::
Home » Verbatim » Verbatim - Second Term 2014 » Tuesday 29th July, 2014

Tuesday 29th July, 2014

NATIONAL ASSEMBLY OF SEYCHELLES

Tuesday 29th July, 2014

The Assembly met at 9 am

National Anthem

Moment of Reflection

Mr Speaker in the Chair

MR SPEAKER

Bonzour tou bann Manm Lasanble Nasyonal.  Bonzour Minis ek son delegasyon.  Tou bann prezan, bonzour.  Bann ki pe ekout nou, bonzour.

Ozordi nou annan 3 Bill ki nou pe pran, me avan sa nou annan en kestyon Dirzans par Onorab Natasha Esther.  E zisteman, sa kestyon i pou Minis pour Zafer Entern, Minis Morgan.  E mon ava demann Onorab Esther pou demann son kestyon.  Onorab.

 

HON NATASHA ESTHER

Mersi Mr Speaker.  Mr Speaker, Minis ek ou delegasyon, tou Manm Onorab e tou dimoun alekout, bonzour.

Mr Speaker, eski Minis responsab pour Zafer Entern ek Transpor i kapab enform sa Lasanble ki demars ki pe ganny fer pou ede retrouv sa 2 peser dan distrik Baie Ste Anne ki’n raporte perdi depi mwan Zen?  Mersi.

 

MINISTER JOEL MORGAN

Mersi Mr Speaker.  Mr Speaker, tou Manm Lasanble Nasyonal e tou dimoun ki alekout, mon swet zot tou bonzour.

Mr Speaker, resers pou retrouv sa 2 peser abor bato lapes Rouze, ki ti ganny raporte manke depi le 13 Zen 2014 par propriyeter son bato, Mr Churchill Gill pe kontinnyen ganny fer par Gard Lakot Sesel, ziska prezan.  Me i enportan pou fer resorti ki resers ki pe ganny fer konmela pa lo sa menm lanpler ki ler resers ti komanse, inisyelman le 13 Zen.  Resers i rezilta en plan detaye ki Gard Lakot Sesel ti met anplas deswit apre ki lensidan ti ganny raporte.  I toutafe normal ki apre en serten letan, swivan bann norm enternasyonal pou resers, sa resers i diminnyen e finalman i ganny mete a en pli ba nivo, depandan lo rezilta e sirkonstans.  Parey nou’n aprann, bato Rouze ki ti kit Lasose Baie Ste Anne le 5 Zen 2014 e dapre son propriyeter Mr Churchill Gill, bato ti sipoze retourn dan Por le 12 Zen.

Mr Speaker, i tre enportan ki mon fer resorti ki Gard Lakot Sesel i annan en prosedir, kot tou le 2erdtan, i monitor e i rikord pozisyon VMS tou bato ki tonm dan zone ki ganny klase koman bann high risk areas. Lemoman ki i annan en bato ki pa pe aparet lo son lekran, Gard Lakot i toudswit kontakte propriyeter sa bato pou konfirmen si zot in annan okenn kontak avek zot bato.  Si non, Gard Lakot i deswit deplas son bato ek avyon Airforce pou al verifye lakoz sa perd kontak avek sa bato.

Par kont Mr Speaker, bato lapes Rouze ti andeor sa high risk area e son dernyen pozisyon VMS pa ti ganny anrezistre koman ni en sinnyal alert, oubyen ni en sinnyal detres.  Gard Lakot ti ganny enformen par propriyeter bato ki dapre li, Rouze ti’n overdue le 13 Zen.  Se la ki loperasyon resers ti komanse avek bato patrol Gard Lakot Sesel e avyon Airforce, parey mon’n dir.  Anmenmtan, Ladministrasyon Sekirite Maritim, SMSA e Gard Lakot Sesel ti osi enform tou bann sant resers maritim dan larezyon, enkli bann Regional Information Sharing Centres e tou bann lazans bato dan pei e osi Lotorite Por Sesel, pou zot pas sa lenformasyon avek bann bato ki pe vizit Por Victoria.

Resers limenm ti komans kot dernyen pozisyon VMS bato Rouze ki ti’n ganny rikorde le 6 Zen anviron minwi e anviron 24 mil notik nor-d-es avek La Digue.  Sa in ganny fer toulezour, an servan bato e avyon pou 2 semenn.  Anmezir ki plan resers ti gradyelman agrandir, baze lo kondisyon letan, kouran, divan, eksetera, ziska prezan, i pa’n annan sikse dan loperasyon pou rod bato lapes Rouze.  Gard Lakot pou kontinnyen fer li en priyorite pou reste lo look out e reste vizilan pou retrouv bato lapes Rouze, letan i pe fer son bann patrol toulezour.  Me i osi enportan Mr Speaker, pou note ki i responsabilite tou peser, maren e propriyeter sa bann bato, pou zot osi asire ki zot bato i ekipe avek lekipman kominikasyon neseser e asire ki sa bann lekipman i fonksyonn byen, avan ki zot les dimoun al lo lanmer.  Anplis ki sa, SMSA i rekomande ki tou Patron bato i asire ki zot VMS i fonksyonnen e ki zot notifye Lotorite Por Sesel avan ki zot kite pour zot al lapes.

Anlinny avek sa bann konsey, i osi annan serten travay ki pe ganny fer par SMSA, an kolaborasyon avek SFA, pou fer li mandatwar ki tou bato lapes i ekipe avek en VMS e sa VMS i ganny servi.

Pou terminen, mon ti a kontan fer lapel tou dimoun ki Gard Lakot Sesel i annan en bato ki pe fer patrol kont pirat dan nou lanmer toulezour e sa osi i ganny asiste par avyon Seychelles Airforce, pou asire ki nou Zone Eksklisiv Ekonomik e nou bann landrwa kot nou bann peser i servi pou lapes i reste sen e sof, otan ki posib.  Mersi Mr Speaker.

 

MR SPEAKER

Okenn siplemanter, Onorab?

 

HON NATASHA ESTHER

Mersi Mr Speaker.  Mr Speaker, eski Minis i kapab dir nou, pou asir en nivo proteksyon pli o nivo e evite ki Gouvernman i kontinnyelman depans en kantite larzan dan resers, eski Minis i kapab enform sa Lasanble si son Minister pe anvizaze vin pli strikt lo serten regilasyon, pou asire ki tou bato anrezistre i an konformite avek regilasyon SFA avan ki zot deplase pou al lapes.  E eski Minis i kapab enform sa Lasanble ki frekans ki sa sistenm VMS i ganny verifye e teste par bann Zofisye SFA lo bann bato lo Praslin.  E si Minis i kapab dir nou si resers pe montre okenn lendikasyon ki nou 2 peser i posibleman anba okenn latak pirat?  Mersi.

 

MINISTER JOEL MORGAN

Mersi Mr Speaker.  Mr Speaker, i annan enpe letan ki mon’n demann SFA pou travay lo bann regilasyon neseser, an vi sa risk piratri lo lanmer e osi lo pwennvi safety at sea.  I annan enpe letan ki mon’n demann SFA, atraver Minister responsab pou travay lo bann regilasyon neseser, pou fer li mandatwar ki VMS i ganny mete lo tou bann bato peser e ki sa bann VMS i fonksyonnen.  Mon’n ganny en diskisyon avek mon koleg, Minis pou Resours Natirel, Minis Sinon resaman lo sa size e Minis in asir mwan ki i annan bann Lalwa ki pe ganny table devan Lasanble Nasyonal byento, anba Revised Fisheries Act, ki pou osi fer le neseser pou annan anplas bann regilasyon, pou asire ki VMS i ganny mete lo tou bann bato peser e ki sa bann lekipman i ganny verifye e ki i operasyonnel a tou moman, ler bann peser i lo lanmer.

Sa kestyon, eski i pe ganny teste par SFA e ki frekans ki i pe ganny teste lo Praslin?  Mon pa konn son larepons a sa moman.  Mon ava sertennman verifye sa lenformasyon avek SFA e mon ava pas sa lenformasyon avek Lasanble Nasyonal, an konsekans byento.

Mr Speaker, mon ti a kontan dir ki i annan bokou travay pe ganny fer pou nou kapab met azour bann diferan regilasyon neseser, sirtou la ki Sesel pe al ver IMO Compliance pou nou achieve nou White List Status, parey mon ti prezante resaman dan Lasanble, bann Lezislasyon, bann lamannman Lezislasyon neseser pou SMSA.  Me i reste osi en travay enportan pou nou fer isi lokalman, sirtou lo nou bann bato lapes me osi lo nou bann bato lwazir ki pe anmenn touris enpe partou dan nou rezyon.  Bann bato pe al Amirantes, pe al pli sid ankor, pe fer bann cruise partou.  I reste bann travay enportan pou nou asire ki sekirite maritim i reste en priyorite a tou moman, par bann propriyeter sa bann bato e pou asire osi ki bann Kaptenn, bann Skipper lo sa bann bato, i pran sa responsabilite, pou asire ki zot bato i ekipe e bann lekipman radyo, bann lekipman VMS, bann lekipman AIS pe fonksyonnen a tou moman, ler zot pe anmenn dimoun ouswa ler zot pe anmenn bann lezot peser pou al lapes dan nou Zone Eksklisif Ekonomik.

Yer Mr Speaker, nou’n lans en nouvo lekipman ki apel NAVTECTS, ki en Navigational Aid Enternasyonal ki’n ganny finanse par en proze IMO pou Sesel, ki Gouvernman Zapon in fer en donasyon pou nou.  Sa lekipman in ganny enstale kot Gard Lakot e avek sa lekipman NAVTECS, i broadcast bann alerts, pou fer tou maren, tou bann marinye konnen si i annan bann problenm, par egzanp movetan pe vini, si i annan bann danze lo lanmer.  Bann keksoz koumsa.  E anplis ki sa, sa proze in osi donn lekipman ki apel GMDSS ki en lekipman kominikasyon, ki donn sa posibilite pou kominik a nenport ki moman avek nenport ki bann Sant Resers e bann lezot por dan larezyon enternasyonalman, pour bann bato ki ekipe avek sa bann lekipman.

Alor, i annan en travay ankor pou fer la, pou nou kapab upgrade tou bann bato avek bann lekipman neseser, pou zot kapab meet sa bann nouvo norm enternasyonal pou zot sekirite maritim e sekirite zot bann dimoun ki travay abor sa bann bato e bann pasaze osi abor sa bann bato.  Mersi.

 

MR SPEAKER

Onorab Volcere.

 

HON MARC VOLCERE

Mersi Mr Speaker.  Bonzour tou koleg Manm.  Bonzour Minis ek ou delegasyon.

Mr Speaker, mon ti a kontan demann Minis, eski zot annan regilasyon anplas ki fors bann propriyeter bato pou fer survey lo zot bato en fwa toule-z-an, pou vwar si zot bato i kapab deplase pou al lo lanmer?

E dezyenmman, eski zot annan ase VMS dan stok pou kapab ranplas bann ki bann peser in raporte andomaze?  E si zot annan osi ase teknisyen ki kapab repar sa bann VMS ki bann peser pa santi zot pe reste ater pou bokou letan?  Mersi.

 

MINISTER JOEL MORGAN

Mersi Mr Speaker.  Mr Speaker, bann regilasyon ki anplas konmela pou survey bann bato at least 1 fwa par an, parey Onorab Volcer pe dir, i aplik prensipalman pou bann bato ki bann higher craft. Bann bato ki pe ganny servi pou anmenn pasaze.  Regilasyon kimannyer i ete konmela, i pa fer li mandatwar pou bann bato peser, bann bato ki fer lapes annan sa annual survey par Lotorite Maritim Sesel, parey i leka pou bann bato ki pe ganny servi pou charter, pou lwazir, bann higher craft parey nou dir.

Lo kestyon VMS an stok.  Mon bezwen verifye avek SFA. Mon konnen a en moman done, ti annan en problenm stok VMS.  Mon konnen ki zot ti pe fer le neseser pou ganny ase VMS pou enstal lo tou bann bato lapes e mon konnen ki ti annan VMS ki ti vini.  Me si i annan aktyelman, si i annan an stok la, mon bezwen verifye e ou pwen i note ki bann bato peser pa kapab reste an por tro lontan.  I bezwen annan en lekip ki la, ki kapab fer sa travay vitman, pou asire ki bann lekipman i ganny enstale e sa turn around time dan por i minimize.  Mersi.

 

MR SPEAKER

Onorab Bresson.

 

HON GALEN BRESSON

Mersi Mr Speaker.  Bonzour tou dimoun.  Baze lo larepons Minis, lo laspe sekirite maritim, eski Minis i kapab dir ek sa Lasanble si i annan en Lotorite anplas ansemoman, parey SFA, ki deal avek tou laspe sekirite bann bato lapes me dan laspe bato lwazir ki osi, zot osi zot annan sa laspe sekirite?  Mersi Mr Speaker.

 

MINISTER JOEL MORGAN

Mersi Mr Speaker.  Mr Speaker wi.  Annefe sa Lotorite responsab i SMSA, pou tou bann bato ki fer bann charter, bann bato komersyal lwazir and so on, ki pe tonm anba higher craft. Sa Lotorite se Maritime Safety Administration e sa osi i form parti bann prosedir pou nou upgrade nou bann Lalwa neseser lokalman, pou asire ki tou sa bann bato i ganny sipervize parey i ganny demande, pou kapab fer sir ki zot sen e sof ler zot al lo lanmer.  Mersi.

 

MR SPEAKER

Onorab Rose.

 

HON MARIE-ANTOINETTE ROSE

Mersi Mr Speaker.  Bonzour tou dimoun.  Mr Speaker, eski Minis i kapab dir nou si bann resers ki zot fer lo bann bato perdi i osi extend lo bann zil enpe izole.  E ki arive dan sirkonstans kot petet 2 peser in pri lo en zil ki ase izole?  Mersi.

MINISTER JOEL MORGAN

Mersi Mr Speaker.  Mr Speaker, wi.  Bann resers otomatikman i extend lo bann zil izole e parey nou konnen, IDC in annan en prezans lo en bon pe bann zil dan sid, bann zil elwannye e tou bann Manager bann zil i ganny alerte e osi ler avyon i fer patrol, i pas lo sa bann areas pou verifye.  E si i annan okenn peser petet ki’n tonm lo en zil ki i annan en prezans IDC, otomatikman nou pou ganny enformen.  I osi annan bann vizit regilye ki ganny fer par IDC lo bann diferan zil ki napa personn ki reste lo la.  Alor, si sa bann peser in tonm lo enn sa bann zil, otomatikman ler IDC i fer sa verifikasyon, i debarke i al verifye zil, ki i fer regilyerman, i pou vwar poudir i annan dimoun lo zil.

Me osi i annan bann lezot bato peser ki pas lo zil souvan.  Petet zot debarke pou zot ganny aprovizyonnman, pou zot ganny enpe keksoz.  Ouswa zis pou zot kapab fer serten travay lo zot bato.  So, i annan osi sa prezans bato peser ki pase lo bann diferan zil elwannye tanzaot e si zot lo bann zil, mon krwar zot ava ganny trouve.  Sa mon pa tro, tro trakase lo la.

Sa ki petet enpe pli enkyetan se kote kouran in anmenn zot ?  Ki direksyon ki kouran in kapab anmenn zot?  Si par egzanp zot in al tonm lo lakot Somali, dan sa direksyon kot kouran pe pouse, so, i annan bann resers ki pe osi ganny fer, depandan lo sirkonstans divan e kouran parey mon’n dir par Gard Lakot Sesel, pou verifye ki zot dan bann direksyon petet kot zot in kapab ale dapre direksyon divan ek kouran.  Mersi.

 

MR SPEAKER

Onorab Leader Lopozisyon.

HON DAVID PIERRE

Mersi Mr Speaker.  Bonzour Minis ek ou delegasyon, bonzour tou Manm Koleg Onorab e tou bann ki alekout.  Mr Speaker, eski Minis i kapab dir avek sa Lasanble, kan eski, dapre zot plan, zot annan lide fer li vin en lobligasyon pou en vesel oubyen en bato, annan en sistenm VMS abor, san ki si zot napa, zot pa pou kapab kit Por e donk, met bann mekanizm anplas pou fer sa arive.

E dezyenmman, dapre zot plan, zot Polisi e norm enternasyonal, apre konbyen letan ki zot in komans fer resers pou en bato perdi ki zot abandonn sa resers.  Mersi Mr Speaker.

 

MINISTER JOEL MORGAN

Mr Speaker, parey mon’n eksplike pli boner, i pou vin obligatwar anba sa nouvo Fisheries Act ki Minis Sinon pou prezante devan sa Lasanble.  I pou annan son regilasyon osi ki pou swiv, ki pou fer li obligatwar pou tou bann bato peser annan lekipman VMS abor pou zot kapab asire zot sekirite lo lanmer.  E i pou osi obligatwar ki sa bann lekipman VMS i dan bonn eta e i pe fonksyonn byen e ki i ganny teste regilyerman, i ganny verifye regilyerman konm parti sa bann mezir sekirite maritim ki pe ganny mete.  E sa i pe ganny fer an kolaborasyon osi avek mon Minister, SMSA, lo kote Maritime Safety At Sea.

Lo dezyenm parti kestyon, kan resers pou ganny abandonnen, resers pa pou zanmen ganny abandonnen antyerman ziska ler ki nou 2 peser i ganny retrouve.  Natirelman, parey mon’n eksplike dan mon larepons, i annan bann diferan lanpler resers ki ganny fer.  Inisyelman, ler bato in ganny raporte perdi, i annan en resers entans ki ganny fer pou en peryod 1 a 2 semenn.  E la, avyon, bato i ganny mobilize toulezour e i annan bann search areas ki ganny definir parey mon’n eksplike e sa bann search areas i ganny kouver.

Mon annan en rapor la avek mwan ki sorti kot Coast Guard ki demontre bann resers zot in fer dan tou bann diferan zone kot sa bato in kapab ete e o fir e an mezir ki bann zour i pase, zot extend sa search area pou en zone pli gran, pli epars.  Akoz natirelman, kouran ouswa divan i kapab sanze anmenn zot dan bann diferan direksyon.  Me ofir e anmezir prezan ki letan i pase, lentansite sa resers i diminyen akoz Coast Guard pa kapab kontinnyen allocate sa resours lo en baz permanan pou fer resers.  Me parkont ki i fer, i pas lo en dezyenm ouswa en trwazyenm staz resers, kot prezan ler i pe fer son bann patrol, i kontinnyen reste lo lookout pou sa bato.  I kontinnyen pas dan bann landrwa kot i annan posibilite sa bato in kapab ganny trennen par kouran ouswa par divan.  E i osi annan parey mon’n eksplike, sa resers i pe ganny fer par tou bann bato ki pe pas dan larezyon.  Tou bann Information Sharing Centres, tou bann Maritime Security Centres dan larezyon in ganny alerte e sa alert in ganny pase avek tou bann bato ki pe pas dan larezyon, pou reste lo lookout pou en pti bato lapes ki apel bato lapes ‘Rouze’.  Son deskripsyon, son kouler, son bann lenformasyon tousala in ganny pase e bann bato, bann kaptenn bato ki pe vini e antre dan Por Victoria, sorti toulezour ki al dan bann diferan direksyon, bann bato ki pe pas dan nou zone.  Tousala in ganny alerte pou reste lo lookout pou sa pti bato e si zot vwar zot, pou natirelman donn zot bann servis sekour neseser.  Mersi.

MR SPEAKER

Onorab Ghislain.

HON CHANTAL GHISLAIN

Mersi Mr Speaker.  Mr Speaker, Minis in dir ki kontak VMS i ganny fer regilyerman ler bato i lo lanmer, ziska ki zot idantifye ki i annan en problenm avek sa.  Dan ka sa 2 peser, kimannyer sa ti ganny fer e akoz a sak fwa ki bato i ganny raporte manke, se met bato ki raport sa avek SFA?  E ki prosedir ki annan anplas dan bann lenstans ki bann bato i bezwen deplase dan zour konze piblik e weekend, parey dan ka sa 2 peser zot ti kit le 5 Zen ki ti en zour konze piblik e ki zot, zot bezwen enform Kord Gard ki sa kontak ki annan ant Kord Gard letan zot in deplase avek SFA pou swiv ki zot kapab fer zot bann kontak VMS.  Mersi.

 

MINISTER JOEL MORGAN

Mr Speaker, parey mon’n eksplike dan mon larepons ki mon’n donnen, pozisyon VMS bann bato lapes, i ganny monitor lo en baz toule 2erdtan par Gard Lakot Sesel, si zot dan bann high risk areas ki gany definir.  E si zot pa dan bann high risk areas, pozisyon VMS, ler i disparet lo lekran, i pa neseserman deklans en alert, par Coast Guard Sesel, ouswa par SFA ouswa SMSA.  Akoz souvandfwa, i annan serten bato lapes ki tenny VMS malgre ki Konsey Sekirite Maritim i dir, fodre kit VMS on toultan.  Souvandfwa, zot tenny VMS akoz zot pe al lo en pozisyon lapes petet ki zot pa oule lezot dimoun i konnen.  E sa i vin en gran risk e i pe kontinnyen arive.  Se pour sa rezon ki sa nouvo regilasyon ki mon’n koz lo la ki Minis Sinon i pou anmenn devan Lasanble.  Se pour sa rezon ki, nou pe fer li mandatwar pour ki sa VMS i reste on nenport ki landrwa ki sa bato i ete a nenport ki moman ki zot lo lanmer.  Akoz ansemoman, si Coast Guard ti pou deplase, si ti pou deklans en alert a sak fwa ki en VMS i aret aparet lo lekran, Coast Guard ti pou deplase plizyer fwa par zour, toulezour.  Akoz i en pratik e SMSA, SFA e Gard Lakot limenm li, in donn konsey, pa tenny VMS.  Pa tenny VMS e reste toultan an kontak avek SFA, avek Lotorite Por, avek Coast Guard, depandan lo bann sirkonstans.

Dezyenm parti kestyon, ki prosedir ki anplas pandan bann zour konze piblik?  Wi, normalman propriyeter sa bato atraver radyo, lo bato limenm li, i bezwen fer konnen Port Authority.  Atraver kontak channel 16 lo VHF, dir ‘mon pe kit tel ou tel por.  Mon pe kit Por Lapes Praslin, mon pe kit Por Lapes Victoria, mon pe kit Por Lapes Belombre’, whatever.  I bezwen dir, ‘mon pe kit sa Por tel ler e mon ekspekte retournen tel zour tel ler’.  Sa i en keksoz ki osi, dan bann nouvo Lalwa ki nou pou fer sorti, i pou ganny ranforsi anterm son lobligasyon par met bato e skipper ouswa Kaptenn sa bato pou fer konnen Lotorite Por.  E i annan en sel obzektiv sa.  Nou bezwen konnen konbyen dimoun i annan abor sa bato ?  Kote sa bato i pe prezimen pou li ale si i pe al fer par egzanp en charter, si i pe al fer en cruise, si i pe al fer en lapes ouswa si i pe al fer en tournen dan bann zanmerant partou kot i pe ale.  Bezwen konnen akoz si i ariv en aksidan lo lanmer, si i ariv en problenm kot i annan movetan, si i ariv en problenm kot masin i kase, otomatikman, Lotorite neseser i kapab pran bann aksyon pou dir be i annan tan dimoun abor sa bato.  Son pozisyon i la, tel pozisyon, i annan kontak kominikasyon atraver either SSB ouswa VHF avek sa bato.  Tousala, i bann eleman neseser pou asir sekirite maritim lo lanmer e nou bezwen travay, nou bezwen kontinnyen travay pou ranforsi sa bann regilasyon, pou asire ki tou bann propriyeter bato i annan bann lekipman neseser pou zot bann bato.  Mersi.

 

MR SPEAKER

Bon, avek sa nou ariv alafen Question Time, alafen Kestyon Dirzans.  Me nou pou demann Minis pou reste avek nou akoz i annan The Seychelles Civil Aviation Authority (Amendment) Bill 2014, ki zisteman Minis pe al prezante.

Tou dimoun in pran zot plas.  Nou a ganny en Motion for Second Reading.

 

HON MARIE-ANTOINETTE ROSE

Mr Speaker, anba Order 64(2), mon move ki nou lir sa Bill en dezyenm fwa.

 

MR SPEAKER

Okenn ki segonde?

 

HON CHARLES DE COMMARMOND

Mr Speaker, Motion is seconded.

MR SPEAKER

Bon, mon a demann Minis pou fer son lentervansyon.

 

MINISTER JOEL MORGAN

Mersi Mr Speaker.  Mr Speaker, sa Proze de Lwa, Civil Aviation Safety and Security Legislation, ki devan Lasanble Nasyonal ozordi pou konsiderasyon, sa Bill i enn ki tre enportan.

Larepiblik Sesel, koman en Leta Manm Lorganizasyon Laviasyon Sivil Enternasyonal, IKO, i enn bann pei ki’n sinny Konvansyon Laviasyon Sivil Enternasyonal e lezot Konvansyon lo regilarite e sekirite transpor aeryen.  I annan en obligasyon mandatwar anver kominote enternasyonal transpor aeryen, pou enplimant bann norm e bann pratik ki rekomande e ki trouve dan bann annex Konvansyon Chicago, date 1944 e Konvansyon Tokyo.

Propozisyon lamannman.  Lalwa Lotorite Laviasyon Sivil ki egziste depi 2005, i donn serten fonksyon e pourvwar Lotorite Laviasyon Sivil.  Sepandan, sa bann fonksyon Sekirite Laviasyon Sivil, pa ti ganny enkorpore dan Lalwa Lotorite Laviasyon Sivil ler i ti ganny met anplas an 2005.  Akoz sa letan, sa responsabilite ti ganny konfye avek Lafors Lapolis Sesel.  Sa fonksyon sekirite, ti ganny transfer avek SCAA an Me 2009.  An konsekans, Lotorite Laviasyon Sivil in vin sa Lotorite konpetan pou devlop, enplimant e mentenir en progranm Nasyonal lo sekirite Laviasyon Sivil.

Bi sa progranm, se pou sofgard bann loperasyon Laviasyon Sivil kont bann lentervansyon ilegal, atraver bann Regilasyon, laplikasyon e prosedir.  Dan son demars pou enplimant byen son bann lobligasyon anba Konvansyon Chicago e Konvansyon Tokyo e pou met anplas en kad legal pou sa nouvo fonksyon ki SCAA pe antreprann, Lalwa aktyel Lotorite Laviasyon Sivil Sesel ki date depi 2005, i prezan devret ganny, an konsekans, ganny modifye.

Mr Speaker, mon pe alor propoze ki SCAA, i ganny sa responsabilite, fonksyon e pourvwar, pou asire ki Laviasyon Sivil Sesel, i reste an sekirite.  Setadir, ki anba Lalwa, anba Seksyon 5 ek 6, Lotorite Laviasyon Sivil Sesel 2005, i ganny amande e presizeman konm swivan.

Anba Seksyon 5(1), pou met anplas, mentenir e enplimant en Progranm Nasyonal Sekirite Laviasyon Sivil, en Progranm Nasyonal pou kontrol kalite sekirite Laviasyon Sivil e en Progranm Lantrennman Nasyonal pou Sekirite Laviasyon Sivil.  Pou met anplas bann prosedir pou servis navigasyon aeryen, fer prosedir pou bann vol vizyel e bann ki a baz lenstriman.  Pou etablir e mentenir en Progranm ki permet evalye bann operater etranze ki vin Sesel e kit Sesel pou asire ki zot pe donn en servis ki sen e sof.

Pou donn en servis kominikasyon navigasyon e sirveyans pou Laviasyon dan lespas aeryen Sesel.  Pou donn bann servis sekirite, tou bann operater Erport e lalinny aeryen e lezot biznes ki donn en servis lo Erport e ki an ankor avek en lagreman sekirite ki a ganny met anplas avek Lotorite Laviasyon Sivil Sesel.

Pou fer sir ki bann operater Erport i devlop e met anplas en plan dirzans ki an akor avek Progranm Sekirite Nasyonal pou Laviasyon Sivil.

Pou devlop e revwar bann norm nasyonal pou lekipman e sistenm sekirite Erport ki an konformite avek Progranm Sekirite Nasyonal Laviasyon Sivil.  Pou etablir, promouvwar e mentenir en Progranm Laviasyon Sivil ki sen e sof e efektiv.  Pou sirvey e kontrol tou bann aktivite Laviasyon Sivil, pou asire ki zot sen e sof anlinny avek Konvansyon Chicago e son bann annex.  Pou enplimant bann lezot fonksyon ki Minis i kapab donn sa Lotorite anba Lalwa Laviasyon Sivil.

E Mr Speaker, anba Seksyon 6, i propoz konm swivan;

Pou enkli dan paragraf b sa provizyon swivan, ‘a kondisyon ki SCAA pa aste ou otreman ganny par dan okenn lakonpannyen ki angaze dan en aktivite ki ganny kontrole par sa Lotorite.’

Osi, pou enkli dan paragraf h, sa paragraf swivan, ‘an konsiltasyon avek Minis, donn direktiv bann Departman Gouvernman, bann operater bann avyon, operater Erport e tou lezot dimoun konsernen, responsabilite pou zot enplimant Progranm Nasyonal Sekirite Laviasyon e son bann Polisi.’

‘Pou aprouv Progranm Sekirite operater avyon Aviasyon Sivil e operater Erport e tou bann lezot Progranm Sekirite ki lie avek Laviasyon Sivil.’

‘Pou kordin bann mezir sekirite e prosedir avek bann Lotorite apropriye.’

‘Pou annan en mannye son prop avyon’, setadir, SCAA pou annan en mannye son prop avyon dan son demars pou asire ki navigasyon aeryen i ganny fer dan en fason sen e sof e an tout sekirite.  Setadir, sa bann avyon i kapab ganny servi pou bann mezir sirveyans anterm sekirite Laviasyon Sivil.

E pou promouvwar korperasyon e lesanz lenformasyon avek lezot pei ou Lorganizasyon Enternasyonal pou asire ki i annan sekirite Laviasyon Sivil.

Finalman, dan Seksyon 19;

Azoute, apre sa mo ‘Anplwaye sa Lotorite’ sa bann mo swivan; ‘okenn ou okenn lezot dimoun ki pe azir anba direksyon sa Lotorite.’

Rekomandasyon.  Mr Speaker, mon ti a kontan demann Lasanble Nasyonal, pou konsider e aprouv sa bann lamannman dan Lalwa Lotorite Laviasyon Sivil, ki mon’n fek propoz avek zot ozordi.  Mersi.

 

MR SPEAKER

Bon, deba i ouver.  Onorab Bresson.

