mon ti a kontan  -pa pran mwan an mal me selman mon’n dir sa avek tou lezot Lorganizasyon ki’n vini, ki apartir lannen prosenn en Lorganizasyon ki vin avek, ki son bann kont pa annord i al lanmen vid.

Konmsi i pa en menas ti zis en nouvo prosedir ki mon’n promet PS Payet, mon pour dir avek tou bann dimoun ki pa fer.

Zot vini zot kont pa annord, Accountant i la, zot pa annord zot retourn kot zot, zot pannyen vid.  So sa mon premye pwen.

Mon dezyenm pwen se pour bann dan Camion Hall nou’n apresye poudir zot pe ed bann small enterprises, i annan bann biznes ki’n antre dan Camion Hall koman bann pti biznes apre zot in devlope zot in vin bann biznes ase enportan.

E sa nou rekonnet ki led SENPA in donnen.  Me ler zot in vin en biznes en pe pli gran eski zot reste la ouswa zot eklersi landrwa en pe pour bann  ptipti emerging businesses ?

Mon pa pe dir ou al pous personn, me zis selman mon oule konn Polisi dan sa Departman pour fer sir pour bann ki pe grandi i osi ganny en posibilite.

E avek sa mon dezyenm kestyon se i lye ansanm se ki i annan en kantite demann, en kantite demann pour bann pti biznes devlope e pour Lavil Victoria eski i annan en plan me sirtou mon ti a kontan demann ou sirtou bann kliyan SENPA napa en posibilite pour fer zot, mon pa pe dir ou fors zot me convince zot pour ler i annan en bato touris ouver, ofer en keksoz dan nou Lavil.

Konmsi la ankor la mon pa pe dir ou al bat zot mon pe dir konmsi napa en kondisyon ki kapab atase avek, ki nou rekonnet sa lenportans sa bann aktivite pandan, pour sa bann kalite touris ki vini ?  Mersi.

 

MR DEPUTY SPEAKER

Mersi Onorab Ferrari, Ms Belmont.

 

 

CEO MS PENNY BELMONT

Mersi Chair, mersi Onorab, ou premye kestyon, SENPA nou sipoze fer incubate people, ler ou komans en biznes ou sipoze ganny incubate pour en serten letan.

Me parey ou konnen tanporer Sesel i vin permanan, ler ou donn en dimoun en landrwa ki i sipoze pour en serten landrwa pour li grandi, devlope apre i sorti.  Me ler in ler pour zot sorti sa problenm. E  mwan mon’n evite sa bann zafer.  So la ki nou pe fer ler nou revwar zot Kontra depi lannen nou pe fer sa, nou regarde, apre nou zot turnover pour nou vwar poudir be la ou’n sorti dan SMEs, ou’n sorti dan ptipti, mwayen ou bezwen bouze pour les en lot dimoun ki pa ankor anvole pour li vin anvol en pti gin. So sa nou premye

Ou dezyenm ou dir pour al lanmen vid ; ler mon ti vin SENPA premye keksoz, premye laport, ki mon ti tape sete kot Oditer Zeneral pour mwan dir li get kont SENPA.

Akoz avan mon ti vini wi pa ti ankor ganny odite me as ozordi SENPA i annord ziska Desanm 2015.

Nou napa en kont ki pa ankor ganny odite e pour li dir nou poudir nou annan defo kont Lalwa nou pa’n fer sa e tou sa.

E sa bann ki pa’n ganny sinyen parey ou’n vwar dan rapor Odit ki’n dir pa’n ganny sinyen sa sete avan mon vin SENPA – CEO.

E petet sa bann ki pa ti ankor siny zot papye me selman in ganny odite parey dan liv ou’n vwar depi 2009 ziska 2015 nou azour avek nou kont,  Mersi.

E mon krwar ou trwazyenm kot konsernan ouver landrwa ; mon kapab set fors tou dimoun fer keksoz me at the end of the day zot pa oule zot pa oule vini, nou zot lenformasyon kan bato i vini, keler and everything nou pas pti papye nou met anba zot laport me at the end of the day i dir zot nou lwe landrwa ek zot, i zot biznes zot bezwen – zot ki konnen.

Me selman nou seye. Nou pe travay en pti gin plis avek Ports Authority pour nou kapab konnen kan bann bato i vini e nou sey fer bann pti promosyon.

E pour sa lannen ki pe vini 2017 ankor dan promosyon avek marketing ki Mr Hoareau in demande, nou’n demann en pe an plis pour nou bat en pti git gitar en pti git an plis la anba letan bann bato krwazyer ,i pase pour zot kapab vwar i annan en pti lanbyans.

E en lot dimoun ki nou bezwen travay avek sa lannen se bann Lazans, parske letan zot pase dan bis ek zot bann touris, zis zot vini zot pase, zot pa arete e la bann kliyan i dir ou zot ouver pour nanryen, zot vini depi bomaten ziska tanto zot pa vann ni en kote kokodmer. Mersi.

 

MR DEPUTY SPEAKER

Mersi Ms Belmont Onorab Valmont.

 

HON JUDE VALMONT

Mersi Mr Chair mon a demann CEO, mon a profite mon a demann CEO. Bonzour CEO, ler ou pe nonm ‘promosyon ek marketing petet mon ti a kontan dir ou konsider en pe Erport ou promosyon, mon krwar sa ti a bon osi fer bann dimoun dan bann lezot distrik vini desann, Erport i en bon loportinite pour fer sa.  Mersi.

 

MR DEPUTY SPEAKER

Mersi Onorab.  Ms Belmont.

 

CEO MS PENNY BELMONT

MersiOnorab, Erport i annan son Regilasyon ki tonm anba SCAAi annan serten keksoz ki nou kapab fer, i annan serten keksoz ki nou pa kapab fer.

E se sa rezon ki mon annan en laboutik anndan dan Erport kot mon vann prodwir pour bann artizan, me deor nou bezwen travay en pti git plis avek Tourism pour nou kapab rod fason pour nou kapab promot nou bann dimoun an deor. Mersi.

 

MR DEPUTY SPEAKER

Mersi Ms Belmont. Onorab Ernesta.

 

HON PAUL ERNESTA

Mersi Deputy Chair, bonzour CEO mon premye kestyon se ki nou’n vwar lo paz 449 nou’n koz en pe lo bann reset ki zot in anmase, petet presizeman lo bann lavant bann stall si oule rental bann stalls manze e bann snack konbyen zot anmase an mwayen? E konbyen zot sarze?

E dezyenmman lo sa proze SODOP mon konnen en serten letan nou ti annan diskisyon avek zot SODOP Takamaka petet ou kapab eklersi nou ki zistans i et ek sa proze please? Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Onorab, sa proze SODOP se pour leksplikasyon nou ti pe sey devlop par distrik en proze, en prodwir par distrik.

Ler ou al La Reunion par egzanp ou annan bann sak Lavil i ganny demarke parey enn pour Lavanniy, enn pour Vakwa, enn pour fer lot.

So Sesel nou ti pe sey travay lo en proze kot nou pour kapab demark bann diferan distrik parey Takamaka i for lo vakwa, zot fer bann sak vakwa, bann sapo osi.

E sa proze SENPA i involve ladan, me selman i tonm anba Minister. So mon pa konnen Minis Committee Development ki ti pe travay lo la, me selman nou, nou zis part of it ki nou pe ede pour sa proze marse.

Ou dezyenm kestyon se ler nou fer Lafwar ; sa bann Fairs ki zot vwar i fer dan Lavil tou sa i pa tro tonm anba SENPA, nou fer plis sa ki pa ti tonm anba nou sete Bazar Victoria.

E sa in bezwen pran avek lezot dimoun zis pour nou kapab ankouraz dimoun fer pti biznes, me trwa kar sa ki vin vann anba la i tonm anba Licensing Authority.

Pour vann parey ou’n demann mwan manze, manze i kout R500, ant R300 a R500 e sa larzan ki nou anmase i menm pa ase pour nou kouver sa depans ki nou bezwen fer pour sa landrwa.

Parske nou bezwen netway lavey avan aktivite e landmen apre aktivite nou bezwen pey Sekirite, nou bezwen pey Entertainment ki dan trwakarditan dan nou ‘marketing ek promotion nou bezwen tir dan nou Bidze pour nou pey sa bann depans. Mersi.

 

MR DEPUTY SPEAKER

Mersi Ms Belmont. Onorab Vidot.

 

 

HON AUDREY VIDOT

Mersi Mr Chair, CEO bonzour, mwan mon kestyon i en pti pe referans mon pa konnen si lo sa letid ki zot ti pe fer si i pour anliny avek sanmenm.

Mon rapel ti pe diskit avek Lotorite Distrik en serten letan an referans avek zot Bidze ki zot ganny petet pour ‘marketing ek promotion pour nou market en pti pe dan nou bann artizan oubyen menm bann pti biznes dan bann distrik.

Dan sans petet annan en directory,petet sa i ava fasilit en pti pe sa bann pour touris e menm piblik osi, ki si i konnen ki bor tel pti biznes i annan tel servis, oubyen i fer tel craft ki pour benefisye sa distrik.

Mon pa konnen si sa i ankor on ki zistans i ete, akoz it was a very good initiative ; petet si pa ankor finalize si sa Bidze ladan i annan pour finaliz sa – petet en pti leklersisman.  Mersi.

 

MR DEPUTY SPEAKER

Mersi Onorab Ms Belmont.

 

CEO MS PENNY BELMONT

Mersi Mr Chair, mersi Onorab lannen pase nou ti fer sorti nou premye map kot nou ti plas tou bann artizan e tou bann dimoun ki ti fer ban prodwir lokal e pour sa osi nou ti fer en Road Show kot nou’n al Praslin, La Digue e tou distrik kot nou montre sa ki nou pe fer ki SENPA i fer.

E mon kontan ou’n nonm sa akoz plizyer fwa annan de ler nou dir nou fer prodwir lokal oubyen nou dir nou fer tel keksoz.

Me ler in ler pour nou avans devan pour nou dir be ok mon pe al met lo pozisyon swa nou pa oule, swa nou annan leskiz oubyen mon pa ti a kontan met nou biznes – tousala.

Me an prenon kont nou’n fer nou premye sorti lannen pase mon a fer ou ganny en kopi e pour sa lannen nou pe re travay lo nou dezyenm e nou a fer li sorti byento.

E osi dan nou ‘marketing ek promotion nou pe fer osi bann promosyon pour nou pas lo televizyon kot dimoun i kapab vwar prodwir lokal kote ki ou kapab gannyen e ki kalite biznes osi SENPA i involve ladan. Mersi.

 

MR DEPUTY SPEAKER

Mersi Ms Belmont. Onorab Esparon.

 

HON REGINA ESPARON

Mersi Mr Deputy. Mon ti a kontan demann Miss Belmont anvi ki la nou’n tann anonse poudir Bazar Labrin pe aret fer oubyen mon pa konnen pour fermen pour re ouver mon pa konnen.

Eski mon konnen ou Minister i travay an konzwent avek distrik e osi avek Minister Touris pour fer Bazar Labrin, eski i annan en relocation zot pe mazinen met sa bann dimoun, tou bann pti artizan ki ti la ?

E dezyenmman i annan sa batiman dan larantre pour al Lopital North East Point Glacis, ki tonm dan distrik Glacis, ti annan plan pour fer bann workshop bann pti artizan, eski sa i ankor lo plan ?  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Bazar Labrin Beau Vallon pa tonm anba SENPA, ti tonm direk anba Distrik, so la mon parey la ou’n dir mon ou’n tann antann poudir pe fermen so mon pa konnen akoz i pa anba nou, be selman nou kapab rod fason pour nou regarde petet ki mannyer nou kapab ed bann artisan ki ti pe vann laba. Sa premye.

Dezyenm sa batiman ki ou’n koz lo la, mon krwar ler zot ti fer zot Leritaz ti koz lo la semenn pase i tonm anba Leritaz, me selman SENPA i annan en bout ladan kot nou ti pe ankouraz pour nou fer bann pti workshop e kot en dimoun deryer i kapab fer son sarpantye devan i vann son bann zafer oubyen enn ki fer artizanal.

Wi dan sa Tender ki ti ganny fer sa dimoun ki’n ganny son Kontra i annan en bout ki donn li lobligasyon pour fer sa bann pti magazen ek sa bann pti bout, pour bann dimoun ki tonm anba SENPA, wi me selman i pa pour SENPA sa landrwa i tonm anba Leritaz.

 

MR DEPUTY SPEAKER

Mersi Ms Belmont. Onorab Georges.

 

HON BERNARD GEORGES

Mersi Mr Speaker, Mr Deputy Speaker, Mr Chair mon ti pe al demann, mon pa pour demann Ms Belmont ki pour dir ki prodwir ki zot ti pour asosye mon distrik Les Mamelles avek dan sa progranm SODOP.

Mon kestyon, se Pirates Arms ti annan en bon pe Laboutik artizanal dan Pirates Arms e la prezan ki sa building in fermen eski okenn provizyon in ganny fer pour house sa bann dimoun ki ti annan Laboutik la tanporerman?

Eski okenn provizyon in ganny fer dan future Pirates Arms pour zot re ganny en landrwa pour zot kontinyen ?  Mersi.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mersi Chair, mersi Onorab, SENPA i annan en open door policy nou ed tou dimoun ouswa sa ki anvi vin tap laport.

Ler Pirates Arms pe al fermen ti annan detrwa sa bann dimoun ki ti vini ki ti vin demann nou landrwa e la zot in either al dan partnership avek en lot dimoun ki deza kot SENPA ki zot in, zot pe travay ansanm vi ki nou napa ankor laboutik.

Me leres ki pa’n vini nou pa pour konnen, e i annan osi sel keksoz ki nou’n kapab fer pour sa bann ki ti la se ki nou’n pran zot prodwir nou pe vann dan nou 2 magazen pour zot antretan ki zot pe ganny zot peye tou le mwan, ziska laba i pare oubyen zot ganny en lot landrwa.  Mersi.

 

MR DEPUTY SPEAKER

Mon krwar i annan en pti bout dan le fitir nouvo Pirates Arms eski SENPA pe antre ladan ?

 

CEO MS PENNY BELMONT

Petet mon kapab tap laport sa bann dimoun ki pe al refer Pirates Arms pour mwan kapab gannyen pour mon ganny detrwa landrwa pour bann artisan. Mersi bokou mon ava konsidere.

 

MR DEPUTY SPEAKER

Mersi Ms Belmont. Onorab Ramkalawan.

 

HON WAVEL RAMKALAWAN

Mersi bokou Mr Chairman, Mr Chairman vi ki SENPA pe ganny en logmantasyon pres R4 milyon borde lo R5 milyon.

Mon ti ava kontan si Ms Belmont ti ava donn nou en pe bann pwennvi pour regarde ki mannyer sa larzan pour ede.

Konplent;training i ganny attended par staff SENPA olye artizan.

Zot pa pe promot Craft Industry ;

Ki zot fer avek sa 25 poursan lo, ki zot mete lo bann artisan?

Bann Laboutik ki fermen e ki ganny servi koman store anba Camion Hall;

End of month Fairs ki nepli ganny fer pour bann artisan;

Bann prodwir ki pe sorti overseas ki pe ganny kopye e ki pe anvair market olye ankouraz bann local craft;

Bann Laboutik ki pa pe ganny lwe avek pti biznes par egzanp Kreolor ki pa en pti biznes mon krwar be i en gro biznes.

Apre eski si ou ti kapab dir sa kiosk La Digue ki ou pe dir lo Por, eski i vreman pour Por oubyen i lo propriyete Parti Lepep e konbyen zot pe lwe ?Mersi bokou.

 

MR DEPUTY SPEAKER

Mersi Onorab. Ms Belmont.

 

CEO MS PENNY BELMONT

Mon a pran sa enn La Digue premye akoz leres i annan detrwa larepons pour mon donn ou.

Mersi Chair, mersi Onorab, La Digue sa ki nou konnen e i pour Ports Authority e peyman i ganny direk avek Ports Authority, SENPA pa get involve ni dan peyman ni dan nanryen, mon pa pour konnen akoz nou pa peye, pa pey ek nou, larzan pa vin kot SENPA, i pa al dan Revenue Government i al kot Port Authority.

        So zot Kontra i avek Port Authority sel keksoz ki nou SENPA nou fer se nou fer nou vizit parey nou labitid, nou fer sir ki zot anrezistre, nou get dan parey mon dir, nou ed tou dimoun nou ed zot, me selman rent ek tou keksoz La Digue napa nanryen pour fer ek SENPA zot pa pey ek nou  ok ?Premye.

Nou dezyenm ou’n koz lo zafer magazen ; nou annan nou 3, 3 Lofis ki ti laboutik, 2 ladan, 1 i anba peron, wi nou pe servi li koman en store akoz nou ti annan kot Union Vale parey mon ti dir avan ti tonm anba SENPA, in al tonm anba Industrial Authority.

Prezan ler zot in take over nou ti annan en landrwa laba ki nou ti plas nou bann keksoz dan store ki’n rann nou e la nou bezwen servi anba peron pour nou met nou bann keksoz parske nou osi nou bezwen aktivite latab, sez e tou sa, e sa in enn nou’n tenir li koman en store.

2 anler nou pa pe donn personn pour le moman akoz SENPA parey Minis in dir e Minis Finans ti anonse, nou pe revwar Manda SENPA.

E anler dan Biro SENPA i en pti landrwa, sa 2 landrwa nou pe tenir nou pa pe donnen parske nou annan nou 2 Managers parey mon fek pe dir taler ki pe vini nou pour bezwen landrwa pour met zot.

Apre konplent poudir travayer SENPA i al training. Wi mon ensiste ki tou training ki ganny fer pour artizan pour nenport ki training tel Admin program tou Staff SENPA i bezwen ale li osi parey sa bann Course ki nou pe fer ek ADB, Management Skills, oubyen How to manage a business, How to run a business.

Akoz pour mwan i enportan knowledge, ler en dimoun i vin kot ou i vin demann ou kestyon ou koman en Zofisye, menm si ou en Drayver, menm si ou en Resepsyonnis ou bezwen azour koz menm langaz ek sa dimoun ki’n vin la.

Pa akoz mon anvi pous ou dan SENPA pour ou al komans ou biznes me pour ou ganny sa ledikasyon sa knowledge kwa ki nou pe train, ki nou aprann.

E osi en lot rezon ki mon fer staff SENPA attend tou training parey sa Lakor ki nou’n sinyen avek Liniversite Sesel, ler i annan 30 dimoun dan laklas ou annan 2 Lecturer, sepa 3 Lecturer i enportan ki i annan en Staff SENPA la a tou moman pour fer sir tou konsern, tou keksoz i al byen nou napa okenn konplent, nou napa okenn problenm.

E ler ou pe fer sa bann training ou aprann en kantite keksoz, nou aprann nou kantite defo ki nou annan lo SENPA, nou aprann kot nou pe fer byen, kwa kot nou pe fer mal.  E i enportan ki i annan en Staff la ki i note i retournen avek rapor e la nou aprann pour nou koriz nou akoz nou pa parfe san, san zanmen nou pour avanse

 

MR DEPUTY SPEAKER

Ok

 

CEO MS PENNY BELMONT

Ou kapab repet ou lot kestyon?

 

HON WAVEL RAMKALAWAN

Ki zot fer avek sa 25 poursan lentere ki zot mete lo artizan?  Zot pa pe promot the local Craft Industry me ki zot pe plito ankouraz bann prodwir ki’n fini sorti deor- bann copycat ki sorti deor ki pe flood nou market e ki apre sa pwen ki, eski tou bann biznes i tonm anba SENPA pa zot pey tax ?

 

MR DEPUTY SPEAKER

Ms Belmont.

 

CEO MS PENNY BELMONT

Mersi Chair, mersi Onorab, 25 poursan i ganny mete lo zot prodwir ok, mon a donn en tipik legzanp ou anmenn en torti ou dir mwan ou torti i kout R200 – mon met 25 poursan lo la, ler mon pey ou lafen di-mwan mon pey ou, ou R200 antye parey i ete, sa 25 poursan nou pey overheads, nou pey SCAA 18 poursan direk lo sa sales.

Nou pe dir nou dekouraz sak plastik, so nou bezwen aste sak papye pour nou kapab wrap ladan pour nou donn dimoun e menm trwakarditan napa gran profi lo sa, par mwan.

E sa profi ki reste ki nou gannyen, zot a vwar lo televizyon ti pase lannen pasan, sa lannen menm nou fer renovation of sa 2 laboutik.

Pour le moman larzan ki’n nou’n annan, profi ki nou’n annan sa lannen nou’n nobou fer zis Erport ki’n ariv nou en depans R300 mil, me anba Camion Hall nou pa ankor kapab fer parske nou pa ankor ganny larzan pour sa lannen.

Apre ou’n demann lo zafer tax zafer pti biznes ki pey tax, si ou anrezistre anba SENPA wi, ou, avan ou anrezistre anba SENPA ou al kot Registrar kot ou anrezistre your name of your business, epi la ou vin kot SENPA nou fer ou prosedir, pour ou ganny sertifika poudir la ou anrezistre e ki kalite, ou  biznes ou annan e ou fer. Anba SENPA ou pa travay zis anba SENPA ou, nou travay anba diferan policy, mon krwar i annan detrwa Onorab la in call mwan diferan fwa pour diferan eleman.

Nou travay anba Policy Lasante, Lanvironnman, Lapolis epi Fire Department kot la nou bezwen get bann diferan eleman avan ki nou donn sertifika.

E pour pey tax i depan ki kalite biznes ki ou pe run, e ki ou turnover, ki ou profi e sa sak dimoun i bezwen al direk ek SRC.

Ler nou donn ou sertifika pour dir ou anrezistre avek SENPA, nou osi donn ou en let ki dir ou raport kot SRC pour al vwar.

Wi Gouvernman pe travay lo la pour dir sa ki tonm anba SENPA pa pour pey tax or what not, me sa Minister i pour tonm direkteman anba Minister Finans ziska ler en papye ou policy i ganny sorti pou dir zot pa peye.

Sa zafer prodwir etranze mon krwar mon’n kriye ziska ler mon lagorz i fermal nou’n siny WTO mon krwar in dir –free trade e mwan ki mon sey fer mon dir 30% off parske zot dir ou napa raw material Sesel, napa prodwir zot bezwen fer vini, so ki nou fer nou ankouraz 30poursan sepa ou latwal, sepa ou lapay ki sorti deor i vini e nou, nou met sa 70poursan.

E se pour sa rezon ki dan ‘marketing ek promotion ankor zot in vwar nou’n demann en pti pe larzan an plis se nou pe sey ankouraz nou bann dimoun pour fer prodwir lokal arete fer sa duplication ale kopi e retournen.

E sa pour sa rezon ki nou al devan zot laport nou al get zot prodwir, zot lanbalaz ki mannyer zot fer, ki mannyer zot pe kole, ki mannyer zot met ansanm pour nou kapab ankouraz sa lespri lantreprenarya e lokal ansanm pour dir nou fer isi 100 poursan Sesel.

 

MR DEPUTY SPEAKER

Yes Onorab.

 

HON WAVEL RAMKALAWAN

Me selman dan zot prop Laboutik SENPA zot pe vann sa bann prodwir ki sorti deor.

 

MR DEPUTY SPEAKER

Ms Belmont.

 

CEO MS PENNY BELMONT

Sa laboutik ki ou pe koz la laboutik SENPA, i pa laboutik SENPA i en laboutik en tenant parey tou dimoun ki ler mon’n vini mon zwenn la, i ti annan son Kontra i pe vann son bann prodwir.  I ti orizinalman avan mon aprann ti pran raw material, me parey lezot tenants i pey son rent tou le mwan.

I annan serten zistans ki mon kapab dir li ki pour mete dan son Laboutik me mwan pa kapab dir li ki pa pour mete me leres an zeneral Camion Hall i sipoze 100 poursan prodwir lokal.

Me i annan i vini i dir ek ou, si mon vann zis prodwir lokal, mon vann zis sa 2 pti kafoul ki mon fer dan lakour mon pa pour kapab pey ou rent.

E lanmenm ler ou bezwen les zot anmenn latwal, anmenn lezot keksoz. Mon ti a voudre kapab fer tou, fer tou dimoun tir tou ki pe konmanse me malerezman mon…

La ankor mon dir 30poursan, 70 poursan, leres mon pa kapab.

 

MR DEPUTY SPEAKER

Mersi Ms Belmont.Bon nou’n ariv a lafen kestyon lo SENPA in ariv moman pour nou pran en vot, nou pran en vot lo Bidze SENPA ki trouve lo paz 449 ziska paz 452 e nou pe vot lo en sonm R12.314 milyon. 

All in favor ?

Anyone against ?

Non. Madanm Clerk ou anons rezilta.

 

MADAM CLERK

Mersi Mr Chair mon’n rikord 22 Manm ki’n vot an faver e personn pa’n vot kont.  Mersi.

 

MR DEPUTY SPEAKER

Mersi Madanm Clerk avek sa i vedir ki Bidze SENPA in ganny aprouve par Lasanble Nasyonal .Nou ava remersi Ms Belmont avek Ms Hoareau ; e osi nou’n fini avek Minis, nou ava remersi Minis osi ki’n vin parmi nou depi bomaten e PS Payet nou remersi ou pour sa half day e ou pou bezwen retournen apre midi.

 

MINISTER COSGROW AND HIS DELEGATION WAS EXCUSED FROM THE HOUSE

 

MR DEPUTY SPEAKER

Nou annan Minis Bastienne apre  midi ok ?Bon avek sa nou ava adjourn ziska 2er ?  Yes Onorab Ferrari ?

 

HON JEAN-FRANCOIS FERRARI

Mr Deputy mon ti anvi zis sinyal ou ki bann staff SBC ti dir mon poudir zot bezwen al kot Stasyon apre retournen i posib ki zot ganny retar dan trafik so zis pour dir avek bann dimoun ki a lekout si nou, nou komans boner e i pa ankor komans 1er pa bezwen trakase i zis en delay.

 

MR DEPUTY SPEAKER

Ok be sa rezon ki nou ava pran 2er i a donn zot en pti pe letan pour zot kapab al kot zot Stasyon.  Bon avek sa nou ava adjourn ziska 2er.

 

(BREAK )

 

MINISTRY OF HABITAT, INFRASTRUCTURE & LAND TRANSPORT

 

 

MR DEPUTY SPEAKER

Bonn apre midi tou Manm Onorab, bon apre midi Minis Bastienne avek ou lekip e mon ti a kontan osi dir en bonn apre midi tou bann dimoun ki pe swiv deba ki pe swiv nou swa lo televizyon oubyen lo radyo.

E apre midi avek nou, nou annan Minis Bastienne ki Minis pour Labita, Lenfrastriktir avek Land Transport e i ganny akonpannyen par son PS, PS pour lenfrastriktir Mr Yves Choppy, son PS pour Labita Mrs Jeniffer Jasmin e nou annan Mrs Rose Mary Richard Senior Accountant ;

Nou pou pran Minister Labita, Lenfrastriktir avan, apre nou ava pran pour Land Transport so pour Labita lo paz 331 ziska 341.

Ok parey labitid nou ava demann Minis pour fer en pti lentrodiksyon e si ou oule ou PS osi antre en pti kou pour donn nou bann detay, parey sa gid ki nou’n anvoy kot zot and then nou ava open the floor pour bann Manm demann kestyon.

Alor Minis Bastienne.

 

 

MINISTER CHARLES BASTIENNE

Bonn apre midi Mr Chair, Leader Lopozisyon, tou bann Manm Onorab e tou sa ki a lekout bonn apre midi ; dan Minister Labita Lenfrastriktir e Later lo Later i annan 3 Departman, Departman Labita, Departman Lenfrastriktir, e Departman Transpor lo Later, evidaman.

An gro manda mon Minister i comme  swivan Departman Labita i prensipalman fasilit devlopman Sosyal e Ekonomik dan pei atraver zis son soutenab e bon litilizasyon later Leta.

Sa Departman i osi asir e fasilit devlopman lakaz batiman e lezot fasilite sosyal.

I manda Departman Labita pour fasilit loportinite pour Seselwa ganny en lozman ki abordab e asire ki tou fanmir i evantyelman vin propriyeter zot prop lakaz.

Departman Lenfrastriktir li lo son kote son Misyon se pour antreprann letid konstriksyon lenfrastriktir, zer bann proze ki anliny avek Polisi Gouvernman e zer bann proze konstriksyon lakaz e lezot proze Nasyonal; par egzanp konstriksyon Por, Erport, konstriksyon Lekol, Lopital eksetera.  Kant a Departman Transpor lo Later li son manda se pour asir bon zesyon semen piblik e garanti en nivo Transpor lo Later ki sifizan anliny avek sosyo devlopman ekonomik pei tout an prenon kont nesesite pour gard nou Lanvironnman an bonn sante.

Departman Labita ek Lenfrastriktir i anploy 159 travayer e i pe propoz en Bidze R304.83 milyon pour lannen 2017.

Mr Chair Lotorite Planning i osi tonm anba responsabilite mon Minister, sa Lotorite i prensipalman pran bann desizyon e donn laprouvasyon pour konstriksyon batiman ek lezot lenfrastriktir pour asir ki zot anliny avek Lalwa konstriksyon dan pei.

Lotorite Planning i anploy li 49 travayer e Bidze ki i pe demande i R14 milyon.

Departman Transpor lo Later son manda se pour drafte bann Polisi, sa Departman i anploy zot 11 travayer in demann en sonm R6.27 milyon.

Lalwa i osi fer provizyon pour nou annan en Komisyon Transpor lo Later, sa Komisyon li i asir lenplimantasyon Polisi ek Regilasyon ki lye avek transport terrestre, 5 dimoun pe travay avek sa Komisyon e i pe demann en Bidze R5.99 milyon.  Apre i annan SLTA Lazans Transpor lo Later ki enplimant bann proze ki relevan avek Transpor lo Later parey proze konstriksyon semen, re sirfas semen, konstriksyon pon, eksetera.

SLTA pe demann en Bidze R186.8 pour 2017 – li i anploy 120 travayer. An tou Minister Labita, Lenfrastriktir ek Transpor lo Later, enkli Lazans Transpor lo Later combined ansanm anba mon Minister pe demann en Bidze R517 milyon pour lannen 2017.

Mr Chair si ou permet mwan prezan pour pas en pti pe lo Bidze 2017 en pti pe pli an detay, mon pou pran Labita ek Lenfrastriktir combined ansanm lefe ki son Bidze i sel Bidze.

Sa set akoz orizinalman parey nou konnen ti annan sa MLUH e se sa ki ti reprezant sa MLUH oparavan.

Parey mon’n dir Bidze total i R304.8 milyon, Konpansasyon pour travayer i R30.6 milyon e i annan 159 travayer parey mon’n dir ladan i annan 5 etranze.

Zot pour vwar dan Bidze i annan en provizyon R360 mil ki’n fer pour ‘’wages and salaries in kind –sa i annan pour fer avek housing ki pe peye pour sa 5 etranze.  Lot konponan Bidze se ‘’goods and services li nou pe propoz en sonm R23.39milyon. An gro Mr Chair ‘’goods and services’’ i ganny kase an plizyer konponan.

Mon a pran enn de bann Heads en pti pe pli enportan.  Nou annan ‘office expenses anba ‘office expenses li i annan en vot en proposed budget R6.7 milyon.

E ladan i annan bann konponan mazer. Nou annan elektrisite ki R3.05 milyon; nou annan telefonn ki R824mil, apre nou annan printing stationary publication li ki R1.31 milyon.

Lot konponan se ‘transportation ek travel cost’ li konponan mazer i dan sa R2.57 milyon ki pe ganny propoze, R1.09 milyon i annan pour fer avek fuel pour transpor evidaman.

Apre nou annan bann ‘overseas air fares’ ki R313 mil apre nou annan bann, anvi ki nou bann Staff i fer bann vizit regilye lo Praslin, lo La Digue i annan en sonm R207 mil pour sa purpose.

Trwazyenm subhead ki nou annan anba ‘’goods and services Mr Chair i annan maintenance and repairs e li nou pe propoz en Bidze R2.4 milyon e ladan nou annan anba ‘’maintenance ekrepairs evidaman nou zer building Independence House, Independence Annex ansanm avek vye Independence Houseparey nou konnen li i annan en Bidze R656.5mil ki’n propoze apre pour fer bann repairs lo bann vehicles i R668 mil ki’n ganny propoze.

Apre anba ‘’other uses of goods and services Mr Chair koponan mazer ki nou annan ladan pour saproposed budget of R6.59 milyon. En koponan mazer se R2 milyon ki i annan pour fer outsource, outsource Minister anvi ki limitasyon dan la kantite surveyors ki i annan pour fer nou travay, Gouvernman in vwar li neseser kot en pe letan depi ler nou pe outsource sa servis avek bann surveyors prive.

Apre nou annan bann license fees ki pe peye pour bann software, apre nou annan bann maintenance services pa gran larzan R310 mil.

Apre nou annan bann local consultancy ki parfwa nou request bann consultancy ki i annan pour fer avek bann policy pour drafte pour Minister.  E finalman Mr Chair anba ‘’goods and services’’ nou annan nou ‘’minor capital outlays’’ li i en Bidze R4.6 milyon ki pe ganny propoze e ladan nou annan plan pour aste 3 nouvo veikil pour Minister Labita ek Lenfrastriktir a en sonm R2 milyon.

IT equipment R425mil pe ganny propoze, apre R1.4 milyon pe ganny propoze pour nou aste bann software ki neseser pour fer marse nou Minister.

Par egzanp AutoCAD ek bann lezot anti-viris parey zot ava vwar dan nou Bidze. Nou pa’n rankontre pa mal problenm avek nou sistenm software dan Minister e sa nou ekspekte ki i ava ganny regle byento.

Dezyenm koponan BidzeMr Chair, nou annan nou ‘’capital expenditure.’’ Pour lannen prosenn i annan en sonm R250.7 milyon out of sa R304.8 ki’n ganny propoze koman ‘’capital expenditure.’’

        Ladan i annan en sonm R115 milyon ki nou pe earmark pour fini oubyen komans bann nouvo lakaz.

E nou ekspekte kapab delivre 205 lakaz lannen prosenn anba sa Bidze.  Apre nou annan R56 milyon ki li i annan pour fer pour bann main lenfrastriktir e ladan kou mazer dan sa R56 milyon pour lenfrastriktir R42.3milyon i annan pour fer avek lenfrastriktir lo Ile Perseverance.

Apre still dan sa R250.7 nou annan Land management li ki pour annan R43 milyon, dan sa R43 milyon i annan R20 milyon ladan ki sipoze al pour Land Aquisition.

Setadir bann later ki swa Lakour i ordonnen nou fer serten peyman anvi ki zizman ki Lakour petet i kapab pase oubyen kot petet Gouvernman i aquire serten later dan lentere piblik then sa fon i ganny servi pour sa purpose.

An plis ki sa anba Lands Management sa R43 milyon i annan plizyer land bank ki sipoze ganny servi pour sa bann plizyer land bank.

Par egzanp nou annan en La Gogue land bank ki li pour kout nou R6 milyon pour met lenfrastriktir, sa i ava ed nou pour nou kapab asiste 25 dimoun avek.

Nou annan L’union Estate land bank R1.2 milyon sa i ava ed nou pour nou kapab asiste en ventenn dimoun, i annan Ex Sawa–Sawa Farm mon panse kot li R1 milyon in ganny met 2 kote pour asiste nou avek land bank, apre nou annan Carana osi, lo Praslin nou annan Fond Azor ki nou ekspekte benefisye avek 18 morso later land bank. Apre still anba sa ‘Capital Budget’ Mr Chair i annan en sonm R9.5 milyon.

E sa R9.5 milyon i pour bann ‘’disaster emergency works. ’’Sa i esansyelman dan bann letan dezas parey letan nou ti annan Felleng dan rezyon les ki ti afekte nou a vwala kot sa larzan i ganny servi pour ede.

Par egzanp bann miray ki’n ganny grennen pour bann proze drenaz, e sirtou bann travay ki pa neseserman annan pour fer avek travay ki SLTA i fer sa i tonm anba sa ‘’disaster emergency works. ‘’

Apre finalman Mr Chair anba ‘’capital budget’’ i annan en sonm R26 milyon, sa R26 milyon i annan pour fer pour nou re pey, pour nou pey en loan.

Mon pa pour apel li loan pour nou re pey Green Island Construction Company, Green Tree Investment pour Independence House Annexe.

        Sa i en Lagreman ki mon Minister ti antre avek zot menm parey menm laranzman parey ti annan avek kot exCourt of Appeal avek Supreme  Court kot sa re peyman pe ganny fer pour en peryod 9an. E swivan diskisyon ki mon’n fer avek Minister Finans, Minister Finans pe vwar ki mannyer dan premye kar lannen prosenn nou ava vwar si Gouvernman pour kapab take back sa tret li parey en loan dan son liv instead of nou pour nou pey GICC sa sonm R26 milyon par an annefe i vini.

E sa i en sonm ki oparavan i ti en sonm R1.9 milyon par an e sa ti letan lentere ti 9 poursan me apre anvi ki lentere in sanze ek Labank in mont 11 poursan sa sonm in monte i vin R2.1 milyon par mwan.

E ler sa proze ti ganny konsevwar, si ou permet mwan donn en pti pe leksplikasyon Mr Chair, ler sa proze ti ganny konsevwar, i ti ganny konsevwar lo en baz ki sa letan rental dan Lavil ti apepre R550 par met kare.

E li sa proze letan ti kalkile ki’n kout dayer R113 milyon pour konstrir sa building, R113 milyon pour konstrir sa building.

        Then an mwayenn i ti pour kout Gouvernman apepre R560 par met kare ki ti preski anliny avek rate ki market ti pe ofer sa letan. Me malerezman rate in desann, kot rate Lavil in tonm en pe ki mon aprann la rate i nepli dan son R560, rate i apepre 350 a R400 en met kare ki prezan ki fer poudir sa proze i pa sitan rantab parey nou ti ekspekte.

Me bon keksoz ki nou gannyen avek en proze parey konpare avek letan Gouvernman ti pe lwe Lofis dan bann lezot landrwa, se ki ou zis pey en rent parey i ti pe peye R550 par mwan, par met kare building pa vin pour ou, me sa li apre 9anbuilding i retourn pour Gouvernman.

So an gro vwala Mr Chair Capital Project R250 milyon kote sa larzan i ale.  Nou Bidze total parey mon’n dir i R304.8 milyon. Mon krwar avek sa Mr Chair mon’n fer en overview lo Labita ek Lenfrastriktir.  Mersi.

 

MR DEPUTY SPEAKER

Mersi Minis, zis mon prezant mon leskiz mon osi annan Mr Gerard Hoareau la ki Special Advisor to the Minister e osi nou lekip Minister Finans PS Patrick Payet, Mr Thesee e Madam Tamatave.

Ok, bon le 2 PS si i annan keksoz pour azoute briyevman man oubyen nou al direkteman dan kestyon, PS Choppy, PS Jasmin, ou oule azout keksoz oubyen nou ava al direk dan kestyon?

 

PS YVES CHOPPY

Mr Chair mon a zis an pasan tre vitman Minis in kouver tou bann detay mon a zis pas en pti pe lo striktir mon Departman e bann striktir, pour le moman sa Departman li i anploy 35 staff e i annan, mon Biro Sekreter Prensipal ki li i siperviz Departman e i annan laprouvasyon Kontra ek peyman.

Nou annan en Seksyon Design ki li i annan rol donn konsey teknik an sa ki konsern bann nouvo proze e apre ki proze in pas in ganny aprouve lo staz konsep ki fer bann design detay enkli rod laprouvasyon Planning.

Zot osi donn sipor Enzenyer ler proze i pas dan staz enplimantasyon e kot i annan structural work pour sipervize.

Apre mon annan Divizyon Projection Implementation ki li i konpri 5 team Project Management e li sa Divizyon i pran bann proze ler zot in ariv lo faz enplimantasyon e zot a sa faz, a sa staz zot komans avek prosedir Tender pour zot  rod Kontrakter.

E zot osi siperviz e administre konstriksyon. Sa 5 team i fonksyonn lo en baz rezyonal, zot manage proze lo en baz rezyonal e ler i annan bezwen nou osi form bann Special Project Unit par egzanp dan kar proze Perseverans kot i en gran proze anvi son volim nou bezwen latansyon spesyal ki pa kapab ganny kouver anba sa bann team rezyonal nou form bann Special Project Unit pour administre sa bann proze spesifik. Vwala Mr Speaker zis pour entrodwir Lasanble bann fonksyon ki nou fer. Mersi.

 

MR DEPUTY SPEAKER

Mersi PS Choppy. PS Jasmin.

 

PS JENIFFER JASMIN

Mersi Mr Chair bonn apre midi tou dimoun mon Departman, Departman Labita i gardyen tou leta later, tou later Leta e son Misyon se pour fasilit devlopman Nasyonal anliny avek plan litilizasyon later pour devlopman lakaz, batiman komersyal e lezot bezwen soysal.

E Departman Labita i konpri 4 Seksyon swivan, Seksyon Housing ek Management Loan, Seksyon Land sales ek Lakizisyon Later, Departman Survey, e Departman GIS.

Departman Labita i osi i travay etrwatman avek Departman Lenfrastriktir kot i konsern lenplimantasyon bann proze lakaz e osi devlopman bann lenfrastriktir pour devlopman later rezidansyel e osi byen ki komersyal.

E anba responsabilite Departman Labita se an gro se pour zer Later Leta e fasilit devlopman ekonomik dan en fason ki soutenab. Mersi Mr Chair.

 

MR DEPUTY SPEAKER

Mersi PS Jasmin, bon nou open floor pour kestyon pour Minis ek son 2 PS, Onorab Esparon.

 

HON REGINA ESPARON

Mersi Mr Deputy, mon kestyon i vize pour Ms Jasmin anvi ki in dir li ki gardyen Later Leta, lo paz 29 lo ‘capital project’ nou vwar sa, nou vwar sa Carana land  bank extension phase 2 ki Minis in koz lo la.

Mon ti a kontan demann li konbyen kare later zot anvizaze gannyen apre ki zot in fini konplet sa land bank Carana Estate phase 1?

