::
Home » Verbatim » Verbatim - Third Term 2007 » Tuesday 2nd October, 2007

Tuesday 2nd October, 2007

NATIONAL ASSEMBLY OF SEYCHELLES

Tuesday 2nd October,

2007

The Assembly met at 9am.

National Anthem

Mr Speaker in the Chair.

MR SPEAKER

Bonzour tou dimoun.  Nou ava komans nou travay pou ozordi e parey labitid nou pou komans avek Question time.  Kestyon 44. Onorab Michel Marie. Mon’n ganny en lendikasyon sorti kot Minis ki i pou pran 44 ek 45 ansanm e Onorab Nibourette in enform mwan ki i pa pou kapab attend Lasanble ozordi e ki dan son plas se Onorab Clifford Andre ki pou demann son kestyon.  So mon ava demann Onorab Marie pou demann son kestyon e apre swivi par Onorab Andre.  E Minis a pran larepons toulede kestyon ansanm.

 

HON MICHEL MARIE

Bonzour Mr Speaker, bonzour Minis, bonzour tou Manm Lasanble e bonzour tou zabitan Mont Buxton.  Mon ti a kontan demann Minis pou eksplik nou Lasanble lo provizyon son Minister lo konstriksyon en nouvo lekol primer ki pou servi bann zanfan distrik Mont Buxton.

 

HON CLIFFORD ANDRE

Bonzour tou Manm Onorab, bonzour Minis.  Kesyton 45 i lir koumsa, pou demann Minis pour Ledikasyon si i kapab enform sa Lasanble kan son Minister pou konstrir en nouvo lekol primer La Rosiere anvi leta sa enn ki nou annan ozordi.

 

MR SPEAKER

Minis ava pran le 2 kestyon.

 

MINISTER BERNARD SHAMLAYE

Bonzour Mr Speaker, bonzour tou Manm Onorab.  Mersi pou envit mwan pou reponn tou bann kestyon. konsernan sa 2 kestyon ki’n fek poze Mr Speaker.  Zanfan ki tonm dan distrik Mont Buxton, i al lekol La Rosiere.  I dan plan Minister pou fer renovasyon lo serten parti sa lekol e osi annan nouvo fasilite pou sa lekol.  Sa plan i en plan pli larz konsernan konstriksyon lekol primer dan rezyon Victoria, rezyon lavil.  Sa plan i enkli renovasyon e nouvo konstriksyon konsernan lekol Mont Fleuri ensi ki konstriksyon en nouvo lekol anvil menm, la Riviere Anglaise.  Sa nouvo lekol pou deservi zanfan ki tonm dan distrik La Riviere Anglaise, ensi ki serten zanfan Mont Buxton.  Nou pou komans konstriksyon sa lekol ki tonm La Riviere Anglaise avan pou li kapab pran zanfan ki pe lekol La Rosiere pou permet demolisyon senrten parti La Rosiere pou fer plas pou nouvo batiman.  Nou anvizaze komans konstriksyon La Rosiere lannen 2009.

 

MR SPEAKER

Siplemanter, Onorab Marie.

 

HON MICHEL MARIE

Mon ti a kontan demann Minis si i pe fer provizyon pou annan en lasal computer dan sa nouvo lekol La Rosiere.  E dezyenmman vi ki nou annan en problenm konzesyon trafik dan bomaten kot sa lekol, eski son Minister i annan lentansyon avek Minister Transpor vwar kimannyer nou kapab rezourd sa problenm trafik dan bomaten.

 

MINISTER BERNARD SHAMLAYE

Wi Mr Speaker, konsernan en lasal pou IT, information technology, en lasal computer, wi pou annan dan sa nouvo lekol La Rosiere e mon ti a kontan osi dir ki konmela menm avek serten pti renovasyon ki nou pe fer lo lekol La Rosiere, nou pe prevwar i annan, e nou pe aktyelman travay lo en lasal computer pou bann zanfan La Rosiere.

Sizesyon Onorab konsernan trafik La Rosiere, wi mon konnen sa i en konsern bann paran e staff lekol La Rosiere ki semen Lari Hangard i enpe etwat sirtou letan i annan trafik ki pe mont Mont Buxton, ki pe kontinnyen anler e nou pou diskite avek Land Transport pou vwar kimannyer nou kapab amelyor sa semen pour ki i ava annan plis sekirite pou bann zanfan.

 

HON CLIFFORD ANDRE

Vi ki Minis in mansyonn lekol Mont Fleuri mon ti a kontan demann li pou donn nou en pti pe detay lo partikilye lekol Mont Fleuri, kan i pou komanse osi e apre kimannyer bann zanfan pou ganny house letan bann konstriksyon pe ganny fer lo bann lekol.

 

MINISTER BERNARD SHAMLAYE

Mr Speaker, konsernan lekol Mont Fleuri, i ti lo plan Minister pou konstri li depi enpe letan.  Si mon rapel byen sete an Avril 2005 ki Cabinet of Ministers ti pran desizyon pou konstri nouvo lekol Mont Fleuri e tender ti ganny mete depi lannen pase, 2006 e bann  bids ti antre pou fer lekol Mont Fleuri.  Nou pa’n kapab fer li lannen 2007 me nou pou komans konstriksyon lekol Mont Fleuri lannen prosenn 2008.

Konsernan kimannyer marmay pou plase letan konstriksyon pe fer, nou’n travay lo plan ki pou permet lekol fer dan diferan faz, dan 3 gran faz kot premye faz nou pou fer konstriksyon lo en parti teren lekol Mont Fleuri ki kot napa batiman aktyelman, sa i ava premye faz.  Ler sa konstriksyon premye faz i treminen, serten zanfan i kapab bouz dan sa nouvo batiman e la nou ava bouz lo dezyenm faz pou konstri, demoli sa bann batiman kot marmay in sorti pou konstri la dezyenm faz.

Ler dezyenm faz i fini sa bann marmay ki ankor dan bann vye batiman ave bouz dan dezyenm faz pou ki nou kapab fer trwazyenm faz.

Nou bezwen fer li koumsa akoz i pa en teren vag, i bezwen annan bann batiman lo la ki nou bezwen demoli ouswa fer renovasyon e nou fer sir ki zanfan i an sekirite letan konstriksyon pe fer.  Sanmenm sa ki nou bezwen fer li par faz.

 

HON SANDY ARRISOL

Bonzour Minis.  Minis mon ti a kontan demann ou si sa renovasyon ki mon vwar pe fer lo lekol La Rosiere, si i pou osi aplik pou Lakres la Riviere Anglaise ki ganny adMinistre par lekol La Rosiere e osi lakres Belonie ki obor lekol segonder.

 

MINISTER BERNARD SHAMLAYE

Sa travay ki nou pe fer La Rosiere, sa proze La Rosiere i zis pou La Rosiere limenm. I en mezir ki nou pe pran pou amelyor kondisyon letan ki nou pe esper konstriksyon nouvo lekol La Rosiere limenm.  Nou kapab fer li la akoz i pa pou en gaspiyaz dan sans ki sa batiman kot nou pe fer renovasyon i en batiman ki pou reste li, nou pou renovate li e nou’n komans son renovasyon, si oule.  Konsernan lakres La Riviere Anglaise, i pa nou lentansyon, konmsi dan sa proze La Rosiere, i pa enkli lakres La Riviere Anglaise.  Me Lakres La Riviere Anglaise ki tonm anba lekol La Rosiere li i dan nou plan ler nou fer konstriksyon sa nouvo lekol la Riviere Anglaise.  E konsernan lakres ki deryer lekol Belonie non i pa dan sa proze aktyel.

 

HON VICKY THERESINE

Mr Speaker, mon kestyon pou Minis i baze lo sa nouvo lekol la Riviere Anglaise ki in mansyonnen pli boner ki sipoze ganny konstrir, eski Minis i kapab dir nou ki bann fasilite modern ki pou annan dan sa nouvo lekol e osi ki pou son kapasite anterm la kantite zanfan ki i pou kapab pran.

 

MINISTER BERNARD SHAMLAYE

Sa nouvo lekol ki nou pou fer La Riviere Anglaise nou pe anvizaze fer en lekol ki pou annan 4 streams parey nou dir.  4 streams sa vedir pou sak nivo, P1, P2, P3, sak nivo pou annan lekivalan 4 laklas, nou pe prevwar li koumsa.  Savedir i en lekol ki kapab pran an gro dan en 700 zanfan koumsa.  Bann fasilite ki pou annan i enpe parey tou bann fasilite ki nou fer dan bann lekol, ki nou pe fer konmela, savedir i enkli tou bann laklas, computer room, library, en health room parey nou dir, sick bay, staff room, lofis pou headteacher, showers pou zanfan, changing room, tou sa bann fasilite, resource centre.

 

HON DAVID PIERRE

Anvi ki Minis in mansyonn en lasal IT avek lekol La Rosiere, mon ti ava kontan si Minis i kapab dir nou ki plan son Minister an relasyon avek progranm IT dan bann lekol primer silvouple.

 

MR SPEAKER

I en kestyon ki ase substantial, I mean ou bezwen enpe resers lo la.  So mon pa pou permet sa kestyon, unless Minister brefman i oule dir en keksoz lo la.

 

MINISTER BERNARD SHAMLAYE

Brefman mon ava dir ki Minister i oule ki i annan en lasal computer dan sak lekol primer e nou preski pe ariv lo sa bi atraver computers ki nou’n gannyen avek Gouvernman e osi en proze ki nou annan avek en group Iceland. E nou annan en serten difikilte kot i annan serten lekol kot napa plas pou annan en computer room. Nou pe regarde Kimannyer nou kapab fer plas e kekfwa mon ava dir osi ki i annan, anka nou pa kapab ganny plas, pou sa nou pe regard osi posibilite kot i annan en serten fason kot ou annan sa ki ou apel en trolley, ki permet ou annan plizyer laptops lo la e ou kapab pous sa trolley dan en laklas ordiner e servi li pou computer room, apre anmenn li dan en lot laklas ensidswit.  Me nou pran tre seryezman posibilite annan IT education dan lekol primer.

 

HON MARIE-ANTOINETTE ROSE

Mon mazinen Minis in reponn en pti git sa kestyon me i pa’n enkli lekol La Riviere Anglaise ek Mont Fleuri ler Onorab Marie in demann li konsernan sirkilasyon trafik.  Mon realize ki avek irbanizasyon sa bann distrik, eski Minis i annan en plan spesyal pou sa 3 lekol dan Victoria etan ki i annan  en kantite flow of traffic.

 

MINISTER BERNARD SHAMLAYE

Wi, nou pe regard, parey zot konnen Land Transport limenm li i annan en letid ki in fer, ki Land Transport in fer konsernan trafik dan rezyon lavil a’n antye.  E parey mon’n dir nou pe regard pou lekol La Rosiere avek Land Transport, kimannyer nou kapab amelyor sekirite pyeton pou zanfan sirtou dan sa rezyon La Rosiere e osi kot lekol La Rivier Anglaise.  Nou pe mazin enn bann, mon a dir en lide,enn bann lide ki’n monte se ki ler nou annan sa nouvo lekol primer kot La Riviere Anglaise, i ava annan osi lekol segonder ki deza la, pou annan plis zanfan dan sa rezyon, i en lide, sa i en lide ki’n monte, se ki petet nou devret kapab fer en overhead pass pou pyeton par lao semen La Riviere Anglaise.

 

HON JEAN FRANCOIS FERRARI

Mr Speaker, mon ti a kontan demann Minis vi ki lekol La Rosiere i dan en leta degradasyon ase avanse, ensi ki lekol Mont Fleuri, si pou lekol La Rosiere Minis in pran an konsiderasyon tou bann propozisyon ki ansyen Onorab Gerald Julie, Mont Buxton in fer pandan bokou lannen pou ki an atandan nouvo lekol, serten pti amelyorasyon i ganny fer pou ki kondisyon travay bann ansenyan i enpe pli agreab e kondisyon laprantisaz bann zanfan i en pti pe pli fasil.

 

MINISTER BERNARD SHAMLAYE

Mr Speaker, Minister i ti konnen leta lekol La Rosiere, i en kestyon ki mon konpran ki mon predeseser koman Minis Ledikasyon, Minis Faure in deza annan kontak, in deza annan renyon avek teachers, avek paran, PTA La Rosiere kot bann chairmen PTA, ki Minis Faure in deza koz ek son bann dimoun lo kestyon lekol La Rosiere avan e ler mwan mon’n vin Minis mon’n osi regard.  Mon vizit lekol La Rosiere, mon’n regard leta lekol la Rosiere, mon’n koz avek teachers ek head teacher, serten paran in koz avek mwan, serten dimoun dan kominote in koz avek mwan e nou’n deside wi, nou bezwen fer serten keksoz an antandan ki nou aranz lekol dan en gro fason ki nou kapab omwen komans avek sa stone building parey nou apel li.  Sa zoli vye batiman ki nou kapab fer li, ki nou’n rod fon pou fer li sa lannen.

 

MR SPEAKER

Dernyen Onorab De Commarmond.

 

HON CHARLES DE COMMARMOND

Mr Speaker, eski Minis i kapab eksplik nou Lasanble, sa 2 proze pou sa 2 lekol la konbyen i kapab arive anterm Roupi e ki son konponans foreign exchange.

 

MINISTER BERNARD SHAMLAYE

Mr Speaker, mon pa oule fer fot me zis mon dir an gro, ou pe dir mwan lekol La Rosiere ek lekol La Riviere Anglaise.  Lekol La Riviere Anglaise dizon angro, i kapab kout nou anviron R20 milyon.  E lekol La Rosiere i kapab kout nou anviron an gro R10 milyon.  Mon pa konn son konponan forex an detay.

Mr Speaker, me selman nou kapab mazinen ki pou nenport ki konstriksyon ki nou fer dan nou pei akoz nou bezwen enport en kantite materyo, en kantite lekipman.  Son konponan forex i pou tre o.

 

MR SPEAKER

Kestyon 46 Onorab Alcindor.

 

HON REGINA ALCINDOR

Eski Minis i kapab dir nou kan ki bann zanfan lekol Glacis i ekspekte ganny en nouvo lekol e ki plan son Minister lo en day care centre.

 

MINISTER BERNARD SHAMLAYE

Mr Speaker, mon ti a kontan dir ki dan sa dernyen 5 an, nou pei in konplet konstriksyon 5 lekol ansanm avek zot lakres.  Lekol Port Glaud, Anse Aux Pins, Bel Ombre, Silhouette, Baie Ste Anne.  Aktyelman nou pe konstrir lekol Baie Lazare.  Mon’n fek koz lo lekol Mont Fleuri, sa nouvo lekol ki pou fer La Riviere Anglaise, ek lekol La Rosiere.  Konsernan lekol Glacis, sa ki mon oule dir se ki nou pou konstrir en nouvo lekol pou ranplas sa enn ki la.  Mon konnen ki sa i en size ki enteres bokou bann paran Glacis ensi ki staff lekol.  E Manm elekte pou Glacis Dr Payet in osi lev sa size avek Gouvernman.  Ozordi mon prefere pa donn en dat egzak kan lekol pou fer.  Me wi nou pou konstrir en nouvo lekol pou zanfan Glacis.

Konsernan day care centre, konstriksyon, day care centre i tonm anba responsabilite Minister Devlopman Kominoter.  Me mon konnen ki in deza annan en Mosyon ki Lasanble in pase lo sa size e mon konnen ki i annan plan pou Gouvernman konstrir en day care centre Glacis. Kot Minister Ledikasyon limenm i konsernen, nou Minister i annan responsabilite pou donn permisyon pour operate en day care centre, dapre standar ki’n etablir e Minister i pare pou donn gidans dimoun ki enterese ouver day care centre dan okenn distrik.

 

HON REGINA ALCINDOR

Mr Speaker eski Minis i kapab dir nou si dan zot plan zot pe konsider sanz larsitektir sa batiman, anvi ki i en vye batiman e anvi kimannyer teren i ete aktyelman kot sa lekol i ete e si dan zot plan ankor zot pe mazin met en playing field pou zanfan tou.

 

MINISTER BERNARD SHAMLAYE

Mr Speaker, mon ava koz sou kosyon ki sa ki mon dir i zis bann lide, i pa bann plan determinen.  Si nou fer sa nouvo lekol Glacis, ler nou fer li lo landrwa kot i ete menm ki mon konpran i swe staff lekol, i swe paran, nou pou bezwen fer larsitektir ki ale avek sa teren parey Onorab i dir, akoz i en teren ki monte desann.  Mon panse nou pou gard en blok ki deza la ki ase solid me son larsitektir wi, i bezwen pran kont son teren.  Konsernan playing field, i en size ki difisil akoz parey Onorab i konnen sa teren i ase ti pti.  Nou pou fer nou mye pou kapab annan fasilite landrwa kot zanfan i kapab fer rekreasyon.  Mersi Mr Speaker.

 

MR SPEAKER

Mon a zis donn enpe gidans ki si napa en plan, nou dir napa me nou pa…… annou esey rod lopinyon ou petet menm pou nou koz lo kimannyer nou krwar i pou ete.  Lobzektif kestyon se pou ganny bann fe, en lenformasyon ki deza la dan Minister.  Onorab Payet.

 

HON DAVID PAYET

Bonzour Minis, bonzour tou Manm Onorab.  Mon ti a profit sa lokazyon pou swet bann teachers lekol Glacis happy teachers’ day ki ti ganny fer le 4 Oktob.

 

MR SPEAKER

Kestyon Onorab, kestyon.

 

HON DAVID PAYET

Mon kestyon pe vini Mr Speakr.  Antretan vi ki lekol Glacis i en tel pozisyon mon ti a demann Minis ki mezir son Minister i pran, ki kondisyon i ase konvenab pou bann zanfan kapab etidye.

 

MINISTER BERNARD SHAMLAYE

Mr Speaker, bann mezir ki Minister i pran mon a kapab kekfwa site ki dan bann dernyen lannen akoz kondisyon lekol Glacis e pou nou kapab donn bann zanfan avek staff en ase bon lanvironnman pou zot travay ladan.  Dan sa bann dernyen lannen Minister in fer serten travay pou aranz bann batiman egzistan.  Si mon a donn legzanp, nou’n remet twatir lo serten laklas, nou’n fer serten reparasyon pou ki landrwa i ase konvenab, nou’n penn enpe, nou’n ranplas plafon.  I bann travay koumsa ki nou fer pou fer sir ki zanfan avek staff i annan en landrwa dizon ase konvenab.

 

HON CHARLES DE COMMARMOND

Eski Minis i kapab osi dir nou anviron konbyen sa proze lekol Glacis ek son day care centre ek son playing field i kapab kout Gouvernman.

 

MINISTER BERNARD SHAMLAYE

Anviron Mr Speaker, si mon met en sif angro dizon anviron dan en R15 milyon koumsa.

 

MON WAVEL RAMKALAWAN

Bonzour Mr Speaker, bonzour tou dimoun.  Mr Speaker zisteman mon kestyon ti an relasyon avek sa plan.  Konmsi mon ti kontan si Minis i dir avek nou si dan son long term planning i pe anvizaze ki pandan sa prosen 5 an zot pou anbark lo sa proze oubyen si i dan sa prosen 10 an.  Konmsi dan son plan limenm li, son master plan Minister Ledikasyon kote eski lekol Glacis i feature oubyen eski i pa feature ditou.

 

MINISTER BERNARD SHAMLAYE

Parey mon’n dir Mr Speaker, lekol Glacis i feature lo nou plan rekonstriksyon lekol.  Personnelman mon ti a kontan ki i plito dan 5an ki dan 10an ouswa 15an.

 

HON WAVEL RAMKALAWAN

I pa dan son plan la, i napa en plan la.

 

MR SPEAKER

Non i dir i feature dan plan, i ti a voudre within the next 5 years. Kestyon 47 Onorab Naiken.

 

HON MARC NAIKEN

Mon a dir bonzour tou Manm Onorab.  Mr Speaker, eski Minis pou Ledikasyon i kapab donn detay swivan lo nouvo lekol Au Cap ki pou ganny konstrir, anviron kan eski konstriksyon i sipoze komanse, e kan i ekspekte terminen, ki bann fasilite sa lekol, si ou annan.

 

MINISTER BERNARD SHAMLAYE

Mr Speaker, konstriksyon lekol Au Cap i sipoze komanse ver lafen sa lannen.  Son peryod konstriksyon pou anviron 12 mwan.  Konsernan bann fasilite, sa lekol pou annan son lekol primer ek son lakres.  Lakres pou annan bann laklas, staff room, lofis responsab, savedir teacher in charge, store, health room, toilet, pantry, lasal a manze.  Lekol primer pou annan bann laklaz ankor, en hall en resource room, en lasal pou zanfan fer bann keksoz craft, wood work, music room, en library, computer room, staff room, lofis Direkter Lekol.  Lofis LadMinistrasyon, store, sick bay ouswa health room, lasal a manze, twalet e en lasal kot dantis i kapab regard zanfan konsernan zot ledan.

 

HON MARC NAIKEN

Mr Spaeker, anvi ki sa lekol pou ganny konstri dan en kwaze semen, kot i borde avek 2 semen, ki bann mezir sekirite ekstra ki sa lenstitisyon pou pran.

 

MINISTER BERNARD SHAMLAYE

Mr Speaker, parey mon ti dir dan ka La Rosiere, i bann keksoz ki nou diskite ansanm avek Land Transport e nou fer sir ki i annan sekirite pou zanfan e nou osi demann bann lezot dimoun ki servi transport pou fer atansyon letan ki zot pe antre dan en rezyon lekol.

 

HON JEAN FRANCOIS FERRARI

Mr Speaker, mon ti a kontan demann Minis pou eksplik Lasanble, ki lozik ki i annan dan lefet ki nou pou tir bann planter lo en bout later pou nou fer en laplenn.  Me selman nou pou fer lekol lo laplenn ki egziste.  Savedir nou pou kas en laplenn, nou pou detri en laplenn ki egziste pou nou rekonstrir en lot.  Konmsi eski Minis i kapab eksplik nou ki bann lozik konmsi ki annan deryer e si sa pa pou kout nou bokou plis larzan, menm si i larzan ki nou gannyen avek Lasin.

 

MINISTER BERNARD SHAMLAYE

Mr Speaker, letan nou regard kote pou konstrir lekol Au Cap, lenformasyon ki nou gannyen e swe dimoun se pou amelyor sa landrwa en pti pe dan son lansanm.  I pa’n konseyab pou met lekol deryer kot nou pe fer nouvo laplenn akoz menm si i annan serten fermye ki’n sorti, ki pe sorti, i annan akote lezot fermye ki reste.  Lekol nou pe met li lo laplenn egzistan e i en lokazyon osi pou amelyor sa laplenn ki la konmela akoz si mon konpran byen, sa laplenn ki la konmela, si oule mannyer i plase i plas east west. Ki fer ki dapre mon konpran senrten problenm soley mannyer i ete, me bann dimoun ki responsab sport pe pran lokazyon pou realinny sa laplenn pou li vin nor-sid e deryer lekol ki pli obor grannrout.

 

HON TERENCE FRANCOISE

Mr Speaker, mon ti a kontan demann Minis, avek sa proze pimer Au Cap ki’n vin apre plan pou relocate e agrandi lekol primer Anse Royale, eski son Minister pe mentenir son plan pou lekol primer Anse Royale vi ki avek catchment area poulemoman, serten zanfan lekol primer ki reste Au Cap i al lekol Anse Royale.

 

MINISTER BERNARD SHAMLAYE

Mr Speaker, bann lekol parey nou konnen en lekol ki sitiye en serten landrwa i pran zanfan dan en serten catchment area ki tonm dan sa ki nou apel education zone. E mon krwar i kler pou dimoun ki education zone i pa ekzakteman parey avek electoral constitutency ouswa distrik.  E wi nou pe fer letid aktyelman pou regarde kote balizaz si oule, kote boundary educational zone pou Au Cap primer pou tonbe.  E i for probab ki lekol Au Cap i a kapab pran serten manrmay ki kekfwa konmela i tonm dan lekol Anse Royale ki pou fer ki ava ed lekol Anse Royale pou perdi serten zanfan si oule.  I ti ava fer plis plas pou par egzanp computer room, e bann lasal koumsa.

 

HON TERENCE MONDON

Vi ki Minis in koz lo 4 nouvo lekol ki pe al ganny konstrir, enkli Au Cap, si i kapab dir nou konbyen lekol ankor ki dan zot plan pou ganny konstrir dan sa bann lannen ki pe vini.  Ki annan sa nesesite pou ganny rekonstrir.

 

MINISTER BERNARD SHAMLAYE

Mr Speaker, nou bezwen mazin lekol Glacis, nou bezwen mazin Perseverance kot pou annan popilasyon ki pe al laba e bezwen pou zanfan lekol e nou bezwen mazin osi lekol Cascade e o fir e anmezir ki bann lannen i pase, nou bezwen regard tou bann lekol ki bezwen renovasyon, ki bezwen amelyorasyon.

 

HON WAVEL RAMKALAWAN

Vi ki laplenn pou ganny fer lo later lagrikiltir, mon ti a kontan demann Minis ki kalite negosiasyon ki’n annan avek bann fermye aktyel e si li personnelman e son Minister i satisfe avek relokasyon bann fermye ek bann konpansasyon ensidswit ki……

 

MR SPEAKER

The supplementary is outside the scope of the original question.  I will disallow that. Onorab Pool.

 

HON ANDRE POOL

Mr Speaker, etan donnen ki sa lekol la Au Cap i pou nouvo lekol la aparti 2008, mon ti a kontan ki Minis i eksplik nou Lasanble ki provizyon son Minister in fer pou fer sir ki i annan dekwa teachers e lezot staff pou kapab fer sa lekol marse.

 

MINISTER BERNARD SHAMLAYE

Mr Speaker, nou bezwen planifye staffing pou tou bann lekol ki nou annan.  Minister i toultan ……

 

(Technical problem)

 

…….me pou lekol primer Au Cap ler i ouver nou ava fer le neseser pou li annan son staffing.

 

HON FRANK ELIZABETH

Eski Minis i kapab dir ek Lasanble konbyen zanfan i anvizaze pou al lekol primer Au Cap e konbyen teachers ki pou al teach dan sa lekol.

 

MINISTER BERNARD SHAMLAYE

Mr Speaker mon a regarde si dan mon notes …… lekol Au Cap i pour en two streams school. Mon panse Onorab i pli bon lo kalkil ki mwan.  Two streams sa vedir i ava annan 12 laklas, so miltipliy par 30 i ava anann anviron 300, 350, 360 zanfan. E staff mon pa oule dir ou, akoz mon pou bezwen fer en kalkil me i pou annan son bann teachers ki i bezwen dapre son lower primary, son primer pli o e bann i teachers dizon enpe spesyalize ki fer bann keksoz parey technology and enterprise, lanmizik, PE ensidswit.

 

MR SPEAKER

Minis ti kapab take note of sa supplementary question an anvoy en written answer avek Onorab.  Kestyon 48. Onorab Prea

 

HON NICHOLAS PREA

Mr Speaker mon ti a kontan demann Minis ki kalite lasistans ki son Minister i fer provizyon bann lekol pou lafet zanfan le 1 Zen e osi zour sanpyona atletik le 29 Zen.

 

MINISTER BERNARD SHAMLAYE

Minister Mr Speaker, i donn lekol en lasistans zeneral konsernan lazournen zanfan le 1 Zen.  Par egzanp Minister i regard progranm bann lekol pou sa lokazyon e kot i annan bezwen i kapab konsey lekol lo tel ou tel laspe progranm.  Si nou pe koz lo lasistans finansyel, Minister pa donn lasistans finansyel lekol pou lazournen zanfan.

Pou le 29 Zen, Minister i annan en Bidze pou Lorganizasyon Sanpyona Atletik pou lekol, ladan i annan provizyon pou bann diferan eleman lorganizasyon parey pou fer bann hits avan le 29 Zen, pou transpor, kou meday e osi rafresisman pou atlet ek bann staff ki pe okip zot pou sa sanpyona.

 

HON NICHOLAS PREA

Mr Speaker, mon ti a kontan demann Minis vi ki i annan en fon ki deza sipoze pou ed zanfan, ki kapab donn zanfan enn ti pe plis petet sa bann refreshments enn ti pe divertisman osi zour zot lafet, mersi.

 

MINISTER BERNARD SHAMLAYE

Mr Speaker, larepons se ki non Minister pa demann children’s fund fon pou lazournen zanfan le 1 Zen.  Lazournen zanfan i organize par lekol avek son P.T.A. committee.

 

HON JEOVANA CHARLES

Mr Speaker, eski Minis i kapab dir si Minister i annan okenn kontrol lo progranm oubyen aktivite pou lafet zafan le 1 Zen?

 

MINISTER BERNARD SHAMLAYE

Mr  Speaker, parey mon’n dir bann lekol i soumet zot progranm aktivite pou lazournen zanfan avek Minister e Minister i regard sa progranm.  I kapab diskit sa progranm avek lekol.  Si Minister i annan kontrol akoz Minister i annan son staff ki ansarz lekol parey headteachers ki pe lekol pou fer sir ki keksoz i pas byen pou lazournen zanfan

HON MARIE-ANTOINETTE ROSE

Mersi Mr Speaker.  Mon ti a kontan demann Minis si son bann lekol i annan en progranm pou lev fon pou fer dimoun en pti pe pli endepandan olye depandan lo sa larzan ki Minister i donn lekol.  Si zot annan en progranm atraver P.T.A. pou ki bann lekol i vin en pti pe pli endepandan e engage en pti gin lakominote, sekter biznes e osi bann paran ki kontribye dan bann aktivite parey.

 

MINISTER BERNARD SHAMLAYE

Mr Speaker, wi dan sans ki lekol, sak lekol i annan son school fund, e lekol i travay ansanm ek son P.T.A. committee ek son bann paran e zot kapab fer bann aktivite ki kot dimoun lakominote i kapab kontribye, bann biznes kekfwa dan sa rezyon kot lekol i sitiye i kapab kontribye dan school fund.

 

HON VICKY THERESINE

Anvi ki nou pe koz an term lasistans, lasistans i kapab vin diferan fason.  Eski Minis i kapab enform piblik ki pe swiv Lasanble la aktyelman si rapel ki dernyen sanpyona atletik ki Onorab Prea in vin asiste pou montre son sipor.

 

MR SPEAKER

Out of order.  Question is out of order.

 

HON COLIN DYER

Mr Speaker, mon ti a kontan…..

 

(Interruption)

 

 

MR SPEAKER

Onorab Ferrari desizyon en ruling in ganny pran on the question, so I’m also calling to order akoz sa bann kalite remark.  Onorab Dyer demann ou kestyon.

 

HON COLIN DYER

Mon ti a kontan demann Minis si son Minister li menm i annan lentansyon pou sanpyona atletik pou fer demann vizavi children’s fund pou finans zot pou ed zot finans sa levennman.