HON GALEN BRESSON

Mersi Mr Speaker.  Mon krwar personnelman set a sa moman e en moman tre enportan ki ozordi sa Bill i vin devan nou e ki Minis i fer son prezantasyon.  Sirtou, pandan sa lannen kot nou’n vwar pa mal lo nou bann nouvel enternasyonal, kot sekirite aeryen in domin nouvel.  Ziska bomaten lo nouvel, la in ganny dir ki, akoz Malasian Airline, lasirans lo air transport pou ganny mete, pou al increase, ki vedir pou sa senp endividi deor, ki probableman, bann tiket avyon ki zot servi pou bezwen dezormen monte.  I montre en kantite pe arive dan sa laspe sekirite.

Nou retourn enpe an aryer, Malasian Airline ankor i crash, disparet ziska ozordi. E la dan sa Seksyon, i annan en Seksyon tre, tre enportan ki dir, “Provide aviation communication, navigation and surveyance and services within the Seychelles FIR”. Mon krwar i en laspe tre, tre enportan si sa pe al ganny remet anplas e ganny mete anba SCAA, ki annan sa kapasite, ki annan sa training ansemoman.  Akoz mon krwar nou’n swiv sa nouvel, bokou nou kot personn pa’n asire ki dernyen fwa Malasian Airline ti anvoy son komann lo bann FIR dan sa rezyon.

Alor i montre ki lenportans akoz ozordizour, i annan en kantite avyon, mon krwar Minis kekfwa i a koriz mwan si mon mal, ki pas dan lespas Sesel, menm si i pa pe apoz lo nou later.  Alor dan pas lespas Sesel, i fer ki i annan kominikasyon avek ground isi dan nou FIR Station e nou bezwen annan en bon kominikasyon, en bon flight path e nou konnen egzakteman ki bann airline ki pe pase, ki demen, nenport kwa i kapab arive.  Me si la nou vwar sa in ganny anplas dan sa nouvo, bann amannman ki pe ganny met anplas, SCAA pou ganny en kontrol lo la, mon krwar se bann dimoun dan FIR ki al training ase souvan, enternasyonal, anba standar IATA.  Zot bezwen annan tou sa konfidans ki zot kapab reponn e la mon vwar pe ganny re-anforsi.

En laspe ki mon ti a kontan tous en pti pe plis an detay lo la, i laspe ki’n ganny enplimante la, se lo Security, Quality Control Program.  E sa Quality Control Program Mr Speaker, ansemoman, mon krwar i vreman, vreman enportan.  Ankor nou baze lo laspe sekirite ki sa Bill pe detay lo la ki SCAA is the Authority.  Si nou pran an kont ki ozordi dan en lemonn kot nou koman en imen si nou pran en flight, nou lavi i dan sa flight, sa ki arive, pilot ki pe anmenn avyon, i annan en kantite laspe ki pe kominik ek nou.  Nou bezwen ozordi nou osi annan en sekirite si nou pe servi en Airport.  Konnen ki nou safe, ki en bagaz malapropo pa pe ganny met abor.  Nou bezwen annan sa lespri sen e sof ki nou, ki onboard sa flight, nou osi nou feel safe and at ease to be onboard akoz Port of departure, i annan tou standar e ler menm nou ariv kot bann lot Por, i menm standar.  E ozordi ler SCAA anba sa Act koz SCAA i ganny sa bann pourvwar, zot met zot annord.  i annan en kantite laspe.

Nou pa kapab ozordi, ler en body enternasyonal e fotespere nou pa dan sa sitiasyon, mon pa asire.  Ki ler body enternasyonal ki diriz bann Eropor, i deside pou vin fer lenspeksyon lo nou sistenm, nou bezwen taye met keksoz annord.  Nou bezwen, ozordi, e mon krwar sa Bill pe viz lo la, met nou a la standar.  Ozordi bann dimoun i oule vin fer lenspeksyon Erport Sesel e anything to do with laspe safety e son bann azoutaz ki vin avek, zot kapab vini e vwar nou standar.  Vedir ki sa Bill, mannyer mon pe konpran li, nou pou osi annan sa odit lokalman i ganny fer lo bann standar ki pe ganny servi lo bann partners osi ki travay ek SCAA akoz i annan bann partners ki andeor kontrol SCAA.  Nou annan SeyPec ki donn fuel bann avyon me i annan son baz la.  E li i enportan son bann standar sekirite i la.  Nou annan osi bann standar sekirite, ozordi si mon pran en legzanp lo Langleter kot en Erport pe bezwen apre sepa konbyen lannen, deplas en kantite dimoun dan zot landrwa reste akoz i annan en zone delimitasyon enternasyonal ki’n ganny mete letour Erport.  Nou osi nou bezwen viz lo la e mon krwar dan sa Bill nou pe ganny tou sa bann laspe ki pe ganny konsidere, bann partners, bann level securities ki nou pou bezwen ganny met anplas e la nou fer sa odit.  Internally, nou annan sa laspe ki nou kapab fer sa odit internally e li i met li lo standar year in, year out 24 lo 7, ki napa okenn issues ki pe ganny vreman neglize e la, ler nou get issues i annan diferan segment ki nou pou bezwen tous lo la akoz ozordi i annan, lo Erport Enternasyonal Sesel, par egzanp, nou annan bokou laspe sekirite.  Annou met bann Lafors Sekirite.  Nou annan Lapolis Regilye, son rol, lekel ki determinen ki son rol ki i fer laba?  Nou annan laspe Customs, son rol spesifik vizavi bann Lotorite SCAA, eski i annan en limitasyon?  Eski SCAA i annan en pourvwar e dan sa Bill nou vwar ki zot bezwen kapab diriz sa ki arive lo en Erport ozordi.  Akoz i kapab konpromi sekirite aeryen.  Nou annan Airport Security Passenger Terminals e Sesel nou napa zis, ozordi nou koz lo Erport Enternasyonal Sesel.  Nou annan Praslin, nou annan bann tipti Erport andeor lo bann zil.  Tousala i bezwen ganny met anba en sapo e ganny regulate ozordi mon krwar.  Akoz apre tou, tourism i nou Sekter enportan e dan sa Bill mon krwar i fer provizyon osi pou eventually, si zot kapab afford it, ki SCAA i kapab annan son prop pti Airline e sa ankor en laspe tre, tre enportan kimannyer ou kapab ozordi annan sa laspe sekirite anba ou sapo si i ariv en keksoz avek en avyon e ou ki lo sa kontrol, ou pa konnen ins and outs of how the plane runs, ou napa sa leksperyans.  Nou’n vwar bokou dan film ki, se ground ki diriz en dimoun fer en kantite keksoz e osi byen, si zot kapab annan en pti, akoz dan Bill i fer provizyon annan en pti Airline pou zot.  Ler mon dir Airline, pe pti avyon, pa en Airline ki fer komersyal.  Zot al fer bann inspection lo sa bann outer Erport, airstrips ki egziste akoz sa ankor, i vreman enportan.  Whatever happens lo nou bann zil, nou’n koz bomaten lo laspe sekirite lo lanmer.  Nou annan sa laspe sekirite osi ki nou bezwen veye e mon kontan sa Bill pe tret sa lo nou laspe, nou tourism-based e osi nou bann Seselwa ki pe deservi sa bann zil atraver bann avyon.

Nou annan ground security, baggage security, cargo, human factors and aviation security training.  Sa training ki bezwen kontinnyel, ki napa slack.  Ozordi, nou pa pou kapab vwar en dimoun pe vin check in, ouswa en dimoun pe servi Erport Enternasyonal kot i annan serten slackness.  Akoz i kapab kout en kantite keksoz.

Enn nou bann laspe ki kekfwa nou kapab diskite se ki, ozordi, i annan peser ki servi bann landrwa pa tro lwen avek Erport.  E ozordi bann dimoun i bezwen konpran, lo Erport Enternasyonal, Bill i fer provizyon ki SCAA i annan lotorite.  Ou pa kapab ozordi leve, ou anvi al lapes zis ou cross en runway.  I vreman danzere tou sa bann keksoz.  Ozordi dimoun i bezwen konpran nou pe zwe ek lavi dimoun e Erport i enportan pou nou ganny-pen osi akoz i anmenn touris.

Avek sa Bill Mr Speaker, mon vwar tou sa bann laspe i ganny pran an konsiderasyon e mon kontan ki ozordi, the right body ki SCAA, i pran sarz pou li not only train, i Audit, i met Lalwa anplas ki li ozordi i kapab fer en bon Polisi baze lo Polisi enternasyonal ki met nou alaoter enternasyonal e ki li Sesel, ozordi nou Erport, i ganny konsidere menm ler enternasyonalman zot ganny dir, wherever Convention, Sesel is up to standard.  Go tomorrow morning, there is all, akoz i pa baze zis selman lo ground ki pe arive, me i annan en laspe ki baze osi lo Legislation ki nou pe diskite lo la.  Ki ou Lezislasyon i anplas, ki sa Lezislasyon ki diriz tou sa ki pe arive, pe arive e mwan, personnelman Mr Speaker, mon an faver totalman sa Bill e mon ti a demann mon bann Koleg pou osi siporte.  Mersi Mr Speaker.

 

MR SPEAKER

Onorab Lebon.

HON LENNY LEBON

Mersi Mr Speaker.  Bonzour a tous.  Mr Speaker, mon pou aport mon sipor pou Bill lo amannman konteni dan provizyon trouve dan Seksyon 5 e 6 Lalwa ki gouvern legzistans, fonksyonn ek pourvwar Lotorite Laviasyon Sivil Sesel.

Mon pa kapab manke pou koz lo en proze amannman sitan enportan, espesyalman, ler nou pe swiv avek bokou tristes, bann levennman trazik ki resaman parey Onorab Bresson in fer resorti, plizyer Lotorite Laviasyon Sivil in oblize fer fas avek.

Mr Speaker, nou pe koz lo en Sekter ki tre konpleks e tante pou devlop en gran refleksyon lo en tel size.  Mon panse moman i pa neseserman apropriye.  Malgre tou, mon totalman konpran nesesite, mon vwar e apresye, sa vast dimansyon tre konpleks ki bezwen ganny kouver e donn en legzistans reel bann nouvo konteni dan sa Proze de Lwa pe defini.

Isi Sesel, ler sa Proze in fini vin Lalwa, nou finalman 1, etablir, mentenir e enplimant en Progranm Nasyonal pou Sekirite Laviasyon Sivil.  2, etablir, mentenir e enplimant en Progranm Nasyonal pou kontrol kalite, oubyen standar sekirite Laviasyon Sivil.  Trwazyenmman, etablir, mentenir e enplimant en Progranm Nasyonal pou formasyon dan sekirite Laviasyon Sivil.

San okenn dout, nou pa kapab minimiz lenportans Sesel, annan legzistans en Progranm konpreansiv e dinamik pou kontrol kalite, oubyen standar sekirite dan nou sistenm Laviasyon Sivil, i vreman endispansab.  Anplis, annan legzistans en progranm detaye pou kourt, mwayen e lonterm.  Pou donn travayer Seselwa formasyon dan sekirite Laviasyon Sivil, i absoliman neseser si nou pou kontinnyen gard nou vizyon pou agrandi nou Erport e par konsekans, fer fas avek pli trafik aviasyon e byensir e lozikman, plis dimoun ki bezwen asire ki zot traze i pas dan en latmosfer byen sekirize.

Ozordi, lemonn antye i bokou pli konsyan.  Tou dimoun ki vwayaze ozordi, i atas en gran valer avek son sekirite.  Donnen bann diferan levennman ki lemonn in eksperyanse.

Mr Speaker, enn bann gran dikton Kreol i dir, ‘maler pa averti’.  Sa i vedir, ki Seselwa, espesyalman bann ki travay direkteman dan Sekter Laviasyon Sivil, i bezwen konsyan nesesite absoli, pou kontinnyen gard en o nivo standar sekirite dan Laviasyon Sivil Sesel.

Pli enportan, nou pe koz sekirite lavi.  Wi Mr Speaker, sa set enn e milye zonm, fanm zanfan, diferan nasyonalite ki ozordi toulezour pe bezwen servi e oblize pas atraver nou sistenm sekirite dan nou sistenm Laviasyon Sivil.  I en gran responsabilite, i anfen en travay nob.  Nou bezwen reste smart.

Mr Speaker, Sesel pa kapab les bann evantyelman kit li deryer.  Sesel i bezwen bouz e bouz vit, lemonn pe sanze drastikman.  Dan Sesel, i annan plizyer nouvo akter ekonomik ki pe antre.  Seselwa, pe servi loportinite pou zwe en rol bokou pli aktiv dan devlopman nou Sekter Laviasyon.  Alors, i normal ki nou prepar nou e kree bann fasilite, oubyen kadreman legal avek bi donn repons sa bann nouvo realite.

Ozordi plis ki zanmen, Sesel nou pe vwar plis avyon ki pe frekant nou Erport.  Nou vwar bokou plis tonaz kargo ki pe antre atraver nou Erport.  Tousala, i egzize ki ankadreman e en sistenm Legal Sesel, pa reste statik.  Nou bezwen annan bann profesyonnel pli byen formen, pli byen ankadre.  Nou bezwen pe balans nou standar lokal a tou nivo anlinny avek bann standar enternasyonal pour ki Sesel i kontinnyen ganny garde, liste parmi bann pei ki annan en Erport ki ekipe avek bann standar debaz.  Ki egziste, ki en Erport Enternasyonal dan kategori parey Sesel, i oblize annan.

Mr Speaker, nou isi dan sa Lasanble, nou konnen ki sa latas i pa enn ki fasil.  Bokou dedikasyon, perseverans ki demande, si nou pou reisir.  Me en keksoz ki Sesel e Seselwa i fer byen se ler nou ganny montre bann nouvo defi, Sesel e Seselwa i touzour vwar sa lenerzi ekstra pou donnen e dan en fason, asire ki Sesel i sorti venker.

Mr Speaker, Seselwa i annan en lafyerte enkontestab.  Ozordi plis ki zanmen, Sesel e Seselwa, in pare pou anmenn Sekter Laviasyon Sivil Sesel lo some sa nouvo frontyer.  Egalman, pou nou asir nou sikse, nou tou ki konsernen, nou bezwen touzour smart dan nou sistenm servis Laviasyon Sivil.  Nou bezwen asire a tou pri, ki Sesel pe bouz avek dinamik, bann nouvo defi ki Sekter Laviasyon Sivil pe fer fas avek.

Mr Speaker, avek sa detrwa mo ki mon’n kontribye, mon pou anmenn mon sipor a sa Bill.  Mersi.

 

MR SPEAKER

Onorab Bristol.

HON ALDERIC BRISTOL

Mersi Mr Speaker.  Mr Speaker, Minis avek ou delegasyon, tou Koleg Onorab, bonzour.

A en moman dan nou lavi, bokou nou Seselwa in vwayaze par avyon.  Ki swa pou al dan en pei deor, oubyen en pti vwayaz Praslin-Mahe e Mr Speaker, apard ki en pti zanfan, mon plis ki asire ki tou sa ki’n deza fer sa parkour dan lezer, in santi ki kantite delika sa zafer i ete.  Nou osi konnen ki kantite serye sa biznes aviasyon i ete.  Si non, nou ti pou zis pey nou pasaz e anbarke san swiv okenn prosedir konmsi nou pe anbark dan bis pou al Anvil.

Mr Speaker, Laviasyon Sivil i tre enportan pou en pei.  Pe-enport ki groser ou pei i ete, ki groser ou Erport i ete, ki kantite busy ou Erport i busy, ki zistans ou ete avek lemonn eksteryer, oubyen ki kantite safe ou krwar ou safe.  Denozour, sekirite i en laspe tre enportan dan Laviasyon Sivil.  Sa Lotorite ou Lorganizasyon ki’n ganny manda pou okip e zer Laviasyon Sivil en pei, i bezwen asire ki i konnen, ki i azour e ki i abide avek bann regleman enternasyonal.  Sa set avek le bi prensipal pou asire ki tou pti konponan an referans avek Laviasyon, ki swa ater ou dan lezer, i an konformite avek lareg ki Lalwa i demande e met anplas par Lorganizasyon Enternasyonal ICAO, International Civil Aviation Organisation.

E Mr Speaker, i osi tre enportan ki Gouvernman Sesel i fer sir ki tou sipor merite, i ganny donnen a sa Lorganizasyon ou Lotorite dan ka pou nou i SCAA, pour ki nou kapab demontre en nivo profesyonnalizm e konpetans lo nivo Nasyonal ki reflekte tre byen lo nou dan lizye nou bann partener e lezot lenstans enternasyonal.  Fodre pa nou bliye ki okenn levantyalite advers ki arive dan Laviasyon isi, se Gouvernman Sesel ki ganny gete e ganny kestyonnen.  Alors, pou mwan, si SCAA i annan tou bagaz neseser, then, nou pti pei i a dan en pli bon pozisyon pou boost nou safety e compliance vizavi nou sitwayen e bann Lorganizasyon Enternasyonal.

Mr Speaker, Seychelles Civil Aviation Authority, sa Lotorite ki’n ganny mandate pou run nou Erport, i annan en devwar serye pou asire ki Sesel i devlop bann standar enternasyonal e bann practice rekomande par ICAO.  E sa, a ed nou pou pli byen plase ler nou pe kontinnyen devlop e amelyor nou Legally Binding National Civil Aviation Regulations.

Mr Speaker, SCAA i annan plizyer fonksyon anba son manda, parmi lekel, pou mentenir e zer bann aerodromes e pou donn bann servis e fasilite neseser, pou donn servis trafik de ler dan konteks Seychelles Flight Information – pou regilariz e promot devlopman transpor aeryen isi.  Sa i zis detrwa son bann fonksyon debaz.  Now, parey mon’n dir pli boner, kot SCAA i bezwen adere avek ICAO, alor i pou neseser ki SCAA i ganny serten stati legal pou permet li byen adres bann konsern ki ICAO ti fer resorti dan son dernyen Rapor Odit isi enpe letan pase.  Se sa alor lobzektiv sa Bill ki la devan nou ozordi.  Se pou zisteman amann sa Seychelles Civil Aviation Authority Act 2005, pou enkli parmi serten mezir legal pou met SCAA an konformite avek lareg e demann ICAO.

Mr Speaker, sa bann mezir, se sa bann pwen mansyonnen dan sa Bill, i tre enportan.  Mon’n ganny en konpran ki bokou sa bann pwen mansyonnen dan sa Bill, i deza la e ki reste zis en zafer pou legaliz li e fer li vin Lalwa pou permet SCAA desarz son bann fonksyon pli byen e avek pli bon bagaz legal e se sa ki nou pe al fer ozordi ler nou vot pou sa Bill.

Mr Speaker, enn bann mo tre enportan ki monte dan bann Lartik dan sa Bill se, laspe sekirite.  Par egzanp, pou etablir, mentenir e enplimant National Civil Aviation Security Program e Security Quality Control, sa i ariv a en bon moman kot nou pe tann e vwar tou sa bann evantyalite ki pe arive kot i konsern sekirite aviasyon enternasyonal.  E pa krwar ki Sesel i tro pti or tro lwen ki eparny nou kont bann tel aksidan ou akt kriminel.  I annan sa bann lensidan ki pe ariv tre pre avek nou laport.  Alors, i neseser Lalwa i rekonnet Progranm Sekirite SCAA e ki SCAA i annan en tre bon Progranm Sekirite ki anglob tou, e mon dir tou, laspe sekirite kot nou Erport.

Nou bezwen rekonnet ki SCAA koman en Lotorite, pe fer en travay fantastik e zot tre profesyonnel dan zot fonksyonnman.  Alors, i toutafe rekomandab ki zot ganny kouver par Lalwa apropriye pou permet zot pli byen egzekit zot louvraz.

Mr Speaker, Sesel i tro pti pou les nou ganny afekte par bann evantyalite tel ki hijacking, teorizm ou aksidan avyon.  Sa pou afekte nou sitwayen e kout nou pei tro bokou.  Preski tou dimoun i konn tou dimoun isi e nou tou nou konnen ler maler i pase kimannyer sa i tap nou pti nasyon antye.  E dan nou frazilite ekonomik, konbyen sa pou al kout nou pti pei Sesel.  Alors, pou mwan i enportan ki nou met anmars prevansyon avan gerizon.

Mr Speaker, once sa Bill i vin Lalwa, i pou devwar tou parti prenan pou zwe son rol pou asire ki i vin efektiv.  Depi nou Gouvernman, ou sa pasaze, ou sa cleaner, ou sa sekirite, ou sa Polisye, ou sa staff Ladwann, ou sa Ground Service Staff, ou sa Enzenyer, ou sa enn dan Tower, ou laba dan Cargo e tou lezot ankor, i tre enportan ki nou travay ansanm.

Fodre next time ler ICAO i vin fer son Odit isi, i vwar sa improvement ki nou’n fer from last time.  Ler nou pas sa Bill, se egzakteman sa ki pou arive.  Ler i pou konstate ki dan Lalwa ki gouvern SCAA i annan sa konponan to coordinate security measures and procedures with appropriate Authorities, then SCAA pou’n satisfer enn bann demars enportan lo kote partenarya ant bann lezot Lotorite apropriye, ki swa nasyonal ou enternasyonal.  Sa Lalwa pou osi improve fonksyon SCAA vizavi bann bodies nasyonal e enternasyonal tel parey, SeyPec, IATA, ICAO eksetera.

Mr Speaker, mwan mon vwar sa Bill en pa dan en tre bon direksyon e koman reprezantan mon distrik Takamaka, kot mon annan dimoun ki vwayaze, kot nou annan Pilot, Enzenyer avyon, Sekirite, staff Erport, drayver taxi, travayer Lazans Vwayaz, travayer Ladwann ek Cargo e lezot ankor, then, i mon devwar politik e imaniter pou asire ki sa bann dimoun i ganny proteze anba en parasol ki annan en laspe legal rekonnet enternasyonalman pou safety Aviasyon dan Sesel.

Avek sa 2 mo, mon aport mon sipor pou sa Bill.  Mersi bokou.

 

MR SPEAKER

Onorab Fideria.

 

HON EMMANUEL FIDERIA

Mersi.  Bonzour tou Manm Onorab.  Mr Speaker, Bill ki pe propoz serten amannman dan Lalwa Lotorite Laviasyon Sivil Sesel, pe ozordi ganny konsidere par nou Lasanble.  Sa Bill pe sizere ki nou fer sanzman dan konteni Seksyon 5 ek 6.

Mr Speaker, Sesel ti vin en Manm Lorganizasyon Aviasyon Sivil Enternasyonal, le 25 Me 1977.  Anba sa, nou ti apel The Chicago Convention. Dan konteks Sesel pou plizyer lannen, nou Sekter Aviasyon Sivil ti ganny dirize anba sa ki nou apel Directorate of Civil Aviation.  Mon note anpasan, ki Sekter Laviasyon Sivil, i enn ki pe sanz tre vit.  I en Sekter tre dinamik, dan zefor pou anmenn plis lefikasite e progre, Gouvernman ti deside an 2005 pou anmenn en gran transformasyon dan sa Sekter.  Nou ti vwar kreasyon Lotorite Laviasyon Sivil Sesel.  I eksperyans plis lotonomi pou SCCA e sa ti osi kree kondisyon pou progresivman enkorpor plizyer bann standar ki Lorganizasyon Laviasyon Sivil Enternasyonal ICAO, i demande.

Mr Speaker, dan listwar Laviasyon Sivil, in annan plizyer moman trazik tel ki an Septanm 2001, lemonn ti enn parmi bann pli gran sok dan Sekter Laviasyon Sivil.  Teoris ti pran kontrol en anvyon e servi sa avyon koman en zarm pwisan pou kree en dezas orib kot World Trade Centre Lanmerik.  Plizyer destriksyon lavi imen ti ganny terminen, bann inosan, plizyer fanmiy ti ganny desire emosyonnelman.  Pert materyel e finansyel i boulvers plizyer biznes, zonm, fanm, i trouv zot san en travay.  Bokou tourman lemonn i reponn avek pli gran vizilans dan Sekter Laviasyon Sivil, i absoliman neseser.

Mr Speaker, latak barbarik 2001, in egzize e definir bann nouvo standar enternasyonal.  Sesel pa kapab ganny kit deryer.  Sesel i bezwen bouze e anbras bann nouvo defi.  I pa en travay dan izolasyon, i en travay an partenarya atraver tou sistenm sekirite e sistenm standar tou bann Manm dan Lorganizasyon Laviasyon Sivil Enternasyonal, ki atraver en prosesis inovasyon sistematik, ki ava kontribye pou anpese ki bann gran trazedi i ganny repete.

Mr Speaker, koman en Manm ICAO, i enn nou lobligasyon pou met nou azour ek tou bann standar e demann ki arive dan Sekter Laviasyon, sirtou kot i konsern sekirite.  Sesel nou depan lo nou Lendistri Tourizm, ki zwe en rol ekstrememan enportan dan nou lekonomi, menm nou dir, leker nou lekonomi.  Preski tou bann viziter e nou menm, i pas atraver Erport pou antre e sorti e sa i fer nou ki nou bezwen pran bann mezir sekirite pli strikt.

Mr Speaker, sa lamannman pe demande ki SCAA i enplimant National Civil Aviation Security Program e en Progranm Quality Control e sa i fer referans avek annex 17 Seksyon 3 Progranm Sekirite IKO.  Dan sa konteks, SCAA i bezwen annan en progranm training pour tou son staff an sa ki konsern sekirite aviasyon e en pass mark byen challenging ki bezwen plis ki 80 poursan.

Mr Speaker, sa i pa zis en kestyon training, me sa ki enportan, i bezwen annan lenvestisman ki rezonnab dan bann lekipman.  Parey masin x-ray, kot i konsern screening bann bagaz, kargo e menm endividi akoz ou pa konnen kwa ki poz en danze dan nenport ki moman.

Mr Speaker, sa lamannman, i anmenn mwan lo en size ki vreman sansib.  E sa se nesesite pou fer en letid tre aprofondi lo tou endividi ki deside al rod en travay, ouswa en plas travay lo Erport, ouswa kot SCAA, ouswa bann Lorganizasyon ki afilye ek bann travay ki arive lo Erport.  Sa ki evidan, se ki nou pa kapab fer okenn konpromi kot i konsern standar e nivo, oubyen kalite sistenm sekirite ki egziste dan Sekter Aviasyon Sivil lo Erport.  I en landrwa kot tou dimoun ki travay, i bezwen annan en o nivo lentegrite.

Mr Speaker, i annan en progranm ki apel Aircrafts Investigation.  Sa, i a fer nou konpran akoz ki nou oblize annan en Progranm Sekirite e Quality Control akoz en senp fot ki pa dan en Progranm ekrir dan manual ki en staff i bezwen swiv strikteman, i kapab koz en trazedi serye.  Zis parey kit en bout feray lo runway, parey serten dimoun i koup runway bonnavini.  I annan menm ki pa met zot vest parey regilasyon i demande.  Nou bezwen vwar e ganny en solisyon imedyat dan en kour dele letan.

Mr Speaker, sekirite dan Sekter Aviasyon, i pa zis lo Erport, me osi dan nou lespas kot nou kontrole.  Sa i fer ki nou lekipman i bezwen par lao bann standar ki ICAO pe demande e ki bann staff ki travay dan Air Traffic Control, zot byen kalifye e ki zot devret ganny bann training neseser ki fer zot reste e mentenir bann standar ki ganny rekomande e ki zot osi an bonn sante.  Akoz sa louvraz i delika e i enportan ki zot pa travay an tro, ki zot letan repoze i rezonnab e zot reste fokalize akoz levidans e leksperyans in montre dan serten ka ki aksidan ki’n arive atraver lemonn, se ler bann traffic controllers i overworked e pa pe ganny ase letan pou zot repoze.

Mr Speaker, i vre li sa lamannman, sirtou dan konteks annex 17, Seksyon 3, ICAO, ler i koz lo sekirite aviasyon, i koz bokou lo trafik aeryen e komersyal.  Dan konteks lokal, i enportan nou pran an konsiderasyon nou konteks domestik parey lo nivo lo outer islands, swa zil prive kot i annan bann pti air strips ki osi bezwen swiv bann standar ki akseptab.  Ki zot pa poz okenn problenm sekirite pou bann avyon ki servi sa bann lenfrastriktir e ki bann staff zot osi ganny bann training neseser pou garde e garanti legzistans bann standar ki’n ganny preskrir par ICAO.

Mr Speaker, annan en Progranm Sekirite Aviasyon ek Security Control, i pa ase.  Mon sizere ki SCAA i devlop en Progranm Sansibilizasyon pou popilasyon.  Edik nou dimoun e viziter lo prosedir e mezir sekirite Aviasyon.  San sa legzersis, pou kontinnyen annan fristrasyon akoz dimoun pa konpran akoz tel ou tel mezir, i bezwen ganny swiv.

Mr Speaker, pou konklir, dan sa monn i annan diferan kalite group ek diferan ideolozi.  I annan ki mank respe pou lavi ek dignite imen.  Nou bezwen reste vizilan e smart pou azir lo en standar sekirite Aviasyon e nou bezwen donn SCAA tou sipor neseser pou li reste lo standar ICAO.

Avek sa 2 pti mo, mon pou donn tou sipor sa Bill.  Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker, sa Proze de Lwa pou amann Lalwa Laviasyon Sivil Sesel, i vin a en tre bon moman e mon krwar sa pwen in ganny fer par en lot mon Koleg bomaten.

Me, mon krwar osi sa ki enportan dan sa Lalwa, se pour nou kapab en pti pe, konekte sa ki pe pase dan domenn Laviasyon Sivil Enternasyonal avek le fe ozordi ki nou pe pas sa Lalwa.

Mr Speaker, i pou mwan, premye fwa dan en bon pe letan, ki dan en lannen nou remark lakantite aksidan avyon, oubyen par lafot imen, oubyen par lezot keksoz ki arive.  E sa i en konsern mazer par ICAO par le fe ki i annan bokou keksoz ki ganny demande lo son nivo pou li regulate Sekter Laviasyon Enternasyonal e pou asire ki air flight, i safety.

Mr Speaker, mon krwar dan bokou bann revi, ou pou vwar poudir enn bann largiman ki ganny avanse se ki, enn bann fason pli safe pou ou travel, se atraver avyon.  Akoz byen rar en avyon i ganny aksidan, me malerezman, resaman, in annan bokou konsern as to whether or not sa i le ka, par le fe ki i annan bann lacking dan lafason ki bann operater i ganny regulated.  Lafason ki bann operater i maintain nivo safety, nivo standar sekirite an se ki konsern zot loperasyon.

E mon kontan poudir ozordi, nou pe pas sa Lalwa e mon krwar nou bezwen osi prezan regard son faz lenplimantasyon sa Lalwa dan en fason konkret e asire ki tou resours neseser i ganny mete a dispozisyon SCAA pou li kapab enplimant bann provizyon sa Lalwa.

