::
Home » Verbatim » Verbatim - Second Term 2014 » Tuesday 24th June, 2014

Tuesday 24th June, 2014

NATIONAL ASSEMBLY OF SEYCHELLES

Tuesday 24thJune, 2014

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou bann Manm Lasanble Nasyonal, bonzour Minis ek son delegasyon, bonzour tou bann ki pe ekout nou dan lakour.

Osi parmi nou dan Galeri se bann sitwayen trwazyenm az sorti dan distrik Cascade ki pe vin obzerv Lasanble Nasyonal ozordi bomaten.  Mon ava dir avek zot osi byenveni e bonzour.  E nou ava komans avek Question Time. E ozordi avek nou se Minis pou Lasante.  Minis Mitcy Larue ki vin reponn plizyer kestyon konsernan son Minister.  Nou a komans avek kestyon 59.  Onorab Souris.

 

HON MIRENA SOURIS

Mersi Mr Speaker, bonzour Mr Speaker, bonzour Minis ek ou delagasyon, bonzour tou Manm Onorab, bonzour tou bann envite dan Galeri e tou bann oditer ki alekout.  Mr Speaker, kestyon i lir koumsa, eski Minis pour Lasante i kapab dir ek sa Lasanble, si i dan plan son Minister pou teste sistenm preparedness dan okenn dezas nasyonal.  Mersi Mr Speaker.

 

MINISTER MITCY LARUE

Mersi Mr Speaker.  Bonzour Mr Speaker, bonzour tou Manm Lasanble, bonzour bann envite isi dan Lasanble e tou dimoun alekout.

Mr Speaker, en dezas i ganny defini koman en enteripsyon serye ki ariv preski san okenn avertisman e ki menas lavi; ou koz lanmor ouswa blesir mazer ki enplik en group dimoun.  Plizyer sitiasyon i kapab ganny konsidere koman en dezas.  Depi en aksidan avyon, en lepidemi, ziska en linondasyon ki enplik plizyer viktim.  Dan sa bann sitiasyon, i neseser pou mobiliz e kordin bann resours ek servis konsernen.

Pour sa, i en enportan ki anplis ki i annan en plan detaye avek bann lenstriksyon lo bann prosedir dirzans, i enportan ki bann striktir i ganny etablir a lavans.  E ki tou dimoun konsernen i konn son rol pou asir en repons byen kordinen dan sak sitiasyon.

Dan ka okenn dezas, mon Minister i zwe en rol enportan pou anmenm sekour e asir byennet bann dimoun deplase.  Donn premye swen bann ki’n ganny afekte, fer bann evakiasyon medikal e asire ki lasante piblik pa ganny konpromi.  An sa ki konsern teste sa sistenm preparedness, mon kapab konfirmen ki plizyer legzersis in ganny fer e kontinnyen ganny organize par sa lekip ki responsab pou lenplimantasyon sa plan.

I annan bann similasyon dan form en Tsunami dan Losean Endyen.  En sistiasyon izans kot Erport Point Larue e pli boner sa lannen, Minister ti fer similasyon e legzersis kot ti’n sipoze annan en lemisyon gas kot lekol Anse Royale.  Sa ti en loportinite pou nou teste bann diferan konponan nou plan preparedness. Sa i konpri konbyen letan nou pran pou kominikasyon, transpor e medikal.

Fodre realize ki Minister Lasante, pa tousel dan sa bann sistayon.  Reaksyon tou Lazans konsernen parey Land Transport, Lapolis, Fire Brigade, Larme e sirtou kordinasyon DRDM, i osi ganny teste dan en similasyon.  Apre sak legzersis, i annan en rankont kot performans tou Lazans i ganny evalye.  Bann lafors ek febles, i ganny idantifye e sak Lazans i travay lo bann leson ki nou’n tire dan sa levennman.

Osi an kolaborasyon avek DRDM, i annan plizyer legzersis e pli boner sa lannen, sa kantite lapli ki koz sa bann linondasyon ti teste effectiveness nou plan.  Pa lontan apre ki Minister Lasante ti fer sa similasyon kot Lekol Anse Royale, ti aktyelman annan en lensidan lemisyon gas ammonia kot SeyBrew.  E selman Dimans pase, nou’n ganny lensidasn dife lo bato ton.  Fodre fer remarke, ki si en plan preparedness pa ganny teste, i perdi son sans vitman akoz sak sitiasyon i diferan.  Sirtou avek bann sanzman klima, i pa posib konnen ki kalite dega ki pe menas nou.

E mon oule fer note osi ki 2 semenn pase, 2 Konsiltan ki sorti WHO, ti pe ed nou pou devlop en Health Sector Plan pou Emergency Preparedness.  Zot in donn nou en Road Map e tre byento, sa plan i a vin anfors.  Mersi Mr Speaker.

 

MR SPEAKER

Okenn siplemanter Onorab Souris?

 

HON MIRENA SOURIS

Mersi Mr Speaker, Mr Speaker, baze lo larepons Minis, an vi ki sa bann seri similasyon ki’n ganny fer, eski Mini si kapab dir ek sa Lasanble, si i annan okenn leson ki’n retire dan baz pou fer training pou koriz bann febles ki Minister in vwar pandan zot evaliasyon.  Mersi.

 

MINISTER MITCY LARUE

Mersi Mr Speaker, wi Mr Speaker, dan tou sa bann similasyon ki’n fer i annan febles.  I annan febles e byensir parey mon’n dir nou evalye nou bann febles e nou met anplas mekanizm pou nou adres sa bann febles pour ki en lot similasyon ler nou fer, sa in kapab ganny rektifye.  Mersi Mr Speaker.

 

MR SPEAKER

Onorab Vidot.

 

HON KEVIN VIDOT

Mersi Mr Speakr, bonzour tou dimoun ki alekout.  Mr Speaker, anlinny avek larepons Minis, souvandfwa dan bann moman kritit se kordinasyon ki ganny afekte, ouswa ki annan en baz ladan.  Eski Minis i kapab dir nou kwa ki pe ganny fer pou kapab amelyor lo la e how often ki zot fer bann tel teste sa sistenm ki’n koz lo la.  Mersi bokou.

 

MINISTER MITCY LARUE

Mersi Onorab, nou oule fer li.  Nou pa kapab fer li tro souvan akoz i demann en kantite resours.  Me selman nou oule baz li lo petet en baz tou le 3 mwan, kot nou kapab fer en similasyon pou nou teste nou, teste nou sistenm.  Me avek sa Road Map ki nou’n gannyen e nou plan ki nou pou gannyen byento, nou pou kapab vreman konnen egzakteman kimannyer nou pou organiz nou dan bann tel dezas.  Mersi Mr Speaker.

 

MR SPEAKER

Onorab Samson.

 

HON DEREK SAMSON

Mersi Mr Speaker, bonzour.  Bonzour tou dimoun.  Mr Speaker, mon ti a kontan demann Minis, i an kestyon lo kapasite nou Sistenm Lasante reazir anver kalamite, dizon en avyon kraze Erport.  Eski son Minister i annan en plan, dizon en plan adisyonnel kimannyer nou pou kapab reazir, eski i annan dimoun ki kapab ganny mandate pou ede dan ka kot nou pe ganny bokou dimoun ki pe soufer dan serten kalamite dizon parey kot en avyon i kraze.  Ki reaksyon son Minister i kapab annan.  Mersi.

 

MINISTER MITCY LARUE

Mersi Mr Speaker, wi Onorab par egzanp, nou annan en lakor avek La Reunion.  Akoz La Reunion i travay tre pros.  Nou annan osi Dr Henriette ki vreman sa dimoun ki ansarz nou Emergency. E definitivman, sa lakor avek La Reunion se pou ed nou si an ka dirzans nou bezwen lasistans.  E lo kote lokal osi, nou annan bann landrwa kot nou pe idantifye an ka nou ariv annan en aksidan kot nou bezwen plis landrwa pou met nou bann dimoun.  Definitivman, sa pe ganny pran an kont, akoz nou pa kapab mazin ozordi.  Nou bezwen mazin pou lefitir, okenn kesoz i kapab arive dan pei.  So, nou pe definitivman, nou pe travay lo tousala pou met li anmars e sa plan osi ki WHO in ed nou avek, pou ed nou pou nou kapab vwar tou sa bann, kordin tou sa bann kesoz pou fer li vin pli efikas.  Mersi Mr Speaker.

HON MARIE-ANTOINETTE ROSE

Mersi Mr Speaker, bonzour tou dimoun.  Mr Speaker, mon ti a kontan demann Minis si dan sa plan preparedness, zot annan lentansyon aste bann lekipman, etan donnen ki Sesel i en pei ki surrounded by the sea.  Aste bann lekipman ki pou ed nou sirplas Sesel pou fer fas a en sitiasyon dezas.  Par egzanp en decompression chamber. Mersi.

 

MINISTER MITCY LARUE

Mersi Mr Speaker, aktyelman, dan Lopital nou annan nou en store.  En store kot nou annan nou tou nou bann lekipman an ka okenn kalamite.  Nou annan deza, me anmenmtan, WHO i osi ed nou bokou, i ed nou bokou avek bann lekipman ki nou bezwen pandan bann letan dezas.  Ki swa en dezas linondasyon,  ki swa lezot kalite dezas.  Me nou toultan annan lekipman.  Me si i neseser nou kapab fly in lezot lekipman osi vit ki posib.  Mersi Mr Speaker.

 

MR SPEAKER

Kestyon 60, Onorab Barbe.

 

HON NICHOLE BARBE

Mersi Mr Speaker.  Mr Speaker, tou dimoun, bonzour.  Eski Minis responsab pour Lasante, i kapab enform sa Lasanble, si apard training medikal ki bann Health Care Professionals pe gannyen, eski son Minister pe konsider annan training adisyonnel dan Customer Service Delivery osi.  Mersi.

 

MINISTER MITCY LARUE

Mersi Mr Speaker, mersi Onorab.  Mr Speaker, mon Minister i konsider tou loportinite lantrennman e devlopman ki tou travayer Lasante i gannyen koman enportan.  Osi en kantite lanfaz i ganny mete pou ogmant konesans ek kapasite tou travayer.  Customer Service Delivery i en topik ki vreman enteres mon Minister en kantite e ki Departman Resours Imen pou met en gran lanfaz lo la.  Dan sa dernyen 2an, preski tou travayer Lasante in swiv serten formasyon.  E a sak enstans ki zot vin ansanm, in annan en loportinite pou enkli en eleman Customer Care.  I enportan pou ki tou travayer Lasante i komann en nivo konesans e konpetans dan lafason ki zot kominik avek zot siperyer, zot koleg, lezot profesyonnel, zot pasyan e piblik anzeneral.

Progranm lantrennman ki staff Lasante i swiv, i ganny konsidere apropriye pou sa travay ki zot fer e sa i en legzersis kontinnyel.  Lefe ki mon Minister pe konplet en Training Plan pou sa prosen 5an, training dan customer Care Service Delivery, pou pran en plas tre enportan.

Prezidan Michel in osi met bokou lanfaz dan son Diskour le 18 Zen e osi dan son mesaz lo Public Service Day, lo lenportans kalite servis ki Servis Piblik i delivre.  Donk, dan sa prosen 5an, Minister i oule pran en holistic approach kot i konsern training, olye focus selman lo training medikal.  Nou rekonnet lenportans training medikal, me nou santi e realize ki travayer Lasante i bezwen lezot skills parey, effective communication skills e customer care skills ki tre enportan dan Minister Lasante akoz nou pe deal ek dimoun malad e fanmiy ki anba bokou stress ler zot pros i malad.

Sa training byensir, nou bezwen organiz li pou diferan target group.  Par egzanp, mon a donn legzanp lo nou front line staff. Bann Resepsyonnis, bann Health Information Assistant.  Training pou bezwen ganny designed pou adres bann pwen feb ki’n deza ganny obzerve atraver bann lenspeksyon pandan travay.  Bann Health Care Assistants, training pou vize ver medikal, teknikal e osi customer care vizavi bedside care e patient care, Emergency preparedness.

Anmenmtan, nou bezwen devlop lezot skills dan nou staff, akoz customer training lo limenm, li tousel, i pa sifi.  Lezot landrwa ki nou bezwen kouver se, par egzanp basic health communication, barriers to communication, emotional intelligence, professional boundaries in Health and care approach.  Relationship communication, tousala i bann laspe ki nou bezwen antrepann avek tou nou staff.

Apre bann training, nou pou osi met anplas mekanizm pou monitor nou bann staff. I enportan ki nou fer sa.  Mon krwar ki si nou met vreman lanfaz lo training customer services dan sa holistic approach, nou Minister pou vreman amelyor kalite servis ki nou delivre.  E sa, i ava anmenn bokou satisfaksyon a lapopilasyon.

Me mon ti a kontan osi note ki menm avek tou training ki nou pou fer, i annan osi sa laspe latitid ki nou bezwen vwar koman adrese, akoz nou kapab fer training, training, training me si sa latititid, sa kiltir ki souvandfwa bokou nou travay i annan e dan Sesel anantye pa sanze, pa bokou keksoz ki pou kapab ganny fer.  Alors vwala rezon akoz nou bezwen osi annan en sistenm kot nou monitor nou bann dimoun tanzantan pou vwar si sa training in efektiv ou non.  Mersi Mr Speaker.

 

MR SPEAKER

Onorab Barbe, okenn siplemanter?

 

HON NICHOLE BARBE

Mr Speaker, baze lo larepons Minis eski Minis i kapab donn en pti pe detay sa Lasanble, lo sa sistenm monitoring ki in koz lo la, mersi.

 

MINISTER MITCY LARUE

Eski ou kapab repet ou kestyon please.  Sorry.

 

MR SPEAKER

Request.

 

HON NICHOLE BARBE

Mr Speaker, baze lo larepons Minis, eksi Minis i kapab donn detay sa Lasanble lo sa sistenm monitoring ki ou’n koz lo la Minis, mersi.

 

MINISTER MITCY LARUE

Par egzanp letan, parey mon’n dir, nou pou pran lo sa diferan areas ki nou pou pran, nou pou fer nou training lo sa diferan.  Par egzanp lo basic health communication, kimannyer pou kominik avek pasyan, kimannyer pou annan sa care ki nou donn nou pasyan, bedside care and so on. Tou sa bann, kimannyer nou resevwar piblik.  Me tousala i bezwen ganny monitor, akoz annan de fwa nou fer training me apre napa sa monitoring, nou pavwar si nou bann dimoun in ganny keksoz e si zot pe met sa ki nou’n aprann osi an aplikasyon.  Alor i enportan ki nou annan en sistenm monitoring anplas pou nou vwar si nou training i efektiv, kimannyer i pe marse e si i pe anmenn en amelyorasyon dan servis.  Me si non, nou bezwen vwar koman pou adres sa bann weaknesses. Mersi Mr Speaker.

 

MR SPEAKER

Onorab David Payet.

 

HON DAVID PAYET

Mersi Mr Speaker, bonzour tou dimoun.  Mr Speaker, eski Minis i kapab enform sa Lasanble, si son Minister i anvizaze antreprann en sondaz lo lespektasyon konsern e fristrasyon manm piblik avek Servis Lasant Piblik avek bi pou adressa bann problenm dan en fason sistematik e dirab.  Mersi Mr Speaker.

 

MINISTER MITCY LARUE

Mersi Mr Speaker, poulemoman nou met bann bwat konplent dan tou bann Servis Lasante.  I annan bann bwat kot dimoun i kapab met zot konplent, kot zot evalye servis ki zot pe ganny ofer.  Zot dir nou ki bann problenm, ki bann issues.  I annan bann konplent ki vin kot Customer Care Service, i annan bann konplent ki vin dan mon biro personnel, dan biro Sekreter Prensipal, dan biro Health Care Agency. Tousala byensir nou asiz, nou analize e vwar bann konplent e met anplas prosedir pou nou adres sa bann konplent.  Akoz nou konnen, i annan en kantite ankor keksoz ki mal ki pe ganny fer dan nou bann servis e dimoun pa apresye.  Alor nou bezwen, tousala nou pe regarde e dan toulemwan nou anmase nou regarde e nou evalye e nou vwar kote nou bezwen sanze.  Kwa ki bezwen ganny fer e bann dimoun i ganny dir krwa ki mal, kwa ki fodre adrese.

I annan en prosedir anplas ki nou fer sa.  Me selman parey mon dir, nou bezwen al en pti pe plis osi ver dimoun pou nou eksplik osi dimoun.  Akoz dimoun osi i annan en rol pou li zwe.  I annan en rol enportan pou li zwe li osi letan i vinganny servis kot Lopital.  I 2 kote sa, dimoun i zwe son rol e nou kot servis Lasante nou zwe nou rol.  Alor i enportan ki toulede i konpran kanmarad e nou bann dimoun dan Lasante i gannny dir a tou moman, ki zot bezwen annan sa leker konpasyon akoz nou pe deal avek dimoun ki malad.  Nou bezwen annan en smile lo nou figir a tou letan.  Si nou annan nou problenm nou kit dan lakour me nou vin travay avek en smile pou nou delivre sa servis de kalite.  Anmenmtan mon fer resorti, latitid i sa pli gro problenm ki nou pe lager avek e nou pou kontinnyen, nou pou fer sir ki alafen nou bezwen reisir pou nou kapab donn en meyer servis nou popilasyon.  Mersi Mr Speaker.

 

MR SPEAKER

Onorab Edmond.

 

HON ROMA EDMOND

Mr Speaker, prenan kont nivo sansibilite lenportans atase avek en tel size, eski Minis i kapab enform sa Lasanble ki model ouswa industry best practice, son Minister pe servi ouswa konsider servi pou sa bann tel lantrennman adisyonnel dan customer service delivery. Mersi.

 

MINISTER MITCY LARUE

Sorry, mon pa’n tro konpran ou kestyon.  Mersi.

 

HON ROMA EDMOND

Prenan kont nivo sansibilite e lenportans atase avek en tel size, eski Minis i kapab enform sa Lasanble ki model, ouswa industry best practice, son Minister pe servi ouswa pe konsider servi pou sa bann tel lantrennman adisyonnel dan customer service delivery.

MINISTER MITCY LARUE

Mersi Mr Speaker.  Mr Speaker, i annan diferan model ki nou regarde letan nou pe prepar nou plan.  Byensir, i annan diferan model ki nou vizite e byensir sa bann model osi ganny anmennen dan konteks Sesel.  Akoz nou pa kapab zis pran model Singapore anmennen met lo nou.  Nou bezwen vwar sa bann model kimannyer zot zot fer epi ansanm avek nou kalite kiltir Sesel, prezan nou aplik li dan lafason ki nou kwar nou pou kapab vreman fer sa diferans letan nou pe fer nou training. Mersi Mr Speaker.

MR SPEAKER

Kestyon 61, Onorab Souris.

 

HON MIRENA SOURIS

Mersi Mr Speaker.  Mr Speaker, kestyon i lir koumsa. An rezilta sa knowlegde,attitude, practice and behaviour letid lo popilasyon pou vwar konesans, labitid, pratik e konportman lo seksyalite, eski Minis responsab pour Lasante, i kapab enform sa Lasanble plan son Minister pou Youth Health Centre. Mersi Mr Speaker.

 

MINISTER MITCY LARUE

Mersi Mr Speaker, mersi Onorab.  Rezilta sa CAB study ki ti fer an 2012 lo Mahe, Praslin ek La Digue, ti konsantre lo dimoun laz 15 a 64an e sa resers ti konsern li avek bokou konesans sa bann dimoun lo maladi HIV/AIDS ek maladi transmet par sex.  Ki latitid e lopinyon dimoun anver bann ki viv avek HIV/AIDS.  Ki kalite pratik e konportman i annan dan sa popilasyon lo sa bann size.

Sa letid ti osi rod lenformasyon lo bann sibstans koman drog ek lalkol.  Rezilta in montre nou, ki konesans ek latitid dimoun, in sanze konpare avek en lot latitid ki ti viz ver sa 2 konponan an 2003.  Parkont, statistik i montre ki dimoun espesyalman zenn, ankor pe angaz zot dan bann aktivite ki riske.  Par egzanp, sex ki pa’n plan e avek plizyer partner san ki zot servi okenn proteksyon, sirtou condom.  Linyorans lo kimannyer HIV i ganny transmit.  Stigma e diskriminasyon anver bann ki viv avek HIV/AIDS. Bann rezilta disan ti montre en prevalans ba pou HIV.

Depi ki Sant Lazenes in ouver son laport an Avril 1994, plizyer zenn in pran loportinite sa servis e zot ankor pe kontinnyen vini pou plizyer rezon.  Mon Minister in ziska aprezan, travay an etrwat kolaborasyon avek profesyonnel dan Minister Ledikasyon ek Konsey Nasyonal Lazenes pou amelyor bann progranm ki vize ver bann zenn e entansifye sa bann progranm prevansyon.

Statistik ki sa letid in prodwir, i sepandan levidans kler ki tou bann lentervansyon i bezwen ganny byen kordinen pou asir sikse bann progranm pou lazenes.  Gide par bann rekomandasyon en latelye ki ti ganny fer an 2012, Sant Lazenes pe travay lo sa bann lobzektiv swivan.  Enn, amelyor akse e lizaz tou servis ki annan pou lazenes.  Ki sa swa edikasyonnel, medikal, sosyal e rekreasyonnel ki a ede pou form en zenn konplet.  Travay an paretenarya ek lezot Lorganizasyon, ki target zenn pou adres bann konsern tel ki lansentman anba laz, lavortman, labi sibstans e bann maladi ki transmet par sex.

Ranforsi progranm peer education dan bann lekol pou ed zenn, zot menm gid lezot koleg pou fer bann bon desizyon anver zot Lasante.  Amelyor Servis Lasante zenn pou vin pli youth friendly kot zenn a santi zot pli alez pou vin rod servis.  Sa i a osi vedir ki plis servis i ava vin a dispozisyon bann zenn.  Sa i enkli ledikasyon prevantif e promotif lo bann size Lasante Reprodiktif, tes pou HIV, prezans en dokter kot Sant limenm, lasistans sikolozik e konsey dan moman kot zenn i bezwen pran desizyon difisil e referans dan bann servis pli spesyalize.  Servi plis medya e lezot platform pou ede sansibiliz zenn lo bann danze ki menas zot lasante e en website in deza ganny devlope lo sa size.

Kolabor avek lezot partener ki annan lentere zenn a ker pou devlop servis e anmenn li pli lwen atraver linisyativ ASFF e kordinasyon Sant Lasante Anse Boileau.  Le 10 Avril en nouvo Sant Lazenes ti ouver son laport dan Was Mahe, pli presizeman kot Sant Lasante Beoliere.  Sa i en legzanp sa kalite partenarya e Sant Lasante i azir koman en Sant resours ki donn sipor.

Partisip osi aktivman dan bann progranm, dan bann kominote kot konsern e bezwen bann zenn vilnerab a osi ganny adrese.  Ogmant bann profesyonnel ki desarz bann responsabilite en sant par egzanp, atraver lasistans bann School Heath Nurse.  Esey trouv lenfrastriktir konvenab pou desantraliz sa servis Praslin ek La Digue.  Nou pe travay avek youth pou trouv landrwa apropriye.

Idantifye resours imen apropriye pou travay avek lazenes, espesyalman counselor. Dan nou plan devlopman Anse Royale vye Lopital, nou pou osi antre an diskisyon avek tou bann partner pou vwar kimannyer nou kapab enkorpor en Youth Health Centre pou sa rezyon.  Ansanm avek youth ek SNYC, nou pe organiz en gran konferans an Out dan kanpanny my health, my responsibility. Bann rekomandasyon ki a sorti dan sa i a donn nou lide ki vreman bezwen nou bann zenn.  E nou ava kapab enkorpor tou sa bann dan nou plan daksyon.  E dan lavenir, nou pe osi mazin annan bann fasilite pou zenn o nivo rezyon.  Mersi Mr Speaker.

 

MR SPEAKER

Onorab.

 

HON MIRENA SOURIS

Mersi Mr Speaker.  Mr Speaker, an vi larepons Minis e baze lo rezilta sa CAP study, eski Minis pe anvizaze pou ofer training spesyalize dan Youth Health Services an vi ki nou napa bann profesyonnel ki trained dan Youth Health.  Mersi.

 

MINISTER MITCY LARUE

Mersi Mr Speaker, sa i dan nou plan akoz nou pe menm mazin annan en dokter ki spesifikman pou bann zenn.  Me i dan nou plan ki nou pe anvizaze prepare avek lezot parey mon’n dir, counselor, bann lezot dimoun spesifik ki pou travay avek zenn akoz nou’n vwar sa i en mank.  Mersi Mr Speaker.

 

MR SPEAKER

Onorab Pierre.

 

HON DAVID PIERRE

Mersi Mr Speaker, bonzour Minis avek son delegasyon, bonzour tou Manm Koleg Onorab e bonzour bann viziter.  Mr Speaker, eski Minis i kapab dir avek sa Lasanble, ki difikilte ki son Minister pe fer fas avek anrelasyon ek sa sitiasyon kot napa larmonizasyon ant laz konsantman pou aksyon seksyel e laz pou akse avek kontraseptiv e lezot proteksyon e ki plan son Minister pou ankouraz Gouvernman pou armoniz sa sitiasyon.  Mersi Mr Speaker.

 

MINISTER MITCY LARUE

Mersi Mr Speaker.  Mr Speaker, zis pou lenformasyon Onorab, i annan en Komite anplas ansanm avek Community Development, Sosyal, Minister Lasante, Ledikasyon kot sa kestyon laz avek konsantman pe ganny travay e byensir i annan en Lalwa ki pe ganny revwar pou armoniz sa e tre byento, byensir sa i pou bezwen vin dan Lasanble pou laprouvasyon.  Savedir sa i ankour e i preski konplete.  Savedir sa, akoz nou osi nou’n vwar ki si en problenm kot zanfan anba 15an, i bezwen annan konsantman zot paran pou zot pran okenn kontraseptiv e nou tou nou konnen poudir menm ki annan defwa nou pa oule tro koz lo la, me bokou zenn pe annan aksyon seksyel a en laz tre ba me anmenmtan, zot pa kapab akse avek kontraseptiv e sa i annan sa problenm kot nou annan bokou teenage pregnancy oubyen bann abortion. So, mon donn ou garanti ki sa pe ganny rektifye e tre byento sa pou’n ganny finalize.  Mersi Mr Speaker.

 

MR SPEAKER

Anba 18an, pa anba 15an Minister.  Zis pou nou ganny li kler i anba 18an.

 

MINISTER MITCY LARUE

Ok, 18an.

 

MR SPEAKER

Ok, anba 15an, statutory rape.  Onorab Jeannevol.

 

HON BEGITTA JEANNEVOL

Mersi Mr Speaker, bonzour.  Mr Speaker, eski Minis i kapab dir nou an vi ki i annan serten zenn ki pa al kot Youth Health Centre e osi an vi ki nou Youth Health Centre i baze anvil.  Kimannyer eski ou Minister pe mazin reach out ek bann zenn par egzanp ki dan lekol e osi bann ki pa dan lekol pou sansibiliz zot lo sa letid ki’n ganny fer e osi ki bann metod ki pe mazin ganny servi pou edik bann zenn an vi ki bann kozri e konferans pa telman atrakte bokou zenn ozordi, pour ki nou kapab anmenn sa behavior change.  Mersi.

MINISTER MITCY LARUE

Mersi Mr Speaker, mon konpran ki ler nou fer konferans nou target en serten group dimoun, me i annan lezot mwayen ki nou bezwen pran pou nou kapab reach out avek tou bann diferan target group. Nou annan dan lekol bann School Health Nurse e zot se sa group ki target bann zenn dan lekol.  Zot bezwen anmenn sa bann lenformasyon e donn plis lenformasyon sa bann zenn dan sistenm skoler.  E tre byento nou, nou pou komans bann kanpanny atraver distrik.  Kot nou pou ale atraver distrik pou nou zwenn avek bann zenn e anmenn bann plis ledikasyon, plis lenformasyon kot bann zenn pou zot kapab akse avek servis.  E ler nou ava’n kapab parey nou dir, desantraliz Youth Health Centre dan diferan rezyon, ankor la i ava vin en lot posibilite kot bann zenn i a pli kapab akse avek sa bann landrwa kot i ava annan plis, ki nou pou fer li youth-friendly. Byensir i bezwen aranze, pa parey nou ete kot nou piblik, i bezwen youth-friendly pou ki bann zenn i vreman at ease pou li vin la e at ease pou li zwenn sa counselor, at ease pou li zwenn sa dimoun ki kapab koz avek li, ki i annan konfidans ladan.  Ou konpran i annan sa travay entansif ki nou bezwen fer pou nou kapab reach out avek tou nou zenn dan lapopilasyon.  Mersi Mr Speaker.

 

MR SPEAKER

Kestyon 62, Onorab Esther.

 

HON NATASHA ESTHER

Mersi Mr Speaker.  Bonzour Mr Speaker, Minis ek ou delegasyon, tou Manm Onorab, bann manm trwazyenmaz distrik Cascade e tou dimoun alekout.  Eski Minis i kapab enform sa Lasanble, si i dan zot plan lonterm pou konsider en fasilite lozman pou en manm fanmiy Praslin/La Digue ki pe akonpany en pasyan kot lopital Sesel sirtou dan bann ka emergency.  Mersi.

 

MINISTER MITCY LARUE

Mersi Mr Speaker, mersi Onorab.  Mr Speaker, dan en sitiasyon emergency ozordi, pasyan Prasli, La Digue i normalman ariv Mahe dan konpani en escort.  Ki swa en nurse oubyen en dokter depandan gravite zot problenm.  Oubyen en paramedic. Nou osi konsyan dan en ka kot en zanfan i normalman annan osi en paran ki akonpanny sa zanfan.  E dan ka en adilt i posib ki en fanmiy pros i osi fer sa voyaz ansanm.