E dezyenmman lo paz 30 anba ‘capital project’ mon vwar 2 nouvo land bank enn Machabée land  bank, e enn Ex-Hodoul land bank, me selman mon par vwar okenn alokasyon pour sa lannen me mon vwar in focus pour 2018, mon mazinen i pour ganny fer plitar, petet Minis avek tou sazes mon ti a sizere ki anvi ki topografi later Glacis i difisil ki bann dimoun Glacis ki lo lalis later, i ganny konsidere anba sa 2 proze koman priyorite.

E mon dezyenm kestyon se ki kriter ki ganny servi pour en dimoun vin lo lalis priyorite 1 pour later e 2 pour lakaz, i ti a bon ki Minis i donn en leklersisman akoz i annan en total konfizyon deor ki mannyer ou vin lo lalis priyorite?  Mersi.

 

MR DEPUTY SPEAKER

Mersi Onorab. Yes Minis.

 

MINISTER CHARLES BASTIENNE

Mr Chair pour reponn premye kestyon Onorab, Carana landbank i sipoze annan 9 plot, konsernan sa 2 proze ki ou’n mansyonnen pour an 2018 mon kapab konfirm ek sa Lasanble poudir anvi ki Minis Finans in fer lanons konmkwa ki pour annan en R150 milyon ki pour ganny met available pour mon Minister lannen prosenn, pour proze lakaz – evidaman en serten porsyon ladan i a ganny servi pour later, nou pe revwar nou bann priyorite an term kote bann later ki nou pour ale pour nou al fer pare pli boner ki ti pour pare avan ?So sa proze Machabée ki ou’n mansyonnen la avek la nou a regarde pour nou met li parmi bann priyorite.

E dezyenmman konsernan pour zabitan Glacis petet anvi ganny, anvi topografi e petet osi pa neseserman annan later.

Gouvernman pour le moman i annan en Polisi kot nou servi en sistenm 60, 40 setadir 60 poursan later i vin pour sa distrik e 40 poursan i vin dan kota Minister, pour Minister kapab asiste dimoun lo en baz Nasyonal.

Apre pour trwazyenm kestyon konsernen kriter ki’n  servi, ki nou pe servi konsernan alokasyon later ek lakaz, mon krwar mon ti vin dan Lasanble apepre 5 semenn pase, kot mon ti dir ki mon Minister right now nou dan prosesis pe travay ki nou ekspekte finalize by premye kar lannen prosenn.

En plan konpreansiv konsernan le moman en dimoun i fer en laplikasyon ki swa later ek lakaz ziska ler i pour peye, nou pe revwar the full system, pour nou fer sir poudir nou annan en sistenm ki bokou, bokou pli transparan ki lekspektasyon tou dimoun e se pour par egzanp, mon ti donn legzanp dernyen fwa dan, lanmenm la dan sa Lasanble konmkwa ki later ek lakaz i sipoze pe vin avek en point system, sa point system nou dan faz final e osi mon rapel tre byen mon ti dir konmkwa ki avan ki nou finaliz tou keksoz nou pour konsilte lo kote sa Lasanble zot annan okenn input pour zot osi kapab kontribye ladan.

E mon kapab dir zot poudir nou pe ekspekte boner, boner lannen prosenn, tre boner lannen prosenn nou pour kapab konmans fer sa konsiltasyon le moman ki nou’n fini formil, nou dan sa staz fini formil lo nou kote travay ki nou annan pour fer. Mersi Mr Chair.

 

MR DEPUTY SPEAKER

Mersi Minis. Onorab Churchill Gill.

 

HON CHURCHILL GILL

Mersi Deputy Chair, byenveni bonn apre midi Minis ek ou delegasyon, Minis i annan en konsern kot konsernan Lavant later kot i annan bokou dimoun ki’n fini pey zot later ek lakaz, me selman zot vwar zot ankor pe espere, eski Minis ou kapab donn nou en pe leksplikasyon ki pe ganny fer dan sa direksyon silvouple? Mersi.

 

MR DEPUTY SPEAKER

Mersi Onorab.Minis.

 

MINISTER CHARLES BASTIENNE

Mr Chair konsernan Lagreman Later mon krwar problenm prensipal ki nou annan set avek bann apartman ki Gouvernman pe vann sa ki nou apel Condominium Property Act.

Mon krwar letan mon ti vin dan Lasanble dernyen fwa mon ti fer en commitment swivan sa mon’n ale mon’n al fer investigation pour vwar kote problenm i ete.

Mon’n zwenn avek tou dimoun konsernen e mon pe fer fason pli tar Juin lannen prosenn nou’n bezwen kapab fini rezourd tou sa bann problenm ki ti annan konsernan zot Lavant.

Rezon prensipal ki nou ti annan avek sa Mr Chair set akoz problenm survey, problenm survey ki’n ganny retar apre osi Condominium i pa parey letan ou pe al survey en morso later, wi ou bezwen survey later, apre i annan bann diferan plan ki atase avek sak nivo sa Condominium, bann flat parey nou dir, so vwala kot retar in vini. Me tousala nou’n fini met en plan an mars akoz mon ti’n donn commitment ek sa Lasanble pour nou rezourd pli vit posib e nou ekspekte by Juin lannen prosenn nou ava’n kapab fini sa. Mersi Mr Chair.

 

MR DEPUTY SPEAKER

Mersi Minis. Onorab Ferrari.

 

HON JEAN-FRANCOIS FERRARI

Mersi Mr Chairman. Mr Chairman mon ti a kontan demann premyerman, kekfwa Minis, PS pour Finans kote dan sa gro liv Bidze ki devan nou ki nou trouv sa larzan, totalite sa larzan ki bann home seekers in deza kontribye pour zot kapab benefisye zot lakaz, konmsi kot i ete sa sif la?

Akoz i annan dimoun ki dir oubyen ki krwar ki sa larzan in ganny depanse konmsi akoz sa larzan pa pour Gouvernman i pour bann future homeowners, so endik mwan kote i ete sa ladan?  Sa i premye keksoz.

Dezyenm keksoz mon ti a kontan ki Minis i donn nou en donn nou en lapresyasyon onnet lo kapasite lo son Minister pour li delivre lakaz.

Akoz anba progranm konstriksyon lakaz social housing, i annan an 2015 77 lakaz ki’n ganny fer, new units e 124 an 2016 e Minis in dir i pe prevwar 200 ekek, mon krwar 203 oubyen 205 lakaz pour 2017.

Alor mwan mon ti kontan en lapresyasyon onnet, eski, mon krwar nou tou nou konnen poudir sa i pa sifizan pour nou menm komans fer en dent dan sa gro lalis lakaz ki egziste.

Mon ti a kontan ki Minis i dir avek nou kote son difikilte vreman i ete ?  Nou konnen mank larzan i 1, me eski i annan, akoz nou, nou vwar poudir bann servis dan ou Minister parler i slow, i, Planning i trenn pour li, lot i trenn pour li, Alokasyon i trenn pour li.

Eski i annan en dinamizm dan lefe ki ou’n pran sa Minister pour nou speed up sa bann keksoz pour nou, pour bann dimoun ki pe espere pandan tou sa bann lannen kapab gete.

Pli tar Mr Chairman mon pour annan en kestyon lo Corgat Estate ok, mon ava demann la oubyen mon a demann taler ?  Mon a demann taler. Mersi.

 

MR DEPUTY SPEAKER

Wi Onorab, mersi. Minis.

 

MINISTER CHARLES BASTIENNE

Mr Chair konsernan bann dimoun ki’n kontribye anba Home Saving Scheme en, i pa pour dan Bidze rezon set akoz kontribisyon i ganny fer avek Housing Finance Company, ok se HFC ki anmas ki anmas sa larzan e met lo zot kont wi.

E prezan sa bann dimoun lo en baz anyel zot ganny zot en lentere 4 poursan ok, konbyen larzan i annan dan sa kont.

Evidaman letan ou en nouvo Minis, ou oule al rod tou sa bann lenformasyon pour ou apresye pour ou kapab annan en plan konkret ki mannyer nou pour apros keksoz.

E ler mon’n vwar poudir i annan en sonm apepre R80 milyon ki’n anmase anba Home Saving Scheme i dan sa kont avek HFC.

Me sa larzan ki avek HFC ansanm avek bann lezot keksoz ki nou pe mazin fer anba sa plan konpreansiv, la dimoun pour  vwar byen zot larzan zot kontribisyon kote pe ale direkteman avek sa nouvo plan ki mon pour vin avek boner lannen prosenn. Evidaman avek zot input lo lot kote isi.

Dezyenmman konsernen delivery of houses, wi plan in fer an mwayenn dan plan Bidze Minister pe fer provizyon pour delivre mon pase an mwayenn 125 lakaz oubyen 150 lakaz, 200 lakaz par an.

La nou’n dir 205 lakaz lannen prosenn, wi kontrent ti Bidzeter, me selman avek sa R150 milyon ki nou pour gannyen anba Fon Pansyon nou ekspekte poudir lannen prosenn nou pe al fer nou mye pour nou kapab delivre en minimum 300 lakaz lannen prosenn.

Sa anba Bidze nou pour kapab delivre avek larzan ki nou’n ganny Bidze nou a delivre sa 205 e avek larzan ki nou pour gannyen nou a kapab delivre ankor en adisyon apepre 100.

Me pour annan bann lezot osi ki pou’n komans konstriksyon lo la ki ava pli ale anmezir nou ale dan bann lannen ki pe vini, la kantite ki nou pour deliver on an annual basis i pour gradyelman increase.

Dezyenmman konsernan sa gran lalis lakaz ; i vre ki nou’n dir i annan 4911 dimoun ki nou dir in fer laplikasyon pour lakaz, mon ti osi enform sa Lasanble apepre 5 semenn pase konmkwa travay in komanse pour nou revwar sa lalis, mon kapab dir apre ki nou’n revwar sa lalis, lalis apre ki nou’n tir bann ki pe rod later an menm tan pe rod lakaz avek bann lezot bann Msye ek Madanm ki fer diferan laplikasyon nou’n kapab travay i kontinyen, me la i apepre 4000 ki nou annan.  So i pa, well i bokou me selman i pa sa nonm eleve parey nou ti annan avan.

Trwazyenmman konsernan service delivery wi i annan en nouvo dinamizm ki nou pe mete dan Minister, e sa plan, mon pour kontinyelman koz lo sa plan.

Set akoz sa plan pour annan en kantite zengredyen ladan ki pour allow nou pour nou kapab delivre a lekspektasyon dimoun ki out there.

Par egzanp ou’n koz lo Planning, Planning taler nou pour zwenn Planning letan i pour vini, be Planning la right now, Planning pe delivre ou plan aprouve a 6 a 8 semenn.

Nou, nou krwar ki sa pa akseptab, travay pe ganny fer pour nou redwir li, e mon kapab konfirm ek sa Lasanble i pour redwir konmansman lannen prosenn apre ki nou met nou plan anmars. Mersi Mr Chair.

 

 

MR DEPUTY SPEAKER

Mersi Minis.  Onorab Lemiel.

HON SYLVANNE LEMIEL

Mersi Mr Chair, bonn apre midi Minis avek ou delegasyon, bonn apre midi tou dimoun, Minis mon pe regarde dan Bidze pour 2017 si i annan provizyon ki’n ganny fer pour met lenfrastriktir lo later kot landfill ?

Akoz letan mon pe get lo lalis la ou a krwar mon pa vwar mansyonnen ? E apre kot lo CSB building mon pe regarde osi dan Bidze si provizyon in ganny fer pour fer serten renovasyon akoz mon vwar sa building li menm li i pe konmans vin en pti an rin, i demann serten renovasyon lo la.

E mon pe zis regarde si provizyon in ganny fer dan Bidze 2017 pour fer en serten renovasyon.  Mersi.

 

MR DEPUTY SPEAKER

Mersi Onorab. Yes Minis.

 

MINISTER CHARLES BASTIENNE

Mr Chair konsernan land bank kot landfill i ti dan nou proze me avek larzan ki nou ekspekte gannyen atraver ankor la mon pour refer lo sa R150 milyon nou ekspekte kapab, sa petet i enn proze ki nou kapab enkli pour fer li materyalize an 2017, mon’n ganny dir par mon teknisyen poudir i pa pour telman kout bokou me nou pour kapab fer sa land bank apre.

Selman mon pa kapab fer commitment final la, me selman mon kapab dir ou ki nou pour fer nou mye pour fer sir poudir sa proze enkli ki Onorab boner in demande Machabée nou ava enkli li dan proze 2017.

Apre dezyenmman konsernan CSB building wi mon aprann i annan en sonm ki’n ganny mete pour kapab fer renovasyon neseser lo sa building. Mersi Mr Chair.

 

MR DEPUTY SPEAKER

Mersi Minis. Onorab Woodcock.

 

HON WAVEL WOODCOCK

Mersi Mr Chair, bonn apre midi Minis avek ou delegasyon, tou bann koleg Onorab e tou dimoun a lekout dan lakour mon bann kestyon i comme swivan.

Premyerman mon pe get dan ‘capital project’ pour lannen 2017 mon pa vreman vwar bann, sel proze ki mon pe vwar annefe i pa an 2017 i an 2018, sanmenm i annan de blok ek 6 unit ki pour ganny fer Mont Plaisir, me mon pa pe vwar okenn proze pour 2017, eski ou Minister i annan lentansyon komans okenn proze dan le fitir pour bann zabitan Grand Anse Praslin ?

Mon dezyenm kestyon i annan sa konsern, sa zafer 50 met par lao contour line kot zabitan, sa Lalwa i aplik zis pour Grand Anse Praslin.

Mon fek aprann dan en meeting ki ti ganny fer resaman Baie St Anne, mon krwar Onorab Gill ti la, akoz ti ganny dir ki sa Lalwa i only applicable pour Grand Anse Praslin kot dimoun napa dwa konstrir par lao 50 met contour line.

E mon pe demande kan eski zot pe anvizaze reviz sa Lalwa akoz i pa fair ki zis en distrik dan Sesel ki pe ganny pini avek sa Lalwa ?

Mon lot kestyon i ki provizyon ki Minister pe fer pour provide en landrwa apropriye pour bann off road driving lesson avek bann off road test,pour le moman i pe ganny fer kot Sant Kominoter Baie St Anne ki pa en landrwa ideal i annan en playground la lanmenm la o-bor.

E finalman i annan en konsern lo kote landfill ek dumping site Praslin, i annan en fanmir pour 17an zot pe demande pour ganny relocate, tou fanmir in ganny relocate dan sa landrwa eksepte sa fanmir, sa fanmir i en Msye 92an, Msye Raymond Hoareau ki son 2 garson Kenneth Hoareau, avek Roberto Hoareau.

Tou dimoun in ganny relocate, sak fwa lapli i tonbe tou sa bann kosonnyen dan dumping site i end up dan zot plantasyon, dan zot lakaz.

E mon ti a kontan envit zot en zour 7er diswar al fer en vizit laba regarde kondisyon sa fanmir pe reste ladan ek bann zanfan, bann pti zanfan dan sa lakaz.

So in demande pour plizyer lannen ziska prezan nanryen pa ankor ganny fer, tou Minister, ziska Prezidan in ganny kopi sa let, e mon annan en kopi sa let pour ou Minister avek mwan, silvouple get dan zot welfare 17an i tro bokou letan. Mersi bokou.

 

MR DEPUTY SPEAKER

Mersi Onorab.PS Choppy

 

PS YVES CHOPPY

Mersi Mr Speaker ek Onorab, mon pour, an se ki konsern sa proze Mont Plaisir i pa anba finansman nou Bidze pour komans 2017, me selman parey Minis in dir ler nou get priyorite pour nou servi nouyR150 milyon nou ava vwar whether i pour enn ki nou pour komans pli boner ki nou ti pou’n progranmen. Mersi.

 

MR DEPUTY SPEAKER

Mersi, Minis si ou oule azout keksoz.

 

MINISTER CHARLES BASTIENNE

Mr Chair konsernan contour lines, contour line mwan ki mon konpran, contour line i aplik pour Praslin, La Digue me selman i pa zis Grand Anse Praslin, lenformasyon ki mwan mon annan i aplik pour sa

Dezyenmman zafer contour lines parey mon’n dir se ki dan premye kar lannen prosenn i annan plizyer keksoz ki nou pe regete la right now avek posibilite pour revwar.

Mon pa pe dir pour revwar avek posibilite pour revwar an vi ki letan pase i bon fer en reevalyasyon e sa reevalyasyon pe ganny fer aktyelman la.

Dezyenmman Mr Chair si ou ti kapab permet mwan konsernan zafer driving lesson, driving test la, si nou ti kapab pran li letan Departman Transpor i vini mon krwar i pli apropriye pour zot, pour nou take up sa size avek Departman Transpor.

 

MR DEPUTY SPEAKER

Wi, ok Minis.

 

MINISTER CHARLES BASTIENNE

E trwazyenmman Mr Chair konsernan sa rezidan ki reste o bor landfill wi mon annan en kopi sa let, in anmenn dan mon, mon’n ganny sa dan mon latansyon apepre 2 semenn pase travay pe ganny fer lo la pour nou adres sa size pli vit posib. Mersi Mr Chair.

 

MR DEPUTY SPEAKER

Mersi Minis, Onorab William.

 

HON WAVEN WILLIAM

Mersi Mr Deputy Chair, Minis dan Seksyon konsernan lenfrastriktir mon ti a kontan konnen lefe ki land bank Barbarons depi ler in ganny fer in annan bann ekstansyon osi bann bout later ki’n ganny azoute.

I annan bann lenfrastriktir ki pa ankor ganny konplete, mon anvi demande si provizyon i annan dan sa ‘capital project’ allocation pour konplet sa bann lenfrastriktir ?

Par egzanp semen, drenaz i pa ankor ganny konplete e anmenmtan lefe ki i annan bann nouvo bout later ki pe, ganny fini ganny demarke, me mon pa trouv okenn landrwa ki mansyonnen poudir semen lefe ki lannen prosenn mon konnen sa bann later pour ganny vann. Eski provizyon in ganny fer pour semen?  Mersi.

 

MR DEPUTY SPEAKER

Mersi Onorab. Yes Minis.

 

MINISTER CHARLES BASTIENNE

Mr Chair mon kapab dir avek sa Lasanble poudir i ti en practice Minister avan ki nou ti pe vann later menm avan bann lenfrastriktir ti ganny mete.

Me mon kapab dir poudir nou pour fer fason ki komansman lannen prosenn sa pratik i arete e ki nou ava otan ki posib vann later letan nou’n fini met tou bann lenfrastriktir neseser ; semen, elektrisite, si non i vin en problenm apre pour nou menm nou Minister presyon i ganny mete

Dezyenmman se ki dan nou Bidze lannen prosenn nou pe fer sir ki sa proze spesifik ki ou’n mansyonnen mon’n ganny dir provizyon in ganny fer pour lannen prosenn.  Me dan tou lezot land bank kot nou’n fini vann later kot lenfrastriktir pa ankor fini ganny mete, nou pour fer li koman nou priyorite, premye keksoz ki nou al fer, al fini met tou sa bann lenfrastriktir avan nou kontinyen avek bann nouvo land bank.  Mersi Mr Chair.

 

MR DEPUTY SPEAKER

Mersi Minis. Onorab Roucou.

 

HON CLIVE ROUCOU

Bonn apre midi Mr Chair, bonn apre midi Minis avek ou delegasyon, eski Minis i kapab dir sa Lasanble ki plan son Gouvernman avek sa bout later Ex-Murray anler Copolia silvouple?

Epi pour bann lakaz Per Belvédère ki plan ou Minister akoz deza bann zabitan Belvédère pe viv dan en kondisyon en pe deplorab, mersi.

 

MR DEPUTY SPEAKER

Mersi Onorab.Yes Minister.

 

MINISTER CHARLES BASTIENNE

Mr Chair konsernan Ex-Murray nou pe vwar son litilizasyon, originally nou ti annan en plan pour nou fer serten land bank laba me anvi ki demann lakaz dan distrik Plaisance i bokou nou pe revwar la right now la posibilite pour nou fer konstriksyon lakaz. Sa i lo latab i diskisyon akoz originalement nou ti pe mazin en proze land bank laba, anvi ki nou kapab fer mannyer asiste otan fanmir posib.

Dezyenmman konsernan, wi, wi epi kot Murray la nou annan R1 milyon ki’n ganny met de kote pour nou kapab konmans keksoz anler laba 2017 dan Bidzeki nou annan la.

Dezyenmman konsilte konsernan sa site kot Sociėtė du Logement, wi pour Gouvernman la, Gouvernman i, dan Posesyon Gouvernman e nou pe fer mannyer nou pe travay lo projet pour nou regarde si nou pour kapab enplimant li swa an 2017 ou an 2018.

So right now konsept nou pe kes konsevwar nou proze lo ki fason bann konstriksyon lakaz nou pour fer laba pli vit posib nou anvi fer.

I annan plizyer landrwa ki nou anvi tackle dan en delay minimum, nou annan Sociėtė du Logement Belvédère, Beau Vallon osi vi ki la osi i vin dan posesyon Gouvernman, laba osi nou annan plan pour nou mont en proze.

Nou pe konsevwar en proze menm zafer nou pe mazinen avek Forêt Noire, Port Glaud pour nou kapab deal avek laba, fini re devlopman Les Mamelles e osi fini re devlopman Corgat Estate, Mersi Mr Chair.

 

MR DEPUTY SPEAKER

Mersi Minis. Onorab Ernesta.

 

HON PAUL ERNESTA

Bonn apre midi Deputy Chair, bonn apre midi Minis e ou lekip e mon bann koleg, Mr Chair, Mr Deputy Chair Minis pli boner in mansyonn lentansyon pour zot kapab revwar bann devlopman si ou le bann ki napa lenfrastriktir semen that is e delo pour mete.

E mon pour demande ki Takamaka osi Anse Forbans, Intendance, Quatres Bornes e bann landrwa ki kapab ganny konsidere.

In fact Anse Forbans i ti’n fini ganny earmarked, later ti’ fini ganny subdivide i pa bann landrwa difisil kot ou kapab pran kont osi Mr Deputy Chair Thank you.

 

MR DEPUTY SPEAKER

Mersi Onorab. Yes Minis.

 

MINISTER CHARLES BASTIENNE

Mr Chair parey mon’n dir se ki dan nou plan nou pour regarde otan ki nou kapab fer lannen prosenn e bann lannen ki pour vini apre, nou Gouvernman pour fer nou mye pour nou kapab delivre maximum pour nou pep.

Nou konsyan poudir problenm lakaz, later i enn bann problenm mazer e alor nou bezwen fer mannyer pour nou delivre lo la pli vit posib.Mersi Mr Chair.

 

MR DEPUTY SPEAKER

Mersi Minis.Onorab Henrie.

 

HON GERVAIS HENRIE

Mersi Mr Chair,bonn apre midi tou dimoun, mon annan 2 kestyon pour Minis, premyerman i konsern paz 332 kot i annan bann ‘’current challenges avek strategy priorities 2017, 2019.

Akoz dan son repons pour son kestyon Onorab Ferrari Minis in dir konmsi i annan en lenerzi dan son Minister depi in pran sa pozisyon pour ranvers sityasyon aktyel.

Be ler mon pe get bann current, bann defi aktyel mon note i annan 15 pwen ki ganny souleve dan sa Bidze, dokiman Bidze me bann pwen pour ranvers sa i zis 4.

Konmsi i annan en dezekilibrasyon la pour mwan e la mon anvi ki Minis i reasir nou ki vreman, akoz lakaz i preokip, preokipasyon mazorite dimoun lakaz, later e vreman zot anvi vwar en zefor pozitiv. Mon konnen ou pour vin avek sa zafer stratezi i paret zot baton mazik sa me konmsi mon anvi ki bann dimoun laba deor i ganny rekonforte.

E dezyenm pwen i konsern paz 340 program 4, ler mon pe get poursantaz la fanmir ki pour annan zot prop lakaz konmsi mon vwar zot target i pe mont par 1 poursan en pe slow i pa tro anbisye selman i touzour keksoz.

Alor mon anvi demann Minis dan sa Bidze la ki, konbyen si i annan Grant ouswa bann soft loan sorti aletranze konmsi ki ava ed nou ek nou problenm lakaz.

Parske si sa R150 milyon la sorti Fon Pansyon pa ti’n vini nou ti pour vreman dan problenm, so si i annan sa bann alokasyon ki kapab ed nou en pe dan nou problenm lakaz avek later.  Mersi.

 

MR DEPUTY SPEAKER

Yes Minister.

 

MINISTER CHARLES BASTIENNE

Mr Chair konsernan premye kestyon, konsernan sa bann defi ki Minister i annan, i vre i annan sa bann defi, mon kapab konstate par egzanp lo la ou dir mwan i annan en kenzenn, mon kapab dir ou i annan en 5, 6 ladan pour fer avek nou IT system.

Mon kapab konfirm avek zot laplipar sa bann problenm ki nou annan kot IT konsernen in fini rezourd, dan lespas 1 mwan edmi nou’n fini rezourd tou sa bann problenm.

Ki nou annan la dan Bidze, nou annan pour ganny software ki genuine, evidaman mon Minister pe travay lo bann laspe teknik pour desin plan eksetera menm pour survey.

Enn fwa ki nou’n ganny sa bann software then ki mannyer mon kapab dir, 100 poursan annord,

Me an term stabilite nou sistenm mon kapab dir ou la nou konfortab poudir i annord konpare avek sa ki i ti ete resaman.

E i vre i annan en bon pe defi, napa en Departman Gouvernman en Minister ki napa en defi, me mon kapab dir se ki lapros ki nou pe servi pour nou kapab motiv nou Staff an term delivre avek sistenm mezire ki nou pe met an plas mon krwar i pour kapab ed nou pour nou kapab overcome sa. I pa pour vin avek en baton mazik ki parey ou pe panse me i pour vin atraver travay dir ki nou, nou pour fer lo nivo mon Minister.

Konsernan Grant ki nou gannyen avek nou zanmi aletranze mon kapab konfirmen dan sa Bidze dan sa R250 milyon ‘Capital Grant ki i annan R83.7 milyon i vin atraver Grant.

Ladan nou annan prosen projet lannen prosenn Ex Desaubin ki i annan R3.2 milyon ki sorti UAE, Ex -ION R2 milyon ki dan projet lannen prosenn, UAE osi en lot R2.6 milyon, La Chine pe ed nou avek projet Kan Gard Plaisance, apre nou annan avek 3R5 milyon, apre Corgat Estate i annan en sonm 25 milyon, apre Ex-Oliver ou annan en sonm R15.8milyon ki’n ganny asiste avek Gouvernman Qatar.  Mersi Mr Chair.

 

MR DEPUTY SPEAKER

Mersi Minister Onorab Henrie vit.

 

HON GERVAIS HENRIE

Zis en pti follow-up, ler i pe nonm proze, akoz enn bann promes ki bann Zofisye Parti Lepep ti pe fer avek dimoun Mont Buxton pandan Kanpanny enkli Vis Prezidan se devlopman Larue Hangar me mon pa’n tann personn nonmen.  Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair mon pa okouran sa, me si i ti en promes ki’n ganny fer mwan mon ava regarde mon a go back dimoun konsernen pour nou vwar si zanmen i ti en promes ki mannyer nou kapab delivre lo la.  Mersi Mr Chair.

 

MR DEPUTY SPEAKER

Onorab Mondon.

 

HON TERENCE MONDON

Mersi Mr Chair, bonzour Minis avek ou delegasyon e tou dimoun ki pe ekout nou mon kestyon, mon pour fer 2 komanter avan mon poz mon kestyon.

Premyerman mon vwar parey mon lezot koleg in dir se lafason ki nou pe adres problenm lakaz e allocate later ek bann dimoun ki pe espere i vreman slow, mon krwar sa nou bezwen admet, wi i annan problenm Bidzeter, be selman mwan mon problenm ler mon get dan en rapor Oditer Zeneral mon vwar kot Gouvernman e la mon adres PS Finans R176.3 milyon anba bann Parastatal pa’n ramase e pour zot kapab, i doubtful ki zot pour kapab ganny sa larzan.

E i paret ki menm Cabinet in aprouve pour write-off, ler ou gete sa depi 2009 nou pa’n anmas nou larzan pep Seselwa ki’n met dan nou lanmen.

Nou pa’n anmase tou sa letan esa osi dan nou lanmen kre difikilte pour nou e mwan mon ti a kontan osi parey in ganny dir avan ek bann lezot Minister, PS Finans i la ki nou al revwar ki mannyer nou kapab anmas larzan pep Seselwa.

Ozordi nou annan en kantite bann Konpannyen, bann public companies ki pe zer gro, gro sonm larzan lo non pep Seselwa.

Be ler ou gete sa ki zot pe donnen dan Bidze ki zot pe fer retourn kot Gouvernman i minimum, mon krwar sa i en legzersis parey in deza ganny dir annou fer li, annou rod larzan, mon krwar priyorite se rod lakaz pour nou pep.

En gran poursantaz nou popilasyon i ankor pe espere pour plizyer lannen, mon krwar sa nou pe fail zot e mon ti a voudre vwar en travay vreman aprofondir dan sa direksyon.

Mon dezyenm komanter Mr Chairman si zot annan okenn proze, mon ava adres Minis pour kapab revwar avek atraver proze ouswa en progranm pour deblok bann dimoun ki annan Later Zeritye.

I annan en kantite dimoun ki annan Later Zeritye be pour en rezon ou en lot en boug pa pare pour subdivide apre zot pri, sa osi ti ava deblok bann dimoun pour zot kapab ganny en morso later zot zeritye pour zot kapab bouze avek zot plan pour en lakaz.

Dernyen zis en leklersisman Mr Chairman mon ti anvi zis konnen lo sa Land Acquisition anba PSIP si sa i bann later ki zot in fini earmarked ki zot pe al acquire ouswa sa i zis en provizyon ki zot pe fer ?

Akoz mon vwar en sonm 20 milyon, anfet i 60 milyon ki zot in apportion pour detrwa lannen, i vin 20 milyon par lannen.  Mersi Mr Chair.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair mon a pran sa dernyen premye konsernan i annan en sonm R20 milyon ki’n ganny mete pour akizisyon, sa i en provizyon ki nou mete pour lannen prosenn.

Enn fwa ki Gouvernman in antre dan en, normalman i antre dan en negosyasyon avek sa dimoun ki swa in ganny en Court Order kot nou bezwen pey li konpansasyon kot Gouvernman i pey li over en peryod letan.

Sa Bidze la i ava servi petet pour pey li son premye installment apre si i spread ankor letan then sa i vin anba en Bidze anba Minister Finans.

So sa i en provizyon pour sa lannen les mon kapab dir ou pour bann first time payment, peyman.

Dezyenmman Mr Chair konsernan sa  issue Heirs Property nide i bon, sa i en keksoz ki mon pa kapab dir ou nou pe adrese right now, nou pe diskite, nou pe rod pwennvi Legal lo ki fason ki nou pour bouze ladan.

Annefe sa i enn bann eleman ki pe antre dan sa plan konpreansiv ki nou pe vin avek pour nou fer sir ki nou touse, sanmenm sa ki mon pe dir ki anba sa plan konpreansiv nou pe tous preski tou laspe posib ki i annan pour fer avek lakaz, avek later pour fer sir ki nou annan plis dimoun ki benefisye atraver zot prop lakaz ek zot later.

Konsernan ‘debt collection Mr Chairman petet mon a les PS Finans, me selman lo kote mon Minister letan mon’n get Auditor’s Report mon’n vwar poudir anba Lease i annan en sonm R20.4 milyon e mon imedyatman mon’n rod en lalis lekel sa bann dimoun ki drwa mon Minister, ki dwa Gouvernman pour nou fer en fason kolekte sa bann larzan pour bann ki ankor an legzistans.

E mon kapab dir se ki demars deza la pe komanse pour nou fer sir poudir whatever ki nou kapab recover, nou fer mannyer nou recover evidaman pour met dan bann proze Kominoter pour pei.  Mersi Mr Chair.

 

MR DEPUTY SPEAKER

Mersi Minis, Onorab Aglae.

 

MR DEPUTY SPEAKER

En moman.Yes PS Payet.

 

PS PATRICK PAYET

Mersi Mr Chair, mersi Onorab, zis pour azoute ki Minis in dir, ki nou pe fer kot Minister Finans, mon krwar bokou a se moman la, parey zot kapab konnen ki sa sistenm ‘debt collection i manually, e nou ki nou anvizaze fer lannen prosenn.

Se travay avek DICT pour fer li en electronic system ki as soon ki en debt, nou kapab monitor li properly sa bann debt.

        Akoz par egzanp debt in arise, nou bezwen zis tir li dan en Excel Word sheet anse moman ki nou ladan, me nou ki nou anvi fer nou ki as soon ki i annan en resit i ganny raise ouswa en invoice i ganny raise, automatically i vin dan sistenm properly ki centrally sa Minister Finans nou kapab monitor sa.

E sa i pa pour zis debt e i pour osi peyman Gouvernman as soon ki Gouvernman i drwa en supplier sa i kapab incorporate dan sistenm ki ou kapab on a monthly basis swa lo en daily basis ou kapab monitor li properly.

I en keksoz ki nou pe travay avek DICT for the past 4 years, me zis pour azoute ki nou’n fer en nouvo Chart of Accounts ki ti vin an egzistans 2013, 2014, avek sa nou ti pe met lanfaz plis lo peyman Gouvernman, akoz nou Chart of Accounts in sanze pour nou kapab resevwar statistics, be the next 6 months lannen prosenn e 2018 lanfaz pour ganny mete avek debt, avek, pour nou devlop nou cashier module.

E sa i en lanfaz ki nou pe mete avek DICT, mon konnen i pa pour happen overnight akoz kapasite DICT, akoz zot osi pe still asiste SRC pour revwar zot sistenm. Be selman avek nou bann Staff kot Minister Finans nou pe vwar sa avek DICT. Mersi.

 

MR DEPUTY SPEAKER.

Onorab Mondon.

 

HON TERENCE MONDON

Yes Mr Chair zis follow-up, eski PS pe dir nou ki sa sonm la ki Oditer Zeneral in dir i doubtful?  Napa okenn posibilite pour nou kapab fer Ex-SMB sa bann dimoun ki ti responsab sa larzan pour fini pey sa amount ki outstanding, napa okenn sans pour nou kapab fer tou ki nou kapab pour nou kapab anmas sa larzan olye zis write-off? Mersi.

 

MR DEPUTY SPEAKER

PS Payet.

 

PS PATRICK PAYET

Thank you  Mr Chair, thank you pour sa kestyon mon krwar sa i en outstanding debt depi 2008 se pour kwa rezon ki nou pa ankor vin, al devan Cabinet e menm vin devan Lasanble pour demann en write-off.

Akoz nou pe sey nou mye pour nou kolekte e anse moman la ki mon krwar nou ti an diskisyon avek, the bann dimoun ki ti pe travay lo bann prosedir pour fer sir ki tou sa bann kont i ganny fermen.

I annan debt ki nou’n vwar ki par egzanp i annan debt ki baze lo outstanding avek par egzanp en Paris Company.

E nou vwar lo baz Legal bann prosedir Legal pour nou follow avek the Legal System  an Frans i kapab pran detrwa lannen.

E menm osi i annan ki baze isi, ki nou pe vwar nou, se transfer sa debt akoz nou pa anvi write-off, nou anvi transfer sa debt from SMB  to Government of Seychelles pour nou kapab kontinyen follow up of sa bann outstanding debt.

Me tre prosennman kekfwa in the first 6 months si nou ava vin devan Lasanble avek en proper stratezi akoz nou’n fek etidye tou bann avenues akoz nou osi nou pa anvi zis write-off sa debts.  Mon krwar sanmenm ki’n outstanding depi 2008 akoz nou’n diskite avek enn de bann Accountant osi kwa ki nou kapab fer e enn de ek bann dimoun Legal osi, kwa ki nou kapab fer isi.

Be i annan debt osi i pa zis dan nou sistenm Legal isi be i depandan osi dan bann sistenm legal aletranze ki mon krwar nou pe sey the Course and Benefits Analysis si pour nou al follow it through the legal system in France.

Konbyen sa i kapab koute verses the debts ki outstanding, so tousala nou pe etabli pour le moman. Mersi.

 

MR DEPUTY SPEAKER

Mersi PS Payet, Onorab Aglae.

 

HON EGBERT AGLAE

Mersi Mr Chair, bonn apre midi Minis ek ou lekip PS, Minis dan ou larepons mon’n tann ou nonm low cost housing estate petet pour lenformasyon mon ti a kontan konnen dan ki kad konsep in arive, e si ou kapab donn en lendikasyon osi petet si dan 2017 dan ki kar lannen nou pour kapab vwar sa proze demare.

E mon dezyenm i an konsernan Polisi pour housing extension si ou dan ou plan ki ou pe vin an fors lannen prosenn 2017 dan sa plan stratezi si zot pour revwar en pe sa Polisi one bedroom, one house extension petet i ava ede osi tir en pe presyon lo demann lakaz kot en fanmir si i kapab, later i permet fer at least 2 lasanm ouswa above ground, eski zot pour kapab konsider sa osi dan zot Polisi ?

E dernyerman Mr Chair permet mwan i annan en devlopman later Land bank dan Belle Vue Upper dan plis ki apepre 8an pase si i plan ou Minister pour kapab pour lenfrastriktir ki konsern delo ki bann zabitan pe konsidere silvouple. Mersi Mr Chair.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair konsernan proze Port Glaud – Forêt Noire nou pe koz lo la, nou pour fer nou mye, mon pa kapab donn ou en commitment si i pour fer an 2017 oubyen si an 2018.

Be bann proze parey i bann proze ki nou apel bann proze priyoriter, mon okouran poudir en blok in fini ganny demoli, serten dimoun in fini ganny relocate me selman nou pe regarde ki mannyer pour fit within sa, within sa nouvo lanvlop ki nou pe gannyen atraver Fon Pansyon. Dezyenmman konsernan zafer house extension wi definitivman sa i enn bann keksoz ki nou pe vwar as part of sa density.

Nou pe koz toultan Planning, nou koz nou density e sa i enn bann keksoz ki nou pe revwar tout an prenon kont bann risk, bann problenm ki nou kapab asosye depandan lo ki desizyon ki nou pran.

So we need to move dan en fason ase  cautious dan sa direksyon me wi nou anvi ankouraze, nou anvi si en paran i annan son lakaz en zanfan i anvi met en letaz lo la kot i posib nou bezwen kapab permet.

Me tousala evidaman i bezwen vin atraver serten travay teknisyen, atraver Planning Authority pour bezwen kapab gid nou an term sa nouvo Polisi ki nou ou le anmenen dan premye kar lannen prosenn.

E konsernan zafer land bank mon’n aprann poudir problenm delo in fini ganny sort out avek PUC mon krwar petet PS Choppy ti kapab elabor lo la en pti pe plis.

 

PS YVES CHOPPY

Mersi Minis ek Speaker. Wi sa Belle Vue Upper delo sa lannen nou’n fer peyman avek davans pour zot enplimant sa proze pour sa morso land bank ki pa ti ankor ganny delo.

Mersi.

 

MR DEPUTY SPEAKER

Mersi. Onorab Afif.

 

HON AHMED AFIF

Mersi Mr Chair, bonn apre midi Minis, bonn apre midi tou dimoun a lekout mon kestyon i baze lo paz 333, latab No. 2, mon pe al en pe dan reset ki Minister Later i anmase e sa item ki apel ‘’coral fill royalty, mon vwar zis R2.5 milyon koman zot reset.

Si Minis i kapab donn nou en pti pe akoz mon ekspekte i devret bokou pli o ki sa anvi ki lenformasyon ki mon annan se ki zot ti pe vann apepre 100 mil met kib oubyen 160mil ton coral fill par an e R100, mon krwar R110 en ton alor i devret ariv omwen R16 milyon.

Pa R2.5 milyon, alor si ou kapab eksplik nou sa akoz, apre si ou kapab donn nou osi ankor lanmenm anba latab 2 bann ‘’granit, bann ros ki Gouvernman i an posesyon par egzanp Ile Du Suede, lezot landrwa kot i annan quarry si sa later i pour Gouvernman, savedir sa bann ros i pour Gouvernman e si zot pe vann li avek sa operater, ki pri ki ou pe vann ?

E eski sanmenm sa sif ki nou pe vwar pour 2017 R2.9 milyon ki tonm anba ‘’sand and gravel fees?

E si setou ki’n ranmase ler nou konnen lavant sa bann Lakonpannyen i bokou, bokou pli o ki sa ?  E sa se sours matyer premyer de baz ki zot servi.

E zot, zot pe fer dizenn de milyon roupi par an e mon vwar ‘’sand and gravel’’ ki pour Gouvernman i pe anmas li en fraksyon, en pti fraksyon ladan. Sa se mon premye.

E mon dezyenm i al lo depans e la mon pe vin lo pas 334 lo sa ‘’building and infrastructure’’ e ankor mon pe mazin an term, mon pe mazin an term rod en pe larzan ki nou kapab met de kote pour fer lakaz.

Mon vwar ou pe depans R26 milyon zis dan rent, larzan ki ou ti’n kapab servi pour fer 60 lakaz 2 par distrik.

E mon kestyon direk lo la se, konbyen met kare sa Annex i mezire baze lo sa ki ou’n dir mon ?  Mwan mon pe ganny apepre 4,333 met kare, se sa ki mon pe gannyen.  Be si sa i le ka e sa batiman in kout R300 milyon, i vedir ki zot Gouvernman zot in aksepte en proze kot en dimoun pe sarz zot R26 mil par met kare pou fer en batiman.

Ler Anvil ozordi, e sa 26 pa lwen tro lwen ek sa pri Pirates Arms, Pirates Arms i 32, pa tro lwen avek e tou dimoun ti aksepte poudir sa bann pri, bann pri fou.

E la Gouvernman baze lo ou sif, in al aksepte 26 kan Anvil mon pe dir ou quadrant, i annan detrwa batiman fek fer, bann dimoun in pey lamwatye sa R13 mil par met kare.

