::
Home » Verbatim » 2016 » Term 2 » Tuesday 31st May, 2016

Tuesday 31st May, 2016

NATIONAL ASSEMBLY

OF SEYCHELLES

Tuesday 31st May, 2016

The Assembly met at 9 am

National Anthem

Moment of Reflection

Mr Deputy Speaker in the Chair

MR DEPUTY SPEAKER

Bon, mon a dir bonzour tou bann Manm Onorab, piblik ki pe ekout nou e Minis ek son PS – Minis Benstrong ki la avek nou ozordi pou vin reponn Kestyon konsernan son portfolio.

E nou a bouz deswit kestyon limero 25; e mon envit Onorab Vidot ki pou demann sa kestyon dan plas Onorab Valmont.

 

HON KEVIN VIDOT

Mersi.  Bonzour Mr Deputy Speaker. Bonzour Minis ek ou delegasyon.  Bonzour tou koleg Onorab e tou dimoun ki a lekout.

Mr Deputy Speaker, mon pe demann sa kestyon lo nou Onorab Sylvianne Valmont.  Eski i dan plan Minister, pou fer en letid aprofondir pou ganny lenformasyon kler e presi konsernan bann pti e mwayen biznes dan pei, avek bi annan statistic relevan pou ed Gouvernman, fer bann desizyon kle an relasyon avek devlopman SMEs dan lavenir.

Mersi bokou.

 

MINISTER MICHAEL BENSTRONG

Bonzour  Mr Deputy Speaker.

Bonzour tou Manm Onorab.  Bonzour tou dimoun dan lakour ki pe ekoute. Mersi Onorab pour sa kestyon.

Mr Deputy, i en kestyon ki nou’n realize lenportans pour nou ganny bann statistic en pe konpreansif; en statistic ki korek, statistic ki egzakt pou kapab ed mon Minister kontribye dan desizyon ki pei i bezwen pran dan devlopman pti biznes, mwayen e gran.

Pour lemoman nou rely – nou Minister, nou rely lo bann statistic ki ganny rikorde dan enn de Lenstitisyon; par egzanp Biro Standar, Biro Statistic li menm ki release bann statistic; Revenue Commission – SRC parey nou  konn li e SENPA.

Nou Minister in antreprann en proze ki nou pe ganny lasistans African Development Bank pou devlop en database – en database ki pou konpreansif e sa i pou adres egzakteman sa kestyon ki Onorab in demande ce matin.

Statistic ki nou pou rikorde, nou pou travay tre pre avek tou nou bann partner, avek tou nou bann dimoun ki dan biznes – ki egzakteman letan nou pou pran bann desizyon, nou kapab rely lo en sel database ki parey mon dir, i pou more comprehensive.

E zis pour mwan sit enn de bann biznes ki pour le moman nou napa rikord lo la; par egzanp biznes kantite dimoun ki pe antreprann biznes Peser.  Nou rely en pti pe lo SFA lo rikord, me solman nou konnen pa tou dimoun ki rikord zot  aktivite kot SFA. Fermye osi tou e menm dan ‘Cottage selman bann ki anrezistre avek SENPA ki nou pou annan data lo la.

Me sa  proze ki nou pe pran, i pou en lobligasyon ki tou dimoun ki dan biznes, endiferan avek zot groser, endiferan ki si zot bezwen pey Tax; endiferan si zot bezwen annan license, zot pou bezwen al anrezistre avek Lotorite SENPA kot li i pou take ownership sa data base. E zis pou fer an pasan, SENPA nou pe travay osi lo SENPA, pou nou fer li vin en Lotorite ki pli gran; ki son partisipasyon dan biznes i pou nepli parey nou konn li ozordi, ki pe target zis Cottage avek Craft. I pou bokou, bokou pli gran.  E nou mazinen sa statistic i pou ed nou letan nou pe pran bann desizyon par egzanp lo kote Finans, letan mon travay tre pre avek mon koleg Minis responsab pour Finans.  Letan nou pe lans bann Incentive Scheme, par egzanp.

Nou pou kapab pli byen parey nou dir an angle – i pou a more targeted Inventive Scheme; par egzanp si demen nou anvi demen devlop bann progranm pou bann startup, ek bann statistic ki nou pou annan, nou pou kapab pli byen kapab target bann startup e group zot pli byen; e sa parey sa kestyon pe demande i pou ed nou fer en pli bon devlopman ek nou bann SMEs a lavenir.

Nou ekspekte ki sa legzersis pou fini ver lafen sa lannen.  So, sa proze ki nou pe fer resorti, nou pe ekspekte ki nou pou komans met li an mars an komansman lannen prosen.  I pa pou sa lannen. Akoz sa lannen nou ankor still pe diskite avek bann stakeholders, e kan mannyer nou pe devlop sa database. Se selman lannen prosen ki pou kapab komans travay lo ki mannyer nou pou devlop sa database, e eksetera.

Mersi Mr Deputy Speaker.

 

MR DEPUTY SPEAKER

Kestyon siplemanter Onorab Vidot?

Proceed.

HON KEVIN VIDOT

Thank you Mr Deputy Speaker.

Mr Deputy Speaker, eski Minis i kapab dir nou an term avek  lasistans ADB ki zot pe gannyen pou devlop sa database, ki time frame zot annan – in dir pou koman lannen prosen – ki time frame ki zot annan pou zot termin sa prosedir e pou annan en bon database an plas pou kapab bouz ver lavenir;  e eski Minis i kapab  dir nou pour lemoman, eski zot pou kapab ateste, kalite lenformasyon ki zot pe ganny avek sa bann sours ki zot pran lenformasyon avek, ki bann lenformasyon ki kredib ki pou kapab ed nou e Gouvernman pou kapab vreman ed nou devlop en plan short term, mwayen term, e osi long term, an term devlopman pti biznes Sesel, ki a kapab vin enn nou bann pilye devlopman dan nou lekonomi.

Mersi.

 

MINISTER MICHAEL BENSTRONG

Mr Deputy Speaker, parey mon’n fer resorti, sa group Konsiltan mon bezwen dir en group, Konsiltan ki pe travay avek nou i pa pe zis travay lo sa database, i pe fer en louvraz pli konpreansif ki zis database. Me sa eleman database, i en konponan dan sa louvraz ki pe ganny fer.  Parey mon’n fer resorti, sa louvraz pou terminen lafen lannen.  Se letan lafen lannen nou’n met tou sa rapor an plas, la nou pou komans fer bann stratezi kan mannyer nou pou devlop bann diferan konponan dan sa rapor.  Sa database i pou en konponan.  Se komansman lannen prosen ki nou pou kapab komans fer en progranm –  wi sa database i pou’n pare tel letan.

Pour lemoman la kan mon pe fer sa lentervansyon, Mr Deputy Speaker, i pou difisil pour mwan kapab met en timeframe egzakt.  Me solman lafen lannen, nou pou ganny en rapor konpreansif kot la prezan nou kapab fer bann milestone, bann deliverables kot ki mannyer nou pou delivre bann keksoz ki dan sa rapor.

Mr Deputy Speaker, sa kestyon i annan sa lot konponan ki i demann nou how reliable bann data ki nou annan ozordi.  Parey mon’n fer resorti ankor, pour lemoman sa bann data i disperse dan diferan Minister, dan diferan Departman.

Wi, sa bann lenformasyon i ase reliable. Me solman mon pa panse i comprehensive; par egzanp mon’n fer resorti, si nou pou fer en proze pou Peser, mon pou rely lo SFA pa toultan annan zot rikord. Be i posib i annan Peser ki ozordi i tre aktif ki pa al anrezistre avek SFA – en legzanp.

I posib i annan dimoun ki fer bann aktivite Cottage avek Craft oubyen bann pti biznes ki pa pe ganny en license. I annan bokou i al kot SENPA. Me rikord ki SENPA i annan nou konnen i pa comprehensive. I annan dimoun ki pe fer aktivite, i pa neseserman i anrezistre avek SENPA. Me se sa ki mon pe dir ki ek sa legzersis, i pou obligatwar ki tou dimoun i pou al anrezistre si i pe fer en aktivite. E se sa ki mon santi avek longer ditan, nou arive gannyen en database ki  pou comprehensive.

Mr Deputy Speaker, mon anvi fer resorti a sa pwen la, ki i pa zis koman nou lans sa database tou keksoz pou tonm an plas, imedyatman. I pou en louvraz kontinyel, me mon santi avek en long term vizyon, dan 3an/5an letan nou pou koz lo sa same topik, nou pou annan en rikord ki pou bokou, bokou pli bon ki nou annan ozordi. E nou konnen i pou annan en one-stop shop kot nou kapab ale pou nou kapab ganny bann data, ki ava ed, pa zis mon Minister be, al ed bann lezot Minister pou kapab devlop bann progranm stratezik pou kapab ede pour devlopman lekonomi Sesel.

Mersi Mr Deputy.

 

MR DEPUTY SPEAKER

Onorab Fideria.

 

HON EMMANUEL FIDERIA

Mersi Mr Speaker.

Bonzour Minis. Bonzour tou Manm.  An vi repons  Minis, Mr Deputy Speaker, eski Minis i kapab enform nou Lasanble ki bann fakter ki’n ganny pran an konsiderasyon dan prosesis definisyon e kalifikasyon bann SMEs;-e osi si Minis i kapab dir nou si son Minister pe mazin entrodwir en gid pour bann zenn e lezot endividi, ki enteresan antre dan biznes dan diferan Sekter ki annan potansyel pou komans fer SMEs.

Mersi.

 

MINISTER MICHAEL BENSTRONG

Mr Deputy Speaker, mersi Onorab pour sa kestyon.  I en kestyon ki en pti pe an deor sa ki devan mwan la, kekfwa mon pou napa bann  definisyon egzakt.  Par egzanp ou’n demann mwan pou definir diferan SME. Nou Minister in  prezant en Papye kot nou’n definir ki si sa Macro, Micro’, ki si sa ‘Small’, ki si sa ‘Medium’ letan nou pe koz MSMEs. Mon pa zis pe koz SME, mon pe koz MSME, i Micro, Small Medium Enterprise.

Letan nou’n fer nou definisyon, nou’n pran kont 3 konponan mazer.  Nou’n pran konponan ‘turnover, kantite larzan ki sa biznes i génére dan en lannen; kantite dimoun ki anploye e of course, profi.  E sa 2 konponan mazer i ‘turnover avek kantite dimoun ki anploye, li i pou klas sa bann operater biznes dan zot kategori; par egzanp si nou pe dir en dimoun i pou tonm dan definisyon Micro savedir i pou meet kriter pa plis turnover ki ‘tan’ e kantite lanplwa osi – either one. I pa neseserman ki i pou al tou le de ansanm, akoz i annan aktivite ki  ‘employment i high me solman turnover i low. I annan aktivite ki turnover i high, kantite dimoun ki anploye i low. So, se sa ki i enportan nou get en pe bann diferan konponan letan nou pe al lo definisyon.

E parey mon’n dir mon napa sa data avek mwan la ozordi.  Be solman nou’n travay lo la e nou annan bann definisyon lo kan mannyer nou pou target sa bann group pti biznes.

Mersi Onorab.

 

MR DEPUTY SPEAKER

Minister, ou kapab touzour anvoy detay kot Clerk Lasanble e apre nou ava distribye avek bann Manm ler ou pare.

Kestyon 26, Onorab Arnephy.

 

HON BERNARD ARNEPHY

Mersi Mr Deputy Speaker.

Bonzour Mr Deputy Speaker.  Bonzour Minis ek ou delegasyon, tou koleg Onorab, tou dimoun ki a lekout.

Mr Deputy, kestyon i lir koumsa; eski Minis i kapab  donn nou Lasanble, en kontrandi lo bann demars pou adres bann konsern ki bann pti biznes in souleve pandan ki Prezidan in vizit bann Antreprener dan bann distrik.

Mersi Mr Deputy Speaker.

 

MINISTER MICHAEL BENSTRONG

Mr Deputy Speaker, mersi pour sa kestyon, Onorab.

Letan nou’n vizit sa bann Antreprener, ti en loner pour mwan pou akonpanny Prezidan lo son vizit.  Nou’n – mon anvi fer resorti avek bann Onorab, ki nou’n rankontre bokou bann successful story.  I pa zis konsern, me i annan bokou aktivite ki pe al tre byen.  E i annan bokou aktivite ki nou remarke Seselwa in pran sa challenge e zot in komans bokou aktivite dan lakour e ki prezan zot in grandi, zot bezwen bouz to sa next level.

Wi, nou’n rankontre bokou bann Antreprener ki annan en pe konsern.  I annan bokou ki ti annan en pe difikilte ki pe anpes zot kontinyen zot aktivite.  I annan bokou ki annan konsern ki pe anpes zot bouz to sa next level.

Mr Deputy Speaker, mon ti a kontan pas lo enn de bann sityasyon kle, ki’n fer resorti pandan nou vizit – ki i bann konsern ki’n ganny met devan Prezidan e devan mon Minister nou menm.  I annan en pe  konsern ki solisyon nou’n kapab ganny deswit – par egzanp si en dimoun ti pe rod en akse ek finans me i pa ti konnen kote i pou ale, oubyen i ti pe tap the wrong door – parey nou dir, dan laspe pour li al rod en loan. Par egzanp si en Antreprener i anvi en loan pou aste en transpor, i pa konnen kot i pe ale, oubyen i ti pe fer sa laplikasyon kot SBFA. Me SBFA pa donnen loan pou transpor per se.

Me avek gidans nou Minister, nou’n kapab ed sa dimoun pou fer son laplikasyone i ganny son loan proper either kot DBS oubyen kot son Labank kot i annan en kont.

Lo kote Lanvironnman avek konsern Lasante, i annan en pe case ki nou’n kapab edik sa operater kwa ki i merit fer pour li meet sa bann demann ki Lasante ek Lanvironnman pe demande.  E letan zot in fer sa, zot in kapab bouz devan.  Me i annan en pe aktivite ki nou pa’n kapab ganny solisyon toudswit.  I annan en pe aktivite par egzanp, Lasante kot  mon anvi fer resorti Mr Deputy  Speaker, standar Lasante ek Lanvironnman, i annan serten nou bezwen respekte.  I annan serten nou kapab travay avek sa 2 Lotorite kot nou’n flexible, nou’n kapab bouz devan. Me i annan ki operater i pa pe kapab meet, alors i bezwen revwar son aktivite ekonomi, son aktivite biznes ki i pe fer.

Lo kote Later, i (1) i en konsern.  I en konsern ki solisyon nou pa kapab donn toudswit: par egzanp si en dimoun i pe travay dan lakour, me pour li move to the next level, i pa pe kapab kontinyen dan lakour, i bezwen bouz en landrwa swa dan distrik, oubyen dan en Zone Endistriyel. Dan distrik ek Zone Endistriyel later i limite, alors nou pa’n kapab vwar solisyon toudswit.  Me solman nou’n kapab ansanm ek sa bann operater rod solisyon kan mannyer nou kapab minimiz bann impact ki swa zot pe fer bokou tapaz dan kominote, oubyen zot aktivite ki zot pe fer, i pe kree en serten enkonvenyan to the neighbor: par egzanp lo kote loder oubyen si zot pe servi en spray: par egzanp letan zot pe spray loto, i kree lenkonvenyan dan kominote.  Oubyen letan li i pe travay kominote pa pe kapab zwir zot trankilite.

Alors sa Mr Deputy Speaker, sa bann case koumsa, nou pe travay avek sa bann operater pour nou bouz zot.  I annan en pe ki nou’n kapab rod en pti bout later nou’n kapab donn zot pour kapab operate, be i annan ankor bokou ki lo nou lalis, nou pa ankor ganny teren pour nou kapab donn zot, pou kapab operate.

Sa en pti pe an gro bann challenges ki nou’n gannyen dan distrik, ki parey mon’n fer resorti, Mr Deputy Speaker, i annan bokou ki nou’n kapab rezourd.  Me i annan ankor bokou ki ankor lo  nou latab pe rod solisyon – sirtou solisyon kot i konsernan rod en landrwa apropriye pour sa bann dimoun kapab operate.

Mersi Mr Deputy Speaker.

 

MR DEPUTY SPEAKER

Okenn siplemanter Onorab Arnephy?

 

HON BERNARD ARNEPHY

Mersi Mr Deputy.

Mr Deputy eski Minis i kapab dir nou, ki relasyon travay son Minister i annan avek bann lezot Lotorite, Lazans, tel ki Licensing, Lasante, Planning pou zisteman adres en kantite bann konsern ki annan pou fer avek sa bann Lotorite ou Lazans respektif; e how often eski ou Minister i zwenn avek sa bann Lotorite? E an menm tan eski Minis i kapab osi dir nou, si dan ou Minister ou annan ou en group spesifik ki pe travay lo bann dosye konsern, ki sa bann dimoun in souleve, pou asire ki sa bann dimoun i ganny feedback dan en dele letan rezonnab e advise apropriye, pour zot kapab kontinyen fer zot aktivite vin pli prodiktiv.

Mersi.

 

MINISTER MICHAEL BENSTRONG

Mersi Onorab pour ou kestyon siplemanter.

Mr  Deputy Speaker, konsiltatif avek sa bann diferan Lotorite mon Minister nou tre aktif. Par ler i almost tou le zour, ouswa nou pe kontakte Licensing, oubyen nou pe kontakte Health Authority – bann dimoun laba.  Nou travay tre pre avek Licensing. Nou travay tre pre avek Minister Lanplwa osi tou.  In fact, nou travay tre pre avek bokou bann Departman Gouvernman avek Minister e menm bann Labank Komersyal, pou kapab adres pa zis bann issues ki nou annan dan distrik, me bann issues ki  tou le zour nou bann pti biznes i vin met dan nou laporte.

Mr  Deputy Speaker, parey mon’n fer resorti oparavan, i annan issues kot nou pou kapab rezourd toudswit.  I annan issues ki standar. Lasante par egzanp letan i met son standar, nou pa kapab ale al dir ale kas sa standar oubyen abes sa standar, akoz Lasante li son rezondet se ki pou protez lasante tou dimoun.  Alors i enportan ki bann dimoun ki tre aktiv dan aktivite biznes, ki i annan impact lo lasante; par egzanp bann landrwa Takeaway, bann keksoz ki annan pou fer avek preparasyon manze, zot bezwen respekte sa bann standar.

E alors nou travay bokou lo ledikasyon osi tou.  Nou pa zis rod solisyon, be nou travay osi edik sa bann group dimoun, kan i pou comply. E annou pa oubliye osi tou avek kan mannyer nou pou bouz devan, i annan nouvo teknolozi osi ki  pe vini.  Alors nou osi propoz bann meyer fason fer aktivite lekonomi kot an servi teknolozi nou kapab abes en pe sa bann issues ki sa bann dimoun i gannyen.

Mr Deputy Speaker, mon anvi fer resorti en pwen ki pe konsern nou bokou, sa se Lanplwa e sa osi in fer resorti dan bokou bann vizit.  I annan en konsern kot bokou bann pti biznes pe ganny difikilte pou ganny Seselwa pou reste dan lanplwa avek zot.  E bokou bann pti biznes i annan lapliferans pou zot travay avek Seselwa, akoz zot santi Seselwa i kout zot meyer marse pou anploy en Seselwa e rantab Seselwa osi tou par ler dan serten Sekter, i bokou pli o e bokou pli bon ki etranze.  Me letan Seselwa i pa kapab rann lapel pou travay, i kree en  lanvironnman lenkonvenyan pour bokou nou bann pti biznes – sirtou pti biznes.  La mon pe koz biznes par egzanp Fermye, Security Firm, Bakery, Garaz, kot zot pa bezwen en bann dimoun ki annan highly skill pour kapab vin travay ek zot.