Annou regarde, par egzanp, nou vwar poudir enn bann eleman enportan sa Lalwa, se pou etablir en Safety Assessment Program pou bann foreign operators, operating in or out of Seychelles. E sa i en eleman enportan akoz par egzanp, si nou pe regarde, sa bann aksidan ki’n arive ek sa bann avyon, i ariv atraver parfwa, lacking ki annan lo nivo operater.  Oubyen i ariv atraver parfwa, lacking ki annan o nivo sistenm regilatwar ki ganny mete par sa competent Authority nasyonalman ou lokalman.  E SCAA i annan en rol enportan pou li zwe.

En dezyenm pwen i osi konsern sa ki pe pase lo bann aerodrome lokal, dan nou pei.  E sa i konsern devlop and review national standards for security equipment and system. Bomaten nou’n fek koz lo security equipment pou peser par egzanp, VMS.  E le fe, lenportans ki annan pou nou asire ki regilasyon i ganny well-maintained, i kler e monitoring i ganny fer klerman.  E la osi nou pe koz lo monitoring sa ki pase lo bann aerodrome lokal akoz ou pa konnen kan en aksidan i kapab arive e sa i pou annan en lenpak dan devlopman Laviasyon Sivil Sesel e osi lo nou Lendistri Tourizm ki en Lendistri ki relye e konekte tre direkteman avek Laviasyon Sivil.

En lot pwen fondamantal ki mon oule fer sorti Mr Speaker, atraver sa Mosyon ozordi, nou osi ganny sans pou nou konekte sa ki pase parfwa lo lasenn enternasyonal e kot nou toultan dir poudir nou viv dan en monn globalize e sa ki pase aletranze, i annan en lenpak lo nou.  Par egzanp, ler mon pe regard sa ki pe ganny dir dan bann zournal ki konekte avek travel e avek Laviasyon Sivil, ou vwar poudir, inevitableman, pri pou bann dimoun travel lo avyon, i riske monte akoz sa kou lasirans pou monte.  E par le fe ki nou nou en destinasyon ki depan en kantite lo dimoun ki bezwen travel lo avyon, i posib ki bann dimoun ki pou travel Sesel osi pou bezwen pey en pri pli o.  E la, eski dan sa konteks sa bann dimoun pou annan larzan pou zot vini ?  E se pour sa rezon ki toultan dan sa Lasanble nou ranforsi le fe ki nou konekte e nou ganny afekte par bann keksoz ki pa neseserman pe arive isi, me i arive enternasyonalman.  E se pour sa rezon prezan ki nou nou bezwen fer sir poudir nou dir, ‘be non, nou, nou safe akoz nou annan nou en sistenm regilasyon, nou annan nou en sistenm monitoring, nou annan nou bann prosedir regilatwar ki kler, ki net e ki kapab asire ki sa Sekter i ganny byen policed e nou annan nou bann competent authority ki annan tou resours neseser pou fer sa louvraz.  Se sa laspe enportan ki sa Bill pe donn nou ozordi par le fe ki i annan sa bann nouvo devlopman ki pe pase otour nou.

En dernyen pwen Mr Speaker ki mon oule fer sorti, sa i konsern lafason ki mon krwar nou bezwen donn sa Lorganizasyon serten lotonomi pou li kapab envestir serten fon, pou li kapab kontinnyen anmenn devlopman e upgrade en pti pe son lenfrastriktir.  Mon krwar i annan potansyel pou Sesel kapab vin en hub dan larezyon.  E si nou, nou oule vin en hub, nou bezwen met anplas striktir neseser pou vin en hub.  Ozordi ler ou konpar nou avek lezot hub dan larezyon, petet nou pa alaoter ozordi.  Nou pe arive wi, me nou pa alaoter.  E se pour sa rezon ki nou, nou bezwen prezan prepar nou pou nou kapab, si lenvestisman i vini, nou annan konpetans regilatwar, nou annan framework legal, nou annan bann konpetans neseser dan sa Lotorite konsernen pou nou kapab efektivman, vin sa hub dan larezyon parey nou anvi vini.  E se la kot sa Lalwa pe ale e mon krwar prezan i reste lo Lotorite konsernen e Minister konsernen pou asire ki bann provizyon ki ganny mete dan sa bann lamannman pou amann sa Lalwa, i ganny met an pratik e ki nou annan resours neseser pou nou kapab asire ki sa Sekter i ganny byen regilarize parey sa Lalwa pe ganny demande.

Avek sa detrwa pti mon Mr Speaker, mon pou siport sa Proze de Lwa.  Mersi.

 

MR SPEAKER

Onorab Pierre.

HON DAVID PIERRE

Mersi Mr Speaker.  Mr Speaker, sa Bill ki devan nou ozordi, i en Bill ki vreman, vreman enportan.  Nou pe koz lo bann lamannman enportan ki nou anvizavi fer avek nou Civil Aviation Authority Act 2005.

Mon kontan sa bann lamannman akoz i anmenn 2 laspe enportan an sa ki konsern Aviation Authority.  1 sa laspe se ki, Sesel in sinny Konvasyon Chicago e koman en pei nou bezwen fer sir ki nou met nou azour avek nou bann Lalwa pou garanti ki nou reponn bann demann ki sa Konvansyon i annan akoz nou’n sinny sa Konvansyon.

Dezyenm laspe enportan se, the issue of safety pou air travelIn fact, dernyen keksoz ki nou kapab fer koman en pei, se pou nou konpromiz nou laspe sekirite ek safety aeryen.  Sesel pa kapab fer sa e at no cost, nou pou kapab afford pou nou fer en keksoz parey.  Nou konn tre byen ki, air travel i en konponan ki ekstrememan enportan pou lekonomi Sesel.  Nou pa ni menm anvi ariv dan en sityasyon, let alone en aksidan, dan en sityasyon kot nou ganny en travel alert.  Nou lekonomi i tro sansib anrelasyon avek tourism industry, ki depan en kantite lo air travel pou nou kapab les sa arive.  Donk, mon vwar li koman en Manm Lasanble Nasyonal e koman Leader Lopozisyon dan Lasanble Nasyonal, mon vwar li enportan ki wi, bann mezir neseser i ganny pran parey sa ki pe ganny fer la pou nou amelyor the status quo.

Mr Speaker, Minis in koz lo Chicago Convention e letan mon get Chicago Convention, i annan bann annex atase avek ki mon vwar i annan relevans anrelasyon avek bann lamannman ki nou pe fer.  E mon get par egzanp annex nimero 3, ki koz lo servis ki nou pa’n tro koz lo la dan sa Lasanble Nasyonal, ki koz lo servis meteorolozik pou international air navigation.  Mon ti ava kontan ki Minis i pronons son lekor lo sa size e koz en pti gin avek nou e reasir nou ki pou annan bann nouvo lenvestisman dan sa domenn e mon pe osi koz, mon pe osi al osi profon pou mon koz lo menm bann nouvo Training Progranm pou bann travayer e mon pe koz osi egalman, lo lenvestisman dan bann lekipman ki nou servi pou sa servis ki meteorolozi i donnen anrelasyon avek international air navigation. Mon krwar i en lapse enportan air safety ki nou pa kapab neglize e nou bezwen koz lo la.

Chicago Convention, e sa lamannman ki devan nou, i bord osi avek the issue of dan annex 8, the issue of air worthiness of an aircraft.  E eski Minis pe dir nou poudir nou pe al efektivman, atraver sa bann lamannman, regulate air worthiness of aircraft avek the operations.  Mon krwar poudir sa osi i en laspe enportan e Minis i konn byen ki mon pe koz lo la, letan nou pe koz sa, nou pe koz egalman airborne equipment, nou pe koz ground-based equipment.  Mon pe gete, avek sa lamannman, ki lanfaz ki pei pe mete anrelasyon avek sa size, ki kapab afekte flight safety?

Mr Speaker, mon pe osi get annex 13, The Chicago Convention, ki osi bord avek bann lamannman ki pe ganny fer dan sa Lasanble ozordi e ki mon pou siporte.  Mon ti ava kontan ki Minis i osi pronons son lekor dan en fason pli for anrelasyon avek annex 13 ki koz lo sa size aircraft accidents and incidents ki bord avek safety.  I koz lo investigation e mwan mon pe demande ki kalite training ki Gouvernman pou met anplas pou garanti sa kalite nivo ki pou fer sir ki omwen, mon konnen poudir lenvestigasyon dan en aksidan avyon, i masivman konplike e i demann bann lekspertiz ki petet Sesel koman en tipti pei, nou pa pou zanmen kapab gannyen.  Me selman i annan en laspe ki enportan.

Nou’n vwar Mr Speaker, atraver sa aksidan avyon ki’n arive resaman, in fact, en latak lo en civilian aircraft, sa Malasian Airline ki’n arive resaman.  Nou’n vwar kimannyer bann dimoun in vin tamper avek the scene of the accident.  E nou’n vwar the seriousness of that lo kimannyer i kapab afekte rezilta lenvestigasyon pirman akoz lafason ki bann dimoun ki’n premye pou ariv lo scene, in handle sa sityasyon.  E mwan, mon pe dir poudir, mon pa swete ki zanmen i ariv en aksidan avyon lo nou later Sesel.  In deza arive, mon pa swete ki zanmen i arive ankor.  Mon konnen poudir resaman ti annan en pti aksidan drones, me i enportan pou nou konpran ki, sa group dimoun ki pou bann Seselwa, ki pou ariv lo scene premye letan en aksidan i arive lo nou later, in ganny training e zot bann expert e zot konnen kimannyer pou handle the scene koman bann dimoun ki premye ariv lo scene.  Pour ki zot pa tamper avek bann levidans pou garanti ki nou ganny en lenvestigasyon ki for e ki son rezilta i ed nou pou nou improve kot nou ti annan defayans.

So, mon ti a kontan konnen ki Polisi, ki zot pou vin avek anrelasyon avek sa size ki ganny trouve dan annex 13 of the Convention ki nou’n sinnyen e ki lamannman ozordi i bord avek.

En lot laspe ki bann Manm in koz lo la e mon pa pou long lo la, se sa laspe sekirite, safeguarding the International Civil Aviation against acts of unlawful interference.  Mr Speaker, mon konnen poudir baze lo sa bann lamannman ki devan nou, pou annan en gran improvement lo laspe sekirite.  I pe arive partou dan lemonn e Sesel pa kapab ganny kit deryer anrelasyon avek sa size.  Kestyon ki mon ti ava kontan demann Minis se ki, eski Minis pe dir nou ki Sesel pe al pran bann gran mezir pli strikt anrelasyon avek sekirite aviasyon.  E petet mon ti a kontan ki Minis i eksplik nou lo ki zot pe panse lo sa, bann mezir ki zot riske pe al pran anrelasyon avek the Tourism Industry.  Anrelasyon avek the Travel Industry, akoz pour mwan, wi, mon ti ava kontan vwar poudir laspe sekirite i ganny eleve.  We can never be too careful e nou pa kapab dir, ‘si mon ti konnen’ apre ki en lensidan in arive.  Nou bezwen protez sekirite tou Seselwa letan nou pe travel.  Nou bezwen protez sekirite tou bann avyon ki pe antre e sorti dan Sesel.  So, i form parti nou responsabilite.  Me mon konnen poudir laspe sekirite i kapab osi bord avek the issue of travel limenm and tourism.  E petet mon ti ava kontan ki Minis i koz ek nou lo sa size.

Me overall, mon krwar poudir i en bon desizyon ki’n ganny pran pou nou fer sa bann lamannman e mon swete ki apre ki sa bann lamannman in pase e apre ki Gouvernman i pran bann mezir pou met an aplikasyon dan en fason for, sa bann lamannman ki pe al pase, mon ti ava kontan ki Gouvernman i met resours available pou tou bann ki konsernen; pou sa Lotorite konsernen, pou ensure ki zot fer zot travay dan en fason profesyonnel, dan en fason for e dan en fason ki efikas.  In other words, mon pa anvi petet tande demen, ki nou ti a kontan fer sa.  I dan Lalwa pou nou fer sa, me nou pa kapab fer li akoz nou napa finansman oubyen akoz nou pa’n ganny resours from the Government.

Finalman Mr Speaker pou terminen, mon pou tous en size ki Onorab Fideria in refer sorti dan son lentervansyon.  I en size ki merit lekout, latansyon Minis e latansyon Gouvernman.  I en size ki tous bann dimoun ki vin travay dan sa Sekter.  Onorab in refer sorti en pwen tre sansib.  In refer sorti ki nou bezwen fer sir ki bann dimoun ki vin travay dan sa Seksyon, dan sa Sekter, i bezwen bann dimoun ki ganny si ou oule, nou bezwen get zot byen sa bann dimoun.  Wi, sa i enportan.  Me Mr Speaker, nou bezwen fer sir ki ler nou fer li, nou fer li byen, nou fer li tout an prenan kont sa laspe drwa ki tou Seselwa i annan pou travay.  So, letan nou pe fer li, nou bezwen fer sir ki nou respekte bann drwa fondamantal ki tou Seselwa i gannyen atraver nou Konstitisyon.  Mersi Mr Speaker.

 

MR SPEAKER

Onorab de Commarmond.

 

HON CHARLES DE COMMARMOND

Mersi Mr Speaker.  Mr Speaker, mon annan gran plezir pou fer en pti entervansyon lo sa Bill ki devan nou.  Mon dir bonzour tou bann dimoun isi prezan, Minis ek son delegasyon.

Si mon pran kot lentervenan avan mwan in kite, i montre mwan poudir, sa laspe security clearance i ankor bezwen dan sa pei.  Toultan nou’n ganny dir avan, fodre aboli security clearance, la mon vwar deplizanpli, pa bezwen ki i ogmante, me i annan serten area, serten landrwa kot security clearance i en nesesite e en legzanp la se zisteman sekirite lo Erport.

Mr Speaker, sa kestyon Civil Aviation Authority Bill, sa Bill, Proze de Lwa ki devan nou, ki tous lo kestyon sekirite Laviasyon Sivil, mon oule dir ki 1, nou bezwen letan nou pe koz lo la, felisit bann travayer e management direksyon SCAA.  Sa bann dimoun lo Erport, si nou vwar ziska ozordi, napa kalamite, napa okenn gran keksoz ki’n arive, ki’n afekte bokou dimoun.  Mon krwar zot merit en rekonesans lo zot travay, kalite zot travay ki zot fer dan nou pei.  Akoz nou Erport kot i ete, son pozisyon, i enn bann Erport dan lemonn kot pozisyon pa tro fasil pou manye.  Lezot Erport parfwa i pli fasil konpare avek pou nou.   E nou bann dimoun ki ansarz sa Erport, zot bann dimoun kalifye.  Kalifye vedir osi rekonnet par bann Lorganizasyon Enternasyonal ki monitor e swiv e kontrol management aviasyon dan bann diferan pei kot i annan Erport e tou sa.

E la, i annan 3 Lalwa ki domin sa.  1, i annan kestyon ICAO, ACI e la, Sesel li in vin en Manm sa Lorganizasyon an 1977.  Apre ou annan Konvansyon Chicago, Konvansyon Tokyo.  Sa bann Konvansyon la, sa bann Lorganizasyon, se zot ki fer marze laviasyon Sivil partou dan lemonn antye.  E prezan zot annan en bann kondisyon, en bann Lalwa ki ou oblize swiv.  Whether we like it or not, ou bezwen swiv.  I zis parey i fer mon mazinen en letan kot dimoun abor avyon ti fimen.  Epi en sel kou avek bann ensidan, i dir arete.  E kantmenm ou anvi, ou pa kapab.  Ou bezwen pa fimen.  Konmsi, i annan serten keksoz ki o fir e anmezir bann devlopman i arive e bann lensekirite otour avyon, otour Erport, otour si ou oule dir sa ki nou apel Laviasyon Sivil i arive, ou vwar poudir, sa bann Lalwa, bann Regleman i bezwen la e i bezwen ganny ranforsi e anmenmtan, refresher courses i bezwen ganny fer.  E ozordi, letan nou pe koz sa, nou pe vwar poudir dan lemonn sa kestyon sekirite Laviasyon Sivil la, sekirite Laviasyon, i vin pli serye.  Tanzantan, ou tann enn ki’n kraze, enn ki’n bit isi, enn ki’n tap laba.  En Erport ki pa lo la, ensidswit.  I annan tou sord kalite.  Alor nou, nou bezwen konsyan de sa e nou bezwen fer sir ki nou azour.  Sansan nou Erport i fermen e nou annan zis enn Erport Enternasyonal Sesel.  Si i fermen, nou touris pa kapab vini, nou dan problenm.

E letan nou get nou Erport, son pozisyon, mon krwar si mon pa tronpe, i sel Erport kot bann dimoun i reste pli pre avek li dan lemonn.  Bann lezot Erport dan lemonn, popilasyon normal, i reste vreman en bon zistans avek son Erport limenm.  Be Sesel li, son dimoun i reste obor Erport.  E letan ti fer Erport, pa tou sa bann dimoun ki ti reste la obor en.  Mwan mon rapel, sa in fer lanmenm la Cascade lo bor, mon rapel.  Apre ki Erport in fini egziste, runway ensidswit, i pe marse, gro BOAC pe apoze, apre ki nou’n fer bann proze lakaz.  Anse Dejeuner ‘81, plitar bor La Pointe Larue.  Nou annan Cascade limenm la Vilaz St Andre.  E la ankor pe fer, i annan SACOS Flat ki pe fer, son dezyenm faz, nou annan en condominium Cascade lo bor Erport la Anse Dejeuner ki pe fer.  Tousala, i bann security threats. Nou annan konblaz ki ti napa, nou’n fer.  Ou annan dump site lo bor, i anmenn en ta zwazo, madanm paton ensidswit i anvol dan flight path avyon.  E tou sa i bann danze.  I bann danze dan trazektwar avyon la si ou annan bann lobstak, ase pou en avyon kraze.  E en avyon i kraze la, en kalamite, mon pa konnen kimannyer nou pou fer.  Si nou krwar poudir loto zour ti annan dezas la ek lapli, ti serye, be esper en avyon kraze nou a vwar ki pou arive.  So, i montre nesesite, lensistans ki nou bezwen serye kot Erport la.

Prezan, mon’n koz zafer lapli ti tonbe, me sa osi en problenm.  Si nou sel air strip enternasyonal, nou sel runway, i inonde.  Ki pou arive?  Mon oule dir la, ki letan nou pe koz laspe sekirite, nou bezwen take note ki sa kestyon drenaz kot Erport, i bezwen ganny deal avek.  Ou annan ou bann distrik lo bor Pointe Larue, Cascade, me osi, Lotorite Erport, Gouvernman limenm, i bezwen get sa enpe pli o serye.  Tanzantan koman en lapli en pti pe ekstra i arive, inondasyon, vwar?  Sa i bezwen, akoz avan mon rapel tre byen.  Letan Erport ti ganny fer, ti annan bann drains ki ti fer espesyalman e i annan serten sa bann drains ki’n bouse, nou bezwen regarde.

Kestyon Ile Soleil.  I annan nouvo devlopman ki’n arive lo lot kote Erport laba.  E pou annan ankor devlopman ki pou arive otour Erport.  Ou annan ou dezyenm runway ki bezwen ganny fer.  Akoz nou pa pou kapab kontinnyen ek zis sa runway.  Nou bezwen ankor runway, Sesel pe devlope, i pe devlop telman vit, menm tro vit mon dir.

So, agrandisman Erport lo kote Nor, i pou bezwen annan.  I deza annan later la ki available, me i pou bezwen.  Ou annan ou plizyer lezot tranzaksyon, ok, les mwan fini avek Ile Soleil.  Ile Soleil la avek bann aktivite ki pou annan kot Ile Soleil, nou pou bezwen revwar.  I pou bezwen annan plis sekirite.  Pou annan aplatisman South East Island la, Ile Du Suet.  Ile Du Suet byento la, i ganny aplat net.  Militer i bezwen sorti, erezman i deza la pa tro lwen ek nou.  I pou bezwen arete lo lakot Erport.  Prezan i ava annan kekfwa en pti group lo kote inland, kot Lakademi Lapolis i ete.  Me lot kote, bezwen napa nanryen.

Vedir, tighten security, i vedir osi ki bann ki pe koup runway, peser La Pointe Larue sirtou, pou bezwen revwar.  Nou pou bezwen.  Konmsi, tou dimoun i bezwen konpran dan sa zwe la.  Akoz sansan nou pa kapab pran bann risk ki kekfwa avan ti ganny pran letan ti napa tro bokou avyon ki pase, ki vin apoz kot nou.  Nou pou bezwen revwar tousala akoz pa pou kapab afford okenn lensidan lo runway ensidswit e tou sa bann logmantasyon i vedir plis risk.

La mon oule osi tous le pwen poudir, pou kapab manage sa bann risk, lo laspe sekirite Erport, ou bezwen bann dimoun trained.  Sa training la i pa zis bann training konmsi ou vini, pe pti training sa.  Konmela mazin byen, ek sports Foutbol menm, si ou napa en sertifika FIFA, ou pa kapab fer training.  Erport li i pli serye ankor.  Si ou napa sa bann sertifika ICAO, IATA lot lot, ou pa kapab ni konmsi si ou training ki ou’n fer pa ganny rekonnet e pa ganny fer par bann dimoun ki deza annan sa sertifikasyon, ou training pa pou vo lapenn e ou pa pou kapab operate ni sa Erport, ni avyon pa pou vini.  I annan tout sa konplikasyon.

So, deza SCAA pe fer sa li.  Nou Erport, bann keksoz pe ganny fer la.  Ou konnen, okonmansman, letan Erport ti komans fer, nou ti annan Lapolis ti pran tou laspe sekirite.  Dousman, Dousman, SCAA limenn li, letan i vin en Lotorite, i pran sa responsabilite limenm, la ou annan ou Airport Security, Aviation Security la ki Mr Samson i ansarz laba.  Tousala, anba ICAO e Gard mon krwar, Lapolis limenm i annan kekfwa mon krwar en 2 ou 3.  Son rol in ganny minimize en kantite, kantite, kantite.  Probableman, eventually i sorti net lo Erport.

Me la, ki nou pe koze, i ankor la i form par osi sa sekirite, me selman i annan sa sekirite spesyalize pou tyek bagaz, lot, lot and what not.  E nou felisit osi sa bann dimoun, zot pe fer travaye ekselan.  Tanzantan zot dekouver bann keksoz, bann threats ki pe arive swa drog, lot, lot, tou bann zafer illegal.  Me pli enportan, nou’n tann plizyer sa ensidan kot dimoun i fer bann ensinifyan abor avyon ki zot bezwen debarke, nou bezwen anpes zot anbarke e tou sa.  Tou i bann threats ki nou bezwen fer sir ki nou Sesel, sa ki arive deor, ki annou kontinnyen priye, kontinnyen soz ki i pa arive isi.  Me pou li pa arive, i bezwen sa sekirite lo Erport, fantastik.

I pe deza ganny fer sa bann keksoz par SCAA.  Sa Lalwa li, ki i pe fer, i pe legalise sa ki SCAA pe fer.  Akoz tou keksoz ki SCAA ti pe fer, ki vreman ti dan Lalwa si ou oule dir, ti legalize dan le sans son laspe legal.  E sa ki sa Bill pe fer, i pe donn SCAA alor, sa konportman legal lo Aviation Security.

Avek logmantasyon ki pe arive dan trafik kot Erport, i vin en nesesite ankor.  Sa ta avyon prive enn ler ou mazinen, zot be konmsi dimoun in enterese ek nou menm?  Lontan ti napa.  Mwan mon’n la, reste lo bor Erport menm ler ou gete, ou’n vwar tou sa devlopman Erport, in ariv devan mwan.  Be la, sa kantite ki annan, i enkrwayab.  Pli i ogmante Mr Speaker, pli sa kestyon sekirite i vin en legzizans, ou pou bezwen pli lo la, pli on top of it parey nou dir.

E nou pe vwar ki tou sa bann keksoz i pe arive e i pou ogmante.  Nou annan bann diferan Erport ki nou’n fer.  Ou konnen, 77 mon krwar ti annan zis en Erport oubyen 2 Erport apard nou Erport Enternasyonal.  Me la ozordi, preski mon krwar tou sa zil i annan Erport lo la, pe al fer ankor osi mon tande.

Be in fer en kantite Erport, lo plen nou bann zil i annan Erport.  Daros i annan, Deroches i annan, you name it, Farqhuar in gannyen, Coetivy in gannyen.  La Digue akoz napa plas pou fer ankor, La Digue nou pa’n fer, les li.  Me en kantite Erport, Bird, ensidswit.  Be i annan sa bann Erport, pa tou ki kekfwa lo bon standar, mon panse.

Mwan mon pou, letan nou pe koz sa, mon pou osi dir avek SCAA konmsi, atraver Minis.  I enportan ki SCAA pa esper konplent vin kot li.  Akoz most of the time, SCAA pou esper en Pilot ki’n apoz lo en pti air strip, dir poudir sa air strip petet pa tro lo la, i annan en problenm.  Me i enportan ki SCAA limenm, i fer li koman son travay, vizit en kou tou sa bann air strip lokal la lo bann soz, al gete e ensiste en pti pe.  Ede anmenmtan, me ensiste ki, bann norm laba osi i ganny mete.  Training sa bann pti firemen, ou konnen, ler i one-man zafer laba, be li osi laba i bezwen ganny son pti training neseser.  Upgrade li pour ki i kapab konmsi sekirite, pa zis lo nou Erport Enternasyonal, me osi lo sa bann lezot air strip ki nou annan, i ganny fer.  Son zistans ki bann keksoz i arive, around sa runway, tousala i bezwen ganny gete.  Parfwa i annan lerozyon ki pe arive.

So, ki nou alert bann diferan owner sa bann air strip akoz koman Lotorite, SCAA i annan sa osi koman son manda.

Avek sa Mr Speaker, mon krwar mwan ki annou swet de bon et de mieux sa travay ki SCAA pe fer.  La byento avek laplatisman Ile du Suet, DVOR pe al sanze.  Pou nepli annan sa lenstriman ki soz avyon la, ede pou kontrol avyon.  Pou al ganny ou petet en nouvo lenstriman enpe pli sofistike, pli up to date, ki mars avek satelit la, GNSS i apele, ki pou al ganny enstale.  Tou sa, i montre ou poudir, me sa la letan ou enstal li, ou pa kapab zis konmsi Mr Faure laba lo Erport i ale ek son tim, mete.  I bezwen ganny fer anba sipervizyon e aprouvasyon sa bann international bodies la, ICAO, ensidswit la.  Sa bann norm i bezwen ganny respekte.

So, i montre parey mon pe dir, lafason ki nou, Sesel, nou pe fer nou sekirite kot Erport.  Nou dir congratulations SCAA, keep it up.  Kontinnyen donn nou sa bon servis sekirite e kontinnyen train ou bann dimoun.  Mon krwar SCAA i enn bann Lorganizasyon rar Sesel kot ou annan preski 100 poursan Seselwa ki travay, preski 100 poursan Seselwa.  I bann bon keksoz, savedir zot in train zot bann dimoun, nou bann dimoun i la.  I annan ki bann lezot pei in pran, i montre ou savedir sa bout la, Sesel pe fer byen sa.  Letan nou pe fer byen, nou merit dir e felisit sa bann dimoun ki fer byen pou zot osi.  En tap lo zot zepol pou dir, ‘fer pli byen, annou kontinnyen dan sa direksyon akoz sa bann zafer Erport la i enportan pou nou.  Nou touris i vin lanmenm mazorite.  So, its very, very crucial pou nou Sesel e avek sa, mon demande ki nou siport sa Bill, Proze de Lwa ki devan nou.  Mersi bokou Mr Speaker.

 

MR SPEAKER

Onorab Rose, ti annan anmannman ou ti oule propoze a sa staz?

HON MARIE-ANTOINETTE ROSE

Yes Mr Speaker, mon ti a kontan soumet 2 lamannman from the House avek laprouvasyon.  Mersi.

 

MR SPEAKER

Ok, mon krwar amannman in ganny sirkile e mon krwar napa okenn lobzeksyon lo la.  I bann amannman miner, nou ava aksepte li e Clerk i a note.  So, Minister, Right of Reply.

MINISTER JOEL MORGAN

Mersi Mr Speaker, pou Right of Reply.  Mr Speaker, mon ti a kontan pran sa lokazyon pou mwan felisit e remersye tou bann Manm ki’n koze bomaten anver sa Bill e pou sa sipor ki zot in donnen pou konvenk Lasanble Nasyonal ki sa Bill i annan son merit e nou devret fer li vin Lalwa.

I annan plizyer Manm in tous lo sa laspe nesesite pou nou kapab meet standar ki ganny defini enternasyonalman par ICAO.  E nesesite pou nou kapab asire ki bann loperasyon lo tou bann Erport Sesel, bann aerodromes, bann Erport, bann airstrips, i meet bann standar nasyonal e i meet bann standar enternasyonal dan ka Seychelles International Airport ki Pointe Larue.

E zisteman, ICAO pe vin fer en Odit nou SCAA, bann prosedir sekirite, bann lezot prosedir e bann norm ki i sipoze meet son bann standar.  Sa pe ganny fer premye semenn Out, probableman pou al en pti pe ziska dan dezyenm semenn Out.  E sa Lalwa, ki devan Lasanble Nasyonal ozordi, i zisteman servi pou regilariz bokou travay ki SCAA pe deza fer ki mon ti koz lo la pli boner e pou met li dan en kad legal e presi, byen defini, pou donn sa manda formel, legal SCAA pou fer sa bann diferan fonksyon ki parey bann Manm in dir i pe deza met an enplimantasyon.

Fodre dir ki, deza kestyon i kapab leve, eski sa ki zot ti pe fer i legal; is it legal? Anterm bann travay zot ti pe fer oparavan an sa ki konsern sa bann laspe Laviasyon Sivil, Safety sirtou.  Annefe wi, ti annan en regilasyon ki ti ganny met an aplikasyon an 1995, ki ti donn manda legal dan en serten sans SCAA pou li kapab fer sa travay.  Alor, wi i ti pe fer sa dan en fason legal, me sa ki sa Lalwa in fer, parey bann Manm in fer resorti, se prezan i met tousala dan en proper framework e i donn li plis ankor, anterm bann nouvo responsabilite.  Par egzanp, sa posibilite pou li annan son prop avyon pou li al fer bann lenspeksyon, pou li servi pou monitor Aviation Safety and Security e i donn li bann diferan responsabilite, par egzanp, kominikasyon dan nou FIR, pou asire ki sa i form parti en kad legal.

