::
Home » Verbatim » 2016 » Term 2 » Tuesday 5th July, 2016

Tuesday 5th July, 2016

NATIONAL ASSEMBLY OF SEYCHELLES

Tuesday 5th July, 2016

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou dimoun.  Bonzour tou bann Manm Lasanble Nasyonal. Bonzour Minis ek son delegasyon, tou bann ki pe ekout nou dan lakour.  Ozordi nou annan avek nou Minis pour Ledikasyon, Madanm Macsuzy Mondon. ki pe vin reponn plizyer Kestyon konsernan son Minister.

Nou ava komans avek kestyon 68 Onorab Bernard Arnephy.

 

HON BERNARD ARNEPHY

Mersi Mr Speaker.

Bonzour Mr Speaker. Bonzour Minis avek ou delegasyon, tou Koleg Onorab ek tou dimoun ki a lekout.Mr Speaker, eski Minis i kapab donn detay nou Lasanble, lo plan Minister pour lannen 2016 pou fer refurbishment work lo Lekol Primer e Segonder Anse Boileau ; e lezot Lekol ki nesesit serten latansyon, pou rann lanvironnman pli konvenab pour lansennyman e laprantisaz?

Mersi bokou Mr Speaker.

 

MINISTER MACSUZY MONDON

Bonzour Mr Speaker.

Bonzour tou bann Onorab e tou dimoun ki pe ekoute dan lakour.  Mr Speaker, si ou permet mwan, mon ti a kontan pas lo  -petet bann pli gro travay ki pefer kot Lekol Anse Boileau,akoz i annan en kantite travay ki pe ganny fer kot Lekol Primer ekot Lekol Segonder – enkli Lakres Anse Boileau.  Donk, i pa pou posib pour mwan pas atraver tou sa bann travay.  Me mon kapab donn Onorab apre en lalis, tou bann travay ki dan plan pou fer pou sa lannen.

Mr Speaker, kot Lekol Segonder Anse Boileau, i annan en bonpe travay ki’n ganny fer; par egzanp Chemistry Lab ek son Prep Room in fini ganny refurbish e travay i 75 poursan konplete.  Travay byensir pou kontinyenpou netwaye, dezenfekte lenfestasyon pizon dan Lekol.  Konstriksyon bann nouvo bin shelter e demolisyon serten parti batiman Lekol, kot nou santi pe kree serten problenm.

Nou’n osi fer serten travay reparasyon kontinyel lo fasilite ki ganny vandalize par bann zanfan, tel ki bann fasilite toilet, twatir,  sistenm elektrisite, eksetera.

Kot i konsern bann travay ki annan dan plan, ki nou pou fer pandan sa prosen 6 mwan ki reste, nou annan konstriksyon en miray an blok ki pou separ Lekol Segonder avek Lekol Primer.  Upgrade biro administrasyon avek lasal computer e en proze osi pou nivle lakour Lekol, pou anmenn plis sekirite kot Lekol.  Revwar osi tou bann fasilite ki annan pou fer avek bann lekipman Tenny Dife kot Lekol ; – e anmenmtan osi pou konstri en access ramp –travay ki pe al komanse tre byento.

Kot i konsern Lekol Primer Mr Speaker, en pe travay in konplete – par egzanp lo upgrade Bibliotek ek staffroom. Reparasyon lo Lakres Anse Louise. Upgrade tuck shop pou met li lo en pli o standar – enstal fan dan bann laklas P1, P2 avek P3. Eanmenmtan osi, bann travay ki annan pou fer avek lenfestasyon pizon.

Kot i konsern pour sa prosen 6 mwan ki restepou Primer ek Lakres,i annan ankor Mr Speaker, en bonpe travay pour nou fer, tel ki ankor pou nivle lakour Lekol.  Enstalasyon prefab pour 6 laklas avek demolisyon ki nou bezwen fer dan dezyenm lanmwatye lannen.  An menm tan osi, nou peprevwar ki pou nou penn Lekol Primer e osi Lekol Segonder.

Kot i konsern lezot Lekol Mr Speaker, mon a zis nonm enn de bann gro proze tel ki, Lekol Cascade, premye faz ki’n fini e ki nou pe bouz lo dezyenm faz.  Travay parey nou konnen, lo Lekol Perseverance Segonder in fini komanse. Lekol La Rosière Primer osi, travay i an kour e Lekol A Level kot premye faz travay, in fini konplete.

Mersi Mr Speaker.

 

MR SPEAKER

Okenn siplemanter Onorab?

 

HON BERNARD ARNEPHY

Mr Speaker, mersi.

Mr Speaker, an vi ki lenfrastriktir Lekol en kantite i ganny afekte atraver vandalizm, legzanp tipik Anse Boileau Segonder i en Lekol kot i annan en kantite vandalizm e Lekol i dan en move leta; eski Minister pe vreman aplik son Polisi, kot bann ki ganny trouve koupab pou vandalizm propriyete Lekol, zot ganny fer accountable e kot serten kontribisyon i ganny fer pou kapab, refurbish sabann domaz ki ganny fer?

Mersi.

 

MINISTER MACSUZY MONDON

Mersi.

Mr Speaker, wi otan ki Head teacher i pran aksyon avek sa bann marmay o nivo Lekol, oubyen i refer zot kot i neseser avek Minister ledikasyon, aksyon i ganny pran avek sa bann manrmay.  Me pour ou pran aksyon, ou bezwen annan lenformasyon.  Ou bezwen konnen lekel, sa bann manrmay ki’n fer vandalizm.  Me selman si nou al dapre Polisi, i pa merit en problenm.

Mersi Mr Speaker.

 

MR SPEAKER

Onorab Houareau.

 

HON HERBERT HOUAREAU

Bonzour Mr Speaker.Mersi Mr Speaker.

Mr Speaker, an vi larepons Minis, eski Minis i kapab dir ek saLasanble,kwa egzakteman ki’n arive, ki’n okazyonn enormeman retar par Minister Ledikasyon de son par pou renovate bann Lekol, lo pwennvi bann gro louvraz parey masonnri ek sarpantye, pe ganny afekte tel, parey Lekol Belonie.

Mersi.

 

MINISTER MACSUZY MONDON

Mr Speaker, dabor mon bezwen dir, larzan ki nou  prevwar dan bidze tou-lez-an, i pa neseserman sa larzan ki nou gannyen pour nou kapab fer travay reparasyon lo tou bann Lekol.  Ok, nou toultan ganny en sonm – par egzanp, baze lo pou Plan Stratezik, pour sa lannen, nou ti demann R195 milyon, me selman nou ti ganny zis R109 milyon.  Donk nou bezwen pre-parti travay, baze lo larzan ki nou gannyen.  An menm tan, etandonnen kantite proze ki nou annan, e ki nou bezwen kontinyelman submit avek Procurement, parfwa nou ganny en pe retar pour nou kapab komans serten travay.  E osi, i annan travay pandan letan Lekol  – ki nou bezwen esper vakans pour nou kapab fer sir, pou nou fer travay e konplet li a-tan.

Mersi Mr Speaker.

 

MR SPEAKER

Onorab Valmont.

 

HON SYLVIANNE VALMONT

Mersi Mr Speaker.

Bonzour Mr Speaker, Minis e Koleg Onorab.  Mr Speaker, eski Minis i kapab dir nou, an vi son larepons, kot i konsern lekipman pou tenny dife e osi refurbishment of library par egzanp; pour Lekol Anse Aux Pins ki osi enportan pou take care of parey nou dir.

Mersi Mr Speaker.

 

MINISTER MACSUZY MONDON

Mr Speaker, mersi.

Wi, dan plan nou annan ankor en kantite Lekol.  Par egzanpanba Progranm Ledikasyon Primer, kot salannen nou’n ganny nou R27 milyon, nou’n reparti sa parmi tou bann Lekol kot nou santi i annan bann travay neseser, irzan oubyen enportan, ki nou bezwen ganny fer.

Kot i konsern Lekol Anse Aux Pins pli spesifikman, Onorab mon ti a kontan rod sa lenformasyon, apre petet partaz avek ou.  Akoz mon annan tout en lalis devan mwan e mon pa pou kapab lir tou sa lalis.

Mersi.

 

MR SPEAKER

Ou vwar mon pou Rule ankor, nou pa kapab vin la, vin demann bann kestyon spesifik lo nou distrik e nou espekte Minis annan lenformasyon lo 25 distrik.  Ok,mon’n rule sa avan e I will not entertain itankor.  Ok, nou ava demann en kestyon zeneral lo Kestyon Orizinal.  Minis pa pou kapab vin donn lenformasyon lo tou le 25 distrik an konsern sak proze.  Pa konnen konbyen fwa mon pou dir sa en.

I’m calling you to Order, ler mon fer en Ruling you don’t challenge, ok?

Onorab Pillay.

 

HON SEBASTIEN PILLAY

Mersi Mr Speaker.

Mr Speaker, Minis in koz atantivman lo refurbishment work ki pe ganny fer lo Lekol Primer e Segonder Anse Boileau.  Eski Minis i kapab dir ek nou Lasanble, ki mekanizm monitoring dan son Ministeri annanan plas, pou asire ki bann travay ki pe ganny fer i ganny fer,i ganny fer a-laoter; e ki son Minister i fer dan sirkonstans kot travay ki ganny fer pa a-laoter.  Zot angaz sabann Kontrakter oubyen lezot dimoun ki fer sa bann travay pou retournen re-fer sabann travay, akoz i paret ki in the long term se sa bann travay ki kout Minister ankor plis, ler zot bezwen retournen, e refer sa bann travay.

Mersi Mr Speaker.

 

MINISTER MACSUZY MONDON

Mersi Mr Speaker.

Mr Speaker, bann travay ki ganny fer dan bann i ganny monitor par bann project officers ki dan Maintenance Unit, dan Project Unit dan Minister Ledikasyon.  E definitivman si i annan serten travay ki’n ganny fer, zot bezwen retourn kot Kontrakter pou fer sir ki travay i ganny refer.

Me selman mon krwar nou ava apresye, petet zot osi zot konnen, souvandfwa i vre ki nou ganny serten problenm.  S ai enn bann fason osi ki nou ganny serten retar, akoz nou ganny serten problenm avek serten Kontrakter.  Letan nou’n donn travay pou fer, oubyen letan li ki’n ganny sa Tender pou fer satravay, apre i pa delivre parey i fodre.  E ler sa i arrive, nou fer sir ki apre nou follow up, nou fer sir ki travay i ganny konplete.

Mersi Mr Speaker.

 

MR SPEAKER

Kestyon 69, Onorab Bernard Arnephy.

 

HON BERNARD ARNEPHY

Mersi Mr Speaker.

Mr Speaker, avek sityasyon mankman Teachers dan bann Lekol, eski Minister pe seryezman konsider envestir dan virtual classroom, koman en parti entegral Education Sector Medium Term Strategy 2013-2017?

Mersi Mr Speaker.

 

MINISTER MACSUZY MONDON

Mersi Mr Speaker.

Mr Speaker, ler nou ti fer lodit pou devlop MTS an 2013, nesesite pour virtual classroom pa ti sorti koman en priyorite.  Me sa i en opsyon ki kapab ganny konsidere a lavenir.  Me i pou nesesit en resers aprofondi, lo sakonsep virtual classroom limenm e dan ki fason i kapab ganny servi dan konteks Sesel.

Mersi Mr Speaker.

 

MR SPEAKER

Okenn siplemanter?

 

HON BERNARD ARNEPHY

Mersi Mr Speaker.

Mr Speaker, touzour an relasyon avek Kestyon mankman Teachers –  eski Minister, then pe mazin adopte en sistenm seminar style teaching,sirtou pou bann zanfan S4, S5 ki peprepare pour zot IGCSE, dan leka kot i annan mankman Teachers dan sanivo.

Mersi Mr Speaker.

 

MINISTER MACSUZY MONDON

Mr Speaker, kot i annan mankman Teachers e sirtou kot nou annan zanfan ki pe al fer zot legzanmen IGCSE, nou toultan travay tre pros avek Lekol pour nou kapab fer serten lorganizasyon, pou fer sir ki bann zanfan pa perdi dan zot letid.  E i annan menm bann letan kot nou fer bann zanfan vini dan vakans.  Nou fer bann Ansenyan vini pou kapab donn bann travay ekstra bann zanfan, pou fer sir ki zot byen prepare pour zot kapab sit zot legzanmen.  Donk,sa osi i en opsyon.

Mersi Mr Speaker.

 

MR SPEAKER

Onorab Vidot.

 

HON KEVIN VIDOT

Mersi.Bonzour Mr Speaker.

Bonzour to dimoun ki a lekout.  Mr Speaker, anliny ek larepons Minis, eski Minis i kapab dir nou avek lentrodiksyon nouvo teknolozi e linovasyon dan ledikasyon, si en tel virtual system i kapab ede osi bann size spesifik ouswa pli teknik, ki kapab ede annan tou bann zanfan kekfwa dan en menm laklas e ki pe ganny menm leson a menm letan – ki i kapab ede annan sabon dispansasyon sa topik.

Mersi.

 

MINISTER MACSUZY MONDON

Mr Speaker, wi.  Mon krwar letan ou pe servi teknolozi, akoz teknolozi finalman ou kapab servi li pou support learning.  Donk, monkrwar i annan plizyer fason ki en Ansenyan, i kapab servi teknolozi dan son laklas pou li kapab anrisir zisteman laprantisaz son bann zanfan.

Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.

Mr Speaker, mon’n ekout tre atantivman larepons Minis.  An relasyon avek par egzanp bann zanfan ki dan bann laklas ki zot, zot pli avanse ki lezot, dan sirkonstans kot bann Ansenyanprezan i bezwen pe teach progranm lo nivo larestan zanfan e sabann zanfan pa neseserman ganny sans devlop plis.  Eski Minis pakwar ki envestir dan en sistenm virtual classroom, kot i kapab annan en Ansenyan dan en lot Lekol, ki pe teach en size lo en serten nivo –  par egzanp Matematik lo en serten nivo, i a permet lezot zanfan dan en lot Lekol ki lo menm nivo ek sabann ki en pe pli avanse ki lezot, pou benefisye ek en laprantisaz, dan en fason ki sa bann zanfan ki pli doue i a kapab avans devan dan en fason en pe pli vit.

Mersi Mr Speaker.

 

MINISTER MACSUZY MONDON

Mr Speaker, wi.  Me pour nou fer sa nou bezwen annan en kantite kondisyon an plas.  Nou bezwen fer sir ki lenfrastriktir i an plas.  Ki nou annan bann lekspertiz teknik e edikasyonnel – ki byensir osi nou annan bann Staff adisyonnel; akoz i annan en kantite fakter ki ou bezwen konsidere letan ou pe al met anplas en virtual classroom.  I annan en kou osi ki al avek.  E ler ou regard en pe bann kontrent, bann difikilte – zisteman ki nou pe fer fas avek Internet dan nou bann Lekol, ki nou paankor kapab fer li ariv a laoter ki nou ti a kontan fer li arive –  mon pa krwar dan sa moman la kot nou été, nou pekapab al venture dan en keksoz parey.

Mersi Mr Speaker.

 

MR SPEAKER

Bon, kestyon 70, Onorab Arnephy.

 

HON BERNARD ARNEPHY

Mersi Mr Speaker.

Mr Speaker, eski Minis i kapab donn nou Lasanble, detay lo kalite training ki nou bann Teachers pe resevwar avek Liniversite Botswana e zot nivo performans apre training?

Mersi Mr Speaker.

 

MINISTER MACSUZY MONDON

Mr Speaker, training ki bann Ansenyan pe gannyen avek Liniversite Botswana, i lo nivo Degre dan diferan disiplin e a lafen zot kalifikasyon i en Bachelor dan Ledikasyon.

Pour lemoman, nou annan zis en premye group AnsenyanLasyans, ki’n termin zot letid an 2014, ki peansennyen dan nou Lekol Segonder. E Minister i satisfe avek zot performans.  En dezyenm group 12 Ansenyan, in fek antre dan pei e in repran zot travay e byensir nou kontinyelman Mr Speaker, monitor zot performans.

Mersi Mr Speaker.

 

MR SPEAKER

Okenn siplemanter?

 

HON BERNARD ARNEPHY

Mersi Mr Speaker.

Mr Speaker, eski Minis i kapab dir nou Lasanble, konbyen pe kout Gouvernman parEtidyan,pou train enn sabann Etidyan – e eski konteni progranm, Minister i satisfe ki konteni progranm i adapte avek konteks lokal isi.  E anmenmtan, ki kalite mekanizm o nivo Minister zot annan pour zot sivre de pre sa bann manrmay ler zot konplet zot training, pou asire ki zot pe delivre a laoter.

Mersi Mr Speaker.

 

MINISTER MACSUZY MONDON

Mr Speaker, mon pou napa kou Training, akoz salenformasyon i avek ANHRD. Me selman avan ler ki nou deside pour nou anvoy nou bann Ansenyanetidye Botswana, nou ti annan en delegasyon Ledikasyon avek ANHRD – NHRDC sa letan, ki ti al Botswana lo en fact finding mission zisteman, pou al regarde bann progranm ki zot pe o-fer e si, sa konteni program, i pou adapte avek sa ki nou, nou anvi pour nou bann Ansenyan.  Donk, tou bann travay preparasyon ti ganny fer e pour nou apre finalman  tonm dakor poudir se sa ki nou, nou anvi avek Liniversite pou nou bann Ansenyan.

Kot i konsern mekanizm, wi nou ti rankontre, par egzanp premye groupAnsenyan letan zot in retournen, kot nou  ti vwar avek zot – diskit avek zot, ki mannyer zot in vwar zot letid, bann difikilte  – si i annan ki zot in as atraver pour nou kapab byen sir  – si i annan nesesite retourn ver Liniversite e pour nou kapab rediskite.

Me premye group ki ti vini, tou bann Ansenyan ti satisfe avek zot letid ki zot ti pe fer Botswana.  Donk, nou santi poudir sa Kour ki nou bann Etidyan pe fer laba, i adapte e i pe reponn bezwen nou bann Lekol.

Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Mersi Mr Speaker.

Bonzour Minis, bonzour tou mon Koleg Onorab.  Mr Speaker, eski Minis i kapab dir sa Lasanble, si tou bann Etidyan ki’n al training Botswana, zot in pass, si i annan ki’n fail si i annan posibilite pourzot repete – e konbyen letan ki sabann Etidyan pe ganny Bond avek Minister Ledikasyon e si zot kas zot Bond ki bann konsekans ki annan ?

Mersi.

 

MINISTER MACSUZY MONDON

Mr Speaker, non nou napa rikord okenn Etidyan ki’n fail.  Me selman nou annan en Etidyan ki ti bezwen aret son letid pour li retournen, apre pou li re-pran enpe pli tar.  Normalman letan nou bann Etidyan, nou bezwen dir – ler nou bann Etidyan, inal etidye dan Liniversite, zot travay byen e zot fer sir ki zot reisir.  E rikord ‘Failure’ kot i konsern bann Etidyan, i preski in egzistan.

E kot i konsern bounding, bann Ansenyan i ganny bonded pour5an, pour zot travay ek Minister Ledikasyon letan zot in konplet zot letid.

Mersi Mr Speaker.

 

MR SPEAKER

Onorab Bristol.

 

HON ALDERIC BRISTOL

Mersi Mr Speaker.

Mr Speaker, mon ti a kontan demann Minis, si rezilta ki zot in gannyen, i en lankourazman pour zot kontinyen anvoy Etidyan etidye Botswana, ouswa si i annan lezot pei ki so, Minister i annan an-tet.

Mersi Mr Speaker.

 

MINISTER MACSUZY MONDON

Mr Speaker, wi.  Nou bann Ansenyan ki al etidye Botswana, i ganny bon rezilta.E nou napa lentansyon pour nou sanz Liniversite kot nou pe anvoy nou bann Ansenyan etidye.  Donk, nou satisfe pour lemoman avek sa letid ki zot pe fer dan Liniversite Botswana- e parey nou konnen nou’n osi fek siny en Lagreman avek Liniversite Botswana Mr Speaker. E byensir nou pou kontinyen avek nou training ki nou pe fer avek sa Liniversite.

Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.

Mr Speaker, prenan an kont ki training of Teachers i en konponan entegral lo Program performance-based budgeting statements ki Minister Ledikasyon, in met anplas;  eski Minis i kapab dir nou ki zistans thereforez ot ete avek sa relasyon avek sa statement ki relate to Teacher training e annan ase Teachers dan sistenm Ledikasyon, isi.

Mersi.

 

MINISTER MACSUZY MONDON

Mr Speaker, kot i konsern sa statement ki Onorab in fer referans avek, nou annan en proze ki nou’n komans travay lo la, ki pou ganny funded par World Bank.  Nou ankor lo komansman proze byensir, me i annan bann travay konsiltasyon ki’n ganny fer kot Konsiltan World Bank in vini.  E kot nou’n komans sa bann travay, kot i konsern zisteman Teacher management, Teacher recruitment, Teacher development eTeacher retention.

E mon panseletan nou’n fini enplimant sa proze sai ava ed nou  – pou zisteman tackle en bonpe nou bann problenm ki nou annan dan sa domenn.

Mersi Mr Speaker.

 

MR SPEAKER

Onorab Jeannevol.

 

HON BEGUITTA JEANNEVOL

Mersi Mr Speaker, bonzour.  Bonzour Minis.

Mr Speaker, eski Minis i kapab dir sa Lasanble, si zot pe konsider bannTeachers ki teach langaz.  Si zot kapab konsider training dan en pei kot zot kapab ganny imersyon dan sa langaz ki zot pe teach; par egzanp kot Teacher Franse ti kapab etidye La France.

Mersi.

 

MINISTER MACSUZY MONDON

Mr Speaker, nou bannAnsennyan ki pe teach Angle, zot osi zot pe etidye kot Liniversite Botswana. E bann dimoun Botswana i koz tre byen angle.  Donk, mon pa krwar sai pou en problenm pour nou bann Ansenyan.

Kot i konsern Franse, wi laplipar nou bann Etidyan pe fer zot lesanz avek Liniversite Sesel. I annan osi ki’n fer zot studies La Réunion – e i annan osi ki’n fer zot studies Liniversite en France.

Mersi Mr Speaker.

 

MR SPEAKER

Onorab Lenny Lebon.

 

HON LENNY LEBON

Mersi Mr Speaker.Kestyon 71.

 

MR SPEAKER

Pardon?

 

HON LENNY LEBON

Kestyon 71?

 

MR SPEAKER

Ou annan en lot kestyon lo la?  Ou pa’n demann en supplementary – ou kestyon sa?

 

HON LENNY LEBON

Non, non.Yes.

 

MR SPEAKER

Ou kestyon sa. 71, wi.  Onorab Lenny Lebon.

 

HON LENNY LEBON

Mersi Mr Speaker.

Bonzour Mr Speaker.Bonzour Minis ek ou delegasyon e tou dimoun ki a lekout.  Mr Speaker, eski Minis i kapab enform sa Lasanble, ki’n arive avek sa proze Reform School pou ede adres size disiplin, truancy e latitid dan bann zanfan?

Mersi.

 

MINISTER MACSUZY MONDON

Mr Speaker, plan Minister pou ouver en Sant pou nou bann zanfan avek problenm konportman i ankor la.  Nou konsider sakoman en proze ki tre enportan, pou adres problenm disiplin, truancy parey Onorab in fer resorti.  Saki nou bezwen, se en landrwa permanan, ekipe avek tou bann fasilite apropriye e osi bann Spesyalis neseser pour nou kapab pli byen ofer sa servis.

Pour lemoman parey nou konnen Mr Speaker, Minister Ledikasyon pe ofer en servis lentervansyon pour bann Etidyan Segonder avek resours limite e kan mannyer ki nou mwayen i permet.

Mersi Mr Speaker.

 

MR SPEAKER

Onorab Lebon.

 

HON LENNY LEBON

Mersi Mr Speaker.

Mr Speaker anliny avek repons Minis eski Minis i kapab donn detay nou Lasanble – i annan en proze kot ti pe met bann manrmay pou reform zot kot Lakademi.  Si i kapab eksplike ki kantite manrmay ki’n ganny mete anba sa proze; e osi ki son lefikasite.  An menm tan, letid i montre poudir bokou Teachers konmela pe kit profesyon akoz disiplin dan Lekol.  E ki son Minister pe anmennen konkretman pou adres sa defi.

Mersi.

 

MINISTER MACSUZY MONDON

Mr Speaker, lakantite manrmay ki’n pas atraver saprogranm ki nou annan pour lemoman – an tou i 245 Etidyan ki’n pas atraver saprogranm. Ok? E progranm i pe kontinyen.  Lo komansman sa lannen ankor, nou pe kontinyen run sa progranm.  Ok? E nou’n kouver ziska prezan 5 Lekol e nou pe anvizaze kouver ankor serten Lekol sa lannen.

Kot i konsern lefikasite progranm, nou’n vwar serten amelyorasyon dan konportman en bonpe sa bann zanfan, ki’n pas atraver sa progranm.  E sirtou dan Lekol kot letan zot in retournen, management, bann Ansenyan dan Lekol, in vreman ankadre zot byen e nou vwar en sanzman dan konportman mazorite sa bann zanfan.  Donk, nou santi poudir deza sa bann progranm ki nou pe fer a tan parsyel Mr Speaker, i efikas.

