::
Home » Verbatim » Verbatim - Second Term 2012 » Tuesday 17th July 2012

Tuesday 17th July 2012

 

Download PDF

________________________________________________________________________________________

 

NATIONAL ASSEMBLY OF SEYCHELLES

Tuesday 17th July 2012

The National Anthem was played

Mr Speaker in the chair

MR SPEAKER

Bon, bonzour tou bann Manm Lasanble Nasyonal.  Bonzour Minis ek son delegasyon, bonzour tou bann dimoun ki pe ekout nou dan lakour.  Ozordi avek nou nou annan Minis MacSuzy Mondon, Minis pou ledikasyon ki pe vin reponn plizyer kestyon konsernan son Minister.  Mon oule zis anmenn a latansyon bann Manm ki ozordi nou pou napa televizyon anler e zot in remarke en pti problenm avek nou National Anthem pou la senp rezon ki toulede teknisyen ki travay lo la zot pa la zot, lo en course overseas, so pou ozordi nou ava san sa bann zafer lo televizyon, me SBC pe kouver parey labitid.

Kestyon 49, dan labsans Onorab Lucas mon ava demann Onorab Arnephy pou demann sa kestyon.  Kestyon 49.

 

HON BERNARD ARNEPHY

Mersi Mr Speaker, bonzour Mr Speaker, bonzour Minis avek ou delegasyon, bonzour tou bann koleg Onorab e bonzour tou bann dimoun ki aleakout.  Mr Speaker eski Minis i kapab enform sa Lasanble ki pe arive avek sa vye batiman ki sitiye dan milye complex lekol Baie Lazare ki pa’n ganny demolir oubyen repare. Mersi.

 

MINISTER MACSUZY MONDON

Bonzour Mr Speaker, bonzour tou bann Manm Onorab avek tou bann dimoun ki pe ekoute dan lakour.  Mr Speaker Minister Ledikasyon i annan lentansyon fer reparasyon lo sa bastiman an kestyon, akoz Minister i santi ki i pou en gaspiyaz pou demolir sa batiman etan donnen ki son striktir i ankor for.  Minister i annan plan pou repar batiman pou ki lekol i ava kapab ganny bann fasilite adisyonnel alavenir.  Mersi Mr Speaker.

 

MR SPEAKER

Okenn siplemanter Onorab Arnephy.

 

HON BERNARD ARNEPHY

Mersi Mr Speaker.  Mr Speaker eski Minis i kapab enform sa Lasanble si okenn provizyon in ganny fer dan bidze sa lannen pou repar sa batiman.  E si wi how soon ki sa travay pou ganny fer.  Mersi.

MINISTER MACSUZY MONDON

Mersi.  Mr Speaker non nou pa’n fer plan dan bidze pou nou kapab repar sa batiman akoz ler nou’n fer evaliasyon lo batiman kou i pou kout nou apepre R3 milyon e bidze pou 2012 pa ti pou permet pou nou kapab fer sa renovasyon.  Me selman nou annan plan pou nou fer li, met li dan bidze pou lannen prosenn pou nou kapab gete si nou ganny finansman pou nou kapab repar batiman.

 

MR SPEAKER

Onorab Jeannevole.

 

HON BERGUITTA JEANNEVOL

Mersi Mr Speaker, bonzour, bonzour Minis e ou delegasyon.  Minis eski ou kapab dir nou ki mezir eski zot pe pran pou asire ki pandan letan renovasyon sa pa en danze pou bann zanfan e ansennyan dan sa lekol.  Mersi.

 

MINISTER MACSUZY MONDON

Mezir ki nou pou pran i parey mezir ki nou pran labitid letan nou annan bann renovasyon parey dan lakour lekol.  Normalman nou barikad landrwa kot travay pe ganny fer e kot sa building i sitiye mon krwar i pa pou en problenm pou nou kapab ferm sa landrwa letan ki nou pe fer renovasyon lo batiman.  Mersi.

 

MR SPEAKER

Onorab Valmont.

 

HON SYLVIANNE VALMONT

Bonzour Mr Speaker, mersi pou kestyon.  Bonzour tou Onorab, bonzour Minis.  Mr Speaker eski Minis i kapab dir nou dan ki dele letan i pou konsidere met en bidze pou reparasyon sa building.

MINISTER MACSUZY MONDON

Mr Speaker parey monn dir nou demann nou ava fer dan bidze pou 2012 me tou depan lo kan ki finansman pou ganny donnen pou nou kapab fer reparasyon.  Donk i pa posib pou nou dir kan ki nou pou ganny finansman pou nou fer reparasyon akoz annan de ler ou fer demann dan bidze 1an, 2an, 3an, i pa vedir sa ki ou’n demande pou gannyen pou sa lannen ki ou’n demande. Mersi Mr Speaker.

 

MR SEPAKER

Onorab Pierre.

 

HON DAVID PIERRE

Mersi Mr Speaker, bonzour Minis avek son delegasyon, bonzour tou Manm e bonzour tou bann ki alekout.  Mr Speaker anvi ki Minis in dir ki zot in deside fer reparasyon lo sa batiman.  Eski Minis i kapab dir avek sa Lasanble si lekol in demann, in fer en demann spesifik pou repar sa batiman pou zot servi pou en keksoz spesifik.  Si wi eski Minis i kapab dir nou kwa egzakteman. Mersi Mr Speaker.

 

MINISTER MACSUZY MONDON

Wi Mr Speaker, byensir letan nou fer bann keksoz, nou pran bann desizyon parey nou diskit avek lekol e lekol i antyerman dakor ki nou pa demoliz sa batiman e ki nou gard li pouzot kapab ganny bann fasilite adisyonnel.  Annefe headteacher i annan serten laklas dan sa batiman kot headteacher limenm li o nivo lekol in komans fer serten pti renovasyon e ki pe, ki pou li ganny servi pou bann laklas non-akademi par egzanp.  I annan serten bann pti travay ki pe komans fer me byensir i annan renovasyon mazer osi ki nou bezwen fer.  Nou annan osi blok twalet dan sa building ki pe ganny servi e laplipar sa bann laklas i annan en bout ki ti ganny servi koman lab par egzanp laplipar pou ganny servi parey monn dir pou bann size non-academik e ki mon krwar poudir sa i ava permet lekol annan en pti pe plis lespas pou zot kapab fer bann aktivite ki zot anvi fer.  Mersi.

 

MR SPEAKER

Onorab Rose.

 

HON MARIE-ANTOINETTE ROSE

Mersi Mr Speaker, bonzour Minis bonzour tou dimoun ki alekout.  Mr Speaker bonzour Minis, bonzour tou dimoun ki alekout.  Mr Speaker eski Minis i kapab donn en garanti bann zabitan Baie Lazare ki malgre sitiasyon sa konpleks i pa en danze pou bann zanfan e i pa en danze pou bann ansenyan.  E eski, dezyenman eski Minis in petet komans fer demars avek sekter prive pou zot osi donn en koudmen pou envestir dan sa batiman pou lavenir.  Mersi.

 

 

 

MINISTER MACSUZY MONDON

Mersi Mr Speaker wi, batiman i pa en danze, i pa en danze ni pou bann zanfan, ni pou bann ansenyan kot i ete e lekol nou’n deza apros serten ansanm avek Chairperson Council in deza apros serten lakonpanyen, lorganizasyonpou zot kapab ganny sponsorship pou repar enpe batiman.  Mersi.

 

MR SPEAKER

Kestyon 50, Onorab Leader Lopozisyon.

 

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble akoz ki sa seksyon Reasearch and Evaluation dan son Minister pa pe fonksyonnen depi sa dernyen 10an.  Mersi Mr Speaker.

 

MINISTER MACSUZY MONDON

Mr Speaker seksyon resers dan Minister Ledikasyon ti ganny kree an 1999 e in fonksyonnen ziska 2008.  Avek re-organizasyon dan striktir Minister Ledikasyon dan kad legzersis pou down size servis piblik responsabilite pou antreprann ek ordonn resers ti transfer anba polisi avek planning unit.  Avek nouvo re-organizasyon dan Minister ki nou’n fer an 2011 resers i aprezan tonm anba responsabilite Policy and Planning Division. Mersi Mr Speaker.

 

MR SPEAKER

Okenn siplemanter.

 

HON DAVVID PIERRE

Mersi Mr Speaker.  Mr Speaker eski Minis i kapab dir avek sa Lasanble si i santi pou dir avek sa nouvo re-organizasyon dan lafason ki evaliasyon i ganny fer, eski Minis I santi ki sa nouvo sistenm i efikas.  Mersi Mr Speaker.

 

MINISTER MACSUZY MONDON

Mr Speaker byensir nou’n fek organiz nou seksyon resers e pou le moman nou annan 2 dimoun ki pe travay ladan aplentan, e nou annan en trwazyenm dimoun ki pe fer son letid doktora aletranze ki pou retournen lannen prosenn e ki pou zwenn lekip resers.  Wi mon satisfe avek travay ki lekip in komans fer depi ler ki nou’n rekree seksyon. Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker bonzour tou Manm Onorab bonzour Minis.  Mr Speaker eski Minis i kapab dir nou anvi ki sa seksyon resers letan I ti pe fonksyonen an 2008 ti pe antreprann bann progranm resers dan bann lekol tel ki Ipam, e Paris pou action research.  Ki bann nouvo progranm sa seksyon ki lakonmela dan policy planning unit pou antreprann e ki fason i pou angaz bann ansenyan parey bann progranm lepase ti pe fer.  Mersi.

 

MINISTER MACSUZY MONDON

Mr Speaker byensir seksyon resers i annan plizyer proze resers ki nou annan e ki nou pou bezwen antreprann.  Par egzanp nou annan resers lo bann policy bann sekter keksoz dan Minister ki nou anvi revwar bann policies par egzanp ki seksyon pou bezwen fer serten resers lo la avanler ki nou sanz policy e refer desizyon.  Nou annan bann lekol bann under performing school ki seksyon resers pe komans fer en travay ankor dan sa lalinny ansanm avek school division.  Resers osi lo bann lenstitisyon skoler kot i annan lezot difikilte aprantisaz ki nou pe fer fas avek, bann areas kot nou santi i annan serten febles dan sistenm.  Resers osi lo gender par egzanp i kontinnyen akoz mon krwar akoz parey nou konnen nou annan serten en pti pe imbalance kot i konsern performans bann garson an relasyon avek performans bann fiy dan sistenm.  E en resers ankor ki nou fek komanse resaman se lo lansenyman Zeografik dan lekol segonder e byensir lannen pase nou’n komans antreprann en resers lo lenpakt reform ki nou komanse dan Minister depi 2009 e byensir resers ki tonm anba proze SACMEC i ongoing e kontinnyen.  Mersi.

 

MR SPEAKER

Onorab Jacqueline.

HON SULTANNE JACQUELINE

Mr Speaker Minis in fini reponn mon kestyon. Mersi.

 

MR SPEAKER

Onorab Decommarmond.

 

HON CHARLES DECOMMARMOND

Mersi Mr Speaker.  Mr. Speaker bonzour, bonzour Minis, onzour toulmonde ki alekout.  Mr Speaker eski Minis i kapab eksplik nou Lasanble oubyen enform nou Lasanble plito si sanmenm sa seksyon resers ki tonm anba policy and planning konmela ki’n fer sa resers pou fer sir ki sa bann liv listwar lo Sesel, liv listwar Sesel modern la i pa’n ganny met dan bann lekol dan Sesel.

 

MR SPEAKER

Out of order. Kestyon 51, Onorab David Pierre.

HON DAVID PIERRE

Mersi Mr Speaker.  Mr Speaker eski Minis i kapab enform sa Lasanble akoz ki zot in konsider sa sistenm bonus R600 par an koman enn ki pli meyer fason pou rekonpans bann teachers.  Mersi Mr. Speaker.

 

MINISTER MACSUZY MONDON

Mersi Onorab.  Mr Speaker sistenm bonus ti ganny en trodwir dan konteks en nouvo scheme of service pou bann ansenyan an 2010.  Bonus ti ganny entrodwir par bann lezot incentives pou fer package bann ansenyan vin enpe pli atiran e pou kouver bann aktivite tel ki bann travay anplis ki zot fer an deor zot laklas par egzanp run en klib ECA, lanvirobnman, bann workshop dan vakans eksetera.  Me sa i pa sel le meyer fason ki ansenyan i ganny rekonpanse anba scheme.  Mersi Mr Speaker.

MR SPEAKER

Okenn siplemanter Onorab.

 

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble eski son Minister ti vwar li enportan pou konsilte ek bann ansenyan lo sa sistenm bonus.  E si wi ki ti zot pwennvi.

E dezyenmman eski zot annan lentansyon reviz sa sif. Mersi Mr Speaker.

 

MINISTER MACSUZY MONDON

Mr Speaker otan ki mon okouran letan scheme ti pe ganny devlope ti annan konsiltasyon ki ti ganny fer avek bann ansenyan e komite ki ti pe travay lo scheme ti osi enkli reprezantan ansenyan.  Me donk mon krwar konsiltasyon neseser in ganny fer e parey nou konnen parfwa letan ou entrodwir bann keksoz koumsa menm si ou annan bon lentansyon i pa fasil pou ou kapab satisfer tou dimoun.

Kot i konsern revizyon scheme, normalman nou reviz scheme tou le 5an me definitivman si i annan nesesite pou nou revwar scheme pandan sa peryod 5an avan ler nou fer en major revision nou pou fer li.  Mersi.

 

MR SPEAKER

Onorab Lebon.

 

HON LENNY LEBON

Mersi Mr Speaker. Minis bonzour avek ou delegasyon, bonzour tou Manm e bann dimoun ki alekout.  Mr Speaker eski Minis i kapab enform sa Lasanble ki apart sa konponan R600, ki lezot konponan ankor i annan dan package incentives pou teachers.  Mersi.

MINSITER MACSUZY MONDON

Mersi Onorab.  Mr Speaker i annan osi en supplementation ant R500 ek R1200 ki ganny donnen baze lo kalifikasyon e sa i ti ganny konsolide dan saler bann ansenyan depi 2010.  Lentrodiksyon osi inducement allowance R1000 pou bann certificated teachers, R500 pou bann ki uncertificated e R300 pou bann teacher assistance.  Nou annan osi ki nou’n entrodwir dan scheme sa ki nou apel Marketable Scheme Allowance ki R1000 e sa i pou bann ansenyan ki anseny o nivo pos segonder pou ankouraz zot pou reste dan lekol segonder olye – akoz sa bann skills nou konnen I bann skills ki normalman bann dimoun i rode sirtou dan sekter prive lo marse lanplwa. Mersi Mr Speaker.

MR SPEAKER

Onorab Arnephy.

 

HON BERNARD ARNEPHY

Mersi Mr Speaker.  Mr Speaker eski Minis i kapab enform nou Lasanble ki bann kriter ki ganny servi pou determinen lekel bann ansenyan ki resevwar sa bonus e konbyen letan i pran avan ki bann ansenyan i ganny sa bonus bann ki kalifye.  Mersi.

 

MINSITER MACSUZY MONDON

Mersi Onorab.  Mr Speaker bann kriter ki ganny servi enn dabor i attendance e ou ganny peye en poursantaz baze lo kantite fwa ki ou’n mank lekol e si ou’n mank lekol pou plis ki 14 zour savedir pandan en lannen ou pa ganny okenn pwen kot attendance i konsernen par egzanp.

En lot keksoz ankor ki ganny konsidere ladan se bann training, bann teachers ki fer zefor pou partisip dan bann training ek bann workshop ki ganny organize pou zot pandan letan vakans.  Partisipasyon osi dan bann aktivite an deor lekol, parey monn mansyonnen pli avan tel ki bann aktivite ekstraskoler e anmenmtan osi pou ou kapab benefisye anba bonus fodre ki ler tou bann kriter in ganny mezire e in ganny adisyonenn ou bezwen score lo en rating ki par lao 75 poursan oubyen sa i ganny divize, i pa vedir ki ou ganny tou le R600 antye sa bonus i depan lo ki kantite ou’n score lo bann kriter, ou kapab ganny ant R100 ziska R600.  Mersi Mr Speaker.

 

MR SPEAKER

Kestyon 52, sorry ti annan Onorab Vel.

 

HON JENIFER VEL

Mersi Mr Speaker, bonzour Minis bonzour koleg Manm Onorab.  Mr Speaker mon ti a kontan demann Minis eski I krwar ki sa scheme i kouver bann ansenyan ki kouver bann lezot laklas anplis ki i sipoze.  E anvi ki lenportans travay ki bann ansenyan i fer, si Minister i annan plan pou konsider en 13 month bonus scheme instead of sa enn ki aktyelman pe ganny aplike.  Mersi.

 

MINISTER MACSUZY MONDON

Mr Speaker provizyon i ganny fer dan scheme pou bann travay ekstra ki bann ansenyan i fer si zot bezwen pe pran laklas ekstra par egzanp.  I annan provizyon dan scheme pou donn zot en allowance.

E kot i konsern monthly bonus non pou le moman nou napa lentansyon pou nou entertainment bonus.  Mon krwar sa ki nou bezwen revwar dan scheme letan petet nou revwar sa bonus petet akoz Minister in apel li en bonus sanmenm sa ki pe kree mon panse serten problenm akoz normalman persepsyon oubyen konpreansyon en dimoun lo bonus se parey ou pe dir en 13 month salary oubyen i en sonm larzan ki ase konsiderab e petet pou bann teachers en bouns R600 pou zot i pa vedir narnyen.  Donk mon krwar i pou enn bann keksoz ki letan nou pou revwar scheme nou pou bezwen revwar.  Mersi Mr Speaker.

 

MR SPEAKER

Kestyon 52.  Onorab Volcere.

HON MARC VOLCERE

Mersi Mr Speaker, bonzour Minis, bonzour tou dimoun alekout.  Mr Speaker mon ti a kontan demann Minis ki’n arive avek sa sonm R6 milyon ki ti’n ganny bidzete dan bidze 2011 pou aste bis pou bann sant ekspesyonnel oubyen dezabilite lo Praslin avek Mahe. Mersi.

 

MINISTER MACSUZY MONDON

Mersi Onorab.  Mr Speaker sa larzan pou sa proze sipoze anba foreign grain pou ganny finanse par Ofeed avek Gouvernman Sesel.  Ofeed ti pe finans 60 poursan e Gouvernman ti pou finans 40 poursan.  Kontribisyon Ofeed pa ti ankor ganny garanti alafen lannen finansyel 2011 menm si sa larzan pou sa proze ti aparet dan bidze 2011 i pa ti ankor ganny release.  Minister Finans ti bezwen negosye avek Ofeed pou ganny laprouvasyon pou prolonz letan pou finaliz bann prosedir prezan pou nou kapab aste nou bis e la ki Ofeed in aprouve pou servi sa larzan Minister Lediaksyon pe re-negosye pri bis avek lazans ki ti’n fini ganny tender akoz zot ti’n deza komans fer bann prosedir pou nou kapab tender anvi ki i annan serten sanzman prezan dan bann pri lo marse.  Mersi Mr Speaker.

 

MR SEPAKER

Onorab Volcere.

HON MARC VOLCERE

Mersi Mr Speaker.  Mr Speaker mon ti a kontan demann Minis anvi ki lakantite zanfan ki’n redwir konsiderableman kot lekol eksepsyonnel lo Praslin.  Eski son Minister pe deside avek sa proze pou aste sa bis e dezyenmman, eski dan plas petet pou servi sa bis zis si demen Minister i aste sa bis eski zot pou servi li pou lezot fonksyon ki kapab deservi bann lezot sa 3 lekol lo Praslin. Mersi.

 

MINISTER MACSUZY MONDON

Mersi Onorab.  Mr Speaker nou pe kontinnyen avek nou plan pou nou aste sa bis pou lekol Praslin menm si parey ou dir Onorab i napa bokou zanfan avek dezabilite ki lo Praslin ki pe al lekol.  Me mon krwar i enportan nou bezwen osi mazinen en pti pe lavenir, i enportan ki nou mentenir sa desizyon e nou fer sir ki i annan sa fasilite lo Praslin akoz sa model sa bis ki nou pe fer vini i en model ki spesyalman adapte avek – pou bann dimoun avek serten dezabilite ki par egzanp en dimoun i kapab antre dan sa bis dan son wheel chair si i bezwen antre dan son wheel chair. Donk mon krwar i enportan ki nou metenir sa fasilite e etan donnen ki i en bis ki ase spesyal avek serten bann spesifisite mon pa krwar nou pou kapab servi li pou lezot keksoz lo Praslin pou ed lezot lekol eksepte anmenn bann zanfan dezabilite lekol.  Me mon swete ki ler nou ava ganny sa bis lo Praslin si i annan lezot zanfan avek dezabilite kot lakour ki pa pe al lekol ki zot paran prezan ki nou pou annan sa servis bis i ava anvoy zot lekol.  Mersi Mr Speaker.

 

MR SPEAKER

Onorab Vangadasamy.

 

HON SHERIL VANGADASAMY.

Mersi Mr Speaker bonzour Minis, bonzour bann koleg Onorab.  Mr Speaker eski Minis, ki garanti ki Minis i kapab donn sa Lasanble ki tel sitiasyon pa ganny repete kot nou vwar proze bidzete in ganny bidzete dan bidze 2011 me selman larzan pa’n ganny secure par Minsiter konsernen e ki apre ki in ganny bidzete dan bidze ki prezan ki finans i bezwen al secure sa fon.  Ki garanti ki Minis i donn sa Lasanble ki sa pa ganny repete.  Mersi.

 

MINISITER MACSUZY MONDON

Mr Speaker mon pa kapab donn okenn garanti Lasanble akoz sa larzan pa nou ki ti met dan bidze.  Nou nou ti bidzete 2an pou nou ganny en bis pou lekol eksespsyonnel e pandan 2an avan nou pa’n zanmen ganny larzan dan bidze e finalman se atraver negosiasyon ki Minister Finans in al fer byensir ki ler nou nou demann larzan zot zot regarde kote ki zot pou ganny larzan pou donn nou e se atraver negosiasyon ki zot zot in al fer avek Ofeed ki zot in kapab ganny sa larzan pou met dan bidze pou nou kapab aste sa bis.  Mersi Mr Speaker.

 

MR SPEAKER

Onorab Pierre.

 

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble kan ki i ekspekte ki sa bann dimoun lo Praslin finalman ganny sa bis.  E dezyenmman eski Minis i kapab dir nou si zot in fer en pti pe resers pou vwar bann gran difikilte ki bann paran e zanfan pe fer fas avek pou le moman an relasyon avek sa sitiasyon.  E kwa ki zot pe fer pou zot remedye en pti gin sa sitiasyon la dan limedya pandan ki sa bann dimoun pe esper sa bis.  Mersi Mr Speaker.

 

MINISTER MACSUZY MONDON

Mr Speaker nou ekspekte ki nou pou ganny bis si tou keksoz i mars dapre plan e nou ekspekte ki plitar bis pou arive premye semenn Desanm sa lannen.  Kot ki konsern bann difikilte wi se akoz nou ti fer zisteman en evaliasyon lo Praslin osi ki nou ti vin avek propozisyon pou nou kapab ganny ganny en bis lo Praslin.  Difikilte se ki paran i santi li i en lenkonveyans pou li desann avek en zanfan dezabilite pou li anmenn lekol tou lezour.  Donk petet pou desann dan en bis normal, me nou kantmenm sa nou sey ankouraz paran pou zot kapab fer en zefor pou anmenn zot zanfan sa ki kapab akoz pa tou zanfan ki ek dezabilite ki pa kapab marse, ki i annan zanfan ki kapab pran bis normal pou zot kapab vin lekol.  Be mon panse ki bann paran pa zot zis vwar sa lenkonvenyans e zot pa anvi anmenn zot zanfan e menm si nou annan kouraz serten paran zot pa aksepte zot anmenn zanfan lekol.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker eski Minis i kapab dir sa Lasanble ki bann mezir son Minister I annan plan met anplas pou asire ki ler sa nouvo bis i vini nou pran tou prekosyon ki nou kapab repar li a moman presi ler i bezwen ganny fer reparasyon pou ki nou avoid bann sitiasyon lepase kot nou aste transpor nef e apre i kase e apre nou les li reste anbandonnen.  Mersi.

 

MINISTER MACSUZY MONDON

Mersi Onorab. Mr Speaker definitivman nou pou bezwen fer provizyon akoz parey mon’n dir i bann bis ase spesyalize, nou pou bezwen fer provizyon avek sa ki pe provide nou sa bis pou nou kapab ler i ariv en problenm fer bann reparasyon neseser ki pou bezwen ganny fer lo sa bis.  Mersi Mr Speaker.

MR SPEAKER

Onorab Fideria ou ti’n lev lanmen non? Bon kestyon 53 Onorab Volcere.

 

HON MARC VOLCERE

Mersi Mr Speaker.  Mr Speaker mon ti a kontan demann Minis si son Minister in fer provizyon pou ranplas bann teachers ki ti manke kot lekol segonder Praslin.  Mersi.

 

MINISTER MACSUZY MONDON

Mersi Onorab.  Mr Speaker wi Minister Ledikasyon in fini fer provizyon pou ranplas teachers ki ti manke lekol segonder Praslin.  I reste nou zis en vacancy pou lasyans akoz sa ansenyan ki ti’n sipoze antre avek lezot ansenyan sa trimes i pa’n vini.  Me nou’n fini fer provizyon pou en lot ansenyan ki pou komanse komansman trwazyenm trimes.  Antretan lekol pe fer laranzman entern pou aisre ki etidyan i kontinnyen ganny zot laklas lasyans.  Mersi Mr Speaker.

 

MR SPEAKER

Okenn siplemanter Onorab?

 

HON MARC VOLCERE

Mersi Mr Speaker.  Mr Speaker mon ti a kontan demann Minis eski son Minister i fer en swivi konpreansiv diran lannen pou vwar bann mankman ki pou annan dan lekol anterm teachers.  E dezyenmman ki lefe mankman teachers i annan lo rezilta legzanmen dan bann lekol.  Mersi.

 

MINISTER MACSUZY MONDON

Mersi Onorab.  Mr Speaker wi nou planifye plasman lakantite ansenyan ki nou bezwen pou sak lekol, i en legzersis ki nou fer kontinnyelman e se pou sa rezon se sa legzersis ki ed nou zisteman pou nou kapab fer nou recruitment ki nou fer toulezan.  Donk nou update nou lalis vacancies a sak fwa ki nou annan en vacancy dan lekol e otan ki posib nou fer nou mye pou nou kapab fer sir ki nou minimiz lefe ki mankman ansenyan i fer lo bann etidyan.  E nou, kot nou kapab ganny part time teachers nou rode pou kapab vini pou vin ede e anmenmtan osi kot nou santi nou annan ansenyan par egzanp serten ansenyan ki spesyalize dan en size ki pe travay dan Minister Ledikayon nou deploy sa bann ansenyan pou zot ale, pou zot al teach dan sa bann lekol kot nou annan mankman teachers. Mersi Mr Speaker.

 

MR SPEAKER

Onorab Esther.

 

HON NATHASIA ESTHER

Mr Speaker mon kestyon in ganny reponn.  Mersi.

MR SPEAKER

Onorab Jacqueline.

 

HON SULTANNE JACQUELINE

Mersi Mr Speaker.  Bonzour Minis ek ou delegasyon, bonzour koleg Onorab, bonzour toulmonde alekout.  Anvi ki mankman teachers i en konsern ki pe afekte tou lekol dan Sesel.  Ki provizyon ki Minis pe fer pou motiv e ankouraz bann ansenyan pou reste dan sa lanplwa e osi persyad bann well trained specialist ki’n kit sa profesyon akoz en konsern petet job satisfaction pou retourn dan sa profesyon.  Mersi Mr Speaker.