E zis si Gouvernman ti pe, ti’n fer sa dan li menm, ti’n ava’n ariv R50 milyon dizon, lanmenm la nou ganny R60 milyon savings, ou ti’n a’n fer ou apepre 150 lakaz ankor.

Alor zis lo reset mon vwar en shortfall apepre 14 milyon, so dizon ankor 30 lakaz.

Lo ou depans mon vwar larzan ki ou ti’n kapab fer fasilman ankor, si ou’n pey R60 milyon an plis ki ou devret be la ankor ou pe koz ankor 200 lakaz.

Be alor ki zot pe fer pour kapab fer sir poudir Gouvernman pa antre dan bann Kontra kot nou pe perdi sitan kantite larzan.

Mersi Mr Chair.

 

MR DEPUTY SPEAKER

Mersi Onorab. Minis.

 

MINISTER CHARLES BASTIENNE

Mr Chair mon a pran sa premye, premye issue konsernan sa zafer coral fill la, mon krwar poudir, i kler poudir coral fill i preski fini, napa byen, byen coral fill ki reste.

Sel keksoz ki nou annan an plis se sa issue sa Offshore Extraction, Deep sea Extraction ki zot apel li la, sa disab ki right now ki pe ganny fer, ki pe ganny vann atraver GICC.

Mon kapab dir poudir ki anba sa ‘’coral fill royalty’’ letan mon’n tyek avek mon bann dimoun Accounts nou ti vwar poudir i annan en miss, en wrong allocation apepre en R2 milyon i sipoze anba sa Deep Sea Extraction en ?

Ki li i pour vin apepre R7.5, apepre R7milyon dan plas ki i ti pour anba coral fill, akoz coral fill konmela Gouvernman pa pe vann preski ditou konmela coral fill, akoz coral fill i preski fini, stok ki nou ti annan i preski fini, so sa i sipoze anba sa bann disab ki ti extract offshore.

Konsernan ‘’granit’mon kapab dir poudir sa ki mon okouran dapre lenformasyon ki mon annan se ki i annan en quarry ki li i pe pey en Lease avek Gouvernman, tou le lannen i pe pey en serten sonm pour lease sa landrwa.

E dapre lenformasyon ki mon annan i pe pey R600 mil par an pour sa Lease, aprezan si pour vin apre lo Praslin i Lease en lot sit ankor apepre 10,000 met kare i pe pey preski R300mil ok, pour sa Lease.

Prezan konsernan ou kestyon lo royalty ki sipoze peye pour laba, lenformasyon ki mwan mon annan se ki pour le moman se ki sa bann quarry pa pe peye royalty.

        Napa royalty ki Gouvernman pe anmase apard lenformasyon ki mon annan lo enn sa bann Lakonpannyen an partikilye ki pe pey Lease pour propriyete.

Me mon konnen, mon okouran dapre lenformasyon ki mon’n gannyen, ti annan serten diskisyon ki ti pe ganny fer avek Minister Finans konsernan pour fer zot pey en rate of zot sales towards royalty.

        Me sa dapre sa ki mon konpran pa ankor materyalize.  Mr Chair avek ou permisyon petet mon ti a kapab ganny PS Lenfrastriktir pour koz en pti pe lo sa analiz lo Independence House Annex. Mersi.

 

PS YVES CHOPPY

Mersi Mr Speaker komanter ki mon ti a kontan fer Mr Afif ou sif i apepre i byen e an partikilye sa building son kou i premyerman akoz i en high rise, i annan louvraz spesyalize ki’n fer pour fondasyon.

I annan bokou louvraz site osi ki’n ganny fer ki ti enkli retaining wall along the whole length of Stadium.

I osi annan lenpak ki zot pa ti kapab fer bokou louvraz pandan lazournen zot ti bezwen fer bokou serten louvraz pandan aswar akoz son proksimite batiman ki ti kre disturbance, so sa i bann fakter ki’n fer petet sa rate ki ou’n kalkile ariv koumsa.

Mersi.

 

MR DEPUTY SPEAKER

Yes Onorab Afif

 

HON AHMED AFIF

Ok zis en follow-up lo coral fill 2015, i osi ti annan zis R100 ekek mil alor eski ou pe dir mon ki sa deep dea extraction se li ki devret laba e pa sa ?  Parske i still, mwan mon krwar 2015 ti ankor annan en kantite coral fill, sa stock pile ti ankor la, e si zot ti pe vann, si zot pa pe vann ki zot pe fer avek ?

Se sa mon kestyon akoz in ganny fer vreman pour vann e lo ‘’granit ou pa’n donn mwan en sif konbyen i pe peye par tonn ki zot pe pey ros extraction fee, si ou ti kapab donn mwan sa.

E vreman lo sa batiman ou’n konfirmen poudir i R4 mil ekek met kare e zis pour dir zot, petet zis i a ed zot dan zot negosyasyon tou dimoun ki pe fer batiman Anvil ki enkli letaz parey zot.

SEYPEC ti en building par egzanp ki’n fer 2012 in kout R53 milyon e enkli tou keksoz depi son vit, son carpark depi tou son keksoz R53 milyon.

E zot, zot pe dir i i pour kout, in kout R113 milyon be borde zot fini peye dan sa 9an pou’n ariv R230 ekek milyon.

So olye ozordi pran en larzan R50,50ekek milyon fer en batiman zot pe pey zot R200 ekek milyon, larzan ki ou ti’n kapab fer 300 lakaz menm plis, 400, 500 lakaz avek.

E zot pe pran sa zot pe met dimoun pour asiz ladan pour administre ler Seselwa pe rod lakaz deor.

Alor se en pti pe sa ki mon pe dir ki nou pe vreman gaspiy larzan dan sa Bidze pe pey sa bann gro sonm e mon ti a vreman sizer fortman avek Finans pour asize pour fer sir ki nou bann piti pa sarz nou bann pri enorm pour al fer lakaz parske sa Annex pour nou menm sa.

I pour Green Island; oubyen Green Tree mon pa konnen ki laranzman ki annan i sipoze en PPP be i pa en PPP parske Gouvernman ek Gouvernman.

Be nou pe pey bann sonm enorm en Bidze i deza an deficit. Alors silvouple si zot kapab regard ladan parske nou pe depans tro e dimoun pa pe ganny lakaz.

Mersi.

 

MR DEPUTY SPEAKER

Yes Minister?  PS Choppy.

 

PS YVES CHOPPY

Konsernan coral fill  Mr Chair, nou nepli pe vann coral fill avek piblik akoz i napa coral fill, bann stok ki ti reste  i bann ki pe servi pour, kot landfill eksetera. Annefe i annan landrwa ki nou ti aktyelman fouy, fouy Perseverance pour nou kapab kontinyen vann coral fill  dan bann lannen presedan. E zis pour konfirm sa ki Minis ti pe dir, nou nepli pe vann coral fill avek piblik. Mersi.

 

MR DEPUTY SPEAKER

Minis oule azout keksoz?

 

MINISTER CHARLES BASTIENNE

Mr Chair konsernan extraction per ton  mon krwar mon ti’n fer mon lekor kler ki zot pa peye en royalty, mon dir poudir diskisyon i Ankour avek Minister Finans pour diskit avek sa 2 Lakonpannyen konsernen, konsernan our kapab sarz en royalty e ki rate ki pour sarze.

Me selman as we speak ozordi, pa pe gannyen sarze lo sa apard ki lenformasyon ki mon annan pour enn ki li i pe pey en Lease on an annual basis lo 2 diferan site.

Mersi Mr Chair.

 

MR DEPUTY SPEAKER

Mersi. Onorab Afif.

 

HON AHMED AFIF

Si zanmen ou ti pour negosye mon pa konnen R15, R25, ou menm R50 en tonn, ou konnen konbyen tonn i annan lo sa bann site, konbyen ou to pour anmase an royalty, si zanmen ou reisi negosye ?  Parske sa bann Lakonpannyen zot tre profitab, ou donn en landrwa ok, zot pey en pti Lease me sa resours ki pe servi ki pe fer larzan avek pour Gouvernman ou devret ganny keksoz lo la.

Konbyen ou estimen ki ou kapab gannyen, ki nou a kapab met dan sa Bidze  ki kapab ed ou fer ankor lakaz ?  Mersi.

 

MINISTER CHARLES BASTIENNE

Mr Chair mon pa pour kapab vin avek en figure arbitrer poudir konbyen mon ekspekte anmase, i annan plizyer keksoz ki nou bezwen regarde, son prodiksyon ki kantite, son kou prodiksyon evidaman.

E ler nou pour fer sa negosyasyon Minister Finans pour sa negosyasyon osi ki nou pour bezwen mazinen ki lenpak ki kapab annan an term pri konstriksyon.

Eski ler nou pour ale pour al met en royalty pour nou sarz zot, eski zot pa pour translate sa into en ogmantasyon dan pri ki pe vann makadanm, lapousyer ros, blok ?  So tousala nou pour bezwen fer sir ki nou apros li dan en fason byen kalkile e non pa nek zis dir apepre konbyen ki mon kapab anmase, so kalkilasyon nou pa fer koumsa.

Mersi Mr Chair.

 

MR DEPUTY SPEAKER

Mersi Minis Onorab Valmont lo la ?Lo sa size ?

 

HON JUDE VALMONT

Yes  Mr Chair lo la etandonnen ki nou lo coral fill mon ti a voudre profite demann Minis, Minis eski Gouvernman i annan okenn plan pour fer plis proze konblaz e si wi kantite proze ki Gouvernman i anvizaze fer pour sa bann prosen lannen ?

Mersi.

 

MR DEPUTY SPEAKER

Minis.

 

MINISTER CHARLES BASTIENNE

Mr Chair mon kapab konfirm ek sa Lasanble ki anse moman i annan en letid ki pe ganny fer konsernan proze konblaz potansyel ki nou kapab fer.

Par egzanp i annan proze konblaz ki nou pe vwar konsernan Yacht Basin kot nou kapab kot Yacht Club i ete la kot nou kapab fer ki form par nou Victoria Traffic Management Plan pour nou kapab kre lespas semen osi pour devlopman waterfront.

E apre osi i annan plan pour kapab azout en morso avek Ile Aurore ki i annan letid ki’n ganny fer lo la e osi avek en morso avek Providence. So sa i sa bann letid la right now la ki mon aprann pe ganny antreprann.

Mersi Mr Chair.

 

MR DEPUTY SPEAKER

Onorab Ramkalawan follow up?

 

HON WAVEL RAMKALAWAN

Yes, Mr Chairman, Mr Chairman vi ki sa konversasyon ki pe go on la an relasyon avek sa batiman Independence House e vi ki depi pli boner sa semen e semen pase nou’n osi koz lo ki mannyer pour nou koupe spesyalman sa bann zafer GICC.

Mon ti ava kontan konnen ki PS Finans i santi si between now avek letan first quarter si olye sa R26milyon nou pran en desizyon pour nou koup li lanmwatye.

Pour nou koup li lanmwatye e sa R13milyon plus sa R5milyon ki mon pa konnen si i pour tonm anba Minis Bastienne konsernan batiman pour Lofis MNA si pour sa lannen nou ti a kapab pran sa R13milyon la, pour le moman pran sa R13milyon plus sa R5milyon parske i pa en urgency, tandi ki lakaz i en urgency, lanmenm la i fer R18 milyon e pran sa R18 milyon anvoy li ankor dan konstriksyon lakaz.

Mon ti ava kontan ganny zot lopinyon pour ki sa li menm li i ti ava donn nou e nou rod bann bon rates pour nou konstrir.

Si nou pe al fer GICC konstrir, nou pa al fer li konstrir R26mil par met kare me nou pa ni rod R13 mil par met kare, nou rod par anba R8mil par met kare pour nou kapab ganny maximum, parske apre tou i en piti Gouvernman ki pe fer sa lakaz.

Mersi bokou.

 

MR DEPUTY SPEAKER

PS Payet.

 

PS PATRICK PAYET

Thank you Mr Chair, thank you pour sa kestyon Onorab, ki nou diskisyon pandan sa 2 semenn ki nou’n gannyen avek Lasanble e nou nou’n ale kot Minister Finans nou’n komans en pe travay lo la.

E nou ki nou ti a kontan propoz avek Lasanble, nou pour vin avek en propozisyon in the first quarter of 2017 an menm tan ki MLUH pe travay avek zot prepozisyon pour sa R150milyon Pension Fund ki zot pe gannyen sa R150 milyon; any savings ki nou pour gannyen lo sa bann proze Mayors Office, National History Museum avek Independence House nou a met ansanm e tousala i ava al dan MLUH dan bann proze lakaz e zot a kapab ankadre li avek sa propozisyon letan zot a vin avek sa R150 milyon plus any savings ki vin avek, ki zot kapab vin avek en bon propozisyon in the first quarter of 2017.

 

HON WAVEL RAMKALAWAN

Me petet zis an ka si nou bliye e mon espere ki tou sa bann keksoz ki nou pe diskite pe byen ganny note e anplis ki sa lo sa larzan FIU annou zis pa bliye, lo sa R12 milyon FIU pour nou ganny sa Fire Tender.Mersi.

 

MR DEPUTY SPEAKER

Yes, Onorab De Commarmond.

 

HON CHARLES DE COMMARMOND

Mersi Mr Chair, Mr Chair dan menm lespri la ki pe ganny sizere mwan mon pe poz mon lekor en kestyon, rod otan larzan posib pour donn MLUH eski i pour annan kapasite pour fer sa kantite lakaz ki nou pe koze? La mon pe koz materyo ki nou annan lokalman konmsi i annan sa, mon panse i en issue sa, akoz ou kapab donn li son 4 fwa, 5 fwa, 6 fwa larzan ki i bezwen, me si kapasite pour fer lakaz pour delivre, kantmenm si i ava pey tou Kontrakter me sa ki prodwir sa bann materyo, i napa ase materyo kote nou ale ?Sa en kestyon, therefore me selman dan sa lespri avek konteks sityasyon ki devan nou, mon pe osi propoze ki sa bann koupe ki nou pe sizere ki byen.

Akoz nou pa sort of re access sa sityasyon ki zot pe dir dan Independence Annex ek sa bann lezot entity e pay-off ;konmsi ou anpes ou Kontrakter ou negosye, Ou dir be ok la, la i ariv sa nou raise sa larzan nou pay-off konmsi ki nou pa anmenn en fardo ki en pe pli lontan ?  En sizesyon ki mon pe demande me selman en legzersis serye i demann, mon siporte i ganny fer.  Mersi.

 

MR DEPUTY SPEAKER

Mersi Onorab De Commarmond. PS Payet.

 

PS PATRICK PAYET

Wi mersi Mr Chair, Mersi Onorab zis pour reponn dezyenm kestyon sanmenm sa avek nide ki nou anvi access properly, annou fer en proper assessment ki nou vwar tou bann keksoz Legal e vwar nou Public Debt Management Act osi pour nou kapab take over sa loan, all 3 loans ki annan.

E pour met li dan nou liv osi ki lenpak i annan, sanmenm sa nou a revwar li dan son totalite e nou a met en propozisyon dan first quarter devan Lasanble.  Mersi.

 

MR DEPUTY SPEAKER

Mersi PS Payet. Minister.

 

MINISTER CHARLES BASTIENNE

Mr Chair konsernan premye kestyon komanter, konsernan kapasite Minister, mon krwar ki mon Minister nou pe antreprann en plan la pour nou komans en, nou’n deza, nou’n deza komans build, ogmant nou kapasite entern par egzanp la nou annan plan medya pour nou advertise 3 Quantity Surveyor, 3 Enzennyer, apre 3 Quantity Surveyor Enzenyer avek Arsitek, 3 Arsitek,

So sa nou pe bouze pour nou kapab build kapasite entern, me i en keksoz ki pour vin gradyel.  Dezyenmman osi par egzanp nou tann pe koz lo kapasite, ki kapasite pei pour kapab soutenir en serten kantite konstriksyon dan en moman donnen dan en peryod letan ?

Eski pei pour kapab soutenir mon pa konnen, par egzanp la mon’n dir poudir 300 lakaz nou pour fer nou mye pour nou delivre lannen prosenn.

Nou pe osi fer nou mye poudir lannen prosen nou pe kapab delivre at least 200 morso later lannen prosenn.

So la lanmenm la i ava fer omwen 500, prezan san pran kont bann ki HFC pe donn loan omwen 100 en 150 ankor i vin 700, 750.

E si nou pour al, pour nou ale, pour nou al donn nou larzan, napa problenm, me selman an menm tan nou bezwen regarde pour mwan kapab vin rann kont avek sa Lasanble.

Zot menm zot, zot pour demann mwan, nou’n donn ou larzan akoz ou pa’n ale pour fer ou 600, 700 lakaz dan en lannen ?  Mon bezwen balans sa.

Ki lenpak i pour annan lo nou Foreign Exchange tousala ?So eski nou oule en sityasyon kot demen ler nou pe pran tou resours nou pe anvoy dan konstriksyon lakaz nou vwar nou dan lepok en pe letan pase -pa tro bokou letan pase kot ou fer drayver pickup al rod en voyaz lapousyer ros oubyen makadanm i bezwen dormi dan pickup depi 1er, 2er bomaten. Tousala nou bezwen fer sir ki i balans byen e fer li dan en fason byen kalkile Mr Chair. Mersi.

 

MR DEPUTY SPEAKER

Mersi Minis Onorab Ernesta follow up? Yes.

 

HON PAUL ERNESTA

Mersi Mr Deputy Chair, permet mwan mon pour zis retourn lo sa size konblaz la ki i enteres mwan.

Mon ti a kontan konnen Mr Deputy Chair si Gouvernman in fini antre dan okenn Lagreman pour sa bann proze konblaz.

E dezyenmman si wi lekel sa Lakonpannyen e kan sa Lagreman ti ganny sinyen ?

E trwazyenman eski okenn sa bann Lakonpannyen i annan okenn reprezantan Lokal si wi lekel ?Mersi Deputy Chair.

 

MR DEPUTY SPEAKER

Mersi Onorab.Minis.

 

MINISTER CHARLES BASTIENNE

Mr Chair konsernan proze konblaz parey mon’n mansyonnen boner i annan apepre 3 proze la kot letid pe ganny fer, e ki pour fer sa letid evidaman en MoU ti ganny sinyen avek Lakonpannyen Jan De Nul.

Jan De Null i menm li isi menm kirmol ki parey nou dir, Kreol ki nou dir Kirmol ki’n fer tou nou bann proze konblaz pandan tou bann lannen ki’n pase isi Sesel prensipalman.

E kondisyon sa letid se ki si mon memwar i servi mon byen, i sipoze kout nou apepre €700 mil, e kondisyon sa se ki si zot ganny sa Kontra pour zot fer proze konblaz, then Gouvernman pa pour bezwen peye sa €700mil me parkont dapre ki mon’n ganny leksplikasyon, se si zot pa ganny sa Kontra then Gouvernman pour bezwen pey zot sa, ok.

Ou dezyenm Onorab, Mr Chair mon’n mank son dezyenm kestyon, son lot bout kestyon?

 

MR DEPUTY SPEAKER

Yes Onorab.

 

HON PAUL ERNESTA

Yes mon lot kestyon se ki depan kan sa Lagreman in ganny sinyen ? Apre mon ti annan en trwazyenm, eski sa Lakonpannyen i annan en reprezantan lokal e si wi lekel sa reprezantan lokal ?

 

MINISTER CHARLES BASTIENNE

An sa ki mon konsernen letan mon ti pe vwar dosye pour familyariz mon menm avek mon lekor avek bann proze ki ongoing dan mon Minister, se ki sa ki mon’n vwar mwan se ki originalement ti annan en MoU ki ti ganny sinyen an 2006 avek sa Lakonpannyen Jan De Nul ki ti al pour 10an.

        E an Avril sa lannen sa MoU ti ganny renouvle pour ankor en pe letan, e si i annan okenn Lakonpannyen lokal ki reprezant li, dosye ki mon’n vwar se ki i annan en subsidiary ki apel Barbarons Maritime Company Limited ki reprezant Jan De Nul  isi Sesel. Mersi Mr Chair.

 

MR DEPUTY SPEAKER

Onorab Basil Hoareau.

 

HON BASIL HOAREAU

Mersi Mr Chair ou’n dir Minis poudir an 2006 ti premye MoU ki ti siny-en ant Jan De Nul avek Gouvernman Sesel, eski i annan okenn prosedir Tender ki ti ganny fer avan ki sa Lagreman ti ganny sinyen? E ou’n dir i annan en Konpannyen Barbarons Maritime Limited, eski sa Konpanni i en Konpanni Lokal anrezistre lokalman? E i annan okenn bann direkter ki pe reprezant sa Konpanni si wi, lekel ki ti reprezant sa Konpanni ?

Parske ou’n dir en let ti ganny ekrir la 2016 on behalf of sa Konpanni, par on behalf of the Maritime Barbarons Maritime Limited? Lekel ki ti ekri sa let on behalf of Barbarons Maritime Limited?

 

MR DEPUTY SPEAKER

Minister.

 

MINISTER CHARLES BASTIENNE

Mr Chair an se ki konsern Tender mon pa pour okouran si ti annan Tender dan lepase, me selman an vi ki parey nenport ki manm piblik, tou proze konblaz mon’n vwar poudir pe ganny antreprann par menm Lakonpannyen Jan De Nul.

Wi sa Lakonpannyen Barbarons Maritime i anrezistre lokalman e i annan en Direkter Lokal ki dan pas bann dosye ki mon’n vwar ki’n siny dokiman e son Direkter zot le konn non?  Ou’n demann mwan non e son Direkter Lokal se Ahmed Afif Mersi Mr Chair.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Wi, non, non pwen ki nou pe sey arive se ki napa Tender ki’n ganny fer, ou pe dir Mr Mohamed, Onorab Ahmed Afif ou pe sey dir ou ?

Ok sa nou pe dir ki napa Tender ki’n ganny fer prezan nou pe rode kote pour pey sa e eski sa in pas devan Cabinet ?

Eski in ganny laprouvasyon Cabinet sa MoU pour li re sinyen ?  Eski zis antre zot ? Ki mannyer in ganny fer sa?  Prezan lekel ki donn otorizasyon pour fer sa bann keksoz koumsa ?  Kote dan Bidze i annan sa larzan pour pey sa letid ki’n ganny fer, ou konpran ?

Prezan si prezan  nou pa pour konble si prezan nou ouver Tender e lezot dimoun ki gannyen konmsi be mon vwar en magouy la mwan.

Mwan mon vwar en magouy e mon demande ki en investigation i ganny fer urgently lo sa issue.

 

MR DEPUTY SPEAKER

Minis.  Yes Minister.

 

MINISTER CHARLES BASTIENNE

Mr Chair…

 

MR DEPUTY SPEAKER

Order, Order, Minis.

 

MINISTER CHARLES BASTIENNE

Mr Chair parey mon’n dir se ki laranzman, laranzman se ki i annan sa €700 mil ki pour pey sa Lakonpannyen pour fer sa letid.

E kondisyon ki atase avek se ki si zot pa ganny Kontra pour zot fer dredging works, reclamation works then Gouvernman pour peye.

Kestyon se ki i pa dan Bidze, wi i pa dan Bidze, mon pa pour kapab eksplike akoz i pa dan Bidze me selman the fact is se ki en letid pe ganny fer.

Me selman mon konsyan poudir sa sonm larzan pa dan Bidze, set akoz mon pa kapab fer plis komanter lo la. Mersi Mr Chair.

 

HON CHARLES DE COMMARMOND

Monsieur Chair la mon vwar i annan en keksoz ki mal Minis pa kapab fer plis komanter lo la, larzan pa dan Bidze, selman keksoz pe ganny fer dan sa Minister, this is wrong e mwan mon demande urgently ki en investigation i ganny fer, avan okenn keksoz further i ganny fer pour konble, pour letid, pour isi laba kot i konsern sa reclamation.

Mersi.

 

MR DEPUTY SPEAKER

Mersi Onorab. Minis pli boner in donn en leksplikasyon koman sa MoU i marse avek sa €700 mil petet Minis retourn en pti pe an aryer donn sa leksplikasyon akoz sa €700 mil i pa la – i pa pou ganny peye unless ki Jan De Mul   i pa ganny sa Kontra.

 

 

HON CHARLES DE COMMARMOND

Wi be napa Tender, Cabinet pa’n aprouve. Sa mon problenm.

 

MR DEPUTY SPEAKER

Minis eski ou kapab retourn en pti pe eksplik sa pti bout MoU avek, an koneksyon avek sa sonm ?

 

MINISTER CHARLES BASTIENNE

Mr Chair mon krwar ou’n repet egzakteman parey mon’n dir mannyer i marse ; se ki si Jan De Nul atraver zot reprezantan, wellJan De Nul avek subsidiary Sesel zot ganny sa Kontra pour fer reclamation then pa pour bezwen peye sa kou pour sa study.

Me si zot ganny sa Tender evidaman mon panse somehow i ganny absorb ladan. Si ti annan Tender, lenpresyon ki mwan mon pe gannyen avek mon Teknisyen se ki fort posibilite ti napa Tender in ganny fer pour sa.

E then mon krwar poudir sa i en keksoz ki nou pour bezwen pran, re anmenn kot Gouvernman, Gouvernman nou bezwen revwar sa, si fodre aret fer travay dan en baz imedya, nou a fer li dan baz imedya pour nou aret sa travay pour nou kapab fer sir poudir proper keksoz i ganny fer en mannyer ki nou a kapab montre en pe plis transparans, plis rann kont dan tou son fason,.

Mersi Mr Chair.

 

MR DEPUTY SPEAKER

Minis petet pour lentere Lasanble, kan ki ou’n mansyonnen ki sa MoU ti premye ganny sinyen ?

 

MINISTER CHARLES BASTIENNE

Mr Chair sa MoU premye ganny sinyen ti an 2006 e ti dapre sa ki mon konpran, i ti pour en peryod 10an e in fini la.  In ekspire boner sa lannen an Avril sa lannen mon panse e la in ganny renouvle en ?  In ganny renew, in ganny extended, in re ganny extended ankor an Avril sa lannen.Mersi Mr Chair.

 

MR DEPUTY SPEAKER

Mersi Minis, eski, mon pwen ki mon pe sey fer sorti eski Procurement Unit ti anfors sa lepok 2006 ?

 

HON CHARLES DE COMMARMOND

Wi Mr Chair problenm, la i annan problenm e sa bann issue in arive avan Minis ou’n vin Minis dan MLUH.

Ou pa ti Minis MLUH sa letan ler sa ti’n arive, e 2006 Direkter lo sa Konpannyen ki nou pe koze ti PS pour Finans sa  at that time ok ?

 

MR DEPUTY SPEAKER

Ale

 

 

HON CHARLES DE COMMARMOND

Ok anyway non pa non, sa ava gete, ava investigate e mwan mon problenm se ki sa pa’n ganny aprouvasyon Cabinet e sa pa’n ganny okenn Tender, pa’n ganny okenn Tender.

E mwan mon demande ki investigation i ganny fer urgently lo la, i annan dimoun anba kot Minister MLUH ki pran bann desizyon lo zot menm paret mwan parey mon pe ekoute ni Minis pa konnen, nanryen pa konnen e sa keksoz i mal.

E mon demande ki urgently investigation i ganny fer lo la Minis Finans, PS Finans bezwen anmenn sa urgently devan Prezidan e mwan mon osi mon pour fer mon bout pour nou vwar ki pe arive avek sa bann zafer.

E all along sa bann zafer konblaz in en issue, in en issue, i annan issue e mon krwar bezwen get en kou ladan Mersi.

 

MR DEPUTY SPEAKER

Yes Minister. Minister petet klarifye ou lekel ki’n siny sa MoU lo la par Minister, lo la par Gouvernman, petet sa osi i ava ed en pti pe Lasanble, si ou annan sa lenformasyon Minis.

 

MINISTER CHARLES BASTIENNE

Mr Chair, PS Finans i annan lenformasyon adisyonnel petet nou ti a donn li laparol.

 

MR DEPUTY SPEAKER

Ok, mersi PS Payet.

 

PS PATRICK PAYET

Thank you Mr Chair e thank you Onorab zis pour azoute anyway nou ava revwar, nou ava regarde ki bann prosedir ki’n follow dapre Regleman Lalwa Procurement e si i annan okenn Lalwa ki’n kase.

E selman sa ki mon konstate ti annan diskisyon en pe avek POU baze lo letan zot ti pe fer negosyasyon, 2015/ 2016.

Me nou ava revwar ki kwa ki Cabinet in aprouve lo sa proze komans lo son totalite ; si ti napa Cabinet approval nou a revert back avek Cabinet avek tou sa dosye ki annan.

E baze lo la Cabinet i a pran en desizyon si nou pour kontinyen avek sa proze dan son konteni mannyer i ete ouswa nou pour bezwen vwar sa lagreman dan son totalite. Mersi.

 

MR DEPUTY SPEAKER

Ok, Onorab Simon Gill

 

HON SIMON GILL

Mersi Deputy Speaker, bonn apre midi tou dimoun nou lo en topik enteresan, mwan mon oule zis get en lot fasad depi sa moman ki MoU in sinyen konsernan bann konblaz.

Mon prezimen ki i annan en bon pe lannen in pase, eski Minister i ava pran lo li pour sey gete deor la si napa lezot Konpannyen etablir ki probableman i kapab donn Sesel en good deal ankor konparab ou diferan avek sa ki Jan De Nul in abitye donn Sesel.

        Probableman i annan en dimoun, en Lorganizasyon, Konpannyen out there more competitive e ki kapab osi donn nou en good deal.

Sa mon pa dir vedir kas nanryen mon me i en kestyon apre tou sa bann lannen nou reevalye sityasyon e si i annan en better offer deor nou fer li note ki konblaz in toultan en issue ase kontroversyel.

Mon rapel konblaz Providence letan nou ti depans R50 milyon lo la nou ti ganny akize ki nou pe depans en ta larzan san konnen ki nou pe fer, e konblaz Perseverance osi in en issue ase kontroversyel.

So nou pour bezwen konblaz dan Sesel akoz nou later pe fini i reste dan montanny so i byen nou prospect deor, e sa i en kontribisyon ki mon ti a voudre ki Minis i konsidere. Mersi.

 

MR DEPUTY SPEAKER

Mersi Onorab Simon Gill, vitman, Minis ou oule? Ok go ahead Minis.

 

MINISTER CHARLES BASTIENNE

Mr Chair set egzakteman sa mon krwar sa letid ti pour ganny fer e swivan sa letid ti pour prospect apre bann lezot potansyel Lakonpannyen vin fer dredging evidaman petet Jan De Nul ti ava ladan avek lezot.

Mon kapab dir avek sa Lasanble i annan lezot Lakonpannyen ki’n aprose avek lentansyon osi pour zot kapab fer dredging e tousala pour bezwen ganny fer dan en fason transparan atraver Tender system ki ava met an plas.

Mersi Mr Chair.

 

MR DEPUTY SPEAKER

Yes Onorab Afif.

 

HON AHMED AFIF

Mr Chair mon ti a kontan raise of matter of privilege vi ki mon non in aparet dan sa diskisyon e mon ti a kontan provide n pe klarifikasyon zis pour ki Lasanble i kler lo ki sa ki’n arive.

 

MR DEPUTY SPEAKER

Go ahead Onorab.

 

HON AHMED AFIF

Sa ki’n arive se ki an 2006 kan  mon pa ti PS Finans.  Ti annan en Lagreman, en diskisyon ki ti ganny antreprann ant Gouvernman Sesel avek en Lakonpannyen Jan De Nul Dredging, zot ti dir li JDN.

I ti deside fer en propozisyon avek Gouvernman e sa ti ganny sinyen ant Veronique Herminie le 15 Septanm 2008, e Bernard Maleb ki ti reprezant Jan De Nul.

2006 ti en Lagreman pour li vin fer letid, i pour kapab fer dredging eksetera. Sa Lagreman ki zot in sinyen ki donn zot serten konsesyon mon pa ti dan Minister Finans mwan sa letan.

Ti en Lagreman ki ti permet zot kapab vin fer devlopman fer konblaz a lavenir dan Sesel e zot ti siny sa an 2008.  An 2012, 2012 mon ti kite an Mars – mwan 2012, le 15 Mars 2012, e ler mon ti kite mon ti vin en Konseye Finansyel Prive.

En Lakonpannyen apele Barbarons Maritime ki son propriyeter se Jan De Nulmon napa okenn par ladan ok, ti anrezistre le 21 Zen 2012.

E answit zot ti pran mwan koman  en Konsiltan pour ed zot ek bann negosyasyon avek Gouvernman.

Dan mon kapasite koman mon ti’n fini kite, koman en Konsiltan Prive.  Answit zot ti apwent mon lo zot Board, pa koman en executive director koman en non-executive director.

        Savedir ou reprezant zot isi Sesel, selman les li si i executive ou pa executive, selman mon pa ti dan Gouvernman.

Mon ti en Konsiltan Prive e mwan mon ti ed zot parske mon ti annan sa konesans lokal, mon napa okenn par ladan dan sa Konpannyen.

Mon ti annan sa konesans lokal pour ed zot dan bann negosyasyon e koman en Konsiltan Prive, se sa ki mon ti fer.

Zot ti apwent mwan lo zot Board me mon konpran, mon konpran ki answit par laswit parske sa Lagreman MoU ki zot in sinyen avek Gouvernman an Septanm 2008 ti bezwen ganny renouvle, me sa pa MoU ki’n sinyen ant Barbarons ek Gouvernman sa, ti ant Jan De Nulek Gouvernman.

Mon konpran poudir Jan De Nul ki mwan mon pa ni en Direkter, mon napa okenn par ladan i baze Moris.

Li in renouvle sa Kontra ek Gouvernman. E mon konpran poudir petet se li ki pe negosye ek Gouvernman pa Barbarons Maritime Limited de toute façon.

Me zis pour eklersi Lasanble ki mon involvement se koman en Direkter Barbarons Maritime dan mon kapasite koman en Konsiltan Prive apre ki mon ti’n kite dan Gouvernman.

Dan mon letan dan Gouvernman mon ti napa nanryen pour fer – Barbarons pa ni ti ankor set up e sa lot Lakonpannyen ti en Lakonpannyen ki Jan De Nul i ti baze Moris.

Mon ti napa nanryen, mon pa ti zanmen pran okenn par dan negosyasyon ek zot, lo, o-kontrer mon ti lo kote Gouvernman Sesel dan Minister Finans pli tar an 2008 – pa an 2006 ler zot ti fer sa negosyasyon, mon ti form parti ladan.  Me mon’n vwar li la mon osi.  E ler mon’n kite zot in apwent mon akoz zot konnen mon annan konesans lokal e zot dir mwan reprezant zot.

Sak fwa i annan negosyasyon mon reprezant zot,  me tanzantan zot vini zot menm e se zot ki siny Lakor avek Gouvernman. Mersi Mr Chair.

 

MR DEPUTY SPEAKER

Mersi Onorab. Onorab in donn nou en klarifikasyon, bon annou pa antre, order, order, order, annou pa antre dan cross examination ek en koleg Onorab. Nou deba i lo Bidze.

Minis avek PS Payet ki’n fer pozisyon kler, i annan en lakizasyon ki ganny fer lo Onorab Afif, Onorab Afif in fer klarifikasyon.

 

HON CHARLES DE COMMARMOND

Napa lakizasyon, pa korek sa ki ou pe dir Mr Chair. Napa lakizasyon demann leklersisman.

 

MR DEPUTY SPEAKER

Order, order.Bon nou pour move onok, Onorab Vidot, kestyon.

 

HON SEBASTIEN PILLAY

Mon pe raise en matter of privilege.

 

MR DEPUTY SPEAKER

Lo ki privilege, nou’n, sa size in ganny debate, Minis in fer son pozisyon, PS in fer son pozisyon, Onorab Afif ki enplike ladan in fer son pozisyon kler.

 

HON SEBASTIEN PILLAY

Mr Chair napa kestyon pozisyon, i en kestyon ki dan sa Lasanble nou’n kestyonn sa issue Procurement and Tendering.

        All along lo tou le 2 kote latab nou’n kestyonn sa, mon pa pe ziz personn mwan, nou tou le 2 lo tou le 2 kote latab nou’n kestyonn sa, sa zafer.

Now personn pa ankor dir nou, la pour le moman nou pa ankor ganny okenn konkretman from Departman konsernen ki dezormen la an relasyon avek sa bann proze ki nou pour annan en strict tendering e mon ti oule fer en propozisyon an plis, mon napa nanryen pour fer avek komanter Onorab Afif mwan, mon komanter ti annefe mon ti oule demande ki ler i annan bann proze koumsa ki konsern konblaz e i konsern sa bann kantite larzan,

Sa bann proze i osi ganny anmennen devan Lasanble e nou scrutinize tou bann eleman sa proze. That was all i was about to say.

 

MR DEPUTY SPEAKER

Mersi, mersi Onorab Sebastien Pillay e dakor Onorab Sebastien Pillay mon krwar ou pwen in ganny aborde par Minis ek PS ki zot pour al revwar, zot pour al revwar sa e zot ava anmenn devan Cabinet.

E PS osi in fer kler ki 2006 ler sa premye MoU ti ganny sinyen Procurement Unit pa ti ankor ganny set up.

E nou konnen poudir sa lepok bokou bann proze pa ti ganny Tender, e sa pa ti ankor vin en proze i ti zis en MoU pour fer letid. Ok, Onorab Pillay mon krwar ou pwen in ganny taken onboard. PS  avek…

 

HON CHARLES DE COMMARMOND

Mr Chair ki ou ape dir?

 

MR DEPUTY SPEAKER

Onorab.

 

HON CHARLES DE COMMARMOND

In renew sa Kontra e en letid in ganny fer, ti a bon Minis i eksplike lekel ki’n fer sa letid la, la, la recently la ?

 

MR DEPUTY SPEAKER

Onorab De Commarmond, Minis in dir ek PS zot pare pour al revwar ok?  Zot al revwar zot ava donn en feedback Lasanble ok?  Onorab Hoareau vitman.

 

HON BASIL HOAREAU

Mersi Mr Chair, zis mon ti anvi demann sa kestyon lo an relasyon avek sa ki Minis in dir poudir si Jan De Nul pa ganny sa Kontra pour konble then Gouvernman pour bezwen pey li €700mil korek ?

Dapre Lagreman si ou kapab dir nou Minis, eski sa €700mil pour ganny peye en sel kou, ouswa ki Lagreman an term peyman si i pa ganny sa konblaz ?  Sa ki mon anvi konnen.

 

MR DEPUTY SPEAKER

Yes PS Payet.

 

PS PATRICK PAYET

Mersi Mr Chair, e mersi Onorab pour sa kestyon, nou pour bezwen negosye the payment terms si okenn Kontra pa donnen regarding once ki nou fini etidye tou bann proze ki sipoze, konbyen son kou pour vini e si i pa win okenn Tender bann proze nou pour bezwen negosye the terms pour nou kapab pey li over the medium term.

Me selman parey nou’n dir zot ava revwar in the first quarter nou ava retourn dan Lasanble e nou ava advice ki pozisyon pour Gouvernman lo sa MoU e menm avek bann proze ki pe vini. Wi.

 

MR DEPUTY SPEAKER

Mersi PS, bon nou a retourn lo Bidze. Onorab Vidot.

 

HON AUDREY VIDOT

Mersi Mr Chair, Minis mon annan 2 kestyon, mon premye kestyon i en pti pe lo sa bout later kot Ex-Kazern i ete, mon konpran poudir, klarifye byen si Minister, ou Minister ki fer, ki peye pour fer kit sa landrwa prop, si wi, apre osi ki zot pe, dan menm laliny ki plan, akoz ki i pa kapab ganny koman en opsyon pour fer proze social housing pour zabitan, ki problenm ki difikilte Minister pe antreprann pour konsidere?

E mon dezyenm kestyon mon’n tann Onorab Esparon taler pe met presyon an term later dan son distrik, priyorite pour son distrik, i fer mwan forse demann sa kestyon prezan pour bann distrik Santral.

Prenon kont parey Roche Caiman, Plaisance, Mont Fleuri, Mamelles, sa bann Mont Buxton, English River, Bel Air, St Louis sa bann distrik la zot napa later pour fer bann proze lakaz lot, lot ensidswit oubyen pour ganny later pour bann dimoun fer zot devlopman.

Be sa bann dimoun ki pe espere ki mannyer ou Minister i kapab kre sa balans dan zot bann assessment pour vreman partaz sa larises avek tou spesyalman konsiderasyon lo sa bann distrik parey akoz zabitan Roche Caiman i bezwen lespwar?

 

MR DEPUTY SPEAKER

Mersi Onorab.  Minister.

 

MINISTER CHARLES BASTIENNE

Mr Chair konsernan premye kestyon Ex-Fiennes la, Ex-Fiennes  dapre sa ki mon aprann se ki case i devan Lakour e nou pe atann case konplete apre la Gouvernman i a deside lo ki projet ki nou pour mete dan sa site laba.

Konsernan netwaye sa i en keksoz ki mon a bezwen take up anvi ki ownership i pa pour nou evidaman.

Ok, PS pe dir mwan periodically nou netwaye me selman nou a fer sir poudir i reste prop.

Dezyenmman Mr Chair konsernan reasirans pour bann distrik santral, bann landrwa ki napa posibilite pour annan later, se pour sa rezon ki Gouvernman i annan sa quota 60, 40.

Ki en fason okenn proze ki fer dan en distrik 60 poursan i benefisye sa apre 40 poursan i benefisye quota Nasyonal kot nou servi sa pour kapab asiste lezot distrik kot napa privilez pour annan later oubyen petet devlopman lakaz dan zot distrik.

Mersi Mr Chair.

 

MR DEPUTY SPEAKER

Mersi Minis. Onorab Adelaide.

 

HON FRANCOIS ADELAIDE

Mersi Mr Chair, bonn apre midi a tous, bonn apre midi Minis avek ou lekip, Minis zis petet en pti siplemanter premye, pa siplemanter soz…

Vi ki nou ki dan distrik ki pe nou pe petet vwar sa bann proze mon ti ava demann ou si petet bann Onorab dan bann distrik i ganny elekte, ki nou kapab petet ganny sa bann proze ki dan ou Minister, akoz dan Biro Brans nou pa pe ganny akse avek lenformasyon wi, dan Biro Distrik ok korek.

