Home » Verbatim » 2016 » Verbatim – Thursday 29th December 2016

Verbatim – Thursday 29th December 2016

NATIONAL ASSEMBLY OF SEYCHELLES

Thursday 29th December 2016

The Assembly met at 9am National Anthem

Moment of Reflection

Mr Deputy Speaker in the Chair

MR DEPUTY SPEAKER

Bonzour tou Manm Onorab e bonzour tou dimoun ki a lekout. Avan nou komanse mon ti a kontan ki nou ganny en Mosyon from the floor pour nou rekonstitye nou koman en Lasanble pour nou move from Committee Stage akoz nou pa’n move yer.  Mon kapab ganny en Mosyon from the floor please,

 

HON CHARLES DE COMMARMOND

Bonzour Mr Deputy Speaker, bonzour tou dimoun ki a lekout e tou Manm Onorab isi prezan, Mr Deputy Speaker mon oule move ki nou Lasanble anba Order 79 ki ki sa Komite Lasanble i retourn dan Lasanble normal.

 

MR DEPUTY SPEAKER

Mersi Onorab, okenn Manm ki segonde?

HON WAVEN WILLIAM

Mr Chair mon segonn sa Mosyon. Mersi.

MR DEPUTY SPEAKER

Mersi Onorab William, nou ava pran en vot. Ok. Madanm Clerk?

MADAM CLERK

Mersi Mr Deputy Speaker, mon’n rikord 19 Manm ki’n vot an faver.  Mersi.

MR DEPUTY SPEAKER

Mersi, alor Lasanble i retourn dan sesyon normal. Bon avan nou komans nou sesyon avek Mosyon Mr Speaker in kit bann dokiman avek mwan ki in resevwar, vizavi Right of Reply ki’n gannyen ki’n sorti kot Departman IDC.  E anba Lartik 102 (6) ler en dimoun oubyen menm en lorganizasyon other ki en Manm Lasanble i santi i ganny aggrieved par serten statement ki’n ganny fer dan Lasanble Nasyonal i annan li en drwa pour li soumet en Reply an ekrir avek Lofis Speaker e anba Lartik 102 (6) sa Reply i ganny sirkile avek bann Manm e son next Sitting Lasanble i ofisyelman lir sa Reply.  So alor anba Lartik 102 (6) mon pour demann Madanm Clerk i annan 2 Reply, i annan 2 statement ki ti ganny fer, pour pran sa premye Reply e apre i ava pran sa 2enm.  Yes Onorab Ramkalawan.

HON WAVEL RAMKALAWAN

I dir ou pour lir, ‘’the appropriate portions of the Reply ok. So it not the whole Reply parski letan en dimoun I reply en keksoz I kapab ki I entrodwir bann lezot size ki li menm li I vin kontansye.  Alor mon ‘n take  consideration sa ki  Mr Glenny Savy in ekri an relasyon avek statement ki mon’n dir  e mon krwar ki mon pou stand ki poudir son bout ki apropriye  I ariv ziska kot in dir sa ki mwan mon’n dir I pa vre;-  in fact just the first page, just the first page parske si nou al lo son 2enm paz.

        I vedir ki nou pour bezwen plis letan pour fer avan ki nou kapab kontakte bann diferan Civil Aviation Authorities ki pour al soz…

        So mon krwar ki the first page is the only page that is important epi, e ki apre sa bann larestan, parske bann bann larestan i son lopinyon, i son lopinyon.

MR DEPUTY SPEAKER

Wi mon note Onorab. Onorab Hoareau.

HON BASIL HOAREAU

Mersi Mr Deputy, Mr Deputy mon pou dezagree avek sa ki Onorab Ramkalawan in dir, annefe letan ou get sa Drwa, i en Drwa Konstitisyonnel ki parey ou’n mansyonnen ki egziste anba Lartik 102 (6) e letan ou lir 102 (6) i kler poudir  it’s a Reply which is read, the whole reply.

        The Speaker i anba obligasyon to lir the whole Reply me parkont en Manm si i santi poudir sa reply i contain lenformasyon ki misleading i kapab always raise en matter of privilege.

        E dir  gete, ‘’sa Reply ki la i annan keksoz ki pa korek, i annan keksoz.’’ But  it’s the whole Reply akoz i drwa pour sa dimoun sansan ki pe arive i the Speaker ki deside ki bout ki pour lir.

        E mon krwar letan mon pour get sa let annefe, mon krwar annefe letan mon pe get 2enm paz, wi i annan bann statement ki’n ganny fer.

        I pa’n fer okenn alegasyon kont okenn Manm, i pe set bann facts ki dapre zot i fason ki sa bann prosedir i ganny swiv.

        E si demen i ganny etabli ouswa en Manm i fer son resers e i vwar poudir sa bann prosedir ki’n dir in ganny fer pa korek en matter of privilege can always be raised by  the Member poudir sa Reply ki ti ganny read was misleading. Mersi.

MR DEPUTY SPEAKER

Yes, Non i pa, wi mersi Onorab Hoareau mon pa krwar i pe entrodwir nouvo eleman – zis i pe donn lo sa 2 kote Lotorite Civil Aviation Maurice avek Sesel ki mannyer keksoz i marse, ok? Onorab, wi i pa ladan Onorab Georges i dan lot.

        Akoz i paret ki’n ganny ladan in ganny omitted, ladan i 102  ziska 2, wi, mon annan en kopi Onorab Georges, please, pas sa donn Onorab Georges, ok donn mwan sa kopi Madanm Clerk, ok.

HON WAVEL RAMKALAWAN

Read the whole thing I don’t mind.

MR DEPUTY SPEAKER

Zis mon a ganny en pti gidans avek Onorab Georges, Onorab Hoareau in donn…

HON WAVEL RAMKALAWAN

Mr Speaker ou’n donn ou Ruling read the whole thing I don’t mind.

MR DEPUTY SPEAKER

Ok Madanm Clerk ou ava pran sa premye ki date, sa premye i date ok.

MADAM CLERK

Mersi Mr Deputy Speaker bonzour tou bann Manm, bonzour tou dimoun ki a lekout. Son premye let ki ti resevwar ti ganny anvoye kot nou le 28 Novanm 2016 from IDC so it reads as follows it was addressed to the Office of Speaker.

        ‘’The Speaker of the National Assembly Honorable Patrick Pillay, National Assembly Ile Du Port, Victoria, Mahe, Seychelles.

        Dear Sir, subject Right of Reply Article 102 (6) of the Constitution of Seychelles.

        In Accordance with the provisions of Article 102 (6) of the Constitution of Seychelles Islands Development Company Limited IDC hereby exercises it Rights as an aggrieved persons to Reply to the allegation made by the Honorable Wavel Ramkalawan at the Sitting of the National Assembly on the 8th of November 2016.

        More specifically we refer to the ekstre verbatim Sesyon 8 Novanm 2016 Mosyon lo D’Arros e Saint Joseph Rezerv Spesyal, a copy of which is attached here with for your ears of reference and we quote Honorable Ramkalawan as follows.

        Farquhar i en size konsern parske ozordi i common knowledge dimoun i konnen ki poudir i annan bann vol sorti Maurice ki pa’n pas par l’aeroport Mahe Sesel enternasyonal, se bann vol enternasyonal me kont bann dimoun in sorti Maurice koman bann kliyan ki pe al Farquhar.

        Zot in sorti Maurice direk zot in al Farquhar zot in enjoy zot aktivite e apre zot in ale, e zot in retourn Maurice.’’

        We wish to put on record that this statement made by Honorable Ramkalawan is false and a total misinterpretation or facts which needs to be corrected.

        It should be noted that prior to an International Flight departing from a Jurisdiction it must first obtain from the relevant Aviation Authority of Flight Clearance from the Jurisdiction it takes off from and it must also obtain a Landing Clearance from the Jurisdiction that it will be landing in.

        Therefore in the event the purported allegation that flights were landing and taking off directly from Mauritius to Farquhar and back there will be ample evidence on record firstly from the Mauritian Civil Aviation Authority as they would have to give a flight clearance number and secondly by the Seychelles Civil Aviation Authority who would have had to give the Clearance Number.

        The Flight Clearances and Landing Clearances would have been recorded and documented by Mauritius and Seychelles.

        If such an investigation had been carried out by the findings would clearly show that there had been no such flights which has landed on Farquhar from Mauritius or that have taken off from Farquhar to Mauritius.

        In addition to the above it should be further noted that it is illegal for aircraft or vessels to land on any island in the Republic of Seychelles without the relevant Authorities being notified and present namely Immigration, Health and Customs.

        Based on the above if Honorable Wavel Ramkalawan still wishes to stand by his statement of alleged facts we humbly proposed that the Honorable Ramkalawan either lodges a complaint to the Police or moves the National Assembly to set up a Committee to investigate the allegation he has made. It is hoped that in the future before allegations are made either towards IDC appropriate enquiries are made in order to ensure factual accuracy of any such statement Yours Faithfully signed Mr Glenny Savy Chief Executive Officer.

 

MR DEPUTY SPEAKER

Mersi Madanm Clerk, ou ava pran sa dezyenm let silvouple.

MADAM CLERK

Mersi Mr Speaker, so sa dezyenm let ti ganny anvoye ankor en fwa from IDC e nou Lofis ti resevwar sa let pa bokou letan pase le 27 Desanm 2016.

        I ti ganny adrese ankor to the Office of the Speaker. The Speaker of the National Assembly Honorable Patrick Pillay, National Assembly, Ile du Port, Victoria, Mahe, Seychelles.

        ‘’Dear Sir, so the subject reads as follows Right of Reply Article 102 of the Constitution of Seychelles.’’

 

HON WAVEL RAMKALAWAN

Mr Speaker that one Point of Order.

 

 

MR DEPUTY SPEAKER

Yes Onorab, Madanm Clerk.

 

HON WAVEL RAMKALAWAN

The letter is dated 27th December e i ganny ekrir par Mr Patrick Lablache koman Chairman Board IDC, 27th of December Mr Patrick Lablache pa ti Chairman Board IDC 27th of December.

        Mr Patrick Lablache pa ti Chairman Board me sete Mr Patrick Berlouis ki ti’n fini ganny apwente Chairman Board IDC, so ki mannyer i kapab ekri?

MR DEPUTY SPEAKER

Bon mon krwar Onorab i annan en koreksyon mon krwar pozisyon lapwentman Mr Berlouis i pran lefe as from the 1st of January 2017 sa ki mon’n ganny en konpran.

        So Mr Labache i still the Chairperson of the IDC Board ok zis en klarifikasyon koreksyon.  Ok Madanm Clerk.

MADAM CLERK

Mersi Mr Deputy Speaker.

‘’We wish to bring to your attention that this is the 2nd letter that’s Islands Development Company Limited IDC has returned to you to exercise this Rights as an aggrieved person to Reply to allegation made by Members of the National Assembly at 1st letter to you dated 28th November 2016 signed by our Chief Executive Officer Mr Glenny Savy and referenced Right of Reply Article 102 (6) of the Constitution of Seychelles to date it has not been read by the National Assembly.

        A copy of which is attached herewith for your ease of reference.  We wish to point out to you that under the provisions of Article 102 (6) of the Constitution you have a duty as Speaker of the National Assembly to circulate a copy of our Reply to every Member of the Assembly.

        And at that commencement of the preceding immediately follow Sittings of the Assembly, read the Reply in the Assembly.

        Your failure to have circulated and read out our letter above mentioned to the National Assembly constitutes direct Breach of the Constitution.

        Further to our 1st letter above mentioned it has come to our attention that another similar allegations was made before the National Assembly and again in Accordance with the Article 102 (6) of the Constitution of Seychelles IDC hereby exercises it Rights as an aggrieved person to Reply to the allegation made by the Honorable Regina Esparon at the Sitting of the National Assembly on the 21st of October 2016.

        More specifically we refer to the extract of verbatim Friday 21st October 2016 a copy of which is attached herewith for your ears of reference and we quote Honorable Regina Esparon as follows.

        ‘’Avan siklonn ti tap Farquhar ki kantite larzan ki ti ganny ranmase avek Guesthouse lo sa zil?  An plis nou anvi en leksplikasyon lo bann Mauricien ki ti apoz direkteman lo sa bann zil sorti Maurice.’’

        We wish to put on record that this statement made by the Honorable Regina Esparon is false and a total misinterpretation most representation of facts which needs to be corrected as there has never been any flights which has landed directly on Farquhar from Mauritius. 

        It should be noted that prior to an International Flight departing from a Jurisdiction it must first obtain from the relevant Aviation Authority a Flight Clearance from the Jurisdiction it takes off from and it must also obtain a Landing Clearance from the Jurisdiction that it will be landing in. Therefore in the event that there were flights which were landing and taking off directly from Mauritius to Farquhar and back, there will be ample evidence on record firstly from the Civil Aviation Authority as they would have had to give a Flight Clearance and secondly by the Seychelles Civil Aviation Authority who would have to give the Landing Clearance.

        The Flight Clearances and Landing Clearances would have been recorded and documented by Mauritius and Seychelles Authorities.

        If such an investigation had been carried out the findings would clearly show that there had been no aircrafts which ever landed on Farquhar from Mauritius or that have taken off from Farquhar to Mauritius.

        In addition to the above it should be further noted that it is illegal for aircraft or vessels to land on any island in the Republic of Seychelles without the relevant Authorities being notified namely Immigration, Health and Customs.  Based on the above if the Honorable Regina Esparon still wishes to standby her statement of alleged facts we humbly propose that the Honorable Regina Esparon either lodges a complaint to the Police or mostly to the Assembly to set up a Committee to investigate the allegations she has made.

        It is hoped that as an act of respect to the Constitution and the Spirit of Transparency and in the interest of Justice our letters are read at the next Sittings in order to make it known against that the allegations made against IDC above stated are false.

        It is hoped that in the future before any allegations are made against IDC the necessary enquiries are made in order to ensure factual accuracy of any such statement;’’ Yours Faithfully signed Mr Patrick Lablache Chairman for on behalf on the Board of Directors of Island Development Company Limited. Thank you.

 

MR DEPUTY SPEAKER

Mersi Madanm Clerk, si i annan okenn Manm ki santi ki annan keksoz ki mal e zot annan levidans whatever, then nou anmenn kot Lasanble e nou a fer le neseser pour nou kapab call in IDC pour nou kestyon zot, mersi.  Yes Onorab Ramkalawan.

 

HON WAVEL RAMKALAWAN

Wi IDC pour aparet devan nou Select Committee nou pour demann li kestyon, nou annan en kantite kestyon pour IDC.

        Me selman an menm tan mon krwar ki la mon pe adres direkteman Sekretarya Lasanble, fodre an menm tan osi nou fer atansyon avan ki nou nek zis ganny en let sorti deor ki nek zis nou vin lir.

        Par egzanp annou regard, sa ki Onorab Alcindor in dir an plis nou anvi en leksplikasyon, i pa’n fer en lakizasyon, in dir nou anvi en leksplikasyon lo bann Mauricien ki apoz direkteman lo sa bann zil sorti Maurice.

        So i anvi en leksplikasyon alor i  devret olye vin lir soz ensidswit fer donn en leksplikasyon e mwan mon krwar ki tousala se zis bann fason pour kasyet e mwan mon krwar ki poudir en zour Mr Deputy Speaker lalimyer pour klere.

        E sa bann let ki nou pe ganny lir la, tou son laverite pour vin devan sa Lasanble. Mersi.

MR DEPUTY SPEAKER

Mersi Onorab parey mon’n dir Lasanble i annan pouvwar pour call in nenport Lotorite e pour kestyonnen. Ok annou move on of business of the day, bon nou annan en Mosyon lo Order Paper e mon ava demann Onorab Charles De Commarmond pour move Mosyon.

HON CHARLES DE COMMARMOND

Thank you Mr Deputy Speaker ankor enn fwa bonzour tou dimoun. Mr Deputy Speaker as per our Standing Order 39 (1) i move that this Assembly approves the appointment by the President of Ambassador Maurice  Jean Leonard Loustau-Lalanne as Minister of the Republic of Seychelles in Accordance with Article 69 (2) of the Constitution of Seychelles. Thank you.

 

MR DEPUTY SPEAKER

Okenn ki segonde?

HON WAVEN WILLIAM

Mon segonn sa Mosyon Mr Speaker.

MR DEPUTY SPEAKER

Mersi Onorab William.  Onorab De Commarmond nou pour fer deba lo, fer deba fer en… ki laranzman ki zot in fer eski zot pour fer deba oubyen zis nou pour antre dan Komite pour kestyon.

HON CHARLES DE COMMARMOND

Nou ava antre dan Komite nou ava diskit avek Kandida apre nou ava come back to the Assembly e la nou ava fer general debate avan nou vote.

MR DEPUTY SPEAKER

Ok, so nou ava pran en Mosyon pour nou move into Committee.

HON CHARLES DE COMMARMOND

So wi anba Order 79 (1) mon move ki nou Lasanble i fer son lekor vin en Komite for the whole Assembly pour nou kapab fer travay ki i annan devan nou pour nou kestyonn sa kandida.

MR DEPUTY SPEAKER

Ok, okenn Manm ki segonde?

HON WAVEN WILLIAM

Segonde Mr Speaker.

MR DEPUTY SPEAKER

Onorab William mersi, ok nou a pran en vot.  All in favor pour nou move dan Committee Stage, 17 vot.  Okenn Manm ki kont?  Non nou napa, ok Sergeant-at-Arms nou ava move dan Staz Komite. E Madanm Clerk ou ava enform Anbasader Loustau-Lalanne pour rantre.

        Bon, bonzour Anbasader Loustau-Lalanne nou welcome ou dan Lasanble. Parey bann prosedir normal ki Lasanble in etabli, tou nominasyon Minis oubyen Anbasader nou pas en prosedir kot ou enterakte avek bann Manm Lasanble atraver kestyon kot ou kapab donn serten leklersisman e petet rezon deb pour kwa ou’n ganny nominen, ou’n ariv la devan nou pour kwa ou kapab desarz ou responsabilite dan en fason nob pour nou pei Sesel.

        Zis avan ki nou ouver pour kestyon nou ti a kontan donn ou sa loportinite pour fer en pti prezantasyon, en pti pe petet lo ou karyer and so on, alor nou ava donn ou laparol Anbasader Loustau-Lalanne.

ANBASADER MAURICE LOUSTAU-LALANNE

Mersi Mr Deputy Speaker, Leader Lopozisyon, Onorab Ramkalawan, Leader of Government Business, Onorab De Commarmond tou Manm Onorab, bonzour e mersi pour resevwar mwan bomaten. Parey in ganny mansyonnen mon apel Maurice Loustau-Lalanne mon annan 61an, mon reste La Misère mon’n marye mon annan 2 zanfan.

        Mon ti fini mon A’ Level Kolez, apre sa mon’n ganny en labous avek British Council mon’n al etidye Lavyasyon Langleter e mon’n retournen avek en Laysenns Angle koman en Air Traffic Control Officer avek en Laysenns Pilot bann ptipti avyon.

        Mon’n komans travay koman premye Kontroler aeryen dan Control Tower Airport Pointe Larue e pandan 10an mon’n kontinyen spesyalize dan diferan lot domenn Lavyasyon e mon’n ganny plizyer promosyon o-fir a mezir e mon’n ranplas plizyer etranze dan mon karyer.

        Mon ti ganny apwente Direkter Zeneral Lavyasyon Sivil an ‘91 e mon’n tenir sa pos pandan 5an.

        An ‘82 ti annan 5 nou ki’n pran en desizyon pour deside etabli Konpani Air Seychelles pour li komans anvol enternasyonalman.

        E sa ti arive le 26 Oktob ’83. Leres pour Air Seychelles mon sipoze tou Manm i konn son parkour.

        Mon’n okip pos Sekreter Prensipal dan plizyer Minister, annefe dan 4 Minister a diferan moman e mon’n travay avek 9 Minis pandan sa peryod.

        Mon ti komans koman Sekreter Prensipal dan Minister Tourizm avek Transpor kot mon’n travay avek Minis Hodoul avek Minis Simone De Commarmond pandan 10an.

        Apre mon’n al Lanvironnman koman Sekreter Prensipal e mon’n travay avek Minis Ronny Jumeau.

        Mon’n al Minister Lasante pandan 2an e 14 zour e la mon’n travay avek Minis Lanbasader Patrick Pillay ki Speaker Lasanble e osi Minis Meriton, e pli resaman avek Minis Larue.

Mon’n lo plizyer Board annefe mon krwar apepre en dizenn diferan Board koman Chairman e en Board koman Direkter pandan mon parkour.

        E mon’n ankor Chairman enn de Board ozordi, mon’n pas pli lontan lo Board Air Seychelles swivi par SIF e Land Marine e mon’n pas en bon letan osi koman Chairman SBC annefe omwen 15an.

        Donk mon parkour i kont apepre 40 an, 40 an karyer e zis mon ti a kontan terminen Mr Deputy Speaker an di-z-an ki mon’n toultan travay dan benefis Sesel e Seselwa.

        E mon’n toultan ensiste ki fodre annan en succession plan, setadir nou bezwen fer sir ki Seselwa i vwar son karyer dan Lorganizasyon i pe travay.

        E mon’n toultan tenir bokou latansyon akoz mwan menm mon’n pas par la e fodre ki nou kontinyen envestir enormeman dan nou dimoun.

        Donk se avek tou imilite ki mon konfirmen ki mon pour kontinyen avek sa leksperyans ki mon’n annan ek fason ki mon’n travay pour fer ki tou Seselwa i vwar son sityasyon amelyore o-fir e a mezir ki nou kontinyen dan nou travay.

        Mr Deputy Speaker mon ava aret la akoz mon asire pour annan bokou kestyon pour mwan klarifye kot mwan a kapab klarifye.  Mersi bokou.

MR DEPUTY SPEAKER

Mersi Anbasader Loustau-Lalanne, bon nou Lasanble i prezan open pour demann kestyon Anbasader, okenn Manm ?  Onorab Ferrari.

HON JEAN-FRANCOIS FERRARI

Mr Chairman, Mr Lalanne, tou dimoun ki a lekout, 2 pti kestyon pour sitye Lasanble en pe dan serten laspe ou vizyon pour Sesel.

        Mon premye kestyon se ki mon’n note ou’n dir ou annan, ou met en kantite lanfaz lo succession lo ki mannyer pour bann Seselwa annan ownership nou pei e bann Lenstitisyon.

        Mon ti a kontan dan sa laliny si ou kapab dir nou, klarifye pour nou 2 moman dan ou karyer kot ou’n annefe al dan en lot direksyon – setadir ler ti pran desizyon pour Air Seychelles partner avek Etihad kot pour bokou in en abdikasyon nou ownership dan sa Airline.

        E dezyenmman koman, mon krwar koman Chairman Health Care Agency oubyen koman lezot responsabilite ki ou ti annan dan Lasante ou’n osi form par sa desizyon pour outsource serten servis enportan dan Minister Lasante.

        Now sa i 2 moman enportan e mon ti a kontan ki ou kapab dir nou ki mannyer ou vwar sa involvement bann Lakonpannyen etranze dan bann devlopman bann Lenstitisyon isi Sesel sa i mon premye kestyon.

        E mon dezyenm kestyon mon en pe perdi la dan ou bann Chairmanship ouswa ou bann Directorship mon ti krwar sete Mr Steve Fanny ki pe tenir rikord me prezan ki se ou ki tenir rikord lakantite Directorships ki annan.

        Eski ou kapab dir nou si ou annan okenn lentere personnel dan bann Konpannyen Prive notaman Land Marine ki parsyelman prive, STAR Seychelles ki posibleman antyerman prive e ki mannyer ou pour rekonsilye sa bann Directorships avek lefe ki ou en Minis, si ou vin en Minis dan Gouvernman.  Mersi sa i mon 2 kestyon.

MR DEPUTY SPEAKER

Mersi Onorab. Yes Anbasader.

ANBASADER MAURICE LOUSTAU-LALANNE

Mersi Deputy Speaker, mersi Onorab Ferrari pour ou 3 kestyon, mon a komans par Air Seychelles.

        Zis avan ki mon reponn sa kestyon lo Etihad fodre ki mon enform Lasanble ki letan nou ti komans Air Seychelles tou loperasyon Air Seychelles i annefe ekspatriye.

        E kan nou ti komans anmenn nou bann Boeing 707 pour fer sa bann loperasyon se a sa moman la kot nou ti komans train nou bann Pilot Seselwa.

        E ozordi parey nou tou nou konnen bokou nou bann Pilot Seselwa se bann Sanpyon Lavyasyon e zot travay pour Konpani Air Seychelles me osi pour bann lezot Konpani Aeryen enternasyonal repite a leksteryer.

        Air Seychelles in konn bokou tirbilans parey ou konnen e Air Seychelles ti’n preski fait e ozordi sa laranzman ki i annan avek Etihad avek Air Seychelles i pour mwan sel laranzman ki sovgard nou Konpani Nasyonal.

        Etihad in vini in met en pe larzan e in pran en serten kantite aksyon dan Air Seychelles me nou ganny bokou lezot benefis avek Etihad e 5an apre pros nou vwar nou ti’n redwir kantite dimoun ki ti travay pour Air Seychelles e ozordi nou’n komans re ogmant kantite dimoun ki travay, Seselwa ki travay dan Air Seychelles.

        E sa se senpleman se akoz nou’n konn manage pour nou ranvers sa sityasyon ki nou ti ladan e ozordi nou pe kontinyen envestir osi dan nou dimoun.

        Ozordi pour premye fwa nou pe train bann Seselwa pour pran bann post Management dan Air Seychelles pe ganny train dan Lakademi Abu Dhabi kot Etihad.

        So sa succession planning se si ou le in toultan la mon pa konn en lot formil pour le moman Onorab Ferrari ki pour kapab asire ki Air Seychelles i kontinyen son loperasyon, kontinyen grandi son loperasyon, kontinyen ekilibre son bann kont.

        Mon pa konnen ki mannyer nou pour kapab fer li otreman pour sa formil pour le moman.

        Bon lo kote outsourcing mon sipoze ki sa kestyon pour come up ankor letan nou pour debat Minister Lasante mon pa ti a kontan preempt, me sa ki mon ti a kontan dir se ki dan sa outsourcing avek AMSA sa nou’n annan ankor serten etranze ki’n antre dan loperasyon dyaliz me se bann Dokter spesyalize dan Nekrolozi.

        Bann dimoun ki nou ti napa avan dan Minister Lasante e zot la pour en dire determinen e en fwa ki nou, nou a kapab spesyaliz nou bann Dokter zot a ranplas sa bann dimoun.

        Bon Chairmanship e Directorship dan Konpannyen mon pa’n annan bokou, sa ki mon annan mon’n reste avek pandan lontan.

        Me pour reponn ou kestyon dan Land Marine depi ‘95 mon krwar  mon Direkter mon pe reprezant par ki Gouvernman i annan dan Land Marine.

        Mon napa okenn shares dan Land Marine. Mon tous en Director’s Fee dan Land Marine parey tou Direkter i gannyen e sa se mon involvement dan Land Marine.

        Dan Star Seychelles letan en Konpannyen Seselwa prive in aste STAR Seychelles an vi ki mon en Direkter lo STAR Seychelles sa lepok, pour kontinyite zot ti demann mwan si mon ti a kontan reste koman Chairman STAR e donk mon Chairman STAR Seychelles ziska ozordi e parey ou’n fer alizyon si mon ganny konfirmen dan sa nominasyon Minis efektivman mon pour bezwen step down from sa Lakonpannyen prive e lezot Chairmanship ki mon annan, me mon napa okenn par dan STAR Seychelles.

 

MR DEPUTY SPEAKER

Mersi Anbasader. Onorab Henrie.

HON GERVAIS HENRIE

Mersi Mr Deputy Speaker, bonzour tou dimoun, mon annan 2 kestyon pour Anbasader Loustau-Lalanne.

        Premye kestyon i kontiny lo sa size Air Seychelles pour la senp rezon ki ou’n pli lontan lo son Board e ou’n la depi son komansman, alor ou annan sa lenfirmite avek sa Lakonpannyen mon kapab dir mon krwar.

        Savedir mon anvi demann ou lo par lefe ki Gouvernman pe vann en pe Par dan bann Lakonpannyen ki i annan parey Land Marine.

        Eski ou krwar ki Air Seychelles i enn bann lot Lakonpannyen ki Gouvernman i kapab mazinen pour vann piblik en pe aksyon ladan e an menm tan si ou ganny konfirmen koman Minis e si par egzanp ou ganny konfye responsabilite Tourizm, ki pour ou relasyon avek bann lezot Lakonpannyen Aeryen ki pe vol, vol ki pe anvol Sesel akoz sa lenfirmite ki ou annan avek Air Seychelles, eski ou pour play it fair vizavi zot ?  Sa i premye.

        Dezyenmman, i enteresan note ki tou letan ki mwan mon’n travay koman en travayer SBC se ou ki ti Chairman sa Lorganizasyon.

        E nou vwar poudir SBC i annan en obligasyon anba Konstitisyon ki i en Lorganizasyon ki fair, ki reprezant tou pwennvi me mwan santi poudir ou pa’n fer ase pour vreman donn sa Lorganizasyon

        Fer li vin responsab atraver sa, parey nou Konstitisyon i dir li i dwatet e menm ti annan en lenstans kot ou ti menm al lo televizyon pour prezant leskiz lo lapar SBC vizavi ansyen Prezidan Rene.

        Alor mon anvi konnen akoz keksoz ti koumsa sa fason e si ou ganny konfye pozisyon Minis letan Konstitisyon i obliz ou fer en keksoz eski nou pour kapab annan konfyans ki ou pour fer parey i ou responsabilite ?  Mersi.

MR DEPUTY SPEAKER

Mersi Onorab Henrie, Anbasader.

ANBASADER MAURICE LOUSTAU-LALANNE

Mersi Mr Deputy Speaker, mersi Onorab pour ou kestyon. Wi mon santi ki o-fir e a mezir ki bann Konpannyen Gouvernmantal, Paraetatik ou nenport i dan en mezir pour li vann serten Par Gouvernman e i vin de atraktif pour piblik.

        Mon krwar fodre fer li akoz lanbyans Ekonomik se efektivman fer Seselwa partisip plis dan aktivite Ekonomik pei, so mwan mon pa vwar okenn difikilte kan Air Seychelles i vin ekonomikman pli matir, ki nou met a dispozisyon piblik en serten kantite Par pour zot partisip ladan si zot oule, e sa pa merit anpese osi lezot Seselwa si zot anvi fer Lakonpannyen Aeryen fer Konpani Aeryen.

        Akoz pour rebondir lo ou dezyenm kestyon parey menm sa diskisyon ki nou pe gannyen isi i en keksoz ki’n evolye.

        Lavyasyon oparavan ti dir mon donn ou en flight ou, ou donn mon en flight, i ti vreman proteksyonis, me ozordi dan Sesel nou pa proteksyonis ditou dan lesans ki nou kaziman open sky, sa ki anvi vini i kapab vini.

        E i annan tandans lontan pour ou Konpannyen Nasyonal. Air France in fer li, British Airways in fer li, Lufthansa in fer li son Gouvernman in protez li.

        Nou apel sa bann Legacy Carriers lontan, me ozordi i pa le ka, ok parey ou konnen Air Seychelles i annan li bokou konpetisyon ozordi Sesel.

        E i bon sa konpetisyon, so nou pa pour kapab, e mon pa pour kapab protez Air Seychelles.

        Ok ou konpran ? Air Seychelles i bezwen gete kote i kapab fer bann deal, fer bann korperasyon ekonomik ki dan son lavantaz li osi pour li sirviv.

        Mon prefere ed li dan sa laliny ki ale al protez li akoz nou pa dan sa dinamik proteksyon akoz nou Polisi transpor aeryen tou fason i en open sky policy plis ou mwen.

        Onorab Henrie lo kote SBC i vre ki oparavan nou ti annan bokou defi ; par egzanp letan mon ti Chairman mon a fer zot rapel nou ti annan en lantrak pour apepre 45 minit si ou rapel, nou ti switch off televizyon pour nou al manze al fanmir apre nou tournen nou remet on, sa mon’n lager pour mwan gard li koumsa.

        Me malerezman ankor avek levolisyon bokou keksoz Managing Director sa lepok Mr Afif i ti dir mwan non i prime time.

        Fodre nou pran 5 minit ladan pour nou fer en pe advert pour nou ganny en pti pe larzan.

        E nou’n ale dousman, dousman e finalman ki’n arive nou nepli annan sa break dan nou televizyon.

        E i en keksoz ki dan tou lezot pei aletranze ti apresye, mon donn ou sa legzanp pour mwan dir ou ki ozordi sityasyon i vreman diferan.

        E nou, nou la parey zot pour fer sir ki nou defann sa Konstitisyon, nou bezwen fer sir ki nou met an aplikasyon bann Lartik sa Konstitisyon.

        Son SBC son rol i pour bezwen revwar son rol pour fer sir ki nou kontinyen lenformasyon e nou pas sa bon lenformasyon.

        En lenformasyon ki balanse, lenformasyon ki ganny byen reserse avan ki nou met li a la porte piblik.  So mon pour bezwen menm parey Prezidan Faure in demann tou son bann Minis se tanzantan rankontre lapres e an rankontre tou lapres e pas lenformasyon ki fodre pase.

        I menm annan bann pti Press Conference kot nou kapab poz kestyon, bâtons rompus konmdi Franse e sa mon krwar i en bon linisyativ, i en bon keksoz.

        So ou kapab kont lo mwan pour mon nobou annan en open door kot Lapres i konsernen e SBC enkli ladan mersi.

MR DEPUTY SPEAKER

Mersi Anbasader, okenn lezot Manm ki annan kestyon pour Anbasader Loustau-Lalanne?  Onorab De Commarmond.

HON CHARLES DE COMMARMOND

Mersi Mr Chair, bon avek sa ki Anbasader i pe eksplike la i gou tann li me mwan mon anvi lo en lapros pli relax ki i reponn nou 2 kestyon.

        1 eski i deza avan dan son parkour travay Gouvernman ganny aprose pour vin Minis dan okenn lezot Gouvernman avan ?

        Epi letan mon pe get son CV mon vwar ki in vini apre letid an ‘81 e ou’n pran responsabilite kot Erport, e mon dan mon lespri an ‘81osi ti annan latak mersener, si ou ti la kot Erport, si ou kapab donn nou en pti ley ki mannyer sa ti pase petet pour bann zenn ankor ki ti ava kontan tann sa.

        E an menm tan ki ou kapab dir nou dan nouvo responsabilite ki si nou Lasanble i aprouve i met dan ou…ki ou kapab dir nou pour donn nou konfyans ki nou Lendistri Touris e mon panse i ava vin avek transpor aeryen e lanmer, konmsi ki donn nou sa konfyans, sa konfidans ki nou pour al lo en lot letap pli fantastik.  Mersi.

MR DEPUTY SPEAKER

Mersi Onorab. Anbasader Loustau-Lalanne.

ANBASADER MAURICE LOUSTAU-LALANNE

Mersi Deputy Speaker.  Mersi pour ou kestyon Onorab De Commarmond, bon ou premye kestyon zis mon’n met wi la.

        Lo ou dezyenm kestyon ti annan diferan sirkonstans ki mon pa’n kapab aksepte.

        Lo dezyenm kestyon sa latak mersener annefe mon ti’n fek vin Direkter Zeneral Lavyasyon Sivil letan nou ti ganny sa latak e a sak fwa mon koz lo sa latak mon vin en pti pe emosyonnel. E wi ti en moman tre difisil bokou mon Staff ti ganny pran otaz e bokou lezot Staff Erport ki sa letan osi ti anba mon responsabilite ti ganny pran otaz.

        E mon ti bezwen zwe en rol Kominikater ant mersener ek Gouvernman pour gete ki nou kapab fer dan sa sityasyon.

        Donk i en moman dan ou lavi ou pas ladan ou pa ti a kontan ou repet li, me malerezman dan mon ka mon’n pas 3 fwa dan menm ben.

        So fotespere napa en katriyenm ben, wi mon’n pas 3 fwa dan sa bann sityasyon difisil lo erport e fodre i pa ariv ankor sa bann keksoz.

        Bon pou mwan mon krwar ki Lendistri Tourizm e Lavyasyon Sivil mon a vin lo Por en pti moman akoz Tourizm e Lavyasyon Sivil i lye direkteman.

        Lo kote Por ek bann bato Croisière osi i annan en lyen me mon krwar ki nou politik tourizm par lepase ti en politik kot ki mwan mon partaz bokou.

        Ki fodre annan mwens touris me selman fer zot depans plis larzan, ou ava rapel en pe letan pase nou Polisi ti pour annan 150 mil touris me annan en reveni $350 milyon Dolar e sa nou ti nobou achieve sa target.

        Annefe nou ti depas sa target, apre nou ti re modifye Polisi pour nou fer Seychelles pli abordab e kan nou’n fer sa Minis St Ange in fer en sikse akoz in nobou preski double la kantite touris ki vin Sesel.

        Bon lo kote reset i pa’n double me in annan en lot lenpak kot bokou plis dimoun in antre dan Lendistri Tourizm bokou plis dimoun in nobou ganny en louvraz dan Lendistri Tourism e se sa ki sa Polisi in anvi fer.

        Mwan mon krwar ki nou pour bezwen fer sir ki deplizanpli nou anmenn touris de kalite akoz nou kapab vann Sesel en pe pli ser ki lezot pei dan lemonn.

        Akoz sa ki nou, nou annan lezot napa. Toulezour i annan nouvo destinasyon ki pe antre dan tourism.

        E zot kopye sa ki nou fer alor nou bezwen toultan et an avan dan nou thinking pour nou regarde kwa ki nou bezwen fer ki pour kontinyen anmenn dimoun Sesel.

        Lo kote Por nou Por i tro ptipti letan nou’n pas dan sa zafer pirat Somalyen nou’n remarke avek bokou bann bato lager ki’n vin isi pour servi Sesel pour Por rekreasyonnel nou’n fer bann legzersis Militer avek ek nou, in kre bokou konzesyon avek dan nou Por.

        Nou Lekonomi in devlope nou enport en kantite keksoz e nou Por i konzesyonnen i tro ptipti donk fodre ki nou asire ki nou agrandi nou Por de pli vit posib.

        Sa i en proze priyoriter, me la ankor mon ti a kontan ki bann Konpannyen Seselwa i join hands parey dan en nespes consortium or something like that.

        E zot vin anmenn zot konesans, vin anmenn zot finansman pour nou fer sa louvraz en pe nou menm.

        Akoz nou kapab fer li ou vwar ? Me se en proze ki irzan, mon santi li i en proze ki irzan e la nou pe ganny nou plis bato Croisière ankor i pa pe vin fasilit keksoz, i vin konplik keksoz annefe.

        So fodre nou regle sa bann keksoz e parey ou konnen devlopman erport nou bezwen planifye li byen par kour term.

        Nou bezwen planifye li e pour dir nou ankor en 15an, en 20an, nou pa kapab al extend ankor en pti bout Por apre 3an in fini plen li osi, nou bezwen regard li dan sa bann laliny koumsa, wi Erport osi parey ou konnen annefe erport i regretab e mon ava mansyonn li la ki nou pa’n pran desizyon pour nou fer nouvo Terminal en pe letan pase.

        Nou’n prefere modifye azout en bout isi, agrandi en bout laba, si nou ti’n fer li en pe pli avan i ti a’n kout nou meyer marse e ozordi nou ti’n ganny nou lavans.

        Bon i pa tro tar pour nou ratrap sa devlopman me mwan krwar la ankor i bann keksoz bann konteni ki tourizm i lakle Lekonomi Sesel nou bezwen fer sir osi ki sa bann fasilite osi i a la oter.  Mersi.

MR DEPUTY SPEAKER

Mersi Anbasader, Onorab Mondon.

HON TERENCE MONDON

Mersi Mr Chair, bonzour Anbasader ek bann Koleg MNA e tou bann dimoun ki pe ekout nou.  Mon annan 2 kestyon.

        Mon premye i en size ki’n vin devan nou Lasanble konsernan MoU e Sesel in sinyen avek Erport Abu Dhabi pour etidye pour gete si zot kapab take over nou erport enternasyonal.

        E mon ti a kontan konn ou pwennvi lo sa, eski ou krwar poudir en etranze i devret a moman pran enn nou bann pli gran, enn nou bann Gateway enportan dan nou pei e nou dezyenm nou’n koz lo nou Por ki Seselwa i devret parey ou’n dir, Seselwa i devret pe join nou Por pour etabli Seselwa pour manage nou Por e eski pour annan menm pwennvi pour nou Erport enternasyonal?

        Mon dezyenm kestyon an vi ki mon konnen ou annan en kantite konpetans, en kantite konesans ou’n aktiv lo SIF, e ou annan en konesans aprofondir nou bann Zil Elwanye.

        Eski ou krwar pep Seselwa pe benefisye sifizaman avek nou bann Zil Elwanye ?  E si non ou koman en Manm Cabinet si Lasanble i aprouve kwa ki ou kapab ou panse i kapab ganny fer pour fer sa diferans pour Seselwa avek nou bann Zil Elwanye ?  Mersi.

MR DEPUTY SPEAKER

Mersi Onorab.  Yes Anbasader.

 

ANBASADER MAURICE LOUSTAU-LALANNE

Mersi Onorab Mondon pour ou kestyon lo premye kestyon mon napa bann eleman, sa dokiman so mon pa konnen kwa ki i konteni ladan me kantmenm mon pour fer en komanter, mwan mon krwar ki dan tou keksoz ki nou fer nou bezwen asire ki Gouvernman e pep Seselwa finalman i ganny best case scenario en status  quo tanporer e best case scenario i bezwen ganny en lavantaz.

        Si sa devlopman lo Erport i pour fer ki nou pour annan nou en Erport ki lo standar lo son servis lo son konfor i fasilit pasaze tou son bann IT equipment i marse pour fer tou bann tranzaksyon modern ki ou vwar partou Ei kapab anmenn bann reset siplemanter kot ozordi nou pe bit en pe ;- par egzanp nou annan en pti Laboutik, nou annan en lot Laboutik, nou napa en purchasing power pour bann zafer Duty Free, Branded Goods – e si sa devloper i kapab anmenn nou sa lavantaz par egzanp setadir nou ganny plis reveni avek sa, se sa ki nou bezwen regarde.

        Nou pa kapab donn en keksoz kot nou, nou pa ganny en lavantaz ou konpran ?  Mon krwar sa i en keksoz ki mon pour vey de tre pre akoz i pa fer okenn sans donn en keksoz si nou at least nou napa status quo inisyal.

        E en lavantaz a le fitir, sa i ava sa komanter ki mon ti a kontan fer at this stage an sa ki konsern sa MoU e parey mon dir ou mon napa son detay mon pa konnen.

        Bon lo bann Zil Elwanye letan mon dir ou pandan 21an mon’n al Aldabra kekfwa 10, 12 fwa, so 1 fwa tou le 2an mon al en kou.

        E ki mon konnen i annan bokou Seselwa ki anvi vizit Aldabra e mon konpran, nou sa ki nou’n fer koman SIF nou’n siport Polisi Gouvernman pour met lanvironnman dan lekol montre li koman en size.

        E fer bann manrmay ou tre zenn az komans kontan lanvironnman, e nou ki nou fer nou siport sa 1 fwa par an nou anvoy nou bann zanfan avek zot bann zelev, bann Miss Lekol Aldabra pour 1 semenn.

        Me zot pa zis ganny sa koumsa zot, zot bezwen travay pandan 1 lannen pour zot ganny sa.

        E ozordi sa voyaz i kout apepre R600, 000 SIF e nou pe envestir dan sa bann zenn dimoun.

        E i annan e mon konnen ki al Aldabra o komansman ozordi zot bann Marine Biologist e zot pe travay Sesel.  So i annan en retonbe pozitiv pa tou dimoun ki pour kapab ale, me si ou komans avek en kenzenn dimoun tou le-z-an ki ou anvoy laba e zot fer en karyer dan lanvironnman i pour pli fasil e i pour donn zot plis lanvi pour al lo nou bann lezot Zil Elwanye.

        Akoz i pa tou dimoun ki pour anvi al travay laba, i pa fasil, e mon krwar ki nou bezwen anmenn sa eleman tourism dan devlopman Zil Elwanye.

        Akoz se sa le moter ki ede fer lezot biznes marse, donk pour reponn ou kestyon mon krwar i annan en gran potansyel pour devlop nou bann Zil Elwanye.

        Deplizanpli pour rezon touristik me i bezwen ganny kontrole, pli kontrole si ou le ki par egzanp nou pe fer lo Mahe, lo Praslin, lo La Digue pour le moman.

        Akoz parey ou konnen osi Gouvernman in met en Moratwar lo kantite lotel, nouvo lotel pour fer akoz zot santi ki nou bezwen fer en letid pour nou regarde.

        Me lo bann pti zil nou pa kapab fer sa experiment. Nou bezwen fer sir tel depar nou met nou bann restriksyon akoz i tro frazil, ecosystem i tro frazil.

        Nou bezwen asire ki Sesel ki ou, ou konnen, ki mwan mon konnen i reste egzakteman parey si i pa’n amelyore lo son kote lanvironnman konservasyon dan le fitir olye fer lenvers. Mersi.

MR DEPUTY SPEAKER

Mersi Anbasader Onorab Afif.

HON AHMED AFIF

Mersi Mr Deputy Speaker, bonzour Mr Lalanne mon ti a kontan demann ou si zanmen ou ganny en baton mazik e i dir ou nonm sa 3 premye keksoz pour amelyor sa Lendistri Tourizm, lekel sa 3 premye keksoz ki ou ti pour fer ?

        E mon dezyenm kestyon se ki, si zanmen ou vin en Manm Konsey de Minis Sesel byensir ou pour pran par lo bann desizyon ki pour annan en lanpler Nasyonal.

        Pour ou, nonm mwan 3 keksoz priyoriter pour ou ki ou krwar pei i devret fer pour ki Seselwa dan lakour nou tou ase vit nou tou nou ganny nou en meyer lavi ?  Mersi.

MR DEPUTY SPEAKER

Mersi Onorab. Anbasader.