An sa ki konsern en zanfan, sa paran li i ganny drwa reste avek son zanfan dan Ward zafan ziska ki sa zanfan i desarze.  Menm si par egzanp si sa zanfan i ganny admet dan swen entansiv, i touzour annan provizyon ki ganny fer kot Ward zanfan pou sa paran repoze.  Parfwa, i annan paran ki swazir petet pou li reste la dan visinite ICU kot i santi li en pti pe pli pros avek son zanfan.  Me nou, nou toultan fer provizyon pour ki sa paran i ganny en pti landrwa pou li repoze osi.

Dan ka admisyon en adilt, i tou depan lo leta e nivo sa pasyan e osi aktivite ki pe pase dan sa Ward.  Fodre fer remarke ki laplipar ditan nou bann Ward i plen e sa bann menm fanmiy zot kapab zize zot menm, ki i petet tre difisil pou accommodate bann dimoun ansanm la lo Ward parski nurse limenm li i pe fer fas avek en kantite pasyan, lespas i tre limite.  Me selman, nou pou toultan esey rod fason pou asir konfor sa fanmiy.  Me avek plan ki annan anmars pou nou revwar antye nou sistenm lopita, nou nouvo plan, master plan, nou pe regarde ki pou annan serten fasilite ki nou a kapab mete a dispozisyon serten dimoun ki sorti lo bann zil, ki nou kapab ed zot letan zot vin avek zot fanmiy.  Me sa i dan nou plan lonterm akoz poulemoman, nou tre sere, i pa vreman fasil pou nou dir la nou a met en landrwa spesifik pou bann dimoun ki sorti lwen.  Me nou toultan demann paran pou zot osi diskit avek nurse e nurse i ava rod fason pou nou accommodate zot.  Mersi Mr Speaker.

 

MR SPEAKER

Okenn Siplemanter Onorab?

 

HON NATASHA ESTHER

Mersi Mr Speaker.  Mr Speaker, eski Minis i kapab enform sa Lasanble si son Minister pe konsider en proze public-private partnership an sa ki konsern en proze parey pou en lozman pou bann zabitan Praslin/La Digue.  En pti pe parey bann ki nou annan enpe dan bann pei aletranze.  E lo kote short term, eski Minis petet i pe pran konsiderasyon avek Minister Lamenazman Later ek Lakaz, pou petet annan 2 ou 3 pti lakaz lo Perseverance ki kapab asiste bann fanmiy petet ki pou reste pou en long peryod letan, ki bezwen swiv bann tretman parey kot Lopital Anse Norde.  Mersi.

 

MINISTER MITCY LARUE

Mersi Mr Speaker, Onorab mon konpran tre byen ou pwen.  Tre, tre byen mon konpran sa santiman vizavi bann dimoun ki Mahe.  Nou osi nou santi menm santiman, me selman, i tre difisil pou nou dir, poudir wi, demen nou pou fer 3 pti lakaz pou akomod.  Akoz letan nou komans ouver en laport, nou ouver en laport, nou komans met 2 pti lakaz.  Byeto nou pou bezwen met 50, akoz tou dimoun ki son fanmiy pou Mahe, i pou vin demann nou en landrwa pou li reste.  E Minister Lasante son Bidze ki i annan limenm, i pa fasil pou nou al fer sa akoz sa i pa tonm dan nou priyorite nou Bidze.

Nou dan Minister Lasante nou bezwen regard priyorite.  Nou priyorite, me parey mon’n dir, plitar nou ava vwar ki fason nou kapab accommodate me pa dan sa lalinny parey nou’n dir.  Parski apre tou osi regard dan welfare bann dimoun i pa rol Minister Lasante as such.  Me i plito konsern Minister Sosyal.  So, mon krwar sa i ava en diskisyon ki a ganny pran a en lot nivo, en lot lanpler kot nou kapab deside alafen dan le fitir kwa ki kapab ganny fer pou benefis bann dimoun.  Mersi Mr Speaker.

 

MR SPEAKER

Kestyon 63, Onorab Maria Payet-Marie.

 

HON MARIA PAYET-MARIE

Mersi Mr Speaker, eski Minis i kapab enform nou Lasanble, ki zistans proze re-devlopman Lopital Sesel, enkli batiman Servis Danter Mont Fleuri.  Mersi.

 

MINISTER MITCY LARUE

Mersi Mr Speaker, mersi Onorab.  Mr Speaker, plan pou redevlop Lopital Sesel i an diskisyon pandan sa 2 dernyen lannen.

En kantite in ganny fer pou amelyor bann fasilite ek bann servis, me touzour dan kad en proze plito ki dan en plan redevlopman total.  A ler aktyel proze renovasyon kot Lopital Sesel, i enkli, lasal loperasyon ki pe ganny renovate e ki ekspekte konplete lafen sa mwan.  Servis dyaliz ki sipoze fini konplete milye Zilye e Post-Natal Ward ki osi pou fini milye Zilyet.  Apre sa Ward zanfan pou bouz dan Post-Natal Ward pour ki travay i kapab komanse lo Ward Zanfan.  E sa i en proze ki pe ganny antreprann par Gouvernman Tirki pou Ward Zanfan.

Pli boner sa lannen, mon ti fer en vizit kot Lopital MIOT dan Lenn.  Swivan sa, in annan en vizit fer par en delegasyon kot ti konpri 2 Konsiltan sorti kot Lopital ver lafen Fevriye.  Zot ti vizit Lopital Anse Royale e zot ti osi ganny bann diskisyon avek reprezantan MLUH ek Minister Finans.  Zot ti osi vizit otour Lopital Sesel dan visinite, vwar bann diferan proze ki ti pe on going e ganny en diskisyon avek management e reprezantan lekip proze dan mon Minister.

Zot in observe ki serten parmi bann fasilite kot Lopital Sesel, i apropriye pou serten fonksyon.  Me i kantmenm annan bokou pou fer pou amelyor aksesibilite ant bann servis.  I annan konsern lo lespas ki manke dan bann Ward.  Serten sa bann obzervasyon, i bann konponan enportan ki nou bezwen respekte si Lopital Sesel pou ganny akreditasyon plitar.

Swivan sa vizit e sa bann lobzervasyon, sa bann Konsiltan in travay lo en plan ki zot in soumet avek mon Minister.  Sa plan, i aktyelman propoz en nouvo Lopital lo en nouvo sit pli apropriye.  Sa i lo lanplasman kot ex NIHSS i ete.  A ler aktyel, Zofisye Proze dan mon Minister pe fer bann prezantasyon sa plan avek bann Lazans konsernen.  E plitar, nou pou propoz sa plan avek Gouvernman.

An sa ki konsern batiman Servis Danter Mont Fleuri, sa sevis in ganny enteronpe depi 3 mwan.  Sa batiman pa ti dan en bon kondisyon pou kontinnyen delivre en servis ladan.  Sa ki pou arive avek sa batiman, pou ganny deside dan lansanm master plan pou Lopital Sesel.  Poulemoman, servis danter pe ganny delivre dan twa zonn.  Me dan master plan Lopital Sesel, i annan plan pou en nouvo fasilite danter kot tou son bann servis pou anba en menm twa.

I enportan pou note, ki sa master plan i ankor dan bann staz konsiltasyon.  Me i kantmenm annan serten benefis pou konsider en nouvo Lopital avek 300 a 400 lili.  Kot bann servis esansyel e spesyalize a ganny ofer dan en menm batiman, lo en menm sit e avek mwens lenkonvenyans.  Mersi Mr Speaker.

 

MR SPEAKER

Onorab.

 

HON MARIA PAYET-MARIE

Mersi Mr Speaker, petet mon ti a kontan demann Minis, in koz lo nouvo Lopital ki zot annan plan pou build plitar.  Me selman aktyelman la, ki bann defi prensipal ki ou Minister pe fer fas avek anlinny avek redevlopman Lopital Sesel e servis danter ou’n fini eksplike Minis, pou benefis bann pasyan ki pe espere.  Mersi Mr Speaker.

 

MINISTER MITCY LARUE

Mersi Mr Speaker, bann defi mazer ki nou pe pas atraver premyerman se ki, zot konnen letan ou pe fer renovasyon e servis pe ganny donnen dan menm landrwa, i koz vreman en bonpe problenm.  Par egzanp, i annan problenm tapaz, parski nou pe fer konstriksyon, nou pe renovate.  Mazinen nou pe renovate OT, nou pe renovate Unit dyaliz, nou pe renovate Post-Natal Ward.  E tousala i dan menm landrwa kot nou pe donn servis e dimoun i annan bokou konsern kot i konsern tapaz e menm petet lapousyer.  Me selman lapousyer lefe ki dan Ward ou ferm bann landrwa ou pa pe ganny lapousyer dan Ward.  Me selman i annan sa bann kontrent ki pe arive.  Me anmenmtan, nou bezwen pran en desizyon, si nou fer oubyen nou pa fer.  Anmenmtan prenan kont nivo lenfrastriktir, lafason ki lenfrastriktir in ganny deteryore.  Nou pa kapab kontinnyen reste parey ziska en nouvo Lopital i fer.  Akoz en nouvo Lopital ler i pou fer, nou a konnen poudir sa enn in fini ganny met lo en nivo ase o, nou kapab kontinny ladan pandan 2an, 3an me anmenmtan, nouvo Lopital a kapab ganny komanse.  Gradyelman servis i a bouze akoz sa Lopital aktyel i annan serten porsyon dan sa Lopital ki bezwen ganny pull down akoz son letan in fini.  I bezwen ganny pull down.  Me nou, nou pa kapab reste dan sa sitiasyon, alor ki mon ti ava demann pep anzeneral, se pou konpran nou.  Konpran nou akoz parey Kreol i dir nou bezwen kas dizef pou nou fer lonmnet.

Nou tou nou kriye nou dir lopital i vye, lopital i sal me nou bezwen met li lo en nivo.  Pou nou met li en nivo nou bezwen renovate.  Alor bear with us pou en serten letan, me la parey mon’n dir OT i konplete Zen, nou ava tir en problenm.  Dyaliz i konplete mid July, i ankor tir en proplenm e by August nou pou napa sa kantite problenm.  Laplipar pou’n ganny kapab rezourd.

Nou decompression chamber i vreman pre pou ariv lo finisyon.  Preski konplete e nou sipoze konplet li by, nou pou dir an Out plitar nou kapab fer son louvertir ofisyel, kot bann servis konmsi nou pe sey upgrade otan ki nou kapab.  Nou lenfrastriktir pou nou kapab donnn sa meyer servis.  Me anmenmtan nou vwar nou bann Ward i vreman osi pe vin pli pti avek dimoun ki nou bezwen ganny admisyon.  E se sa ki osi nou pe fer sir ki Anse Royale par mwan prosen an Out, nou bezwen komans annan in-patient pou kapab tir enpe presyon osi lo Lopital Sesel.  Nou pe met li annord, i annan enn de pti problenm ki nou bezwen rektifye, nou pe met li annord ki lafen Out, komansman Septanm, in-patient i antre i a tir enpe presyon lo Female ek Male Medical e menm Zanfan.  So, nou annan bokou konstrent, me nou pe sey nou mye pou nou kapab e nou pe demann tou dimoun pou konpran nou e donn nou sa sipor pou nou kapab donn zot en meyer kondisyon kot zot vin pas zot letan, letan zot malad.  Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Mr Speaker, bonour Minis, bonzour tou Manm Lasanble.  An vi repons Minis, Mr Speaker, eski Minis i kapab dir nou proze redevlopman Lopital Victoria e servis danter, konbyen pe kout nou Gouvernman e si pou annan ase staff ki pe ganny training sirtou pou fer marse bann servis par egzanp kot dyaliz.  Mersi.

 

MINISTER MITCY LARUE

Mersi Mr Speaker, mon tre kontan ou’n lev sa pwen akoz mon krwar i enportan.  Akoz parski letan nou, nou pe mazin en nouvo Lopital avek plis lili, byensir nou bezwen mazin an term nou staff osi.  Nou bezwen mazin anterm staff, konsern resours imen ki tre enportan.  E byensir dan kad sa ki nou annan, nou fer nou training e byensir nou kontinnyen fer plis recruitment, bann nouvo zenn ki pran karyer Nursing, lot, lot, ensitswit EMTs eksetera.  Nou kontinnyen train zot e pandan sa bann letan, mon krwar nou pou’n annan sifizaman travayer pou kapab pran ka.

E parey mon’n dir pou dyaliz par egzanp.  I kout nou en ta larzan pou nou tret en pasyan dyaliz.  E pli ale nou pe annan plis pasyan dyaliz.  Alor nou bezwen focus pou vwar kimannyer nou kapab prevent dimoun pou ariv lo sa staz pou fer dyaliz.  Alor i annan en kantite prosedir, kantite travay pe ganny fer pou met Policy anplas e ler nou’n fini met tousala, la nou kapab vreman met progranm ater e fer sir ki nou kapab redwir otan ki posib redwir.  Me, nou tousel, nou pa pou kapab fer li.  Dimoun osi i bezwen komans pran zot responsabilite, akoz i annan en kantite dimoun ki kapab anpese pou li vin fer dyaliz.  I depan kimannyer nou anmenn en pti pe nou lavi, kimannyer nou life style.  Nou bezwen sanze.

Alor i enportan ki nou tou, nou vwar kimannyer nou kapab, akoz pou R500 mil.  Ok, pou nou batir en Lopital, pou nou batir par lili Lopital, i 500 mil Dolar per bed pou nou build a hospital. 500 mil Dolar.  Ok, e sa i pou tou bann fasilite.  Savedir, letan ki nou pe prepar nou master plan, nou bezwen komans mazin osi lo finansman.  Finansman e gradyelman kimannyer sa Lopital pou ganny fer, kote nou komanse, konbyen larzan nou bezwen komans mete lo Bidze.  Ki bann partnership nou pou annan avek nou, i enportan.  Akoz mon pou dir dan Minister Lasante nou ganny bokou led avek bann donors.  Bokou, bokou led.  Mon vreman apresye akoz en kantite dimoun i vin devan pou vin ed nou.  Akoz mon krwar dimoun i santi poudir Health i pou nou tou.  Nou, tou nou bezwen annan par dan Health, akoz nenport ki moman, nenport ki nou nou kapab malad e nou bezwen servi Servis Lasante.  Alor tou dimoun mon vwar i annan sa lanvi pou ed Lasante avek okenn, alor mon krwar nou ava fer sir ki nou ganny finansman.  E Gouvernman, nou Gouvernman osi i bezwen, i oule.

Toultan Prezidan i koz lo donn sa meyer servis sa pep Seselwa.  Mon krwar nou Gouvernman pou toultan siport Minister Lasante pou fer sir ki nou met sa sistenm lo en nivo vreman ki nou pep i ekspekte e ki nou Gouvernman i ekspekte.  Mersi Mr Speaker.

 

MR SPEAKER

Kestyon 64, Onorab Maria Payet-Marie.

 

HON MARIA PAYET-MARIE

Mersi Mr Speaker, Eski Minis i kapab enform nou Lasanble, ki sipor ou lasistans ki Minister Lasante pe resevwar avek bann Lorganizasyon e lezot partner kle anver sa progranm National Health Campaign.  Mersi Mr Speaker.

 

MINISTER MITCY LARUE

Mersi Mr Speaker, mersi Onorab.  Onorab dan kad modernizasyon Servis Lasante, ti annan en linisyativ pou anmenn sa National Health Campaign pli lwen e angaz tou dimoun ladan.

Alokazyon World Health Day sa lannen, mon Minister ti organiz en gran konferans ki ti fer ICCS le 6 ek le 7 Avril.  Sa konferans ti annan pour tenm My Health, My Responsibility. E dan sa konferans ti annan prezantasyon plizyer topik enportan e osi en Rapor lo Leta Lasante Nasyon Seselwa.  Sa konferans in anmenn ansanm tou bann endividi, Lazans e akter ki konsern zot avek nou Sistenm Lasante Sesel.

I ti en loportinite pou diskit lo sa ki preokip zot avek Servis Lasante.  Ki kontribisyon sakenn i kapab anmennen e donn bann solisyon pou amelyor sa servis.  Bokou pwen enportan ti resorti e en rapor pe ganny prepare kot bann rekomandasyon a ganny soulinnyen e ganny enplimante.

Ansanm avek sa konferans, ti annan en legzibisyon kot ti annan en gran partisipasyon Sekter Prive, Lazans Parastatal e plizyer Minister.  Sa ti pran plas pou 3 zour e serten sa bann Lorganizasyon ti menm fer kontribisyon posters ki ti relye avek sa tenm.

Pou gard sa lelan, sa momentum, mon Minister pe anmenn serten sa bann egzibit lo nivo bann Sant Lasante dan tou distrik, lo Mahe, Praslin e La Digue depi le 7 Zilyet ziska lafendimwan Oktob.  Toule semenn pou annan en nouvo topik ki pou ganny egzibite.  Sa i en loportinite pou tou piblik aprann bokou lo nou bann servis e bann kondisyon ki afekte zot lasante.  Alor mon pran sa loportinite pou envit tou adilt, tou zanfan lekol e tou edividi ki konsernen avek zot lasante, pou vin vizit sa legzibisyon kot zot Sant Lasante e santi zot lib pou diskit avek staff dan sa sant e fer zot komanter.  Minister i kantmenm resevwar en kantite sipor avek lezot Minister e plizyer Lorganizasyon prive.  Bokou nou bann progranm i ganny delivre kot bann lekol, oubyen kot bann fasilite dan distrik e la nou ganny sipor bokou bann ansenyan, bann zanfan lekol, bann travayer servi sosyal e osi bann Ladministrater Distrik.

Relasyon ki mon Minister i annan avek serten Lorganizasyon Prive ek endividi, i anmenn sanzman pozitiv dan plizyer nou bann fasilite e i ogmant nou resours.  Ki se swa atraver donasyon lekipman, lapentir, proze konstriksyon, oubyen renovasyon e sirtou atraver sa fasilite kontribisyon cooperate social responsibility.

Pour sa mon pou profite pou mon salye e remersi tou nou bann donater e demann zot pou kontinnyen donn nou zot sipor e zot kontribisyon.  Zofisye mon Minister pou osi vizit tou bann lakour lo Mahe, Praslin, La Digue avek bi ed bann dimoun pou mye pran responsabilite zot prop lasante, kot nou a kapab dekouver bann problenm lasante kot dimoun pa pe koze, oubyen pa pe rod led.  Nou a osi kapab ed zot annan en meyer relasyon avek zot travayer Lasante.  E byensir apre sa, swivi i a kapab ganny fer par zot Sant Lasante respektiv e rikord byen garde.  Mersi Mr Speaker.

 

MR SPEAKER

Onorab Marie, okenn siplemanter?

 

HON MARIA PAYET-MARIE

Mr Speaker mersi, Minis ou’n koz lo legzibisyon e osi vizit bann lakour ki progranm anver sa kanpanny.  Eski i annan lezot progranm, oubyen aktivite apart sa 2 ki lo ou progranm pou sa lannen.  Par egzanp plis sansibilizasyon, par egzanp bann video dan bann klinik pou montre en pti pe plis lo lenportans lasante nou dimoun.  Mersi Mr Speaker.

 

MR SPEAKER

Request.

 

MINISTER MITCY LARUE

Mersi Mr Speaker, parey mon’n dir, i annan osi sa konferans ki nou pe fer avek lazenes ki enkil ladan, kot nou pou sansibiliz zot osi lo zot, My Health, My Responsibility. Pou zot osi kapab donn nou en pti pe zot bann pwennvi kimannyer zot ti a kontan vwar sistenm.  Krwa ki zot ti a kontan nou met anplas.  Konmsi sa osi i a ed nou, pou nou finaliz nou plan.  Bon, i annan ankor, i annan en Komite ki pe travay, en Komite la aktyelman ki anplas e zot pe travay lo bann lezot aktivite ki nou pou fer.  Akoz sa i pa pou en aktivite zis pou sa lannen sa, sa i en aktivite kontinnyel akoz My Health, My Responsibility, i pou kontinnyen ale toultan.  Kontinnyen pou nou kapab promouvwar sa, fer ki dimoun i pran responsabilite zot prop lasante e vin kot dokter a ler, konnen kimannyer zot pou viv en meyer lavi.  Tousala i dapre sa Komite ki pe travay lo la, i pou annan en vreman en lalis aktivite throughout lannen e kontinnyelman lannen prosenn pou nou vwar ansanm.

E mon ti ava profite pou demann bann Manm Lasanble, si zot annan okenn kontribisyon adisyonnel zot ti a kontan nou met dan sa plan, nou ti ava welcome zot lopinyon pou nou azout dan nou progranm pou nou kontinnyen.  Akoz mon krwar i enportan ki tou dimoun i vin on board akoz nou oule travay, ler nou fer nou bann vizit o nivo distrik la, nou pa pou zis nou bann travayer Lasante ki pou fer.  Nou pou involve travayer Sosyal, travayer Public Health, nou pou involve distrik.  Nou pou demann distrik bann led, par egzanp en zenn, oubyen en madanm ki kapab ed nou bann dimoun pou al lo teren.  Zot ki konn plis teren alors zot ed nou avek bann dimoun pou al lo teren pou nou kapab vizit nou bann dimoun e se an vizitan ler nou fer door to door, ki nou kapab akse avek bann dimoun, koz avek zot, regard en pti pe.  Akoz bokou dimoun, nou santi nou bann msye par egzanp, zot pa tro tro vin Lopital.  Alor i a vin en fason kot ou kapab zwenn avek zot, diskit avek zot, vwar akoz petet zot pa vin Lopital.  Nou fer fer en survey la, nou’n gannny bann rapor akoz zot pa tro vin Lopital.  So, tousala nou pe met ansanm akoz nou bezwen levidans osi pou nou kapab fer en plan.  Levidans ki gid nou pou nou kapab fer en meyer plan pou sa progranm.  Mersi Mr Speaker.

 

MR SPEAKER

Onorab De Commarmond.

 

HON CHARLES DECOMMARMOND

Mersi Mr Speaker.  Bonzour Mr Speaker, bonour Minis e bonzour tou bann trwazyenm az Cascade ki avek nou isi ozordi.  Mr Speaker, eski Minis i kapab eksplik nou Lasanble oubyen enform nou, vi ki sa progranm National Health Campaign i kontinnyel, eski Minister i ganny okenn sipor avek WHO, oubyen lezot pei ki nou annan relasyon bilateral e lezot partener enternasyonal anver sa progranm.  Mersi.

 

MINISTER MITCY LARUE

Mersi Mr Speaker, Onorab mon pou dir wi, nou ganny vreman lasistans avek WHO.  I nou main partner, i enn ki donn nou katite led akoz nou ganny konsiltan ki vini pou ed nou pou travay lo bann, pou fer bann study, pou donn nou bann levidans e menm dernyenman nou ti annan Mr Sidibé, Direkter UNAIDS ki ti vin Sesel.  Kot nou’n montre li nou plan HIV/AIDS and so on ki in tre enpresyonnen avek e UNODC.  Nou annan tou sa bann Lazans ki pe travay avek nou pou donn nou sipor akoz zot osi zot krwar dan sansibiliz lapopilasyon pou gard zot an bonn sante.  Akoz zot krwar sa i en meyer fason, olye zis curative me nou annan sa preventive side osi ki tre, tre enportan.  Mersi Mr Speaker.

 

MR SPEAKER

Onorab Rose.

 

HON MARIE-ANTOINETTE ROSE

Mersi Mr Speaker.  Mr Speaker mon ti a kontan demann Minis si dan zot National Health Campaign zot annan en eleman mezir sa kanpanny pou regarde ki efektivite i pe annan e si zot annan en dele letan ki zot pe mazinen, petet plizyer lannen, mazinen annan pou annan evaluation of outcome e petet revwar zot kanpanny ofir e anmezir.  Mersi Mr Speaker.

 

MINISTER MITCY LARUE

Mersi Mr Speaker, mon krwar i en pwen tre enportan Dirizan Gouvernman dan Lasanble, akoz tou sa ki ou met anplas ou bezwen annan en fason pou ou monitor, ou mezire e nou, nou pe met sa bann standar anplas pou nou mezire e kimannyer zot pou ganny byen, kwa ki nou’n kapab fer, kwa ki zot pa’n arive fer se lannen prosenn sak lannen an Avril ler nou fer World Health Day nou pou anmenn kwa ki nou’n fer, kwa ki nou’n arive fer devan piblik avek nou plan pou zot kapab konnen vwala kwa ki nou’n fer, vwala kwa ki e kimannyer nou pe adres sa ki nou pa’n kapab fer.  Mon krwar i enportan e nou bezwen fer li akoz nou pa kapab zis met en plan apre zis sa plan i ale koumsa i napa okenn fason mezire.  Mon krwar i enportan.  Mersi bokou.

 

MR SPEAKER

Nou ava al lo kestyon 65.  Me avan nou fer li.  Silvouple nou pa kapab ler i reste 30 segonn lev lanmen pou demann kestyon siplemanter.  E zot bezwen, mon’n vir partou gete, personn pa leve.  Apre 30 segonn, kestyon pe al fini tou dimoun lev lanmen.  Bezwen kapab catch the eyes of the Speaker. Mon fatige dir zot sa, e pa mwan ki bezwen zot, zot ki bezwen mwan.  Therefore, pa konplent ler mon pa demann zot pou soz.  Kestyon 65, Onorab Marie.  Meggy Marie.

 

HON MEGGY MARIE

Mersi Mr Speaker, bonzour Minis ek ou delegasyon, bonzour tou envite e tou sa ki alekout.  Mr Speaker, eski Minis responsab pour Lasante i kapab dir ek nou Lasanble, ki pe arive avek reparasyon Sant Lasante Anse Aux Pins.  Mersi Mr Speaker.

MINISTER MITCY LARUE

Mersi Mr Speaker, mersi Onorab.  Onorab parey zot konnen Sant Lasante Anse Aux Pins i deservi en popilasyon 11mil 154 dimoun.  E en tim travayer Lasante i travay pros avek lakominote pou ofer en servis varyete Servis Lasante Primer.

Tar lannen 2011 a 2012, en reparasyon sibstansyel ki ti kout Minister Lasante R1 milyon ti ganny fer lo Sant Lasante Anse Aux Pins.  Plizyer travay renovasyon ti konplete e sa ti fer ki bann fasilite e kondisyon travay ti amelyore e vin pli akseptab malgre laz, design son striktir ek lanplasman limenm.

Nou rekonnet byensir ki striktir Sant Lasante Anse Aux Pins, in vye e in fer son letan e son mye pou donn servis esansyel lapopilasyon.  Alor, desizyon ti ganny fer pou planifye en nouvo batiman modern.  Zot a dakor ki i pa volapenn e fezab pou kontinnyelman renouvle en batiman ki’n pas son letan.  Anplis ki sa, lokasyon son lanplasman i sitiye lo later nivo tre ba.  E pandan letan lapli delo i akimile e fer sa landrwa ranpli avek delo.  E sa i afekte sistenm desarz lo en baz kontinnyel e akseler limidite dan batiman e ki fer ki kou pou renovasyon i vin bokou, bokou pli ser.  Minister Lasante in komans fer demars enpe letan pase pou planifye en nouvo Sant, ki nou senserman krwar popilasyon dan Les Mahe i merite.  E demars pou en nouvo sant in pas dan plizyer staz diskisyon pou en nouvo lanplasman ki’N baze lo Land Use Plan, Minister Litilizasyon Later e Redevlopman, dan sa lokalite.

E ozordi, mon kontan pou mwan enform nou Lasanble ki lepep Seselwa, espesyalman zabitan Les Mahe, ki Gouvernman in allocate en kare later lo Zil Soley.  Mon ti pe al dir Zil Eve, sorry. Lo Zil Soley pou batir en Sant Lasante modern, en design modern i a vedir ki plizyer lezot servis dapre nou tip lasante ki nou pou annan, pou kapab ganny ofer alavenir.  Sa pou anmenn pli bon fasilite modern e en o nivo servis pli pre ek popilasyon lokal e a tir enpe presyon lo Lopital Sesel.

Design plan i lo drawing board e finansman pou sa proze i deza dan en staz tre avanse.  Tre prosennman, plan pou pas Cabinet avan en answit devan Planning Authority. E nou ekspekte ki konstriksyon a komanse tar lannen 2015 e si tou i al byen, i a konplet tar 2017.  Sa i ava osi anlinny avek devlopman total lo Zil Soleil. Mon ti a alor demann lapopilasyon pou pasyante avek nou, kontinnyen donn zot nou sipor pou nou ansanm travers letap modernizasyon dan Servis Lasante.  Zot sizesyon e kontribisyon pou touzour ganny byen apresye.  Laspirasyon nou popilasyon pou touzour tre pros avek desizyon ki ganny fer e Minister Lasante i reste alekout e bezwen nou kominote pou sant tou devlopman dan Servis Lasante.  Mersi Mr Speaker.

 

MR SPEAKER

Onorab Meggy Marie, okenn siplemanter?

 

HON MEGGY MARIE

Mersi Mr Speaker, eski Minis i kapab dir nou konbyen pou arive pou build sa nouvo Sant e ki bann fasilite adisyonnel ki pou annan e next, ki pou arive avek sa Sant ki Anse Aux Pins ansemoman letan nou pou fini build sa enn Ile Soleil. Mersi Mr Speaker.

