::
Home » Verbatim » Verbatim - Second Term 2006 » Tuesday 26th September, 2006

Tuesday 26th September, 2006

NATIONAL ASSEMBLY OF SEYCHELLES

Tuesday 26th September 2006

The Assembly met at 9 am.

National Anthem

Mr Speaker in the Chair.

 

MR SPEAKER

Bonzour tou Onorab. Mon akey zot pour sa trwazyenm trimes sa lannen nou travay e nou komanse toudswit avek en First reading.

 

CLERK

This Act may be cited as the Broadcasting and Telecommunication (Amendment) Act, 2006.

 

MR SPEAKER

Dezyenmman nou pran nou motion. Si ou’n pare.

 

MR WAVEL RAMKALAWAN

Bonzour Mr Speaker, bonzour tou manm onorab.  Mon ti ava kontan premyerman Mr Speaker ganny en pti advise sorti kot ou, etan donnen ki swivan ou konsey lo –the Clerk pou fer en pti amannman avek mosyon, mon pe zis mazinen si ou ti ava kontan mon prezant motion as amended given that it’s my motion. I’ll present it as amended.

MR SPEAKER

In fini ganny deal avek anba Order 30 paragraph 4. So mon konsider li koman amande.

 

MR RAMKALAWAN

Mr Speaker mosyon ki mon pe prezante devan lasanble i konsern seksyon 50 dan  Elections Act 1995, sa menm Act ki ti ganny amended serten parti in 1996.

Mr Speaker premyerman les mwan dir ki sa Elections Act 1995 the mother Act if I may use that expression, ti ganny debate isi menm dan sa lasanble in 1995. E anba sa Act in annan 5 eleksyon ki’n ganny fer.  In annan eleksyon lasanble e prezidansyel 1998. In annan eleksyon prezidansyel 2001, in annan eleksyon lasanble 2002 e la in annan eleksyon prezidansyel 2006.  E letan ou regarde, sa Act anba li nou’n ganny nou eleksyon me an zeneral in la pandan 10 an. E kestyon ki mon pe demande si i pa ler pour nou komans regard sa Act, avek nou leksperyans ki nou’n fer pour nou regarde si napa serten revizyon ki nou kapab fer pour nou avek bi, regarde kimannyer nou kapab avans enpe pli devan. E mwan personnelman mon ti ava mazinen ki enn bann fason si nou ti vreman anvi tackle li dan sa fason sete pour nou paregzanp etablir en parliamentary committee avek en time period spesifik pour li revize e apre vin fer serten rekomandasyon avek lasanble. Sa i enn bann fason ki nou kapab fer li.

Me anmenmtan osi nou’n vwar – mon’n vwar Onorab Herminie in fer en pti sourir letan mon’n nonm parliamentary committee akoz sa lasanble si i annan en rikord ki pa pou zanmen vin vreman pour li avek gran pride se parliamentary committees parski most of them are basically dead committees. En lot fason byensir se pou pran sa metod ki mon’n deside, se pou anmenn serten mosyon baze lo bann diferan seksyon lo lalwa eleksyon e apre nou debat li nou regarde ki son rezilta e la Mr Speaker mon ava dir ki sa mosyon – mon espere i ava en premye dan en seri mosyon ki pou pous nou pou regard bann size ki konsern eleksyon limenm.

Mr Speaker seksyon 50 – e la mon ava dir ki mon mosyon spesifiksyon i dir donn en nouvo definisyon Electioneering. E ler mon pe koz donn en nouvo definisyon mon pa anvi mwan re-envant sa mo Electioneering. Me pour nou regard li dan konteks seksyon 50 nou lalwa pou regarde kwa ki ava kapab ganny defini, koman strict electioneering ki pa ava ganny permet me lo lot kote pour nou regarde, anba sa parasol electioneering kwa ki nou ti ava vwar i permisib pandan sa peryod ki nou appel lo cooling off ki’n plizoumwen ganny apele cooling off period, sa vedir sa 3 zour avan ki eleksyon i komanse.

E mwan personnelman mon krwar ki nou kapab donn en nouvo definisyon sa electioneering, spesyalman atraver leksperyans ki nou’n fer. Ipa zis en kestyon akademik me i en kestyon leksperyans ki nou tou, e la mon ava dir prensipalman sa de parti ki ozordi i asiz dan sa lasanble sa leksperyans ki nou’n fer e pli resaman byensir 2 mwan pase an Zilyet.

Seksyon 50 li Mr Speaker i fer 2 provizyon spesifik, 50 (1) i dir avek nou: Electioneering for the purposes of an election shall end at midnight on the third day before the election day. Sa i son premye e se sa kot nou ganny nou fame lekspresyon, cooling off period. E dezyenm provizyon seksyon 50 se ki en kandida dan en eleksyon, imedyatman apre electioneering in fini, i end, sa vedir 3 zour avan, i bezwen retir tou bann bill boards, posters, tou bann zafer ki annan pou fer avek eleksyon dan en radius 200 met polling station. Se sa ki seksyon 50 i demande. E aprezan mon dir letan nou pe regard sa definisyon electioneering, i dir avek ou electioneering se tou keksoz ki annan pou fer avek pou esey atir en dimoun pou vot pour ou.  Sa vedir zis prezans en kandida dan en distrik kot i pe stand, i kapab amount to electioneering. Parski ou prezans ou kapab nekzis dir be mon pe mars en pti git la dan mon distrik, zis mon pe marse mon pe pronmnen. Me ou kapab strikteman ganny dir ou a pe fer kanpanny parski ou prezans, ou pou dir bonzour dimoun, pou annan dimoun ki pou vin koz avek ou. Menm si ou pe koz lo nenport ki size, strikteman ou a pe fer kanpanny. E ankor ennfwa sanmenm sa ki mon demande si nou pa kapab re-egard tou sa bann keksoz.

E aprezan Mr Speaker pour nou kapab avans en pti git pli devan, mon krwar i osi enportan pour nou regard nou realite politik isi Sesel.  Premyerman nou fer eleksyon over three days. Sa i en keksoz ki mwan personnelman mon krwar i devret koupe. Mon krwar eleksyon fasil ti a kapab ganny fer over two days. Letan mon pe dir two days, mon pa ni pe enkli bann zil elwayen. Mon pe dir two days parski en zour pour bann dimoun ki pou travay avek bann soz eleksyon e apre son lannmen main polling day e i fini lanmenm.

Lefe ki most of nou bann eleksyon in fer dimans, eksepte ennfwa oubyen 2 fwa mon krwar kot anba Msye Renaud kot eleksyon ti fer vandredi, sa i vedir ki letan nou pour work li backward parski seksyon 50 i dir avek ou, third day before the election day e nou nou annan three election days i vedir ki sa cooling off period i kont aparti konmsi from son Friday backwards. E nou’n trouv nou isi lo Mahe, Praslin avek La  Digue ki napa narnyen whatsoever pou fer avek eleksyon ki pe fer lo zil Alphonse oubyen  lo zil Aldabra. Nou trouv nou isi lo Mahe anba sa restriksyon pour nou pa fer okenn kanpanny an prensip. E sa i vedir efektivman ki sa ki nou appel cooling off  period pour nou lo Mahe, Praslin ek La  Digue kot the main polling day se son dimans nou trouv nou nou pa ganny drwa fer narnyen pandan 5 zour.

E personnelman mon krwar ki poudir 5 zour ofisyelman anba lalwa kot en parti politik, kot en kandida pa ganny drwa fer narnyen mon krwar ki i demande ki nou re-egard sa e pour nou vwar si vreman this is what we need as a country.

Mr Speaker letan mon regard sa ki arive dan bann lezot pei, mon’n obzerv 2 tandans prensipal. En premye tandans se ki campaign, electioneering i aret minwit avan polling day. I ale, ale. Si eleksyon paregzanp pe fer dimans, sanmdi apartir minwit ou pa ganny drwa fer okenn kanpanny parski i vin polling day. Lo en kote sa i en tandans. Lo lot kote son tandans se 24 hours before polling day kot vandredi minwit la i ava arête parski ou rantre dan sanmdi,  ankor ennfwa si eleksyon pe fer son dimans e la napa okenn keksoz ki ganny fer. E ofet sa zafer 24 hours i bokou pli komen dan bann pei Commonwealth. Dan bann pei Commonwealth zot ale e nou annan Moris lanmenm la obor nou ki li i 24 erdtan. E i enteresan ki letan ansyen Premye Minis Moris, Msye Berenger ti isi, letan nou ti pe koz avek li lo sa zafer  cooling off period, i ti a pe joke i dir, i ti ava kontan vwar en keksoz konmsa ganny entrodwir Moris me deswit apre sa i vire i dir avek mwan be zanmen i ti pou marse akoz menm si lalwa Moris i dir 24 hours, pandan sa 24 hours, tou kandida i lo teren i a pe fer kanpanny. Alors oubliy 3 days si 24 hours pa kapab marse.

Mr Speaker la mon ti ava kontan vin lo reaksyon e set enpe sa bann reaksyon ki’n pous mwan pour mwan anmenn sa mosyon.  Reaksyon an relasyon avek sa zafer cooling off period. Premyerman tou le 2 parti politik, e la mon koz an relasyon avek nou lakepseryans pli resan, SNP e SPPF tou le 2 parti politik in konplent. Anba  kot biro Msye Gappy ti annan konplent sorti lot ou le 2 kote parti. E  mon sir ki taler Onorab Georges avek Onorab Potter, sa 2 dimoun ki ti reprezant sa 2 parti politik zot pou kapab konfirmen ki ofet tou le 2 parti ti konplent avek Msye Gappy ki poudir tou le 2 parti ti pe kas sa cooling off period. Donk i en moman kot dapre tou le 2 parti, tou le 2 ti pe kase.  Alors otomatikman si tou le 2 ti pe kase mon mazinen nou bezwen sey regarde ki nou kapab fer.

Me i enteresan pou vwar ki dan Commonwealth Report lo paz 11 spesifikman zot fer en referans lo cooling off period e la i mansyonn ki poudir, the team received a few reports directly and saw those submitted formally to the Commissioner that both parties were still campaigning during the cooling off period by allegedly dispensing money to secure support and the display and distributions of campaign materials. Indeed, one of the team members even received text messages from one party on their mobile phone urging them to vote for that party.  Given the level of persistent violations of the cooling off period, the time may now be opportune for the Electoral Commissioner and Political Stakeholders to review its provisions and implementation. So i pa en kestyon ki Ramkalawan i anvi sa me nou pe vwar ki bann obzervater enternasyonal lo ki nou’n pas zot rapor dan televizyon e nou’n dir ki zot in anonse ki poudir eleksyon ti free and fair and everything, zot menm zot pe dir maybe the time may now be opportune to review its provisions and implementation.

Mr Speaker letan nou al en pti git pli devan e parey nou konnen si en lalwa i la e personn pa kapab ranforsi li, nou bezwen sey regarde swa ki mannyer nou pou ranforsi li, oubyen si nou krwar ki poudir sa lalwa nou ti kapab regard li dan en lot fason, annou regard li dan en lot fason.  E pour le moman i kler ki poudir biro komisyonner eleksyon i pa kapab enforce seksyon 50, i enposib e ofet letan ou antre an kontak avek biro komisyonner eleksyon an relasyon avek en violation, i dir avek ou ekri en let anvoy anba kot li. E ou ekri en let ou anvoy anba kot li e byensir napa narnyen ki’n arive pandan sa dernyen eleksyon.

Letan nou regard lo kote lapolis, i enposib. I enposib pour lapolis ranforsi seksyon 50 parski nou annan nou premyerman 25 distrik. Si en konparezon tou bann parti politik ti deside pour li anvoy son bann aktivis pour li al fer kanpanny pour napa ase gard. Alors kestyon se akoz ki nou bezwen gard en keksoz ki nou pa kapab anforsi. E kan lo lot kote nou kapab fasilman regard sa prensip avek en lot lizye.

