::
Home » Verbatim » Verbatim - Third Term 2013 » Tuesday 10th September, 2013

Tuesday 10th September, 2013

NATIONAL ASSEMBLY OF SEYCHELLES

Tuesday 10th September 2013

The Assembly met at 9.00 am

National Anthem

Moment of Reflection

Mr Speaker in the Chair

MR SPEAKER

Bonzour tou bann Manm Lasanble Nasyonal, bonzour Minis ek son delegasyon, bonzour tou bann ki pe ekout nou dan lakour.  Ozordi nou komans nou trwazyenm trimes ki nou dernyen trimes pour sa lannen e avek nou dan Meeting ozordi nou annan Minis pou Resours Natirel, Mr Peter Sinon ki pe vin reponn plizyer kestyon e osi plitar dan lazournen pou fer en Statement.  Nou ava komans ek bann kestyon.  Premye kestyon, kestyon 126 par Onorab Derek Samson Manm Elekte pou distrik Anse Royale.  Onorab.

 

HON DEREK SAMSON

Mersi Mr Speaker, bonzour, Minis ek ou delegasyon bonzour, tou Koleg Onorab bonzour tou dimoun alekout.  An vi mankman fimyen dan pei pou bann fermye, eski Minis i kapab enform sa Lasanble ki son Minister pe anvize fer pou garanti ki nou bann fermye i ganny fimyen? Mersi.

 

MINISTER PETER SINON

Bonzour Mr Speaker, bonzour tou Onorab, bonzour tou bann dimoun ki pe ekoute dan lakour.  Mr Speaker, zistans ki nou’n arive ozordi ki Onorab pe demand Minis oli fimyen, i marke ki zistans nou’n arive kot i konsern nou sekter lagrikiltir.

Mr Speaker, mankman fimyen dan pei pou fermye, in vin vreman en preokipasyon mon Minister.  Sa sitiasyon in agrave apre ki bokou fermye ki ti pe fer elevaz poul ti bezwen ferm zot biznes oubyen, redwir drastikman lakantite prodiksyon pou plizyer rezon.  Fimyen poul i pli popiler parmi nou bann fermye senpleman, akoz i pli disponib, i mwen ser, i pli fasil pou travay avek.  Fermye i osi fer fas avek konpetisyon, avek lezot biznes tel ki lanbelisman kot bann gran letablisman otelyer, par egzanp, bann landrwa piblik e kot lakour i compete pou sa menm fimyen, sa in kontribye pou fer sa problenm pli agrave.

Pou le moman, mon Minister pe travay dir pou fermye ki ti dan prodiksyon poul i retourn dan sa biznes e nou pe osi ankouraz nouvo aplikan ki satisfer nou kriter pou donn en koudmen, sa, i ava byensir ede ogmant lakantite fimyen ki disponib pou fermye.

De lot kote Mr Speaker, elevaz kabri nou vwar ozordi ki i komans vin en aktivite ki pe agrandi tre vit e sa pe ede pou tir presyon lo demann fimyen poul an deor laferm komersyal.   Mr Speaker, i osi annan detrwa fermye ki sonny bef e ki pe kontribye pou ki i annan plis fimyen.  Mr Speaker, demann pou fimyen i asosye avek fertilizasyon later, mon Minister pe aktyelman enport plizyer kalite langre ki a baz organik e sa, parey fimyen i azout nitritir organik dan later.  Tou dernyenman, nou ti ganny vizit en profeser ki sorti dan Lenn.  Lazans Lagrikiltir pe travay avek li lo plizyer keksoz tel ki, lentrodiksyon en kalite langre ki ganny fer a la baz en sanpiyon, tout an respektan tou protokol neseser ki anplas avanler nou enport sa langre dan nou pei.

Dezyenm, asiste Lazans Lagrikiltir ek en nouvo varyete legren koman cowpea pou fer bann green manure, fimyen ver.  Fermye i ava plant sa e apre en serten devlop zot a la baz sa plant dan zot later koman firmyen.

Pou terminen Mr Speaker, nou pe osi ankouraz bann fermye pou fer compost avek bann debri organik lo zot laferm, sa i osi aplik pou bann dimoun ki fer pti zarden dan lakour.  Finalman Mr Speaker, i annan en kestyon plitar ki mon pou reponn lo rol sa nouvo laboratwar Grand Anse.  Mr Speaker sa laboratwar i pou adres fertilite nou later e problenm nou bann plant.  Mersi bokou Mr Speaker.

 

MR SPEAKER

Onorab okenn siplemanter?

 

HON DEREK SAMSON

Wi Mr Speaker, mersi.  Mr Speaker mon ti a kontan demann Minis, par lefe ki i annan fermye ki pe deza enport fimyen pou anmenn dan pei, si son Minister pe ankouraz kondisyon pou ankouraz tir en gro fermye pou kapab annan leportasyon fimyen pou ed zot aktivite lagrikiltir.  Mersi.

 

MINISTER PETER SINON

Mersi Mr Speaker.  Mr Speaker mon Minister dan sa bann moman kritik nou travay in plito pou fer sir ki sa bann fimyen ki nou enporte i within nou bann regleman, i pa poz okenn danze pou nou bann laferm, pou nou bann later eksetera.  Me, nou pa’n si ou oule blok okenn fermye pou anmenn sa bann langre pou ed zot lo zot bann laferm.  Okontrer, non’n ed zot pou teknikman, pou swazir bann langre ki kapab suit nou bann regilyasyon kot i konsern enport fimyen organik dan Sesel, Mersi Mr Speaker.

 

MR SPEAKER

Onorab.

 

HON DAVID PIERRE

Mersi Mr Speaker, bonzour Minis ek son delegasyon, bonzour bann Koleg Onorab e tou bann ki alekout.  Mr Speaker, Minis in koz lo lendistri livestock, eski Minis alors, i kapab donn enpe detay sa Lasanble lo kwa egzakteman ki zot pe fer pou reviz lendistri livestock pour ki nou kapab reprodwir sa nivo e lakantite fimyen ki nou bezwen pou nou lendistri, for the crop industry, Mersi Mr Speaker.

 

MINISTER PETER SINON

Mersi Mr Speaker.  Mr Speaker, mon Minister i lo en misyon pou fer reviv sekter lagrikiltir, sa misyon i pou toulede, livestock e crop.  Ki nou pe fer pou reviv livestock an partikilye?  Mr Speaker, parey nou konnen, en fermye i en antreprener, i en businessman.  Si en fermye son prodwi pa kapab ganny vann, i pa kapab viv.  E se sa rezon kot nou annan lavyann pli bon marse lo marse.  I bon pou konsomater, me pou nou fermye ki pa’n kapab compete, i pa’n bon pou li.

Ki nou pe sey fer? Minister in ale e rod resours pou siport sa sekter re viv.  Nou’n tann bokou lo nou proze avek IFAD nou’n tann bokou lo nou Grant 1 milyon Dolar pou fer bann letid neseser pou reviv sa sekter e anmenn en proze entegre pou devlopman lagrikiltir Sesel apre ki tou letid entegre in ganny fer dan lagrikiltir e sa pou kont letid lo liveestock sirtou poul e lo pork e konmela parey mon fek dir taler, kabri osi pe pran en lanpler ase enportan avek enn, de fermye.  I annan ki annan plis ki 100 latet ozordi e nou pe fer en fason ki nou pou ankouraz lendistri livestock.      Dan sa, nou pou regard dan kredi ki nou pou annan, nou fon lagrikiltir in epwize, kimannyer nou kapab replenish sa fon.  Nou pou fer en fason ki nou bann outlet pou bann antran lagrikiltir i ganny byen aprovizyonnen.  Nou annan deza 2 proze ki apre sa bann dezas ki vize ver re aprovizyonnman sa bann laboutik ki nou annan akoz nou letan ti’n pas sa dezas, nou ti’n pran nou bann antran pou re-donn bann fermye pou zot re viv, la aprezan nou dan en sitiasyon kot sa bann antran ki nou’n donnen pou ganny ranplase.

Dan livestock limenm ankor, nou vwar ki konpetisyon i for, konpetisyon lo marse.  Nou bezwen annan en kanpanny e en stratezi medya pou nou promot prodwi lokal ki mon krwar Mr Speaker, mon seserman krwar, ki en pli bon kalite prodwi an term son prodwi, an term konnen kot i ganny prodwir, an term son bann nitriyan, son bann atribi nitritiv ki en lavyann ki sorti tre, tre, tre lwen e nou pa konnen konbyen zour in pran pou li ariv kot nou, dan nou por e vann nou pli bon marse.

Mr Speaker, mon krwar sa value chain, sa promosyon ki nou pou bezwen fer pou aste nou prodwi lokal pou si ou oule menm atir enpe sa sans patriotizm dan nou bann konsomater pou aste lokal i bann travay ki nou pe met anplas plitar.  Mersi Mr Speaker.

 

MR SPEAKER

Kestyon 127, Onorab Lucas.

 

HON WILBY LUCAS

Mersi Mr Speaker, bonzour Minis avek ou delegasyon, tou Manm Lasanble e tou sa ki alekout.  Mon kestyon i lir koumsa, pou demann Minis pou donn detay sa Lasanble, ki lobzektif pou Gouvernman kre en fon pou anmas larzan ki ganny levy lo lenportasyon lavyann.  Mersi.

 

MINISTER PETER SINON

Mersi Mr Speaker.  Mr Speaker, presizaman sa kestyon pe fer referans avek livestock trust fund e sa fon son bann lobzektif i swivan.  I kouver en parti operasyonnel nou labatwar, i pou siport proze lasirans ki nou pou met anplas pou fermye.  In deza e i kontinnyen asiste enpe lekol Lagrikiltir.  I finans serten resers e devlopman e devlopman kapasite dan sekter elevaz.  I finans drenaz e irigasyon lo serten laferm ki’n ganny afekte dan lepase, in asiste dan finansman pou asiste materyo brit pou prodiksyon manze, me sa larzan i merit ganny rann.  In asiste osi e finans lezot linisyativ dan promosyon sekter elevaz.  Mersi Mr Speaker.

 

MR SPEAKER

Onorab Lucas.

 

HON WILBY LUCAS

Mersi Mr Speaker, eski Minis i kapab enform sa Lasanble, eski i annan prosedir kler anplas ki kapab permet fermye ganny akse avek sa fon?  E si wi konbyen fermye ki’n ganny asiste anba sa fon?

 

MINISTER PETER SINON

Mersi Mr Speaker.  Mr Speaker, sa fon, kot i konsern mon Minister, sa fon in toultan annan li en Board e se sa Board si ou oule, ki pran bann desizyon lo kwa ki sa fon i ganny servi pou finanse.  Bann aplikasyon si ou le i vin kot sa Board ki pou le moman, sa Board son letan in fini expire.  Nou pe propoz, mon’n deza propoz en lot Board me mon’n ganny demande pou revwar mon propozisyon akoz lo mon propozisyon ti napa reprezantan si ou oule sekter prive as such lo sa Board.

Mon nide se ki mon krwar ti’n ariv ler pou mon Minister met lanmen lo sa Board pou nou kapab si ou oule an paralel avek nou bann linisiativ pou reviv sekter,  sa i sel fon ki lagrikiltir i annan akse avek, si ou oule enpe an direk apard nou bidze.  Me definitivman, mon krwar mon bann koleg dan Cabinet i byen, poudir nou devret annan reprezantan sekter prive, akoz parey ou ek mwan nou konnen, bann zafer lagrikiltir i ganny fer si ou oule, antyerman par sekter prive dan nou pei menm ki nou siport zot a san poursan.

Alors sa Board pe ganny revize e mwan a personnelman gard ou okouran devlopman lo bann nouvo fason ki sa Board pou determinen pou bann fermye kapab access sa fon, ki bann nouvo lalinny, bann regleman ki nou pou met anplas pou fer ki sa fon i gide ver bann stratezi spesifik, e finalman Mr Speaker, ki nou oule esey fer se ki nou fer sir, al delavan ki nou annan en fon ki ganny servi an paralel avek nou bann zefor.  Sa pa ti toultan neseserman le ka ant stratezi Minister, pou devlop lagrikiltir avek itilizasyon fon.         Nou’n agrandi sa fon, son bann lobzektiv i apel livestock trust fund e i annan sa nosyon ki i zis pour livestock.  Bon, i prensipalman pour livestock me parey mon fek mansyonn ou taler, nou’n deza akse sa fon par egzanp pou fer drenaz, mon rapel ti Praslin kot ti annan en flood e nou ti akse sa fon pou nou fer bann drenaz lo sa zafer, alors nou’n demann Cabinet pou agrandi lobzektif sa fon pou nou kapab servi li enpe pli widely akoz parey mon’n mansyonnen taler, i sel fon ki lagrikiltir i annan lo bann moman ki enprevizib pou nou kapab akse, pou kapab rektifye serten sitiasyon, mersi Mr Speaker.

 

MR SPEAKER

Bon kestyon 129, dan labsans Onorab Maria Payet Marie, se Onorab Vidot ki pe al demann kestyon.  Ok wi, kestyon 128.  Onorab Lucas.

 

HON WILBY LUCAS

Mersi Mr Speaker, mon kestyon i lir koumsa.  Pou demann Minis pou enform sa Lasanble, ki plan son Minister pou redinamiz e avek bi anmenn plis transparans dan ladministrasyon sa fon ki ed peser pou ganny konsesyon lo karbiran.  Mersi.

 

MINISTER PETER SINON

Mersi Mr Speaker.  Mr Speaker, SFA in deza antreprann serten mezir, pou annan plis lord dan sa sistenm asiste peser atraver konsesyon lo karbiran.  Sistenm ki ti egziste avan kot SFA ti donn tiket bann peser pou zot gann karbiran lo stasyon petrol ti annan tro bokou labi alors en sanzman ti neseser.  An se moman, tou peser ki anrezistre e aktiv i benefinsye avek konsesyon lo karbiran.  Sa konsesyon, i vin antraver en Scheme kot nou ranbours peser Rs 8 lo sak lit karbiran ki zot aste pou lapes.

Mr Speaker, sa ranboursman i swiv serten prosedir, permet mwan pou eksplike.  Peser i aste karbiran kot stasyon petrol parey tou lezot dimoun, i gard en resi sak fwa ki i aste sa karbiran.  Apre sa, tou le semenn i anmenn son bann resi kot Ladministrasyon Distrik ounbyen kot SFA e i ranpli en form kot i reklanm sa lanboursman e i atas son bann resi avek sa form.

Enn fwa ki sa bann dokiman i ariv kot SFA, nou verifye ki sa peser i vreman antreprann aktivite lapes sa bann zour ki in aste karbiran, sa verifikasyon i fer atraver rikord ki bann lenspekter lapes in anmase ler zot vizit bann sit kot bato peser i antre toulezour.  Bi prensipal sa lenspeksyon, se pou ki bann teknisyen i anmas lenformasyon konsernan lakatite pwason ki peser i atrape, me anmenmtan, sa bann lenformasyon i ede dan verifikasyon okenn claim, ranboursman fuel ki peser i anrezistre avek SFA e ki i fer.    Keksoz ki’n vreman anmenn en nouvo dinamiz dan sa sistenm Mr Speaker, se ki apard bann mini Mahe, bann pti bato lapes ki bann bato lapes ki ekipe avek serten lenstriman ki permet nou sistenm entern tras pozisyon ki sa bann bato i ete lo lanmer, i permet nou kalkil zistans ki zot in kouver e sa i osi fer li posib pou nou kapab kalkil ki kantite karbiran sa bato in servi, sa i pou ka bann gro bato.

Enn fwa ki bann claim i ganny verifye, nou anvoy bann dokiman relevan kot Trezor ki pey sa bann peser zot ranboursman atraver en bidze spessifik pou sa Scheme.  Sa sistenm i fer ki sa Scheme i vin pli transparan akoz nou kapab vreman verifye dan ka bann gro bato ki al lapes, kote in ale, ki zistans in fer e ki kantite karbiran in servi.  Sel laspe alors, kot nou eksperyans ankor problenm, se avek bann pti bato, bann pti mini Mahe kot serten dimoun i pran karbiran lo stasyon petrol e apre i pa servi tou pou al lapes.  Nou bann lenspekter i pa kapab partou anmenmtan toulezour.  Pou le moman, bann mini Mahe oubyen bann pti bato, napa okenn lenstriman abor ki permet nou kapab sirvey zot mouvman e fer bann kalikilasyon parey mon’n dir.  Me byento Mr Speaker, tou propriyeter bann tel bato, pou oblize vwar, annan en sistenm sirveyans abor son pti bato.  Dan en lot devlopman Mr Speaker, tre byento nou pou osi enstal en stasyon petrol par egzanp, Providence, pou fasilit servis tou nou bann bato e ed nou pli kapab kontrol sa, si ou oule, sa smart subsidy ki pa tro smart pou le moman dan kad bann pti bato.

Si i annan peser ouswa propriyeter bato ki anrezistre avek SFA e ki i annan kestyon lo kantite larzan ki nou’n ranbourse konpare avek son claim, i kapab vin vwar nou sistenm sirveyans pou zot menm e ganny leksplikasyon sirplas.

Mr Speaker, nou preokipe pou le moman, avek nou bann aksyon avek bann pti bato, parey mon’n eksplike e mon krwar ki disi a milye lannen prosenn, nou pou annan nou en sistenm ki in tried and tested dan lezot pei par egzanp, Sir Lanka, ki annan osi en sistenm fuel subsidy e zot annan en sistenm koman zot kontrol sa avek en kart, zot donn peser en kart computerized, anrezistre pou nou konnen egzakteman konbyen dimoun i servi GPS pou locate bann bato pou zot kapab verifye zistans ki bato i fer pou al lapes.  I en travay ki nou pe re-get ladan e nou ava retourn avek konklizyon lannen prosenn.  Mersi Mr Speaker.

 

MR SPEAKER

Kestyon 129, dan labsans Onorab Maria Payet.  Onorab Vidot.

Mon oule remind Manm ek Minis ki ozordi nou pe pran 13 kestyon e mon bezwen manage time.  So, mon pou egzers mon diskresyon an sa ki konsern Supplementary Questions. Onorab.

 

HON KEVIN VIDOT

Mersi Mr Speaker.  Bonzour Mr Speaker, Minis e tou dimoun ki alekout.  Mr Speaker, eski Minis pou Resours Natirel e Lendistri i kapab enform nou Lasanble, si son Minister in fer, ou pe fer en resers pou konn vreman kwa ki pe anpes nou bann zenn fiy ek garson pou seryezman pran en karyer dan lagrikiltir ek lapes e petet si i kapab partaz avek nou plan ou progranm son Minister dan sa konteks.  Mersi.

 

MINISTER PETER SINON

Mersi Mr Speaker.  Mr Speaker, lo kote lagrikiltir pa’n annan okenn letid detaye ki’n fer pou determinen kwa ki anpes bann zenn pou seryezman pran en karyer dan lagrikiltir.  Me nou pe touzour travay an kolaborasyon avek Minister Ledikasyon, Minister Lanplwa e lezot partener pou amelyor kondisyon travay pou bann zenn pou zot kapab get lagrikiltir koman en karyer parey tou lezot karyer dan pei.

Akoz nou bann zenn fiy e zenn garson pa pe pran lagrikiltir ou lapes koman en karyer?  Mr Speaker, taler mon’n ganny demande oli fimyen?  Mon’n komanse par dir ki lagrikiltir nou’n tonm ba.  Nou annan bokou travay pou re lev li, pou fer li re viv, ler ou annan en sekter koumsa, zenn Seselwa pa neseserman ganny ankouraze pou zwenn en sekter kot parey nou dir an Kreol, napa lavi.

Anmenmtan, nou bezwen revwar tou bann posibilite letid ki annan lo nivo nasyonal e osi aletranze pou ankouraz nou bann zenn devlop, pa zis lo nivo fermye me dan tou lezot domenn asosye avek sa de sekter, tel ki nivo teknisyen, lo nivo liniversiter e lezot ankor.  Lagrikiltir i annan plizyer domenn tre enteresan e avek tou bann teknolozi modern nou bann zenn e nou bann zenn etidyan, i kontan bann domenn lasyans, zot kapab devlop zot e devlop zot potansyel en kantite.

Apard travay lo nivo laferm, nou bezwen dimoun avek lekspertiz dan IT, dan GIS, dan laboratwar, dan domenn veteriner e plizyer lezot domenn tre enteresan.  Mr Speaker, ansanm avek Minister Ledikasyon, nou bezwen e nou annan deza, plis kolaborasyon dan domenn careers guidance avek training.  Nou deza pe zwenn avek Minister Ledikasyon, mwan menm mon’n chair en meeting kot nou pe re get lekol SAHTC pou vwar ki kalite lekol ki nou bezwen pou deservi en nouvo lagrikiltir ki nou pe sey met anplas, sistenm lagrikiltir ki nou pe met anplas.  Sa travay in deza ganny fer pou MTC, lekol Maritim.  Lekol Maritim in ganny en face lift, son batiman, son lenfrastriktir limenm.  Lekol Maritim in partener ozordi avek en lekol byen kale Colombo, Sri Lanka e nou’n annan en lakor ki’n deza ganny sinnyen, nou’n vwar dan medya pou nou fer sir ki nou bann zenn ki sorti dan sa lekol Maritim i kapab deservi bann bezwen lendistri.  Se sa, ki nou bezwen pou lekol Lagrikiltir osi.  Nou bezwen reform, transform sa lekol Lagrikiltir pour ki i kapab prodwir bann zenn graduates ki sorti dan en lekol ki deservi sa lagrikiltir transformen ki nou oule anmennen pour nou devlopman Sesel.

Mr Speaker, in deza annan 2 meeting lo sa lekol avek bann teknisyen Minister Ledikasyon, avek bann teknisyen sa lekol e lo la nou pe al lo nou trwazyenm meeting kot pou annan en prezantasyon avek sa de Minis, mwan avek Minis pou Ledikasyon avanler ki nou al kot Minister Finans, avanler ki nou al Cabinet avek en papye konsolide lo ki egzakteman nou le vwar pou sa lekol.  Mersi bokou Mr Speaker.

 

MR SPEAKER

Kestyon 130 Onorab Natasha Esther.

 

HON NATASHA ESTHER

Mersi Mr Speaker, bonzour Mr Speaker, Minis ek ou delegasyon e tou dimoun alekout.  An vi presyon lo sa sel ice plant lo Praslin, eski Minis i enform sa Lasanble ki plan son Minister pou adres sa sitiasyon o pli vit posib?  Mersi.

 

MINISTER PETER SINON

Mersi Mr Speaker.  Mr Speaker set avek gran plezir ki mon kapab dir avek Onorab pou dir nou’n adrese sa problenm ice plant lo Praslin.  Mon a profit sa lokazyon pou dir, ki mon’n donn Mr Racombo en travay pou re-get tou plan SFA, tou ice plant ki nou annan.  Nou pa oule ki nou ariv ankor dan sa sitiasyon kot ice plant i kas ek nou e nou pran bokou letan pou aranze, ler nou realize, sa kalite ice plant ki nou ti gannyen avek Zapon, Zapon in aret fer sa kalite ice plant e in pran nou bokou letan e bokou travay pou nou kapab ganny bann pyes pou re-aranz e met an mars sa masin Praslin.  Mon prezant mon leskiz, mon pran responsabilite pou sa bann defi e sa fay ki nou’n eksperyanse.  Me mon promet dimoun Praslin, mon promet peser Praslin ki sa en defi, en leksperyans ki nou pa pou repete.  Mersi bokou Mr Speaker.

 

MR SPEAKER

Okenn siplemanter Onorab?