Mr Deputy Speaker, sa i en bann challenge ki nou gannyen e nou pe kontinyen travay avek parey mon dir, nou bann  koleg Minister.  Me solman nou pa kapab vwar solisyon pour tou, me solman nou, nou’n remarke bokou bann pti biznes in reponn lapel pou antre dan biznes.  E mon anvi fer resorti ki nou osi nou Minister nou annan nou bann travay ki lo bann Board; par egzanp nou annan dimoun ki lo Board Licensing. Nou annan dimoun ki lo Board Planning, ki sorti dan mon Minister, alors an sa laliny osi, i en fason pou nou kapab dyalog ek sa bann Lenstitisyon letan i ariv bann issues kot nou, nou rankontre ek nou bann pti biznes partou kot nou’n pase, nou kapab kominik direkteman avek sa bann Lenstitisyon, swa kot son Board ouswa avek son dimoun  responsab dan sa Minister.

Mersi Mr Deputy.

 

MR DEPUTY SPEAKER

Kestyon 27, Onorab Meggy Marie.

 

HON MEGGY MARIE

Mersi, Mr Deputy Speaker.

Bonzour tou koleg Onorab.  Bonzour tou dimoun ki a lekout.

Mr Deputy Speaker, eski Minis i kapab eksplik nou Lasanble, si i dan plan son Minister pou revwar posibilite pou allocate bann later dan distrik Anse Aux Pins pour bann pti biznes?

Mersi Mr Deputy Speaker.

 

MINISTER MICHAEL BENSTRONG

Mersi Onorab pour ou kestyon.

Mr Deputy Speaker, pou distrik Anse Aux Pins, nou annan en proze pou devlop en Macro Enterprise parey nou annan lide pou fer dan sak distrik.  Me Anse Aux Pins oparavan nou ti’n fini mark en teren, kot nou kapab fer sa Macro Enterprise, me solman sa teren i pour lemoman i underlease avek en individual. So, pour le moman nou pa ankor ganny en teren ki MLUH in kapab nou pou nou kapab devlope.  So, sa en pti pe pozisyon kot nou ete pou distrik Anse Aux Pins.

Nou ankor pe travay tre pre avek Minister pou Later, pou nou kapab identify en plot later pou nou kapab devlope en Macro Enterprise. E nou pe travay lo sa model, parey in ganny prezante dan sa Lasanble – nou pe travay lo model PPP. E i en pti pe sa model ki nou pou adopte letan nou pou travay lo bann Macro Enterprise dan bann distrik a lavenir.

Anse Aux Pins, i pa en leksepsyon parey mon’n dir, nou pe esper teren pou nou kapab devlop sa Macro Enterprise pour Anse Aux Pins.

Mersi Deputy Speaker.

 

MR DEPUTY SPEAKER

Kestyon siplemanter Onorab Marie?

 

HON MEGGY MARIE

Mersi Deputy Speaker.

Eski Minis i kapab dir nou an vi ki annan problenm Lanvironnman pour bann pti biznes ki dan lakanpanny, eski ou kapab dir zabitan Anse Aux Pins, dan ki dele letan ou Minister pe mazin enplimant sa Macro Enterprise pour distrik Anse Aux Pins.

Mersi Mr Deputy Speaker.

 

MINISTER MICHAEL BENSTRONG

Mersi Onorab.

Parey mon’n fer resorti Mr Deputy, nou ankor pe travay avek Minister pou Later.  Mon pa kapab met en timeline kan nou pou ganny sa teren, me i en keksoz  ki nou’n met sa koman en priyorite en pe o pour distrik Anse Aux Pins akoz nou’n dekouver Anse Aux Pins, dan rezyon Anse Aux Pins e son lantouraz, i annan sa demann pour nou devlop en Macro Enterprise.

Mon pa kapab met en dele letan lo kan egzakteman nou pou devlop sa Macro Enterprise.

Mersi Mr Deputy.

 

MR DEPUTY SPEAKER

Kestyon 28, pou ganny demande par Onorab Payet- Marie.

 

HON MARIA PAYET-MARIE

Mersi Mr Deputy Speaker.

An vi ki pti e mwayen biznes i anmenn en kontribisyon sibstansyel dan nou lekonomi, eski Minis pour Lendistri i kapab donn nou Lasanble, detay lo nou Polisi Devlopman ek bann pti biznes; e ki son Minister pou fer pou asire ki bann pti biznes, legzanp Cottage Industry, i kontinyen agrandi e reste soutenab?

Mersi.

 

MINISTER MICHAEL BENSTRONG

Mersi Onorab pour ou kestyon.

Mr Deputy Speaker, mon pou reponn sa kestyon an 2 par.  Mon premye par mon pou fer en – tre bref, sa nouvo Polisi ki nou’n fini prezant devan Cabinet e byento nou pou fer en workshop kot nou pou prezant sa Papye kot i annan Polisi ek Stratezi pou devlopman pti biznes.  E sa nou pou prezant li devan ek bann stakeholders avan ki sa Polisi i vin en Papye konpreansif pou nou Minister kapab travay lo la.

Mon dezyenm par mon pou tous en pti pe ki fason nou kapab kontinyen pou fer bann pti biznes grandi.

Mr Deputy Speaker, mon pou tous bann keynote ki annan dan nou Papye – nou Papye Stratezi avek Polisi ki nou’n met devan Cabinet ki’n fini  aprouve.  Nou’n koz (1) lo Legal; kan mannyer nou pou adres bann issues pou fer bann dimoun kapab ganny en license o pli vit posib – pou anrezistre zot biznes.  I tous en pe bann size taxation e tou bann lezot keksoz ki annan pou fer avek lanvironnman Legal letan en biznes pe an mars.

Dezyenmman, nou’n koz lo devlopman Trade; kan mannyer nou pou kapab improve tranzaksyon ant business to business, kan mannyer nou pou kapab improve tranzaksyon dan la rezyon, kan mannyer nou kapab met bann pti biznes Sesel ki letan zot grosi zot kapab pa zis regard ‘market Sesel, me zot kapab regard osi devlopman en ‘market enternasyonal.

Trwazyenm, nou’n tous en pe lenfrastriktir fizik e la nou pe koz bann lokasyon, kan mannyer nou pou devlop later endistriyel; e kan mannyer nou pou  devlop Macro Enterprise dan pa zis dan Zone Endistriyel, me dan distrik osi tou.  Kan mannyer nou pou adres bann keksoz ki bezwen pour nou improve oubyen entrodwir incubator – en Incubator Centre; en Start Incubation.

Katriyenm: kan mannyer nou pou devlop biznes e sa dan laform Training.  Kan mannyer nou pou, ki’n deza komanse – komans entrodwir lantreprenarya dan Curriculum Ledikasyon.  I annan Lekol ki’n deza pe komans pran sa an mars.  Nou pe koz training. Kan mannyer nou kapab improve training nou bann pti biznes, nou bann Antreprener.  Sa i enportan akoz si nou anvi nou Antreprener reste dan biznes, i enportan zot konnen ki fodre zot fer pour zot reste dan biznes; akoz nou’n remarke ki i annan bokou Seselwa i komans en biznes, letan i komans grosi i ganny difikilte pour li soutenir son lekor e i ganny difikilte pour li bouz to sa the next level. E sa akoz kekfwa son bagaz training – son bagaz kan mannyer fer i en pe limite.  So, nou pe met an mars bann Lenstitisyon kot nou kapab provide bann training pou nou bann dimoun ki deza dan biznes e bann ki anvi antre dan biznes, nou apel zot startup.

Nou’n tous en lot pwen dan sa Papye, se akse to lenformasyon Teknolozi – kan mannyer nou kapab fer komers, kan mannyer nou kapab fer marketing servi e-commerce e ankor la, nou pe travay lo data parey sa premye kestyon taler oparavan kan mannyer nou kapab improve database ki nou kapab fourni nou bann Antreprener, ki kapab ed zot pou zot kapab market zot lekor pli byen.

Setyenm, e nou annan Teknolozi inovasyon.  Sa Papye osi in fer provizyon kan mannyer nou kapab entrodwir Teknolozi avek Inovasyon, pour nou kapab redwir kou prodiksyon e an menm tan increase output nou bann biznes.

Wityenm, nou’n  tous en pe lo akse pour lenerzi – lenerzi abordab.  Nou pe ankor entrodwir teknolozi dan lenerzi parey nou konn PV. Par egzanp, si en dimoun pe fer Bakery. Konmela i annan teknolozi ou kapab servi gas, ou kapab servi elektrik.  So, nou pe fer sa letid pour nou kapab pas avek nou bann Antreprener, lekel meyer fason pou ou kapab fer ou biznes pou ou redwir ou cost cost lenerzi, akoz lenerzi i en kou ki nou pti biznes i toultan met devan i o pour zot.  Kan mannyer zot pou kapab marché zot prodwi. Sa Papye in fer resorti en pti pe lo marketing. E la osi tou mon anvi fer rapor lo sa Papye ki nou Minister osi tou in fer resorti.  I apel Industrial Competiveness Policy e sa in agrandi sa lespri kan mannyer nou bann pti biznes, kan mannyer nou bann Antreprener, i kapab improve their product – packaging par egzanp; kan mannyer zot kapab market zot lekor, kan mannyer zot kapab improve zot piblisite pou fer dimoun konnen ki aktivite biznes ki zot pe fer.

E finalman dan sa Papye Polisi ek Stratezi, nou koz avek kan mannyer nou kapab improve akse ek finans.  E la nou pe regard bann veikil ki pli inovatif; par egzanp Hire- purchase ki deza i annan bokou piblisite ki pe ganny fer lo la. Nou Papye osi in fer rekomandasyon ki Hire-purchase i ganny met a dispozisyon nou bann Antreprener – e annan bann lezot model finans par egzanp, Venture Capital, Equity Finance ki sa i ava ede kit nou bann startup pou kapab ganny akse ek sa finans ki pli abordab, pour zot kapab finans zot proze aktivite ekonomik.

Lo dezyenm par sa kestyon;  kwa ki pou kontinyen pou asire ki nou bann pti biznes i reste soutenab e grandi; e la mon anvi fer resorti ankor Mr Deputy Speaker, nou pe fer provizyon ki nou pe revwar rol ki SENPA ozordi parey nou konn li, avek kan mannyer SENPA pou zwe sa rol a lavenir.  E SENPA nou santi i pou bezwen tous tou bann pti biznes ki annan pou fer avek aktivite ekonomik.  I pa zis pou regard ‘Cottage avek Artizan, me i pou regard en pli gran levantay biznes.  E sa nou pe travay lo sa nouvo SENPA, kot nou santi ki sa i pou garanti nou bann Seselwa ki’n antre dan aktivite biznes, pou kapab devlop zot pli byen e kontinyen reste dan biznes e pour zot grandi; akoz parey nou tou nou konnen Mr Deputy Speaker, pti biznes dan tou pei lemonn i annan en rol kle pou zwe, in terms of kree employment. Apre zot zwe en  rol kle pour redwir lapovrete; e apre zot zwe en rol ankor pli gran lo kreasyon larises pour en pei.  E se sa ki mon Minister pe met bokou lanfaz lo sa bann dokiman, pou nou kapab komans enplimant sa bann aktivite o pli vit posib letan nou bann aktivite prezantasyon in fini.

Mersi Mr Deputy Speaker.

 

MR DEPUTY SPEAKER

Onorab Fideria.  Sorry, kestyon siplemanter Onorab Payet- Marie.

 

HON MARIA PAYET-MARIE

Mersi Mr Deputy Speaker.

Mr Deputy Speaker Minis in koz lo bann diferan pwen, parey bann pwen Legal – akse ek lenformasyon, apre Finans, mon ti a kontan demann Minis si i pou enkli osi en – lo kote Renovasyon ek Maintenance, par egzanp lo bann Kiosk ki nou konnen zot osi zot bann pri biznes ki en latraksyon Touris, ki enportan pour lekonomi nou pei.

Mersi Mr Deputy Speaker.

 

MINISTER MICHAEL BENSTRONG

Si mon konpran ou kestyon byen ou pe demann lo size Kiosk?

Wi, Kiosk i pou definitivman part lo nou aktivite pou amelyor, I mean, pou improve aktivite biznes.  E parey mon’n fer resorti letan nou pou revwar SENPA ek son nouvo aktivite wi, i pou annan plizyer landrwa kot nou pou vwar ki i pou annan plis debousman pou nou bann Artizan partisip dan aktivite ki zot kapab vann zot bann prodwi anndan kiosk.

E wi, nou Kiosk parey nou vwar ozordi, nou pou travay tre pre pour zot improve lafason pour zot kapab market zot prodwi.  E en keksoz ki bokou bann etranze in fer resorti, oubyen letan nou vwayaze, nou vwar dan bann lezot pei – packaging i tre enportan. E nou Minister i annan en plan pou nou fer en sesyon edikatif kan mannyer nou kapab improve nou packaging. E sa mon konnen i pou annan en impact spesyal  e en impact tre enportan lo  nou bann dimoun ki partisip dan aktivite Kiosk.

Mersi Mr Deputy Speaker.

 

MR DEPUTY SPEAKER

Onorab Fideria.

 

HON EMMANUEL FIDERIA

Mersi Mr Deputy Speaker.

Mr Deputy Speaker, an vi larepons Minis, in koz lo nouvo Polisi avek Stratezi, eski Minis i kapab enform sa  Lasanble, si dan nouvo Polisi ek Stratezi zot in met en striktir an plas ki pou monitor e asire ki bann SMEs, i devlop konpetans neseser ki al garanti zot soustenabilite dan kour, mwayen e long term; e si osi dan sa Polisi i annan lezot Sekter parey nou konnen ozordi, Sekter Lagrikiltir ek Lapes pe ganny serten konsesyon, si i annan lezot Sekter pou ganny ofer serten konsesyon?

Mersi.

 

MINISTER MICHAEL BENSTRONG

Mon a pran ou dernyen pwen premye; Konsesyon pour dimoun ki partisip lapes avek Fermye.  I deza annan konsesyon an plas e mon pa pe vwar nouvo konsesyon ki  nou pou entrodwir dan en dele letan pre.

Lo kote Konstriksyon, i deza annan bann Scheme ki deza pe ofer konsesyon; par egzanp SME Scheme. En legzanp, si en dimoun i pe fer en aktivite Konstriksyon, i anvi aste en transpor.  I touzour kapab al aste son transpor anba sa Scheme SMEs. So, i deza annan bann konsesyon ki deza an plas, ki i pou kouver pa zis sa 3 Sekter, me bokou Sekter ki anvi vin rod akse ek finans.  E parey mon dir, nou pou osi rekomande ki annan bann nouvo zouti ki dimoun i kapab servi, pou kapab ganny akse – parey i annan Hire-purchase ki olye al pran en loan, ou kapab hire sa vehicle e ou pey tan pri tou le mwan pou antre dan en Lagreman ki i reponn ou apel.

E sa i bann keksoz inovatif.  Mon krwar ou kestyon osi pou servi lo la –  inovasyon. Nou tou nou konnen ozordi si ou pou al pran en loan par egzanp pour aste en transpor i pou dir ou, ou bezwen annan ou kontribisyon personnel, ou bezwen anmenn guarantor ou bezwen anmenn en bout later.  Par ler i vin difisil, i vin konplike pour nou bann Antreprener.  Alor sa bann zouti inovatif ki nou Papye pe rekomande, i pou redwir oubyen elimin en pe sa bann lobstak  ki deza sirplas.

Definitivman nou Polisi avek Stratezi i annan bann eleman inovasyon ladan. E inovasyon nou pa pe aret zis la. Nou annan National Institute for Science and Technology and Innovation, ki osi en manda anba mon Minister. E sa Lenstiti li i pou vin avek bann lide inovatif, pou prezant avek bann dimoun ki dan biznes pour zot kapab fer li vin en end product. Sa osi i en stratezi ki kouver dan nou Polisi e i osi i branse dan Polisi sa Lenstiti ki son manda se ki pou improve teknolozi ek inovasyon e pou fer en lanvironnman biznes parey nou apel sa, en Knowledge- based economy kot nou anmenn inovasyon e nouvo fason fer, pou nou kapab improve nou prodiktivite.

En keksoz ki bokou, nou menm nou Seselwa avek dimoun etranze i dir, nou bann prodwi i ser, me nou santi ki si nou anmenn inovasyon dan  nou lafason fer aktivite biznes, i pou ed serten Sekter pour zot redwir the cost of production.

Mersi Mr Deputy Speaker.

 

MR DEPUTY SPEAKER

Onorab Monnaie.

 

HON FRANCHASCA MONNAIE

Mersi Mr  Deputy Speaker.

Bonzour Minis.  Bonzour bann Manm.

Mr Deputy Speaker, eski Minis i kapab dir sa Lasanble, e piblik si dan son Minister i annan en biro spesifik pou konsiltasyon avek bann nouvo Antreprener ki kapab gid zot avek zot proze e bann difikilte ki zot pe fer fas avek.

Mersi.

 

MINISTER MICHAEL BENSTRONG

Mersi Leader of Opposition pour ou kestyon.

Mr Deputy Speaker, pour lemoman ozordi, nou annan SENPA.  SENPA i pe vwar plito bann ki vreman ti pti,  nou apel zot Micro avek bann ki small. Si zot bezwen okenn lezot lasistans, gidans zot kapab al kot SENPA. E menm SENPA i al kot zot, kot i fer bokou bann aktivite  edikasyonnel.  Par ler i fer li zeneral e  par ler i pran en size spesifik i anmenn devan kot i pas sa lenformasyon avek sa bann pti biznes ki pe al fer sa aktivite ekonomik.

Me nou osi nou annan Seychelles Investment Board ki li osi i en one stop shop, ki si en dimoun i anvi ganny akse avek gidans avek osi lenformasyon.  Par egzanp si en dimoun in al kot en biro Lenstitisyon Finansyel; en Labank oubyen DBS e sa Lenstitisyon i demann li, ‘Ou bezwen travay lo en business plan.’ E sa operater biznes, sa pti biznes li i napa en nosyon kan mannyer pou fer en Business plan.  I annan 2 swa; swa i al kot en dimoun prive ki pou kout li, oubyen i kapab al kot SIB. SIB i annan, nou apel sa en Template kot nou gid sa dimoun kan mannyer pour li fer son business plan ki kapab satisfied sa ki sa Lenstitisyon pe demande.

A serten lenstan osi SENPA osi tou i kapab zwe sa rol.  Me parey mon’n fer resorti, nou pe revwar rol SENPA. E byento SENPA son rol i pou bokou more comprehensive avek lafason ki nou konn li ozordi.  E sa i pou reponn en pe sa ki ou’n fer resorti – kot sa bezwen  i pou devan SENPA, kot i pou kapab gid sa bann – sirtou bann ki Micro, bann ti pti avek bann ki small e bann ki en pe pli gro they can always go to SIB pou ganny bann gidans.

Mersi Mr Deputy Speaker.

 

MR DEPUTY SPEAKER

Kestyon 29, Onorab Volcere.

 

HON MARC VOLCERE

Mersi Deputy Speaker.

Bonzour Minis ek ou delegasyon.  Bonzour tou koleg Manm.

Mr Deputy Speaker, mon ti a kontan demann Minis, ki kalite mezir ki Gouvernman atraver ou Minister pe mazin met an plas ki pou donn konsiderasyon spesyal bann nouvo biznes lo Praslin ek La Digue.

Mersi.

 

MINISTER MICHAEL BENSTRONG

Msye Onorab, mersi pour ou kestyon.  Mr Deputy Speaker, letan mon ti pe fer mon refleksyon lo sa kestyon, i ti en pti pe pa tro kler, me solman mon ava esey reponn.