Akoz FIR Sesel par egzanp Mr Speaker, i en landrwa ki vast e i kouver mazorite bann avyon ki pe sirvol Nor pou al Sid.  Par egzanp, pou al Moris pou al Madagascar, pou al La Reunion.  Tou sa bann avyon ki sorti lo kote Lazi pe al ver Lafrik, ouswa pe al ver Sid Lanmerik.  Tou sa trafik, i pas dan FIR Sesel e Sesel i responsab pou tou sa bann overflight bann diferan Airlines ki pe pas dan sa zone.

Mr Speaker, bann Manm in fer resorti ki, bezwen kontinnyen envestir dan training, dan capacity building nou bann dimoun dan SCAA, pou asire ki sa bann keksoz ki nou pe koz lo la ozordi dan sa Lalwa, i kapab ganny enplimante korekteman.  E la mon ti a kontan reasir bann Manm Lasanble Nasyonal ki, SCAA pe kontinnyen envestir a tou moman, dan training son bann dimoun akoz sa i en keksoz ki ekstrememan enportan, pou fer sir ki lo kote teknik, lo kote flight safety, lo kote flight operations, lo kote Civil Aviation security.  Tou bann eleman, tou sa bann keksoz i ganny fer an akordans avek tou bann norm enternasyonal anver ki, nou koman en pei Sesel e nou Gouvernman, i annan lobligasyon.  Fe ki nou’n sinny sa bann diferan Konvansyon ki mon ti koz lo la e ki bann Manm in koz lo la dan zot prezantasyon bomaten.

En keksoz ki mon ti a kontan tous lo la se sa zafer air safetyAir safety, i reste en priyorite nimero 1 pou SCAA e annefe, i enn bann fonksyon fondamantal Lotorite Laviasyon Sivil Sesel e training toultan i ganny fer, bann lekipman i ganny met anplas pou asire ki tou bann lalinny aeryen ki pe operate, ki pe vin Sesel, ouswa ki pe operate from Seychelles, i meet bann standar ki ganny definir dapre nou bann lobligasyon enternasyonal.  E la dan sa Lalwa, i donn SCAA osi sa posibilite pou li kapab enspekte bann diferan avyon ki vin Sesel.  I kapab en lot airline ki pe fly Sesel, i pa neseserman zis Air Seychelles.  Bann diferan airline ki pe fly isi, toulezour, pou zot fer sa lenspeksyon sa bann aircraft anterm zot safety requirements.  I apel en SAFA Inspection.  E sa, i empower SCAA pou li kapab verifye poudir sa bann avyon, i meet bann standar ki’n ganny demande, ki’n ganny defini dapre bann lobligasyon enternasyonal.  E si sa bann avyon i ganny trouve avek bann defo, SCAA i kapab donn en lenstriksyon ki sa avyon pa take off.  Pa kit Erport tan ki sa bann diferan fakter safety i ganny regle.

Sa Lalwa osi, parey bann Manm in fer resorti Mr Speaker, i annan li plizyer eleman ki donn SCAA sa pourvwar pou kordin bann Progranm Sekirite an sa ki konsern bann threats.  E bann Manm in koz enpe lo bann diferan kalite threats ki kapab annan.  Nou’n koz lo par egzanp, non selman lo kote bann threat teorizm, bann dimoun ki pe fer bann tranzaksyon ilegal atraver Erport pou anmenn bann keksoz, fer antre bann keksoz, ouswa pou fer sorti bann keksoz ki kapab enkli osi bann keksoz parey zarm.

Me osi, nou’n zot enpe lo bann lezot danze.  Lakaz obor Erport, dump site, peser ki pe cross Erport, travay ki pe arive limenm li lo Ile du Suet, devlopman ki pe vini otour Erport, tou sa bann keksoz.  E sa i bann eleman enportan an sa ki konsern sekirite nou Erport Enternasyonal.

Bann Manm osi in koz en pti pe lo bann kondisyon sekirite lo bann lezot aerodromes, bann airstrips lo bann lezot zil.  Praslin i enn be nou annan nou bann diferan zil elwanye kot osi, atraver sa nouvo Proze de Lwa la, bann mezir sekirite pou bezwen ganny ranforsi pou asire ki bann lensidan, par egzanp bann risk hijacking, bann risk akt teorizm, ouswa bann lezot eleman safety sa aerodrome limenm, i ganny met atraver.  Sa Lalwa i ganny met an aplikasyon pou bann norm enternasyonal kot i neseser e kot nou bezwen fer li.

I annan serten derogasyon ki nou kapab donnen anba Lalwa pou bann aerodromes, bann airstrips ki pa neseserman bezwen meet bann norm pou bann Erport ki pe deservi bann flight enternasyonal.  E sa i neseser pou nou fer li detanzaot akoz nou pa kapab ekspekte par egzanp en airstrip lo en zil elwanye, mon pran Deroches par egzanp, ouswa Bird Island bann lezot diferan zil ki annan.  Nou pa kapab ekspekte zot meet bann menm norm ki Seychelles International Airport La Pointe Larue.  Sa i diferan.  Me sa ki nou bezwen osi asire se ki bann mezir sekirite lo sa bann diferan aerodromes i meet serten minimum standards pou fer sir ki bann pasaze ki pe anbark lo bann avyon ki pe fer sa vwayaz domestik, par egzanp Mahe-Praslin, ouswa Mahe-Desroches, ouswa nenport ki lezot zil, zot osi zot santi zot an sekirite vizavi bann diferan risk ki kapab annan anterm sekirite Laviasyon Sivil ki pe ganny definir anba sa Lalwa.

Mr Speaker, in annan en mansyon lo bann diferan annex.  In annan mansyon lo bann diferan annex Chicago Convention e mon ti a kontan zis adres enn de sa bann pwen avan mon terminen.  Premye, sa kestyon servis meteorolozik.  Eski i alaoter pou asir sekirite Laviasyon Sivil?  Larepons se wi.  I responsabilite SCAA pou fer sir ki tou bann servis ki annan pou fer avek sekirite Laviasyon Sivil, i meet nou bann norm ki a son tour li, i meet bann norm enternasyonal.  E mon ti a kontan reasir Lasanble Nasyonal ki, SCAA i monitor standar servis meteorolozik ppou fer sir ki i alaoter neseser pou donn sa servis anterm meteo Laviasyon Sivil.  E training i ganny fer.  I ganny fer pou asire ki bann dimoun ki pe travay dan sa bann Lenstitisyon, i meet sa bann nivo konpetans neseser pou kapab donn sa servis.

Eski anba annex 13 i annan sa eleman aircraft accident and investigation, eski nou annan sa isi ozordi?  En kestyon ki’n ganny demande.  Larepons se, wi.  Larepons se i annan en Komite Nasyonal ki responsab pou aircraft accident investigation e sa Komite i report directly to the Minister, responsab pour Transpor, responsab pour Laviasyon Sivil.  E sa Komite li i annan son manda.  Son bann fonksyon in deza ganny definir dan ka en lensidan, ouswa en aksidan an sa ki konsern avyon dan Sekter Laviasyon Sivil.

E, in fer resorti par egzanp dan sa lensidan ki’n arive Ukraine resaman la.  Lekel ki ariv premye lo scene; eski i annan en sistenm anplas an sa ki konsern sekirite Laviasyon Sivil pou asire ki i annan en response ki kordinen e ki tou dimoun i konnen sa ki i annan pou fer.  Larepons se wi.  Sa i deza anplas dan nou pei.  I deza annan en Accident and Emergency Response Plan pou nenport ki lensidan, aksidan Laviasyon Sivil.  Si en avyon i tonbe, si en avyon i kraze, si i annan aksidan lo Erport limenm li, ensidswit.

E detanzaot, SCAA avek tou bann lezot Departman ek Lazans konsernen, i met anplas en legzersis pou teste sa response e baze lo lanaliz, ler sa legzersis in fini ganny fer, bann diferan failures, i ganny rICAOrde e bann improvements i ganny rICAOrde osi.  Ki aksyon ki pe ganny pran pou asire ki response i kontinnyen improve pou meet bann standar enternasyonal. E sa osi i ganny monitor par ICAO e ler ICAO i fer son Audit, i asire ki an mazorite tou bann diferan eleman sekirite Laviasyon Sivil ki sa Lalwa pe met anplas ozordi, i pe ganny obzerve par SCAA avanler ki SCAA i kapab pas son Odit dapre bann norm enternasyonal pou nou koman en pei meet nou bann lobligasyon enternasyonal.

Alor Mr Speaker, pou terminen, mon ti a kontan dir ki, sa Lalwa i anmenn Sesel en pa ankor Delavan anterm nou Sekter Laviasyon Sivil, pou asire ki tou bann eleman sekirite Laviasyon Sivil dan nou pei, i vin byen ankadre i annan sa kad legal korek e SCAA i annan sa bann fonksyon legal dapre nou bann lobligasyon nasyonal e enternasyonal e ki Sesel prezan, enn fwa ki sa Lalwa i vin anfors, Sesel i ava kapab annan en pozisyon bokou pli for vizavi nou bann lobligasyon enternasyonal pou asire ki tou bann flight ki pe vin isi, be it nou avyon Air Seychelles, be it bann lezot avyon ki vin dan nou pei.  Bann avyon prive osi nou’n koz lo la ki tou bann flight ki antre dan nou pei, i annan sa striktir legal avek bann diferan unit dan SCAA, bann diferan Departman dan SCAA ki annan sa manda e ki annan sa konpetans e ki annan sa formasyon neseser pou zot enplimant bann laspe Laviasyon Sivil, safety Laviasyon Sivil dan nou pei.

Mon ti a kontan terminen Mr Speaker, par demann bann Manm Lasanble Nasyonal pou siport sa Bill.  Mersi.

 

MR SPEAKER

Bon, i ler pou nou pran en vot lo merit e deba zeneral.  Tou bann ki anfaver?  Okenn ki kont?  Mon a ganny mwan en Formal Second Reading.

MADAM DEPUTY CLERK

A Bill of an Act to amend the Seychelles Civil Aviation Authority Act, 2005.

MR SPEAKER

Ok, Committee Stage?

HON MARIE-ANTOINETTE ROSE

Mr Speaker, anba Order 91(1), mon move ki nou sot Committee Stage.

MR SPEAKER

Okenn ki siport sa?

 

HON CHARLES DE COMMARMOND

Mosyon i ganny segonde Mr Speaker.

 

MR SPEAKER

Bon, nou pran en vot.  Tou bann ki anfaver?  Okenn ki kont?  Pase.  Mon a ganny mwan en Motion for Third Reading.

 

HON MARIE-ANTOINETTE ROSE

Mr Speaker, anba Order 71(1), mon move ki nou lir sa Bill en trwazyenm fwa.

 

MR SPEAKER

Okenn ki segonde?

 

HON CHARLES DE COMMARMOND

Mr Speaker, mon segonn sa Mosyon.

 

MR SPEAKER

Mon’n tann ou koz anfaver apre mon vwar ou pez sa bouton.  Bon nou ava pran en vot.  Tou bann ki anfaver?  Okenn ki kont?  Bill in pase.  Mon a ganny en Third Reading.

 

MADAM DEPUTY CLERK

This Act may be cited as the Seychelles Civil Aviation Authority (Amendment) Act 2014.

MR SPEAKER

Bon, Bill in pase.  Nou ava ekskiz Minis ek son delegasyon e remersye li parmi nou.  E kant a nou, nou ava zwenn 11.30 pou nou pran bann lezot travay lo Order Paper.

(BREAK)

MR SPEAKER

Bon nou ava kontinnyen avek nou travay.  Nou annan dezyenm Bill ki nou pou pran e nou a swet labyenveni Minis pour Finans, Minis Pierre Laporte ek son delegasyon – The National Payment Bill, 2014 e mon ava envit li pou li preant sa Bill.  Me avan ki mon fer li mon oule en Motion for Second Reading par LGB.

 

 

HON MARIE-ANTOINETTE ROSE

Mr Speaker anba Order 64(2) ki move ki sa Bill i ganny lir en dezyenm fwa.

 

MR SPEAKER

Okenn ki segonde?

 

HON CHARLES DE COMMARMOND

Mr Speaker mon segonn sa Mosyon.

 

MR SPEAKER

Bon Minis i kapab fer son lentervansyon.  Mr Speaker Onorab Manm Lasanble Nasyonal, tou dimoun bonzour.  Mr Speaker an 2010 Lasanble Nasyonal ti aprouv National Clerance and Settlements System Bill ki depi in gann enplimante par Labank Santral.  Toutfwa Labank Santral in vwar li neseser pou revwar kad legal sistenm peyman akoz serten limitasyon dan Lalwa egzistan ki an rezilta plizyer fakter sirtou evolisyon rapid dan sistenm finansyel Sesel.  Revizyon Lalwa sistenm peyman i osi fom parti sa legzersis ki Gouvernman avek Labank Santral in komanse lannen pou devlop en nouvo stratezi pou sekter finansye.  Sa proze pe ganny lapwi teknik Labank Mondyal atraver progranm first initiative.  Pou note sa in ganny enkli dan plan stratezik ki Labank Santral in lanse pli boner sa lannen, an plis an rekonesan lenportans sa nouvo Lalwa in ganny enkli koman en aksyon kle dan nouvo progranm ki Gouvernman Sesel in antre avek Fon Monoter Enternasyonal, siporte par extended fund facility.

Se dan sa konteks Mr Speaker ki mon pe prezant devan Lasanble Nasyonal ozordi sa National Payment System Bill, 2014 ki si i ganny aprouve ava ganny siporte par en seri regilasyon ki ansanm pou form labaz legal nouvo sistenm peyman nasyonal.

Avan al pli lwen mon ti a kontan note ki konsiltasyon avek bann diferan partener lo sa Lalwa in ganny fer avan son finalizasyon.  Sa i enkli Lotorite pou Sipervizyon Servis Finansyel – FSA, Departman Lenformasyon Kominikasyon e Teknolozi – DICT, Labank Komersyal, Bureau de Changes e Operater Telekominikasyon.  I ti osi ganny sirkile kot Departman Legal IMF pou gannyz ot pwennvi.

Mr Speaker nou kapab demande akoz en nouvo Lalwa kip e ganny propoze e non pa lamannman dan Lalwa egzistan?  Larepons se ki prenan kont ki bann lamannman i tre konpreansiv, fason pli efektiv pou adres bann defayans se atraver nouvo Lalwa.  Menm sa, i kontinnyen enkli bann prozivyon Lalwa egzistan ki ankor ganny vwar koman pertinan e sa i enkli pourvwar sipervizyon Labank Santral an detman ki kapab ganny kree an rezilta bann lenstriksyon peyman, levidans elektronik ki admisib dan proze legal, lafason pou tret bann konfli, restriksyon pou devwal lenformasyon e bann lofans e zot konsekans.  Menm si sa Lalwa ki egziste i donn pourvwar sipervizyon Labank Santral, i annan limitasyon ki Labank Santral pa kapab fer vizit lo bann diferan sit pou egzamin pou limenm sa ki pe pase.  Sa i ganny adrese dan sa nouvo Lalwa.

Lo kote pourvwa pou Labank Santral fer sorti direktiv, sa i aprezan pa aplikab ziska ler i annan en problenm e sa i vedir ki Labank Santral i kapab gid lendistri pou fer ki pratik i reflekte standar enternasyonal pou bann sistenm ki an plas e ki gouvern transfer elektronik.

Bann konsekans pou bann lofans i ganny pli byen alinnyen avek lezot Lalwa konparab, par egzanp Lalwa ki gouvern Labank Santral e Lalwa Lenstitisyon Finansyel.  Par egzanp si en Zofisye Labank Santral i ganny trouve koupab pou kontravansyon avek servi lenformasyon pou benefis personnel i kapab fer fas avek en lanmann ziska R40 mil e en kondannasyon prizon ziska 6 mwan.

Mr Speaker Labank Santral pe get ver lefitir, en Lalwa sistenm peyman modern ki normalman osi fer provizyon pou bokou plis servis peyman enkli remitans ek lezot servis ki Labank Komersyal pa ofer.  I bon note ki lannen pase Gouvernman, DICT e Labank Santral ti antre dan en lagreman korperasyon, MOU pou kapab les en operaster telekonomikasyon fer son proze lo en baz pilot ki servi telefonn mobil pou fer peyman pou prodwir e servis e osi resevar larzan.

Si sa Lalwa i pase sa i ava fer ki Labank Santral i a ganny en kad legal anba ki i kapab donn laprouvasyon pou ki sa servis i kapab ganny ofer avek manm piblik lo en baz zeneral.  Konpare avek lepase avek bann Lalwa ki met bokou plis lanfaz lo bann laspe sistenm peyman ki ganny konsidere koman pli enportan, konmela enternasyonalman pli gran lanfaz pe ganny mete lo to laspe ki pertinan.  Lo kote bann lenstitisyon ki ofer servis finansyel ki pa en labank me ki fer zot loperasyon swa direkteman ouswa atraver bann lazans tou bann akter i bezwen ganny sipervize, menm si degree sipervizyon i varye depandan lo merit e natir bann tranzaksyon.

Konfidansyalite i en eleman enportan dan sa Lalwa Mr Speaker e provizyon in osi ganny fer pour ki Labank Santral i kapab antre dan bann MOU pou annan pli bon korperasyon ant bann regilater espesyalman ler zot bann responsabilite i kouver bann laspe koman.  Pou esanz lenformasyon ler i neseser e ki bann statistik i kpaab ganny partaze avek bann group ki Sesel i form par, tel ki SADC e Labank Mondyal.

Labank Santral Mr Speaker i pa zis siperviz sistenm peyman.  I osi en operater par egzanp lo kote cheque clearing pou fer ki i annan plis transparans en nouvo divizyon in ganny kree dan Labank Santral ki pou annan son fonksyon siperviz e vin regilater sistenm peyman e ki separe avek Departman Banker ki responsab pou loperasyon.

Mr Speaker sa Proze de Lwa i ganny soumet devan Lasanble Nasyonal pou konsidere e laprouvasyon.  Mon remersi zot tou.

 

MR SPEAKER

Bon deba i ouver.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon krwar ki nou kapkab apresye sa paste ki devlopman pe arive dan nou sekter finansyel e lafason ki sa sekter pe kontinnyen evolye, dan le sans ki ozordi zis 4an plitar nou pe propoz en nouvo Lalwa pou nou konsider en laspe sa sekter.  Dan bokou lezot sekter nou vwar poudir nou pe amann sa bann Lalwa e bokou sa bann Lalwa i reste an plas pou en serten letan me dan sa sekter finansyel bann Lalwa i ganny swa amande, swa sanze ase regilyerman e sa i montre nesesite pour nou keep abreast avek bann nouvo keksoz e bann evolisyon ki pe arive dan sa sekter e sa i konsern osi inovasyon ki bezwen annan dan sa sekter.

Ler mon regard sa Lalwa mon vwar li i vin a en bon moman pour nou lekonomi par lefe ki nou pe regard diferan fason pou nou entrodwir nouvo servis ki konsomater i kpaab gannyen.  E sa i enportan sa.  Ozordi par egzanp, bokou konsomater pe demande kan ki eski nou pou kapab prevelently kapab servi bann credit cards par egzanp, oubyen lezot sistenm peyman ki fer li pli fasil pour nou fer nou bann tranzaksyon dan plas ki nou bezwen par egzanp al dan en queue, esper en kantite letan oubyen annan bann lezot sirkonstans difisil kot i fer li pa fasil pour nou fer nou bann tranzaksyon.  E mon krwar bokou dimoun pe rode sa bann servis.  E sa i al dan sa direksyon.  Entrodwir bann servis ki kapab ed dimoun, fasilit zot lavi an sa ki konsern bann tranzaksyon finansyel.

Me selman sa Lalwa i osi bezwen enkorpor posibilite ki plitar i pou annan lezot lenstitisyon ki pou kapab vin serten aktivite dan sa sekter.  Par egzanp ler nou regard par egzanp en pei parey Langleter, nou annan bann building societies par egzanp, ki zot ozordi zot pe fer bann menm kalite aktivite an se ki konsern peyman e issuance of cheques. Me nou Lalwa pour nou ozordi mon konpran ki konteks kimannyer i été ozordi nou bezwen osi alors vwar kimannyer nou armoniz lezot konponan dan lezot Lalwa pou fer ki sa bann lezot lenstitisyon par egzanp let’s say demen HFC i lo sa nivo pou li kapab perform parey en building society ki nou vwar aletranze, why not ki HFC osi i vin one of those entities ki ganny kouver anba sa Lalwa.  Me pou sa ganny fer i bezwen annan serten armonizasyon e se pour sa rezon ki ler mon’n koz lo sa evolisyon i osi konsern sa travay ki bezwen ganny fer an relasyon avek lezot kad legal pou anmenn li an konformite avek sa ki sa Lalwa pe demande pou nou kapab avans pli devan.  E sa pour mwan se en laspe tre enportan, se sa laspe proaktivite ki nou bezwen annan pou regarde kimannyer sa sekter i kontinnyen evolye e non pa rest on our laurels ozordi, pou dir ok nou’n met sa Lalwa an plas e aprezan nou ava esper dimoun komans vini.  Nou devret osi komans pe market lefe ki nou annan framework legal an plas pou ki bann akter k ioule vin fer aktivite dan sa sekter i kapab antre e parfwa lefe ki nou pa market enpe nou sistenm i pa kler pou dimoun whether or not nou kapab abzord sa bann kalite aktivite dan nou lekonomi.  E mon krwar i enportan ki nou osi fer serten travay alegar sa.

I annan en lot pwen an sa ki konsern sa Lalwa ki konekte direkteman avek e sa i konsern bann stakeholders e la nou pe koz DICT, bann Labank eksetera.  I osi enportan ki sa bann stakeholders i konnen ouyben i ganny impressed upon them ki rol ki zot annan pou zwe an relasyon avek sa nouvo Lalwa.  I pou defeate the purpose annan en nouvo Lalwa si bann stakeholders pa pe zwe zot rol parey zot devret.  Nou konnen poudir si nou annan nou sa sistenm peyman an plas, en konponan enportan se bann laspe lenformatik e nou konnen sa i kapab les nou open to cyber crimes par egzanp. Nou bezwen aprezan vwar ki bann laspe proteksyon ki nou met an plas osi an sa ki konsern sa.  Laspe provizyon sa servis pour ki sa – par egzanp sa antreprener, sa operater i kapab fer son aktivite.  So tousala i annan pou fer avek kimannyer bann stakeholders osi zot pran e ki lapros zot pran an relasyon bann provizyon ki dan sa Lalwa.

E ler nou pe koz lo provizyon dan sa Lalwa i anmenn mwan lo mon trwazyenm pwen e sa se sa pwen enforcement and compliance.  Mr Speaker si i annan en eleman ozordi an sa ki konsern bann Lalwa sirtou dan domenn finans kir aise concern pou nou dimoun se comliance, ensuring compliance and enforcement. Par egzanp, dan sirkonstans par egzanp annou dir abitrerman kot en labank pe charge bann fees ki pa rezonnab an relasyon avek son aktivite.  How fast do we move pou nou asire ki sa labank i ganny penalize pou sa infringement? E parfwa ler ou koz ek dimoun ozordi ou santi poudir there is nothing much been done pou asire ki enforcement and compliance i konpran premye plas an sa ki konsern bann aktivite ki bann diferan operater i fer.

E la mon oule impress lo Lotorite konsernen, i annan bann provizyon kler dan sa Lalwa ki bann penalties associated avek bann infringement ki en operater i kapab komet.  I enportan ki nou met an plas en kad monitoring pou asire ki ler nou bezwen aplik sa bann penalities ki li in deza soufer sa infringement pa pe bezwen esper tro bokou letan pou li ganny restriction or redressIt’s very important sa.

En lot pwen fondamantal sa Lalwa e ki mon krwar piblik Seselwa i bezwen konsernen avek, se ki sa bann aktivite i parfwa donn loportinite pou bann dimoun ki oule vin fer money laundering, ki oule vin finans bann aktivite teorizm.  E i enportan pou note ki dan sa Lalwa provizyon kler in ganny fer pourki sa bann lenstitisyon i bezwen an konformite avek nou Lalwa Anti-Money Laundering e nou Lalwa Prevention of Teorism.  And this is very important pou nou note.  Akoz sa i protez nou zirisdiksyon kont bann dimoun ki ava oule, bann dimoun ki mal-entansyonnen dan zot kalite fason fer keksoz ki a kapab jeopardize nou repitasyon dan domenn enternasyonal parey i leka ki bokou in sey fer dan lepase.

And this raises the point Mr Speaker akoz nou vwar poudir serten penalties dan sa Lalwa i bezwen o.  I bezwen o akoz par lefe ki once ou’n andomaz repitasyon en pei napa bokou ki kapab fer pou li reduce sa repitasyon.  Akoz sa i reduce investor confidence ki sa bann dimoun pou annan dan nou pei.  E this cause back to sa continuum of enforcement, complient and penalties pou asire ki si en dimoun, en operater, en dimoun kelkonk ki vin fer en aktivite ki andomaz repitasyon, ki pe fer bann aktivite ki pa alaoter, sa dimoun i kapab ganny atrape to e boner pou ki nou kapab met an plas bann mezir neseser pou mitigate sa ki in fer.

E mon krwar ler nou regard sa Lalwa bann provizyon i kler ladan e si nou kapab enplimant bann provizyon sa Lalwa dan lafason ki nou devret enplimant li, there is no doubt ki sa i pou en benefis pour nou pei.  Ankor ennfwa i reste lefe ki tou dimoun i bezwen zwe zot rol, tou bann stakeholders konsernen e tou bann dimoun ki asosye avek lenplimantasyon sa Lalwa.

Avek sa detrwa pti mo Mr Speaker mon pou donn mon sipor sa Proze de Lwa.  Mersi.

 

MR SPEAKER

Onorab Rose

 

HON MARIE-ANTOINETTE ROSE

Mersi Mr Speaker.  Mr Speaker mon krwra entervenan avan mwan in fer en pwen ki mon ti anvi fer e mon krwar i merit ganny ranforsi e sa se bann rol sa Lalwa e mon ti a kontan Minis i pronons li en pti pe lo la, rol sa Lalwa ennfwa pase, ennfwa aprouve vizavi bann Financial Institutions e zot bann lobligasyon anver zot bann kliyan.  Nou pe fer resorti sa pwen akoz sa i enn bann konsern nou bann dimoun, i annan en kantite Financial Institutions, en kantite Labank ki ankor annan charges on visa transactions, on card transactions ki vreman, vreman o.  I annan en kantite lentere ki ankor o pou en kantite dimoun, i annan en kantite fees and fines ki ganny enpoze lo konsomater ler zot pe fer bann tranzaksyon parey i sipile dan sa Lalwa, bann tranzaksyon – e then alors ki rol Central Bank vizavi sa bann Financial Institutions.  If anything to protect konsomater.

Nou pe pas sa Lalwa e nou pe siport Gouvernman an sa ki konsern sa Proze de Lwa akoz nou krwar ladan, nou krwar i bon pou Sesel, nou krwar i bon pou the ease of doing business ki en konsern kontinnyel dan nou pei, kimannyer Sesel i kapab avek lekonomi ki’n modernize, kimannyer nou kapab ofer plis, kimannyer nou kapab ofer servis pli byen, pli alaoter, pli modern, plis sa ki lemonn pe ofer, kimannyer sa i kapab ariv Sesel.  E nou okouran zisteman ki i annan bokou service providers ki pa neseserman bann Financial Institutions ki osi anvi ofer servis tranzaksyon peyman dan diferan form.  Ozordi ou kapab asiz par ou telefonn mobil e pey ou bil PUC, pey diferan peyman ki ou annan pou fer lokal, enternasyonal.  I annan en logmantasyon dan online transactions ant Sesel ek diferan servis ki annan online.  Seselwa i annan sa swa ozordi pou li aste prodwi e servis ki egziste dans on prop pei me ki osi egziste dan lezot pei e sa i ganny fer tre, tre vit.  Alors avek tou sa bann servis, fason peyman ki pe antre dan nou pei e kot nou krwar i bon, i bon pour Sesel, i bon pour Seselwa, it’s good for investment i nesesit annan alors en framwork legal e bon regilasyon pou fer sir dan tou sa servis ki pe ganny ofer napa fraudulent activities ki pe ganny fer, ki pa bon pour Sesel akoz i tre fasil e mon krwar nou tou isi ki dan sa Lasanble nou toultan ganny en spam oubyen nou ganny en e-mail oubyen nou ganny en text lo nou telefonn ki dir nou nou’n ganny en milyon, 2 milyon, 3 milyon dolar si nou ti aksepte nou tou nou ti pou milyonner.  Me nou konnen ki i annan en kantite threat ki vin avek sa bann – sirtou bann electronic financial transactions.  Bann tranzaksyon ase konvansyonnel, ase tradisyonnel i deza egziste Lalwa ki protez konsomater me bann ki modern e ki dimoun pa konpran kimannyer i ganny fer oubyen ki dimoun pe selman eksperimant avek i enportan ki nou met an plas tou bann mekanizm legal, posib pou protez nou konsomater, pou protez bann financial institutions me ki osi Sesel i annan sa kredibilite lo nivo enternasyonal ki Labank Santral e ki Gouvernman i pe fer tou sa ki i kapab pou protez the economy.  Alors nou vwar ki sa Lalwa alors i bon, i bon Sesel e nou espere ki avek – sak fwa ki nou pas en Lalwa Mr Speaker nou espere ki sa Lalwa i vreman ariv, i vreman annan en lenpak dan lekonom, i vreman annan en lenpak lo sa dimoun ki pou servi sa Lalwa.  I pa zis en Lalwa ki la akoz nou bezwen meet bann international standards, me i Lalwa ki la ki dimoun i kapab akse avek, i kapab servi, i kapkab fer li vin en Lalwa vivan.  Nou swe dan Lasanble se toultan ki bann Lalwa i vin bann Lalwa vivan e ki annan relevans dan lavi nou zabitan.

Mr Speaker avek sa mon’n sirkil devan ou lofis en seri lamannman, e avek ou laprouvasyon mon ti a kontan soumet devan Lasanble pou laprouvasyon.

 

MR SPEAKER

Ou bann lamannman ankor i plis tipografik e non pa sibstansyel.  Minis in les mwan konpran ki napa problenm avek bann amannman, then mon ava envit li pou fer son replyMinister.

 

MINISTER PIERRE LAPORTE

Mr Speaker mon remersi tou sa 2 Manm Onorab ki’n koze e tou lezot Manm ki’n kontribye dan en fason pou anmenn sa Lalwa isi pou regarde, pou amelyore.  An gro mon a remersye zot pou lefe ki zot in siport sa Lalwa.  Parey zot in dir i en lestriman enportan ki pou ed nou servis finansye avans devan.  Mon pa pou vreman repet bann pwen ki’n ganny fer ki bann pwen pertinan.  Petet mon a zis tous lo sa laspe bann fees, bann charges ki nou tou souvan nou konnen ki i toultan ganny konsidere o.