 

HON NATASHA ESTHER

Eski Minis i kapab enform sa Lasanble ki demars ki zot in fer pou fasilit bann peser Praslin pandan letan ki masin pa ti an fonksyon e konbyen in koute pou provide en tel servis parey pou bann peser Praslin.  Mersi.

 

MINISTER PETER SINON

Mersi Mr Speaker.  Mr Speaker, demars ki nou ti fer pou nou kapab si ou oule alleviate enpe sa bann problenm mankman ice Praslin, nou ti bezwen pran ice Mahe e anmenn Praslin pou peser Praslin.  Sa in kout nou pandan sa bann letan, omwen en total anviron apepre R600 mil lo transpor al back and forth Praslin, delivre ice Praslin e vreman, sa in en travay ki menm ki nou ti pe fer sa, zanmen ice ti ase pou peser.  In annan peser ki mon menm mwan mon’n zwenn sorti Praslin ki’n vin vwar mwan pou dir mwan zot in bezwen desann Mahe pou vin rod ice.  Sa servis si ou oule pa ti ase pou la demann e ozordi masin i marse nou pe prodwir, petet akoz i vannswet e pa tou dimoun ki pe sorti pou al lapes.  Nou pe prodwir sirplis ice Praslin e sa voyaz nou annan nou en back up, nou annan en back up akoz nou’n annan 2 sistenm.  1, nou annan bann pyes, 2, nou annan en lot konpreser pou sa sistenm Praslin e trwazyenm, i posib ki dan le fitir nou pou annan en lot ice plant ki vize ver Praslin pou nou fer sir ki plito nou annan nou spare la lo Praslin ki nou al ankor dan sa parkour ki nou’n fer ki ti menm pa a laoter pou satisfer tou peser Praslin.  Mersi Mr Speaker.

 

MR SPEAKER

Onoab Volcere.

 

HON MARC VOLCER

Mersi Mr Speaker.  Mr Speaker mon ti a kontan demann Minis dan son larepons la i fek dir, zot pe anvizaze met en dezyenm ice plant lo Praslin, eski Minister i annan en letid ki’n deza ganny fer pou zot deside kote sa dezyenm ice plant pou plase lo Praslin.  Mersi.

 

MINISTER PETER SINON

Mersi Mr Speaker, sa letid ki ou pe demande i pa ankor ganny fer me i pou ganny fer.  Annefe, i en letid ki nou pou fer lo partou lo Mahe e Praslin e menm nou pe konsider La Digue dan sa letid zeneral ki nou pe fer.  Nou pe fer kot nou annan tou peser, kot nou annan peser e ice plant e prodiksyon ice, i kle pou gard nou sekter lapes lo sa standar kot i ete.

Pou le moman, nou eksport pwason, nou marse Lerop i ouver.  I reste ouver akoz nou’n atenn en standar ki taler mon pou komant lo la, ki i tre komandab.  Lefe ki nou marse Lerop i ouver, lezot marse dan larezyon, dan Lazi, i fasilman ouver akoz tou dimoun i piggy ride enpe lo the European standard pou dir see if it’s good for Europe be bon, it’s good for us. Akoz zot vin isi zot.  Par ler, san okenn warning ou vwar bann lenspekter i arive, i debarke e letan zot debarke zot in al dan zot lotel ki zot telefonn ou, zot dir ou nou la, nou Mahe, nou pe vin fer lenspeksyon lo lapes.     Par ler, ler SFA i strik i bar son landrwar, i anpes dimoun vini anba son langar kot pwason i debarke, pou donn bal, pou anmize e pou bwar pou eksetera, i pa akoz nou pa kontan dimoun i anmize, i akoz nou bezwen fer li, kot pwason i debarke fodre i prop, ler lenspekter i vini, i pa dir ou kan i vini.  I vin parey en viziter, en neport ki viziter apre landmen i dir ou in arive, ou ganny caught by surprise, ou napa letan prepare, alors ou bezwen gard li a sa oter tou letan e se pourkwa nou fer sir ki the cold chain, pwason son kalite i depan lo ice.

Nou annan par egzanp, the hook and line inisyativ ki nou’n fer resaman, i pa esaman i en inisiativ depi lontan me la nou pe vwar bann lotel koman Berjaya in pran atansyon kot en pwason ki ganny lapes pou sa bann manm ki tonb dan group hook and line, son pwason i ganny netwaye abor son bato e ganny met lo ice dan 15 minit, pa plis ki 15 minit depi ler ou’n pran li dan delo ou’n met li lo bato e i ganny netwaye e i ganny met dan ice lo bato.  E ler i vini pou sa pwason ganny eksporte, sa pwason i garde i ankor fre, nou kapab anvoy li Lafrans, nou kapab anvoy li Langleter, i sa kalite, e i a la oter.  Se sa bann direksyon ki nou pe al ladan e nou pa pou kapab kontinnyen fer sa si nou annan problenm avek prodiksyon e desiminasyon ice avek nou bann peser.  Mersi Mr Speaker.

 

MR SPEAKER

Kestyon 131 Onorab Fideria.

 

HON EMMANUEL FIDERIA

Mersi Mr Speaker, bonzour tou dimoun, bonzour Minis.  Mr Speaker, eski Minis responsab pour Resours Natirel i kapab enform sa lasanble ki status Animal Feed Factory.  Mersi.

 

MINISTER PETER SINON

Bon Mr Speaker, mersi Mr Speaker, mersi Onorab pou sa kestyon.  Animal Feed Factory pe antreprann en travay transformasyon sa lizin pou fer li marse.  O debi, sa lizin ti pou ganny ouver lafen lannen.  Mon krwar mon ti dir sa ler mon ti vin en fwa dan Lasanble.  Nou’n ganny enformen plitar ki sa pa’n posib akoz travay ki zot in vwar zot devret antreprann, in bokou plis ki zot ti pe ekspekte.

Mon Minister ti’n ganny demande pou ede pou organiz lenvitasyon pou louvertir sa lizin le 17 Septanm sa lannen, sa mwan.  Me apre nou’n ganny enformen ki teknisyen ki ti pe vini pou finaliz bann dernyen latous travay, pa’n kapab vini alors, sa louvertir in ganny anvoye.  Ziska prezan mon pa ankor ganny en dat kan ki sa lizin i pou ouver egzakteman me mon krwar ki disi lafen lannen, sa lizin pou ouver letan son teknisyen in arive e sa teknisyen ki pe travay avek sa loperater, i menm teknisyen ki ti oper si oule, sa lizin dan letan ki SMB ti annan kontrol lo sa lizin manze zannimo.

Alors Mr Speaker, pou le monman mon napa en dat egzakt, selman mon konnen poudir en kantite travay, mon’n al vizite lizin mon menm, mon konnen poudir en kantite travay transformasyon in ganny fer, mon konnen poudir en kantite lekipman in ganny enporte e in ganny ranplase e mon espere ki en dat louvertir i pa lwen avek ozordi.  Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Mersi Mr Speaker.  Mr Speaker, an vi ki repons ki Minis in donn nou apard lenvitasyon, eski i annan lezot difikilte ki sa konpannyen pe fer fas avek, ki’n demann lasistans avek ou Minister pou ede.  Mersi.

 

MINISTER PETER SINON

Mersi Mr Speaker.  Mr Speaker, mon pa konn okenn, kot i konsern sa lizin feed factory, mon pa konn okenn difikilte ki zot in ganny fer.  Zot pa’n sertennman, zot pa’n apros mwan, pou dir, oubyen mon Minister pou raport okenn difikilte ki zot in gannyen eksepte, parey mon’n eksplike taler bann difikilte pou sirmont bann defi ki zot pe rankontre, zot ti krwar zot pou antre, kapab bat masin, fer start marse.  Me sa i pa’n le ka, mwan menm mon’n al vwar, masin i annan ki delo in antre ladan, anler pa ti fermen, delo in antre dan masin, bezwen sanze eksetera.  Se sa bann difikilte, zot in montre mwan anba osi dan sa faktori i annan en souteren si ou oule, kot son bann masin i vreman ete, sa ti ranpli ek delo, sa mon’n vwar pour mwan menm.  Se sa bann difikilte ki mon’n vwar zot in annan me zot pa’n apros mwan pou okenn si ou oule, difikilte ki’n demann mwan pou rezourd.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker, bonzour tou dimoun.  Mr Speaker, eski Minis i kapab eksplik nou Lasanble ki bon rezilta pou fermye ki nou ekspekte ek sa lizin letan in fini ouver e anmenmtan, eski par egzanp manze zannimo pou annan toultan, pou pli bon marse ki i ete konmela, pour ki nou sekter lagrikiltir i kontinnyen grandi baze lo la.  Mersi.

 

MINISTER PETER SINON

Mersi Mr Speaker, mon krwar Onorab Charles son kestyon i relevan, i relevan akoz i konplimant kestyon ki Lider Lopozisyon fek demande lo ki nou pe fer pou vreman relev livestock sector.  Sa lizin nou’n eksperyans over marse lo manze zannimo, nou’n les tou dimoun ki oule enporte, manze zannimo enporte, ki nou leksperyans?  Leksperyans i sa.  Nou’n vwar ki nou’n over marse, me selman manze zannimo limenm i pa’n annan tou letan fre e bon pou nou zannimo.  Mon repete, nou pa’n annan manze, e manze noutrifyan ki bon pou zannimo, akoz manze i annan en expiry date, manze zannimo.

Ler bato i kit ou container ater, akoz ou annan tro pti git container, akoz ou annan 4 container, ou annan 5 container, sa bato i dir ou i pa pe al Mahe li, i pe al Port Salalah, i kit ou container ater pou en lot dimoun pran container, en lot bato pran container semenn prosen.  Be ou container ou manze in gate ou, ler i ariv Mahe, ou’n peye ou manze, be ou, ou pa servi sa manze, ou vann manze, alors ou vann manze.

Mon annan fermye ki’n vin kot mwan, la mon zye, mon’n aste manze e mon bann zanimo in tonm malad.  Nou annan en gran fermye ki sonny plis ki mil koson, ki’n dir piblikman lo televizyon zanmen mon’n deza vwar, ganny manze pli bon ki sa manze ki feed factory ti fer pou nou zannimo e sa se Mr Corgat.

Dan letan ki sa lizin ti marse, sa en zonm eksperyanse, mon ti ekout li avek bokou latansyon letan i ti dir sa, akoz manze zannimo fodre i fre e lavantaz fer li Sesel se manze i fre, manze i noutrifyan, manze i ankor bon pou zannimo, mon krwar nou’n pas dan tou leksperyans.

Wi Mr Speaker, lide se ki pou annan manze toultan pou nou fermye, lide se ki pou annan manze a en pri abordab pou nou fermye ki pe fer livestock.  Sa, sa faktori i annan potansyel pou li fer.    Defi ki nou annan se pou fer bann fermye retourn lo zot laferm.  Parey mon dir en fermye mon’n realize ki enn bann antreprener ki kalkil son ris, ki kalkil son sans fer en profi.  Ki mon devret fer pou ankouraz zot pou retourn lo zot laferm, sa i nou defi, i defi mon Minister e nou’n annan en Policy herb for livestock ki nou’n kree avek lasistans NEPAD kot bann eksper, nou bann eksper lokal pe asize lo en komite, nou’n zwenn 2 fwa pou nou tras si oule bann ensitasyon neseser ki nou kapab met anplas, prezant avek Cabinet pou nou kapab met anplas pou nou re ganny nou bann fermye lo zot laferm pe prodwir.  Sa i en travay ki nou pe fer e nou a kapab gard zot okouran.  Mersi Mr Speaker.

 

MR SPEAKER

Kestyon 132 Onorab Murielle Marie.

 

HON MURIELLE MARIE

Mersi Mr Speaker bonzour.  Mr Speaker, eski Minis i kapab enform sa Lasanble ki son Minister i anvizaze fer avek sa laferm ex meadow farm dan distrik Au Cap.  Mersi.

MINISTER PETER SINON

Mersi Mr Speaker.  Mr Speaker, meadow farm i ankor anba zesyon menm operater.  Sa ki mon kapab dir sa Lasanble ozordi, se ki nou Lazans Lagrikiltir in gard kontak kontinnyel avek sa operater tou dilon pou esey rezourd bann problenm ki’n annan avek sa laferm.  Problenm prensipal se ki depi ki laferm in komans fonksyonnen sa operater pa’n zanmen kapab servi plis ki 80 poursan sa kare later 7.6 ektar ki form sa plot S7290.

Lotorite  lagrikiltir ti allocate sa kare later avek sa operater an 2007 e depi sa letan, in ganny 3 peryod probasyon 3 mwan pou li devlop sa later an antye.  Dernyenman, dernyen peryod probasyon 3 mwan ti an Fevriye lannen 2013.  An Mars 2011, i ti demande pour ki li i kapab re-anrezistre sa later konzwentman avek Center Of Bio Agriculture Development pty ltd, farm ki site Au Cap.  Lazans Lagrikiltir ti demann li pou soumet en nouvo plan pou son proze, me ziska prezan, nou pe espere.

Tou resaman, Lazans Lagrikiltir in donn sa operater en dernyen sans probasyon 2 mwan pou li amelyor li e amelyor prodiksyon lo sa teren an antye.  Si i pa arive fer sa, Lazans Lagrikiltir, finalman mwan menm pou bezwen al repran sa later avek li.  Nou annan posibilite re allocate avek en lot operater ki enterese, ou menm diviz li 7.6 ektar pou fer 2 ou menm 3 fermye, prodwir lo sa later.

Sa operater i aktyelman, ozordi ler mon pe koz avek zot, i aktyelman azour avek son peyman lokasyon later.  Mon ti ava profite Mr Speaker, pou fer resorti ki tou operater ki lwe later lagrikiltir avek Gouvernman, i pey en lokasyon 30 sou.  Mon repete Mr Speaker, i pey en lokasyon 30 sou par met kare later toulezan, Mr Speaker toulezan.       Malerezman, i annan 76 operater ki annan aryeraz lo zot peyman e sa, SAA pe vin progresivman bokou pli strik anver sa bann sitiasyon.  mwan menm mwan koman Minis, parey mon eksplike nou’n donn warning 3 mwan, nou’n donn warning 3 mwan, nou’n donn warning 3 mwan, nou kontinnyen pe donn warning 2 mwan, petet rezon ki mon’n fer sa e mon pou asir responsabilite, set akoz nou menm nou Minister nou ti dan problenm.

Nou menm nou Minister nou ti annan problenm antran, nou laboutik en ler ti annan lagrenn en ler ti napa, en ler ti annan fertilizer en ler napa.  Nou pe travay pou amelyor nou sitiasyon, nou servis ki nou a kapab rann bann fermye.  Nou pe elimin lekskiz pou pa perform lo later lagrikiltir.

Mr Speaker, mon pran sa lokazyon pou dir, dek ki nou santi ki nou’n elimin lekskiz, nou pa pou en Minister popiler e nou pa dan en publicity contest.  Mon pou demann zot, bann Onorab, pou ed nou dan sa parkour akoz i annan bokou sa bann dimoun pou vin kot zot, e ler i vin kot zot, zot vin kot mwan.  Annou travay ansanm lo sa enn, nou’n menm anvoy serten sitiasyon kot biro Atorni Zeneral pou trouv en solisyon legal dan serten ka.  Aktyelman, larzan ki Lazans Lagrikiltir i perdi avek aryeraz lo lokasyon, i R1 milyon 300 mil, nou pa kapab kontinnyen e nou pa pou kontinnyen dan sa direksyon.  Mersi Mr Speaker.

MR SPEAKER

Minister, si mon ganny ou byen sa 6 ektar, zis R18 mil par lannen?  Fodre fer nou osi ganny enpe sa bann ektar.  Onorab Jacqueline 133.

 

HON SULTANE JACQUELINE

Mersi Mr Speaker.  Bonzour Mr Speaker, bonzour Minis ek ou lekip e tou dimoun alekout.  Eski Minis responsab pou Resours Natirel i kapab eksplik sa Lasanble kimannyer bann pti fermye ki pe lans zot pou premye fwa dan lagrikiltir i ganny soutenir pou enplimant zot proze ki zot in soumet letan zot ti pe fer zot laplikasyon pou en lease later?  Mersi Mr Speaker.

 

MINISTER PETER SINON

Mersi Mr Speaker, mersi Onorab pou sa kestyon.  Mr Speaker, kan en dimoun i endik son lentansyon pou fer lagrikiltir, i bezwen soumet en plan devlopman pou son laferm.  Apre ki in fer sa, en komite ki enkli bann zofisye later dan Lazans Lagrikiltir ansanm avek bann lezot teknisyen lagrikiltir i zwenn avek sa dimoun pou premyerman diskit fezabilite sa proze, zot diskit son fezabilite ekonomik e teknik.  Dan sa meeting, sa komite i konsey sa dimoun kimannyer i pou fer sa plan pli fezab ou viab.

Mr Speaker, mon devret mansyonnen ki i annan de ka kot nou zofisye in menm ede sa dimoun pou prepar son plan devlopman.  Enn fwa ki sa plan in konplet, sa fermye i kapab komans son devlopman avek laprouvasyon nou Lazans Lagrikiltir.  A sa staz zot ganny lasistans e sipor bann zofisye lagrikiltir, bann extension officers pour bann konsey pratik lo laferm.  Lezot sipor konkret ki fermye i gannyen, i enkli provizyon bann antran ki bann store lagrikiltir i fourni zot avek tou bann materyo debaz pour prodiksyon e osi formasyon pou amelyor zot kapasite.

La, avek nou nouvo laboratwar, nou pou kapab donn konsey pli siyantifik e presiz ki pou ed fermye fer sir ki zot pa afekte kalite an servan plis kemikal ki neseser ou plis fertilizer ki neseser.  Sa ava osi ed zot koup enpe zot depans vi ki zot pou kapab definir pli egzakteman ki kantite kemikal zot pou devret aplike dan zot later.  Tou sa i avek bann vizit regilye ki nou bann zofisye extention i fer lo bann laferm i ede ki bann fermye i kapab byen komanse e byen debourye.  Mersi Mr Speaker.

MR SPEAKER

Okenn siplemanter Onorab Jacqueline?

 

HON SULTANE JACQUELINE

Mersi Mr Speaker, eski Minis i kapab donn detay en pti pe swivi ki ganny fer egzakteman pou siport e soutenir sa bann pti fermye pou zot reisir enplimant zot proze e ki dele letan i donn bann pti fermye pou komans sa proze e si zot pe mal servi zot later lagrikiltir, ki mezir ki son Minister i pran pou sa bann pti fermye.  Mersi Mr Speaker.

 

MINISTER PETER SINON

Mr Speaker, servis ki nou donn fermye, sirtou bann pti fermye i enn ki nou pe fokaliz lo la e nou pe fer sir ki nou bann extension officers ki kle dan sa rapor ant nou Minister, lazans avek bann fermye, i annan.      Tou resaman nou’n annan de kour ki nou’n fer avek Commonwealth of Learning ki’n vini isi, ki’n donn nou training nou bann extension officers pou nou kapab si oule reach out avek bann pti fermye atraver telefonn mobil, atraver bann mesaz SMS, voice messaging ki nou pou lanse byento an Oktob.  Sa i en fason pou nou kapab annan bokou plis rapor direk avek bann pti fermye lo en spesifi tre laz.  Praslin nou annan fermye, La Digue nou annan fermye, Anse Boileau, Val D’en D’or partou e nou extension officer i limite son letan e son rapor ki i kapab annan avek bann fermye, nou pe fer mannyer ki sa i improve.

Ki kantite letan nou donn en fermye pou komanse, nou, nou oule ki en fermye i komans pli to posib ki nou’n aprouv son proze e nou’n donn li bann konsey kot i kapab ganny si oule bann lasistans finansyel.  Nou annan en fon dan DBS, en Agriculture Development Fund, me sa fon in epwize pou le moman e nou pe sey fer en fason relev li, rektifye li pour ki sa bann pti fermye ki ou pe koz lo la i kapab annan si ou oule, en komansman.  Dan le sans, dan zot travay toulezour nou la, nou laboutik i ouver pou bann antran e konsey avek bann extension officers i enn parmi bann servis ki nou ofer.  Mersi.

 

MR SPEAKER

Kestyon 134 Onorab Jacqueline.

 

HON SULTANE JACQUELINE

Mersi Mr Speaker, eski Minis responsab pou Resours Natirel i kapab eksplik sa Lasanble ki servis ki bann fermye i ekspekte gannyen avek sa nouvo laboratwar Grand Anse Mahe pou promouvwar bon itilizasyon later lagrikiltir.  Mersi Mr Speaker.

 

MINISTER PETER SINON

Mersi Mr Speaker, mersi Onorab pou sa kestyon.  Onorab nou lobzektiv avek sa nouvo laboratwar, se pou fer ki lagrikiltir dan nou pei i ganny modernize atraver itilizasyon enpe plis lasyans ki ava fer sa aktivite vin pli efikas pou fer bese kou prodiksyon e fer nou bann pri prodwi agrikol pli meyer marse.

Sa laboratwar pou ede pou nou idantifye dan en fason bokou pli egzakt ki problenm nou fermye pe fer fas avek, ki swa dan son later ou dan bann la plant zot menm e dela osi idantifye son remed, teknisyen pou osi preskri sa remed e edik dozaz egzakt ki pou servi, sa pa pou zis anpes laplikasyon en over dose kemikal e alor protez nou lanvironnman me i osi vedir ki sa laferm, sa fermye pa pou gaspir son resours ki ava anmenn serten savings pou zot.  Bann teknisyen sa laboratwar i a fer sa bann analiz atraver bann tes kemikal e fizik, sa laboratwar i osi ofer en servis konsey teknik pou nou bann fermye.  Parey zot in kapab deza vwar lo televizyon, mon bann teknisyen, mon bann teknisyen sa laboratwar i deza lo teren Praslin pe fer tes salinite.  Atraver sa bann tes, sa laboratwar ava kapab ede preskrir sa remed neseser pou elimin sa problenm salinite dan sa landrwa ou donn konsey kimannyer bann fermye i kapab kontinnyen plante dan en later ki pe ganny afekte avek problenm salinite.  Fodre note, ki preskripsyon pou sa landrwa pa pou neseserman parey pou lezot landrwa ki ganny afekte avek sa menm problenm.

Mr Speaker, loperasyon en tel servis in enn ki demann bokou leksperyans e presizyon, la, mon annan plezir enform Lasanble Nasyonal ki anlinny avek Lazans Lenerzi Atomik, International Agency for Atomic Energy, ki’n ed nou met sa laboratwar anplas atraver korperasyon teknik pe donn nou tou sipor neseser.  Bann lekipman ki zot in finanse dan sa laboratwar, i bann lekipman ki tre konplike, ki tre ser e tre presiz, i pou pran enpe letan avan ki sa laboratwar i vin enn ki zwenn tou demann analiz sorti kot tou nou bann fermye e pou le moman, bann servis ki mon’n mansyonnen, i donn nou sifizaman kapasite pou fer sir ki en fermye i annan leformasyon esansyel, lenformasyon konkret pou li annan bon zesyon son later e prodwir plis, pli byen e a en kou pli abordab pou li kapab ganny en bon income.  Mersi Mr Speaker.

 

MR SPEAKER

Onorab Lebon, siplemanter.  Onorab Lebon, siplemanter.

 

HON LENNY LEBON

Mersi Mr Speaker, Mr Speaker anlinny avek repons Minis, Minis in koz lo sa kolaborasyon avek IAEA, eski Minis i kapab enform sa Lasanble ki plan son Minister pou asire ki letan bann don IAEA i ariv a son lafen, sa tel servis tre esansyel pou nou bann fermye, i enn ki kontinnyen egziste e annan abilite pou devlope e progrese pli lwen lo en plan lonterm.  Mersi.