Lo zil pros parey Praslin e La Digue nou konn zot aktivite mazer se I-Quay avek Touris, swa en Guesthouse oubyen en small Hotel oubyen Charter boatboat charter oubyen bann loto lwe.  Letan nou koz ki pou donn konsiderasyon spesyal bann nouvo biznes, nou deza annan serten Scheme ki pa zis pour – i adres pou Praslin, La Digue me i pou zeneral; e ki bann operater Praslin/La Digue osi i benefisye avek sa bann Scheme. Parey la mon a fer referans lo bann SME Scheme. Me si mon kapab fer en pe referans lo enn de bann issues ki bann dimoun biznes Praslin/La Digue in fer resorti ki i en pe defayans pour zot.

Zot ti fer resorti ki par ler zot bezwen transport keksoz from Mahe to Praslin oubyen La Digue. E i vin en kou pour zot lo kote transportasyon.  E par egzanp ti annan VAT lo transportasyon oparavan, ki mon aprann Minister Finans in fini retir VAT lo kou transportasyon.  STC osi  tou lo bann dimoun ki aste bann keksoz kot STC; STC i sey son mye  ki i mentenir sa pri menm parey pour bann dimoun Mahe.  So, i napa en distenksyon lo la.

So, sa i en pe bann mezir ki i met a laporte bann dimoun Praslin ek  La Digue sirtou bann nouvo ki anvi antre dan biznes.

Me an zeneral i pou difisil pou met en Scheme Spesyal pou zis Praslin/La Digue akoz letan ou fer biznes nou bezwen konpran biznes i ganny fer lo en level playing field e alors i enportan ki mezir ki Gouvernman i met an plas; letan i met an plas, i met an plas pour ki i kouver tou bann dimoun ki dan biznes.

La  mon pran en legzanp, SME Scheme, letan nou dir to lentere i 5 poursan pou premye milyon, i aplik pou dimoun Mahe e  Praslin ek La Digue.

Mersi Mr Deputy Speaker.

 

MR DEPUTY SPEAKER

Kestyon siplemanter Onorab Volcere.

 

HON MARC VOLCERE

Mersi Mr Deputy Speaker.

Mr Deputy Speaker, apre mon ti a kontan demann Minis, ki sipor ki ou Minister pou donn bann nouvo biznes pou kapab entegre avek bann biznes egzistan – dan bann biznes ki deza egziste e zot la; par egzanp nou’n koz lo Vertical Integration; ki sipor ou Minister pe mazinen donn sa bann nouvo biznes pour zot kapab osi antre dan sa kominote biznes; e dezyenmman lo  kote lespas Praslin ek sa ta devlopman nou pe vwar mwens lespas pour bann dimoun ki oule antre dan biznes; ki ou Minister pe fer lo sa domenn pou kree plis lespas pour bann nouvo biznes lo Praslin.

 

MINISTER MICHAEL BENSTRONG

Mersi Onorab pour ou kestyon siplemanter.  Mon pran sa dezyenm bout ou kestyon an premye – lo lespas.  Mon Minister ansanm avek Minister pou Later, nou’n travay pre pou later konble Eve Island, kot la nou’n kapab devlop enn de bann bout later ki nou’ n donn bann pti biznes ki ti pe rod landrwa, pou zot fer bann lokasyon; pa zis pou zot.  Zot kapab fer en lenfrastriktir ki  pou benefisye zot avek bann lezot dimoun osi ki pe rod landrwa pou kapab fer en business.  Ok?

Apre osi Macro Enterprise, Praslin nou pa’n bliy zot ek La Digue.  Praslin nou pe annan plan pou fer enn lo Eve Island menm.  Ki la ankor i pou parey sa ki nou’n fer isi Mahe, kot ‘Leve debourye’.  Kot nou pe al fer en lot Ile Du Port e Praslin nou pou ganny li lo Eve Island.

Lo kote Vertical Integration parey ou’n fer resorti, sa size nou pe kontinyelman an dyalog avek tou bann akter lo teren e pa zis mon Minister, akoz sa i pou konsern 3 Minister kle.  Sa i mon Minister, Minister Finans avek Minister Tourizm akoz nou okouran sa ki annan  parey ou’n fer resorti sa Vertical Integration, ki par ler i anpes en pe; i kree sa baryer kot en nouvo dimoun pe antre.  Me  solman pa  zis ek Vertical Integration kot i annan en aktivite lekonomi kot i annan bokou akter ki deza la.  Letan enn nouvo pe antre i pou toultan annan difikilte pour li antre.

E la ankor lo nou lapros edikasyonnel nou santi nou kapab improve bagaz bann startup – bann nouvo ki pe antre, pour zot kapab konnen kan mannyer pou penetre e kan mannyer pou dyalog ek zot bann lezot koleg ki dan biznes, zot bann competitor si nou kapab servi sa term, e kan mannyer zot kapab negosye e kan mannyer zot kapab fer zot prodwi diferan.

Par ler ki  nou’n dekouver, nou annan en labitid pou fer keksoz parey sa ki nou neighbor pe fer, parey nou dir, nou pe copycat parey.  Me sa i pa pe donn nou en  lavantaz. So, pou nou kapab vin more competitive lo  marse, i enportan ki nou rod bann pti keksoz ki fer nou prodwi diferan avek nou  competitors.

So, nou pe antre dan sa ledikasyon, kan mannyer nou kapab fer nou bann dimoun vin more competitive e kan mannyer zot kapab dyaloge. E pa dyalog ek zis nou bann kliyan, be dyalog avek nou bann dimoun osi ki dan sa biznes.  Parey mon dir ansanm pa zis mon Minister, bann lezot Minister osi, pe travay lo en proze pour sa.  Nou deza an dyalog avek bann group sirtou Praslin.  Mon menm mwan mon’n attend detrwa meeting avek sa bann diferan group, kot nou pe rod solisyon kan mannyer nou kapab improve bann lanvironnman biznes lo Praslin/La Digue.  E mon krwar nou bezwen acknowledge ki lanvironnman biznes Praslin/La Digue i en pti pe diferan konpare avek Mahe.  Zot annan en market ki pli ti pti, alors i pli sansib letan en keksoz i komans al mal.

Mersi Mr Deputy Speaker.

 

MR DEPUTY SPEAKER

Kestyon nimero 30, Onorab Sultane Jacqueline.

HON SULTANE JACQUELINE

Mersi Mr Deputy Speaker.

Mr Deputy Speaker, eski Minis i kapab dir nou ki plan son Minister i annan pou revwar kou pou lwe bann Kiosk pti biznes Port Glaud, ki an se moman i pli ser ki bann menm Kiosk Anvil?

Mersi Mr Deputy Speaker.

 

MINISTER MICHEAL BENSTRONG

Mersi Onorab pour ou kestyon.

Mr Deputy Speaker, Kiosk ki Port Glaud avek Kiosk ki dan Lavil, zot lafason ki sa bann Kiosk in ganny konstrir i diferan.

I enportan Mr Deputy Speaker, mon eksplik sa diferans pou nou kapab konpran byen akoz pri pour Port Glaud i en pti pe pli ser ki sa enn Lavil.

Kiosk ki Port Glaud, i ti ganny fer an partner avek finansman Pension Fund.  So, i ti like en PPP Project, kot Gouvernman in donn teren e Pension Fund in konstrir.  Me Pension Fund letan in konstrir, in met en pri konbyen i bezwen ganny son return.  Mon krwar nou tou Onorab ki dan Lasal, nou konn tre byen ki Pension Fund osi i bezwen fer sir ki tou bann investment ki i fer, i ganny en return ki soutenab pou li.  Alors i fer ki Pension Fund li in met sa pri avek Gouvernman, nou bezwen pey Pension Fund tou le mwan en serten fee.  Nou lwe, pa lwe, nou bezwen pey li.  E peyman i ganny fer through SEnPA.  Sa i sa Kiosk Port Glaud.  Me bann Kiosk dan Lavil, sa ti en proze ki ti ganny finanse pirman par Gouvernman.  Alors, nou napa sa presyon en cost ki nou bezwen peye tou le mwan pou donn en rantab.  I lentansyon Gouvernman pou toultan donn en pri a nou bann operater ki dan Kiosk a en pri abordab.  Me selman letan in ariv pour Port Glaud, letan nou ti open Port Glaud, letan sa Kiosk ti ganny met a dispozisyon nou ti fer tender e bann dimoun ki ti partisipe, zot ti konn pri sa bann Kiosk.  Me selman a sa letan, Port Glaud ti annan en proze touristik osi ki ti pe ganny devlope oubyen en concept ki nou ti pe ekspekte ki ti pou annan bokou aktivite Port Glaud, alors i ti pou garanti en serten reveni pour sa bann operater ki dan Kiosk Port Glaud.  Me akoz sa aktivite touris pa’n materialised, i pa’n arive, prezan i fer ki aktivite, sa nivo ki nou ti pe ekspekte, i pa leka.

Sa size pri Kiosk Port Glaud, nou ankor an diskisyon avek Minister Finans akoz Minister Finans i deza pe subsidise rent ki sa bann dimoun pe peye.  Alors, i pou tou depan kantite subsidy ki Gouvernman through Minister Finance, i kapab met ankor lo sa ki i pe deza donnen.  Pou lemoman, mon anvi fer resorti ki sa pri Kiosk Port Glaud i deza pe ganny subsidise.  Pour Lavil i napa en issue.  Nou’n fer li a en pri tre abordab e en pri nou apel sa en social price kot sa dimoun i fer en kontribisyon pou pey sa Kiosk, ki i take care enn de bann maintenance ki nou bezwen fer.

Alors, the concept Kiosk Lavil ek Kiosk Port Glaud i en pe diferan, se sa ki fer son pri i annan sa diferans.  Me selman sa size pri pour Port Glaud, mon Minister i okouran e mon anvi enform bann Onorab.  Diskisyon nou an mars avek Ministry of Finance.  Si zot kapab annan sa kapasite pou zot increase sa subsidy ki i deza pe donn sa bann operater dan Kiosk Port Glaud.  I pa pou ariv deswit, kekfwa dan Bidze 2017 si Minister Finans i kapab vwar en solisyon pou sa, nou kapab adres sa sityasyon kot nou pou annan en pri pour tou bann Kiosk ki nou fer.

Mersi Mr Deputy Speaker.

 

MR DEPUTY SPEAKER

Kestyon Siplemanter, Onorab Jacqueline?

 

HON SULTANE JACQUELINE

Mersi Mr Deputy Speaker.

An tenan an kont larepons Minis Mr Deputy Speaker, pour en bon pe letan laplipar bann Kiosk pa pe ganny okipe akoz rezon prensipal se kou, akoz aktivite pa soutenab.  Me eski Minis i kapab dir nou konbyen i pe kout Gouvernman par lannen, pour rent sa bann Kiosk vid avek Pension Fund e an vi ki i annan omwen enn ki vreman aktiv, ki rol son Minister pou maintain, spesyalman fasilite twalet e son lanvironnman akoz lokal osi byen ki touris i pe servi sa landrwa?

Mersi Mr Deputy Speaker.

 

MINISTER MICHEAL BENSTRONG

Mr Deputy Speaker, sa bann Kiosk Port Glaud, pou le moman, dapre nou rikord, nou napa okenn Kiosk ki vid.  Me selman i vre, i annan Kiosk ki son operater, pour en rezon ou lot, i pa pe ouver son laport toulezour.  Mon Minister, through SEnPA, nou an dyalog avek sa bann operater ki pa pe ouver zot Kiosk e nou annan dimoun ki’n deza montre zot lentansyon, zot anvi vin lwe enn sa bann Kiosk.  So, nou an dyalog ek sa bann dimoun, si zot pa pe annan lentere pou ouver toulezour parey nou ekspekte zot fer, nou pou napa swa, nou pou bezwen repran sa bann Kiosk e rellocate li ek bann dimoun ki enterese pou open.

An total, reveni ki nou anmase i apepre R21 mil 500.  Met li apepre R22 mil ki nou anmase through rent ki nou bezwen pey Pension Fund.  E sa bann Kiosk Port Glaud i varye from R1500 par mwan a 3500.  Wi, i annan sa Kiosk ki ofer en small like Takeaway Restoran.  Li i tre aktiv.  E parey mon’n deza fer resorti devan sa Lasanble, nou annan lentansyon pou fer bann aktivite, bann event ki SEnPA i organize, nou pou anmenn osi pou nou fer Port Glaud.  E sa nou pou travay pre avek Ladministrasyon Distrik Port Glaud, ki mannyer nou kapab fer bann aktivite e how frequently nou bezwen fer li, pou nou improve aktivite pou anmenn plis dimoun pou kapab partisip la dan sa landrwa kot sa bann Kiosk i deza egziste.

Lo kote maintenance, mon’n pran not sa.  Mon pa kapab garanti ou nou pou fer tou toudswit akoz nou osi nou pou annan en sityasyon bidzeter.  Mon’n pran not kot i annan bann issue parey ou’n fer sorti twalet.  Pou netway dan son environment, sa i en keksoz ki nou fer frequently, me selman si i annan bann issues twalet, mon ava revwar sa sityasyon e si nou resours finansyel i permet nou, nou a kapab fer bann louvraz renovasyon lo la.

Mersi Deputy Speaker.

 

MR DEPUTY SPEAKER

Kestyon 31 pou ganny demande par Onorab Arnephy.

 

HON BERNARD ARNEPHY

Mersi Mr Deputy.

Mr Deputy, on your behalf mon ti a kontan demann sa kestyon swivan.

Eski Minis responsab pour Linovasyon Biznes i kapab eksplik nou Lasanble kwa ki pe ganny fer pou permet bann biznes dan bann Zone Endistriyel, kapab bouz pli lwen ki zot ete ozordi, koumsa lekonomi pei a kapab benefisye plis, tel ki plis reveni e kreasyon lanplwa?

Mersi Mr Deputy.

 

MINISTER MICHEAL BENSTRONG

Mersi Onorab pour ou kestyon.

Mr Deputy Speaker, mon anvi fer resorti, Zone Endistriyel mazer ki nou annan Sesel se Providence e mon kontan pou dir ozordi Mr Deputy Speaker, ki bokou e bokou in fer kot Providence.  Sa Providence ki nou pe vwar ozordi, konpare avek 10an, 15an pase.  Nou bezwen rekonnet ki in bouze e i annan bokou aktivite ki pou lemoman i pe arive Providence e Providence in ariv en staz kot teren, demann pour teren avek terer ki annan i annan en gran gap.  Demann i bokou, bokou plis e avek sa Lotorite ki’n ganny kree pou manage Providence, nou pe toultan konsilte sa bann dimoun ki annan teren ki pa ankor devlope, pou vwar rezon akoz pa pe devlope.  E si zot pa kapab annan sa mwayen pou devlope, dan Lease Agreement i kler.  Gouvernman i bezwen repran sa teren e re allocate li avek en dimoun ki annan sa kapasite finansman pou kapab devlop sa bann teren.  E nou panse a sa fason, i pou garanti ki Providence i kontinyen lo sa semen ki in arive ozordi, kot i kontinyen anmenn Sesel, i kontinyen anmenn nou Lendistri e i kontinyen anmenn nou bann antreprener lo en staz bokou pli o ki nou konnen ozordi.

Parey mon’n fer resorti Mr Deputy Speaker, in bouz bokou lwen Providence, konpare avek ki i ti ete 10an/15an pase.  Me mon Minister i pa pe aret la.  Nou annan lot diferan zone Endistriyel ki a lavenir, i ankor dan faz devlopman, ki a lavenir nou santi i pou kontribye bokou pour lekonomi Sesel.  Nou annan devlopman Ile Du Port e la nou pe koz bokou devlopman ki vir avek aktivite lapes e Minister Finans, Trade and Blue Economy pe travay lo son stratezi ki mannyer nou kapab devlop sa blue economy concept.  E Minister ki ansarz pour Lapes e tou sa bann Minister ki tous avek sa devlopman Ile Du Port.  Ansanm nou pe travay lo bann progranm e ansanm nou pou fer bann promosyon pour bann investors, bann envestiser lokal oubyen an partnership avek enternasyonal, pou nou kapab devlop sa nouvo Zone ki pe vini, pou nou devlop li lo en oter ki i pou asire e garanti larises Sesel.  Nou annan bann pti small zone ki nou annan plan pou devlope.  Perseverance i enn ki pe bouze.  Ile Eve i ankor lo son faz devlopman bann lenfrastriktir e annou pa bliye osi parey mon’n mansyonnen pli boner, i annan bann distrik kot nou kapab fer bann micro enterprise.  Me selman bann zone mazer ki nou pe mazinen nou pe target pou nou devlop li plis ankor, se Ile Du Port, a serten zistans, Perseverance avek Eve Island. Apre Providence, bann bout later ki pou lemoman i pa ankor vreman devlope e nou pe travay pou nou kapab fer li o pli vit posib.  Sa bann later i ganny met a devlopman ki pou soutenir e donn sa rezilta ki mon Minister e Gouvernman, nou ti a kontan vwar.

Mersi Mr Deputy Speaker.

 

MR DEPUTY SPEAKER

Kestyon siplemanter, Onorab Arnephy.

 

HON BERNARD ARNEPHY

Mersi Mr Deputy.

Mr Deputy, eski Minis i kapab dir ek nou Lasanble, an term poursantaz, konbyen later ki’n ganny allocate lo Zone Endistriyel ki pa ankor ganny devlope.  Donn nou en sif.

An adisyon, eski Minister, Gouvernman pe konsider permet plis servis lo Zone Endistriyel, tel ki bann Labank, Hair Dressing Saloon, Takeaways eksetera, pou fasilit plis biznes e an menm tan, retir sa kantite presyon e konzesyon ki annan dan Lavil Victoria?

Mersi.

 

MINISTER MICHEAL BENSTRONG

Mersi Onorab.

Mr Speaker, an term sif, later ki pa’n ganny devlope Providence, nou ankor still pe fer legzersis.  Mon pou napa en sif egzakt, me selman in terms of poursantaz, son poursantaz i tre, tre pe.  Nou napa bokou sa bann Zone ki dan Zone Endistriyel.  Mon fer resorti la, dan Zone Endistriyel akoz Providence parey nou tou nou konnen, i annan en Zone Endistriyel, apre i annan en Zone ki tonm anba Management SFA.  Apre i annan en Zone ki tonm anba Komersyal.  E sa Zone ki Komersyal i pa tonm Endistriyel.  Mon pe koz zis bann Zone ki’n ganny demarke koman Zone Endistriyel.

In terms of poursantaz, son poursantaz i tre, tre pe me selman, akoz demann i bokou, se sa ki nou pe met bokou presyon, sa bann dimoun ki pa ankor devlope.  Si zot pa kapab devlope, nou bezwen repran later e donn bann dimoun ki pe espere.  Parey mon’n dir, toulezour nou ganny dimoun ki pe vin kot nou Lofis, ki pe met bann proze, bann proze ki tre atiran, bann proze ki nou anvi promote me selman nou napa later pou donn li.