La Mr Speaker mon avi vin lo bann prensip iniversel dan politik.  Premyerman annou fer fas avek realite. Tou kandida e tou parti politik i anvi fer kanpanny ziska dernyen minit. Sa i arive partou, partou. E nou tou nou konnen ki poudir en dernyen mesaz i kapab mesaz pli enportan ki ou anvoye pour en dimoun ki pankor fer son lide.  Donk sa dernyen minit, sa mesaz dernyen minit i kapab mesaz pli enportan. E nou tou nou osi konnen ki poudir en kanpanny politik i peak zour polling day parski se polling day ki son final. Alors i en kontinnite ziska polling day. E nou tou nou osi konnen ki poudir en cooling off period i kapab detri en kanpanny e alors i pa bon pour okenn parti politik. E la mon ava dir zisteman si in annan konplent, se zisteman akoz tou bann parti politik, petet serten i fer li avek plis proteksyon mon kapab dir, i enterese pour li sey kontinnyen anmenn mesaz.

E la Mr Speaker nou kapab fasilman konpar en kanpanny politik, parski i en kanpanny, i en training, ou a pe sey rod en fasonpour ou anmenn en keksoz, pour ou ganny en keksoz akoz polling day i parey en final, nou kapab fasilman konpar li avek en final foutbol kot en nenport lekip i pa pou aret train 3 zour avan son final.  I pa ava fer hard training parey i ti ava fer letan i ti dan son training camp me selman menm on the eve of the match oubyen menm the day of the match, si son match i 5 er apre midi, son bomaten i pou fer en pti light training pour li gard son form pour li al ladan.

Alors Mr Speaker baze lo tou sala mwan mon senserman krwar ki in ler pour nou regard enpe sa seksyon 50 e pour nou parey mon pe dir donn li en nouvo definisyon.  E dan sa bann definisyon ki petet mon ava propoze, e apre sa sa ki konsernen i ava fer bann moves apropriye. Paregzanp mon ti ava propoze ki olye ki electioneering anba seksyon 50 i fini midnight on the third day before the election day, ki nou met en provizyon 24erd tan before the main polling day. E akoz mon met lanfaz lo the main polling day se parski eleksyon letan i fer lo Alphonse, Farquhar ensidswit, napa narnyen pou fer avek Mahe, Praslin avek La Digue kot 99% bann voter i reside. Alors annou fer li vin an relasyon avek the main polling day e son provizyon 24 erdtan e akoz mon ti ava kontan propoz 24 erdtan, se parski pandan sa 24 edtan i ava donn nou en zour pour ou  nobou met a’n aplikasyon en lot provizyon Elections Act e sa se special polling station.Special polling station, ofet lalwa i fer provizyon pour en special polling station, e sa se, sa special polling station i zis pour bann dimoun ki pe involve avek eleksyon. Pour bann zofisye lapolis ki li son distrik i St Louis me selman sa zour i pour on duty Takamaka. Alors on lavey, e tou bann lezot polling officers  and everything zot kapab vote e apre sa al fer zot travay. So 24 erd tan i ava before the main polling day, i ava fer provizyon pou cater, pour sa special polling station.

Me lo lot kote, mon ti ava osi propoze ki i ti ava kapab ki zis pour avek enpe sa lespri enpe trankilite, enpe plis lape ensidswit ki  petet sa seksyon 50 i fer rantre en keksoz ki dir ki pandan – i kapab pandan 5 zour si oule ki bann public rallies pa ganny fer, enpe parey i  la konmela kot si eleksyon i fer dimans, tou bann parti politik i fer zot last rallies son dimans avan. So nou ti a kapab osi fer rantre en provizyon parey ki the last public meetings, public gatherings, big rallies i ganny fer maybe 5 days before the main polling day so that i donn sa moman konmsi pour nou cool off. Cooling off an relasyon avek sa bann main rallies me lo lot kote ki dan sa difisyon electioneering i ava permet kandida avek zot aktivis pour zot fer door to door, pour zot pase vizit dimoun, pour zot print e distribye en last message ki zot annan, plito nou ava apel li the soft part of campaigning, the door to door kot i annan en soz personnel instead of debout lo en podyonm avek en microphone ek 75 speakers pour konmsi ou kapab dir sa  pe disturb the peace, me ki ou kapab ale, ou’n print ou dernyen mesaz e sa i ava ale ziska 24 erdtan avan eleksyon. E Mr Speaker mwan personnelman mon krwar ki letan mon pe koz dan sa fason mon pe koz pour tou bann parti politik, i ava kapab fer sa e si i annan okenn gran vyolasyon, then lapolis i ava rantre ladan. Menm si parey mon’n dir oparavan, la pour le moman ou trouv zot enpe difisil. E rezon ki i difisil se parski i pli difisil pour lapolis sey swiv en dimoun ki pe fer door to door ki pe deplase.  Letan li sa dimoun i a pe deplase dan 5 transpor, lapolis li kekfwa dan en distrik ni menm napa en transpor.  Alors parti politik e la nou ava aksepte ki rafal eleksyon parti politik avek son sistenm transport ki i organize, ki i mobilize  i bokou pli efektiv ki okenn minister gouvernman, ki okenn lafors lapolis. La kantite transport ki tou bann parti politik i mobilize zis pou al sers dimoun pou al an kontak avek dimoun ensidswit, lapolis pa ni koste obor li.

E alors lapolis li i ava annan zis pour li monitor en keksoz – i ava pour li monitor en public gathering. E moman ki en boug pandan sa bann peryod ki i pa ganny drwa i etablir en pti soz avek 2 speakers ek en microphone – e si ou pe fer en public gathering byensir i pou annan dimoun la e i pour pli fasil pour lapolis entervenir e pran aksyon neseser. Alors Mr Speaker mon mosyon se pou regarde kimannyer nou kapab redefini sa peryod e nou kapab osi fer en pa pli devan. E mon krwar ki poudir i neseser pour nou fer sa pa pli devan e en pa ki ava permet nou kapab pandan en serten peryod letan fer en kanpanny mwens tapaz, en peryod ki ava permet nou kapab mentenir nou momentum, nou kanpanny me dan en fason kot i ava annan kontak pli personnel, pli direk avek bann dimoun. E dan limenm li ou pour still kapab servi sa lekspresyon cooling off parski i pa pour bann gran manifestasyon e pandan sa peryon letan osi tou – pandan sa peryod kot i dir pou napa okenn sa bann gran rallies ou kapab osi ensiste avek tou bann parti politik pour zot pandan sa letan retir tou zot bann billboards, tou zot bann posters within en radius ki akseptab parski anmenmtan osi, sa i en lot keksoz ki mon krwar lozikman nou pou bezwen regarde, ki diferans i fer pour ou trouv en poster 200 met avek en stasyon vote e pou ou vwar en poster 50 met avek en stasyon vote.  Eski vreman i fer en diferan. E tou sala set enpe bann keksoz ki nou a bezwen regarde, si nou a bezwen fer netwayaz konmsi otour stasyon i vin pli prop ensidswit.  E menm paregzanp pou en kandida napa okenn senbol son parti dan stasyon vote. Sa ankor ennfwa se bann keksoz ki ozordi ou pou vwar ki partou dan lemonn – I mean ou zis bezwen regard pli pre avek nou Moris oubyen menm nou regard Langleter kot zour eleksyon tou, Labour, sa kandida i vini avek en gro rosette ek son kouler rouz, Conservation i vini avek son gro rosette ble, Libdems avek son gro rosette zonn ensidswit me nou nou’n soz ki poudir menm en semiz fodre ou fer sir ki kouler ou mete, rob ou bezwen fer sir ki sa zour ou met zis sa ki blan konmsi neutral tou sa bann zafer but all these are things nou devret kapab pe regarde.

Avek sa Mr Speaker mon demande ki vreman nou consider sa mosyon seryezman e nou regarde kimannyer nou kapab avans pli devan. Mersi bokou.

 

MR SPEAKER

Okenn ki segonn sa mosyon?

 

MRS ANNETTE GEORGES

I second the motion Mr Speaker.

 

MR SPEAKER

Okenn ki oule koze? Zot konnen ki arive ler personn pa oule koze.

 

HON PATRICK HERMINIE

Msye Speaker apre ki mon’n ekout Lider Lopozisyon mon krwar ki esansyelman Lider Lopozisyon in miss le pwen parey nou dir sa ki an realite vreman i pa konnen rezondet deryer en cooling off period. E  mon pa pou al ladan akoz parey nou’n tonm dakor avan Msye Speaker mon ti ava zis dir ki he is being only a bad loser ozordi e pe vin avek tou bann sort, leskiz lo cooling off period, lo poster etc.

Mon krwar Msye Speaker ki en cooling off period i neseser dan nou pei. I enportan pou dir lo komans ki cooling off period i pa en lenvansyon gouvernman SPPF, i pa en keksoz ki’n fek ganny entrodwir dan lemonn 50 an, 30 an pase me i en vye konsep 100 an, 200 zan pase ki’n ganny servi koman en mediative tool pou asir lape, pou asir trankilite e pou retir bann tansyon avan en levennman enportan.

Msye Speaker parey mon’n dir i pa zis en konsep ki egziste dan kad eleksyon. Paregzanp Lanmerik anba Taft-Hartley  Act ler en Linyon i deside fer en strike, Prezidan Ameriken i annan drwa enpoz sa ki apel en cooling off period pour 50 zour kot sa strike pa annan drwa ganny pran par.  E rezon pour sa i senp, se pou donn sans ek letan pou negosiasyon e pou permet tou dimoun pou cool down. Dan en eleksyon osi, se sa bon bi, en cooling off period i neseser pour retir tansyon dan en pei avan en gran levennman ki potansyelman i kapab kree dezord ek diskor osi byen ki vyolans dan en pei.  En eleksyon i en tel zour. Nou konnen nou menm nou avan eleksyon bann rallies kantite keksoz bis kraze, ki kantite entimidasyon, provokasyon, tear gas, you name it.  E tousala i vin ansanm ek sa bann rallies sa bann door to door sa bann distribisyon materyo i diviz sa prosesis kanpanny i diviz en nasyon, malerezman dan Sesel.  Petet Langleter i pa en problenm, me dan nou pti pei Sesel mon pa konn dan 50 an mwan, me pour le moman i diviz en nasyon, i diviz fanmiy. I annan frer ek ser ki pa koz ek kanmarad akoz sa prosesis elektoral e campaign.

Msye Speaker, parey monn dir en cooling off period alor i en mediative tool. I la pou asire ki zour sa levennman limenm i arive nou napa sa bann gran boulversman, frer nek pe koz ek ser sa enn pe lager ek lot, lot pe provok lot, enn pe mars ek tear gas anba soz whatever.  Esansyelman se sa son bi. Me pour nou al enpe pli an detay dan Sesel limenm onorab in koz lo lartik 50, Election Act, pa zis lo lartik me lartik 95 osi i tous sa size cooling off period dan le sans ki fer provizyon pour eleksyon depi zour nominasyon ziskan trwazyenm zour avan eleksyon donk alor kot la sa cooling off period i ganny kree dan nou sistenm. I pa la zis pour retir tansyon parey monn refer sorti, me cooling off period i ganny servi pour plizyer lezot keksoz. Onorab limenm li in koz lo sa bann billboards ki bezwen ganny tire 200met zistans avek bann polling stations.  Sa i en legzersis ki tou parti politik i bezwen fer dan cooling off period. Dan cooling off period osi i neseser pour lapolis ek lafors sekirite fer bann preparasyon final pour eleksyon limenm, akoz nou konnen ki zot lozistik in ganny stretch vreman mens pour la senp rezon ki pandan kanpanny limenm. Ok, annou pran bann dernyen rallies, lapolis in Anse Aux Pins, lapolis in Beau Vallon, lapolis in Bisnac, lapolis in La Rivyer Anglaise, lapolis in partou, in epize si oule e i neser ki lapolis i remet li anord i remet drwat, i remet li byen pour li kapab efektivman deal avek okenn problenm ki kapab leve zour eleksyon limenm.  Pou annan PUC ki bezwen teste son sistenm dan kad koupir elektrisite, zour eleksyon limenm ler bann konte pe ganny fer. Nou kapab mazinen ki kalite bann trik ki bann keksoz pou ganny dir si elektrisite tin ganny koupe. Ok, napa kalite zistwar e tou sa bann keksoz i ganny fer pandan cooling off period.  E petet zot pa konnen i annan en gran legzersis pou teste nenport ki evantyalite ki kapab arive on election day pandan the cooling off period par si oule Konmisyon Elektoral limenm.