ANBASADER MAURICE LOUSTAU-LALANNE

Mersi Deputy Speaker ou bann kestyon i tre pertinan so mon pe note ou donn mwan en pti segonn la mon not ankor la ok.  Alor mersi pour ou kestyon Onorab Afif mon premye swe se sa 300 mil touris ki vin Sesel fodre zot depans plis larzan. Sa i premye keksoz ki nou bezwen asire a i arive.

        Akoz pa vo lapenn al rod ankor 200 mil si i per capita touris i kontinyen desann, so mon krwar sa i premye keksoz.

        Ki mannyer nou devret fer zot vin depans plis larzan ?  Dezyenm keksoz mon krwar ki nou prodwir li menm i annan serten defayans. Donk ti a bon ki nou regard sa prodwir touristik dan lasann.

        E son trwazyenm keksoz letan mon dir dan son lasann, son trwazyenm keksoz mon ki nou’n ariv en staz kot parler sekirite ki primordyal dan Lendistri tourizm e stabilite i rennyen toultan.

        Me i annan serten sityasyon ki kree enstabilite en ensekirite pour touris letan zot sirkile lo teritwar e sa fodre nou avoid a tou pri.

        Zot bezwen full time anba sekirite, e mon konnen Minis St Ange in koz lo la resaman e in dir fodre pa ki nou atak touris, fodre pa ki nou vol touris eksetera.

        E sa i pe pran en lot dimansyon pour diferan rezon sosyal mon krwar i pe pran en dimansyon e ki nou bezwen fer sir ki nou mentenir stabilite. So mon ti ava dir plis larzan definitivman e sa nou bezwen kre bann keksoz kot zot fer.

        Nou fer en bon pe keksoz Sesel par egzanp i diferan avek L’ile Maurice kot letan ou al ou vakans ou pa reste dan sa lotel ki ou’n swazir ou bouz bouze.

        Ou al enkou La Digue, ou al en kou Praslin ou pas par isi, ou pas par laba, son deza nou pe fer nou touris sorti dan sa lotel e marse depans son larzan me nou bezwen fer bokou plis.

        Fodre nou konnen osi sa touris ki nou pe anmennen i annan larzan dan son pos pour li depanse letan i vini.

        Donk sa osi fodre nou vwar, so larzan No 1, mon krwar nou bezwen get nou prodwir fer sir nou prodwir i lo standar right across, i annan serten defayans ki antrenn sa sekirite sa touris.

        Bon prezan ou lot kestyon nou pa kapab Onorab ou ava dakor avek mwan permet ki Lendistri Tourizm i konmans bese.

        Akoz si i bese sa ki ou ek mwan nou anvi fer pa pour arive. Donk nou bezwen fer sir dan tou keksoz ki nou fer ki Lendistri Tourizm i kontinyen grow konmdi an Angle ;- akoz si nou pa fer sa lezot pour annan problenm, e pour nou fer sa akse aeryen i byen nou annan diferan dimoun, nou bezwen rod diferan marse parey nou pe fer pour anmenn isi, pour fer sir ki Lendistri Touris ki pour bezwen soutenir nou Lekonomi pour met larzan plis larzan dan pos nou bann Seselwa a lavenir.

        Mon pa vwar en lot keksoz d’autre ki nou kapab fer, nou kapab fer lezot keksoz me sa Lendistri Tourizm i anmenn 300 mil dimoun, e 300 mil dimoun i deza plis ki popilasyon Sesel e li nou bezwen fer li depanse. Donk vwala mannyer mwan mon vwar li Onorab Afif.  Mersi.

MR DEPUTY SPEAKER

Mersi Anbasader, Onorab Churchill Gill.

HON CHURCHILL GILL

Mersi Deputy Chair, bonzour Minis, Minis si ou lapwentman i ganny aprouve ou pour vwar ou avek en responsabilite tre enportan pour Sesel. E sa se Minis Touris e anmenmtan sa portfolio Air Seychelles ki nou aeryen pour tonm anba ou alors ou pe tenir sa aktivite ekonomik pli enportan.

E mon napa okenn dout ki ou pa kapab fer sa e mon’n tann ou koz lo succession planning boner.

        E mwan mon ti a demann ou parmi ou bann priyorite fer ki sa succession planning dan Tourism, dan Airline, annou fer li dan en fason ki apre en serten letan d’ici nou ava vwar zis nou Seselwa ki pe manage sa bann keksoz pour letan aktivite ekonomik pli enportan pour nou pei.

        Apre mon osi mon krwar dan ou lapros kalite prodwir e kalite touris akoz mon santi ki in ler pour nou komans al dan sa direksyon.

        Me selman ler nou pe fer sa nou bezwen revwar nou prodwir parey ou’n dir, me selman nou prodwir la nou pa pe koz zis letablisman akoz sa bann landrwa kot sa bann touris i ale. E sa bann mwayen transpor ki zot servi pour al sa bann landrwa parey koman ekskirsyon, gid ek sekirite ki ou’n nonmen mon krwar sa osi nou devret met ansanm letan nou pe package tou ansanm.

        Me selman letan nou’n fini fer sa i pour anmenn nou lo sa larises ki nou pe rode, me ozordi sa larises ki touris pe anmennen pa bokou nou Seselwa ki dan biznes touris ki pe apresye oubyen ganny en pe sa larises. Nou vwar bato Croisière i vini me selman si nou fer analiz lekel ki pe benefisye avek ?

        Oubyen ki kours dimoun ki pe fer biznes dan touristik ki pe benefisye avek ?

        Nou pour vwar poudir i annan serten kours pa ganny sans ganny en keksoz ladan, so ler nou’n ganny sa distribisyon mon ti a sizere ki ou get tou dimoun dan touristik enkli sa boug ki annan son pti bato pour fer ekskirsyon laba, sa boug ki pe fer son Dive Centre e lezot ankor ki dan sa aktivite.  Sa mon kontribisyon pour ou  Minis.

MR DEPUTY SPEAKER

Mersi Onorab. Yes Anbasader.

ANBASADER MAURICE LOUSTAU-LALANNE

Mersi Deputy Speaker wi mon toutafe dakor avek ou mon partaz sa ki ou’n eksprimen, parey ou’n eksplike mon krwar sa succession planning i tre enportan letan mon ti Chairman Tourism Lakademi infact sa lepok i pa ti apel Tourism Academy.

        Parey ou konnen nou ti pe fer train travayer zis dan Housekeeping, dan F & B apre nou ti fer en pe Gid e nou’n met an plas letan mon ti dan Tourism an 2010 en pe progranm avek Shannon College kot nou pe train at Managerial Level.  E mon kontan pour dir ki Gouvernman in mentenir the side of the bargain i pe donn 15 Scholarship tou le lannen pour bann Etidyan al swiv sa Profesyon a en nivo Management.

        I vre ki letan zot retournen i annan bann issue kot zot antre dan sa bann nouvo lotel me sa i en keksoz priyoriter pour mwan adrese si mon ganny konfirmen.

        Akoz se sa lakle ou vwar ?  E menm si sa travayer Seychellois pa neseserman travay isi pour komanse, ou konpran i kapab travay dan Hilton, mon pa konn Dubai or wherever it is apre i ava retourn isi.

        Donk sa fodre nou regard tre pre parey mon’n dir ou mwan pour donn bokou latansyon sa.

        An sa ki konsern lezot servis ki enpakte Lendistri Tourizm, ou annan parfetman rezon nou pa kapab annan 2 ki lo standar, 3 pa lo standar.

        Tou i bezwen lo standar ou vwar, letan en bato Croisière i vin Sesel i annan li, i bezwen annan li en Lazans bato pour handle li par egzanp, i annan plizyer Lazans bato Sesel.

        Be i pa normal ozordi en Lazans i dir li ok pour mwan resevwar ou bato mon pour sarz ou $1,000.

        Mon donn en legzanp lannen prosenn i vini i sanz Lazans e i dir avek sa Lazans mon oule li pour $500, e sa lot Lazans i donn li pour $500.

        Be nou pa pe fer Tourism la ou konpran ?  Si i ti $1,000 i pa kapab desann $500 be akfer i pe demann $500?

        Be i pe pase sa $500 mon krwar pa i pe apovri nou. So nou bezwen annan en diskisyon avek sa bann Lazans par egzanp sey gete si nou kapab annan en minimum.

        Ok zot bezwen konpetitiv mon pa pe dir nou pour al proteze, zot bezwen konpetitiv me selman fodre ansanm nou met dakor nou pour annan en pri, at least en pri rock bottom aprezan nou pa kapab desann par anba sa pri.

        E nou pa kapab permet sa bann tranzaksyon ki apovri nou finalman. Donk i en legzanp ki pe arive dan nou Lendistri ozordi mersi e vwala.

MR DEPUTY SPEAKER

Mersi Anbasader. Onorab Woodcock.

HON WAVEL WOODCOCK

Bonzour Mr Speaker, Koleg Onorab tou dimoun a lekout dan lakour, bonzour Anbasader mon kestyon i en pti pe lo laliny lo sa ki Onorab Gill in koz lo la en pti pe lo distribisyon larises kot tou dimoun i benefisye.

        Anbasader mon ti a kontan demann ou ki ou lopinyon lo vertical integration ki ozordi i en gro konsern lo bann biznes Sesel sirtou bann pti biznes e mwayen biznes ?

        Zis pour donn en legzanp dan Tourism Industry me sa problenm i osi konsern bann lezot biznes.

        En Lazans Touris ki rod Touris aletranze, ler sa touris i ariv Sesel sa Lazans i own bus shuttle or chauffeur services ki transport sa bann touris, i osi own plizyer lotel ki met sa bann touris ladan.

        E sa menm Lazans i osi annan son prop leisure boat pour anmenn touris lapes ouswa ekskirsyon e an menm tan i osi own en Ferry Services kot i transport touris sorti lo en zil pour al lo en lot zil, sa Lazans i pran tou biznes e tou market e bann lezot biznes, nou bann pti biznes dan Tourism Industry en konparezon parey taxi, leisure boats, ti lotel, Tour Guide eksetera  pa benefisye.

        Si ou vin Minis ki ou panse lo Vertical Integration e ki aksyon ki ou pour pran pour rezourd sa problenm ?  Mersi.

MR DEPUTY SPEAKER

Mersi Onorab. Anbasader.

ANBASADER MAURICE LOUSTAU-LALANNE

Mersi Deputy Speaker, mersi Onorab Woodcock pour ou kestyon e bonzour, eskiz mwan mon pa’n dir bonzour personn i en lapse petet mon anba en pti pe presyon isi anler forgive me.

        Kestyon ki ou poze i en kestyon tre valab, i en kestyon ki mon menm letan mon ti dan Lendistri Touris oparavan nou pa ti permet vertical integration.

        Annefe ti annan en pe dan serten servis me i pa fason ki ou, ou pe dekrir li la bomaten.

        Akoz definitivman i kapab kree problenm e ou pa pour distribye sa larises ou annan parfetman rezon. Me mannyer mon konpran largiman sa bann biznes ki dan tourizm Sesel in avanse se ki zot bezwen kontrol depi komansman ziska finisyon, e se akoz sa zot in demande pour zot integrate vertically setadir donn tou bann servis zot menm alor zot kapab kontrol standar.

        Bon lo kote Taxi par egzanp nou pa’n fer li akoz Taxi mon’n dir i owner- operated e sa i en Polisi ki la depi byen lontan.

        Mwan mon panse ki nou bezwen se pour sa ki mon’n dir taler nou bezwen fer sir ki tou bann dimoun ki pe ofer servis touristik, ou ki dan en biznes servis son standar i merit la.

        Akoz si mwan mon pa vertically integrated mon anvi lwe ou loto oubyen mon anvi lwe ou bato, oubyen mon anvi lwe en Dive Boat mon pour al rode kote standar i annan.

        Me i pa en leskiz pour ou annan sa bann biznes akoz ou oule kontrol tou keksoz. So nou ariv en sityasyon ozordi kot i annan en pe tou lede.

        E mon santi i kapab annan tro vertical integration dan serten ka, me nou pour bezwen regarde e apre i annan lezot keksoz ki vin avek, ou vwar mannyer mon konpran i annan osi sirtou dan kote Maritim i annan bokou defayans dan lwe bato, pour ki bato eksetera, eksetera ki nou pour bezwen osi fer en letid aprofondir regarde e kwa eski ki Gouvernman i gannyen vizavi en lot dimoun ki li i pey son laysenns, i pey son boatmen, son skipper eksetera be i annan serten lot dimoun ki operate atraver en lot kalite sistenm.

        So nou pour bezwen fer en letid detaye pour nou konpran kwa egzakteman ki pe pase.

        So pour finalman reponn ou kestyon, mon krwar ou’n poz en kestyon tre pertinan e nou pour bezwen sertennman regarde ki mannyer, mon pa pe dir nou pour al kas tousala.

        Non se pa sa, nou bezwen fer li dan lord pour nou regarde si nou pour sanze fodre fer sir tou sa bann ki pou vin on board i lo standar, mersi.

MR DEPUTY SPEAKER

Mersi Anbasader. Onorab Aglae.

HON EGBERT AGLAE

Mersi Mr Deputy, bonzour Mr Lalanne, Mr Lalanne boner ou’n fer resorti ler ou ti pe koz kote Por ki i mank sa sinerzi mon kapab dir ant bann akter Seselwa pour antre dan bann biznes pour venture pour met larzan parey ou pe dir.

E mon osi mon santi ki Seselwa parler nou tro lo nivo biznes, nou endividyalis nou napa sa kolaborasyon kolektiv.

        Mon pe fer sa statement baze lo serten keksoz ki pe pase, mon pran en legzanp parey nou koz lo bato Croisière ki vini.

        En bato Croisière pe anmenn li 800 a 1,000 touris petet lo en weekend e ki ler zot pe debarke osi, dan weekend nou konnen laboutik i fermen Anvil preski napa nanryen.

        E mon vwar touris li menm li pe pase Anvil napa nanryen pour li fer, nou anvi zot depanse, nou anvi zot met larzan dan lekonomi pei me selman ou pa pe vwar nanryen.

        Petet ki ou pe santi ou kapab fer pour at least anmenn en platform kot nou kapab vwar sa bann Lazans, Lakonpannyen, bann SMEs, STB, bann Lazans Voyaz mon pe koze ki ler i annan sa bann levennman parey ki Sesel i bezwen benefisye ;-kot sirtou sa car park IDC ki kapab ganny  transformen li menm ki envit bann akter ki annan bann prodwir petet diferan i kapab lakwizin, i kapab craft bann diferan keksoz, lanmizik ki sak manm touris 800 a 1, 000 ki ler i vini pour sa 3 zour zot kapab depans o maximum e Sesel, Seselwa pour benefisye e an gro mo i pour non pour pei. E mon santi ki la parey mon pe dir sa bann, sa platform kolaborasyon i ganny etabli ki manke i pour en plus pour Sesel.

        Zis parey isi dan sa Lasanble nou annan en koabitasyon kot nou fer bann lavansman progre pour pei. Mersi.

MR DEPUTY SPEAKER

Mersi Onorab, yes Anbasader.

ANBASADER MAURICE LOUSTAU-LALANNE

Mersi Deputy Speaker, mersi Onorab ou konnen sa ki enportan pour komans avek mon krwar sa ki nou annan nou bezwen fer avek pour le moman i pa ideal.

        Sa bato kot i ete menm parler i bezwen reste deor, nou bezwen servi bann pti bato pour anmennen, i annan bann bato ki vin zis pour 6 erdtan, 12 erdtan.

        I annan bann bato ki reste detrwa zour parey aktyelman i annan en bato Croisière ki mon krwar i vin tou le 2 semenn, pour detrwa zour pour sa ki nou annan e Por i Por komersyal kot zot vini e i annan en kantite Cargo kot kantite container, kantite ale vini menm son sekirite i vin konplike, ou’n koz lo parking IDC i deor i byen ou pe sey regarde ki mannyer nou kapab move away from sa Por environment kot i tre danzere parler.

        Letan ou melanz debark container, anbark pwason, debark touris, anbark touris anmenn taxi eksetera, melanz tousala ansanm i vin konplike.

        So nou bezwen parey mon’n dir taler grandi sa Por e sey donn nou en landrwa, akoz si Por lapes i egziste ozordi akoz nou’n santi depi plizyer lannen pase aktivite lapes i bezwen en aktivite lo li menm somewhere lo li menm.

        Bon Croisière in pran en pe letan, nou’n annan pirat eksetera in tonbe la i pe repran e Sesel se en destinasyon Maritim.

        E mon krwar in ariv ler osi pour rod en landrwa pour met sa bato Croisière en pe plis an permanans e la nou kapab anmenn sa bann servis met zot la ki nou pa bezwen deplase ale vini.

        So mon krwar sa ki nou annan ozordi nou fer li avek sa ki nou annan e i enportan, pa dir mwan nou pa kapab organize si i en zour serye bann biznes pa kapab vin vann zot keksoz e ki Victoria i reste fermen e ou annan en gro bato Croisière ki la ki pa normal, so sa mon krwar i bann keksoz ki nou kapab aranze.

        Me nou pour bezwen osi get a la venir, dan lavenir pour nou rod en landrwa pli permanan pour nou fer sa aktivite touristik.

        E parey mon pe dir ou mon krwar pour bann bato Croisière ki reste enn de zour a ke i annan lezot keksoz ki nou kapab fer.

        En legzanp se ki pase dan en lotel, ou vwar i annan aktivite ki nou fer dan en lotel aswar, nou kapab osi regarde si nou pa kapab anmenn sa bann aktivite dan sa bato Croisière letan i la lo Por.

        Si i pe vini apre i pe ale nou pa pour kapab fer li, me si i reste detrwa zour kekfwa nou kapab fer keksoz letan nou pe esper nou Por pare en pti pe pli tar ki pour dedye en landrwa en pti pe, en pe pli permanan pour bato Croisière.  Mersi.

 

MR DEPUTY SPEAKER

Mersi Anbasader. Onorab Adelaide.

HON FRANCOIS ADELAIDE

Mersi Mr Deputy bonzour a tous, bonzour Anbasader, Anbasader mwan mon kestyon pour ou se ki si ou ganny mete koman Minis Touris e vi ki ler nou fer promosyon pour bann touris deor, nou dir zot poudir tou lans i piblik, e ler zot ariv isi i annan serten lans ki zot pa kapab ganny akse lo la.

        Ki ou pour fer pour fer sir ki ganny, ki touris i kapab ganny akse lo sa bann lans isi Sesel e petet i annan bann landrwa ki annan rezistans ki ou pour fer koman Minis pour fer sir sa ki nou dir touris i ganny reflekte isi ?

        E dezyenmman bokou larzan ki touris pe depanse isi Sesel i reste deor akoz transfer pricing, ki ou pour fer ou koman Minis pour fer sir ki sa bann larzan i ganny depanse isi Sesel me non pa reste deor aletranze ?  Mersi.

MR DEPUTY SPEAKER

Mersi Onorab.  Anbasader.

ANBASADER MAURICE LOUSTAU-LALANNE

Mersi Deputy Speaker, mersi Onorab bonzour, ou 2 kestyon tre pertinan ki mon napa larepons, definitif pour ou mon krwar lo lans prive i pa en keksoz ki egziste Sesel parey ou’n dir, me mwan mon, ki mannyer, mon kontan toultan annan en dyalog avek en dimoun ou konpran, fodre koz ek dimoun par-ler letan ou pa koze kekfwa ou pa kapab eksplike e ou pa kapab tir serten persepsyon.

        E nou bezwen revwar akoz lalwa i kler e enn de ka resaman mon’n vwar par egzanp si nou pran sa lotel ant Fisherman’s Cove avek Berjaya ki’n fer. Letan nou’n fer, nou ti donn son approval en pe letan pase nou ti ensiste ki sa devloper i fer en parking, i fer en access pyeton day and night ek lalimyer pour li nobou kapab ariv lo lans.

        So la en legzanp kot letan ou dyaloge ou dir akoz kiltirelman nou tou Seselwa nou kontan al lo lans konmela menm dan weekday nou ale, aswar nou ale, weekend sertennman nou ale.

        Nou pa kapab aret sa nou bezwen o kontrer fer sir ki nou kontinyen enjoy e nou bezwen asize koz ek sa bann dimoun pour zot konpran, i annan serten i konpran pli vit i annan d’autre i pran en pe plis letan.

        Lo bann zil par egzanp ou vwar, i annan menm serten zil ki propriyeter i Seselwa ki met serten difikilte, donk nou kapab met en prosedir pour fer sir ki tou dimoun i kapab al vizit sa bann zil, napa nanryen pour kasyet lo sa bann zil, donk i enportan pour nou permet en prosedir so tou dimoun i konnen ki fodre i fer pour li aksede.

        E parler nou, nou pa al zis lo en lans nou, nou ti a kontan al mars dan bwa, ou vwar sa osi i en aktivite touristik ki kapab anmenn larzan.

        Ou vwar si ou oule al mars dan bwa, mon pa konnen mwan lo Silhouette ki mannyer ou fer ?  I en kestyon nou poze e fodre ki dimoun i kapab ale mars dan bwa lo Silhouette si zot anvi marse.

        Nou ava rod sa prosedir nou ava dir dimoun ki mannyer pour fer, so pour reponn sa kestyon, mon dir fodre nou kontinyen dyaloge.

        Nou bezwen koz ek dimoun fer dimoun konpran akoz nou pe demann en serten keksoz.

        Me apre osi i annan en konportman, ou konpran nou al lo lans, nou pa al lo lans pour al fer disco ou konpran akoz ou kapab disturb dimoun osi ou konpran.

        So i annan tou sa bann eleman nou bezwen dyaloge pour nou ariv lo en konsansis, bon transfer pricing in egziste toultan li ou konpran, i konplike tou destinasyon touristik, tou pei ki a vokasyon touristik ki ladan i annan sa problenm, mon konnen ki Minis St Ange in fer en deklarasyon resaman lo ki mannyer i pour demann sa bann Konpannyen lotel sirtou avek Kapital etranze pour fer sir ki sa larzan i antre dan nou sistenm banker olye ki i reste deor.

        So mon pour bezwen etidye sa pour mon vwar ki mannyer nou pour kapab fer sir ki sa larzan efektivman i tranzit atraver Sesel.

        I annan tou sort fason ki zot fer ou konpran, i annan sa bann dimoun zot anploy en kantite avoka, en kantite Accountant zis pour fer sa.

        So letan ou, ou lev-e ou’n find out ki zot in fer, be zot pe fer li pandan plizyer lannen ou ganny mwan, akoz letan ou pour sey aranz en kou i pour deranz en lot fason.

        Mon donn ou mon langazman ki mon pour sertennman regard sa e ki mannyer nou kapab fer le maximum mon napa son solisyon pour le moman.  Mersi Onorab.

MR DEPUTY SPEAKER

Mersi Anbasader. Onorab Simon Gill.

HON SIMON GILL

Mersi Mr Deputy Speaker, bonzour tou bann Koleg Onorab, bonzour tou manm piblik mon kestyon pour Anbasader ki avek nou ozordi.

        Mon dan mon mazinasyon ozordi mon pe mazinen ou ava pran sa portfey ki Minis St Ange dan en fason tre onore in kite.

        Nou’n tonm dakor isi anndan ki si ou al ladan i en domenn tre challenging espesyalman kot i konsern sa Lalyans Sesel, Air Seychelles avek Etihad.

        An swivan kestyon ki Onorab Ferrari in poze mon annan en lentere partikilye ladan mon, mon pe oule ki ou dir nou baze lo sa kantite leksperyans ki ou annan, eski Air Seychelles dan sa konzwentir Nasyonal, enternasyonal letan i konsern Lavyasyon e touris, eski koman en Airline li tousel i kapab re retournen probableman dan sa new vision ki ou ava annan pour nou Lavyasyon.

        Eski ou santi i kapab retournen ?  Or ou krwar poudir sa direksyon ki lemonn pe ale ozordi, dinamik dan biznes, dan Lekonomi dan sa lentegrasyon lemonn, ou krwar poudir sa i en formil ki rezonnab e ki probableman i en privilez ki Air Seychelles in kapab ganny en partner ki privilezye pour kapab ed nou fer en lavansman e en perse bokou pli vit ki nou ti a kapab pe imazinen si zanmen nou ti reste nou tousel.

        E si nou pour retourn nou tousel, eski sa lavantaz donnen ankor enn fwa sityasyon pour egziste ?  Sa i mon premye kestyon.

        Dezyenm kestyon mon ti ava kontan ou re definir avek nou mon pa’n ganny li byen, oubyen mon pa’n konpran ki ou’n dir byen keksoz.

        Re definir si ou antre la mon krwar ou’n ganny en koze avek nou Prezidan Mr Faure, ou’n bezwen kapab e-tal en vizyon ki pour sa Minister mon pe mazinen pour al ladan.

        Or probableman ou pe mazinen pour annan en re shuffle ou pa tro, tro sir si ou pour al laba ?

        Me si dizon ou al laba mon pe mazinen ki ou’n deza e-tal en vizyon pour sa Sekter, plizyer Sekter ek par anba ou.

        E 3enm eleman ki mon krwar i tre, tre enportan mon ti ava voudre ki Sesel e Seselwa i vwar sa Lendistri Tourizm la, tou sa larzan ki i zenere ladan la parey in ganny dir, e parey ou’n dir nou ou napa larepons e mwan mon ti a voudre ou dir nou ou annan en larepons e ou ava al travay lo la, e avek tou bann partner ki antre en jeu dan sa Lendistri la ki tou sa penny ki lezitim-an i devret pour Sesel pour Seselwa la i antre dan kof Sesel.

        E ki Seselwa ki benefisye atraver sa prensip redistribisyon larises, tro souvan ou ava demann mon koleg lo lot latab laba mon Koleg Onorab Afif i pour dir ou i annan en poursantaz konsiderab reveni Sesel ki zenere atraver Lendistri Tourizm pa rantre dan nou sistenm Banker.

        So the challenge is ki mannyer dan your new vision nou kapab garanti ki nou rann Cesar sa ki apartyen a Cesar.  Mersi bokou.

MR DEPUTY SPEAKER

Mersi Onorab. Anbasader.

ANBASADER MAURICE LOUSTAU-LALANNE

Mersi Deputy Speaker, mersi Onorab Gill lo premye kestyon parey mon’n fer alizyon taler Air Seychelles pa pour kapab reste vivan li tousel, si nou tir Etihad menm si ti en lot Konpannyen avek nou ankor enn de lannen definitivman i pa pour egziste e sa nou pa kapab permet, nou pa kapab permet akoz si nou dan Lendistri Tourizm Air Seychelles i primordyal i Kapital.

        Donk nou bezwen rod the best solutions ki egziste ozordi, e parey mon’n dir ou sa solisyon la pour mwan is the best solution and it arrived at the right time si non lontan nou’n ti’n frenm sa Konpannyen.

        Alor lezot Lakonpannyen aeryen osi akoz me li osi Etihad i pe sey rod bann lavantaz ki i kapab gannyen avek lezot Konpannyen, bann lezot gran Konpannyen.

        I annan aksyon Jet Airways dan Air Berlin, dan Air Serbia, The Virgin Australia plizyer, akoz i vwar i annan en loportinite stratezik pour li osi grandi.

        E letan ou regard the business model Etihad pour le moman i pe fer en serten kantite benefis atraver sa bann lalyans ou ava dir mwan wi.

        Be Emirates li i napa Lalyans me selman i ankor pe fer tre byen, i Konpannyen ki fly plis destinasyon dan lemonn.

        Wi i vre, me pour rezon ki nou lo nou menm pandan detrwa an nou riske pa egziste akoz nou pos i pa tro fon – nou napa en kantite larzan sa pos, tandis ki laba zot annan en bon pe larzan dan zot pos e zot kapab tanpere bann moman ekonomikman difisil ki nou, nou napa sa fleksibilite.

        Menm sa posibilite pour nou tanper detrwa mwan kekfwa. Alor se sa la realite, e mwan mon pa ti a zanmen anvizaze ki nou kas sa Partenarya pour le moman sertennman.

        Bon vizyon nou bezwen fer sir ki Minister Tourizm, Transpor, Lavyasyon Sivil avek Por i premye Minister dan parmi tou bann Minister.

        Se sa vizyon nou bezwen fer sir ki i amelyore, sa travay ki Minis St Ange in fer i enorm e nou bezwen fer sir ki nou kapab kontinyen avek sa lelan akoz pour annan en krwasans lo tourizm 10, 12 poursan lannen lo lannen.

        I en keksoz ki pa bokou pei dan lemonn i nobou achieve, ok ou kapab dir akoz i dan en small amount but that’s neither here and all there.

        Lenportans se ki i pozitiv, alor mwan mon vizyon se ki nou pa regrese, nou pa kapab afford regrese.

        E nou bezwen toultan an kominikasyon konstan avek tou nou Partner, bokou nou Partner i Sekter Prive, nou bezwen angaze avek Sekter Prive toulezour pour nou konpran ki pe pase, antisip keksoz ki kapab komans glise pour nou annan bann stratezi ki nou pour korize e nou bezwen koriz vitman.

        Donk ek sa zafer antre, sorti reste deor parey ou’n dir mon dakor avek ou, fodre nou sey rod son solisyon optimal, me i pour tre, tre difisil pour nou fer li.

        Me mon krwar se lobzektif Gouvernman pour nou fer sir we get our fair share, nou pa pour kapab ganny tou akoz se pa koumsa ki Lendistri i ganny striktire me nou bezwen ganny plis ki nou pe gannyen.

        Akoz mwan osi mon dakor ek ou si 300 mil touris i anmenn nou $400 milyon i pa ase, akoz 150, 000 touris ti pe anmenn nou $350 milyon, ou ganny mwan ?

        Somewhere along the line nou annan en problenm. So nou bezwen fokaliz lo li e regarde kwa ki nou kapab fer lo sa larzan tranzit dan nou kont isi Sesel.  Mersi.

MR DEPUTY SPEAKER

Mersi Anbasader. Onorab Ramkalawan.

HON WAVEL RAMKALAWAN

Mersi bokou Mr Deputy, welcome ankor Mr Lalanne.  Vi ki Mr Lalanne ou’n dan Gouvernman en bon pe letan e mon rapel letan Lasanble ti pe, bann zafer Broadcasting ki nou ti ganny en dyalog ansanm. Parske mon ti santi i unfair pour aret sa Broadcast lo SBC e se ou ki ti Chairman Board SBC, vi ki ou’n lo Chairman Board SBC ou’n PS dan bann diferan landrwa- e pandan bokou letan Gouvernman in pratik viktimizasyon politik, in annan bann zafer Security Clearance, diskriminasyon SBC pa’n kapab vreman fulfill son misyon pour li provide the divergent views. E in bezwen annan e la nou pe al ankor enn fwa sa lannen regard misyon SBC, alor mon anvi demann ou vi ki tou sa bann zafer in arive lo kote politik.

        Eski ozordi ou pe konsider sa demann pour ou vin Minis koman en lapwentman politik ?

        E si demen Prezidan i demann ou pour vin en Manm son Komite Santral Parti Lepep e pour ou ansarz en distrik ki pour ou larepons ?  Parske rezon ki ou la en Minis in demisyonen li i ti dir avek nou ki partou kote i ti met lenz blan me selman apre i ti rantre dan politik dan en fason for, i ti menm partisip dan bann kanpanny.

        Dezyenmman kont nou, dezyenmman Air Seychelles, ozordi apre sa Partnership ki Air Seychelles in annan avek Etihad nou vwar ki an 2012 ki Gouvernman ti donn li en sibvansyon 165 milyon.

        An 2013 58 milyon, an 2014 52 milyon, an 2017 la dan sa Bidze ki nou pe regarde i annan 16 milyon en total 291milyon  ki tonm anviron $21 milyon.

        Alors eski vreman Air Seychelles in nobou bat son lezel byen, oubyen eski i ankor pe depann for lo sibvansyon e dan sa menm laliny ki ou annan pour ou dir lo disparite ki mannyer ou kapab ede, disparite ant lapey bann pilot Seselwa ek bann pilot etranze ? Pe koz lo open skies – akoz zot pa pe envit bann lezot Airlines parey British Airways, Air France pour vini e menm lo nou nivo domestik pour kapab annan en pe plis konpetisyon.

        Akoz ozordi sorry pour touse me sa Seselwa li i nepli annan priyorite sa dimoun ki pe mont Praslin pe desann Mahe i nepli annan priyorite e i soufer en kantite. Dan mon bann dernyen morso, ou konnen mon soke pour vwar, i mean lo, ki ou sipoze vin nouvo Minis, ou sipoze vin nouvo Minis Tourizm e mon vwar sa lo en Lartik ki’n ekrir par en serten Mr Wolfgang .

        E mon konnen ki poudir ki Mr Alain St Ange i ti annan gran kontak avek sa Mr Wolfgang e mon soke osi pour vwar menm ekstre son let demisyon.

        E dan sa Lartik ki pe fer letour enternasyonal mon pe anvi demann ou en pe sa relasyon.

        Ki mannyer, konmsi si vre ou vin Minis Touris an relasyon avek sa eTurboNews akoz in annan bann parol pran cheque anba latab konmsi ki mannyer ou pe vwar sa ?

        E finalman eski ou kapab dir avek nou vi ki ou en dimoun ki enterese dan lanvironnman, bann proze lotel dan bann landrwa sansib par egzanp Grand Police, lo Ile Platte, enn de sa bann landrwa sansib.

        Espesyalman lo Mahe mon pe koz lo la, Cap Ternay anfen in nobou sey negosye, ki pour ou pwennvi pour nou kapab an menm tan osi prezerv sa Sesel e non pa zis fer li vin en landrwa kot touris.

E dan sa konteks osi Karnival enternasyonal donn nou ou lopinyon lo la silvouple.  Mersi bokou.

MR DEPUTY SPEAKER

Mersi Onorab Ramkalawan, Mr Anbasader.

ANBASADER MAURICE LOUSTAU-LALANNE

Mersi Deputy Speaker, mersi pour ou kestyon Leader Lopozisyon e bonzour, mon note i annan 6 kestyon ou’n demann mwan Onorab Ramkalawan.

        Bon lo premye kestyon mon napa okenn lapartenans politik, mon napa okenn Kart Membership oubyen okenn parti politik so lala mon larepons pour No.1 ki vedir ki mwan mon pa pe vin la lo en tiket politik.

        Ou dezyenm kestyon letan sa deal avek Etihad ti ganny negosye Air Seychelles sa lepok ti annan li en gro pert.

        E Etihad pa ti oule ki li i get involve avek sa pert so i ti dir nou i pour komans lo zero nou a met $25 milyon dan sa nouvo deal nou a ganny 40 poursan.

        Me Gouvernman Air Seychelles li i take care avek sa pert ki ti egziste letan nou ti pe negosye e prezan peyman pour sa bann larzan ki nou ti drwa in ganny fer o-fir e a mezir e se pour kwa mon krwar si ou ava regard sa bann sonm se bann larzan ki Gouvernman in bezwen peye pour ofir e a mezir pour clear sa bann arrears ki Air Seychelles ti annan at that time ki nou ti sinyen avek Etihad.

        Bon lo ou trwazyenm kestyon mon krwar si nou annan en open sky lo plan enternasyonal e menm avek nou bann Lakor Aeryen ki nou annan Air France demen si i oule vin Sesel i kapab vin Sesel i pa en problenm.

        Akoz nou, nou al Paris par egzanp, 3 fwa lasemenn mon krwar oubyen 4 fwa lasemenn, Air France i kapab vini i pa en problenm sa, British Airways osi menm zafer.

        So zot tou zot kapab vini i pa demann plis, ki zot enform nou apepre 6 mwan akoz i annan en nespes Kalandriye ki zot servi enform nou zot pe vini akoz zot kapab vini napa okenn lobstak ki anpes zot vini.

        Lo plan domestik mon rapel a en moman donnen ti annan en group dimoun ki ti enterese pour fer en Konpani Aeryen lokal, me li i ti oule fer plito bann Vols Découverte, bann scenic flights pa telman bann flight Mahe, Praslin pour compete avek Air Seychelles.

        So sa mon konnen set en dossier ki la anba konsiderasyon e mon pa konnen son letan lavansman me i annan en demann par bann Pilot Seselwa ki anvi kre sa Lakonpanni Aeryen pour zot nobou fer bann vol scenic otour Mahe, Praslin, La Digue and so on.

        Kekfwa sa i ava en premye pa pour kekfwa pli tar regarde si zot oule al lo Praslin pour compete avek Air Seychelles and so on, so sa i annan en Konpani Lokal ki anvi fer sa.

        So No.4 sa Mr Wolfgang ek eTurboNews mon pa tro, tro konn konteni sa zafer ki’n sorti mon pa ni subscribe lo la.

        Selman sa ki mon kapab dir ou se ki letan mon ti dan Tourism e mon ti sorti koman Chairman an 2010 sa Wolfgang la i ti ekrir en Lartik lo mwan li. En move Lartik se tou ki mon rapel avek sa Wolfgang la, mon pa rapel ankor mwan.

        Hotels bann proze lotel ou konnen i regretab parfwa ki nou annan Lalwa nou pa vreman enplimant li a 100 poursan, so i tre enportan la ankor mon re vin lo sa zafer dyalog, ou bezwen diskite avek en envestiser letan i vin Sesel.

        I annan serten keksoz i kapab fer, i annan serten keksoz i pa kapab fer alor ou bezwen gid li in the right direction.

        Ou pa kapab fer en promes apre nou rod fason pour nou accomodate ou vwar, e parler Minister Lanvironnman i trouv li dan bann sityasyon difisil.

        I vre osi ou kapab dir ki tou keksoz ou kapab fer e mitigate, ou vwar ou deranz lanvironnman natirel atraver en proze apre ou kapab mitigate e dan 3, 4an i vin pli zoli ki i ti ete avan.

        Zoli se le mo me i pa dan le menm dinamik lanvironnmantal ki i ti ete ou ganny mwan ?  I annan bokou lotel zot fer bann zoli zarden zot met bokou fler, palm sepa ki si sa be i pa ti sa avan.

        E nou, nou pe sey prezerv sa biodiversite ki ti la e mon krwar ki nou merit regard sa, se sa ki nou pe sey prezerve.

        E zot bezwen osi konpran si nou dir zot ok, la ou kapab fer en keksoz, la ou pa kapab fer en keksoz and we have to be resolute about it and clear. Alor mwan mon bezwen dir ou ki mon pour port bokou latansyon lo la mon, parey ou’n dir mon en Conservationist at heart malerezman bokou nou landrwa in ganny spoilt.

        I’ll go as far as saying Beau Vallon annou get li koman en legzanp lepase, fotespere mon pa vwar en Beau Vallon Anse Royale, fotespere mon pa vwar en Beau Vallon Anse la Mouche or whatever it is.

        E nou bezwen anpese sa, maybe we say we got it wrong Beau Vallon, ok let’s make sure we don’t do it again e se sa mon ti pe dir pli boner.

        Pour nou ganny en pe plis larzan nou bezwen selective dan sa ki nou fer, dan sa ki nou ofer, i pa kapab vin parey en lot destinasyon.

        Ou’n koz ek mwan, e kestyon ou’n poz mwan se lo Karnival. Wi mwan mon ti en pe enplike dan bann zafer Festival Kreol letan ti fek lanse. Apre Festival Kreol to a certain extent in ganny mentenir me in perdi en pe son lanpler e mon krwar Karnaval in pran le devan Festival Kreol.

        Mon konpran lentansyon deryer fer sa Karnaval, me sa ki enportan se fer sir ki nou kapab ankor kontabiliz regarde si vreman nou ganny en return lo la oubyen non. Mon konnen ki Minis St Ange in toultan atas bokou lenportans lo fer bann Zournalis pour kouver sa Karnaval e in annan bokou Zournalis diferan medya dan diferan pei in vini i vin kouver sa e in ganny re transmet dan sa bann pei nou bann marse emeter.

        Nou bezwen regarde eski bokou dimoun in vin isi akoz Karnaval, zot in vwar Karnaval lo en televizyon e sa osi nou kapab mezire sa.

        Ou vwar i annan bann bwat letid ki fer i kapab mezire, selman mon ti a kontan regarde efektivman me Karnaval in annan son rol in anmenn en kantite Zournalis spesyalize pour sa.

        E nou’n ganny sa bann retonbe konbyen in kout nou mon pa konnen me nou bezwen fer sir ki nou regarde si vreman in anmenn 5, 000 touris an plis, 10, 000 touris an plis, 200, 000 touris an plis ?

        Sa i en keksoz ki nou pour bezwen fer, so mon ava aret la Onorab Ramkalawan si ou permet mwan.  Mersi.

MR DEPUTY SPEAKER

Onorab Vitman.

HON WAVEL RAMKALAWAN

Mersi bokou pour larepons Mr Lalanne i annan en pti kestyon lo disparite ant lapey bann pilot Seselwa avek bann pilot etranze.

        E apre ou premye larepons ou napa en kart politik mon krwar set en larepons tre Diplomatik mon konnen ou en Lanbasader alors la diplomasi i enn ou forte.

        Me mwan mon ti ava kontan en larepons pli direk si Prezidan i demann ou pour vin ansarz en distrik koman son Manm Komite Santral, koman en Politisyen, eski ou pour pran sa responsabilite wi oubyen non ?

MR DEPUTY SPEAKER

Yes Anbasader. Yes.

ANBASADER MAURICE LOUSTAU-LALANNE

Mersi Mr Deputy Speaker, les mon a pran Pilot avan, wi pandan plizyer lannen in annan sa disparite me parey ou konnen resaman Air Seychelles in pe pey son bann Pilot lo baz enternasyonal.

        In annan en revizyon saler pour bann pilot, e tou bann pilot ki pe anvole avek Air Seychelles ozordi a la fwa lo plan enternasyonal e lo plan domestik zot in ganny en logmantasyon saler ki met zot lo en nivo enternasyonal e sa in kout Konpannyen en sonm larzan ki ti’n ganny Bidzete me mon krwar ki sa anomaly si i ankor annan i minim olye ki ti annan sa gran disparite parey ou’n eksplike pli boner.

        E mon santi o-fir e amezir Air Seychelles i vin pli anpli for finansyelman eksetera i ava kapab regarde osi bann saler dan lezot domenn.

        Akoz Air Seychelles i annan plizyer domenn ki i operate ladan me sertennman pour pilot sa in ganny rektifye.

        Bon sa kestyon ki ou’n poz mwan Onorab Ramkalawan Prezidan pa ankor poz mwan sa kestyon.

        So kekfwa ti a bon mon les li poz mwan sa kestyon apre mon a reponn li, me parey mon’n dir ou mwan mon napa okenn lentansyon politik.

        Me si ou dir mwan reponn wi oubyen non, mon pour bezwen dir ou non.

MR DEPUTY SPEAKER

Mersi, Anbasader Loustau- Lalanne, bon nou ti a kontan remersye Anbasader Loustau- Lalanne pour partaz sa moman avek nou, pour partaz en pti pe son leksperyans tre ris e osi tou son vizyon pour lavenir Lendistri Tourizm Sesel an menm tan en pti pe avek proteksyon lanvironnman.

        Mr Anbasader nou ava prezan eskiz ou parmi nou e Lasanble pour retournen pour fer en pti deba lo ou apwentman e mon dir si, mon dir si Lasanble i aprouv ou nominasyon mon pran sa lokazyon akoz mon pa pour vwar ou direkteman apre pour swet ou tou de bon, bonn sans dan ou parkour, bonn sans dan ou responsabilite ki ou pour gannyen.  Mersi Anbasader Loustau-Lalanne.

ANBASADER MAURICE LOUSTAU-LALANNE

Wi mersi bokou Mr Deputy Speaker e mersi bokou tou Manm Lasanble pour zot bann kestyon e fotespere mon’n nobou donn zot bann larepons ki’n satisfer zot.  Mersi bokou.

MR MAURICE LOUSTAU-LALANNE WAS EXCUSED FROM THE HOUSE

 

MR DEPUTY SPEAKER

Mersi, bon nou ava rekonstitye nou koman en Lasanble mon a demann en Mosyon lo floor pour… Yes Onorab.

MR DEPUTY SPEAKER

Ok bon nou rekonstitye nou koman en Lasanble.

        Bon nou’n fini fer sa deba, sa enteraksyon avek Anbasader Loustau-Lalanne Mosyon i devan nou, eski nou pour annan okenn deba adisyonnel oubyen si sa 2 Leader i oule fer en pti statement mon kapab donn zot la parol apre nou ava pran en vot . le 2 Onorab. Onorab De Commarmond.

HON CHARLES DE COMMARMOND

Mr Deputy Speaker mwan mon’n swiv deba la, mon’n swiv sa ki nou’n interview plito kestyon avek Anbasader e mon’n enpresyonnen.

        Mon’n enpresyonnen Anbasader Loustau-Lalanne, c’est un homme avek  gran kalite, un homme avek gran konesans e leksperyans, e  avek en gran vizyon mon kapab dir, ler ou get son CV ou vwar sa parkour ki in pase, sa pasyon ki i annan pour lanvironnman, proteksyon lanvironnman, konservasyon lanvironnman i dan son leker.

        E atraver bann larepons la mon en nouvo dimansyon kot i konsern nou Lendistri Tourizm e d’autre.

        Mon dir Lendistri Tourizm, mon a dir akoz apre, e koman en Manm Cabinet si nou aprouv li koman Minis son kandidatir la mon krwar i pour ed Cabinet bokou.

        I pour ed Prezidan Faure dan son demars pour fer en Sesel meyer, en Sesel pour kapab, si i annan serten keksoz kot nou al en pe mal.

        Mon vin fran la, si i annan keksoz ki pa’n mars byen, enn de pwen ki’n ganny lev-e, mon annan konfyans ki Anbasader Loustau-Lalanne i pour ede remet keksoz an perspektiv.

        En lot keksoz mon’n enpresyonnen avek son konesans dan Lavyasyon Sivil, dan Tourism e dan Por konmsi, avek Medya tou sa, dan lavi Diplomasi.