Ou’n fer resorti bann aktivite parey Hair Dresser, Takeaways. I enportan e i tre, tre enportan.  Nou konpran konsep Zone Endistriyel.  Zone Endistriyel nou pe koz bann Lendistri ki i bezwen separe avek bann lezot aktivite komersyal.  Par egzanp, aktivite Hairdressing, Bakery, i pa en aktivite ki pou antre byen dan en Zone Endistriyel.  Takeaway, nou kapab met li dan en lespas ki pa tro anndan Zone Endistriyel.  Parey si nou get Providence, se sa rezon akoz nou vwar bokou Takeaway i dan son main entrance letan ou pe antre Providence.  Me anndan menm kot i annan bokou aktivite pe arive, si en dimoun i anvi fer en Takeaway anndan Zone Endistriyel, nou pa pe kapab permet li akoz son risk pou kontamin manze i o.  E sa i en standar, i en standar ki dan tou pei lemonn, dan tou enternasyonal ou pou vwar kot i annan serten area dan Zone Endistriyel, ou pa kapab fer serten aktivite.  E se sa ki fer ki letan nou devlop Zone Endistriyel, nou annan bann Zone i baze lo bann use, kot ou pou vwar nou fer bann aktivite parey garaz, spray loto eksetera, zot tou zot pou ansanm dan en sel Zone.  Nou sey nou mye pou evite i annan aktivite ki kree en lenkonvenyan letan i vin dan son use.  E sa nou travay tre pre avek Planning Authority.  Letan sa bann dimoun pe met zot plan devan, nou toultan travay an konsiltativ lo si sa use nou pou permet pou arive dan sa landrwa ki sa dimoun i ganny ear mark.

E menm si en dimoun i pe al rent en landrwa dan Zone Endistriyel, par egzanp si en Hairdresser i pe al lwe en landrwa dan Zone Endistriyel, letan i al rod son License kot Licensing, Licensing pou konsilte Lotorite Endistriyel pou ganny son input dan sa request.  Mon anvi fer resorti ankor, pa tou aktivite ki kapab ganny arive partou dan Zone Endistriyel.

Mersi Mr Deputy Speaker.

 

MR DEPUTY SPEAKER

Kestyon 32, Onorab De Commarmond.

 

HON CHARLES DE COMMARMOND

Mersi Mr Deputy Speaker.  Bonzour Minis, bonzour Mr Deputy Speaker e tou Manm ki a lekout.

Mr Deputy Speaker, ki mannyer ki Minister pour Lenvestisman, Lantreprenarya, Devlopman e Inovasyon Biznes pe revwar son Polisi distribisyon later endistriyel e komersyal, pou permet annan en distribisyon later pli ekitab pour biznes, sirtou bann ki pa ankor ganny en morso e avek bann ki pe anmenn inovasyon endistriyel?

Mersi bokou.

 

MINISTER MICHEAL BENSTRONG

Mersi Onorab pour ou kestyon.

Mr Deputy Speaker, letan i annan later ki vacant e nou bezwen allocate li pour en devlopman lenfrastriktir pour lendistri, nou annan en Komite ki regard bann laplikasyon.  E laplikasyon normalman nou resevwar bann laplikasyon through tender.  E letan nou vwar sa laplikasyon, nou annan en fason pou nou allocate pwen, pou kapab determinen lekel ki pou ganny sa bid, pou kapab antre dan en Kontra avek Gouvernman pou devlop sa bout later endistriyel.

Nou toultan vwar benefis ki i pe anmennen dan lekonomi.  Nou toultan vwar inovasyon, son lide inovasyon ki i pe anmenn devan.  Nou vwar son kapasite finansyel pou li kapab devlope e apre nou vwar osi sa dimoun en pe, konbyen letan i pe espere e letan i pe devlope, si osi i annan plan dan son lenfrastriktir, i pou provide bann lezot aktivite pou arive osi.  Konmsi i pe kree osi bann Lofis, i pe kree bann Warehouse, i pe kree bann lespas ki i pou lwe e bann lezot dimoun i kapab osi partisipe dan zot biznes lo Zone Endistriyel.

Mr Deputy Speaker, later parey mon’n fer resorti endistriyel Providence i en big challenge pour nou Minister.  I en challenge akoz kantite dimoun ki pe espere avek kantite nonm later ki annan i pa match.  I annan en gran gap.

Mr Deputy Speaker, konmsi letan ou regarde, i demann nou fer en nouvo konblaz pre avek Providence pou nou kapab meet kantite demann ki annan.

E parey mon’n fer resorti, sa i en bon siny pou nou devlopman lekonomi dan nou devlopman lantreprenarya.  I montre ki i annan bokou dimoun ki’n reponn lapel parey nou dir pou ‘Leve debrouye’ e pou partisip pli aktivman dan aktivite lekonomi Sesel.  E sirtou sa bann dimoun ki mon pe dir i ankor pe espere, swa zot pe lwe en landrwa lo Zone Endistriyel li menm, me selman sa landrwa kot zot pe lwe i deza tro pti.  Zot bezwen grosi zot.  So, pou zot grosi, zot bezwen bouz lo en lot nivo e move dan en lot landrwa ki annan lespas pli gran.  Nou osi annan bokou dimoun ki pe aktivman dan distrik.  Zot osi zot in komans ptipti, me prezan zot anvi grosi or zot in fini grosi dan distrik, zot bezwen bouz dan en landrwa ki bokou pli gran.  E se sa bokou bann demann ki nou pe gannyen.  Letan mon dir nouvo, i pa neseserman en dimoun nouvo, nouvo.  I en dimoun ki deza aktiv, me selman i bezwen grosi akoz son aktivite ki i pe fer, i pe ganny bokou bann reisi e i annan sa kapasite pou li devlope.

E Mr Deputy Speaker, sa alokasyon later lo Providence i toultan en challenge pou nou.  Nou pa pou kapab zanmen :- a sa moman la, nou pa kapab satisfy tou dimoun e mon konnen e mon konpran fristrasyon sometimes, ki en dimoun i dir mon lo lalis i annan 5an, i annan 10an, i annan 15an mon ankor pe espere.  E se sa i enportan pour mon Minister, ansanm avek Lotorite Endistriyel, pou nou konplet sa legzersis pou nou pran stok tou bann later ki vacant, pou nou pran bann aksyon pou met sa bann later a dispozisyon sa bann dimoun ki annan kapasite pou devlope.

Mersi Mr Deputy.

MR DEPUTY SPEAKER

Kestyon siplemanter, Onorab De Commarmond?

 

HON CHARLES DE COMMARMOND

Wi, Mr Deputy Speaker, antretan ki Minister i bezwen esper en nouvo konblaz ganny fer, eski Minister pe konsider petet pour bann biznes ki annan inovasyon e ki pou anmenn en pri rediksyon pour bann kliyan, pour bann dimoun ki bezwen sa servis, eski sa bann kalite biznes i pou annan en priyorite lo lezot aplikan ki pe espere?

Mersi.

 

MINISTER MICHEAL BENSTRONG

Mersi Onorab.

Mr Deputy Speaker, larepons i wi.  Parey mon’n dir, i annan en sistenm pwen ki nou donnen.  E letan en dimoun i vin ek en lide inovasyon, son pwen ki i gannyen i tre eleve.  Ok.  So, i deza in ganny striktire dan lafason ki nou regard en proze letan i vin kot nou.

Mon anvi fer resorti osi tou, nou pe fer bokou sa legzersis letan nou pe devlop Perseverance.  Ok, nou pou napa en gran landrwa Perseverance parey nou annan Providence me selman sa lespas ki mon santi nou pou ganny earmark koman Zone Endistriyel Providence, sa i en keksoz ki nou pou met li dan son totalite akoz nou pou aprann bann mistake, bann fot ki’n arive Providence, pou nou koriz li a lavenir.  Nou pou tre, tre disiplinen lo kote inovasyon apre kapasite finansyel akoz nou remarke i annan bokou dimoun i pran, in ganny en bout later, i pa pe kapab devlope dan en dele letan ki nou’n donn li akoz finansman i napa sa kantite.  Kekfwa in over estimate son proze letan i ti pe fer son plan, avek realite letan in komans negosye avek enn de son bann partner pou li kapab fer son proze vin en realite.

Mersi Mr Deputy Speaker.

 

MR DEPUTY SPEAKER

Kestyon 33, Onorab De Commarmond.

 

HON CHARLES DE COMMARMOND

Mersi Mr Deputy Speaker.

Eski Minis pour Lenvestisman, Lantreprenarya, Devlopman ek Inovasyon Biznes pe konsider enkli bann Lotorite Distrik kot i annan Zone Endistriyel, ler sa Lotorite Distrik pe diskit keksoz konsernan sa rezyon oubyen sa distrik?

Mersi bokou Mr Deputy Speaker.

 

MR DEPUTY SPEAKER

Mersi Onorab pou ou kestyon.

Mr Deputy Speaker, sa i en pwen ki tre valab.  Mon tre apresye sa kestyon ki Onorab in met devan.

Dan lepase letan nou ti pe fer bann Komite oubyen Asosyasyon ki vwar loperasyon oubyen running bann Zone Endistriyel, nou’n plito get bann tenant ki pe okip sa Zone Endistriyel.

Mr Deputy, mon krwar i enportan, i tre, tre enportan pou nou include distrik pou travay tre pre avek Zone Endistriyel.  Mon pran legzanp Zone Endistriyel Providence ki bokou pli gran.

Mr Deputy Speaker, mon anvi fer Onorab konnen ki mon’n fini dyalog sa avek Lotorite e Lotorite pou pran kontak avek distrik, kot nou pou fer sir ki Providence ki bord avek Cascade, nou pou fer sir ki reprezantan Cascade i on board.  Mon santi ki distrik osi ki pre avek Providence se Roche Caiman.  So, nou bezwen osi pran kontak avek Roche Caiman pou osi on board, ki en fason ki letan nou pe vwar bann aktivite ki pe pase dan Zone Endistriyel, distrik osi i kapab kontribye e anmenn bann lide, oubyen si i annan en issue ki pe debord dan distrik, at least i kapab kominik sa avek Lotorite ki pe ansarz Endistriyel.

Mersi Mr Deputy Speaker.

 

MR DEPUTY SPEAKER

Bon, Minis in dakor ek sa demann.  Okenn kestyon siplemanter, Onorab?

 

HON CHARLES DE COMMARMOND

Wi, en pti kestyon siplemanter.  Ki lavites sa pou ganny enplimante?

Mersi.

 

MINISTER MICHEAL BENSTRONG

Mr Deputy, mon’n fini fer sa depi yer.

Mersi Deputy Speaker.

 

MR DEPUTY SPEAKER

Bon, avek sa nou fini kestyon pour Minis.  Nou ava remersye li en son PS e nou ava ekskiz zot parmi nou.  Lezot Manm nou reste pou nou pran sa PNQ.

 

Minister and his delegation were excused from the House.

 

 

MR DEPUTY SPEAKER

Bon, nou a swet labyenveni Minis St Ange e son delegasyon parmi nou, pou li vin reponn sa PNQ ki’n ganny table par Lopozisyon.

E mon ava envit Onorab Monnaie pou demann son kestyon.

 

HON FRANCHASCA MONNAIE

Mersi Deputy.  Bonzour Minis.

Minis, en Zournal ki afilye avek en Parti Politik, in fer resorti semenn pase, en lartik lo size en cheque ki’n ganny adrese lo ou non, sorti kot Beach Comber Ste Anne Resort.  Eski Minis i kapab eksplik sa Lasanble e piblik an zeneral an detay, akoz sa cheque in ganny adrese lo ou non?

Mersi.

 

MINISTER ALAIN ST ANGE

Mersi bokou Mr Deputy Speaker.

Mr Deputy Speaker, sa Private Notice Question table par Leader Lopozisyon, pe rod leklersisman lo en peyman par Lotel Ste Anne, pour en valer R100 mil.  Leader Lopozisyon pe rod detay akoz sa cheque in ganny adrese lo mon non, koman en Minis dan Gouvernman du jour, sa pa trouble mwan, sirtou akoz nou pei fek adopte en propozisyon pour en Anti-Corruption Commission e latransparans i touzour enportan pour pei e pour nou pep.  Mon kontan ki ou’n anmenn sa PNQ Onorab, dan lespri latransparans.  E sa a servi koman en platform pou adres bann ki pas zot letan denigre lezot lo Zournal, dan speech politik lo laplenn, lo Social Media kot bann keyboard warriors i kasyet deryer zot screen computer.

Pou komanse, mon bezwen fer en lobzervasyon lo bann lartik ki’n ensinye en akt koripsyon in kapab pran plas lo sa peyman ek nominasyon en Cultural Ambassador an Frans.  I annan ki pe viv dan koripsyon e alor vwar tou aksyon lezot koman bann akt koronpi.

Norbert Couvreur in fini son manda Lotel Ste Anne e mon ti enn ki ti konnen kote son prosen posting ti pou ete.  Alor, mon pa ti oule perdi en loportinite pou larg lanmen Seselwa e ouver laport pour nou bann zenn sportsmen ek madanm.  Mr Couvreur pe al diriz en Lotel an Frans ki atase avek en Sports Training Facility pour bann gran profesyonnel dan lemonn sports.  Kot Minister Tourizm e Kiltir, nou ti mazin lazwa nou bann zenn pou tap boul avek en profesyonnel dan domenn sports ki zot vwar zis lo Televizyon, swa partisip dan en sesyon lantrennman avek en sportsman profesyonnel.  Eski sa i kiltir?  Pour tou Seselwa ki lanvi vwar son pei progrese, repons i tou senpleman wi.  Nou kiltir se nou pep.  Nou napa kiltir si nou napa en pep e ouver laport pour nou pep se ouver posibilite fer grandi nou dimoun.  Avek en group sportsmen Bel Air, nou’n fer zermen lide pour sa msye Couvreur servi sa nouvo Lakademi Basketball Bel Air koman sa lyezon ant sportsmen ek madanm ek Minister responsab pour Sport, pou swazir sa bann kandida ki pou al pas en sezour an Frans, ler sa profesyonnel dan son disiplin sportif pou dan sa Lotel.  Sa sete pour ki Gouvernman koman fasilitater, i ofer loportinite pour son pep ek les sa Lakademi Sports prive dan nou pei bouze.

Sa pa’n fer plezir enn de dimoun e zot in komans gronnyen e gele.  Zot ti bezwen komans aprann tir politik e les Seselwa epanouir.  Zot in esey denigre sa personnalite, fabrik koripsyon kot napa e akoz politik, wi.  Akoz sa politik, comme dit Mr Mancham, saboule.  Zot in zis rate, fer mank loportinite nou bann zenn pou epanouir akoz sa deal pour bann Seselwa sportsmen ganny sa sans al an Frans ti pe al ganny kennsel akoz lensilt par bann politisyen ki pe aspire lead sa pei.  Eski se sa ki Sesel i bezwen?

Anbasader kiltirel i pour bann etranze ki kapab ouver laport pour nou dimoun.  Sa pozisyon i volonter.  Savedir napa peyman pour personn.  Pa tou dimoun ki zis vwar larzan koman sel rezon pou fer keksoz pour dimoun.  Bann ki pa form parti solisyon pour nou pei e pour nou pep e ki kontinyen detrir loportinite pour son pep, se zot ki vre problenm dan nou pei.  Eski Mr Norbert Couvreur a peye pou ganny sa tit onorer?  Non.  Sa tit i ganny donnen e in kontinyelman ganny donnen toultan san peyman e Minister i reste ouver toultan pou sizesyon lo dimoun ki kapab ede, ed nou koman en pei, koman nouvo Culture Ambassador.  Sa nominasyon i reste pour en peryod letan e si zot pa delivre, zis zot lapwentman pa ganny renouvle.

Nou annan en dezyenm sa bann nominasyon onorifik.  Sa se bann Tourism Ambassadors.  Sa enn i rezerve zis pour Seselwa ki aletranze.  Nou tou nou konnen ki nou kapab tir en Seselwa dan Sesel me nou pa kapab zanmen tir Sesel dan en Seselwa.  Sa group i annan ozordi apepre 80 zot dan 4 kwen lemonn e zot sel bi se pou travay dan zot vwazinaz, dan zot kominote e vilaz kot zot pe reste ouswa travay, pou gard Sesel vizib e pou defann pozisyon Sesel koman en meyer destinasyon touristik.

Mr Deputy Speaker, fer en keksoz pour ou pei e pour ou dimoun pou toultan anmenn kritik.  Pa fer nanryen, i fasil.  Zis kritik tou keksoz i pli fasil ankor akoz sa bann dimoun napa responsabilite e finalman, pa’n zanmen achieve nanryen.

Mr Deputy Speaker, avek ou permisyon mon a bouz lo sa topik koripsyon.  Peyman par en cheque, en konpani, i en peyman ofisyel.  Koripsyon pa fer par tyek, tandis ki al devan lakaz en gro businessman par egzanp aswar pou al anmas en bann milyon Roupi dan bann sak papye, an pan-san ki personn pa vwar ou, sa se koripsyon.

 

(Applause)

 

MINISTER ALAIN ST ANGE

Mr Deputy Speaker, letan Seselwa pe trimouse.  Wi Mr Deputy Speaker.  Letan Seselwa pe trimouse, vre koripsyon pe pran plas, wi.  E sa parey sa peyman ki Mr Ralph Volcere ti dekrir dan son Zournal Independent.  Sa sete pli gro koripsyon ki Sesel in deza vwar ek eksperyanse an cash.  Sa bann pake milyon dan sak papye ki’n ganny anmase aswar, Weekly pa’n zanmen ekrir lo la ditou.  Selective memory.  Sa ou a dir mwan Mr Deputy Speaker.  Selman, ler Nancy par egzanp kot Lotel Ste Anne i ganny ankouraze pou partaz lenformasyon gannyen kot i travay, sa Weekly i taye pou ekrir lo la.

Le 10 Me sa lannen, Lotel Ste Anne ti fer en tyek nimero 001128 pour R100 mil.  Sa ti fer swit a en lakor ant Lotel Ste Anne avek Iteur Beau News, Sa Lorganizasyon Medyatik Enternasyonal.  General Manager Lotel Ste Anne i ekrir lo sa peyman comme swit.

“Cette societtee de presse en ligne, avek laquelle nous avons passer en contrat en Aout 2015, porter sous la couverture en plusieurs reportages de la Beach Comber Adventure 2015.  Notre evenement far en matieres commerciales.  Huteur Beau News nous avais demander d’effectuer le paiement de la somme convenue en Roupies Seychelloise a Mr Alain Ste Ange, en l’occurrence vous, son representtant aux Seychelles.’

Huteur Beau News li son kote, li i ti ekrir lo sa saga Weekly comme swit.

‘You have been our agent in Seychelles, referred to as ETN Embassador for many years.  Initially, you covered our successful Indian Ocean column in the mid 2000.  It was also known as the Ste Ange Indian Ocean Report.  Due to your effort, ETN is now rightly regarded as a source and expert on issues relevant to the Indian Ocean region.  Due to your effort also, many tourism enterprises were able to get worldwide recognition and visibility through our extensive network.  The incedent referred to by the Press in Seychelles was for a payment of 7650 Dollars, or Seychelles Rupees a huhdred thousand, invoice by us, September 2nd 2015.  The invoice was generated after a negociation with Norbert Couvreur of Beach Comber Hotel, to use our extensive partner network in Europe, to get awareness for the Beach Comber worldwide, with a focus on France and Belgium and in accordance with an agreement we made at the French Tourism Fair.  The project was for the 2016 Beach Comber adventure campaign.  Thank you for collecting a payment for this invoice.  It settle the invoice number 1381 for Ste Anne Beach Comber Resort.  I am attaching a paid invoice copy for your record.  ETN’s concept to work with Tourism Ambassadors like you and all over the world is key to our success.  It allows us to truly operate on the global market place.

Mr Deputy Speaker, pour plis leksplikasyon ankor.  Lo invoice ETN date le 2 Septanm 2015, i paret.  Local Seychelles representative, authorised to receive payment in Seychelles Rupees as discussed.  Please pay ETN Tourism Ambassador Alain St Ange.

