::
Home » Questions » 2013 » Sitting of Tuesday 8th October, 2013 – Questions for Oral Answer

Sitting of Tuesday 8th October, 2013 – Questions for Oral Answer

Sitting of Tuesday 8th October, 2013

Questions for Oral Answer

 

To the Minister for Home Affairs and Transport, Mr. Joel Morgan

 

Q161.          Hon. David Pierre – Leader of the Opposition

Eski Minis i kapab dir ek sa Lasanble ki mezir sekirite son Minister pe pran konsernan sa pon North East Point an montan Sea View ki’n fele etan donnen ki bis piblik e lezot gro transpor i servi sa semen?

 

Q162.          Hon. David Pierre – Leader of the Opposition

Eski Minis i kapab enform sa Lasanble akoz bann lotel parey Kempinski, Four Seasons, Ephelia e Northolme napa Taxi Bays?

 

Q163.          Hon. Alderic Bristol – Member for Takamaka

Eski Minis pour Zafer Entern e Transpor i kapab enform sa Lasanble kwa ki pe ganny fer pou amelyor bann landrwa danzere lo sa seksyon semen depi krwaze Bougenvil ziska Maravi?

 

Q164.          Hon. Wilby Lucas – Member for Baie Lazare

Pou demann Minis pou enform sa Lasanble, eski resours pou re-etablir bann semen e lezot lenfrastriktir ki’n ganny afekte pandan dezas an Zanvye 2013, pou annan okenn lenpak lo progranm reabilitasyon bann semen dan lezot distrik pou lannen 2013?

 

Q165.          Hon. Chantal Ghislain – Member for La Digue

Lefet ki avek gro lapli, tou bann semen later La Digue e ki al direk kot bann lakour bann zabitan i inonde e labou i reste lo sa bann semen ki fer akse difisil e en danze lasante, eski Minis pour Zafer Entern ek Transpor i kapab dir sa Lasanble si son Minister i annan plan e lentansyon met beton lo sa bann semen lefet ki coral fill i selman en solisyon tanporer?

 

Q166.          Hon. Nichole Barbe – Member for Bel Air

Eski Minis i kapab enform sa Lasanble ki plan son Minister pou permet partisipasyon sekter prive akote servis transpor piblik?

 

Q167.          Hon. Natasha Esther – Member for Baie Ste Anne, Praslin

Eski Minis i kapab enform sa Lasanble kan ki Lotorite Por i deside met fasilite lalimyer lo nouvo por Baie Ste Anne pou fasilit bann operater bato pandan letan ki zot pe desarz bato sirtou pandan lannwit, anvi ki fasilite stokaz pa ankor materialize?

 

Q168.          Hon. Natasha Esther – Member for Baie Ste Anne, Praslin

Eski i dan plan Minister pour met o servis zabitan Praslin dan limedya en fire tender tanporer pandan ki nou pe esper konplisyon sa nouvo fire station lo Zil Eve?

 

 

Q169.          Hon. Chantal Ghislain – Member for La Digue

Lefet ki La Digue i lwen e avek bi desantraliz bann servis, eski Minis responsab pou Transpor ek Zafer Entern i kapab dir nou Lasanble si i dan plan son Minister pou revwar fonksyonnman kord gard La Digue?

 

Q170.          Hon. Sultane Jacqueline- Member for Port Glaud

Eski Minis i kapab eksplik sa Lasanble ki plan son Minister i annan pou redevelop Langar Terminal Bis Port Launay?

 

Q171.          Hon. Emmanuel Fideria – Member for Les Mamelles

Eski Minis responsab pour Zafer Entern ek Transpor i kapab dir sa Lasanble si son Minister pou konsider waive sa fee 250 roupi ki ganny peye pou en character certificate dan sa ka kot en sitwayen pe seryezman rod en lanplwa me ki son sirkonstans finansyel pa permet li pey sa fee?

 

Q172.          Hon.  Emmanuel Fideria – Member for Les Mamelles

Eski Minis responsab pour Zafer Entern i kapab enform sa Lasanble si nivo kriminalite in desann oubyen ogmante dan pei; si in monte ki son Minister pe fer pou amelyor sa sitiasyon?