        Mon get son kalite larepons konmsi tou sa i bann kalite eksepsyonnel ki mon vwar Anbasader Loustau- Lalanne i annan e ki sa i pour fer li si oule dir in en bon Minis, en bon Manm Cabinet.  Ou vwar en lot keksoz se sa konesans en son fransiz, c’est un homme fran.

        Un homme fran akoz i pare pour dir nenport kwa li, e nou, nou konn li dan lavi normal, bann nou ki’n relate avek li, ki’n koz avek li, nou konnen set en dimoun ki i pa ni kanmi, i pa ni kasyet pour dir ou sa ki fodre dir.

        Mon pa pour al an plis me sa fransiz i enportan, enportan set akoz avek fransiz ki ou kapab fer keksoz osi bouze e marse e i annan sa kalite avek li.

        An menm tan ek sa bann kalite ki kekfwa lezot dimoun napa, ler ou annan la franchise e la diplomasi ansanm.

        E mon vwar i pour, in dir li menm li i kapab, in dir fodre nou koze pour fer byen konpran e mwan mon konvenki ki i pour kapab koze avek bann dimoun ki pour dan son lantouraz – bann stakeholders pour fer konpran, a set en garson, set en zonm avek en gran vizyon Mr Deputy Speaker, en gran vizyon pour son pep en, en gran vizyon akoz dan son larepons ou trouve konmsi i pe mazin Seselwa, i pe mazin son pep.  Pour mwan mon kontan sa, mon kontan sa e i pe mazinen ki mannyer dan sa nouvo parkour si i ganny en responsabilite Ministeryel – ki mannyer dan sa ki i pour fer i pour fer sir i enkli pep Seselwa, i enkli devlopman lepanouisman, partisipasyon pep Seselwa ladan pour fer ki pep Seselwa i vin pli byen.

        I gannyen dan whatever ki pour annan devan li e ki i take ownership.  Sa i en keksoz fantastik in mansyonnen sa. Ki Seselwa i take ownership sa devlopman ki annan devan li, pour mwan sa se bann kalite, bann vizyon enportan, bann pwen enportan e ki mon konnen, mon konnen ki nou Prezidan, Prezidan Faure i partaz sa bann kalite, sa bann vizyon ki Anbasader Loustau- Lalanne i annan.

        E dan sa kapasite koumsa mon vwar poudir i pour fer en tre, tre bon Minis san ki mon ponp li tro bokou.

        E atraver sa, atraver son bann larepons pour fini mon vwar poudir i pa zis en Minis Zeneral akoz la nou pe met li koman si nou aprouv son kandidatir nou pe dir li vin en Minis dan Cabinet.

        E mwan mon pour vwar plis ki en Minis, i vin en Minis en partikilye, mon krwar i pour fer tre, tre byen dan domenn Tourizm Lavyasyon Sivil, Por, Lanvironnman dan sa bann domenn koumsa mon vwar li pli doue ladan e alor whatever ki i vini i pour kapab ed Cabinet dan lezot aspe son konesans, son leksperyans, son kalite ki i annan, i kapab ed Cabinet pour fer. Pour ki nou pei i ganny li en pli bon Cabinet of Ministers pour kapab anmenn nou pei dan direksyon e dan nivo ki nou Lasanble ti ava annan.

        E mwan mon krwar dan sa kapabilite koumsa nou pour annan nou en bon Minis, mon ti ava demann nou Lasanble pour dan son totalite siport kandidatir Anbasader Loustau- Lalanne pour vin en Minis Gouvernman Parti Lepep, Gouvernman Mr Faure, Prezidan Faure.  Mersi bokou Mr Deputy.

MR DEPUTY SPEAKER

Mersi Onorab De Commarmond, Onorab Ramkalawan.

HON WAVEL RAMKALAWAN

Mersi bokou Mr Deputy Speaker, Mr Deputy Speaker i napa okenn dout ki Anbasader Loustau-Lalanne i en dimoun avek konesans, i en dimoun ki annan kapabilite e ki in servi pei avek pei dan bann diferan domenn e in sey fer son travay dan pli bon posibilite ki li in kapab fer li.

        Alors lo kote son abilite, mon krwar personn i devret annan okenn dout, mwan osi tou mon’n apresye serten son bann larepons ki’n donnen.

        E nou’n fer kler depi ler nou’n pas sa dernyen batch Minis ki poudir lo nou kote dan LDS nou annan en prensip kler ki nou’n met devan e se pour sa rezon mon’n ensiste avek li pour reponn lo sa kote politik.

        E mon krwar ki son larepons i satisfezan ki poudir i pa pe vin fer politik e i napa lanbisyon politik.

        E mon ti ava mazinen ki si i ti annan lanbisyon politik depi lontan i ti ava’n vin koman en card-carrying member Parti Lepep.

        I ti ava vin devan lo stage ensidswit, so lo sa bann kote nou napa okenn problenm.

        Mon krwar osi ki ozordi vi ki Mr Alain St Ange in sorti koman Minis, mon krwar ki sa i donn nou en sans osi pour nou regard osi lo sa kote Minis.

        E mon kontan letan Onorab De Commarmond in dir mazin son pep parske mon krwar sa Minis ki’n sorti in annan tro sa eleman li, pour promot son lekor.  E mwan mon pe demande ki bann Minis, bann dimoun ki pran bann pozisyon enportan zot aret mazin zis zot lekor.

        Zot aret mazin promot zot lekor, me mazinen ki mannyer pour promot lentere sa pep, la par egzanp sa demisyon.

        En demisyon ki al tou anver promot ou lekor, mon pe demisyonen mon pe kit sa pozisyon pour mwan kapab al fer laplikasyon pour mwan kapab al pran en nouvo pozisyon lo nivo enternasyonal.

        Mon krwar ki i enportan en kantite pour nou al dan sa direksyon, pour ki finalman pour ki nou pei i antoure avek bann dimoun ki selfless, bann dimoun ki pe regarde ki mannyer pour balans keksoz.

 E se pour sa rezon ki parey mon’n mansyonnen an tou, i mean tou bann detay i dan en Lartik enternasyonal e la mon bezwen dir osi.

        Parske nou pe koz en pe lo sa zafer Tourizm, dan sa Lasanble mon pa rapel a okenn moman depi ki no pe diskit lo Bidze kot i annan okenn nou nou’n fer komanter lo Karnival Enternasyonal me poudir avek nou mazorite ki nou annan ki Karnival fodre cancel, me se sa ki’n ganny transmet deor ki poudir ki i annan serten nouvo Politisyen ki pe rod cancel Karnival ki pe rod isi, ki pe rod laba, e tousala sete an preparasyon konmsi parey Franse i dir après moi le déluge.

E fodre pa ki nou annan sa latitid ki poudir letan nou, nou ale apre sa tou keksoz pour fini, me non, mwan mon krwar ki poudir Lendistri Tourizm i nou Lendistri prensipal.

Sa dimoun ki ava pran sa Minister, i ava fer, i ava anmenn son input ladan e en Minis i ale i pa pour retir labote Sesel.

Marketing i annan nouvo fason fer marketing tou sa bann keksoz i pour kontinyen e nou pei pour kontinyen bouze.

E alor avek sa detrwa parol mon ti ava swete ki Anbasader Loustau-Lalanne i vin enn sa bann dimoun ki pran son travay dan en fason konsyansye.

E nou nou’n dir lo nou kote ki nou pa pour blok son lapwentman nou pour les li vin, nou pour les li ganny apwente koman Minis dan Gouvernman Mr Faure e mon swete ki i ava en Manm ki ava fer son kontribisyon e i en lapwentman, i en lapwentman pour li form parti Egzekitiv alors nou lo nou kote nou pour parey nou fer dan Bidze nou pa pe bloke, parey nou fer dan Bidze i annan serten keksoz ki nou kapab annan serten kestyon, nou kapab annan serten dout e alor nou santi ki pour dan lentere Nasyonal i pour enportan pour li vin Minis.

E alor mwan lo kote LDS akoz mon konnen ki poudir sa vot pour pase, mon ti ava kontan swet Anbasader Loustau-Lalanne nou felisitasyon koman en nouvo Minis dan Gouvernman du jours.

E mon espere ki avek Lasanble Nasyonal i ava annan en bon rapor e definitivman kot fodre kestyon li nou pour kestyon li.

Kot fodre kritike nou pour kritike e alor nou ava donn zot lo kote Parti Lepep sa privilez pour zot apwent Mr Loustau-Lalanne koman nouvo Minis dan Gouvernman Mr Faure.  Mersi Mr Speaker.

MR DEPUTY SPEAKER

Mersi Onorab Ramkalawan, bon in ariv ler pour nou pran en vot lo nominasyon Anbasader Loustau-Lalanne pour Minis.  Mon ava demann n ou pran en vot.  E all in favor   lev lanmen? Ok anyone against?  Okenn Manm ki kont, napa, Madanm Clerk ou a donn rezilta.

MADAM CLERK

Mersi Mr Deputy Speaker, mon rikord 14 Manm ki’n vot an faver sa Mosyon e person pa’n vot kont.  Mersi.

MR DEPUTY SPEAKER

Bon savedir ki Lasanble Nasyonal in aprouv nominasyon Anbasader Maurice Loustau-Lalanne pour vin en Minis.

        Bon avek sa nou ava pran en Break  ziska 1er , apre 1er  nou retourn travay.

        Nou pour pran Minister Lasante apre midi ok apre nou ava regarde koman nou pour ale.

        Be selman nou pour aim ki nou fini Minister Lasante, bear in mind Minister Lasante i annan plizyer Heads par anba li, bann Councils and all that e posibilite nou pour marye detrwa bann Departman avek kanmarad pour nou kapab al en pti pe pli vit.  Ok nou ava adjourn alor ziska 1 er .

 

(BREAK)

 

MINISTRY OF HEALTH

MR DEPUTY SPEAKER

        Bon mon a dir bonn apre midi tou Manm Onorab, Minis avek son delegasyon parmi nou e nou annan en nouvo Minis apwente osi parmi nou ki ti la bomaten kontrer felisitasyon Minis Loustau-Lalanne e ankor byenveni dan nou Lasanble.

        Mon a dir osi dir en bonn apre midi avek bann dimoun ki pe swiv deliberasyon Lasanble deor swa lo televizyon, swa lo radyo.

        Bon apre midi nou pour kontinyen avek nou travay lo Bidze, me avan nou fer sa nou pour move pour nou antre dan Staz Komite e mon a demann en Mosyon lo floor pour nou al dan Staz Komite.

HON SEBASTIEN PILLAY

Mr Speaker mon move ki Lasanble i konstitye son lekor dan en Komite pour konsider kontinyasyon Bidze.

MR DEPUTY SPEAKER

Mersi Onorab Sebastien Pillay, onorab Ferrari segonde ok nou pran en vot. Ok tou Manm prezan i an faver, Sergeant at Arms ou a fer le neseser.

        Ok. Bon apre midi nou pour pran Departman Lasante avek tou son bann Minister Lasante, avek tou son bann Zafer Sosyal, ek tou son bann Departman ki tonm anba sa Minister.

        Parmi nou annan Minis Adam ki Minis pour Lasante e Zafer Sosyal, nou annan osi tou Minis Loustau-Lalanne ki ziska prezan i ankor, mon krwar prezan i ankor tenir son pos Secretary of State.

        Nou annan Dr Bernard Valentin, PS Lasante Dr Anne Gabriel, CEO National AIDS Council, Dr Jude Gedeon, Public Health Commissioner Dr Danny Louange, Deputy CEO Health Care Agency, Mr Terrence Morel, Financial Controller Health Care Agency Department of Health mon krwar pour le moman that’s about it.

        E pour asiste nou from Minister Finans nou annan PS Patrick Payet, Mr Damien Thesee, Ms Irene Croisée e Ms Astride Tamatave.

        Bon parey tou lezot Minister nou ava demann Minis Adam pour donn nou en brief overview e si i annan bann pti keksoz ekstra pour azoute son PS oubyen son Deputy CEO Health Care i ava azoute.

        Me annou al en pti pe atraver sa guidelines ki mon krwar Lasanble in anvoy kot zot, donn en pti pe bann breakdown, bann detay ki bann Manm i ava pli konpran en pti pe kote larzan pe ale, ki mannyer Bidze 2017 pour ganny depanse, ki ava ed bann Manm osi tou pour kapab anmenn zot kestyon en pe pli presiz. Yes Minister.

MINISTER JEAN-PAUL ADAM

Mersi bokou Mr Deputy Speaker, bann Leader Zafer Gouvernman ek Leader Lopozisyon tou bann Manm Onorab e tou dimoun ki pe swiv nou deba ozordi bonn apre midi.

        E tou dabor pour dir i en gran plezir pour mwan vini dan kad mon fonksyon koman Minis Lasante e Zafer Sosyal pour nou reflesir e koz lo nou bann plan an term Bidze 2017 ki finalman i reprezant sa Lenvestisman dan nou pep dan en fason pli direk posib akoz Lasante i sa fason pli direk pour envestir dan nou pep a lonterm.  Avan mon al en pti pe pli lwen permet mwan Mr Deputy Speaker pour mwan pran en pti moman zis pour mwan felisit mon Koleg e zanmi Mr Loustau-Lalanne lo son nominasyon e aprouvasyon par Lasanble koman en Minis e mon krwar i pour fer en tre bon louvraz e mon pran sa moman pour mwan felisit li.

        E mon ti a kontan osi zis eksprim en pti lapresyasyon osi avek mon predeseser Minis Mitcy Larue mon krwar in fer en travay remarkab pandan ki in la.

        E mon pe swiv en pti pe dan sa laliny pour kontiny sa travay reform ki nou annan la dan Lasante e osi anmenn bann nouvo eleman ki pour moderniz e lev standar dan Lasante.

        Nou Lenvestisman atraver sa Bidze 2017 i fonde lo no stratezi pour Sekter Lasante nou plan stratezik e i osi fonde lo plan ki nou pe finalize lo re devlopman Lopital.

        E letan mon pe koz lo re devlopman Lopital i pa zis Lopital Victoria sa bann batiman ki Victoria i osi tou bann satelit, tou bann enfrastriktir dan bann distrik akoz sa i form parti sa lenfrastriktir medikal ki nou bezwen.  Alor bokou eleman dan sa 2 stratezik, sa plan stratezik pour Lasante, e sa plan re devlopman Lopital zot demare atraver sa Bidze 2017 e se sa lenportans osi sa Bidze.

        I enportan osi avan ki mon al en pti pe pli an detay ki nou rapel bann reform ki’n ganny fer dan bann lannen resan depi 2014 nou’n re organiz servis Lasante avek kreasyon Lazans pour servis Lasante ouswa Health Care Agency . ki’n vin sa Lorganizasyon ki’n delivre sa servis Lasante.  E sa in permet nou ranforsi rol Minister Lasante pour devlop Polisi e asire ki lobzektif Gouvernman e osi lobzektif nou Nasyon i ganny realize dan Sekter Lasante.

        Alor rol Minister i otour Polisi e otour regilasyon, rol Lazans Lasante se pour delivre sa servis avek pasyan avek nou Sitwayen.

        Sa re organizasyon i reflekte lefe ki nou servis Lasante i pa zis la pour sonny dimoun malad, i bezwen ofer parey mon’n dir sa pli bon lenvestisman dan nou kalite lavi e an konsekans en meyer lavenir.

        Nou bezwen osi konsyan ki la mazorite problenm lasante ki afekte nou pei aktyelman i baze otour bann problenm ki lye par egzanp avek fason viv, bann problenm Kardyovaskiler, bann problenm lye avek Dyabet, ki lye avek stil lavi.

        E deplizanpli sa bann problenm i osi mon kapab dir agrave letan nou vwar en sosyete vin deplizanpli en sosyete konsonmasyon.

        Avek sa bann difikilte i enportan ki nou an menm tan regard nou lenfrastriktir de baz lasante, nou regard sa fason ki nou rezourd bann problenm medikal ki nou osi alor promouvwar en meyer fason viv e en fason ki pli an armoni avek lanatir e ki permet nou viv byen koman en Sosyete, koman en pep.

        Sa striktir alor i permet nou alafwa envestir dan nouvo lenfrastriktir e osi reabilit serten ansyen lenfrastriktir e osi envestir lo prevansyon e lo rediksyon risk.

        Mr Deputy Speaker mon krwar en pwen ki nou bezwen fer kler baze lo nou stratezi lasante se ki nou pe viz o.

        Nou pe koz lo ranforsi nou standar dan Sekter Lasante, e ler nou pe koz ranforsi nou standar nou pa pe regard alor zis konpar Sesel avek nou vwazen, byensir i enportan pour nou vwar ki mannyer nou pe performen vizavi bann pei Lafrik vizavi nou vwazen, me i enportan ki nou regard en standar ki osi enternasyonal. E alor sa standar ki nou pe vize ki evantyelman i sa standar pli o posib se anliny avek bann pei OECD. Savedir bann pei pli devlope o monn.  I enportan ki nou reviz sa standar akoz se atraver sa ki nou pour anmenn amelyorasyon dan nou Sekter Lasante.

        Pour nou ariv lo sa nivo serten bann stratezi dan 2017 ki mon pour koz lo la avan ki mon bann lezot Koleg i ava aprofondi.

        Premyerman nou pe prevwar Lenvestisman dan en sistenm lenformasyon pour Lasante, sa i pour kout plis ki R26 milyon e i en Lenvestisman ki pe ganny fer atraver sa pri ki nou pe fer avek Gouvernman Endyen.

        E sa i pour permet nou moderniz nou sistenm Lasante e osi adres bokou bann kestyon otour swivi par egzanp pasyan e alor osi amelyor sa kalite servis ki nou kapab donn nou bann pasyan.

        E letan nou pe koz lo nou plan stratezik lasante nou pe osi koz lo met pasyan vreman devan, se premye eleman ki nou bezwen gard antet, nou pe koz lo patient-centered care savedir regard sa bezwen pasyan an premye e sa sistenm lenformasyon pour Lasante i pour ed nou fer sa dan en fason bokou pli sistematik.

        Dezyenmman nou annan plizyer proze Kapital ki nou pe enplimante dan plizyer Sekter e ki pour dan serten ka reabilit lenfrastriktir ki bezwen ganny en pti pe en re nouvo.

        E dan serten lezot ka anmenn nouvo lenfrastriktir i permet nou ariv lo nou vizyon pour nou amelyor nou sistenm lasante dan son totalite.

        Mon pa ava sit tou me serten sa bann proze nou annan par egzanp demaraz pour nouvo Sant Lasante lo Zil Perseverance ki pour demare an 2017.

        Nou annan osi sa nouvo Lopital pour zanfan ek madanm ki pour osi baze lo Perseverance e sa parey zot konnen i an parti fer atraver donasyon me i osi annan en son plis ki R milyon baze lo kontribisyon Gouvernman Sesel.

        Nou pe osi prevwar en renovasyon dan Pediatric Ward, nou pour osi annan bann renovasyon lo Lopital Anse Royale.  Nou osi annan premye faz demaraz pour nouvo Lopital lo La Digue alors sa nou pour annan osi serten renovasyon ki pour ganny fer dan bann Health Centres dan bann distrik e sa i enkli plizyer bann Health Centres e fer sir ki nou adres en pti pe serten sa bann Health Centre ki en pti pe pli aze.

        Alor sa i zis serten sa bann proze Kapital me ki form parti en premye faz parey mon’n koze dan sa stratezi Lasante e sa proze re devlopman pour Lopital.

        Trwazyenmman Mr Deputy Speaker nou pe osi met bokou lanfaz an 2017 e dan nou plan stratezik dan Lasante lo formasyon e ranforsman pour ranforsi nou resours imen.

        Sa i resours pli kritik ki nou annan dan nou sistenm Lasante e mon profit sa moman osi pour mwan salye tou sa bann travayer Lasante ki donn en kantite toulezour e menm pandan sa bann peryod Nwel ek Lannen mon’n ganny sa sans vizit zot en pti pe dan bann Health Centres lo bann Ward.

        E lapli tonbe, soley tape zot rann lapel e zot delivre en servis souvan dan bann kondisyon difisil e i enportan ki nou kontinyen batir zot konpetans atraver bann formasyon e sa i en eleman kle dan nou propozisyon Bidze pour Lasante pour 2017 e nou bezwen osi kree bann loportinite pour zot fer bann formasyon an servis.

        E osi revwar en pti mwayen ki nou annan atraver NIHSS, e nou annan osi parti en proze pour annan serten renovasyon ki pour ganny fer dan NIHSS an 2017.

        Mr Deputy Speaker sa i reprezant, sa 3 eleman i reprezant en pti pe la baz sa ki nou anvi fer dan Bidze 2017, me si i annan bokou lezot eleman, me sa i en pti pe sa 3 parey nou dir bann gran Acts ki donn nou sa bann laliny Direkter pour nou Bidze.

        E nou ava pare byensir pour reponn tou kestyon ki bann Manm Onorab i annan, mon pa konnen Mr Deputy Speaker si ou ti anvi ki PS i fer en pti prezantasyon li osi oubyen nou al direk dan kestyon.

 Me petet pour ou osi zis enform bann Manm Onorab ki nou annan osi 3 diferan Konsey ki tonm ansanm avek Minister Lasante petet bann groupman endepandan savedir zot ganny zot prop Bidze me vi ki zot sonm i pa telman elve e ki mon krwar zot kapab vwar fasilman kote sa larzan pe ganny depanse nou propoze ki sa i ganny sou kouver osi atraver PS pour Lasante e answit apre ki PS in fini fer son, nou’n fini koz lo Minister Lasante li menm nou pas lo Health Care Agency ki sa i ganny reprezante par Deputy CEO Mr Dr Danny Louange.

Alors si zot permet petet nou fini avek Minister Lasante li menm avan ki nou pas lo Health Care Agency e byensir apre sa nou ava regard Departman Sosyal ek Lazans pour Proteksyon Sosyal e nou sey.

E osi byensir nou annan 2 lezot, nou annan 2 lezot Lotorite anba Lasante e sa i Public Health Authority e National AIDS Council, nou ava fer li apre Health Care Agency me mon swiv en pti pe direksyon Deputy Speaker lo ki lord zot oule swiv.  Mersi Mr Deputy Speaker.

MR DEPUTY SPEAKER

Mersi Minis, Minis mon’n osi ganny gide par PS Payet. So pour lenformasyon Lasanble nou pour pran Health Department tousel apre nou a, swivi par Health Care Agency tousel apre mon ava, letan nou fini sa enn nou ava regarde i annan detrwa ki bann Council’s and all that ki nou a kapab met ansanm, nou ava konsolid ansanm.

        Ok so Minis mersi pour ou prezantasyon e i annan en dezir dan lo tou lede kote latab ki nou a al direkteman dan kestyon, so nou ava pran Health Department ki komans lo paz 372 ziska paz 376 so nou kestyon i pour lo Health Department, ok Onorab Ferrari.

HON JEAN-FRANCOIS FERRARI

Bonzour tou dimoun, bonn apre midi plito mon pour komans avek 2 kestyon zeneral premyerman pour piblik ki pe ekout nou.

        Mon konnen akoz mon’n fini resevwar kestyon; akoz Minis, eksplik nou akoz ou annan 4 parmi ou bann pli bon profesyonnel Lasante, 4 pli bon Dokter ki sipoze dan bann Klinik dan Lopital pe fer sa ki zot konn fer pli byen.

        E mwan mon konnen zot fer sa tre byen, wi i annan mon’n pas dan zot lanmen, akoz nou dan en sityasyon kot nou pe pran bann profesyonnel nou pe met zot dan Management dan Ladministrasyon Lasante e apre nou bezwen taye pour nou al recruit ankor, bann Profesyonnel ki a mon avi pa pli meyer ki sa bann ki nou annan ?

        Eksplik nou si ou annan en vizyon pour ou Minister pour ou ?  Akoz la mon pe koz lo servi pli byen nou bann resours imen me mwan mon konsider sa koman nou bann resours finansye e bidzeter osi akoz zot bann eleman kle dan nou sistenm,

        So si ou kapab reponn sa kestyon en pe an zeneral apre mon ti a kontan akoz apre mon konnen i annan plizyer kestyon ki pour vini lo la.

        Mon ti a kontan ki 1 ou bann Zofisye i eksplik nou ki mannyer zot vwar Procurement dan Minister Lasante ?  Akoz sa i en area ki vreman kontansye ki en pe murky, en pe drol, drol nou pa ni tro, tro konnen.

        Nou anvi konpran ki zot in met an plas en Polisi dan tou sa bann Lazans e Health Care Agency, met an plas en Polisi ki pour evite ki nou ganny menm kestyon ki nou’n gannyen dan lepase lo ki mannyer bann larzan an zeneral pe ganny servi pour aste bann ‘’goods and services’ ok, sa se mon 2 kestyon pour demare mersi.

MR DEPUTY SPEAKER

Mersi Onorab Ferrari, Minis.

MINISTER JEAN-PAUL ADAM

Mersi Mr Deputy Speaker petet sa mon a pran premye parti kestyon avan lo sa kestyon Profesyonnel.

        Tou dabor pour nou konpran en pti pe sa eleman mon krwar nou bezwen get listwar devlopman nou servis Lasante.

        E nou ava rapel ki Sesel in envestir en kantite dan devlopman son bann Profesyonnel Dokter, Ners pandan plizyer lannen.

        E nou kapab fyer ozordi e parey ou’n dir bann Dokter bokou ki la ozordi zot in fer en kantite, zot in kapab vreman reos nivo Lasante.

        Mon konnen i annan konplent deor i annan dimoun ki dir i annan problenm dan nou sistenm Lasante.

        E mwan mon lapros mon pa pour zanmen dir keksoz i parfe, me letan ou ziz par egzanp lo statistik e ou konpar avek dan bann pei ki dan bann sityasyon similer, ou pour vwar ki statistikman Sesel nou bann performans i a la oter e menm dan serten ka nou par devan, i annan serten landrwa ki nou bezwen ranforsi, me sa i akoz nou’n form en kantite bann Profesyonnel, bann kad konpetan, bann Dokter mon kapab dir dan souvan bann Dokter ekselan

        Me en eleman ki nou pa’n e les mon ava dir fransman nou pa’n antisip ase byen, se kisisa ki mannyer ou fer zesyon en sistenm lasante.

        Akoz en dimoun ki en Manager par egzanp dan en lotel, se pa li en Manager dan en Lopital.

        E eski nou annan sa lekspertiz akoz i vre ankor mon pe koz lo standar, si nou pour koz nou anvi nou sistenm lasante vin lo en standar bann pei pli devlope o monn

        Nou pa’n dan lepase nou pe komans fer li la, me dan lepase nou pa’n envestir ase dan sa lekspertiz ki spesifik pour en zesyon Lopital.

        Nou’n envestir dan Dokter, nou’n envestir dan Ners, me nou napa sa Guru, nou napa sa dimoun Seselwa ki vreman annan sa leksperyans ki pe, ki’n annan en Lopital konpletman top to bottom ki annan tou sa bann eleman ki i al avek, sa wi i en keksoz ki nou pa’n fer ase dan lepase, alor nou bann dimoun ki konn en pti pe nou bann zafer Lopital se bann Dokter, alor mon ti a plifere definitivman nou annan bann Dokter dan bann pozisyon kot zot pe al plis avek pasyan.

        Me nou bezwen osi bann dimoun ki dan Management, bann dimoun ki ansarz zesyon sa bann Departman, bann dimoun ki konpran osi ki bann eleman dan ki ou bezwen pour ou annan dan en Lopital, dan en Klinik eksetera.

        E dan bokou ka nou sey osi servi o maximum zot konpetans si dan serten ka nou annan serten Dokter ki annan serten konpetans dan surgery par egzanp zot pe kontinyen donn sa servis an menm tan ki zot annan en responsabilite administratif.

        Dan lideal, nou annan en distenksyon ant nou kad administratif ek nou kad medikal, me sa ekspertiz i an devlopman.

        Sa ekspertiz i an devlopman. Sa ki mon kapab dir se ki bann dimoun ki dan Minister Lasante ki dan Health Care Agency ozordi zot fer le meyer e zot fer li dapre zot konpetans e zot osi annan mon krwar bokou nide ki zot kapab partaze e ki kapab anmenn nou pli devan. E osi lot eleman dan nou plan stratezik ki mon’n tous lo la dan mon lentrodiksyon sete ki Lasante ozordi se pa zis geri oubyen sonny maladi.

        Lasante osi se bann stratezi ki fer nou viv pli byen ki permet nou depans en pe larzan ozordi pour nou fer dimoun konpran ki si sa, ki mannyer zot kapab pli byen, fer legzersis pli byen, vey zot nitrisyon, pran bokou plis ka lo bann eleman koumsa.

        Me nou bezwen bann sistenm ki pli aprofondir e i annan, konmela i annan bann Dokter ki spesyalize dan sa bann eleman Health Promotion, e osi i annan bann Dokter ki spesyalize dan Public Health par egzanp ki dan nou ka nou annan nou Public Health Authority kot nou’n annan Dokter ki’n vreman fer sa koman zot karyer.

        E i enportan ki nou pa diminyen sa bann spesyalis, sa bann spesyalizasyon osi ki souvandfwa ou bezwen anmenn spesyalis ki bann Dokter avek sa kalite spesyalizasyon.

        Lo kote sa eleman Procurement, Mr Deputy Speaker i enportan pour mwan sa i eleman pour Health Care Agency vi ki kestyon in ganny demande la, me omwen mon ava reponn e nou, ankor nou re vin ankor en pti pe lo sa eleman lekspertiz ek leksperyans pour kapab fer sa Procurement dan sa sistenm ki’n vin tre larz.

        E mon ti a dir menm dan bokou ka tre devlope e kot keksoz i sanze vitman, si nou pran legzanp bann lekipman, bann la gran mazorite nou bann lekipman  Lopital la laplipar in renouvle dan dernyen 5an.

        Nou annan bokou lekipman ki nef e sa i sanz ou bann bezwen par egzanp lo kote Procurement akoz ou bezwen souvandfwa sanz sa kalite servis ki ou met pour sa lekipman e souvan osi bann medikaman ki ou servi koman swivi i sanze.

        Procurement i enn bann eleman kot nou’n vwar nou kapab fer bokou plis lefikasite e nou’n komanse dan sa bann dernyen mwan avek en sistenm elektronik pour nou sistenm Procurement ki nou pe komans met li an plas.

        E sa i pour ed nou annan plis efikasite dan sa sistenm. Ankor pour dir ki Procurement i tonm anba Health Care Agency e sa i en landrwa kot nou santi nou kapab fer bokou amelyorasyon definitivman, me ankor fodre nou realiz istorikman nou pa’n zanmen form en eksper lo Procurement spesyalize dan Lasante nou napa sa ozordi, en dimoun ki spesyalize dan Procurement pour Lasante.

        E fodre nou realize ki Procurement dan Lasante pa egzakteman parey Procurement dan nenport ki sekter.

        E sa i en konpetans ki nou pe batir aktyelman dan Minister e mwan mon annan bokou konfyans ki nou pe al dan sa direksyon kot nou pour adres tou konsern ki dimoun i annan.  Mersi Mr Deputy Speaker.

MR DEPUTY SPEAKER

Mersi Minis Onorab Ferrari.

HON JEAN-FRANCOIS FERRARI

Minis ou kapab konfirmen oubyen dir nou si pour le moman zot annan en Chief Procurement Officer ki’n ganny segonde avek zot through AMSA oubyen en laranzman parey ?

MINISTER JEAN-PAUL ADAM

Mersi Mr Deputy Speaker, mersi Onorab, nou annan en Konsiltan aktyelman pour Procurement ki i pe ed nou avek zisteman avek etabli bann sistenm kot i konsern Procurement e fer sir ki nou annan sa kapasite pour nou ganny sa lekipman ki apropriye ki nou bezwen e osi kree bann sistenm a lonterm ki nou kapab swiv e form Seselwa zisteman pour kapab adres sa me sa expert ki nou’n pran  i lo en Kontra Konsiltan.

MR DEPUTY SPEAKER

Mersi Minis. Onorab Ernesta.

HON PAUL ERNESTA

Mersi Deputy Chair bonn apre midi Minis e Depite osi, tou Manm Onorab, mon pa konnen si a sa pwen i sa moman pour mwan demann sa kestyon me petet apre Minis i kapab gid mwan.

        Mwan mon kestyon i senpleman baze lo paz 13 PSIP, paz 13 en kot mon’n vwar i met zis R50, 000 pour si oule bann remedial work lo Klinik Takamaka.

        Mon pe demande si zot in pran kont sityasyon Klinik Takamaka 1 son bann servis ki i annan, e dezyenmman lannen prosenn nou ekspekte annan en logmantasyon dan popilasyon Takamaka par lefet pour annan en Housing Estate ki i sipoze Regional ki pour annan plis dimoun ki pour ape antre dan distrik zot pe pran kont osi pour nou kapab a sa pwen renouvle, I mean si oule upgrade Klinik enn. E dezyenmman servis Dokter sa i en konsern ki’n toultan in vini in pas devan zot pour kapab annan plis servis dan Klinik so ogmant son bann zour.

        Zis en legzanp, par egzanp yer nou’n dan Klinik in rikord plis ki 50 pasyan, sa i met en presyon lo Dokter petet la demande pour nou kapab konsidere.

E trwazyenmman osi servis Lanbilans sa i en fakter ki Takamaka bokou fwa nou bann dimoun i ganny afekte avek kot annandler nou bezwen esper Lanbilans sorti Anvil, swa anmenn en lot dimoun lot bor pour kapab vini pour vin asiste nou bann dimoun.  Mersi.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Mr Deputy Speaker e mersi Onorab pour ou kestyon zis mon ti a kontan fer sorti, mon vwar bokou bann kestyon ki pe lev-e i osi bann kestyon ki konsern Health Care Agency ki mon napa problenm pour mwan kontinyen reponn lo la, me petet i fer sans nou fer en sel pran sa Minister avek Health Care Agency, mon vwar ki bann kestyon pe lev lo la e nou ava kontinyen dan sa laliny, pour rapel se Health Care Agency annefe ki annan zesyon lo bann lenfrastriktir lasante sa i enkli bann diferan Klinik dan distrik.

        Lo sa kestyon spesifik kot i konsern Takamaka, annefe bokou bann Health Centres nou pa pe kapab byen sir tou bann Health Centres refer zot konpletman en sel kou.

        Me nou rekonnet bokou sa bann Health Centres pour zot fonksyonn en pti pe normalman nou bezwen envestir en pti pe pour kantmenm kontinyen permet zot fonksyonnen se pour sa i annan en sonm ki ase limite pour Takamaka.

        Me mwan ti ava rapel ki sa bann remedial works pe ganny planifye pour bokou sa bann Health Centre e nou pe fer li pour Anse Aux Pins pour Anse Boileau, pour Baie Lazare, pour Beau Vallon, pour Beolière. Pour Health Centre English River. Sa i en upgrading, i en pti pe plis larzan 2.5 milyon, nou annan osi bann lezot, bann remedial works Grand Anse Praslin.

        Nou annan osi lo Northeast Point Hospital sa osi i en pti pe Lenvestisman, nou annan kot Port Glaud, nou annan Sant Reabilitasyon, nou annan parey nou’n dir Takamaka, nou osi annan Wellness Centre alor tousala i bann keksoz ki pe vini dan bann proze pour, dan Bidze pour 2017 me sa i sitye parey mon’n dir dan nou plan re devlopman pour Lopital.

        E letan mon’n koz Lopital i osi sa bann satelit ki enkli Takamaka, alor i enportan pour mazinen poudir sa bann remedial works e sa bann Lenvestisman se pour donn en pti pe plis konfor pasyan e osi bann travayer ki laba.

        Adres bann keksoz ki pli imedya.  Nou konnen si nou pran legzanp Takamaka evantyelman nou pour bezwen fer li konpletman e sa i dan plan e i form parti sa plan re devlopman Lopital.

        An se ki konsern servis Dokter efektivman mon ti vizit Health Centre letan le 23 Desanm e sa ti i pwen ki sorti e nou pe regarde avek bann lezot Health Centre dan Larezyon si nou kapab azout en zour kot Dokter i kapab vin en pti pe pli souvan, resours imen i en kontrent me nou pe sey vwar ki nou kapab fer sa baze lo demann sorti kot popilasyon.

        An se ki konsern servis Lanbilans nou pe fer en travay stratezik aktyelman dan Minister dan Lazans pour Lasante pour regard dan en fason en pe pli aprofondir lafason ki Lanbilans i ganny de plwaye.

        Akoz Sesel dan nou sistenm Lasante nou siport nou pasyan en kantite, alor menm nou bann dimoun aze ki par egzanp zot bezwen parfwa annan en dressing eksetera, nou donn zot parfwa sa sipor lanbilans ki dan laplipar pei pa egziste.

        E Sesel alor nou servi nou Resours parfwa i ganny parey nou dir i ganny stretch bokou akoz sa bann demann i bokou.

        Nou bezwen fer en revi pli stratezik lo kote Lanbilans pour nou diviz en pti pe sa bann demann irzans baze lo Lanbilans e demann osi en pti pe baze lo Komite, bann bezwen lo Kominote bann dimoun ki napa mwayen ki napa sa sipor.

        E nou pour bezwen re oriyant en pti pe sa servis pour diferansye ant sa 2 bezwen me ki diferan.

        Mon ti ava osi rapel ki nou annan provizyon dan nou Bidze pour nouvo lanbilans ganny aste mon pa konnen si ou mazin sa, nou annan proze pour 6 nouvo lanbilans osi dan sa Bidze.  Mersi Mr Deputy Speaker.

 

MR DEPUTY SPEAKER

Mersi Minis, Onorab Esparon.

 

HON REGINA ESPARON

Mersi Mr Speaker, bonn apre midi Minis, bonn apre midi tou Manm Onorab, mon ti a kontan demann Minis si ou kapab eksplik nou sa post pour Senior Principal Nursing Officer dan Minister Lasante i ti ganny advertise internally pour ganny en dimoun pli byen kalifye pour re deservi sa pos.

        E eski alokasyon larzan ti ganny mete dan Bidze lannen pase pour sa pos? Eski Minis Lasante i kapab dir nou si i annan plan pour reviz progranm konsiltasyon Dokter dan Klinik Glacis avek bi ganny Dokter lo en baz pli regilye ?

        E Minis eski ou kapab reasir bann Ners e lezot Profesyonnel Lasante ki dan sa Bidze i annan larzan ki’n ganny allocate dan sa Bidze pour zot promosyon ?

        E pour terminen mon annan en statement pour mwan fer, Minis i annan nesesite revwar kondisyon travay bann Ners, Asistan Ners e bann Helpers ki pe travay kot Lopital North East Point i apel Old People’s Home, mon konnen ou fek fer en vizit laba dan semenn Nwel, me mon pe dir ou Minis ou’n vwar lakrenm lo gato, ou’n pa’n vwar ki pe pase par anba, e mwan koman MNA elekte pour sa distrik, vi ki i tonm dan mon distrik mon ti a kontan envit ou Zofisye pour en tour laba ansanm avek mwan e mon ti a vin montre ou vre sityasyon dan sa Lopital. Mersi.

MR DEPUTY SPEAKER

Mersi Onorab, Minis.

MINISTER JEAN-PAUL ADAM

Mersi Mr Deputy Speaker, mon krwar mon’n fini not tou sa bann pwen me selman si mon manke ou ava rapel mwan.

        An se ki konsern sa Senior Principal Nursing Officer eskiz mon, nou touzour fer en zefor pour nou advertise serten pozisyon.

        Me nou annan osi lokazyon kot i annan bann Seselwa ki konpetan, ki annan kapasite ki disponib e ki nou santi nou kapab servi zot konpetans, e nou’n fer li.

        E nou ava note ki aktyelman nou annan plizyer pozisyon ki pe ganny advertise dan Minister Lasante e ki pe ganny sirkile.

        An se ki konsern promosyon bann Ners ek Dokter sa in ganny prevwar dan provizyon Bidze pour 2017, an se ki konsern Health Centre Glacis i annan en provizyon pour Health Centre Glacis atraver sa bann remedial works ki mon’n koz lo la ki enkli pour Glacis, si mon pa tronpe i en sonm i 110, 000 pour Glacis.

        Ankor enn fwa i form parti adres serten bann eleman pli priyoriter, mon krwar resaman nou ti osi fer serten amelyorasyon lo, dan Glacis e sa i le ka osi pour Takamaka.

        Mon ti a kontan dir ki sa amelyorasyon se souvan sa bann batiman i en pti pe letan ki zot la, e nou bezwen kontinyelman envestir an menm tan ki nou regard sa plan re devlopman.

        An se ki konsern Dokter osi dan Sant Lasante nou pour kontinyen vwar kapasite ki nou annan pour nou met plis Dokter me sa i depan byensir lo nou kapasite Resours Imen.

        An se ki konsern North East Point mon konnen ki i annan serten defi laba ok me, e mon pa’n vizit li zis le 23 Desanm mon’n al plizyer fwa akoz mon reste la lanmenm la dan sa semen.

        Alor napa problenm nenport ler ki ou dir mwan mon pour vini akoz mon’n al laba menm lo menm e bann konsern ki bann dimoun i annan, i pa en konsern ki enposib pour nou adrese ok.

        I annan si nou regard par egzanp lo baz bann travayer nou konnen ki nou bezwen ankouraz plis Ners pour vin devan e pour vin travay dan Sekter Lasante.

        Si nou regard NIHSS ozordi nou annan 13 Ners selman ki pe al graduate dan sa lannen ki pe vini alor nou bezwen plis dimoun pour antre dan sa profesyon.

        I en profesyon ki nob, i en Profesyon mon krwar i anmenn bokou benefis, i annan serten defi mon konnen lo Scheme of Service resaman nou’n fer en revizyon, pa tou eleman ki ladan ki parfe.

        Me kantmenm sa revizyon i vedir ki sityasyon i meyer ki i i ti ete avan e nou pour kontinyen koz avek bann Ners lo bann eleman ki nou kapab fer pour siport zot.

         E parey mon’n dir osi dan mon statement lentrodiksyon nou pe al met bokou lanfaz lo formasyon e lo ranforsi kapasite bann Ners ek Dokter, eski i annan en pwen ki mon’n manke ?  Mersi Mr Deputy Speaker.

MR DEPUTY SPEAKER

Mersi Minis. Onorab Ghislain.

 

HON CHANTAL GHISLAIN

Mersi Mr Deputy Speaker, Mr Deputy Speaker mon pe zis demann Mr Chair Minis si dan Bidze an se ki konsern bann recruitments, si zot annan recruitments e ki bann pos ki zot pe mazinen.

        E si i annan bann post parey bann pour bann Public Relation Officer lo bann Ward dan Lopital e menm dan bann Klinik.  Mersi.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Mr Deputy Speaker e mersi Onorab nou annan plizyer post ki nou pe al ranpli an 2017 i annan pour Minister Lasante ki pa telman bokou.

        Apre nou annan pour Health care Agency ki pli enportan si ou permet Deputy Speaker tou lede i ava donn en pe plis detay.

        Me an bref lo kote Health Care Agency se sirtou rekritman bann nouvo Ners ki pe graduate, bann nouvo Dokter ki pe graduate mon ava pas la parol dabor avek PS Dr Valentin e answit avek Dr Louange pour Health Care Agency.

MR DEPUTY SPEAKER

Go ahead PS.

 

PS BERNARD VALENTIN

Mersi bokou Minis, mersi bokou Mr Chair dan Departman Lasante pour lannen prosenn nou annan apepre 20 vacancies ki’n ouver e ladan 3 in dan NIHSS e larestan i dan Minister.

        Par egzanp dan Minister nou annan wi en pozisyon pour en Public Relations Officer, apre nou annan bann post par egzanp Legal Advisor, nou annan post parey Liaison Officer bann keksoz koumsa Media Programme Communication Manager, Ekonomis, Staff Welfare Officer, epi en bon pos dan Unit Proze.

        Akoz sa i en Unit ki enportan pour lenplimantasyon plan devlopman lenfrastriktir ki Minis in koz lo la.

        So nou annan vacancies pour Enzenyer, Senior Project Officers, plizyer Project Officer e bann keksoz koumsa, so aprezan mon a pas la parol avek Dr Louange pour koz lo vacancies ki egziste dan Health Care Agency.

MR DEPUTY SPEAKER

Yes CEO.

 

DEPUTY CEO DR DANNY LOUANGE

Mersi Mr Chair, bonn apre midi bann Onorab ek bann dimoun dan Lasal avek bonn apre midi bann dimoun ki a ekout.

        A kote Health Care Agency nou annan laplipar bann post ki pour available ki pour bann returning graduate, bann graduate ki pe sorti dan lekol NIHSS ki enkli bann Nurse, bann Dental Technicians.

        Nou osi nou, mon pe esper mon…wi nou osi annan 2 vacancies ki pour kle pour nou plan stratezik pour lannen 2017.

        Enn i Domiciliary Care Program Manager, e osi en Program Manager osi pour Clinical Risk Management.

        E bann lezot vacancies ki pour available pour bann returning graduates parey mon’n dir pour annan bann Junior Doctors nou annan apepre 4 Junior Doctors ki pe tournen.

        Nou annan osi bann Spesyalis, i annan en Orthopedic Surgeon ki pe tournen pour join servis e sa en summary of vacancies ki pe ouver pour 2017.

MR DEPUTY SPEAKER

Mersi Deputy CEO, Onorab Ghislain.

HON CHANTAL GHISLAIN

Mon ti pe demann spesifikman lo Public Relations Officers mon’n tann nonm zis enn e sa i dan Minister Lasante, what about dan Lopital li menm akoz enn parmi bann konplent Lopital se sa kominikasyon  ki i annan.

        E ki mannyer ou transfer kominikasyon pasyan, piblik Lopital from the Hospital e tou Minister Lasante pour kapab deal avek sa bann sityasyon ki arive toulezour konmsi ?

MR DEPUTY SPEAKER

Yes Minister.

MINISTER JEAN-PAUL ADAM

Mersi bokou Mr Deputy Speaker e Onorab, nou annan sa Public Relations Officer pour Minister, pour Lopital napa enn spesifik, sa i enn i kouver par Customer Care.

        Me sa i en landrwa ki definitivman ki nou bezwen ranforsi anliny avek nou plan stratezik.  Mersi Mr Speaker.