Sa se bann fe Mr Deputy Speaker e Leader Lopozisyon.  Sa se larealite.  Pa sa ki Weekly in ekrir akoz sa ki pou zot ti zis en lartik ki ankouraz rimer ek mansonz.  Sa i kree, sa still dan Weekly i kree laenn ek latmosfer divizyon ki fer soufer sa Seselwa ordiner.

Dimans pase Mr Deputy Speaker, Mr Wavel Ramkalawan in osi li personnelman koz lo sa size avek lakoler dan son rally.  Akoz i ti ankoler, mon pa tro konnen me son latak lo mwan sete plito pou esey kouver sa gro sak larzan ki en bann gro businessmen ti donnen dan dernyen Eleksyon.  Sa lakoler, son mansonz, son laenn ki vin avek pe zis kree divizyon dan Sesel e parmi Seselwa.  I ti demande ki mon reponn kestyon.

Mr Deputy Speaker, ozordi devan Sesel e devan reprezantan pep Seselwa, mon’n fer li e mon pe fer li.  Me dimoun ti osi demann repons lo bann milyon larzan ki ti ganny donnen par sa businessman, me Mr Ramkalawan li, apre ki i demann mwan pou reponn kestyon, li i ti zis nil by mouth.

Madanm Vivienne Soundy, Trezorye SNP ti osi demann kestyon lo larzan son Parti, me ankor in zis nil by mouth.

 

(Applause)

 

MINISTER ALAIN ST ANGE

E sa ti fer ki madanm Soundy, en businessman Seselwa, ti resign an protes.  Apre sa resignation, bann Zournal in kontinyen demann kestyon larzan SNP, ki larzan tou Manm SNP.  Koripsyon ozordi i partou e sa bann keyboard warriors i bezwen realiz sa.  Pran sa msye Bel Air ki son pti garson i pas son letan denigre dimoun, enkli mwan lo Facebook, enkli lo sa zafer Ste Anne.  Malerezman pour sa zenn garson, i ti devret pas plis letan get pli o profon, lo en bann pli gro akt koripsyon ki son prop papa ti met dan listwar Ladwann Sesel, ler i ti arive fer antre en bann container Whisky, avek led en businessman Morisyen.  Sa koripsyon fer antre, sete en akt koripsyon me sirtou son abilite pou navige, pou arive anpes li ariv Ankour.  Wi Sesel.  I konnen ki i ti tonm azenou e demann pardon.  Pourtan bann pti Seselwa, pour detrwa boutey sa menm Whisky, i ganny taken to task.  Koripsyon Sesel i osi vin dan tou form.

Mr Deputy Speaker, mon dir sa a sa menm zenn, sa keyboard warrior Bel Air, ki li pa’n zanmen travay menm ki in al Liniversite.  Koripsyon se ler en dimoun i arive pa ganny anmennen Ankour pour lofans bann akt seksyel grav ki tonm dan kategori molestasyon.  Koripsyon se manev sa dimoun pou reste a-lekar Lalwa, menm si sa msye li i ti ekrir bann zenn fiy tre anba laz e eksplike ki i pou fer avek zot e ofer larzan, let dan son prop lanmen.  Eksplisit, grosye a en nivo ki fer fremir.  Bokou ti dir kopi sa let pou pous prose Legal neseser devan.  Bokou dimoun ordiner pe ganny kondannen pour bann akt seksyel ki pa osi grav ki sa enn ki sa dimoun Bel Air ti fer.

Zis get an Lanmerik Mr Deputy Speaker.  Bill Cosby pe ganny zize pour bann akt similer.  Bann akt fer en ponnyen lannen pase.  I pa’n zanmen tro tar pour bann ki’n soufer, mon dir a sa zenn keyboard warrior, pou vwar lazistis.  Son lafors larzan in kree koripsyon dan sosyete e i pa ankor fer fas a lazistis.

Pti garson Mamode, bann Moosa, li dan son zarden fler La Misere, li osi i pas tou son letan e zanmen mank loportinite pou atak dimoun lo son keyboard.  Nou annan bokou sa bann gerye dan Sesel ozordi.

Mr Deputy Speaker an terminan, byen malaki pa zanmen prospere.  Loto aste avek cash i write.  Lot i vwar li mizerab, apre menm avek son ta larzan ki’n ganny anmase dan sak papye.  Sesel i bezwen senserite.  Sesel i bezwen linite.  Sesel i bezwen en latmosfer ki kree en loportinite pour son pep.  Change is coming zot kriye me changing the face, changes nothing.  Facing the change, changes everything.  En gran nob ti ekrir.  Nou annan one Seychelles e nou reste one people.  Se pour-kwa mon ti kontan lir lo Times semenn pase, lo latmosfer linite ki Mr Patrick Pillay ti pe advocate.  Sa se menm lapros ki Mr Philip Boullee, madanm Amesbury zot osi zot in anvoy sa lespwar deor.  Nou bezwen nou Sesel i reste one Seychelles.  I napa plas pour divizyon e laenn atraver mansonz ki pe ganny parsenmen par Mr Robert Ernesta e Mr Wavel Ramkalawan.

Mersi Mr Deputy Speaker.

 

MR DEPUTY SPEAKER

Onorab Monnaie, okenn kestyon siplemanter?

 

HON FRANCHASCA MONNAIE

Mersi Deputy.

Minis, koman en Minis, eski ou pa an konfli lentere pour ou en reprezantan eTurboNews e osi en reprezantan Gouvernman?

Mersi.

 

MINISTER ALAIN ST ANGE

Mersi Mr Deputy Speaker.

Napa okenn Lalwa ki dir en Minis pa kapab fer en travay.  Premyerman.  Dezyenmman mon eter………. News Ambassador Sesel, koman zot reprezantan ofisyel depi bann lannen 2000, byen avan ki mon ti antre dan Gouvernman e napa nanryen ki mon fer, ki donn mwan en lavantaz finansyel personnel pour mwan.  Mon ganny lavantaz kantmenm pour pei e pour tou Seselwa ozordi, ki benefisye direkteman ou endirekteman avek Lendistri Tourizm, akoz mon en ETN Ambassador.  Mon kapab toulezour asir Sesel ki ler ou tap Google Alert bomaten, ou vwar Sesel e ou vwar Sesel e se pour sa rezon ki Lendistri Touris nou pei i mars osi byen.  Nou kapab annan bann ptipti nouvel dan pei ki pa neseserman pou zanmen fer nouvel dan lemonn me ler nou arive met li deor, i fer ki Lendistri Touris Sesel i reste vizib.  E ler ou vizib, ou reste relevan e ler ou relevan, i marse e lekonomi i bouz a lavan.

Mersi Mr Deputy Speaker.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mersi Mr Deputy Speaker.

Mr Deputy Speaker, alegasyon koripsyon i en alegasyon tre, tre serye.  Eski Minis i kapab eksplik nou Lasanble, how much i kapab fer koripsyon avek en tyek konmsi e prezan donn osi, donn nou en pti lide son listwar avek sa eTurbo la, eTurboNews la.  Eski i benefisye bokou Sesel sa, ouswa pa benefisye ditou?

E dernyen-man, sa aksyon par sa staff Ste Anne e konmsi, eski i en aksyon ki i normal dapre li?  Eski in en aksyon ki koronpi anba Lalwa Lanplwa aktyel?  Ki i annan pou dir avek tou sa alegasyon?  Mersi bokou.

 

MINISTER ALAIN ST ANGE

Mersi Mr Deputy Speaker e mersi Onorab De Commarmond.

Premyerman mon a komans ek sa enn dernyen.  Wi.  Ler en staff e ankor pli pir, ler i ganny ankouraze par politisyen pou zot pran en lenformasyon dan en Lotel, ki en lenformasyon prive pour sa Lotel e la sa enn, malerezman pour li, tou staff i konnen.  I konnen se li.  I dan Larelizyon e en zanmi avek en politisyen, li in fer en akt.  En akt vreman koronpi.  Menm kriminel devan Lalwa nou pei.  Ou napa drwa pran lenformasyon a lenteryer e parsenm li deor.  Me mwan, mon plito fer lapenn.  Sa madanm i fer mwan plito lapenn.  To ou tar, Lotel pa pou kapab tenir en dimoun ki pa travay dan lentere Lotel.  Ozordi in donn lenformasyon en Parti Politik.  Demen ler i pou rod travay, sa Parti Politik pa pou la.  Nou’n vwar sa sitan dan lepase e i pou vwar  li tousel.  E a-lafen, se kot Gouvernman ki i vini pou dir ed mwan ganny en travay me son repitasyon i brile ler i fer sa.  I Sali son repitasyon sitan, ki a-lafen i pou lo lapay e i pou bezwen al fer politik avek bann dimoun ki’n servi li, me sa bann dimoun to ou tar ler nepli annan rezondet annan ou, i larg ou a-lekar.

Dezyenmman, mon afilyasyon avek eTurboNews Onorab De Commarmond, ti komans en pake lannen pase.  Sa letan ler mon ti Lazans eTurboNews, koman en Reporter sa letan, komans koumsa.  Mon ti anvoy nouvel lo Sesel, mon’n donn nouvel tou sa ki ti kapab panse lo Sesel sa lepok.  E progresivman zot ti dir, akoz ou pa fer ou fer nouvel Losean Endyen, ki donn ou bokou plis konpetans.  Ou kapab fer li.  So, mon ti kontakte bann Minis dan bann larezyon e dir zot, se mwan prezan ki responsab pour Losean Endyen e si zot oule pas en lenformasyon ler zot pe fer en deklarasyon, nou a fer li volonterman.  Bann Lotel, bann Lendistri Touris sa bann zil ti sot lo la e ti anvoy nou regilyerman.  A-lafen, eTurboNews ti deside dan enn zot bann meeting, nou a sanz sa fason, nou a fer li vin The Indian Ocean Report by St Ange.  E sa si ou Google Mr Deputy Speaker, tou manrmay lekol ozordi Sesel i Google.  Google St Ange Indian Ocean Report e zot a lir tou sa bann column ki’n sorti pandan en bann lannen.  Ler mon ti antre koman Direkter Tourism Board, mon ti dir mon nepli kapab fer The St Ange Indian Ocean Report, sa i pou vin en konfli avek mon bann koleg dan larezyon akoz sa letan mon ti pe menm ekrir lo lakot Lafrik, ki tou dimoun ki dan sa basen Losean Endyen, nou ti kapab take them to task, or nou ti osi kapab fer ede, fer grosi touris dan sa basen Losean Endyen.  Ozordi mon fer sa menm travay en pe atraver Ille Vanille, kot olye ekrir kolonm, mon servi mon pozisyon Minis pou asiz ek lezot Minis, pou fer grosi sa basket touris dan Losean Endye.

Me ki lavantaz sa in anmenn pour pei Mr Deputy Speaker?  E Onorab De Commarmond, mon salye ou kestyon akoz i fasil pour Seselwa ozordi, menm bann ki pa kontan mwan, pou dir wi, pei, lekonomi i for.  IMF ek World Bank fek dir resaman ki tourism i over-perform dan nou pei.  I over-perform akoz en keksoz i fer li marse e nou napa larzan Sesel.  Nou napa sa larzan pou pey piblisite tou le semenn, tou le mwan pour lannen apre lannen.  E zanmen nou pou annan larzan pou nou compete ek bann pli gro pei.  Nou tro pti e nou popilasyon avek nou 90 mil dimoun pa kapab sustain sa kalite depans ki nou annan pou fer.  Nou bezwen toultan pe rod en fason pou nou antre ek Lapres e se pour sa rezon ki depi ler ki mon in office, ki Prezidan Michel ti met mwan dan sa pozisyon, mon’n reste Press friendly e mon’n travay ek Lapre dan tou kwen lemonn.  Premye keksoz ki mon fer ler mon ariv dan en nouvo pei lo en Misyon, se mon annan en Konferans Lapres son lannmen bomaten, pou eksplik en pe, mon dan sa pei e ki mon pe vin fer.  Sa in donn nou sa kouvertir.  Me me of course, mon annan en lavantaz ki bokou dimoun ni Sesel, ni mon bann koleg Minis napa.  Mon annan zis pou mwan dir avek eTurboNews ki enn zot konponan.

Zot annan en dezyenm konponan ki apel For Immediate Release.  E sa se si ou tap For Immediate Release an 3 mo, ou pou vwar i annan en lot sit e sa sit li, i pour Lapres dan tou lemonn antye.  I parey en pe Reuters ki donn lenformasyon a Lapres toulezour, san leksepsyon apartir Dimans.  Zis Dimans nou pa fer li akoz son readership i pli ba.  Sesel i paret lo toulede sa konponan.  eTurboNews avek For Immidiate Release.  E sa ki i fer?  In gard Sesel vizib.  In fer ki Lendistri Touris Sesel i marse, i fer ki pep Seselwa i travay e i fer ki pep Seselwa, son lekonomi i reste for.  Eski i annan lavantaz pour nou?  Wi.  I pa en lavantaz pour mwan, apard ki Minister ki mwan mon responsab.  Ki Prezidan in met dan mon lanmen pou dir mwan travay avek ou lekip.  I mars byen.  I mars byen akoz mon’n servi.  Mon’n servi en atou ki ti dan mon lanmen e mon’n fer li pour pei, pour tou Seselwa.  Si sa ti en krim dapre Mr Robert Ernesta, then mon krwar i bezwen real Legliz pou li reget en kou kisisa ki pese e kisisa ki pa pese.

Mersi Mr Deputy Speaker.

 

MR DEPUTY SPEAKER

Bon, nou’n ariv a-lafen nou PNQ.  Nou a remersye Minis e son delegasyon e ekskiz zot parmi nou.

Lasanble i adjourn e nou ava repran 11:15.

 

(BREAK)

MR DEPUTY SPEAKER

Bon, nou a move on avek bann items lo nou Order Paper. E avek nou, nou annan Minis pour Zafer Entern, Minis Bastienne avek reprezantan AG’s Office.  Nou a swet zot la byenveni parmi nou.  E Minis i la pou vin prezant Penal Code (Amendment) Bill, 2016.  E mon a ganny en Motion for Second Reading.

 

HON MARIE-ANTOINETTE ROSE

Mr Deputy, anba Order 64(2), mon move ki nou lir sa Bill en Dezyenm Fwa.

Mersi.

 

MR DEPUTY SPEAKER

Okenn Manm ki segonn sa Mosyon?

 

HON CHARLES DE COMMARMOND

Mon segonn sa Mosyon Mr Deputy Speaker.

 

MINISTER CHARLES BASTIENNE

Mr Deputy Speaker, Manm Onorab bonzour.  Bann lamannman ki mon pe propoze dan sa Kod Penal i konsern plizyer kalite lofans ki annan pou fer avek frod lie avek Automated teller machines, bann masin ki nou apel ATM. Sa bann lamannman i neseser akoz pandan mwan Zilyet, Out ek Septanm lannen pase e osi boner sa lannen.  Sekter Banker dan pei ti ganny afekte swivan diferan lesey ki ti ganny raporte comme crois dimoun ti pe fer frod lo bann masin ATM.

Detay bann kliyan ki servi kart Labank ti ganny, oubyen in kapab ganny konpromi vi ki bann fraudsters ti pe servi bann lekipman modern parey card cloning devices pou entersepte bann detay kont Labank plizyer kliyan.  Lapolis ek lezot Lazans konsernen ti deswit entervenir pou esey detekte e menm anpese ki sa bann tel frod pa ganny komet.  Bann ki ti responsab pou sa bann frod ti ganny arete apre ganny sarze.

Sa bann lensidan in fer nou konstate ki Lalwa dan Sesel pa azour.  Lefe ki pa neseserman kouver bann kalite frod parey.

Serten sispe ki ti enplike dan sa bann tel lensidan ti swa ganny large oubyen deporte san kondannasyon.  An rezilta sa, Gouvernman ti vwar li neseser pou evalye bann Lalwa ki annan an plas e i sa rezon akoz sa bann Lamannman dan Kod Penal ki mon pe prezante ozordi.

Avek zot laprouvasyon i pou aprezan en lofans si en dimoun i komet bann tel frod.  Lofans i varye depandan lenplikasyon sa endividi oubyen okenn group dimoun ki enplike dan bann tel lensidan frod.

Mr Deputy Speaker, mon pou pas lo bann sarz anmezir ki nou tous lo plizyer kalite lofans ki kapab asosye avek bann lensidan frod lo masin ATM.  Aktyelman Lalwa i fer provizyon pou kriminaliz frod, fraudry fo dokiman, fo sinyatir e osi vol.  Sa ki nou apel theft. Me sa bann lofans i ganny ankadre dan bann tenm zeneral e Lalwa pa kouver frod ki ganny komet atraver bann nouvo mwayen teknolozi parey bann tranzaksyon ki ganny fer dan en fason elektronik oubyen sa ki nou apel digital money.

Mr Deputy Speaker, aprezan anba Seksyon 363 B, en dimoun ki annan lentansyon oubyen pan ganny permisyon pou fer bann aksyon swivan, setadir repar, aste, vann, eksport an deor Sesel oubyen enport dan pei.  Oubyen ki an posesyon okenn lekipman oubyen materyo ki kapab ganny servi, ganny adapte, oubyen annan lentansyon servi sa lekipman pou swa enn, kopi oubyen pran serten lenformasyon personnel ouswa B. fer frod oubyen prodwi fo lenformasyon personnel.  Setadir bann identity information.  Dan tou lede ka zot pe promot en lofans e si zot ganny trouve koupab zot pou pey en lanmann pa plis ki R500 mil avek en letan prizon 22an prizon oubyen tou lede.

Anba seksyon 363 C, en dimoun ki annan lentansyon oubyen ki napa Lotorite pou servi okenn device dan en computer oubyen enterfer avek en computer e sanz, azout oubyen retir parti sa computer avek lentansyon pou kopi, tir portre e lenformasyon personnel lo sa computer pe osi komet en lofans e menm lanmann, menm santans prizon i aplikab.

Anba Seksyon 363 D, en dimoun ki annan lentansyon oubyen ki napa lotorizasyon pou fer sa bann keksoz swivan.  Enn, direkteman oubyen endirekteman ganny en servis computer atraver bann mwayen parey ki nou apel electro, magnetic, acoustic, mechanical oubyen lezot lekipman ki kapab entersepte direkteman oubyen endirekteman okenn fonksyon en computer.

Oubyen dezyenmman ki servi direkteman, endirekteman en computer avek lentansyon pou komet en lofans an relasyon avek bann lenformasyon lo en computer.

Trwazyenmman, servi, posed, trafik dan en computer. Oubyen permet en lo dimoun annan akse avek en computer oubyen password ki pou permet en dimoun komet en lofans.  E ankor la lanmann R500 mil, 22an prizon oubyen tou lede.

Anba Seksyon 363 F.  I osi en lofans pou en endividi ki pe fer trafik ilegal distribye e vann bann lenformasyon personnel oubyen annan dan son posesyon lenformasyon ki’n ganny atraver bann aksyon ki mon’n mansyonnen oparavan.  Sa osi menm santans R500 mil, 22an prizon oubyen tou lede.

Mr Deputy Speaker, fodre fer note ki sa bann lofans ki mon’n fer mansyonnen pou ganny trete comme cois zot in ganny komet isi Sesel si i annan omwen en lyen signifikan avek Sesel.  Par egzanp si sa akize ti dan pei letan i ti komet sa lofans.  Dezyenmman, si sa computer ti dan Sesel ki annan sa bann lenformasyon ouswa progranm ki sa akize in servi oubyen annan lentansyon servi san lotorizasyon pou ganny akse avek bann lenformasyon lo sa computer.

Mr Deputy Speaker, mon demann ki Lasanble? Nasyonal i aprouv bann lamannman ki dan sa Kod Penal konsernan frod lo bann ATM.

Mersi.