Mon lot pwen ou ti enform sa Lasanble 5 semenn pase ki Baie Lazare i annan serten kantite later pour vann dan land bank, eski ou kapab reasir sa Lasanble avek zabitan Baie Lazare ki sa bann bout later i ankor la, i pa pe ganny vann anba, anba ? E ki kote sa bann bout later i baze ?

Mon dezyenm kestyon mon pour demann ou Minis eski kot i annan sa vye Bazar Baie Lazare, eski i annan okenn proze ki’n ganny soumet kot ou pour ou devlopman ? Mersi.

 

MR DEPUTY SPEAKER

Yes Minister,

 

MINISTER CHARLES BASTIENNE

Mr Chair mon a pran son premye kestyon apre PS Labita i reponn dezyenm bout, konsernan, ou’n dir mwan ou ti a kontan ganny akse avek detay bann proze ki mon Minister i annan ki tous ou distrik, wi me selman si mon pa tronpe dan Bidze osi i ava anba PSIP i annan detay lo sa bann proze tousala ti extend.

Mr Chair petet si mon ti kapab ganny leklersisman lo premye kestyon i pa tro kler pour mwan.

 

HON FRANCOIS ADELAIDE

Wi Minis, mon pe demann si eski i posib fer nou Minister fer nou ganny akse avek sa bann proze ki zot in fer dan distrik ?

Petet bann premye distrik 2015 i la 2016 e bann ki zot annan pour 2017, pour ki nou ava kapab evalye e gete si vreman sa bann proze in ganny byen fer.

Prezan si sa bann ki pe vini 2017 i reflekte sa ki zabitan pe dir, ou pe konpran mwan la ?

 

MINISTER CHARLES BASTIENNE

Mr Chair konsernan projet distrik mon krwar laranzman travay ki nou’n tonm dakor se ki tou i ganny fer atraver Ladministrasyon Distrik, e si nou oule okenn lenformasyon, okenn lalis lakaz, okenn lenformasyon ki nou oule mon krwar se sa latant in kre atraver Ladministrasyon Distrik pour zot ganny sa detay akoz zis mazinen, nou annan 25, byento 26 distrik kot ki pour arive ?  26 DA in vin pran kontak avek mon Minister i vin rod lenformasyon.

Mon pran mon 25, 26 Onorab osi pour vin rod menm lenformasyon mon krwar sa fason travay ki mon krwar ki nou’n tonm dakor se ki, tou lenformasyon i ganny donnen atraver Ladministrasyon Distrik.

E Ladministrasyon Distrik i donn sa lenformasyon bann Onorab konsernan.  Apre dezyenmman Mr Chair konsernan vye Bazar mon napa okenn lenformasyon konsernan si pour annan okenn devlopman laba.

Me mon a kapab enform Mr Chair, enform Onorab pli tar konsernan si i annan okenn keksoz ki pe arive laba e ki kalite projet ki pour annan.

E prezan konsernan detay lo projet  land  bank petet Mr Chair mon ti a kapab pas la parol avek PS Habitat.

 

PS JENIFFER JASMIN

Mersi Mr Chair, Mr Chair an term dezyenm kestyon Onorab pour lannen 2017 Bidze  pe fer provizyon pour devlopman land  bank  Dame Le Roi e apre osi nou ti’n mete pour devlope pour 2018 Ex-Hodoul.  E nou annan osi Ex-Regis Robert ki li i ant en staz pre survey e baze lo lokasyon Bidze  ki nou pe gannyen petet parey Minis in dir nou pour vwar posibilite ki nou kapab devlop sa bann land  bank mersi.

 

HON FRANCOIS ADELAIDE

Zis en pti siplemanter.

 

MR DEPUTY SPEAKER

Ale Onorab.

 

HON FRANCOIS ADELAIDE

Akoz Minis ti vin dir nou i annan detrwa bout zot ti’n fini allocate, mon oule konnen si petet dan sa bann bout la, napa bann bout later i konmans vann avan ki ou ti dir nou ou komans vann an Zanvye lannen prosenn, si napa okenn bout later ki’n komans vann la pour le moman dan sa bann proze ki ou ti dir nou ?  Mersi.

 

MINISTER CHARLES BASTIENNE

Mr Chair si mon rapel byen 5 semenn pase letan mon ti vini mon ti dir an  tou i annan 88 morso later dan diferan distrik e mon ti dir anvi ki sa bann proze i an staz avanse i annan serten sa bann morso later ki commitment ti’n fini ganny fer avek.  Mon krwar ti kler letan mon ti fer mon, mon ti vin devan sa Lasanble apepre 5 semenn pase.  Mersi Mr Chair.

 

MR DEPUTY SPEAKER

Mersi Minister. Onorab Ramkalawan.

 

HON WAVEL RAMKALAWAN

Eski zot Polisi i ankor eski en dimoun i ganny drwa aste zis en kare dan land bank ?  Akoz lenvidans deplizanpli pe montre par egzanp Carana mon kapab pandan Break donn ou 3 kare later land bank ki lo en sel non, son plot number e tou.

Parske mon krwar poudir si sa i nou Polisi sa bann dimoun ki’n aste plis ki en kare petet e pa ankor devlope ti ava bon pour rann sa bann kare. Mersi.

 

MR DEPUTY SPEAKER

Minis.

 

MINISTER CHARLES BASTIENNE

Mr Chair si mon memwar i servi mon byen 5 semenn pase mon rapel Onorab Leader Lopozisyon ti demann mwan menm kestyon e mon larepons ki mon ti dir li se as far ki mon konnen se ki Polisi Gouvernman se ki en dimoun i ganny asiste en fwa, swa avek en lakaz, oubyen avek en morso later.  Mersi Mr Chair.

 

MR DEPUTY SPEAKER

Bon nou a pran en Break e nou ava retournen 4er edmi.

 

(BREAK)

 

 

MR DEPUTY SPEAKER

Bon avan nou repran nou travay, zis mon fer rapel bann Manm ki nou ankor annan 3 Departman anba Minister Habitat, Infrastructure and Land Transport.

Nou ankor annan Planning Authority, Department of Transport apre SLTA.  Mon ankor annan 7 Manm ki pa ankor demann kestyon la annou sey fer li en pti pe pli spesifik e anmenn nou kestyon direk ki nou a kapab ganny bann repons direk avek Minis oubyen avek son 2 PS oubyen avek PS Payet e nou a kapab move one nou a kapab tackle sa Minister ozordi.

Bon avek sa mon demann Onorab John Hoareau.

 

HON JOHN HOAREAU

Mersi Mr Deputy Speaker, Mr Deputy mon oule dir ki mon tre dezapwente avek sa Bidze pour Minister Land Use, Lenfrastriktir e Transpor.

Akoz mon ti a voudre vwar sa devlopman ‘Dan Gala ganny fer 2017 parey ti’n ganny promet, me la mon vwar in bouz pour anba ‘’Capital Project pour 2018.

E osi ti annan sa size Mango Lodge Beau Vallon ki ti pour ganny re devlope pour fer Condominium e sa osi mon pa vwar li appear okenn par ni 2018 e 2019.

Me mon  kestyon pour Mini,s se ki mon ti a kontan konnen si i annan proze anba Land Management pour fer devlopman land bank dan Beau Vallon ?

E dezyenmman mon ti a kontan konnen anvi ki Vijay Construction pe okip en gran morso teren lo Ile Aurore, mon ti a kontan konnen ki bann kondisyon ki Vijay Construction i annan avek son Minister lo sa size ?  Mersi.

 

MR DEPUTY SPEAKER

Yes Minister.

 

MINISTER CHARLES BASTIENNE

Mr Chair parey mon’n dir, Onorab mersi pour ou kestyon, parey mon’n dir boner nou pe revwar priyorite an term bann petet ki anba PSIP input ki nou’n anvoy li pour 2018 oubyen 2019 anvi ki nou annan sa nouvo lanvlop e nou ava vwar ki kapab anmennen petet pour Beau Vallon.

Konsernan Mango Lodge mon aprann avek PSsa osi i en proze ki ti anba konsiderasyon, nou a vwar akoz parey mon’n dir dan nou plan lannen prosenn ki en plan ase konpreansiv nou pe vwar diferan laspe bann Condominium ki mannyer nou pour ed nou bann returning graduates, bann professionals e tou sa.

So petet laba ti ava en proze ideal pour sa, so sa nou ava vwar letan nou ava prezant nou plan konpreansiv anliny avek nouvo lanvlop ki nou’n gannyen.

Konsernan Vijay Mr Chair si mon pa tronpe mon predeseser in deza vin fer en prezantasyon oubyen ti reponn en kestyon dan Senkyenm Lasanble me selman malerezman avek mwan mon pour napa detay laranzman ki’n annan avek Vijay pour li ganny allocate sa morso later lo Ile Aurore e osi laranzman konstriksyon pon. La si mon sey ale pour eksplik ou mon pour napa detay spesifik ki petet pour annan serten mankman ladan Mr Chair, si i ok avek Onorab i pa pour en problenm pour mwan petet fer Lasanble ganny detay egzakteman laranzman ki ti annan avek Vijay.  Mersi Mr Chair.

 

MR DEPUTY SPEAKER

Mersi Minis.vitman Onorab Hoareau.

 

HON JOHN HOAREAU

Wi, wi mon ti pe pour land bank Beau Vallon ?

 

MINISTER CHARLES BASTIENNE

Mr Chair mon ti’n panse letan mon’n dir li ki nou pe revwar priyorite anvi avek nouvo lanvlop 2017 sa i enkli land bank osi ki swa ‘Dan Gala, ki swa proze Mango Lodge, oubyen lezot proze land bank ki posibilite ki kapab ganny fer dan Beau Vallon, e annefe mon pe koz partou mwan.

Mersi Mr Chair.

 

MR DEPUTY SPEAKER

Mersi Minis. Onorab Georges.

 

 

HON BERNARD GEORGES

Mersi Mr Chairman, Mr Chairman mon kestyon pour Minis i an koneksyon avek mon distrik Les Mamelles e mon ti a kontan ki Minis ti a kapab dir nou anvi ki i dir ki pour annan apepre 200 lakaz ki pour ganny fer lannen prosenn.

Ki plan son Minister pour re devlop sa ki nou appel Lower Les Mamelles bann vye lakaz Kolonyal ki dan en tre mauvaise ėtat, eski plan ki annan pour sa lannen ki pe vini ou bann lezot lannen ki pour vini apre pour re devlop sa landrwa ki’n nou apel ‘Dan Kan’ Plaisance opposite Laboutik Mohan Shopping Centre.

        E an koneskyon avek sa e an referans avek pwen ki Onorab Vidot in fer resorti ki mon toutafe dakor avek.

Anvi mank later dan distrik Les Mamelles e bann lezot distrik a-vwazinan eski Minis i kapab regard dan posibilite dan sa ka fer alokasyon en pe plis lakaz pour sa bann distrik dan bann alokasyon Perseverance ki nou ava kapab ganny en pe plis laba.

E finalman still lo sa menm laliny eski Minis i kapab dir nou kote nou bann MNA sirtou bann ki asiz lo sa kote latab nou fit in dan alokasyon lakaz, e mon konnen Minis pour dir ki taler in dir ki nou devret pe regard avek nou DA that’s the theory.

Me an realite i pa toultan marse nou ganny dir, wi, wi me par distrik ki fer alokasyon, Minis ki fer alokasyon, oubyen Departman Housing ki fer alokasyon e a lafen nou, nou napa en gran kantite infact nou napa okenn say ditou.

Malgre ki nou bann predeseser Parti Lepep ti annan, alors si Minis ti kapab eksplik sa 3 pwen ki en gran konsern pour bann zabitan Les Mamelles, mon ti ava remersye li.  Mersi.

 

MR DEPUTY SPEAKER

Minis.

 

MINISTER CHARLES BASTIENNE

Mr Chair konsernan re devlopman Les Mamelles annefe nou le fer li nou priyorite, parey mon’n koz lo 3 proze ki nou bezwen pran konsiderasyon dan en pe imedya pour nou kapab akseler-e

Me selman mon pa pour kapab pronons mon lekor antyerman lo la ki lannen.  Mon ti a swete ki i ganny fer pli vit posib nou annan Les Mamelles, Corgat Estate apre parey mon’n nonmen i annan Forêt Noire, Port Glaud ki nou anvi eliminen pli vit posib.

Me mon krwar poudir letan ler nou’n fer nou plan premye kar lannen prosenn, nou a kapab annan serten lendikasyon kan nou pour konplet vre devlopman bann landrwa parey.

Dezyenmman Mr Chair konsernan ‘Dan Kan’ Plaisance i annan serten negosyasyon la right now ki pe fini avek serten owners sa landrwa, serten in fini me i annan serten ki pa ankor fini.

E Gouvernman la right now an menm tan nou pe plan serten, evidaman pour annan serten konsiltasyon ki pour ganny fer an relasyon ki kalite proget ki nou pour mete dan sa landrwa.

Nou ti a kontan, nou ti a swete ki pli vit posib sa landrwa i ganny kraze e i eyesore dan li menm en mannyer nou kapab met en keksoz en pe pli modern la.

Trwazyenmman konsernan bann distrik ki napa esansyelman proze pour petet ganny en pe plis lakaz lo Perseverance, e si ou permet mwan pran sa 3enm avek ou 4enm pwen mon krwar ki avek sa point system ki pour vini lannen prosenn nou ekspekte kapab annan plis transparans en, dan lafason ki lakaz i ganny allocate dezormen.

I pa neseserman en zafer zis Minis, i pa en zafer zis DA me atraver sa point system avek tou sa bann kriter ki antre ladan, ki pou deside dan ki fason ki lakaz i a  ganny allocate dezormen.

Mersi Mr Chair.

 

MR DEPUTY SPEAKER

Mersi Minis.Onorab Herminie.

 

HON WILBERT HERMINIE

Mersi Mr Deputy, eski Minis i kapab dir nou an fer referans avek paz, anba PSIP paz 29 mon pa vwar dan Bidze sa lannen kontinyasyon bann ‘’under pending works’’ avek re roofing ek drenaz ki ti pe fer Vilaz Trezor si sa pour ganny kontinyen fer ouswa pour ganny fer en lot letan ?  Mon dezyenm pwen se ki Policy Minister lo alokasyon bann bedsitter? Mersi.

 

MR DEPUTY SPEAKER

PS Choppy.

 

PS YVES CHOPPY

Mersi Mr Speaker ek Onorab Herminie, Trezor, nou ti fer louvraz pour repar bann cracks lo bann lakaz ki ti annan felir e mon pa okouran si nou annan en proze re roofing as such pour le moman.

Nou ti fer en proze re roofing Vilaz Lespoire e sa in konplete i ti finanse par PMC part man par bann beneficiaries e lot louvraz ki reste pour Vilaz Lespoire i konsernan koneksyon laliny sewage sa osi tou dan louvraz ki PMC pour finansye so i pa dan Bidze pour nou.

Mersi.

 

MR DEPUTY SPEAKER

Onorab Letourdie.

 

HON JANY DE LETOURDIE

Mersi Mr Chair, bonn apre midi Minis, Minis mon pe trouve dan proze ‘Capital ki i annan 9 Unit mon pa konnen si i ankor stand.

9 Unit ki ti sipoze ganny konstrir lo Partial No. V10502 e sa i trouve Roche Caiman, a ka Kosovo si mon ler mon pe get li mon krwar i trouve laba e mwan koman en zabitan laba, mon reste laba, mon trouve Minis i annan en kantite dimoun detrwa fanmir, sirtou mon bann vwazinaz ki pe reste apepre 10 a 15 dimoun dan 2 lasanm ou 3 lasanm.

E si sa proze i pour ganny konplete mon mazinen petet an 2018 ki i ava komanse oubyen i pour fer par bout mannyer mon pe regard li la, e eski Minis ti a kapab kekfwa donn en garanti ki sa bann priyorite i ava sa bann dimoun, sa bann fanmir Kosovo sirtou ki pe reste dan sa fason, kekfwa priyorite i ava pour zot.

Apre mon dezyenm pwen Minis mon ti a kontan si ou ti kapab donn en klarifikasyon lo ki mannyer Lasirans Lakaz pour bann dimoun ki’n pey zot bann loan, ki mannyer i marse ?Mersi.

 

MR DEPUTY SPEAKER

Yes Minisor PS.

 

PS YVES CHOPPY

Wi Mr Speaker, mersi Onorab nou annan en proze ki sipoze komans 2018 e bi sa proze se ki pour dan distrik Roche Caiman. So priyorite pour bann dimoun Roche Caiman ki bezwen fanmir grandi pour re locate eksetera, so sa mon pe konfirm sa ki ou pe demande, mersi. Minis mon krwar pour pran larestan kestyon, ti annan en kestyon Onorab Herminie ki i pa ti ankor reponn.

Mersi.

 

MR DEPUTY SPEAKER

Onorab Letourdie i annan en lot bour kestyon non ? Lasirans.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair lately mon pa tro sir ki mannyer Lasirans mon prezimen i ankor parey, letan mon ti travay avek HFC, PMC lafason ki ti marse se ki tou le lannen en serten sonm tou depandan ki mannyer lasirans i sarz PMC sa lepok, I ganny divize par tou bann dimoun ki annan en House Purchase Agreement. E sa i ganny mete lo zot kont kot zot ganny sarze kot lo en baz anyel  so ki vedir ki si zanmen i ariv okenn maler kot lakaz i brile ou kwa then PMC i recover in full son larzan depandan lo konbyen lakaz in asire.  E pour bann ki annan tenancy zot lasirans i ganny peye par li ki owner of the house i PMC pour bann ki tenancy, then si ki PMC ki pey zot Lasirans si mon pa tronpe koumsa ki ti marse, pour House Purchase i ganny mete lo kont sa dimoun respektiv.  Mersi Mr Chair.

 

MR DEPUTY SPEAKER

Mersi Minis, PS Choppy ou oule pran sa deyzenm parti kestyon Onorab Herminie or Minister ?

 

MINISTER CHARLES BASTIENNE

Wi Mr Chairkonsernan dezyenm kestyon, konsernan Onorab Herminie, konsernan bedsitter;r nou anvi avek nouvo lapros ki nou pran se ki tou bedsitter i vin dan en stok Nasyonal.

E non pa dan en distrik spesifik i reste pour sa distriki reste pour sa distrik. So e prezan lo en baz Nasyonal nou anvi ki prezan i ava ganny allocate dan sa fason kot i ava vin en vre landrwa tranzitwar pour sa dimoun evantyelman pour ganny son lakaz e non pa letan i pour ganny allocate en bedsitter malerezman nou vwar en dimoun pe reste en bon pe letan dan sa bedsitter.

        So nou anvi ki bann stok  bann bedsitters ki pa neseserman tonm anba bann lakaz ki vann, i reste koman en stok Nasyonal pour nou ed bann dimoun lo en baz parey mon’n dir tranzitwar.

Mersi Mr Chair.

 

MR DEPUTY SPEAKER

Mersi Minis. Onorab Stephen Pillay.

 

HON STEPHEN PILLAY

Mersi Mr Chair, Mr Chair mon oule demann Minis lo 5 semenn pase parey ou ti dir, ou ti dir nou napa Housing Estate ki pour fer Au Cap.

Ou ti dir mwan napa land bank pour fer Au Cap me mon premye kestyon se ki dan en Journal ti dir prezan i annan Landbank ki pour allocate Au Cap.

E si sa Housing Estate ki dir napa la vi ki ou’n ganny R150 milyon an plis i apepre 40, R18 milyon ankor ou annan apepre 400 lakaz an plis.

Eski ou pa krwar ou devret regarde pour Au Cap, les ganny en pe dan sa Housing Estat eki kapab ganny en pe lakaz laba Au Cap. Si pour napa menm dir nou, nou ava fer konnen Au Cap poudir 2018 ki Moripa pour ganny 15 Unit.

Mon dezyenm kestyon lo sa bann zafer land bank en dimoun i pare pour pey son lakaz, son later an full akfer i pour al lo en lalis ki pour esper lo point system kan i kapab pey son lakaz, pey son later fer son lakaz li menm e in idantifye son bout later avek PS Jasmin ?

E mon menm mwan mon’n ekri li pour demann li e ziska aprezan mon pa ankor ganny en repons sorti kot PS, si sa dimoun i kapab i a pli vo mye pey son later si ou pa kapab fer survey sa dimoun i pare pour fer survey sa bout later ki’n ganny idantifye. Mersi Mr Speaker.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair konsernan Landbank Au Cap mon krwar mon’n dir taler poudir pour annan en proze Sawa-Sawa en, kot mon pa tro sir si 9 oubyen 7 Unit ki sipoze annan.

Eski dimoun Au Cap pour ganny lakaz oubyen non ?  Be se pour sa rezon ki mon dir nou annan sa 60, 40, sa 40 poursan i ganny servi dan en pool Nasyonal pour nou kapab asiste tou dimoun otan ki posib.

Me mon kapab konfirm ek sa Lasanble osi Mr Chair poudir mon Minister la pe finaliz en legzersis ki nou’n komanse en pti pe plis ki 1 mwan pase, nou pe idantifye dan tou bann distrik, bann potansyel ki i annan ki nou kapab fer swa en Housing Estate oubyen land bank.

Sa legzersis pe ganny fer, in preski fini fer annefe mon sipoze ganny rezilta by milye Janvier lo tou bann later ki nou’n annan potansyel pour nou fer bann devlopman parey.

Si par kont i arive mon pe koz dan kad Au Cap kestyon i vize ver Au Cap i annan landrwa potansyel kot nou kapab fer Housing Estate mon pe vwar dan PSIP la in mete kot Ex-Moripa pour annan en devlopman an 2019.

Parey mon dir taler avek lezot Onorab, nou pour al vwar priyorite pour nou kapab vwar ki mannyer, mon pa kapab fer commitment la, me ki mannyer nou pour kapab pli byen servi sa lanvlop ki nou pe gannyen atraver Fon Pansyon.

Apre ou trwazyenm pwen konsernan en dimoun ki’n idantifye en bout later i kapab peye. Nou Polisi, Polisi sa Gouvernman konsernan later ek lakaz i baze lo ou bezwen, i pa baze lo ou abilite, ou mwayen pour ou peye, si non plizyer dimoun pa ti pour kapab benefisye swa avek en lakaz oubyen ek en later, evidaman avek later osi, atraver nou progranm, nou projet ki nou pe met an plas lannen prosenn.

En dimoun ki ganny allocate avek en later fodre i annan abilite pour li kapab pran en loan pour li konstir son lakaz.

Nou pa kapab donn ou en later e nou vwar poudir ou met dormi apre plizyer lannen ou pa pe kapab devlope.

Tou sa bann pwen pe ganny konsidere atraver nouvo lapros ki nou, nou pe al servi.

Apre lot pwen ankor apre se ki mon ti dir 5 semenn pase konmkwa dimoun la pour le moman i ale i idantifye en bout later, atraver serten fason zot in idantifye en bout later.

Nou pa krwar poudir this is the way forward, way forward se ki Gouvernman merit annan son stok later e prezan i annan en mechanism pour li allocate later olye dimoun al marse partou al rod later.

E apre i vini i dir ou mon’n vwar tel bout later mon oule ou allocate mwan sa later, ou konpran.

Parey mon dir se ki tou sa bann keksoz e plizyer lezot keksoz ki nou’n koze ozordi i bann pwen ki zot pe ganny pran an kont dan sa plan konpreansiv ki dayer mon krwar i plan ki enportan i pour dan benefis pei, i pour anmenn plis transparans,

Mersi Mr Chair.

 

MR DEPUTY SPEAKER

Onorab Pillay.

 

HON STEPHEN PILLAY

Non Mr Speaker, ki mon oule demann Minis, si sa dimoun in idantifye son later, i dan bezwen li osi, i annan 10an, 12 an i lo lalis, PS i okouran.

E en keksoz ki mon’n vreman dezapwente PS pa ni’n pran letan pour reponn mwan korespondans ki mon’n fer ek li.

Mersi Mr Speaker.

 

MR DEPUTY SPEAKER

PS ou oule klarifye sa oubyen.

 

PS JENNIFER JASMIN

Mersi Mr Chair lo case ki Onorab Pillay pe refer lo la, tou sa bann let ki konsern Constituency e acknowledge by mon Lofis e pe ganny deal avek bann irrespective Officers e mon ava kapab follow up  as to the status e update son Lofis.  Mersi.

 

MR DEPUTY SPEAKER

Mersi PS. Onorab Valmont.

 

HON JUDE VALMONT

Yes Mr Chair, mwan mon ti a voudre demann Minis anvi ki premye faz Nageon Estate pe al demare boner Zanvye e nou konnen son dezyenm staz i annan en eleman kritik ladan ki vin sa Housing Estate ki nou pe dir nou’n dir li koman Ex-Alezia e mon pe demande si sa Bidze 2017 i cater sa Housing Estate ki pour ede bouz nou bann dimoun pour nobou kontinyen avek sa bann faz over bann years ki vini.

Mersi bokou.

 

MR DEPUTY SPEAKER

PS.

 

PS YVES CHOPPY

Mersi Mr Speaker Bidze ki nou’n propoze i kouver 14 Unit konstriksyon pour le moman e i pour osi kouver komansman devlopman lo en teren ki vid ki nou kapab servi koman landrwa pour relocate ler nou al dan bann future phase Nageon Estate.

Mersi Mr Speaker.

 

MR DEPUTY SPEAKER

Mersi PS. Onorab Ferrari.

 

HON JEAN-FRANCOIS FERRARI

Mersi Mr Deputy, mon kestyon i konsern Corgate Estate, mon ti a kontan demann Minis vi ki sa i annan en Grant from Chinese Government ki pour re devlopman faz 3 Corgat Estate, kwa ki pe met retar pour sa proze demare vi ki larzan mon ekspekte in fini arive?

E mon dezyenm kestyon lo la se ki, Minis kekfwa i kapab eksplik nou en pe, stok lakaz Corgat Estate pour reste parey akoz sak fwa nou konstrir enn nou detri enn, nou kraz enn.

E dan sa ka i pe al telman lantman ki bann dimoun ki reste Corgat Estate anba zot par avan 10an ki zot kapab ekspekte devlopman ariv kot zot.

E la dan bor anba la i annan bann lakaz endividyel ki bann tenants ti a kontan aste, ti a kontan refer, ti a kontan invest zot menm ladan, konmsi ki Minis i kapab fer pour ki omwen pour sa bann dimoun ki reste anba Corgat Estate  zot kapab swa ganny sa bout pour aranze zot menm, e e1,2Ward ki net anba ki pour pran 10an, 15an pour aranze.

Si napa en keksoz tanporer ki kapab ganny pour met zot dan en kondisyon en pe pli sanniter, en pe pli, e sirtou aranz otour Klinik, lera sa bann keksoz, konmsi sa bout la, i pa pour tenir 10an Minis.  I pa pour tenir akoz son sityasyon i vreman, vreman difisil.

So ki ou kapab dir bann zabitan Corgat Estate sirtou sa bann bout anba la ki zot kapab fer zot osi pour zot kapab ganny en pe landrwa en pe pli byen ?  Mersi.

 

MR DEPUTY SPEAKER

Mersi Onorab, PS Choppy.

 

PS YVES CHOPPY

Mersi Mr Speaker, Onorab Ferrari an sa ki konsern sa proze Grant, rezon i ankor komanse se akoz bann prosedir ki Gouvernman Sinwan i fer akoz zot fer zot Procurement, zot Tender zot menm e nou fek ganny enforman ki zot in fini selekte Kontrakter la zot dan staz mobilizasyon pour zot kapab, sa Kontrakter ki’n ganny selekte komans fer son prezans vin Sesel e i dan faz mobilizasyon e proze pour komanse premye kar 2017.

Wi ok, mon pour koz en pti moman lo issue kantite lakaz ki nou pe fer dan re devlopman apre Minis i a kontinyen lo la, parey ou vwar bann blok Flat konmela Corgat Estate zot annan bokou plis letaz, alor pa sa fason nou pe maximize idantifye landrwa e nou pour ganny plis Unit ki ti annan orizinalman ok, so mon a pas avek Minis pour li reponn larestan kestyon.

Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair se pour sa rezon ki bann lakaz endividyel devan dapre sa ki mon konstate se ki plan orizinal sete pour maximum use sa teren.

So si nou pour vann zot nou pour limit relocation bann dimoun Corgat Estate, e alors se ki mon krwar dapre plan ki nou annan la lo latab se pour omwen fer bann semi-detached oubyen bann terrace dan lo bout devan.

En reasirans mon ti a kontan dir dimoun Corgat Estate  pa pour pran 10an pour nou re devlope, avan 10an nou pou’n fini devlop Corgat Estate.

Mersi Mr Chair.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chairman, Mr Chairman mon ti a kontan demann Minis en kestyon an relasyon avek paz 334 dan liv Bidzeki annan pour fer avek ‘capital expenditure, mon ti oule demann Minis ki rate ki pe ganny negosye avek bann prospective contractors ki pour fer bann lakaz zis pour mwan ganny en apersi bann figures an relasyon avek rate ek kou ki nou pe peye?

E dezyenmman si zot annan okenn prosedir negosyasyon avek sa bann diferan Kontrakter ki pour fer sa bann lakaz, mon ti a kontan osi konnen si Minis i kapab dir nou an relasyon avek bann Housing Estates si zot pe pran konponan Bidze pour enkli met bann STPs avek bann Housing Estate  parske in annan bokou problenm par lepase avek sa size.

E pli boner Minis in koz lo Land Acquisition, mon ti a kontan konnen si Minis avek son Minister pe vin en pti pe pli proaktiv pour regarde i annan bann Lenstitisyon ki annan bann propriyete par egzanp mon konn Glacis e Au Kanbar i annan SACOS ki annan en gran propriyete.

Me sa Estate Road ki deservi sa propriyete i en Estate Road ki’n ganny fer par Gouvernman, si son Minister pa kapab antre an negosyasyon avek SACOS pour zisteman acquire sa propriyete e ede pour provide en pe plis lakaz pour bann dimoun ki reste dan sa rezyon.

Mersi Mr Chair.

 

MR DEPUTY SPEAKER

Mersi Onorab.  Minister.

 

MINISTER CHARLES BASTIENNE

Mr Chair rate lakaz anse moman ki Gouvernman pe peye i anviron 7,100 a 7,200, nou realize poudir sa i pa soutenab ditou e i pour vin en defi pour nou enplimant nou progranm lakaz avek Bidze ki nou gannyen akoz nou oule fer maximum lakaz e lakaz ki bon kalite avek mwen depans.

Gouvernman sanmenm sa semen in lans en expression of interest pour kapab vwar lentere ki i annan deor an term nouvo teknolozi ki kapab anmennen pour nou kapab fer lakaz pli vit e osi cost effective e definitivman, definitivman par anba sa R7milright now ki nou pe peye 1 met kare.

        So expression of interest in sorti e nou pe atann zot pour zot bann Lakonpannyen ki enterese pour zot dir nou egzakteman ki teknolozi ki zot pour servi pour enn fwa ki nou’n tonm dakor, nou ava annan en Komite ki pour fer serten seleksyon kot nou ava swazir a few evidaman atraver prosedir ki’n ganny etablir par Gouvernman e la nou ava donn zot en morso teren pete lo Ile Perseverance kot zot ava ale zot ava konstrir lakaz laba avek nouvo teknolozi ki nou vwar ki bann teknisyen petet i vwar li apropriye pour nou klima e nou pei.

E design apropriye osi ki ganny donnen e apre sa la mon krwar ki Gouvernman, piblik Seselwa i a kapab ganny en sans pour nou swazir lekel teknolozi, lekel ki nou krwar petet i pli apropriye, lekel ki nou ti a kontan vwar konstrir en pe partou dan nou pei, pa zis lo Ile Perseverance.

So sa proze in komanse e ler nou’n fer sa expression of interest zis pour ki bann Lakonpannyen ki pe fer mobilizasyon pour zot vini petet i annan Lakonpannyen etranze ki enterese oubyen Seselwa ansanm avek etranze.

La kot nou pe met en sonm nou pe dir nou pe donn zot R4, 500 par met kare pour zot kapab koup zot bann depans inisyal, i pa vedir poudir ki kou konstriksyon pour desann pour vin R4, 500 1 met kare, i posib wi, i posib pli ba mon pa konnen, i posib i a tonm R5mil me nou, nou oule ganny the best deal pour nou larzan.  Se dan sa fason transparan ki sa expression of interest in ganny fer e mon espere avek serten modifikasyon ki mon’n koz avek mon PS lo la .

Olye pran en periode 9 mwan inisyalman, mwan mon’n dir li i tro long e la nou pe enform bann dimoun ki’n pran bann dokiman neseser ki disi 3 mwan, 2 mwan, 3 mwan zot pou’n bezwen fini zot in fini fer zot soumisyon avek Gouvernman.

E nou pe ekspekte kapab vwar premye lakaz pe debout petet by ver Juin pli tar lannen prosenn.

Konsernan Housing Estate, bann pro projet otan ki posib mon krwar ki leksperyans Minister in gannyen mon kapab koz from leksperyans letan mon ti travay avek HFC, PMC i en nightmare sa bann problenm sewage lo Housing Estate e mon krwar Gouvernman in aprann son leson.

E otan ki posib Gouvernman pour bezwen met an plas Sewage Treatment Plant dan bann landrwa neseser.  Konsernan land acquisition, land acquisition kot Gouvernman i antre an negosyasyon pour aste later, kot Gouvernman i vwar i annan potansyel pour nou kapab fer devlopman pour nou pei en Housing Estate, en Condominium Project, eksetera definitivman Gouvernman pour antre an negosyasyon avek petet okenn dimoun ki enterese pour vann son later lo en baz ki vreman rezonnab. Mersi Mr Chair.

 

MR DEPUTY SPEAKER

Mersi Minis.Onorab Pillay.

 

HON SEBASTIEN PILLAY

Mr Chair zis en pti follow-up, prenon kont Polisi ki zot in pran e mon pe regard bann progranm ki zot in mete pour zot increase stok lakaz.

Mon pe regarde si zot annan lentansyon pour sort of pe think outside the box  an relasyon avek bann proze ki egziste par egzanp i annan bann lakaz ki nou dir bann lakaz tranzitwar bann bedsitters.

Mon konnen par egzanp North East Point Glacis i annan en stok bedsitters, eski son Minister pe konsidere pe revwar vi ki sa topografi sa teren pour increase petet size sa bann bedsitters la ?

Akoz Mon pe demann sa kestyon akoz en kantite dimoun ki pe reste dan bann bedsitters zot grander fanmir in fini vin tro gran pour zot kapab reste dan bedsitter e pour re locate zot mon krwar i komans vin en konsern.

So eski Minis i kapab donn nou serten lenformasyon, oubyen serten plan ki zot annan pour deal avek sa bann dimoun ki dan sa bann lakaz ki’n ganny asiste lo en baz tranzitwar petet ?  Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair mon krwar bann bedsitter North East Point i en casing point kot i sipoze tranzitwar i pa’n vin tranzitwar kot i annan dimoun laba bokou letan, zot in fond zot fanmir lanmenm la e en bedsitter fransman pour dir ou dan serten ka en bon pe Gouvernman in fer, in bezwen admet in fer re allocation sa bann dimoun me i reste ankor bann case pour deal avek.

E mon krwar atraver nouvo lapros ki nou pe pran parey mon’n dir en bedsitter pour bezwen vini en landrwa tranzitwar kot en zenn koup i antre, zot komans ladan apre evantyelman anmezir ki nou devlope konstriksyon lakaz i asksele-re e vwala kot zot benefisye.  Me selman parey mon’n dir se ki, se sa ki nou oule pran se ki pour tranzitwar i vini parey nou’n dir, i reste tranzitwar Mr Chair.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Chairman, Mr Chairman mon ti ava kontan premyerman demann Minis parske mon pa vwar gran keksoz dan Bidze an relasyon avek later anler Union Vale, dan area Condominium, Basin ensidswit.

Konmsi i resanble i annan serten diskriminasyon kot serten dimoun dan sa vye area ki zot in fer Condominium sa i separe.

Me dan sa, lo sa propriyete i annan serten dimoun in ganny posibilite pour li aste son kare later, ok par egzanp letan ou pe mont dan semen i annan serten dimoun ki’n aste zot kare.

Lot kote anba kot Basin prizon i annan bann lezot dimoun ki’n ganny sans pour zot aste zot kare, me i annan sa group dimoun ki’n reste dan bann lakaz ki ti pour bann ansyen gard prizonnyen, zot, zot zis koman ou antre dan lale pour vin kot Condominium vizavi la anler zot in reste la pour plis 30an, pour plis ki 40an.

Me ziska aprezan zot bloke akoz zot anvi, anvi kapab ganny zot kare pour zot fer zot lakaz parske zot in fer zot savings, me ziska aprezan zot zis dan limbo zot pa konnen.

Eksi parey nou pe koze, tou sa bann presyon eski nou ti a kapab pran en desizyon konkret pour permet sa bann dimoun fer bann sub division pour ki bann dimoun ti a kapab aste zot kare e fer zot lakaz vi ki zot in reste la tou sa kantite letan?

Ok, apre sa  zafer contour lines ki  nou’n dir ki ou pour, zot pe revize, me ankor enn fwa la i enteresan ki lokal pa pe ganny dwa par leo 50, me selman Raffles li i 90 met par lao, alor konmsi i annan en pti diskriminasyon.

Apre finalman ki, parske Onorab Afif pli boner in koz lo bann, en pe lo bann income me mwan mon ti ava kontan regarde sa bann Lease R1 ki tanzantan nou tande.

La tou dernyerman nou’n tann en Lease R1 Ile Platte, mon konnen i tonm anba IDC me selman i still later Gouvernman ki finalman i tonm anba ou responsabilite, sa bann zil Sainte Anne R1 konmsi tousala, tou sa bann Leases parey eski ou pa santi ki in ler pour nou kase sa bann Leases ?

E apre mon ti ava kontan si nou ti a ganny lenformasyon pli konkret ankor pare egzanp sa later kot batiman L’espace i ete.

Ki an plis ki sa kot son batiman i ete, i annan semen ki al net ziska ko roundabout me Gouvernman in deside fer en nouvo semen ki letan in fer sa in afekte bann diferan plots ki ti kapab donnen pour bann lezot Lendistri.

Konbyen egzakteman sa later swa zot in aste, oubyen si zot pe pey en Lease, e rezon ki mon pe demann ou sa, Minis mon kapab dir avek ou, akoz lefe ki sa bann zafer i tonm anba ou responsabilite e pli tar dan bann deba lo Bidze ankor nou pour vin lo la alor mon prefere ganny sa larepons avek ou direkteman.

Mersi bokou.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair premyerman konsernan Union Vale napa diskriminasyon laba, ki arive laba se ki sa bann later ki’n vann otour i pa tonbe dan konsep sa plan re devlopman pour 2enm faz Condominium.

I annan en 2enm faz Condominium e dapre PSIP sa in plan pour 2018, e sa bann dimoun ki pa pe kapab aste zot later, zot lakaz kot zot ete right now pour zot ganny zot prop propriyete, set akoz i tonm within sa 2enm faz Condominium.

I annan serten, mon krwar ou okouran ki’n komans, ki’n ganny re locate.  I annan lezot ankor akoz mon konsyan, mon’n byen en pe sa bann lakaz anler laba, fransman pour dir ou sa bann lakaz definitivman i demann re devlope, zot kondisyon mannyer zot ete, zot avarye kantite lannen sa bann lakaz i annan.

Apre dezyenmman konsernan zafer Lease R1, Mr Chair ou’n nonm legzanp Sainte Anne, me lenformasyon ki mon annan se ki Sainte Anne pa’n ganny Lease pour R1 li.

Sainte Anne ti ganny Lease inisyalman pour $1 milyon e zot pe peye tou le mwan $250 mil koman Lease pour sa bout ki zot pe okipe, sa 1 milyon, sa R1 ti vin an rezilta serten reazisteman ki ti fer avek propriyete e ler Gouvernman ti re antre an negosyasyon anvi ki sa $1 milyon ti’n ganny peye e ki wi en $ 1 milyon ti’n ganny peye then ki’n arive, se ki ou pa kapab al resarz zot letan in fer sa reazisteman kot la sa dezyenm Lease in ganny fer, in ganny fer lo R1 pour kapab rektifye sa kantite later ki ti’n donnen orizinalman.

Konsernan Espace  Mr Chair mon napa detay egzakt lo Espace me petet en moman pli tar, petet si ti bezwen plis lenformasyon atraver en kestyon then petet mon ti a kapab vin reponn sa akoz mon napa detay spesifik lo Espace.Mersi Mr Chair.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Monsieur Minis eski ou ape dir mwan konsernan Sainte Anne kot sa bout kot i annan lotel, sa bout kot i annan lotel sa i en R1 milyon, $1 milyon son Lease  e sa i ganny peye tou le mwan ?

 

MINISTER CHARLES BASTIENNE

En fwa.

 

HON WAVEL RAMKALAWAN

En fwa, en fwa in ganny peye 1 milyon, e sa ek sa dimoun ki zot in fer sa Lease Mr Savy mon krwar, Francis Savy oubyen son Lakonpannyen mon pa konnen ki mannyer i apele.

Eski ou pe dir avek mwan ki larestan zil, larestan zil ki zot pe lease pour R1, ok larestan zil ki zot pe lwe, ki zot pe lease pour R1 ?

Me eski zot in sey regarde, eski Minister, akoz la nou pe koz an term reveni pour Gouvernman, 1 milyon one off Dolar ki ozordi i tonm 12 milyon.

Me depi sa Lease in ganny sinyen, eski zot in sey regarde konbyen sa lotel aprezan pe peye pour lease sa bout later ?

E ki mon pe sey fer sa konparezon parske mon pa kontan letan dimoun i fer larzan lo later ki pour Gouvernman, Gouvernman li i anmas pistas tandi ki li sa dimoun i pe pran, tandis ki sa lot Lakonpannyen i pe pran gro kopo.

