::
Home » Verbatim » Verbatim - Second Term 2007 » Tuesday 17th July, 2007

Tuesday 17th July, 2007

NATIONAL ASSEMBLY OF SEYCHELLES

Tuesday 17th July 2007

The Assembly met at 9 am

National Anthem

Mr Speaker in the Chair

MR SPEAKER

Nou a komans nou travay pour ozordi. Mon ava dir bonzour tou dimoun, e mon ava zis  port latansyon bann manm a lefe ki i annan en revised Order Paper pou pran kont ki the report on  Law and Order ki ti ganny soumet avek Prezidan Michel in ganny port a nou latansyon par Prezidan limenm pour nou lenformasyon parey i ti’n promet.

 

Nou ava move aprezan lo 2enm pwen e sa se kestyon. Ozordi nou annan avek nou Vis Prezidan Belmont  dan son kapasite koman Minis pour Zafer – ouswa in ganny responsabilite pou reponn bann kestyon lo lapar Minis pour bann zafer entern e mon ava komans right away Onorab Prea kestyon 14.

 

MR NICHOLAS PREA

Msye Speaker mon ti a kontan demann Minis si son Minister i annan okenn lentansyon pibliy non bann nouvo sitwayen ki ganny natiralize.

 

VICE PRESIDENT BELMONT

Msye Speaker dan lalwa sitwayennte Seselwa i napa provizyon pou pibliy non bann dimoun ki ganny sitwayennte Seselwa.  Lalwa i fer provizyon pou ki ler i annan en laplikasyon pour sitwayennte ki sa laplikasyon i ganny pibliye dan zournal e i ganny repete osi dan zournal pour ki bann dimoun ki annan okenn komanter ki oule fer lo sa laplikasyon i kapab ganny fer e anvoy kot lotorite Limigrasyon. E parey mon’n dir gouvernman napa lentansyon pibliy  non bann dimoun ki ganny sitwayennte, enn fwa ki sitwayennte i ganny akorde.

 

MR SPEAKER

Siplemanter.

 

MR PREA

Msye Speaker vi repons Minis mon ti a kontan demann Minis apre ki bann lenformasyon/bann detay sa aplikan i ganny pibliye dan zournal ofisyel, ki bann pwen ki determin ki sa aplikasyon in ganny aprouve e lekel dan gouvernman oubyen dan minister ki fer sa desizyon final pou donn sa aplikasyon. E mon trwazyenm  part Msye Speaker pou demann Minis si par azar i annan sa sif konbyen natiralizasyon ti ganny fer an 2006.

 

V.P. BELMONT

Msye Speaker pou donn   sitwayennte sa i preogativ Prezidan Larepiblik e bann travayer dan divizyon imigrasyon ki okip osi citizenship se zot ki fer bann travay lo la pou apre anvoy  kot Prezidan Larepiblik pou pran desizyon.

 

MR PREA

Minis konbyen natiralizasyon ti pran plas an 2006. Mersi.

 

MR SPEAKER

Si Minis napa sif i kapab donn sa lenformasyon a’n ekri avek Onorab.

 

V.P. BELMONT

Mon annan sa lenformasyon Msye Speaker.  An 2006 in annan 82 dimoun ki’n ganny sitwayennte Seselwa, 47 zonm, 35 madanm.

 

MR WAVEL RAMKALAWAN

Msye Speaker eski Minis i kapab dir avek nou vi ki i annan serten keksoz dan lalwa ki pa egziste la konmela tel ki parey in mansyonnen pou pibliy non sa bann dimoun, eski Minis i kapab dir avek nou si son gouvernman pe konsider reviz sa lalwa pour ki bann keksoz tel ki pibliy non bann dimoun e anplis ki sa met zot portre lo Nasyon letan  zot fer zot aplikasyon pou  nou konnen lekel sa bann dimoun parski  souvannfwa nou kapab konn en dimoun par figir me son non i en non etranz ki nou pa konnen.

Dezyenmman eski Minis i kapab dir avek nou si son gouvernman pe konsider aret donn nasyonalite tou etranze sof bann ki annan koneksyon atraver maryaz dan pei.

 

 

 

V.P. BELMONT

Msye  Speaker premyerman ti ankor annan enn sif pour mwan donn lonorab Prea sete sa enn – sete sa enn par rezistrasyon e lot par natiralizasyon, i annan 114 ankor, bann natiralizasyon  e sa i 62 zonm, 52 madanm.  Msye Speaker an sa ki konsern gouvernman pibliy portre nou pa pe konsidere pou fer li an se moman e ou dezyenm kestyon?

 

MR RAMKALAWAN

Si gouvernman i ava konsidere pou aret donn nasyonalite tou etranze sof bann ki annan koneksyon fanmiy basically atraver maryaz pou anpese ki bann kriminel i ganny nou nasyonalite e apre donn move repitasyon Sesel.

 

V.P. BELMONT

Non gouvernman pa’n pran sa an konsiderasyon akoz mon krwar ki i annan osi bann dimoun byen ki pa annan koneksyon avek kriminel ki kapab osi fer bon sitwayen pour nou pei.

 

MR JEAN-FRANCOIS FERARRI

Msye Speaker mon ti a kontan demann Minis si i annan okenn landrwa dan gouvernman, okenn servis dan gouvernman kot bann nouvo seselwa – bann seselwa ki’n natiralize zot non i aparet menm si i pa en dokiman ki ouver pour tou dimoun me ki annan en rezis ki permet bann dimoun ki entrese paregzanp bann parti politik pou konnen si i annan bann nouvo sitwayen seselwa e lekel sa bann dimoun.  Sa mon kestyon Minis, mersi.

 

V.P. BELMONT

I annan rezis ki kot biro imigrasyon me sa i pa en rezis ouver pour manm piblik pou kapab al verifye epi se ler en lalis voter – si  sa dimoun i anrezistre dan en distrik  i a vwar son non lo lalis voter ki i en seselwa.

 

MR SPEAKER

A lavenir demann tou le 2 ansanm.

 

MR FERRARI

Oke.  Mersi Msye Speaker.  Mon ti a kontan si Minis i kapab esplik nou si i annan provizyon dan lalwa,  bann regleman imigrasyon, si  apre ki en etranze in fer son laplikasyon e son laplikasyon in ganny en laprouvasyon pozitiv e in vin en seselwa e lo baz son bann deklarasyon, ki in deklare ki li i en dimoun korek, onnet etc, gouvernman in dekouver apre par  laswit pou dir i annan serten lenformasyon ki pa’n ganny divulge e ki ti kapab ed gouvernman pou pran en lot kalite desizyon, eski i egziste sa mekanizm pou ler sa bann lenformasyon i paret ki gouvernman i pran en desizyon ki diferan.

 

V.P.  BELMONT

I napa en provizyon sof ki Prezidan i kapab annan pourvwar pour li revoke citizenship.

 

MR CLIFFORD ANDRE

Msye Speaker mon ti a kontan demann Vis Prezidan pou konfirmen ki en aplikasyon citizenship i ganny pibliye lo official gazette e nenport dimoun ki annan obzeksyon i ganny drwa fer en lobzeksyon pandan en dele letan ki ganny donn lo official gazette avan sa dimoun i ganny  citizenship.

 

V.P.BELMONT

Wi, Msye Speaker sa dimoun i kapab fer lobzeksyon e lotorite limigrasyon i pran sa bann obzeksyon ki ganny lodge an konsiderasyon avan fer rekomandasyon pour Prezidan swa donn citizenship oubyen pa donn citizenship.

MRS REGINA ALCINDOR

Msye Speaker Minis in fini reponn parti sa kestyon.

 

MR BERNARD GEORGES

Mon kestyon pour Vis Prezidan se sa enn Mr Speaker.  Etan donnen ki bann rezis – nouvo nesans paregzanp paregzanp in ouver pour piblik, eski Vis Prezidan pa krwar i ti ava en bon pratik  pour osi ouver rezis nouvo natiralizasyon pour tir enpe sa laspe ki mon krwar nou tou nou’n tande dan lasanble bomaten, secrecy lo lekel ki ganny e lekel ki pa ganny natiralizasyon, pou fer li vin egzakteman parey – nou konnen lekel ki’n ne, lekel ki’n anrezistre, lekel ki vin en seselwa ler i ne.  Nou a konnen osi dan en fason ofisyel ouver, transparan lekel ki ganny natiralize.

 

V.P. BELMONT

Parey mon’n dir Msye Speaker pour le moman gouvernman pa pe ouver rezis pour piblik, pa pe pibliy non bann dimoun e vi ki nou’n met sa me pour le moman gouvernman pa pe fer li e ou’n met en sizesyon, konsiderasyon a ganny donnen si pou fer oubyen pa pou fer.

 

 

MR HARDY LUCAS

Msye Speaker mon kestyon pour Vis Prezidan i konmsa; apre ki en etranze in natiralize lekel sa dimoun ki  responsab letan i apply en paspor, lekel sa dimoun ki responsab pou fer sir ki tou keksoz i korek avan en paspor i ganny issue avek li.

 

V.P. BELMONT

I pou lotorite ki pou issue paspor, se lotorite kot limigrasyon e se limigrasyon ki pou fer sir lotorite ki issue paspor pou kapab fer sir ki tou keksoz i korek pou sa dimoun kapab ganny en paspor.

 

MR CHARLES DE COMMARMOND

Msye Speaker parti mon kestyon in ganny reponn, akoz mon ti pe zis demann Vis Prezidan si gouvernman i annan en letansyon pou revwar lalwa pou bann zafer citizenship ki nou pe demande ozordi dan lasanble.

 

MR SPEAKER

Mon krwar Minis in pronons son lekor lo la.  Nou ava move pour lot kestyon, kestyon nimero 15.

 

MR PREA

Msye Speaker mon ti a kontan demann Minis konbyen departman lapolis pe peye pou lwe bann loto ki ganny servi par bann zofisye lapolis e si Minister i annan okenn plan enport plis transport pour sa departman.

 

V.P.BELMONT

Msye Speaker konmela parey nou konnen parey kestyon pe demande konbyen ki departman lapolis pe peye pour sa bann loto ki i lwe. Premyerman mon ti oule fer resorti ki si zot pe lwe se ki i annan en nesesite pour zot kapab fer zot travay efikasman e dan leka ki zot napa bann veikil a zot dispozisyon zot bezwen lwe avek bann dimoun ki annan loto pour lwe e i kout departman lapolis anviron R300,000 par mwan  pour sa bann loto ki zot lwe ki zot bezwen fer marse.  Me departman lapolis pa pe reste zis la, zot in deza pe fer bann progre pour zot  nobou annan zot prop veikil e deza  zot in ganny 12 nouvo veikil, ladan  i 10 ISUZU single cab vehicle pou fer patrol epi zot in ganny en morgue, en veikil ki transport bann dimoun ki si oule i desede dan bann aksidan oubyen avan ki kapab anmenn kot lakaz mor, konmsa  zot kapab fer li zot menm epi zot annan osi en veikil crowd control pou sekirite lo crowd  control ki’n arive e i osi annan plan pour zot ganny 12 nouvo veikil ki a servi pour zot travay tou le zour e osi pou osi annan bann  loto, si oule jeep ISUZU pour zot kapab itilize osi.  I annan 18 bann jeeps ki pou vini pour ki lafors lapolis i a kapab vreman ekipe an sa ki konsern transport e ki sa kou ki zot pe depanse konmela pou pey bann loto, veikil ki zot lwe i ava disparet e zot ava annan zot fasilite.  Mon krwar i enportan de nos jours pour ki lapolis i kapab vreman mobil pour zot kapab ariv lo scene kot i annan krim ki’n ganny komet pour zot kapab reponn  a lapel ki bann sitwayen in fer ki pou ganny lasistans lapolis e menm si sa  depans mon krwar kekfwa i bokou me i neseser pour ki i annan prezans lapolis en pe partou kot i annan  en itilite pour lapolis la e kot i annan demann.

 

MR PREA

Msye Speaker  anvi repons Minis mon ti a kontan demann Minis si par azar departman lapolis pe rekonsider koman sa limited resources i ganny deplwaye dan bann stasyon – sirtou dan bann stasyon ki diriz bann rezyon paregzanp Beau Vallon e petet konbyen transport ki pe deservi stasyon  Beau Vallon pour le moman ki kontrol Nor Mahe e apre  petet si dan  lefitir departman lapolis pa pe konsider petet lezot mwayen transport paregzanp parey bisiklet. E la nou pe koz modern petet bann zofisye ki enpti pe pli mobil, pli atlet, petet en bisiklet sportif ki ava pli rapid pour deplwayman sirtou dan bann landrwa pli kwense dan  community.

V.P.BELMONT

Msye Speaker premyerman wi, lapolis letan in a’n ganny son konpleman veikil ki neseser pou deplway zot dan diferan rezyon Mahe, Praslin ek La Digue pour ki zot kapab parey mon’n dir reponn a bann bezwen e  i difisil pou dir la konbyen zot pou donnen dan distrik me mon krwar vi ki lapolis pe al dan en sistenm travay ki rezyonnal, donk zot pou partaz sa bann veikil dapre  zot  krwar ki i pou neseser.  Selman mon mazinen dan lepok kot nou pe konstrir bann semen ki aksesib pour tou bann kominote  pou  bisiklet i ava annan petet son pti nesesite me mon krwar  pou rapidite  nou pou still bezwen veikil pou nobou arive pou kapab fer – aport sa lasistans a nou sitwayen.

 

MR FERRARI

Msye Speaker mon ti a kontan demann Minis vi ki aktyelman i annan bokou – parey nou’n vwar dan kestyon bokou  transport lwe ki dan servi bann zofisye lapolis, si Minis pa krwar ki sa bann transport pou bezwen trouv en mwayen pou  met en sinyalizasyon lo zot pour ki manm piblik i rekonnet sa transport ki pe vini koman en transport ki annan bann law enforcing officers ladan akoz osi i annan souvan bann zofisye zot osi zot dan plain clothes e i ariv bann ka kot personn pa kapab idantifye sa veikil ek son bann lekipman koman bann dimoun ki pe fer travay lapolis. So eski Minis i ti a pran sa koman en propozisyon oubyen si i annan plan ki pe ganny fer i a kapab dir avek sa lasanble kimannyer i kapab fer sa pou amelyor vizibilite e travay lapolis.

 

V.P. BELMONT

Mon krwar se pa telman sa vizibilite, sa transport lapolis me se sirtou  sa zofisye lapolis ki la, si i dan son liniform travay, nou tou nou pou konnen poudir sa i en polisye me osi kapab demann sa zofisye son idantifikasyon me de lot kote osi i annan bann zofisye lapolis ki fer  travay ki zot dan plain clothes, sa osi e ki petet pour zot nobou atrap serten dimoun ki pe komet serten lofans i neseser ki zot loto i pa en loto ki vizib koman – pou dimoun – bann ki pe fer sa bann lofans, vwar poudir lapolis pe vini e nou tou nou ale. Donk  mon krwar sa i avek komisyonner lapolis pour li kapab balanse e kot i annan nesesite byensir pour li idantifye zot koman polisye e kot i annan nesesite ki zot pe fer en travay ki pou kapab demaske serten bann dimoun ki pe fer keksoz.  I bezwen al enpe an sekre parey nou annan secret police, parey i annan plain clothes police partou dan lemonn, mon krwar nou bezwen balans sa de.

 

MR POOL

Msye Speaker mersi mon premye kestyon se pou demann Minis….

 

MR SPEAKER

Onorab Pool mon pou permet zis en kestyon siplemanter anvi ki i annan bokou dimoun lo lalis e letan – so en kestyon.

 

MR POOL

Dan sa ka la mon a retir mon kestyon.

 

MRS ALCINDOR

Msye Speaker eski Minis i kapab dir avek lasanble si sa maintenance sa bann nouvo transport ki pe vini pou ganny fer par lapolis oubyen par bann garaz prive an deor.

 

V.P.BELMONT

Dan son re-organizasyon departman lapolis pour osi annan en unit pour li nobou maintain an parti son bann veikil ki pli enportan oubyen kot i pa pour nobou fer tou i ava annan son bann spesifik garaz kot i ava kapab fer maintenance pour zot veikil me selman zot oule osi annan en unit pour zot kapab mentenir en parti zot bann veikil ki pour pli esansyel.

 

MS M.ANTOINETTE.ROSE

Msye Speaker mon kestyon in fini ganny demande.

 

MR PIERRE

Msye Speaker  mon ti a kontan ki Minis i dir nou si zot in fer sa kalkilasyon, mon ti a kontan i donn nou en estimasyon as to konbyen sa departman i perdi an mwayenn par mwan oubyen par lannen ler zot lwe bann transport konpare avek  si zot ti pou annan zot prop fleet.

 

 

V.P.BELMONT

Msye Speaker mon pa’n fer sa kalkilasyon me selman dan mon lespri mon pa vwar li koman en pert, mon vwar li  ki lapolis i bezwen fer son travay, donk i kout li pli ser petet ki si i ti  annan son prop veikil me i pa en pert, akoz i neseser pour lapolis kapab fer son travay e donk petet i kout pli ser parey mon dir me si i ti annan son prop veikil i ti ava enpe pli bon marse me i pa en pert.

 

MR COLIN DYER

Msye Speaker mon ti a kontan demann Vis Prezidan si departman lapolis in set en target pour zot ganny zot prop transport e si non zot pas serten target akoz e akoz  zot in swazir ISUZU.

 

V.P.BELMONT

Dan laplipar sa bann veikil  pou ariv sa lannen me i annan ki pou debord lo lannen prosenn.  Prezan ou ti annan en dezyenm bout kestyon.  Akoz mark ISUZU?  Lapolis mon krwar zot in vwar ki sa i pli bon mark ki zot kapab gannyen epi osi mon krwar petet zot in ganny en pli bon si oule laranzman lo konbyen pou koute si zot konsantre lo sa mark ISUZU,  plizyer veikil. Petet se sa ki ler zot in fer zot kalkil avek sa lakonpannyen oubyen sa distribiter ki pour pli bon pour zot.

 

 

 

 

MRS LARUE

Msye Speaker mon ti a kontan demann Minis, anvi ki Praslin i annan 2 stasyon lapolis pou konsider letan zot ganny nouvo transport pour ki sak stasyon i annan son prop transport pou deservi lakominote.

 

V.P. BELMONT

Wi, Msye Speaker sa pou ganny pran me osi i annan serten  veikil ki pou si oule patrol global lo Praslin an antye.  I annan ki ava atase avek

sak kordgard, epi i annan ki pou Praslin antye.

 

MR RAMKALAWAN

Eski Minis dir nou ki prosedir zot pe servi pour zot aste sa bann transport whether i par gouvernman limenm li direkteman oubyen si i annan en sistenm tender ki pe ganny met an aplikasyon pour ki zot ava  ganny the best offer.

V.P.BELMONT

Sa i pe fer par gouvernman ansanm an liyezon avek Minister Finans, ansanm avek departman lapolis e i napa en tender as such, nou pe travay lo vwar lekel ki pli bon e deza i annan lo serten loto patrol, jeep patrol ki nou’n deza deside lo la.

 

MS VICKY THERESINE

Msye Speaker eski Minis i kapab enform Lasanble si departman lapolis dan le fitir pou mazin annan spesifik drayver pou kondwir bann  nouvo transpor ki pe arive pou evite ki transport de tanzaot i ganny sanz drayver.

 

V.P.BELMONT

Wi, lapolis pe konsider sa pou zisteman dan son plan pou annan son bann drayver, bann polisye ki pou prensidir zot bann polisye me zot travay pour plis konsantre lo bann veikil bann drayver.

 

MR SPEAKER

Onorab Arissol oubyen Onorab Loizeau ki’n lev lanmen?

 

 

MR ARISSOL

Msye Speaker mon ti a kontan demann Minis etan donnen ki i annan en bon pe transport lapolis ki an rin eski son Minister pe mazin kekfwa repar enpe son bann transpor oubyen menm vann, anmas enpe larzan kekfwa pou  siplemant en pe bann ki ou Minister pe anmenn dan pei.

 

V.P.BELMONT

Mon krwar tou bann veikil ki kapab repare ki lapolis i fer sa avan, zot repare pour zot kapab kontinnyen servi me ler in ariv enpe tro vye oubyen enpe tro andomaze zot bezwen swa i al koman scrap swa zot  vann li lo marse second hand.

MR SPEAKER

Nou ava al lo kestyon nimero 16.

 

MR PREA

Msye Speaker mon ti a kontan demann Minis si Prizon Grand Police i ankor pe servi e konbyen prizonnyen pe ganny garde laba.

 

V.P.BELMONT

Msye Speaker prizon Grand Police in fermen depi le 23 Zen 2007, tou bann prizonnyen in ganny transfere prizon Montagne Posée. E prizon Montagne Posée se sel prizon ki an operasyon konmela e tou keksoz in ganny tire e anmenn kot prizon Montagne Posée e napa narnyen ki reste dan ex-prison Grand Police.

 

MR PREA

Mersi Msye Speaker. Anvi repons Minis mon ti a kontan demann Minis si prizon Montagne Posée vi ki bann prizonnyen ti pe ganny garde Grand Police i sipoze bann enpe pli danzere, si nouvo Prizon i annan fasilite neseser pour konteni bann tel prizonnyen vi ki resaman i annan enn de prizon ki pe sove.  Ki bann mezir ki pe ganny  pran pou kapab ranforsi sekirite e sirtou pour lepep, pour kapab sofgard sekirite….

 

MR SPEAKER

Onorab one second. Sekirite kote la, kot nouvo prizon?

 

MR PREA

Nouvo prison, e pour dan lakominote pour lepep kapab viv enm pti pe pli alez san ki i annan laper ki prizonnyen danzere i at large.

MR SPEAKER

Bon avan Minis i reponn, mon ava rule ki okenn kestyon lo nouvo prizon a mon’n avi will be outside the scope of the original question e ki okenn konsern ki annan lo prizon i kapab ganny demande dan en kestyon direkteman a Minis e non pa dan en siplemanter.  Sansan nou pou al tonm dan Montagne Posée.

 

Lo prizon Grand Police, Onorab Ramkalawan.

 

MR RAMKALAWAN

Msye Speaker eski Minis i kapab dir avek nou ki pe arive avek sa sit prizon Grand Police e dezyenmman eski Minis i kapab dir avek nou si bann solda ki ti pe okip prizon Grand Police zot in osi ganny transfere ansanm avek bann prizonnyen dan nouvo prizon.

 

V.P. BELMONT

Msye Speaker premyerman Grand Police zot konnen toultan in toultan annan en baz larme laba, pa spesifikman avek prison. Donk sa baz SPDF i ankor reste laba Grand Police e sit Grand Police i enn ki annan potansyel touristik e plizyer lenvestiser in deza par lepase eksprim lentere dan menm letan prizon ti ankor pe fonksyonnen, in annan plizyer ki’n eksprim lentere pou kapab fer en devlopman touristik laba e mon krwar ki la ki prizon in fermen laba e petet sa devlopman touristik, lanfaz lo devlopman touristik a pran plis lelan e parey labitid gouvernman a diskit avek bann antreprener touristik pou vwar kimannyer nou kapab – ki  keksoz ki nou kapab –     gouvernman a fer son plan ki kalite devlopman touristik i a mete lo Grand Police, mersi.

 

MR RAMKALAWAN

Lo dezyenm parti lo si sa bann solda ki ti pe okip sa prizon, letan  prizon in bouze zot osi tou  zot in bouz avek prizon.

 

V.P.BELMONT

Msye Speaker mon’n reponn akoz mon’n dir endepandaman prizon ti annan en baz SPDF laba e sa baz in kontinnyen reste e prizon ler zot ti laba, zot ti donn en koudmen sirveyans lo Grand Police e zot baz militer i ankor reste laba.

 

MR DE COMMARMOND

Msye Speaker eski nou Vis Prezidan i kapab eksplik nou lasanble dan sa sit kot Prizon Grand Police ti ete, prizon in sorti, i pou annan en devlopman touristik ou dir. Eski i kapab dir nou spesifikman lekel ki pe vin fer devlopman touristik la eski seselwa oubyen etranze e ki benefis direk ki sa devlopman pou anmennen pour pep seselwa.

 

V.P.BELMONT

Msye Speaker parey mon’n dir ki se sa sit i annan  en gran potansyel touristik e i annan plizyer envestiser ki’n deza, menm letan prizon ti ankor la, ti oule fer devlopman lo sa sit. E i annan ki’n deza pran kontak avek gouvernman avan pou regarde me prezan ki la sa prizon in sorti mon krwar sa lanpler pour en tel lentere pour nobou fer en devlopman touristik laba ava al de lavan e gouvernman a kapab konsider bann  bids ki dimoun pe mete e diferan envestiser e osi vwar ki kalite devlopman touristik kekfwa ki kapab ale laba, ki pour pli bon, pou anmenn plis benefis pour nou pei e pou benefisye nou pep a’n antye e sa pankor fini finalize e parey mon’n dir mon krwar ki lentere i ava vin repran.

 

MR DE COMMARMOND

Msye Speaker avek tou respe mon panse mon kestyon pa’n ganny byen reponn.  Etranze, seselwa.  Lekel sa bann lenvestiser.

 

V.P. BELMONT

I annan seselwa ek etranze, tou envestiser ki’n deza….

 

MR  HARDY LUCAS

Msye Speaker mon kestyon i baze lo larepons ki Minis in donnen anvi ki prizon Grand Police in sorti e sa propriyete ti ganny acquire ek bann seselwa dan lentere piblik, eski gouvernman i kapab rekonsidere retourn sa propriyete a son bann propriyeter orizinal.

 

 

 

V.P.BELMONT

Msye Speaker si propriyete in ganny acquire mon krwar lefe ki’n ganny acquire in fini ganny settle e i prezan propriyete gouvernman e si pankor ganny settle sa dimoun a repran son ka ek gouvernman.

 

MR SPEAKER

Kestyon 17.

 

MR  HARDY LUCAS

Msye Speaker mon kestyon i lir koumsa (a) ki bann kriter ki en etranze ki’n marye avek en seselwa ganny nasyonalite e (b) akoz menm si i annan ki’n marye avek seselwa pour plis ki 8 a 20an zot laplikasyon i kontinnyelman pa ganny konsidere.

 

V.P.BELMONT

Msye Speaker konstitisyon i fer provizyon pour en etranze ki’n marye avek en sitwayen seselwa depi 1976 avan Lendepandans pour li kapab fer demann atraver en laplikasyon pour li ganny natiralize koman en sitwayen seselwa, lakizisyon nasyonalite par natiralizasyon i pa otomatik. I annan plizyer fakter ki ganny pran an konsiderasyon tel ki si sa dimoun pe reste Sesel, si sa maryaz i pe marse byen, karakter e kondwit sa aplikan osi avan ki sitwayennte seselwa i ganny donnen avek sa dimoun ki’n marye avek sa Seselwa. E sitwayennte i en keksoz ki ase sakre pour nou bann sitwayen e fason ki i ganny donnen i enportan e i annan sa bann lareg ki mannyer i ganny fer.

Msye Speaker mon krwar avek sa ki mon’n dir i vwar ki mannyer ler i ariv pou sitwayennte par natiralizasyon i annan tou bann provizyon e sa i ganny mete par lotorite imigrasyon e sitwayennte.

 

MR  HARDY LUCAS

Msye Speaker Minis i paret mwan in reponn mon premye parti kestyon, akoz menm bann 8 a 20an ki’n marye zot pa ganny konsidere – i kontinnyelman pa ganny konsidere – zot dan pei zot.

 

V.P.BELMONT

Letan ki ou marye, lakantite letan ki ou’n marye i pa antre an konsiderasyon parey mon dir, i annan bann lezot fakter ki pran an konsiderasyon e  i pran letan pou marye osi.

 

MR SPEAKER

Okenn siplemanter onorab Lucas.

 

MR RAMKALAWAN

Vi ki Minis in dir avek nou ki sa size sitwayennte i sakre e ki fodre fer sir ki maryaz pe marse, tou sa bann diferan keksoz, eski Minis i kapab eklersi mwan personnelman ki kriter ki gouvernman i servi pou donn, ou pa donn en  etranze ki’n marye avek en seselwa pandan 20an, son maryaz i la pandan 20an, ki pe reste Sesel, ki annan zanfan seselwa ki pe al lekol dan nou distrik ki koz kreol, konpare avek en kriminel ki li in pey $25,000 e i ganny son nasyonalite. Kote sa laspe sakre i vini la silvouple.

V.P.BELMONT

Msye Speaker de sistenm ki ti pe fonksyonnen si ou dir i annan enn, wi en lepok ti annan Economic Citizenship e lot i en lot sistenm e  i pa pe partisip anba menm sistenm. Me selman sa pa dir ki sitwayennte i pli enportan e en keksoz ki sakre e si i annan lerer ki’n  arive, nou bezwen koriz bann lerer e tenir sa prensip ki i sakre e pli enportan.

 

MR SPEAKER

Mon annan en lalis la, ou pe antre dan en argument. Minis in koz lo sistenm anplas.

 

MR RAMKALAWAN

Non, mon pe demande kot son sakre i vini, mon pa vwar son sakre.

 

MR ARRISOL

Minis paregzanp en madanm Morisyen ki’n ganny nasyonalite, ki kriter e konbyen letan i pran pour son zanfan osi ganny nasyonalite.