 

MINISTER MACSUZY MONDON

Mersi Onorab.  Mr Speaker, provizyon pou motiv bann ansenyan e i dan scheme of service parey monn dir taler bann incentives ki nou mete dan scheme e bann incentives byensir ler nou santi poudir nou bezwen revwar nou ava revwar.  Anmenmtan osi i annan bann lezot pti keksoz ki mon krwar ki Minister i fer, ki nou organize pou nou kapab motiv – bann pti reward ki nou fer pou rekonnet bann ansenyan pou nou kapab motiv zot pou reste dan lansenyman.

Kot i konsern persyad bann ansenyan, letan nou fer exit interview ki swa PS, ki swa mwan menm nou toutlan dir avek bann ansenyan si kot ou pe ale si ou pe al fer ou pti biznes oubyen sa landrwa travay kot ou pe ale si ou santi ler ou laba ou pa happy oubyen sa ki ou pe antreprann petet i pa marse – laport i toultan ouver, nou pou toultan welcome ou back dan Minister Ledikasyon.  Donk mon krwar bann ansenyan ki kite zot konnen pou dir byensir zot pa’n ganny dismiss, zot in kit lo en bon note e otan ki nou annan vacancy nou pou toultan annan en plas pou zot dan lansenyman dan Minister Ledikasyon.  Mersi Mr Speaker.

 

MR SPEAKER

Onorab Fideria.

 

HON EMMANUEL FIDERIA

Mersi Mr Speaker, bonzour Minis spesyalman mon bann koleg e tou dimoun Les Mamelles.  Minis eski dan kad mankman teachers dan lekol grand Anse Praslin, eski Minister pe konsidere ouswa anvizaze al fer recruitmen aletranze sa lannen.  Eski osi Minister i kapab enform sa Lasanble dan ki size ki parfwa sa bann mankman teachers i en pti pe pli serye.  Mersi.

MINISTER MACSUZY MONDON

Mersi Onorab.  Wi nou’n deza fer en legzersis recruitment an Me sa lannen e nou pe progranmen pou nou fer ankor en legzersis an Novanm vi ki nou santi nou pe al annan ankor serten vacancies ki pou crop up ant la avek Desanm oubyen bann vacancies ki nou pou annan ki nou pou annan an Zanvye e bann size ki nou apel sa bann size ki kritik i Lasyans avek Matematik. Mersi Mr Speaker.

 

MR SPEAKER

Onorab Pierre.

 

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble lo en baz anyel e an mwayenn ki poursantaz ki sa mankman teachers lo Praslin e lezot zil petet i reprezante an relasyon avek lankantite teachers ki manke dan lekol segonder nasyonalman par lannen.  E dezyenmman eski Minis i kapab dir nou si zot pe rankontre okenn difikilte spesifik an relasyon avek ansenyan lo bann zil e eski i santi ki bann incentives ki zot pe donnen an plis pou en teacher al travay lo zil i rezonnab e akseptab par bann teachers.  Mersi Mr Speaker.

 

MINISTER MACSUZY MONDON

Mersi Onorab.  Mr Speaker mon napa poursantaz Praslin an relasyon avek o nivo nasyonal me i vre ki sa 2 dernyen lannen Praslin i enn bann lekol kot nou kapab dir in bezwen cope avek enpe plis vancancies ki lezot lekol.

Me kot i konsern difikilte pou ganny dimoun pou al travay Praslin/La Digue akoz sa incentive ki nou pe donnen.  Non, mon pa krwar poudir incentive i en problenm akoz nou actually o nivo primer e menm o nivo segonder parfwa nou refize ansenyan.  I annan ansenyan ki toultan anvi vini pou al anseny lo Praslin ek lo La Digue.  Me selman sa ki nou bezwen veye osi ki mon krwar bann lekol Praslin, bann lekol zil i met a nou latansyon fodre pa ki akoz en ansenyan i annan en problenm sosyal i anvi sorti Mahe nou pran li nou plas li dan en lekol lo Praslin akoz apre dan lepase in montre nou ki apre nou ganny osi serten problenm lo Praslin.  Donk mon krwar nou’n ekout enpe konsern ki bann lekol lo sa 2 zil in met devan nou e se pou sa rezon ki onu en pe careful letan nou plas ansenyan lo sa de zil.  Me selman mon krwar incentives ki nou pe donnen baze lo sa ki PSO osi i demande i akseptab. Mersi Mr Speaker.

 

MR SPEAKER

Onorab Vel.

HON JENIFFER VEL

Mersi Mr Speaker.  Mr Speaker eski Minis i kapab dir avek nou Lasanble si son Minister i annan en rezerv pool of teachers ki pou ranplas bann ansenyan par egzanp Lo Praslin vi ki zot in met lanmen lo sa problenm ki petet ki proceed lo bann long sick leave par egzanp maternity leave.

E osi si ou Minister i fer en exit interview letan bann ansenyan pe kite pou vwar rezon akoz zot pe kite dan sa profesyon.  Mersi.

 

 

MINISTER MACSUZY MONDON

Mersi Onorab.  Mr Speaker non nou napa, nou nepli kimannyer bidze i fonksyonen konmela nou pa kapab annan en rezerv pou ansenyan parey nou ti annan mon kapab dir petet 10an, 15an pase kot ler en ansenyan i al maternity leave ou zis ranplas li.  Me sa ki nou annan dan bann lekol se enn de bann floating teachers ki nou mete, ki kapab ede pou ranplase e si i annan posibilite pou move zot annan maternity leave petet ki pli bokou dan en lot lekol nou sey fer li.  Me bidze pa permet nou pou zis annan en pool teachers koumsa ki nou rotate dan bann lekol.

Apre wi nou fer exit interview avek tou bann ansenyan ki kite pou nou byensir parey ou’n dir rod bann rezon akoz ki zot pe kite e nou dokimant bann rezon akoz nou bann teachers i resign.  Laplipar ditan se akoz zot pe ganny ofer en better package kot zot pe ale. Ozordi en R1000 i fer en diferans suppose lo larzan en endividi e si sa dimoun i santi poudir kot i pe ale menm si i pe ganny R1000 anplis ki sa ki i pe ganny ofer sirtou petet bann dimoun ki pa’n neseserman annan lansenyman koman zot vre vokasyon i fasil pou zot kite pou zot ale.  Tre pe ki petet zot in fer sirtou parmi bann zenn zot santi zot fer en wrong career choice, zot in seye me apre zot vwar poudir lansenyman i pa sa karyer ki zot ti ava kontan fer e sa i enn bann rezon ankor, byensir apre i annan ki dir ou stress – teaching is stressful e mon krwar sa nou tou nou konnen e nou akspete me an zeneral bann rezon prensipal se en better package. Mersi Mr Speaker.

 

MR SPEAKER

Onorab Valmont.

 

HON SYLVIANNE VALMONT

Mersdi Mr Speaker.  Anlinny avek sa kestyon eski mon kapab demann Minis ki son Minister pe fer kot i konsern training of teachers.  Eski i dan son plan pou vwar avek Liniversite pou asire ki tou le zan nou annan en pool of teachers kalifye ki sorti pou lekol segonder e primer.  E si i annan sif par egzanp pou sa prosen 2an.  Mersi Mr Speaker.

 

 

 

MINISTER MACSUZY MONDON

Mersi Onorab.  Mr Speaker byensir nou nou fer nou plan e nou training requirement e aprezan parey Onorab ou’n mansyonnen training se Liniversite li ki pe fer pou Minister Ledikasyon e pou sa 2 prosen lannen ki pe vini nou baze lo fason ki Liniversite pe organiz zot bann training nou pa pe gannyen en pool teachers pou primer sirtou pou primer ki pe sorti dan Liniversite pou 2013, 2014 e nou next cohord of teachers pou graduate an 2015 e pou rantre dan lekol an 2016.

Segonder i en pti pe diferan akoz segonder nou annan osi bann teachers ki nou anvoy train aletranze dan bann domenn kot Liniversite pa pe ofer me nou nou demann pou training teachers i bezwen kontinnyen e mon krwar nou bezwen kontinnyen donn training nou bann dimoun pou nou kapab fer sir ki nou kapab annan lakantite ansenyan ki nou bezwen pou ansenyen dan nou bann lekol.  Mersi Mr Speaker.

 

MR SPEAKER

Kestyon 54, Onorab Marie.

 

 

HON MURIELLE MARIE

Mersi Mr Speaker bonzour, bonzour Minis avek ou delegasyon, bonzour tou Manm Onorab.  Mr Speaker ki i annan azanfan ki pe kit lekol dan bann staz S1 a S4 eski Minis i kapab enform sa Lasanble ki plan son Minister pou adres sa sitiasyon.  Mersi.

 

MINISTER MACSUZY MONDON

Mersi Onorab.  Mr Speaker la mazorite zanfan ki drop out oubyen ki kit lekol avanler i fer li plis o nivo S3 avek S4.  Dan konteks reform dan ledikasyon nou annan serten mezir ki nou deza pe pran pou nou deal avek sa sitiasyon.  Premyerman sistenm pastoral i fer provizyon pou lekol rod bann etidyan ki absante avek lasistans leozt partner tel ki Servis Sosyal ek Lapolis, Ladministrasyon Distrik pou nou kapab etablir rezon akoz en etidyan in drop out.  Baze lo rezon ki ganny etablir Minister i adopte lapros ki pli apropriye pou kapab esey fer sa etidyan retourn lekol.

Dezyenmman lannen pase nou’n entrodwir nou progranm TVET Technical and Vocational Education and Training dan S4 e sa progranm sa lannen 2012 in ganny entrodwir dan S5 e pou sa progranm i vize ver bann etidyan ki annan difikilte oubyen difikilte laprantisaz oubyen ki pa montre lentere pou zot swiv en progranm akademik.  Lobzektif progranm se pou sey devlop konpetans sa bann etidyan dan laspe teknik e prepar zot pou rantre lo progranm apprenticeship dan bann lenstitisyon pos segonder.  Sa progranm i redonn bann etidyan ki mwen doue akademikman en sans pou zot kontiny zot letid dan pos segonder e ogmant zot loportinite plitar pou zot gannyen lanplwa.

Nou plan pou lavenir Mr Speaker se pou konsolid sa 2 progranm ki monn fek nonmen, enplik enpe plis tou lazans dan lakominote e travay enpe pli pre avek zot e anmenmtan osi Minister Ledikasyon pou vin pli serye avek bann paran ki pa pe anvoy zot zanfan lekol.

Mr Speaker anba seksyon 65 Education Act en paran ki pa navoy son zanfan lekol ki tonm dan bann peryod ki nou apel obligatwar i komet en lofans e i kapab ganny pourswiv e kondannen.  Mersi Mr Speaker.

MR SPEAKER

Okenn siplemanter.

 

HON MURIELLE MARIE

Mersi Mr Speaker.  Eski Minis i kapab enform sa Lasanble si i annan en statistik lo konbyen sa bann zanfan ki pe kit lekol.

 

MINISTER MACSUZY MONDON

Mersi Onorab.  Mr Speaker statistik ki nou annan se pou sa dernyen 3an 2009 ziska 2011 mon annan apepre 162 marmay ki’n drop out ki fer on average apepre en senkantenn manrmay ki pe drop out toulezan.  Mersi Mr Speaker.

 

MR SPEAKER

Onorab Souris.

 

HON MIRENA SOURIS

Mersi Mr Speaker. Bonzour Mr Speaker, bonzour Minis ek ou delgasyon, bonzour tou Manm Onorab.  Mr Speaker anvi ki sa bann zanfan ant S1 a S4 ki souvann fwa perdi dan lasosyete e malgre Minis in dir nou poudir plito bann zanfan S4 a S5, eski Minsi i kapab konsider etablir en en striktir ki parey in nonmen sistenm pastoral, sosyal e lezot dimoun ankor pou kapab sirvey e rod plasman pou sa bann zanfan ki’n kit lekol pou asire ki zot ganny en plas dan kek laprantisaz pou zwenn bezwen pei.  Mersi.

MINISTER MACSUZY MONDON

Mersi Onorab.  Mr Speaker sa ki nou nou anvi se ki tou zanfan i konplet omwen ledikasyon obligatwar savedir zot lekol ziska omwen lafen S4.  E nou nou ti a kontan ki se pou sa rezon ki ler en zanfan i drop out nou sey fer nou mye pou nou kapab al rod li pou nou kapab fer li retourn lekol.  Menm enn bann rezon par egzanp ki bann zanfan i drop out se lansentman anba laz.  Menm bann zanfan, bann fiy ki’n drop out akoz zot in ansent anba laz – nou annan en teenage pregnancy policy ki permet zot pou retournen pou vin kontinnyen zot letid si byensir zot annan sipor pou kapab okip zot zanfan, si i fasil pou zot retournen pou zot kapab kontinnyen.  I annan enpe sa bann fiy ki fer sa me i annan byensir once zot in ansent zot in ale zot pa anvi retournen.

Donk pou le moman apart sa ki nou annan dan nou sistenm pastoral nou pa pe mazin met okenn nouvo striktir an plas akoz sa ki nou pe santi osi se ki i annan en rediksyon dan lakantite zanfan ki pe drop out e mon krwar poudir avek sa progranm TVET ki nou pe met anplas zanfan ki drop out par egznap lo nivo S3 sa i ava ankouraz zot pou zot kapab kontinnyen zot ledikasyon o nivo S4 e menm byensir S5.  Me petet a lavenir si i annan nesesite petet i en keksoz ki nou kapab konsidere.  Me mon krwar sa ki nou devret fer osi la se ankouraz bann paran parey monn dir nou pou al serye avek provizyon ki dan Education Act e paran i bezwen pran son responsabilite anvoy son zanfan lekol e i dan Act sa, i dan lalwa e I dir tre klerman ki responsabilite en paran pou li fer sir ki son zanfan i al lekol ziska ler i konplet ledikasyon obligatwar.  E si tou paran i pran son responsabilite, i fer sa mon pa krwar – sa i ava ede e zot korpore byensir avek lekol sa i ava ede pou nou kapab osi redwir lakantite zanfan ki pe drop out. Mersi Mr Speaker.

 

MR SPEAKER

Onroab Fideria.

 

HON EMMANUEL FIDERIA

Mersi Mr Speaker.  Mr Speaker eski Minis i kapab enform sa lasanble si i satisfe avek bann lazans ki travay avek Minister Ledikasyon ek bann zanfan ki’n drop out pou ed zot retournen kontinnyen zot letid.  E osi si problenm disiplin ouswa problenm laprantisaz ki fer manrmay drop out. Mersi.

MINISTER MACSUZY MONDON

Mersi Onorab.  Mr Speaker byensir nou pa toultan satisfe avek rezilta ki nou gannyen akoz par egzanp bann social worker parfwa menm si zot seye zot sey travay avek paran pou zot kapab fer zanfan retourn lekol i pa toultan ki zot reisir.  Me i annan plizyer rezon akoz en zanfan i drop out e i pa problenm disiplin ki fer zanfan drop out me mon ava dir plito i en problenm konportman sa zanfan limenm kot i annan serten bann zanfan ki drop out par egzanp se ki akoz zot pa enterese avek lekol oubyen si zot vin lekol zot zis vini, zot vin fer dezord oubyen i annan zanfan ki drop out se akoz zisteman zot anba lenfliyans bann sibstans e serten sa bann zanfan lemoman ki zot in antre ladan zot pa retourn lekol ditou e i pa fasil pou zisteman bann lazans ale al sers zot pou fer zot retourn lekol.

Ennde bann etidyan ki drop out zot osi al travay, i annan serten ki nou konnen parey nou konnen laz travay Sesel i 15an anmontan me i annan bann etidyan se akoz zot in anvi al travay e i annan serten osi kot paran i ekrir PS e i demann permisyon akoz i santi poudir petet son zanfan pa pe benefisye dan nanryen kot lekol, i krwar pou dir i anvi met li lo en attachement pou li kapab komans aprann en travay e dan bann ka kot nou santi nou rod lenformasyon nou krwar pou dir petet sa i meyer pou sa etidyan, PS i donn permisyon pou sa etidyan kapab exit ale al travay.

Me sa ki nou apel drop out i vreman bann ki ale ki nou pa kapab fer nanryen ni pou zot retournen e pou nou kapab reganny zot ankor dan sistenm, oubyen nou perdi kontrol konpletman lo zot, e zot paran osi pa pe kapab ed nou pou kapab fer zot retourn lekol.  Mersi Mr Speaker.

 

MR SPEAKER

Onorab Lebon.

 

HON LENNY LEBON

Mersi Mr Speaker.  Mr Speaker eski Minis i konsidere ki dan son Minister i egziste striktir neseser ki permet aprofondi e detekte vre lakoz ki fer zanfan S1 ziska S4 kit lekol.  E osi ki son Minister pe fer pou ranforsi lalwa parey in ganny dir i egziste anba Education Act.  Mersi.

 

MINISTER MACSUZY MONDON

Mersi Onorab.  Mr Speaker wi nou annan sa striktir anplas depi lo nivo lekol anba sistenm pastoral ki permet byensir depi ansenyan dan laklas, Counselor ki dan lekol, Management lekol pou zot kapab detekte si en zanfan i annan serten problenm ki evantyelman pou fer li vin en drop out e mon krwar pou dir en bon pe zanfan pa drop out zisteman se akoz sa sipor ki zot gannyen o nivo lekol ki permet zot apre, ki permet zot kontinnyen avek zot letid.

Bon an sa ki konsern ranforsi lalwa i zis en kestyon ki nou enplimant mon krwar Minister dan lepase in ase toleran petet i pan pran serten aksyon kot I ti merit pran me I zis en kestyon enplimant sa ki la dan Education Act e ki parey monn dir nou pou al enpe pli serye lo la prezan avek serten paran.  Mersi Mr Speaker.

 

 

MR SPEAKER

Onroab Pierre.

 

HON DAVID PIERRE

Mersi Mr Speaker.  Mr speaker eski Minis i kapab dir avek sa Lasanble eski i satisfe ki curriculum e donk bann diferan progranm dan lekol i ase larz pou reflekte bezwen, kapasite e laspirasyon lamazorite nou bann zenn etidyan pou ki zot reste dan lekol e non pa kite.

E dezyenmman eski Minis i kapab egalman dir avek sa Lasanble eski i santi pou dir lekol oubyen Minister pe efektivman deal avek sa problenm absentisaum oubyen delenkans dan lekol, e eski in zanmen deza annan en paran ki’n ganny pourswiv akoz i refize anvoy son zanfan lekol. Mersi Mr Speaker.

 

MR SPEAKER

Mersi Onorab.  Mr Speaker wi mon satisfe avek curriculum ki nou pe enplimante akoz normalman parey Onorab i konnen ler ou devlop en curriculum ou bezwen fer sir ki i reponn a bezwen e kapasite parey nou dir nou bann etidyan e se pous a rezon ki nou’n entrodwir zisteman sa nouvo progranm TVET pou fer sir ki sa osi i ava donn en dezyenm sans petet bann etidyan si zot santi zot pa pe adapte avek sa curriculum zeneral ki nou pe enplimante.  Si nou pe efektivman deal avek bann problenm, wi mon krwar dan lekol nou annan striktir e osi pou bann keksoz ki depas lekol o nivo Minister i annan en seksyon ki taravy spesifikman avek sa bann zanfan oubyen sa bann problenm.

Otan ki mon konnen kot i konsern pourswiv paran i annan detrwa lannen pase wi i annan en paran ki ti ganny pourswiv akoz i ti pe refize anvoy son zanfan lekol akoz sa paran li I ti krwar pou dir i ti anvi li teach son zanfan kot li dan lakour e sa paran ti ganny pourswiv.  Me resaman mon pans pa si Minsiter in pourswiv okenn paran ki pa pe anvoy zot zanfan lekol. Mersi Mr Speaker.

MR SPEAKER

Onorab Vangadasamy.

 

HON SHERIL VANGADASAMY

Mersi Mr Speaker.  Eski Minis i kapab dir avek sa Lasanble si sa sistenm pastoral dan son Minsiter i efektiv e prenon kont leta nou Zidisyer e Tribinal Lafanmir eski aksyon kont bann paran ki pa anvoy zot zanfan lekol i meyer opsyon ki son Minister pe konsidere pou le moman.  E eski son seksyon research and evaluation pou antreprann okenn resers nasyonal pou evalye sa sitiasyon e konn vre koz delenkans e absentisum. Mersi.

 

MR SPEAKER

Zis en gidans Onorab dan Question Time normanlman nou pa vin rod lopinyon Minis lo en size ok, dan Standing Order, Minis i a reponn bann bout ki I santi I relevan.

MINISTER MACSUZY MONDON

Mr Speaker wi nou sistenm pastoral nou krwar pou dir in fer serten diferans e i pe fer serten diferans e dan kad evaliasyon ki nou pe fer lo sa ki nou’n deza enplimante dan reform mon krwar sa i ava permet nou zisteman pou vwar tou bann nouvo statezi ki nou’n met anplas ziska ki lenpakt ki i pe annan lo nou sistenm ledikasyon.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann Minis ki bann lenformasyon zot annan lo kote sa 62 manrmay ki deza ki’n kit lekol.  Ki bann landrwa ki zot sorti, ki bann edikater demografi edikasyonnel ki zot annan e si zot annan lentansyon komans map bann zanfan depi nivo primer pou etablir si i annan kapab al ver sa direksyon kit lekol en pti pe plitar anvi ki la lo nivo segonder nou pa pe kapab met lanmen lo sa problenm.  Mersi.

 

MINISTER MACSUZY MONDON

Mersi Onorab.  Mr Speaker byensir travay avek bann zanfan ki at risk i komans deza o nivo primer e statistik ki mon annan, lenformasyon plito ki mon annan lo bann zanfan lo sa 62 zanfan ki drop out lo nivo S1 nou annan 5 garson mon pe koz lo sa 3 dernyen lannen lakantite ki’n drop out 5 garson avek 1 fiy, S2 nou annan 8 garson avek 3 fiy, S3 nou annan 26 garson avek 16 fiy, e S4 nou annan 68 garson avek 35 fiy.  Mon krwar deza sa i donn zot en lide dan sa senkantenn ki pe drop out toulezan pou dir deza nou annan bokou plis garson ki fiy ki pe drop out.

Dezyenmman wi mon annan enpe lenformasyon kot i konsern bann lekol ki kantite drop out si zot oule konnen petet dan ki rezyon, byensir sa osi i link en pti pe avek enrolment lekol oubyen grander lekol.  Pandan sa dernyen 3an lekol segonder Anse Boileau, nou annan nou 4 drop out.  Anse Royale Segonder nou’n annan 27.  Beau Vallon segonder 17.  Belonie 7.  English River 15.  La Digue 16.  Mont Fleuri Segonder 9.  Pointe Larue segonder pardon 39.  Plaisance Segonder 13 e Praslin segonder 15.  Me nou santi kantmenm poudir sa trend pe sanze akoz nou santi en diminisyon sa lannen e apart lekol Anse Royale par egzanp lekol – en lekol ki’n annan bokou like Plaisance segonder sa lannen lakantite drop out i pa pe reflekte menm kantite ki nou ti anann dan sa dernyen 3an. Mersi Mr Speaker.

 

MR SPEAKER

Kestyon 55.  Onorab Marie.

 

HON MURIELE MARIE

Mersi Mr Speaker.  Mr Speaker eski Minis i kapab enform sa Lasanble lo plan son Minsiter pou rektifye sa problenm elektrik dan plafon kot library kot lekol segonder Point Larue ki kapab koz danze pou bann zanfan e bann staff.  Mersi.

MINISTER MACSUZY MONDON

Mersi Onorab.  Mr Speaker en lenspeksyon ek evaliasyon lo lenfratriktir elektrik kot lekol Pointe Larue segonder in ganny fer par en konsiltan e travay in fini ganny planifye.  Atraver sa evaliasyon nou’n vwar ki i pou pli fezab pou nou fer wiring lo lekol Pointe Larue an antye olye ki konsantre zis dan library.

Donk, plan travay lo sa poze in fini ganny aprouve par Minsiter Finans e nou aktyelman dan prosesis tender e mon ti a kontan fer resorti pou dir sa travay ki nou bezwen fer lo elektrisite lekol Pointe Larue i en travay ki ase spesyalize e i ase konplike.  Anmenmtan parey nou konnen i osi annan renovasyon mazer ki’n enkli sanz twatir, plafon ek lafnet lo 3 seksyon lekol ki nou’n fer ki’n ariv pou en sonm R1 milyon dan sa 2 dernyen lannen tousala ti form parti sa package e nou’n bezwen fer serten travay avan ler ki nou kapab fer lezot travay e sa renovasyon ki nou pe antreprann i ekspekte ganny konplete dan trwazyenm trimes.  Donk si tou keksoz i mars dapre plan tou nou dokiman ki’n al tender board la sa semenn nou ekspekte ki semenn prosenn nou’n fini ganny tou bann laprouvasyon ki nou bezwen ganyen e ki nou komans travay dan vakans Out ki ava konplete pandan mwan Oktob.  Mersi Mr Speaker.

 

MR SPEAKER

Onorab Vel.  Onorab ou ti annan siplemanter?

 

HON MURIELLE MARIE

Mersi Mr Speaker.  Mr Speaker eski Minis i kapab enform sa Lasanble ki kalite prekosyon tanporer ki son Minister avek ansanm avek management lekol segonder Pointe Larue pe pran an atandan ki zot pe espere pou rektifye sa problenm.  Mersi.

 

MINISTER MACSUZY MONDON

Mr Speaker byensir ler i annan bann keksoz koumsa i annan prekosyon ki nou pran o nivo lekol e parey nou konnen sa problenm ki nou pe gannyen avek elektrisite i en problenm overload, e management lekol i fer sir ki i pa met tou bann lekipman, tou bann keksoz anmenmtan pou fer sir ki napa okenn zanfan ki at risk oubyen okenn danze ki arive pou zanfan kot lekol.  Mersi Mr Speaker.

 

MR SPEAKER

Onorab Vel.

 

HON JENIFFER VEL

Mersi Mr Speaker.  Mr Speaker eski Minis i kapab dir avek nou Lasanble ki lezot travay ki son Minister i anvizaze fer kot lekol segonder Pointe Larue pou amelyor sitiasyon laprantisaz .  Eosi si Minis i dan son plan pou kontinnyen son bann vizit kot bann lekol pa zis Pointe Larue me dan Sesel e anmenn sa rapor

 

(Interruption)

MR SPEAKER

Out of Order. Kestyon i lo elektrik dan plafon.  Onorab Valmont.

 

HON SYLVIANNE VALMONT

Mersi Mr Speaker.  Eski Minsi i kapab enform sa Lasanble si i annan en letid ki pe ganny fer par son Minister pou detekte bann tel defayans parey in arive kot lekol segonder Pointe Larue pou asire ki napa sa bann ensidan dan lefitir.  Mersi Mr Speaker.

MINISTER MACSUZY MONDON

Byensir nou travay evaliasyon lo lenfrastiktir lekol i kontinnyel e nou toultan pe fer li me mon krwar lekol Pointe Larue in annan plizyer rezon ki’n fer ki’n arive ki petet nou annan sa ozordi e i ase spesifik pou sa lekol.  Mon krwar parey nou konnen lekol in ganny fer par faz, par diferan bout ki annan diferan sistenm ou konnen ki’n ganny etablir e anmenmtan osi akoz nou pe annan plis lekipman, nouvo lekipman ki nou’n anmennen kot lekol e se pou sa rezon ki nou pe annan sa problenm me definitivman nou fer evaliasyon lo tou nou bann batiman, lezot lekol pou nou fer sir ki otan ki posib nou pran bann aksyon atan.  Mersi Mr Speaker.