Msye Speaker, en cooling off period dan nou konteks parey mon pe dir, akoz politik i ankor diviz nou konman en nasyon, e tre diviz nou konman en nasyon, i en keksoz ki i mars byen.  Pour la senp rezon ki ziska aprezan depi 92 mwan menm mon pa konnen konbyen eleksyon monn konteste depi 92, petet 7, 8 onorab in koz lo 5 eleksyon, parey mon – petet 5, 6 pa plis ankor.  In napa en moman kot zour eleksyon limenm oun war bann gran bagar parey ou vwar dan plizyer pei omonn, kot menm dimoun i perdi lavi. Zour eleksyon Seselwa i desann dan trankilite, i annan i desann 5 er bomaten, i annan i desann 4  er edmi bomaten i vini i fer son devwar apre i mont se li.  E sa i enportan sa zafer cooling off period, akoz Onorab i koz lo sa dernyen moman pour si oule donn en dimoun en materyo propagann avek bi pour li kapab fer son lide. Mwan okontrer mon krwar en cooling off period i bezwen en period kot sa dimoun i asize reflesir. Pandan 20 zour sepa pandan 18 zour in ganny bonbarde avek tou sord kalite propagann, in war Father in war prezidan Michel, in war lot in war Msye Esparon, in ganny dir en kantite keksoz devan son laport, Msye Julie drwat devan laport, mon pa konnen, Msye Walter Confait in al 20 fwa avek bann materyo, sa msye en moman i bezwen arive kot bezwen dir be ou konnen mon bezwen reflesir. Mon bezwen swazir, mon bezwen deside ki mon pou fer. Ofet dan Sesel, mon krwar nou tou nou politisyen nou konnen ki 90% nou popilasyon i fini fer zot nide, si pa menm 95% popilasyon Seselwa mon ava dir en semenn avan eleksyon, de semenn avan eleksyon in fini fer son nide.  Bokou nou nou kapab fer bann prediksyon e bokou nou ki sey fer bann predikasyon laplipar ditan i vin vre.  Si ou an kontakt ek ou dimoun.  Laplipar ditan i vin vre. Napa narnyen ki ti sirprann mwan paregzanp English River menm dan rezilta malgre tou bann keksoz ki ti pe ganny dir.  Akoz most of the time en dimoun i fer son nide.  E noun sey fer kanpanny pour konvenki zot, me nou bezwen donn zot osi en moman kot zot bezwen fer serten refleksyon e sa bann zafer ale ziska lavey eleksyon sa onorab i koz lavey eleksyon, me Langleter zour eleksyon limenm, ok, bann gard, eleksyon letan Msye Blair ti pe premye minis mon ti Langleter mwan.  Zour eleksyon dan stasyon vote, bann boug nek i la pran sa pour ou, pran sa enn vot – ou kapab mazinen, pran sa CD Jj, pran lot pa les tonbe dan nou stasyon vote limenm. Ki kalite dezord pour annan letan ou pran kiltir Seselwa, letan ou pran nasyon Seselwa e lafason ki nou vreman vin emosyonnen par par politik. Cooling off period Msye Speaker ou pou dakor avek mwan menm dan nou pei i pa en keksoz ki nouvo sa.  I annan dimoun ki dir mwan menm dan bann letan kolonyal petet ou rappel pli byen bann eleksyon zot dir ti annan en cooling off period. Me selman mon konnen ki lo Komisyon Konstitisyonel en dimoun ki ti ensiste plis lo sa zafer cooling off  period sete the junior partner dan sa lalyans DP/SNP se Msye Paul Chow. I ti fer en gran ekspoze akoz dan tou negosiasyon dan tou deba dan tou eleksyon dan Sesel i bezwen annan en cooling off period.  Anefe monn esey al rod sa dokiman mon pann gannyen me in anmenn en kantite largiman, then i ti arive konvenk dimoun pou entrodwir sa konsep dan tou sa ki nou fer dan nou pei enkli dan bann eleksyon. Onorab i dir i war de trend enternasyonalman.  I annan plizyer trend enternasyonalman. I annan pei parey Ostrali kot zot ensiste lo en three days cooling off period.  I en pei Commonwealth. Singapore pli serve ankor.  Singapore set zour cooling off period.  Avan en eleksyon set zour tou dimoun al se zot al repoze, al reflesir.  Sid Lanmerik li, Chile, menm zafer e ozordi ki nou vwar, menm dan bann pei – letan Onorab Ramkalwan lider lopozisyon pe demande ki nou si oule retir sa trwa zour cooling off period, lezot pei pe konsider entrodwir li. En landrwa ki mon konn tre byen i konnen akoz i koz lo la toultan, Cashmir. Kot zot eleksyon an Cashmir toultan ou annan ou 20 dimoun ki ganny touye. E ozordi dan sa rezyon i annan en gran demars pou entrodwir cooling off period.  E zot pe koz lo 7 zour parey Singapore, 7 zour avan sa eleksyon limenm, tou dimoun i aret kanpanny, tou dimoun i reste trankil e tou dimoun i al se zot. Akoz Cashmir i entrodwir sa, akoz bann politisyen laba i vwar i konpran en realize ki politik i en very divisive issue. E dan nou pei osi sa i en fe ki nou bezwen viv avek e osi lontan sa i en fe ki nou bezwen viv avek.  Ou bezwen met an plas bann mekanizm pou fer sir ki zour eleksyon ou vwar bann boug pe lager ek kanmarad zis akoz en CD ouswa akoz en T-Shirt, oswa akoz en leaflet.  SADC osi konman en lorganizasyon en blok pei, pe mazinn seryezman pe zwe ek sa nide cooling off period e pou entrodwir li dan tou son bann pei manm.  So sa ki nou nou pe fer, ozordi plizyer lezot pei i envy nou, zot tia voudre fer parey ek nou akoz zot vwar merit ladan.  Sa bann boug zot in fini realize ki sa bann zafer dernyen moman ou pou al konvenki en dimoun si i ti SNP pou vot SPPF si i ti SPPF pour vot SNP i minimal par e mwan personelman, ler mwan mon vwar en politisyen pe fer sa, mon dir sa boug i dezespere, i desperateThe guy must be desperate, 12 erd-tan avan eleksyon i pe taye nek i pe isi i pe laba.  Ok, dan mon distrikt monn war, he is a very desperate guy.

Msye Speaker, Msye Berenger, mon pa konnen ki in dir ek Onorab Ramkalawan, Msye Berenger ofisyelman savedir kin dir avek lepep Seselwa atraver medya mon pa konnen ki i dir ou letan zot zwen i felisit sa cooling off period.  In dir ki sa i en tre bon zafer, i dir ki Maurice i bezwen konmans entrodwir – kalkil ou en boug parey Msye Berenger ki kontan kanpanny, kontan bann lager politik limenm li i dir ou yes i annan en nesesite pour sa. Tou sa bann dimoun ek tou sa bann lenstitisyon ek tou sa bann zirisdiksyon pa kapab mal.  Zot pa kapab mal. Mwan mon krwar Msye Speaker, ki i annan merit ladan. Mwan akoz mwan koman en politisyen kin konteste en kantite eleksyon direk, monn  konteste eleksyon komisyon konstitisyonel, 2 anefe dan Larivyer Anglaise, parlmanter mon krwar 3, prezidansyel separeman 2, la mon krwar i fer 6, 7, ok monn diriz tou sa bann eleksyon e malgre tou sa ki zot in dir ok lo English River, tou sa bann eleksyon noun ranport la viktwar zanmen in ganny en defet, e napa en zabitan La Rivyer Anglaise ki kapab vin dir dan cooling off period in war Pat Herminie pe distribiye leaflet oswa devan laport pe fer door to door, oswa pe donn larzan. Napa en zabitan. Si sa i dan rapor set en mansonz ki bann SNP zot menm zot, zot envante.  En boug i war mwan desann mon dir mon al war en kou manmi mon al koz ek li avan eleksyon, i telefonnen i dir dokter pe campaign. Non, avan eleksyon i en koutim kot mon al vwar manman, mon ale mon koz ek li konman ou sava, mon resir li ki tou keksoz i oke, pa bezwen ou trakase, ankor ennfwa SPPF pe al gannyen, apre mon mont se mwan, se tou. Narnyen plis, narnyen pwen, Msye Speaker.

Msye Speaker Onorab limenm i konfize. Onorab limenm li i pa kler ki i anvi. Onorab pe sey gete kimannyer i kapab entrodwir en sistenm ki li i krwar i kapab donn li lavantaz. Ennler i koz lo soft campaigning, lo hard campaigning, enpe parey konmsi soft drugs, hard drugs, soft porno, hard porno. Be sa pa egziste, campaigning is campaigning. Ou dir mwan ou pa annan drwa fer rallies 5 zour avan eleksyon ou bezwen la. Napa en morso delwa, mon’n fer resers ekstansiv lo la, napa en morso delwa dan Commonwealth paregzanp ki dir ki ou bezwen aret fer rallies 5 zour avan eleksyon.  Onorab pe entrodwir en bann konsep ki alien even to kiltir Commonwealth.  Petet dan son lespri pour li sa pou donn li lavantaz me i en bann keksoz ki pa egziste. I pa ganny pratike e i pa komen, menm dan bann lorganizasyon ki nou’n apartyen.

Msye Speaker nou koz lo Electioneering, dan lalwa limenm i pa fer okenn definisyon pou electioneering. So mon ti al dan Longman dictionary pour mwan gete ki sis a electioneering.  E electioneering i kler, i dir ou bann speeches ek bann lezot aktivite ki son lentansyon se pou persyad dimoun pou vot pou en parti politik ouswa pou vot pou en endividi. Donk si ou fer door to door, i electioneering. Aprezan annou al lo sa kestyon door to door limenm, mon sirprann Onorab pe dir be oke nou les door to door. Be ou kapab mazinen lavey en eleksyon nou annan drwa fer door to door, detrwa zour avan en eleksyon door to door, ki lanpler sa door to door pou pran.  Be mon pou met 100 aktivis lo teren, 100 aktivis lo teren, zot door to door zot, e SNP i met son 100, dezord.  Se sa ki nou nou pe dir silvouple donn sa pep en sans pour li reflesir avan en eleksyon.

Distribisyon materyo, I mean pou Onorab Lider Lopozisyon fer en komanter parey, i sok mwan. Akoz dan sa bann dernyen moman si napa en makanism ki dir tenir, in ler pour nou reste trankil, in ler pour nou relax, in ler pour nou asize, in ler pou manman ek piti rekomans koz ek kanmarad, in ler pou frer ek ser rekomans koz ek kanmarad, in ler pou vwazen komans dir alo kanmarad, si nou napa sa e lavey eleksyon nou ankor pe fer door to door, nou kapab mazinen ki kantite dega pou annan dan en distrik.

