::
Home » Verbatim » 2016 » Term 2 » Tuesday 9th August, 2016

Tuesday 9th August, 2016

NATIONAL ASSEMBLY OF SEYCHELLES

 

Tuesday 9th August 2016

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou bann Manm Lasanble Nasyonal.Bonzour Minis e son delegasyon. Tou bann ki pe ekout nou dan lakour, bonzour.

Ozordi avek nou, nou annan Minis pour Zafer Sosyal, Devlopman Kominoter ek Sport, Mr Vincent Meriton ki pe vin reponn 3 kestyon konsernan son Minister e nou ava komans avek kestyon 107,

Onorab, Alderic Bristol.

HON ALDERIC BRISTOL

Mersi Mr Speaker.

Bonzour Mr Speaker, bonzour Minis ek ou delegasyon, bonzour tou Manm Onorab e tou bann ki a lekout.

Mr Speaker, mon kestyon i koumsa; avek bi annan en Daycare Centre permanan, dan landvwarki konvenab, eksi Minis pourDevlopman Kominoter, Zafer Sosyal ek Sport, i kapab enform saLasanble, ek zabitan Takamaka, kan ki zot pe anvizaze konmans konstriksyon nouvo Daycare Takamaka?

Mersi.

MINISTER VINCENT MERITON

Mersi Mr Speaker.  Bonzour Mr Speaker, bonzour tou Manm Onorab e tou bann loditer ki a lekout.

Mr Speaker, later pou konstrir nouvo DaycareTakamaka, in fini ganny idantifye e plan in fini ganny fer e aprouve.I pou baze la oborLekol Primer, dan distrik Takamaka.

Mr Speaker, mon ti a kontan enform sa Lasanble, ki i deza annan en Daycare ki pe fonksyonnen dan distrik aktyelman. Sa Daycare i ant Legliz avek biro Ladministrasyon Distrik, lo en morso later, ki son propriyeter i anvizaze fer en lot devlopman lo la.

Se pour sa rezon, ki i annan en nesesite konstrir enn nouvo, parey nou pe koz lo la.  Enn fwa ki propriyeter i deside repran son landrwa, nou pou bezwen annan en fasilite, ki pou bezwen anmas tou sa bann manrmay.

Mr Speaker, lo sa not mon ti a kontan dir, ki dan tou distrik nou bezwen fasilite, bann fasilite sosyal pour lafanmir parey DayCare, fun park, playground pour zanfan,lenfrastriktir sportif, Sant Kominoter, eksetera.

Me Mr Speaker, pou nou kapab realiz sa bann proze e progranm, nou bezwen sipor. Sipor ek propriyeter later.Parey zot konnen, pa partou ki annan later, ki nou kapab fer bann lenfrastriktir sosyal.Get Mont Buxton par egzanp, i zis montanny ros avek dibwa. Nou bezwen sipor Mr Speaker.

Dezyenm avek Sekter Prive. Nou pe demann Sekter Prive, pou konsider envestir dan bann tel proze byensir, pou zot kapab ganny zot profi a longer ditan dan lankadremanPPP -Public Private Partnership, ki nou’n met devan.

Trwazyenmman, nou bezwen sipor lakominote pou byen veyans, pou servi byen bann fasilite e pou protez sa bann byen piblik.

Mr Speaker, fodre dir osi koman nou lo la, nou pe revwar serten fencing dan nou bann distrik – mon’n fek koz lo byen veyans, i annan en nesesite ki lakominote – mon met lanfaz lo la, apre ki en proze in ganny fer, in ganny realize ki kominote nou zet en koudey lo ki mannyer nou byen servi bann fasilite.

Mr Speaker, pou nou kapab arive fer tousala, nou pa kapab fer nou tousel.  Gouvernman pa kapab fer li tousel.  Se selman ansanm ki nou kapab zwenn lekspektasyon devlopman, lekspektasyon nou popilasyon. Mon oule alor lans en lapel avek Sekter Prive, avek propriyeter later, avek bann manm kominote, pou zwenn nou, zwenn Gouvernman, pou nou kapab realiz sa bann plan e bann proze.

Mersi Mr Speaker.

MR SPEAKER

Okenn siplemanter Onorab?

HON ALDERIC BRISTOL

Wi, Mr Speaker, mersi.

Mr Speaker, mon ti a kontan demann Minis, konbyen sa proze pou anvizaze koute e si i kapab donn zabitan Takamaka en letan spesifik, kan sa proze pou konmanse limenm:-e dezyenmman, si dan lenstans kot sa costi pli ba ki sa proze pou koute, si zot pe vreman mazin al get tovwards Public Private Partnership, pour sa proze partikilye?

Mersi bokou.

MINISTER VINCENT MERITON

Mersi Mr Speaker.

Mr Speaker, dapre nou estimasyon, sa proze i kapab kout nou R4milyon.  Nou oule fer en proze ki pou annan kapasite pou kapab pran en swasantenn zanfan e ki pou alaoterbann standar ki IECD i swiv, baze lo Early Childhood Care and Education – bann standar enternasyonal ki Sesel in adopte, depi enpe letan la.

Wi, i annan ankor lespas pou annan Daycare, parey mon fek dir.  E si Sekter Prive, i oule vini pou fer en lot fasilite, oubyen an partenarya avek Gouvernman, nou kapab konsidere.

Mersi Mr Speaker.

MR SPEAKER

Onorab Barbe.

HON NICHOLE BARBE

Anliny avek repons Minis, eski Minis i kapab dir sa Lasanble, si son Minister pe travay direkteman avek IECD, parey in nonmen, sirtou avek bann nouvo konstriksyon Daycarela ki annan dan bann distrik,konbyen pe ganny fer e petet kwa ankor ki zot bezwen fer, pou asire ki i meetbann kriter IECD?

Mersi.

MINISTER VINCENT MERITON

Mersi Mr Speaker.Wi,Mr Speaker,IECD i zwe en rol kle e mazer dan devlopman bann fasilite ki tous Pti Anfans. E Daycare i enn ladan.Nou annan en Komite High-level anba direksyon nou Vis- Prezidan, Mr Danny Faure e apre bann Komite lo bann Sekter.  E Devlopman Kominoter, i enn bann Sekter. E Daycare i enportan.  I enn bann size ki nou diskit a fon, kot i konsern lespas pou manrmay zwe – anndan, deor -nivo lizyenn,lespas sipervizyon, lespas twalet, lizyenn e lezot standar ankor, ki met an aplikasyon, pou fer sir ki zanfan, i an tout sekirite, pandan ki zot la kot sa bann fasilite.

Mersi Mr Speaker.

MR SPEAKER

Onorab De Commarmond.

HON CHARLES DECOMMARMOND

Mersi Mr Speaker.

Bonzour Mr Speaker.Bonzour Minis, bonzour tou dimounki a lekout.

Mr Speaker, eski Minis i kapab eksplik nou Lasanble, lefe ki in dir, ki dan tou distrik pou annan en tel fasilite, eski i pe osi konfirmen, ki avek nouvo devlopman Sant Kominoter Cascade, i pou osi enkli en Daycare Centre?

Mersi.

 

MINISTER VINCENT MERITON

Wi, Mr Speaker.  I langazman Gouvernman, pou asire ki dan kominote, i annan tou bann fasilite, ki permet dimoun viv, viv byen. Pa zis lakaz ki enportan, me bann fasilite ki otour lakaz, ki asire ki dimoun i viv byen.  E mon’n site detrwa taler. Kot i konsern distrik Cascade, wi, i annan plan pou nou revwar Sant Kominoter Cascade – fer li enn modern.  E baze lo mwayen e resours finansyelGouvernman, nou bezwen priyoritize, pou osi met bann fasilite ki neseser.  E en Daycare i en keksoz, ki nou’n koz lo la.

Mersi Mr Speaker.

MR SPEAKER

Onorab Pool.

HON ANDRE POOL

Mersi Mr Speaker.

Mr Speaker, eski Minis i kapab dir avek nou Lasanble, vizavi sa proze Daycare Takamaka, eski in ganny sans al fer en vizit lo sa site, pou vwar pou li menme si non, eski i dan son plan pou li fer li byento?

Mersi.

MINISTER VINCENT MERITON

Mersi Mr Speaker.

Wi, Mr Speaker, mon konn sa landwar byen e parey mon’n dir, once resours finansyel i ganny aprouve par Lasanble menm, nou kapab demare ek sa proze lannen prosenn.

Mersi Mr Speaker.

MR SPEAKER

Onorab Fideria.

HON EMMANUEL FIDERIA

Mersi Mr Speaker.  Bonzour tou Onorab, Bonzour tou dimoun a lekout.

Mr Speaker, an vi repons Minis, eski Minis, i kapab enform saLasanble, si Gouvernman pe konsider serten incentive pour bann envestiser prive, ki pe konsider envestir dan proze Daycare?

Mersi.

MINISTER VINCENT MERITON

Mersi Mr Speaker.  Deza ECCE atraver IECD, in met en seri incentive, pou kapab ed bann dimoun – par egzanp, ki pe fer marse zot bann pti proze childminders.

O fir e anmezir keksoz i devlopeMr Speaker, i annan bann letid ki pe pran plas nou konnen, nou rekonnet ki domenn sosyal, i pa en domenn ki toultan i fasil pou retir profi.  Ou bezwen tir ou profi alalonger ditan.  Me selman Gouvernman, i ava etidye bann posibilite, get bann opsyon ki annan e gete kimannyer, nou kapab asire ki Sekter Prive – sa dimoun ki anvi envestir dan en tel domenn – parey Daycare, rod bann formil; petet azout ek sa Daycare lezot fasilite, ki i kapab retir son larzan.  Me pa en fasilite ki pou pouri nou bann zanfan.  En fasilite ki sosyalman akseptab, pou permet ki i tir son profi, an menm tan, ki permet ki sa Daycare i marse.  E lezot posibilite bann lezot formil, ki Gouvernman i kapab pran an konsiderasyon, pou soulaz sa dimoun ki pe envestir, dan en tel domenn.

Mersi Mr Speaker.

MR SPEAKER

Bon, nou ava pran kestyon 108, Onorab Beguitta Jeannevol.

HON BEGUITTA JEANNEVOL

Mersi Mr Speaker.  Bonzour Mr Speaker, bonzour Minis e tou dimoun a lekout.

Mr Speaker, mon kestyon i lir koumsa, eski Minis i kapab enform sa Lasanble, kwa ki pe ganny fer, pou rezourd problenm lenfrastriktir kot Victoria Gymnasium?

Mersi.

MINISTER VINCENT MERITON

Mersi Mr Speaker.  Mr Speaker, zot a rapel ki Victoria Gym ti en outdoor court. I ti ganny met en kouvertir lo la e ki’nganny servi pou 2 Zwe deZil.   Apre Zwe De Zil 2011, i ti vin en sit permanan pour basketball.  Nou ti refer son sirfas e i enn ki modern, ki zwer i apresye.  E i ankor entakmalgre, i ti ganny fer 5an pase.  Me defi i reste kot i konsern, sa 2 kote ki fwete ler lapli i tonbe.  Court i vin mouye e i en danze pouzwer zwe lo la, akoz i glise.   Pou esey rezourd sa sityasyon, Konsey Nasyonal pou Spor, in met en baravan tanporer, ki pa neseserman apropriye pour sa landvwar.

Mr Speaker, avek gran demann piblik, Konsey Nasyonal pou Spor, in travay lo en plan pou re aranz sa landvwar, rezourd sa problenm fwete enn fwa pour tou e fer li vin pli konvenab pou zwer, ensi ki spektater.  Sa i en travay ase mazer, ki pou bezwen ganny fer, kot son kapasite asize pour osi ogmante.

E Mr Speaker, lemoman ki plan i aprouve e resours finansyel i ganny donnen, nou pou konmans antreprann sa travay.  Apre ki sa travay in ganny fer Mr Speaker, konpetisyon pa pou bezwen arete, ler lapli i tonbe.Federasyoni kapab fini son progranm a ler e zanfan Lekol Anvil, a kapab servi sa fasilite, menm ler lapli i tonbe.

Mr Speaker, parey mon’n dir, plan i pare e i pe al ganny soumet kot Planning e en demann in ganny fer avek Finans, pou nou ganny resours adisyonnel.

Mersi Mr Speaker.

MR SPEAKER

Bon, okenn siplemanter Onorab Jeannevol?

HON BEGUITTA JEANNEVOL

Wi, Mr Speaker, mersi.

Mr Speaker, Minis in koz lo en nouvo plan pou Victoria Gymnasium, eski Minis i kapab dir nou, konbyen eski sa nouvo plan pou kout Gouvernman, e si i dan plan Gouvernman osi, pou anmenn sa fasilite pli pres ek lazenes, parey in dir bann zanfan Lekol i kapab servi pandan zot letan Lekol:-e eski Palais Des Sport, pe ganny servi a son maximum, pour ki li osi i ti kapab ede pour en lot veni pour bann game basketball?

Mersi Mr Speaker.

MINISTER VINCENT MERITON

Mersi Mr Speaker.  Mr Speaker, dapre nou estimasyon, sa proze pou kout nou R3 milyon e mon ti a kontan re afirmen ki tou bann fasilite sportif i a laporte Lazenes.  Annefe bann fasilite i ganny servi tro bokou – depi Palais Des Sport, depi tou bann Laplenn Foutbol,depi Victoria Gym, i ganny servi en kantite par zenn.  E parey mon’n dir la, avek sa renovasyon, menm ler lapli i tonbe bann zanfan Lekol Lavil, i kapab servi sa fasilite byen.

Mersi Mr Speaker.

MR SPEAKER

Onorab Volcere.

HON MARC VOLCERE

Mersi Mr Speaker.  Bonzour Mr Speaker.  Bonzour Minis ek ou delegasyon.  Bonzour tou dimoun a lekout.

Mr Speaker, dan menm laniry mon ti a kontan demann Minis – dan menm laniry lo Victoria Gym, eski Minister osi pe revwar bann lezot court kot bann konpetisyon i ganny zwe – la mon pe koz petet lo court Praslin, kot i annan sa baz Home and Away, kot bann tim i vini, ennler lapli i tonbe, konpetisyon pa kapab ganny fer.  Eski zot pe osi pe revwar petet dan lefitir amelyorasyon lo sa bann court?

Mersi.

MINISTER VINCENT MERITON

Mersi Mr Speaker.  Mr Speaker, parey mon ti dir lot zour, wi NSC i annan plan pou enplimant en proze pou annan en plan rezyonnal sportif, pour zil pros,ki ava annan bann fasilite sportif pour bann spor pli popiler enkli basketball, foutbol, squash e lezot fasilite ankor, pou elev nivo nou bann sportif. E pour ki bann manrmay ki sorti Praslin ek La Digue, i kapab fer bokou pli byen ki zot pe fer la.

Bomaten ler mon pe desann sorti dan lakour 6er edmi dan Nouvel i dir Brazil in ganny son premye meday lor, par en pti fiy ki sorti dan ghetto.  E son paran i dir i pe plere, ler i ti pe ganny Interview.I ti dir koumsa, ler son zanfan ti annan 3an, i ti met li dan klib Judo pou tir li dan bann move lenfliyansE ozordi sa in port fri.Sesel nou napa ghetto.  Nou annan bann fasilite tre modern, ki nou planifye fer.  E anmezir ki nou devlop sa bann fasilite modern,  i demande ki sa i gannymatch par sa detrminasyon, sa lanvi, sa laswaf pou reisi, par nou bann zenn e sipor bann paran e bann ankadrer, pou fer sir ki manrmay iexcel dan sa ki zot fer – partikilyerman la ki nou pe koz dan domenn spor.

Mersi Mr Speaker.

MR SPEAKER

Onorab Fideria.

HON EMMANUEL FIDERIA

Mersi Mr Speaker.

Mr Speaker, konsernan Victoria Gym, vi ki Federasyon Enternasyonal basketball, ozordi kot bann dimoun i asize i tro pros avek zot zwe i fer, eski Minis pe mazinen ki dan lefitir, zot pe mazinen ferm sa Gymnasium la e konstrir en lot?

Mersi.

MINISTER VINCENT MERITON

Mersi Mr Speaker.

Wi, annefe Federasyon in port sa a nou latansyon. E dan sa renovasyon la, nou annan fasilite. I annan provizyon pou separ zwer avek spektater, pou fer sir ki nou bann zwer i an sekirite e ki nou spektater i kapab get son sport e pa target zwer.  E aksepte defet avek tou limilite e apresye ler zot tim i gannyen.  La nou pe focus lo la.   Nou pe konsantre lo la.

Anmezir ki lezot fasilite Devlopman, nou annan osi plan, pou anmenn en fasilite sportif rezyonal dan Zone Perseverance, pou permet ki nou alimant bann zenn e donn zot en fasilite a sa moman.  A en moman apropriye, nou ava ganny sans met sa diskisyon lo latab.

Mersi Mr Speaker.

MR SPEAKER

Onorab Vidot.

HON KEVIN VIDOT

Mersi.   Bonzour Mr Speaker.

Bonzour tou dimoun ki a lekout.

Mr Speaker, eski Minis i kapab dir nou, si apre sa depans R3 milyon, si pou annan en proper progranm maintenance ki pou ganny met an plas, pou kapab fer sir ki sa bann lenvestisman ki Gouvernman pe fer lo sa fasilite, pa deteryore :-e osi eski Minis i kapab dir nou, si i pou annan bann lenfrastriktir, bann utilities apropriye, pou ganny mete kot Gymnasium ki menm fernwanr koman lizour, i kapab ganny servi e osi menm lezot courtparey La Rivière Anglaise, an term lalimyer.

Mersi.

MINISTER VINCENT MERITON

Mersi Mr Speaker.  Wi, Mr Speaker, nou bezwen ranforsi kapasite nou Sports Facilities Management Agency – en Lazans ki’n ganny kree depi 2008, pou kapab zer nou bann fasilite sportif.  Sesel in depans li -nou pe koz pe plis ki anviron R200 milyon zis pour fer bann fasilite atraver pei.  E antretyen maintenance i koute.  Nou santi, nou aksepte ki i annan en nesesite, ki nou ranforsi nou kapasite pou zer sa bann fasilite, pou fer sir ki i vin valer pou larzan alalonger ditan.

E parey ou’n remarke Onorab, o fir e anmezir, nou pe met fasilite lalimyer lo tou bann pti Laplenn Foutbol dousman, dousman, pou fer sir ki zenn i kapab servi sa bann fasilite ziske tar dan lannwit.  Me ki ler nou fini servi sa bann fasilite Onorab, nou tenny kouran e nou pa les labi.

Mersi Mr Speaker.

MR SPEAKER

Onorab Samson.

HON DEREK SAMSON

Mr Speaker, mersi bokou.  Bonzour.  Mon santi ki mon kestyon in fini ganny adrese.

Mersi bokou.

MR SPEAKER

Ok. Onorab Bresson.

HON GALEN BRESSON

Bonzour Mr Speaker.  Mersi Mr Speaker.

Mr Speaker, ek laniry ki Minis in reponn pour Victoria Gymnasium, mon ti a kontan demann Minis, i annan konstrent parking.  I annan son laz limenm sa gym pe al fer pey R3 milyon pou fer re devlopman, eski Roche Caiman Sports Complex ki en pli gran landvwar, i annan tou bann fasilite – i annan plis bann lot fasilite sporting, i pa en landrwa ki kekfwa nou ti a rekonsidere avan ki i  fer sa depans renovasyon, remet en bon Complex pour en nouvo gym pou basketball laba ?

Mersi Minis. Mersi Mr Speaker.

 

MINISTER VINCENT MERITON

Mersi Mr Speaker.  Onorab, mersi pour ou kestyon.  Fasilite sportif zanmen ase.  E spor, larzan pou spor zanmen ase. Me nou an diskisyon avek en Gouvernman zanmi.  Nou annan en plan pou met en lot Multi-purpose Facility kot Complex sportif Roche Caiman, ki kapab deservi pa zis basketball, me osi lezot sport pou asire ki i annan ase bataz, pour ki zenn i servi sa bann fasilite pou zot devlopman.

So, wi Onorab, i annan fasilite – parey ou a realize,  nou’n dir Roche Caiman.  Nou pe dir bor Perseverance.  Nou’n dir Praslin/La Digue e lezot landrwa ankor.  Nou’n koz Anse Royale lot zour. I lentansyon Gouvernman, pou kapab dan son bann priyorite, met en serten resours finansyel, sorti dan Fon Gouvernman.  E osi envit Sekter Prive atraver PPP e osi bann zanmi e bann lorganizasyon aletranze, pou gete ki mannyer nou kapab envestir dan sports.  Akoz i en lenvestisman.  I pa en depans, malgre dimoun pa apresye.  I annan en kantite vandalizm.  Me en lenvestisman, ki Gouvernman pou kontinyenfer, pour son lazenes – pour bann fanmiy, pour ki bann dimoun i kapab vini annan en lespas pou defoule, san neseserman pe konsonm lalkol ; ki dimoun i kapab atraver sports, ganny zot lasante e trouv en zwa de viv pou zot kontinyen viv zot lavi.

So, wi Mr Speaker, nou pe kontinyen fer sa bann lenvestisman e nou demann sipor par lapopilasyon an zeneral, pou kapab siport sa ki nou pe fer.

Mersi Mr Speaker.

MR SPEAKER

Kestyon 109 Onorab Charles De Commarmond.

HON CHARLES DE COMMARMOND

Mersi Mr Speaker.

Mr Speaker, eski Minis i kapab enform e eksplik nou Lasanble, ki sityasyon aktyel eplan lavenir proze Laplenn Anse Des Genets, obor Erport dan distrik Cascade?

Mersi.

MINISTER VINCENT MERITON

Mersi Mr Speaker.Mersi Onorab.  Nou fek koz lo napa lespas pou fer bann fasilite sportif, bann fasilite lwazir.La en lot legzanp.  Si mon’n dir Mont Buxton i annan zis ros avek dibwa avek montanny, Cascade nou’n bezwen konble.

Mr Speaker, sa fasilite sportif Anse Des Genets, ki sitye pros obor Erport, i pa zis en Laplenn, me i osi annan en court. Sa fasilite ti ganny konstrir an 2003.  E i ti ganny konstrir konman en court segonder pour zenn Cascade, sirtou bann ki sorti Talbot – donn zot en lespas zwe adisyonel, pou zwe e osi pour lantrennman.  I pa fasilite pou fer konpetisyon ofisyel lo la.  I ti ganny fer avek lide pour pli tar devlop li dan en fasilite pli o nivo, anmezir ki nou ganny mwayen finansyel.

Sa fasilite in ganny servi en pe letan par bann zenn, pou practice foutbol e bann pti konpetisyon lokal. E ti annan en tim volleyball ki ti servi sa court pou zot practice.

Sepandan Mr Speaker, depi ki sa fasilite in ganny konstrir, i annan serten defi ki nou’n fer fas avek. Zerb ti bezwen ganny plante plizyer fwa e fencing pa ti neseserman alaoterE i ti ganny andomaze vitman. Court i afese dan milye apre en serten letan.  E i ti vin difisil e danzere pour zenn kapab servi.  Sa sityasyon in fer, ki sa fasilite pa’n kapab ganny servi parey ti lentansyon e nesesit en travay mazer, pou remet li an bonn eta.

Mr Speaker, mon Minister avek Lotorite Distrik, i annan konsiltasyon pour en bon pe letan, pour get dan posibilite redevlop sa landvwar.  E Onorab ou menm ou’n enplike dan bann meeting, pou fer sir nou ganny bann partener dan zalantour, pou vin lo latab, pou rod serten solisyon.  E vi kidan bor i annan Erport, nou pe koz lo la, SCAA ti ganny aprose, pou gete ki mannyer zot ti kapab osi kontribye pou antreprann, en serten kontribisyon dan sa proze.  E lezot Lakonpannyen i kapab servi sa pou zot staff e osi pour lantrennman.

Mr Speaker, parmi bann plizyer partener ki nou’n kontakte pour sa proze, i Federasyon Foutbol. Sa Federasyon in dakor pou rod fon lo nivo enternasyonal e lokal, pou devlop sa landvwar dan en training fieldo nivo, avek lezot fasilite – parey training room ensidswit.

Proze ki pe ganny konsidere par Federasyon Foutbol, i enkli ranpli Laplenn kot i annan bann trou, nivle Laplenn, refer fencing avek materyo solid, ki pou fer li vin pli dirab.  Sirfas court pou ganny refer avek bann materyo, ki pou permet zwe bann match foutbol 5 kont 5 parey Futsal. E anmenm tan, servi pour volleyball avek basketball.

Mr Speaker, Konsey Nasyonal pour Spor, pou osi ganny anmennen onboard, pou gete kimannyer sa proze i kapab entegre dan proze rezyonnal, pour devlopman sport. NSC pou gete par egzanp, si i kapab entegre en fitness trail, ki a fer letour sa Complexe desann ziska kot Pon.  La mon pe koz sa bout ki vir ek Talbot.

Mr Speaker, nou oule fer sir ki sa redevlopman, i enn ki sa voyaz i ava dirab e ki pou benefisye bann zenn Cascade e bann Lakonpannyen ki dan zalantour.

Mersi Mr Speaker.

MR SPEAKER

Onorab, okenn siplemanter?

HON CHARLES DE COMMARMOND

Mersi Mr Speaker.

Mr Speaker, eski Minis i kapab enform nou Lasanble, ki zistans sa proze in arive avek Federasyon Foutbol, anvi ki ti annan en promes pou anmenn sa lo nivo FIFA pou ganny sa sponsorship e ti annan en difikilte osi lo kestyon en Lagreman pour later – pour sa teren ganny surveyed, akoz depi ler in ganny konble, napa okenn survey ki’n ganny fer pour ki i vin en parcel dan limenm pou fasilit sa proze.

E dezyenmman ler sa proze pou fini e ki i pou enkorpor osi en Laplenn normal, size enternasyonal ki dan promes, ki ti dan kondisyonsa proze, eski sponsorship bann dimoun ki sponsor, pou ganny sans pou advertise dan sa area  eski sa bann advertisement, i pou enkli lalkol – advertisement lalkol, parey i annan lo nivo enternasyonal?

Mersi bokou.

MINISTER VINCENT MERITON

Mersi Mr Speaker.  Mr Speaker, wi diskisyon in ganny fer avek FIFA par Federasyon Foutbol.   E fodre dir ki Sesel, i enn bann pei ki’n benefisye en kantite avek FIFA.   I annan en kantite teren foutbol ki FIFA in envestir ladan. E en bon lenvestisman. Bann lenfrastiktir in ganny byen mentenir.  E FIFA toultan ler zot vinisi,zot montre zot lapresyasyon anver sa travay ki nou pe fer, konzwentman.   E pa parey lezot pei kot later i ganny donnen, apre pa ganny servi.   Isi e nou’n fini antre an diskisyon avek MLUH, ki en morso later i ganny arpante kot sa Laplenn i ete e ganny transfer avek Federasyon Foutbol, pour ki en Lagreman i permet ant Federasyon Foutbol avek FIFA.  E i ava komansman si oule, i ava en Lagreman Legal, kot sa proze i kapab demare.

Kot i konsern standar, nou bezwen vwar ki bann grander – ki bann dimansyon ki annan.  An prenon an kont ki nou annan en lanbousir la, an menm tan nou pa oule pe ennfwa nou pe siport devlopman lazenes, nou pa oule sakrifye devlopman lanvironnman.  Akoz sa kestyon lanvironnman ki ou menm ou Onorab, ou en sanpyon lanvironnman ki nou dir nou bezwen fer kot nou fer lakaz. E nou pran an konsiderasyon.  Nou koz ek bann saz – bann dimoun dan sa bann landvwar, ki konnen ki nou bezwen osi, pa toultan zis konble.  Me konble avek en lespri.  Konnen poudir ler lapli i tonbe, nou bezwen donn lespas pou delo kapab pase.  So, nou a get bann kestyon standar a moman apropriye.

E sponsorship, wi, nou pou envit sponsorship ankolaborasyon avek NSC byensir, ki travay an etwat kolaborasyon avek Federasyon Foutbol.

E kot i konsern lalkol, iannan en letid.  I en travay ki pe ganny fer.  E  Gouvernman i a vin avek sa a moman apropriye.

Mersi Mr Speaker.

MR SPEAKER

Onorab Pillay.

HON SEBASTIAN PILLAY

Mersi Mr Speaker.

Mr Speaker, an prenon an kont ki iannan bokou konsern zeneralman, an relasyon avek bann fasilite sportif dan diferan rezyon, eski Minis i kapab donn nou detay, lo ki kalite progranm Departman Sport avek NSC,in met an plas, pou antreprann bann travay neseser – pa zis lo bann Sports Complex parey i annan Anse Des Genets, me zeneralman annan en progranm konkret, pou deal avek sa problenm mankman fasilite sportif dan bann diferan rezyon oubyen dan distrik.

Mersi.

MINISTER VINCENT MERITON

Ok.  Mersi Mr Speaker.  Parey mon’n dir i annan nou Sports Facilities Management Agency, ki nou bezwen ranforsi son kapasite ek dimoun ek resours avek lekipman.

Dezyenmman, nou bezwen fer en lodit tou nou bann fasilte. E sa Lazans i bezwen vwar.  E nou’n tonm dakor i pou dan plan lannen prosenn, gete ki mannyer nou kapab antre ek Sekter Prive, pou kapab zer sa bann fasilite ki deza annan.  Me osi kot napa Onorab, nou bezwen travay avek propriyeter prive.

E la mon pe lans en lapel avek bann propriyeter prive, kot dimoun i annan later, kot i santi i pare antre dan en diskisyon avek Gouvernman – e deza la mon ti a kontan – i annan en madanm weekend in call mwan, ler in tande mon pe vin reponn Kestyon Lasanble, in dir mwan, ’be mwan mon annan en bout later kot mwan Mont Buxton anmontan Belonie, mon ti a kontan ofer sa Gouvernman, pou annan lespas sportif lwazir, pour ki zenn i kapab vini – defoule dan tout sekirite avek lord.  Se sa kalite lapros ki nou pe koz lo la – ki propriyeter prive, ki endividi i santi li konsernen avek pa zis fer lakaz, me osi annan lespas sportif e lwazir sosyal, ki dimoun i kapab vin ansanm.

So, nou pe fer en levanter pou gete ki bann lespas kot bann Housing Estate nou kapab trouv en pti trou, nou kapab bare, fer en pti Laplenn, kot manrmay i kapab zwe – pou permet ki manrmay i defoule.  Mon pe repet ‘defoule.’  I fer detwa fwa mon dir, akoz i enportan, ou pa zis antre dan en lakaz ou viv setou.  Dimoun i bezwen koze.Dimoun i bezwen lespas pou respire – pou koze avek kanmarad, pou asize konmsi anba en pti pye dibwa, zwe lanmizik ki pa for, ki nou pa pe antagoniz kanmarad, me ki nou pe kapab viv byen, apresye sa lenvestisman, nou lakaznou zanfan e apresye kimannyer nou kapab viv byen dan nou kominote e asire ki nou zanfan i aprann.  I aprann e i aprann e grandi byen pou vin sa ki zot anvi.

Mr Speaker, zis yer nou’n lans en pti proze dan en Lekol – Lekol Belonie, pour être egzakt, ki mannyer dan vakans, kominote ek Sekter Prive, i pe vin ansanm pou donn manrmay en fasilite – en abilite pou kapab devlop dan Lar par egzanp.  2 semenn pase Vandredi pardon, pa 2 semenn pase, nou’n remersi bann zenn serten lekol manrmay ki pe ganny difikilte pou aprann, kimannyer atraver sports,nou pe koz lo sports la, manrmay in kapab retrouv zot.

Bann manrmay ki ti pe ganny difikilte, nou’n travay ek fanmiy avek zot SirSir Geovanni, in kapab train zot.  E sa Lekol – Lekol Belonie, pandan Sanpyona Atletik in sorti avek detrwa meday lor.  So, i montre ou ki si paran i enterese, si Lekol i enterese, si nou annan fasilite, nou kapab fer en kantite keksoz.

Mr Speaker, se dan sa loptik, ki nou pe get sa bann kestyon bomaten, ki nou donn fasilite – zis pa pou met fasilite, me pou met fasilite pour zenn servi li byen.  Servi li byen pou zot kapab viv – viv zot lavi e kapab, petet demen kapab trouv en profesyon atraver sport.

Mersi Mr Speaker.

MR SPEAKER

Bon, avek sa nou’n ariv a-lafenbann Kestyon pou Minis Meriton.  Mon ava remersye li pou pas bomaten la avek nou pou vin reponn bann Kestyon e osi pou eskiz li parmi nou.