 

MR SPEAKER

Onorab Pierre.

HON DAVID PIERRE

Mersi Mr Speaker.  Mr Speaker eski Minis i kapab dir avek sa Lasanble depi konbyen letan ki zot in idantifye ki sa problenm i egziste e konbyen sa proze pou koute.

E dezyenmman eski Minis i kapab konfirm avek sa Lasanble ki i satisfe ki napa okenn danze iminan an relasyon avek sa sitiasyon elektrik dan lekol segonder Pointe Larue. Mersi Mr Speaker.

 

MINISTER MACSUZY MONDON

Mersi Onorab.  Mr Speaker problenm in agrav en pti pe plis dan premye kar sa lannen ki nou’n santi pou dir nou bezwen fer serten travay lo lekol me plizyer kontrakter – nou’n sey commission plizyer kontrakter pou sey al fer serten travay pou rektifye problenm e parey mon’n dir anvi avek konplisite i pa’n kapab pou nou zis pran en kontrakter e plizyer kontrater in dir nou zot pa pe kapab fer sa travay e se pou sa rezon ki nou’n bezwen al rod led avek Minister Finans pou nou kapab fer en pli bon evaliasyon problenm e prepar en scope travay e sa legzersis limenm li in pran nou 1 mwan pou nou kapab fer li.

Kou pou fer sa travay i R400 mil e pou le moman nou pa krwar pou dir i annan okenn danze iminan avan ler ki nou kapab parey nou pe dir nou pe al konmans fer sa travay mwan prosen e nou pa ekspekte ki i annan okenn danze pou zanfan la, pou le moman.  Mersi Mr Speaker.

 

MR SPEAKER

Onorab De Commarmond.

 

HON CHARLES DECOMMARMOND

Mersi Mr Speaker.  Mr Speaker lefe ki sa proze refer wiring lo lekol Pointe Larue an antye pa’n ganny reflekte dan bidze Minister Ledikasyon pou 2012 parey nou konnen.  Kote alors eski Minis i kapab eksplik nou Lasanble kote alors son Minister pou ganny larzan pou fer sa proze parey in anons nou dan Lasanble ozordi. Mersi.

 

MINISTER MACSUZY MONDON

Mersi Onorab.  Mr Speaker nou annan en bidze ki nou demande toulezan ki apel remedial works ki zisteman I sa bidze ki nou ganny anviron apepre e R5 milyon I sa bidze ki permet nou pou fer serten sa bann travay bann pti travay renovasyon oubyen bann travay petet lannen previ ki nou pa’n forseen pou nou kapab bidzete pandan lannen.  Donk se anba sa bidze ki nou ganny larzan pou fer sa travay Pointe Larue.  Mersi Mr Speaker.

 

MR SPEAKER

Bon anvi ki Onroab Vel i MNA pou Pointe Larue.  Mon a permet ou eksepsyonnelman demann premye parti sa kestyon. E pa bliye ki Supplementary Question i en privilez fodre zot servi li byen.

 

HON JENIFFER VEL

Mersi Mr Speaker.  Mr Speaker eski Minis i kapab dir avek sa Lasanble ki lezot travay renovasyon son Minister i annan plan pou fer kot lekol Pointe Larue segonder.  Mersi.

 

MINISTER MACSUZY MONDON

Mersi Mr Speaker.  Mr Speaker apart bann travay ki nou’n deza komanse e ki pe ganny konplete sa lannen lo lekol Pointe Larue an 2012 la nou annan osi reparasyon lo laboratwar ki en travay ki pa tro gran ki pe kout nou R150 mil e pli ar nou annan sa trwa block class room ki nou bezwen penn antye e anmenmtan osi nou annan lentansyon konplet sa boundry walls ki nou’n komanse otour lekol Pointe Larue.  Mersi Mr Speaker.

MR SPEAKER

Kestyon 56, Onorab Dugasse.

 

HON MELVAL DUGASSE

Mersi Mr Speaker, bonzour Minis, bonzour tou manm Onorab e tou dimoun alekout.  Eski Minis pou kapab dir avek zabitan Anse Etoile si son Minister i annan plan konstrir en security wall otour lekol La Retraite.  Mersi.

 

MINISTER MACSUZY MONDON

Mersi Onorab.  Mr Speaker kot lekol La Retraite ti deza annan en chadling fence ki ti ganny enstale letan ki nou ti pe konstri lekol.  Me i regretab ki manm piblik ki’n koup sa fence in fer trou partou kote dan plizyer landrwa pou zot kapab fer semen dan lakour lekol.  Minister Ledikasyon i annan plan pou ranplas sa ki reste ek sa fence avek en miray me dan nou plan devlopman nou’n prevwar pou nou fer sa an 2014 byensir subject ki finansman i ganny donnen pou nou kapab konstri sa miray. Mersi Mr Speaker.

 

MR SPEAKER

Onorab Dugasse okenn siplemanter.

 

HON MELVAL DUGASSE

Eski Minis i kapab dir nou konbyen i pou koute pou kapab fer retaining wall.  Mersi.

 

 

 

 

MINISTER MACSUZY MONDON

Mr Speaker dapre nou estimasyon sa miray pou kout R2 milyon.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker anvi ki bann manm piblik ki servi lekol La Retraite i pas direkteman dan lakour lekol pandan letan ki zot pe al kot zot, eski Minis i kapab dir nou ki plan son Minister i annan dan limedya pou ede avek sekirite otour lekol La Retraite sirtou sekirite pou bann etidyan.  Mersi.

 

MINISTER MACSUZY MONDON

Mersi Onorab.  Mr Speaker plan ki nou pe konsidere se petet ki nou apwent en day security kot lekol La Retraite kot serten lekol kot nou santi petet i annan serten danze pou zanfan lekol primer akoz normalman nou apwent bann day security zis dan lekol segonder, me Minister i kapab konsidere posibilite pou apwent en day security kot lekol La Retraite.  Mersi.

 

 

MR SPEAKER

Onorab Payet.

 

HON DAVID PAYET

Mersi Mr Speaker.  Bonzour Minis, bonzour toulmonde.  Eski Minis i kapab enform sa Lasanble si lokasyon lekol primer La Retraite ki dan en landrwa rezidansyel i en fakter ki ogmant risk an term sekirite oubyen i diminyen sa risk akoz bann lakaz obor i dekouraz bann dimoun vin fer, vin komet bann aksyon avndalizm.  Eski Minis i kapab dir nou konbyen ka vandaliz in annan depi komansman sa lannen kot sa lekol.  Mersi.

 

MINISTER MACSUZY MONDON

Mr Speaker byensir ler ou annan en lakaz ki enpe obor, en housing estate petet risk vandalizm i enpe plis, me selman anmenmtan osi mon panse dan kominote nou bann dimoun i merit respe en pti pe plis.  I byen ki ou annan en lekol obor kot ou reste be akoz ou ou bezwen vin en risk pou sa lekol?  Akoz ou pa kapab pran swen ek sa lekol ki’n ganny mete ki fasilit zistans ki ou zanfan i bezwen marse par egzanp pou al lekol.  Mon krwar pou dir si nou nou anvi ed lakominote ki sa lekol i deservi si i anvi diminyen risk i kapab diminye risk ki annan.

Mon napa rikord lakantite ka vandalizm ki’n annan kot lekol La Retraite me selman sa ki mon konnen se ki sa disturbance se ki dimoun i kontinnyelman pase, zot pa neseserman fer vandalizm comme telle me selman zot pase, zot pas drwat dan lakour lekol e byensir nou konnen ler ou pe pas obor en laklas zanfan i vwar en dimoun pe pase deor zot regard deor e zot disturb laklas.  Ou pas obor biro headteacher, headteacher pe travay, bann management lekol ou disturb li anndan.  Zot pa neseserman fer dezord me zis lefe ki zot pe monte desann ou konnen sa deza limenm li i en risk.  Mersi Mr Speaker.

 

MR SPEAKER

Onroab De Commarmond.

 

HON CHARLES DE COMMARMOND.

Mersi Mr Speaker.  Eski Minis i kapab enform nou Lasanble si sa sitiasyon lekol La Retraite len sekirite i reflekte enpe dan lezot lekol lo Mahe.  Mersi.

 

MINISTER MACSUZY MONDON

Mersi Onorab.  Mr Speaker sel lot lekol lo Mahe ki nou’n annan serten problenm ki nou’n bezwen met en day security se lekol La Rosiere.  Me byensir si nou santi plitar ki i annan serten lekol osi ki annan serten danze ki pe koz en risk pou nou bann zanfan definitivman nou pou bezwen konsidere met serten mezir sekirite.  Mersi Mr Speaker.

 

MR SPEAKER

Onorab Maria Payet.

 

HON MARIA PAYET MARIE

Mersi Mr Speaker, bonzour Minis bonzour PS, bonzour tou Manm Onorab.  An prenon kont larepons ki Minis in donnen e anprenon kont sitiasyon sekirite kot lekol La Retraite, eski Minis petet pa kapab rekonsider son desizyon pou demann bidze – sa bidze 2 milyon pou sa miray 2013 dan plas 2014.  Mersi Mr Speaker.

 

MINISTER MACSUZY MONDON

Mersi Onorab.  Mr Speaker R2 milyon en kantite larzan mon krwar dan sa lepok la, kot nou pe viv e mwan mon ti a swete mon ti kapab sa problenm lekol La Retraite i arete demen e nou ti kapab servi sa larzan pou nou fer bokou lezot keksoz pou lekol La Retraite avek me selman i domaz ki nou bezwen al depans R2 milyon pou nou al build en wall ki kas enpe nou polisi kot nou anvi ouver lekol avek lakominote.  Akoz nou nou ti a kontan, nou pe demann korperasyon, nou pe demann sipor kominote me i domaz ki nou bezwen pe vwar nou pe deplizanpli al konstri bann gro gro miray sepa ki oter otour nou bann lekol e finalman fizikman nou ferm tou nou lekol avek kominote.

Mon ti a voudre ki nou rod en solisyon petet dabor e avan tou o nivo kominote me si finans nou ganny finans, finans i permet petet nou kapab konsidere rezon ki nou’n met li 2014 se akoz nou annan lezot priyorite ki nou’n bezwen mete ki nou annan pou mete dan bidze 2013 ki en pti pe pli priyorite ki konstri sa miray otour lekol La Retraite.  Mersi Mr Speaker.

 

MR SPEAKER

Onorab Pierre.

 

HON DAVID PIERRE

Mersi Mr Speaker.  Mr Speaker eski Minis i kapab dir nou si zot pe travay an kolaborasyon avek Minister Devlopman Kominoter pou zot vwar kimannyer ansanm zot kapab ede pou rezord sa bann problenm ki Minis in koz lo la an relasyon avek nou bann lekol.

E dezyenmman eski Minis i kapab dir nou si zot pe konsider rod kontribisyon from sekter prive pou zot kontribye pou konstri sa miray kot lekol La Retraite.  Mersi Mr Speaker.

 

MINISTER MACSUZY MONDON

Mersi Onorab.  Wi nou travay tre pros avek Minister Devlopman Kominoter e avek lotorite ki dan distrik.  Lekol i travay tre pros avek pou kapab ed nou rezourd bann problem ki afekte nou onivo distrik e mon konnen poudir sa problenm lekol La Retraite par egzanp i lo azanda District Council dan distrik Anse Etoile.

E kot i konsern sekter prive mon ti a petet osi dir ki nou pa esper zis Minister pou al rod sponsorship oubyen led avek sekter prive e parfwa i pli fasil pou sekter prive donn larzan si demann i sorti dan kominote ki sorti dan en Minister.  Me selman nou byensir kot nou kapab ganny led nou rode pou nou kapab ed nou pou kapab finans nou bann proze.  Mersi Mr Speaker.

 

MR SPEAKER

Onorab Volcere.

 

HON MARC VOLCERE

Mersi Mr Speaker.  Mr Speaker Minis dan son larepons in koz lo day security pou lekol La Retraite.  Eski Minis i kapab dir avek sa Lasanble kan i ekspekte sa i pran plas.  Mersi.

 

MINISTER MCSUZY MONDON

Mr Speaker parey nou konnen la nou dan milye lannen e i en letan kot nou revwar nou bidze, kot nou revwar nou bann depans e si nou annan finansman dan bidze ki permet nou fer sa nou kapab fer provizyon pou apwent sa day security kot lekol La Retraite dan petet sa dernyen 6 mwan sa lannen. Mersi Mr Speaker.

MR SPEAKER

Bon nou’n ariv alafen Question Time e nou oule remersye Minis ek son delegasyon e osi eskiz zot parmi nou avan nou pran lezot size lo Order Paper.

Bon, nou annan nou 2 first reading, 2 Public Bills first reading e mon ava envit Clerk pou fer sa 2 first reading.

THE CLERK

This Act maybe cited as the Misuse of Drugs (Amendment) Act 2012.

This Act maybe cited as the Penal Code (Amendment) Act 2012.

MR SPEAKER

Bon, nou pou adjourn ziska 11er kot nou pou pran bann Mosyon e aparti 11er se Depite Speaker ki pou Chair.  Mersi.

 

(Break)

 

MR DEPUTY SPEAKER IN THE CHAIR.

MR DEPUTY SPEAKER

Bon, mon a dir bonzour tou dimoun, bann Manm Onorab e nou a kontinnyen nou travay lo Order Paper.  Nou al lo Motions e mon ava envit Onorab Arnephy, Manm Elekte pou Anse Boileau pou prezant nou premye Mosyon.

 

HON BERNARD ARNEPHY

Mersi Mr Deputy.  Bonzour Mr Deputy e bonzour ankor enn fwa tou Manm koleg Onorab e tou dimoun ki alekout.  Mr Deputy sa Mosyon I vin a en moman kot Gouvernman e tou son dirizan malgre son volonte pou asire ki nou pep i viv en lavi dir avek tou son bezwen debaz bann fakter eksteryer i souvan fer ki serten dimoun i santi zot dan difikilte pou kapab fer de bout zwenn e kot la leta i bezwen rantre pou anmenn serten sipor e soutyen neseser akoz nou’n toultan en Nasyon ki krwar dan en progranm lazisits sosyal pou tou nou sitwayen.  Me i osi malere ki malgre tou sa zefor ki Gouvernman i esey fer pou amelyor kondisyon lavi son sitwayen i ankor annan en group nou sitwayen for e kapab ki servi bann tel privilez pou abiz lo sistenm kan li osi I kapab donn en koudmen pou kre plis larises pou li, son fanmiy e pei an zeneral.

Mr Deputy sa Mosyon ki devan nou Lasanble ozordi pe demande ki Gouvernman i etablir en sistenm monitoring pou asire ki bann dimoun ki pe ganny asiste e benefisye atraver lasistans byennet sosyal i servi sa lasistans byen pou anpese ki i anann labi.

Mr Deputy dan son diskour alokazyon nou lafet Nasyonal le 18 Zen 2011 Prezidan Michel ti dir e mon quote: “Nou bezwen kontinyelman edik nou kominote lenportans leve e debourye e sorti lo depandans lezot ouswa leta.  Travay dan sa pei i annan e nou pe kontinnyen kre plis loportinite lanplwa ofir anmezir nou lekonomi i kontinnyen devlope.  Ozordi ler lamazorite dimoun pe leve e debourye, ler i annan en kantite posibilite lanplwa annou ankouraz bann ki pa pe travay pou rod en lanplwa prodiktif.  Pou fer sa sitwayen ki pa ankor fer en desizyon pou al rod en lanplwa ler in sonnen pou leve e debourye.  Nou pe viv dan en Nouvo Sesel”  Unquote.

Mr Deputy Gouvernman Parti Lepep atraver son vizyon pou asiste tou bann ki dan difikilte ekonomik e sosyal ti deside kre en lazans ki son lobzektif prensipal se pou asire ki bann ki dan bezwen finansyel i resevwar sa lasistans afen ki I kapab zwenn son bann bezwen debarz toulezour.  Mr Deputy lazans pou byennet sosyal ti vin operasyonnel le 1 Zanvye 2012.  In ganny kree apre ki fon Sekirite Sosyal ek Lazans Byennet Sosyal ti zwenn ansanm pou form en sel lorganizasyon avek bi kordinn pli byen servis ki i delivre.  Sa lazans i osi responsab pou amelyor akse avek lasistans sosyal e asire ki progranm proteksyon sosyal i enn ki soutenab e ki pou ede amelyor kalite lavi e devlopman sosyal tou nou sitwayen.  Me malerezman kwa ki nou vwar se ki souvan i annan bokou labi ki pran plas.  Zisteman lide sa Mosyon se pou anmenn kot sa lazans konsernen bann propozisyon e rekomandasyon ki ava ede adres sa bann labi e fer ki larzan ki ganny vote dan bidze i byen ganny servi pou ed bann ki vreman dan bezwen.

Lazans Proteksyon Sosyal i ofer de kalite lasistans.  Lasistans finansyel ki ganny regle par lalwa ki apel Statutory Benefits e lazans finansyal siplemanter ki atase avek bann kondisyon.  Sa bann Statutory Benefits i konm swivan, antou i annan 10 kategori i annan benefis pou maternite, bann Madanm ki dan lanplwa oubyen ki annan zot prop biznes i ganny sa benefis si zot tonm malad pandan zot lansentman oubyen apre zot lakousman.  I annan benefis pou maladi si en dimoun i dan lanplwa i trouv li pa kapab tanporerman selman e non pa an konsekan en maladi ou en blesir ki in gannyen pandan ki i pe travay i kalifye pou ganny sa benefis.  Nou osi annan benefis pou blesir sa benefis i garanti en anplwaye oubyen en dimoun ki annan son prop biznes en parti son saler si i pa kapab travay tanporerman akoz en blesir ou en maladi ki in gannyen pandan ki i pe travay.  Anplwayer i pey pou sa premye 2 mwan ki son travayer pa kapab travay apre sa Lazans Proteksyon Sosyal i garanti sa anplwaye serten lasistans pou sa prosen 4 mwan si i kontinnyen pa kapab travay, apre 6 mwan ka sa dimoun i ganny refer avek board medikal fon sekirite sosyal.  Nou osi annan en katriyenm kategori ki nou apel sa benefis disablement.  Si apre ki en dimoun in ganny benefis blesir pou 6 mwan e i ganny deklare par board medikal fon Sekirite Sosyal ki i parsyelman ou totalman pa kapab travay i kalifye pou ganny benefis disablement.  Nou annan benefis envalidite, en dimoun ki ganny kouver e ki dan lanplwa ki trouv li parsyelman oubyen totalman pa kapab travay i kalifye pou ganny sa benefis, fodre ki i ti pe deza resevwar benefis maladi 130 zour oubyen 6 mwan pou li kalifye pou ganny benefis envalidite, fodre ki ou envalidite in ganny sertifye par sa group dokter ki lo board medikal fon Sekirite Sosyal.

Sizyenm kategori se benefis sirvivan.  Ler en dimoun ki ganny kouver i mor serten manm son fanmiy pli pros i ganny asiste finansyerman avek Lazans Proteksyon Sosyal sa benefis i enkli benefis pou en vev, en manman ki osi en vev dan ka kot en lanmor in arive dan fanmiy – manm fanmiy sa viktim i osi ganny asiste anba pansyon lanmor endistriyel.  Nou annan benefis depandan i en logmantasyon lo bann benefis personnel ki en adilt ou en zanfan ki dapan lo en dimoun ki pe deza ganny asiste avek lasistans proteksyon sosyal i gannyen.  Sa lasistans i ganny means tested .  Fodre ki sa depandan pe reste dan menm lakaz e pe ganny sonyen par sa benefisyer pou li ganny sa benefis.

Wityenm kategori se benefis pou orfelen e zanfan abandonnen.  Bann zanfan orfelen oubyen bann ki zot paran in abandonn zot i resevwar sa benefis sak mwan pou ed zot kapab byen viv.  Pou resevwar sa benefis zanfan par lao 15an i devret pe lekol a plen tan.  Nou osi annan sa ki nou apel benefis retret.  Tou sitwayen Sesel ki’n reste Sesel pandan sa dernyen 5an avan i al 63an i otomatikman kalifye pou ganny sa benefis.  1 mwan avan ou ganny 63an ou bezwen fer laplikasyon avek zofisye Lazans Proteksyon Sosyal dan ou distrik pou ou resevwar ou benefis retret.  En dimoun ki’n ariv 63an e ki’n dan lanplwa e fer kontribisyon avek fon pansyon Sesel i bezwen al kot fon pansyon Sesel pou vwar si zot kalifye pou ganny pansyon retret ofer par sa fon.  Premye peyman i ganny fer dan distrik e apre sa i ganny transfer lo kont sa resipyan tou le mwan.  Fodre note ki si ou’n absante dan pei pou 6 peyman konsekitiv ou pa pou ganny sa benefis pou sa bann letan, ou pou selman ganny peye pou sa mwan ki ou’n retourn dan pei.

Dizyenm kategori se benefis lanterman.  Ler en dimoun i mor sa ki responsab pou fer laranzman son lanterman i resevwar sa benefis.  Sa benefis i ganny servi pou asiste dan peyman bann depans son lanterman.

Mr Deputy dezyenm kalite lasistans ki sa lazans i adminsitre se lasistans finansyel siplemanter ki atase avek bann kondisyon.  Bann dimoun ki zot reveni pa ase pou zwenn zot bann depans debaz i resevwar benefis siplemanter.  Pou en dimoun kalifye sa lasistans son reveni ansanm avek reveni lezot manm sa lakour i ganny mezire par rapor avek depans debaz sa lakour.  Si reveni total sa lakour i tonm par anba sa sonm etablir la sa dimoun i kalifye pou ganny asiste.  Mr Deputy la ankor i en area ki i annan bokou labi akoz serten dimoun i refize donn bann lenformasyon debaz e ler kalkilasyon i ganny fer souvan bokou i avantaze pou resevwar en tel lasistans.  Me dan lot kote i annan serten ki odnn tou sa lenformasyon me son ka i ganny refize.  Alor la i bezwen fer rapel ki souvan i antrenn avek li en bann konplikasyon.  Mon panse ki menm si i annan sa sistenm kalkilasyon elektronik ki ganny servi sa pa toultan reflekte vre merit pou serten dimoun ganny asiste.  Parmi bann statezik ki lazans pe servi pou amelyor zot servis delivery se ki bann zofisye oubyen Processing Officer i baze dan tou distrik atraver pei a plen tan.  Me la ankor i annan serten defayans akoz i paret ki i annan serten distrik ki ankor pe rankontre difikilte pou resevwar en tel servis a plen tan.  La bann aplikan i kapab fer zot aplikasyon dan zot distrik olye desann biro santral Oceangate House.  Sa bann zofisye i osi donn konsey bann aplikan depandan lo laplikasyon ki zot in fer.  La mon demande ki i annan en pli bon balans ant zofisye reste dan biro pou resevwar kliyan e nesesite pou al kot bann aplikan I reste pou vwar vre sitiasyon bann aplikan.

Mr Deputy en lot keksoz remarkab ki sa lazans pe fer se ki dan son zefor  pou redwir lakantite dimoun ki depan lo lasistans fiansyel Lazans Proteksyon Sosyal pe osi travay an kolaborasyon avek bann lezot partener pou ankouraz bann dimoun ki pa dan lanplwa pou rod en travay, sa ankor e merit ganny entansifye.  Lefe ki dan lepase in annan bokou labi dan sistenm kot bann aplikan in deklar fo lenformasyon lazans pe osi etablir lyen direk avek lezot lorganizayson parey lotorite Licence, Seychelles Revenue Commission e Departman Lanplwa pou konfirm serten lenformasyon ki aplikan i donnen e osi ganny plis lenformasyon lo bann aplikan.  Sa pe osi ede pou determinen lekel ki vreman merit bann tel lasistans me ankor plis ranfor i merit ganny mete dan sa direksyon.

Lotorite distrik i en partener kle ki dwatet annan en input konsiderab dan en tel prosesis.  La mon panse ki bann entervenan ki pou delibere apre sa pou koz enpe plis lo la.  I bon osi note ki lazans i annan en sistenm rapel kot kliyan ki pa dakor avek desizyon ki’n ganny pran i kapab fer en raple, sa i ganny fer atraver en review panel me ankor i annan en nesesite pou revwar en tel prosedir.  Tou lazans konsernen i merit donn en koudmen pou dekouraz bann endividi vin depandan lo lasistans finansyel me rod tou mwayen neseser pou ankouraz sa bann dimoun pou rod en travay.  Lazans Proteksyon Sosyal pe entansifye zefor pou ankouraz dimoun ki vin fer laplikasyon pou lasistans finansyel siplemanter ki pa dan lanplwa pou rod travay.

An 2011 parmi sa 12, 979 laplikasyon pou lasistans finansyel siplemanter 4,153 ti fer laplikasyon akoz zot ti san en lanplwa.  Pou Zanvye 2012 total aplikan ti 1,296 e parmi 351 ti san lanplwa.  Lazans in alors komans en legzersis pou plas bann dimoun ki pa dan lanplwa e ki vin rod lasistans sosyal dan travay kominoter dan zot distrik olye zis donn zot larzan sa bann dimoun i bezwen fer en travay ki enkli netwayaz lanvironnman legliz, simityer, lopital, lakour bann vye dimoun aze zis pou donn serten legzanp.  Sa mon panse i merit al bokou pli lwen.  Si sa bann dimoun i kapab pran travay kominoter mon panse ki i anann bokou ladan alors ki annan sa abilite pou pran osi travay aplentan.

Dan sa demars Minister responsab pou lanplwa e bann lazans lanplwa i merit vin pli proaktif zot merit fer plis outreach programs dan kominote pou entansifye sa konpany pou ankouraz bann ki pa dan lanplwa pou rod en travay.  Pou bann ki vin rod lasistans finansyel pou en dezyenm fwa akoz zot napa en lanplwa zot bezwen montre omwen de levidans ki zot in fer prosedir neseser pou rod en lanplwa.  Sa levidans pou osi ganny zistifye avek lorganizasyon konsernen.  La mon lans en lapel avek sirtou bann zenn pou pran louvraz ki available ziska ler zot ganny sa travay ki zot ti a kontan fer komanen karyer.  Tou dimoun i merit donn lazans proteksyon sosyal en koudmen dan son demars pou li donn en servis ki bokou pli efikas.  Tax payers Sesel i anvi vwar ki lasistans i al kot bann ki vreman merite, tax payers i fistre ler I vwar bann zonm e fanm for ki kapab travay me ki zouir benefis lasyer lezot ki trimouse pou akonpli son responsabilite sosyal.

Dan en pti resers ki monn fer Mr Deputy statistik i montre ki lakantite dimoun lo payroll pou lasistans e benefis zis pou mwan Me 2012 ti konm swivan:  Welfare ti annan 2,290 dimoun e sa ti kout Gouvernman en sonm R3, 730,747.35.  Family support ti annan 618 resipyan e payman ti ariv R1,28,924.00  Busary pou post segonder ti annan 1,778 resipyan e sa ti kout Gouvernman en sonm R1, 478,600.00.  Zis pou mwan Me 2012 Gouvernman ti fer payman pou en total lavaler R6,238,271.63.