 

MINISTER MITCY LARUE

Mersi Mr Speaker.  Mr Speaker, petet kestyon Onorab se konbyen pou koute nou pa pou kapab dir akoz parey nou dir, plan i lo drawing board.  Nou bezwen, ler ou fini plan ki apre ou fer costing.  Epi bann diferan servis parey mon’n dir, nou pou annan diferan tip kilinik ki nou annan e sa pou tonm dan enn ki vreman parey enpe Anse Royale.  Me selman i pou annan varyete servis parey mon’n dir ki nou pou kapab desantraliz enpe bann servis ki nou pe donnen kot Lopital Sesel.  Deservi li o nivo kominote, so, i pou anann plis servis ki pou ganny mete.  E apre son vye lopital letan nou’n fini, byensir sa se Minister Litilizasyon Later ki pou deside kwa ki pou ganny fer la.  Mersi Mr Speaker.

 

MR SPEAKER

Onorab Murielle Marie.

 

HON MURIELLE MARIE

Mersi Mr Speaker, bonzour.  Mr Speaker, an vi ki clinic Anse Aux Pins i baze dan sa landrwa pou plizyer lannen, eski Minis i kapab enform sa Lasanble si i annan okenn meeting konsiltatif ki’n ganny fer avek sa bann dimoun ki pe deservi sa fasilite pou vwar zot konsern anlinny avek realokasyon sa clinic e apard ki Ile Soleil si ti deza annan en lot landrwa ki ti’n ganny earmarked pou konstri sa clinic, si wi ki’n arive avek sa lokasyon.  Mersi.

 

MINISTER MITCY LARUE

Mr Speaker mersi, mon krwar konsiltasyon i tre enportan e nou Prezidan i met lanfaz lo la bokou.  Byensir in annan, dapre mon konprenezon, in annan serten konsiltasyon ki’n ganny fer o nivo distrik, me selman nou definitivman nou pou vin ver la kominote letan nou’n fini fer nou plan.  Nou pou vin ver lakominote pou nou ansanm diskite, pou nou montre zot.  Akoz si demen mon zis vin devan zot mon dir ek zot poudir, dir mwan kot pou met Lopital, nou konenn ki kantite presyon pou annan.  Me nou a vin ek en kesoz, anmenmtan nou a ekout la popilasyon ki zot dir e nou ava met rezon det akoz nou bezwen bouze, ki bann benfis i pou anmennen pou zot.  Met devan zot, ekout zot apre fer zot konnen egzakteman tou bann keksoz ki pou ganny met anplas pou zot osi okouran kwa ki pase.

Nou pa pou zis vini fer sa.  Mon pa’n met li dan mon lentervansyon, me selman i annan enn laspe ki nou pou vin devan lapopilasyon.  Kot tou bann proze, byensir gran proze ki konsern distrik, nou bezwen vin dan lapopilasyon pou donn zot leksplikasyon akoz sa pou ganny fer koumsa e les zot osi donn enpe zot lopinyon.  Mersi Onorab pou sa konsern.

 

MR SPEAKER

Onorab Vel.

 

HON JENNIFER VEL

Mersi Mr Speaker, bonzour tou dimoun.  Mr Speaker mon ti a kontan demann Minis avek renovasyon lo Sant Lasante Anse Aux Pins ki ti fer an 2012, eski kwa ki son Minister pe fer pou amelyor servis delivery kot Klinik Anse Aux Pins aktyelman, pou fer ki pasyan i spend en minimonm waiting time Clinic avan ki i ganny en servis.  E answit, in mansyonn kontriksyon nouvo Sant Lasante, eski Minis i kapab dir nou si zot in pran legzanp lo bann gran Sant Lasante, nou tou dakor ki fasilite modern ki i zis en mayon dan sa lasenn pou ofer meyer servis pep Seselwa.  Par egzanp nou’n vwar konstriksyon Lopital Anse Royale ki mon konstate Klinik Anse Aux Pins pou enpe lo sa lanpler.  Eski zot in pran legzanp Klinik Anse Royale, ki kantite presyon in ede pou tire lo fasilite Lopital Victoria e si nou pa mazin servi Sant Anse Royal pou ofer rezyon Les e Was Mahe servi spesyalize parey gynecologist e nou servi Klinik Anse Aux Pins koman en everyday clinic ki ava ede pou tir presyon lo Klinik aktyel ki annan lo Klinik Anse Aux Pins.  Mersi.

 

MINISTER MITCY LARUE

Mersi Mr Speaker, Onorab mon konpran ou konsern lo service delivery, definitivman, akoz aktyelman avek Health Care Agency ki’n vin anmars, nou pe, tou bann klinik i annan en travay entansif ki nou pe fer.  Par egzanp pou reduce sa waiting time. I annan en travay ki pe ganny fer pou reduce sa waiting time.

Apre osi nou pe revwar si i annan serten servis ki nou kapab petet donnen apre ler.  Par egzanp pansman, bann pti keksoz kot dimoun i travay, olye i ale i ale i al travay.  I bezwen pase esper enpe letan pou panse apre al travay, i perdi enpe letan olye ki ler i sorti travay i kapab vin pase fer son pansman apre 4er.  I annan en travay ki nou pe fer pou rode kimannyer nou pou amelyor servis.

Dezyenmman, parey ou pe dir, servis Anse Aux Pins i ozordi pe donn plito basic primary health care. Tandis ki Anse Royale li nou’n komanse, i annan bann Spesyalis ki’n move Anse Royale ozordi.  Ki pe komanse, nou pa ankor al ek tou Spesyalis akoz i annan serten problenm ki nou pe anvizaze avek Lopital limenm ki nou bezwen aranze avan ki nou kapab beef up e anmenn tou sa servis ki nou bezwen pou tir presyon lo Lopital Sesel.  Me avek en fasilite modern, me pa ozordi parey i ete Anse Aux Pins, i tro pti, i tro sere, nou pa pou kapab donn sa bann servis.  Nou pou bezwen, dan sa fasilite modern i pou annan, kot bann servis osi pou ale.  Parey en Gynecologist, parey en Pediatrician.  I ava la pou kapab vwar bann zanfan, donn enpe bann servis neseser.  Nou pa pou duplicate as such, me selman nou pou ede pou desantraliz enpe akoz annan defwa dimoun i bezwen servis spesyalize, i bezwen sorti Port Glaud pou li desann twa zonn.  E nou’n vwar sa i kout zot en bonpe larzan pou zot ariv kot Lopital, enn, e retournen e letan ki zot espere.  Tandis ki sa i desantralize, zot sorti Anse Aux Pins, zot pa bezwen vin twa zonn me zot al Anse Aux Pins menm dan zot Klinik plitar e zot ganny sa servis ki bezwen.  Nou pa pou fer li toulezour, me nou pou manage kimannyer nou pou fer li, petet once a week, Spesyalis let’s say Orthopedic i vini once a week i vwar bann pasyan e la ler pou refer kot Lopital pou al admit, sa i en lot zafer.  So, i pou annan sa bann servis, nou pe revwar dan son antye pou nou fasilit sa swen ki nou donn nou bann dimoun.  Anmenn li osi pros avek zot osi i enportan.  Mon pa konnen si mon’n reponn tou ou kestyon.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, si mon konpran Minis byen, nou pou fer reparasyon lo Klinik Anse Aux Pins, pou dan 2an nou fer en nouvo sant Ile Soleil.  Avek sa nouvo sant, eski Cascade, distrik Cascade pou benefisye e ganny deservi parey konmela.  Savedir separ an 2, en bout i al Anse Aux Pins, en bout i al Les Mamelles, oubyen distrik antye pou al Ile Soleil e ki pou arive avek lantouraz distrik Cascade.  Savedir lo Providence Industrial Estate, kot i annan en ta devlopman, sa bann dimoun la ki Klinik zot pou servi, pou annan Klinik laba menm laba, ouswa pou servi osi sa Sant vi ki i pou’n ogmante, ou’n dir pou gran.  Sistenm transpor en pti pe, koz ek nou en pti pe lo sa area. Mersi.

 

MR SPEAKER

Request.

MINISTER MITCY LARUE

Ok, mersi.  Mersi Onorab.  Ozordi i annan en pti minorite bann dimoun Cascade ki al servi Sant Anse Aux Pins, me lamazorite i servi Sant Les Mamelles.  Ki en travay ki Komite pe fer lo revwar boundary, pou nou definir nou boundary akoz nou pe regarde kantite nou popilasyon, konmsi kote zot ale.  Pou nou revwar nou boundary pou nou konn kantite popilasyon ki annan.  E ler nou’n fin fer sa, nou sipoze fini fer sa sa lannen pou nou kapab vreman, akoz nou oule ganny nou bann tip Klinik ki nou pou annan e sa pou depan lo kantite popilasyon ki annan.

So, once ki nou’n fer sa la nou pou konnen ki petet, mon krwar petet Cascade pou bezwen move dan sa landrwa li osi.  Me selman ler nou’n fini sa, nou a kapab donn ou en desizyon final kote, zot a konnen kote Cascade i tonbe apre sa travay ki nou pe fer lo kantite la popilasyon.  Mersi.

 

MR SPEAKER

Onorab Pierre.

 

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble si paralelman avek devlopman oubyen konstrir avek plan devlopman e konstriksyon sa nouvo Lopital, eski zot pe osi pran an konsiderasyon en plan maintenance, lenfrastriktir e lekipman dan sa Lopital pou garanti lapropte e quality service lo en baz kontinnyel alavenir.  Mersi Mr Speaker.

 

MR SPEAKER

Sorry, Minister.  Mon vwar serten mirmirasyon la.  Ou pe dir anticipation, wi egzakteman.

MINISTER MITCY LARUE

Wi, mersi Mr Speaker, se sa ki mon ti pe al dir li.  Nou annan sa…

 

MR SPEAKER

Ok, be then nou a move on avek kestyon 66, Onorab Bernard Arnephy.

 

HON BERNARD ARNEPHY

Mersi Mr Speaker.  Bonzour tou dimoun.  Mr Speaker, kestyon se pou demann Minis kwa ki pe ganny fer konkretman pou asir en pli o nivo lizyenn dan tou ward Lopital Sesel.  Mersi.

MINISTER MITCY LARUE

Mersi Mr Speaker, mersi Onorab.  Servis Lasante in touzour konsernen ek mentenans e en o nivo lizyenn dan son bann fasilite.  Sa i byen enportan pou minimiz e kontrol lenfeksyon ki ganny asosye avek swen e osi pou donn en bon lanbyans estetik dan lanvironnman pou bann kliyan.

Tout an gardan an kont ki bann Unit ek Ward Lopital sakenn i annan son prop lekip pou asir lapropte e swiv progranm high dusting kot bann sirfas o, enkli fan, i ganny netwaye.

En Komite ti ganny apwente pou devlop en Policy avek led en Konsiltan sorti WHO.  Sa Komite in devlop Policy, Prevention and Infection Control.  E sa dokiman, ki kouver 25 Seksyon lo diferan laspe kontrol lenfeksyon, ti ganny lanse le 5 Me 2014 e in ganny distribye dan tou Unit ek Ward Lopital e dan kominote e nou ava fer Lasanble osi ganny en kopi sa Policy.

Kontrol ek lenplimantasyon bann mezir ki’n ganny detaye, i ganny fer toule trimes par en lekip.  Pour sa legzersis, zot servi bann lenstriman koman en checklist ki’n ganny devlope par sa Unit.

Plis ki 400 travayer Lasante, in ganny antrennen lo lenportans e kimannyer pou enplimant sa bann direktiv e rekomandasyon pou anpes lenfeksyon ganny propaze e se sa menm Konsiltan ki ti donn training nou bann travayer.

Parmi bann ki’n ganny antrennen, ti annan osi 68 Nurse Managers e serten reprezantan dan sak Unit ek Ward.  Zot responsabilite se pou asire ki lezot bann koleg ki pankor ganny sans vin dan laklas, i ganny menm lenformasyon pou aplik dan zot landrwa travay.

Ankor, parmi sa bann travayer ki’n ganny antrennen, ti annan 183 Ward Assistants ki responsab pou asir lapropte toulezour lo sa bann Units ek Ward.  Osi, 152 lezot kad travayer ti sorti dan lezot servis.

Anplis ki sa, en lekip lizyenn Lopital osi ti ganny apwente, menm sa Komite i enkli reprezantan dan Seksyon Nursing, Servis Sipor ek Laboratwar.  Sa lekip, ti ganny mandate pou verifye lo bann standar lapropte e fer sir ki zot ganny mentenir.

Zot ti fer en assessment e ti soumet en Rapor kot mon lofis.  Serten bann rekomandasyon ti ganny met an aksyon imedyatman.  In asir bon fonksyonnman bann resours e fer sir ki bann reparasyon neseser i ganny fer imedyatman osi ki bann Protokol, prosedir e progranm netwayaz i ganny fer dapre plan.

Lekip lizyenn Lopital, i fer vizit toule semenn pou diskit e revwar bann diferan Unit ek Ward pou asire ki bann mezir rekomande i ganny enplimante.  Ki zot napa okenn konplent e pou zot vwar sitiasyon e donn zot sipor neseser.  Lekip lizyenn Lopital, i osi zwenn toule semenn e i raport avek direksyon Lopital.

Ziska aprezan, zot in zwenn avek tou bann Sef Unit ek zot tim netwayaz, pou ranforsi e met lanfaz lo bann febles ki’n ganny rekonnet ek bann landrwa kot zot bezwen vreman amelyore.

I annan serten mezir ki devret ganny pran lo en plan pli lonterm.  Tel ki, bann ki tonm dan plan renovasyon, ki deza anmars.  Par egzanp, dan lefitir, lapentir pou Lopital i bezwen en bon kalite ki anti-fungal e ki lavab.  Materyo pou bann fournitir i pa devret servi dibwa, sirtou kot i annan limidite, ouswa delo.  Tel ki, lakwizin, lasal de ben, slous eksetera.

Vantilasyon santral, olye bann pti split unit ki pa ideal pou en pei tropik akoz i favoriz fungus e sa i pou ganny propaze.  Dan tou Klinik ek Ward, nou annan proze, i annan serten ki deza annan.  Proze pou enstal hand sanitizer.  Sa i enportan e nou pe demann tou dimoun ki vizit Lopital, ler zot antre lo Ward, i deza annan lo bann Ward. Ler zot antre lo Ward, zot bezwen pran sanitizer met dan zot lanmen avan zot al kot zot pasyan e an sortan osi, servi hand sanitizer pou zot retourn dan lakour.  Mon krwar i enportan sa i ganny mete e i annan landrwa kot nou pankor mete, nou pou fer sir ki by Out, tou landrwa i annan hand sanitizer.

En lot proze i osi anmars, se netwayaz otour tou bann Sant Lasante, enkli Lopital Sesel, pou retir tou bann debri, tou bann brans dibwa eksetera, pou kapab elimin bann vermin ek pes ki kapab anmenn lezot problenm lasante.

So, vwala en pti pe kwa ki nou pe fer.  Mersi Mr Speaker.

 

MR SPEAKER

Onorab Arnephy, okenn siplemanter?

 

HON BERNARD ARNEPHY

Enn tipti Mr Speaker.  Mr Speaker, an vi ki Lopital i en landrwa ase spesyalize, son bann netwayaz i sipoze spesyalize.  Eski Minister pe mazin anploy son prop cleaners kot zot a ganny bann trainings spesyalize pou zot kapab deal avek bann netwayaz bann lekipman spesyalize e asir sa nivo lapropte ki nou pe koz lo la.  Mersi.

 

MINISTER MITCY LARUE

Mersi Onorab, en kestyon ki ou’n demann mwan ki mon tre kontan.

Mon krwar sa i enn nou pli gro konsern.  Ozordi parey ou konnen, cleaners i ganny outsourced.  Nou pran avek Corperative, me sa bann cleaners ki pe travay avek nou, definitivman, i annan training ki nou fer avek zot.  Me sa ki nou pe resanti se ki, sa bann dimoun, zot pa pran ownership sa landrwa.  Zot pa pran ownership sa landrwa akoz zot pa tonm direkteman anba Minister.  Me zot tonm anba nou responsabilite.

Prezan, letan zot pa pran ownership, ou konpran poudir zot pa fer sa keksoz petet, avek sa gou.  E si par egzanp, ozordi i annan en cleaner ki manke e Korperativ pou donn nou en cleaner, i zis pick enn i anvoye.  E nou tou nou konnen poudir, netwayaz en Lopital, i pa parey netwayaz en lofis, diferan.  I annan diferan keksoz ki bezwen ganny fer, kot i konsern netwayaz en Lopital ek netwayaz en lofis.  E ler ou’n pran enn ou’n anvoye, byensir, i vini i travay, i netwaye i ale, me i pa lo sa nivo kot nou, nou Minister nou ti a kontan annan.

Nou definitivman, si ou demann mon lopinyon, nou ti a kontan vwar ki tou nou cleaners i tonm anba nou Minister kot nou, nou kapab anploy zot.  Kot nou kapab train zot.  Kot nou kapab donn zot zot responsabilite e osi, disiplin zot kan i neseser.  Akoz i enportan, montre zot kimannyer Lopital i ganny netwaye.  Me i annan en diskisyon ki pe ganny fer avek Gouvernman lo sa size akoz mon krwar sa ti ganny fer pandan reform e la, nou’n travers sa letan.  Petet, avek konsiderasyon, avek nou bann pwen ki nou a met devan pou montre ki nou vreman bezwen sa, Gouvernman a kapab pran sa an konsiderasyon.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker, tout a prenan kont larepons ki Minis in donnen, eski Minis i kapab dir nou si Minister Lasante i annan plan fer en cost benefit analysis pou vwar si sa ki zot pe pey Korperativ, i plis ki zot ti pou annan zot prop cleaner anploye.

Apre dezyenmman, from a pwennvi fonksyonnel e operasyonnel i kler ki Minister Lasante pe fer bokou pou mentenir lizyenn, eski zot annan plan osi fer sa lo nivo popilasyon pou kree en progranm ledikasyon pou ed dimoun konpran kimannyer zot devret konport zot lo Ward e atraver bann sport edikasyonnel lo televizyon, oubyen atraver lezot medya.  Mersi Mr Speaker.

 

MINISTER MITCY LARUE

Mersi Mr Speaker, mersi Onorab.  Par egzanp, avek Korperativ, pou nou ganny cleaners, byensir se Korperativ ki donn nou cleaners. E souvandfwa, sa ki nou gannyen osi, i pa lakantite ki nou bezwen.  Nou bezwen bokou plis cleaners ki nou annan me anmenmtan se lakantite ki nou gannyen, i pa ed nou pou nou kapab vreman donn sa kalite servis ki nou anvi.

E si i tonm anba nou, parey mon’n dir, i ava annan en lot fason ki nou kapab organiz nou pou nou kapab rann sa servis enpe pli byen.

Kot i konsern edik lapopilasyon lo lizyenn, mon krwar i annan en gran travay pou nou fer.  En tre gran travay pou nou fer lo kote ler zot vizit Ward parey mon fek dir taler.  Ler zot vizit Ward, nou vwar poudir plizyer fwa ou vwar bann viziter i vini e zot antre lo Ward, zis zot antre.  E ler zot antre lo Ward, zot vwar enn zot fanmiy epi zot fer letour zot al vwar lezot zanmi.  Ou konnen, Sesel nou tipti, nou tou nou konn kanmarad.  Mon vwar Ms Rose laba mon dir mon al get li en pti kou.  Mon fer letour laba.

Mon krwar i enportan ki ler bann viziter i antre, zot pran hand sanitizer zot pas dan zot lanmen byen avan zot al kot zot pasyan, ok?  Epi zot retournen.  I annan menm viziter ler zot vizite, mon pou dir, zot vini zot manz zot bann keksoz deor, zot twisties, zot limonnad, apre zot pran tou sa bann zafer zot anvoy lanmenm.  I annan bin me zot anvoy, ler mon fer letourn tanzantan, ou vwar keksoz partou in ganny anvoye.  Papye, tissue, zis zot anvoy partou.  Konmsi pou zot ou a krwar kot Lopital, i en landrwa kot zot fer nenport kwa, zot fer nenport kwa.  Pa tou dimoun, me i annan en pti group ki fer sa.  Zot zet la apre bann dimoun i bezwen nek retournen pase.  Prezan, sa bann cleaners ki ganny dispit, be zot pa’n netway la, zot pa’n tir la.  Me zot bour ziska dan bann pti trou la, zot met sa bann papye tissue la, zot ranpli dan sa bann pti trou.  Zis zot in swiy ater, zot in swiy limonnad apre zot met dan sa bann pti trou.

Mon ava demann piblik pou servi en pti pe pli byen  bann bin, servi landrwa pli byen.  E ler nou pe koz lizyenn, dan lakour, i enportan.  I enportan pou nou gard lizyenn depi dan lakour, kot nou.  Akoz ler nou sorti dan lakour nou vin Lopital, nou bezwen fer sir osi nou prop.  Nou byen, nou an bonn sante parski en dimoun osi ki vini avek, par egzanp ou ganny lerim, ou malad ou ganny lerim ou menm ou, ou pe vin vizit en pasyan, ou kapab osi anmenn lenfeksyon kot sa pasyan.

Ou konpran, i annan tou sa bann ledikasyon e nou ki nou bezwen fer, sa lapros ki mon fek dir taler kot nou pou vizit lakaz par lakaz, i en fason osi pou nou edik dimoun akoz nou annan osi nou bann sanniter osi ki zot osi zot annan en manda pou vizit tou lakaz, by Oktob, zot bezwen vizit tou lakaz, konplete, pou edik dimoun lo kimannyer pou gard zot lanvironnman kot zot reste osi.  Pa pou al met en presyon me pou travay avek zot, pou ed zot, pou edik zot lo kimannyer pou gard zot lanvironnman akoz sa osi i zwe en rol dan propaz maladi, anmenn lenfeksyon kot Lopital.

E nou pou fer osi, bokou travay lo televizyon akoz televizyon nou annan en target group ki nou target, me laba door to door nou a target en lot group.  Dan Lekol nou bezwen anmenn sa osi pour ki tou dimoun i konnen.  Me anmenmtan, nou demann nou bann dimoun ki vizit zot bann pasyan pou osi abide ek sa bann regilasyon.  Apre pa anmenn zanfan osi dan Lopital.  Kit zanfan dan lakour, ou vwar bann tipti zanfan dan lebra, pti baba, tousala pe anmenn lo Ward pe asiz lo lili kot pasyan, tousala i pa bon.  Ou vwar i annan en kantite travay, e menm annandefwa ners i bezwen kit son bedsite care pou li al eksplik zot poudir, pa anmenn sa kantite dimoun dan bor lili.  Annan defwa, obor en lili ou anann 10 viziter kot en pasyan.  E nou nou dir, i annan gro lansenny, 2 dimoun alafwa.  Me dimoun i kontinnyen kas sa bann regilasyon.  E ler bann ners i pran en pti pe, i dir zot enpe for petet, pa fer koumsa, zot mekontan.  Alor mon krwar i enportan pou zot prop lasante, prop lasante zot bann dimoun osi.  Mersi Onorab, mersi Mr Speaker.

 

MR SPEAKER

Onorab?

 

HON DAVID PIERRE

Mersi Mr Speaker.  Mr Speaker, eski Minis i kapab dir ek sa Lasanble, si zot annan bann mekanizm anplas pou evalye lefikasite, lefektivite and the quality of hospital cleaning isi Sesel e si in annan lenstans, lensidans, kot pasyan in anmas lenfeksyon pandan ki zot in ganny admit dan Lopital Sesel.  Mersi Mr Speaker.

 

MINISTER MITCY LARUE

Mersi Mr Speaker, mersi Onorab.  Mr Speaker, nou’n met anplas serten standar lo nivo lizyenn dan bann fasilite kot bann ki evalye i servi pou monitor efektivite kakite lizyenn ki nou donnen.

Nou monitor to lenfeksyon ki devlope dan Lopital.  Nou monitor li par, nou annan en rezis ki nou garde.  Tou bann ka ki devlop lenfeksyon dan peryod, par egzanp, apre en loperasyon.  Nou osi anmas bann swab par egzanp, dan landrwa tel ki lo sink, lavabo, lo trolley e nou fer analiz.  Sa i ed nou pou vwar si nou standar lizyenn i lo en nivo o e i osi en fason pou nou monitor lefikasite nou netwayaz ek bann prosesis ki nou annan anplas.

Kot i konsern, si en pasyan, si nou’n ganny par egzanp, mon pou dir, mon pa pou dir poudir, petet mon ava dir li dan sa fason.  Si en pasyan i devlop en lenfeksyon letan i dan Lopital, mon pou dir i probab ki in ganny sa lenfeksyon ler i avek nou dan Lopital me, i osi pa vedir ki i ganny pirman, ki in ganny sa pirman dan Lopital.  Akoz nou osi annan bokou parey mon fek dir, bokou viziter ki vizit pasyan, ki’n kapab zot osi anmenn lenfeksyon ver sa pasyan.

E fek repete, en dimoun ki annan flu osi, i pa sipoze tro vin dan Lopital akoz li osi i kapab anmenn lenfeksyon kot lezot pasyan.  So, vwala en pti pe koman mon kapab dir, donn ou sa larepons.  Mersi Mr Speaker.

 

MR SPEAKER

Kestyon 67, Onorab Arnephy.

 

HON BERNARD ARNEPHY

Mersi Mr Speaker, Mr Speaker, eski Minis i kapab eksplik nou Lasanble ki progranm mentenans i annan anplas pour ki bann lenfrastriktir e lekipman dan nou bann Lopital i reste lo en o standar? Mersi.

 

MINISTER MITCY LARUE

Mersi Mr Speaker, mersi Onorab.  I pratik dan mon Minister ki tou lekipman i ganny mentenir lo standar enternasyonal, ki ganny preskrir par lakonpannyen sa bann lekipman.  Dan sa 2 dernyen lannen, mentenans prevantiv in ganny ranforsi e plan pou mentenans prevantiv regilye, in ganny met anplas.

Mentenans pou lekipman Sant Dyagnostik, ki enkli MRI, masin X-ray e osi Gas Plant, pe ganny mentenir par Lazans otorize anba kontrar mentenans.   Nou annan kontrar avek lakonpannyen IVL pou mentenir nou bann masin dan Diagnostic Centre ek en teknisyen sirplas 24 lo 24.

Mentenans korektiv pe ganny fer regilyerman dan tou Departman pou anpes bann breakdown mazer e osi, en maintenance kit ek pyes, partikilye pou bann masin ki bezwen sanz pyes pli souvan, i ganny stoke an ka zot bezwen ganny ranplase.

Tou lekipman mazer, pe ganny teste e ganny rektifye toule semenn.  Lekipman kritik parey ICU ventilators, pe ganny teste, kalibre e rektifye pou bon performans, pou asir pli o standar servis e tretman.  E rikord i ganny sinnyen e garde.

Biomedical Engineering Unit, pe mentenir en standard servis vit e osi efikas.  Teknisyen on call, i reponn tre vit tou bann call breakdown.  Apre sak verifikasyon e servis ki’n ganny fer lo en pyes lekipman, sa Zofisye Ansarz, i oblize sinny en dokiman ki sertifye ki i satisfe avek fonksyonnman son lekipman.

Tou bann lekipman kle pe ganny mentenir par bann Staff kalifye e akredite.  Minister Lasante pe mentenir tou lekipman medikal lo en tre o nivo.  I annan serten lekipman enportan ki nou bezwen annan en backup.  Sa nou Minister pe fer provizyon ansanm avek serten biznes prive anba zot CSR Tax.

Lo kote lenfrastriktir, tou bann lenfrastriktir ki fek ganny renove, tel ki Lopital Anse Royale, Wellness Centre, D’offay ek Hermitte Ward, nou’n sinny en kontra pou mentenans avek en konpannyen konstriksyon.  Nou osi annan anplas en sistenm monitoring.  Tou lezot lenfrastriktir ki zot aktyelman anba renovasyon, zot osi nou pou donn en kontra pou mentenans ler zot fini konplete.  Nou pe osi devlop en kontrar mentenans pou bann landrwa pli gran.  Tel ki, North East Point ek bann lezot landrwa pli gran parey petet Beau Vallon, Anse Boileau, bann landrwa koumsa.

Nou deza osi annan en kontra pou tou travay plumbing e osi pou tou bann travay high dusting.  Ler nou annan kontra mentenans, sa i fer li pli fasil pou gard sa bann lenfrastriktir an bonn eta.  E nou sistenm monitoring i bezwen ganny byen fer e alaoter.  E dan nou kontra, i annan osi en Clause, kot si nou pa satisfe ek travay mentenans, nou kapab kennsel sa kontra e redonn en lot kontra.

Nou Unit proze poulemoman, pe donn bann pli pti kontrakter bann pti travay mentenans tel ki, bann touch up, sanz en pti laport, servis aircon, dan bann landrwa kot napa en kontra mentenans.

Dan lefitir, nou pe prevwar pou annan en pti group ki pou kapab lo en day to day basis, vizit bann Sant Lasante e rektifye bann problenm imedya pou asire ki nou gard nou bann lenfrastriktir touzour an bonn eta.  Pli nou les nou bann landrwa deteryore, bokou plis larzan i bezwen ganny envestir pou remet zot an eta.  Mersi Mr Speaker.

 

MR SPEAKER

Onorab, okenn siplemanter?

 

HON BERNARD ARNEPHY

Mersi Mr Speaker.  Mr Speaker, eski Minis i kapab dir nou Lasanble, konbyen teknisyen Seselwa ki pe travay avek sa lakonpannyen mentenans, bann lekipman spesyalize tel ki, MRI e osi eski Minis i kapab dir nou Lasanble, ki striktir Protokol i annan anplas kot par egzanp, bann serten lekipman pa pe fonksyonnen MRI, kot bann pasyan i annan apwentman, pasyan i turn up Lopital e zot ganny dir poudir lekipman pa pe fonksyonnen.  So, ki Protokol i annan anplas pou enform pasyan well in advance pour ki zot pa deplase pou vini si masin pa pe fonksyonnen.  Mersi.