MR DEPUTY SPEAKER

Mersi Minis, Onorab Ferrari question arising.

 

HON JEAN-FRANCOIS FERRARI

Wi nou pe koz lo recruitment mon ti a kontan demann Minis si zot annan provizyon dan Bidze fon pour recruit foreign Nurses again.

        E an menm tan zot kapab dir nou how satisfe zot satisfe avek sa premye leksperyans ki zot in anmennen sa detrwa foreign Nurses.  Mersi.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Mr Deputy Speaker aktyelman nou annan 16 Nurse ekspatriye e nou annan ankor 2 ki pe vini.  Mersi Mr Deputy Speaker.

MR DEPUTY SPEAKER

Onorab Valmont. Question arising ok.

HON JUDE VALMONT

Mersi Mr Chair, bonn apre midi Minis, bonn apre midi Koleg MNA tou manm piblik a lekout, mon kestyon, mwan mon demann en kestyon toultan nou tande i mank nou Ners, mwan mon annan en kestyon senp pour le pep Seselwa zeneral, konbyen, Minis kekfwa ou kapab dir nou, Dr Louange i a dir nou konbyen Ners aktyelman nou annan?  Lokal sa en, konbyen Dokter nou annan ? Konbyen ankor ki manke ?  E konbyen nou kapab fer provizyon dan Bidze pour pran par lannen or sa lannen ki vini?  Mersi.

MR DEPUTY SPEAKER

Mersi Onorab nou a pran en lot kestyon arising from Onorab Roucou.

HON CLIVE ROUCOU

Mersi Mr Chair, bonn apre midi Minis avek ou delegasyon an relasyon avek Ners etranze avek sa ki Onorab Valmont in demande.

        Mon pe demann Minis akoz Minister Lasante pe anpese ki bann Ners ki’n kite tournen zis pour fer part time oubyen menm on a voluntary basis?  Mersi.  Kan nou manke, parey in dir nou manke kan nou manke, parey in dir nou manke me nou annan Ners ki volonter pour tournen e i annan ki pare pour fer part time.  Mersi.

MR DEPUTY SPEAKER

Mersi Onorab. Minis.

MINISTER JEAN-PAUL ADAM

Mersi Mr Deputy Speaker zis nou pe klarifye sa bann sif an atandan mon a pran kestyon Onorab sorti Plaisance.

        Lo kote Ners ki par egzanp in sorti dan Minister oubyen lezot Ners ki par egzanp i travay dan prive me ki ti anvi travay part time, i pa en kestyon nou anpese.

        Me i en kestyon ki nou bezwen annan en kad ki kler lo ki mannyer nou pour fer sa travay, akoz si ou annan en Ners ki a plen tan dan Servis Lasante e i annan serten responsabilite e nou konnen nou kapab kont lo li. Par egzanp i annan son on call e nou bezwen asire ki sa i ganny fer dan en fason ki sistematik.

        An se ki konsern sa bann Nurse ki an tan parsyel nou bezwen asire ki sa Scheme of Service i adapte e aktyelman sa Scheme of Service i pa prevwar par egzanp pour bann tan parsyel.

        E nou bezwen regard sa dan en fason kot sa kad i kapab fer sa provizyon ki nou kapab 100 poursan konfidan konfyan, annan sa konfyans ki zot pour travay dan en fason ki premyerman zot drwa ek zot byennet i ganny respekte e osi ki kalite servis anver pasyan pa ganny redwir ouswa neglize.

        Mon’n realize ti annan en pwen ki Onorab Ferrari ti’n demande si nou satisfe avek kalite servis bann Ners ekspatriye, bann rapor ki mon’n gannyen ziska prezan i pozitiv.

        Lo kote sa sif, lo kote bann Dokter ek Ners Seselwa mon ava pas la parol avek zot, zot in kapab kas sa latab pour kapab konte konbyen Seselwa, konbyen etranze mon ava pas avek zot.

MR DEPUTY SPEAKER

Yes PS.

PS BERNARD VALENTIN

Mr Chair zis mon a donn en nide bann detay ki mon’n gannyen avek Nursing Council lo la kantite Practicing Nurses Seselwa e etranze ki lo zot lalis.

        Apre mon sipoze Dr Louange i ava koz lo bann Nurse ki travay dan Health Care Agency.  So lo lalis Nursing Council i annan 684 Practicing Nurses ladan 654 ki Seselwa e i annan 30 ki pa Seselwa.

        An sa ki konsern bann Saz Fanm lo lalis Council i annan 84 Saz Fanm e ladan 5 pa Seselwa.

MR DEPUTY SPEAKER

Ok Deputy CEO.

 

DEPUTY CEO – DR DANNY LOUANGE

Mersi Chair, lo kote bann Nurse ki travay dan swen Lasante en total 443 lo nou Payroll, ladan i annan 405 Nurse Seselwa, apre i annan 16 Nurse ki lo Expatriate Contract, apre larestan i lo bann Expatriate lo local Contract.

        Dan Lopital nou annan 266 Ners e dan Kominote nou annan 176 Nurse.

        Pour lo konsern kwa bann figure ki manke, nou’n fer en assesment, nou’n fer plizyer assesment, dan dernyen assesment ki nou’n fer i montre nou, nou annan en mank 50 Nurse dan Lopital lo Ward.

        E nou osi vwar nou’n get dan Kominote ki nou annan 113 Nurse manke dan Kominote pour nou run en servis of pli high quality optimal.  MersiI enkli Domiciliary Care, i enkli Care dan Sant Lasante e dan lekol, tou bann lezot progranm osi ki vin avek.

 

MR DEPUTY SPEAKER

Mersi Deputy CEO, Onorab Ramkalawan question arising.

 

HON WAVEL RAMKALAWAN

Mersi Deputy bonn apre midi tou dimoun Minis in dir ki zot pa ankor, eski Minis mon’n tann li byen i dir zot pa ankor kapab etablir en progranm pour kapab bann Ners swivan sa kestyon Onorab Roucou.

        Konsernan bann Ners ki’n sorti ki’n retournen, ki anvi retournen zot pa ankor konnen ki mannyer i ete, mon zis wonder si sa progranm par egzanp Dokter Payet i dir i ti en Dokter isi me selman i ti pe osi fer part time dan Minister Lasante.

        Mon pe zis regarde si en progranm koumsa i pa ti ava kapab apropriye pour ki bann Ners kalifye parey Onorab Roucou ti ava kapab retournen pour vin donn en bon koudmen.  Mersi bokou.

MR DEPUTY SPEAKER

Mersi Onorab, Onorab Valmont question arising, nou a met ansanm, Minis i ava pran tou lede ansanm.

HON JUDE VALMONT

Yes Mr Chairman i annan zis en kestyon ki pa’n ganny reponn se ki kantite Ners ki manke ki zot kapab recruit pour 2017 ki’n ganny cater dan Bidze. Mersi.

MR DEPUTY SPEAKER

Mon krwar Deputy CEO in donnen sa sonm, sa figure non ?  Deputy CEO kekfwa ou oule pran sa bann figures kantite ki manke kot Lopital e dan Kominote mon krwar in donnen sa sonm akoz Deputy CEO.

DEPUTY CEO  DR DANNY LOUANGE

Mersi Mr Deputy Speaker, wi sa sif ki nou’n demontre la apre midi i bann sif ki pour anmenn nou servis lo en level ki optimal.

        Me nou osi vwar ki nou annan bann limitasyon, me ki nou pe fer pour lannen 2017 nou annan nou 10 Nurse ki pour graduate from lekol, i annan 13 Nurse ki pour graduate ki pour join nou servis.

        E nou pour tou kou akoz sa i en servis ki enportan pour nou pasyan e nou pour tou kou fer bann assesment e nou pour kontinyen gete ki mannyer nou pour kapab adres sa problenm.  Mersi Mr Speaker.

MR DEPUTY SPEAKER

Mersi, Minis ou oule reponn kestyon   Onorab Ramkalawan.

MINISTER JEAN-PAUL ADAM

Mersi Mr Deputy Speaker e mersi Onorab mon krwar i en prensip ki nou pa koz lo an tou ka an term ladministrasyon Minister, nou pa pour koz lo bann case endividyel.

        Me i enportan ki nou note ki tou profesyonnel Lasante ki i annan en kontribisyon pour fer, nou’n pare pour nou travay avek zot.

        Me nou bezwen deside, eski nou’n pare pour donn sa komitman sa, nou’n pare pour travay anliny avek nou stratezi anver ranforsi Servis Lasante a lonterm ?

        Eski nou disponib dan sa fason ki rezonnab e lot eleman se ki nou pe travay aktyelman lo en kad ki permet nou osi regard par egzanp bann Dokter ki dan prive.

        E osi bann Dokter ki kapab fer en kontribisyon dan sekter piblik, alor labaz nou travay se ki sa travay i kapab ganny fer ki kontribye atraver bann lobzektif lasante dan nou pei.  Mersi Mr Deputy Speaker.

MR DEPUTY SPEAKER

Mersi Minis, Onorab Sebastien Pillay question arising.

HON SEBASTIEN PILLAY

Yes, mersi Mr Chair, Mr Chair mon ti oule zis klarifye eski zot annan en figure konbyen bann Nurse ki le, ki an deor la ki’n fini kalifye ki annan sa konpetans la pour vin travay ?

        Akoz mon pe get bann figures ki zot in donnen, nou pe koz lo 113 dan Kominote, 50 Lopital i fer 163, si ou pe ganny 13 dan Lekol i pour reste ou en deficit.

        Prezan konbyen i annan ki an deor konmsi si ou kapab eksplik mwan sa?  And then prezan ki ou pe fer prezan pour ou kapab increase kapasite NIHSS oubyen al dan Lekol pour optimalman ki ou pe ekspekte ou recruitment drive i devret anmenn ou pour ou kapab fer desann sa 150 to en nimero ki dapre ou, ou kapab travay avek.

        CEO dir mwan ki ou target within la dan sa lannen ki vini ouswa dan sa 3an ki pe vini la ?  Mersi.

MR DEPUTY SPEAKER

Mersi Onorab, Minister.

MINISTER JEAN-PAUL ADAM

Bon nou target se sa 150 akoz nou pe koz lo en nivo optimal, non konmsi nou bezwen realize poudir wi nou annan kontrent dan limedya, nou annan kontrent dan limedya, me enn bann stratezi kle si nou annan bann Health Care Assistant savedir bann dimoun ki zot pa ankor kalifye koman bann Ners selman zot dan nou sistenm Lasante e bokou zot, zot annan sa konpetans.

        Me en kestyon donn zot sa formasyon ki permet zot vin bann fully fledged Nurse par egzanp, alor nou pe fer sa travay, nou pe komans li deza an 2017.

        Par egzanp avek sa bann Ners, sa bann Health Care Assistant ki kapab vin bann Ners.

        Ler nou pe koz sa target 150, nou pe koz sa dan nou plan stratezik pour sa prosen 5an e nou bezwen osi ranforsi NIHSS la kantite dimoun ki pe antre dan NIHSS e osi sa standar.

        E ler nou kapab bouz bann dimoun ki aktyelman bann Health Care Assistant e ranforsi zot konpetan pour fer zot vin Ners, nou kapab prezan rekrit ankor bann Health Care Assistants ki permet nou pli byen adres sa bezwen.

        E mon ti a kontan dir ki sa sif i baze lo nou pozisyon optimal en, savedir letan nou pe regard sa standar pli o nivo ki nou anvi arive, nou anvi al dan sa direksyon.  Mon pa konnen si, mon krwar sa i kouver en pti pe sa kestyon.  Mersi.

 

MR DEPUTY SPEAKER

Mersi Minis, Onorab Sebastien Pillay.

HON SEBASTIEN PILLAY

Mersi Mr Speaker, Mr Speaker mwan mon ou le ki zot kapab klarifye ek mwan an relasyon avek sa recruitment process ou bezwen annan ou attrition osi bann Ners ki pe retire.

        Akoz pa tou sa bann Ners ki pe reste i kapab annan ou lannen prosenn 4 Ners, 5 Ners ki retire.

        So eski zot annan en stratezik konpreansif ki pe enkorpor tou sa bann eleman pour ki zot kapab annan en in take ki pour match bann Nurse ki pe sorti e pour zot kapab travay lo en kapasite optimal avek sa bann Ners ?

        Apre i pa’n reponn mwan lo la kantite Ners ki, well i pa alegasyon, me sizesyon ki’n donnen se ki i annan bann Ners ki deor ki devret tournen, dir nou ki kantite ki i annan ki pe prozekte pour retournen. Mersi Deputy.

MR DEPUTY SPEAKER

Yes Minister.

 

MINISTER JEAN-PAUL ADAM

Mersi Mr Deputy Speaker, eskiz mwan wi mon’n mank sa bout kestyon lo konbyen Ners i annan ki par egzanp in sorti dan sistenm lasante i anvi petet fer en pe louvraz, mon napa sa sif avek mwan, mon krwar pa si mon bann Koleg i annan la avek zot me mon a kapab fer zot ganny sa sif e nou ava anvoy sa kot Lasanble.

        E, me sa ki nou bezwen gard an tet se pa zis si en dimoun i en Ners savedir i kapab re vin en Ners akoz ou annan sa Rezistrasyon ki bezwen ganny fer atraver Nurses and Midwives Council.

        E alor i enportan ki nou regard tou bann opsyon, bann profesyonnel, bann dimoun ki’n deza profesyonnel dan Lasante e ki kapab kontribye e sa i pa zis byensir pour Ners, i pour tou profesyonnel ki aktif dan Sekter Lasante.  Mersi.

MR DEPUTY SPEAKER

Onorab Simon Gill.

HON SIMON GILL

Mersi Mr Deputy Speaker, bonn apre midi tou dimoun, Mr Deputy probableman nou ganny trouve nou vin en nwizans avek kontinyasyon lo menm size.

        Akoz deor la nou pep i satisfe ki nou annan en sistenm Lasante ki gratwit, nou tou nou konnen konbyen i koute pour fer en senp pti loperasyon dan bann pei kot lasante ou bezwen pey A to Z.

        Nou dimoun i konnen, i annan osi pa konnen, e nou’n ariv en staz dan Sesel kot nou pep i dir i ok, nou satisfe avek sa posibilite pour nou tou ganny akse avek Lasante.

        Me ki nou oule an plis avek akse Lasante ?  Nou oule quality, quality health care, and it is not enough quality, we want an efficient and an effective Care system.

        Now ler nou dir nou annan nou en deficit 150 Nurse pour nou ariv lo optimum, mon’n tann i ris, swa mon’n ganny li mal oubyen non, ti dan en prozeksyon 5an, nou’n riske fini kapab ariv lo sa target ki la.

        Be pa ase sa, 5an tro bokou letan. Nou pa kapab pe dir nou pour kapab ganny selman 30 Nurse par lannen pour enzekte dan nou sistenm lasante.

        So si nou pran li depi 2017, 2018, ‘19, ‘20, ‘21 in fini tro lwen, nou ou le en target bokou pli kourt letan, en national drive pour ki nou target bann Lekol, bann lezot dimoun ki enterese e nou dedicate time and energy, and resources dan sa domenn pour nou kapab arive donn nou pep en lasante de kalite e ki efektiv e efisyant.  Nou pe envestir de milyon e de milyon Roupi atraver nou Bidze dan nou servis lasante oubyen dan sistenm lasante.

        5years too long unacceptable, we want better.  Mon pour atann zot mon konnen ou nouvo Minis pa santi ou pe ganny presyonnen.

        Me ou annan bann Dokter, bann Teknisyen o-bor ou la ki annan des années et des années dan sa servis Lasante, wi, so mersi Mr Deputy mon pa krwar mon’n pran tro bokou letan lo sa kestyon so mon ava atann en pli bon larepons kot nou bann dimoun ki la devan dan sa moman kot nou pe diskit en size ekstrememan enportan.  Mersi Bokou.

MR DEPUTY SPEAKER

Mersi Onorab, mon krwar ou’n fer en bon sizesyon, en bon propozisyon e petet ou pe anvi ganny en target me nou a les Minis reponn, si petet Minis i annan serten target ki bokou pli kourt. Yes Minister.

MINISTER JEAN-PAUL ADAM

Mr Deputy Speaker mon krwar osi petet bann Onorab petet pa’n konpran ki mon pe dir osi, i pa’n konpran lapros ki mon pe pran akoz nou annan nou stratezi lo lasante ki baze lo 5an ok, me en kantite bann Health Care Assistant par egzanp zot deza dan nou servis, zot deza la, zot deza pe travay.

        Toulezour zot pe donn sa servis me zot napa sa Diplonm, letan nou pe koz lo Ners nou pe koz Ners avek Diplonm ok nou pa pe koz, nou pe koz Standar, nou pe koz Sertifikasyon, nou pe koz ariv lo sa nivo ki pli o nivo.

        Alor premye eleman, e ler ou pe koz lo sa target nou, nou pa’n fer sa target par lannen me nou kapab fer li, ok e sa nou ava rod en fason pour nou kominik lo la.

        E mwan mon 100 poursan dakor nou annan en drive pour anmenn dimoun dan sa Profesyon, akoz i en Profesyon ki anmenn bokou ki mon kapab dir e satisfaksyon e loportinite osi pour devlopman personnel.

        Akoz enn bann eleman kle ki dan sa Bidze 2017 se ranforsi bann konpetans, bann dimoun ki deza dan servis Lasante donn zot sa loportinite pour zot agrandi zot kapasite e alor donn sa meyer servis.

        Alor letan mon pe koz lo 150, i pa 150 nouvo dimoun sa, bokou sa bann dimoun i deza dan nou sistenm lasante, me i 150 nouvo Ners, Ners ki ozordi napa, sa eleman ki touzour nou bezwen adres li dan en sistenm bokou pli sistematik se sa drive pour anmenn plis dimoun pour antre dan formasyon pour Ners.

        Sa definitivman nou bezwen fer li e mon apresye sa sizesyon sorti kot Onorab Gill ki nou al dan bann Lekol, nou al dan tou, e menm bann landrwa travay ki en pti pe afilye e ankouraz dimoun pour zwenn sa profesyon.  Mersi Mr Deputy Speaker.

MR DEPUTY SPEAKER

Mersi Minis, Onorab William ou kestyon ti lo sanmenm sa kestyon oubyen ou oule demann ou kestyon pli tar ?  Pli tar ok i pa lo sa size, Onorab Roucou ou ti annan en question arising ?  Mon vwar ou’n lev lanmen.

HON CLIVE ROUCOU

Yes Mr Speaker mon ti pe zis komant ankor en pti git lo Minis ki ti’n dir lo zafer Registration, mon ti anvi zis asir Minis ki i annan Ners ki pe son Registration avek Nursing Council me ki’n deza al kot Nursing Council pour vin travay volonterman, i annan ki’n vin lo part-time basis ki pa’n ganny aksepte, zis sa.  Thank you.

MR DEPUTY SPEAKER

Ok. Onorab Ramkalawan ou oule follow up?  Ok Minis.

MINISTER JEAN-PAUL ADAM

Mr Deputy Speaker nou pe travay lo en kad, letan sa kad in pare nou ava regarde.  Mersi.

MR DEPUTY SPEAKER

Ok, Onorab Ramkalawan.

HON WAVEL RAMKALAWAN

Mr Deputy mon zis anvi, mon kontan sa ki Minis in dir mon kapab konpran se sa nesesite me sa lannen zot in dir zot pe graduate 13 Nurse.

        E enn bann keksoz ki’n ganny fer resorti atraver Minis Lasante i dan son, se bann Grades, se bann Grades ki pe kontinyelman desann, i mean zis 7.5 poursan nou bann zenn ki pe ganny C and above pour Science mwens ki 13 poursan pe ganny C and above pour Maths ensidswit.

        E ozordi NIHSS nou konnen ki poudir parske zot bezwen 30 koman dan en cohort anviron 30 dan en cohort pour zot komanse en Course zot pe desann zot Grad, e zot Grad zot pe pran Etidyan avek E, avek F pour rantre dan sa Lekol e bann Dokter ki la zot konnen ki poudir sa standar i desann me selman lizye i reste lizye, zorey i reste zorey, fizyonomi en dimoun i reste fizyonomi en dimoun.

        E sa i pour fer ki sa ban etidyan avek sa kalite Grade pa pour kapab vreman meet the standard pour zot kalifye koman bann Ners ki konmsi ou apel zot Ners.

        E alor konmsi mon en pti git, mon pe, mon ti ava zis sizere ki Onorab Gill i byen in fer sorti sa nivo quality.

        Be ki zot pe fer vreman pour nobou vreman ganny bann etidyan ki petet ki fini zot A’ Levels oubyen ki fini, konmsi en pli o nivo pour nou kapab ganny sa kalite osi ki nou bezwen.  Mersi bokou.

MR DEPUTY SPEAKER

Mersi Onorab, Minister.

MINISTER JEAN-PAUL ADAM

Mersi Mr Deputy Speaker e mersi Onorab, sa kestyon resours imen, Lenvestisman dan resours imen i en parti fondamantal pour nou stratezi dan Lasante.

        E alor apartir dan sa Bidze dan 2017 parey mon’n dir bokou bann ranforsman se bann dimoun ki deza dan Sekter pour nou ankouraz bann dimoun ki pour al dan NIHSS, pour mwan premye eleman se premyerman donn valer sa travay ki pe ganny fer ozordi, donn valer sa bann Ners ki pe fer en travay ki bon, montre ki sa i anmenn en karyer

        E si ou regarde ozordi dan i, i annan bokou eleman nou bezwen ranforsi, me si ou regarde ozordi nou annan bann Ners ozordi i annan Degre dan nou sistenm lasante.

        E atraver nou progranm ranforsman lo konpetans e formasyon, nou pour kontinyen ankouraz plis Ners al fer bann Degre, e nou pe travay avek bann Lenstitisyon osi aletranze pour ofer plis sa bann opsyon pour kapab fer sa bann formasyon.

        Problenm a la baz ki ou’n fer sorti Onorab, se nou bezwen fer sir sa quality i la lo komansman, e mon krwar enn bann fason pour fer sa se pour nou konpran ki si sa en Ners.

        E en Ners i pa zis en louvraz kot ou pe sonny dimoun, i Ners i en dimoun ki vreman i en Leader dan Lasante, i en Leader.

        E ou regard dan nou kiltir dan nou tradisyon Sesel bann Ners in montre Leadership e alor i enportan pour nou regard li dan sa eleman, e letan ou pour regard bann opsyon ki en Ners pour annan atraver sa plan Resours Devlopman Imen.

        Mon krwar nou pour atir bokou pli bon bann graduates ki premyerman pour al dan NIHSS, me i depan lo nou tou, nou tou nou bezwen pas sa mesaz ki nou anvi sa kalite Ners ki pour vey nou letan nou vye.

        Nou anvi sa standar, sa pli o quality e se sa ki nou pe envestir, se sa baz, sa Lenvestisman ki i annan atraver nou progranm Lenvestisman lo formasyon ek devlopman resours imen.  Mersi Mr Deputy Speaker.

MR DEPUTY SPEAKER

Mersi Minis, bon nou a move on, Onorab Mondon.

HON TERENCE MONDON

Mersi Mr Chair, bonn apre midi Minis avek ou Delegasyon e tou bann Koleg MNA e tou dimoun ki pe ekout nou.

        Mon anvi komans avek en komanter, mon santi Minis mon konnen ou pa’n dan Minister, mon konpran be selman la nou pe koz lo re anmenn nou bann Ners ki kantmenm lo en baz part-time mon’n vwar ou konmsi ou ti en pti pe rizid avek ou, en sistenm en pe rizid par kont ki mon pour vin lo mon pwen.

        Sa Minister mon pa pour dir ou Minis sa Minister i sitan fleksib lafason ki zot zer sa larzan ki nou Bidzete pour zot donn lasante pep Seselwa.

        Akoz letan mon get dan rapor Oditer Zeneral i annan en kantite defayans, e i montre ou, akoz mon dir rizid, fleksib lo sa kote.

        I larzan pep Seselwa pour son lasante, ki pep Seselwa pe peye, i pa gratwit pour son lasante e nou, nou pe depans li nou pe fer gaspiyaz.

        E nou pe, nou pe out sours, i annan bann keksoz ki Oditer pa mwan ki dir i ladan, nou pe out sours par egzanp manze pour Lopital nou annan en sel caterer  pour Lopital Victoria, pour Wellness Anse Royale, pour Regional Home.

        E ler ou gete ni en Kontra valid Oditer pa’n kapab vwar, e ni en bon sistenm kontrol pour fer pour sir nou pe pey pour sa ki pe ganny order.

        E an plis ki sa malerezman mon aprann poudir  ni menm Ners pa ganny en pe manze ler zot lo duty, sa i zis an pasan i pa ankor konfirmen si i vre, be selman mwan mon anvi vwar ki fason ler nou donn larzan Minister Lasante, e ler ou get Bidze an 2015 i ti 428 milyon pour Health Care Agency.

        Ozordi 2017 i R800 milyon, en kantite larzan pep Seselwa pe dakor pour met dan son sistenm lasante e mon anvi an menm tan nou pe aprouv en Bidze pour Lasante mon anvi ou kapab garanti nou ki pour annan bann sistenm ki pour fer sir ki sak Roupi ki nou depanse i dan sistenm lasante nou kapab rann kont.

        E nou fer sir nou annan en sistenm pour nou kapab retir gaspiyaz, e tou bann keksoz ki sorti dan rapor Oditer nou bezwen pe deal avek.

        I akseptab i normal nou tou nou kontan nou lasante e selman nou pa kapab ogmant en Bidze plis ki R300 milyon dan en lannen pour nou kapab kontinyen vwar en sistenm ki fransman Onorab Simon Gill ki dimoun pa satisfe la deor akoz zot pe peye sa larzan, sa i enn.

        Mr Speaker mon dezyenm pwen i lo sa Bidze pour Lanbilans, i tris semen pase nou’n perdi en dimoun Bougainville in perdi son lavi apre ki in esper 40 minit pour Lanbilans arive.

Mon’n vwar 2014 ti annan en Bidze 4.1 pour aste Lanbilans e mon’n vwar dan Bidze osi in mete pour 2017 e nou pe pran 8.6 milyon par en loan avek Gouvernman India pour finans en loan, en foreign loan sa en pour finans sa bann Lanbilans.

        E mwan mon demann sa kestyon avek en Bidze koumsa akoz nou bezwen rod en loan pour finans Lanbilans, petet PS Finans i ava dir mwan 2 poursan lentere.

        Me selman mon ti a prefere vwar poudir zot in kapab rod en 4 milyon tou le-z-an pour nou met pour sa 2 prosen lannen mete san ki nou bezwen pran en loan pour aste Lanbilans.

        E sa i en pti pe mon konsern, zis an pasan si Minis i kapab konfirmen sa sistenm ki zot pe met an plas, zot sistenm Prokirman e en sistenm osi ki pour fer sir ki bann medical supplies, zot bann drugs i pour ganny monitor, zot kapab konnen ki zot maximum, minimum re order level fer sir ki toultan sa bann supplies vreman enportan i annan an stok ziska la sa sistenm pour kouver, si i osi pour kouver sa.  Mersi Mr Chairman.

MR DEPUTY SPEAKER

Mersi Onorab, Minis petet donn nou en gidans mon krwar Onorab pe kouver tou lede ansanm Health Department avek Health Care Agency, i paret ou pe anmenn kestyon lo tou lede.

        Eski nou kontinyen dan sa direksyon, petet PS Payet gid nou ki nou kontinyen sa direksyon, nou pran, nou merge sa 2 ansanm ok, zis pour pa ariv repetisyon taler, so nou ava merge sa 2 ansanm kestyon i ava vin either lo Health Department or Health Care Agency, ok?  Minis.

 

MINISTER JEAN-PAUL ADAM

Mersi bokou Mr Deputy Speaker, premyerman an se ki konsern bann Kontra nou’n pran not rapor Oditer Zeneral, nou agree e nou fer le neseser pour nou adres sa kestyon Kontab avek sa Operater.

        Akoz i enportan ki tou servis ki Minister oubyen ki Health Care Agency i fer, i ganny adrese atraver Kontra, e zisteman nou pe koz lo kalite.

        Nou pe koz lo quality, nou pe koz lo standar, alor nou pa kapab fer en lapel pour fleksibilite letan nou bi nou stratezi, nou bi nou stratezi se annan en pli bon standar e annan pli bon kalite.  E alor kot i annan bann eleman ki pa lo standar e kot i annan bann eleman e ki pa reponn standar kalite parey nou pe etabli, nou pour adrese, nou pour amelyor sa standar e fer sir ki nou adrese.

        An se ki konsern sa gran logmantasyon dan Bidze Health Care Agency e mon apresye Mr Deputy Speaker e tou bann Manm Onorab ki, e petet i pli fer sans ki nou diskit Minister e Health Care Agency ansanm.

        Me annefe sa logmantasyon i en pti pe artifisyel akoz si ou regard Bidze 2015, ou pou vwar ki bokou bann eleman depans ki ti ganny fer an 2015 pe aktyelman ganny fer anba Bidze Health Care Agency.

        Mon pa konnen si Minis Finans petet i ava azout, PS Finans i ava azout en pti pe lo sa size,.

        Epi an se ki konsern Lanbilans finalman nenport ki pei letan i pe envesti dan en byen, ou fer li an parti, a parti ou mwayen ou larzan pour ou menm e an parti larzan ki ou prete.

        Alors sa keksoz ki ou met li atraver loan oubyen ki ou met li dan ou Bidze i en desizyon finalman ki ou ti kapab met en lot keksoz dan sa loan, ou ti kapab met sa Lanbilans anba ‘Capital Projects,’ mon pa krwar sa i vreman kestyon, kestyon se nou ganny sa keksoz ki nou bezwen e nou ranforsi kapasite Lanbilans me pour re vin lo sa kestyon mon’n deza site ki enn bann eleman avek Lanbilans se lafason ki nou fer zesyon sa resours.

        Ok e Onorab in fer en pwen ki ti annan en ka kot li i santi poudir sa problenm in arive akoz Lanbilans in ariv an retar.

        Mon ti ava kontan ki si i ariv bann ka koumsa ki sa bann dimoun i met li an ekri, met li an ekri akoz nou, nou annan en Protokol lo envestigasyon.

        E menm la nou pe envestir dan bann lekipman ki permet nou, tou bann call ki ganny fer lo laliny dirzans nou kapab verifye nou, nou kapab pran aksyon si en Protokol pa’n ganny swiv byen.

        Me alor i enportan ki nou pa zis dir sa Lasanble ki i annan tel problenm, tel lot problenm, annou rikorde si i annan en problenm ki reel ki i en problenm dan Lasante, nou annan nou Protokol nou pour fer nou envestigasyon, mon a demann PS Finans si ou oule i ava azout lo la.  Mersi.

MR DEPUTY SPEAKER

Yes PS Payet.

PS PATRICK PAYET

Mersi Mr Chair, mersi Onorab zis pour azoute si nou get orizinal Bidze letan nou ti fer Appropriation Act pour Bidze 2016.

        Zis pour dir avek Lasanble, nou ti fer li zis pour ‘wages’ avek ‘goods and services,’ sepandan letan nou’n fer Bidze 2017 nou pe enkli ‘capital project ‘ladan.

        Sanmenm sa si nou regard lo paz 397 ki pour Health Care Agency nou pour vwar ki Bidze in ogmante sort R682.6 milyon pour ariv R800 milyon e sa i en increase 118 milyon.

        E ladan dan 118, 29 dan Wages, bann saler bann nouvo graduate, zot Scheme of Services, tou sa bann eleman 13 mwan lapey.

        Apre i annan R44 milyon ki dan Capital Proze sa increase akoz their Health Information System, pli gran eleman ladan se zot ‘use of goods and services’ R45 milyon.

        Sepandan letan nou get parey Minis in dir dan Minis, Departman Health nou pour vwar ki i annan R30 milyon rediksyon dan son ‘goods and services, letan nou ti pe regard Bidze nou vwar ki ti annan eleman ki ti tonm anba kot Departman Health, nou vwar ki dapre son Lalwa i bezwen tonm dan Health Care Agency.

        Sanmenm sa ki nou’n aranz li, letan ou pe regard li, letan ou pe regard sa Departman avek Health Care Agency i annan zis 15 milyon increase dan son ‘ use of goods and services’ dan son totaliteMersi.

 

MR DEPUTY SPEAKER

Mersi PS Payet, Onorab Basil Hoareau, question arising.

HON BASIL HOAREAU

Mersi Mr Chair. Mr Chair an relasyon avek servis Lanbilans, mon kestyon i an relasyon avek servis Lanbilans, Minis ou’n dir ki zot annan en Protokol.

        Dapre zot Protokol what is their response time ki en Lanbilans i devret ariv lo en scene la, e eski sa pour ganny improve par sa acquisition sa 6 Lanbilans, e si pour ganny improve ki mannyer zot krwar i pour reduce zot response time ?  Mersi.

MR DEPUTY SPEAKER

Mersi.  Minis.

MINISTER JEAN-PAUL ADAM

Ok mersi Mr Deputy Speaker e mersi Onorab, nou napa sa Dokter ki ansarz Accident and Emergency ki la aktyelman alor mon pa pe kapab donn ou sa sif, ki sa target response time me mon ava rod sa lenformasyon mon ava fer ou gannyen.

        An sa ki konsern sa nouvo Lanbilans i mars ansanm avek sa re organizasyon lo nou sistenm Lanbilans ki fer sir ki nou kapab deplway resours dan en fason efikas e nou ariv lo en standar ki amelyore e ki osi permet nou pli byen adres bezwen.

        E parey mon’n eksplike avan bezwen dan Sesel i annan diferan fason, i annan sa bezwen irzans e nou osi annan sa bezwen pour adres konsern dan distrik par egzanp, nou bezwen diviz sa 2 servis, sa i form parti sa revi.  Mersi Mr Deputy Speaker.

MR DEPUTY SPEAKER

Mersi Minis. Onorab Sophola.

HON NOLINE SOPHOLA

Mersi Mr Deputy Chair mon annan 2 kestyon, mon premye kestyon i spesifikman pour La Digue, ranforsi standar lasante pour kapab amelyor servis lasante i form parti ou plan Minis, se pour sa rezon ki mon pour demann ou.

        Si Lopital La Digue i kapab ganny 2 Dokter permanan, eseye regarde kot zot kapab met li dan sa Bidze.

        Rezondet ki mon dir sa se ki mon fermeman krwar ki en Dokter pa kapab travay 24er/ 24er akoz si in travay aswar en Emergency, bomaten i pa pe kapab vwar li lev-e pour li kapab regard son bann pasyan.

        E sa i koz bokou fristrasyon parmi bann dimoun, e osi letan nou pe koz lasante nou bezwen regard lasante nou Dokter osi.

        Mon dezyenm kestyon i en kestyon zeneral, ou’n dir taler ou pour met lanfaz lo training ek promosyon Staff, mon pe regarde bann school leavers bann petet ki pe reve oubyen zot ti a swete ganny en karyer dan koman Profesyon dan lasante.

        Me apre en lannen ki zot in fer training zot pa kapab akoz akademikman zot napa pour zot donnen, me selman zot annan sa vokasyon, zot doue zot anvi fer keksoz dan sa field, alor mon pe regarde ki Minister avek NIHSS pe fer pour kapab retenir sa bann zenn e posibleman pli tar donn zot sa la baz par egzanp letan nou pe pran en cleaner, si nou pran en cleaner ki annan en baz medikal petet i pour ed zot menm dan lasante, sa i enn petet ki mon ti a swete zot a kapab fer keksoz ladan.  Mersi.

MR DEPUTY SPEAKER

Mersi Onorab. Minis.

 

MINISTER JEAN-PAUL ADAM

Mersi Mr Deputy Speaker e mersi Onorab, toutafe, tou dabor an se ki konsern en Dokter permanan resours imen aktyelman pa permet nou met enn adisyonnel me selman nou pe sey vwar pour nou ogmant la kantite fwa Dokter i sorti Praslin i kapab vini pour fer sir ki nou baz li lo demann pour Dokter.

        Mon ava rapel osi ki nou pour kontinyen avek nou  progranm pour fer sir ki spesyalis i monte La Digue e an term nou plan stratezik lasante lo ranforsi sa kalite servis dan Lasante, sey regard bezwen bann dimoun lo La Digue e adapte bann servis ki disponib lo La Digue baze lo sa bann bezwen.  Mersi Mr Deputy Speaker.

Apre an sa ki konsern, an sa ki konsern ranforsman formasyon pour Staff, e si nou re vin ankor en pti pe lo sa kestyonner petet en keksoz ki mon’n oubliye mansyonnen

        Enn bann proze ki nou annan osi pour annan en legzanmen ki pour permet bann dimoun ki petet par egzanp i deza dan Lasante, mon’n koz ankor lo sa bann Health Care Assistants ki pour permet sa bann dimoun antre e annan sa, ziz zot konpetans pour antre zisteman dan en Diplonm pour Nursing.

        E regard osi bann diferan travayer osi dan Lasante ki mannyer nou kapab ranforsi zot konpetans a lonterm pour nou anmenn plis sa kalite dan servis lasante.

        Lo Lagreman mon a demann PS pour azout en pti pe lo la.   Mersi.

MR DEPUTY SPEAKER

Yes PS.

 

PS BERNARD VALENTIN

Mon ti a kontan osi dir Mr Chair ki NIHSS pe toultan rod fason pour entrodwir nouvo Course ki petet en dimoun ki pa kapab fer Nursing me selman i kapab fer en lot Course, par egzanp lontan nou ti napa sa bann Course EMT Emergency Medical Technicians Konmela nou annan, lannen prosenn nou pour entrodwir Course pour Assistant Nitrisyonnis ki lontan nou ti napa e toultan NIHSS pe get bezwen market lasante e i pe travay avek Minister e tou bann stakeholders dan Lasante pour kapab entrodwir nouvo Course toultan.

        Akoz fodre pa ki nou get Lasante zis an term Nurse avek Dokter, i annan kantite lezot travayer profesyonnel ki kapab antre dan sistenm lasante pour elev standar nou sistenm lasante e sa vizyon ki nou annan pour lavenir.

MR DEPUTY SPEAKER

Mersi PS.  Onorab Ramkalawan question arising.

HON WAVEL RAMKALAWAN

Yes Mr Deputy thank you Mr Chairman, mon ti pe, an swivan sa kestyon lo plis Dokter La Digue, mon ti pe, mwan mon ti a kontan azoute kekfwa en Paramedic parske La Digue i annan bokou aksidan.

        La bomaten in fek annan en aksidan kot en touris in tonbe lo en bisiklet e aparaman in kas lipye e i pran bokou letan pour Lanbilans ariv kot li Paramedic, sa, pli boner zot ti’n mansyonn Lanbilans, sa 6 Lanbilans, mon pe zis wonder parske sa osi tou i enn bann konplent ki nou pe gannyen sorti La Digue konsernan i annan 2 Lanbilans la, basically enn pa vo lot.

        Zot tir pyes dan enn zot met dan lot, letan lot i en soz… eski pour annan enn sa lanbilans ki pour al La Digue vi ki kestyon in lo La Digue.

        E apre sa en senp ti soz ultrasound mon pa konnen ki Dokter de-baz i a kapab servi pour degaz lasasen basically.  Mersi bokou.

MR DEPUTY SPEAKER

Mersi Onorab, Minister.

 

MINISTER JEAN-PAUL ADAM

Mersi Mr Deputy Speaker i enportan dan tou bann Health Centres ki nou annan ki  nou regard bezwen, e nou bezwen fer li a la baz zalon statistik lo la baz bann bezwen ki i annan reelman.

        Si nou mwayen ti enfini nou ti ava met Dokter, nou ti ava met 3, 4 Dokter lo, otour tou Health Centre san okenn problenm, me nou mwayen i pa enfini.

        An se ki konsern Paramedics sa nou kapab vwar li atraver formasyon bann dimoun, i kapab annan bann dimoun ki deza lo La Digue ki kapab ganny formen, mon ava enformen egzakteman lalis bann konpetans bann dimoun ki deza La Digue baze lo, e petet nou ava fer ou ganny sa akoz mon krwar i deza annan bokou dimoun avek konpetans La Digue mon pa kapab dir ou 100 poursan si i deza annan en Paramedic oubyen non.

        Me nou bezwen baz li lo konpetans, eskiz mwan nou bezwen baz li lo bezwen ki i annan dan sak Health Centre.

        Bon pour vin loi kestyon Lanbilans ki’n ganny demande pour La Digue nou annan en konsern, ki en konsern Nasyonal, se an zeneral lo Maintenance bann loto.

        Nou annan konsern, mon pa pour dir ki nou napa problenm sorti kot Minister menm kot i konsern Health Care Agency pour fer sir ki sa i ganny fer dan en fason ki byen, me nou annan osi problenm avek maintenance, sirtou avek bann lekipman ki spesyalize.

        E sa 6 Lanbilans i pour permet nou, sa bann nouvo Lanbilans i pour permet nou parey mon’n dir pli byen de plway nou resours.

        Me si zis nou met sa resours san regard la baz sa progranm zesyon nou pa pour amelyore, alor nou pe fer li dan baz bann standar o nivo ki nou’n etablir atraver nou plan stratezik pour Lasante.  Mersi Mr Speaker.

MR DEPUTY SPEAKER

Mersi Minis, Onorab Sophola follow-up.

HON NOLINE SOPHOLA

Mersi Mr Chair, en siplemanter mon ti pe al koz lo Paramedic me mon pa’n ganny sans, mersi sa ki’n fer avan mwan, me selman osi Minis mon ti a kontan premye soue si Zanvye ou ti rann en vizit La Digue, akoz ler mon pe dir sa set akoz mon konnen vreman ki mon pe dir ler mon pe demann 2 Dokter, me selman mon konnen ki resours i limite me selman i annan keksoz ki nou kapab fer pour amelyore.

        Akoz parey mon dir en dimoun pa kapab travay 24/24 e osi mazin zistans kot La Digue i ete avek Mahe i pa fasil.

        E pour sa mon demann zot ankor enn fwa vini pour nou vwar bokou keksoz kot lasante i konsernen La Digue.  Mersi.

MR DEPUTY SPEAKER

Mersi Onorab. Minis ou oule fer komanter.

 

MINISTER JEAN-PAUL ADAM

Mersi Mr Deputy Speaker, mon kontan letan mon ganny envite La Digue alor mon pa pour ezit-e pour mwan vini.  Mersi.

MR DEPUTY SPEAKER

Mersi Minis. Onorab Henrie,

HON GERVAIS HENRIE

Ok mersi Mr Chairman, Bonn apre midi tou dimoun par lefe ki Mont Buxton napa en Klinik selman mon oule fer 2 komanter zeneral ki bann dimoun dan distrik in demann mwan pour fer resorti.

        Parske i annan 2 keksoz ki dimoun i konsernen avek, servis lasante se batiman e alor zot ti pe demande ki sa Bidze larzan ki ganny allocate pour asire ki batiman i reste prop byen antretenir i byen ganny servi e asire ki i annan sa lokasyon.

        Parske zot en pe konsernen en zot in mansyonn Klinik La Rivière Anglaise an partikilye ki zot pa telman satisfe avek son leta, vwala.

        Dezyenmman travayer, i annan bann Travayer Lasante ki dan distrik Mont Buxton e letan nou koz Travayer Lasante souvan zot konsernen konmsi i konsern zis Dokter ek Nurse, be i annan plizyer lezot e si sa bann travayer pa happy zot pa pour kapab donn bon servis ki piblik i byen bezwen avek zot.

        E zot, zot pli konnen lekel bann diferan travayer Minister Lasante i annan e zot koz lo kestyon Scheme of Service tou dimoun i oule en pti pe plis, so zot pli konnen ki mwan zot ava gete ki mannyer zot pour get dan welfare sa bann dimoun.

        Mon kestyon prezan i vin lo kestyon bann Spesyalis, sa semenn ouswa semenn pase mon krwar mont i kot Lopital Sesel, Victoria Hospital zis o-bor la Casualty i annan en gro poster e i annan bann Spesyalis lo la ki ti pe vin fer vizit, mon krwar zot in fini vini.

        Prezan mon pe regarde mon dir be nou bezwen Sesel sa nou konmsi, konmsi i pa bezwen bann dimoun vini, prezan ki mon oule konnen plan Minister, mon konnen zot in koz en pe lo zot stratezi be zot in koz for lo Nurse.

        Me bann Spesyalis Seselwa ki progranm i annan pour train pour asire ki nou annan or menm bann Seselwa ki viv aletranze ki nou kapab pran kontak avek zot ki zot kapab vin fer bann vizit once in a while pour ed avek bann letid spesyalize ki zot in fer.  Mersi bokou.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Mr Deputy Speaker e mersi Onorab, an se ki konsern distrik Mont Buxton wi i napa en Health Centre spesifik pour li, me i ganny kouver byensir anba distrik La Rivière Anglaise       E Health Centre La Rivière Anglaise pe ganny en upgrade dan Bidze 2017 i annan en sonm R2.5 milyon ki’n prevwar pour adres serten bann konsern.

        Me osi avek proze re devlopman Lopital La Rivière Anglaise byensir i enn bann Sant osi ki nou pour regarde akoz i enn bann pli larz e ki zwe en rol kle dan nou sistenm lasante.

        Alor premye eleman se ki i annan sa previzyon dan Bidze 2017 pour nou vreman ranforsi sa lenfrastriktir.

        E mon krwar si zot regard pre dan Bidze nou pe fer zefor dan tou bann diferan Sant Lasante, nou pe rekonnet vreman sa nesesite ki nou pa kapab esper dan 5an, nou bezwen ranforsi kapasite, kalite deswit, e menm ki apre i annan en pti pe pli a lonterm ki osi anmenn rezilta.  An se ki konsern lapropte dan bann Health Centres, e sa i en size osi ki pros ek mon leker.

        E nou pe fer en travay aprofondir pour nou, e atraver serten bann dimoun ki nou pe al rekrite, sa i enn bann eleman ki nou pour al met bokou lanfaz lo la pour nou amelyore.