 

 

 

V.P.BELMONT

Bon, sa madanm i fek ganny nasyonalite?

 

MR ARRISOL

Sa madanm i fek ganny nasyonalite me selman i paret son zanfan i ankor pe esper enpe letan. Mon pe mazinen ki kantite letan i pran oubyen ki bann kriter ki kekfwa ki ganny servi pour son 2 zanfan osi ganny nasyonalite parey zot manman.

 

V.P.BELMONT

In ganny nasyonalite akoz in marye avek en seselwa.

 

MR ARRISOL

Oubyen mon a donn en lot legzanp Minis.

 

V.P.BELMONT

Savedir sa zanfan i kapab ganny atraver papa.

 

MR ARRISOL

Mon a fer mon lekor enm pti pe pli kler kekfwa pour ou.  En konparezon si en madanm Morisyen in vin Sesel, i annan son 2 zanfan, in kontan pou marye avek en msye seselwa.  E li sa madanm i ganny nasyonalite, prezan ki bann prosedir ki son zanfan oubyen ki kantite letan ki son zanfan osi ganny nasyonalite.

 

V.P.BELMONT

Sa ki mon pe demande se si papa sa bann zanfan i seselwa.

 

MR ARRISOL

Non, i boper.

 

V.P.BELMONT

Savedir zot pou bezwen fer laplikasyon akoz in ne avan in marye …

 

MR  MICHEL MARIE

eski Minis i kapab konfirm ek nou lasanble, eski departman imigrasyon in rikord bokou bann ka ki annan bann maryaz aranze pour ki bann dimoun i ganny nasyonalite seselwa.

 

V.P. BELMONT

Mon pa pou tro kapab dir ou si maryaz aranze kimannyer …

 

MR DE COMMARMOND

Konmsi P.S. i dir wi.

 

MR SPEAKER

Nou bezwen manage time. Onorab Marie ou ti’n lev ou lanmen.  Onorab Potter.

 

MRS MARIE-LOUIS POTTER

Msye Speaker mon ti a kontan demann Vis Prezidan etan donnen – i fer dezyenm kestyon ki nou pe adres sa kestyon sitwayennte, si i ti kapab dir nou lasanble anvi konsern nou lasanble e pep Seselwa an zeneral mon santi lo sa kestyon sitwayennte lo kestyon imigran ki deplizanpli pe vin en problenm avek louvertir lenvestisman dan lekonomi, eski gouvernman pe prevwar oubyen pe revwar son pozisyon oubyen prosedir aktyel kot i konsern sa size pou fer li si oule vin en pti pe pli difisil pour en dimoun acquire en sitwayennte ki sa swa par natiralizasyon ki swa par

rezistrasyon.

 

V.P.BELMONT

Msye Speaker bann provizyon pou acquire sitwayennte Seselwa i dan konstitisyon e i fer provizyon par parey Onorab Potter in dir. Donk  i   en fason ki deza dan konstitisyon e se ki i bezwen regarde si bann dimoun ki pe apply pour sitwayennte zot bann dimoun ki pou aport bokou plis keksoz pour Sesel parey dan tou pei i fer. E gouvernman i regard bann posibilite kot i annan lavantaz pou kapab anmenn en keksoz an plis pour Sesel, e pour pep seselwa, se la kot i deside swa pou donn citizenship e dan sa ka i donnen e nou bezwen osi pridan dan kimannyer nou donnen, ki kantite ki nou donnen pou prezerv parey mon’n dir sa sitwayennte Seselwa i reste en keksoz ki kantmenm ou dir mo sakre  i pa li me i en keksoz ki vreman pour seselwa.

MR SPEAKER

Dernyen kestyon Onorab Andre.

 

MR CLIFFORD ANDRE

Msye Speaker mon ti a kontan demanN Vis Prezidan pou konfirmen ki I preogativ sa gouvernman pou deside si i pou donn sitwayennte e ki i menm annan dan serten ka kot larzan pa en fakter akoz nou’n vwar dan lemonn kot dimoun ki annan larzan  in esper 20an i pankor ganny sitwayennte.

Mon dezyenm kestyon se pou demann Vis Prezidan pou konfirmen ki menm si en seselwa in marye avek en etranze son zanfan i bezwen ganny adopte avan – en aplikasyon pour adopsyon ki ganny ordonnen par lakour, i bezwen ganny fer avan ki en aplikasyon i ganny fer pour sa zanfan si lakour i donn lord adopsyon pour li ganny sitwayennte Sesel.

 

V.P.BELMONT

Msye Speaker i annan 2 posibilite, swa i fer adopsyon oubyen i apply pou citizenship e adopsyon parey ou dir i bezwen fer avan byensir pour li gannyen epi i a kapab ganny citizenship.

MR SPEAKER

Pour lenformasyon bann manm management of time, lo sak kestyon normalman mon allocate 10 oubyen 15 minit depandan lo lenportans kestyon e si pou annan 2 ou 1 en siplemanter i tou depan lo lakantite dimoun ki’n lev zot lanmen.  Si napa bokou dimoun nou kapab les 2 siplemanter, si i annan en kantite dimoun nou pou bezwen limit li to one supplementary. Nou bezwen kapab manage sa enn.  Kestyon 18, Onorab Charles.

 

MRS JEOVANA CHARLES

Msye Speaker mon ti a kontan demann Minis pou eksplike ki’n arive avek community police ki ti’n demare dan distrik Roche Caiman.

 

V.P.BELMONT

Msye Speaker sa ti en pilot scheme, sa proze ki lapolis ti inisye an lannen 2000, ti pe ganny fer dan 3 distrik, ti fer Roche Caiman, Baie Lazare e Glacis.  Bann polisye ti pe travay an etrwat kolaborasyon avek lotorite administrativ bann distrik avek bann direkter lekol e zofisye lasante piblik.  Sa sistenm lapolis ti krwar i ti bezwen sipor lozistik e administratif departman lapolis pou kapab soutenir li e zot ti arete e retourn a en sistenm ki zot ti apel komann lapolis santralize kot ou tir li lo sa nivo distrik e parey mon’n dir sa ti en lesey ki lapolis ti pe fer. Depi Novanm 2006 lapolis in fer bokou sanzman dan son fonksyonnman e zot in al lo en sistenm ki zot apel konmela komann rezyonnal kominoter setadir zot apartir rezyon – dan diferan rezyon Mahe, Praslin ek La Digue ki zot kordonn zot travay e zot retourn an menmtan pou travay avek bann lotorite distrik me selman sa i donn zot posibilite pou servi resours ki zot annan lo resours ki ankor limite pour lapolis lo en baz ki zot kapab spread li out enpe plis. E dan le pase Roche Caiman ti pe depann lo komann santral anvil, e la prezan avek sa nouvo rezyonnal ki zot in fer Roche Caiman i tonm anba komann stasyon lapolis Mont Fleur.

Enn ban keksoz enportan ki lapolis i oule se travay avek bann kominote pour ki zot kapab ganny sipor lakominote, sipor bann sitwayen dan tou distrik e rezyon pou kapab konbat krim e pour zot kapab osi ert la akote bann dimoun pou kapab rezourd bann problenm kriminalite ki annan dan nou pei e ki annan dan serten rezyon kot ka kriminalite pe ogmante.   E mon krwar ki sipor pou lapolis i enportan e sa travay pre avek bann distrik onivo rezyon i ava donn sa koudmen pour ki nou kapab fer en fron kont kriminalite.

 

MR DE COMMARMOND

Msye Speaker eski Vis Prezidan i kapab ekspli nou lasanble ki rezilta sa pilot study lo comnunity Police ki’n ganny ki’n ganny fer Roche Caiman e anmenmtan dan sa larepons si i ti kapab eksplik nou ki son departman pe antisipe fer pour ki alavenir rezilta bann larestasyon ki lapolis i fer konmsi letan in ganny tou bann lenformasyon neseser ensidswit, letan i pas devan lakour ki vreman sa dimoun i koupab i ganny trouve koupab. E i ganny pini accordingly. Ouswa si i kontinnyen parey i ete konmela letan lapolis i fer son bon travay apre letan i ariv devan lakour..

 

V.P. BELMONT

Msye Speaker parey mon’n dir lapolis i annan gran travay ki pe fer, pou reorganize li, re dinamiz li e i mank li ankor resours. E sa sistenm ki i pe met anplas la i parey mon’n dir sa komann rezyonnal i dan sa beat pour kapab travay parey mon’n dir pour ki kriminalite, donn lasistans kot i posib, e si oule atrap bann koupab e anmen zot devan lakour pour zize e pour zot ganny zot pinisyon. E kot lakour mon pa tro kapab koz lo la akoz mon pa’n ganny bann detay la kantite ki bann ka ki parey ou dir apre i ale. Me mon krwar la osi pour nou konbat kriminalite tou sa bann lorganizasyon i bezwen travay dan menm direksyon, konbat kriminalite.

 

MR PIERRE

Mr Speaker mon ti a kontan Minis i dir nou apre sa proze pilot si departman lapolis in dekouver poudir community police i pli efektiv dan konbat krim ki sa sistenm ki zot pe aktyelman servi la, sistenm rezyonnal, si wi eski sa departman i annan lide rod sa kalite finansman ki neseser pour ki community police i vin en travay ki aktyelman ganny servi dan plas sa laspe sa travay rezyonal.

 

V.P. BELMONT

Msye Speaker dan sa lesey ki zot ti fer, sa pilot scheme dan sa 3 distrik ki mon’n mansyonnen, zot ti vwar ki zot ti napa otan mwayen pour zot kapab soutenir sa community policing ki zot ti pe fer e sanmenm sa zot ti retourn lo komann santralize epi la zot in ariv lo sa komann rezyonnal.  Petet ofir a mezir ki zot avanse kekfwa zot a kapab ler zot ganny mwayen pour zot retourn ankor lo community policing parey zot ti’n komanse avan. Me pour le moman zot pe fer marse lo sa rezyonnal pour zot kapab konsolid enpe plis epi plito apre desann.

 

MR WILLIAM

Msye Speaker swivan larepons V. Prezidan mon ti a kontan demann li si zot ava konsider ganny en pti pe lopinyon piblik vizavi sa community police akoz lefe ki realite ozordi i pa vreman dan lalinny nouvo desizon pou fer regional policing parey Vis Prezidan pe dir.

 

V. P. BELMONT

Msye Speaker mon’n note ki Onorab William in dir e mon a transmet avek lotorite lopolis pour zot kapab anmenmtan pran konsiderasyon parey ou’n dir bann lopinyon bann dimoun dan distrik.

 

MR SPEAKER

Pou retourn ankor lo en kestyon siplemanter. Onorab Ramkalawan.

 

MR RAMKALAWAN

Eski Minis i kapab spesifikman dir nou ki pe arive Roche Caiman etan donnen ki tou dernyenman,mon pa konnen si ti ankor anba sistenm community policing oubyen sa lot sistenm ki ou’n mansyonnen e ou’n dir avek nou ki ti annan sa korperasyon avek lekol. Ki’n arive etan donnen ki teachers in ganny bate dan lekol par paran e lopolis ti nowhere to be seen.

 

MR RAMKALAWAN

Eski Minis I kapab spesfikman dir nou ki pe arive  Roche Caiman etan donnen ki tou dernyenman – mon pa konnen si ti ankor anba sistenm community policing oubyen sa lot sistenm ki ou’n mansyonnen e ou’n dir avek nou kot ti annan sa kolaborasyon pros avek lekol, ki’n arive etan donnen ki teachers in ganny bate dan lekol par paran e lapolis ti nowhere to be seen.

 

MR SPEAKER

Onorab one question. Mon’n dir en kestyon siplemanter.

 

MR RAMKALWAN

Mon panse ki ou’n dir depandan lo time management .

 

MR SPEAKER

Non, non, nou annan ankor lalis lalis.

Yes Minister, ou kapab reponn kestyon.

V.P.BELMONT

Msye Speaker mon napa lenformasyon lo ki’n arive ek sa teacher.

 

MRS POTTER

Msye Speaker mon ti zis anvi demann Vis Prezidan si i kapab transmet nou swe lasanble ki lapolis I revwar ankor sa scheme community police e menm eksplor posibilite entrodwir sa ki nou apel en neighbourhood watch ki kapab ed lapolis dan idantifikasyon, dan deteksyon e prevansyon bann krim ki arive dan bann komite. Si I ti kapab transmet  sa swe, se sa mon kestyon.

 

V.P. BELMONT

Wi, msye Speaker mon a transmet.

 

MR ARRISOL

Msye Speaker mon pe al demande si Minis I kapab esplik nou sete kwa sa community police, ki ti zot rol spesifikman pour la kominote e ki nou pa’n ganny ase resours pour sa kontinnyen, prezan ki nou’n anmenn li dan regional command.

V.P. BELMONT

Community policing sete prezans lapolis dan preski tou bann distrik, zot ti fer li koman en pilot scheme parey nou’n dir dan 3 distrik e zot ti annan kontak avek lotorite ladministrasyon distrik e  avek lekol kot ti annan klinik avek tou bann lorganizasyon ki ti la epi avek bann sitwayen zot menm.  I ti en keksoz ki ti vin en pe lour pour zot kapab pran avek sa mank resours tel ki mank annan de fwa transport, mank dimoun osi pou kapab reponn a bann apel ki ti pe vini e se pour sela ki zot ti resanz li, retourn  avek sa komann santralize epi la  zot in al lo regional. Atraver regional zot pe ale towards sa community policing me selman zot annan mank de mwayen e mon mazinen ler zot a’n obou fer sa regional marse, petet apre zot a kapab rekonsider li pour  vin lo nivo sak distrik pou kapab fer marse sa  community policing. Akoz parey mon’n dir manm osi, bann manm onorab in dir ki se atraver sa proximity ant lapolis ek bann sitwayen dan distrik ki kapab konbat kriminalite efektivman.

 

MR MONDON

Msye Speaker mon ti oule zis demann Minis si I annan en sif ki kapab partaz ek lasanble konbyen anplis I pou koute, I pou kout departman lapolis pou kapab konplemant sa community policing dan nou bann distrik.

 

V.P.BELMONT

Nou napa en sif Msye Speaker pou donnen.

 

MR SPEAKER

Selman Minis I kapab fer en a’n ekri plitar mon mazinen.

 

MR DYER

Msye Speaker mon ti a kontan demann Minis konbyen dapre zot letid konbyen  zofisye lapolis ek veikil ki’n bezwen pou fer marse en sant komann rezyonal korekteman,  e zot in meet sa target, si non  kan zot pou  meet sa target.

 

V.P.BELMONT

Sif pour lo sa komann rezyonal pour li nobou mars byen, savedir zofisye lapolis pou bezwen anviron 35 ki al partaze dan sa bann distrik, 35 dan sa distrik e omwen 3 a 4 veikil ki neseser pou fer marse.

 

MR SPEAKER

Dernyen siplemanter onorab Rose.

 

MS ROSE

Eski Minis I kapab konfirmen ki community police koman en pilot project in terminen me the concept of community policing I ankor pe kontinnyen ganny enplimante dan bann distrik.

 

V.P. BELMONT

Wi, in terminen koman sa pilot project me in parey mon dir retourn en pe an aryer me le bi se kontinnyen avek dan lespri pou abouti a en community policing sistenm ki se sa ki lapolis I vwar pou nobou fer konbat kriminalite efektivman e I pou retourn lo la ler I nabou beef up partou kot I kapab fer sa

 

MR SPEAKER

Nou’n fini avek nou bann kestyon e nou ava…

 

MR DYER

Mon annan en klarifikasyon, eski konfirmasyon I en kestyon limenm oubyen I an deor scope kestyon.  Si I en kestyon, mon kapab demann en konfirmasyon e en kestyon si I parey oubyen si I annan diferan.

 

MR SPEAKER

Nou ava remersy Vis Prezidan e nou ava eskiz li parmi nou.  Avan nou bouz lo Bill mon pou demann Minis Zafer Etranzer pou bear avek nou enn de trwa minit akoz in annan en notis pour en matter of privilege ki pe ganny raised by the Leader of the Opposition. Onorab Ramkalawan, what is your matter of privilege.

MR RAMKALAWAN

Mon matter of privilege parey mon’n donn ou notis I konsern raportaz SBC sa one hour ki zot in komanse, I resanble ki zot in komans enplimant serten keksoz ki lasanble ti diskite atraver mosyon onorab Potter e dan Vandredi aprezan nou pe ganny en progranm 1er-d-tan.

Mwan kot mon santi mon privilez oubyen privilez lopozisyon in ganny afekte se ki dan sa bann rekomandasyon ti fer resorti ki sa progranm 1erd-tan I pou baze lakantite letan ki pou ganny allocated I pou baze lo lafors, lo poursantaz bann parti lo lasanble e  malgre ki dan eleksyon I 40% nou konnen ki bann poursantaz I diferan dan lasanble e poursantaz dan lasanble se 1 tyer, 2 tyer alors ou ti ava mazinen ki dan en progranm  60 minit lopozisyon ti ava ganny li omwen 20 minit.  Me Vandredi zot in fer sa progranm e letan ou tayme lopozisyon in ganny li zis 7 minit e alors menm sa raportaz I’m sure bann lezot manm osi tou pou dakor avek mwan ki en manm pe koze, ou koz lamwatye en fraz, ou koz en kar en fraz ki finalman I pa reflekte, I napa ni menm en thread ki flow dan sa bann progranm.  Mon pa konnen si ou ti ganny sans regard sa alors mon pe dir ki si SBC in aksepte propozisyon lasanble mon senpleman demande ki SBC I swiv sa ki sa lasanble I dir li e ki lopozisyon I ganny li son en tyer dan son progranm parski si non mon santi ki nou, nou  privilez koman en lopozisyon pa pe ganny rekonnet.  Se sa mon pwen e mon ti ava demande ki ou take sa up avek SBC afen ki nou kapab balans sa e mon pe dir ki SBC I sanble in fini take sa up parski la bomaten nou’n aprann lo radyo ki pou dir Question Time I pou pas live, alors I resanble ki zot pe deza enplimant serten propozisyon me selman in ler pour zot fer li byen.

 

MR SPEAKER

Ruling reserved. Mon pou pronons mon lekor lo la next Tuesday.

MR DE COMMARMOND

Point of Order Mr Speaker.

MR SPEAKER

What is your point of order.

MR DE COMMARMOND

Wi, ankor dan menm lalinny ki son klarifikasyon. Msye Speaker eski dan menm lalinny ki onorab Ramkalawan in koze la mwan osi koman en  manm parlman elekte direkteman mon santi mon privilez I ganny vreman ganny afekte lafason donk reportaz SBC I ganny fer e mon ti ava demann solidarite tou bann lezot manm lasanble si raportaz pou kontinnyen ganny fer koumsa ki pli bon napa raportaz, akoz ou pa kapab – Akoz I denigre nou lasanble, I denigre manm parlman, kekfwa nou pa pe pran li o serye, nou  responsibilite en manm parlman ou annan ou 1erd-tan, mon krwar mwan ki 1erdtan I pa ase pou donn en portre, en bon limaz travay ki ganny fer dan lasanble isi e mon krwar si ou pou zis fer antann enm pti bout ki en boug pe dir, parfwa ni menm ou voice over, ou voice over I fer pou li, konmsi fransman les sa dimoun koze, ti pou pli fasil pour SBC lot fwa zot in servi argiman ki napa ase dimoun, napa isi laba, la enn bann ankor pe ale me I  a pli fasil si ou fer li pli gran ki en erdtan ki ou ava annan mwens pour ou koupe, les nou koze, koumsa ou pa a bezwen tro bokou dimoun, tou ou bann zafer I ava al pli vit e nou tou nou a pli happy.

MR SPEAKER

Sa osi ava ganny taken up e next Tuesday mon ava pronons mon lekor lo la.

 

MR SPEAKER

Nou pou move aprezan avek Bill ki devan nou – en motion ki devan nou.

 

MRS POTTER

Mr Speaker mon move ki Maintenance Orders (Reciprocal Enforcement) Bill, 2007 I ganny lir en dezyenm fwa.

 

MR SPEAKER

Okenn ki segonn sa mosyon.

 

MR LUCAS

Mon segonn sa mosyon Msye Speaker.

 

MR SPEAKER

Mon ava envit Minis aprezan pou entrodwir son Bill.

MINISTER PILLAY

Msye Speaker etan donnen ki premye fwa mon annan sa loner pou vin adres zot depi nouvo lasanble in konstitye, mon a profite pou felisit tou bann ki mon pa ti ankor felisite pour zot eleksyon ou zot nominasyon da lasanble e swet zot tou de bon.

Msye Speaker Maintenance Order (Reciprocal 2007 en prezantasyon ki mon pe fer apre ki lasanble in aprouve sa Bill – Cabinet rather, konsey de minis in sa lannen e nou pe prezant li isi dan lasanble pour son ladopsyon.  Senpleman  rezon det sa Bill se pou permet nou asir lenplimantasyon en konvansyon Nasyon-Z-Ini 1956 Recovery Abroad of Maintenance e sa konvansyon ti vreman  en konvansyon ki ti ganny entrodwir pli larz apre enn ki ti ganny met an plas par Nasyon-Z-Ini 1922 ki ti apel Maintenance Orders (Reciprocal Enforcement Net, 1922. Sa enn 1922 ti tre  respekte dan le sans ki ti aplik pour serten pei prensipalman dan ka Grand Bretagne, Nord Irlande ek serten zil koloni.  Sa enn 1956 I enn ki pli larz dan en sans ki I annan bokou plis pei e alor I etann sa privilez oubyen sa drwa legal pour bokou plis dimoun e sa ki nou pe anmenn  ozordi se pou fer sir ki  I modern e I annan oubyen I kree en mechanism ki permet dimoun ki annan drwa pou ganny mentenir, I annan en framework legal pou li fer li. Mon krwar I enportan nou tou nou dakor ki I neseser de tanzaot pou fer sir ki lalwa I ganny upgrade, I ganny regalize e avek bann mouvman dimoun ek globalizasyon ek mobilizasyon dimoun atraver lemon I enportan pou annan sa mekanizm ki permet bann dimoun, sa ki nou’n apel dan Bill, bann depandan e nou tant pou mazin souvann fwa zanfan me I pa forseman zis zanfan menm si prensipalman laplipar ditan zanfan pou asire ki zot ganny atraver mwayen legal, ganny sa maintenance ki zot deserve, alor mon krwar sa Bill I dan best lentere zanfan zeneralman e nou Sesel nou ti (?) sa konvansyon Nasyon-Z-Ini an 2004 avek  rezervasyon.  Mon krwar I annan nesesite prezan pou ratifye sa Bill, I annan serten demann lokal ek serten  demann a letranze ki I a ganny kouver anba sa Bill, an bref sa ki ou nou pe propoze se ki en Bill ki donn nou  en solisyon ki a dirab pou bann depandan,  bann dimoun ki bezwen sa mentenans legalman e imaniterman, I en problenm oubyen

I en solisyon pou serten problenm ki konsern parey mon’n dir  humanitarian problems kot nou kapab fer sir ki dimoun I ganny asiste kot I bezwen asiste, I donn neseser/soutyen oubyen sipor legal pour bann dimoun ki dan bezwen e sa Bill I aplik pour bann resortisan etranze egalman pour bann dimoun ki pe reste Sesel e avek sa mon krwar Msye Speaker brievman apre sa lentrodiksyon mon ti a kontan prezant Bill devan lasanble pour adopsyon.  Mersi.

 

 

 

MR  SPEAKER

Deba I ouver, okenn entervenan.  Onorab Wilby Lucas.

 

MRW.  LUCAS

Mon ti a kontan dir enn de mo an sipor sa proze de lwa ki devan lasanble.  Msye Speaker  dan son dernyen sesyon sa lasanble ti eksprim sipor lo en mosyon table par Lonorab Charles ki ti tous enforcement lo bann lord ki Tribinal Lafanmir I fer kot I konsern maintenance oubyen alimoni parey bokou seselwa I apel li.  Sa proze de lwa Msye Speaker ki devan lasanble I vin a en moman kot nou demann plis zefor e pli bon striktir ki a permet tou paran dan term absent parent pou onor son lobligasyon anver son zanfan swa manman ou papa.

Msye  Speaker sa proze de lwa devan lasanble I al pli lwen parey Minis in dir akoz I a pe osi fer provizyon pour maintenance bann spouse. Msye Speaker ranforsisman en lord lakour oubyen en zizman ki’n ganny deside dan en lot zirisdiksyon I pa telman nouvo dan Sesel, apard sa proze de lwa ki lasanble pe ganny demande pou aprouve pou ranplas sa enn ki ti la pour plis ki 60an I annan 2 lezot morso lalwa ki osi adres zizman ki’n ganny demande dan en lot zirisdiksyon, sa se Reciprocal Enforcement  of British Judgement Act, 1922 e lot  se Foreign Judgement (Reciprocal) Enforcement Act 1961. Msye Speaker tou le 2 sa proze de lwa I donn posibilite en dimoun ki’n ganny zizman par en lakour konpetan dan en pei Commonwealth I kapab anrezistre sa zizman dan lakour siprenm Sesel oubyen dan tribinal lafanmir e ranfors sa zizman.

Msye Speaker enn bann ka ki pli resan dan Sesel se ka  Terrence Tiedermann e Jenny Tierdermann an 1998 kot zizman  ki ti ganny donnen dan  High Court an Sid Afrik ti ganny anrezistre dan Tribinal Lafanmir e son ranformsisman in mars tre byen.  Konpare avek sa 2 lalwa ki mon’n mansyonnen Msye Speaker sa enn proze de lwa devan lasanble pe target non selman pei  Commonwealth me osi lezot pei ki tonm  anba konvansyon New York parey Minis in dir.   Ler mon etidye sa proze de lwa Msye Speaker pour li kapab fonksyonnen e atenn son lobzektif mon’n konstate ki I annan plizyer regilasyon ki pou bezwen ganny entrodwir an term (?) pou fer li marse, me sa bann detay Msye Speaker I a reste ek bann teknisyen e administrater sa proze lalwa.  Mon konvenki ki lobzektif sa proze de lwa I en lot pa dan sa direksyon pou retir bann morso lalwa ki’n nepl efektiv e mon envit tou bann manm lasanble pou donn zot sipor sa proze de lwa.

 

MR GEORGES

Msye Speaker mon oule zwenn mon koleg, doub fwa koleg, isi ek laba dan sa ki’n dir bomaten an siportan sa proze de lwa ki devan nou.  Msye Speaker anefe Enforcement bann lord ki ganny fer dan en lot pei isi in parey onorab Lucas en mekanis ki deza egziste e mon ti ava menm azout en 3enm vole lo sa ki’n dir, I annan sa ki’n dir, sa ki nou apel dan nou common law isi posibilite ler en zizman in ganny donnen dan nenport ki pei, pa zis British oubye Commonwealth me nenport ki pei atraver en prosedir enm pti pe konplike an kour I kapab fer li ganny enforce isi osi.  I annan tou sa bann mezir me selman parey nou tou nou rekonnet se bann mezir ki enm pti pe ansyen, enm pti pe arkaik e teribleman dousman.

Kot sa enn ki devan nou I annan merit se ki I annan prosedir bokou pli senp akoz parey nou’n vwar ler nou’n lir sa lalwa I zis en kestyon transmet en lord ki ganny fer atraver PS Foreign Affairs, anvoy kot Tribinal e enforce li dan en fason parey mon’n dir relativman senp san ki ou bezwen al anmenn en kantite levidans etc pou prouve ki sa lord in ganny byen donnen whatever. Donk pour sa rezon sa I en tre bon linisyativ.