Parske si nou balanse, eski mwan mon ti ava dir eski i pa ler pour kennsel sa Lease, pour kennsel sa Lease, whatever sa bann kondisyon sa Lease ki ava peye e ki Gouvernman i ava konnen ki poudir i pe ranmas bokou plis larzan e nou pa bezwen lager pran en pti bout isi, pran en pti bout laba pour nou fer sa bann proze.

E si nou ti ava kontan at some point parske mon’n sey fer demars mon pa’n zanmen kapab gannyen, si nou ti a kapab ganny bann dokiman I’m sure dan ou Minister i ava annan bann dokiman sa Lease lo Sainte Anne e osi bann Leases lo bann zil.

Nou fek aprann la ki Platte in ganny Lease pour R1 pandan pour 60an e apre osi sa, si sa Lease pour batiman Espace si nou ti a kapab fer nou koman en Lasanble ganny sa bann detay avan ki nou kapab fini diskisyon lo Bidze  silvouple.

Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair  wi parey Onorab Leader Lopozisyon e osi mon pe klarifye se ki sa Lease orizinalman ti $1milyon koman en Premium upfront ki ti ganny peye one off- ok?

Apre i annan en annual rent of $250 mil ki ganny peye avek provizyon kot i ganny revise lo en baz regilye e dapre sa ki mon pe vwar la se ki i posib i ganny revize tou le 3an ok, kot i kapab monte.

Konsernan diferan Sant si sa pe ganny sublist, mon krwar sa ki ou pe demande mon pour napa sa lenformasyon akoz lenformasyon ki mwan mon annan se ki sa Lease i ant Gouvernman avek en Indian Ocean Resort Limited.

Ok e mon pour napa plis detay ki sa si i pe ganny sublet, sublist e konbyen sa lot dimoun pe gannyen, mon krwar as much as possible mon’n reponn kestyon Onorab, mersi Mr Chair.

Ok oule copies of the list, mon krwar Lease i ganny registered si mon pa tronpe e si pour serten rezon i pa ganny register kot Registrar then mon napa okenn difikilte pour fer zot gannyen.

Mersi Mr Chair.

 

HON WAVEL RAMKALAWAN

Osi dir lease or sale whichever it is pour Espace parske sa osi tou menm si nou’n sey rod bann dokiman nou pa pe gannyen.

Mersi.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mersi Mr Chair, Mr Chair sirtou letan mon pe get BidzeMLUH avek difikilte lakaz, enkli bann loan ki dimoun bezwen pran pour fer zot lakaz, eski Minis i kapab enform nou Lasanble par egzanp si irzaman zot pe revwar Polisi density e zot Polisi kontribisyon pour en loan.

Dimoun i bezwen kontribye avan 10 poursan sepa 7 poursan, sepa 5 poursan pour li ganny son loan e olye sa donn li son loan prezan ou a tir ou 10 poursan ladan akoz Labank problenm nou’n vwar e konmsi ki dimoun i kapab bouze, sa ki annan son later i kapab fer son lakaz e ou ava avanse tou sa.

Apre anba PSIP bann proze ki ou annan mon remersi ou ki nou vwar en proze pour Petit Paris Upper pour Cascade, en proze 12 Unit, sa proze son plan in fini pare depi 2008.

Mr Choppy i o-bor ou i kapab konfirm sa , prezan eski ou kapab dir sa Lasanble ou ek larzan ki ou ape gannyen sirtou avek sa R150 milyon Pension Fund kan eski sa proze pour komanse e vi ki selman 12 Unit eski etandonnen sa kantite problenm lakaz ki Cascade i annan, eski ou garanti nou ki sa 12 Unit pour reste pour sa bann dimoun Cascade ki byen bezwen lakaz. Mersi Mr Chair.

 

MR DEPUTY SPEAKER

Mersi Onorab.  Minister.

 

MINISTER CHARLES BASTIENNE

Mr Chair parey mon’n dir pli boner konsernan sa zafer density, sa enn i form parti bann plan konpreansiv ki nou pe pran pour nou revwar sa laspe density tou an prenon kont ban lapes teknik ki Planning lenplikasyon ki i annan ladan.

Ler mon dir revwar, se ki nou pe revwar pour nou regard li dan en fason pozitiv pour nou kapab ankouraz dimoun pour zot kapab ganny zot lakaz, si posib kot zot paran, e tou son met letaz parey mon’n dir boner.

Dezyenmman konsernan  kontribisyon loan Mr Chair sa i en kestyon pour annan pour HFC, parkont mon Minister i enplike akoz pour le moman i pe pas atraver HFC. Sa i en keksoz i pas atraver mon Minister, sa i en keksozm osi ki nou pe revwar osi sa, me selman Mr Chair kot i annan serten difikilte en, petet akoz kondisyon zot lakaz, akoz over crowdedness, akoz serten lezot rezon mon Minister parfwa i konsidere pour waive nesesite pour fer kontribisyon, sa sistenm, sa mechanism i deza an plas i pe ganny servi.

Trwazyenman konsernan proze Petit Paris, parey mon dir taler avek lezot Manm Onorab mon pa pour kapab fer en konfirmasyon commitment la me selman as part of letan nou pe travay, annefe travay in deza komanse lo ki mannyer nou pour servi sa lanvlop R150 milyon byen.

Nou ava pran konsiderasyon tou bann projet ki’n ganny met devan e osi mon kapab konfirmen wi drawings pour sa proze in fini fer i zis en matter of pour nou kapab fer ground breaking e tou, me selman sa nou ava vwar ansanm avek totalite bann lezot proget.

Mersi Mr Chair.

 

MR DEPUTY SPEAKER

Mersi Minis, lo sa note nou’n ariv lo en pozisyon pour nou pran en vot lo Bidze pour Minis Labita, Lenfrastrikstir e Land Transport paz 331 ziska paz 341 lo en sonm R304.83 milyon.

PS ti’n agree pour koupe ouswa ti pour retourn dan sa 3 mwan pour revize, PS zis klarifye en pti moman avan nou pran en vot.

 

PS PATRICK PAYET

Wi zis pour azoute Mr Chair nou ti’n dir nou pour pran li dan son totalite, any savings ki nou pour gannyen letan nou prezant devan Lasanble i pour ganny allocate dan menm Minister pour Housing menm selman i pour bezwen retourn devan Lasanble.

 

MR DEPUTY SPEAKER

Ok mersi PS. Bon nou a pran en vot.

All in favor ok.

        Anyone against? Ok Madam Clerk ou a anons rezilta.

 

MADAM CLERK

Mersi Mr Chair mon’n rikord 23 vot an faver e napa okenn Manm ki’n vot kont.

Mersi.

 

MR DEPUTY SPEAKER

Bon savedir Bidze pour Minis Labita, Lenfrastriktir lo paz 331 ziska paz 341 sonm R304.83milyon in ganny aprouve par Lasanble Nasyonal.

Ok nou ava eskiz PS Jasmin, PS Choppy e Madam Richard.

 

PS JASMIN AND PS CHOPPY AND DELEGATION WAS EXCUSED FROM THE HOUSE

 

PLANNING AUTHORITY

 

MR DEPUTY SPEAKER

Nou ava pran lot Departman ki Departman Land Transport, Minis ou pour bezwen bouz en pti pe ou Teknisyen, ou oule pran Planning ? Ok nou ava pran Planning, Planning Authority lo paz 354 ziska 362.

Ok nou a welcome CEO Planning Mr Joseph Francois ek Special Advisor to the Minister Mr Gerard Hoareau.

Minis Hoareau oubyen ou PS, ou’n donn en overview an zeneral, Taler kekfwa ou PS i a zis donn en pti pe breakdown apre nou ava al direk lo kestyon, ok CEO Francois.

 

CEO JOSEPH FRANCOIS

Mersi Mr Chairman, bonn apre midi tou bann Onorab, en pti brief overview, Lotorite Plan i en Regilater dan domenn konstriksyon ek devlopman dan nou pei.

So menm si par anba, i pa anba Minister Labita e Lenfrastriktir son Manda i cross-sectoral, savedir i operate konzwentman avek plizyer lezot Minister Regilater ek Lazans ki egziste dan nou pei.

I tir son pouvwar a egzekisyon direk anba Lalwa Town and Country Planning Act1972.  Minis in fini donn manda Lotorite Plan, mon pour quickly kouver son striktir pour zot vwar kote larzan pe ganny partaze.

I annan 3 lebra lenplimantasyon prensipal, i annan sa ki nou apel Strategic and Land Use Planning li i sa lebra ki devlop bann Polisi, devlop Land Use ek bann diferan gidans ki Lotorite Plan i fer bann desizyon lo la.

Apre i annan en lebra ki nou apel nou Planning Authority Services Bureau li i sa landrwa kot bann Lazans ti vini i anmenn zot plan lo en baz toulezour e la zot plan i ganny process si zot ganny en repons aprouvasyon oubyen pa aprouvasyon.

Apre son trwazyenm lebra i sa ki nou dir Development Control petet sa bout i pli vizib lo teren, li i monitor konstriksyon, i ede letan bann konstriksyon i konplete osi pour donn occupancy, savedir pour sertifye ki devlopman in fini dapre sa bann gidans, son plan ki’n aprouve e kapab ganny okipe.

I osi anba li, i annan en Seksyon Enzenyer, li sa Seksyon Enzenyer li i asses bann diferan plan striktirel sirtou bann building ki annan bokou eleman striktirel; par egzanp bann building letaz eksetera, e osi i fer bann monitoring lo lentegrite striktir bann batiman e i osi donn konsey Gouvernman osi lo serten striktir batiman si i safe oubyen an sekirite.

Lefe ki Planning i cross- sectoral i osi operate anba en sistenm konsiltasyon.  I annan plizyer lezot Minister ek Lazans ki Planning i konsilte avek e i fer li anba provizyon par Lalwa Town and Country Actki’n donn li manda pour annan en Board.

Sa Board i konpri bann dimoun tre Senior dan Gouvernman en si byen ki Sekter Prive kot zot, zot donn, zot aprouv tou bann plan ek bann Polisi ki ganny propoze atraver sa Lotorite avan i ariv kot Minis pour li, si i ariv kot Minis konsernen.

E i osi adopte bann diferan Polisi e lezot Minister ki i annan pour fer avek devlopman e konstriksyon pour kapab, pour Planning kapab enplimant li letan i analiz son bann plan lo en baz toulezour.

Pour sa Board kapab fonksyonnen i annan bann Komite Teknik, i annan li 3 Komite Teknik.  I annan sa ki nou apel en subcommittee; li i vwar bann devlopman bann plan ki ase pti, trwakarditan i par anba 100 met kare devlopman, bann miray, extensions, retaining walls eksetera ek bann pti small subdivisions 3 plot, e  bann lezot pli gro ki sa i al direk lo main Board.

Apre i annan sa ki nou apel Minor Works Committee li i pran bann pti devlopman osi, bann devlopman rezidansyel akoz li i fast track en pe sa bann pti, pti devlopman pour fer li pas en pti pe pli vit, e li i annan li 4 Teknisyen lo la.

Lo main Board i annan li 12 dimoun ki’n ganny apwente par Minis anba Lalwa. Son Komite i annan li 11 dimoun avek en Sekreter.

I osi annan en Komite Litilite ki nou dir Utilities Committee, li son rol se kordin en pti pe bann lenfrastriktir ki enkli utilities a en si byen bann lenfrastriktir telekominikasyon.

I annan li osi 11 Manm, ladan i annan manm sorti dan bann Lazans Kle parey Transpor, Landscaping, DICT ensi byen ki tou bann reprezantan Telekom ki annan biznes Telekom dan pei lo la.

E fini i annan appeals ki Lalwa in fer provizyon kot si en dimoun pa agree desizyon ki Board Planning in fer lo son plan, i toultan annan sa rekour fer en appeal avek Minis anba sa Lalwa.

Bon Bidze ki pe ganny propoze pour Lotorite Plan pour 2017 i R14 milyon 66 mil e sa pour ed pour li fer son bann fonksyon e akonplir sa bann obzektif ki mon’n mansyonnen pour lannen prosen.

Ladan dan sa R14 milyon, R8.8milyon pour al lo saler gratwite, konpansasyon, allowance pour sa 49 anplwaye Seselwa ki anploye permanan anba sa Lotorite.

E larestan apepre R5.2 milyon li i pour al depans lo loperasyon toulezour atraver Biro kot travay ensi byen ki loperasyon son Board ek son bann Komite pour fer li kapab operate.

Anba sa saler R8.8 milyon ki parey mon’n dir i pe anploy sa 49 staff, ladan R6.9 milyon i pour al lo sa saler de-baz ki zot gannyen tou le mwan ensi byen ki Trezyenm  Mwan Saler ki’n ganny factor ladan.

E i osi kouver bann allowances ki sak sa bann travayer i gannyen anba zot Scheme spesifik e bann lezot allowances  still ki bann performance allowances anba PSE Contract, pour bann ki lo PSE Contract, inducement allowance pour bann travayer Development Control e ensi byen ki gratwite ki nou’n pran kont lannen prosen pour annan 10 staff ki pou’n ganny swa 5an, swa 10an oubyen 20an Letan Servis dan Lotorite.

Logmantasyon ki zot pour vwar ladan pour 2017 konpare ek sa lannen sa R850 mil i plis ou mwen pour kouver en staff ki pour ed nou zer nou bann loperasyon IT, sa ki nou apel en System Supports Officer.

        E parey zot konnen nou Planning apartir lannen pase in bouz si ou le parey nou dir online kot bann soumisyon plan i ganny fer online e nou konsilte ek nou bann Lazans osi online sa ki nou apel referral agencies bann lezot Minister, e apre nou kominik ek bann Lazans, bann agents osi.

So nou santi i neseser ki Planning i devret annan en full time dimoun ki pe ed nou manage nou system IT lo la.

Anba ‘’goods and services sa R5.2 milyon nou’n vwar poudir 1.6 milyon i pour bann depans Lofis ki kouver printing ek stationary ki pran la mazorite ladan nou print bann plan, maps and so on li R739 mil apepre i al ladan e sa i Santralize i kouver tou sa bann lebra, me in Santralize anba en sel vot.

I osi kouver elektrisite ki 250 mil, i tonm apepre R20 mil par mwan, delo R25 mil, telefonn R116 mil apre bann lezot kou i enkli postage, bann lezot consumable pour bann meetings, advert, newspaper, ospitalite e cleaning expenses.

Anba ‘’goods and services nou osi annan transportasyon e travel cost li i R476, 900mil li i kouver plis ou mwen bann travel ki Komite, Board ek bann Staff i fer pour li kapab manage loperasyon Planning.

Parey ou konnen laplipar devlopman, laplipar bann devlopman i lo teren i kouver nou bann zil Mahe, Praslin, La Digue ek bann zil pros. So la plipar aplikasyon i demann vizit e alor ladan laplipar larzan i pe al pour fuel cost.

Tiket avyon dan serten ka lo Praslin oubyen lo La Digue i lwe veikil oubyen bisiklet e i annan en pti konponan overseas airfare ki zis R11mil e sa nou pran kont kot nou ganny envite pour partisip dan bann diferan Forum ki normalman i apepre 1 Forum par lannen, sirtou anba UN Habitat nou kapab take care  of.  Nou osi annan Maintenance and Repairs li i R356mil e li i kouver aircon maintenance, transpor, Lasirans, larou ou batri eksetera.

E i annan en konponan high-tech equipment li i R40mil, nou servi li pour nou onornou Kontra avek Lazans ki nou aste GPS, 9 GPS dan nou 9 transpor i annan en Lagreman monthly apepre R3, 000 pour maintain sa 3 GPS ek son software ki vin avek.

Anba ‘’other goods and services i annan R2 milyon, 345 mil e li i plis ou mwen apepre lanmwatye ladan i al pour peyman Board Fee pour Manm ek tou sa bann Komite ki mon’n mansyonnen ki cross-Sectoral ladan.

E apre i annan 150 mil ki al pour Lasirans pour nou 9 veikil avek road tax, nou annan en local consultancy R150 mil e sa nou’n met li pour nou kapab enplimant nou bann revizyon ensi byen ki travay ki nou oule fer pour nou met an viger nou bann land use plans ek bann development plans pour tou le 25 distrik ki nou annan.

I annan en pti konponan foreign consultancyR75 mil pour bann ka kot nou bezwen certain foreing assistance an relasyon avek best practicespour gid sa process.  I annan en pti legal fee R50, 000 li i la pour an ka i annan bann enforcement ki involve serten demolisyon, i en safeguard ki nou’n met la pour nou kapab servi letan sa i arive.

I annan en Training FeeR160mil sa i pour kouver training lokal ensi byen ki overseas pour train bann staff ki deza in service lo la.

Apre ki i annan ladan set en ‘’minor capital outlaysR776mil li i plis ou mwen pour kouver akizisyon IT equipements R100mil sa prensipalman nou le aste en heavy duty scanner pour li kapab ed nou digitalise nou archives.

Nou annan nou vye plan ki pe dezentegre pour rezon in vye landrwa kot i ete so nou oule digitalise zot electronically pour pli tar.

Apre i annan en high-tech equipement ki lo ladan i R75mil li i pa ase me pandan letan ki nou ti pe fer Bidze nou ti pe get bann quote pour nou kapab aste en pti drone ki kapab permet nou pour monitor bann devlopman pli byen e apre fer en pe survey maping pour nou Land Use Plan.  Me letan nou’n ganny bann spesifikasyon en pe tar dan lannen nou vwar poudir enn sa bann drone avek sa spesifisite ki nou bezwen pour fer survey maping i pour kout nou anviron R220mil, so sa R75mil ki lo la i pa pour vreman ase, so si an ka nou fer serten savings nou pour bezwen fer serten virement kot Minister Finans i agree pour ed nou pour meet sa.

E apre larestan i annan akizisyon software parey Minister Labita in dir nou, nou pe update nou bann software e Planning nou osi ladan.

So dan ka kot Minister li i devlop i ganny bann software avek bann Laysenns ki kapab ogmant kantite users ladan, so nou ava plugin ansanm avek zot ou sinon nou a stand alone pour nou kapab operate.

So vwala en pe an gro nou napa Capital Budget, vwala en pti pe an gro ki mannyer nou pour depans sa apepre sa R14 milyon dan Lotorite Plan.

Mersi Mr Chairman.

 

MR DEPUTY SPEAKER

Mersi CEO, bon nou a open floor pour kestyon. Onorab Churchill Gill.

 

HON CHURCHILL GILL

Mersi Deputy Chair, mon kestyon pour CEO, mon pour donn ou en legzanp pour ou kapab ilistre ki mannyer ki mon oule konpran, en dimoun i annan en apartman 12 flat i submit son plan e son process i ale i pas kot tou bann Lazans ler in fini son plan i aprouve, i pey sa processing fee meton R20mil.

I ganny en pe retar ler i pe negosye son finansman ek son Labank, son plan i expire in the process e i re vin kot ou submit menm plan oubyen i ekri ou i dir ou plan in expire e sa dimoun i vwar li i bezwen pey menm sonm, menm si son initial process in fini fer.

Ou kapab eksplike pour piblik konpran akoz ki sa i koumsa, oubyen si i pa en keksoz ki devret ganny revwar?  Mersi.

 

CEO JOSEPH FRANCOIS

Mersi Mr Chairman, mersi Onorab, Lalwa Lotorite plan ki ganny Gouvernen par Town and Country Planning Act i fer provizyon pour Lotorite Plan charge en fee par aplikasyon e letan aplikasyon i ekspire sa menm Lalwa i fer provizyon pour re charge sa fee pour en nouvo aplikasyon si in ekspire.

 

MR DEPUTY SPEAKER

Ok, yes Minister.

 

 

MINISTER CHARLES BASTIENNE

Mr Chair mon kapab dir avek sa Lasanble menm si dan Lalwa Town and Country Planning Act ki anba review sa i enn sa bann keksoz ki nou pe vwar ki nou kapab fasilit dimoun pour kapab fer zot devlopman.

Mon krwar poudir lozikman letan nou pe regarde Legalman i enn, me lozikman letan ou regarde i pa fer sans pour en dimoun pey 2 fwa pour menm plan e parfwa i an deor son kontrol lefe ki i pe pey 2 fwa, retar finansman oubyen serten lezot keksoz ki anpes li kapab refer son devlopman within mon panse en letan 2an i donnen within sa letan i donnen.

E mon krwar sa bann keksoz ki nou pe vwar ki nou kapab improve lo la.

Mersi Mr Chair.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Chairman, Mr Chairman mon kestyon, mon premye kestyon i konsern Seychelles Strategic Land Use Development Plan ki ganny sponsored par Abu Dhabi ki bokou dimoun enkli mwan in en viktim sa setup, ki Abu Dhabi in vin Sesel pour vin dir nou ki nou pour fer, ki mannyer nou pour devlop nou Lavil.

E wi, wi, wi, e sa in kre en nespes gridlock dan Lavil e la mon pe gete the current challenges i dir to date sa ti depi, ti devret ganny enplimante depi 2016, depi 2013 nou pe koz lo la to datet his is yet still to be materialized.

Alors mon ti a kontan ki Minis oubyen CEO i dir nou si sa plan, sa kalite korperasyon avek Abu Dhabi eski in en mistake, eski pour zanmen arive e ki zour, ki zour dan nou listwar, ki lannen dan nou listwar ki nou pour pran en mains devlopman Planning nou Lavil?  Sa i premye kestyon.

Mon dezyenm kestyon i konsern konstriksyon lo bann zil, sirtou lo bann Zil Elwannyen, mon ti a kontan ki Minis oubyen CEO i dir avek nou si menm lalwa i aplike lo bann Zil Elwannyen ki aplike isi Mahe akoz nou zis tande poudir i annan lotel ki pe al ganny fer selman nou pa vwar scope, nou pa vwar scoping exercise, nou pa vwar EIA zis nou tande, la nou tande Desroches i annan ankor sepa 300 konbyen villa ki pe ganny konstrir, eski menm lalwa i aplike lo zil pour ki parey Mahe?  E mon ti a kontan ki Minis i fer komanter lo Planning Authority i sanmenm sa Lorganizasyon pli Birokratik ki egziste dan Sesel.

Sa se pa mwan ki dir, se piblik an zeneral, e in ganny echo par Prezidan Larepiblik, i tre, tre Birokratik cumbersome e i pa ed devlopman me i frenm devlopman, so mon ti a kontan zot fer en komanter lo la.  Mersi.

 

MR DEPUTY SPEAKER

Yes CEO.

 

CEO JOSEPH FRANCOIS

Mersi Mr Chairman, mersi Onorab Strategic Plan, Strategic Plan i ti en Lagreman bilateral ant Gouvernman Sesel avek UAE, kot UAE in dakor pour asiste Sesel pour li fer en Strategic Plan ki ladan osi i enkli en Victoria Master Plan.

Sa dokiman ki ou pe refer to the strategic land use plan in ganny fer an kolaborasyon avek Lotorite Plan Staff, Lotorite Plan Sesel e travay teren in ganny fer Sesel a plizyer moman konsiltasyon in ganny fer ek Seselwa ek diferan Lazans ek manm piblik pour ganny lenformasyon, swa lenformasyon Polisi ki egziste dan bann Lazans ek bann Minister an relasyon lo zot plan, i en plan 25an, so an relasyon avek zot plan dan zot pipelines osi byen ki bann konsern ek bann vizyon ki manm piblik i anvi vwar pour zot pei.

Zot in fer 3 workshop Nasyonal depi an lannen 2014 a lannen 2015 e ladan in ganny tre o partisipasyon bann Sekter Kle dan pei ensi byen ki bann manm piblik atraver zot bann road shows ki zot in fer en pti pe partou pour display diferan progre dan zot travay.

Letan sa draft sa plan in vini in ganny validate  ankor par bann diferan Lotorite ek Lazans ek manm piblik ki’n attend, ti annan en kantite piblisite lo la pour bann dimoun donn komanter e answit aprouve par Cabinet of Ministers Septanm lannen pase.

Now ou pe dir pa’n tann nanryen lo lenplimantasyon la, son lenplimantasyon i en travay lonterm, i earmark bann areas kot bann plan i devret ganny fer pour gid devlopman dan tou Sekter pour sa prosen 25an.

E ladan travay in deza konmanse kot bann Sekter Prensipal par egzanp Transport, Tourism zot in ganny zot konponan pour zot kapab al devlop zot bann lezot policies e gid zot bann approval process touzour avek.

Ensi byen ki lezot travay ki pe ganny fer par egzanp kote ki’n prevwar kot pour annan plis popilasyon e la serten travay in komans fer  pour de klasifye bann later par egzanp ki ti low density oubyen medium density, pour fer li vin high density pour permet sa bann devlopman pour kapab arive over time.

Sa ki nou napa la pour le moman la se nou napa sa High Level Committee yet ki pour stay sa processe vwar son bann lenplimantasyon e azour sa konponan monitoring over time avek li e sa in ganny prezante avek Gouvernman.

E diskisyon pe ganny fer lo ki nivo pour met sa Steering Committee e ki son bann diferan Protocol e schedule travay ki pour vin avek.

Lo konsernan konstriksyon lo Outer Islands, Outer Islands i ganny enkli anba Lalwa Town and Country Planning Act pour ki okenn devlopman ki ganny fer lo Zil Elwannyen i bezwen aprouvasyon Planning e on top of that bann devlopman lotel parey Lalwa Lanvironnman ki PA i dir subjected to an EIA as well, so provizyon ki egziste pour bann zil i osi egziste, previzyon ki egziste pour Mahe, Praslin, La Digue i osi egziste pour devlopman lo bann Zil Elwannyen.

 

MR DEPUTY SPEAKER

Yes Minister.

 

MINISTER CHARLES BASTIENNE

Mr Chairkonsernan komanter ki Onorab in fer konsernan Planning Authority i annan en landrwa vreman birokratik, mon krwar mon’n koz lo la boner e se ki travay in komanse parey mon’n dir travay in komanse pour ki nou fer Biro Planning annefe tou servis ki mon Minister i ofer nou bezwen fer li dan en fason bokou, bokou pli efikas e bokou pli efisyan.

So travay in komanse parey mon’n dir se ki premye kar lannen prosenn nou pour kapab pronons nou lekor lo bann target ki mezirab ki piblik i ava konnen lo lafason ki nou improve nou servis. Mersi Mr Chair.

 

MR DEPUTY SPEAKER

Mersi Minister. Onorab Ferrari.

 

HON JEAN-FRANCOIS FERRARI

Non mon ti annan zis en pti kestyon pour demann avek PS  si i kapab refer mon kote mon pour ganny EIA pour sa nouvo proze Ile Platte ? E kote pour ganny EIA pour sa, zot in fouye dan lagon Ile Platte ?

Konmsi kote mon kapab ganny sa 2 dokiman si ou kapab fer mwan gannyen evantyelman.

Mersi.

 

MR DEPUTY SPEAKER

CEO  or Minis?

 

CEO JOSEPH FRANCOIS

Proze Ile Platte i yet pour antre dan staz EIA, i lo konsepsyon i lo diskisyon parey ti ganny dir lo televizyon Lease sa landrwa pour sa devloper e after sa staz la i antre dan konsep EIA.

Konsernan dan lagon nou, nou napa lenformasyon lo … plan, me nou kapab…

Ok lo kote lagon nou ava rod sa bann lenformasyon avek lezot Lotorite osi ki deal dan dredging tel ki Lanvironnman pour provide ou.

 

MR DEPUTY SPEAKER

Mersi CEO. Onorab Ghislain.

 

HON CHANTAL GHISLAIN

Mersi Mr Chair. Mr Chair  mon kestyon i pour Minis, mon ti a anvi konnen konbyen bann land surveyors zot annan aktyelman?

E eski zot pe anvizaze reviz saler sa bann land surveyors avan nou komans perdi zot tou zot komans al dan prive ?

E an se ki konsern zot Lasirans, eski zot annan en Lasirans anvi natir zot travay kot zot bezwen sot bann kap ros, pa toultan ki zot bezwen zot travay i lo plato, eski zot annan en Lasirans Lasante or lavi, en risk allowance ki zot gannyen ouswa en Lasirans ki ganny peye pour sa bann dimoun ?  Mersi.

 

MR DEPUTY SPEAKER

Mersi Onorab. Minis.

 

MINISTER CHARLES BASTIENNE

Mr Chair sa kestyon ti pli apropriye pour pli boner akoz surveyors i tonm anba Departman Labita, me selman lenformasyon ki mon annan se ki nou annan 6 Seselwa apre nou annan 3 etranze as far as land surveyors i konsernen.  Konsernan Lasirans mon napa sa detay, si zot annan me nou ava vwar.

Mon konnen i annan bann risk ki asosye avek travay survey, pa zis pour surveyors me pour tou bann lezot staff osi ki travay dan survey ki nou’n vwar bann kontrent ki nou’n vwar dan bann budget statement ki zot in fer e mon krwar sa i bann keksoz ki nou bezwen adrese, mersi Mr Chair.

Detay saler, an mwayenn avek zot allowance an tou zot ganny zot apepre R14mil par mwan surveyors lokal.

Mersi Mr Chair.

 

MR DEPUTY SPEAKER

Mersi Minis.  Onorab Arrisol.

 

HON SANDY ARISSOL

Mersi Mr Speaker, bonn apre midi CEO, mon ti a kontan zis demann CEO ki Policy  Planning Authority an sa ki konsern konstriksyon dan lanmar vi ki nou vwar Butcher’s Grill i annan en konstriksyon ki pe ganny fer la dan lanmar Roche Caiman e sa menm Lakonpannyen in osi fer en konstriksyon lo larivyer Unity House Anvil ki baze dan mon distrik, eski i annan serten preferans ki sak endividi i gannyen oubyen Lalwa se Lalwa an sa ki konsern Planning Authority.

Mersi Mr Chair.

 

MR DEPUTY SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chair, mersi Onorab, Polisi lanmar konstriksyon an relasyon avek lanmar i ganny administre par Departman Lanvironnman me letan i annan en aplikasyon ki i annan pour fer avek en proksimite en lanmar, as part nou bann konsiltasyon nou konsilte Departman Lanvironnman.

Departman Lanvironnman i annan bann mezir ki li bann kondisyon ki li regarde se sa devlopman pour kapab meet an relasyon avek sa lanmar par egzanp zistans son desarz avek sa  channel lanmar i enn.

Kot zot demann en minimum 15 met oubyen dan bann ka kot i annan central sewage line sa i tonbe otomatikman.  Dan bann landrwa Anvil Victoria kot i ganny kot i ganny konsidere bann urban areas bann devlopman ki ganny fer an relasyon avek bann water bodies lanmar, larivyer eksetera, i ganny access  an relasyon avek si sa teren i kapab siport sa devlopman e si pour annan okenn lenkonvenyans an relasyon avek bann desarz ki zenere sa devlopman avan en desizyon  i ganny pran.

Dan bann landrwa ki en pe rural kot napa sa bann fasilite central sewer line, napa bann fasilite drenaz eksetera

Departman Lanvironnman i enplimant son bann minimum standard which is 15 met avek lanmar pour zot desarz ensi byen ki bann konstriksyon kit en footprint ki sifizaman annan lespas.

Fodre osi fodre fer resorti ki letan Lotorite Plan i pa aprouv en devlopman, sa devloper i toultan annan sa opsyon pour li fer en appeal kont sa.

E dan bann ka si appeal, si par egzanp dan sa Minister i annan sa Zofisye Appeal i annan en lentere oubyen i annan en koneksyon ek sa devlopman, appeal i ganny fer ek Lotorite pli o lo la.  So tou bann devlopman lo Lavil ki involve an proksimite avek water bodies eksetera i ganny trete parey ka par ka e Planning son desizyon Lotorite Plan li menm li i servi sa bann mezir ki ganny gide par Departman Lanvironnman lo la, me parey nou dir bann devloper i lib pour appeal kont en desizyon ki Lotorite Plan i fer e si zot ganny approval ou non sa i an deor manda Lotorite Plan akoz appeal process pa ganny zere par Lotorite.

 

MR DEPUTY SPEAKER

Mersi CEO. Onorab Sophola.

 

HON NOLINE SOPHOLA

Mersi Mr Chair, Mr Chair eski PS i kapab dir sa Lasanble ki son Minister pe fer pour kapab redwir nonm konstriksyon ilegal lo La Digue ?

Dezyenm kan ki zot Minister i annan lentansyon pour retir bann later ki’n anrezistre lo vye later pour transfer lo Rezis nouvo?  Mersi. La Digue.

 

MR DEPUTY SPEAKER

Mersi Onorab. Yes Minister.

 

MINISTER CHARLES BASTIENNE

Mr Chair konsernan illegal construction La Digue mon krwar ki sa bann keksoz ki nou’n diskite nou bezwen beef up nou Development Control Unit anba Lotorite Plan pour fer sir poudir Development Control i pran, i vreman pran kontrol, nou pe fer li pour en large extent be selman pli gran kontrol lo bann devlopman ki pe arive dan pei Mahe, Praslin, La Digue, Dezyenmman konsernan, sa i konsernan kwa sa ?Mr Chair in sap mwan sa dezyenm, sorry.

 

HON NOLINE SOPHOLA

Transfer later lo vye Rezis, mersi.

 

MINISTER CHARLES BASTIENNE

Mr Chair sa i en legzersis ki nou, en legzersis annefe dan Bidze lannen prosenn anba Bidze Habitat pour nou kapab konmans sa legzersis pour both Praslin avek La Digue lannen prosenn.

I pour en legzersis ki pour pran nou en pe letan, mon’n ganny dir par mon bann teknisyen ki pour pran nou omwen 5an, 4an a 5an pour konplet sa legzersis.

Me sa legzersis pour komanse, pour demare lannen prosenn pour nou fer sir poudir nou gard rikord e anrezistre ofisyelman tou bann propriyete lo en proper survey ki ganny fer lo tou propriyete Praslin avek La Digue.

Mersi Mr Chair.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Wi Mr Chair konsernan lo sanmenm sa issue fodre Minis, Minis ou nouvo dan sa Minister, fodre ou get byen tou le-z-an menm zistwar.

Tou le-z-an i dir ou i annan larzan dan Bidze e zot pe komans sa proze, sa proze pour pran en ta letan.  So ou ki’n vini la nouvo get byen ladan pour fer sir ki vreman e i komanse menm.

Mersi.

 

MR DEPUTY SPEAKER

Mersi Onorab. Onorab William.

 

HON WAVEN WILLIAM

Mersi Mr Deputy Chairman, Mr Chair mon ti a kontan demann Mr Joseph Francois anba ‘’current challenges (bullet point No. 2)letan nou pe koz lo The Seychelles Strategic Land Use Development Plan mon ti a kontan ou eksplik nou en pti pe, eksplik Lasanble en pti pe akoz mon pe relasyonn sa avek devlopman distrik.

Eski tou bann distrik zot future development plan i ganny kouver osi anba sa Strategic Plan?

E dezyenmman a ki moman ki Lotorite Distrik pour ganny enkorpor pour ganny sansibilize en pti lo egzakteman kwa ki sa i form parti akoz mon krwar poudir lefe ki Gouvernman pe koz desantraliz servis empower distrik nou annan sewage distrik be mon pe vwar Mosyon lo sa plan ki mon pa vreman vwar ki kote distrik i annan son input ladan ki ou kapab dir vwala en pti pe ki fason nou anvi ale.

E parey ou konnen ozordi i annan en pti pe dezord dan lafason ki devlopman pe ale, mwan mon anvi konnen e ganny en komitman kan ki distrik vreman pour ganny enkorpore dan sa, awareness lo sa plan egzakteman ki fason ki i pour ete? Mersi bokou  pour nou kapab fer nou kontribisyon?  Mersi.

 

MR DEPUTY SPEAKER

Mersi Onorab.  CEO.

 

CEO JOSEPH FRANCOIS

Mersi Chairman, mersi Onorab, an relasyon avek sa Strategic Plan ki ou’n koz lo la in donn bann gidans lo ki kote devlopman i likely pour focus baze lo population growth, baze lo bann diferan data ki’n ganny prozekte atraver bann diferan Lotorite.

        Base on that sa StrategicPlan now i bezwen devlop bann Land Use Plan pour kapab fer progresyon sa bann devlopman through time.

And on top of that Land Use Plan now bann distrik sirtou bann landrwa kot i annan urban growth ki pour high zot bezwen an konsiltasyon avek Planning Authority travay avek zot pour en Development Plan now dan sa bann urban area pour kontrol devlopman.

Donn gidans lo oter e kalite building eksetera dan sa bann landrwa, so Lotorite Plan i annan plan lannen prosen pour komans vizit sa bann distrik sirtou bann kot pour annan en growth popilasyon pour komans travay avek zot Lotorite Distrik ensi byen bann zabitan e land owners pour nou finaliz zot Land Use Plan enn.

E fer en gidans devlopman pour donn zot pour zot kapab swiv zot devlopman baze lo sa bann gidans.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Mersi Mr Chair, Mr Chair mon ti a kontan demann Planning Authority an term reveni, mon rapel ti annan en batiman pa tro lwen avek Carana ki zot ti demolir e sa letan ler i ti pe ganny fer nou ti ganny dir ki zot pour rekiper R4.5 milyon avek sa dimoun.Mon ti a kontan konnen si sa in ganny rekipere silvouple ?  Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair wi  Planning Authority ti pronons son lekor lo la e anvi ki sa ki ti pe batiman ki ti annan problenm striktirel e vwala kot Gouvernman ti pran desizyon a sa moman letan pour bring down sa building.

Wi i ti kout anviron R5 milyon e mon kapab konfirmen poudir Gouvernman in kapab rekiper the full amount  that was due to Government as a result from sa owner sa propriyete an rezilta sa demolisyon.

Mersi Mr Chair.

 

MR DEPUTY SPEAKER

Yes, Onorab Afif

 

HON AHMED AFIF

Zot in rekiper sa from sa dimoun li menm akoz mon konpran i ti swa an egzil ouswa an prizonnen – keksoz?

 

CEO JOSEPH FRANCOIS

Bon sa dimoun i annan en Lazans ki pe reprezant li e le 4 Me 2015 Gouvernman ti resevwar dan kont Central Bank ekivalan baze lo Foreign Exchange Rates sa lepok apepre $5 milyon, Roupi sorry.

 

MR DEPUTY SPEAKER

Mersi CEO. Onorab Vidot.

 

HON AUDREY VIDOT

Mersi Mr Chair, CEO  e  ski dan ou Bidze pour Salary Wage mon’n vwar i annan logmantasyon apard ki konpansasyon eski i annan nouvo recruitment ki zot pe fer pour bann Zofisye ki al fer vizit pour bann dimoun ki fer laplikasyon Planning?

Si wi petet osi en pti sizesyon, ti a byen as much ki zot fer vizit osito letan ki zot ganny konplent ti a bon fast track en pti pe lo kote sa vizit anliny avek ki zot pe travay lo la pour zot amelyor en pti pe servis ki zot donn kliyan.

Pour vitman lo sa bann, konmsi si zot in donn en delay letan pa les al 8 a 9 mwan dan plas pri ki zot donn 6 semenn plito pa tro sot bokou letan pour zot at least donn en feedback avek kliyan.

Apre zis mon ti oule vi ki lo zot Board Planning, eski mon konpran zot napa Zofisye Fire Brigade ki asiz lo la ti ava en bon rekomandasyon zot konsider sa pour enkli en Zofisye Fire Department lo ou Board dan Planning.

Mersi.

 

MR DEPUTY SPEAKER

Mersi CEO.

 

CEO JOSEPH FRANCOIS

Mersi Mr Chairman, mersi Onorab, an relasyon avek sa logmantasyon dan ‘’wages and salary sa i pe permet nou kapab fer 2 recruitment en System Support Officer ki pour manage nou IT System  apre en office assistant ki pour ed nou dan Seksyon Strategic Land Use Planning pour kapab donn sipor.

Akoz zot napa en office assistant, nou ti a voudre plis travayer me anba nou ceiling en senaryo bi dan PPB pa’n permet nou kapab ganny plis travayer.

        However nou’n ogmant nou over lannen pase ek lannen avan nou kantite DCO’s savedir bann dimoun ki fer monitoring visit pour bann devlopman, nou annan 10 DCOs ki an realite nou kapab respond pour okenn konplent within 48 hours as we speak la baze lo bann volume ki louvraz ki nou, nou annan.

We can respond within 48 hours, ou pe refer to 6 semenn letan i pran pour en plan aprouve, Minis in koz lo la.

I annan serten travay ki pe ganny fer pour nou streamline  sa  process ankor e enkorpor plis teknolozi IT avek li pour nou kapab donn en repons o pli vit ki  posib.

 

MR DEPUTY SPEAKER

Lo kestyon, ale Minis.

 

MINISTER CHARLES BASTIENNE

Mr Chair konsernan Fire Bridgade anvi ki Minis ki responsab pour apwent bann Board Members lo Lotorite Plan sa i en keksoz ki nou ava konsidere.

mersiMr Chair.

 

MR DEPUTY SPEAKER

Mersi Minister. Onorab Ramkalawan.

 

HON WAVEL RAMKALAWAN

Mr Chairman mersi bokou premyerman mon ti a kontan zis dir Minis ki letan Gouvernman Sesel i anmas R1 milyon pour 60an sa Lakonpannyen pe anmas 1 milyon toulez-an dolar, lakaz mon ti a kontan konn Policy  Planning an term letan zot pe donn permisyon probasyon pour fer en lakaz.

An term delo, elektrisite eski avan zot donn permisyon fodre ki i annan detay lo ki mannyer delo avek elektrisite pour ganny donnen?

E dezyenmman vi ki letan zot ti vwar ki poudir sa eye sore laba North East Point konmsi ti bezwen ganny kase, i mean son striktir apre i ti zis en eye sore.

E Planning ti pran en desizyon me nou tou ki pas Mare Anglaise nou vwar en gro eyesore ki apel Vakwa Village, Vakwa Village ki’n komanse ki la ki pe pouri par bout ki pe fer nou pli zoli lans vilenn finalman.

E si zot pa krwar ki poudir Planning  i devret pran en desizyon, i devret pran en desizyon e fer Enforcement Notice, parske I’m sure tou bann Regilasyon Planning la in fini.