Mon ti a zis kontan fer resorti ki dabor nou tou nou rekonnet ki pou en labank fees ek charges i form par zot reveni e sa nou rekonnet, selman toultan ki nou dir, i annan en limit.  Mon krwar se sa ki Lasanble pe dir, ki wi nou konnen poudir ou bezwen sa pou kapab survive, be parey nonport kwa dan lavi ou pa kapab fer li an ekse.  E nou pe demann bann labank e regilater Labank Santral pou kontinnyen travay pou donn lepep en fair deal.  Mon krwar sa i mesaz ki Lasanble pe anvoye e Labank Santral son rol i kle ladan, akoz i annan bann requirement deza par egzanp kil o en baz regilye bann labank i bezwen pibliy zot bann fees and charges ki kapab anmenn transparans e permet bann kliyan kapab fer en meyer swa.

Toutfwa mon krwar ki i enportan se ki bann fees and charges i bezwen reflekte ki lobzektiv ki ou anvi fer.  Parey nou’n dir toultan nou pa kapab nou menm nou pe ankouraz bann dimoun pou servi kart e ler zot servi kart nou sarz zot eksesivman.  So sa masin ki nou bezwen retournen.  Kontinnyen travay lo la, ki Labank Santral i bezwen lead sa.

Mon ti a kontan fer sorti ki enn bann areas kot bann fees i enpe for se an se ki konsern bann sistenm peyman limenm, se serten sarz ki ganny set par bann konpanyen aletranze, par egzanp visa master card ki ler zot travay avek bann operater isi parfwa i fer ki bann charges i ganny set aletranze e mon konpran ki Gouverner Labank Santral in deza komans an negosiasyon avek sa bann operater visa e ki disi lafen lannen esperon ki nou a vwar en rediksyon.  Me selman mon osi mon pou zwenn Lasanble pou kkontinnyen demann bann Labank ki en kantite bann fees and charges i pa ganny set by visa, i ganny set isi e mon demann Labank Santral pou kontinnyen travay pou ankor asire ki fees ek charges i ganny fer dan en fason rezonnab.

So Mr Speaker mon pa pou tro tarde e parey mon’n zis dir mon remersye ou, mon remersye Lasanble, AG’s Office ek Central Bank Staff pou en bon morso travay e mon swet zot en bon lazournen.  Mersi.

 

MR SPEAKER

Bon, nou ava pran en vot lo deba e merit zeneral sa Bill.  Tou bann ki an faver?  Okenn ki kont?  Mon a ganny en Formal Second Reading.

 

MADAM DEPUTY CLERK

A Bill of an Act to provide for the regulation and oversight of the National Payment System and for matters connected therewith or incidental thereto.

 

MR SPEAKER

Bon, Committee Stage.

 

HON MARI-ANTOINETTE ROSE

Mr Speaker anba Order 91(1) mon move ki nou sot Committee Stage.

 

MR SPEAKER

Okenn ki segonde?  Tou bann ki anfaver ?  Okenn ki kont ?  Mon a ganny en Motion for Third Reading.

 

 

HON MARI-ANTOINETTE ROSE

Mr Speaker anba Order 71(1) mon move ki nou lir sa Bill en trwazyenm fwa.

 

MR SPEAKER

Okenn ki segonde?

 

HON CHARLES DE COMMARMOND

Mosyon in ganny segonde Mr Speaker.

 

MR SPEAKER

Bon nou ava pran en vot.  Tou bann ki anfaver ?  Okenn ki kont.  Bill in pase.  Mon a ganny mwan en Third Reading.

 

MADAM DEPUTY CLERK

This Act maybe cited as The National Payment System Act, 2014.

 

MR SPEAKER

Bon avek sa nou ava remersye Minis e son delegasyon parmi nou e nou nou annan en pti travay pou noua van nou adjourn.

 

(MINISTER WERE EXCUSED FROM THE HOUSE)

 

MR SPEAKER

I ti mon lentansyon pou break midi edmi e osi i ti mon lentansyon pou nou pran sa Mosyon lo FPAC, son rapor, nou vreman pou napa letan.  Nou pe break ozordi, nou pe al dan recess.  Lo lot Bill ki devan nou i annan en kantite entervenan e i pou enposib pou nou pran sa Mosyon apre sa lot Bill, donk mon a propoze ki nou pran sa Mosyon la e nou ava fini avek li.  So mon ava envit Onorab David Pierre pou li prezant son Mosyon.

 

HON DAVID PIERRE

Mersi Mr Speaker.  Mr Speaker i fer mwan en gran plezir pou mwan prezant rapor Komite Finans dan Lasanble Nasyonal apre legzaminasyon Komite lo travay Oditer Zeneral pou lannen 2011.

Mr Speaker sa rapor i fer dezyenm rapor anyel lo travay Oditer Zeneral apre sa enn ki nou ti prodwir lannen pase ki li i ti baze lo travay Oditer Zeneral pour lannen 2009-2010.  Donk sa enn i fer dezyenm ki nou Komite Finans i prezant ek Lasanble Nasyonal e manm piblik lo sa nivo.  Me i egalman enportan pou nou fer rapel ki nou’n osi prezant 2 lezot rapor lo lezot travay Oditer Zeneral e sa se enn lo performace audit lo PUC e en lot lo performance audit lo STB ki fer en total 4 rapor ki nou Komite i met devan Lasanble Nasyonal pou son laprouvasyon.

Mr Speaker lentere piblik lo travay nou Komite in kontinnyen agrandi.  Lepep Seselwa i kontinnyen demann kestyon e demann leklersisman e mon napa okenn dout ki sa enn rapor ki devan nou ozordi pou agrandi ankor plis lentere ki manm piblik i annan dan nou travay.  Parey tou dimoun i konnen, Komite Finans dan Lasanble Nasyonal i annan en devwar e en resposnabilite pou travay pou asire ki i annan latransparans dan bann Minister e dan bann Departman e Lazans Gouvernman an relasyon ek depans larzan piblik, larzan ki sa menm Lasanble i vote sak lannen dan Bidze pou sa bann Minister, Departman ek Lazans.

Nou la pou fer sir ki Gouvernman i adopte en kiltir rann kont dan lafason ki larzan Leta, tax payers money i ganny menaze, i ganny depande.  Nou la pou fer sir ki sa bann Minister, Departman e lazans i respekte bann Lalwa pei e bann regilasyon ki nou annan an plas ki kontrol e diriz lafason ki Legzekitiv i zer larzan piblik.  Nou la mandate pou ekzers scrutiny e pou egzize ki i annan accountability par Legzekitiv an relasyon ek bann kont piblik menaze par Legzekitiv.  Nou la pou diriz sa travay Lasanble Nasyonal vizavi nou lager kont koripsyon pou benefis Sesel ek tou Seselwa partou dan tou kwen Sesel.  An gro nou bi se pou fer sir ki kolektivman ki bann Minister, Departman e Lazans i swiv bann bon pratik dan zot zestyon zot bidze e pou ki zot reste anlinny ek bann bon pratik ki reflekte bann bon norm enternasyonal.  Sa i form parti bann mekanizm ki en Gouvernman i bezwen met an plas dan son lager ek lalit kont koripsyon.

E zisteman Mr Speaker dan sa konteks, rapor ki devan nou i met lanfaz lo 4 keksoz.  Premyerman nou fer sorti bann defayans e bann move pratik ki ankor egziste an relasyon ek depans ek zestyon larzan piblik dan bann Minister, Departman e Lazans Gouvernman.  Dezyenmman apre ki nou’n ekout bann zofisye konsernen, nou fer en analiz lo bann diferan rezon ki sa bann diferan Minister, Departman e Lazans i donn nou an relasyon ek sa bann defayans e nou egalman fer en analiz lo lenpakt ki sa bann defayans i annan lo zestyon larzan piblik e donk lo Sesel koman en pei.  Trwazyenmman nou analiz bann bon pratik ki egziste dan bann Minister, dan bann Departman e dan bann Lazans Gouvernman e nou rapor nou sipor pou sa bann pratik e nou ankouraz lezot pou swiv sa bann menm bon pratik.  E ktatriyenmman e petet pli enportan nou fer rekomandasyon ek Gouvernman lo kwa ki bezwen ganny fer pou adres sa bann move pratik ek bann defayans ki mon’n koz lo la en pti pe pli boner.

Mr Speaker i enportan pou mwan refer sorti ki pandan ki Komite in travay pandan lannen antye an 2013 nou ti pran sa peryod letan ant le 12 Out a 20 Septanm pandan sa lannen pou nou fer en seri hearings kot nou’n demann plizyer kestyon bann Accounting Officers, bann MBA’s lo plizyer tranzaskyon finansyel an relasyon ek zot depans pour lannen 2011.  Alors tou sa ki’n ganny ekrir dan sa rapor i baze lo levidans e sete sa ki’n form labaz nou travay ki’n permet nou prodwir sa rapor ki devan nou Lasanble Nasyonal ozordi e byensir manm piblik i a kapab ganny akse ek sa rapor sirtou atraver internet apre ki in ganny aprouve par Lasanble Nasyonal.

Mr Speaker i pa mon lentansyon pou mwan vin lir sa rapor avek Lasanble Nasyonal me plito mon a donn enn de pti detay kourt koman legzanp sa ki’n ganny trouve dan sa rapor pou si ou oule stimil en pti git lapeti bann ki annan lentere, me zot a kapab pli apresye li zot menm de ki sa rapor in ganny fer piblik e de ki zot ganny akse avek.  Me toudmenm parey mon’n dir, mon oule refer sorti enn de pwen pertinan pou gid zot koman legzanp plizoumwen i bann pwen lo bann pratik ki Komite i egzize ki fodre i diskontinnyen dan nou pei Sesel.

Legzanp limero 1, i ki dan nou travay ki nou’n fer Komite in fer hearings parey mon’n eksplike ek serten Departman kot nou’n dekouver ki plizye rmilyon roupi 5.78 milyon in ganny depanse pou lwe transpor ek diferan lakonpanyen e ki dan bokou ka sa bann Departman pa’n annan en kontra ekrir ek serten sa bann lakonpanyen e sa i klerman al kont bann Lalwa pei ki diriz lamenazman e depans larzan piblik.  Sa i al kont financial instructions e bann lezot regilasyon ki pei i annan.  E donk Komite i refer sorti sa kler e i pronons son lekor lo sa size.

En lot legzanp se ki tou dimoun i konnen ki SMB in sipoze ganny liquidated plizyer lannen pase, me rapor i fer kler ki sa prosesis pe al nowhere e ki par egzanp advances Gouvernman pou SMB a la valer preski R80 milyon i ankor reste outstanding.  Vedir i pa ankor ganny rekipere e posibilite pou rekouver sa larzan i vreman pa kler.  Sa i riske en gran perd finansyel pour Sesel.

E lo sa menm size Mr Speaker en kantite issues ki konsern bann ansyen anploye SMB tel ki bann konpansasyon pour bann ki ganny serten injuries dan travay pa ankor ganny rezourd e i annan bann lezot ka similer ki Komite in pronons li klerman lo la.  Sa i senpleman detrwa legzanp bann size ki nou’n aborde koman en Komite.  Parey mon’n dir, si zot oule ganny akse avek bann tel lenformasyon then sa i ganny fer kler dan nou rapor.

Komite ti a kontan donk vwar ki Minister Finans e Gouvernman an zeneral i pran sa rapor seryezman e i pran bann mezir pou adres sa bann outstanding issues.  Plizyer rekomandasyon in ganny fer e nou swete ki bann solisyon i ganny mete an plas ki a anpese ki bann defayans ki’n ganny souleve dan sa rapor pa ava aparet dan bann lezot rapor alavenir.  Nou bezwen tonm dakor ki ansanm nou vwar en solisyon konvenab e dirab pou adres sa bann defayans e nou bezwen vwar en common ground pou nou lager kont tou bann pratik ki kapab ankouraz koripsyon kot zestyon depans larzan piblik i konsernen.  Nou bezwen adopte en vre lapros zero tolerans psour koripsyon.

Mr Speaker apre sa de pti legzanp mon a profite pou ankouraz manm piblik pou fer en zefor spesyal pou lir sa rapor.  Se lo sa lapel ki mon pou konklir.  Me avan mon konklir mon anvi refer sorti mon lapresyasyon pou ou Mr Speaker ou’n donn nou Komite e pour sa lo non Komite mon oule remersye ou.  Mon oule egalman e fortman refer sorti mon lapresyasyon pou sa kalite e nivo travay ki’n ganny fer par tou bann manm Komite.  Zot gran komitman in vreman ganny apresye.  Mon pli presizeman apresye sa profesyonalizm avek ki zot in apros zot travay, kot lapartenans politik pa’n azir koman en baryer.  Nou’n travay ek en linite pou atenn en sel bi, pour nou pei Seselwa.  Alors mon a profite pou remersye tou bann manm Komite, Onorab De Commarmond, Onorab Lebon, Onorab Vel, Onorab Pillay, Onorab Barbe e Onorab Volcere pou zot kontribisyon ver realizasyon sa rapor.

Mr Speaker mon oule osi remersye Sekreter Komite, Ms Luisa Waye-Hive.  Asistan Sekreter, Ms Saviona Isaac e Advisor lo nou Komite Ms Angleqiue Appoo pou zot travay e zot kontribisyon ki zot in fer ver Komite e ver sa rapor.

En gran remersi i osi al pou Lofis Oditer Zeneral pou tou son sipor ki zot in donn nou Komite.  Mon oule egalman remersye tou lezot dimoun ki dan en fason ou en lot in osi kontribye ver realizasyon sa rapor.  I enportan pou mwan osi fer sorti lapresiasyon Komite pou sa nivo korperasyon ki nou’n gannyen ek bann Accounting Officer ek zot lekip sorti dan tou bann MBA’s ki’n partisip dan nou bann sesyon hearings.  Nou konnen ki i pa’n fasil pou zot.

Mr Speaker avek sa de pti mo mon swete ki sa rapor i a zwenn lekspektasyon piblik e mon oule remersye ou pou sa pti letan.  Mersi Mr Speaker.

 

MR SPEAKER

Onorab Pillay.

 

HON SEBATIEN PILLAY

Mersi Mr Speaker.  Mr Speaker mon pa pou long akoz bokou in ganny dir par mover Mosyon.  I zis reste pou mwan dir ki sa travay ki nou fer lo FPAC i en travay ki relye a asire ki bann prosesis ki annan an plas an sa ki konsern management finansman Gouvernman e management bidze Gouvernman lafason ki i ganny servi i alaoter.

Enn bann pwen fondamantal Mr Speaker se asire ki si nou pe depans larzan dan en serten fason, sa larzan i bezwen annan en reailta, meaning value for money e sa i en rol primordyal ki FPAC i zwe.  Me pou al en pti pe pli larz sa i osi konsolid sa rol ki Lasanble i annan pou asir son lobzektif oversight an sa ki konsern sa ki Gouvernman pe fer.  And that’s very important pou nou soulinnyen.  Mon krwar ki si nou go back at the very beginning ler sa Lasanble ti komanse e ti annan bokou komanter as to whether or not sa Lasanble efektivman pou zwe sa rol oversight, me ler nou regard bann rapor ki’n ganny prezante devan Lasanble par FPAC e menm par Komite lo lasirans, nou’n vwar poudir sa travay pe ganny fer dan en fason non-partizan, dan en fason ki i foster sa linite nasyonal ki nou oule vwar kot nou kapab travay ansanm pou nou akonplir en lobzektif ansanm ki pli byen pour nou pei.  Mon krwar se sa ki bezwen ganny soulinnyen.

Sa rapor i pa dan okenn ka en kritik anver okenn dimoun lo en nivo personnel me i plito en analiz, en evalyasyon bann sistenm ki nou annan an plas, avek bann rekomandasyon ki sa ki nou bezwen fer pou nou kapab improve sa bann sistenm, fer zot vin pli performan, fer zot vin pli efikas.  E mon krwar se sa an fenn kont ki lepep Seselwa i demande, ki nou asire ki dan son travay Gouvernman i delivre lo bann lobzektif e ki finansman ki nou nou Lasanble nou aprouve atraver Bidze i ganny byen zere, i ganny byen servi.

Mr Speaker i fer dezyenm rapor ki nou fer lo travay Oditer Zeneral.  Malgre nou ti ava anvi ki par egzanp sa lannen nou ti pe regard bann kont pou lannen pase, me i pa leka ozordi i annan serten travay ki bezwen ganny fer dan sa lekar e se la kot mon krwar osi nou bezwen demann plis sipor.  Pa zis pou biro Oditer Zeneral me osi pou nou Lasanble Nasyonal pou ki nou kapab efetivman konsolid nou sekretaryat Lasanble pou fer ki nou kapab annan training pou bann staff neseser ki nou bezwen pou travay, pou analiz bann bidze, analiz bann dokiman pou permet bann Manm kapab delivre lo bann aktivite ki bann Komite i bezwen fer.  Mon krwar sa osi i en pwen fondamantal ki nou bezwen fer Mr Speaker.

Avek sa de pti mo Mr Speaker mon pou donn mon sipor pou sa Mosyon.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mr Speaker mersi bokou.  Mon note ki Mosyon pa’n ganny segonde.  Mon oule efektivman segonn sa Mosyon.

Mr Speaker mon rekomann travay FPAC, mon krwar ki nou pe fer en bon travay san ki nou ponpe parey nou dir an kreol, me nou vwar poudir sa rapor la, la i fer dezyenm rapor, nou pe avanse pour nou met nou azour avek bann lezot rapor Oditer Zeneral ki’n sorti e ki pou sorti alavenir.  Mon krwar osi se kalite, kalite sa rapor i vedir i montre klerman kalite travay ki FPAC pe fer.  Pou nou kapab arive lo sa nivo mon krwar i annan detrwa lorganizasyon ki nou bezwen – apard ki nou Lasanble Nasyonal, byensir ki nou bezwen remersye.  Mon krwar SADCOPAC, AFROPAC, tousala EU, Linyon Eropeen in provide plizyer lenstans training ki’n fer ki lekip kip e travay lo analiz bann rapor, egzaminasyon bann rapor Oditer Zeneral i fer son travay pli byen.  Se sa bann training i met nou en pti pe plis lo laoter pou donn kalite travay e nou osi remarke ki sa bann rapor apre ki in vin dokiman piblik, in pas devan nou Lasanble Nasyonal e ganny aprouve, nou krwar ki bann lorganizasyon rezyonal e enternasyonal i osi rekomann nou pour sa travay ki nou pe fer malgre nou annan en FPAC ki zenn, ki ase zenn me nou vwar poudir dan lezot pei sa kalite travay pa pe ganny fer lo sa oter ki nou isi Sesel nou pe fer.

Dan rapor ki devan nou i montre klerman – akoz ou konnen sa kestyon larzan piblik i bezwen ganny byen get ladan sa, akoz piblik deor i ensiste e sa ki vin en norm ki larzan i bezwen ganny byen depanse.  Dan en meeting yer avek serten zofisye Gouvernman sa i pwen i ganny resorti ankor.  Kot par egzanp kestyon lakaz.  En dimoun ki oule ganny lakaz me ki pa pe peye, i pa oule kontribye.  Ou konnen, aprezan sa dimoun i dir mwan, be Gouvernman kimannyer i kapab pran larzan piblik, depanse fer lakaz, apre donn dimoun ki pa pe kontribye pou repey sa lakaz, en lakaz.  Konmsi ou wvar.  So, sa i en aspe.  Me in annan lezor aspe osi.  Me lenportans osi ki annan dan sa rapor, se ki bann rekomandasyon, rekomandasyon ki Komite i met devan, i ganny vreman ekoute par lotorite spesifikman la Minister Finans.  Minister Finans i pe swiv nou Komite depros e travay etrwatman avek nou e koman i annan bann rekomandasyon serye sa i ganny pran e menm avan rapor i sorti sa bann rekomandasyon i deza parfwa ganny met an ekzekisyon, an pratik pou improve, pou ogmant la kalite fason ki larzan piblik i ganny depanse dan nou pei.  Nou kontan ki alors Minister Finans i ekoute sa ki nou pe dir, i ekoute rapor ki Komite pe fer e i pe met an pratik.  Se pou sa rezon ou vwar bann diferan lenstans kot Minister Finans in mete, i annan bann nouvo lodit ki zot pe fer, ok.  Zot internal audit, apard odit ankor ki’n ganny fer.  Savedir i montre ou plis checks pe ganny mete pou fer sir ki larzan piblik i ganny byen zere, byen ganny depanse, byen pour nou piblik.

Lot pwen ki mon anvi fer sorti Mr Speaker se ki bann zofisye ki’n vin devan Komite zot in osi en kantite zot sinon pa mazorite zot in fran, zot in osi korpere konmsi partisip avek nou.  Savedir i montre ou ki sa travay malgre ki nou Komite ki’n fer li me i en travay kolektiv osi avek bann lenstans Gouvernman kot bann zofisye i vwar sa nesesite pou ki larzan piblik i ganny zere.  Sa i fer ki lenformasyon i pli flow e zot osi zot anvi ki zot Minister e Departman i delivre pli byen, i donn en pli bon kont.  Akoz parfwa ou kapab ganny ou dan bann Departman e Minister kot bann senior, bann sef i donn direktiv ki pa korek bann ki par anba, bann zosifye ki responsab pou accountsSo, e letan nou pe step in, nou pe evalye sa bann keksoz ki Oditer Zeneral in vwar, sa bann Accounting Officers i ganny en nouvo determinasyon, i ganny hope i dir i pa santi li litousel, i santi li poudir Lasanble i avek li, FPAC i siport travay ki pe ganny fer.  I enportan osi ki nou met enn de challenge ki annan devan nou, enn de problenm ki nou pe kontinnyen ganny rankontre.  Nou vwar poudir i still kontinnyen annan en mankman lo koleksyon bann larzan ki annan deor pou piblik.  Savedir kolekte larzan piblik i bezwen ganny improve lo la.  Reveni, nou bezwen anmas reveni pli byen dan nou pei.

Lot keksoz i annan likidite serten konpanyen ki pe pran tro bokou letan pou ganny fer.  En legzanp se SMB prawn.

Lot keksoz se ki nou remarke ki i annan serten statutory bodies ki pa pe donn son kont pou plizyer lannen.  Sa i mal.  Zot bezwen improve lo la.  Nou pa kapab kontinnyen ganny bann statutory bodies ki nou’n kree e ki li i anvoy tou dimoun pronmnen e i pa donn son kont pou plizyer lannen konsekitiv.  I normal e i pa akseptab e sa zot bezwen ganny deal avek apopriyeman.

En lot challenge ki reste nou Komite, se public hearing.  Pour le moman la nou p ape fer li me nou pou bezwen travay dan sa direksyon.  Nou’n deza koman diskit avek Lotorite Lasanble Nasyonal, savedir ou lotorite Mr Speaker Sir e nou konnen demars ki nou pe ganny fer akoz public hearing i osi delika e i bezwen ganny aprose e ganny fer dan en fason byen.  E sa i reste en challenge nou Komite ki nou pou bezwen diran bann letan ki vini devan nou pou nou donn sa bout nou piblik.

Avek sa mon vreman rekomann ki Lasanble Nasyonal i aprouv sa Rapor pou ki nou bouze nou osi nou Komite pou nou fer travay lo lot rapor ki devan nou en fason ki lannen prosenn nou up-to-date avek nou bann rapor Oditer Zeneral.

I enportan note ki i annan lezot pti rapor kip e kontinnyen ganny travay lo la, plizyer ki devan nou e ki la avan lannen fini definitivman ofi e an mezir ki bann rapor neseser i ava ganny met devan nou Lasanble ankor.  I montre travay ki Komite pe ganny fer.

Avek sa Mr Speaker mon a remersye ou e mon a demann pou nou siport sa rapor ki devan nou.  Mersi.

MR SPEAKER

Right of Reply Onorab.

 

HON DAVID PIERRE

Mersi Mr Speaker.  Mr Speaker mon pou tous vitman lo enn de pwen pertinan ki sa de entervenan in refer sorti.  Premyerman wi travay ki Komite pe fer i en travay ki asir accountability, ki asire ki i annan oversight dan lafason ki Gouvernman i zer larzan piblik, Legzekitiv i zer larzan piblik.

Entervenan, Onorab De Commarmond in koz lo rekomandasyon.  Mon apresye lefe ki Gouvernman in kapab met an plas en National Audit Committee ki pou pran an konsiderasyon dan zot travay bann rekomandasyon ki FPAC in fer.  Mon ti ava apresye si Minister Finans i met ankor plis zefor an relasyon avek bann rekomandasyon an relasyon avek zot reaksyon vizavi nou bann rekomandasyon ki nou fer.

Lo sa issue of statutory bodies ki pa pe donn zot bann kont on time.  Mr Speaker mon kapab asir sa Lasanble lo non Komite ki nou pe met en lanfaz spesyal sa lannen pou fer sir ki nou deal avek sa size dan en fasona nkor pli for.

E finalman lo sa size fransizm avek ki bann accounting officers in vin reponn bann kestyon, mon osi mon tir mon sapo avek zot e mon swete ki sa korperasyon i kontinnyen lo sa lalinny pour ki finalman nou ganny bann lenformasyon ki vreman kredib parey mon krwar i été dan ka bann lenformasyon dan sa rapor ki devn nou.

Avek sa Mr Speaker mon a ankor enn fwa demann tou Manm pou siport sa Mosyon.  Mersi.

 

MR SPEAKER

Bon in ler pou nou pran en vot.  Tou bann ki anfaver ?  Okenn ki kont ?  Mosyon in pase.  E rapor in ganny adopte par Lasanble Nasyonal e nou ava fer le neseser pou ki i annan proper follow up lo rapor.  Mersi bokou e nou pou adjourn ziska 2er.

 

(LUNCH)

 

MR SPEAKER

Bon.  Nou ava kontinnyen avek nou travay pou apre midi.  Nou a swet labyenveni parmi nou, Minis pour Lanvironnman ki pe vin pran son Bill, Disaster Risk Management Bill, 2014.  Avan nou komanse, mon ava ganny mwan en Motion for Second Reading.

 

HON MARIE-ANTOINETTE ROSE

Good afternoon Mr Speaker.  Anba Order 64(2), mon move ki nou lir sa Bill en dezyenm fwa.

 

MR SPEAKER

Okenn ki segonde?

 

HON CHARLES DE COMMARMOND

Mon segonn sa Mosyon Mr Speaker.

 

MR SPEAKER

Bon, mon a envit Minis Payet pou prezant son Bill.

 

MINISTER ROLPH PAYET

Mersi bokou Mr Speaker.  Bonzour Mr Speaker e tou bann Onorab Lasanble ek tou Seselwa.  mon annan plezir apre midi pou prezant avek zot pour Second Reading, Disaster Risk Management Bill, 2014

Sa Bill ki nou annan devan nou Lasanble ozordi i apre ki rekomandasyon dezas Feleng ti ganny fer, ki en letid ti ganny finanse par Labank Mondyal e Gouvernman Sesel ki ti vwar tou bann defi ki Sesel i annan, an term pou reponn anver dezas ki ti arive dan bann distrik Pointe Larue, Anse Aux Pins avek Au Cap.

Si nou vwar, sa dezas ti annan gro lenpakt lo lenfrastriktir e osi ti afekte larzan piblik, an term ki ti bezwen pran larzan pou li kapab servi pou reponn anver sa dezas.  Ti annan osi bokou lenpakt lo Sekter Prive e ti ganny estimen ki at least 30 poursan bann domaz ti ganny sibir par Sekter Prive e 70 poursan bann domaz in ganny sibir par bann Sekter Gouvernmantal.

Dan son rekomandasyon, Labank Mondyal ti fer bann rekomandasyon kourt term, savedir pou fer pandan sa lannen apre ki Feleng ti afekte Sesel e osi ti bann rekomandasyon mwayen a long term pou 1 a 5an.  E dan sa premye rekomandasyon pour bann kour term, i ti demann Gouvernman pou idantifye bann gaps ki bann defi ki annan dan nou sistenm legal an term linondasyon e osi preparasyon pou bann dezas.  E dan bann aksyon mwayen a long term, i ti demann Gouvernman pou prepar en progranm Nasyonal entegre pou redwri risk anver dezas e dezyenmman, pou reviz e adopte en nouvo kad legal pou Lalwa dezas.  Set atraver sa ki Gouvernman Sesel, ansanm avek sipor Labank Mondyal in devlop sa ki nou apel ozordi, sa Disaster Risk Management Bill.  Limenm li sa Bill, i annan antou 9 parti e avek zot permisyon, mon pou fer en somer sa bann diferan parti.

Premye parti ki en parti ase enportan se definisyon.  E la mon pou port latansyon bann Onorab lo mon krwar definisyon pli enportan dan sa Bill se definisyon dezas.  En dezas savedir en levennman ki arive, ki enteronp dan en fason serye fonksyonnman en kominote, ouswa en sosyete.  Alor ladan, nou vwar poudir bann pti keksoz ki arive avek bann lakaz endividyel, nou pa apel li en dezas.  Se letan i afekte en kominote e osi afekte en sosyete ouswa en zil, la lo sa nivo, nou ganny klasifye koman en dezas.

Parti nimero 2 i koz lo fonksyon DRDM.  Sa ki nou konn koman DRDM.  I annan bokou kestyon ki’n ganny demande lo DRDM, menm isi dan sa Lasanble e sa Bill i fer kler bann fonksyon DRDM.  E avek zot permisyon, mon pou lir li.

DRDM i fonksyon koman sa lorganizm Nasyonal ki vwar e redwir risk dezas lo nivo Nasyonal e i siport okenn aksyon ki ganny fer lo nivo lokal e rezyonnal, pou redwir risk dezas e osi pou reponn anver dezas.  I osi annan plizyer travay ki i fer pou kordin, promot e monitor nou repons anver en dezas e osi prepar sa ki mon’n koz lo la en minit pase, en plan zesyon ek en stratezi pou redwir nou risk anver dezas.

I osi devlop e enplimant bann plan o nivo bann distrik, ansanm avek bann Ladministrasyon Distrik pou redwir bann risk o nivo distrik.  I osi devlop bann gid e i donn lasistans teknik pou preparasyon bann plan o nivo bann diferan Gouvernman, lorganizasyon Gouvernman, bann Lenstitisyon non gouvernmantal e osi bann Sekter Prive e bann kominote.

I osi donn direksyon e osi ede pou kordinen, tou bann diferan mezir preparasyon e osi rediksyon an term dezas.  I osi kolabor avek bann lorganizasyon enternasyonal pou fer sir ki fasilite lasistans ek sipor ki Sesel i bezwen, an preparasyon pou redwir risk dezas, me osi pandan en dezas.