 

MINISTER BERNARD SHAMLAYE

Non Mr Speaker, larepons se non.  Minister Ledikasyon dan son Bidze i annan en aloksyon pou sanpyona atletik le 29 zen.

 

HON CLIFFORD ANDRE

Mr Speaker, mon ti a kontan demann Minis si son Minister oubyen son bann lekol i aksepte okenn donasyon oubyen kontribisyon sorti kot paran ki kapab pou lafet zanfan, pou fer li en pti pe pli meyer parey loter kestyon in ganny poze e dan sa konteks osi si bann paran i anvi kontribye zot kapab osi kontribye pou sanpyona atletik.

 

MINISTER BERNARD SHAMLAYE

Mr Speaker, wi ki paran i asiste lekol, i annan paran ki fer kontribisyon manze, i annan paran ki fer kontribisyon larzan pou ki zanfan i annan enn pti lafet sa zour.  Mr Speaker, selman si ou permet mwan mon ti ava sezi lokazyon pou dir ki lazournen zanfan i pa zis en lazournen lafet an term fer lafet bwar, manze, danse.  I kapab annan sa laspe dan en fason tre responsab, tre annord, me lazournen zanfan son sinifikasyon osi se en lazournen kot lekol, dan Minister, paran, lakominote, pei i met lanfaz lo lenportans nou tou.  Donn latansyon zanfan e met lanfaz osi lo zanfan an term zot responsabilite konman zanfan, konman zenn dimoun ki pe grandi.  E se sa vre le sans, vre meaning akoz i annan lazournen zanfan, pou en refleksyon, pou en mobilizasyon an faver lentere zanfan ki enkli zanfan vin dimoun responsab.  Kot i konsern sanpyona atletik le 29 Zen si i annan paran ki annan mwayen pou kapab kontribye pou Minister, Minister ti ava apresye.  Mersi.

 

HON FRANK ELIZABETH

Eski Minis i kapab konfirm ek sa Lasanble si son Minister in deza ganny ede avek larzan ki dan children’s fund e si wi dan ki sirkonstans?

 

MINISTER BERNARD SHAMLAYE

Wi Mr Speaker, Minister Ledikasyon i resevwar lasistans atraver children’s fund si mon kapab sit serten legzanp.  Mon krwar resaman children’s fund in donn en serten sonm larzan lasistans finansyel lekol Beau Vallon pou ki bann staff, paran, zanfan i kapab amelyor anbelir zot grounds, zot sitting area.  Minister osi i resevwar lasistans children’s fund par egzanp pou bann laklas homework apre ler lekol kot teachers i kapab ed zanfan ek zot homework, e osi kot pou child minding pou gard bann zanfan ki zot paran pa kapab pran zot 2.30 ler lekol large.  Zot kapab reste e i annan teachers ki vey zot e sa bann teachers i ganny en serten allowance e sa i sorti dan children’s fund.

 

HON JEAN-FRANCOIS FERRARI

Mr Speaker, mon ti a kontan demann Minis ki vi ki lazournen zanfan, lafet zanfan se an realite laniverser, i parey en laniverser pou bann zanfan, si Minis pa krwar ki dan sa fon ki ganny anmase lo non zanfan ki apel children’s fund si i pa toutafe zis ki Gouvernman i pran en pti morso dan sa fon sa ta Roupi ki zot in ranmase lo sak labyer pou donn sa bann manrmay en pti keksoz sak lannen pou lafet zanfan.  Plito ki zot bezwen al kas pers zot paran pour zot pran en R5 oubyen en R10.  Konmsi eski Minis pa krwar ti ava pli apropriye dan sa zour la ki pli enportan?

 

MR SPEAKER

Kestyon in ganny demande, Minister reponn.

 

MINISTER BERNARD SHAMLAYE

Mr Speaker, mon konpran ki children’s fund i en fon ki servi pou benefis zanfan dan plizyer domenn pa zis dan Minister Ledikasyon me lezot lasosiasyon e mon  krwar menm serten NGO’s osi i ganny lasistans anba children’s fund.  Si Onorab pe demann mwan si mwan mon krwar si children’s fund ti devret donn larzan pou lafet zanfa?  Mon pe dir ki si i posib pou lekol avek son P.T.A, avek son mwayen ki i annan dan son school fund pou organiz lafet zanfan san ki ou bezwen al rod larzan ayer, mon krwar i en fason pou responsabiliz zanfan, pou responsabiliz lekol, pou responsabiliz paran.  E mon ti ava kekfwa ankor dir en pti kou Mr Speaker, ki lafet i zis en parti, e sa lazournen mwan mon prefer apel li lazournen zanfan.  Mersi.

 

MR SPEAKER

Dernyen Onorab Larue.

 

HON MITCY LARUE

Mersi Speaker, mon ti a kontan dir Minis si i okouran la fason ki Minister i organiz transportasyon bann atlet Praslin, La Digue le 29 Zen ki i pa touzour a lavantaz bann atlet, e si son Minister i kapab dan le fitir amelyor la fason ki sa i ganny fer a lavantaz nou bann atlet ek ansenyan.

 

MINISTER BERNARD SHAMLAYE

Mr Speaker, mon realize ki zanfan la Digue, bann atlet la Digue avek Praslin zot bezwen travers lanmer pou zot ariv Mahe pou sanpyona atletik le 29 Zen.  Minister i fer provizyon pou zot vin par bato.  Si zot ti pou vin par avyon ti pou kout Minister bokou, bokou plis.  Ti annan en Onorab taler ki’n demande si paran i kapab kontribye pou sanpyona atletik?  Mon panse ki si lakominote Praslin, la Digue ouswa lezot dimoun enterese ki oule kontribye pou transportasyon zanfan Praslin, la Digue i en keksoz ki zot kapab diskit avek nou e nou ava konsidere.  Selman permet mwan fer en pti konmanter Mr Speaker e mon felisit zot pou sa ki dapre ki mon vwar se ki atlet la Digue ek Praslin i fer tre byen pou sanpyona atletik pour le 29 Zen.

 

MR SPEAKER

Kestyon 49.

 

HON DAVID PIERRE

Mr Speaker, eski Minis i kapab enform sa Lasanble lo akoz ki bann ansenyan primer ki’n konplet zot letid kot N.I.E. e ki’n kalifye avek en diploma part 2 pa ganny sa sans pou al fer letid avanse tel ki en degre en B.ED aletranze zis parey bann ki’n fer letid onivo segonder i ganyen.

 

MINISTER BERNARD SHAMLAYE

Wi, Mr Speaker.  Mr Speaker i le ka aktyelman ki plis ansenyan segonder avek diploma 2 i annan loportinite fer letid pli avanse e ganny en degre liniversite ki ansenyan primer avek diploma 2.  Rezon prensipal pou sa se ki Minister in met lanfaz lo form otan ansenyan Seselwa posib pou redwir la kantite ansenyan etranze ki depi en trantenn lannen nou bezwen pou nou bann lekol.  E parey nou konnen nou bezwen ansenyan etranze o nivo lekol segonder kot i annan plis spesyalizasyon size ki demann pli o nivo letid.  Mersi Mr Speaker.

 

HON DAVID PIERRE

Mersi Mr Speaker, mon ti a kontan si Minis i enform sa Lasanble lo konbyen letan i annan, depi ki sa progranm D2 pe ganny ofer a bann ansenyan primer, e si Minister ti pou donn sa bann ansenyan ki’n deza kalifye avek en D2 dan primer sa posibilite al liniversite, konbyen bann tel ansenyan sa progranm ti pou kouver?  E si Minis i kapab osi enform sa Lasanble lo si i annan bann asenyan ki fer letid lo nivo primer me ki finalman atraver leksperyans in al end up dan lekol segonder.

 

MINISTER BERNARD SHAMLAYE

Mr Speaker si mon konpran byen i annan 2 eleman dan sa kestyon.  Mon a reponn dezyenm avan.  I annan ansenyan ki’n fer formasyon pou li vin en ansenyan primer pou komanse, e apre atraver leksperyans parey Onorab in dir e osi atraver lezot formasyon in vin en ansenyan segonder, wi i annan sa bann asenyan koumsa.  Anterm ansenyan ki kan diploma 2 in posib pour ansenyan primer ganny diploma 2 kantmenm.  Mr Speaker permet mwan dir, mon panse dan bann lannen ki’n pase toultan Minister Ledikasyon i rod fason pou kapab donn otan formasyon neseser posib pou son bann staff, e wi ziska ler nou’n ariv en sitiasyon kot diploma 2 in posib pou ansenyan primer osi, e si mon pa tronpe se depi lannen 2002 ki ansenyan primer i kapab fer diploma 2.

 

HON DAVID PIERRE

Konbyen ansenyan ki’n deza kalifye avek en D2 dan primer?  E therefore si sa progranm ti pou lanse today konbyen sa bann ansenyan ti pou ganny sans pou al fer sa letid aletranze, konbyen sa progranm ti pou kouver?

 

MINISTER BERNARD SHAMLAYE

Mr Speaker, dapre statistik ki mon annan depi 2002 ziska 2006 i annan anviron en 120 ansenyan primer ki’n fer diploma 2, e si tou le 120 ti fer kors degre, 120 ti ava annan degre.

 

HON JENNIFER VEL

Mr Speaker, la ki ozordi nou pe koz lo letid avanse e Liniversite Sesel, eski Minis i kapab elabor enpe lo rol ki bann teachers lekol primer in ranpli ziska prezan pou asire ki nou mentenir en nivo ledikasyon konvenab dan sa pei.

 

MR SPEAKER

Minis vreman brefman akoz sa i en kestyon ase sibstansyel.

 

MINISTER BERNARD SHAMLAYE

Rol ansenyan primer i, mon ti ava dir i primordiya, primary means first, e primary savedir labaz, sa vedir fondasyon.  Se sanmenm ki Minister pe met lanfaz lo early childhood education, e mon felisit bann asenyan lekol primer pou sa travay ki zot fer, sa fondasyon ki zot mete pou ki i annan lekol segonder, i annan lekol pos segonder, e i annan letid liniversite osi.

 

HON JINETTE GAMATIS

Mr Speaker, mon ti a kontan demann Minis si ler li i ti kolez avan 77 ti annan bann ansenyan lekol primer avek kalifikasyon liniversite?

 

 

MR SPEAKER

Out of order.

[Interruption]

 

HON MARIE LOUISE POTTER

Mr Speaker, mon ti a kontan demann Minis si Minister i santi ki i en requirement pou bann teachers lekol primer pou annan en degre liniversiter, oubyen si resours ek priyorite pe ganny donnen pou donn en baz liniversiter a nou bann etidyan segonder e pos segonder.

 

MINISTER BERNARD SHAMLAYE

Mr Speaker, konman Minis Ledikasyon, kot nou annan posibilite pou bann asenyan ki kapab e ki annan sa bon motivasyon, sa bon performans, pou mwan i pa devret en keksoz ki nou pa konsidere pou bann ansenyan lekol primer kapab ganny en university degree. Me dayer nou annan ansenyan lekol primer ki annan university degree, nou annan enpe.  Selman si ou demann mwan si i en requirement pou mwan annan en degre liniversite pou ou ansenny lekol primer mon ava dir ou non.  E mon krwar laprev i la, nou tou nou’n pas dan lekol primer kot bann ansenyan pa ti annan degre liniversiter, enkli mwan menm.  Bokou nou nou’n kapab travay byen dan lekol primer avek lasistans sa bann bon teachers pou nou fer lekol segonder, pou nou al liniversite apre.

E wi nou bezwen met lanfaz lo nou bann ansenyan segonder ganny degre akoz parey mon’n eksplike taler, i nivo lekol spesyalizasyon lo nivo segonder.

 

MR SPEAKER

Kestyon 50.  Onorab Payet.

 

HON DAVID PAYET

Eski Minis i kapab enform sa Lasanble si son Minister i annan lentansyon ogmant plas dan lekol pos segonder pou bann mature students. E si i annan lentansyon par konbyen plas.

 

MR SPEAKER

Onorab sa ou kapab demann koman siplemanter si i neseser.  Minis i ava reponn kestyon parey in ganny ekrir, kestyon 50.

 

MINISTER BERNARD SHAMLAYE

Mr Speaker dan ka sa kestyon mon pe enterpret sa term mature student, pou vedir en dimoun ki pa sorti direkteman dan lekol segonder sa vedir S5, e ki oule fer en course post segonder.

 

(Interruption)

 

MR SPEAKER

Kestyon i kler, ogmant plas dan lekol segonder pou bann mature students. Onorab.

 

HON DAVID PAYET

En fot sa, pos segonder.

 

MR SPEAKER

Onorab refraz ou kestyon avek pos segonder.

 

HON DAVID PAYET

Eski Minis i kapab enform sa Lasanble, si son Minister i annan lentansyon ogmant plas dan lekol pos segonder pou bann mature students.

 

MINISTER BERNARD SHAMLAYE

Wi Mr Speaker, mon’n lir li koumsa.  Dan ka sa kestyon parey mon’n dir mon pe enterpret sa term mature students oule dir en dimoun ki pa sorti direkteman dan lekol segonder S5 me ki oule fer en kors pos segonder.  Mr Speaker i posib, pour en etidyan ki pa’n ganny aksepte pou en kors pos segonder ler in fek fini S5 pou li fer en laplikasyon son lannen apre.  En tel etidyan i ganny konsidere parey en etidyan ki’n fek fini lekol segonder.  i osi leka Mr Speaker ki i annan plizyer kors pos segonder ki fer provizyon pou dimoun ki’n fini lekol enpe letan pase e ki pe travay ouswa ki pa dan lanplwa e ki akseptab dapre kriter pou bann kors, ki lekol pos segonder i fer provizyon.  Poulemoman bann plas ki egziste dan bann kors pos segonder i anviron dizon 10 poursan sa bann kors ki pe ofer plas pou bann mature students.

HON JOSEPH FRANCOIS

Eski Minis i kapab eksplik nou brefman bann kriter ki egziste pou mature students antre dan lekol pos segonder.

 

MINISTER BERNARD SHAMLAYE

Mr Speaker mature students son term parey dan Minister Ledikasyon nou pe enterpret li i sa dezyenm ka ki mon’n eksplike kot provizyon pou mature students. I bann dimoun ki, i kapab bann dimoun ki’n fini zot lekol segonder serten lannen pase e ki pe travay e dan son landrwa travay i realize pou dir i bezwen en nivo pli o pou li kapab avanse dan son travay e sa i en mature students. En mature students i kapab en dimoun dan lasosyete ki ler NIE i fer lapel pou nou ganny plis ansenyan pou dimoun pou vin join lansenyman, i fer lapel e sa bann dimoun i sorti dizon dan social work ouswa i sorti dan lakonpannyen prive ki pe travay me i apply pou li join NIE e i ganny aksepte NIE e nou apel li en mature student.

 

HON CHARLES DE COMMARMOND

Mr Speaker, eski Minis i kapab eksplik nou Lasanble ki relasyon i annan ant logmantasyon plas dan bann lekol pos segonder pou bann mature students avek bezwen mendev pei.

 

MINISTER BERNARD SHAMLAYE

Bann nonm plas pou bann mature students ek bezwen lo marse travay, i bezwen annan en bon relasyon.  E Minister i ava osi konsider okenn bezwen si marse travay, si national human resource development council i dir avek Minister, i dir avek bann pos segonder pou dir i annan en bezwen form dimoun ki deza pe travay ouswa ki an deor lekol dan tel ou tel domenn.  I responsabilite Minister Ledikasyon pou regarde kimannyer i kapab fer sa bann training pou sa bann dimoun.

 

HON MARIE LOUISE POTTER

Minis i kapab eksplik nou ki prosedir aktyel ki egziste pou en mature students par egzanp ki’n fini ‘A’ level oubyen en lot nivo pos segonder me ki anvi apre 1an, 2an ki in fer dan lemonn travay, retourn ankor par egzanp dan en kour spesifik par egzanp dan lekol Maritime kot i oule al fer en letid avanse lo fisheries science oubyen marine biology. Ki prosedir ki sa etidyan i bezwen swiv e eski i annan vacancy oubyen plasman pou accommodate sa bann demann, sirtou dan lekol Maritim pou lannen 2008.

 

MINISTER BERNARD SHAMLAYE

Mr Speaker, bann kors tel ki bann lekol pos segonder i fer, i advertise dan Nasyon e dimoun osi i kapab, kot dimoun i enterese kontakte lekol konsernen pou demann lenformasyon.  Kot i konsern Lekol Maritim, i annan dimoun ki dan landrwa travay, e mon ti a kontan kekfwa met lanfaz osi lo sa laspe fason fer training. I annan dimoun ki pe travay e ki fer bann kors part time, tout an kontinnyan travay.

Kot i konsern 2008, mon pa kapab dir ou ekzakteman la ki bann detay lo la.  Me selman permet mwan dir poudir i annan nouvo Lekol Maritim ki pou fer e nou pe, ansanm avek lezot stake holders, lezot Minister konsernen, Minister Ledikasyon pe regard tou kestyon bann domenn dan domenn maritim kot ti ava enportan pou nou form bann dimoun e sa letid pe fer par tou bann dimoun konsernen.

 

HON TERENCE FRANCOISE

Mr Speaker, eski Minis i kapab dir avek sa Lasanble si bann mature students i peye pou sa bann kour oubyen si Gouvernman ki finans sa proze.

 

MINISTER MINISTER BERNARD SHAMLAYE

Mr Speaker, i depan lo bann diferan sitiasyon, i annan par egzanp bann landrwa travay, bann anplwayer ki peye pou zot anplwaye kapab swiv kour pos segonder.  I annan lezot ka kot Gouvernman i peye pou sa bann mature students.

 

MR SPEAKER

Nou’n ariv alafen bann kestyon pou Minis pour ledikasyon, nou ava ekskiz li parmi nou e nou ava osi remersye li.  E mon a demann Onorab Lucas pou demann kestyon nimero 51 pou Minis pour Devlopman Nasyonal.

 

HON WILBY LUCAS

Bonzour Minis, eski Minis i kapab enform sa Lasanble si son Minister i annan plan pou pran mezir neseser pou fer kontrakter ki ti ganny kontra pou konstrir semen proze land bank, ex-Harold Anse Poules Bleues pou rektifye problenm ki bann zabitan pe fer fas avek an rezilta move finisyon sa proze.

 

MINISTER JACQUELIN DUGASSE

Bonzour tou Manm Onorab.  Mr Speaker, sa area ki Onorab pe fer referans avek problenm prensipal se ki ler lapli i tonbe i annan en akimilasyon delo ki sorti dan montanny ki akimil dan en landrwa ki enpe pli ba sirfas semen ki fer ki delo pa kapab sirkile.  E byensir sa problenm in ganny met a latansyon Minister e bann expert konsernen in fer en evaliasyon e nou annan en solisyon teknik pou sa, solisyon.  Se nou bezwen konstrir bann gril anba semen, 3 gril annefe pou ganny konstrir atraver semen.  Nou pou met li ek semen pou met sa bann gril ki delo i a kapab flow dan en fason natirel.

HON WILBY LUCAS

Eski Minis i annan en lide apepre konbyen letan pou pran pou kapab permet solisyon sa problenm pou zabitan Anse Poules Bleues.

 

MINISTER JACQUELIN DUGASSE

Mr Speaker, letan nou’n fer evaliasyon nou’n osi, si oule get son kou konsernen e si nou kapab absorb li avek resours finansyel ki nou annan sa lannen i pou kout nou anviron R80,000 e byensir bann prosedir a ganny fer.  Nou bezwen fer en tender anlinny avek prosedir pou nou kapab fer bann dimoun anvoy bann bid e apre nou ava selekte en dimoun pou nou kapab fer sa travay o pli vit ki posib.

 

HON NICHOLAS PREA

Mr Speaker, mon ti a kontan demann Minis si son Minister i annan en sistenm monitoring kot bann kontrakter pe fer travay e si wi, si son nouvo Minister petet i annan bann mank, zot pe revwar zot sistenm monitoring pou fer sir ki sa bann problenm pa arive akoz i paret ki i zeneral.

 

MINISTER JACQUELIN DUGASSE

Mr Speaker, definitivman Onorab pe fer referans avek sa ki nou apel quality control, i en area ki nou pe met bokou lanfaz, nou pou met bokou lanfaz alavenir.  Zisteman nou’n revwar nou sistenm dan Minister e nou annan en plas, si oule en divizyon, seksyon ki responsab pou quality control kot i konsern proze land bank akoz sa i anba en Departman avek proze lakaz.

 

HON WAVEL RAMKALAWAN

Mr Speaker, mon ti a kontan si Minis ti ava dir Lasanble eski problenm avek sa travay ki’n ganny fer laba i avek kontrakter ki’n fer sa travay ki pa’n swiv plan oubyen eski kontrakter li in swiv plan me ki problenm i diferan, problenm konmsi i en lot.  I pa kontrakter konmsi ki’n fer sa ki li i anvi fer, me ki an swivan plan apre sa ki sa problenm in devlope.

 

MINISTER DUGASSE

Mr Speaker, i difisil pou nou dir ekzakteman lakoz.  Mon krwar i en konbinasyon fakter e finalman letan ou gete, petet si ou ti annan en sistenm swivi, enpe pli pre petet sa problenm ti ava’n ganny rektifye.

 

HON CHARLES DE COMMARMOND

Mr  Speaker, eski Minis i kapab eksplik nou, admeton ki sa kontrakter par egzanp in fer travay, in ganny peye me i pa’n fini dan en fason satisfezan, eski son Minister ………… ki mekanizm i annan pou fer swa i rann larzan, swa i fini sa proze byen ensidswit.  Eski i annan mekanizm dan ou Minister ouswa dan Gouvernman ki permet rektifye bann keksoz koumsa.

 

MINISTER JACQUELIN DUGASSE

Mr Speaker, mon pa pou koz dan le pase, me mon a koz pou lavenir.  Lavenir sa ki nou anvi vwar se ki ler nou donn kontrakter en travay pou fer, nou defini son scope, tre kler, nou fer assessment teknik byen, nou planifye li byen, nou annan son scope e nou sivre sa konstriksyon de pre.  Dan ka kot kontrakter pa pe sivre bann lenstriksyon ki’n ganny donnen, then nou pou pran aksyon there and then. Par egzanp si mon donn, en sitiasyon en dimoun ki pe fer en lakaz, nou vwar ki i pa pe mix siman byen, nou pou pran aksyon there and then si fodre fer li kase, i kase.  Nou pa pou esper fini, apre pou rektifye.  Vwala ki nou oule fer alavenir, vwala rol quality control, rol ki i pou zwe kot i swiv konstriksyon de pre on site, e i pran aksyon neseser there and then.

 

HON MARIE LOUISE POTTER

Mr Speaker, eski Minis i kapab dir nou konbyen sa proze land bank ex-Hunt Anse Poules Bleues in kout Gouvernman e ki kantite fanmiy ki’n benefisye anba sa proze.

 

MINISTER JACQUELIN DUGASSE

Mr Speaker, mon napa son sif, mon a kapab rod son sif e donn Onorab.  An sa ki konsern kantite fanmiy, osi mon napa sa sif avek mwan me bann sif i available lo dabatabse nou kapab rode e fer li available avek Onorab.

 

MR SPEAKER

Kestyon 52. Onorab Arrisol

 

HON SANDY ARRISOL

Bonzour Minis.  Eski Minis pou Devlopman Nasyonal i kapab enform sa Lasanble lekel ki pou benefisye dan sa proze flat deryer ladministrasyon distrik St Louis.

 

MINISTER JACQUELIN DUGASSE

Mr Speaker, sa proze ki size kestyon i en proze ki pe fer dan distrik St Louis e byensir se bann dimoun ki lo lalis lakaz St Louis ki pou benefisye atraver sa proze.

 

HON SANDY ARRISOL

Eski Minis i kapab enform sa Lasanble si bann zabitan ki pe reste deryer ladMinistrasyon distrik kot flat pe ganny fer, etan donnen ki zot in reste la pou plis ki 20an e zot kondisyon i en pti pe deplorab, eski se zot ki pou priyorite pou ganny sa flat ki pe fer.

 

MINISTER DUGASSE

Mr Speaker lo sit i annan serten dimoun ki pe reste la, ki nou apel bann sitting tenant. Avan ler nou batir en landrwa kot i annan dimoun ki pe reste, la priyorite byensir i pou sa bann dimoun e sa i en desizyon ki ganny fer par Lotorite Distrik, zot a donn nou bann rekomandasyon e baze lo la, nou ava pran desizyon pou nou allocate baze lo rekmandasyon sorti kot distrik avek Lotorite Distrik.

 

HON WAVEL RAMKALAWAN

Swivi kestyon ki Minis in donnen, eski Minis kantmenm ti ava kapab reasir bann dimoun ki’n reste la pandan ……… parski Minis i konn tre byen, konmsi i kapab reasir sa bann dimoun ki zot pou ganny en priyorite pou zot antre dan sa bann nouvo lakaz e ki zot pa pou bezwen al en lot landrwa.

 

MINISTER JACQUELIN DUGASSE

Mr Speaker, pa mwan ki devret reasir sa bann dimoun akoz Minister son rol se batir lakaz dan distrik.  E nou batir lakaz baze lo demann ki i annan dan distrik.  St Louis byensir i annan en demann pou lakaz e nou pe batir prenan kont teren ki nou annan anliny avek demann. Now lekel ki ganny sa bann lakaz, desizyon i ganny pran par Ladministrasyon Distrik akoz Ladministrasyon Distrik, lotorite distrik i konn zot dimoun, i devret konn zot dimoun, i konn bezwen zot dimoun e se zot ki pou fer rekomandasyon.

 

HON NORBERT LOIZEAU

Mersi Mr Speaker, bonzour Minis.  Minis vi ki sa proze konstriksyon flat la i baliz avek distrik Bel-Air, i baliz ek sa larivyer.  Vi ki dan dernyen eleksyon in annan bokou fanmiy ki’n reste la obor ek St Louis ti ganny promet en lakaz ler sa proze pou ganny konplete.  Eski Minis i kapab enform sa bann fanmiy atraver sa Lasanble si vreman zot pou enkli lo lalis ganny en lakaz ler sa proze i ganny konplete.

 

MINISTER JACQUELIN DUGASSE

Mr Speaker sa desizyon se pa Minister ki pran, mon repete ankor se distrik ki pran.

 

MR SPEAKER

Rekomandasyon i bezwen sorti dan distrik.

 

HON MARIE LOUISE POTTER

Mr Speaker, eski Minis i kapab dir nou konbyen unit, oubyen konbyen lakaz i pou annan dan sa proze, konbyen i pou kout Gouvernman e ki son bann sours finansman.

 

MINISTER JACQUELIN DUGASSE

Mr Speaker, proze limenm ler i pou fini, nou anvizaze i pou annan apepre 32 unit, i pou annan 20 unit 2 lasanm e 12 unit 3 lasanm e i en proze ki nou anvizaze i pou kout nou anviron R9.2 milyon e byensir i pe ganny finanse antyerman par Gouvernman dan Bidze resours Gouvernman.

 

HON COLIN DYER

Mon ti a kontan demann Minis si zot annan en sistenm pou verifye bann rekomandasyon ki Ladministrasyon Distrik i fer oubyen si zot antyerman satisfe avek sa bann rekomandasyon ki Ladministrasyon Distrik i fer.

 

MINISTER JACQUELIN DUGASSE

Mr Speaker anlinny avek nouvo Polisi Gouvernman ki mon krwar Minister responsab pour Devlopman Kominoter ti vini isi, ti eksplike kot distrik pe ganny plis pouvwar pou pran serten desizyon an sa ki konsern zot distrik.  Mon pa vwar akfer nou bezwen verifye bann tel rekomandasyon akoz se distrik ki konn bezwen zot dimoun non pa Minister.  Minister nou rol se batir lakaz anlinny avek demann.  Demann i sorti kot distrik, rekomandasyon pou allocate i devret sorti kot distrik.

 

HON JEAN FRANCOIS FERRARI

Mr Speaker, eski Minis i kapab dir nou vi ki ansyen Minis Pool ti dir dan sa Lasanble, ki en DA i bezwen siport sa Gouvernman, si i pa krwar….

 

MR SPEAKER

Out of order. Onorab Lucas.

 

HON HARDY LUCAS

Mr Speaker, mwan mon ti a kontan Minis i eklersi nou.  Anvi repons kestyon Onorab Arrisol ek Onorab Loizeau, Minis in dir Ladministrasyon Distrik ki deside, dan ka sa 2 distrik, lekel ki pou deside si Bel-Air pou gannyen, St Louis oubyen Bel Air?.

 

MINISTER JACQUELIN DUGASSE

Mr Speaker, lakaz i dan distrik St Louis, it’s up to sa de ladministrasyon get together e tonm dakor e met zot rekomandasyon avek Minister.

 

MR SPEAKER

Onorab Arrisol 53.

 

HON SANDY ARRISOL

Eski Minis i kapab enform sa Lasanble si i annan okenn lezot teren St Louis ki zot anvizaz konstriksyon lakaz.

 

MINISTER JACQUELIN DUGASSE

Mr Speaker, St Louis mon krwar Onorab i konn son topografi deza e i osi konnen ki i pa en landrwa ki fasil pou trouv teren e byensir Minister i touzour pe on the search for nouvo teren.  Nou konnen laplipar teren i teren prive, nou seye, nou negosye otan ki nou kapab, i annan bann dimoun ki pare pou vann zot teren, me so far nou’n senpleman idantifye 2 teren ki nou krwar nou’n kapab batir, i annan potansyel pou batir lakaz lo la.  Sa se en teren later ki ti pou Ex Oliver, i en parcel V11562 e nou’n fer bann assessment neseser e nou krwar nou devret kapab batir serten kantite unit lo la, sa i en teren ki nou pe konsidere met serten lenfrastriktir lakaz lo la.

 

HON SANDY ARRISOL.

Mon ti a kontan demann Minis ki rol ou Minister konsernan bann flat ki reste vid dan distrik.  Legzanp St Louis enn, nou annan en flat La Bourdonnais in reste vid pou plis ki 2 an pe al lo 3 an, etan donnen ki nou annan dimoun lo lalis lakaz.

 

MINISTER JACQUELIN DUGASSE

Mr Speaker, si en flat i vid, dan distrik, si distrik pe fer son louvraz byen i devret konnen sa flat i vid, i devret anvoy en rekomandasyon avek Minister pou met en dimoun dan sa flat.

 

HON WAVEL RAMKALAWAN

Eski Minis i kapab dir nou ki pe arive avek proze Philomel, kot zot in deza pe komans aste serten later, eski zot annnan lentansyon konstrir lo la e anmenmtan osi si zot pou profite pou rezourd sa problenm drenaz ki zisteman pe afekte sa group flat pli o.

 

MINISTER JACQUELIN DUGASSE

Mr Speaker, sa proze i pa enn ki feature enn bann teren ki nou pe devlope.  Mon bezwen al verifye ki’n arive avek sa.  E mon a kapab enform Lasanble, enform Onorab enpe plitar ekzakteman ki arive akoz kestyon kler ti pe konsern additional teren.