Mr Deputy rikord e statistik i montre pou ki mwan Zen sonm total ki’n ganny depanse pou lasistans i kontinnyen ogmante.  La mon pe lans en lapel avek bann etidyan pos segonder pou servi sa lasistans byen kot sa i a ed zot pli byen dan zot letid, akoz ankor la i annan rapor ki serten i depans sa larzan zis dan divertisman e bliy nesesite fondamantal akoz zot ganny en tel allowance.  I  bon note ki sepandan ki avek serten travay sansibilizasyon ki pe ganny fer lakantite resipyan lo Welfare ti diminyen par 283 sorti mwan Avril pou Me, me peyman ti kantmenm sa ogmante par en sonm R192,806.00 anvi ki ti annan en logmantasyon dan sonm ki bann resipyan ti resevwar an rezilta logmantasyon dan pri serten servis.

Statistik i osi montre ki i annan plis madanm ki msye lo Welfare.  Anse Etoile i reste sa distrik avek pli gran norm resipyan lo en tel benefis.  An relasyon avek group laz, statistik i montre ki plis dimoun ki pe ganny asiste i dan group laz 36 a 45an e ziska Me 2012 ti annan 919 resipyan e zot ti resevwar peyman pou en total R97,776.00 ki reprezant 26 poursan sonm peyman total pou mwan Me.  Statistik i osi montre ki anviron 186 endividi ki pe resevwar benefis i ant laz 18 a 25an e s ai reprezant 8 poursan sonm total ki ganny peye ki ti ganny peye an Me, ladan i annan 61 madanm ki reprezant 87 poursan sa kategori laz.

Mr Deputy sa bann statistik i koz pou zot menm nou alors kapab konstate ki en gran poursantaz bann dimoun ki lo welfare i ant sa group larz kot en sitwayen i sipoze pli prodiktiv an term lanplwa, alors mon sizere ki en letid aprofondi e dan limedya i ganny fer pou determinen si tou sa bann dimoun ki pe resevwar lasistans i vreman merit sa lasistans e baze lo sa letid trouv bann mekanizm neseser pou ankouraz bann ki pe abize pou pran lanplwa o pli vit posib.

Mr Deputy lezot statistik i montre rezon akoz bann resipyan ant 18 a 20an pe ganny asiste.  Zis serten sif par egzanp i annan apepre 15 resipyan ant sa laz 18 a 20an ki dir poudir zot napa sufficient income e alor Welfare lazans pe asiste zot.  Bann ki pa pe anploye i annan 26, pou rezon medikal i annan enn e an total sa i fer en total 42 resipyan e sa dan limenm ankor i en sif ase signifikan.  Alors Mr Deputy sa bann statistik i prouve ki en zefor remarkab i merit ganny fer dan s domenn.  26 dan 42 resipyan ant 18 a 20an e sa i reprezant 62 poursan lakantite resipyan ki bann ki pa pe travay, ler zot ti fer laplikasyon rezon prensipal zot in donnen se akoz zot pa travay, 24 dan sa 26 pa ti pe anploye an rezilta lansantman.  Dan sak 14 resipyan 11 ladan pe ganny asiste an rezilta lansentman anba laz.  6 dan 33 resipyan ti pe resevwar benefis an rezilta lansentman in fini ganny zot zanfan me zot ankor pe attend lekol.  Alor lazans i bezwen vwar li pe kontinnyen asiste zot ankor la sa i fer en depans anplis.

Serten bann sif prezante Mr Deputy i klerman ilistre ki i annan en nesesite profon pou ki nou bann zenn i regard zot priyorite e pran zot letid oserye.  Sa letap dan zot lavi kot zot ti sipoze pe study pou determin zot fitir karyer zot vwar zot tonm ansent e la zot pa zis briz zot lavenir me osi met en fardo lo Gouvernman pou kapab soutenir zot, akoz dan lamazorite ka zot pa vwar ankor sa zonm ki responsab ki ti pe zis have a good time me apre kit zot an plan e ale.

Parey monn fer sorti oparavan an semoman i annan sa out cries sorti kot sirtou bann tax payers ki santi ki dan bokou ka sa lasistans pe ganny abize par bokou e ki in ler pou nou met en lafen avek bann tel labi.  Malgre nou konstate ki en sistenm sirveyans apropriye pa enn ki pou neseserman mars 100 poursan e adres tou bann defayans ki sa lazans i bezwen vwar li fer fas avek mon pou kantmenm Mr Deputy fer serten sizesyon e propozisyon ki a ede koman bann mezir sirveyans pou adres sa problenm labi kot i egziste.  Premyerman ki en mekanizm i ganny etablir pou ki i vin obligatwar pou ki peyman utilities serten bann dimoun ki ganny asiste i ganny fer direk par lazans kot laprev i montre ki sa lasistans pe mal ganny servi.  Ki bann staff lazans i ganny tou sipor neseser pou ki zot vin pli efikas e kapab pli fasilman detekte kot labi pe pran plas.  Ki bann zofisye i pas kot bann lakour pou anmenn sa ledikasyon pli pre avek dimoun e pou esansyelman vwar lekel ki vreman bezwen en tel lasistans.  Se ler ou vizit ou dimoun ki ou kapab pli mye konstate lekel ki vreman dan bezwen e lekel ki pe abize.  Lazans e son bann partener pros i merit organiz bann outreach progranms pou target bann dimoun sirtou ki ganny asiste me ki mal servi sa lasistans pou abiz lo sa lasistans.  Anmenn bann aktivite tel ki role plays dan kominote pou fer nou sitwayen pran konsyans ki zis depan lo Welfare tousel pa sifi, se an travayan dir ki enn i kapab ankonpli son rev dan lavi.  Lazans avek son bann lezot partner i merit entansifye zefor pou donn manm piblik plis lenformasyon e fer zot vwar vre nesesite leve e debourye, sa i kapab posib atraver pli etrwat kolaborasyon travay ant lazans e Minister Lanplwa.  One on one session avek bann dimoun i fason pli efektiv pou transmet lenformasyon e anmenn sa sansibilizasyon.  Job fairs lo nivo distrik ou rezyon i a osi ede pou edik dimoun lo posibilite travay e vancancies ki egziste dan distrik ou bann distrik vwazen.  Bann zenn fiy ki tonm ansent ki apre pa vwar papa zanfan me kot papa i souvan en adilt ki dan lanplwa, then mezir neseser i merit ganny pran pou fer sa bann zonm asim zot responsabilite.  Family Tribunal i merit mord pli for bann ki pa maintain zot zanfan pou asire ki maintenance zanfan i ganny onore e ki bann paran konsernen pa negliz zot responsabilite sa i ava ede tir fardo lo lazans ki souvan bezwen asim sa bann rol paran.

En mekanizm pli efektiv i merit ganny met anplas pou bann resipyan avek en maladi kronik ou dezabilit permanan pou anpese ki sa kategori dimoun i bezwen vwar zot pe pas atraver bokou difikilte avan ki zot lasistans i ganny aprouve ou renouvle.  La mon panse ki bann ki fer assessment medikal pou sa bann pasyan i merit travay an pli etrwat kolaborasyon avek lazans e vis versa pou fer bann bon assessment e kot bann meyer desizyon i ganny pran.  Ki lazans e etablir en hot line kot manm piblik ki annan konsern e ki vwar dimoun ki pe mal servi sa larzan i kapab raport zot konsern e la kot aksyon apropriye a ganny pran kont bann ki zis diverdi kontan lo larzan Welfare.  I annan leka kot bann ki ganny sa lasistans zot zis party e apre ki ou vwar?  Zanfan napa bezwen neseser pou al lekol e lezot bezwen debaz lafanmiy i ganny neglize.  Dan lenstans kot i annan ase laprev pou prouv labi si nou merit servi en sistenm aste konmisyon debaz pou sa bann resipyan olye donn zot sa larzan annou konsidere.  E la mon pe fer referans spesifik kot sa lasistans i kontinnyelman mal ganny servi par bann resipyan ou bann resipyan an kestyon.  Toulezot partener sosyal i merit vin on board pou donn en koudmen dan sansibilizasyon nou pep lonisite pou bon planning e budgeting dan lafanmiy.  Vwala kot legliz e lezot NGO’s i merit zot osi donn en koudmen dan sa direksyon.  Sa sinerzi ant tou bann partener konsernen I tre tre enportan.  Annou nou tou donn sa koudmen edik nou dimoun lo determin byen zot priyorite.  Annou evit bann depans ki initil e touzour mazin fer en pti savings pou letan dir.

En letid aprofondir i merit ganny fer pou determinen konbyen zenn ki pa dan lanplwa me ki kapab travay e ki pe depan lo Welfare e trouv meyer fason pou tir zot lo Welfare e ankouraz zot pou pran lanplwa formel.  Lazans i merit redefinir kwa ki zot konsider en house hold.  Souvan anba menm trwatir bann tripo i ganny fer ansanm me sa bann resipyan ki ganny asiste i ganny kategoralize anba diferan househole.  La en lot area kot souvan i fer ki annan swa labi ouswa kot nou trouv merit pou serten manm fanmiy sa bann househole ganny asiste i mal ganny determinen.

Bann zofisye i merit ranforsi zot lenspeksyon kot bann lakour kot sirtou bann pansyonner pa zouir sa benefis zot vye zour akoz swa manm fanmiy ou sa ki kolekte sa lasistans i donn bal lo sa larzan e souvan kit sa bann vye granmoun dan en leta labandon.  Monitory entans e mezir sever i merit ganny pran kont serten home carers ki pa regilye avek zot duty ou ki pa raport travay ditou me ki nou vwar, sak fwa lapey i fer zot premye dan lalinny pou al tous zot peyman.  In ler enn fwa pou tou pou met en full stop avek sa sitiasyon.  Mon osi ensiste ki plis konsiltasyon i ganny fer avek lotorite distrik kot la en zefor pli kordinen i kapab ganny etablir pou determinen lekel ki vreman bezwen ganny asiste e lekel ki pe abiz lo sistenm en kantite dimoun i esey tre dir pou fer de bout zwenn me i pa toultan posib pou zot fer sa malgre tou zot sakrifis, me de lot kote i annan ki swadizan lo lasistans byennet me ki pe al deal dan bann sibstans ilegal ki servi sa larzan pou gamble, travel overseas zis pou donn serten legzanp.  Ki lotorite konsernen i osi seryezman revwar sa metod kalkilasyon ki asire ki sonm lasistans pou resipyan ki kalifye i ase sibstansyel pou zot kapab zwenn zot bezwen debarz avek pri lavi ki kontinnyelman ogmante i touzour annan sa kategori dimoun ki kontinnyelman – ki malgre tou zot zefor i trouv li difisil pou soutenir zot fanmiy.  Mon sizere alors ki en komite i ganny etablir pou revwar sa sistenm kalkilasyon ki a ganny servi pou determin merit en laplikasyon.  La bann dimoun ki vreman merit lasistans zot a kapab ganny konsidere e sa i merit ganny fer dan en dele letan rezonnab.

An konklizyon Mr Deputy in ler pou tou Seselwa realize ki nou pe viv lo en group zil elwanye avek larestan lemonn, e kot tou sa ki nou fer i annan en kou finansyer atase avek.  In plis ki ler pou nou aret pran keksoz for granted e leve e donn sa ki meyer de nou menm.  Ki pli bon fason pou fer sa si pa atravayan dir.  In ler pou nou aret donn leskiz pou zistifye nou lapares.  Bann ki kapab travay fodre zot leve e travay dir kot sa anretour a retir sa presyon lo Gouvernman ki trouv li pe envestir bann sonm egzorbitan pou pey bann tel benefis.  Sa striktir i la pou bann ki vreman dan bezwen.  Alors koman en nasyon annou nou tou ansanm trouv bann fason posib pou etablir en pli bon sistenm sirveyans pou evit labi.  Mon konvenki ki atraver bann lentervansyon ki pou swiv bokou bann lezot sizesyon e lide a ganny fer resorti.

Mr Deputy mon demann tou manm pou aport zot sipor pou sa Mosyon. Mersi.

 

MR DEPUTY SPEAKER

Bon Mosyon in ganny prezante.  Okenn Manm ki segonde?  Onorab Lebon.

 

HON LENNY LEBON

Mersi Mr Deputy Speaker.  Mon oule segonn Mosyon e mon oule dir de pti mo la lo.

MR DEPUTY SPEAKER

Proceed.

 

HON LENNY LEBON

Mr Deputy Speaker, Mosyon anmennen par Onorab Arnephy pe demann Gouvernman pou met anplas en sitenm monitoring.  Dan sa Lasanble bokou in ganny dir lo sa size Welfare pandan repons lo speech leta lanasyon.  Dan son diskour ki Prezidan Michel ti fer dan sa menm Lasanble pou diskour leta anasyon e mon quote “Sistenm Welfare i la pou sa ki vreman dan bezwen e non pa pou sa ki pares.  Mon ensiste ki tou sa ki kapab travay e ki pe benfisye anba sa sistenm Welfare i ganny plase dan bann progranm travay o pli vit posib.  I ti kontinnyen an dizan mon oule fer kler sepandan ki nou pou kontinnyen met anplas bann mezir efikas pou asiste bann ki vreman dan bezwen e ki pa kapab travay.  Loter Mosyon pe koz lo en sistenm monitoring.  Akoz en tel sistenm?  Mr Deputy Speaker si nou pe koz lo Welfare se akoz nou anvi I vin en size lepase, kot nou pep ki bezwen ganny ede i ganny ede dan en dele letan kourt e kot sa sistenm I vin pli efikas, kot dimoun ki merit ganny asiste i ganny asiste.  Lazans Welfare i bezwen innovate e reponn a la realite lavi nou pep.  En tel sistenm i permet anpes labi e sa lazans i bezwen fer sir ki napa labi e ki sa ki kapab travay i al travay.  Prezidan Michel dan son diskour Leta Lanasyon 2011 ti fer resorti e mon quote “Pou sa travayer ki son saler i minimal e ki ankor pe rankontre problenm finansyel dan lakour, byennet sosyal i devret merit kapab asiste li tou deswit.  I ti dir, sa ki enportan pou nou retenir se ki en dimoun dan bezwen pa kapab esper plis ki 3 zour pou ganny en lasistans”.  Larealite dan distrik i pa li.  Ozordi zour en dimoun i bezwen atann apre 6 semenn pou ganny en repons avek Welfare.  Wi Mr Deputy Speaker lazans Welfare i bezwen innovate e vin pli proaktiv.

Avek en sistenm monitoring i pou permet anmas pli byen lenformasyon e osi esanz lenformasyon kot i fodre.  Ozordi zour dan distrik i annan dimoun ki dir ou ouswa i annan en persepsyon ki Welfare pe asiste tel ou tel dimoun e sa dimoun pa ti merit ganny asiste ouswa sa ki merit ganny ede pa pe ganny ede koman i fodre.  Kot en dimoun i bezwen ganny ede annou ed li silvouple – se nou pep sa.  En tel sistenm pou koriz sa bann persepsyon.

Mr Deputy Speaker in ler dan sa pei pou nou responsabiliz nou dimoun e bann zofisye Welfare i bezwen reste konekte avek nou pep e travay avek zot pou anmenn sa sanzman mindset.  Gouvernman osi i bezwen aret pran responsabilite pou sa pep.  Nou bezwen fran avek nou dimoun.  Si en dimoun pa kalifye nou bezwen kapab eksplik li byen akoz i pa kalifye.

Avek sa de pti mo mon oule fer en serten propozisyon avek Welfare.  Avek en sistenm monitoring Mr Deputy Speaker si ler bann dimoun i anmenn zot bann lenformasyon e Welfare i vwar ki sa larzan ki pe al asiste en dimoun i ekivalan son bann bill PUC akoz Welfare pa pey PUC direkteman, parey loter Mosyon in koz lo la oparavan.  Sa i ava permet bann dimoun anpes zot bill akimile e osi zot kapab manage zot bidze kot lakour.

Dezyenm propozisyon bann drugs addicts i bezwen annan en sistenm anplas dan distrik, ki permet zot ganny enpe komisyon kot en laboutik ki ekivalan sa larzan Welfare ki zot ti pou ganny asiste.  Sa i ava permet zot ganny enpe nouritir e non pa servi sa larzan mal apropo.  Social worker osi i bezwen pe travay avek sa zofisye Welfare e si ler i pe fer vizit i vwar ki en dimoun i bezwen ganny asiste avek Welfare i devret kapab fer rekomandasyon pou sa fanmiy ganny asiste.  Sa bann lazans ek Lotorite Distrik i bezwen travay an sinerzi e partaz lenformasyon.

En lot propozisyon i annan bann case ki nou apel bann genuine cases kot bann dimoun pa ganny asiste, sa i devret ganny revwar.  Nou bezwen ed nou dimoun e atraver sa sistenm ki loter Mosyon pe anmennen sa i a permet pou revwar sa bann ka.  Lazans Welfare i bezwen pe travay etrwatman avek Departman Imigrasyon e monitor bann dimoun ki pe rod lasistans me anmenmtan se zot menm ki pe travel detanzantan.  Sa i ava permet redwir labi e koriz bann defayans kot i annan e sa sistenm monitoring pou permet detekte sa e anpes labi lo sa sistenm.  I enportan fer resorti ki bann dimoun ki pe ganny asiste e ki pa pe travay i bezwen ganny met dan en louvraz, si fodre kre bann scheme annou kree.  I annan plizyer scheme ki nou kapab fer dan distrik ki permet kre louvraz pou sa bann dimoun.  Dimoun i dezwen travay e zot bezwen kontribye dan devlopman sa pei.  Monn toultan dir ki dan sa pei nou kapab fer keksoz, i bezwen zis en bonn volante.  Mon repete si fodre fer scheme pou met bann dimoun dan louvraz annou fer li.

Mr Deputy Speaker parey Prezidan in dir en dimoun dan bezwen pa kapab esper plis ki 3 zour pou ganny en lasistans.  Larealite lavi nou dimoun i dan kominote kot i viv.  Nou bezwen ed li, nou dimoun ki dan bezwen.  Lazans Welfare parey monn dir i bezwen bouz avek larealite Sesel.  En Monitoring System parey Mosyon pe demande pou anmenn plis transparans, permet anmas plis lenformasyon.  Avek sa mon pou aport mon sipor a sa Mosyon.  Mersi.

 

MR DEPUTY SPEAKER

Onorab Payet.

 

HON DAVID PAYET

Mersi Mr Deputy.  Mr Deputy Mosyon ki Onorab Arnephy in anmennen dan Lasanble Nasyonal i donn nou bann Manm sa loportinite pa zis pou debat lo sa Mosyon me anfezan sa kontribye dan deba Nasyonal lo en size ki tous tou Seselwa.  Alor  mon swe ki sa deba ki isi dan Lasanble Nasyonal i eklersi nou popilasyon lo en elman esansyel nou kalite sosyete e sa se nou sistenm byennet sosyal.

Mr Deputy Mosyon i demann lotorite konsernen pou monitor litilizasyon larzan lasistans soyal ki bann benefis i fer pou evit labi.  Sa Mosyon i montre nou ki litilizasyon larzan lasistans sosyal par dimoun ki pa konsyansye e ki iresponsab i kapab en sours labi dan sa sistenm.  Mr Deputy pwen ki mon oule fer se ki i difisil pou monitor dimoun letan zot depans larzan lasistans sosyal.  Deplis monitoring i risk kout ser pou administre si tro bokou dimoun pe fer labi e si i ganny fer dan en fason sistematik lo sak dimoun ki ganny sa lasistans, Ankor enn fwa en tel sistenm monitoring pou ganny vwar koman en form diskriminasyon kont bann dimoun ki ganny lasistans sosyal.  Alor sel fason pou fer monitoring ki efikas se pou target zis bann benfisyer ki levidans in montre ki zot pe abize.  Bann dimoun ki tonm dan sa kategori se bann ki alcoholic e bann paran ki resevwar lasistans sosyal pou zot zanfan me ki zot zanfan pa pe ganny bon swen.  Monitoring pou ganny fer avek bi amelyor itilizasyon larzan lasistans sosyal – savedir kot lenvestigasyon i prouve ki en dimoun pe mal servi larzan lasistans sosyal, sa dimoun pou ganny apele par servis sosyal e i pou ganny eksplike ki sa ki zot pe fer i mal.  Dan sa ka larzan ki pe mal ganny depanse se lasistans pou en zanfan sa paran i devret ganny enformen ki i pou nepli tous sa larzan e la servis sosyal i a trouv en alternativ parey en lot paran oubyen en lot manm lafanmiy.

Mr Deputy parey monn fer kler mon anfaver monitoring kot i target zis bann dimoun ki annan soupsyon ki zot pe mal servi larzan lasistans sosyal e a kondisyon ki sa monitoring i anmenn ver counselling e en bann form disbursement alternativ dan ka kot sa bann dimoun i kontinnyen abiz sa lasistans.

O komansman mon lentervansyon mon’n dir ki sa Mosyon i ofer nou Lasanble loportinite pou kontribye ver en deba nasyonal lo sa size lasitans sosyal.  Mr Deputy dan tou sosyete dimoun i pey tax.  Larzan tax i ganny servi pou prodwir bann servis kolektiv e bann byen piblik ki dimoun pa peye parey semen piblik, sekirite, ledikasyon e lasante.  Dan serten pei sa nosyon byen piblik i al pli lwen, i enkli byennet tou dimoun dan lasosyete akoz letan tou dimoun i annan en minimum konfor lasosyete i benefisye atraver mwens krim e plis sekirite.  Se sa kalite sosyete ki Sesel in adopte e nou sistenm byennet sosyal I sa lenstriman ki permet sa.  Alors fodre ki nou vwar sa porsyon larzan tax ki bann ki travay e biznes i peye e ki al dan finansman lasistans sosyal koman en zefor ki sa bann travayer e buisnessman pe fer anver solidarite Nasyonal.  Me i annan en kontra moral ant sa bann dimoun ki pey tax e finans lasistans sosyal e bann dimoun ki pe resevwar sa lasitans.  Sa kontra moral i baze lo 2 kondisyon.  Premye kondisyon se ki selman dimoun ki dan bezwen ki pou resevwar sa lasistans.  Dezyenm kondisyon se ki dimoun ki resevwar sa lasistans i devret servi li pou zot byennet oubyen byennet sa dimoun ki depan lo zot parey zot zanfan.  I kler Mr Deputy ki dimoun ki pe finans lasistans sosyal atraver tax ki zot peye pa pe donn dimoun larzan pou al bwar oubyen pou al priv zot zanfan manze e lezot komodite debaz.  Letan en dimoun i mal servi larzan lasistans sosyal sa dimoun pe kas sa kontra moral ki I annan avek bann travayer e biznes ki finans sa sistenm.  Bann tel dimoun i merit konsyan sa ki en travay sansibilizasyon i merit ganny fer dan sa direksyon.  En tel travay i ava asire ki tou dimoun ki tous larzan lasistans sosyal ava depans li dan en fason konsansye e responsab – ki vedir ki servi li pou reozn ki sa larzan pe ganny donnen e ki bann tax payers i a dakor avek.

Mr Deputy mon pou siport Mosyon table par Onorab Arnephy akoz mon krwar ki en sistenm monitoring ranforsi par en konpanyen sansibilizasyon pou redwir e menm posibleman elimin labi dan nou sistenm lasistans sosyal.  Sa pou anemnn plis efikasite akoz larzan lasistans sosyal pou benefisye zis bann ki dan bezwen e ganny servis selman pou aste bann bezwen ki sa lasistans i kouver.  Mon remersye ou Mr Deputy.

 

MR DEPUTY SPEAKER

Onorab Aglae.

 

HON ROMA AGALE

Mr Deputy, Manm Onorab, tou dimoun alekout bonzour.  Mr Deputy Welfare sistenm i en size ki preokip tou kous popilasyon dan pei ensi ki sa 3 brans Leta lo diferan nivo e persepktiv.  Lasistans Welfare i ganny etablir koman sa safety net ki Gouvernman in fer li koman son devwar pou enplimante parmi son bann polisi pou fer ki sa ki vilnerab dan lasosyete i ganny lasistans depandan lo zot kondisyon kour term pou ki zot kapab sirviv diran lemwan.  Mr Deputy ou pa bezwen kler vwayan pou realize ki en mank sistenm monitoring ki efektiv in diran sa bann dernyen lannen ede dan logmantasyon bann endividi ki pe fer laplikasyon pou diferan benefis sosyal.  Frod Welfare Mr Deputy i bann lenstans labi entansyonnel pou anretour resevwar larzan piblik ilegalman e se sa i ganny fer par donn bann fo lenformasyon lotorite konsernen apropo reveni endividi.  Leta Lasante ensi ki pa kominik avek lazans Welfare kan en endividi in retourn dan lanplwa.  Frod apropo Welfare i devret ganny regarde koman en lofans ki serye devan lalwa en lofans ki pa selman enpakte lo bidze leta me osi lo bann ki kalifye pou ganny en tel lasistans.  Me ki nou’n vwar diran sa bann dernyen lannen Mr Deputy?  En labi lo sa sistenm – anvi ki lakantite ka ki departman sosyal i oversee e en mank mekanizm e resours pou monitor tou bann ka lo en baz endividyel e kontinnyel – i inevitab ki serten endividi pou rod tou fason pou abiz lo en tel sistenm ki egziste pou ed e asiste bann ki trouv zot dan difikilte finansyer.  Deplis Mr Deputy a mon avi nou sistenm Welfare ziska ozordi menm si nou konnen ki i annan dimoun ki pe donn bann fo lenformasyon ouswa abize narnyen pa arive avek zot se la kot petet i bezwen annan lentervansyon ouswa involvement nou sistenm Zidisyer akoz labi lo benefis Welfare i en frod avek larzan piblik.

Nou sistenm Welfare i mank amelyorasyon e lakadreman pou retir dimoun lo lasistans annefe i en sistenm ki pourtant pou gard dimoun lo lasistans Welfare pou en long dele letan an dot mo zot pa vwar nesesite alors pou rod en lanplwa.  Osi enportan note Mr Deputy nou pe donn Welfare lo en baz reaktiv par egzanp kestyon ki manm piblik pe demande, i oli sa bann papa ouswa manman ki’n separe avek zot partner?  Konbyen lasistans Welfare ki pe ganny donnen ozordi akoz en paran tousel pa pe kapab soutenir son zanfan?  Sa paran ki end up avek zanfan i bezwen pran son responsabilite met sa lot paran son zanfan devan Tribinal Lafanmiy pou ki i pey son alimoni akoz se lasosyete ki bezwen pey pou lepanouisman ou zanfan.  Oli ou responsabilite paran?

Mr Deputy etan donnen ki depans Welfare i kout pei en parti signifikan bidze leta, etan donnen ki i ennde rapor labi e pli enportan i larzan bann tax payers.  Koman led Departman Sosyal mon ti a sa pwen propoze ki sa departman i etablir en hotline pou manm piblik kapab donn lenformasyon ki ava asiste sa departman pou elimin bann labi e anretour retir presyon lo bidze leta.  In tous ki ler ki Gouvernman pran en lapros pli aktiv e lans en konpany pou edik lasosyete pou reisir zot laspirasyon atraver lanplwa e non pa atraver Welfare.  Etan donnen presyon ekonomik pei ki sanze zour an zour nou sistenm Welfare osi i bezwen ganny revize regilyerman e modernize, i bezwen pli aktiv e devlop dan en sistenm ki met lanfaz lo laspe travay ki en endividi I kapab fer – non pa selman lo son difikilte ouswa maladi ki evantyelman kalifye li pou lasistans Welfare.  I bezwen en sistenm pli kadre pou ed dimoun pou retourn dan lanplwa dan en dele letan afordab pou sistenm limenm e pou revwar ka par ka bann ki deza lo lasistans, pou evalye si vreman napa louvraz ki zot kapab fer pou ganny en reveni olye e abiz lo Welfare.  Nou bezwen pli proaktiv dan nou fason panse. Nou bezwen devlop en tansdans inovativ parey nou Prezidan pe enplor nou sosyete an zeneral.  Wi i annan bann ka ekspesyonnel e sa nou konpran klerman Mr Deputy.