La kantite letan ki zot ti annan pour konstrir ensidswit in fini pase, pour demann the owners of that place pour met li ater e pour ki i pa ava la tol pouri isi tol pouri laba, dibwa zot konpran mwan ki mon pe dir.

Mersi bokou.

 

MR DEPUTY SPEAKER

Mersi Onorab, CEO.

 

CEO JOSEPH FRANCOIS

Mersi Mr Chairman, mersi Onorab, an relasyon avek elektrisite, delo dan bann aplikasyon pour rezidansyel Departman Lotorite Plan i konsilte avek PUC koman en Lazans Kle ki li i pour donn son komanter, son rekomandasyon lo ki i panse lo sa devlopman an relasyon avek supply delo e elektrisite.

So si PUC i santi poudir sa landrwa i aksesib avek elektrisite avek delo zeneralman i donn son afirmasyon e menm si i lwen sa dimoun i eksplike ki mannyer i pour fer son koneksyon, ki mannyer i pour marse e Lotorite Plan i konsider li pozitivman.

Rar i annan bann ka kot pa ganny approval an relasyon avek elektrisite avek delo vreman, vreman rar.

Dan ka eyesore Vakwa Village and so on  sa ki mwan mon okouran aktyelman i annan en aplikasyon kot Lotorite Plan sorti proze Vakwa Village pour serten devlopman laba. I pa ankor ariv lo staz approval, i ankor staz an diskisyon lo la, sorry.

 

HON WAVEL RAMKALAWAN

Konmsi ou pe dir byento i pour nepli en eyesore me keksoz i ava en bon eye candy.

 

CEO JOSEPH FRANCOIS

Mon swete i ava en bon aplikasyon pour en devlopman par sa devloper Vakwa Village avek Lotorite Plan right now.

 

MR DEPUTY SPEAKER

Bon mersi CEO,  Onorab Georges.

 

HON BERNARD GEORGES

Mersi Mr Speaker, Mr Chairman, mon kestyon, mon krwar mon konn son repons me mon a demann li kantmenm.

E mon kestyon se ki eski zot annan dan Lotorite Plan en long-term planning, en overview planning?  Mon demann sa kestyon akoz i annan serten devlopman ki’n ganny fer ki nou pa konpran ki mannyer zot in kapab ganny fer.  Mon a donn detrwa legzanp random lotel Savoy par egzanp ki mon napa nanryen kont sa lotel me i paret mwan ki son scale i ord proporsyon avek bann lezot keksoz otour.

E nou kapab dir pour ki bann dimoun Savoy pa pe krwar ki mon pe target zot osi sa building Independence Avenue, Capital City kot son scale  i paret mwan i pa an proporsyon avek larestan.

Oubyen akoz ki i annan serten batiman ki dan serten landrwa e mon pe mazin la ankor building  Espace kot i ete e nou, nou Lasanble kot i ete mon ti ava kontan ki e mon sir ki bokou dimoun ti ava kontan ki Lasanble oubyen Lakour ti ava en pe pli pre ek Lavil e non pa neseserman sa batiman.

Mon pe mazin sa nouvo Stad Lanmizik ki pe ganny fer opposite Krishnamart kot en residential area La Rivière Anglaise  pour annan sa problenm lanmizik sak fwa pour annan en Show.

Ti ava kekfwa preferab ki i ti ava en pe pli lwen par egzanp la kot nou ete en keksoz koumsa, ki zot stratezi planning dan sa bann sirkonstans.

Mersi Mr Chair.

 

MR DEPUTY SPEAKER

Mersi Onorab.CEO.

 

CEO JOSEPH FRANCOIS

Mersi Mr Chairman mersi Onorab egzakteman sa ki ou pe dir ki’n prompt Gouvernman pour komans en plan stratezik pour 25an pour Sesel.

I annan plizyer devlopman pe ganny fer lo bann bout later kot dimoun i santi dapre bann Lorganizasyon oubyen bann endividi pli ideal pour zot fer serten devlopman.

E san en gidans lonterm me en gidans kordinen vwar Lotorite Plan letan ti aprouv bann devlopman case by case basis konsilte bann Lazans, bann Lazans i get bann paramet me si ti napa enn ki get en pti pe the bigger picture.

Sosa plan stratezik i donn en gidans lo the bigger picture e apre an menmn tan i narrow li down lo devlopman par egzanp dan Victoria i donn nou en gidans dan enn sa plan stratezik i annan enn ki apel Victoria Master Plan.

Li i gid ou en pti pe li bann diferans arsitektir, i donn ou en pti pe lo karakter Victoria depi sa ki nou apel the old Victoria ki nou konnen en pe deryer Lari Bazar an montan en pe pli anler avek the new Victoria pe expand he CBD a business district of Victoria kot Capital City i ete eksetera i donn en nide lo kalite fason ki i kapab devlope an larmoni avek tou sa bann diferan eleman ki nou’n abitye grandi avek; ki reflekte Victoria oubyen Sesel.

So nou swete letan nou komans antre dan sa kordinasyon enplimantasyon tou sa bann Lazans enkli Gouvernman ki pour le moman pe manage la mazorite bann devlopman konblaz i swiv sa e respekte sa larmoni ki sa plan pe anvizyonnen pour Sesel. Mersi.

 

MR DEPUTY SPEAKER

Onorab Georges.

 

HON BERNARD GEORGES

Yes mersi CEO mon konpran egzakteman sa ki ou pe dir e mon konnen osi ki i annan en kelke sort en land use plan akoz mon ti al asiste letan i ti ganny prezante dan mon distrik Les Mamelles e mon bezwen dir malgre zot in fer en zoli travay ler mwan mon’n antre dan Lasal kantite dimoun ki ti’n vin asiste in double.

Savedir ti annan zis 1 e ler mwan mon antre in vin 2 nou e i pa reflek byen, i pa reflek byen lo travay ki zot in met ladan.

Me in view sa ki ou’n dir mwan eski nou vreman bezwen en long-term 25 years strategi cplan pour dir ki en Stad Lanmizik ou pa mete dan en area ki high density?

E dan sa land use plan ki zot ti montre pour Mamelles zot in fer ki Chilli Bar ti vin en landrwa kiltirel eksetera.

Basically sa ki zot pe fer zot pe endorse en keksoz ki pa byen akoz bann dimoun ki reste otour i ganny disturb.

Eski sa pa en keksoz ki nou bezwen en dimoun deor pour vin dir nou oubyen i telman obvious ki nou menm nou, nou vwar sa ki byen, sa ki mal e nou kapab fer sa ki byen, sa ki mal ?  Mersi.

 

MR DEPUTY SPEAKER

Mersi Onorab, CEO ou oule fer komanter ?

 

CEO JOSEPH FRANCOIS

I pa en kestyon i en statement mon mazinen non ?  Ok sa master plan pour Victoria, in fact Greater Victoria i kouver ou distrik Les Mamelles, La Rivière Anglaise i kouver bann distrik Lavil, mon krwar i annan 8 distrik ki form distrik Lavil.  Sa Master Plan  i egzakteman sa ki kontrent ki nou’n mete dan rapor sa Bidze. Dan labsans en High Level Steering Committee bokou dimoun ki an posesyon later oubyen bokou Lazans Gouvernman i lager pour son priyorite e pase lo la.

E byensir i annan en prosedir konsiltasyon ki  involve eksetera e i annan en prosedir  approval  baze lo guidelines devlopman dan Victoria.

Me bokou dimoun i santi sa i the only place ki li i kapab met son proze e i pouse pour son aprouvasyon – son bann mechanism ki i santi i annan an plas.

Me avek en development plan avek en land use plan ki tou dimoun i agree ki nou a kapab finalize e met li into law.

La napa rezon pour tou dimoun sakenn al lo bi sakenn son kote me i ava annan en lalwa e si i an konformite ou a fer, si i pa an konformite ou bezwen pa fer.

 

MR DEPUTY SPEAKER

Mersi CEO. Onorab Ramkalawan.

 

HON WAVEL RAMKALAWAN

Zis mon pour demande vi ki i annan bokou bann devlopman dan Victoria akoz ki Mayor of Victoria i pa ganny mete koman en manm lo Planning Authority specially letan i annan bann keksoz pour fer avek Victoria?

 

MR DEPUTY SPEAKER

Yes CEO or Minister yes.

 

MINISTER CHARLES BASTIENNE

Mr Chair sa i en keksoz petet nou ava regarde nou a konsidere akoz pour devlopman Lavil Victoria i annan, wi i annan sa Master Plan apre osi ki i fer se ki i annan lezot konsiltasyon ki ganny fer.

Evidaman mon konnen poudir letan i annan bann devlopman Victoria i bezwen vin kot Cabinet of Ministers pour ganny endorse dabor.

E si i annan nesesite evidaman si Mer Lavil pour involve ladan petet sa i en keksoz ki nou ava regarde nou ava vwar ki rol egzakteman i pour zwe si zanmen i lo sa Komite.

Mersi Mr Chair.

 

MR DEPUTY SPEAKER

Mersi Minister.

Bon nou ava pran en vot lo Bidze pour Lotorite Planning paz 354 ziska paz 362 sonm R14.066milyon.

All in favor? Anyone against?

Ok, Madanm Clerk ou anons rezilta.

 

MADAM CLERK

Mersi Mr Chair mon’n rikord 25 manm ki’n vot an faver e personn pa’n vot kont.

Mersi.

 

MR DEPUTY SPEAKER

Mersi savedir Bidze  pour Lotorite Planning  paz 354 a paz 362 pour en sonm R14.066milyon in ganny aprouve par Lasanble Nasyonal.

Bon nou a eskiz CEO Planning Authority avek Special Advisor e Accountant parmi nou.

 

CEO MRJOSEPH FRANCOIS AND HIS DELEGATIION WAS EXCUSED FROM THE HOUSE

 

SEYCHELLES LAND TRANSPORT AUTHORITY, DEPARTMENT OF LAND TRANSPORT, ROAD TRANSPORT COMMISSION

 

MR DEPUTY SPEAKER

Bon prezan nou’n ganny en lantant, nou’n ganny en lantant nou pour pran sa 3 Departman i korespond avek kanmarad i marye dan kanmarad nou pour pran toule 3 ansanm.

Sa i Seychelles Land Transport Authority, Department of Land Transport, e Road Transport Commission nou ava pran tou le 3 ansanm me pour vote nou a pran sak Heads, nou ava pran sak Heads endividyelman pour nou vot lo la.

Ok nou ava zis apel bann teknisyen, bon nou welcome parmi nou pour vin ansanm avek Minis Bastienne, nou annan PS pour Land Transport Mr Patrick Andre, nou annan CEO Land Transport Agency Mr Parinda Herath, e nou annan Road Transport Commissioner Mr Tim Marie asiste par Financial Controller SLTA Mrs Marlene Valentine e Mrs Chantal Jules ok.  Bon, yes Onorab Ferrari

 

HON JEAN-FRANCOIS FERRARI

Zis en point of order  pour fer nou travay en pti pe pli senp si i posib mon ti a kontan ler nou komans lo Land Transport, pour mwan it’s very confusing, nou annan en Department of Land Transport, nou annan en Agency of Land Transport,nou annan en Comission of Land Transport,

Konmsi kekfwa Minis ou ti kapab adres dan ou prezantasyon adres the rational.

Mon konpran Policy Regulatory implementation selman la vreman konmsi it’s beyond my simple mind akoz it’s much too much duplications, so si ou kapab adres sa ler ou pe fer opening statement mon ti ava apresye.

 

MR DEPUTY SPEAKER

Mersi Onorab, mon krwar Minis dan son pti summary ki i pour fer i ava eklersi le 3 Lotorite ki zot responsabilite, go ahead Minister.

 

MINISTER CHARLES BASTIENNE

Mr Chair  wi mersi, bon Departman Transpor lo later li an bref en apre Mr Chair nou a donn en pti pe plis detay. An bref Departman Transpor li i responsab pour li fer bann Polisi Regilasyon parey en Departman ki tonm anba en Minister.

Road Transport Commissioner li osi li son rol li se pour enplimant bann Polisi e bann Regilasyon setadir Departman Transpor li i vin en oversight over Road Transport Commission an term bann enplimantasyon bann Regilasyon avek Polisi.

Tandis ki Land Transport Agency – SLTA li son responsabilite se pour enplimant proze, bann proze ki annan pour fer avek semen parey mon’n dir taler pour konstriksyon pon, pour fer semen, re sirfas semen.

Sa, sa diferans ant sa 3 Lazans prezan Mr Chair avek ou permisyon briyevman le 3 CEO, sa 3 Departman Lazans i kapab donn en pti pe plis lesplikasyon an detay.

Mersi.

 

MR DEPUTY SPEAKER

Mersi Minister, nou a komans avek Departman Land Transport, PS a donn en pti breakdown, en pti overview son Bidze, go ahead PS Andre.

 

PS PATRICK ANDRE

Mersi Mr Chair tou bann Manm Onorab bonn apre midi parey in ganny dir responsabilite prensipal pour Departman Transpor lo Later se pour fer bann Polisi e Regilasyon an tou ki konsern transport lo later.

Sa i kouver Polisi e apre Regilasyon pour Taxi, Car Hire, Omnibus, transpor lo La Digue, servis bis piblik, road safety, transpor an zeneral e osi etablir bann standar pour driving eksetera.

Osi nou antreprann plizyer survey trafik pour nou kapab etabli fe lo sityasyon trafik lo semen e vin avek bann propozisyon lo lafason pour amelyor sityasyon konzesyon e sekirite lo semen.

Osi Departman Transpor lo later i responsab pour kontrol devlopman an relasyon avek semen, an dot mo nou evalye tou bann laplikasyon ki ganny soumet kot Lotorite Plan, nou annan nou development training guidelineski donn nou gidans ki mannyer nou pour kapab evalye bann laplikasyon letan i vini.  Nou osi atraver bann survey ki nou fer nou inisye bann proze mazer an se ka konsern devlopman semen dan pei.

E enn fwa ki nou bann proze oubyen konsep i ganny aprouve par Cabinet la nou, nou pas sa bann proze avek Lazans Transpor lo later pour zot design zot menm oubyen zot rod en Konsiltan ki ganny apwente atraver prosedir ki ganny met an plas pour design e supervise e fer sir ki travay i ganny fer parey plan ki’n ganny aprouve.

Apre osi Departman Transpor lo Later i donn lasistans teknik Komisyon Transpor lo later e osi Lazans Transpor lo later e osi bann lezot Lorganizasyon ki tonm anba portfolyo transpor lo later tel ki SPTC.

Vizyon pour Departman Transpor sete ki enportan pour nou note nou vizyon se pour efektivman formil bann Polisi e planifikasyon pour asire ki nou annan en sistenm transpor lo later ki konvenab, safe ki nou kapab kont lo la e ki abordab pour benefis nou popilasyon ek nou pei an zeneral dan en fason soutenab e ekonomikman vyab.  Nou misyon i comme swivan pour delivre en sistenm transportasyon ki efikas e ki kontribye pour fer nou Lekonomi grandi avek kalite lavi touzour prenon kont soustenabilite nou lanvironnman.

Nou pran li dan en devlopman sistenm transport terrestre entegral par met an plas bann Polisi soutenab e Regilasyon avek bann model ki siport plan e stratezi Ekonomik Sosyal e devlopman enternasyonal.

Nou e regle plan e nou devlop en sistenm transportasyon efikas e deservi lentere piblik par ogmant mobilite e delivre en transpor piblik e network semen ki safe e touzour prenon kont nou lanvironnman.

Departman Transpor lo Later in ganny en Bidze R6.279 milyon e i annan 2 progranm dan nou Bidze e osi 2 sou progranm.

Mr Speaker sa an gro responsabilite Departman Transpor lo later e nou dan Departman Transpor nou pour asire dan tou fason sa larzan ki nou’n gannyen i pour ganny deservi byen pour nou kapab realiz nou bann travay ki nou fer e fer li dan en fason efikas e depans larzan piblik dan en fason efikase transparan.

Mersi Mr Speaker.

 

MR DEPUTY SPEAKER

Mersi PS Andre. Nou ava ganny CEO SLTA, Mr Herath.

 

CEO PARINDA HERATH

Mersi Mr Chair, briyevman manda SLTA i prensipalman pour enplimant bann proze Land Transport, e osi pour mentenir bann lenfrastriktir semen ki egziste.

Par egzanp nou enplimant bann proze konstriksyon nouvo semen e osi bann lenfrastriktir ki relye ek semen par egzanp drenaz, trotwar, bus shelters, crash barriers, streets light, laglas, siny trafik, road markings eksetera.

Bann diferan Seksyon dan SLTA ki fer bann travay i commes  wivan, nou annan en Seksyon Asphalting Works, nou annan Seksyon Road Safety & Traffic, nou annan Seksyon Project Planning implementations.

Nou annan en proze road maintenance, nou annan seksyon Praslin avek La Digue, nou annan Vehicle Testing Station e osi en Unit Traffic Wardens.  An tou nou annan nou 120 travayer ki enkli en travayer etranze ki Enzenyer. Si mon pas briyevman dan nou Bidze, nou Bidze total ki’n ganny propoze i R186.8 milyon anba la nou annan nou en ‘’recurrent expenditure ki R94 milyon e osi anba Cap X,Capital Projects nou annan nou R92 milyon.

Si mon pas en pe an detay anba recurrent expenditure anba ‘’wages and salaries’ ’nou annan nou R19.5milyon, anba ‘’goods and services’’ nou annan office expenses ki R6.15 milyon ki enkli elektrisite e stationaries, telefonn, eksetera.

Anba ‘’Transport and Travel Cost’’ nou annan fuel, fuel pour bann veikil ki nou servi pour fer bann vizit lo bann site e osi fuel pour nou Asphalt Plant ki nou annan enn Praslin avek enn Mahe.

‘’Other transportation cost’ ’sa i enkli letan nou transpor par egzanp bitumens sorti Mahe pour al Praslin.

Anba ‘’maintenance and repairs’’ nou annan nou R39.4 milyon bann konponan anba la i asphalting works R18.5, ‘’minor roads maintenance R12.5, street light R7milyon ki nou pey bill elektrisite pour bann street light e osi pour maintenance street light.

Anba ‘’materials and supplies’’nou annan nou R200 mil ki nou annou zis protecting clothing anba la.

‘’Other use of goods and services’’ki R2.6milyon son bann koponan i par egzanp Sekirite, office rent, Insurance eksetera. Bann keksoz ki nou outsource i Security, koleksyon salte, pest control.

Anba ‘’minor capital outlays’’ kot nou annan nou R22.25 milyon, bann konponan ki nou annan se Procurement of bitumen e osi nou annan nou en nouvo Asphalt Plant ki nou anvi procure lannen prosenn, nou annan new street lights e osi road markings.

Anba ‘’capital expenditure’’ ki R92.1 milyon se anba la kot nou enplimant bann proze, bann proze nouvo semen oubyen bann lezot proze Kapital ki nou fer.

Mersi Mr Speaker.

 

MR DEPUTY SPEAKER

Mersi CEO Herath, nou a demann Mr Tim Marie pour fer son pti prezantasyon.

 

ROAD TRANSPORT COMMISSIONER MR TIM MARIE

Mersi Mr Chairman, Mr Chairman tou bann Onorab bonn apre midi mon apel Tim Marie e mon okip post Road Transport Commissioner mon annan tre gran plezir pour prezant zot avek Bidze ‘’Road Transport Commission pour lannen 2017.

Road Transport Commissio ni en Regulatory Body anba mon responsabilite e son manda prensipal se pour aplik e kontrol tou lapse Road Transport Regulations e osi pour aplik tou bann Regilasyon ek Polisi ki ganny met an plas par Departman Land Transport pour asire ki nou semen i an sekirite pour nou bann motoris ek pyeton.

Bann rol ek fonksyon Road Transport Commissioner i ganny konfere lo li par Road Transport Act sapit 206 Seksyon 11 ki stipile ki en Road Transport Commissioner  ri ganny apwente par Minis ansarz Land Transport e ki anba gidans ek direksyon Minis, i kapab fer son bann fonksyon ki ganny konfere lo li par Road Transport Act.

Nou obzektif se pour administer e aplik Lalwa Road Transport avek lentegrite e komitman pour kre en Sosyete ki annan en kiltir ki obeir Lalwa Semen.

Nou Misyon se pour reglemant bann veikil ek sirkilasyon routye an tout sekirite efikasite atraver aplikasyon bann Road Transport Regulations.

Road Transport Commission i osi responsab pour tou laspe Road Safety e nou organiz bann aktivite pour promouvwar sa laspe sekirite dan nou bann semen.

Par egzanp Road Safety weekends ek Road Safety Week, nou osi evalye bann laplikasyon pour enport bann veikil dan pei e sa i enkli osi bann lenportasyon bann oversize vehicles ek bann vehicles spare parts.

Road Transport Commissioner i osi responsab pour bann road closures kan i neseser par egzanp letan i annan travay maintenance lo bann semen oubyen kan i annan bann levennman ki nesesit fermtir en semen, sa nou fer li an konsiltasyon e ek Komisyoner Lapolis.Enn nou bann lezot manda se pour fer, se pour zer tou bann loperasyon Taxi, Omnibus ek Car Hire

        Mr Chair sa i enn brefman bann manda ki tonm anba Road Transport Commission.

Nou Bidze i lo presentational basis only e pour nou kapab delivre nou bann Manda efektivman nou pe demann laprouvasyon pour en total R5.9 milyon.

Mersi Mr Chair.

 

MR DEPUTY SPEAKER

Bon nou a open pour kestyon nou a komans avek Onorab Stephen Pillay.

 

HON STEPHEN PILLAY

Mersi Mr Chairman mon annan en pti klarifikasyon mon en pe konfize la, Department of Transport avek Department of Land Transport i menm zafer? Luckily akoz mon vwar, non, non, Department of Land Transport.

 

MR DEPUTY SPEAKER

Mon krwar Minis in klarifye sa non ?

 

HON STEPHEN PILLAY

Mon pa’n tande.

 

MR DEPUTY SPEAKER

Minis ti donn en pti summary in klarifye tou le 3.

 

HON  STEPHEN PILLAY

Wi mon konnen SLTA, Road Commission ek Department of Land Transport, mon’n anmas li Departman Land Transport i tonm anba ki li? Non.

 

MR DEPUTY SPEAKER

Yes Minister.

 

MINISTER CHARLES BASTIENNE

Mr Chair mon pa tro ganny en konpran kote son konfizyon i vini. I pe demande kote Departman Transpor apre kote Departman Land Transport se sa ki ou pe dir mwan ?

Departman anba mon Minister i apel Departman Land Transport ok, oparavan ti tonm, ti annan en Minister Foreign Affairs & Transport e vwala kot Land Transport ti anba sa Minister e apre ou ti annan bann lezot parey SCAA, Lavyasyon e tou sa, sa ti tonm anba transpor an zeneral.

Mersi Mr Chair.

 

 

MR DEPUTY SPEAKER

Ok  mon krwar i kler pour Onorab Pillay.

 

HON STEPHEN PILLAY

Non Mr Speaker savedir i kler la pour mwan la, mon pe rod Department of Transport  i annan dan PSIB i annan en Capital 32 milyon, 620 kote i ale sa?

 

MR DEPUTY SPEAKER

Lo ki paz ou pe koze Onorab Pillay?

 

HON STEPHEN PILLAY

PSIB ti paz 34 ti No. 34.

 

MINISTER CHARLES BASTIENNE

Mr Chair.

 

MR DEPUTY SPEAKER

Yes Minister.

 

MINISTER CHARLES BASTIENNE

Minister Finans i a klarifye en pti moman apre nou ava avek ou permisyon nou a retourn lo la pour donn sa klarifikasyon. mersi.

 

MR DEPUTY SPEAKER

Yes. Mersi.  Onorab Pillay, I ok?

 

HON STEPHEN PILLAY

Mersi Mr Chairman.  Mon pe esper mon larepons in dir mwan Minister Finans i a rode i a dir mwan.

 

MR DEPUTY SPEAKER

Yes PS Payet.

 

PS PATRICK PAYET

Mr Chair kekfwa pran en lot kestyon nou ava al re verifye en pti kou dan liv apre nou a retourn lo sa kestyon, mersi.

 

.MR DEPUTY SPEAKER

Ok nou ava pran lot kestyon antretan ki Mr Payet pe rod sa paz klarifikasyon. Onorab Georges.

 

HON BERNARD GEORGES

Mersi Mr Chair, Mr Chair si mon konpran byen rol sa bann Lazans se Departman Transpor i deside fer en semen, SLTA i konstrir sa semen i mete goudron lo la, Road Commissioner i dir ki ou bezwen fer 60 mil a ler lo sa semen e si ou fer 70 Gard Trafik i aret ou, eski mon’n konpran byen zot rol?

Mr Chair mon kestyon se sa, mon ti a kontan remersye bann Lazans ki zot in deside fer 2 semen dan mon distrik Ma Josephine apre un chemin kot Tirant.

Mon kestyon se kan eski akoz mon pa konnen akoz i pa dan sa Bidze kan eski nou kapab espere ki semen Basin Bleu pour ganny en re surfacing ? Zot konnen ki mon’n ekri zot mon’n donn zot en sans reponn mwan oralman ozordi ?

E dezyenmman kan eski nou kapab ekspekte ki Lotorite konsernen mon pa konnen ant sa de ant SLTA ek Road Commissioner  lalimyer lo sa bout semen ant roundabout Roche Caiman ek roundabout Eden akoz aswar sa morso semen i teribleman fernwanr.  Mersi.

 

MR DEPUTY SPEAKER

Mersi Onorab.  CEO SLTA

 

CEO -SLTA PARINDA HERATH

Mersi Chair, bon pour premye kestyon Onorab Basin Blue, annefe ki mannyer nou fer nou travay komansman pour sa dernyen 3an. Komansman sak lannen ki nou fer nou anvoy en form kot tou bann DAs e nou dir zot ranpli e re anvoy kot nou ek tou bann issues ki relate avek SLTA.

        Savedir tou issues ki zot annan e i enkli bann semen ki zot pe propoze pour re surface eksetera, zot ranpli zot re anvoy kot nou.

Sa i additional to  bann ki nou, nou ale nou bann Zofisye i idantifye, e ki nou fer avek sa bann lalis ki nou gannyen nou formil en plan travay pour sa lannen ki vini.

E nou osi fer bann vizit avek sa bann DAs pandan sa lannen pour nou kapab idantifye e fer  bann vizit dan sak landrwa ki zot anvi ale pour nou gete ki bann proze, ki priyorite pour sa bann distrik.

Alors sa definitivman nou  pour fer li Zanvye ki vini la e si Basin Bleu parey ou pe dir i vin en priyorite pour ou distrik depan lo kapasite ki nou annan nou kapab met li dan nou progranm re surfacing pour lannen 2017. Lo kote street lights mon kapab enform ou ki nou’n deza sa bout semen ki ou’n nonmen la Roche Caiman ziska kot Eden Island annefe 2 semenn pase nou’n fer en vizit avek PUC ti en demann ki DA ti pe fer pour en bon pe letan ; malerezman nou pa’n kapab fer li dan sa proze ki nou’n fek fini an 2016 la.

Me nou’n fini fer vizit avek PUC avek en Kontrakter ki pour enplimant sa travay, nou ekspekte hopefully within the next 2 weeks sa proze pour konmanse, mersi.

 

MR DEPUTY SPEAKER

Yes Onorab Georges.

 

HON BERNARD GEORGES

Mersi Mr Chair, Mr Chair mersi bokou mon ti anvi dir avek Mr Herath ki Basin Bleu i en priyorite please, alor silvouple e pandan lo sa pti bout semen mon’n demann lalimyer mon konnen me drenaz osi lo kote Roche Caiman ler lapli i tonbe i annan en serten delo ki reste alors si sa osi zot ti a kapab gete, mersi.

 

MR DEPUTY SPEAKER

Mersi Onorab, PS Payet ou’n pare?  Ok mersi pour eklersi konfizyon Onorab Stephen Pillay.

 

PS PATRICK PAYET

Mersi Mr Chair, mersi Mr Pillay, mon krwar Onorab Pillay is right lo paz 34 PSIP pour Departman Transpor Bidze 2017 a 2019 zero.

I pa sipoze annan keksoz, i sipoze annan zis keksoz pour Bidze 2016 akoz menm proze, ki nou ti fer sa lannen 2016 tou sa bann proze 2017, 2018, 2019 i anba SLTA, properly.

So letan nou’n klarifye properly zot travay ki zot sipoze fer Departman Transpor avek SLTA sanmenm sa komansman 2017 tou proze i anba avek SLTA.

Sanmenm sa dan Budget Book pour son paz lo 343 nou pe montre zis pour 2016 PSIP nou pa pe montre nanryen nou pe montre zis ‘’wages dan goods and services.’’Mersi.

 

MR DEPUTY SPEAKER

Mersi PS Payet pour sa leklersisman, mersi Onorab Stephen Pillay pour vwar sa e port li a nou latansyon, ou annan en kestyon adisyonnel ?

 

HON STEPHEN PILLAY

Non, non zis pour dir li sanmenm sa ki mon ti pe sey rode kantmenm zot ti pe riye konmsi, mon ti pe rod sa.

 

MR DEPUTY SPEAKER

Mersi Onorab Pillay. Onorab De Commarmond.

 

HON CHARLES DE COMMARMOND

Mersi Mr Chair, Mr Chair an menm tan ki mon remersye Land Transport pour bann travay ki zot in fer Cascade e ki zot in garanti anba sa Bidze ki ti’n pe sorti o komansman 2017.

Mon oule demann nou bann Lazans ki isi nou bann dimoun la lekel ant sa 3 ki deal ki responsab pour problenm sa  issue trafik ou problenm trafik ki nou vwar dan Lavil ensidswit la partou problenm trafik, lekel ki responsab avan mon kontinyen ?

 

MR DEPUTY SPEAKER

Ok.

 

MINISTER CHARLES BASTIENNE

Mr Chair petet an reponn sa kestyon an frenm kont nou kolektivman responsab, wi.

 

MR DEPUTY SPEAKER

Wi, kontinyen Onorab De Commarmond.

 

 

HON CHARLES DE COMMARMOND

Kolektivman, then akoz ki konmela problenm trafik konmela in tanporer redwir e pourtan napa nouvo semen ki’n ganny fer sirtou dan rezyon Lavil mon pe koze.

E eski i annan en relasyon ki zot tou le 3 la zot in dekouver, zot in vwar ant problenm trafik avek lekol, ek serten lekol e si wi depi kan zot in obzerv sa?

Eski i ankor annan en problenm ozordi e kote dan sa Bidze ki devan nou i annan ladres pour adres sa sityasyon ?  Mersi.

 

MR DEPUTY SPEAKER

Mersi Onorab. Yes Minister.

 

MINISTER CHARLES BASTIENNE

Mr Chair mon krwar nou pa bezwen en zeni pour nou kapab konstate poudir evidaman trafik dan bann letan vakans i mwens ki dan bann letan, letan i annan lekol sirtou dan bann peak hours bomaten avek aswar.

E mon krwar pour reponn kestyon MNA  sa in toultan le ka me petet pour mwan sanpas responsabilite okenn CEO Lazans, se ki mon kapab dir poudir Gouvernman in fer en bon pe pandan bann dernyen lannen, i annan plizyer landrwa Anvil kot zot in azout en trwazyenm lane parey nou’n konstate nou vwar poudir kot English River Klinik laba en trwazyenm lane in ganny mete.

Me selman anse moman kestyon ki pe fer, mon krwar poudir tou Manm Onorab i okouran poudir i annan en by pass sorti Anse Etoile ziska Anvil ki san staz pe finalize.

Pon ki link Ile Au Rore avek Ile Perseverance in konplete serten ti travay pe reste pour fer lo la, Pon ki link Ile Du Port avek Inter Island Quay i sipoze konplete ver lafen Fevriye, avan ti pour konplete ver lafen Avril me nou pe fer mannyer pour nou Akseler-e pour konplet li ver lafen Fevriye.

Rezon i senp, rezon set akoz nou pe ouver en lane, en additional lane ki pour pran la kot Nasyon i ete ki pour anmenn nou par anndan kot YachtClub i ete ki pour pas dan ansyen Playground e pour ale pour al fini lo semen Latanier Road ki en fason nou ava annan en two-way traffic la.

Ki en fason ki en dimoun ki sorti dan sid ki le al en pe dan nor dizon Anse Etoile i visversa i pa pour neseserman bezwen antre dan Lavil kot i pas direk laba atraver sa kot Point Island Quay lot i tonm direk Anse Etoile.

E sa i sipoze nou pe akseler-e sa, sa in fini ganny Tender e nou ekspekte sa proze i kapab demare boner lannen prosenn e si tou keksoz i al byen i ava koensid avek konpilsyon pon Ile du Port avek Inter Island Quay ver lafen Fevriye lannen prosen.

En konponan sa proze nou’n deside pour nou retir li anterm pour rezon Bidzeter e osi an vi ki nou pa ankor neseserman pare pour nou pli gro proze ki sipoze pas avek projet reklanmasyon ki pour pas atraver Ile Houdoul ki pour al rann lapel kot carpark ICCS i ete e tou.

Me pour le moman nou pe fer li i pour tonm kot Latanier Road nou ava annan en two-way traffic, trafik ki sorti bor Anse Etoile pa neseserman pe al dan sid, pa pour neseserman bezwen pas Anvil e visversa osi dan bomaten.

Si ou permet mwan Mr Chair petet mon pour al en pti pe an avans mon konnen i en pwen kestyon ki zot pour demande sa i pour nesesite, i annan en Bidze ki’n ganny mete en sonm enn nou bann pli gro projet ki pour ganny enplimante lannen prosen e sa i en proze roundabout avek en pon kot ansyen ‘Animal Feed kot i ete la.

Sa i en proze ki sipoze kout nou, en Bidze  in mete pour R25 milyon e sa  projet  li i sipoze dabor tir tou bann risk ki asosye avek sa landrwa kot Animal Feed i ete la pour le moman ki parfwa i annan aksidan ki arive.

E an menm tan i pour donn en koneksyon annan en pon ki pour link avek Mont Fleuri an vi ki sa i dan plan, e lot plan se ki pour extend en trwazyenm lane ki pour ede pour fer sa by-pass pour letan dimoun pour by-pass pour al dan nor e an plis ki sa pour nou kapab annan en foot bridge.

Nou konnen poudir right now la Mont Fleuri ki pe kre konzesyon set esansyelman International School.

So i pour annan en foot bridge ki pour ganny fer la kot lo Bois de Rose ki pour link avek International School en fason ki bann paran i a kapab drop zot zanfan la pour annan layby ki pour ganny fer pour drop zot zanfan ki swa ou sorti o nor oubyen dan sid vi ki pour annan 2 roundabout either way  ou kapab vini drop ou zanfan la, e diskisyon ki mon konpran avek mon bann Teknisyen in ganny fer avek lekol menm dan lepase konsernan sa.

E mon krwar sa i pour ed nou en kantite pour nou kapab redwir trafik ki en pe Mont Fleuri ki pa zisteman, pas zis lo Bois de Rose,  me osi lo Mont Fleuri.

So sa i enn bann pli gro projet ki pour ganny antreprann lannen prosenn e si tou keksoz i al byen dapre mon bann dimoun se ki plitar 3enm kar avan lafen lannen prosenn sa projet i ava’n konplete. Mersi Mr Chair.

 

MR DEPUTY SPEAKER

Mersi Minister. Onorab De Commarmond.

 

HON CHARLES DE COMMAMRMOND

Wi, Mr Chair eski Minis kapab osi konfirmen ki proze roundabout kot erport i pour osi ladan dan sa proze e konbyen li i pour koute konpare avek sa enn roundabout R25 mil ki pour ganny fer la anba kot ou pe dir 25 milyon pa 25 mil ?

 

MR DEPUTY SPEAKER

Yes Minister.

 

MINISTER CHARLES BASTIENNE

Mr Chair sa proze roundabout kot airport in fini Tender i pour kout preski R6milyon me kestyon se, akoz sa enn i kout R25milyon ?

Rezon i senp petet mon Teknisyen i kapab klarifye en pti pe plis, set akoz i pa zis en roundabout  li, i involve pon adisyonnel ki sipoze link avek Mont Fleuri pour al tonm kot site parey nou dir e kre lezot fasilite layby ki dan plan ki Minister ti’n travay lo la.

Avan i ti pour link avek semen Mont Fleuri pour ede dekonzeste trafik semen Mont Fleuri an menm tan, so i pas zis en roudabout li, i additional  lane, additional lane include sa bout an plis parey mon’n dir  sa pti bout konble ki nou bezwen konble pour kapab fasilit sa footbridge pour manrmay kapab koup across pour kapab al kot International School e vwala.

So menm si i annan en, an menm tan mon Teknisyen in enform mwan osi rezon ki pe kout en pe bokou sa pon, set akoz i annan bann high voltage cab ki pas la ki bann swen neseser i bezwen ganny fer ki swa letan whether pour relocate swa pour build par lao letan pour fer konstriksyon sa pon. Sa i en projet parey mon dir se ki dan sa Bidze, finansman in ganny donnen dan sa Bidze pour lannen prosenn e nou ekspekte pour kapab ede pour soulaz en pe trafik Anvil.

Mr Chair si ou permet mwan osi se ki apard sa proze ki mon’n dir sa by-pass ki pour pas kot Yacht Club la nou osi pe vwar i anba konsiderasyon.

Annefe i sipoze al Planning pour vwar pour azout en 3enm lane lo Francis Rachel Street sa fwasi en lane monte sorti nor pour al sid pour al rann lapel Le Chantier sa i enn ki anba konsiderasyon.

Akoz negosyasyon neseser pe ganny fer avek Lanvironnman an vi ki i pour afekte en pe land scape sa landrwa letan i pour ganny fer.

So sa i ankor an diskisyon ki nou ti a kontan enplimante osi, me selman tout fwa nou pour vwar ki mannyer sa enn i marse apre Fevriye e baze lo la then desizyon final i a ganny pran. Mersi Mr Chair.

 

MR DEPUTY SPEAKER

Mersi Minis, Onorab Valmont follow up lo size, go ahead.

 

HON JUDE VALMONT

Yes mersi Mr Chair, petet mon ti a zis voudre demann Minis anliny avek kestyon Onorab De Commarmond konsernan sa roundabout Erport.

Eski Lotorite konsernen zot krwar en roundabout i ase pour rezourd problenm trafik dan plato Pointe Larue sorti Au Cap pour al Cascade, what next ?  Mersi.

 

MR DEPUTY SPEAKER

Minister.

 

MINISTER CHARLES BASTIENNE

Mr Chair en roundabout i pour ede pour anmenn en pe plis disiplin kot transpor i konsernen sirtou la kot Pointe Larue.

Mon krwar poudir nou bann petet ki, petet bann dimoun ki al lo erport pour al zwenn en dimoun dan bomaten ou vwar li difisil parfwa pour ou exit sorti kot Erport.

Me mon krwar poudir avek sa roundabout i ava ede pour anmenn en pe plis disiplin. An se ki konser, Mr Chair mon okouran poudir Onorab in anvoy mwan detrwa kestyon konsernan trafik dan rezyon Pointe Larue, an se ki konsern sa se ki nou pe regard a lonterm solisyon pour nou kapab rezourd sa problenm, enn parmi bann keksoz ki lo latab pour diskite se posibilite pour annan en 3enm lane dan zanmerant Pointe Larue ki pour kapab konekte avek Ile Soleil.

Sa i ankor anba diskisyon e si nou nobou fer sa enn fwa ki bann mining works i konplete zis par andan la kot ki nou apel, kot Lakademi Lapolis la kot i annan montanny la i konnekte avek Ile Soleil then nou kapab ganny nou en 3enm lane.

        Me selman i pour annan serten difikilte ki pour antase avek sa akoz along the way partou nou annan bann private properties sa i zis konsept right now ki nou pe diskite avek bi pour nou kapab ede pour nou improve problenm trafik.

Nou konsyan poudir dan bomaten sirtou letan i annan lekol lake trafik i arive ziska Au Cap mon aprann.

E mon krwar i devwar mon Minister pour rod tou bann solisyon posib pour nou kapab soulaz en pe bann dimoun ki servi sa semen. Mersi Mr Chair.

 

MR DEPUTY SPEAKER

Mersi Minis vit Onorab Valmont.

 

HON JUDE VALMONT

Mersi Mr Chair petet mon ti a sizere Anse Dejeuner Erport in deza tras en semen ki tous ziska Anse Aux Pins petet SLTA ti’n kapab get ladan, i en solisyon ki si demen an ka i ariv en dezas sa i provide en opsyon osi, mersi.

 

MR DEPUTY SPEAKER

Mersi Onorab. Onorab Sebastien Pillay.

 

HON SEBASTIEN PILLAY

Mr Chair zis lo sa pwen sa roundabout R25 milyon mon ti a kontan demande ki nou ganny tou bann detay posib bann letid ki zot in fer lo sa size sa cost apre ki ler nou fini ganny sa bann detay nou oule osi konnen ki prosedir Tender zot pe swiv pour nou kapab etablir vreman sa kou around sa roundabout.

E si sa cost pour vreman anmenn en lenpak pour redwir trafik, akoz mon pa oule end up donn zot en Bidze 25milyon apre trafik pa improve.

So mon ti a kontan si zot ti kapab donn nou maximum lenformasyon posib pour ki nou in the long run nou fer sir nou pe deal avek sa problenm byen. Mersi.

 

 

MR DEPUTY SPEAKER

Mersi Onorab, Minister.

 

MINISTER CHARLES BASTIENNE

Mr Chair nou napa problenm pour nou partaz lenformasyon annefe sa i tonm as part of Victoria Traffic Management Plan nou napa problenm at the appropriate Forum kot nou kapab share sa lenformasyon.

E d’ailleurs lot kestyon, lot komanter ankor, tou projet, tou projet mon Minister i ganny Tender atraver lalwa ki’n ganny etabli. Mersi Mr Chair.

 

MR DEPUTY SPEAKER

Ale Onorab Pillay.