Msye Speaker sa se premye pwen me mon krwar ki sa lalwa I al enm pti pe pli lwen in fact in al bokou pli lwen e kekfwa son non I pa vreman apropriye akoz sa ki nou pe fer la se pa zis enforce bann laws, sa I depi seksyon 5 anmontan, nou pe  enforce bann  lord ki swa Tribinal Lafanmir I fer isi I ava ganny enforce resiprokman dan en lot pei ki si I al fer sa konvansyon oubyen dan en lot pei kot nou vwar I ava annan en reciprocal arrangement avek e vis versa e lord ki’n  fer laba I a ganny enforce is par Tribinal Lafanmir.  Anba 3 ek 4 sa lalwa I al bokou pli lwen e I permet en dimoun ki pankor ganny en lord maintenance atraver en power of attorney  etc dan son mezir la dan 3(2) ganny en lord setadir ou pa pe zis enforce en lord ki’n ganny fer, ki tradisyonnel se sa ki pase me sa konvansyon ti al bokou pli lwen e se pour sa ki nou bezwen  adopte li dan son lentegralite non pa zis en bout, I permet en dimoun ki pankor ganny en lord, gannyen setadir sa madanm ki isi  e ki son msye I Canada e ki napa le mwayen oubyen I napa swe oubyen dezir pou pran en avoka Canada e fer en lord laba, I kapab atraver seksyon 3, dan en prosedir relativman senp ganny sa lord e vis versa, donk nou pou annan mon sipoze 2 ka byento kot en dimoun pou trouv li devan Tribinal Lafanmir akoz son madanm ki Canada ki’n fer menm zafer, ki’n fer en affidavit avek en power of attorney ki pe dir avek  Tribinal Lafanmir fer en lord kont sa dimoun, donk sa lalwa I al pli lwen ki bann ki egziste deza pou senp reciprocal  enforcement bann lord ki’n ganny fer.  E donk Mr Speaker nou tou nou dakor e mon konnen ki tou bann avoka san eksepsyon I trouv li difisil ler – nou bezwen fer li obviously me nou trouv li difisil pou defann en dimoun ki drwa maintenance e mon krwar nou tou nou annan sa problenm – ler en dimoun I dir mon pa’n pey mon alimony, sey tir mwan dan sa problenm I en ka delika, ou fer li akoz ou annan en bon rezon, I pa’n travay whatever ou bezwen met sa devan lakour koman ki si I ou kliyan me I enn bann ka kot tou bann avoka I trouv li difisil  sleep out of son lobligasyon vizavi son zanfan sa ki I annan  en tre bon rezon e dan sa konteks sa lalwa I apropriye akoz  I a fer li pli fasil parey Minis in dir dan en monn ki vin plizanpli globalize e mon konnen taler ler nou pou koz lo drwa vote, bann dimoun ki reste deor nou pou re-abord sa size akoz nou sosyete, nou pei I enn kekfwa kot I annan pli gran proporsyon nou dimoun ki reste dan en fason perman ou quasi permanan a letranze e donk sa bann lobligasyon ki zot annan anver zot zanfan ki se swa enn I reste isi zanfan I reste deor oubyen nou reste deor, zanfan I reste isi, I ava kapab trouv en solisyon vit senp e apropriyet atraver sa proze lalwa ki devan nou.    Mr Speaker having said that I annan en keksoz ki mon krwar – anfen mon pa pou demande I ganny tire me mon krwar I pa neseser, 9(1) I dir en lord ki’n ganny anrezistre I kapab ganny enforce konmsi I ti’n ganny fer isi savedir en dimoun I ganny en zizman L’Angleterre pou li ganny alimoni, I anrezistre sa avek Tribinal Lafanmir e I kapab enforce li isi otomatikman konmsi sete Tribinal Lafanmir ki ti’n fer sa lord.  Akfer nou bezwen (2) pou dir ki Tribinal Lafanmir pou  pran tou steps pou enforce sa lord ki – I bezwen  fer,  it’s getting obvious. Mon konnen akoz nou’n met li akoz konvansyon I dir ki the tribinal and the receiving State will take all steps for enforcing the order so nou’n met li la.  Surplus age I pa toultan en move keksoz me mon trouv li koman en keksoz ki pa ti tro neseser.

Msye Speaker mon ti ava swete dan seksyon 5 I en long seksyon trouv 4 lines from the bottom, at the end of that line ek order as en comma. Akoz si nou regard li byen I annan en subordinate clause ki fodre I ganny kree e sel fason pour nou kapab kree li se met en  comma la so that it read…….. subject to the provision of this Act all proceedings may be taken on such order, as if – pour sa as if I mont parlao, akoz si nou pa met li – shall be of the same force and effect I pa zwenn plitar avek as if it has been made on order, fodre nou tir sa pti subordinate clause akoz nou pa pou konnen sansan with what it will be of the same force and effect. Mon pe propoz sa pour parliamentary draftsman konsidere.  Mersi Mr Speaker.

 

MR SPEAKER

Onorab Andre, I reste nou apepre en 8 minit.  Pou ase letan pour ou.

 

MR ANDRE

Msye Speaker mon pou enm pti pe pli long ki 8 minit.

 

MR RAMKALAWAN

Msye Speaker sel rezon akoz mon pou sipor sa Bill byensir se parski nou pe koz lo zanfan e nou pe koz lo lafason ki bann paran zot pou pran zot responsabilite e mon krwar The Bill petet mon ava menm dir petet I enm pti pe overdue parski in annan vreman en kantite seselwa ki’n  annan mouvman e anmenmta osi mon konnen ki I annan serten paran – mwan personnelman I annan serten paran ki’n apros mwan kot petet papa – well prensipalman papa zot zanfan in nepli pe viv  Sesel e zot pa pe ganny okenn sipor e zot pe trouv li difisil pour zot maintain zot zanfan, alor sa I ava ede pou aranz en pe.  Donk mon pou sipor li antyerman parski nou pe koz lo nou zanfan me en keksoz ki mon krwar I monte dan Bill ki petet mon pa konnen mwan ki mannyer nou pou sey fer sa rantre I byen ki onorab Lucas, onorab pour Baie Lazare in mansyonnen ki dan lannen – mon’n bliy son lannen 1998 ti annan en order par bann dimoun Sid Afriken e ki sa order in mars byen, mon pa konnen si petet sa bann dimoun ti annan  – mon ti ava kontan zis si ou ti kapab donn nou enm pti git detay si sa larzan sorti isi pou al Sid Afrik pour zanfan oubyen si sorti Sid Afrik pou vin isi but any way I ti mars byen.  I byen, zanfan in ganny ede me mwan mon sa ki mon pe demande e se la kot mon vwar I mank enm pti git dan lalwa se dizon en papa I Sesel li, en order in pase dan en lakour somewhere Commonwealth en state ki tonm anba sa ki nou tonm dakor avek e aprezan sa state la I rekonnet ki pou dir sa papa isi oubyen sa manman I bezwen pey  maintenance pour son zanfan.  Sa zanfan li I a pe reste dizon L’Angleterre, roupi pa marse L’Angleterre, li sa paran I pa ganny okenn privilez labank pour li ganny sa foreign exchange pour li anvoy pour sa zanfan e alor I kapab tou le mwan swiv sa lord ki’n ganny ranforse isi par Family Tribunal, li tou le mwan I desann anba kot Family Tribunal I depoz son R1000 me sa R100 I pa pou arive L’angleterre, mwan mon ti ava demande ki posibilite vi ki nou pe koz lo zanfan, vi ki nou konnen ki sa i pou al pou ed zanfan ki posibilite pour nou fer rantre petet dan sa lalwa en clause ki labank I ava konsider sa aplikasyon dan bann ka alimoni ki ganny referred tou par Family Tribunal koman en privilez pour sa ki sa zanfan ki laba dan sa pei deor I kapab ganny son larzan.        Letan mon’n regard sa Bill mon pa’n trouv sa e mon ti ava senpleman – si I annan e si I annan mon ti ava ganny leklersisman me lefet ki mwan mon pa’n vwar li mon ti ava demande ki posibilite pour Minis konsider sa parski apre tou si nou pe rod ede, si nou pe rod ranforsi keksoz I bezwen sorti zis lo bann  zoli parol pour li pas lo kote aksyon, alors mon ti ava kontan si Minis ti ava kapab konsider sa pwen letan I pe donn son larepons.  E avek sa mon ti ava dir ki mon napa okenn problenm pou sipor sa Bill ozordi.  Mersi bokou.

 

MR SPEAKER

Nou ava adjourn e nou ava zwenn ankor 11er.

 

BREAK

 

MR SPEAKER

Nou a kontinnyen avek deba.

 

MR ANDRE

Msye Speaker, sa Bill devan nou ozordi pe demande ki bann paran ek zanfan an dot mo bann depandan I kapab pran rekour anba sa lalwa pour zot ganny bann soutyen neseser ki pou permet zot viv zot bann zenn az pour zot letan 3enm az pour en nivo konform.  Msye Speaker sa Bill pe koz lo bann sitiasyon kot bann dimoun pe viv dan diferan pei, I pe osi fer sir ki bann manm lafanmir I senpleman pran zot responsabilite e ed zot bann manm lafanmir pou sirviv dan lasosyete pandan bann laz ki pli vilnerab.  Sa Bill limenm pe ganny anmennen ozordi pou donn lafors legal isi Sesel e enplimant konvansyon Nasyon-Z-Ini lo rekiperasyon bann mentenans a letranze.  Sa konvansyon parey in ganny mansyonnen pli boner ti ganny ratifye Sesel an 2004 presizeman le 14 Septanm.

Msye Speaker sa Bill I presize ki en laplikasyon anba sa Bill limenm ki ler I pase I pou ganny lafors lalwa isi Sesel pou kapab ganny fer kot en dimoun ki pe claim mentenans I dan en pei ki’n sinny sa konvansyon e lot sa dimoun I dan en lot pei ki’n sinny sa konvansyon.  En laplikasyon ki pou kapab ganny fer avek sa ki pou ganny apele en transmiting agency dan pei sa aplikan.  Pou fer sir ki aplikasyon I fonde I annan serten keksoz ki bezwen ganny  fayle ansanm ek sa laplikasyon.  Sa se en power of attorney parey in ganny mansyonnen ki otoriz receiving agency dan sa lot pei pou reprezant sa dimoun ouswa  sa power of attorney I donn lotorizasyon pou apwent en lot dimoun pou reprezant sa aplikan.

Dezyenm Msye Speaker I enportan pou note ki non, ladres, dat nesans, nasyonalite, okipasyon e osi portre sa aplikan ki pe fer sa claim I ganny atase avek sa laplikasyon.  Trwazyenmman non, ladres ki 5an avan sa aplikasyon I ganny fer, dat nesans, nasyonalite ek lokipasyon sa dimoun avek kont ki sa laplikasyon pe ganny fer I osi ganny mete dan sa laplikasyon. I neseser ki bann pratikalite lo ki sa  claim I baze, bann remedi ki pe ganny rode e  osi bann lezot lenformasyon relevan e ki sitiasyon finansyel e familyal pour sa dimoun ki pe fer sa laplikasyon maintenance ki I ganny fer Msye Speaker.  Sa I montre ki bann eleman enportan fodre ganny pran an konsiderasyon menm ler en aplikasyon pe ganny fer dan son bann staz inisyal. En transmitting agency anba sa lalwa, anba sa Bill ki devan nou ozordi I bezwen satisfer son lekor ki sa laplikasyon pe ganny fer an bonn fwa e ki bann lalwa dan leta sa dimoun avek ki sa maintenance pe ganny demande I ganny respekte.  Sa bann lenformasyon Msye Speaker pou ganny transmet dan sa dokiman kot sa  receiving agency dan sa lot pei.  Sa dokiman I kapab kontyen en statement, Msye Speaker I presize ki I kapab kontyen en statement lo lopinyon sa transmitting agency baze lo merit sa claim e rekomandasyon ki free legal aid, e egzanpsyon bann fre lakour ki ganny donnen pou sa dimoun ki pe fer sa claim. I kler Msye Speaker ki sa Bill I donn pourvwar sa receiving agency pour li lo lapar sa dimoun ki pe claim maintenance pou pran tou bann mezir neseser pou rekouver sa maintenance enkli pou settle sa claim. Kot I neseser, si sa claim pa ganny settle Msye Speaker I kapab komans prosekisyon dan lakour ki I a fer li posib pou lakour donn en lord pour maintenance, sa pou ganny fer  e osi pou egzekit okenn lord pour lakour, pour lezot akt zidisyer, pou peyman maintenance.

Msye Speaker en lord ki ganny fer par lakour pou bezwen ganny sertifye dan en lot leta, I enportan  ki nou konpran ki pa akoz sa lord ki’n ganny fer dan en lot pei I pa pou sibzekte a sertifikasyon dan sa pei.

Mon pou pran sa lokazyon Msye Speaker pou koz enm pti lo seksyon 9(2) ki’n ganny souleve par mon koleg laba me pa isi.  Mwan mon pou dir ki  rezon 9(2) se pou permet en  Family Tribunal pour li vwar ki sa  zizman oubyen sa lord ki’n ganny donnen a letranze I an konformite avek lalwa Sesel.  Si se sa ki nou nou fer ler nou isi Sesel, se  sanmenm sa ki apel en lord provizwar ki ganny konfirmen akoz si dan en lakour a letranze en  sonm

£1000 in ganny donnen e sa dimoun isi, sa msye pe travay pe ganny li R2025 I pa pou kapab pey £1000 alors sa I permet sa agency isi pou antre an negosyasyon avek sa lakour avan I konfirm en lord ki’n ganny pase dan en lot pei.

Msye Speaker tou prosedir I ganny fer par lakour lafanmir, tribinal lafanmir isi pou ganny swiv dan en ka kot en sitiasyon in ganny anmennen par transmitting agency, in ganny resevwar par receiving agency isi Sesel.  En laplikasyon anba sa lalwa Msye Speaker I osi kapab ganny fer par en seselwa isi Sesel atraver bann mekanism ki mon’n mansyonnen pli boner pour maintenance kont en dimoun ki pa pe reste si oule Sesel.  Sa I pou fer ki bann madanm ki annan zanfan avek en dimoun ki pa pe viv isi Sesel pou kapab benefisye anba sa Bill ki pou vin lalwa byento.  Msye Speaker sa Bill devan nou ozordi a mon’n avi I ganny konsidere koman en all rounder. Mon dir sa msye Speaker akoz I non selman pran konsiderasyon sitiasyon zanfan me I osi adres sitiasyon paran ki annan zanfan ki pe viv a letranze e atraver sa lakour pou kapab donn en lord pour sa bann zanfan osi anvoy en mentenans pour zot paran.  Pou konklir Msye Speaker mon ti a kontan tous lo pwen lonorab Ramkalawan.  In dir ki I ti a kontan vwar dan sa Bill ki enkli sitiasyon kot labank I asiste sa bann dimoun.

Msye Speaker espre dan sa lalwa in annan  bann transmitting agency ek bann receiving agency. Se zot ki pou fasilit sa prosedir pou koz avek labank.  Mon pa pou an faver enkli en sitiasyon parey dan lalwa akoz sa bann agency pou bezwen zistifye sa demann  si I pe ganny fer parey mon’n dir si I an bonn fwa e lalwa sa lot pei pe ganny swiv.  Alors  I pou responsabilite sa transmitting agency e sa receiving agency pour zot kordine ki mannyer sa pou ganny fer Msye Speaker.

Mon ti a kontan osi fer resorti ki sa lalwa in vin devan nou a en moman apropriye pour Sesel.  Sa se akoz pou demontre komitman nou pti pei pou onor son bann lobligasyon enternasyonal.  Mon pou demann tou manm isi prezan pou donn zot sipor sa Bill akoz I pou benefisye tou dimoun ki vwar zot dan bann sitiasyon ki mon’n mansyonnen pli boner.  Mon oule reasir  minister zafer etranzer ki mon pou donn sa Bill mon full sipor e mon swet receiving ek transmitting agency sikse dan enplimantasyon sa Bill e sa konvansyon Nasyon-Z-Ini.

Msye Speaker Sesel in met son mark lo lasenn enternasyona e ansanm pour lanmour Sesel, nou bezwen siport bann linisyativ parey.

 

MR FERRARI

Msye Speaker mon kontribisyon lo sa Bill I pou konsern sirtou sa morso ki tous enforcement bann desizyon lakour ki’n ganny pran devan Tribinal,ki’n ganny pran swa isi Sesel swa an deor Sesel.  Mwan mon pa tro tro konpran ki onorab Andre ti pe dir akoz ti annan bokou legal jargon ladan me mwan mon ti a kontan prefere vwar bann keksoz senp ki lepep seselwa I konn tre byen, I konpran kwa ki sa Bill I pou afekte son lavi e ki mannyer I pou sanz son kondisyon ki I pe viv ladan.

Msye Speaker les mwan premyerman pran sa pwen ki onorab Andre pe dir finalman Sesel pe met son mark lo nivo enternasyonal.  Mon krwar parler nou mank en lokazyon pour nou anmenn serten bann keksoz dan deba akoz nou konn tre byen ki mark Sesel  konsernan nou bann det I pa en bon mark ki nou’n mete o nivo enternasyonal e  konmsi sa I en size ki ti ava – parey nou dir an angle let sleeping dogs lie.

 

MR ANDRE

Msye Speaker point of order.

 

MR SPEAKER

Which Order.

MR ANDRE

Klarifikasyon.

 

MR SPEAKER

Hold on. Eski ou pare pou sed.

 

MR FERRARI

Non, mon pa pare pou sede.

 

MR SPEAKER

Non, I pa’n pare pou sede ..

 

MR FERRARI

Donk Msye Speaker mon krwar dan sa nouvo lalwa ki nou pe al pase e ki mon pou siporte, mon krwar ki sa I enn bann pwen fondamantal, ki mannyer nou onor nou bann obligasyon cross border e enternasyonal.  Lonorab Lider Lopozisyon pli boner in koz lo kimannyer nou pou kapab re-meet avek bann zanfan oubyen bann lezot beneficiaries oversees, bann peyman ki ganny fer lokalman.  Mon krwar sa I en pwen vreman enportan e se pour ki  mon ti a kontan stress lo la.  Se ki nou trouv sa mekanizm e nou pa zis dir ki nou pou kit li pour en receiving agency oubyen en transmitting agency, nou trouv sa mechanism pou fer sir ki ler sa larzani  ganny anmase I arive anba  kot I ete e pour le moman nou konn tre byen I menm  larzan scholarship pa arive, I ariv an retar oubyen I pa ariv zanmen e la ozordi nou pe fer lalwa e nou anvi ki sa lalwa I annan son lenpakt, son full lenpak, setadir son lenpak pozitiv lo lavi bann dimoun ki sipoze resevwar sa lasistans e mon krwar ki I enportan ki sa lasanble I ankouraz, Minis I ankouraz gouvernman I fer son pwen kler pou dir sa I en rekomandasyon ki nou pe fer e ki nou pe pran li o serye pou fer sir ki en mwayen I ganny trouve pou garanti ki sa larzan I ariv kot I ete akoz si non nou ava pe anmas larzan avek bann dimoun isi atraver Family Tribunal, e I pou reste dan en kont isi e finalman nou ava’n met serten  dimoun isi devan zot responsabilite me bann dimoun ki sipoze pli benefisye pa pe benefisye e dan en fason enver nou osi konnen ki anba sa lalwa I annan serten dimoun ki pe viv Sesel, serten zanfan ki pe viv Sesel ki pou benefisye atraver maintenance ki sorti a letranze.  Alors nou pou bezwen osi gete kimannyer sa beneficiary isi pa ganny penalize ler son fanmir, son papa, oubyen son manman oubyen en lot son fanmir I anvoy enm pti dolar pour li oubyen enm pti liv sterlen, finalman sa I al kot Family Tribunal ki receiving agency oubyen enforcing agency, finalman sa I al dan en kont ofisyel e ler sa dimoun I vin rode li I ganny en lanvlop roupi ki sa I pa reflekte egzakteman son valer ki I merit pe gannyen. Donk mwan sa ki mon ti a kontan vwar dan petet 2 se ki sa dimoun ki pe benefisye I benefisye antyerman avek tou sa ki’n ganny met a kote, ki’n ganny kontribye pour son benefis.  E la a sa moman la mon ti a kontan lans en lapel pour ki vreman Sesel I onor son bann lobligasyon enternasyonal.

Mon ti a kontan refer zot lo en ka ki ti arive pa tro lontan, en konpannyen ki ti apel OMISA, OMISA I en konpannyen ti manage SEPEC e a en serten moman en 10, 12an pase gouvernman in deside terminate kontran OMISA e ranplas li par en management lokal.  Toutafe byen, en keksoz ki mon siport vreman toutafe. Prezan OMISA ler son kontra in terminen mal a propos san bann kondisyon ki ganny respekte, OMISA in bezwen met sa zafer dan en lakour Arbitration La Swisse. Zafer ki’n al tre lontan, ki’n ganny ekrir partou dan bokou bann zournal, dan bann  revi legal atraver lemon I annan plent ki’n ganny depoze o nivo Linyon Eropeen etc, I annan  bann ziz isi ki’n bezwen sorti parey  ansyen Ziz Sauzier ki’n bezwen al fer arbitrasyon.  In vreman en zafer tre long e finalman lakour enternasyonal in deside ki OMISA ti annan serten rezon pour li anmenn sa case ankor e zot in award serten domaz OMISA.  Ki’n arive apre, tou bann lakour isi Sesel in reget sa  case in dir non, gouvernman Sesel pa bezwen peye, pa pou peye, sa I pa konsern nou. In pa’n pas dan lakour Sesel alors nou pa pe okipe.  Finalman in  en zizman enternasyonal ki nou pa’n respekte, ki’n arive, bann avoka sa lakonpannyen ti bezwen met lasezi lo Air Seychelles, ti bezwen met lasezi lo kont, lasezi pour li anpes li ganny fuel pour li anvole apre la nou bezwen taye, nou’n bezwen al soz.  Konmsi nou annan bann lobligasyon ki nou bezwen respekte e annou fer li dan en fason byen pour nou ganny en bon repitasyon.   Mon krwar enn bann problenm se ki nou isi souvan e menm  dan sa lasanble nou bann dimoun ki sipoze pe met sa ekstra presyon lo gouvernman pou fer sir ki sa bann lobligasyon I ganny meet, ki nou pey nou det, ki nou pa perdi nou drwa koze, ki nou pa perdi nou drwa ganny lasistans, ki nou pa perdi nou drwa vote plito ki nou met presyon lo gouvernman pou fer sir ki sa I marse e ki Sesel I ganny li en repitasyon formidab.  Nou, nou vin dan sa lasanble nou dir ki nou repitasyon I fantastik, nou en legzanp pour lemonn.  I pa vre.  Sa sa se ki franse I apel La Langue De Bois. Nou pe koz avek en  lalang dibwa e I pa sonnen.  Nou pa devret e si nou pe servi nou pei e nou pe fer li pour lanmour Sesel nou devret dir avek Sesel ki I annan serten problenm e ki se  dan sa direksyon ki nou devret ale.  Pour lanmour Sesel  nou pa devret dir pou dir tou keksoz ki pa pe mars byen, nou dir pou dir I byen.  Donk mwan mon ti a kontan re-aport mon soutyen a pwen ki onorab Ramkalawan in fer sorti, parey mon’n dir mon’n pran laparol akoz mon’n enm pe enkyet akoz mon’n per ki lentervansyon presedan pe dir avek Minis pa bezwen pran sa an kont ditou, sa pa bezwen ekoute sa ki onorab Lider Lopozisyon I dir, sa I pa enportan.  Mwan mon krwar in telman enportan ki mon pran laparol pour mwan ranforsi sa pwen pour ki tou bann dimoun ki bezwen I merit benefisye anba lalwa, anba bann regleman I benefisye plennman pour permet zot servi sa bann benefis dan en fason plen pour zot prop devlopman.

Alors msye Speaker mwan mon ti a kontan dir ki mon pou siport sa Bill e mon ti a kontan ankouraz Minis pou fer bann rekomdasyon avek bann lazans ki sa bann keksoz ki nou pe al anmase pour sa bann dimoun I ganny anmase e I ganny transmet dan en fason vreman byen kot tou dimoun I benefisye.

MR DE COMMARMOND

Msye Speaker mon pou vreman kourt.  Mon annan en keksoz ki petet Minis I ava esplike, ki mon pa tro, tro ganny en konpran.  Mon’n ekout byen onorab Ferrari ki’n dir so si mon ganny li byen letan sa lalwa in fini pase, letan sa Bill in fini pase pou vin lalwa, en seselwa ki’n ganny trouve ki I bezwen pey maintenance dizon en dimoun L’Angleterre parey onorab Ramkalawan ti dir I bezwen dizon pey R500 I depoz son larzan kot Tribinal e la pe demande ki Tribinal I ensiste ki gouvernman I donn li sa forex pou transfer sa larzan deor laba.  E an menmtan si en dimoun  I Langleterre li I bezwen pey dizon £100  a en dimoun isi Sesel li I osi letan I arive donn sa dimoun son forex. I korek sa.  Se lo sa pwen ki mwan mon pa dakor ditou Msye Speaker.

Si nou anvi Tribinal I ede pour ki sa dimoun deor laba I ganny son forex, mwan mon krwar ki Tribinal premyerman I devret gard en bon rikord sa tranzaksyon, kontrer Minis ladan mon ti ava apresye si ou ti kapab donn en nide nou lasanble aktyelman letan  sa Bill la nou pe diskite li, konbyen, ki kantite apepre bann ka I annan kot dimoun isi Sesel ki bezwen pey keksoz deor e ki kantite vice versa I annan deor ki bezwen pey isi.  E ki mon demande ki Tribinal I gard tre bon rikord ek labank dan en fason ki permet li kapab diskite e negosye avek labank pou dir labank vwala I annan tan larzan deor ki pe antre, ki pas atraver sistenm byensir isi sa dimoun I ganny pey an roupi, sa larzan forex I tonm dan soz labank en fason I a ede isi ki bezwen pey deor la Tribinal I a kapab negosye byen  ek labank pou kapab asiste pli byen sa dimon deor avek forex neseser.  Mwan mon’n a mon’n avi mon pa krwar avek a lalwa ki nou bezwen al met ankor presyon lo sistenm deza nou tou nou konnen e nou tou nou konplent zafer  forex dan nou pei.  Petet osi mon pa konnen in ler petet pou gouvernman reflesir si nou aret devlop en kou – forex nou kapab gannyen nou tou, mon krwar gouvernman I a deside, nou aret devlop en kou, tou forex I a reste la, nou a kapab servi oubyen nou kontinnyen devlope pour nou kapab kontrol nou forex. I annan en bann zafer dan sa pei, enn ler ou bezwen asize regarde koze e letan mon dir SBC I annan en kantite keksoz pou fer pou edik nou pep dan tou sa bann roulman la sansan..

Msye Speaker setou ki mon ti annan pou dir, mon ava siport sa Bil.

MR SPEAKER

Msye Speaker Right of Reply.

MINISTER PILLAY

Msye Speaker premyerman mon tia kontan de la par mon Minister, de la par gouvernman eksprim mon lapresyasyon pour sa bann  mo e entervansyon sipor lo kote bann MNA gouverman e lo kote bann MNA lopozisyon, mon krwar I annan bann pwen pertinan ki’n ganny souleve lo kestyon Bill limenm  li e seksyon 5 ek seksyon 9(2).  Mon enterpretasyon se ki (1) vreman I pe koz lo pourvwar pou enforce e lot (2) pe enpoz en duty me selman parey in ganny dir mon pa krwar ki I en issue mazer an sa ki konsern sa comma mon dakor, mon pa krwar nou pou al diskit lo en comma.

Lo kestyon sa issue forex mon krwar – mon ti a zis kontan dir ki dan instrument of assession ki

Prezidan Larepiblik in sinnyen le 28 Septanm 2004 sa in ganny mansyonnen, I en pwen ki bezwen touzour pran an konsiderasyon given the fact ki  nou donn lenportans sa depandan pour akse avek mwayen mentenans e parey in ganny dir ankor sa transmitting agency dan leta ki sa claimant I aletranze I pa dan Sesel I bezwen asire ki sa larzan I arive kot sa claimant ki pe rode.  Mon krwar I bezwen  annan mechanism ek regilasyon ki vin anplas.

An sa ki konsern bann pwen ki’n ganny sorti avek referans lo lenformasyon lo sa dimoun ki pe claim maintenance sa I enkli  dan Bill e mon krwar I enportan pour nou asire ki tou lenformasyon avek sa receiving agency ki nou koman sekreter prensipal Foreign  Affairs koman receiving agency I gannyen pour li avek Family Tribunal ki osi kler e konplet ki posib e mon ti a kontan dir Msye Speaker  ki ler nou pe koz lo larzan, forex oubyen roupi I enportan pour tenir kont ki I pa zis bann claimant ki aletranze e ki I annan respondent Sesel.  I tou le de kote. Anefe si mon’n konpran sif e nou a vin lo sif enm pti moman, I annan plis claimant, dimoun ki pe rod mentenans isi Sesel, ki pe rod mentnans isi Sesel, ki pe rod mentenans avek respondent oubyen dimoun deor.

Lo sa kestyon sif ki MNA in demande sa ki Minister Zafer Etranzer I annan koman receiving agent oubyen ladministrasyon ki resevwar bann demann ki nou annan rikord e  mon pa vedir ki sa I absoliman korek pou sa dernyen 20, sa ki nou annan lo rikord se ki I annan apepre 2, mon krwar onorab De Commarmond ki’n demann sa – 2 La France e 2 L’Alemagne, I annan en ka kot sa I pa vreman konsern mentenans endepandan me I en ka kot en zenn marmay ti ganny pran pou anmenn L’Australie me I annan apepre sa.

An sa ki konsern bann claimant seselwa ki zot pe claim avek  en respondent overseas I annan en bon pe e  sa mon ti a kontan dir ki petet Msye Speaker avek ou permisyon nou ti a demann Family Tribunal isi Sesel pou prodwir sa sif avek lasanble nasyonal ki presize egzakteman konbyen ka I annan e ki pei ki enplike koman pei kot nou’n transmet sa demann.  Me selman dan en mo  mon ti a kontan dir ki mon lenpresyon se ki I annan plis demann oubyen claimant sorti Sesel avek respondent etranze ki vice versa. Petet sa kestyon forex I en bon pwen me I pa devret preokip nou tro bokou akoz parey mon dir problenm petet I pa la.