I osi antreprann pou fer lantrennman anver tou bann dimoun ki involve dan edifikasyon risk ouswa redwir bann risk ki kapab koz dezas e osi pour bann volonter ki pare pou siport Gouvernman ek lezot lorganizasyon dan ka i annan en dezas Sesel.

I osi fer planifikasyon e kordinasyon pandan en letan dezas e sa moter primordyal pou fer sir ki kominikasyon e osi bann warning i ganny donnen pandan, ouswa zis avan en dezas.

I osi promot devlopman bann nouvo teknolozi pou redwir risk e osi pour nou redwir nou vilnerabilite anver bann dezas.

Mr Speaker, pou Seksyon 6, sa Bill i fer provizyon pour sa Divizyon etablir bann diferan komite ki i kwar enportan, pour li kapab fer sa travay.

Seksyon 9 i fer provizyon pou etablir en National Disaster Risk Management Committee e sa i komite siprenm ki pou diriz okenn travay ki pou ganny fer pou redwir okenn risk.  Minis ki responsab pour Dezas i pou Chair sa Komite Nasyonal e sa Komite Nasyonal pou annan koman reprezantan, Direkter Zeneral DRDM e reprezantan sorti kot Lofis Prezidan, Sekreter Prensipal sorti dan sa bann Minister swivan.  Lanvironnman, Litilizasyon Later avek Lakaz, Lasante, Devlopman Kominoter avek Sport, Transpor e apre Travay, Labour.  Apre osi, i pou annan reprezantan ki pou sorti kot SBC, Biro Meterolozi, Biro Lapolis, Red Cross Society of Seychelles e apre dan Fire Brigade.  Fonksyon sa Komite Nasyonal se pou donn konsey e fer rekomandasyon anver Prezidan e Cabinet bann Minis, an relasyon sa Bill.  I pou osi asire ki bann prensip redwri risk dezas i ganny entegre atraver tou bann Lenstitisyon Gouvernman e osi bann lezot Lorganizasyon ki i travay avek.  Sa provizyon Lalwa i osi fer provizyon pou ofer e etablir en Vulnerability Assessment Committee.  Sa Vulnerability Assessment Committee son travay se pour evalye, kolekte lenformasyon e analiz bann diferan lenstans kot Sesel son vilnerabilite i fer nou vin pli vilnerab anver bann dezas.  E la i pou permet nou annan plis bon sistenm alert, plis bon gid an term devlopman Nasyonal an term bann konstriksyon e osi enform Gouvernman kimannyer i kapab ranforsi son fann lenfrastriktir parey delo, sewage, semen e lezot lenfrastriktir telekominikasyon e lezot lenfrastriktir ki enportan, ki kapab ganny mentenir menm pandan en dezas.

Paragraf 15 i fer demann anver tou Lenstitisyon Gouvernman e osi serten Sekter Prive ki dan bann rezyon risk, pou zot prepar bann plan dezas.  Sa i vreman enportan pour kapab asire ki tou bann Lazans Gouvernman i travay ansanm an preparasyon, ouswa pou redwir risk anver en dezas.

Mr Speaker, paragraf 16 i fer provizyon pou etablir en platform Nasyonal pou redwir risk dezas.  Sa personn ki pou diriz sa platform pou ganny apwente par Minis, an konsiltasyon avek sa Komite Nasyonal.  Fonksyon sa platform Nasyonal pour rediksyon dezas se pour met anplas sa mekanizm pou entegre tou bann diferan konsern.  Konsern sosyal, ekonomik e lanvironnman, siport e idantifye tou bann bezwen, sirtou dan bann landrwa ki a ot risk e ki bezwen ganny fer pou zot kapab ganny redwir an term nou devlopman Nasyonal.  Pou kordin e asire ki tou bann partener i partisip e zot kolabore, pour asire ki nou kapab enplimant nou stratezi e osi lenplimantasyon sa kad enternasyonal ki nou apel Hiogo, Framework of action pour disaster risk reduction. Kree en lanvironnman kot nou anmenn risk dezas dan laporte tou nou bann aktivite, savedir nou pran bann aksyon ki fer prevansyon e osi i anmenn ledikasyon e sansibilizasyon anver nou pep e nou zenn.

Parti nimero 3 Mr Speaker, Seksyon 18 i koz lo devlopman en Disaster Risk Management Strategy.  Sa stratezi i enportan ki letan Sesel li osi i prezant son bann bezwen o nivo enternasyonal e osi letan i prezant son bann aksyon o nivo Nasyonal, i ganny fer avek serten lobzektif tre kler e serten target tre kler ki pou kapab ganny mezire e odite dan lefitir.

Parti nimero 4, Seksyon 26 sa Bill i fer provizyon pou DRDM, pour li kapab antretenir mentenans en directory lo tou bann kontak ki i bezwen annan, sirtou dan lepok en dezas.  Sa directory i vreman enportan akoz si bann dimoun i sanz zot telefonn ouswa zot sanz zot lokasyon, i vreman fer li difisil pou nou kapab reponn efektivman pandan leta dezas.  E sa Bill i fer provizyon pou DRDM maintain sa directory e pour bann dimoun ki’n ganny konsinnyen pou travay ansanm avek li i provide sa bann lenformasyon e nou kapab gard sa bann lenformasyon azour.

Dan Seksyon 27.  Direkter Zeneral DRDM i annan, sa i donn li pouvwar pou kolekte lenformasyon lo tou bann laspe dezas e risk.  I vreman enportan ki bezwen kolekte lenformasyon avan en dezas, menm pandan en dezas e apre en dezas e permet nou kapab, parey zot in vwar avek rapor Feleng ki mon’n site oparavan, determinen kote nou bann defi i ete, kimannyer nou’n reponn anver sa dezas, konbyen in koute e ki son lenpakt in annan lo bann diferan kours lekonomi e atraver sa, nou kapab devlop en progranm daksyon pou redwrir risk dan lefitir.

Sa Bill i osi fer provizyon pour sa Divizyon maintain en baz dedroni elektronik, pour li kapab annan lenformasyon konsern dezas isi dan Sesel.

Dan Parti nimero 5 i kouver sa ki nou apel lasistans enternasyonal.  Sa Seksyon i vreman enportan akoz i determin bann prosedir ek bann provizyon kimannyer Sesel i pou akse avek lasistans enternasyonal.  So, i enportan akoz letan ou annan en sitiyasyon dezas, i annan bokou dimoun ki ofer lasistans.  E i enportan ki nou determinen si sa lasistans ki nou vreman bezwen.  Dezyenmman nou bezwen fer sir ki sa lasistans pe ganny enplimante dan en fason efektiv.  Trwazyenmman osi, i enportan pour nou determinen si nou bezwen resevwar sa lasistansm, anba ki kondisyon lasistans i ganny donnen e ki son lenpakt i pou annan dan nou sosyete.  Nou’n vwar dan plizyer lenstans, sirtou dan bann pei deor kot i annan ka ki, par egzanp latizann ki ganny donnen i expire, ouswa lasistans ki ganny donnen i annan lezot kondisyon ki vin avek.  Alor, i enportan ki nou annan en Bill, en provizyon Lalwa ki permet nou pour nou kapab determinen ekzakteman ki fason e kimannyer lasistans i ganny enplimante, sirtou pandan letan dezas.  I osi fer provizyon pou bann diferan Departman Gouvernman parey Imigrasyon e Custom fasilit travay, sirtou letan ou pe enport bann diferan lekipman, sirtou dan en dezas ki nou pa’n zanmen prepar nou pou al lo la.  Ouswa nou napa ase lekipman pou nou reponn anver sa dezas.

Parti nimero 6 i koz lo sa National Disaster Risk Management Fund. Parey zot konnen, pou reponn anver en dezas, ou bezwen annan finansman e sa finansman osi i bezwen ariv atan.  Okenn dele ki arive dan finansman i kapab koz risk, kapab perdi lavi, ouswa bann lezot konplikasyon ki arive dan sitiyasyon en dezas.  Alor, i vreman enportan ki nou annan en kad legal ki permet nou pour nou kapab fer bann depans ki demen i kapab ganny odite e osi kapab ganny revwar par bann diferan Lorganizasyon, Lenstitisyon ou travay avek e osi permet nou pour nou kapab resevwar bann donasyon e fer sa bann depans dapre bann bezwen pou reponn anver sa dezas.

Mon anvi zis fer resorti ki anba sa provizyon, i annan son bann regilasyon ki pou vini, ki pou deternminen bann diferan kalite fon ki pou bezwen, akoz parey zot kapab konstate, akoz kimannyer dezas i ete, i kapab ase konplike.  I pou permet nou pou nou kapab annan diferan kalite fon pour adres diferan kalite dezas, me osi fon pou adres kekfwa prevansyon dezas e osi rediksyon risk e fon pour deal avek sa dezas limenm.

Parti nimero 7 i koz lo en provizyon pou annan lobligasyon pour bann dimoun ki deza pe reponn anver en dezas, sa ki nou apel bann volonter.  E sa Proze de Lwa i fer provizyon pou nou maintain en rezis bann volonter.  So, bann volonter pou ganny mete lo sa rezis e zot kapab soumet zot non avek DRDM e zot pou annan en screening process ki pou ganny fer pou determinen si zot kapab fer sa travay koman en volonter.  I pour nou osi en prosedir pou ganny etablir atraver bann distrik, atraver bann Ladministrasyon Distrik.  Parey zot tou zot konnen, nou annan deza bann Brigad ki operate o nivo distrik e nou vwar ki nou bezwen plis volonter ankor pou deal avek bann diferan dezas ki Sesel i kapab fer fas avek.

Dan son rol, DRDM pou provide lantrennman e osi sipor pour sa bann volonter.

Lalwa i osi fer provizyon pou asire ki osi, bann volonter i ganny proteze, an ka ki en sitiyasyon i arive letan zot pe reponn anver dezas.

Paragraf 36 i fer provizyon pou nou etablir dan en fason legal, en National Multi Hazard Risk Communication Alert And Warning System. Sa i en sistenm ki baze lo kouler ek nimero ki’n etablir dan diferan lezot pei par egzanp Maurice ki fer fas avek siklonn preski tou le lannen e nou’n komans enpli mant li dan lepase e sa Lalwa i permet nou prezan pour nou ankadre li dan Lalwa ki letan nou fer en lanons lo en diferan kouler, ouswa en diferan nimero an term warning, ki tou dimoun i konpran ki son meaning. Of course, sa i bezwen ganny siporte par bokou ledikasyon ek awareness. I lansenny ki pou permet nou pep kapab prepar zot letan nou annan en danze potansyel e ki kapab arive dan nou pei.

Parti nimero 9 se deklarasyon dezas.  Sa i en parti ki vreman enportan akoz i annan lenplikasyon lasirans, i annan lenplikasyon ekonomik e osi sosyal pour Sesel.  E sa bann provizyon dan sa Bill i permet Prezidan avek Minis responsab pour dezas pou deklar dezas o nivo Nasyonal, dezas o nivo en zil, dezas o nivo en rezyon ouswa en group distrik, ouswa dezas o nivo en distrik ouswa en kominote.  Parey mon’n mansyonnen, sa provizyon i vreman enportan akoz i pou permet Sesel osi kapab akse finansman a leksteryer.  Ozordi, pour Sesel kapab ganny serten finansman, par egzanp sa finansman mondyal Labank Mondyal ki ozordi in ganny adopte par bann pei Karaib, i kapab ganny activate zis letan i annan en dezas Nasyonal.  Me parfwa ki nou vwar, Sesel, bokou bann dezas ki nou’n gannyen i pa’n sitan Nasyonal me i plito rezyonnal, ouswa enkli en zil parey La Digue.  Alor, i vreman enportan ki nou kapab deklans serten finansman letan sa bann dezas o nivo lokal i arive.

Finalman Mr Speaker, mon refer sorti dan paragraf 47 ki donn proteksyon tou bann dimoun ki travay pou reponn anver en dezas kont okenn ou kapab dir, liability pou okenn domaz ki zot fer, si i ganny prouve ki sa bann travay ki zot in fer i pa dan zot travay ki zot pe fer pou reponn anver sa dezas.  So, sa i en keksoz enportan akoz pandan en dezas, i annan keksoz ki nou bezwen fer pour nou kapab sov lavi e sov lenfrastriktir, ouswa donn en serten nivo proteksyon bann dimoun ki pe travay pou reponn anver dezas.  Mersi bokou Mr Speaker.

 

 

MR SPEAKER

Bon, deba i ouver.  Onorab Barbe.

 

HON NICHOLE BARBE

Mr Deputy, Disaster Risk Management Bill ……

 

(Interruption)

MR SPEAKER

Non, non, non, non.  Ou fek demot mwan la.

 

HON NICHOLE BARBE

Ok.

 

MR SPEAKER

Repran, rekomanse.

 

HON NICHOLE BARBE

Ok.  Mersi Mr Speaker.

 

MR SPEAKER

Yes.

 

HON NICHOLE BARBE

Mr Speaker, Minis ek ou delegasyon, koleg Onorab, bonn apre midi.

Mr Speaker, Disaster Risk Management Bill, 2014, i enn bann morso lezislasyon pli konpreansiv ki’n vin devan nou Lasanble depi sa lannen in komanse.  I tre kler ki sa i prodwi final bokou travay, bokou resers e bokou planifikasyon.  Sa morso lezislasyon i met Sesel lo norm e standar enternasyonal kot i konsern zesyon risk avek dezas.  Dezormen, bann Lazans e Departman Gouvernman ki konsernen avek zesyon risk avek dezas i ava ganny kouver avek lezislasyon apropriye, me sa Lalwa i ava egalman servi koman en gid, en framework, anba lekel bann lotorite i ava kapab fer zot travay e delivre sa servis ki ganny ekspekte de zot.

Mr Deputy, bann zabitan distri Bel Air pou akey ……  (Interruption)

 

MR SPEAKER

Onorab, Onorab.  Adress the Chair properly.  Yes.

 

HON NICHOLE BARBE

Mr Speaker, bann zabitan distrik Bel Air pou akey en tel morso lezislasyon dan en fason tre pozitiv, senpleman akoz ki nou krwar ki in long overdue.  Nou pou ofer nou sipor an plen akoz ki nou rekonnet benefis ki sa Lalwa i kapab aporte pour nou sosyete.  Zesyon risk avek dezas i en domenn kot tre souvan ou bezwen lasistans ouswa kolaborasyon bann partener enternasyonal e la kestyon ki toultan leve se anba ki kad legal ki sa bann lasistans ouswa korporasyon pe ganny delivre.  Sa Lalwa i ava fer li bokou pli fasil pou Sesel sers lasistans son bann partenar letan ki i dan bezwen.  I osi fer li posib pour annan plis latransparans e plis kontrol dan demars ki pou etablir bann fon ki pou raise funds pou deal avek bann sitiyasyon dezas.

Mr Speaker, travay en MNA dan son kapasite koman en lezislater se zisteman pour idantifye bann bon morso lezislasyon, etidye bann benefis ki sa i kapab aporte, balans son lefe pozitiv e negativ lasosyete e apre tou sa refleksyon, ofer sipor e vot anfaver en bon lezislasyon.

I travay en MNA Mr Speaker pou ed dan kreasyon sa bann diferan lotorite e departman esansyel ki nou pei i bezwen, an aprouvasyon bann diferan Lalwa ki donn nesans sa bann departman.  I osi egalman travay MNA pou lager pou ganny Bidze pou fer marse sa bann menm lotorite e departman.

Rezon ki nou fer sa travay Mr Speaker, set akoz lepep Seselwa in elekte nou pou reprezant zot.  E sa i vedir ki nou donn lanmen pou kree bann servis ki sa pep i bezwen.

Nou tou nou konnen klerman kisisa dezas.  Bann levennman ki ti arive lo lakot les Mahe, Praslin e La Digue i ankor fre dan nou memwar.  Alors, i louvraz MNA pou aprouv lezislasyon ki pou ede kree en departman ki annan pour bi fer prevansyon dan sa bann sitiyasyon dezas.  Par kont, i pa louvraz MNA pou al fer mitigasyon e prevansyon dezas partou dan distrik, letan ki i annan en sitiyasyon dan distrik kot i annan en irzans.  Kot i bezwen annan mitigasyon e prevansyon dezas.  Sa se travay sa departman ki nou pe ede kree ozordi.  Letan ki dan distrik i annan ki swa ros, pye dibwa, larivyer ouswa lateras grennen ki pe menas en lakaz, i travay MNA avek Lotorite Distrik pou aport sa avek lotorite konsernen.  Si i annan bann negosiasyon ki bezwen ganny fer, la Lotorite Distrik i kapab ede pou fasilit sa prosesis.  Me mon oule dir klerman ki mitigasyon dezas i pa travay MNA.  Nou travay se pou kree sa Departman ki annan responsabilite pou fer mitigasyon dezas.  Aprezan, i nou swe ki zot al fer zot travay avek tou senserite e bonn fwa ki zot posede.

Mr Deputy, a sak fwa ki en dezas i arive, i annan en kantite statistk ki sorti.  Tan e tan milyon Roupi domaz.  Tan kantite lapli.  Tan kantite lakaz ki’n ganny andomaze.  Tan kantite fanmiy ki’n ganny afekte.  Lenfrastriktir, semen, batiman piblik.  Lalis statistik i toultan tre long.  Sa ki nou toultan tant pou oubliye se ki parmi tou sa bann statistik, i annan bann endividi ki pe ganny afekte.  Dezas i toultan tous bann endividi tre for.  Sa i grandir pou vin bann fanmiy.  Apre bann kominote.  Me i annan sa kote imen ki nou bezwen toultan rapel i eleman ki pli afekte dan okenn ka dezas.  E dan nou travay, sa Departman i mon swe e sa ki pour bann zabitan Bel Air, ki zot toultan gard antet sa laspe imen dan okenn dezas.  Touzour gard en figir imen lo sa bann sif e statistik ki zot pe bezwen travay avek.  Kan ki i annan en bann case dan distrik ki demann zot latansyon, pa zis anvoy teknisyen ki pou zis strikteman get dan laspe teknik sa problenm, apre deklare ki sa i lo en later prive e pa konsern tel ou tel lotorite.  Anvoy legalman en dimoun ki kapab regard dan kondisyon imen sa sitiyasyon.  Annou get byen dan kondisyon sa fanmiy e tret zot avek dignite, zis parey nou ti a kontan ganny trete nou menm.

Si survey i ganny fer dan en distrik e nou dekouver ki serten fanmiy pe reste dan en landrwa ki potansyelman danzere, la i enportan ki i annan en bon follow up.  En rapor konpreansiv e kler i devret ganny prodwir e i devwar sa Departman ki zer risk avek dezas pou apiy MNA pou distrik, o maksimonm, dan zefor pou trouv en solisyon pour sa bann zabitan.  Annou pa zis les keksoz prolonze ziska ler ki i vin en vre danze.

Mr Speaker, pou terminen, mon oule swet bann travayer divizyon Zesyon Risk avek Dezas bokou kouraz dan zot travay.  Mon konnen ki zot pou bezwen tre kouraze.  Ankor, mon oule fer zot rapel pou touzour gard sa kote imen koman zot priyorite e pa les zot ganny gide zis par sif e statistik.  Zot travay i pa enn ki fasil.  I demann bonn fwa e en kantite senserite.  Me mon konnen ki zot pou reisir.  Sesel i bezwen zot reisir.  Mersi Mr Speaker.

 

MR SPEAKER

Onorab Esther.

 

HON NATASHA ESTHER

Mersi Mr Speaker.  Tou dezas i prezant avek li bann defi ki bezwen ganny sirmonte.  Dan lenstans kot en dezas, ki swa natirel ou ki swa en dezas koze par lerer imen i frap en pei, plizyer parti sa pei i ganny touse.  Plizyer enteripsyon sosyal, ekonomik i ganny menase e detrir.  Lavi i perdi.  Propriyete.  Lenfrastriktir i ganny andomaze e plizyer lenpakt advers i arive lo nou lanvironnman.  Avek en lemonn ki pe kontinnyelman sanze e avek menas sanzman klima global menm si Sesel i reste enn parmi bann pei pli safe dan Losean Endyen, Sesel i reste vilnerab pou ganny atake par plizyer dezas natirel.

En study ki ti ganny komisyonnen par Minister Lanvironnman ek Resours Natirel, i montre tou lendikasyon ki nivo lanmer lo kote mondyal pe monte e lo kote rezyonnal, i osi ekspekte monte dan sid was Losean Endyen.  Siklonn tropikal, logmantasyon dan kantite lapli e lafors divan i reste bann risk mazer ki Sesel i kapab vwar li pe fer fas avek.

Nou konnen Mr Speaker, ki malgre tou zefor ki en pei i fer pou protez li kont sa bann dezas, sa pei pa arive garanti 100 poursan son proteksyon.  Nou a rapel byen an 2005, zis apre 6er bomaten, letan Huricane Catherina ti tap south west USA of Louisiana.  Dan sa moman letan, tou ti tourn anba lao e les deryer en lenpakt masiv.

An Zilyet 2006, 450 lavi ti perdi an Bombay Lenn.  200 mil dimoun ti bezwen evakye zot lakour apre ki 94 santimet lapli ti ganny rICAOrde pe tonbe dan selman 24 erdtan dan sa pei.  Ankor en katastrof kot parti Bombay ti gravman ganny afekte.

Isi menm se nou, nou a rapel lenpakt Tsunami 2004 ki ti lakoz en destriksyon masiv dan Losean Endyen e Sesel pa ti ganny eparnye.  Domaz nou lenfrastriktir ki ti’n ganny evalye pour en total apepre 30 milyon Dolar Ameriken e lapes ki dezyenm pilye nou lekonomi ti seryezman ganny afekte.  Siklonn Bondo, enn parmi bann siklonn pli entans ki’n deza frap Sesel ti osi montre son lafors an 2006.  Li osi nou a rapel byen ti menas nou bann outer islands, presizaman zil Providence e Farqhuar e ki ti apre defoul lo Mahe, Praslin e La Digue.

Gouvernman e lepep Seselwa ti osi vwar zot pe bataye avek siklonn Feleng an 2013, kot Gouvernman ti bezwen deklar en state of emergency dan 3 distrik lo lakot les Mahe e lenpakt sa siklonn ti kit deryer en domaz apepre 9 milyon Dolar Ameriken.  Gouvernman Sesel, malgre tou sa ki pe pase pa pe reste lebra krwaze dan sa lalit.  Son political will pou met Sesel pare avant ou e pour asire ki son pep i ganny proteze kont okenn evantyalite i reste priyorite Gouvernman.  Sesel i angaze dan prevansyon bann risk.

An 1995, anba Lofis Prezidan, en Komite Dezas Nasyonal ti ganny met anplas.  Nesesite pou met anplas DRDM ti vin an aksyon an 2004 e li i ti ganny responsabilite pou etablir, revwar e met azour the National Disaster Preparedness Plan.  Ziska ozordi, bokou travay in ganny antreprann par sa Divizyon me i reste bokou pou fer.

Ozordi, 2014 avek plizyer leksperyans e nouvo lenformasyon lo sa size dezas, Disaster Management Bill pe ganny prezante devan nou Lasanble.  En Bill divize an 10 parti, ki pe demann sipor sa Lasanble pou premyerman legaliz sa Divizyon, Disaster Risk Management.

Mr Speaker, an zeneral sa Bill pe empower sa Divizyon pou kontinny sa travay e pran plis aksyon konkret pou redwri risk avan ou pandan dezas.  Enn parmi bann benefis sa Bill se pou permet sa Divizyon annan bann lagreman legal, bann MOU’s ek bann partners konsernen, par egzanp bann ki pou provide shelters ou lezot servis pandan okenn evantyalite.  En dezas.

En lot benefis se ki tou bann lenstitisyon gouvernmantal e bann lorganizasyon prive pou dezormen bezwen annan en plan lamenazman risk e dezas, avek bi anmenn tou lazans konsernen ansanm dan sa lalit.

Mr Speaker, annan en bon sistenm e plan preparasyon anplas pou fer fas ek en dezas e apre dezas, i sirman annan en kou finansyel atase avek.  Bill pe permet sa Divizyon annan son prop fon, kot sa Divizyon a determin kriter kot zot pou kapab fund bann proze e progranm vizavi dezas e aport lasistans neseser pour bann ki’n ganny afekte.

Direkter Zeneral, an konsiltasyon avek Minis e avek laprouvasyon Prezidan i pou osi kapab rod lasistans finansyel enternasyonal, a kondisyon ki i submit bann rapor pou siport son demann.  Sa Bill i osi fer provizyon pour manm piblik partisip koman en manm volonter avek sa Divizyon, a kondisyon ki zot zwenn bann kriter ki pe ganny mansyonnen dan sa Bill.  Bill pou osi permet bann travayer en lot Departman ou Lorganizasyon ki annan sa lekspertiz ou kalifikasyon dan domenn dezas pou vin partaz son bagaz dan okenn menas pour dezas ki frap nou.

Mr Speaker, sa i detrwa eleman enportan ki sa Bill pe ofer e ki pour ganny ranforsi, lemoman ki i vin Lalwa.

Mr Speaker, parey lezot Bill ki pas dan Lasanble, kestyon ki mwan koman Manm elekte mon distrik e zabitan  mon distrik i demande se ki fason ki sa Bill pou benefisye nou distrik.  Parey nou konnen, serten Bill i annan lefe direk lo pei an zeneral, me serten parey sa enn ki nou pe debat lo la i adres serten konponan ki tous nou distrik an partikilye.

Mr Speaker, dezas napa balizaz e parey nou konnen, ler i frape, i kapab tous tou distrik.  Distrik Baie Ste Anne boner sa lannen ti fer fas avek en gran deboulir lateras ki ti blok main road ki konekte distrik Baie Ste Anne e Grand Anse.  Sa ti paraliz serten fonksyonnman zabitan Praslin e ti fors zabitan sa zil pou servi bann lezot alternativ ki ti a zot dispozisyon parey semen, me ki pati neseserman safe e dan en bon kondisyon.  Dimoun ti pe pran diferan risk ki ti kapab kout zot lavi.

Mr Speaker, sa lateras i reste ankor en menas e en zone riske pour zabitan Praslin ki deservi sa semen toulezour e mon lapel i ki i ganny note e trete koman en priyorite par sa Divizyon, la ki nou pe debat lo sa Bill pour laprouvasyon.

Avek gro lapli boner sa lannen, serten zabitan Marie-Jeanne Estate ti vwar zot e zot lakour dan difikilte, apre linondasyon ki ti frap sa zone.  E sa ti kapab koz en pli gran risk lasante piblik, si serten travay irzan me tanporer pa ti’n ganny fer pou ede retir delo.  Pye dibwa danzere i reste konsern mazer zabitan Praslin, sirtou obor semen Marie-Jeanne Estate, ziska plato Cote D’or e plizyer lezot landrwa along the main road.

Mr Speaker, i enportan ki mon’n soulinny sa bann pwen konsern lo Praslin, avek bi ki tou Lazans konsernen i zwe zot rol ki asire ki letan i annan en dezas, minimum lenpakt i kapab ganny koze.

Parti 2, Seksyon 6 i donn Divizyon drwa, an konsiltasyon Minis pou set up lezot Komite ler zot vwar li neseser e la mon pa pou manke pou dir ki i annan en nesesite pou annan en sou komite dinamik lo Praslin, an vi ki nou zil i lwen avek main sant komann.

Mr Speaker, parti 7 Seksyon 35 sa Bill i fer provizyon pou annan bann zofisye ki pou ganny apwente par Direkter Zeneral, ki pou annan responsabilite pou enspekte e assess bann propriyete ki a risk.  Parey mon’n toultan demande, i enportan pou annan en lofis permanan baze lo Praslin, avek bann zofisye kalifye dan sa domenn e avek bi anmenn sipor pli teknik pour Lotorite distrik e zabitan an zeneral.  I osi enportan pou annan en lofis ekipe avek bann lekipman e zouti pou fer sa travay pli efektiv.

Avek dife lafore ki kontinnyelman menas nou zil e sa kantite difikilte ki nou gannyen pour ede kontrol e konbat dife letan i arive akoz mankman resours tel ki parey lekipman, difikilte pour fremen ariv lo scene dife, dimoun kalifye e train pou deal ek sa sitiyasyon, i fer ki i neseser pou adres sa bann defi, ki fer ki Praslin i ava pli byen ekipe pou deal avek sa problenm dife.

Mr Speaker, i osi enportan pou dir ki an vi ki nou en pti pei e mon santi ki i annan sa nesesite pou at least train en manm fanmiy ki enterese dan sak lakour, kot zot ava kapab ganny ekipe avek bagaz neseser, pou ede dan zot prop kominote e osi avek bi annan e ankouraz plis volonter.

A sa pwen, mon ti ava osi kontan petet demann Minis si i pa annan en nesesite pou annan en reprezantan Inner Islands lo sa Komite National Disaster Risk Management.

Mr Speaker, avek sa 2 pti mo e pwen konsern vizavi mon distrik, mon pou konklir an dizan ki sa Bill i merit sipor nou tou isi dan sa Lasanble akoz i enn ki pe ranforsi e empower bon travay DRDM dan Sesel e ki pe donn li bagaz e sipor legal pou kapab delivre e fer en travay pli efektiv e efikas.  Bill pe osi kree sa platform kot i ava annan sa travay koloborativ avek tou partners konsernen, ki Sesel ou Enternasyonal.  Ki lokal ou enternasyonal.

Avek sa Mr Speaker, mon pou aport mon sipor pour sa Bill.  Mersi.

 

MR SPEAKER

Onorab Dugasse.

 

HON MELVAL DUGASSE

Mersi Mr Speaker.  Mr Speaker, Proze de Lwa devan nou Lasanble i enn tre enportan.  I osi enn ki tous tou kous popilasyon.  Proze de Lwa pe demande ki provizyon i ganny fer pou letablisman en Divizyon pour Dezas, Risk Management, pou pli byen manage dezas dan en lapros pli konpreansiv e entegral.  Poulemoman, nou annan DRDM ki pe revwar sa laspe risk ek Dezas Management.  Disaster Risk se kontrol e fer bann analiz pou prevansyon bann risk ki ekziste.  Disaster Management i letan ti arive e ou manage sa dezas.

Mr Speaker, DRDM pe konsantre bokou lo sa domenn prevansyon e risk e sa bout disaster management li, nou vwar ki responsabilite i ganny partaze par plizyer Minister e souvandfwa, i mank bon kordinasyon ki anmenn bokou fristrasyon parmi lapopilasyon kan i annan en dezas.  La kot pour mwan, mon vwar li neseser ki nou tal byen kart ater, pour konnen kimannyer sa laspe disaster management i devret ganny pli byen deal avek akoz annou mazinen byen, se sa bout la kot nou pe travay avek viktim e kalamite i dan lapenn, lakoler e anvi vwar en solisyon imedyat.