Bon, zisteman kot i konsern disiplin, tou sa bann progranm ki nou pe met anplas i bann progranm ki nou pe met anplas, pour nou kapab ede – pou nou kapab ganny en lanvironnman laprantisaz ki pli favorab dan Lekol, pour nou bann Etidyan.  Me lafason ki nou pe fer progranm pour lemoman, nou kapab pran en pti group zanfan.  E zisteman, si nou ti annan en Sant, nou ti kapab pran bokou plis zanfan. E sa ti ava ede amelyor sityasyon bokou plis olye, lo sa bann pti group nou pe pran konmela.  Me sa i pa vedir ki saosi i pa pe ede.  I pe ede. E parey mon pedir, bann zanfan ki lo sa progranm, nou satisfe avek lamazorite zot ki’n pas atraver progranm.

Mersi Mr Speaker.

 

MR SPEAKER

Onorab Payet.

 

HON DAVID PAYET

Mersi Mr Speaker.

Bonzour tou dimoun.  Mr Speaker, eski Minis i kapab enform sa Lasanble si Lotorite konsernen in fer en letid preliminer pou determin anviron ki poursantaz popilasyon Etidyan Segonder, pou bezwen al dan sa Reform schoole ki sipor zot pe donn sa bann zanfan konmela?

Mersi Mr Speaker.

 

MINISTER MACSUZY MONDON

Mr Speaker, pour lemoman lo sa progranm parey mon pe dir, nou annan apepre en 200 zanfan, ki pe pas lo progranm.  I posib ki nou pou annan ki nou pou annan plis alavenir.  I posib osi ki nou ava annan mwens, nou pa konnen.  Me selman nou, nou pe fer otan ki posib pou nou kapab – letan nou pe pran la, nou bezwen pran bann zanfan ki nou krwar zot neseserman bezwen vin lo sa progranm.  Bann zanfan ki nou bezwen tire dan lakour Lekol, pour nou kapab ed zot, pou nou kapab donn zot en pe sipor, pour nou kapab esey reform zot –  pour zot kapab apre reentegre dan Lekol.

Me petet sa letan ki nou pe fer li, i pa neseserman sifizan.  Si ou ti annan en Sant, ou ti kapab met zot dan sa Sant, pour en pli long letan.  Me otan ki posib Mr Speaker, nou donn bann sipor endividyel tou sa bann zanfan ki lo nou progranm.

Mersi Mr Speaker.

 

MR SPEAKER

Onorab Vidot.

 

HON KEVIN VIDOT

Thank you Mr Speaker.

Mr Speaker, eski Minis i kapab dir nou, ki nivo priyorite pou ganny en landrwa apropriye i ete lo son plan son Minister, anliny avek plan Gouvernman an zeneral, pou idantifye en later apropriye pou kapab met sa fasilite apropriye; e ki pe ganny fer pou prepar deza en Spesyalis ki ler sa bann landrwa in ganny etablir – ki i antre direk pou fer satravay ki bezwen ganny fer, ki pa bezwen espere ankor.

Mersi.

 

MINISTER MACSUZY MONDON

Mersi Mr Speaker.

Mr Speaker, mon pa pou kapab dir ou ki nivo priyorite, akoz finalman i pou nivo priyorite Gouvernman, i paenkli zis Minister Ledikasyon, i annan en group partner ki involve ladan.  E kot i konsern prepar bann Spesyalis, wi.  Nou, nou pe konmans anvoy train nou bann dimoun Seselwa, zisteman -pour ki letan nou kapab ouver nou Sant, nou ava annan o-mwen en group dimoun ki ava’n train pou komans travay dan sa sant.

Mesi Mr Speaker.

 

MR SPEAKER

Onorab Jeannevol.

 

HON BEGUITTA JEANNEVOL

Mersi Mr Speaker.

Mr Speaker, eski Minis i kapab dir nou, si sa proze Reform School, i osi kapab enkli edik nou zanfan lo konportman – pa zis dan lakour Lekol, me osi an deor, espesyalman letan ki zot ankor dan zot uniform–  kot bokou fwa bann bagar i ariv apre Lekol, lo larout piblik ouswa bann move konportman dan bis.  E ki aksyon i osi ganny pran ek zot malgre ki zot palo lakour Lekol.

Mersi.

 

MINISTER MACSUZY MONDON

Mr Speaker, wi.  Ler nou fer bann progranm koumsa pour nou bann zanfan, nou pa regard zis sa ki zot fer dan laklas oubyen dan lakour Lekol.  Nou regard son konportman total – son konportman an antye.  Nou regarde tou bann problenm konportman ki i annan e zisteman nou ed li pou li kapab rezourd, oubyen overcome tou sa bann problenm ki i pe fer fas avek.

Mersi Mr Speaker.

 

MR SPEAKER

Onorab Bristol.

 

HON ALDERIC BRISTOL

Mr Speaker, mon ti a kontan demann avek Minis,i i kapab dir sa Lasanble, ki bann gran benefis en tel Sant pou anmennen pouR nou zanfan avek nou Lekol, Sesel.

Mersi.

 

MINISTER MACSUZY MONDON

Wi, Mr Speaker. Definitivman en Sant parey pou anmenn bokou benefis.  Dabor pour sa bann zanfan zot menm, ki ava ed zot zisteman pou zot kapab amelyor zot konportman e re entegre pa zis dan Lekol, me dan lasosyete an zeneral.  Anmenmtan osi, i ava permet en pe plis tou nou bann Lazans, tou nou bann partner, pour nou kapab travay en pe plis ansanm, pour nou regard en pe bezwen ed bann zanfan; e ki mannyer ansanm nou tou nou kapab anmenn sa sipor ki sa bann zanfan i bezwen.

E byensir, ler ou annan en Sant, tou sa bann sipor ki ou pe donnen, tou sa bann entervansyon ki ou pe fer, ou pe fer li dan en sel landrwa e sa i ava fasilit travay ki nou pe fer pour sa bann zanfan.

Me pli gro benefis Mr Speaker, pour mwan – i pou zisteman annan en lefe pozitiv koti pou kapab improve lanvironnman Lekol, kot zisteman nou bann zanfan ki donn valer zot ledikasyon, nou bann zanfan ki enterese dan zot ledikasyon – nou bann zanfan ki anvi aprann, zot a kapab aprann an pe e zot a kapab reisir pli byen dan zot letid.

Mersi Mr Speaker.

 

MR SPEAKER

Onorab Maria Payet.

 

HON MARIA PAYET-MARIE

Mersi Mr Speaker.

Mr Speaker, Minis dan son larepons in koz lo resours limite e osi bann partner ki pe ede anver sa progranm.  Eski Minisi kapab enform nou Lasanble, alors, si i kapab mansyonn nou sa bann partner ki in mansyonnen; e osi ki bann kalite sipor ki sa bann partner pou anmennen anver bon lenplimantasyon sa proze, oubyen sa progranm.

Mersi Mr Speaker.

 

MINISTER MACSUZY MONDON

Mersi.

Mr Speaker, be nou bann partner, i tou bann Lazans zisteman ki pe travay avek zanfan; enkli Departman Servis Sosyal.  Setadir tou bann social worker ki pe travay dan tou sa bann distrik avek sa zanfan.  Bann lezot Lazans tel ki CARE, – tel ki NCC par egzanp e dan kominote osi, tou bann dimoun ki annan en keksoz pou fer avek nou bann zanfan.

Donk, mon krwar si nou tou nou kapab travay ansanm pou nou kapab anmenn sa sipor ki nou bann zanfan i bezwen mon pa vwar akoz, nou pa kapab reisir Mr Speaker.

Mersi.

 

MR SPEAKER

Onorab De Commarmond.

 

HON CHARLES DECOMMARMOND

Mersi Mr Speaker.

Bonzour Mr Speaker, bonzour Minis, bonzour tou dimoun ki alekout.

Mr Speaker, eski Minis i kapab eksplik nou Lasanble, dan ki fason ki Minister pe travay ek paran sa bann Etidyan ek sa bann partner ki i pe nonmen la, enkli DA, MNA, Lapolis dan en form conference pou ed tackle sa problenm disiplin ki i pe mansyonn-en, ek sa bann zanfan ki vreman konportman pa bon ditou dan Lekol. To what extent ki sa vreman pe ganny fer.

Mersi.

 

MINISTER MACSUZY MONDON

Mersi Onorab, mersi Mr Speaker.

Mr Speaker, zisteman mon pou repran avek kalite sipor ki sa bann zanfan ki nou pe espekte gannyen avek nou bann partner.  Ler nou regard sa kantite zanfan ki nou’n travay avek, par egzanp, lanmwatye zot ladan i annan en problenm sosyal.   E savedir 50poursan sa bann zanfan nou bezwen sipor sosyal, nou bezwen sipor social worker dan distrik pou kapab travay avek zot.  Donk, sa deza i donn nou en nide ki mannyer sa bann partenarya i enportan pour nou.

Anmenm tan, letan nou pe run nou bann progranm Onorab, nou toultan envit tou nou bann diferan partner.  O nivo distrik nou envite, letan nou annan serten zanfan ki konsern zot Lekol, pour zot kapab vin kot Lakademi – pour zot kapab partisip ansanm avek nou.  Pour bann paran byensir zot bezwen vini. Zot napa en swa e nou egzize ki zot vini.  I annan zot serten letan ki zot, zot vini pour zot kapab vin travay avek zot bann zanfan.  E byensir kot i annan bann striktir dan distrik, nou sey travay avek sa bann striktir pour nou kapab zisteman ganny sa sipor pour nou ede dan sabann travay ki nou, nou pe fer.  E parey petet bann Onorab i okouran, Mr Speaker,  nou’n fek lans en kanpanny pou nou bann paran ok, kot Ledikasyon  Mon Zanfan anba tenm ‘Ledikasyon mon zanfan, i mon devwar.’ E nou pe travay seryezman sa lannen zisteman, pour nou kapab anmenn nou bann paran en pe pli pre avek nou bann Lekol, pour zot kapab donn nou sasipor neseser ki nou bezwen.

Mersi Mr Speaker.

 

MR SPEAKER

Onorab Volcere.

 

HON MARC VOLCER

Mr Speaker, mersi.  Mon kestyon in ganny reponn – ti konsern paran.

 

MR SPEAKER

Onorab Bresson.

 

HON GALEN BRESSON

Mersi Mr Speaker.

Bonzour Mr Speaker, bonzour tou dimoun ki a lekout.

Mr Speaker, eski Minis i kapab eksplik ek sa Lasanble, in outline ki over 50 poursan bann Etidyan ki dan sa program, i problenm sosyal, eski Minis i kapab spesifye lo kote sosyal, kot lakaz si bann plan pe ganny swivi e si i annan en metod ki peganny enplimante pour le fitir ki osi i radicate sa problenm sosyal ki ou pe outline.

Mersi Mr Speaker.

 

MINISTER MACSUZY MONDON

Mr Speaker, byensir bann problenm sosyal ki monte, nou refer tou sabann problenm avek social worker ki dan sa distrik konsernen.  I annan diferan kalite. En kantite sa bann problenm sosyal.  I annan problenm pou fer avek lakour kot sa zanfan i reste, ok? Kot zanfan i marsaye paregzanp, napa kontrol kot lakour.  I napa en disiplin kot lakour – i sorti, i antre ler li i anvi e sa zanfan osi i krwar poudir letan i vin Lekol i kapab fer sa.  Donk,sa i enn bann problenm mazer ki nou rankontre.  I bokou bann zanfan ki zot paran napa kontrol.

Oubyen i osi anmenmtan osi menm bann zanfan ki annan en case, ler mon dir en problenm sosyal, kot zot deza annan en case kot sosyal, zot deza en social case ki pe ganny deal avek.  E pour nou zisteman kapab fer sa swivi Mr Speaker, letan nou, nou pe fer nou bout dan sa lazournen, lo sa progranm ki nou, nou pe fer,  aswar sa zanfan i retourn dan kominote. I retourn dan lakour.  E i enportan zisteman ki i annan sa swivi. E  la i enportan kot sa social worker, i donn en koudmen sa counselor ki li i pe fer sa travay o nivo Lekol.  Kot i konsern o nivo distrik apre Lekol,  li i donn sa koudmen pour ki sa zanfan i toultan sant li i pe ganny ankadre, pou li kapab ed li zisteman pou rezourd sa bann problenm ki i pe fer fas avek.

Mersi Mr Speaker.

 

MR SPEAKER

Onorab Houareau.

 

HON HERBERT HOUAREAU

Mersi Mr Speaker.

Mr Speaker, an vi larepons Minis, eski Minis i kapab dir ek sa Lasanble, si son Minister pe gard o profon lo sa problenm disiplin,responsabilite parantal ki a ede ki bann paran ki soutir zot zanfan, pa antre dan Lekol pou fer vyolans lo bann Teachers.

Mersi.

 

MINISTER MACSUZY MONDON

Mr Speaker, wi.  Nou pe regard o profon nou problenm Disiplin.  Trimes pase, par egzanp, nou’n al fer obzervasyon dan tou nou bann Lekol.  Nou bann Zofisye dan Minister in pas en lazournen dan bann Lekol – kot nou’n monitor ki i pase dan en lakour Lekol –  en lazournen, ki bann problenm disiplin zisteman ki bann Lekol pe fer fas avek ziska lafen lazournen.  Swivan sa, nou’n fer bann sesyon travay avek tou bann Lekol, dan tou bann Lekol spesifik, pour   nou vwar avek management Lekol, avek bann Ansenyan, ki mannyer ki nou kapab met bann stratezi a lenteryer Lekol li menm, pour nou kapab rezourd bann problenm.

Kot i konsern bann paran ki kontinyelman vin fer problem, dan lakour Lekol.  Mr Speaker, nou pe met zot dan lanmen Lapolis prezan.  Parske en paran, i pa kapab otoriz li pou antre dan en lakour Lekol, kot son zanfan pe aprann, pour li vin lager avek Ansenyan oubyen avek bann lezot dimoun dan Lekol.  E en seri meeting osi, in ganny fer avek bann paran an relasyon avek lansman nou kanpanny o nivo rezyonal.  La osi disiplin i en size ki nou’n diskite avek bann paran e pour nou kapab vwar ki bann rekomandasyon nou kapab met anplas zisteman, pour nou kapab deal avek sa problenm.

Mersi Mr Speaker.

 

MR SPEAKER

Onorab Esther.

 

HON NATASHA ESTHER

Mersi Mr Speaker.

Mr Speaker, eski Minis i kapab dir nou, ki mannyer son Minister pe adres bann zanfan Lekol Praslin/ La Digue avek bann tel konportman parey; e ki plan son Minister alavenir pou sa bann Lekol?

Mersi.

 

MINISTER MACSUZY MONDON

Mr Speaker, Lekol Praslin avek La Digue zot osi zot annan zot progranm a lenteryer zot Lekol, ok, ki zot in met an plas.  Me nou osi anvoy bann Zofisye ki sorti Mahe, pou ale pou al donn zot serten sipor avek zot program, pou zot kapab fer sir ki zot osi, ki bann problenm ki zot pe fer fas avek, zot kapab rezourd li.  E progranm pou kot i konsern Lekol Grand Anse Praslin, i annan enn sa bann progranm ki nou’n komans enplimante dan Lekol Segonder Praslin.

Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Mersi Mr Speaker.

Mr Speaker, eski Minis i kapab dir nou, si i pe ganny korporasyon bann dominasyon Relizye, pou ed li dan sa travay – pou met disiplin ek nou bann zanfan; e si Bidze ki’n gannyen, i ase pou li kapab fer sa travay.

Mersi.

 

MINISTER MACSUZY MONDON

Mr Speaker, dabor mon ti ava dir nou napa en Bidze spesifik, pour sa travay ki nou pe fer.  Sa ki nou sey fer, se ki nou regarde dan nou Bidze aktyel – dan bann lezot progranm ki nou annan, ki mannyer nou kapab ganny en larzan pou nou kapab run nou progranm.

Kot i konsern bann korperasyon avek bann group Relizye, nou annan sa ki nou pe travay avek Legliz Katolik, sa ki apel ; Ledikasyon a lavi –  ki nou pe entegre li dan nou bann progranm entervansyon ki nou pe fer.

Petet la, mon ti a kontan dir osi, ki mon kontan ki mon’n tann Monseigneur Wieheanonse le 29 Zen, apre bokou lannen ki nou pe lager pour nou kapab ganny en progranm Spirityel e Moral dan Lekol.  Olye en progranm ki annan zis pou fer avek en Larelizyon an partikilye.  Mon kontan ki in anonse ki nou pou bezwen revwar nou bann progranm Larelizyon, pour nou kapab fer si ki sa osi i ede pou enkilke bann bon valer moral e spirityel dan nou bann zanfan.

Mersi Mr Speaker.

 

MR SPEAKER

Kestyon 72, Onorab Mirena Souris.

 

HON MIRENA SOURIS

Mersi Mr Speaker.

Anliny avek sa Polisi ‘Leave no Child Behind’, ki ganny trouve dan Manifesto Parti Lepep, eski Minis i kapab eksplik sa Lasanble, plan son Minister pour bann zanfan ki annan problenm laprantisaz?

Mersi Mr Speaker.

 

MINISTER MACSUZY MONDON

Mr Speaker, an 2013 Minister Ledikasyon ti konmisyonn en Konsiltan etranze,ki annan lekspertiz dan Special Education Needs, pou vin antreprann en proze lo Special Education Needs dan nou bann Lekol.  Rekomandasyon ki’n ganny fer, pe ed nou revwar servis ki nou pe donn bann Etidyan ki annan problenm laprantisaz.  Sabann rekomandasyon, in osi ganny entegre dan nou Plan Stratezik.

Mr Speaker, plan Minister i osi pou antreprann en Special Needs Education Audit, dan tou nou bann Lekol primer avek sipor sa Konsiltan.  Travay preliminer in konplete, sak Lekol pou odit servis ki zot pe donn nou bann Etidyan e konnen egzakteman kote ki zot pe fer byen, krwar ki zot bezwen adrese. E osi etabli en baz pour sak Lekol, pou fasilite mezir, progre, zanfan avek Lekol.

Nou bezwen osi, rekrit Spesyalis pou travay avek bann Lekol, tel ki bann Psikolog, speech therapist, occupational therapist, eksetera.

Mr Speaker, zot ava apresye ki pour lemoman, i annan en sel Psikolog ki pe travay avek 34 Lekol.  Nou pe osi met lanfaz lo early identification and intervention lo nivo Petite enfance.  Sa i en provizyon ki dan nou nouvo progranm Petite enfance. Dan saki nou’n devlope, nou’n lanse an 2015 nou apel nou, ‘Seychelles Early Learning Framework’.  Donk, bokou lanfaz pe ganny mete la.

Nou pe osi ranforsi partisipasyon paran dan prosesis laprantisaz bann zanfan, a-fen ki zot a kapab devlop sa konfidans dan zot lekor, pour zot kapab aprann pli byen.  E anmenmtan,nou pe donn formasyon neseser nou bann Special Needs Coordinator lo nivo Degre, pour zot kapab devlop zot lekspertiz, pour zot vin pli efikas dan zot bann travay.

An se moman osi Mr Speaker, nou annan nou en group nou bann PSE Teachers ki pe swiv Young Leaders Program, ki pe ganny run an se moman par Liniversite Sesel.  Donk, tousala i ava ede pou nou kapab zisteman –deal avek sa bann zanfan, ki annan bann problenm laprantisaz a lavenir.

Mersi Mr Speaker.

 

MR SPEAKER

Okenn siplemanter Onorab?

 

HON MIRENA SOURIS

Mersi Mr Speaker, an vi larepons Minis, Minis in mansyonn-en ki i annan mankman Psikolog dan Lekol.  Apart Psikolog, eski Minis i kapab donn detay sa Lasanble, ki son plan limedya, pou ede sirtou pour bann zanfan primer P1 a P4, pou ede pou sirmont sa problenm laprantisaz ?

Mersi.

 

MINISTER MACSUZY MONDON

Mr Speaker, i annan lezot travay ki pe ganny fer zisteman o nivo Lekol.Dan tou Lekol Segonder par egzanp nou’n met en Special Needs Education Coordinator.  Avan sa nou ti annan li zis dan Lekol Primer.  Donk, deza dan Lekol primer nou annan sa coordinator la ki nou apel zot bann SENCO ki pe ede siport bann zanfan ki annan problenm laprantisaz.  E sa bann lentervansyon i swa lo en baz endividyel, lo bezwen sazanfan, sirtou kot i konsern son bann letid.

Byensir, nou annan nou counselor ki la pou ed zot avek lezot problenm, tel ki bann problenm emosyonnel, ki afekte zot laprantisaz.  E kot sa counselor li i santi i andeor son limit, son kontrol, li i fer en zefor pou li kapab al an deor Lekol pou li rod led posib pour sa zanfan.

Nou annan osi lezot mezir ki nou pran, pour nou kapab ede ; par egzanp tou-le-z-an letan bann zanfan i fini fer sa ki nou apel zot key stage assessment a lafen P2, rezilta e analiz ki nou fer o nivo Minister, i ganny anvoye dan bann Lekol pour zot kapab zot osi travay pli pre avek sa bann zanfan –  vwar ki bann problenm ki zot annan e ki mannyer zot kapab ganny ede pour zot kapab fer plis progre.

E an se moman Mr Speaker, nou pe met bokou lanfaz lo nou bann progranm skoler – parey mon’n dir avan lo nivo Petite enfance, nou pe regard konteni, varyete aktivite e an menm tan osi lafason ki nou evalye bann travay a sa nivo.

Mersi Mr Speaker.

 

MR SPEAKER

Onorab Barbe.

 

HON NICHOLE BARBE

Mersi Mr Speaker.

Mr Speaker, anliny avek larepons Minis, eski Minis i kapab eksplik sa Lasanble, ki kalite servis ki bann Ansenyan pe donn bann zanfan ansemoman pou ed zot sirmont bann problenm laprantisaz?

Mersi Mr Speaker.

 

MINISTER MACSUZY MONDON

Mr Speaker, servis ki nou pe donn bann zanfan i zisteman bann progranm endividyalite baze lo bezwen sak zanfan.  E sa i vin atraver zot bann special needs coordinator. E parey mon’n mansyonnen avan i osi atraver zot bann counselor. I annan bann ka kot bann zanfan i ganny retire dan zot laklas normal, pour zot kapab ganny plis latansyon sirtou – par egzanp kot i konsern letan bann peryod kot nou pe fer lektir dan laklas. Ansenyan i osi travay avek zanfan, dapre zot abilite e an servan sa ki nou apel en Pedagozi diferansye.

Mersi Mr Speaker.

 

MR SPEAKER

Onorab Jacqueline.

 

HON SULTANNE JACQUELINE

Mersi Mr Speaker.

Mr Speaker, eski Minis i kapab eksplik sa Lasanble, an vi ki serten parmi bann diferan rezon ki zanfan i vwar zot dan difikilte laprantisaz, i osi lye avek serten problenm sosyal, eskiMinis i kapab eksplik sa Lasanble ki rol School Council e PTA i zwe dan serten desizyon ki ganny pran pou ed sa bann zanfan avek tel difikilte, ki impact lo zot laprantisaz.

Mersi Mr Speaker.

 

MINISTER MACSUZY MONDON

Mr Speaker, zisteman School Council, byensir i depandan Lekol – annan School Council ki zwe en rol kle dan bann problenm laprantisaz par egzanp.Dan en Lekol kot en School Councili efikas, ou pou vwar ki Councilimonitor – par egzanp, i monitor rezilta ki bann Lekol pe gannyen.  I travay tre pre avek Headteacher e zot konnen dan zot Lekol lekel laklas ki pa pe progres byen, oubyen ki pa pe progres parey i merit progrese.  I annan en kantite travay ki Council i fer, kot i donn sipor Lekol -zisteman avek bann problenm laprantisaz ki nou fer fas avek.

Me diferan Lekol, byensir Council i entervenir dan diferan fason.

Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.

Mr Speaker, mon ti oule demann Minis si an relasyon avek bann zanfan ki annan special education needs, eski zot in etabli en sistenm profiling kot zot servi lenformasyon ki Minister Lasante i annan byen boner kot sa bann zanfan i komans fer zot bann tes, pour ki avan sa bann zanfan i al dan Lekol, zot komans devise bann strategies ki specific to bann needs ki sa zanfan i kapab annan avan ki i al dan Primer formelman.

E dezyenmman, Minis in mansyonn lo bann key stage assessment, eski Minis i kapab dir nou, si an relasyon avek analysis ki ganny fer lo bann item ki ganny mete dan bann key stage assessment, eski zot fer bann analis lo bann item pou vwar si dan bann Lekol partikilye, i annan bann common elements ki come up e i annan serten defayans an relayons avek bann items spesifik, ki ava donn nou lenformasyon lo whether or not i laprantisaz ki pe kree en problem, oubyen i en problenm ki sa bann zanfan i annan depi ler zot in pas dan diferan letap concept formation pour en size partikilye.

Mersi Mr Speaker.