 

MINISTER MITCY LARUE

Mersi Mr Speaker, mersi Onorab.  Bann enzenyer ki travay parey mon’n dir Biomedical Engineering Unit la, nou annan nou en Seselwa enzenyer, sa zot travay lo bann masin.  Nou annan nou 3 etranze enzenyer avek 1 Manager ki etranzer.  E lo kote MRI, nou annan nou en IBL, i en Seselwa ki travay lo la, se li ki responsab me i anba sa lakonpannyen osi ki parey mon’n mansyonnen pli boner.

Byensir, i annan deza, i annan Protokol anplas pour ki si en masin pa pe fonksyonnen, dimoun i ganny dir pou pa desann.  Me, i regretab ki i annan de fwa, i annan dimoun pa ganny dir e zot desann an ven.  Mon regrete pou dir sa, me i arive e sa aksyon disipliner i ganny pran avek nou bann travayer.  Akoz nou pa kapab fer dimoun desann an ven.  Nou annan Protokol anplas, nou bezwen swiv.  Si i annan en masin pa marse, dimoun i annan randevou ozordi, nou bezwen call sa dimoun dir li pa desann.

I arive, mon pa pou dir i pa arive me, nou bezwen arete sa akoz sa i vreman tre enkonvenab.  Mersi Mr Speaker.

 

MR SPEAKER

Bon, nou’n ariv alafen Question Time. Mon ava remersye Minis ek son delegasyon e osi ekskiz zot parmi nou e nou pou adjourn ziska 11.10.

 

(BREAK)

 

MR SPEAKER

Bon, nou ava kontinnyen avek travay pou ozordi.  E lot pwen lo nou Order Paper se en Mosyon.  Annefe nou annan 2 Mosyon.  Nou pou pran premye Mosyon par Onorab Emmanuel Fideria ki konsern incentives pou bann athlete.

Onorab Fideria, mon ava envit ou pou prezant ou Mosyon.

 

HON EMMANUEL FIDERIA

Mr Speaker, mersi.  Tou Manm Lasanble, Mr Speaker.  Mosyon devan nou Lasanble pe demann Gouvernman pou annan en progranm incentive pou bann atlet, sportsmen o nivo high level, avek bi pou ankouraz plis zenn dan progranm sportif ankadre.

Mr Speaker, o moman ki sa Mosyon pe ganny debat devan nou Lasanble, ozordi i fer egzakteman 12 zour depi louvertir ofisyel le 12 Zen 2014, enn parmi bann pli gran manifestasyon sportif dan lemonn e sa se Lakoup Mondyal Foutbol ki pe deroule an Brezil.  Brezil in akeir de santenn, de milyon dimoun lo son later.  Bann Stasyon Televizyon atraver lemonn, pe anmenn sa levennman dan lakour plizyer bilyon dimoun atraver lemonn.  Menm si Sesel, nou vwar plizyer transpor avek paviyon ki’n ganny mete lo zot sakenn dan son fason, pou montre bann sipor pou pei ki zot pe siporte.  I enportan note ki si Sesel ti dan Sanpyonna Lakoup Mondyal Foutbol, mazorite Seselwa ti pou met en paviyon Sesel lo zot transpor, pou montre zot sipor enkontestab pou nou pei.

Mr Speaker, letan i annan sa bann gran levennman spor, i kree e konsolid plis ankor solidarite ant bann diferan Nasyon.  I anmenn en latmosfer lape.  I demontre sa lespri tolerans.  I anmenn en melanz kiltir e prezervasyon dignite imen.

Speaker, nou ava dakor avek mwan ki sport i anmenn avek li tou bann keksoz ki pozitiv.  Sport in egziste depi ki limanite in egziste.  Atraver lespas letan, sport in depas e atraver en gran revolisyon, in devlope e ozordi nou vwar plizyer kalite spor ki ganny pratike atraver lemonn.  Sesel koman en pei, atraver bann lannen ki’n pase, nou Nasyon in pratik sport.  Son lorganizasyon e ladministrasyon dan serten lepok ti ganny organize atraver bann Klib.

Dan nou Dezyenm Repiblik, nou ti vwar ki Gouvernman ti antre ek en Polisi ki apel, rezyonnanalizasyon, kot bann Klib ki ti egziste lo nivo distrik ti ganny demande pou revwar zot lapros, avek bi rezyonnalizasyon, sete ogmant partisipasyon lamas dan tou aktivite sportiv.

Mr Speaker, sa ki rapel sa letan avan rezyonnalizasyon, lenfrastriktir sportif dan bann distrik ti vreman limite.  Serten distrik dan Lavil ti sanse.  Zot ti ganny sans servi en bon laplenn foutbol ek kort dan zalantour Victoria.

Mr Speaker, i enportan note ki Gouvernman, atraver bann lannen ki’n pase, in fer en kantite lenvestisman dan plizyer lenfrastriktir sportif e sa in en gran sikse.

Mr Speaker, ler mon pe koz lo progranm incentive pou bann atlet ek sportsmen high level, i enportan note e apresye ki mon pa pe dir e krwar ki sa i en size, oubyen i pou en desizyon fasil ki Lotorite Sport Sesel, oubyen ki Gouvernman Sesel i kapab fer li demen bomaten.  Mon pran konsyan, sirtou apre plizyer dyalog avek bann spesyalis dan sport lokal, ki sa i en size konpleks ki demann bokou refleksyon e bokou konsiltasyon avek bann expert dan sa domenn.  Parmi bokou e plizyer lezot size ki nou’n diskite, mon kapab ilistre serten konsern fondamantal ki lo en kote demonstre konpleksite sa size, parmi lezot konsiderasyon e serten sa bann pwen i swivan.

1. Ki bann preokipasyon endispansab dabor ki bezwen egziste e ki kapab fer Sesel kapab ganny en seleksyon atlet pou form plizyer lekip e plas zot dan kategori High Level Sport.

2.  Eski Sesel in vreman pare, malgre ki in annan serten demars e malgre ki nou swete trouve e malgre ki i annan plizyer demann pou nou antre definir dan son totalite pratik High Level Sport.

3. Eski kapasite nou bann ankadrer sportif dan sa moman aktyel, i kapab permet Sesel donn en langazman serye dan pratik High Level Sport?

4.  Eski Sesel i bezwen kree en Lakademi Sportif serye pou form nou bann lantrener lokalman, oubyen devlop en partenarya avek plizyer Lakademi ki egziste dan lezot pei, ki ava fasilit preparasyon nou bann fitir ankadrer.

5.  Dan ki kategori sportif ki nou vreman ankouraz komans priyorite, pratik High Level Sport e lo ki premiz ki nou pou baz nou desizyon.

6.  Ki striktir lorganizasyon ki nou bezwen kree, ki ava definir moman ki nou idantifye e selekte nou bann atlet potansyel.

7. Ki resours spesifik ki Sesel i bezwen annan e gannyen pou fasilit e soutenir lo en baz kour, mwayen, lonterm, ki ava garanti devlopman sistematik e pratik High Level Sport.

8.  Kimannyer nou determin reminerasyon spesifik ki nou donn sa bann diferan seleksyon.

Malgre tou sa bann kestyon tre enportan, Mosyon pe demande pou annan en progranm incentive pou kategori High Level Sport dan Sesel.  Annou pran en legzanp atraver en lipotez.  Mazorite nou bann zanfan i annan loportinite pou ganny entrodwir avek sport dan lekol e dan lekol i obligatwar pou zanfer fer Ledikasyon Fizik.  Se sa ki nou apel PE.  E PE i form parti Time TablePE, parey lezot size akademik, sak lekol i annan bann Ansennyan PE ki ansenny bann zanfan lekol dan sa legzersis.  Zot evidaman annan posibilite reel pou dekouver e selekte bann talan.  Alor, kestyon ki mon poze.  Eski ozordi nou kapab dir ki bann lekol, nou annan Ansennyan PE ki annan oter legzistans sa moman aktyel e ki annan kapasite pou ankadre nou bann etidyan, ki fer zot arive ganny seleksyonnen pou antre pratik High Level Sport? Ki dernyen fwa ki nou’n tande en group Ansennyan Ledikasyon Fizik in graduate?

Mr Speaker, in ganny prouve ki en zanfan ki fizikman an bonn sante i ede pou devlop son devlopman, pa zis fizik me osi entelektyel.  Si nou oule ganny bann atlet ek sportsmen ki pou fer nou paviyon monte lo nivo rezyonnal, osi lo Kontinan, i enportan ki labaz nou bann enstrikter dan devlopman zot kapasite zot zanfan ler i dan lekol, Lotorite i bezwen tret tou size, akademik swa fizik avek menm lenportans.  Ki nou leve e kree sa bon baz pou nou ganny sa atlet pli o nivo.

Mr Speaker, dan bann Sanpyona ki ganny organize, parey Konpetisyon Zanfan Lekol le 29 Zen, nou dekouver plizyer santenn zanfan ki zot annan talan pou fer tre byen dan lavenir.  Me ler sa bann zanfan in fini lekol segonder, lamazorite zot ki annan potansyel pou vin bann atlet High level, nou pa vwar zot.  Zot perdi lentere.  Serten i dir ki bann zanfan zot konsantre dan bann size akademik.  Si bann progranm konpetisyon diferan laz ant bann diferan Lenstitisyon skoler i ganny organize ase frekan, mon panse ki i pou gard lentere nou bann zenn sportif ou atlet.

Mr Speaker, dan bann lannen ki’n pase, avek bi pou anmenn partisipasyon lamas pou pratik sport, nou ti vwar bokou Mass Sport ti ganny organize.  Nou’n vwar bokou partisipasyon nou pep dan diferan kalite sport.  Menm bann sport tradisyonnel.  E la bokou bann talan ti ganny dekouver e bokou nou bann zenn pa ti tonm dan drog, lalkol, swa devlop bann konportman anti-sosyal ki ozordi in vin en gro problenm pou nou sosyete deal avek.

Mr Speaker, sa letan NSC mon rapel ti anploy bann Sports Liaison Officer ki ti travay an kolaborasyon avek bann distrik ou bann group distrik.  Mon pa pe dir fodre nou re-anploy sa bann Zofisye, me nou bezwen rod bann fason inovativ pou anmenn sa bann progranm lo nivo distrik, akoz son benefis ki i vin avek i signifikativ pou nou pep.

Mr Speaker, serten atlet pe pratik High Level Sport ti komans par Mass Sport.  Mon pa kapab mank sa lokazyon pou mwan koz lo bann Federasyon ki egziste ki ti pe zwe en gran rol dan devlopman sport, sirtou bann atlet ki perform lo High Level.

Mr Speaker, preski tou nou bann Federasyon in fonksyonn lo en baz endepandan.  Zotafilye avek bann Federasyon enternasyonal me nou vwar serten Federasyon zot byen striktire.  Parey Foutbol, nou vwar zot annan en Lakademi pou diferan laz.  Zot annan bann Zofisye ki sistematikman ganny bann formasyon.  Nou vwar zot Federasyon i annan i ganny en kantite sipor.  Mon kestyon mon demande.  Eski tou Federasyon pe ganny menm sipor?  Bann manm Komite zot annan menm dedikasyon akoz parler serten tim in train, ler i desann pou Konpetisyon, zot ganny drwa ganny dir ki napa ase Zofisye pou match deroule.

Mr Speaker, mon dir sa akoz nou vwar bann bon rezilta sorti kot bann disiplin dan zot Federasyon i byen striktire.  High Level Sport Scheme ti ganny entrodwir an 2001, pour ki nou bann atlet ou sportsmen i ariv lo en nivo, swa ki zot kapab pers lo nivo mondyal, zot ganny tou sipor neseser, kot zot anmenn lafyerte pou nou pe ek nou patri Sesel.

Mr Speaker, mon konnen ki ler en atlet in ariv lo en tel nivo, i enportan ki i ganny tou sipor neseser.  Enn bann keksoz pli enportan, se training. Nou bezwen fer sir ki sa bann atlet zot ganny lakantite erdtan training neseser ki pou kapab ed zot pou zot ganny zot bann lekipman neseser, ki pou ed zot ogmant zot performans.  Ki zot ganny en bon Coach ki pou donn zot sa training neseser.

Mr Speaker, i tre enportan ki zot ganny sa sipor finansyel e sosyal.  E si zanmen zot ganny okenn injuries, zot ganny sa tretman neseser pou zot kapab reganny zot lasante vitman.

Mr Speaker, ozordi nou annan en ventenn sportsmen dan progranm High LevelNSC ek Komite Olenpik i donn sipor finansyel.  Serten atlet i ganny loportinite pou travay avek NSC.

Mr Speaker, Sesel nou’n fer bokou progre.  Nou bann sportsmen in fer nou paviyon monte atraver lemonn.  Atraver Kontinan Lafrik, nou bann bokser fek retournen avek Meday Lor e sa, i fer nou fyer.  Nou’n fer reform ekonomik.  Nou’n lalit kont piratri avek sikse.

Nou Sistenm Lasante i enn parmi meyer.  Nou pe sanpyonn lakoz bann pti leta zil.  Tou zanfan i ganny akse ek ledikasyon.  En vizyon kler kote nou anvi ale i kler.

Mr Speaker, i enportan ozordi, ler nou pe koz lo High Level Sport, nou bezwen annan en vizyon kler ki nou anvi akonplir lo nivo sport.  Eski nou anvi ganny meday Olenpik?  kote nou anvi arive lo Sanpyon Mondyal?  Lo nivo Commonwealth, kwa ki nou anvi atenn lo nivo Lafrik?  Eski nou anvi tonm premye dan Zwe de Zil?  Nou bezwen annan en vizyon, en lobzektif ek en bon stratezi.

Mr Speaker, tou sport i enportan me nou bezwen realis.  Avek en stratezi byen kalkile, mon swete ki nou ava envestir bokou plis, kot nou pou ganny meyer rezilta pou nou pei.

Mr Speaker, ler mon get bann rezilta ki nou’n fer dan bann sport endividyel.  Bokse, Weightlifting Madanm, High Jump, Badminton.  Nou for dan Volleyball.  Nou ti ganny lor Lafrik.  Nou rikord lepase i montre nou ki nou’n deza raport meday lor dan 100 met, 200 met, 400 met.  Rezon ki nou’n fer tre byen Mr Speaker i kestyon nou altitid mannyer i ete.  Nou pa kapab al compete a bann pei parey Letyopi, Maroc avek Kenya akoz zot altitid i permet zot fer byen dan bann lakours long zistans.  I enportan ki nou pratik High Level Sport, nou bezwen donn li tou sipor neseser.  Nou tou nou konnen, pa bokou letan ki en dimoun pou fer sa sport pou bokou lannen.  I demann bokou devosyon, determinasyon, perseverans, sipor moral, stabilite sosyal, sipor paran.  Zot bezwen vwar en lavenir ou en karyer stab ler zot nepli kapab fer sa sport lo sa standar.

Mr Speaker, ozordi NSC pe anploy enpe, me NSC pa pou kapab pran zot tou.  I enportan note ki isi Sesel, Gouvernman pa kapab fer tou dan domenn finansman sport.  Alors, nou bezwen devlop bann tratezi pou vwar kimannyer bann lezot akter i antre e donn en koudmen, avek bi pou zwe en rol pli aktiv dan lenplimantasyon progranm High Level Sport e dan sa fason, asire ki nou bann atlet ou sportsmen, i ganny tou sipor neseser dan demars pou zot ganny plis ekspoze avek bann fasilite, lekipman, leksperyans, oubyen lekspertiz enternasyonal.  Si nou rapel dernyen Zwe de Zil, ler nou bann atlet ti fer nou pep fyer.  Nou tou nou ti zwenn ansanm e kriy ‘Ale Sesel.’

Mr Speaker, wi, NSC e Komite Olenpik pe fer zot kontribisyon e mon pou demande ki plis resours i ganny met a dispozisyon nou bann Federasyon e lezot progranm sport.  Nou bezwen anmenn plis sport dan Sesel lo en nivo pli siperyer ki i ete ozordi.  Nou swete vwar paviyon Sesel monte dan plis lokazyon dan bann levennman ki nou bann atlet i partisip ladan e sa pou arive.  Nou bezwen bouze.  Alor, mon demande ki Minister konsernen i revizit nou Sports Policy ki ti vin anfors an 1998.  Nou demande ki Ledikasyon Fizik dan lekol i ganny menm lenportans parey lezot size.  Mon demande ki en bon progranm devlopman pou nou Ansennyan Ledikasyon Fizik i ganny byen devlope.  Mon demande ki nou envestir plis dan nou bann Coach Seselwa.  An pasan, mon note ozordi, Weighlifting pe fer tre byen akoz son Coach in ganny in ganny en kantite training.

Mr Speaker, pou nou reisir dan nou demars, i depan lo sa ki nou envestir ozordi dan sport dan Sesel.  Pou nou fer plis sikse, nou bezwen annan profesyonnel ki ganny trained dan plizyer domenn parey dan Sports Medicine, Sport Administration, Physiotherapist eksetera.  Ozordi, nou annan en mankman sa bann profesyonnel.

Mr Speaker, Sesel i annan sa bann stabilite, lape, lenfrastriktir.  Anplis, sa bon lanvironnman otour nou bann zenn epanouir.  En stratezi sport byen striktire e enplimante i a anmenn bokou benefis pou nou pep.  Mon swe se ki sa ki konsernen avek sport dan Sesel i fer tou sa ki posib pou kontinnyen anmenn sport dan Sesel lo en nivo pli siperyer.

Finalman e ki mon krwar ki pli enportan, ki tou sa ki ganny dir, se ki mon pe lans en lapel solanel pou tou nou bann zenn atlet, sportiv dan nenport ki disiplin sport ki ou ete.  Se ki ou bezwen deside e met ou pare ou osi pou walk the extra mile. Fer ou shine e atraver ou determinasyon, dedikasyon ek lantouzyazm, ou ava kontinnyen fer paviyon Sesel mont pli o ki posib, avek bi ek en sel lavwa.  Nou tou ansanm nou ava siport zot tou bann atlet e kriy pli for, ‘Ale Sesel.’

Mr Speaker, ozordi Sesel pe sanpyonn lakoz bann pti leta zil.  Sesel pe sanpyonn lalit kont piratri.  Sesel pe sanpyonn konsept e definifr mwayen pou nou eksplwat Lekonomi Ble.  Sesel pe target en plas non-permanan dan Konsey Sekirite Nasyon Ini.  Tousala, yer ti paret zis en rev.  Anplis, pou serten, rev enposib.  Me letan pe dir avek nou, ki nou ti annan parfetman rezon.  Alor, mon panse ki napa nanryen ki mal, si mon dir ki moman in arive pou tou Seselwa komans reve pou en zour Sesel ranpli en lekip foutbol ek lezot lekip e i ava kalifye e fer lafyerte tou Seselwa dan bann Sanpyonna Mondyal.  Mr Speaker, mon move ki sa Mosyon i ganny debat lo la.  Mon remersi ou.

MR SPEAKER

I ganny debat lo la, ouswa i ganny aprouve?

 

(Laughter)

MR SPEAKER

Avan nou ouver deba, okenn ki segonde?  Onorab Lebon.  Ou ti oule dir okenn mo?

HON LENNY LEBON

Mersi Mr Speaker.  Mr Speaker, mon oule segonn sa Mosyon e mon oule dir 2 pti mo.

Mr Speaker, Mosyon prezante par Onorab Fideria pe demann Gouvernman pou annan en progranm incentive pou bann atlet sportsmen lo en nivo High Level, avek bi ankouraz plis zenn pou progranm sportif ankadre.

Sa Mosyon pe rod en keksoz pli byen ki sa ki deza anplas e egziste dan lekol, Lasosiasyon, Federasyon e menm lo nivo High Level Sport.  I pe get lwen dan sa nouvo Sesel ki nou pe koz lo la.  Letan in arive pou tou Lazans ki konsernen avek devlopman sport dan Sesel, pou zwenn ansanm an sinerzi e travay pou met sport Sesel lo en lot nivo.  Kot nou zenn i annan en feuille de route byen striktire pou nou vwar zot epanouisman.

Wi Mr Speaker, Onorab Fideria dan son prezantasyon Mosyon, in eksplik byen rezon det akoz en tel Mosyon.  I annan pour lobzektiv, se donn en nouvo souf dan sport dan Sesel.

Mr Speaker, sa i fer mwan mazin parol Prezidan Michel alokazyon Lazournen Nasyonal kot i ti dir e mon site, ‘Sesel i en pei ki anmars, nou pe bouz rapidman anfezan fas avek bann nouvo defi, nou annan kapasite, kouraz, lenerzi e rezilyans pou sirmont zot.  Nou pe fer li ansanm pou byennet, progre e boner Sesel’.  Ozordi zour nou tou, nou pou admet ki bokou in ganny fer dan devlopman sport dan Sesel.  Nou remersye e montre nou lapresiasyon pou tou sa ki Gouvernman, bann Lasosiasyon ek Federasyon volonter ek sportiv zot menm pe fer pou kontinnyen devlop sport dan Sesel.

Mosyon pe demande ki nou mont lo en lot nivo e kot nou komans ankadre nou bann zanfan byen boner dan lekol.  Mr Speaker, sa Gouvernman in kree sa striktir e i deza la.  Nou zanfan e zenn i pas lanmwatye zot letan kot en lekol e osi dan kominote.  Se la kot labaz e bann talan nou zenn i ete.  Se la kot nou bezwen pe envestir nou resours.  A plizyer repriz dan sa Lasanble, nou’n koz lo met resours dan kominote, kot bann talan i sorti.  Met resours dan kominote kot i a ede adres bann problenm sosyal, e sport e kiltir, i sa 2 eleman enportan dan devlopman lavi nou bann zanfan.

Moman in arive pou nou koman en pei, nou bezwen re vwar labaz akoz set en bon baz ki permet nou prodwir plis e pli byen sportiv.  Fodre nou elarzi sa baz an ankourazan tou nou zanfan, tou nou zenn pou fer en sport.  Deza nou pe met labaz lanfaz lo kreasyon en sosyete an pli bonn sante.  Dan lekol i deza annan plizyer progranm avek bi bouz dan en tel direksyon.  Nou pe devlope, bann tel progranm parey Healthy Eating akoz nou pe vwar ki avek devlopman, tro bokou nou bann zanfan i vin obes.

Mr Speaker, sport ozordi sirtou sport o nivo, i donn nou zanfan, nou lazenes ankor en bi dan zot lavi.  Ozordizour, i annan zenn pe ganny scholarship atraver sport e zot vin en role model pou sosyete.  I annan plizyer legzanp ki nou kapab site e vwar poudir sport i anmenn en eleman disiplin dan sa bann dimoun.  Ekselans osi dan sport, i anmenn bon limaz, sikse pou endividi e pei.  I annan en nesesite pou annan plis piblisite lo bann ekselans dan sport koman en sours lenspirasyon pou nou bann zanfan e bann zenn ki pe grandi.  Nou bann zanfan ler i ankor pti, i kapab ganny sans zwe akoz i enportan dan zot lavi e devlopman.  I enportan ki nou ankouraz partisipasyon lezot.  I enportan fer resorti ki sport ek lazenes, i en bon konbinezon pou konstriksyon en nasyon.

Lemoman in arive pou nou kre bann mekanizm ki detekte bann talan boner.  Nou pa zis detekte, me ki nou fer avek apre?  Bon kestyon Mr Speaker.  Mon vwar ki pei pe vin pli prospere, alors, ki nou fer? Nou kapab envestir plis dan sport o nivo.  Ozordizour, devlopman sport dan pei pa merit vin en zafer Gouvernman.

Lanvironnman ideal pou bann biznes zwe en pli gran rol dan devlopman sport dan sa pei.  In plis ki ler pou zot envestir dan bann progranm sport dan kominote.  Akoz i sa landrwa kot bann talan i ete e kot i kapab ganny dekouver.  Osi enportan, sa zenn i kapab sa ekselans pou limaz zot biznes e zot pe envestir dan fitir Sesel.  I bon fer resorti ki fodre nou met bann standar ki a determinen ki nivo fodre komans donn incentive e ki ekspekte avek sa bann atlet lo sa bann progranm.

Sak biznes i swazir en sport. Spesyalman bann sport endividyel, kot sa endividi i kapab swiv training aletranze, anmenmtan etidye dan en lot domenn, swa kree en fon kot bann biznes i kapab kontribye pou donn incentive bann sport ki merite.  Fodre incentive i baze lo rezilta, target ki atlet devret arive pandan en peryod letan.

Apre tou lenvestisman pei e nou, i ekspekte ki sa atlet ki pe resevwar sa incentive i donn bann bon legzanp dan tou domenn par egzanp, pa servi drog ouswa lalkol.  Zot bezwen vin bann bon Anbasader pou nou pei e osi vin bann role model egzanpler pou sa zanfan e zenn ki pe grandi.

Mr Speaker, dan repons Diskour Leta Lanasyon pou sa lannen, mon ti koz lo mon rev vwar ki sakenn nou zabitan i pran swen avek son lakaz e son zalantour.  E kot nou apresye e annan gratitid pou sa ki nou gannyen.  Kot nou devlop sa sans lapartenans dan nou kominote, kot sakenn de nou, i vin donn en koudmen dan fer nou kominote, ouswa distrik e Sesel bouz delavan.  Tel parey ou sa graduate, kot ou donn enpe ou letan e vin montre sa zanfan en keksoz apre ler lekol.  Ou kapab montre li, mon ti site, ‘matematik oubyen lasyans’.  Petet menm, kimannyer i lir ouswa fer en sport.  Se sa lespri giving back e santi mwan par sa kominote e Sesel.  Se sa ki lespri deryer sa Mosyon pe anmennen.  Se sa ki sa nouvo Sesel pe evok nou.

Mr Speaker, i annan osi sa nesesite pou form byen bann ankadrer.  Resers ki mon’n fer i montre poudir ki dernyen fwa ki bann Ansenyan Ledikasyon Fizik ti ganny diploma ti an 1991.  Mon senserman krwar ki letan e sa nouvo Sesel pe evok nou, ki nou bezwen met lanfaz lo bon formasyon sa bann ankadrer.

Ler ou fondasyon i solid labaz i for.  Sa i permet en devlopman solid e sa i permet annan kontinite dan devlopman sa bann zanfan e zenn.  I annan sport pe fer e i en model pou lezot sport.  Nou bann ankadrer dan lekol i kapab ganny bann training ouswa refresher course.  Dan serten pei parey Lostrali e lezot bann ankadrer i ganny sertifika ziska lo nivo liniversiter.  Nou kapab bouz dan sa direksyon Mr Speaker.

Mon ti a kontan sizere ki Lotorite konsernen, i travay ansanm avek Liniversite Sesel e devlop en course ki permet bann Ansennyan Ledikasyon Fizik, ouswa ankadrer devlop zot potansyel e bagaz.  I osi annan en nesesite pou annan en scheme pou bann ankadrer.

Wi Mr Speaker, nou kapab fer li, i demann zis aksyon.  Bokou nou zenn napa bokou keksoz pou fer apre ler lekol.  Se la kot bann ankadrer i bezwen pe osi ankadre sa bann zenn.  Lemoman in arive pou nou get fitir nou Sesel e vwar enn ki an bonn sante e kot i annan mwens social ills.

Sport i lakle e labaz tousala e solisyon bokou nou bann defi ki nou zenn pe fer fas avek.  La mon oule refer lo parol Prezidan Michel pandan Lazournen Nasyonal e i site, ‘Napa nanryen ki enposib pou en pep ki ini, son lanbisyon reisit, i a lesel son lenspirasyon, son kouraz i inebranlab, son determinasyon i tenas, son vizyon i fikse lo en meyer lavenir’.  Sa i bann parol tre saz, annou fer li ansanm pou nouvo Sesel.

Pou konklir Mr Speaker, sa Mosyon i montre nou ki letan in arive pou nou koman en pei get sport dan en lot letap e bouz li pli onivo.

Parey mon’n dir sa Gouvernman in kre tou sa lenfrastriktir dan kominote e striktir i la.  I devret annan en vizyon kler, en feuille de route ki montre kontinite e lankadreman byen striktire.  Avan terminen, moman in arive pou nou koman en pei, nou bezwen revwar labaz akoz se en bon baz ki permet nou prodwir plis e pli bon sportif.  Fodre non elarzi sa baz ankourazan tou nou bann zanfan, tou nou zenn pou fer sport. Nou annan lenfrastriktir e nou kapab organiz pli byen bann kanpman kot bann spesyaliz lokalman, enternasyonalman, i kapab vin antrenn nou bann diferan disiplin sportif sirtou bann zenn ki pe excel dan zot disiplin.  Nou kapab kree bann scheme koman bann soft loan pou bann profesyonnel ki anvi further zot devlopman dan en disiplin, swa lokalman, oubyen enternasyonalman.

Avek sa 2 pti mo, mon pou donn mon sipor total a sa Mosyon e devlopman sport dan nou pei.  Mersi.

 

MR SPEAKER

Onorab Arnephy.

HON BERNARD ARNEPHY

Mersi Mr Speaker, bonzour tou dimoun.  Mr Speaker, pandan sa 37an ki nou Gouvernman, Gouvernman lepep in o pourvwar, nou’n envestir plizyer bilyon Roupi dan devlopman nou lazenes dan diferan domenn ki enkli devlopman sportif akoz nou en Gouvernman ki krwar fortman e senserman dan devlopman nou lazenes ki fitir e pilye en nasyon solid.

Mr Speaker, sa ki pous mwan pou aport mon sipor pou merit en tel Mosyon, se akoz mon krwar en kantite dan potansyel nou lazenes.  Loportinite i la pou zot reisir.  Loportinite dan pei i annabondans e nou zenn i bezwen koste e sezi sa bann loportinite.