 

MR DEPUTY SPEAKER

Bon deba i ouver lo prensip e merit zeneral sa Bill. Onorab Marc Volcere.

 

HON MARC VOLCERE

Mersi Deputy Speaker.

Mr Deputy Speaker, ozordi bomaten nou Lasanble pe ganny demande pou aprouv serten lamannman dan nou Kod Penal ki vreman enportan pou sekter finansyel nou pei.  Menm si bann lamannman ki aparet dan sa morso Lalwa napa gran mansyon lo Sekter Finansyel oubyen napa gran mansyon lo larzan li menm me an zeneral ler nou get son bann objects and reasons nou vwar klerman ki en gran parti pe donn proteksyon Sekter Banker an relasyon avek bann frod ki kapab ganny komet lo bann automated machines, oubyen sa ki nou, nou apel bann ATM.

Mr Deputy Speaker, parey nou konnen isi Sesel se bann Labank ki enstal e zer bann ATM. Apart ATM nou osi annan bann point of sale.  Bann masin ki ganny servi par diferan letablisman ki aksepte bann peyman avek bann diferan kart pou bann diferan servis ki zot ofer.

Pandan bann dernyen lannen nou’n vwar en gran logmantasyon dan sa bann tel fason fer peyman.  Mon panse ki sa lalwa i a osi protez bann tel krim ki kapab ganny komet par bann dimoun ki’n servi bann kart ki’n ganny fer anservan mwayen ki sa Lalwa pe koz lo la.

Mr Deputy Speaker, sa bann lamannman ki devan nou petet parey Minis in dir nou in ariv en pe an retar akoz in deza annan bann ka ki nou pei in pas ladan.  Me akoz nou ti napa Lalwa apropriye nou pa’n kapab fer gran keksoz.  An dot mo sa bann dimoun ki ti ganny atrape pe komet sa bann lofans in bezwen zis ganny large e byensir lefe ki zot ti bann etranze zot in zis selman ganny deporte.

Me Mr Deputy Speaker, parey i souvandfwa ganny dir, i pa zanmen tro tar pou fer byen.  Ozordi nou kontan ki sa bann lamannman in ariv devan nou Lasanble pou nou kapab diskit lo la e byensir aprouv zot akoz zot vreman enportan pou nou sosyete.

Mr Deputy Speaker, pou mwan mon ti sagrinen ler mon ti tande ki apre ki nou tin kapab reisir atrap sa bann dimoun ki ti pe komet bann tel lofans lo bann ATM, me apre nou ti bezwen larg zot akoz ti napa Lalwa apropriye pou nou pourswiv e kondann zot.  Mwan mon ti’n swete ki a sa moman nou ti ava annan Lalwa an plas pou ki alafen ki sa bann kriminel ti a’n kapab ganny kondannen pou krim ki zot tin komet.

Mr Deputy Speaker, konmsi i fermal en boug i vin vole kot ou, ou atrap li ek tou sa keksoz vole, tou laprev i la me apre ou pa kapab fer naryen ou bezwen zis larg li.

Mr Deputy Speaker, me toudmenm Mon ti a kontan felisit e remersi sa bann dimoun, bann lentelizans ki ti enplike pou fer sir ki bann kriminel ti ganny arete e alor anpes zot fer bokou plis domaz ki zot ti a’n kapab fer dan Sekter Finansyel dan nou pei.

Mr Deputy Speaker, mon osi profit sa lokazyon pou osi remersye e felisit Gouvernman atraver Lotorite Konsernen pou pa tro tarde pou vin avek sa bann lamannman apre ki zot in vwar sa mankman.  Alor Mr Deputy Speaker, mon pou san dout donn mon sipor pou aprouv sa bann lamannman ki devan nou.

Mr Deputy Speaker, i vre ki larzan i Bondye later.  Ozordi nou vwar zonm pe devlop tout sort kalite mwayen, tou sort kalite metod pou zot kapab ganny akse ek larzan.  Anmezir ki limanite i amelyor en bor, anmezir ki ou sey rod proteksyon pou en kote, zonm i sers lezot fason pou li kontinyen devlop lezot fason pou li kontinyen anrisi li.

Mr Deputy Speaker, dan lepase en fason pli komen ki zonm ti servi pou ganny akse avek en gran sonm larzan malapropo sete pou raid bann Labank.  Pou atak e kas bann Lenstitisyon Finansyel, me avek levolisyon e avek en sistenm sekirite pli dinamik zonm in sers lezot fason pou kapab akonpli zot rev, zot vorasite.

Ozordi nou vwar plizyer device, plizyer lekipman ki pe ganny devlope e pe ganny servi pou kapab komet bann aksyon pou ganny en larzan.

Ozordi ler nou get sa ki devan nou, nou vwar ki mannyer zonm pe servi son lentelizans pou fer ditor e pou enterfer avek sanmenm sa sistenm oubyen teknolozi ki swa li menm oubyen enn son frer in devlope.  A sak lepa an avan ki ou fer i annan en lot ki esey tou pou ariv pli devan ou.

Mr Deputy Speaker, vwar la ki ou vwar pe arive avek nou bann ATM Machins.  Letan nou krwar ki tou pe ganny proteze, nou sen e sof, me non.  I annan lezot lespri ki pe travay pou kapab destabiliz nou.  Kan sa bann keksoz i arive sa i fer nou sorti dan nou confort zone e i devret renouvle nou zefor pou kontinyen fer plis ankor.

Sa i osi montre nou ki nou devret pe toultan reste vizilan, reste touzour atantif lo sa ki pe pase otour nou.  Kot souvandfwa nou vwar oubyen nou tande ki annan keksoz ki pe arive dan tel ou tel pei, me nou parfwa panse ki sa pa pou zanmen ariv kot nou.  Me non Mr Deputy Speaker, lemonn i tro pti ozordi.  Fodre nou toultan reste alert e pran bann prekosyon neseser.

Mr Deputy Speaker, pou mwan sa Lalwa i straight forward e tin plis ki ler pou nou anmenn en tel Lalwa devan nou Lasanble.  A sa pwen mon a profite pou demann tou dimoun, tou bann dimoun ki servi ATM e osi bann lezot masin kot zot fer peyman avek zot kart pou toultan osi reste vizilan e pran bann kosyon neseser.  Zot bezwen fer sir ki zot PIN Code i reste konfidansyel.  Zot bezwen fer sir ki ler zot pe met zot code lo okenn masin ki zot p adonn sans okenn dimoun pou kapab idantifye li.  Sakenn de nou i bezwen pran maksimonm swen neseser.  An dot mo annou pran nou responsabilite.

Bann Labank, bann Lenstitisyon Finansyel i bezwen osi annan sa responsabilite e pran tou mezir e prekosyon neseser pou protez sa lendistri, sirtou zot kliyan.  Zot bezwen kontinyen rod bann meyer fason pou protez zot kliyan.

Mr Deputy Speaker, an vi ki sa Lalwa ki devan nou pe fer provizyon pou penaliz bann krim ki kapab ganny komet lo bann ATM, avan mon terminen mon ti a kontan dir, ki kan en dimoun i annan akse avek ou kart ek ou code dan son posesyon i parye konmsi i annan ou pers dan son lanmenm.  I pou kapab depans tou ou larzan ki mannyer i oule.  Alor i enportan ki nou ganny tou proteksyon neseser.

Mr Deputy Speaker, avek sa detrwa mo mon pou san dout donn mon sipor sa Bill. Mon remersye ou.

 

MR DEPUTY SPEAKER

Onorab Monnaie.

 

HON FRANCESCA MONNAIE

Mersi Deputy Speaker.

Mr Deputy Speaker, sa Bill ki devan nou ozordi i le entrodwi nouvo Seksyon dan Penal Code ki pou fer provizyon pou bann lofans an relasyon avek ATM fraude.

Mr Deputy Speaker, ATM fraude i global e pe kontinyelman evolye.  Sesel i devret annan provizyon dan Lalwa pou nou kapab prosekit sa bann kriminel frod kart banker.

An gro sa bann nouvo seksyon pou fer li en lofans, enn pou en lot dimoun an akse avek ou lenformasyon idantite ki’n ganny obtenir san lotorizasyon.  De, pou enn ki napa okenn Lotorite enterfer avek en masin ATM ouswa okenn aparey ki annan en koneksyon avek ATM pou obtenir okenn lenformasyon sistenm servis oubyen pyes masin.

Trwa, sa Lalwa in note ki menm en lesey ATM fraud lo later Sesel pou ganny trete koman en lofans.

Les mwan fer sorti Mr Deputy Speaker, ki sa Lalwa i la pou li en krim pou en dimoun vol ouswa menm sey vol lenformasyon finansyel e idantite en Seselwa.  Me i enportan pou tou Seselwa ki annan en kont Labank pou aprann sey protez zot lekor par pa les zot lenformasyon alatrenn.

Me pli enportan, bann Labank i devret met bann mekanizm an plas ki kapab sey protez kont banker bann kliyan.  An plis, rol Labank Santral i enportan akoz se Labank Santral Sesel ki annan sa manda pou met regilasyon an plas pou redwir risk frod ATM. En Lalwa i la pou prosekite apre ki en krim in ganny komet.  Me sa regilasyon ki la pou sey protez Seselwa.

Avek sa nouvo Lalwa, Seselwa ti a voudre vwar nouvo regilasyon ki fer tou Labank Sesel avek nil leksepsyon annan bann mezir an plas pou sey redwir risk frod.

Mon dir redwir risk akoz bann travayer banker i konnen ki nou pa kapab totalman aret ATM Fraud akoz sa bann kriminel i kontinyelman envant nouvo fason vol larzan zot kanmarad.  Me nou pa kapab les nou lebra tonbe.  Nou bezwen être proaktiv pou nou kapab reste azour avek devlopman teknolozi.

Legzanp ki mon kapab servi se ki sa Lalwa pa ti kouver spesifikman POS Card Machines.  Sa Bill ti nonm, si Deputy i permet mwan li an angle ‘any device including an automated teller machine or a group of interconnected or related devices’.  I vre ki sa bout related devices i kapab ganny enterprete pou reprezant okenn lofans ki enkli sa bann kad terminals. Me ler sa Bill ti pe ganny drafte, lide inisyal se ki nou ganny en Lalwa ki fer li en lofans pou fer frod ATM.

Sa bann letan kekfwa, mon pa ti la.  Ti napa personn pou dir ki parey ou kapab scheme lenformasyon lo en masin ATM, ou osi kapab scheme lenformasyon lo en POS Card machine.  Me la ozordi nou vwar ki sa bann mo deskriptif point of sale device in ganny enkli dan sa Bill.  E mon asire ki pou annan ankor bann lezot aparey ki kapab ganny azoute dan Lalwa alavenir.  Me i enportan pou reste azour avek bann scheme ki pe arive globalman e pou kontinyen fer lamannman e revi bann Lalwa.

Vizyon le fitir i enportan, me osi nou sityasyon aktyel i devret ganny priyorite.  Nou bann regilasyon banker ki an plas i mank spesifisite dan son proteksyon pou bann konsonmater servis banker.  En pti legzanp, en regilasyon i kapab dir ki en Lenstitisyon banker i bezwen annan bann mekanizm an plas pou protez son bann kliyan kont ATM/ POS Card fraud.

Me san donn bann opsyon valab bann Labank ki kapab met zot ATM Machine par la e dir ki in respekte regilasyon.  Me eski i vre, eski Labank i sekir kart banker ase pou dekouraz fraud cart.  Eski tou Labank Sesel i EMP compliant.  Pour lemoman zis 2 Labank ki EMP compliant, ki annan teknolozi chip and pin Sesel.  En trezyenm i ankor pe dousman vin zwenn sa lot 2 ankoz pa tou zot card ki chip and pin me zot pe sey sanz tou zot card alavenir.

Napa en eksper o monn ki pou dir ki être EMP compliant pou anpes frod cart.  Me i redwir risk frod.  Eski bann lokasyon ATM Sesel i sekir? Eski sa bann ATM’s i dan en landrwa anfermen avek sekirite.  Eski bann cameras i dan bann landrwa apropriye pou en dimoun pa kapab kasyet zot figir.  Eski sa bann Labank pe kontinyelman edik zot bann kliyan ki mannyer pou protez zot bann lenformasyon.

Parey sa Lalwa i en baz pou Sesel kapab prosekit sa bann kriminel frod kad banker, nou bezwen bouz pli devan e met en baz regilatwar ki reste azour avek bann devlopman global pou deal avek ATM post card fraud.

En pei ki proaktiv pou bezwen komans kot sours.  I annan bann pei ki’n ganny rekonnet koman bann pei kot lorizin frod i for parey Brazil, Indonesia, Nigeria, zis pou nonm 3.

Annou depi kot imigrasyon annan bann high risk nationalities ki ganny fouy lo zot lo erport.  Annou pa zis fouy lo Seselwa me fouy osi lo bann ki annan nasyonalite ki posibilite frod i o.  Sa bann etranze i vin an group.  De group i vin avek sa scheming machine bout par bout.  En lot bann pli tar i vin avek zot computer pou scheming.  Sa louvraz vey kot sours pa fasil, sa louvraz dir byensir i devret an kolaborasyon avek CID. Lentelizans kriminel i devret o lo azanda Sesel.

Nou telman pti kot bann gran kriminel i krwar i kapab vin vol nou fasil.  Se sa proaktivite se pou rod fason pou dekouraz sa bann kriminel.

Mr Deputy Speaker, se pour sa rezon ki nou bezwen en Lalwa an plas, nou bezwen annan sa bann kapabilite prosekite.  Annou pa pran sa labitid les keksoz arive avan ki nou reakte koman en palto fann deryer.  Ler nou vwar en mankman koman en pei nou bezwen adres sa mankman pou redwir e sey anpes maler arive.

Pou terminen Mr Deputy, mon pou vot anver sa Bill akoz i pe anmenn en nouvo Seksyon enportan dan defans Sesel kont en kalite frod ki lemonn an antye pe fer fas avek.  Sesel pa en leksepsyon.  I neseser pou annan Lalwa ki fer li en lofans pou vol ou servi ou enterfer avek idantite e lenformasyon finansyel en endividi.

Mersi Mr Deputy Speaker.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Deputy Speaker.

Mr Deputy Speaker, mon krwar devan nou ozordi nou annan en Prozedlwa ki ekstrememan enportan par lefe ki ler mon pe koze la, an se moman i annan someone somewhere ki pe mazinen ki fason i kapab fer pou li al vol larzan lo en ATM oubyen vol ou larzan ler ou pe al dan en restoran oubyen anywhere else.

E mon krwar i enportan pou nou sitye byen sa konteks ozordi ki nou pe viv ladan e akoz i enportan pou tou Seselwa, pe enport si ou pe servi prestige banking oubyen ou annan en kart kredi oubyen ou servi en debit card, oubyen ou ganny ou en pti saler.  Pe enport who you are ou …… pou ou ganny an take.  E mon ti a kontan la lo komansman zis sitye en pti pe sa an relasyon avek konteks ozordi.

Dizon par egzanp ozordi ou al lo en ATM, ou met ou card dan sa ATM pou tir ou larzan, i posib ki si in ariv tampering avek sa ATM ou lenformasyon kont banker, sa magnetic strip ki lo ou kart i ganny read e sa bann kriminel an vi ki sistenm ATM i mars esansyelman parey en sistenm computer lo en sistenm windows.  Sa bann kriminel i kapab hack into sa sistenm e apre retir sa lenformasyon ki ganny contain lo magnetic stripe.

Prezan ler i retir sa lenformasyon li i kapab re convert sa lenformasyon dan en lot kart.  Akoz ozordi mon menm kapab annan bann kit, aste bann lekipman ki mon kapab fer en credit card avek.  kot mwan.

So that’s who serious sa zafer i ete e ou kapab vwar ou a en moman donnen tou ou savings zis in disparet Labank.  Ou pou blanm Labank me ler Labank pou al verifye i pou dir ou pou vwar sitan kantite tranzaksyon ki pe pase lo ou kont e ou pa ni konnen ki pe arive.

E enn bann fason ki sa bann kriminel i fer se ki zot aste bann high value items.  Par egzanp en mont ser, en set lanmizik ser, en computer ser e apre zot re vann sa.  Menm si zot pou re vann li a en pri pli ba.  En R1000, R2000 pli mwens, pou zot, zot in fini benefisye zot.  Me ou ou’n perdi tou ler sa bann dimoun in fer sa.  That’s one possibility.

En lot posibilite ou al dan en restoran, sa boug i vin avek son pti device, ou met ou cart ladan without knowing si sa device i actually en certified device ki sa letablisman pe servi or who is bringing the device to you. E souvandfwa nou konnen nenport dimoun par egzanp, ou’n al avek ou fanmir, en lokazyon.  Ou pa pe port latansyon lo lekel ki pe donn ou sa masin.  I kapab the wrong person ki pe donn ou the wrong machine, ou met ou kart ladan, normal.  Ou vwar ou tranzaksyon i ale normal, me sa ler ki ou pa konnen ou se ki sa tranzaksyon ki ou’n fer in actually read tou lenformasyon ki annan lo ou kart.

E par lefe ki sa lenformasyon i en lenformasyon nimerik, i en lenformasyon digital, in fini tir sa lenformasyon, i lo en chip. I ale, re met sa dan en computer, re convert sa lenformasyon.  I ganny akse ek ou kont e ganny akse ek ou nimero kont e la i servi ou nimero kont ankor pou li fer frod avek.  So that’s how susceptible you are.

Mon pou donn ou en legzanp tipik Mr Deputy Speaker, mon’n fer pa mal resers depi ler mon’n konnen sa Lalwa pe vini.  Mon’n regard atraver diferan ziridiksyon.  Sid Afrik akote nou kot bokou Seselwa i al fer son shopping.  Ou al fer ou shopping Sid Afrik e ou antre dan en magazen ou bezwen be very careful avan ou pey ek ou cart, ou swipe ou cart.  Akoz mwan mon pou dir, in vin en pwen kot dan serten pei dimoun pe komans dir i pli ankourazan pou servi cash.

Kot bann Labank pa ti oule dimoun mars ek cash akoz posibilite ki ou ganny atake par en voler ler ou annan en kantite larzan lo ou.  Me in vin pli safe pou ou petet parfwa ganny atake pou sa pti git larzan ki annan dan ou pos ki rather ki ou al perdi tou sa larzan ki annan lo ou kot ler en dimoun i pran ou kart, i vol ou lenformasyon nimerik e i al avek.

That’s how serious sa zafer i ete ozordi e la moman ki mon pe koze la Mr Deputy Speaker, mon pe regarde lo internet, mon fek regarde la bomaten ankor, mon’n regard bann posting ki pe ganny fer la an 2016.  Just last month oubyen past 24hours dimoun pe poste lo bann diferan fason ki bann aktivite kriminel pe ganny fer lo la.  E fodre nou konpran poudir sa bann dimoun ki fer sa zot bann dimoun tre sofistike e zot pa fer sa zot tousel zot.  I en rezon ki fer sa e zot kapab vol from pei to pei.

So en keksoz ki prezan ou bezwen demann ou lekor se how safe are my ler mon al dan en laboutik, ler mon al somewhere mon pe pey avek mon cartAnd in truth be told ou ekstrememan a risk a okenn moman ki ou servi ou cart si ou pa pe port latansyon.

Mon pou donn ou en lot legzanp tipik.  Ou antre dan en laboutik, ou pe pey ek ou cart, marsan i okipe avek tou dimoun.  Let’s say son terminal in met lo son kontwar pou ou servi.  Li i okipe, ou, ou deryer laba.  En dimoun i pase, i temper avek sa device, zot konnen mannyer pou fer li, zot annan zot fason fer li.  Ou, ou pa konnen, marsan li i pa konn naryen, i swipe ou card, lo …….. ou lenformasyon in ale, ou pe perdi ou larzan ankor.