 

MINISTER MACSUZY MONDON

Mr Speaker, wi i annan en kantite travay ki pe ganny fer kot i konsern sirtou, Petite enfance, akoz parey mon’n dir taler, nou anvi fer sir ki nou detekte bann problenm laprantisaz pli boner posib avek nou bann zanfan, ok?  E atraver nou Early Learning Program, nou pe osi revwar bann tools assessment,ki nou met anplas pour nou bann zanfan. E nou pe devlop en profil pou bann zanfan Lakres ki tre konpreansiv pour nou fer sir ki letan zot pe antre dan P1 tou zanfan in pare pour zot antre dan P1.

Byensir, ou’n mansyonn Minister Lasante.  Anba tou bann proze ki nou pe fer o nivo Petite enfance, Minister Lasante i osi annan son bann proze ki i pe enplimante e i bezwen donn nou sa bann lenformasyon ki nou, nou bezwen, pour nou kapab zisteman swiv sa zanfan de pre.

Donk, mon krwar Mr Speaker, i annan tou sa zefor ki pe ganny fer e letan ki nou pe fer profiling lo nou bann zanfan, sa zisteman i ava permet nou pour nou kapab idantifye bann problenm laprantisaz ki nou bann zanfan pefer fas avek ; e ed nou pou vwar kote ki sa bann zanfan endividyel, i bezwen sa bann latansyon spesyal.

Wi, Mr Speaker, item analysis i ganny fer e Lekol i ganny sipor dapre zot bezwen.  Baze byensir lo lanaliz – se la osi kot bann Zofisye pour sak bann diferan size o nivo SICAS, i antre pour zot kapab donn sipor Lekol, kot i annan sa bezwen pou deal avek sa bann eleman.

Mersi Mr Speaker.

 

MR SPEAKER

Kestyon 73, Onorab Arnephy.

 

HON BERNARD ARNEPHY

Mersi Mr Speaker.

Mr Speaker, kestyon pou demann Minis, kwa ki pe ganny fer konkretman ansanm avek lezot partner, pou adres sa problenm lenfestasyon pizon kot Lekol Primer e Segonder Anse Boileau, enn fwa pour tou?

Mersi Mr Speaker.

 

MINISTER MACSUZY MONDON

Mr Speaker, enfestasyon pizon kot Lekol Anse Boileau Primer ti ganny raporte an 2014.  An vi ki Minister Ledikasyon napa lekspertiz dan sa domenn, i ti formelman ekrir Minister Lanvironnman pou rod led pour nou kapab pli byen zer sa sityasyon.  Minister Ledikasyon ti antreprann travay reparasyon lo sa blok ki ti; enkli sanz plafon dan tou sabann laklas, ranplas lafnet, eksetera, pour nou kapab fer sir ki nou kontrol sa lenfestasyon e pour ki zanfan i kapab repran Lekol dan zot bann laklas.

Parey nou konnen, ler nou ti fer sa bann zanfan P5 ek P6 Lekol Primer Anse Boileauti bezwen al Lekol Grand Anse Mahe.

Avek gidans Minister Lanvironnman, 2 lezot metod ti ganny servi pou esey elimin pizon.  Enn ti latrap ki ganny plase dan lakour Lekol e bird gel ki ti ganny mete lo bann bor miray kot pizon i apoze.

Mr Speaker, sa bann mezir ki nou pran, nou vwar poudir i pa neseserman efikas, akoz nou pe kontinyelman ganny problenm avek pizon dan Lekol.

An 2016, lenfestasyon pizon in rekomanse dan Lekol Primer avek Segonder.  Pizon ti komans antre dan plafon an pasan anba bann kannle tol.  Travay pou retir bann plafon andomaze e bous bann lespas anba tol in konplete.  Nou’n osi met bann slope an siman lo bann bor miray ek lafnet, pou anpes pizon apoze.

Fodre fer remarke Mr Speaker, ki bann mezir ki nou pe pran, i senpleman pe kontrol pizon pour pa antre dan bann landrwa kot zot antre dan Lekol, sirtou dan plafon.

Prezan ki nou’n remarke, lizour nou pa tro vwar pizon, me selman aswar zot vin dormi lo bann balistrad dan koridor e sali lanvironnman Lekol Primer e Segonder.  Seksyon Health and Safety dan Minister Ledikasyon, ansanm avek bann partner pe kontinyen monitor sityasyon e sey rod meyer fason pou tir pizon kot Lekol, ziska ler nou gannyen en solisyon dirab avek Lotorite konsernen.

Mr Speaker, nou pe fer tou sa ki nou, nou kapab o nivo Minister Ledikasyon.  Nou’n modifye striktir Lekol, nou pe konpromiz larsitektir nou Lekol pour nou kapab zer sa sityasyon pizon dan Lekol Anse Boileau.

Mersi Mr Speaker.

 

MR SPEAKER

Onorab.

 

HON BERNARD ARNEPHY

Mersi Mr Speaker.

Mr Speaker, an vi ki sa sityasyon pizon pe vin deplizanpli alarman malgre mezir kontrol pe ganny pran, e sa definitivman pe annan reperkisyon lo laprantisaz bann zanfan akoz en kantite Ansenyan pe mank travay osi byen ki zanfan akoz problenm medical – eski ou Minister pe ganny komitman tou sa bann partner, pourenn fwa pour tou, met en lafen avek sa problem? An vi ki sa bann pizon napa okenn valer komersyal e mon mazinen i pa bann zwazo andemik, so where the problem is, pour nou kapab touy sa bann pizon, detri zot.  Akoz bann mezir ki nou pe pran, nou pe sas pizon answit pizon pe retournen e problenm i kontinyen.

Mersi Mr Speaker.

 

MINISTER MACSUZY MONDON

Mr Speaker, wi, i domaz pizon i dan Lekol e Onorab in dir pe annan reperkisyon lo laprantisaz Lekol.  Me problenm pizon i pa problenm Minister Ledikasyon.  I problenm Minister Ledikasyon akoz i dan Lekol, me menm si i dan Lekol i pa zis Minister Ledikasyon ki bezwen konmsi pe sey deal avek sa problenm.  Mwan mon santi Onorab, lakantite sipor ki nou pe gannyen, i pa ase, akoz mwan mon krwar Lotorite dan pei ki responsab pour sa bann keksoz parey, i bezwen rod en fason pou li elimin pizon dan pei enn fwa pour tou.

Elimin pizon Mr Speaker, i pa core business Minister Ledikasyon e mon krwar en gran zefor i merit ganny fer.  En gran zefor i merit ganny fer par Lotorite konsernen, pou fer sir ki nou deal avek saproblenm pizon.  Akoz i annan lezot Lekol ki pou osi ganny afekte avek pizon dan pei. Emon krwar problenm pizon, i pe vin en problenm Nasyonal.  E si nou pa deal ek li, nou pou kontinyen depans en kantite larzan sirtou dan nou bann Lekol, pour nou kapab gete ki mannyer nou pou managesa problenm pizon.

Mersi Mr Speaker.

 

MR SPEAKER

Pou elimin tou pizon?

(Laughter)

MR SPEAKER

En pe, pa tou.  Onorab Houareau.

 

HON HERBERT HOUAREAU

Mersi Mr Speaker.

Mr Speaker, an vi ki larepons Minis eski Minis i kapab dir ek sa Lasanble si in deza aprose Birdlife Foundation ki en Lasosyasyon lo sa size pizon, akoz ozordi dan lemonn i egziste bann mekanizm elektronik ki repous zwazo – e mwan mon kont touy zwazo.

Mersi.

 

MINISTER MACSUZY MONDON

Mr Speaker, nou, nou travay avek Minister Lanvironnman ok, e se Minister Lanvironnman ki gid nou ki mannyer nou pou tackle nou bann problenm pizon dannou bann Lekol.  E i annan serten desizyon ki nou, nou pa kapab pran – si pou touy zwazo, si pa pou touye, oubyen ki en Fondasyon pou dir, ki en lot Fondasyon pou dir.  Me nou, nou lyez direkteman avek Minister Lanvironnman.

Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Wi, Mr Speaker.

Mr Speaker, eski Minis i kapab dir nou si i annan okenn resers ki’n ganny fer, pou konnen krwar ki Lekol Anse Boileau i atrakte sa kantite pizon?

Mersi.

 

MINISTER MACSUZY MONDON

Mr Speaker, avek tou respe monkrwar sa i pa mon responsabilite e i pa mon domenn pour mwan al fer resers lo pizon.

Mersi Mr Speaker.

 

MR SPEAKER

Onorab Leader Lopozisyon, kestyon 74.

 

HON FRANCHASCA MONNAIE

Bonzour Mr Speaker.Mersi.

Bonzour Minis, delegasyon, Manm e tou sa ki a lekout.  Eski Minis i kapab donn detay sa Lasanble, lo bann benefis ki en Ansenyan etranze lo nivo Segonder i gannyen konpare, avek en Ansenyan Seselwa?

Mersi.

 

MINISTER MACSUZY MONDON

Mr Speaker, diferans dan kondisyon travay Ansenyan etranze ek Seselwa dan Lekol Segonder, se ki en etranze i lo en Kontra, tandis ki Ansenyan Seselwa i lo lanplwa kontinyel.En Ansenyan etranze i ganny en supplementation allowance akoz i lo en Kontra e Ansenyan Seselwa i ganny en Gratwite tou le 5an akoz i lo continuous employment.

Tou Ansenyan, i ganny peye baze lo zot kalifikasyon dapre Scheme of Service.

Mr Speaker, avek revizyon Scheme of Service,an Zanvye 2015 e revizyon Housing Allowance pour bann Graduates resaman, Seselwa dan Lekol Segonder, i benefisye plis kot i konsern reminerasyon.

Mersi Mr Speaker.

 

MR SPEAKER

Okenn Kestyon siplemanter?

 

HON FRANCHASCA MONNAIE

Mersi Mr Speaker.

Vi ki problenm konprenezon langaz dan Lekol Segonder pa nouvo avek bann Ansenyan etranze, eski Minister in fer okenn resers pou rod bann Ansenyan dan lezot pei ki annan en pli bon proficiency langaz angle pou ranforsi mankman Ansenyan Seselwa?

Mersi.

 

MINISTER MACSUZY MONDON

Mr Speaker, wi, nou realize poudir i annan serten nasyonalite ki parfwa i anmenn serten difikilte o nivo langaz pour nou bann zanfan.  Me, se poursa rezon ki nou’n aret recruit Ansenyan petet dan serten pei ; e ki tou dernyerman nou’n komans recruit Ansenyan sorti Botswana.

Me selman nou bezwen realize Mr Speaker, dan sa bann pei kot nou ti a kontan recruit Ansenyan, sa package ki nou pe o-fer zot pa pou vini travay.  Zot al travay dan bann lezot pei parey Australia, Canada e se poursa rezon ki nou pa neseserman ganny sa bann Ansenyan ki nou, nou ti akontan gannyen, pou vin travay dan nou Lekol.

Mersi Mr Speaker.

 

MR SPEAKER

Onorab De Commarmond.

 

HON CHARLES DECOMMARMOND

Mersi Mr Speaker.

Mr Speaker, eski Minis dan loptik sa kestyon – son larepons; eski i kapab eksplik nou Lasanble, si en Ansenyan etranzei bezwen pey Tax e lezot dues ler zot rapatriy larzan dan zot pe; e ki bann pei ordinerman ki fer sa – e eski Minister alor pran kont – an konsiderasyon sa kalite zafer la, ler zot desid lo saler oubyen Kontra en travayer oubyen en Ansenyan etranze?

Mersi.

 

MINISTER MACSUZY MONDON

Mersi Mr Speaker.

Mr Speaker, wi, mon panse baze lo Lalwa sa pei kot zot pe rapatriy larzan, si i annan nesesite ki zot bezwen peye, zot pou bezwen pey Tax.  E an 2012 letan DPA ti revwar package bann Ansenyan etranze pou deside zisteman si nou pou revwar zot supplementation allowance – i annan plizyer bann keksoz ki zot in regarde e i posib Onorab ki zot in osi konsider sa.

Mersi Mr Speaker.

 

MR SPEAKER

Onorab Arnephy.

 

HON BERNARD ARNEPHY

Mersi Mr Speaker.

Mr Speaker, an vi ki Minister in sanz son stratezi Recruitment sirtou bann Teachers etranze kot konmela interview i ganny fer lo Skype olye kot en Zofisye ti al an personn dan sa pei pou fer sa interview face to face; eski Minis i kapab dir ek nou Lasanble, ki garanti ki sa kalite form interview pe asire poudir nou pe ganny the quality sa bann foreign Teachers e ki an retour sa lenvestisman Minister, Gouvernman it’s value for money dan nou sistenm?

Mersi.

 

MINISTER MACSUZY MONDON

Mr Speaker, wi souvandfwa konmela nou fer interview through Skype.En tim dimoun ki fer sa o nivo Minister, akoz sa i fer li pli vit pour nou kapab rekrit nou bann Ansenyan.  Me dan ka kot nou’nadvertise e nou bezwen al interview en gran group Ansenyan, nou kontinyen fer recruitment on site.

Me letan nou fer nou bann recruitment, pour nou fer sir ki nou annan sa kalite. tEou mannyer sa Ansenyan letan i vini, i bezwen anmenn tou son bann kopi orizinal zot Sertifika letan zot vini.  E si en Ansenyan in donn nou move lenformasyon lo Skype, definitivman i konnen poudiri pou dan problenm letan i vini.  Donk, mon krwar – e anmenmtan osi bann Ansenyan, nou annan progranm ankadreman pou bann Ansenyan etranze konmela letan zot vini.  Ok, kot nou donn zot bann training lo poutravay Sesel, classroom management, dan konteks Sesel.  E nou fer sa petet 2, 3 fwa dan vakans, pour nou kapab zisteman ed nou bann Ansenyan.  E nou’n santi poudir avek sa bann sesyon travay ki nou pefer avek zot, sa i pe ede pour zot kapab fer en pli bon travay dan nou bann Lekol.

Mersi Mr Speaker.

 

MR SPEAKER

Onorab Maria Payet.

 

HON MARIA PAYET-MARIE

Mersi Mr Speaker.

Mr Speaker, mon ti akontan demann Minis,ki son Minister pefer pou ankouraz plis Seselwa pou zwenn sa profesyon; e pou ankouraz zot e motiv zot pou zot reste dan sa profesyon ; e petet si Minis i kapab dir nou osi,kwa ki pe fer ki nou bann Ansenyan pa pe reste dan sa profesyon?

Mersi.

 

MINISTER MACSUZY MONDON

Mr Speaker, mon krwar poudir retention parey mon’n dir taler, i dan nou proze ki nou pe fer avek World Bank, kot nou pou regard en pe osi – pa zis bann incentive moniter, me osi lezot incentive ki nou kapab mete pour nou bann Ansenyan – ki pou ede pour nou bann Ansenyan reste dan sa profesyon.

Me mon krwar souvandfwa nou’n antann konplent problenm saler, problenm package e ozordi nou dan sityasyon, kot mon krwar avek revizyon Scheme of Service nou’n fer en gran zefor pour nou kapab improve package nou bann Ansenyan.  Telman gran zefor, ki parey mon’n dir lo komansman, ozordi nou bann Graduates pe earn plis ki Ansenyan etranze dan nou pei.

Donk, tousala Mr Speaker, i bann zefor ki nou fer, pour nou kapab retenir nou bann Ansenyan.Me selman monkrwar en keksoz ki ankourazan, nou vwar deplizanpli, Ansenyan pe retournen dan profesyon.  Parey nou’n dir, ziska Zanvye sa lannen nou’n annan nou antour 68 Ansenyan ki’n retournen, ki’n antre dan profesyon.  Donk,monkrwar nou Scheme of Service pe annan lefe. I pa vedir ki nou bezwen aret la.Mon krwar i annan ankor lezot keksoz ki nou kapab fer.Meanmenmtan osi, nou bezwen balans sa avek bann rezilta ki nou pe gannyen osi dan nou bann Lekol.Ok ?

Anmezir ki nou improve the Scheme of service, ki nou improve package nou bann Ansenyan, nou espekte vwar ki performans nou bann zanfan anmenmtan osi, i ogmante.  I annan plizyer fakter Onorab ki petet i fer Ansenyan kite.  Konmela i annan Ansenyan ki kite, dansa bann lannen dernyen nou’n vwar.iannan ki al dan Lekol dan Prive; i annan ki al fer son pti biznes.  Ok? I annan ki al travay dan lezot landrwa.  Ou sorti en Ansenyan, ou ganny ofer en pos Direkter dan en lezot landrwa.  Byensir sa i atir ou pour ou sorti ale.

E byensir, parey nou konnen osi poudir, latitid e konportman nou bann zanfan, i pa ede.  Ok, pou fer nou bann Ansenyan reste dan lansennyman.

Mersi Mr Speaker.

 

MR SPEAKER

Bon, avek sa nou’n ariv a lafen Question Time. Nou ava remersye Minis pour pas sa bomaten avek nou e eskiz li parmi nou.

E kan a nou, nou ava adjourn ziska 11er.

(BREAK)

MR SPEAKER

Bon, nou a kontinyen avek nou travay.Avek nou la, nou annan Vis Prezidan ki pe vin reponn en Kestyon Dirzans.  Vis Prezidan parey nou konnen, i osi Minis responsab pour Ladministrasyon Piblik.  E Kestyon Dirzans pe ganny demande par Leader of Government Business, Onorab De Commarmond.

 

HON CHARLES DE COMMARMOND

Mersi Mr Speaker.

Bonzour Vis Prezidan.

Mr Speaker, eski Minis pour Ladministrasyon Piblik, i kapab enform nou Lasanble, si saler en reprezantan en Parti Politik ki ti dan Lasanble Nasyonal, i pou menm parey pour en nouvo reprezantan ki ganny elekte pour premye fwa e ki pa ti deza dan Lasanble Nasyonal?

Mersi bokou.

 

VICE PRESIDENT, MR DANNY FAURE

Mersi Mr Speaker.  Mersi Onorab.

Avan lannen 2013, i pa ti pou leka akoz avan lannen 2013, Lalwa pa ti fer okenn leksepsyon.Ou ti kapab dan en Manm elekte oubyen en Manm ki’n ganny elekte lo baz proporsyonnel e ou partisip dan en Eleksyon, zot tou ler zot antre dan Lasanble Nasyonal, zot saler i lo menm nivo.Me i annan bann sanzman fondamantal ki nou’n fer ansanm avek sipor Lasanble Nasyonal, ler nou’n pas sa ki nou apel sa latab saler ki gid Sekter Piblik.  E i annan serten bann prensip ladan ki trez enportan.  I en prensip, i en striktir saler, i en latab saler ki baze lo prensip progresyon.  I osi en Lalwa ki osi pran an kont en lot prensip e sa prensip se lakantite lannen ki en endividi, ki se swa si i en Minis oubyen en Ziz, oubyen i en Manm elekte, in servi dan sa 3 lebra Leta. E spesifikman, an sa ki konsern Lasanble Nasyonal, i pran an kont kantite lannen ki sa Manm elekte in deservi son elektora, me in servi Lenstitisyon.  E pou kapab donn en legzanp, nou annan nou 2 ansyen Manm Lasanble Nasyonal.  Nou annan Mr Waven William e Mr Wavel Ramkalawan, ki tou-lede in deservi Lasanble Nasyonal pour en peryod 209 mwan.  E si tou-lede i antre dan Lasanble Nasyonal, swa elekte direk, swa lo en baz proporsyonnel, zot pa pou komans lo sa ki nou apel lo latab nimero 13 akoz lo latab nimero 13, i lanmenm la kot nou fix komansman saler.  Si tou-lede i antre, zot pou antre lo latab nimero 14, ran 3.  Savedir, zot saler pou pli o ki sa endividi ki pou ganny elekte pour la premyer fwa.  Me sa ki enteresan la, se ki si Mr Wavel Ramkalawan i antre koman en:- i ganny elekte par son bann koleg pou li vin Leader Lopozisyon, i pou osi annan en os dan son saler.  Savedir, i pou nepli lo latab saler nimero 17, i pou lo latab saler nimero 18, ki par lao sa ki Lalwa i dir, ki saler en Leader Lopozisyon, ki saler en LeaderGovernmentBusiness, ki egal a saler en Minis, akoz i pran lakantite letan ki li i ti servi dan sa post Dirizan Lopozisyon.  Me, nou tou nou konnen ki Leader LDS ozordi se Mr Roger Mancienne.  Donk, si i antre koman Leader, lefe ki i Leader LDS e i swiv sa tradisyon ki SNP ti fer dan lepase, i pou antre lo latab saler nimero 17.  Ok?

Vwala leksplikasyon pour sa Kestyon Mr Leader of Government Business.

Mersi.

 

MR SPEAKER

Okenn siplemanter, Onorab?

 

HON CHARLES DE COMMARMOND

Wi, Mr Speaker.

Lefe ki en reprezantan en Parti Politik i retourn dan Lasanble Nasyonal anba en lot Parti Politik ki’n fek ganny kree, eski alor prensip ki ou’n eksplike Vis Prezidan, i pou osi aplike e eski sa prensip pou osi aplike pour en dimoun ki dizon i ti en Minis e si wi, ki nivo saler sa dimoun i pou bezwen komans lo la?

Mersi.

 

VICE PRESIDENT, MR DANNY FAURE

Mr Speaker, mon vwar sa bann kestyon enteresan, akoz pei pe byento al fer fas avek en Eleksyon Lasanble Nasyonal e mon krwar i enportan ki elektora, sitwayen i bezwen konnen ki sa bann zafer.  E son kestyon, i annan 2 kestyon la.  Premye kestyon se ki si i annan en kandida ki pe debout dan sa Eleksyon ki pe vini e ki ti en Minis.  E si i ti en Minis, i pa ti pe tous en Pansyon anba Lalwa.  Donk ler i antre, i pou antre lo latab saler nimero 13.  Ok Akoz se sa komansman saler pour en Manm elekte, ki ganny elekte pour la premyer fwa.  Si i ti en Minis, i pa pe tous en Pansyon me si sa kandida ti deza en Minis e i ti pe tous en Pansyon – e i annan dan realite ozordi, bann sif ki nou annan dan Gouvernman.  Nou annan bann Minis ki zot Pansyon i par lao sa latab saler nimero 13.  Savedir saler en Manm elekte se R30 mil 338.  Donk, nou annan presedans.  E presedans ki pou aplike, se parey nou ti vwar an 1993 ler Mr James Mancham, i ti ganny elekte koman Leader Lopozisyon, i ti bezwen fer en swa.  Swa i pran lapey Leader Lopozisyon ki egal avek saler en Minis, oubyen i pran li Pansyon en former President.E an 1993, Mr Speaker ou konn tre byen, mwan osi mon ti la dan Lasanble ansanm avek ou, Mr Mancham li ti deside pran son Pansyon koman en formerPresident.  Savedir, sa ki ti pli o.  E dan sa ka la ozordi, i annan bann Minis ki lo en Pansyon e zot Pansyon i par lao sa nivo saler.  Me an plis ki sa, zot kapab zot koleg deside, swazir zot pou vin Leader Lopozisyon.  E sif ki nou annan se ki saler pour en Leader Lopozisyon i par lao sa Pansyon.  Donk, i pou depan ki zot deside fer, me selman mon krwar sa i bann larepons konkret ki nou annan.

Me lot keksoz ki enteresan, se ki nou a kapab dir, be lefe ki en dimoun pe antre pour la premyer fwa lo en nouvo Parti, i ti merit antre e ganny saler akoz i pe antre – sa Parti pe konteste Eleksyon pour la premyer fwa.

Me vwala lenportans sa Lenstitisyon ki apel Lasanble Nasyonal.  Vwala akoz nou bezwen annan en respe pour Lasanble Nasyonal akoz Lasanble Nasyonal ek Lalwa i pa pe regard si ou Parti in fermen, si ou Parti in re-kree, si en Parti ki nouvo.  I pe regard lakantite letan ki ou, ou’n deservi sa Lenstitisyon.

Donk, i sanble mwan ki SNP pa pe pran par dan sa Eleksyon.  I sanble mwan.  I paret ki bann ansyen Onorab pe vin anba en lot parasol ki apel LDS e ler zot antre e si zot antre e si zot ganny elekte direkteman oubyen lo baz proporsyonnel, zot saler pou anliny avek sa latab saler, me i bezwen pran an kont lakantite lannen ki zot in servi sa Lasanble.  E sa osi in aplikab pour Parti Lepep.  Parti Lepep osi parey zot konnen, nou’n ganny elekte an 1993 lo tiket SPPF, apre pli tar in vin Parti Lepep.  Ti vin SPPF, apre in vin Parti Lepep e bann kandida ki pou konteste pou konteste anba Parti Lepep, me i pou pran an kont lakantite lannen servis ki zot in deservi avek sa Lenstitisyon.

E sa bann prensip, i bann prensip kle ki gid progresyon e ki kote bann dimoun ki ganny elekte i ganny mete e i aplike osi pour Zidisyer Mr Speaker.  Par egzanp, ou ganny en zenn Ziz, ler i vini i komans lo en nivo.  I pa kapab al lo menm nivo ki sa Ziz ki’n deservi sa lebra Leta pour plis ki 12an.