Mr Speaker, isi Sesel nou en bann dirizan ki krwar senserman dan devlopman nou lazenes.  Dan son Diskour alokazyon nou Lafet Nasyonal semenn pase, Prezidan Michel ti dir e mon quote ‘En pei ki anmars i bezwen son lafors viv, i bezwen son lazenes.  En lazenes vital, responsab, disiplinen, dinamik.  Enprenye par bann valer solid e patriyotik.  Sesel i bezwen zot, se zot bann zenn ki fitir dirizan nou pei.  Nou plas bokou lespwar dan zot, nou pou kontinnyen met resours a zot dispozisyon pou devlop zot potansyel e prepar zot pou lavenir.  Lavenir nouvo Sesel ki pe konstrir avek zot.’ Fen sitasyon.

Wi Mr Speaker, chapeau a parol saz nou Prezidan.  Ki son aksyon i dir tousel lo ki degre lenportans i atase avek devlopman lazenes son pep.  E la, mon oule lans en lapel avek nou zenn pou servi tou loportinite ki a zot dispozisyon e montre ki sa lenvestisman ki nou pei pe met dan zot, i enn ki volapenn.

Mr Speaker, dan mon distrik respektiv Anse Boileau, mon koz bokou avek lazenes e mon annan en gran respe pou nou zenn.  Kot fodre gid zot, kot fodre donn konsey, kot fodre ankouraz zot pou profite e tir benefis loportinite ki a zot dispozisyon.  Mon touzour e mon pou touzour la dan zot kote, senpleman akoz mon krwar dan kapasite e mon swe, nou swe se pou annan en zenerasyon meyer pou anmenn Sesel pli devan e touzour pare pou fer nou Sesel fyer.

Mr Speaker, parey nou kontinnyelman dir, ki nou lazenes se nou lavenir.  En bon progranm lankadreman, i touzour enportan si ou anvi bon rezilta.  Dan domenn sports, nou lazenes i anmenn loner pou nou pei.  Dan dernyen zwe des Iles an 2011, selebrasyon ti partou.  Wi, nou lazenes ti’n determinen pou fer paviyon Sesel monte.  Lim Nasyonal Sesel ti pe ganny zwe partou kot bann rankont sportif.  Wi koste Seselwa.  Mon ti fyer, ou ti fyer, nou ti fyer, nasyon Seselwa ti fyer.  Bravo Sesel, bravo lazenes Seselwa.

Dan bann konpetisyon resan, dan larezyon e lo nivo kontinan, nou’n vwar koman en pti pei avek en pti popilasyon pe kontinnyen fer lafyerte nou nasyon.  Hendrick Allisop, enn nou zenn bokser tre prometan i laprev reel en tel lakonplisman, kot resaman dan 2 konpetisyon o nivo lo Kontinan Lafrik in ranport meday lor.  E in fer monte nou paviyon e rezonnen nou Lim Nasyonal.  Nou bezwen a toupri siport bann zenn avek en tel determinasyon, pou kontinnyen fer pli byen e fer loner nou pei.

Mr Speaker, lenportans anmenn mon sipor pou sa Mosyon, i ankor enn ki senp.  Sesel nou zenn i annan sa kapasite, nou zenn i annan talan eksepsyonnel e nou bezwen kontinnyen donn zot plis loportinite e sipor pou kontinnyen fer pli byen.  Koman en pti leta zil nou form parti sa monn boulverse e ranpli avek konfli.  Koman en pti leta zil nou reste vilnerab, konsekans globalizasyon pe anmenn avek li bokou lenpak negativ lo nou sosyete.  Lenpakt lo nou kiltir, nou fason viv e nou lazenes i alors reste vilnerab.  Sesel pa en leksepsyon ozordi.  Sa lenpak negativ ki konportman anti-sosyal.  Drog, lansentman anba laz, prostitisyon, eksetera, i annan lo nou sosyete i reste nou bann defi a sirmonte.

Sesel, lenvestisman dan sport i endisponsab.  Nou bezwen vwar sports koman enn sa solisyon anver en meyer Sesel ki nou pe batir e anver nou konba kont serten fleo ki pe ravaz nou sosyete.  Mon oule salye Gouvernman pou sa kantite zefor ki’n ganny mete dan devlopman sports me i reste bokou e bokou ankor pou fer.

Mr Speaker, sports i anmenn bokou benefis pou pei e pou sak endividi lo nivo lasante, nou tou nou konnen ki letan ou fer sports ou annan mwens risk tonm malad e byensir, ou viv pli byen e pli lontan.  Dan sports nou pou selman annan bon rezilta si nou annan en bon progranm devlopman sports anplas e a en tre zenn az.  Labaz Mr Speaker, se la kot bann zanfan, bann zenn avek potansyel i ganny idantifye, gide e ankouraze pou kontinnyen persevere e anmenn rezilta.  Swivi ek kontinite, i tre enportan.  Mon oule alor felisit Gouvernman pou entrodwir sa High Level Sports Scheme an 2001 avek bi pou reste focus lo bann zenn avek potansyel e pou donn zot sipor pou anmenn plis rezilta.  Anmenmtan pou ede dan deteksyon nouvo talan.

Mr Speaker, lenvestisman dan sports, i anmenn bokou benefis pou nou pei e pou bann atlet zot menm.  Mon krwar ki zot tou isi zot a dakor avek mwan, ki sports i zwe en rol tre enportan e in kontribye enormeman aver linete, solidarite e lespri patriyotizm dan nou pei.  Sa High Level Sports Scheme ki ti ganny entrodwir, koman en motivasyon pou nou zenn atlet fer pli byen lo nivo enternasyonal.  Pou devlop zot talan, pou zot devlop en karyer dan sports, pou reste dan zot domenn sportif, pou zot devlop en bon sans disiplin e respe osi byen annan sa lanbisyon pou devlope e fer touzour pli byen.

Mr Speaker, mon konnen ki Gouvernman tou dernyenman, in revwar package pou sa scheme avek bi pou anmenn plis sipor pou bann zenn atlet.  Sa i tre, tre byen me i tre enportan ki latansyon anver bann atlet prometan, i vin pli aparan e ki sa bann atlet i ganny tou sipor neseser pou zot kapab delivre pli byen.  Sipor Gouvernman, sipor Konsey Nasyonal pour Sports, sipor Federasyon, sipor lakominote e sipor bann fanmiy, nou kapab fer pli byen e sa i enportan si nou tou nou met zefor ansanm pou nou ed nou bann atlet.

Ser, zenn atlet, ou ki annan sa kalite e ki Sesel pe ekspekte rezilta de ou, sipor Gouvernman, sipor Konsey Nasyonal pou Sport, sipor Federasyon, sipor lakominote e ou paran tousel, pa pou anmenn rezilta.  Sa i selman en bout, sa lot bout i depan lo ou sa zenn atlet.  Ou langazman, ou perseverans, ou travay dir, ou disiplin, ou sakrifis, se sa ki pou ed ou anmenn rezilta.

Sa i en parkour determinasyon e bokou, bokou sakrifis.  Me alafen i konte.  Mon konsey pou ou, se les ou lanbisyon, anvi reisir reste vivan dan ou.  I enportan ki atlet i realize ki loportinite e benefis ler ou dan sports i pa zis lo nivo konpetisyon, me i osi ed ou devlop ou karakter kot ou aprann apresye e respe lezot kiltir.  Ou vin en Anbasader pou ou pei, ou ganny sans vizit lezot pei e devlop lanmitye esanz bann nide e pli enportan devlop sa lespri fair play.

Rev Sesel i meday lor lo nivo bann gran rankont enternasyonal tel ki Olenpik, Commonwealth, La Francophonie e All Africa Games. Posibilite ganny meday, i la Mr Speaker.  Me nou tou nou bezwen zwenn ansanm e donn sipor lazenes pou fer li arive.  Ou sa atlet ki anvi vwar ou mont lo pli o podium enn sa bann zwe enzour, pran ou training tre o serye.  Respekte ou coach e sipor ki koleg i donn ou e pli enportan, valoriz sa lenvestisman ki pe ganny mete dan ou.

Pou konklir Mr Speaker, les mwan partaz sa pti refleksyon avek nou bann zenn atlet.  Ser zenn, ou ki annan sa potansyel, ou ki konn ou potansyel pa les ou potansyel ganny detrir par bann konportman negativ tel ki labi sibstans e bann lezot konportman anti-sosyal.

Ler ou montre ki ou determinen angaze e annan sa lanvi reisir, sipor sorti tou kote pou vini.  Mon panse ki Sekter Prive e endividi ki annan devlopman lazenes, sportif a ker pou kontinnyen zwenn ansanm avek Gouvernman e vwar koman High Level Sports i kapab ganny plis sipor e plis soutyen.  Me responsabilite final i reste lo ou sa sportiv, si vreman ou annan sa lanvi reisir.  Mon lapel alors, se ki nou tou ki konsernen avek lavenir sports nou pei, nou zwenn ansanm e vwar koman nou kapab kontinnyen anmenn sa sipor ki loter Mosyon, Onorab Fideria in koz lo la.  Sa i pa zis en zafer Gouvernman, me i en zafer sak endividi ki annan devlopman lazenes e devlopman sports a ker.  Mon pou vot anfaver sa Mosyon e mon oule remersi ou Mr Speaker.  Mersi.

 

MR SPEAKER

Onorab Barbe.

 

HON NICHOLE BARBE

Mr Speaker, Koleg Onorab bonzour.  Mr Speaker, dan sa lemonn modern, tou nasyon pe fer son mye pour ki i ariv devan lo lasenn mondyal, enn bann fason pli komen pou fer sa se atraver bann konpetisyon sportiv enternasyonal.  Alors, bann atlet e lezot sportiv atraver zot viktwar i demontre lavansman en nasyon e son bann lakonplisman.  Me gannyen ou non, partisipasyon en nasyon lo lasenn sportif enternasyonal, i en keksoz ki aport bokou lafyerte pou sa nasyon.  E isi Sesel in annan bokou lokazyon kot nou bann sportiv in fer nou vreman fyer.

Lesanz spotif enternasyonal i osi en fason pou garanti en nasyon.  Devlop li plis, tir li dan sa izolasyon e sa i sirtou enportan pou en pei parey Sesel ki zeografikman izole.  Egalman, sports enternasyonal i en form lesanz diplomatik ant bann nasyon e kominote nasyon, i permet nou pou gard lanmitye ant bann diferan pep.  Me i osi kree e ankouraz lanmitye ant bann divers endividi.

Sports, i en zouti kominikasyon ant bann nasyon, me i egalman en zouti ki ede aport lape dan lemonn e fasilit sa travay pou gard en balans stab ant bann diferan pourvwar.

Letan ki ou met sports dan son kote sports o nivo enternasyonal sa i bokou plis ki lamazorite nou i kapab pe mazinen.  I annan en kantite keksoz ki atase avek sports.  En kantite benefis ki vin avek partisipasyon en pei dan sports o nivo.  Pei i premyerman ganny rekonnet, i annan sa rekonesans, i vin avek ou partisipasyon me egalman, i annan bokou respe ki al pou bann venker.  I tre enportan dan sa ka pou nou regard Mosyon Onorab Fideria dan son vre perspektiv.  Sak i Onorab pe demande si ki nou envestir plennman dan loner nou nasyon, dan lafyerte nou nasyon.  Ki nou’n envestir nou bann zenn, pour ki zot a kapab debout koman bann vre role models pou lezot zenn isi Sesel.  Me ki zot ava osi kapab al reprezant nou pei koman bann Anbasader.

Mr Speaker, tou Seselwa i kapab vwar benefis ki sa Polisi Diplomasi avek Prezidan Michel in anmennen pou nou pei e la aprezan Sesel pe konteste pou en syez non-permanan lo Konsey Sekirite Nasyon Ini.  En lenvestisman byen kalkile dan nou bann atlet o nivo pou zis servi pou ranforsi sa travay ki pe deza ganny fer par Biro Prezidan, Minister Zafer Etranzer, Minister Tourizm e lezot ankor.  Plis vizibilite pour ki nou pei i servi pou aport plis benefis pou nou pep.  E dan sa lobtik ki mwan mon pe enterpret lespri Mosyon Onorab Fideria.

Atraver mon lentrodiksyon, mon’n oule fer resorti, ki tou Seselwa pou tir serten benefis ki sa Mosyon i ganny met an pratik.  Sa ki sa Mosyon pe demande, pa pou benefisye zis sa bann sportiv zot menm.  Me atraver zot travay e devosyon pei annantye i a kapab benefisye.

Mr Speaker, an 1993 en letid ti ganny pibliye Lanmerik ki ti avans devan sa ki ozordi nou apel the 10 year Rule ouswa the 10 thousand hour rule.  Sa letid i dir senpleman ki i pran anviron 10 mil erdtan ouswa 10an repetisyon, pour ki en dimoun i kapab vin en eksper dan son field. Sa letid ti demontre klerman ki en endividi i kapab pli talante me se sa konbinezon talan avek repetisyon, ki fer ki en dimoun i kapab devlope pou vin en eksper.  Si nou pran par egzanp nou vwazen akote Kenya, in annan bann zenn Kenyan ki’n vwayaz plizyer kilomet par zour an tayan e zot pe fer sa depi laz 5 a 6an.  Letan ki sa zenn Kenyan i ganny li 15 a 16an, in fini vin en eksper dan bann lakours long zistans lo en nivo ki egal en atlet 20 a 22an dan okenn lot pei lemonn.

Sa legzanp i osi aplik pou Ethiopia avek Eritrea.  Sa teori in osi ganny servi pou eksplik sikse ki Brazil in fer dan football.  Sa nasyon i sitan pasyonnen par sa sport, ki bann zenn Brezilyen in komans zwe foutbol toulezour 2 a 3 fwa par zour.  Letan ki en zenn Brezilyen ki natirelman talante i ganny li 15 a 16an a son nivo, in deza sot en zwer foutbol 22an sorti dan en lot pei e sa teori i ganny servi partou atraver lemonn dan devlopman bann sportif o nivo.

Tou profesyonnel dan spor ozordi, i koz ou lo disiplin e lo travay dir.  Se sa 2 keksoz ki lakle zot sikse.  Sa sportiv ki i bezwen limenm li posed sa mantal pozitiv e en nivo disiplin tre eleve si i anvi atenn son bi.  E avek sa, i vin byensir travay dir, repetisyon, repetisyon e ankor repetisyon.

I dan sa staz la kot bann atlet i premye komans bezwen sa sipor eleve, sirtou si en talan in ganny idantifye depi en tre zenn laz.  E sa zanfan, i ankor dan sa sistenm ledikasyon formel, la i pou bezwen ganny ankadre avek tou bann resours neseser si nou oule li ki i devlop son potansyel.  Me byensir, fodre ki li osi i anvi fer leneseser.  Si sa dimoun i en nazer, la i annan zis en sel lokasyon kot i kapab train.  E si i pe lekol nou pe koz bann repetisyon granmaten avan ki i al lekol e ankor apre lekol.  Sa i mars parey pou tenis, atletik.  I deza annan plizyer fasilite atraver pei.  Me si coach i anvil, la ankor i annan sa deplasman.  Sa lev granmaten e sa dormi tar ki vin avek.

Pou kre en sportiv o nivo, i pran bokou sakrifis.  Si nou pou swiv metod siyantifik ki lemonn in aksepte koman norm, la nou pe koz 10an sakrifis zis pou form sa atlet pou ariv lo sa nivo kot i bezwen arive pou fer konpetisyon o nivo.  Isi Sesel lafason ki nou pei i fonksyonnen, sa i vedir en partenarya ant Gouvernman atraver NSC, bann diferan Lasosiasyon Sportiv e sa atlet limenm.  Me sa fason fer in enn ki demode.

Gouvernman avek bann resours limite ki i pe met a dispozisyon bann Lasosiasyon atraver NSC, pa pou zanmen kapab cater a plen pou tou bann bezwen ki nou bann atlet o nivo i annan.  Nou pou bezwen re vwar senrten keksoz.  I dir tousel ki en atlet tre o nivo pou bezwen bann sipor ki anlinny avek sa nivo kot nou oule vwar li arive.  La nou pe koz depi lanouritir, transportasyon, lekipman e tou son bann lezot neseser ankor.  I annan en kantite pei kot zot progranm i pran laform en Scholarship, kot sa atlet an formasyon i ganny li en labours avek bann kondisyon predefinir ki permet li pou grandi e devlop dan son sport san kontinnyelman pe pran traka kimannyer i pou fer pou marye bann pti detay lavi anzeneral akote sa for demann ki en progranm formasyon o nivo pe met lo li.

Mr Speaker, mon krwar ki mon ankor anlinny avek sa lespri Mosyon letan ki mon dir ki isi Sesel nou bezwen en progranm kler e byen definir lo ki fason nou ankadre bann atlet o nivo ki an formasyon.  Nou bezwen kree bann striktir ki ava permet bann endividi e biznes prive pou antre e fer zot kontribye zot osi.

I anann en kantite dimoun dan pei ki kontan spor e ki ti a kontan ede.  Me zot toultan annan lenpresyon ki se Gouvernman ki fer tou, alors zot pa zanmen avans devan.  I menm annan serten ki dir avek ou ki personn pa’n zanmen demann zot pou ede.  La ozordi enn fwa pour tou, annou kas sa persepsyon konmkwa ki formasyon nou bann atlet i responsabilite pirman Gouvernman.  Tou sa ki kapab e ki anvi i devret kapab kontribye e ede.

Mr Speaker, apre ki ou’n envestir, tou sa sakrifis disiplin, resours e letan, pei i finalman ganny li en high performance atlet.  Wi, i vre ki repetisyon i kontinnyen, formasyon pou toultan form parti routin.  Me la aprezan, ou pe deal avek en atlet o nivo e non pa en zelev an formasyon.  I annan serten nou bann atlet sa nivo, ki dan lepase in eksprim zot dezapwentman fas a bann promes ki zot ti’n ganny fer.  I annan ki’n dir ki zot in ganny leve anler zis pou en zour e ki apre zot in ganny konpletman inyore e oubliye.

I vre ki i annan serten nou bann atlet o nivo ki santi en gro dezapwentman letan ki zot konpar sa zefor ki zot envestir e benefis ki sa in aport zot.  I annan ki dir ou mil fwa zot ti’n konsantre dan zot karyer dan plas envestir zot a fon dan sport.  Koman en pei, nou bezwen kapab asize, diskite e adres sa sitiasyon.  Letan mon pe dir pei, la mon pa pe koz zis pou Gouvernman.  I annan en kantite Seselwa ki pasyonnen par sport, i annan en kantite Seselwa ki kapab e anvi kontribye.  Mon panse, ki nou devret kree bann striktir relevan ki ava kapab permet nou pou fer egzakteman sa.  Nou bezwen kapab onor nou bann ero sportiv.  Sa bann ki aport non sitan kantite lazwa e lafyerte e fer nou paviyon flote.  Nou bezwen kapab respe zot zefor e sakrifis e servi zot kouraz koman en zouti pou enspir nou e gid nou zanfan.  I tre enportan ki nou lev zot anler e soutenir zot zis parey ki nou soutenir nou lafyerte nasyonal.  Mersi Mr Speaker.

 

MR SPEAKER

Onorab De Commarmond.

HON CHARLES DE COMMARMOND

Mersi Mr Speaker.  Mr Speaker, sa Mosyon ki devan nou ozordi, i tonm tre byen, i apropriye akoz i zis moman kot dan lemonn konpetisyon foutbol pli enportan, Lakoup Mondyal Foutbol i pe deroule e dan detrwa zour, Dimans ki vini, le 29 Zen, nou Zournen Nasyonal, nou pou annan osi konpetisyon enportan pou bann atlet lo nivo lekol dan nou pei, ki toulezan i ganny fer.

Ozordi dan Sesel Mr Speaker, nou annan en Minister Sports ki tre byen striktire e organize.  I osi enportan fer konpran poudir ki i pa’n toultan koumsa dan nou listwar.  Lafason donk ki Minister Sports i striktire, i osi annan bann Federasyon, bann Lasosiasyon ki’n develope ofir e anmezir pou bann diferan disiplin sportiv.  E i annan osi National Sports Council, ki ede administre tousala.

Nou annan nou high Level Sports, nou annan Sports Medicine e tout sa bann lezot adages ki anmenn devlopman pou sports anzeneral.  Nou annan osi, Minister Ledikasyon ki osi anmenn devlopman sports dan lekol e sa i ganny fer atraver bann PE Teachers, Ansennyan Ledikasyon Fizik parey nou abitye dir.

Nou osi annan dan Sesel, ozordi, enn de klib bann diferan kalite sports ki kapab egziste.  Atletik, foutbol, volleyball, basketball ensidswit.

Minister Sports anplis, i asiste bann diferan klib sportiv avek en pti mwenza.  Mon dir en pti mwenza akoz i pa bokou larzan ki zot donn bann klib ki atase avek en distrik, ouswa bann tim ki atase ek en distrik.

Minister i osi depans pa mal larzan avek bann diferan Konpetisyon Sportiv Nasyonal, rezyonnal e letan bann atlet i al partisip osi lo nivo enternasyonal.  Tousala Mr Speaker, i tre byen.  En bon pe larzan dan nou Bidze i al anver devlopman sports dan nou pei.

Me nou, nou Lasanble e atraver sa Mosyon nou vwar poudir i pa ase.  Mr Speaker, ler nou get direksyon, lapant, lanbisyon bann klib, lanbisyon pei dan bann konpetisyon ki i partisip ladan.  E pli enportan, lanbisyon sak atlet e la, tou dernyenman, apre Festival Kreol, nou vwar ki se Sports Tourism, ki nou Minis Tourizm pe osi promote.  Ler nou osi get potansyel ekstraordiner serten nou bann atlet dan lepase e ozordi, tousala i envit nou, i motiv nou e i anmenn nou pou reflesir ansanm lo posibilite anmenn sports Sesel pli devan ankor.  Se sa mon krwar i bi prensipal sa Mosyon.

Ler nou pe koz, alor Mr Speaker, lo sa Mosyon, ler nou pe koz Sports Tourism, talan sportiv dan bann pti pei an devlopman parey nou, i fer mwan mazin enn de ero Foutbol Mondyal, oubyen Sports Mondyal.  Mon mazin la Ruud Gullit ki ansanm avek si oule Frank Rijkaard, ti annan Winston Bogarde, sa bann dimoun, an 1991 zot ti form par Tim Nasyonal Surinam.  Ou ezite, ou pa konnen kote i ete, Surinam en pti pei dan Sid Lanmerik ki personn pa ti tro tro konn li.  E an 1991, son tim Nasyonal Foutbol i bat La Olann 3 lo 1.  Ozordi nou pe rode, nou vwar poudir La Hollande c’est le Brésil de l’Europe en football e se la kot in komanse.  E avek sa, i pa zis fer La Hollande vin le Brésil de l’Europe de football me anmenmtan, i fer ki Surinam i sorti en pei ki personn pa tro tro konn li e i vin en pei kot dimoun i komans konn li, zot al rod ankor lezot zwer foutbol laba pou kapab, e la i monte lo map tourizm lemonn.  Savedir, i montre ou kot devlopman sportiv, sirtou dan bann pti pei i kapab ed sa pei pou epanouir, pou grandi dan sa bann direksyon ki mon pe nonmen.

Sesel i kapab osi, Mr Speaker fer en perse dan sa direksyon si nou organiz nou byen e si nou pli smart parey nou Prezidan i dir nou.  Ler nou gete BVI, British Virgin Island, en pti pei li osi parey Sesel, pti popilasyon, pti grander pei.  Me li i pe compete lo nivo Olenpik Enternasyonal.  Son atlet i fer perse, why not Sesel?  Ki problenm ki nou, nou pa kapab fer e ariv lo sa nivo.  Sanmenm mon dir Mr Speaker, ki nou, nou osi nou bezwen smart e nou Prezidan pou Lafet Nasyonal le 18 Zen dan son speech, in dir nou.  In dir nou ki nou bezwen smart e la mon demande ki, petet mon krwar Minister Sports, i devret fer enpe brainstorming activities, fer en mannyer ki i diskit, i servi bann lantouraz otour li.  Bann diferan dimoun, pa zis sa bann dimoun ki dan sport ki i vwar toulezour, me enpe i ekout sa ki nou pe diskite ozordi dan nou Mosyon, dan Lasanble pou zot kapab demontre sa smartness. Pou zot kapab alor vwar kote Sesel i avanse, i fer sa perse atraver sports dan lemonn.

Mr Speaker, nou dir Sesel i annan talan.  I annan talan dan lanmizik, fek montre lot zour dan konpetisyon, sanpyon.  Me mwan, mon krwar osi ki Sesel i annan talan dan sports.  Se la ankor mon dir, nou Minister Sports i bezwen smart e vwar devlopman Lorganizasyon devlopman sa bann talan.  Akoz mon krwar ki dan naze, dan atletik nou kapab fer sa perse dan devlopman sport.  Petet dan sport endividyel ou kapab al pli vit, kekfwa foutbol i pou pran nou bokou letan.  Nou’n vwar dan Volleyball nou’n ariv lo nivo Lafrik, nou pe compete, kekfwa ladan nou kapab aranze.  Nou antoure avek delo la dan Sesel, savedir ketfwa natasyon, naze, lavwal i bann sport osi ki endividyel plis, kekfwa nou kapab fer sa perse.  Dan atletik parey nou’n dir.  Kekfwa long distance nou pa pou fer byen, nou napa ase gran plato isi, me selman dan en lot bout.  Me nou bezwen gete, sanmenm sa mon dir nou bezwen smart akoz nou bezwen gete kote ki nou kapab fer sa perse pour ki Minister Sports i organize pou nou kapab al lo sa lot nivo.

Benefis en bon sistenm incentive, i pou anmenn devlopman talan sportiv pou nou bann atlet, definitivman e i pou anmenn lavantaz enorm, mon krwar mwan, pou pa zis sa endividi me pou nou pei anzeneral.

Be nou bann klib, nou pa kapab osi les tou sa tonm zis lo Gouvernman, akoz nou’n anbark dan en lot sistiasyon la, nou annan privatizasyon ozordi dan Sesel.  Savedir bann klib sportiv zot osi zot annan en rol pou zwe.  Bezwen gete an sinerzi avek Gouvernman an partenarya avek Minister Sports kimannyer bann klib i kapab ganny ede pou zot devlop lo en lot nivo ki kapab ede dan sa sinerzi pou anmenn sa bann rezilta ki nou pe rode.  Ki swa dan laboks, laboks en ler nou ti’n ariv en o nivo, oli ozordi?  Nou bezwen kontinnyen dan sa bann direksyon.

Vwala Mr Speaker, mon krwar alor ki letan nou pe promot anmenmtan Sesel, i pe promot nou Prezidan, i pe promot devlopman bann pti pei anvwa devlopman, son bann talan ki i annan, alor mon dir ki pou nou promot talan pti pei an devlopman, osi nou kapab fer sa atraver devlopman sport e bann sportiv talante dan sa bann pti pei.  Avek sa mon krwar ki nou devret les nou bann talan ganny dekouver, devlope e grandi.  Annou kontinnyen ed e tir bann baryer ki pou kree sitiasyon pou nou bann sports man fransi sa bann defi ki annan otour li pou li kapab fer son perse pli byen lo nivo enternasyonbal e anmenn Sesel pli devan.  Avek sa, mon pou siport sa Mosyon ki devan nou.  Mersi Mr Speaker.

 

MR SPEAKER

Ou pou 10 minit, apre nou annan Onorab Fideria osi.  Mon pe mazinen si nou pou adjourn ziska 2er.  Bann Manm pe koz 30 minit, 25 minit.  Ok, mon a proceed.  Wi, wi.

HON DAVID PIERRE

Mersi, Mr Speaker.  Mr Speaker, Mosyon devan nou i annan pli presizeman pou fer avek High Level Sports isi Sesel.  Me Sports limenm, i anmenn en kantite benefis pou en nasyon.  Toulezour nou tann dir poudir sports i annnan en lefe inifikater.  Sports i inifye en nasyon, letan nou annan nou bann atlet, oubyen en atlet ki pe pran par dan en levennman, lo en tre o nivo, lo en nivo enternasyonal nou vwar kimannyer tou Seselwa i ralye deryer sa atlet.  I ralye anba en sel paviyon, i ralye anba en sel Lim Nasyonal pou nou donn sipor dan tou fason ki nou kapab sa atlet, zisteman, akoz i enn nou, i sorti Sesel e i pe compete pou Sesel e pou Seselwa.

Sports i osi annan en laspe anmenn disiplin dan lazenes, i montre lazenes kimannyer pou respe.  I tir zot dan drog, i tir zot dan lalkol, sigaret e i kontribye pou fer zot reste pli an bonn sante.

Son retonbe Mr Speaker, i se ki i redwir presyon par egzanp lo Minister Lasante.  Nou ganny bann dimoun ki an pli bonn sante and therefore mwens presyon lo Minister Lasante.  I annan en retonbe ekonomik and of course, i osi annan en retonbe an relasyon avek bann fleo sosyal ki nou vwar nou sosyete pe fer fas avek ozordi.  Akoz parey mon’n dir, sports i tir lazenes dan drog avek dan lalkol ki bann rezon prensipal akoz ozordi Sesel i annan sa dekadans moral, i annan sa fleo an relasyon avek bann konportman anti sosyal sirtou parmi nou bann zenn.

Mr Speaker, se pour sa rezon ki pei i bezwen envestir anrelasyon avek sports. Nou bezwen envestir dan en fason tre for dan nou bann atlet e se la kot sa Mosyon i vin tre enportan.  Nou bezwen envestir dan lenfrastriktir, nou bezwen envestir dan kalite servis ki lie avek sports.  Par egzanp dan Servis Lasante.