        An se ki konsern Scheme of Service parey in deza ganny note nou fek enplimant en nouvo Scheme of Service pour bann Ners ki meyer ki sa enn avan.

        Me lakle pour vreman fer sa Scheme of Service marse, se formasyon e ranforsman kapasite a lonterm e se atraver sa ki nou pour kapab vreman donn bann perspektiv devlopman personnel pour tou sa bann diferan Ners avek Profesyonnel Lasante an menm tan ki nou pe donn zot formasyon e nou pe osi travay avek zot lo sa Scheme pou regarde ki bann eleman ki touzour annan konsern.

        Byensir nou fek revwar la nou pa kapab al refer tou keksoz me nou kapab regard bann eleman ki pli irzan e sey vwar bann loportinite pour regard sa sirtou dan nou plan formasyon ek nou plan ranforsman kapasite.  Mersi Mr Deputy Speaker.  Si mon  kapab envit PS please pour azout de pti mo.

MR DEPUTY SPEAKER

Yes PS.

 

PS BERNARD VALENTIN

Wi lo sa kestyon Spesyalis mon krwar i nou bi koman Minister pour nou ganny otan Spesyalis ki posib akoz Dokter, akoz ozordi zour zis 1 degre Dokter, premye Degre i pa neseserman ase pour ou fer en bon travay.

        So i annan en progranm priyoritizasyon zenn Dokter pour zot ganny spesyalizasyon pour zot ganny anvoye pour al spesyalize.

        Aktyelman i annan senp 7 zenn Dokter ki’n fini ale pour al spesyalize aletranze.  So e nou pe travay avek ANHRD pour fer ki letan nou bann Dokter i fini zot premye degre zot ganny en sans pour fer zot Internship kot zot in etidye e menm kontinyen lo laliny spesyalizasyon e zot retourn Sesel koman en Spesyalis.

        Ozordi nou annan nou 44 zenn Dokter ki pe etidye aletranze, nou pe ekspekte, well i annan 3 ki’n vini 2015, i annan 3 ki pe fini an 2016, nou konnen ki i annan 4 ki pour fini zot premye degre an 2017, 10 ki pour fini an 2018, 11 ki pour fini an 2019, 5 ki pour fini an 2020, 5 ki pour fini an 2011, sorry 2021 e 6 ki pour fini an 2022.

        So si tou sa bann zenn Dokter zot fini zot letid e zot vin Spesyalis dan ankor detrwa lannen nou pour ganny 44 nouvo Spesyalis dan nou sistenm lasante.

        E nou bezwen sa bann Spesyalis Seselwa, e menm bann ki travay dan distrik zot devret Spesyalis dan sa domenn dan Family Health, dan Family Medicine, so nou oule ki partou nou annan dimoun byen kalifye pour mannyel nou sistenm lasante.

MR DEPUTY SPEAKER

Mersi PS, question arising, Onorab Ramkalawan.

HON WAVEL RAMKALAWAN

Question arising la lo sa kestyon lapropte, ou konnen mon anvi dir avek Minis Lasante, e Minis i nouvo, letan mwan koman en sivilyen mon asiz deor ICU e mon regard otour mwan mon vwar ki sa miray i sal.

        I annan Fungus lo miray i pa donn mwan lankourazman, i pa donn mwan lankourazman pour tou anything, espesyalman zot pe koz lo MRSA e tou sa bann zafer, letan mon al Yellow Roof mon antre anndan kot Dantis ankor enn fwa mon vwar i annan fungus lo miray, i annan bann lezot landrwa ankor ki staff in malad akoz fungus e sa taler nou pour vin lo la.

        Eski i pa ti ava posib pour Minister Lasante trouv dan sa Bidze, trouv dan Bidze ris en pti git isi, en pti git laba pour zot kapab anploy en group handyman.

        En group handyman olye tanzantan zis nou rod outsourcing kot apre sa i vin en gro Kontra, i vin en ta larzan, me si ti annan en group handyman ki zot, zot rol ti ava pe pase, penn isi, penn laba, netway isi, netway laba eski pa ti ava fer nou landrwa, fer nou Lopital, tou sa bann Lopital, bann Health Centres pli atiran ?

        Ki konmsi ou ti ava respire ou pa ti ava per pour ou abzorb kek mikrob ki ou pour sorti la pli malad ki ou ti ete.  Mersi.

MR DEPUTY SPEAKER

Mersi Onorab.  Minis.

MINISTER JEAN-PAUL ADAM

Mersi bokou Deputy Speaker e mersi Leader Lopozisyon pour lev lo sa size e pour donn en sans pour koz fransman lo size akoz i enportan pour nou rekonnet ki nou, letan nou’n batir nou bann Lopital, nou bann Klinik or i annan ki, ki’n ganny vreman fer pour sa rezon.

        Me i annan serten par egzanp nou bann Klinik ki bann batiman ki’n ganny konverti, i annan serten bann Klinik i bann batiman ki’n ganny fer koman en batiman.

        Me nou pe koz ozordi standar, kalite a lonterm, alors si par egzanp dan serten Klinik wi nou annan sa problenm fungus e si ou regard dan Bidze sa, bokou sa bann remedial works ki nou pe fer bokou dan sa bann clinics se pour nou servi en nouvo kalite lapentir zisteman ki anpes Fungus vini.

        E nou pe fer li gradyelman, i annan serten Klinik ki nou’n fini fer, i annan serten Ward ki nou’n fini fer, mon envit bann Manm Lasanble annou vizite ansanm si zot oule, zot ava vwar i annan travay pe ganny fer dan Lopital koman nou pe koze.

        I annan travay ki pe ganny fer, e bokou sa bann eleman se pour adres sa bann kestyon e byensir lakle lo lapropte se letan en problenm i arive nou adres li vitman e i pa zis, ou kapab annan kantite handyman si ou le, si napa en dimoun ki byen siperviz zot travay i pa pour marse non pli e sela kot nou pe met standar an plas, annan bann Odit endepandan ki donn nou sa bann standar ki verifye e kont sa bann standar e ki montre poudir wi nou lo sa standar e se sa lapros ki nou pour pran e ki pour rezourd nou problenm.

        Lo sa problenm MRSA mon krwar i enportan ki bann Dokter i koz lo la, mon ava envit Dr Louange petet pour koz lo al akoz i annan en kantite fo konsepsyon lo la, me i meyer bann Dokter zot menm mon krwar zot eksplik sa.  Mersi.

MR DEPUTY SPEAKER

Go ahead Deputy CEO.

DEPUTY CEO  DR DANNY LOUANGE

Mersi Chairperson lo kote MRSA, MRSA i en term i en aquarium ki nou’n servi pour en bakteri ki rezistans avek en serten Antibyotik.

        I ganny vwar koman en nwizans e laplipar letan dimoun i koz lo MRSA zot asosye li avek Lopital, zot asosye li avek cleanliness dan Lopital avek bann aktivite ki pase dan Lopital.

Wi dan en kantite pei, en kantite fasilite wi i asosye avek bann konplikasyon ek bann lenfeksyon ki ou gannyen Lopital.

        E me osi i annan en lot group MRSA ki osi nou vwar dan Sesel ki pa asosye, nou apel li community-acquired, i pa asosye avek bann konplikasyon oubyen bann lenfeksyon ki ou acquire dan Lopital, so sa ki mon krwar mon ti a kontan an bref pour highlight.  Mersi Mr Speaker.

MR DEPUTY SPEAKER

Mersi Deputy CEO. Onorab Herminie, non en moman eskize Onorab Herminie, Onorab Henrie ou ti annan en follow-up lo kestyon ?

HON GERVAIS HENRIE

Wi swivan repons PS Valentin, anfen mon tre enpresyonnen avek sa kantite dimoun ki deor pe, which is good mon apresye me ki mon anvi demann ou se ki.

        Tou sa bann dimoun pe retournen konmsi nou ok avek sa, konmsi zot pe retournen nou pa pe ganny difikilte avek zot pa pe retournen e wi se tou.

MR DEPUTY SPEAKER

Mersi. PS.

PS BERNARD VALENTIN

Well tandans dernyerman se ki bann zenn Dokter i retournen, en kantite i depan kote zot in study, par egzanp bann ki’n fer progranm India, Malaysia preski zot tou zot in retournen.

        E zot aktyelman la dan nou sistenm pe travay, nou annan en gran group Dokter ki’n study New Zealand ki zot, zot pa’n retournen.

        E nou konnen petet akoz zot pa’n retournen, me selman nou, nou pe dir ozordi nou, annou sey gete ki mannyer nou kapab travay avek sa bann Dokter pour zot kapab kontinyen ed nou sistenm Lasante menm si zot in fini etabli zot laba.

        Zot kapab vini par egzanp pour detrwa Mwan ed nou kontribye en pe dan sa sistenm Lasante epi retournen si zot oule, konmsi nou pa devret frenm laport net ek zot donn zot en posibilite pour zot re antre kontribye kantmenm en pti git.

        So i annan de pei kot nou anvoy Dokter i preski otomatik ki zot pour retournen, par egzanp tou bann Dokter ki nou’n anvoy Cuba par egzanp, zot pe retournen, tou bann Dokter ki nou’n anvoy dan Eastern European Countries la mazorite in retournen, so en kantite i depan lo kote zot etidye e ki posibilite i annan kot zot pe etidye pour zot reste e fer en karyer, fer en lavi laba.

MR DEPUTY SPEAKER

Mersi PS. Minister.

MINISTER JEAN-PAUL ADAM

Mersi Mr Deputy Speaker akoz mon ti anvi azout ankor enn de pti pwen ankor lo la, i osi enportan e PS in fer byen resorti sa problenm ki nou ti annan dan en serten letan Nouvelle Zélande.

        E par egzanp mwan mon ti ankor Minis Zafer Etranzer nou ti lev sa size avek sa bann pei e menm ozordi bokou sa bann pei zot refiz-e prezan anploy bann Dokter ki’n ganny anvoye lo Labous.

        E zisteman i en prensip devlopman, bann pei an devlopman parey Sesel, zanmen nou’n kapab pey en dimoun menm saler par egzanp en pei parey New Zealand.

        Mon dir zanmen pour limedya dan kad sa prosen 5an nou pa pour kapab, petet en zour nou a kapab me la ozordi i pa sa forseman ki nou kapab fer.  Me sityasyon ki’n sanze Sesel, deza mon ti a dir in sanze e se sa ki mon annan bokou konfyans ki sa bann Dokter ki deor pour tournen, se ki nou annan en sistenm ki bokou pli aprofondir aktyelman e kot ou kapab fer en Karyer dan en fason sistematik.

        Bokou sa bann dimoun ki’n al etidye, i bann dimoun ki pe fer bann spesyalizasyon, savedir zot in fini fer en premye letid medikal e zot ki zot pe prezan fer en spesyalizasyon.

        E sa Sesel nou pe ofer zot koman en fason pour nou gard nou bann Profesyonnel, ou konnen si ou en Dokter Seselwa dan en fason ou kapab ganny fastrack pour ou pourswit serten kalite letid.

        E menm avek re devlopman Lopital i annan serten Sant Ekselans ki nou kapab etabli, nou bezwen realis, en pei parey Sesel nou pa pour kapab fer tou spesyalizasyon i pa pour posib.

        Akoz spesyalizasyon i annan telman en kantite nou, nou popilasyon ki mannyer nou ete nou pa pour kapab fer tou spesyalizasyon.

        Me nou kapab kre serten lekspertiz, nou kapab ofer serten lekspertiz e envit nou bann Dokter Seselwa zisteman pour diriz sa lekspertiz, e se sa direksyon vreman ki nou pe al ladan e mon krwar ki atraver sa stratezi nou pour vwar bokou plis bann Dokter, e parey Dokter Valentin in deza dir leksperyans pli resan se ki bann Dokter i tournen akoz zot vwar zot loportinite pour zot devlope dan zot pei Natal petet i menm pli gran aktyelman atraver sa plan ki nou annan lo resours imen ki si zot pour reste dan en lot pei.  Mersi Mr Deputy Speaker.

MR DEPUTY SPEAKER

Onorab Ferrari question arising lo menm size?  Non ok, Onorab Herminie.

HON WILBERT HERMINIE

Mersi Mr Chair, bonn apre midi Minis avek ou Lekip, Minis mon pe fer referans lo Health Centre ki ou’n dir i pour fer upgrading, zis si ou ti kapab donn en pe detay lo ki kalite travay ki pa ganny antreprann dan sa upgrading.

        Epi mon dezyenm kestyon i lo si ou Minister i annan lide reviz la kantite shift ki bann Ners i fer e an pasan si ou ti kapab met en pti pe plis resours dan sa progranm Home Visit.  Mersi Mr Chair.

MR DEPUTY SPEAKER

Mersi Onorab.

MINISTER JEAN-PAUL ADAM

Mersi Mr Deputy Speaker e mersi Onorab pour sa premye parti kestyon mon pour demann Dokter Louange pour donn en pti pe bann detay lo ki egzakteman sa bann renovasyon dan Health Centre English River.

        Pour sa bann, sa kestyon Shift pour bann Ners i en kestyon difisil akoz serten bann Shift ki bon pour en bann petet pa tro bon pour en lot.

        Me i en konsern ki’n ganny lev-e par bann Ners e nou pour regard li avek en lespri ouver, nou anvi kontinyen sa dyalog avek bann Ners e vwar ki mannyer nou kapab asire ki nou annan sa standar ki neseser.

 E an menm tan ki i rekonnet larealite travay bann Ners, petet mon ava aret la e mon a demann Dokter Louange pour reponn sa lot bout kestyon.  Mersi.

MR DEPUTY SPEAKER

Yes Deputy CEO.

 

DEPUTY CEO  DR DANNY LOUANGE

Mersi Mr Chair, pour konsernan English River Health Centre nou annan nou pour lannen 2017 nou annan nou R2.5 milyon ki’n ganny bidzete pour renovasyon ki nou’n fini travay lo en plan ki nou pour fer pour sa renovasyon e nou osi even nou annan en scope of work, zis dan 2016 i pa’n permet nou pour nou kapab fer li.

        So ki nou annan nou anvizaze fer i mannyer si ou get English River son laform i annan en ta bann lespas potansyel kot nou kapab servi pour agrandi lespas ki i annan dan Klinik li menm.

        E so par fer sa, pa fer… pa expand sa lespas ki i annan dan English River nou kapab expand bann lasanm bann lespas pour bann servis parey Farmasi par egzanp.

        E menm nou pe target Emergency Room si ou okouran Emergency Room i en pe sere so sa nou pour expand li, nou pour osi met en Observation Bay avek li osi.

        Apre en lot fasilite, en lot servis ki nou vwar ki nou bezwen plis lespas i Dressing Room, e sa bann fasilite ki nou pe mazin expand avek sa renovation.  Mersi Mr Speaker.

MR DEPUTY SPEAKER

Onorab Aglae ou annan en follow up ?  Ale.

HON EGBERT AGLAE

Mr Chair vi ki Dokter Louange pe koz lo bann remedial works parey i pe dir petet osi si i kapab tous en pti gin akoz mon pe vwar i annan 150 mil pe ganny mete dan Beolière, 200 mil dan Port Glaud, mon ti a kontan konnen ki bann travay ki pe ganny fer anba sa remedial works osi.  Mersi.

MR DEPUTY SPEAKER

Mersi Onorab Minis petet ler ou pran sa i annan en bout kestyon Onorab Herminie osi lo Home Visit ki pa’n ganny reponn, go ahead Minis.

MINISTER JEAN-PAUL ADAM

Mersi Mr Deputy Speaker pour fer mwan mazinen lo sa, otan ki posib lo Home Visits en, otan ki posib nou anvi ogmant e amelyor sa me i en kestyon kapasite resours imen.

        Alor i vre ki dan limedya 2017 avek bann nouvo staff ki i annan nou pa pe ekspekte kapab ogmant li sitan sa kantite me dan nou plan an mwayen term sa i form parti nou stratezi, Dokter Louange i ava donn en pti pe update osi lo la.

MR DEPUTY SPEAKER

Yes Deputy CEO.

 

DEPUTY CEO – DR DANNY LOUANGE

Mersi Mr Chair lo konsern Home Visit nou annan nou stratezi pour lannen 2017, i pour parey Minis in dir i pour strengthen li.

        Nou’n entrodwir or nou pe al entrodwir en servis ki pour tonm anba progranm specifically ki pour apel domiciliary care e nou pour annan en Nurse Manager ki pour run li.

        Domiciliary Care i pour bann vizit ki nou pour fer, bann Home Visit, Healthy e menm bann pasyan ki malad osi.

        E si ou get statistik i annan en kantite ki nou pe fer deza Home Visit kekfwa i pa aparan, me si ou get nou statistik pour 2015 nou annan apepre 13mil Home Visits ki nou’n fer dan Kominote atraver Praslin, La Digue e Mahe.

        So nou pour, ki nou pe sey fer sa lannen i parey plan stratezik Nasyonal pour lasante i pour anmenn balans lasante dan Kominote e sa enn bann keksoz ki nou pe fer.  Mersi Mr Speaker.

MR DEPUTY SPEAKER

Mersi Deputy CEO, Onorab Aglae ou kestyon in ganny reponn, in ganny touse?

 

HON EGBERT AGLAE

Non Mr Deputy pa ankor, pa ankor reponn Mr Chair.  Mon ti pe zis, vi ki i ti pe koz lo travay ki ti pe ganny fer lo Health Centre English River, mon ti a kontan konnen vi ki dan PSIP i annan 150 mil ki’n ganny mete pour Beolière Klinik avek 200 mil pour Port Glaud, ki sa travay pe konpri anba sa remedial works ?  Mersi.

MINISTER JEAN-PAUL ADAM

Mersi Mr Deputy Speaker ankor mon pour envit Deputy CEO pour donn en pti pe apersi, me zis nou anvi diferansye ant bann remedial works ki ou pe adres bann konsern imedya e avek osi en upgrade apre dan ka English River i en travay pli sibstansyel.

        Tandis ki parey dan ka par egzanp Port Glaud i travay en pti pe pour amelyor par egzanp sekirite landrwa, met aircon dan bann lasanm ki napa, bann eleman koumsa selman mon pa konnen si ou oule donn en pti pe plis detay Dokter.

MR DEPUTY SPEAKER

Yes Deputy CEO.

DEPUTY CEO – DR DANNY LOUANGE

Mersi Mr Speaker, wi parey Minis i dir sa bann travay ki nou pour fer Port Glaud ek Beolière i pour tous bann travay ki nou vwar i neseser dan imedya.

        Par egzanp twa, louvers, lafnet, bann burglars bar bann keksoz ki pour amelyor nou fasilite e osi i annan bann lezot travay maintenance osi ki nou bezwen fer pour tou lede Klinik.  Mersi.

MR DEPUTY SPEAKER

Mersi Deputy CEO. Onorab Vidot.

HON AUDREY VIDOT

Bonn apre midi Mr Chair mersi, bonn apre midi Minis avek ou Delegasyon tou Manm Onorab, piblik ki a lekout.

        Minis mwan mon kestyon i premyerman pour ou Minister Lasante si nou pour kontinyen avek mon lasante, mon responsabilite mon ti a swete vwar zot Polisi an term Regilasyon letan zot fer vizit kot bann lakour zot issue sa bann let pour bann dimoun pran zot responsabilite pour kit kot zot prop, pour zot prop safety lasante i mord en pe plis akoz bokou nou bann dimoun i neglizans e apre a lafen dizour zot vwar zot pe ganny afekte, anliny avek vizit osi pour mwan aforsi sa ki Onorab Herminie in dir, pa zis pour lasante pour bann Nurse ek Dokter ki al vizit bann dimoun dan distrik me plito osi pour bann Public Health Officers.

        Mon pa konnen si dan sa lespas 2an zot in ogmant zot lakantite Zofisye ki fer ki baze par rezyon, sa osi pour ede sansibiliz en pti pe, vwar osi ki bor bann defayans ki i annan dan bann Kominote an term lizyenn.

        E mon kontan pour tann Klinik Larivyer Anglez pe ganny upgrade prenon kont ki i pe deservi 6 distrik ki fer mwan vin lo sa laliny osi pour Klinik Les Mamelles ki deservi mon distrik enkli Cascade, Plaisance, avek Les Mamelles li menm.

        Mersi pour lenvitasyon pour fer nou konnen poudir i pe al re ouver son laport ankor, mwan mon kestyon lo la eski 2017 anba Bidze ki zot in gannyen pour zot staffing, se sa Klinik eski pour ase Dokter pour kapab deservi sa 4 distrik ki mon’n mansyonnen ?

        E sa osi nou bezwen pran kont osi pour English River parey mon’n dir i annan 6 distrik e prenon kont ki sa bann Dokter i pa pour zis baze dan Klinik e zot bezwen progranm zot osi pour fer vizit.  Mersi.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Bokou Mr Deputy Speaker e mersi Onorab, definitivman an term bann Home Visit nou anvi ranforsi nou mesaz ‘Mon Lasante, Mon Responsabilite’ akoz sa i form parti la baz pour adres bann premye problenm ki nou annan dan lasante se finalman bann fason viv ki kre lezot problenm swa Kominoter oubyen bann problenm swa avek lasante sa endividi.

        I tous en pti pe en lot Departman e sa se Public Health Authority ki pe vini apre me nou napa problenm pour nou koz lo la, la zot annan en rekritman ki zot pe fer an 2017 avek bann nouvo zofisye.

        Wi i annan 9 nouvo zofisye pour antre dan Public Health Authority, bann Public Health Officers.

        An se ki konsern Les Mamelles sa pe ouver le 4 Zanvye e sa i adres bokou sa bann konsern dan sa bann distrik.

Pour bann staffing pour Les Mamelles ek English River e sa i en keksoz ki nou’n deza prevwar e mon’n deza, bann Staff ki ti deza dan Les Mamelles pe prevwar pour la, me nou osi regard bann servis adisyonnel ki pe antre.

 i vre ki i annan serten Sekter kot i annan serten kontrent par egzanp Dantis me dan nou plan rekritman nou pour adres sa bann konsern an parti an 2017 e mon espere ki par lafen 2017 nou pour annord an se ki konsern bann staff pour sa 2 Sant Lasante, mon ava petet demann zis Deputy CEO pour konfirm sa lo kote staffingOk mersi.

MR DEPUTY SPEAKER

Yes Onorab Vidot.

HON AUDREY VIDOT

Yes, zis ler pour sa bout kot Dantis osi tou kot Klinik Les Mamelles la, savedir petet nou ava pli garanti an term bann lekipman parey fos dan pour aranz bann ledan i pour en pti pe pli byen ki avan.  Ok mersi.

        Pour Corgat Estate osi tou akoz depi ler mon’n konn sa Klinik mon’n grandi Corgat Estate i zis pyeste detrwa pti landrwa, i osi ti a byen dan le fitir nou a aranz li en pti pe.  Mersi.

 

MR DEPUTY SPEAKER

Mersi Onorab, Onorab Stephen Pillay.

HON STEPHEN PILLAY

Mersi Mr Chair, Mr Chair mon annan de pti kestyon pour Minis, se konsern renovasyon i annan NIHSS ki 2017 e 2018 i ariv R9 milyon, 401.

        Ki relasyon i annan avek sa vye block of Mont Fleuri la kot par deryer Mortuary si zot annan nide pour renovate li, pour servi li as a proper NHIS pour manrmay lekol.

        Lot kestyon se pour sa, taler ou ti koz lo la, eskiz mwan kekfwa mon pa’n tande boner zot information system ki loan pe gannyen.

        Eski sa nou pour kapab ganny nou bann lenformasyon ki en endividi i annan konplet si nou anvi pour nou kapab fer, par egzanp nou pe al Sri Lanka or whatever pour al trete nou ganny tou sa lenformasyon.

        Akoz dernyen fwa nou ti ganny en konpran ki serten lenformasyon i reste pour Minister pa pour sa pasyan ki bezwen sa lenformasyon.  Mersi Mr Speaker.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Mersi Mr Deputy Speaker e mersi Onorab, bon tou dabor pour NIHSS kot i ete aktyelman i annan serten kontrent ki bezwen ganny adrese par egzanp son sistenm elektrik i bezwen ganny ranplase konpletman.

        E son twatir osi i bezwen ganny konpletman ranplase ensi byen ki tou lezot eleman dan son renovasyon i annan son libreri, i annan plizyer eleman dan sa re devlopman.

        I annan osi e, i annan osi en eleman ki petet pa pe sorti kler dan Bidze akoz dan sa Health Information System zisteman ki nou’n koz lo la, enn bann keksoz ki nou pe bezwen fer se nou pe bezwen konpletman refer tou sistenm elektrik dan Red Roof building.

        Akoz se sa dan nou re devlopman Lopital ki pour vin la baz Ladministrasyon Lopital, e letan ou pour fer sa tou bann dimoun ki la aktyelman pour bezwen sorti.

        Alor dan en premye staz, bann Staff Minister ki baze la pour al dan sa vye batiman NIHSS ki la Mont Fleuri.

        E dan staz pli lwen sa batiman pour re ganny met a dispozisyon NIHSS dan re devlopman Lopital, alor sa 2 porsyon Bidze en pti pe i reflekte sa travay ki pe ganny fer, mon pa konnen si zot oule donn en pe plis detay lo sa laliny ok.

MR DEPUTY SPEAKER

Yes PS.

 

PS BERNARD VALENTIN

Annefe sa ki Minis in dir i korek, i konpletman korek.  Mersi.

MR DEPUTY SPEAKER

Ok, Onorab Ramkalawan, question arising.

HON WAVEL RAMKALAWAN

Non, non.

MR DEPUTY SPEAKER

Ok Minis go ahead.

MINISTER JEAN-PAUL ADAM

Apre an se ki konsern the Health Information System i pour fer li bokou pli fasil pour nou kapab donn lenformasyon personnel avek bann pasyan dan en fason vitman.

        Aktyelman mon osi mon’n ganny dir par serten dimoun ki Lopital pa pe donn zot lenformasyon selman letan mon’n verifye petet i sa keksoz ki zot ti pe demande.

        Akoz si ou lenformasyon i lo ou koman en endividi sa lenformasyon mon annan toutafe dwa pour annan sa lenformasyon ok.  Mersi.

MR DEPUTY SPEAKER

Mersi Minis, Onorab Ramkalawan.

HON WAVEL RAMKALAWAN

Yes, zisteman lo sanmenm sa kestyon lo sa batiman NIHSS dernyen, koriz mwan eklersi mwan, be lannen pase ti annan R2 milyon.

        Ti annan R2 milyon dan en Bidze pour sa e ki mannyer mon aprann Dokter Valentin petet ou menm ou konn keksoz lo la.

        Ki apre ti annan sa 2 milyon ki ti fer lot keksoz avek, sa mon ti a kontan ganny en leklersisman, zis eklersi mwan parske se sa lenformasyon ki ‘n vin dan mon latansyon.

        E dezyenmman lo sa size rapor medikal, akoz i pran 3 semenn pour ganny en rapor medikal, parske parfwa i annan dimoun i bezwen deplase en pe vit e konmsi i annan en long delay avan ou ganny en rapor medikal, ki zot pe fer pour zot improve sa ?

MR DEPUTY SPEAKER

Yes Minister.

 

MINISTER JEAN-PAUL ADAM

Mr Deputy Speaker, Leader Lopozisyon nou ankor pe sey verifye mon krwar ki sa larzan avan ti ganny varye akoz i pa ti ganny servi si mon pa tronpe me mon pour zis konfirm sa en pti kou.

        Apre sa kestyon delay letan, kantite letan ki i pran pour ganny en rapor, se en kestyon resours imen e osi byensir sa Dokter i bezwen sa File devan li pour li kapab byen fer sa rapor.

        Si pour sa wi parfwa i pran en pti pe tro bokou letan e se pour sa i enportan pour nou annan sa Health Information System ki pour ed nou pli efikas, mon ava les PS azout en pti zafer lo la.

MR DEPUTY SPEAKER

Yes PS.

PS BERNARD VALENTIN

Non mon ti a kontan azoute ki dan Bidze lannen pase ti annan larzan pour fer sa menm travay ki nou pe al fer lannen prosen pour NIHSS North East Point, so sa larzan ti la dan Bidze li.

        I zis ki nou pa’n kapab fer sa travay sa lannen alor nou’n anvoy sa travay pour lannen prosen, me selman ti annan en larzan vote ki ti pour fer sa travay sa lannen 2016 ki nou pa’n reisi fer e alors nou pe fer lannen prosenn.

MR DEPUTY SPEAKER

Onorab.

HON WAVEL RAMKALAWAN

Me zisteman lo sa landrwa laba mon krwar nou koman tax payers nou’n vreman dezapwente avek Minister Lasante parske sa travay ti’n byen avanse a en serten moman ti’n menm kouver, e apre sa, sa ki nou’n vwar se dimoun rantre konmsi sete zis en labandon, en labandon total.

        Well apre sa nou’n vwar en labandon total kot dimoun zis in rantre, zot in menm komans kouver avek bann tol rouz, tol ti rouz e bann dimoun zis in antre e zot in fer shopping.

        Gran midi bann dimoun ti pe ale avek bann soz e napa absoliman nanryen ki’n ganny fer, e sa nou, nou apel sa en pe neglizans total parske se larzan dan Bidze ki nou pe koz lo la, e la nou bezwen retrouv ankor sa larzan pour fer ankor sa bann menm keksoz.

        Alors mon espere anba ou gidans Minis nou pa ava trouv en repetisyon.  Mersi.

MR DEPUTY SPEAKER

Minis.

MINISTER JEAN-PAUL ADAM

Mersi Mr Deputy Speaker e mersi Onorab, annefe personnelman mon pa tro okouran sa bann eleman an 2015 me mon a demande en rapor konbyen ki ti ganny depanse.

        Mon krwar ou pe refer 2015, oubyen avan ?  Nou ava verifye sa nou a sey enformen e nou ava regard osi rapor Oditer Zeneral mon krwar pa si zot in lev sa size.

        So mon bezwen rode akoz ki sa pa’n lev-e si vreman i ti dan Bidze 2015 akoz dernyen rapor Oditer ti le 14, an tou ka nou ava verifye sa bann eleman pour nou kapab byen, kapab konpran sa.

        Me zis pour repete ki dimoun pa mal konpran, la nou annan sa premye eleman pour fer sir kot aktyelman la kot NIHSS i ete North East Point ki zot dan en sityasyon konvenab akoz i annan travay dirzans ki bezwen ganny fer parey mon’n dir lo sistenm elektrik lo twatir.

        E sa kestyon lo Ladministrasyon Minister pour li bouze tanporerman sepandan ki sa bann travay i ganny fer ki en travay esansyel pour nou enplimant sa Health Information System ok.  Mersi Mr Deputy Speaker.

MR DEPUTY SPEAKER

Mersi Minis, bon zis mon annan en pti konsey pour bann Manm annou sey fer nou kestyon pli short, pli presiz akoz i ankor annan en bon pe Manm e nou pe tous zis 2 Heads ziska prezan, Onorab Woodcock.

HON WAVEL WOODCOCK

Mersi Mr Chair, bonn apre midi tou dimoun, mon kestyon mon’n aprann poudir i annan en mankman base plate Sesel pour bann dimoun ki’n fer by-pass Colostomy, sa klosdo ki Colostomy bag i antas lo la sirtou bann dimoun, mon krwar i bann dimoun ki mobile, i pa bann dimoun bedridden akoz i en konsern ki mon’n met devan ki mon dir kekfwa zot kapab klarifye sa.

        Akoz sa konsern i sorti lo enn de bann dimoun ki bezwen sa Praslin pour ki, so zot ava klarifye sa.

        Apre mon dezyenm kestyon i lo Baie St Anne, Lopital Baie St Anne ti annan en alokasyon 9 milyon, mon mazinen i pour 2016, anba ti 14 ‘capital project.

Pour 2016 2.2 milyon mon vwar in ganny Bidzete pour depanse pour fer proze Lab store workshop, Mortuary, drivers bill, Library plus retention.

        Me selman mon’n vwar zot in spread sa larzan pour detrwa lannen, mon mazinen kekfwa sa proze pour ale ziska dan bann 2019 or menm plitar ki sa 2020.

        Mwan mon kestyon se akoz zot pa consummate sa larzan e fer ki sa bann proze in fini en pti pe pli vitman ki oule ou spread sa larzan a lonterm akoz se bann keksoz ki ase pertinan ki zabitan Praslin, i bann konsern ki’n ganny met devan pour en pti pe letan.

        E mon apresye osi Minis in mansyonnen ki i annan en travay remedial ki pe al ganny fer lo Klinik Grand Anse Praslin ki en pe letan.

        Zabitan Praslin pe ganny demande osi pour bann LPG osi pour annan en proze pour sa pour fer Storage Facility.

        Mon lot kestyon ki mon pe vin lo la i konsern issue Dantis, servis danter Praslin avek Okilis bann Spesyalis lizye, sa problenm i osi i tous La Digue, Inner Island i annan zis en Dantis ki deservi La Digue, Baie St Anne, ek Grand Anse Praslin.

Eski Minis i kapab get ladan servis pa adekwa pour sa kantite dimoun ki bezwen servis danter Inner Islands osi.

Okilis i menm zafer, i osi annan en mankman Okilis, Spesyalis Lizye lo Praslin, zabitan Praslin i bezwen al fer tes Mahe e menm zot linet e i kout zot bokou larzan sirtou bann paran ki bezwen deplase avek zot zanfan pour al Mahe.

La mazorite Praslinois e mon mazinen e mon mazinen Diguoise osi i bezwen al fer tes, tes lizye Mahe kot bann Okilis prive.

En lot kestyon ki mon anvi demann Minister, eski Minis osi i kapab konsider subsidize ouswa ede fer peyman linet ki fer par bann Okilis prive ?

E osi eski zot kapab fer provizyon pour annan en tel servis lonterm ouswa permanan Praslin.

Minis in mansyonnen konmkwa i annan 9 Lanbilans ki zot pe fer vini byento si mon pa tronpe 6, si zot kapab get dan Praslin osi, akoz Praslin osi i annan en konsern kot mon krwar i annan zis en Lanbilans ki pe deservi Baie St Anne avek Grand Anse kekfwa zot kapab get dan posibilite anvoy enn sa Lanbilans Praslin.  Mersi bokou.

MR DEPUTY SPEAKER

Mersi Onorab. Minister.

MINISTER JEAN-PAUL ADAM

Ok mersi Mr Deputy Speaker, eskiz mwan mon krwar nou’n mank sa premye parti ou kestyon, mon ava demann ou pour repete me mon a kapab reponn larestan an atan-dan.  Sa kestyon, oule repran ?  Sa premye parti ou kestyon.

HON WAVEL WOODCOCK

Mon pa Layman dan Lasante, me selman mon ava sey eksplik sa, konsern ki’n ganny met devan mwan se ki mon krwar i annan en Base Plate bann dimoun ki’n fer by-pass, Colostomy.  Base plate non ? Base plate mon krwar wi, ki sa Colostomy ouswa i Colostomy bag i antas lo la, Colostomy yes.

        Ki zot dir se ki konsern i annan bann ki zis bann dimoun ki bedridden konmsi ki napa bezwen deplase, sa i enn de bann dimoun ki’n fer sa Loperasyon ki’n met devan mwan.

        Kekfwa ou kapab tous en pti pe lo la, parey mon dir mon pa en eksper lo sa field me kekfwa zot kapab…

 

MR DEPUTY SPEAKER

Mersi. Minis.

HON WAVEL WOODCOCK

Mon mazinen i bezwen Colostomy bag non?  Kot Colostomy.

MINISTER JEAN-PAUL ADAM

Ok mersi bokou Mr Deputy Speaker e Onorab, mon pour les Dokter Louange pran laplipar bann eleman dan sa kestyon.

        Me an se ki konsern pour fini bann proze konmsi pour fer en sel kou i annan plizyer eleman.

        I annan dan serten ka kot ou pour vwar par egzanp bokou bann proze remedial e rea bitasyon se pour permet nou annan en premye faz apre pour annan en renovasyon ki pli larz.

        Alor i pli fer sans pour nou fer serten keksoz ki en pti pe pli irzan akoz nou anvi fer sir ki sa kalite i la e an menm tan ki nou annan sa plan pour fer sa redevlopman pli larz a lavenir.

        Osi i en kestyon kapasite akoz parfwa letan ou pour depans tou en sel kou i vedir ki ou bezwen met resours dan zis en landrwa, avek la kantite Health Centres ki nou annan, e bokou sa bann Health Centres i baze lo zot laz, nou bezwen fer nou bezwen fer bann pti travay pour sey met zot en pti pe lo nivo avan ki nou fer re devlopman a lonterm.

        An se ki konsern sa propozisyon pour subsidize linet, an term Sesel nou deza annan en sipor lo nivo lasante ki al byen odela ki preski tou

Pei ki mwan mon’n fer resers lo la.  Dan bokou pei ki’n koz lo lasante gratwit, i pa enkli medikaman.  Sesel i enkli medikaman – dan bann lezot ka i enkli bann lezot sipor.   Sistenm ki nou annan an plas se atraver Lazans pour Proteksyon Sosyal kot bann dimoun ki vreman napa sa mwayen ki permet zot ganny en linet zot kapab ganny en sipor atraver en lasistans avek Lazans pour Proteksyon Sosyal si byensir zot reveni i par anba bann ki Lazans pour Proteksyon Sosyal in etabli.  E sa byensir i pa pou kouver pri antye sa linet me i kapab ed zot dan en serten ka.

Nou’n osi travay avek serten group parfwa pou fer bann donasyon par egzanp avek bann manrmay lekol, alor nou sey en fason ki en dimoun ki pe bezwen linet i ganny son linet.  Me nou pa kapab toultan fer tou keksoz e subsidize atraver bann biznes prive petet i en keksoz a se moman ki en pti pe difisil.  Mon’n reponn sa bout akoz i en pti pe Polisi me mon a demann Dr Louange pou reponn  bann lot parti ou kestyon ki en pti pe pli teknik.

 

 

MR DEPUTY SPEAKER

Mersi Minis. Deputy CEO.

HON WAVEL WOODCOCK

Sa i enkli provide servis danter akoz i annan zis 1 Dantis ki pe servi sa 3 distrik plus pour fer provizyon ki nou annan en servis permanan pour bann tes lizye avek, fer provizyon wi lo Praslin e bann ki byen fer pour depans sa ta larzan pour al Mahe osi.  Mersi.

MR DEPUTY SPEAKER

Deputy CEO.

DEPUTY CEO  DR DANNY LOUANGE

Wi mersi Mr Chair pour an konsernan servis lizye nou anvoy, i annan en Spesyalis Lizye ki al Praslin e vwar pasyan osi La Digue tou le Mwan e sa nou fer sir ki nou maintain sa servis.

An konsern met bann lekipman Praslin pour nou kapab fer bann tes e bann lezot prosedir Praslin, sa nou kapab gete an lonterm.

        Pour le moman la nou napa sa kapasite, e mon krwar pour le moman lo term imedya nou bezwen kontinyen avek sa servis ziska ler nou kapab improve nou, ogmant nou kapasite ki nou annan lo Mahe.

        An konsernan danter nou annan en Dantis Baie St Anne, nou annou nou osi en Dental Therapist, nou annan Dental Therapist, nou annan Dental Assistants.

        Wi i kapab vwar i annan en shortage si oule ogmant servis danter, nou a kapab get ladan e nou ava amelyor sa servis, e nou a rod en fason ki bor nou kapab improve servis danter Praslin.  Mersi Mr Deputy Speaker.

HON WAVEL WOODCOCK

Osi Lanbilans, si zot pe konsider anvoy enn sa Lanbilans pour deservi, i annan 2 distrik Praslin, i annan zis 1 Lanbilans anse moman.

MINISTER JEAN-PAUL ADAM

Mr Deputy Speaker si ou permet mwan pour antre, byensir nou pour met Lanbilans kot nou kapab annan plis lenpak e kot nou kapab fer sa diferans e sa i pour baze lo bezwen, baze lo statistik e osi lo re organizasyon sa resours ki nou pe fer resanman.  Mersi.

MR DEPUTY SPEAKER

Mersi Minis, mersi Deputy CEO.  Mon re donn direksyon Lasanble, si nou pour kontinyen koumsa mon krwar nou pour fini minwi ozordi, annou silvouple diriz nou kestyon dan Bidze.

        Okenn lezot kestyon an deor, i kapab ganny anmennen pli tar dan proper Question Time avek sa Minister.

        Annou fer nou kestyon lo Bidze ki devan nou e Sesyon se ki nou pe depouy Bidze Minister Lasante ek Zafer Sosyal.

        Onorab Churchill Gill ou annan kestyon lo la e ki konsern ek Bidze?  Go ahead.

HON CHURCHILL GILL

Ya Mersi, mon kestyon se ler nou pe debat lo Bidze Minister Lasante mon anvi met lo rikord an menm tan fer request ek Minis ki Lopital Baie St Anne popilasyon ki i desarze nou bezwen get li koman en Lopital par bann bits and pieces dan fer sa enn bout nou a fer sa lot bout;- akoz in ler pour Baie St Anne akoz ler in dir dan son progranm 5an, in ler pour li get Baie St Anne avek bann servis desantralize spesyalize ki pe ganny fer Mahe.

        Akoz bokou fwa nou bann pasyan ler pour desann Mahe pour al pran servis, pour ganny servis ki napa Praslin i annan dan sa process zot in perdi zot lavi.

        Alors pour sa rezon ki nou oule ler pe prepar Bidze pran kont pour Baie St Anne ki en gran Lopital e i pe servi en bon kours popilasyon Inner Island.  Mersi.

MR DEPUTY SPEAKER

Mersi Minis ou oule fer komanter ?

MINISTER JEAN-PAUL ADAM

Mersi Mr Deputy Speaker e Onorab, zis mon oule reasir Onorab ki Baie St Anne i ganny konsidere dan nou progranm koman en Lopital e sa renovasyon i 1.5 milyon ki pour kouver plizyer eleman ki pour amelyor son lenfrastriktir.

        Me dan nou plan redevlopman osi se ki i en Lopital annefe pour Praslin akoz son kapasite i permet li dan sa direksyon.  Ok mersi mon krwar Deputy CEO ti anvi dir en pti zafer.

MR DEPUTY SPEAKER

Deputy CEO go ahead.

 

DEPUTY CEO  DR DANNY LOUANGE

Wi pour servis spesyalize pour Baie St Anne nou annan deza en Pediatrician baze Praslin, Baie St Anne.

        Nou annan osi en servis Physician ki baze Baie St Anne, be ki nou plan e sa ki nou’n sey fer li dan milye sa lannen e nou pour kontinyen seye pour nou fer li pour 2017 i etablir en servis Gynaecology laba.

        E i annan konm kwa i ava letan i annan bann problenm Gynaecology, i annan problenm Pediatrics, i annan problenm Internal Medicines konmkwa i kapab ganny sort out Praslin menm.

        E nou’n vwar resaman la dan sa 2 dernyen lannen nou vwar kantite referral oubyen bann medical evacuation lo Praslin ek La Digue in redwir avek sa servis ki nou’n mete Praslin.

        Nou osi annan servis dyaliz ki i Baie St Anne ki nou annan nou 3 masin ki pour servi popilasyon Praslin, nou annan nou osi Laboratwar e nou pe osi gete ki mannyer nou kapab devlop li en pe plis, nou osi annan X-ray, se sa X-ray ki la resaman, Late lannen pase nou ti met en sistenm ki bor i kapab digitalized nou bann X-rays nou anvoy li by electronic Mahe i ganny raporte e ganny retournen oubyen ganny kominike avek Dokter ki lo Praslin.

        So i annan bann servis ki nou deza met an plas e nou pour kontinyen gete ki mannyer nou pour kapab met plis servis ankor.  Mersi Monsieur.

MR DEPUTY SPEAKER

Mersi Deputy CEO, Onorab Afif.

HON AHMED AFIF

Mersi Mr Chair, bonn apre midi e ou delegasyon, bonn apre midi tou dimoun a lekout, Mr Chair mon regard sa Bidze koman vreman en travayer ki anmenn en larzan se li tou le Mwan.

        E ler mon regard sa bann sif aparti pa tro lontan 2012 ziska 2017, e mon regard sa bann logmantasyon R451 milyon 2012, 512 2013, 2014 535, 2015 mon pa konnen in desann en pti gin 428, 2016 683 e 2017 R801 milyon.  I preski double sa ki nou ti depanse plis 4an pase.  Mon pe sey demann mon lekor kwa ki pe koz en tel logmantasyon, eski pri latizann in monte, eski Dolar, Roupi in devalye in ariv sa kantite ?

        Me mon’n komanse an dizan mon pe regard li koman en travayer e si ou pe pran 44 mil travayer, ok annefe i kontribye pour pey R800 milyon efektivman i vin ki tou le lannen sak travayer si ou pran 2012  IT pe depans li R12, 000 tou le lannen.

        E la ozordi i pe depans li R20, 758, R21, 000, pour mwan ler mon kalkil e zot bezwen annan statistik konbyen fwa sakenn de nou travayer in pas Lopital dan en lannen mon prezimen 5, 6 par mwayen sak sitwayen i al Lopital, 5 a 6 vwala be i vin ki mon pe depans mwan R4, 000 sak fwa mon al Klinik.

        Par mwayen sak travayer Seselwa, R4, 000, alor pour mwan i pa azoute, i annan en keksoz pour mwan pa pe azoute dan tousala, mon pe get li an gro R800 milyon e mon pa ankor kont Departman of Health.

        Mon pa ankor kont tou sa bann larestan pti bout ki nou pe azoute, mon zis pran Health Care Agency la, mon konnen ou pour dir mwan i annan en pe Capital tou ladan, be 2015 osi tou ti annan Capital, 2016 osi tou ti annan Capital 100 ekek milyon, sa lannen osi in desot 100 milyon.

        Pour mwan i trakasan mon vwar sa bann sif i tro e i fer mwan demann sa kestyon, eski pandan sa 2 dernyen lannen sirtou sa bann kou pa pe monte akoz i annan serten keksoz ki pa kler pour nou dan Lasanble.

