::
Home » Questions » 2013 » Sitting of Tuesday 12th November, 2013 Questions for Oral Answer

Sitting of Tuesday 12th November, 2013 Questions for Oral Answer

Sitting of Tuesday 12th November, 2013

Questions for Oral Answer

To the Minister for Finance, Trade & Investment, Mr. Pierre Laporte

Q205.          Hon. David Pierre- Leader of the Opposition

Eski Minis i kapab dir avek sa Lasanble akoz ki Gouvernman pa revwar metod lo ki i baz sa Corporate Social Responsibility Tax?

 

Q206.          Hon. Kevin Vidot- Member for English River

Eski Minis i kapab enform sa Lasanble e Lepep Seselwa si monitoring apropriye pe ganny fer dan bann laboutik ki pe vann bann prodwir ki ganny konsidere pour adilt avek bann zanfan anba laz?

 

Q207.          Hon. Emmanuel Fideria- Member for Les Mamelles

Eski Minis responsab pour Finans e Lenvestisman e Komers i kapab eksplik sa Lasanble akoz ki Gouvernman in aret donn motor vehicle loan travayer servis piblik?

 

Q208.          Hon. Emmanuel Fideria- Member for Les Mamelles

Eski Minis pour Finans, Lenvestisman e Komers i kapab eksplik sa Lasanble si bann sitwayen ki ti pran early retirement a laz 55an si zot pou ganny sekirite sosyal a laz 63an?

 

Q209.          Hon. Bernard Arnephy- Member for Anse Boileau

Eski Minis responsab pour Finans i kapab eksplik nou Lansanble ki bann defi Departman Ladwann pe fer fas avek pou enplimant sa sistenm Asycuda World Seychelles?

 

Q210.          Hon. Melval Dugasse- Member for Anse Etoile

Eski Minis responsab pour Finans ek Lenvestisman i kapab enform sa Lasanble si son Minister i annan lentansyon pou revwar kontra sa bann pti kontrakter netwayaz semen dan bann distrik parey ti ganny promete dan bidze 2013?

 

Q211.          Hon. Begitta Jeannevol- Member for Mont Fleuri

Eski Minis responsab pour Finans ek Lenvestisman i kapab eksplik nou Lasanble lo zefor ki pe ganny fer pou amelyor kondisyon travay zofisye ladwann lo erport?

 

Q212.          Hon. Jeniffer Vel- Member for Pointe Larue

An vi konsern lo pozisyon Sesel dan ranking bann pei ki ti sorti dan Global Competitiveness Report, eski Minis responsab pour Finans i kapab enform nou Lasanble kwa ki son Minister in fer pour amelyor zimaz Sesel lo lasenn enternasyonal koman en pei avek en lekonomi konpetitif e si i annan okenn mezir ki’n ganny pran, ki zot lefe?

 

 

 

Q213.          Hon. Jeniffer Vel- Member for Pointe Larue

Eski Minis responsab pour Finans avek Lenvestisman i kapab enform sa Lasanble si son Minister i annan en stratezi pour asire ki bann lenvestisman etranze ki antre Sesel i benefisye  Seselwa, pa zis an term lanplwa, me osi an term partisipasyon dan kapital sa bann lenvestisman?

 

Q214.          Hon. Wilby Lucas- Member for Baie Lazare

Eski Minis i kapab enform sa Lasanble dan ki sirkonstans ki serten porsyon larzan ki’n ganny bidzete pour enplimant bann pti proze distrik i kapab ganny repran par Minister Finans?

//