Kan i ariv en dezas oubyen en sitiyasyon dan en distrik, 3 lakaz i kraze oubyen lateras i menas en semen, ou vwar ki bann Minister menm pa kler lekel ki adres sa size.  File i ganny anvoy kot DRDM, parler retourn Community Development. Nou pa kapab, 10an apre en dezas, nou koman MNA, nou ankor pe lager pou rezourd sa problenm o nivo distrik.  La i annan en bout kot nou’n fail.  Pour mwan, i devret ganny klerman site ki vre rol sa Divizyon.  Eski pou focus selman lo risk management e si wi, lekel ki pou focus lo disaster management?

En lot remark ki dimoun dan distrik i fer resorti se ki DRDM i pa meyer Lazans pou deal avek konsekans en dezas lo nivo lokal, me i en Lazans Lotorite Distrik e lo nivo Nasyonal, meyer Lazans se en Crisis Centre e bann Lorganizasyon parey Red Cross.  Eski sa Proze de Lwa i pran an kont rol ki Lotorite Distrik e bann Crisis Centre i devret pe zwe dan Disaster Management?

Mr Speaker, bokou mon bann koleg e menm bann avan mwan in koz lo rol Lotorite Distrik dan disaster management.  Si nou get byen, koman i ariv en dezas dan distrik, laplipar dimoun premye laport ki zot tape se Ladministrasyon Distrik.  Mon salye zefor sa Minister pour sa akoz malgre bokou defi, zot fer zot mye me souvandfwa, keksoz pa dan zot lanmen.  Premyerman, zot annan en problenm resours.  Wi.  Zot kapab deal avek bann minor work me mank resours i fer li difisil.  Nou devret pe reflesir kimannyer bann partener ki travay etrwatman avek DRDM i devret pli byen sikroniz zot travay, dan toulede laspe.  Risk mitigation e disaster management.

Mr Speaker, fodre osi mazinen byen.  Se bann Ladministrasyon distrik ki annan en group volonter ki nou apel Team Brigad dan sak distrik me eski zot ase ganny formen?  Eski zot byen ekipe?  Wi.  I annan bonn volonte me fodre ki i annan en travay entansiv e konpreansiv ki ganny fer avek zot.

Proze de Lwa, part 7, Seksyon 33(7) i egzize ki tou volonter i bezwen ganny train.  Zot osi osi bezwen ganny resours adekwat pou travay avek.  En volonter i reste touzour en volonter e sa Lazans i bezwen rod fason pou ankouraz en volonter pou reste motive.

E Seksyon 37(1) i fer provizyon ki bann landrwa travay i donn release bann volonter pandan travay e zot lapey i ganny kouver.

Mr Speaker, en lot pwen ki mon oule fer sorti se kan en propriyete prive i ganny deklare koman en zone dezas, parey dan ka mon distrik kot lafanmiy Thelermont Maldive.  Enn de repriz, deboulir later in koz bokou domaz lo diferan lakaz dan sa rezyon e finalman, zot in bezwen ganny relocate.  E sa landrwa in ganny deklare koman en zone dezas.  Me kwa ki nou pe dir letan nou deklar en landrwa koman en zone dezas?  Eski sa landrwa i permanan ganny lo la pou dimoun pa reste lo la?  Ouswa sa later i kapab ganny servi pour lagrikiltir?  Eski sa later i ganny retournen avek Gouvernman akoz ziska la, lo sa pa kler.  Sa bann detay koumsa i devret ganny seryezman diskite lo la e met okler pour evik konfizyon.

Proze de Lwa part 10, 451 i koz lo power pou pran propriyete dan letan dezas.  E 46(1) i koz lo konpansasyon.  Mon ti a kontan si Minis i elabor lo la.

En pwen enportan Mr Speaker ki mon oule tous lo la se pwen resours imen.  Kot DRDM, i kler ki zot under staff.  Menm si zot pe sey zot mye avek sa ki zot annan, i neseser pour ki sa Proze de Lwa i byen ganny enplimante, pour ki DRDM i devlop son kapasite staff.  I bezwen byen ganny train e zot devret byen konpetan dan zot domenn.  Si nou pe koz lo risk mitigation, nou bezwen byen konnen ki nou pe fer par egzanp zis 3 assessment officer pour Sesel antye i pa vreman akseptab.  Menm si distrik i anvi assess en sitiyasyon, i bezwen esper kan sa zofisye DRDM i available e sa parfwa i kree lenkonvenyans.  Mankman staff i osi dimini kapasite DRDM pou monitor travay e proze, par egzanp, Hangard Anse Etoile, en gro ros ti ganny assess koman en menas e MLUH avek laprouvasyon DRDM ti fer demolir.  Me lafason ki ros in ganny kase i ankor pe koz en danze pour piblik.  Sa i montre klerman mankman sipervizyon ek monitoring and diferan Lazans Gouvernman.  En sizesyon se ki sa Divizyon i devret desantraliz enpe son servis o nivo rezyonnal e osi pour zot travay etrwatman avek bann lezot partener.  Par egzanp, en project officer kot Minister Community Development i devret ganny train dan risk assessment, ki pour ede pou detekte risk e mitigate zot dan bann distrik.  Bann Crisis Centres, NGO’s e Lazans, zot byen ekipe an term kapasite e resours.  Fodre nou vwar fason pour nou pli byen servi zot konesans e zot servis.

Pou terminen alors, i tre enportan ki dan en Nouvo Sesel, nou Minister, Lorganizasyon i travay ansanm pour ki nou kapab pli byen zer dezas e bann risk ki asosye avek disaster management e mitigation pa devret ganny vwar koman travay en Lazans.  Selman nou tou nou devret zwe en rol pou fer sir ki kominote ki nou pe viv ladan i enn ki sen e sof.

Avek sa enn de mo, mon pou aport mon sipor pour sa Proze de Lwa tre enportan.  Mersi Mr Speaker.

 

MR SPEAKER

Onorab Vidot.

HON KEVIN VIDOT

Mersi Mr Speaker.  Bonn apre midi.  Bonn apre midi tou dimoun ki alekout.

Mr Speaker, i pa mon lentansyon pour mwan entervenir lontan lo sa Bill, me mon krwar i enportan pou mwan fer mon kontribisyon koman en Manm elekte pour distrik English River.

Mr Speaker, ler mon gets a Proze de Lwa devan nou, i fer mwan san okenn dout pa vwar okenn rezon akoz sa Bill i devret ganny rezete me mon vwar tou rezon akoz sa Bill i devret ganny aprouve.  Se pourkwa mwan, i annan en parti enportan dan sa Bill ki mon ti a kontan koz lo la spesifikman e sa se part 2, Seksyon 15 dan sa Bill. E part 2, Seksyon 15 dan sa Bill pe koze ki tou Lenstitisyon Gouvernman e tou bann prescribe private organisation i bezwen formulate en Disaster Risk Management Plan. E pour mwan sa i en keksoz ki vreman enportan e i bezwen annan enn sa plan osi pour bann lendistri, biznes, Lofis Gouvernman, lekol e lezot letablisman dan Lavil.

En plan entegral amonavi Mr Speaker, mon pe koz lo la ozordi se zis pou regard sa rezyon Lavil limenm li dan son totalite e met en senaryo anplas.  Si anka i ariv en dezas ou nenport kalamite, eski nou’n pare pou deal avek sa?  Eski nou pou kapab reakte?  zis kestyon apre kestyon mon pe demande.  Annou get en kou nou bann semen.  Eski nou annan en bon larout evakiyasyon?

Mr Speaker, ler mon get Lavil, ler mon get tou sa bann Lendistri ki nou annan Lavil.  Ler mon get lekol lanmenm.  Ler mon get konsantrasyon imen, dimoun dan Lavil, pour mwan i port en bon question mark dan mon latet e i tant mwan pour kestyonn enpe, santi mwan efreye parfwa, si i ariv en kalamite.  En legzanp ler ou get en gran lorganizasyon, en gran biznes prive parey IOT.  Si anka i annan en leakage gas laba, ki pou arive dan sa rezyon Lavil e ler nou get semen, evakyasyon.  Selman ler ou gete, ou vwar zis en larout antre, en larout sorti.  Ki arive si i ariv en kalamite dan sa rezyon e tou sa bann dimoun pe travay, tou sa bann biznes.  Ozordi nou annan nouvo building osi dan rezyon ki’n ganny fer.  Ki arive dan sa bann ka?

Ler nou get bann bato kot in stasyonnen.  Bann peser lanmenm la e lezot lenfrastriktir Anvil.  Ler nou get bann gran, gran building Anvil e tou bann dimoun i tant pou konsantre dan 2 letaz.  Si semen i bloke, annou zis mazin ki ti arive ler ti ariv Tsunami.  Bondye pitye, ti en zour week-end. En zour konze piblik aktyelman e pa ti en zour travay.  Mon zis mazinen ki ti pou arive si ti en zour travay.  Kalite komosyon ki ti pou annan?  Eski ti pou annan semen evakyasyon?

Alors Mr Speaker, set enportan pou mwan note, atraver sa Bill mon krwar i enportan ki bokou pouvwar pe ganny donnen avek Direkter Zeneral DRDM e in ganny pouvwar osi pour li kapab teste bann sistenm.  Dapre sa Lalwa, teste bann sistenm e order bann drills pou ganny fer dan bann lorganizasyon.

Mr Speaker, pour note, mon’n travay dan en lorganizasyon Gouvernman mon krwar pour en bon pe lannen e zanmen mon’n deza vwar enn sa arive.  Fransman.  Zanmen mon’n deza vwar sa arive e mon krwar la i sa letan ideal, mon krwar nou pe aranze, nou pe progrese, nou pe bouz ver sa nouvo frontyer dan ‘Sa Nouvo Sesel’.  Mon krwar i enportan sanmenm sa mon’n dir ki sa Bill i annan bokou merit devan nou Lasanble ozordi e se pourkwa nou merit siport li e bouz fortman delavan e pour komans enplimant sa bann keksoz.  Enkli pour nou Lasanble Nasyonal kot nou sitie ozordi.  I annan en semen antre pou nou vin kot nou Lenstitisyon ozordi e en semen sorti.  So, mon krwar ki DRDM, ansanm ek Minister konsernen i devret asize osi avek Land Transport, Minister Zafer entern ek Transpor e vwar bann evantyalite.  Si okenn keksoz i arive, ki nou kapab fer.

E parey Albert Einstein i dir, en zonm i bezwen vwar sa ki i ete, keksoz ki i ete la me pa vwar keksoz ki pa et.  Mon krwar nou pa bezwen tro al far fetched Mr Speaker, kot nou pou al rod bann keksoz ki pa ekziste.  Me ozordi larealite Sesel se nou semen i koumsa.  Me ki nou fer avek sa kalite semen ozordi e ki bann lezot alternatif ki nou annan anplas ki pour ed nou anka i annan en dezas, anka i annan en kalamite, pou nou evakye nou bann dimoun e sov bokou lavi kot nou kapab sove.  I pa en keksoz ki mon swete pou vwar Sesel, kot nou annan en gro dezas.  Parey nou dir, ler nou get definisyon dezas, ouswa en kalamite ki vreman orib, me selman nou pa konnen ki arive demen.  Me selman nou bezwen prepar nou lekor avan i tro tar.

Mr Speaker, mwan mon ti a kontan Minis si i kapab koz en pti pe avek nou ler dan son Reply e dir nou ki plan i pou annan dan en landrwa parey Lavil.  Lavil Victoria e bann distrik dan sa rezyon.  Si i ariv en problenm dan sa landrwa e ki son Minister, atraver DRDM, atraver lezot Minister ki ekziste, ki an partenarya zot kapab travay lo en plan.  Pa zis sak lorganizasyon prive travay lo son prop plan personnel, me en plan entegral pou distrik Lavil limenm li e tou bann biznes dan sa rezyon e lekol English River e parmi lezot.  Mazinen, Bus Terminal i osi Anvil.  Kwa ki kapab arive dan sa sirkonstans.

Mon krwar i en bon Bill Mr Speaker e mwan san okenn dout, mon pou vot lo la me mon ti a swete osi ki Minis i kapab eksplik nou kimannyer Madanm Gomme English River, kimannyer lafanmiy Henri Ma Joie e lezot mon bann dimoun ki’n pas atraver bann dezas dan lepase.  Bann problenm.  I dir pa dezas.  Bann problenm dan lepase.  Ki fason la atraver ki nou pou vot lo sa Lalwa, ki zot pou neseserman ganny asiste atraver DRDM dan en laspe teknik me osi dan en laspe finansyel, kapab asiste nou distrik.  Pour asiste sa bann dimoun pou redwir risk ki kapab ganny koze otour zot lakour e dan nou rezyon ki i kapab afekte lezot lakour osi byensir.  Akoz nou souvandfwa vwar nou Mr Speaker, kwense nou tousel.  Kekfwa nou pa bann expert dan sa domenn.  Nou bann politisyen.  Nou pa bann expert e nou annan nou prop field spesifik.  Nou pa bann expert dan sa domenn me nou ti a kontan lasistans Biro DRDM ansanm ek Minister konsernen pou vreman asiste nou pour nou asiste nou dimoun.  Mon krwar sa ki primordyal la, se nou dimoun i ganny asiste e toultan i annan en kestyon mon demann mon lekor, sak fwa mon pou vot lo en morso Lalwa, ouswa mon pou koz lo la se ki fason sa Lalwa pou benefisye mon zabitan English River e zabitan Sesel an zeneral.  So, mon ti a kontan Minis ti a eksplik mwan ki fason mon zabitan, mon bann dimoun ki pas dan sa bann serten problenm i pou pou ganny asiste, ouswa i kapab vwar en semen ouver.  I kapab vwar en laklerte dan zot problenm, atraver sa Lalwa.

Mr Speaker, parey mon ti dir, mon pa pou neseserman long me i enportan mon fer sorti sa pwen pour mon rezyon Lavil ki mon santi i en landrwa ase riske ozordi si i ariv okenn keksoz.  E mon ti a kontan Minis i vreman fer en Reply lo la.  Mersi bokou Mr Speaker pou zot letan.

 

MR SPEAKER

Onorab Marie.

 

HON MURIELLE MARIE

Mersi Mr Speaker.  Bonn apre midi a tous.  Mr Speaker, le 28 Zanvye 2013, Sesel ti fer fas avek en Dezas Natirel, nonmen Feleng ki personn pa ti pe ekspekte.

Mr Speaker, sa kalamite i ankor vivan dan bokou memwar.  Mon distrik Au Cap ti anrezistre 127 ka menm zour, ki konpri pou nonm enn de, lateras grennen, delo dan lakaz, semen inonde, laferm inonde, later rouz dan lakaz e osi lo semen, miray grennen.

Le 28 Zanvye Mr Speaker, i en zour inoubliyab ki mon pa pou zanmen bliye e mon pa ti a voudre ankor viv sa senaryo.

Mr Speaker, les mwan eksplike.  Tou sistenm kominikasyon ki DRDM ti’n idantifye pour kominikasyon, sirtou dan Biro Ladministrasyon Distrik pa ti pe fonksyonnen.  Menm mobil Administrater Distrik pa ti pe fonksyonnen.

Mr Speaker, sa zour ti en tes pour nou tou.  Menm kalite transpor ti vin en lobstak.  Vi ki avek linondasyon lo semen, pa tou transpor ki ti kapab sirkile.  E sa ti kree fristrasyon enorm pou sekour bann viktim.  Bann propriyete transpor ki ti’n ganny idantifye pou asiste pour evakyasyon ti ezite pou servi zot transpor akoz ti napa en gidans kler lekel ki pou responsab si i ariv okenn domaz avek zot transpor.  Mr Speaker, menm ti napa ase lekipman pou protez bann volonter, zot ti determinen pou asiste.

En lot defi Mr Speaker, menm landrwa ki ti’n ganny idantifye pour dimoun evakye ti inonde.  Ti napa akse.  Tou semen ti inonde avek delo.  Lakour bann dimoun dan plato ti inonde.  Mr Speaker, lenportans akoz mon komans mon lentervansyon lo sa Bill avek sa pti revi ki ti pase dan mon distrik.  Sa pou montre pep Seselwa, spesyalman zabitan Au Cap vre merit e lenportans akoz mon bezwen donn tou mon sipor sa Bill.

Mr Speaker, dan sa Bill i koz lo kreasyon sa Divizyon e son lenportans dan konteks sipor pou distrik e pei an zeneral.  Nou konnen ki DRDM ti deza ekziste koman en Divizyon me i ti napa en Lalwa pou gid li e donn li sa lenportans neseser parey pe ganny konsidere ozordi dan sa Bill.  Sa Bill i osi fer provizyon pou prepar en Nasyonal Disaster Management Plan Strategy, ki annan pou fer avek polisi dezas Nasyonal.  Sa i enportan pour nou kapab fer en travay pli efektiv e bokou pli byen kordinen dan pei e mon distrik osi.

Mr Speaker, an vi ki sa Contingency Disaster Plan ki mon distrik ti annan, ki date depi 2008, ki pa’n zanmen ganny update.  Parey zot a kapab konstate, sa plan pa ti efektiv ditou dan mon distrik zour dezas 2013.  Mon pou rekomande ki i ava annan plis travay an partenarya avek mon distrik pou revwar sa Contingency Disaster Plan. Pou asire ki i en plan ki efektiv e konpativ avek spesifisite mon distrik.  Distrik a travay avek sa Divizyon pou asire ki tou bann fakter enportan i ganny pran an konsiderasyon, pou kapab deal avek okenn sitiyasyon ki kapab arive dan lefitir.

Mr Speaker, sa Bill i osi fer provizyon pou sa Divizyon annan manda.  Parey Minis in mansyonnen, pou monitor, kordinen e donn bann direktiv an relasyon avek bann mezir preparasyon, ki pou pran par tou bann Lenstitisyon Gouvernman, bann lorganizasyon non-Gouvernmantal, Sekter Prive e kominote an zeneral.  Sa pou vreman enportan akoz i a permet nou ganny en gidans kler lekel ki responsab tel keksoz e kote nou pou pran direktiv, pou evite ki nou mont lo lipye kanmarad.

Mr Speaker, sa Bill i osi koz lo bann fonksyon dapre manda sa Divizyon ki reflekte bann stratezi neseser pou idantifye e fer resers pou kapab devlop bann mezir prevansyon e koman pou azir dan bann tel sitiyasyon.  Dan sa konteks, mon swete ki DRDM i ganny ase resours, tel ki resours finansyel, resours imen, lekipman adekwat.  Sa i ava ede ki sa Divizyon i a kapab fer bann evalyasyon, resers e fer bann analiz profon lo teren.  La mon pe koz dan mon distrik Au Cap.

Mr Speaker, sa i pou mye osi kapab devlop bann bon plan e stratezi prevansyon, pour evite ki nou fer fas avek menm sitiyasyon parey 2013.

Mr Speaker, sa Bill i pe osi fer provizyon pou ankouraz e siport bann devlopman soutenab dan lakominote, kot i konsern lentervansyon, avek bi redwir risk e lenpakt bann diferan danze ki i pou kapab fer fas avek.  Dan sa konteks, i pou permet annan en mekanizm anplas, pou asire ki bann lentervansyon apropriye i ganny fer davans.  Par egzanp, i a permet DRDM pou ede koup bann pye dibwa ki en menas pou piblik an zeneral.  Pou regard dan posibilie pou konstrir sa pon dan mon distrik Green Estate e rezourd sa problenm drenaz ki ti en gro konsern e ankor en konsern depi zour dezas 2013.

Mr Speaker, sa Bill pe osi fer provizyon pou annan en plan e kordin bann progranm training spesyalize pou tou dimoun ki pou enkli dan dezas e osi bann lezot volonter.  Mon pe sizere ki apre sa training, bann volonter pa zis ganny en sertifika, me osi ganny badge ofisyel pou idantifye zot koman bann volonter e sa i a permet lakominote pou idantifye zot.  E mon santi mwan fyer ki sa Bill osi pe fer provizyon pou sa bann volonter ganny proteze anba en lasirans pour okenn domaz ler zot pe ede pandan dezas, ki avan ti napa en gidans kler.

Mr Speaker, mon apresye pou vwar ki sa Bill osi pe fer provizyon pou annan en progranm pou edik e sansibiliz dimoun pou vin pli responsab an relasyon avek dezas.  Pou servi bann mekanizm neseser pou enform e fer piblik vin pli konsyan lo sa size dezas.  Pou asire ki zot donn plis korperasyon neseser.  Sa Bill ava ede pou ankouraz partisipasyon manm piblik pou vin pli responsab.  Ki zot a kapab netway bann dren devan zot lakour.  Met dalo avek zot lakaz.  Rod permisyon avan kas lateras, pou nonm enn de.

Mr Speaker, sa Bill pe osi fer provizyon pou Direkter Zeneral sa Divizyon devlop e mentenir en Directory ki Minis in koz for lo la, ki konpri tou non e nimero kontak bann Lenstitisyon Gouvernman, Sekter Prive, lorganizasyon osi non-Gouvernmantal ki involve dan dezas e osi zot rol.  Mon sizere Minis, ki sa Divizyon i update sa lalis ase souvan.  Zis pou fer resorti ki sa Directory ki mon distrik ti annan, le 28 Zanvye 2013 zour Feleng pa ti efektiv akoz pa ti’n ganny update depi 2008, akoz tou kontak ki ou ti fer, ou pa ti gannyen.

Mr Speaker, mon rekonnet e apresye ki mon distrik Au Cap in benefisye en bon pe anba sa Fon Dezas ki ekziste a ler aktyel.  Me fodre note ki i annan ankor bokou pou fer konsernan bann problenm ki siklonn Feleng in kit deryer, sirtou dan bann lakour dimoun vilnerab dan mon distrik.  E la, mon distrik in bezwen vwar li pe fer en kontribisyon total R753,740.  Plis ki lanmwatye larzan proze distrik pou sa lannen, pou kapab adres sa bann konsern ki dezas in kit deryer 2013.  Sa i konpri R350 mil ki nou bezwen an partenarya avek SLTA ek Lanvironnman pour nou kapab rezourd sa problenm drenaz kot laboutik Desaubin, Vision 2000 ki en konsern pou zabitan e osi pou pei.  R335,740 pou konstriksyon bann pti miray, pon e drenaz dan diferan sou-distrik ki an rezilta lateras grennen e gro delo ki ti andomaz zot propriyete ek akse piblik zour dezas.  R68 mil pou koup pye dibwa ki ti en menas pou bann lakour ek lenfrastriktir zour dezas 2013.

Mr Speaker, sa Bill pe donn manda sa Komite pou kree en fon anba non National Disaster Risk Management Fund, ki pou permet zot rod bann mwayen sours finansyel lo nivo lokal e osi lo nivo enternasyonal, an kolaborasyon avek Minister Zafer Etranzer, ki pou ganny servi pandan letan dezas.  E osi, i pe fer provizyon pou zot kapab fer bann fund raising a baz zot Divizyon.

Mr Speaker, pou terminen, mon swete ki mon distrik a kapab ganny sipor finansyel neseser anba sa fon dan lefitir, pou kapab enplimant bann proze, pou rektifye bann domaz koze par dezas, olye servi larzan dan proze distrik, ki ti’n kapab ed lakominote avek lezot proze.

Mr Speaker, mon pou donn mon sipor sa Bill.

 

MR SPEAKER

Onorab Jeannevole.  Mersi.

 

HON BEGITTA JEANNEVOLE

Mersi Mr Speaker.  Mr Speaker, devan nou Lasanble ozordi, en Lalwa ki pou permet letablisman ki zer risk ek dezas pli byen kapab perform son fonksyon e lo en pli gran lanpler.  En morso lezislasyon tre enportan pou proteksyon pa zis nou dimoun, me osi nou lanvironnman.  Nou’n vwar ki dega ki’n arive pandan gro lapli an Zanvye 2013 dan rezyon les pei.  Travay pou anpes lenpakt sa linondasyon i menm ankor pe ganny fer.  Mont Fleuri, en distrik avek topografi tre eleve i pa ganny eparnye par dezas natirel li osi.  Zanvye 2011, nou ti ganny tape ek en gro lapli ki ti koz deboulir later, kot menm en lavi ti perdi an rezilta sa.  Lo rICAOrd, 14 lakaz ti ganny afekte ek lateras grennen e en miray an ros ti bezwen ganny konstrir pou anpes sa aksyon repet son lekor e pou kapab tenir semen ki par lao.  Menm dan en pli pti lanpler, a sak fwa ki en pti lapli i tonbe, en fanmiy dan Hermitage son lakaz i ranpli ek later rouz.  En lot dan Foret Noire, delo i antre ladan.  En lot dan leo Foret Noire i dan lafreyer akoz si lateras i kontinnyen grannen, son lakaz i riske tonbe.  Depandan lo lakantite lapli ki tonbe e ranpli larivyer Rochon, laba osi delo i riske monte ziska kot lakaz.

I enportan alors annan en Lazans ki kordin tou sa bann aktivite, an vi ki nou kot Lotorite Distrik nou pa bann eksper lo kontrol lateras grennen ou anpes delo monte.  Alors, nou bezwen lekspertiz sa Lazans.

Mr Speaker, parey lezot entervenan avan mwan in site, plizyer Kapital in ganny diverse pou konstrir swa en miray, swa en drenaz apropriye pou swa elev nivo semen, avek bi proteksyon nou pep e son propriyete.  En Gouvernman ki envestir dan son dimoun.  Me anmenmtan, i enportan note ki okenn leta pa oblize fer sa, menm ek larzan tax son dimoun.  Kantite i ankor pe fer tou le lannen par bann pti proze distrik, pou redwir risk danze ki dezas natirel i kapab annan.

Se dan sa menm loptik Mr Speaker ki mon pou profit lokazyon pou demann nou dimoun pou nou vin enpe pli rekonesan anver led ki nou gannyen.  Gouvernman pa pou kapab elimin tou problenm dezas alafwa dan pei.  I parfwa demann en zefor lo nou menm, pour ki avan nou konstrir, nou get byen otour, ki danze ki kapab annan e esey rezourd li.  I vre ki ou priyorite sa moman se en twa lo ou latet pou protez ou fanmiy, me sa proteksyon i nepli la letan ki ou’n refize pou fer en miray par deryer, pou anpes later antre letan lapli.  I enportan annan dalo ek lakaz e osi en drenaz apropriye pou delo koule letan lapli.

Mr Speaker, me i osi annan en lot group ki zot, zot pa an danze, me ki met a risk lezot par kas lateras par anba, san realize ki zot pe met lavi zot vwazen par lao an risk.  Permet mwan Mr Speaker, pou ilistre sa enn ek en legzanp.  En propriyeter i aste en morso later e i oule komans konstrir.  Pandan son konstriksyon, i realize ki i kapab agrandir son propriyete, si zis i kas lateras par deryer, san pran an kont ki ler i pou fer sa, i pe met an danze sa lakaz ki par lao son later.  E se sa ki arive, ziska ki Lotorite Planning ti entervenir pou donn en stop notice lo konstriksyon dan sa landrwa.  Me Mr Speaker, problenm pa rezourd.  Sa propriyeter i senpleman aret konstrir, i kit tou keksoz parey, me dousman dousman, a sak fwa ki lapli i tonbe, lateras i kontinnyen grennen e sa fanmiy ki par lao, san kont lezot lakaz ki dan zalantour, zot vwar zot an danze.

Mr Speaker, mon’n ganny dir ki i nepli dan lanmen Planning Authority, an vi ki napa konstriksyon ki pe ganny fer.  I osi pa dan lanmen DRDM akoz napa okenn dezas ki’n arive.

Mr Speaker, parey en entervenan avan mwan in mansyonnen, problenm dezas i souvandfwa pa ganny rezourd akoz file i sanz lanmen tro souvan e nou pa konnen lekel ki pou pran tel responsabilite.

Alors Mr Speaker, se sa mon parti dezapwentman dan sa Bill devan nou ozordi.  Sa Bill i ankor pa pe mazin prevention is better than cure. Sa Bill pa pe donn sa Lazans sa manda pou rezourd en problenm avan ki i arive.  Anmenmtan ki mon realize ki pli gran responsabilite i merit lo sa propriyeter limenm.  Par egzanp dan sa ka, se sa msye ki li in kas sa lateras e met sa lot lakaz an danze.  Aksyon i merit osi ganny pran pou obliz sa dimoun fer en miray, malgre i pa ankor ganny konstrir.  Me ki arive si sa dimoun i senpleman refize fer li?  Se sa ki pe arive aktyelman.  Ki arive si sa dimoun i senpleman mazin vann sa later ek en lot e i retir sa lour lo li e sa lot san konnen, i pou pran li detrwa lannen avan i mazin konstrir li osi e se nek kan i pou submit son plan pou konstrir ki la i pou ganny avertir ki i annan en danze dan sa landrwa.  Mon dilenm Mr Speaker se sa lakaz ki par lao e sa kominote.  Inosan i souvandfwa pey pou le koupab dan bann lenstans parey.  Lavi imen i an danze, laspe lanvironnman i an danze e sa i kapab afekte pa zis lekonomi sa fanmiy, me osi pei.  Alors Mr Speaker, i kapab vin en dezas.

Mr Speaker, zis par leksperyans mon bann lezot koleg Onorab ki’n ganny afekte bokou plis ki Mont Fleuri, mon konnen ki kantite larzan ki ganny depanse letan en dezas in fini arive.  Se pour sa ki mon pe mazinen ki i osi enportan ki sa Lazans i mazin rezourd problenm avan i arive, ki i pou kout pei pli pti gin larzan.

Mr Speaker, mon ti a apresye si Minis dan son larepons i kapab eksplik nou akoz ki sa nouvo Lalwa pa pe enkorpor sa laspe lo prevansyon dezas.  Wi, mon note Mr Speaker, ki dan parti sa Bill, Seksyon 4(j), sa Lazans pou donn lasistans teknik dan preparasyon Disaster risk Management Plan me nou dan distrik, nou santi ki lasistans teknik pa ase.  Nou pe espere alor, ki lasistans finansyel site dan parti 5 sa Bill i osi tous tou bann laspe prevansyon dan distrik olye zis rezourd dega ki’n fini arive.

I enportan note osi Mr Speaker ki sa Lalwa pa pe protez zis sa ki anploye ek sa Lazans, me osi bann volonter.  Nou bann manm Brigad dan distrik, tre aktiv i souvandfwa vwar zot an danze dan pe perform zot fonksyon.  Ek sa Lalwa, zot osi zot ganny proteze.  Byen sagrinan osi, ki serten volonter pa ganny release dan son travay pou li al ed en lot.  Ek sa nouvo Lalwa, en volonter ki anrezistre DRDM i kapab ganny proteze menm dan son travay akoz son labsans pou ed en lot ki dan bezwen.  Tre byen alor.

