::
Home » Questions » 2013 » Sitting of Tuesday 22nd October, 2013 Questions for Oral Answer

Sitting of Tuesday 22nd October, 2013 Questions for Oral Answer

Sitting of Tuesday 22nd October, 2013

Questions for Oral Answer

 

To the Minister for Social Affairs, Community Development & Sports, Mr. Vincent Meriton

 

Q178.          Hon. Melval Dugasse- Member for Anse Etoile

An vi ki Minis pour Later ek Lakaz ti pronons dan sa Lasanble le 5 Mars sa lannen ki laplenn La Retraite pou form parti devlopman pti biznes pou Anse Etoile, eski Minis i kapab enform sa Lasanble lo pozisyon son Minister lo sa size?

 

Q179.          Hon. Alderic Bristol- Member for Takamaka

Etan donnen ki distrik Takamaka i annan logmantasyon demann pou lakaz dimoun aze, eski Minis i kapab dir sa Lasanble si son Minister pe konsider agrandi lakaz rezyonal dimoun aze Anse Boileau ki ava osi benefisye bann dimoun aze distrik Takamaka?

 

Q180.          Hon. Nichole Barbe- Member for Bel Air

Eski Minis i kapab eksplik sa Lasanble si son Minister i annan plan pou revwar allowance ki bann Brigad Dirzans dan distrik i gannyen?

 

Q181.          Hon. Charles De Commarmond- Member for Cascade

Eski Minis i kapab enform nou Lasanble ki si sa konkretman ki son Minister in fer pou ed bann prizonnyen ki zot letan in fini dan prizon e ki napa en komansman dan lavi e ki zot pe rod en travay irzan?

 

Q182.          Hon. Bernard Arnephy- Member for Anse Boileau

Pou demann Minis si Gouvernman atraver Minister responsab pour Devlopman Sosyal pe mazin revwar sa bidze ki bann Homes for the Elderly i gannyen pou kapab donn en pli bon servis e konfor bann rezidan?

 

Q183.          Hon. Emmanuel Fideria- Member for Les Mamelles

Eski Minis responsab pour Zafer Sosyal, Developman Kominoter e Spor i kapab eksplik sa Lasanble ki son Minister i annan lentansyon fer ek bann sitwayen ki kontinyen pa oule pey kontribisyon maintenance zot zanfan apre ki tribinal in fini donn zizman?

 

Q184.          Hon. Murielle Marie- Member for Au Cap

An vi ki bann zabitan Au Cap napa okenn fasilite pou detann, espesyalman bann zenn, eski Minis i kapab enform sa Lasanble si i dan plan son Minister pou konstrir en sant kominoter dan distrik ?

 

Q185.          Hon. Derek Samson- Member for Anse Royale

Eski Minis responsab pour Spor i kapab donn zabitan Anse Royale en leksplikasyon lo plan son Minister pou devlop bann fasilite ki trouve Anse Royale avek bi pou transform li konman en sant rezyonal pou Spor ?