Msye Speaker nou dir ki lalwa pa kapab ganny ranforsi. Mwan mon vreman tri ski ozordi politisyen i fer en statement parey ki en lalwa pa kapab ganny ranforsi e akoz i pa kapab ganny ranforsi alors les bato sante. I annan bokou voler dan kanton, nou bezwen legaliz vol, i annan bokou droger dan kanton, nou bezwen legaliz eroin. Non.  Responsabilite pour ranforsi lalwa eleksyon pa ti dwatet ni menm responsabilite lapolis me responsabilite politisyen, responsabilite sa 2 parti politik.   Ou asiz se ou ou reste trankil. E this is what we should aim for. Fer krwar Onorab i dir ek mwan i annan ennde ka vyolasyon, be sa pa en problenm. Sa pa en gran zafer ki pou fer ou perdi en eleksyon ki ou bezwen anmenn en mosyon dan lasanble akoz ou’n vwar Onorab Dick in pas en tel landrwa e sa in fer nou perdi Pointe Larue, ouswa ou’n vwar Onorab Pool in pa laba.  Non. Ki nou nou bezwen aim for, e se sa  ki nou bezwen met lanfaz lo la, presyon lo kanmarad, tou bann parti politik. Nou bezwen  aim pur la perfeksyon e la perfeksyon se ki cooling off period i komans ozordi merkredi minwi, nou se  nou.  Nou reste trankil. Zot fer parey Dokter Herminie, reste se li trankil asize, koze ek son vye manman.  Prepare, gete analize, reflesir pou zour eleksyon limenm kimannyer nou pou krake e i marse. Mon pe koz lo keksoz ki marse. I marse akoz malgre tou sa ki ganny dir, kritike lo mon distrik English River – Onorab Alcindor ti demann mwan si mwan mon pou la apre eleksyon, kote mon pou ete. ‘Ou konnen kot ou pe ale ou’ be nou konnen. Ou vwar kot  mon ete akoz travay ki ganny fer dan en distrik, e nou ankor solid,  nou pa lo en sez 3 lapat, parey Glacis i ete ozordi ki pou tonbe dan lot eleksyon. Sorry mon retract sa Msye Speaker..

 

MRS REGINA ALCINDOR

Mr Speaker i dan mosyon sa?  I dan mosyon sa ki in dir?

 

MR HERMINIE

Oke retract, mon’n fini retract Onorab Alcindor, mon’n fini retract. Msye Speaker – mon’n retract, sa osi i form part, annou cool down. En minit cooling off period. Nou a pran en minit la pour nou cool down, mwan ek li.

 

MR SPEAKER

I pa en kestyon i annan drwa. Mon’n dir li i mal sa ki in dir, in aksepte son tor.

 

MR HERMINIE

Mon retract, en minit la, nou’n cool down. Nou paran i montre nou mannyer pou cool down. I dir nou letan nou ankoler fodre pa nou pran bann desizyon. Sa osi i cooling off period. Ou cool down apre ou pran en desizyon. Msye Speaker mon krwar Onorab in tous kestyon revizyon lalwa eleksyon.

Mon personnelman mon pa kontan lafason ki i pe fer li, sa i en lopinyon personnel. Nou pa kapab reviz en lalwa eleksyon par anmenn bann mosyon lo bann bout bout isi. In mansyonn enn de keksoz avan in terminen. Eski bann billboard ti drwa 50 met ouswa 200 met, i annan   lezot ankor mon pa kapab mazinen la,  cooling off period – i bezwen en keksoz konpreansiv. E mwan mon konnen ki i annan serten revizyon ki komisyon eleksyon – komisyonner zot pe travay lo la. Mon krwar in fer en deklarasyon lo la ki i annan serten revizyon.  E petet sa bann revizyon i ava vin devan nou dan sa lasanble e nou ava ganny sans debat bann revizyon en lalwa. Mon mazinen ki vre, i posib i annan enn de bann keksoz ki bezwen revize pou anmenn li an konformite avek  realite ki nou pe viv ladan ozordi. Sa napa problenm.  Me nou pa kapab en zour pran en bout cooling off period, en lot zour – menm Onorab mon krwar koman lider lopozisyon ek son stati dan nou sosyete, i pa zis nenport ki, i lider lopozisyon, i ansarz en parti ki sipoze government in waiting. Ou vwar zot pa’n fer li an 2006 me mon ti krwar zot ti kapab, a mon’n avi, mwan mon krwar senserman ki zot ti kapab vin avek en revizyon konpreansiv, sa vedir kwa ki SNP ti a voudre vwar  ganny sanze dan sa Elections Act. Nou ti kapab menm anmenn en Private Member’s Bill, ouswa propoz bann amannman, zot kapab fer li anba konstitisyon. E i ti pou fer bokou plis sans.

Mon krwar ki Onorab Georges i fer en pti soz, i dakor avek mwan e nou ti av al pli lwen olye ki nou vini tou le mardi pou pran en bout, en bout, en bout. Avek sa Msye Speaker, dezorme mon oule dir Lider Lopozisyon ki nou pa pou kapab siport sa mosyon. Parey mon pe dir en revizyon konpreansiv nou ti kapab diskite e i posib ki i annan keksoz ki dwatet ganny revised dan Act limenm, nou napa problenm avek li me an sa ki konsern cooling off period, nou nou krwar i neseser ler ou pran an kont ki degre divisive politik – Larelizyon pa en problenm pour nou. Mwan dan mon fanmiy nou annan de larelizyon, dan mon lakaz kot mwan e mwan zis mwan ki Katolik e mon bann zanfan, mon’n les zot al Protestan pou rezon – i pa diviz nou.  Ras osi i pa en gran problenm dan nou pei. Me en keksoz ki ankor pe diviz nou nasyon en kantite, se politik.  partou dan nou vilaz, e cooling off period i enn sa mekanism ki pou ede anmenn sa linite parmi nou pep. Nou bezwen rod la perfeksyon. Nou pa dir akoz i pe ganny serten difikilte pou ganny enplimante ozordi ki alors ban li, les bato sante ziska lavey eleksyon apre nou ava gete nou menm kot i al bite. Non nou bezwen asize reflesir, petet olye for en komite lasanble, ti ava bon si ti annan en multi parti outside the Assembly  committee ki ava annan Onorab Georges, Madanm Potter, lezot dimoun ki involve dan sa bann zafer eleksyon, ki annan leksperyans ladan, Msye Pool ti fer sa dan le pase, Msye Gill, Msye lot la, Gemmell ki al laba deor pour SNP, zwenn ansanm, nou kapab tonm dakor lo serten keksoz. Nou demokrasi i ankor tre zenn, 15 an, trwazyenm repiblik i zis 15 an. I pa 200 an parey Lanmerik, i pa sepa 1000 lannen parey Langleter. So petet avek sa ki nou ti a voudre Lider Lopozisyon i sorti avek ozordi dan sa lasanble, se reflesir kimannyer nou form en komite milti parti andeor sa lasanble avek bi pou konsolid konsep e prensip deryer en cooling off period pour ki vreman i vin en period kot i annan trankilite dan nou pei, kot nou pep i reflesir, kot sa bann tansyon ki’n annan kot bis ki’n ganny kraze, tear gas in ganny anvoye i fini e ki nou reinir koman en pti nasyon e nou desann parey sa Madanm Majoie i fer tou lezour eleksyon i desann  5 er mwen zenkar i al vote e li i deside pour ki i anvi vote.

Msye Speaker se lo sa not  ki mon ti oule fini mon lentervansyon e mon ava dir tou bann manm, mon enplor menm lopozisyon pou rekonsider zot pozisyon vizavi sa mosyon e fer parey pe fer partou dan lemonn ozordi, donn sa cooling off period son vreman lenportans. Mersi bokou Msye Speaker.

MR BERNARD GEORGES

Mr Speaker Lonorab Herminie in komans son entervansyon bomaten andizan ki Lonorab Lider Lopozisyon in miss the point lo sa issue ki devan nou ozordi, setadir cooling off period. I ironik e mon bezwen dir sa ki Lonorab Herminie dan tou son 30 minit ki in koze in montre nou ki li, in plis miss the point ankor lo sa cooling off period, lo sa mosyon ki devan nou akoz li in atak sa mosyon an dizan ki Lonorab Lider Lopozisyon tip e demann tir cooling off period konpletman e ki li i krwar cooling off period i en bon lide.  A’nefe se pa sa ditou. Mwan mon’n ekout Lonorab Lider Lopozisyon, in pa’n demann tire li, in demann redefini sa ki kapab ganny fer. In menm propoze ki i reste me selman olye x zour ki konmela nou pa tro sir si i 3 si i 5 or whatever. Annefe i 3 me efektivman i 5. In dir annou annan enn kekfwa ki pour 24 erdtan. So at the end of the day Lonorab Herminie in koz pandan 30 minit, alafen in aksepte propozisyon ki Lonorab Lider Lopozisyon in fer, se ki pou annan en dialog – Lonorab Lider lopozisyon in propoze ki i annan en Assembly Committee, li in dir annou al enpe pli larz. In pran 30 minit pour li montre, with all due respect Onorab ki i pa’n konpran sa ki Lonorab Lider Lopozisyon in dir e pour li finalman vin apoz lo menm teren ki Lonorab Lider Lopozisyon ti’n propoze.  Mr Speaker sa i tris, sa i tris akoz i montre nou plizyer keksoz ki pou toultan fer de fason ki nou demokrasi pa pou al pli devan. Mon ti’n kapab preski garanti ki Lonorab Herminie ti pou pran sa pozisyon ki in pran ozordi.  I regretab, i pran sa pozisyon akoz se nou ki’n soulev sa pwen. In pran sa pozisyon e annou dir li fran ozordi akoz it suits the SPPF pou annan sa cooling off period 3 a 5 zour konmela akoz zot pa swiv li.  Zot pa swiv li e napa en ledwa ki ganny leve kont zot ler zot pa swiv li. Mr Speaker mon’n anmenn sa file la bomaten akoz ladan parey Lonorab Potter – e mon ava dir ki, taler nou ava retourn en pti pe lo la – ki Lonorab Potter avek mwan malgre ki nou ti lo 2 kote opoze, nou’n tonm dakor lo en kantite keksoz lo kimannyer eleksyon i kapab pli byen arive dan nou pei dan le fitir an swivan serten lareg e an fezan serten lamannman ki nou lalwa i bezwen.  Dan sa file la bomaten Mr Speaker i annan tou bann rapor ki’n ganny fer swa par SPPF, including cooling off period e tou lezot e tou bann rapor ki’n ganny fer par SNP.