 

MINISTER PETER SINON

Mersi Mr Speaker.  Mr Speaker, mon ti a kontan presize ki pou re-devlop sa laboratwar, Gouvernman ti met en bidze R4 milyon pou re-devlop sa striktir Grand Anse pou fer li vin sa laboratwar ki i ete ozordi.  Mon remersye Minister Finans pou sa e nou, nou’n kit nou bargain pou nou fer sa travay dan letan ki nou’n ganny demande pou fer.

IAEA ek COMESA si ou al dan sa laboratwar, ou pou vwar lekipman ki’n gannyen, laplipar lekipman se IAEA ki’n finanse e COMESA osi in finans serten lekipman.  Lo la mon oule remersye Minister Zafer Etranzer ki’n gard kolaborasyon avek IAEA, i en kolaborasyon, en partenarya diplomatik tre, tre, tre pros.

Sa lorganizasyon pou menm finans capacity building nou bann teknisyen pou fer sir, i annan enn mon teknisyen ki pe liniversite pou fer masters. I annan lezot bann pti workshop, bann course ki pou finanse pou nou bann teknisyen sa laboratwar.  Kimannyer nou pou asir ki nou gard en standar laboratwar ki finansman i vini, sa i en kolaborayon etrwat ki mon devret annan avek Minister Finans, me nou pou gard nou kolaborasyon avek IAEA, ki mon pa tro sir si i pou en relasyon ki nou pou koup lakord ek kanmarad en le.  Akoz IAEA in la ler noun tre, tre, tre dan difikilte, in toultan la, in toultan pare pou ede, mem ki letan nou ti napa laboratwar sa ki ti fer mwan si oule ensit mwan pou pouse pou ganny sa laboratwar, se ler mon ti vwar lekipman dan en pti laboratwar ki nou ti annan.  Ti napa plas pou bouze, mon ti per, la mon ti per, la mon ti per ki IAEA pou aret donn nou bann lekipman.

Si mon donn ou lekipman e mon vini 1 an pli tar sa lekipman i ankor dan en bwat ki mon’n donn ou ladan, ou pa ankor kapab servi, ou napa en landrwa pou mete, nou ti pou perdi sa korpersyon ek IAEA.  Me la, zot tre kontan ki nou’n arive fer sa ki nou’n fer e si oule nou kolaborasyon in solidifye.  Mon krwar i en kolaborasyon ki pou ale pandan 2an a venir, me selman nou bezwen nou bann partener ki nou travay avek, Minister Foreign Affairs, Minister Finans e byensir zot menm bann Onorab ki annan sa responsabilite get dan sa Bidze tou le lannen pou fer sir ki nou bann kestyon i osi ganny adrese.  Mersi bokou Mr Speaker.

 

MR SPEAKER

Onorab De Commarmond, kestyon 135.

 

HON CHARLES DE COMMARMOND

Mersi Mr Speaker.  Mr Speaker, eski Minis responsab pour Resours Natirel ek Lendistri i kapab enform nou Lasanble ki status e kondisyon izyenik Labatwar Le Rocher.  Mersi.

MINISTER PETER SINON

Mersi Mr Speaker.  Mr Speaker, kondisyon Labatwar Le Rocher, son kondisyon izyenik i pa le meyer e i pa en kondisyon si oule ki alaoter ki mon Minister ti a kontan vwar.    Mr Speaker Labatwar Le Rocher i annan plis ki 30an legzistans e pou le moman, i sel fasilite labatwar ki egziste dan pei.  Malerezman parey mon fek eksplike i annan problenm ase grav kot sa batiman ek son bann lekipman ki annan nesesite fer reparasyon mazer, ou menm dan serten ka, ranplasman konplet.

Dapre Minister Lasante, operater sa fasilite in ganny demande pou fer serten travay imedya ki a permet sa fasilite kontinnyen fonksyonnen rezonnableman.  Mon Minister in osi antre an dialog avek sa operater, pou vwar ki son plan pou amelyor sa fasilite.  Antretan, mon Minister pe osi met en demann dan bidze 2014 pou ganny finansman pou nou annan en nouvo laboratwar modern ki ava delivre en pli o nivo servis pou nou bann fermye.  Pou ede desantraliz sa servis e retir presyon lo en sel labatwar, mon Minister pe osi evalye benefis permet e la nou pe koz sirtou, pe evalye bann benefis pou permet bann gro laferm annan zot prop labatwar.  Sa osi i dervret kapab ede soulaz sa sitiasyon ki nou ladan.  Mersi Mr Speaker.

MR SPEAKER

Onorab De Commarmond.

HON CHARLES DE COMMARMOND

Mersi Mr Speaker.  Minis alors nou ti annan en labatwar, nou donn prive, prezan nou le re ganny bidze pou re fer enn.

MR SPEAKER

Kestyon Onorab.

HON CHARLES DE COMMARMOND

Kestyon, eski i annan en quality control officer kot sa labatwar, si wi, donn son kondisyon e anmenmtan Minis, eski ou kapab eksplik nou Lasanble akoz ki labatwar West Hill Farm ki en labatwar modern, ki plim pa zis poul lavyann me poul ponn osi, tandis ki labatwar Le Rocher, i refize plim poul ponn.  Akoz alors ki West Hill Farm pa ankor kapab ouver e ofer son servis o piblik pou ranplas sa vid ki ou’n eksplik nou kree par labatwar Le Rocher e akoz Planning pe esper Lasante, Lasante pe esper Planning, ki ou Minister alor pe fer pou ed sa sitiasyon pou nou ganny labatwar pou ki nou kapab manz pou izenik dan nou pei.  Mersi bokou.

MINISTER PETER SINON

Mersi Mr Speaker.  Mr Speaker, ki nou pe fer, nou annan en Food Act dan nou pei e sete Minister Lasante ki zer sa Food Act pou fer sir ki manze ki nou manze i an bonn sante.  Lenspekter Minister Lasante i fer son travay e in vizit parey mon’n eksplike, sa laboratwar, in annan antretyen ek sa laboratwar pou bann defi ki i bezwen adrese.

Nou osi koman Minister Lagrikiltir nou’n adres sa sitiasyon avek sa operater.  Nou osi parey mon’n eksplike, parey ou’n eksplike, ou komanter lo komansman, nou pe rod en laboratwar.  Sorry en labatwar pa laboratwar, en labatwar akoz mon senserman krwar mwan ki en labatwar i en servis piblik ki si nou oule kontrol kalite, si nou oule kontrol kalite e sa kalite is, nou competitive advantage, nou napa lezot.

Nou annan low l’economie de shel Sesel.  Nou kou prodiksyon i pou toultan, fer sa ki nou oule, i pou toultan pli o ki sa pou Brazil, zis baze lo l’economie de shel.  Nou lavantaz konparatif e konpetitiv ki nou annan avek poul par egzanp, se nou standar e mon konpran ou konsern si standar lizyenn e tou i pa bon, nou fouti, nou vreman fouti e la fermye i pa pou zanmen retourn lo son laferm pou prodwir eksepte West Hill e lezot ki kapab annan zot prop labatwar.

Lotel.  Lotel pa pou pran, en lotel 5 zetwal ki nou’n promote dan nou kote tourizm i pa pou pran en poul ki swadizan in plimen, selman i annan plim lo la.  Alors, i bann defi ki nou definitivman bezwen adrese e nou bezwen annan sa lenfrastriktir ki donn sa kalite servis.  Mon bezwen dir parey nou ti annan dan le pase.

Alors ki nou pe fer, se 1, nou pe determinen pou nou met nou labatwar anplas, nou’n ouver, nou’n les bann gran laferm parey ou’n vwar West Hill, pou zot annan zot labatwar pou fer zot biznes e vreman i annan sa, eski zot pou pran lezot, eski zot kapab,

eski zot pa kapab, sa back and forth bureaucracy nou ankor pe regarde koman sa bann gran laferm i kapab osi si oule ede me pou le moman, nou pe dir tenir, nou pe get bann lezot konsekans sa desizyon.  Me nou anvi e nou annan nou lobzektiv, se pou annan en prodwi de kalite, izyenik pou nou kapab re-lans si oule sa sekter lagrikiltir livestock.  Mersi Mr Speaker.

 

MR SPEAKER

Kestyon 136, Onorab Arnephy.

 

HON BERNARD ARNEPHY

Mersi Mr Speaker, bonzour tou dimoun.  Mr Speaker, eski Minis i kapab enform nou Lasanble, si son Minister i annan plan pou travay avek lezot partener tel ki Minister Ledikasyon, pou revwar lafason ki lekol pos segonder SAHTC i operate ki i kapab ofer bann kors ki pli relevan e valoriz sa lekol ki a ankouraz plis etidyan avek bagaz akademik osi pou zwenn sa lekol.  Mersi.

 

MINISTER PETER SINON

Mersi Mr Speaker.  Mr Speaker, Manm Onorab, parey nou tou nou konnen, Lekol Lagrikiltir parey nou apel li, i tonm anba Minister Ledikasyon.  E se sa Minister ki annan responsabilite direk lo bann kour ki sa lenstitisyon i ofer.  Me Mr Speaker, nou en Gouvernman ki travay an lekip e par ler, ler nou travay an lekip, nou bezwen pran bann responsabilite partaze.  Se pourkwa mon Minister in deza trigger, komans en diskisyon parey mon’n dir taler, avek mon koleg Minister Ledikasyon, lo sa size.  E nou’n annan si oule, 2 reinyon me plizyer diskisyon pou idantifye bann defi ki toulede kote Lekol Lagrikiltir e manm sekter lagrikiltir pe fer fas avek, ki pe anpes le de perform pli byen, pli efikas.

Nou realize ki pour ki sa lekol i kapab atir zenn avek plis potansyel i osi neseser ki sekter lagrikiltir limenm i kapab ofer sa bann zenn en lavenir e en karyer pli prometan dan sa sekter.  De lot kote, pour ki nou kapab annan en devlopman dirab dan sekter agrikiltir, nou osi bezwen dimoun byen formen dan plizyer domenn sa sekter.  Alors Mr Speaker, nou pe travay ansanm parey mon’n dir, pou idantifye bann defi dan limedya e nou’n deside fer en letid konpreansiv lo sekter agrikol ki nou pe antrepann avek Labank Devlopman Afriken.

Nou pe osi get rol en tel lenstitisyon dan devlopman agrikol.  Etidye kimannyer, kan e kwa ki Lekol Lagrikiltir i kapab anmennen pou fer en kontribisyon pozitiv dan sa sekter.  Deza Mr Speaker, lo latab, i annan dokiman en proze pou re-devlop sa Lekol Lagrikiltir.  I en dokiman ki’n ganny fer par Minister Lagrikiltir ki nou, nou’n diskite ansanm avek zot pou anbelir li e i en proze ki nou pou anmenn kot nou koleg Minister Finans, epi nou pou anmenn li o nivo Cabinet pou nou fer sir ki sa proze i ganny konsidere pou finansman koman parti re-devlopman lagrikiltir dan Sesel.  Mersi Mr Speaker.

 

MR SPEAKER

Onorab Arnephy, Kestyon 137.

 

HON BERNARD ARNEPHY

Mersi Mr Speaker.  Mr Speaker, eski Minis i kapab enform nou Lasanble, si son Minister i annan plan fer konstriksyon semen apropriye e amelyor semen ki deza egziste ki al kot bann laferm me ki ziska konmela akse apropriye i ankor en defi pou bokou fermye.  Mersi.

 

MINISTER PETER SINON

Mersi Mr Speaker.  Mr Speaker, i toultan dan plan mon Minister pou rod tou posibilite pou soulaz bann fermye pou zot kapab konsantre plis lo prodiksyon manze olye rezourd lezot problenm asosye avek ganny zot prodwi, pou ariv kot marse oubyen ganny bann antran pou ariv lo zot bann laferm.          Amelyorasyon semen andomaze, ou menm konstriksyon bann feeder roads pou ariv lo bann farm gate, i dan nou plan me nou ganny limite par lakantite bidze ki nou annan pou nou fer sa bann travay.  Me definitivman par egzanp i dan plan IFAD, nou proze ek IFAD, nou annan en pti morso lazan dan sa 3 milion Dolar pou civil works.

Civil works i annan bokou lezot, pa zis semen, me nou pou met enpe larzan dan semen.  Nou pou byensir ariv devan laport nou koleg Minister Transpor pou nou sey vwar letan nou’n vwar tou bann demann ki egziste koman zot kapab e koman nou kapab ansanm avek Minister Finans pou vwar sa finansman pou nou amelyor bann semen ki nou konnen i tre, tre, tre enportan pou nou bann laferm, devlopman nou bann laferm e nou bann fermye.  Mersi Mr Speaker.

 

MR SPEAKER

Okenn siplemanter Onorab?

 

HON BERNARD ARNEPHY

Mersi Mr Speaker.  Mr Speaker, vi ki Minis in koz lo sa grant IFAD, eski Minis i kapab dir ek nou apepre konbyen proporsyon larzan dan sa grant ki nou pe mazin met dan konstriksyon semen e eski son Minister pe fer fas avek bann lezot difikilte tel ki avek Planning pou zot kapab realiz serten proze semen pou nou bann pti fermye dan distrik.  Mersi.

 

MINISTER PETER SINON

Mersi Mr Speaker.  Mr Speaker, dan loan, loan IFAD i vreman i en loan konseyonner selman i en loan, i pa en grant, ADB i en grant pou fer bann letid.  Me sa loan ki nou annan avek EFAD nou annan apere R8 milyon pou civil works mon krwar ki i pa pou ase pou tou nou bezwen me selman i en komansman.  I en komansman kot nou bezwen priyoritiz lekel sa bann semen ki nou devret aranze, ki nou devret fer premye.  Me, nou definitivman nou an prosesyon en la lalis sa bann semen ki nou devret aranze e nou konnen apepre si oule, konbyen nou bezwen pou nou vreman annan en rezilta konplet lo sa demann.  Me selman i en keksoz ki pou vin a la longer ditan nou pou fer en komansman avek sa 8 million ki nou’n ganny ek IFAD. Nou krwar poudir i annan posibilite dan bidze pou re-get osi finansman sa sitiasyon.  Civil work nou annan osi irigasyon pou nou gete, nou annan bann basen pou nou anmas delo enpe plis sirtou bann landrwa kot lasesres i vreman afekte nou bann fermye.  Mersi Mr Speaker.

 

MR SPEAKER

Kestyon 138 Onorab Arnephy?

 

HON BERNARD ARNEPHY

Mersi Mr Speaker.  Mr Speaker, eski Minis i kapab enform nou Lasanble ki plan son Minister pou empower bann extension officers pou ki zot kapab ran en servis pli efikas nou bann fermye.  Mersi.

 

MINISTER PETER SINON

Mr Speaker mersi.  Taler dan mon bann repons mon krwar mon’n reponn en inisyativ ki nou’n fer tou resaman, sa linisiativ training nou bann extension officers pou servi si oule telefonn, IT, SMS, voice messaging pou nou reach out pou bann fermye.

Nou kapab pas en kantite lenformasyon dan sa mwayen ek en kantite fermye.  Par egzanp, si zot dekouver serten maladi dan zot plant, si zot annan kestyon pou zot demann bann extension officer.  Si i annan bann antran ki’n arive pou deal ek en serten problem.  Ki pri i vann, ki pri bann legim pe vann lo marse pou bann fermye sirtou ki reste enpe lwen.

Kontak ant nou bann fermye avek nou bann extension officers i tre, tre, tre enportan e nou pe fer en fason pou nou ogmant sa an servan si oule bann lavantaz ki IT i anmennen dan sa domenn, me osi bann kontak direk nou pe definitivman, kontinnyen avek sa.

Eski, kimannyer nou pe build kapasite nou bann extension officers? Nou bann extension officers osi pou ganny bann training bokou pli avanse.  Mon oule fer en fason ki sa bann training i vin ganny fer isi si oule par bann short courses olye ki nou pe anvoy 1 dimoun, 2 dimoun deor, trwa dimoun deor.  Sa nou fer, me nou pe fer laranzman ki nou kapab annan serten training ki ganny fer sirplas pour ki maksimonm sa bann extension officers i kapab benefisye lo sa bann kour e Mr Speaker pou le moman, nou number, nou kantite extension officers ki nou annan, i annan bokou, bokou travay pou fer e sa i en lot area ki nou pou re-get ladan si nou pa kapab annan si oule ankor enn, de bann extension officer pou ed nou dan sa travay kan nou, nou pe esey reviv sa sekter e demann lo sa bann lenerzi sa bann travayer pe ogmante.  Mersi Mr Speaker.

 

MR SPEAKER

Bon nou’n ariv alafen Question Time.  Nou pa pou ekskiz Minis parmi nou akoz i annan en Statement ki pe al fer lo Blue Gold.  Donk alor nou pou adjourned ziska 11er.

 

(BREAK)

 

MR SPEAKER

Bon, bonzour nou ava kontinnyen avek sesyon pou ozordi e parey mon ti’n dir avan, Minis Sinon pe vin fer en Statement lo Blue Gold.  Donk mon ava envit Minis pou fer son Statement.

 

MINISTER SINON

Mersi Mr Speaker.  Mr Speaker, Manm Lasanble Nasyonal, piblik e tou ki pe ekoute lo radyo, bonzour.  Mr Speaker, mersi pou sa loportinite pou mwan adres Lasanble Nasyonal lo leksplwatasyon nou lor ble, nou ton ki depi komansman Sesel in determinen pou eksplwat sa resours natirel dan en fason soutenab, dan en fason dirab.

Mr Speaker, mon oule pran sa loportinite ozordi pou salye tou sa ki’n e ki pe met zefor pou fer marse sa lendistri.  Mon osi remersye Lider Lopozisyon e Onorab Charles De Commarmond pour zot lentere partikilye, lo diferan kestyon ek konversasyon ki’n enspir e motiv mwan pou vin fer sa deklarsyon devan Lasanble ozordi.

Mr Speaker, mon fyer pou dir ki zis semenn pase Komisyon Teknik Ton Losean Endyen, IOTC, in rekonnet Sesel koman sa pei manm IOTC ki pli anlinny avek lenplimantasyon bann rezolisyon son konsey teknik.  Parmi bann manm pei anvwa devlopman, Sesel i osi pei ki anmenn plis propozisyon lo konservasyon stok ton lo latab pou ganny konsidere e adopte.       Par egzanp, se Sesel ki ti co-sponsor propozisyon pou IOTC adopte the precautionary principle vedir, en prensip prekosyon dan leksplwatasyon nou Lor Ble e dan nou rezyon Losean Endyen, e se Sesel ki’n met propozisyon devan pou fer bann pratik zet pwason ki ganny lapes me ki pa ton, savedir, discard.  Sa ti en pratik ki ozordi, menm Linyon Eropeen in finalman pronons son lekor lo la e fer en ruling ki tou pwason ki ganny lapes, fodre i ganny anmenn ater.  En nouvo loportinite in devlope pou nou transform e petet vwar marse pou process e eksport by catch.

Finalman Mr Speaker, kot i konsern propozisyon dan konteks IOTC, se Sesel ki’n met en kont propozisyon ki Linyon Eropeen in met lo latab pou adres prensip debaz ki pou determin alokasyon stock nou Lor Ble, nou ton dan nou rezyon, dan lefitir.  Nou deza an prosesis lobby e propozisyon Sesel pe ganny sipor en kantite pei ki ankor lwen dan devlopman zot kapasite pou atrap e process zot resours natirel, zot lor ble.

Mr Speaker, lendistri lapes dezyenm pilye lekonomi Sesel, son kontribisyon anver reveni ki pei i fer toulezan, i konsiderab e pandan 2an san ki nou’n fer bokou tapaz lo la, sekter lapes sa sekter ki pe direkteman kontinnyelman ogmant e anmenn plis deviz etranzer dan nou lekonomi Nasyonal.

Nou Lor Ble, oubyen nou Blue Gold parey i apele lo marse enternasyonal, i anmenn reveni konsiderab dan nou pei, i osi kree aktivite ekonomik lo diferan nivo.  Depi dan kreasyon lanplwa ziska devlopman lenfrastriktir dan nou bann diferan por.  Leksportasyon prodwi ton dan bwat, leksportasyon ton fre ki bann lezot nasyon i aste avek nou.  I en biznes ki dirab, en biznes soutenab e en biznes ki byen profitab pou bann ki annan tou bann mwayen neseser, enkli leksperyans pou fer li marse.

Mr Speaker, Onorab Charles, in demann mwan ki stratezi medya mon Minister i annan pou promouvwar nou lor ble, pou realiz vizyon nou Prezidan pou ganny plis reveni avek sa lendistri.  Mr Speaker, mon larepons i senp, Sesel ti bezwen fer son stratezi medya pli bokou lo komansman, son demars pou promot sa lendistri.

Ozordi, apre en trantenn lannen loperasyon, nou fransman pa tro bezwen en stratezi tro agresiv, pou fer piblisite pou nou atir pli bokou operater dan sa lendistri.  Sa lendistri, in met anplas diferan lorganizasyon ek striktir ki tou bann akter, kot tou bann akter i fonksyonnen.  Ozordi, por Victoria in met son mark koman en por ki resevwar plis ton e ki re eksport oubyen transbord plis ton ki tou sa por dan Losean Endyen.

Por Victoria i annan ozordi, i enn ki tre selektiv lo bann ki oule antre e demann pou antre dan sa lendistri akoz demann pou antre dan sa lendistri, nou pa manke.  Se pa demann pou nouvo license ki preokip nou ozordi.

Ozordi Mr Speaker, nou lanfaz parey in toultan nou konsern, i lo konservasyon e zesyon e plis ki zanmen nou bezwen asire ki nou kontrol e standar ki nou’n travay lo la pandan de lannen, pa ganny afekte par okenn bann demann nouvo operater oubyen operater egzistan ki pa comply avek bann rezolisyon, zesyon sa resours ki bann lorganizasyon ki nou afilye avek parey IOTC, i demande.

Mr Speaker, Sesel i premye pei Lafrik pou sinny The FAO Port States Measures.  Sa mezir, i konbat kont lapes ilegal e son lenplimantasyon i ganny sirveye dan nou rezyon par IOTC e a sa pwen, nou bezwen rekonnet e salye zefor manm nou Lafors Defans sirtou nou Cost Guard ek tou nou bann partner ki sirvey e gard pli gran parti nou teritwar losean ki 1.3 milyon met kare.          Monn lir parla, ki ladan ou kapab met 3 Lafrans e pou annan landrwa pou ou navige.  Sepandan Mr Speaker, en pwen for nou stratezi e lo nou program denozour, se pou ankouraz e promot lenvenstisman e partisipasyon antreprener Seselwa dan sa lendistri.  Si fodre nou komans atraver laranzman joint venture,kot leksperyans e leverstisman etranze i neseser sa i ganny promote seryezman par mon Minister, gradyelman, nou ti a kontan vwar en pli gran poursantaz larzan ki sa lendistri i zenere, i ganny reste isi Sesel, i ganny zouir par plis Seselwa.  Se sa lafason ki nou pe promot vizyon kolektiv nou Prezidan.