 

HON SEBASTIEN PILLAY

Non zis mon pe dir pour benefis bann Manm ki petet pa ankor ganny sans vwar sa Victoria Management Plan

 

MR DEPUTY SPEAKER

Yes

 

HON SEBASTIEN PILLAY

Ti ava bon a en moman donnen ki Departman Transpor i vini i fer en prezantasyon konplet lo sa size ki nou kapab ganny en lapresyasyon tou bann lezot keksoz i asosye avek, mersi.

 

MR DEPUTY SPEAKER

Yes, mersi Onorab, Madam Clerk i a take note apre nou a fer bann prosedir neseser, Onorab John Hoareau.

 

HON JOHN HOAREAU

Mersi Mr Deputy, Mr Deputy mon kestyon i plito lo distrik Beau Vallon menm i annan en semen ki apel ‘Dan Gala ki’n anba konstriksyon en bon pe letan.

E i ti sipoze fini ganny fer depi byen lontan me i pa’n zanmen fini ganny fer, mon pe demande si i eski problenm Bidzeter oubyen kwa, si i pour fini akoz la mon vwar lerb pe pous ladan e i annan gro, gro trou ladan ?

Mon 2enm parti mon ti anvi gete en pe kantite, ki progranm fer bus shelter dan mon distrik ?  E osi lalimyer, ki kantite i annan pour donn Beau Vallon ?

E finalman mon ti anvi ki demande, eski par egzanp letan nou pe get sa bann traffic lights la kot lekol La Rivière Anglaise nou vwar i mars ase byen, eski pa ti en bon nide pour enkli sa bann traffic lights osi kot roundabout ki al kot Ferry Port. Mersi.

 

MR DEPUTY SPEAKER

Mersi Onorab.

 

HON JOHN HOAREAU

Ki al kot semen Por pour al pran ferry pour al Praslin dan sa roundabout.

 

MR DEPUTY SPEAKER

Ok lekel, CEO pour, ok go ahead CEO.

 

CEO -SLTA PARINDA HERATH

Mersi Mr Chair, mersi Onorab, bon mon pour reponn premye kestyon lo proze ‘Gala, bon proze ‘Dan Gala ti konmans lannen pase, wi i enn bann proze ki nou’n ganny en kantite retar avek.

Mr Chair si mon eksplik en pti pe bann retar ki nou gannyen dan bann proze, i pour enportan pour bann Onorab konpran en pe bann sityasyon ki nou gannyen.

An mwayen SLTA i enplimant anviron 700 proze total ptipti koman gro, ladan 10, 15 proze nou ganny bann retar parey sa enn dan Gala, mon annan lezot proze osi ki dan bann menm sityasyon.

Bann rezon prensipal i sirtou letan nou komans en proze nou kapab vwar bann varyasyon, sityasyon teren li menm i sanze plis ros pour kase par egzanp.

E letan sa bann keksoz i arive nou bezwen refer, nou bezwen kalkil sa evalyasyon, nou bezwen evalye sa extra work ki vin avek apre nou kot ‘POU oubyen National Tender Board pour ganny sa larzan ekstra ki neseser pour kontinyen avek proze, e sa prosedir li menm i kapab pran detrwa semenn sa i enn.

Dezyenm nou annan bann Kontrakter enn-ler ki ganny swazir dapre Tender ki nou fer e zot, zot pa perform dapre nou bann standar ki nou e zot, zot tarde avek louvraz, zot pa met ase dimoun pour travay ok, zot pa met ase lekipman.

Prezan nou, nou vwar nou avek en proze ki pe tarde e i annan menm lenstans kot nou’n bezwen retir Kontrakter ki lo bann proze e nou’n bezwen re tender pour nou al rod Kontra avek en lot dimoun.

E sa osi sa prosedir i kapab pran plizyer semenn, i annan landowners kot letan nou rod wayleave pour nou fer bann proze menm si zot in donn wayleave avan, letan nou ariv kot zot parler zot sanz kondisyon.

I annan nouvo keksoz ki zot demande, i annan letan kondisyon i sanze menm i annan ki sanze zot pa donn wayleave prezan nou, nou bezwen re zwe avek laliny mal dan semen par egzanp e sa osi i fer plizyer delay ki nou gannyen avek bann proze.

Lot pwen se utilities ki letan nou bezwen fer en semen par egzanp si i annan tiyo delo oubyen kab elektrisite eksetera nou, nou bezwen re locate sa bann keksoz e la osi nou ganny bann delays avek bann proze.

An gro sa i bann keksoz ki retard progre en semen, bann proze semen e annefe nou, nou sey fer nou mye pour speed up bann proze.

Gala li menm son civil work in konplete la i reste zis pour fer asphalting work pour met koltar e parey ou konnen nou ti annan en pe delay ki nou ti pe gannyen avek en pe maintenance ki nou bezwen fer lo nou asphalt plant.

E la nou dan en letan lapli e kot nou, nou bezwen esper enpe letan pour nou kapab fer sa bann asphalting works, e annefe Gala i enn nou bann priyorite lo nou lalis pour nou konplete. Mersi.

 

MR DEPUTY SPEAKER

Mersi CEO. Yes Onorab.

 

HON JOHN HOAREAU

Mon ti pe demande osi lo kote bus shelter konbyen ki zot pe fer pour Beau Vallon, e osi si lalimyer osi pour Beau Vallon ki kantite ki zot annan ? apre mon ti oule met en sipozisyon pour lalimyer traffic la obor kot Ocean Gate House.

 

MR DEPUTY SPEAKER

CEOsi ou kapab dan ou repons al en pti pe presi pa fer long statement annou al en pti pe pli vit e bann Manm Onorab osi tou en ?Fer zot kestyon pli kourt. Mersi go ahead CEO.

 

CEO – SLTA PARINDA HERATH

Mersi Mr Chair, ok pour bus shelters nou annan en Bidze R1 milyon pour lannen prosenn, parey mon’n dir nou pour anvoy sa form kot tou bann DAs.

Prezan letan nou ganny sa lalis avek bann DA’s nou pour deside ki landrwa ki pour vin priyorite.

Avek R1 milyon petet nou kapab fer en 7 bus shelter, 7 ou 8 bus shelter depan lo kondisyon sa lokasyon li menm.

Alors nou pour bezwen deside kote ki en priyorite dapre lalis ki nou gannyen avek bann DAs.

Lo kote street lights Minis ti ok, lo kote street lights tou le-z-an sa osi dan sa lalis ki DA i anvoye nou pour annan en lalis priyorite par egzanp e nou pour get posibilite pour enstal anviron 10 a 15 lalimyer dan sak distrik, prezan landrwa priyorite pour ganny deside konzwentman avek DA/ nou.

E nou pour fer vizit avek PUC osi pour gete si i vreman feasible pour met en lalimyer laba e depan lo lalis priyorite ki sak distrik i donnen nou pour get posibilite pour nou kapab enstal anviron 15 lalimyer dan sak distrik.  Mersi.

 

MR DEPUTY SPEAKER

Mersi CEO. Onorab William.

 

HON WAVEN WILLIAM

Mersi Deputy Chair, mon ti a kontan demann Direkter ki ansarz Lazans Transpor. Enn;

Pour eksplik nou si zot annan en plan pour enstal trotwar dan bann distrik, akoz lefe ki devlopman ki nou pas atraver nou annan pli gro transpor i annan bann serten rezyon dan bann distrik kot i annan nesesite.

Eski zot annan en plan lonterm san ki Lotorite Distrik bezwen dir zot i annan plan lonterm pour met trotwar pour fer sir ki pyeton i kapab sirkil ase byen. La mon oule remersi zot ki sa 2enm faz proze La Misère trotwar pe al kontinyen lannen prosenn, me eski zot a pran li an kont ki i annan serten bann rezyon par egzanp Barbarons kot sa pti Labousri i ete ziska bus layby, i annan sa nesesite la irzan la pour met trotwar akoz letan 2 bis i krwaze ouswa bann gro DAF i krwaze dimoun pa konnen kote pour ale.

Epi an menm tan dan krwaze Grand Anse pour al kot lekol Grand Anse Mahe la osi i annan en nesesite, mon pe zis demande si an lonterm si zot annan sa plan pour drwa sak bann distrik enkli Grand Anse Mahe pour enstal bann trotwar.

Epi dezyenmman i annan bann kontour danzere La Misêre ziska Grand Anse, eski zot annan en plan osi, sak distrik i bezwen dir zot pour revwar en pti pe sa bann kontour e elarzi li ?  Mersi bokou.

 

MR DEPUTY SPEAKER

Mersi Onorab. PS.

 

PS PATRICK ANDRE

Mersi Onorab pour ou kestyon bon dan Departman Transpor letan nou fer nou planifikasyon an zeneral, nou etabli tou bann landrwa ki annan bann risk ok, e sa nou fer li atraver bann aksidan ki arive, la kantite dimoun ki sirkil lo sa bann semen koman pyeton e an menm tan osi koman veikil.

E nou annan en plan kot nou’n etabli plizyer landrwa kot i o risk pour nou fer bann trotwar met bann fasilite pour kapab fer lavi bann pyeton pli an sekirite.

E Grand Anse Mahe osi i dan sa plan ki nou deza annan. Me parkont an vi ki i annan en kantite lokasyon ki nou annan e baze lo Bidze ki nou gannyen nou bezwen priyoritiz sa bann lokasyon.

E an menm tan parey CEO Lazans Transpor lo later in dir nou diskit avek DA pour osi donn zot kontribisyon e baze lo la kantite aksidan ki arive nou osi servi sa pour nou kapab priyoritiz sa bann plan pour nou kapab enplimante.

Me par kont i pa zis akoz si aksidan i arive me osi nou get bann risk potansyel pour aksidan arive avan ki nou kapab enplimant bann tel proze. Mersi.

 

MR DEPUTY SPEAKER

PS lo kote bann kontour danzere ?

 

PS PATRICK ANDRE

Lo kote bann kontour ankor sa i dan nou plan baze lo plizyer fakter, letan nou evalye tou bann kondisyon semen, sa ki nou apel Road Safety Audit dan nou term teknik.

Se ki nou evalye tou bann kondisyon otour Mahe, Praslin e La Digue e baze lo sa nou, enn bann keksoz enportan ki dan nou plan imedya se ki pour nou asire ki tou nou bann larzer semen i vin en standar minimum 6 met larzer.

Nou annan plizyer landrwa kot semen i pli ba, son larzer i pli ba ki 6 met e i fer li difisil pour 2 veikil kapab sirkile.

Me osi i annan bann kontour kot baze lo son turning radius parey ki nou dir i fer bann transport vol semen al lo lot kote e sa i annan lenplikasyon letan en veikil pe vin dan direksyon advers.

Nou’n fer plizyer travay dan lepase pour nou amelyor bann kontour me osi nou annan plan pour nou kontinyen amelyor bann lezot kontour ki i annan sa bann o risk e avek evantyelman pour nou kapab improve tou nou bann semen kot i posib an zeneral.  Nou’n servi plizyer kalite metod nou’n agrandi par koup lateras, nou’n agrandi par konstrir lo pilye ensidswit, so nou pour kontinyen avek nou plan kot pour nou kapab improve sa bann kontour e semen an zeneral. Mersi.

 

MR DEPUTY SPEAKER

Mersi PS.  Yes Onorab William.

 

HON WAVEN WILLIAM

Deputy Chair zis pour en leklersisman mon ti a kontan met devan Mr Andre ki La Misère dan sa ki nou apel kontour Vakwa ouswa Ex-Panna.

I en landrwa ki vreman riske akoz dan lepase in annan bis Tata ki’n savire e dimoun in mor, mon konnen larzan ti’n allocate pour fer sa travay me selman problenm sete way leave.

Mon pe demande konbyen letan zot pour espere ziska ler propriyeter i donn wayleave pour kapab fer sa proze ?

Konmsi konbyen letan zot bezwen espere, eski zot napa en bon landrwa kote zot pour antre pour zot kapab acquire sa later akoz i vreman pe vin en risk enkrwayab ?  Mersi.

 

MR DEPUTY SPEAKER

Mersi Onorab. PS Andre.

 

PS PATRICK ANDRE

Wi nou deza annan menm dan nou Bidze pour 2018 nou’n fer provizyon pour annan larzan pour nou kapab enplimant sa proze.

Me i enportan pour note nou annan en nouvo Minis ki nou tonm anba la ozordi e dan nou bann diskisyon ki nou’n annan.

Se ki in dir ek nou en pe pli ouver pa les nou konstrir nou lekor avek bann restriksyon ki nou pe gannyen, se ki pour nou vin pli ouver pour nou kapab devlop semen, fasilite pour dimoun servi.

E pour nou servi lezot mwayen ki posib an ka ki negosyasyon i kontinyen fail letan ki nou fer.

So nou pour kontinyen al negosye avek propriyeter akoz nou konsyan poudir i enportan pour nou sirtou sa area kot ou pe fer mansyon.

I enportan pour nou improve sa pour nou pa ganny aksidan serye oubyen fatal, me si negosyasyon i fail, ankor enn fwa nou pour napa okenn rekour se pour nou al lo lot laspe legal se pour nou fer Compulsory Acquisition pour nou kapab fer en proze ki pour dan lentere piblik an zeneral e pour asir tir risk e pour asir sekirite tou dimoun ki servi sa seksyon semen.  Mersi.

 

MR DEPUTY SPEAKER

Mersi PS, Onorab Ferrari ou oule follow-up ?

 

HON JEAN-FRANCOIS FERRARI

En pti kestyon arising.

 

MR DEPUTY SPEAKER

Yes.

 

HON JEAN-FRANCOIS FERRARI

Mon ti a kontan Minis i kapab dir nou akoz zot, konmsi zot ensiste pour zot pa angaz bann MNA dan sa bann negosyasyon wayleave ler i vin difisil ?

Akoz nou kapab ede, en kantite nou kapab ede, konmsi nou konnen poudir parler i difisil, mwan mon konnen poudir i difisil.

Me selman mon ti a sipliy avek zot angaz avek nou osi, nou osi nou la dan distrik nou, nou konn bann dimoun nou kapab convince zot pour ede fer sa bann keksoz ki arive pli fasilman.  Mersi.

 

MR DEPUTY SPEAKER

Mersi Onorab Minis.

 

MINISTER CHARLES BASTIENNE

Mr Chair definitivman avek sa lespri pour nou travay ansanm pour lentere nou pei konsiltasyon a tou nivo kot i neseser nou pour angaz nou ladan,  Mersi Mr Chair.

 

MR DEPUTY SPEAKER

Mersi Minis, Onorab Adelaide.

 

HON FRANCOIS ADELAIDE

Mersi Mr Chair ankor en fwa bonn apre midi, Minis ti annan en plan ouswa en nide pour link Bel Ombre avek Cap Ternay ki mannyer i ete sa proze eski zot ankor pe negosye pour petet fer ?

Apre mon lot ti pwen ankor, apre mon lot ti pwen ankor lo kote CC transpor, vi ki nou baz bann transpor lo kote bann CC 1000 a 1600 apre an montan pli tax i vin pli o.

Eski zot pa pe re mazinen pour reviz en pti gin son tax ki ou peye lo semen ?  Mersi bokou.

 

MR DEPUTY SPEAKER

Mersi Onorab Minister .

 

MINISTER CHARLES BASTIENNE

Mr Chair konsernan Bel Ombre Cap Ternay mon pour fran avek ou se ki dan en lapros kot nou pe think bold nou en ?  Sa i en keksoz ki nou’n remet lo latab ankor pour nou kapab regard dan sa posibilite, en mannyer ki nou ava annan en sirkit tout o tour nou, Mahe.  So sa i en keksoz ki dan konsep nou ankor pe diskite entern pour regard fezabilite sa, lenpak lo lanvironnman apre i pour vini tou sa bann keksoz.

Me selman i pa en keksoz ki nou pe rule out konpletman akoz mon konnen poudir sa i en vye proze, i en vye koze parey nou dir be nou bezwen vwar, regarde enn fwa pour tou nou ava dir si i posib, si i pa posib e akoz i pa posib e vwala Mr Chair, mersi.

Konsernan issue CC petet mon ti a les avek mon CEO oubyen PS pour take up, mersi.

 

MR DEPUTY SPEAKER

Yes PS Andre.

 

PS PATRICK ANDRE

Dan premye lye mon ti a kontan petet en klarifikasyon avanler mon kapab reponn, ler ou pe koz reviz CC eski ou pe dir reviz li anmontan oubyen an desandan ?  An desandan.

Bon pour le moman nou ti napa plan pour nou fer okenn revizyon me selman etan donnen ki ou’n fer mansyon sa nou ava pran li onboard pour nou kapab re diskit ansanm avek Licensing Authority pour vwar ki son merit e ki son disbenefit, me parkont nou bezwen realize poudir par lannen nou anmas nou apepre en 30 milyon, 30 a R35 milyon anver CC.

Me selman letan ou get Bidze pour transpor lo later nou bezwen nou plis ki preski R200milyon par lannen ok.

So nou bezwen revwar li dan saloptik ki mannyer nou kapab fer okenn azistaz. Nou ti a swete kapab redwir CC parey ki i ete me i en travay ki nou ava revwar re met li lo latab apre nou a re vin dan Lasanble pour donn zot en kontrandi lo la, mersi.

 

MR DEPUTY SPEAKER

Petet mon koman MNA Bel Ombre mon krwar Onorab Hoareau osi i kapab share menm lespri avek mon me zis mon port latansyon Minis avek Lasanble poudir sa kestyon konekte dan zil Bel ombre avek Cap Ternay in deza ganny leve dan Lasanble dan lepase.

E Minis Jumeau ki ti la sa lepok, i ti dir Gouvernman napa okenn plan e an vi sensivity sa area zot napa nide touse pour le moman.

So Minis si zot pe mazin pour revwar sa mon ti a kontan ki ganny full konsiltasyon bann zabitan Bel Ombre menm bann dimoun ki frekant saarea Anse Major, Anse Diri and all that. mersi, Onorab Aglae.

 

HON EGBERT AGLAE

Mersi Mr Chair, Mr Chair baze lo sa ki ou’n dir ti a bon konsilte osi dimoun Port Glaud akoz pour tonm kot mwan tou.

Ok Mr Chair mon kestyon dabor mon kontan mon pe vwar dan Bidze i annan semen road widening ki pour ganny fer Cap Ternay.

Me mon kestyon i konsern semen Morne Blanc Sans Souci e kontinyite Beoliere si dan Minister Land Transport, Lazans Land Trasnport pour zot kapab enplimant li apartir lannen prosen.

Anvi ki sa semen i vreman annan bann kondisyon sirtou avek sa bann rasin ki pe koz pa mal danze i pe ede osi pour detri sa semen.

E mon dezyenm kestyon i en pe anliny avek mezir sekirite ki routyer, vi ki i annan sa problenm ki delo sale, ok delo sale ki mont lo sa semen vizavi Vilaz Prezidan ki a ver Port Launay mon konnen plis ki 2an pase zot in deza antreprann lelevasyon sa bor semen – miray me still i annan sa konsern e sa pe afekte bann transpor osi e bann pyeton ki pe pase.

Si i annan en negosyasyon ki kapab ganny fer avek bann Lotorite konsernen avek Lanvironnman avek ou Minister pour kapab vwar en solisyon en pti pe pli dirab pour kapab anpese ki sa delo sale, e anpes danze osi ki pour kapab koz, pour bann sekirite routyer. Mersi.

 

MR DEPUTY SPEAKER

Yes CEO.

 

CEO JOSEPH FRANCOIS

Mersi Mr Chair wi annefe semen Sans Soucis son kontinyasyon i deza dan nou plan pour lannen 2017 pour re surface en, re surface semen.

Lo kote President’s Village wi nou’n deza fer en plan, nou’n deza fer en proze laba kot nou’n met en paramet wall – bullnose paramet wall in redwir en pe sa lenpak delo monte.

Me selman nou nou’n met li standar ki nou kapab, delo i still monte, me mon krwar mezir ki neseser se pour fer li en pe pli deor avek petet en breakwater, en rock armoring en keksoz koumsa i enn bann landrwa ki nou’n deza idantifye e nou’n deza enform lanvironnman pour take up bann proze si oule bann rock armoring eksetera pour protez lakot li menm avek nou semen.  Par egzanp bann lezot landrwa lo semen Bel Ombre i enn bann landrwa laba osi. Mersi.

 

MR DEPUTY SPEAKER

Mersi. Onorab Aglae.

 

HON EGBERT AGLAE

Mersi CEO an vi ki nou konnen poudir Sans Soucis i en landrwa ki forestye en ta pye dibwa e laplipar sa bann damage ki arive avek sa semen se bann rasin ki penetre semen.

Eski zot pe mazin pour pran serten mezir adisyonnel sirtou avek sa bann pye Albizia ki en danze ki tanzantan i pe tonm lo semen ; pou kapab at least pandan sa prosen 5an zot in re asphalt sa semen nou pa pe revwar zot vin ankor pour fer menm travay lo la, mersi.

 

CEO JOSEPH FRANCOIS

Wi Onorab annefe nou’n deza fer en legzersis avek Minister Lanvironnman kot nou idantifye tou sa bann gro pye dibwa si ou le bann pye Albizia ki afekte sa landrwa e nou ekspekte avan nou kontinyen avek nou proze re surfacing, sa bann pye dibwa ki en danze sirtou ki o-bor semen i ava ganny koupe e sa bann rasin i kapab ganny tire avan nou fer sa louvraz re surfacing.  Mersi.

 

MR DEPUTY SPEAKER

Mersi CEO. Onorab Esparon.

 

HON REGINA ESPARON

Mersi Mr Deputy, Mr Deputy mon ti a kontan get lo paz 35, Minister get lo paz 35 anba Capital Project 7enm laliny mon vwar i met paz 35 Capital Project pti 35.

Lo 7enm laliny i met ‘constructio of feeder road L’ilot Glacis‘ ongoing, epi pli ba lo laliny 37 lo menm paz i met ‘access road to L’ilot Glacis open.

Mon ti ava pe demann en pe lesplikasyon lo sa 2 proze e pour demann CEO si sa i an relasyon avek sa semen leo L’ilot ki’n komanse depi le 5 Me lannen pase e ki’n rankontre pa mal problenm.

Mon konpran in eksplike taler bann retar ki pe gannyen avek kontrakter me mon ti ava kontan port a latansyon Minis ki zabitan leo L’ilot in fatige esper sa semen. Enn.

E dezyenmman zot pe rankontre difikilte kontrakter in arete fer louvraz lo sa proze. E ozordi letan i annan sa gro lapli tou sa later rouz sorti lo montanny pe vid dan semen.

E tanzantan zot bezwen vin fer tire e yer swar delo labou in vid dan en lakaz anler lo montanny kot Mr Eric Legras.

E bomaten in tir portre in anmenn kot Land Transport pour zot vwar son domaz ki’n arive, mon pe demande kan sa semen pour fini pour benefis sa bann dimoun ?

E dezyenmman lekel ki’n finans sa proze semen diversion Sunset Glacis e konbyen in koute ?  E eski ou Departman i satisfe ki tou Regilasyon Planning in ganny obzerve pour sa nouvo semen e ki i pa pour port okenn risk pour pyeton ek transpor ki pour servi sa semen.

E ki napa okenn lefe advers lo propriyeter ki reste o-bor e la mon pe advocate pour Mrs Mary Carboni ki rankontre difikilte kot son miray in konmans fele akoz zot in fouy zis par anba son miray pour fer sa proze semen.

E si ou Minister i kapab antre an negosyasyon ek propriyeter Carana Hotel pour konstrir en bus shleter lo tou le de kote semen, pour bann travayer e osi bann zabitan Carana ki esper bis la, akoz avan sa avan konstriksyon ti annan bann landrwa pour dimoun esper bis.

Me ler sa proze lotel in konstri, in met son baraz prezan dimoun i bezwen esper bis dan rigol.  Mon pe demande kekfwa ou kapab antre an konsiltasyon avek propriyeter lotel pour kapab konstrir en bus shelter lo tou le de kote semen. Mersi.

 

MR DEPUTY SPEAKER

Mersi Onorab, Yes CEO.

 

CEO -PARINDA HERATH

Mersi Mr Speaker, Mr Chair, mersi Onorab mon pour reponn sa premye kestyon lo L’ilot Glacis.

Wi li menm li sa proze e zis pour klarifye mon pa pour re al dan sa bann issue ki mon’n nonmen taler.

I enn bann proze ki difisil ki nou’n deza enplimante e tou sa bann issue ki mon krwar ou konn tre byen.

Tou sa bann issue ki mon’n nonmen ou kapab met ladan e erezman premye faz sa semen i pros pour konplete, nou ekspekte ankor dan detrwa semenn i pour konplete son civil works e apre sa parey ou’n vwar nou’n komans met bann koltar anmezir e nou ekspekte konplet li petet dan ankor dan 1 mwan edmi koumsa.

Me sa ki’n ou’n vwar dan Bidze se pour 2018 son 2enm faz me parey mon’n ganny enformen avek bann zabitan laba – sa 2enm faz zot in komanse pour fer zot menm zot in pran sa linisyativ pour zot fer zot menm e si nou vwar sa proze i ganny enplimante par zot dapre Regilasyon Planning byensir.

Nou pa pour bezwen sa Bidze an 2018 nou ava servi  li pour en lot Bidze lo en lot proze.  Mersi.

 

HON REGINA ESPARON

Savedir anba 2017 pour napa larzan dan Bidze pour sa proze fini ?  Akoz sak fwa nou demande ki pe arive, nou pe esper larzan dan Bidze pour termin li.

E la mon vwar napa prozeksyon pour 2017 me i annan prozeksyon pour 2018. Zis klarifye mwan en pti git.

 

MR DEPUTY SPEAKER

Yes CEO.

 

CEO -PARINDA HERATH

Non letan ti dir nou pe esper larzan sa i parey sa ki mon ti eksplike avan letan i annan bann sanzman ki arive nou’n bezwen sanz lalinyman semen eksetera kot nou’n bezwen larzan ekstra.

Prezan nou nou’n bezwen ganny approval avek Procurement Oversight Unit avek Tender Board eksetera avan nou kapab kontinyen avek proze.

Me larzan i la pour nou kontiny fini sa proze menm si i pour ale ziska posibleman Zanvye, Fevriye lannen prosenn larzan i deza, in ganny retain. Mersi.

 

MR DEPUTY SPEAKER

Mersi CEO.  PS ou oule azout keksoz ?

 

PS PATRICK ANDRE

Bon pour reponn sa 2 lot kestyon ki Onorab in demande bus shelter Carana wi i annan nesesite pour fer bus shelter 1 monte, 1 desann.

Nou ti pe get kot nou menm nou pour nou gete ki mannyer nou kapab at least finans enn lannen prosenn, dan Bidze lannen prosenn me ou’n donn nou en alternative pour nou diskit avek propriyeter sa nouvo lotel anba son CSR ki nou a diskit ek zot nou a get posibilite pour zot kapab sponsor sa 2 bus shelter.

 

MR DEPUTY SPEAKER

Yes kontinyen PS.

 

PS PATRICK ANDRE

Mon’n ganny enformen la ki it was part of the agreement letan pour zot devlop lotel so nou a take up avek propriyeter sa lotel li menm li.

An sa ki konsern diversion semen Sunset sa proze ti ganny aprouve par Lotorite Plan i annan plis ki 5an pase.

E nou proze in retarde an plizyer fwa e nou sey met presyon la sa devloper ki pe fer sa diversion pour zot kapab konplet sa semen.

E mon oule dir ki sa semen li menm li son standar, son gradient i 1 in 5 ki en acceptable norm lo son lapant e son larzer i en minimum of 6.5 met larzer.

Parkont dan okenn bann kondisyon ki’n annan se ki sa propriyeter i finans sa proze antyerman konpletman lo li menm ki enkli depi son surfacing, son drenaz, pon ki i annan pour li fer, me osi ti annan en kondisyon ki ler ki li i fer sa semen okenn problenm ki arive swa in undermined serten miray oubyen in afekte serten propriyete i son responsabilite pour li repar e pey okenn konpansasyon ki bezwen ganny peye.

E sa semen nou pa pour proklanm li  ler i fini konplete toultan nou pa satisfe ki’n ganny fer lo standar ki nou nou’n mete.

Se apre ki nou, nou’n satisfe se la aprezan ki nou pour proklanm li koman en semen piblik e nou pour de proklanm sa semen ki deza egziste ki pe ganny servi. Mersi bokou.

 

MR DEPUTY SPEAKER

Mersi PS. Onorab Esparon, dernyen vitman.

 

HON REGINA ESPARON

Non zis mon oule klarifye si Mr Andre si i krwar mannyer sa semen mannyer i pe fer en kanmiyon container pour kapab pase safe la.

Akoz normalman semen anba nor ti ganny servi pour transport bann containers dan bann lotel Beau Vallon me lafason ki sa semen i ete, eski ou krwar konmsi i safe ? Akoz mon konnen ti annan en petisyon pour pa fer sa semen e zot ignore sa konpletman dan lepase in kontinyen e mon pe zis demande si zot pa pe port okenn risk pour zabitan Glacis e lezot dimoun ki pe deservi sa.  Mersi.

 

 

MR DEPUTY SPEAKER

PS, yes PS.

 

PS PATRICK ANDRE

Ok an vi ki nou pa ankor vwar finisyon konplet sa semen, akoz sa semen parey letan ou sorti bor Beau Vallon i pe vini.

I pa pour pran parey ou pe vwar li pe pran, i pour annan en miray ki pour ganny lev-e dan semen egziste ki ou pour ramp li ki pour ou kapab fasilman kapab mont apropriyeman.

So pour le moman nou pour annan sa persepsyon poudir sa semen i apik, me dan son profile finisyon ou pour vwar poudir sa semen i pour meet tou bann standar e en container ki pour pas la i pour napa okenn problenm, en bis tata osi ki pour pas la osi pour napa okenn problenm.

Akoz i annan lezot semen ki pli apik ki sa enn e enn sa bann container rise truck i pase a bis tata osi tou i pase. Mersi.

 

MR DEPUTY SPEAKER

Mersi PS, bon mon pour pli strik mon oule ki kestyon i baze lo Bidze sa 3 Head, okenn kestyon an deor mon pa pe aksepte e sa i a vin dan proper question time lannen prosenn, ok nou annan 12 Manm ki lo lalis so annou zis mazin nou ek letan e nou bezwen bouze, Onorab Churchill Gill.  Kestyon i bezwen lo Bidze.

 

HON CHURCHILL GILL

Mr Chair,mon kestyon i pa souvan ki nou ganny tou sa dimoun ansanm la, me selman mon kestyon i zis i senp i napa bann gran follow-up question.

 

MR DEPUTY SPEAKER

Poz ou kestyon Onorab

 

HON CHURCHILL GILL

I straight forward, i annan en outcry drayver Taxi sa se pour Mr Tim CEO, kot ler zot aste H1 zot vwar zot bezwen pey R50mil e zot vwar sa i bokou.

Zot vwar sa on top of zot Lasirans ki zot bezwen peye avek zot road tax, mon pe gete si napa nanryen ki kapab ganny fer pour fer pour sa.

Apre mon lot acquisition Minis kot Monnaie Road Baie St Anne en Land Acquisition ti annan en propozisyon e sa i en pe letan depi lannen pase zis pour nou met dan ou latansyon pour fer en swivi lo la pour nou kapab rektifye sa sityasyon pour sa bann fanmir ki par anler.  Mersi.

 

MR DEPUTY SPEAKER

Mon krwar premye bout kestyon i tonm en pti pe dan Bidze, 2enm bout kestyon, 2enm kestyon i en pti pe an deor sa i a ganny reponn pli tar.

 

ROAD COMMISSIONER MR TIM MARIE

Pour ou premye bout kestyon. Mersi Mr Chair.

 

MR DEPUTY SPEAKER

Yes

 

ROAD COMMISSIONER MR TIM MARIE

Mersi Gill pour ou kestyon, pour ou premye kestyon konsernan sa R50mil ki ou’n koz lo la sa i apel en Conversion Fee.

Ki arive bann transpor ki dan Taxi zot bezwen annan 9 seats or maximum or less, so ki nou ti vwar ti annan en bon pe Drayver Taxi ki ti’n vini, vin avek bann H1 bann transpor ki  plis ki 9 seaters.

E sa bann kalite transpor koumsa zot, zot pey less tax ler zot antre dan pei. Konpare avek bann lezot veikil ki 9 seater or less.So ki nou ti pe diskite ansanm avek Ministry of Finance se pour nou kapab en pti pe lo sa dekalaz tax avek ki Finans pe perdi lo collection of tax zot entrodwir en convertion fee ki R50mil parey ou dir.

E sa i ganny reglemante anba Convertion of Omnibus into Taxi Regulation 2016 e baze en pe lo la se sa ki i ete.

E osi parey ou’n demann mwan si nou kapab konsidere, revwar, ou kestyon sa R50mil i pour bann veikil ki nef, bann ki an 2016 or ou konnen? Me selman letan ou pe get bann Omnibus ki en pe pli son laz i en pti pe pli vye, konsiderasyon i ganny pran ki zot pey en pe mwens lo la – se sa.

 

MR DEPUTY SPEAKER

Mersi Mr Marie. Onorab Woodcock.

 

HON WAVEL WOODCOCK

Mersi Mr Chair mon kapab dir mon en pti pe dezapwente avek sa Bidze akoz mon pa pe tro vwar ki mannyer mon distrik Grand Anse Praslin i feature ladan, mon pe vin lo mon kestyon ler mon pe get dan Capital Project proze ki’n tonm dan Grand Anse Praslin i annan sa nouvo semen ki pe fini an 2016 la ki’n ganny fer en nouvo semen Consolation ki en semen segonder pa neseserman en semen main road  or semen primer.

Most bann maintenance, bann road maintenance ki zot pe fer i sirtou tonm lo kote Baie St Anne.

Mon vwar road improvement Anse La Blague, Anse Lazio, Salazie, Anse Boudin me ler i konsern Grand Anse, Anse Kerlan sirtou Consolation kid an vreman en move leta.

Mon pa pe vreman vwar dan Bidze kot i feature maintenance, road maintenance pour Consolation.

In deza ariv en dezas Valleé de Mai kot dimoun ti bezwen divert e pas atraver Consolation, leta ki i ladan mon pe regarde si Minis, Minister or sirtou pour CEO SLTA kan eski zot annan lentansyon aranz sa semen Consolation e osi La Pointe an desandan Nouvelle Découverte, e menm Anse Kerlan osi si pe sey pyeste pe separ tou avek bann trou dan semen ?

E en lot prepozisyon, en kestyon ankor, eski Minis i kapab konsider re ouver semen La Plaine Hollandaise, bokou touris ek zabitan i ankor pe deservi sa semen. Mon kestyon, eski zot kapab konsider re ouver sa semen, sa semen i debours kot Parquière Raffles an ka dezas i ava vin dan en fason i a facilitate bann transpor pour ganny akse avek Grand Anse.

Ok Mr Speaker ti annan sa ki mon ti demande taler zot ti dir mwan i pa ti sa Minister apropriye zis permet mwan pour mwan demann sa.

Konsernan Baie St Anne kot bann driving lesson i ganny fer ki o-bor Sant Kominoter Baie St Anne, mon’n aprann ki zot sipoze re allocate li akoz la kot landrwa i ete i pa apropriye, eski zot annan lentansyon re allocate li mon aprann i pour fer Amitié eski i dan zot proze dan sa lannen ki pe vini ?

 

MR DEPUTY SPEAKER

Mersi, mersi Onorab, CEO SLTA yes go ahead CEO.

 

CEO PARINDA HERATH

Mersi Onorab, bon lo kote ‘Capital Projects’ nou annan en proze en Kapital en footpath Grand Anse Praslin pour 2017 me lo kote re surfacing, road maintenance li menm, nou napa bann detay ki ganny donnen me selman nou okouran semen main road sirtou Grand Anse Praslin preski tou i pa lo en bon kondisyon e tousala i dan nou plan pour lannen prosenn.

Sel rezon sa lannen nou pa’n kapab take up bann proze re surfacing lo bann main roads se nou ti annan problenm avek nou paver e la nou’n fini ganny nou nouvo paver ki nou pour komans travay avek, nou’n deza komanse e nou pour kontinyen travay avek lannen prosenn, mersi.

 

MR DEPUTY SPEAKER

Yes PS.

 

PS PATRICK ANDRE

Wi mersi Mr Chair an sa ki konsern driving test nou deza okouran poudir i annan landrwa kot zot pe fer driving test Baie St Anne kot Biro Ladministrasyon Distrik i pa konvenab.

I ptipti li menm li e osi nou pe ganny demande par Ladministrasyon Distrik pour sorti la ok, be ki nou ankor an diskisyon entern dan Minister avek nou Divizyon Later pour idantifye en bout later probableman ant L’amitié ok pour nou kapab annan en pli bon setup pour nou spesifikman zis pour fer driving test parey ki nou pe fer  isi Mahe.

So nou swete ki sa negosyasyon ki nou pe fer avek Divizyon Later i a finalize tre byento e apre nou ava komans en ranplasman apropriye pour fer sir ki bann dimoun ki aprann dray Praslin e La Digue osi ki vin Praslin par kont zot ava annan en landrwa pli konvenab pour zot kapab fer zot practice e osi pas zot tes osi, mersi.

 

MR DEPUTY SPEAKER

Mersi. PS.

 

HON WAVEL WOODCOCK

Ok, semen La Plaine Hollandaise ki debours Parquière Raffles an ka dezas.

 

PS PATRICK ANDRE

Ok dan lepase nou’n deza annan nou lentansyon pour nou re ouver sa semen ok, me Lanvironnman pa ti an faver pour nou reouver sa semen li menm li.

Ok en ou konsyan apre sa blokaz semen ki ti arive Valleé de Mai nou bezwen alternative e nou’n ganny demande pour nou annan alternative e nou annan plizyer opsyon ki nou pe regarde pour nou kapab annan alternativ.

Sa osi i ankor lo plan pour nou remet devan Minister Lanvironnman pour nou regarde pour fer zot rekonsider sa bezwen lo la apard lezot proze ki nou osi nou pe fer evalyasyon ase sa moman letan.  Mersi.

 

MR DEPUTY SPEAKER

Mersi PS Onorab Henrie.

 

HON GERVAIS HENRIE

Mersi Mr Chair bonswar tou dimoun mon annan 2 kestyon tou le 2 pour SLTA, dabor mon kontan vwar ki pour Mont Buxton i annan 4 proze semen ki pour antreprann pour 2017 me mon kestyon i retourn akoz mon oule en leksplikasyon baze lo en pe statement ki Mr Herath in fer avan.

Konmsi letan i dir nou i konsilte avek DA i annan en form ki ganny anvoye e apre la proze i bouze.

Be akoz serten sa bann semen konmsi i byen zot ladan me selman i annan ki depi lepok ki Onorab Gill ti  MNA.

Konmsi mon oule konnen pa zis Mont Buxton, me lezot distrik kwa ki fer ki serten sa bann proze menm si i date 20an pase prezan ki nou vwar zot pe vini ?

Mon anvi konpran sa byen ki akoz i en fristrasyon pour dimoun letan ou marse dan distrik i dir ou i annan 20an nou pe espere, so mon oule zot a tande zot a konpran akoz sa bann retar i arive apard wayleave byensir ?

Apre dezyenmman i annan en se moman en semen ki pe fer Mont Buxton anfen ti en promes eleksyon sa, zot in komanse fer zot me selman apre la in arete kot Mondon Estate be li in preski fini.

Me selman problenm la se pour met koltar apre i annan lalimyer e i annan en bon 3 semennn la avek sezon lapli sa bann dimoun dan sa rezyon la pe lenkonvenyans pour zot pli presizeman kot Mrs Judy Cedras i reste bor la, so ki plan SLTA vizavi sa ?  Mersi bokou.

 

MR DEPUTY SPEAKER

Mersi, mersi Onorab.Yes CEO.

 

CEO PARINDA HERATH

Mersi Onorab bon lo premye kestyon akoz delay se si oule bann proze ki nou enplimante senpleman nou bezwen get kapasite, mon krwar Bidzeter Bidze i en keksoz ki nou gete par egzanp sa lannen, par egzanp sa lannen nou annan nou petet en ventenn proze ki nou pe enplimante.

Be i annan en kantite ki nou’n bezwen met an 2018, 2019 i pa senpleman Bidze osi i kapasite internal ki SLTA i annan pour nou kapab enplimant kantite proze ki nou kapab fer, sirtou letan nou get bann proze Kapital.

Alors i annan tanzantan i annan proze ki nou pe enplimante parey ou’n dir i annan menm 20an pase, 10an pase, 15an pase e la ki actually i vin lo lalis pour nou kapab enplimante.

Lo kestyon Mondon Estate mon napa lenformasyon la actually mon pour bezwen gete kwa ki pe retard sa proze, posibleman i en proze ki pa Land Transport ki pe enplimante petet Gouvernman Lokal.

 

MR DEPUTY SPEAKER

Mersi, CEO.  Onorab Ernesta.

 

HON PAUL ERNESTA

Mersi Deputy Chair bonswar Minis avek ou lekip preski lo menm laliny parey Onorab Henrie in koze mon pe fer referans lo paz 349 lo progranm SP1 mon’n konstate ki i annan en logmantasyon lo konstriksyon bann semen dan kou dan Bidze,

Me an menm tan letan mon referl o paz 35 PSIP mon vwar ki bokou bann proze pour Takamaka parey Maravie bann landrwa ki ase danzere in ganny pouse pour 2018.

Semen ‘Dan Pen Pen dan 2019, eski pa kapab sey revwar parey PS in dir i annan diferan kriter ki ganny servi, 1 kriter ki zot touse e laspe sekirite me sa bann semen i ekstrememan enportan, annou pa esper en danze arive apre pour nou taye pour fer petet mon demande ki zot kapab konsider sa?  Mersi.

 

MR DEPUTY SPEAKER

Yes CEO?

 

CEO PARINDA HERATH

Mersi Onorab, semen Maravie parey ou’n vwar i deza dan nou PSIP mon krwar 2018 oubyen 2019 ki nou kapab fer,  nou kapab komans travay lo plan sa bann proze e si way eave e tou keksoz i bezwen i la petet nou kapab pous li apre dan mid-year review si nou annan kapasite pour nou kapab take up sa proze.  Mersi.