 

The Minister and his delegation was excused from the House

MR SPEAKER

Kant a nou, nou ava kontinyen avek Question Time. Nou annan 2 Kestyon pour Minis Finans.

MR SPEAKER

Bon, mon a welcome parmi nou Minis Finans Komers e Lekonomi Ble, Mr Jean-Paul Adam. Toudswit nou ava demann Onorab Mirena Souris pou demann son kestyon – 110.

Onorab Souris.

HON MIRENA SOURIS

Mersi Mr Speaker.Bonzour Mr Speaker.Bonzour Minis ek ou delegasyon.

Mr Speaker, eski Minis i kapab eksplik sa Lasanble, lo statistik 40 poursan lapovrete da pei, an vi ki UNDPin konsider noukonman en high- income development country? 

Mersi Mr Speaker.

MINISTER JEAN-PAUL ADAM

Mersi Mr Speaker.  Mersi Onorab.  Bonzour tou bann Manm Onorab e tou dimoun ki pe swiv nou deba.

Mr Speaker Labank Mondyal i klasifye en lekonomi konman o reveni oubyen high- income,si son gross national income sa ki apel bann GNI – si son gross national income per capita i$12,476 oubyen plis pour sa lannen presedan.

Le 1 Zilyet 2016, Sesel ti ganny konfirmen pour 2enm lannen konsekitiv konman en lekonomi o reveni, avek en gross incomeper capita ki $14,760.

Mr Speaker, Gross national income oubyen, GNI  i total valer azoute par tou sa ki bann rezidan i prodwir.  Me i osi enkli bann net receipts sorti aletranze.  Savedir pa zis larzan ki kree dan nou pei, i osi bann larzan ki antre dan nou pei, sorti aletranze.   Souvand fwa avek en pti popilasyon dan bann pei parey bann Pti Leta Zil e bann pei parey nou, kot annan 93 mil dimoun, ou kapab vwar ki iannan bann rezidan oubyen bann Lakonpanyen, ki ganny serten receipts, sorti aletranze e sa i kapab fer serten distorsyon osi.  Akoz i kree en serten persepsyon lo lakantite larzan ki pe antre lo pei.

Me anmenmtan sa stati high-income, i rekonnet lefe ki dan bann lannen ki’n pase pandan sa bann lannen ki’n kontinyen, nou’n annan en logmantasyon gradyel dan  nou GNI – dan nou gross national income, osi byen ki dan nou GDP nou gross domestic product.

Mr Speaker, an se ki konsern Lapovrete, sa letid lo Lapovrete, ti baze lo Household Budget Survey 2013, ki pran lenformasyon lo reveni en endividi ki dan lanplwa, ouswa reveni ki ganny resevwar osi an deor lanplwa – e sa i kapab reveni enformel. I kapab osi lezot reveni ki i resevwar – par egzanp ek manm fanmiy.I kapab osi reveni ki resevwar an se ki konsern  bann program proteksyon sosyal anba Welfare, anba Lazans pour proteksyon sosyal.

Dapre sa letid, ki ti pibliye an Desanm 2015 sa ki nou apel laniry lapovrete, the poverty line, ti etablir lo R3,945 e sa ti reprezant 39.3 poursan popilasyon, baze lo sa Household Budget Survey.  I enportan pou rapel ki dan Household Budget Survey, dimoun pe ganny demande kestyon lo zot reveni.  Dan sa metodoloz,  i annan posibilite byensir, ki i annan reveni ki pan’n ganny deklare.  E i annan posibilite osi, ki nou pan’n ganny en portre absoliman egzakt, me in servi en metodolozi, ki’n kanmenm donn nou en portre lo sityasyon lapovrete dan nou pei.

I osi enportan pou nou rapel ki, ki mannyer nou define lapovrete dan en pei parey Sesel.Lapovrete dan en pei parey Sesel, se pa en lapovrete ki baze lo dimoun ki napa akse avek okenn resours, oubyen ki napa okenn mwayen ditou.  Me se plito en dimoun ki annan kapasite pou li siport son lekor.E nou konsider en dimoun ki an deor lapovrete, si i kapab annan sa mwayen pou li siport son lekor e son fanmiy.

Me sa rapor in montre byensir, ki i annan travay ki bezwen ganny fer, pou asire ki nou rekonnet bann bezwen nou popilasyon e ki nou asire ki dimoun i annan mwayen pou zot viv an dignite  e ki zot kapab siport zot lekor.

Nou kapab fyer ki Gouvernman, in fer en kantite dan bann lannen ki’n pase, pou asire ki sa sipor i la.  E zisteman, i annan en kantite progranm ki Gouvernman, i met a dispozisyon pep Seselwa, enkli atraver akse avek – par egzanp avek Lasante, avek Ledikasyon.  E sa bann valer i pa toultan ganny rekonnet dan bann tel revi, an se ki konsern lapovrete.

Bann lezot mezir Mr Speaker, ki Gouvernman in pran pou adres sa sityasyon ki’n sorti dan sa Rapor lo Lapovrete, i enkli  le swivan,

An Avril 2016, Saler minimonm, ti ganny ogmante sorti R4,050 pou ariv R5,050 pour bann dimoun ki travay 35 erdtan par semenn.  E nou ava rapel osi, ki nou’n tir tou lobligasyon income tax lo bann Saler minimonm.  Baze lo sa logmantasyon, nou santi ki sa i adres an gran parti, sa konsern ki ti sorti dan sa Rapor lo Lapovrete.

Dezyenmman, osi an Avril 2016, Gouvernman ti osi ogmant Pansyon Sekirite Sosyal sorti R3,600 pou ariv R5,050. E ankor en fwa, sa i adres bokou bann kestyon, ki ti leve dan sa Rapor lo Lapovrete.

Osi an Avril 2016, ti annan logmantasyon dan Saler bann Home Carers. E Saler en Carer lo en baz plen tan, in ariv R5,772.  E pour en Carer ki lo en baz part time, son Saler in ariv R3,607.50.

Mr Speaker, osi an Avril 2016, sistenm Weights, ki ganny servi par Lazans pour Proteksyon Sosyal pou determin benefis sosyal, ti ganny revwar.  Anba sa bann nouvo weights lasistans Welfare R2,108 ti ganny ogmante pou vin R2,592.50.Gouvernman in osi met an plas en Fon spesyal R15 milyon dan Bidze 2016 pou siport bann fanmiy pli vilnerab pou kapab siportreparasyon zot lakaz e osi asire ki zot annan en landvwar konvenab pou zot reste.   E plizyer proze i ankour.

Mr Speaker, swivan sa bann diferan linisyativ ki’n konmanse deza sa lannen, osi an Zilyet 2016, nou’n osi retir tou provizyon income tax lo bann Saler R8555.50 apartir Zilyet sa lannen.  Savedir ki tou dimoun ki zot Saler i R8,555.50 e pli ba, deza zot deza pe benefisye avek en logmantayson reveni preski R1200.

Mr Speaker, Gouvernman in osi komans met an aplikasyon par faz sa program income tax progresif.  E sa ianliny avek sa ki mon’n deza dir, sa ki nou’n fer an Avril e sa ki’n ganny fer la an Zilyet. Eparey in deza ganny anonse, nou pou osi fer sa progranm progresif konplet an Zanvye 2017.  E sa pou donn en meyer reveni avek tou Seselwa, ziska bann ki lo en Saler R35,667.     Savedir ki tou dimoun, ki zot Saler iR35,667 oubyen pli ba, i pou benefisye avek en rediksyon dan son tax income ki i peye,lo son tax income ki i peye lo son Tax, lo son reveni.  E i pou osi annan en logmantasyon reel, alor dan son reveni ki i anmenn kot lakour lafendimwan.

Mr Speaker, an se ki konsern bann kalkilasyon ki ganny fer lo GNI per capita, kot reveni en pei total, i ganny divize par nonm sitwayen.  Apre sa i kree labaz, pour defini kategori en pei, si i en high-income – si i en middle- income oubyen sii low-income.  Gouvernman Sesel in kontinyen met largiman devan, ki letan nou pe koz devlopman dirab, letan nou pe koz lo soutenabilite, i enportan pou nou regard devlopman, pa zis baze lo lakantite larzan divize par lakantite sitwayen.  Byennet e osi devlopman, i pa depan zis lo lakantite larzan ki divize par lakantite sitwayen.  I depan lo bokou plis.  Se pour sa osi ki nou nou pe siport bann linisyativ ansanm avek UNDP, pou devlop sa ki apel en Multidimensional Poverty Index, ki regard tou bann eleman devlopman imen.  I pa zis en kestyon reveni.  I pa zis en kestyon larzan.  I en kestyon kimannyer pou pli byen siport nou pep.

E dan ka Sesel, mon kapab dir Mr Speaker, avek bokou konfyans, ki bann mezir ki mon’n deza anonse ansanm avek nou progranm Sosyal ki en progranm progresif  ki nou’n anmennen depi plizyer lannen, ki nou pe met a dispozisyon pep Seselwa, en sistenm sipor ki permet vreman pep Seselwa viz en byennet pou zot menm e pour tou zot fanmiy.

Mersi Mr Speaker.

MR SPEAKER

Bon, okenn siplemanter Onorab Souris?

HON MIRENA SOURIS

Mersi Mr Speaker.

Mr Speaker, anliny avek larepons, eski Minis i kapab eksplik sa Lasanble, ki degree realis i sa rezilta:-e si son Minister i anvizaze antreprann en lot study, pou vreman idantifye poursantaz lapovrete dan Sesel.

Mersi.

MINISTER JEAN-PAUL ADAM

Mersi Mr Speaker e mersi Onorab.  Parey mon’n dir dan mon premye larepons, enn bann keksoz ki nou pe travay avek UNDP, se lo en propozisyon, pou nou fer en Multidimensional Poverty Index. Sa i en linisyativ enternasyonal.  I pa zis baze Sesel.  Me nou pe travay avek sa bann partener, pou nou fer en tel kalite letid Sesel, ki pou kapab pli byen montre vre konsern ki nou annan e kimannyer pli bon, pou nou adres bokou sa bann konsern.

Sa ki sa letid 2013 in kapab montre nou, se ki in annan serten konsern, an se ki konsern reveni.  Savedir larzan ki en fanmiy i bezwen, pou li kapab byen siport bann manm dan sa fanmiy.  Atraver bann mezir ki nou’n deza met an plas; logmantasyon Saler minimonm, logmantsyon dan Pansyon e nou Reform ki nou pe fer dan income tax, nou kapab dir avek bokou konfyans poudir sa bann kestyon larzan ,sa bann kestyon reveni, i ganny adrese konpletman.

E atraver bann letid siplemanter ki nou pe fer e ki nou pou fer ansanm avek nou bann partner, nou santi nou kapab pli byen defini en semen pou byennet nou popilasyon,ki permet tou nou dimoun viv dan dignite ki zot merite.

Mersi Mr Speaker e mersi Onorab.

MR SPEAKER

Bon, nou a pran Onorab Arnephy.

HON BERNARD ARNEPHY

Mersi Mr Speaker.Bonzour tou dimoun.

Mr Speaker, prenon an kont tou sa bann bon mezir ki Minis in koz lo la e an tenan kont ki nou dan en marse liberalize, eski Minis i kapab dir ek nou, kwa ki pe kontinyelman ganny fer, pou asire ki bann servis,bann komodite, pa reste nou bann sityasyon pri artifisyel e kot malgre tou sa bann bon mezir ki Gouvernman in met an plas, sa i kontinyen enpakte negativman lo lavi bann endividi avek bann fanmiy dan Sesel.

Mersi.

MINISTER JEAN-PAUL ADAM

Mersi  bokou Mr Speaker e mersi Onorab, pour sa kestyon.

Premyerman, Gouvernman i annan en lapros ki pou asire ki kou lavi i reste abordab o maksimonm ki posib, akoz pa tou keksoz kidan nou kontrol.Me nou seye bann keksoz ki dan nou control, pou met bann mezir an plas, pour annan en serten sipor pour bann fanmiy an se ki konsern pri lavi.

 Premye keksoz, se nou Gouvernman i pa aplik VAT lo bokou bann komodite debaz, ki laplipar foyer i servi.  Sa i enkli bann komodite parey diri, delwil kwi manze,zonnyon, eksetera – bann komodite ki dimoun i servi toulezour.  E sa i bann keksoz ki nou servi, pou sey absorb bann presyon pri lavi. Mon ti ava rapel ki lefet ki VAT, pa ganny aplike, tou marsan i kapab vann sa bann prodwir.  E ki STC, i osi fer sir ki koman en wholesaler ki met a dispozisyon tou marsan sa bann prodwi.  E ki sa bann prodwi, i ganny enporte san son VAT.

Mr Speaker, nou osi servi STC konman sa mekanizm, pou enport bann marsandiz lo bann pri abordab e pou met li a dispozisyon Seselwa, dan son bann diferan outlet.  Sa i enkli dan hypermarket, dan supermarket, me osi dan bann lezot rezyon, enkli Praslin ek La Digue.

Nou pe osi travay atraver Fair Trading Commission, pour asire ki i annan plis sansibilizasyon avek konsonmater, me osi ki letan i annan bann eleman ki ganny dekouver, kot i annan bann boutikye oubyen bann marsan – ki par egzanp in fer false invoicing, oubyen ki zot in met en pri, ki pa koresponn avek sa ki sa prodwir i devret ete, i annan bann mezir ki’n ganny pran.  E mon konnen ki Fair Trading Commission, in deza pran aksyon kont serten bann marsan,ki’n ganny trouve koupab dan sa sans.   Alors sa i parmi bann mekanizm ki nou pe servi.

Mon ti ava kontan dir ki osi nou pe adopte prosennman, en nouvo Consumer policy, ki pou osi ede pou nou adres serten sa bann kestyone pou fer li pli kler osi pour bann konsonmater lo zot Drwa.  E kimannyer zot kapab osi, letan zot vwar poudir i annan en marsandiz ki pe ganny vann a en pri ki pa rezonab, ki bann aksyon ki zot kapab pran.

E dernyerman, Mr Speaker, mon krwar i osi enportan pou note, travay ki Gouvernman pe fer, pou asire ki nou to lesanz i reste pli stab ki posib ; akoz depi ki nou’n fer nou reform, nou tou nou’n konsyan poudir nou dan en lekonomi liberalize e ki i annan aste ek revann, an se ki konsern nou deviz toulezour.  E sa i byensir, nou vwar i annan sanzman, dan valer nou Roupi. Nou ti vwar depi konmansman 2016, sa valer in reste stab.  E sa i akoz, nou’n pran bann Polisi Monneter ki baze lo stabilite ekonomik – lo stabilite makro ekonomik.

Nou’n fer en travay aprofondi ansanm ant Minister Finans avek Labank Santral, pou asire ki o maksimonm ki posib, dimoun I annan konfyans dan nou marse.   E sa i ganny reflekte atraver sa stabilite, an se ki konsern nou exchange rate, ki pe kontinyen.   E menm ki nou pe anmenn bann reformki parfwa dimoun i kapab  santi sa  bann reformi bann reform difisil – parey bann reform lo income tax, kot nou pe met bokou larzan dan pos Seselwa.  Nou pe fer li dan en fason ki responsab.  E dan en fason ki anliny osi avek PolisiMonneter ki Labank Santral pe met an plas, ki asire ki nou kapab mentenir sa stabilite ekonomik – sa stabilite makro ekonomik.   E alor asire osiotan ki posib, ki annan en stabilite dan pri ek marsandiz, pour bann konsonmater.

Mersi Mr Speaker.

MR SPEAKER

Onorab Vangadasamy.

HON SHERYL VANGADASAMY

Bonzour Mr Speaker.Mersi Mr Speaker.Bonzour Minis ek tou Manm koleg Onorab.

Minis prenon an kont ki mazorite sa bann letid, i annan en lenpak lo nou Polisi, eksi Minis i kapab dir sa Lasanble, ki son Minister pe fer ansanm ek bann lezot Minister, pou vwar kredibilite serten sa bann letid – sirtou letan i an konfli ek bann lezot letid ki’n ganny fer dan pei, parey nou Census ki ti fer 2010 ki demontre bann lezot lenformasyon:-e osi avek bann definisyon enternasyonal, ki defini Poverty koman en dimoun ki viv par anba $1 ouswa $2 par zour,ki ou Minister pe fer dan bann sityasyon koumsa, kot i annan bann conflicting letid, ki apre i annan en lenpak lo nou bann Polisi.

Mersi Mr Speaker.

MINISTER JEAN-PAUL ADAM

Mersi Mr Speaker e mersi Onorab.

Parey mon’n deza dir, lo sa bann diferan letid, i annan diferan metodolozi ki kapab ganny servi. Depandan lo metodolozi, ou kapab ariv lo diferan rezilta.E se poursa atraver lemon, ou pou vwardiferan analiz, diferan fason pou enterpretsa bann lenformasyon.  Lapros ki nou pran dan Gouvernman, se ki tou lenformasyon ki nou gannyen, i kapab ganny servi dan en fason ki pozitif.

Me i enportan ki nou pa zis servi tou letid, oubyen nenport ki letid zis pour bann rezon politik.Sa ki enportan se ki pou idantifye atraver nenport ki letid, ki vre problenm ki kapab ganny idantifye atraver sa letid.  E osi fer sir ki solisyon ki nou trouve, i adapte avek sa bann problenm ki’n kapab ganny idantifye.

E travay ki nou pe fer, se asire ki tou bann diferan letid ki nou fer, i ganny vwar dan en fason sistematik.  E ki nou sey – mon kapab dir, regard la realite sa bann sif vizavi sityasyon nou popilasyon. E pran bann mezir e servi osi, par egzanp bann  lezot statistik, pou nou annan en lapros ki sible.

Si nou pran legzanp reform ki nou pe fer aktyelman anse ki konsern Progressive income tax.Nou pa’n anvi zis degaze taye nonm en sif, poudir nou pou tir Tax lo en saler tel sonm.  Nou’n anvi fer en letid aprofondi.  Nou pan’n servi zis lenformasyon, kinou’n gannyen dan sa letid lo Lapovrete.  Byensir, nou’n servi sa bann lenformasyon.  Me nou’n osi servi lezot lenformasyon.   Nou’n servi lenformasyon sorti – par egzanp, lo bann payroll.  Nou’n servi lenformasyon ki nou gannyen sorti kot Seychelles Revenue Commission.  Nou’n osi servi bann lenformasyon – bann kontribisyon – par egzanp dan Seychelles Pension Fund.  E letan ou met tou sa bann lenformasyon ansanm, ou kapab ganny en regar en pti pe pli kler lo nou lekonomi.

Sa ki kler dan sa travay ki nou’n fer lo Progressive income tax, se ki i annan en kantite reveni endividyel, ki dimoun i annan, ki pa forseman ganny deklare.  E dan sa reform lo Progressive income tax, nou anvi fer li dan en fason ki, nou asire ki sa  dimoun ki vreman bezwen, i pli byen ganny sa sipor. Bann dimoun ki annan kapasite pou peye, i pey sa ki zot kapab peye.E se sa labaz sa reform Progressive income tax. 

E parey mon’n dir, nou pran tou bann diferan letid, ki’n kapab ganny fer, swa lokalman, swa enternasyonalman e nou sey servi sa lenformasyon dan en fason positif.  E finalman dan en fason ki benefisye pep Seselwa.

Mersi Mr Speaker.

MR SPEAKER

Onorab De Commarmond.

HON CHARLES DECOMMARMOND

Mersi Mr Speaker.

Mr Speaker, eski Minis i kapab enform nou Lasanble, lo  detay lapros – par egzanp bann form ki bann Zofisye in ranpli zot menm, akoz ti napa personn kot lakaz letan zot ti pase.  E bann dimoun ki’n zis refize donn lenformasyon.  So, detay lapros ki Biro Statistik ti servi dan sa survey pou ariv a sa konklizyon 40 poursan lapovrete :-e osi definisyon lapovrete ki zot ti servi konman baz :-e a ki pwen sa konsepselfinflicted poverty, in enfliyans sa rapor.

Mersi bokou.

MINISTER JEAN-PAUL ADAM

Mersi Mr Speaker e mersi Onorab.  Sa ki nou’n kapab vwar dan sa letid – definitivman sa letid i ouver avek lenterpretasyon parfwa endividyel, akoz i en kestyon ou pe demann kestyon endividyelman avek en dimoun.  E i annan dimoun in konpran kestyon, dan diferan fason. Malgre lefe ki byensir, sa Kestyoner i baze lo bann kestyon ki’n ganny analize, pou ganny serten lenformasyon kredib.

Me i enportan pou kanmenm osi pou rapel, ki in annan evolisyon dan sa metodolozi, akoz nou ti’n fer en letid en pti pe pli boner – mon kvwar an 2007, si mon pa tronpe, apre sa enn 2013 i ti en swivi lo sa letid. E pou annan ankor enn ki pou ganny fer dan bann lannen ki pe vini.  E nou sey toultan, asire ki sa bann Kestyonner o meyer posib, i donn lenformasyon ki osi kredib posib.

Nou pe osi esey o maksimonm, servi bann  lezot lenformasyon – bann lezot sours data, ki nou kapab fer bann – parey nou dir, bann cross-checking, pou nou asirepoudir lenformasyon i osi kredib ki posib.  E sa i pou en teknik, ki nou pou servi plis dan lavenir, pou evite zisteman sa bann problenm parfwa lo bann entervyou spesifik, kot petet lenformasyon, i pa osi presi ki nou ti ava swete.

E lenformasyon ki nou annan osi, parey mon’n dir – atraver bann lezot letid e bann lezot sours data, i montre ki nou ankor pe komans pou dekouver en pti pe sa bann metodolozi ki pou marse.  E alor formasyon, osi pour bann azan dan bann Biro Statistik pou osi tre enportan.  E sa i pou form parti, nou plan letan nou al pli devan avek sa bann letid.  An menm tan osi ki nou pe travay, avek bann Lazans enternasyonal, pou nou osi aprofondi sa bann letid – parey nou’n dir, pou al dan Multidimensional Poverty Index e pa zis en letid ki baze lo reveni ki ariv kot lakour.  E sa mon kvwar, i pou kouver pli byen osi sa bann kestyon, ki ou’n leve – par egzanp sa ki ou apel, Self-inflicted Poverty, bann problenm ki lie avek bann problenm sosyal.

En keksoz ki nou kapab deza tire dan sa letid lo Lapovrete se ki, bokou dimoun ki petet dan en sityasyon marzinalize, se bann dimoun ki annan bann problenm labi sibstans, bann problenm labi drog oubyen labi lalkol.  E sa i kler.  Sa i en fakter determinan dan lapovrete kot I egziste dan Sesel. Se souvan i mars ansanm, avek en lot problenm Sosyal, baze lo en labi sibstans oubyen similer.

Mersi Onorab e mersi Mr Speaker.

MR SPEAKER

Onorab Ghislain.

HON CHANTAL GHISLAIN

Mersi Mr Speaker.

Mr Speaker, anliny avek sa kestyon Lapovrete, eski Minis i kapab dir avek sa Lasanble, akoz ki bann prodwir pti baba, tel parey dile, ki napa Tax lo la, i pe kontinyelman ogmante:-e eski son Minister pe osi revwar ankor bann lezot prodwir ki zot kapab retir Tax lo la tel, ki pampers, yoghurt, e osi bann sanitary pads ek lezot prodwir ankor.

Mersi.

MINISTER JEAN-PAUL ADAM

Mersi Mr Speaker e mersi Onorab.

Annefe Gouvernman, pe kontinyen travay pou nou ogmant lalis prodwir kot VAT pa pou aplikab. E sa lalis ki Onorab in mansyonnen, i form parti bann ki nou pe regarde, pou nou sey adres en pti pe pli byen bann konsern popilasyon, an se ki konsern kou pour sa bann prodwir, ki petet dan lemonn modern e dan lemonn ki nou ete ozordi, nou bann sitwayen i kapab konsider zot konman bann prodwir debaz  e bann prodwir tre neseser.

An se ki konsern pri dile ki en legzanp ki’n ganny site, malerezman, parey bokou prodwir, i depan lo marse mondyal. Bokou sa bann prodwir malgre, ki petet son pri i desann parfwa, akoz pri transpor i desann –  si pri petrol I pli ba.  Me parfwa i annan serten demann ki ogmante.  Si nou pran dan legzanp – dile, in annan serten logmantasyon dan demann dan serten pei kle.  Esa in kre en logmantsyon dan pri enternasyonalman. E sa i annan en lenpak osi byensir, letan nou enport li isi Sesel.

Me ankor enn fwa atraver STC nou seye asire, ki nou annan meyer akse avek bann pri abordab otan ki posib.  Me parfwa si sa pri i ogmante,  nou napa kontrol lo la, akoz i en kestyon sa bann fliktyasyon – sa bann sanzman ki pe arive lo marse global.

Me mon ti ava osi rapel, ki tou bann marsan, i annan sa kapasite pou enport sa bann prodwir a en pri osi konpetitiv ki posib. E Gouvernman, nou sey asire otan ki posib, ki sa bann prodwir i disponib, a pri abordab pou tou sitwayen.

Mersi Mr Speaker.

MR SPEAKER

Onorab Maria Payet.

HON MARIA PAYET-MARIE

Mersi Mr Speaker.

Mr Speaker, nou konnen ki Gouvernman, avek son bann mekanisz ki annan an plas, pe fer tou pou byennet lepep Seselwa, pou ed zot pou anmenn plis reveni dan lakour, mon ti a kontan demann Minis – parey nou konnen akse avek Kredi osi i en konsern e nou pe ankouraz bokou Seselwa pou annan zot prop pti biznes e prodwir plis lokalman. Si Minis ikapab dir nou koumsa petet akoz ki bann Labank, pe kontinyelman pa ede, pou fer ki plis Seselwa i benefisye avek plis pti biznes, ki zot pou fer e ki pou anmenn plis reveni dan zot lakour?

Mersi.

MINISTER JEAN-PAUL ADAM

Mersi Mr Speaker e mersi Onorab.Parey nou konnenGouvernman, in fer li en priyorite pou li siport Devlopman bann pti ek bann mwayen antrepriz. E sa nou’n fer li sirtou atraver sa Schemes Small and Medium Enterprise SME, ki nou’n met a dispozisyon avek tou Seselwa.

Sa Scheme in vreman mon kapab dir, fer en lenpak pozitif, akoz nou’n vwar lakantite pti biznes pe kontinyen ogmante. Nou pe vwar nouvo biznes, pe ganny kree toulezour.  E nou pe vwar dimoun pe servi loportinite ki a zot dispozisyon.

Me i malere e mon agree avek Onorab, ki nou kapab konstate, ki bann Labank pa pe fer ase ozordi.  Annefe se bann Lenstitisyon Gouvernman ki anba bokou presyon.  Si nou pran an premye liny nou annan Labank Devlopman Sesel, ki pe kontinyen ogmant lakantite  loan ki pe met a dispozisyon.  Me demann i pli o ki son kapasite, akoz bann Labank Komersyal pa pe fer ase.  Ei menm parey pour Small business Financing Agency, ki osi ganny en kantite demann e ki pe kontinyen ogmant lakantite loan, ki pe met a dispozisyon bann pti biznes.

Me zisteman bann Labank Komersyal, pa pe servi sa SME Scheme otan ki zot ti devret.  Anmenmtan nou bezwen konstate, ki’n annan en kantite loan ki’n ganny disburse atraver sa SMEScheme, enkli dan bann Labank Komersyal.  Me sa ki nou’n konstate, se ki tro souvan, sa bann Labank Komersyal pe servi bann proze ki minimiz risk.  E ki zot kapab fer bokou plis pou zot vreman ed bann pti biznes, pour ariv lo en lot nivo.  Nou espere ki an 2016, avek bann reform ki nou pe fer ansanm avek Labank Santral, ki sa SME Scheme pou kapab kontinyen progrese.  Me osi ki bann Labank Komersyal, pou dan en pozisyon ki nou pou kapab menm obliz zot, pou zot met plis larzan e plis kredi a bann to abordab a dispozisyon bann pti biznes.

E sa i en travay ki nou pe fer aktyelman, atraver bann reform ki nou pe fer dan sistenm finansyel, avek sipor Labank African Devlopman e osi avek sipor lezot Lenstitisyon, tel ki Labank Mondyal.

E nou osi prosennman, pou annan bann lezot fasilite ki pou disponib tel ki –financial leasing ki pou osi fasilit serten lapse kot i konsern pti biznes e osi hire/ purchase, ki nou pe finaliz son bann regilasyon.

Mersi Mr Speaker e mersi Onorab.

MR SPEAKER

Onorab Valmont.

HON SYLVIANNE VALMONT

Mersi Mr Speaker.Bonzour.Bonzour Minis.

Anliny avek Kestyon orizinal e larepons Minis, eski Minis i kapab dir nou, si UNDP limenm in pare pou met resour neseser, pour ki en letid aprofondi i ganny fer e propoz bann solisyon dirab anliny avek size lapovrete dan Sesel.

Mersi Mr Speaker.

MINISTER JEAN-PAUL ADAM

Mersi Mr Speaker e mersi Onorab. Zisteman UNDP ansanm avek lezot partner, in agree pou finans saMultidimensional Poverty Study, ki en letid – parey mon’n dir enternasyonal. I pa zis Sesel. Me Sesel nou pou bezwen met serten resours nou menm, pou fer sir ki sa letid i ganny fer.  Me mon krwar i enportan a sa staz, pou nou rekonnet poudir sa kalite letid pou pli byen donn nou, sa lenformasyon ki nou bezwen pou nou kapab fer bann desizyon entelizan lo nou devlopman.  E nou pe al dan sadireksyon ansanm avek bann partner parey UNDP.

Mersi Mr Speaker.

MR SPEAKER

Onorab Houareau.

HON HERBERT HOUAREAU

Mersi Mr Speaker.

Mr Speaker, baze lolarepons Minis, mon ti a kontan demann Minis, kwa ki son Minister pe fer, pou lager kont bann fo deklarasyon ki serten marsan pe fer, sirotu lo manze par ogmant pri sorti aletranze zis pou fer profit transfer e sa pe afekte Seselwa ki anmenn mwens komodite kot lakour, avek sa pti Saler.

Mersi.

MINISTER JEAN-PAUL ADAM

Mersi Mr Speaker e mersi Onorab pour sa kestyon.  Annefe enn bann premye mezir ki nou’n komanse depi komansman sa lannen, se pou ranforsi kapasite Seychelles Revenue Commission e enkli servis Customs, pou asire ki zot dan en pli bon pozisyon, pou zot kapab fer bann verifikasyon a moman lenportasyon par bann marsan.  Ki sa bann prodwir son deklarasyon i ganny fer, an konformite avek Lalwa.  E ki napa fo deklarasyon zisteman,pou zot kapab esey annan en marz profi ki pa rezonab e ki afekte bann Konsonmater.

Komisyon Reveni, pe osi envestir prosennman dan en nouvo scanner, ki pou ganny met lo Por e ki i pou permet verifye dan en fason pli sistematik, bann prodwir ki pe arive dan pei.  E osi evite ki annan bann fo deklarasyon.  E permet nou osi pran aksyon pli sever kot i neseser, kont bann marsan ki pe sey fer bann tel pratik.

Mersi Mr Speaker.

MR SPEAKER

Bon, nou ava al lo kestyon 111, Onorab Emmanuel Fideria.

HON EMMANUEL FIDERIA

Mersi Mr Speaker.

        Mr Speaker, eski Minis i kapab enform sa Lasanble, si dan lavenir zot pe travay lo en mekanizm pou senplifye bann prosedir pour bann sitwayen ki pe apply bann pti loan ek SBFA e osi HFC?

        Mersi.

MINISTER JEAN-PAUL ADAM

Mersi Mr Speaker, e mersi Onorab.

        Mr Speaker, HFC in touzour sa Lorganizasyon ki pe kontinyelman rod fason pou amelyor bann prodwi ensi ki servis, ki i pe donn pep Seselwa an zeneral.  E i annan bokou ki sa Lakonpannyen in fer depi son legzistans, pou asiste dimoun pu konstrir oubyen aste, oubyen fer renovasyon lo zot lakaz.  Sa i posib akoz Gouvernman, i atas en lenportans tre enportan lo lozman bann sitwayen dan Sesel.  E HFC i en legzanp sa lenvestisman ki Gouvernman Seselwa, in fer pandan plizyer lannen.

        HFC pe finaliz son plan stratezik pour sa prosen 5an.  E sa plan stratezik pou permet li osi adres demann ki pe kontinyen ogmante.  E i pou osi amelyor lefikasite son servis ki ganny ofer avek kliyan.