Mr Speaker, Prezidan in dir ki nou bezwen retir plis benefis avek nou Lor Ble se pour sa, ki depi komansman 30an pase en kantite letid in ganny fer pou vwar si devlopman sa lendistri i fiab pou Sesel.  Ozordi, 30an plitar, i Sesel ki annan en zistwar enteresan pou akonte lo size devlopman Lor Ble.  I en zistwar e en fe ki’n enteres detrwa eksper ki’n obzerv sa devlopman ek tou son defi de pros.  An rezilta, zot in ekrir en liv ki pou ganny pibliye ver lafen Oktob avek tit, ‘Lor Ble’.  Sa liv, i retras listwar devlopman lendistri lapes ton isi sesel, depi le debi ziska ki nou ete e kot nou’n arive ozordi.  Mon’n donn lenstriksyon SFA, pou aste 250 kopi sa liv pou distribye avek bann Departman kle dan nou lekonomi e osi Liniversite Sesel kot SFA pe ko-finans en konponan, en course ki pou enkli Lasyans Lapes pou nou bann zenn ki enterese avek sa lendistri, avek ki annan bokou potansyel.

Mr Speaker, pou adres konsern ki’n ganny eksprimen lo value chain analysis, stratezi mon Minister pou devlop sekter lapes isi Sesel, i efektivman baze lo en value chain analysis. Dan sa konteks nou’n fer bokou pou asire ki nou standar i gard nou bann marse pli enportan koman Linyon Eropeen, touzour ouver e ready for business. Sa marse i tre strikt lo standar, ki fer ki laport dan tou lezot marse pou nou prodwi, sirtou bann marse dan larezyon, i ouver ase fasilman e otomatikman.

Nou’n fer provizyon lenfrastriktir, tel parey konstriksyon lasose pou bann peser, nou’n negosye bann lagreman favorab, nou’n rod fason asir sekirite peser lo lanmer.  Nou’n kree en fon ki donn lalinny kredi pou bann ki oule konstri ou aste zot bato.  Nou subsidize ice e karbiran zis pou fer sir ki sa lendistri pa sape dan lanmen Seselwa e ki zot ganny an kouraze pou zwenn sa sekter prometer.

Mr Speaker, lanfaz ki Prezidan Larepiblik in met lo Blue Economy, son vizit Sri Lanka, swivi par tou bann aktivite ki’n swiv, in vreman kree en lentre ekstraordiner par Seselwa e envestiser etranze dan sa sekter.  Nou Lor Ble i en konponan sa Lekonomi Ble e mon fyer pou dir Mr Speaker ki Sesel in fer bokou dan devlopman e leksplwatasyon responsab e soutenab sa resours pour ki de zenerasyon an zenerasyon nou pep ava kontinnyen zouir li.  Ziska ozordi, lapes ton isi Sesel i ganny pratike plito par bann lakonpannyen lapes etranze atraver lagreman lapes ki zot sinnyen avek nou.  Sa bann gro bato lapes komersyal, i annan sa bann aki neseser ki permet zot fer aktivite dan en fason ki rantab menm apre zot in pey tou zot fre enkli pri license, pou lapes dan nou delo e bann peyman lo tonaz ki zot bezwen fer.  Kan bann servis asosye avek sa aktivite e lezot ankor, sa bann fre e depan ki sa bann bato ton i fer, i antre dan nou lekonomi koman reveni e apre sa reveni i ganny distribye atraver tou sekter Gouvernman pou ede fer marse nou pei.  Enpe sa reveni i ganny re-envestir dan lenfrastriktir lekipman pou fer travay pli efikas e pli rantab.  Alor, si nou pou met li an gro, nou tou nou benefisye avek lapes ton avek nou Lor Ble.

Mr Speaker, nou nouvo lagreman avek Linyon Eropeen i agreman pli lour, pli signifikan ki Linyon Eropeen in sinyen dan nou Losean Endyen.  An Avril, zot ti osi fer en don 294 mil Ero atraver son program Smart Fish pour ki nou kapab ranforsi nou sistenm sirveyans, kontrol e sekirite dan nou delo teritoryal.         Se Komisyon Losean Endyen ki pe enplimant sa progranm.  Mon koleg Minis Adam, Minis Zafer Etranzer in deza donn sa Lasanble detay lo nou nouvo lagreman avek Linyon Eropeen, alors mon pa bezwen donn plis detay.

Nou bann lezot partener ki lapes ton tel ki Zapon, Sid Kore, i osi enportan pou nou e zot osi zot anmenn bokou benefis pou nou.  Si nou get relasyon avek Zapon, nou pou vwar ki se en pei ki’n ed nou enormeman pou devlop nou sekter lapes.  Annefe, Zapon i en partner kle dan devolman nou lapes semi-endistriyel ki par Lalwa, i ganny rezerve pou Seselwa.  Sa sib-sekter ki enn ki nou konsidere kle e pilye nou lekonomi pou donn Seselwa loportinite pou zouir enpe plis anba sa sekter.

Ler nou analiz nou bann lagreman de pros, i kler alors ki bann nasyonalite ki lapes dan nou Lor Ble pa vin zis depouy nou, me zot aktyelman kontribye en kantite dan devlopman nou sekter, nou pei ki swa an term moneter, ouswa atraver lasistans pou pli devlopman.  Parey mon’n dir, Linyon Eropeen e sirtou Zapon par egzanp, in kontribye bokou pou devlopman sa lapes, zot in konstri por lapes Providence.  Finans en seri ledit e proze pilot lo labwet, zot in donn lasistans apre sounami pou re devlop por anvil.  Sa se bann lasistans ki’n dekoul akoz nou relasyon avek Zapon ki vin lapes nou Lor Ble dan nou delo.  Por lapes semi-endistriyel Providence in fini plen ek bato e avek son vizit an Zapon pou TICAD V, Prezidan James Michel in deza fer en demann pou lagrandisman sa fasilite kle.  Ozordi, ozordi menm, sa proze Project Memorandum pe ganny anvoye kot JICA.

Mr Speaker, isi Sesel nou tou nou konn nou lizin met ton dan bwat.  Bokou nou, nou annan fanmiy ki travay kot IOT. Me konbyen nou ki konnen ki IOT i enn parmi bann pli gran lizin ki fer processing ton ki egziste dan lemonn.  IOT i parmi pli gran anplwayer dan Sesel e i kapab prodwir 1.6 milyon bwat ton par zour.  Mon repete, par zour, avek gran mazorite sa bann bwat ton ki ganny eksporte nou kapab annan en lide lo kontribisyon ki sa lizin i annan dan nou lekonomi.  Me pou vin pli kler Mr Speaker, permet mwan donn detrwa sif.

Toulezour IOT i tret 350 tonn ton avek ki i prodwir sa enn 1.6 milyon bwat ton.  Aktyelman ITO i anploy 2421 travayer e parmi 34 poursan i Seselwa ki travay dan diferan seksyon sa lizin.  IOT i prezimen ki bann servis ki atase avek son prodiksyon i kont pou ankor 800 plas travay dan nou pei.

An term leksportasyon, prodwi sorti dan faktori IOT, i kont pou 95 poursan nou leksportasyon e IOT i enport 46 poursan prodwi ki antre dan nou pei par an.  Si nou oule met sa an term mouvman container, lannen pase ti annan 3696 container ki ti ariv Sesel asosye avek sa lizin.  Sa i reprezant 21 poursan total container ki antre dan pei e an term bann ki sorti isi, avek bwat ton, ti annan 3450.  Sa i reprezant 58 poursan tou bann container ki’n sorti dan por Victoria.  Toulezan IOT i envestir en mwayen 5milyon Ero dan son lenfrastriktir avek lekipman pou li kapab touzour reste parmi bann lizin pli renonmen, pli efikas dan sa domenn.  An tou, i annan 326 lakonpannyen lokal ki fourni IOT avek kek sevis oubyen lot, tou sa, sorti dan nou pti Sesel avek en popilasyon mwens ki 100mil dimoun.

Mr Speaker, touzour lannen pase, IOT ti kontribye R399 milyon 952 mil dan lekonomi Sesel.  Sa ti enkli peyman saler, peyman fre transportasyon, fre SIBA, elektrisite ek delo, servis bis, akomodasyon pou sa bann travayer etranze e lezot ankor.  Par egzanp, zis pou li pey son bann anplwaye, IOT i depans R58 milyon 272 mil.  Sepandan, sa sif pa enkli 32milyon Ero ki IOT i pey en lakonpannyen lokal pou bwat ki met ton ladan.  Sa i enportan akoz en lakonpannyen lokal tousel i kapab fer 32 milyon Ero atraver sa servis ki i fourni IOT.

Mr Speake, IOT i enform nou ki son bann prozeksyon pou 2013, i montre ki sa lannen son kontribisyon dan lekonomi pou ogmante par 15 poursan.  Okour sa 3an ki pe vini, IOT i espekte depans 57 milyon Ero lo diferan proze kapital ki enkli konstriksyon warehouse, enstalasyon pano soler e konstriksyon pou kontribisyon 2 blok apartman pou son bann travayer etranze.    Annou pa bliye, ki Sesel i annan 40 poursan share dan IOT.  Donk apart tou sa kontribisyon, nou pei i osi benefisye atraver profi ki IOT i fer.

Mr Speaker, i enportan pou nou note ki IOT i egziste akoz Gouvernman Sesel ti pran linisyativ pou kree e komans avek konservri Losean Endyen, ki’n permet devlopman potansyel ki Sesel i annan, dan son zone ekonomik eksklisiv, sirtou pou demare e montre potansyel nou Lor Ble, potansyel nou ton.

Apard met ton dan bwat pou eksporte, lapes ton i osi anmenn en kantite mouvman dan por Victoria ki parey mon’n dir avan, i premye dan larezyon an sa ki konsern transbordman ton.  Sa prosedir debark ton dan por Victoria pour ki lezot bato i pran e anmenn a letranze, i anmenn en kantite revenir, i anmenn en kantite aktivite.  Lotorite por limenm i benefisye avek tax ki i enpoze lo transbordman pwason.  Fre por, fre remorker, fre lakostaz, fre mouyaz.

Sesel i osi ganny reveni atraver provizyon delo e lezot ravitayman pou bann bato.  I osi annan reveni ki antre atraver fonksyonman bann lazans parey Land Marine, parey Hunt Deltel.  Por Victoria i osi ganny reveni atraver servis veteriner, lenspeksyon par bann Zofisye Lasante Piblik osi byen ki bann fre lanrezistreman anyel pou tou bato ki anrezistre isi Sesel.       Lotorite ladwan i fer osi reveni atraver bann endorsement fees e bann bill of entry.  Kan nou koz e konsider lanplwa atraver sa lendistri tan e bann aktivite lo lasose, nou pa kapab bliy sa group dimoun tre enportan, bann stevedores.  Zot zefor e zot devouman, i fer por Victoria mentenir son repitasyon koman enn parmi bann por ki pli efikas dan larezyon.  Zot kondisyon travay i demann enpe latansyon e swivan en dyalog avek Leader Lopozisyon, mon’n angaz mon pou evalye zot sitiasyon avek bi pou determi kwa ki kapab ganny fer pou amelyor zot sitiasyon e gard servis nou por, enn ki atrakte bato, pou en servis vit, pou en servis efikas.      Reveni e benefis ki nou gannyen atraver leksplwatasyon nou Lor Ble, i osi enkli bann ki lwe landrwa isi, prepar zot lasenn, ki anploy travayer lokal pou fer sa travay e zot osi lwe bann gro masin avek kontrakter tel ki bann crane, forklift, trakter, eksetera.  Bann lakonpannyen ki fer servis sekirite e proteksyon maritim akoz fodre pa nou bliye, nou menas lo piratri dan nou rezyon.

Lapes ton, i osi anmenn reveni atraver lokasyon warehouse.  Larzan ki nou peye pou license pou resevwar sevis kominikasyon par radyo, license kominikasyon par satelit.  Larzan ki zot pey lazans kominikasyon koman Cable and Wireless e Airtel.  I annan ankor benefis endirek, transpor, lotel, lwaye pou lakaz e apartman, tiket avyon, kargo, kan bann lekipaz i ganny esanze ou nouvo travayer i vin dan nou pei.

Mr Speaker, en bann pli gro konponan reveni ki lapes ton i anmennen, se atravaer SeyPec e son aktivite ki Angle i apel bunkering.  Sa se kot bato ton i aste karbiran avek SeyPec ki swa lo por Victoria, oubyen menm, aste li lo lanmer kot i ganny delivre par enn nou bann tanker.

Alor Mr Speaker, mon kapab dir ki dan en fason ou en lot, repete, ki nou tou en gran mazorite nou i benefisye avek nou Lor Ble.  I dir tousel alor, ki en tel resours fodre i ganny byen zere e ki pei i devret annan en progranm pou anpese ki i anann en leksplwatasyon brit, en leksplwatasyon sovaz ki ava detri stok ton dan nou lanmer e an rezilta, afekte nou lekonomi osi byen ki nou lanvironnman maritim.  Pour sa, nou pe met bokou lanfaz lo kree ankor plis valer azoute avek sa lendistri pou asire ki i reste viab e dirab pou ankor en kantite letan.

Mr Speaker, nou’n tann bokou koze lo sa re-envestisman, joint venture dan Oceania Fisheries par egzanp.  Sa nouvo lenvestisman i lo semen anmenn 10 bato long line endistriyel avek bann fasilite cold store mwen 60 degre.  Sa bann antreprener i osi annan plan pou met en lot cold store kot zot lizin e sa i pou permet zot prodwir sashimi grade tuna ki annan en valer tre o lo marse enternasyonal.

I pou premye fwa ki por Victoria i annan en cold store mwen 60 degre, en tel fasilite pou fer en tel prodwi.  Se sa direksyon ki nou pe bouz ladan e se sa kalite lenvestisman ki nou pe ankouraze.  En prensip enportan depi komansman se pou asire e mon repete, ki sa leksplwatasyon nou Lor Ble i dirab.  Sesel pa’n zanmen e pa pou zanmen file kot i konsern bann eleman konservasyon nou stok paralel avek nou aktivite lapes.

Se zisteman pour sa rezon ki Sesel ti lobby tre for pou syez Komisyon Ton Losean Endyen, IOTC baze isi dan Victoria.  IOTC i sa lorganizasyon ki mandate pou fer zesyon lapes ton dan Losean Endyen e osi, annan Lorganizasyon Ton Was Losean Endyen.  WIOTO e SFA limenm, ki aktiv dan sa domenn promot bann prensip koservasyon e prensip prekosyon dan lapes.

Sa bann lorganizasyon pa zis re group bann pei ki annan sa resours, me tou bann ki enplike dan sa leksplwatasyon osi.  Koumsa, tou dimoun konsernen i ganny envite pou enplike dan zesyon en lapes responsab e soutenab pour ki i kapab kontinnyen annan ton lapes pou nou zanfan.

IOTC i obliz tou bann operater lapes ton, pou enplimant bann rezolisyon ki son Konsey Teknik i pran e sa i enkli deklarasyon tou bann statistik lapes pou ki i annan en portre kler lo nivo leksplwatasyon e lo lakantite stok ton ki dan nou delo teritoryal.  I osi enplimant bann landrwa kot bann bato napa drwa lapes pou ki stok i kapab ganny re zenere.  Sa i anmenn serten rezilta pozitiv.     Kan nou get enpe lo lepase, prezervasyon sa resours pou nou vwar ki zesyon tre serye par tou bann ki konsernen i fer dan nou stok, se pour kwa nou stok i ankor dan en bon leta.  Si nou konpar nou stok ton gro lizye avek sa ki i annan dan rezyon Pasifik nou pou vwar ki nou stok i ankor dan en leta tre bon.  Tandi ki sa pa le ka pou rezyon Pasifik, sa lespes in fini andomaze akoz leksplwatasyon sovaz ki’n pour ensidir, detri son stok.  Sa i osi le ka avek ton zonn e ton skipjack.

En kontrol strik lo lakantite ton ki bann ki dan sa lendistri i kapab lapes dan nou lanmer, i fer ki nou asir en bon zesyon nou stok.  Sirveyans i ganny fer diferan nivo, bann bato ki annan license pou lapes dan nou delo i oblize donn serten lenformasyon konsernan lakantite ton ki zot pe lapes, kote zot fer li e ki kalite ton eksetera.  Sa i form parti kondisyon zot kontra.     IOTC, SFA e lezot partener, i servi sa bann lenformasyon pou servi sa bann analiz kontinnyel lo sitiasyon nou stock, nou Lor Ble.  Me toudfwa Mr Speaker, i annan menas.  Sa ki apel lapes ilegal ki pa raport okenn statistik e ki pa swiv okenn regleman atraver diferan lakor sekirite maritim Sesel, avek son bann partener ki patrol nou lanmer e lit kont sa problenm ki la depi menm avan piratri Somalyen ti vin en problenm e ki pou toultan en defi pou tou nasyon avek gran delo teritoryal.  Nou fer sir ki nou bann Lalwa i tre kler e spesifik lo sa size e sa ki ganny atrape pe pratik sa, i fer fas avek prosedir legal tre serye.

Mr Speaker, Lorganizasyon Fish-i ki en group 5 pei ki’n zwenn e ki dakor pou travay bokou pli pros ansanm pou partaz lenformasyon e lentelizans pou lalit kont sa kalite lapes ilegal.  Sa group i annan sipor NEPAD e i ti ganny launch isi Sesel par mwan menm, pe deza montre son valer e son nivo solidarite.         Par egzanp, en bato ki ti pe lapes ilegal dan delo teritoryal Liberia, ti ganny refiza lakostaz e servis dan okenn por Losean Endyen, sirtou menm manm sa loganizasyon Fish-i enkli dan por Victoria.  Propriyeter sa bato ti bezwen pey son kondannasyon 2 milyon Dolar Liberia, avan ki i ti kapab ganny konsidere e permisyon pou lapes dan nou delo e koste e zouir servis nou bann por.         Bann pei manm Fish-i pou sa bann pei, sa ti en laviktwar, ti en mesaz kler ki nou ti anvoye avek lemonn.  Si yer nou ti dir Lafrik pa konsider son bann resours dan son bann delo, napa capacity pou sirvey son bann resours dan son bann delo, pa communicate avek kanmarad, sa mesaz i diferan ozordi.      Sesel i atas en gran leportans a son lapartannans avek bann lorganizasyon rezyonnal tel ki COI, WIOTO, IOTC, Fish-i e lezot ankor ki enportan dan devlopman sa resours pou son dirabilite.  An travayan pou asire ki nou kontinnyen annan ton dan nou delo pou nou zanfan kapab lapes dan le fitir, nou pe asire ki i gradyelman devlop lekspertiz pou nou zenn fer e benefisye bokou plis ki nou pe benefisye ozordi e ki nou fer nou bout pou donn legzanp.  Pou donn legzanp sa pli gran lemonn.  Ki i tre posib pou devlopman soutenab ganny enplimante.  Mr Speaker, Manm Lasanble, ser oditer, mersi pou zot latansyon.

 

(Applause)

MR SPEAKER

Bon, nou ava pran enn de kestyon, Onorab Leader Lopozisyon.

 

HON DAVID PIERRE

Mersi Mr Speaker.  Mr Speaker, premye kestyon, eski Minis i kapab dir nou ki plan konkret ki Gouvernman i annan pou donn Seselwa akse ek kredi e lezot fasilite pour ki Seselwa i antre dan en fason pli for, dan sa lendistri pou ki Sesel e Seselwa i benefisye o maksimonm.  Dezyenm kestyon, eski Minis i kapab donn detay sa Lasanble lo ki zistans in arive dan son demars pou rod en meyer kondisyon peyman pou nou bann doker ki annan en rol enportan dan sa lendistri.  Mersi Mr Speaker.

 

MINISTER PETER SINON

Mersi Mr Speaker.  Mr Speaker, depi en bon moman letan, Gouvernman Sesel atraver Labank DBS, Development Bank of Seychelles in met a dispozisyon nou bann peser en credit facility pou aste zot bann bato, lekipman pou al lapes, ozordi, sa fon in preski ganny epwize me nou annan nou partener, nou’n tande Bank of Ceylon, pe vin Sesel.  In donn nou en lalinny kredi 10 milyon Dolar pou lapes akoz bokou nou bann peser i konstri zot bato Sri Lanka.  Alors nou’n vwar en mutual benefit, zot, zot fer bato, nou, nou pran kredi avek zot, nou fer nou bann bato pou nou bann peser kapab lapes.  Pou le moman, nou’n fokaliz nou devlopman lapes semi-endistriyel e bann pti lapes artizanal pou Seselwa, nou’n deza eseye antre dan lapes endistriyel, nou pa’n neseserman sikse pou premye fwa.  Me nou pa premye pei ki pa’n sikse dan sa lapes ki nou vwar bann gro bato, purseners, pe lapes.

Lenvestisman, risk, defi dan sa lapes i annan bokou,.  I annan bokou pei pli gran ki Sesel, Iran par egzanp, en pei ki annan delwil, ki subsidize son fuel 90 poursan ti’n seye me in fail li osi.  Alors avek prekosyon, avek prekosyon nou pe antre dousman, dan sa, sort semi-industrial pou nou ariv dan son sekter endistriyel.  Me antreprener Seselwa i very careful.  Nou pa pou sot dan en keksoz tre vitman ki nou pa konnen ki nou pe fer, nou plito al dan bann direksyon ki nou konnen ki nou pe fer e koman nou fer li.

Pour ou dezyenm kestyon, ki nou pe fer pou re-get si ou oule, kondisyon, nou bann stevedore lo por ki gard si oule, nou por efikas, pou gard nou por aktiv e en por selektiv pou bann bato frekante.

Nou’n deza koze Onorab e mon langazman pou fer sa pti letid pou vwar, dabor fer en letid lo kondisyon ki zot pe fer travay ladan pou le moman.  Dezyenm, kondisyon ki ILO i met devan pou sa kategori travayer e menm mon pou al pli lwen, menm pou bann travayer, bann seafarers ki deside al lo bato e dek ki sa travay in akonpli, parey mon’n promet ou, mon ava vin kot ou e nou ava annan en dyalog lo kimannyer, ki bann rakomandasyon ki nou kapab ganny propoze pou al devan lo la.  Mon apresye ou lentere dan sa domenn e dek ki sa letid ki pe ganny fer i ganny finalize, nou a kapab annan sa dyalog.  Mersi.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, avek larepons ki Minis in donn nou, si en value chain analysis t’in ganny fer, eski Minis i kapab fourni ek nou Lasanble, kwa konkretman i sa bann benefis, lekel ki ganny kwa ladan.  Par egzanp, si i ti kapab donn nou tax, konbyen Gouvernman i anmase R50, R100, bycatch i al pou lekel?  pour Zan, Thomas, Bartelemi?  Konbyen Seselwa ki annan bato lapes?  Lekel ki donn ravitayman sa bann bato?  Eski bann konpannyen Seselwa, lekel zot sa bann?  Eski zot aste delo sa bann bato lapes ton la, zot aste delo ek Sesel?  Par egzanp port dues, konbyen ki nou benefisye R2.50, fuel konbyen SeyPec i gannyen, R50, container ensidswit.

 

MR SPEAKER

Onorab kestyon.

 

HON CHARLES DE COMMARMOND

Konmsi sa bann benefis si i ti kapab, pour ki nou konnen, Seselwa i konnen e i ava ankouraz Seselwa pou osi rod fason plis pou al dan sa lendistri dousman, dousman.  Si i ti kapab, si i napa la nou kapab konpran i a fourni nou Lasanble avek sa bann lenformasyon.  Mersi bokou Mr Speaker.

 

MR SPEAKER

Ok, ok rightMinister ou annan sa bann leformasyon?  Si ou napa then provide zot an ekrir.

 

MINISTER PETER SINON

Mr Speaker, mon Minister definitivan i ava provide bann Onorab dan sa Lasanble lo bann detay benefis avek bann figures lo sa bann benefis ki Gouvernman Sesel i anmase avek sa lendistri.  Mersi.

 

MR SPEAKER

Ok, Onorab Volcere.