 

MR SPEAKER

Onorab Arrisol kestyon 54.

 

HON SANDY ARRISOL

Eski Minis i kapab enform sa Lasanble konbyen zabitan St Louis ki lo lalis pou ganny en lakaz.

 

MINISTER JACQUELIN DUGASSE

Mr Speaker, ozordi i annan apepre 293 dimoun lo lalis lakaz St Louis e byensir anlinny avek nou Polisi, sirtou sa bann dimoun, evantyelman ki devret kapab ganny en lakaz avek Gouvernman.

 

HON SANDY ARRISOL

Eski Minis i kapab dir nou konbyen ladan ki zot pe konsider vreman en priyorite enkli sa fanmiy ki’n reste plis ki 5 an dan biro brans SPPF St Louis.

 

MINISTER JACQUELIN DUGASSE

Mr Speaker, ankor ennfwa mon repete se pa Minister ki desid priyorite, se distrik St Louis ki desid priyorite.  I annan kestyon ki mon’n reponn taler ki annan serten lakaz ki pou pare byento lo ex-Morel site, si distrik i santi sa ka ki Onorab in dir i en priyorite, zot fer rekomandasyon ek Minister, Minister i fer desizyon accordingly.

 

HON CHARLES DE COMMARMOND

Mr Speaker, eski Minis i kapab eksplik nou Lasanble si son Miniser oubyen Ladministrasyon Distrik or lotorite distrik parey in dir nou i kapab fer ki sa 32 unit i pou parey St Louis.  Kimannyer i kapab fer ki sa 32 unit i ganny partaze ek sa plis ki 200 aplikan si i annan en mekanizm.

MR SPEAEKR

Onorab Ramkalawan.  Minis pankor vin Zezi Kri.

 

HON WAVEL RAMKALAWAN

Mr Speaker, mon ti ava kontan premyerman demann Minis konbyen fanmiy ki ti lo lalis letan Prezidan ti fer son promes lakaz e ki sa bann dimoun otomatikman i sipoze ganny en lakaz Perseverance oubyen lot landrwa.  E parski zisteman an relasyon avek sa 32 plus kot Oliver Belonie, ensidswit pa pou annan plis ki 100 lakaz ki pou available, eski Minis pe dir avek nou ki lot 200 otomatikman zot pe al Perseverance.

 

MINISTER JACQUELIN DUGASSE

Mr Speaker, mon krwar Gouvernman i annan en progranm lakaz pou 5an, 5000 lakaz dan 5an e lafason ki sa ti ganny determinen se the time ki sa lanons ti ganny fer, sa bann dimoun ki ti annan demann pou lakaz se sa ki nou ti pe targete.  E sa 500 lakaz Gouvernman i annan lentansyon batir dan sa prosen 5an pou zisteman clear sa demann ki ti annan at that point in time.  So whoever ti annan en demann pou lakaz sa letan i pou ganny en lakaz dan sa 5000 lakaz ki pe batir, ki pou ganny batir dan sa prosen 5 an.

 

HON MITCY LARUE

An relasyon avek sa 3 kestyon Onorab Arrisol eski Minis i kapab dir sa Lasanble, si finansman pou fer devlopman dan distrik St Louis i sorti dan nou Bidze Nasyonal.  Relevans sa kestyon Mr Speaker, se ki MNA sa distrik dan le pase pa’n zanmen vot pou aprouv Bidze.

 

MR SPEAKER

Onorab non.  Minis i kapab koz lo kou total and that’s it.

 

(Interruption)

 

MR SPEAKER

Order, order. Minis a zis eksplike kot larzan i sorti and that’s it.

 

MINISTER JACQUELIN DUGASSE

Mr Speaker byensir sa bann proze parey mon ti dir 2 semenn pase, nou proze lakaz pe ganny finanse par Gouvernman.  I sorti dan reveni ki pei i anmase, i ganny met dan fon reveni e apre lot kote nou fer depans, depans recurrent e byensir capital expenditure dan ki lakaz i tonbe.  I sorti dan Bidze Gouvernman ki ganny vote par sa Lasanble isi.

 

HON JOSEPH FRANCOIS

Mr Speaker, lefe ki i annan bokou problenm lakaz i paret mwan dan distrik St Louis mon ti a kontan demann Minis si i ti pou pli apresye ki sa lannen MNA St Louis i donn enkou sa sipor Bidze pou nobou konstrir lakaz.

 

MR SPEAKER

Out of order. Zot pe abuse…..mon pe port sa a zot latansyon.  Onorab Leader of Government Business.

 

HON MARIE LOUISE POTTER

Mr Speaker, anvi Minis in nonm sa komitman ki Gouvernman i fer pou konstrir 5000 lakaz dan sa prosen 5an, eski Minis i kapab dir nou konbyen lakaz ki ansemoman an konstriksyon dan sa 5000, konbyen proze ki ongoing, konbyen lakaz ki aktyelman pe ganny konstrir dan Sesel.

 

MINISTER JACQUELIN DUGASSE

Mr Speaker, ozordi nou annan nou 129  apepre lakaz ki pe ganny konstrir dan apepre 23 distrik dan Sesel.  Nou annan nou apepre 2000 ki pe ganny konstrir Ile Perseverance ki fer nou en total zis par lao 3100 lakaz ki anba konstriksyon ozordi.  Byensir diferans 3100 avek 5000 i bann proze ki nou’n idantifye ki pou ganny konstrir dan sa peryod 5an ki pou anmenn nou 5000 lakaz dan sa peryod 5an.

 

HON NICOLAS PREA

Mr Speaker, mon ti a kontan demann Minis apard bann proze lakaz ki Gouvernman in fer si son Minister i annan lezot proze ki asiste fanmiy ki deza annan teren ki kapab batir me ki zis zot napa sa mwayen finansman.

 

MINISTER JACQUELIN DUGASSE

Wi Mr Speaker, i annan plizyer fasilite ki Gouvernman i met a dispozisyon dimoun.  I annan sistenm loan ki atraver HFC ki en dimoun i kapab pran en loan lakaz pou li fer son lakaz.  I annan bann loan ki donnen pou house extension, en dimoun ki annan en lakaz i oule azout en lasanm, sa osi i en fasilite.  I annan fasilite second housing loan, ki en paran ki annan en propriyete, i annan son zanfan ki ozordi i bezwen lakaz i kapab si teren i permet, sa zanfan i kapab pran en loan ek permisyon son paran pou batir lakaz lo later sa paran.  Nou annan osi en proze lakaz special housing kot i annan serten lakaz kot nou fer pou dimoun e apre sa dimoun atraver en sistenm i repey son lakaz avek PMC. So vwala enpe bann diferan sistenm e byensir i annan dimoun ki annan son mwayen finansman, i kapab limenm finans son lakaz san ki i bezwen borrow ek Gouvernman, sa osi i ede pou ogmant kantite lakaz.  E finalman i annan Labank Komersyal oubyen Credit Union ki mon konpran i osi ofer bann loan a bann dimoun ki meet bann kriter pou bann diferan loan, diferan nivo atraver sa bann lenstitisyon finansyel.

 

HON FRANK ELIZABETH

Minis in dir avek Lasanble ki Gouvernman i annan lentansyon konstrir 3100 dan sa prosen 5an, eski Minis i kapab dir ek Lasanble, Minis a reponn mersi, eski Minis i kapab dir ek Lasanble konbyen dimoun lo nivo nasyonal ki’n fer laplikasyon pou ganny en lakaz avek Gouvernman.

 

MINISTER JACQUELIN DUGASSE

Mr Speaker mon pa’n dir 3100.  3100 i anba konstriksyon, mon repete 3100 anba konstriksyon aktyelman a diferan staz.  Diferans se ankor 2000 ekek ki pou anmenn nou 5000.  Now kantite dimoun ki annan laplikasyon lakaz Mr Speaker, mon ti a swete ki Onorab i redemann mwan sa kestyon petet ankor dan 1, 2 mwan akoz nou pe aktyelman nou pe netway nou database,nou annan en data base ki montre tou distrik, kantite laplikasyon ki annan.  E i en travay ki nou’n komanse pou nou netway sa database ansanm avek lasistans Lotorite Distrik pou nou fer sir ki nou annan en data base kredib.  Me nou krwar ki nou database i par anba 5000 dimoun.

 

HON WAVEL RAMKALAWAN

Mr Speaker mon ti ava kontan demann Minis konbyen larzan anplis ki rantre dan Consolidated fund ki letan Onorab Larue i vot pou Bidze.

 

MR SPEAKER

Onorab, Wilby Lucas.

 

HON WILBY LUCAS

Mon ti a kontan demann Minis petet si i annan sa lenformasyon pou enform Lasanble konbyen i pe kout Gouvernman pou konstrir sa 3100 lakaz.

 

MINISTER JACQUELIN DUGASSE

Mr Speaker sa 3100 lakaz i pe kout nou approximately ozordi apepre R1.2 bilyon.  1200 milyon.

 

HON MARIE-ANTOINETTE ROSE

Mon ti a kontan demann Minis en kestyon.  Ler en dimoun i sorti dan en distrik, par egzanp en dimoun i sorti dan distrik St Louis, e i anrezistre li dan distrik Anse Etoile, eski i still ganny konsidere pou li kalifye pou li ganny en lakaz dan distrik St Louis.

 

MINISTER JACQUELIN DUGASSE

Mr Speaker si en dimoun i annan en laplikasyon dan en distrik then pou nenport rezon i sorti dan sa distrik i al dan en lot distrik e i vot dan sa lot distrik otomatikman son laplikasyon i transfer avek li dan sa lot distrik.

 

HON CLIFFORD ANDRE

Mr Speaker, mon ti a kontan demann Minis si lo lalis lakaz i annan dan bann lezot distrik apard ki St Louis, apre si i pe antisipe ki dan sa 5an letan nou’n konstrir 5000 lakaz pou napa problenm lakaz oubyen pou kontinnyen annan problenm lakaz.

 

MINISTER JACQUELIN DUGASSE

Mr Speaker mon krwar pou nou dir nou pou napa problenm lakaz i enpe difisil pou nou fer en statement parey, akoz mon krwar demann lakaz i pou toultan annan, akoz mon krwar i otan ki i annan bann nouvo zanfan ki pe ne, i pou grandi evantyelman, mon krwar i pou toultan annan en demann pou lakaz.  Ki kantite sa i difisil pou nou prevwar la.  Selman mon krwar i safe pou dir ki nou pou toultan annan demann pou lakaz.  Whether i pou en problenm sa mon pa tro kapab kalifye me selman i pou annan en demann pou lakaz ki pei somehow or another Gouvernman, sekter prive pou bezwen meet sa demann pou bann lannen ki pe vini.

 

HON COLIN DYER

Mr Speaker mon ti a kontan Minis i klarifye serten keksoz e donn nou sa kler.  En dimoun i reste St Louis, i anrezistre St Louis, i fer aplikasyon lakaz St Louis.  Sa dimoun i vwar li dan en sitiasyon deplorab, dernyen kou…..

 

MR SPEAKER

Kestyon Onorab,

 

HON COLIN DYER

Mon kestyon sa …… i difisil, i pa kapab kontinnyen viv i ganny en trou dan en lot distrik Anse Etoile, in al reste Anse Etoile, eski..

 

MR SPEAKER

Onorab discontinue with the question, nou adjourn ziska 11 er.

 

(Break)

 

MR SPEAKER

Nou ava kontinnyen avek nou travay.  Mon ava envit Minis Dugasse pou fer son statement lo proze Ile Aurore.

 

MINISTER JACQUELIN DUGASSE

Mr Speaker, parey Lasanble i konnen le 19 Zilyet sa lannen Gouvernman ti sinny en lagreman avek en lakonpannyen Ile Aurore, Nouvelle Seychelles pou en devlopman touristik mazer ki pou fer byensir lo Ile Aurore.  Atraver sa statement bomaten mon oule partaz enpe ek Lasanble, e byensir avek pep Seselwa bann detay sa lagreman ki nou ti sinnyen avek Ile Aurore.

Parey nou konnen Mr Speaker, Ile Aurore i en zil 56 ektar later ki ti ganny konble an 2002 as part of proze reclamation. E byensir parey plizyer later Sesel, nou ti annan en land use plan pou Ile Aurore e li nou ti’n earmark li pou en proze touristik.  En tender ti ganny lanse le 3 Mars 2007 atraver ki byensir Gouvernman ti envit bann envestiser lokal e byensir etranze pou soumet bann propozisyon pou devlopman Ile Aurore.  E byensir parey tou tender nou ti met serten kondisyon e parmi bann kondisyon ki nou ti mete ki bann envestiser ti pou bezwen comply avek, premyerman zot ti bezwen dir nou konbyen zot pare pou pey sa teren Ile Aurore. Anterm lokasyon, son kou son lenvestisman, kantite larzan ki zot ti pare pou envestir dan sa proze, detay bann fasilite ki sa promoter byensir i ti pou mete lo sa zil e byensir en golf course 18 trou ti enn parmi bann kondisyon ki ti mete akoz sa zil ti’n ganny defini ki i ti pour en proze touristic.  E nou pou annan osi en golf course lo la avek resort e byensir marina ek lotel and so on.

Nou ti osi demann bann lenvestisman pou donn nou en schedule enplimantasyon proze, son time frame, son time line parey nou dir, e byensir en master plan pou devlopman, en concept plan, plan lanvestisman pou bann keksoz parey bann lenfrastriktir parey delo, elektrisite and so on. Mendev e finalman laprev finansman ki sa lenvestiser i bezwen annan e son abilite finansyel pou zisteman kapab enplimant en tel proze.

Tender limenm ti fermen le 18 Me 2007 e byensir letan tender ti fermen, ti annan 3 bid ki ti ganny depoze avek Gouvernman atraver Seychelles Investment Bureau. Premye bid ti sorti kot Pinnacle Point Holdings, en konpannyen Sid Afriken.  Dezyenm bid ti en lakonpannyen Franse, Gaya e trwazyenm bid ti en konpannyen Angle ki apel Asset Management Development Corporation. En konpannyen ki byensir rod, idantifye bann potansyel dan bann pei pou lenvestisman dan bann real-estate. E byensir en Komite ti ganny apwente apard Gouvernman pou analiz sa tender, e sa Komite ti ganny dirize par Minister responsab pour Lenvestisman e lo la ti annan osi, PS responsab pou Land Use, Finans, SID, parmi lezot dimoun ki ti lo sa Komite.

Byensir Komite ti analiz bann propozisyon anlinny avek bann kriter ki ti’n ganny defini e Komite ti soumet zot rapor avek Gouvernman le 29 Me 2007.  E ladan zot ti rekomande ki Pinnacle Point Holdings i ganny envite pou devlop Ile Aurore anvi ki zot in satisfe tou bann kriter ki ti’n ganny defini dan tender, e ki konsept Pinnacle Point Holdings ti bokou pli siperyer ki sa lezot 2 konsept ki’n ganny propoze par Gaya avek sa lot konpannyen.

Byensir apre ki Komite teknik, si oule ti prezant zot rapor Gouvernman ti ganny sans assess konsept ki ti’n prezante par Pinnacle Point Holdings e Gouvernman apre ki tou bann keksoz in ganny konsidere ti deside le 30 Me sa lannen.  Ki proze pou devlopman Ile Aurore i ganny donnen avek Pinnacle Point Holdings.  Imedyatman apre en lot tim, en tim ti ganny apwente pou antre an negosiasyon avek tim ki Pinnacle Point Holdings ti met ansanm pou negosye avek Gouvernman e dan sa komite sete byensir pou negosye bann lagreman neseser ki pou permet Pinnacle Point Holdings bouze avek sa lenvestisman.  E byensir apre plizyer semenn negosiasyon le 19 Zilyet nou ti sinny nou 3 lagreman avek Pinnacle Point Holdings.  Premye lagreman set en commercial agreement ki i en norm konmela ki laplipar envestiser i oule.  En commercial agreement, ki spesifye bann kondisyon komersyal anba ki sa proze pou ganny antreprann.

Dezyenm lagreman se byensir lease agreement, pou lease Ile Aurore and a standard lease agreement ki nou sinnyen avek tou bann dimoun ki lwe later leta e trwazyenm lagreman sa ki nou apel en dredging agreement akoz i pou annan en konponan konblaz ki taler mon ava donn en pti pe plis detay.

Apre avan mon al dan bann detay Mr Speaker, en pti morso lo Pinnacle Point Holdings.  Aurore limenm or Nouvelle Seychelles i en konpannyen ki’n ganny anrezistre anba Lalwa Sesel, anba Companies Act 1972 Sesel. E sa konpannyen ki baze Sesel, rezidans Sesel anba nou Lalwa se li ki pou antreprann e manage konstriksyon e byensir loperasyon ler konstriksyon i fini.

Now Aurore limenm i ganny own par Pinnacle.  Mon krwar i enportan ki Lasanble i ganny sa bann detay pou nou vwar kimannyer bann keksoz i fall into place. E Pinnacle Point Holdings li prezan i own Aurore Nouvelle 100 poursan. Aurore Nouvelle i ganny own par Pinnacle Point Investment.  Pinnacle Point Investment prezan i ganny own par en holding company ki Pinnacle Point Holding company ki li i own Pinnacle Point Investment, ki an retour i own par Ile Aurore Nouvelle Seychelles.  Mon krwar i enportan pou nou ganny sa e apre i kontinnyen monte e sa nou’n vwar dan bann ( judiligence??) ki nou’n fer, i enportan ki nou fer bann ……… pou nou vwar lekel ki owe lekel, go back to the original investor e nou vwar finalman ki Chairman Pinnacle Point Holdings, Mr Stradford, i annan en ownership mazer dan ultimately. Dan tou sa bann diferan konpannyen nivo ki finalman pou own Ile Aurore. Mon krwar nou a vwar plitar konpannyen i annan tou sa bann diferan layer ki ganny met anplas pou plizyer rezon, pou rezon taks e plizyer lezot rezon ki nou i enportan nou konnen e ki nou pe deal, e lekel bann dimoun ki deryer si oule sa konpannyen ki pou zer sa proze lenvestisman isi Sesel.

Finansman limenm, Mr Speaker proze Aurore i en lenvestisman 1300 milyon euro ki vin apepre R10.4 milyon approximately e byensir, sa proze limenm i pou enkli plizyer konponan.  I pou annan en konponan lotel, en lotel deliks top of the range, 28 sa ki nou apel boutique hotel, e pou anann 4 suite prezidansyel dan sa lotel.  I pou osi annan en casino avek bann gaming facilities avek restoran theatre, e i pou osi annan en conference facilities akoz byensir promoter in vwar ki Sesel i annan potansyel pou host bann diferan konferans.  Pa neseserman bann gran, gran konferans me bann konferans selekte, bann konferans par egzanp bann board of directors oubyen bann konpannyen parey Toyota and so on ki kapab fer bann konferans pou anmenn tou zot bann direkter ansanm.  I si oule sa bann kalite konferans ki promoter Ile Aurore i krwar Sesel i annan potansyel pour sa, apard byensir lezot konferans ki pran plas Sesel.  Apre i pou annan byensir sa golf course, 18 trou ki pou en standar enternasyonal avek son bann fasilite, son golf club house, son bann fasilite pou driving range and so on, i pou enkli ladan.  I pou annan en konponan rezidansyel e kot pou annan 144 villa rezidansyel avek 90 condominium ki pou form parti son konponan rezidansyel a sa proze.  I pou annan bann sporting facilities parey dive centre, sports centre. I pou annan bann shopping facilities, bann diferan laboutik ki pou si oule deservi bann dimoun ki pou frekant sa landrwa e byensir bann dimoun ki pou reste dan sa landrwa dan bann villa, dan bann condomimium ki zot pou aste.  I pou annan en waterfront marina, e sa marina i pou design li ki i pou pran en minimum 30 bato me maksimonm promoter i ava deside, me minimonm 30 bato.  I pou osi annan bann fasilite parey parking, pou annan fasilite pou helicopter kapab land, helipad, i pou annan bann lasose ki promoter i krwar i pou neseser.  E byensir pou annan en konponan kominoter kot zot pou build, en fishermen’s village, prensipalman pou bann peser Anse Etoile avek son bann fasilite lasose apropriye.  E byensir i pou annan osi en craft village lo Aurore limenm ki a permet nou bann dimoun lokal kapab display zot bann craft e vann zot bann craft lo sa zil, e finalman i pou annan fasilite pou bann staff quarters, bann butlers and so on ki pou annan bann fasilite as part of the project pou bann travayer kapab reste ladan.

Si mon ti ava pas en pti pe lo lease agreement, Mr Speaker.  Parmi enn bann lagreman ki nou’n sinnyen, sa lease agreement se ki apre negosiasyon nou’n dakor ki nou pou lye Ile Aurore pou en konsiderasyon 70 milyon Dolar Ameriken.  E sa i pou en lease 99 years apre standar konmela.  En dimoun ki fer en lenvestisman sa nivo i oule almost freehold, me nou annan serten lenstriksyon lo freehold. Alors nou pe donn li 99-year lease lo sa zil pou en konsiderasyon 70 milyon Dolar Ameriken e sa i tonm apepre 125 Dolar Ameriken par met kare pou sa zil.  E byensir parey mon’n dir sa zil i 56 ektar e mon krwar ki i enportan ki nou note ki kou pou reclaim Ile Aurore ti kout Gouvernman 9 milyon Dolar.

E peyman pou sa 70 milyon Dolar in ganny peye byensir according to an agreed payment schedule. Premye installment, 1 milyon Dolar, i ganny peye 60 zour apre ki lease in ganny sinnyen e sa in fini ganny peye.  I ti ganny peye anfet le 19 nevyenm mwan e byensir i annan ankor en sonm 5 milyon Dolar ki li i a ganny peye 30 zour apre ki nou’n donn planning permission for son master plan. Akoz mon krwar i enportan pou note ki en proze parey ou pa kapab donn planning pou tou bann detay, planning pou son concept, son master plan. Apre tou bann bout i fit dan sa master plan. E byensir 30 zour apre, Gouvernman i ganny peye 5 milyon Dolar e apre nou donn en grace period, akoz nou realize ki sa konpannyen pa pe earn narnyen e i standar pou donn en grace period normalman. E apre sa aparti katriyenm lannen nou ganny peye 16 milyon Dolar tou le lannen, savedir lannen 4, lannen 5, lannen 6, lannen 7 i ganny peye 16 milyon Dolar, ki ler ou azout tou ansanm nou ganny nou nou 70 milyon Dolar ki nou’n negosye.

Apre sa byensir, apre sa dernyen peyman 16 milyon, nou pou ganny peye en rent R1000 par an pou sak lannen ziska 99 years.  Savedir ki pe arive, olye nou anmas larzan tou lezan pou 90 an, nou anmas nou larzan upfront, dan en period 6 an.  E sa i standar.  Ou annan 2 opsyon pou lease agreement normalman.  Ou annan opsyon pey tou lezan or ou annan opsyon, pran larzan upfront. I annan lenvestiser ki prefere upfront, i annan ki prefere annual payment, e sa si oule ……… apre ki nou’n negosye, nou santi i dan nou lentere Sesel pou nou pran nou larzan ozordi olye ki pran li dan en period 19 an.

Byensir dan lagreman osi nou’n negosye ki Aurore Development, Aurore Nouvelle i finans serten lenfrastriktir ki Gouvernman ti pou finanse.  Sa atraver negosiasyon, nou’n realize ki ler nou pe ……….. sa devlopman in fini pran plas, i pou bezwen apepre 4 a 5 mega watt kouran ki pou neseser pou feed sa zil.  E dan lagreman nou’n negosye ki zot commit fund apepre 10 milyon Dolar Ameriken kot zot finans kou en zenerater, avek bann lalinny elektrisite sorti Huteau Lane, pou pas par zil Perseverance pou al Ile Aurore ……. KV line pou kapab fourni kouran Ile Aurore.  Sa i pou ganny peye par Ile Aurore e napa okenn kou …….. i pa en loan me i en peyman ki Ile Aurore pe fer pou anmenn sa kouran lo Ile Aurore as part of nou package ki nou’n negosye avek zot.  Sa 10 milyon Dolar e byensir parey mon’n dir ladan PUC pou aste en zenerater 6.5 mega watt e balans byensir i a servi pou bann piping, bann cabling and so on pou anmenn kouran sorti anvil pou al Ile Aurore.

Dezyenmman i annan kestyon delo.  Ile Aurore pe finans zot prop desalination plant akoz ler nou’n work out kantite delo ki zot pou bezwen, zot in vwar li neseser ki zot finans zot prop desalination plant.  Zot pa’n donn nou kou me sa i en kou ki zot pou finanse zot menm.  E sa ki zot in dakor osi se zot pou annan en link avek nou pipeline nasyonal e zot in pare pou pey tou bann kou lenstalasyon tiyo and so on, pou anmenn delo Ile Aurore a en kou 1 milyon Dolar ki zot pou peye lo behalf sa Gouvernman.

Trwazyenm konponan se ki zot pou met anplas en sewerage treatment plant akoz pou annan bann dese, bann desarz delo ki bezwen ganny trete e dan negosiasyon nou’n negosye, ki sa treatment plant i devret annan ase kapasite pou deservi Ile Aurore e osi deservi Ile Perseverance.  Sa 2000 lakaz ki nou pe al batir Ile Perseverance akoz nou ti pou bezwen al envestir dan treatment plant, me atraver sa proze nou nobou negosye ki sa kou i a ganny peye par Ile Aurore Nouvelle e byensir Gouvernman i a benefisye atraver bann fasilite treatment plant.

En lot konponan se ki i annan bann diferan semen, mon krwar si nou’n tann lo nouvel nou annan lentansyon fer en highway sorti depi kot Maison Du Peuple, pas Ile du Port avek Perseverance, Ile Aurore pou al fini La Retraite.  En bypass pou kapab deal ek sa problenm trafik.  I annan en bout semen depi komansman Ile Aurore ziska lafen La Retraite kot semen pou al fini.  Ile Aurore in dakor pou finans, parey nou dir an kreol pou tras sa semen a en kou apepre en milyon Dolar pou nou e byensir surfacing i ganny fer par Gouvernman.  Savedir nou pe save nou en milyon Dolar ki nou ti pou peye finalman, me Ile Aurore in deside pou pey sa, as part of the package ki nou’n negosye lo behalf Gouvernman ki sa kou Gouvernman i ava ganny redwir ler i fer sa semen.

Nou osi annan en bout semen sorti Ile Aurore ki pou zwenn avek Anse Etoile.  La osi Ile Aurore in dakor pou finans kou sa semen e osi finans en pon ki pou link Aurore avek Anse Etoile.  Sa kou osi i a ganny finanse par Ile Aurore Nouvelle.  I en kou ankor ki Gouvernman pa pou bezwen finanse, i a donn nou en akse, akoz finalman dan sa progranm semen ki nou pe fer.  I pou osi annan en debousman Anse Etoile ki en dimoun ki pa pe arive ziska La Retraite, i kapab sorti lo en round about ki nou pou mete somewhere, i a kapab sorti, antre Anse Etoile e sa kou i a ganny finanse par Ile Aurore.

Prezan anterm bann tax, nou konnen i annan bann diferan tax lo later e Ile Aurore in dakor pou pey tou bann tax, bann tax sanksyon, stamp duty and so on, ki ariv apepre 6.5 poursan.  Zot in dakor pou pey tou bann tax. E nou osi konnen parey mon’n ganny dir lo komansman ki i pou annan en konponan rezidansyel.  Now sa konponan rezidansyel e sa i en tandans enternasyonal ki bokou lenvestiser in met sa konponan rezidansyel, zot batir sa bann gran rezidans, bann villa, condominium, i ganny vann avek bann dimoun ki enterese aste enpe parey konsep Eden, e byensir sa propriyete i vin pou sa bann dimoun ki aste.  Larzan lavant i vin pou sa lakonpannyen ki pe devlope, dan sa ka Ile Aurore e byensir koman en pei nou devret ganny bann transfer tax, lo sa bann lavant ki ganny fer.  E nou’n negosye avek Ile Aurore ki lo sak villa ou condominium ki zot vann Gouvernman i ganny 10 poursan the cost of that villa. Baze on the cost e cost i ganny deklare akoz i bezwen sanksyon, sanksyon ki anplas e byensir baze lo valer Gouvernman i apply the tax 10 poursan e sa tax 10 poursan i ganny make up 1.5 poursan pou processing fee, process sanksyon.  5 poursan pou stamp duty, 3.5 poursan pou sanction fee. Ki fer 10 poursan e nou estimen ki nou pou anmas nou anviron 80 milyon Dolar over a period of time sakfwa ki lavant i ganny fer.

Mon ti a kontan presize ki sa tax i ganny amase ler sa villa i ganny vann premye fwa.  So Aurore i build en villa, i vann avek X, Gouvernman i ganny 10 poursan.  Si sa villa i 2 milyon Dolar, Gouvernman i ganny li 200 mil Dolar koman tax lo la.  Now ler X i vann sa villa avek en lot dimoun akoz i pou arive ki sa bann villa pou sanz lanmen plizyer fwa, Gouvernman i ganny ankor  sa sanksyon sa 10 poursan sakfwa sa villa i sanz lanmen.  So sa in ganny negosye as part of the agreement.  Kot i konsern business tax, Ile Aurore i pey tax dapre TIA, Tourism Incentives Act, savedir 15 poursan pou nenport tax ki zot fer par lao R250,000 anlinny avek TIA.  E anlinny avek incentives ki tou lezot lotel i gannyen, now ki TIA in ganny amande.

Kot i konsern Social Security la osi nou pe as per TIA rate, napa okenn konsesyon ki’n ganny donnen.  As far as GOP i konsernen, zot pou annan serten kantite dimoun ki pou travay dan staz konstriksyon e byensir ler bann fasilite in fini ganny batir, la osi GOP i ganny peye dapre TIA. GST i ganny peye ankor dapre TIA, zot pey GST lo tou bann keksoz ki devret peye.  Kot i annan egzanpsyon, ki tou lotel i gannyen zot pou ganny parey, zot pa pou ganny okenn keksoz anplis ki bann lotel pe gannyen ozordi.  E GST lo zot sale, ou konnen parey lotel i pey 7 poursan turn over tax GST lo zot Bill e Ile Aurore osi parey nenport ki lotel pou pey sa 7 poursan GST.

E byensir kot i konsern Casino Licence, pou annan en Casino parey mon’n masyonnen e nou’n dakor ki zot pou pey R1 milyon sak lannen pou licence Casino e zot pey R15,000 Roupi pou sak latab, gaming machine e R3,000 pou sak slot machine ki zot annan.  E sa i ganny peye in foreign currency malgre ki under the law, licence Casino i an Roupi, me i pou ganny peye avek Gouvernman in foreign currency.