        HFC aktyelman anliny avek sa plan stratezik, pe finaliz lenstalasyon en sistenm elektronik ki apel loan tracker, kot tou bann letap prosedir en laplikasyon en loan par en manm piblik, i kapab ganny swiv, de pre.  Sa i pou fer ki sa Manager pou pli byen kapab swiv bann laplikasyon loan ki pe ganny fer, dan bann diferan letab.  Sa sistenm pou kapab idantifye si i annan okenn problenm – si par egzanp en form in ganny ranpli, me apre pandan en serten letan i pa pe bouz dan sa vites ki i sipoze. E i pe kapab idantifye kote sa blokaz in kapab arive.  Sa sistenm pour osi kapab ganny aksede par bann Minister ek Departman konsernen, pou zot kapab vwar progre ki sa loan in ganny fer e osi permet adres sa bann problenm si i annan.

        I bon note, ki problenm retar dan serten ka, ki i annan dan bann laplikasyon avek HFC i  sirtou di avek bann gran logmantasyon ki’n annan dan lakantite loan, ki’n ganny demande avek HFC.  Mon ti ava profit sa lokasyon pour demann bann Labank Komersyal, osi fer en pe plis – e pou zwe en rol pli aktiv an se ki konsern Sekter Lakaz Sesel, akoz nou santi ki i annan en loportinite pou zot fer en kantite plis, dan sa le-gar.  Mon dir sa akoz zis HFC lo li menm, pa pou kapab satisfer demann Kredi pour lozman dan Sekter Lakaz dan Sesel.

        HFC son resours i limite e nou kapab fyer kanmenm, ki malgre sa resours limite, in kapab fer en kantite pou li debours bann loan, ki benefisye en kantite Seselwa.

        Gouvernman ti vwar li neseser tou resaman, pou elarzi lakantite kliyan ki ganny asiste avek HFC e i ti fer monte maksimonm saler ki en dimoun i bezwen gannyen, pou kalifye en loan avek HFC.

        Pour Housing Loan, sa ti sorti R25 mil pou vin R30 mil.  E pour HIL, sa ti sorti R8 mil pou vin R15 mil.  Sa in fer ki Sekter popilasyon ki HFC i asiste in vin pli gran.  E sa in azout osi byensir, presyon lo son resours.

        Me HFC i reste angaze, determinen pou fer sir, ki dimoun ki bezwen lasistans, i ganny sa lasistans – menm si parfwa nou kapab ganny serten retar, akoz volim demann e lakantite laplikasyon ki’n ganny fer.

        HFC in osi bouze pou al ver dimoun dan distrik.  E, par egzanp Zofisye HFC i al dan distrik, pou fer prosedir loan pour bann Pansyoner e menm  fer bann home visit  pour bann ki pa kapab sorti dan lakaz, pour en rezon ou en lot.  An di-zan tousala. i enportan osi pou realize ki HFC i en Lenstitisyon  Finansyel, ki son regilasyon i ganny swiv par Labank Santral.  Sa i fer ki tou son bann prosedir,  i bezwen an lakordans avek Lalwa Finansyel e Lenstitisyon Finansyel, oubyen Financial Institutions Act.  E ki son lentere Finansyel, i ganny proteze a tou  pri. Alors tou desizyon ki ganny pran, i bezwen bann ki pridan e ki pa met lentere lentere HFC e son valer ekonomik an danze.

        Mr Speaker, an sa ki konsern Small Business Financing Agency, sa Lazans ek Gouvernman, i reste angaze pou senplifye bann prosedir loan.  SBFA in revwar son form laplikasyon pou esey fer li pli senp.  E nou pe osi ganny lasistans teknik, pou revwar son database e osi donn formasyon avek son bann travayer pour asire ki zot kapab pli byen travay avek demann kliyan.

        SBFA pe osi envesti dan bann sistenm teknolozi ki pli avanse pou kapab pli byen gard rikord e osi asire ki zot process bann laplikasyon dan en letan pli rezonnab.

        Sa pour osi enkli en nouvo website.  Gouvernman i osi konsyan bann difikilte parfwa ki kliyan i gannyen pou ofer bann form sekirite.  Se pour sa ki nou pe sey otan ki posib, ofer bann opsyon avek bann dimoun ki anvi pran loan lo ki kalite sekirite zot kapab ofer.  Sa i enkli garanter.  Nou konnen ki parfwa garanter i kree serten difikilte.  Me i en opsyon kanmenm ki dimoun i  annan pour zot kapab ganny en loan, si zot napa sa larzan dan zot Kont Labank.

        I osi annan opsyon byensir pour dimoun met en asset koman Sekirite.  Sa i kapab en bout later oubyen i kapab en lot asset.  E nou pe kontinyen revwar avek SBFA ki bann mezir ki nou kapab pran pou nou senplifye sa bann metod Sekirite.  Me nou bezwen kanmenm konsyan ki dan tou laplikasyon loan ki nenport ki dimoun pou fer – nenport ki pei dan lemonn i bezwen annan en eleman sekirite pou kapab fer sir ki sa Lenstitisyon i reste en Lenstitisyon ki kredib.  Nou bezwen o maksimonm kree sa fleksibilite, me nou bezwen osi annan en serten sekirite akoz letan SBFA oubyen nenport ki Lenstitisyon Finansyel pou donn en loan, i vin parey i pe envestir li osi dan sa proze.

        Mersi Mr Speaker, e mersi tou bann Manm Onorab.

MR SPEAKER

Onorab Fideria.

HON EMMANUEL FIDERIA

Mersi Mr Speaker.Mersi Minis.

        E Minis mon oule ki Speaker nou met lo rikord ki SBFA avek HFC i fer en kantite pour lepep Sesewa.

        Mr Speaker eski Minis i kapab enform sa Lasanble si dan le fitir  SBFA pe konsider lezot form garanti, par egzanp Treasury Bills, larzan dan Fon Pansyon, Konpansasyon, Life Insurance olye kontinyen servi bann garantor tradisyonnel e garantor ozordi i en komodite ki pe vin pli rar – e Minis ler mon pe get statistik, lakantite larzan ki pe disburse – lakantite loan ki SBFA pe deal avek, eski dan lavenir, zot pe mazinen pou fer recruitment  plis  staff  e revwar en pti pe Scheme of Service bann staff  -eski Minis osi i kapab enform nou Lasanble, si HFCpe konsider en prosedir en pti pe pli senp pour bann laplikasyon – sirtou HIL – olye pas kot Minister Devlopman Kominoter, i sorti kot distrik, i vin direk kot HFC, apre i pran i ava al kot Minister konsernen.  Eski osi Minis ou kapab dir nou si HFC pe konsider….

        Mersi Mr Speaker.

MINISTER JEAN-PAUL ADAM

Mersi Mr Speaker, e mersi Onorab.  Lo size garanter, sa bann sizesyon ki Onorab in fer, i form parti bann keksoz ki nou pe regarde, enkli i annan posibilite par egzanp, fer en Bank guarantee.  I annan diferan kalite prosedir ki kapab ganny servi.  E sa i osi form parti travay ki nou pe fer, lo amelyor konesans finansyel dan nou popilasyon.  Alor, sansibilizasyon lo ki bann opsyon ki bann dimoun i annan, letan zot pe al pran en loan – ki bann keksoz ki zot kapab fer, ki permet zot vin pli ban-kab pou zot kapab ganny akse avek kredi.

        Sa i enkli pour bann pti biznes.  E pour bann pti biznes i en priyorite.  Mon konnen atraver Minister pou Lenvestisman ek Devlopman Lantreprenarya ek Pti Biznes, zot pe osi fer bann formasyon pour bann pti biznes, ki pou  permet zot pli byen ganny akse avek bann eleman sekirite, ki pli senp.  E ki zot pou konnen a lonterm zot kapab fer sa bann keksoz, pou zot kontinyen ganny akse avek kredi.

        An se ki konsern, sipor staff ensi byen ki pou SBFA ek pou HFC, sa i en priyorite, akoz lakantite portfey laplikasyon loan ki zot pe deal avek i kontinyen i kontinyen ogmante.  Dan ka SBFA, an 2015, zot in fer deboursman plis ki R71 milyon an term loan.  Nou ava rapel ki SBFA, i ganny en pe larzan  avek Gouvernman.  Sa i atraver Bidze, kot nou’n met R30 milyon.  E larestan larzan, se osi larzan ki anmase atraver bann dimoun ki pe repey zot loan.

        E alor lenportans osi, pou nou annan bann staff ki byen kalifye.  E mon krwar sa travay ki ganny fer par sa pti gin dimoun, ki travay dan sa Lazans, i merite ganny felisite.  Mon profit sa lokazyon pour mwan eksprim mon lapresyasyon avek zot.

        E menm parey pou HFC.  HFC i en Lorganizasyon ki in kontinyen ogmant lakantite larzan, ki i pe debourse.  E an 2016, son total loan ki in vin avek i R196 milyon an 2016.  E zis an 2016, sa ti enkli deboursman R137, preski R138 milyon.  Alor HFC osi i enn bann Lorganizasyon ki pe kontinyen fer rekritman e i pe kontinyen ranforsi son kapasite imen.

        An se ki konsern sizesyon ki’n ganny fer pou revwar en pti pe prosedir, pour si nou kapab fer li en pti pe pli direk sorti dan distrik, nou ava diskit sa avek Minister Devlopman Kominoter e avek bann lezot Lazans konsernen.  E nou ava pran an konsiderasyon ki bann opsyon ki nou annan, pou petet senplifye en pti pe plis sa prosedir.

        Mersi Mr Speaker.  Mersi Onorab.

MR SPEAKER

Onorab Dokter Payet.

HON DAVID PAYET

Mersi Mr Speaker.  Bonzour tou dimoun.

        Mr Speaker, eski Minis i kapab enform sa Lasanble, si son plan pou senplifye sa bann prosedir, i osi enkli lentrodiksyon bann performance indicators, ki pou kapab endike, si sa bann sanzman i vreman fer sa bann loan vin pli aksesib?

        Mersi Mr Speaker.

MINISTER JEAN-PAUL ADAM

Mersi Mr Speaker, e mersi Onorab.  Premye sistenm ki nou pe met an plas, par egzanp lo nivo HFC,  se sa loan tracker sistenm, ki pou permet konnen par egzanp, kantite letan sak loan in pran pou li debourse.  Alor sa i pou ede an parti, lo nivo sa bann eleman performans ki nou pe site, akoz ou pou kapab vwar lo sak loan, sak letap, konbyen letan in pran.  E i pou permet ou alor pli byen, adres performans sa Lorganizasyon.  Osi, mon konnen ki HFC i deza annan en progranm Performans, baze lo travay son staff e kot son staff i benefisye avek serten rekonesans e rekonpans finansyel, baze lo bon performans.  E mon krwar ki HFC son performans i kontinyen amelyore, sak lannen.  Sak lannen nou pe vwar ki plis larzan pe ganny debourse ; ki plis kliyan pe pas dan laport HFC.  E osi, ki i reste kanmenm en Lenstitisyon ki vreman nou kapab depann lo la e ki en Lenstitisyon Finansyel tre stab e tre for.

Pour SBFA osi, nou ava vwar bann metodolozi performans ki nou kapab met an plas, baze lo bann nouvo teknolozi ki zot pe met an plas, ki pou permet zot pli byen servi bann eleman performans, pou amelyor son servis ki i ofer avek son bann kliyan.

Mersi Mr Speaker, e mersi Onorab.

MR SPEAKER

Mon a pran enn dernyen ki pa’n demann okenn kestyon.

Onorab Bresson.

HON GALEN BRESSON

Mersi Mr Speaker.

        Mr Speaker, eski Minis i kapab eksplik ek sa Lasanble, ozordi fristrasyon deor ek piblik, i pa akoz bann Schemes pa bon – SME, SBFA. Sa bann Scheme i fantastik.  Tou dimoun i aplodi sa.  Ozordi pli gran fristrasyon ki annan ek nou bann dimoun deor, se ki zot pa ganny access.  Akoz ler ou apply, .eski Minis dan son Minister, zot pe koz ek bann Lenstitisyon pou fer li pli fasil – akoz ozordi Scheme i zoli, me zis dimoun i pa ganny access avek.

        Mersi Mr Speaker.

MINISTER JEAN-PAUL ADAM

Mersi Mr Speaker, e mersi Onorab.  Annefe, nou konsyan sa bann konsern ki ganny met devan, ki i annan difikilte pour dimoun vwar ki mannyer sa prosedir i marse.  Me mon krwar ki bann dimoun ki annan sa bann fristrasyon, i enportan se premyerman pour byen konpran sa prosedir.

Mon krwar nou bezwen fer en pe plis travay, pou nou eksplik dimoun, lo ki mannyer sa bann laplikasyon i sipoze ganny fer.  E zisteman osi, donn zot sa lokazyon – ki si par egzanp, i annan en keksoz ki manke dan zot laplikasyon, ki sa i ganny adrese vitman.

E sa i bann travay ki nou pe fer ansanm avek Minister Devlopman Kominoter, me osi avek HFC, pour zot kapab form zot bann travayer, pou pli byen kapab adres bann konsern ki bann endividi i annan, letan i annan en problenm -par egzanp avek zot Loan HFC, kot zot vwar zot in komanszot bann laplikasyon, me zot pa ankor vwar li komans bouze.  Sa i bann travay ki kontinyelman pe ganny fer.

E mon krwar letan dimoun i pli byen konpran sa prosedir, akoz ou bezwen – par egzanp annan permisyon sa dimoun ki sa later i lo son non.  Letan dimoun i pli byen konpran, akoz sa bann keksoz i neseser, sa bann prosedir petet i ava al pli fasilman e pli vit.  Me, mon krwar ki deza nou kapab vwar atraver bann zefor ki HFC pe fer, pou esey akseler-e bann processing bann case ki zot pe vwar, nou pe vwar en amelyorasyon.

E fodre nou pa oubliye osi, lot problenm ki vin avek, se lakantite demann ki i annan, in ogmante telman sirtou dan dernyen 1an edmi pour sa bann keksoz.  E alor sa volim ka ki’n vin devan, i vedir ki sa travay i pran en pti pe plis letan.

HFC pe rekrit ankor plis dimoun.  Me volim in ogmant lo en tel nivo ki in annan sa pti dekalaz mon kapab dir, an term letan.  Me nou pe fer sa travay neseser avek bann Lotorite Distrik e lezot ankor, pou sey akseler-e sa bann prosedir e osi fer li pli senp e pli transparan, pour bann dimoun ki pe fer sa bann laplikasyon.

        Mersi Mr Speaker.

MR SPEAKER

Onorab De Commarmond.

HON CHARLES DE COMMARMOND

Mersi Mr Speaker.

        Mr Speaker, avek bi senplifye prosedir malgre Lalwa egzistan, akoz Minister Finans pa irzan-man fer en sanzman Polisi, pou permet en aplikan pou en pti loan dan sa bann Lenstitisyon Finansyel, ganny en loan, malgre ki in garanti en lot dimoun, ki i pe byen repey son loan?

        Mersi.

MINISTER JEAN-PAUL ADAM

Mersi Mr Speaker, e mersi Onorab.  Annefe i egziste sa kapasite pour en dimoun ki’n garanti en loan, pou li osi pran en loan. Difikilte parfwa ki arive, se ki nenport ki loan i depan lo kapasite sa dimoun, pou kapab repey sa loan.  Parfwa difikilte ki arive, si en dimoun in garanti en gro loan – par egzanp mete en manman in garanti son zanfan, parfwa sa i fer ki si sa groser sa loan par rapor ek son saler, i kree serten difikilte.

Me nou konsyan sa pwen ki ou’n met devan e nou pou travay avek HFC, pou nou sey adres sa problenm.  Nou konsyan ki akoz dimoun in tant pou servi bokou sa metodolozi garanter,  i vedir ki i annan en kantite dimoun in garanti lezot dimoun.  E i enportan ki nou pa les sa vin en baryer, letan dimoun pe al pran zot bann loan.  Alor, nou ava sey travay avek HFC, pou revwar en pti pe sa prosedir, tout an gardan an kont, ki i en prensip Lalwa lo bann Lenstitisyon Finansyel, ki 40 poursan reveni en dimoun – son income, sa dimoun i bezwen annan omwen 40 poursan son income ki reste avek li, pour son bann bezwen.    Savedir ki ou pa kapab met plis ki 60 poursan, ou income anver bann loans ki ou annan.  E sa parfwa ki kree sa difikilte.

Me parey mon’n dir, nou konsyan sa problenm e nou ava travay avek HFC pou nou esey adres bann konsern kot i egziste, pou nou permet sa bann dimoun kapab envesti dan zot prop lakaz e dan zot lavenir.

        Mersi Mr Speaker.

 

MR SPEAKER

Bon, avek sa nou’n ariv a- lafen Question Time. Nou ava remersye Minis e ekskiz li parmi nou.

        E nou ava adjourn ziska 11er.

                (Break)

 

MR DEPUTY SPEAKER

Bon, mon a dir bonzour Manm Onorab e tou dimoun ki pe ekout nou.  E bonzour Minis avek ou delegasyon.

        Nou a pran lot item lo nou Order Paper e sa se Creative Industries and National Events Agency Bill, 2016.  E mon a ganny en Motion for Second Reading.

HON CHARLES DE COMMARMOND

Mr Deputy Speaker, mon oule move ki Creative Industries and National Events Agency Bill, 2016, i ganny lir en Dezyenm Fwa.

MR DEPUTY SPEAKER

Okenn Manm ki oule segonde?

 

HON JEOVANA CHARLES

Segonded Mr Deputy.

MR DEPUTY SPEAKER

Bon, avek sa mon ava envit Minister pou entrodwir son Bill.

 

MINISTER ALAIN ST ANGE

Mersi Mr Deputy Speaker.

        Mr Deputy Speaker, Manm Lasanble Nasyonal, bonzour.  CINEA, the Creative Industries and National Events Agency Bill, 2016, set en body ki nou pei in koz lo la pandan detrwa dernyen lannen.  Ler nou pe komanse avek nou prezantasyon, i enportan pou fer resorti, ki prensip ‘ekoute’ e prensip ‘konsilte’ ki nou’n swiv ki’n fer nou retarde ariv devan Lasanble Nasyonnal avek sa Bill pou kree CINEA.

        Ozordi nou konnen, ki koman en Minister, nou’n diskite, nou’n ekout bann pwennvi eksprimen dan rankont bann Artis – par egzanp meeting kot Lotel Coral Strand e swivan bann rankont ankkor avek bann ki form par sa Lendistri, nou remodeler nou propozizyon inisyal fer CINEA pli pti, ki ti’n ganny propose avan.  E ozordi nou pe prezan kreasyon en body pour Sesel e pour son Sekter lar kreatif, dan tou son form.

        Mr Deputy Speaker, sa prezantasyon devan nou, devan nou Lasanble,  i ariv a en bon moman.  Tourism Board in deza bouze, pou aret vann Sesel koman en destinasyon ki annan zis soley, lanmer ek disab.

        Ozordi, se nou kiltir ki nou pe met a lavan.  Nou pei i konsyan ki san kiltir, nou napa en Lendistri Tourizm.  Akoz wi, kiltir se nou lanmizik, nou danse, nou bann lapentir, nou handicraft, nou manze.  Me pli enportan, nou kiltir se nou dimoun – nou, sa pep kreol Seselwa.  Menm United Nations, ti tenir en konferans lo sa tenm – Tourizm atraver Kiltir e protez Kiltir atraver Tourizm.  Nou pei pe osi vwar lemansipasyon devlopman lar.  Zis detrwa semenn pase, en Fondasyon par en group dan Sekter Prive, dan sa Lendistri ti ganny lanse.  Sa Patrick Victor Cultural Foundation, i ariv ler Gouvernman li, pe propoz kreasyon CINEA – sa body ki la, pou fasilit Sekter Prive pArtisip dan konsolidasyon bann levennman, lo baz kiltirel ki nou pei pe organize.

Osi dan sa menm moman Mr Deputy Speaker, nou pei pe konmela konstrir en proper Stad Lanmizik pou egzakteman raise nivo lanmizik ek spektak dan Sesel.  E sa Stad Lanmizik, pou osi ed dan lemansipasyon kiltir Seselwa.

Sel defayans – sel defayans ki ankor overdue Mr Deputy Speaker,  dan sa domenn – dan sa Lendistri Kiltirel, se nou Arts Village.  E  sa nou pou bezwen travay ansanm, nou tou, pou kontinye pous sa bouret devan.

Mr Deputy Speaker, en  pe istorik, pou ed mye konpran sa proze CINEA.  An 2005, Gouvernman Sesel, ti ratifye Konvansyon UNESCO lo proteksyon e promosyon diversite lekspresyon kiltirel.  Sa Konvansyon i met lanfaz, lo lenportans ek lo valer bann prodwi e servis kiltirel, koman en veikil pour transmisyon kiltir e lidantite en pep, ek en Nasyon.  E osi, i en mwayen pou devlop bann pti biznes kiltirel – sa ki nou apel  small Creative Business Enterprises ki pou kontibye dan nou lekomomi Nasyonal, pou ed bann endividi kreatif parey bann Artis, bann designers, bann digital designers  e osi byen bann travayer artizannal, pou ed zot ganny zot lavi atraver bann prodwi e servis Artistik.

An 2011, Departman Kiltir ti soumet en laplikasyon anba progranm, Misyon Lasistans Teknik UNESCO,  Linyon Eropeen, pour 2 Konsiltan -1 pou devlop en Polisi Lendistri Kiltirel e en lot pou drafte en stratezi, pour devlopman lanmizik dan Sesel.  Mon tre fyer pou raport avek Lasanble Nasyonal, Mr Deputy Speaker, ki Sesel ti parmi enn dan 3 pei, ki ti ganny swazir pour sa lasistans parmi 350 lezot pei dan lemonn, ki ti’n fer menm laplikasyon.

An 2012, UNESCO ti anvoy 2 Eksper lo en Misyon Resers, pou anmas lenformasyon e analiz kondisyon artistik dan nou pei pou ed form sa Polisi.  Apre konsiltasyon, avek tou Artis dan tou disiplin artistik – bann Lasosyasyon Artistik, bann Zofisye Kiltirel dan Departman Kiltir, Zofisye e Konsey Nasyonal pour Lar, SENPA, bann Minister konsernen, bann partner ek stakeholders  e enkli Biro Komisyon UNESCO Sesel, sa 2 Eksper ti byen rekomann formasyon Lazans pour Lendistri Kiltirel e Levennman Nasyonal – an bref CINEA,  sa Creative Industries and National Events Agency ,koman Angle i dir – ki pou ed Lazans Nasyonal responsab pour devlopman tou laspe biznes pour Lendistri Kiltirel atraver prodwi, design devlopman, prodiksyon, promosyon, marketing ek distribisyon, pour tou prodwi e servis artistik lokalman, rezyonalman e osi lo nivo enternasyonal.

Mr Deputy Speaker, i enportan pour note, ki sa i enn bann proze pli konpreansif ki’n ganny antreprann par Departman Kiltir, dan Minister Tourizm e Kiltir, pour akseler devlopman bann pti biznes kreatif, pour tou Artis dan tou disiplin Artistik e son bann graphic Artist ek digital designers.   Ziska konmela, tou Artis ki santi zot enplike dan en fason ou en lot, in reakte dan en fason tre pozitif e zot in donn tou zot sipor e korperasyon, pou ed nou fer sa proze vin en vre sikse, pour Sesel.  Swivan kreasyon tou bann striktir neseser, Lofis Biro Attorney Zeneral, ti drafte the Creative Industries and National Events Agency Bill, 2016; ki’n pas atraver plizyer draft, pou asire ki diskisyon e konsiltasyon neseser, ti pe kontinyelman pran plas.  Sa rezon ki’n pran nou bokou letan pou anmenn sa Bill final, devan Lasanble.  Sa Bill, in osi Mr Deputy Speaker, ganny soumet pour laprouvasyon, par Konsey Minis.

Mr Deputy Speaker, lobzektif Polisi Lendistri Kiltirel, i premeyerman ganny defini dan UNESCO Convention on the protection and promotion of cultural diversity and expressions, 2005.  E i defini klerman rol Lendistri Kiltirel an relasyon avek nou kiltir, Tourism kiltirel e nou lekonomi Nasyonal.  Gouvernman i asire, i pe swiv sa Konvasyon, par bann devlopman aritistik e lekspresyon koman en keksoz valab e neseser, pou asir promosyon kiltirel e lidantite Seselwa, parey in ganny deklare dan Kovansyon.  Gouvernam i asire ki i ranforsi e enplimant sa ki nou apel bon Gouvernans Kiltirel, atraver son bann Lenstitisyon Kiltirel  e lezot Lazans anba Departman Kiltir, Minister Tourizm e Kiltir e an menm tan asir kolaborasyon avek lezot partner e stakeholders.

Lendistri Kiltirel, i vin en mwayen, pou promote nou lidantite kiltirel – nou bann valer kiltirel ki annan vre sans kilitirel, atraver nou bann aktivite kiltirel – nou bann levennman artistik e kiltirel, e byen osi atraver bann prodwi e servis Artistik.  Gouvernman i asire i donn sipor Lendistri kiltirel – Tourism kiltirel e osi progé Arts Village – sa vilaz Artistik.  E asire ki kiltir, i vin en zour i a vin katriyenm pilye nou lekonomi.  Pour nou kapab arive kree sa golden economy, oubyen lekonomi lor dan nou pei, parey in ganny rekonnet dan lezot pei lemonn.

Sa lekonomi lor li, Mr Deputy Speaker, i tous pep.   Sa dimoun ki pe debourye, avek sa don ki li i annan.  Sa Mizisyen, sa Artis sa artizan sa zenn, sa vyeyar, sa Seselwa ordiner e sa i enkli – pa sa Seselwa ki pandan tro lontan nou’n apel bann dimoun avek dezabilite, me bann ki kot Minister Tourizm e Kiltir, nou refer a zot koman bann bann ki zot diferans i fer zot lafors.

Mr Deputy Speaker, lobzektif CINEA, in ganny byen definir dan Bill ki devan Lasanble Nazyonnal ozordi.  Apre sa long parkour, ki Bill CINEA in fer, ozordi nou kontan pou vwar ki deza i annan Artis ki pe konpran byen lenportans, annan en tel antite, kot anba en sel parasol zot ava ganny tou sipor neseser, pou asir devlopman kreatif dan Sesel.  En tel regroupman ki rekonnet son kreasyon – parey mon’n dir pli boner, se Fondasyon Kiltirel Patrick Victor.

CINEA i la pou travay an etrwat kolaborasyon avek Departman Kiltir e Konsey Nasyonal pour Lar.  CINEA pou travay avek bann Artis, dan tou form lar e an partenarya avek NAC – sa National Arts Council.  Travay avek tou Lasosyasyon, ki reprezant bann Artis, CINEA pou konsantre lo laspe biznes dan Lendistri Kreatif e devlopman bann gro lenvennman dan Sesel.  Tandis ki Konsey Nasyonal pour Lar, pou kontinyen promouvwar lar atraver Lasosyasyon e atraver distrik osi avek bann partner.

Ozordi i kler pour nou, kot Minister Tourizm e Kiltir, nou panse ki NAC – nou National Arts Council, an travayan an kolaborasyon avek CINEA, pou arive pourswiv devlopman nou kiltir.  Me nou bann Artis, visual or performing, i prezan dan sa nouvo klima.  Zot osi zot enkli dan tou sa devlopman.

Mr Deputy Speaker, legzistans CINEA, pou anmenn en lot dimansyon fer biznes dan lar dan Sesel, apard sipor  devlopman Artis, i pou osi asire, ki Lendistri Kiltirel, i anmenn reveni ki mieux chiffrer pou ed Sesel apresye lenportans kiltir e sa kontribisyon ki kiltir i fer dan nou lekonomi – dan lekonomi Nasyonal, nou pei.

Pour mwan sey fer mye konpran lenportans kiltir dapre South African News.gov. za, Lendistri Kreatif, ti kontribye plis ki 90.5 bilyon Rand par an, an ver GDP sa pei.  E i ti kree plis ki 562,726 mil louvraz an 2013/2014.  Zis pran bann, kot nou fer levennman e obzerv sa  kantite pti  biznes kreatif ki benefisye atraver sa bann aktivite.  Kritik i souvan oubliy sa.  Kritik I bliye ki mannyer sa Seselwa – sa pti Seselwa ki pe debourye, e benefisye avek bann levennman.  Wi, sa levantay levennman ki pei pe organize depi detrwa dernyen lannen.  CINEA i pou sa antite ki annan en bon striktir an plas, ki pou asir bon fason pou manage sa Lendistri, kot nou pr anvizase ki a vin enn nou bann pilye lekonomi Seselwa – zis parey Sid Lafrik e bokou lezot pei in arive pe fer.

Mr Deputy Speaker, CINEA pou annan osi responsabilite pour ICCS – the International Conference Centre.  E son biro pou baze dan ICCS li menm, pou li pli aksesib ki posib a Sekter Kiltirel nou pei.

CINEA pou anmenn economy of scale, dan Lorganisayon bann levennman e anmenn en lapros inifye, dan levennman across the board.

Mr Deputy Speaker, lo sa not, mon demann Lasanble pou aprouve Bill CINEA – the Creative Industries and National Events Agency, 2016.

Mersi bokou, Mr Deputy Speaker.

MR DEPUTY SPEAKER

Bon, lo sa Bill deba i ouver e mon envit Onorab Bresson.

HON GALEN BRESSON

Mersi Mr Deputy Speaker.

        En aktivite kreativite, i fondasyon pour en kiltir, leritaz kiltirel e diversite kiltirel.  E i osi zwe en rol kle, dan lekonomi en pei.

        Mr Deputy Speaker, tou sa, se sa ki nou form en kiltir e bokou fwa ler nou koz lo kiltir, dimoun i mazinen en gitar, en tambour.  En kiltir i en Nasyon – en fason grandi, en fason fer dan biznes, dan lwazir e dan tou aki en sosyete.

        An lannen 2015 UNESCO e CISAC ti fer en letid dan lemonn lo kreativite e Lendistri Kiltirel.  Pour la premye fwa, lemonn ti kapab konnen, lo ki bann kreater e Lendistri ki zot form par ladan, i kontribye dan en term reveni e louvraz, rezilta.

Lendistri Kreativite lemonn, i enn ki a-port an term Dolar ameriken 2.25 bilyon ou 2.25 trilyon par an.  I anploy 30 milyon dimoun.  Lot i ki dan lemon digital ekonomi – ozordi tou keksoz i online, i a-port plis ki $200 milyon .  Pour en pei benefisye ek tou sa bann eleman, en pei i bezwen kapab siporte, ankouraz nouvo e asir lenfrastriktir fizik e Legal, i an plas.

        Ozordi Gouvernman dizour anba Parti Lepep, i realiz sa e in met an plas Lalwa ki protez kreativite.  In kapab met an plas menm dan sa senkyenm Lasanble nou’n diskite, bann MOU,  e devlopman Artis in ganny sinyen par NAC.  E sa i deza an plas.  Baze lo tou sa bann Lalwa diferan platform parey Festival Kreol, Carnaval Enternasyonnal, i deza an plas – ou dan en lot mo, anmenn sa kiltir lo en lot nivo e en lot lanpler.

        Ozordi, nou al pa tro lwen, isi menm lo Kontinan Lafrik.  Annou get Nigeria koman en pei.  Ozordi Lanmerik, bann Artis pe kontakte bann Nizeryen pou zot kapab fer lanmizik, film akoz zot in ganny dekouver ki bann Nigerian ozordi, pe fer menm bann pli gran benefis lo kote monneter, dan domenn Artistik.

        Pour la faz ki Sesel in ariv ladan, ler nou vwar CINEA pe vin a la pareille, i fer mwan osi siport dan gran kantite, bann keksoz ki Minis in koz lo la ce matin – enn parey Arts VillageCINEA i vin sa parasol ki mon krwar fodre nou ariv sa nivo pou anmenn keksoz pli devan – Arts Village i osi enn sa mekanizm ki merit dekoule de la, kot tou dimoun menm Seselwa – menm viziter, i kapab al dan en landrwa e vwar tou nou kreativite an plas, aste bann valer azoute nou kreativite e la i kapab deroul dan en sityasyon ekonomik fantastik.

        Dan menm lespri Minis, si avek CINEA, nou ti kapab vwar ki mon’n menm eksperyanse pa tro lontan avek en vizit Sid Lafrik kot Stasyon Radyo.  Ozordi isi, nou annan 2 Stasyon Radyo.  E sa 2 Stasyon Radyo i komersyal, so i normal pou li annan enternasyonal ek lokal.  Me si en pti Stasyon Radyo i kapab ganny enkorpore kelkonk parla avek CINEA e li son bi prensipal se pou promouvwar e pous lanmizik kreol.  E sa ti pou donn nou en exposure an traver nou zil e menm bann etranze ki pe vizit nou zil.