Mr Speaker, nou osi egalman bezwen envestir dan resours imen e la i fer mwan realize, apre taler mon a koz enpe lo la, i fer mwan realize ki kantite par egzanp coach Seselwa ki nou annan ki pe antrenn nou bann atlet, ki anretour zot pe antrenn lo en nivo enternasyonal.  Konbyen coach Seselwa ki’n antrenn nou bann atlet ki’n anmenn bann meday apre ki zot in pran par dan bann konpetisyon enternasyonal.

Mr Speaker, nou bezwen envestir dan bann bon progranm lekol akoz se laba kot preski tou i komanse.  Nou bezwen fer sir ki nou bann zanfan, nou bann manrmay a en tre bon laz, a en tre zenn az, i ganny akse avek bann bon progranm sportiv.  Zot ganny swiv pou ki pli tar zot kapab ganny devlope dan en atlet ki fer Sesel proud lo en nivo enternasyonal.

Mr Speaker, nou bezwen egalman envestir pou fer sir ki ler nou bann atlet i ariv lo nivo enternasyonal e zot komans ganny fame, nou bezwen fer sir nou kapab donn zot the psychological support pou fer zot kapab deal avek sa bann fame.

Mon dir sa Mr Speaker akoz mon personnelman konn en atlet Seselwa ki i enn bann atlet dan nou listwar ki’n ariv lo enn bann pli o nivo sportiv dan Sesel.  Me ki malerezman ozordi as I speak, i trouv li i dan drog, i napa en landrwa reste e i ekstremenman difisil avek tou sipor ki nou pe donn li, i vwar li ekstrememan difisil pou li sorti ladan.

So, tou sa bann laspe i bann laspe enportan ki pei i bezwen pran an konsiderasyon.  Mon agree Mr Speaker e mon dakor ki an 2001, nou ti vwar nesans High Level Sports Scheme isi Sesel.  Son bi Mr Speaker, sete pou ede e asiste nou bann atlet pou achieve international standard dan plizyer disiplin, pou ed zot devlop zot potansyel e pou anmenn zisteman, laglwar pou Sesel e pou Seselwa.

Mr Speaker, pou lev nou bann atlet e met zot lo en world stage.  Lobzektif se bann lobzektif ki nob.  E nou bezween fer sir koman en pei ki nou kapab atenn sa bann lobzektif.  Lobzektif sete pou provide bann sipor lo en baz kontinnyel, anterm training, an term loportinite pou zot pourswiv lekselans.  Pou donn nou bann atlet fasilite ek bann lekiman lo sa nivo e lo sa standar ki pou ed zot dan zot training pou zot achieve lekselans.  Pou donn zot sa lasistans spesyal e neseser ki enkli Mr Speaker, financial technical e social support.

Mr Speaker, nou ti osi dir atraver sa bann lobzektif, ki nou pou ed zot avek prevansyon, avek tretman, avek reabilitasyon letan zot ganny bann injuries dan sports.  Mr Speaker, moman in arive pou nou revwar sa Scheme. Sa Scheme i get bann atlet plizoumwen lo 3 nivo.  Bann atlet lo nivo sa ki nou apel the world, nivo lemonn.  Pre-world avek Kontinantal.  E sa Scheme i fer provizyon pou plizyer fasilite e plizyer lasistans ki enkli allowance ki enkli loportinite, ki enkli travel allowance, ki enkli menm leave letan en atlet ki travay i annan sa nesesite pou li ganny dizon sabbatical leave pou li kapab train, pou li kapab anmenn rezilta.

Mr Speaker, Seselwa in demontre atraver sa Seselwa in demontre ki zot annan talan.  I annan plizyer ki’n fer tre byen lo nivo enternasyonal e mon krwar nou koman en Lasanble Nasyonal ozordi nou devret rekonnet sa e nou devret donn zot sa sipor.  I annan atlet parey Lindy Leveau ki’n anmenn ziska meday larzan dan All African Games, nou annan nou zenn atlet ki tou resaman in anmenn meday larzan e meday lor lo nivo enternasyonal.  Nou annan nou gran atlet ki lev pwa Janet George ki’n fer ekstrememan byen lo lasenn enternasyonal.  Nou annan Allen Julie, nou annan Tonny Lespoir, nou annan Juliette Ah-Wan.  Nou annan Georgie Cupidon, nou anann Shrone Austin e fodre pa ki nou osi bliy dan laboks letan Roland Raform ti preski fer en perse lo nivo Olympic Games, mon krwar ti an 1992.

So avek sa pti gin ki nou’n mete, Mr Speaker, i bokou dan konteks Sesel, me nou konnen e nou agree ki i pti gin dan konteks mondyal e i pa sifizan dan konteks sa ki neseser pou nou fer en atlet ariv lo sa pli o nivo posib.  Alor, se la kot mon pe zwenn avek tou bann dimoun dan Sesel ki pe anvoy en leokrir e ki pe fer serten rekomandasyon; ki pe fer serten demann as nou pe debat dan Lasanble Nasyonal.  Mon krwar petet plizyer Manm i okouran ki today, i annan en zefor tre for, en presyon ki pe ganny mete lo Gouvernman pou li revwar tou sa bann incentives.  E tou sa bann lenvestisman ki pe fer lo nivo High Level Sport dan Sesel.  E nou konnen poudir larealite Sesel ozordi, apre ki Sesel in fer fas avek bann difikilte ekonomik, kot son Roupi; kot nou’n bezwen pran bann mezir.  Enn parmi i kot nou’n bezwen devalye nou Roupi, mon krwar i neseser pou nou revwar tou bann incentives ki nou pe donn nou bann atlet ozordi.

Mr Speaker, nou konnen poudir par egzanp, i pa zanmen fasil pou en atlet train e ariv lo nivo Olenpik.  I require bann sakrifis ki bokou nou pa pou oule zanmen fer.  I require bann sakrifis personnel kot letan en zenn i vwar lezot pe fer serten aktivite, pe anmize, li sa zenn i konnen poudir, ‘non, mon pa kapab.  Mwan mon bezwen fer sakrifis pou mwan ariv lo sa oter e sa bann sakrifis ki sa bann zenn i fer, tre souvan, i kout en kantite e se la kot pei i bezwen revwar sa bann incentives ki zot donnen koman rekonpans pou en zenn anmenn laglwar pou Sesel lo nivo enternasyonal.

Ozordi par egzanp, mon pou donn en legzanp petet 2 parmi plizyer.  Ozordi, nou tann dir poudir en atlet ki ganny en meday lo nivo Olenpik, i ganny li, si i ganny lor, i ganny li R200 mil.  Si i ganny silver, i ganny li R75 mil e si i ganny bronz, i ganny li R40 mil.  Nou pe dir klerman poudir, i pa ase koman en incentiveIn fact, menm si i annan serten Manm ki pou vwar sa i funny e i pou riye, mwan mon konnen ki i annan en zefor senser out there kot bann endividi ki konpran bann sakrifis ki sa bann atlet i bezwen fer.  Bann endividi ki ladan, ki konpran e ki konnen ki bann atlet i pas atraver.  Bann endividi ki konnen ki kalite depans ki bann atlet i bezwen fer atraver kalite manze ki zot bezwen manze, kalite lekipman ki zot bezwen servi.  Kantite letan training ki zot bezwen train.  Sa bann dimoun i konnen poudir parey mon pe dir, ki R200 mil, is not enough.

Mr Speaker, dan listwar Sesel, zanmen, nou’n nobou arive ganny en meday lor dan Olenpik.  Si nou senser e si nou vreman krwar ki Seselwa i annan sa talan e nou devret ed zot; e zot kapab ariv lo sa nivo, then, wi.  Nou bezwen donn zot tou sa lankourazman e nou bezwen donn zot sa incentives ki neseser pou zot kapab fer sa sakrifis pou zot ariv lo sa nivo.

E ozordi Sesel, bann dimoun ki konpran sa byen, pe demande ki sa R200 mil i ganny reviewed e i ariv petet a R1 million.

Mr Speaker, premyerman, avek devaliasyon R200 mil sa letan, i vo son buying power ozordi, i vo apepre R400 mil.  So, lanmenm la avek sa devaliasyon, i annan sa nesesite pou fer sa monte.  Me Gouvernman, i dan sa pozisyon pou li konnen ki fonder son pos i ete e kwa ki i kapab fer.  Nou, nou la pou met propozisyon.  Zot kapab refize, zot kapab pa agree, me propozisyon in ganny fer.

Mr Speaker, ozordi Sesel i annan en kantite konplent anrelasyon avek bann atlet ki perform lo en tre o nivo anrelasyon ek sports.  Bann konplent ki annan deor, i se ki ler in ariv moman pou Sesel pran par dan en konpetisyon enternasyonal, ki se swa lo nivo lekip, oubyen lo nivo endividi, premyerman, kalite letan ki bann atlet i gannyen pou antrennen, i pa ase.  Kalite lekipman ki bann atlet i gannyen pou antrenn avek, souvandfwa i pa alaoter.  Kalite lenfrastriktir ki bann atlet i gannyen pou zot fer zot bann lantrennman ladan, parfwa, i pa alaoter.  Koman en pei, in ariv ler pou nou revwar tousala.

Lot konplent ki i annan ki nou bezwen ekoute, e sa i sorti kot bann atlet i se ki, kalite rekonpans e sa mon’n koz lo la ki zot gannyen anrelasyon avek bann perse, oubyen bann laglwar ki zot anmennen pou Sesel.

Mr Speaker, en lot konplent ki annan, se zefor ki annan pou kit en lekip ansanm apre ki konpetisyon in fini, i pa adekwat.

En lot konplent i se ki, kalite loportinite ki nou bann atlet i gannyen avan konpetisyon pou zot train, pou zot perform lo en nivo enternasyonal, i pa adekwat.  Savedir, par egzanp pou foutbol, volleyball, basketball, bann sports lekip, zot pa ganny sans fer ase bann friendly matches ki a kapab ed zot pou elev zot nivo e pou improve zot bann teknik.

Mr Speaker, bann atlet pe demande ki zot ganny sa bann sipor.  Bann atlet pe demande ki zot ganny ase letan pou zot train.  Bann atlet pe demande ki nou ekout zot lavwa, nou refer sorti zot lavwa e Gouvernman i ekout zot lavwa.

Lo mon kote Mr Speaker, mon a demande ki pei, ki Gouvernman, i fer tou sa ki potansyelman i kapab fer pou fer sir ki nou ed tou nou bann atlet pou donn zot sa loportinite, parey lobzektif HLS i dir, pou donn zot sa loportinite pou zot ariv lo sa standar.  Bann atlet pe dir ki la, ki nou annan en o nivo konpetisyon volleyball an Novanm isi Sesel, zot pe demann ase letan pou zot train.  Zot pe demann ase fasilite e le fe ki lannen prosenn nou annan Zwe Des Iles, La Reunion, sa bann atlet pe demande ki nou ganny ase letan pou nou fer en preparasyon lo sa nivo, lo sa standar e zot in promet ki zot pou donn rezilta Sesel e tou Seselwa.

Avek sa Mr Speaker, mon a dir ki mon pou siport sa Mosyon.  Mersi.

 

MR SPEAKER

Right of Reply, Onorab Fideria.

 

HON EMMANUEL FIDERIA

Mr Speaker, rezon det pou nou, lo kote mazoriter mwan menm pou anmenn sa Mosyon devan nou Lasanble, akoz nou’n vwar plis progre si oule dan nou bann atlet, sportmen ki pratik Sport High Level.

I enportan nou rekonnet ki Gouvernman atraver bann letan, parey mon’n dir lo komansman Mosyon, in evestir en kantite dan lenfrastriktir.  Sa ki annan ozordi pa ti egziste avan, in fer en kantite travay, en kantite dimoun pou nou ariv kot nou’n arive ozordi.  Ozordi ki nou pe demande, nou bezwen repozisyonn nou.  Pei , nou pe fer progre, parey Onorab Lebon in dir dan son lentervansyon, pei pe vin pli prosper e nou, nou rekonnet ki pei pe vin pli prosper, nou pe demande ki i annan plis resours ki nou a ganny pli bon rezilta.

Onorab Arnephy, in fer sorti ki nou krwar ladan koman en Gouvernman, nou kwar ladan nou pei ki nou bezwen rekonnet potansyel lazenes Seselwa.  Pa ti koumsa avan, ozordi nou pe dir nou bezwen vwar sa zenn e sa zenn vwar ki i annan en keksoz la pou nou kapab devlop son potansyel.

Parey Onorab Barbe in dir, i permet nou annan sa lesanz diplomatik, ganny sa vizibilite koman en pti nasyon, koman en pti pei.  Met nou lo … dan lemonn, fer nou ganny rekonnet, fer nou ganny sa piblisite.  Parey Onorab De Commarmond in fer sorti, devlop sa sport tourism.  Bann pti leta zil parey Virgin Island, Surinam, nou kapab fer li.  Nou kapab fer li, se poursa rezon nou dir Sesel nou kapab fer.

Mr Speaker, nou sorti lwen.  Onorab Pierre in fer serten propozisyon ki nou’n koz lo la depi oparavan, nou’n fini dir dan mon lentervansyon, nou bann atlet i bezwen ganny bon training. I bezwen ganny bon lekipman.  Kot lenfrastriktir pa adekwat, nou bezwen fer sir ki nou amelyore e nou bouz delavan.  Mon krwar nou tou nou tonm dakor ki i pran bokou zefor, determinasyon pou en dimoun pratik High Level Sport.  I pa depan zis lo en Gouvernman.

Ozordi nou lekonomi i devan Private Sector, i en kestyon kolektiv.  Nou tou nou vin ansanm, ler paviyon Sesel i monte, nou tou nou kriye ale Sesel e nou tou nou annan en devwar pou nou zwe viziavi high level sport.

Mr Speaker avek sa 2 pti mon, mon a dir mersi tou bann Manm e mon a demann tou bann Manm pou siport sa Mosyon.  Mersi.

 

MR SPEAKER

Tou bann ki anfaver?  Okenn ki kont?  Bon Mosyon in pase.  Nou ava adjourn ziska 2.15.

 

(LUNCH)

 

MR SPEAKER

Bon, nou a kontinnyen avek nou travay pou lazournen.  Nou ava pran dezyenm Mosyon par Onorab De Commarmond lo fonksyonnman Departman CustomSo, mon ava envit Onorab pou prezant son Mosyon.

 

HON CHARLES DE COMMARMOND

Mersi Mr Speaker.  Mr Speaker, set avek plezir ki mon prezant sa Mosyon ki devan nou.  Mosyon i lir koumsa.

Ki Gouvernman i revwar fonksyonnman Departman Custom, pou ofer pep Seselwa en meyer servis ki alaoter.

Mr Speaker, sa Mosyon i osi vin a en moman tre apropriye, kot Sesel pe byento ganny acceed to:- pe antre si ou oule, dan WTO e kot la i demann neseserman ki i revwar son sistenm border control ek security. Savedir, sistenm Custom, Limigrasyon e tou.  Me prensipalman, letan nou pe koz border control ek security, nou pe koz sistenm Custom.  Kot la osi, se sanmenm sa lenstans ki deal avek marsandiz.  Lenportasyon ou leksportasyon marsandiz.

Anmenmtan, nou vwar ki Custom Unit, i osi reprezant plizyer lezot Lazans tel ki Lasante, kot zot napa sa reprezantan dan Por, ouswa bann lezot entry points, lo Airport e tou.

So, Custom i annan en rol esansyel, en rol entegral ki i bezwen zwe.  E sa rol, sa louvraz ki Custom i fer, si i pa fer li byen e vwar, i pou vin en problenm.  Gouvernman i perdi larzan, dimoun i fatige, i nerve.  E si ou kalkile, 2 zour pase, well, yer an fen kont, nou pe koz lo Zournen Servis Piblik.  Prezidan limenm in fer sorti ki, nou Servis Piblik i bezwen ankor devlope e vin alaoter demann legzizans si ou oule dir, nou pep.  E la Custom i bezwen osi vin pli efikas.

Me Custom si ou kalkile, nou, letan nou pe gete ozordi, i difisil pou li vin pli efikas ki i ete.  I annan plizyer problenm ki Departman Custom i gannyen avek.  Malgre ki i dan en prose reform.  Parey mon’n dir, avek vizyon pou antre dan WTO.  Ki pei i antre dan WTO, i annan en sistenm reform.  Me selman, mon vwar ki i pe pran tro bokou letan.

Annou vwar en pti pe Mr Speaker, dan loptik sa Mosyon, koman, ki bann kontrent ki i annan ozordi avek nou sistenm Custom.  Nou sistenm Custom ozordi, i pe zisteman servi en nouvo metod.  En nouvo sistenm ki apel sistenm ASYCUDA World.  E sa sistenm ASYCUDA set en, avek lekel i annan son HS CodeHS Code li savedir se Harmonisation Unit Code ki sistenm ki servi worldwide sa.  Tou pei i servi sa.  E sa sistenm Asycuda limenm, aktyelman la nou pe ganny en bon pe problenm avek.  Vedir bann kliyan i ganny en bon pe problenm.  E letan nou gete, nou vwar poudir i met en ta retar li, sa sistenm ASYCUDA.  Sistenm ASYCUDA litousel, i pa anmenn sa progre neseser.  Pour li anmenn sa progre neseser, ou bezwen definitivman annan en lot sistenm pli devlope ki taler mon ava mansyonn lo la.

Alor.  E i fasil ek sistenm ASYCUDA, pou drog pase.  Pli fasil akoz li, otomatikman dan son sistenm, limenm li ki otomatikman i dir par egzanp, en container, sa enn la nou bezwen verifye.  Alor, sa enn la i red, i ganny verifye.  Si i green, otomatikman les pase.  Sa Custom Officer pa ni bezwen gete.  Container son met i vini i pran, sa kliyan i pran e i ale.

Si alor en Custom Officer, en kliyan in byen ganny advise par son Clearing Agent, ouswa en Custom Officer.  Si i annan trik ki i ganny fer dan sa bann landrwa, i fasil akoz HS Code i worldwide.  Si alor ou ganny ou en bon Custom Officer ki konn byen son HS Code, i fasil.  44, ou konnen dibwa.  Si i 85, ou konnen elektronik.  Savedir, ou advise sa kliyan, ou gete.  E i konnen li ki HS Code ki i pou al dan green, ki HS Code ki i pou al dan red. Fasil.  I dir met drog dan sa enn ki pou al dan green.  Alor, i pase i ale.

Si alor ou ti annan ou en sistenm kot ou annan en scanner, ki nou napa isi Sesel, la, ou pou konnen si entel nou dout, kantmenm nou pe dir i pas dan green me nou doute ki ladan nou bezwen verifye akoz nou krwar i kapab annan en keksoz, then nou kapab pas li atraver scanner.  Alor dan scanner ou pou kapab vwar e donn ou en lide poudir la sa bwat dile, pa dile ki ladan.  Sa bwat lapentir, pa lapentir ki ladan.  Sa bwat Milo i pa parey Milo sa ki ladan.  Me ozordi, kimannyer i ete, ou pa pou kapab konnen sa bann keksoz.  Sansan, ou bezwen al verifye en container antye e sa i pran en ta letan.  Dimoun i konplent.  En ta fristrasyon e en ta retar akoz tou, otan ki i annan retar, otan ki sa marsandiz, son container i reste lo por, sa kliyan i bezwen pey anplis.  E i pa normal ki kliyan i bezwen pey lepokase akoz mal antreprann par Custom.  Sa en senaryo.

En lot sitiasyon ki nou kapab koz lo la ozordi se letan ou annan short shipment, short list.  Ok. Ou ship list i short.  Konmsi ou, ou’n fer vini tel, tel, tel marsandiz.  Letan marsandiz i arive, i short par serten keksoz.  Savedir, i annan 2 marsandiz pa lo la.  Letan ou pe vin peye pou tir ou marsandiz, baze lo ou deklarasyon, ou’n pey antye ou.  Prezan la, i bezwen refund ou akoz ou marsandiz i pa lamenm kantite ki i annan dan sa ki ou’n dir pe vini.  E la prezan, ou ti’n fini pey sa tyek avek Custom, pou li rann ou ou bout larzan, set en lanfer enorm ki en kliyan i pas ladan.

Alor, nou demande ki enpe common sense i ganny mete dan lespri bann Custom Officers, ki, olye ki sa kliyan i pey avan son marsandiz i sorti, ki zot clear. Letan ou clear, prezan avan ou kapab fer sa kliyan donn ou en open check. Ou clear, letan ou’n vwar poudir alor i annan 2, 3 marsandiz ki manke, prezan ou aziste son bill baze lo la.  E prezan ou ranpli son tyek ou peye.  I anpes sa kliyan ganny sa problenm, epi i redwir lakantite letan ki ou tir sa marsandiz akoz sansan, i vin parey mon’n dir, en lanfer pou tir en marsandiz dan Custom.

Prezan, lot problenm ki nou vwar ki akoz ki i ariv sa.  Sa bann problenm i arive most of the time akoz mank training. Sa challenge ki Custom i annan devan li i bezwen organiz plis training pou son bann dimoun.  Me ki nou vwar?  Dan Sesel, i fasil.  En dimoun ou pase, ou vwar li pe vann dan en laboutik, 2 zour apre ou pas Custom, i annan 2 bar lo li.  Be, ou konpran Mr Speaker?  So, nou annan sa bann problenm.

Letan alor en marsandiz i vini.  E prezan peyman.  I annan 2 keksoz.  I annan training ki Custom Officer:- lontan Custom Officers ti train. I ti konn tou sa keksoz byen normal.  Sa bann basic, i ti konn byen.  Bann Custom Officers ki pli aze, zot pou dir ou zot menm.  En bann ki’n kite, zot pou dir ou zot menm kimannyer zot in ganny proper training. Be kimannyer ozordi nou pa kapab donnen sa proper training parey nou ti donnen lontan?  Dakor i annan modernizasyon, me selman mon krwar nou bezwen ariv lo sa oter.

Alor, nou pe ensiste, atraver sa Mosyon ki Departman Custom, Unit Custom i organiz bon training. Training entansiv.  Training kot bann eleman debaz osi i ganny montre a Custom Officers.  Avek training, i bezwen annan son rekonpans.  Savedir, saler bann dimoun Custom, zot kondisyon i bezwen ganny aranze.  Ou pa kapab annan en Custom Officer ki komanse i lo R5500.  Saler minimonm i ape gannyen e ou oule i tir marsandiz, i ede clear marsandiz.

Mon a dir ou ki arive.  I senp Mr Speaker.  En kliyan, en marsan i vin tir son 50 tin sigaret ki in fer vini.  50 tin sigaret i pou pey li, baze lo bann tarif konmela, R25 mil pou li tire.  Sa ki pou clear sa, sa Custom Officer ki ganny li R5500.  Tou i ganny fer konmela, i fasil.  Custom Officer i dir, ou clear mon zafer la, R10 mil mon pe donn ou.  Lekel ki pa pou fer?  lekel ki pa pou pran R10 mil pou clear sa 50 tin sigaret?  Be zot ki pou fer sa.  Mon dir ou akoz lala son pri pou clear.  Pou clear under ground sa.  Ou ganny en konpran?  Sa boug i ale, i tir son zafer.

Me si nou ti kapab donn sa travayer Custom ki ou’n train li byen, R10 mil, R12 mil, kekfwa son lespri pa ti pou anmenn li.  I ti pou dire k sa kliyan, gard ou R10 mil.  Mon pa bezwen akoz mon pe deza ganny en bon saler.  Mon pa anvi perdi mon dyob.  Ou sezi?  Sa bann keksoz ki bezwen aranze.

Mon a dir ou ki arive ankor kot Custom.  Ou annan en investigation pou fer, ok. Akoz i annan en problenm dan deklarasyon marsandiz ki’n fer, ensidswit.  En investigation pou fer.  Be sa boug li i Senior.  I la.  En travayer Senior. Son lot zanmi, son lot relasyon, i laba dan Investigation Unit. Enn i dir lot fer.  Ou sezi?  Be kimannyer mwan mon’n tyonbo sa, mon dir li.  Savedir sa kestyon relasyon i pa marse.  Mon dakor nou tipti me selman i pa marse akoz souvandfwa nou vwar poudir en bon pe trik, en bon pe keksoz ki mal, i ganny arive akoz zisteman bann relasyon ki annan.  Enn i ek lot.  Lot pou fer sa ki lot i dir.  Be lanmenm la sa risk pou annan bann frod, sa risk pou annan bann bribe i ogmante e move investigation i ganny fer.

La lot zour, en ponnyen container in ganny sorti lo por, ankor pe rode kimannyer in sorti la.  I domaz.  Medya pa konnen ouswa zot konnen pa pe dir nanryen.  Me i egziste.  E mon pa pe koz ou 2 container.  Mon pe koz ou en ponnyen.  En ta container, Mr Speaker.  In sorti lo por e sa Unit ki’n les pase, la pe dir lot pou investigate, al rode.  Ankor pe investigate. Sa pti Sesel la en, pankor vwar en.  Selman zot konnen kot i ete, selman pankor vwar.

Lot problenm ki ou vwar arive, bann dimoun ki vin clear zot marsandiz lo por.  Sirtou lo por, ou ganny plis sa problenm.  Napa en landrwa.  Ou vini, akoz ou pe depans en kantite letan la, napa en landrwa ase izyenik pou ou dir ou ava ale.  Ou annan en bezwen pou ou fer, napa landrwa pou ou al fer en bezwen.  Ou bezwen al beg ek en boug si son Lofis i parla.  Menm sa bann Custom Officer.  I annan serten zot osi, problenm.  Prezan, ni en kantin zot napa, ensidswit.

Mon a donn ou en lot problenm.  En lot zafer.  En kliyan i vini.  I annan bann container konmela, ou vini, ou kapab tir ou container. Verifikasyon pa ganny fer lo por.  I ganny fer andeor por.  Ok. Ou annan ou lespas kot ou, ou tir ou container ou clear. Ou ale.  Letan i annan verifikasyon pou fer.  E sa ou’n peye sa.  En container 20 pye i R1500.  En container 40 pye i R3000.  Ou’n fini peye.  Ou container i kot ou.  Selman letan pou ouver, ou bezwen zot pou vin tyeke, pou vin verifye.  Sa Custom Officer letan i vini, ou bezwen donn li son manze.  Ou kliyan en.  Ou donn li son manze, son limonnad, son delo, tou son keksoz.  Ou donn li son pti larzan tou.  Be pa i fasil pou mwan bribe li?  Ou konpran.  Be sa R1500 ki ou’n peye pou container 20 pye ou kliyan.  Sa R3000 ki ou’n peye pou container 40 pye.  Be sa Departman Custom, i pa get welfare sa dimoun ki pe vini?  Si i ti get welfare sa dimoun ki pe vin fer verifikasyon, savedir ou kliyan, ou ti pou napa sa relasyon direk ek sa Custom Officer. I ti ava pas dan en lot fason.

Mon donn ou en lot legzanp.  Letan nou pa pe train nou Custom Officer korekteman.  Letan nou pa pe train li korekteman Mr Speaker, i arive i pa konn son HS code e i pa konn son sistenm lo ki i pou donn en bon tretman dimoun.  E ki i fer?  Lanmenm la ou vwar poudir biskwi i ganny tire dan plas gato.  Ki mon oule sey dir la?  Mon donn ou en legzanp.  Dizon en dimoun in fer vini gato mark “Bakers.” Ok.  E i deklar li koman biskwi mark “Bakers.” Sa Custom Officer, son HS Code i diferan.  Sa Custom Officer i al anndan i konte, 50 kartron.  I vwar mark “Bakers” lo la.  I ale i dir 50 kartron gato.  Be letan in tire, se biskwi.  E diferans, i annan en diferans akoz gato, i dir biskwi, saler gato.  Gato i 25 poursan Trades Tax e 15 poursan VAT lo la.  Tandis ki biskwi li i zero poursan trade tax e 15 poursan VAT.  Be si ou’n fer sa diferans.  Akoz i close sa.  Si ou pa smart, ou pa sharp. Parey Prezidan i dir, ‘you have to be smart.’  E la si ou pa smart, ou pa sharp, Gouvernman i perdi larzan akoz ou’n deklar sa enn ki ou pa bezwen pey Trades Tax lo la, dan plas ki i ti devret annan 25 poursan Trades Tax lo la.  E sa bann keksoz i ariv parey mon pe dir, ase souvan e tre souvan dan Custom.

Alor Mr Speaker, mon Mosyon ki mon pe anmennen, i anmenn nou dan sa bann direksyon, pou nou kapab vwar koman nou pou kapab amelyor sistenm Custom. Parey mon’n dir, en kestyon scanner i enportan akoz en scanner i pou sirtou bann bulk products en.  Bann gro consignments ensidswit, kot verifikasyon i vin bokou.  Egzaminasyon i vin bokou, bokou difisil e la, definitivman, en scanner pou nou dan Sesel i overdue.  Ou kapab argimante poudir i ser.  Napa problenm si i ser.  Benefis ki i pou anmennen, sa ki nou bezwen konte.  So, benefis i miltip akoz enn, i pa zis fer ou annan en pli bon sistenm Custom, en pli bon sistenm verifikasyon, me anmenmtan, i en deterrent pou drog.  I pou ed ou pou dekouver si i annan sa bann keksoz ilegal.  E nou tou nou konnen.  Mazorite bann dimoun ki fer vini keksoz, en kantite zot, zot fer vini en kantite keksoz ki ilegal.  Kantite fwa i ganny dekouver me en kantite fwa, i pase san ganny dekouver.  Alor mon krwar, en scanner i pou ede pou nou kapab detekte sa bann default dan packaging sa bann move prodwi e ensidswit.