Finalman Msye Speaker mon ti a kontan zis quote Msye Craig (?) avek enn son envestiser dan en rankont semenn pase ki in dir ki lavenir Sesel ek limaz Sesel a letranze in totalman sanze dan sa 4an edmi e ki I tre kler ladan e mon ti a kontan osi quote Vandredi ki mon annan en rankont wrapping up etan ki Minister Zafer I gouverner Sesel pour Labank Mondyal, Msye Colin Bruce ki country  director pour labank mondyal pour Sesel ki’n osi dir labank mondyal I pare pour li angaz Sesel dan  son bann demars pou al an avan.  Alor si nou koz lo limaz Sesel mwan koman Minis Zafer Etranzer mon pa pe les perdi okenn moman menm si semenn pase lo kestyon Comores, an Pretoria koman Prezidan COI oubyen dan nenport domenn pou koze pou dir ki Sesel I on the move e ki son limaz I bokou amelyore e I pou kontinnyelman amelyore e enn bann mezir gouvernman se pou asire ki nou reprezantasyon diplomatik pou bokou pli pwenti e pli pouse e ki an Oktob sa lannen nou pe envit tou plis ki 79 konsil e konsil zeneral atraver lemon pour vin Sesel pou  3 zour pas ansanm avek nou pou vin abou vwar ki kalite demars e kritik nou parski zot ki pe reprezant nou a letranze e nou espekte ki nou demars I a kontinnyen ogmante pou benefis tou dimoun.

Alor mon ti a kontan Msye Speaker pou remersi ankor tou bann ki’n koze atraver sa Bill parski nou tou nou dakor parey irlandais I dir “He who dips the whip has to pay for the oil”. Mersi.

MR SPEAKER

Nou ava pran en vot lo merit zeneral sa Bill, bann ki an faver, okenn ki kont.  Inanim.  Mon a ganny en  formal second reading.

AG: CLERK

A Bill of an Act to provide for the implementation of the Convention on the Recovery Abroad of Maintenance, the Repeal of the Maintenance Order (Reciprocal Enforcement) Act 1922 and connected to matters.

MR SPEAKER

Mon’n note ki in annan en senp pti amannman lo en comma par Onorab Georges e ki an zeneral napa okenn gran diferans ant le 2 kote lo detay sa Bill limenm, donk mon pe gete si I annan en konsansis ki nou sot committee stage. Yes Madanm Potter.

 

MRS POTTER

Msye Speaker wi mon krwar I annan en konsansis e pour sa ki mon ti a kontan move ki nou sispann Order 88(1) pour nou kapab sot staz komite.

 

MR SPEAKER

Eski mon annan en mosyon pou sot staz komite.  Okenn ki segonn sa mosyon.

 

MR POOL

Segonded Mr Speaker.

 

MR SPEAKER

Bann ki an faver mon mazinen I oke.  En motion for 3rd reading.

MRS POTTER

Msye Speaker mon move ki Maintenance Orders (Reciprocal) Enforcement 2007 I ganny lir en trwazyenm fwa.  Okenn ki segonde.  Tou bann ki an faver.  Okenn ki kont.  Nou a ganny en formal third reading.

AG: CLERK

This Act may be cited as the Maintenance Orders (Reciprocal) Enforcement Act 2007.

 

MR SPEAKER

Bill in ganny aprouve e avek enm pti amannman ki fasil, fasil e mon ava remersi Minis e eski li parmi nou.

Lo pwen lo nou Order Paper se bann motions. Nou a pran premye mosyon par onorab Ramkalawan.

 

MR  RAMKALAWAN

Mosyon ki mon’n table I demande ki konm swivan: sa Lasanble I demande ki bann lalwa apropriye I amande pou donn tou Seselwa ki a letranze drwa pou vote dan eleksyon nasyonal.

I enteresan pour nou ozordi pou vwar enpe oubyen ekout bann diskour ki ganny prononse par bann diferan dimoun dan nou sosyete e mon krwar ki I annan en sanzman dan lapros.  Avan ki Msye Michel ti vin Prezidan bann Seselwa ki viv a letranze ti ganny ignore konpletman. Me mon bezwen dir ki depi ki Msye Michel in vin Prezidan in kantmenm annan en gran diferans. Msye Michel paregzanp I pa mank okenn lokazyon dan bann diskour, dan bann lokazyon nasyonal pour li fer mansyon bann Seselwa ki viv a letranze. Paregzanp pou lefet le 18 Zen ler I ti pe fini son diskour Msye Michel ti dir, mon swet tou Seselwa, sa ki Sesel e a letranze e bann ki pe swiv lo internet, bonn fet.  E pour mwan mon take it ki poudir letan in mansyonn bann Seselwa ki pe viv a letranze, in osi enkli bann Seselwa ki pe etidye, bann Seselwa ki lo en vizit a letranze me osi bann ki aktyelman viv a letranze. Pour lendepandans ankor ennfwa Prezidan pa’n mank en lokazyon pour li swet tou bann Seselwa ki aletranze bonn fet lendepandans.  Alors parey mon pe dir, I annan kantmenm en serten sanzman dan lapros ki bann Seselwa a letranze I ganny en serten rekognisyon.

Me anmenmtan mon pou dir I reste kantmenm en serten pozisyon anbigi lo kimannyer nou konsider zot an relasyon avek nou ki viv Sesel. E la avan mon al enpe lo sa bann anbigite, mon ti a kontan dir ki Minis Foreign Affairs ki’n fek la avek nou, dan son diskour a lokasyon laniverser Larenn, enn bann keksoz ki I ti dir se pou remersye gouvernman Britanik pou lospitalite ki zot ofer sitan kantite Seselwa. E la sa fraz obviously I pe koz lo sa kantite Seselwa ki ozordi zot in adopte  Langleter koman zot landrwa kot zot reste e in adopte Langleter enpe koman zot lakour. Me selman anmenmtan parey nou konnen, tou sa bann Seselwa zot kontinnyen annan sa lyen avek Sesel.

E mon sipoze letan nou pe regard sa kominote Seselwa ki baze dan bann diferan parti lemonn I enportan pour nou at some point, pour nou regarde ki kontribisyon ki zot fer e alors pour nou regarde anmenmtan osi ki bann drwa ki nou donn zot isi lo later Sesel akoz apre tou pour mwan en dimoun ki Seselwa, ki son lanbri in anter Sesel oubyen ki son paran I Seselwa mon pa regard li koman okenn diferans avek ki landrwa I pe reste parski mon krwar nou kiltir I parey e alors mon krwar ki sa detrwa ros  dan milye losean I reste koman sa landrwa ki’n annan en serten afilyasyon, en serten afinite.

E enn bann keksoz ki’n frap mwan se pour dekouver ki ofet bann Seselwa ki viv a letranze, dan nou lekonomi zot fer kanmenm  en gran kontribisyon.  Swa atraver serten lenvestisman – I annan Seselwa ki viv a letranze ki pe envestir dan serten biznes isi Sesel, oubyen atraver bann larzan ki zot anvoye pour zot paran oubyen pour zot fanmiy isi dan Sesel, bann kado ki zot anvoye, bann led ki zot donnen dan tou diferan nvo.  E sa kontribisyon kimannyer mon ganny en konpran pe depas 50 milyon roupi ki zot fer dan diferan fason. E nou osi dekouver paregzanp letan bann artis Seselwa I al aletranze e ankor ennfwa zot lakey ki zot gannyen parmi sa kominote Seselwa dan nenport ki landrwa ki zot ale, ankor ennfwa I en gran lakey e sa pour mwan, si mon pe dir sa bann keksoz se senpleman pou montre ki sa Seselwa ki viv a letranze e sa Seselwa, nou ki pe viv isi Sesel letan I ariv nou kiltir, en sega whatever, konsern ki pe arive, dimoun ki mor isi ensidswit, se nou konsern.

E nou osi dekouver ki I annan en kantite Seselwa ki, oke letan zot ankor zenn zot al viv a letranze me selman apre sa zot deside pour zot retourn Sesel pour zot etablir zot spesyalman dan zot vye zour. E letan zot vini byensir zot vin avek zot larzan parski pour ou ganny lasistans sekirite sosyal fodre kantmenm ou a pe viv en sertan letan.

Alors mwan mon pou dir ki malerezman letan nou regard tou sa bann keksoz I pozitiv me selman letan I ariv drwa pour sa bann dimoun deside lekel ki vin son gouvernman I annan dan mon’n avi en serten diskirminasyon. E pour mwan anmenmtan osi, en lot kontradiksyon ki mon’n osi trouve se paregzanp letan SACOS ti pe privatize, dan inverted commas parski mwan mon pa tro krwar ki I en vre privatizasyon. E enn bann desizyon ki gouvernman ti pran,  ki pour mwan ti sokan sete pou dir Seselwa ki pe viv a letranze napa drwa aste shares dan sa lakonpananyen. Mon pa’n zanmen nobou konpran sa lozik deryer sa me selman sete sa ki ti ganny.

Alors pour mwan mon trouve ki pli gran diskirminasyon se sa posibilite pou vote. Apre 15 an dan trwazyenm repiblik mwan mon santi ki nou devret ankor ennfwa regard sa sitiasyon, donn nou pwennvi pournou kapab kontinnyelman koman en pep, regarde non selman dan ki direksyon nou ale me pour nou regarde kimannyer nou kree sa linite dan nou pei.

E petet letan mon pe dir sa mon a pe osi fer referans direk avek paregzanp en pei koman Liban, ki’n pas dan bokou bann lannen lager, me son rekonstriksyon in ganny fer par bann Libanais. Se zot ki’n rekonstrir zot pei. E mwan mon enn sa bann dimoun ki krwar ki rekonstriksyon Sesel – e se pour sa rezon ki tanzantan mon met lanfaz lo – zot in tann mwan  bomaten  pe demande kan pou aret donn nasyonalite bann etranze ki zis vini isi ki dir ou zot kontan Sesel, konmsi zot pli kontan Sesel ki ou  alors zot bezwen nasyonalite. Mon kontinnyen lo sa laliny parski mwan mon krwar  ki zour nou annan sa vre call pour linite tou Seselwa, san ki Sesel e sa ki a letranze, se la kot nou pou kapab rekonstrir nou pei konpletman e sa bann problenm forex esidswit ki nou koz lo la, sa bann problenm ekonomik mon krwar nou pou kapab dan en pozisyon pour nou rezourd zot akoz zour tou Seselwa I ini, mon krwar I pour en lafors e ki sa I pou kapab ede.

E letan mon pe dir sa mon pe osi mazin paregzanp en pei koman l’Inde. En pei koman l’Inde ki zis bann Endyen ki viv a letranze ki fer bann kontribisyon, ki retourn bann kontribisyon dan zot pei. Sa pour santaz ki zot kontribye dan lekonomi zot pei I vreman enportan e se la kot gouvernman l’Inde paregzanp ki ti dan menm pozisyon avek nou zot in menm santi sa nesesite pour zot donn bann endyen ki viv a letranze sa posibilite pou zot osi partisip dan sa eleman kapab vote ensidswit.

Donk mon pe trouv mon mosyon non pa pirman koman sa aspe, politik, politik – byensir I en mosyon ki annan konotasyon politik me pour nou kapab osi koman en lasanble, koman en pei kapab al lo en lot nivo pour nou regarde kimannyer nou pei I kapab avanse. E mwan mon krwar ki tan ki nou kontinnyen fer sa distenksyon ant zot avek nou – ant sa bann ki viv a letranze e sa bann ki viv Sesel, lo swa bann direksyon ki nou pei I ale, mon krwar ki I pou fer nou vin pli pov. Pli pov pa neseserman finansyerman me selman pli pov koman en pov parski mon krwar ki nou annan kantmenm en gran larises ki nou kapab gannyen lo tou dimansyon.

Ozordi e se la kot mon’n demande ki bann lalwa apropriye I ganny amande. Ozordi anmenmtan fodre nou dir ki I annan en mister dan sa bann zafer eleksyon lo lekel ki ganny drwa vote nou tou nou koz lo sa bann zafer 3 mwan fodre ou annan rezidans 3 mwan. Me mon pa konnen fodre amwen dimoun dan lasanble I ava kapab vin avek sa pwen. Me letan nou’n demann serten kestyon napa en landrwa ki mon’n kapab ganny anvoye pou regarde kote ki dir ki en Seselwa pour li anrezistre lo lalis voter fodre in reste dan pei 3 mwan. I en mister e pourtan sakfwa ki rezis voter I ouver nou tann dir pour ou kapab soz, fodre ou’n dan pei 3 mwan. Zot anvoy li kot kart idantite, ki fodre ou dan pei 3 mwan pour ganny en kart idantite. Me pourtan en dimoun ki ganny nasyonalite, I ganny son idantite deswit, en pti baba ki ne, le moman ki ou anvoy ou anmenn son bann papye anba kot biro apropriye I ganny li en kart idantite. E I annan en serten mister.  E sa I enn petet bann mister ki nou bezwen  rezourd. E ki mannyer mon konpran aparaman se la aprezan ki lalwa pou al ganny mete pou demande ki avan ki en dimoun I kapab ganny anrezistre koman en voter fodre I annan sa eleman 3 mwan. Me parey mon pe dir pour mwan I reste en mister ziska ki I ganny eklersi.

Dan konstitisyon I annan en konponan ki koz lo rezidans e pour ou kapab anrezistre koman en voter, I dir avek ou premyerman fodre ou en sitwayen Sesel, fodre ou ganny ou 18 an, fodre ki ou rezid dan en electoral area ki vedir dan en distrik, fodre pa ki annan okenn lalwa ki’n deklare ki poudir ou fou oubyen ki ou pe ganny garde anba President’s pleasure parski ou latet pa tro bon ou’n konmet en krim oubyen fodre pa ki ou pe servi en santans ki eksed 6 mwan enpoze par en lakour sesel. Me Selman anmenmtan osi nou konnen ki poudir oke sa se pour anrezistre konman en voter me letan in ariv ler pou vote lalwa ankor ennfwa se la kot parey mon pe dir I annan serten keksoz ki nou bezwen regarde lalwa paregzanp I dir ki en dimoun ki anba detansyon I pa ganny drwa vote. Me pourtan nou konstitisyon I deklare ki en dimoun i inosan ki ziska ki I ganny deklare koupab me. Selman si gard I deside –  eleksyon I Sanmdi gard I deside vin aret ou Vandredi I aret ou, ou dan kaso ou pa ganny drwa vote e apre lendi i larg ou san okenn sarz. I annan, parey mon pe dir, sa eleman rezidans.  E lemoman ki ou koz lo sa eleman rezidans I anmenn en distenksyon ant bann eleksyon ki nou fer sesel.

Eleksyon prezidansyel avek eleksyon lasanble nasyonal, parski pour eleksyon prezidansyel menm si ou ganny anrezistre dan en electoral area I pa enportan pou son rezilta parski parey nou konnen dan plizyer lokazyon kot nou’n fer sa bann eleksyon rezilta pa’n zanmen ganny donnen par distrik. Son rezilta ofisyel I ganny anonse dan en fason global alors ki ou Anse Royale, ki ou Anse Aux Pins, ki ou soz I kont en sel.  E sa I vedir ki mon mosyon letan mon pe anmenn sa mosyon I pour plito aplike dan en eleksyon prezidansyel kot ou a pe desid gouvernman ou pei parski lo nivo lasanble lefe ki eleksyon lasanble I ganny spesifye dan en distrik sa I pour annan serten eleman ki pa pou vreman tonbe. E ofet I annan bokou bann pei kot sa I leka kot zot fer sa distenksyon ant partisipasyon dan en eleksyon prezidansyel avek en eleksyon lezislativ e case in point se La France.   La Frans kot sa lannen zot in annan eleksyon e pou eleksyon Prezidansyel tou bann franse ki viv isi in ganny sans pou zot vote me parkont detrwa semenn pase apre zot ti fer eleksyon parlmanter e bann franse ki viv isi zot pa’n kapab partisip dan sa eleksyon parski pou bann rezon ki monn mansyonnen.  Sa I osi aplik pour paregzanp bann Ameriken kot pou prezidan I zis zot leta kot zot reste e parey mon pe dir I al dan menm fason.

Alors letan mon pe regard sa sitiasyon mon serserman krwar ki lalwa I devret kapab ganny amande pou permet tou Seselwa pou vot pour zot dan en eleksyon prezidansyel e sa I ava permet ki zot ava kantmenm annan en partisipasyon dan ki kalite gouvernman ki zot annan.

Mon pa pou al an detay lo sa bann lalwa parski mon krwar ki I  annan serten dimoun ki ava kapab fer sa bokou pli byen ki mwan me mon krwar ki letan nou pe koz lo son lorganizasyon mon pa trouv gran problenm espesyalman ki nou en pei ki pti pti. Si en gran pei parey La Frans parey Lanmerik ensidswit zot kapab fer li, mon pa vwar akoz ki sesel kot nou bokou pli pti pti nou pa ava kapab fer li kot parske ozordi I annan diferan fason pou ou fer en keksoz swa through postal ballot, internet voting in komans ganny entrodwir by proxi met stasyon vote dan serten kapital paregzanp kot nou annan en kominote Seselwa swa ki Lonn ki I an Frans ki I Montréal ki I Perth ki I Melburne tou sala se bann diferan posibilite.

An dot mo sa ki mon pe dir se son mekaniz pou fer sa marse I pa en keksoz konplike me sa ki nou bezwen regarde se ki lentere oubyen ki dezir ki nou koman en pep nou annan pou fer ki tou dimoun I kapab partisipe.  Byensir letan mon pe anmenn en tel mosyon mon osi realize ki enn bann largiman prensipal kont seselwa vote se ki nou annan nou – e bomaten Onorab Georges in fer mansion sa kot ofet nou annan nou bokou Seselwa, pou groser nou pei nou annan nou en konmite Seselwa ki viv a letranze ki substantial. Dapre bann dernyen sif I posib I annan otan Seselwa ki pe viv isi sesel ki pe viv a letranze oubyen sa bann sif I varye. I menm annan  serten dimoun ki  dir avek ou ki I annan plis ki 40,000 Seselwa ki pe viv aletranze. I annan bann diferan sif me nou menm nou koman en pei ofet nou pa ankor fer en vre resansman pou nou konnen ki kantite Seselwa ki pe viv aletranze. Me letan nou pe regard paregzanp bann sif ki komisyonner eleksyon I zwe avek pou li tir bann dimoun ensidswit, ou dekouver ki poudir lo sa rezis I annan anviron 120,000 Seselwa an tou e serten parey nou pe dir I diskalifye zot pou rezon rezidans ki lalwa I dir me selman sa ki mon pe dir, ki I annan sa largiman ki poudir kekfwa zot pou debalans tou sitiasyon akoz I annan plis zot ki viv deor.

Me selman mwan mon krwar ki sa largiman menm si mon konpran son merit ki I annan ladan me enn bann keksoz se pou nou dekouver ki pa tou Seselwa ki vreman enterese. Dan menm fason ki menm si Ameriken I permet tou son sitwayen ki viv aletranze vote oubyen menm tou son bann sitwayen ki dan Lanmerik li menm li vote nou dekouver ki letan  eleksyon I fer partisipasyon souvannfwa pa arive 50%. E bann ki viv aletranze ketfwa ou ganny ou 1% ou 2% ki pran sa responsabilite pou li vote. E pourtan I annan sa swa e mon krwar ki kot I annan swa I annan bokou dimoun ki deside pou li egzers sa swa dan en lot fason.

I vin menm parey si nou pe zis fer mansyon avek mosyon Onorab Charles semenn pase, I annan bokou dimoun ki dan bann sitiasyon vilnerab ki vreman dan bezwen ki deside pou li pa aprose devan me pou li pran son responsabilite li menm. E alors letan nou donn sa swa tou dimoun I ganny posibilite e I enteresan pou vwar ozordi kimannyer sa deba politik I osi enteres bokou bann Seselwa aletranze. Paregzanp I annan sa website ‘koze sesel’ kot I enteresan ki bann Seselwa aletranze avek bann pwennvi for e lopozisyon e gouvernman zot fer tande zot lavwar atraver sa website e zot kritike.

Alors parey nou pe dir ki I annan kantmenm en serten balans e nou konnen ki poudir annan Seselwa ki’n al aletranze ki siport lopozisyon e  menm parey nou konnen ki poudir I annan en serten kominote north London ki zot zot vreman siport gouvernman.  Alors I divize partou kote e mwan mon pe dir annou donn sa drwa.

Letan mon pe tourn ver mon konklizyon mon ava dir ki letan nou pe koz lo partisipasyon Seselwa dan eleksyon, letan nou pe koz lo Seselwa pou ede pou partisip dan konstriksyon son pei e tou mon pe osi regard manpower ki nou bezwen e enn bann keksoz ki nou tou ankor ennfwa isi nou ava rekonnet e ki nou’n deza dir dan sa lasanble I annan en kantite Seselwa partou dan tou kwen lemonn ki bann ekspert dan zot field. E sesel ozordi dan bokou lenstans nou koz lo mank manpower e mon pe esey regarde kimanyer nou kapab atir sa bann dimoun pou vin fer zot kontribisyon isi dan nou pei. Anmezir ki mon pe call pou linite nasyonal, pou rekonstriksyon nou pei, nou a pe esey regarde osi kimannyer tou sa bann drwa ki nou donn nou bann Seselwa I ava kapab ed nou pou nou pull nou bann resources together e pou nou dan en sertan sans kapab avans pli devan.

Alor ozordi mon pe demande ki nou lasanble I aprouv sa mosyon e dan sa fason I ava en pti pa pour nou donn tou bann dimoun ki annan en koneksyon avek sa ki mon kontan dekrir koman sa  detrwa group ros dan losean endyen ki apel sesel, sa drwa pou zot vote e sa drwa pou zot osi partisip dan gouvernman dan nou pei.  E avek sa mon move ki nou tou nou siport sa mosyon.

 

SPEAKER

Oken ki siport sa mosyon.

 

 

ONORAB GEORGES

I seconded the motion Mr Speaker.

 

 

MSYE SPEAKER

Bon ou pou entervenir.  Bon midi in sonnen nou avar pran en break nou avar adjourn ziska 2er apre midi.

 

 

MSYE SPEAKER

Bonnou avar kontiyen avek nou travay ti annan deba pou lo mosyon e mosyon ti ganny segonde par onorab Georges ou ti annan lentansyon koz lo la Onorab.  Right away. Oke mon ti deza annan Madanm Potter.  Onorab Potter.

 

 

Onorab Potter.

Lo sa mosyon etabler par Onorab lider lopozisyon lo kestyon dwa Seselwa kip e viv aletranze pou ganny dwa vote dan bann eleksyon sesel.  Monti a kontan dir ki nou isi losa kote nou napa naryen kont ki okenn Seselwa kip e viv lateranze, monk war ki nou tou sa lasanble nou annan fanmiy pros lwenki viv dan bokkou pei atraver lemmonn e nou menm nou nou deza a en serten moman viv aletranze petet konman etidyan e I annan pou bokou lannen e noun konnen ki savedir et en Seselwa e viv aletranze e noun santi sa latasman ki noun touzour gard avek sesel.  Parey noun dir kantmenm nou kit sesel nou pa pou kapab tir sesel kot nou ale  parfey angle I dir east west home is best. Mon egalman rekonet e apreysye sa kontribisyon ki bann Seselwa kip e viov altrezan I kapab fer oubyen ki ti a swete fer danlekonomi sesel byensir nou ankouraz sa kontribisyon kot zot kapab.  Me nou respekte swa ki zot in fer pou zot viv aletranze e byen sir sa swa ki zot in fer pou zot ale I reste menm swa pou zot kapab retournen.  I annan menm kin ale enbon pe letan en bon pe lannen pase ki menm pran nasyonalite ou swtayente sa bann pei kot zot pe viv ladan e I annan menm kip e parties ou per partisip dan swa bann gouvernman ki zot ti a kontan viv anba la dan sa bann pei atraver zot dwa vote ki zot sitwayennte dan sa bann pei in donn zot.  I annan osi ki menm si zot in pran sitwayennte zot in osi gard passport sesel savedir zot annan endoub sitwayennte pandan break la monn al fer en pti resers e monnn dekouver ki aparti lannen 2000 I annan 430 seselwa ki pe reste alteranze me si oule bann Seychelles passport holder a la fwa.  Tousala nou respekte nou rekonnet e nou napanaryen vreman konta sa e mon ti byen kontan bomaten ler lider lopozisyon ti dir ki I annan otan Seselwa kipe viv aletranze ki li I konnen ki osi siport parti SPPF.  Mwan mon napa dout ki e mon a menm dir ki I kapab annan plis dimoun kip e viv aletranze ki siport SPPF par lafason bann konmanter ki zot fer ler zot vin isi lo konze bann zanmi en ler ki ou zwen bann fanmiy menm ki vini reaksyon ki zot donn ou lo sitasyon sesel ozordi par apor avek sitiasyon sesel ler zot ti kite plizyer lannen pase.  Me sa zisteman se pa kestyon se pa sa ki an kestyon nou pozisyon lo sa size ozordi.  Nou pozisyon lo sa size menm si nou admet ki I annan en kantite Seselwa ki aletranze ki siport SPPF I enn baze lo prensip e sa in touzour e se pou sa rezon nou pozisyon lo sa kestyon pan zanmen sanze e pa likely pou sanze osi lontan ki nou ki dan mazorite ki dan sa lasanble.  I annan plizyer rezon akoz nou pa kapab oubyen noupa pou sanz nou pozisyon de prensip lo sa size, iannan rezon stratezi,I annan rezon lozistik, I annan rezon enstitisyonnel I annan rezon moral mon pa pou al dan tou sa bann rezon ozordi apre midi mon pou senpleman koz zis petet lo rezon stratezi e mon a les lezot rezon a lezot koleg ki avar koz apre mwan.  Rezon stratezi ki mon pou koz lola I baze lo size lo en kwayans kinn monn toultan kwar ki mon pa konn byen byen pei o monn ki annan en gran diaspoa savedir ki annan en popilasyon kipe viv alteranze ki gran kimenm osi pli gran ki son popilasyon kip e viv dan son prop pei, mon pa konn okenn legzanp sa bann pei omwen ki mon avar ganny korize pli tar ki donn dwa vote zot diaspoa.  E pou mwan sa lozik I senp sa set akoz de le moman ou fer sa stratezikman ou pe donn ou bann sitwayen kipe reste aletanze dwa pou zot swazir kikalite gouvernman ou ou pou viv anba la Seselwa kipe reste isi ki kalite sitenm ki ou pou annan e ou pou annan en sitiasyon leksteryer ki pou pe diktet avek lenteryer.  Alor Seselwa ki pe viv isi nou kapab trouv nou avek en gouvernman ki kont lentere lamazorite nouki pe viv sesel, nou osi kapab vwar nou pe viv e pe sibir serten polisi ki sa gouvernman pe enpliman kin ganny dikte par bann dimoun ki pa pe ganny afekter par sa bann polisi ki nou nou pe viv anba la.  Me ler mon dir ki Isi sesel I annan en gran diaspoa sa I pa zis bann Seselwa ki parey nou konnen in kit sesel e zot in ale e sa I osi enkli zot zanfan, zot pti zanfan, zot aryer pti zanfan akoz annou pa bliye ki anba nou konstitisyon 3enm repiblik dwa sitwayente I extend a sa bann zenerasyon ki monn fek mansyonnen.  Alor ler nou dir donn dwa Seselwa aletranze vote lekel ki nou pe dir la, Seselwa kin ale, zot zanfan, zot pti zanfan, 2enm, 3enm zenerasyon lekel.  I annan ki kapab demande alor akoz ki sesel I annan en gran diaspoa? Parey nou konnen dan diferan a diferan lepok nou listwar Seselwa in kit sesel pou plizyer rezon.  Dan lepok koloniyal I annan ki ti kite dan pe sov lamizer pou zot al rod lavi en pli bon lavi pli lwen.  Resers antropolizik e sosiolozik kin ganny fer par de profeser, en par David Wilson sorti Queence University Belfast e lot Bertand Benedit sorti liniversite California Becalie, I endike ki ant bann lannen 60 e 70 I annan plis ki 10 pousan popilasyon sesel sa lepok ki ti émigré zot ti dekrir sesel sa lepok konman mon site heaven on earth but socially a heal from which every body sought to escape because Seychelles was a country which offered no hopes to its inhabitants hence it was a land of immigrations. Fin sitasyon.  Sa resers I azoute ki sa lepok bann ki ti blan oubyen kler tikite pou al Lostrali oubyen Lerop bann ki ti en pe pli fonse ti al Lafrik de les, Mwayen Orian oubyen Litali par kont bann ki ti pli mizer ti akzile pou al rod travay lo zil.  Zis avan lendepandans ti annan osi en group dimoun ki ti ale, mon pe koz la dan bann lannen 75, 74 akoz zot ti napa konfyans dan en sesel endepandan.  Zot ti kwar ki endepandans pou anmenn lafamin e ki Seselwa pa ti pou kapab fer naryen ni menm en baton zalimet.  Apre liberasyon 77 ti annan ankor en lot group dimoun ki ti ale akoz swa zot pa ti kontan sistenm an plas oubyen parey zot kontan dir zot ti ganny persekite e alor zot ti per pou zot sekirite.  I annan kin ale e I annan en kantite ki apre in retournen.  Monn fer sa pti parkour nou listwar pou mwan montre rezon ki fer ki ozordi nou annan en gran diaspoa e avek dwa sitwayente ki ekziste anba nou konstitisyon parey monnmansyonnen pli boner ozordi bann 3enm zenerasyon ki ti kit sesel sa lepok zot osi zot konsidere e zot kapab vin Seselwa.  Menm si la pli par pann zanmen vin sesel ouswa menm pa ni konn koz kreol.  Alor baze lo sa realite in estimen e bomatenLonorab Georges in konfirm sa ki I tre probab ki I kapab annan pli Seselwa deor ki pe viv aletranze ki Seselwa isi sesel.  Efe ki dan en eleksyon en gouvernman I kapab ganny elkte oubyen tonbe par enn oubyen kat vot parey in le ke Les Mammelles donn Seselwa aletranze dwa vote seslwa isi oupe fer en gran fot stratezik e danzere.  Nou kapab vwar nou dan en sitiasyon kot leksteryer pareymonn dir pe dikte avek lenteryer alor pou nou protez lentere Seselwa ki pe viv isi sesel e dan lentere lademograsi kot ou dwa I osi mars avek ou responsabilite nou pa kwar ki sa mosyon I dan lentere Sesele seslwa kiviv isi me plito dan lentere serten parti politik ou serten politisyen a serten moman nou listwar.  Nou asire ki si nou fer en referendum lo sa size ozordi mazorite Seselwa pou dir non e pou siport pozisyon ki nou pran lo sa siz e ki noun touzour pran lo sa size.  Me mon konstate ki sa pa pou vreman neseser akoz tou bann eleksyon ki noun fer ziska prezan kot Seselwa in konn nou pozisyon lo sa size dwa vote pou Seselwa ki reste a letranze SPPF in touzour ranport en mazorite.  Alor mon regrete ki baze lo sa bann largiman ki monn fer mmon pa pou siport sa mosyon akoz mon santi ki I pa pou ni dan lentere sesel nidan lentere Seselwa ki pe viv sesel.  Mersi bokou.