An Fevriye sa lannen Mr Deputy pwisans tel ki Leta Ini ti pas en lalwa reform pou fer ki leta i aktivman pran responsabilite sirvey lafason ki lasistans Welfare i ganny depanse par bann endividi, e bokou nou bann prop sitwayen pe dir in tous ki ler pou pran en menm lapros.  Mr Deputy tax payers pe kestyonnen, akoz i ase fasil e atraktiv pou en endividi deside al lo Welfare olye ki i antre dan en lanplwa e pey tax parey lamazorite Seselwa?  Akoz nou paret pe ed plizoumwen bann dimoun Welfare lo en baz kontinnyel olye regard pli pros bann endividi ki lo saler minimum?  Dimoun ki dan lanplwa me ki realistikman zot pe struggle pou fer debout zwenn diran le mwan pou soutenir zot fanmiy.  Tax payers i konsern apropo labi lo lasistans Welfare zot oule vwar en sistenm ki ganny enplimante pou sa ki vreman merite me egalman zot anvi vwar Gouvernman i vin pli aktiv pou anpese ki larzan leta i mal ganny servi.

Prenan konsiderasyon sa ki’n ganny mansyonnen dan mon lentervansyon Mr Deputy mon pou siport antyerman sa Mosyon pou ki lasistans Welfare i bezwen ganny monitor dan en fason pli strikt e de pros.  Otan ki posib ka par ka bann endividi ouswa fanmiy ki pe resevwar sa lasistans larzan piblik.  Gouvernman i touzour annan lentansyon e sistenm anplas pou ed bann ki’n bite dan lavi, bann vilnerab e bann ki pe struggle pou fer debout zwenn.  Me en tel lasistans i devret strikteman ganny servi dan en fason byen ki relye avek konstrent en endividi.  Nou sistenm Welfare i bezwen ganny enplimante e fer piblik konpran ki i la pou ed bann endividi e fanmiy ki bezwen sipor tanporer ziska ki zot kapab revin otosifizan e non pa pou fer zot ganny lasistans permanan.  Nou bezwen re-etablir konfyans nou piblik lo sa sistenm Mr Deputy e nou bezwen vin pli sever e pli smart ki bann ki oule foud sistenm. Mersi.

 

MR DEPUTY SPEAKER

Onorab Hoareau.

 

HON HERBERT HOAREAU

Bonzour Mr Deputy, bonzour tou bann Onorab e en bonzour spesyal pou tou zabitan St Louis.  Mr Deputy Welfare se larzan, Welfare se tax e Welfare se en problenm isi dan nou pei avek bokou labi dan sistenm.  Sa ki donn lasistans i domineer, sa ki vreman bezwen i plere e sa ki pa bezwen I frot lanmen e zour Prezidan letan i sou.  Led finansyel i neseser dan nou pei pou donn bann dimoun ki envalid, pou bann pansyonner, pou bann ki bezwen Family Support, pou bann home carers e pou bann ki vreman bezwen Welfare.

Mr Deputy letan mon get bann sif pou distrik St Louis sa i fer mwan pans de fwa e mon demann mon lekor si mon pa Onorab lo en kartye maron pe flote e pe ale.  Mon dir sa akoz toulemwan dan distrik St Louis i annan 26 dimoun ki lo pansyon envalid ki kout Gouvernman en sonm R62, 778.  Toulemwan i annan 187 pansyonner ki kout Gouvernman R474, 905.  Toulemwan i annan 50 fanmiy ki lo family support e ki kout Gouvernman R50, 499.  Toulemwan i annan 72 home carers ki kout Gouvernman en sonm R187,778 e tou le mwan i annan 102 ki lo Welfare Assistance ki kout Gouvernman R143,535 e la ankor fodre nou get ladan.

Mr Deputy tou sa pou en modi sonm plis ki R910 mil par mwan zis pou distrik St Louis.  Sa se laverite, sa se larealite parey grannwar i dir.  La mon pou defann sa bann ki bezwen Welfare e mon pou sorti pou defann mon distrik akoz nou annan bokou trwazyenmarz ki lo pansyon vyeyes.  Me ankor i annan serten ki pe abiz lo sistenm e les bann ki vreman dan bezwen ater.  Alor mon demann sa Minister pou fer sir ki bann ki vreman bezwen home carers i ganny en carer e ki sa carer i respekte sa bann dimoun pou ki zot travay e respekte zot propriyete.  Mon dir sa avek en silvouple.  I fer mwan dimal letan mon antann ki en vye dimoun in ganny vole par son carer, i fer mwan dimal letan  mon vwar en bann carer maltret sa bann menm dimoun pou ki zot pe travay avek.  Mon pa pou tolere sa dan distrik St Louis e si fodre nou pour pan aksyon avek sa bann ki fer li.

Mr Deputy mon konn serten ka dan serten distrik kot i annan ki pe ganny lasistans me pe kontinnyelman al Dubai pou fer shopping.  Petet sa i enform son drwa anba sa Minister ou petet i annan clause ki pe ganny servi e sa madanm i annan en baton mazik.  Dan mon distrik i annan menm serten dimoun ki lo Welfare ki kapab travay limenm li i oule vin vwar mwan, limenm li i pa oule espere, limenm li ki konplent plis, limenm li ki pou kraz sa lanmen ki pe fer lidibyen.  Me i annan bann madanm avek bann zanfan ki pe rod lasistans Welfare e papa pape ede, e la Welfare pe donn li zis ase pou ase dipen.  Me bann paran ki bwarer Welfare i donn zot larzan e la zot kit zot zanfan san manze, la letan mon assize, mon demann mon lekor si mwan mon pa en annara.

Mr Deputy larout ver laprosperite i long se sak dimoun ki oule zis pike e paoule travay pe pas zot letan vole e fer soufer zot fanmiy e zot pei.  Sa menm dimoun i merit ganny sanksyonnen.  Nou pei i bezwen tou dimoun pou avanse, nou pei i bezwen tou dimoun pou kontribye pou en lavenir solid, nou pei i bezwen fer sir ki sa ki’n ganny kit deryer i ganny atrape par sa ki pli for e trenn li si fodre avek lafors.  Sak imen i en imen me lanatir i dir ki nou bezwen travay pou manze, petet sa i en lozik ki merit antre dan latet out politisyen.

Mwan mon pou aport mon sipor pou sa Mosyon pou ki Gouvernman i entrodwir bann fasilite neseser pou permet ki bann lenspekter i ganny etablir e analiz ka par ka bann ka ki frazil pou ki nou avans devan trankil, pou ki lapares e triker pa kontinnyen reste lo latab.  Sa set en travay pou nou tou e responsabilite pou nou tou.  Mersi Mr Deputy.

 

MR DEPUTY SPEAKER

Bon avek sa nou apran en break nou a rezwenn 2er.

 

(Lunch)

 

 

 

MR DEPUTY SPEAKER

Bon, nou a kontinnyen nou travay lo Order Paper avek deba lo Mosyon prezante par Onorab Arnephy.  E mon ava envit Onorab Fideria.

 

HON EMMANUEL FIDERIA

Mr Deputy, mersi.  Bann koleg MNA, tou zabitan ki pe ekout nou kot lakour, bonn apre midi.

Mr Deputy, Mosyon devan nou Lasanble ozordi i en size pertinan.  Plizyer sitwayen i annan lopinyon divers lo la.  Sesel i en pei ki’n devlop sitan vit dan sa dernyen 10  lannen ki’n pase.  Filozofi Parti Lepep ki dan Gouvernman ozordi i fonde lo en prensip sakre ki toultan met byennet tou son sitwayen koman enn son priyorite.  Mr Deputy, sa prensip i kree sa posibilite e donn loportinite tou nou sitwayen atraver prensip legalite dan loportinite pou asire ki personn pa ganny kit deryer.  E dan nou parkour pou kontinnyelman amelyor nou performans, spesyalman dan kad bann reform ki’n arive, nou reste kontinnyelman angaze pou serse, rode ki bann meyer fason pou fer nou tou bann servis ek fonksyon dan tou nou bann lorganizasyon vin pli smart.

Mr Deputy, ozordi nou tou isi dan sa Lasanble, nou annan en privilez pou koz lo Lazans Byennet Sosyal.  Mon fyer isi Sesel nou annan en tel Lazans Byennet Sosyal.  Dan plizyer pei sa i en rev.  Me ozordi, nou pe sey rode kimannyer nou pou anpes labi atraver bann lasistans finansyel ki sa lorganizasyon pe donnen pou asiste nou sitwayen.  Nou pe debat lo kimannyer meyer fason pou garanti ki Lazans Byennet Sosyal i asiste selman bann endividi ki vreman bezwen e merite ganny asiste.

Mr Deputy, dan bann pei pli devlope ki parfwa nou site isi dan sa Lasanble koman bann model bann gran demokrasi, i annan sitwayen ki tonm dan sa kategori vilnerab.  Nou pa pe koz lo mil, nou pe koz lo milyon endividi.  Koman en Gouvernman, nou bezwen rod tou bann fason pou fer sa bann dimoun sorti dan sa bann sitiasyon, me nou pa kree bann kondisyon kot en sitwayen i kontinnyen depan lo en lorganizasyon pou fer li ek son fanmiy kontinnyen viv lo la.

Mr Deputy, mon panse ki nou tou dan sa Lasanble nou dakor e konpran nesesite kreasyon Lazans Byennet Sosyal e konsekaman nou osi rekonnet ki dan sa letap ki nou ladan aktyel, sa lorganizasyon pe fer fas avek plizyer defi.  I sa rezon prensipal e pli enportan akoz nou bezwen met lespri ansanm pou nou donn en solisyon sa bann defi ki devan nou.

Mr Deputy, lo sa size labi, nou bezwen en solisyon serye.  En solisyon pou nou elimin labi, nou pa kapab anvoy pou demen bomaten.  Mon krwar nou bezwen fer en resers serye pou nou vwar akoz, kimannyer en sitwayen pou lannen apre lannen pe kontinnyelman ganny lasistans finansyel avek Lazans Byennet Sosyal.  Menm si sa enn, oubyen plizyer endividi i napa okenn problenm andikape, i ankor for, ranpli avek kouraz e sa menm endividi, ler ou get lo son rikord, zanmen in fer en kontribisyon dan sa pei.

Mr Deputy, si en sitwayen in ganny asiste pou 3 oubyen 6 mwan, i bezwen prouve ki i pe fer en demars serye pou li ganny en travay e ler i montre en laprev ki i merite, sa Lazans a determinen ek sa saler ki i pe gannyen, son ka ava ganny evalye pou determinen si i pou kontinnyen ganny sa lasistans.

Mon dir sa Mr Deputy, i annan dimoun ki’n travay plis ki 30an, in kontribye dan devlopman sa pei, pou en rezon ou en lot i trouv li dan bezwen en lasistans, sa dimoun i ganny dir ki i pa kalifye.  Sa Mr Deputy, i pa korek.  Mr Deputy, dan bann ka koumsa i enportan ki nou get ladan seryezman.

Dan sa size deba lo Lazans Byennet Sosyal, i anmenn pou entrodwir bann dimoun ki’n pran depar volonter.  I annan pa mal de zot sa bann endividi, bann mer ouswa per-d-fanmiy ki mank zot mwayer pou soutenir zot lekor oubyen zot fanmiy.  Laz ki sa bann dimoun in arive, 50an ou plis.  Zot vwar li difisil pou ganny en lanplwa e ou vwar ki sa bann dimoun pa pe ganny en lasistans.  Mr Deputy, i enportan sa osi nou get ladan.  Sa larzan i larzan sitwayen ki pey taks.  En larzan ki sorti dan nou Bidze nasyonal e en dimoun ki’n leve e al debrouye e en lot ki dormi ziska 10er bomaten, zis i desann pou larzan apre mont kot li e kontinnyen dormi ankor.  Sa Mr Deputy, en demars serye i bezwen ganny fer ki sa ki merite ki gannyen.

Nou prosesis monitoring i bezwen vin pli smart.  Mon sizere ki nou ogmant kapasite sa Lazans pou fer li vin pli relevan avek sitiasyon ozordi.  Mon pe sizere ki nou bann travayer Sosyal i zwe en rol pli enportan pou swiv bann dimoun ki pe ganny lasistans avek sa Lazans Byennet Sosyal.  Ozordi nou bann Social Worker i devret annan en ler travay ki fleksib, ki pa neseserman zot vin travay 8er ziska 4er.  Mon krwar Mr Deputy ki plis bann problenm sosyal ki ozordi nou pe fer fas avek en tel sitiasyon, si nou bezwen anploy plis travayer Sosyal annou fer li.  Annou pa tro tarde.

Mr Deputy, petet ler in arive pou nou revwar legzistans e rol bann lenstitisyon parey DAC, NCC atraver en levanter serye e dan sa konteks devlop bann nouvo sinerzi antre zot menm, ansanm avek Lazans Byennet Sosyal e lezot ankor, tel ki Komite Lafanmiy lo nivo sak distrik, zot ava ede dan sa prose monitoring, ki ler en sitwayen i ganny sa lasistans, se ki nou konvenki dan nou menm ki nou pe fer lazistis akoz nou pe ed en dimoun, en fanmiy, en zanfan ki annan vre nesesite, ki bezwen nou led.

Pou kontinnyen Mr Deputy, i zis parey par ler, ler ou kondann en dimoun inosan dan prizon akoz ou lenvestigasyon pa’n ganny fer byen, levidans pa korek.  Sa i pe arive dan sa ki konsern prosesis lasistans atraver Lazans Byennet Sosyal.  E sa i enn parmi plizyer lenzistis e sa nou bezwen evite bann tel sitiasyon.  I pa reflekte byen dan nou lasosyete.

Mr Deputy, sa problenm si nou pa met lanmen lo li e met li anba kontrol la konmela, i pou deglise anba nou lanmen.  Tou dimoun dan lavi i kapab tonbe.  Sa Lazans i la pou met ou debout me ou pa kapab reste asize.  Ou bezwen leve e kontinnyen debrouye e debout lo ou lipye.  Nou pa kapab soutir lapares.  Nou bezwen kontinnyen kree en kiltir dan tou nou bann sitwayen.  Sa kiltir se en kiltir kontan travay.  Dan sa fason, sakenn de nou, nou ava akonplir nou rev ki Bondye in anmas pou nou e satisfe ki nou pe fer, nou pe ganny nou lavi dan nou ponnyen, pa lo laser nou prosen.

Mr Deputy, i en sarz pou ou ganny larzan lo fo preteks.  Si en dimoun in koz manti pou li ganny sa lasistans, li osi in komet en lofans e sa ki konsernen i bezwen ganny pini.

Mr Deputy, dan sak distrik parfwa ou vwar bann no man’s land.  I annan en ta lorganizasyon ki mank bann dimoun pou travay.  Nou kapab komans poste bann dimoun ki for, ki kapab travay avek sa bann lorganizasyon.  Tou larzan i bezwen annan en zefors ki vin avek e Mr Deputy, mon remersi ou e mon pou anmenn mon sipor pou sa Mosyon.  Mersi.

 

MR DEPUTY SPEAKER

Onorab Dugasse.

 

HON MELVAL DUGASSE

Mersi Mr Deputy.  Bonn apre midi tou Manm MNA. Sa Mosyon ki devan nou i tous en size ki tre enportan e tous tou kous nou sosyete.  Pou en lekonomi en pei prodiktiv, i bezwen annan bokou plis dimoun dan lanplwa ki lo Welfare. Me de tout fason, akfer ki nou bezwen dimoun lo Welfare dan en pei?  Lefe i reste ki dimoun i bezwen Welfare, zot bezwen lasistans me egalman, dimoun i bezwen travay.  E la kot nou sosyete i bezwen rekonnet avek son bann baz fondamantal.  En dimoun i bezwen lasistans me osi i bezwen lanplwa, alors travay.  Travay i ou drwa.  Welfare set en privilez ki sosyete i ofer ou e ki ganny peye par larestan manm nou sosyete ki pe travay dir e ki ganny kolekte e redistribye par Gouvernman.

Mr Deputy, Proteksyon sosyal ti ganny kree avek bi redwir lenpakt reform ekonomik lo bann dimoun pli feb e pli vilnerab dan nou sosyete.  Par egzanp, en paran ki pe travay dir pou esey fer 2 bout zwenn ansanm e ki zot reveni i tro ba.  Anba sa lasistans, bann dimoun ki pa travay pe osi ganny asiste avek lentansyon ki zot fer zefor pou ganny en lanplwa, me se la ki sours nou problenm i ete.  I malere pou dir ki bokou sa bann menm dimoun pa pe leve pou rod en lanplwa.  Zot prefere depan e pe abiz lo sa sistenm.

Mr Deputy, parey loter Mosyon in dir, Anse Etoile i enn parmi sa bann distrik ki annan plis dimoun ki pe ganny asiste anba Welfare. Depi lafen Zanvye ziska Zen sa lannen, en total 232 laplikasyon in ganny resevwar sorti dan mon distrik.  Ladan, 135 pe ganny asiste.  I neseser fer remarke ki 48 parmi sa 135 i anba laz 40an e osi enportan pou note ki 48 i unemployed.

Mr Deputy, letan mon analiz sif parmi sa group zenn ki pe ganny asiste, i annan ki pe travay me sa ki zot pe gannyen pa ase pou soutenir zot fanmiy e zot merite ganny asiste.  Me par kont, i annan ki pa pe fer en zefor pou travay, me pe zis asize e depan lo leta e larzan tax ki nou frer e ser pe travay dir pou kontribye.  I annan en lot group ki zanmen in deza anploye.  Zot pe abiz lo sibstans e zot pran sa larzan zis pou satisfer zot adiksyon.  Alors Mr Deputy, in plis ki ler pou met en lord lo lekel ki vreman merit ganny asiste.

Ti annan en propozisyon ki bann dimoun ki pa travay ti pou ganny lasistans tanporerman, antretan ki Lazans i ed zot pou ganny en lanplwa.  Malerezman sa pa’n efektiv.  I annan dimoun Mr Deputy, ki’n ganny demande pou fer en travay kominoter, antretan ki zot pa pe travay me zot in kategorikman refize.  En latitid byen negativ sorti kot serten nou bann zenn ki montre ki zot pa enterese avek prodwir, me plito abiz lo sistenm.  Mon propoze ki Lazans i etablir en sistenm pli solid kot zot annan en dele letan spesifik kot zot kapab asiste en dimoun ki pa pe travay e ki zot travay an kolaborasyon avek Departman Lanplwa, bann lazans travay prive pou plas sa bann dimoun dan lanplwa formel.  Annou vwar si bann scheme pa kapab entrodwir pou abzorb sa group dimoun.

Nou osi konstate, ki ozordi dan nou sosyete, nou annan en bann group dimoun ki malerezman pou en rezon ou en lot i vin viktim labi sibstans.  Larealite ozordi Mr Deputy, se ki sa bann dimoun pa vwar zot dan en pozisyon pou travay dan en lanplwa formel.  Pou bann ki enterese e pe fer sa zefor pou geri zot kont sa adiksyon, mon ti a propoze ki Lazans konsernen ek Minister Lanplwa i travay lo en scheme kot nou kapab ed zot avek en lokipasyon pou en pe letan, pou zot kapab refer zot anmezir ki zot swiv zot tretman.  Mekanizm pou koup labi fodre ganny byen etablir e devret enn ki morde.  Nou konn tre byen ki i annan dimoun ki koz mansonz lo zot laplikasyon e bann zofisye Lazans malerezman parfwa tonm dan sa pyez.  Pou plizyer rezon par egzanp, mank lefikasite dan lenvestigasyon, Lazans i bezwen vwar fason pou travay pli pre avek bann lazans konsernen parey Licensing, Tax Reveni, Servis Sosyal, Imigrasyon, Lotorite Distrik e lezot pou fer sir ki laplikasyon i kontenir bann vre fe.  Avan ki en desizyon i ganny pran, fodre ki bann lazans konsernen in ganny byen konsilte.  Mon propoze ki Lazans Welfare i met an plas bann prosedir e lozistik lo nivo distrik pou permet zot bann travayer kapab desarz zot responsabilite avek plis efikasite, par egzanp Mr Deputy, i pou pli efikas si bann gran distrik i annan en zofisye permanan.  Pou lemoman, sa zofisye dan mon distrik i osi atase avek en lot distrik.  Kimannyer i pou kapab fer en bon monitoring? Nou devret osi vwar fason kot Lazans i kapab fer bann peyman direk avek bann servis tel ki PUC ou SPTC.

Mr Deputy wi, ler pou Lazans Proteksyon Sosyal ranforsi son mekanizm pou ogmant son lefikasite, koup labi, met an fors en sistenm monitoring efektiv e osi pli enportan pou koup sa bann gran letan ki dimoun dan bezwen i bezwen espere.

Ser e frer Seselwa.  Travay, travay, travay e kot ou pa reisir, sosyete ava ed ou, me leve bomaten, nou tou, desann e debrouye.  Mr Deputy, se sa ki nou pei i bezwen.  Se sa ki nou lekonomi i bezwen.  En nasyon travayan, en nasyon ki travay for e en nasyon ki fyer son prodiksyon e sa kalite lapros ki mon anvi Seselwa i pran.  Mr Deputy, mon pou san dout aport mon sipor pou sa Mosyon.  Mersi.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mr Deputy Speaker, mersi bokou.  Mon kontan pou entervenir lo sa Mosyon ki devan nou e mon lentervansyon pa pou tro long.  Mr Deputy Speaker, sa Mosyon i en tre bon Mosyon e i pe demann Gouvernman pou etablir en sistenm pou kontrol lafason alor sa sistenm Welfare i marse.  Me selman, letan mon gete ek larzan tax, ek larzan bann travayer ki al dan Welfare, mon vwar poudir lo kote Welfare i annan diferan kategori.  I annan sa ki nou apel bann benefits, nou apel sa statutory benefits, konmsi ki la nou pa kapab dispute.  Si en dimoun i envalid, i envalid e i ganny son benefis anba lalwa.  Ki i fer avek, ou pa kapab tro kontrole la akoz lalwa i dir i bezwen ganny tan.  Nou annan osi retirement pension, la osi ou pa kapab fer nanryen.  Si sa boug letan i ganny son larzan li i ale – i al Amusement Centre avek ouswa i bwar ouswa i fer whatever, i difisil pou kontrole akoz son larzan pansyon, anba lalwa ou bezwen donn li.  Ou annan bann orphan’s benefit, foster parents tousala anba lalwa i garanti, i donn li sa bann lasistans.  E i annan lezot ankor.

Problenm ki mon krwar i devan nou e ki nou merit koz lo la plis se ki nou apel Welfare Assistance.  La dimoun ki li i santi i annan en bezwen pou lasistans e i apros devan i eksplik son ka e i ganny asiste.  se la mwan, a mon lespri pou mwan, ki mon krwar i annan abuse la, i mank fason pou kontrole, i mank fason pou nou atak sa sitiasyon e asiste nou dimoun propreman e ed zot kot fodre propreman.  Ki mon oule dir la, se ki mon remarke e osi dan distrik Cascade, i annan plizyer zenn dimoun letan mon get lo lalis la, mon vwar i annan en kantite dimoun ki kapab travay e ki lo Welfare. Me mon pa kontan, anmenmtan ki nou koz mal lo sa bann dimoun akoz i zot drwa osi pou fer zot request, pou fer zot demann, fer zot laplikasyon pou lasistans letan zot santi ki zot bezwen e sa i normal.  Alor nou pa kapab montre ledrwa dan sa sans lo personn.  Lotorite.  Mon problenm mwan se avek Management sa Welfare la.  Mon problenm se avek lotorite.  Li lotorite i devret pe kapab anmenmtan annan en sistenm pou kapab ed bann dimoun, par egzanp en zenn i pe rod en travay, i annan li 2 piti, i pankor travay, nou bezwen asiste li e nou asiste li pou en serten letan.  Pandan sa letan la, nou devret pe plas li en landrwa.  Alors mwan, mon lapel se avek lotorite pou kapab idantifye bann landrwa travay, si zot oule fer en special scheme i ok me si non, annou met sa bann dimoun dan travay.  Prezan ou kapab fer laranzman kot i pe travay laba, kot ou’n plas li la, ou fer laranzman, pandan sa peryod probasyon, 6 mwan probasyon, 6 mwan ou donn li son lasistans Welfare, avek kondisyon, i pou aranz li, i pou aprann e ou monitor li e ki fer ki i kapab antre dan en lanplwa formel e otomatikman i sorti lo sistenm Welfare.  Koumsa depans pou Welfare i ava redwir, nou pa a depans sa kantite e nou a kapab pli byen asiste lezot ki byen bezwen sa lasistans.  Alors sa i enn.

Dezyenmman letan en dimoun i apply Welfare, nou bezwen regarde si son problenm i plis nou gete, son delo, son elektrik, son loan lakaz.  Si fodre lasistans la, Welfare i devret pey sa bann landrwa direk.  Savedir, si i en kestyon PUC, pou son elektrik, annou pey direk PUC from sa ki ou ti pou asiste li.  Dizon ou ti pou asiste li ek R2000, ladan si son bil i ariv R300, ou pey direk R300 avek PUC. Ou pa donn sa dimoun sa larzan akoz i riske pa al peye, souvann fwa zot pa al peye.  E menm zafer, si i annan son bout kontribisyon pou son loan lakaz, i tir direk laba.  Parey letan en dimoun i travay, i tir direk lo ou saler, la osi tir direk from sa lasistans ki ou pe donn li.  Sa i en lot pwen mon ti oule avans devan.

Mon krwar osi, in ler, avek sitiasyon ki nou ladan la, ekonomik, finansyel, in ler pou nou revwar, rekalkil sistenm ki Welfare i ganny fer.  Lafason ki nou asiste dimoun, akoz sa ki nou pe asisite la i pa rezonnab.  Byensir, mon konnpran akoz zot pe fer li, zot pa oule revwar sa sistenm akoz si ou revwar, ou pou vwar osi ki serten ka, lasistans i pou plis ki saler minimum. Savedir nou annan en problenm la ki nou bezwen, la mon pe koz Lotorite, i bezwen get de fas, par egzanp get posibilite dan en kour dele pou revwar osi striktir saler dan pei antye.  Revwar striktir saler, sirtou dan public service, pou kapab vwar alor kot saler minimum i kapab sanze, i kapab ganny zwe avek sa, en fason ki dimoun i kapab ganny pli byen asiste avek Welfare akoz ou kapab ganny ou en dimoun ki pe ganny li en saler normal li, be soudennman, i aret travay, i perdi son lanplwa, pou en rezon ou dot, e i santi li dan bezwen.  Be by the time i annan en bann commitment ki i ti’n fer letan i ti pe travay, i ti pe ganny li en bon saler.  So, sa lasistans ki Welfare pou asiste li la, i riske plis ki saler minimum. So, nou bezwen vwar sa balansman dan sa nivo.