 

HON MARC VOLCERE

Mersi Mr Speaker.  Mr Speaker, mon ti a kontan demann Minis dan son diskisyon ki i pe fer avek bann dimoun konsernen, konsernan bann doker, mon ti a kontan demann li eski in pran an kont osi bann diferan diskisyon ki’n pase dan Lasanble, dan bann Mosyon, dan bann Kestyon, ki’n ganny koz en katite lo la par bann Manm Parti Mazoriter pou get dan welfare bann doker.  Mon dezyenm kestyon, eski Minis osi pe negosye avek lendistri pou kapab revwar pri bwat ton lo nivo marse lokal ki nou bann dimoun i kapab benefisye akoz pri i ase eleve ozordi.  Mersi.

 

(Applause)

MINISTER PETER SINON

Mr Speaker, lo premye kestyon definitivman nou’n fer en konpreansyon dan nou letid pou re-get tou bann Mosyon ki’n pase lo sa size doker.  Nou pe get li selman dan en lalimyer teknik profesyonnel lo kwa ki’n ganny diskite, me selman, dan konteks lapes e bann rezolisyon ki’n ganny pran o nivo ILO par egzanp, sa i en travay ki menm mon pou al kot mon koleg Minis Labour, Minis Lanplwa pou nou kapab kolabor ansanm, pou nou annan bann rekomandasyon ki fer en sans e bann rekomandasyon ki akseptab, bann rekomandasyon ki anlinny avek bann pratik.

Lo kote pri bwat ton.  Ou konnen konmela, pri i ganny demande par demand and supply.  Taler mon’n dir ou ki katite milyon bwat ton nou prodwir par zour e si en bwat ton i ankor van en pti pe pri eleve isi, i posib ki demand pou bwat ton overseas i osi en eleman ki push up nou local price.

Mon pa ti a kontan koman Minis e mon krwar pa si mon kapab dikte pri, me mon sertennman kapab annan en koze avek nou dimoun ki pe zesyonn sa lendistri.  Nou bann Direkter parey mon’n dir, nou annan 40 poursan kantmenm dan sa lizin.  Me selman pri i en keksoz ki nou plito les marse, determinen e si i en konsern e si Seselwa i deside manz plis ton, petet i en konsern ki nou devret adrese e vwar ki nou kapab fer.  Mon pa pou fer okenn promet, me selman avek ou demann, mon sertennman gete ki mwan, mon kapab fer pou adres sa sitiasyon.  Mersi Mr Speaker.

 

MR SPEAKER

Bon, Onorab Valmont.  Mon pran dernyen kestyon ek Onorab Valmont.

 

HON SYLVIANNE VALMONT

Mersi Mr Speaker.  Dan son ladres Minis in osi fer referans avek SFA co-financing Liniversite degree for students.  Mon ti a kontan demann Minis si sa pou en progranm a lonterm, oubyen si i zis en one-off proze.  Mersi Mr Speaker.

MINISTER PETER SINON

Mersi Mr Speaker.  Mr Speaker, sa course ki pe ganny devlope, menm i pe ganny enplimante me i pankor fini ganny evalye tou son bann konponan sa course.  I en course, i en lasyans anvironnmantal e dan sa course i pou annan en konponan, en spesyalite dan son trwazyenm lannen kot en etidyan i kapab swazir pou spesyaliz dan lapes, dan lasyans lapes.  SFA i pe finans si oule, sa konponan, sa konponan spesyalite lapes.  Sa i en course ki pe ganny build up e i pou la, i pou egziste, I hope now and forevermore otan ki Liniversite pou egziste.

I en course ki nou pe devlope, i pe devlop isi menm avek nou bann partener pou adres nou bann spesifisite pou fer sir ki nou annan bann teknisyen favorab.  SFA pe met bokou lanfaz lo training nou bann zenn Seselwa, menm dan lekol MTC, i annan en bato ki pe ganny fer, finanse par SFA Sri Lanka pou nou bann etidyan kapab dan MTC, kapab ganny training pratik dan en fason safe, dan en fason pli byen, si oule, pli o standar kot leson i kapab donnen, me selman ou sorti en lekol Maritim san ki ou’n zanmen al lo lanmer.  So, definitivman nou annan sa kolaborasyon antre nou e sa course pou reponn ou kestyon, i la pou long term.  Mersi.

 

MR SPEAKER

Ok, nou’n ariv a lafen bann kestyon pou Statement.  Nou ava remersye Minis ek son delegasyon ki’n pas bomaten antye avek nou e nou ava osi ekskiz li parmi nou.  Mersi Minister.

PS fodre ou bow ler ou pe sorti ou osi, yes.

Nou ava pran lot size lo Order Paper e sa se Mosyon.  Nou annan nou 2 Mosyon ki nou oule pran la.  I annan premye Mosyon ki pou demann laprouvasyon Lasanble Nasyonal pou en Supplementary Estimate e Mosyon pe ganny prezante par Onorab Marie-Antoinette Rose e zot in les mwan konpran ki sa Mosyon limenm pou pirman en prosedir akoz nou pe pran son Bill next week.  I annan en lagreman ant le de LeadersSo, mon a demann Onorab Rose pou lir son Mosyon.

 

HON MARIE-ANTOINETTE ROSE

Mersi Mr Speaker.  Mr Speaker, an akor avek Lartik 154(6) nou Konstitisyon, mon pe demann nou Lasanble atraver sa Mosyon, pou nou tonm dakor lo Supplementary Estimate ki ariv en lavaler R99,492,495.81 ki Bidze anplis pou lannen 2013.  Mr Speaker, parey ou’n dir ou menm, nou’n tonm dakor antre nou dan Parlman ki sa Mosyon i en Mosyon without debate.  Rezon pour sa i senp me mon krwar i enportan ki SBC i take note, i pa vedir ki nou pou napab deba lo la Supplementary Estimate, i tou senpleman vedir…

 

MR SPEAKER

Onorab Mosyon i bezwen ganny segonde avan ou komans koz lo la, so, ou’n prezant ou Mosyon?

 

HON MARIE-ANTOINETTE ROSE

Yes.

 

MR SPEAKER

Wi.  Nou’n pran en desizyon pou napa en deba e Speaker in eksplike akoz pou napa en deba, so the Mosyon in ganny read, aprezan i ava ganny seconded. Okenn ki le segonde?

 

HON CHARLES DE COMMARMOND

Mr Speaker the Motion is seconded.  Thank you.

MR SPEAKER

Bon, mon ava re eksplike ki pou napa en deba lo Mosyon pour la senp rezon ki bann Manm i oule fer en deba dan prezans Minis ler i anmenn sa Mosyon dan form en Bill.  I bezwen ganny aprouve dan form en Bill pou li evantyelman kapab vin Lalwa.  Me Konstitisyon i egzize ki avan ki i ganny prezante koman en Bill, i bezwen ganny aprouve par Lasanble Nasyonal koman en Mosyon e vwala rezon akoz sa Mosyon in ganny prezante ozordi.

Deba i kapab ariv a de nivo, a nivo Mosyon ouswa a nivo Bill e bann Manm zot in tonm dakor ki deba pou ariv a nivo Bill, savedir Mardi Prosen.  Mardi prosen pou First Reading, apre sa son Mardi apre Second ReadingOk, i kler sa.  Bon tou bann ki an faver Mosyon lev zot lanmen?  Okenn ki kont?  Bon Mosyon in pase.

Nou ava pran dezyenm Mosyon par Onorab Arnephy, pou aprouv en rapor par Komite Lasirans Gouvernman dan Lasanble Nasyonal.  Onorab Arnephy.

 

HON BERNARD ARNEPHY

Mersi Mr Speaker.  Bonzour Mr Speaker, bonzour tou dimoun.  Mr Speaker, sa Mosyon i pou demann Lasanble pou aprouv rapor Komite Lasirans Gouvernman dan Lasanble Nasyonal pou lannen 2013.

Mr Speaker, premye Komite Lasirans Gouvernman, COGA, parey nou dir an Angle, ti ganny set up an 2008 atraver sipor UNDP avek bi pou Lasanble, koman en brans enportan Gouvernman ede ranforsi lademokrasi dan nou sistenm politik.  I bon note a sa pwen ki Komite i ganny son pouvwar e privilez as per Article 104 nou Konstitisyon e i fonksyonn koman en Standing Committee parey i ganny stipulated dan Rule 19 of Rules and Procedures for Committees. Malgre napa Lopozisyon lo travay Komite aktyel, me nou travay i ganny fer lo en nivo non-partizan.  E konteni sa rapor i ilistre sa tre byen.

Mr Speaker, Komite i osi annan son modus operandi ki son gid travay prensipal e dan sa dokiman i liste klerman lobzektiv Komite e son travay e bann prosedir travay.  Dan sa dokiman i spesifiye klerman kwa ki ganny konsidere koman en lasirans.  I stipulate klerman prosedir travay Komite e se la kot Komite i rikord bann lasirans e pou nou fer sa se nou servi Verbatim ki ganny servi pou extract sa bann lasirans.

Sa bann Statements i osi ganny translated an Angle pou purpose travay Komite e osi pou bann Minister respektiv kot sa bann lasirans i ale.  Komite pandan son bann meeting i review sa bann lasirans e osi klasifye zot.  So, nou annan nou en sistenm klasifikasyon, nou apel li Class A assurances, Class B assurances e Class C assurances e sak sa bann lasirans i ganny konsidere baze lo son merit.  So, tou bann lasirans ki nou konsidere in ganny onore, in ganny enplimante, so, zot ganny konsidere koman bann Class A assurances. Bann lasirans kot Komite i require en larepons pandan 30 zour, sa i bann lasirans Class B. E nou annan bann lasirans ki li son dele letan i enpe pli long so, nou konsider zot koman bann Class C assurances.

Mr Speaker, notice bann lasirans i ganny anvoye kot bann Minister respektiv pou zot donn lenformasyon Komite.  Normalman, nou donn bann Minister e Departman 1 mwan pou zot provide feedback e si sa pa ganny fer, nou anvoy bann notice of reminders kot zot.  Komite i swiv de tre pros, lenplimantasyon sa bann lasirans e finalman, Komite i report to the House pou gard bann Manm azour lo lenplimantasyon bann tel lasirans parey nou pe fer ozordi.

Komite in adopte e sistenm coding e referans pou rikord tou lasirans pou nou kapab pli byen monitor e fer follow up lo tou sa bann lasirans.  A lavenir, Komite i annan lentansyon pou raport avek nou Lasanble lo tou bann lasirans okomansman sak trimes travay.

Mr Speaker, dan en demokrasi modern, Egzekitiv i accountable pou son bann aksyon e i bezwen report avek Lezislativ ki reprezant lavwa lepep.  Konpozisyon Komite i ganny determinen par Rules and Procedures for Committees parey mon’n mansyonnen pli boner.  Travay Komite i ganny siporte par Sekretaryat Lasanble.  Nou konstate kantmenm ki i annan scope pou nou fer ankor bokou pli byen.  Rol Komite Lasirans Gouvernman dan Lasanble, se pou scrutinize tou bann promes e lasirans fer par bann Minis pandan Question Time, pandan Budget Address e evantyelman, nou pou osi pran bann Bills.

Nou Komite i swiv de tre pros lenplimantasyon sa bann lasirans e nou report lo zot lenplimantasyon.  Nou Komite, in adopte serten standar lo kwa ki nou konsider koman en lasirans avek bi pou facilitate nou travay e osi byen pou sa bann Minister respektiv.  Atraver nou oversight role, nou fer sir ki bann Minister e Departman i gard lepep Seselwa enformen lo bann promes e kot an retour lepep i ganny sa fair deal ki i sipoze gannyen atraver sak proze ou progranm ki Gouvernman i angaz li pou li realize.

Mr Speaker, parey mon’n fer resorti pli boner, serten rol prensipal Komite se pou scrutinize lasirans e promes fer par bann Minis e lezot Zofisye de lapar Gouvernman.  Nou raport lo bann delays lo lenplimantasyon sa bann promes, nou osi raport lo degre efikasite ki bann promes in ganny enplimante e si sa bann promes ou lasirans in ganny realize dan dele letan ki ti’n ganny dir.

Pandan manda Senkyenm Parlman, Komite in eksperyans serten rotasyon Manm e menm sipor Sekretaryat lo Komite in sanze a plizyer repriz.  Sa in fer parfwa ki i annan serten mank dan kontinite dan travay Komite.  Dan sa loptik, pou asir bon kontinite travay, nou rekomande ki Komite i ganny sipor Sekretaryat permanan pou kapab donn sipor maksimonm Komite.

Nou Komite i sepandan konstate e apresye zefor ki Sekretaryat i fer pou donn sipor tou Komite pour ki zot kapab desarz zot fonksyon avek maksimonm efikasite.  Nou Komite pa en leksepsyon.         Komite ti a alors kontan si provizyon bidzeter spesifik i ganny fer pou travay nou Komite dan alokasyon Bidze pou 2014.  Plis Capacity Building i neseser pou Manm osi byen ki sipor pou staff Sekretaryat.  Nou ti a kontan ki Minister Finans i pran nou demann pou plis sipor finansyel tre o serye pour ki nou kapab delivre pli byen.

Mr Speaker, avek serten restriktirasyon ki’n arive dan Gouvernman, Komite in bezwen vwar li re-route serten lasirans kot lezot Minister.  Depandan lo natir serten bann lasirans, sa in fer ki serten sa bann lasirans in vin obsolete ouswa parey nou dir, outdated.        Par rapor avek sa ki mon’n mansyonnen, Komite pe rekomande ki, written submissions lo bann lasirans par bann Minister i ganny fer dan dele letan pli kourt posib pour ki konsiderasyon Komite e pou lenformasyon Lasanble.  Ki en briefing document lo lorganizasyon striktirel sak Minister i ganny made available pou Komite pour ki nou konpran pli byen lafason ki bann Minister e Departman i striktire e travay e fer ki sistenm kominikasyon ant Komite e sa bann Departman i vin pli efektiv.

HON BERNARD ARNEPHY

Mersi Mr Speaker.  Bonzour Mr Speaker, bonzour tou dimoun.  Mr Speaker, sa Mosyon i pou demann Lasanble pou aprouv rapor Komite Lasirans Gouvernman dan Lasanble Nasyonal pou lannen 2013.

Mr Speaker, premye Komite Lasirans Gouvernman, COGA, parey nou dir an Angle, ti ganny set up an 2008 atraver sipor UNDP avek bi pou Lasanble, koman en brans enportan Gouvernman ede ranforsi lademokrasi dan nou sistenm politik. I bon note a sa pwen ki Komite i ganny son pourvwar e privilez as per Article 104 nou Konstitisyon e i fonksyonn koman en Standing Committee parey i ganny stipulated dan Rule 19 of Rules and Procedures for Committees. Malgre napa Lopozisyon lo travay Komite aktyel, me nou travay i ganny fer lo en nivo non-partizan. E konteni sa rapor i ilistre sa tre byen.

Mr Speaker, Komite i osi annan son modus operandi ki son gid travay prensipal e dan sa dokiman i liste klerman lobzektiv Komite e son travay e bann prosedir travay.  Dan sa dokiman i spesifiye klerman kwa ki ganny konsidere koman en lasirans.  I stipulate klerman prosedir travay Komite e se la kot Komite i rikord bann lasirans e pou nou fer sa se nou servi Verbatim ki ganny servi pou extract sa bann lasirans.

Bann Statements i osi ganny translated an Angle pou purpose travay Komite e osi pou bann Minister respektiv kot sa bann lasirans i ale.  Komite pandan son bann meeting i review sa bann lasirans e osi klasifye zot.  So, nou annan nou en sistenm klasifikasyon, nou apel li Class A assurances, Class B assurances e Class C assurances e sak sa bann lasirans i ganny konsidere baze lo son merit.  So, tou bann lasirans ki nou konsidere in ganny onore, in ganny enplimante, so, zot ganny konsidere koman bann Class A assurances.  Bann lasirans kot Komite i require en larepons pandan 30 zour, sa i bann lasirans Class B. e nou annan bann lasirans ki li son dele letan i enpe pli long so nou konsider zot koman bann Class C assurances.

Mr Speaker, notice bann lasirans i ganny anvoye kot bann Minister respektiv pou zot donn lenformasyon Komite.  Normalman, nou donn bann Minister e Departman 1 mwan pou zot provide feedback e si sa pa ganny fer, nou anvoy bann notice of reminders kot zot.  Komite i swiv de tre pros, lenplimantasyon sa bann lasirans e finalman, Komite i report to the House pou gard bann Manm azour lo lenplimantasyon bann tel lasirans parey nou pe fer ozordi.

Komite in adopte e sistenm coding e referans pou rikord tou lasirans pou nou kapab pli byen monitor e fer follow up lo tou sa bann lasirans.  A lavenir, Komite i annan lentansyon pou raport avek nou Lasanble lo tou bann lasirans okomansman sak trimes travay.

Mr Speaker, dan en demokrasi modern, Egzekitiv i accountable pou son bann aksyon e i bezwen report avek Lezislativ ki reprezant lavwa lepep.  Konpozisyon Komite i ganny determinen par Rules and Procedures for Committees parey monn mansyonnen pli boner.  Travay Komite i ganny siporte par Sekretaryat Lasanble.  Nou konstate kantmenm ki i annan scope pou nou fer ankor bokou pli byen.  Rol Komite Lasirans Gouvernman dan Lasanble, se pou scrutinize tou bann promes e lasirans fer par bann Minis pandan Question Time, pandan Budget Address e evantyelman, nou pou osi pran bann Bills.

Nou Komite i swiv de tre pros lenplimantasyon sa bann lasirans e nou report lo zot lenplimantasyon.  Nou Komite in adopte serten standar lo kwa ki nou konsider koman en lasirans avek bi pou facilitate nou travay e osi byen pou sa bann Minister respektiv.  Atraver nou oversight role, nou fer sir ki bann Minister e Departman i gard lepep Seselwa enformen lo bann promes e kot an retour lepep i ganny sa fair deal ki i sipoze gannyen atraver sak proze ou progranm ki Gouvernman i angaz li pou li realize.

Mr Speaker, parey monn fer resorti pli boner, serten rol prensipal Komite se pou scrutinize lasirans e promes fer par bann Minis e lezot Zofisye de lapar Gouvernman.  Nou raport lo bann delays lo lenplimantasyon sa bann promes, nou osi raport lo degre efikasite ki bann promes in ganny enplimante e si sa bann promes ou lasirans in ganny realize dan dele leta ki ti’n ganny dir.  Pandan manda Senkyenm Parlman, Komite in eksperyans serten rotasyon Manm e menm sipor Sekretaryat lo Komite in sanze a plizyer repriz.  Sa in fer parfwa ki i annan serten mank dan kontinite dan travay Komite.  Dan sa loptik, mon asir bon kontinite travay, nou rekomande ki Komite i ganny sipor Sekretaryat permanan pou kapab donn sipor maksimonm Komite.

Nou Komite i sepandan konstate e apresye zefor ki sekretaryat i fer pou donn sipor tou Komite pour ki zot kapab desarz zot fonksyon avek maksimonm efikasite.  Nou Komite pa en leksepsyon.  Komite ti alors kontan si provizyon bidzeter spesifik i ganny fer pou travay nou Komite dan alokasyon Bidze pou 2014.  Plis Capacity Building i neseser pou Manm osi byen ki sipor pou staff Sekretaryat. Nou ti a kontan ki Minister Finans i pran nou demann pou plis sipor finansyel tre o serye pour ki nou kapab delivre pli byen.

Mr Speaker, avek serten restriktirasyon ki’n arive dan Gouvernman, Komite in bezwen vwar li re-route serten lasirans kot lezot Minister.  Depandan lo natir serten bann lasirans, sa in fer ki serten sa bann lasirans in vin obsolete ouswa parey nou dir, outdated.  Par rapor avek sa ki monn mansyonnen, Komite pe rekomande ki, written submissions lo bann lasirans par bann Minister i ganny fer dan dele letan pli kourt posib pour ki konsiderasyon Komite e pou lenformasyon nou Lasanble.

Ki en briefing document lo lorganizasyon striktirel sak Minister i ganny made available pou Komite pour ki nou konpran pli byen lafason ki bann Minister e Departman i striktire e travay e fer ki sistenm kominikasyon ant Komite e sa bann Departman i vin pli efektiv.  Komite pe osi propoze ki plis vizit dan bann Minister e Departman i ganny fer pou nou konpran pli byen lafason ki zot operate.  En keksoz ki Komite in deza komanse e ki nou konstate i tre efektiv.  Komite i osi propoze ki kot sa i posib, sak Minister i annan en liaison person ki travay pros avek Komite pou donn update lo bann lasirans.

Mr Speaker depi 2011, ziska piblikasyon sa rapor, Komite in rikord an total 439 lasirans fer par bann Minister e Departman ki osi enkli lasirans fer par Minister ki responsab pour Finans pandan ladres e larepons lo Bidze.          Nou Komite i swete gard nou Lasanble pli byen enformen lo status tou lasirans ki ganny fer in the House.  Komite pe alors, osi propoz lentrodiksyon sa ki nou apel Memorandums to the House. Sa pou pran laform bann pti rapor ki Komite i kapab soumet avek Lasanble de tanzantan pou gard tou Manm pli azour e okouran lo status bann lasirans.

Konteni sa bann memorandum a enkli bann formasyon form feedback ki bann Minister in provide Komite e osi lobzervasyon e komanter Komite limenm.  Sa bann up to date e real time information pou ed tou Manm kapab annan on hand information ki a ede ler Manm pe formil kestyon pou anvoy kot bann Minister.  Sa i a fer ki bann Manm ki annan bann kestyon ki pli byen enformen e bann kestyon ki pli byen striktire.  Alors Komite pe rekomande ki Lasanble Nasyonal pandan ki i pe konsider aprouv sa rapor, i osi siport sa lide pou lentrodiksyon Memorandums to the House. En zouti esansyel pou Komite gard Lasanble up to date lo son travay.  Ki Sa bann Memorandums i ganny forwarded kot bann Minister enn fwa ki zot in ganny table dan Lasanble e ki sa bann Memorandums enn fwa table, i ganny pibliye lo website Lasanble Nasyonal pou formasyon e konsomasyon piblik.

Mr Speaker, an zeneral Komite i satisfe avek bon korperasyon ki in resevwar avek bann Minister.  Nou malgre sa konstate ki i annan ankor serten Minister ki souvan an retar avek son bann submissions, malgre plizyer reminders ki ganny anvoye kot zot.  Dan sa rapor, i annan lendikasyon lekel bann Minister ki pa neseserman azour avek zot bann submissions. Komite i alors rekomande ki Minister ou Departman konsernen i within 1 month of receiving this repor,t anvoy zot outstanding feed back kot Komite.

Nou dir en gran mersi tou bann Minister e Departman ki’n kolabor avek Komite e ki’n donn nou feedback dan en timely manner. Nou kantmenm konstate ki i annan ankor lespas pou nou fer ankor bokou pli byen.  Alavenir, Komite pou vin pli strict avek serten Minister e zofisye ki pa donn nou sipor lo sa nivo ki nou ti a swete, alors nou pou napa swa me pou summon sa bann zofisye.

Komite i osi rekonesan pou serten sipor ki nou’n gannyen to build up nou kapasite.  Tou resaman, en delegasyon Konmite Lasirans Gouvernman ti ganny sans fer en vizit lesanz avek Manm Komite Parlman Uganda boner sa lannen, sa ti en loportinite pou nou kapab share best practices e aprann avek kanmarad e ankor sa in ed nou ler nou pe formil nou rapor.