Se avek sa Mr Speaker, ki mon pou donn mon sipor pou sa Bill, avek bi ki nou bann problenm dezas dan distrik i trouv en solisyon menm si pa deswit.  Mersi Mr Speaker.

 

MR SPEAKER

Onorab Rose.

 

HON MARIE-ANTOINETTE ROSE

Mersi Mr Speaker.  Mr Speaker, mon ti a kontan entervenir brefman lo sa Proze de Lwa ki devan nou akoz mon krwar i annan serten pwen ki bezwen ganny fer.  E mon’n ekout bann Manm ki’n koze apre midi lo sa Proze de Lwa e mon krwar en sel pwen ki annan an komen se ki bann Manm Lasanble Nasyonal zot napa zis en rol lezislatif dan Lasanble, me zot annan en rol enportan koman bann frontline leaders, koman bann community leaders.  E zot annan en rol primordyal ler i annan en dezas akoz zot premye dimoun ki en manm piblik i telefonnen ler i annan en sitiyasyon dezas.  E zot osi sa menm dimoun ki sa manm piblik i kontinnyelman telefonnen ler zot sitiyasyon pa ganny rezourd.  Me zot osi bann Manm ki napa resours pou rezourd sa problenm.  Zot bezwen pe kontinnyelman negosye avek Gouvernman, negosye avek plizyer Lazans e en kantite fwa, zot vwar zot pe negosye avek plizyer Lazans lo menm problenm e en Lazans i dir ou, me mwan mon pa fer sa.  Mon pa deal avek disaster prevention.  Mon deal avek disaster management.  En lot Lazans i dir be mon napa resours pou rezourd sa problenm.  En lot Lazans i dir be donk mwan mon napa resours imen, oubyen mon bezwen al fer feasibility study.  Oubyen mon bezwen al fer en nouvo plan daksyon, oubyen nou bezwen revwar polisi, oubyen nou bezwen revwar Lalwa.  E nou trouve alors ki en sitiyasyon dezas i kontinnyen reste en risk pour piblik.  Lannen vini lannen ale e Manm Lasanble i kontinnyelman pe toultan bezwen reponn piblik sa kestyon, kan mon problenm pou ganny rezourd akoz mon krwar i annan en mank kordinasyon etrwat ant bann Lotorite Distrik, bann frontline leaders e Gouvernman.

Mon felisit Gouvernman alors pou anmenn sa Proze de Lwa, pou tal kart ater.  Pou met keksoz ater pou dir vwala kad legal dan ki nou pou operate ler i annan en disaster.  Me sa pa rezourd tou problenm.  Sa pa rezourd problenm pratik.  Sa pa rezourd problenm ki arive ler sa manm piblik pou kontinnyen dir mwan, mon annan en ros par lao mon lakaz.  Avanler sa ros i roule, i tonbe, i fer dega, i kraz mon lakaz e i kraz 15 lakaz par anba, lekel ki responsab pou sa?  Mon krwar sa ki bann Manm Lasanble Nasyonal pe met devan.  Nou bezwen pa zis pe fer Crisis Management.  Nou pa kapab sak fwa i annan en disaster, nou met nou ansanm, nou taye, nou al dan labou, nou al dan lapli, nou koz ek manm piblik, eksetera.  E ler soley i tape, ou a dire nou tou nou bliye sa dezas i ankor la.  Sa problenm i ankor la.  Sa manm piblik serten zot, zot annan problenm.  Alors mon krwar, sa pwen i bezwen ganny fer.  I fantastik.  Nou annan en zoli Proze de Lwa ki nou siporte me nou bezwen annan en fason ki pragmatik, ki practical, ki pa zis reaktiv me prevantiv an sa ki konsern disaster management.  E pwen ozordi it’s not just management, it’s prevention. Mon pa konnen si prevention is part of management, what you term as management me i annan en gran eleman prevention ozordi.  E en kantite manm piblik pou tonm dakor avek nou ki par egzanp nou bezwen:- e Minis in deza koz lo la dan Lasanble.  Nou bezwen annan nou, enn fwa pour tou annan, mon konnen nou napa resours me annou met zefor ansanm.  Annan nou en progranm elimin bann pye dibwa danzere akoz sa bann pye dibwa ki danzere, enn fwa letan, zot ti bann tipti pye dibwa zot.  Zot pa ti danzere ditou.  E se enpe neglizans lo lapar manm piblik, lo lapar nou tou ki sa bann pye dibwa in grandir.  Alors, nou bezwen annan nou, e sa in lo nivo distrik.  E se distrik ki kapab identify sa bann problenm, sa bann pti keksoz.  Koz avek manm piblik, dir li.  Be madanm, ou annan en pti pye frisiter obor ou lakaz, koup li la anvanler in grandir.  Konnen, i bezwen annan en travay kordinen ki nou, nou santi.  E mon krwar nou’n koz lo lapar tou Manm Lasanble akoz mon osi mon en District Leader.  Mon en Community Leader. Nou santi ki ler soley i tape nou tant pou negliz en pti pe bann problenm ki ler lapli i tonbe.  E ler lapli i tonbe nou tou nou taye anba parasol, nou gete, nou koz ek piblik.  Nou very fast on moving during disaster but very slow ler napa dezas.  E mon krwar sa i en konsern reel.  Mon konnen Minis, nou’n koz en kantite fwa lo la.  Mon konnen ou en dimoun ki vreman lo teren ler i annan problenm.  Ou vwar pour ou menm me ou bezwen annan dan ou Minister e bann lezot Departman ki konekte avek ou, bann dimoun ki osi dinamik, ki kapab fer keksoz arive.

Mon konnen par egzanp ki ler dezas in tap dan nor, Belombre, Beau Vallon Desanm, i annan unresolved issues ziska ozordi ki amonavi personnel i kapab ganny rezourd deswit, zis par en pti pe plis zefor.  E pa fodre ki Minis i dir vin fer sa.  I bezwen annan en sistenm ki pick up lo limenm.  E la mon krwar Onorab, i annan en Onorab ki’n koze avan mwan ki’n koz lo konpansasyon e mon krwar i kler ozordi e nou bezwen fer li kler avek nou manm piblik, lekel ki entitle a konpansasyon.  Dan en sitiyasyon dezas, kimannyer nou mezir konpansasyon?  Lekel ki entitle to en konpansasyon?  Akoz nou pou vwar nou lannen ale, lannen vini pe kontinnyen donn konpansasyon ki mon krwar ladan.  Mon krwar nou bezwen ed en manm piblik ler i annan problenm.  Me olye ed li fer prevansyon.  E sa larzan konpansasyon parfwa i plis ki sa larzan prevansyon ki nou ti kapab ede rezourd sa problenm.

I osi annan kestyon lasirans ki bezwen vin an jeux. Mon konnen dan sa Lasanble, pour bokou lannen nou’n lager pou annan en Scheme Lasirans pou Fermye dan bann sitiyasyon dezas.  E nou’n reisir ganny li e bokou travay i bezwen ganny fer avek bann fermye.  Me i annan en kantite dimoun e nou’n dekouver sa e soke pou realize ki i annan en kantite manm piblik ki pa pran lasirans.  Pa krwar dan lasirans.  Pa anvi invest dan ed son prop lekor.  I pa met dalo ek son lakaz.  I kit dren annan en ta fey ladan.  E zour delo i monte dan son lakaz, i ekspekte Lotorite.  Lotorite savedir MNA vin rezourd son problenm.  E mon krwar la, i enportan ki nou annan en dyalog avek nou piblik.  Nou fer zot konpran poudir lasarite i komans dan lakour.  Lotorite i la pou ed ou e nou bezwen zis get bann pei deor ler i annan bann sitiyasyon dezas, how long it takes.  How long it takes pou en dimoun ganny ede.  Nou isi, nou bann dimoun i ekspekte ganny ede dizour a lannmen, ki parfwa i posib, parfwa i pa posib.  Me i bezwen annan sa konversasyon ki ganny fer e i bezwen annan si ou oule, en eleman ledikasyon ki vin an jeux.  Nou pa kapab toultan pe donn konpansasyon.

Apre i annan en pwen ki’n ganny fer, se the management of disaster from office.  Disaster cannot be managed from an office.  Mon krwar i bezwen annan en lofis kot dimoun i la, i pe kordinen, pe regard ki pe arive, i pe monitor, mon pa konnen, bann graf.  I pe gete si plis lapli pou tonbe eksetera.  Mon bezwen dan sa lalinny Mr Speaker, felisit par egzanp nou sistenm kominikasyon radyo ki tre efektiv isi Sesel ler i annan en disaster.  Zot les nou konnen ki pe arive.  Ki bor kot lateras in grennen eksetera.  Me i bezwen annan zonm ek fanm ki pare pou al devan laport dimoun, pou al lo teren e sa pa zis louvraz zis MNA. Disaster pa ganny manage just from a phone.  Nou bezwen la e mon kontan ki nou pe rekonnet bann volonter.  Me bann volonter, i en group dimoun ki annan lezot travay pou fer.  Lezot preokipasyon e parfwa nou’n konstate.  Minis i konn tre byen ki kantite volonter dan dezas.  Zot menm zot, zot en viktim dezas.  E en kantite volonter napa sa kapasite.  Zis zot vini avek pyos, avek lapel pou tir delo dan rigol.  Me nou bezwen bann volonter enpe pli spesyalize.  La mon felisit par egzanp Red Cross kot bann volonter, afen kapab fer bokou plis ki zis ek en pyos ek en lapel pou tir delo.

Par egzanp, nou annan nou Mr Speaker, nou Lafors Militer ki en group rezerv lafors ki kapab donn koudmen e zot vini donn koudmen.  E nou bezwen angaz zot pou zot kapab vin en relief group.  En group spesyalize dan donn sekour.  San ki nou met dekote sa lespri volontarya, me nou bezwen kapab fer sa.

Sa i enn de pwen Mr Speaker, ki mon ti anvi fer lo sa Proze de Lwa, se ki fantastik.  Nou annan en zoli Lalwa ki Gouvernman in realize apre dernyen dezas Feleng, ki nou bezwen en kad legal pou fonksyonn anbala, me nou bezwen pragmatic, nou bezwen practical dan laplikasyon sa Lalwa.

Mr Speaker, avek ou permisyon, mon annan en seri lamannman ki mon’n soumet devan Lasanble me ou Lofis in osi port a mon latansyon substantial amendment ki mon ti a kontan propose.

Dan part 4, Section 39(4), pou nou delete the figure 15 days to replace it by 7 days.  And then after the word ‘President’, we insert ‘and the National Assembly’, e sa i in line with Section 41(3) of the Constitution.

Mr Speaker, avek ou approval mon ti a kontan osi soumet sa substantial amendment.  Mersi bokou.

 

MR SPEAKER

Ok. Mon krwar bann lamannman ki ou ti’n inisyalman sirkile i bann lamannman ase senp.  Me sa dezyenm lamannman i annan lenplikasyon konstitisyonnel.

Nou pou al dan en staz la kot nou ti a voudre ganny lopinnyon Gouvernman avek Atorni Zeneral lo sa ki ou’n fek propoze.  Avan nou donn Minister the Right of Reply, lo lefe ki pou neseser ranplas 15 zour par 7 zour e insert ‘National Assembly’.  Basically, anlinny avek sa ki Konstitisyon i demande.  Yes Minister.  Ou kapab ………  Request.

 

MR VICTOR POOL

Ok. Bonzour tou Manm.  Bonzour Mr Speaker e tou Manm Lasanble.  E sa lamannman ki Mr Speaker in propoze, nou aksepte akoz i an konformite avek Konstitisyon e nou napa okenn problenm ek sa lamannman.

 

MR SPEAKER

Ok.  Ok. Mersi.  E nou ava alor demann Minister pou fer son Reply. Fodre pa nou anmenn bann Zofisye AG souvan isi en.  Zot kas nou ….  (Laughter) Minister, yes. Kase.  Request Minister. La.  Request.

 

MINISTER ROLPH PAYET

Mersi bokou Mr Speaker.  Mersi bokou tou bann Onorab ki’n pran laparol.

Dan mon repons, mon anvi abord zot bann pwen ki zot in fer sorti a 2 nivo.  Premyerman lo nivo dezas limenm.  En dezas se en levennman vreman konpleks akoz ou pe deal avek repons en levennman natirel ouswa zenere par aktivite zonm.  Son lenpakt lo lasosyete dan en konstriksyon, en lanvironnman ki dinamik, ki pe sanze.  Li osi pe kontribye anver sa bann diferan sitiyasyon ki dimoun pe fer fas avek.

Letan nou get atraver lemonn, annou pran Lavil San Fransisco, i ganny konstrir lo San Andreas Fault ki en landrwa earthquake.  Letan nou get Tokyo, in ganny konstrir lo en landrwa earthquake.  Malerezman nou bann imen, nou pa enterese avek bann dezas ziska ler i ariv lo nou.  E sa nou vwar atraver lemonn, kot bann diferan Lavil, bann diferan konsantrasyon dimoun i ete.  Nou vwar sa bann landrwa in ganny konstrir dan bann landrwa ki fer fas avek bann risk bann dezas.  So, mon’n zis fer sa pti lentervansyon pou zot kapab konpran konpleksite behaviour imen avek son lanvironnman, son lanatir.

Nou dezyenm pwen se Sesel, parey zot konnen, i pa en pei ki’n sibir avek bokou dezas.  Alor, otomatikman nou sistenm sosyete i pa entegre ladan, prevansyon dezas.  Se pour sela, i vreman difisil pou nou tou ki la, pou Gouvernman, pou tou Lenstitisyon ki travay avek sosyete pou anmenn dan nou lespri sa prevansyon dezas.  Mon kapab fer menm en pti survey isi dan sa lasal, konbyen dimoun ki annan detrwa bwat bef dan lakour, ki annan en tors ek batri ladan, ki annan detrwa labouzi ek zalimet, ki annan detrwa lezot pti keksoz dan lakour, anka en dezas i arive.  Dan serten pei, i enportan.  Si ou napa sa bann keksoz, ou riske perdi ou lavi.  Pa akoz sa dezas, me akoz sa mistake ki ou’n fer, pou pa prepar ou pour en dezas.

E malerezman Sesel, nou take, parey sa lekspresyon angle i dir, things for granted. Nou bliye ki nou reste lo en zil.  Nou bliye si i annan en dezas, nou annan nou Airport, nou akse avek lemonn i ganny koupe.  Si i annan en dezas dan nou por kot tou nou bann marsandiz i ganny store, nou pou annan rationning, ouswa nou pa pou kapab kontinnyen manz parey nou manze.

Si i annan serten domaz ouswa leksplozyon ki arive avek nou bann tenk kot nou store petrol avek delwil, i pou afekte nou fason kimannyer nou kapab reponn, ouswa nou bann lekipman marse e menm prodwi elektrisite ki nou take for granted toulezour.

Alor, pou handle en dezas ouswa pou prevant en dezas, i en keksoz vreman konpleks akoz nou pa pe zis deal avek en kalite dezas, swa en Tsunami, swa en lapli ki’n tonbe.  I ganny manifeste dan diferan form.  E pou Gouvernman organiz li pou kapab respond avek sa bann diferan form dezas, par egzanp resaman nou ti annan sa spill amonia dan en Lakonpannyen.  I enportan ki pa zis annan en Proze de Lwa, me osi annan diferan striktir anplas, kot tou dimoun i travay ansanm.  Tou dimoun i vwar i annan son rol pour li zwe.  Sa Lakonpannyen li, i annan son rol pou li zwe, ki met anplas sistenm safety and response dan en sitiyasyon en dezas.  Sa Lakonpannyen limenm li, i bezwen fer son risk assessment tou le lannen.  I bezwen donn training son staff.  Sa Lalwa i fer nou provizyon pour nou enspekte sa bann landrwa.  Me parey osi lo nivo Nasyonal, lo nivo kominoter.  Nou’n pran linisyativ parey zot konnen DRDM pou devlopman dan sak distrik en plan daksyon.  Sak distrik i annan enn.  I kout en bon pe larzan.  Pa parfe, me nou’n fer en komansman.  I annan distrik in pran in met dan, pre obor bin.  I annan distrik ki pa ni konnen ki bor i ete.  I annan distrik letan zot fer sanzman dan ladministrasyon zot pa fer handing over.  I annan MNA pa konnen i ekziste.  E bokou travay i ganny fer.  Bokou zefor i ganny fer, me i mank nou sa consistency. I mank nou sa disiplin pou nou kapab, letan nou met en sistenm anplas, pou nou fer sir nou annan follow up. Sa i pa zis dan domenn dezas, i dan domenn lasante, i dan domenn ledikasyon.  I nou fason fer.  E mon krwar koman en Nasyon, i enportan ki nou komans realize poudir i annan sistenm ki nou met anplas, nou bezwen nou, fer sir ki sa bann sistenm i marse.  E i pa zis en Lotorite ki kapab fer sa sistenm marse.  Se nou tou ki dan pozisyon responsabilite.  Ki nou tou ki dan pozisyon enstitisyonnel ki kapab fer sa sistenm marse.  In ganny fer sorti lo nou Register.  Wi, DRDM i responsab.  Dapre Lalwa la, i pou fer li mandatwar ki i maintain sa Register.  E menm malgre i anvoy request serten Lorganizasyon pou ganny lenformasyon lo lekel sef ki’n sanze, lekel operater ki’n sanze.  Sa Lorganizasyon pa reponn.  E la i bezwen pran ankor sipor administrativ.  Eski zot krwar i fair pour mwan demann DRDM pou recruit ankor staff pou nou tay deryer bann Lorganizasyon, pou fer sir zot donn nou lenformasyon ki nou bezwen?  Mon krwar sa i pa pe servi byen nou resours ki nou annan pou servi.  So, i enportan ki tou Lenstitisyon i zwe zot rol.  Tou Lenstitisyon i vwar poudir preparasyon, prevansyon e reponn anver dezas i enportan pour nou tou.  I enportan pou nou kapab protez nou lekor, nou fanmiy, nou bann aki personnel, nou bann aki Nasyonal e pli enportan ki sa, nou lekonomi.  Bokou pei i fer fas avek dezas.  Mon annan en senp legzanp, Haiti.  I fer fas avek en gro dezas, ziska ozordi, sa pei i ankor pe struggle pour zot kapab etablir zot koman en Nasyon.  Pou zot kapab komans fonksyonnen ekonokmikman.

Mon’n donn zot en ka ekstrenm, me selman i montre ou poudir lenpakt i pa zis personnel ouswa lo lakaz, me osi can be o nivo Nasyonal kot i annan lenpakt lo nou lekonomi.

Bokou bann Manm Lasanble in koz lo bann pti levennman ki nou annan, kot en lakaz, kot 2 lakaz e ozordi mon anvi met lafaz ankor lo la.  E mon ti al vizit en case kot Onorab Dugasse Anse Etoile, fresh semenn pase, kot mon’n vwar pour mwan menm en dimoun ki’n vini, ki’n koup lateras parey Onorab Jeannevole in dir.  E i pa sel ka.  I partou dan nou tou, kot nou koup lateras san mazin vwazen, san mazin nou prop safety nou zanfan letan nou pa la, si sa lateras i grennen akoz nou anvi ganny ankor 1 ou 2 met pou nou kapab fer nou lakaz.  Mon krwar ozordi nou’n prouve.  Nou annan ase legzanp dan Sesel pou montre kimannyer nou kapab fer lakaz lo bann slope.  Ki nou kapab fer bann lakaz lo stab, lo bann landrwa ki sa.  I annan bokou legzanp.  Me malgre tousala, nou pa efektiv pour nou kapab prevant bokou sa bann levennman pou arive.  I annan ka kot Planning i kapab anpese ki en sitiyasyon i arive me i annan ka kot letan ou leve lannmen bomaten, ki ou vwar lateras in fini kase.

Wi.  Sa Proze de Lwa i fer provizyon pour nou devlop regilasyon, pou annan bann penalti, pou annan bann fines me selman alafen dizour, i pa senpleman enforcement ki pou rezourd problenm.  Mon krwar nou bezwen plis sansibilizasyon, plis ranforsman onivo dan nou lekol.  Sa sansibilizasyon, akoz nou’n vwar poudir sansibilizasyon pou dezas i pa zis parmi nou bann adilt, me osi parmi bann zenn akoz zot demen ki pou fer lakaz.  Zot demen ki pou moter sa lekonomi.  Alor i enportan zot osi zot ganny enkli dan sa preparasyon, dan sa ledikasyon pou redwir risk.

Mon dakor avek tou sa ki bann Manm ki’n dir konsernan prevansyon.  Si nou ti kapab envestir dan prevansyon, sa larzan ki nou ti pou met dan prevansyon ti pou pa ni menm en kar ozordi sa larzan ki nou depanse pou nou fer disaster respond, ouswa pou nou kapab remet en keksoz ki’n al mal drwat.  E sa mon pa pou montre okenn ledrwa.  I atraver tou lakous sosyete.  Tou lakous sosyete i pran responsabilite pour bann sitiyasyon ki nou annan ozordi.  I pa en problenm ki zis kot Gouvernman,.  I en problenm dan nou kominote, i en problenm lo nivo endividyel, i en problenm osi dan nou Sekter Prive.  E mon krwar letan nou koz lo dezas, letan nou koz lo rediksyon risk, i en keksoz ki mon krwar i komans avek nou koman endividyel.  I bezwen grandir dan sa lorganizasyon ki nou ete e grandir o nivo Nasyonal.

Mon zwenn avek mon bann koleg Onorab ki’n felisit bann Brigad distrik.  Mon pou osi azoute ki nou bann koleg, bann Ponpye, bann Firemen, bann Lapolis, bann dimoun Militer ki la toultan pare pou travay pou kapab dir, redwir okenn risk, ouswa pour remet pei back lo son lipye.  Me ki nou vwar?  Dan dernyen dezas Feleng, mon annan menm dimoun Militer i vin kot mwan, i dir mwan.  Mon pare.  Mon pe travay pour mon pei.  Me letan mon pe travay pour mon pei, mon vwar sa sa bann prop endividi ki zot menm zot, zot in ganny afekte, asize dan lakour, zot pa pe fer zefor pou vin travay ansanm avek mwan, pou donn lanmen pour tir later, pou nou tir delo pou nou retourn keksoz back to normal.  E sa mon krwar i en mantalite, i en latitid ki nou, nou bezwen sanze isi dan Sesel.  Pa akoz nou annan Militer, pa akoz nou annan Firemen, pa akoz nou annan sa bann Brigad ki nou prezan nou bezwen asize dan nou fotey dan lakour e les zot travay.  Mon krwar sa konsept volonter i ganny entrodwir dan sa Lalwa i byen, me selman i devret al pli lwen ki sa.  Nou devret vwar nou tou.  Nou tou koman bann volonter dan en sitiyasyon dezas akoz nou tou nou kapab zwe en rol pou nou redwir okenn lenstans kot en lavi i ganny perdi, ouswa kot sa dezas i agrave, i vin pli gran ki sa.  So, mon ti a kontan fer en lapel avek tou Seselwa ki nou zwe nou rol, donn nou sipor kot nou, dan nou kanton o nivo Nasyonal letan Sesel i fer fas avek en dezas.

Kestyon prevansyon i pa zis lo kote devlopman me osi lo kote maintenance.  E sa in ganny raise par en Onorab.  Mentenans i osi en keksoz ki malerezman pankor tro antre dan nou kiltir.  Nou pase partou, nou vwar bokou bann lenfrastriktir, bokou bann, menm bann veykil, menm bann sistenm ki napa mentenans ouswa napa en progranm mentenans.  E mon krwar i vreman enportan ki nou komans devlop sa kiltir mentenans akoz atraver mentenans, i pou redwir en kantite bann risk ki ozordi, ki nou fer fas avek.

Letan nou mentenir en lanvironnman prop, ki tonm dan mon portfolio par egzanp, nou redwir risk maladi.  Risk Chicungunya, risk Malarya, risk lafyev Dengue, risk lera.  Tousala i kapab anmenn dezas pour nou pei.  Letan nou avoid pou nou pa zet salte dan dren, ouswa nou balye tou nou later, nou bann salte nou zet dan dren, nou redwir risk linondasyon.  Mon’n vwar bokou ka kot linondasyon in arive, kot nou pa’n pran swen pour nou mentenir nou bann dren.

Konsernan bann fon.  Sa i toultan en topik ki tous nou tou.  Si nou ti annan tou larzan dan lemonn, nou still ti pou annan dezas.  Sa mon garanti zot, akoz parlerm, se pa larzan ki rezourd problenm, se mon krwar, se nou fason fer.  Nou latitid, nou fason fer, nou kontribisyon, nou klervwayans, nou travay ki nou pe fer dan prevansyon mon krwar ki parler, ki ede pou redwir lenpakt.  Nou annan bokou pei ki pa sitan ris, me ki annan en bon sistenm prevansyon dezas.  E nou vwar sa pei pa soufer sitan bokou ki bann lezot pei kekfwa ki pli ris.  Ki annan plis larzan, plis teknolozi a zot dispozisyon.  E mon pa pou al lwen.  Mon pa pou sit okenn legzanp.  Me selman mon kapab montre zot legzanp 2 pei.  Enn ki napa bokou larzan e enn ki annan plis larzan e kimannyer zot in deal ek en dezas.  Alor, se nou fason kimannyer nou organiz nou lekor.  Nou fason kimannyer nou servi sa larzan ki nou annan e nou fason kimannyer nou met anplas bann striktir, mon krwar i zwe en gran rol pou nou kapab adres e prevant dezas.

Selman, permet mwan pou mwan koz enpe lo bann fon.  Lo fon nou ti annan sa fon ki Prezidan Michel in set up, ki nou apel the National Disaster Relief Fund e dan sa fon, nou vwar poudir sa fon in ed apepre, mon annan en pti sa la.  En pti rapor.  303 lakaz.  Savedir bann lakaz ki ti ganny afekte.  E sa mon krwar i signifikan.  Fermye, 79 fermye in ganny ede.  Bann pti lantrepriz e bann pti biznes, 34.  E apre, en bon proporsyon sa larzan in ale pou bann proze drenaz onivo distrik.  So, i annan bokou ki pe ganny fer.  I vre finans pa ase.  Selman keksoz enportan ki sa Proze de Lwa i fer, sa Bill i fer ozordi se permet nou pou nou akse lezot finansman.  I osi permet nou deblok finansman ase vit, sirtou dan ka en dezas, akoz malgre nou pa kapab fer prevansyon pou en tsunami, akoz en tsunami i kapab arive dan en lot rezyon ki vreman i tap nou.  Nou bezwen toudmenm prepare, kimannyer nou recover.  Nou retourn back to normal apre en dezas ou tsunami. So, i vreman enportan ki nou kapab annan akse avek fon enternasyonal pour nou kapab fer sa travay.  E mon remersi zot ozordi pou donn sipor sa Bill akoz sa Bill i annan sa bann provizyon enportan ki permet nou ozordi, si i annan en dezas mazer, pou nou kapab annan akse avek sa bann fon.

Mr Speaker, dan mon lentervansyon pou ferm mon lentervansyon, mon anvi reasir bann MNA ki mon sansib anver zot travay ki zot fer lo nivo distrik.  Wi.  Mon konnen zot lo frontline.  Mon konnen ki zot bann premye kontak onivo distrik.  E mon pou fer bokou pou kapab donn zot sa sipor pou zot kapab fer zot travay onivo distrik.  Mon krwar mon tim dan Minister pou kontinnyen travay avek zot, pou kontinnyen donn zot sa sipor.  Wi.  Parler nou pa kapab pran aksyon imedyat.  Parler wi.  Nou bezwen fer en letid.  Parler wi.  I annan sitiyasyon ki nou ti kapab evite pou arive me nou osi nou operate parey zot konnen, dan bann konstrent ek bann limit ki nou operate ladan.  Kapasite imen i enn bann konstrent ki nou annan.  Nou pe kontinnyen train. Nou DG DRDM fek graduate sa lannen, spesyalize dan reponn dezas.  Nou pe anvoy ankor nou bann staff pou train e parey mon’n dir, dezas i ase konpleks.  Nou pa pe zis deal ek dezas natirel parey bann dezas meterolozik.  Nou osi deal ek dezas endistriyel, dezas tsunami. Alor i enportan ki nou kontinnyen envestir e nou kontinnyen ganny zot sipor pou envestir dan devlopman e ranforsman DRDM. E dan sa 10an mon krwar DRDM in fer bokou zefor, in met bokou anplas e mon ti a voudre ozordi dir zot poudir DRDM pou kapab adres tou bann problenm ki zot in mansyonnen la apre midi me i pa posib e i pa fezab.  Me selman i pou kontinnyen devoue, bann staff pou kontinnyen travay pou kapab adres bann problenm ki nou fer fas avek.  So, mon ti a kontan donn zot lasirans Gouvernman, lasirans bann diferan Departman, pour nou kapab amelyor lo kordinasyon akoz osi avek pli bon kordinasyon nou kapab vin pli efektiv e vin pli performan an term prevansyon me osi an term reponn anver dezas.

So, avek sa Mr Speaker, mon ti a kontan remersi ou avek ou bann Onorab pou siport sa Bill. Mersi bokou Mr Speaker.

 

MR SPEAKER

Bon, in ler pou nou pran en vot.  Tou bann ki anfaver?  Napa personn ki kont.  Mon a ganny mwan en Formal Second Reading.

 

THE DEPUTY CLERK

A Bill of an Act, to provide for the establishment of the Disaster Risk Management Division for the effective management of disaster, through a comprehensive and integrated all hazard approach and for matters connected therewith or incidental thereto.

 

MR SPEAKER

Request.

 

HON MARIE-ANTOINETTE ROSE

It’s working now. (Technical Problem)

 

MR SPEAKER

Ok, okenn ki segonde?  (Technical Problem)

 

 

MR SPEAKER

Ok, zis segonde.  Tou bann ki anfaver, lev zot lanmen?  Personn pa kont.  Bon, mon a ganny mwan en Motion for Third reading.  (Technical Problem)

 

MR SPEAKER

Okenn ki segonde?  (Technical Problem)

 

MR SPEAKER

Tou bann ki anfaver lev zot lanmen?  Okenn ki kont?  Mon a ganny en Motion for Third Reading. Mon a ganny en Third Reading, sorry.  Non, i pa pou soz, zis fer Third Reading.

(Technical problem)

 

MR SPEAKER

Bon, nou’n ariv alafen travay pou ozordi.  Nou’n osi ariv alafen travay pou sa term e nou pou rise lo Recess Ziska le 9 Septanm.

 

(ADJOURNMENT)