I annan en lot senaryo ankor ki arive, i napa bokou ka me i annan kantmenm kot en dimoun i ganny asiste ek Welfare e i pa kapab manage sa larzan.  Sa larzan i al dan son lanmen e i pa kapab manage propreman sa larzan.  Savedir i pa servi li pou son bezwen de baz, son manze kot lakour ensi-d-swit.  E la nou bezwen vwar en sistenm kot olye pou donn serten dimoun larzan dan zot lanmen, ou bezwen vwar fason ek vwazen, fanmiy, ek en lorganizasyon pou kapab asiste pou fer sir ki sa dimoun i pe ganny lasistans vreman ki i merite.

Dan en lot sirkonstans, mon vwar i annan en lot senaryo ki mon pa vwar li normal.  Mon pa la pou defann prizonnyen, me selman letan en dimoun i fer son letan prizon, mon krwar prizon i devret annan en sistenm permet sa dimoun travay, permet sa dimoun devlop li, akoz letan en dimoun i ganny kondannen, i pa en kestyon konmsi nou kondann li epi nou rezet li.  Mon krwar prizon i devret en landrwa osi kot en dimoun i bezwen sey refer.  Devret annan en progranm alor pou nou kapab swiv bann dimoun byen, en fason letan i sorti, pou li kapab re-etablir li byen korekteman dan lasosyete.  I annan dimoun fransman ki fer sa zefor.  Me selman, lo lot kote, nou vwar poudir i annan en mankman kot nou pa pe anvoy en lanmen vreman pou nou tyonbo sa dimoun pou nou kapab ed li dan lasosyete.  Letan i sorti prizon alor, i pa ganny okenn lasistans.  Mwan plizyer ka bann dimoun Cascade ki’n sorti dan prizon i vin devan mwan e vre letan mon tyek ek lotorite, napa.  E lotorite pou dir ou, dir li al fer laplikasyon.  Me mon krwar nou devret konpran poudir sa dimoun i fek sorti prizon, i devret en keksoz orchestrated from the prison. Depi koman i pe sorti, nou konnen i pe sorti.  Alor ou organiz li dan en fason ki omwen i ganny li pou bann premye detrwa mwan, en lasistans ki ou pa bezwen donn li hard time pou li al fer li refer laplikasyon.  E anmenmtan, mazinen ou, en dimoun ki sorti dan prizon i ganny plizyer problenm.  I pa ganny sa police character certificate ki i donn li, landrwa travay kot i al rode souvandfwa zot rezet li.  Zot pa donn li en travay.  Alor i bezwen annan en mekanizm, en sistenm, en fason ki nou tyonbo sa bann dimoun, nou met zot dan en lanplwa.  Nou met zot e prezan nou monitor, nou koz ek zot.  Mon krwar i annan plizyer dimoun, letan ou donn li sans, letan ou ed li dan lavi, i sanze.  I kapab annan improvement. Sa ki napa improvement la, la nou a deal avek.  La, otomatikman, letan nou’n donn ou sans ou pa pe servi ou sans korekteman, e la ou out of the system.  La ou pa pou kapab ganny Welfare assistant akoz nou’n donn ou sans pou ou travay, pou ou avanse, pou ou sanze, pou amelyore, me ou pe rezet tousala, me then ni Welfare pa pou kapab get ou.  Mwan mon krwar, i devret koumsa, en fason ki i a met en pe plis disiplin dan nou bann dimoun, i a fer nou pli responsab ensi-d-swit.  Nou pa kapab kontinnyen avek en sosyete ki ou vwar en zenn dimoun, nek i annan li 2-3 piti, diferan papa e prezan Tribinal li, i pa pe met presyon pou sa papa oubyen sa manman kontribye pou Welfare sa zanfan.  E ki ou vwar souvannfwa, i annan de dimoun ki telman negativ, i dir li les li al prizon pou li pa sonny sa piti.  Be i mal.  I mal, mon krwar mwan la, i bezwen annan en fason pli vit, pli efikas par Tribinal an relasyon avek Welfare pou kapab vreman fer ki dimoun ki bezwen donn son kontribisyon i donnen.

En lot sitiasyon ki nou kapab petet koz lo la la, se ki letan nou vwar sa kestyon Welfare ankor, nou vwar ki nou bezwen konmsi pou mwan, met lanfaz sa.  sa lanfaz lo sa kestyon travay la, sa lanfaz i devret lo la.  Alor mon repouse koonmsi, pou fer sir ki dimoun i bezwen al dan lanplwa.  E letan ou dan lanplwa, prezan letan i annan en mankman, la sa lasistans i devret vini.  E nou pou vvwar, lasistans i kapab vin mwens prezan.  Se sa ki mon dir, i pou ede ki lakantite larzan ki nou pe depanse dan Welfare i a kapab ganny redwir anmenmtan.  Konmsi bi, i pa pou zisteman pou redwir, me selman par konsekans de sa, i ava redwir e nou kapab prezan ede ki Bidze ki i al ladan i ava desann.

Dernyen pwen ki mon ti ava mansyonnen avan mon konklir, se ki i annan en lot kategori dimoun ki souvann fwa nou pa pe get byen.  Taler nou pou annan en lot Mosyon lo stevedors, lo doker.  La osi i annan problenm la.  Nou tou nou konnen kimannyer sistenm bato i ete.  I annan de moman ki i annan bato, fantastik, tou dimoun, tou stevedor i kapab travay, i ganny li en saler korek.  Parfwa menm plis ki en Manm Lasanble, i annan serten ka.  E nou konnen sitiasyon kimannyer i ete letan en dimoun i ganny li en pe plis, son depans osi at that moment i ogmante, kekfwa i annan ki depans en pti pe anplis, en pe mal, les li, me selman i annan de ka kot dimoun i responsab.  Me letan napa bato, se la ki gro problenm i ete.  Ou konpran?  Letan napa bato, vreman sa dimoun i dan problenm.  I desann li, i seye, prezan an menmtan i sey al rod en lot travay, me li i pe vey bato, i pe sey rod travay, pa toultan ki i kapab ganny sa travay akoz kot ou al rod travay laba i dir ou mon pa kapab pran ou pou kourt term, mon bezwen ou pou plen tan, ensi-d-swit.  So, i vin en problenm e la mon krwar ki Welfare i devret antre pou ed sa bann fanmiy ki dan sa bann kategori, en pe pli korekteman ki zot pe ganny gete konmela.

Vwala e pou konklir Mr Deputy Speaker, mon demande ki Welfare, bann zofisye ki ed bann dimoun pou ranpli bann form, zot arête dir avek bann dimoun ou pa pou gannyen, ou pa devret gannyen, ou pa devret pe apply.  Pa li ki deside sa.  I annan en lot enstans ki deside.  Alor, les sa dimoun.  Kontrer annan en leker avek li, ed li pou ranpli son bann formalite korekteman, asiste li korekteman pou ki vreman, si i merite i ava ganny son lasistans dan en fason zis.  Mon fer en lapel alor lo la, pou nou kapab monitor sa sistenm alor ki egziste, ki nou pe donn Lasistans Byennet Sosyal nou bann dimoun dan nou pei.  Mon krwar sa Mosyon i bon, i relev en pti pe Gouvernman, lotorite pou pran konsyans en pe plis lo la, me selman, fodre ki oletan zot pe ekout nou, zot osi annan sa lanvi, sa leker pou fer sa bann sanzman ki neseser.  Bann propozisyon ki nou pe mete la, mon krwar i bann bon propozisyon.  E sa ki bon, annou fer li marse.  E se sa ki Prezidan pe demande.  Touletan Prezidan pa kapab lannen ale, lannen vini, sak lokazyon nek i dir, me lotorite pa fer.  Mon pe lans en lapel.  Letan Prezidan i dir en keksoz la, i pa pe zis dir koumsa li, i annnan plizyer rezon.  In fer son letid, in konnen akoz i pe dir koumsa e prezan pa li ki fer sa bann zafer.  I annan lenstans, i annan bann lotorite ki in etablir.  Sa bann lotorite i bezwen ekoute e pran lespri, pran lide ek lezot dimoun, Lasanble ensi-d-swit pou kapab fer ki nou pei i mars pli byen.  I kapab mars pli byen.  I mank sa lavolonte.  Alor, par sa Mosyon, an siportan sa Mosyon, nou pe demande ki lotorite i annan sa volonte, sa lanvi pou fer bann sanzman neseser, anmenn bann amelyorasyon pou fer nou sistenm mars pli byen.  Mersi bokou.

MR DEPUTY SPEAKER

Bon si napa lot, ale Onorab Pierre.

 

 

 

HON DAVID PIERRE

Mersi Mr Deputy.  Mr Deputy da konteks Sesel, mon krwar i enportan ki nou annan en sistenm Welfare ki asiste bann dimoun ki pli feb, bann dimoun ki vreman vilnerab e bann dimoun ki vreman pa kapab travay.  Zot al kot dokter, zot ganny en papye, dokter i sertifye ki zot pa kapab travay, zot ankor zenn toudmenm, zot pa kapab ganny Sekirite Sosyal.  En pei pa kapab kit sa bann dimoun obor semen, oubyen en pei pa kapab kit sa bann dimoun mor lafen.  So, i normal pou annan en sistenm Welfare ki ed sa bann dimoun ki vreman dan bezwen.  Me si ou pou met en sistenm Welfare an plas, ou bezwen met enn ki efikas e enn ki fer son travay dan en fason ki satisfezan pou lamazorite dimoun.  Mon konnen i enposib dan en sitiasyon parey, i enposib pou ou ganny li right a hundred percent akoz apre tou, se dimoun ki travay dan en tel Lazans, oubyen dan en tel sistenm.  E dezyenmman se dimoun ki fer laplikasyon pou ganny bann services, bann lasistans ki sa Agency i ofer.  Now, dan nou sistenm Welfare ozordi, i kler ki i annan labi e i egalman kler ki bann travayer i seye pou fer sir ki baze lo sa ki zot annan, baze lo resours ki zot annan zot sey fer sir ki zot fer en travay ki pli efikas posib.  Dan nou sistenm Welfare ozordi, nou’n kapab idantifye, parey bann lezot Manm in koz lo la, plizyer labi, plizyer problenm.  E letan nou idantifye sa bann problenm, mon mazinen poudir nou a met li lo latab e nou a vwar ki solisyon ki nou kapab propoze pou rezourd sa bann problenm.  Par egzanp, enn sa bann problenm i se ki i ankor annan bann dimoun ki pe ganny lasistans kan zot pa merite ganny lasistans.  I en problenm sa.  Akoz nou pe pran tax payer’s money e nou pe donn sa larzan a bann dimoun ki pa merite gannyen sa lasistans.  Sa i enn.  I annan en lot problenm, son lanvers.  I annan bann sitiasyon kot bann dimoun ki devret gannyen zot pa pe gannyen.  E Sanmdi pase, mon’n al attend en lanmes isi menm Perseverance pou bann dimoun ki annan dezabilite, a lokazyon lazournen enternasyonal bann dimoun avek dezabilite.  E letan mon ti laba, mon ti ganny en case kot en paran ki annan son zanfan avek dezabilite me somehow, i pa pe ganny okenn lasistans.  E letan mon vwar sa zanfan dan son lebra e i pe rakont mwan son sitiasyon, mon dir be ten, i annan en problenm somewhere e nou bezwen rode kisisa sa problenm, akoz ki sa i bann ka ki ankor egziste isi dan sa pei?

Mr Deputy, i annan e lot kalite labi.  I annan sa labi kot en dimoun i ganny Welfare, vre i merit gannyen Welfare li.  Me selman i pa depans sa larzan dan lafason ki sa larzan i devret ganny depanse.  Son bill i kontinnyen koupe, son elektrisite i kontinnyen koupe, son delo i kontinnyen koupe, son zanfan i kontinnyen pa manze, son zanfan i kontinnyen pa al lekol.  Sa osi i serye.  So, si i annan sa bann problenm parey mon’n dir, nou bezwen vwar kwa ki nou kapab fer pou fer sir ki sa bann problenm i ganny rezourd dan en fason efikas.  Lot problem ki annan, se formil ki ganny servi pou kalkile ki kalite lasistans en fanmiy, oubyen en paran i devret gannyen letan i lodge son laplikasyon.  Mon krwar poudir formil ki pe ganny servi i bezwen ganny revwar e i bezwen ganny aziste pou fer sir ki ler en laplikasyon ki merit en lasistans i ganny sa lasistans, sa lasistans i vreman reflekte bezwen sa dimoun.  E la mon krwar ki i kler ki nou devret revwar kriter ki zot servi pou zot met dan sa formula mathematically pou zot finalman come out avek en value, en larzan, en limero 1500, 1200, 1700 pou asiste sa bann fanmiy ki dan bezwen.  Mon krwar sa osi i bezwen petet ganny revwar.  Lot difikilte ki ankor egziste, i kantite letan ki zot pran pou process en laplikasyon e difikilte ki bann aplikan i gannyen pou zot apply.  Sa osi i en problenm mazer e i en problenm enorm e i bezwen ganny revwar.  Mon pa pou al dan bann ka spesifik, me selman mon konn bann ka kot bann dimoun i bezwen monte desann detrwa fwa avan zot finaliz en laplikasyon.  E sa mon krwar i pa akseptab.  Bann dimoun i bezwen, dan en fason kler konnen kwa ki zot bezwen.  I bezwen annan en sistenm, i bezwen annan en mekanizm ki permet en dimoun ki pe al apply, en dimoun i sorti se li i pe mont dan distrik Mont Buxton akoz sa zofisye Welfare Agency i dan distrik ozordi, sa dimoun pe mont dan distrik, i bezwen konnen li ler i sorti dan lakour poudir mon bezwen a, mon bezwen b, mon bezwen c, mon bezwen d. Si mon napa sa bann dokiman, then mon laplikasyon pa pou ganny process. So, mon krwar en zefor i bezwen ganny fer lo sa nivo.  I pa akseptab, parey plizyer entervenan avan mwan in refer sorti, i pa akseptab e i bezwen ganny deal avek dan en fason serye bann sitiasyon kot en aplikan i ganny Welfare kan i pa merite.  Pirman, petet akoz in donn bann lenformasyon sa zofisye ki pa korek.  Sa zofisye in process son laplikasyon baze lo lenformasyon me se lenformasyon ki pa korek.  Mon krwar i bezwen annan en sistenm, i bezwen annan en fason pou detekte sa bann tel labi e letan i ganny detekte, i bezwen ganny deal avek.  Dimoun i bezwen konnen poudir petet i annan en penalty, i annan en sanksyon ki ganny pran kont sa dimoun pou fer sir ki nou pa ankouraz bann lezot dimoun pou fer fo laplikasyon.

Mon’n ekout Mr Deputy, plizyer solisyon ki’n ganny propoze par bann entervenan lo kote Parti Lepep.  I annan enn de keksoz ki mon pa krwar nou devret angaz ladan.  Mon konpran mwan, parey letan ou dir poudir kekfwa Welfare, olye donn larzan, i devret aste manze, oubyen i devret pey bill sa bann dimoun.  Mon mazinen si nou fer sa, nou pou pe kree en sitiasyon kot Welfare Agency i osi sa Lazans ki manage sa very same Budget ki i donn sa dimoun.  So, mon donn ou sa Bidze e mwan mon manage sa Bidze pou ou.  Mon konpran lide par deryer sa.  Mon konnen i pou koup labi.  Me selman akoz ki nou pa kapab vwar en solisyon ki pou ankouraz sa bann dimoun pou zot pran zot responsabilite.  Mwan mon krwar se la ki nou bezwen gete si nou pa ganny en solisyon.  Dan sa ka mon krwar Mr Deputy, nou bezwen vin pli inovativ.  Par egzanp, enn bann landrwa kot mon santi i annan en mankman e nou bezwen aranze se i kler, i bezwen annan en relasyon vreman etrwat ant Welfare Agency e Departman Lanplwa.  I bezwen annan bann database lo nivo Welfare Agency e lo nivo Departman Lanplwa from time to time, frequently, sa de database i bezwen ganny reconcile.  Nou bezwen rekonsillye.  E sa i bezwen ganny fer elektronikman pou fasilit sa travay, i bezwen ganny fer elektronikman.  Son lavantaz i se ki en dimoun ki pe rod travay oubyen ki lo lalis bann dimoun ki pa dan lanplwa, li i pa en dimoun ki lo lalis bann dimoun ki’n fer laplikasyon pou li ganny en benefis Welfare.  Si i annan en dimoun ki’n sorti lo lalis napa lanplwa akoz in ganny anploye, letan i annan rekonsilyasyon ant sa 2 database nou pou vwar poudir Mr X li i ti unemployed 2 months ago, oubyen a month ago e at the same time i ti pe ganny benefis sosyal avek Lazans Welfare, be prezan in sorti lo sa lalis e i pe anploye e otomatikman ou konnen poudir sa dimoun pa pe kapab.  Rezon ki ou’n swazir pou ou donn li lasistans Welfare i nepli parey.  So son case, swa i nepli en case, oubyen i tonm dan kategori bann dimoun ki dan lanplwa me sa ki i pe gannyen i pa ase, alors nou donn li ankor en pti bout rather than donn li lakantite an term lasistans.  So, mon krwar sa i en area kot nou bezwen improve.

En lot keksoz ki nou kapab fer, nou bezwen annan en progranm efikas e sa bann lezot Manm in egalman koz lo la.  Mon krwar i enportan e i enportan ki lavwa sa Lasanble i ganny tande lo sa size.  Nou bezwen annan en progranm efikas e strikt lo plasman bann dimoun ki lo Welfare me ki kapab travay pou plas zot dan en lanplwa.  E nou bezwen swiv nou progranm, de le moman ki nou’n deside poudir la i la sa progranm, i fer sans, nou bezwen swiv li e nou bezwen fer sir ki i marse.  En dimoun ki kapab wi, i annan de sitiasyon ki en dimoun i dan lanplwa, i kapab travay, i pe travay, suddenly en sitiasyon i arive kot i perdi son lanplwa, nou konnen be wi, sa dimoun ti pe travay, i ti pe debrouye e la in perdi son lanplwa, nou atrap son lanmen, nou donn li en sipor.  Normal.  Me nou egalman bezwen kapab rod en fason pou plas sa dimoun dan lanplwa.  Now, ler nou’n plas sa dimoun dan lanplwa, annou dir nou’n plas li dan en lanplwa kot li i pa satisfe avek.  I pa kontan li, pa sa louvraz ki i anvi fer.  Me selman i bezwen konpran ki li i bezwen travay pou ed son fanmiy e pou ed son lekor.  Leta i selman ed li letan i pa kapab ganny en travay.  So, ki i a fer, mon sizere, i ava travay e anmenmtan kekfwa i ava rod sa plas travay ki i kontan, ki i anvi e letan i ganny sa plas travay, i a resign from sa enn kot i pa kontan e i ava antre dan sa lot kot i kontan.  Mon krwar nou bezwen en pe pli strikt lo la.  Parey mon’n dir pli boner, nou egalman bezwen annan en sistenm efikas pou nou partaz lenformasyon ek bann lezot Lazans.  Tel par egzanp bann Lazans kot zot pe deal avek bann dimoun ki pe abiz sibstans, zot osi zot bezwen annan zot database elektronik ki ganny share, akoz si nou get sitiasyon, bokou labi i vin an relasyon avek bann dimoun ki pa pe travay, ki ganny asiste me ki pa servi sa larzan parey i devret servi.  E malerezman, bokou sa bann dimoun i abiz sibstans.  E nou bezwen rod en fason efikas pou deal avek sa sitiasyon.  E enn bann fason efikas, ou bezwen fer sir ki a la baz sa mekanizm ki ou pe servi, a son baz, ou bezwen annan en bon fason anmase e partaz lenformasyon.  Akoz se atraver lenformasyon korek e konkret ki ou kapab pran en desizyon ki korek e ki konkret.  So, nou annan improvement pou fer dan sa area.

En lot landrwa kot kekfwa nou’n fail, me ki pa difisil set en sansibilizasyon nasyonal e byen kordinen lo size Welfare. Mwan, dan mon travay ki mon fer Mr Deputy e parey tou bann lezot Manm, nou ganny en kantite dimoun kot nou ki vini lo size Welfare. E ler sa bann dimoun i vin kot ou la, i annan pa ni menm konnen poudir i devret fer laplikasyon tel landrwa.  Zot napa konesans lo kwa ki devret ganny fer pou zot ganny asiste e mon krwar nou bezwen sansibiliz dimoun lo sa size.  Dan sa konteks, pou lon term, ozordi dan Sesel, malerezman ankor, en zanfan 15an, 16an ki ankor dan lekol i konsonm bann sibstsans danzere.  E nou koman en sosyete, nou pe fer sir, nou’n debat lo la a plizyer repriz dan sa Lasanble, pou nou kapab sov sa zanfan.  E parey mon’n dir dan lepase, nou bezwen annan en progranm ledikasyon sivik, serye e byen administre dan nou lekol pou edik nou bann zanfan a sa laz, lo plizyer keksoz.  Parmi, mon’n deza dir dan sa Lasanble, i danze labi sibstans tel ki drog, lalkol, me osi nou bezwen edik zot lo valer travay dir.  Lo valer respe pou bann lenstitisyon e lo valer lonnekte.  Koman bann valer de baz ki zot bezwen annan.  Koumsa sa zanfan i konnen, letan mon sorti lekol, olye al apply pou Welfare, premye keksoz mon fer se mon rod en travay.  E si zanmen mon ganny en lasistans ek Welfare akoz mon pa ganny en travay, mon bezwen servi sa lasistans ki mon gannyen byen.  E si zanmen demen mon vwar poudir, mon’n ganny sa lasistans e enn bann keksoz ki vin a mon laporte ki mon kapab purchase pou mwan servi se bann sibstans danzere, mon dir non, I’m sorry, I am not into it. Mon krwar i bann valer ki nou bezwen enkilke dan nou bann zanfan pou lon term.  Nou komans li ozordi, nou pa pou vwar son rezilta 1an, 2an petet, me selman dan 5an nou a dir wi, nou’n fer kontribisyon e ozordi nou pe vwar son rezilta.  Mon krwar sa i en keksoz ki vreman enportan pou nou mazin lo la.

Enn bann size enportan ki nou bezwen, ki Gouvernman i bezwen serye lo la, se ki dan Welfare Agency, fodre pa ki zanmen, ler en dimoun i apply e i bezwen ganny lasistans e i pa gannyen, i vini i dir avek ou koumsa poudir mon pa’n gannyen akoz mwan mon dan PDM mwan, mon pa dan Parti Lepep.  Oubyen mwan mon annan en lot Parti politik akoz mon pa dan sa enn.  Mon krwar i enportan Mr Deputy ki dan sa pei a lavenir, nou bezwen fer tou sa ki nou kapab, nou koman bann politisyen, bann dimoun ki o pourvwar, bann dimoun ki dan bann pozisyon responsab, nou bezwen fer sir ki zanmen, kot en Seselwa i annan en drwa pou li rezouir, something ki ganny donnen par son Gouvernman, par Lepep, fodre pa ki zanmen i annan okenn konsiderasyon politik ki ganny fer ladan.  Fodre i fini and we have to be serious about it. Dan sa konteks, in annan dan lepase Mr Deputy, bann sitiasyon, and we have to be onnet avek nou lekor.  I annan bann sitiasyon kot Welfare dan lepase, mon pa pe dir ki i ankor egziste la mwan, me in annan klerman bann sitiasyon kot Welfare in ganny donnen pou bann rezon politik.  Stop. Capital S, capital T, capital O, capital P, we stop.  Nou bouz lo en lot nivo.  Mon krwar poudir once ki sa bann konsiderasyon, ansanm avek bann bon lide ki lezot Manm dan sa Lasanble ki’n koze avan mwan in donnen, si sa bann konsiderasyon i annan merit, sa bann konsiderasyon i ganny pran e bann mekanizm efikas i ganny met an plas e nou once and for all deal avek sa problenm ki Welfare Agency i fer fas avek.  At the end of the day, lobzektif mazer, the main lobzektif i se pou fer sir ki premyerman, ler en dimoun i apply e i merite, sa dimoun i gannyen e letan i gannyen, i ganny lakantite ki i merite.  E dezyenmman, si en dimoun i apply e i pa devret gannyen, sistenm i detekte e i pa donn li.  Trwazyenmman, dimoun ki apply, i pa pe travay, i ganny finalman plase dan en travay e i travay.  I rekonnet ki i bezwen fer son kontribisyon e i travay e i sorti lo sistenm.

E finalman, ler en dimoun i ganny Welfare, i ganny li dan en dele letan ki pli kourt posib akoz sistenm i vit, sistenm i efikas e sistenm i delivre.  Mwan Mr Deputy, se sa ki mwan mon anvi vwar dan sa pei Sesel.  Mersi.

 

MR DEPUTY SPEAKER

Onorab Rose.

 

HON MARIE-ANTOINETTE ROSE

Mersi Mr Deputy.  Mr Deputy, mon pa pou tro long lo sa Mosyon, me kantmenm mon krwar i enportan ki serten keksoz i ganny dir, parey enn mon koleg in dir, Welfare i konsern tou dimoun e mon bezwen aport mon sipor a sa Mosyon ki devan nou ozordi apre midi.  Mr Deputy, i enportan ozordi ki nou met devan nou Lasanble, devan nou Gourvernman e lepep, bann defi ki nou pe fer fas avek lo Welfare e akoz nou pe fer fas avek sa bann defi ozordi, plis ki yer, a mon avi.  Ozordi nou annan en sitiasyon, a mon avi nou annan prensipalman 3 gro defi an sa ki konsern Welfare. Nou annan en sitiasyon kot kou lavi pe kontinnyelman ogmante.  I en fe, lekonomi in liberalize, napa pri kontrol, Gouvernman pa kapab kontrol pri marsandiz, nou annan kriz ekonomik Lerop ki pe enpakte lo nou lekonomi e tou dimoun i konnen ki pri lavi pe kontinnyelman ogmante.  E sa i fer ki bann dimoun ki pli vilnerab, ki pli bezwen sipor, i kontinnyelman al kot Welfare akoz sa sitiasyon pri lavi.  An retour savedir i pou kontinnyelman annan en increase demand in welfare. I kontinnyelman annan bann dimoun ki kontinnyen al kot Welfare e i pe ogmante pou rezon pri lavi, me osi a mon avi, nou annan en increase dan kantite bann dimoun ki nepli kapab tenir zot lekor, pou plizyer rezon.  Bann drug addicts prensipalman i annan en kantite zot ki al kot Welfare ozordi, i annan bann dimoun ki lo lalkol ki nepli kapab travay e nou annan en bann group dimoun ki nou bezwen komans apel zot most at risk. I annan en serten group dimoun, Onorab De Commarmond in koz lo bann dimoun ki sorti dan prizon, ki mon pou koz en pti pe lo la taler, ki mon totalman dakor avek li, i osi annan en group dimoun, 55an and above e kapab fer en pe louvraz me pa tou.  E sa i en group dimoun ki severman ganny afekte avek sistenm Welfare.  So i annan increase demand for Welfare, i annan en rise in the cost of living e i annan en gro presyon lo nou lekonomi e par nou pep to tighten up Welfare.  Par nou pep pou nou met en lord dan sistenm Welfare zisteman.  La baz sa Mosyon ki devan nou e zisteman akoz nou pe siport sa Mosyon akoz sa demann i sorti kot nou pep e mon rapel Mr Deputy ler Prezidan ti pas dan distrik an 2008-2009.  Si i annan en issue ki’n ganny met devan nou Prezidan, si in annan en issue ki’n annan en major outcry lo la se the abuse of the Welfare system. Sa Mosyon ki devan nou se nou pep.  I lavwa nou pep.  I lavwa lamazorite dimoun ki kontribye atraver zot larzan tax, i lavwa en kantite dimoun ki al kot Welfare, ki santi zot bezwen me zot pa gannyen.  I lavwa bann businessmen ki pey tax Gouvernman.  I lavwa bann fonksyoner piblik ki pe travay pou sa pei.  I lavwa nou pep ki byen lontan pe dir nou fodre nou annan en sistenm ki cut back on abuse.  So, i pa en demann Lasanble pou nou bann Manm Lasanble in deside ki nou bezwen koup Welfare e koup abuse. Bann Manm Lasanble i reprezant lavwa lepep.  E lavwa lepep pe dir nou fodre ki nou Gouvernman i koup labi e mon krwar i enportan ki nou rekonnet sa defi e defi ozordi, e Gouvernman in rekonnet sa, in ekoute li osi e nou Lasanble pe reflekte sa demann ki malgre the rise in the cost of living, malgre an increase in demand for Welfare, nou still bezwen tighten up the Welfare Budget. E se sa nou defi ozordi.  Kimannyer nou cut back on Welfare Budget me at the same time, ou deal avek sa kantite demann ki annan pou Welfare e ou bezwen osi realize ki kou lavi i a major factor in the demand for Welfare.