        Dan Sekter Tourizm, i ozordi i enn nou bann pli gran Sekter avek CINEA ki vin a la pareille Minis, Mr Deputy Speaker, nou bezwen asire ki sa Sekter Tourizm, i zwe en pli gran rol, pou benefisye sa Sekter kreativite kiltirel.  Akoz ?  Ozordi bann Sekter Tourizm, i vin servi 2 parey Minis in mansyonnen, bann aki prensipal nou labote fizik ki nou verdir e osi nou lans ek nou delo sale.  Me ki i rann an retour?  Bokou fwa avek tou bann keksoz fiskal ki zot fer, pa bokou ki ganny garde Sesel.  Me, konbyen sware kiltirel kreol, ki annan dan nou bann landrwa letablisman kiltirel par semen?  Nou kapab ale, fer en statistik ozordi e nou ti ava dekouver e i ti pou sok nou.  Konbyen bann laboutik ki dan bann landrwa, bann pti laboutik ki ganny trouve dan bann landrwa touristik, ki pe vann bann keksoz ki’n ganny kree Sesel, non pa aste Thailand ek Malaysie e pe vann.  Konbyen ki pe fer li?  Konbyen landrwa touristik ki ozordi, menm si zot en lasenn enternasyonal, kot an deor Sesel, zot pey bann drwa kreativite – Drwa Doter pou zwe lanmizik dan zot bann o parler, dan zot bar, dan zot restoran e la mon pe koz live music ek bann benn, me plito si zot met en CD, si zot pe met Radyo.  Konbyen zot ki pe peye sa ?

        E, Mr Deputy Speaker, statistik ki mon annan devan mwan i 5.  Statistik i 5 baze lo dernyen statistik bann landrwa touristik Sesel ki desot 75.  I bokou plis mon krwar.  I annan en mouvman dan Minister Tourizm mentnan, e Kiltir, pou komans bann grades lo bann Lotel.  Me la nou pou konn egzakteman, konbyen bann landrwa ki annan.

        Mr Deputy Speaker, inovasyon lo Board CINEACINEA i annan en Board.  I pa bezwen en Board ki stagnate inovasyon e devlopman.  I bezwen en Board ki allow innovation dan tou sord fason, dan kreasyon lokal.  I protez Lendistri, me parkont mon anvoy en signal byen for avek bann dimoun ki kree – bann ki form par sa Lendistri, fodre zot pa abize.  Fodre zot servi bann keksoz ki – bann Lalwa, zot servi li byen ; met zot azour.  Me zot pa abize e pa pran tou keksoz e krwar zot kontinyen ganny – donn mwan sa – donn mwan sa.  In ler pou nou grandi, akoz ozordi parey mon ti komanse pou dir, Lalwa i an plas.  Lenfrastriktir pour mwan CINEA i bann dernyen bout lenfrastriktir ki vin an plas. Maintenant koman en veikil CINEA, i a zer lokalman bann platform lokal.  I a osi zer lapse enternasyonnal ki a kapab debous en pti pe plis ki ozordi.  I en pti pe non-egzistan – kot nou vwar nou bann kreasyon pe al lo bann platform enternasyonal – dan bann fairs, pour zot kapab ganny exposure enternasyonal, ki koul dan 2 fason ;

(1) Reveni e re-konneksyon enternasyon.  Me osi touris i vwar ki nou annan pou ofer lokalman.  Ozordi nou pa pou kapab al dan en Tourism Fair e anmenn en CD pour bann dimoun dans avek.  Nou bezwen montre ki nou annan misisyen, lenstriman ki zot zwe.   E la nou ekspoz nou kiltir, nou lakwizin.  Nou pa kapab zis met li dan portre.  Nou bezwen al avek nou bann kwizinyen.  Nou bann bon cocktail ki nou vwar partou, nou bezwen al avek en dimoun ki fer cocktail e montre kwa ki nou pe vin eksperyanse.

Akoz Minis – Mr Deputy i kapab koriz mwan – Konpetitsyon lo kote laspe Sun, Sea and Greenery, i egziste partou.  I annan landrwa ki pli bonmarse ki nou pour arive, alor nou bezwen montre en diferans e en diferans serye.

        E mon krwar avek konsep CINEA sa ki mon’n lir, si tou i mars byen, mon krwar lo laspe nou Lendistri lo nivo enternasyonal e devlopman lokal i ava pli dan la pareille e  dan lizye dimoun.  E ti a osi ankouraz, akoz i annan bokou zenn ki ti a kontan fer bokou, me zot pa vwar laport egzakteman kote pou pase e pou ariv sa nivo.  E ki zistans zot kapab arive, ozordi pou fer ki (1) zot vwar li koman en gagne-pain.  Zot pa bezwen toulezour al dan en lofis asize.   Fer en lot keksoz.  Aswar al debourye pou sante or zwe lanmizik. Zot a kapab fer li profesyonnelman.  E nou Sesel, nou kapab servi li domenn lakiltir.  Kreasyon i a vin sa katriyenm pilye, ki Minis in koz lo la.

        Mersi Mr Deputy.

MR DEPUTY SPEAKER

Onorab Arnephy.

 

HON BERNARD ARNEPHY

Mersi Mr Deputy Speaker.  Bonzour Minis ek ou delegasyon.

        Mr Deputy, ozordi i ankor en moman pour nou Lasanble, akoz nou pe met en lot mark dan sa travay dir ki nou’n fer for the past 5 years, pour nou siport bann diferan Sekter devlopman lekonomi nou pei.  E ozordi atraver sa Bill, ki devan nou, sa Bill Creative Industries, nou pe met ankor en lot mark pou siport kominote Artistik dan nou pei.  En kominote ki annan kantite potansyel.  Annan kantite loportinite, me petet avek serten lankadreman serten striktir, zot pa’n toultan ganny sa posibilite pou zot devlop lo zot potansyel maksimonm.  E ozordi atraver pas sa Lezislasyon, Gouvernman i pou dan en pozisyon, pou li kapab a-port plis soutyen ankor pour sa Lendistri e fer ki parey Minis in fer dan son prezantasyon, Lendistri art kreatif dan nou pei, i vin sa katriyenm pilye nou lekonomi.

        Mr Deputy Speaker, i en fe ki ozordi nou’n vwar en logmantasyon masiv dan lakantite viziter, ki pe vin visit nou pei.  Me an menm tan nou pe osi konstate, ki nou annan serten defi pou nou sirmonte an term ofer swa, ofer plis varyete pour sa bann viziter kapab depans otan, ler zot vizit nou pei.

E ozordi atraver en tel Prozedlwa, ler i vin operasyonnel, atraver son Board ki a ganny apwente, nou asire ki bann ki pou annan sa responsabilte, zot a rod tou mwayen pou siport bann Artis –  siport tou bann lezot dimoun ki asosye direkteman ou endirekteman avek en tel Lendistri, pou zot kapab vwar koman zot kapab diversifye zot bann prodwi e anmenn zot bann prodwi a laporte – non selman, nou bann Seselwa, me pli enportan nou bann viziter, akoz se zot ki pou anmenn sa yield – se zot ki pou anmenn sa sipor finansyel neseser, pou nou kapab kontinyelman devlop nou Lendistri Kiltirel, nou Lendistri Artistik dan nou pei.

        An dizan sa Mr Deputy Speaker, mon mazinen poudir nou Lendistri Artistik, Gouvernman petet avek sa resours limite ki annan, nou’n tant pou konsantre tou nou bann keksoz, tou nou bann aktivite dan en konteks santralize.  E sa dan mon panse personnel, in fer ditor en kantite nou bann kominote kiltirel.

Les mwan eksplike Mr Deputy Speaker.  Plizyer fwa dan sa Lasanble – mwan menmmon’n koz lo la, in annan kestyon ki nou’n anmennen; koman eski Gouvernman par egzanp, i kapab siport plis bann distrik, pou zot kapab devlop sa laspe kiltirel o-nivo distrik.  I annan serten dimoun ki’n ganny fer mon admet, me nou panse ki nou annan bokou plis ki nou kapab fer.  E vi ki Minis parey in dir ki, CINEA avek NAC zot pou travay an etrwat kolaborasyon, mon mazinen posibleman NAC, son manda i ava prezan focus en pti pe plis lo ed bann distrik.  Par egzanp mon distrik Anse Boileau, i en distrik kiltirel, pour son kanmtole menm pour son moutya.  menm a serten lenstans dan mon distrik nou ti annan en group teat.  Me tousala nou’n vwar poudir over the years, in tant pou mor – pa akoz napa bonn volonte bann dimoun.  Me akoz i mank serten soutyen.  Ozordi si nou anvi anmenn kiltir devan, definitivman, nou bezwen serten finansman.  Ok ?

Lekspertiz.  Nou bezwen lenfrastriktir apropriye.  Ozordi mon anvi mont en pti spektak.  I annan ki pa pou kout ou bokou.  Me i annan serten spektak ki ou bezwen monte ki kout ou en kantite.  E ler ou pou al rent bann lekipman, i ser, en kantite.  So, mon mazinen avek sa nouvo body posibleman, i ava annan en lankadreman, kot en distrik, en rezyon ki anvi mont en spektak, pou montre avek bann Lotel, bann touris dan sa rezyon, nou bann dimoun menm lokal kwa ki nou annan pou ofer koman en rezyon.  Sa i ava ed nou pou nou kapab ganny asiste avek bann lekipman – bann keksoz dan en mwayen pli rezonnab pou nou kapab fer avanse nou bann kreativite o-nivo nou rezyon osi byen ki o-nivo Nasyonal.

        Mr Deputy Speaker, mon osi mazinen ki CINEA, I ava annan sa rol, ansanm avek NAC ankor, pou kapab kontinyelman siport Lekol.  Nou konnen dan curriculum Lekol ozordi i annan sa pti bout promouvwar nou kiltir.  Nou annan Moman Kreativite ki ganny fer tou le an.  Byento nou pou vwar gran spektak dan ICCS.  Me souvandfwa apre ki sa in arive, ki nou vwar avek sa bann talan ?  Nou perdi en kantite sa bann talan petet akoz napa swivi.  Napa serten sipor.  So, mon mazinen ki sa Creative Industry, i ava annan sa manda, pour li kapab pran sa bann zenn talan nurture zot e why not  – taler mon koleg in  koz lo Nigeria in devlop bann Profesyonnel dan Lendistri Kreativite – Artistik, why not nou osi koman en pti pei, nou kapab anmenn nou bann Artis lo nivo – non pa selman rezyonnal – en kantite nou bann Artis in ariv lo nivo rezyonnal, me anmenn zot lo en nivo, Kontinantal osi byen ki  en nivo enternasyonal.  E mon mazinen, pour sa kapab posib, tou sa i depan lo bann bon lankadreman, bann bon sipor pou nou kapab fer li arive.

        Mr Deputy Speaker, ozordi ou al vizit en kantite pei,  e dan ou vizit posibleman ou  ganny sans pouou  al vizit en Cultural Museum.  Isi, mon pa dir ou napa, me bann pti bits and pieces ki eparpiye en pti pe partou.  E la mon kontan ki Minis in pronons ankor komitman Gouvernman pou nou annan sa Arts Village.  E mon mazinen ki sa Arts Village enn son konponan enportan, se annan en Cultural Museum kot tou nou laspe kiltirel, depi lanmizik, arts, visual, tou sa nou ava annan en landrwa kot bann Artis i kapab ekspoz zot bann travay.  E kot sa i ava vin en form latraksyon pour bann viziter.  Demen ler ou annan en group – ou annan bann viziter ki vini, zot konnen poudir zot anvi aprofondir lo kiltir kreol Seselwa, this is where they go e la tou keksoz i la.

E petet, mon ti a kontan ki dan son Reply, Minis ti ava konfirm avek nou Lasanble, eski Gouvernman in ozordi la, determinen egzakteman, kote sa Arts Village pou baze, an vi ki lokasyon inisyal i annan serten issues avek.  So petet i ti ava les nou Lasanble konnen kote egzakteman, sa Arts Village pou baze e kan eski Gouvernman i annan lentansyon pou antre dan konstriksyon sa vilaz kot disi sa bann lannen ki devan nou, nou annan en Arts Village  ki up and running e kot i annan tou sa bann keksoz, pour ki ler bann viziter i vini parey mon’n dir pli boner, zot ava annan ase swa pou zot kapab depans plis larzan e fer ki nou bann dimoun ki dan sa Lendistri, zot benefisye otan ki posib.

        Mr Deputy Speaker, mon mazinen ki avek laprovasyon en tel Bill  e dek ki i komans son travay – ankor dan bann lannen ki devan nou tre byento nou a vwar sa diversifikasyon dan nou lekonomi e nou pou rekonnet poudir kiltir i pou vreman, vreman annan sa plas enportan, dan devlopman lekonomik nou pei.  Akoz mon mazinen bann dimoun ki pou lo sa Board, zot pou travay pou asire ki zot tous tou laspe nou kiltir.  E anmenn onboard tou bann dimoun ki annan sa lentere, ki annan sa komitman pou fer avanse kiltir Seselwa.

E an menm tan fer ki sa katriyenm pilye nou lekonomi i aboutir e ki i a-port otan soutyen, otan sipor pour endividi, pour lafanmir e pour tou bann dimoun ki annan pou fer avek kiltir Seselwa.

        So, all in al Mr Deputy Speaker, i en tre bon Prozedlwa.  Parey Onorab Bresson in dir, bann dimoun ki pou annan sa manda aprezan pou fer li marse, pou fer li bouze, i bezwen fer li avek en lespri ouver – en lespri inovativ pour ki nou kiltir i kontinyen reste vivan.  E serten laspe nou kiltir ki pour en pe letan in dormant ouswa  i tant pou preski disparet, nou reviv li e kot demen nou kapab dir, Sesel i vreman sa cultural hub dan Losean Endyen – dan larezyon, kot nou ava annan otan pour nou kapab ofer – non selman nou bann lokal, me osi bann dimoun ki vin vizit nou.

        So, avek sa detrwa mo Mr Deputy Speaker, mon a-port mon sipor total pour sa Prozedlwa.

        Mersi.

MR DEPUTY SPEAKER

Onorab Fideria.

 

HON EMMANUEL FIDERIA

Mersi Mr Deputy Speaker.

        Mr Deputy Speaker, sa Prozedlwa ki Minis Kiltir in prezant devan nou CINEA, mon vwar li i annan en lenportans capital – sirtou pour zenerasyon apre zenerasyon ki pou vini apre ou.

        Mon dir sa dan sa konzantir ki nou ladan akoz mon vwar poudir Gouvernman ouswa Leadership Sesel, in pran en desizyon kouraze.  Pou pran sa desizyon imans ki person pa kapab konteste.  En ekstre  Minis ki mon pou lir ler ou ti prezant sa Bill ki konsernan Creole Institute.  Mon ti dir sa ; Malgre ki tou sitwayen dan diferan pei, i annan fakilte pou aprann plizyer langaz, sa pa pou fer ou vin en Angle, sa pa pou fer ou vin en Franse, sa pa pou fer ou vin en Italyen, sa pa pou fer ou vin en Alman.  Me i ranforsi e fasilit posibilite reel pour ou kominike atraver lemonn.  Napa Lakademi ozordi, napa Lengwis ozordi KI pe kestyonnen – met dout ki labaz fondamantal vre lidantite en pep i prensipalman definir par son langaz.  Pour nou pep Seselwa nou langaz i kreol.  E sa i nou vre lidantite.

Ler mon ti pe prepar mon prezantasyon, Mr Deputy Speaker, mon ti demann mon lekor en kestyon – si demen bomaten mon debarke lo Erport Heathrow, nou de Minis St Ange, eski bann Angle pou dir sa i 2 Seselwa ki pe debarke ? Sa en kestyon ki mon ti poz mon lekor.   E sa i en ekstre dan mon prezantasyon ler nou Lasanble ti aprouv Creole Institute Bill, 2014.

        Mr Deputy Speaker, nou sengyenm Lasanble ti aprouv Copywrite Bill ki mon kontan Onorab Bresson, ti fer en zoli prezantasyon.  E apre sa mon rapel ki Onorab Bresson ek Minis St Ange, ti fer en pti tournen vizit ….. lo menm sityasyon.  Mon dir sa akoz, ek sa Bill, ek Creole Institute Bill, mon krwar nou pe met sa klou dan sa labaz ler nou pe koz Creative Industries dan nou pei.

        Bokou dimoun, bokou koze an deor nou Lasanble e mwan mon pou kontinyen repete ki’n dir sa Lasanble pa’n travay.  E mon oule i antre lo rikord ki nou senkyenm Lasanble in pas plis Bill – in met plis Mosyon – in anmenn plis Kestyon – in ratifye plizyer Konvasyon.  Ek ozordi sa Bill nou pe koz promouvwar bann santer, ouswa bann Artis Seselwa, ki pratik diferan lar.  Menm bann – dan sa Bill, i mete ki nou pou donn zot sipor atraver bann Fon – menm bann ki pou sant sanson ‘Pil lo li.  Mon krwar i trez enportan  e mon kontan Onorab Arnephy in fer resorti en pwen, ki pour mwan i fondamantal.  Nou’n koze lo la plizyer fwa, kot nou bezwen met resours o-nivo distrik.  E mwan mon ti demann Minis St Ange 1 kestyon ; eski pa in ler pou nou met en Zofisye Show Kilitirel travay o-nivo rezyon ?  Akoz san en labaz nou kiltir, tou sa travay ki nou’n fer, tou sa bann Bill ki nou’n koz lo la, i pa pou anmenn nou, okenn par.

        Ozordi, i annan 2 keksoz ki bezwen arive.  Ki bor nou dekouver bann talan ?  Bann talan nou dekouver li dan Lekol ouswa nou dekouver li o-nivo distrik ?  Gouvernman in envestir en kantite dan lenfrastriktir sa ki nou apel dan Sant Kominoter.  Nou pa la pou montre ledwa lo personn e nou pa la pou blanm personn.  Parfwa olye nou vwar serten aktivite kiltirel, petet nou vwar zis bann Dominasyon Relizye ki pe ganny servi  dan sa bann sant.  Lekel ki annan tor ouswa lekel ki annan rezon, mon krwar sa i pa en moman.  Me a mon avi osi o-nivo Lekol, i annan ki nou apel bann hall kot manrmay i kapab servi pou nou kapab vwar e devlop zot bann talan o-nivo Lekol.  Me mwan ozordi mon oule  fer en lapel.  Mon pe fer en lapel pou nou devlopman kiltirel – nou langaz, sa lar.

        Lot zour mon vwar Mr Colbert Nourrice ek 1, 2 bann madanm.  I annan ki’n pran retret – ti annan serten skill, ki li in pran en kwen pou devlop zot kapasite.  Devlop lar.  Pour mwan sa i enterese.  Minis nou’n koz lo Patrick Victor.  I tou sa bann keksoz enteresn ki pe arive dan nou sosyete.

        E en lot Minis mon krwar ki trez enportan, lo paz 41-42 Manifesto Prezidan Michel – ANSANM i pa koz ‘Pil Lo Li’ sa. I koz ANSANM.  E mon a lir en pti ekstre ki i mete.  Prezidan i dir;

‘Devlopman lar, sport avek kiltir, i form parti devlopman entegral nou sosyete’.

E pou al pli devan Minis en raport pibliye par Nasyon Ini, i met devan 10 rekomandasyon kle dan devlopman stratezik ki ankadre devlopman kiltirel e kreatif.

        Limero 1, i dir, Premyerman rekonnet ki lekonomi kreatif, i pa zis anmenn benefis ekonomik, me i kree e soutenir bann devlopman enportan, ki pa neserman zis bann anmenn revini finansyel.  I siport progre e devlopman imen e devlopman soutenab – devlopman ki enkli tou kous sosyete enkil bann ki pe vilnerab.  Sa i tre, trez enteresan.

        Ler SEYMAS i organiz bann aktivite Moutya, tou dimoun i oubliy son diferans politik.  Tou dimoun i oubliy kouler.  Sa pep ti zwenn ansanm. Ou vwar sa manifestasyon – ou vwar sa leksplozyon.  Sa, ki nou pe koze ozordi.  Sa, ki sa Bill pe anmenn nou lo sa nivo.  I pa en rapor Sesel sa. I Nasyon Ini.  Zot ki pe koz lo la .

        Dezyennman bout.  I dir, Met lanfaz ki kiltir i ganny determinen koman en lafors ; Katalis i en fasilitater a pou devlopman lekonomi, devlopman sosyal e osi devlopman lanvironnman.  I koz lo respe, ki nou annan koman en pep antre kanmarad.  Bonzour e bonswar, respe pour nou lanvironnman, proteksyon.  Tousala i form parti nou bann valer kiltirel.

Monsieur le ministre, mon oule fer en pti komanter lo 2 pti pwen ki annan dan sa Bill.

Dabor, Lartik 10 kot i koz lo Board ki bezwen etabli byen kler son bann stratezi pour bann plan.  Dan kad Agency  mon ti a kontan ki i annan bokou konsiltasyon, kot bann akter dan Creative Industries zot osi annan ownership kot zot ganny enkli dan bann desizyon.  Mon krwar sa, i en keksoz fondamantal.  I en keksoz tre, trez enportan.  Mon kontan sa, i ganny mete dan dan sa Bill, akoz bokou fwa, dimoun i dir ou koumsa, ki Artis i bann dimoun difisil pou deal avek.  Me tou travay i annan son defi.  Tou travay i annan son defi.  Peser osi nou kapab i difisil pou travay avek.  Mason osi nou kapab dir ki i difisil pou travay avek.  Me sa ki enportan dan sa Bill ki mon vwar, se sa devlopman – sa konsiltasyon ki pou egziste.

En lot keksoz Mr Deputy Speaker, ki mon krwar I tre, trez enportan.  Ler nou koz lasistans dan sa Fon, pour bann Artis, swa zot bann proze ; akoz souvandfwa ou vwar en Artis, pe marse ek en CD Onorab Sebatien si ou kapab  siport mwan – Onorab lot – Onorab lot.  Mon kontan i annan dan kot en dimoun i a ganny sa sipor finansyel, pou li kapab met son travay lo marse.  Konbyen fwa i pou ganny ede, sa i en lot zafer.  Sa i en lot zafer.

Apre i annan sa kestyon organiz bann gran event parey Festival Kreol, lot isi, laba.  E Festival Kreol par ler ou tann dimoun dir, ou a krwar i annan serten dimoun i annan monopoly.  .  I gete konbyen i annan ladan pou soz.  Konbyen i annan ladan pour dekorasyon – konbyen ladan pour isi, konbyen i annan ladan.  Ou konnen i annan bann dimoun ki veye – dimoun deor ki dir sa Minis, pa mwan.

Mon krwar sa ki i tre, trez enportan.  Pour dekorasyon i annan ki fer milyon.   I veye kan sa i arive.  Mon krwar i enportan ki nou annan latransparans dan zafer Festival Kreol, akoz en pe letan nou ti ganny dir.’ lotri in ganny vann.’  Apre nou pa vwar tiket lot, lot, lot sa.  Mon krwar i  enportan CINEA bann dimoun ki pe travay dan sa zafer i fer sir ki nou met lord.

En lot pwen ki mon oule fer sorti, mon pa pou tro long, ki Onorab Bresson in koz lo la ; lakantite larzan ki sirkile dan sa Lendistri.  I enkrwayab !  I enkrwayab – Bilyon ek trilyon !  Nou, nou pa bezwen bilyon ek trilyon, nou.  Nou bezwen milyon Dolar !  E we can do it !  E pa mon kontan ki ou’n dir ozordi – pou nou ariv la, nou bezwen konnen ki valer e kote nou met li dan nou lekonomi.

Si nou dir ozordi, Creative Industry pou vin katriyenm pilye nou lekonomi, nou bezwen la, komans travay pou fer li vin katriyenm pilye nou lekonomi.   E the posibility is there !  Sa pep i annan en kantite talan!  Annou aret soutir Filipino dan Lotel.  Annou aret soutir lot dan Lotel.  Annou get nou bann manrmay.  Annou get nou bann zenn.   Inove!  Ozordi nou pa kapab vwar gran group!  Me nou bezwen annan bann Lalwa, bann regilasyon ki proteze.

Nou pa’n zis koz lo, ‘Prezidan in dir’ – nou bezwen annan ownership nou Tourism Industry.  It’s good!

Pou annan ownership pa zis fer Lotel 12 lasanm!  Me i annan bann lezot keksoz ki spiral.  La aprezan nou kapab koze annan ownership.  Nou dan bon direksyon.  Nou pe fer en kantite travay.  Nou tou nou pe travay dir, be kot i annan bann senp pti keksoz ki nou bezwen amelyore, mon krwar i trez enportan ki nou met lanmen lo la, avan ler ki i tro tar.

E mon pa vwar en Gouvernman – en Parti Politik ki pou vin fer sa apard Parti Lepep – apard sa Gouvernman Lepep ki la, ozordi.

(Applause)

 

HON EMMANUEL FIDERIA

Pour terminen Mr Deputy Speaker, mon oule pas lo en lot pti bout sorti dan Rapor Nasyon Ini, kot i konsern Creative Industry ; envestir dan kreativite  inovasyon nou, devlopman e progrr lantrepriz soutenab atraver bann prosedir e letap, ki a donn valer prodwi e lartik dan lekonomi kreatif.

        Minis avek sa, mon termin mon soumisyon.

        Mersi bokou.

MR DEPUTY SPEAKER

Onorab Samson.

 

HON DEREK SAMSON

Mersi Mr Deputy Speaker.

        Mr Deputy, si Les Mamelles pa vwar Onorab Fideria, i annan en  problenm en ?  Mon ti a kontan pran kot Onorab Fideria in terminen Mr Deputy zis pou dir ki, mwan osi mon pa pe vwar en Gouvernman parey Gouvernman aktyel o pouvwar.  En Gouvernman kot i met son dimoun o sant devlopman, dan tou laspe sa personnaz.

        Mr Deputy, les mwan komans avek egzanp Minister Lasante.  Kot Minister Lasante in ganny segmented avek son bout ladministrasyon, i annan son bout Public Health Authority, apre i annan Health Service Agency.  E nou pe vwar en keksoz preski similer  pe arrive avek Departman Kiltir, ki Minis ozordi in vin reprezante avek sa Bill,  ki pe anmenn en pti pe plis lord – en pti pe plis latansyon, ki annan pou fer avek nou bann Artis, lar dan Sesel. 

        Mr Deputy, e petet serten nou bann dimoun pou demande, be akoz sitan latansyon pour entertainment, pou kiltir, pou fer dimoun anmize, pou fer touris anmize, akfer tousala ? Eski i pa en gaspiyaz larzan?  Petet nou ti kapab ganny sa bann larzan ki nou pe donn Artis- pran met dan proze lakaz, dan bann diferan proze ki nou konnen i tous leker Seselwa.

Me Mr Deputy, mon krwar nou pou pe fer en fot si zanmen nou pran en lapros parey, anver sa Bill oubyen anver en tel domenn ki annan pou fer avek nou bann dimoun.

        Mr Deputy, nou bann dimoun, nou  Seselwa i pa zis all about travay – all about lekonomi, all about politik, all about fer sir ki tou keksoz i ok dan lavi.   Me nou bann Seselwa, i osi annan laspe entertainment kot nou pa kapab zis toultan pe travay me nou bezwen annan en moman kot nou repoze.  Nou repoz dan trankilite e nou repoz dan en lanvironnman kot i amikal, i amizan.  E sa i en keksoz ki en pe letan mon ankor pe dir, isi dan sa Lasanble Mr Deputy,  Sesel i en landrwa ki ganny atire par son trankilite – par charm ki son bann zabitan i ofer, sirtou bann viziter i ofer touris, ler zot antre dan nou pei.  E si sa demen bomaten i sanze, ki dimoun ki deklare ki Sesel i annan problenm, i annan problenm konfli, lager antre dimoun, lager sivil antre dimoun, nou pou dan en problenm.  Touris pou aret vizit nou e pou napa en latraksyon pour nou pei.

        Mr Deputy, sa Bill ozordi, CINEA kot nou’n rezim li CINEA i ganny prezante parey in ganny dir pli boner a en moman tre enportan.  Me nou pa kapab koz lo CINEA, san ki nou koz lo travay ki NAC in fer tou resaman – ki National Arts Council in fer tou resaman.  E nou pa kapab osi negliz travay ki Minis St Ange ki devan nou ozordi, in fer, pour sa dernyen lannen ki in pran Portfolio Tourizm avek Kiltir dan nou pei.  E mwan mon ti a kontan met lo rikord Mr Deputy, ki i en travay formidab – en travay ki tou dimoun i bezwen rekonnet e apresye ki, i annan en keksoz nouvo ki pe arive dan nou pei.  Me i still annan en bon pe pou fer e mon krwar sa Bill i form parti enn sa bann keksoz ki pe arrive, dan bann inovasyon, ki nou pe anmennen.

        Mr Deputy, zis pou dir ki, manda mazer oubyen lobzektif mazer, NAC, se pou ankouraz devlopman lar an zeneral e promosyon oubyen marketing lar an zeneral dan nou pei.  E sa i atraver bann Polisi – atraver bann stratezi travay ki sa Konsey pe fer, pa li tousel, me anclose kolaborasyon avek bann Artis.

E pou nou regard CINEA ki li i pou konsantre byensir lo kreativite Lendistri Lar dan pei e byensir  spesifikman pour bann levennman.  Minis in dir ki in annan en seri konsiltasyon ki’n koul dan bann plizyer lannen – konsiltasyon byensir lokal avek nou bann Artis e byensir konsiltasyon ki’n ganny fer atraver bann Konsiltan, ki sorti aletranze, pour ki vreman ozordi nou kapab ganny nou, en Bill ki enkorpor tou keksoz – kot tou keksoz i run favorableman.

        Mr Deputy, CINEA pou bezwen, mon mazinen pran en pti gin responsabilite ki NAC ti pe fer ziska ozordi to date.   E mwan mon krwar, nou devret ankouraz serten keksoz ki devret kapab ganny anmennen anba responsabilite CINEA.  Enn parmi ki mon pou mansyonnen parmi larestan, se bann MOUski mon krwar CINEA i devret annan avek bann partner lokal e enternasyonal.

Lokalman Mr Deputy, nou’n konnen e nou’n vwar resaman ki i annan detrwa bann NGOs, ki annan pou fer avek lar vizyel – ki i annan pou fer avek lar performan, ki mon krwar CINEA i devret  kontinyelman ankouraz sa.  E sa bann NGOs parey mon bann koleg in mansyonnen, zot lorizin i sorti byensir dan bann Lekol.  La kot serten nou bann zenn manrmay i devlop zot performans atraver zot bann Ansennyan, ki zot osi zot annan serten talan, ki zot ofer zot bann etidyan ; e byensir parey Onorab Arnephy in mansyonnen pli boner, dan nou distrik kot pli tar sa bann zanfan i ale, i al epanouir zot performans.

        Mon krwar sa, i enn parmi bann landrwar kle ki CINEA i devret  komans zot travay.  Se la kot nou bann dimoun i été dan distrik, dan Lekol.

        E mon pou kontinyen Mr Deputy, pou koz lo bann MOUs ki CINEA i merit annan avek bann Lotel.  Mon krwar in plis ki ler ki, dan license ki bann Lotel i gannyen ler zot pe vin etabli zot Sesel, ki i ganny sipulate koman en norm fondamantal, ki sa bann Lotel i tonm dakor oubyen agree, pou adopte bann tel labitid ki mon pou al koz lo la, Mr Deputy.

        Premyerman, se nou’n toultan koz lo performans bann benn, oubyen bann Artis dan bann Lotel.  Mon krwar nou pe fatige dir, mon krwar fodre i al within license ki sa bann Lotel dezorme zot pou bezwen si pa 5 fwa dan en semen e detrwa fwa dan en semenn kapab akeyir serten group performan dan zot Lotel.

E pa fini Mr Deputy, si ou pe fer en letour par privilez dizon en Lotel 5 zetwal isi Sesel, sey regard anndan dan sa bann Lotel, dan lobby  – kot zot ofer breakfast, wherever – dan lasanm, regarde kantite portre Artistik ki nou bann pent Seselwa in kapab mete dan sa bann tel Lotel.  E i pou anmenn mwan lo en pwen ki mon ti pou koz lo la pli tar – bann Lotel pou dir ou, be pri sa bann lar, i tro ser.  Nou pe koz ou en tablo ki kout R5mil parfwa.