Nou oule dir en gran mersi Sekretaryat pou permet bann Manm ganny en tel ekspoze.  Nou swete ki lezot Manm Komite i a ganny loportinite pou en tel ekspoze alavenir.  Dan bann tel ekspoze, i permet bann Manm annan en lespri pli ouver e vwar vreman lenportans travay ki en tel Komite i fer.  Komite pou kontinnyen fer bann site visits kot sa i posib e osi annan plis tête-à-tête avek bann zofisye bann diferan Minister.        Mr Speaker, mon profit sa lokazyon pou remersye tou Manm Komite, past and present, ki dan en fason ou en lot in ede dan realizasyon sa rapor.  Sipor Sekretaryat in osi en zouti kle pou permet Komite finaliz e pibliy sa rapor.  Komite Lasirans Gouvernman dan Lasanble, i oule asir tou Manm Lasanble e tou Seselwa an zeneral ki nou pou kontinnyen fer nou mye posib pou nou zwe nou rol oversight dan en fason enparsyel e avek plis efikasite.  Mon demann tou Manm pou siport e aprouv sa rapor.  Mersi Mr Speaker.

 

MR SPEAKER

Okenn ki segonn Mosyon?  Bon, ou ti oule dir enn de mo.

 

HON KEVIN VIDOT

Yes Mr Speaker, mon segonde mon ti a kontan entervenir byen kourt avek ou permisyon.  Mr Speaker, mon oule santre mon lentervansyon lo trwa ka parey nou dir, kolaborasyon, korperasyon ek konprenezon.     Mon krwar koman en Komite Lasirans dan Lasanble e sa ki enportan se nou ganny sa bon kolaborasyon ek bann Minister konsernen.  Nou ganny sa bon konpreansyon sa bann Minister e nou ganny sa bon konprenezon avek zot.  Mon krwar nou Chair lo Komite in pase in dir enpe an zeneral lo bann travay Komite, lo bann rapor ki nou resevwar lo bann vizit e kwa the way forward parey nou’n diskit lo la.  E pou mwan Mr Speaker, akoz apre i vreman napa bokou pou dir me selman zis pou santre lo sa 3 pwen.  Pou vreman dir ki wi, dan lepase in annan Minister ki nou’n rankontre bokou korperasyon avek, bokou konprenezon avek zot e ki zot in annan sa lyezon direk avek nou Komite e kot nou’n vwar sa lanvi ek sa devourman pou vreman fer keksoz pou lepep Seselwa.

Parey nou’n dir oparavan, en lasirans dan Lasanble se en lasirans anver lepep Seselwa e nou drwa lepep Seselwa sa lasirans e nou drwa lepep Seselwa repons pou sa bann promes ki nou fer avek zot.  E nou Komite, Komite Lasirans dan Lasanble, i aport bokou lenportans a en tel louvraz e mon kapab asire ou Mr Speaker e the House an zeneral, ki sa bann Manm ki lo Komite i bann Mann ki determinen. Bann Manm ki touzour la, touzour pare pou fer sa extra zefor ki neseser e go the extra mile pou nou vreman ganny en larepons pou en kestyon, pou en lasirans ki ganny fer avek lepep Seselwa. Mon krwar pou lefitir, i enportan ki nou annan sa bon korperasyon anfen kont nou tou nou pe travay pou en sel bi, se pou anmenn e le meyer e le meyer pou lepep Seselwa.  E si nou Komite Lasirans dan Lasanble, ensi ki Egzekitiv, nou bann Minis, nou bann liaison persons i konpran sa tre byen then, la kot konprenezon i antre, i konpran sa tre byen.  Mon krwar pa si nou pou ganny okenn difikilte, okenn problenm pou nou kapab fer marse serten keksoz pou nou pep, pou nou Pei an zeneral.

Mr Speaker, i annan bokou lenportans ki nou’n vwar lezot Lenstitisyon, lezot Lasanble otour lemonn e menm Uganda kot nou’n vizite ki zot atase avek Komite Lasirans dan Gouvernman.  I annan serten zirisdiksyon kot Komite Lasirans i en Standing Committee, mon krwar i en keksoz ki nou osi nou Lasanble nou pe vwar ladan pou le fitir.  So, ou vwar  lenportans ki en tel Komite i egzize ouswa i demande pou en Lasanble marse e pou efektiv dan son rol oversight nou Egzekitiv e mon krwar pou le fitir si nou ganny tou nou bann zouti, tou sa bann resours nenseser ki Onorab Arnephy in koz lo la, mon krwar menm Komite pou bouz en lo nivo, i pou met en gear anplis pou li bouz lo sa lot nivo e zwe sa rol oversight dan en pli bon fason efikas e efektiv ki nou kapab menm mazinen e dan en Lasanble modern dan sa nouvo Sesel ek bann zenn Manm Parlman ek sa determinasyon ki nou annan, mon krwar Komite Lasirans i annan en gran rol pou zwe e mon asire ki nou pou kapab fer li ek tou sipor Sekretaryat ek resours ki neseser e ki pou back nou up dan sa louvraz ki nou pe fer.

Mon krwar nou bezwen anvoy en mesaz ozordi ek sa rapor ki’n ganny table, se pa pou montre ledwa personn, me selman pou nou ouver lizye serten dimoun, fer serten dimoun konpran sa konprenezon, fer zot konpran ki sa Komite Lasanble i la pa akoz nou anvi deryer ledo personn, pa akoz nou anvi montre ledwa person, pa akoz nou anvi fer personn fer zot louvwaz.   Kantmenm i nou rol pou fer li me selman nou, nou latansyon, nou lentansyon ki nou annan par deryer tousala, se kimannyer nou kapab fer keksoz marse dan nou pei.  Kimannyer nou kapab fer bann Minister konsernen ki annan en manda pou zot fer okenn progranm, okenn proze, okenn keksoz anver nou pep pou benefis nou pep, pou fer li marse, fer li mars byen.

Mon krwar Komite i la pou sa e si tou keksoz pe run smoothly Mr Speaker, dan bann Minister ler zot vini, zot vin fer en promes la, zot vin fer en lasirans devan Lasanble, zot fer sir ki zot back up zot promes avek serten resours ki zot deza annan me pa vin fer bann promes ki far-fetched apre zot pa kapab delivre lo la.  Mon krwar nou pou egzizan dan le fitir ki nou’n vwar ki, e pou ed nou osi koman en Parlman pou ed lepep Seselwa ki ler en Minis pou vin la, i pa vin zis bal bise parey nou dir, i pa vin zis koz nenport kwa me i vin koz keksoz ki konkret, keksoz ki korek e keksoz ki i konnen i kapab materyalize.  E nou Komite Lasirans mon krwar nou pou fer li nou priyorite ansanm ek sa lekip ki nou annan, ki mon osi mon pou bezwen zwenn ansanm ek nou Chair pou felisit tou sa bann Manm pou sa bann letan, bann meeting ki nou’n fer anplis bokou fwa par zour, par semenn, par mwan e mersi bann visit ki nou’n fer.  Mersi pou zot kolaborasyon, mon swete ki zot kontinnyen kolabor enpe plis e mon demann bann Manm Parlman osi an zeneral silvouple pou zot osi donn nou sa konprenezon, sa korperasyon ki le plan dan le fitir si pou annan bann memorandum to the House ki zot kapab follow up zot bann kestyon ki zot in demande, ki zot in ganny larepons kekfwa avek en rankont ek Minis ouswa en follow up question ki pou neseser pou nou rod sa ki meyer pou nou bann zabitan ki’n elekte nou, akoz nou’n ganny elekte par lepep Seselwa, par nou zabitan e pou lepep Seselwa an zeneral dan nou pei Sesel.  Mr Speaker, avek ou permisyon mon anvi dir sa de pti mo e mon demann tou mon bann Manm Koleg Onorab pou siport sa rapor.  Mersi bokou Mr Speaker.

 

MR SPEAKER

Onorab Bristol.

 

HON ALDERIC BRISTOL

Mersi Mr Speaker.  Bonn apremidi e bonn apre midi tou Koleg Onorab.  Mr Speaker, nou bann Onorab ki la, nou ti annan nou metye e profesyon spesifik avan ki nou ti aksepte pou vin reprezantan lepep dan sa Lasanble.  Nou en tim avek en levantay divers metye ek profesyon.  Sa bann skill ki nou annan, nou osi servi li dan nou bann lezot travay Lasanble letan ki i apropriye.  Sa definitivman i fer nou travay pli enteresan akoz nou pe osi fer lezot keksoz ki tonm dan nou bann zone comfort pou benefis nou Lasanble e nou pep.  Enn bann landrwa kot nou met laplikasyon sa skills, se dan bann Komite Lasanble kot nou form par tel koman,  komite Lasirans kot mon en Manm depi ler mon’n komans mon manda.  Mr Speaker, sa i en keksoz ki tre enteresan akoz i ed nou kapab pli byen konpran nou rol lo Komite e osi nou pli o fe avek bann size ki nou deal avek.  Se sa ki fer nou Komite for, se sa ki fer nou komite relevan, se sa ki fer nou Komite delivre task ki nou ganny assigned pou fer.

Mr Speaker, sa parkour dan Komite Lasirans i enn ki tre enteresan e tre challenging.  Nou bezwen on top nou game, e azour avek sa ki pase toultour nou, sirtou dan devlopman ki pase dan nou pei.  Pou monitor en lasirans, i ase straight forward si ou ganny lenformasyon neseser, me i osi kapab set back en travay ase dir, si lenformasyon apopriye e korek pa pe vin devan Komite.  Annefe Mr Speaker, mon pou menm dir ki parfwa i pli difisil, i pli fasil pou en Minis vin fer en Lasirans dan sa Lasanble ki pou sa Komite swiv sa Lasirans e fer sir ki i ganny enplimante e onore.  Pandan sa letan ki sa Komite in an egzistans, bokou in ganny akonplir.

Sa dokiman rapor ki la e ki pe ganny table pour laprouvasyon i laprev travay kontinyel e travay dir ki sa Komite in fer.  Avek sa rapor e travay ki Komite in fer, in vin komans en statistik lo konbyen lasirans in ganny fer dan sa Lasanble e konbyen parmi ki ganny onore a lafen dizour.  E pour nou, sak lasirans ki ganny akonplir e onore i vin en lakonplisman, devlopman ou en benefis anplis pou nou pei e pou sa pep e osi en lot achievement pou Gouverman.     Mr Speaker, enn parmi bann mezir ki sikse sa Gouverman, se lo lakantite lasirans ki ganny fer devan sa Lasanble e ki ganny onore dan en dele letan rezonnab.  Pli gro sikse Komite Lasirans, se pou asire ki sa bann lasiran ki ganny fer devan sa Lasanble i ganny fer byen e fer dan en dele letan ki rezonab.

Savedir, apard ki asire ki bann lasirans i ganny deliver, sa Komite i osi ed Legzekitiv pou pli byen performen.  Par rol oversight ki Komite i egzerse. Annefe Mr Speaker, sa Komite i enn kot bann Manm atraver nou travay, nou annan en bon nosyon lo performans bann diferan Minister atraver lafason ki zot enplimant, zere e onor zot bann lasirans e osi lo kalite e frekans repons ki zot donn Komite.

Mr Speaker, korperasyon i tre enportan, nou’n ganny en manda pou fer en travay e nou oule fer li byen, to the best of our ability. Me selman, nou pa kapab fer li an izolasyon  avek Legzekitiv ki vin fer sa bann larisan.  Nou’n prezant en raport konpreansiv akoz nou’n ganny en bon pe lenformasyon neseser.  Plis nou ganny lenformasyon neseser, pli nou rapor pou pli konplet e pli enteresan.

Parfwa i paret ki nou pa tro, tro popiler avek serten Minister e mon ti a kontan fer resorti ki travay ki nou fer dan sa Komite, i an konformite avek manda ki diriz sa Komite e i pa ditou nou lentansyon pou target personn e okenn Minister.  Donn komite sipor neseser ki pou fasilit nou travay e afen kont, fer ki laplipar bann lasirans i ganny fer, i ganny osi egzekite.

Mr Speaker, nou bann Komite Lasanble pe fer travay ekselan e lepep deor i devret konnen e okouran sa ki pase dan nou Lasanble.  Sa rapor i montre travay Komite Lasirans Gouverman dan Lasanble e nou santi nou ankouraze e fyer.

Mr Speaker rapor in table e mon osi zwenn Chairman Komite Lasirans, pou demann Lasanble pou aprouv sa rapor.  Mersi.

 

MR SPEAKER

Bon, nou’n ariv lafen deba lo rapor aprezan nou…  Pardon ?  Ou bezwen kapab catch the Speaker’s eyes, the Speaker’s eye i elusive.  Nou ava pran en vot lo la.  Tou bann ki an faver lev zot lanmenm ?  Okenn ki kont?  Bon, rapor in ganny adopte e nou pou adjourn ziska 2.15.

 

(LUNCH)

 

MR DEPUTY SPEAKER

Bon, mon a dir bonn apre midi tou bann Manm Onorab e tou dimoun alekout.  Nou a kontinnyen nou travay lo Order Paper e nou a pran nou trwazyenm Mosyon, Mosyon prezante par Onorab Murielle Marie, Manm Elekte pou Au Cap.  E mon ava envit li pou prezant son Mosyon.

 

HON MURIELLE MARIE

Mersi Mr Deputy.  Mr Deputy, bonn apre midi.  Mon Mosyon i lir koumsa.  Mon pe demann Tribinal Lafanmiy pou revwar laform kondannasyon pou bann paran ki refize kontribye anver maintenance zot zanfan.

Mr Deputy, set avek plizyer lobzervasyon, bokou konsiltasyon e refleksyon profon ki mon’n deside pou vin avek sa Mosyon devan Lasanble Nasyonal.

Mr Deputy, an Novanm 1998, ti annan en lamannman dan Children’s Act ki ti otoriz Tribinal Lafanmiy, dan labsans en paran, kan ki en lord pou sonny son zanfan ti’n ganny donnen e kot sa paran i dan difikilte ganny en lanplwa, ki Tribinal Lafanmiy i ed zot ganny angaze dan en progranm kot zot a resevwar en reveni pou zot kapab fer kontribisyon, savedir pey son alimoni.  Sa letan, sel progranm ki ti egziste ti Unemployment Relief Scheme, URS.  Parey nou tou nou konnen, sa Scheme in ganny abolir e i nepli egziste.

Mr Deputy, sa Mosyon i vin a en moman tre apropriye, an vi ki nou dan lannen Renesans Moral e Sosyal.  Nou bezwen ansanm trouve kimannyer nou pou ed sa bann paran ki pe kontinnyen refize sonny zot zanfan, pou pran zot responsabilite.

Mr Deputy, nou konsyan ki sa travay ki Tribinal Lafanmiy pe fer i pa ditou fasil, sirtou avek konstren resours.  Me mon pou profite pou felisit zot pou sa bon travay ki zot pe fer.  Rezon det sa Mosyon set akoz bokou paran in apros mwan lo sa size e i en size ki en konsern pou mazorite pep Seselwa ki dan lanplwa, akoz alafendizour, se zot larzan tax ki pe ganny servi.

Tenm pou sa lannen se “Travay dir pou Sesel”, me nou pa kapab lannen ale, lannen vini, en gran mazorite Seselwa pe travay vreman dir pou soutir sa pti minorite dimoun ki pa pe pran zot responsabilite o serye e ki pa oule travay pou sonny zot zanfan, me plito deside al relax lo full board 3 a 6 mwan Prizon Montagne Posee e ganny tou fasilite pou nanryen e zot zanfan pe soufer deryer.

Mr Deputy, lontan nou ti vwar zis bann fanm ki ti anmenn bann zonm kot Tribinal Lafanmiy pou sonny zot zanfan, me konmela i malere, ki nou pe osi vwar bann zonm ki pe anmenn bann fanm kot Tribinal pou kontribye anver zot zanfan.

Mr Deputy, statistic sorti kot Tribinal Lafanmiy, lo lord ki’n donnen pou fors paran pou zot kontribye anver zot zanfan depi 2008 ziska lafen Out sa lannen.  An 2008, ti annan 239 ka lo Mahe.  203 zonm e 36 fanm.  43 ka lo Praslin, 33 zonm e 10 fanm.  An 2009, ti annan 360 ka lo Mahe, 309 zonm e 51 fanm.  40 ka lo Praslin, 37 zonm e 3 fanm.  An 2010, ti annan 223 ka lo Mahe, 189 zonm e 34 fanm.  34 ka lo Praslin, 33 zonm e 4 fanm.  An 2011 ti annan 250 ka lo Mahe, 233 zonm e 17 fanm.  41 ka lo Praslin, 38 zonm e 3 fanm.  An 2012, ti annan 297 ka lo Mahe.  263 zonm e 34 fanm.  40 ka lo Praslin, 37 zonm e 3 fanm.  Zanvye ziska lafen Out, lo Mahe ti annan 260 ka, 231 zonm e 29 fanm.  16 ka lo Praslin, 12 zonm avek 4 fanm.

Mr Deputy, la ankor statistic pou bann ki’n refiz lord Tribinal Lafanmiy, savedir refize pey zot kontribisyon anver zot zanfan, me plito al prizon.  An 2008, ti annan 34 ka.  An 2009, 28.  2010, 32.  2011, 42 e 2012 57.  Sa bann paran, zot ganny demande pou depoz an mwayen depi R300 ziska R2000 e menm plis parfwa.  Pou note, avek konstren resours ki prizon i annan anplas, serten sa bann paran ler zot dan prizon, avek led Prison Welfare Officer, zot kordin avek zot fanmiy oubyen zanmi pou fer zot laranzman peyman deryer e apre, sa bann paran i annan ki ganny large.

Mr Deputy, vwala diferan rezon ki zot donnen akoz ki zot refize kontribye anver zot zanfan.  I annan ki dir ki sa zanfan pa pou zot.  I annan ki dir zot pa pe travay.  I annan ki dir zot anvi peye, me zot pa garanti ki sa manman oubyen sa papa pou depans sa larzan lo sa zanfan ouswa lo zot bann byen personnel.

Mr Deputy, apard ki bann keksoz debaz ki zot gannyen ler zot antre dan Prizon, lotorite Prizon i depans avek sa bann dimoun, R250 par zour.  Ler nou get depans ki Gouvernman i fer lo zot par zour e ki mazorite pep Seselwa ki dan lanplwa pa gannyen R250 par zour.  La ankor, nou poz serten kestyon.  Eski desizyon Tribinal Lafanmiy i pa lekontrer?  Olye fer sa bann paran travay e sonny zot zanfan, se Gouvernman atraver larzan tax, ki nou bann travayer pe travay vreman dir e ki pe ganny difikilte pou met 2 bout zwenn pou sonny zot e sa bann zanfan pe soufer deryer.  E la, sa bann zanfan i bezwen ganny asiste atraver diferan mwayen ki Gouvernman i annan anplas, tel ki Welfare Agency, Dedicated Fund kot lekol e lezot mwayen ankor.

Mr Deputy, merit sa Mosyon i kler akoz statistic i demontre bokou sa bann paran ki al prizon, i souvandfwa retournen 2 ou 3 fwa dan en lannen akoz laba dan prizon zot dan bon.  Zot napa okenn det pou peye e zot napa okenn traka.  Kestyon ankor ki nou pou demande, ziska konbyen letan nou pou kontinnyen soutir sa bann kalite keksoz?  Ler en dimoun ki dan lanplwa i anbarase, i al rod en led kot Welfare, zot sant li en bann zistwar.

Pou note Mr Deputy, i annan paran ki ler Tribinal Lafanmiy i donn lord pou zot kontribye anver zot zanfan, zot aksepte san okenn difikilte.  La, mon pou profite pou felisit sa bann paran e dir zot kontinnyen mentenir zot zanfan akoz sa zanfan ki pou zot sipor demen e li ki pou fer zot fyer.  Parey mon Mosyon pe demande ki Tribinal Lafanmiy i revwar laform kondannasyon pou bann paran ki refize kontribye anver maintenance zot zanfan, mon ti a kontan fer sa bann propozisyon swivan:-

Mon pe propoze ki Gouvernman i get dan posibilite entrodwir bann nouvo scheme parey landscaping, beach cleaning e osi kot IOT.

Pou osi get dan posibilite pou anvoy zot travay lo bann zil elwanye an kolaborasyon avek IDC.

Ki osi sekter prive ki enterese i kominik okenn lenformasyon lo lanplwa, ki annan avek Tribinal Lafanmiy, ki a ed zot pou refer sa bann dimoun dan sa bann landrwa travay, pour ki zot kapab ganny en reveni pou zot kapab sonny zot zanfan.

Mr Deputy, pou terminen, avek sa bann propozisyon e osi avek bann lezot propozisyon ki bann Manm pou fer plitar, i a ede ki kondannasyon prizon i a vin koman en dernyen opsyon pou sa bann paran.

Mr Deputy, mon ti a kontan demann tou Manm pou siport e vot an faver sa Mosyon.  Mersi.

 

MR DEPUTY SPEAKER

Bon, Mosyon in ganny prezante.  Okenn Manm ki oule segonde?  Onorab Souris ou oule segonn sa Mosyon?

 

HON MIRENA SOURIS

Mersi Mr Deputy.  Mon pou segonde e mon ti a kontan dir 2 pti mo an faver.

 

MR DEPUTY SPEAKER

Proceed.

 

HON MIRENA SOURIS

Mersi.  Mr Deputy, Mosyon Onorab Murielle Marie i enn ki tre apropriye e relevan akoz bokou nou i partaz sa konsern ki osi ganny partaze par bokou fanmiy dan nou pei.

Mosyon pe demann Tribinal Lafanmiy pou revwar laform kondannasyon pou bann paran ki refize kontribye anver mentenans zot zanfan.

Depi son 15an legzistans, sa Tribinal Lafanmiy in fer en bon travay, malgre serten konstrent parey loter Mosyon in dir.  Tribinal in rikord an total 1800 ka ant 2008 a Out 2013.  Parmi kot 14.4 poursan pa’n mentenir zot zanfan e zot in swazir pou mont Prizon.

Mr Deputy, koman paran, nou rol primordyal se fer sir ki nou reponn a bezwen nou bann zanfan dan tou son laspe, tel parey lanmour, sekirite e osi zot bann bezwen de baz.  Nou zanfan i touzour nou trezor e nou lavenir.  Alor, nou devret toultan met lentere nou zanfan avan tou.  Sepandan, mon lev mon sapo avek bann paran ki pe travay dir, san ses, pou fer sa 2 bout zwenn pou mentenir zot zanfan.  Tou imen i fer fot, me nou pa kapab fer sa pti inosan vin viktim nou aksyon.  Koman imen, nou osi kapab rekonnet nou fot e rod meyer solisyon.  Par lobzervasyon, en zanfan ki paran pa mentenir li i dezavantaze e i soufer silansyezman.

Mr Deputy, dapre loter Mosyon, prizon i depans apepre R250 par zour par latet.  En pti kalkilasyon ki mon’n fer pou 2008 ziska 2012, pou premye 3 mwan, zot kondannasyon i konm swivan ;

En depans pou sa 34 dimoun ki ti ganny mete prizon pou 3 mwan ti kout anviron R765 mil.  Tandi an 2009, avek sa 28 ki ti ganny anvoy prizon, pou sa premye 3 mwan ti ariv R630 mil.  2010, pou sa 34 i ariv R720 mil.  2011 pou sa 42 ti ariv R945 mil, tandis ki 2012, pou sa 57 ti ariv 1 milyon, 281 mil.  Sa sif i vreman bokou.