So i annan tout en risk ki asosye avek tranzaksyon ki ou pe fer atraver card e mon krwar aprezan par lefe ki bann Labank in ankouraz dimoun pou pa mars ek larzan akoz sa i ankouraz mugging, i ankouraz posibilite ki ou ganny atake.  In fer ki ou bezwen mars ek ou cart pou ou fer serten tranzaksyon senp.  E la kot issue i vini se ki, ki mannyer ou protez ou lekor e ki mannyer leta kot ou reste i met an plas bann mezir pou dir si en keksoz i arive ek ou, ki rekour devan Lalwa i annan pou ki sa dimoun ki’n komet sa lofans i ganny pini.

E parey nou kapab konstate, si ou regard Kod Penal ozordi as it stands i pa kapab deal avek sa bann sityasyon.  E se pour sa rezon ki dan son lentrodiksyon Minis in koz lo pou nou adres en mankman dan Kod Penal ki ozordi nou pa pe kapab deal avek en sityasyon ki tre konpleks, me tre serye pou tou dimoun.

Nou kapab konpran ki mannyer i kapab difisil pou en manman ki’n fek komans travay, fek komans anmas son larzan, i fek ganny son kart ATM. Pa tro, tro abitye servi ATM e mwan souvandfwa mon’n vwar dimoun ki al lo ATM. Pa tro, tro abitye servi ATM e zot vwar en dimoun la a dir ed mwan servi sa.  Sa dimoun i debout obor li, i vwar kot i met son pin, i montre li ki mannyer pou servi.

Sa deza ou pe met ou lekor at risk e mon krwar bokou dimoun in konstate, zot in vwar bann ATM in entrodwir 2 nespes ti zafer lo zot ATM pou esansyelman protez ou ler ou pe met ou pin pou ki en dimoun pa vwar ler ou pe met ou pin ladan.

En lot keksoz ki nou kontan fer.  Nou kontan par egzanp, ATM i rann nou, nou slip, kit li lanmenm.  Me parfwa lo sa slip i annan ou nimero kont.  E ou nimero kont i serye, akoz en dimoun ki ganny ou nimero kont i kapab servi li si in antre dan sa sistenm Labank.  I kapab servi li pou li antre dan ou kont malgre ki i annan sef gard.  Setou Labank pou dir ou, se ki malgre i annan safeguard, i osi annan kriminel ki li son louvraz li se asize depi bomaten ziska aswar 24 lo 24 pou rod tou fason pou li bat sa bann sef gard.

Se pour sa rezon ki mon kontan ki Gouvernman in vin avek en Lalwa ozordi ki pe sey adres en mankman dan sityasyon legal ozordi, dan konteks legal ozordi.

Me sa ki osi enportan dan sa Lalwa ozordi ki fer li al pli devan e la mon pa pe be descriptive about sa Lalwa akoz i annan Lalwa ki ou kapab argimante poudir i annan en merit oubyen i annan serten pour e serten kont.  Me ler en Lalwa i dan benefis dimoun mon pa konpran akoz Seselwa i espekte ki ou argimant tou Lalwa.  Ou bezwen argimant tou Lalwa, ou bezwen annan en lopinyon pour en Lalwa, en lopinyon kont en Lalwa malgre ki i en Lalwa ki pou benefisye ou.  E i sad ler ou tan politisyen an deor pe dir poudir sa bann Lalwa ki zanmen nou pou vot kont.  Be vwar la en Lalwa ki zot ti pou vot kont.

Vwar la en Lalwa kot en Lasanble kot i annan sa bann lopozisyon ki pe dir zot pou vot kont, ti pou vot kont.  En Lalwa ki ti prezan selman protez ou menm ou ki pe donn li lanmen pou vin politisyen pli prominan pou li vin devan.  Ou menm ou ki at risk i ti pou vot kont en Lalwa pou ou akoz i en Lalwa ki Gouvernman in anmennen.  Be Gouvernman i bezwen anmenn Lalwa pou protez tou sitwayen.  E mon pa konnen kan ki nou Seselwa nou pou kapab konpran ki i annan sa dinamik ki egziste e si nou pa pare pou nou pran konsyans ki pe pase otour nou, nou met nou lekor at risk par krwar i dan fo promes bann dimoun ki zot lentere se zis en lentere personnel.

Mr Deputy Speaker, bomaten ler mon pe regard lo internet, mon pe kontinyen fer mon resers pou aprofondir mon lekor.  Nou’n vwar pou dir par egzanp Sesel nou’n entrodwi phone banking e demen nou pou entrodwi lezot form peyman e nou pou vwar poudir Gouvernman pou bezwen kontinyen vin avek nouvo Lalwa.  E ou pou tann dimoun ki pou dir ou be akoz i pa ti anmenn sa in the first place. Me i pa kapab anmennen in the first place akoz li i pa kapab redwir tou devlopman, i pa kapab predict tou bann fason ki en dimoun pou rod fason pou break the law. And that is why ki nou bezwen respond with an appropriate masseur dan sa konteks ki nou annan pou nou fer sir ki we deal with a particular issue.

Me sa ki fer mwan pli sad Mr Deputy Speaker, petet ou ava dir mwan poudir this is not part of the subject, of the debate me selman mon pou sey press sa pwen.

Ou menm annan ou bann Avoka ki li i purport pou vin koz pou lepep, bann politisyen lopozisyon ki al defann sa bann menm dimoun ki’n vol lenformasyon lo kart sa menm Seselwa ki i pe donn li sipor.  Ki kalite konpleks nou annan, mon pa ganny en konpran.

Mon krwar it’s high time nou wake up e nou komans dir poudir be ekout en kou, annou gete ki sa bann dimoun pe sey dir nou in the first place.  E ler ou dir sa Avoka, ki mannyer ou pe defann sa boug ki li menm li in fer sa fot.  Sa boug i annan drwa pou reprezantasyon.

Me ou, ou annan en konsyans ou koman en Avoka non.  Koman en politisyen ou napa en konsyans.  Savedir ou pou vin en politisyen dan Lasanble ki ou konsyans pou baze dapre drwa legal ki en dimoun i annan.  Savedir ou pou en Avoka avan ki ou vin en reprezantan lepep.  But how can that be. Ki mannyer dimoun i kapab met son konfyans dan en dimoun koumsa.

Se pour sa rezon ki mon krwar sa Lalwa i permet nou osi demystify en pe sa bann lipokrizi ki egziste ler Gouvernman i anmenn en Lalwa ki esansyelman i benefisye tou Seselwa.

Me ce si dit Mr Deputy Speaker, i annan en lot eleman e mon krwar sa pwen i bezwen ganny fer pase ki ler en Lotorite, ler en Lazans oubyen en brans Gouvernans i zwe son rol.  En lot brans Gouvernans osi i bezwen osi zwe son rol egalman.  E la mon pou koz kareman lo rol ki Labank Santral i annan pou zwe an relasyon avek asire ki regilasyon ki annan pou protez kliyan bann Labank i ganny met an plas e ki bann Labank i abiye par sa bann regilasyon pou asire ki sa kliyan ki li i pe met son larzan dan sa Labank, ler i vin rod en loan ek ou, ou dir li lentere i that high, me selman ler son larzan pe ganny vole ou pa kapab met an plas safeguard ki pou protez li.

So, nou pa kapab annan depwa demezir la.  Ou pa kapab kontan larzan sa boug pou fer avanse ou biznes me selman ou pa pare pou protez larzan sa boug le ri avek ou.  So ou bezwen pare pou fer sa.  E ou par egzanp prezan, sa zofisye ki asize, ki asiz lo sa brans regilatwar.  Ki asize central bank.  I ou rol to be proactive.  I ou rol pou depi bomaten ziska aswar rod fason pou counter sa ki sa dimoun ki li lot kote pe rod tou fason pou li kase.

E mon krwar ki it’s high time ki Bankers Association avek Labank santral zot come up avek en fason.  Mon krwar en dimoun i bezwen bring something forward to that effect pou nu kapab koz lo la, pou nou debat lo la.  Pou nou kapab dir, be they have to come together e annan en lapros konsistan dan lafason ki zot deal avek sa bann sityasyon.  Nou pa kapab kontinyen annan bann mezir ki ganny met an plas apre nou pa enplimante.  Apre nou pa do the due diligence pou nou al rod tou fason pou nou met li anmars.

E mon krwar poudir there is a serious lacking dan sa konteks akoz si nou pa fer li, then nou put people at risk.  Labank Santral ki bezwen set regilasyon ki pou dir, si ou’n plas ou ATM la, ou ATM i bezwen annan lalimyer tel fason, camera tel fason, tel keksoz, tel keksoz.  I pa Gouvernman ki bezwen vin fer sa, i pa lapolis ki bezwen vin fer sa.

Ou pa kapab pran en zofisye lapolis met li obor tou ATM.  Si ou Labank ou santi ki ou merit met en sekirite obor ou ATM ou mete.  Me ou eksplik li poudir i pa pou kapab vin debout deryer sa dimoun ler i pe tir son larzan.  That is the role of the bank.

Ou konnen nou’n vin en nasyon ki krwar poudir tou keksoz ki arive se Gouvernman ki responsab.  Pye dibwa i tonbe, Gouvernman.  Laroul i onte, Gouvernman.  Peron i kase, Gouvernman.  Semen i kase, Gouvernman.  Mon tonbe mon kas mon lipye, Gouvernman.  Be at the end of the day, Gouvernman pou fer tou.  Ou ki ou pou fer ou.

So i bezwen annan en landrwa kot nou dir be ok, la nou tou nou annan en rol pou nou zwe, so mwan koman sa Labank ki mon fer pou protez data mon kliyan ki avek mwan.

Premyerman mon kliyan ki annan son data dan mon Labank, mon bezwen fer sir poudir mon sistenm lenformatik is the best system possible. Simon bezwen al kot oracle, rod sistenm pli ser mon pa konnen.  Ou fer li akoz tou le lannen ou pa kapab pe poste profi, me selman ou pa kapab protez mon kont.  Me i pa fer en sans sa.  Akoz ler mon regarde parfwa ler nou table bann performans bann Labank oubyen ler ou regard zot performans.  Ou vwar pou dir Labank pe kontinyelman progrese, pe anmenn nouvo servis, me ou nouvo servis ki ou pe anmennen, come back to the most important thing that is protect my interest akoz mon trust ou ler mon vin kot ou, mon met mon larzan kot ou.  E this is what Seselwa pe demande.

E la mon krwar Seselwa i bezwen remarke poudir Gouvernman, mon ti a kontan poudir media at least zwe zot rol osi edikatif pou edik dimoun.  Sa ki pe pase ozordi i enportan pou dimoun senp.  Nou dimoun ki krwar poudir mon’n bwar de bwar, mon pase mon al lo en ATM, mon met mon kart ladan, mon pa ni gete ki mon pe fer.  Me i serye sa.  E sanmenm sa demen ki nou vini, ar mon’n ganny vole bomaten, lapolis pan fer naryen.  Be lapolis ki pou fer si ou’n fini met ou kart laba oubyen ou’n trust en dimoun avek ou pin.

Enn ler ou vwar i annan de menm ki donn pin kanmarad pou al tir larzan.  Sitan zot in ebriye, zot pa ni konnen ki zot pe fer.  Ar tire, ki nimero pin.  243 sepa kisisa.  Be ki mannyer ou kapab pans koumsa.  Konpran, konmsi mon baffle konmsi.  Mon vwar poudir nou annan serten common sconce ki pe kit nou e nou zenn osi ki pe grandir zot pa pe vwar litilite ki zot annan serten common sconce lafason ki zot apros serten size, serten keksoz.

E si bann dimoun ki dan bann Lotorite konsernen nou pa take the lead pou nou fer li, then definitivman bann dimoun they done know any better zot pou kontinyen fer parey.

E lo en dernyen pwen Mr Deputy Speaker e sa i en pwen ki Leader lopozisyon in rais e mon kontan in raise sa pwen akoz i en pwen ki toultan trakas mwan Mr Deputy Speaker.  Ou konnen, bokou pei i etablir serten diskresyon an relasyon avek serten viziter ki antre dan son pei.  E lo son disembarkation card i mete si ou’n vizit tel pei pandan sa bann dernyen mwan.  Sa petet i an relasyon avek en issue public health oubyen si ou sorti.  Par egzanp mon rapel Ostrali ti annan enn ki ti dir ou eski ou en dimoun ki sort West Africa.  Pa ki i pe discriminate from en dimoun ki sorti West Africa oubyen Nigeria.  Me i pe plito met an gard par lefe ki bokou bann scam, bann ka fraud i originate from Nigeria.

Alors ler i annan en resortisan sorti Nigeria ki antre dan sa pei.  Mon pa konnen si i annan dimoun ki ganny sans get sa progranm boarder security, me sa progranm i enteresan.  Kot i montre ou koman sa dimoun i antre, sa bann zofisye ladwann i komans demann li serten kestyon as to son purpose ki i pe vizit sa pei.  Sa dimoun i pa pe mank kourtwazi sa zofisye.  Me ki i pe fer, i pe asir son lekor, poudir li at the point of entry in fer son due diligence pou li tick all the right boxes sa dimoun i pe vin pou sa purpose ki’n deigned pou li.

E parey Leader Lopozisyon in fer resorti, sa bann dimoun zot pa pou vin en sel kou tou dimoun i vin ek son computer, tou son zafer lo li.  Non, i kapab i sa semenn, en boug i vin avek enn sa masin.  Lot zour en boug i vin avek computer, lot zour en boug i vin avek en lot.  Finalman zot asanble sa zot.  I pou ariv en moman donnen kot tou pou dan pei ansanm e si ou pe monitor zot mouvman ou pou konnen a en moman donnen zot tou zot dan pei e zot tou petet zot in desann dan menm lotel.

Ou konnen ti sok mwan dernyerman la kot enn mon zanmi pe dir mwan, be i annan en dimoun in vini, i ti pe al reste dan en lotel.  Me i pa’n turn up kot sa lotel, in al reste kot en lot lotel.  These are things we have to monitor.  Sey par egzanp al Malaise, dir ou pe al reste dan tel lotel, pa al reste dan sa lotel.  Ou pou vwar demen gard i vin rode si ou dan sa lotel oubyen dan sa lot lotel.

Mon krwar nou tou nou bezwen zwe nou rol e si nou tou nou en fonksyonner nou bezwen zwe nou rol.  Nou pa kapab pass the buck pou dir sa i Gouvernman.  Be si ou en fonksyonner ou osi ou form parti Gouvernman.  E i enportan ki nou zwe nou rol akoz mwan mon santi poudir this is extremely, extremely, extremely serious akoz i met tou dimoun.  Irrespective of who you are at risk e demen ou kapab annan ou R500, R600mil, R200 mi, R20 mil, R10 mil, R3mil, R2 lo ou kont.  Sa larzan i at risk of being taken by someone ki li i pli malen ki ou e li in device en way pou li met son lanmenm ladan.

E prezan ou pou dir be annou al met larzan anba matla.  E ler ou pou met larzan anba matla lanmen ler sa bann marmay ki pou deside pou dir be i pan ganny son lapoud ozordi.  Alors i pou monte, i konnen ou met larzan anba matla, i vini i kase.

So i annan en dinamik at play ki Gouvernman li menm li i pe sey rod en fason pou li anpes ankouraz lezot form krim ki ava arive si dimoun i perdi en eleman enportan.  Mon oule kit sa Lasanble ek sa.  En eleman enportan e sa se trust in the banking system.

Mr Deputy Speaker, the likely hood ki nou pou vwar en rise in bann burglary cases, in the mugging case si dimoun i perdi trust in the banking system will be very high.  E se pour sa rezon ki nou, nou bezwen fer sir poudir……

 

(Interruption)

 

HON SEBASTIEN PILLAY

Teknolozi Mr Deputy Speaker, teknolozi.

 

MR DEPUTY SPEAKER

Non i pa kestyon teknolozi en.  I annan en Lalwa isi ki tou mobile i ganny switch off oubyen i ganny met lo silent e i bezwen ganny obzerve.  Si non the Chair pou pran aksyon neseser.

Proceed Onorab.

 

HON SEBASTIEN PILLAY

Mersi Mr Deputy Speaker, mon pa pou pli long me mon pou zis dir ki mon ti a kontan ki tou Manm i vot an faver sa Lalwa e mon ti a kontan ki media Nasyonal i komans lans li e antreprann li en kanpanny Nasyonal ki i komans enform dimoun lo danze ki sa i poze.  E fer sir ki koz lo sa issue ki bann Labank i bezwen edik zot bann kliyan lo lafason ki zot servi zot ATM e zot bezwen osi.  Mon krwar ki ti ava bon ki nou ganny pwennvi Central Bank lo ki egzakteman ki zot pe fer e non pa zis allow the debate to take en turn e apre pou nou al koz lo la.

Mon krwar media Nasyonal i bezwen vin proactive, zot annan en rol pou protez popilasyon.  Popilasyon ki pey zot saler, popilasyon ki donn zot, zot bidze.  E mon krwar zot bezwen e sa bann dimoun ki travay dan media Nasyonal zot osi zot at risk sak fwa zot servi zot kart dan okenn Lenstitisyon Banker akoz ozordi si Gouvernman in deside vin avek sa Lalwa i a akoz there’s a clear and present danger to the banking system.  E si nou perdi trust in the banking system la nou annan bann lezot form krim ki pou asosye avek sa e sa nou pa oule ditou.

So mon ti a kontan ki sa i ganny soulinyen e avek sa Mr Deputy Speaker, mon oule dir ki mon pou donn mon soutyen total sa Prozedlwa e mon look forward pou bann lezot prozedlwa ki adres bann lezot form kriminalite ki deplizanpli pe vin pli modern.

Mersi Mr Deputy Speaker.

 

MR DEPUTY SPEAKER

Onorab De Commarmond.

 

HON CHARLES DECOMMARMOND

Mersi Mr Deputy Speaker.

Mr Deputy Speaker, tou sa ki nou pe vwar dan film deor, ki pe pase dan lezot pei.  Ozordi nou pe vwar i pe ariv devan nou laport.

Mwan letan mon pe get sa Prozedlwa ki devan nou, letan monn ekout bann lezot entervenan  ki’n koze avan mwan.  I fer mwan osi mazin sa ki resaman nou ti vwar dan prizon Montagne Posée. Kot ou pou rode ki mannyer en prizonnyen i annan en telefonn a son dispozisyon e li i la dan prizon.  I pa’n zanmen antre avek sa telefonn.  Me selman i annan telefonn.  En bout telefonn i avek en prizonnyen dan en lot cell. En bout i ek en lot, batri i ek enn.  Sakenn i annan en konponan e letan zot met ansanm zot tou, i fer en telefonn e zot tou zot kapab koze.

So sa Prozedlwa ki devan nou i fer nou osi vin pli konsyan e vin pli vizilan.  Nou pa kapab kontinyen zis krwar tou zafer i marse normal, me i fer nou vin pli konsyan kont sa bann zafer ATM la ek bann zafer point of sale bann pti masin dan laboutik ki nou servi kart ladan.

Nou osi vin pli konsyan akoz ozordi preski toulezour dan Sesel la i annan bann scam ki arive.  Nek lo ou telefonn ou vwar en dimoun i dir ou, ou’n ganny en gro lotri laba deor.  I dir son sepa lekel tonton ti dan larme, tel larm e laba Nigeria ouswa Sid Afrik, ouswa sepa kote.  I annan tel lotri ki in gannyen, prezan ou bezwen donn ou lenformasyon akoz si ou pa donn sa lenformasyon ou pou perdi tel groser sonm larzan.