 

 

 

MR BERNARD GEORGES

Tou dabor mon ti ava kontan eksprim mon lapresiasyon avek Lonorab Leader of the House pou son statement ki i fek fer.  Zabitan Les Mamelles in toultan konnen ki gouvernman pei i anefe Les Mamelles. E apre midi zot ava kontan ki kote gouvernman in acknowledge sa fe an dizan ki en gouvernman isi sesel i kapab ganny elekte oubyen tonbe par 4 vot.  Mon ava profit sa lokazyon pou demann avek SBC pa bliye pou transmet sa pti morso, dir avek   bann zabitan Les Mamelles ki zot annan en gran lesperans pour sa 5 an ki pe vini ki zot a kapab, atraver reprezantasyon ki zot in elekte, gouvern sa pei parey i devret ganny gouvernen.  Mersi Lonorab.

Mr Speaker mon’n enm pti pe atriste dan lafason ki kote gouvernman pe konsevwar sa mosyon.  Mon’n atriste akoz zot in, atraver zot lider restrikte tou lanpler sa mosyon lo senpleman en pwen, en gouvernman pa devret ganny elekte, selon zot, par sitwayen son pei ki pa reste dan son frontyer son pei.

Mon vwar sa non selman trist me mon pa kapab konsevwar sa largiman dan konteks kot in ganny sitie par Leader of the House ki anefe in acknowledge ki nou en nasyon imigran, ki nou ale vini e an kelke sort, nou en pti pe parey en round-about pou lapopilasyon Seselwa.

Zot vini en bann zot re-ale zot re-vini etc. san ki selon son largiman zot annan ase konneksyon, ase nexus avek sa pei pour zot kapab determin son gouvernman.  E se sa vreman avan ki mon’n antann Lonorab Leader of the House pwenn-depar ki mon ti anvan servi apre midi akoz dan tou sa bann largiman pwenn-depar i toultan nou konstitisyon. Se sa ki kree sa drwa ki nou pe koz lo la ozordi. E dan ka, dan konteks sa mosyon se lartik 24 ki dir klerman ki tou sitwayen sesel – e se sa mo kle, tou sitwayen sesel every citizen of Seychelles ki annan 18 i annan drwa pou ganny anrezistre koman en voter e pou vote dan eleksyon ki ganny tenir dan son pei.

Si bann dimoun ki’n konsevwar sa konstitisyon e i annan plizyer dan sa lasal apre midi in trouv li byen pou dir ki se sitwayennte ki a labaz legzersis sa drwa kimanyer eski nou pou kapab san fer 2 klas sitwayennte apre midi, aksepte largiman gouvernman.  E kimanyer largiman gouvernman pou kapab tenir debout ler gouvernman limenm li i dir be in any event menm sa bann dimoun ki pe reste deor nou sir e serten ki lamazorite i pou nou.  What is your problem mon bezwen demande, akoz mwan personnelman mon pa vwar li.  Me annou les sa a kote e kekfwa si letan i permet mon a kapab retourn en pti pe lo la taler.

Lartik 24 i donn en drwa ki bann ki’n ekrir konstitisyon in konsevwar koman en drwa fondamantal,   set-a-dir ti egziste avan kreasyon lemonnn, i inherent, i anndan nou depi zour nou konsepsyon ki en sitwayen sesel i ganny drwa vote.  Lenterpretasyon en konstitisyon nou tou nou konnen se pou donn en drwa lavi. Ou enterpret en konstitisyon dan en fason purposeful. Fodre sa drwa ki ganny kree i ganny donn lavi. Si ou annan en swa ant donn li lavi oubyen touy li, toultan fodre ou donn li lavi.  Donk si i annan en drwa e ki nou bezwen donn li lavi sel fason selon mwan pou fer li se pou donn otan dimoun ki posib, tan ki zot en sitwayen Sesel ki annan 18an ou plis drwa pour egzers sa drwa ki pour zot.

Lartik 114 nou menm konstitisyon i anmenn en limitasyon a sa drwa. I komans entrodwir konsep ki ou bezwen en rezidan sesel.  I entrodwir konsep, i pa’n fer li dan 24 ki donn ou drwa, in fer li dan 114 ki deal avek eleksyon.  Donk deza nou vwar ki se pa son lartik menm ki donn sa drwa ki limit li parey tou lezot lartik dan fundamental charter me sa i sey ganny fer par en lot lartik ki limenm li i dir,pa li ki pou limit sa drwa me en lalwa i kapab ganny fer pou fer sa plitar e sa lalwa se Elections Act seksyon 5(1) ki dir ki pour ou kapab vote fodre ou reside dan en electoral area. I tout-a-fe normal pour ou vot dan en landrwa, fodre ou pe rezid dan sa landrwa. Me sa set en lalwa. Me parey nou tou nou konnen en lalwa pa kapab al an kont en drwa konstitisyonnel oubyen parey Prezidan lakour konstitisyonnel dan en case resaman ti dir the stream cannot rise above its source i pa pou kapab zanmen, the source se lartik 24, okenn derogasyon plitar pa pou kapab zanmen ariv parlao li unless mon sipoze i ganny pouse par en tsunami.

Napa okenn definisyon rezidans. Kimanyer donk nou pou kapab ariv a en solisyon konstitisyonnel a en problenm ki nou konstitisyon limenm li i poz nou.  Kimanyer ou pou defini rezidans dan en electoral areas eski fodre ou la 364 zour lo 365, oubyen fodre ou la 180 zour lo 365, oubyen fodre ou la 1 zour lo 365, oubyen fodre ou annan en lakaz e si ou annan en lakaz eski fodre i lo ou non? Oubyen si ou pe viv avek en dimoun eski sa i..,   Mr Speaker i annan tou sord problenm ki kapab arise akoz sa.

Etan donnen ki nou lalwa, nou pwen konstitisyonnel i pa kler lo eski ou bezwen reside sesel pour ou kapab vote? Kestyon ki nou bezwen demann avek nou lekor se akoz ki nou pe al fer en lafron avek en drwa konstitisyonnel ki’n ganny donnen, akoz nou pe esey limit li ler bann ki ti konsevwar konstitisyon pa ti annan okenn lentansyon limit li.  Sel fason ki nou kapab aksepte ki serten sitwayen sesel i kapab vote me serten lezot pa kapab vote, se pou aksepte ki nou’n kree en sitiasyon kot nou annan 2 klas sitwayen. Setadir mwan ki en sitwayen sesel e ki reste sesel mon siperyer a mon frer ki en sitwayen sesel me ki pa reste sesel akoz se sel lenterpretasyon posib ki largiman ki sorti lo kote gouvernman i kapab fer.   Mon pa vwar kimannyer nou kapab dir ki tou Seselwa i egal, nou tou nou sitwayen. Si nou pe dir avek serten ou ou annan drwa fer sa me lezot napa drwa. I pa posib e si se sa largiman, mwan mon pa kapab subscribe a sa largiman akoz en sitwayen sesel si i bon pour li annan en passport i bon pour li ganny tou bann drwa ki vin avek sa sitwayennte.

Sel fason pour nou pa fer sa se pou fer parey L’Angleterre in fer e pou dir ou annan 3,4 kalite sitwayennte, fodre nou brav, fodre nou dir, ou ou annan en passport Angle, wi, me selman ou napa drwa reste Langleterre. Ou passport in other words i en passport dezyenm klas. Ou ou annan enn ki permet ou reste    l’Angleterre, ou ou annan en passport premye klas, ou ou en sitwayen premye klas, ou ou en sitwayen dezyenm klas. Si nou anvi dir sa let’s be brave and call a spade a spade. Me annou pa dir ki nou kontan nou fanmir, nou kontan nou diaspora, zot en parti entegral  nou sosyete me nou prensip pa permet nou donn zot en drwa fondamantal.  It’s just not possible.

Si zot annan drwa kantmenm zot reste Melbourne, oubyen Perth oubyen dan en lot pei pour pa ganny tortire oubyen pour pa ganny santans an mor, oubyen pou okenn lezot drwa ki annan anba sa konstitisyon akoz zot napa drwa vote as well? E rezon in ganny donnen, rezon set en rezon pirman politik akoz serten parmi nou dan sa lasanble pa kapab konsevwar ki serten dimoun ki nou frer ek nou ser napa drwa annan en say dan lekel ki gouvern zot pei.  Sa pa’n kapab e zanmen i pou kapab, en lide en nosyon konstitisyonnel valab ki bann dimoun ki’n frame nou konstitisyon in anvi oubyen nou  sermante dan sa lasanble pou uphold sa konstitisyon ki nou kapab zanmen dir.

Mr Speaker mon dezyenm largiman an faver sa mosyon Lonorab Ramkalawan apre midi se en largiman ekitab.  Si ou annan en sitwayennte sesel, mon bezwen annan drwa dir lekel ki pou vin mon sef. Si mon annan sitwayennte sesel mon bezwen kapab swazir lekel ki pou diriz mon pei. Apre tou i mon pei. Akoz mon pa pou annan sa drwa? Akoz ki serten pou annan sa drwa me mwan mon pour napa. Akoz ki en dimoun ki’n fek ganny son passport en mwan avan en eleksyon e ki dan pei isi i annan plis drwa pour li dir lekel ki pou diriz li ki mwan ki pandan zenerasyon e zenerasyon, e zenerasyon mon bann fanmiy in travay pou fer sa pei me zis akoz mon pa rezidan dan sa pei pou okenn rezon ki mon pe etidye, ki mon’n al deor pou tretman, ki mon absan permanan, ki mon absan tanporer ki mon’n kontan al laba akoz mon’n viv pandan 65 an e la sa dernyen 5 an mon lavi mon anvi viv avek mon zanfan ki reste Lanmerik, okenn sa bann rezon, akoz mon devret ganny deprive a mon drwa senpleman akoz mon pa rezid isi.

Ler nou met li dan konteks drwa ki nou pe donn  avek bann dimoun ki napa okenn koneksyon ek sesel me ki’n ganny sitwayennte parey Vis Prezidan in dir nou bomaten anba lalwa, ler nou vwar li an konteks nou realize ki nou annan en sistenm, si nou kontinnyen dan sa loptik ki en sistenm  de pwa de mezir. E okenn sistenm ki annan de pwa, de mezir i pa kapab ni fair, i pa kapab ni ekitab, i pa kapab ni legal e i pa kapab sertennman konstitisyonnel.

Mr Speaker en dimoun ki deor paregzanp me ki’n gard son lakaz isi, ki pey tax isi, ki ankor pe anploy dimoun isi si i en absentee businessman paregzanp akoz ki li ki pe kontribye dan sa pei from afar, i en lemonn globalize parey nou’n fek ganny tande bomaten. I en lemonn kot nou ale vini. Nou kapab asiz isi e travay Lanmerik, ou kapab asiz Lanmerik e travay isi ozordi avek mwayen kominikasyon ki nou annan. Akoz ki en dimoun ki pe fer viv lezot dimoun dan son pei me ki reste dan en lot napa drwa elekte lekel ki pou vin dan direksyon son pei.

I pa kapab ekitab pou annan en dimoun ki rezidan isi e ki asiz danbor larivyer e ki fim drog depi le 1 Zanvye ziska le 31 Desanm ki li i annan drwa desann e deside lekel ki pou diriz son pei me en dimoun ki pe reste deor e ki pe fer travay lezot dimoun isi akoz i annan en biznes li i napa drwa senpleman akoz li i reste deor.

Mon pa krwar ki i annan okenn posibilite ki nou kapab fer en largiman valab, ekitab, legal e konstitisyonnel dan sa direksyon.  Eski donk, i annan en posibilite trouv en solisyon? Wi, Mr Speaker Lonorab mover mosyon limenm li in propoze ki kekfwa i annan en distenksyon ki kapab ganny fer ant eleksyon Prezidansyel kot ou pa bezwen reside dan en electoral area neseserman e ki eleksyon lasanble kot ou bezwen. Sa i en distenksyon. i annan distenksyon lo nexus. Si ou annan en koneksyon avek sesel me ou reste deor ou devret kapab pe vote.  Mwan personnelman si nou pran li lo nivo minimonm. En dimoun in al course deor, oubyen i pe al travay lo Air Seychelles akoz i en Air Hostess, i pa pour la zour sa eleksyon, akoz ki nou pa kapab donn zot drwa vote? Sa  dimoun ki’n al course deor in al pour 3 an, ou pou fer li desann zis pour li vote, ler ou konnen ki tou son lentansyon se   retournen? In fact i annan en lobligasyon legal akoz in siny en bond avek gouvernman pour li retournen, ou pou still subject li swa a en enkapasite ouswa a en depans pou li vin vote, it makes no sense.  E si nou aksepte ki sa dimoun ki’n al trete, oubyen sa dimoun ki pe travay, oubyen sa dimoun ki pe etidye e ki pa rezidan i devret vote, akoz  nou pa osi al enpe pli lwen e dir kekfwa bann dimoun ki’n rezid isi pour en serten peryod letan i kapab vote. Oubyen en dimoun ki annan en koneksyon ki kapab prove ki i annan en biznes or whatever. I annan en lakaz, i annan en koneksyon avek sesel i kapab vote, e si ou pou al as far as that akoz nou pa al pli lwen e dir ki tou dimoun ki annan en passport Seselwa pa kapab vote.

Nou pe lev, ou ava pardonn mwan, bann baryer ki pa devret egzist a en drwa konstitisyonnel e fondamantal zis pour nou kapab dir  sa se nou prenip e nou prensip zanmen pou kapab sanze. It makes no sense Mr Speaker with all due respects.

Pozisyon SPPF les mwan dir ozordi i tro rizid. E les mwan dir zot akoz zot pozisyon i rizid, akoz zot pa konnen si dimoun deor i vote, kimanyer rezilta pou ete, lets be blunt and lt’s face it.  Nou nou pa konnen zot zot pa konnen me zot konnen ki tan ki sa bann dimoun pa vote zot annan en margin 4,000 vot akoz ki zot pou al pran en risk. That’s all it is Mr Speaker with all due respect, it balls down to lekel ki pou ganny eleksyon. Annou pa sey rod zoli largiman pour nou sey kasyet larealite.

Mon trwazyenm largiman an faver sa mosyon se sa largiman demografik.  Wi nou pei i annan en gran diaspora.  I pa pli gran diaspora. Mon krwar Israel probableman i annan sa rikord. Me wi i annan en gran diaspora e mwan personnelman mon krwar e mon’n servi sa largiman bokou, ki i annan en Seselwa ki viv an permanans an deor sesel pour sak Seselwa ki viv an permanans anndan sesel. Pa zot ou ki sitwayen far from it. I annan Seselwa ki pa sitwayen sesel zot konsider zot Seselwa me zot napa passport, in fact mon bel ser ki fek ale 2 zour pase i napa en passport Seselwa. I pe viv deor i konsider son lekor en Seselwa, i antre sorti isi, i en Seselwaz me for the time being i napa en passport Seselwa donk i pa,  si ou anvi en sitwayen sesel. I kapab reganny en passport zis a’n  anpliyan en form me i napa.  I annan bokou, bokou dimoun konmsa ki  les zot citizenship lapse e akoz nou lalwa isi i permet okenn passport holder antre sorti sesel san visa it makes sense pou zot zis vwayaz lo sa passport ki Ameriken, ki Angle, ki whatever me zot konsider zot lekor Seselwa.

(Technical problem)

..e zot fer sir ki zot passport toultan i ganny renouvle. Nou tou nou ganny apele tanzantan pou siny form passport pour sa bann dimoun ler zot vin isi an konze eksetera.  Nou en nasyon imigran.  Mon defen papa in ne Kenya kot son papa ti’n al rod lavi.  Mon manman i desann isi sak fwa ki i annan en eleksyon L’Anmerik, i desann dan sa batiman, i vin vot pou Prezidan Ameriken, e enn lager ki nou annan la se akoz mon krwar ki in vot pour Georges Bush dernyen fwa.  Se bann realite ki nou pe regarde toulezour, Mr Speaker se bann keksoz ki arive avek nou. Nou tou nou annan fanmiy koumsa, i pa zis mwan, nou tou dan sa lasanble mon konnen ki nou annan dimoun ki reste deor, nou annan en serten parti nou fanmir ki reste deor akoz nou en nasyon imigran. Nou tou nou’n sorti en lot landrwa pour nou ariv isi.  E akoz ki nou pou pini sa bann ki’n sorti isi e ki’n al deor? Akoz ki nou pou pini bann ki’n al deor, ki’n fer larzan, ki’n fer byen e ki’n retourn isi sesel pou zot vin invest zot larzan. Akoz ki nou pou pini zot e dir zot ler ou a retournen avek ou larzan ou a kapab vote. Me pandan letan ki ou pe lalit laba deor avek lentansyon retournen avek ou larzan ou pa pou kapab selekte direksyon ki ou pei pou swiv.

Mr Speaker, 1977, si nou regard selman limigrasyon ki’n arive depi koudeta ziska ozordi, i annan definitivman, i kler plis ki 4,000 dimoun ki’n ale. Serten i dir 10, serten i dir 20. Sertennman ladan i annan ki’n sanz zot lopinyon e ki kekfwa zot in ale pou en rezon politik a prezan zot in vwar ki finalman keksoz i pa’n mal marse sesel, e zot in retournen oubyen  menm si zot  reste deor finalman keksoz pa’n tro mal marse  e sa gouvernman ki la pa pe fer en move travay alor mon kwar ki mon pou siport zot.

Nou pa konnen konbyen zot ki pou kapab siport sa gouvernman e konbyen zot ki pa pou kapab siport sa gouvernman. Kestyon   mon demande, eski i normal, eski i akseptab pour en gouvernman fer en aksyon ki diviz son pep e ki fors en serten nonm sa pep al join sa diaspora, vire e dir avek sa bann dimoun ki’n ale akoz li ou pa kapab vote akoz ou ou pa pe reste isi dan sa pei akoz se sa ki zot pe fer.  An dot mo, sa ki fodre zot zot realize se ki sa ki zot zot vwar koman zot lavantaz nou nou vwar li koman nou dezavantaz. E nou ti a kontan konnen si tou  Seselwa ki reste deor pou servi largiman politik Lonorab Leader of the House si ti tou Seselwa ki ti reste deor e ki ti ganny permisyon vote eski nou ti ava 4,000 vot deryer oubyen eski nou ti ava 4,000 vot devan.  That’s the reality, Mr Speaker, annou pa per pou vwar sa lelefan ki la dan sa lasanble, annou pa fer krwar ki nou pa vwar li akoz at the end of the day se sa ki a labaz sa largiman. E si nou anvi vreman inifye sa pei pour lanmour sesel, mwan mon pe dir ki sel fason se pour nou dir ki tou sitwayen sesel irrespective kote i ete, si i annan sitwayennte ki lartik 24 i koz lo la, si annan sitwayennte i devret annan menm drwa enn ki lot e non pa enn i annan en drwa e lot napa.

E donk sel fason selon mwan e mon envit zot  swiv mwan dan sa laliny, sel fason pour nou dir an konklizyon ki tou dimoun, tou Seselwa i annan menm drwa anba lartik 24 se pour nou aksepte parol lartik 24 ki pou dir sel fason pour nou fer sa lartik donn tou son merit e tou son lanpler se dir ki le moman ki ou en sitwayen sesel irrespective kote ou reste ou annan drwa vote.

Lonorab mover mosyon i dir ki bann lalwa apropriye fodre ganny amande pou donn sa lobzektif, sa lartik tou son lanpler e mwan mon dir, mon ava siport li dan sa demars pou demande ki sa bann pti lalwa lartik 114 pa menm neseser me at least election act annou tir sa residence requirement e fer ki tou Seselwa ler i en sitwayen sesel i annan drwa swazir son gouvernman.  Mon remersi ou.

 

 

ONORAB LUCAS

Mosyon ki devan lasanble pe demande ki bann lalwa apopriye I ganny amande pou donn dwa mon met lanfaz tou Seselwa ki aletranze pou vote dan en eleksyon nasyonal.  La nou pe koz osi lamandman dan nou konstitisyon.  Ler ki bann lalwa respektiv ti ganny met an plas kot I konsern dwa sitwayen pou vote ti annan son nasyonal kot ti neseser avek bi pou fer bann seselwa ki reklanmen ki annan dwa vote pou etablir serten kondisyon.  Son lobligasyon sivik, son lobligasyon moral son komitman patriyotik anver sesel e osi son patri ki a pe reklanmen koman son dwa pou defann atraver prosesis eleksyon e pou desid lavenir son pei.  Plitar dan mon lentervansyon mon pou elabor en pti pe plis lo sa konsept kondisyon.  Se pou sa rezon kinou kontitisyonparey in ganny mansyonnen par mon koleg kin koz avan mwan anba lartik 24 I garanti tou sitwayen seselwa ki annan 18 ou plis pou pran par dan en eleksyon nasyonal ouswar en referundum, se pandan dan sa menm lartik ki mon koleg pann touse I annan en kloz derogasyon ki dir ki sa dwa I kapab ganny restrik kontrole par en lalwa ki avar neseser e apopriyer dan en sosyete demokratik.  Anba lartik 113 nou konstitisyon I dir nou ki en sitwayen seselwa kin an rezistre konman en voter dan en distrik elektoral I bezwen vote e vot dan sa distrik elektoral anba sa de lartik ki monn mansyonnen Msye Speaker par son langaz anterminolozi I kler ki nou konstitisyon in met en limit lo kimanyer sitwayen seselwa I ekzers son dwa vote.  Konstitisyon I dir ki sa dwa I pa enn ki absolit konmsi I en dwa kiperson pa kapab touse me okontrer I en dwa ki kapab ganny ekzerse si selman ou pann ganny diskalifye vedir I en dwa ki ou bezwen fer fas a en serten kriter pou ou kapab ekzers li. La kot lartik 114 dan konstitisyon I dir ki manyer sitwayen seselwa I ganny diskalifye pou vote ler en dimoun I annan problenm mantal, ler en dimoun I ganny kondannen par lakour e pe fer en santans prizon e ler en dimoun pa pe viv e reste sesel.  Anba lartik 24 nou konstitisyon an term derogasyon en morso lalwa election act ti ganny pase an 1995 e zisteman pou kre bann regilasyon e prosedir ki pou diriz prosesis eleksyon.  Seksyon 5 anba sa lalwa I fer provizyon ki en sitwayen seselwa ki ganny dwa pou li anrezistre konman en voter si sa sitwayen pe reste dan en distrik elektora kot I kapab al vote.  Anba menm lalwa seksyon 6 I osi met lanfaz pou en dimoun kapab al vote fodre I an rezistre e pe reste dan en distrik elektora.  Sa bann restriksyonn e  kalifikasyon ki konstitisyon avek election act in enpoze lo ki manyer sitwayen I kapab ekzers son dwa vote zisteman I anmenn mwan pou re akzamin sa konsept sa bann kondisyon ki mmon ti konmans avek.  Lobligasyon sivik, lobligasyon moral I konmitan patriyotik ler mon enterpret lartik 114 nou konstitisyon an partikilyerman son seksyon C kot I dir en dimoun ki pa viv e reste sesel I diskalifye konman en voter I pe esansyelman dir ou ki si ou napa lentere e konmitan pou ou pei  ou pa kapab pran par dan konsansis eleksyon pou desid lavenir sa pei.  Savedir sien sitwayen pe reklanmen ki I annan dwa partisip dan en eleksyon pou desid lavenir sesel I bezwen pe partaz laspirasyon ki nou vwar dan premble nou konstitsyon e la mon a sit enn sa bann swe ki kontreman avek mosyon ki devan lasanble. Permet mwan Msye Speaker and I quote We the people of Seychelles solumly declare our absolute commitment to participate actively in the sustanble economy and social development of our society.  Unquote. Ler en dimoun I ganny sa ki I annan e I al Imigre an Ostrali, Canada ouswar Langleter I posed sitwayente sa pei menm si I pann ________ sitwayennte seslwa dir nou kote I kapb zistifye ki I a pe partaz sa lenspirasyon ki nou trouve dan premble nou konstitisyon.  Oli son lobligasyon sivik e patriyotik anver son pei?  Dan sa fason ki sa mosyon in ganny anmennen kot I pe demann tou seselwa ki aletranze malerezman mon pa pe kapab donn mon sipor okontrer mon avar rekonmande ki sa provizyon anba seksyon 5 dan election act I re ganny ekzaminen pou definir klerman ki si sa definisyon residing .  Lo sa not Mr Speaker parey lartik 114 nou konstitisyon I reklanmen be part of our society, malifest your acting involvment in the economy and social development of this society la ou a ganny sa privilez pou donn lanmen desid lavenir sa sel sesel.  Mersi.

 

 

ONORAB THERESINE

Mwan mon kont sa mosyon lo en pwenvi morlite mmon pa kwar ki en dimoun ki pe viv aletranze I dan en pozisyon pou partisip dan en eleksyon nasyonal kot I pa pe viv.  Pli boner onorab in dir ki en eleksyon nasyonal I pa kwar ki en dimoun I devret pe reste dan en distrik akoz mwan Mr Speaker mon ti pe zisteman mazinen en dimoun kin viv aletranze pou 49 an dan ki distrik I pou vote.  Mon osi kwar ki en tel laranzman I osi danzere pou stabilite dan sesel pas ki desizyon ki pou ganny pran pa pou neseserman dan lentere sa seselwa ki pe viv isi.  Byen sir sa ki aletranze pa pou viv dan larealite sesele monasire ki I annan ki napa nimenm gran lentere dan nou sesel.  Eski Onorab pa kwar ki sa I avar ede pou kre en dezord sivil ki avar petet alim en dife ki nou pa pou zanmen fini kapab tenyen.  Ki I tou le kontrer avek sa ki Onorab li in dir dan son deliberasyon o konmansman kot in koz lo linite nasyonal.  Sa linite nasyonal rekonstriksyon nasyonal ki loter mosyon in koz lo la dan son prezantasyon mon mazinen kiavek lentrodiksyon miltiparti an 1993 sa bann dimoun in ganny sa loportinite pou fer li parey bokou nou konnen in fer.  Onorab Georgesin osi dir nou ki set an 1977 kin fer dimoun kit pei, wi Msye Speaker nou tou nou osi konnen e ti a bon fer remarke ki annan kin menm kit pei avan 77 pou bokou plizyer rezon ki zotin donnen.  Mon pa kwar ki nou desten konman en pti pep sesel ibezwen ganny determinen par en group ki pe viv tre lwen avek larealite sesel. Senpleman Mr Speaker baze lo sa bann pwen ki monn avans devan mon pa pe kapab donn mon sipor sa enn mosyon pou sa apre midi.  Mersi.