Byensir kot i konsern employment, nou panse ki dan staz konstriksyon i pou annan anviron 1000 dimoun ki pou travay lo sa proze e ladan byensir zot a pran otan Seselwa ki posib, me kot pa posib mon krwar nou a dakor ki nou bezwen allow zot pou kapab enport serten dimoun pou zot proze kapab fini on time.  I pou kapab enport serten etranze me la ankor the normal GOP ki anba TIA ki spesifye, zot a pey sa GOP anba sa TIA.

E byensir ler bann fasilite in fini ganny met anplas e pe fonksyonnen nou estimen ki pou annan lanplwa pou anviron 300 a 400 dimoun lo tou bann fasilite ki pou sitiye Ile Aurore.  E la anlinny avek TIA, nou’n allow zot en serten kantite poursantaz dimoun ki pou foreign labour, en serten poursantaz local labour.  E ankor zot pou pey GOP dapre TIA.

Anterm foreign exchange retention, byensir nenport devloper ki vin devlop dan nou pei i bezwen serten garanti ki i pou kapab repatriate en serten kantite foreign exchange, pou li servi son loan akoz i kler ki pou finans en proze parey, Ile Aurore pou napa sa larzan anterm equity. I pou bezwen borrow, raise finance lo marse enternasyonal pou kapab finans sa e byensir sa bann loan i bezwen ganny servi atraver bann reveni ki sa lenvestiser pou gannyen.  E letan nou’n diskit avek zot, nou’n dakor ki zot pou kapab retain selman 60 poursan zot foreign currency e 40 poursan pou bezwen convert into rupees, atraver sistenm banker Sesel.

Lo konponan lagreman Mr Speaker, i annan sa konponan sa konblaz.  Parey mon’n dir Ile Aurore i 70 ektar later ozordi e promoter i santi ki zot kapab achieve sa ki zot in progranmen pou achieve, zot bezwen konble apepre 35 ektar later e sa i pou ganny fer a en kou apepre 100 milyon Dolar Ameriken, e proze konblaz limenm i pou ganny manage e zere par Gouvernman Sesel akoz nou annan expertise pou fer sa.  E byensir pou nou fer sa, Ile Aurore in dakor pou pey nou 5 poursan of the dredging cost. Savedir lo 100 milyon Dolar nou ekspekte ganny peye 5 milyon Dolar pou manage reclamation project on behalf of Aurore e byensir tou bann peyman avek dredging company i ganny fer par Aurore e nou senpleman zer sa loperasyon, manage li en an retour nou ganny nou 5 milyon Dolar management fee.

Nou’n osi Mr Speaker fer en analiz ekonomik ki sa proze pou anmenn nou koman en pei e nou satisfe nou lekor ki sa proze pou en net inflow of foreign exchange and also revenue to the country. E nou pe anvizaze ki pou lannen 2007 par egzanp nou pe anmas nou apepre R38 milyon, lannen 2008.  I tonm en pti pe, 6.9, lannen 2009, 15.6 e byensir anterm foreign direct investment savedir larzan ki pou rantre dan lekonomi Sesel pandan peryod construction nou estimen i pou ariv apepre 400 milyon Euro. Sa i ganny determinen atraver nenport ki proze ki ou fer dan pei, 60 poursan son kou i bann kou foreign exchange cost, e 40 poursan i local cost. Alors sa 40 poursan i kouver bann materyo lokal, building materials and so on e nou estimen ki sa i pou ariv apepre 400, zis par anba 500 milyon Euro.

Zis pou donn en legzanp, par egzanp pou proze reclamation nou bezwen 600,000 tonn ros pou fer bann banding and so on e sa 600,000 tonn ros i pou kout anviron 20 milyon Dolar Ameriken.  Zot bezwen amenn dan pei convert, pou kapab pey bann konpannyen ki pou supply ros avek zot.  Sa pou donn en legzanp ki mon mean ler mon pe dir FDI ki pou antre dan pei, savedir sa 20 milyon Dolar i pou dan sa 40 poursan ki pou ganny convert pou kapab si oule soutenir bann cost lokal.  E byensir pandan konstriksyon i annan en kantite aktivite ki pou benfisye.  Pou annan bann car hire companies ki pou benefisye, pou bezwen lwe loto, pou annan laboutik ki pou benefisye, pou annan airline ki pou benefisye, i annan taxi ki pou benefisye.  So letan ou analize i annan en kantite benefis ki pei pou reap pandan peryod konstriksyon.

E byensir apre peryod konstriksyon savedir operational phase, nou pe koz proze limenm pe anvizaze fini li dan 54 mwan apre ki planning in donn permisyon e nou pe anvizaze ki proze i pou konplete disi lafenn 2011 komansman 2012.  Savedir apartir 2012 amontan nou komans ganny si oule bann reveni operasyonnel atraver sa proze.  In estimen par egzanp ki an 2012 nou pou anmas nou 500 milyon Roupi.  Sa zis Gouvernman ki pou anmase, 500 milyon akoz nou pe met lease ki pou ganny peye and so on. 2013, 324 milyon, 2014, 105 milyon, 2015 zis par anba 100 milyon apre i ava average out about 120, 130 million rupees every year.  Sa i pou Gouvernman selman.  I pou kouver lease payment, i kouver bann tax ki Gouvernman pou anmase, GST, GOP and so on me ou osi annan the multiplying effect. Mon krwar i safe pou dir ki en proze parey, ler Gouvernman i anmas R1, ou kapab dir ki lekonomi pou anmas li ape pre 3 fwa sa, R3.  So si ou multiply sa ki Gouvernman pou anmase dizon R100 milyon, pei limenm i pou average out ape pre R300 milyon annually atraver sa proze in terms of recurrent revenue ki pei pou anmase.

So all in all mon krwar i annan en kantite benefis pozitiv ki sa proze pou anmennen e ler ou analize mon krwar dan tou kous nou popilasyon dimoun pou annan sans ganny loportinite depi car hire depi taxi operators, depi bann mizisyen, name it, across the board mon krwar tou dimoun ki si oule pe debourye, i pou ganny sans pou ganny reveni atraver sa proze.  Nou krwar ki i en proze ki pou anmenn benefis ekonomik pou nou pei, i pou anmenn nouvo loportinite pou bann businessmen, pou bann dimoun ki anvi fer biznes, ki anvi debourye.  Mon krwar loportinite i vast Mr Speaker.  E vwala enpe rezon ki’n pous Gouvernman pou award sa proze avek Ile Aurore Nouvelle akoz parey mon’n dir i en pli gran lenvestisman ki nou’n deza annan dan nou pei e i en lenvestisman mazer, i en challenge byensir pou pei e mon krwar nou pare pou sa challenge. E mon krwar both Gouvernman ek Sekter Prive ki’n involved si oule enpe, ki nou’n konsilte avan ki nou pran desizyon final lo sa proze, mon krwar sekter prive in pare pou sa challenge e mon krwar sa proze ler in fini konplete i pou ofer Sesel sa nouvo prodwir i pou san dout ogmant kantite touris ki antre dan nou pei.  Nou estimen ki atraver sa proze nou pou ganny nou apepre 50 mil nouvo viziter par an ki pou vizit nou pei, swa pe vin zwe golf, swa bann dimoun ki annan rezidans, zot fanmiy pe vin vakans Sesel, ouswa bann touris limenm.  E tou sa i pou anmenn en kantite loportinite finalman pou pei e pou pep Seselwa an zeneral.

 

MR SPEAKER

Anliny avek order 26 mon ava permet bann Manm pou demann kestyon si zot oule, okenn leklersisman lo okenn keksoz ki Minister in dir.  Onorab Elizabeth.

 

HON FRANK ELIZABETH

Mr Speaker, Minis in dir poudir Ile Aurore pou ganny lease avek lakonpannyen Pinnacle Point Holdings, kontrerman avek Eden Island nou’n aprann ki zil ti ganny donn freehold avek Eden pou zot kapab vann bann villa avek condominium.  Eski Ile Aurore osi pou annan menm fasilite?

 

MINISTER JACQUELIN DUGASSE

Mr Speaker, Ile Aurore i pou annan 2 konponan, i annan son konponan zil aktyel limenm, parey i ete ozordi mon a zis montre Onorab.  Vwala en pti pe zil Aurore sa bout oranz, i parey i ete ozordi e sa bout ble i bout ki ou pou reclaim. I annan 35 ektar i pou ganny reclaim, bout ble.  Now sa bout oranz li i pou reste freehold akoz sa i Polisi.  Bout ble kot Aurore pa pe pran responsabilite pou fer konblaz zot menm, a en kou 100 milyon Dolar Ameriken.  I bout ki pou freehold akoz en dimoun ki pe aste en villa i pa pou oule aste en villa lo leasehold. Mon krwar Onorab i konn tre byen ki mon pe koze.  I pou bezwen serten sekirite e la kot sa bout leasehold i antre.  Alors ler sa bout in fini konble, konm zot pe finans the cost at their cost kontrerman avek sa bout ki’n sorti dan nou sours pou nou, pou nou finance, nou pe gard li freehold. Me sa bout ble i pou vin bout freehold e se sa bout kot konponan rezidan pou sitiye.

 

HON REGINA ALCINDOR

Mr Speaker, Minis in dir nou poudir sa lakonpannyen i lye Ile Aurore 100npoursan e pli boner in dir nou ki sa bout later pou ganny konble pou en proze touristik.  Mon ti anvi demann Minis ki’n arive ek sa lot ki Gouvernman ti ofer bann zabitan Vista Bay pou ganny en kare later laba e ki pou arive avek sa bann dimoun ki ti’n deza aksepte pou konstrir zot lakaz laba.

 

MINISTER JACQUELIN DUGASSE

Mr Speaker, mon krwar konsernan Vista Bay i annan deklarasyon piblik ki’n ganny fer.  Mon panse i annan osi dan sa Lasanble so napa okenn dimoun ki’n ganny later Ile Aurore, ti en propozisyon sa letan, me apre ki Minister ti’n revwar propozisyon, e mon konpran osi baze lo lefe ki laplipar dimoun pa ti oule al Ile Aurore, then Gouvernman ti vwar li neseser pou rod lezot later alternative pou sa bann dimoun e sa in ganny fer.  E i annan detrwa dimoun byensir ki’n aksepte, i annan ki’n met zot propozisyon lo latab ki pe ganny konsidere.  So sa issue rezidans i tonbe pou la senp rezon ki bann dimoun pa ti aksepte pou al Ile Aurore.

 

 

HON NICHOLAS PREA

Minis de ki ou’n fer sorti ki pou annan en sewerage treatment plant, ou pa’n mansyonn sa lapse solid waste e vi ki ou’n dir ki pou annan apepre 59 dimoun ki pou move in and out pandan lannen, nou konnen ki pou annan bokou solid waste. Koman sa pou ganny manage vi ki ti deza annan presyon lo dump site Cascade. Mon lot bout se ou’n mansyonn osi Minis ki pou annan en semen, en bypass, eklersi en pti pe Lasanble kote sa bypass pou pase.  Apre mon dernyen bout Minis nou konnen pou fer en golf course 18 trou onivo enternasyonal, lo en zil konble ki i pran bokou sirtou lo konsern later, kantite later ki pou anmennen. Eski Gouvernman in pran osi tou kote sa later pou sorti pou konble pou kapab meet sa kriter.

 

MINISTER JACQUELIN DUGASSE

Mr Speaker, kot i konsern golf course, mon kwar sa developer avan ki in pran desizyon, in fer en bon pe letid teknik avek nou bann teknisyen responsab dan bann diferan Minister.  Kot finalman desizyon in pran ki i fezab, i posib pou fer sa ki zot anvi.  Byensir kestyon later in ganny konsider e byensir napa en lenvestiser ki pou komit son lekor pou en proze si i pa’n fer tou sa bann letid teknik.  E byesir bann letid i kontinnyen, i annan en kantite travay ki pe ganny fer already pou planifye sa proze.  E mon krwar bann issues kot i konsern later and so on i pe ganny deal atraver bann letid teknik e mon kapab asir Lasanble, e Onorab ki promoter pa vwar okenn problenm avek sa issue.

Now solid waste management byensir i en issue ki ankor ki’n ganny pran an konsiderasyon ler zot pe planifye sa proze.  I annan bokou diskisyon ki ganny fer avek Minister responsab pou Lanvironnman.  E mon konpran ki i annan en konponan dan proze pou deal avek bann solid waste pou evite ki en gran parti sa waste i ganny dump lo dumpsite ki deza anba presyon.  Me nou osi konnen ki i annan en kantite sistenm modern ozordi ki manage solid waste. E byensir Pinnacle Point Holdings i annan apepre si mon rapel byen en dizenn sa bann tel estate L’Afrique du Sud ki bokou pli gran ki sa ki pou nou e i annan bann sistenm ki ganny met anplas pou deal avek waste management e in marse.  In ganny prouve, i annan bokou leson ki zot a tire pou fer sir pou prenan kont serten spesifisite ki nou annan koman en pti pei pou fer sir ki zot met anplas en sistenm ki pa pou en problenm pou zot e byensir pour lanvironnman demen bomaten.  E byensir anlinny avek ler nou pe koz solid waste i annan osi sistenm sewerage management ki la osi, mon krwar mon’n donn leksplikasyon lo la ki en sistenm ki pou ganny met anplas pou zisteman kapab treat bann dese e fer sir ki i pa vin en danze pou lanvironnman evantyelman.  E mon osi konpran ki bann delo ki sorti dan sewerage system i pou ganny trete e i pou ganny servi evantyelman pou irigasyon pou aroz bann golf course and so on.  Tousala si oule i bann issues ki’n ganny diskite e i dan en staz tre, tre avanse.

Kot i konsern semen Mr Speaker, mon krwar Onorab a kapab vwar sa.  Vwala en pti pe, mon krwar kot Maison Du Peuple, i annan en bridge la ki pe al ganny fer par lao Water Front, i pou al Ile Du Port. Ile Du Port i pou al Ile Perseverance, i pou pas dan kwen Ile Aurore i pou al fini La Retraite.  Vwala en pti pe plan Gouvernman, i ankor pe ganny rafinen pou sa bypass ki pou donn koneksyon from anvil, e mon krwar i pou link avek the main dual carriage way from the Airport i pou al fini La Retraite eventually.

 

HON MARIE LOUISE POTTER

Mr Speaker, Minis in dir ki reveni total anterm FDI ki pou antre dan lekonomi Sesel avek sa proze 400 milyon Ero e osi ki Sesel pe fer avek sa tranzaksyon zis lo sa konblaz limenm ki 60 milyon Dolar.  Tax ki pei pou benefisye avek sa proze i 80 milyon Dolar.  Lanplwa ki pou ganny kree inisyalman e apre…..

 

MR SPEAKER

Onorab kestyon.

 

HON MARIE LOUISE POTTER

Mon pe vini. 1400 job.  Eski Minis i kapab dir nou kimannyer tou sa bann lenvestisman e benefis ki nou pe retire ek sa proze pou ede rezourd nou problenm foreign exchange aktyel alevenir e eski lide konblaz baze lo tou sa ki mon’n dir e tou sa ki in dir, lide konblaz ki ti vizyon ki ti far sighted.

 

MR SPEAKER

Reponn sa enn lo foreign. Kestyon lopinyon lo konblaz disregard li.

 

MINISTER JACQUELIN DUGASSE

Mr Speaker, mon krwar foreign exchange mwan mwan menm ki’n toultan retenir, mon’n dir plizyer fwa dan sa Lasanble ki problenm foreign exchange i pou ganny solve selman ler pei i ganny plis foreign exchange. Mon krwar sa proze i donn lopotinite pei, pou earn plis foreign exchange. E byensir i pou kontribye dan en fason sibstansyel kantite foreign exchange ki pei i anmase, dan tou son laspe.  Ki sa swa bann dimoun ki pou vin lo Ile Auror ki pou depanse, e zot depans an foreign exchange, ki sa swa atraver peyman ki zot ranmase atraver diferan tax ki i pou sarze.  Tousala a mon’n avi i pou kontribye pou orgmant lakantite foreign exchange ki pei i anmase e mon krwar ler lakantite i ogmante e byensir demann osi pou ogmante e pou ariv en moman a mon’n avi ki le de pou converge.

 

HON WAVEN WILLIAM

Mr Speaker, eski Minis i kapab konfirm avek sa Lasanble ki Sesel in kapab negosye en pli meyer deal ek sa proze Ile Aurore e dezyenmman Minis in nonm en lagreman komersyal parmi sa 3 lagreman.  Eski i kapab donn en pti pe plis detay lo sa lagreman.

 

MINISTER JACQUELIN DUGASSE

Mr Speaker, sa ki mon kapab dir se ki ler nou’n negosye sa deal ek Ile Aurore nou’n negosye li lo nou term. Mon krwar in arive en moman dan nou devlopman kot Sesel in vin en atraksyon pou plizyer lenvestiser e i permet nou ozordi negosye sa ki nou krwar i meyer pou pep Seselwa.  E mwan mon persyade ki sa tim ler ou’n met ansanm pou negosye lagreman, i negosye a mon’n avi en bon deal pou pep Seselwa.  I en deal ki nou’n sorti si oule win, win. Kot lenvestiser in win e nou osi nou’n win pou pei e pou pep ki nou reprezantan.

Kot i konsern commercial agreement, Mr Speaker, bann detay ki mon’n koz lo la kot i konsern lease agreement, bann ki pou ganny peye pou lease, tax ki zot pou peye i form parti sa commercial agreement. Sa Commercial Agreement i prensipalman pran tou bann diferan konsesyon ki Gouvernman i donnen atraver diferan morso Lezislasyon, Tourism Incentives Act e lezot Lezislasyon, i met li dan en lagreman.  Si oule i repet li dan en sel lagreman ki nou annan en dokiman ki nou fer referans avek e sa ki dan sa lagreman, si ou al dan lezot Lalwa ou pou vwar zot ladan deza.  Me i osi annan bann adisyon si oule ki pli meyer ki nou ofer dan lezot Lalwa, dan lezot konsesyon ki li osi i al ladan.  Par egzanp provizyon pou zot pey zenerater pou nou 10 milyon Dolar pou sistenm elektrisite, en milyon Dolar pou semen, 5.5 milyon Dolar pou sewerage plant. Sa i bann adisyon ki ou pa pou vwar dan okenn Lalwa, i bann pwen negosisyon ki nou’n fer li antre dan sa lagreman.

 

HON TERENCE MONDON

Dan sa lagreman, ki i annan, ki bann mezir ki in pran an konsiderasyon si anka vreman i arive ki proze pa go through parey ti ekspekte.  Ki bann mezir ki Gouvernman in pran pou fer sir pou protez enpe sa propriyete lepep Seselwa.

 

MINISTER JACQUELIN DUGASSE

Byensir dan nenport lagreman i annan bann clause ki kouver ekzakteman konsern ki Onorab in souleve.  I annan bann diferan clause lagreman ki mon pa pou pas lo la la, me i kouver si i annan bann sitiasyon ki arive, sitiasyon fors mazer si i arive, i ganny defini, i annan bann safeguard ki protez both Gouvernman e protez lenvestiser.  I bann safeguard ki neseser, ki nou devret mete dan nenport ki lagreman akoz nou pa konnen ki pou arive dan 3, 4 an disi.  Alors sa bann clause neseser i kouver tou le 2 parti si i annan okenn difikilte ki sa proze pa kapab kontinnyen ou materialize.

 

HON MICHEL MARIE

Minis in koz lo kestyon lanvironnman, eski ou kapab dir nou si Gouvernman i satisfe ek letid lenpak lanvironnman ki’n annan vizavi sa proze e dezyenmman, kan bann travay konble i sipoze komanse.

 

MINISTER JACQUELIN DUGASSE

Mr Speaker, dan lagreman nou’n fer provizyon ki avan ki zot bouze nou bezwen fer EIA, environmental Impact Assessment e sa in deza fini komanse e nou’n menm komans annan bann konsiltasyon avek serten parti konsernen par egzanp an Out sa lannen ti annan en konsiltasyon ki ti ganny fer avek bann dimoun Anse Etoile.  Bann peser an partikilye, kot serten issues in ganny met lo latab, klarifikasyon in ganny donnen.  Tousala i form parti sa EIA, sa scoping exercise ki nou pe fer.  E i en travay ki pe kontinnyen e avan ki nou bouze, avan ki nou apply nou kapab even consider the plan, the master plan, i enportan ki EIA i ganny konplete.  I en kondisyon primodyal, in ganny mete in the agreement, nothing moves until EIA is completed and completed a satisfaksyon bann Lotorite konsernen.

So lanvironnman pou nou i tre enportan, lanvironnman i enn ki tre sansib e i enportan ki i annan sa balans ant devlopman avek proteksyon lanvironnman pou fitir zenerasyon e pou fer sir ki touris ki vin isi pou apresye lanvironnman pou kontinnyen apresye en tel lanvironnman.

Kot i konsern konblaz, i en parti mazer sa devlopman, e travay in deza komanse.  Bann kontak in komanse, bann negosiasyon in deza komanse, bann lentansyon letter of …….. in fini ganny issued. Tout en kantite travay ki pou pran plas e si tou i mars byen, nou pe anvizaze anlinny avek time line, akoz nou’n osi met in the agreement en time line kan bann diferan konponan i devret fall into place pou fer sir ki sa proze i konplete dan 54 mwan parey nou’n tonm dakor.  So tou keksoz i ganny fer anlinny avek time line e poulemoman tou keksoz pe bouz dapre schedule e nou swete ki sa i kontinnyen.  E si tou keksoz i mars byen nou panse ki travay konblaz i devret komanse dan dezyenm kar lannen prosenn avek mobilizasyon serten lekipman.  Nou konnen right now nou bann survey ki pe ganny fer, i annan en tim ki’n antre dan pei, pe komans fer survey avek bann Lotorite konsernen pou assess bann diferan laspe ki pou liye ek sa konblaz e sa in deza komanse e si tou keksoz i mars byen mon anvizaze ki nou pou komans proze konblaz anmenmtan ki dapre time line i ganny defini dan lagreman.

 

HON WAVEL RAMKALAWAN

Mr Speaker, eski Minis i kapab donn nou enpe plis detay lo 2 konponan sa proze.  Premyerman ki bann devlopman ki Ile Aurore Nouvelle pou mete la Anse Etoile, dan sant Anse Etoile kot semen pou zwenn e si apard sa eleman bazar, sa fishing village, ki bann lezot ki pou annan.  E eski i pou osi ede pou finans kek proze pou bann dimoun ki reste vizavi Ile Aurore.  Sa i enn premey.

Dezyenm pwen se La Retraite, kot sa laplenn kot ankor ennfwa kot lot semen pou debouse, ki bann devlopman ki bann zabitan Anse Etoile i kapab ekspekte la dan sa area etan donnen ki nou osi aprann ki menm laplenn kot i ete i pou servi tou sa later koman compost pou al lo Ile Aurore pou Golf Course. Alors donn nou enpe detay konmsi kimannyer nou kapab visualize sa landrwa letan sa proze in mete.

 

MINISTER JACQUELIN DUGASSE

Mr Speaker, mon panse, petet enpe plitar letan ki proze i bouze nou kapab ganny proper master plan, letan i moman apropriye nou kapb partaz avek Lasanble.  Poulemoman i reste touzour en konsep akoz parey mon pe dir i annan en kantite travay drawings ki pe ganny fer pou devlop sa konsep into a master plan, epi a met ek planning pou approval from which prezan nou ava bouz diferan konponan.  Me son konsep limenm ozordi se ki dan sa area parey mon’n dir taler i pou annan en fishermen’s village. Son detay i byensir en size ki pou ganny diskite avek Lotorite Distrik, views bann dimoun, bann peser i a ganny pran.  Mon konpran in deza ganny pran already, atraver sa meeting ki ti ganny fer, ki mon konpran ou ti la Onorab ou osi.  E byensir finalman ou bezwen fer en keksoz ki pa pe ganny enpoze lo bann dimoun me keksoz ki sorti kot bann dimoun, ki dimoun pou kapab own sa whatever village ki zot pe met la.  Poulemoman i en konsep e nou bezwen …….. of sa konsep e bann promoter i pare, in asir nou ki zot travay avek Lotorite Distrik, parey bann dimoun konsernen pou kapab devlop sa konsep, fer en keksoz ki dimoun i kapab own finalman.  So pou annan anterm konsep sa fishing village, son detay parey mon’n dir i ava ganny definir en pti pe plitar.  I pou osi annan bann landrwa kot bann peser i kapab anmar zot bato, pou annan lasose and so on. I pou annan landrwa kot zot pou kapab vann zot pwason and so on, and so forth.  So sa i en pti pe the concept, e parey mon’n dir, the detail itself i a ganny devlope o fiy e anmezir ki nou bouze.

La Retraite limenm i annan en bout ki mon pa’n mansyonnen, i annan plan dan lagreman pou nou konble ankor en pti bout later La Retraite.  Sa i osi part of the EIA ki pe ganny fer.  Lide ki sa bout later pou ganny konble se ki i ava ……. en bout sa later ava lwe avek zot pou zot staff quarters e en bout pou ganny donnen ek Gouvernman pou Gouvernman fer sa ki i oule avek.  Lentansyon at the time ki nou ti pe diskit the project, ti annan plan pou batir en health centre oubyen en klinik Anse Etoile, lide se ki sa rapor ……… mon konpran Minister lasante pe revwar en pti pe zot bann diferan fasilite  lasante.  Me sa later finalman pou available ler in konble pou donn a Gouvernman, prezan i a dir ki i pou met lo la.  So …… pou deside what is best e la ankor an konsiltasyon avek distrik nou ava vwar ki pli meyer ki nou pou met lo sa later, me en bout later pou ganny konble ki pou donn Gouvernman.

Kot sa laplenn i konsernen mon krwar i donn loportinite pou tir enpe si oule bann debri ki’n ganny kouver la e i ava fer sa teren petet usable. So sa osi i form parti bann diferan diskisyon ki’n pran plas zisteman pou kapab devlop en pti pe e servi sa bout landrwa La Retraite dan en fason ki pou benefisye the promoter e osi kominote Anse Etoile.

Anterm finansman bann proze kominoter, en keksoz ki nou’n dir avek tou bann promoter ler nou negosye nenport ki lagreman, avek nenport ki developers, sete bezwen partisip dan finansman bann proze kominoter.  E byensir sa Pinnacle Point Holdings i tre konsyan lenportans sipor kominote dan nenport ki proze ki zot fer e sipor kominote Anse Etoile i absoliman enportan e krisyal pou sa proze e zot in donn nou lasirans ki whatever nou, e nou Gouvernman, ansanm avek Lotorite Distrik i anvi met devan zot anterm proze kominoter pou finanse, pare pou konsidere e i annan en sonm larzan ki’n ganny earmarked pou finansman bann proze kominoter.

I osi, nou mansyonnen Mr Speaker, i annan kestyon lanvironnman ki mon’n demann zot pou fer kontribisyon dan environmental trust fund. E sa osi zot in konfirmen ki zot pou fer en kontribisyon an prenan kont lenportans lanvironnman pou zot e byensir pou Sesel.  2an pase Mr Speaker, mon ti’n bliye, pou waste management, pou reponn kestyon Onorab Prea.  Mon krwar pou annan en incinerator ki mon ti devret mansyonnen ki pou ganny mete zisteman pou bril bann salte pou evite ki nou bezwen al transport zot dan konblaz pou al depoze.

 

HON HARDY LUCAS

Kestyon se pou demann Minis avek kot proze Ile Aurore si piblik pou ganny akse laba silvouple.

 

MINISTER JACQUELIN DUGASSE

Mr Speaker, sa i en issue ki i premye keksoz lo nou azanda.  Letan nou komans diskisyon avek nenport ki lenvestiser, premye keksoz ki nou dir zot e i dan lagreman ki piblik i bezwen ganny akse ek bann fasilite.  Byensir nenport ki fasilite i annan serten lareg enterm ki dimoun i bezwen sivre, ou pa kapab zis antre dan en lotel si ou napa en booking byensir, pou al restoran oubyen annan kekfwa en booking.  So as long ki bann lareg entern, bann lareg normal i ki nou vwar ganny pratike partou omonn i ganny respekte, nou’n ganny garanti e i dan lagreman ki piblik Sesel pou annan drwa zouir bann fasilite ki pou ganny sitiye lo Ile Aurore.

 

MR SPEAKER

I reste nou 5 minit.  Onorab Alcindor, la mon’n vwar Onorab Dyer lev son lanmen.  Ou ti’n deza demann en kestyon, mon ti pou fer en leksepsyon, dernyen kestyon ti pou permet ou pou demenn en dezyenm fwa akoz nou pa fer li normalman.  Nou a pran dernyen kestyon sorti kot Onorab Alcindor.

 

HON RIGINA   ALCINDOR

Mon ti anvi demann Minis si dan son lagreman ki zot in deza fini sinnyen zot in determinen ki pousantaz workforce ki pou etranze e ki poursantaz ki pou Seselwa.

 

MINISTER JACQUELIN DUGASSE

Mr Speaker, mon ti eksplike sa bann dimoun pou ganny provizyon ki dan TIA, Tourism Incentives Act, mon krwar i kler i defini ki poursantaz i gannyen, i vin construction, i vin operation, zot pou ganny anlinny avek nenport ki dimoun dapre TIA.

 

MR SPEAKER

Nou ava ekskiz Minis e remersye li pou son statement e nou nou ava adjourn ziska 2 er.

 

Minister and his delegation were excused from the House.

(LUNCH)

MR SPEAKER

Nou a kontinnyen ek nou travay pou apre midi.  Mon oule port a zot latansyon ki mon’n ganny notis par Leader of Government Business, Madanm Potter ki pe defer premye Mosyon ki konsern the Fisheries Partnership Agreement between the EEC and the Republic of Seychelles. Korek.  Dok alors nou pou pran dezyenm Mosyon lo Order Paper e sa se Mosyon par Onorab Rose.

 

HON MARIE-ANTOINETTE ROSE

Bonn apremidi tou dimoun.  Mr Speaker, Mosyon ki devan nou se pou nou travay ansanm pou vwar solisyon en problenm ki afekte nou tou lo en baz tou lezour e sa se problenm trafik ki se swa aksidan, oubyen konzesyon.

Sa problenm pa pou zanmen trouv solisyon dirab si nou pa ansanm planifye bann mezir e solisyon lon term ki ganny byen kalkile pou suit nou pti pei e fason viv nou pep e devlopman rapid ki pe pran plas dan nou pei.  Problenm trafik i ganny konsidere koman bann emerging realities ki nou koman en pep nou bezwen fer fas avek, zis parey size waste management ki ti ganny aborde 2 semenn pase, size lenerzi ki ozordi i en size mondyal,proteksyon lanvironnman eksetera.