Mr Deputy, nou pa pou kapab mezir travay Artistik ki en Artis in kapab devlope pou met lo miray.  Travay en Artistik i konsern letan.  I konsern pasyon e i konsern lemosyon, ki sa dimoun in met dan sa travay e sa Mr Deputy, i priceless.  Demen bomaten nou pa pou kapab dir, be sa nou kapab – sa tablo R5mil nou kapab fer li vin R100.  Nou pa pou kapab fer sa Mr Deputy.

Mon pou al pli lwen Mr Deputy.  Minis in koz lo en Arts Village ki mon pa krwar ladan.  Pa sote Minis.  Akoz?  Avan menm ki ou pou dir kote sa Arts Village pou été, mwan mon pe koz en Arts Capital.

Mr Deputy, Minis plizyer fwa in dir dan son bann diskour Capitale Kreolofonn des Seychelles, c’est Victoria.  Mwan mon krwar Arts Village i tro pti.  E mwan mon krwar Arts Village is far fetched.  Mwan mon krwar dan en Arts Capital ki deza egziste.  Resaman la devan Library nou’n vwar bann arts kontanporen ki resaman en msye sorti Moris, in vin ed nou pou nou fer ki mon krwar I tre byen  – I redwir lespas pour dimoun vin fer ensinifyan devan Library.

Mr Deputy, mon krwar ki Victoria i deza annan bann eleman, bann spots kot nou kapab anmenn eleman lar.   E mon krwar MOU ki CINEA I devret kapab sinyen, se avek Mayor Lavil VictoriaDan lepase ankor nou’n dir ki Victoria i mor, ler in ariv Vandredi swar.  Pli move ler in ariv Sanmdi swar.

Mr Deputy in plis ki ler, ki CINEA ler nou ava vot lo la taler, i komans angaz li avek bann diferan Artis, pent performans, poudir be ou pran la – pran lot kote annou organiz nou Lavil.  Annou kree sa Arts Capital ki nou, nou pe vwar i kapab vin en Village.

Mr Deputy, i annan ankor  pou dir lo la, se dan bann performans enternasyonal ki nou gannyen tanzantan avek India-Seychelles Day, China– Seychelles Day, bann diferan performans ki enn ler bann Bollywood Star i vini dan nou pei, pou vin ofer bann entertainments.  Mon krwar sa i en loportinite pou nou aprann en kantite.

Malerezman bokou fwa ler sa bann dimoun i vini pou performen, zot vini zot donn nou zoli performans, me nou pa vwar ase engagement avek nou bann local Artist.  Zot devret kapab fer en latelye 1 zour, 2 zour poudir vwala ki nou kapab ofer Sesel.  E Sesel osi an retour, ofer pa zis lokalman, me overseas, larises nou kiltir, larises fondasyon nou lar dan pei.

E Mr Deputy, pou terminen, i toultan annan kestyon cost – cost of running of bann tel kalite Lazans oubyen Konsey dan nou pei.  Ozordi i annan serten bann gran biznesmenn ki nou kontan koz lo la dan Lasanble, mwan menm mon kontan koz lo la ki pey CSR avek Gouvernman.  E ler ou pou apros zot pou donn en pti gin larzan, en pti gin sponsor, pour bann entertaining activities sa bann dimoun i sot isi, i sot laba, i dir ou ki li i pou ganny ladan ?

Premye keksoz ki i gannyen ladan, se marketing.  Si aktitvite i byen ganny fer parey nou’n vwar pour serten Lakonpannyen, marketing sa Lorganizasyon oubyen sa Lakonpannyen – sa biznes i vin koumsa.  E taler, bomaten nou ti koz lo marketing of alcohol drinks dan spor ki mon krwar i mars pli byen dan bann aktivite entertainments.

Mr Deputy, mon krwar ki nou bann biznesmenn i devret vwar li ozordi koman en loportinite for – opportune loportinite pou vwar ki dan tou sa bann aktivite entertainment ki annan dan nou pei, i meyer landrwa pou kapab market zot zot biznes e pour zot kapab envestir dan zot biznes atraver sa bann tel aktitivite.

Mr Deputy pour mwan terminen, ankor enn fwa, mon krwar ki Sesel, parey Minis in dir nou ozordi, Sesel i kapab fasilman annan en katriyenm pilye lekonomi atraver nou kiltir  e Tourizm si nou Minis, si sa Minister, si CINEA, si NAC, i kontinyen lo sa laliny ki in pran konsilte dimoun akeyir bann lespri inovativ, anmenn en pe plis lanbyans lazwa, lape dan nou pei, mon krwar Sesel i annan bokou, bokou, bokou pli lwen pour li arive lo nivo lakonplisman.

Mersi bokou.

MR DEPUTY SPEAKER

Onorab Esther.

 

HON NATASHA ESTHER

Mersi Mr Deputy Speaker.

        Mr Deputy Speaker, en Nasyon ki kreatif i osi en Nasyon prodiktiv.  Kreasyon CINEA i tonm dan en moman apropriye dan listrwar devlopman nou pei.  Byen lontan ti annan sa langazman Gouvernman dan devlopman lar e kiltir dan nou pei.  Gouvernman in osi siport plizyer proze, progranm lar e kiltir atraver pei e pli spesifikman konstrir serten lenfrastiktir pou fasilit bann devlopman.

        Ozordi, lar e promosyon nou kiltir, in devlop lo en lot nivo.  Chapeau a enn nou zenn Seselwa en prodwi sa sistenm byen talante, ki pa’n ezite, me sezi loportinite  ki son pei in a-port li pou devlop son talan to the maximum.  Mr Raymond Clarisse in fer en gran reisit dan son karyer e letid dan konteks cinema.

        Mr Deputy, sa i demontre enn parmi plizyer Seselwa ozordi, ki annan talan.  E loportinite i osi la pou angaz zot e devlop zot  lentere dan field ki zot annan abilite.  Kalite prodwi lo nou market ozordi sorti kot nou bann Artis, i laprev e i demontre en levolisyon dan sa domenn.  E bokou nou bann zenn, pe devlop zot kreativite pou prodwi sa ki pli meyer.

        Lontan lanmod ti zis en zafer bann pti show organize dan Lekol oubyen o-nivo distrik.  Ozordi nou bann fiy Seselwa train atraver nou prop Pageant Miss Seychelles, pe compete alongside plizyer gran pei avanse dan bann konpetisyuon lanmod e labote aletranze, parey Miss World, Top Model of the World Competition.

        Ozordi nou kapab konstate ki Seselwa i nepli timid, me lead e ouver pou eksprim zot talan dan divers fason.  Plis lentere in devlope dan lanmizik, lar, ladans, craft, literatir e video.  Kreativite e kalite aktivite, pe amelyore de zour an zour e plis nouvo nide i ganny kree.

        Mr Deputy, sa i demontre ki nou annan en pei an bonn santé, ki an progresyon e ki lo en bon semen.

        Mr Deputy, Bill prezante devan nou Lasanble ozordi, i enn ki anmenn en gran soulazman etandonnen kreasyon en Lazans parey e responsabilite ki sa Lazans pou annan anver Lorganizasyon bann levennman.

        Mr Deputy, plizyer koleg ki’n koz avan mwan in refer resorti zot pwen lo kote Mahe, me permet mwan adres sa size dan kontrent Praslin.

        Pour plizyer lannen, mon’n form parti bann sou-Komite serten gran levennman ki ganny organize lo Praslin.  En latas nob, me ki’n pran bokou kouraz e pasyans pour sirmonte.  Ler ou pran en tel responsabilite amen e komit ou lekor ladan, ou osi donn anver sa preparasyon en nivo zefors mantal e fizik.  Souvandfwa apre sa bann aktivite, ou santi ou vreman drained fisikman e mantalman.  Ou rankontre difikilte depi komansman ziska lafen, me ek determinasyon ou arive dir, ou’n reisi fer en aktivite lo Praslin.

        Mon koleg Onorab Volcere, ki parfwa asiz lo menm Komite, pou toutafe dakor ek mwan e li osi in konn difikilte pou realiz bann levennman dan son totalite lo Praslin.  Minis St Ange li menm ek son delegasyon ki main or lorganizater Praslin Culinary and Arts Fiesta lo Praslin, PS Dennis Rose e Mr Antoine Moustache ki form parti National Day e lezot manm Pralinwa ki form parti bann sou-Komite, pou kapab temway ki kantite difikilte pou arive egzekit en plan levennman lo Praslin,  E sa i bokou, bokou pli dir e pli koute ki lo Mahe e parkour i ranpli avek plizyer lobstak.

        Mr Deputy, nou challenge i depi annan en proper venue.  Enn fermen parey en Stad Lanmizik – en Auditorium, Stage, lekipman, lanmizik, son, lalimyer.  Lalis  long.  Si nou pou koz lo transportasyon granmersi a Mr Joe Albert ek Mr Luc Grandcourt, ki detanzantan ed nou degaz lasasen.

Sponsors i en lot dilenm dan lorganizasyon en aktivite.  Nou annan plizyer sponsor ki ede, me pa toultan ki nou arive raise sifizaman funds parey ki nou ti a voudre, akoz sponsors i annan son prop kontrent e an vi Praslin i en pti zil, tou dimoun i tap preski menm laport.  Plizyer Lorganizasyon, i souvandfwa dekouraze letan zot ganny aprose pour en levennman lo Praslin.

        Mr Deputy, i pa vedir ki zot pa anvi.  Me senpleman sa kou atase, avek en tel deplasman, sa i fer ki parfwa zabitan Praslin i perdi lo sa kote e mank zot partisipasyon dan serten levennman.  Zot santi zot restrikte, pou pa desann lo Mahe, me letan i annan bann gran manifestasyon Nasyonal, ankor senpleman, akoz i annan sa kou, pour sa endividi, ou sa fanmiy ki ti a voudre vin pas en moman detant dan sa bann divertisman.

        Mr Deputy, ozordi anba National Events, Gouvernman i fund  selman 2 main aktivite lo Praslin.  Sa i levennman National Day e resaman Praslin Culinary and Arts Fiesta ki tonm anba STB.  Ses i 2 plis gran levennman akote Festival Kreol, kot i rasanble tou Pralinwaz ansanm dan en moman festivite e detant.  Dan Schedule sa Bill, nou kapab vwar bokou plizyer lezot aktivite ki organize lo Mahe.  E Pralinwa in toultan eksprim zot swe, pou vwar serten sa bann aktivite ariv, pii pre avek zot, menm si i pa lo sa menm lanpler.

        Mr Deputy, mon vwar Praslin koman sa zil potansyel, kot nou kapab devlop sa konsep, kot nou fer touris depanse, atraver bann tel aktivite e biznes.  Mon vwar Praslin devlop son bann sit kiltirel e gard leritaz son zil, kot i kapab prezant avek bann gran serser enternasyonal dan domenn kiltirel.  Mon vwar Praslin koman sa model kot bann Artis, i sezi loportinite ki kiltir i prezant devan zot, pou leve e debourye.  Me tou sa i demann en travay kolektif e plis resours pou fer li arive.

        Pour mwan CINEA i apropriye e ede adres sa bann defi lo Praslin, menm si pa tou alafwa.  Mon panse CINEA i ava osi sa drive  pou realiz plan sa Cultural Centre lo zil Eve.  E bann Artis Praslin, i ava vwar son benefis byento.

Minis i konn tre byen en sant parey, i en nesesite pour bann Artis Praslin, ki souvandfwa in voice out pou ganny en landrwa apropriye, pou egzekit zot bann prodwi e pou pli byen promouvwar devlopman kiltirel lo nou zil.

        La i fer mwan mazin sel Galeri Lar ki egzibit plizyer travay nou bann Artis lo Praslin – Madanm Rita Morel in pran sa linisyatif pou turn parti son lakour an en pti Galeri, me landrwa i en pe izole e deza ankonbre e zot in need pour en landrwa pli konvenab.

        Nou’n osi akey lanons CEO, SENPA yer swar dan Nouvel, ki in fer resorti ki zot in reisi ganny en morso later avek SCAA, pou konstriksyon 20 pti kiosk pour bann Artisan lo zil.  Sa i ankor bon nouvel e i montre ki nou Gouvernman in ekout lavwa nou bann artizan lo Praslin e sa devlopman i ava anliny avek rezondet CINEA.

        Mr Deputy, mon vwar bokou lavanaz annan en Lazans parey CINEA.  Lartik 2 (4) K dan sa Bill, i fer provizyon pour Lazans travay tre pros avek bann Departman ek lezot Lazans.  La SNYC ek distrik, i devret antre, set akoz zot ki idantifye bann talan e skill o- nivo distrik.  I deza egziste plizyer groupman atraver distrik konmela e CINEA i annan responsabilite, pou promot devlopman sa ban talan e skill.  E ed relev sa bann group.

        Mon vwar sa Lazans pe osi relev nivo bann sware kiltirel dan bann distrik, ki ti egziste lontan, kot ti annan bann animasyon vibran e konpetitif dan sak distrik.  Atraver CINEA, mon osi vwar loportinite biznes e lanplwa.  Petet ki’n deza fini ganny etabli lo Mahe, me ki Pralinwa i osi kapab sezi.

CINEA pou bezwen lekipman, son stage, son lalimyer, venue, resours imen pou realiz son bann progranm e aktivite.

        Mon apresye provizyon ki Parti D anba Seksyon 4 (F)  sa Bill pe fer.  Souvandfwa en Artis i komanse, me i fail akoz mankman ledikasyon.   E i vwar li restrikte lokalman e vreman pa konpran sa international trendCINEA pou annan sa rol pour edike e met zot dan en pli bon pozisyon pou konpran son lenpak.

        Mr Deputy, en Lazans parey CINEA, i devret regard bezwen Praslin separeman, menm si i en Lazans Nasyonal.  Mon dir sa akoz, mon panse ki pa tou sa ki pase Mahe ki aplikab pour Praslin.  I enportan ki i annan en bon konsiltasyon avek nou zabitan, avan okenn plan i ganny met ater, pour sa zil.  E mon pa pou manke pou dir, ki Minis St Ange atraver son lapros e son travay dir, in reisi fer sa e met Praslin dan vizibilte.

        Praslin in pas dan bokou defi e move sekous tou dernyenman, depi latak reken, pri avyon, vol, rape, me Lendistri Tourizm lo Praslin i bezwen kontinyen fonksyonnen.  Me si pa Minis St Ange ek son lekip ek sa Gouvernman Parti Lepep dir nou lekel ankor ?

        Mon kontan vwar ki son Board pour osi konpri en manm Finans ki mon propoze i get byen letan i konsern funding aktivite Praslin e pran an konsiderasyon bann depans ekstra e vre depans ki i annan letan i annan en aktivite.

        Mr Deputy, i pli enportan osi ki en reprezantan Inner Islands, i ganny mete lo son Board.  Praslin byen lontan I angaze dan lorganizasyon en aktivite, ki swa lo en nivo elve ou pli pti.  Mon konnen i annan dimoun avek sa lekspertiz ki san dout kapab form parti sa Board, pou advise bezwen sa bann zil e son zabitan.  E la mon rekomann avek Minis pou asire ki sa i arive.

        Mr Deputy, mon ti a kontan a sa pwen, si Minis i kapab eklersi nou, ki pou arive avek bann sou-Komite ki deza egziste dan distrik, parey pour lafet Praslin e National Day ?  E ki pou arive avek bann pti aktivite ki ganny organize lo nivo distrik, ki annan son prop Komite, parey Festival Kreol ?  La mon pe koz lo Praslin e La Digue, kot Festival Kreol i ganny organize diferaman.  Eski, an vi ki Festival Kreol i ganny konsidere koman en National Event, eski son Lorganizasyon lo nivo distrik pou ganny revwar par CINEA ?

        Mr Deputy, pour terminen mon oule dire, ki en keksoz ki pep Seselwa, ki fer Seselwa obliy tou son diferans letan Seselwa i ini, e kapab anmiz ansanm.  Se sa ki kree sa sans lapartenans e patriotik dan son pep.  CINEA i enn bann realizasyon progranm devlopman Gouvernman Parti Lepep, avek son pep antet.  Paz 42 parey in ganny fer sorti dan Manifesto Parti Lepep, i sit plan Gouvernman, an sa ki konsern nou bann Artis.  Nou bann Artis, in sirman azanda dan nou Gouvernman e zot pa’n ganny oubliye.  Plizyer Kestyon e Mosyon anliny avek sa siz, in osi ganny adrese isi dan sa Lasanble, avek bi vwar en solisyon pou ed nou bann Artis progrese.  Plizyer analiz in ganny fer e finalman en Bill dan son totalite ki pou a-port benefis, tou bann ki involve dan promouvwar e devlopman kiltirel dan nou pei.  En Bill ki mon pou donn tou mon sipor.

        Mersi.

 

MR DEPUTY SPEAKER

Bon, avek sa Lasanble, i a pran en break e nou ava rezwenn 2er apremidi.

        (LUNCH)

 

MR DEPUTY SPEAKER

Bon, bonn apre midi tou bann Manm e tou ki pe ekout nou.  Bonn apre midi Minis ek ou delegasyon.  Nou ava kontinyen deba lo Bill, 2016 e mon envit Onorab Souris.

HON MIRENA SOURIS

Mersi Mr Deputy. Bonn apre midi Mr Deputy.

Mr Deputy saBill lo Creative Industries and National Events Agency,i ariv devan nou Lasanble, a en moman tre apropriye kot bokou pei e Gouvernman atraver lemon, pe rekonnet lenportans kreativite koman en mwayen pou kree plis loportinite pou plis travay e osi en fason pou zener plis larises e angaz plis dimoun dan devlopman nou kiltir.

        Sesel koman en Nasyon nou ris an kiltir e plis ki zanmen, nou pep in sezi tou sa bann loportinite ki a zot dispozisyon, pou nou selman kree, me osi en mwayen pou fer larises par etabli bokou pti biznes.

        Sepandan, Lendistri Kreativite i pe met lanfaz lo devlopman kreativite en endividi parey son skill, talan avek potansyel, pou kree plis larises, loportinite travay.  An rezilta sa, pou anmenn devlopman dan Drwa Doter.  En lot mo, intellectual property.

        Tou i ganny transmet an valer ekonomik.  Ozordi Lendistri Kreativite pe vin deplizanpli en konponan enportan, ki anmenn sibstans dan nou lekonomi modern.  E i form par sa veikil pou dekouver nou idantite kiltirel.

        Ozordi dan Sesel, nou Gouvernman in konpran byen sa e pour sa rezon ki sa Prozedlwa lo Creative Industries, i devan nou Lasanble.

Mr Deputy, plis ki zanmen, legzistans en tel Agency i vin koman en nesesite, an vi ki Sesel pe promouvwar plizyer levennman Nasyonal tel pareySeychelles Carnival, FêteAfrik, Festival Kreol, Lafet La Digue, Lafet Praslin, zis pou nonm enn de.  Sa bann tel levennman, i osi ede pou promouvwar Lendistri Tourizm dan nou pei.

        Pandan tou sa bann letan ki sa bann tel lafet ti pe fer, ti en pti pe an dezord parfwa.  Me la avek sa Prozedlwa Creative Industries and National Events Agencydevan nou Lasanble, i pou fer ki sa bann aktivite pou ganny fer e organiz dan en fason byen kordinen.

        Sa pou osi asire, ki bann tel levennman swa aktivite, i ganny enplimant lo en o standar e pou kree e fasilit levennman agreab pour bann Artis.

        Mr Deputy, mon distrik Beau Vallon, i vreman akeyir sa Prozedlwa an vi ki sa dernyen 4an pandan Festival Kreol, nou’n ganny loner pou kordin e aktyelman organiz maryaz tradisyonnel, ki nou apel Tifin, ki’n atrakte bokou viziter e bokou Seselwa ki reste menm an deor nou distrik.

        Sa tel aktivite, i osi en mwayen pou promouvwar sa ki nou apel kiltir e tourizm.  Sa Prozedlwa pou fer egzakteman se pour ki Lorganizasyon pour Tifin, i a vin pli fasil pou akse avek finansman e lezot resours neseser.  Bokou fwa, swa bann tel aktivite i demann bokou ,pour ki nou ariv lo en nivo standar.  Alor merit sa Mosyon i kler e mon pou siporte.

        Mr Deputy, dan kad sa Prozedlwa, benefis saplizyer Artis dan domenn visual arts, lapoezi zis pou nonm enn de.  Sepandan mon mazin sagran Poet dan mon distrik ki pou benefisye avek sa tel Prozedlwa, se pa lot ki Raspyek e lezot mon bann Artis egzistan.

        Mon osi konstate, ki mon distrik i ris avek Artis, kot zot a kapab benefisye atraver sa Prozedlwa.

        Minis in koz lo lobzektif enportan saBill e in osi dir,ki in fer bokou konsiltasyon.  Dan sa menm konteks, mon pe rekomande ki sa Bill i ganny promouvwar otan posib, pou benefis tou akter konsernen.

En legzanp Mr Deputy, Lekol Lanmizik, i merit devlop pou vin en akademik Artistik tel parey, Lekol STB, ki’n vin en Lakademi Tourizm Enternasyonal; kot curriculum in vin enternasyonal.

Lakademi Artistik i merit enternasyonal, avek bi ki nou kiltir lokal i vivan dan en vilaz lemonn enternasyonal.  E sa Lakademi pou anmenn Creative Industries and National Events – CINEA. 

        De lot kote, sa Prozedlwa pou osi fer sir ki sa Lendistri Kreativite, i depar lo en laspe kot standar i ganny mentenir.  An dot mo, sa Lazans pou devlop e monitor bann standar, bann aktivite oubyen prodwi kreativ pou Artis ek artizan.

        Mr Deputy, mon osi kontan pou vwar, ki Lartik 16 dan sa Prozedlwa, ki dirki kont finansyel sa larzan, pou ganny oditer par Oditer Zeneral parey ki an akor avek Lartik 158 nou Konstitisyon.

        Mr Deputy, en lot eleman dan sa Prozedlwa, seki sa Lazans i bezwen pibliye en lavertisman dan en dele letan apropriye, avan ki aktivite Nasyonal i ganny fer,pour ki piblik i a kapab donn sizesyon lo natir en tel aktivite.

Mr Deputy, sa Prozedlwa i enn ki bon e dan en lot kote osi pou kree plis loportinite travay e larises pou nou bann Artis.  Avek sa de pti mo Mr Deputy, mon pou siport sa Prozedlwa.

Mersi.

MR DEPUTY SPEAKER

Onorab Pillay.

HON SEBASTIEN PILLAY

Mersi Mr Deputy Speaker.  Bonn apre midi, bonnapre midi tou dimoun.

Mr Deputy Speaker, devan nou Lasanble ozordi, nou annan en Bill ki konsern the Creative Industries and National Events Agency Bill, ki pe ganny prezante, akoz parey Minis in eksplike, in annan en nesesite pou etabli en Lazans ki pou esansyelman deal avek Lorganizasyon bann National Events e apre pou osi deal avek provizyon finansman pour bann dimoun ki engagedan Creative Industry.

        Mon krwar avan ki nou koz lo sa Prozedlwa limenm,nou bezwen etabli en pti pe konteks ozordi, how it is outthere, nasyonalman e ki mannyer keksoz pe ganny fer ozordi.  I enportan pou note ki ozordi bann levennman i ganny organize atraver Minister Kiltir.  EMinister Kiltir prezan i pran li 2 fonksyon.  I pran li en fonksyon pou li fer Polisi e osi fer li en fonksyon kot i bezwen enplimant serten sabann Polisi.  I pran li en fonksyon regilatwar.  Annefe, i pe fer plizyer fonksyon ki pa vreman permet li pou li kapab fer the thing ki li i devret pe fer e sa se annan oversight lo son bann Polisi ki i met anplas.  E mon krwar kreasyon sa Lazans, i vin towards sa lekspektasyon.

So, savedir par egzanp ozordi si i annan Lorganizasyon pour Carnaval de Victoria, se Minister Kiltir ki bezwen take the lead, negosye, kontakte e fer tou bann lezot prosedir.  E sa i koute lo manpower ki sa Minister i annan.  I koute lo resours ki sa Minister i annan e i koute lo letan, ki saMinister i annan.  Kreasyon saLazans ki li i sipoze esansyelman pran sa  met anba son parasol i vin dan sa loptik.

        Dezyenmman, ozordi par egzanp, annou regard the Creative Industries.  Annou koz lanmizik par egzanp.Ozordi a plizyer repriz, ou vwar bann zenn ki pe fer en CD par egzanp, oubyen pe angaz zot dan lanmizik.Zot vin devan e zot koz ek ou lo zot bezwen depanse pou fer labelling, zot bezwen depanse pou fer miksaz son, eksetera.  I annan bann lezot keksoz –studio e konbyen sa i koute, konbyen sa i anmennen.  I prodwi son CD, i met dan laboutik.  En dimoun i aste en kopi, i fer en kopi sa kopi.  En lot i pase, i met lo en pendrive.  Malgre ki li sa sante in depans tan kantite larzan pou li kapab fer sa prodwi.  At the end of the day tou dimoun i kapab vini ganny akse ek sa prodwi, san ki i benefisye direkteman avek sa.E se poursa rezon, ki mon krwar in komans en progranm Aste Orizinal Siport Artis Lokal.

        So, nou konpran loptik kote tou keksoz i ete right now e akoz rezon det sa Lalwa.  Me selman, nou bezwen osi met en perspektiv ki anba sa menm Minister, i annan National Arts Council ki li i annan en fonksyon, en rol pou li zwe.  I osi annan DepartmanKiltir ki li i annan en fonksyon pou li zwe, i annan en rol e la ou pou annan CINEA.

        Mwan ki mon ti a kontan Minis i klarifye ; seki mannyer zot pou avoid annan duplication of keksoz ki zot pe fer ?

Ki mannyer zot pou avoid annan bann overlap kot apre nou pou al end up dan en sityasyon kot, si en dimoun pe vini, i ganny dir al kot CINEA, CINEA i dir non, pa li ki fer, Departman Kiltir ki fer.  E Departman Kiltir i dir non, National Arts Council ki fer.

        Mon krwar i enportan from en pwennvi regilatwar, nou etabli klerman tou bann laliny fonksyonnel, ki sabann diferan Lazans pou annan, sa ek son bann diferan Lazans pou annan, pou esansyelman asire ki whoever i bezwen enterakte avek sa Lazans, i konnen egzakteman eki i pe enterakte e pour ki rezon i pe enterakte.  Sa i en pwen ki mon ti oule met lanfaz lo la.

        En dezyenm pwen ki mon oule met lanfaz lo la ; dan sa Lalwa i pe koz lo –provide en sours finansman.  Mon ti a kontan osi konnen ki mannyer nou pou etabli bann mekanizm, ki pou esansyelman deal avek sa sityasyon provide finansman ?  Ki mannyer en Artis pou vin devan pou li ganny finansman.  Eski sa pa pou en pti pe al en pti pe dan rol ki NAC pe zwe ?  Ki mannyer nou pou regulate sa zafer ?  Akoz tousala i pou enportan, akoz sa Lazans i pou akt koman en azan Gouvernman leri pe al kot bann bayer defon.  Kot bann sponsor.  Zisteman pou i reini fon, pou li ed sa bann santer, sa bann Artis ki pesey devlope.  So, i enportan pou nou konnen ki mannyer, ki loptik zot in frame sa ladan.

        En lot pwen vreman enportan an relasyon avek sa, i konsern bann National Events.Now, i fasil pou nou ganny depase lernou koz bann National Events, san ki nou koz kwa ki entail dan en National Event e konbyen lezot Lendistri i pArtisip dan Nationar Event apard ki bann Lendistri ki esansyelman bann aktivite ki esansyelman relye zis avek kiltir.

        Par egzanp, dizon ou pran Carnaval de Victoria.  Ou annan ou bann pti vander ki vin vann.  Zot vin vann swa zot bann prodwi ki zot in aste ,ouswa zot vin vann bann prodwi ki zot in fer.  Ou annan osi bann food stalls ki ganny mete.  Ou annan osi bann lezot aktivite, par egzanp bouncing castle ki ganny mete.Tousala i bann keksoz, bann valer azoute ki ganny donnen dan sabann levennman leri ganny fer.  E mwan ki mon ti a kontan konnen prezan, how as an agency, ki zot pou etabli en framework kler e pli enportan transparan pou asire ki whoever i oule pArtisipe, i pArtisip dan en fason transparan e ki annan accountability at the end of the day.

        E se poursa rezon ki as en propozisyon, mon pou demande ki, ler nou pe kree bann Lazans parey, dorénavantfrom now on, nou asire ki sa Lazans konsernen, vi ki sain ganny approvalCabinet.  SaMinister, Departmankonsernen, i prodwi en rapor.  Par egzanp lernou regard bann levennman ki sa Lazans pou deal avek.  I enkli Lafet La Digue, Miss Seychelles, Ocean FestivalPraslin Culinary and Arts Fiesta, Seychelles China Day, Seychelles India Day.  Kot i pou annan sponsors ki pou vini.  I pou annan tout en seri aktivite.

        Ki mwan mon pe demande, as en rekomandasyon, as en propozisyon ; ki lernou’n kree en Lazans koumsa, sa Ministerkonsernen apre sa lannen ki sa Lazans in fonksyonnen, i prodwi en rapor.  E i prodwi en rapor e sa rapor i ganny prezante avek Cabinet ki,in the first place ti aprouv sa Lalwa, pou vwar si esansyelman bann regilasyon e bann provizyon ki nou’n met dan Lalwa, in marse dan loptik ki nou ti oule zot marse.  Pour mwan, sa i en keksoz vreman, vreman enportan ki nou koz lo la.

En lot pwen fondamantal an relasyon avek sa Lalwa, se an relasyon avek son bann aktivite ki i pou fer, nou annan provizyon ki’n ganny mete dan sa Lalwa, pour sa Lazans kapab acquire, sell, dispose, rent, hire, exchange or mortgage movable property or immovable property.  Or have an interest therewith, for the purposes of fulfilling the objectives of the agency.

        Konnen, mwan mon toultan konsernen avek sa bann clause akoz sa bann clause esansyelman, i pe deal avek posibilite ki Government property, i ganny vested dan en Lazans Gouvernman and how ki sa Lazans Gouvernman i fer sa.  Emon pou egzize ki sa, i ganny fer an relasyon avek Public FinanceManagement Act parey in ganny definir anba Lalwa.  E anba sanksyon Minister Finans an tout sirkonstans, kot i annan bann negosyasyon ki ganny fer.

        Sa ankor pou mentenir en transparans ki nou bezwen annan.  Esansyelman Lalwa li menm li i en bon Lalwa.  I en Lalwa ki’n ganny byen ekrir.  E parey tou bann Prozedlwa ki mon vwar nou entrodwi isi Sesel, dan laplipar letan i annan bokou travay ki’n ganny fer, pou prodwi bann bon morso Lalwa.  Me selman sa ki mon bezwensoulinyen ankor enn fwa, se son dan lenplimantasyon sa bann Lalwa, ki nou bezwen met lanfaz lo la.  Nou pa kapab dirok, nou kree CINEA sa lannen.  One year down the line CINEA i mars byen, apre son lannen prosenn, nou komans ganny problenm ankor.

        Nou bezwen asire ki nou annan en bon plan, ki nou met ater. E pour sak sa bann aktivite nou annan bann diferan eleman ki nou etabli, ki sa i bann endikater, ki pou donn nou en nide, whether or not sa bann levennman in prove to be a success pour pei.  In prove to be a successdan lafason ki nou’n organiz li e popilasyon in vwar, ki i en sikse.Mon krwar sa i en keksoz ki tre, tre enportan pou nou met an perspektiv ozordi.

        Fodre nou pa bliye ki i annan pa mal konsern parfwa, parmi bann dimoun ki dan sa Sekter, kot zot dir poudir zis sa enn ki pe ganny sans pArtisip dan tou zafer.  Zis sa enn ki ganny sans fer tou keksoz.  So,mon krwar sa pwen ki mon’n fer lo transparans, i en pwen ki mon krwar Minis avek son lekip, i devret mazin tre for lo la e met anplas bann mezir.  Mon pa konnen si atraver regilasyon oubyen atraver bann terms of referenceki zot pou etabli, pou asire ki an tout ka, ler zot pe donn par egzanp en Kontra pour sabann aktivite, sa i ganny fer dan tout transparans.  E it becomes a matter of public information ; pour ki dimoun i konnen poudir  lala tel Lorganizasyon ki pe organiz tel aktivite, i responsab pou fer sa, sa, sa.

        Akoz at the end of the day, nou tou nou konnen ki pou arive, si nou pa pe kapab mentenir en serten standar an relasyon avek bann aktivite ki nou pe fer.

So, avek sa ki mon’n dir Mr Deputy Speaker, mon krwar ki i annan en pwen ki’n ganny fer lo sa size sa Arts Village which brings me back to the point of property vested in GovernmentOrganizationand Government entities.