I menm aplikab pour Minis.  En Minis ki vin dan Gouvernman pour la premyer fwa, i pa lo menm nivo ki en Minis ki’n la pour plis ki 10an.  Donk, vwala sa bann prensip deryer sa.

Mersi Mr Speaker.

 

MR SPEAKER

Bon, si napa okenn kestyon siplemanter, donk mon a:- yes Onorab Pillay.

 

HON SEBASTIEN PILLAY

Mersi Mr Speaker.

Mr Speaker, eski Vis Prezidan, dan son kapasite koman sa dimoun pou reponn sa kestyon ozordi, i kapab dir nou si nou annan lenformasyon lo konbyen bann dimoun ki pou benefisye avek sa o saler ler zot re-antre dan Lasanble, an relasyon avek ozordi ki zot pe debout koman en kandida pour serten Parti Politik; – e si i kapab donn nou sif egzakt ki par egzanp Leader Lopozisyon si par egzanp i Mr Wavel Ramkalawan i re-antre dan Lasanble, i pou gannyen?

Mersi.

 

VICE PRESIDENT, MR DANNY FAURE

Mr Speaker, mon pa pou kapab dir zot la ozordi ki kantite ki pe vini.  Sa se lepep ki a deside.  Lepep ki a deside.

Me ou dezyenm kestyon se ki si former Leader Lopozisyon anba SNP i antre swa direkteman, swa lo en tiket proporsyonnel, i ganny elekte e larepons se ki son saler ou saler ki pou pli o ki sa ki sa latab saler i permet li.  E lefe ki nou travay dan Ladministrasyon e dan Gouvernman e nou annan sa bann lenformasyon, son saler i pou lo nivo latab 18, step 3.  Ki vedir R63 mil 58.  Se sa ki pour son saler.  Si i antre.

Mersi Mr Speaker.

 

MR SPEAKER

Bon, si napa okenn lezot kestyon, mon ava remersye Vis Prezidan e ekskiz li parmi nou.

 

(The Vice President was excused from the House)

MR SPEAKER

Bon, nou annan ankor travay pou fer.  I annan en Mosyon devan nou e Mosyon pou ganny pran par Deputy Speaker.  So, nou ava adjourn pour 5 minit.

(BREAK)

MR DEPUTY SPEAKER

Bon, mon a dir bonzour tou Manm Onorab e tou ki pe ekout nou.

Nou kontinyen nou travay lo Order Paper e prosen item se en Mosyon table par Onorab Emmanuel Fideria, Manm elekte pour Les Mamelles.  E mon ava envit Onorab Fideria pou prezant son Mosyon.

 

HON EMMANUEL FIDERIA

Mersi Mr Deputy Speaker.

Mr Deputy Speaker, mon Mosyon i lir koumsa:-

Mosyon pe demande ki nou siport Parti Lepep pou entrodwir mekanizm neseser, pou enplimant konsep ‘Menm Travay, Menm Saler’.

Mr Deputy Speaker, dan mon refleksyon lo konteni Mosyon ki dan nou Lasanble ozordi, mon’n ganny enspire e gide par plizyer konteni trouve dan sa liv, The Torch of Freedom. Lo paz 92 i koz klerman lo Drwa Travay, Drwa pour Manze, i koz lo Drwa pour en landrwa reste konvenab e rezonnab, i koz osi lo en Lenstitisyon tre enportan.  Sa se Lasanble Nasyonal.  I ekrir e dir ki en Manm Lasanble Nasyonal i annan drwa pou kritik Gouvernman, ki osi annan responsabilite ed Gouvernman fer pli byen pour son pep.  I kontinyen par dir ki en Manm fodre zanmen i reziste pou koze lo lapar son pep ki’n elekte li.  Nou pe koz isi lo en morso nou listwar politik, an Septanm 1976.

Mr Deputy Speaker, nide deryer mon Mosyon, se pou rekonnet ki lalit pour Drwa Travayer Seselwa in en lalit kot plizyer zonm e fanm senser, onnet, ki annan en krwayans ki nou tou koman en pep, nou annan drwa pou travay dan en kondisyon ki rezonnab, ganny en lapey ki reflekte lavaler son zefor, i pa’n neseserman en traze fasil.  In dir e ase difisil pour bann travayer ganny rekonnet e ganny sa ki zot merite.

Mr Deputy Speaker, ozordi 40an apre nou Lendepandans, mon pa pou manke pou remersi tou bann dimoun dan sa lepok ki ti dan Union, ki zot ti pe ede sansibiliz lopinyon, nosyon ek Equal Work, Equal Pay.

Mr Deputy Speaker, sa Mosyon i napa lenportans zis pour Sesel.  I osi annan son relevans enternasyonal osi byen ki rezyonal.Ozordi atraver lemonn, plizyer milyon zonm, fanm e zanfan pe travay dan bann kondisyon orib.  Ozordi dan sa lemonn sivilize e modern, ki annan kapasite prodiksyon reel, bokou plis ki lemonn i kapab konsonmen, i an menm tan sa ki byen tris ek plizyer milyon fanm, zonm, zanfan, pe viv lo mwens ki en Dolar par zour.  Lapovrete permanant, mal nitrisyon orib, lesklavaz modern, in tir son latet.

Mr Deputy Speaker, bokou sa bann keksoz pe arive akoz i mank bann Polisi ki kler akoz lager e mank stabilite politik.  Plizyer pei kot son pep ti pe travay dir, kot ti egziste en lekonomi vibran, kot ou ti vwar sourir lo figir bann sitwayen, ozordi sa in perdi.  Tro bokou legois, tro bokou mansonz, tro bokou laswaf pouvwar.  Konsekaman, plizyer pep pe eksperyans soufrans ek lanmizer nwanr.

Mr Deputy Speaker, mon komans mon lentervansyon dan sa fason, akoz isi Sesel nou’n sirmont plizyer defi pandan nou parkour 40an depi nou Lendepandans.  San okenn dout, dan domenn kreasyon lanplwa, Sesel in fer sikse remarkab.Nou sikse pa’n ariv par azar.Nou sikse in ariv akoz bon planifikasyon.  Senserite ki en vizyon pouvwar en pep epanouir, avanse e non pa re-grese.  Ozordi travay i annan – tro bokou.  Gouvernman dan son vizyon pou amelyor lavi nou pep atraver revizyon saler, pe osi adres sa kestyon standar lavi pour nou pep.

Mr Deputy Speaker, ozordi Gouvernman in liberaliz lekonomi.  Gouvernman pe zwen en rol plis nivo Polisi regilater. Lakantite dimoun ki pe travay dan Sekter Prive i plis ki dan Gouvernman.  La, mon a donn detrwa statistik.

Mr Deputy Speaker, an 2014 ti annan 33, 770 dimoun, ki reprezant lavaler 68.9 poursan, ki ti pe travay dan Sekter Prive.  Dan Sekter Parastatal i annan 5482, ki reprezant anviron 11.9 poursan nou lafors travayer.  Dan Gouvernman, nou annan 9317, ki reprezant apepre 9.2 poursan nou lafors travayer.  Distribisyon nou lafors travay atraver diferan Sekter, i koz pour li menm.  Sekter Touris, 9093, Sekter Konstriksyon, 5564, Sekter Lagrikiltir, 800 e Sekter Finans i 1106 e plizyer lezot ankor.

Mr Deputy Speaker, nou koz lo liberalizasyon ekonomik, savedir nou pe donn plis sans nou pep pou li menm pran kontrol lekonomi.  An plis, Gouvernman,i protez nou bann dimoun par entrodwir Minimum Wage, kot bann anplwayer napa drwa pey en travayer pli ba sa ki ganny enskrir dan Lalwa.  Sa ki sagrinan ozordi Mr Deputy, se ki i annan menm anplwayer ki ankor pe pey son travayer pli ba ki sa Minimum Wage.  Se sa bann anomaly ki mon Mosyon pe aborde.  Nou pa kapab kontinyen siporte oubyen ankouraz sa kalite latitid, kot valer kouraz nou travay e valer nou kouraz pa ganny rekonpanse parey i devret.  E se sa ki pe arive avek dimoun dan serten Sekter, sirtou bann louvraz domestik, serten Letablisman Touristik, magazen, dan serten Konpannyen Konstriksyon, zot pa pe ganny zot saler ki zot merite.  Me osi, zot Fon Pansyon pa pe ganny peye parey i devret.Bokou sa bann case ki’n ariv kot mon Lofis, i an relasyon avek bann dimoun ki’n ariv laz retret.  Bokou in krwar ki zot boss in onor son Lagreman, me zot soke pou tande ki napa nanryen ki’n ganny peye.Konsekaman, zot trouv zot dan difikilte.Menm serten i bezwen al rod prete larzan, pou kouver sa pti bout ki manke.  Sa Mr Deputy Speaker, pa akseptab.

Mr Deputy Speaker, Gouvernman in fer bokou.  In met an plas kantite incentive, tel ki bann Allowance ki pa ti egziste oparavan.  Ouswa serten, zis bann Senior Staff ki ti ganny sa sipor de zot Departman.  Par egzanp Mr Deputy Speaker, ozordi si en travayer ki reste Mahe i ganny poste pou li al travay lo en zil dan Larsipel Sesel, i annan benefis ki i gannyen, sa i apel Island Posting Inducement Allowance.  En tel Allowance i komans depi R400 ziska R800 par mwan.  Valer kantite larzan i devret ganny sistematikman ganny revize, me sa mon ava regard li pour en lot deba.  Sa ki nou apel Un-rostered Duty pour bann travayer ki travay dan bann servis esansyel, si zot ganny apele pou travay akoz mankman staff, zot ganny peye extra Allowance, parey i ganny mete dan zot Kontra ouswa dan Scheme of Service.

Mr Deputy Speaker, i annan plizyer lezot Allowance ki bann travayer i gannyen. Night Duty Allowance, Contract Allowance, Inducement Allowance, Responsibility Allowance, General Duty Allowance.  Tousala i byen, me konplent ki ou gannyen sorti kot bann piblik se parfwa prosedir i long, avan ki zot ganny peye sa bann Allowance.

Mr Deputy Speaker, ler nou pe koz lo Allowance, i osi sa ki nou apel marketable skills, swa dan bann domenn profesyonnel, teknikal, vokasyonnel.  Tou sa bann skills, si sa bann skills son demann i o lo marse lanplwa, swa dan Gouvernman, swa dan Sekter Prive, sa bann dimoun zot ganny rekonpanse baze lo zot nivo kalifikasyon.  Tousala in ganny fer dan kad mon Mosyon, ‘Equal Work, Equal Pay.’Me sa pa vedir ki tou i parfe.

Mr Deputy Speaker, mon’n koz ek bokou profesyonnel lo sa size konteni mon Mosyon.  I vre ki dan serten sirkonstans, sa dimoun in donn tou dan Lekol, in al Liniversite, in vini.  Mete si i pe lwe en landrwa ki pri lo marse ozordi pe defons plafon, par egzanp en onebedroom flat pe kout R7 mil, i pran en loan loto ki i re-pey R5 mil par mwan, napa larzan ki reste pou li fer en pti detann.Lanfaz a sa staz, se gete ki landrwa kot nou kapab koup depans, aret fer gaspiyaz, par egzanp sanz pake dan Lofis ler pa neseser, met rido nef, voyaz dan Business Class, fer bann Cocktail ki pa neseser ouswa napa sans, koup en pe lo Good and Services ki Gouvernman pe travay lo la konmela, nou bann Profesyonnel  i ava kapab benefisye en pti pe plis.

Mr Deputy Speaker, i annan en group dimoun ki la deor ki pe kriy ‘Pil lo li’.Be si sa Gouvernman pa’nler pou fer Seselwa pey Lekol, pey Lasante, arete sa zafer gratwit.  Dan sa ka, Ners, Dokter, Ansennyan e lezot support staff dan bann Minister, i a ganny en pe plis larzan ouswa en kantite larzan.

Mr Deputy Speaker, lelan nou lekonomi in pran dan sa domenn. Defi ki nou annan koman en Nasyon, i obliz nou rod mendev etranze.  Sa i anmenn mwan pou koz lo travayer etranze dan nou pei.  Fodre pa nou ipokrit.  Sa i en defi Nasyonal ki dan serten Sekter nou Lekonomi, menm ozordi dan serten lakour, nou pe rod Maid, sa ki nou apel Nennenn etranze pou vin travay dan nou lakaz.

Mr Deputy Speaker, wi, nou bezwen etranze pou donn nou en koudmen devlop Sesel.  Kantite presyon pe ganny mete lo Minister Lanplwa pou aprouve ouswa donn permisyon sa bann etranze, pou vin travay dan nou pei.  Mon’n koz avek plizyer businessmen onnet e rezonnab, zot in dir si ti napa etranze dan zot biznes, serten Lakonpannyen ti’n fini fermen ouswa faid.  Malgre i pli ser, lamazorite travayer etranze i dan Sekter Prive.  Gouvernman osi i annan, sirtou dan Minister Lasante e Ledikasyon.  I kout nou Gouvernman en kantite larzan.  Me eski nou pe fer la kalite ki nou bezwen?  Eski dan serten Sekter, zot pa pe vin aprann avek nou?

Mr Deputy Speaker, mon pa kont etranze.  Mon koz lo lapar bann Profesyonnel Seselwa ki annan menm kalifikasyon ki sa etranze.  Bann etidyan ki’n al etidye Shannon College dan Hotel Management, konbyen zot ki Manager dan bann Lotel ozordi.  Ozordi apre plizyer lannen, bokou i ankor pe kontant zot lekor avek understudy.Sa perks ki sa etranze i gannyen, loto, lakaz, eksetera, menm lapey parfwa i menm 3 fwa plis ki sa Seselwa i gannyen akoz dan serten sirkonstans, sa bann Lakonpannyen pa ed sa Seselwa pou aste en loto.  Pey 50 poursan son lakaz, anmenn son saler preski egal avek pour sa etranze.  Sa i ava motiv li pou travay pli byen, osi reste dan sa Sekter kot i kree plis stabilite, zisteman akoz plizyer akter dan sa Sekter Tourizm i vwar bokou mobilite travayer.  Sa i vreman trakasan.

Mr Deputy Speaker, ler mon pe koz lo Lendistri Tourizm, mon pa pou manke pou koz lo bann etidyan ki al plasman dan bann Lotel.  Serten Lotel, zot okip nou bann etidyan tre byen.  Donn zot en pti Allowance ki rezonnab, donn zot sa gou pou reste dan sa Lendistri.  Malerezman, serten Letablisman i abiz lo sa bann etidyan.  Zot pa recruit staff me zot fer sa bann etidyan travay parey en travayer full time, ek en Duty Roster tre sarze.  Serten zot i dekouraze e pa fini Lekol.

Mr Deputy Speaker, mon demande ki i annan en bon sistenm monitoring an plas, ki ava kree kondisyon neseser, pou asire ki konsern tou bann etidyan ki dan plasman i ganny byen ekoute.

Mr Deputy Speaker, ler nou koz lo ‘Equal Work, Equal Pay’, fodre nou aksepte ki Sesel nou’n fer bokou.Ozordi nou napa ladiferans lapey ant madanm ek zonm, ouswa ras, ouswa group etnik ki ou sorti ladan, me plizyer pei sa i ankor en batay.  Sesel nou ankor annan serten defi, parey dan domenn Sport.Nou bann Coach ki ganny swazir pou coach bann Lekip Nasyonal pe konplent.  Zot pe dir pou fer etranze vin fer sa travay, zot ganny gro, gro sonm larzan, tandis ki zot, zot ganny zis R2000 par mwan.  Sa osi nou bezwen revwar, touzour dan sa konteks ‘Equal Work, Equal Pay.’ Bann dimoun ki ganny apwente lo bann Board, wi zot ganny en Allowance.  Wi Minister konsernen in travay lo nouvo Scheme Allowance, depandan lo kalite Board.  Lekel ki monitor sa bann Board?  Eski zot zwenn parey Lalwa i dir, swa zot zwenn ler zot anvi?

Mr Deputy Speaker, avan mon terminen, mon pa pou manke pou koz lo bann dimoun parey Stevedore ek bann Maren ki travay lo bato Ton.  Sa louvraz kot preski 95 poursan nou lenportasyon i vin par bato.  Nou pli gro leksportasyon ton, swa bann prodwi pwason, plizyer mil tonn i ganny desarze isi lo nou Por.  Nou demande lekel ki fer sa travay.

Mr Deputy Speaker, parey mon’n dir oparavan, sa kalite travay i demann en kantite lenerzi.  I tre riske.Lo kote sekirite sa travay, Stevedore i bezwen pran bann prekosyon ekstra.  Ou bezwen pe reste tre vizilan.  Ou pa kapab vin travay anba lenfliyans sibstans akoz i kapab kout ou, ou lavi, swa lavi ou bann frer ki pe travay avek ou.

Mr Deputy Speaker, an 2005, Gouvernman ti pran en desizyon ki Por i fonksyonn 24 lo 24.  Savedir ler en bato i antre dan Por, i bezwen ganny sa servis pou debark son bann kargo, apre kontinyen son larout.

Mr Deputy Speaker, ler nou pe dormi, sa bann Stevedore pe travay lo katriyenm oter bann container ki pa tou dimoun ki pou oule mont lo la.

Mr Deputy Speaker, bann ki lo Bato Ton, zot kapab fer fas avek leakage Ammonia, ki ou kapab perdi ou lavi en sel kou e plizyer lezot danze ankor, ki kapab fer ou perdi ou lavi.  Me an retour, sa ki zot gannyen apre ki zot ini fini travay, mersi e mont kot ou dan lakour lanmen vid.

Mr Deputy Speaker, bokou travayer Seselwa ozordi, avek bann Scheme ki’n ganny entrodwir, zot ganny serten benefis apre serten letan travay.  Mon demande ki Lotorite konsernen, o pli vit posib, i diskit ek bann Konpannyen Stevedore, avek bi entrodwir en Scheme Konpansasyon pour nou bann frer.  Bokou zot ki mon konnen 10an pase, ozordi zot dir ek mwan zot malad leren e plizyer lezot maladi, swa zot ganny lasistans Envalidite ouswa zot pe vir vire pou ganny en pti zournen parla.  An plis, i annan enn de parmi sa bann operater sa bann Lakonpannyen Bato, apre 22an ki zot in dan sa biznes, zot in byen pase isi dan nou pei.  Zot pa enterese avek nanryen.  Sa sityasyon pa kapab kontinyen.  Nou bezwen trouv en solisyon.  Nou bann Maren osi ki lo bato pe soufer.  Mon’n zwenn en Maren ki’n travay tou son lavi lo bato, son lapey i zis R1800 par mwan.  Si sa bato pa lapes pou li ganny en pe tonaz, i fouti.  In fer sa louvraz akoz i kontan lanmer.  Sa ki sa Mosyon pe demande Mr Deputy Speaker, se laplikasyon konplet prensip ‘Equal Work Equal Pay.’

Pou terminen Mr Deputy Speaker, nimero 1. Mon demande ki Departman DPA ek lezot Minister konsernen, i swiv byen nou deba e bouze pou elabor en stratezi kourt e long term, an relasyon avek bann propozisyon konteni dan nou bann deba lo size kestyon ozordi.

Dezyenmman, mon rekomande ki Linyon Travayer Minister konsernen i entervenir pou donn en solisyon dirab, sirtou lo kestyon en Scheme Konpansasyon pour bann Maren Seselwa ek Stevedore.

Trwazyenm, mon rekomande ki Departman konsernen i sansibiliz nou sitwayen lo zot bann benefis parey Overtime Tax.  Mon’n note pandan mon resers lo konteni Mosyon ozordi, ki serten anplwayer, zot ankor pe tir Tax lo Overtime zot bann travayer.

4.  Mon osi rekomande ki dan lavenir, Gouvernman i etidye posibilite pou enplimant egzanpsyon Tax lo Gratite.  Me sa, bann dimoun ki tonm anba SCCA pa pou form par ladan.

Senkyenm, mon rekomande ki Lotorite konsernen i akse-ler prosesis kreasyon en Salary Review Commission pou revwar tou saler dan pei, ek lezot benefis.

Mr Deputy Speaker, Sesel nou’n fer bokou pandan sa dernyen 40an.  Nou fondasyon ekonomik i solid.  Defi pou toultan la.  Me pour sa prosen 40an ki pe vini, annou nou tou ansanm, pour sa ki pli meyer pour nou bann frer ek ser Seselwa.

Mr Deputy, I beg to move.

Mersi.

 

MR DEPUTY SPEAKER

Bon, Mosyon in ganny prezante.  Okenn Manm ki pou segonn Mosyon?

Onorab Dugasse, ou oule segonde?

 

HON MELVAL DUGASSE

Wi Mr Deputy Speaker e mon oule entervenir tou.

 

MR DEPUTY SPEAKER

Proceed.

 

HON MELVAL DUGASSE

Mr Deputy Speaker, Mosyon prezante devan nou Lasanble ozordi par Onorab Fideria, i enn tre enportan.  Mosyon pe koz lo 2 size tre enportan.  Sa 2 size se Travay ek Saler.  Sa 2 size i preokip mazorite dimoun.  I en size ki ler ou koz lo la, bokou dimoun i donn zot reaksyon.  Sa i normal, akoz nou tou nou bezwen travay pou nou ganny sa resours.  Se byensir atraver saler ki en travayer i ganny sa resours ki apel larzan.

Mr Deputy Speaker, ler nou pe koz lo size travayer, mon pou bezwen san dout retras listwar.  Alors, fodre nou pep pa zanmen oubliye ki se SPUP, SPPF, ozordi Parti Lepep, ki’n touzour sanpyonn bann travayer.  Si ozordi nou pe koz lo ‘Zonm o sant devlopman,’ se akoz nou menm ki’n anmenn sa devlopman.  Par kont, in ariv en letan kot nou bezwen osi asize, reflesir, vwar si tou sa keksoz ki nou’n fer i byen, ti napa amelyorasyon ki nou bezwen fer.  Legzanp se ki ozordi, nou pei i annan bann Lezislasyon travay pli progresiv dan larezyon e menm lo nivo Lafrik.  Enn bann Drwa ki ganny garanti anba Lartik 35 nou Konstitisyon ki koz lo Drwa Sitwayen pour kondisyon travay zis e favorab.  Pou al pli lwen, Sesel in menm ratifye plizyer Konvansyon ki demande ki Sesel i deklar e swiv en Polisi Nasyonal ki promot legalite, loportinite e tretman, an sa ki konsern lanplwa, avek bi pou elimin tou form diskriminasyon.  An rezilta sa lalit, ozordi Sesel bokou in ganny fer e ankor pe ganny fer, par rapor avek Drwa e kondisyon travayer.  Saler, diskriminasyon, par rapor ant zonm ek fanm e osi lanfaz lo lantrennman apropriye, avek bi ogmant prodiktivite.  Alors, in toultan priyorite nou Gouvernman pou get dan saler travayer Seselwa.  Listwar in prouve e rikord i la pour nou tou.  Sete sa Gouvernman ki’n toultan lite pou anmenn en meyer kondisyon travay ek saler konvenab pour travayer Seselwa.  Mon ti a kontan osi remind lepep Seselwa ki ziska ozordi, sa travay in kontinyen.  Ziska ozordi, Gouvernman pe kontinyen fer tou sa ki posib pou met lanmen lo sa size.  Par egzanp, nou annan kantite progranm travay dan nou pei ozordi.  Nou annan Re-skilling Program, Youth Training Program, Localisation Program, From Welfare to Work Program, Vocational Training Program, Young Leaders Program e tou dernyen-man, nou annan My First Job Program.Nou annan en kantite sa bann progranm ozordi, zisteman avek bi sey met lanmen lo sa bann problenm travay ki egziste dan nou pei ozordi.  Zis parey loter Mosyon in fer resorti dan son lentervansyon taler, si nou annan tou sa bann progranm ki Gouvernman in met an plas, nou pe sey travay avek Sekter Prive, Ledikasyon eksetera, eski nou ankor annan problenm lanplwa dan sa pei?

Mr Deputy Speaker, wi.  Malgre ki nou annan tou sa bann progranm, nou bezwen annan sistenm monitoring pli konpreansiv e osi ki nou met an plas, en sistenm ki vreman marse e annan en sinerzi ant bann diferan Departman, ki pe fer marse sa bann progranm.  Vwala kote nou problenm i ete.

Mr Deputy Speaker, i tre enportan pou nou note, se ki Gouvernman in donn plizyer logmantasyon travayer.  Fodre pa ki nou zanmen lepep Seselwa i bliye, ki sete Gouvernman, dirize par Parti Lepep, ki ti entrodwir Minimum Wage an 2008, anba Employment Act 40(2), sorti R14.50 an 2008 pou ariv R33.30, 2016. Tousala i avek bi enn, pou elev standar lavi nou pep, retir dimoun lo depandans Welfare, an menm tan, tir presyon lo Social Security Fund.  Createincentive pour travay, avek bi ogmant prodiktivite.

Mr Deputy Speaker, Minimum Wage i sa gid ki devret ganny servi par Sekter Prive, pou fer sir ki bann travayer dan zot Lorganizasyon i ganny rekonpanse dan en fason ki akseptab, pour zot travay oubyen servis ki zot donnen.