I annan plizyer dimoun dan Sesel ki’n donnen en.  Donn lenformasyon e i annan en bout larzan ki ou bezwen inisyalman peye e enn fwa ki ou komanse epi ou perdi larzan.  I annan ki’n plere, i annan ki zot kont in vid net par sa bann diferan scam ki zot in krwar ladan e zot in donn zot idantite, idantite zot kont, lenformasyon personnel ki an realite ou pa devret pe partaze.

Me letan zot in vwar sa gro sonm larzan ki’n mete lo telefonn e zot krwar ki sa i vre ek ou donn sa bann lenformasyon apre ou vwar poudir en pti larzan ki ou ti’n anmase i perdi an bonnavini koumsanmenm.

E osi i enportan osi nou dir ki nou dir ki sa bann zafer larzan la, sa bann aksyon ki bann fraudsters i fer.  Nou vwar poudir isi en dimoun ki, pa dir bet mwan.  Konmsi ki ou, ou krwar tou keksoz i pe marse normal, me zis en sel kou kantite nou bann dimoun son pti larzan dan son kont letan in ale, in perdi.  E prezan Labank in dir stop sa bann kart ATM, vin rann.  Diferan Labank in fer sa.  Lannen pase mon rapel plizyer moman.  Mon krwar sa lannen osi komansman si mon pa tronpe.

E prezan tou ou pti savings, i annan in perdi tou, i annan en pe.  E Labank letan sa i arive osi, li osi i perdi li Labank li.  Akoz i bezwen fer aret son tranzaksyon pou en serten letan e enn fwa ki tranzaksyon i aret li osi i perdi serten benefis, serten larzan ki li i zener.

E ozordi nou vwar sistenm peyman, sistenm tranzaksyon larzan pe pran en lot lanpler.  Tou kalite zafer la i pe vin e-commerce, e-finance, e-payment.  Tou e. i vini ek tou son bann zafer, l alo telefonn menm ou telefonn ou kapab prezan la get ou kont.  Tou sa bann keksoz.

Me sa bann lenformasyon, sa bann keksoz ki pe arive i demann serten lidantite, serten lenformasyon e sa bann lenformasyon i  enportan ki i ganny garde.  Si nou, nou donnen, ouswa si dimoun i tap dan ou bann kart, dan ou sistenm pou ou i pran ou bann lenformasyon e sa i vin en problenm.  I problenm akoz i kapab rip ou off dan en fason mal.

E alor i enportan.  Serten sa bann fraudsters la ki’n fer sa bann problenm dan lepase._____ sa i dan lezot pei, pa zis Sid Afrik.  Preski tou sa bann pei deor la i annan sa bann keksoz.  E nou bezwen reste vizilan, pa zis isi Sesel me letan nou travel.  Letan nou travay akoz i annan Seselwa ki’n ganny afekte.

E prezan nou, nou Lalwa nou vwar i pa adekwat.  I manke, i annan mankman dan nou Lalwa, serten alors sa bann dimoun letan nou vwar zot, zot in fer bann sarz.  Bann problenm, nou pa kapab sarz zot.  Ou pa kapab ganny tyonbo e zot pa kapab sarz zot akoz i mank provizyon dan Lalwa aktyel.  Se sa rezon alor sa Penal Code amendment i pe vini.  Pou ki avek sa amannman, sa bann amannman dan nou Code Penal i a fer ki si ou le bann nouvo Seksyon ki i pe entrodwi la, i pe ganny propoze.  I ava ganny met dan nou Lalwa e i a fer nou Lawa vin azour.  Pli azour e sa bann provizyon ava vin pli adekwat e en fason prezan, dimoun i a kapab ganny tyonbo, ganny sarze e ganny kondannen.

Omwen sa i ava vin koman en baz, nou a komanse.  I pa pou aret la sa.  Mon pe santi mwan ki parey en entervenan avan ki’n dir ki sa bann dimoun zot osi zot sey rod tou fason pou vin en lepa par devan nou.  Pou rod en nouvo fason pou zot tap in again. Pou zot fer en lot scam, pou zot rod en lot fason pou ganny sa lenformasyon.

Si ou met en camera ki vwar ou letan ou pe met ou card dan ATM, aprezan la ou bezwen sanz fason akoz sa camera i kapab vin pran lenformasyon ladan, ouswa dimoun ki get dan sa camera i kapab pran ou lenformasyon.  Ou bezwen rod en lot prezan ki pa montre ni ou lizye, ni naryen.  Kekfwa i montre zis en pti bout.  Pa konnen.

Zot pou rod tou fason nouvo pou kapab al ganny ou lenformasyon.  Alors sa Lalwa i en komansman akoz i pou bezwen evolye.  Nou pou bezwen anmenn li dan Lasanble ankor pou amann li, pou fer li vin pli azour, pli  azour e pli azour.  Avek sirtou sa ki pe arive dan lemonn teknolozi, dan lemonn kot sa bann lenformasyon i pou ganny tire.

E prezan dimoun in ariv en staz, ou pa pou le krwar.  Depi ou lavwa tou i pran ek ou.  Depi ou lizye.  Tou sa bann idantifikasyon ek en dimoun zot servi kont ou menm ou apre.  Alor i fer nou vin, parey mon pe dir, vin pli virzilan lo tou sa ki nou pe fer ozordi.

Nou Lasanble nou welcome sa Lalwa lo nou kote Parti Lepep.  Nou vwar ki sa Prozedlwa i bon, i pou anmenn nou en step pli devan pou nou lit kont sa bann fraudsters la.  Akoz zot afekte nou dimoun e i pa byen letan nou dimoun i ganny vole, personn pa kontan i ganny vole.  Sirtou letan ou ganny vole par bann etranze, ki move, ki pa bon, ki zot annan en move lespri e ki zot antre dan nou pei, swadizan pou vin get nou zoli pei, labote nou pei.  Me zot vin detri nou, zot vin pran nou larzan, nou pti savings ki nou annan e i kit nou pli mizer.  Sa i pa bon e alor nou pou vot pou sa Lalwa, mon demann tou mon koleg annou siport sa Prozedlwa.  En fason i a met nou en lepa pli devan sa bann dimoun.

Mersi bokou Mr Deputy Speaker.

 

MR DEPUTY SPEAKER

Onorab Rose.

 

HON MARIE-ANTOINETTE ROSE

Mersi Mr Deputy.

Mr Deputy, sa Lalwa ki devan nou, mon pourprant kot Onorab Decommarmond in terminen.  Nou pe demande ki nou annan en Lalwa bokou pli konpreansiv an sa ki konsern identity theft.  Nou konpran rezon det sa Lalwa ki devan nou.  Sesel in ganny tape resaman avek en kantite frod an sa ki konsern lenformasyon elektronik e nou bezwen veritableman annan Lalwa ki pou siport bann prosekisyon.

Me nou, nou osi santi ki i annan, Sesel in fini zwenn lemonn an sa ki konsern cyber crime.  I pa zis identity information, identity theft.  Me i cyber crime dan tou son lanpler, nou’n fini antre ladan.  Nou enn bann pei dan Lafrik.  Si pa pe Lafrik ki pli konekte elektronikman.  Nou annan en pep ki tre edike, nou annan en pep ki tre konfortab pou li servi nenport ki gadget elektronik.  Nou annan en pep ki tre afliyans, savedir i annan kapasite purchasing power pou aste bann gadget elektronik.

Sa i fer ki e nou annan en kantite komers ki Sesel i fer, in ogmante over the years avek en kantite pei.  E nou osi en pei kot annan en kantite touris ki vini.  Dimoun, i annan en flow of traffic ki very, very heavy ant nou, nou rezyon, Lafrik eksetera.  E osi Lerop.

So, etan ki nou en pti pei, petet nou teknolozi ki protez nou pa ase avanse oubyen nou Lalwa pa ase avanse.  Me nou lekonomi, nou sistenm, lafason ki Seselwa i viv.  Nou’n deza antre into the western culture of sa ki konsern electronic media and electronic information.

E sa ki pli danzere dan tousala se ki ozordi Seselwa nou tant pou trust an electronic device.  Nou aste, nou aste en telefonn i dir nou i fer sa, i fer sa, i fer sa.  Nou servi tou sa bann applications ki annan lo sa telefonn.  Nou kapab servi, nou zanfan i servi pli byen ki nou e nou trust.  Nou trust ozordi ki nou Labank i pou zer byen nou larzan.  Alors nou donn li nou larzan, i donn nou en kart, i donn ou en credit card, i dir ou servi e ou trust.

Ozordi en kantite Seselwa, sirtou bann madanm nou aste en kantite keksoz online e nou trust.  I demann ou ‘what is your credit card number?’ e nou donnen.

Nou pa demande kote nou pe donn sa credit card number, lekel.  E mwan mon konn byen en dimoun ki’n deza boukte en Lotel online e ti en frod e i ti perdi tou son larzan.

E resaman mon’n zwenn en dimoun ki travay dan Labank se pourtan, ki ti pe aste son transpor e ler in fer half payment through the banking system, larzan n’al kot en lot dimoun ki’n entersed sa tranzaksyon.  In ganny half the money ki sa dimoun li in invest dan son transpor.  So i pe arive lo en fason endividyel avek bokou Seselwa e nou reste trankil.  Parfwa ou kanmi pou dir zot be ou konnen mon’n ganny vole.  Oubyen ou pe donn lenformasyon about yourself to en dimoun, dan en fason elektronik selman ou pa ni konnen lekel.  I demann ou, ou non, ou passport number.  Kot ou reste e nou, nou donnen akoz nou krwar nou pe donn ek en computer e ki tou keksoz i safe.

So nou osi Seselwa nou bezwen devlop sa kapasite pou annan serten kontrol lo ki kalite lenformasyon nou donnen, kote nou donnen, avek ki nou donnen.  Gouvernman pe fer son bout pou ki nou annan bann Lalwa.  Rol Gouvernman dan tousala se annan bann Lalwa ki protez sitwayen.  Gouvernman pa pou al protez ou menm e mon dakor avek Onorab Pillay.  Bann Labank i bezwen aranz zot en pti pe pou ki zot annan bann sistenm internal, mechanism ki protez son kliyan.  E mon konnen resaman in annan en gro kankan sa ki konsern Labank Barclays ler i ti pe update son lenformasyon.  Me bann Labank i egzize annan bann lenformasyon ki korek lo zot kliyan e fodre nou osi nou konpran sa.  Me osi nou bezwen konpran ki ler nou donn en Labank nou lenformasyon nou pa ekspekte alors ki sa lenformasyon i ganny servi dan en fason mal.

So, dan tousala i annan cyber crime. I annan krim ki ganny fer a la baz elektronik.  Dimoun parey in ganny dir ozordi nepli antre dan Labank avek en fizi pou dir met lanmen anler, donn mwan larzan.  I antre byen trankil, e i pa ni en voler dan en mask.  I parfwa en zoli madanm oubyen en bon mannyer imsye.  Ou konnen, i vini e mon pa tro dakor avek Leader Lopozisyon ler i dir i nonm 3 pei kot sa bann dimoun i sorti.  Zot sort dan tou pei, vre i annan en tandans pou annan, parey nou apel sa bann frod Nigerian oubyen bann frod Eastern Europe.  I annan en tandans, me ozordi i sorti dan tou pei e i pa zis sa.  Me sa ki pli grav se ki en kantite as bann international organize crime i pa zis bann group dimoun ki pe rod larzan.  Me to fund serten koz enternasyonalman.  Terorizm oubyen lager sivil dan serten pei.

So pa zis ki nou larzan pe ganny potansyel ganny pran, me i annan potansyel ganny pran to fund other criminal activities ki which makes it even worse,

So mon krwar Sesel in vin resaman en viktim international organize crime e mon resers ki mon’n fer i pa zis bann pti group dimoun endividi ki fer sa, i vreman bann group tres sofistike, bann dimoun ki parey in ganny dir.  Zot letan zot dedicated avek sa ki zot pe fer.

Me mwan osi dakor avek Leader lopozisyon ler i dir sa Lalwa i bezwen ganny revize dan tou son lanpler.  Nou bezwen revwar the whole spectrum. Ki mannyer ozordi nou pe ganny afekte, menm si nou, nou pa kapab redwir ki mannyer alavenir teknolozi pou devlope.  Me nou konnen, it’s a fact, i pou devlope, i pou devlop plis ki i pe devlope ozordi.  Savedir pou annan nouvo fason atak en dimoun dan en fason elektronik.

Me lo kestyon Sesel Mr Deputy, it is not just.  Ou konnen i annan de keksoz ki en dimoun i protez tre byen, en imen i protez son byen personnel tre byen li.  Son lakaz, son larzan, son keksoz ki in travay dir pou gannyen i proteze.  Apre i protez son good name. I protez son idantite.  Akoz le ri kit sa later i al ek son good name li.  Entel ti en bon dimoun, tel dimoun ti fer byen eksetera.  Tou dimoun i anvi protez son good name.

Sa ki enteresan isi Sesel se ki the good name of people osi pe ganny afekte in cyber crime. I tre fasil ozordi e bomaten in annan en lentervansyon tre enteresan.  Me i tre fasil ozordi pou pran lidantite en dimoun e afekte son repitasyon.  Afekte son non.  I kapab perdi byen, me ler i perdi don non i perdi sa ki i ete komann en être imen.  I bokou pli danzere e mon krwar osi in ler pou nou regard sa ler nou revwar sa Lalwa dan son antyerte.  Ki mannyer nou Sesel nou kapab travay avek bann Lenstitisyon Enternasyonal e bann Lorganizasyon Enternasyonal, bann Korperasyon Enternasyonal pou nou osi annan bann Lalwa ki protez en endividi.  Protez sa dimoun an sa ki konsern li, son non.  An sa ki konsern son privacy, an sa ki konsern tou bann drwa ki nou Lalwa e nou Konstitisyon i dir ou, ou annan en drwa pou annan.  E mon krwar ozordi en kantite sa bann Lalwa pe ganny validate akoz nou napa Lalwa e nou napa teknolozi pou nou konbat kont sa bann krim.

Sa i le pwen ki mon ti anvi fer Mr Deputy an sa ki konsern sa Lalwa.  Mon konnen ki Leader Lopozisyon osi in koz lo the point of sale device ki pa enkli dan sa Lalwa  e sa rezon akoz nou pe propoz en amendment ki osi enkli ler nou met definisyon e automated teller machine e sa i enkli en point of sale device.  Akoz nou pa konnen e mon krwar Onorab Pillay in fer le pwen ki en point of sale device osi i kapab vin en zouti ki en dimoun i kapab servi pou vol lenformasyon en lot dimoun.  So I am also proposing just to amendments ki under the definition of automated teller machine i enkli en point of sale device e nou definir ki savedir en point of sale device which means an electronic device use to process payments.

So Mr Deputy, avek ou permisyon mon ti a kontan soumet sa bann lamannman.

Mersi.

 

MR DEPUY SPEAKER

Bon mon’n ganny notis sa lamannman e anba Order 67(1) mon pou les pase koman en senp amannman.  So nou a move on e avek sa mon ava envit Minis pou donn son reaksyon lo prezantasyon bann Manm.

 

MINISTER CHARLES BASTIEN

Mersi Deputy Speaker.

Premyerman konsernen entervansyon ki’n ganny fer par bann manm, LGB in koz lo cyber crime.  Mon krwar ki Gouvernman aktyelman la pe travay lo en Cyber Crime Law e sa pe ganny fer en Lalwa konpreansiv e konsiltasyon pe ganny fer avek eksper enternasyonal pou nou kapab drafte sa Lalwa.  E mon ti a’n swete ki sa Lalwa ki nou pe pase ti a’n kapab ganny enkorpore ladan.  Me an vi ki konpleksite cyber crime dan son totalite se nou’n prefere vin avek sa amannman pour le moman antretan ki sa Cyber Crime Law i ava vin devan Lasanble.

Dezyenmman Mr Deputy Speaker, mon kapab dir poudir lentelizans kriminel Sesel i o.  Preski tou le semenn nou pe fer dekouvert la erport konsernen sa bann diferan lekipman ki sa bann etranze pe antre avek, avek lentansyon pou zot vin fer bann akt parey.  I vre parey bann Onorab in eksplike, i antre pa pti bout par diferan dimoun, diferan zour.  Me nou alert i ase o, boarder control in fer plizyer lasezi lo erport kot sa i konsernen e nou pe kontinyen fer li lo en baz ase regilye.

Mr Deputy Speaker, sa bann lamannman dan nou Code Penal i enportan pou met azour nou Lalwa avek devlopman ki pe arive dan lemonn teknolozi.  Ozordi lemonn teknolozi i endispansab, i annan gran lavantaz dan nou lavi profesyonnel e personnel.  Me malerezman serten endividi i servi sa bann fasilite pou fer ditor zot prose e alor i devwar Gouvernman pou asire ki nou annan bann mekanizm an plas pou anpese oubyen reazir letan bann tel lensidan frod i ariv dan nou pei.  Bann ki ganny trouv koupab zot bezwen pey zot konsekans pou zot aksyon.

Bann lamannman e kondannasyon ki nou pe poze i sever.  Lefet ki bann tel lensidan frod i konpleks e i difisil pou retrouv e repatriye bann larzan ki’n ganny vole atraver bann tel frod.  Sa pou anpese ki dimoun i angaz zot dan bann tranzaksyon parey e si zot fer li i annan Lalwa an plas ki a pert zot ganny ziz-e e pey pou zot aksyon.

Fodre pa bliye ki bann tel krim i kapab koz bokou lenkonvenyans dan Sekter Banker, dan pei e osi afekte finansyerman e psikolozikman en dimoun ki viktim bann tel frod.

Mersi Mr Deputy Speaker.

 

MR DEPUTY SPEAKER

Bon, lo prensip e merit zeneral sa Bill nou pran en vot.  Tou bann ki an faver, inanim.  E mon a ganny en Formal Second Reading.

Formal Second Reading.

 

DEPUTY CLERK

A Bill of an Act to amend the Penal Code CAP 158.

 

MR DEPUTY SPEAKER

Bon, mon mazinen nou pou sot Staz Komite.  Mon a ganny en Mosyon pou sa.

 

HON MARIE-ANTOINETTE ROSE

Mr Deputy, anba Order 91(1) mon move ki nou sot Staz Komite.

 

MR DEPUTY SPEAKER

Okenn manm ki segonde.

 

HON CHARLES DECOMMARMOND

Segonde Mr Deputy Speaker.

 

MR DEPUTY SPEAKER

Nou pran en vot lo la, tou bann ki an faver sot Staz Komite.  Inanim.  Savedir nou’n fini ek Staz Komite.

E mon a ganny en Motion for Third Reading.

 

HON MARIE-ANTOINETTE ROSE

Mr Deputy, anba Order 71(1) mon move ki nou lir sa Bill en trwazyenm fwa.

Mersi.

 

MR DEPUTY SPEAKER

Okenn manm ki segon sa.

 

HON CHARLES DECOMMARMOND

Motion seconded, Mr Deputy Speaker.

 

MR DEPUTY SPEAKER

Bon nou pran en vot lo sa Bill, tou Manm ki an faver.  Inanim mon a ganny en Third Reading.

 

DEPUTY CLERK

This Act maybe cited as the Penal Code (Amendment) Act, 2016.

 

MR DEPUTY SPEAKER

Bon avek sa mon annan plezir pou anonse ki Penal Code (Amendment) Bill, 2016 in ganny aprouve par Lasanble Nasyonal e avek sa nou ava adjourned e Lasanble a re zwenn Mardi le 7 Zen.

 

 

(ADJOURNED)