 

 

ONORAB VEL

I vre ki ozordi I annan plizyer pei o monn ki fer provizyon dan zot konstitisyon pou ki zot bann sitwayen ki dan en lot pei I kapab partisip dan eleksyon.  Dan ka sesel I annan apepre menm kantite nou popilasyon ki viv an Ostrali, Langleter, Canada, Moris, Kenya, Lnamerik e lezot pei ankor.  I enportan note ki parmi sa kantite seselwa ki pe aktyelman viv aletranze I annan en kantite ki ti kit sesel dan letan kolonyal, letan parti inik e menm apre retourn milti parti I osi enportan note ki pli gran mazorite sa bann dimoun ti kit sesel apre nou lendepandans.  Msye Speaker pandan monletan kin monn altranze monn konstat en keksoz enportan. Dimoun I kit son pei pa akoz I pa dakor avek gouvernman me plito ozordi dan lemonn i annan en gran movman pou out source travayer dan bann pei ki pe devlope.  Sa I vedir koi en kantite dimoun ki pe aletranze I siport SPPF.  Langleter monn zwen zot monn koz ek zot e mon konnen ki zot konsyan ki isi sesel en kantite developman in ganny fer.  I annan ki anvi retournen me mwayen pou fer li ki zot napa.  E Mr Speaker si ti nou lentere parey in ganny dir nou ti pou ganny en pli gran mazorite e I ti pou dan nnou lavantaz me pirman lo en baz prensip Mr Speaker I pa pou normal.  I pa pou normal pou nou les dimounki pe viv aletranze desid lo nou lavenir,nou dwa sa a nou siporter a nou dimoun a nou seselwa ki pe viv sesel e ki pe kontribye dan nou lekonomi.  Nou dan SPPF nnou annan en prensip e nou toultan gard lentere nou pep an premye alors pou nou en tel mosyon napa oken kredibilite.  Dapre lalwa eleksyon pou ou kalifye konmen envoter fodre ki ou pe reste dan en elektora parey monbann lezot koleg in sit dan lartik 114 ki fodre ki ou pe reste dan en electoral area pou ou kalifye konman en voter.  Kestyon ki mon ti demann mmon lekor se eski I fer sans pou en sesewla kin ne e grandir an Lan gleter e kiantre sesel lo en British Passport ganny sans vote? E en lot kestyon ki mon ti demann mon lekor se ki distrik ki zot pou vote?  Se pandan letan ki monn antann loter moson bomaten kin site ki dapre li ki son pwenvi zot kapab partisip dan eleksyon prezidansyel me non pa dan eleksyon lasanble nasyonal mon demann mon lekor si I pa rekonnet kredibilite nnou lenstitisyon e mon pa konnen si mon bann lezot koleg I rapel 2, 3 semenn pase en pti cartoon dan zournal regar ki ti annan sa pti karakter pe al State House ver 2011 si sa mosyon I zis annan lentere pour eleksyon prezidansyel an partikilye.  I annan en gran mazorite bann dimoun ki pann zanmen met zot lipye lo later sesel e ki pa menm koz kreol.  Eski I normal moralman pou les sa bann dimoun ganny en sans pou deside ki manyer pou fer marse nou pei?  Eski I normal pou sa dimmoun ki pe viv Ostrali ganny menm sans ki sa manman ki pe viv Nageon Estate deside ki kalite sistenm ledikasyon e lasanbte ki son zanfan pou gannyen?  Eski I normal pou zot deside pou bann rezidan sesel ki tou le zour pe viv larealite?  Eski I normal pou les bann dimounki pann zanmen konn sesel e ki pann zanmenkontribye ver nou lekonomi deside pou nou ki manyer nou pou viv?  Zot pa konn nou manyer viv alors akoz les zot partisip dan en leksyon ki desid nou lavenir, lavenir nou zanfan e lavennir nou fanmiy.  Si en seselwa ki pe viv aletranze I ganny sans pou li ekzers son dwa konman en voter I pou osi ganny dwa debout konman en kandida dan en eleksyon.  E si I pe viv Lanmerik e I met son kandidatir pou en eleksyon eki I pou reste lab Lanmerik e donn nou direktiv ki manye nou pou fer marse pei?  Eski I pou normal pou sa bann seselwa ki pa konn nou sirkonstans lavi ed nou deside ki lavi nnou pou viv?  Eski nou les en seselwa ki zanmen in vin sesel ouswar fer okenn kontribisyon vote?  Sepandan ler mon analiz sa mosyon lo en lot lanpler mon mazin lorganizasyon eleksyon limenm, I en prosesis ki pa fasil e I menm koute pou bann dimoun ki pe reste lo bann zil elwayne ganny sans pou ekzers zot dwa.  I estimen kii kout aniron 400 a 500 par person ki lo bann zil elwayne kapab vote.  E si nou pou donn sabann seslwa ki diperse dan tou le 4 kwen lemonn dwa vote, eski nou pou annan sa resours finansyel pou fer li?  Dir mwan ki manyer sa 4 seselwa ki Soudan pou vote?  Dapre resers I annan en 30en seselwa ki reste Letiopi, I annan 2 seselwa ki pe reste Papa Nuguini, I annan omwen en fanmir 2enm zenerasyon seselwa ki pe reste Ice Land Ki kalite lozistik ki nou pou organize pou fer sir ki tou sa bann seselwa pou kapab ekzers zot dwa?  Ler ou donn en dimoun son dwa alors iou devwar moral pou fasilit keksoz pou ki sa bann dimoun I kapab ekzers zot dwa.  Ler ou get bann gro pourvwar parey Lanmerik ek Langleter kin kapab fer provizyon pou zot bann sitwayen ki pa pe viv dan zot pei kapab vote I enkonparab avek sesel.  Zot annan plis mwayen avek resours pou ou kapab fer en tel pratik ki sesel. Alors I enposib pou nou konpar nou ou menm fer menm pratik ki sa bann ki gro pouvwar.  Pou mwan en telmosyon I pa dan lentere sa zenn manman ouswar papa e osi sa fanmir kin met zot sipor dan mwan.  Alors Msye Speaker sa mosyon pa konvenk mwan e alor I pa pou ganny mon sipor.  Mersi.

 

 

 

 

 

ONORAB LOIZEAU

Mwan monn koz lo sa size avek bokou zabitan mon distrik spesial bann ki annan fanmir ki pe travay e reste aletranze.  Monn osi zwen serten ler ti an vakans isi lapipar zot ti a kontan vote dan bann eleksyon nasyonal ki ganny fer isi e zot osi fer resorti ki I annan bokou lezot ki ti pou kontan ekzers en pe zot dwa.  I annan en ta rezon akoz sa bann dimoun In deside al reste aletranze.  I annan ganny en sans pou al etidye e apre in deside restelaba serten zot in ganny ofer entravay e laba zot in marye alors zot inale zot osi zot in reste.  Me tandi Msye Speaker I annan sertenki ti napa lot swa akoz konman en seselwa dan zot prop pei zot pa ti ganny dwa travay.  Rezon se akoz zot pa ti ganny security clearance ler zot ti sers en lanplwa isi sesel dan zot prop pei.  Alorzot ti bezwen al rod lavi pli lwen pou zot kapab nourir zot fanmir.  Me selman sa bann dimoun zot kontan zot pei zot zot ti a konatan partisip dan developman zot pei.  I annan ki anvi vin eatabir zot isi plitar e envestir zot larzan ki zot in anmase dan en biznes isi sa I enkeksoz kinou merit ankouraz zot fer.  Me nou oule ankouraz zot pou vin envestir isi me selman nou pa pe permet zot ekzerz zot dwa konman en seselwa.  Mmonkwar zot merit ganny sa sans ekzers zot dwa boner akoz I anna ki kapab petet sanz zot nide.  I enportan ki nou montre zot ki nou anvi zot vini pou vin kontribye dan developman zot pei.  Ler mon get dan lasal parey Onorab Georges indir taler devan mwan monkonnen ki lapailar bann manm I annan 1 ou 2 manmdan zot fanmir ki viv oubyen travay aletranze.  Zot a dakor avek mwan zot osi zot I a kontan ekzers sa dwa, ekzers zot dwa konman en seselwa menm si zot pa pe reste sesel.  Mon kwar ki nou devret pe get tou seselwa parey, seselwa I seselwa menm si zot pe reste a letranze e sesel I zot pei e zot devret kapab kontribyen dan lavi politik zot pei.  Alor dan sa lespri avek sa bann kontribisyon ki monn aprote mon pou donn mon full sipor sa mosyon.  Mersi

 

 

ONORAB ADONNIS

Sa mosyon ki devan nou ienn kitre sansib e I enn ki demann analiz tre bokou.  Mon dir pas ke apard ki determin nou lavenir ek lavenir nou zanfan en tel mosyon pou osi desid lodireksyon ki nou pei pou pran dan lavenir.  Kestyon ki nou devret pe demann nou lekor ozordi fas a mosyon I eski konman en nasyon nou anvi kontiyen mars ver sa semen progre e prosperite kot nou dignite konman en seselwa i ganny respekte oubyen eski nou ti a kontan viv anba en sistenm kot en group dimoun ki rete Lngleter, Canada oubyen Lostrali I desid lo nou lavenir e direksyon ki nou I devret pran.  I enportan note ki parey bann Onorab kin koz avan mwan in dir I enportan note ki bokou parmi sa bann tel dimoun ki pe reste aletranze zot pa ni menm konn sesel e zot pa ni menm koznou langaz.  E I dir pou li menm Msye Speaker ki zot napa lentere sa pei a ker.  Seseli pa le sel pei o monn kot son sitwayen ki reste aletranze e ki pa pe kontribye okenn fason dan en fason pozitiv an ver son pei pa kapab vote dan landwar kot zot ete.  Sa I en pratik Msye Speaker ki normal,e I enn ganny ki ganny pratike dan plizyer lezot juisdiction tel ki Moris avek Swilanka.  La Swis paregzanp en sitwayen Swis ki pe reste aletranze e ki pa pe kontribye pozitivman dan lekonomi son pei e ki napa lentere son pei a ker pa devret vote.  Paregzanp I dir pou li menm si en sitwayen Swis in deside pou li al reste oubyen ideside pou li imigre a letranze I pa ganny dwa vote.  Alors mon pa war akoz sa I pa kapab ganny aplik dan ka sesel.  Par kont Onorab Georges in oule esey fer nnou kwar ki la fason ki manyer nou lalwa I ete ozordi I pe pini bann seselwa ki pe reste aletranze, mwan mon pa pou dakor avek sa.  Mon kwar kiOnorab Lucas in koz tre kler lo sa ki lalwa I dir e I pamonlentansyonpou mwan al lo la.  Me mon ti  a kontan zis dir par kont e la mon kwar ki Onorab Ramkalawan avar kapab dakor avek mwan.  Menm si nou pe dir ki konstitsyon ozordi I pepini seselwa ki aletranze vote mon kwar ki nou a dakor ki dan bkou eleksyon dan lepase en kantite seselwa ki pe reste aletranze in vin ote sesel menm si apre vote in annan problenmkizot pann ganny tiket retour sa mwan mon pa pou al ladan me sa ki enportan zot ti vin vote e mon kwar ki zot avar dakor avek mwan.  Pou donn mon sipor en tel mosyon ipou en lensilt pou lepep seselwa ki dan zot gran sazes zot in met konfyans dan parti SPPF se pou sa rezon ki mon pou vot kont sa mosyon parske moralman mon kwar ki I pa fer sans pou nou amand nou konstitisyon dan sa direksyon e de lot kote mmonkwar en pwen kitoultan in okipoubyen siou oule en pwen kin dan lentere lopozisyon se kou.  Mon kwar sak fwa enkeksoz I monte, sak fwa ki gouvernman I anvi enplimant en keksoz mon kwar en keksoz ki toultan monte lo kote lopozisyon se konbyen I poukoute.  Me monnvwar sa en pti pe drol ozordi ki Onorab Ramkalawan dan son leksplikasyon I pann mansyonn ditou lo kou ki sa pou kout gouvernman sesel e pou mwan mon kwar Mr Speaker si sesel nou pou envestir sa kantite larzan parey Onorab Vel in dir pou sa 2, 3 dimoun ki pe reste dan en sel pei ki annan 2, 3 dimoun mmon kwar ki sa bann larzan gouvernamn ti devret pran envestir dan bann distrik, ed nou bann dimoun o nivo distrik. E Mr Speaker ankor enn fwa baze lo sa ki monn dir mon regret pou dir me mon moralman mon pa pou kapab siport en tel mosyon.  Mersi Msye Speaker.

 

 

MSYE SPEAKER

Onorab Arrisol.  Be zot in lev lanmen ansanm.  Non ou pe sed ou .  oupa pe koze.  Monti kwar zot 3 zot in lev lanmen mwan.  Ar ou ti pe lev lanmen pou li.  An oke, nou kapab.  Sorry mon ti kwar oun lev lanmen.  Bon I annan en konfizyon ki toultan arive ant ou avek Onorab Loizeau.  Oke Onorab Larue.

 

 

ONORAB LARUE

Mosyon devan sa lasanble ozordi pe demande ki lalwa ifer provizyon pou seselwaki pe viv aletranze ganny dwa vote.  Ler monn ekout mmover mosyon bomaten in pann konvenk mwan pou siport son mosyon.  Premayerman eski imoralman normal pou bann seselwa ki pe viv aletranze ki pa ni konnen ki pe pas dan nou pei, ki pa ni konn koz kreol, ki pa ni pe kontribye ekonomikman e ki panni enterese avek sesel pou vote dan eleksyon e pou determin desten nou pei.  Lonorab Lider lopozisyon dan son prezantasyon pan kapab dir nou ki manyer deroulman sa eleksyon pou ete, I panmansyonn bann mekanizm apopriye in senpleman nonm 1, 2 legzanp tel ki postal ballot.  Eski Onorab pe dir nou ki bann seselwa dan bann pei aletranze I vot par postal ballot sa eleksyon pou ganny aksepte par zot menm dan lopozisyon konman free and fair akoz zot anann rekord l dir ki SPPF in fer trik e eleksyon ti ranpli avek frod.  Lider Lopozisyon in dir si seselwa aletranze I vote dan eleksyon prezidansyel sa pou anmenn sa linite, sa rekonsilyason nasyonal parmi nou pep dan pei, sa pou rezourd sa problenm man power e sa problen forex.  Msye Speaker mmonkwar sa pou arive, apre tou le noupei ti antre dan miltiparti prezidan Rene ti demann sa rekonsilyasyon e I ti demann tou seselwa pou vin kontribye dan zot pei e parey noun war Msye Mancham ek plizyer lezot seselwa ti retournen dan nou pei pou donn koudmen travay pou progre noupei.  Kwa ki anpes lezot seselwa trournen e vin partisip aktivman dan nou pei.  Msye Speaker Lonorab I bezwen rapel ki bokou seselwa ti kit pei dan lepok kolonial pou rezon ekonomik, mank lanplwa, mank ledikasyon, mank lozman e sa lepok seselwa ti pe viv dan fernwar bokou ti al émigré Lostrali ek bann pei Arab kot bann madanm ti al travay pour en saler plitar ti annan lezot ki ti kit pei pou rezon politik e sa ti zot swa.  Nou osi annan lezot seselwa kin marye avek etranze e osi bann seselwa ki pe etidye aletranze.  Nou kapb dir ki ozordi nou annan bokou plis petet kilapopolasyon sesel ki pe aletranze.  Monti a kontan demann Onorab sa bann kestyon pou leklersisman dan son summing up, Akoz oun deside ki seselwa I ganny dwa vote zot pou vot selman pou eleksyon Prezidansyel?  Konbyen seselwa aletranze kn eksplik dezir pouvin vote sesel akoz mwan mon annan frer, mon annan ser dan pei deor e zot toultan dir mwan zot pou vot sesel selman ler zot vin etablir zot sesel.  Eski ou pe demann lasanble pou anmenn en amandman dan nou konstitisyon pou fer ki seselwa aletranze I vote sesel?  Konbyen pou kout gouvernman sesel ou organniz eleksyon dan tou sa bann pei kot I annan seselwa pe viv?  Msye Speaker dan deryen eleksyon lasanble Lonorab Lopozisyon pa ti anfaver ki eleksyon I deroule dan diferan landwar dan 3 zour, I ti dir ti a meyer si sa ti a ganny fer dan en sel zour.  Ki pou son motif deryer sa?  E ki son motif deryer sa enn mosyon ozordi?  Eski Onorab I bliye ki anviron 900 seselwa aletranze ti desann an 2006 e vote dan eleksyon Prezidansyel ki manyer zot ti fer pou vote?  Savedir I montre nou ki seselwa aletranze I still kapab vote e parey zot konnen zot ti vote e ki fason sa ti ganny fer?  I annan ti ganny tiket pou desann I annan menm ki ti vin desann pou vin vot pou fer sanzman dan noupei e ler zot tin ariv sesel zot ti war telman developman zot ti deside vot kont sanzman e vot pou SPPF.  Lonorab Georges taler in dir nou kimanyer nou kapab konpar en seselwa aletranze avek en droger ki asiz obor larivyer depi bomaten e li I ganny dwa vote e sa seselwa pa ganny dwa vote.  MsyeSpeaker les mwan rapel Lonorab ki zot menm ki al sers sa bann kalite dimoun pou vote zour eleksyon pou fer petet sa 4 an plis dan Manmel.  En lot pwen Msye Speaker kimon yoyalman dezagree avek se ssi sa bann seselwa iganny dwa vote zot a vot selman pou eleksyon Prezidansye, nou sesel nou konnen ki noubezwen vot pou en prezidan e apre nou bezwen vot pou manm parlman e se sa lenstitisyon ki nou la ozordi ki noudir ki en lenstitisynon siprenn e nou bezwen respekte li.  Alor mon pa konpran motif ankor deryer nide Lider Lopozisyon e Mr Speaker apre tou sa ki monn dir mon kwar personelman mon pa pou donn sipor sa mosyon. Mersi

 

 

MSYE SPEAKER

Bon Onorab Ferrari I reste ou 15 minit ou pou kapab dan 15 minit.  Pardon, I avar oke.  Oke.

ONORAB FERRARI

Ketfwa avan mon konmanse monti kontan demann Onorab Larue si kwar oubyen I asire ki I pou vot kont sa mosyon.

 

 

MSYE SPEAKER

Dres Speaker, Onorab.

 

 

ONORAB FERRARI

Oke, Msye Speaker mersi pou annan posibilite pou kozlo sa mosyon set apre midi.  Mon ti a kontan premyerman atir latansyon lasanble lo en statement kin ganny dir isi kimon kwar I en keksoz nouvo, I en keksoz enteresan kin ganny dir e mon pa konnen si I annan bokou parmi zot zot in tande, zot in ekoute.  Sa statement I en nide kin ganny eksprimen par OnorabLoizeau dan bor mwan, finalman OnorabLoizeau ler in koze la in dir en keksoz ki vreman, vreman enportan e li I pa servi bann diarvon politik legal bann keksoz kouma me selman in koz lo en keksoz ki telamn enportan ki monti a kontan re vin lo la,e sa se posibilite e nesisitepou nou ankouraz bann seselwa ki aletranze pou envestir dan zot pei.  Msye Speaker, nasyon seselwa I en nasyon imigran kin ganny dir 2, 3 fwa isi.  En imigran I al aletranze I travay I anmas son larzan e I retiurnen e I vin ed son pei, si I ap akapab retournen I anvoy en keksoz pou son fanmiy I ede batir, konstri son pei e sa partou dan lemonn bann popilasyon imigran I fer li.  I annanki pa zanmen retournen, I annan ki retournen e tou sa la a I en serten moman dan zot lavi sa bann dimoun zot ede pou konstri zot pei.  Mmonti kontan dir avek zot bann manm lasanble isi ki sesel pandan sa 30, 40 deyen lannen in ganny konstri par bann imigran se bann seselwa kial travay aletranze kin konstri sa pei.  Bann kin al travay dan Les Lafrik ki pandan bann lannen 50, 60 in al travay laba e zot in anvoy larzan sesel, wi parey bokou bann nou paran Msye Georgesin dir ki pou dir, Onorab Georges in dir ki pou dir son paran in al travay annan bann dimoun byen renonmen byen fame kin al travay parey defen Guy Sinon, defen Filibert Loizeau tou sa bann dimoun in al travay dan bann min Youganda, ansyen minnis Filibert Loizeauin al travay ziska Congo e anmenn larzan sesel pou konstri sa pei.  E sa bann dimoun infer en kontribisyon formidable pou sesel.  In annan en lot group ankor dan lepok kolonial kin al aletranze pou travay e ankor in anmenn en kantite pou sesel, se bann dimoun kin al travay Barenn, Jourdan, Liban e Litali I bann pei koumsa en kantite sa bann dimoun zot in ale zot in taravy,zot in anvoy larzan sesel, ot in sony zot fanmir, zot in fer zot lakaz e I annanbokou bokou kin retournen me I annan malerezman ki pann retournen.  Mon pe dir sa akoz mon santi ki nou pe ler nou pe pran ler zot lo lot kote latab zot pe pran en desizyon baze lo en lensten politk zot pe bliye ki pou dir tou seselwai akapab kontribye dan developman e dan lagrandisman son pei e bokou seselwa sirtou bann ki aletranze ki pe ear bann vre larzan bann larzan ki fer sonnen kimarse dan tou bann labank dan lemonn ki pa aret annan son valer ler nou cross custom isi I bann vre larzan for se zot ki pe ganny sa bann larzan e se zot ki kapzb anmenn sa bann larzan sesel e konstri nou pei.  Onorab Ramkalwan in donnnou legzanp Liban kot apre bann plizyer lannen pros 20 an lager Liban detri Berout konpletman se bann Libane aletranze kin rekonstri zot pei akoz bann Libane aletranze zot reste bann Libane pou zot vote dan eleksyon Liban zot annan en lantasman avek zot pei.  Ki nou pe fer ozordi nou pe kas en pe sa patriotism ki nou kontan koz lo la ki reste dan leker, dan lavenn bann seselwa ki pe travay aletranze sa desizyon ki nou pe pran se nou pe kas sa patriotism e nou pe perdi sa sans pou nou annan sa lenerzi enkwayab pou fer monte noupei e anmenn sa developman dan sesel.  Sa se mon largiman ki mon kontan ki onorab Loizeau in met lo en latab ozordi akoz sa pou mwan I enn bann largiman pli for dan sa sitasyon ekonomik ki nou ladan ozordi.  Nou bezwen tou sesel pou ed konstri, re konstri e develop e dayer pa Onorab Dyeer me dayer Prezidan Larepiblik a plizyer repriz in lans en lapel aek sa bann dimoun deor pou di zot vini vin travay siporte e kontribye in annan en serten moman dan nou listwar bann bonds bann forex bonds kin ganny ouver kin ganny ofer a bann seselwa aletranze pou zot partisip ladan met en pe zot larzan ladan me anmenn sa sipor, sa kontribisyon pou fe develop nou pei.  Msye Speaker I pa posib pou nou demann en dimoun pou li met son larzan dan en landwar kot I napa okenn say, okenn parol, okenn desizyon pou li pran lo ki manyersa landwar I ganny mars.  Zot pa pou fer li e zot pann fer li pourtan I annan pa tro lontan mon ti rankontre en ansyen direkter labank Standard charter ki ozordi in retire me in travay apre sorti sesel in travay ________ kot I annan bann labank off shore ki mon asire zot konnen e I ti pe dir avek mwan li in travay isidan bann lannen 70 lafen 70 dan konmansman 80 in dir pou dir dan bann labank _______ avek _______ avek ______ seselwa en kantite en kantite seselwa I annan en pti kont e sa larzan si oupran tou sa la oumet ansanm ase pourezourd det sesel en sel kou kozbokou seselwa nou bann granmoun in met en pit larzan laba deor in plas en pti keksoz in kit avek ennson fiy in dir met lab sapou letan dir, s pou aste monserkey sa pou mwan aranz mmonlakaz I annan en posibilite I annan en gro sonm larzan ki pou seselwa e sa larzan pe kriye pou li retourn sesdel I anviretourn sesel sa larzan mon santi I anvi sorti laba dan sa lafreser vin sesel me selmsn nou bezwen ankouraz zot nou bezwen ankouraz sa larzan pou vin isi.  E mwanozordiler monn ekout zot mon ti pe dir monti kontan si mwan oubyen nou dan SNP nou ti a kapab garanti zot ki si zot les bann seselwa aletranze vot zot pou still ganny eleksyon mwan mon pare pou garanti zot.  Konmsi mmon fer zot sa promes ki zot pou gannyen easir zot met lo papye akoz mmon konnen ki ou pou dan benefis sesel konmsi mon santi ki sa lafreyer ki zot annan ki sa roup seselwaaletranze I kapab debalans sistenm politiksesel e monsanti ki pou dir se sa kimet en lobstak dan nou refleksyon ozordi.  Me selman mon kwar pa, mon kwar ki bann seselwa ki aletranze se bann dimoun ki melansze parey I ete sesel.  Tou seselwa enler mon menm mwan mon zwenn enn de monoule pran en lakoler avek zot ler I pe dir mwan ki pou dir ar I Oke mon menm mwan par ler mon dir be ou pa ni reste isi me ki manyer ou konnen kipou dir I oke me selman mon rekonnet pou dir I annan enbalans I annan diferan lopinyon parey Onorab Ramkalawan in dir ler ou al Lonn si ou Anslow oubyen siou North London I 2 diferan group dimoun si ou le ou Onorab Ramkalawan I enn sa bann dimoun kin toultan fer li son devwar menm dan bann sitasyon difisil akoz par ler I vreman difisil menm si dan bann sitasyon difisil onorab Ramkalawan in fer li son devwar pou li al a rankont sa bann seselwa e 2, 3 fwa limenm li in dir mwan ki in ganny in hard time avek serten seselwa.  Savedir oupoumet en lasal Anslow, ou pou met en lasal Mon Real ou pou toultan annan bann diferan lopinyon laba.  Me selman sa ki pli enportan se ki dan sa lasal se ou konnen ki bann dimoun kin vini ibann dimoun ki enterese avek sesel, zotanvi partisiip dan lavennir sesel e zot pe reve en zour pou zot retourn sesel.  Me sa bann dimoun nou bezwen kit sa pti laflanm alimen nou bezwen kontiyen dir zot ki pou dir zot seselwa apar antye zot parey tou seselwa e se selman avek sa kinou pou kapab mobiliz za lenerzi sa resours ki aletranze pounou kapab fer sa pei bouze.  Alors si mon ti annan sa pouvwar si monti annan en zeni parey nou dir, pou annan sa pouvwar pou dir pa trakase les zot vote SPPF pou still ganny eleksyon mon ti avar fer li la ozordi akoz mon konnen ki pou dir sa I en bon keksoz pou sesel.  Mon dezyenm pwwen Msye Speaker mon santi lii mon devwar akoz si mon pa fer ler e lezot manm entervenan I bliye fer li mon pou vreman santi kimon pann servi mon pei parey mon devret pe fer li.  Mon ti a kontan vreman enterpel Onorab Wilby Lucas pou dir avek li ki mon mon pa en avoka me selman ki manyer I lir 24 (2) mwan mon pa en avoka me selman pa koumsa ki oulir akoz ler en lalwa I dir that the rights under the clause maybe regulated Onorab Lucas I pa posib, I pa normal e I menm pa aksepte pou ki ou dir ki the rights maybe restricted they are not restricted these are sa seksyon 2 I permet regilasyon ki manyer pou regle fanksyonman e miz an aplikasyon sa seksyon, sa dwa absoli ki tou seselwa, ki tou sitwayen sesel ki annan laz 18 I annan dwa vote e sa seksyon 2

 

(interruption)

 

ONORAB FERRARI

Non It’s a regulatory clause.

 

 

MSYE SPEAKER

Oder, order , order, please,

 

ONORAB FERRARI

So mon kwar ki I en, mon mon santi ki mon bezwen fer sa pwen akoz nou konstitisyon I dir klerman ki sa se en dwa fondamantal, e tou sa ki vin par anba sa dwa fondamantal I selman sibtidyer e I permet pou reglemant ladminnistrasyon sa lalwa.  Mon deryen pwen Msye Speaker I reste mwan 2 minit se pou dir e osi sa largiman in ganny anmennen par Onorab Lucas kin fer sorti ki en sitwayen ki kapab pretann annan en dwa pou li vote dan sesel I bezwen en sitwayen ki partisp aktivamn dan developman ekonomik soutenab e sosial dan nou sosyete.  Oke sa I dan preanbil nonu konstitisyon.  Mon ti a kontan ankor ler mon vin lo mon premye pwen ki I annan en kantite seselwa ki partisip dan developman sesel, ki ti a kontan partisipe me selman pa neseserman ki zot la dan sesel a sa moman.  Zot in met en larzan Isi, zot in aste en biznes isi, zot in fer en lakaz isi, zot pe fer en developman isi, me selman zot pa fizikman zour eleksyon prezan dan sesel. E sa bann dimoun ou bezwen ankouraz zot, ou bezwen don zot zot dwa e se la kot tou lafors sa preanbil I pran.  I pran son valer akoz ler en sitwayen I vini I dir mwan mon pe partisip aktivman savedir monn anmas mon pti larzan monn fer mon ti savings monn met li sesel I annan en pti laboutik ki mon annan avek mon frer lo bor lasose Cascade kot nou pe vann 2, 3 pyes masin, nou pe vann en langre pou lagrekiltir mon frer I sesel mon mon laba Langleter mon pe partisip aktivman e mon santi ki mon devret annan sa dwa vote.  E se sa, sa I enn bann pwen fondamantal ki mwan mon kwar nou bezwen konsantre lo la akoz nou bezwen e mmon avar termin lo la Msye Speaker mon mon war li ki ketfwa par ler en pti pe tris ki lotkote in fini pran zot desizyon pou zot pa soutenir sa mosyon me mon pa perdi lespwar akoz en zour menm si nou annan 15 an dan sistenm parti inik nou kwar ki I en kantite letan me ipa en kantite letan.  Fer mmon mazin ler en dimoun ti demann avek Mouth setoum ki I mazinen lo revolisyon Franse 1889 Mouth setoum ti dir li ki I tro boner pou mwan fer en konmanter la.  Mon osi mon kwr ki en pe tro boner la, mon kwar it will come around, en zour ler zot avar santi zot en pe plis an konfyans zot avar santi ki pou dir bann dimoun I annan laba deor nou kapab fer zot konfyans e nou bezwen zot nou vreman bezwen zot la nou avar fer sa. Akoz ler nou pou sorti la tanto nou pou mazinen nou pann donn dwa

 

 

MSYE SPEAKER

Onorab deryen minit.  Rap up.