Mr Deputy Speaker, Gouvernman in osi entrodwir plis ki 100 diferan Scheme pour bann diferan Minister, pandan sa dernyen lannen ki’n pase.  Legzanp, Minister Ledikasyon, Lasante e lezot ankor. Sak sa bann Scheme i annan en serten karakteristik ki adapte avek lanvironnman travay spesifik sa Minister.  Dan sa konteks, mon propoze ki Gouvernman i kontinyen devlop ankor bann lezot Scheme travay, pou kapab kontinyen amelyor nivo bann travayer Seselwa.

Mr Deputy Speaker, pou kontinyen get dan welfare travayer, Gouvernman ti fer enn bann lamannman mazer dan Employment Act an 2000, par entrodwir Lalwa pour Konpansasyon pour 1 zour saler pour sak mwan servis, apre sak 5an servis kontinyel dan Sekter Prive.  Sa ti ganny fer, malgre gran lopozisyon par Sekter Prive.

Mr Deputy Speaker, get dan kondisyon travayer Seselwa, donn travayer Seselwa en pli bon saler, pour ki zot kapab viv en lavi meyer.  I toultan en prensip for sa Gouvernman me menm avek tou lentansyon, avek tou sa travay ki Gouvernman in fer, i pa vedir ki sa ki nou’n fer i parfe. Ozordi i annan nesesite pou Gouvernman kontinyen rod lezot fason pou kapab amelyor lafason ki keksoz i ganny fer.

Mr Deputy Speaker, se akoz sa ki mon’n santi ki Mosyon devan nou ozordi, i annan son merit.  Menm si listwar i montre ki nou’n fer en kantite, nou pa devret aret la.  I enportan ki tanzantan nou kapab asize e kontinyen fer bann analiz profon lo sa size saler.

Mr Deputy Speaker, malgre tou sa bann lakonplisman ki nou’n fer pou byennet travayer Seselwa, nou realize ki nou ankor annan plizyer defi pou sirmonte.

Mr Deputy Speaker, enn nou pli gro defi se Lokalizasyon.  Lokalizasyon i en lot pli gran problenm ki nou bezwen adrese e mon ti a kontan ki nou Lalwa i vin pli morde, pou fer sir ki tou Lorganizasyon prive e piblik, i annan en plan siksesyon, ki a permet ranplas etranze par Seselwa kalifye kot i posib.  Par kont, i enteresan pou note ki pandan ki serten Seselwa kalifye pe swazir pou al rod travay aletranze, ozordi etranze kalifye pe vin rod travay Sesel, akoz se zisteman nou devlopman rapid ki’n anmenn bokou loportinite.  Me i osi montre nesesite pou revwar bann kondisyon travay nou bann travayer Seselwa – parey plizyer fwa mon’n sizere dan sa Lasanble, pour ki sa ava ede pour ki nou retenir nou bann travayer Seselwa kalifye.

Mr Deputy Speaker, avek sa devlopman ekonomik rapid, i tre enportan ki nou ranforsi e aplik Lalwa e osi byen, annan en proper monitoring pli konpreansiv, lo lenplimantasyon sa progranm understudy, vizavi travayer etranze ki annan en Permi Travay ou GOP, pou asire ki bann i ganny sa sans pou avanse dan zot karyer profesyonnel, pou nou pei kontinyen progrese.

Mr Deputy Speaker, si napa Lalwa, annou fer li vin Lalwa.  Eski pa’n ariv ler pou reviz sa Lalwa Lanplwa, ki date depi ’95 e dernyen lamannman ti ganny fer an 2008.  Eski pa in ler pour sa Lalwa reprezant sa vre realite lepep Seselwa ozordi?  Avek modernizasyon e devlopman ki pe arive dan nou pei ozordi, Minister Lanplwa in lans en latas, pou asire ki nou lalit 1964 i kontinyen, pou fer sir ki sa lalit pa’n an ven e pou fer sir ki sa lalit i raport fri.  E ki tou Seselwa i kontinyen rezouir sa fri progre.

Mr Deputy Speaker, pou annan en Lekonomi progresiv e prodiktiv, fodre tou dimoun i fer son bout.  Nou’n train bokou Seselwa pou travay e Seselwa i merit pran zot responsabilite travay o serye.

Mr Deputy Speaker, ozordi avek sa transformasyon ekonomik e sosyal, nou’n vwar bokou sanzman dan nou labour force. Avek lemonn modern, lavansman teknolozi, profesyon pli spesyalize, nou’n osi konstate nesesite annan en labour force kontinyen sanze progresiv e adapte.

Mr Deputy Speaker, pou nou kapab reisi sirmont sa bann defi, nou bezwen atraver Minister Lanplwa e Ledikasyon e osi byen ki Sekter Prive, fer sir ki nou provide training e skill apropriye, pou match kalite louvraz ki annan lo labour market. Enkorpor sa size Bon latitid ek Etik anver travay dan training program ledikasyon.  Met mekanizm an plas, pou edik travayer zot Drwa, osi byen Responsabilite, ki finalman i a ed zot devlop sa kiltir travay e bann bon konportman etik.

Mr Deputy Speaker, avek resours ki limite, i nepli letan pou dimoun kontinyen kale e pares.  Swa devan nou i kler ozordi.  Leve, debrouye, travay e pran ou responsabilite o serye.

Mr Deputy Speaker, en lot laspe tre enportan dan devlopman en pei, se son devlopman resours imen.  Nou resours imen i sa zouti prensipal dan transformasyon nou sosyete.  I tre enportan ki nou tou nou kapab kontinyen empower nou pep, sirtou nou bann zenn, par donn zot plis formasyon e konesans.  Sa i a ede dan devlopman e prosperite Nasyonal nou pei.

Mr Deputy Speaker, dan sa konteks alor, i tre enportan ki tou Minister, Lazans e menm Sekter Prive, i met an plas en planifikasyon resours imen dan zot Lorganizasyon.  E sa i a ede kontribye plis anver devlopman personnel travayer, ki osi ede pou ogmant prodiktivite.

Mr Deputy Speaker, i tre enportan pou note ki Sesel koman en pti leta zil, avek limitasyon resours natirel, i tre enportan ki nou alors met bokou plis lanfaz lo devlopman resours imen dan nou devlopman e stratezi.  Ozordi i kler ki nou annan en mankman mendev kalifye dan diferan lokipasyon.  Sa i rezilta kontinyel e sanzman dan nou lekonomi.  Ozordi nou Gouvernman pe kontinyelman rod fason re-oryant nou sistenm ledikasyon, anliny avek devlopman plan resours imen nou pei.

Mr Deputy Speaker, touzour avek bi met dimoun o sant devlopman e avek nou sistenm ledikasyon aktyel e kreasyon nou prop Liniversite, nou pou kontinyen met lanfaz lo preparasyon bann pli meyer mendev pou antre dan lemonn travay, avek plis skill, konpetans, konesans e pli bon latitid.  Mr Deputy Speaker, tousala, avek bi pou protez, prezerv e met devlopman resours imen o sant nou devlopman sosyoekonomik nou pei.

Mr Speaker, sa Mosyon devan nou ozordi, i permet nou kapab revwar kote nou’n arive ozordi e kote nou kapab fer pli byen ankor.  Pour nou bann travayer, savedir sa lalit pour sa amelyorasyon kondisyon travayer, i en lalit san ses.  I en lalit ki al pli lwen ankor e nou bezwen kontinyen fer sa lalit.

Mr Deputy Speaker an termin-an, i tre enportan ki Minister Ledikasyon, ansanm avek bann lezot partner, i pran an konsiderasyon e fer sir ki nou pep i kontinyen devlop sa kiltir, kot nou ankouraz nou dimoun pou travay tre dir.  E sa se sel fason ki nou kapab ede pour nou ankouraz nou bann zenn pou pran en lanplwa apre zot training.  Sa i a gradyelman ede ranplas travayer etranze par bann Seselwa kalifye e finalman, ede dan devlopman nou pei.

Avek sa enn de mo, mon pou donn mon sipor pour sa Mosyon.

Mersi Mr Deputy Speaker.

 

MR DEPUTY SPEAKER

Onorab Samson.

 

HON DEREK SAMSON

Mersi Mr Deputy Speaker.

Mon ti a kontan mwan osi raportmon kontribisyon anver sa Mosyon.

E mon pou komanse par fer rapel Mr Deputy, ki an 1963, Prezidan John F Kennedy ti siny en Act, Equal Pay Actan Leta Ini byensir.  Ki fer ki by then, i ti pou ilegal ki en zonm oubyen en madanm ti pou ganny peye diferaman dan menm landrwa travay, anba menm fonksyon.Dizon en legzanp, si nou ti pou annan nou 2 Zofisye Militer dan Larme Lanmerik, 1 en msye, lot en madanm, zot ti pou egalman sipoze ganny menm saler, depandan zot Ran.

Mr Deputy, konteks Sesel an 2016 ozordi i bokou diferan.  Legalite travay ant zonm ek madanm i pa en size.I pa neseserman en konsern.  E ni kestyon saler pour zonm ek madanm, malgre zot annan menm responsabilite dan menm kalite lanplwa, i pa neseserman en konsern.  Nou Sesel, nou bezwen rekonnet ki Gouvernman, Minister Lanplwa in anmenn bokou, plizyer lamannman pou siport nou bann travayer Seselwa e menm bann etranze ki travay dan nou pei.  Me si sa Mosyon i lo latab ozordi, i vedir alor ki i annan plas pour serten amelyorasyon.  I vedir alor ki nou pe demann plis legalite dan kalite travay ki nou bann travayer pe fer, vizavi bann lezot sipor ki egziste oubyen ki kapab egziste dan kondisyon travay ki zot annan, sirtou kot i konsern sa ki nou pe prezante ozordi dan sa Mosyon, ‘Equal Work Equal Pay’, an relasyon avek sirtou travayer etranze.

E zisteman Mr Deputy, 2 size oubyen 2 pwen ki mon ti a kontan raporte otour sa Mosyon.

Enn se Appraisal System oubyen Evalyasyon performans travayer peryodik, pour bann travayer.

E dezyenm se Degre oubyen Sertifika Letid, resevwar par bann travayer ki deza dan lanplwa, apre ki zot in fini aprofondir zot letid dan lanplwa menm.

Mr Deputy, ozordi Appraisal System in ganny modernize pou vin sa ki nou dir en Continuous Performance Management, oubyen Zesyon Performans Travayer a la baz kontinyel.  E sa i bokou frekan e adopte sirtou dan bann gran Lakonpannyen Prive atraver lemonn.  E ozordi olye fer evalyasyon travay, Appraisal 2 fwa dan lannen, bann Leaders oubyen bann Sef dan bann Lenstitisyon travay, i aprezan etablir en kontak pli regilye avek zot bann travayer, pou evalye son travay, swa an group oubyen endividyelman.  Sa bann kontak one on one regilye, i baze lo bann lobzektif etablir ansanm ant sa sef e son travayer.

Si nou kapab pran en legzanp Mr Deputy.  Dizon ou annan ou en Sales Manager, en dimoun ki responsab en laboutik e i annan li detrwa dimoun ki ede pou vann dizon lenz dan laboutik pour en peryod, dizon si nou pou evalye en semenn oubyen en zour.  Si dizon en staff i arive vann plis item ki enn son koleg.  En Sales Girl dizon i arive vann plis item ki enn son koleg, i pou par natir oubyen natirelman arive ki sa Manager pou lafen-di-mwan oubyen lafen sa semenn ki i pe run sa laboutik, rekonpans sa Sales Girl pour zefor ki in kapab arive vann plis item ki son koleg.  E sa i etablir en sans konpetisyon oubyen determinasyon dan latmosfer travay dan sa Lakonpannyen, dan sa laboutik dizon.

E finalman Mr Deputy, sa Sef i kapab apresye pou vwar si son travayer i merit en incentive or en rekonpans lankourazman, pour zefor, performans ki sa dimoun in fer, atraver sa continuous performance management.

E sa Mr Deputy, set en lot laspe ‘Equal Work Equal Pay’, ki si en travayer i delivre plis ki en lot, sa travayer i alors merit plis rekonpans pour son kontribisyon anver sa Lenstitisyon.

Mr Deputy, petet nou pou vwar ki sa bann tel pratik i pli frekan parey mon’n dir, dan bann landrwa prive, dan bann Lenstitisyon prive, ki dan Gouvernman.  Me kwa ki petet pe dekouraz Gouvernman pou vreman adopte en tel sistenm ?  Petet nou pou dir ki Gouvernman pa pe neseserman parey sa legzanp laboutik ki mon’n donnen, pe vann en prodwi oubyen pe vann en servis, baze lo satisfaksyon piblik.  Me sa pa devret vin en lobstak dan li menm.  Nou kapab petet ankouraze e entrodwir en tel sistenm dan nou Sekter Piblik, pour benefis nou bann travayer.  Si en travayer i ozordi petet dan en lazournen delivre plis, i alor merit plis pour son kouraz e son zefor.  Me si en travayer pa travay, pa pe delivre, alor i pa kapab ekspekte plis rekonpans, ganny plis incentive lafen en semenn oubyen lafen en mwan.

Me malgre ‘Equal Work Equal Pay’ Mr Deputy, si en travayer i arive ganny plis konesans dan son profesyon, ki se swa atraver leksperyans oubyen letid formel, sa travayer pou merit plis rekonpans.

E sa i anmenn mwan lo mon dezyenm pwen e mon dernyen pwen otour sa Mosyon.  Si en travayer in ganny anvoye letid as a mature student dapre plan devlopman son lorganizasyon, nou konnen alor, si sa travayer i retournen avek sikse lakonplisman son letid pli tar, sa travayer i pou bezwen met o servis son bann nouvo laprantisaz oubyen leksperyans resevwar atraver son letid, ki pou fer ki i pou posibleman ganny promote oubyen resevwar en saler elve.

Me, Mr Deputy Speaker, malerezman, malgre ki i ganny planifye ki en travayer pou ale, oubyen pe, oubyen in fini al etidye, ler i tournen prosedir promosyon oubyen logmantasyon saler i kapab pran menm plis letan ki sa letid ki sa endividi in ale.  I pran bokou letan.  Nou perdi tro bokou travayer akoz en tel pratik Mr Deputy.  Me, eski se gouvernman ki devret ganny blanmen?  Oubyen eski se Prezidan Michel ki devret ganny blanmen pour en tel akt, oubyen mank responsabilite?  Non Mr Deputy.  Bokou fwa, se bann Teknisyen zot menm ki fer ekspre.  E Mr Deputy, kontan ou pa kontan, fer ekspre i annan en kantite dan bann serten nou bann Lenstitisyon travay piblik, kot serten i dan biznes fer Gouvernman perdi repitasyon, fer nou Prezidan ganny zoure, ganny maltrete akoz bann move pratik oubyen bann fot ki nou fer otour pez file dimoun, anpes promosyon serten nou bann koleg.

Letan nou pe tret sa size ‘Equal Work Equal Pay’,nou bezwen realize ki tou i komans ek nou menm Mr Deputy.  Ki se swa Sef oubyen travayer dan en Lenstitisyon travay.  Bon performans dan travay i merit bon rekonpans e to ou tar, bon performans i bezwen ganny dekouver, i bezwen ganny rekonnet.

E pour terminen Mr Deputy, nou pa devret dekouraze otour performans ki nou pe donnen, oubyen zefor ki nou pe donnen dan nou landrwa travay, me plito reste touzour determinen pou ofer nou meyer nou kapasite dan nou performans.

E avek sa, definitivman mon pou donn mon sipor sa Mosyon.

Mersi bokou.

 

MR DEPUTY SPEAKER

Bon, avek sa Lasanble i a break e nou ava rezwenn 2er apre midi.

 

LUNCH

MR DEPUTY SPEAKER

Bon, bonn apremidi e nou a kontinyen avek nou Deba lo Mosyon table par Onorab Fideria. E lo mon lalis mon annan Onorab Arnephy.

 

HON BERNARD ARNEPHY

Mersi Mr Deputy Speaker.

Bonn apre midi Mr Deputy Speaker. Bonn apre midi tou Manm koleg Onorab.

Mr Deputy Speaker, mon krwar sa Mosyon ki Onorab Fideria in anmenn devan nou Lasanble, i en Mosyon ki annan ase sibstans ler nou pe koz lo devlopman resours imen dan nou pei.  E Mr Deputy, mon mazinen pli gran larises ki en pei i kapab posede – ki en pep -– ki en Nasyon i kapab posede se byen son resours imen – savedir en lafors travayer ; e pour ki nou annan en lafors travayer ki prodiktiv- otan prodiktif nou bezwen fer sir ki nou annan tou bann kondisyon favorab pou fer sa arive.

Mosyon ki Onorab Fideria pe anmenn devan nou Lasanble pe demande ki nou entrodwir bann mezir neseser pour menm travay, menm saler.  Mon mazinen Mosyon in vini akoz nou vwar poudir ozordi i annan en kantite disparite dan lafason ki sa pe ganny fer.  Malgre nou rekonnet ki koman en pep – koman en Nasyon pandan nou lalit, nou’n fer en kantite pour asire pour ki bann travayer – la mon pe koz travayer Seselwa – i ganny zot Drwa kot Zonm ek Fanm i ganny tretman egal dan landrwa travay regardless ki louvraz zot anvi fer.  E konpare avek 30an-40an pase, kot serten travay ti ganny reserve posibleman zis pour bann msye, ozordi nou annan otan madanm ki pe fer bann aktivite ki bann zonm  – pandan sa lepok ti ganny konsidere koman travay zonm,

Savedir isi Sesel nou’n arive achieve sa disparite ki egziste ant travay Madanm e travay Msye.  E la nou pe koz bann travay desan.  E osi ler ou get bann literatir – ler ou get realite otour ou, ou vwar ki i annan en kantite pei ki ankor pe lager pour kapab etablir sa egalite ant zonm ek fanm.  E la ki nou pe koze, nou pe koz lo saler.  Mon krwar loter Mosyon in fer resourti lesansyel ki posibleman sa Mosyon in vini akoz nou vwar en gran disparite  souvandfwa kot en travayer etranze pe fer en louvraz avek en serten kalifikasyon –  e ou vwar en Seselwa ki pe fer menm louvraz avek menm kalifikasyon, nou vwar sa gran disparite dan saler.  E sa i poz bokou kestyon.  E nou menm nou Lasanble souvandfwa nou’n demann bokou kestyon. Minis ki responsab pour Lanplwa in reponn plizyer kestyon lo sa size.  Me nou koman en Lasanble, nou pa satisfe akoz nou santi poudir ki annan potansyel pour nou Seselwa, kapab ganny en pli bon deal, en fairer deal dan lafason ki keksoz i ganny fer.  Me sa ki ois enportan pou fer remarke se ki donn en saler ki ale avek sa travay ki ou fer, i en drwa fondamantal imen.  Ler en dimoun i travay i bezwen fer sir ki nou pe byen renimer son travay ki i fer.  E sa i annan plizyer benefis.  E parey mon’n dir okour sa 40 lannen ki nou’n egziste koman en Nasyon, nou’n fer en kantite pou re-tir sa bann disparite.  Sa in fer ki ozordi Sesel i ganny klasifye koman en upper-income country kot sa kestyon Lapovrete pe ganny adrese dan en fason sistematik akoz Gouvernman in fer bokou demars pou etablir Minimum Wage pou asire ki standar lavi sak  nou dimoun i alaoter.  Sa in ede pou re-tir lapovrete e enorm ki egziste dan pei.  Lide par deryer Mosyon mon mazinen osi, i pe asire ki atraver kontribisyon ki en dimoun i fer dan son travay, sa i fer ki ler i ariv son laz retret – son laz pansyon- i kapab zwir en bon pansyon ; akoz i annan sa kondisyon mandatwar ki ganny tire lo ou lapey ler ou dan lanplwa e sa i ede pour determinen konbyen ou benefisye avek ou pansyon ler ou ariv ou laz retret.   ‘Equal Work Equal Pay’ en lot benefis osi i fer sir ki i re-tir presyon lo fanmir, pou travay en kantite bann extra hours. Parey nou dir kot ou bezwen fer 3/4 louvraz par zour pour ou fer 2 bout zwenn.  Me si en dimoun pe travay – dapre son travay pe ganny en bon saler, sa i osi ede pour re-tir sa presyon lo Manm fanmir ki swa Papa – ki swa Manman e an retour donn plis latansyon bann zanfan e an retour fer ki kondisyon familial kot lakour i improve en kantite.

Mr Deputy Speaker, ler ou lir literatir lo sa size ki loter Mosyon in anmennen, nou vwar poudir i annan en issue ki nou koz en kantite lo child labour.E ozordi Sesel i en issue ki koman en Gouvernman, nou pe fer sir ki nou adrese.  Nou pa dir ki ki napa zanfan anba laz ki pa pe fer serten louvraz, me sa i a zot volonte e posibleman avek mankman sipervizyon sorti kot fanmir ; akoz ozordi nou pe fer ki  nou sistenm Ledikasyon i obligatwar ziska serten laz – ziska 11an- obligatwar pour ki tou zanfan i kapab dan Lekol ziska ler i ganny son laz rezonnab kot i kapab antre dan lanplwa.

En lot rezon akoz ki sa Mosyon i osi enportan, se ki ozordi nou annan en gran problenm pour nou kapab retenir bann skilled labour – bann marketable skill parey nou dir an angle.  E sa i en zafer ki vin volatile akoz ler en  dimoun i dan en lanplwa e i santi son kalifikasyon – son rannman ki i pe donnen – sa saler pa pe match ; sa nivo ledikasyon ki i donnen, sa i fer ki souvandfwa i pous en dimoun pour li zis kontinyelman sanz louvraz.  E of course en tel sityasyon i anmenn bann lefe negatif lo sa landrwa travay li menm – lo sa emplwayer li menm akoz son landrwa travay pas tab e posibleman sa i afekte en kantite son prodiktivite.  Me an dizan tousala Mr Deputy Speaker, nou osi bezwen koz en pti pe lo responsabilte travayer.  Mon krwar sak travayer i bezwen pran son responsabilte.   Nou pa kapab kontinyelman annan bann sityasyon kot travayer i ekspekte ganny byen peye – ganny byen taken care of be solman son prodiktivite I pa match sa kalite lekspektasyon. E ozordi dan nou pei, i malere  – i malere ki dan nou pei, nou annan en kantite sa bann sityasyon.  Ozordi nou koz en kantite lo expatriate workers – bann foreign workers ki dan pei, me sa iarive an gran  parti akoz malerezman nou annan serten Seselwa ki mank sa dedikasyon – ki mank sa komitman anver zot travay.  E zis en pti pe bann statistik resan depi Zanvye ziska Me, 2016 la,  ok lakantite foreign workers ki’n ganny GOP pou travay Sesel i annan 7091 – kantite Mr Deputy Speaker.  E ladan nou vwar i dan 2 areas kle.E sa se Konstriksyon avek Lotelri.  Dan Konstriksyon – 2746 e dan Lotelri 2687.  E Kestyon ki nou demande, eski nou napa  Seselwa ki kapab fer sa bann louvraz ?  Larepons i enn ki balanse, akoz nou annan Seselwa ki kapab fer sa bann louvraz.  Ler nou get sa dernyen 10an lakantite Etidyan ki SIT ki’n train –lakantite Etidyan ki STA in train, i kit nou avek en kantite pwen reflesyon.  Alors, mon mazinen koman en Gouvernman, nou annan en devwar pour nou fer en analiz profon pour nou vwar akoz ki en kantite sa bann Etidyan ki sorti dan sa bann Lenstitisyon, zot pa pe pran sa bann pozisyon – bann posts dan sa 2 areas kle ki pe kontribye anver devlopman nou pei.  Eski i en Kestyon lapey ?  Mon krwar Onorab Dugasse bomaten in fer sorti serten pwen fondamantal ; kantite Scheme ki nou annan dan pei.  E ozordi nou annan en Scheme ki Gouvernman fek anonse – My First Job. Mon krwar i bann bon stratezi ki Gouvernman pe vin avek.  Me eski sa i sifi pour nou kapab atir nou bann zenn pour zot pran bann lanplwa ki available ?

Mr Deputy Speaker, mon osi mazinen ki nou bezwen koman en sosyete pou annan bann Linyon – bann Linyon Travayer ki kontinyelman – petet 30an/20an pase Linyon Travayer ti la pour defann zentere Travayer.  Me ozordi parey mon dir serten travayer in ganny defann, me petet nou bezwen bann Linyon ki prezan zot a zwe bann rol Advocacy – pour  zot advise – pour zot donn ledikasyon Travayer – pou fer ki ler en dimoun i deside pou li swazir en louvraz i deside from that job pour li fer en karyer.  E ozordi mon krwar sa i mank en kantite dan nou sosyete ok ? En dimoun i deside al get en dyob me eski sa dyob i lead li towards en career?  So, mon krwar sa i bann Kestyon ki nou bezwen kontinyelman mazin lo la.

Mr Deputy Speaker, ozordi Sekter Prive se sa Sekter kip e anploy lamazorite travayer dan nou pei.  An tou dapre dernyen statitik ki nou annan ziska Me, Sekter Prive pe anploy 33, 344 Travayer dan nou Lafors travay e sa i swiv par Sekter Piblik – i annan 9,317 e Parastatal 5,762.  E savedir malgre ki Gouvernman li i annan rol koman Regilater policy-maker, pou li fer sir ki i annan kondisyon, bann Lalwa – bann Polisi favorab, mon mazinen ki Sekter Prive, Sekter Parastatal, zot egalman annan en rol kle pour zot zwe pour asire ki bann travayer, zot ganny en good deal – en fair deal – en deal kot sa ki zot donnen, zot rannman dan travay i match sa saler ki zot pe resevwar.

