Home » Questions » 2014 » Questions – Sitting of Tuesday 10th June, 2014

Questions – Sitting of Tuesday 10th June, 2014

Sitting of Tuesday 10th June, 2014

Questions for Oral Answer


To the Minister for Home Affairs and Transport, Mr. Joel Morgan

Q47. Hon. Bernard Arnephy – Member for Anse Boileau

Eski Minis responsab pour Zafer Entern e Transpor i kapab enform sa Lasanble si i annan okenn provizyon mazer pou met kamera sirveyans lot tou pay parking areas, sirtou dan Lavil?

Q48. Hon. Bernard Arnephy – Member for Anse Boileau

Eski Minis responsab pour Zafer Entern e Transpor i kapab eksplik nou Lasanble kwa ki pe ganny fer spesifik pou adres bann defayans mazer ki’n ganny soulinnyen dan sa rapor resan par Lofis Oditer Zeneral lo zesyon sistenm transpor Lapolis, pour ki an retour manm piblik i ganny en meyer servis?

Q49. Hon. Derek Samson – Member for Anse Royale

Eski Minis responsab pou Zafer Entern i kapab donn nou Lasanble en revi lo leta sitiasyon pirat rezyon Sesel e nou teritwar pros?

Q50. Hon. Derek Samson – Member for Anse Royale

Kestyon pou demann Minis responsab pour Zafer Entern pou dir nou Lasanble kan ki son Minister i anvizaze komans konstrir Stasyon Servis Tenny Dife dan distrik Anse Royale?

Q51. Hon. Charles de Commarmond – Member for Cascade

Eski Minis responsab pour Zafer Entern e Transpor i kapab eksplik nou Lasanble ki lavenir masin koltar Petit Paris e kan ki nou pou ganny en nouvo masin koltar e kote pou met sa enn nouvo?

Q52. Hon. Sultane Jacqueline – Member for Port Glaud

Eski Minis responsab pour Zafer Entern i kapab enform sa Lasanble si son Minister pe konsider met sekirite dan bann sit touristik parey kot Waterfall Port Glaud, pou asir byennet e sekirite bann kliyan ki vin sa bann landrwa, an vi kantite vol ki pe ganny raporte?

Q53. Hon. Murielle Marie – Member for Au Cap

Eski Minis i kapab enform sa Lasanble si i dan plan son Minister pou konstrir en drenaz avek son trotwar depi laboutik Desaubin ziska kot batiman Takamaka Bay dan distrik Au Cap, ki pe koz lenkonvenyans pour pyeton ek motoris?

Q54. Hon. Sheryl Vangadasamy – Member for Mont Buxton

Eski Minis responsab pour Zafer Entern e Transpor i kapab eksplik ek sa Lasanble plan reform ki son Minister in anbark lo la konsernan reform dan Departman Lapolis?

Q55. Hon. Sheryl Vangadasamy – Member for Mont Buxton

Eski Minis responsab pour Zafer Entern e Transpor i kapab dir ek sa Lasanble ki plan son Minister konsernan Police Headquarters, pli presizeman Kordgard Santral?

Q56. Hon. Maria Payet-Marie – Proportionately Elected Member

Eski Minis i kapab enform nou Lasanble ki plan son Minister i annan, ansanm avek Lotorite Prizon pou elev e mentenir nivo, ou menm agrandir Prizon Madanm ki baze Montagne Posee?

Q57. Hon. David Pierre – Leader of the Opposition

Eski Minis pour Zafer Entern ek Transpor lo Later i kapab eksplik sa Lasanble si son Minister i annan okenn plan dan limedya, pour ekip seksyon CID avek plis resours, tel parey transpor pour zot kapab amelyor zot travay?

 

Q58. Hon. David Pierre – Leader of the Opposition

Eski Minis i kapab eksplik sa Lasanble si son Minister i annan okenn plan pou aranz semen Dan Kafe, La Gogue?