 

MR DEPUTY SPEAKER

Onorab Ernesta.

 

HON PAUL ERNESTA

Yes Mr Deputy mwan mon ava apresye parey ou pe dir si nou kapab fer li dan mid-year review annou pa pous li dan lannen prosenn ankor.

E an menm tan ankor permet mwan pour osi apresye remersye zot pour sa semen Takamaka osi ki zot in komans fer.

Me la petet mon pour demande ki plis monitoring i ganny fer pour kapab fer Kontrakter kapab speed up sa proze akoz pe ganny bokou difikilte avek lenplimantasyon sa semen anler.  mersi.

 

MR DEPUTY SPEAKER

Mersi CEO. Onorab Mondon.

 

HON TERENCE MONDON

Mersi Mr Chair, mon kestyon pour senp, bref, mon premye kestyon pour Mr Marie pour Road Transport, akoz zot Road Transport Commission i bezwen sa 2 milyon anba ‘minor capital outlays’ si zis ou ti kapab eklersi nou silvouple.

Mon dezyenm zis azout lo ou lalis Takamaka i annan en landrwa mon ti a kontan Minis, mon ti a kontan ou Teknisyen i take note ki i annan en landrwa dan Bougainville ki nou bezwen fer en assessment la kot junction ki al Valdendor sorti lo main road pour al mont an mon tan Valdendor sa junction i demann elarzi akoz i en danze pour motoris, pour pyeton akoz transpor pe anvoy aryer lo main road.

E mon vwar li tre danzere i at risk mon krwar sa i enn ki bezwen al lo lalis ki assessment e ou, e apre zot assessment zot ava kapab vwar ki danze nou kapab fer li o pli vit mersi Mr Chair.

 

MR DEPUTY SPEAKER

Mersi. Mr Marie?

 

ROAD COMMISSIONER MR TIM MARIE

Mersi Mr Chair, mersi Mr Mondon pour ou kestyon pour sa 2 milyon ki anba nou ‘’minor capital outlays nou pe servi pour nou rod bann road safety devices osi sa larzan i enkli pour install zot e pour maintain zot.

Anba sa larzan osi nou annan en pe acquisition ofroad safety software e osi nou’n ganny larzan pour aste en veikil pour ed nou ek nou bann different site visit ki nou fer kot Road Transport Commission. Mersi Onorab.

 

MR DEPUTY SPEAKER

Mersi Mr Marie. PS Andre.

 

PS PATRICK ANDRE

Non pour azout lo sa ki Mr Marie in fer resorti sa bann software ki nou bezwen ozordi nou rely bokou lo bann Konsiltan eksteryer.

Nou bezwen bann software pour nou fer bann modeling avek trafik ok, e sa bann software i kout vreman ser so i enn parti sa rezon ki nou bezwen acquire bann teknolozi modern pour kapab ed nou pli byen vwar ki pe pase lo en baz trafik.

E fer bann modeling avek prozeksyon ogmantasyon dan trafik e vwar ki mannyer trafik i behave li menm.  So sa i enn lo la e lezot software osi i annan en software ki nou bezwen pour aksidan pour nou kapab anmas tou bann rikord aksidan met li lo en database etabli bann black spot e apre pran bann mezir apropriye pour nou kapab redwir e minimiz bann lakoz ki aksidan i arive.

An sa ki konsern sa krwaze semen Bougainville Valdendor nou ava fer assessment fer en road safety audit lo la e vwar ki bann problenm ki annan e vin avek solisyon pour nou kapab adres li.

Etandonnen mon konnen poudir i annan en Laboutik zis lot kote i osi pe zwe en rol dan okenn problenm ki kapab pe ganny eksperyanse dan sa landrwa la.

 

MR DEPUTY SPEAKER

Mersi PS, Onorab Afif.

 

HON AHMED AFIF

Mersi Mr Chair, Mr Chair mon kestyon i konsern tou le 3 Departman avek Komisyon, e-tan ki zot pe demann R199 milyon zot tou le 3 ansanm ki fer R545 mil roupi par zour.Prezan si ou pran 44 mil travayer Sesel sakenn pe pey R12 toulezour apard son bis, nou pe R12 sak travayer Seselwa ki plis ki ou tiket bis ale vini sorti travay.

Nou pe pey en kantite larzan pour semen, eski zot kapab donn nou en lasirans ki sa kantite larzan ki nou pe depanse pour aranz semen i vreman sa kantite ki nou devret pe depanse ?

Parske mon dir sa avek respe pour zot me nou ganny en kantite konplent ki par egzanp bann Kontra ki zot donnen pour bann pickup ki zot charter ki zot hire zot donn avek dalon.

Mon pa pe akiz personn mon, mon pe dir sa ki nou tande e ki nou bezwen demann kestyon, i annan en bann ki dir zot pa ankor ganny peye, nou pe tann en roundabout ki kout R25 milyon.

E zis pour al aranz semen i annan R180 ekek milyon pour al aranz semen sa lannen. Donn nou en lasirans poudir pour sak met semen ki zot pe konstrir i en sif ki akseptab e ki avek sa larzan sak travayer Seselwa i pey R12 par zour la nou pour aprouv la dan sa Bidze.

Set en kantite larzan ki nou pe aprouve e nou ti a kontan konnen poudir se meyer fason pour nou depans sa larzan e zis koman en klarifikasyon lo paz 8 anba reset Mr Andre mon pa vwar sa R30 milyon me o kontrer mon vwar avek road tax and other licenses nou pe anmas R2017, R102 milyon.

Akoz zot ti fer monte road tax sorti R1 pour vin R2.50 apartir 2015 petet ou pe mazin sa bann lepok me ozordi ou pe anmas R103 milyon e ou pe depans en bon ladan mon mazinen pour semen.

Donn nou sa lasirans ki vreman nou pe ganny meyer pri, nou pe servi meyer teknik pour aranz semen par egzanp kas en semen, en pti moman apre zot fer li en lot i vini, PUC i pas apre i vini i kas ankor, donn nou en lasirans ki nou pe depans en bon larzan, mersi.

 

MR DEPUTY SPEAKER

Mersi Onorab. Yes Minis.

 

MINISTER CHARLES BASTIENNE

Mr Chairman Onorab in konte in dir i ariv R196 milyon ki pe depanse lo semen me nou bezwen pran kont sa larzan pe ganny servi pei antye ki swa lalimyer, semen segonder, pour fer pon, i pa neseserman larzan ki pe ganny depanse petet parey ou pe panse zis lo Lavil ouswa bann landrwa koumsa, i partou dan pei antye pour nou kapab improve network semen dan son gran mazorite dan pei, mon krwar ki sa Bidze ki devan nou i kler kote tou sou pe al an se ki konsern sa Bidze.

E mwan mon krwar poudir dan mon lopinyon lo kote tre transparan lo kote larzan pe ale.

Konsernan sa bann zafer pickup ki ou’n mansyonnen sa i en issue ki mwan mon’n take up anvi ki mon ankor nouvo dan mon Minister mon’n take up avek SLTA.

I vre ki sif ki zot in donn mwan se ki nou pe pey , zot pe pey anviron R20 milyon par an pour bann pickup hirers pour savoy bann materyo konstriksyon.

Bann materyo parey aggregates, steppe ki zot bezwen pour anmenn kot quarry apre pour savoy asphalt pour ale pour al met dan bann diferan landrwa kot fodre fer travay ki nou apel travay koltar.

Eski sa petet i en area ki petet nou bezwen al regarde, mon fransman pour dir ou se ki mon pa neseserman mon konnen i annan serten desizyon in ganny pran lo la mon pa neseserman konfortab avek sa koman Minis ki mon krwar nou devret ale al vwar e konbyen nou pe peye sa bann kanmiyon ? Eski zot pe ganny peye par erdtan ? Eski zot pe ganny peye par trip ?  Konbyen pe ganny peye tousala ?

So sa i sa bann keksoz ki mon pour bezwen asize e mon’n fini dir avek SLTA ansanm avek lezot mon bann teknisyen, nou bezwen asize e vwar ansanm ki mannyer nou pour kapab fer sir poudir dan sa area la kot sa i konsernen nou ganny valer pour nou larzan en non pa konmkwa kot i kre en sityasyon kot nou pour ganny akize koman en Minister.

Ler SLTA i ganny akize mon Minister ki ganny akize konm kwa nou pa pe zer sa larzan byen, e mon krwar ki sa i en keksoz Mr Chairman ki nou pour bezwen al revwar ki fason pli efikas, pli efektiv pour nou kapab zer sa sonm larzan.

R20 milyon pa en pti larzan i en gro sonm larzan ki nou pe depanse lo transportasyon. Mersi Mr Chairman.

 

MR DEPUTY SPEAKER

Mersi Minis Onorab Ghislain.

 

HON CHANTAL GHISLAIN

Mon kestyon, mon ti annan en pti kestyon an se ki konsern  swivan sa zafer asphalt la.  Mon pe zis demande si i pa dan zot plan lefe ki i annan mankman dan Staff ki manke pour travay lo semen pour met re sirfas bann semen si zot pa pe mazinen pour outsource sa proze pour zot kapab, sa servis pour kapab annan plis dimoun pour kapab re sirfas sa bann semen pli vit posib.

Mon kestyon i lo paz 8 i annan proze kot lekol La Rosière la, mon pe regarde lo paz 8 sa proze pa ankor fini mon pa vwar larzan anba la pour 2017.

Mon anvi konnen ki zot pe al fer la e ki kantite letan sa bann proze pour fini pour kapab konplete akoz mon pa vwar larzan dan 2017 e i pa ankor konplete.

Apre re sirfas semen Button Lane kan pour finalman re sirfas sa semen ok apre wi se tou mersi Mr Speaker.

 

 

MR DEPUTY SPEAKER

Mersi Onorab, CEO.

 

CEO PARINDA HERATH

Mersi Mr Chair mon a pran 2enm avek 3enm regarding 3enm Button Lane nou pe koz Larue Hangar sa semen ki al Mont Buxton ok.

I en secondary road ki nou pa ti’n enkli li dan nou progranm pour lannen prosenn me selman avek parey nou konnen Zanvye nou pe al fer bann reevalyasyon lo tou network semen e si nou vwar i dan en kondisyon konpare avek lezot ki vin en priyorite nou kapab enkli li dan progranm pour 2017.

Lo 2enm kestyon lo proze La Rosière sa osi i enn bann proze ki nou’n ganny en pe retar avek en, en kantite retar ki nou’n gannyen e osi quality louvraz ki kontrakter ti donn nou i pa ti satisfezan e se pour sa ki ou vwar ki proze in tarde.

I annan par egzanp bann slab, slab beton ki kontrakter in fer ki ti sipoze ganny mete dan en pti pon ki nou pe fer atraver sa semen letan nou teste i pa ti lo standar e nou’n bezwen fer Kontrakter refer e son curing period parey ou konnen i pran anviron 3 semenn, 4 semenn e nou pa ti anvi fer li la dan sa letan Festivite pour nou blok semen eksetera.

Nou ekspekte milye Zanvye nou pour fer sa pti travay ki reste e by end of January 2017 nou ekspekte konplet sa proze.

 

MR DEPUTY SPEAKER

Mersi CEO, i annan premye bout kestyon Minis.

 

MINISTER CHARLES BASTIENNE

Mr Chairman an se ki konsern travayer ki travay dan Asphalt Plant otan ki posib Minister Finans i accommodate pour ki bann travayer, ler i annan bann travayer stratezik pour fer ki overtime i ganny donnen pour zot kapab konplete.

An vi ki pour le moman Gouvernman i vwar pour le moman Gouvernman i vwar travay asphalt works pour fer lo nou semen koman stratezi ki alor i ganny antreprann par Lazans Gouvernman, mersi Mr Chairman.

 

MR DEPUTY SPEAKER

Mersi Onorab Ghislain vitman.

 

HON CHANTAL GHISLAIN

Semen Button Lane pa sa enn ki mont anler Larue Hangar, i mont Mont Buxton i en main road li, i sorti kot lekol La Rosière i monte ziska anler Mont Buxton anler.

 

MR DEPUTY SPEAKER

Ok, CEO in take in account, Onorab Letourdie.

 

HON JANY DE LETOURDIE

Thank you mon kestyon i pour SLTA  eski CEO ti a kapab dir nou ki provizyon i annan dan Bidze pour nou bann zonm avek fanm ki travay ek koltar, ki respire koltar an se ki konsern zot bann test medikal regilye bann security gears, bann gears apropriye, safety gears plito konvenab e osi incentives ki pour ankouraz zot fer sa travay petet ziska tar sirtou ki sa i en travay ase riske, mersi.

 

CEO PARINDA HERATH

Mersi Onorab bon lo kote safety gears i deza dan nou Bidze si ou vwar li anba, i annan en codematerials and supplies anba protective clothing.

        Lo kote test medikal toule-z-an nou organiz avek Ministry of Health pour tou bann dimoun ki travay dan koltar pour zot al fer en test medikal sometimes during the year toule-z-an, ou kapab, lo kote incentives zot tonm lo en Scheme of Service e nou pour aplik sa Scheme e zot osi ganny peye okenn overtime ki zot fer apre ler e osi dan bann weekend, mersi.

 

MR DEPUTY SPEAKER

Mersi CEO Onorab Le Miel.

 

HON SYLVANNE LEMIEL

Mersi Mr Chair mon ti a kontan demann avek SLTA aparaman mon vwar zis en R2.5 milyon ki’n ganny Bidzete pour semen Medelis Les Cannelles.

Parkont nou annan semen Parson ki pa ankor fini ki mon ti a kontan konnen dan Bidze mon pa vwar nanryen 2017 ki provizyon pour nou kapab fini sa semen, mon konnen i reste sirfas e nou ti sipoze kontinyen ki provizyon dan Bidze 2017 ?

E dernyerman elarzisman semen Mont Plaisir, mon konnen nou partaz semen Bougainville avek Takamaka e Onorab in demann zot lo kote semen Takamaka pour fer en letid me nou, nou vwar ki sa i en must.

Akoz nou pa vwar 2017 ni 2018 ni 2019 dan Bidze lo kote elarzisman sa 2 semen, sa nou pe koz semen Bougainville ek semen Mont Plaisir ki al fini Anse Louis, mersi.

 

MR DEPUTY SPEAKER

Mersi Onorab. CEO.

 

CEO PARINDA HERATH

Mersi Onorab, wi semen Medelis Quatre i deza dan Bidze pour lannen prosenn, proze Parson Jean in deza nou’n retenir en larzan pour lannen prosenn vi ki sa proze ti pe tarde.

Nou ti pe ekspekte fini  li Desanm la me selman avek sa bann letan eksetera proze pe tard en pe plis ki nou ti ekspekte hopefully by end of Zanvye oubyen Fevriye nou kapab fini sa proze.

Lo kote semen Mont Plaisir, Bougainville i pa dan nou Bidze petet nou kapab parey zot konnen dan PSIP tanzantan i ganny revize bann lannen ki pe vini nou kapab azout bann proze ki nou vwar i priyorite.

Lo kote sa lot ki ou’n nonmen Mont Plaisir i deza dan nou Bidze swa an 2018 oubyen 2019 pour improve semen pour agrandi serten landrwa ki neseser.  Mersi.

 

 

MR DEPUTY SPEAKER

Mersi CEO. Ok, Onorab Ferrari.

 

HON JEAN-FRANCOIS FERRARI

Mersi Mr Deputy vitman mon fidel avek mon commitment ki mon’n fer avek Minis, PS Finans, mon ti a kontan dir avek CEO SLTA ki normalman nou pa pe devret vot pour Bidze.

Akoz ou bann kont pa’n ganny odite e parey mon’n dir avek tou lezot Lazans ki’n vin devan nou ki an retar avek odit avek bann kont lannen prosenn zot pour al lanmen vid.

Akoz vreman nou ensiste e la dan rapor Oditer Zeneral 2012,2013 2014 is planned mon pa konnen si antretan zot in fer okenn progre me selman mon ti a kontan atir zot latansyon lo la pour fer sir ki nou pe vot en kantite larzan so we would really like to have sa bann kont ok ?

Mon 2 kestyon i koumsa, mon ti a kontan demann avek CEO pour SLTA ki nou annan 2 semen segonder prensipal dan Mont Fleuri, eskiz mon deskripsyon enn i parey en bwat bef, enn i parey en paste ok sa i 2 semen prensipal.

Semen Rochon i parey en bwat bef, semen Forêt Noire i parey en paste ;so i vreman, vreman en lenkonvenyans enkrwayab, mon ti ava vreman demande mon vwar poudir i annan provizyon pour semen Forêt Noire e mon ti ava renouvle lapel, offre ki mon’n fer pli boner pour semen Rochon ki ti’n byen komanse letan mon ti MNA pre 5an mon pa’n MNA in aret net.

La mon retourn MNA mon ofer zot mon sipor pour nou fini konplet sa semen e fer li aret vin parey en bwat bef, sa i mon premye kestyon. Mon dezyenm kestyon kekfwa si Mr Herath ankor dimoun i koz ou bokou Mont Fleuri toultan pa dan bon en, zot pour rod ou, la zot pour vwar ou lo televizyon tanto.

Trotwar i tonm anba ou?  So mwan mon ti a kontan dir avek ou Mr Herath mon envit ou si ou dakor an Zanvye pour premye distrik pour vin Mont Fleuri, akoz Prezidan mon osi mon’n envit li i pe vini Mont Fleuri, i pe vini an Zanvye, mon ti a kontan ou vin avan li akoz si li i vin avan ou, ou pour dan problenm, so pli boner an Zanvye annou ganny kontak annou al gete ki mannyer nou kapab fer sa bann proze silvouple. Mersi bokou.

 

MR DEPUTY SPEAKER

Mersi bokou Onorab. Yes CEO.

 

CEO PARINDA HERATH

Mersi Onorab definitivman mon napa okenn problenm premye semenn, dezyenm semenn Zanvye nou kapab fer sa vizit mwan ok.

Lo kote Forêt Noire i deza dan nou plan pour nou re surface pour nou aranz en kantite keksoz pour aranze laba.

Nou’n fer en pe me selman nou pe esper PUC, PUC i annan en proze pour zot pas tiyo laba prezan nou’n bezwen espere, i pa fer sans pour nou al met koltar la deswit akoz tre byento zot annan zot proze ki zot pour komanse e nou pa oule vwar zot re-kase.

Prezan nou pour esper PUC konplet zot proze e o pli vit posib ki sa i arive i deza dan nou progranm nou a kontinyen avek nou travay re surfacing.

        Non petet Onorab ou pe refer lo maintenance of footpath kot nou, nou anvi fer maintenance lo bann footpath ki deza dan en move kondisyon ok.  Mersi.

 

MR DEPUTY SPEAKER

Ok mersi CEO, Onorab Roucou.

 

HON CLIVE ROUCOU

Mersi Mr Chair, Mr Chair eski Minis i kapab dir nou plan Gouvernman pour semen Belvedère anvi ki i annan problenm parking e dimoun i park lo bor semen e bis Tata pa kapab monte spesyalman dan bann peak hours,

Epi mon ti a demann Minis pour tyek fonksyonnman bann Traffic Lights dan roundabout Plaisance i paret mwan la zot in ganas net la, la ler tou i zonn, tou i zonn, ler tou i ver, tou i ver.  Mersi.

 

MR DEPUTY SPEAKER

Minis, yes.

 

MINISTER CHARLES BASTIENNE

Mr Chairman…

 

MR DEPUTY SPEAKER

I pa tro vreman dan nou Bidze sa me ou kapab vitman reponn  Onorab.

 

 

MINISTER CHARLES BASTIENNE

Mr Chairman, konsernan semen Belvedère an vi en bon bout i baliz avek re devlopman kot Société du Logement i ete nou ava vwar ki mannyer nou pour fer sa  improvement en fason ki nou a kapab enkorpor serten parking dan sa semen, semen Belvedère.

        Regarding traffic light Plaisance mon an diskisyon avek mon bann Teknisyen lo la i vre ki nou pour bezwen revwar sa junction Plaisance ki mannyer nou pour handle li i vre ki parfwa dan dapre teknisyen i annan serten teknisyen ki dir ou i ok, i annan serten teknisyen i dir ou i pa neseserman akseptab.

Me nou pour bezwen revwar sa junction Plaisance avek posibilite avek nide regarde bann propriyete ki dan zalantour obor kot nou kapab extend menm met en 3enm lane.

I annan posibilite pour kapab met en 3enm lane ki pour al ankouri Roche Caiman ziska kot i al fini dan sa semen avan ki al kot roundabout kot Shell.

Sa nou pour bezwen revwar, so agrandi sa landrwa fer li vin en pe pli safe dan en fason ki i ava fonksyonn, bezwen mazin bokou pli lwen ki ozordi, nou pour bezwen realize poudir deplizanpli plis trafik lo semen, plis transpor sorti bor La Misère, plis transpor sorti bor Les Mamelles e tou.

Ki mannyer nou kapab pli byen kapab fer sa landrwa vin en landrwa pli an sekirite. Mersi Mr Chair.

 

MR DEPUTY SPEAKER

Mersi Minis Mr Payet.

 

PS PATRICK PAYET

Mersi Mr Chair, zis pour azout lo kestyon par Onorab Ferrari pour bann audited accounts SLTA is part of the outsourcing ki nou’n fer avek sa Service Provider pour li fer sir ki tou accounts i ganny prepare pour met dan lanmen Oditer pour odite e sa nou pe fer sir ki i konplete by mid 2017. Mersi.

 

MR DEPUTY SPEAKER

Mersi Mr Payet.  Onorab Vidot.

 

HON AUDREY VIDOT

Mersi Mr Chair, Minis avek Bidze ki zot pe gannyen pour fer re sirfas semen dan bann distrik ek lo main road petet mon annan en sizesyon letan prenon kont ki dan mon distrik Roche Caiman letan zot pe fer sirfas sa bann koltar la parfwa i koz en lenkonvenyans bann letan lapli akoz ki mannyer sirfas i ete i koz delo pour antre serten dan bann ptipti santye ki al kot bann lakour.

Parey mon get depi kot sa Laboutik GS Pillay la kot bann Delcy la tou dilon i annan ler zot sirfas la tou sa delo i desann dan sa bann lari kot bann Savy la obor kot Harry Savy building.

I annan bann lakaz la i ganny afekte avek delo, ti a byen zot asses en pti pe byen sa.

Apre i annan letan zot sirfas zot bann koltar lo bann semen i annan sa roundabout la kot Shell semen i glise mon pa konnen si zot fer en pti assessment lo kantite aksidan ki arive la letan zot sirfas sa bann semen la i annan problenm.

Ti a byen zot gete prenon kont osi dan Bidze mon konnen zot fer en kantite keksoz dan Villaz Roche Caiman sa mon rekonnet, me selman i pa zis dan Villaz ki pour Roche Caiman.

Parey mon’n dir i annan tou dilon la from Delcy kot Laboutik GS Pillay tou dilon an montan vizavi distrik Mamelles toultour balizaz Roche Caiman i demann en bon odit apard ki sa form ki DA  i anvoye i annan zot Zofisye mon konnen i atase avek serten distrik ti a bon fer en bon odit pour gete ki bann issues pa akoz Roche Caiman i en distrik konble preski parfe ler ou get li me i annan en kantite issues  ki  SLTA i kapab adrese.  Mersi.

Carana pour CEO si bis, kan bis pour re resume laba ?  Mon konnen zot in arete please.  Mersi.

 

MR DEPUTY SPEAKER

Mersi.  Minis?

 

MINISTER CHARLES BASTIENNE

Mr Chair, konsernan sa bann issues re surfacing apre kot Shell mon krwar ki Lazans konsernen i a pran sa an konsiderasyon.

Mon pour napa lenformasyon konsernan servis bis Carana ki ou pe dir mwan, then mon a regard avek SPTC k i rezon in arete e apre mon ava enform Onorab avek ou permisyon Mr Chair.  Mersi.

 

MR DEPUTY SPEAKER

Mersi. Onorab Arissol.

 

HON SANDY ARISSOL

Mr Speaker mersi, mon kestyon i senp, i kourt i baze lo paz 350 an relasyon avek program 3 ‘’Road Traffic and Land Transport Management mon ti a kontan demann Land Transport si zot annan okenn plan pour reviz en pe trafik dan Lavil sirtou sa bout ki konsern dan Bazar Selwyn Clerk kot carpark Pirat mon pe dir an relasyon avek dan Vandredi swar.

Par egzanp tou le Vandredi swar Lari Benezet ti annan bann transpor ki park Lari Benezet bann vander dizef, bann bazardye ki vann zot legim.

San prenon kont i annan bann rezidans ki reste Lari Benezet nou annan Mrs Atou ki’n reste la 88an e nou annan 6 lezot lokater,

Si zanmen i ariv en dife Lari Benezet pour napa landrwa pour transpor pase e napa nanryen ki pe ganny fer e sa i pa zis Lari Benezet e i osi kot rezidans Mr Herath i reste dan Sanmdi tou dimoun i lo pavement  in ouver zot ti latant zot pe rod zot lavi, trafik i flow dimoun.

E si zanmen i ariv en ka dife, en emergency i en problenm pour trafik, alor mon pe demande si zot annan okenn plan an relasyon avek bazar Lavil an relasyon avek sa bann konzesyon ki nou annan sirtou dan Vandredi ek Sanmdi. Mersi.

 

MR DEPUTY SPEAKER

Mersi Onorab.  PS Andre.

 

PS PATRICK ANDRE

Ok mersi Onorab pour montre ou konsern ki ou annan. Wi nou annan en plan ki nou’n deza formile ansanm avek Minister Lagrikiltir e Lazans Lagrikiltir an vi ki i annan en kantite bann bazardye ki vin vann.

Nou, nou normalman, ti annan en laranzman ki ti ganny fer kot sa bann bazardye i kapab vann zot prodwir Vandredi avek Sanmdi en ler me ti annan bann landrwa spesifik ki zot ti ganny donnen.

Me nou’n vwar poudir kek sityasyon in eskale sirtou la dan sa bann peryod letan ki nou ladan la, tou dimoun pe sey rod en lavi e la kot sityasyon i vin bokou pli pir.

Me an menm tan parey ou’n vwar depi, si ou’n desann Lari Bazar Vandredi pase avek Sanmdi ou’n vwar poudir ansanm bann Zofisye Highway Patrol avek Lapolis in met en pe plis lord e disiplin kot sirkilasyon trafik in sirkil bokou pli byen ki i ti ete son bann zour avan e menm avan Nwel osi tou dan sa bann peryod letan.  E nou pour kontinyen sa travay dan tou sa bann zour ki devan nou la ziskan apre lannen e apre lannen nou annan bann rennyon ki nou pour al fer ek tou bann Lazans konsernen pour etablir bann proper policies menm pour bann dimoun ki pe vann lo trotwar ki met pyeton an risk ki zot bezwen pas dan semen.

E tousala nou pe vwar li dan son totalite e pour rod bann solisyon apropriye pour sa bann pti biznes kapab zot osi epanouir dan lavi avek zot biznes me an prenon kont ki nou respekte bann norm e sekirite bann lezot dimoun ki servi semen.

 

MR DEPUTY SPEAKER

Mersi PS Andre. Onorab Ramkalawan.

 

HON WAVEL RAMKALAWAN

Mersi bokou Mr Chairman, Mr Deputy, Mr Chairman i en pe tar, bon Minis mon ti ava kontan ki vre ou regard en kou dan sa bann zafer pickup akoz i annan loder koripsyon ki pe ganny monte par tou sa bann truck drivers.

Ki parey Onorab Afif in dir depi Oktob pa ankor ganny peye, i annan serten koripsyon lo Praslin i resanble ki en sel Kontrakter ki pe ganny tou bann travay, zot met en pri pour zot ganny Tender me apre sa additional works i azoute, i azoute e pri i vin byen o.

Zisteman letan nou lo Praslin mon ti ava kontan konnen konbyen sa gran semen anler Consolation ki desann atraver sa pti vilaz dan direksyon Comore, pour konbyen, akoz zot in fer en semen sa grander 2 lane ki preski pli gran ki tou semen lo Praslin ?

I vin koman en highway . Lo La Digue eski zot a kapab dir avek nou klerman ki Polisi lo bann pickup ki antre lo La Digue par lao 3 tonn ; parske i resanble ki Allied li i annan en pickup  ki sipoze letan fini travay i ale, i ankor la.

Club Cars ki zot Polisi, eski zot pe sanze Polisi, parking lo Lasose i annan plas pour 3 me i annan 5 Taxi an plis ki sa bokou bann konzesyon sa i vin en sel, Biro, Land Transport ki reste fermen i en sel sa. Ki reste fermen ki zot kontinyen peye, bann rigol ki zot in fouye e ki i ankor ouver depi rafal eleksyon, semen Belle Vue, eski zot annan en lentansyon fini li parske si i annan dife anler laba Fire Brigade  pa pour kapab monte.

E finalman eski Land Transport i kapab regard dan posibilite pour zot olye tou le-z-an lannen ale, lannen vini enport koltar refer, nek zis re sirfas pour fer li monte, monte, monte.

Apre Cable & Wireless i bezwen vini lot i bezwen vini pour zot aste en masin ki fer recycling.

Koltar i en keksoz ki recycle partou Lanmerik se sa ki zot pe fer ozordi kot zot grat sa enn ki vye, zot met li dan sa truck ki recycle apre zot re vid li lanmenm.

Alor eski zot ava konsider sa parske mon vwar ki sa deswit ti ava koup lo sa bann Bidze, apre silvouple sa bann traffic lights anler Plaisance silvouple lo sa roundabout annou regard li ankor.  Mersi.

 

MR DEPUTY SPEAKER

Yes, mersi Onorab petet mon a met devan latansyon Minis ki nouvo dan Minister, mon osi dan en moman mon ti dan Lasanble mon ti lev sa sezi en masin ki pour recycle ki pour grat sa vye koltar pour recycle, pour reservi sa bann materyo e sa letan ti PS Lafortune ki ti dir wi zot annan sa plan, zot annan sa dan zot proze me i pa’n, PS Gerald Lafortune sa lepok ki ti la, me apre nou pa’n tann plis ki sa.

Zis mon port latansyon Minis lo sa mersi. Minis ou oule reponn sa bann kestyon ?

 

MINISTER CHARLES BASTIENNE

Mr Chairman mon ava reponn lo 2 ou 3 bann issues, mon’n koz boner lo konsernan pickup e mon’n dir nou bezwen met lanmen lo la.

Praslin mon pa’n okouran evidaman nou a bezwen met lanmen lo la koman en Gouvernman responsab.

Konsernan recycle wi i annan en pe letan, mon rapel letan mon ti Chair, mon’n deza Chairman SLTA en pe letan ti deza enn bann swe ki nou ganny sa ki nou apel en mining machine – ki en mannyer ki olye lannen apre lannen nou met sirfas ki apre ki apre i vin menm nivo avek pavement ou vwar ou, ou bezwen re al fer pavement, mon krwar poudir sa i definitivman enn priyorite mon Minister an vi ki mon aprann avek nouvo masin koltar ki nou sipoze gannyen boner lannen prosenn, i pour allow nou pour fer sa recycling avek sa masin koltar.

So mwan mon krwar poudir sa i devret enn bann priyorite mon pa konn egzakteman son pri me teknisyen neseser i ava kapab donn advice lo la.

E mon’n ganny dir i pour kout apepre R3 milyon sa evidaman mwan mon krwar sa i en nesesite akoz an lonterm i pour sov nou larzan avek nesesite pour al re fer pavement pour raise.

With regards to bann issues lo La Digue Mr Chairman vi ki bann laspe teknik mon ti ava prefere les avek PS Transpor pour take up.

 

MR DEPUTY SPEAKER

Yes PS Andre.

 

PS PATRICK ANDRE

Mersi Mr Chair.  Mr Chair parey nou konnen nou annan en Polisi ki kouver transpor lo La Digue e nou Polisi i permet nou pour pa allow bann veikil par lao 3 tonn lo La Digue, sof pour bann proze spesifik ki ou pa kapab pran en veikil ki pli ba ki sa, me selman sa bann Lakonpannyen ki ganny sa bann Kontra i ganny restrikte lo landrwa kot zot devret pe operate pa al an deor sa akoz semen La Digue li menm li i frazil.

Deza avek sa kantite veikil ki i annan lo La Digue ki pe sirkile nou vwar poudir kondisyon semen pe deza ganny afekte e tre byento nou pour bezwen vwar nou pe vin avek en Bidze dan Lasanble pour nou kapab fer reparasyon mazer lo semen La Digue.

Me nou pour kontinyen fer monitoring pour nou fer sir ki tou bann dimoun ki annan transpor i respekte bann kondisyon ki annan.

Ou’n koz lo club cars parey nou konnen poudir Gouvernman lannen pase i ti’n allow bann club cars avek bann kondisyon spesifik pour allow bann propriyeter letablisman touristik pour kapab own club cars pour deservi zot letablisman e zot kliyan, an zeneral.

Me parey nou konnen poudir tou Polisi nou revwar li e sa osi sa lannen ki pe vini nou pe al revwar e regard en pe bann sityasyon si i pe anmenn benefis, ki bann kontrent ki nou annan, ki bann difikilte ki nou pe fer fas avek e apre nou ava, apre ki nou’n fer konsiltasyon parey nou labitid avek zabitan La Digue nou ava anmenn en propozisyon devan Gouvernman pour revwar sa sityasyon club cars lo La Digue.

An sa ki konsern bann veikil ki park lo Jetty i annan kontrol ki park bann veikil pa ganny drwa al lo Jetty proper sof bann pickup ki al desarz bann bato.

E parey menm depi bisiklet e tousala i ganny kit an deor en kordon ki’n ganny set, me parkont ozordi avek sa logmantasyon transpor ki nou vwar lo La Digue.

Definitivman letan i annan en bato ki antre swa kargo, swa bato pasaze tou dimoun i vin la Lasose pour kapab sa ki pe vin rod en lavi, sa ki pe vin kolekte pasaze e lanmenm ler nou vwar sa embouteillage ki arive e i vin en problenm e i vin risk.

Me Road Transport Commissioner ki responsab pour regle  – enforce li i pe pran sa en mains ansanm avek Lapolis lo La Digue e osi avek Lotorite Por pour kapab anmenn en pli bon disiplin an sa ki konsern sa sityasyon.

Si fodre aret transpor depi byen boner, pa les zot al ankonbre les enn a la fwa pour ale koman en legzanp nou bezwen rod bann mezir ki apropriye pour nou kapab fer kontrol lo Lasose La Digue, mersi Mr Chair.

Pour Lofis parey nou konnen poudir nou annan en Zofisye ki ti baze La Digue, ok sa i ti son landrwa ki i ti servi me nou Zofisye la mazorite di-tan i pe mouvmante partou kote e wi sa Lofis la mazorite di-tan ti reste fermen akoz i en dimoun ki mouvmante i pa en dimoun ki reste statik pour li vwar en pe partou kote sityasyon i ete.

Me parkont nou pe rann sa Lofis lafen lannen akoz nou pe negosye avek Lotorite Por pour annan en Lofis dan batiman Por li menm li pour nou kapab annan letan nou mont La Digue oubyen letan nou poste nou Zofisye La Digue pour fer monitoring lo la.

Bann drenaz parey nou vwar i annan plizyer drenaz ki ganny fer, i annan drenaz ki ganny fer par Lazans Transpor lo Later e sa i enkli avek bann proze ki annan.

Me nou pour vwar poudir La Digue lo bann main road napa drenaz byen, byen lo bor semen sa ki nou apel bann road side drain parkont i annan bann drenaz ki tir delo lo en kote pour anvoy lot kote swa pour al bor lanmer oubyen pour retourn deryer dan lanmar. Ou pour vwar poudir La Digue in annan bann transe ki’n ganny fouye, sa bann transe letan in ganny fouye pour tir sa akimilasyon delo letan in annan bann akimilasyon avek gro lapli ok.

Me parkont mon pour koz en pe lo drainage task force zot ki annan sa Manda avek en plan ki zot in konsevwar ki mon osi ki mon ti form par lo la en moman letan ki zot in formil en plan pour La Digue avek en plan drenaz.

Me zot pe enplimant li fir a mezir e otan ki zot ganny Bidze pour zot kapab enplimant li, i annan bokou proze ki’n ganny fer me sa petet mon a les zot, letan zot a vin dan Lasanble pour kapab eksplik en pti pe pli byen lo la. Mersi.

 

MR DEPUTY SPEAKER

Yes CEO.

 

CEO PARINDA HERATH

Mersi Mr Chair semen Belle Vue i 75 poursan konplete, i reste 25 poursan letan lapli actually ti pe met nou an retar, nou ekspekte by milye Zanvye nou pour kapab konplet sa travay si letan i permet.  Mersi.

 

MR DEPUTY SPEAKER

Yes Onorab?

 

HON WAVEL RAMKALAWAN

Zis pour mwan demande si lefe ki zot pa ankor sanz zot Polisi lo club cars, eski i annan bann eksepsyon ki zot pe fer pour bann dimoun ki napa 5 lasanm pour zot rantre avek club cars?

E ankor enn fwa lo size bann trucks, bann trucks parey ou pe dir i annan kontrol me selman an menm tan osi i resanble mon ki napa kontrol.

Parske i annan trucks pour  serten Lakonpannyen ki’n fini e ki i ankor lo la, e by the way tou sa bann kestyon i sorti kot Leonci Micock? Mersi bokou.

 

MR DEPUTY SPEAKER

Yes PS Andre.

 

PS PATRICK ANDRE

Bon parey nou konnen i annan detrwa Kontrakter ki sorti Mahe ki al fer travay La Digue e par egzanp si ou get Allied koman en legzanp letan i fini en Kontra ki li i ti annan ki nou ti donn li permisyon in renouvle en permi pour en lot Kontra, ki i bezwen fer li menm , akoz i pe fer son bann chalets an desandan L’union avan i ti pe fer lot kote, ok la i per fer an desandan L’union dan trou par deryer Legliz laba kot in renouvle son Kontra, i annan bann lezot Kontrakter parey nou pe monitor parey UCPS par egzanp la nou fek donn li permisyon pour li mont avek en excavator avek en dumper pour excavation lo sa bout area par devan Lasose pour tir disab, pour replenish sa landrwa.

I en proze ki zot pe fer ansanm konzwentman avek Lanvironnman ki nou contract zot pour fer sa, in annan drenaz ki Lakonpannyen UCPS in fer L’union Estate e osi lanmenm la sa pon ki zot fek konplete pa tro lontan pase.

Me lobzektif parey ou’n dir, se ki pour nou fer sir ki ler sa bann Kontrakter i fini avek sa bann proze sa bann transpor ki’n ganny permi tanporer i ganny retire e ganny rapatriye swa Mahe oubyen Praslin, sa nou pour met lanfaz ki sa i arive.

 

MR DEPUTY SPEAKER

Mersi mon krwar Minis in adrese sa size traffic light non, Plaisance?  Minis in adrese pli boner.

 

MINISTER CHARLES BASTIENNE

Wi Mr Chair in fini ganny adrese sa.

 

MR DEPUTY SPEAKER

Ok mersi avek sa nou’n ariv en moman kot nou bezwen pran vot lo Departman Land Transport paz 342 ziska paz 345 Bidze sonm i R6.2, 279 milyon.

All in favor?

Anyone against?

Madam Clerk?

 

MADAM CLERK

Mersi Mr Chair mon’n rikord 22 Manm ki’n vot an faver e napa okenn Manm ki’n vot kont.   Mersi.

 

MR DEPUTY SPEAKER

Mersi Madam Clerk savedir Bidze pour Departman Land Transport  sonm R6.2, 279 milyon in ganny aprouve par Lasanble Nasyonal.

Nou ava al lo Bidze pour Lotorite Land Transport SLTA paz 346 ziska paz 351 sonm R186.8 milyon.

All in favor?

Anyone against?

Madam Clerk.

 

MADAM CLERK

Mersi Mr Chair. Pour sa enn mon’n rikord 25 Manm ki’n vot an faver e personn pa’n vot kont.  Mersi.

 

MR DEPUTY SPEAKER

Mersi Madanm Clerk. savedir Bidze pour SLTA sonm R86.8 milyon in ganny aprouve par Lasanble Nasyonal nou al lo dernyen Road Transport Commission paz 352 ziska paz 353, sonm R5.991 milyon.

All in favor?

Any Member against?

Madam Clerk?

 

MADAM CLERK

Mersi Mr Chair mon’n rikord 22 Manm ki’n vot an faver e napa okenn Manm ki’n vot kont. Mersi.

 

MR DEPUTY SPEAKER

Mersi Madanm Clerk savedir Bidze pour Road Transport Commission son R5.991 milyon in ganny aprouve par Lasanble Nasyonal.

Avek sa mon ti a kontan remersi Minis Bastienne ki’n avek nou pandan sa lazournen ziska sa ler la.

PS Andre, CEO Herath, Komisyoner Marie e Mrs Valentin koman Financial Controller SLTA e Ms Chantal Jules koman Senior Accountant Department Land Transport nou a remersye zot parmi nou e nou ava eskiz zot.

By the way nou profite pour swet zot e Bon Lannen e fotespere nou ava vwar zot next year.  Mersi.

 

THE MINISTER AND HIS DELEGATION WAS EXCUSED FROM THE HOUSE

 

MR SPEAKER

Bon lo size demen bomaten petet PS Payet nou pa pour bezwen ou demen granmaten akoz nou annan nou en Mosyon ki nou pe pran demen granmaten Mosyon irzan.

Nou pe mazinen, e nou’n koze ant nou de Madanm Clerk i pour kapab pran wi, ziska 10.30am ; so PS Payet ou ava met ou pare nou a rekomans nou deba lo Bidze dan 11er.

E 11er nou pour pran Minister Lasante avek zafer sosyal, so PS avek ou lekip nou ava dir ou mersi pour avek nou ankor ozordi e nou ava revwar zot demen.

E Lasanble i ava adjourn ziska demen bomaten 9er.

 

        (ADJOURNMENT)