En lot pwen osi ki mon mazinen ki souvandfwa i dekouraz serten travayer – e la mon mazinen Minister Laplwa, Gouvernman, nou bezwen get en pe seryezman ladan.  I annan sa Kestyon Overtime sirtou bann Travayer Lotel –bann Seselwa – la mon pe koz lo bann Seselwa ki travay dan Lotel ki mwan mon koz en kantite avek -ki zot dedye – souvandfwa zot double bann shift – pa neseserman akoz zot anvi plis larzan, me akoz zot santi poudir zot annan en kontribisyon, en rol pour zot zwe dan lavansman zot Lenstitisyon.  Me zot dezapwentman, ki malgre zot zefor pou fer tou sa bann ‘overtime, zot santi poudir ki zot pe ganny takse lo sa bann overtime ki mwan personelman mon santi poudir i pa normal.  Ou a takse li lo son saler debaz me lo son ‘overtime let’s say ou ti pou takse li lo son ‘overtime, me ou pa kapab takse li to the maximum.  So, la mon krwar ki en area kotGouvernman i bezwen re-getladan atraver son bann Polisi.

En lot pwen osi -mon krwar Onorab Fideria prezanter mosyon in koz lo serten rekomandasyon.  Koman en Gouvernman osi nou bezwen annan bann clear progression pathways pour bann travayer. Dan bann landrwa travay nou bezwen annan bann échelon ki kler – ki dir poudir mon komans la – mon travay dir, mon donn tou e mon o potansyel pour mwan ariv bokou pli lwen.  E mon ti pe ekout en interview kiTessa in fer resaman avek Prezidan Rene e Prezidan Rene in koz fortman lo la.  I en keksoz ki nou bezwen focus lo la, si nou anvi kontinyelman retenir nou bann Profesyonnel Seselwa e ankouraz zot pou reste isi pou donn tou le neseser.

Mr Deputy Speaker, ozordi Gouvernman pe envesti en kantite.  In envestir en kantite Milyon dan training nou bann zenn Profesyonnel.  E mwan i sagrin mwan pour mwan vwar sa issue Understudy, ki ankor en gro problenm. En Seselwa ki annan potansyel pour li ranplas en etranze, malgre i annan Polisi an plas ki dir en progranm Understudy i sipoze plas for not more than 2 years, me nou vwar en Seselwa avek tou son bagaz – tou son abilite – tou son potansyel – tou son konnesans, i vini me ou vwar li pe kontinyelman pe understudy en etranze.  E mwan mon santi ki sa in ler pour nou koman en Gouvernman met en lafen avek.  Mon pape dir nou bezwen fer tou etranze ale, nou pou kontinyelman bezwen etranze.  Ok ? Nou pou bezwen kontinyelman bezwen etranze, me mon santi ki i annan sertenpozisyon, kot nou annan en kantite Seselwa ki kapab pran sa bann pozisyon.  E parey in ganny dir ankor bomaten – sa ki pli sagrinan ladan, se ki en kantite fwa, sa bann menm etranze ki Seselwa pe understudy zot, se sa bann Seselwa ki pe dir sa bann etranze ki mannyer pou travay – ki mannyer pou fer.  So, ki mannyer ou kapab fer ki mon kapab pe understudy ou, me solman mwan ki pe dir ou ki mannyer ou pou fer louvraz ; mannyer pou fer sa travay ? So, mon mazinen poudir sa i en pwen konsern ki nou bezwen seryezman mazin lo la.  E ozordi mon kontan Mr Deputy Speaker, ki SQA – SQA in pran en rol pli proaktif dan le sans kot i validate bann Diplonm – bann Sertifika – bann Degre ki bann dimoun i vin avek ; pa zis Seselwa me osi byen ki etranze akoz dan en kantite entans nou konnen en kantite etranze – bomaten Minister Ledikasyon in reponn en Kestyon ozordi ; par egzanp dan Ledikasyon  nou fer interview avek Teachers etranze ki vin travay kot nou solman, nou fer interview lo SKYPE. Eski nou pe vreman ganny sa kalite dimoun ki pou vin dan Lekol? E semenn pase mon pe koz avek en Etidyan A’ Level ki pe esper son Course – Ler i pe travay Lekol Beau Vallon i a pe espere pou li al son Course e i vin travay dan Lekol Beau Vallon – i ti dir ek mwan poudir i annan serten Nasyonalite – Teacher etranze pe teach the wrong concept;e li koman en A Level student, se li ki pe koriz sa Teacher pe dir, But not this, this is not the way to do it. E sa Teacher trankilman i kriy li parkote, i aknowledge poudir vre.  So, teach the wrong concept. So, vwala en pti pe.  Mon krwar sa validasyon bann Degre, bann Sertifika ki dimoun i vin avek, i en keksoz ki tre enportan.

E mon mazinen si tou sa bann rekomandasyon ki nou pe koz lo la, sa bann propozisyon nou pe met devan, i ganny konsidere seryezman sa i pou fer ki Seselwa – Seselwa ki’n al train – zenn Profesyonnel dan diferan nivo lanplwa zot santi, ki zot pe ganny rekonnet – zot pe ganny met an valer zot potansyel – zot Degre, zot zefor, zot sakrifis ki zot in fer, sa i pou fer ki nou pou annan nou sa lafors travayer ki pli prodiktif e evantyelman – evantyelman nou pou vwar en diminisyon dan lakantite etranze ki pe anploye Sesel ; e nou pou vwar plis Seselwa ki deside go forward pou li pran en lanplwa desan.

So, Mr Deputy Speaker, avek sa detrwa mo mon mazinen ki si bann pwen ki  nou’n fer resorti, i ariv kot bann Lotorite konsernen, dan bann zorey ki annan zorey pou ekoute, nou pou vwar en diferans ki nou pe fer pou amelyor lanvironnman travay dan nou pei; e fer ki Seselwa i ganny priyorite lo etranze – sirtou dan bann serten pozisyon kle kot – parey mon repete – kot i annan Seselwa ki kapab fer sa louvraz, me ki sagrinnan vwar li pe kontinyelman understudy etranze – e sa etranze pe ganny bokou plis saler ki li – bokou plis perks ki li.  E li souvandfwa, i santi li dekouraze, kan i ti kapab pe kontribye en pe plis dan devlopman nou pei.

So, avek sa detrwa mo Mr Deputy Speaker, mon pou a-port mon siport pour sa Mosyon.

Mersi.

 

MR DEPUTY SPEAKER

Onorab Dokter Payet.

 

HON DAVID PAYET

Mersi Mr Deputy.

Mr Deputy, size sa Mosyon ki devan Lasanble Nasyonal, se en prensip ki responsab enn bann pli gran transformasyon dan listrwar limanite.  Sa prensip ‘Equal Work, Equal Pay ‘oubyen ‘Menm Travay Menm Saler’, in anmenn gran sanzman- vre sanzman sanzman pozitif, dan lavi plizyer Milyonn dimoun atraver lemonn, enkli ki dan nou pti pei, Sesel.  Sa prensip nob, in azir koman enn bann mechanism pli efikas dan lenplimantasyon bann gran valer iniversel,  parey Legalite.

Mr Deputy, pou promot legalite, nou bezwen konbat lenzistis sosyal e diskriminasyon dan tou son form.  Lakoz prensipal lenzistis sosyal se disparite oubyen diferans ant bann saler, akoz saler i sel sours reveni pour gran mazorite adilt e zot fanmir.  Pandan lontan, sa bann rezon akoz ti annan disparite ant bann saler sete diskriminsyon baze lo Gender – Ras e lezot konsiderasyon.

Mr Deputy, 2 dimoun ti fer menm travay pour menm kantite erdtan par zour, menm kantite zour dan lasemenn tou le mwan, ti resevwar saler diferan zis akoz enn ti en Zonm lot ti en Fanm – oubyen akoz zot Ras ti deferan.  Prensip ‘Menm Travay Menm Saler’, i en largiman for, ki’n ganny anmennen pour abolir diskriminasyon dan travay.  Sa prensip in retir fanmir dan lapovrete e anmenn gran sanzman dan lasosyete.

Mr Deputy, Sesel i en sosyete ki’n profit enormeman atraver sa prensip.  Nou en pei kot i annan bokou fanmir single parent, ki vedir bokou lakour i ganny dirize par en Manman tousel, ki bezwen travay for pou fer viv son fanmir.  Avek lenplimantasyon prensip ‘Menm Travay Menm Saler’, lapey bann madanm ti ogmante – sa i vedir en logmantasyon reveni lafanmir e akse avek en meyer kalite lavi.  Prensip ‘Menm Travay Menm Saler’, se sa mechanism ki’n permet Sesel fer devlopman pei al kot Seselwa.  ‘Menm Travay Menm Saler’, i en lenstriman, dan nou stratezi met Zonm o sant devlopman.

Mr Deputy, si ozordi apre 40an Lendepandans, nou dir ki Sesel i en high-income country e i en middle-class society, se en gran parti se rezilta lakonplisman sa  prensip.

Mr Deputy, nou bann lakonplisman i parfwa ganny menase, par laparisyon bann nouvo Lafors e i  nou devwar pour nou debiste sa bann nouvo menas e propoz ek Gouvernman bann nouvo mezir ki kontenir bann menaz e protez bann lakonplisman lepep Seselwa.  Zisteman, enn bann menas ki nou fer fas avek, se en Lafors ki pe seryezman afekte laplikasyon sa prensip ‘Menm Travay Menm Saler’.  Sa Lafors in vin en disparite ant saler bann expatriate e bann saler Seselwa.  Bokou travayer Seselwa in vwar zot ganny en saler bokou pli ba ki expatriate,ki fer menm travay avek zot.  Sa sityasyon i en vyolasyon sa prensip ‘Menm Travay Menm Saler’.  Nou bezwen koriz sa sityasyon, akoz i kontradir lespri pour lalit pour lazistis sosyal.

Mr Deputy, lefe ki serten travayer  Seselwa, i resevwar en saler pli ba ki en travayer etranze, ki pourtan fer menm travay avek li, sa i ganny resanti koman en lenzistis sosyal, par sa travayer Seselwa e son fanmir.  E i ganny entreprete koman en  diskriminasyon kont sa bann travayer Seselwa.  Sa bann travayer etranze ki dan sa bann sityasyon, i ganny vwar koman bann privilezye tandis ki zot, bann koleg Seselwa i ganny vwar koman bann viktim. Sa sityasyon pa bon ni pour bann travayer Seselwa, ni pour bann travayer etranze, ni pour nou pei Sesel.  I pa bon pour sa bann travayer Seselwa, akoz zot pe ganny en saler ki pli ba ki zot pa sipoze gannyen ; ki zot perdi serten reveni e pourvoir d’achat. Sa i fer ki sa bann Seselwa i perdi motivasyon travay e perdi satisfaksyon dan son landrwa travay.  I osi pa bon pour sa bann travayer etranze, akoz zot bann koleg Seselwa i annan en move persepsyon lo zot, e sa i gat relasyon travay.  Byensir, sa sityasyon i kontribye endistriyel – savedir relasyon kont anplwayer ek anplwaye sirtou bann Seselwa akoz anplwayer, i ganny vwar koman zot fer lapliferans pour bann travayer etranze e fer diskriminasyon kont bann Seselwa.  En tel sityasyon i osi pa bon pour Sesel an zeneral, akoz i kontribye pour anmenn en klima zenofobya dan pei.

Mr Deputy, mon fer resorti lo komansman mon lentervansyon, ki disparite saler pour menm saler pour menm travay, i merit ganny adrese koman en mezir pour ilimin diskriminasyon e konbat lenzistis sosyal. Se pour sa menm rezon, ki  nou bezwen fer sir ki sa prensip ‘Menm Travay Menm Saler’, i ganny aplike partou dan Sesel san eksepsyon.  Fodre ki Minister Lanplwa e Minister Finans i vin tre serye lo la.

Mr Deputy, mon pou siport sa Mosyon.

Mersi.

 

MR DEPUTY SPEAKER

Onorab Barbe.

 

HON NICHOLE BARBE

Mersi Mr Deputy.

Mr Deputy, koleg Onorab, bonn apre midi.  Mr Deputy, sa konsep ‘Menm Travay Menm Saler’, i pa en nouvo konba lo sa later.  Me ler nou pran konteks Sesel, i annan en kantite ki nou’n deza  akonpli. Partou atraver lemonn devlope ,letan ki zot pe koz ‘Menm Travay Menm Saler’, zot normalman pe adres disparite antbann benefis ki en madanm i gannyen, konpare avek sa ki pour en zonm letan ki tou le de pe delivre menm louvraz – e ki sa fanm i vwar li souvan pe ganny peye bokou mwens pour en travay bokou pli efikas.  Isi Sesel, nou napa sa enn problenm.  Fanm Seselwa, i resevwar bann menm benefis si zot pe fer menm louvraz.Sa i enn en domenn kot Sesel in vreman avanse, konpare avek bokou lezot pei dan lemonn – menm ki’n bokou pli avanse ki nou.  Egalite ant Zonm avek Fanm dan landrwa travay Sesel, i non selman ganny etabli, me i ganny aksepte koman en keksoz ki parfetman natirel pour tou dimoun e par tou dimoun.  Kot nou pe rankontre difikilte pour etablir klarite, se avek sa bann zafer etranze ki pe vin travay dan nou pei an gran kantite.  Fodre premyerman rekonnet, ki si i annan etranze ki pe travay dan nou pei, sa i vin akoz labour market i annan en gran demann pour zot servis.  La mon pe koz sirtou dan Sekter Prive.  I napa en biznes Prive ki ti pou fer depans ekstra pou anmenn travayer etranze dan pei, si ti annan li lakantite mendev dan pei ki i bezwen la, a son laporte.  Alors i annan  nesesite.  Me pa akoz i annan sa bezwen ki nou forse les prezans sa bann travayer etranze, konpletman distort nou sistenm lanplwa; kot aprezan serten anplwayer in sitan kontan zot, ki zot fer tou ou defavoriz travayer Seselwa isi dan zot prop pei.  Me parkontsa etranze li, son kote i ganny empowered – i ganny sepa ki kantite incentive. Zot in menm komans ganny kouraz pour mont lo Facebook pour maltret Seselwa letan ki Seselwa i avans devan pour plenny zot sor.  Ozordi, nou annan etranze dan nou pei, ki’n sitan abitye dan nou pei, ki zot oule konn nou plis ki nou.

Mr Deputy,  Sesel i en pti pei.  Donn li tou son defo, nou posed bokou febles, e i vre ki i annan mankman par si, par la.  Me ozordi mon oule dir en keksoz. Nou’n train en kantite dimoun dan sa pei.  Nou’n train bokou, bokou dimoun dan sa pei. E en domenn kot nou’n train dimoun osi se dan Ladministrasyon avek Resours Imen.  Mon pa pe konpran alor ki en biznes i bezwen apwent en etranze koman son Direkter Resours Imen isi dan nou pei.  E sa ki mon pli pa konpran, set akoz ki nou les zot fer li ?  Akoz nou pe donn zot Permi pou fer sa bann tel keksoz isi se nou ?  E sa zafer Direkter Resours Imen etranze la sa enn i bann pli gran lakoz, sa bann distorsyon ki pe arive ozordi.  Mon alors, oule propoze ki nou met an plas en embargo konplet e total pour anpes etranze okip bann post management dan resours imen dan okenn Lakonpannyen Sesel ; e ki Minister Lanplwa i osi fer provizyon pou gard en  rezis avek bann Seselwa ki posed sa konpetans dan en fason, ki letan zot vin dir ki zot in rod Seselwa e napa, Minister i ava kapab menm enpoz enn lo zot si i neseser.  In ler pour nou met nou lipye ater, dan sa zafer.  Si toultan nou pe annan etranze ki pe ansarz Resours Imen dan nou pei, ki mannyer nou koman en pei pou kapab en zour fer en bon plan lo Resours Imen, akoz sa etranze li osi, i annan son plan pou li e li i pou prefere enplimant son plan.  Se pour sela ki ozordi nou vwar Sesel i annan sa bann gro biznes, ki nou isi dan Parti Lepep, nou’n lager lebra kase pour defann.  Ki ozordi dimoun pe dir ou, zot pe travay antre fanmir – la manman i ansarz Laundry, frer i ansarz Restoran, kouzen dan Zarden e en douzenn kouzinn pe fer masaz. E non selman, eski zot pe favoriz zot dimoun ganny lanplwa ? Me kondisyon pa parey pour sa ki pour Seselwa.  Sa ki bann dimoun ozordi ki’n ariv en serten staz kot Seselwa i pe fer menm lanplwa kot a kot avek etranze dan son pei, i vwar li pe ganny shut out dan bann benefis.

Ozordi ou annan Seselwa ki’n fer tou son formasyon dan Lotelri, kot Lakademi Tourizm kot i pe travay kot a kot avek en etranze koman en waiter. Sa 2 dimoun in antre travay ansanm, me sa etranze i antre koman en senior waitere sa Seselwa li i antre koman en senp waiter. Me pli tar dan konversasyon ki i al konpran, ki sa senior waiter pa’n zanmentravay dan sa Lendistri e i pan’n zanmen ganny formen pou travay dan sa Lendistri.  Me pourtan li,sa etranze bokou mwen konpetan pe ganny favorize par lao en Seselwa ki pe fer egzakteman menm travay avek li.  Se sa bann kalite keksoz koumsa ki fodre nou arete isi dan sa pei.  Lakademi Tourizm Sesel, pe vin devlope pou vin en Lenstitisyon highskilled e bann konpetans ki zot pe donn nou bann zenn, i lo en standar enternasyonal tre elev-e.  Me oli motivasyon pour sa bann manrmay ki’n Lekol laba – ki letan zot rantre dan lanplwa zot pou ganny defavorize fas avek en etranze.  E se sa bann zafer koumsa ki fodre zot arete dan sa pei.

Mr Deputy, i osi annan sa zafer Service Charge. Se Lasanble Nasyonal Sesel ki ti aprouv Lezislasyon ki’n met an plas sa pratikservice charge Sesel.  La aprezan mon pe komans ganny lenpresyon, ki nou pou menm prezan fer son formil kalkilsyon form parti sa Lezislasyon.  Lide par deryer service charge, sete ki sa travayer Minimum Wage dan Lendistri Servis tou le mwan ti pou ganny en larzan ekstra dan son lanmen, ki ti ava ede non selman ki larg li finansyerman, me egalman motiv li dan son travay.  I annan plizyer landrwa travay ki pe fer sa tre byen. E normalman kot service charge pe ganny byen enplimante, ou vwar en tre o retansyon travayer Seselwa.  Sa ki fodre arete se sa bann fason kalkile kot Management i pey zot lekor lanmwatye tou service charge ki’n ganny kolekte, e leres i ganny partaze ant travayer ; ouswa sa bann kalkil kot travayer etranze i ganny peye 2 fwa plis ki Seselwa, ki permet zot anvoy zot saler an antye se zot, e isi viv zis lo zot service charge. Si en landrwa travay in angaz li pou pey en travayer etranze en ‘Allowance’, pou anvoy dan son pei tou le mwan pou anvoy kot son fanmir, alors zot devret onor zot Kontra eBidze pour sa sonm larzan.  Non pa tir sa menm service charge ki sa menm Seselwa i sipoze pe benefisye avek – ki a-lafen travayer Seselwa i vwar li zis avek R500 – R800 service charge dan son lanmen tou le mwan, tandis ki etranze, pe tous a R5 mil a R10 mil ki pe antre direk lo kont dan zot pei.  Menm travay i merit menm saler.

Mr Deputy, i annan en kantite larises ki pe ganny kree dan nou pei an se moman.  Sa ki nou pe gannyfer se komans etidye ki pe arive avek tou sa bann larzan e ki mannyer fason pou fer li avek dan lanmen travayer Seselwa ? Mon pou donn mon sipor sa Mosyon, akoz nou Gouvernman in met an plas bann kondisyon ideal pour kreasyon larises. Aprezan nou bezwen al debloke kote sa bann larises pe anpaye – fer en fason liber en pe ki atraver i ava troun ver nou dimoun.

Mersi Mr Deputy.

 

MR DEPUTY SPEAKER

Onorab Lebon. Pa la.  Onorab Monnaie.

 

HON FRANCHASCA MONNAIE

Mersi Mr Deputy Speaker.

Sa Mosyon pe koz lo saler.Saler i en pwen ki PDM in toultan fer sorti koman en pwen for ki devret ganny adrese Sesel.  Menm si bokou in ganny fer pou elev saler minimonm, issue ki enportan pou raise se ki lefe ekonomik ki annan dan tou pti pei.  Pou donnen apre pour repran.  Legzanp fer monte saler – repran lo Tax. Donnen lo ‘overtime e retire lo ‘overtime.  Donnen lo saler me komodite de baz parey Gas i monte.  Sa nou ti vwar detrwa lannen pase.  Annou fer li nou devwar, pou fer sir ki sa sistenm ogmant saler, pa ganny servi koman en zouti politik.  Saler e logmantasyon in en zouti politik e in en zwe politik pour tro lontan.  In plis ki ler ki en Komite Revi Saler i ganny met an plas.  (1) ki son rol i pou regard lekonomi koman son baseline pou re-vwar saler non pa kan Eleksyon. E lo sak Komite, i devret annan bann Profesyonnel kalib ki endepandan. Sa pa pou zis anmenn latransparans  me i pou re-tir politik dan en resours primordyal en travayer Seselwa.  Me mon annan detrwa Kestyon an regardan sa Mosyon – ‘Menm Lapey Menm Travay,’ eski sa menm louvraz i annan menm responsabilite e menm risk ?  Sa ki annan menm louvraz, eski zot annan menm leksperyans, menm novo ledikasyon ?  Eski zot pe travay parey sa lot ?  Eski zot efektivite e prodiktivite i parey sa lot ?  Mon a koz en pti kou lo Etranze; problenm Seselwa avek bann etranze – bann travayer etranze ki pe ganny bann saler o, se pa ki zot pe ganny bokou, me ki ler sa etranze pou ale e sa Seselwa ki pran son plas, sa Seselwa i pa ganny en par akseptab ki sa etranze ti pe gannyen.  Kestyon se ki, si sa logmantasyon i annan dan Bidze sa Lorganizasyon, akoz ki en Seselwa pa kapab rezwir kanmenm pa tou me kantmenm en pti par akseptab ladan.  Sa ki bokou Seselwa i demande, ki mwan mon ‘n koz avek ler zot koz lo etranze i ganny plis saler ki mwan.  Bokou pwen lo size Etranze in ganny kouver dan lentervansyon bann Manm e mon pa pou tous lo la.

Pour konklir mon bann pti mo, annou aret donn pouvwar politisyen pou servi saler koman en zouti zwe ek lavi Seselwa.  Donn sa pouvwar bann Profesyonnel par letid analiz ekonomik dan laform en Komite Revi Saler.

Mersi Deputy Speaker.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Deputy Speaker.

Equal Pay Equal Work,’ Mr Deputy Speaker. Mr Deputy Speaker, sa Mosyon ki devan nou, i enn ki trez enportan, akoz – nou pa pe dir focus lo kwa ki sa Mosyon pe koz lo la.  Sa Mosyon pe koz lo ‘Equal Pay Equal Work,’ an relasyon avek sa ki pe pase dan bann landrwa travay ozordi, e fodre nou re-etabli li en konteks ki sa Mosyon pe ganny prezante ladan.  Ozordi the biggest employer dan Sesel se private sector. E Gouvernman i anploy quite a substancial amount of people, me selman the higher percentage of dimoun i anploye dan private sector. E ki nou pe vwar, nou pe vwar deplizanpli dimoun pe demande an relasyon avek sa issue kot, zot pe fer en louvraz ki ekivalan – that’s why sa mo ekivalan i la – ekivalan i vedir dan tou son sans – ekivalan pa vedir dan zis en konteks, i vedir dan tou son sans; that’s why we use the word equal – ler en keksoz i egal avek en lot, it means the same thing.  Si sa dimoun pe fer menm travay avek sa lot dimoun, then i sipoze pe ganny renimere dan fason ekivalan – meaning – parey.

Now, avan nou koz lo sa, annou regard en pti pe kwa ki pe arive ozordi, an relasyon avek sa issue Saler, vi ki en pwen ki’n ganny souleve, atraver sa Mosyon. Ozordi Gouvernman in entrodwir en nouvo rezim Tax, ki fer ki en dimoun ki ganny li R8555.50 pa peye Tax. So, okenn saler ki ekivalan, egal a R8555.50 pa peye Tax. So, sa deza i en premye letap zefor ki Gouvernman pe fer, zisteman parey enn mon koleg pou dir pou, redonn en pti pe sa larises ki nou koz lo la – sa logmantasyon dan GDP – sa logmantasyon dan Rezerv – pou redonn en pti pe dimoun sa.