        Pour mwan, i en keksoz vreman, vreman enportan, ki nou servi tou pti bout propriyete ki nou gannyen, pou fer bann keksoz ki pozitiv ladan pour popilasyon.  E monkrwar kiMinister, i bezwen kontinyen dan son zefor, pou li kapab anmenn sa to an end, pour ki nou kapab vwar sa vin en realite.  Me esansyelman, nou bezwen osi komans prepar nou, pou rod dimoun konpetan, pou manage sa bann keksoz ler nou fer li.  Akoz souvandfwa nou vwar li byen komanse, me apre towards the end, nou vwar li komans fatige, fatige e apre nou bezwen komans menm keksoz ankor.

        So, mon pa ti a voudre ankor dan 1an, 2an nou pe vini, pe bezwen fer bann lamannman sibstansyel lo sa Lalwa kan mon krwar sa Lalwa in set bann clear paramet ki nou kapab servi, pou fer sir ki sa Lazans i mars dan en fason korek, dan en fason drwat e asire ki dimoun i ganny en servis ki alaoter avek sa Lazans.

        Avek sa Mr Deputy Speaker, e avek sa bann propozisyon ki mon’n fer, sirtou sa pwen ki mon pou reitere sa pwen kot ler en Minister i anmenn kreasyon en Lazans, i bezwen kapab prodwi en rapor apre en lannen, pou dir nou ki mannyer sa Lazansin performen – son performans fiskal, me osi son performans administratif, me pli enportan son abilite pou li ki in annan ,pou li delivre lo bann lobzektif ki in mete,pour kiat the end of the day, nou ava pli kler lo la.

        Avek sa mon pou siport sa Prozedlw.  E mon ti a kontan nou enkorpor sa bann eleman regilatwar, sa bann eleman administratif ki mon’n mansyonnen.

Mersi Mr Deputy Speaker.

MR DEPUTY SPEAKER

Onorab De Commarmond.

HON CHARLES DE COMMAMRMOND

Mersi Mr DeputySpeaker.

Mr Deputy Speaker, petet avan mon al direkteman lo mon lentervansyon – mon’n ekout byen bann Onorab ki’n koze, sirtou Onorab Pillay.  Petet anba Seksyon 16(1) sa Prozedlwa, sa rapor ki Onorab pe fer mansyon avek, i enkli ladan e mon krwar i ase kler, ase detaye audited report and i donn ou son accountfinancial year.  Tou le an i bezwen annan sa rapor.  E osi petet i bon profite pou dir, ki la bann pwen kotLasanble, petet FPAC, i kapab dan lefitir met lanfaz pou gete.  E mon konnen petet akoz in mansyonnen Mr Deputy Speaker, akoz i annan avan serten lenstans kot serten Lazans pa’n prodwi ditou rapor.  Se la le problenm.  E ki mon dakor ek li ki i pe fer en lensistans ki bann rapor i ganny fer avek bann Lazans ki nou etabli.  E lo sa pwen mon’n note ki sa Prozedlwa osi i en Prozedlwa ki, i pou permet si oule dir – valoriz plis nou kiltir.  I pou donn li si oule dir, i donn nou kiltir en valer anplis e komersyaliz li davantaz, ki i pe deza fer la.

        Sa Prozedlwa i pou ede Mr Deputy Speaker, pou fer plis, pou devlop plis nou kiltir, sirtou sa ki nou apel cultural tourism la.  Tou dernyermandan nou pei nou a pe koz lo bann Sit Istorik e kiltirel.  Re donn valer, i annan bann distrik ki’n etabli bann Trust, bann Fon, parey Cascade Heritage Trust Fund ki al en pti pe pou re donn en valer son bann Sit Istorik, bann landrwa kiltirel, son bann kiltir, ensidswit.  E ki mannyer si oule dir, nou pou donn plis valer e komersyaliz sa bann sit ki nou annan dan bann distrik e dan nou pei an zeneral.

        Alors i kree en aktivite, sirtou en aktivite komersyal si oule dir, otour sa bann sit.  Ou donn sa bann sit kiltirel en lavi.  Akoz enn ler nou annan plen bann sit kiltirel, nou annan plizyer laspe nou kiltir, i la li, me i mor.  Me mon panse ki ek sa Prozedlwa CINEA ia vini, pou redonn en lavi sa bout nou kiltir, ki a permet ki touris, nou bann viziter e Seselwa. i ava kapab pArtisip plis ebenefisye lo sa bann valer nou kiltir.

        E la avek sa Prozedlwa parey nou pe dir, i les Ministère de la Culture avek NAC konsantre en pti pe lo Polisi e permet zot reflesir davantaz pou kapab anmenn nou kiltir lo en lot letap, lo en lot nivo.  E les alors sa laspe organiz bann levennman e lezot kreativite avek CINEA.  CINEA i ava organiz keksoz parey nou’n dir, pou touris e Seselwa epresye nou talan.pour ki nou kiltir, nou listwar ozordi.  Nou vwar touris pe vini, menm Seselwa.  Ou pe rod ou en bon pyes teat pour ou gete, pa vwar, pa tro, tro vwar.  Ou konpran.  Iannan plizyer keksoz.  Mon’n zis nonm teat la, akoz dimoun i konnen mon en bon akter.

        Me napa.  I annan bann keksoz ki dimoun ti ava apresye.  Apre nou rode, dimoun i al tonm dan bann negativite lavi.  Kiltir i enn ki donn – i fer nou pep osi annan en joie de vivre.  E touris oubyen viziter letan i vin Sesel, i osi enjoy letan i vwar bann performans ki pe arive lo nou kiltir.

        Ozordi nou Lavil Victoria, i mor.  Bokou dimoun pou dir ou sa.  Si petet CINEA la avek sa ki mon pe vwar, i pou form par son responsabilite, son misyon.  I a petet anmenn en pe lavi dan Victoria.  I devret anmennen.  I bezwen anmennen.  E pa zis dan Victoria, dan osi bann distrik, bann rezyon.  Mr Deputy Speaker.

Dan sa relasyon, dan sa loptik la, si oule, CINEA i a vin koman en fasilitater pour bann rezyon oubyen bann distrik.  Menm bann zil.  Serten zil i annan bann valer kiltirel e istorik, ki bezwen osi ganny promote.  Ou pran ou en zil parey Silhouette.  Ou annan Desroches.  Ou annan petet lezot zil, Farquhar.  E alor i annan. Lo bor La Digue la i annan zil kot lesklav ti sove.  Tou sa i bann keksoz ki nou bezwen re met an valer.  E dimoun letan i al laba, i pa zis ale i get en trou.  I aprann en keksoz.  I benefisye.  I konn en listwar.  I peye pou li antre tou, en – pou li al gete.  Konmsi sa sit kiltirel, i vin en keksoz parey mon dir, vivan.  Si ou kree en lavi dan li e ki i anmenn en benefis monneter osi, edikasyonnel e tou pou nou pep e pour pei.

        Ler mon dir osi, i vin koman en fasilitater.  CINEA mon pe vwar li mwan, i vin koman en fasilitater pour sa bann distrik.  Mon donn ou en legzanp Mr Deputy Speaker, dan sa loptik Mr Deputy Speaker.  Cascade par egzanp, avek sa ki mon’n dir nou’n kree, avek devlopman nou nouvo Sant Kominoter ki nou pe al fer la ek Ladministrasyon Distrik.  Nou tou nou konnen in brile Cascade, nou napa landrwa la.  Me nou pa zis kestyon napa landrwa.  Nou pe reflesir bokou.  Nou annan en vizyon – en vizyon ki bel, en vizyon ki fantastik, ki pou permet nou dan sa menm landrwa fer en beauty pour Cascade.  Kot nou ava annan nou, nou Sant Kominoter, nou Ladministrasyon Distrik.

        Parey bomaten Minis Meriton in dir, en Daycare Centre.  Me an menm tan, i ava annan en landrwa pour bann pti biznes.  Pti biznes pour bann Cascadyen.  Ou pa kapab fer en pti soz Cascade la, apre ou donn dimoun ki sorti lwen.  Ou konsantre avek dimoun ki la dan Cascade, pou benefisye ek sa.  E ladan dan sa Complex la, dan sa plan ki nou pou annan – nou pe al met devan bann dimoun byento, bann zabitan Cascade, pou zot pArtisip ladan.  Pou zot vin met zot imput ladan.  Pou zot vin dir nou, ki zot ti ava kontan vwar.  Bann zenn, ensidswit.  Sa ki nou, nou pe mete, nou fer en propozisyon, zot osi zot av anrisir li.

        E ladan, i pou annan en Annex Mr Deputy Speaker.  Sa ki fer mwan nonm sa, akoz zisteman nou, nou’n vwar poudir kiltir i enportan.  I annan en Annex pirman pou devlopman kiltir e istorik.  Nou pou annan en bout kot par egzanp, i ava vin koman en pti Mize, pour bann keksoz istorik pour Cascade.  Nou a met li la.

An menm tan, i ava si oule dir, en Art Gallery.  Bann Artis Cascade, nou annan en bon pe Artis Cascade – ler i fer son bann desen, son bann prodwi, i pa kapab vin desann Anvil toultan pou li vin vann.  I annan deka i fer sa koman en pastan.  Me i vini la, i annan en landrwa i depoze.  I annan dimoun la ki manage sa zafer.  I vann, en commission i ganny pran.  Pa nou annan Lalwa ki Nou’n pase lot zour ?  Pour ki i permet sa ki mon dir i arive.

MR DEPUTY SPEAKER

Relevancy.

HON CHARLES DE COMMARMOND

CINEA i a rod en fason li pou li annan sa relasyon.  Sa mon’n dir, i bezwen en fasilitater pou permet sa bann keksoz vin vivan dan bann distrik.  Ou konpran ?  Lontan, dan tou distrik ti annan en azan kiltirel.  Ti annan en dimoun ki ti reprezant kiltir o-nivo distrik.  La konmela nepli – la nepli.  Sa dimoun, mon demande ki CINEA i revwar petet lo nivo rezyon.  Me ki sa dimoun, i donn lanmen fer sa distrik vin vivan o-nivo kiltir.  Konmsi sirtou bann distrik ki annan potansyel – son ladans.  Taler in nonm Anse Boileau ek son ladans.  Konpran ?

So, nou bezwen al vwar dan tou sa bann distrik, pou met an valer.  Parey mon ti pe dir ou, sa bout kot nou, nou pe mazinen, nou ava annan par egzanp Cascade.  I annan son pti kiltir li osi, lo bor Erport, kot nou sitye.  Nou ti annan nou en pub ontan nou.  I en keksoz enteresan.  I ti prive.  I annan lezot keksoz.  E la petet letan nou pe re devlop sa, i kapab annan en sort of en landrwa ki permet annan sa kalite relasyon. I vin koman sort of a café.  En boug pe al lo Erport, avan i ale – Erport i ser son bann zafer anndan lo Erport.  Pou al rod en manze lo Erport i ser en kantite. Konpran ?  I vin la, i enjoy en keksoz pli bonmarse.  I aste en desen Cascade.  You see? 

So, i sa bann keksoz ki mon pe dir ki CINEA i devret vwar, koman i pou kapab donn en koudmen dan sa lansanm la e permet anmenn nou kiltir lo en lot nivo.

        Mr Deputy Speaker, mon’n antann e mon krwar i enportan.  Praslin – reprezantan Praslin in mansyonnen ki I devret osi lo saBoard.  Mon krwar i en pwen ki Minister i bezwen konsidere.  I bezwen konsider ki i annan en reprezantan Praslin/La Digue lo sa Board la, ki zot osi zot ganny gete.  Sansan tanzantan ou vwar zot ganny oubliye, akoz zot pe konsantre lo Mahe plis.  Me la i ti ava en pwen ki mon krwar nou merit met lanfaz lo la.

         E pou fini Mr Deputy Speaker, mon oule osi prezant serten amannman ki mon’n anvoy deza kot ou Lofis e ki’n ganny sirkile lo sa Prozedlwa.  Sa bann amannman, mon pa konnen si oule mon koz lo la, la, ouswa si nou koz lo li dan Committee Stage.  I pa gran zafer, me zis en pwen lo la ki kekfwa mon ti ava mansyonnen, ki mon krwar i devret annan en Deputy CEO.  Sa zafer Deputy CEO i en keksoz enportan, ki nou pe anmenn sa amannman dan sa Lalwa pou kree en post pour Deputy CEO. 

        Mon oule koz lo la, akoz bokou nou bann Lazans ki nou fer dan Gouvernman isi – dan nou pei, nou manke sa zafer Deputy CEO.  Mon krwar i devret vin en norm, dan tou bann lenstans la, kot ou ava annan CEO, pour ki i anpese osi, ki sa bann Lazans i vin bann pti lanpir.  Ler i vin zis en dimoun ki ansarz tou keksoz la, i difisil pou fer accountability.  Zour enn i annan en problenm, tou keksoz i falter. 

        Ler ou annan alor, en Deputy CEO, i kapab ede anmenn sa Lazans lo en lot nivo.  Si i annan en problenm e li i ava aprann.  I ava osi donn en dinamik sa entity la.  E mon krwar mwan, ki en Deputy CEO alor i ava en keksoz enportan dan sa amannman ki mon’n prezante e ki i devret ganny konsidere.  E mon kontan ki i pou ganny konsidere par Minis.

        En lot pwen petet enportan mansyonnen, ki dimoun i devret konnen.  Dan Schedule.  Mon ti ava kontan nou amann Schedule e gete ki nou devret enkli dan Schedule sa Bill.  Parmi bann national events, konmsi bann levennman ki nou dir sa i nou bann levennman Nasyonal, ki CINEA i bezwen pran full responsabilite – se Carnaval International de Victoria, Festival Kreol, FêteAfrik.  Fantastik.  Fête de La Francophonie, tre byen.  Lafet La Digue, lala – semenn prosen la, Lafet La Digue.  Miss Seychelles, Ocean Festival, Praslin Culinary and Arts Fiesta.  Seychelles China Day, Seychelles India Day.  Sa bann levennman konmsi nou’n pran sarz sa e CINEA li i ava gete pli tar ava amande, ava annan en lot roulman ki ava vini.  Me pour lemoman. sa bann aktivite – ou pa kapab annan ou en Lorganizasyon li al fer Miss Seychelles, en lot li ou tande i al fer isi.  Lot i al fer FêteAfrik, lot i al fer Carnaval International de Victoria.  En lot li menm li i al fer Festival Kreol.  Tro bokou sa bann zafer. I  byen ki i annan en entity, ki li i a pran tou responsabilite sa bann keksoz.  E la nou lafors, nou konsantrasyon, i ava al dan en sel direksyon.

E parey mon’n dir avek en Deputy CEO – ou vwar sa bann lafet ki nou pe dir.  Sa bann lafet i reprezant osi nou kiltir, kot nou bann Kontinan kot nou sorti – nou lorizin ensidswit.  E i byen ki sa i ganny met an valer dan sa fason.  CINEA i a vwar li, ki mannyer i pou enhance tou sa bann keksoz.

        Avek sa Mr Deputy Speaker, mon krwar ki mon’n tous tou bann pwen esansyel ki nou devret kouver anba la.  Eksepte le pwen ki Minister Finans – akoz vwar, tou sa bann keksoz ki nou’n nonmen i zoli li.  I byen lo papye.  I byen dan Lalwa.  Me si Minis oubyen si sa entity la – si sa CINEA, sa CEO i pa ganny nanryen pou li fer marse.  Fouti.  Tou sa bann keksoz pa pou marse, pou tonbe.  Pou napa nanryen, apre nou pou komans kritike.

So, i enportan Minister Finans i konpran lesansyel konteni sa Bill.  Sa Prozedlwa la.  Ler in vin Lalwa, i konpran e i osi donn koudmen met an valer atraver proper finansman.  I pa kapab dir, wi nou oule fer, selman ou pa donn nanryen pou fer avek.  Ki mannyer pou fer sa zafer la ?

Alor i bezwen fer sir ki sa Bidze esansyel, Bidze enportan, i ganny donnen pou permet realizasyon sa bann keksoz ki nou dir nou pe koz for la –  nou kiltir, valer nou kiltir, pou devlop nou kiltir e tou.  Me si ou napa en pe finans, fouti kiltir, fouti tou zafer.

So, nou anvi atraver sa ki nou pe koze la, ki Minister Finans pe pran konsyans, poudir en bon finansman, i enportan pou met an valer zisteman sa bann keksoz ki nou pe dir la.

Vwala, avek sa Mr Deputy Speaker, mon a demann tou dimoun pou siport sa Prozedlwa.

Mersi.

MR DEPUTY SPEAKER

Bon, mon oule fer Lasanble konnen ki nou’n resevwar sa bann amannman dan dele letan, ki i demande.  Me avan mon bouz pli devan avek, mon a demann Minis si i ok avek sa bann amannman ?

MINISTER ALAIN ST ANGE

Mersi Mr Deputy Speaker.  Wi Mr Deputy Speaker, nou aksepte bann amannman propoze par Leader of Government Business e nou panse ki i en bon adisyon lo sa ki nou’n propoze nou menm.

Mersi Mr Deputy Speaker.

MR DEPUTY SPEAKER

Bon, ok.  Dan sa ka nou aprann en vot lo sa bann amannman.  Tou manm ki an faver amannman lev lanmen.  Inanim.  Savedir nou aprouv sa lamannman ki’n ganny table.  E aprezan mon a demann Minis pou fer son bann komanter baze lo bann lentervansyon bann Manm.

MINISTER ALAIN ST.ANGE

Mersi bokou Mr Deputy Speaker.  Mon oule komanse lo non Minister Tourizm e Kiltir e sirtou la ozordi Departman Kiltir, pou remersye tou bann Onorab, pou zot sipor.  Remersye tou bann ki’n koz lo sa Bill ki devan nou.

        Mon ti a kontan repran detrwa pwen ki’n ganny souleve. Me menm avan ki mon komanse, dir ki ozordi ti’n osi zour ki nou ti’n progranm en vizit kot sa nouvo Stad Lanmizik dan Victoria.  E i tonm an plen dan si ki nou’n koze ler mon’n ekout bann Manm, zot refleksyon e zot bann pwen souleve ozordi.  E bann Artis ki ti la avek nou pe regard sa staz ki sa Stad Lanmizik in arive e zot komanter ti tre kler- i pli zoli e pli gro dan Losean Endyen.

        Napa en lot stage dan sa Losean Endyen open air parey sa enn ki ozordi i dan Victoria.  E i pour en labote pour nou pei e i pou vreman mark nou pei koman en pti Kapital, ki annan respe pour kiltir e son bann Artis.

        Dezyenmman Mr Deputy Speaker, mon ti a kontan pran detrwa pwen souleve par bann Manm ki’n koze.  Ozordi Onorab Bresson ler in koz taler, i ti dir – en aktivite kiltir i baz nou kiltir.  Se pour la rezon ki nou annan CINEA devan nou ozordi.  Akoz nou aksepte koman Gouvernman, ki si nou napa aktivite kiltirel, nou pou napa premyerman kiltir.  Nou pa pou kapab epanouir nou kiltir.

Me dezyenmman, e en pwen tre, tre enportan ki bann kritik tanzantan i obliye, ler ou annan sa aktivite – plen lezot manm in koz lo la – i ouver laport pour seselwa fer biznes dan Victoria.  E sa ou pa kapab met ozordi en valer lo la, akoz tou sa pti Seselwa – wi, nou tant obliy zot tro souvan, ler nou kritik sa bann levennman.  Nou obliye poudir se sa Seselwa ordiner, ki sorti, ki desann e ki debrouye dan Victoria e kree en keksoz pour pei, pour son fanmir, pour son kominote.  E sa i enportan ki nou pei i komans apresye.  Apresye ki en levennman i fer pou nou bann dimoun.

        Raport UNESCO, wi Onorab, ou’n koz lo la.  E Rapor UNESCO 2015 ti fer en keksoz.  Ti demann lemonn an antye pou apresye reveni ki Lendistri Kiltirel Lemonn i fer.  I en keksoz ki nou ti’n tanzantan met par kote.  Zanmen in vreman vwar son quantifying effect of it.  Me sa Rapor UNESCO, in met lanfaz – lanfaz lo reveni ki Lendistri Kiltirel Lemonn i fer.

Onorab Bresson in osi koz, lo sipor e ki mannyer nou ankouraz e protez kreativite par Gouvernman.  I en pe rol Kiltir. Sa policy-maker e bokou Manm in koz lo la.  Policy-maker, sa enn ki regulate sa Lendistri, son rol se kontinyen siport, ankouraz e protez bann akter dan sa Lendistri.  E sa mon bezwen dir mersi  – e PS ek son lekip e osi NAC.  Akoz NAC i sa brans ki tyonbo Departman Kiltir e kontinyen fer li bouze.  Ozordi sa ki nou pe propoze, se tir son kote biznes ladan e les CINEA avek son masin prezan antre e anmans tou pou fer annan economy of scale e fer li mars dan en fason bokou pli profesyonnel.  Akoz i a met tou ansanm parey Onorab De Commarmond fek dir, pou fer li annan, ler ou pe progranm bann ‘lenz fer parad’ dan Festival Kreol.  Sa menm lenz i kapab servi pou al fer en keksoz dan en distrik apre.  En fason ki pei li menm i vwar son bann resours ganny servi dan diferan landrwa.

        Sa Arts Village in leve detrwa fwa.  E kekfwa ler mon’n mansyonn li taler mwan menm, in fer ki lezot dimoun in koz lo la.  Me i en keksoz ki pei i bezwen.  Ler in resorti par zot tou, i tre kler.

Mon’n apresye ki ler Onorab taler in dir nou devret annan pa en Arts Village, me en Arts Capital.  I en zoli rev – mwan osi mon kontan.  I dir ou si ou pou reve, rev big.  Me sa i en keksoz ki nou bezwen komans avek to ou tar.  Pour ozordi nou napa en bout later atitre ki’n ganny earmark.  Sa enn ki nou ti annan kot Sports Complex unfortunately, zot in antann bann ki mon’n koz en pe avek priveman, dan detrwa repriz ki sa bout later in vin pli pti an pli pti.  I pa pou vin en Arts Village.  I kapab fer enn ozordi, me apre dan 1an edmi nou a vin ankor, nou a dir nou bezwen al rod en bout later, nou bezwen kraz sa enn al re fer ankor.  I pa pou deservi sa ki pei i bezwen.

        So, nou pou bezwen met nou ansanm, Manm Lasanble koman bann Administrater Distrik, koman Gouvernman, pou nou rod en bout later adekwat pou vreman met en Arts Village dan sa pei Sesel.

        Lide lanse par Onorab Bresson pour en Stasyon Radyo Kiltir, i vreman en nide inovativ e enn ki mon krwar i annan son plas.  Ozordi si nou bezwen promouvwar nou bann santer, nou bann bon santer. Akoz i annan bokou ki tre, tre bon e bokou ki sorti lo ordiner dan nou pei.  Nou pou bezwen to ou tar, annan nou en fason pou desimin sa ki zot pe prodwir zot menm.  E kekfwa anba CINEA annan en Stasyon Radyo zis pou lanmizik Seselwa.

I en keksoz ki nou devret pe regarde, ki mannyer nou kapab ariv lo la.  I pa kout otan ki sa, en Radio ozordi.  En Radyo ki kapab desimin lanmizik Sesel, pour Sesel.  E sa i en keksoz ki mon promet Onorab Bresson, ki nou a pran li an men avek ler nou’n apwent nouvo CEO.  Ozordi si zot aprouv sa Bill an antye poudir, nou a dir annou komans gete kote nou kapab ganny en led neseser.  Annan sa bann transformers, eksetera pou anmennen e dir ki nou devret kapab met en Radyo pour kiltir Seselwa ganny promouvwar.

        Sekter Tourizm i kapab zwe en pli gran rol, wi.  I tre, tre kler.  Nou kapab zwe en pli gran rol.  Ozordi Sekter Tourizm in konpran e zot pe vini enn par enn, avek sa label ki PS Tourizm, madanm Lafortune i kontinyen pouse, Sustainable tourism.

        Sa se kote e ki mannyer tou dimoun, tou akter dan Lendistri Tourizm, i konsyan nou bezwen prezerv sa ki nou annan, si nou oule Lendistri Tourizm i marse demen.  Alor prezerv nou lanatir, recycle bann keksoz, fer sir kouler lokal i antre ladan.

        Me son dezyenm bout e se sa ki mon kontan, Onorab Bresson ou’n lev sa, sa ki nou pe anmennen i apel Classification swa Grading, Sekter Tourizm pou annan en rol pou zwe, pou zot ganny sa bann grad ki zot oule donnen.  E la kouler lokal, sa i tre kler, staffing, the frontline team –  bann repa kreol, ou bezwen annan meni ki sorti ek repa kreol, akoz sa i nou kiltir –  nou lanmizik, nou danse, nou dekorasyon ; sa bann paintings ki dan bann lasanm, ki ou vwar tou keksoz sorti Bali ouswa Malezi, me ou pa vwar byen, byen sorti ek bann Artis Seselwa.  Nou pou bezwen atraver sa grading klasifikasyon, ki pou vin an plas le 1 Zanvye lannen prosenn, bann Lotel la, dan sa mwan ki vini, pou ganny zot premye lendikasyon kote zot tonbe lo sa grading 1 a 5.  E bann pti Lotel Seselwa, gold, silver and bronze, pou kote zot tonbe.  E zot pou ganny dir kwa ki zot bezwen fer pou zot ganny en grade ki pli o e pou fer li pli obzektif posib.  Pou pa dir, sa se PS Lafortune ki pa kontan tell dimoun.

Nou’n ganny led avek United Nations World Tourism Organization, ki’n anvoy konsiltan, ki’n fer letour bann Lotel e in sorti avek en premye lalis kote bann Lotel Sesel i tonbe.

        E nou, nou ti’n demann li pou fer antre ladan sa kote kouler lokal e kiltir Seselwa, ki pa ganny vreman mete dan bokou lezot pei.  Me ti enportan ki Sesel, nou vwar nou lekor dan nou Lendistri Tourizm e ki Seselwa i vwar son lekor ladan.

        Sa zafer Drwa D’auteur i lev souvan.  Minister e Departman Kiltir in reste, sa fasilitater pou esey fer li arive.  Mwan mon personnelman avek PS, nou’n asiz avek sa group ki organiz sa bann meeting.  Nou’n anmenn Sekter Prive, nou’n met ansanm ek zot, me de la nou bezwen vwar, kote i pe ale.  Nou pa kapab nou koman Minister, antre ladan, pous sa bouret pli devan.  Me i enportan, ki bann Artis, si zot vwar zot pa pe ganny zot due ki pou zot – sa i pou zot, i en peyman sak fwa zot lanmizik i zwe, zot bezwen ganny en peyman.

        Nou koman Minister Tourizm ek Kiltir, nou dir ek bann Artis, si ou vwar sa body ki pe fer, pa pe delivre pou ou, rezwenn ou body, al dir zot, mwan mon oule ganny mon due.  Akoz i ou due.

        Si en Lotel, en Restoran, Radyo swa Televizyon, pa pe pey zot, i en vol ki pe pran plas.  Lalwa in pase, mon ti ankor en Manm Lasanble, kot zot pe asize ozordi, ler ti pas sa Lalwa.  So, i overdue pou nou arive fer li vin en realite dan nou pei.  E mon enplor bann Artis, pou met zot ansanm, reget zot body ki pe fer e fer li vin en realite o pli vit ki posib.

Minister, pou reste sa fasilitater, pou ed zot ganny zot Drwa.

CINEA, mon oule asir tou Manm, pa pou stagnate kreasyon dan nou pei.  O kontrer CINEA pou ed zot grandi.  Grandi, akoz i pou ouver laport pou les kiltir nou pei epanouir.  E i pou fer sa dan en fason economy of scale, premyerman.

Dezyenmman, i pou annan en baz atitre pou li.  I pa anba en Minister ki en Lorganizasyon Gouvernman.  Li i en Lorganizasyon semi- prive, akoz i pou annan en Board ki pou fer li marse.  E li i pou annan son landrwa kot ICCS i ete, kot i kapab zwenn Artis.

        Zis taler, ler nou ti pe vizit sa Stad Lanmizik, mon konnen bann Artis ki ti la, ti pe dir ki toultan nou bezwen kapab annan en levennman, lo sa stad.  En zoli stad.  Lekel ki pou fer ?  Ou pe atann Gouvernman vin fer ?  Non, se Sekter Prive avek en lekip parey CINEA ki ale, ki ouver laport.  Ou kapab annan teat, akoz i annan rido, i annan tou keksoz. Ou kapab annan osi byen bann diferan konser.  Ou kapab annan lanmizik ki en pe diferan.  En fason ki tou gou Seselwa, i devret kapab aparet lo sa stage.

        Onorab Arnephy, ler ou’n koze, ou’n koz en kou ki ozordi i en moman enportan pour sa Lasanble.  Akoz nou pe mark sipor nou bann Profesyonnel dan Sekter Kiltir.  Sa i vre.  I vreman vre Onorab Arnephy.  Ou annan rezon dir, ki ozordi Lasanble Nasyonal Sesel, pe mark sipor pep Seselwa, akoz zot pe prezant pep – pep Seselwa pour kiltir son pei.  E sa i vreman en pa enportan.  E se pour sa rezon ler mon ti pe prezant Bill pli boner, nou ti dir ki i enn bann keksoz pli konpreansiv ki nou’n kapab anmenn devan Lasanble, pour kiltir Seselwa, se sa Bill.

        Wi, parey ou’n dir, viziter i ogmante.  Me nou bezwen annan plis varyete e swa pou nou bann dimoun kapab depans zot larzan.  Sa i tre kler.  E se pour la rezon ki avek en Stad Lanmizik, avek en Arts Village ek letan.  Me osi avek bann diferan levennman ki CINEA, pou annan manda pou organize.

E Onorab De Commarmond, in vin ek sa nouvo lalis ki pran tou bann levennman pei.  Me fodre nou pa oubliye osi anba Seksyon 8(1) Minis responsab i annan drwa deklar en lot, dizon demain matin Anse Boileau ti pou annan en Festival Kontredans, akoz zot dans byen kontredans – ti kapab fer li vin en national event, laba anler dan Was.  So, i annan tou fasilite pou nou ouver laport pour rezyon, pour distrik, pou fer ki dimoun i benefisye avek son bann levennman.

        E ler i annan levennman, e ler nou ankouraz touris desann, sa fame yield, ki nou fer ek Lendistri Tourizm, i bezwen ogmante, akoz ou pe ed dimoun pou depans larzan.  Se pa Gouvernman – se pa Minister swa Departman Tourizm ki pou fer yield grandi.  Yield i grandi par, ler en dimoun i kapab depans son larzan.  Si napa ase keksoz pou li fer, ki i reste dan son lasanm Lotel, i asiz dan lans lo en beach chair swa kot swimming pool, sa i pou nanryen sa.  I pa peye pou fer sa.  Alor nou pa pou zanmen kapab fer grosi sa larzan ki nou kapab fer, avek nou Lendistri Tourizm.

        Seychelles Tourism Board, Departman Tourizm a kontinyen fer vini touris.  Me pou nou fer vreman grosi, Sekter Prive, dan tou son ganm – Sekter Prive i bezwen gete, ki manyer nou ankouraz touris depanse.

        Letan ‘met larzan dan son pos pou tir son larzan,’ in fini.  Se pa nou ki pou kapab pran son larzan.  Nou bezwen entice li, pou li depans son larzan e fer plis Seselwa posib, benefisye avek.

        Sa pwen lo aktivite santralize, Onorab Arnephy i annan rezon dir.  Nou’n fer bokou keksoz dan Victoria.  En lepok, mwan menm mwan kekfwa mon en pe koupab – ki nou ti dir nou bezwen fer li dan sant Victoria, dan leker Victoria.  Dan Kapital Lemonn Kreolofonn.  Me wi, nou annan nesesite desantraliz en pe, me la ozordi, mon kontan dir, akoz Onorab De Commarmond in fer met li osi lo lalis aktivite -Lafet La Digue i semenn prosenn e i pou en long Lafet La Digue, i komans Vandredi ziska Lendi.  Alor i pou pli long menm ki pou Carnaval, me akoz i tonm dan sa weekend, ki en extended weekend.  E sa lannen pou premye fwa, nou pou annan tou Digwa, tou Digwa ki en Artis li menm, i ganny envite.  Se zot ki pou ouver Lafet La Digue.  Zot tou zot pe sorti Mahe, pou desann La Digue, pou zot pArtisip dan sa sesyon louvertir sa Show Sanmdi swar.