        E mon pe dir bann keksoz tel ki sa bann outsourcing ki zot pe fer, aste latizann akoz pour mwan ler mon en dimoun ki al Lopital mon pa pe gete si i annan en Health Department, mon konn Lopital.

        E enn bann gro kou ladan se bann ‘material and supplies’ ki mon prezimen se latizann, nou, nou konn sa koman latizann.

        Alor 2015 ti 120 milyon, an 2016 in ariv 149 milyon e la 167 milyon, i pe mont dan bann proporsyon enorm.

        Mon prezimen ladan i annan tou sa bann outsourcing akoz li osi i pe monte 12.6 milyon 2015, 2016 32 milyon in preski triple.

        E la 2017 59 milyon ankor, i apel ‘other uses of goods and services,’ i fer mwan mazinen si napa keksoz mal ki dan lafason ki nou pe fer bann Kontra pour outsourcing, pa tro lontan pase ti annan en Minis ki ti vin la pour dir, pour koz lo dyaliz zisteman ti promet nou i pour montre nou sa Kontra zanmen nou’n vwar li.

        Mon tande zot pe al outsource Kontra pour Laboratwar sa osi nou pa konnen ki mannyer i ganny fer, kan Tender ti ganny fer.

        Mon konpran i annan en master plan ki’n ganny fer sa pa ti zis lannen pase, senpleman pour fer en konsep ki mannyer nou pour re devlop Mahe, Lopital La Digue e Praslin.

        E nou pe koze ki mannyer nou pour re devlop Lopital and pe demande si nou pour met par egzanp enn de pti masin ekstra, enn ou deside si ou pour met X-ray eksetera.

        Pa bann konsep ki difisil sa, me selman nou pey en Konsiltan ki nou pa’n ni fer Tender $446 mil, R6 milyon.

        Mon demande e sa in ganny sinyen par bann Zofisye ki la enkli en dimoun ki napa nanryen pour fer ek Lopital ki travay avek en Lazans ki vey bann zil, mon demann mon lekor ki pe arive dan Lopital ki tou sa bann kontra pe ganny sinyen san okenn sipervizyon e oversight e ki si sa pa pe fer mwan sak fwa mon al Lopital koman en travayer mon pe pey R4, 000, e 5 fwa dan en lannen i ariv R20, 000.

        E se sa ki pe fer nou pey tou sa bann pri vreman enorm, bann pri fou ki ler nou regard tousala pe arive nou osi konstate poudir bokou plis Seselwa pe al aletranze.

        Zot pe al Sri Lanka, zot pe al Thailand, zot pe al Maurice, La Réunion, ok i annan landrwa ki spesyalize mon konpran, me i annan i pe ale pour bann ptipti keksoz senpleman e mon dir sa pour tou respe ki mon annan pour bann Profesyonnel dan Lopital zot per.

        Zot per ganny lenfeksyon, zot per i annan keksoz ki pa pe mars byen Lopital, mwan mon konn en ka ase resan en dimoun i fek sorti ICU i antre dan Ward.  E koman i antre en Ners i vin donn li en ver delo pour li bwar, be sa dimoun in ganny en maladi ki i pa pour kapab anvale.

         Be si ou donn li en ver delo i riske al direk dan son poumon, personn pa konnen, e dir gran mersi ti annan en lot dimoun la, i dir be tyonbo en kou akoz ou pe al donn li sa ver delo ? Bann ptipti keksoz ki ti kapab koz en lanmor.  E ler nou pe kontinyelman e 2017 nou pe al double sa Bidze 2012 zis 4an pase, pour mwan i alarman e mon ti a kontan demann Minis ki zot pe fer, ki zot kapab dir nou pour reasir nou ki nou pa pe vreman depans an plis e i annan posibilite, malgre nou depans 800 milyon ki nou pour vwar en amelyorasyon dan kalite servis lasante.  Mersi.

MR DEPUTY SPEAKER

Mersi Onorab, avan mon pas la parol Minis, Onorab Sebastien Pillay ou oule azout keksoz lo sa kestyon apre Minis i a fer en sel en ?  Ok.

HON SEBASTIEN PILLAY

Mersi Mr Chair, Mr Chair sa i mon dernyen kestyon ki mon pour demande pour ozordi pour ki mon pa anpes lezot Manm demann kestyon.

MR DEPUTY SPEAKER

Ou ti deza lo lalis, si ou pe anmenn keksoz dan menm laliny.

HON SEBASTIEN PILLAY

Mr Chair mon pe regard en pti pe dan menm fason me selman mon ti a kontan Minis i klarifye akoz mon konnen zot fek komans lo PBB, ler nou pe regarde an konbinezon avek sa 2 Minister pe depans apepre sa R850 milyon ki  fer apepre R2.3 milyon par zour ki vin en kou R97, 000 par erdtan pour Lasante.

        So ler nou pe get dan sa perspektiv mon krwar Minis i devret kapab pe dir nou, ki zot pe fer pour ki an relasyon avek sa kou ki nou pe peye, ki nou kapab vwar ki zisteman parey Onorab Gill ti dir taler en servis de kalite.

        Akoz i pa mon lentansyon pour vote down Bidze lasante si zot bezwen, me selman i bezwen fer sir ki i annan klarifikasyon e klarite dan lafason ki nou servi li e servi li pli byen.

        Minis ou nouvo ek sa Minister, so ki bann mezir ki zot pe pran ki nou kapab meet sa standar ki nou bezwen pour ki at least nou ganny sa, mon pour servi sa term la value for money pour sa ki nou pe dir nou pe depanse.  Mersi.

        E si ou annan konparezon per Capita expense lezot pei parey Maurice, La Réunion ki bann depans ki ganny fer an relasyon avek lasante ?  Mersi Mr Chair.

MR DEPUTY SPEAKER

Mersi Onorab Pillay mon oule zis anmenn ankor en Manm very short lo menm Laliny Onorab Ferrari, apre Minis i a reponn tou.

HON JEAN-FRANCOIS FERRARI

Wi, Mr Chairman mon pran sa lokazyon pour mwan dir avek Minis, pour mwan partaz avek Minis ki mwan e bokou profesyonnel dan Lasante pour sirman dezapwente avek Minis, nouvo Minis Lasante.

        Akoz Minis i sorti dan Minister Finans e depi ler nou pe koz lo la Minis pa’n koz avek nou ditou lo bann size esansyel ki nou ti ekspekte li koman en Minis Finans koz lo la.

        Par egzanp koz lo cost recovery, tou dimoun, tou sa bann Dokter ki la an prive, e tou sa bann profesyonnel ki la, i pe espere pour koz lo bann labi lo sistenm parey Onorab Afif i dir.

        Nou tou nou konnen, nou tou nou konnen ki endividyelman i annan, i annan bann labi ok, me selman nou kasyet nou kit dan tirwar.

        Be labi par egzanp, ou oule laprev.  Non, non par egzanp nou tou nou konnen poudir nou annan en sistenm ki ganny abize par bann pasyan zot menm ki vin asiz lo ban – parler, bann zonm ek fanm ki byen for ki’n bwar en baka, ki sa ki’n vini ki profit lo sistenm e nou, i paret nou, nou Gouvernman i per koz lo la.

        I per koz lo la akoz nou annan en Universal Health Care Lasante depi cradle to grave.  I annan bann problenm e se sa ki dezapwent mwan avek Minis Adam ki sorti dan Minister Finans e pa pe optimize, konmsi i pa pe dir nou ki li in vin dan sa sistenm pour li fer li mars pli effectively e pour nou rod bann leakages dan sistenm pour nou kapab servi sa larzan en pe pli byen.

        Minis mon krwar mon’n fer mon pwen kler e mon dezapwentman.  Mersi.

MR DEPUTY SPEAKER

Mersi Onorab Ferrari, bon la parol Minis.

MINISTER JEAN-PAUL ADAM

Mersi Mr Deputy Speaker, i annan bokou pwen mon ava sey mon mye pour mwan kouver tou.  Bon premyerman an se ki konsern bann kou ki’n ganny leve par Onorab Afif, premyerman mon krwar i annan petet en bout kot petet Onorab Afif pa ti dan Lasal kot nou ti eksplike poudir en grande parti Bidze ki dan Health Care Agency sa lannen avan ti dan Minister Lasante.

        E sa in ganny dan Bidze 2017 sa in ganny mete an grande parti dan Health Care Agency.  E si ou mon krwar PS ti dir ki logmantasyon, vre logmantasyon pour Health Care Agency i R15 milyon?

        I R15 milyon petet ou pa ti dan Lasal a sa moman Onorab Afif alor an term logmantasyon dan kou i annan plizyer fason get li ok?

        Premyerman e premye pwen ki mon pour dir se ou pa pour gannyen en Mercedes si larzan ki ou pe gannyen i zis pour en Toyota. Ok ?  Si ou anvi en keksoz ki i annan valer ou pour bezwen envestir kot mon dakor se ki nou bezwen vin pli efikas, nou bezwen pli byen envestir, nou bezwen regard a lonterm, e nou bezwen regard lefikasite.

        An se ki konsern akoz Onorab Afif in lev sa kestyon outsourcing ok ? I annan serten, alor premye keksoz ki mon oule dir ki i annan serten Kontra ki tou fason pa fer sans pour Lopital fer, si nou pran sityasyon par egzanp manze dan Lopital, i pa fer sans Lopital fer sa, i meyer ki en Konpannyen ki annan lekspertiz.

        Ki nou, nou bezwen fer, koman dan Minister Lasante, se ki nou, nou bezwen fer sir standar i an plas, ki Regilasyon an plas e ki bann Odit regilye i ganny fer lo baz delivre servis.

        Dan, si nou pran legzanp provizyon manze, wi i annan dan rapor Oditer Zeneral, me zisteman akoz ki nou pa ti ankor siny en Kontra, nou ti anvi fer sir ki sa Kontra i reprezant vre valer pour larzan, e nou ti anvi ki sa i ganny fer.

        E sa i lapros e parey mon’n deza dir, nou pour fer sir ki sa Kontra i ganny finalize e i baze osi lo Konsey sorti kot bann Nutritionist.

        Lot outsourcing ki nou fer, se avek Laundry, e Laundry nou’n fer en travay resaman pour nou fer en renovasyon lo sa vye Laundry akoz standar aktyelman i pa ti ase bon.

        Nou ti bezwen fer sir ki standar i monte, nou bezwen envestir dan kalite e letan nou’n fer sa lenvestisman dan Laundry nou pour prezan re Tender kot sa operater aktyel i kapab osi met son laplikasyon, me lezot osi i kapab vini e met zot laplikasyon pour fer loperasyon dan sa Laundry.

        E ankor mon re vini nou standar se Regilasyon e Odit pour verifye poudir keksoz i annord.

        Lot eleman ki’n ganny mansyonnen se AMSA. Outsourcing ki nou’n fer lo AMSA i baze premyerman lo en nesesite pour nou amelyor tretman lo dyaliz.

        Sa ti enn, e si ou regard nou popilasyon ozordi sa i enn bann problenm ki pli kouran avek nou popilasyon e bokou plis dimoun ti pe ganny afekte e nou standar dyaliz pa ti lo standar.

        Nou rekonnet ki dan rapor Oditer Zeneral zot in fer sorti ki Tender pour sa servis sorti kot AMSA pa’n ganny fer dan fason korek e nou rekonnet ki sa i bezwen ganny adrese. E ki nou pe fer pour adres sa ?

        Bon premyerman premye keksoz ki nou bezwen mazinen se ki mon predeseser letan i ti vin koz lo sa size dan Lasanble dan lepase.

        In eksplike ki premyerman, Minister Lasante ti apros Tender Board a sa moman, me ti napa en lekspertiz dan pei ki vreman spesyalize lo sa size lozikman.  E bon sa i pa vedir ki nou satisfe, nou bezwen fer sir ki nou adres bann konsern ki kapab leve lo sa size.

        Me mon ti a kontan dir ki sa Lagreman ki nou’n sinyen avek AMSA i annan mwayen osi pour nou revwar li.

        E letan mon ti deza dan soulye Minis Finans avek sipor Gouvernman, mon ti demande ki nou fer en odit entern lo servis ki donnen par AMSA.

        Nou ava rapel ki Lazans servis Lasante ti antre dan sa Lakor, dan sa memorandum avek AMSA lo baz en letid ki ti ganny fer a lenteryer lasante kot zot ti vwar ki kou par pasyan pour dyaliz ti plis ki, si mon pa tronpe ti plis ki $150 pasyan ki nou annan aktyelman.

        Letan nou’n fer nou Odit akoz nou ti anvi ki nou Odit i regard sa dan en fason pli detaye, zis pour pardon, fer rapel ki Lazans ti agree sa Lakor avek AMSA lo la baz ti pe kout plis ki $250 par pasyan.

        Alors zot ti fer sa Lagreman lo en baz $200 par pasyan.  Nou’n fer en odit entern pour nou kapab verifye sa sif, me sa pri $200 par pasyan i osi pran kont ki AMSA pa’n envestir dapre sa Lakor lo en peryod 5an, $10 milyon, alor sa odit ki nou’n fer, ki nou’n fer Internal Audit fer in montre ki kou san ki nou regard kou sa lenvestisman, si nou pa met sa eleman lenvestisman, si nou pa met sa eleman training ki kou i apepre en $130 par pasyan ok ?

        Alor prosen faz ki nou pe fer avek AMSA se nou pe al fer en dezyenm odit baze lo sa $10 milyon lenvestisman ki pour ganny fer pour nou asire ki nou pe ganny valer pour nou larzan baze lo sa pri $200 par pasyan.

        Me deza ki mon kapab dir zot se ki dan plizyer pei e ankor nou bezwen regarde baze lo standar.

        Alors sa servis ki’n ganny outsource avek AMSA i sertifye anba 3 diferan standar ISO, sa standar enternasyonal.

        E sa 3 standar i baze lo kalite, lo Health and Safety dan travay e osi lo son lenpak lanvironnmantal.

        E sa 3 sertifikasyon ISO i fer ki annefe ozordi Sesel i sel pei dan lemonn ki annan en servis Gouvernmantal pour dyaliz ki sertifye ISO.

        I annan dan Lafrik, dan Lafrik i annan bann lezot Sant Dyaliz ki Sertifye ISO ki bann servis prive e ki byensir diferan avek en servis Gouvernmantal.

Lot eleman se par egzanp letan nou konpar, akoz AMSA i en Konpannyen enternasyonal ki renonmen ki repite dan sa Sekter.

        Si nou regard son kou sa kou ki’n donn nou $200 par pasyan, si nou regard en pei par egzanp La France son kou par pasyan i $220 par pasyan.

        Si nou pran, letan nou koman Gouvernman Sesel parfwa nou bezwen anvoy bann Pasyan ki annan bann lezot konplikasyon, me ki parfwa i bezwen fer dyaliz.

        Si nou pran La Réunion par egzanp nou pey plis ki €350 par pasyan pour dyaliz.

        Alor letan nou pe regard sa bann kou, letan nou konpar li avek bann lezot ziridiksyon sa pri ki nou annan de-baz, ki nou kapab dir ki i konpetitiv konpare avek bann ziridiksyon ki pe opere lo bann standar ki en pe parey.

        Me Mr Deputy Speaker mon oule fer kler ek sa Lasanble sa i pa vedir ki nou bezwen satisfe.

        E nou, nou deza dir avek AMSA ki nou’n komans sa partenarya lo baz serten lenformasyon, me nou anvi fer sir ki sa partenarya e vreman dirab baze lo tou lenformasyon ki posib, alor se pour sa nou’n fer sa premye odit entern ki baze lo sa kou par pasyan, nou annan en dezyenm odit ki pour fer baze lo sa kou lenvestisman ki nou asire, par egzanp dan sa bann kou lenvestisman i annan plis ki $1 milyon ki ganny mete dan training par egzanp.

        Alor nou pour e nou pour fer sir ki sa bann kou i koresponn reelman avek sa bann kou si nou koman Gouvernman ti pour fer li ki i pa plis ki sa ki nou ti pour peye pour sa menm servis ok, e petet menm nou kapab ganny serten lavantaz.

         E trwazyenm odit ki nou pour fer se en odit ki nou apel en Clinical Audit, savedir pour nou fer sir ki son bann prosesis medikal i koresponn avek sa pli o standar ki posib, alor sa an se ki konsern outsourcing.

        An se ki konsern PPB ki’n ganny lev-e par Onorab Sebastien Pillay nou pe kontinyen dan nou zefor pour nou fer sir ki nou kapab verifye nou lenvestisman kont bann endikater.

        Savedir si ou pour regard nou plan stratezik lasante nou pe viz pour nou redwir serten, par egzanp serten lenfeksyon, nou pe viz pour redwir obesite par serten poursantaz.

E nide se larzan ki pour envesti i donn ou en rannman par rapor avek sa ki ou envestir.

        Bon mon’n en pe long deza me an se ki konsern sa ki Onorab Ferrari in dir, mon osi mon kapab dir mon dezapwente avek Lasanble.

        Akoz nou 3.49 e se prezan ki zot demann mwan sa kestyon, ou ganny mwan ?  Alor mwan mon’n vin la ozordi, wi mon ti en ansyen Minis Finans mon’n vin prezant la baz sa ki nou pe mete dan nou Bidze pour 2017.

        Me mon’n bezwen reponn kestyon ki Lasanble i mete, mon’n koz lo 3 pwen dan Bidze pour 2017.

        Premyerman se lenvestisman dan sa Health Information System ki vreman en premye pa anver nou plan stratezik Lasante.

        Dezyenmman mon’n koz lo lenvestisman dan lenfrastriktir ki komanse avek serten sa bann proze ki mon’n site.

        E trwazyenmman lenvestisman dan Resours Imen.  Me si nou regard sa pwen spesifik ki mon kontan ou’n demande, me nou pa ti bezwen esper 3.49, 3.50 in sonnen pour nou demann sa kestyon, son kestyon ti vin pli boner mon reponn li pli boner i tre senp.  Bann cost recovery mechanism bann premye se sa Health Information System li menm akoz i kre bokou lefikasite dan nou fason travay.

        Dezyenm nou nouvo sistenm Procurement ki nou’n met an plas, ki nou annan bokou konfyans, ki kapab anmenn bokou saving.

        Trwazyenmman lanfaz ki nou mete lo Kominote e lo preventative Health e redwir bann risk, sa osi i kapab redwir bokou bann depans ki nou fer.

        E se sa la baz nou depans a lonterm, e zis pour re vin lakle sa ki nou pe fer, se valer pour nou larzan, alor wi nou bezwen envestir en pe larzan, e nou bezwen regard sa koman en lenvestisman a lonterm.

        Wi nou kapab parfwa konsernen letan nou regard trazektrwar, letan nou regard ki larzan ki pe ganny depanse dan Bidze i ogmante.

        Me pour pran en pwen ki Mr Afif in fer, si nou regard par rapor avek 1 poursantaz GDP, an 2014 nou ti depans plis ki 4 poursan GDP dan lasante.

        Ozordi in ariv 3.4 poursan, pa akoz nou pe depans mwens lo lasante, be akoz nou GDP in ogmante, e si ou regard osi bann depans, bann vre depans ki nou fer dan, si ou pran legzanp dan Health Care Agency  R319 milyon i saler ok ?

        E si nou pour envesti dan quality Health Care a lonterm nou bezwen kontinyen met larzan dan quality bann staff e pour nou fer sa nou bezwen fer sir ki nou pe envestir dan sa kote.

        E lot keksoz si ou regard forecast Bidze pour 2018 ek 2019 zot a vwar ki evolisyon i plito stabilize ok? Mr Speaker mon krwar mon’n kouver laplipar bann pwen.  Mersi.

MR DEPUTY SPEAKER

Mersi Minis, ou pour vit akoz, wi akoz nou annan en pti urgency osi kot bann Manm yer ti rankontre pour fer sa pti oversight lo bann Bills, kot i annan bann Bills ki bezwen retourn kot AG’s Office, so Onorab Afif vitman apre nou ava Break, nou ava meet dan Room 2 parey apre nou ava retournen, Onorab Afif.

HON AHMED AFIF

Mersi Mr Chair zis si mon ti a kapab demann Minis en pe lenformasyon ki i kapab donn nou swa la oubyen menm apre, dan tou sa bann outsourcing si i kapab dir avek nou, lekel fourniser pour latizann e ki son montan egzakteman i ete ?  Lekel fourniser pour dyaliz, ki rezon in gannyen ?  Ki son montan? Konbyen i arive ?  Lekel ki fourniser Laboratory Services ?  Konbyen i arive ?

        E si i annan lezot kou dan sa plis ki 200 ekek milyon ki zot in met dan ‘materials dan other uses and services,’ si zot kapab donn nou tousala siporte avek bann Kontra avek ki rezon zot in donn sa, mon ti ava kit la pour le moman.  Mersi.

MINISTER JEAN-PAUL ADAM

Mersi mon pour pas laparol avek Dokter Louange, zis en lot pwen ki ti sorti se lentansyon pour outsource bann lezot servis.

        Nou pe fer en travay aprofondir la pour nou konnen lekel bann servis ki nou ti a swete outsource, si posib pour kwa dan serten ka ki nou pa kapab osi travay avek par egzanp Seselwa.

        Ok i pa bezwen bann Konpannyen etranze, i annan outsourcing ki kapab ganny fer lo baz Kominote par egzanp ki nou kapab regard menm bann Dokter Seselwa par egzanp.

        Me nou bezwen fer sa si nou konn byen nou bann kou, parey mon’n deza eksplike lo AMSA nou pe fer bann odit pour asire pour kou i reflekte valer pour lenvestisman, e nou pa pour fer okenn outsourcing san ki nou sir ki sa lenvestisman i reprezant valer pour larzan.

        Alors si ou tann dimoun pe dir sepa nou pa pe al outsource Laboratwar i pa korek nou, nou pe fer en travay e dapre nou plan stratezik si i annan rannman dapre valer, valer pour nou larzan travay avek outsourcing nou pour fer li, si napa rannman nou pa pour fer li. I tre senp.

        An se ki konsern fourniser lalis i vreman, vreman long, i annan vreman en kantite eleman, i annan plis ki 88 milyon ki bann lekipman ek apre bann medikaman ki an plis, mon ava pas la parol avek Deputy CEO, Dr Louange pour li donn plis detay. Me lalis fourniser i vreman long.

MR DEPUTY SPEAKER

Yes Deputy CEO.

DEPUTY CEO – DR DANNY LOUANGE

Mersi Mr Chair, an ki konsern bann suppliers pour medicine nou annan en gran lalis e nou ti a donn ou en kopi sa lalis pour verifye, nou a donn Lasanble en lalis pour zot verifye, eskiz mwan Mr Chair, e nou annan diferan suppliers, i annan bann suppliers ki donn ou kredi, i annan Suppliers ki pa le tann kredi, i annan suppliers ki nou kapab travay avek pour anvoy bann medikaman imedyatman letan nou bezwen dan ka emergency e i annan suppliers, i annan diferan spesifikasyon pour ban suppliers ki determinen akoz nou swazir sa bann Suppliers.

        An konsernan dialysis Mr Chairman nou pa procure any consumables pour dialysis nou les li avek AMSA.

        An konsern Laboratwar, servis Laboratwar bann suppliers ki provide nou re Agents apre bann prodwir ki nou servi dan Laboratwar again i annan en kantite fourniser, suppliers ki nou kapab donn Lasanble en lalis sa bann suppliers.  Mersi Mr Chair.

MR DEPUTY SPEAKER

Mersi Deputy CEO, bon avek sa nou ava pran en Break ziska 4er 30 e mon a demann bann Manm ki ti rankontre yer pour nou rankontre en pti kou briyevman pour nou kapab rediriz sa bann Bills kot AG’s Office, nou adjourn ziska 4er 30.

(BREAK)

MR DEPUTY SPEAKER

Bon nou a kontinyen nou travay, Onorab Ramkalawan.

HON WAVEL RAMKALAWAN

Mersi bokou Mr Deputy, Mr Speaker, Mr Chairman pandan break nou ti pe koze e avek Minis bann lezot Zofisye ki nou pe regarde ki mannyer keksoz pe al, plito konmsi son, konmsi parske Health ou tous en pti bout isi e i pe al avek en lot bout ensidswit.

        Alors ki mon pe propoze se ki pour tou bann dimoun lo kestyon Health i vini e nou sort out tou bann kestyon.

        E apre sa letan pour pran en vot nou ava pran li separeman e la nou 4er 30 e mon mazinen ki poudir si nou disiplin nou lekor 6er nou devret kapab, 6er nou devret kapab fini avek lo kote Health.

        E akoz Sosyal i gran, Sosyal nou anvoy li pour lannen prosenn letan nou komanse lot par me nou konnen ki ozordi nou fini avek sa morso Health.

MR DEPUTY SPEAKER

Ok mersi Onorab, mon ti’n osi exchange en pti not avek PS, se sa rezon ki nou ti pe sey konsolid serten Heads ansanm en ?

        Me ki nou’n fer nou’n anmenn Health avek Health Care Agency, Health Department e nou preski fini lo la, eski nou donn en 10, 15 minit pour fini lo la apre nou a met tou sa bann Council’s ok ek Public Health Authority ansanm.

HON WAVEL RAMKALAWAN

Me mon konpran ki ou pe dir, me i deza annan bann kestyon ki pe overlap.

MR DEPUTY SPEAKER

Ok nou anvoy tou ansanm. ok?

HON WAVEL RAMKALAWAN

Plito nou met tou ansanm e si ler la kestyon i ava ganny separe e la National Aids Council i la e Health, Public Health Authority osi tou e mon krwar lekip Health i konplet e nou, mon krwar nou kapab fer sa travay.  Mersi.

MR DEPUTY SPEAKER

Ok pour bann Manm Onorab nou ava zis bare in mind dan zot Liv Bidze si zot santi ki zot ti’n lev lanmen pour Departman Health oubyen Health Care Agency zot ava divert zot kestyon kot Medical Council, dizon Public Health Authority feel free; si zot santi zot kestyon petet in deza ganny kouver oubyen parsyelman kouver, so feel free zis pour nou kapab war en way forward pour nou kapab fini, yes Onorab De Commarmond.

HON CHARLES DE COMMARMOND

Be Mr Deputy Speaker mon krwar sa prepozisyon i byen se sa egzakteman ki mon ti dir ou bomaten e ki si nou ti’n al dan sa direksyon nou ti a’n fini toulede probableman, anyway les li better late than never nou, nou ava al dan sa direksyon.

        Me selman i annan en keksoz ankor ki mon ti a kontan met devan ou latansyon ou, ou pe manage sa Lasanble la ou, si ou krwar osi, ou krwar nou’n demann ase kestyon Health avek son bann satelit tousala in fini, bann Agencies avek li in fini ganny kouver.

        Manm li i kapab zis i anvi demann kestyon ziska demen bomaten, ou si ou krwar ou bezwen frenm ou Lasanble ou close nou vote.

E prezan personn e prezan si zot al met ou lo Facebook la, les sa ou, pa fatig ou avek sa akoz nou napa 2 Lasanble, nou annan Lasanble isi, napa Lasanble Facebook.  Mersi.

MR DEPUTY SPEAKER

Mersi Onorab.  Se sa ki nou sey fer, ler mon sey re diriz mon Lasanble pour nou pa sorti an deor sa scope, nou pe travay lo Bidze, annou konsantre nou kestyon lo Bidze.

        Lezot eleman konsernan sa Minister i a retournen. Lo sa size kritik lo Facebook mon krwar ler ou dan sa sez anler ou ekspekte ki ou ganny kritik.

        Ler ou dan sa sez anler devan piblik napa nanryen ki ou fer ki byen e mwan mon pare pour mwan pran sa, napa problenm avek sa, Onorab Vidot ou annan en point of order ?  Ale ?

HON AUDREY VIDOT

Yes petet mon ti ava sizere prenon kont ki taler 2 fwa taler mon ti’n lev mon lanmen i annan plizyer Manm in koz 4 fwa, ti a byen bann ki pa ankor ganny sans koze les zot demann zot kestyon apre bann matter arising apre zot a demann zot kestyon.  Mersi.

MR DEPUTY SPEAKER

Ok good point, ok mon dakor avek Onorab Vidot, bann ki mon pour donn sans bann dimoun ki lo mon lalis la ki pa ankor demann kestyon ditou ok.

        Ler nou a fini then nou a kapab fer en round ankor nou a regarde si zot oule tous en pti pe lezot. Ok, bon annou bouze nou komans avek Onorab Lemiel.

HON SYLVANNE LEMIEL

Mersi Mr Chair, bonn apre midi Minister avek ou Delegasyon, Minis dan Bidze 2017 mon vwar Anse Royale lo Lopital pour benefisye avek en new medical gas system.

        Apre nou pour benefisye osi avek en Inpatient STP Service Agreement, me ki mon ti a kontan konnen eski Bidze 2017 pe fer provizyon pour sanz twatir lo Lopital Anse Royale akoz mon pa vwar sa lo Bidze.

        E akoz sa lannen sa travay ti’n sipoze fini ganny fer, me parkont mon pa vwar nanryen dan Bidze pour twatir, so ti a bon nou ganny en pti leklersisman si Bidze pe fer provizyon pour sa.

        E osi si pe annan larzan dan Bidze osi pour Lopital Anse Royale komans akey son bann pasyan, bann premye pasyan akoz mon konnen i fer 3an depi ler Lopital i la pa ankor kapab komans servi e mon pe mazinen petet resours pe ganny mete la lannen prosen ki sa Lopital i kapab komans deservi bann dimoun dan larezyon.  Mersi.

MR DEPUTY SPEAKER

Mersi petet osi en pti advice pour nou panel annou donn bann repons en pti pe presiz annou pa donn bann gran, gran detay.  Mersi, Minister.

MINISTER JEAN-PAUL ADAM

Mersi Mr Deputy Speaker lo bann detay renovasyon mon ava demann Dr Louange pour koz lo la.

        Lo kote pour fer Lopital Anse Royale fer li vin an operasyonnel konpletman, mon’n deza ou konnen nou’n bouz dan en direksyon pozitiv, son louvertir i ouver pandan bann long hours e i a dispozisyon lakominote.

        Mon ava, dan nou plan stratezik ki nou pe vize byensir pour nou kapab fer li vin en Lopital ki kapab komans pran pasyan a plentan tre prosennman, mon ava les Dr Louange donn en pti pe plis detay.  Mersi.

MR DEPUTY SPEAKER

Yes Deputy CEO.

 

DEPUTY CEO  DR DANNY LOUANGE

Mersi Mr Chair, wi pour Lopital Anse Royale nou’n met en sonm pour nou kapab fer bann renovasyon.

        E sa bann renovasyon i pour aim pour nou kapab komans fer Lopital Anse Royale koman en Inpatient, providing Inpatient Service Lopital Anse Royale.

        Parey ou’n dir egzakteman nou pe fer provizyon pour nou sanz twatir sa i enn bann keksoz ki nou pe al fer, i annan detrwa pti travay dan, lo Ward li menm ki nou bezwen fer avan nou komans accomodate pasyan koman inpatient.

        Nou osi dan nou plan pour komans fer Anse Royale pour Inpatient nou pe komans, nou pe al komans avek Male pasyan, bann zonm, Ward zonm avan.

        Akoz dan Lopital in ganny design pour pran zonm, madanm avek zanfan, nou pe al komans avek zonm e nou’n fer en analiz, nou’n vwar ki nou bezwen Nurse, extra Nurse pour manage sa, nou bezwen extra Dokter e nou bezwen bann lezot travayer ki pour kapab fer sa en sikse.  So nou’n fini komans, nou annan en plan pour sa, nou’n fini komans the recruite Dokter, bann Dokter ki parey nou apel zot bann Internal Medicine Physicians ki pour laba.

        E pour Nurse nou ti’n fini recruit be nou realize ki sa recruitment nou pour met li lo en lot servis Lopital Sesel akoz nou vwar priyorite, ti annan priyorite.

        Be nou la dan imedya osi nou pe plan pour fer sa koman en priyorite osi.  Mersi Mr Speaker.

MR DEPUTY SPEAKER

Mersi Deputy CEO, Onorab Arrisol.

HON SANDY ARRISOL

Mersi Mr Chairman, mon ti a kontan dir bonn apre midi Minis ek ou delegasyon, bonn apre midi tou Manm ki a lekout.

        Mon ti a kontan premyerman parey Onorab Henrie in dir, St Louis nou napa Klinik me selman mon ti a kontan nou annan en kantite travayer Minister Lasante ki reste dan distrik St Louis alor mon ti a profite pour mwan dir zot mersi pour sa bon travay ki zot pe fer pour pran byen ka avek nou, lanmour e latansyon ki zot donn nou letan nou vin Lopital sa mon premye pwen.  Dezyenmman mon’n tann, mon ti a kontan letan mon pe get Bidze pour Minister Lasante, mon ti annan en swe ki mon ti a kontan partaz avek zot.

        Se a lavenir mon ti a kontan vwar nou bann Dokter Profesyonnel lo Ward avek nou pasyan olye dan en Lofis, zis parey Minister Ledikasyon kot i annan bann teacher kalifye ki asize Minister Ledikasyon e nou zanfan pe deal avek en bann etranze.

        Prezan mon vin mon kestyon an relasyon avek Bidze, taler mon’n tann PS dir poudir i annan Scheme of Service, mon tann koz lo Scheme of Service pour bann Nurse, Dokter.

        Mon ti a kontan demande an relasyon avek Bidze ki nou annan oubyen pour Bidze a lavenir si nou pour annan, si zot pe mazin Scheme of Service pour bann Paramedic par egzanp.

        Scheme of Service pour bann drayver Lanbilans, Scheme of Service pour nou bann Public Health Officer ki mon krwar zot apel Sanniter an Kreol, koriz mwan mon krwar sa, e prezan letan nou lo Public Health Officer i annan an relasyon avek saler, eski i annan en diferans ant saler, ant bann Public Health Officer ki lontan in dan sa profesyon konpare avek bann nouvo ki fek antre.

        E letan nou lo sa pwen mon ti a kontan osi ki nou ti demann allowance, bann allowance ki zot gannyen, parske bann Public Health Officer ki ganny mete dan distrik zot pa ganny allowance konpare ek bann ki dan, ki baze dan unit menm.

        Parske bann ki dan distrik zot al fer bann vizit e zot fer fas avek bann keksoz ki i annan par egzanp yer nou’n tann lisyen tay avek bann travayer SENPA e zot osi zot form parti sa.

        Eski i annan en allowance ki zot gannyen konpare avek bann ki asize dan biro ki fer zot travay dan unit savedir ?

        Epi i annan sa allowance kot bann Public Health Officer i ganny transfer, zot al travay dan bann zil, zot al ran en servis par egzanp lo Praslin.

        Eski i annan en allowance ki zot ganny donnen ki 400 konpare dan PSO ki sipoze R600. E pour fini taler mon’n tann Dr Louange pe koz an relasyon avek fungus.

Mon ti a kontan demann en kestyon an relasyon avek sa bann travayer ki dan Medical Library an relasyon kondisyon Fungus akoz mon annan en let la date le 11 Zilyet 2016 ki ti ganny anvoye zisteman kot Dokter Louange an relasyon avek investigation of complaint Medical Library.

        E dan sa let i annan bann rekomandasyon ki ti ganny fer, e anba bann rekomandasyon long term se get problem; advised on the layout, relocate the Medical Library and avoid locating the Medical Library or any Document Centre in the basement of the building.

        Mon ti a kontan konnen pour nou bann travayer lasante ki donn zot letan, zot lavi pour nou koman bann sitwayen, eski i annan keksoz ki pe ganny fer an relasyon avek Fungus kot zot pe travay dan Minister Lasante?  Mersi bokou Mr Speaker.

MR DEPUTY SPEAKER

Mersi Onorab.  Yes Minister.

MINISTER JEAN-PAUL ADAM

Mersi Mr Deputy Speaker vi ki laplipar sa bann kestyon i konsern servis Lazans Lasante mon ava demann Dr Louange pour pran sof lo sa bann kestyon lo Scheme oubyen lo bann lavantaz pour bann Public Health Officers ki byensir i tonm anba Public Health Authority e mon profite pour mwan swet la byenveni Dr Gédéon ki ava kouver sa kestyon apre. Dr Louange.

MR DEPUTY SPEAKER

Ok yes Deputy CEO.

 

DEPUTY CEO – DR DANNY LOUANGE

E mersi Mr Chair mon pour komans lo sa kestyon pour Fungus, wi Fungus i enn bann problenm ki nou fas, ki nou vwar pe arive dan bann diferan fasilite dan, avek dan Health Care Agency.

        Enn ki’n pran nou, nou’n pran, nou’n met nou latansyon lo la e Medical Library akoz i annan landrwa ki bor, nou’n sey rod bann opsyon gete si nou kapab tire tanporerman met li en lot landrwa letan nou pe fer tretman sa fungus, sa…

        E nou vwar ki nou annan nou, nou’n fer nou evalyasyon e nou’n menm fer Public Health asses gete ki mannyer ki nou kapab fer.

        Nou’n, pour fungus an zeneral nou’n annan diferan lopinyon, i annan diferan Kontrakter ki’n ofer zot servis.

        I annan ki’n seye, in fail e nou vwar ki fungus in kontinyen pe afekte nou, e resaman la nou’n en Kontrakter, ki’n vini in anvoy sa fungus overseas e in determinen ki kemikal ou ki tretman nou bezwen e sa nou pe ganny get ladan, nou apros menm lanvironnman pour gete si nou kapab enport sa prodwir pour nou kapab tret fungus.

        Me pour Medical Library nou’n annan en plan pour nou agrandi e tir sa bann Staff ki i baze, ki zot Lofis i baze dan Medical Notes Library li menm, nou ti zot nou met o-bor pa dan Medical Library li menm.

        E lot rekomandasyon ki nou’n gannyen i pour fer sa Medical Library airtight ki i pa ganny akse avek moisture, oubyen i reste dry konmkwa ki napa fungus, be sa bann rekomandasyon ki nou’n pran en nou pe travay lo la.

        Konsernan Scheme of Service, ou’n mansyonn Scheme of Service ki osi involve HCA, dan nou Bidze nou’n annan bann revizyon Scheme of Service.

        E nou annan dan nou Bidze pour 2017 7.9 milyon ki pour al dan bann amendments ki’n fer dan Scheme of Service.  Mersi Mr Speaker.

MR DEPUTY SPEAKER

Mersi Deputy CEO, mon a demann Public Health Commisioner, oule Public Health Commissioner fini avan e lo sa enn specific, specificOk?  Onorab Georges.

DR JUDE GEDEON.

Mersi Minister.

HON BERNARD GEORGES

Mersi bokou, mersi Mr Chair mon ti anvi zis ki Dr Louange i kapab konfirmen ki dan sa Scheme of Service bann Drayver Lanbilans avek bann Paramedics osi pour ganny kouver akoz i annan serten mekontantman avek zot salary scales.

 

MR DEPUTY SPEAKER

Mersi Onorab. Deputy CEO.

DEPUTY CEO – DR DANNY LOUANGE

Pour le moman la mon kapab ouver sa dokiman ki refer lo la, nou ava gete apre mon ava fer Lasanble konnen ki pe arive.  Mersi.

MR DEPUTY SPEAKER

Ok, Dr Gédéon just hold on, i annan kestyon arising, Onorab Ramkalawan.

HON WAVEL RAMKALAWAN

Mr Speaker zisteman lo sa size Scheme of Service avek lapey, mon ti ava kontan si Minister Lasante si zot ti ava kapab dir nou, zot annan zot serten travayer, sa i pa zis kot Minister Lasante kekfwa i en keksoz zeneral pour Minis, pour Minister Finans tou regarde.

        Kot Minister Lasante i annan 2 travayer ki mon konnen, I’m sure i annan bokou lezot ki’n travay a 25 a 30an fidelman, zot lapey ki zot anmenn dan lakour i mwens ki R8, 000.

        Eski i pa ler pour nou koman en pei regard sa bann dimoun e fer bann azisteman e tonm dakor dan sa Bidze ki sa bann dimoun ki zot dan Minister Lasante, ki zot dan bann lezot landrwa ki’n travay fidelman pour tou sa bann lannen ki en minimum zot lapey i vin R10mil.

        Parske la zot pe ganny sa lapey e bann lezot ki vini ki komanse zot pe komans lo sa menm lapey.

        Savedir zot pour zot sa leksperyans ki zot in akimile dan tou sa bann lannen i pa vreman konte, mon pe fer en pledwari e ki nou tonm dakor, e la Minister Finans i arive regarde si fodre nou met larzan pour nou koriz sa bann lenzistis pour ki omwen zot tous en lapey R10mil en minimumThank you.

 

MR DEPUTY SPEAKER

Mersi Onorab, annou pran, nou a pran Onorab Simon Gill ansanm i en kestyon arising apre Minis i ava reponn tou lede ansanm, Onorab Simon Gill, fer li, fer li en pe short please.

HON SIMON GILL

Wi, wi mon pour fer li tre kourt e probableman i pa pour dan menm laliny avek zafer larzan saler.

        Mon enterese avek lenformasyon lo si Minister Lasante zot in arive annan an plas kot zot in kapab customize cost of patients lo tou son nivo, bann latizann tou keksoz ki zot servi lo en pasyan pour bann diferan kategori maladi.

        Prezan sa eleman la nou konpar sa kou avek bann pasyan ki dan Sekter Prive pe gannyen.

        Ler nou’n kapab annan sa eleman pour nou konpare la, nou ava kapab pe ganny en konpran si nou kou pour nou lo nivo servis lasante par pasyan konpare avek kou servis lasante par pasyan dan Sekter Prive, vedir dan bann Klinik Prive, Lopital Prive si i annan en balans, si i annan en lekilib, si i konparab, si pour nou i pli ser, si laba i pli bon marse oubyen si laba i pli bon marse, pour nou i pli ser or visversa.

        E sa i ava anmenn nou lo en nivo pour gete ki kote sa 2 body Gouvernman avek Prive zot source zot bann latizann e tou le zot keksoz ki zot servi lo en pasyan ki dan tel kategori tretman maladi eksetera.

        Mon konnen ki zot pa fer bann gro, gro loperasyon eksetera me mon krwar i enportan sa akoz nou bezwen pe ariv lo en nivo kot nou satisfe ki sa ki nou pe depanse par pasyan an relasyon avek sa ki pei pe donn sa Minister Lasante pour depanse dan en lannen ki i vreman annord korek.

Vwala mon pwen mon pa konnen si i annan sa fasilite pour fer sa me mon krwar i ekstrememan enportan ki nou bouz dan sa direksyon.  Mersi bokou.

MR DEPUTY SPEAKER

Mersi Onorab, yes Minister.

 

MINISTER JEAN-PAUL ADAM

Mersi Mr Deputy Speaker mon krwar serten bann eleman pli detaye Dr Louange i a vin lo la selman pour pran en pti pe premyerman pwen Leader Lopozisyon, mwan pour mon si i annan en dimoun pandan tou sa letan son saler pa’n evolye nou kapab dir wi annou met larzan me pour mwan i plis problenm Management.

        Akoz sa bann dimoun ki dan en pozisyon pandan 25an i napa en Supervisor sa dimoun, konmsi sa dimoun pa’n remarke poudir sa travayer pandan tou sa letan pa’n ganny sa logmantasyon ?

        Mwan mon konnen sertennman dan bann Minister kot mwan mon’n travay nou toultan esey montre ki semen ou annan e se sa baz Scheme of Service.

        Scheme of Service i devret montre ou en semen ki permet ou swiv devlopman endividyel, mon pa pe dir ou bann Scheme of Service i parfe i annan Scheme of Service ki annan defayans.

        E sistematikman Gouvernman i bezwen revwar, me nou re vin lo en lot pwen, se sa pwen zesyon Management.

        E Manager i bezwen pran responsabilite son Staff, e si pandan tou sa letan i pa’n annan en evolisyon, ki mannyer sa dan en kad pa’n kapab evolye.  E, me an term Minister Lasante nou pour kontinyen fer nou travay an term envesti dan nou resours imen, nou pour kontinyen fer sa revi pour vwar lafason ki mannyer nou kapab fer sir ki dimoun zisteman i annan sa pathway.

        Zot kapab konnen zot antre lo tel saler, si mon fer tel kantite lannen oubyen mon fer tel kantite formasyon mon devlop mon lekor mon ariv lo sa nivo, sa i pwen en pti pe an zeneral.

        Lo pwen Onorab Gill in fer sorti lo kou par pasyan annefe nou annan sa travay ki pe ganny fer aktyelman dan Minister pour nou etablir sa dan en fason obzektif.

        Akoz i osi bezwen ganny odite ler nou pour dir sa i kout tan, nou kapab dir egzakteman sa i koumsa.

        E de ki nou annan sa sif avek sertitid nou pour byensir fer bokou travay lo sa baz akoz se sa ki permet nou pli byen defini nou lenvestisman a lonterm.

        Me mon kapab dir i osi enportan ki nou regard lasante dan son bann konponan akoz i annan serten keksoz ki fer sa ki oule son pri i en pti pre akoz depandan sa medikaman, si ou pran legzanp HIV Sida son kou, son kou tretman i depan en pti pe lo medikaman napa gran keksoz ki ou kapab fer, ou kapab sey demann lezot sours me i plis ou mwen reste parey.

        Me la baz sa pwen kou par pasyan e anliny nou Bidze baze lo la e kot i neseser osi travay avek Sekter Prive pour nou fer serten travay konzwentman lo la.

        Dr Louange, mon pa konnen si ou oule azoute en pti pe lo Scheme of Service, bann kestyon e apre Dr Gédéon i a koz lo sa enn pour Public Health.

MR DEPUTY SPEAKER

Yes Deputy CEO.

 

DEPUTY CEO – DR DANNY LOUANGE

Mersi Mr Chair, wi pour retourn lo sa pwen Scheme of Service dan nou Bidze pour 2017 i annan provizyon pour bann amendment adjustments ki nou’n fer dan Scheme of Service pour bann Biomedical Engineer, Radiology Staff, Farmasi, Rehabilitation, Dental, Clinical Lab.

        Me pour drayver i tonm anba Common Cadres i annan en Scheme of Service osi.  Mersi Mr Chair.