Konzesyon trafik annefe i ganny konsider par Gouvernman koman enn dan sa 4 nouvo defi nou nouvo milener, en defi ki kapab ganny sirmonte si nou pran en lapros komen e obzektif.  Mr Speaker, ler mon ti pe fer resers pou sa Mosyon, pli gro febles ki mon ti realize e nou annan isi Sesel se bezwen pou nou reviz nou Lalwa trafik pou fer li reflekte la realite e bezwen nou pei e osi kestyon lo konpetans bann dimoun ki enplimant sa bann Lalwa e osi resours ki zot annan.

Mon a donn en senp legzanp, en drayver pe dray en Dimans apre midi, tou keksoz i paret annord avek son trafik, son transport ziska ler en gard i aret li e i dir li aret roul sa veikil akoz lekritir lo ou plak loto i sann olye blan.  La sa boug i bezwen rod li en landrwa, deswit, en garaz pou refer sa lekritir pou li kapab roule son Lendi.

En dimoun i met en sticker anler lo son veikil pou li anpes soley kler dan son lizye ler i ape drive, pou mwan sa i fer sans akoz Sesel nou pei mannyer i ete, i annan bokou semen sirtou dan bomaten oubyen apremidi kot soley i ganny ou drwat dan ou figir.  Gard i aret li e fer li rantre dan kordgard toudswit e dir li tir sa sticker lo son transport la konmela menm.  Pou mwan sa pa akseptab akoz nou bezwen regard the bigger picture. Ki vre sitiasyon veikil lo nou larout isi Sesel.

Mr Speaker, vwala serten statistik lo sitiasyon trafik sirtou dan Victoria.  Dapre SPTC anviron 25,000 dimoun i commute dan Victoria toulezour par bis e anviron 6,000 i marse.  Sa i ariv anviron 62 poursan dimoun ki rantre dan Victoria, 48poursan i servi zot transport prive, sa pa enkli bann viziter ki prensipalman bann touris.  Victoria ek son suburbs i ganny li en minimum 35,000 par zour.  Nou annan dan Victoria selman 6 larout prensipal ki rantre dan nou kapital avek Lari Larevolisyon avek Lari Albert koman sa 2 larout ki pli okipe pandan lazournen, en ventenn pti semen enpe partou, sa i bann larout ki pa’n agrandir pou plizyer lannen.  Nou annan dan Sesel en total 13,000 veikil prive ki’n anrezistre, nou enport en mwayenn 5 a 10 veikil par zour.  Aksidan fatal koze par neglizans lo semen pe kontinnyelman met nou odefi.  Depi sa lannen ziska la 11 aksidan fatal in ganny rikorde e sa i en logmantasyon gradyel otour bann lannen.  Lanplwa dan Sesel ki konekte avek Victoria pou ogmante par 50 poursan ant 1995 ziska 2019.  Traffic growth pou osi ogmante par 50 poursan dan sa prosen 10an e demann pou transport ozordi sirtou dan bann peak hours i plis ki lakantite semen ki nou annan dan Victoria par plis ki 60 poursan.

Divizyon transport lo later pe dir nou ki nou pe depas nivo kapasite veikil dan Victoria e ki bann peak hours pe extend sorti 1 erdtan dan bomaten e apre midi pou vin preski 2 erdtan.  Nou rikord en total plis ki 1000 aksidan par lannen en mwayenn 120 par mwan e en montan plizyer milyon Roupi anterm loss par lannen.  Avek Ile Perseverance lo en kote lavil devlopman Ile Aurore e Ile Du Port e Roche Caiman lo lot kote, popilasyon Victoria pe ogmante par omwen 10,000 dimoun dan selman 4an.  Nou’n komans vwar dan nou pei en nouvo kiltir drag race ki’n koz konsern bokou dimoun.  Sa bann dimoun ki pratik sa sport limenm e piblik an zeneral.  Nouvo fenomenn apele road rage pe komans montre son vilen latet dan nou pei e irbanizasyon bann distrik otour Victoria i enn ki pe ariv tre rapidman.

Nou bezwen osi pran kont ki fas a tousala nou bezwen annan resours e mendev kalifye pou kapab fer fas avek en tel defi. Lamenazman semen e regilasyon semen, louvraz Lapolis e divizyon transport lo later, me i osi responsabilite nou tou.  Se la kot mon konstat kontrent Lapolis par egzanp pou ganny plis transport e lekipman e mon konpran ki i annan plizyer lannen ki zot in komans agrandi lekipman ek fasilite ki zot annan.  Tousala i bann fasilite ki nou bezwen fer fas avek e mon konstate ki deza demars lo kote Gouvernman in komanse pou revwar Lalwa trafik e met anplas bann metod ek sistenm ki pou ed nou fer fas avek bann tel evantyalite.

Nou pe vin en pep afliyan e dan serten fanmiy i annan ki posed sakenn en transport.  Etan ki nou vreman pa kapab anpes en dimoun aste son transport oubyen menm dikte ki kalite transport komen i kapab servi, nou kapab met anplas serten mekanizm ki pou dekouraz nou aste serten veikil oubyen accessories ki pa bon pou larout piblik.  Met Lalwa neseser anplas pou anpes neglizans drayver oubyen pyeton lo semen, edik nou bann polisye e zofisye transport lo bann nouvo rol ki zot pe annan.  Ogmante kapasite nou servis transport piblik e kondisyon nou semen e responsabilite ki zot annan e ansanm annou travay pou ki bon kondwit lo semen i vin en kiltir dan nou lavi toulezour.

Mon ti a kontan dir 2 mo an sa ki konsern sa kiltir rally e drag race ki’n komanse enpe letan pase.  Mr Speaker, enpe letan pase si ou ti al lo por dan Vandredi swar ou ti pou vwar en bon nonm dimoun sirtou bann zenn ki rasanble pou witness lakours loto, sa ki nou apel drag race. Sa bann lakours ki souvannfwa ale ziska tar dan gran maten in lev konsern dan popilasyon ki zot pe vin en danze piblik e riske koz lanmor e enkilke dan nou zenn en kiltir dray vit.  Mr Speaker, nou’n met intelvison ek intermet dan lakour bokou nou zanfan ek zenn e globalizasyon i en fenomenn natirel ki pe afekte bokou pei parey nou.  E par sa nou pe met dan zot lespri nouvo fason fer lemonn, sa i en fenomenn natirel ki nou pa kapab anpese.  Etan ki nou fer …… swete ki globalizasyon e kiltir popiler pa anpes zot konnen e apresye sa ki zot ete koman Seselwa nou bezwen fer sir ki globalizasyon pa anpes nou devlopman e progresyon lokal.

Etan ki drag racing i en gran konsern pou nou tou, nou bezwen fer sir ki bann tel danze ki sa sport i anmennen i pa vin en danze piblik.  Sel fason pou fer li se fer sa sport sorti lo larout piblik e antre dan en kad e landrwa kot i pa koz danze pou person, menm pou sa bann zenn ki fer li.

Mr Speaker, sa i en fenomenn ki pa pe zis konsern Sesel, semenn pase mon ti vwar en progranm lo televizyon ki ti eksplike kimannyer Gouvernman Angle pe esey kontrol bann lakours lo semen.  Landrwa pou drag race se pa lo larout piblik, me petet dan landrwa apropriye pou ki bann ki enterese avek sa sport.  I pa normal ki en Dimans apre midi en boug dan en loto modifye i pas devan ou en sel kou, i overtake ou san okenn kretif oubyen care pou byennet lezot dimoun ki lo semen.

Mwan osi note ki a’n Avril sa lannen divizyon transport lo later ti konplet en letid detaye lo nou bann travel habits e prediksyon lo kote nou pou arive.  Sa divizyon pe deza met anplas serten mezir tel parey konstriksyon en nouvo bypass, ki pou ede redwir konzesyon dan Victoria, ki nou’n ganny en pti pe leksplikasyon lo la bomaten.  Lagrandisman bann larout kot i neseser, parey zot in komans Roche Caiman e lezot mezir imedyat e dapre zot resours.

Solisyon nou bezwen trouv li ansanm me lo mon kote mon annan serten propozisyon pour fer.  Ki nou petet revwar bann ler travay e petet stagger bann ler travay pou anpes konzesyon trafik dan en ler spesifik me spread flow trafik dapre diferan ler larg travay. Ankouraz bann magazen en biznes pou ouver e ferm diferan ler pou anpese ki ler 4er i sonnen tou dimoun i bezwen degaze pou al fer shopping avan ler Victoria i fermen 5er.  Entrodwir en sistenm park and ride kot dimoun ava ankouraze pou park an deor Victoria e servi en sistenm shuttle pou rantre e sorti dan lavil.  Enpoz Lalwa pli sever pou bann drayver neglizan par egzanp ki sak fwa ki zot komet en lofans, zot perdi pwen lo zot licence e vwar en logmantasyon lo zot premium lasirans.  Sa i en teknik ki byen aplike dan plizyer pei e i byen efektiv.  Entrodwir en sistenm probasyon pou bann nouvo drayver e komans enkilke dan bann nouvo drayver en kiltir respe pou trafik e regilasyon trafik.  Entrodwir Lalwa neseser pou donn Lotorite sa pouvwar pou impound bann veikil ki kas Lalwa.  Tret bann akt neglizans lo semen koman bann akt kriminel kot drayver, koman pyeton avan santi zot pli responsab pou zot kondwit.  Edik bann pyeton lo zot devwar responsabilite lo semen sirtou bann jay-walk, bann ki koup semen san regard 2 kote, bann ki debout lo mobil ouwa avek zot dalon dan en veikil san okenn konsyans pou ki lezot ki pe esper zot par deryer ki’n pri dan trafik.  E konstrir bann pasaz pyeton ki san danze e ase gran pour pyeton osi byen ki pyeton ki dan wheelchair oubyen aveg.

Mon note ki zesyon nou larout piblik i pa san febles e ki i annan bokou pou fer.  I annan bokou landrwa pou amelyore pou refer, pou rearanze.  Bi sa Mosyon se pour nou travay kot-a-kot avek Gouvernman pou nou met lanmen lo sa problenm ki enpakte lo nou tou lezour.  Anplis ki sa aksidan pa avertir e nou menm nou, nou pa konnen kwa ki nou kapab fer fas avek en aksidan.

Koman bann lezislater nou annan sa devwar pou nou fer nou bout e travay avek Gouvernman pou revwar Lalwa apropriye pou esey met lanmen lo sa problenm.  Mon a demann kontribisyon tou Manm lo sa Mosyon avek bi met a latansyon legzekitif nou konsern e nou propozisyon. Mersi Mr Speaker.

 

MR SPEAKER

Okenn ki segonn Mosyon.

 

HON VICKY THERESINE

Mr Speaker, mon segonn sa Mosyon.

 

MR SPEAKER

Mosyon i ouver pou deba, Onorab Elizabeth.

 

HON FRANK ELIZABETH

Mr Speaker, sa Mosyon ki devan Lasanble ozordi avek tou respe ki mon annan pou loter Mosyon mon krwar ki in mal ganny konsevwar lo serten laspe Mosyon.  Mon dir sa Mr Speaker akoz mwan mon krwar ki i annan Lalwa trafik ki anplas e ki efektif e ki’n ganny byen drafte depi letan kolonyal.  E i annan bann lamannman ek regilasyon ki’n ganny pase par Gouvernman aktyel pou met li azour avek lezot Lalwa trafik bann pei modern.  Mon krwar ki i pa neseser alors pou nou revwar sa bann Lalwa oubyen pou ranforsi li dan okenn fason.  Parkont mon osi krwar ki se Lapolis ki pa pe enplimant nou Lalwa trafik parey i devret ganny enplimante.

Mr Speaker, ler Mosyon ti ganny anmenn devan Lasanble, mon’n ekrir Komisyonner Lapolis pou mwan ganny enpe lenformasyon lo ki sitiasyon aktyel nou pei………

PART 7

Technical problem

 

HON WAVEL RAMKALAWAN

…… bann zenn i kontan racing, menm parey ki ou annan carting, zot in fer zot zoli pti race course ensidswit.  I annan bann konpetisyon normal ki ganny swiv, akoz ki pa rod en landrwa apropriye pour ki bann loto ki ganny modifye, then aprezan ou ava kapab annan bann regilasyon ki ava regarde ki kalite ranforsisman bann loto i bezwen, ki bann speeds ki bann lareg, ensidswit pou ki napa bokou distraksyon.  Ou konnen ki poudir, i annan racing laba tel ler, tou keksoz pe ganny fer dan en latmosfer kontrole e sa bann drayver osi tou zot ava bezwen pas atraver serten disiplin pou zot konnen kimannyer zot pou, mannyer zot keksoz ensidswit pou ki letan zot tonm lo semen zot pa nek zis pe drive 100mil aler.  E dimoun i ava kapab dir be ok, be la Dimans apremidi ozordi annou ale lafanmiy nou ava al regard racing. Nou konnen ki poudir i annan race 1er, 2er, 3er, 4er whatever, nou ava ale, nou ava asize dan en latmosfer korek, nou ava regard racing e nou ava enjoy e apre sa nou ava mont se nou trankil.

E alors mon osi krwar ki poudir si pou nou kontrol sa, nou bezwen rod en landrwa kot i ava annan en serten debousman e mon dakor antyerman ki poudir sa bann loto modifye ozordi i en danze lo semen.  E mon’n aprann par egzanp zot bann colt string, ou bezwen koup li pou fer li vin pli pti pti.  Be i annan bann colt string ki pti pti me selman kestyon larzan zot plito koupe e letan zot koupe prezan i napa sa degree spring e alors i fasil pou ki i annan aksidan.  E i vre parfwa letan, mon konpran se sa lazenes, lazenes i kontan lavites, lazenes i kontan lavantir ensidswit, i kontan bann son.  I vre ennler bann loto i pas obor ou konmsi zis zekli obor ou e zot ale e sa zenn pe enjoy e ou konpran sa zenn parski parey nou pe dir, this is what youth is all about. Si letan ou ti annan ou 15an, 16an ou ti pe azir konmsi.  Ou annan 75an mon krwar lemonn ti pou en landrwa tre monotonn e pa eksitan ditou.

Donk safety, mon pe dir tousala parski nou lanfaz i la safety. Me selman mwan mon osi krwar ki poudir en kantite bann problenm ki nou pe pas ladan i kapab ganny rezourd.  E Onorab Elizabeth in mansyonn sa survey ki ti ganny fer par sa lakonpannyen Morisyen.  Mwan personnelman Mr Speaker, letan mon ti aprann ki poudir i annan en lakonpannyen Morisyen ki pe vin etidye trafik Victoria, ki poudir avek nou kimannyer pou organiz trafik, mwan mon ti riye.  Akoz mon ti riye?  Se parski Port Louis sanmenm sa landrwar ki pli en mess kot trafik i konsernen.  E alors mon ti pe dir, be Morisyen pe vin montre nou kimannyer pou vin rezourd nou trafik, li i pa kapab rezoud kot li.  Mon ti ava dir plito sa group Morisyen ti devret rezourd zot problenm trafik Port Louis.  Akoz Port Louis si letan ou ape desann ou pe antre dan Port Louis dan bomaten, si ou fuel ou napa lanmwatye tenk, si ou lo en kar tenk ou riske finalman trouv ou ou’n sek lanmenm akoz konzesyon.

Trafik dan Victoria nou tou nou pou aksepte poudir i en kestyon lozik e ankor ennfwa nou’n koz isi dan sa Lasanble.  E sak fwa nou koze dan sa Lasanble nou prezant lozik, enn ler ou a krwar Gouvernman pa ekoute lozik, menm parey …… e la mon donn en legzanp kler, bann manm ki ti la avan, Onorab Speaker ou a mazin byen, letan ti pe fer highway, nou ti dir met en round about, Onorab De Commarmond i mazin byen, i balans latet.  Nou dir met en round about akoz kimannyer i ete pou annan problenm.  Non, sa bann expert ti’n dir i normal, i ok pou soz, me apre ki 10 dimoun in mor, la aprezan nou met en round about. Me dan Victoria nou konnen ki pourdir Victoria toultan pou annan konzesyon trafik tan ki ou annan ou zis en set lalimyer, tan ki trafik ki sorti dan lavil ki pe al Quincy, i annan priyorite lo trafik ki sorti Beau Vallon.  Tou le bomaten, bann dimoun ki sorti Beau-Vallon zot pou bezwen esper dan zot loto aparti kot Lasapel an desandan parski i napa en balans.  Tan ki ou annan sa sistenm ki la obor Kris, kot trafik dimoun i bezwen vey lokazyon pou zot antre akoz en kote ki annan priyorite.  Lot kote i bezwen tranpe dan bomaten, tou lezour ou pou vwar bann dimoun pe sey rantre, bann loto pe sey frot ek kanmarad.  I senp, i bezwen annan plis ki en set of traffic lights ki donn sakenn 50 poursan sans pou li pase e sa pou ede.  Tan ki Lari Albert i kontinnyen reste en landrwa kot i annan zis one lane traffic, ankor ennfwa ou pou ganny problenm parski trafik pou bloke, parski trafik i bloke depi, parey mon pe dir, this is all, sa i zis lozik.  Si en dimoun ki pe al Beau Vallon i bezwen esper tou bann dimoun ki pe al Mont Fleuri pou li ganny sans koupe, byensir pou annan problenm e nou ki’n travel i annan serten semen, partou dan lemonn i annan serten semen ki i annan serten ler bann peak hours kot i two lane traffic. Ant tel ler ek tel ler i two lane traffic. Letan trafik in leze la aprezan i vin zis en lane e dimoun i kapab park. Nou tou nou konnen sa e nou’n vwar partou.  E pti Victoria mwan mon pa vwar akoz ant 7 er bomaten ziska 9 er bomaten, Lari Albert pa kapab vin 2 lane traffic. E nou tou nou konnen ki poudir ant sa ler ki mon pe dir tou sa bann laboutik lari Albert i ankor fermen.  En boug pou bezwen park la pou li al bazaar.  Alors mwan mon osi krwar poudir it’s about logic, it’s about investment. E sa bann investment i pou kout nou bokou pli bon marse in the long run parski zot pou fer keksoz bouze olye ou asize dan ou loto pandan 1erd tan ou pe bouz dousman, fuel pe irze.  At least ou ava pe sirkile e nou ava nobou pe fer en lekonmi la.

Me selman mon osi vwar bann zafer trafik e ankor ennfwa sa lenformasyon ki Onorab Elizabeth in donnen, 15 gard dan en seksyon trafik, nou tou nou konnen ki poudir trafik la par egzanp Mont Fleuri dan krwaze Bel Eau i komans donn dan pti 7.30 anviron.  Zour lapli i tonbe napa gard, sanmenm sa zour ki ou bezwen plis gard, napa gard.  Enn ler mon demann mwan zot napa raincoat. Konmsi ki’n arive napa raincoat ensidswit.  I en kestyon, i napa regilarite e nou tou ankor ennfwa nou konnen, si ti annan en set traffic light la dan kontour Bel Eau, ou pa ni ti pou bezwen en gard parski i ti pou kontrol son lekor, sakenn ti ava ganny son letan pour li sorti, pour li ale and things will be different.  Obviously parey mon pe dir it’s a question of logic e mwan mon ti ava vreman demande ki Gouvernman i swiv sa lozik, i regarde ki bann aksyon ki bezwen pran e ki sa bann aksyon i ganny pran.  Me mwan pou mwan letan par egzanp mon trouv Lapolis limenm,……….. letan ou pe aprann drive Mr Speaker zanmen ou reverse from en parking en kote, pour ou reverse into the traffic. Me selman ou pas devan kordgard e kordgard santral limenm li pli gran culprit ki annan.  Zot sistenm parking kimannyer i ete, gard ki’n park devan santral pou li sorti i bezwen fer aryer into a two-lane traffic. Konmsi 2 kote trafik pe vini li i pe reverse ladan pou li ale.  Sa mon dir Lapolis limenm i bezwen donn pli bon legzanp.  E i bezwen, limenm li komans aranze li.  Letan lanmenm la devan kordgard two lane traffic lanmenm la pli devan kot white line, kot FockHeng ti ete lontan ou trouv transport e sa bann landrwa la i sipoze, sa ki nou apel bann red line areas kot ou pa ganny drwa park.  10er bomaten ou trouv en pick-up in park la devan sa landrwa, 2 boug pe debark en fridge prezan tou trafik i bloke.

Ou al pli laba devan, ou ariv kot laboutik Deenu ankr ennfwa ou trouv, kot pe pran komisyon.  Be sa bann keksoz Lapolis i bezwen vin strik lo la.  Lapolis i bezwen vin strik, parski se sa bann keksoz ki pou met retar, sa bann keksoz ki pou anpes ki sirkilasyon trafik i mars normal e anplis ki sa lanmenm ler ki aprezan ou pran lakoler parski ou pe byen soz, en boug in arete la devan kot laboutik Deenu i pe met son konmisyon dan soz e pourtan double yellow line. E napa narnyen ki’n ganny fer.

So mon krwar ki sa Lapolis Trafik limenm i bezwen vin pli serye, i bezwen pran aksyon pli efektiv pou li fasilit sa.  Lalwa ankor ennfwa parey Onorab Elizabeth in dir, Lalwa trafik par egzanp parey i ete la konmela i dir avek ou caterpillar ek tou sa bann gro transport pa sipoze pe roule pandan ler lazournen.  Konbyen fwa nou tou nou’n pri deryer en caterpillar ek en Endyen pe drive. E aprezan sa boug menm i bezwen annan en siding, li i pase li, i pe mont Beau-Vallon li.  Bann la i bezwen kriy ek li ‘e ou la, be park enkou lo kote, les trafik sirkil enpe’.  E parey nou pe dir, Lalwa i la li, Lalwa i dir sa bann transport i annan son ler pou li roule, me selman sa boug i roule, normal tou keksoz.  So it’s a question of ranforsisman e mwan enn bann keksoz ki mon’n toultan krwar ladan.

zot in mansyonn mwan STAR.  STAR li sa bann gro kanmiyon i fer sa ki i anvi li.  En zour i park lo kote drwat pou li tir dustbin, lot zour i lo kote gos, aprezan zis ou ou bezwen pez nennen pou ou nobou sirkile.  Mon’n toultan krwar dan en point system avek licence akoz mon senserman krwar e petet i annan serten dimoun ki pa pou kontan sa ki mon pe dir.  Mon senserman krwar ki poudir Seselwa letan nou’n ganny nou licence, apre sa nou fini take it for granted ki poudir nou licence i pou lavi, nou kapab fer sa ki nou anvi lo semen, drive kimannyer nou oule, double yellow. La mon dakor avek prezantater Mosyon, in ler pou nou entrodwir en point system. Krwar mwan si ti en point system ki ti sever, ki ou konnen ki poudir si ou ganny atrape, anba lenfliyans lalkol, 2 pwen lo ou licence pou ganny tire ou ti pou bezwen fer ou pli atansyon.  Si ou konnen ki poudir ou fer en serious parking offence dizon lo en red line, sa i en lot keksoz ki bezwen ganny entrodwir, red line areas kot ou pa ganny drwa park ditou.  Si non ou transport i ganny ranmase e i ganny mete en lot landrwa ensidswit.  Krwar mwan ki poudir Seselwa ti pou reflesir enpe plis.  Letan ou ganny atrape pe speed, 2 pwen i tire lo ou licence, avek 10 pwen.  Krwar mwan ou ti pou reflesir en kantite, parski ou ti pou mazinen ki sooner or later ou licence ti pou ganny arase avek ou e apre sa si ou ti sey drive without a licence ankor ennfwa ou ti pou al dan plis problenm.  So sa point system mon krwar i bezwen ganny entrodwir somehow lo nou licence.

Dezyenmman speed cameras, speed cameras i la i fer sa travay.  Ou pa ni bezwen en boug la pe monitor pou tir portre, speed camera zis i ganny introduce partou dan lemonn.  E lakantite lofans ki zot detekte, i kouver the cost of those cameras. E anplis ki sa i met en eleman safety.

Lo konblaz, konbyen fwa lo sa bout ant Roche Caiman avek Providance ki zis single lane, konbyen fwa letan nou pe drive, sa two lane i vin four lane. Sa ki pe overtake en fason pe overtake en fason, mwan osi mon’n involve ladan, mon pa soz pou dir.  E napa personn la, dimoun i drive lavites ki zot anvi, napa narnyen ki arive e ankor ennfwa letan nou regarde, konbyen dimoun in perdi zot lavi lo sa morso semen.  I en kantite e ankor ennfwa i demann annan en fason pou nou fer sa e mwan mon senserman krwar ki poudir introduction of speed cameras i ava ede dan serten landrwa.

Dan plato Belombre par egzanp, i bezwen annan speed camera dan plato Belombre.  Dan serten lezot landrwa kot semen i drwat kot dimoun i tant pou fonse, regard isi, regard laba.  Ti byen vas car, nou rapel lentrodistrik vas car lontan me apre sa vas car in mor.  La nou’n retann ankor vas car, la konmela zot servi en lot sistenm fizi lo ou zot kasyet dan kwen aprezan zot tir lo ou e mon krwar nou bezwen ranforsi tousala.

Mr Speaker, mwan definitivman mon pe siport sa Mosyon aplen parski mon krwar ki poudir ozordi nou’n ariv en staz kot neglizans drayver in vin enorm e dimoun i park kot zot anvi.  Ou a pe desann Biznak, zis akoz i annan en pti laboutik la ki vann labyer ziska sepa keler, sa boug i aret devan sa laboutik.  Kekfwa menm pou ki, parey dan bann take-aways serten landrwa MacDonald ensidswit kot ou drive through. Nou pres pou nou komans annan sa bann kalite servis kot ou arete prezan ou dir, chief 2 labyer, en guinness ek 2 labyer, anvoy, konmsi ou servi lanmen.  Pres konmsi ou a krwar pou nou ariv sa pwen.  Ou pas dan distrik Anse Etoile, Pointe Conan, sa ki nou apel li laboutik Kasi, dimoun i park kimannyer zot anvi zis pou zot debarke pou zot al rod 2 labyer fre ensidswit.  Ankor ennfwa sa i en keksoz ki nou tou nou konnen ki poudir apre ler travay laplipar, mon pa dir laplipar drayver me en bon poursantaz drayver i drive avek en sopin labyer ant son lazanm.  Pa nou tou nou konnen? Nou tou nou konnen ki poudir this is the case. Lapolis pa konnen, li osi tou i drive avek sopin labyer dan son lazanm i kapab pa konnen.  Mon krwar ki tousala se bann keksoz ki nou bezwen balanse, e si lalkol i annan pou fer osi avek sa bann zafer aksidan me nou bezwen al lo sa direksyon breathalyzer. Teknolozi i la, alors mon ti a demande pou al enpe dan sa direksyon osi tou.

I annan en kantite keksoz ankor ki mon krwar nou kapab dir, me mwan mon pou dir annou siport sa Mosyon e annou espere ki aprezan nou ava pas lo sa kote aksyon e ki once and for all nou ava kapab trouv en amelyorasyon dan lord, dan sirkilasyon me osi dan lord an zeneral.  Mersi bokou

 

HON VICKY THERESINE

Mr Speaker, malgre ki bokou in ganny dir avan me avek sa lavites ki nou viv nou lavi modern in fer ki mobilite in vin en parti esansyel nou lavi toulezour.  Otan ki nou kapab deplas dan en fason enstantate nou pli satisfe.  Me sa i pa neseserman i en bon keksoz dan limenm, me i en realite lavi ki fodre nou fer fas avek.  Transportasyon e mobilite in evolye pou vin bokou plis ki en senp konvenyans, i en siny afliyans e prosperite nou pep e demann ozordi pou transpor in ogmante e i pou kontinnyelman ogmante.

Mr Speaker, Mosyon ki devan nou i enn ki’n ganny design pou amelyor kondisyon e standar lavi nou pep anzeneral, amelyor sirkilasyon trafik dan Victoria nou kapital e redwir to aksidan.  I pa en keksoz ki pou benefisye zis bann zabitan a lantour Victoria, plito i pou lo en servis nou tou.  Sekter transportasyon ek bann lenfrastriktir ki direkteman liye avek i annan en rol kle pou zwe dan devlopman sa sosyete.  Lo lasenn enternasyonal enn bann yard stick ki ganny servi pou mezir nivo devlopman en pei se son bann lenfrastriktir transportasyon.  Konzesyon trafik i annan en kou ekonomik ki atase avek.  Isi Sesel i demann antreprann en bon resers pou nou evalye ekzakteman konbyen nou pei pe perdi anterm larzan, letan e …….. akoz sa problenm konzesyon.

Mr Speaker, konzesyon i en rezilta direk aktivite e progre ekonomik pei.  I annan ki a menm dir ki i en siny afliyans nou pei, pli ki nou progrese, pli nou oule amelyor nou kondisyon lavi.  Rezilta ozordi se ki nou vwar plis loto, plis ankor lo nou semen.

Mr Speaker, en senp legzersis lozik a dir nou ki meyer solisyon pou problenm trafik, se pour sakenn de nou ki servi larout pou fer li dan en fason responsab.  Nou kapab asiz dan Lasanble ozordi e aprouv Mosyon e pas lezislasyon me sa pa pou fer okenn diferans si napa en sanzman konportman.  Tan ki lalkol avek speeding i ankor okip en plas lo nou larout, nou pou annan problenm.

Lo lot kote nou annan bann zofisye ki sipoze anforsi bann Lalwa e regilasyon ki ganny aprouve par Lasanble, me nou konnen Mr Speaker ki narnyen pa marse si napa bonn volonte.  Lalwa ki nou pase dan Lasanble i only as good ki sa zofisye ki pe anforsi sa Lalwa.  Fodre ki bann lenstitisyon konsernen e la mon oule pran en moman pou ferlisit sa linisyativ lo sa zafer patrol lo highway e traffic wardens. Fodre sa bann lenstitisyon i met an plas en bon sistenm formasyon pou zot bann zofisye.  Kot lavi dimoun i konsernen Mr Speaker, nou sosyete pa kapab afford medyokrite, konportman, e nivo motivasyon bann zofisye traffic i devret en sours konsern pou ………

La Mr Speaker, si ou a permet mwan size ki sa bann lenstitiyson konsernen i lans en progranm lansennyman agresiv e soutenab.  Sa Mosyon i konsern esansyelman avek elev standar lavi nou pep, fasilit mouvman dimoun e marsandiz e zeneralman bes nivo nwizans zeneral ki sa bann pti dele liye avek trafik i koz nou tou.

Pou sa rezon Mr Speaker mon pou siport sa Mosyon.  Okenn Mosyon ki viz ver amelyorasyon lavi ordiner pep Seselwa nou pou bezwen donn nou sipor a plen.  Mr speaker, andizan tousala mon rekonnet osi ki i annan serten problenm dan serten areas e se avek sa bi e avek sa lespri osi ki pou nou bezwen revwar e amelyor sitiasyon aktyel e mwan Mr Speaker mon asir loter Mosyon ki mon pou donn li son sipor lo sa enn.

