Home » Press Releases » 2013 » This Week – 18th March, 2013

This Week – 18th March, 2013

Monday 18th March, 2013

 

SA SEMENN DAN LASANBLE NASYONAL

Lasanble Nasyonal pou Konsider De Mosyon

Dan sesyon Lasanble Nasyonal sa semenn, bann Manm pou konsider de mosyon.

 

Premye mosyon pou ganny table par Manm elekte pour Grand Anse Praslin, Onorab Marc Volcere. An vi bann difikilte ki sekter lagrikiltir pe fer fas avek, mosyon pe demann Gouvernman pou fer en revi konpreansiv dan sa sekter avek bi relev prodiksyon e ankouraz plis zenn pou pran en karyer dan lagrikiltir.

 

Reprezantan distrik Au Cap dan Lasanble Nasyonal, Onorab Murielle Marie pou table dezyenm mosyon ki pe demann Gouvernman pou met an plas bann mekanizm neseser pour bann diferan lazans ki travay pou kontrol kalite prodwi dan pei. Sa i ava ed sa bann lazans delivre en servis pli alaoter e anmenmtan protez lasante nou pep ek nou lanvironman.

 

-Lafen-

Kontakte:

Ms. Shelda Commettant

Director

Office of the Speaker