Mr Speaker lo cooling off period, rapor ki’n ganny fer e ki Lonorab Herminie i dir i tris, i montre bann aksyon dezespere par bann dimoun ki al fer kanpanny dan cooling off period, i annan desperate, i annan Minis ki pa ti fer en fwa me ki ti fer 2, ki ti fer 3, ki ti fer 4, ki ti fer 5 fwa e ki rapor detaye lo kote i ete at every minute of the cooling off period in ganny dir avek lapolis,ki lapolis in fer, absoliman narnyen, ni reponn en lapel, ni bouze pa ti arive Msye Speaker. Se pour sa rezon ki SPPF i krwar ki i oke akoz pour zot napa okenn problenm and let’s face it, zot zot napa okenn problenm. Mon pa pe dir ki zot tou zot kas lalwa cooling off period me mon pe dir ler i arive, se plito nou ki ganny target e zot zot ganny proteze. Mon ava dir zot akoz mon dir sa, in ariv avek mwan, pa dan sa dernyen eleksyon. Me dan en eleksyon presedan Mr Speaker ti annan enn mon kliyan, pa en aktivis pour mwan, mon pa ti dan sa distrik, mon ti dan distrik Les Mamelles parey mon ete konmela. Enn mon kliyan ki reste anler Copolia i call mwan i dir mwan son madanm in met – son vandredi avek eleksyon within the cooling off period, i dir mwan son Madanm in met tou son pake deor, vin donn li en koudmen pou anmas son pake, son lenz pou anmenn kot son manman anler  Beau-Vallon. Mr Speaker mon monte jeep i park deor. Antretan i dir mwan call lapolis akoz madanm pe fer enpe dezord. Mon call lapolis, mon  monte, park mon jeep deor son laport, mon ouver son laport deryer, i komans met son lenz ladan, etc. mwan mon pe debout. En jeep lapolis i monte, mon dir bon zafer, mon ale, zot aret obor mwan, mon ale mon apros sa drayver mon dir li mersi ki ou’n reponn nou lapel. I dir mwan, mon pa’n reponn ou lapel. Mon’n ganny rapor konmkwa ou pe fer kanpanny e nou’n vin gete ki ou pe fer isi anler. Kestyon pa fini la, sa ki pli gou i pa fini la. Koman sa pe arive, mon telefonn i sonnen, mon mobile i sonnen, enn mon dimoun anba Mamelles i dir mwan mon tyonbo en Minis dan mon lakaz pe fer kanpanny la, fer kard vin aret li ennfwa, nou ferm laport i pa kapab sorti. Mon dir avek sa gard, mon dir pa mwan ki ou sipoze vin rode, mwan mon pe anmas lenz sa garson parey ou vwar, Lonorab Edmond i konnen lekel, mon dir pa mwan ki  ou bezwen vin rode, la anba Les Mamelles i annan en Minis in pri dan lakaz entel, al anba al rod li akoz li i pe fer  kanpanny avek tou son bann materyo kanpanny. Ki’n arive Mr Speaker, gard i dir mwan, ar chief pa fatig ou ek sa. Zot bag dan zot jeep zot in ale. Mwan mon ti pou’n desann an sipanpan dan jeep lapolis si ti mwan. Me Bondye in fer en lot problenm arive ki pli grav, lapolis olye al get sa problenm in deside ki mwan finalman mon pa ti pe fer narnyen ki mal. That is the reality on the ground Mr Speaker.

E ler Lonorab Herminie i dir, with all due respect, ki isi Sesel napa okenn problenm ki arive zour eleksyon, tou dimoun i monte ler zot in fini vote zot mont kot zot, zot aksepte napa okenn problenm, of course e zot konnen lekel ki responsab pour sa? Sa Msye la ki pe assize, Lider Lopozisyon avek sa bann dimoun kote isi akoz nou ler nou perdi nou monte trankil. Zot rappel ki SPUP ti fer ler zot ti perdi lontan? Eski zot rappel? Eski zot rappel lekel dimoun ki ti pou travay? Firebrigade. Konman eleksyon i fini firebrigade i bezwen deploye partou akoz en sel kou by a complete koensidans ler SPUP i perdi eleksyon dife i pete partou dan lavil.

Msye Speaker si ozordi i annan respe pou eleksyon se nou ki’n anmenn respe pou eleksyon. E pa akoz nou bad loser akoz nou vini e nou sey sanz sitiasyon. Mr Speaker problenm avek cooling off period Lider Lopozisyon in dir kler. Ou ek mwan e nou tou isi dan lasanble, nou konn sa dikton legal ki dir; justice must not only be done but must be seen to be done. I en kestyon persepsyon. Kantmenm Lonorab Herminie pou desann pou al vizit son manman pou al reasir li ki La Riviere Anglaise ankor ennfwa pou SPPF, dimoun pou krwar ki i pe fer kanpanny zis akoz i pe marse. Se sa problenm ki arive. Sa dimoun ki ti telefonnen pou dir Bernard Georges i anler Copolia, kekfwa i ti an bonn fwa, kekfwa i ti krwar vreman ler i vwar mwan monte ki mon pe al fer enpe kanpanny. I en kestyon persepsyon Mr Speaker. E Lonorab Lider Lopozisyon dan son mosyon bomaten i pe dir annou fer en fason ki sa persepsyon ki sa ki pe fer mal i ganny vwar, annou tire akoz i enposib pou police en persepsyon. E sa ki arive se ki ler Onorab Herminie i dir ki li i pe desann i pe al vwar son manman, kekfwa vre i pe al vwar son manman me en lot dimoun i kapab kasyet – en lot dimoun i kapab servi sa ki pe fer kanpanny e dir mon pa pe fer kanpanny mwan mon’n al ed enn mon bann dimoun pour tir son lenz dan lari kot i ete pou anmenn kot son manman oubyen mon ti pe al vwar manman kan annefe i pa pe fer sa ditou i pe fer kanpanny politik.

Mr Speaker nou’n vwar ki sa cooling off period pa’n marse e mon napa okenn dout ki ler lalwa ti ganny pase an 1995 whatever i ti en lalwa ki ti ganny pase in good faith. Me antretan parey Lonorab Herminie in dir nou’n ganny kantite eleksyon, nou’n fer en kantite eleksyon, menm kantite ki li in defann e la mon ava koriz li, i annan enn ki annefe ou’n perdi e sa se premye Konstitisyon. Sa zot tou zot in perdi, nou ki’n gannyen. Alors ou pa kapab dir ki ou’n ganny tou laba. Kekfwa ou’n ganny tou me sa enn ou pa’n gannyen. Sa enn ou ti tonm dezyenm.

Mr Speaker i annan en kantite keksoz ki kapab ganny fer dan sa cooling off period e ki ganny fer konmela san ki nou kapab konnen. En phone call. Kimannyer lapolis pou al police en phone call e nou tou nou konnen ki phone call i ganny fer. SMS ti ganny anvoye sa fwasi akoz nou pei in avanse teknolozikman. Kimannyer ou anpes sa kalite keksoz arive SMS in ganny anvoye zour eleksyon. Kimannyer ou pou kapab anpes sa arive. Sa ki nou pe dir se met en pti pe lord tel parey – e la mon retourn parey mon ti’n promet taler lo Lonorab Potter avek mwan sa ki nou’n vwar. Nou’n vwar en kantite keksoz e mon krwar personnelman ki in ler, nou’n ganny ase leksperyans dan politik pour nou kapab komans netway sa lalwa eleksyon ki devan nou.  I annan en kantite keksoz. Bord eski i devret 50 eski i devret 200? Se Lonorab Potter ek mwan ki’n remarke ki ti annan en defayans, dan lalwa i dir 200 dan code of conduct ki ti pe ganny servi ti met 50 met. Ti annan en problenm se nou ki’n rezourd sa problenm. Nou tou nou’n vwar ki cooling off period i annan en problenm. Stasyon spesyal se nou menm ki’n dekouver, ki tou sa bann stasyon spesyal i illegal, napa enn ki legal. Bann dimoun Mahe ki vot Praslin tou sala i illegal, bann dimoun ki al vot Silhouette i illegal, bann dimoun kazern, bann old people’s home ki ti vote i illegal. Bann dimoun Anse Etoile ki ti vote.. i ilegal.  Annou pa pa viv Mr Speaker avek en ilegalite. Annou met enpe lord parey nou ti demande e annou fer li la. Se pour sa rezon ki Lonorab Lider Lopozisyon in anmenn sa premye mosyon. E mwan mon konnen ki a’n efe enn bann rezon ki in anmenn sa mosyon bomaten se pou teste reaksyon sorti lo zot kote. Pou gete si zot pou pare pou fer sa pa ansanm avek nou parey nou pe demande oubyen si zot pa pare e  ki zot zot pou retenir bann lavantaz ki zot annan an dizan tou keksoz i oke akoz  zot zot konnen ki zot pe byen pase anba sa sistenm kimannyer i pe arive. Mr Speaker les mwan fini lo en not pozitif.

Lonorab Lider in propoz en Assembly Committee. Lonorab Leader of the House in dir an prensip sa i en bon lide me kekfwa i devret al enpe pli larz. Cooling off period nou annan en diverzans lopinyon. Me nou annan en diverzans lopinyon lo en kantite keksoz ki nou kapab arive rezourd. Sa ki nou pe rode e sa ki zot mon sir zot pe rode osi se ki nou annan en lalwa efektif e ki nou annan bann lareg ki nou kapab swiv. Alors akoz Mr Speaker, akoz eski nou pa kapab servi sa premye pa ki nou’n fer, servi sa premye propozisyon kot i annan en sanblans agreement lo tou le 2 parti e sorti bomaten pa avek en mosyon ki’n ganny defet me avek en propozisyon ki nou kapab travay lo la pou al pli devan. E mon call lo nou de lider bomaten pou fer en fason ki ant la avek ler nou rise ki nou kapab tonm dakor lo en proze ki kapab reponn a sa ki zot zot anvi e sa ki nou nou anvi. Set a dir arive avek en lalwa atraver komisyonner eleksyon osi, avek en lalwa ki fer sans e ki kapab ganny aplike dan tou son konpleksite.

Mr Speaker avek sa detrwa mo mon ti a kontanaport mon siport until i annan okenn sanzman lo sa mosyon tel ki in ganny drafte bomaten. Mon remersi ou.

 

MRS MARIE LOUISE POTTER

Bonzour tou Onorab. Msye Speaker devan nou bomaten i annan en mosyon ki pe – endepandaman tou sa ki’n ganny dir lo nou kote e lo lot kote i pe esansyelman demann nou pou fer en swa. Fer en swa ant sa ki bon pour nou parti politik dan en kanpanny eleksyon e sa ki bon pour pei e nasyon. Wi si ou demann mwan si cooling off period i dan lavantaz bann parti politik, mon pou dir ou non. Me si ou demann mwan si i dan lavantaz nasyonal, i dan lentere lape, i dan lentere stabilite e i dan lentere stabilite, mon pou dir ou, i bon.  Alors pour mwan i en kestyon en swa, en swa difisil ki byensir nou pou bezwen fer.

Me nou isi lo sa kote parey nou’n fer toultan koman en mazorite serye ki met lentere nasyonal avan lentere, nou menm, nou prop parti, nou pou napa swa e mon krwar i pou nou devwar pou dir non a sa mosyon. Wi sa ki Msye Lonorab Georges in dir, i annan en nesesite e nou’n vwar sa pandan lepok ki nou ti pe reprezant nou parti respektiv lo komite eleksyon, nou’n vwar i annan detrwa iregilarite, detrwa laspe sa lalwa ki nou bezwen revwar e met li azour avek realite ozordi opoze avek realite  ki nou ti ladan ler sa lalwa ti ganny aprouve 13 an pase. Me nou pa devret osi bliye ki nenport ki seksyon, oubyen nenport ki laspe sa lalwa ki nou oule touse, be it special station, be it nomination day, be it broadcasting, be it distans ki nou bezwen met billboard avek biro eleksyon, nou bezwen pa zanmen bliye ki nenport ki laspe ki nou zwe avek, nou bezwen fer sir ki toultan lentere nasyonal, lentere seselwa, elektora seselwa SNP, SPPF i pran presedans lo lentere nou parti respektiv. E a mon’n avi se sa ki pe ganny fer. Lalwa dapre biro komisyonner eleksyon ki mon’n konsilte avek ler mon ti vwar sa mosyon lo order paper, pe ganny revize aktyelman par biro komisyonner eleksyon e petet la i en moman apropriye pou bann parti politik, le de parti politik prensipal pou anvoy zot sizesyon, zot komanter oubyen menm demann en lodyans avek biro komisyonner eleksyon – le de kote parey Lider of mazorite in propoze, la nou ava vwar en lesey pou fer en kontribisyon serye anver revizyon en lalwa serye parey lalwa eleksyon.

Dan labsans sa demars mon pou santi ki legzersis ki nou pe fer la bomaten i pa vreman fer sans e ki nou pe efektivman miss the point parey Dokter Herminie in fer resorti pli boner. Mon krwar met dekote tou bann ki kas lalwa, regilasyon pandan cooling off period fodre nou mazinen osi, nou pa zanmen bliye ki en eleksyon whichever way ou get li i reste touzour en highly human endeavour. E osi lontan ki i annan en zonm, en fanm en imen, e pi en politisyen lo en teren, deryer en aksyon ou definitivman pou annan dimoun, serten endividi, anvi son febles, anvi son lanvi gannyen pou debord en pti pe lalwa.  Me sa i pa devret fer nou zet sa pti baba ek sa delo sal ansanm. Nou devret gete premyerman ki responsabilite sak parti politik i annan pou ranforsi sa regilasyon. Dokter Herminie in koz bokou lo merit en cooling of period. E mon pa pou al ladan, mon pa pou repete, mwan mon siport antyerman son bann largiman.

