::
Home » Questions » 2013 » Sitting of Tuesday 5th November, 2013 Questions for Oral Answer

Sitting of Tuesday 5th November, 2013 Questions for Oral Answer

Sitting of Tuesday 5th November, 2013

Questions for Oral Answer

 

To the Minister for Land Use and Housing, Mr. Christian Lionnet

 

Q194.          Hon. Marc Volcere – Member for Grand Anse Praslin

Pou benefis bann zabitan ki reste obor Erport Amitie Praslin e osi pou bann fermye ki plant dan sa zanmerant, eski minis i kapab enform sa Lasanble ki progranm son Minister ek lezot lazans lo agrandisman fence kot sa Erport?

 

Q195.          Hon. Sheryl Vangadasamy – Member for Mont Buxton

Eski Minis i kapab dir ek sa Lasanble si son polisi aktyel konsernan lavant later pou kontinnyen reste parey prenan kont ki bokou dimoun apre 7 an i revann later?

 

Q196.          Hon. Derek Samson – Member for Anse Royale

Kestyon pou demann Minis responsab pour later, ki polisi son Minister kot i konsern pye dibwa ki trouve lo later Gouvernman e ki en menas pour lakour prive oubyen propriyete en sitwayen?

 

Q197.          Hon. Marc Volcere – Member for Grand Anse, Praslin

An vi lakantite dezas koze par dife ki’n frap nou pei dan sa bann dernyen lannen, mon ti a kontan demann Minis pou Litilizasyon Later ek Labita ki responsabilite Gouvernman anver bann lakaz brile dan nou pei?

 

Q198.          Hon. Bernard Arnephy- Member for Anse Boileau

Pou demann Minis responsab pour Lakaz ek Labita ki program ki PMC i annan ansanm avek lezot lazans konsernan pou kontrol bann pest tel ki lera e lisyen eran lo bann gran housing estates parey lo Ile Perseverance?

 

Q199.          Hon. Meggy Marie – Member for Anse Aux Pins

Eski Minis responsab pour Later ek Lakaz i kapab eksplik zabitan Anse Aux Pins ki plan son Minister pou fer plis plot later aksesib e konstri plis lakaz dan nou distrik?

 

Q200.          Hon. David Pierre – Leader of the Opposition

Eski Minis i kapab dir avek sa Lasanble ki plan renovasyon son Minister i annan kot i konsern bann lakaz dan leo ‘Cayole Estate’, Anse Aux Pins ki’n krak e ki en menas pour bann lokater?

 

Q201.          Hon. Begitta Jeannevol – Member for Mont Fleuri

Eski Minis responsab pour Later ek Lakaz i kapab enform sa Lasanble ki pe arive avek proze eliminasyon lakaz ki annan leternik ladan?

 

Q202.Hon. Begitta Jeannevol – Member for Mont Fleuri

Eski Minis responsab pour Later ek Lakaz i kapab enform sa Lasanble ki arive avek lakaz en dimoun ki’n kondannen, e ki napa en dezyenm aplikan lo son laplikasyon?

 

Q203.Hon. Herbert Houareau – Member for St Louis

Eski Minis responsab pou Later ek Lakaz i kapab eksplik sa Lasanble ki pe arive ek bann proze lakaz ou flat dan distrik St Louis tel ki proze Ex-Morel, Ex-Aman, Ex-Oliver e flat Emergency kot lekol Belonie e kan ki Gouvernman pou komans sa bann proze?

 

Q.204.Hon. Jeniffer Vel – Member for Pointe Larue

Eski Minis responsab pour Later avek Lakaz i kapab dir avek nou Lasanble ki difikilte ki Lotorite Planning i rankontre pou ranforsi bann non-compliance procedures pour bann dimoun ki pa swiv lord Lotorite Planning dan bann devlopman e konstriksyon?

//