 

HON JENNIFER VEL

Mr Speaker, tradisyonnelman nou en pep ki’n fer le pase, fer bokou laprev reste par nou fason viv e nou fason enterakte antre nou.  I kapab fatal, ler ki en pep i vir ledo avek sa ki’n ganny afekte koman son bann norm konportman.

Mr Speaker, an grandisan dan mon distrik Pointe Larue, mon rapel vwar bann portre lanterman pe transport bann dimoun swa simityer e legliz.  Sa letan bann dimoun ki swa pyeton ou drayver ti port bokou respe e ou pa ti zanmen vwar okenn dimoun dan transport pe overtake en kortez lanterman, pourtan ozordi sa i en pratik ki’n vin akseptab parmi serten dimoun.  E si nou pa fer atansyon i pou vin nou nouvo norm konportman.

Rezon ki mon’n lev sa topik Mr Speaker, se ki mon oule fer referans lo kestyon respe pou Lalwa trafik e responsabilite personnel lo kote ki sa ki servi larout piblik.

Mr Speaker isi Sesel nou tras en gran parti nou konsern vizavi problenm trafik direkteman kot son sours, sa i souvan mank respe pou nou kanmarad ki pe osi servi larout e mank respe pou Lalwa.  Depi serten lannen vyol Lalwa trafik in vin en fashion ki egal serten laliberte dan panse bann dimoun ki pe pratik li.  I annan dimoun ki pa met seat belt zis pou zot annwir gard san menm realize ki zot pe met zot prop lavi an danze.

I annan bokou ki get vyol Lalwa trafik koman en harmless form of rebellion san realize ki feray i touye.  De lot kote Mr Speaker i annan en mank responsabilite personnel de lapar nou bann pyeton.  Dimoun i koup semen san port okenn atansyon e ekspekte ki se drayver ki pou vey zot lavi pou zot.  Mr Speaker i annan en kantite lespas pou nou aranz nou prop konportman pou nou fer nou larout piblik vin pli safe ki i ete an se moman.

Mosyon ki devan nou i enn kit re straight forward, larout piblik i form en parti entegral nou lanvironnman.  Ler ki en dimoun i kit konfor e proteksyon son lakour fodre ki i fer li avek plenn konesans, ki i pou an sekirite lo nou bann larout piblik.  Dan menm lalinny fodre ki nou servi rezon transportasyon routyer i deliver en servis ki efikas.

Mr Speaker mon pou donn sa Mosyon mon sipor akoz mon santi ki i pou fer en kontribisyon pozitiv pou ede ogmant sekirite e efikasite lo nou larout piblik.

Avek sa mon pou terminen e mon donn ankor mon sipor sa Mosyon.

 

HON MARIE LOUISE POTTER

Mr Speaker, mon pou siport sa Mosyon akoz mon krwar i en bon Mosyon, i en bon inisyativ me anmenmtan mon pou evite limit sa problenm.  Sa fenomenm konzesyon trafik, ogmantasyon trafik, lo nou semen a senpleman en problenm anforsisman bann lezislasyon oubyen limitasyon lafors Lapolis oubyen en problenm resours.  Mon dir sa akoz mon krwar ki problenm konzesyon trafik, ogmantasyon dan lakantite transport e defi ki devan nou ozordi i en problenm bokou pli larz e bokou pli konpleks ki petet nou pe adres li.  I en problenm ki sertennman i pe afekte, ouyen in afekte a plizyer moman, bann pli gran kapital dan lemonn e mon krwar si nou ti swiv en progranm lo TV5 Lendi pase nou ti pou realize ki an Erop sa problem in ariv lo en nivo telman grav ki bann policy makers e bann spesyalis pe revwar, pe menm rekestyonn sa bann menm solisyon ki ozordi, nou nou pe dir i bann solisyon ki nou devret enplimante.  Bann kontrol, bann isi, bann laba.  So pourtan sa bann kapital Eropeen zot annan meyer Lafors Lapolis, zot annan en kantite rezours e zot annan bann meyer lezislasyon.  Alors kestyon ki nou poze eski vreman nou pe get sa problenm dan tou son lanpler e nou pe adres li kot mon krwar nou devret pe adrese.

Pou mwan, logmantasyon dan trafik, dan transport, konzesyon tou bann problenm ki sosyete avek i kapab alafwa en bon keksoz me en move keksoz, en bon sinny koman en move siny.  En bon siny, akoz i en ilistrasyon lavites devlopman e lenfliyans ki nou pep in arive, logmantsyon dan car ownership ki ozordi nou vwar Sesel, ki mon krwar i parmi si i pa enn pli o dan lemonn.  Ozordi nou en nasyon ki annan en veikil pou mwens ki 10 abitan e nou en nasyon ki pe met 5 a 10 transpor adisyonnel lo semen toulezour.  Sa i donn nou en lide sa lavites devlopman e sa lenfliyans ki nou pep e viv oubyen pe aspire pou vini.

Mr Speaker, loter Mosyon in dir ki letid ki in fer, in estimen ki logmantasyon trafik dan Victoria, dan Sesel pou ogmante, petet i pou double dan sa prosen 10 a 20an e alors i enportan ki nou adres sa size dan en fason si oule en pti pe pli profon e pli syantifik olye petet zis reste lo siperfisi.  Me i tris ki anmenmtan ki mon dir en bon keksoz me i osi en move keksoz.

I move akoz plis trafik, plis konzesyon i anmenn plis polisyon, i anmenn plis aksidan e nou’n tande ki zis sa lannen menm la, depi Zanvye ziska la in annan 9 aksidan fatal ki’n arive.  Non, mon tande i annan 11 e ler ou konpar sa avek bann lannen presedan, par egzanp an 2001 ti annan selman, mon selman 7 fatalite.  Me pou mwan en fatalite i deza tro bokou e i montre ki nou pe fer fas a en danze si nou pa vreman met en plan konpreansiv pou nou deal avek sa sitiasyon.  Mon dir i move akoz nou pe konsonm plis fuel. Dan en moman kot pri fuel lo marse mondyal pe ogmante dezour an zour, e kot nou bezwen plis fuel pou nou finans bann sekter si oule en pti pe pli prodiktiv dan nou lekonomi.  Nou vwar nou pe bezwen pran sa foreign exchange ki pei i bezwen sitan pou nou ogmant, pou nou aste fuel zis pou nou brile tou lazournen, tou lannwit fer letour, fer racing eksetera.  Ki i vreman en konsern e i vreman tris pou vwar nou al dan sa direksyon.  I move byensir akoz i pe met plis presyon lo Gouvernman pou nou depans plis lo bann enfrastriktir pou nou kapab accommodate sa affluence ki mon pe koz lo la.  E sa parey nou konnen nou bezwen fer plis semen, nou annan bokou swe ki’n ganny eksprimen la, nou bezwen fer sa, nou bezwen fer sa, nou bezwen donn sa, nou bezwen met sa, plis maintenance, plis mezir kontrol.  Me sa ki pli danzere pou mwan dan tousala se ki nou pe vwar nou pe devlop en latitid vreman negative, nou pep parey in ganny dir taler, nou pe devlop nou bann drayver, nou bann dimoun ki servi semen, pe devlop sa move latitid negativ ki nou pe apel road rage. Kot nou pe komans nou osi, pe ensilte kanmarad lo semen, nou pa pe rekonnet drwa en lot drayver, nou pe vyol liberte drwa pyeton.  Ennler ler ou ou pe drive dan en loto konmsi ou’n pran en gran bout semen ou pe desann, epi ou vwar sa pov pti pedestrian pe kwense dan sa kwen miray, ladan menm ou pe orn ek li ou pe dir li avanse.  Konmsi ennler nou bezwen demann nou lekor enpe kestyon.  Eski en drayver i annan plis drwa lo en semen ki en pyeton?.  Eski pyeton ki devret arete les loto pase?  Oubyen mon krwar loto ki devret arete les pyeton pase?  Mon krwar tousala i bann move keksoz ki sa devlopman, ki parey mon dir en paradoks ki pe anmennen ki pe detri en pti pe bann fabrik e avek sa tandans ki mon lib, mon drwa, mon isi, mon laba i fer li pli grav ankor  pou nou kapab adres sa sitiasyon dan en fason rezonnab.

Mr Speaker, fas a tousala Gouvernman pa’n zis asize e les bann evennman……….

 

HON FRANK ELIZABETH

Mr Speaker, sa Mosyon ki devan Lasanble ozordi avek tou respe ki mon annan pou loter Mosyon mon krwar ki in ganny konsevwar lo serten lapse Mosyon.  Mon dir sa Mr Speaker akoz mwan mon krwar ki i annan Lalwa trafik ki anplas e ki efektif e ki’n ganny byen drafte depi letan kolonyal.  E i annan bann lanmannman ek bann regilasyon ki’n ganny pase par Gouvernman aktyel pou met li azour avek lezot Lalwa trafik bann pei modern.  Mon krwar ki i pa neseser alors nou revwar sa bann Lalwa oubyen pou nou ranforsi li dan okenn fason.  Parkont mon osi krwar ki Lapolis ki pa pe enplimant nou Lalwa trafik parey i merit ganny enplimante.

Mr Speaker, ler Mosyon ti ganny anmenn devan Lasanble mon’n ekrir Konmisyoner Lapolis pou mwan ganny en pe lenformasyon lo ki sityasyon aktyel nou pei an se ki konsern aksidan koze par drayver neglizans e mon donn Konmisyoner Lapolis tou kredi menm si let ti al yer.  Bomaten in anvoy serten lenformasyon ki mon krwar pou ed Lasanble dan son deliberasyon apremidi.  Par egzanp Mr Speaker Konmisyoner Lapolis in dir ki i annan en seksyon trafik dan Lapolis e sa i ganny dirize par en Assistant Superentendant e li i rann kont avek en Commender Operations.  Sa i striktir ki Lapolis in met an plas.

Dan sa seksyon trafik Mr Speaker, i annan 15 dimoun ki aktyelman pe travay dan sa seksyon e zot bann louvraz sa bann dimoun se prensipalman zot fer bann louvraz lo kote parking, zot fer bann lourvaz escort kot zot escort bann Prezidan oubyen bann Dignitries ki antre dan pei.  Zot osi donn sinyal parey nou dir an kreol zot diriz trafik, zot fer bann speed checks pou zot issue fixed penalties, zot al lo scene aksidan e zot fer osi investigation.

Mr Speaker, sepandan fodre ki nou note ki seksyon trafik oubyen bann gard ki travayer dan seksyon traifk, i osi ganny asiste par bann gard regilye e sa i plis ou mwen ler i annan aksidan lo semen e sipor i ganny donnen kot stasyon e osi bann gard ki pe fer patrol.  Pou lenstan i sokan pou dir me dan Lapolis sirtou lo seksyon trafik i annan selman 1 transport ki pe ganny servi pou ed sa seksyon.  E sa transport se en pick up Isuzu, me selman i annan en fleet 10 moter ki’n ganny mete a dispozisyon bann Lapolis trafik pou fer zot bann louvraz respektiv.  Konmisyoner Lapolis in osi enform mwan ki prosennman Lapolis pou ganny bann nouvo veikil e lada i annan serten veikil ki pou ganny donnen avek seksyon trafik e sa in dir ava ede pou fer Lapolis donn en pli bon servis sosyete.

An sa ki konsern aksidan lo larout piblik Mr Speaker, Konmisyoner in dir ki an 2005 ti annan en total 165 aksidan trafik lo larout Sesel e ladan ti annan 9 dimoun ki ti perdi zot lavi.  An 2006 Lapolis ti anrezistre 1193 ka aksidan e ladan 12 dimoun ti mor.  Mr Speaker, le 30 Septanm 2007 i annan en total 1024 aksidan ki’n ganny anrezistre par Lapolis e ladan i annan 11 dimoun ki’n mor.  Lannen pase ti osi annan 12 ka fatal ki ti ganny anrezistre par Lapolis e sa lannen ziska prezan in deza anann 11 ka.  Lapolis pe dir ki zot espekte par average i annan 120 aksidan par mwan ki arive lo nou larout e si nou reste avek sa average Lapolis pe ekspekte pou annan en logmantasyon dan aksidan trafik lo nou larout konpare avek bann sif lannen pase.

Prezan lo bann mezir ki Lapolis pe fer pou dekouraz aksidan lo larout, Komisyoner in dir ki zot pe sansibiliz motoris e piblik an zeneral lo Lalwa trafik, lo bann regilasyon ek bann mezir prekosyon ki merit ganny pran pou anpes aksidan lo larout.  Lapolis pe osi pas dan bann lekol pou edik bann manrmay lekol kimannyer pou servi larout piblik pou evit aksidan.  Lapolis in osi dir ki zot pe rekrit plis dimoun ankor, I pe donn plis training bann zofisye lapolis pou zot improve kalite serivs ki zot donnen.  Lapolis in osi dir finalman Mr Speaker ki ler zot a ganny bann nouvo transport zot avar kapab amelyor zot performans.  Mr Speaker sa I sityasyon aktye.  Me mwan Mr Speaker ozordi mon pa war patrol lapolis lonou bann larout e mon rapel letan mon ti pe grandi Mr Speaker ti annan patrol lapolis lo larout, mon rapel tre byen ti annan bann loto mini ble ki ti tranpe kot lekol kolez e tay deryer bann vyekil ki fer speed lo semen Mont Fleuri par egzanp.  Ozordi Mr Speaker mon pa vwar loto patrol lo semen menm si mon kont sa latitid kot lapolis I tranpe dan sed apre zot sirpran bann motoris.  Mon krwar ki en prezans lapolis lo larout I pou act konman en deturant e anpes vites e dray neglizans lo larout piblik.  Mon osi en dimoun ki krwar fermeman dan patrol lapolis pa zis dan bann loto, jeep e moter me osi patrol apye dan nou kominote, dan nou distrik e osi dan nou pti lavil Viktorya.  Laontan ti annan sa bann patrol par group 2 oubyen 3 polisye ansanm menm Langleter Mr Speaker sa kalite patrol I egziste lontan ti menm annan gard ki ti fer patrol lo bisiklet e sa ti tre efetiv.  Mr Speaker akoz zisteman ler I annan en prezans lapolis lo semen I annan en tandans pou anpes kriminalite e bann vyolasyon Lalwa trafik.  I en sistenm polising ki tre efektiv e ki act koman en deturant Mr Speaker.  Ozordi I amlere pou vwar ki nou lapolis I abandon foot patrol e mobile patrol partou dan lavil, dan distrik, dan kominote konman en mekanizm efektiv pou lager kont kriminalite e bann dimoun ki sistematikman kas Lalwa trafik ki manyer I fer zot plezir.  Zefor Gouvernman alor I merit pe ganny konsantre pa telman lo revwar e ranforsi Lalwa trafik me lo lenplimantsyon bann Lalwa ki deza egziste avek en konbinasyon reform dan lafors alpolis.  I neseser pou met a dispozisyon lapolis bann teknolozi e bann teknink moder e efektif ki ganny servi dan lezot pei pou konbat sa bann fleo parey aksidan trafik e osi pou amelyor sirkilasyon trafik danlavil.  Mr Speaker dan premye National Development Paln ki ti pou dir pou en lespas 5 an ant 1977 a 1981 anba Gouvernman koalisyon ant aprti Demogratik ek Parti SPUP anba gidans Prezidan James Mancham ti annan en plan konpreansif pou amelyor sirki lasyon trafik pa Selman dan Viktorya me osi partou dan Mae.  Mr Speaker mwan monn ganny loportinnite poi mwan regard sa National Development Plan e monn vwar ladan ki ti annan serten reform ki tin ganny propoze I malere ki Gouvernman pann gannyletan pou enplimant li.  Dan sa National Development Plan Gouvernman ti fer remarke ki sirtou dan bann peak hours I annan en konzesyon trafik partou lo Mae me sirtou dan lavil Vikorya, e Mr Speaker la nou pe koz lannen 1976 sa problenm ti deza la e tip e deza ganny adrese par Gouvernman sa lepok.  Ti annan plan pou agrandi semen pou rediriz serten semen e kre Dual Garage Way pou al lo erport akoz semen sorti Larivyer Anglaise ziska erport ti ganny dir ki ti enn ki tipli ganny servi sa letan.  Mr Speaker I malere kipou la grann parti sa plan pann ganny enplimante parGouvernman SPPF ozordi.  Ozordi sesel nou merit aksepte pou ki aksidan I pa zis koze par vites e drayver neglizans me osi par kondisyon bokou nou bann larout e la mon oule met lanfaz losemen Glacis par egzanp ki enn ki ranpli avek trou e koltar kin kase par bout.  Mr Speaker dan nou Lasanble ozordi I toultan annan en tandans pou kritik Gouvernman, e nou kritik Gouvernman Mr Speaker pa zis akoz nou anvi kritik Gouvernman nou kritik Gouvernman zisteman pou li koriz sa bann keksoz ki mal e fer bann keksoz ki byen.  Ozordi Mr Speaker I en fe ki mon krwar noutou nou bezwen aksepte ki Gouvernman in vreman fer sa ki I kapab pou li ed lapolis pou li sirmont problenm trafik e aksidan lo larout.  Mon rapel ler lapolis ti pe konplet 2, 3 lannen pase ki zot napa transpor pou fer louvraz Gouvernman ti enport jeep pajero par grap sorti Malasy pou  lapolis.  Ozordi napa nni enn sa bann jeep lo larout.  Prezidan Michel inosi konplent piblikman ler I ti dir ki lapolis in demann li e ki ler in anmenn moter nap gard pou mont moter.  Gouvernman in menm sanz konmisyoner lapolis e pous bann polisye Senior ki swadizan pa tip e travay dan lapolis avek bi pou annan en lafors lapolis ki efikas I malere kitou sa la pann marse e pann amelyor sityasyon.  Se pou sa ki ozordi nou annan en gran logmantasyon dan aksidan e dan fatalite lo larout.  Mr Speaker an sa ki konsern sirkilasyon trafik dan Viktorya I vre ki sa I vin en kosmar ki pe kout nou pei bokou larzan akoz bann dimoun prodiktif ki ti merit pe travay e prodwir larisese pou nou pei I pas bokou zot letan dan anbouteyaz trafik dan Viktorya.  Ankmor Mr Speaker mwan mon krwar ki traffic lights I en teknolozi ki ede pou deblok trafik e mon sirpran ki ziska prezan I annan zis en sel traffic lights dan nou pei annantye.  An menm enstans Mr Speaker ozordi sesel nou vwar en lafors lapolis ki pe servi loto lwe par egzanp pou fer zot travay e sa I sirpran mwan bokou.  I kout nou pei de milye Roupi si pa milyon pou pey sa bann loto lwe an menm tan kot Island Construction Bois de Rose ti annan sa ki bokoudimoun ti apel en simityer loto gard e laba ti annan tou sord kalite transport depi pajero ziska terios e si in ranpli lo kanmarad Mr Speaker I kas leker enn ler pou vwar en tel sityasyon dan en letan kot nou pei pe pas dan en problenm mank deviz pou vwar deviz pe ganny gaspye dan en tel fason.  Mon krwar I merit annan en sistenm Internal Audit ki ganny fer regilyerman dan nou lafors lapolis pou fer zot rann kont ki manyer larzan lepep I ganny depanse e pou anpes gaspiyaz.  Dan lavil Viktorya Mr Speaker I deza annan 3 gran roundabout kot trafik I zwenn e mon panse ti avar en bon keksoz si nou ti kapab envestir dan 2 ou 3 traffic lights kot sa bann roundabouts.  Resaman osi ti annan serten zournal kiti lev sa size e Gouvernman ti reakte par komisyonn en rapor avek en lakonpanyen Morisyen pou konsey Gouvernman lo ki bann mezir ki fodre ganny pran pou amelyor sirkilasyon trafik dan lavil Viktorya.  Mon pakonnen konbyen Gouvernman ti pey sa lakonpanyen pou fer sa rapor me zot rekonmandasyon ti ganny byen piblisite lo televizyon SBC.  Malerezman parey bokou letid ki Gouvernman I komisyonnen I fini loen shelf par la dan en biro e I pa ganny enplimante.  Sa rapor mon krwar li osi in pas parey.  Mr Speaker mon krwar ki Gouvernman I bezwen pran sa mosyon ki devan Lasanble tre tre serye e I merit donn li en priyorite imedyat akoz sirkilasyon trafik dan Viktorya in vin en kosmar pou tou drayver ki servi sa larout tou le zour.  Mr Speaker I annan aktyelman 1300 nouvo veykil ki ti rantre sesel an 2006 anmenm tan in napa absoliman naryen kin ganny fer pou fer provizyon pou sa logamntasyon sibstansyel dan bann veykil ki pe kontinnyen servi larout dan lavil Viktorya.  Depi nou lendepandans Viktorya in reste plizoumwen parey.  Mr Speaker sa size kin ganny souleve par sa mosyon I enn ki sitan enprtan ki Prezidan Michel limenm ti rekonnet sa problenm sirkilasyon trafik dan Viktorya konman enn ki afekte tou dimoun osi byen ki nou lekonomi ler I ti dir dan son speech deta lanasyon ki ti ganny deliver le 20 Mars 2007 devan sa lasnblee mon pou kot li Mr Speaker, Prezidan ti dir:  en nouvo plan sirkilasyon ki pou benefisye sirtou rezyon Viktorya pou ganny met en plas prosenman.  Nou pou konstri en pon spesyal atraver Yatch basin ki pou permet transpor travers ant semen Bois de Rose e English River, sa travay pou konmanse avan lafen lannen.  Parey monn dir en kantite veykil pe rantre dan pei.  An 2006 plis ki 1300 veykil in ganny enporte e sa I reprezant plis ki 100 veykil ekstra par mwan e an mwayenn preski 4 nouvo veykil lo nou semen par zour.  Sa nivo plan sirkilasyon I pran kont sa gran logmantasyon, Prezidan ti dir.  Mr Speaker sa I en bon linisyativ e ankor enn fwa mon swete ki pa zisparol.  Mon swete ki en plan ki Prezidan ichel pou enplimante avan lafenn lannen.  Nou pe deza antre dan mwan Oktob Mr Speaker e ziska prezan mon pa ankor war okenn siny ki sa nouvo plan sirkilasyon pou konmans ganny enplimante.  Mon senserman swete ki i pann ganny abandonnen.  Finalman Mr Speaker pou konplimant bann travay ki pou ede amelyor sityasyon trafik e enplimant Lalwa trafik nou pou osi bezwen en lakour ki dil zis avek bann lofans trafik sa lide I enn kin deza ganny anonse e National House tin deza ganny swazir konman batiman kot sa lakour tipou baze. Parey bokou nide pe ganny anmenndevan Mr Speaker nou pa tann naryen apre e I pa ganny en plimante.  Nou lakour aktyel I nepli kapab deal avek sa logmantasyon sibstansyel dan bann case ki pe ganny anmennen devan li.  I annan en back log 5 an devan lakour e dan serten ka I annan case kip e pran 10 an pou fini devan lakour.  E bokou dimoun I fistre avek lakantite letan ki lakour I pran pou deal avek bann case.  Prezidan Michel ti osi koz lo sa size dan son speech leta de lanasyon e I ti dir lo laz zidisyer e mon kot li ankor Mr Speaker:  mon pa kapab koz lo Lalwa ek lord san koz lo zidisyer.  Mon annan bokou respe pou sa lensitisyon venerab ki form 1 sa 3 pilye larepiblik ek nou demokrasi me mon partaz fistrasyon pep Seselwa devan louder ek lanter dispansasyon lazistis dan nou pei.  Alor Mr Speaker pou mwan I enterativ pou kre en lakour trafik oubyen traffic court ki avar konsantre ekslesivman lo bann lofans trafik e retir sa fardo lo nou lakour aktyel.  Mr Speaker malgre tousa ki monn dir mon anvi reasir loter sa mosyon ki mon pou donn li tou mon sipor dan sa mosyon akoz mon rekonnet son lenportans Mr Speaker me an menm tan mon swete ki Gouvernman osi I a pran sa mosyon an serye e I avar enplimant li imedyatman.  Mersi.

 

HON WAVEL RAMKALWAN

Mr Speaker monn ekout avek latansyon sa 2 dimoun kin kkoz avan mwan e mon krwar ki I annan bokou bann pwen pertinan kin fer ganny resorti e pou mwan letan mon pe regard sa mosyon avek son amannman ensit swit mon trouve ki konsern ki tous nou tou se safety, sekirite nou bann dimoun lo semen e ozordi mon krwar ki definintvman I annan en eleman dout lo sekirite lo lafason ki serten drayver I konport zot lo semen e anmenmtan osi parey loter mosyon in mansyonnen sa traffic rage ki definitvman I annan en serten fistrasyon letan dimoun pe drive paski si ou pa fer atansyon ou kapab fer aksidan nenport ler par sa bann keksoz ki pe arive.  Mon krwar ki in annan diferan attempt pou sey adres sa size e an mezir ki noun osi koz lo semen kalite nou semen mon krwar ki letan par egzanp ti pran desizyon pou fer monte road tax pou li vin 1 Roupi par cc mon krwar ki ti annan bokou drayver ki ti panse ki sa ti avar enn bann fason pou annan en serten amelyorasyon lo leta semen limenm e donk anmenn avek li serten solisyon pou sitiyasyon trafik e mon rapel dan Lasanble ti annan en lannen kot let nou tip e diskit an detay bidze sa ti enn bann pwen ki ti met bokou lafaz lo la paske lakantite larzan ki Gouvernman tin ranmase atraver road tax e lakantite ki tip e ganny vote pou land transport pou li fer son travay I pa ni ti reprezant en dizen e alors bann Manm ti tre ankoler mon ankor rapel byen Onorab Pool ek Onorab De Comarmond tre ankoler avek sa kipe arive.  Donk ozordi nou trouv nou dan en sitiyasyon kot I annan en serten semen ki ganny resurface tanzantan I annan lezot travay ki ganny fer.  Me Selman mon krwar ki an zeneral nou ankor annan serten problenm avek nou bann semen.  Mon vin lo la premyerman.  E sa bnn problenm I vin anmenmtan osi oke lakantite loto kip e antre dan pei e sa I en keksoz ki profetman mon trouv li drol paski dan en sitasyon kot pei nou koz lo sa mank forex pou fer vini bann komodite esansyel Selman tou le mwan nou trouv sepa konbyen Terios ki antre dan pei, sepa konbyen lezot loto ki rantre e ki konmsi parfwa I fer ou poz ou lekor kestyon as to kwa ki nou pe consider as nou proyorite vi ki parey nou pe dir I annan problenm konzesyon e sis a kantite loto ki pe rantre in the first instants nou pe balance bann permiki pe ganny donnen pouf e sa kantite loto rantre I pe ganny balance avek sityasyon semen si pou kapab contain to sa bann kantite transport, so sa I en kestyon dan limenm.  Me Selman ler mon pe regard en pe ankor mon trouve ki I anann landrwa e la letan nou pe koz lo lakantite aksidan I annan bokou aksidan ki ganny koze par lezoy fakter.  Par egzanp noun deza dan sa Lasanble menm Onorab Speaker ou avar ,azin tre byen letan nou tip e koz lo bis tata ki kantite kontribisyon I fer pou bann aksidan e sa nou ti koz lo la for apre sa aksidan dan distrik Onorab Pool Anse Boileau kot en bis ti tonm anba semen kot ti annan bokou bann zanfan ki ti involved ladan e menm isi dan sa Lasanble ti dir ki par egzanp lakantite servicing konmsi pou toulezan fodre k ibis tata I pas 2 tes pou regarde ki son sitiyasyon e ozordi nou ankor pe trouv nou dan en sityasyon kot diesel I fannen lo semen e sa I koz danze pou lezot dimoun ki pe servi semen e la Sanmdi in annan en lot aksidan dan menm landrwa La Louise dan kantour La Moutya aksidan ankor enn fwa bis tata ki sa definitvman I osi annan en lefe lo lezot travayer si lo lezot dimoun ki pe servi semen.  Si bis pe fann disel lo semen pti lapli I tonbe apre sa lot pe vin esey pez fren otomatikman I pou annan serten konsekans ki pou koz serten danze e letan and obviously letan ou pase ou tann sa bann zis ou ekout fren sa bann fren ki lafason ki ikriye ou konnen ki pou dir sa feray pe frot lo feray.  E letan feray pe frot lo feray savedir I annan en lot problenm.  So alors mon krwar ki lo kote kalite transpor la mon pa pe dir zis bins tata, bis tata I enn bann konponan ki nou bezwe reagrde me osi lo kalite transpor leta bann transpor ki lo semen mon krwar ki I osi annan en lefe.  Nou konnen ki pou dir drayver petet drayver pou plenyen paske deza pyes I ser nou tou nou konnen pou dir laplipar bann pyes I rantre lo pri black market e bann pyes I ser e kalite bann pyes sa I lot zafer nou bezwen koz lo la, kalite bann pyes lapipar di tan se pa bann ______ parts kip e rantre dan pei e en dimoun I ale I sanz en Ferodo lo son, I sanz break pad en sit swit I pa sa original part ou pez 2 fren en pti kou I fini.  So sa osi tou I annan en konponan. I osi letan ban drayver byensir pe osi konplent fuel apre fuel kin monte par dan ka diesel preski 50 pousan non 78 poursan lot petrol ensid swit tou sa la I fer ki dan limenm li I anmennen serten presyon lo drayver lo dimoun ki annan en lot.  Me Selman mesaz mon krwar ki nou nou bezwen anvoye konman en Lasanble se ki malgre I annan tou sa bann presyon e se la kot I avar annan kot Gouvernman mon krwar I osi I annan en rol parski li fer bann Lalwa me Selman nou dan Lasanble nou lenportans ki nou anvi mete se lo sekirite nou bann dimoun e kot sekirite I konsernen nou pa kapab adpote en dezyenm standar nou bezwen pli o standar posib kot sekirite I konsernen akoz nou konnen letan I ariv bann aksidan ensit swit ki kalite kou premyerman I annan lo en nivo lasante limenm pou ou kit en dimoun pou ou anmenn en dimoun dan theatre pou ou fer tou bann zafer avek li pou ou anmenn li dan ICU ketfwa ensit swit sa lo limenm li I annan en burden ki I mete lo nou sistenm lasante sa I lo kote Gouvernman prensipalman me apre sa I annan en kou e mosyonnel lo fanmiy sa bann dimoun ensit swit letan I ariv ka lanmour letan dimoun I paralyze letan dimoun I ganny kou lipye tousala I annan tou kalite cost ki mon krwar ki nou bezwen pran an konsiderasyon.  Donk lenportans I bezwen vin lo sekirite lo ki manyer nou kapab avoid en kantite keksoz e ki manyer nou trafik I kapab flow.  E sa la kot loter mosyon in mansyonn drag racing e monmon var dir ki monti vreman dezapwente letan mon osi mon al laba monn al regard sa drag racing letan pou ou trouv bann pli o zofisye lapolis pe asize anler pe pran zot drink e zot pe regard sa drag racing e ki manyer dan nou pei noun kapab annan drag racing lo new port kot ou anann ou en kord gard kot Adams Unit I ete, ou annan ou en firebridgade ki form parti lapolis e bann la pe race ant sa 2.  be lapolis pafer zot travay?  Oubyen eski lapolis I donn lanmen pou li blok trafik isi laba,e mon kontan ki pou dir sa in arête akoz finalman sa 1000 ekek zenn ki parfwa dan Vandredi ti pe ralye laba kot New Port zot tip e regard konmsi ti pare you a pe regard en race e ou ou lo track ou a pe regard race.  Bondye in protez sa bann dimounki laba akoz sonner or later ti pou annan en aksidan terib laba.  Be sa osi tou noun koze dan Lasanble ofet Onorab De Commarmond en fwa ti propoze ki pou dir I annan bann zenn ki kontan sa bann racing Onorab De Commarmond ti dir fer li dan en fason pli annord I tin dir be parfwa dan en serten ler nou avar blok high way e la I avar annan kontrol ensid swid.  Mon Mr Speaker e I ti seye e mon ti konpran li ki I ti ape dir, e mon mon krwar ki pou dir sad an limenm oke nou konnen ki pou dir racing parrtou I annan racing e mon dir be si bann zenn I kontan racing menm parey ki ou annan Karting kin fer zot zoli pti race court ensid swit I anann bann konpetisyon normal ki ganny zwe.  Akoz ki pa rod en landrwa apopriye pou ki bann loto ki ganny modifye then aprezan ou avar kapab annan bann regilasyon ki avar regarde ki kalite reforsisman bann loto I bezwen, ki bann speeds ki bann large ensit swit pou ki napa bokou distraksyon ou konnen ki pou dir ar I annan racing laba tel ler, tou kekzos pe ganny fer dan en atmosfer kontrole e sa bann drayver osi tou zot avar pe bezwen pas atraver serten disiplin pou zot konnen ki manyerzot pou manye zot keksoz ensit swit pou ki letan zot tonm lo semen zot pa nenk zis pe drive 100 mil aler I dimmoun I avar kapab dir be oke la dimans apre midi ozordi annou ale an lafanmiy nou avar al regard racing.  Nou konnen kipou dir I annan race 1er, 2er, 3er, 4er whatever nou avar ale asize dan en latmosfer korek nou avar regard racing e apre sa …………..