 

 

ONORAB FERRARI

Deryen minit.  Nou pann donn dwa en tel ki reste Oslow Langleter dwa pou vote me selman noun dwa Gill Eugbert Savy dwa pou li vote isi sese.  I ganny son dwa li selamn lai pa pou kapab vote akoz pou lemmoman I Sid Afrik me isi Gill Eugbert Savy I akapb vote li, I lo lalis li.  Nou donn dwa wi, nou donn dwa, I annan en msye deryen fwa mon pa konnen limenm li ki zot p ti pey son tiket pou retourn Sengapour.  Msye _______ in desann li, pourtan zanmen in reste sesel li zis I fer bann zafer pou eleksyon bann banner bann pti pins la mon kwarlimenm li kin fer sa bann pti pins ki zot in mete la.  Zis I desann pou eleksyon I vini sai pa zanmen zanmenin reste sesel selman I vini I vote.  So

 

 

MSYE SPEAKER

Onorab

 

 

ONORAB FERRARI

Annou aret fer sa bann distenksyon annou pran tou seselwa e donn zot tou zot valer  fer sir ki nou anmenn sa lanmmour, nou anmenn sa linite ki nou pe rode pou nou pei.  Mersi Msye Speaker.

 

 

MSYE SPEAKER

Bon mmonoule fer remarke nou pe al bokou dan bann repetisyon dan bann deba premyerman.  Dezyenman I reste apepre 6 dimoun lo lalis pou entervenir , donk mon ti a kontan vwar le de Leaders dan mon lofis pou nou gete ki amnyer nou pou proceed ek deba.

 

 

ONORAB RAMKALAWAN

Problenm la se Aircon

 

 

MSYE SPEAKER

Non sa nou a take up sa.  Oke.

 

 

 

 

 

MSYE SPEAKER

Bon nou pou kontiyen avek nou deba.  Pou zot lenformasyon swivan diskisyon avek le 2 leaders zot in tonm dakor ki nou fini deba ozordi.  Konsekaman nou pe limit bann times avek numbers of speakers lo 2 sak kote enkli li ki pou annan the right of reply akoz nou annan 1erd tan so nou pou annan en time limit.  En time limit of 15 minitues.  E se konmsa ki nou pou proceed.  Onorab De Commarmond.  Ou pa ti ankor lev ou lanmen.  Onorab Francois.

 

 

ONORAB FRANCOIS

Noun antann bokou koze lo laspe moral e prensip e mon siport tre byen sa bann largiman e pou repet repetisyon mon pou konsantre mmonlentervansyon lo laspe lozistik e teknik en tel demann.  Msye Speaker pou organiz e run en eleksyon dan nenprot ki pei ki swa pti ou gran I demann en kantite nivo loganizasyon, lekspertiz e resours an dot mo i demann bokkou en laspe ladministrativ ek finansyel.  Alor largimansi en gran pei I kapab fer li I pa neseserman vedir ki en pti pei I devret osi kapab fer li.  Annou get isi menm sesel organiz en eleksyon dan sesel lo nou bann zil enkli nou bann zil elwayne I fer dan en peryod letan 3 zour e parey nou tande Msye Speaker lopozisyon I ti dir nou I trolong koupe fer li vin en zour.  Me si sa pou koupe pou fer vin en zour pou rezon lozistik, transportasyon, mobilizasyon konbyen zour si sesel pou organiz eleksyon aletranze poy fer sir ki touseselwa dan tou kwen lemonn I vote, konbyen zour sa pou pran li alor.  Organiz en eleksyon lo bann zil an mwayenn dapre mon resers ikout apepre anviron 300 mil roupi me alor zis mazinen si lofis komisyonner eleksyon pou kapab organiz en eleksyon dan tou kwen lemonn e konbyenmilyon, milyon dolar sa pou koute Mr Speaker.  Parey lopozisyon in toultan dir nou annou servi byen nou forex annou pa servi li an bonn avini e se sa ki apelekonomize Mr Speaker se servi nou forex byen.  Sa in deza montre nou ki kalite konplikasyon e kou ki lopozisyon pe demann nou pti pei pou antre ladan e ladanmenmlider lopozisyon in dir nou ki sa pa konplik ditou.  Annou get lo en ka enternasyonal Mr Speaker mezir pou les sitwayen vote an deor zot pei pe ganny enplimnte dan plizyer pei me lapros e scope I avarye en kantite, I tre konpleks e I demann en kantite resours e ankor enn fwa mon dir si en gran pei I kapab fer li I pa vedir ki en pti pei parey sesel pou kapab fer li.  Nou pou bezwen annan en bon sistenm administrasyon eleksyon ki kapab kouver sa bann pei byen, nou pou bezwen annan nou en bon pozisyon bidzeter nou pou bezwen annan nou bann bon en frastriktir atraver lemonn pou run sa bann eleksyon, bann konsantrasyon zoegrafik kot nou bann voter I trouve aletranze nou pou bezwen rode e osi nivo konfyans ki pep seselwa ki pe reste sesel pou annan dan tel prosedir nou pou bezwenpran sa ankont.  Mr Speaker pou dan en eleksyon lib ek zis parey lopozisyon toultan I dir nou e zot kontan koz lo la I bezwen ganny fer anba bann kondisyon telki parey bann kondisyon ki ganny fer isi sesel.  Onorab Lider Lopozisyon I dir nou ki sa mekannizm pou vot aletranze I pa konplike me letan nou regarde nou pou bezwen angaz nou dan ledikasyon voter, nou pou bezwen rod mwayen pli apopriye, nou pou bewzen rod aksesebilite sa bann voter, nou pou bewzen depanse lo lanrezistreman sa bann voter, nou pou bewzen ki requirement spesial pou bezwen annan pou kapab anrestistre sa bann voter dan tou kwen lemonn, nou pou bewzen rod kredibilite sa lalis ki manye nou pou determinen, ki manyer nou pou verifye bann dokiman Idantifikasyon sa bann voter Mr Speaker.  Lekel ki pou annan dwa vote sa I pou bann keksoz petet bann pli kestyon ki gany demande letan bann I pran en tel desizyon.  Paregzanp Lanmerik lamazorite dimoun I annan dwa vote me sa I pa neseserman leka dan lamazorite pei ki adopte en tel sistenm.  Zimbabwe paregzanp selman bann dimoun ki pe travay e etidye aletranze ki annan dwa vote.  E menm dan sa bann gran pei bann gran pei ki Lider Lopozisyon in dir nou paregzanp Lnagleter menm mon pou dir Canada, Ostrali I limit kantite letan sa bann dimoun in reste abroard paregzanp Langleter fodrre ounn reste abroard pou pa plis ki 15 pou annan dwa vote, Swidan fodre up to 10 years fodre oun reste abroard pou kapab vote me an plis ki sa si ou reste plis ki sa ou pou napa dwa vote, Canada I donn ou 5 an e Lostrali kot bokou seselwa I ete I donn ou 3 an si ou reste abroard pou ou vote sa lo en pwenvi moralite Mr Speaker.  Konsantrasyon dimoun nou bezwen realize ki seslwa parey Onorab Vel in dir I en pti pe aprtou dan lemonn.  Sinegal paregzanp pou rezon kou in bezwen war li ki I organiz eleksyon selman dan bann landwar kot I annan pa mwens ki 500 dimoun e lezot ki annan mwens ki 500 napa dwa vote zot.  Nou bezwen diskit fason e dat vote paregzanp nou konnen noun diskite ki I annan plizyer fason I annan vote par lapos, I annan vote an person kot bann lanbasad ek bann lofis diplomatik nou bezwen konsilte pou regarde si sistenm lapos kantite efektiv sa I ete Mr Speaker, nou bezwen realize kantitedistribisyon nou bann lofis diplomatik I ete atraver lemonn, nou bezwen regard stabilite ek lape dan sa bann pei kot nou bann voter I ete Mr Speaker.  Alor I inevitab dan bokkou sa bann ka kot frod e iregilarite I pou en problenm.  Administre vote abroard Mr Speaker I demann en kantite depans.  Ou pou bezwen met lofis si ou napa lofis diplomatik kot dimoun pou kapab al vot ladan, ou pou bezwen met staff si ou napa diplomat dan sa bann pei, ou pou bezwen met larzan pou run bann lofis diplomatik si ou annan dan sa bann pei.  Bann gran pei kot I santan granoupou bezwen organize kimanyer oupou met diferan pwen pou bann dimoun vote, ou pou bezwen menm demann lotorizasyon lotorite pei permisyon pou ou kapab run ou eleksyon kot zot, ou pou bezwen sekirite Msye Speaker ki kout en kantite larzan, obzervater ki manyer ou pou distribye bann obzervater dan sa bann pei ki kalkilasyon pou servi grander pei ki kantite dimoun ki pe vote e kou pou depans sa bann obzervater.  Mr Speaker si nou aniliz en pti pe listwar provizyon pou vote aletranze I montre nou ki sa pann zanmen en zafer soutenab.  Paregzanp Mr Speaker en liv ki monn pran bokou letan pou mwan lir son tit se International Alia Handbook edisyon 2006 sirtou lo en chapter ki apel External Voting I dir nou ki pou dir vote aletranze I kout en kantite I annan en gran prosedir administrativ ki parfwa rezilte turn out vote I pa fer li neseser pou ou pran si ou pa en pei ki ou annan en problenm finansyel. Preski tou pei kot eleksyon in ganny organize turn out in tre tre ba e bokou fwa pan nin menm rantab pou fer en eleksyon laba.  Mr Speaker Botswana parey lopozisyon I koz lo la sirtou DP I onore konman en bon demograsi, konman en pei ki annan en bon larises ekonomik.  An 1997 ti entrodwir en tel fason vote e laba zot ti pe ganny met anba en kantite presyon par lopozisyon sa lepok e alor zot ti vot aletranze.  Me vot ti sitan ba par bann dimon Botswanan ki reste aletranze ki fer ki menm lannen ki nou ladan la 2007 komisyon elektoral endepandan pou Botswana in ganny demande pou revize pou revsevwar si i vo lapenn pou kontiyen fer eleksyon aletranze.  Lor ankor en fwa I montre nou en tel lapros parantal.  Brezil kot eleksyon I obligatwar I oblize ou oblize vote Brezil e si ou pa vote ou kapab menm kapab ganny fine pou ou pa vote e nou vwar anviron laplipar bann eleksyon kin organize depi 1989 pa plis ki 5 poursan dimoun kin anrezistre abroard kin vreman al vote, malgre I obligatwar.  Mr Speaker parey monn dir Sinegal fodre annan ou omwen 500 ou dan en pei pou kapab ganny sa dwa pou ou vot.  Petet zot a dir mwan petet sa I bann gran pei nou nou pli pti nou pa tonm dan sa kategori.  Annou get bann pti pei, bann pti zil parey nou menm, Mr Speaker, _________, ________, parey nou dir I annan en tradisyon parey nou menm imigrasyon.  Depi 1991 bann dimoun aletranze ti ganny dwa vote pou sa pei me toultan partisipasyon in tre tre ba e petet dimoun pou dir laba vote in ganny fer an person kot sa bann lenstitisyon diplomatik se pou rezon ki zot pa aksepte postal voting kin fer pou ki vote I bezwen ganny fer koumsa.  Cook island Mr Speaker laba Cook island plis son sitwayen I reste an deor pei ki I reste dan son pei e zot menm annan bann distrik elektoral pou bann rezidan ki reste oversea laba bann prosedir vot pan soutenab ditou e partisipasyon overseas in desann e desann e an swit an 2004 In bezwen ganny aboli.  An Dominiken Republik Mr Speaker an 1997 apre ki zot in organniz zot administrasyon ek lozistik pou run eleksyon an 2004 eleksyon prezidansyel zot in ganny en kantite problenm distribisyon materyo vote pou recrute staff pou aparet dan bann diferan lofis diplomatik aletranze e zot sistenm administrasyon pou administre vote ti en tre gran challenge e en gran konfidansyel lo sa pei.  Marshall Island Mr Speaker lapitar son zabitan I osi reste abroard parey nou dir I annan en gran diaspora e laba zot servi bokou sa bann absolty ballot pou vote e laba Mr Speaker se sa absolty ballot ki determin rezilta eleskyon dan Marshall Island.  Mr Speaker e laba ankor vote I tre tre tre koute e sa diaspoa pa kontribye dan zot pei e ipa ni montre okenn sir retourn se zot pou vin met enpe sa larzan dan zot lekonomi zot pei e napa rezon pou nou kwar ki seselwa a letranze pou vin fer parey se nou.  An konklizyon alor nou dan parti mazoriter nou pa pe dir kibann seselwa aletranze pa devret annan dwa vote me bann ki enterese nou prefere ki si vreman zot annan lentere nou pei pou zot retournen e vin vote parey zot abitye fer.  Onorab Georges in dir nou pli boner Mr Speaker ki akoz ki nou pou bezwen pinni bann dimoun ki annan larzan ki reste deor me ki seselwa ki zot anvi vote , me mon kestyon ki pli enportan pou mwan demande se akoz ki nou pou bezwen pini sa senp seselwa ki reste sesel ki li i napa larzan ki li son lavi I devret ganny deside par sa boug ki annan larzan aletranze?

 

 

MR SPEAKER

Onorab Georges, Onorab, Onorab.

ONORAB FRANCOIS

Mr Speaker aprey noun vwar nou pei pa kapab afford an se moman sirtou sa gran konponan forex pou organniz eleksyon dan bann lezot pei aletranze emon pa pou tro tarde mon poufini an sit en paragraf ki mon santi tre enportan dan sa liv ki monn quote pli boner mon pou site Mr Speaker history shows that the fear frod among overseas votes that external votes will make frode easier has sometimes been well founded.  France established postal voting in 1975 following incidents of frode. I osi kontiyen dan sa sapit Mr Speaker.  The historical analysis shows further that external voting provisions have not always been proved to be a sustainable. Alor avek sa Msye Speaker mon determin mon pozisyon pou mwan vot kont sa mosyon.  Mersi Msye Speaker.

 

 

ONORAB DYER

Msye Speaker mon pou dir detrwa mo an faver sa mosyon ki’n ganny table devan nou.  Parkont mon bann koleg lo lot kote latab, zot in anmenn plizyer argiman e rezon akoz sa mosyon pa devret ganny aprouve. E parmi bann rezon zot in dir poudir pou annan amannman konstitisyonnel pou kapab donn bann Seselwa a letranze drwa vote.  Mr Speaker sa pa korek parski lartik 24 in fini donn Seselwa apartir laz 18 an drwa pou vote. E bann lalwa ki swiv aparti lartik 24 se bann lalwa ki fer pou en rezon ou enlot pou defann en dimoun egzers son drwa parey mon’n dir pou serten rezon ki valab ou menm da ka bann dimoun ki rezid a letranze ki amonn avi pa valab.

I vedir drwa pou Seselwa vote a letranze i dan konstitisyon e napa okenn amannman ki bezwen fer pou al donn Seselwa a letranze drwa pou vote.  Mr Speaker mon annan fanmiy ki kit Sesel depi 1960, avan ki in menm annan parti politik Sesel e anba lartik 24, i pa pe zanmen donn zot drwa pou vote Sesel. E si ti  annan en lartik dan konstitisyon ki ti donn sa mon bann fanmiy ki’n kit Sesel depi 1960 pou imigre l’Australie drwa pou vote Sesel, mwan mon ti pou kont.  Parkont lartik 24 i ape donn drwa mon 3 frer ki langleterre pou egzers zot drwa koman Seselwa akoz zot zot bann passport holder. Zot ankor Seselwa pour bann rezon  ki ti an deor zot kontrol, pou bann rezon persekisyon, ki zot ti napa drwa eksprim zot lopinyon e eksprim zot drwa libreman zot ti oblize kit sa pei e ale.  Zot drwa in ganny retire. Mr Speaker sa bann Seselwa parey i annan bokou. A monn avi i annan plis ki 1500 zot ki passport holder malgre ki zot in ganny pouse dan zot pei. E annou pa bliye pour dir sa 5 Zen, Leader parti SPPF ti debout lo podyonm freedom square ki mwan mon ankor apel ki Gordon Square. Freedom square zot in apel sa freedom right pour exercise ou freedom i ti dir sa ki pa kontan nou sistenm ozordi i kapab ale. E 15 anpase zot ti sante bato i pase, avyon i pase, sa ki pa kontan ale. Ki sa vedir Mr Speaker? Se Seselwa ki a pe ganny pouse se li. Seselwa ti a pe ganny demande pou egzers son drwa dan son pei. E pourtan en gran mazorite sa bann dimoun malgre ki zot in oblize al aletranze, malgre ki zot in oblize al etablir zot a letranze e menm i annan ki’n ganny sans in fer en kantite larzan, zot ankor annan en passport Seselwa ozordi.

Apre re-entrodiksyon milti parti, sa bann dimoun i annan in kontinnyen antre, sorti dan pei.  Sa bann dimoun i annan ki direkteman in kontinnyen envestir dan pei.  Sa bann dimoun i annan ki menm endirekteman zot in kontinnyen envestir dan nou pei. Alors i pa fer sans, i enrezonnab pou dir ki drwa pou donn Seselwa  a letranze pou vote nou pou bezwen amann konstitisyon. Parey Mosyon in dir nou bezwen senpleman redres e amann serten lalwa ki defann e aras dimoun drwa ki aletranze pou vote.  E se sa ki nou pe demande pou fer ozordi. Se sa ki nou pe demande pou fer, amann sa lalwa neseser ki sa bann dimoun a letranze ki ankor Seselwa, ki ankor konsider zot koman Seselwa, ki ankor patriyotik donn zot drwa pou egzers zot drwa.

Ler nou’n nonm sa laspe patriyotik koman argiman pou defann sa bann tel Seselwa a letranze vote. E ozordi Sesel en group dimoun i a pe pran sa mo patriyotik pour li tay avek.  Ozordi i determinen si pou ou vin en patriyot, pou ou vreman annan drwa, ou bezwen met en bonnen ki annan kouler rouz e en paviyon Sesel lo la. Swa ou bezwen met en bros lo ou ki annan kouler paviyon Sesel lo la. Ou bezwen absoliman flot an deor ou lafnet en paviyon Sesel, e en lot kote ou lafnet en paviyon rouz.

Mr Speaker nou dan lopozisyon e sirtou mwan menm mon konsider mwan koman en vre patriyot akoz mon lonbri in koup Sesel, in anter Sesel e mon dezir e mon swe se pour mor Sesel. E i egzakteman swe an presizeman 3 mon frer ki Langletere ki al lo lazin politik e i zot swe ki zot lekor, zot depouy i ganny vin met dan later Seselwa. Pour en rezon oubyen en lot, zot pa pe re-rantre ozordi. E nou tou nou konnen Sesel ozordi 15 an retour parti milti parti, nou ankor similar avek 15 an parti inik.

I annan Onorab ki’n koze avan mwan lo nou kote, ki’n nonm sa aspe security clearance, i ankor egziste dan nou pei pou aras drwa en Seselwa.  I ankor egziste viktimizasyon ki fer en Seselwa ki’n etablir li a letranze ki pe earn en lavi a letranze ezite pour li desann Sesel avek son pti morso forex ki i annan. E nou tou nou konnen problenm forex Sesel.  Presizeman bomaten Lonorab De Commarmond ti demann Vis Prezidan lo kestyon Grand Police kot prizon in ganny move, eski pou donn en Seselwa oubyen en etranze.  E Vis Prezidan pa’n kapab dir ek li, nou priyorite se pou donn en Seselwa.

Mr Speaker nou vwar  serten proozisyon ki envestiser Seselwa Seselwa in fer lo serten proze ki’n ganny rezete senpleman pour donn sa swa a en etranze, swa enn ki aste en passport e direkteman i ganny drwa pou vote apre, kontrerman  ki pou aprouv sa proze ganny mete par en Seselwa  menm enn ki viv a letranze oubyen enn ki viv Sesel pour li desann vin envestir, ganny met konsesyon avek sa etranze ki pou envestir e otomatikman pa ti a bezwen sanz lalwa, i ti a kapab vote. Me non nou dir li  anmenn ou larzan, ou reste laba, ler pou vote ou pa pour fer desizyon.

Mr Speaker largiman pou eski, mon pran sa legzanp lo mon prop fanmiy,eski enn mon frer ki aletranze i pou desid pou en Seselwa ki viv Sesel. Mon krwar i tou drwa enn mon frer a letranze ki kontribye Sesel, pour li egzers son drwa pareyman ki sa boug ki reste dan lakanbiz ki 5 er bomaten aktivis SPPF in anmas li, in donn li 2 goble lapire, in fors li pou al vot pou SPPF. E mwan mon krwar vot sa tel Sselwa a letranze son vot i bokou pli valab ki sa vot ki nou’n anmas ater la forseman.  Mr Speaker..(interruption).. vre i en imen i annan drwa li, sanmenm ki mon pe dir zot, se sa imen osi ki’n viv a letranze, ki’n kontribye, li osi i en imen. Li osi i devret annan menm drwa ki sa boug ki’n fer son swa pour li reste dan lakanbiz.  Mon napa problenm avek sa, sa i swa sa boug pour li reste dan lakanbiz. Me i swa mon frer pour li reste Langleterre kan i partisip dan lekonomi Sesel pour li met son vot ler i annan en eleksyon. I parey sa. Nou pa kapab argye lo la.  I annan ki dir ek ou sistenm lozistik, konbyen pou koute, konbyen pou kout isi, konbyen pou kout laba. Me selman ler gouvernman in deside pou entrodwir en proze, fer en lalwa, depans larzan ki zis dan lentere gouvernman, zot pa rode konbyen pou koute, zot go ahead nou get la devan nou konbyen larzan malere sekirite sosyal ki la, ozordi i annan zis en  tenant ladan ki apel SupaSave. Alors Msye Speaker eski sa i en desizyon nob?

I vin parey ki kantite lozistik nou bezwen fer, nou annan bann reprezantan diplomatik a letranze, R1500 seselwa a letranze ki annan passport holder, nou nou pe dir, bann passport holder, bann vre Seselwa, bann patriyot pour vote. Alors akoz pa donn zot zot drwa dan bann misyon diplomatik pour zot  egzers zot drwa patriyotik anver zot pei.  Akoz SPPF i per, eski zot krwar sa pou fer zot perdi en eleksyon. E largiman ki’n monte, mon’n tann Lonorab Vel in dir i zwenn bokou Seselwa Langleter e Onorab Lider Zafer gouvernman in dir i fer li plezir, ler in tann prezantater mosyon in dir poudir Langleterre i annan otan Seselwa ki siport Gouvernman ki siport lopozisyon egalman. E alors ki sa ki fer nou per?

Annou get tou nou nasyonalite avek menm lizye. Annou pa servi en kote lizye, de leker. Annou servi de lizye avek en sel leker.  E sa ki nou devret fer. Mr Speaker egalman nou vwar serten etranze Sesel ki fer larzan sesel, ki’n ganny nasyonalite Seselwa ki pran tou zot larzan zot retransmet li dan zot pei respektiv e zot zot annan en drwa pou desid lavenir Sesel. Zot zot ganny konsidere koman bann vre patriyot tandis ki en Seselwa ki pe esper loportinite pou vwar ki son bann drwa i ganny respekte pour li desann anmenn son larzan Sesel  e travay pour son pei, i ganny gete koman pa en patriyot e i pou afekte desizyon direksyon sa pei.

Mr Speaker a mon’n avi i pa fer okenn sans. Onorab Mitcy Larue ti’n demande  postal ballot. Konbyen zour pou pran, kimannyer i pou fer. Mr Speaker SPPF i abitye dir, Sesel teknolozi in avanse. Onorab Larue pa konnen ki sa vedir teknolozi? Mon panse ou konnen. Pa fer mwan krwar.

 

MR SPEAKER

Onorab adres the Speaker.

 

MR DYER

Mr Speaker through the Chair.

 

MR SPEAKER

Address the Chair.

 

MR DYER

E i pa konnen bann teknolozi modern ki kapab fer tou keksoz mars vitman. A mon’n avi dan en sel zour tou keksoz i kapab ganny materialize, finalize e eleksyon minwi parey labitid i ganny anonse. En sel zour sa, i pa ni bezwen nou 3 zour.  Menm pou al lo zil elwanye pou desann me i en sel zour.  Tou sala i kapab ganny fer ek nou pti popilasyon ki nou annan ozordi. Mr Speaker atraver, fax, atraver internet. Nou konnen i fasil.

 

(Interruption)

 

MR SPEAKER

Order. Onorab kontinnyen.

 

MR DYER

Mr Speaker Onorab Vel, ranforsi par Onorab Francois in sey al rod si i annan en Seselwa Ice Land, si i annan 2 Darfur, si i annan enn Larisi oubyen Timbuktu, e mon pa konnen si i annan enn Ice Land ki annan en passport holder. Selman sa ki nou pe dir dan serten pei eropeen kot i annan bokou Seselwa, menm Lostrali ki bann passport holder, i fasil..

 

(Interruption)

 

MR SPEAKER

Mon krwar i annan en konfizyon ki pe leve ki Leader of the Opposition i a klarifye si whether tou Seselwa or just passports holder akoz ou pe entrodwir en nouvo konsep.

 

MR DYER

Oke Lider Lopozisyon taler i ava donn son klarifikasyon. Mr Speaker a mon’n avi sa ki nou pe vwar ozordi konpare avek 1977 kan Sesel ti antre dan en sistenm marksis, kominis..

 

MR SPEAKER

Onroab i reste ou ankor 2 minit.

 

MR DYER

Yes Mr Speaker mon pe la konklir.

En sistenm sosyalis sovaz parey mon a kapab dir sa ki ti kou drwa tou bann sitwayen ki ti pans diferaman e eksprim serten lopinyon diferan. Ozordi nou vwar sa ki Lonorab De Commarmond semenn pase ti apel kras anler, tonm lo nennen.  E se egzakteman sa ki pe arive Sesel, tou sa ki nou ti dir pa bon an 1977 nou pa oule, ozordi nou pe retourn avek e mon’n menm tande ki SPPF pe dir bann ekstremis sosyalis shut up, nou pe vin pran en pozisyon santral kot SNP i ete, nou pou sey pous li kote drwat. Mr Speaker si sa bann keksoz pe arive, be egzakteman, mosyon Onorab Ramkalawan i fer sans, abandonn sa bann vye lide.   Retourn dan globalizasyon, retourn kot lemonn i konekte dan enn erdtan, kot sa boug i en Swiss, i annan biznes dan 4 kwen lemonn, i annan en lakaz dan 4 kwen lemonn, dan 10, 15 pei, i reste li petet zis en semenn, 2 mwan dan en landrwa e i ganny drwa egzers son drwa La Swiss.  Egzakteman parey Mr Speaker si nou anvi rekonnet nou nasyon ann antye, nou anvi ki Sesel i progrese, so annou donn bann Seselwa a letranze en  drwa pou vote.

Pour mwan konklir,  mon pou zis fer en pti mansyon konpare avek sa ki Lonorab Lider Zafer gouvernman ti fer, bokou Seselwa dan bann lannen ‘60 ti bann imigre ekonomik, ti al rod en meyer lavi. Se vre bokou zot.  Be mwan mon konn en boug ki presizeman akoz i ti imigre Congo pou al rod en meyer lavi e son non i asosye avek Congo e in tourn sesel in envestir Mr Speaker. Lonorab Biznes Gouvernman i konn byen. Alors? Zot al rode zot anmennen, Seselwa i ankor pe al rode pou anmennen. Donn zot zot drwa kan i neseser Mr Speaker, mersi.

 

 

ONORAB POTTER

Mr Speaker sa boug ki pe koz lo la I vot pou SNP.

