::
Home » Questions » 2013 » Sitting of Tuesday 9th April, 2013

Sitting of Tuesday 9th April, 2013

Sitting of Tuesday 9th April, 2013

Questions for Oral Answer

To the Minister for Natural Resources & Industry, Mr. Peter Sinon.

 

Q.17            Hon. Derek Samson – Member for Anse Royale

Anvi mankman bann materyo debaz pour bann fermye lo stor lagrikiltir lo Mahe e Praslin, eski Minis i kapab enform sa Lasanble ki son Minister pe anvizaze fer pou garanti ki nou bann fermye i ganny akse avek en stok konsistan sa bann tel materyo?

Q.18           Hon. Maria Payet-Marie – Proportionately Elected Member

Eski Minis i kapab enform nou Lasanble si son Minister pa pe mazin konsider organiz bann diferan latelye pour nou bann fermye e petet peser lo lenportans marketing ek packaging byen zot rekolt, zot prodwi pour ki ya pli byen prezantab pou zot kapab vann avek bann lezot biznes ankor?

Q.19           Hon. Sylvianne Valmont –Proportionately Elected Member

Eski Minis i kapab dir sa Lasanble ki plan son Minister kot i konsern developman lagrikiltir lo bann zil elwanye sirtou kot i konsern sonny zannimo pou asire ki nou annan sifizaman lavyann tel ki poul, pork, bef e kabri dan pei dan sa konteks ed nou vinn oto sifizan?

 

Q.20            Hon. Andre Pool-Proportionately Elected Member

Pou demann Minis pou donn nou Lasanble bann lobzektif progranm letid e formasyon ki pe ganny servi kot SAHTC e ki plan son Minister i annan pou amelyor sa progranm dan lavenir?

 

Q.21            Hon. Wilby Lucas – Member for Baie Lazare

Pou demann Minis pou enform sa Lasanble, lo performans e kapasite faktori ki pe prodwi manze zannimo anba nouvo entrepreneur.

 

Q.22           Hon. Marc Volcere – Member for Grand Anse, Praslin

Mon tya kontan demann Minis pou Lagrikiltir, si son Minister pe revwar son polisi lo konstriksyon lakaz lo later lagrikiltir?

 

Q.23            Hon. Bernard Arnephy – Member for Anse Boileau

Eski Minis i kapab enform sa Lasanble ki plan son Minister pou asir en pli o nivo sekirite e lizyenn dan bazar Viktorya ki en landrwa tre frekante?

Q.24            Hon. Alderic Bristol – Member for Takamaka

Eski Minis pou Resours Natirel e Lendistri i kapab enform sa Lasanble kwa ki pe ganny fer pou sa kominote peser dan Bougainville pou fasilit zot lavi afen ki zot a kontinnyen anmenn pwason pou benefis lakominote?