So pour mwan solisyon  fas a si nou pou annan en cooling off period, si nou pou redwir li, si nou pou amann li, son solisyon, mon ti a kontan demann lopozisyon  re al get dan prensip en cooling off period e son merit lo en pwennvi nasyonal. Mon krwar si zot fer sa legzersis zot pou realize, zot pou dakor avek mwan ki wi i pa dan nou lentere me i dan lentere pei.  Alors mon enpe dezapwente avek Onorab Georges ki koman en avoka, en zonm delwa, pour li solisyon  si ler en lalwa pa marse, serten endividi i kas li, alors annou zwe ek sa lalwa, annou aranz sa lalwa pou fer sa dimoun ki pe kas sa lalwa fer son aksyon vin legal. Si en Minis oubyen en aktivis SNP i kas sa lalwa alors annou aranz sa lalwa pou fer aksyon sa minis oubyen sa aktivis SNP vin legal. Sa nou pe vreman miss the point lo sa size.

Sa pour mwan Msye Speaker solisyon pour sa sitiasyon i senp. Mon krwar annou re-egzamin en pti pe nou konsyans, sak politisyen, sak parti politik, annou pran nou responsabilite, annou al dan en direksyon kot ansanm nou arete blanm  kanmarad ki ‘ar ou ou ganny lavantaz, lapolis pa atrap ou, ou i atrap ou’, ki an realite i fo. Realite vizavi sa sitiasyon se ki dan en lepok eleksyon lemosyon i o, tansyon i o presyon i o. I vre  pour nou bann siporter i en gran lafet, en kanpanny, zot al rally, welele, danse, zot viv, zot kriye, zot whatever. Be pour nou politisyen i en moman ranpli avek tansyon, ranpli avek en kantite travay ki nou annan devan nou pou fer, ranpli avek sispans i kapab ranpli ek lemosyon osi, ranpli avek lakrent, pou gannyen, pa pou gannyen etc. e mon asire lopozisyon i konn pli byen sa eleman lakrent ki nou. So mon krwar nou bezwen as oppose to sanz lalwa pou permet serten keksoz vin legal – si ozordi anba cooling off period as it is now, door to door i elegal e ou ou pe dir annou fer door to door vin legal. Demen ler nou’n fer door to door oubyen lezot aksyon kanpanny i vin legal ou pou annan en lot problenm pour ou rezourd. Ou pou annan menm problenm, ou pou vwar en lot aksyon ki derive from sa door to door. Door to door i komans vin en house meeting, house meeting i komans vin en community mon pa konnen kwa, i koman tea, i komans vin en piknik. Now, where do you stop? I pou end up dan en agroupman of some sort. E tou sala i destabliliz en prosesis eleksyon ler ou pe get li lo en pwennvi nasyonal.

So mwan mon krwar son solisyon se annou edik nou bann aktivis akoz most of the time, i pa neseserman sa kandida ki pe ale pou kas sa regilasyon, se nou bann siporter, nou bann aktivis, petet zot pa vreman konpran enpti pe lenplikasyon etc ennler ou sey tenir zot, me ou pou tenir 100 aktivis, ou pou tenir 500 siporter, pou zot zot pa enterese ek sa. So mon krwar nou nou bezwen pran nou responsabilite koman bann parti politik edik nou bann siporter, edik nou bann aktivis pou konnen kwa ki ou fer, kwa ki ou pa kapab fer. E petet osi en lot solisyon se ranforsi, rod fason pou ranforsi kapasite biro komisyonner eleksyon pou deal ek sa bann problenm dan sa lepok cooling off. Mon krwar nou bezwen admet e nou bezwen tir nou sapa avek biro komisyonner eleksyon pou sa detrwa staff ki i travay avek e pou sa ta presyon ki i bezwen sibir, conplent right, left and centre, nou bezwen if anything esey vwar kimannyer nou ranforsi zot capacity building pou zot deal avek bann  pre konsern ki kapab annan potansyel pou devlop dan en katastrop dan en lepok eleksyon. Akoz dan en lepok eleksyon parey Dokter Herminie in rightly fer sorti anything can happen e enpti spark i fer en dife.

So pour mwan alors Msye Speaker e petet en konsey mon a donn SNP pou prosen eleksyon ki pou byento, planifye zot kanpanny. Nou tou nou konnen ki lalwa eleksyon i dir ou, ou annan tan zour kanpanny, zour eleksyon count back 3 zour, e dan nou ka i vin 5 zour, apre cooling off. Now planifye, fer sir ki sa 5 avan la zot in fini donn tou zot papye, zot in fini donn tou zot let, zot in fini donn tou zot CD, zot in fini fer tou, dir tou sa ki zot annan pou dir.  E mannyer ler cooling off period i vini mon pa ava vwar mwan dan mon lakaz ganny 10 let sorti kot lider lopozisyon dir mwan vot pour li. E se sa ki’n arive dan dernyen eleksyon.  Zot in penn Mahe antye avek en ta let e sa let ti’n planifye pou ariv kot mon lakaz, kot ou lakaz dan cooling off period.

Roche Caiman, Madanm Charles i la i ava demanti mwan nou ti entersepte, nou bann aktivis ti vin montre nou in ganny sa bann let. I annan en aktivis SNP ki kot son lakaz ti annan en balo sa let. Nou ti pe sirvey li ziska ozordi mon krwar i ankor la, zanmen in ale sa bann let. Akoz it i dan cooling off period e i ti konnen si i fer li nou pou al raporte. E nou ti fer li konnen ki nou konnen ki i annan let se li.

So alors annou planifye nou kanpanny zot ankor annan enpe letan mon pa konnen kan prosen eleksyon pou ete probableman soon, so planifye ki ler i ariv cooling off period nou tou nou sit back e nou montre respe pour nou elektora. Donn zot en breathing space pou zot deside kalmeman zour eleksyon pour ki zot pou vote. Donn zot sa liberte pour zot swazir libreman san okenn koersyon pour ki zot oule vote. Mon krwar 18 zour, 15 zour ki nou’n bonbard lepep Seselwa avek progranm, avek diskour, avek papye, avek kanpanny look lepep in satire la. Les li asize e fer son desizyon e les li fer li byen.

Mazinen i annan Msye Speaker e ou ava dakor avek mwan en sekter nou elektora ki santi zot  teorize dan lepok kanpanny.  Pour zot dan en lepok kanpanny i en moman pli enstab, zot pa oule sorti aswar, zot pa oule al dinen, zot pa oule zot zanfan al isi, al laba akoz zot dir dan kanpanny i annan vyolans. E sirtou si zot zot konnen zot siport en parti e zot pa oule pas dan serten landrwa zot dir pou ganny harass. E i annan menm voter ki an depandans tansyon ki annan detrwa zour avan eleksyon i deside pou pa ale. Si i vwar tansyon i vreman o e sirtou nou bann trwazyenm az, zot pa pou ale, zot per, zot dir ou pou annan dezord laba.  So si sa i leka, dan sa ka nou pe disnfranchise en poursantaz nou popilasyon e dan sa ka si nou pe koz lo demokrasi, forget it.

Alors nou bezwen osi rekonnet Msye Speaker ki malgre tou bann iregilarite ki’n kapab annan anba sa lalwa eleksyon me selman mon krwar depi ‘1993 ziska ozordi in annan en kantite progre. E mon krwar nou bezwen felisit nou elektora pour sa. In annan en kantite progre lo konportman Seselwa vizavi en eleksyon. Si zot rappel  tre byen, premye eleksyon milti parti ki ti annan isi, premye eleksyon komisyon konstitisyonnel, referandum etc. I mean ti annan en kantite fanatik, en kantite fanatism, en kantite vandalism, board ti ganny kase, graffiti partou lo semen, ti menn ti bar ou dan bann kwen semen partou, bour paviyon ver dan ou figir, anvoy ros. Ti annan en kantite fanatism. So nou bezwen admet ozordi, 13 an down the line nou pep pe gradyelman mature dan sa nouvo lanvironnman miltiparti. So annou ranforsi sa. Annou donn en koudmen pour ki nou pep i vin san pour san mature ladan. Annou pa al temper pou al ouver en lot lafnet ki epi nou pa pou kapab zanmen fermen oubyen al ouver en lot laport ki epi ou pa pou kapab zanmen fermen.

So se pour sa rezon mon dir ki nou nou pozisyon lo la se ki nou met sa sitiasyon squarely dan court bann parti politik enkli pour mwan.  Annou pran nou responsabilite, annou edik nou elektora, annou planifye nou kanpanny, annou rode kimannyer nou kapab ed biro komisyonner eleksyon ranforsi son kapasite deal avek bann sitiasyon parey dan bann lepok eleksyon. E avek sa mon ti a kontan demann SNP pou rekonsider zot pozisyon lo sa mosyon akoz nou nou pou pran nou responsabilite koman en lasanble, en mazorite serye e nou pou vot kont sa mosyon.

 

MR SPEAKER

Nou pran en break ziska 11 er.

 

(Break)

MR SPEAKER

I paret tou le de kote in fer lepwen. Si napa nouvo pwen mon envit loter mosyon pou..

HON RAMKALAWAN

Mr Speaker pour mwan dir ou laverite ou nepli konnen parfwa kimannyer pou koze dan sa lasanble. Si ou dir en keksoz i blan zot pou dir avek ou, ou ti krwar i blan, ou’n mal konpran, i pa blan sa. E pourtan apre letan zot kozeki zot montre ou ki poudir efektivman sa ki ou ti a pe dir, i sa.  E apre parfwa se lafason ki keksoz i ganny distorted. Nenport keksoz ki ou dir, espesyalman mon sipoze si mwan ki dir, Onorab Herminie pou komanse pou dir Onorab in mank lepwen. Sa in vin en standar sa. Anyway si..

 

MR SPEAKER

Selman tou le de in dir zot in mank le pwen.

 

MR RAMKALAWAN

Wi be mwan ki pe dir la.  Mwan Mr Speaker finalman en keksoz in sorti kler dan sa mosyon. Keksoz ki’n sorti kler se ki SPPF i konnen akoz ki li i anvi tenir sa cooling off period e lafason ki spesyalman Onorab  Potter in koze, both Onorab Potter ek Onorab Herminie zot in koze konmsi zot 2 obzervater enternasyonal ki pa pe viv larealite Sesel. Konmsi 2 obzervater ki’n vin obzerv eleksyon Sesel e zot in vwar konmsi kimannyer sa cooling off period vreman i bon, i bon Mr Speaker, i bon, bezwen rekomande ki nou lorganizasyon i adopte sa koman en standar pour tou bann lezot pei akoz pandan sa bann zour tou bann parti politik zot reste se zot, zot assize, kandida i senpleman zis vizit zot manman- e zot dir zot manman, e parfwa zot manman i menm reste dan laboutik Tanbi parski zot vizit dan laboutik Tanbi avek zot People ki vreman Sesel i byen Mr Speaker, tou kekoz i bon, sa lalwa eleksyon i pou dezorme vin en standar enternasyonal e ki nou anvoy en kopi Kashmir. Nou pou fer Kashmir ganny en kopi seksyon 50 parski sa i pou rezourd tou bann sitiasyon ant Lenn avek Pakistan.  E ki dezorme pandan 5 zour tou bann dimoun laba anler Kashmir, bann politisyen pou asiz se zot, tou bann fizi pou ganny met dekote e bann dimoun zour eleksyon zot pou sorti kot zot 5 er mwen zenkar bomaten, zot pou al vote trankil, apre zot pou retourn se zot, e apre tou keksoz pou oke.