        Me osi pou premye fwa Sesel e Digwa, Praslinois – akoz ler ou koz La Digue, ou koz son zil la vwazin-ant, Praslin pou kapab desann, al vwar sa fame Eric Donaldson, ki pou zwe La Digue sa voyaz.  E sel Show i La Digue.  E sa i montre ou lenportans sa desantralizasyon, ki Onorab Arnephy ti pe koz lo la.

        Me i enportan osi pou mwan dir Mr Deputy Speaker, detrwa semenn pase, distrik Grand Anse Mahe, ti vwar en keksoz ti retourn laba, sete sa kiltir Bazar Kiltirel ki ti ganny fer kot AVANI, Barbarons.  E ler ou ti vwar sa dan Barbarons, ou ti osi vwar bann zanfan Lekol La Misère ki ti’n desann.  Bann Fermye ki ti vini.  Bann Arts and Craft.  Osi byen ki bann dimoun ki kree keksoz dan manze.  Bann trwazyenm az ti la ek zot bann pla tradisyonnel e tousala ti’n vin otour swimming pool e ti ‘n kree vreman en levennman, ki ti remarkab.

        Ti annan bann Anbasader ki ti’n vini, bann Anbasader ki reprezant diferan pei.  Me ti gou vwar, poudir sa prezan pou fer tou le mwan e sa nou pou sey vann li prezan avek bann touris.  Pou fer sir i annan plis touris ki vin la.  E hopefully en pe pli vit ki pli tar, nou a vwar enn kote Nor osi.  E dousman, nou a rekomans met sa lespri desantralizasyon Lendistri Kiltirel Sesel.

        CINEA, wi.  I bezwen ankouraz devlopman Lendistri Kiltirel.  I bezwen gete ki mannyer avek NAC, i travay pou anmenn sa dan Lekol.  Komans pti Lekol apre grandi avek, akoz se zot ki pou ranplas nou.  Me osi se zot, ki ler zot in krwar dan kiltir, ki zot kapab zot sorti e fer par sanmenm sa lespri, ki nou bezwen fyer nou kiltir.

        Mon dir avek bokou regre, ki tanzantan ou tann bokou dimoun koz lo Festival Kreol.  I pa isi, i pa laba.  E ler ou demann sa prop dimoun, eski ou desann ou, pou ankouraz sa bann tantin ki pe marse dan semen, sa bann zenn ki pe danse kot Lorloz ?  E sa bann menm dimoun pa desann li.

        Selman li i enn bann ki promouvwar kiltir anba son lavarang, swa letan i pe bwar en tas dite.  Me li i pa desann pou pArtisipe avek sa pep, ki pe sorti pou met son kiltir e sa ki li i santi koman en Seselwa, a-lavan.

I enportan ki nou tou, tou Seselwa san eksepsyon, i santi li fyer son kiltir.  Ler nou pa fyer, nou pa kapab vreman dir ki nou en Seselwa ki fyer.  Ou pa kapab kanmi ou prop lekor.  Akoz ler ou kanmi ou prop lekor, ou kanmi ou zanmi, ou kanmi ou frer, ou kanmi ou ser.  Me pou nou arive fer sa, i enportan ki tou Seselwa i krwar dan kiltir e de la, fer viv son kiltir.

        Onorab Fideria, in koz en pe lo lenportans kapital, ki kiltir i anmennen e vi ki mon tonm dan distrik Les Mamelles, i enportan ki mon dir de mo lo sa ki Onorab Fideria in dir.  Devlop nou kiltir, nou pe asire ki nou reste en Seselwa.  Sa i tre kler, ou’n donn sa legzanp ;  mon kapab montre ou Angle, me i pa fer ou Angle, ou reste en Kreol.

        Me osi atraver kiltir, imateryel ou kouler lapo.   Imateryel ou Larelizyon ki ou swiv.  Imateryel ozordi, akoz zot menm ki ti retir sa bout Lalwa – ou preferans seksyel.  Imateryel ou lapartenans politik.  Avek kiltir ou reste en Seselwa.

        Me fodre nou fyer sa ki nou été then.  Fodre nou pa les en pti bout – dir sa, ‘mwan mon pa kontan sa bout, mon kontan zis sa bout’.  I annan swa ou en Seselwa e ou aksepte ou kiltir an antye.  Nou reste en pep, dan en Sesel e nou reste sa pep Seselwa.  E pour sa Onorab Fideria, mon felisit ou, akoz si nou tou nou dir li, enn ler bann menm ki pa krwar, i bezwen komans krwar, akoz i aksepte poudir nou annan dan nou pei, bann Artis i dir li souvan  –  en revolisyon kiltirel.

E la ozordi avek sa Lalwa CINEA, sa revolisyon kiltirel, i pran en nouvo letap.  En nouvo letap e bann Manm ki’n koz lo la, klerman zot in demontre poudir kiltir Sesel, pe vwar en renesans an li menm.  Nou kapab apel li sa ki nou oule, me avek en Stad Lanmizik – avek bann Artis zot menm ki pe kree zot prop fondasyon, anba zot prop non, avek en deal parey CINEA, avek sa prozeksyon ki nou vwar toultan, nou pou annan en Arts Village, ki pou kapab anmenn tou bann Artis, tou bann konponan ansanm.  Avek travay ki SENPA pe fer ozordi, par remet kiosk lo Praslin, pe remet artizan lo Erport, nou pe revwar en lansman.  Me nou tou nou pou bezwen asire.

        Onorab De Commarmond in fer sorti sa tre byen, ki nou pa kapab lans li ozordi.  Onorab Pillay osi in dir sa.  De la, 1an in mars an aryer.  Nou bezwen mars avek en tenasite, pou vreman dir sa ki nou pe fer i pou fitir nou pei e fitir nou bann zanfan.

        Devlopman lar, devlopman sport, devlopman kiltir, i form parti devlopman entegral nou pei, Onorab Fideria ki’n dir.  E wi, i annan rezon.  E se pour sa rezon, ki Departman Kiltir i travay etrwatman avek Departman Spor, pou nou regarde ki mannyer ansanm, nou kontinyen ouver laport.

I annan ankor bokou pou nou fer, pou get nou bann zanfan e les zot grandi avek sa epanouisman ki nou bezwen.  En zanfan ki vwar en aktivite, ki pran li, ki grab li.  I asire i en zanfan ki pou reste lo en bon larout.  I pou aprann pli byen e de la i pou vin bann bon sitwayen.  Me nou bezwen nou ouver sa laport, pou zot kapab fer.

        Lo Board Seksyon 10.10, Seksyon E, i dir klerman, ki nou pou kontinyen konsilte avek bann Artis, pou kontinyen fer ki sa travay i vin vreman en travay ki nou fer lo zot behalf.  Se pa Gouvernman ki annan kiltir.  I annan zis 1 kiltir, napa 2 kiltir.  Napa 1 pour Gouvernman, swa Minister, swa PS, apre i annan 1 pour bann Artis.  I annan en kiltir Seselwa e nou tou ansanm – nou tou ansanm, nou bezwen kontinyen konsilte, pou fer sir ki sa kiltir, i sa vre kiltir ki nou annan – en kiltir ki fer nou fyer.

E se sa ki nou pou bezwen asire ki Board e CEO ler i ganny nonmen ek son Deputy CEO, i vwar kiltir koman son mainstay sa Lorganizasyon e ki nou bezwen travay pou asire ki i la, avek tou son antite.

        Aktivite Festival Kreol i en keksoz, ki mon koz lo la souvan, akoz i senkyenm lannen ki nou pe get li.  E sa lannen nou’n pas bokou letan – nou’n call meeting piblik, dimoun in vini.  Sakenn in vin ek son lide.  Me ki mannyer nou desimin li pou al dan distrik.  E sa i reste pli gro challenge.

Mon felisit distrik Beau Vallon, akoz zot in pandan detrwa lannen la, antre ladan avek zot Tifin, fer marye dimoun.  Me i gou vwar.  En distrik in pran en keksoz.  Me i pa ase.  Ti a bon osi annan enn dan Les, enn dan Was, pou nou kapab dir ki Festival Kreol i tous pep a tou nivo.  Se pa zis Laserenad.  Se pa zis son Show Louvertir, ki bezwen Festival Kreol.  E sa lannen PS pe travay ; ki mannyer nou kapab retourn en pe dan en baz tradisyonnel, pou re vwar dan en distrik, i kapab dir ok, mwan mon’n met a-lavan.

I annan sa Dimans Borlanmer.  Me eski nou bezwen en Dimans Borlanmer, swa nou kapab annan lezot pli pti, ki pli spesifik ?  Avek en koutim ki i annan dan en zanviron, dan en zalantour, dan en distrik ki vreman met a-lavan.  E nou, nou fer sir ki en pe touris e pep Seselwa, i konnen sa pe pran plas.  Se en keksoz ki nou pou kontinyen travay lo la.

        I kler ki aktivite – i kler ki bann levennman kiltirel, bann levennman Nasyonal, i anmenn aktivite ki anmenn en retour ekonomik pou nou pei.  I tre kler.  I neseser ki nou annan Departman Statistik swa Finans, ki kapab ganny mandate, kekfwa par Lasanble, pou dir annou annan en bon apersi, ki sa, sa, sa larzan ki roule sa zour ?

        La sa weekend pou annan 7, 8 mil dimoun La Digue, personn pa pou kapab dir – nou a konnen konbyen dimoun.  Akoz Cat Cocos ouswa Cat Rose, i a kapab dir nou konbyen pasaze zot in debarke.  Bliy lezot pti bato ki monte desann.  Me konbyen larzan ki sanz lanmen La Digue, personn pa kapab dir nou egzakteman.  Se en keksoz ki nou pou bezwen, koman en pei, pou nou kapab ed nou bann kritik.  Ed zot mye konpran, ki sa benefis ki annan dan levennman kiltirel nou pei.

        Onorab De Commarmond in koz lo – e mon pou re pran sa pwen taler, ki Minister Finans i bezwen donn sa bagaz neseser, pou kapab kontinyen annan bann levennman.  Me nou bezwen osi kapab konpran konbyen larzan ki antre dan lekonomi, at the lowest level possible.  Se pa larzan ki kit pei sa.  Se larzan ki reste la.  Se sa pti dimoun ki fer li e sa pti dimoun ki benefisye, i fer viv son fanmir, son zanfan i al Lekol pli byen prepare. E i annan plis keksoz pou nou lakaz, pou nou pei e pou nou dimoun.

        Claim ownership nou Lendistri, Onorab Fideria osi in dir nou.  Bann Artis ki vini, ki vin zwe, wi.  I annan osi byen ki nou’n anvoy pou nou bann suppliers ki organiz bann levennman.  Se pour sa rezon, ki Departman Kiltir byen boner dan manda ki mon ti ganny donnen, ti dir nou pa pou okip e deal ek okenn dimoun, ki en events organizer, ki en etranze.  Pou nou set en Seselwa ki vin organiz levennman dan nou pei Sesel.

        I en keksoz ki nou bezwen rezerv li pour en Seselwa, pou les sa Seselwa epanouir.  Si nou bezwen order plis lalimyer pour en gro levennman, order ek en supplier, apre fer retourn laba.

        Lot zour ti annan Konferans Labank kot SAVOY, ti napa sa kalite latant ki air condition. Ti fer vin enn.  Zot ti mete apre ti retourn ek zot latant.

        Me nou bezwen kapab annan prezan, letan in arive pou siport CINEA, ki annan bann diferan bodies prezan Sesel ki dir, ‘mwan mon en events organizer.  Ou a vwar bann pti bis enn ler pase, lo la Onorab Joevana Charles, events organizer pou fer sepa kwa.

E in ler pou nou annan plis an plis Seselwa, parey Onorab Fideria in sey dir nou, ki claim ownership sa Lendistri akoz i pou nou.  I dan nou pei.

Koman Departman, koman Minister, nou kapab nou, anpes en lot dimoun antre – sorti deor, pou vin fer sa.  Me to ou tar, ou bezwen dimoun ki fer.  Ou pa kapab osi annan en monopoli ki ganny devlope – ki menm dimoun ki pou fer tou keksoz.  Nou pou bezwen annan en pti bis ek Onorab Charles, swa Onorab Bresson, swa Houareau.  I mean bann non ki nou tou nou a konnen.  Me i enportan ki to ou tar, nou kapab vwar bann non Seselwa pe fer bann Lorganizasyon, bann levennman dan nou pei. E i fer li pli fasil pour CINEA, swa Departman dir, ‘nou pe al fer enn Anse Boileau, swa Au Cap.’  Akoz i annan bann organizers ki a pran li e tay avek.

        Ozordi problenm se, si mon dir ek PS, nou pou al fer enn Anse Boileau, i pou santi li – e la ou pe dir mwan, mon bezwen al Anse Boileau mwan menm, akoz nou napa bann dimoun ki pou organize dan nou pei.

        Onorab Samson in dir en fraz ki nou servi souvan- Putting people at the center of development.  Kot nou dan Departman Tourizm sa kou, nou dir souvan, Lendistri Tourizm pa kapab debout si napa kiltir.  Akoz kiltir i donn en keksoz – en valer an plis pour Lendistri Tourizm.  Me ler nou dir kiltir, nou pa pe dir zis manze, son sanson, son labwason.  Kiltir se pep Seselwa, akoz se nou sa kiltir Seselwa.

        Ler nou met nou – nou dimoun o sant devlopman nou Lendistri Tourizm, nou pe met Seselwa o sant devlopman nou pei, akoz sa i pilye lekonomi.  Ozordi Onorab Samson in al en pti pe pli lwen, i dir nou bezwen met nou kiltir prezan, o sant devlopman Nasyonal nou pei e mon salye son statement.  I en keksoz ki nou siport antyerman, akoz i lafason pou nou ale al ed sa pei, rekonnet nou kiltir e met li devan.

        ‘’Kiltir’’ ler ou met li antre girme, i pa fer plezir tou dimoun.  I annan ki pa santi li ase Seselwa, pou li apresye sa kiltir Seselwa.  Me nou, sa pep ki pa vwayaz otan ki lezot dimoun – sa pep ordiner ki annan en gran fanmir, ki bezwen son lepanouisman dan sa ki li i ete, sa ki li i santi,  nou annan en devwar nou, pou kontinyen organiz keksoz, pou li.

Sa napa son valer, sa finansyel pou dir, la i pe al donn ankor keksoz zis pou pep desann e enjoy.  I pep.  I travay.  I bezwen en ler annan son peryod defoule, son peryod pou li, li menm desann ek son fanmir, al enjoy son lekor dan Victoria, dan en lafet – en lafet ki pei i organize pou li. E sa i pou enportan, ki Departman Kiltir, i kontinyen get ki mannyer nou fer keksoz pour pep Seselwa.  Pep Seselwa ki pey Tax, i travay, ki kontinyen fer sa pei marse.  Zenn koman vye e zanfan koman bann vye tantin ek vye tonton, ki zot vwar keksoz pou zot dan Victoria.

        Ler nou pe fer sa, nou pe osi get lepanouisman sa bann dimoun ki annan sa don.  Don pou entertain.  Don pou kree.  Don pou animen.  Akoz i en don sa.  Nou tou nou pa pou kapab fer.  Mwan mon konnen si ou dir mwan, pran en lanmizik pou zwe, mon kapab met on en CD player apre i fini lanmenm.

        Me i annan plen dimoun ki annan en don kree e sa bann nou bezwen donn zot sans, pou zot epanouir.  Mon ti a osi remersye Onorab Samson pour son parol, lo Minister avek NAC.  Nou apresye bokou.

        I kler ki nou si nou pe fer sa ki nou pe fer, nou pa fer li tousel.  I en lekip.  I en lekip ki ekout bann dimoun ki enplike ladan e ki nou zwenn toulezour ; Artis, bann ki kree, bann ki pe perform, pou nou asire poudir nou pe reste en Minister ek en body parey NAC, ki alaoter sa ki zot ekspekte nou ete.  E se pour la rezon, ki Minister Tourizm ek Kiltir, i mars e kontinyen mars avek en open door policy e nou zwenn dimoun toulezour.

        Hotel licence, lo kote Lotel, Onorab in osi dir nou, ki nou bezwen annan en license ki obliz performans.  Sa in en pti pe pli konplike pour mwan, akoz Sesel in bouze.  Nou nepli fors dimoun fer keksoz.  Me nou bezwen sey atraver bann kategori Lotel, dir – si oule sa enn ou a bezwen met sa.  Alor i vin en condition of license.  Me mon pa pou kapab demann PS, fors en dimoun met en band dan larantre.  Me si i bezwen met kouler lokal, koman enn son kondisyon pou ganny en 4 zetwal oswa en 5 zetwal, La i pou vin en kondisyon ki tre kler.  Avan i build son Lotel, avan i al apply pour son license, i konnen i pou bezwen met sa.  E sel fason ki nou’n vwar, apre bokou konplent ki nou gannyen avek bann Artis, ki santi poudir zot bann kondisyon dan Lotel, pa sa ki zot pe ekspekte pour bann profesyonnel ki zot ete.

E la zot ava vwar.  E la mon asir bann Artis ki aparti Zanvye, ler nouvo sistenm license i tonm an plas, zot pou vwar zot lekor pe ganny mye respekte.  Sirtou respekte plis ki nenport ki kwa, par bann licensed establishments.

        An gaz bann Artis ki vin dan nou pei, ki swa dan letan Carnaval, Festival Kreol e lezot pou angaz zot, avek bann Artis lokal, i en bon, en bon, bon sizesyon.  E nou bezwen gete koman nou kapab – e PS in pran note pou nou kapab swazir sa bann Artis ki annan en forte pou zot menm e gete ki mannyer nou kapab annan 1 workshop, pou nou ankouraz nou bann Artis zwenn zot.  Enn, se ki zot kapab ganny photo opportunity si i en Artis byen koni.

Me dezyenmman, se ouver lespri, pou nou aprann ek zot e zot osi zot kapab aprann ek nou.  Akoz nou annan bann Artis ki vreman profesyonnel dan nou pei e sa mon espere, nou a kapab komans met li an plas la avek bann dimoun ki pou vin Festival Kreol.  Me osi lezot ki pou vini o fiy e anmezir avek lezot lalis levennman.

        Onorab Esther li in koz lo en Nasyon aktiv, en Nasyon ki prodiktiv.  E i vre.  Si ou reste letarzik dan lakour, ou pa pou fer bokou e apre ou pou vwar poudir ou’n karyate, ou’n reste lanmen.  Me i enportan pour ou kapab activate, fer bate ou disan e sorti.  Akoz i sel fason pour ou pe fer keksoz e ler ou pe fer keksoz, ou vwar rannman pour sa ki ou pe fer.

        Mon siport son komanter lo Mr Raymond Clarisse ki’n fer en mark dan cinema pou nou pei.  Nou annan kot Departman en pti Seksyon ki apel Sinematografi, ki nou bezwen boost li en pe plis prezan ki i annan CINEA ki vini.  Sa i a tonm en pe son responsabilite, akoz i annan demann.  Lot zour nou ti annan John Abraham, en boug koni dan Lenn ki ti vin shoot son music video isi.  Nou ti kapab klerman fer antre plis Seselwa actively involve ek li.  Me ler nou pe travay lo en kote, nou pa ti annan sa body pou swiv John Abraham, akoz ler mon’n vwar son film finalman, Langleter ler i ti pe lanse – son music DVD, ti kler poudir gran mersi ankor in met Filmed in Seychelles.  Me nou ti kapab annan plis Seselwaki ti kapab vin en back up ladan e ouver en laport pou nou dimoun sorti.  E sa nou bezwen kontinyen angaz nou bann Artis avek bann Artis Seselwa.

        Levennman lo Praslin, kou i kler.  I en kou – lot zour i ti dan meeting avek nou, ler nou ti fer premye meeting lo sa enn ki pe vini.  Levennman Praslin ki pevini.  Me ozordi mon kapab asir Praslin, asir Onorab ki reprezant Praslin, tou lede distrik – Grand Anse e Baie St. Anne, akoz zot tou lede zot in travay etrwatman avek Minister, pou fer sa levennman vin en valer pour Praslin.  Me ozordi zot annan sa volonte politik.  Sa i la.  Nou annan volonte zot koman Lasanble, akoz zot la ek nou.  Me nou annan toultan sa kou. Me  nou pou kontinyen fer sa levennman Praslin, akoz parey tou lede Onorab ti dir dan bann meeting Praslin – Praslin in pas dan moman difisil, nou’n ganny sa bann latak reken, 2 dan 2 semenn – ki in fer ki pa ti naze – dimoun ti’n tir Praslin lo map touris.  Apre in pran bokou letan, pou re met li an eta.  Me an plis ki sa, zot annan bann kou anplis Mahe pou ariv Praslin.

E Apre sa, nou’n ganny en boug ki ti deside al vyol en madanm Praslin – touris lo lans.  E mon dir toultan, si in fer li pour en touris i pa bon, me i osi pa bon pour en Seselwa.

        Nou bezwen kontinyen travay koman en zil e mon envit tou Praslinwa, pou zot osi claim ownership zot distrik Praslin, zot zil Praslin.  Travay ansanm avek tou Lazans konsernen, pou asire ki Praslin i protez son lekor e de la – an menm tan, nou donn li plis piblisite.

        Pour sa levennman Praslin, mon oule asir tou lede Onorab, ki nou pou anmenn lapres enternasyonal, pou asire ki sa enn ki nou’n ganny propoze, sa kouvertir lo Anse Lazio ki vreman i mark Praslin e donn Praslin en boost pour son Lendistri Tourizm, an menm tan, en boost pour bann Praslinwa ki dan lanmizik e lar.

        Osi Onorab, mersi pour ou bann mo lankourazman e Komite CINEA pou asire ki i reste fasilitater.  Fasilitater bann mo ki Onorab De Commarmond in servi, ki i reste fasilitater pour levennman parey sa enn Praslin.  Me i zot levennman. Nou, nou pran li pou fer li bouze, grosi e benefisye otan Praslin ki nou kapab fer li benefisye.

        Onorab Souris, ou’n koz lo kreativite i ouver plis loportinite pou pep.  Kreasyon bann small businesses e sa i create wealth.  Se sa kiltir.  Don en dimoun, Minister, Departman ozordi CINEA, i ouver laport, apre dimoun i benefisye e pei – son wealth ki i fer?  I grandi.  E se sa lavantaz i annan ler tou dimoun i travay ansanm.  Bann fasilitater i travay ansanm avek bann ki doue e de la nou annan plis keksoz.

        Mon’n koz lo maryaz Tifin e mon espere sa lannen, zot a ankor zwenn nou e zot in fini swazir lekel ki pou marye.  Kekfwa dan Lasanble  i annan detrwa ki pa ankor marye.  Ou kapab envit zot, vin laba.

        Me promouvar sa Bill pour Sesel, i en pwen ki Onorab in fer, wi.  Zis pas en Bill dan Lasanble, i en keksoz.  Enplimant li i en keksoz.  Me fer ki tou Seselwa, i konnen sa Bill in pase.  I annan en body ozordi, ki la pou resevwar zot, ler zot bezwen antre dan en bout, pou zot benefisye avek en levennman nou pei, i enportan. E la se SBC, se Radyo, se bann Zournal, ki kapab dir vwala, i annan en Bill ki’n pase par Lasanble Nasyonal, ki vreman pe sorti pou fer ouver laport pou Seselwa.  Ankor plis laport.

        Onorab Pillay, in remind us sa ki pe pase ozordi dan kiltir avek en kreasyon, en Events Organizing Committee – a body.  Wi, CINEA pou vin en dedicated organisation pour levennman.  I pou anmas tou bann levennman Nasyonal nou pei.  Parey lalis ki Onorab DebCommarmondbin soumet koman dan amannman.

Me anplis ki sa, sa economy of scale pou vin evidan.  Pou vin tre evidan.   Ozordi sakenn, tou pti Departman, i anmas son bann zafer pou li e i tenir pou li.  La tou keksoz a baskil dan en landrwa e zot pou annan devwar, pou asire poudir nou recycle keksoz, nou reservi keksoz.  E nou asire ki larzan ki Sesel i depanse, i kontinyen vin o kler.

        Rol NAC, rol Departman Kiltir e rol CINEA, i 3 rol ase separe.  Menm ki ler ou get li koumsa, ou a kapab dir, enn pou mars lo kanmarad.  I annan sa overlap.

Mon oule re pran en pti pe lo la.  Departman Kiltir i fer Polisi, i fer planning e i fer asire sa reprezantan Gouvernman ki la pou kree sa medium, kot nou tou nou travay avek.  Rol NAC, se promouvwar – promouvwar kiltir.  Se li ki annan rol al dan bann Lekol, travay ek bann Lorganizasyon, travay ek Patrick Victor Foundation.  Avek lezot bodies, al desimin dan bann Lekol, al desimin dan popilasyon, dan bann distrik.  Al desimin avek bann Lasosyasyon – bann reprezantan, bann diferan Sekter lar ki nou annan e bann Artis ki annan dan nou pei.

        Se li ki bezwen kontinyen anmenn, fer roule sa lapros apresye kiltir.  Tandis ki CINEA, i son body komersyal.  Li i la pou organiz bann levennman.  I pou kontinyen deal avek Departman Kiltir, avek NAC.  Me li son rol, se pran e fer sa bout komersyal vin en realite.  Donn bann Kontra.  E Onorab Pillay i annan rezon.  Dan tout transparans donn bann Kontra bann dimoun, ki pou fer keksoz pou sak bann gro levennman.

        Lo kote financing, i kler ki CINEA i ganny en bidze Gouvernman par levennman.  E de la i rod sponsorships.  I rod bann partners pou li fer marse.  Depi ler nou’ n anmenn fodre panse depi ler nou’n anmenn sa Tax lo ki bann biznes i kapab claim bac, in fer ki bann sponsorships i bokou mwens.  So, nou bezwen travay avek bokou plis tenasite dan en fason, pou kontinyen entice bann biznes vwar zot brand, vwar sa ki zot ete, atraver en body parey CINEA.  To ou tar mon espere ki kot dan larantre kot ICCS, i a vwar bann partners, bann partners kiltir nou pei.  Vwala zot Logo, pou entice pou zot sorti e vin a- lavan.

        Me sa ki Onorab Pillay in osi fer resorti ki kler.  Menm ki Onorab De Commarmond in fer sorti, mon a re dir li.  Sa annual report ti en keksoz ki nou’n diskit lontan lo la.  E i enportan ki annual report i ganny prepare par CINEA.  I soumet avek mwan koman Minis responsab pour Kiltir.  I osi soumet avek Minis responsab pour Finans, akoz i ganny larzan atraver Minister Finans.  E de la, sa rapor i ganny table isi avek zot, bann reprezantan lepep.  Lafason tou pei i konnen, lala rapor, bann benefis pour pei, bann ki’n organize, kote in organize.  E pou zot ganny otan detay posib, dan en rapor anyel, ki ganny mandate anba sa dan Seksyon 16.4.  I dir klerman sa rapor i bezwen ganny soumet, dan en dele letan isi kot Lasanble Nasyonal, apre ki sa 2 Minister in ganny kopi.

        E finalman Mr Deputy Speaker, LGB, Onorab De Commarmond, in koz avek en pe detay lo valoriz plis nou kiltir, re donn valer nou bann Sit Istorik – en keksoz ki nou koz bokou lo la ozordi.  Re donn zot, zot valer esansyel.  Donn en lavi sa bann sit.  Pa les li zis en sit e apre i la.  Dibwa i antre ladan, apre ou nepli vwar li.  E pou annan sit ki ganny met an valer, ou bezwen annan dimoun.  Si napa dimoun ki vizit li, ou pa pou gannyen dimoun vin met bann pti biznes.  E sa bann pti dimoun, pou li met en biznes, i bezwen annan en sit ki vivan.

So, enn i anmar avek lot e nou bezwen nou tou, ler nou pou donn en lavi nou pep, nou pe ouver laport pou zot dan sa bann sit.  Zot kapab zot antre, fer distrik marse.  Ler zot pe fer distrik marse, son vwazinaz i marse e apre nou tou nou kontan.  Nou tou nou santi nou ere.

        Onorab in osi koz lo Victoria, sa Kapital Lemonn Kreol ki nou dir, ki mor.  I mor apre travay.  Vre i mor.  I en pe regretan e nou pou bezwen ankor – CINEA i kapab zwe son par.  Maire Lavil, i annan en devwar, zwe son par.  Me nou tou ansanm, nou bezwen zwe en par, pou fer ki Victoria pa en Kapital.  Ler en bato krwazyer i apoz isi, ler in fini 4er tou dimoun in kit Victoria, bann touris i marse Anvil, zot rode si sa ti en scene ki nou fer film – apre in fini fer film, tou dimoun in ale in kit Victoria.

        Nou bezwen kapab en ler fer Victoria retourn avek en joie de vivre enteresan, pou nou kapab vwar nou kiltir, vwar nou pep – vwar nou menm desann dan Victoria e enjoy sa Victoria.

        CINEA, wi, Onorab De Commarmond pou vin sa fasilitater pour distrik, pour rezyon, pour bann zil.  Sa i son rol.  I bezwen fasilite. E mon kontan sa ki ou’n dir, lo bann district administration buildings ki ou’n dir ki nou annan ; ki mannyer nou kapab re get sa ansanm.  Nou a bezwen koz avek Minister Devlopman Kominoter, akoz i annan sa bann distrik.  E zot tou zot dan menm batiman ki ti servi bokou en letan, pa servi otan ozordi.  Ki mannyer nou kapab fer sa vin plis en fasilite distrik ki a-laporte distrik.  Ozordi i la, i a-laporte me personn pa servi li tro, tro.  Ki mannyer nou kapab anim li, met dimoun ladan, donn en pe lavi, i en keksoz ki nou a diskit ek CEO ler Prezidan in aprouv lekel ki pou ansarz sa body.

        E finalman, mon oule felisit Onorab De Commarmond, pour vizyon pour Cascade.  En Complex parey in dir nou – parey en beauty, en landrwa pour dimoun fer biznes, Annex ki pou annan kiltir, pou annan osi en Arts Gallery.  Se sa ki nou bezwen dan bann distrik.  Nou bezwen, pa tou, nou pa pou kapab annan tou beauty.  Les Onorab De Commarmond ganny beauty dan Cascade.

        Me nou bezwen annan plis sa bann landrwa, ki anmenn dimoun ansanm.  Pou li anmenn dimoun ansanm, i bezwen premyerman konfortab, dezyenmman zoli.  Si i pa zoli, ou pa pou vreman ale.  Ou pa sorti kot ou ki ou’n met bokou zefor dan ou bitasyon, dan ou bann fler apre al dan en landrwa ki vilenn.  So, ou bezwen annan en landrwa ki atrakte ou e anmenn dimoun ansanm.

        Rekomandasyon en cultural officer par distrik parey ti ete lontan, mon salye sa linisyativ Onorab De Commarmond, akoz i en bon linisyativ.  Se sa ki pou anmenn atraver NAC kekfwa, sa dimoun dan distrik ki travay avek bann DA’s, ki travay avek bann Komite dan bann distrik, ki kapab re met kiltir dan son plas.  Me sa nou pou bezwen get ansanm, ler Bidze i propose, kote ki i tonbe, akoz i annan 25 distrik, 25 cultural officers.  Bezwen gete rode ki mannyer pou peye.

        So, i annan fason pou nou diskit li mon panse.  Mon ti a kontan sizere, ki nou sey zwenn, pou gete ki mannyer, akoz i en bout enportan.  Re met kiltir a la baz nou distrik, i a fer fleri nou bann distrik.

        CINEA, son Board annan en reprezantasyon Praslin/La Digue.  Chapeau, bon lide. E en lide ki nou a pran an men e nou a fer propozisyon neseser avek Prezidan, ler i pou nonm Board pour sa CINEA, ki i annan en reprezantan nou 2 zil lo la  – ki a pran zentere sa zil an partikilye, pou asire ki sa bann zil, i vwar zot lekor dan sa body. 

        E ou 2 lamannman, Deputy CEO, totalman dakor avek sa.  Napa pti emporium ki a ganny kree.  I annan en Deputy si CEO pa la ki kontinyen fer marse.  E ou lalis Nasyonal, menm ki mon ti anvi azoute, ki Minis responsab pour Kiltir, i annan drwa deklar bann levennman, fer li vin Nasyonal o fiy e anmezir ki i annan.  Ozordi ou’n donn nou en lalis, me nou kapab annan en lafet Cascade ki deside vin en Lafet Nasyonal e nou kapab azout li lo lalis.  Alor i tonm ek CINEA deswit.