Mr Deputy, kestyon aprezan se lekel ki merit ganny ede?  E i kestyon ki tou bann Manm in koz lo la.  I annan dimoun ki pe ganny Welfare ki pa merit gannyen, i annan dimoun ki pa pe gannyen ki merit gannyen.  E se sa kot lord i devret mete.  Who?  The question is who? E pli gro problenm se the who parfwa i the wrong person. Dimoun ki monte desann Dubaii, dimoun ki byen, dimoun ki an bonn sante, dimoun ki pa oule travay parfwa li i pe gannyen akoz zisteman, lo son laplikasyon in met en bann keksoz ki pa korek.  Me en dimoun ki vreman dan en sitiasyon ki i bezwen e sa wikenn par egzanp, mon’n vwar en sitiasyon kot en fanmiy, akoz en maler ki’n ariv zot dan zot lakaz, en aksidan ki’n ariv enn zot manm lafanmiy, zot bezwen sa Welfare. Akoz zot bezwen pey transpor pou sa manm fanmiy.  I pa kapab travel dan bis.  E sa manm fanmiy i en zenn manm lafanmiy ki bezwen kontinnyen lekol, ki bezwen kontinnyen fonksyonnen e nou pe tap devan laport Welfare pou ed sa fanmiy akoz sa fanmiy, en sirkonstans parey in ariv li e nou ekspekte ki bann sitiasyon koumsa i bann dimoun ki merite.  Wi, tou manm lafanmiy i an bonn santé ozordi, me in en sitiasyon ki’n arise dan sa fanmiy.  Ki nou bezwen fer sir ki sa fanmiy i gannyen.  So, the question is who? Lekel ki merit ganny Welfare dan nou pei e mon krwar Welfare Agency i bezwen reponn sa kestyon.  E enn fwa ki i reponn sa kestyon, then i pou kapab dir be nou kapab ogmant en pti pe Welfare pou larestan dimoun, oubyen regarde kimannyer nou kapab e lezot dimoun akoz nou rekonnet ki i annan en rise on cost of living. Oubyen, ler nou reponn the question of who, nou kapab koup on the increase demand for Welfare akoz i annan en gran kantite dimoun ki nou kapab dir zot non, ou pa merite ganny Welfare.  E ler nou reponn the question of who, nou kapab efektivman dir, wi, we can tighten the Welfare Budget akoz nou pou efektivman koup en pe sa bann dimoun ki lo lalis Welfare. But Welfare Agency li i dir ou i annan plizyer lezot problenm pou li tackle.  The essential, the fundamental question of who. E enn son problenm se lalwa.  I dir ou lalwa pa permet li fer serten keksoz ki i santi i kapab fer.  Ok e nou lapel ofisyel ozordi avek Welfare Agency se bring back the law to us. Nou demann ofisyel se re-anmenn sa lalwa kot nou, diskit avek tou sa bann Manm ki’n ganny elekte dan distrik, akoz ler dimoun pa ganny Welfare, i al kot son Manm Lasanble e i krwar ki Manm Lasanble can beat the law e fer li ganny Welfare. E en kantite fwa, bann Manm Lasanble parey nou konnen, lanmen i anmare akoz lalwa i lalwa.  E regilasyon i regilasyon.  So bring back sa lalwa to us, nou ki ti fer sa lalwa with good intention, e in marse to a greater part, me o fir e anmezir ki sitiasyon ekonomik i sanze, nou santi ki sa lalwa merit ganny revize e nou pe demann Welfare officially to bring back the law. Me i osi annan bann SI, i osi annan bann gidans ki Welfare Agency i kapab met an plas.  E ozordi nou demann ofisyel se ki Welfare Agency i regard dan tou posibilite, vwar bann SI, regard bann gidans pou ki bann dimoun ki pe al apply Welfare i almost konnen, avan ler i apply si i kalifye pou li ganny Welfare oubyen non.  I ava annan piblisite e menm son Manm Lasanble Nasyonal i pou kapab ed li pou dir be la la bann gidans ki ofisyel, ou pa pou kalifye oubyen ou pou kalifye anba tel heading, anba tel heading, anba tel heading. Akoz rol en Manm Lasanble Nasyonal se pou osi edik e ed son pep ki vin vwar li.

I osi annan sa kestyon bann discretionary measures ki nou pa tro anvi al ladan akoz it gives rise to a lot of speculation ki Leader Lopozisyon in koz lo la ki mon pa dakor avek li ditou, me i bezwen a serrten pwen annan, Welfare Agency i bezwen kapab get en ka koman en ka endividi e i dir ou parfwa lalwa pa ed li pou li fer sa.  Mr Deputy, i annan the problem of paper work and burocracy.  Nou pa kapab annan en Welfare Agency ki kontinnyelman fer dimoun ranpli form tou le 3 mwan.  Me ler ou ranpli en form, it’s paper work.  The processing of the form, it’s paper work.  The investigation of the request, it’s paper work. E a mon avi nou bezwen cut back on the burocracy and the amount of paper work e se la kot en pwen ki Onorab Arnephy in souleve, i enportan.  En dimoun ki annan en chronic disease, chronic savedir i pa pou kit li sa maladi.  Chronic i la.  Be si i la ou pa fer li re-apply 3 mwan.  En dimoun ki annan en permanent disability, nou’n fatige dir sa isi, en dimoun ki annan en permanent problem, dan 3 mwan son problenm pa pou rezourd.  Fodre amwen in ganny lotri, me menm si in ganny en lotri nou pou konnen in ganny en lotri for goodness’ sake. So, sa problenm se en dimoun ki kontinnyelman re-apply after 3 months and this is where the paper work comes in. Se la kot zot ganny en kantite paper work akoz be tou sa dimoun ki lo Welfare, technically tou le 3 mwan pe re-apply. Pa vre?  E zot dir ou zot fatige, sistenm pa kapab cope e this is where the problem is. E mwan mon krwar zot kapab redwir en kantite paper work si zot vwar ki i annan serten dimoun ki mon pou donn li Welfare pou 1an, sa dimoun.  Ok.  Mon a reviz li apre 1an akoz mon pou selman reviz son sirkonstans finansyel.  Mon pa pou reviz son disability akoz son disability is permanent.  E nou kapab fer li tou le lannen.

So Mr Depputy, sa i bann problenm me i osi annan, a mon avi en lack of compassion parfwa in the system.  Leader Lopozisyon in koz lo en sistenm antre dan computer e input facts and figures and sometimes I think this is a bit where the problem is. I agree ki ou bezwen annan en sistenm ki ler i donn ou en print out, i donn ou en figure e sa figure i determinen si sa dimoun i bezwen Welfare oubyen non.  Me selman, dan nou sistenm e dan nou pei, noou bezwen aprann ekout dimoun.  We have to spend time avek dimoun.  Nou bezwen ekout sa madanm ki devan nou e ki pe dir nou i annan en problenm.  E nou bezwen aprann met nou lekor dan son soulye.  Si en manman i vin devan nou, i dir nou koumsa mon pe monte tanto, mon napa dile pou donn mon zanfan.  Be for goodness’ sake, annou met nou lekor dan son soulye pou 5 minit.  E menm si nou pa mazin sa manman, annou mazin sa zanfan.  So, mon krwar nou devret travay e mon pa pe dir ki bann dimoun Welfare pa fer li, me parfwa zot pa travay avek konpasyon pou dimoun e konpasyon pou en dimoun ki dan en sitiasyon ase enkyetan.

Mr Deputy, kwa ki nou pep pe rode avek the Welfare system? Mon krwar nou’n dir klerman where the problem is and what are the challenges. Me kwa ki nou pep pe rode?  Nou pep pe rod en sistenm ki assertive but not insensitive. Nou bezwen en sistenm ki assertive but we cannot be insensitive avek demann dimoun.  Nou bezwen en system that is efficient, but efficiency is not enough. Nou bezwen a system ki effective. E a mon avi, the Welfare system is not being effective enough akoz nou kontinnyen ganny sa demann pou Welfare.  Nou bezwen en sistenm ki regard kantmenm sak ka individually. Bann dimoun ki lo Welfare pa en group omogene. Zis nou dir be sa bann dimoun i lo Welfare, en group dimoun ki lo Welfare. Tan poursantaz nou popilasyon i lo Welfare. Bann dimoun ki lo Welfare se bann endividi, bann manm nou pei, bann sitwayen dan nou pei ki pe kriye, ki pe demann led e nou konnen kimannyer nou pep i fyer an zeneral.  Nou konnen ki nou en pep ki ase fyer.  E mon pou dir ki i annan dimoun ki merit lo Welfare ki pa al demande.  Akoz zot en bann dimoun ki fyer, ki leve, ki debrouye, ki travay 3, 4 louvraz akoz zot annan en serten fyerte.  Me si en dimoun in vin devan, sa dimoun pe dir nou ki i annan en problenm.  Whether i merit Welfare oubyen non, i annan en problenm li.  Si son problenm i lapares, it is a problem.  Si son problenm i drug addiction, it is a problem.  Si son problenm se mis-management of son larzan, it is a problem.  E nou, nou bezwen kapab kot Welfare akoz Welfare i parey en peste li.  A mon avi Welfare i gage all the social problems that we have in this country. E mon pa pe dir Welfare Agency vin Social Affairs, me sa i rezon akoz i anba sa Minister.  Welfare Agency i bezwen kapab pe triy bann dimoun e refer certain cases to Social Affairs, to the school. To isi, to laba.  E pa zis rod en solisyon anver donn larzan, me rod en solisyon anver ed sa dimoun retrouv solisyon a son problenm.  E nou bezwen en sistenm ki detekte abuse very early. Nou bezwen annan en sistenm ki vwar poudir, be sa dimoun byen, nou’n donn li Welfare pou en pe letan me i kontinnyen revin kot nou e pa travay.  E en zefor tre enportan, mon konpran Gouvernman pe al dan sa direksyon, me i bezwen annan en zefor pou plas dimoun dan travay akoz i vre ki i annan en kantite dimoun ki al kot Welfare ki zis akoz i annan en larzan la I krwar i kapab beat the system e i ganny sa larzan.  Mwan mon annan en kantite dimoun ki dir mwan i bezwen al lo Welfare, nou’n sey lager, donn li en travay e ou realize apre en pe letan i pa pe al travay.  E mwan mon’n dir avek sa bann dimoun fransman, enn, nou fer sir ou pa ganny Welfare akoz ou kapab travay.  Mon pou dir Welfare ou kapab travay e dezyenm don’t come back to me.  I will not help you.

E nou bezwen en sistenm ki lozik.  Nou sistenm i bezwen annan a certain level of logical thinking Mr Deputy.  Nou pa kapab annan en dimoun ki bed ridden, i annan 80an, i bed ridden and very likely i pou reste dan sa sitiasyon, kot nou dir li re-apply dan 3 mwan.  Oubyen, apre 3 mwan nou ekrir li en let e nou dir li koumsa son Welfare in ganny koupe akoz i no loger qualify to be on Welfare.  But this doesn’t make sense.  So nou bezwen annan en sistenm e nou pa kapab manke sa bann dimoun.  Welfare pa kapab mank dimoun.  Akoz ler nou mank dimoun, nou mank zot vant.  Nou mank zot byennet, nou mank zot dignite.  E mon krwar i enportan.  Mon krwar sistenm Welfare i bezwen fer en letid enportan, profon lo sa ki nou bezwen apel the most at risk groups.  E i annan bann serten group ki most at risk, parey mon’n dir i annan bann dimoun ki annan 55an e plis e ki nepli kapab travay.  Kantite madanm dan sa group.  Zot pa kapab travay, zot tansyon, zot annan en lazanm fermal, zot annan problenm leren, e bann dimoun i dir ou zot annan slip disc e vre ler ou get zot papye, dokter in seritfye ki zot annan sa bann maladi.  E sa i en rezilta diseases of affluence sa.  Nou pei mannyer i ete.  So, sa bann dimoun i kapab fer selman en pti pe travay zot, me sa pti pe travay ki zot kapab fer, 3erd tan, 4erd tan dan en zour la, i pa ase pou zot viv.  So, ou get zot wi, ou vwar poudir petet zot kapab fer en pti pe travay, me i pa ase.  Zot pou ganny en pti gin larzan e zot zot very, very much at risk e en kantite sa bann dimoun i annan zanfan ki ankor pe lekol.  Zot annan dependents.  Si i pa en dimoun aze, i annan zanfan ki pe lekol.  I annan osi bann dimoun ki parsyelman disabled.  Sa osi i en group ki most at risk akoz i kapab debrouye, i annan son dignite, me as en serten pti dezabilite i annan dimoun ki petet, mon pa oule servi sa mo retarde, me zot IQ i en pti pe low.  Pa tro, tro kapab konpran bokou keksoz me zot kapab travay zot.  I annan dimoun ki petet nou a dir en pti pe afole.  Me i kapab debrouye li, i kapab al drese kot en dimoun li, me sa bann dimoun la zot pa pou zanmen ganny en permanent full employment. E sa mon krwar i enportan.

I annan en group dimoun Mr Deputy ki mon kontinnyelman koz lo la akoz i paret konmsi zot envizib parfwa.  E sa i bann dimoun ki just above subsistence level e ki pe travay.  I sanmenm sa bann dimoun ki pey tax, i sanmenm sa bann dimoun ki pey bis, i sanmenm sa bann dimoun ki pey day care, i sanmenm sa bann dimoun ki annan zanfan ki pe lekol, me zot pa al lo Welfare akoz the moment zot ale, Welfare i vwar zot pe travay e i pa donn zot.  But these people are most at risk e a mon avi i bann dimoun ki nou bezwen sove akoz i bann dimoun ki travay dir, ki kontribye dan sosyete me ki pou fall through the cracks si nou pa tyonbo zot.  Nou osi annan bann teenage mothers. I annan en Manm ki’n koz lo la, nou annan bann drug addicts ki pe kontinnyelman ogmante.  I en most at risk group. E nou annan bann dimoun ki fek sorti dan prizon, mon pou totalman dakor avek Onorab De Commarmond.  Sa bann dimoun i bezwen annan en sistenm that – 3 mwan nou donn li Welfare for goodness’ sake.  En dimoun i fek sorti dan prizon, kimannyer nou kapab dir li al travay?  I pa pou gannyen travay.  E ou konnen ki sa dimoun i fer Mr Deputy?  I al vole, si i abitye vole i al vole, si i abitye vann drog i al vann drog pou li ganny en larzan dan son lanmen pou li ganny en komansman.  Nou en pep ki annan konpasyon e nou bezwen kapab, sa dimoun in sorti dan prizon, donn li en sans, a second chance pou li refer son lavi e prizon i devret otomatikman refer sa dimoun al to Welfare e Welfare i devret pick up, wi Msye ou’n sorti dan prizon, 3 mwan ou pou ganny ou Welfare me apre 3 mwan ou bezwen kapab al debrouy ou, nou a met ou lo zil ou ava al travay lo zil, ou ava al travay isi, ou ava al travay laba pou zot kapab refer zot lavi.  E en kantite fwa sa bann dimoun i vin bann repeated offenders out of a need, not probably out of zot move mantalite ki zot annan.

E setyenm pwen Mr Deputy, nou bezwen en sistenm ki rekonnet ki i pa kapab travay an izolasyon.  Welfare Agency is not an entity of it’s own.  Welfare Agency has to be able to work with the district, zot bezwen travay dan kominote.  I annan lenstans ki Welfare Agency i pa al fer vizit kot sa dimoun, oubyen i pa asize pou rod en referans lo sa dimoun.  En kantite fwa kot nou tande poudir be tel dimoun, i debrouye li, i fer pirat oubyen i fer tel keksoz, but still i lo Welfare.  E si Welfare Agency ti travay avek kominote, oubyen ti travay avek lasante, oubyen ti travay avek lekol, zot ti pou dekouver en kantite lenformasyon ki ti pou ed zot fer zot travay en pti pe pli byen.

Mr Deputy, i annan detrwa pwen ki Leader Lopozisyon in fer resorti ki enn, mon krwar mon bezwen fer kler ki pwen nou ti pe sey fer sorti, e dezyenm i annan detrwa pwen ki mon ti a kontan korize e met lo rikord ki pa korek.  I annan the issue of financial management ki detrwa Manm in koz lo la ki’n annan propozisyon ki nou pey elektrisite serten dimoun ki lo Welfare oubyen nou aste manze.

Mr Deputy, laplipar letan sa bann case i bann dimoun ki napa en financial management. I bann dimoun ki pa kapab depans zot larzan zot menm.  E i en pti group dimoun sa.  E laplipar letan bann dimoun ki pli ganny afekte avek sa se bann zanfan akoz ou donn en manman ki lo lalkol son larzan Welfare, i ale i al dan lakanbiz, en manman ki en drug addict i ale i al servi drog.  E sel fason inovativ, unless Leader Lopozisyon i annan en lot lide, se pou nou ed sa zanfan e aste sa manze e fer sir ki kot lakaz i annan en dimoun ki kapab donn sa zanfan son manze.  Sel fason pou nou fer sir ki sa larzan ki i pe gannyen i al dan bann utilities, dan bann basic needs e non pa dan bann keksoz ki li i krwar i son priyorite.  Se pou nou fer sir i pey son elektrisite akoz si i pa pey son elektrisite i pou al  kot MNA, i pou re-al kot Welfare, i pou al kot prêt laparwas, i pou al partou i pou anmenn son bill i pou dir, mon bill pankor ganny peye.  And this is a very bad habbit. It’s a dependency habbit ki nou, nou bezwen break away.  E pwen nou’n fer resorti se pa tou dimoun ki merit ganny sa management. Me i annan detrwa dimoun dan distrik ki nou bezwen zoom in lo zot akoz zot zanfan i ganny afekte, zot gran paran i ganny afekte e sa bann dimoun napa.  Ou pa kapab dir ek en drug addict mon pou donn ou larzan pou 3 mwan, ale al pey ou bill.  I pa pou zanmen fer li.  E son zanfan, i annan en kantite ka ki nou konnen dan distrik, nou bezwen al tir zanfan, anmenn servyet, anmenn manze eksetera.  So, Welfare Agency i tonm anba Social Affairs zisteman pou sa rezon.  I tonm anba e the case should be referred to Social Affairs but also, se la kot nou bezwen en lentervansyon lo sa bann case.

Mr Deputy, mon ti a kontan osi demanti okenn nosyon e okenn alegasyon ki en manm piblik in ganny deny Welfare akoz son afilyasyon politik.  Nou konn en kantite dimoun dan tou nou distrik ki annan en kantite afilyasyon.  Mwan mon konn detrwa, mon pe mazin detrwa la dan mon lespri e lot fwa i annan enn mon’n menm demann li, mon dir be zot, ou tou sa betiz ki ou dir lo mon Parti ou lo Welfare? I dir mwan wi, i mon drwa.  Dir mwan byen.  Onorab Beau Vallon i konn tre byen, i dir mwan wi, i mon drwa.  So, dimoun i konn byen.  E mon ti a kontan met lo rikord ki this is not correct at all. E mon ti a kontan demann Welfare pou ki ler en dimoun i ganny deny son Welfare. Dir li akoz.  Dir li akoz in ganny deny pangar i ale i al dir be akoz i blue, i green, i red, i yellow, whatever colour ki son afilyasyon politik i dir li avek.  E mon ti a kontan deny okenn alegasyon ki Welfare in deza ganny donnen akoz afilyasyon politik.  Sa osi I don’t think it’s correct.  It is not correct. E Welfare nou tou nou konnen ki problenm Welfare. Nou pe konplent Welfare ozordi akoz?  Because of the point system.  Be si nou, nou ti kapab donn Welfare dimoun dan nou distrik, pa lontan nou ti’n fer li?  Lontan nou ti’n desann ek en lalis nou ti’n dir please, be help this one person.  Not because of political affiliation.  If we had the power, nou ti pou fer nou menm.  Onorab De Commarmond tanzantan i dir li, donn li i ava fer limenm.  Nou ti pou’n fer nou menm but MNA’s cannot.  There’s a point system that nou pe sey lager ozordi pou nou beat, zisteman akoz nou santi i annan dimoun dan nou distrik ki pa pe gannyen, ki merite gannyen e i merite gannyen akoz son sitiasyon ekonomik e non pa son afilyasyon politik.

Mr Deputy, avek sa bann remark mon pou totalman siport sa Mosyon.  Mersi.

MR DEPUTY SPEAKER

Onorab Arnephy.

 

HON BERNARD ARNEPHY

Thank you Mr Deputy.  Mr Deputy, mon tii a tou dabor kontan remersye tou bann Manm ki’n entervenir lo Mosyon.  E i kler ki, baze o bann lide ki’n ganny anmenn devan, i annan en travay remarkab pou fer dan sa direksyon, pou asire ki sa larzan parey nou apel li, sa tax payer’s money ki ganny vote dan Bidze sak lannen i byen ganny servi e i al kot prensipalman bann dimoun ki merite.  In osi kler dan bann entervnsyon ki Lazans Welfare i bezwen pran en lapros pli pro aktiv pou li travay avek tou bann partener konsernen akoz si i kontinnyelman travay an izolasyon, i pa pou arive fer bann bon zizman, bann bon desizyon when it comes to administre sa bann lasistans.  In osi ganny fer resorti par bann Manm ki’n entervenir ki ledikasyon pou nou bann dimoun i tre tre enportan e nou bezwen anmenn sa ledikasyon kot nou bann dimoun dan en fason pou fer zot realize poudir travay se lakle.  Malgre tou sa bann defi, sirkonstans ekonomik, presyon pri lavi, then koman en pep responsab nou bezwen kontinnyelman edik nou bann dimoun pou zot travay e pou travay tre dir.

Baze ankor lo bann rekomandasyon ki’n ganny fer resorti, nou’n osi konstate ki nou bezwen annan nou en sistenm kalkilasyon ki pli dinamik.  En sistenm kalkilasyon elektronik limenm i pa sifi.  Sak case i dwatet ganny zize lo en one to one basis. Sak case i dwatet ganny zize lo en baz merit e se la kot bann dimoun ki vreman, vreman nesesit ganny asiste i kapab ganny asiste.  Nou osi bezwen vin en pti pe pli realistik e la mon pe koz lo Lazans avek son bann lezot partener ki pran bann desizyon lo who really needs sa lasistans e who are the ones ki zis sey teste son sans akoz i anvi teste sistenm.  E la ankor, souvandfwa sa bann ki try son luck pou li teste sistenm i pase, i get away e parey nou’n dir, bann ki vreman, vreman merit lasistans zot ganny deny sa loportinite.

So, all in all mon krwar ki Lazans Proteksyon atraver Gouvernman i merit pran sa bann propozisyon, sa bann sizesyon ki’n ganny met devan ozordi an relasyon avek sa Mosyon tre o serye.  Mon krwar Miss Rose in koz en pti pe lo lalwa, si petet lalwa ki egziste i annan serten defayans, anmenn kot lotorite konsernen, nou ava diskite.  Mon santi poudir Lazans limenm i fer fas avek bokou defi, par egzanp in terms of capacity, son staff limenm.  I en travay tre delika ki zot fer.  Si zot santi poudir i annan en nesesite pou plis training, fer zot bann rekomandasyon, propoz zot Bidze e nou koman sa Lasanble ki reprezant lavwa lepep nou a vwar merit zot bann propozisyon e nou a siport zot bann demars akoz apre tou, parey in ganny fer resorti, nou reprezantan lavwa lepep e nou ti ava anvi vwar sa ki meyer pou lepep e pou nou kapab vwar sa ki meyer pou lepep se ki nou bezwen donn bann dimoun tou sipor neseser pou zot fer en travay efektiv.

Pou terminen Mr Deputy, mon ti a kontan fer referans avek serten parol ki Prezidan Larepiblik ti fer ler i ti pe lans progranm reform ekonomik an Oktob 2008 e mon quote, i ti dir, “En sitwayen ki for e kapab travay me ki pa anvi travay i bezwen fer en legzanmen konsyans e realize ki i pa kapab depan lo lezot dimoun ki travay dir e ki pey tax ek Sekirite Sosyal”.  E an referans avek sa, mon panse poudir en kantite pwen in ganny fer resorti e nou koman bann Manm Parlman, nou koman bann leaders dan kominote, nou bezwen nou osi donn sa koudmen pou nou ankouraz tou nou dimoun pou leve e pran lanplwa e travay dir, travay serye.

E avek sa Mr Deputy, mon ti a demann tou bann Manm pou siport sa Mosyon e mon swete ki parey mon’n dir, nou bann propozisyon i al kot lotorite konsernen e ki zot ganny pran an konsiderasyon.  Mersi.

MR DEPUTY SPEAKER

Bon, avek sa nou pran en vot.  Tou bann ki an faver Mosyon lev zot lanmen.  Okenn ki kont?  Bon, Mosyon in aprouve.  Avek sa nou a pran en break e nou a rezwenn 4er mwen senk

(Break)

 

MR DEPUTY SPEAKER

Bon, nou kontinnyen nou travay.  E mon ava envit Onorab David Pierre pou prezant son Mosyon.

 

HON DAVID PIERRE

Mersi Mr Deputy.  Mr Deputy, mon pou kourt akoz Mosyon devan nou i enn ki senp e i pe senpleman demann Gouvernman pou pran tou bann mezir neseser, ki dan son kapasite pou vwar ki fason ki i kapab ede pou amelyor bann kondisyon anba ki bann doker i travay.

Vedir, nou pe demande ki en koudey i ganny zete lo bann doker pou nou get zot sitiasyon travay.  Ki zot kondisyon e ki fason, oubyen ki rol ki Gouvernman i kapab zwe pou zisteman amelyor zot kondisyon travay tel ki kalite saler ki zot pe gannyen e lezot sipor ki nou kapab donn zot.  Ozordidan lemonn, lendistri lapes ton in grandi dan en aktivite ekonomik ki zener plizyer bilyon roupi e Sesel i enn bann pei kot sa aktivite i vivan.  Egalman, Sesel pe zener plizyer milyon roupi lo en baz anyel an relasyon ek nou sekter lapes.  Prensipalman ek lapes ton.  E ou pa bezwen en zeni pou realize ki bann doker pe zwe en rol kle dan sa lendistri isi Sesel.  Sesel i annan en gran siperfisi lanmer.  Nou delo teritoryal i larz e tou Seselwa i konnen ki nou lanmer i ris avek plizyer lespes ki kapab ganny eksplwate lo en nivo ki kapab anmenn larises pou nou koman en pei e koman en nasyon.  E parey mon’n dir, i byen koni ki sekter lapes Sesel i enn parmi nou bann sekter ekonomik pli enportan.  Sekter lapes i anmenn en kontribisyon enportan an relasyon ek prodiksyon e zenerasyon larises.  I anmennen oubyen kree en kantite lanplwa.  Sekter lapes i osi a la baz trade ant Sesel e lezot pei.  I zener deviz etranzer, i anmenn en kontribisyon enportan dan reveni ki Gouvernman i gannyen lo en baz anyel ki an retour i ganny servi ansanm avek lezot reveni pou fer sa pei fonksyonnen.