MR DEPUTY SPEAKER

Mersi Deputy CEO, Dr Gédéon.

DR JUDE GEDEON

Mersi Mr Chair mon a profite mon a dir ou bonn apre midi, bonn apre midi tou bann Manm Onorab premye fwa mon koze ozordi.

        Public Health Authority ti ganny etabli anba en Act an 2013, e an se moman nou annan 132 travayer, e ladan nou annan, vi ki keksoz ti vize lo Public Health Officers, nou annan nou 33 Public Health Officers oubyen Sanniter, e 11 Public Field Assistants.

        Wi nou annan en Scheme of Service pour sa kad anplwaye zot, sa Scheme ti ganny revize an 2014 e i annan provizyon pour allow sa diferan nivo, pour bann diferan level of Seniority.

        I vre oparavan ki Scheme pa ti fer pour serten allowance pour bann Sanniter ki travay dan Kominote, me sa in plis ou mwen in ganny rektifye.

        E an se moman zot scale allowance i varye ant R1,000 par mwan ziska R2, 500 depandan lo nivo ki ou pe ganny anploye.  Apre osi i annan provizyon pour pey bann Sanniter ki fer on call duties par egzanp bann dimoun ki travay erport, nou annan en prezans permanan lo Erport e lo Por, Seaport.

 Akoz dapre International Health Regulations i bezwen annan en prezans permanan laba kot ou bezwen fer bann Health Clearance pour bann bato ek avyon ki antre e zot ganny allowance spesyal.

Si i annan bann ki al travay Praslin ouswa lo La Digue sa osi i annan en provizyon en allowance ki’n ganny fer pour zot.

Vwala en pe an gro bann provizyon allowance ki bann Sanniter e bann Public Health Assistant.  Mersi.

MR DEPUTY SPEAKER

Mersi Dr Gédéon, Onorab William.

HON WAVEN WILLIAM

Mersi Deputy Chair, mon ti a kontan demann Minis avek son delegasyon si zot ti annan sa larepons konbyen in kout pei ziska la pour anvoy bann pasyan aletranze pour trete, konbyen ki zot in anvoye ?

        Dezyenmman Minis an relasyon avek fer monte nivo Lasante e an menm tan nivo bann travayer lasante, mon pe koz Ners avek Dokter, i annan en Lagreman ki ti ganny sinyen avek MIOT Hospital 2014 kot ladan i annan training Ners, Dokter menm i annan provizyon pour ganny latizann ase bon marse an menm tan pour fer University Hospital Sesel pour train bann Ners avek Dokter.

        Mon anvi demann Minis si zot pour pourswiv avek sa Lagreman pour nou kapab reisi trouv sa proze ganny etablir Sesel ?  Mersi.

MR DEPUTY SPEAKER

Mersi Onorab. Yes Minister.

MINISTER JEAN-PAUL ADAM

Mersi Deputy Speaker e mersi Onorab. Bidze pour tretman aletranze i apepre en 30 milyon, i apepre 30 milyon nou a reisi sa sif pli egzakt.

        Apre sa i reprezant pour apepre 245 pasyan, wi mon pa konnen si Dr Louange ou oule donn en pti pe plis detay ok.

        E zis, apre mon a pran sa dezyenm kestyon an se ki konsern Lopital MIOT, anliny avek nou stratezi lasante, anliny osi ek nou proze re devlopman Lopital i enkli bann Partenarya avek bann Lopital Prive.

        Alor nou sertennman enterese par sa devlopman lo an se ki konsern Lopital MIOT e koman Minis definitivman mon pour annan serten lesanz avek zot e nou panse i en bon nide pour nou travay avek zot pour zot etabli en keksoz Sesel e ki pour nou vwar osi ki bann servis ki kapab ganny fer atraver sa Lopital.

        Ensi byen ki i ofer servis avek manm piblik an zeneral. Mon pa konnen si PS ou byen Dr Louange ti ava kontan azoute, mon pas la parol avek PS avan.

MR DEPUTY SPEAKER

Yes PS.

PS BERNARD VALENTIN

Mersi Mr Chairman mon ti ava zis kontan azoute Mr Chairman ki sa 30 milyon ki Minis in dir i servi plis ou mwen pour pey bann tretman pour bann adilt ki al trete aletranze.

        Pour bann zanfan i annan en lot provizyon, e pour zanfan i ganny peye anba Agency for Social Cooperation en lot Bidze.

MR DEPUTY SPEAKER

Ou fini PS?  Mon annan kestyon arising on both sides, mon annan Onorab Gill apre i a swiv par Onorab Ramkalawan, oubyen Minis apre son panel i a pran tou lede ansanm; en Onorab Gill? Yes Simon Gill?

HON SIMON GILL

Mr Chairman mersi swivan repons ki Dokter Gédéon in donnen mon krwar i annan en keksoz ki still in reste dan ler,

        An relasyon avek kestyon ki oubyen statements ki mon kapab dir, sa ki Onorab Ramkalawan in fer.

        Eski ou pe konfirmen dan Minister Lasante i annan travayer ki depi lontan i la, son larzan i ba konpare ek bann nouvo travayer ki’n antre ki pe komans lo en saler, dizon annou pran R10mil.

        Eski ou pe konfirmen i annan sa sityasyon dan Minister Lasante ?  E si i annan ki kantite travayer ozordi ki santi li dan sa sityasyon e si i vre ki i annan, lo sa kote latab nou pe zwenn ansanm, mon krwar en sel statement i ganny fer.

        I bezwen annan en lenvestigasyon serye ki ganny fer lo la e bann mezir apropriye i ganny pran pour remedye sa sityasyon dan la mezir ki tou keksoz i annord.

        Mersi bokou mon krwar nou bezwen ganny en pwen leklersisman lo la.  Mersi bokou.

MR DEPUTY SPEAKER

Mersi Onorab, nou a pran pour Onorab Ramkalawan, dan menm laliny ?

HON WAVEL RAMKALAWAN

Well i annan 2 size la ki’n vini.

Premyerman lo sa Scheme of Service ki Dokter Gédéon in mansyonnen spesyalman pour bann Sanniter.

        Eski i pa drol koman en dimoun in servi koman Sanniter pour 15an i pa ankor ganny konsidere koman en Senior Officer, konmsi si zot kapab eksplike akoz en tel keksoz.

        Parske i annan konplet la apre 15an mon ti en Sanniter mon ti ava ekspekte ki mon ti ava en Senior Officer.

        Lo size tretman, lo size tretman overseas An relasyon avek MIOT  ti annan en Ners Seselwa ki ti baze MIOT Hospital ki sorti dan Minister Lasante isi pou al laba.  Ozordi ki mannyer mon konpran – koriz mwan si sa ki mon pe dir pa annord sa sityasyon in sanze.  Zot nepli anvoy en Ners Seselwa isi pou al MIOT.  Zot pe plito servi servis en Ners Seselwa ki MIOT – ki travay avek Lopital MIOT pour li take care of bann pasyan Seselwa.  Eski nou pa santi la ki poudir I annan en konfli lentere vi ki sa dimoun ki mon konn li byen ki en bon zanmi pou mwan – vi ki sa dimoun i travay avek Lopital MIOT e i annan lentere sa Lopital aker e lo lot kote i a pe regard welfare bann Seselwa ki poudir i kapab annan en konfli lentere e alor si nou pa devret pe retour dan en sityasyon kot  I annan en Ners ki sorti Sesel ki al MIOT – ki napa  okenn laparans – persepsyon or anything ki poudir i annan sa konfli lentere.

        Mersi bokou.

MR DEPUTY SPEAKER

Mersi Onorab, Onorab Sebastien Pillay.

HON SEBASTIEN PILLAY

Mersi Mr Chair. Mr Chair pou donn finalite avek sa kestyon sa bann travayer ki dan lopital pou en kantite letan. Anba public service, i annan en public service salary grid ki en travayer i sipoze bouze subsequently every year now mon ti a kontan demann Minister Finans ki nou fini ek sa zafer, vwar payroll Minister Lasante e nou etabli lekel bann travayer, bann long serving Staff ki lo sa nivo saler baze lo grid e met zot lo grid kot zot devret ete. Mersi Mr Chair.

MR DEPUTY SPEAKER

Mersi Onorab. Minis ou le pran sa 3 queries.

MINISTER JEAN-PAUL ADAM

Mersi Mr Deputy Speaker. An se ki konsern sa ki Onorab Gill in demande mon ava Dr Gedeon pou klarifye. Lo kote sa ki Onorab Ramkalawan in demande, nou Polisi annefe konmela se ki, akoz dan lepase nou ti anvoy en ners akoz nou pa ti anvoy lezot akonpanyater avek bann pasyan ki ti al fer tretman deor. Aktyelman Gouvernman i peye pou en akonpanyater e i nou’n vwar ki dimoun i pli kontan pou en manm zot fanmir pou al avek zot e mon krwar sa i mars byen e parey ou’n dir sa madanm i anploye ek MIOT, i pa anploye avek nou. Alor nou, nou akonpanyater i sa dimoun ki sa dimoun i swazir, i kapab swazir en manm son fanmir, i kapab swazir en ners si i anvi me i kapab osi swazir en manm son fanmir, la mazorite i swazir en manm son fanmir. E osi baze lo MIOT, an tou ka mwan depi ler mon Minis i pa tro lontan, mon pa ankor tann okenn konsern ki ganny met devan par bann pasyan ki’n al laba e si i annan konsern nou kapab touzour koz avek zot, nou annan en lantant depi plizyer lannen. An se ki konsern kwa ki defini kote ki nou anvoy sa bann dimoun mon ava les Dr Louange donn en pti pe plis detay me dan en fason pli zeneral se baze lo spesyalizasyon depandan lo ki prosedir ki bezwen ganny fer.

 E dan serten ka osi se zistans akoz letan ou pou anvoy en dimoun MIOT par egzanp i annan plizyer avyon, La Réunion i zis a kote, Maurice i zis a kote, i 1 flight. Alor i depan kondisyon dimoun rekomandasyon dokter, rekomandasyon ki ganny fer par Board ki regard sa bann eleman. Mon ava demann Dr Louange pou lo sa size. Dr Gedeon i ava klarifye sa kestyon saler.  Mersi.

MR DEPUTY SPEAKER

Mersi Minis. Deputy CEO.

DEPUTY CEO  DR DANNY LOUANGE

Mersi Mr Chair. Wi, konsernan kriter ki nou servi pou selekte ki lenstitisyon nou anvoy pasyan, letan nou anvoy pasyan overseas i en process. Nou annan en board, Overseas Treatment Board ki comprise of spesyalis ki en spesyalis ki’n idantifye en… ki en pasyan i bezwen al overseas pou tretman ki pa available locally, i prezant son… sa pasyan lo sa board e sa board ansanm avek sa spesyalis i deside ki bor pou anvoy sa pasyan. E sa bann kriter ki nou servi i depan si sa lenstitisyon ki nou pe anvoy sa pasyan i annan sa expertise pou li kapab deal avek sa case. An zeneral nou annan MIOT Hospital ki nou kominik, ki nou anvoy nou bann pasyan, nou annan Sri Lanka, nou annan Lanka Hospital ek Hema Hospital. Maurice nou ti annan Apollo e La Réunion nou annan lopital La Réunion ki nou anvoye me nou plis annan pli bon kontak avek MIOT e bann lopital Sri Lanka. So nou kriter i depan lo kondisyon sa pasyan e si i annan sa bann spesyalizasyon dan sa bann sant ki bor nou pe anvoye. Mersi Mr Chair.

MR DEPUTY SPEAKER

Mersi Deputy CEO. Dr Gedeon.

CEO DR JUDE GEDEON

Mersi Mr Chair. Fodre fer distenksyon letan nou koz sanniter, i annan serten dimoun ki pe ganny anploye konman public health field assistant, zot pa sanniter per se, zot zis en assistant. E pour ou vin en sanniter fodre ou swiv serten training e konmela i en training ziskan ler ou ganny diploma ki minimum requirement, o par avan ti en certificate prezan i en diploma e sa ou bezwen swiv o mwen 3 an letid. E bann public health field assistant zot pa bezwen swiv okenn training elabore oubyen training formel e zot bann dimoun parey bann dimoun ki travay dan bann spraying team, bann assistant lo teren ki fer bann louvraz mannyel, zot fer on-the-job training. So lo Scheme of Service i fer provizyon pou depi bann public health field assistant ziskan ki ou vin Senior Public Health Officer oubyen ….. Public Health Officer. E si en dimoun, mon pa konn en dimoun ki’n swiv formasyon ki annan o mwen en diploma dan Public Health Authority avek sa kantite lannen leksperyans ki ganny mwens ki R10mil. Par kont bann salary band letan ki nou’n prepar scheme, pa ganny deside par nou i ganny deside par DPA e nou ti a toultan swete ki nou travayer i kapab ganny plis me selman nou bezwen pey dapre ki nou mwayen i permet nou. so vwala i annan diferan kategori ant… diferans ant public health field assistant avek public health officer e dan public healthy officer i annan diferan degre seniority baze lo training e baze lo leksperyans osi tou. Mersi.

MR DEPUTY SPEAKER

Yes PS Payet.

PS PATRICK PAYET

Thank you Mr Chair e thank you bann Onorab pou sa klarifikasyon ouswa kestyon ki zot pe demande lo salary grid Gouvernman. Ki mannyer salary grid i operate i annan orizontal ouswa vertical.  E si ou pe donn promosyon i en step ahead savedir sorti band 4 i pe monte to Band 5, sa i promosyon me tou dimoun letan i ganny anploye dan Gouvernman as per zot Scheme of Service, i konmans the 1st step lo sa premye band me selman ki nou ankouraz bann Minister letan zot pe diskit Bidze avek nou osi ki nou revwar en pe ki kantite larzan zot pe mete dan salary enhancement. Sanmenm sa ki sa dimoun i bouze sorti step 1 i bouz tou the next step. Sanmenm sa ki nou ankouraze ki si Bidze i permet ki i annan en salary enhancement sirtou bann dimoun ki’n la dan public service en pe letan, letan zot fer zot job appraisal tou le lannen ki nou ankouraz bann Minister fer pou zot travayer. I annan ki zot vwar si par egzanp zot Bidze i permet zot kapab donn en salary enhancement. I annan bann step ki zot delegasyon sa Minister i kapab donnen me selman si i annan detrwa step, mete sa Minister pe donn sa travayer plis ki 4 to 5 step, i bezwen demann aprouvasyon Departman Public Administration me selman i annan delegasyon ki kapab donn en step, 2 step e sa zot HR be selman nou ava revwar ek Lasante akoz dan zot Bidze zot annan larzan pou promosyon avek salary enhancement, nou ava revwar kekfwa lo bann detay pou ki sa bann travayer akoz i annan bann specialized staff apre i annan bann servis Staff osi lo zot manpower …. exercise, nou a revwar avek zot lekel konteni sa bann travayer e si Bidze i permet within sa framework ki egziste nou ava revwar avek Departman Public Administration an menm tan diskit avek Health Care Agency avek Public Health Authority as well.  Mersi.

MR DEPUTY SPEAKER

Mersi PS Payet. Onorab Ramkalawan ou ti annan question arising ?

HON WAVEL RAMKALAWAN

Yes. Lo nivo sa zafer sanniter la, Public Health officer, akoz i annan diploma avek certificate. I zis ki isi zot annan sa abilite pou train lo nivo sertifika, se sa ki NIHSS i pe provide la, zot pe fer diploma tou? Ok. Mersi bokou.

MR DEPUTY SPEAKER

Mersi. Onorab Churchill Gill.

HON CHURCHILL GILL

Mwan mon ti le fer en sizesyon avek PS apre ki in eksplik nou sa salary grid, akoz in dir nou koumsa poudir si Bidze i permet la apre sa bann Minister i a kapab pran desizyon e mon krwar plito nou fer li the other way round ler Minister pe prepar Bidze fer rekomandasyon pou sa bann dimoun ki sipoze annan sa bann dues pou sa posibilite pou zot ganny sa enhancement plito submit sa ler zot pe met zot request pou Bidze. Prezan ler Minister Finans i ava desid pou donnen i a konnen poudir la i annan 10 ki nou devret pe donnen dan plas nou donn larzan apre si i ase pou donn zot. Mersi.

MR DEPUTY SPEAKER

Mersi Onorab. PS ou le fer en pti komanter ?

PS PATRICK PAYET

Non. Pwen in note, nou ava revwar dan context global, kekfwa pa regard zis Minister Lasante me selman bann lezot sekter osi an totalite. Mersi.

MR DEPUTY SPEAKER

Mersi PS Payet. Onorab Ramkalawan.

HON WAVEL RAMKALAWAN

Zis ankor en fwa lo sa nivo Scheme, I mean ankor enn fwa i enportan pou regarde parske ou konnen ? Par egzanp, nursing assistant ki napa en diploma, koriz mwan ankor enn fwa si sa ki mon pe… Ok. Zot gratwite i plis ki pou en sanniter ki’n al lekol 4 an avek en diploma. Eski i annan… eski nou kapab tyek sa osi tou, parske i annan bokou sa bann ptipti keksoz ki kekfwa en oversight oubyen ensidswit me selman ki aprezan letan zot konmans konpare zot pou dir i annan keksoz la ki pa neseserman balanse.

MR DEPUTY SPEAKER

Mersi Onorab. Yes Minister.

MINISTER JEAN-PAUL ADAM

Mr Deputy Speaker, zis mon ava dir dan en fason zeneral akoz mon konnen i enportan dan en Lasanble poudir i annan deba e ki nou anmenn pwen devan baze lo sa ki dimoun in dir nou me i enportan osi ki nou kestyonn sa detay akoz parfwa keksoz i ganny dir. Mwan mon par egzanp mon pa krwar sa i korek. Mon ava demann Dr Gedeon pou verifye en pti pe plis selman nou bezwen kestyonn byen o fon mwan mon konnen ki toultan dimoun i dir mwan mon pe ganny sa, lot pe ganny lot me i enportan pou nou vreman regard dan son detay e konnen eski i korek ?

E mon revin ankor lo sa size ki nou bezwen demann sak manager pou osi pran responsabilite pou li get son travayer akoz i annan bann nivo dan sak Lorganizasyon kot sa travayer i ganny supervised par… i annan en manager e nou bezwen regard sa dan plan karyer sa bann dimoun. E nou bezwen kestyonnen si sa bann dimoun, sa lenformasyon ki zot pe donnen i korek on depar. Zis mon le fer sa pwen akoz dan sa Lasanble nou pa kapab dir entel i koumsa, i pa normal pou nou koz lo sa endividyel en dimoun, me si nou pa kapab sitye li dan en ka spesifik, i osi difisil pou nou verifye si sa lenformasyon i vreman korek oubyen non. Mon pa konnen si Dr Gedeon, mon pa konnen pete si ou annan sa lenformasyon si non nou ava sey rode nou ava verifye.

MR DEPUTY SPEAKER

Mersi Minis. Dr Gedeon.

CEO DR JUDE GEDEON

Mersi Mr Chair. Mersi Minis. Sa ki mon konnen se ki dapre Scheme apre 5 an servis en zofisye i ganny R10 mil gratwite tou le 5 an. E mon pa konnen si sa i pli mwens ki pou bann assistant si i en lot Scheme, anba Scheme si sa i diferan. Sa ki …. Se ki sa ki pou, sa ki lo Scheme pou bann Public Health Officer.

MR DEPUTY SPEAKER

Mersi Dr Gedeon. Onorab Georges.

HON BERNARD GEORGES

Mersi Mr Chair. 10 an tou le 5 an, gratwite 10 an tou le 5 an, en konpansasyon 10 an tou le 5 an, so i 10 mil tou le 5 an ? Mon pa konnen me mon krwar nou ganny demande pou revwar en tan donnen ki avek 13 mwan zot pe ganny sa tou le an in any event la, pou esper ou ganny sa pti sonm at the end of 5 years, i en pti pe… anfen i bokou en problenm. Mon pa vwar ki i ava akseptab avek dan bokou kad alor mon ti a kapab demann zot eski i annan en propozisyon pou revwar e eski dan sa lannen ki pe vini nou kapab revwar. Mon vwar PS Payet i anvi reponn.

MR DEPUTY SPEAKER

Avan PS Payet i reponn, Onorab Sebastien Pillay.

HON SEBASTIEN PILLAY

Non Mr Speaker, mon ti pe zis propoze pou ki ankor enn fwa nou ganny finalite avek sa deba lo sa size Scheme ki Minis i kapab donn nou, si Minis i kapab donn nou en commitment ki bann Scheme pou bann diferan kad ki tonm anba Minister Lasante ki pa ankor ganny revwar di si la depi sa dernyen 3 an 4 an akoz mon krwar annan en revizyon ase konsistan dan bann Scheme. Donn nou en commitment ki i ava fer revizyon dan sa bann Scheme ki nou pa ava bezwen pe sak Scheme arete akoz mon krwar i annan lezot manm ki petet i annan lezot kestyon lo lezot size ki zot le demande me nou ankor reste lo en size, nou ankor pe arise kestyon lo sa size. Mersi Mr Chair.

MR DEPUTY SPEAKER

Mersi Onorab. PS Payet mon krwar ou ti le reponn sa, non? Klarifye.

PS PATRICK PAYET

Zis pou clarify. Mersi Mr Chair, mersi Onorab. Zis pou klarifye, the general gratwite Scheme i ti fek ganny revize an Zanvye 2016, avan i ti 6700 tou le 10 an e dan Bidze 2016 nou ti fer rekomandasyon pou increase li pou ariv 7500 me selman Lasanble Nasyonal ti demande si nou pa kapab go back e revwar pou ariv R10 mil. E nou ti revwar li R10 mil tou le 5 an e, me selman si ou fer … i annan son bann diferan layers si ou fer 15an – 20an i ti increase li osi. Me avek sa posibilite osi en keksoz ki nou kapab revwar e travay lo la avek Departman Public Administration pou revwar dan ki context nou kapab revwar sa totalite. Me nou ava re tyeke sa context, sa ki Onorab in mansyonnen regarding general Scheme of Service pou bann Nursing Assistant avek Public Health Officers, nou ava konpare. Mersi.

MR DEPUTY SPEAKER

Mersi PS Payet. Onorab Letourdie.

HON JANY DE LETOURDIE

Mersi Chair. Minis dan lespri pou redwir o tan ki nou kapab e osi pou promot nou bann Seselwa touzour, eski ou Minister i annan demars pou spesyaliz en Seselwa o mwen enn konman en enzenyer Biomedical Technology. Eski dan ot mo mon pe demande i annan Seselwa ki kalifye pou mentenir bann lekipman Lasante lo sa standar ki neseser?

MR DEPUTY SPEAKER

Mersi Onorab. Minis?

MINISTER JEAN PAUL ADAM

Mersi Mr Deputy Speaker ek Onorab. Nou deza annan en zenn Seselwa ki pe travay dan sa seksyon e dan nou plan lenvestisman pou resours imen nou pe osi pe prevwar, akoz sa i en sekter ki nou bezwen ranforsi. Mon konnen si Dr Louange ki kapab donn en pti pe plis detay lo bann spesyalis ki dan sa sekter.

MR DEPUTY SPEAKER

Ok mersi Minis. Onorab Aglae.

HON EGBERT AGLAE

Mr Chair mon krwar Minis…

MR DEPUTY SPEAKER

En moman Onorab. Minis ti pe azout keksoz, non? Ok.

MINISTER JEAN-PAUL ADAM

Mon ti pou demann Dr Louange pou donn plis detay lo spesyalis lo sa sekter.

MR DEPUTY SPEAKER

Ok mersi Minis. Dr Louange.

DEPUTY CEO DR DANNY LOUANGE

Mersi Mr Chair. Dan biomedical engineer unit, nou annan nou 16 Staff, 7 Seselwa nou annan 7 Seselwa laba e en nou Seselwa ki ankor zenn, ki en enzenyer i pe ganny groom pou take over sa unit eventually so… I en Seselwa. I en enzenyer e i pe ganny groom isi menm. Wi. E nou osi pe pran bann lokazyon ki letan i annan bann loportinite training ki in deza ale, nou anvoy li pou further son training dan biomedical bann …. Mersi Mr Chair.

MR DEPUTY SPEAKER

Mersi Deputy CEO. Onorab Aglae.

HON EGBERT AGLAE

Mersi Mr Chair. Mr Chair, mon kestyon ti en pe vizavi lo Scheme of Service me selman mon krwar Onorab Pillay in fer le pwen me selman zis an pasan ki ler nou pe koz Scheme osi i annan bann non-professional ki osi mon krwar i enportan Minister Lasante tel parey bann telefonn operators ki annan 20 an 25 an osi, sey konsider sa… zot osi en pe. Mersi.

MR DEPUTY SPEAKER

Mersi. Minis ?

MINISTER JEAN-PAUL ADAM

I annan zis pou dir an zeneral, Mr Chairman e tou bann Manm Onorab ki Gouvernman resaman sa zafer gratwite i pa otomatik sa, se Gouvernman ki’n fer sa ganny mete i annan gratwite ki prevwar pou tou travayer.  Apre i annan gratwite ki spesifik avek bann Schemes. Ok i annan bann gratwite ki spesifik… E pou bann… pou gratwite zeneral Gouvernman i fek ogmant ankor. I ti R7500 e in vin R10 mil. Alor, wi, e si nou pran li dan sa context byensir nou tou nou ti ava swete ki i annan plis larzan an zeneral, ankor la nou pe koz lo en kestyon zeneral, nou pa pe koz spesifik dan kad Bidze Minister Lasante. Mon krwar i enportan ki nou sey focalise nou letan en pti pe lo bann kestyon ki spesifik pou Minister Lasante, menm si byensir sa i en eleman enportan ladan. Me i enportan ki nou regard lenvestisman dan sa resours imen dan Lasante a long term kot nou pe regard en zenn letan i antre dan servis Lasante ki kekfwa son nivo si in antre konman en travayer maintenance an zeneral oubyen si in antre konman en biomedical engineer oubyen si in antre konman en dokter, nou bezwen montre sa dimoun son semen ki i kapab swiv ki permet li devlope konman en profesyonnel. Mersi Mr Deputy Speaker.

MR DEPUTY SPEAKER

Mersi Minis. Onorab Roucou.

 

HON CLIVE ROUCOU

Mersi Mr Chair. Eski Minis i kapab dir sa Lasanble si Ners, Dokter oubyen lezot kad Lasante i ganny kouver anba okenn lasirans e si wi lekel sa Insurance Broker, please? Mon dezyenm kestyon an relasyon avek sa ki Dr Louange in dir kot mon’n tann 2 pti keksoz, koriz mwan si mon mal. I dir i annan 7 biomedical engineer, mon ti a kontan Dr Louange ti a mansyonn mon 7 biomedical engineer. Mon konnen i annan 2. E in koz lo Scheme of Service pou biomedical engineer, mon ti a kontan i ti a koz ki mannyer sa pou anglob sa 2 Seselwa an konparezon avek sa Msye ki ansarz biomedical engineer ki ganny plis ki, apepre R100 mil, an konparezon avek en lapey medyok pou nou medical engineer Seselwa. Epi mon lot kestyon an relasyon avek sa Bidze, se pozisyon sa Mr Ambubashi ki fer recruitment swadizan Dokter ek Ners pou anmenn Sesel. Mon ti a kontan konnen konbyen dokter ki’n recruit, konbyen ners ki’n recruit e lekel ki pe pey sa msye? Mersi.

DEPUTY SPEAKER

Mersi Onorab. Minister?

MINISTER JEAN-PAUL ADAM

Mersi Mr Deputy Speaker e mersi Onorab. … mon ava les Dr Louange donn pti pe plis detay me an se ki konsern en polisi zeneral dan Minister Lasante bann ekspatriye ki nou anploye dan Minister Lasante zot ganny rekrite anba sa Scheme of service zeneral ki kouver tou anploye. Anba sa… i annan bann eleman, i annan serten lavantaz ki pou zis bann ekspatriye akoz byensir zot annan lezot demann par egzanp zot ganny lakaz e zot osi ganny en allowance pou le fet ki zot bann ekspatriye e sa i ant R6500 ek R9mil. Me mon ava les Dr Louange donn en pti pe plis detay lo rekritman bann ekspatriye dan Health Agency.

MR DEPUTY SPEAKER

Yes, Deputy CEO.

DEPUTY CEO  DR DANNY LOUANGE

Mersi Mr Chairman. Mon pou konmans koz lo biomedical engineer. Ki mon ti mansyonnen o par avan mon’n dir ki nou annan en biomedical engineer unit, i annan 7 Seselwa ki dan sa unit e nou annan osi 9 etranze osi dan sa unit. E sa unit i fer maintenance, i repair bann lekipman medikal dan nou Lazans. So lo konsernan recruitment of expatriates, mon krwar wi nou annan en… nou recruit expatriates dan… i annan expatriates ners, i annan expatriates dokter e i annan bann lezot cadres ki nou osi recruit. So letan nou fer sa bann recruitments, i annan en HR Manager ki specifically nou’n anploy li pou fer recruitment pour bann specialist expatriates. E i ganny recruited akoz i annan en networking ki kapab tap into pou kapab ganny bann spesyalis ki nou bezwen. E i swiv bann kriter ki nou don li pou nou swazir bann spesyalis e i osi swiv bann regilasyon ki nou annan an plas pou tou lezot spesyalis ki nou recruit. Mersi Mr Chair.

MR DEPUTY SPEAKER

Mersi Onorab Roucou.

HON CLIVE ROUCOU

Thank you Mr Chair. Premyerman pa’n koz lo lasirans pour ners avek dokter ki mon ti’n mansyonnen. Epi mon kestyon ti depi ler Mr Ambubachi  i la konbyen dokter ki’n recruit, konbyen ners ki’n recruit, lekel ki pe pey son saler ? Epi saler sa msye ki ansarz medical engineer, please ?

DEPUTY SPEAKER

Mersi Onorab. Minis.

MINISTER JEAN-PAUL ADAM

Mersi Mr Deputy Speaker. Eskiz mwan lo sa kestyon lasirans mon’n mank li dan mon bann notes. Dan en fason zeneral i annan lasirans ki Gouvernman i peye dan en fason zeneral. I pa neseserman spesifik pou sak anploye Lasante me enn bann eleman ki… alor si nou pran en legzanp ki en dimoun i ganny en aksidan dan travay, si nou pran legzanp dan travay Lasante, i annan en lasirans ki kouver sa. Me petet sa direksyon ki ou pe ale ki en keksoz ki nou anvi regarde me nou pa konn son kou se pou regard en pti pe dan en fason zeneral ki mannyer nou kapab anmenn lasirans en pti pe plis dan kestyon pratik Lasante akoz i en eleman kle. Si nou regard bann devlopman sa sekter definitivman nou pou bezwen al en pti pe dan sa direksyon. Mon pa konnen si PS Finans i le donn en pti pe plis detay lo sa lasirans zeneral ki Gouvernman i annan. E mon ava demann Dr Louange pou donn en pti pe plis detay lo sa bann rekritman sa bann ekspatriye ki’n ganny fer. Mersi.

 

MR DEPUTY SPEAKER

Yes Deputy CEO.

DEPUTY CEO  DR DANNY LOUANGE

Mersi Mr Chair, mersi Onorab zis pou azoute osi dan son context zeneral parey ler nou pti pe diskit Bidze Fire and Rescue Services Agency, any claim par egzanp en travayer Gouvernman i fer, nou anvoy sa demann kot Departman Public Administration ki lyez avek Attorney General office e once ki’n etabli any claim ki swa sa travayer in fer en aksidan dan son landrwa travay ou swa i annan en keksoz, i annan  en aktivite ki’n fer ki’n ariv li ki pe demann sa claim. E nou, nou pey li anba Contingency e sa practice ki nou’n fer dan le pase, nou pou kontinyen.

E ki nou ti pe… parey nou’n dir letan nou ti pe diskit pou Bidze Fire and Rescue Services Agency, nou ava vwar lenportans si nou bezwen vwar li dan son totalite akoz parey Lasanble in demande lo Fire and Rescue Services Agency, si i annan en specific insurance kekfwa pou sa sekter akoz natir zot travay. So nou ava diskit avek Departman Public Administration pou vwar si zeneralman nou bezwen vwar dan donn en pe plis specific insurance pou bann particular sectors. Mersi.

MR DEPUTY SPEAKER

Mersi Deputy CEO. Onorab Adelaide. I annan en lot… ok. En moman. En moman Onorab eskize. Yes Minister.

MINISTER JEAN-PAUL ADAM

Deputy Speaker mon krwar ki ti annan en pti pe plis detay pou donnen lo ki Onorab ti’n demande lo kote bann ekspatriye ki ganny recruit, lekel ki pey zot ?

MR DEPUTY SPEAKER

Ok. Yes, Deputy CEO kontinyen.

 

DEPUTY CEO  DR DANNY LOUANGE

Lo kote bann ekspatriye ki nou’n recruit, nou annan 7 e nou annan 7 spesyalis, a pathology, a radiologist, anesthesia, apre nou annan 4 dan kominote, sa i deza dan nou workforce, nou annan 7 ankor ki nou pe plan pou recruit dan term imedya, paediatric, ENT, …. gynea, e dan general practice osi. In osi recruit konman expatriates, sa bann spesyalis, bann expatriates ners osi in recruit 16 expatriate nurses e sa i bann recruitment ki in fer. Mersi Mr Chair.

 

MR DEPUTY SPEAKER

Mersi Dr Louange. Onorab Roucou – vitman.

HON CLIVE ROUCOU

Mon ti anvi Dr Louange dir nou osi lekel ki pey Mr Ambubachi silvouple.

MR DEPUTY SPEAKER

Mersi. Mersi. Deputy CEO or Minis.

MINISTER JEAN PAUL ADAM

Mr Deputy  Speaker mon krwar sa ki… mon realize pet ki Onorab pe esey demande. Nou annan en Grant ki nou ti resevwar an 2015, an 2015, i annan en Grant nou ti resevwar an 2015 sorti Abu Dhabi e Gouvernman Sesel ki pou ed nou rekrit bann spesyalis. Ok sa i enkli sa bann spesyalis ki Dr Louange in mansyonnen e nou’n servi sa Don me sa larzan i en Don anver Gouvernman Sesel. Savedir se Gouvernman Sesel ki pe pey sa bann spesyalis. Mersi Mr Deputy Speaker.

MR DEPUTY SPEAKER

Mersi Minis. Onorab Adelaide.

HON FRANCOIS ADELAIDE

Mersi Mr Chair. Bonn apre midi Minis avek ou lekip. Minis, mon annan en ta kestyon me mwan ti a voudre petet si dan ou letan, ou fer en pti letan pou vin vizit nou en kou Baie Lazare ki nou kapab pas en kou lo bann konsern, ki ou ava ekout nou.  Me mon a demann ou en kestyon. Minis, nou Baie Lazare, nou problenm se lespas avek privacy, enkli latansyon avek bann profesyonnel medikal. Nou konnen ki Minis Larue ti dir ki Klinik Baie Lazare i pa en priyorite me mwan mon pe demann ou si nou konman bann zabitan Baie Lazare, atraver nou bann businessmen, nou kapab negosye en funding pou en batiman, eski i ou Minister i pare pou ed nou, asiste nou pou ki nou kapab realiz nou rev ganny en nouvo Klinik Baie Lazare. Mersi.

MR DEPUTY SPEAKER

Mersi Onorab. Yes Minister.

MINISTER JEAN PAUL ADAM

Mersi Mr Deputy Speaker. Mannyer mon konpran i deza annan en dimoun oubyen en group dimoun ki’n pare pou fer en kontribisyon si i ase pou fer en set antye mon pa tro sir. Me kestyon se kote pou fer ler li ki, sa i bann eleman. Me si ou regard nou plan redevlopman lopital e parey mon’n dir sa i enkli son bann satelit, Baie Lazare i form parti ladan. E byensir i annan en larzan pou remedial works ki o mwen i sey adres sa bann kestyon minimal ki i annan, sa bann kestyon imedya ki annan dan, an ki konsern sa health center Baie Lazare. Mersi Mr Deputy Speaker.

HON NICHOLAS PREA

Mersi Minis. Bon, mon’n exhaust mon lalis avan mon donn sa 2 Leaders, wi mon’n tenir zot dan dernyen moman. Permet mwan, mwan osi lo mon kote mon annan detrwa pti kestyon pou panel. Mon ava demann mon bann kestyon apre sa 2 Leaders i ava round up.  Bon, mwan mon anvi al petet direkteman lo Bidze Health Care Agency, Minis avek Deputy CEO i kapab partaz en pti pe repons. I annan en nouvo devlopman ki’n arive vizavi outsourcing e sa i konsern prodiksyon loksizenn ki lopital i servi, mon ti a kontan demann panel, konbyen sa unit ki prodwi loksizenn ki Minister Lasante in aste oubyen in outsource, in koute? Si prosedir tender in ganny swiv? Konbyen i pe kout Minister pou prodwir loksizenn anyelman? Konbyen travayer Seselwa ek travayer etranze pe ganny anploye kot sa plant? E petet donn an average lapey sa bann travayer etranze. Si i annan en landrwa kot kalite sa loksizenn pe ganny teste e regulate. E petet dernyen osi, si i ariv en breakdown ki Minister i annan en backup plan ? Mon a esper repons apre kekfwa mon kapab annan en pti siplemanter. Mersi. Mersi, yes Minister. Ou kapab partaz antre zot lo panel, menm PS Payet si i le rantre. Mersi.

MINISTER JEAN-PAUL ADAM

Mersi Mr Deputy Speaker. Zis dan en fason…. Mon pou les Dr Louange koz spesifikman lo outsourcing of oxygen selman zis konman en prensip zeneral nou Minister nou travay lo labaz la transparans ki i annan serten sekter kot i fer sans pou en dimoun dan sekter prive pou ofer sa servis e nou fer li avek lide lefikasite. Mon pas laparol petet avek Dr Louange si i annan en pti pe detay lo sa outsourcing loksizenn.

MR DEPUTY SPEAKER

Mersi Minis. Deputy CEO.

DEPUTY CEO  DR DANNY LOUANGE

Mersi Mr Chair. Wi lo kote pou oxygen plant, i en plant ki’n ganny 2015 lafen 2015 e ki enn bann sistenm ki nou ti napa avan e i supply loksizenn direkteman through a network of medical pipes to lopital Mont Fleuri apre i osi prodwi loksizenn ki ganny mete dan bann tenk pou storage apre osi i met bann loksizenn dan bann tenk ki nou distribye dan bann lezot fasilite otour nou bann fasilite lo Mahe, Praslin ek La Digue. Sa plant i ganny maintain, manage par nou tim biomedical unit. E enn bann rezon akoz nou ti bezwen adjust zot Scheme of Service akoz nou ti’n donn zot sa extra role oubyen aktivite pou zot fer. So zot pe run sa plant e dan sa plant i annan 3 cylinders ki prodwi loksizenn, bann gro cylinders i servi ler e i annan en mekanizm mannyer i fer pou li prodwi loksizenn. Nou servi 2 a lafwa e 1 standby an ka si i ariv en problenm avek en sa sistenm so nou annan 2 back up. I parey mon’n dir o par avan dan sa unit i annan 7 Seselwa avek 9 etranze e sa bann Staff ki manage sa plant. Mersi Mr Speaker.

HON NICHOLAS PREA

Bon, Deputy CEO ou pa’n dir nou konbyen in koute. Minis in mansyonn latransparans, eski sa i vedir ki ti annan en prosedir tender apre lo konbyen i pe kout Minister Lasante par an right now ek sa plant ki’n an operasyon depi 2015, zot bezwen annan en lide apepre pe kout zot pou prodwi loksizenn ki lopital pe servi pour en lannen, zot bezwen annan en lide. Apre lo kote breakdown si zot annan en back-up, please Deputy CEO?

DEPUTY CEO  DR DANNY LOUANGE

Mersi Mr Chair. Wi nou annan tou sa lenformasyon, mon pe esey tir sa bann lenformasyon dan mon system. In annan preski 1 an depi letan sa sistenm i an mars. Nou annan tou son figures e lo term si in tender, letan nou’n aste sa lekipman, wi nou ti fer li through the proper… tou bann mezir ki devret ganny pran. Mon ti a eskiz mon lekor Mr Chair pou mon kapab tir sa lenformasyon from mon system. Mersi.

MR DEPUTY SPEAKER

Depite eski ou pou… ok ou ankor pe rod sa bann lenformasyon. Petet si ou annan sa lenformasyon la, zot ti deza pe… lopital ti deza pe pran, pe aste loksizenn avek en konpannyen lokal, Liquid Air mon krwar. Eski ou annan figures petet konbyen zot ti pe peye avek Liquid Air par an ?

DEPUTY CEO  DR DANNY LOUANGE

Mersi Mr Chair. I sa bann figures ki mo pe esey retrieve pou mon prezant pou Lasanble. Mersi Mr Chair.

MR DEPUTY SPEAKER

Ok. In the meantime petet nou ava pran en ant sa 2 Leaders si zot pare pou, antretan ki Deputy CEO pe rod bann sif. Onorab Afif, en pti follow-up.

HON AHMED AFIF

Zis en pti follow-up ler Dr Louange pe rod son lenformasyon. Mon sa ki mon rappel se ki lopital ti toultan aste, zot ti outsource avek en lakonpannyen lokal apre an 2006 oubyen 2007 zot ti pran en desizyon pou zot fer vin en oxygen plant sorti Maurice mon krwar e zot ti pey ziska 500 mil ero pou fer sa bann plant vini ki mon krwar sa pri ti deza bokou pli o ki i ti devret été – me de tout fason zot in pey sa ant 2007 ek 2011. E an 2011 apre en bon pe presyon zot in ganny demande pou pey ankor larzan avek sa fourniser. Ti napa tender pou sa. E ler ti arive, ti en … 3 unit ki… petet ler ou pe rode, ou a dir nou si sa 3 unit i marse. 3 tenk koumsanmenm in vini 500 mil Ero ti’n ganny peye e finalman i pa’n zanmen marse, mon krwar zot in retourn ankor outsourcing e la i paret zot in al ankor lannen pase pou zot fer loksizenn zot menm. Eski nou pe vreman al dan en bon direksyon, ler ou pe rod sa lenformasyon. Eski sa i en keksoz nou ti devret fer oubyen petet si en keksoz i marse annou servi li e si nou rod keksoz ki meyer nou bezwen fer sir nou tender. Nou fer li korekteman. Sa i mon komanter pou le moman. E mon ti a kontan zis finalman konnen par kilo, eski i pli bon marse ki zot ti annan lontan. Mersi.

MR DEPUTY SPEAKER

Mersi Onorab Afif. Minis oule eklersi keksoz.

MINISTER JEAN-PAUL ADAM

Wi, mersi Mr Deputy Speaker. Eskiz nou ki parfwa petet, akoz nou pa kapab antisip sak kestyon endividyel ki pou monte me mon ti’n fer en pti note ki… mon’n ganny en pti note, eskiz mwan, ki dir ki annefe nou pe fer en saving par rapor ek bann letan nou ti avek Liquid Air, R6 milyon par lannen. Nou ava konfirm sa atraver sa bann figures pli presi ki Dr Louange i ava rode e nou ava met devan sa Lasanble sa bann detay. Nou pou kapab konfirmen ki nou annan sa savings R6 milyon par lannen. Lot eleman ki, akoz Onorab Afif in fer sorti sa kestyon sa procurement sa bann letan. Ok, me mon sorry pou fer mazin ankor en kou me Mr Afif in osi dan Gouvernman e sa bann letan… pli tar ou ti dan Gouvernman dan bann letan 2008 an montan, ou ti PS Finans. Ou dir sa in ale ziska 2011 e letan mwan mon’n tande poudir in annan kestyon par egzanp lo en keksoz, par egzanp ozordi nou’n koz lo AMSA, mon ti Minis Finans ti annan kestyon lo AMSA, mon ti demann en odit, ok. Sa letan nou ti kapab fer en odit sa kestyon i ganny lev-e. Lev sa kestyon annou fer en odit, nou deal avek nou konnen kote sa problenm i ete. Prezan la ozordi nou 2016, e nou pe lev en topik sa letan nou napa sa detay avek nou, mon pa pe dir ou pa devret lev sa, me mon pe dir annou pa zis lev en keksoz par, pou nou zis esey score en pwen. Annou lev en pwen pou nou kapab vreman ganny en meyer rezilta. Mersi Mr Deputy Speaker.

 

HON NICHOLAS PREA

Mersi Minister. Minister mon pou swiv en pti pe mon question arising lo mon kote. Rezon ki mon pe demann klarifikasyon lo sa prodiksyon loksizenn, pa tro lontan mon krwar ti annan en lanons ki Minister Lasante ti fer ki i pe kout zot apepre R8 milyon pou prodwi loksizenn, zot kapasite ki zot servi pou en lannen. Koriz mwan si mon mal ou’n dir pou dir zot pe fer en savings apepre R6 milyon me mon annan en lenformasyon ki anyelman Liquid Air ti pe sarz Minister Lasante ant R5. a R6 milyon par an pou loksizenn. Si ou pe dir zot pe save R6 milyon ozordi savedir zot prodiksyon mon krwar zot cost of production i 0 ? Mon pa konnen, koriz mwan, i annan something wrong akoz pa tro lontan Minister Lasante in fer en mansyon ki zot in ganny zot own plant, zot pe prodwir at the cost of about R8 million e Liquid Air en pti lenformasyon, en pti investigation ki mon’n fer i ti pe sarz ant R5 a 6 milyon par an. So se sa rezon ki mon’n lev en pti pe sa kestyon.  Si vreman outsourcing i pe help nou avek Bidze Minister Lasante oubyen si vreman i met nou parey taler Onorab Simon Gill tou in lev-e, Onorab Afif, si petet larzan ki nou ti kapab save lo la nou ti kapab anmenn li dan en lot Departman. Se sa en pti pe mon konsern Minis. Mersi.