Now, ler ou kit sa, sa i pou tonm en kategori – en plak en dimoun ki pe fonksyon – pe travay dan sa……ok ?  So, sa i en zefor ki Gouvernman in pran, pou li kapab asire ki sa group dimoun pa defavorize dan okenn fason.  I annan en pwen enportan ki’n ganny souleve, an relasyon avek ‘overtime prezan, akoz ‘overtime si en landrwa travay pe kalkil li as the gross salary – as the gross pay sa dimoun pe gannyen, then obviously i dimoun ki ganny R8555.50 e ki pe fer ‘overtime, then son gross pou plis ki R8555.50.  E se la kot mon krwar poudir, i annan en travay ki Minister Lanplwa, Departman  Finans, i bezwen fer pou etabli across the board e Sekter Prive enkli ki Sekter Gouvernman, an relasyon ek sa kategori saler – si i annan lezot benefis ki pa sipoze ganny takse, ki sipoze exempt from income tax, pou asire ki dan sirkonstans ki sa bann anplwaye pe takse sa bann employees, pou bezwen fer sir ki sa practice i arete ;  akoz i pa fer premye fwa ki mon tann sa konsern eksprimen par serten travayer dan serten Sekter, sirtou dan Sekter Prive, kot zot dir ou poudir, ‘Mon pe travay – par egzanp ; mon’n al travay Public Holiday, mon’n fer overtime e mon’n ganny – e zot dir mwan ki zot in tir Tax lo mon saler.  In deza ariv de sirkonstans.  Me parkont, i annan de sirkonstans osi, kot mon’n tande poudir – mon demann menm  e lezot dimoun dan lezot landrwa, i dir mwan, ‘Non zot pa’n tire tire lo son overtimeSo, si i annan en discrepancy ant le 2 – mon dir si i annan, i bezwen ganny adrese par bann Lazans e Minister konsernen. E sa Lasanble, i donn son langazman ki nou pou fer sir ki bann Minister konsernen, i tackle sa sityasyon o pli vit posib, pour asire si i annan bann rezim Tax oubyen bann Polisi an relasyon avek taksasyon ki’n ganny met an plas, sa bann Polisi i bezwen ganny respekte.  Sa i fondamantalman pli enportan ki tou keksoz ki nou pe koz lo la.

Now, dezyenm laspe, sa i konsern par egzanp – kot ou annan nou bann zenn Seselwa ; e Dimans Mr Deputy Speaker, en zenn fiy tre entelizan ti  debout e i ti demann en Kestyon an relasyon avek sa, kot li koman en zenn Seselwa i al etidye – in train – in devlope e in ariv en moman a en nivo dan son karyer, me i santi poudir i pa kapab break sa lot barrier, akoz ki annan tou letan, sa tandans pou swazir etranze pou serten kalite louvraz partikilye.  Now, this exists, Mr Deputy Speaker, akoz i pa zis sa zenn fiy ki’n dir mwan, me bokou bann zenn Profesyonnel in koz ek mwan lo la ozordi.  E mon krwar, poudir si i annan en issue an relasyon avek sa, then nou pou bezwen tackle li dan en fason, kot nou kapab asire, ki bann Seselwa ki’n al train as, an incentive pour lezot Seselwa ki kapab al train dan sa domenn, pour zot pran sa bann fonksyon, kan i annan nesesite pour zot pran sa bann fonksyon.

Me selman sa i annan en lot issue prezan ki come up. Let’s assume ki mwan, mon en propriyeter en Konpannyen Prive e as en propriyeter en Konpannyen Prive, si mon annan bann aksyonner, mon responsab avek mon aksyonner pou asire ki – oubyen si mon annan lezot krediter, mon responsab – se re-pey mon bann krediter pour mwan fer sa se, fer mon biznes fer larzan.  So, obviously mon pou bezwen anploy dimoun ki mwan mon santi poudir, i kapab fer mon biznes devlope e vin profitab – e vin pli vyab finansyerman.  I fer sans.  E as a law abiding citizen ki mwan osi mon pey mon Tax dan pei, mon krwar i pou difisil pour en Lotorite enpoz lo mwan, pou fer serten keksoz.  Me, si parkont, dan plas kot i annan en posibilite pour ou kapab ganny en Profesyonnel lokalman, e ou pe swazir pou rod en Profesyonnel aletranze, a, la nou bezwen regarde ki mannyer keksoz pe marse. E se kot la  nou, nou bezwen entrodwir bann mezir, an relasyon ek bann Polisi aktyel, pou asire ki nou garanti en pe ki nou bann Profesyonnel ki’n devlope – nou bann dimoun ki’n devlope – ki’n etidye – ki’n fer lezot zefor, i ganny sans ganny akse avek sa louvraz ki en pe pli o.

Sa issue Understudy, i pa fer premye nou koz lo la.  E mon krwar poudir i pa fer sans si en dimoun pe reste understudy pandan 4an/5an son karyer, akoz sa i zis retard son professional devlopment.  Me, mon oule osi remind dimoun ki avan le 5 Zen 1977, en dimoun, ki ti annan 55an pa ti gannyen anploye dan public service. Malgre ti annan kestyon ki ti ganny demande par saLasanble sa letan, en dimoun pa ti anploye dan public service. Me parkont, i ti ganny anploye lo en part time oubyen ti annan en sistenm ti ganny divise pour sa.

Ozordi en dimoun i reste dan lanplwa pour bokou plis letan.  So, leksperyans osi i konte dan sa zwe.  So, anfen kont, sa ki enportan alors, i tou depan lo bann Lazans konsernen pour zot fer zot travay – zot groundwork neseser pour etabli si; par egzanp dan Lorganizasyon X – annou dir li en Lorganizasyon Piblik, en Lorganizasyon X i nou responsabilite, pou asire ki bann post depi son Top ziska son Down, pe ganny okipe par en Seselwa ki konpetan pou fer.  a i konsern servis piblik.

Me an se ki konsern en private sector organization, la ou bezwen etablir en mezir kot ou dir poudir me serten kad louvraz i rezerve pour Seselwa.  Premyerman (I) Ki i deza annan mon krwar an egzistans.  E dezyenmman, pou osi asire ki sa Lorganizasyon i etabli en Understudy Program pou allow bann zenn ki devlope, pour achieve lo sa lot nivo dan zot lanplwa.

So, mon krwar i annan tout en balans sa bann mezir ki nou bezwen met an plas.  E sa Mosyon i vin a en tre bon moman, kot i annan bokou kestyon ki ganny demande an relasyon avek sa.  Be i annan en lot laspe sa problenm  ki mon krwar nou bezwen osi regard li an relasyon avek abilite nou popilasyon, pou soutenir growth dan nou lekonomi – sirtou dan bann Sekter kle, parey Tourizm e Konstriksyon. E la mon oule remind sa Lasanble, ki avek Exist Langleter dan Linyon Eropeen recently, in annan bokou kestyon ki pe ganny demande, lo ki mannyer serten son bann Lendistri ki depan en kantite lo foreign workers pou kapab survive.  So, nou osi nou bezwen avan ki nou pran okenn mezir, nou bezwen fer sir, ki nou pran bann mezir, an konteks avek lafason ki nou pei pe devlope.  E nou bezwen vwar, si nou annan ase dimoun, ki kapab antre dan sa bann fonksyon, pou vin travay e fer sa bann louvraz.  Akoz annou pa oubliye poudir dan tou pei dan lemonn, i annan etranze ki travay e i neseser ki ou annan sa dinamizm- sa mouvman dimoun, pou asire ki konpetans i ganny partaze – kiltir i ganny partaze ; e tousala i ede pou devlop en sosyete plis.

Parey mon’n dir, sa ki pa akseptab i pa akseptab, si wilfully, meaning avek tou knowledge ki i annan – sa Konpannyen, sa Lorganizasyon, i fer an sort ki sa Seselwa, pa kapab ganny akse avek sa lot nivo promosyon dan son louvraz.  Sa pour mwan, i pa akseptab.  Me lo lot kote, si i annan bann rezon, bann rezon ki valab, then nou bezwen rod fason pour asire ki, sa bann mezir ki nou’n met an plas, tou dimoun i abide to these measures.

Mr Deputy Speaker, ou konnen i fasil pour nou koz lo donn Logmantasyon saler – Gas i monte – tou sa bann keksoz.  Me en keksoz ki i enportan ki nou mazin lo la, se ki nou viv dan en lekonomi marse lib – se pa Gouvernman ki fikse pri.  E sa ki enteresan Mr Deputy Speaker, recently bokou dimoun i vin ver mwan, i dir mwan akoz Gouvernman pa entrodwi Pri Kontrol.  Ou konnen, e i fer mwan mazin ankor sa Exit dan Linyon Eropeen, kot ti annan en letan nou tou, nou ti demann Pri Kontrol.  Nou pa ti demann tir Pri Kontrol.  Nou tou nou ti oule tir Pri Kontrol – i annan en letan – zis parey Langleter, nou’n vwar poudir sa Mr Nigel Farage ki li in ale in al devan, i dir fodre sorti dan Linyon Eropeen.  La mon’n fek aprann ki li in deside demisyonnen.  In dir son louvraz in fini fer.  In pran son pei, in zet li dan en presipis, apre i dir son louvraz in fini.  Mr Morris Johnson, en lot dimoun ankor, ki ti campaign pour Langleter sorti dan Linyeon Eropeen, in deside prezan i pa oule pran Leadership son Parti.

So, mon krwar ki nou Seselwa, nou bezwen komans aprann serten leson.  Annou pa zis koze, me annou analize ki pe pase otour nou.  Akoz parfwa nou zis koze, nou dir en ta keksoz, me san ki nou vreman regarde ki pe pase otour nou.  E souvandfwa, si nou pa fer sa analiz dan en faaon sistematik, pou vwar ki mannyer bann keksoz i konekte ek kanmarad, nou kapab dir nenport kwa e deside fer nenport kwa ; e apre ki ler nou’n fer li, ki nou pou realize poudir, la ki i pou koz nou serten difikilte.

Mr Deputy Speaker, nou’n join WTO.  WTO i annan en konponan ki apel Movement of Natural Persons – esansyelman vedir poudir dimoun i bouze parmi bann pei ki form parti WTO.  Bann Profesyonnel dan diferan domenn, i bouze.  Prezan nou koman Sesel, nou etabli nou bann commitments an relasyon avek sa.  Ki bann areas nou pou allow sa groupman dimoun ?  Me en lot keksoz ki sa i osi dir nou, se ki sa dimoun ler i vin isi, i pa kapab defavorize vizavi sa ki i ti pou gannyen – petet dan en lot pei WTO, ki i ti pou al travay ladan.  So, se pour sa rezon ki ou vwar poudir, si par egzanp ou pran en expert dan enn de domenn, ou anmenn li travay isi, i pou ganny serten eleman – en serten konponan dan son saler, ki ou bezwen negosye ek li ler i vin isi, ki match avek petet sa ki i pe gannyen laba.  I pou annan sa moman e nou ekspekte ki prezan osi, ki ler en Seselwa, i al travay dan sa pei, i ganny menm tretman.  Ou konnen nou devret mazin tou le de kote sa.  Pran zis en kote letan keksoz pe arive.  E mon krwar, se sa lesansyel ki nou bezwen tire from sa Mosyon.

E annou pa oubliye ki demen Lasosyasyon Marsan, i kapab deside fer monte serten pri komodite dan laboutik.  Gouvernman pou anpes li?  Non.  Gouvernman, gran mersi nou annan STC, pour nou kapab kit serten staple goods lo en nivo.

Sorry, mon’n digress, Mr Deputy Speaker, solman parfwa ler nou koze nou bezwen met keksoz an perspektif e fokaliz on the issue. E the issue la, se eski we are giving our young Seychellois, ki pe devlope a fair deal an relasyon avek possibility of career investment.  E mwan mon krwar baze lo – ler mon’n koz avek bokou zot, mon krwar poudir, there’s a lot more we can do to ensure, ki sa bann zenn i bouz devan.

Mon krwar poudir dan Lotelri ozordi, nou annan ase zenn kalifye ki kapab pran sa bann louvraz Management e it’s up to us now, to put in place the measures, poudir ok, ou pe vin devlop en Lotel isi, lala serten keksoz mon pe ekspekte avek ou.  Si prezan sa dimoun pa performen, then ok, ou annan tou ou drwa pou fer li.  Be ki nou bezwen veye, nou bezwen veye ki en Lorganizasyon pa kree kondisyon, pour en zenn kit son louvraz.  This is also happening in some cases, kot i annan par egzanp en HR, ki fer son lavi difisil – kot ou vwar en Manager ki fer son lavi difisil.  Tousala i bann keksoz ki nou bezwen pinpoint e met en magnifying glass lo la, pour anpese esansyelman ki nou Seselwa ki’n train dan en domenn i dir be,’Ok, mon give up travay dan Lotelri – mon annan mwan en Degre dan Food and Beverages, mon ale, mon a fer en pti biznes – mon al vann – mon al fer lezot keksoz.  Akoz ou perdi en talan – en konpetans ki ou’n train – ki ou’n invest ladan pou devlop li.

So, mon krwar ki Mosyon Onorab Fideria, i en Mosyon ki tre enportan e mon kontan ki at the end dan son prezantasyon Onorab Fideria, in koz lo en group dimoun ki souvandfwa ler nou koz lo Saler e Equal Pay, nou oubliy zot.  E sa se bann dimoun ki travay koman Dokter koman Stevedores.  Mr Deputy Speaker, mon frer  ti en Dokter pour en bon pe letan, e mon kapab dir ou poudir sa i en louvraz vreman difisil; en louvraz ki letan ou fini fer li, ou leren is not good for anything. E mon ti a kontan ki Lotorite – Gouvernman i komans pran sa o serye, akoz at the end of the day, tou dimoun i annan en fanmir pour li sonnyen.  But at the same time, nou bezwen osi asire, ki si en Konpannyen pe post en profit nou bezwen regarde – met en magnifying glass lo la, pou vwar si sa profit osi, pe benefisye bann dimoun ki pe ed li fer sa profi.  I byen ki ozordi petet en Dokter i a benefisye avek bann konsesyon lo Tax, but is there more ki nou kapab fer pour sa boug, akoz si sa boug i deside demen pa al tir sa bann containers, lekel ki pou al tire ?  Pou al tir sa bann pwason lekel ki pou al tire ?  So, mon krwar i enportan ki – e mon byen kontan ki loter Mosyon, in fokaliz sa pwen lo sa group dimoun, ki nou toultan kit zot in mind and in sight.  Souvandfwa, nou annan en tandans pou dir, ‘Out of mind and out of sight oubyen out of sight and out of mind, so nou bezwen toultan kit zot in sight and mind, akoz zot form parti en travay vreman enportan pour nou lekonomi; e nou tou nou bezwen toultan mindful of lenportans tou travay dan nou lekonomi – pli pti ziska sa ki pli gran.  E mon krwar si nou swiv byen prensip sa Parti ki lo kote latab isi, sa in  toultan reste  en cornerstone of why, nou’n toultan met dimoun O sant devlopman.

Mr Deputy Speaker, avek sa lentervasyon, mon pou donn tou mon sipor sa Mosyon.

Mersi.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mersi Mr Deputy Speaker.

Mr Deputy Speaker, mon pa pou tro long, me en Mosyon parey i sit lentervansyon.  Ou pa kapab pa entervenir lo la, akoz la Mr Deputy Speaker, nou a pe koz travayer – nou a pe koz travay – nou a pe koz lapey ki ale ek sa travay.  Si non, nou a pe koz lo travay – relasyon travay e kondisyon travay.  Problenm dan nou pei ozordi, i egzakteman la – lo sa relasyon e sa kondisyon travay.  Travayer deor pe dir, i pa pe ganny li a fair and good deal pour son lafors ek kapasite travay.  E mwan, mon krwar i byen.  Parkont, nou annan osi en lot senaryo – dan tou pei dimoun, bann sirtou ki annan problenm, ou vwar poudir bokou dimoun pe rod en travay e i pe rod en bon travay.  Isi dan Sesel, nou vwar en lot senaryo – nou war son opposite – travay pe rod dimoun.  Mon dir sa akoz, nou annan bokou travay e toultan dimoun dan Gouvernman i dir, i annan en kantite travay e nou pa pe vwar dimoun pe vin travay; e sa rezon ki nou bezwen al rod travayer etranze, pou vin travay pour nou pei.  Prezan ou poz ou lekor en kestyon poudir be, ki sa ki fer sa ?  E ou vwar poudir ou annan en popilasyon ki ti pti e an menm tan, ou pe devlop ek en lavites enorm.  Devlopman dan nou pei, i pe akselere – pe kontinyen akselere e lafors travay – kapasite travay –training bann travayer – training sa lafors travay, i pa pe devlop osi vit e ase vit.  E zisteman akoz nou popilasyon i ti pti, nou pa kapab devlop ek sa lavites ki sa devlopman pe ale.  Letan ou get ki mannyer devlopman pe ale; e sirtou si en  dimoun  – si bann devloper – bann dimoun ki annan Kapital, ou pa kapab al compete avek zot.  Savedir ki sa rate devlopman i pou al bokou, bokou plis ki sa kapasite e lafors travay pour ou kapab ekivalan e pour ou kapab depase.

Alor, ou vwar poudir sa realsyon i annan problenm avek.  Se sa ki fer prezan ki, letan ou pou al rod travayer etranze.  Nou, nou’n – parey in ganny dir par plizyer entervenan, nou’n kas sa baryer lo Kestyon Equal Pay  ek Equal Work lo Kestyon Gender. Sa nepli en issue pour nou.  Gouvernman in fer son kapital lo la.  In fer son pwen e nou, bann tre pe pei dan lemonn, ki’n o-bou fer sa vin en realite.  Sanpyon.  Be lo lot kote, nou vwar letan alor sa problenm e sa relasyon travay ki mon ti pe dir taler, i fer nou bezwen rod travayer etranze, pou vin donn koudmen – la ki annan problenm.  E la nou vwar poudir i annan en kantite abuse, – en kantite labi dan diferan kote – e diferan Sekter e soutire par diferan azan e diferan zwer – stakeholders. I annan travayer ozordi pe travay dan nou pei – travayer etranze, san en GOP. Me ki mannyer ou ekspekte son kondisyon i pou parey avek sa travayer Seselwa ?  Avek sa ki pe anploy li san en GOP, i kapab fer bann deal ek li. E ou travayer Seselwa, ou pa kapab benefisye menm keksoz.

Bomaten dan bann Kestyon ek Minis Ledikasyon, mon ti fer sorti en pwen parmi en Kestyon ki mon ti demande gide a en direksyon, kot en travayer etranze letan i vini, i annan en package. E son package pou otomatikman,  i pou bezwen pli bon ki en travayer Seselwa, akoz i annan bann keksoz ki al avek li. Letan en travayer etranze pe vin isi, ou bezwen donn li en landrwa reste; ou annan bann kondisyon ; par egzanp dan son pei, letan i repartriye son larzan, laba i annan en Tax ki pran en bout son larzan.  Isi Sesel nou napa sa bann zafer, apre nou dir nou pa dan byen.  Me koman nou, nou dan byen.  Bann pei deor, si ou travay dan en lot pei, letan ou anmenn larzan pas dan ou pei, Gouvernman i pran en bout ladan.  E nou letan nou pran en travayer etranze, nou pe anploye isi Sesel, nou bezwen pran kont ki letan – ki son Filipino – ki swa Angle, ki swa Ostralyen, nou bezwen pran kont ki letan sa travayer i anvoy son larzan back home, laba Gouvernman i pran en bout. Letan ou pey li son package ou bezwen pran sa an konsiderasyon. Savedir ou bezwen donn li plis ki sa travayer Seselwa ki pe travay, menm si sa travay i menm parey.  Zot konpran mwan sa sityasyon ?  So, ou annan sa senaryo osi, e sa i reel.  Nou bezwen aksepte sa bout la.  Parkont, kote nou pe konplent vreman – kote nou pe dir the deal is not good, se ki nou vwar poudir dan plizyer landrwa travay – Gouvernman e Prive, sa ki sa travayer etranze i pe gannyen vizavi ek sa travayer Seselwa, kanmenm sa lapey i pa egzakteman egal, me sa rannman i pa pe ganny apresye par Seselwa – par nou pep.  Mon donn legzanp ki mon pe sey dir lo la.

Ou annan ou, ler ou pe anploy en travayer etranze ; pran diferan lenstans e nenport kwa ou pe pran dan Lotel, kot STC, kot Lopital, kot Customs, kot son NDEA partou across the board, dan Prive laba – diferan landrwa Prive, i pe anploy en travayer etranze – i kapab zenn – i pa enterese ek sa li.  Si i gete kalifikasyn i ok, i pran sa travayer i pey li son dues.  Me isi Sesel ou konnen ki nou, nou fer nou ?  Nou, nou’n envant en lot sistenm nou.  Nou annan en bon sistenm Ledikasyon, ki permet nou bann zenn al study – Liniversite, ler i retournen nou pa donn li sa ki ale ek li nou.  I tro zenn, i tro fek kalifye – nou dir li i napa leksperyans.  Sa etranze ki ou’n anploye la, ou’n donn li en zoli package li ; ou pa’n demann li son leksperyans, ou pa’n demann – li i ok li.  Ou donn li son gro saler ki al ek li, – fantastik.  me Ou Seselwa ki li in train, ki li in pas atraver son kalifikasyon, li i pa donn li.  Ou dir li, li i bezwen plis leksperyans.  Me kot i pou komanse pour ganny leksperyans ?  Alor la, deza la i annan en dekalaz.  E pourtan dan plizyer landrwa travay, nou pe vwar poudir sa Seselwa, i pe montre sa etranze travay e sa etranze pe ganny plis ki li.  E nou lakoler i la.  Nou fristrasyon i la.  E nou pe dir ek Gouvernan, lev ou lizye – ekoute ki nou pe dir.  Al aranze dan bann landrwa travay; komans par ou menm ou Gouvernman, dan ou bann landrwa parey DPA, Minister Lanplwa;tou sa bann Lenstitisyon parey ou Union, si ou annan enn.  Sa bann landrwa i bezwen ale fight pour travayer.  Nou apel Parti Lepep nou.  Parti Lepep i bezwen get lepep.  Nou dir, nou nou believe dan en prensip – Zonm o sant devlopman.  Sa pa kapab zis lo papye sa.  I bezwen dan larealite.  Sa Mosyon Onorab Fideria, i pe fer o en tre bon keksoz.  I pe dir avek nou Gouvernman, get ladan.  Al aksyonnen.  Pa zis gete, me al aksyonnen.  Ale fer en diferans e sa ki ou pe prese la, met li an pratik.

En lot senaryo, Mr Deputy Speaker, pran ou kot Lopital. Kot Lopital nou anploy bann Dokter etranze e Dokter etranze i napa okenn lentere pou travay pour nou.  I travay san gou – san lentere, selman i pa ganny li en pli bon package ki nou Dokter Seselwa.  E nou Dokter Seselwa, souvandfwa i bezwen translate pou li.  Sa ners i bezwen translate pou li e i pe dir li ; I annan ki Lopital Latizann in donnen – lot zour nou’n tande, i pa ale ek maladi ki i pe gannyen ; ki sa dimoun i gannyen ; e akoz zot perdi lentere –ou pa konsilte ou pasyan byen.  E ou pa pe donn nou en bon deal e nou ankoler – nou pa kontan – nou fristre.  E nou, nou pe dir ek Lopital, ale al gete.  Sa ki nou pe dir, nou pa pe envante.  I vre.  I vre e nou annan laprev.  Si oule nou a fer ankor dimoun koze.  SBC i devret ale, al konsilte nou bann Dokter Lopital – Dokter Seselwa  fer zot koze, zot ava dir.  Kekfwa si Prezidan pa pe tande, i ava tande – si Minis pa pe tande, i ava tande.  Sa ki nou pe dir.  E therefore elve nou Dokter Seselwa.  Donn li en good deal. Ou annan ou bann Zenn Dokter Seselwa Lopital, in al etidye dan landrwa kot apre sa letid la, i pa ganny konte.  I la. I egziste.  Dokter ki Senior –Seselwa menm, i dir ek sa bann Dokter Zenn, sorry mon krwar nou’n fer en fot, nou pa ti pe get tro lwen.  Me ki si sa sa ?  It’s not acceptable, Mr Deputy Speaker.  Sa ki nou, nou dan Lasanble, mesaz ki nou pe anvoye, nou pe dir get ladan.  Al re-vwar serten sa bann keksoz.  I pa ganny aksepte.

Dan Sekter Tourism i worse. Sekter Tourism, en kantite nou travayer Seselwa, i pe montre sa etranze travay, i pa pe ganny en deal – ki swa dan service charge ensidswit – tousala.  Seselwa pa gannyen son bout ekivalan ki al ek li.  Etanze i pran tou e nou, nou pa kontan sa.  Nou pe dir avek Minister Lanplwa, al ankor en kou – al North Island – al gete ki pe pase laba.  Al Ste Anne, al gete ki dezord i annan – partou dan sa bann landrwa, ale al gete e fer sa ki nou Prezidan pe prese la.  Nou Prezidan i dir, met atase avek sa etranze en Seselwa.  Al gete si i pe fer? Konbyen letan i pe undersudy ?  Taler Onorab Pillay in byen dir – 4/5an.  Be oli ou progranm pou fer sa Seselwa monte? Oli? Ki mannyer 5an/6an i ankor koumsa menm ? Be ou pa vwar pe donn ou….. ?