Mr Speaker annou aret reve.  Larealite, e la Onorab Herminie pour mwan sit limenm li lafason ki in dir sa, in dir ki en dimoun ki al fer kanpanny pandan cooling off period, pou servi son prop lekspresyon, i desperate. E mon krwar ki poudir i annan bokou. Letan Mr Speaker semenn eleksyon ou telefonn tou bann minister ou demande pou ou koz ek minis, minis pa la, PS pa la, konseye spesyal pa la, DG pa la. Kot zot ete? Zot lo teren. E sa i sipoze cooling off period. Mr Speaker mwan mon pa pe viv dan rev mwan monpe regard realite. Letan lavey en eleksyon en Onorab i al met en kours beton – i anvoy son zonm pou al met en kours beton devan lakour en dimoun e apre i pase, letan i pase i dir pa bliy mwan demen.  Cooling off sa.  Letan zour eleksyon, oke les sa 3 zour, prezan zour eleksyon bann check points i ganny etablir anba stasyon vote, larzan i ganny donnen devan.  Onorab Herminie pa ploy ou figir, pa friz ou figir, sa se bann keksoz larealite politik Sesel. E i vre ki mon ti konnen ki sa cooling off period lafason ki mon’n anmenn sa mosyon, i vre ki SPPF i annan tou rezon pou zot vot kont senpleman akoz pandan sa peryod se zot ki pe servi sa  pou zot fer kanpanny. Mon a dir ou akoz Mr Speaker. Lapolis, ou konnen akoz lapolis pa kapab police sa cooling of period, akoz lapolis i pe akonpanny kandida SPPF dan zot kanpanny. I mean Onorab Frichot i konn byen.  Onorab Frichot pandan kanpanny antye in mars avek lapolis koman son bodyguard.

Mr Speaker letan minis i mars avek lapolis koman bodyguard, eski lapolis pou pran aksyon kont li? I pou al pran aksyon kont son prop Minis, byensir non. E alors obviously tou sa bann zafer i pase e menm si i anvi annan okenn policing i pa kapab.

Mr Speaker enn bann pwen ki’n ganny fer sorti se kot konmsi i resanble Onorab Herminie i anvi, i pa anvi se sa zafer en propozisyon, Onorab  Potter tou in vin lo sa nivo. Me mwan mon ava dir avek tou le 2 Onorab ki i pa la ki nou pe komans regard sa, depi plis ki en lannen, depi plis ki enn an, nou pe koz, nou’n set up en meeting pou al diskit avek Msye Gappy, Electoral Commissioner, sete Onorab Georges ki ti anmenn en dokiman, nou ti met nou bann pwen lo papye an relasyon avek Elections Act pou diskite, pou regarde ki soz.  Msye Gappy ti lekol dan menm laklas ek mwan, diferan keksoz nou’n eksperyanse ansanm me sorry, i zis ekoute, i dir ek ou, yes, yes i dakor, fodre, i dakor wi. Me selman apre ki i fer? Absoliman narnyen.  Absoliman narnyen e Onorab Potter malgre son diskour, son bout politik ek Onorab Georges zot in assize avek Msye Gappy pandan plis ki enn mwan zot in regard tou sala.  Ozordi Onorab Potter i vini i dir ek Onorab Herminie i dir, i annan serten keksoz ki pe revise. Fine, the independent Electoral Commissioner in fer zot konnen. Zot stakeholders zot. Be nou, akoz pa fer nou konnen? Sa independent Electoral Commissioner, lefe ki – zot pa panse ki poudir kourtwazi – Onorab Georges in al kot li avek en dokiman 4 paz kot in met keksoz lo papye. Be si ou annan lentansyon revize ou pa panse ki poudir ti ava normal pour li call bann stakeholders, pour li dir ek bann stakeholders ‘look mon annan lentansyon fer  sa, sa mon pe regarde, mon ti ava kontan ou input. Mon krwar ki poudir koumsa keksoz  keksoz i marse. Me malerezman isi i pa mars konmsa, i regard zis keksoz dan en serten fason e and this is another problem avek nou sistenm.

Ozordi i kler ki poudir nou nepli sa moman, but this would be for another motion – kot nou nepli bezwen, e Commonwealth ankor ennfwa i fer referans ek sa kot letan in depase pour nou annan One Electoral Commissioner. Letan in arive pour nou annan en Electoral Commission. E zot tou le 2 zot in mansyonnen ki poudir sa pwa travay ki pase, i ganny overwhelmed avek sa kantite travay ki annan. E alors enn bann fason se pour nou fer li. E la efektivman dan enn zot bann rekomandasyon; in the interest on increasing the opportunity for participation in strengthening the electoral system and to enhance good governance, the government may wish to consider the establishment of an Electoral Commission based on international  good practice. E tou sala se bann keksoz. E anplis ki sa mon mazinen zot in asize pandan tou sa letan, Mr Speaker, be apre sa eleksyon ou ti ava mazinen ki, the Electoral Commissioner i ti ava re-envit bann stakeholders pou asize avek li pou fer en post mortem pour regarde kwa ki bann parti politik i annan. Lo kote SPPF, lo kote SNP pour nou regarde be kimannyer nou kapab fer keksoz pli byen. E pa bliye Mr Speaker pour montre kimannyer i senplement reluctant pour li take in any advise, 10 an nou pe fer eleksyon e sak eleksyon nou’n annan nou international observers, e tou bann international observers, apre zot eleksyon zot anvoy zot rapor avek en seri rekomandasyon. Up to now, napa en single recommendation ki’n ganny pran oserye parski by now si i ti’n pran bann rekomandasyon sa bann observers ki nou envite oserye, i ti’n bezwen fini anmenn en serten proze delwa devan lasanble. E parey mon pe dir napa narnyen e se pour sa rezon, menm si Onorab Herminie i dir ‘sa kimannyer pe fer la, that’s not the way to do it, pou vin diskit enn par enn’.  Onorab Potter tou in repet sanmenm sa, ar pa normal pou fer li konmsa. Me kimannyer ou pou fer?  Kimannyer pou fer pou anmenn keksoz lo son latansyon, pou sey fer li konpran parski mwan mon nepli konnen kimannyer pou fer.  Ou swiv lalwa, i pa marse.  Eski aprezan nou pou bezwen al sey kas lalwa parey SPPF pe fer la pour le moman cooling off period ?

E Mr Speaker pli boner Onorab Potter i dir, ‘ar si nou komans ek sa door to door, si nou allow door to door sa i kapab lead to something else, en house meeting, i kapab lead dan en lot keksoz pou anmenn dezord. Ki sa vedir dezord? Onorab Herminie, ou vwar zot pa ekoute – Onorab Herminie in fek dir detrwa minit oparavan ki Langleter zot demokrasi in etabli sepa ki deal, ki ozordi zour eleksyon zot kontinnyen fer kanpanny. And I’m sure Onorab Herminie i kapab testifye ki poudir be wi, si bann dimoun ti pe fer kanpanny menm la dan stasyon vote, pou servi ou prop lekspresyon, me apre sa tou keksoz in deroul normal non? Tou keksoz ti trankil.  Sa vedir nou annan posibilite pour nou grandi, pour nou devlope. E si Sesel i kapab fer en pa, why not fer en lot pa, why not al pli lwen.  E ki si finalman nou sistenm politik i fer ki nou vin sitan mature konman en pep pour nou kapab zour eleksyon, eleksyon i pa koman, pou eleksyon ou pa ni bezwen donn en public holiday oubyen ou fer li dimans, parski parey ou konnen Langleter i pa en public holiday zour eleksyon.  Lavi i kontinyen tou laboutik i ouver, lavi i kontinyen ou pa ni dir si i en eleksyon. Mon osi monn Langleter pandan en eleksyon. Ou pa ni dir si pou dir i annan en eleksyon.  Senpleman akoz dimoun lafason ki zot in avanse. Me akoz ki Sesel osi tou i pa kapab avanse.  Mwan mon krwar ki pou dir Sesel i kapab avanse e mon soke letan lafason ki zot koze konmsi ou a krwar Sesel ti en One party state anba SPPF ziska 92-93 e apre sa konmsi in vin en pei one party state anba SNP avek paviyon ver parske i resanble ki tou keksoz ki arive sa pei zis paviyon ver ki ganny frote dan figir dimoun, tou keksoz mal ki arive zis SNP ki fer.  E petet omwen mon ti ava dir ki si i annan en moman ki vreman i bezwen en reinforce cooling off period se apre eleksyon, parske apre eleksyon bann dalon Onorab Herminie zot pase dan zot bann bis e la zot maltret dimoun ouvertman, zot bat sa ki zot pou bate, zot tay ek ou, pourtan zot in gannyen, zot in ranport laviktwar. Olye fete soz ensidswit fer parey ek onorab, onorab i al pet petar ton.  Fer parey li, olye fer parey li, ki zot fer, zot rod dimoun, zot bate, zot menase ensidswit.

Mr Speaker, annou pa anbet nou lekor e petet ok si ou anvi anbet ou lekor, anbet ou fine, sa ou zafer, me selman pa sey anbet lezot dimoun, pa sey anbet Seselwa. Letan Onorab Potter i dir ki mon mosyon i annan de soz. Enn pour nou rode kwa ki bon pour parti politik, e pour parti kanpanny ziska dernyen zour i pou bon pour zot.  E de lot kote annou rode sa ki bon pour nasyon.  E pour nasyonal sa ki bon, se stabilite, lape, tou sa bann zafer e alors sa i ok.  Mr Speaker i pe anbet lekel. Parski i kapab dir sa e koz konmsi lo en standar sepa ki oter, me larealite se ki sa ki i a pe dir pour nasyonal cooling off period, be son parti politik i fer, son parti politik i al fer kanpanny pandan sa cooling off period e alors i servi nasyonal me selman dan nasyonal li aprezan parti politik antre pour li rod sa ki bon dan son lentere e se pour sa rezon ki nou lo nou kote nou dir be si ou ou a pe rod nasyonal me selman ou a pe soz dan ou lentere annou fer en fason ki tou dimoun i ava parey ki nou ava konnen ki pou dir la i la sa cooling off period, wi i annan serten keksoz ki ou kapab fer i annan serten keksoz ki ou pa kapab fer me tou le de i annan menm drwa.  Se sa ki nou ti pe rode e alors Mr Speaker, parey mon pe dir mon pa pe sey vin anbete parski efektivman sa ki pou arive.  Sa ki pou arive si sa pa ganny rezourd, la prosenn fwa lapolis pou bezwen met tou dimoun dan prizon. Lapolis pou bezwen vin anmas tou dimoun ki dan SNP akoz letan e la mon pe dir, akoz letan cooling off period, zis SPPF li i pa pe respekte cooling off period, nou osi tou nou pa pou respekte. Nou osi tou nou pou al fer nou door to door e nou osi tou nou pou mars avek nou bann aktivis parey ki SPPF i fer. Ou konnen ki en gard ti dir avek nou reprezantan Au Cap.  Reprezantan Au Cap i bat avek bann aktivis minis, parey zot konnen ti annan PS ti annan tou kalite. Letan i telefonn kordgard, i dir be ki pe arive i annan kanpanny, i dir aret fatig bann aktivis SPPF zot pe fer zot travay.  Sanmenm sa thats the sort of nonsense ki ou gannyen, e zot zot pa gannyen sa kalite nonsense akoz zot pe ganny proteksyon. Si zot ti konnen ki kalite nonsense lo nou kote nou bezwen fer fas avek, efektivman zot konnen, me selman zot pe servi sa.

Donk Msye Speaker, i pa en kestyon lo en kote stabilite lo lot kote sepa ki soz, me nou war kimanyer bann striktir leta limenm li i fer soz.  Annou pran paregzanp ansyen konmisyoner lapolis Kilindo, ozordi i Special Advisor mon pa konnen ki i pe advise dan en fason spesyal mwan.