 

HON MARIE-LOUISE POTTER

En lakonpanyen Morisyen ti ganny demande pou vin asiste nou bann ekspert lokal pou esey etidye sa fenomenn esey propoz serten rekonmandasyon.  E sa letid kin ganny fer in aboti a 21 gran rekonmandasyon e depi ler nou pe debat lo sa mosyon in annan plizyer keksoz kin ganny dir e ki enkli ki form parti sa bann rekonmandasyon.  E baze lo sa bann rekonmandasyon Land Transport Division in travay lo sa ki nou apel en plan aksyon e kot in priyoritiz 13 proze ki zot pe demann Gouvernman pou konsidere pou nou kapab enplimante over sa prosen 5 an.  Parmi sa 13 proze I annan par egzanp sa road by pass ki Onorab Rakalawan ek Onorab Elizabeth in koz lo la e sa road by pass ki pou sorti Bois de Rose e ki pou pas lo tou bann zil la kin fek konble Ile Du Port, Ile Perseverance ziska Ile Aurore apre I pou al debous lo la retraite avek bi pou tir trafike npe dan Viktorya bann trafik ki sorti sid avar pas direk si pou al dan nor san pas anndan dan Viktorya limenm.  I annan sa link sa nouvo link ki zot pou fer ant Palm Street avek Inter island key sa osi pou fer en pe sa konzesyon trafik ki annan laba kot school meal centre ki nou tou nou pas ladan tou le zour e anmenm tan pou met en traffic light dan sa landrwa.  I annan en proze pargzanp ki dan meeting konsiltatif VP Belmont ti koz lo la se sa enlargement sa Bel Eau sasemen Bel Eau la Bel Eau junction pou fer li pli safe ankorpou bann pyeton e pou met traffic lights osi la.  I annan enlargement semen La BourDonnen mon krwar pou fer li vin en 1 way traffic.  Iannan sa road link ki pou link BelAir St Louis dan Koko pou al debous anler Bel Air avek bi pou tir bann sirkilasyon ki sorti dan nor trafik dan nor pou pa pas anvil e pou sey debous zot bor kote dan Bel Air epi pou divert zot pou evite ki I annan sa konzesyon dan Viktorya.  Mr Speaker me I byen tousala I byen me sa ki nou pa pe sanbleman nou pe adrese dan sa deba se kou avek tou sa la I annan en kou e zis pou sa 13 proze kin ganny imark konman priyorite I pou kout Gouvernman par lao 2 sa milyon Roupi e petet refleksyon ki nou devret pe fer ozordi oubyen pe angaz nou pep se kote nou rod nou pou trouv finansman pou sa montan.  I byen konmanplitisyen konman sitwayen nou demande fodre fer sa, fodre met sa, fodre donn sa, kan pou met sa, kn pou konstri sa.  Me tre souvan nou bliye fr nou pep reflesir ki sa bann keksoz ki noupe rode I annan en kou ki atase avek e pli pir ankor mi atase avek en kou demen ler nou war ki depans Gouvernman in depas son bize oubyen nou det eksteryerpe ogmante nou fer en bann politik avek nou dir la la det in ariv sepa 5 an milyon in ariv isi in ariv laba.  Mr Speaker mon krwar si nou senser konman bann lezislater e nou anvi adres sa ensi ki lezot problenm ki nou al rezoud dan nou pei in ler pou nou vin pli serye e pou nou vin en pe pli rezonnab.   MrSpeaker I enportan note kantmenm ki sa rekonmandasyon ki sa rapor in fer I deza annan kin deza ganny enplimante.  Par egzanp re entrodiksyon bann mezir kontrol, re entrodiksyon sa high way patrol unit ek tou bann nouvo mezir reforsman ki mon konpran I an plas depi yer oubyen in konmans ganny met an plas depi yer sa ti form parti sa rekonmandasyon.  Fer lari legliz vin en 2 way 2 lane sa osi ti form parti bann rekonmandasyon.  Me sa osi mon santi ki in vin en pti pe tro vit akoz ki pe arive prezan avek lari legliz mon pran en pe pitye pou bann pedestriant sorti Mont Buxton, St Louis, Larue Hargard akoz ler I anann 2 loto ki pe pase la e sa bann drayver en pe aroge e ki pa repekte dwa pedestriant e lezot drayver ou war dimoun nek pli ale pe pas dan sa rigo kot legliz akoz napaen foot path.  Mon a mon avi mon krwar ki tin devret fer en footh path negosye avek lamisyon pou pos sa miray re pous peron pou donnpasaz pyeton avan menm nou ti met sa 2 lane e tou le bomaten I fremir war marmay lekol oubyen madanm pe kwens dan kwen miray eksetera lo sa morso semen.  Mr Speaker mon krwar ki sa size I en size ki merit en deba nasyonal e mon ti a rekonmande ki SBC I pran sa size e I ouver deba piblik lo la.  Mon asire nou pep I annan en lopinyon lo la e nou ti a kontan sansibiliz nou pep losa size, fer zot konpran lanpler sa problenm fer zot own sa problenm e angaze pou nou kapab rod en solisyon pou sa problenm mon krwar e SBC I bezwen ankouraz en deba kre en lopinyon piblik sirtou lo sa bann size swiva:  Eski ozordi avek lakantite veykil ki annan lo semen eske nou devret pe etablir en mekanizm mon pa pou dir kontrole akoz mon krwar I annan serten dimoun I pa tro kontan sa mo kontrol me eski nou devret pe kontrol lakantite e la kalite transpor ki nou les antre sesel.  Mon dir sa akoz ozordi enn le en pti pei parey sesel ki annan ki zis mon krwar ki zis 17 mil longer mon demande ki konbyen ki kantite double cab nou kapab annan dan sa pei, ki kantite 4 wheel drive nou merit annan dan sa pei, ki kantite gro gro transpor nou merit annan dan sa pei.  Kan mon krwar en pti loto byen safe akoz konmela tou bann pti loto ki ganny fer I bann pti loto ki ganny fer avek bann spesifikasyon safety probableman si nou ti oule tou nou dimoun I evantyelman ganny en loto petet nou ti avar dir tou nou dimoun be annou rod sakenn en pti loto ki nou a kapab ganny en plas pou pase olye war en dimoun tousel dan en Manm transpor kin pran tou plas pou li lo semen e ki pe bully bann pti loto ki pe polye lanvironman plis ki lezot loto so sa probaleman nou ti a kontan ganny lopinyon piblik lo sa size.  Nou ti a kontan par egzanp ganny lopinyon piblik lo sa zafer road race, drag race in vin en problenm ozordi sesel sa e byen ki nou nou pe reflekte lopinyon piblik me ti a gou konnen ki nou pep I santi lo.  Eski nou pep I le ki nou dekouraz sa pratik oubyen nou pep I le ki nou rod en fason pou sey tir zot lo semen e met zot dan en kwen e dan en fason ki ler zot a retourn lo semen nou avar kapab met Lalwa pou anpes zot retourn lo semen.  Ozordi nou menm nou konnen ki kantite problenm, ki kantite politik ki ti ganny fer avek sa size konblaz ler nou tip e fer konblaz.  Eske kou kantite larzan envestisman kin met dan sa konblaz, eske ozordi nou le ki nou pran en ektar konblaz e nou donn sa lasosiyasyon racing pou zot fer zot racing avek.  Tousala nou ti a kontan ganny lopinyon piblik lo sa size.  Mon krwar ki in ariv en ler kot zis en ler nou 2, 3 dimoun I reve I oule fer tel keksoz epi I vin met en ta presyon e finalman nou pa tro noun ariv en staz kot nou pa kapab tro byen balanse ant lopinyon, ant bezwen lepep e bezwen serten divide oubyen azanda serten group.  Mon krwar I enportan ki nou pa perdi sa balans akoz sansan nou pou realize ki nou pou fer bezwen fer serten rekilt dan bann desizyon ki nou fer.  Mr Speaker eske nou devret nou oule ganny lopinyon piblik lo si nonu dir nou oule vin pli sever nou oule ranforsi driving nou oule fer sir ki nou ganny bann drayver responsab lo semen.  Eske mon ti a kontan ki nou konnen ki nou pep I panse lo ranforsi Lalwa pou nou retir license en boug oubyen en madanm ki ganny war, atrape pe bwar anba lenfliyans lalkol.  Napa pwen ou tir net akoz en dimoun ki anba lenfliyans lalkol son kordinasyon mon krwar bann dokter I kapab dir mwan la I pa parey e ou prov inosan pe pase lo semen oubyen ou pe pase dan ou loto en boug in vini full steam

 

MR SPEAKER

Order, order, order.

 

HON MARIE-LOUISE POTTER

I full steam I byen sou e I pe fer tou speed ki annan e I vin I bat lo ou oubyen I bat lo ou piti oubyen I bat lo sa prov madanm e ifinni lopital oubyen 6 pye anba later.  Eski nou pou kontiyen toler sa bann sityasyon koumsa?  Mr Speaker nou anvi konn lopinyon piblik lo ki nou fer, nou Viktorya I pli pti kapital e pli pti city town ki petet I annan parmi dan lemonn eske nou oule retir trafik net dan inner Viktorya? Fer trafik met bann parking an deor Viktorya pou ki bann dimoun I antre dan Viktorya I park son loto en landrwa e apre I annan en lot fason zot apel sa park en ride kot I antre anvil oubyen I marse.  Sa I petet avar evite ki en boug I anvi aret devan en laboutik e aste isi aste laba aret la anbark en dimoun e san realize ki I pe vyol dwa sa enn ki deryer li oubyen sa enn ki akote li.  Mr Speaker tousala I bann size ki mon krwar nou Lasanble ti a kontan ganny lopinyon piblik lo la e sertennman desizyon ki nou pou pran nou pou bezwen pran li lo rate ki nou a gannyen from lopinyon piblik.  Parey loter mosyon in dir sa problenm transpor, konzesyon trafik eksetera I enn bann defi nouvo miler ki Prezidan ti dir nou pe fer fas avek.  I montre nou lanper sa problenm.  Parey monn dir I pa zis en kestyon lapolis pa pe fer son bout, land transport pa fer pou li, drayver I malelve eksetera, I en problenm mon krwar ki merit en lefeksyon profon en deba nasyonal pou ki ler nou pran bann mezir nou pa les okenn endividi oubyen okenn dimoun taye e konmans fer politik avek sa avek sa.  Sa I le sel fason ki mon war ki nnou kapab adres sa problenm.  E avek sa mon pou siport sa mosyon.  Mersi

 

MR SPEAKER

Bon 3.30 pe al sonnen mon oule enform zot ki mon annan 4 entervenan lo mon lalis, 2 lo sak kote e mon pou excersise time limitation apre nou zwen 4er.  Oke 4 er nou avar rezwenn pou nou kontiyen avek deba.  Yes.

 

HON WAVEL RAMKALAWAN

Eski ou pe mazinen ki nou pou pran zis sa mosyon apre break ki konmsi dezyenm mosyon si i annan sa 4 entervenan…..

 

MR SPEAKER

Bon, non mon pa vwar posibilkite pou nou kapab pran dezyenm mosyon.  Oke, nou pou esey fini avek sa mmosyon lo trafik.

 

(BREAK)

 

MR SPEAKER

Bon parey monn deza enform zot mon krwar noun fer ase deba lo sa mosyon in annan nou pe al dan repetisyon so mon pou pran sa 4 endividi ki lo mon lalis e mon avar demann zot pou limit zot pou 12 minit.  Mon a konmans avek Onorab Clifford Andre.

 

HON CLIFFORD ANDRE

Mr Speaker mon santi mwan oblize konmans par sa lekspresyon ki ti ganny donnen par Onorab Rakalawan me I absan me osi Onorab Elizabeth in servi.  Lontan zot dir ti annan vast car e Onorab in dir bann pti mini ble.  Mr Speaker I enportan pou note ki dan laplipar pei dan lemonn kot zot annan en high way patrol zot servi bann teknik si ououle pou zot esey diter dimoun pou fer excessive speed dan bann landrwa ki annan en speed limit.  Zot souvann fwa consil zot identity par kasyet dan en pti landrwa e letan sa loto I pase zot tay deryer li.  LOnorab Elizabeth I konn sa byen paske sa I pratik ki ganny servi Lagleter.  Mr Speaker mon osi oule bouz lo en lot pwen kin ganny fer sorti ozordi dan Lasanble kot petet serten vyolasyon trafik ti avar ganny anpese si nou ti annan foot patrol lo semen.  Mwan personelman monn vwar lapolis pe fer patrol dan Viktorya, e pou lenformasyon mon fek vwar pa 2 yer me 3 ansanm mon krwar I anan plis ki 2 sa kin ganny dir I sipoze standar oubyen ti fer ti en pratik dan lepase.  Mr Speaker mon santi mwan privilezye dan en fason akoz ozordi noun vwar loperasyon en nouvo unit ki apel The High Way Patrol Unit ki tonm anba departman transport.  Midi letan monn al dezennen monn vwar zot pe fer en pe zot travay anvil e mon kwar sa I montre ki bokou sa bann keksoz ki nou pe diskite ozordi I tonm an plas sa mosyon in vin a en bon moman kot serten bann rekonmandasyon ki deza dan sa mosyon I pe deza ganny enplimante par departman transport.  Mr Speaker mon osi annan lenformasyon ki I annan kamera ki pe ganny mete pou take care of sa bann zafer speeding e serten lofans osi ki ganny komet dan lavil.  Lapolis pe etansal en seri kamera ki pou fer nou konnen bann dimoun ki konmet lofans trafik e osi bann lot kalite lofans dan lavil e en pti pe an deor lavil lo outcuts parey nou kapab dir.  Sa Mr Speaker monpou felist lapolis akoz in travay dan en direksyon ki pe anmenn sa bann developman ki nou menm nou nou pe dir akoz zot pa fer ozordi.  Lo en kote mon oule dir ki letanmon petous lo sa mosyon mon asize monn ekoute e monn relesir, Onorab Elizabeth limenm in dir nou pou dir dan sa kominike ki in gannyen avek lapolis e sa mon krwar ankor mon pou felist lapolis akoz I montre lefikasite ki lapolis I annan in anvoy en fax yer e ozordi in ganny repons, mon pou felisit komisyoner polis pou sa e I dir nou dan sa konmite ki pou dir komisyoner polis in dir li pou dir I annan serten transport ki pe vini dan pei pou ede avek sa bann travay patrol e tou sa la travay lapolis an zeneral e nou ti osi ganny re asire par Vis Prezidan letan I ti vin dan sa Lasanble isi I ti dir nou pou dir I annan en consiment en loa transpor ki pe vini pou ed lapolis alors I neseser ki ozordi nou annan sa bann HV ki nou vwar lapolis pe servi akoz parey in ganny dir ti annan pajeero ozordi pajero I kot Island Motors me I enportan ki nou sorti lo sa zistwar nou bouz devan e lapolis pe bouze pou li ganny son prop transpor.  Mr Speaker mon ti a kontan osi re asir loter mosyon ki mon pou siport son mosyon to the full parey nou dir e monn tann mansyonn dan sa mosyon rapor ki ti ganny komisyonnen e ganny fer par en lakonpanyen Morisyen e mon osi santi mwan privilezye pou annan serten lenformasyon ki pou montre ki sa rapor pan zis ganny met lo shelf parey in ganny dir me Minister konsernen pe travay de pros e leader of government business in dir nou pou dir I anann 13 rekomandasyon kin ganny pran ladan, Minister konsernen pe travay pou li enplimant serten dan sa bann rekonmandasyon e osi I annan sa cost factor ki vin an zwe.  Pou mwan koz ankor en pti pe lo sa ki monn ekoute anvan noun al pran break Mr Speaker monn antann dir ki nou annan bann zoli Lalwa, Wi nou annan bann Lalwa ki efektiv me Selman in ganny dir pou dir ki manyer nou enforce sa bann Lalwa ki en problenm.  Mmon oule pas serten lobzervasyon avek koleg kin fer sorti sa.  Minister konsernen ki transpor, lanvironman, resours natirel ek transport in annan en dialog avek sef ziz lakour siprenm kot in tonm lo en lakor lo en lagreman si ou oule ki pou annan en mazistra spesyal letan mon dir spesyal mon pa pe dir ki I parey lezot me ou konnen lakour spesyal si ou oule ki en Magistrate Court ki pou adres bann lofans trafik e osi lanvironman dan sa konteks son priyorite pou pran bann lofans trafik ki parey mon koleg in dir I pran 10 an monn tann li dir me Selman mon sir sa bann zafer 10 ab I pa lakour kipaanvi fer pase me I bann avoka ki drag case pou case airiv 10 an.  Alors nou pou annan sa bann forum spesyal ki pou adres serten sa bann konsern kin ganny met devan.  Mr Speaker mmon pou termin mon pti lentervansyon par propoz en rekomandasyou pou met ansanm avek sa ki mon koleg in dir.  Monkrwar I enportan ki Gouvernman I etidye osi posibilite pou esey desantraliz en pe bann servis ki ganny located dan Viktorya.  Nou anann sa problenm konzesyon trafik akoz tou bann loperasyon oubyen mazorite nou bann loperasyon I dan Viktorya parey in ganny dir sa pti city ki nou annan e ki I fer ki tou dimoun a en moman ou en lot I bezwen desann dan Viktorya pandan lazournen, I napa en swa e pou li marse I en pti pe so konmela nou tou nou remark sa I santi li enkonfortab plito I desann dan son loto ki annan aircon mon war souvann fwa nou war zot zot vit I fermen mon prezimen I bezwen annan aircon ladan.  Sa I enn bann rekonmandasyon ki monti a kontan azoute avek sa ki loter mosyon in pase Mr Speaker e avek sa mon oule reasir loter ki mon pou donn mon full sipor sa mosyon.  Mersi Mr Speaker.

 

MR SPEAKER

Onorab Prea 12 minit.

 

HON NICHOLA PREA

Mersi Mr Speaker.  Mr Speaker mon osi mon aport mon sipor pou sa mosyon anvi ki 2, 3 lannen pase mon osi mon ti anmenn en tel mosyon ki ti tous en pe sa bann pwe, sa bann konsern ki fe sorti ozordi isi dan sa Lasanble me lanfaz ti sirtou met lo kondisyon semen viz a zi avek road taks ki bann drayver tip e kontribye akoz tianann en bi pou amelyor kondisyon semen ki pou kapab limit aksidan eksetera..Mr Speaker ler nou ekout deba kin ganny fer ozordi lo sa mosyon I annan plizyer pwen kin ganny sorti, oke.  Mon kapab fer en premye pwen la lo kalite transpor par egzanp ki roul dan nou bann semen.  Onorab Potter in fer sorti sa lo kalite transpor.  Annou regard en pti pe groser transpor pou nou semen.  Son kalite itself, son kondisyon itself.  Noupe dir ki I annan 1300 loto ki pe antre par an en average la pou le moman be annou regard en kou la konbyen loto ki sorti ki ganny retire lo semen e konbyen loto ki dapre station ki teste loto ki pa sipoze road worthy ki pa sipoze pe marse lo semen.  Mon asire sirtou bann ki petet ariv kot zot awar oubyen fer en pti letour aswar nou souvann fwa nou pou rankontre ketfwaen lalimyer ki nou apel en 1 eye ki pe vin lo nou, trwa kar di tan nou krwar I en moter meler I ariv pres kinoudekouver I en loto.  E bokkou fwa osi tou si nou peswiv en lot awar I annan bokou ki napa sa ki nou apel tail lights oke sa I de legzanp defo ki kont regilasyon en transport ki merit pe roule lo semen e ki definitivman zot pa devret lo larout akoz zot kapab okazyon aksidan.  Me mon kestyon I vin lo koman sa bann loto I ganny sa road worthyness?  Sa case pou li ariv o semen oke I bezwen annan en problenm avek landrwa kot sa loto I bezwen ganny teste.  Taler Onorab Ramkalawan in fer sorti test lo bann bis and so on, fare enough ler stasyon teste transport ti ouver ti mpou annan test spesyal pou bann bis e ankor akoz son lenplikasyon lo la kantite Manm piblik ki I transporte e konsekans en tal aksidan me ozordi ki manyer mon pe konpran bokou fwa, petet souvann fwa nou annan serten lekipman kot sa stasyon ki pa pe marse ki pa pe fanksyonnen ki petet pa pe kapab detekte sa bann defo, me mon asire sa problenm lalimyer I devret kapab ganny detekte e la ankor petet increase en pe patrol lapolis aswar monasire dan en lanwit e la sirtou sa keksoz fix penalty pevin en pti pe lpli sa pou kapab anmas en larzan mon asire dan en nwit lapolis oubyen sa group patrol la I kapab fer en bon larzan.  Mr Speaker sa pwen parey monn dir an menm tan ki kantite nouvo loto I rantre nou kapab vwar petet en balans lo lakantite loto ki ganny mete akote ki ganny tire lo semen definitivman nou regard otour nou I annanloto ki pa devret losemen e nou bezwen pran serten aksyon viz a vi sa.  Onoarb Potter in koz lo groser loto, bokou dimoun I konnen pou dir seselnoun ariv mmon pa konnen si en nespes Fobia ki sak dimoun pe esey fer vini lto pli gro, sonpli gro kapasite and so on.  Anyway mon mon totalman an faver sa ki Onorab Potter pe dir pou prefer en pti loto, en ptiloto son lenpak lo lanvironman, son lenpak lo lekonomi tousala I zwe ladan me byento avek ou ti Onorab Leader of Government Business im sure dan ou package ou pou anann en loto mon hope kiou avar lead by example oke mon a kontan vwar sa ki ou avar lead bye example ki nou avar war en pti loto lo semen petet enn parey pou mwan akoz mon osi mon kontan pti loto malgere zot kritik mwan ler mon ti annan mon pti vivio me nou avar vwar legzanp I sorti kot

 

HON MARIE-LOUISE POTTER

Mon oule 4 wheel drive mwan, pa dan loto.

 

HON NICHOLA PREA

Nou kip e ozordi fer serten rekomandasyon e pe pas lezislasyon.  Mr Speaker mon kozen pti pe osi toulo nou annan Lalwa bon Lalwa nou tou noun fer sorti ki nou annan bon Lalwa, me problenm se ranforsman.  Enn bann lakoz aksidan konmela se spillage lo semen be it delwil be it en lezot keksoz oubyen menm makadanm.  Patro lontan I annan en Lalwa kin pase viz a vi spilage of makadanm lo semen.  Konbyen dimoun ki ganny fine viz a vi sa?  Pourtan I fasil pou nou vwar the culcrit.  Me ankor nou kit lanmen e aksidan I arive.  Nou koz lo annou pran legzanp ranforsman Lalwa and so annou pran vizibilite bann siny, traffic signs. Konbyen bann traffic signs ki ganny tonbe ki ganny kase, vandalism petet osi tou ki apre ki ganny ranplase par lotmorite?  I annan en landrwa ki I en moman ti annan traffic signs for so many years apre nou nepli vwar.  Road markings, konbyen landrwa ki vreman road markings I vizib.  Parfwa nou vwar en serten bout semen ki ganny resirfas years later nou pa ankor war road markings e parfwa en drayver I dir ou be I oke mon kapab park la menm ki I sipoze en double yellow line mon pa sipoze nni arête ni park e I ganny en leskiz pou li menm dir apre avek sa zofisye lapolis be sorry be napa markings la.  Sa I bann keksoz ankor ki I tonm dan Lalwa e ki nou kapab ranforsi.  Mr Speaker Onorab Andre in fer resorti enn pwen ki mon tin note la sa problenm pou petet antre dan rekomandasyon pou tir konzesyon lo Viktorya, desantralizasyon.  Mon tin note la desantralizasyon serten servis.  Oke nou pe koz en pti pe lo sant lasante rezyonal and so on akoz nou pa esey fer serten services vin dan bann larezyon.  Annou pran rezyon nor mae tin konmanse ti annan servis telekominikasyon, Cable and Wireless mon krwar tin met en pos kot Beau Vallon, labank and so on.  Akoz parfwa pare Onorab Andre in dir sa dimoun pe vin zispey en bill anvil me I santi li si I annan en loto I desann anvil e I ede pou koz konzesyon oubyen I bezwen pran en bis pou desann anvil.  Me si par azar ti annan serten landrwa, nou kontan servi Langleter I servi sa atraver zot post office, e preski dan sa sak pti kominote I en post office menm parfwa ou fer li kot en off license kot a kot e avek li I annan en pti landrwa kot laba zot tous zot sekirite sosyal, zot pansyon, zot dol, zot pey zot bil elektrik you name it.  Oke petet nou devret kapab fer en pti keksoz parey dan sak rezyon e retir lakantite dimoun, lakantite trafik ki vin anvil zis pou fer bann pti keksoz koumsa.  Mr Speaker en lot problem ankor pa tro lontan dan sa Lasanble petet avan mon premye term ti annan en moson ki ti fer avek bisiklet ti annan en konsern pou bisiklet dan semen.  Ozordi sa konsern I reel, I annan bokou bisiklet dan semen I ann bokou zenn Manmay, Manmay lekol ki pe roul bisiklet.  Mr Speaker yer swar 6.30 apepre oke en pti garson lo en bisiklet mon asire en Manmay S4, S5 I pe navige la dan semen an deor nou e sa transport ki devan mwan pres pou tap li ler in ariv viz a vi Supe Save e mwan ler mon pase zis mon pe wonder konmsi me en aksidan tin arive la lekel ki ti pou antour.  Eski li konman en road user I lo en bisiklet eski I annan en patant, eski I ankor Lalwa I regard ladan, eski vreman la konmela en dimoun ki annan en bisiklet ki roul lo semen lotorite I fer sir ki I annan en patant pou kapab kouver li dan ka en aksidan.  Oke tousala I bann pti keksoz ki petet Lalwa I la me nou pa pe ranforsi li.  Mr Speaker nou koz lo vites.  Ti annan en fwa, mon krwar ti annan 3 fwa ki mon ti asiste meeting DCC Bel Ombre apre ti fer faze out ti fini lanmenm mon ti menm sizere ki distrik ti kapab come up avek son propfason zer trafik met son speed limit menm si fodre annan serten dimoun ki ansanm avek lapolis I ede pou patrole pou fer sir ki speed limit, traffic regulations pa ganny kase.  E sa ankor I vin avek enn bann premye kestyon ki mon ti demann sa lepok ti deman sa lepok ti Vis Prezidan ki ti koman Minis pou transport ti annan en bezwen en demann pou met pavment dan serten landrwa pou kapab donn en pti pe plis safety pyeton e mwan mon ti fe resotri sa bout semen Bel Ombre dan plat Beau Belle e sitou la I annan 2 lekol dan 2 bout 1 lekol Beau Vallon ki segonder ek primer e 1 ki lekol Bel Ombre kot I annan en mas dimoun ki mouvmante la bomaten ek aswar e osi tou nou annan en popilasyon touris ki kontan move ant bann lotel ek bann restoran dan 2 bor.  Me Vis Prezidan ti reponn mwan ki Wi sa I lo prgranm pou fer en pavement pou kapab limit en pti pe aksidan e zsika ozordi napa naryen ganny fer.  Mon bi pou aport mon sipor lo sa mosyon se ankor I ankor bann mouvman koumsa, bann nide koumsa ki mwan mon kontan siporte kot petet mon mosyon in ganny aprouve 2 an 3 an pase me in ganny kit ater petet en lot mosyon ankor ki monte ki tous menm konsern me apre 2 fwa, 3 fwa lotorite, Gouvernman I a kapab pran nou serye.  E vwala mon bi ki ozordi mon pe siport sa mosyon.  Mr Speaker mon annan ankor 2 pti pwen pou mwan fer.  Noun koz lo kamera, Mr Speaker I enkwayab bomaten menm kkot traffic light s nou sel traffic lights ki nou annan dimoun drayver ki pe run dan red light nou apel sa.  I en kwayab me ou zis priye ki en aksidan pa arive.  Semenn pase monn vwar lapolis ti zis pase in aret en dimoun e zis in koz ek li e sa dimoun in ale.  Bomaten en aksidan pres pou arive devan mwan en dimoun in run en red light ankor petet from traffic lights I pozisyon primordial premye pozisyon kokt nou kapab link sa area avek en biro dan kord gard napa person ki kapab defann zot lekor.  Sa kamera parey I marse Langleter le moman ki i zoom lo ou I tap ou I tap ou ek ou limero loto tou zafer ou pa kapab defann ou lekor ou kapab ganny en print out tou vwala tel ler, tel landrwa ou ti kas en regilasyon trafik oke la ankor I mwayen osi tou im sure sa bann kamera I koute with time sa bann kamera I a ganny peye son lekor atraver anmas sa bann funds koumsa.  Mr Speaker anvan mmon finis a 2 mo la mon zis fer sorti sa ki nou apel road rage.  Mwan petet mon vir li lot fason mon fer li en pti pe pli pozitiv road manners.  Mon krwar I enportan pou nou kapab sey petet atraver en progranm ankor ki lotorite avar fer pase road manners I enportan sa.  Par ler pa akoz zis right off way I pou mwan me devan I annan en anbouteyaz ki zis mon pou bezwen sorti zis pou mwan blok en lot bout.  I fasil mon arête e mon les sa lot trafik flow akoz mon konnen kot mon pou arive laba devan mon pe al bloke tou fason.  Oke nou regard lakantite trafik dan en kote deryer nou I annan 2 loto 3 loto I normal mon ariv la par egzanp la kot Tim Sanmi Stadium I annan 2, 4 loto enn deryer lot nou aret en pti kou I kout nou 2, 3 segonn les 2 loto, 3 loto sorti.  Sa nou apel road manners.  Vre I unfortunate ki ozordi dan nou stil lavi mwan mon pa met sa presyon lavi akoz en minit ki ou spare I kapab kout ou bokou bokou mwens ki plito ou rush oke in term so aksidan, bann lenkmonvenyans ki arive and so on.  Mr Speaker mon anvi fini zis avek en pti remark petet en pti panse parfwa nou blanm isi, nou blanm laba mon mon pa anvi ki sa I ganny pran konman politik.  Mon toultan krwar pou en pep avanse, pou en pei avanse nou bezwen rekonnet kot noun fer mal.  Rekonnet kot noun fer mal nou pare pou nou korize, pran nouvo nide on board e ozordi nou annan bann nouvo nide kip e sorti isi dan sa deba an then we will move forward as a people.  Mersi Mr Speaker.