Mr Deputy Speaker, sa i pa akseptab e nou, nou pe dir avek sa Mosyon, ki Gouvernman la, i bezwen premye li menm, pou host sa bann keksoz e fer ki ‘Equal Work Equal Pay’ i vin en realite – ‘Menm Travay Menm Saler’ i vin vre.  E dimoun, nou pep Seselwa, nou travayer Seselwa i vwar li ladan.  I vwar li pe benefisye ladan e ki sa i pa zis lo papye.

Ou al dan Customs, menm zafer.  Dan Customs lala Customs i pa kestyon travayer etranze – fer Seselwa. I en Kestyon sistenm Management– pa bon.  Mwan mon dir, mon pa per.  I pa bon, i merit sanzman laba. E nou Lasanble pe dir avek Prezidan, get sa Minister ki deal avek Customs – Minister Finans – ale al fer sanzman dan Customs; akoz ou pa kapab ganny ou plizyer travayer Customs ki la li pe understudy – i pe ranplas en pozisyon ; napa dimoun dan sa pozisyon – dapre zot, dimoun kalifye, selman ou annan en dimoun  ki li i pe fer marse ou Seksyon dan sa pozisyon – i pa pe ganny lapey sa pozisyon li.  Konpran byen ki mannyer mon pe dir sa.  Ou ganny ou en dimoun dapre ou Lorganizasyon, i pa kalifye pour sa pozisyon, i pe fer travay sa pozisyon pour plizyer lannen, i pa pe ganny lapey ki sa pozisyon i donnen e ou, ou les li kontinyen travay – ou ale ou al demann sa ki ansarz Customs – ki mannyer Customs pe marse ?  I byen, fantastik, tou i ok.  Come on, Mr Deputy Speaker. This is not acceptable e nou, nou pe demann avek Gouvernman, al fer sanzman dan sa bann landrwa, pour nou travayer ganny en better deal.

Mr Deputy Speaker, nou pou al dan Ledikasyon – menm zafer. Annou get en pti kou dan Lapolis ki annan, ek dan NDEA. Dan Lapolis ek dan NDEA, menm zafer.  Me Lapolis kote ou pou ganny lankourazman? La nou fek sanze nou’n met en nouvo Komisyonner, nou menm nou Lasanble, nou ti aprouve. E  nou pe dir ek sa nouvo Komisyonner al gete osi la – dir avek whoever, ale al fer sanzman, la pour ki nou Polisye i ganny en better deal; zisteman pour li pa kite – pour li kapab  kontinyen son parkour pour excel dan sa domenn Lapolis.  Ou pa kapab ganny ou, kot NDEA en Zofisye Seselwa dan NDEA – en Seselwa – en travayer laba, li in dekouver drog  – en deal – in dekouver en conspiracy drog – ler i vini, i vin dir ek Lotorite, i aksepte, zot al fouye zot tyobo the culprit, ensidswit – fantastik ; en misyon reisit.  Lekel ki benefisye ladan ?  Sa etranze akoz li son deal – son package li, i enkli si i dekouver drog e i ganny en misyon ek zot, i annan en poursantaz sa lo ladan.  Oli pour sa Seselwa ?  This is wrong. E nou, nou pe anvoy en mesaz avek nou  Gouvernman ; nou pe dir al gete si Prezidan – sa mon konnen Prezidan pa’n dir sa li.  Prezidan pe dir en lot fason, be i annan bann dimoun ater la ki pe fer lot fason – opposite ki Prezidan in dir.  E nou, nou pe dir al sanz sa bann dimoun, nou.  Al sanze.  Aranz sa Gouvernman – aranz sa bann landrwar Prive.  Fer en fason ki Seselwa la – nou pei i a mars pli byen.  Pa ni tro difisil sa, Mr Deputy Speaker.  Me Selman nou tou nou vwar e person pa oule fer nanryen.  Nou Lasanble nou, nou pe take the lead. Nou pe dir, ‘Al aranze’.

Mr Deputy Speaker, ou vwar sa bann keksoz ki nou pe dir, i pa ni konplike.  Bomaten, pli boner nou’n koz dan Sports. I kler.  Levidans i la.  Tou dimoun i vwar.  Tou dimoun i koze dan koridor, personn pa oule koz anndan dan meeting, ok ? Sa bann dimoun konsernen, ler zot annan pou adres sa bann issues, dan bann meeting, dan bann landrwa ofisyel zot pa fer; dan koridor zot menm zot pou kriy plis.  Nou pe dir sa latitid, i dezapwent nou.  Sa latitid pa bon e nou, nou pe dir al  aranze.  E Cabinet of Ministers, i bezwen lead the wayCabinet of Ministers, i deza sa bann keksoz ki nou pe koz lo la, take them up ale al gete – vwar.  E nou, nou pou fer sir – nou Lasanble, pou fer sir Mr Deputy Speaker, content of the Motion today i bezwen ganny anvoye kot Cabinet laba – kot Prezidan, pou diskite dan Cabinet pour gete sa ki sa Lasanble la, pour nou la pe dir ki annan mazorite – en gran mazorite Parti Lepep, ki pe dir la  annou ekoute – annou ekoute e annou sanze accordingly. Al gete si i annan dimoun ki pe redi fren la – ki pe fer pei reste an aryer e ki fer ki nou travayer Seselwa, pa pe ganny en bon deal. E alor nou pe dir, al re-vwar sa laranzman, al re-vwar sa kondisyon ki nou bann travayer Seselwa ki pe gannyen.  Lo Stevedores sa i pa kapab pli vre ki sa ki’n ganny dir ozordi dan sa Lasanble.  Be nou pape vwar ?  Nou pa kapab dir avek sa 2 Konpannyen Stevedores la, ki deal avek Stevedores – pou re-vwar zot kondisyon? Nou pa kapab dir?  Ki mannyer? Ou konpran, selman sanmenm sa bann biznes la ki nou pe dir la– ki swa dan Tourizm, ki swa dan isi dan laba, sanmenm sa bann biznes zot oule plis, zot oule plis, zot oule plis. Nou, nou pe gete nou e nou pe dir ki dan nou pei, nou pe remark en keksoz.  Nou pe remarke, ki biznes pe ganny tou e travayer pa pe ganny ase.  E nou, nou pe dir  Gouvernman, regard byen sa sityasyon e re-get kondisyon pour travayer.  Nou’n kontan in donn en logmantasyon lot zour la – detrwa mwan pase la – nou kontan– apre Eleksyon, nou kontan.  Me selman, nou pe dir ki i pa zis ase.  E alor, al re- vwar pour ki travayer Seselwa i ganny en better deal. Sanmenm sa ki ou vwar Mr Deputy Speaker, bokou bann dimoun pe fer vini bann keksoz atraver – online, ensidswit.  En  boug fek dir mwan – en dimoun fek dir mwan semenn pase – i fer vini en speaker, pa Speaker pour nou la, me  speaker lanmizik sorti Langleter – Langleter zot dir bann keksoz i bon; lezot serten pei dan Lazi pa tro, tro bon kalite – Langleter, R4 mil e kek.  Zot dir mwan menm speaker, pa nou Speaker, e i pa ni gro, i ti pti – menm speaker, rezonnab, isi Mahe, Sesel i pe ganny vann R22mil.  Me nou pe demande, nou dir be ki konmsi sa travayer la, si ou pa pe donn li en bon deal, ki mannyer i kapab aste sa ?  I kontan son lanmizik nou Seselwa.  Nou Seselwa i en Nasyon ki annan sa lazwa de viv la, be ki mannyer pou servi son speaker pour li tann byen, pour li kapab really enjoy son fri son travay.  Alor nou pe dir atraver sa Mosyon Mr Deputy Speaker, ki sa bann keksoz ki nou pe adrese, Lotorite alor i gete – i  tande, i get ladan e i fer ki nou travayer Seselwa i a ganny li a better dealtraining ,ensidswit; e son saler i a match avek son travay – son  donnen ki i donnen dan son travay; savedir sa relasyon ek sa kondisyon travay i ava ganny improve.

Avek sa Mr Deputy Speaker, mon a dir mersi  e mon a demann Manm colleague la pour nou annou siport sa Mosyon.  I en bon Mosyon e mon krwar mon panse mwan, travayer  i ava tande, i ava kontan nou a pe koz pour li osi.

Mersi.

 

MR DEPUTY SPEAKER

Right of Reply loter Mosyon.

 

HON EMMANUEL FIDERIA

Mersi Deputy Speaker.

Pli gran remersiman pour tou bann Manm ki’n partisip dan deba sa Mosyon.

Mr Deputy Speaker, mon pou refer ankor lo paz 92 Tourch of Freedom i ekrir ki en Manm Lasanble Nasyonal, i annan Drwa pou kritik Gouvernman;  Ki i osi annan son responsabilite pou ed Goouvernman, pou fer pli byen pour son pep.   I kontinyen par dir, ki en Manm, fodre zanmen ki en Manm i ezite pour koze, lo lapar son pep ki’n elekte li.  Se sa bann Manm ki’n koze ozordi dan sa Lasanble pe fer, akoz ler nou ekout sa deba, i en deba senser.  I en deba ki napa lipokrizi ladan.

Mr Deputy, mon a refer en pti gin lo bann lide ganny avanse par bann Manm ki’n koze; Onorab Dugasse i fer mwan rappel kantite keksoz letan mon ti  ankor zanfan, dan mon bann 10an/12an pe  grandi koman en zenn adolesan, kot plizyer nou sitwayen ou ti tande ti bezwen al travay Beirut, Alimadon, al Jordan dan biyay. Apre en serten letan ou’n tande zot in retournen, zot in ganny bate ek savat – zot in ganny kras lo la, zot in ganny kraz lo la.  I en laverite sa. I pa mwan ki pe envante.  Me ozordi dan kad nou Mosyon, nou pe dir ki nou pei, sa Sesel anba en Leadership ek en vizyon kler, nou’n progrese.

Onorab Dugasse mon kontan in fer referans ek bann Konvansyon ki nou’n sinyen.  Nou pa’n zis siny bann Konvansyon, me osi, Gouvernman i anmenn bann Polisi – bann Polisi ki’n fer nou anmenn bann Lalwa, ki fer nou protez nou bann travayer.  Dan plizyer bann progranm, pour bann zenn dimoun – My First Job, Young Leaders ki bokou zot ozordi pe pran bann plas Senior dan nou sosyete – kot  bokou lo Minimum Wage. I en keksoz tre, trez enportan Mr Deputy Speaker, regarding Konpansasyon pour bann dimoun ki dan private sector. Sa in pa’n vin par asar sa.  In en vizyon – in en lager ki Parti Lepep – ki nou sa kote latab nou siporte isi – ki ler nou ti liber lekonomi an 2008, nou ti vwar ki bann dimoun  ki dan Sekter Prive, zot osi zot bezwen ganny soutenir byen.

Onorab Samson in koz en pti lo Gender and Equality. In fer referans avek Jeffery Kennedy, ki ozordi Lanmerik, zot ankor still pe lager in terms of Gender equalityin terms of Ras – Le nwar e les Blancs e sa ki zot dir, pa tousala ki pe ganny menm lapey.  Me ozordi Sesel pour nou sa i history.  Nou’n fini kit deryer nou.  E nou Lasanble ozordi, atraver sa Mosyon, nou pe bouz pli devan – nou pe abord plizyer anomali ki nou vwar pour nou kapab vwar en solisyon dan en kouur dele letan.

Onorab Samson, osi in koz lo devlopman Akademik.  Bann dimoun ki ale, ki al fer bann Course Masters – Doktora. Me ou osi annan en group dimoun ki la deryer ki’n akimil leksperyans.  Fodre pa ki nou get zot deryer – ki zot osi zot pa ganny rekonpanse dan sa prosesis, ler nou pe koz ‘Equal Work Equal Pay’.

Onorab Arnephy in fer sorti en pwen ; i bezwen annan en fair deal ant sa ki en Seselwa i gannyen ek sa ki en etranze i gannyen.

Mr Deputy, mon krwar i enportan, malgre ki nou deba i shift en bon pe lo lapar bann expatriate workers, i pa vedir ki nou Parti i en parti zenofobik. Non.  Nou, nou pe dir i bezwen annan en fair deal.  Ozordi nou bann manrmay – i bann Etidyan in al etidye, zot in retournen.  E serten osi, ozordi i ganny bann posting – bann Lorganizasyon parey COMESA – Nasyon Ini, eksetera, WHO around the world. Savedir ki i montre ? Nou bann manrmay ki vini, i smart. Zot fer byen dan Liniversite.  Sa etranze osi ki vini ler in ariv dan sa pei, nou napa problenm.  Nou konnen nou devret donn li en landrwa reste.  Me eski sa dimoun ki annan sa kalifikasyon, akoz ou pa pey 50 poursan sa lakaz ki  nou pe peye pour sa etranze ? Sa bann keksoz, ki nou pe dir.  Si ou afford pou pey en etranze en lakaz pou li R25 mil, akoz ou pa kapab afford pou pey R12,500 sa Seselwa ki kalifye ?  Sa ki nou dir the fair deal e sa ki Onorab Arnephy in anmennen.

E en lot pwen ki Onorab Arnephy in anmenn, ozordi in terms of Gender, i pa swazir ki louvraz i fer.  En lepok bann madanm pa ti Pilot? Ozordi madanm crew – plen.  Lev Air Seychelles met ater dan nenport ki Kapital lemonn.  Sa i bann progre.  I pa’n ariv par azar sa.  I en vizyon.  E sa Gouvernman Parti Lepep, in kree konfidans dan en group zenerasyon.  Mon krwar sa deba ozordi i tre, trez enportan.  Me en lot pwen ki Onorab Arnephy in fer sorti, ozordi ozordi from Zanvye pour la Me, 7093 expat in antre dan nou pei.  7093 expat in antre dan nou pei.  Mon krwar i enportan – i annan en kalkil ki nou bezwen – nou Lasanble demann Minister Finans, kantite larzan ki etranze i tire dan nou pei par lannen ?  Ozordi dan nou lekonomi, dapre Labank Mondyal i dir  – nou vo en pti pe plis ki 1 Bilyon Dolar.  Pa ti vo nanryen sa – 20an pase.  2008 pa ti preski faid.  Mirak ki’n arive ek en vizyon – ek bann dimoun ki senser e ki’n travay,  ki pa’n dir ler ‘Lanmans pwalon i so nou bezwen taye.  Non.  Mon krwar i enportan e travay – en lot keksoz sa bann zafer SQA. Eski sa bann zafer Sertifika vin avek – Doktora, eksetera – ozordi ek sa Internet – i korek menm sa ?  Mon krwar i bezwen sa Lotorite ozordi nou bezwen tyeke en pti kou sa bann zafer.  Pas laba menm, i a dir en pti pe prosedir, i en pti pe tro long.  Me, Dokter Payet in fer sorti, ‘Equal Pay and Equal Work,’ in anmenn en sanzman dan lavi plizyer dimoun.  This in fundamental – Parti Lepep in fer.  This is fundamental – ‘Equal Pay and Equal Work,’ in anmenn sanzman fondamantal.  Menm ki ozordi, serten – milye ki’n anmenn sanzman fondamantal dan ou lavi, pe kriy, ‘Pil lo li – me sa ki sa Lasanble, pe dir ek ou ozordi.  E par ler, ler nou pile, ou pil dan ou prop trou, ou anter dan sa trou ki ou pil ladan.

E Mr Deputy Speaker, diskriminasyon; i pa zis diskriminasyon ant kouler lapo, me i diskriminasyon osi si en dimoun i HIV pozitiv.  Parti Lepep atraver  soz i dir ou, Non.  Menm ou HIV pozitiv ou annan drwa  travay – pa zis ou annan drwa travay, ou annan drwa ganny menm lapey, ou annan drwa vin en Minis – ou annan drwa vin en Manm Lasanble, ou annan drwa vin en PS. Se sa ki nou debout lo la.  E bokou dmoun in oubliye.  E i pa neseserman ki tou Parti i annan menm Filozofi.  Sa i Filozofi lo sa kote latab.

Onorab Nichole Barbe, in dir ki bokou fwa, i annan dimoun i konplent sirtou dan Lotel ouswa bann lezot landrwa, kot ou annan en HR ki etranze.  Ki mon krwar ou korek. (1) ou annan baryer langaz.  (2) i vwar sa Lalwa  Sesel pa ariv kot li.  Ou ganny en kantite konplent.  Ou ganny en kantite konplent e koz en keksoz ki – i serye sa Mr Deputy Speaker, ki Onorab in koz lo la Nipotism – Zafer Fanmir. Enn i ansarz HR – enn i Sef dan Lakwizin – lot i isi – lot laba; we cannot kontinyen avek sa zafer.

Dan nou kad mon Mosyon,’ Equal Work and Equal Pay’, mon kontan kontribisyon Leader Lopozisyon in fer.  Me mon krwar i enportan – mon remind Leader Lopozisyon ki sa Parti lo sa kote latab, nou serye e nou senser.  Responsab.  Nou pa pou donn logmantasyon ankor dan sa pei, tan ki nou lekonomi in dir nou, la nou kapab donnen, la nou pa kapab donnen.  Nou pa pou servi ‘Logmantasyon koman en zouti politik.  Se pour sa rezon ki dan mon Rekomandsyon taler, nou a dir akoz, ki nou krwar nou pa pou servi Logmantasyon saler koman en zouti politik. Me an menm ta,n mon krwar ou’n fer en pwen – Menm Lapey i apply avek responsabilite e osi kalifikasyon.  Mon krwar se sa en pe ki sa Mosyon pe aborde.

Onorab Pillay, in tous en pti pe lo ‘overtime’. Mwan osi mon ti soke ler mon ti pe fer mon resers.  Mon demann mon lekor detrwa Kestyon avan ler mon’n anmenn sa dan Lasanble, si i korek ouswa si i pa korek.  Eski Tax – sa 15 poursan, i ganny aplike lo ‘overtime’ ?  Mon’n ganny mwan sa Dokiman Ofisyel sorti kot DPA – Ofisyel sorti kot DPA hard copy – elektronic copy – ki napa Tax lo ‘overtime. E pourtan, i exempt e pourtan en kantite nou bann sitwayen i dir nou, ki zot ganny sarze Tax lo zot overtime. Sa i bann anomali ki sa Mosyon ozordi ler i  pe dir ‘Equal Pay Equal Work,’ nou bezwen pe adres sa bann zafer.  E mon rekomande, tou sa bann anplwayer depi ler sa Lalwa in pase, ki’n vol sa bann travayer – zot donn sa bann travayer en back pay.

 

(Applause)

HON EMMANUEL FIDERIA

I enportan, akoz sa bann kalite ensinifyan dan sa pei nou bezwen arete.

Onorab Pillay osi in dir en keksoz – mon krwar ler nou pe koz Saler, nou pa kapab zis koz donn Saler.  Nou bezwen annan growth dan lekonomi.  Nou pa kapab lekonomi pe regrese e nou, nou pe dir donn Saler.  Sa bann Politisyen ouswa bann Parti Politik iresponsab ki fer.  Parti Lepep, lo sa kote latab, nou en Parti ki responsab. Si nou pa ti responsab, ozordi dan nou Rezerv nou ti pou napa plis ki 500 milyon Dolar.  Menm sok  pe arive ozordi Langleter, nou lekonomi i kapab abzorbe.  Se akoz, nou annan responsabilite.

Onorab De Commarmond in fer sorti plizyer travayer travay dan sa pei, san GOP. Sa nou bezwen koz ek Departman Imigrasyon, akoz ki i koumsa – akoz si sa i koumsa demen nou kapab anna ISIS dan pei.  I serye sa.  Nou pa kapab annan dimoun dan nou pei, ki napa en stati Legal, ouswa i annan bann defavorizasyon ki arive, si i annan en Scheme lo en keksoz pour en dimoun ganny serte commission, zis etranze ki gannyen, Seselwa pa benefisye.  Mwan osi pa tou keksoz ki NDEA ki fer, ki mon dakor.  Enn ler mon ti pe dir, Be fermen.  Be Gouvernman pou met lekel ?  Be sa ki nou annan, i ankor en travay devan nou, kot nou bezwen kontinyen responsabiliz sa pep.  Pa zis donnen.  Nou Mosyon pa pe dir zis donnen, be nou Mosyon – sa Mosyon pe dir, i bezwen al ek serten responsabilite. Nou krwar ki lepep i bezwen benefisye.

Stevedore. Mr Deputy Speaker, napa en keksoz depi ler  mon dan sa Lasanble, zanmen mon’n manke pou koz lo Stevedore e akoz mon krwar i en gran lenzistis ki egziste – ki bann Konpannyen Stevedore pe fer milyon – pa Roupi – Dolar.  Me nou bann Frer ek Ser, pe kontinyen andikape apre serten letan travay – kontinyen lo Welfare.  Si nou ti napa en sistenm Welfare dan sa pei, mon pa konnen ki ti pou arive avek sa bann dimoun.

Menm Lalwa i al pour Casual labour. Casual labour i  – nenport ki casual labour ou desann La Rue Bazar ou pran ou anmenn laba pou travay sa ?  I pa mars koumsa.  Mon krwar i en keksoz ki Minister konsernen – nou bezwen get ladan e amelyor nou Lalwa.  Dan Lalwa osi i dir.  En Casual labour i ek ou 25an ?  25an i casual labour ek ou ? Savedir sa Konpannyen ou annan en problenm.  Ou an deor Lalwa.  Ou pa kapab.  Ou pa kapab.  Mon krwar i enportan – e nou Lasanble – mon krwar i enportan a sak lokazyon ki nou ganny en sans, nou bezwen koz la par nou bann Stevedore.

E pli move, Mr Speaker, ler nou pe koz lo bann Maren Seselwa lo bann bato. Onorab Houareau i konn byen.  Ki Lafrans kot sa bann dimoun ki Maren lo bann bato Franse i reste….  Lakaz groser sa.  Nou Ton i isi.  Nou bann dimoun isi o lalis lakaz pe espere pe ankoler ek nou.  Zot pa pe ase be the issue it’s aboutfairness. Sa Lasanble mon rapel, nou fek pas sa Lalwa nou’n koz lo la.  Nou ti siny- nou ti dakor – nou ti raktifye sa Protokol ant Guvernman Sesel ek Linyon Eropeen.  E ladan i met kler, Minimum Wage ki nou bann Maren i merit gannyen – sepa €400 – €500.  Ou pa kapab en Maren pe ganny R1800 .  Me sa €100 sa.  Nou bezwen – i pa kapab.  Nou bezwen mate.  Sa Lotorite – Lorganizasyon ki responsab, zot bezwen kaapb fer zot travay – fer zot louvraz. Si ou pa kapab sorti, en lot a vin fer.  Nou Lasanble nou’n ferm Travay.  Nou’n pas Lalwa ki neseser.  Kestyon ki neseser.  Pa pran nou pour en bet – nou demann Kestyon, nou travay nou fer nou resers, apre ou vin donn nou bann soz – la apre ou ale konmsi ou dir mon’n fini ek sa bann boug ? Non. Mon krwar sa kalite zafer Mr Deputy Speaker, in ler pour get ladan seriously.

Mr Deputy, sa Mosyon mon krwar i en Mosyon ki enportan.  Bomaten mon ti dir 5 Rekomandasyon e mon pou azout en 6enm Rekomandasyon a-lafen mon lentervansyon.  I lir koumsa :

Deputy Speaker, ki sa Lasanble, i demann Gouvernman, pour organiz en Forum Nasyonal, pour ekout lopinyon popilasyon lo Size Travayer Etranze, akoz fodre pa i annan lipokrizi dan sa zafer.  Fodre pa ki demen, Gouvernman Parti Lepep i ganny akize pe vann later ek Arab; pe fer isi, pe fer laba.  Seta ki pe fer vin 4 Nennenn pe met kot li laba.  Pe fer vin 4 soz pe met kot li laba.  Pe met presyon lo Minister – pe monte desann; ou vwar zot pe ronfle dan peron Independence House – i oule touy tou dimoun.  Fodre pa ki nou vin pokrit dan sa size.  I parey size Drog.  I en size Nasyonal – Travayer Etranze dan sa pei i en size Nasyonal. I ava en Forum – nou ava met lo Televizyon tou dimoun ava gete.  Fodre pa ki nou kontinyen ek sa zafer ipokrizi dan sa pei.

Mr Deputy Speaker, pour ankor enn fwa, mon felisit e mon remersi tou bann Manm ki’n entervenir e mon oule larestan Manm zwenn avek mwan, pou vot an faver sa Mosyon, akoz mon krwar i en Mosyon enportan.  Sa Mosyon i en  Mosyon, pour tou Seselwa.

Mersi.

 

MR DEPUTY SPEAKER

Bon, nou pran en vot lo sa Mosyon.  Tou Manm ki an faver, lev lanmen ?  Okenn Manm ki kont ? Mosyon in ganny aprouve par en grann mazorite.

E avek sa nou termin nou travay pour ozordi.  Nou ava adjourn e re-zwenn Mardi le 12 Zilyet.

 

(ADJOURNMENT)