So, nou, by lefe sa Mosyon, nou pe demande e nou pe ensiste ki Departman Custom, i organiz plis training. I aranz package son bann dimoun.  I donn en pli bon service delivery pou bann kliyan.  Anmenmtan, i regard kondisyon e anmenmtan i osi fer sir ki i annan en scanner.  En proper scanner. E proper scanner kantmenm i ser, annou rod li akoz i pou bon.  Anmennen, nou dan Parlman isi, nou ava aprouv Bidze ki ava ganny mete pou nou kapab ganny sa bann keksoz.

So, vwala Mr Speaker.  Mon krwar mon’n tous enpe bann pwen lesansyel san ki nou al dan bokou, bokou plis detay akoz ou vwar, si nou fer sa bann keksoz, nou improve lo lafason Custom i fonksyonnen, i marse e nou fer ki Custom i vin pli efikas, pli efisyan e pli modern, i pou fer ki i aranz nou rating lo kestyon fer biznes dan Sesel.  Akoz li osi i annan en rol pou zwe.  Kimannyer en boug, ouswa en investor lokal, nenport i pou kapab fer biznes mars pli byen, si i pe ganny sa kalite difikilte avek sistenm Custom kimannyer i ete ozordi.

So, mon krwar sa Mosyon i tonm dan en moman apropriye e i reponn a legzizans nou Prezidan ki’n fek fer sorti sa bann pwen enportan dan son Speech le 18 Zen e osi dan son mesaz alokazyon Zournen Civil Service. E nou demande ki sa legzizans ki Prezidan pe met devan nou, par egzanp pou donn en pli bon service delivery alaoter e lekspektasyon nou pep osi, pou fer ki nou reste an kontak, reste an konektivite avek nou pep.  Avek nou dimoun ki nou pe donn sa servis e la dan ka Custom, fodre ki sa sinerzi, sa konektivite avek sa bann kliyan ki i annan relasyon avek, i ogmante.  I egziste e i ogmante.  E anmenmtan, relasyon avek devlopman pei limenm, savedir akse avek WTO e i fer ki i ava vin pli byen, parey nou dir, en sistenm modern e alaoter, ki a permet nou pei fonksyonn pli byen dan sa lekonomi challenging ki annan dan lemonn e dan Sesel e dan lemonn.

Avek sa Mr Speaker, mon a demann tou Manm Parlman pou siport sa Mosyon akoz mon krwar i en bon Mosyon e nou vot anfaver pou nou kapab fer ki Minister Finans, Departman Custom, i a kapab pran bann pwen enportan e al delavan avek.  Mersi.

 

MR SPEAKER

Bon, okenn ki segonn Mosyon?  Onorab Houareau.  Ou ti oule entervenir?

 

HON HERBERT HOUAREAU

Mon segonde Mr Speaker e mon oule entervenir Mr Speaker pou dir 2 mo.

 

MR SPEAKER

Ok.

 

HON HERBERT HOUAREAU

Bonzour Mr Speaker.  Bonn apre midi tou bann Onorab e bonn apre midi tou dimoun ki alekout, espesyalman tou bann zabitan St Louis.

Mr Speaker, sa Mosyon ki Onorab Cascade pe vin avek ozordi i enn ki tre bon.  Set en pti problenm ki alaoter en gran poto elektrik e azour avek realite lavi ozordi dan nou pei.  Sa pti problenm ki Custom Sesel pe rankontre set en gran problenm pou nou pep e nou pei aktyelman.  Travayer Custom i travay byen.  I travay bokou e fer tou sa ki zot kapab pou fer marse zot louvraz dan por e lo Airport.  En container ki ariv lo por Sesel ozordi, ki sorti legzanp Dubai i pran li 10 zour a 2 semenn pou ariv, antre dan por e park lo son container area.  Me isi Sesel, en container i pran 2 semenn a 6 semenn pou li zis fer 200 met zistans pou sorti andeor baro por.  E pour mwan, menm en milpat i mars pli lwen pandan 2 semenn.  E i en problenm.  Mon demann mon lekor si napa personn ki anmar sa bann container pou rezon profi personnel.  E mon ti a kontan konnen kote zot aste zot kadnan.  En container pa kapab reste dan en por 2 semenn a 6 semenn.

Avan dan nou pei Sesel, nou ti pe servi bann vye pti bout papye pou nou travay lo la e sa ti marse.  Apre, Custom in servi ASYCUDA Plus, Plus e pa ti tro mal e ozordi, avek ASYCUDA World, nou vwar ki bann dimoun pe pran bokou plis letan.  Konmsi zot pe fer 10 letour later ek en pti zafer ki kourt, pou zot rezourd li.

Zofisye ki pe analiz dokiman i lour e bann dimoun ki pe servi ASYCUDA World ozordi i osi ganny problenm pou konpran sa zafer byen.  Sa ki fer fot lo kod, i ganny penalize ek ankor bann dimoun ordiner ki pey lepokase.

Mr Speaker, mon pran mon letan.  Avan ki mon’n vin koze ozordi, mon’n get sa sitiyasyon dan tou kwen triyang, ki menm triyang ki nou zanset ti servi pou zwe kanmtole e mon’n vwar ki striktir Custom, ki annan ozordi i pa bon.  I pa pe marse e i pe en problenm grav aktyelman.  Striktir Custom i demann plis dimoun kalifye e plis dimoun ki kapab analiz sistenm, konpran li byen pou fer li marse.

Mr Speaker, pli boner, mon’n koz lo kadnan.  Sa i en lekspresyon ki bann vye dimoun ti servi pou dekrir en sitiyasyon enkyetan.  Letan en container i reste dan por, zis Land Marine ki benefisye lo rent e Lazans Bato ki benefisye lo fre container.  Gouvernman pa benefisye nanryen ladan.  Letan en container i reste en minimum 2 semenn dan por, en marsan i bezwen trouv li anplis R6300 pou li pey fre dan por pou Land Marine avek container.  Si i fer li 1 mwan, en marsan i bezwen al rod li R12,600 anplis pou li pey fre lo container. Marsan pe kriy lasasen.  Zot in fatige e zot bezwen pas sa lo konsomater e bann pti malere ki pe peye.

Pou mwan, koman en Manm Elekte, mon pou dir sa pa akseptab ditou e sa pei pa kapab kontinnyen mars delavan, kot malere i pey lepokase e sa ki ris, i kontinnyelman frot lanmen.  Sa si i annan ki pa kontan, mon sorry.

Mr Speaker, mon ti a kontan demande kimannyer nou ziz sa.  Letan en Lakonpannyen parey SEYPEC, en parastatal ki finansyerman stab pe tir en container dan por, 2 a 3 semenn retar.  Eski napa en laranzman atraver en bank guarantee, ki kapab ganny etablir pou sa bann dimoun pey sa ki annan, si i annan anplis i a ganny kouver.  Zis pou marsandiz kit por, pou anpes sa bann fre siplemanter ganny mete, ki al met lo letazer apre.  Eski avek tou sa rezerv ki nou annan, nou kontinnyelman fer fas avek difikilte dan por.  Eski nou pa kapab vin inovativ e rod solisyon pou lanmour nou pei e lanmour nou pep, pou kapab rezourd sa problenm ki tipti, me i kapab ganny rezourd fasilman.  Akoz sa ki pov pou toultan sakrifye e sa ki dan bann pozisyon, pou toultan anvoy merd lezot ki kontinnyen les sa akimile.

Mon demann ou Mr Speaker, pou demann Minister Finans get enpe dan sa problenm irzan e esey rezourd enpe sa bann problenm pour ki bann malere lo letazer a kapab vwar en pti rediksyon, olye al donn laba dan por en pti rediksyon lo bann marsandiz akoz i en problenm.

Mr Speaker, mon ti a kontan rakont en problenm aktyel lo juice ki en legzanp tipik la aktyelman.  Juice i bon pou lasante nou pep.  I bon pou nou zanfan e Sapit 20, 21, 22 i koz lo juice, son konpozisyon.  Mon aprann ki juice in vin en lasyans lo ASYCUDA World isi Sesel.  Juice i vin juice 100 poursan, ki pa pey TAX e pey VATJuice ek delo i pey TAX, i pey VATJuice ek delo ek disik i pey TAX, i pey VATJuice ek disik i pey TAX, i pey VAT.  Tou sa, avek diferan kod e sa pe anbouy lavi dimoun e la aprezan, juice pou sorti R6 pou al mor 8 a R9, en pti juice ki manrmay i servi.  E sa i en bobin ki pe tourn a lanver avek en TAX R10 par lit e sa i bon diskit lo la.  Kimannyer pou rezourd sa?  Eski nou pe dir nou zanfan kontinnyen al lekol avek en Coca Cola dan lanmen?  Eski ASYCUDA World ozordi pe vin en master e politisyen ki pou ganny anbobinen?

Mon pou profit sa lokazyon Mr Speaker, pou dir ki i annan bann bon dimoun la deor ki travay dir pour Sesel.  Ki kapab travay e ki konn travay.  Annou rod zot, annou pran zot pou travay e amelyor servis dan nou pei.  Annou fer li ‘pou lanmour Sesel.’  Sa i mon pei e mon pou apiy li pou li pa tonbe.  Mersi Mr Speaker.

 

MR SPEAKER

Onorab Volcere.

 

HON MARC VOLCERE

Mersi Mr Speaker.  Bonn apre midi tou Koleg Manm.

Mr Speaker, sa Progranm Reform Ekonomik ki nou pei ti anbark lo la an lannen 2008, ti vin avek serten pre-kondisyon.  Sa bann kondisyon ki stipile ki premyerman, nou pei i bezwen garanti en serten nivo reveni stab, pou asir stabilite ekonomik pei.  Sa i an retour i permet nou pep zouir en lavi prosperite e nou pei i kontinnyen devlope e avanse.

Mr Speaker, en lot kondisyon reform sete ki dezorme Sekter Prive, ki ti pou vin moter ekonomik pei e Gouvernman ti a son tour pran en langazman pou fasilit sa prosesis.  I alors annan en lekspektasyon rezonnab ki Gouvernman, dan son rol koman fasilitater pou fasilit e ed biznes devlope dan pei, personn pa kapab ekspekte okenn Departman Gouvernman pou azir koman en blokaz natirel ki servi pou ralanti bann aktivite komers dan nou pei.

Mr Speaker, transfer ki Gouvernman i fer tou le lannen dan Bidze pou siport nou bann progranm sosyal, i dabor ganny kolekte koman reveni.  I sanmenm reveni ki pe kolekte ki servi pou siport nou bann progranm, depi tiket bis, lekol e lasante, allowance pou bann etidyaqn Pos Segonder e bokou lezot ankor.  Redistribisyon reveni Gouvernman, i tous tou kous sosyete Seselwa.  E alors, dan lentere tou seselwa, pou asire ki reveni ki pe ganny kolekte, i ganny fer dan en fason pli efikas posib.

Mr Speaker, sa i anmenn mwan lo Mosyon ki devan nou Lasanble ozordi.  Apre ki nou pei in pas atraver en Progranm Reform konpreansiv, en Reform ki nou tou ozordi nou pe kapab vwar e zouir son benefis, annou servi sa menm Reform koman en legzanp kler, konmkwa ki nou pa kapab fer keksoz piecemeal, ouswa bout par bout.

Mr Speaker, Mosyon pe demande ki Departman Custom i ganny revwar.  Nou bezwen met zefor pour ki en reform konpreansiv i ava ganny fer dan sa Departman enn fwa pour tou.  Sa ki nou bezwen set en vre overall complaint pour tou bann sistenm e prosedir ki pou met sa Departman anlinny avek bann nouvo realite fondamantal Sesel.

Wi Mr Speaker, parey loter Mosyon in dir pli boner, fodre pa ki nou bliy nou demars pou zwenn WTO.  Dan sa ‘Nouvo Sesel’, Custom i annan li 2 fonksyon debaz.  Sa se pour anmas reveni e pou fasilit bann businessmen ki pe fer komers dan pei.  E set anlinny avek sa ki nouvo direksyon i devret ganny trase pou sa lorganizasyon.  Si napa en bon sistenm kot Departman Custom, nou kapab fasilman perdi de milyon Roupi ki ti a’n kapab ganny anmase an term TAX lo bann diferan komodite ki antre dan nou pei.

Mr Speaker, ozordi dan nou pei, i annan bokou konplent lo bann retar ek blokaz ki ganny kree kot Custom. Malgre ki en kantite sa bann alegasyon ki petet pa neseserman fonde, me otan ki posib, ti ava meyer si nou fer sa bann tel mirmirasyon disparet konpletman kot sa Departman, enn fwa pour tou.  Komers lib dan pei i bezwen bouz vit.  I napa personn ozordi ki annan larzan pou met asize.  Pli vit ki marsandiz i kapab ariv lo letazer laboutik, i pli bon pou tou dimoun dan nou pei.  Letan ki endividi i pran son risk e pret larzan avek en Labank e envestir sa larzan dan serten stok marsandiz, sa dimoun i anvi vwar son marsandiz pe vann dan en pli kourt dele letan posib.  Sa ava permet li pou servi son det e kontinnyen son biznes, ki an retour i kree lanplwa e larises dan nou pei.

Mr Speaker, i pour sa rezon ki nou bezwen en sistenm Custom ki marse.  En sistenm ki efikas e ki aport en bon rannman pou nou tou.  Me mon realize ki i annan en gran diferans ant rol ki nou pe demann sa Departman pou zwe ozordi e sa rol ki zot ti abitye ranpli tradisyonnelman.  Me Sesel limenm in sanze.  E fodre ki nou bouz avek letan.  E sa i aplik pou nou tou.  Dan sa ‘Nouvo Sesel’, nou bezwen fer nou mye posib pou ed tou nou bann antreprener.  Otan ki nou kapab fasilit zot e permet zot biznes pou grandir, nou devret donn en koudmen akoz sa i le sel fason ki nou lekonomi pou grandir.

Mr Speaker, lo kote Praslin, ou tann bokou bann menm problenm ki ou deza tande Mahe.  Me zis 2 fwa pli pir.  Bann biznesmenn Praslin i bezwen anpar sa kou transportasyon ant Praslin ek Mahe.  E si letan zot arive, keksoz pa ankor pare, la i annan en lot depans ankor pou zot fer.  Sak monte desann ki zot fer, en kou anplis i ganny azoute lo pri bann komodite.

Mr Speaker, alors i pa pou en agzezerasyon pou dir ki lo Praslin i annan bokou dezapwentman avek sa Departman.  Sa ki fer li pli dir ankor pou nou lo zil se ki Praslin avek La Digue, nou depan antyerman lo bann lantrepriz prive pou fer viv nou dimoun.  Praslin i napa okenn gran Minister, ouswa Departman pou anploy dimoun.  E sa sitiyasyon i ankor doub lo La Digue.  Otan ki komers i mars dan en fason pli lib posib, sa i a pli bon pou nou lo zil akoz i donn nou bann biznesmenn en serten konfidans e sa i ede pou kree plis lanplwa pou nou pep.

Mr Speaker, i annan enpe letan ki kominote biznes Praslin ek La Digue pe demande ki en sistenm bonded warehouse i ganny met anplas lo Praslin pou deservi Praslin ek La Digue.  I annan ase volim trafik lo sa 2 zil, pou fer en tel propozisyon rantab.  Mon pou alors propoze ki dan kad sa Mosyon ki Onorab De Commarmond in anmennen, nou seryezman konsider desantraliz servis Custom pou anmenn li lo Praslin.  I tre enportan ki nou ankouraz komers e biznes partou kot nou vwar li komans fleri dan nou pei.  Set atraver sa ki nou pei pou avanse e nou pep ava  benefisye.

Mr Speaker, avek sa detrwa mo, mon pou san dout donn mon sipor sa Mosyon.  Mon remersye ou.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Bonn apre midi tou Manm Onorab.  Mr Speaker, mon pran from sa ki bann entervenan avan mwan in koz lo la.  I kler ki sa servis ki Custom i provide i en servis tre enportan e i kler osi ki sa servis i bezwen vin pli efikas posib, pour ki i kapab ede dan lafason ki komers i ganny pratike dan nou pei, me osi sa kou ki petet i kapab ganny asosye avek sa servis ki ganny pase lo konsomater.

Esansyelman Mr Speaker, sa servis i enportan akoz ler nou regard nou bann ports of entry, se la kot laplipar keksoz i pase e dan sa konteks, i enportan ki nou annan en servis ki alaoter, pou asire ki 1, nou pei i ganny proteze e 2, se ki sa servis i osi asire ki reveni ki Gouvernman i devret gannyen, i sa reveni ki konpatib avek sa ki pe antre dan pei.

Mr Speaker, nou Lasanble in pas serten Lalwa a regar Customs Management. Nou’n osi pas Lalwa an relasyon avek Animal, Plant and Bio-Security. Tou sa bann Lalwa in fer pou empower bann Customs Officers, in empower nou servis Ladwann dan lafason ki zot fer zot louvraz.  Si nou pran par egzanp Customs Management Bill, in osi donn bokou pouvwar en Zofisye Custom dan lafason ki i enplimant son travay.  In osi fer provizyon pou annan bann regilasyon e bann kriter kler ki bezwen ganny swiv kan sa Zofisye pe fer son travay.

Lo kote Animal, Plant and Bio-Security Bill, in osi fer provizyon pour ki en Customs Officer i kapab ganny seconded koman en Bio-Security Officer.  E se la kot sa pwen kot sa servis i bezwen vin efikas i antre, kot nou bezwen asire ki sa bann Zofisye in ganny sa training ki permet zot pou fonksyonn alaoter bann legzizans bann Proze de Lwa ki nou’n pase.  E it goes back to en kestyon fondamantal ki nou kontan demande dan Lasanble se eski an sa ki konsern lenplimantasyon bann Lalwa ki nou’n met anplas, nou pou fer tou nou posib pou asire ki nou alaoter.

Mr Speaker, nou pe move towards alezyon WTO.  Nou osi annan bann blok rezyonnal par egzanp COMESA, avek ki nou pe vin adhere.  E ler nou regard bann sart par egzanp COMESA. Mon annan enn devan mwan la.  Nou vwar tre klerman ki bann provizyon ki bezwen annan an relasyon avek servis Custom.

Par egzanp, mon sit Lartik 63, sirtou 63(1)ETraining facilities and programmes for Customs Officials. I annan tout en lot gam seri keksoz ki sa bann Lalwa i koz lo la, me esansyelman i koz lo annan en servis ki efikas e ki alaoter.

Si i annan en keksoz ki nou kapab aprann ozordi apre midi from sa ki’n ganny dir oparavan, i kler ki i annan serten dout, en serten konsern vizavi lafason ki sa servis pe ganny donnen.  Sa i pa pran, it takes nothing away from sa prosesis Reform ki Minister Finans in angaz li ladan e zefor ki Minister Finans pe fer pou kontinnyen anmenn reform e improve sa service delivery.  Me selman, dan loptik asire ki ler nou prepare pou al zwenn sa bann gro blok enternasyonal, nou pare nou osi, nou bezwen par egzanp akseler enpe plis zefor ki nou pe fer pou anmenn sa servis alaoter ki i merite ete.  E se pour sa rezon, nou bezwen regard lo nivo operasyonnel e osi nivo fonksyonnel sa servis.

Mon’n ekout atantivman ler bann entervenan avan mwan in koz lo bann container ki pas bokou letan dan por e osi parfwa kot en container pa pas sa letan requisite pou li ganny sa mandatory assessment or sa mandatory check. I kapab tou senpleman ki sa Zofisye Custom i overvhelmed par lakantite keksoz ki i bezwen fer or parfwa, petet i pa kler as to kwa bann diferan eleman ki ganny konteni dan bann nouvo Lalwa, oubyen bann regilasyon ki anplas.  I pa vedir poudir sa dimoun napa en bonn volonte pou fer sa louvraz me i vedir ki sirkonstans e lanvironnman dan ki sa dimoun pe operate, i zis pa permet li pou li kapab delivre alaoter ki i devret pe delivre.  E se sa ki en konsern mazer la.  E se pour sa rezon ki mon krwar i devret annan en revi kontinnyel, lafason ki sa servis i ganny delivered lo en baz fonksyonnel, lo en baz operasyonnel par bann dimoun ki pe lead sa bann servis.

En lot eleman enportan se sa eleman enforcement e sa in ganny tous lo la enpe plis par bann entervenan avan mwan, se ki i enportan pou nou vwar akoz enforcement i neseser, sirtou dan konteks kot nou pei pe ouver son lekor enpe plis avek komers.  Akoz dot anplis ki pou annan diferan kalite keksoz ki antre dan nou pei, nou bezwen osi asire ki nou kapab protez nou popilasyon from sa bann keksoz ki antre e fer ki nou popilasyon pa vin at risk nou prop devlopman.  Mon krwar si nou pran lapel nou Prezidan, se pour nou kapab donn en servis pli efikas, en servis ki pli o nivo e se sa ki sa Lasanble pe fer ozordi.  En demann pour ki nou akseler bann reform, nou travay pli dir pou nou kapab donn en servis ki pli alaoter.

Mr Speaker, i annan osi en eleman ledikasyon ki bezwen ganny fer, as to what it entails anrelasyon ki travay Servis Custom i fer.  Souvandfwa nou tann konplent par egzanp en dimoun i dir ou ler i pas lo Airport zot in fouy lo li isi laba, me en keksoz ki nou vwar fasinan se ki bokou dimoun ler zot pe al dan en lot pei, zot fer tou fason pou zot adhere a sa bann Lalwa sa pei avan ki nou kit nou pei.  Si sa pei i dir nou, nou pa devret anmenn tel keksoz, nou fer sir nou pa anmennen.

Me par kont, souvandfwa, nou vwar nou menm nou bann resortisan Seselwa, nou sorti vizit en lot pei, nou met nou lekor a risk pou anmenn serten eleman, serten komodite ki nou konnen esansyelman, Custom pou bezwen pick up lo la.  Sa osi i kree en lot problenm.  E se sa bann ledikasyon ki bezwen annan as to ki bann requirements ki bezwen annan.  Mon krwar si nou regarde ofil letan pandan sa dernyen 3an/4an, in annan bokou sanzman dan lekonomi, in annan bokou egzizans ki ganny demande lo sa servis me esansyelman, in napa ase ledikasyon to the public out there as to kimannyer sa servis in evolye pou li reflekte sa bann sanzman ki’n arive.  E se la kot problenm i arive, kot parfwa en dimoun ki an bonn fwa in fer en keksoz, i pa konnen si i pe fer en keksoz ki mal, i vwar li dan en sitiasyon e parfwa, sa Zofisye pa kapab respond adequately to sa sitiasyon akoz esansyelman zanmen in fer fas avek or i pa’n ganny sa training ki neseser pou li kapab cope ek sa sitiasyon.  E se sa ki ozordi rezon det, nou pe annan en tel deba dan Lasanble.

I bezwen komans somewhere Mr Speaker.  Servis Ladwann i enn bann servis tre enportan parey lezot servis.  E mon asire ki dan nou Lasanble, nou pou osi annan Mosyon ki demann pou annan reform dan lezot servis, pou annan improvement dan service delivery lezot servis.  Me sa ki bann Lotorite konsernen i devret pran se ki, nou tou nou an partenarya.  Lasanble pe zwe son rol koman sa critical friend.  Nou pe zwe nou rol oversight pou demande ki dimoun out there, i ganny en servis e zot ganny en better deal.  Me osi nou pe demande ki sa Zofisye ki pe deliver sa servis i osi ganny sa zouti neseser, i osi ganny sa package neseser, i osi ganny sa lanvironnman neseser ki conducive, pou li kapab delivre son servis alaoter ki i devret delivre.  Mon krwar ki nou bezwen fer sir ki nou pa dir poudir the whole barrel of apple is rotten. Parfwa i arive osi kot a few bad apples ki pran, ki use the current situation to their advantage, pou zot kapab manipil sitiasyon akoz zot konnen poudir petet bann checks and balances ki annan pa adekwat pou catch zot out. E la ler sa i arive, sa i vin en refleksyon lo sa servis an antye, malgre ki pou annan dimoun dan sa servis ki li i pe fer son louvraz ek son leker, ek son bonn fwa e in donn son letan pou li fer son servis o pli o nivo posib.  E mon krwar sa i en injustice pou sa dimoun ki li ki pe sonny son fanmiy, ki pe fer son louvraz byen, kan en lot obor li, i pe manipil sitiyasyon, i pe servi bann loop holes ki egziste pou li kapab anrisir son lekor.  E souvandfwa ki arive, se sa enn ki li i pa pe komet nanryen, i pe fer son louvraz byen, ki parfwa i bezwen pey lepokase konmsi koze.

So, se sa mon krwar the gist of the debate ozordi apre midi.  E i pa zis en deba me i en appeal ki nou Lasanble pe lanse ki nou bezwen fer tou fason to improve sa bann services akoz esansyelman, zot bann servis stratezik e tre, tre enportan pou lepanouisman ekonomik nou pei.  Si nou pa met anplas bann striktir ki for, as we move forward, sa bann striktir i weak. Baz ki nou pou build lo la pou weak. Esansyelman, a en moman donnen, the top would be too high e fondasyon pou weak e the whole thing will come crumbling down.

Sa ki fer met nou apar Seselwa avek bokou lezot pei, se ki nou annan en abilite pou nou kapab fer sa bann keksoz byen nou.  Nou kapab fer li.  E nou bezwen toultan revizit best practices.  Nou bezwen toultan improve on our current practices. E se sa mon krwar ki parfwa i manke.  Se sa constant review of services. Se asire ki nou pe kontinnyelman revwar fason fer, pou asire ki si nou pe met anplas en nouvo striktir, let’s say ASYCUDA, tou dimoun i ofe e i kler kimannyer i pe marse.  Si i annan bann lapses in the system, si i annan bann konplent lo la, nou bezwen pran sa bann konplent pa dan en fason negativ, me plito al vwar whether or not i annan en serten fonnman dan sa bann kritik e assess kote sa servis i kapab ganny improve.

Fundamentally, this is it Mr Speaker.  Mon krwar i en moman tre, tre oportin parey mover Mosyon in dir pou nou anmenn sa Mosyon, set akoz i annan en whole shift la ki pe arive dan nou pei, kot nou oule vwar an improved service e ki piblik pe demande ki nou annan en improve service.  E mon krwar si lapel sa Mosyon, the idea behind this Motion is taken up. Mon krwar it can be something very positive pou nou e nou kapab improve sa servis, esansyelman avoid sa sitiasyon kot petet en servis ki pa adekwat pe kree en lenpakt lo konsomater out there e annefe, contribute to the rise in the cost of living. Esansyelman nou tou nou bi at the end of the day, se asire ki the cost of living goes down e ki tou Seselwa i kapab annan en lavi ki zot proud of.

Mr Speaker, mon pou donn mon sipor sa Mosyon.  Mersi.

 

MR SPEAKER

Onorab Vel.

 

HON JENIFFER VEL

Mersi Mr Speaker.  Mr Speaker, Mosyon ki devan nou i merit ganny vwar, pa zis dan konteks lenportans servis ki Customs pou en pti lekonomi ouver parey Sesel, me osi koman en fasilitater, kot prosesis lentegrasyon ekonomik rezyonnal e globalizasyon.

Sesel i enn bann pli pti lekonomi dan lemonn me i osi enn bann lekonomi ki pli ouver.  Nou enport plis ki 90 poursan sa ki nou konsonmen lokalman e nou baz leksportasyon an term Lendistri Lapes ek Tourizm, ki en invisible export i osi tre larz.  Sesel i osi en pei avek gran lanbisyon devlopman ki ganny tradwir par bann progranm sosyal e ekonomik ki ganny finanse pour laplipar atraver Bidze e vi ki nou Bidze Nasyonal i ganny finanse par reveni Tax, ki enkli bann Tax parey VAT ki ganny kolekte lo la frontyer nou pei.  I kler ki Customs i annan en rol kle pou zwe dan soutenir devlopman nou pei.

Mr Speaker, Divizyon Customs i osi en Lorganizasyon ki operate dan en lanvironnman ki tre dinamik.  Apard kontrol sa gran kantite marsandiz ki antre dan pei, sa Lorganizasyon i osi annan en rol sekirite pou li zwe.  Sa Divizyon i fer sir ki bann prodwi move kalite, pa antre dan pei e zot osi bezwen konbat bann prodwi ilisit parey drog.

Nou bezwen admet ki nou servis Customs i enn Lazans avek en lenportans stratezik e ki son bann Zofisye i fer en travay ki enorm.  Se zisteman akoz i zwe sa rol stratezik, ki nou bezwen fer sir ki nou servis Customs i annan tou lekipman, fasilite e konpetans pour li kapab fer son travay alaoter lekspektasyon piblik Seselwa e osi an respektan bann norm enternasyonal.  Nou bezwen annan en servis Customs ki efikas e lafason pou nou fer sa set atraver en modernizasyon sa servis.

Mr Speaker, servis ki Divizyon Customs i delivre son kliyan, i kapab amelyore si bann lezot Lazans ki travay an kolaborasyon avek sa servis, zot osi elev zot standar.  Par egzanp, konmela laplipar marsandiz i vin dan container e en lekipman esansyel dan lefikasite bann por se ki sa ki nou apel en con stacker, ki deplas e klas bann container.  I inakseptab ki dan en por koman por Victoria ki tre frekante e kot i annan bokou trafik maritim, i annan zis 1 sa stacker ki pe marse ansemoman ki nou pe koze la Mr Speaker.  Sa i retard travay Customs e kree fristrasyon pou kliyan ki annan zot marsandiz dan por.  Pou Customs vin pli efikas, i enportan ki bann Lakonpannyen parey Land Marine ki propriyeter e operater bann con stacker, i fer lenvestisman neseser pou rod bann tel lekipman e redwir bann lenkonvenyans ki koz retar e fristrasyon.

