::
Home » Questions » 2014 » Questions – Sitting of Tuesday 23rd September, 2014

Questions – Sitting of Tuesday 23rd September, 2014


 

Sitting of Tuesday 23rd September, 2014

Questions for Oral Answer


To the Minister for Social Affairs, Community Development and Sports, Mr. Vincent Meriton

Q122. Hon. Marc Volcere – Member for Grand Anse, Praslin

Avek bi pou asire ki nou ganny larzan ki ganny depanse lo bann proze dan distrik mon ti a kontan demann Minis responsab pour Devlopman Kominoter si son Minister i annan plan pou met en zofisye lo Praslin pou monitor bann proze ?

 

Q123. Hon. Derek Samson – Member for Anse Royale

Eski Minis responsab pour Departman Kominoter i kapab eksplik lepep Seselwa prosedir lenplimantasyon bann proze distrik ki tonm anba son Minister?

 

Q124. Hon. Bernard Arnephy – Member for Anse Boileau

Kestyon se pou demann Minis ki mezir serye ki ganny pran kont bann carer ki negliz zot kliyan e pa donn en swen alaoter?

 

Q125. Hon. Mirena Souris – Member for Beau Vallon

Eski Minis responsab pour Zafer Sosyal ek Developman Kominoter i kapab enform sa Lasanble si i annan plan pou revwar alokasyon spor o nivo distrik?

 

Q126. Hon. Derek Samson – Member for Anse Royale

Eski Minis responsab pour Zafer Sosyal i kapab donn nou en revi  lo travay renovasyon lo Lakour Vye Dimoun Anse Royale ?

 

Q127. Hon. Marc Volcere – Member for Grand Anse, Praslin

Mon ti a kontan demann Minis si son Minister i annan plan reviz oubyen revwar Polisi lo kalite lasistans pour bann fanmiy ki avek bonnfwa pe pran swen avek en zanfan ki pa pou zot ?

 

Q128. Hon. Emmanuel Fideria – Member for Les Mamelles

Eski Minis i kapab enform sa Lasanble si dan le fitir zot annan lentansyon atas en zofisye spor onivo rezyon pou ede dan devlopman sport e osi  organiz bann aktivite sportiv onivo distrik osi rezyonal parey dan bann lannen 1990 anmontan?

 

Q129. Hon. Derek Samson – Member for Anse Royale

Eski Minis responsab pour Spor i kapab donn nou en revi lo Progranm Anti-Dopaz ki tonm anba Departman Spor?

 

Q130. Hon. Meggy Marie – Member for Anse Aux Pins

An vi ki nou pe promot plis aktivite sportif dan distrik, eski Minis reponsab pour Devlopman Kominoter i kapab dir ek nou Lasanble ki pe arive avek reparasyon court Anse Aux Pins?

 

Q131. Hon. Bernard Arnephy – Member for Anse Boileau

Kestyon se pou demann Minis si Gouvernman i annan plan konstrir serten fasilite debaz tel ki en shelter, twalet e store pour konvenyans travayer Simityer Anse Boileau e lezot Simityer dan pei kot bann tel fasilite pa egziste ?

 

Q132. Hon. Bernard Arnephy – Member for Anse Boileau

Pou demann Minis pou donn detay nou Lasanble lo konbyen in koute pour Lekip Sesel partisip dan zwe Commonwealth 2014 e ki ti kontribisyon Sekter Prive anver sa depans?

 

Q133. Hon. Derek Samson – Member for Anse Royale

Eski Minis responsab pour Spor i kapab dir nou Lasanble ki plan son Minister i annan pou ankouraz e ogmant popilarite water sport dan bann distrik ki baliz avek bann lakot?