MINISTER JEAN-PAUL ADAM

Mersi Mr Deputy Speaker. Osi pou dir ki… bon premyerman nou annan sa pti problenm teknik ki pa permet nou annan sa sif la imedyatman me nou ava fer sir ki nou ava anmenn sa sif pli devan. Apre zis pou rappel baze lo sa ki Dr Louange in dir i pa vreman en outsourcing annefe se avan avek Liquid Air i ti en outsourcing e la Gouvernman in fer son kapasite prodiksyon, an fen Minister Lasante in fer son kapasite prodiksyon li menm. Nou ava konfirm egzakteman sa saving, akoz osi mon konpran  nou bezwen regard tou bann eleman, tou bann kou, e dan tou desizyon ki nou fer lo baze en depans, nou pou fer sir ki sa i reprezant valer pou larzan. Mon asire ki Liquid Air pe demann bann Manm Lasanble pou met zot pwen devan mon napa problenm ek sa me nou, nou bezwen fer sir ki i annan en meyer pri pour pep Seselwa e en pri ki abordab. E nou, nou pou fer le maximum si nou krwar nou kapab ganny le pli bon marse en lot landrwa oubyen par en lot fason nou ava fer li. I osi senp ki sa. Mersi Mr Deputy Speaker.

MR DEPUTY SPEAKER

Mersi Minis. An fen Lasanble i ava ekspekte ki i a ganny sa bann dokiman, sa bann figures from Minister Lasante. Onorab De Commarmond.

HON CHARLES DE COMMARMOND

Mersi Mr Chair. Mr Chair mon kontan lapros Minis dan son bann larepons. Ou vwar mon pe realize kot parfwa nou bann problenm, enkli problenm Lasante, dan Minister Lasante i ete dan nou pei. Ou a annan serten dimoun ler i pa dan sa pozisyon ki i ete, i le pran tou laglwar me pa le aksepte responsabilite par fwa ki letan ou ti dan sa pozisyon travay ou pa desarz byen sa responsabilite oubyen ou pa fer sa bann sanzman ki ou krwar ki ti merit ganny fer apre pli tar ou konplent. Anyway a pasan mon dir sa, mon bezwen premyerman remersye Dr Gedeon ki la. Mon remersye li akoz si pa ti li, mon ti’n fini mor Mr Deputy Speaker. Mon dir sa akoz… mon ti’n fini wi akoz kanser, li ki’n ede pou dekouver mon kanser se li me i pa ti protokol akoz i en garson Cascade originally, e konman en zanmi mwan mon’n al kot li in ed mwan, in menm ofer son led i dir mwan ‘mon a tyek ou, nou a get’… si mon ti fye lo protokol Minister Lasante, mon pe dir sa, mon pe servi mon legzanp pou anmenn en pwen, esey ekoute zot lot kote pou zot kapab konpran ki mon pe esey dir. Pa mon sityasyon…

MR DEPUTY SPEAKER

Order ! Order ! Order !

HON CHARLES DE COMMARMOND

Mon pe pran sa legzanp pou mon …. li pou mon fer konpran.

MR DEPUTY SPEAKER

Annou… Onorab en moman, lazournen i long, nou pe sey round up, mon pe donn sa 2 Leaders en sans pou kapab fer en pti round-up e apre nou avan pran vot lo bann diferan Heads. Onorab De Commarmond kontinyen.

HON CHARLES DE COMMARMOND

Mon servi sa legzanp Mr Chair, pou montre pou dir i annan en problenm manque de protocole kot Minister Lasante. Sa gro Bidze ki nou pe donn zot la, lepep Seselwa pa satisfe avek sa servis ki i pe gannyen ek Minister Lasante. I annan en problenm protokol, i annan en problenm basic, aplikasyon bann basic kot Minister Lasante dan serten sirkonstans. Nou annan problenm latizann, kot Dental latizann in expire. Nou annan problenm bann dimoun ki nou’n anvoy training letan i vini nou pa servi zot apropriyeman. Nou a pe koz administre Lasante, nou annan dimoun ki Commonwealth in anvoy train e ki’n vini, i la lopital i vire. Annou servi sa bann dimoun si nou pa pou servi li laba New Zealand ouswa Australie pou pran nou dimoun pou fer travay akoz laba i bezwen, nou, nou pa pe fer byen, nou pa pe sa. Mr Chair, mwan mon dir sa akoz Minis i nouvo, ou annan en manman Bidze la, mon pe dir ou Minis, regard ankor en pe otour ou pa fer fot ki ou bann predeseser in fer. Re balans sa ladministrasyon lopital ki otour ou, rekalibre zot. Nou, nou konnen poudir ou pou kapab fer sa, pou kapab donn nou sa servis ki nou bezwen. Ler mon get sa zafer fungus konbyen tan lopital sa zafer fungus i la ? Mon asir ou pros pou lopital al rod dimoun deor pou vin tret nou fungus isi. Zot pa’n al ditou Providence pou al get Mr Vidot laba kot Deluxe pou dir li vini ouswa kot Penlac ouswa lot. Sa bann dimoun ki annan leksperyans pou vini la la problenm i la, ou konman en Seselwa donn en lide ki deal, nou ava kapab sort out sa. Mon pe dir sa akoz mon vwar e Minis i kler dan ou larepons. Problenm management, sak sa bann manager dan ou lopital, depi ou HR, depi ou lot. Ou annan operator ki la 30 an pe ganny li R6300? 30 an? Be i annan problenm ek ou bann manager ki pe get sa bann keksoz, ou konpran? E ou’n byen dir Minis se sa ki mwan mon pe dir ek sa groser B  idze. Get oncology, unit oncology ou ale i dan en depi pourtan la kantite kanser pe ogmante, be konmsi ki i koute pou re aranz sa unit, oli larzan Bidze? Prouv ek nou montre nou konbyen nou pou al aranz sa e o pli vit posib. Ou vwar? Sa problenm lopital i en problenm ki expound e la PS Finans i la. ….. Government. Ki pe arive, ou annan tro bokou bann dimoun ki pe fer Polisi e reste dan biro pou fer Polisi. I pa desann, i pou al get laplikasyon sa Polisi, sa bann Polisi. I pa gete dan ki sityasyon, ki sirkonstans lanvironnman, ki kondisyon sa bann dimoun ki enplimant polisi i ladan, sa. E mwan mon pe demande ki avek sa groser Bidze, Minis re balans, rekalibre sa ki otour ou. Reget ou ladministrasyon e re aranz sa lopital pou ki nou kapab ganny en pli bon deal. Ners ki nou’n train isi i al lo… I L’Angleterre, i retournen i le rod en plas dan ou Minister Lasante pou vin donn nou kou-d-men avek sa leksperyans in ganny an plis, i pran li donkey years pou li kapab, parfwa pa ni ganny en larepons ouswa i pran li en ta letan pou li ganny en larepons. This has to be improved. Nou pa kapab kontinyen koumsa. Dimoun pou dekouraze pou al en lot louvraz kan sa bann potansyel i la e nou pa pe servi li byen. Mon dir sa dan sa direksyon pou ki nou realize ki i annan problenm par la alor, lefe ki ou nouvo, mon pa kapab met sa lo ou. Ou nouvo dan Minister me servi sa bann keksoz ki nou pe dir dan Lasanble ozordi pou kapab aranz sa Minister Lasante pou nou ganny en pli bon deal pou sa groser Bidze ki nou pe met devan ou. Mon a dir ou mersi pou ekout mwan. Mersi.

MR DEPUTY SPEAKER

Mersi Onorab De Commarmond mon a donn laparol Onorab Ramkalawan.

HON WAVEL RAMKALAWAN

Mr Chairman, mersi bokou. Mon annan enn, de kestyon letan nou pe terminen, mon ti ava kontan premyerman demann Minis ki status Souvenir Health Care Center, mon pe regard son bann running cost, son efficiency, son opening hours e si vreman i… parske i ti ganny ouver apre problenm delo La Misere si vreman i ankor esansyel pou li ouver letan ou balans bann cost. Dezyenmman, pandan lapremidi antye nou’n tann referans avek Dr Louange konman Deputy CEO e nou konnen napa en CEO alors mon ti ava kontan konnen ki pe arive avek recruitment for a new CEO. Paediatric ward, mon tann ou boner ou’n nonm renovasyon me mon ti anvi demande ki’n arive parske ti’n fek ganny renovated avek en don sorti Turkey alors ki lot renovation ki egzakteman zot pe al fer. An sa ki konsern Lasante, nou’n vwar ki letan ou ti ankor Minis Finans in annan sa sanzman pou bann vitamins ek minerals ki dimoun ti pe aste dan bann farmasi ensidswit ki son baz tax ti sanze avan sa ti 0poursan apre sa in vin 25poursan plus 15%, si ankor enn fwa nou ankouraz dimoun pou pran swen ek zot lasante, nou pa ti ava kapab balans sa. Physiotherapy unit i under staffed and under equipped, en lot Departman ki vreman enportan, si nou pou vwar keksoz ladan. Quality of medicine, mon krwar sa i en keksoz enportan pou nou balanse. Par egzanp letan ou regard packaging Medformin sak fwa ou ale ou pa konnen ki mannyer i pou ete ennler i vin dan bwat ennler i vin dan en lot kalite keksoz, ennler i anmer, ennler i pa anmer, i sipoze anmer mon sipoze parske bann zafer dyabet… Menm parey avek Lisinopril ki konmsi ennler i dan bann pti kare, bann pti plastik, ennler i oranz, i pink, la pou le moman i blan, ki alors quality of medicine. Are we… eski nou pe vreman ganny medikaman avek kalite e sa mon ti ava kontan poze, poz sa kestyon petet pou Dr Gabriel, mon krwar ki sa Reagent ki fer test pou bann dimoun ek HIV kot zot pou ede avek zot blood count CD4 blood count. Mon aprann sa dernyen 6 mwan in napa dan pei alors si Dr Gabriel ti ava kapab dir nou sa. Degree, nou koz lo pou ankouraz bann ners pou fer Degree course, ti annan sa course ki ti sipoze konmanse an July 16 ki ti pou fer avek Chamberlain University USA, ki son status e ki mannyer i ete e finalman konman… well i annan sa Klinik dantis lekol Glacis ki ankor enn fwa i pa la pou le moman. An terminan i annan 2 sant ki mon pou fer en pledwari pou nou at some point fer rantre dan nou Bidze, en proper cardiac, cardiology center. Sesel maladi leker i maladi ki No.1 killer, dapre bann rapor me nou napa en proper cardiology center. En dimoun ki ganny maladi leker i ganny… i santi li pa byen, i bezwen al kot klinik La Rivière Anglaise pou casualty e laba i pran letan menm si i eksplike ki poudir in fer en bypass ensidswit apre sa zot a anyway li, apre en pe letan zot ava anvway li casualty Mont Fleuri, kot ankor enn fwa i pou tarde e la mon pe koz par leksperyans. Tandis ki si nou ti annan en proper cardiology center ki ti annan son casualty ki zis konman sa dimoun ti pou arive sa bann ners ti pou… sa bann ners tou keksoz ti pou bouze e i ti ava vwar en cardiologist e keksoz ti ava bouze e non pa esper, dan ka mon manman i ti bezwen esper 2er tan kot casualty e letan i ti ariv anler zot ti rush li to the ICU e ti tro tar. Apre sa Onorab De Commarmond in koz lo oncology, kanser dan nou pei i kontinyen ogmante e avek byensir i annan tou bann lezot aspe, eski i pa posib pou nou lager, pou nou kapab dan nou capital budget annan en proper oncology department ankor enn fwa kot nou ava annan nou bann ners spesyalize e nou standar oncology i ava monte. So mon pledwari se pou sa 2, pou nou annan en proper cardiology center e en proper oncology center ki nou ava kapab fer progre. Ok mon pou atann zot larepons apre mon ava dir en dernyen pti parol. Mersi bokou Mr Deputy.

MR DEPUTY SPEAKER

Mersi Onorab. Minister.

 

MINISTER JEAN PAUL ADAM

Mersi bokou Mr Deputy Speaker. Si mon kapab demann en pti klarifikasyon Mr Deputy Speaker, eski mon donn en pti pe, en larepons an zeneral e nou apre nou konklir sa…

MR DEPUTY SPEAKER

Yes Minister.

MINISTER JEAN PAUL ADAM

Alor zis pou pran en pti pe, mon a pran en pti pe bann pwen Mr Ramkalawan avan. Alor premyerman konsernan Souvenir Health Center, wi sa ti ganny etabli a en serten moman akoz ti annan en nesesite spesifik ki ti lye avek sa landrwa zeografik a sa moman i ti servi byen e vi ki demann ti kontinyen nou’n gradyelman upgrade li fer li vin en Health centre. I vre ki par rapor avek bann lezot health centre ki nou annan son litilizasyon i mwens me mon krwar ki lo kote Minister Lasante nou pa ankor fer en desizyon final lo ki mannyer nou pou adres sa health center. Akoz i enportan pou regard sa lenportans sa sipor dan kominote e si mon’n ekout tou le 2 Leaders letan zot in koze, zot in koz lo kanser, in koz lo cardiology, in koz lo sa bann keksoz enportan e nou pou bezwen ranforsi sa bann eleman, sa bann tretman. Me avan nou tret sa bann zafer nou bezwen osi ranforsi bann stratezi prevansyon e sa i pou ganny fer dan kominote. Sa i ganny fer atraver proksimite avek nou bann popilasyon ki permet nou vreman tous nou dimoun dan en fason direk. Alor lo nou kote i pa zis en kestyon konbyen en health center i koute, i en kestyon son rannman vizavi bann lobzektif ki nou pe met nou lekor pou nou ranforsi nou kalite.

Lo kote paediatric, eskiz mwan ki mon pa ti’n donn sa detay me wi ti en don sorti Gouvernman Turkish e problenm ki nou’n gannyen se avek sa sistenm santralize air conditioning ki nou annan en problenm avek sa ki i en defayans malerezman dan sa lekipman ki an deor nou kontrol, nou’n fer plizyer eksper regarde me nou pe bezwen konpletman ranplas sa sistenm air con. Nou’n koz en pti pe lo sa eleman finans lo klasifikasyon bann vitamin ek mineral annefe mon le klarifye mon le profite si PS Finans i anvi antre, i ava antre. I pa ti en sanzman sa annefe ti touzour koumsa dan lalwa me ti en eleman ki bann enportater pa ti’n byen met son HS code o par avan e en zour en enportater in met sa korek HS code e in ganny malerezman, mon dir malerezman akoz i pa lentansyon Gouvernman pou pini enn ni pini en lot. Lentansyon se annan en lapros ki korek, ok.

Alor mon krwar mon ki Minister Finans deza avek son bann revi son bann diferan HS codes i form parti enn ki petet i ava revwar. Mon pa pou koz pour nouvo Minis si i pou sanz sa enn oubyen non. Akoz nou bezwen osi realize pou dir si en dimoun pe fer biznes dan sa pei i annan en kontribisyon ki bezwen ale anver tax alor sa ki konsern vitamin avek mineral, eski nou benefisye plis konsonmater or eski nou benefisye plis biznes, sa nou ava les sa reponn en lot ler. Physio therapy nou dakor nou bezwen ranforsi sa e nou annan serten rekritman ki pe ganny fer me osi dan nou plan stratezik nou anvi devlop li en pti pe plis.

An se ki konsern kalite medikaman ki ganny enporte, mon le rapel ki premyerman tou nou bann medikaman ki ganny enporte i ganny sertifye par bann suppliers ki anrezistre savedir ki nou pa pran sa bann medikaman avek nenport ki supplier.

Enn bann eleman kle se ki sa supplier i bezwen kapab fourni sa bann medikaman baze sa bann kriter ki bann kriter enternasyonal. Me an plis ki sa nou annan sa Drugs Quality Control lab ki baze dan Public Health lab e ki zot fer bann random samples baze lo bann medikaman ki ganny enporte e mon krwar ki i enportan osi ki nou sansibiliz popilasyon pou konpran ki i annan medikaman ki kapab annan diferan laparans, i kapab annan diferan gou me si son active ingredient i parey se li menm li i parey.

Nou ti ava swete ki nou kapab dir toultan nou pran en sel mark eksetera me i pa fezab avek volim ki nou enporte, i neseser pou nou parfwa annan… e osi parfwa sa bann suppliers zot menm akoz nou pa pe aste direk avek bann konpannyen e nou pe regarde kwa ki nou’n ganny li pli bon marse, alors nou pe aste avek bann suppliers baze lo availability, lo pri e osi baze lo kalite e sa i ganny verifye ankor isi.

An se ki konsern klinik dantis Glacis sa i enn keksoz ki nou pe revwar anliny avek redevlopman lopital e lenvestisman dan lenfrastriktir.

An sa ki konsern en cardiology center e osi en oncology center, bon premyerman lo kote oncology en renovasyon in deza, anfen i pe konmanse konman nou pe koze akoz nou ti ganny sa donasyon R1.5 milyon sorti kot Cancer Concern ki pe permet nou fer serten travay e Gouvernman osi pe ede pou enplimant sa. Eskiz mwan Cancer Concern e 2 lezot osi ki malerezman mon napa zot non la me nou… Cancer Concern, Soroptimist ek Round Table, mon profit sa lokazyon pou remersye zot e pou dir ki nou pe kontinyen travay avek bann partner pou nou anmenn en meyer servis. Me sa i en lenvestisman dan en premye faz dan redevlopman nou lopital e la kot i tonm ankor ansanm ek sa kestyon cardiology, nou bezwen regard bann sant ekselans e sa bann sant ekselans lozikman i tonm en pti pe otour bann demann ki nou nou annan. Alor cardiology sertennman an se ki konsern kanser nou pou regard sa bann eleman. Me menm dan kanser, dan oncology i annan en kantite diferan sub-specialities e lozikman nou pa pou kapab fer tou, nou pou bezwen spesyaliz kot nou kapab me revin lo sa eleman sa ki pasyan i bezwen. An se ki konsern sa korperasyon avek Chamberlain pour ranforsi nou bann ners atraver bann BSC ek Masters sa i an kour e pe al kontinyen i annan 12 Bsc avek 8 Masters ki pou ganny fer apartir 2017 pa tou ki pou fini en sel kou. Nou annan osi sa korperasyon avek Kwazulu Natal pou 25 dental therapists ki pou ganny formasyon. E sa i form parti sa plan pli larz pou nou envesti dan nou resours imen.

Mr Deputy Speaker ek tou bann Manm Onorab mon ti a kontan dir ki mon apresye tou bann komanter ki’n ganny anmennen e mon apresye sa ki Leader Zafer Gouvernman in koz lo la akoz in koz ek son leker. Me akoz in koz avek son leker, mon demann tou Seselwa pou konpran ki dan Lasante lozikman wi nou pou ek leker, nou pou koz lemosyon me dan Lasante nou bezwen osi baz nou lekor lo bann prensip syantifik. Nou bezwen baz nou lekor lo bann prensip, lo bann standar e alor souvan i annan bokou lemosyon dan sa sekter me sel fason ki nou pou ariv lo sa standar pli o ki nou anvi se atraver en lapros syantifik kot nou regard standar, kot nou ranforsi bann odit de kalite ki ganny fer lo tou nou bann servis.

E mon pou annan en pti diferans lopinyon avek Onorab De Commarmond, nou bann bon zanmi, nou kapab annan sa bann diferans me ki nou bann travayer dan Lasante isi zot devoue e zot fer bokou travay e zot annan osi… i annan bann protokol, wi i ariv bann moman kot par fwa sa bann protokol swa pa ase elabore oubyen dan son fason ki ganny met an aplikasyon napa ase swivi.

Apre eleman ki kle an term nou stratezi pou Lasante se sa bann verifikasyon obzektif ekstern transparans savedir bann odit ki kapab ganny fer e nou regard nou bann diferan sistenm dan Lasante e dir wi sa i marse, si sa pa marse, kote ki pa marse e nou aranze. E se sa en pti pe lapros ki nou pe pran devan e bokou eleman sa stratezi zisteman i dan sa Bidze 2017.

Mon remersye zot tou pou zot kontribisyon e malgre ki pete par fwa nou annan bann lesanz en pti pe so, mon dan en lespri ki nou travay ansanm. E pou nou travay ansanm pou nou fer Lasante marse i depann osi ki nou tou nou bezwen osi defann nou bann travayer Lasante e menm nou bezwen defann nou sistenm Lasante menm si nou annan diferans me rezon ki mon dir sa se ki ozordi i annan Seselwa i menm al deor, zot al fer loperasyon e zot retourn kot nou avek problenm.

Akoz fodre nou dir sa, fodre nou dir akoz nou annan… nou tro souvan nou dir deor i bon. Deor par fwa wi i annan meyer lekipman, i annan meyer kapasite ki nou, pa tou keksoz ki nou kapab fer isi e mwan mon apresye en kantite par fwa en bann dokter zot dir sa nou pa kapab fer isi e nou travay avek par egzanp Overseas Treatment Board pou nou esey adres sa bann kestyon. Me nou bezwen nou tou konman Seselwa, tou travayer Lasante nou bezwen pran responsabilite osi e nou bezwen dir sa i bann keksoz ki nou kapab fer pou nou amelyor li me nou pa fer li avek zis en lapros pou nou blanmen e sa i enkli pou tou travayer Lasante, mon pou touzour defann zot e akoz mon konnen sa travay ki zot fer me osi kot i mal nou pou dir e nou pou adrese. Mon remersye Deputy Speaker e tou bann Manm Onorab. Mersi.

MR DEPUTY SPEAKER

Mersi Minis. Onorab De Commarmond.

HON CHARLES DE COMMARMOND

Mr Chair zis petet si Minis ti kapab dir nou en keksoz ouswa 1 son bann spesyalis dokter la avek li. En keksoz lo telemedicine.

MR DEPUTY SPEAKER

Minis?

MINISTER JEAN PAUL ADAM

Mersi Mr Deputy Speaker e mersi Onorab. Annefe nou deza annan serten eleman telemedicine ki nou’n deza met an aplikasyon nou pe servi serten teknolozi pou nou kapab par egzanp ganny bann zimaz pou nou anvoy dan bann lezot lopital aletranze e osi pou nou anvoy bann zimaz ant Mahe ek Praslin. Petet mon ava les Dr Louange elabore en  pti pe lo… kwa ki nou pe fer e bann keksoz ki nou kapab fer a lavenir.

MR DEPUTY SPEAKER

Yes Deputy CEO.

DEPUTY CEO  DR DANNY LOUANGE

Mersi Mr Chair. Wi pour telemedicine i involve exchange lenformasyon dan 2 sant e i osi involve anvway bann zimaz ki par fwa i heavy through electronic system to sa lot sant. So ki nou an vize fer e ki i annan dan plan i pou etabli en system ki pou kapab permet sa. E en bann system ki pou kapab permet sa se internet e en koneksyon internet ki kapab facilitate sa system. E lot keksoz ki pou vin ansanm avek HIS sa informationHealth Information System i etabli en network within Minister Lasante, within HCA, bann koneksyon fiber optic, bann diferan fasilite konmkwa ki sa bann exchange i ava pli fasil. Wi nou annan plan pou move into telemedicine full time letan tousala in ganny etabli. Mersi.

MR DEPUTY SPEAKER

Zis petet en pti… mon a azout en pti keksoz, Deputy CEO, a en moman pa in ti konmanse telemedicine Dr Renaud pa ti’n konmans en progranm telemedicine? Si mon pa tronpe?

DEPUTY CEO DR DANNY LOUANGE

Wi Mr Chair, wi ou korek, nou annan… ti annan bann lekipman ki India ti sponsor pou ofer telemedicine e nou ti vwar ti annan bann constrains, en bann constrains i sa telekominikasyon, anvoy sa bann lenformasyon. E nou ti pe fer par satelit be sa again i pa ti pe mars parey nou ti a swete. Mersi.

MR DEPUTY SPEAKER

Mersi. Onorab Ramkalawan.

HON WAVEL RAMKALAWAN

Wi Mr Chairman i annan 2 mon kestyon ki pa’n reponn. 1 konsernan recruitment of new CEO apre dezyenm konsernan sa reagent pour CD4 blood count.

MR DEPUTY SPEAKER

Yes Minister.

MINISTER JEAN PAUL ADAM

Mersi Leader Lopozisyon e mersi pou fer mon rapel, eskiz mwan ki dan mon notes par fwa mon’n ekri en pti pe vitman. An se ki konsern reagent mon a demann Dr Gabriel pou reponn apre mon ava pran sa size CEO.

DR GABRIEL

Bonswar Mr Speaker.

MR DEPUTY SPEAKER

Ok Dr Gabriel.

DR GABRIEL

Bonswar Deputy Speaker, bonswar bann Manm Onorab. Wi CD4 petet les mwan eksplik zot en pti pe CD4 i sa bann selil blan dan disan ki ganny afekte par HIV letan en dimoun i annan HIV e plis HIV ou annan dan ou disan mwens CD4 cells ki ou pou annan e sa i alors i en mezir ki kantite lenfeksyon en dimoun i kapab annan e nou ti servi li, sa ti en mezir prensipal ki nou ti servi avan ki nou ti ganny sa ki nou apel viral load ki mezir viris direkteman ki pli efikas, ki pli avanse.

Mon pa pou kapab konfirmen ki annan 6 mwan ki napa reagent me sa ki nou konnen ki de ki nou ti, dan 1 mwan pase letan nou ti realize ti annan en problenm dan procurement la deswit, nou remersye Public Health. Public Health ki ti met larzan ti fer vini deswit sa bann reagents e in fini arive dan pei e tes i fini konmans ganny fer. Mersi.

MR DEPUTY SPEAKER

Mersi Dr Gabriel. Minister.

MINISTER JEAN PAUL ADAM

Mersi Mr Deputy Speaker e mersi Leader Lopozisyon. Nou ava rapel ki nou’n etabli sa Lazans pou servis Lasante konman en Lazans separe avek Minister. Alor i annan osi en Board. E parey tou rekritman nou pou fer en advertising pou sa post e sa pou ganny diskite avek Board e nou bouz dan sa direksyon letan nou ganny sa kandida ki kapab… Wi, e mon ava rapel ki osi Prezidan Faure in dir ki i pou en Seselwa. Mersi.

 

MR DEPUTY SPEAKER

Mersi Minis. Onorab Sebastien Pillay ou ti annan en pti keksoz follow-up?

HON SEBASTIEN PILLAY

Mon ti pe zis dir dan konsiderasyon propozisyon CEO, i deza annan en Deputy CEO ki konn sa Lorganizasyon byen, i annan en …. memory, why not li? Apre dezyenm i annan en Dr Jacques Filez  i osi kot i konsern dantis, nou kapab propoz osi Dr Filez osi vi ki in etidye management a lasante me Dr Louange li dan lo kote HCA be Dr Filez osi petet lo kote dantis. Mersi.

MR DEPUTY SPEAKER

Mersi Onorab.  Onorab Ramkalawan.

HON WAVEL RAMKALAWAN

Mr Deputy mon anvi zis dir en dernyen parol. Nou pou siport Bidze Lasante parski Lasante i en keksoz primordyal, nou tou nou annan en lavi e nou anvi ki Minister Lasante i vin en Minister ki vin en success story. Parey avek ledikasyon, nou anvi ki ledikasyon i en success story akoz i konsern lavenir nou pei, i konsern nou zanfan e tou.

Alor mon anvi reasir Minis espesyalman ki i nouvo. Mon anvi dir avek li pa bezwen krwar ki nou lo nou kote dan Lasanble nou vin challenge li konmsi pou nou vwar sa bann pti zafer pou nou kapab zis konmsi score points.

Nou pa anvi score okenn political points kot Lasante i konsernen, nou anvi ki nou pep i ganny meyer sistenm Lasante, ki nou pep pa bezwen pran en avyon pou li al Maurice an krwayan ki poudir Maurice i meyer kan o fet i pa neseserman meyer. Nou pa anvi ki nou pep i vin bann medical tourist e pour ou bat ek tou Seselwa dan en farmasi dan en waiting room lopital dan nenport ki pei. Nou anvi ki sa swen i ganny donnen isi akoz nou osi konnen ki poudir Sesel e Lasante i pa konsern zis sa pilil ki ou bwar me i osi konsern sa fanmir, ou bann zanmi ki otour ou ki vin donn ou sa sipor moral.

Alor nou anvi swet zot tou bann sans, tou kouraz. Nouvo lannen pe vini, alors all the very best e byen sir nou pou kontinyen swiv zot kot zot demann sipor zot kapab kont lo nou pou plennyen avek Minister Finans pou aprouv supplementary budget si fodre pou zot kapab delivre sa ki neseser. Avek sa mon ava dir Minis avek tou son lekip ek tou bann dimoun ki involve dan domenn Lasante en tre Bonn Ane. Mersi bokou.

MR DEPUTY SPEAKER

Mersi Onorab Ramkalawan. 2 mo Onorab De Commarmond.

HON CHARLES DE COMMARMOND

Si ou anvi mon dir en keksoz Mr Deputy, Mr Chair, se dan menm laliny. Nou anvi ki nou Lasanble, nou anvi ki Lasante an zeneral konmsi i donn nou sa konfidans. Rebuild the confidence and the trust ki nou devret annan dan nou sistenm Lasante. E mon krwar avek sa groser Bidze parey mon’n dir taler zot kapab fer sa so Minis anba ou gidans ou a fer le neseser dan laliny ki nou’n koze. Nou’n koz konman en Lasanble nou. nou pa’n vin la pou fer whatever, sa ki nou’n dir parey ou menm ou’n vwar i sorti o fon nou leker, nou tou, nou’n dir akoz nou anvi vwar improvement nou anvi vwar ki keksoz i amelyore pou byennet nou dimoun.

Si nou annan bann dimoun ki malad nou lekonomi pou tonbe, nou pei pa pou avans devan e nou le ki annan sa improvement. Avek sa mon dakor, mon join avek Leader Lopozisyon pou swet tou dimoun dan Minister Lasante kontinyen bon travay, sirtou bann ki pe fer bon travay. Sa ki pe santi ki pa pe fer bon travay improve, fer ki i annan en pli bon delivery, la sirtou ki zot, zot deza annan zot Trezyenm Mwan Saler. E an menm tan nou swet zot tou en bonn ane e en bon lannen 2017 e ki nou a vwar sa progre ki nou anvi vwar e ki lepep i al… sa konfyans ki pou fer ki nou pa bezwen al sa kantite deor. Plis i a ganny fer isi lokalman e sa ki nou pe serse. All the best. Bonn Ane ankor en fwa.

MR DEPUTY SPEAKER

Mersi Onorab De Commarmond. Minister avan nou pran en vot lo bann Head, final word?

MINISTER JEAN-PAUL ADAM

Mersi Mr Deputy Speaker pou donn mwan ankor sa sans e i reste annefe zis pou mon osi dir Bonn Ane tou dimoun e mon remersye tou dimoun pou zot kontribisyon. E mon’n osi ankor remersye lekip dan Lasante, bann travayer Lasante, tou bann dirizan ki la ozordi me osi tou bann travayer Lasante ki mon konnen menm dan sa peryod lannen zot pe travay tre, mon apresye en  kantite. Mersi bokou ankor Mr Deputy Speaker e mersi tou bann Manm Onorab e tou dimoun ki pe swiv nou deba. Mersi.

MR DEPUTY SPEAKER

Mersi Minis. Bon in ariv moman pou nou pran vot. Mon krwar mon annan 7 Heads ki tonm anba Minister Lasante. Nou a konmans lo Health Department, paz 372 ziska paz 376, Bidze R49.012 milyon. All in favour ? Anyone against ? Ok Madam Clerk anons rezilta.

MADAM CLERK

Mersi Mr Chair. Mon’n rikord 26 Manm ki’n vot an faver e personn pa’n vot kont. Mersi.

MR DEPUTY SPEAKER

Mersi savedir Bidze pou Health Department sonm R49.012 milyon  in ganny aprouve par Lasanble Nasyonal. Nou a pran dezyenm, nou pou al lo Health Care Agency, ki trouve lo paz 396 ziska 401, sonm R800 milyon, R800.934 milyon. Tou Manm ki an faver. Okenn Manm ki kont? Madam Clerk ou anons rezilta.

MADAM CLERK

Mersi Mr Chair. Mon rikord 25 Manm ki’n vot an faver e napa Manm ki’n vot kont. Mersi.

MR DEPUTY SPEAKER

Mersi Madanm Clerk savedir Bidze pou Health Care Agency, a en sonm R800.934 milyon in ganny aprouve par Lasanble Nasyonal. Nou ava al lo Medical and Dental Council, paz 383 ziska 384 sonm R751 mil. Tou sa ki an faver. Okenn Manm ki kont. Madam Clerk.

MADAM CLERK

Mersi Mr Chair. Mon’n rikord 24 Manm ki’n vot an faver e personn pa’n vot kont. Mersi.

MR DEPUTY SPEAKER

Mersi. Savedir Bidze a en sonm R751 mil pou Medical and Dental Council i ganny aprouve par Lasanble Nasyonal. Nou ava al prezan lo Health Professional Council paz 388 ziska paz 390, sonm R1.084 milyon. Tou sa ki an faver lev lanmen. Okenn Manm ki kont? Madam Clerk.

MADAM CLERK

Mersi Mr Chair. Mon’n rikord 25 Manm ki’n vot an faver e personn pa’n vot kont. Mersi.

MR DEPUTY SPEAKER

Mersi. Savedir Bidze pou Health Professional Council sonm R1.084 milyon in ganny aprouve par Lasanble Nasyonal. Nou ava al lo Public Health Authority paz 391 ziska paz 395, sonm R42.87 milyon. Tou sa ki an faver. Okenn Manm ki kont? Madanm Clerk.

 

MADAM CLERK

Mersi Mr Chair. Mon rikord 27 Manm ki’n vot an faver e personn pa’n vot kont. Mersi.

MR DEPUTY SPEAKER

Mersi. Savedir Bidze pou Public Health Authority, sonm R42.87 milyon i ganny aprouve par Lasanble Nasyonal. Nou pran National Aids Council, paz 402 ziska 403, sonm R3.562 milyon. Tou sa ki an faver. En moman, en moman. Yes Onorab Ferrari.

HON JEAN-FRANCOIS FERRARI

If you don’t mind mon fidel avek mon tradisyon, mon ti a kontan dir ki an prensip mon devret vot kont National Aids Council akoz zot pa ankor submit zot accounts pou 2014 ek 2015 pou odit e me selman mon realiz lenportans e mont ti a kontan PS i dir avek nou si zot osi zot in ganny… PS Finans, si zot osi zot i ganny earmarked  pou sa. Pou zot vini lannen prosenn, ki si lannen prosenn zot pa vin avek zot…

MR DEPUTY SPEAKER

Mersi. Mersi Onorab. PS Payet.

PS PATRICK PAYET

Mersi Mr Chair, mersi Onorab. I zis i osi dan sa batch ki nou pe fer ki in fini prezant avek nou ki nou pe travay avek sa outsourcing agency ki pe travay lo son accounts e sa pou ganny prezante avek Oditer Zeneral milye 2017.

MR DEPUTY SPEAKER

Ok. Mersi PS Payet in donn en komitman. Bon Bidze pou National Aids Council, paz 402 ziska 403, sonm R3.562 milyon. Tou sa ki an faver. Okenn Manm ki kont? Ok Madanm Clerk.

 

MADAM CLERK

Mersi Mr Speaker. Tou Manm in vot an faver, 27 Manm in vot an faver pou sa enn Bidze e personn pa’n vot kont. Mersi.

MR DEPUTY SPEAKER

Mersi. Savedir National Aids Council Bidze R3.562 milyon i ganny aprouve par Lasanble Nasyonal. E dernyen nou ava pran Seychelles Nurses and Midwives Council, paz 385 sonm R1.096 milyon. Tou sa ki an faver. Okenn Manm ki kont? Madanm Clerk.

MADAM CLERK

Mersi Mr Chair. Mon rikord 23 Manm ki’n vot an faver e personn pa’n vot kont. Mersi.

MR DEPUTY SPEAKER

Mersi. Savedir Bidze pou Seychelles Nurses and Midwives Council, sonm R1.096 milyon i ganny aprouve par Lasanble Nasyonal. Bon i reste pou mon remersi Minis Adam, Minis Loustau – Lalanne e lekip Minister Lasante, Dr Valentin, Dr Louange, Dr Gedeon, Dr Gabriel e mon annan en accountant Mr Bonne, ok. Nou remersye zot pou pas sa demi zournen avek nou e mon krwar zot in apresye sa enteraksyon avek Lasanble vizavi zot Bidze. Nou a profite pou swet zot tou avek zot fanmir e osi convey nou meyer ve pou bann travayer Minister Lasante sorti kot Lasanble Nasyonal pou en bon lannen 2017 e avek sa nou ava eskiz zot parmi nou.

MINISTER JEAN-PAUL ADAM AND HIS DELEGATION WAS EXCUSED FROM THE HOUSE

MR DEPUTY SPEAKER

Bon, PS Payet ave ou lekip, ou osi nou ava dir ou en gran mersi e zot osi nou convey nou meyer ve pou sa lannen, sa weekend, le premye, nou detrwa zour konze e nou donn en randevou pour Merkredi le 4 pou nou kapab kontiny nou travay. I ok avek ou sa, PS Payet? Ok. So ankor mersi pou spend ankor en lot lazournen ek nou, byen plen, byen sarze. PS Payet, Mr Thesee  Ms Croisée e Ms Tamatave, mersi bokou pas en bon lannen avek zot fanmir e nou ava eskiz zot osi parmi nou, nou a donn zot randevou pou Merkredi prosen, le 4.

PS PATRICK PAYET AND HIS DELEGATION WAS EXCUSED FROM THE HOUSE

MR DEPUTY SPEAKER

Bon, bon avan nou adjourn e avan mon donn en dernyen pti parol le 2 Leaders, mon ti a kontan remersi tou bann Manm Lasanble ki’n reste in konpran nesesite nou travay, ki’n pasyante menm par fwa pa tou moman ki keksoz in al dan tout faver me nou’n o tan posib nou esey fer ki sa travay in vin en travay lekip pou nou kapab depouy Bidze e analize e fer nou bann kontribisyon pozitiv. Mon ti a osi kontan remersi tou Staff Lasanble, tou Staff sekretarya, bann Staff ki nou pa vwar anndan ki, me ki deor pe kontinyen travay tre dir pou keep nou Lasanble going. Bann Staff ki’n fer bokou sakrifis, bann moman kot nou’n travay ziska tar me zot tou, tou Staff i reste pou soutenir tou bann Manm e pou soutenir nou travay isi anndan, nou dir zot en gro mersi. Nou ti a kontan osi remersi bann Staff lapolis, bann sekirite ki’n avek nou anndan sa detrwa zour, nou vreman apresye zot prezans e tou keksoz in deroul byen, mersi. Nou ti a kontan remersi tou staff SBC ki’n prezan avek nou, nou annan plizyer staff ki lot kote dan en lot lasal ki pe fer sir ki deba Lasanble pe ganny difize swa lo radyo swa lo televizyon. Bann ki Hermitage ki pe fer sir ki Lasanble osi pe ganny difize nou dir zot, mersi bokou. Zot tou ansanm ki monn nonmen e osi lepep Seselwa nou profite pou remersye zot pou korperasyon, pou konprenezon espesyalman avek sa moman ki’n pros ek lannen ki parey menm ki nou’n menm ganny akize ki nou’n hijack televizyon avek radyo avek zot, me nou panse nou’n fer sa dan en bon lespri pou nou kapab anmenn sa travay kot zot pou zot vwar egzakteman kwa ki pe pase, ki savedir en Bidze e konman Lasanble Nasyonal sirtou sa nouvo Lasanble Nasyonal i pran son travay o serye. Avek sa mon profite pou mon swet zot tou, tou bann ki mon’n nonmen e an zeneral lepep Seselwa en bon lannen 2017 e byensir ranpli avek benediksyon Bondye. Lo sa not mon ti a kontan pas laparol avek le 2 Leaders, Onorab De Commarmond.

HON CHARLES DE COMMARMOND

Mersi Mr Deputy Speaker. Mr Deputy Speaker lo behalf Parti Lepep nou group isi dan Lasanble mon le premyerman remersye ou Lasanble an zeneral pou ki mannyer nou’n apros sa Bidze kan menm nou pa ankor fini me nou donn nou garanti lepep Seselwa ki nou pou fini sa dan semenn prosenn ki vini, garanti. E nou osi dir zot tou sa ki nou’n fer i dan zot lentere e mon ti a senpleman, lo nou behalf ankor enn fwa, pas en bon lannen… swet en bon lannen Prezidan Larepiblik ek son fanmir, Vis Prezidan ek son fanmir. Bann Cabinet of Ministers, bann Minis sirtou sa enn tre kalib la ki nou’n fek elekte… fek siporte e aprouv son nominasyon ozordi. Mon dir i tre kalib akoz i konnen akoz mon dir sa. Speaker nou Lasanble menm dan son labsans ek son fanmir, ou Mr Deputy Speaker ek ou fanmir, Leader Lopozisyon ek son fanmir e tou bann Manm Onorab isi prezan ek zot fanmir. Bann travayer Lasanble, Clerk ek son fanmir e tou le res travayer Lasanble. Bann travayer SBC, lepe ek zot fanmir, lepep Seselwa an zeneral, zot tou osi ek zot fanmir espesyalman zabitan Cascade ek zot fanmir, mon swet zot tou en tre bon lannen e annou anmiz byen, annou partisip byen, fer sir nou al lanmes bann ki krwayan e osi bann Manm ki pa la ek zot fanmir e ki Bondye i beni nou tou e ki nou apros 2017 avek nouvo determinasyon, nouvo zel, nouvo fason ek nouvo latitid petet pou nou tou konman en pei, konman en nasyon pou nou al pli devan e pou nou improve e ki mon swet de meyer de tou popilasyon Seselwa isi e aletranze. Mersi.

MR DEPUTY SPEAKER

Mersi Onorab De Commarmond. Onorab Ramkalawan.

HON WAVEL RAMKALAWAN

Mersi bokou Mr Deputy Speaker. 2016 i terminen byento i nou antre dan en nouvo lannen. En nouvo lannen ki vin avek tou son bann defi, me osi tou son loportinite.  Mon krwar ki depi Lasanble in konmanse le 27 Septanm in annan bokou travay ki’n ganny fer e mon krwar ki nou lobzektif sete pou travay pou lepep Seselwa. La fason li menm ki nou’n regard Bidze, la fason ki nou’n al dan bann detay, nou’n koupe kot fodre koupe, nou’n demann kestyon kot fodre demann kestyon, i montre vreman ki nou anvi ki lannen 2017 i vin en meyer lannen. E nou anvi ki nou pep i ganny en meyer lavi. Alor an mezir ki nou, nou pe fini sa travay ozordi pou nou repran semenn prosenn, i donn mwan en gran loner pou swet lepep Seselwa an premye en zwaye, en bon lannen 2017, mon espere zot in pas en zwaye Noel an menm tan. Mon espere ki travayer i pran zot responsabilite serye. Mon espere zot realize ki zot bezwen leve bomaten travay, prodwir pou zot kapab ganny en bon rekonpans.

An menm tan osi mon swete ki nou bann zanfan i ava ganny sa ki meyer, bon ledikasyon, bon lasante e zot ava grandi dan sa lespri joie de vivre e en lespri kot nou tou nou zanfan e nou tou i annan plas pou nou lo sa later.

Mon profite osi pou swet tou bann dimoun ki anplway, tou bann anplwayer zot osi tou en bon lannen 2017. Nou konnen ki bann desizyon espesyalman lo size Trezyenm Mwan, i annan bokou zot ki pe poz kestyon me plis ki sir ki avek en bon lantant e osi avek bann nouvo fason pou abord bann size, nou ava kapab sirmont sa bann defayans e avek sa zot ava fer byen e i ava annan en bon rapor avek zot travayer. Mr Deputy, mon profite pou mon swet tou Manm Lasanble Nasyonal, nou bann koleg en bon lannen. Pou swet Mr Faure ek son Egzekitif en bon lannen. Madanm Mathilda Twomey, Sef Zidisyer li osi tou en bon lannen avek tou son bann lezot koleg. E mon swet Sekretarya Lasanble Nasyonal, Mr Speaker e ou menm Mr Deputy Speaker, ansanm avek tou bann dimoun ki pros avek zot e en tre bonn ane. Alor ki sa lannen i ava enn ki a-port son lespwar e enn ki donn nou nouvo lankourazman. Nou’n sermante pou nou travay pou sa pep e les sa lespri renye parmi nou. E mon priye ki sa Bondye ki nou tou nou kontan i ava kontinyen beni nou pei e i ava beni nou pep. Mersi bokou.

(APPLAUSE)

 

MR DEPUTY SPEAKER

Mersi Onorab Ramkalawan. Bon lo sa bon not ki’n sorti lo tou le de kote latab. Madam Clerk. Yes Madam Clerk – mon donn li la parol.

MADAM CLERK

Mersi Mr Deputy Speaker. Mwan osi parey san eksepsyon mon ti a kontan remersye ou menm, Mr Deputy Speaker, avek Speaker premyerman pou zot lasistans pandan sa letan ki mon’n pran lofis konman Acting Clerk of Lasanble. Mon ti a kontan remersye e zot pou zot sipor pou apiy mon lofis e tou lofis isi o nivo sekretarya. Mon ti a kontan remersye tou bann Manm espesyalman ban 2 Leaders ki mon’n lyez bokou avek tre souvan, mersi pou zot sipor kontinyel e tou lezot Manm osi ki dan en fason ou en lot ed mon lofis, mon ti a kontan remersye zot.

En remersiman spesyal i al osi pou tou Staff Sekretarya ki san zot petet in the background ki dimoun pa pe vreman vwar zot parey Mr Deputy in dir taler, nou pa pou kapab fonksyonnen konman en Lasanble, nou pa pou kapab petet go on air, i annan bokou dimoun ki fer diferan louvraz teknik, teknikal plito par deryer e mon ti a kontan osi remersye mon fanmir e tou dimoun ki a lekout. Bonn Ane zot tou e de meyer ve from Sekretarya Lasanble Nasyonal. Mersi.

MR DEPUTY SPEAKER

Mersi Madanm Clerk. Mersi. Bon lo sa not nou ava adjourn ziska Merkredi prosen 9er bomaten, kot nou ava kontiny nou travay deba lo Bidze 2017.

(ADJOURNMENT)