Mr Deputy, kestyon ki bokou pe demande.  Konbyen letan ki larzan tax ki nou kontribye pou kontinnyen al atraver bezwen sa bann menm dimoun ki byen for e kapab travay?  Eski koman en pei kot resours i ase limite, konbyen letan nou pou kapab soutenir e soutir sa bann tel paran?  Akoz mon osi ganny dir ki i annan paran ki mont plizyer fwa pandan lannen.

Mr Deputy, dan en lot kote, sa depans i al pli lwen akoz souvandfwa sa bann zanfan i bezwen ganny soutenir atraver Children’s Fund kot lekol e menm parfwa atraver sistenm Welfare e menm Lotorite Distrik.

Mr Deputy, merit sa Mosyon i kler, akoz in plis ki ler ki nou revwar kondannasyon pli sever ou serye, pou sa bann paran ki pa mentenir zot zanfan.  De lot kote Mr Deputy, mon pe enplor avek sa bann paran ki aktyelman dan prizon, pou fer en analiz profon lo zot konsyans e pou bann ki zot case pe al pase, pou reflesir e konsider pou aksepte fer en kontribisyon anver zot zanfan.

Mr Deputy, mon pou siport sa Mosyon e mon pe propoze ki Gouvernman i seryezman revwar bann Scheme ki deza an egzistans e osi vwar Lalwa pou ki sa bann paran i travay e larzan a ganny tire pou mentenir zot zanfan.  Mon osi propoze ki Gouvernman i get dan posibilite pou entrodwir en Family Court dan Lakour Siprenm ki a pran tou ka ki enplik problenm fanmiy.

Avek sa 2 pti mo Mr Deputy, mon remersi ou.

 

MR DEPUTY SPEAKER

Onorab Fideria.

 

HON EMMANUEL FIDERIA

Mersi Deputy Speaker.  Mr Deputy Speaker, si i annan ki ankor doute lo rezon det vizyon leadership Sesel ler ti pran desizyon pou kree Tribinal Lafanmiy, ozordi, apepre anviron 15an ki in egziste, ki nou’n viv e kapab apresye son legzistans e travay pou lakonplisman son bann gran lobzektif, prensipalman ede pou kree sa stabilite e larmoni sosyal dan Sesel.

Nou ava kapab dir ki wi, i ti en nesesite absoli e ki’n ganny donnen en repons pou sa letap ki i ti ganny kree.  Wi Mr Deputy Speaker, nou bann Sosyolog pa pou kapab manke e les sape sa sapit enportan dan devlopman sosyal, nou pa devret manke pou ekrir lo sa Lenstitisyon trez enportan, Tribinal Lafanmiy, ki depi son legzistans in akonplir bokou e fer fas avek plizyer defi alafwa, ki’n lite pou adapte avek legzizans dinamik sosyete Seselwa e defi ki’n enfliyans lemonn e enpoz lo nou.

Wi Mr Deputy, in en relasyon konpleks, ranpli avek plizyer eleman ki enfliyans pozitivman oubyen negativman konportman zonm dan konteks zot lavi toulezour.  Sesel malgre nou pti an term siperfisi, nou pa’n ganny eparnye avek bann defi.  Alors nesesite annan en Tribinal Lafanmiy in vin a en moman pou ede apez bann diferan defi, bann konfli sosyal, bann relasyon sosyal antanorize a lenteryer bann fwaye Seselwa.

Mr Deputy, dinamik evolisyon sosyal dan Sesel, san okenn dout in anmenn bokou defi, pou pa zis bann Leaders politik, i egalman avek lentervansyon tou bann lezot akter konsernen, pou pran bann pozisyon armonize e devlop bann sinerzi neseser ki permet nou vwar e rod solisyon pou sa bann nouvo fenomenn ki pe ganny manifeste parmi plizyer kous nou popilasyon.

Dan sa monn globalize ki Sesel pe viv ladan, i evidan ki kiltir lezot pei, lezot nasyonalite pe osi egzers lenfliyans lo mannyer e nou fason viv dan Sesel.  Par konsekans, sa fenomenn san okenn pitye, i anmenn bann defi sosyal serye pou nou pti pei.  An fas avek sa bann defi, Sesel in vwar nesesite e pran responsabilite pou revwar serten nou bann Lalwa.

Mr Deputy, a mon avi sa i en linisyativ ekstrememan enportan ki Gouvernman in pran.  Tribinal Lafanmiy in anmenn bokou soulazman dan lavi plizyer paran.  Plizyer zanfan in reganny zot dignite dan lavi koman rezilta direk lentervansyon lentervansyon e desizyon Tribinal Lafanmiy.  Sekirite ek landrwa lozman pou plizyer zanfan in vin en realite dan fwaye plizyer paran ek plizyer fanmiy, zisteman akoz legzistans e travay konsekan Tribinal Lafanmiy.  A en moman donnen dan lavi e devlopman plizyer zanfan ki’n trouv zot pri dan batay ant manman ek papa lo kestyon divors, separasyon, Tribinal Lafanmiy in sa lenstitisyon kle ki’n realim lalimyer lespwar pou bann zanfan ki ti pe viv dan dezespwar.

Mr Deputy, se gras a Tribinal Lafanmiy ki plizyer paran ki zot zanfan pa ti reste avek zot, zot kapab ganny akse avek zot zanfan e sa gras a Tribinal Lafanmiy ki Departman Sosyal i ganny otorize atraver bann lord, pou tir bann zanfan ki zot byennet e sekirite pe ganny menase dan prezans zot paran ou lezot dimoun ki pou plas zot dan bann lenstitisyon rezidansyel pou zot prop byennet ek sekirite.

Wi Mr Deputy, les mwan osi dir ki se gras a Tribinal Lafanmiy ki byennet plizyer lezot dimoun, sirtou bann madanm ek dimoun aze, bann ki pli vilnerab dan nou sosyete i kapab ganny enpe proteksyon kont bann vyolans domestik e kont plizyer krim dan nou sosyete.  Ki ti pou arive avek sor nou bann dimoun pli vilnerab ki bezwen sa kalite servis dan minimum dele letan?  Diran plizyer resers, mon’n konstate, avek logmantasyon ase signifikan, nivo krim dan nou pei, lakantite madanm, paran ek dimoun aze in bezwen raport kot Tribinal Lafanmiy pou vin rod rekour pou zot proteksyon, i ase signifikan.

Laplipar sa bann ka Mr Deputy, i ka kot bann madanm ti pe ganny abize fizikman oubyen emosyonnelman par zot partner.  Kot zanfan ti pe abiz zot manman ou papa fizikman e verbalman e menm dan serten ka, seksyelman, san bliy bann ka kot propriyete tel ki larzan, manze, lenz, meb dan lakaz, televizyon, mobile e lezot keksoz ankor, i ganny vole e al vann pou ganny larzan pou aste sibstans.  Wi Mr Deputy, sa se larealite e sa se laverite.

I donn nou en lide kwa ki Tribinal Lafanmiy i deal avek letan i an sesyon.  Malgre tou sa ki mon’n dir, i annan en konsansis zeneral ki nou bezwen amelyor servis ki Tribinal i donnen e parey Prezidan Michel ti dir dan enn son Diskour Leta Lanasyon, mon site ; “En zonm ek en fanm pa kapab donn nesans en zanfan dan sa lemonn e anmenmtan pa mazinen bann lenplikasyon oubyen konsekans, alafwa oubliye ki zot bezwen pran partaz zot responsabilite anver sa zanfan inosan”.

Dan sa konteks, eski moman pa’n arive pou nou pran aksyon pli sever avek bann paran ki iresponsab, ki negliz zot zanfan?  Eski moman pa’n arive pou nou ranforsi pouvwar Tribinal Lafanmiy e ogmant zot kapasite?

Wi Mr Deputy, letan nou get responsabilite ki sa bann dimoun i annan, zot kontribisyon anver Tribinal Lafanmiy ki son travay i tre difisil, nou krwar ki sa bann dimoun i bann dimoun ki travay tre dir e ki zot bann dimoun ki tre devoue anver proteksyon bann dimoun pli vilnerab dan nou sosyete, sirtou bann zanfan, bann madanm ek bann dimoun aze.

Mr Deputy, fas avek realite ozordi, Tribinal Lafanmiy pe fer fas avek bann nouvo defi.  Lakantite ka kot paran pa pe pran zot responsabilite anver zot zanfan, pe kontinnyen ogmante.  Lakantite ka kot viktim vyolans lafanmiy pe kontinnyen vin kot Tribinal pou rod proteksyon kont vyolans pe kontinnyen ogmante.  Nou bezwen alor revwar zirisdiksyon e fonksyonnman Tribinal Lafanmiy e ekip li avek bann resours, ki swa imen an term capacity building e resours finansyel ki sa Lenstitisyon i pli bezwen pou li kapab pli byen desarz son responsabilite.

Mr Deputy, mon’n dekouver ki i annan plizyer paran dan nou sosyete, ki pa pe pran zot responsabilite koman en paran.  Konbyen sa bann dimoun ki si Tribinal Lafanmiy pa montre zot baro Prizon Montagne Posee, zot pa pou donn en soutyen finansyel zot zanfan?  Konbyen sa bann dimoun ki ler Tribinal Lafanmiy i donn zot en swa pou donn zot zanfan en soutyen finansyel, oubyen al dan Prizon Montagne Posee, zot swazir Prizon Montagne Posee?

Mr Deputy, sa ki pli trakasan i lakantite paran ki deplizanpli negliz zot zanfan.  Lakantite paran ki pe senpleman met zot zanfan lo later san ki zot partisip e kontribye aktivman pou fer grandir sa bann zanfan, pour ki zot vin bann bon sitwayen demen.  Wi, etan donnen ki nou en sosyete caring ki montre bokou lenportans ek resours imen, enkli bann zanfan, souvandfwa se nou koman en Gouvernman e leta Seselwa, ki nou bezwen pran sa bann zanfan, met anba nou responsabilite.

Wi Mr Deputy, mon’n dir avan e mon pou repete ozordi.  Vilaz Prezidan ki sipoze en landrwa rezidansyel pou abrit bann orfelen, pe plito abrit bann zanfan ki zot paran i negliz zot.  Bann zanfan neglize i osi eparpiye enpe partou dan lezot landrwa rezidansyel tel ki Foyer de Nazareth eksetera.  Malgre ki i annan Lalwa pou prosekit sa bann paran, malerezman pa bokou keksoz ki pe ganny fer lo sa size spesifik.  Bokou sa bann paran zot pas zot letan dan labi lalkol ek drog e zot bliye si zot annan zanfan pou soutenir.

Mr Deputy Speaker, Tribinal napa pouvwar pou deal ek bann ka neglect.  Si en fanm ou en zonm i deside fer en zanfan, i son responsabilite pou fer grandi son zanfan.  Dan nou pei ozordi, Gouvernman i met tou a dispozisyon pou nanryen.  Maternite, lekol, servis lasante, si zanfan napa goute, lenz, sak, soulye, manze, Gouvernman i donnen.  Sa i aplik pou lekol primer e segonder.  Mon pe demann en kestyon.  Ki i manke?  Ki sa zanfan in fer son paran, menm avan i komans koze, pou li sibir sa kalite pinisyon?

Mr Deputy Speaker, dan “Sa Nouvo Sesel”, nou pa pou kapab kontinnyen toler ankor, kot en zonm ek en fanm i fer piti, apre dir Gouvernman pran responsabilite avek son zanfan, ouswa avek zot zanfan.  Nou bezwen rod bann fason pli inovativ e smart pou protez bann ki pli vilnerab dan en fason tre serye.

Mr Deputy, dapre mon resers, anba Lalwa ki ti ganny fer an 1998, ti annan en approved Scheme parey URS kot bann sitwayen ki pa ti kapab pey mentenans zot zanfan, zot ti ganny anvoye laba pou fer serten travay me sa osi pa’n tro marse pou serten nou bann sitwayen akoz zis ti bann louvraz netwayaz, koupayas eksetera.  A sa staz mon oule sizere ki nou annan bann scheme parey nou fer bann louvraz lo store ek bann konpannyen prive, fer bann travay maintenance, kot bann dimoun a pli enterese e fer li vin pli atiran, kot bann sitwayen a vin fer zot kontribisyon ver mentenans zot zanfan.

Mr Deputy Speaker, pa toultan ki Prizon i solisyon.  Mon vwar li koman en presyon ki nou met lo bann sitwayen akoz parfwa, nou koman bann Manm Lasanble, serten sa bann dimoun i taye e vin kot nou, pe vin rod 2000 a R3000 pou zot peye vitman akoz zot pe mont Prizon.

Parfwa i tre difisil e alafwa delika, sirtou ler ou konsider plizyer bann ka vreman priyoriter ki vin dan nou lanmen pou nou adrese.  A sa staz Mr Deputy, mon demande, nou bann Manm Lasanble, kot nou pou ganny sa bann larzan?  Nou koman bann paran, nou annan en lobligasyon pou soutenir nou zanfan.  Mesaz ki Lasanble pe fer pase, annou pran nou responsabilite anver sa bann inosan.  Pou bann dimoun ki zanmen zot oule travay pou onor zot lobligasyon, nou devret travay ek zot, konsey zot.  Tou bann Lenstitisyon, annou met tou nou zefors ansanm, pou nou sirmont sa gran defi sosyal dan nou pei Sesel.  Ki nou lavwa, nou kontribisyon dan sa deba ozordi, en zefor kolektiv ava servi pou donn en nouvo lelan dan sa batay ki Sesel i devret neseserman sorti viktorye.

Mr Deputy, mon remersi ou.

 

MR DEPUTY SPEAKER

Onorab Jeannevol.

 

HON BEGITTA JEANNEVOL

Mersi Mr Deputy.  Bonn apre midi.  57 prizonnyen dan Prizon pou lofans pa kit larzan maintenance pou zanfan.  En sitiasyon tris.  I tris pou aprann ki en dimoun i bezwen ganny forse pou li sonny son zanfan ouswa Gouvernman i bezwen forseman donn sa zanfan manze pou li.

Mr Deputy, Mosyon devan nou Lasanble ozordi, i enn ki tous mon distrik, an vi lakantite paran tousel ki trouv zot ankor san en solisyon fas a sa problenm.  Pou sit enn de legzanp pou pli byen ilistre mon pwen.  En manman tousel ek 3 zanfan i ale vini Tribinal, ankor pe rod larzan ki papa i kontinnyelman pa kite pou sonny son zanfan.  I menm annan lespwar ki en zour i a ganny sa larzan akoz i ankor pe konte.  I dir ki la in ariv R10 mil ki sa msye i drwa li.  E si zis i ti kapab ganny sa larzan, kantite keksoz ki i ti a kapab fer pou son bann zanfan.  Pandan sa letan, sa msye li i ankor a laresers.

Mr Deputy, nou konn kou lavi ozordi e kimannyer i kapab difisil pou en manman tousel sonny 3 zanfan, si papa pa pe kontribye nanryen.  Dapre sa lofis, i menm annan ki drwa plis ki R10 mil, telman zot in annan aryeraz.  Dan serten sa bann ka, sa koupab i pey en parti sa larzan ler i sorti Prizon e plitar i pey larestan, me i annan ki menm pa pey ditou.  Lalwa aktyel i reanvoy li ankor dan Prizon.  Me lekel ki benefisye ladan Mr Deputy?

En papa dezabilite, malgre ki son andikap pa grav e ki pourtan pe tous larzan Lasistans Sosyal an vi ki i pa kapab travay i ganny anvoye 3 mwan dan Prizon akoz i pa’n donn lasistans pou son 2 zanfan pandan en peryod 6 mwan.  Malgre in ale vini pandan son zizman kot sa Lakour, ti napa okenn konsiderasyon pou li me ganny anvoye parmi bann malfeter.         Ryennadir, sa msye ti azoute, in ganny byen trete laba.  Wi, sa bann dimoun pa ganny konsidere koman Prizonnyen, an vi ki se selman zot drwa laliberte ki ganny pran.  Set apre son kondannasyon ki Zofisye Prizon ti mazin pou fer li rod en papye dokter pou sertifye son malad e dela, son larzan lasistans ti ogmante e en parti ladan i pey direkteman alimoni pou son 2 zanfan.  Solisyon fasil ki ti’n kapab ganny fer depi byen avan sa 3 mwan ki in fer dan Prizon, kot ankor larzan ti pe ganny depanse lo li e zero Roupi pa ti pe ariv kot lakour sa madanm ki li i ti ankor pe bezwen sonny sa 2 inosan.

Lekel ki’n benefisye ladan?  Ankor personn Mr Deputy.  Set avek sa, ki mon fer serten propozisyon devan Lasanble, pour ki Tribinal i pli byen kapab deservi son fonksyon e ki parey mon pe kontinnyen ensiste, ki tou partener dan sa batay, i ganny laviktwar.

Legzanp dan ka sa msye ek dezabilite.  Sirtou en dezabilite permanan, ki sa in koze par en aksidan dan travay.  Mon pe propoze ki en proper and well detailed investigation ti’n merit ganny fer avan ki sa msye ti’n al dan Prizon, pou vwar ki i annan en dezabilite e ki i deza pe ganny larzan Welfare e ki sa pa ase pou li sonny son 2 zanfan.  Ki petet, si li i pa konnen, i ti’n kapab ganny advise pou request ki son larzan i pas direkteman laba.  I pey maintenance son zanfan.

Pou note osi Mr Deputy, Biro Tribinal Lafanmiy i enform mwan ki dan bokou bann ka koumsa, sa akize i ganny lenstriksyon pou fer parey mon’n dir avan.  Me i annan ki refize fer li pou sonny son zanfan.  E se la kot desizyon i ganny pran pou anvoy zot Prizon, pou mank responsabilite.

I menm annan ka kot Tribinal Lafanmiy i konsidere si sa akize i annan en dezabilite fizik ki byen aparan, menm serten ki pa ni menm kapab ariv anler kot lofis pou zizman akoz son dezabilite.  Pou sa bann akize, lezot konsiderasyon i ganny pran, par egzanp, en extension dan sa letan ki annan pou fer peyman.  Ou si non, sa lot paran i ganny demande pou apply Welfare e zot siport son laplikasyon.

Biro Tribinal Lafanmiy i annan pouvwar pou retir larzan direkteman lo en papa ou manman ki pe travay e ki refize pey alimoni.  Par egzanp, tou laprev i kler ki se ou menm ki papa, me ki ou senpleman pa anvi peye.  Sa biro i annan manda pou instruct ou anplwayer par en let pou direkteman deduct sa sonm lo ou saler toulemwan e peyman i al anver ou zanfan.

Me ki arive Mr Deputy?  Parfwa, sa menm dimoun i deside kit travay apre ki sa in ganny fer.  Alors, mon pe propoze ki pour bann ki fer sa, en morso son larzan tann-servis i ganny peye zis parey ler en dimoun i kit travay, me ki ankor annan loan pou peye.

Malerezman Mr Deputy, sa biro napa manda pou fer sa ek Welfare Agency, san lotorizasyon sa dimoun.  Mon pe propoze alors, ki Tribinal Lafanmiy i ganny manda dan sa menm fason ki i fer ek Accounts Officer dan landrwa travay, i osi deduct larzan lo larzan Welfare sa dimoun.     Mon pou osi siport propozisyon ki loter Mosyon e lezot Koleg Manm Onorab ki’n koz avan mwan, pour ki Tribinal Lafanmiy i ganny pourvwar pou plas dimoun dan landrwa travay e sa larzan ou poursantaz sa larzan, i ganny peye direkteman ek sa enn paran ki zanfan i avek li.      Parey mon’n fer resorti oparavan, sa msye ou sa madanm ki dan Prizon akoz i pa’n pey alimoni, sa pa benefisye personn.  Sa zanfan ki vin en zanfan Larepiblik akoz se Leta ki pe bezwen sonny, li i kontinnyen soufer li osi.  Larzan dan lekonomi i kontinnyen redwir, san ki prodiksyon i ogmante pou ranplas sa, me tandis ki dan nou lizin IOT par egzanp, etranze pe travay, letan ki sa msye i dir ki i pa ganny louvraz, alors i napa larzan pou sonny son zanfan.  Par sa fason Mr Deputy, sa paran i kapab kontinnyen asir trankilite toulemwan ki i ganny en sipor finansyel pou azout ek sa ki li i gannyen pou sonny sa zanfan.

Pou konklir Mr Deputy, les mwan rapel nou dimoun ki se sa ki sa Lasanble pe demande ozordi dan sa Mosyon.  Annou pa oubliye ki sa senkyenm Lasanble ti promet ki i pe vin koz lo non zot dimoun e ki zot dimoun i benefisye par sak desizyon ki ganny pran isi.  Se egzakteman sa ki nou pe demande.  Lazistis pou sa paran, sa paran tousel ki pe sonny sa zanfan, sa papa ou manman ki li pou en rezon ou en lot, i pa pe sonny son zanfan, sa zanfan limenm i bezwen benefisye ladan e osi pei.

Par sa, mon pou donn tou mon sipor pou sa Mosyon, ki nou dimoun ki pe soufer ek larzan alimoni, i kapab trouv en solisyon.  Mersi Mr Deputy.

 

MR DEPUTY SPEAKER

Onorab Pierre.

 

HON DAVID PIERRE

Mersi Mr Deputy.  Mr Deputy, Mosyon devan Lasanble ozordi i enn ki demann en kantite refleksyon.  Mon krwar Mosyon i annan son merit akoz i pa fer okenn sans pou pran en paran ki pa oule sonny son zanfan, met li dan en Prizon kot tax payers i sonny li over en period 3 mwan e depans R250 par zour lo li, san ki sa zanfan ki nou sipoze proteze, i benefisye avek sa lord ki Tribinal in donnen.

I en size ki ase konplike, me selman i en size ki annan en solisyon.  Prizon amonavi, dan en sitiasyon parey, i pa zanmen efektiv.  Prizon i zis en kou ekstra lo bann dimoun ki pe travay dir e ki 15 poursan zot larzan lafendimwan pe ganny tire lo zot koman tax.  Kestyon ki nou bezwen demann nou lekor se ki kalite kontribisyon ki en paran ki’n ganny mete dan Prizon i kapab fer, an relasyon avek son zanfan, letan sa paran i dan Prizon.  Ki arive ler en dimoun i kontinnyelman aksepte pou li al dan Prizon olye peye?  So, statistics ki’n ganny mete devan nou i demontre ki on a yearly basis, i annan en significant number of paran ki agree, oubyen ki ganny mete dan Prizon an relasyon avek sa size.  I annan plizyer rezon ki’n ganny donnen, par bann paran ki al dan Prizon, as to, akoz ki zot pa kapab, oubyen zot pa oule pey child maintenance.  I annan i dir ou, i pa ganny travay.  I annan i dir ou ki, zot pa krwar ki sa zanfan i zot zanfan.

Mr Deputy, mwan mon enn bann dimoun ki krwar poudir en swadizan paran, en dimoun ki’n ganny dir poudir ou paran sa zanfan, ou bezwen pey alimoni pou sa zanfan on a monthly basis, me li sa dimoun i pa krwar, i pa garanti, i pa konfidan ki sa zanfan i pou li.  Mon santi poudir i devret annan en right pou li konnen si sa zanfan i pou li.

Mon krwar i pou en lenzistis si en dimoun i ganny mete dan prizon, oubyen i ganny forse pou pey alimoni, kan sa zanfan i pa pou li.  Mon krwar i en lenzistis.  Nou bezwen tonm dakor lo la.  E mon krwar i annan en solisyon selman pou sa.  Mon krwar poudir sa paran i devret annan en drwa pou li kapab ganny en tes fer, me nou konnen poudir en tes i vin avek en kou.