        E final sa rekomandasyon Onorab De Commarmond koman Leader of Government Business; fodre apresye kiltir atraver son finansman ki pei i donn kiltir.  I vreman en statement ki al very deep.  E mon asire tou dimoun dan pei, ki krwar dan kiltir, i kontan sa statement ki ou’n fer ozordi.  I kontan poudir Minister Finans, i bezwen donn nou sa finansman apropriye, si nou pou fer kiltir vreman epanouir e les Seselwa vwar son lekor ladan.

        Nou kot Departman, nou’n toultan dir nou soumet nou Bidze, me nou kapab koup nou palto, tay nou palto lo latwal ki Minister Finans i donn nou.  Nou pa kapab fer li pli gran, akoz pou napa latwal.  Alor pou annan en bann bout pou napa latwal pou kouver.  Alor nou sey tay nou palto lo la.

        Me pour nou, mon panse ozordi vreman i pour en fraz, en statement, fer by Mr De Commamond ki pou annan bokou meaning pour tou dimoun Sesel, ki krwar dan kiltir e ki involve dan kiltir.  Ki swa handcraft, ki swa bann artizan ; ki swa sa bann dimoun ki zwe lanmizik, swa penn.  Sa dimoun ki vwar li dan sa kiltir, sa lemonn kiltir Sesel, pou santi li fyer ki Onorab De Commarmond in fer sa statement, ki nou siport an plen.

        Avek sa detrwa komanter Mr Deputy Speaker, mon remersye ou.  Mon demann tou Manm silvouple annou siport sa Mosyon pour Sesel.

Mersi bokou.

MR DEPUTY SPEAKER

Bon, nou a pran en vot lo prensip e merit zeneral sa Bill.  Tou Manm ki an faver lev lanmen.  Inanim.

        Mon a ganny en Formal Second Reading.

DEPUTY CLERK

A Bill of an Act to establish an Agency to be known as the Creative Industries and National Events Agency.  To promote the development of creativity, skills and talents in individuals and collectively in the fields of visual, performing and literature, arts and for organizing national events in a planned and coordinated manner and to provide for matters connected therewith or incidental thereto.

 

MR DEPUTY SPEAKER

Bon, mon mazinen napa nesesite pou nou al lo Staz Komite.  Mon ti a ganny en Mosyon pou nou sot sa.

HON CHARLES DE COMMARMOND

Mr Deputy Speaker, anba Order 91(1) mon move ki nou sispann lartik 65 a 70 nou Standing Order, pou nou sot Staz Komite sa Bill.

Mersi.

MR DEPUTY SPEAKER

Okenn Manm ki segonn sa?

HON JEOVANA CHARLES

Segonded Mr Deputy.

MR DEPUTY SPEAKER

Bon, lo la nou pran en vot ki nou sot Staz Komite, tou manm ki an faver ?  Inanim.

Mon ganny en Motion for Third Reading.

HON CHARLES DE COMMARMOND

Mr Deputy Speaker, anba Order 71(1) nou Standing Oder, monmove ki Creative Industries and National Events Agency Bill, 2016 i ganny lir en Trwazyenm Fwa.

MR DEPUTY SPEAKER

Okenn Manm ki segonn sa?

HON JEOVANA CHARLES

Seconded.

MR DEPUTY SPEAKER

Bon, nou pran en vot lo la.  Tou Manm ki an faver lev lanmen.  Inanim.

Mon a ganny en Third Reading.

DEPUTY CLERK

This Act may be cited as the Creative Industries and National Events Agency Act, 2016.

MR DEPUTY SPEAKER

Bon, avek sa, sa Bill in ganny aprouve e nou ava move lo Seychelles Tourism Board (Amendment) Bill, 2016.

E mon a ganny en Motion for Second Reading.

 

HON CHARLES DE COMMARMOND

Mr Deputy Speaker, mon move ki Seychelles Tourism Board (Amendment) Bill, 2016 i ganny lir en Dezyenm Fwa.

 

MR DEPUTY SPEAKER

Okenn Manm ki segonde?

Segonde par Onorab Jeovana Charles.

        E avek sa, mon ava envit Minister pou entrodwir son Bill.

MINISTER ALAIN ST ANGE

Mersi Mr Deputy Speaker.

        Mr Deputy Speaker, Seychelles Tourism, in pas atraver en seri azisteman, pandan bann dernyen lannen.  Sa bann sanzman, se pour nou pei –  nou pei ki depan lo Tourizm koman son Lendistri primer – sa Lendistri ki ozordi i pilye nou lekonomi. Sa bann sanzman, se pou nou adapte.  E an fezan sa, tenir avek nesesite du jour, pou nou kapab toultan delivre pou nou pei e pour nou pep.  Gouvernman ti santi ki i ti bezwen koz langaz Lendistri Tourizm.  Gouvernman ti bezwen, annan en sit lo latab dan milye Lendistri Tourizm, pou aktivman lead sa deba e lead dan bann demars, pou kontinyen fer marse sa Lendistri.  Se pourquoi ki nou pei, i bouz toultan kan i neseser.

Sanzman pli konsekan dan ladministrasyon Lendistri Tourizm an 2013, sete kreasyon Departman Tourizm e lapwentman en Sekreter Prensipal pour Tourizm.  Sa ti fer, ki tou responsabilite pou regilasyon, standar e sipervizyon sa Lendistri e osi responsabilite Polisi e Korperasyon Enternasyonal, ti ganny transfere avek Departman Tourizm.  Sa bann responsabilite ek staff ki ti kouver sa Departman, ti sorti avek Tourism Board e zot ti  anba Departman Tourizm dan Minister  Tourizm e Kiltir.

        Sa sanzman in fer, ki sel rol, ek sel responsabilite Board Tourizm ozordi, se marketing nou pei.  Ozordi se Board Tourizm ki annan manda pou market nou destinasyon dan lemonn Tourizm, tandis ki Departman Tourizm, zot rol se policing and of regulating nou Lendistri.  Sa i tre kler ozordi  pour Lendistri.  I tre kler pour nou pei.  I tre kler pour nou pep.  Apard sa responsabilite marketing nou destinasyon, nou Seychelles Tourism Board i osi kolabor kontinyelman; akoz zot en Departman dan menm Minister.  Zot kolabor pou advise Departman Tourizm, lo bann issues ki  afekte nou destinasyon – lo bann lenfrastriktir ki merit an plas pou siport nou Lendistri.  E osi zot la, pou ankouraz devlopman, sa ki  nou apel Tourism Services pou back-up sa Lendistri Tourizm, Sesel.

        Seychelles Tourism Board, i osi annan responsabilite, pou promouvwar bann diferan progranm, ki ganny devlope par Departman Tourizm, parey par egzanp – nou Seychelles Sustainable Tourism Label, parmi ankor bokou lezot.

        Tourism Board, pa la pou provide sipervizyon lo bann Lantrepriz Tourizm.  Sa se rol e sa se fonksyon Departman Tourizm.  Dan sa menm laliny, responsabilite alor, Board Tourizm nepli enplik dan travay pou etabli bann Code of pactice pour bann Lantrepriz Tourism.

        Ankor enn fwa ozordi, sa se rol Departman Tourizm, kot par egzanp ankor enn fwa, zot pe fer pou kontinyelman travay, pou amelyor sa Tourizm Sesel – parey progranm Klasifikasyon ki zot pe travay lo la konmela.

        En lot rol ki Departman Tourizm a bezwen pran, pou zwe en pli gran rol – avek to ou tar, ler zot lekip staff in ganny regete, se promosyon pou promouvwar e siport devlopman resours imen, dan Lendistri Tourizm.  En responsabilite ki dapre Minister Tourizm e Kilitir, i reste tre enportan pour nou pei arive tackle serten human resouce concerns, ki nou Lendistri pe fer fas avek ozordi. Sa an retour, a ed rehausse nivo servis dan pei.

        Ler nou pe get nou resours imen, nou a ed Lendistri, dan son konsolidasyon e devlopman.

        Mr Deputy Speaker, devan Lasanble Nasyonal ozordi, avek Act Tourism Board, 2016,  nou annan sa Act, akoz i enportan pou retir bann rol ki mon’n mansyonnen avan – retir sa bann rol parmi bann fonksyon Seychelles Tourism Board, ki ankor liste dan Seychelles Tourism Board Act.  Ozordi nou pe remet sa  Tourism Board Act, azour.

        Board Tourizm, pa kapab pe ganny vwar, pe promot Lendistri e an menm tan, pe tap laport Sekter Prive, pou rod sipor ek partnerships.  Me an menm tan, zot pe regulate zot e annan sa regar policing lo sa bann menm Letablisman.  Kestyon se, ki mannyer nou separ konfli regilater sa Lotel, kan ou bezwen zot sipor pour ou zefor marketing?

        Ann adisyon, nou’n osi vwar li neseser e apropriye koman nou pe met nou Tourism Board Act, azour, pou demann pou retir nesesite pour Seychelles Tourism Board annan en Marketing Fund Committee.  E sa dezyenm Komite pour Seychelles Tourism Academy, ki paret anba Seksyon 7 subsection (1).

        Mr Deputy Speaker,  Marketing Committee, ti ganny set up avek lide promouvwar en Marketing Fund, kot Gouvernman ek Sekter Prive nou Lendistri, i fer en kontribisyon ladan.  Sa letan, akoz kontribisyon finansyel Sekter Prive ti pou dan sa Fund, latransparans pou asire ki tou le de parti – Gouvernman ek Sekter Prive, pa ti zis okouran, me ki zot ti satisfe lo ki mannyer larzan dan sa Fund, ti pe ganny servi.

Sa Komite Mr Deputy Speaker, ti ganny kree pou planifye e monitor bann depans.  Ozordi, sa practice in ganny depase, akoz Marketing Fund, pe ganny funded direkteman par Gouvernman atraver Tax.  Ozordi se Oditer Zeneral, ki annan rol verifye kont Tourism Board.  E Kontab ansarz ek tou son staff kot Tourism Board, se bann staff Minister Finans.

Mr Deputy Speaker, parey-man, kan Seychelles Tourism Academy – STA ti ganny tranfere sorti Minister Ledikasyon, pou al dan Sekter Tourism, sa responsabilite ti ganny donnen a sa gro Tourism Board sa letan, pou gid devlopman sa Lakademi, parey zot ti osi annan sa letan –oversight Lendistri Tourizm an antye, pou asir sustained growth sa Lendistri pour nou pei.  Sa letan Seychelles Tourism Board, ti raport direkteman a Prezidan, akoz Prezidan ti pe tenir Portfey swa Portfolio Tourism.  Ti napa Minister Tourizm sa letan.

Apre ki Departman Tourizm, ti ganny kree, responsabilite pou progre e devlopman Lakademi Tourizm, pe ganny swiv e son monitoring pe ganny fer par Departman Tourizm, dan Minister  Tourizm e Kiltir.  Se sa ki fer, ki Seychelles Tourism Board, nepli bezwen en Komite, pou konsey nou Lakademi Tourizm.  Sa fonksyon i responsabilite Departman Tourizm.  E zot pe ganny sipor par en Advisory Committee sorti dan Sekter Prive, ki pe travay etrwatman avek PS Tourizm e Principal kot Lakademi Tourizm, li menm.

Mr Deputy Speaker, an gro, vwala rezondet sa bann lamannman enportan ki devan nou Lasanble ozordi.  Nou pe netway nou Act e fer li vin azour avek sa ki pe ganny fer ozordi, dan Tourism Board. 

Mersi bokou, Mr Deputy Speaker.

MR DEPUTY SPEAKER

Bon, deba i ouver e mon envit Onorab Vangadasamy.

HON SHERYL VANGADASAMY

Mersi Mr Deputy Speaker.

        Mr Deputy Speaker, Minis ek ou delegasyon, Manm Onorab, bonn apre midi.

        Mon pa pou koz bokou letan lo sa Prozedlwa, akoz mon krwar i straight forward parey Minis in eksplike.  E mon konpran lesansyel sa lamannman ki pe ganny fer. E lo sa size, mon pou donn mon sipor sa Prozedlwa, akoz mon santi poudir ki ozordi dan pei, i normal pour ki ou’n annan en Lazans parey STB,  ki li i annan son regilasyon ki regulate li as a body.

But at the same time, i enportan pour ki nou bann lezot Lazans – pti Lazans, i konsyan poudir ki zot annan en parent ministry ki gid zot.

Mon krwar sa separasyon, ant ki the policy-making goes back to the Ministry, i vreman enportan.  Mon krwar  enn, dan 2 fonksyon.

 (1) ki i donn STB letan ouswa letan e osi ase resours pou li, deservi son main fonksyon e sa se market nou pei Sesel, koman en destinasyon touristik.  E sa i a donn sa responsabilite policy-making, ouswa lo serten nivo, ki i a reste avek Minister ki esansyel.

Lo lot kote osi, i donn Minister osi, sa sans e sa lyen, pou li gard en pe plis sa oversight dan en serten sans, pou konn en pti pe plis, kwa ki egzakteman pe go on.  Parfwa nou bezwen realis.  I annan realite ozordi, fodre annan serten Lazans ouswa  serten pti body, ki despite the fact ki i annan en parent Ministry, i   kapab krwar poudir li i otonomi,  oswa i pa responsab anver son parent ministry.  E par ler nou kapab deviate ouswa, nou vwar serten keksoz ki kapab arive, ki sa parent Ministry pa neseserman aware, oswa pa neseserman pa an konformite avek the overall objective or the Portfolio of the Ministry. 

So, mwan mon santi ki sa pour mwan, i ava donn sa loportinite STB, pou fer son rol primordyal – sa se vann Sesel, anmenn plis touris Sesel, pou anmenn plis larzan dan nou lekonomi.  E asire ki nou bann Lotel, nou bann aktivite ki nou annan, i al lo nivo pou nou bann touris kapab re-zwir.  E an menm tan, donn Minister, sa sans e sa loportinite, pou li vwar bann policy-making i dan lentere – pa zis STB as en Lorganizasyon, me osi i bezwen dan lentere Minister e Gouvernman, ki’n ganny elekte dizour.

So, i bezwen mars anliny.  E it’s the Ministry who should be – mwan pour mwan dan mon lopinyon personnel – it’s the Ministry who should be – pe fer the policy-making e STB osi i kapab donn son gidans.

I pa sipoze en dictator en lapse kot zis Minister i dir, ‘ou fer sa, ou  fer sa.  Me solman i bezwen annan sa rol kot nou annan sa enteraksyon – sa konsiltasyon, ki mon krwar i marse tre, tre byen.   Me selman mon krwar sa lamannman, i anliny avek vre lentansyon, pour nou donn STB plis son lespas, e donn Minister back en pti pe son rol ekri Polisi, ki pou diriz en pti pe sa Lorganizasyon.

E mon krwar dan sa loptik mwan Depite Speaker, se pour sa rezon ki mon pou vot an faver sa lamannman.  Mwan, mon’n pran li dan sa fason e mon pou donn li mon sipor.

Mersi.

MR DEPUTY SPEAKER

Bon, avek sa mon oule enform zot ki nou’n resevwar 2 amannman sorti kot Onorab De Commarmonde.  E mon ti ava envit li pou entrodwir son amannman.

 

HON CHARLES DE COMMARMOND

Mersi Mr Deputy Speaker.

        Mr Deputy Speaker, sa 2 amannman i paret osi senp.  Zis enn, se ki nou pe demande ki Quorum olye 4 i vin 5.   I reste parey avan e non pa sa propozisyon ki nou pe propoze pou fer li vin 4.

        Prensipalman, se sa lamannman pli enportan ladan.  E mon krwar i straight forward, otherwise.

        Mersi.

MR DEPUTY SPEAKER

Bon, mon a demann Minis si i ok avek sa bann amannman?

MINISTER ALAIN ST ANGE

Mersi Mr Deputy Speaker.  Wi, nou aksepte.  Mon’n propoz pou fer li vin 4, pou fasilit rankont Board, me pwen fer par Onorab De Commarmond, nou aksepte e nou siport li.

        Mersi bokou.

MR DEPUTY SPEAKER

Bon, pour sa bann amannman nou pran en vot.  Tou bann ki an faver?  Inanim.

Savedir, sa amannman in ganny amande par bann amannman propose par Onorab De Commarmond.

E avek sa, mon ava envit Minister pou fer son Reply, ki mon panse sa voyaz i a tre kourt.

Proceed.

MINISTER ALAIN ST ANGE

Mersi Mr Deputy Speaker.  I pou tre, tre kourt.  Mon annan Onorab Vangadasamy, ki’n fer en pwen kler lo separasyon pouvwar dan Minister e sa i en pwen ki nou siporte.   Be akoz sa ki i pe dir nou, i ganny fer ozordi e i pe remet azour en netwayaz dan sa ki Board son manda i été e sa ki pe ganny fer deza.  E sete plito Act STB, ki pa ti’n swiv bann sanzman ki’n pran plas o fir e anmezir.

        Ou konnen Mr Deputy Speaker, ler Tourism Board i ganny mandate pou li vann Sesel  e fer li marse, tou dimoun i kontan ler tou keksoz pe mars byen.  E tanzantan ou vwar bann Lartik ki ganny ekri ki dir ou, akoz Board Tourizm i claim, se zot ki fer li marse?  E ler pa marse, zot dir Board Tourizm ki pa pe fer son travay.  Se pour sa rezon, ki nou bezwen les Board Tourizm epanouir, travay e vann Sesel.

        Dezyenmman, bann propozisyon fer par Onorab De Commarmond koman LGB – wi son Quorum – antyerman dakor, sinon Chairperson pou annan en casting vote e la nou pa annan Chairperson avek en casting vote,  akoz i 5 manm pou fer quorum pour Board Lendistri Tourizm.

        Avek sa Mr Deputy Speaker, mon demann tou Manm silvouple, siport sa propozisyon ki devan Lasanble.

Mersi bokou.

MR DEPUTY SPEAKER

Bon, nou pran en vot lo merit e prensip zeneral sa Bill. Tou Manm ki an faver?  Inanim.

        Mon a ganny en formal Second Reading.

 

DEPUTY CLERK

A Bill of an Act to amend the Seychelles Tourism Board Act, 2005.

 

MR DEPUTY SPEAKER

Bon, mon a ganny en Mosyon pou sot Staz Komite.

HON CHARLES DE COMMARMOND

Yes, Mr Deputy Speaker, mon move anba Order 91 (1), pou sispann Lartik 65 a 70 Standing Orders, pour nou sot Staz Komite sa Bill.

        Mersi.

MR DEPUTY SPEAKER

Okenn Manm ki oule segonn sa ?

Bon, nou pran en vot lo la.  Tou Manm ki an faver sot Staz komite?  Inanim.

Mon a ganny en Motion for Third Reading?

 

HON CHARLES DE COMMARMOND

Mr Deputy Speaker, anba Order 71 (1) mon move ki  Seychelles Tourism Board,  (Amendment) 2016, i ganny lir en Trwazyenm Fwa.

 

MR DEPUTY SPEAKER

Okenn Manm ki segonde?

        Segonde.  Nou a pran en vot lo la.  Tou Manm ki an faver?  Inanim.

        Mon a ganny en Third Reading.

 

DEPUTY CLERK

This Act may be cited as the Seychelles Tourism Board (Amendment) Act, 2016.

 

MR DEPUTY SPEAKER

Bon, avek sa, mon annan plezir ki sa Seychelles Tourism Board (Amendment) Bill, 2016 in ganny aprouve.

        Nou ava remersye Minis e son delegasyon e nou ava ekskiz zot parmi nou.

(The Minister and his delegation was excused from the House)

 

MR DEPUTY SPEAKER

E Lasanble i a kontinyen son travay.

        Bon, prosen item lo Order Paper, se Mosyon pou apwent en nouvo Anbasader.  E mon ava envit Onorab De Commarmond, Leader of Gouvernment Business, pou prezant son Mosyon.

 

HON CHARLES DE COMMARMOND

Mersi Mr Deputy Speaker.

        Mr Deputy Speaker, mon Mosyon i lir koumsa – That this Assembly resolves to approve the appointment by the President of Ms Beryl Samson as Ambassador. 

        Mr Deputy Speaker, Ms Samson i en zenn madanm sorti dan distrik Beau Vallon.  E set en dimoun ki’n fer son karyer – si oule, prensipalman dan Minister Foreign Affairs.  Si nou gete dan lepase e tou dernyerman, pa tro lontan pase, nou’n apwent bann nouvo Anbasader. E nou pei  in apwent a diferan moman – diferan kalite dimoun – avek dimoun avek diferan kalite background – si oule, koman Anbasader. I annan lapwentman, en pti pe politik.

        Sa enn la ki devan nou, set en pe  – vwar, en Diplomat e karyer.  En dimoun ki’n grandi dan sa Minister e avek bann potansyel.  E letan mon get son CV, mon vwar poudir i annan plizyer area serye e enportan, ki Ms Samson in pArtisip ladan – in dominen.  Par egzanp, letan nou Sesel, ti  fer son aksesyon dan WTO, letan si oule, nou’n pArtisip dan negotiating team dan EU, e tou sa – letan pe negosye bann zafer Economic Partnership Agreement, nou vwar poudir Ms Samson in zwe rol kle dan tou sa.

        Ler nou’n entrodwir osi PPBB Public Partnership la – Public Scrutiny e letan nou pe fer, si oule fer bann nouvo demars avek bann Minister ki mannyer zot pe operate – performance programme based-budgeting la e sa Ms Samson in zwe en rol kle, osi.  En rol kle, pou konnen ki mannyer sa mekanizm i marse. E nou vwar poudir osi dan diferan nivo, Ms Samson in pArtisipe ki swa dan SADC, dan EU e tou.  Set en zenn fiy ki nou krwar, i annan en potansyel enportan pour li kapab anmenn la diplomasi Seselwa, lo en lot nivo.

        Lo sa pwen, permet mwan pou vwar en pti pe – kekfwa nouvo dinamik ki nou annan ozordi, dan nou bann Lanbasad.

        Mr Deputy Speaker, nou bann Lanbasad, ozordi, nou vwar diferan keksoz.  Nou vwar Anbasader, serten dan serten ka, serten sirkonstans, a mon avi, ki’n la tro bokou letan osi.  Konmsi i bezwen annan sa rotasyon.  Mon get bann Anbasader etranze ki vin Sesel, ordinerman 3an – maksimonm 4an – fini rotate.  Me pou nou, mon konnen nou en pti pei, pou nou parfwa nou vwar en Anbasader i ale 9, 10an, 12an.  So, mon vwar en pe bokou.

         Aprezan i annan en lot keksoz ki mon pe remarke osi, nou pa tande ki zot fer.  Non, serye.  Mon note.  Ti a bon nou annan plis transparans ki pase dan nou bann Lanbasad – pou dir nou, ki kalite keksoz ki pe ganny fer – ki kalite Lagreman isi, laba.  Kote nou pe benefisye, dan bann diferan Lanbasad ki nou pe kree.

        So, mon profite letan nou pe koz lo lapwentman Ms Samson, ki sa kote nou diplomasi, i ganny plis transparans lo la.  Nou demande ki Minister Foreign Affairs, i raport ek pep Seselwa plis, akoz i annan bann kou ki ale ek Lanbasad e nou ti ava kontan konnen ki pe fer.

        Me selman en pwen osi enportan, ozordi zour dan nou bann Lanbasad aletranze – nou bann Lanbasad i bezwen ganny plis strenghtening.  I bezwen ganny osi, akoz i annan par egzanp – pran ou serten Lanbasad; pran Nasyon Ini, pran Lanmerik, pran bann an Lerop  – leker de l’Europe laba dan Belgium – dan sa bann landrwa, pran ou Ethiopia pour Lafrik or South Africa – i bann landrwa ki i annan bokou, bokou aktivite enternasyonal. I annan bokou bann Lorganizasyon enternasyonal ki baze dan sa bann landrwa.  E konmsi ou pa kapab met en dimoun  tousel laba.  I pa pou kapab deliver ase.  Nou bezwen vwar osi ki mannyer alor dan serten area, nou redinamiz e strengthen bann Lanbasad dan sa bann area pour ki Sesel i tap-in dan bann posiblilite – dan bann landrwa, dan bann progranm ki nou kapab benefisye plis. Akoz sinon, parey mon pe dir ou, ou pou vwar poudir en dimoun tousel i pou telman loaded, i pa pou kapab eksplwat bann potansyel ki nou annan dan sa bann landrwa kot nou annan bann Lanbasad.

        Alor, nou pe demande ki letan nou pe apwent Ms Samson koman en Anbasader, Anbasadris e nou demande ki la sa bann keksoz i ganny taken note – seriously taken note of.  E ki Minister of Foreign Affairs sirtou, i donn nou sa feedback. 

        Nou krwar poudir Ms Samson, in osi annan sa bann responsabilite oparavan letan in Ministry of Foreign Affairs avek atase avek diferan Lanbasad ouswa diferan Konsil – par egzanp an Belgique – sirtou dan Lerop – ek World Bank, diferan progranm in pArtisip ladan.  Be sa li menm,  parey mon pe dir – i a ede pou nou ozordi kapab eksplwat bokou plis sa bann Lorganizasyon.  Ler mon dir eksplwate, vedir konmsi pArtisip plis dan bann progranm – eksplwat bann benefis ki sa bann Lorganizasyon i aporte.  E ki li a son tour, i ava met sa a-laporte nou pep – a-laporte nou Gouvernman, pour ki Gouvernman i benefisye avek.

        Vwala – mon krwar avek sa, nou napa much pou dir lo la.  Sa lapwentman mon pa krwar, i annan okenn kontradiksyon.  Mon krwar i en kestyon straight forward – i en kestyon ki sa zenn fiy, i kapab anmenn Sesel lo en lot nivo dan la diplomasi.  E sirtou dan la diplomasi ekonomik, akoz i annan en baz ekonomik.  E mon krwar la Sesel, a kapab  benefisye la kot nou bezwen bokou lavantaz ekonomik, nou pei.

        Avek sa, mon a demande ki nou siport lapwentman Ms Samson koman en Anbasader, pour pei.

        Mersi.

MR DEPUTY SPEAKER

Bon, Mosyon in ganny prezante.  Okenn Manm ki oule segonde?  Mon ti’n vwar Onorab Souris lev son lanmen pou li segonde.

 

HON MIRENA SOURIS

Mr Deputy, mon oule segonde e mon ti a kontan entervenir.

        Mersi.

 

MR DEPUTY SPEAKER

Proceed.

 

HON MIRENA SOURIS

Mr Deputy, ozordi ankor enn fwa, i en loner e lafyerte koman Manm Parlman pou distrik Beau Vallon, pour mwan dir enn de mo an faver sa Nominasyon.  Ankor enn fwa, se enn nou zabitan Beau Vallon ki’n ganny nominen pou vin en Anbasader.  Se pa lot ki Manmzel Beryl Samson.

        Mr Deputy, mon pou met lo rikord, ki Nominasyon Manmzel Samson, i fer ki mon distrik Beau Vallon, i ganny le en dezyenm  Fanm ki ganny koman en Anbasadris sa lannen.  De lot kote, sa nominasyon i swiv apre Madanm Marie-Louise Potter, Manmzel Marie-Antoinette Rose – en Manm Komite Santral, Manmzel Vivienne Fock-Tave e Madanm Marie-Pierre Lloyd.   Se sa ki nou dir, ki bann fanm dan sa Gouvernman dirize par Parti Lepep, pe ganny loportinite ki merite koman bann Profesyonnel.

        Mr Deputy, sa dan li menm i demontre lafors lakonplisman fanm dan nou sosyete.

        Ozordi dan nou pei, sa pa  kapab ni ganny demanti, akoz plis ki zanmen laprev i la.  Loportinite pour bann fanm, i a dispozisyon pour tou dimoun ki annan sa potansyel.  E anba Gouvernman Parti Lepep, ou pou kapab – parey nou dir – be what you want to be – parey nou Prezidan i toultan dir.  Ti bon pou note, ki sa  Gouvernman dirize par Parti Lepep, i azour avek rol bann fanm dan sosyete e sa i anliny avek nou SADC Protocol lo gender.

        Mr Deputy, mon pou profite pou lans en lapel avek  nou bann zenn, ki pe travay  dir e sezi tou bann loportinite ki ganny met a  zot dispozisyon, parey Manmzel Samson.

        Manmzel Samson i en  zenn Profesyonnel ki’n prouve son lekor.  E son Nominasyon i pou vin koman en lenspirasyon, pour lezot zenn ki pe travay, ki pe mazinen pou pran en karyer dan domenn la diplomasi, ouswa ki pe deza travay dan domenn la diplomasi,  pou swiv legzanp, Manmzel Samson.

        Parey mon’n dir, Manmzel Samson in prouv son lekor koman en zenn Profesyonnel e in annan en long  parkour dan

Minister Zafer Etranzer, kot in tenir diferan pozisyon.  Pandan tou sa bann lannen, Manmzel Samson in akimil bokou leksperyans e son kalite ki i posede, mon napa okenn dout, ki Manmzel Samson pou fer en bon travay koman Anbasadris pour nou pei.

        I byen pour note, ki Manmzel Samson in travay akote Manmzel Vivienne Fock-Tave.

        Mr Deputy, se sa ki fer ki Manmzel Samson i osi teknikman kapab, pour desarz sa responsabilite, efektivman.

        Manmzel Samson in demontre son lwayote  atraver tou bann negosyasyon, dan son karyer pandan tou sa bann lannen ki i pe travay ek Minister Zafer Etranzer.  Son leksperyans ki i deza annan, pou ed li fer bokou pour Sesel, koman sa pti pei ki pe vin deplizanpli renonmen dan lemonn.  Mon sir ki Manmzel Samson pou kapab travay lo bann Dosye enportan e neseser, pou asire ki  bann size ki konsern nou pei, nou pep e nou devlopman i ganny konsidere dan sa konteks apropriye, lo nivo global e osi enternasyonal.

        Mr Deputy, avek sa de pti mo, zabitan Beau Vallon i zwenn avek mwan, pou swet Manmzel Samson bokou sikse dan son parkour.  Ki Bondye i kontinyen gid li.

        Mersi Mr Deputy e mon pou siport sa Nominasyon.

MR DEPUTY SPEAKER

Bon, si napa lot, Onorab De Commarmond, Right of Reply.

 

HON CHARLES DE COMMARMOND

Mersi Mr Deputy.

Mr Deputy,  mon remersi lentervenan ki’n koz an faver sa lapwentman.  E nou senpleman, nou ti ava demande ki Ms Samson, nenport landrwa ki i ganny mete koman Anbasadris letan son lapwentman in fini aprouve, nou demann li pou li siport Sesel e Seselwa, dan nenport ki landrwa kot i ava ganny poste, akoz souvandfwa osi nou vwar poudir bann Lanbasad en ler i pa konekte avek bann natif son pei ki dan sa bann landrwa.  Alor  nou demande ki i bezwen annan en pe an plis ki ganny fer dan bann Lanbasad, pour ki zot in touch avek zot pep – avek parey la dan nou ka – avek Seselwa ki al dan sa bann landrwa.  E zot laport i reste toultan ouver, an ka en dimoun i ganny en problenm e ki i annan en sipor ki i bezwen avek Lanbasad.

        Nou vwar sa i arive avek lezot Lanbasad – lezot pei.  Ler nou al deor nou vwar poudir serten Lanbasad i mars tre, tre byen e pou nou, nou  pe dir ki i devret annan en sipor anplis.  Alor ki nou pe demann li kot i ganny poste, pou toultan mazin son pei e son pep e donn sa sipor nenport ki landrwa ki i ava été.  E ki i fer en bon travay.

        Nou swet li tou de bon.  Bonnsans e Bon Kouraz sirtou dan sa lemonn difisil ozordi. E nou demann li pou fer en travay ekselan – formidab pour son pei – son pep.

        E  nou demann li lead by example pour li komans petet en kiltir – raporte en pti pe, kwa ki pe ganny fer, pour ki Seselwa i ava konnen poudir Manmzel Samson kot in ale la, i a pe debourye pour Sesel.  I a pe fer dibyen son pei – son pep.

        Mersi.

MR DEPUTY SPEAKER

Bon, lo sa Mosyon, nou pran en vot.  tou bann ki an faver lev lanmen.  Inanim.

        I vedir Lasanble, in aprouv lapwentman Ms Beryl Samson koman Anbasader e mwan osi mon ti a profite pou felisit Ms Samson pour son lapwentman.  Mwan osi mon’n ganny sans pArtisip dan plizyer misyon aletranze, kot in akonpanny mwan.  E mon napa okenn dout ki i pou fer en bon Anbasader, pour Sesel.

        Bon, avek sa, sa lot Mosyon table par Onorab Payet-Marie, pou ganny pran Mardi prosen.

        Lasanble i ava adjourn e nou a rezwenn Mardi le 16.

        ADJOURNMENT