Mr Speaker, i mont lo televizyon pandan cooling off period, i donn en manman deklarasyon ou a krwar konmsi  Sesel ti pe al ganny en lager sivil.  I rakonte kimanyer bann dimoun in desann ek gran kouto dan en loto, zot in mont dan direksyon State House zot in pran dimoun otaz, e ki sa tousala i annan pou fer avek eleksyon e ki zis pou fer dimoun per ensidswit, sa bann dimoun sepa …lannmen i vin lo televizyon ankor e li sak i fwa i soz i vin lo televizyon i rakonte kimanyer bann la ti pe zet tear gas dan labank, sa, e sa set en lorganizasyon sekerite ensidswit, tousala zis pour senm lafreyer sepa ki deal tou sa bann zanfer. Ou konnen en keksoz Msye Speaker, napa personn kin ganny sarze pour sa bann lofans. Pourtan pour konmisyoner lapolis vin lo televizyon e dir pour dir i annan en sitiasyon alarm pandan cooling off period. Ok ou ti ava ekspekte ki pou dir ti ava annan en case en follow-up ensidswit.  Sel keksoz ki in sey fer, se pour li ferm detrwa manmay pour zot pa kapab vote zour eleksyon.  E apard sa napa okenn case e se sa ki nou appel fairness ? Nou appel sepa ki lot zafer ensidswit.  Egzakteman Mr Speaker, ki in fer Msye Kilindo efektivman, limenm li i ti devret ganny sarze pou kas cooling off period.  Si i annan en dimoun ki ti devret ganny sarze parske in fer li lo televizyon, sete li.  Electioneering anfaver SPPF. Mr Speaker, mwan mon dir si SPPF i anvi form sa group Onorab Herminie in nomen, mon ti ava kontan antann plis ki Onorab Herminie i annan pou dir lo la.  And am sure ki si toulede kote i dakor, bi-partisan, pou regard sa bann zafer, lets go for it.  Annou lo en keksoz bi-partisan nou a regard tou sa la nou ava asize ek komisyoner eleksyon annou fer li. Me malerezman, Onorab Herminie in koz lo sa, me sa se zis en zoli parol, sa se zis pou konpsonpsyon piblik e nou konnen sa bann zafer e mwan lotre zour en dimoun in dir avek mwan, be SPPF i fer tel lakizasyon ensidswit, mon dir mon frer, letan ou war SPPF i fer en lakizasyon vir li lot fason pour ou fer ou refleksyon. I pou akiz ou pou keksoz ki li i fer. I pou dir avek ou ou en parti vyolan, selman li i fer koudeta. I pou dir avek ou, ou anmenn dimoun vote, ou pey dimoun sorti deor pou vote, selman ou trouv bann dimoun Roche Caiman, Jeanine Aglae ensidswit in ganny pey tiket pour li vin vote.  Letan i  pou dir ou sak keksoz ki i dir ou la, letan i dir avek ou ou kraz bis, letan i akiz ou la, pa pran sa lakizasyon pou kol lo ou akoz i a pe dir avek ou kwa ki li i fer.  E ou aprezan  ou pa mars parey en bourik gran zorey met sa lo ou ledo pou mars avek, akoz sa pake sentonm ki li ater trankil, les sentonm repran son pake e mars avek limenm li.  E efektivman letan Onorab Herminie i vini i dir avek nou, mwan mon respekte cooling off period mwan, mwan, zanmen, trankilite, fodre dimoun pandan sa 3 zour zot asize pres pour li dir avek nou, fodre sakenn i asize avek son labib, ek son liv de priyer pour li reflesir ek son saple.  Ou konnen ki arive Msye Speaker, ou konnen ki sa ki kas  cool sa dimoun, letan i vwar Onorab Herminie i rantre dan son lakaz cooling off period. Mwan mon vizit zis mon manman, mon pa konnen konbyen manman ou annan. Bokou manman ou annan, manman sonnyen. Tou dimoun i kontan  ou, zot pran ou koman zot garson  parski zot vot pour ou. Mon mazinen, zot kontan ou dan La Riviere Anglaise.

Mr Speaker mon konnen zot pe riye e zot konnen akoz zot pe riye. Zot konnen zot pe riye akoz efektivman pandan cooling off period, le moman ki lendi minwit i arive se la ki SPPF i dir bon pye devan, lapolis pe vye SNP, larme pe vey SNP, teren i kler, nou aprezan annou al travay, annou al aste kart idantite, annou al pey dimoun pou zot pa vote, annou al fer sa bann zafer e se la ki tou kanpanny politik i komanse e se la ki tou keksoz i marse. E sa kanpanny Mr Speaker i kontinnyen ziska zour eleksyon. E mon ava dir ou en keksoz, Mr Speaker avek tou respe ki mon annan pou ou lofis avek pour ou ti enteresan, pli boner sa semen en gran SPPF dan distrik Mont Fleuri i dir ou konnen akoz nou’n perdi Mont Fleuri? – Konmsa menm i ti dir Mr Speaker – i dir ‘ akoz MacGregor pa’n travay pandan sa cooling off period. I dir ‘MacGregor pa ti la, nou pa’n trouv li pour nou al pey nou bann dimoun’. I dir ‘ou konnen i annan en fanmiy avek 14 voter laba, si pandan sa cooling off period, MacGregor ti’n pey zot, nou ti pou ganny tou le 14’.  E i vre i pa ti lo teren ou pandan kanpanny – mon konnen ou pa ti lo teren me bann lezot.

So Mr Speaker mwan senpleman mon pwen letan mon pe dir annou regard ankor sa zafer cooling off period, annou aret cool ipokrit avek sa zafer. E mon espere ki Msye Gappy avek tou sa bann kekoz ki’n ganny mete devan li e – nou pou al telefonn li. Zot in dir nou nou pa’n demande, taler Onorab Georges pou al telefonn Msye Gappy e mon ava dir zot en keksoz, zot pe dir sepa ki deal, ou konnen kimannyer Onorab Georges ti bezwen ennfwa ganny Msye Gappy lo telefonn?  I telefonnen depi bomaten pandan cooling off period, mon soz Msye Georges – wi pou antre an kontak avek Msye Gappy akoz nou bann dimoun ti pe raport serten vyolasyon.  Onorab Georges i telefonnen parti telefonnen, pa ganny li, pa ganny li. Finalman, Onorab Georges i fer sekreter telefonn li lo en lot nimero, lo en private number, en dimoun i pran, i dir avek li Prezidan i oule koz ek ou. Deswit Msye Gappy i lo telefonn. Prezan Bernard i dir avek li ‘ konmsi mon bezwen fer sa pour mwan ganny ou? Pourtan nou pe koz anterm stateholders anterm tou sala?  so taler mon pou swiv zot konsey, nou pou al telefonn Msye Gappy e nou pou al demann li ki bann lamannman ki i pe propoze, e ki in fini enform zot ki poudir i pe travay lo sa bann lamannman parski zot in vin dir dan lasanble e silvouple si i ti ava kapab partaz enpe sa bann lamannman avek nou pour nou regarde, nou osi nou ti ava kontan donn nou lopinyon lo la. Epi nou ava dir zot ki nou’n gannyen.

Msye Speaker sa ki mon pe demande nou tou nou konnen i en keksoz ki neseser, nou konnen  ki i en keksoz ki bon, nou konnen ki poudir i en keksoz ki pou ede pou level the playing field me selman malerezman SPPF i konnen ki poudir pour le moman seksyon 50 cooling off i dan zot lavantaz, antyerman dan zot lavantaz kot zot kapab ganny en teren prop  me mwan mon senpleman anvi dir kekfwa lot eleksyon – Onorab Potter premye kou in dir ek nou i soon apre i dir keksoz i soon – mon pa konnen ki i konnen ki i pa konnen parski ennler i donn lenpresyon ki i konn en ta keksoz me selman apre i pa konn gran keksoz.

Nou ava dir ki malerezman si nou pe rod lape, si nou pe rod stabilite, si nou pe rod nivo nasyonal tou sa bann zafer, i annan serten keksoz ki bezwen ganny amande e enn bann keksoz neseser ki bezwen ganny amande se sa seksyon 50 e ki mwan mon pe dir klerman ki si i annan en lot eleksyon soon or very soon, or maybe soon e ki sa bann zafer pa soz .. – sorry i pou bezwen met nou tou dan prizon. Msye Gappy pou  bezwen anvoy lapolis aret nou tou e met nou tou dan prizon akoz si li SPPF li i pare pour li al marse pandan cooling off period, nou osi tou nou annan lipye me ziska aprezan nou’n respekte lalwa e alors nou osi nou ava fer li.

E finalman Mr Speaker mon anvi termin lo en pwen ki vreman ankor ennfwa zot parey pour zot distort keksoz. Pe dir – nou a pe dir lo nou kote e Onorab Potter in spesifikman akoz Onorab Georges ki sepa in eksprimen poudir i soke pour en dimoun ki en Avoka sepa ki deal ki akoz en lalwa pa bon – akoz nou pa kapab police en lalwa nou sanze.  E alors si ou pa kapab police drog ou pou legaliz drog. Sorry, annou get keksoz dan son lozik. Sa ki nou a pe dir se ki nou pe swiv serten norm enternasyonal e ki ozordi sa zafer cooling off period, si ou pa kapab police pou anpes dimoun al vizite – al vizit dimoun, sa dimoun kip e vizite i pa pe fer en krim li, ou pa pe al rod legaliz en krim, i zis en regilasyon ki ou a pe sey dir be si sa regilasyon pa pe marse, ou bezwen sanze. Menm parey pa zot in dir regilasyon kontrol lo forex pa pe marse, pa zot pe al sanze. Alors, eski zot pou dir senpleman akoz zot pa kapab police forex ki zot pe legaliz li. Mon espere non. Mon espere akoz zot pe dir sepa sa regilasyon kimannyer i ete nou kapab regard dan en lot fason.

Nou pa pe dir legaliz en krim se pour nou regarde kimannyer nou kapab – petet dan en moman ti enportan pour nou annan serten keksoz me dan en lot staz i enportan pour nou regard keksoz dan en lot fason.  Alors silvouple pa zis zwe avek parol e esey zet salte kot napa salte. Annou get kekoz avek realite e mwan mon konnen ki poudir sa ki mon pe propoze i pa okenn lenvansyon, Commonwealth menm in dir sa. Sa bann pei SADC ki Onorab  Herminie pe dir, sa bann pei SADC la – mon’n deza al obzerv eleksyon kot zot mwan, Malawi. E letan zot pe koz sepa SADC i anvi entrodwir cooling off period, mon wish zot good luck. Mersi bokou Mr Speaker.

 

MR SPEAKER

In ler pou vote, tou sa ki faver lev zot lanmen. Okenn ki kont?  Mosyon pa’n ganny aprouve  e nou adjourn..

MR BERNARD GEORGES

Mr Speaker avan ou adjourn, mon annan en matter of privilege silvouple.  A lafen nou dernyen sesyon Lonorab Leader of the House..

 

MR SPEAKER

..non, non, matter of privilege si in ariv, la, la ou kapab lev li mannyer ou pe fer. Si in ariv en lot letan prosedir ou ekri mwan..

 

MR BERNARD GEORGES

Non, fini ekout mwan Mr Speaker…

 

MR SPEAKER

..ou pe sit en lot lokazyon.

 

MR B. GEORGES

Non, i ti dir i pou substantiate. Sa ki i ti pou fer, i ti pou substantiate sa alegasyon ki i ti’n devret substantiate ler i ti fer li. Me i pa’n fer li, in dir i pou fer li apre. That’s the first time we come back, i pa’n substantiate.

 

MR SPEAKER

Prosedir si ou ensiste lo sa matter of privilege, ou ekrir mwan. Bon, lot mardi.

 

(ADJOURNEMENT)