 

MR SPEAKER

Bon mersi zis pou aport a ou latansyon, ler ou dir I annan Fobia pou gro loto.  Fobia is not the word Menia.  Fobia is the opposite.  Oke.  Si ti annan Fobia ti pou napa gro loto.

 

HON CHARLES DE COMMARMOND

Mr Speaker toultan kontan pou koz lo bann issue trafik en pti pe e zis avan mon konmanse si mon ti al ek zour en zour lo en high way be I trouve ariv en bout in ariv la petet e I pe al dan opposite direksyon ki tou bann lezot loto pe ale lo high way I pa realize Selman e prezan dan sa landrwa la dan sa pei I annan pos radio ki enform ou o fi e anmezir lo bann roulman trafik si I annan blokaz devan ensit swit swit.  Toud en kou son radio I  on e I tande I dir dan tel rezyon semen tel border tou bann motoris silvouple fer atansyon akoz I annan en boug I pa konnen si I fou si kwa me I pe drive the opposite direction.  Sa boug I koz avek son radyo letan pe dir be sa announcer son lespri pa bon sa napa en boug I annan en ta boug gete saler li ki antor.  I annan en ta boug ki opposite direction.  Anyway Mr Speaker zispou montre ou ki kantite neglizans e to what extend neglizans I ale lo semen.  E mon servi sa mo neglizans zisteman akoz dan tou deba kin arive ziska konmela la nou pe blanm petet en pti pe left, right and centre lapolis nou pe blanmen, lot I dir land transport, lot ki dir lot menm bann Manmay ki annan zot lost ensit swit mon oule dir la bann marmay ek bann zenn la avek zot bann loto modern whatever mon oule dir ki sa issue trafik sa issue blokaz trafik e bann aksidan e tou I ganny koze bokou, bokou par neglizans e la mon dir par neglizans nou tou.  Neglizans nou tou I annan parmi sa polisye ki pa fer son louvraz byen e I war en lofans konmet devan li akoz petet I pa dan seksyon trafik I pa pou pran aksyon oubyen menm si I dan seksyon trafik li son misyon se al attend en aksidan dan tel lot direksyon alors sa lofans I ganny konmet la I les pase I al dan sa landrwa kot li I ganny dir al travay.  I zis parey sa polisye ki antre dan en laboutik I war sa vander son met laboutik pe debous en labyer ouswa en gines pou en kliyan e pa I dir naryen or I pou vin laboutik sa polisye e I war lo bor laboutik dimoun pe bwar I pa devret e I pa dir naryen.  Tou sanmenm sa mon dir en kantite neglizans e pou sa ou pa kapab blanm neseserman zis lapolis konman NTT akoz lapolis konman NTT mon war en kantite progre pe ganny fer en kantite so neglizans lo plizyer kote.  Nou koz lo land transport osi neglizans noun mansion road signs taler mon osi ti en pwen ki mon ti pou tous lo la dan plizyer sans kot napa traffic signs, road signs e la ankor I bann neglizans ki ganny konmet.  PUC water PUC letan I kas tiyo I kit sa zafer ki manyer I ete Mr Speaker neglizans fodre ou telefonn Mr Morrin la I marse epi ouswa Mr lekel.  Me nou pa kapab toultan be oli sa boug ki I sipoze pe responsab pou sa travay I devret vini kouver ensidswit e deswit I bezwen repas son koltar lo la e tou sa.  Kestyon planning I koz beyond sa ki nou pe koze la.  Planning section be letan nou pe fer bann travay parfwa ou war pou dir nou menm nou deza koze dan sa Lasanble kot petet tiyo ki devret pas avan me I pas apre bad planning.  So sa I al menm an deor.  Neglizans I al menm lo kestyon menm paran monkapanb dir.  Pe koz bisiklet taler, konbyen marmay lo bisiklet 6.30 7 er diswar napa ni lalimyer ni patant napa ensit swit.  Be oli paran konmsi marmay anba laz nou pe koze la marmay 14an, 15 an, 12 an ou war be napa sa kontrol lo konmsi .  Sanmenm sa mon dir I annan bokou, bokou, bokou pou fer avek neglizans lopar nou tou.  So in ler mon krwar mwan dan nou pei in ler mon krwar pou nou tou serye en kou petet mon pa konnen kote pou konmanse si lotorite petet dan tou son sazes in ler pou met en pe plis lord, in ler pou keksoz marse sansan nou pe al zis dan en nespes dekadans en nespes sityasyon kiotik ki papou bon pou nou tou demen.  Ozordi nou pe koz lo trafik en kestyon semen, demen nou pou vin lo moralite lo lezot issues menm zafer mon krwar nou annan en pti pe tro lesefer dan nou epi e mon krwar in ler nou pou nou met keksoz an mars.  Lalwa wi en kantite Lalwa I egziste nou Lalwa I pli zoumyen bon enn, de keksoz mon krwar nou bezwen osi revwar, mon mon dakor avek sa zafer revwar Mr Elizabeth taler I dir non I annan ase la mon krwar I annan keksoz ankor petet nou devret revwar e zisteman lo la I annan sa kestyon pwen.  Mon dan sa Lasanble poumonn anmenn mosyon lo la monn anmenn mosyon mmon krwar pros 4, 5 an pase ziska ozordi zero.  Me I enportan mon konnen mosyon pa biding lo Gouvernman me Selman mon krwar letan en mosyon I annan keksoz ki bon mon krwar Gouvernman osi I bezwen esey gete sa ki bon e met an pratik.  Sa kestyon pwen be I marse ki manyer dan lezot pei I marse kot nou pa a marse.  E si nou ketfwa Charles ki met sa nide alor nou konpran nou annan en lot problenm nou dan nou pei nou.  Se ki letan en dimoun I met serten nide devan I annan lezot dimoun pa pare pou pran ou war sa en lot nou problenm.  Ou a krwar pa pei la I annan zis 2, 3 dimoun ki annan drwa met nide e I annan drwa fer keksoz marse.  Sa latitid osi dan plizyer departman e landrwa dan nou Gouvernman I bezwen arête.  Sanmenm sa ki ou war ki taler monn antann koz lo Morisyen vin fer soz, vin tyek bann zafer trafik isi, oke Onorab Ramkalawan I annan rezon, laba kot li I dan problenm trafik pa kapab met Selma I vin aranz kot ou li.  Be nou nou annan en ta dimoun ki kapab aranze isi le problenm se ki letan enn bon pa tou dimoun ki annan sa tou nide osi.  Yer Madanm Potter, LOnorab Potter in byen dir SBC I bezwen fer plis progranm.  Round table ensit swit dimoun vin dir ou bann problenm donn sizesyon en ta dimoun la deor I annan en ta sizesyon pou donnen e ansanm nou met sa bann nide pti pti bann pti ponyen dimoun parey nou 85 mil I vo en vilazdan lezot landrwa, lezot pei mon krwar mwan sakenn metenn, de pti nide ansanm nou aranz en kantite keksoz e nou bezwen sa volonte e nou bezwen byensir sa direksyon e nou bezwen dimoun ki pare konmsi.  Pa krwar konmsi nide I sorti zis kot en dimoun ouswa 2 dimoun.  Be annou sey ekout en kou dan sa pei e annou met keksoz an pratik nou avar al bokou pli vit e dan bokou direksyon ki parfwa nou bouze.  Mr Speaker lo sa pwen I anmenn mwan lo ankor sistenm kamera, mon tin touse dan mon mosyon, deryen mosyon mon ti anmenn lo la dan Lasanble pamon ti touse.  Erezman la mon apresye Konmisyoner Waye Hive sa in ekoute e mon aprann ki I pe al met sa an pratik byento en keksoz fantastik Mr Speaker.  Sa kestyon kamera I pa zis pou kestyon trafik sa oke si ou met kamera danlavil dan bann black spot I enportan pou bann zfer vol pou bann lezotlofans ki arive omwen nou  akapb trouve e sa I avar plibyen e nou pep nou dimoun I avar an plisekirite sirtou dan landrwa kot I annan bokou konsantrasyon par egzanp nou pe koz lavil, ou pe kkoz bann black spot, ou pe koz providence industrial estate ensit swit.  Mr Speaker paryaz, oke mon dan sa lasable monn koze plizyer fwa lo bann marmay bann zenn la konnen sa issue la Mr Speaker I pa kestyon zis zenn I annan dimoun ki bokou pli vye ki bann zenn ki osi I annan en gou pou sa bann keksoz.  Mon toultan pran legzanp Dubai ozordi I World Wide en Dubai la soz ki manyer I apele Formula One I anmenn en ta dimoun Dubai en sit swit.  Nou pa bezwen taye nou.  Me selman annou konpran letan I annan kours popilasyon ki annan en lide zot pe met an pratik deza zot pe kas Lalwa zot e zotkonnen e I konnen I mal tou e zis konmsi nou pini zot e ignore zot mon krwar mwan I pa pou marse.  Mon krwar mwan annou sey get dan ki lobtik zot pe sey fer sa, dan ki lespri e noun fer meeting avek lapolis avek land transport menm Ministry of Sports and culture, Tourism akkoz tou sa la I involved nou fer plizyer meeting kot lapolis menm e nou pe bouze dan en direksyon mon dir nou akoz mon asosye mwan avek sa bann dimoun mon osi.  Oke, mon mon fran mwan mon dir ki mon mon napa problenm avek sa mon pa ni per naryen.  Mon mon krwar pou dir Selman I annan en fason fer keksoz.  Nou bezwen fer keksoz byen e menm Ministry of the national development I reprezante dan sa group la kipe think about ki manyer pou fer li.  Lasosiyasyon in konmans formen bann by laws in konmans ganny mete e la en problenm ki pe ganny se landrwa.  Apre ki tou sa keksoz in ganny etabli landrwa.  Akoz la ou pa kapab vini avek nenport ki loto zis fer nenport kwa.  I bezwen parey mon dir en fason fer keksoz, I annan bann loto syesyal, I annan son bann proteksyon spesyal ki ou bezwen kisa bann transport I bezwen annan pou ki en serten paryaz whatever kizot apel li sa sport I develop.  Petet I avar atir lezot touris par egzanp you never know.  Petet I anmenn marmay I avar tirzot dan serten lenfliyans negative osi pou fer keksoz ki byen.  Me lenportans la mon ti avar enplor avek Gouvernman sitou Minister of national development la ki mon konnen ki Minis Dugasse I en dimoun ki vreman ekoute e pare pou travay mon krwar mwan annou sey ede, nou tou annou sey ede demark en landrwa pou nou donn sa bann dimoun raw as it is.  Mr Speaker akoz sa bann dimoun Gouvernman napa naryen ankor pou depanse e erezamn nou annan konblaz en, si nou ti napa konblaz pa ti pou gannyen landrwa ankor pou fer sa bann zafer en, ni sa bann semen ki noun dir taler la High way ki deza egziste, lot gran bout ki pou azoute, si ti napa konblaz I manyer sa zafer trafik ti pou ete dan nou pei marmay, ki manyer ti pou ete.  Now, mon dir annou donn zot zot pti bout.  Ou konnen Mr Speaker Singapore pa nni gran bout lontan zot in lite Singapore be zot in gannyen en bout me zot oule ankor pli gran e Gouvernman in dir tyonbo en kou servi sa ki ou annan pou le moman.  Nou osi nou pa bezwen tay an gran nou donn zot enbout zot a met zot koltar zot menm,zot a pey zot annan zot larzan zot, zot fer vini sa bann gro loto, zot annan zot larzan zot a met zot building, zot a met zot proteksyon.  Tou sa ki Lalwa a demann zot zot a mete zot kapab afford e zot pare zot annan zot fon ki le group I kapab fer.  E I enportan menm ki nou donn zot en landrwa sansan ek tou zot larzan ekout zot soz ki zot pou fer naryen.  So e zot pe pare pou korpore avek lapolis mon oule fer keksoz kler konmsi ki Seselwa I konpran keksoz I pa zis konmsi ale vin war sa keksoz dan son fason negativ non I annan son bout pozitiv.  Letan sa in etablir byen tou sa ki an deor prezan si ou vin fer ou race lo semen license koupe sever.  Pini ou severman e tou kamera la ki pou al mete pou bezwen war ou sezi.  So e zot pare pou fer serten promosyon menm pou kestyon safety lo semen e tou sa.  Menm serten donasyon zot kapab raise fund pou donn serten donasyon nou pe koz fon lo sa bann evaliasyon ki group Morisyen in fer prezan taler Madanm Potter pe dir napa fon napa larzan I kout en kantite.  Wi I vre me zot a donn lanmen pou kontribye zot pare pou raise fund atraver dimoun ki vin get en kantite dimoun.  Lot fwa nou ti fer en pti soz la kot, vre kot SMB Hall be ti byen be selman mon konpran I pa ti konmela nou annan ideal me mon oule dir ki I kapab marse e mars byen si nou anvi en keksoz e I bezwen korperasyon tou dimoun.  Mr Speaker lo sa ki akoz paryaz la I pa zis sa bann marmay, bato la ozordi la konmela noupe koze la dan dimans al gete partou bato da landrwa very unsafe en osi konmans fer paryaz bato.  Seselwa avek sa lavites developman ki nou annan dan nou pei annan zour avyon tou la.  Pou al fer paryaz avyon.  Mr Speaker mon oule dir ki sa ki nou pe koze se bann defi bann challenge lo sa issue trafik ki devan nou akioz mon dir sa akozpli nou develope pli nou pou annan sa bann keksoz sa bann problenm e set a nou nou menm dan Lasanble nou pe zwe nou par e lotorite konsenen nou bezwen azir vit pou pa les sa developman ariv telman lwen e lezot issues ankor deryer.  Nou bezwen azir e ansanm ek sa developman par egzanp kestyon traffic light.  Wi nou bezwen akor traffic light dan sesel me nou bezwen, me alors sis a kou Madanm Potter I kout sa kantite alors pa bezwen ki nou taye nou fer tou ansanm en sel kou.  Pran enn par enn I annan 2 ka set en keksoz ki pa kout bokou nou kapab petet konsantre lo zefor lo bann laranzamn lo bann keksoz ki nou fodre aranze ki pa pou kout nou bokou parey noun dir noun donn enn, de sizesyon taler e sa vehicle testing station tousala be nou bezwen amelyor li si nou oule bon loto lo semen laba osi fodre amelyor li.  Annou gete si laba pa kout tro bokou nou pran annou anranze ki sa bann dimoun taler parey monn dir sa lasosiyasyon I avar ketfwa ede finans sa bout laba.  Nou bezwen esey travay ansanm.  E mon swete Selman I annan en kantite pwen Mr Speaker nou ti kapab koze I annan kestyon STAR kit transport dan semen, SPTC la anler obor kot kwaze La Misere la Plaisance sag ran lay by la e oun vini premye al devan laba leot ou kanmarad a vin deryer.  I vinin premye I pran la bout deryer ki blok sa trafik en sel kou.  Lot fwa mon fer met dan People.  E mon ale mon dir People mete.  Monpa konnen lekel drayver mwan si I SNP si I SPPF I kestyon politik la me mon pe koz kestoyn responabilite Seselwa nou tou sa road manners ki taler Onorab Prea in koze me nou bezwen konmsi nou tou azir en ptipe pli soz.  Mr Speaker mon swete osi an finisyon ki letan nou koz oto taler monn tann Onorab Ramkalawan in koz zafer loto I kout forex deza napa forex pou fer isi pou fer laba, mon pa konnen mwanletan nou pran mezir ouswa si demen I annan serten nou dir oke annou tyonbo sa isi pou nou fer sa enn la prezan nou bezwen pa kritike.  Akoz dan sa pei osi sak fwa ki Gouvernman pe esey fer keksoz osi ki byen pou rezon politik zot fer en kantite domaz lo bann keksoz ki byen.  Sa osimon krwar nou bezwen et responsab.  Mondakor I annanlopozisyon mon napa problenm avek sa ditou me Selman nou bezwen azir dan en fason responsab nou tou si nou anvi keksoz dan nou pei imarse.  On this point Mr Speaker mon dir ki mon pou 100 poursan mon pou siport sa mosyon ki devan nou e mon osi demande ki anmenmtan nou bann lenstans par egzanp Zedisyer, Land Transport, Lapolis e tou le zot la konmsi I osi fer sa bout an plis.  La zot pe koz lotorite dan zot lanmenn, Lalwa idan lanmen e mon demande ki sa bout an plis osi I ganny fer pou ki konmsi nou kapab nou tou feel en ptipe pli safe e nou tou pran pli byen nou responsabilite en fason ki keksoz I avar bouz dan direksyon korek e ki nou tou nou avar happy.  Mersi bokou Mr Speaker Sir e mon pou siport sa mosyon tou pou tou.  Mersi.

 

HON SANDY ARRISOL

Mersi Mr Speaker mon pa pou long zis mon ti a kontan prezant mon sipor pou mosyon.  Mmosyon pe demande ki lapolis I etansifye zefor pou ranforsi bann Lalwa trafik evite ki aksidan koze par speed, neglizans e amelyor sirkilasyon trafik dan Viktorya e etan donnen ki St Louis I baliz avek anvil nou pre lanmenm de pa e konzesyon trafik pou nou osi I over flow e I en problenm e monkrwar trafik I konsern tou dimoun e ler nou koz trafik nou osi mazin nou zanfan ki servi semen piblik.  Mon mon problenm se sipor, rol ek responsabilite ki seksyon trafik I donn lakominote, semen e tou dimoun an zeneral e toultan mon tann bann dimoun alaz I dir lontan ler ou ti antre konman en konstab oubyen en zofisye lapolis ou ti bezwen annan en serten nnivo ledikasyon, bezwen serten grander, serten groser, kondisyon fizik e mon ozordi mon santi ki lapolis pep ran nenport ki pou vin gard mon santi pou dir I annan sa zis parey kot ledikasyon letan ou napa teachers ou war nenport ki I vini e mwan mon santi lo kote lapolis I annan en kantite dimoun ki zis nou war zot I antre gard e zot en zofisiye e finalman annan de fwa ni statement zot pa konn ekrir zot pa kapab lir serten keksoz, limero plate loto zot pa konnen zot donn ou en lot e pou mwan sa I vin en problenm.  I vin en problenm dan le sans ki ozordi senpleman oun ganny en plas travay e kontan oou dan en plas travay ou ganny en saler e prezan ou pa pe desarz ou responsabilite, ou pa pe zwe ou rol, ou pa pe siport lakominote parey I devret.  2, 3 legzanp,a plizyer repriz letan ou monte Bel Eau ti annan en madanm pe donn trafik en gard pe donn trafik kot lontan I dir nniform ti en respe it I en rol niform pou lapolis.  Ozordi ou debout ou war en madanm pe donn sinyal trafik dan kwaze Bel Eau I dan en savat son pous in bande oke e ler ou demann en dimoun pli alaz dan lapolis I dir avek ou lontan ler ou koumsa swa ou al sentri swa ou al anda ou mark serten keksoz ler pou reponn telefonn Selman ou pa al lo semen si ou niform I incomplete.  Ozordi ou war bann zofisye lapolis pase dan Bazar par egzanp anvil dan bput zip anba e anler I annan bou t lenz sivil oke en keksoz ki ti frap mwan sete Samdi le 15 Septanm 9er bomaten ler mon ti pas kot GS pillay mon ti war en zofisye lapolis full uniform, full transport lapolis pe aste keslabyer kot GS Pillay Mont Fleuri pe met dan transport lapolis oke e a sa moman 9 er bomaten trafik anvil I konzeste.  Prezan sanmenm sa ki mon problenm se la kot premyerman sa sipor, sa rol ek sa responsabilite letan dimoun pe get ou lafason ketfw akioupe fer prezan li taler I pou war ou pe vin dirli pas koumsa pa fer sa e tousala I vin bann problenm.  E mon mon santi pou dir lapolis zot menm zot zot bezwen revwar en pe zot rol rol lapolis akoz taler monn tann koz lo speed par egzanp Beau Belle, Bel Ombre I en landrwa kot lapolis I fer speed a plizyer repriz, ler nou pas anvil dan Snamdi oubyen dan Dimans 10er 11 er diswar pe mont kot ou ou sorti kek landrw aou vwar lapolis in arête kot laboutik, obor Barrel pe pran 2, 3sopin pe met dan plastik ki I pe al rode ou pa konnen.  Eski tousala pa I zwe en rol,sipor ek responsablitite ki lapolis I annan pou safeguard nou trafik ler I neseser.  Lapolis dan kominote, nou annan lord Swit I annan en flat ki apel Bois Blan kot obor li I annan en laboutik e sa flatla I ganny fnrekante par plizyer dimoun e parfwa zot menm antre lo bann popriye san permisyon kot bann flat zot asize zot bwar e zot fer sa ki I annan pou fer la e bann vwaze a plizyer repriz I telefonn lapolis e konmela I annan en konsept sesel si lapolis I ganny telefonnen pou en kekksoz kelkonk ou fini ganny averti depi divans lapolis pe vin kot ou, oubyen lapolis pe monte e ou ganny sans evakye.  E Bois Blan, Larue La Loz I en problenm kin vin ekontrolab kot lapolis in nepli pase pou pran aksyon avek sa bann dimoun ni pou sarz zot ni pou pran aksyon avek sa bann dimoun ki vann lakol la e la marmay Belonie segonder 3 kar di tan zot servi sa semen pou al anvil oubyen menm pou al serszot pti frer pti ser kot lekol La Rosiere.  Nou annan bann sipor par egzanp ki lapolis I donnen kot mmon santi I vin en proiblrnm par egzanp kot lekol La Rosiere tou le bomaten I annan nkonzesyon trafik la enorm dan bomaten e la mon war MisssJenny ek Miss Marlene ki warden la kot lekol zot fer en lovraz formidab la anba bokou presyon anba bokou lensilt Selman zot fer li byen zis pou protez sa 1200 zanfan ki antre kot lakol La Rosiere.  La mon mon santi ki nou ti kapab ganny sipor lapolis par egzanp kot parey dan Lendi bomaten, dan merkredi kantmenm pa tou le zour Vandredi kot nou annan en zofisye lapolis I la e I reste zis enn e la I vin en presyon enorm pou bann drayver, pou pyeton, zanfan e osi sa dimoun ki travay avek lekol.  Taler monn tann koz lo race bann sport ki bann zenn I fer konmela oke.  Ozordi lasose nepli en ladrwa kot ou kapab asize safe avek ou zanfan pe get Cat Cocos ler I antre oubyen pe get ou fanmiy akoztou sa ki antre losose ozordi I vin vir la avek en speed ankwayab ou pa kapab dir zot naryen e parey nou konnen e prezan mon kestyon se toultan noun tann kz lo speed, noun tann kozlo race ki lapolis pe fer?  Eski I annan serten lenvestigasyon kin ganny fer eksi I annan dimoun kin ganny aret, I annan kin ganny sezi license, eski oubyen senpleman nou pou kontinnyen koz lo la sak fwa en mosyon I konsern semen, safety I monte  e nou tou nou koz lo laselman aksyon pa pe ganny pran kont sa bann dimoun.  E mwan Mr Speaker mosyon I kler I senp e mwan lo sa kote mon pou donn mon full sipor mosyon. Mersi.

 

MR SPEAKER

Mersi.  Onorab Rose right of reply.

 

HON MARIE-ANTOINETTE ROSE

Mon pa pou long akkozmon kwar bokou keksoz I agnny dir zis mon avar reakte lo serten komanter kin ganny fer.  Mon krwar I annan en konsansis zeneral lo merit sa mmosyon.  Noun tann bokoukonmanter, sipor e kritik konsernan sa mosyon.  Mon krwar kritik kin ganny fer apremmidi I enportan.  I enportan akoz apard enn de pti ka pou en fwa nou kritike avek propozisyon, noukritike avek bi amelyore e nou pann ziskritike koumsanmenm e mon krwar sa I byen I tonm byen dan spirit deba e dan spirit pous devan bann pwen konsern ki sa Lasanble I annan.  Mon pou kontantmenm fer emarke kii annan serten pwen kin ganny fer ki mon partaze me I annan serten pwen ki mon pa partaze.  Mon partaz par egzanp kalite semen ki nou annan mon krwar I merit amelyore e mon osi konsyan ki sa taks ki ganny mete lo semen imenm pa ase pou mentenir semen ki nou annan e proze semen ki nou pou annan so sa I en pwen pou nou mazin lo la.  In osi annan en pwen kin ganny fer lo kantite transport ki pe antre dan nou pei oubyen zot road worthness ki mon partaze I vre parler ou pase lo semen ou vwaren transport avek zis en lalimyer ou krwar en moter ki pe vini ien gran risk lo semen e I en pwen ki mon partaz e sa issue bis tata ki mon krwar I vin plito en nwizans par ler ou vwar bis tata e par ler mon krwar menm I annan serten drayver ki  zis pran plizyer pou _______ deryer en dimoun I deryer zis I ________ son transport pou met presyon lo drayver kipar devan e sa I antre byen dan sa pwen ki nou devret annan pwen ki Onorab Vel ek Onorab Prea in met devan se manners, road manners an respe pou larout piblik, respe pou nou prop byenet ki bann Manm in fer resorti.  An sa ki konsern kou mon krwar I annan en pwen ki Onorab Potter in fer resorti lo kou kitou sa bann pwen ki noun met devan pou annan.  I annan en kou finansyel en montan 200 milyon Roupi ki nou pou bezwen rode kote nou pou ganny finansman pou fer sa.  Mon krwar I demann bokou refleksyon, nou met kantite propozisyon devan bon ou move e nou espekte iganny enplimante monn tann bokou komanter ganny dir kisa ti en vye mosyon I annan mosyon noun deza anmenn sa devan pa pe ganny enplimante me nou bezwen toultan pran kont ki I annan en kou avek e mon partaz santiman Onorab De Commarmond ki nou bezwen priorities sa ki nou bezwen fer.  I osi annan sa zafer race ki Onorab reprezantan St Louis Onorab Arrisol in monte in dir naryen pa pe ganny fer mon krwar I pa korek Onorab, annefe Onorab Ramkalawan tin konfirmen ki sa bann zafer race in arête e mwan monn tyek avek lapolis zot dir in arête kot ti pe ganny fer laba me I pa vedir ki race dan semen konman en move labitid I pa pe kontinnyen.  I osi annan sa issue speed camera ki deza konmisyoner lapolis mon rapel dan son premye diskour konman komisyoner lapolis I ti donn son langazman ki I pou entrodwir speed camera e si mon pa tronpe mon krwar I deza annan premye enstalasyon speed camera kot traffic light anvil kot Onorab Prea in koz lo la e I osi annan lentrodisyon speed guns ki pe ganny fer.  Mon pa partaz Onorab Elizabeth ki dir ki nou Lalwa I bon manyer I ete mon krwar nou bezwen regard ver lavenir.  Petet Lalwa ki nou ti annan an 1976 ti relevan pou sa lepok kot monpa krwar ti annan bokou trafik.  Me ler nou pe dir dan 2025 popilasyon Viktorya pou double oubyen nou pou annan dan 4 an Selman dan 4 an nou pou annan 10 mil dimoun an plis dan Viktorya mon krwar nou bezwen get an lavans e entrodwir Lalwa apopriye pou nou kapab fer fas avek bann nouvo defi.  I osi annan en Manm ki pann koze kin dir mwan ti a bon mon fer sorti sa pwen spot check ki nou a demann lapolis pou etansifye spot check sirtou avek nouvo high way patrol unit pou dan en fason pou vin pli efektiv.  An sa ki konsern sa rapor ki land transport in fer travay lo la mon okouran ki sa rapor ti gannu konpletan an Avril sa lannen savedir I ti konplete Selman 5 mwan pase e mon krwar I en pti pe tro pre avek depi ler in konplete pou nou dir naryen pa ankor ganny fer kan deza I vre I anann serten keksoz kin deza ganny enplimante par egzanp lagrandisman bann pon dan Viktorya ki mon krwar in preski konplete I enn bann rekonmandasyon ki ti ganny fer dan sa rapor e osi sa by pass mon krwar si mon tronpe in deza konmanse e I pe konmans avek sa travay ki pe fer ki nou vwar pe ganny fer Roche Caiman.  Lo sa not mon ti akontan termin avek en sitasyon sorti kot mon koleg Onoran Theresine ki dir Lalwa is only as good as those implementing them e dan lenplimantasyon Lalwa I annan bann lotorite ki tyeke si Lalwa pe ganny enplimante e I osi annan nou tou nou annan en pti bout pou nou fer toulezour pou nou fer sir ki Lalwa pe ganny enplimante swa atraver nou konportman toulezour oubyen rapor sistematik ki nou kapab met devan lotorite.  Lo sa not mon ti a kontan remersye tou Manm kin koze an sipor sa mosyon e remersye tou bann ki pou siport sa mosyon.  Mersi.

MR SPEAKER

Bon in ler pou noupran en vot.  The question may now putAll those in favour.  Bon unanim.  Alors mosyon in pase e avan nou terminen ozordi lo non Lasanble nasyonal mon ti oule ofer mon kondoleans senser Onorab Mitcy Larue lanmour son papa e mon oule ki I konnen ki Lasanble anantye I prtaz son soufrans ek son difikilte.  Mersi bokou.  Nou avar adjourn ziska Mardi prosen.

 

(ADJOURNMENT)