Mr Speaker, e lo sa not, i pa akseptab ki akoz en tel lenkonvenyans lo lapar Lakonpannyen, ki prezan li i sarz bann kliyan en rent par zour pour son prop defayans.

Mr Speaker, Divizyon Customs i osi deal avek bann Bill of Entry. E la ankor, kot son bann Zofisye i selman kapab delivre en servis profesyonnel, si bann kliyan i byen konpran bann coding ki ganny servi akoz si non, zot bann dokiman i bezwen ganny refer e avek retar ki kree fristrasyon pou manm piblik.  Dan sa loptik, mon pe propoze ki Lazans konsernen i konsider met anplas en computer ouswa access point lo Airport e lo por Victoria, ki ava permet bann Zofisye, osi ki bann kliyan, pou zot kapab akse e rod lenformasyon vitman ouswa ki raise en querry, olye deplase pou retourn lofis, ki an retour, i koz retar.

Mr Speaker, modernizasyon servis Customs i pas atraver ekip sa servis avek bann tel fasilite.  Sesel in angaz li dan en diplomasi aktiv e en diplomasi ekonomik.  An rezilta sa, nou vwar ki nou pei pe zwe en rol aktiv dan lentegrasyon ekonomik rezyonnal e nou dan en staz avanse dan negosiasyon pou vin en manm World Trade Organisation.

Sesel pou kapab retir maximum benefis atraver bann tel Lorganizasyon rezyonnal e enternasyonal, selman si nou bann striktir anplas i efikas e servis Customs i enn bann tel striktir.  Nou bezwen moderniz nou servis Customs, pa zis pou nou prop benefis, me osi pou respekte nou bann langazman enternasyonal.  Enn bann tel langazman, se rezolisyon lo lentegrasyon rezyonnal e modernizasyon servis Customs pou devlopman dirab dan bann pei ACP ki vedir Lafrik, Karaib e Pasifik, an korperasyon avek Linyon Eropeen ki ti ganny propoze an Mars sa lannen, par Lasanble Parlmanter konzwent ACPEU e ki pou ganny adopte plitar sa lannen.

Mr Speaker, mon pou vot anfaver sa Mosyon e demande ki Lotorite i azir vitman, pou fer sir ki nou servis Customs i vin en lafyerte nasyonal.  Mersi.

 

MR SPEAKER

Onorab Pierre.

 

HON DAVID PIERRE

Mersi Mr Speaker.  Mr Speaker, mon krwar tou Seselwa i konnen sa lenportans kle ki Customs i annan dan Sesel e parey dan nenport ki lezot pei e nou konnen poudir i annan 2 size.  I annan 2 size ki’n monte la, ki Customs i responsab e ki alor i fer li ekstrememan enportan pou Customs fer son travay dan en fason profesyonnel e dan en fason tre efikas.

Now, sa 2 size i the issue of Taxes, apre the issue of health ek lanvironnman, dan konteks kontrol ki Customs i annan, anrelasyon avek bann marsandiz ki antre dan pei.  Nou konnen poudir, en senp mistake ki Customs i kapab fer, i kapab permet serten prodwir antre dan pei, ki kapab annan en lenpakt terib lo nou lanvironnman e of course lo nou lasante.

So, i enportan alors ki Customs i fer son travay byen e dezyenmman, si Customs pa pe fer son travay byen e i pa pe anmas reveni lo sa nivo ki i devret pe anmase, then obviously, nou pou pe deprive nou sitwayen sa posibilite pou zot kapab ganny en meyer lavi, en meyer saler, pli bon semen, pli bon servis Lasante, pli bon servis ledikasyon akoz reveni ki nou pe anmase atraver bann Taxes i ganny redwir.  E nou konnen poudir se sa bann reveni ki ganny servi pou finans sa bann services ki mon’n mansyonnen.

Alors, i ekstrememan enportan ki nou annan en sistenm Customs ki efikas e ki marse.  Ozordi, Sesel i annan plizyer konplent lo Customs. Enn bann problenm mazer ki nou tann koz lo la se premyerman sa size ASYCUDA World, sa sistenm ki Customs pe servi pou deal avek bann marsandiz ki antre dan pei e pou clear sa bann marsandiz.

Now, nou konnen poudir partou atraver lemonn, sa sistenm pe ganny servi.  An prensip, i devret en bon sistenm me isi Sesel, i annan en kantite fakter ki pe afekte performans sa sistenm e mon krwar poudir moman in arive ozordi pou nou fer en assessment lo performans ASYCUDA e fer rezilta sa assessment vin en rapor ki piblik akoz nou tou nou pe tann diferan keksoz.

Premyerman, isi Sesel enn bann problenm mazer ki nou annan set en problenm an relasyon avek internet.  E nou konnen poudir ASYCUDA World i depan lo en sistenm internet ki efikas.  Now, de lemoman ki sistenm internet i fail, ASYCUDA World i fail.  E ler sistenm i fail, then obviously, la nou vwar bann diferan kalite retar ki ganny mete pou nou clear bann marsandiz ki’n deza fini antre dan pei.  E letan sa i arive, Clearing Agents i perdi, Customs i perdi, businesses i perdi.  So, i esansyel alors pou nou fer sa assessment e vwar kote sa difikilte i ete anrelasyon avek Asycuda e rektifye sa bann difikilte o pli vit posib.

I annan en issue ki’n leve ki egalman enportan.  ASYCUDA World in activate ASYCUDA Demand.  Li i basically en progranm li me li, i pa kapab idantifye si en kod ki’n antre dan sistenm, i en kod ki korek oubyen, i en kod ki pa korek.  Me selman li ASYCUDA Demand, in ganny activated avek en bi pou fer sa prosesis vin pli vit.

So, letan nou pe sey rezourd en problenm nou kree en lot problenm.  Now, prezan Customs, ler zot in komans apply sa sistenm, zot ti dir poudir nou pa pou bezwen lakantite travayer ki oparavan nou ti bezwen letan nou annan sa sistenm.  Me avek sa problenm ki pe arive la, i fer prezan ki Customs i bezwen travayer pou verifikasyon.  So, prezan problenm i double.  Lo en kote, nou annan sa problenm deteksyon, par egzanp bann codes and therefore, si sa pa ganny fer atraver verifikasyon, then nou annan problenm parey Onorab ki’n prezant Mosyon in dir, i annan serten marsandiz ki antre dan pei ki ou pa konnen poudir se sa marsandiz ki pe antre akoz sa kod ki’n ganny donnen, i pa sa kod ki koresponn avek sa marsandiz.

So, Customs i bezwen parey mon’n dir, fer sa assessment o pli vit posib e release en rapor.  I dantifye sa bann problenm kote i ete e fer provizyon pou nou kapab fer sir ki nou rektifye sa bann problenm.

En lot problenm avek Customs se ki zot napa en very good professional IT Team.  I sad Mr Speaker, pou dir server Customs i kot DICT. E se DICT ki manye server Customs.  I pa apropriye.  I pa devret leka.  Customs i devret annan son lekip ICT, son lekip teknik.  Teknolozi, ki deal avek sa bann problenm.  Pa tro bokou letan pase in annan en problenm avek server, en foreigner in bezwen desann, vin rezourd sa problenm.  So, we need to train Seselwa, pou fer sir ki zot kapab deal avek sa sitiasyon.  Train teknisyen Seselwa pou take care of sa sitiasyon.

En lot problenm, parey mon’n mansyonnen se ki i annan en lack of Customs Officers. Mr Speaker, mon krwar poudir i annan 2 problenm avek sa.  1, i annan en lack anterm lakantite dimoun.  2, i annan en lack an term kalite dimoun ki nou annan.  Anterm kalite training ki nou donn sa bann Zofisye Custom.  I annan en en kantite Zofisye Customs avek en kantite leksperyans ki unfortunately, petet zot in ganny trained dan lepase, zot in ale zot.  Ozordi nou annan bokou bann dimoun ki napa sa leksperyans.  E mon krwar i neseser pou Customs idantifye ki wi, nou annan sa problenm e organiz training lo sa nivo pou ensure ki nou donn, ki i annan very good service delivery.

Anplis, Customs i devret egalman pe deal avek son bann partners anrelasyon avek training.  Clearing Agents par egzanp.  Nou’n entrodwir ASYCUDA World.  Eski nou’n fer li a en moman kot tou dimoun ti’n pare pou travay avek sa sistenm?  Annefe mon krwar nou konn tre byen poudir ler sa sistenm ti lanse, pli gro problenm nou’n gannyen se ki dimoun pa ti ankor pare.  Bann Clearing Agents pa ti ankor pare.  So, nou bezwen, Customs i bezwen travay an etrwat kolaborasyon avek son bann partners pou ensure ki son travay ki li i fer Customs e travay ki son bann partners i fer i an sinerzi, pou garanti ki i annan smoothness dan lafason ki sa travay i ganny fer.  Pou garanti ki tou bann partners i konpran kanmarad.  Pou garanti ki letan en problenm i leve, nou konnen kote sa problenm i ete, nou kapab idantifye li e nou kapab rezourd li dan en kourt dele letan.

Lot sitiyasyon ki nou bezwen petet gete se the issue of bribe. E mon kontan poudir loter Mosyon in refer sorti sa size saler bann travayer kot Customs. Ler nou pe fer en travay sitan enportan koumsa, nou bezwen donn bann dimoun sa renimerasyon ki pou fer zot mazin detrwa fwa avan zot aksepte en bribe.  E nou bezwen met bann mekanizm anplas pou fer sir ki nou kapab efektivman fight bribery ki an retour i bord avek corruption akoz si sa pa ganny fer, then obviously se Gouvernman ki perdi reveni, ki parey mon’n dir oparavan, nou bezwen, pou nou kapab fer marse sa pei a la satisfaksyon lepep Seselwa.

Lot issue ki Customs i bezwen vwar se ki nou bezwen annan latransparans dan lafason ki serten desizyon i ganny pran, par egzanp anrelasyon avek verifikasyon bann marsandiz andeor por.  I bezwen annan en fason transparan, kot tou dimoun ki pe gete i konnen poudir ok, sa in arive akoz lafason ki i sipoze ganny fer pe ganny swiv.  Sa i enn bann fason ki ankouraz.  Letan napa latransparans, sa i enn bann fason ki ankouraz koripsyon e ki ankouraz bribery.

Loter Mosyon in fer sorti en lot pwen enportan.  2 travayer Customs pe al verifye en container kot en kliyan, everything is paid by the client. I annan definitivman en lenpakt.  I annan en lenpakt lo sa bann dimoun.  Mon konn tre byen.  Mon konn tre, tre byen bann sitiasyon kot bann travayer Customs i al verifye container kot serten businesses, kot sa kalite servis, si mon kapab servi sa term, ki sa bann Customs Officers i gannyen kot sa Lakonpannyen.  Sa welcome ki zot gannyen.  Sa bann keksoz ki zot gannyen, i fer li fasil pou zot petet ferm lizye lo serten keksoz.  And again, sa i bord avek bribery e i bord avek corruption.

So, Seselwa pe demann latransparans dan lafason ki sa i ganny fer.  Businesses pe demann latransparans dan lafason ki sa i ganny fer akoz i annan serten biznes ki santi i pa ganny trete parey lezot.  Alors, nou bezwen rektifye sa akoz sa i en problenm e i en problenm enorm.

Mr Speaker, sa i anmenn mwan lo sa zafer tret tou dimoun parey.  I sad pou tande letan en Clearing Agent i vini i dir ek ou, be i annan dimoun:- i en keksoz ki senp, me selman i pa devret arive.  I annan dimoun ki vini a en serten ler, zot kapab clear zot marsandiz.  Me letan mwan mon vini, mon vin clear marsandiz pou en kliyan, i dir mwan dan sa ler swivan, ou pa kapab clear marsandiz.  Ou bezwen esper apre.  1erdtan plitar retournen.  Me se pourtan, dan lizye sa dimoun ki ou pe dir li sa keksoz, li in witness personnelman bann instances kot dan sa ler ki li in vini, serten clearance in ganny fer.  So, zot pe demande ki tou dimoun i ganny trete parey.

I sad pou tande letan en Clearing Agent i vini, i dir ou, ler lo en invoice i napa en stated currency, i dir ou, ou bezwen retournen e al sort sa out.  Me selman letan en lot i vini, napa en stated currency lo son invoice, li son invoice i pase.  I en form ou pe diskrimin kont en kategori dimoun.  Ou pe diskrimin kont en kategori biznes.  Ou pe diskrimin kont en kategori Clearing Agent e dan travay Customs, sa pa devret arive.

Mr Speaker, mon krwar poudir i annan sa nesesite pou Customs travay avek en bi pou redwir lakantite letan ki i pran pou clear bann containers lo nou por.  I pa akseptab, parey serten Manm Onorab ki’n koz avan mwan in refer sorti.  I pa akseptab pou pran 10 zour a en mwan pou clear en container.  Mon krwar poudir Customs in bezwen gannyen sa bann konplent.  E letan ou ganny sa bann konplent parey, si ou en Customs ki responsab, ou bezwen vwar ki pe arive e rektifye sa bann problenm.

Souvandfwa Mr Speaker, bann fakter ki afekte performans Customs, i bann keksoz ki senp.  Mon’n mansyonn detrwa par egzanp, lakantite travayer ki available pou travay, kalite training ki nou donn travayer, Clearing Agents.  Ki relasyon nou annan avek bann Clearing AgentsThe system ki nou servi, ASYCUDA World, kalite travayer.  Me en keksoz ki enportan ki mon pankor mansyonnen se Customer Care.  Kimannyer bann Zofisye i tret zot bann customers. Professionalism i enportan.  Nou bezwen serye.  Nou bezwen annan sa volonte pou nou fer nou travay dan en fason ki byen e dan en fason ki apropriye.

Mr Speaker, si bann issues ki bann Manm Parlman in fer sorti ozordi, bann issues ki amonavi i reel, ou tann li partou.  Si sa bann issues i ganny adrese, mon garanti ki nou pou annan en Customs ki efikas.  Nou pou annan en sistenm ASYCUDA World ki efikas and dan sa prosesis, once ki sa bann problenm in ganny rezourd, mon asire ki businesses pou satisfe akoz of course nou bezwen konnen.  Mon krwar tou dimoun i konnen poudir ler en dimoun i fer biznes, sa ki i perdi kot Customs, son letan ki i perdi i pas sa lo son customers. Se nou bann customers ki bezwen pey pli ser pou sa komodite oubyen pou sa marsandiz.  Therefore, letan sistenm Customs i efikas, then en kantite problenm anrelasyon avek biznes i ganny rezourd.  En kantite problenm an relasyon avek Taxes i ganny rezourd.  En kantite problenm anrelasyon avek kalite marsandiz ki antre dan pei i ganny rezourd.

So, mon ava demande ki Customs i ekout lavwa bann Manm Parlman e zot fer leneseser pou elev zot standar e anmenn li lo sa nivo ki lepep Seselwa i ekspekte from zot.  Mersi Mr Speaker.

 

MR SPEAKER

Onorab Rose.

 

HON MARIE-ANTOINETTE ROSE

Mersi Mr Speaker.  Mr Speaker, mon pa pou long akoz mon krwar tou bann lesansyel in ganny fer resorti ozordi apre midi konsernan sa Mosyon ki devan nou.  Zis mon pou pran enn de pwen ki Onorab Vel in fer resorti, ki enportan ler nou regard kote nou pei pe ale, kote nou anvi ale dan sa ‘Nouvo Sesel.’  Mon krwar sa pwen, sa issue of Customs napa nanryen zis pou fer avek servis ki nou Seselwa i gannyen, servis ki nou gannyen lokalman, me i annan en kantite pou fer avek kote nou anvi anmenn nou pei alavenir.

Mon krwar i annan 2 pwen enportan pou nou konsidere.  Nou en pei ki enport plis ki 90 poursan nou bann marsandiz.  Savedir, atraver Customs, plis ki 90 poursan tou sa ki nou konsonmen koman en pep, tou sa ki nou servi, i pas atraver servis Customs. Anplis ki sa, nou annan bokou lentansyon, nou’n eksprim bokou lentansyon pou Sesel vin en zone transbordman, kot nou kapab fer en kantite transbordman e la osi travay Customs pou bokou.

Avek sa, mon krwar Customs i devret vwar li koman enn bann landrwa, bann pwen ki tre, tre enportan dan devlopman nou lekonomi.  Mon pa krwar ozordi zot vwar sa.  Mon krwar ozordi, servis Customs i vwar li koman senpleman en servis ki clear marsandiz me non pa en partner aktiv, enportan dan devlopman nou lekonomi.  Ler en biznes i pran apepre en mwan, detrwa semenn pou kapab clear son marsandiz, parey in ganny fer resorti, this is bad for the economy.  It’s bad for a Country, it’s bad for investment.

Mon krwar le pwen ki nou pe fer resorti apre midi, se ki ler nou tou nou ganny demande pou fer nou bout e fer li byen pou lavansman nou lekonomi, nou pa kapab annan enn bann pwen santral dan lekonomi, enn bann pwen enportan dan lekonomi, enn bann pwen ki kolekte Tax, enn bann pwen ki fer bouze marsandiz, enn bann pwen ki fer bouze enn bann moter dan lekonomi akoz tou biznes i depan lo serten, 90 poursan lenportasyon.  I enportan ki nou asize nou dir donk, annou regarde ki pe arive dan Customs. Mon krwar i annan serten travay ki’n ganny fer par Gouvernman.  Mon pa krwar i ase.  Mon pa krwar i aprofondir.  Mon pa krwar i far reaching pou Customs ariv lo sa pwen ki nou anvi i arive dan devlopman nou lekonomi ler nou pe koz ‘Nouvo Sesel’, ler nou pe koz transbordman, ler nou pe koz economic growth, ler nou pe koz ease of doing business.  Mon pa krwar nou’n get Customs ase.

Mr Speaker, Onorab Vel in fer sorti en lot pwen ki enportan pou nou Sesel komans mazin lo la, se ki ACPEU in deza pe konsider en rezolisyon pou fer sir ki nou annan en sistenm Customs ki armonized.  E sa pou ganny debat lo la an Septanm e parey nou tou nou okouran, nou Lasanble i ganny reprezante opre ACPEU.  I en pwen enportan pou tou bann pei ACPEU. E si sa rezolisyon i ganny konsidere, then dan bann lannen ki pe vini, nou pou vwar bokou plis armonizasyon nou sistenm Customs avek Lerop, avek tou bann pei ACPEU, avek tou nou bann pei lo Kontinan.  E si ozordi nou pe ganny pa mal problenm avek ASYCUDA World, nou kapab mazinen ki dezavantaze nou pou ete ler nou annan en sistenm armonye bokou pli avanse.  Mon krwar, mon en pti pe per ki si sa i arive, nou pou tonm par deor, par anba Moris ki en konpetiter.  Par anba East Africa ki en konpetiter.  Par anba lezot por ki anvi vin pli competitive ki nou.  Mon krwar nou bezwen konsider sa.

Dezyenm keksoz pou nou konsidere se WTO ki nou’n fini vin en manm e nou bezwen, parey loter Mosyon in dir, nou bezwen greater border control and security. I pa zis en kestyon bouz marsandiz me i bezwen annan bokou plis sekirite ler nou pe bouz marsandiz, ler nou pe bouz keksoz ki nou enporte.  Bokou plis scrutiny lo bann containers ki antre e sorti e Sesel i riske vin bokou plis vilnerab avek krim organize.  E nou pa pou konnen si nou pa met nou pare, si nou napa scanner, si nou napa ase travayer, si nou napa ase Agents, si nou napa ase bann Lazans ki envestir dan sa kalite biznes e si nou napa ase skills. Mon krwar sa en pwen ki’n fer resorti.  Si nou napa ase skilled workers. Travayer ki detekte krim ki pe ganny arive anba nou nennen.  E si nou anvi vin enn sa bann players dan annan en por ki efektiv.  En por transbordman ki efektiv, economic growth, investment eksetera, mon krwar nou bezwen met nou pare avek influx of goods ki pou pas atraver nou bann pwen e annan control and security lo nou bann pwen.  Sesel in toultan ganny konsidere koman en pei ki safe, ki bokou, bokou dimoun i vin isi akoz it’s safe.  Me ler nou ekspoz nou, ler nou anvi fer plis, ler nou annan pli gran lanbisyon, nou bezwen annan plis security.  E ankor sa i enn bann defayans Customs. Customs pa vwar li koman a point of security.  I pa vwar son travay koman en travay sekirite.  En travay ki pe vey nou por, pe vey nou point of entry. Mon krwar zot travay enpe plis zis bouz marsandiz, donn konsomater zot marsandiz, donn kliyan zot marsandiz, fini.  Ferm baro 4er, nou al se nou.  Me i annan bokou plis travay ozordi dan nou lalit kont drog, dan nou lalit kont krim organize, dan nou lalit pou fer sir ki por Victoria i vin en por ki secure.  Dan nou lalit kont piracy ki bann dimoun ki pe fer sa krim i vwar nou koman en lennmi.  Mon krwar Customs and Security i devret vin en issue tre, tre enportan pou nou pei, pou nou lekonomi.

Mr Speaker, the last point I want to make se service delivery at Customs e bann travayer Customs.  I annan 2 pwen.  Mon okouran, mon konnen ki en kantite travayer Customs pe demann pli bon kondisyon travay.  Pli bon landrwa konvenab pou zot travay.  Plis incentive ki’n ganny fer resorti apre midi e i en pwen valab.  I en pwen enportan pou nou konsidere e ki annan sipor nou Lasanble.

I annan bann pti biro ki pa konvenab.  I annan petet bann lekipman ki pa ase o nivo.  Si en papye pankor ranpli, zot pa kapab petet pe ranpli li elektronikman there and then. Napa ase pwen lenformasyon pou kliyan.  Mon krwar Onorab Vel in fer resorti e napa en sistenm management ki vwar li as part of the business world. Mon krwar Customs i vwar li very much as 8er-4er public service ki pa devret akoz i en Lazans ki pe deal avek the business world, the business community, the economy. E the economy doesn’t open at 8 in the morning and it doesn’t close at 4. Mon krwar i enportan ki zot revwar the mindset.  The fason vwar i bezwen revwar.

Mon a donn ou en senp legzanp Mr Speaker.  Si en dimoun i vin clear son marsandiz mon krwar ant midi avek 1er, oubyen 1er a 2er, i fermen.  I fermen.  Tou dimoun i ferm zot pti biro, i take.  I dir ou, vin apre 12.00-2er.  E sa dimoun ki’n fer vini son marsandiz, ki pa en gran marsandiz ki i anvi clear, e sel letan ki i annan pou li clear se 12.00-1er, 1er–2er akoz li osi i travay.  I annan lezot biznes e i bezwen attend to son lezot biznes.  The very time ki dimoun i annan pou demann sa servis it’s the very time ki zot fermen.

So, i demann en pti pe pli bon management, pli bon konprenezon, what the business world is all about.  Ki kliyan, ki zot kliyan i demande de zot.  ASYCUDA World in en attempt pou donn meyer servis me parey in ganny fer resorti, i pa neseserman in ed nou in the process. E mon krwar in annan bokou difikilte pou fer li marse.  Me selman, mon krwar kondisyon i se ki nou bezwen train nou bann travayer CustomTrain zot byen.  Train zot dan en fason profesyonnel, but also change the mindset of the whole, lafason ki Custom i ofer son servis.  Sanz son mindset e fer li pli adapte avek en lekonomi ki pe bouze, ki dinamik e ki pe ofer en servis avek dimoun.  Laplipar letan, avek dimoun ki dan biznes, olye annan en mindset ki nou bann public servants.  Nou travay ek Gouvernman e nou ouver 8er-4er.

Mon krwar sa en pwen ki mon ti anvi fer resorti.  I en bon Mosyon ki Onorab, mover Mosyon in met devan nou Lasanble e in donn nou sans pou vreman met devan nou Gouvernman bann pwen enportan ki nou bezwen met lanmen lo la.

A note Mr Speaker, mon krwar Lasanble in preski fini fer son travay.  Tou bann Lezislasyon neseser an sa ki konsern Customs.  Tou bann Konvansyon enportan an sa ki konsern Customs, in preski fini pas devan nou Lasanble.  Savedir nou sipor i la e Lezislasyon neseser i la e sa ki nou bezwen se reelman met an pratik bann bon pratik ki bezwen ganny met anplas.

Avek sa Mr speaker, mon pou siport sa Mosyon.  Mersi.

 

MR SPEAKER

Onorab De Commarmond, Right of Reply.

 

HON CHARLES DE COMMARMOND

Mersi Mr Speaker.  Mr Speaker, mon remersye tou bann Manm ki’n entervenir lo mon Mosyon.  Zot lentervansyon in enpekab.  In tre bon e mon swete ki lotorite konsernen i ganny notifikasyon bann propozisyon ki nou’n met devan, pour ki zot amelyor sistenm e servis ki zot pe donn nou.

Mr Speaker, zis an pasan.  Nou vwar poudir bann Onorab ki’n koze, par egzanp in koz lo retar.  Retar pou tir en container. Tir marsandiz.  Tro bokou letan pou clear marsandiz.  Sa i kout larzan anplis par sa enportater e i pou pas sa kou byensir lo kliyan.

Sistenm verifikasyon ek check i pa alaoter.  Onorab Houareau in fer resorti.  100 poursan bann juice ki, bann serten marsandiz ki pa ganny byen verifye e osi nou vwar poudir okenn Departman Gouvernman pa devret vin koman en blokaz ek en retar pou sa ki fer biznes e pe rann en bon servis.  Si Custom napa en sistenm efikas e efisyan pou anmas reveni nou pei, nou pou anmas mwens reveni.  Nou bezwen en sistenm Custom ki marse e kot rol Custom i devret diferan ler ou kalkil marsandiz Praslin, ler ou kalkil sitiasyon Praslin en La Digue ki bokou dezapwentan.

Desantraliz servis Custom, Onorab Volcere in dir nou.  Mr Speaker, empower plis bann travayer Custom. Train zot plis pou zot donn en servis ki alaoter.  Alaoter egzizans nou pep.  I devret annan en sistenm demann ki akseler bann reform.  En sistenm Custom ki akseler bann reform ki nou annan e ki devan nou.  Nou devret osi adere avek Lalwa Custom nou pei.  I bezwen annan plis ledikasyon pou piblik, pou zofisye Custom limenm.

En bon sistenm Custom efikas e efisyan i devret kontribye pou redwir pri komodite.  Onorab Pillay in osi met lanfaz lo la.

Rol sekirite Custom. Custom pe zwe en tre bon rol e nou oule ki i elev son standar.

Lentrodiksyon si ou oule en con stacker.  En stacker pou container, pou bann container. Bann Lakonpannyen por i devret osi shape up pou osi donn en servis ki alaoter, pou redwir fristrasyon kliyan.  Onorab Vel in ensiste dan nou Lasanble ozordi.

Nou vwar poudir Custom i devret anmas plis reveni.  En kantite fakter ki afekte sistenm ASYCUDA world isi Sesel in ganny resorti.  Nou devret osi fer assessment lo litilizasyon sistenm ASYCUDA World akoz i definitivman annan konplikasyon.

Custom i devret annan son prop sistenm ICT.  I annan en lack of Custom Offices, a lack of proper trained Custom Officers. I devret annan latransparans dan travay Custom.  Bann lapreferans i devret arete e tou dimoun i devret ganny trete parey dan travay Custom.  Custom i devret ogmant son Customer Care.  Onorab Lopozisyon in elabore ozordi dan nou Lasanble e ki in dir nou ki bann pwen ki Manm Parlman in fer resorti, Custom i devret pe ekoute e pe servi.

Rol Custom koman en pwen e en partner aktiv e enportan dan rol devlopman nou lekonomi.  Rol Custom dan transbordman e ease of doing business.  Tre enportan Mr Speaker.  En sistenm Custom armonize.  Fodre pa ki nou les nou vin vilnerab avek en sistenm Custom ki pa alaoter.  Fodre pa ki Custom i vwar li pe operate zis 8er-4er.  Pli bon management e pli bon fleksibilite e sanzman mindset servis Custom i en nesesite, Onorab Leader Zafer Biznes Gouvernman in swanyezman met a nou latansyon.

Mr Speaker, tou sa bann pwen ki mon’n fer resorti i montre lenportans Mosyon ki’n ganny met devan nou.  E pour fini, nou demande nou, ki bann dimoun Custom, i osi vreman vwar keksoz dan bon perspektiv akoz fodre pa ki par egzanp promosyon i ganny gete anrelasyon dalon.  Fodre konmsi sa sistenm bon training, bon sistenm ki nou’n koz lo la, bann bon servis ki nou’n fer resorti, bann si ou oule dir, keksoz pozitiv ki’n ganny met devan, Custom i ganny pran an konsiderasyon par Unit Custom, par Departman Custom, avek sa fason pli motive, avek fason pli armonize, fason pli realis pou zot kapab ede elev lekonomi nou pei, ede anmenn biznes, anmenn fason fer biznes dan nou pei, anmenn reveni collection dan en fason pli byen.

Nou swet Departman Custom bonn sans dan tou sa ki nou pe dir.  Dan tou sa bann demars ki zot pe fer.  Nou konnen i annan akse, i annan relasyon avek serten Lorganizasyon etranzer ki zot pe rod fason pou zot ganny reveni pou train.  Nou swet zot bonn sans, ki sa bann keksoz i ganny marse e ki i al vitman.

Avek sa Mr Speaker, mon a demann tou Manm Parlman pou siport e vot anfaver sa Mosyon.  Mersi bokou.

 

MR SPEAKER

Tou bann ki anfaver?  okenn ki kont?  Inanim.  Mosyon in pase.  E nou pou adjourn ziska Mardi prosen, 9er bomaten.

 

(ADJOURNMENT)