 

 

MR SPEAKER

Bon Onorab Rose mon war la ki nou pe al lo 5er dimoun I konmans……

 

 

ONORAB ROSE

Msye Speaker monpou retir bann bout kot bann komanter inganny fer avan e mon pou fer li as brief as possible.  Sa mosyon ki devannou pe demande ki seselwa ki viv e reste aletranze I ganny dwa vote isi sesel dan bann eleksyon ki nou fer e non pa bann passport holders. En mosyon ki dapre mwan I moralman mal e I lostikman difisil si non pa enposib.  Onorab Potter in dir ki kote mazorite I pe rezet sa mosyon lo en baz prensip non pa lo en baz politik, largiman kikote minorite in sey avanse apre midi.  Onorab Ramkalwanbomaten in dir ki I annan sitan anbirite lo ki manyer nou konsider diaspoa seselwa viz a vi nou bann seselwa kiisi.  Monkwar ki sa mosyon iplonz nou dan bokou plis anbirite ki mon espere ki lote mmosyon avar kapab eklersi ler I sum up.  Selo sa baz Msye Speaker ki mon pe anmenn mmon largiman kont entel momsyon.  Dan mon resers parey ou pou realize dan mon lentervansyon mmonn ganny plis kestyon ki repons, kestyon serye kimon ti a kontan osi ki lotermosyon ti a eklersi nou lola ler I fer son summing up.  Premyerman Mr Speaker lo en pwen moral, en pwen prensip, en tel mosyon pe esansyelman demande ki nou lavennir isi sesel I ganny deside avek en group dimoun ki lapipar zot apard en blood line I riske napa okenn vre lentere dan sa pei ki zot pe vot ladan. Mon dir riske akoz I tre probab osi ki si zot annan oken lentere zot lentere I pa pou neseserman lentere sa pep kin fek vot pou nou, sa group dimoun ki reste isi sesel e sa group dimoun kin met nou dan s lasanble.  Msye Speaker vwala en portre sa sitiasyon seselwa ki pe vivlaetranze.  Statistik estimen Msye Speaker I montrenou ki annan anviron 40 mil seselwa ki reste Lostrali, apepre 20 mil Langleter, 30 mil La Frans ek Litali, 20 a 30 mil Canada menm kantite Lanmerik e pli mwens Sid Afrik, Kenya e bann pei Mwayen Orian Berout, Jourdan eksetera.  I annan en nonm enportan seselwa kipe reste en pe partou Lerop, Lazi e en pe partou Lafik , monn apran atraver travay resers ki annan 2, 3 fanmiy seselwa ki reste Letiopi nou pa Timbuktu, Zimbabwe I annan 2dimoun ki reste Sudan I annan en pe e 2, 3 eparpiye en pe partou dan bann zil Karaib.  Enn monbonzanmi ki aktyelman sesel midi in vin vwar mwan dan biro I pe reste aktyelman Dominiken Republik e mon osi annan en kouzin ki reste Lezip kot I annan en louvraz konmen en ners e mon konn omwen en ezenir ki pe travay Papa Nu Guini vek en lakonpanyen enternasyonal.  Tou sa la I bann premye, dezyenm e trwazyenm zenerasyon seselwa ki si sa moson I aprouve pou annan dwa vote isi sesel menm lerzot pe reste aletranze.  I annan ki pa konnkoz kreol, I anna ki pakonn sese, I annan si menm i ti avar anvi retourn sesel zot napa mwayen fer li.  Resaman mmonn rankontre en zenn garson kin vizit sesel pou en premye fwa.  In ne aletranze menm si son paran I seselwa, I konpran kreol, ikontan sesel ek seslwa e I apresye sa ki gouvernman pe fer baze lo sa ki in trouve otor li e I napa okennnide ki pe pase sesel dan sa pei lo en plan en pe pli larz.  Zis apre eleksyon Prezidansyel monti resevwar en e-mail sorti kot en seselwa kin kit sesel 2, 3 lannen pase I Lanmerik avek son fanmiy e I ti felisit SPPF pou son eleksyon me I ti dir ki lison lavi I Lanmerik menm si son leker pou touzour sesel.  Msye Speaker diaspoa seselwa I enn ki gran e estimen a 2 fwa plis ki popilasyon sesel ki isi.  Literalman dan 4 kwen lemonn I annan bann seselwa avek bann fason panse e fason fer ki divers e se lo sa refleksyon Msye Speaker ki mon demann mon lekor en senp kestyon.  Si tou sa bann dimoun ki monn mansyonnen eparpiye en pe partou dan lemonn tipou annan dwa vote e efektivmn ekzers zot dwa eski I ti posib premyerman moral e byen dezyenman lozistikaman posib pou organiz eleksyon.  Mondemann mon lekor sa kestyon akoz eski I moralman byen pou nou les sa plizyer milseselwa ki pe reste deor sesel desid lavenir sa 90 mil seselwa ki pe reste e kontribye dan sa lekonomi nou pei.  Eski I moralman byen pou nou les en dimoun deside ki kalite lekonomi nou pei I bezwen si zanmen in deza kontribye en sou menm lekonomi oubyen menm si I napa oken nide ki meyer sistenm ki pli byen pou sa pti pei.  Msye Speaker eski I moralman korek sa menm pep kin met nou dan slasanble enpoz en santans poliik kin met par lao zot latet e les dimoun ki pan fer nou konfyans ganny menm privilez parey zot.  E mon menm demann mon lekor Msye speaker eski siporter lopozisyon isi sesel eski zot okouran,konpran zefor zot parti pou demande kiseselwa ki aletranze I vote dan eleksyon nasyonal.  Msye Speaker si en dimoun pou annan dwa vote I pou osi esansyelman kapab met son kandidatir pou debout dan eleksyon nou pei.  Konplikasyoni leve Msye Speaker ler lo en baz moral ou demande eski en dimoun ki reste aletranze e napa okenn nide kwa ki enportan pou pep seselwa annan sa kapasite reprezant noupei.  Onorab bomaten in ankor plonz nou dan plis anvilite ler I dir ki en dimoun pou kapab vote dan eleksyon Prezidansyel e non pa dan eleksyon lezislativ eski Msye Speaker non pa pe donn sa dimoun selman en bout dwa e non pa tou dwa ki garanti en voter anba konstitisyon e si Msye Speaker si sa menm dimoun aletranze napa dwa ou pou napa dwa reklanm en reprezantasyon dannou lasanble nasyonal, eski I pa son dwa pou liganny reprezante dan ekzekitiv e osi byen ki dan lezislativ e tan donnen ki tou le de I annan pouvwar fer desizyon enportan dan nou pei.  Eski nou pa pe undermind sa menm lenstitisyon ki nou form parti. Ler nou fer distenksyon antre eleksyon Prezidansyel ek eleksyon lasanble nasyonal, mon ganny en konpran avek sa pou mwan I vedir seselwa sesel konm dir en koleg seselwa an koko avar vot pou lasanble nasyonal e seselwa aletranze avar vot dan eleksyon Prezidansyel.  Sa pou mwan I sanmenm sa 2 kategori voter ki Onorab Georges in koz lo la bomaten.  Msye Speake nou kapab en zour osi annan nou en referendum dan sa pei noun deza annan dan lepase. Annefe monmen kwar ki en tel desizyon sa mosyon ki devan nou I sitan enporten I devret ganny teste atraver en referendum. En referendum I vedir to refer back to. En referendum alor I ganny fer ler gouvernman pa kapab oubyen napa pourvwar fer serten sanzman dan nou pei,paregzanp sanzman enportan dan nou konstitisyon.  Sa I vedir ki gouvernman I refer avek lepep avan ler I pran en desizyon ki devan li.  Msye Speaker rezon akoz en pei I fer referendum set akoz I santi ki li tousel I pa kapab fer en desizyon akoz sa desizyon pou annan en gran lenpak lo lavi tou le zour sa pep ki pe viv dan sa pei.  Akor enn fwa lo ennivo moral alors gouvernman I tourn ver lepep pou lia son tour deside kwa ki I anvi se la ankor ki avek en tel mosyon nou pou dan en gran problenm.  Ki manyer en zenn garson 18 an kin reste tou son lavi aletranze I pan zanmenn vin sesel I petet I pa nni menm kapab koz kreol fer en desizyon enformen lo lavennir nou pei.  Eski sa sistenm I pli zis, ki manyer nou konman en lasanble serye nou esplik a sa madanm 56 an kin travay tou son alvi isi sesel kin debouye e pran son loportinite Msye Speaker ki manyer nou esplik sa madanm ki se sa zenn ki pou deside ki manyer I pou zourir sa larzan retret e non pa sa menm dimmoun ki planifye son retret.  Sa osi sa kestyon referendum mon ti a kontan ki loter mosyon I adrese dan son summing up.  E ler mon ekout Onorab Georges apre mmidi fer monkwar ki bi annan sa mosyon set akoz I annan rezon lentere politik.  Onorab Georges in demande e I demann avek Lider Biznes Gouvernman ki nou problenm avek lefe ki laplipar diaspora seselwa pou siport gouvernman di zour zisteman Msye Speaker nou napa problenm avek sa nou pozisyon se zistema pa gide par lebtere politik me pilto lo en baz prensip e menm si nou annan fanmiy ki reste aletranzeMsye Speaker nou lekzistans se pa pou defann nou lentere, lentere nou fanmiy, lentere potansyel voter aletranze, lentere politik me mwan mon pli konsernen avek lentere sa 90 mil dimoun 60 mil ladan ki met nou dan sa lasanble e mon menm kwar ki Onoarab Georges pa kapab konsevwar lefet ki mosyon dan sa lasanble pou ganny rezete lo en baz prensip e non pa politik e non pa en lensten politik parey in dir.  Msye Speaker bomaten mon tann Onorab koz lo dwa seselwa ki pe aletranze e liin konsantre lo zot dwa vote e la lot kestyon moral I souleve, se bann lezot dwa ki bann dimoun ki pe reste aletranze ki devret annan si zot ganny dwa vote isi.  Si en dimoun I annan dwa vote isi sesel alors I osi annan menm dwa ki nenport ki seselwa isi sesel mwan, ou, tou sa bann isi dan sa lasanble e andeor sa lasanble dwa lozman, lasante gratwit, en sistenm skoler gratwit eksetera.  Msye Speaker deza I annan seselwa I al kot dokter gouvernman I rod pilil I rod latizann e apre I anvoy pou son fanmiy Langleter.  Msye Speaker sa I en fe ki pe arive anba nou nennen zot fer li anba anba akoz zot konnen ki 1 latizan I gratwit e 2 nou latizan e de ot kalite.  Si zot pe fer li anba anba Msye Speaker demen zot pou tou senpleman annan dwa anvoy zot preskripsyon isi e reklanm zot dwa sa dwa a lavi parey Onorab Georges in koz lo la bomaten a lasante gratwit ki garanti isi sesel.  Msye Speaker ki sa pou vedir pou nou lekonomi e sa forex ki nou tounou koz lo la.  Eski i pa pe ouver flood gate e reski met presyon eternel lo sa pti gin resours ki nou annan isi sesel.  Eski sa pou ede rezourd sa problenm ekonomik parey loter mosyon in dir bomaten.  Si alors nou les sa plizyer mil diaspora seselwa vote isi ki manyer nousistenmaaktyel pou kapab deservi sa bann dimoun si demen zot reklanm zot dwa.  Msye Speaker parey Onorab Lider zafer gouvernman in fer resorti sa mosyon ki devan nou I ase konplike I pa fasil e nou regard lozistik pou organiz en tel eleksyon kot dimoun ki aletranze I ganny sansvote la osi nou war serten defayans pou enplimant li son totalite.  Mon pou al selman lo en pwen Msye Speaker ki manyer si en pei parey Lostrali ouswar Lafrans I fer li I pa vedir ki sesel I kapab akoz nou resours I limite.  Annefe kestyon kinou poze se ki danderyen eleksyon sizesyon ki sorti o kote lopozisyon se ki nou fer eleksyson selmandan en zour sa ti ganny met devan e la zot pe dir anefe I pou arive ki elekson pa pou ganny fer dan en zour e mwan mon pwen konsern se ki ki pou arive avek sa peryod letan kot rezilta sesel eleksyon sesel in sorti e noupe esper eleksyon sorti aletranze vini eski I pa pou kre en vacuum enstabilite politik dan noupei.  An plis ki sa zour ki noupou annan en sitiasyon kot seselwa aletranze I desid lavennir nou pei nou pou riske Msye Speaker annan en mekontantman isi sesel avek desizyon ki sa bann seselwa aletranze pou pran lo nou, eski sa pa pou kre loportinite pou annan en revolt.  Msye Speaker lalwa sesel pa anpese kien seselwa ki reste aletranze pa vote isi, sa sitwayen seselwa ki Onoab Georges in koz lo la I ekziste kantmenm ki akoz bann departman bann distrik dan nou pei divize ki sa bann dimooun I tonm dan en distrik elektoral, loter mosyon pe demande ki sa I sanze an sa ki konsern eleksyon Prezidansyel me Msye Speaker nou tou nou a rapel ki dan deryen eleksyon ti annan anviron 900 seselwa ki ti desann ti vin vote savedir ki seselwa ki reste aletranze I ganny dwa vote .  Msye Speaker sa mosyon ki devan nou pa nouvo in ganny anmenn dan lasanble a 2 repriz ler premye lasanble ti debat lo elections act 1995ek 1996 e osi en mosyon anmenn an 1999 par reprezantan DP sa lepok dan lasanble.  Msye Speaker a tou moman ki sa mosyon in ganny anmenn en parti mazoriter In fer son pozisyon lo la kler e ozordi ankr enn fwa dan nouvo lasanble nou kwar ki sa mosyon in ganny remet devan nou.  Kestyon ankor kinou poze Msye Speaker se akoz en tel mosyon.  Pozisyon SPPF losa mosyon

 

 

MSYE SPEAKER

Onorab 2 minit.

 

 

ONORAB ROSE

Mon pe sum up Mr Speaker.  Sioukapab donn mwan 1 a 2 minit.  Pozisyon SPPF lo sa mosyon pan zanmensanze Msye Speaker e mon kwar ki loter sa mosyon avek tou son leksperyans politik I konn tre byen ki SPPF pa pou sanz son pozisyon losa size, akoz alors en tel mosyon?  Sela Msye Speaker ki mon panse kwar ki sa mosyon pann ganny met devan nou pou lentere sa pep kin elekte nou.  Mon kwar ki laplipar seselwa ki pe reste sesel pa pou dakkor ki zot desizyon I ganny dominen ouswar enfliyanse par en group dimoun ki pa reste sesel.  E Msye Speaker mon en pti pe atriste apre midi akoz deba in konsantre an gran parti lo bann seselwa ki aletranze e I paret ki nou pe bliy sa group dimoun tre enportan e sa se bann dimoun ki reste isi.  Mon atriste ler mon tann Onorab Georges, Onorab Dyer donn valer en vot plis a sa enn ki annan forex

 

(Interruption)

 

Mon atriste ler mon tann Onorab Georges, Onorab Dyer donn valer en vot plis a sa enn ki annan forex ki kapab envestir dan nou lekonomi e dir kisa enn ki isi ki bwar baka ki anba koko ki fim drog ki son valer I riske mwens alors nou devret donn sa enn aletranze plis valer.  Msye Speaker sa enn ki aletranze ki lodol ki fim drog ki depan lo welfare Angle e ki kapab vote osi I riske annan menm dwa atraver sa mosyon ki zot pe demande pou li vote parey sa enn ki responsab isi ki vote.

 

 

MSYE SPEAKER

Order, order, order please. Onorab.  Conclude.

 

 

 

 

ONORAB ROSE

An konklizyon Mr Speaker mon kwar ki sa mosyon I politicaly expedient, en mosyon anmennenpou ki loter I ganny vwar konman sa enn ki debat pou dwa bann seselwa ki pe reste aletranze.  Ketfwa lopozisyon I anvi ki lo zot CV I ganny mete lorikord ki sete zot ki ti anmenn en mosyon dan nou lasanble pou rod dwa bann seselwa aletranze.  Sisa I leka Msye Speaker nou lo kotemazorite nou napa problenm avek sa les lo nou CV montre ki sete sa group dimoun isi dan sa lasanble ki ti lager pou protez lentere bann seselwa ki pe viv anba menm solye kinou e pas antraver menm konsern e difikilte e lazwa ki nou.  Parey ou menm Msye Speaker ou ti dir o konmansman sa 4enm lasanble we have to be on the right side of history.  Mersi Msye Speaker.

 

 

MSYE SPEAKER

Bon right of reply Onorab Ramkalawan.

 

 

ONORAB RAMKALAWAN.

Mersibokou.  Moralite, moralite, moralite apre nou desann dan koripsyon.  Apre midi mon konmans avek onorab Rose akoz li deryen pou koze I annan en statement ki mon kwar I grav ki noun fer dan sa lasanble.  E sa se aktyelman pou akiz bann dokter sesel konman bann dokter enkonpetan ki donn dimoun latizann san ki zot malad ki zot pa bezwen pou zot anvoy pou bann seselwa aletranze mon kwar ki pou dir sa statement I vreman regretab, I vreman malere akoz mmon kwar ki dan pe koz dan sistenm lasante e petet Onorab Rose san konnen in osimontre nouki sa se bann problenm avek minister lasante kipou dir ou bann dokter ou bann dokter ki nou annan parey monn dir avek disrespect pou sa profesyon nonb ki pou dir dokter sesel pe fer bann fo preskripsyon pou anvoy pou seselwa aletranze e mon espere kidokter payet in not sa tre byen.  Moralite, moralite ki manyer oupou dekrir sa eski ou pou dekrir sa konman en aksyon moral pou en kriminel kipe ganny rode dan son pei ki donn plis ki 100 milyon en parti politik pou li ganny eleksyon dan sa pei.  Eskiou apel sa moral, moralite kimanyer I apel sa kan bann entranze ki annan passport seselwa ki annan nasyonalite seselwa ki pa koz en mo kreol ki anplis ki sa ki rod fo passport ki deklar zot non dan en lot fason me telman ki zot donn larzan gro, gro sonm larzan pou zot enfliyans lekel kipou diriz pei.  Mwan mon apel sa limoralite me par kont mon apel li moral kan nou pe koz lo dwa ki ipe donn seselwa posibilite pou zot partisipe sa mon kwar ki nou bezwen pran li byen.  Me apre sa in annan tou kalite statement tou kalite konfizyon lo en kote en manm lo SPPF I demande kiamnyer ou pou al konnen kkote tou bann seselwa I reste lo lotkote I annan ki dir avek nou ki I annan 2 Etiopi, 1 Ice Land, 2 Papa NuGuini, 1 Sudan, lot Darfur lot mon pen friend lot mon isi lot mon laba dan sa koz antre zot e zot akkonnen kote bann seselwa iete e mon kwar ki sa latas I pou en latas tre fasil akoz zis parmi 3 manm SPPF lo lot kote latab zot pou konnen ekzakteman kote tou bann seselwa I reste lekel ki koz kreol e lekel kipa koz kreol.  Me anmenmtan osi letan Onorab Francois ikoze personelman mon kwar nou ankor pe vivi dan en monn kot sel sistenm kominikasyon se Morse ki poudir kipou ou sorti Mombasa pou ou vin sesel I pran 8 zour kipou dir mon pa ganny en konpran me pourtan lo lot kote e sela kot SPPF parfwa zot konfize zot pe war sakonman en difikilte enorm e mon mon pa pou al koz lo teknolozi avek Onorab Mitcy Larue me selmanlo en kote zot war teknolozi konman en keksoz enposib, en keksoz enposib selman anmenmtan mon pa konnen si se sa bann fason ki zot servi pou zot anbet seselwa lo lot kote lot ozour in fer en manman prezantasyon dan lopital viktorya ki manyer ou pou fer loperasyon sesel me selamn ou pou an kominikasyon avek Lanmerik,Lenn en sit swit pou ou kapab oper lo sa boug isi sesel.  Me si nou pe koz lo sa degre teknolozi eski ou le dir mwan pou al dan zntay en boug Lanmerik ki pou deside ki bout ki oupou koupe, ki bout ki ou pou anmare e lo lot kote pou organiz en eleksyon ou pa pou kapab fer li.  Konmsi I fer mwan vreman soke letan mon tann sa bann keksoz me dan lot kote Onorab Francois I osi son liv ki in vin resit aveknou in donn tou sa bann pei isi laba sa bann pei ki manyer keksoz I montre nou ofet mon ti kwar ki I a pe I ti pou siportmosyon lafason kii ti ape koze paske in menm dir avek nou ki Cook Island mazorite I vot an deor mazorite son popilasyon ki vote I an deor zil me selman I annan stabilite e tou keksoz I oke I pan zanmen dir avek nou ki pou dir I annan revolisyon laba me lo lot kote in osi mansyon nou Marshall Island kot pousa bann dimoun ki ganny dwa vote an deor zot pa ni menm fer en kontribisyon me selaman ankor enn fwa tou keksoz I oke I pan dir avek nou kipou dir I annan problenm in dir avek nou tou keksoz I oke me son sel pwen se difikilte dan sa kotasyon ki mon pann tro konpan ki ekzakteman kote ki I ti ape head me selman in dir avek nou ki napa okenn keksoz apard the cost.  Alor annou konpran en keksoz e lammon avar dir ankorenn fwa konfizyon lo zotkote zot in donn lenpresyon ki pou dir le moman ki ou pou donn sa dwa tou dimoun pou vin vote e mazorite dimoun laba deor seselwa ki laba deor pou vin vote pou destabilize Onorab Rose in menm koz lo revolisyon tou sa bann zafer tou sa bann diol pourtan zis pou montre zot kontradiksyon ki mon kwar ki Onorab Rose pann tro ekout Onorab Larue letan in koze, Onorab Larue in fer kler avek nou ki li I annan frer avek ser ki aletranze kin dir avek li klerman ki menm si zot ganny dwa vote zot zanmen zot pou vote laba deor zot pou vin vote letan zot ariv sesel e la deswit I montre ou ki pou dir menm si ou donn sa dwa pa tou seselwa ki pou enterseavek sa e Onorab Francois mon kwar sa en liv ki ti avar bon pou ou partaz avek bann koleg.  Onorab Francois in fer kler ki pou dir ki bann poursantaz bann dimoun ki vote 1 poursan, 2 poursan I minim pa mwan kin dir tousala se sa liv Onorab Francois ki mon kwar I devret ganny mete dan library parskidan library tou bann manm avar ganny akse avek parski I tenir sa liv pre avek son lestoman.  Me ozordi letan anmenmtan ki nou pe koze tou sa bann keksoz ki zot in dir selman en keksoz ki zot bliye 3 semenn pase zot fek anmenn lamannman konstitisyon dan sa lasanble e enn sa bann lamandman dan lalwa pansyon se pou permet en dimoun en seselwa ki viv aletranze kontiyen fer son kontribisyon pansyon pou likapab letan in ariv laz pansyon pou li ganny en pansyon.  Be tou sa la eski nou pa pe war ki I annan en serten direksyon si ou pe dir tou sa bann keksoz ki zot in dir eski zot pa war ki pou dir I annan kontradiksyon lo zot kote.  Nou nou pe rod sa dwa nou pa pe dir ki tou seselwa pou taye pou vin vote, parski I vre ki I annan en kantite seselwa ki pa enterese.  Isi sesel annou pa al pli lwen annou reste sesel, lo lalis voter 64 mil oke nou fer eleksyon I annan plis ki 10 mil dimoun ki tou le zan sak fwa I annan eleksyon zanmen zot vote e nou tou nou konn sa bann dimoun, bann nou ki marse dan distrik nou konn sa bann dimoun, nou konn bann zenn dimoun, hbann vye dimoun ki eleksyon I fer zot dir avek ou zot pa enterese avek eleksyon, zot pa enterese.  I annan kin degout politik, I annan ki dir avek ou vot pou enn vot pou lot menm zafer menm alors li I pa ote, I annan ki dir ou en kantite keksoz.  Oke, so I annan en sitiasyon la kot pa tou seselwa ki enterese.  Si isi sesel kot zot pani bezwen al kot lanbasad zot pa nibezwen pran tren, zot pa ni bezwen pran avyon pou zot al vote isi sesel nba stasion vote I pran tou stasyon vo I pran 15 minit pou ale prensipalman dimoun pa enterese laba deor osi pou napa sa kantite ki pou entereste parski annou pa kwar ki pou dir tou seselwa I enterese avek politik senpleman akoz nou nou bann politisyen.  Letan in enteresan letan nou pe koz lo bann seselwa letan nou pe dir bann ki pa ni koz kreol en sit swit.  Ar letan pou vot nou anmenn bann largiman pa koz kreol be mon mon trouv en kantite seselwa bann atlet kin bon kin reste aletranze letan I fer interview avek zot zot pa koze kreolpourtan zot reprezant sesel, zot anmenn paviyon, zot fer monte paviyon.  Savedir letan zot tay vit laba menm zot pa koz kreol I oke seselwa sa I fer monte paviyon, I ganny meday lor be wi dan _______ ensit swit Lafrik sa I bon.  Shone Austine wi wi en bon seselwa sa I fer monte nou paviyon, me selman ler nou pe koz lo nou prop seselwa la nou trouv nou annan problenm.  Letan nou pe koz lo sa size kreol letan pou vote si zot pa koz kreol I en gran problenm me selman letan nou ti deside pou nou vann nou nasyonalite pou 25 mil dolar sa ti napa problenm se sa ki Onorab Rose I apel lamoralite letan ou vann pou 25mil san konnen lekel li apre ou tande ki pou dir in ganny tyonbo I annan kin ganny tyonbo laba Afgannistan se pa ki bor tou sa bann zafer, la napa problenm.  Mon pour war mon trouv li vreman I vreman trist pou mwan finalman.  Onorab Lucas I al mansyon Preamble konstitisyon, e I servi sa pou li al koz lopatriotiz must participate activily in the sustainable economic and social dvelopment of our society e pou li sa I pli enportan pou ou kapab vote e pou mwan si mon ti pe servi sa kriter mon ti pou dir avek tou respe ki mon annan pou bokou seselwa, si sa ti poudiskalifye si nou ti pou les Onorab Lucas ekrir sa lalwa e met sa ladan mon kwar ti pou annan omwen 10 a 15 poursan nou konmite ki ti poun ganny dikalisye. Donk mon kwar ki noun sey al rod tou kalite largiman e senpleman ki pou dir nou per ki bannseselwa aletranze I vote e se sa ki SPPF ti devret vin fran.  Vin fran dir regard sa bann la nou isi lonou kote nou konnen ki pou dir noun fer ditor bokou seselwa apard 77 parski an 77 letan ti annan kodeta nou ti dan en minorite mon mon kwar ki SPPF ti devret vin fran pou dir 5 Zen 77 nou ti an minorite sesel alors noun fer en koudeta e I annan en gran poursantaz sa bann dimoun kin al aletranze e la ozordi nou bann poursantaz in desann pandan bann lannen sorti 99 poursan. 99.9 noun desann desann desann e la in ariv 53 be sinou les sa bann seselwa aletranze vote nou pou perdi alorts nouper alors nou ki o pouvwar alors nou pe dir non sa bann zans ki laba deor nou nou pa kapab les zot vin vote.  Dir sa dan en fason fran pa fodre kastyet anba lozistik anba Cook Island, anba Marshall Island, anba Darfur, anba Ice Land anba tou kalite keksoz moralite tou sa bann largiman ki dan vid pa bezwen vin argye.  E mwan mon ti a kontan si Onora Rose avek Onorab Adonis I vre ki Onorab Adonis li in desann zis avan eleksyon ofet son non pa ti devret lo lalis voter si nou pe swiv lalwa I pa ti devret lo lalis voter akoz I ti Langleter li la en legzanp ki zot devret donnen kot en onorab kn anrezistre me selman in al deor ki pa ti devret pe vote kin desann kin debout konman en kandida se sa bann kalite legzanp e alor zot pe dir ki Onorab Adonis I pa devret I enn sa bann seselwa partisipe e pourtan zot in met li.  Donk letan nou sey tou sa bann kalite zafer parey mon pe dir zot inle pou nou vin fran, inler pou nou pa zis al rod sa bann largiman dan vid pou nou al fer en clause dan konstitisyon vin enn ki en regulatory clause vin en lot kalite clause you sa bann zafer.  Annou regard keksoz parey I ete e mwan mon still kwar e mwan mon ti avar kontan ki zot substantiate se sa pwen ki mon ti ape esey fer ki both Onorab Adonis ketfwa li I dan sa 900 kin vin sesel Onorab Adonis avek onorab Rose substantiate sa zafe akoz zot devret al raport parske lalwai soz, raporte kipou dir I annan 900 seselwa zis zot vini zot fer bann statement ki pa kapab substantiate. Enn ti ganny tiket pati ganny tiket lot pa ti sozen sit swit ki si sa tou sa la?  Ki manyer I aplee tou sa la?  E pourtan zot pe sey anmenn tou sa bann largiman pourtan

MR SPEAKER

Onorab mon pe donn o ankor 2 minit.

 

 

ONORAB RAMKALAWAN

Pourtan parey nou pe dir tousala se zis bann largiman ki vid, me keksoz ki vre se ki Wi sa bann zafer moralite seselwa li ipa pou ganny dwa vote me etranze I avar desid son lavenir.  Seselwa li I avar trimouse I avar kontribye dan son pei parey Onorab Dyer indir me sa bann ki vin isi ki sis disan seselwa me apre sa zot laba dan zot pei zot pe konstri bannlanpir dan Lenn zot zot ganny tou keksoz selman laba zot pe konstri bann lanpir lo lasyer seselwa, sa bann nouvo envestiser ki pe vin isi ki zis konman zot vin envestir zot pran bann pli zoli bout later, zotpran nou bannpli zoli lans ensit swit zot vini zot ganny tou bann konsesyon and they suck everything that they can e letan zot fini manz bannan zot anvoy lapo avek seselwa e nou nou kontiyen viv lo lapo. Alor mon mon pou dir ki rezon ki SPPF pa pou vot lo sa mosyon se parski efektivman zot annan enlafreyer ki zot pou perdi en eleksyon e sa mon kapab konfirm avek zot ki I vre zot pou perdi efektivan si zot les tou seselwa vote e mon mon still ensiste ki mon kwar in ariv ler pou ki bann lalwa I ganny amande pou ki tou seselwa I ganny sa sns pou vote e pou partisip dan lavi politik parey dan lartik 24 I dir pou partisip dan gouvernman zot pei en sit swit.  Avek sa mon sorry ki SPPF I per me mmon a demann zot sey fer fason ganny en pe kouraz e mon mon pou dir ki tou sa bann deba lo moralite im sorry mon pa anval en bout.  Mersi bokou.

 

 

MR SPEAKER

Bon that the question may now put bann ki anfaver.  10 I anfaver.  Okenn ki kont?  Bon mosyon devan nou in ganny defet e nou pou adjourn ziska mardi prosen 9er bomaten.