Me parey nou pe dir avek sa paran ki si sa zanfan pou ou, ou bezwen peye, sa paran pou bezwen agree ki sa kou pou fer sa tes i pou bezwen tonm lo li.  So, mon krwar sa i enn bann lapros ki nou bezwen komans pran, avek bi pou donn sak dimoun ki dan en sitiasyon parey, sa loportinite pou li prouv son linosans dan ka kot i krwar poudir ki sa zanfan pa pou li.

Now, dezyenm keksoz i se ki, oubyen kestyon pli pertinan i se ki nou pa krwar, Lasanble Nasyonal pa krwar ki Prizon i en alternativ, alors kestyon i se ki, ki nou pou fer?  Ki arive dan sitiasyon kot en paran i en paran e i refize pou li pey alimoni e nou, nou pe dir poudir pa bezwen anvoy li Prizon.

Mon krwar ki nou bezwen, koman en sosyete, fer plizyer keksoz.  1, nou bezwen komans edik en paran e fer li konpran ki i en responsabilite primordyal ki i bezwen pran letan i met en zanfan omonn.  E sa responsabilite i selman kapab pran li atraver kontribisyon ki i fer pou elev sa zanfan.  Enn bann kontribisyon se be there avek sa zanfan.

Me nou konnen poudir imen i imen.  Parfwa i annan relasyon ki pa marse e alor i normal pou annan separasyon.  E letan i annan, en paran pa devret divorse avek son zanfan.  So, i devret pe pran sa responsabilite.  I devret konpran ki sa responsabilite i tonm lo li koman paran sa zanfan.  Alor, nou bezwen rod en fason pou fer li efektivman, fer sa kontribisyon.  E nou konnen poudir Prizon i pa en opsyon akoz ler i dan Prizon, 1, i pa kontribye, 2, Leta i sonny li, 3, sa zanfan pa ganny nanryen.  Sa zanfan pa ganny absoliman okenn benefis atraver sa desizyon ki Lakour in pran pou anvoy sa paran dan Prizon.  So, sa paran li, i bezwen dan en fason for ganny forse pou li pran sa responsabilite.

E plizyer Manm in vin avek serten, plizyer lide e parmi sa bann lide ki’n ganny flote dan Lasanble Nasyonal ozordi, se pou fer fason plas sa paran dan en travay kot i efektivman travay e parti son saler i ganny deducted e ganny mete koman kontribisyon pou son child maintenance.  So, Gouvernman i bezwen kapab 1, realize poudir en tel sitiasyon kot sa paran i ganny mete dan en travay, i beneficial akoz 1, sa paran i vin prodiktiv, 2, sa paran pe kontribye e 3, sa zanfan pe ganny en sipor atraver sa kontribisyon ki sa paran pe fer.

Now, i annan lide ki’n ganny flote an relasyon avek bann travay dan sekter prive.  Mr Deputy, nou konnen nou poudir ou pa kapab fors sekter prive pou donn lanplwa en dimoun.  Sa i pa posib sa.  Me sa ki Gouvernman i kapab fer, se kree en Scheme ki donn sekter prive en incentive ki atraver sa incentive, i kapab pran en dimoun, donn li lanplwa, sa dimoun i fer en kontribisyon, sa dimoun i vin prodiktiv e sa alimoni i ganny peye.

Lide la i se ki; oubyen mesaz ki Lasanble pe anvoy pou Gouvernman, mesaz ki Lasanble pe anvoy pou Tribinal Lafanmiy se pou zot alors revwar sa size dan son totalite.  Revwar sa lide anvoy en dimoun Prizon e sey vin avek bann lide pli inovativ kot en kontribisyon i a kapab ganny fer e tou bann parti, parey serten Onorab avan mwan ki’n koze in dir.  Tou bann parti dan sa zafer, i benefisye.  Gouvernman pa bezwen depans larzan lo sa dimoun.  Sa dimoun i vin prodiktiv e sa zanfan e sa paran e sa lot paran i ganny sa sipor ki i merite gannyen akoz sa paran i an prensip annan en kontribisyon pou fer ver devlopman e ver the bringing up of son zanfan.

So, mwan mon pou dir, wi.  Mon pou demande.  Mon pou zwenn bann lezot Manm Onorab pou demande ki Tribinal Lafanmiy i revwar son pozisyon lo la, fer en travay pli aprofondi e vin avek bann solisyon ki pli smart, ki pli inovativ e ki pli dan lentere pei, dan lentere sa endividi oubyen sa paran e dan lentere sa zanfan e sa fanmiy dan ki sa zanfan i pe reste.  Mon pa krwar poudir the burden i devret tonm antyerman lo sosyete.

Mr Deputy, nou bezwen osi realize ki sa sif ki loter Mosyon in met devan Lasanble Nasyonal, an relasyon avek depans ki ganny fer dan Prizon pou en prizonnyen, oubyen pou en dimoun ki ganny mete dan Prizon an relasyon avek sa size, R250 par zour, i en kantite larzan.  E R250 par zour, si Welfare ti deside pou pran sa R250 e donn sa paran ki sa zanfan i avek li, oubyen donn sa dimoun ki pe maintain sa zanfan, sa R250 ti pou en kantite larzan pou sa zanfan viv lo la.

Nou pa pe dir ki zot devret fer sa, me nou pe dir poudir, egalman, nou pa devret pe depans R250 par zour lo en paran ki’n ganny mete dan Prizon me plito, fer sa paran travay, pou li fer en kontribisyon ver sosyete, ver lekonomi pei e ver the bringing up oubyen the maintenance of son zanfan.

Avek sa, mon a dir ki mon pou klerman siport sa Mosyon akoz mon krwar i devret annan en revizyon dan sa direksyon.  Mersi Mr Deputy.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mersi Mr Deputy Speaker.  Mr Deputy Speaker, lo sa Mosyon ki devan nou, mon vreman apresye pou dir 2 mo.

Kestyon Tribinal Lafanmiy, kestyon peyman alimoni in en problenm ki la avek nou en kantite letan e toultan nou’n vwar poudir i annan bann dimoun, paran, swa msye swa madanm, swa manman swa papa, ki pa responsab, ki pa pran zot responsabilite e la dan sa konteks, letan nou get bann sif, nou vwar poudir plis i lo kote bann msye ki pa pran zot responsabilite, malgre i annan osi serten madanm e sa pe ogmante osi pli ale.

Mwan, mon en dimoun ki krwar ki pa devret en dimoun ki pa pey son alimoni, pou siport son zanfan pa devret al Prizon.  I pa devret al Prizon.  Akoz mon pe dir sa?  Akoz anba Lalwa, en dimoun letan i pa’n pey son alimoni i al Prizon, i pa ganny kondannen parey en nenport ki prizonnyen li.  I ganny kondannen anba sa ki nou apel civil imprisonement.  E civil imprisonment li, i ale, i al laba, i zis al asize Prizon.  I pa al anba Lalwa Prizon parey en dimoun ki’n ganny kondannen abaz kriminel.  So, i asize Prizon, Leta i sonny li laba.  Parey in ganny dir, 250, R300 par zour avek li.  Mwan mon krwar sa i mal.  Gouvernman pa devret pran larzan tax payers, larzan travayer ki’n kontribye dan fon Gouvernman, pou depans li an mal koumsa.  E vwala rezon det sa Mosyon.  Vwala akoz nou pe dir i devret annan en Mosyon pou nou alert Gouvernman.  Pou fer Gouvernman konpran poudir i annan lezot fason ki nou kapab fer en dimoun, en paran ki pa pran son responsabilite, pou li pey son alimoni.  Pou li sonny son zanfan.  Pou li siport son zanfan.

E nou krwar alors ki i annan plizyer fason fer li.  I byen.  En dimoun ki travay, i pe dir i pa pey son alimoni, nou deduct from son salary. Ou tir lo son saler, fantastik.  Me selman la osi nou bezwen reflesir.  Nou pa kapab osi nek koman en manman i al anmenn en boug Ankour laba i dir piti pou li, nek Tribinal Lafanmiy i sot anler, tir lo son saler laba.  Non.  Mon pa krwar i devret ganny fer koumsa.

Mon krwar nou devret annan en sistenm zis.  Ou vreman les sa bann dimoun prouve poudir piti pou zot.  Pou sa manman i kler.  Ou pa kapab al prouve poudir piti pa ti pou li.  Ti sorti ek li.  Me problenm i vin plis lo sa papa.  E la nou ganny bann dimoun ki iresponsab parfwa dan nou pei.  Ou ganny ou serten manman, letan piti in ne, limenm li i pa konnen pou ki papa.

La mon krwar sa enn ki i pli kontan, ouswa sa enn ki mon pa konnen kwa, i dir sa piti pou li.  E nou bezwen donn en sans sa msye, sa swadizan papa, pou defann li.  Mon krwar mwan Gouvernman i devret la, a cet instant, servi tax payer’s money, larzan tax, pey pou al fer DNA, si sa papa la i dir piti pa pou li.  I dir piti pa pou li, napa problenm.

Nou pa ni pou tarde ek ou, Gouvernman i peye, laba kot fodre fer DNA.  Nou konnen i kout en larzan, R5000 sepa konbyen, napa problenm.  Si 6000 si kwa.  10?  15?  Onorab Lucas ou fer laba DNA kot ou.  Nou, Gouvernman i peye.  Avek kondisyon.  Avek kondisyon Mr Deputy Speaker.  Si rezilta i prouve ki sa boug limenm li papa sa piti, ou pou rann Gouvernman sa larzan.  Ou pou peye.  Ou pou peye.  Taler mon a eksplike kimannyer pou peye.  Swa i tir direk from son saler, apre taler nou a vwar lezot mwayen.  Me, ou pou rann akoz la ou pe fer fars ek Gouvernman.  Ou konnen piti pou ou, la in teste i dir wi, pou ou menm.  Selman ou pe dir non ou laba ou devan Tribinal.  Prezan si pa pou ou, vre i pa match, then, ou free.  Ou napa nanryen pou peye.  The onus pou reste laba lo sa manman.

Mon krwar sa en lapros.  E Gouvernman letan nou pe dir sa la, sa bann pwen la, Gouvernman pa kapab konmsi pran ankor 10an pou li egzekit sa bann pwen enportan, valid ki nou Lasanble pe met devan.  Mon krwar sa bann pwen i fer sans.  Si i fer sans, Gouvernman i devret rod en fason o pli vit posib, as soon as possible, ale, met an aplikasyon pou nou vwar sanzman dan lafason ki sa bann keksoz pe marse ozordi.  Nou pa kapab kontinnyen dan nou pei, nek ou ganny dimoun ki fer piti, swa konmsi sa zanfan la letan pou ne, ce qui est en haut va le soigner, oubyen Gouvernman ki pou sonnyen ouswa MNA.  Parey in ganny dir taler, nou napa.  Be sa pti larzan ki nou gannyen, kot pou al sonny tou sa piti?

Be i annan problenm la Mr Deputy Speaker.  Se pour sa rezon, Children’s Act i egziste ladan ki Tribinal Lafanmiy i kapab obliz en paran, en papa en manman, al anba en special Scheme aprouve, an approved Scheme pou li kapab travay e pey alimoni pou son piti akoz nou annan bann dimoun ki vreman malonnet.

Nou bezwen aksepte, dan nou pei i annan bann dimoun ki iresponsab e tre malonnet.  I annan ki i konnen piti pou li, li.  Zis i refize sonny sa piti.  I refize, i refize menm travay pou li sonny sa piti akoz son problenm in gannyen ek manman sa piti.  Be piti i inosan li.  Piti in rezilta zot relasyon me si ou annan problenm dan ou relasyon, sa en lot zafer.  E ou pa kapab refize travay.  Se la kot problenm i vini.

Aktyelman la ki nou pe koze, Gouvernman pa kapab fer nanryen lo la akoz dan lepase, nou ti annan en approved Scheme.  Nou ti apel sa URS, ozordi nepli egziste.  Sa letan ou ti kapab met en boug anba URS.  I refize travay, ou ale ou grat li laba, lapolis i ale i tyonbo li.  Ou a travay la anba URS ou.  Nou a vey ou, ou a travay la.  Ozordi ou pa kapab fer, pa egziste.

Alor, bann propozisyon ki pe ganny met devan, mon krwar i zis e mwan, mon siport loter Mosyon ki pe obliz Gouvernman.  Dir son Mosyon la e Mover in dir.  Nou obliz Gouvernman fer bann nouvo Scheme e mon krwar i devret pa annan zis 1, parey lontan nou ti annan zis URS.  I devret annan 1, 2, 3, 4 nouvo Scheme.  I devret annan plizyer nouvo scheme ok, ki sa kestyon alimoni i kapab vin anba la kot bann dimoun ki pa oule peye, pa oule travay i a oblize fer.

Swa i ava annan URS isi lokal lo Mahe, swa ava met dimoun lo zil.  E mon krwar mwan.  I annan de ka wi, me fodre ki i travay.  Ou pa kapab anvoy li Prizon ki i pa travay e son bill i la, sa piti i kontinnyen soufer.  I bezwen travay e tir from son saler, pey tou son bill.  Son DNA test ki in fer, ki in koz sa ki pa korek avek Lotorite, i a peye.  Son alimoni, i a peye.  Ziska ler i fini tou.  Ler in konpran, la i kapab al normal dan lasosyete e kontinnyen pran son responsabilite.

Nou bezwen serye.  Nou bezwen pran sa enpe for Mr Deputy Speaker.  Si nou zis zwe avek sa bann zafer la, sa bann dimoun ki iresponsab pou kontinnyen zwe avek Lotorite.  E alor i bezwen annan mon krwar mwan, sa lapros koumsa pou nou kapab tir nou zanfan dan sa bann problenm.  Pa kapab annan bann zanfan ki pe soufer, zis akoz bann paran iresponsab.  Nou pa kapab kontinnyen, nou sosyete pa kapab kontinnyen al dan sa direksyon.

Alor, Tribinal Lafanmiy, li osi i devret annan enpe plis pouvwar pou li kapab fer sa bann keksoz.  E la nou demande ki Tribinal Lafanmiy osi, letan i fer son bann zizman, letan i pe evalye bann case, la nou pe koz lo bann zafer alimoni, me lezot ka sosyal ki pas devan li, zot osi laba, zot servi pli byen zot diskresyon.  Zot pa kapab nek ou pran; zot koz lo President’s Village. Laba i sipoze annan bann orfelen, selman ou vwar dimoun ki annan son paran dan lasosyete, me selman li i laba.  Tribinal Lafanmiy ki’n anvoy laba.  I annan de ka, mwan mon konnen, mon annan ka Cascade ki zot 2 zanfan i kot President’s Village, paran pe demande, i dir donn mwan mon piti mon a pran mon responsabilite.  Li Tribinal in desid lot fason li.

Be ennler la osi, Tribinal i bezwen aranz li e et pli serye.  Nou bezwen donn en sans sa paran.  Si paran i anvi pran son responsabilite, ou bezwen les li.  Donn li son zanfan.  Ou monitor li.  Ou dout en keksoz, ou dout isi, ou dout laba.  Ekspre nou annan bann dimoun Sosyal dan distrik partou so, Lotorite Distrik, bann dimoun dan Sosyal, nurse laba zot a monte lekol si sa zanfan i lekol.  A monte a follow up sa bann zanfan, zot relasyon ek zot paran.  Si paran i pe abize, la ou a deal ek li.  Ou pa kapab zis doute akoz i annan dimoun in vin fer en rapor, enn ki pa byen ek sa paran i vini i vin dir en keksoz, nek nou pran desizyon an brit an bann koumsa dan mal.

So, i annan sa bann issue ki mon krwar Lotorite, nou Gouvernman i bezwen ekout nou byen e al dan sa direksyon.  Ou vwar, napa bokou pwen konmsi, bokou keksoz ki nou devret pe koze lo la, ki ou bezwen konmsi ki fodre met legan parey nou dir an Kreol, pou fer sa bann sanzman neseser, pou pran sa bann aksyon neseser.  I senp, mwan mon vwar li senp, me i demann lavolonte.  Annou fer li e dan sa ka la, nou sosyete i ava bouz delavan dan en fason pli responsab, pli byen e bann dimoun nou tou nou ava konpran.  E nou pa kapab ale zis konmsi ou fer piti la, ou fer piti laba, ou fer piti la apre ou pa oule sonnyen.  Pa kapab kontinnyen koumsa.

So, vwala Mr Deputy Speaker, avek sa bann pti pwen, mon krwar ki sa Mosyon i en bon Mosyon.  I senp me i en bon Mosyon.  Gouvernman i devret ekoute e pran on board sa bann pwen ki nou pe met devan e annou aksyonn lo la vitman.  Avan lafen lannen nou’n devret pe bouze ek sa.  Si napa larzan pou fer sa bann Scheme, pou ouver zot dan Bidze, la Bidze pe al ganny fer, anmennen.  En fason nou a komans lannen nouvo, sa bann keksoz mon asire pandan 6 mwan, tou dimoun i bezwen drwat lo la.  Napa sa problenm alimoni lot, lot, lot, lot pa oule peye, pa oule isi, pa oule laba.  Nou a kapab bouz devan e fer lezot keksoz pli enportan pou nou pei.  Mersi bokou Mr Deputy Speaker.  Avek sa, mon pou donn sipor sa Mosyon.  Mon demann Lasanble an antye, enkli Leader Lopozisyon pou donn sipor sa Mosyon akoz mon krwar i en bon Mosyon e vwala.  Mersi.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Deputy Speaker.  Mr Deputy Speaker, sa ki mon annan pou dir lo sa Mosyon i sorti en pti pe lo sa ki Onorab De Commarmond in fer sorti e sa ki lezot Manm in dir lo komansman.

En keksoz ki mon krwar tou sosyete i bezwen pran an kont se ki parfwa nou ganny bann warning signs ki endik nou ki i annan serten keksoz ki nou bezwen sanze dan lafason ki nou sosyete pe konport li e dan lafason ki nou sosyete pe pran responsabilite an sa ki konsern lankadreman nou zenerasyon fitir.

Mr Deputy Speaker, sa problenm kot bann papa oubyen bann paran pa pran zot responsabilite vizavi zot zanfan, i en problenm ki plitar, i kree en lot problenm kot san sa lankadreman e san sa lanvironnman ki permet sa zanfan grandi byen, sa zanfan i kapab tourn li ver bann aktivite kriminel e next time, petet ozordi si ou pa santi ou konekte avek sa problenm, i sa menm dimoun ki pou antre dan ou lakaz, ki pou pran ou keksoz e se la kot ou pou santi akoz sa problenm i fondamantalman enportan pou nou.

Mr Deputy Speaker, nou’n koz bokou lo bann sif e ou ava permet mwan zis pou fer en pti tour dorizon sa bann sif, akoz mon krwar i enportan pou met li byen dan konteks sa deba ki nou pe fer ozordi.  Si nou pe dir nou pe pey R250 par zour pou en deteni, i pou tonm R250 par 30 zour, i tonm apepre R7500.  Now, si i dan Prizon pou 24 mwan, pou 2an, i pou tonm R7500 par 24 i fer R180 mil apepre.  Now, si i annan apepre 25 oubyen 50 zot ki nou pe keep dan Prizon pandan 2an dizon, i tonm apepre R9 milyon Mr Deputy Speaker.

Sa i en kantite larzan sa.  E si par egzanp, nou ti pe pran sa bann zanfan nou ti pe donn zot R1000 par mwan, i ti pou tonm nou apepre R684 mil si nou pe pran 157 zanfan, si zot annan sakenn 1 zanfan sa bann dimoun ki dan Prizon.  So, dan tout en fason, en revwar, en revizyon dan lafason ki nou apros sa problenm akoz esansyelman, i pou en problenm ki pou anpire e ler i vin pli pir, i pou pli difisil pou nou kapab solve li e rod en solisyon.

E mon krwar Sesel in ler pou nou komans realize poudir i annan mezir ki nou bezwen met anplas ki contextual.  Ki relye avek stati ekonomik, ki relye ek bann dinamik sosyal nou pei.  Nou konnen poudir pou nou pei, lafanmiy i en pwen fondamantal, i en pwen depar fondamantal pou nou tou ki pe grandir.  Me ler ou annan ou, paran ki pa pran son responsabilite.  Ou annan bann sirkonstans koumsa, i annan en breakdown dan sa dinamik sosyal e ki fer ki ou annan ou en sosyete ki plitar, malgre tou sa progre ki nou’n fer, nou pou donn lekel sa bann keksoz pou kontinnyen al pli devan?

I devwar sa zenerasyon pou fer pli byen, pou pas baton avek sa zenerasyon fitir.  Me ki nou pe vwar, deplizanpli nou pe vwar nou bann zenn, angaz zot dan bann aktivite e mon krwar mon oule sezi loportinite pou remind bann zenn ki zot la pou en purpose e zot osi zot bezwen kapab fer en kontribisyon pour ki demen zot vin bann sitwayen ki kapab kontribye.  Me ler ou annan ou paran, papa, manman ki pa pran responsabilite anver zot zanfan, i en problenm grav sa.  Me pou en pti popilasyon 90 mil dimoun, sa kantite dimoun ki pa pe pran responsabilite, i significant. Nou pa Lenn kot nou annan nou de milyon e de milyon dimoun, kot ler nou dimoun pa pran responsabilite, kot sa i pa sitan enportan.

En lot keksoz ki fondamantal Mr Deputy Speaker, se ki parfwa ou tande, ou pa konnen kot sa bann dimoun i ete.  Me parkont, tou dimoun i konnen, apard petet ki Tribinal limenm, kote sa bann dimoun ki pa pe fer zot kontribisyon vizavi zot bann zanfan i trouve.  So, i annan tout en mechanism an sa ki konsern enforcement e lenplimantasyon bann regilasyon ki nou bezwen revwar e si fodre, nou fer keksoz dan en fason, well, toultan mentenir e gard Konstitisyon an tet, me asire ki nou kapab fer en keksoz ki suit nou bezwen Sesel, nou bezwen al dan sa direksyon.

Mon ti a kontan fer sa pti kontribisyon Mr Deputy Speaker akoz mon krwar poudir, i enportan ki pandan en letap kot nou pe koz lo Renesans Sosyal e menm Renesans Moral, nou bezwen komans fer lanaliz lo nou konportman e mazinen ki sa ki nou pe fer pou nou kapab avans nou pei pli devan.  Mersi Mr Deputy Speaker.

 

MR DEPUTY SPEAKER

Right of Reply, loter Mosyon.

 

HON MURIELLE MARIE

Mersi Mr Deputy.  Mon oule pran sa lokazyon pou mwan remersi tou Manm ki’n entervenir lo sa Mosyon.  Parey zot a konnen, bokou rekomandasyon in ganny fer resorti.  Bann pwen pli for ki’n fer resorti se Gouvernman i bezwen rod lezot alternativ ki Prizon, pou asire ki paran i sonny zot zanfan, pa Gouvernman.  Ki i annan plis ledikasyon lo lafanmiy, pou sansibiliz bann paran pou kontinnyelman pran zot responsabilite, ki i pa reste zis responsabilite Gouvernman pou rod solisyon pou problenm e i responsabilite nou tou pou travay ansanm pou vwar en solisyon, pou asire ki sa bann paran i sonny zot zanfan, ankor mon repete, pa nou larzan tax ki bezwen sonny sa bann paran.  E mon pou demann tou Manm pou vot an faver sa Mosyon.  Mersi.

 

MR DEPUTY SPEAKER

Bon, Lo sa Mosyon nou pran en vot.  Tou bann ki anfaver lev nou lanmen ?  Inanim.  Mosyon in ganny aprouve.  Nou’n fini nou travay pou ozordi.  Nou ava adjourn e nou a rezwenn Mardi prosen.

 

(ADJOURNMENT)