E Mr Speaker, Linyon Eropeen i pli gran partener Sesel an sa ki konsern lapes ton e nou konnen ki dan lepase, in annan plizyer lakor ki’n ganny sinnyen ant Sesel ek bann pei Linyon Eropeen lo sa size lapes ton dan nou delo isi Sesel.  I domaz ki Sesel napa son prop laflot bato ton, mon panse ki i sa direksyon dan ki Sesel i anvi ale alavenir.  Me toudmenm ozordi, lo non tou Seselwa e lo non bann doker, PDM pe demande ki Sesel i fer tou sa ki i kapab pou fer sir ki lakor ki’n ganny sinnyen ant Sesel ek Linyon Eropeen i ganny enplimante an akordans ek bann gran prensip bon gouvernans ekonomik e bon gouvernans sosyal.  E se la kot lenportans sa Mosyon i antre.  E parti bon gouvernans ekonomik e bon gouvernans sosyal pou vedir ki pei, osi byen ki tou bann akter lokal i ganny en fair share of the deal. Se la ki sa Mosyon i pran son lanpler.  E kestyon ki mon pe demande se lekel sa bann akter lokal?

Parmi Mr Deputy, parmi plizyer i annan sa ki nou apel bann doker.  Lekel zot sa bann dimoun?  Lekel zot sa bann doker Mr Deputy?  Se bann zenn Seselwa ordiner ki annan fanmiy parey mwan avek ou.  Bann Seselwa ordiner ki al dan menm laboutik ki mwan avek ou.  Se bann zenn ki travay anba bann kondisyon difisil.  Zot fer bann louvraz ki petet bokou nou pa ti pou oule fer.  me sa bann louvraz i annan en lenportans krisyel dan devlopman ekonomik Sesel akoz san sa bann doker.  Sesel pa ti pou zanmen kapab tir sa bann gran benefis ekonomik ki ozordi i gannyen atraver nou lendistri lapes endistriyel.  Alors Mr Deputy, sa in fer mwan realize, sirtou apre ki mo’n koz ek en kantite doker ki a lavenir, Sesel pou bezwen rod fason pli rantab pou li zer sa lendistri lapes ton pou ki nou, koman en pei, nou ganny plis ankor avek sa lendistri.  I lozik pou nou demande ki se Sesel e Seselwa ki vreman benefisye avek sa ki sa lendistri i annan pou ofer nou pei.  Nou pa kapab kontinnyen les zis etranze benefisye an pli gran proporsyon lo nou resours.  E dan sa konteks, i normal pou nou demande ki bann doker i ganny en better deal ki sa ki zot pe resevwar pou lemoman dan zot travay.  E nou dan PDM nou krwar ki menm si sa size pa’n tro ganny aborde par bann lezot parti ki’n pas dan sa Lasanble Nasyonal dan lopozisyon, avan PDM, nou, nou krwar ki i annan lespas pou nou donn plis pou nou bann doker.  Nou nou krwar ki nou bann doker i bezewen ganny gete e ganny apresye pou zot kontribisyon dan sa lendistri.

Mr deputy, i annan plizyer size vizavi bann doker ki nou ti a kontan i ganny adrese.  Note osi ki i annan 2 gran lakonpannyen prensipal ki anploy bann doker.  Lo en kote nou annan Hunt Deltel, lo lot kote nou annan Land Marine.  Hunt Deltel par egzzanp li i anploy plis ki 400 doker tandis ki Land Marine, li i anploy anviron 160.  Sa 2 lakonpannyen i anploy bann doker pou desarz bann bato ton ler zot anmenn zot bann catch dan nou por isi Sesel pou transbordman.  Sa bann doker i travay par tim e sak doker i ganny peye en larzan baze lo lakantite tonaz ki zot tim in desarze.  Land Marine lo son kote i pey sak doker R3 pou sak tonn ki zot lekip i desarze e Hunt Deltel li i pey zis R2 sak doker pou sak tonn ki zot lekip i desarze.

Mr Deputy parey mon’n dir, mon’n fer li mon devwar pou mwan koz ek plizyer kantite doker, lo zot travay e lo kwa ki zot anvi i ganny amelyore.  E sa bann doker in dir mwan ki zot pa satisfe ek zot bann kondisyon e lapey ki zot pe gannyen pou zot travay.  Zot in demann mwan pou anmenn zot konsern dan nou Lasanble Nasyonal avek bi pou fer tande zot lavwa lo en pli o nivo e lo en nivo nasyonal pou ki Gouvernman e lezot ki konsernen i ekout zot sor e reponn a zot bann demann.  Pou fer keksoz vin pli kler, annou egzamin travay, kondisyon travay e kalite rekonpans ki bann doker ki atase ek lakonpannyen Hunt Deltel i gannyen.  E anmenmtan, annou vwar kwa dan sa bann kondisyon ki bann doker i anvi spesifikman i ganny amelyore.

Premyerman, sa bann doker i travay par tim.  Zot annan dous tim e sak tim i annan anviron 36 zonm.  En tim i travay pou 5 erdtan e de tim i travay lo en bato, savedir zot egalman travay par sif.  Si en bato i devret ganny desarze e annou dir i annan tim A ek tim B ki pe al travay lo sa bato, tim A i komans 8er ziska 10.30, tim B i pran 10.30 ziska 1er, tim A i repran ziska 3.30 e tim B i repran ziska 6er.  Travay i tre entans e i annan en kantite risk.  I satisfezan ki zot pran tou bann prekosyon pou safety akoz i en travay ki danzere.  I en travay ki dir e i en travay ki demann en kantite komitman.  Me ki sa bann doker i gannyen pou tou sa travay dir e pou tou sa komitman ki zot mete dan zot travay?  Sa bann doker, parey mon’n dir i ganny R2 par tonaz e sa in leka pou bokou letan.  Menm avan ki ti annan reform ekonomik kot nou ti ganny devalyasyon roupi e tou keksoz ti monte e bann pri marsandiz de baz dan laboutik ti double e vin egzorbitan.  Fodre fer rapel ki lakonpannyen li i ganny peye an deviz, me malerezman sa pa’n ganny translated dan en meyer peyman pou sa bann doker.  E se la ki sa bann doker pe demann en logmantasyon, omwen R1 par tonaz pou sorti R2 pou vin R3.  E lo sa 1 mon santi ki Gouvernman i devret gete, dan en fason tre serye e vitman, kwa ki zot kapab fer pou siport en tel logmantasyon.  Eski i annan okenn kalite negosyasyon ki zot kapab fer e fer vitman pou ki soufrans sa bann doker i ganny soulaze imedyatman?  Nou, nou kwar wi e lo lapar sa bann doker nou pe demande ki senpleman Gouvernman i donn en komitman politik pou fer sir ki i rode e i antre dan bann negosiasyon kot i kapab antre.  Nou bezwen konpran difikilte sa bann doker e annou mazinen ki pa toultan, parey Onorab De Commarmond ti pe dir pli boner, ki pa toultan ki i annan bato dan por e letan napa bato, laplipar ditan, sa bann doker zot napa en travay e zot napa okenn sipor.  La i en lot landrwa kot Gouvernman i kapab antre.  Mon krwar Gouvernman i kapab spesifikman rode lekel sa bann doker e garanti ki letan napa bato, sa bann doker i ganny en sipor sorti kot Gouvernman, akoz dan sa bann letan zot pa kapab fer 2 bout zwenn e zot pa kapab sonny zot fanmiy.  I normal e i kler ki letan sa bann doker i travay, zot ganny en saler ki rezonnab me Mr Deputy, lakantite letan ki zot travay, konpare avek lakantite letan ki zot napa travay, lakantite letan kot zot pa pe travay i bokou, bokou pli gran ki sa bann letan ki zot pe ganny en saler.  Alors i enportan Mr Deputy, ki Gouvernman i antre e fer en keksoz spesifik dan en fason for pou sa bann doker, pou ki zot ganny sa sipor e zot kapab met manze dan lasyet zot bann zanfan dan bann moman kot napa bato.  Mazinen ki zot pa kapab al anploye en lot bor akoz zot pa pou zanmen ganny release par zot anplwayer zis pou zot al desarz bato e apre retour travay.

An vi Mr Deputy, lenportans sa travay dan nou lendistri lapes, an vi lenportans sa travay vizavi reveni anyel Gouvernman, an vi lenportans sa travay vizavi zenerasyon deviz etranzer dan sa pei, nou bann doker i deserve sipor Gouvernman.  E Mr Deputy, dan sa Lasanble ozordi, mon demande ki Gouvernman i reazir e i reazir vitman.

Dezyenm keksoz.  Ozordi dan Sesel, bokou landrwa travay i annan en scheme pou zot travayer.  E bann doker ki travay i pey taks e i kontribye dan fon pansyon parey i ganny demande dan lalwa.  Me lo kote sa bann doker, sa ki zot pe demande, zot pe demande ki zot osi, alafen sak lannen, zot kapab ganny en rekonpans par sa ki anploy zot pou zot osi kapab rezouir en bon festive season, en bon Nwel ek en bon lannen.  So, sa bann doker in dir mwan demande ki i annan en sistenm incentive ki kapab ed zot pou fer fas avek bann sitiasyon difisil alafen lannen, sirtou dan bann letan kot napa bato.

Trwazyenm size enportan i se ki sa bann doker napa okenn kouvertir pou lasirans e parey mon’n dir, sa travay i enn ki danzere e si zanmen en aksidan i arive letan sa bann dimoun i lo duty, parey in deza leka dan lepase, zot pa ganny kouver par okenn lasirans e keksoz i vin konplike pou zot.  Zot bezwen al an Kour e esper bann gran, gran letan pou bann konpansasyon ki meg e ki pa reflekte sitiasyon reel lavi dan Sesel ozordi.  Bann doker pe demande ki zot ganny kouver par en scheme lasirans kot i a fasil pou zot ganny konpansasyon vitman e rezonnab dan bann ka kot i annan en aksidan dan travay.  E ozordi, lo non sa bann doker, mon pe demann sa Lasanble pou zwenn ek mwan pou donn zot sipor dan en tel demars e dan en tel demann.

Katriyenmman, size ki bann doker i demann mwan pour fer sorti, i sa size en union pou zot.  Basically, zot napa en lorganizasyon pou debout e defann zot drwa travay ler zot santi ki sa i ganny abize.  Zot napa en lorganizasyon ki for e solid pou negosye zot kondisyon travay, avek bi pou amelyore ler i annan sa nesesite.  Zot santi zot fay e zot napa sipor.  An dot mo, zot pe demann Gouvernman pou met an plas sa striktir e sa polisi ki pou permet zot annan sa linyon, oubyen sa lorganizasyon ki kapab debout, defann e adres bann size ki konsern zot, aler e avek lefikasite.  E ozordi dan sa Lasanble, mon pe siport zot bann demann e mon pe demann bann lezot Manm pou donn mwan sa sipor e debout akote nou bann doker e siport zot demars pou zot rod sa bann kondisyon ki meyer pou zot, dan zot travay e ki enportan pou zot.  Annou Mr Deputy, debout akote nou bann doker e donn zot sipor dan tou sa bann areas kot nou santi zot devret ganny sipor.

Mr Deputy, annou donn zot sa sipor zisteman pou nou kapab ede soulaz sa bann soufrans e sa bann difikilte ki zot pe fer fas avek dan zot landrwa travay.  Annou donn zot en lalimyer.  Annou donn zot sa posibilite pou zot ganny tou sa sipor, tou Mr Deputy, pou ki zot kapab kontinnyen fer sa bann kontribisyon pozitiv ki donn Gouvernman sa loportinite pou ganny sa reveni e atraver sa reveni, kontinnyen fer bann devlopman ekonomik pou nou pei Sesel.

Mr Deputy, avek sa mon demann tou bann Manm Lasanble pou konpran e donn sipor sa  Mosyon pou ki an retour, dan en fason direk, nou a donn sipor nou bann doker.  Mersi Mr Deputy.

 

MR DEPUTY SPEAKER

Bon, okenn Manm ki segonn sa Mosyon?

 

HON EMMANUEL FIDERIA

Mr Deputy, mon oule segonn sa Mosyon, me selman mon oule propoz en simple amendment anba Lord 40 nou Standing Orders.

 

MR DEPUTY SPEAKER

Proceed mon a ekout ou.

 

HON EMMANUEL FIDERIA

Mon ti a kontan ki Mosyon i lir koumsa.  Ki sa Lasanble i demann Gouvernman ek sekter prive pou pran tou bann mezir neseser pou amelyor bann kondisyon anba ki doker i travay.

 

MR DEPUTY SPEAKER

Eksplik rezon det ou amannman.

 

HON EMMANUEL FIDERIA

Mr Deputy Speaker, mon rezon det, ler mon’n ekout largiman loter Mosyon, e nou, nou konnen ki dan sa size stevedor, i tout ki bann lakonpannyen prive ki pe fer sa biznes dan nou pei e mon krwar ki i normal ki nou anmenn en amannman ki nou enkli sekter prive.

 

MR DEPUTY SPEAKER

Bon, mon pou admet sa amannman anba 41, me mon a demande ki i ganny segonde.  Switch off.

HON SEBASTIEN PILLAY

Mr Deputy Speaker, mon pou segonn sa lamannman.

 

MR DEPUTY SPEAKER

Bon, ki sa amannman i ganny aksepte.  Tou bann ki an faver, lev zot lanmen.  Inanim, savedir amannman i ganny pase.  E eski ou ti oule fer lentervansyon Onorab?

 

HON EMMANUEL FIDERIA

Ya Mr Deputy, mon oule entervenir.

 

MR DEPUTY SPEAKER

Proceed.  Motion as amended.

 

HON EMMANUEL FIDERIA

Yes. Mr Deputy, mersi.  Mr Deputy, mon pou aport mon sipor pou pou sa amended Motion avek tou mon senserite.  I lo rikord ki depi sa senkyenm Lasanble, mwan ki’n koz bokou lo sa size doker.  Koman pwen referans, Speaker nou Lasanble ozordi, in deza met en Mosyon lo sa size an 2006.  Ozordi plis ki zanmen, sa size i ankor enn ki annan bokou lenportans e ansanm, nou bezwen rod en solisyon pou sa kategori travayer.

Mr Deputy, nou tou nou konnen ki lenportans sa bann doker i zwe dan lekonomi nou pei.  Plis ki 99 poursan sa ki nou servi ou konsonmen dan sa pei, depi manze, lenz, loto e lezot ankor se sa bann doker ou stevedor ki ganny kontak avek premye.  Sa ki nou dir, se zot ki deal e ki respondab pou deal avek tou sa bann marsandiz.  Ler mon fer mon refleksyon Mr Deputy lo doker, i bezwen en vye profesyon.  Dan nou pei, mon rapel bann ki ti travay dan lepok salan, nou kapab mazinen pou al dan lakal bato pou met marsandiz dan salan e pou debark marsandiz ankor lo por e met dan langar, nou kapab mazinen ki kantite dir nou bann ansyen doker in travay.  Avek devlopman ki’n arive, nou’n vin pli sofistike, por in agrandi, marsandiz maintenant i vin dan container. Bato i koste avek por me Mr Deputy, sa kalite travay pa nou tou ki kapab fer.

Mr Deputy, apre bokou lannen, doker in en group travayer ki zot travay i baze lo en sistenm casual. Avek nasyonalizasyon, Gouvernman ti anploy bann stevedor e zot ti ganny en lapey de baz par mwan e apre serten kantite tonaz zot ti tire, zot ti ganny ankor en pti mwenza.  Sa lepok se lakonpannyen ULC ki ti fer sa biznes e son propriyeter ti Gouvernman.  Avek larive bann bato ton dan lannen 80, bann aktivite por ti ogmante.  An 1984, ti annan 49 bato ton ki ti lapes dan nou delo e zot osi zot ti bezwen servi stevedor.  Ler Gouvernman ti privatiz lakonpannyen ULC an 1994, nou ti vwar kreasyon Land Marine.  Menm ki Gouvernman ti kit serten kantite shares pou li, tou bann travayer sa lakonpannyen ti ganny peye zot konpansasyon, enkli bann doker.

Mr Deputy, ozordi i annan 2 lakonpannyen ki dan sa biznes stevedoring. Nou annan Land Marine ek Hunt Deltel. Zot anploy plis ki santenn sa bann dimoun ki nou apel stevedor e zot tou zot pe ganny zot lavi dan sa kalite travay ki zot pe fer.  Wi Mr Deputy, sak lakonpannyen i annan son fason ki i pey son bann travayer, parey Hunt Deltel pe pey zot R2 par tonn e Land Marine pe pey zot R2.50 pou zot al avek dan lakour, par tonn.  E bann ki desarz container, Land Marine osi i pey zot en serten sonm larzan par erdtan e sa bann stevedor zot travay par tim 25.

Mr Deputy, ler mon’n fer mon resers, volim marsandiz ki bann stevedor i desarze i plizyer mil tonn.  Bann bato ton zis pou lannen 2000 zot ti debark zot 275 mil tonn pwason.  An 2003, zot ti desarz zot 301 mil tonn pwason.  An 2006 zot ti desarz zot 372 mil tonn pwason e lannen pase, ek logmantasyon ek pirat dan nou delo, zot ti desarz zot 214 mil tonn pwason.

Mr Deputy, parey mon’n dir oparavan, sa kalite travay i demann en kantite lenerzi pou fer.  Lo kote sekirite dan travay stevedor, ou bezwen pran bann prekosyon tre serye.  ou bezwen reste tre vizilan.  Ou pa kapab vin travay anba lenfliyans sibstans akoz sa i kapab kout ou lavi e lavi bokou ou frer ki travay ansanm avek ou.

Mr Deputy, an 2005, Gouvernman ti pran en desizyon ki por i fonksyonn 24 lo 24.  Savedir ler en bato i antre dan por, i bezwen ganny sa servis pou debark son kargo, apre pou kontinnyen son larout.  Nou bezwen konpran ki en bato pa fer larzan ler i dan por.  En bato i fer larzan ler i pe lapes.  Ou kapab konpran Mr Deputy, ler nou pe dormi, stevedor pe mont lo sepa konbyen oter container pou fer sir ki sa kalite servis i ganny delivre.  Mr Deputy, ler pou desarz bato ton pou met pwason dan bann gro bato frigo, bann bato ki vin sers bann pwason avek bann pti bato, parler ou bezwen dormi ater dan sa ki nou apel lakal, pou fer sir ki sa bann ton i ganny byen klase e parfwa ou bezwen 3 zonm pou lev enn sa ton, degre i lour.

Mr Deputy Speaker, si zot napa bon lekipman parey legan, lenz lafreser bon kalite, sibout, zot pou fer fas avek plizyer problenm medikal.  Mr Deputy, sa se larealite e sa se laverite.  Mr Deputy, dan kad sa bann bato ton, in deza arive ki’n annan en leakage gas amonyak.  I en gas ki tre toksik.  Dimoun in deza mor.  Mr Deputy, tou travay i annan son bann difikilte avek li, me i annan bann osi ki tre riske.  Isi por Viktoria pe ganny renonmen pli bon por dan larezyon e pli efikas.  Sa i bon pou Sesel.  Bann bato ton i kontan nou servis, nou osi nou kontan, i met manze dan lasyet nou pep, ouswa dan lasyet fanmiy Seselwa.

Mr Deputy, dan por i annan en kantite dimoun ki travay, ki ganny zot lavi.  Lamazorite sa bann travayer zot ganny anploye e zot annan en scheme ki apre serten letan zot benefisye.  Swa avek tann servis, gratite e lezot ankor.  E zot kapab retire a laz 60 ou 63 an.  Mr Deputy, nou bezwen get dan kondisyon sa bann stevedors.  Sa travay ou pa kapab fer li 60 ou 63an akoz i tough.  Ou bezwen en kantite kouraz e sa ki enteresan se ki tou bann doker, mon krwar i enportan nou note, tou bann doker i bann zonm Seselwa.  Napa okenn etranze.  Napa ni Malbar, napa ni Sinwan. selman nou merit fyer letan nou bann zonm Seselwa i leve i al debrouye.

Mr Deputy, dan mon distrik Les Mamelles i annan bokou bann zonm ki fer sa travay doker.  Zot dir mwan pri lavi in monte.  I fer byen lontan ki zot pankor ganny en pti zafer lo logmantasyon zot tonaz avek bi pou zot pli byen kapab siport zot fanmiy dan sa letan difisil.  Mon ti a kontan dir ki bann doker pa tro mal pase ler zafer i bon.  Be sa ki mon krwar, nou bezwen rod en solisyon ki apre sa travay difisil, riske, dir ki zot ganny byen rekonpanse.

Mr Deputy, dapre mon resers ki mon’n fer, tou lenformasyon lo plizyer pei kot i annan bann doker ki travay, zot ganny trete koman en group profesyonnel e tre spesyal e zot ganny byen peye pou sa travay nob ki zot fer.  Dan nou Nouvo Sesel nou bezwen montre lemonn ki nou Seselwa i atas gran valer avek sa travay tre nob ki nou bann zonm i fer lo nou por.  Zot fer nou fyer e zot reprezant lafyerte Seselwa.  Mr Deputy, tou bann statistik ek lenformasyon ki mon’n donnen lo size doker i montre klerman konpleksite sitiasyon travay doker.

Alor pou konklir mon lentervansyon lo kestyon doker, permet mwan pou fer sa bann pwen konklizyon dan bann laform rekomandasyon ki dan tout limilite, mon ti ava swete ki tou bann parti konsernen i travay ansanm pou nou donn en solisyon dirab e soutenab.  Mr Deputy, nimero 1.  Ler in arive pou Gouvernman, Linyon bann konpannyen ki dan sa biznes, komans diskit seryezman lo tou konsern nou bann doker.

Nimero 2.  En scheme byen apropriye i vin an plas, kot apre serten letan travay, tou bann doker a ganny en bon konpansasyon.

Nimero 3.  Ki bann lakonpannyen konsernen i deside met serten sonm zot profi dekote e bann doker i met serten poursantaz sak fwa ki zot ganny peye e asire, apre serten peryod letan, 5an swa 10an bann doker i ganny serten rekonpans adisyonnel.

Mr Deputy, nimero 4.  Ki lotorite konsernen i konsider pou donn bann doker loportinite pou aste bann shares oubyen serten kantite bann shares i ganny met a zot dispozisyon.

Mr Deputy, nimero 5.  Ki nou konsider lentrodiksyon en scheme ki garanti serten mwayen sipor pou bann doker dan bann sezon kot bato i bouze e al lapes pli lwen e zot pa antre dan nou por Sesel.

Mr Deputy, pou terminen dan parkour mon travay parmi zabitan Les Mamelles, mon’n toultan dir zot ki mon pou la pou zot.  Mon lentervansyon ozordi i pa zis pou zabitan mon distrik.  Sa i en size avek lenportans nasyonal.  Isi dan sa Lasanble lo kote Parti Lepep, nou la pou defann zentere e zabitan nou distrik.  Zot konnen ki nou pou touzour la pou zot.  Mr Deputy, mon remersye ou.

MR DEPUTY SPEAKER

Onorab Vangadasamy.

 

HON SHERYL VANGADASAMY

Mr Deputy Speaker, Manm koleg Onorab, bann doker a lekout e zabitan Mont Buxton, bonn apre midi.  Mr Deputy Speaker, mon pou komans mon lentervansyon ki pou tre bref, an rekonnet mon solidarite e sipor total e osi mon pe demann tou bann Manm koleg Onorab pou siport sa lamannman sa Mosyon lo non tou bann doker.

Mr Deputy Speaker, bokou in ganny dir par mon 2 koleg Onorab, Onorab Pierre ek Onorab Fideria, lo kondisyon nou bann stevedor ozordi.  Ozordi Deputy, tou dimoun i dir ou ki lavi I ser.  Tou dimoun i dir ou ki larzan pa ase.  Tou dimoun i dir ou ki lavi pa fasil e sa espesyalman pou nou bann pti dimoun ki pli vilnerab.  I annan dimoun ozordi ki bezwen fer 2 louvraz.  Ozordi, i annan dimoun ki bezwen asiz lo lasistans Byennet Sosyal pou asire ki enn ek enn i fer de.  E ki zot asir en lasyet manze zot fanmiy.  Me ozordi Deputy Speaker, nou annan nou en group dimoun ki annan en lenzistis sosyal.  En lenzistis finansyel e en lenzistis ekonomik.

Mr Deputy Speaker, dan mon lanmen la ozordi, mon annan mwan serten pay slip mon bann stevedor ki’n travay depi Fevriye sa lannen ziska Zen, depandan, parey Onorab Fideria in dir lo bato ki annan e osi lo groupman ki’n ganny kriye.  Permet mwan Mr Deputy Speaker pou sit serten sa bann sonm.  Aparti Fevriye sa lannen, lapey ki ti antre kot en per-d-fanmiy ti R1728.  Ankor Fevriye Mr Deputy Speaker, i ti ganny li R617.  Mars, i ti ganny li R1403.  Me i ti ganny li R1501.  Me ankor i ti ganny li ankor R1022.  Zen i ti ganny li R1471.  Zen Mr Deputy Speaker, i ti ganny li ankor R516.

Mr Deputy Speaker, osi dan mon lanmen mon annan mwan en let sorti kot en group bann stevedor dan mon distrik, ki pe demann sa Lasanble e ki osi pe demande ki lakonpannyen prive tel ki Hunt Deltel ek Land Marine e ki osi Gouvernman i fer tou mezir neseser pou asire ki zot ganny en meyer kondisyon.  Sa let ozordi dan mon lanmen Mr Deputy Speaker, ekrir an bolpenn ble in adres lo mon non, i pe demande silvouple pou pran konsiderasyon zot landrwa travay e osi zot kondisyon travay.

Mr Deputy Speaker, letan mon’n get tou sa bann resers ki’n ganny fer e osi bann dokiman ki annan, kestyon ki mon pe poz mon lekor, se eski ozordi i posib denozour, pou annan nou en per-d-fanmiy pou viv lo tel saler?  Eski ozordi nou bann gran, gran businessmen dan Land Marine ek Hunt Deltel, sa bann gran lakonpannyen, i kapab viv lo R1700 par mwan pou sonny zot fanmiy?  Eski i annan en sistenm konpansasyon, benefis, ou menm en head benefis pou nou bann stevedore? Eski letan napa bato Mr Deputy Speaker, lasistans ki ofer, oubyen opsyon en lot job tanporer i egziste dan nou Gouvernman?  Eski se dan lentere fer biznes, travay dir e leve debrouye ki ozordi nou bann doker I dan sa sitiasyon?  Eski lekel sa bann gro pwason ki pe manz nou bann pti pwason?  Eski se pa sa lenzistis sosyal?  Eski se sa the best deal ki nou kapab ofer nou bann stevedor? Kestyon ki mon pe poze Deputy Speaker e ki Onorab Pierre in fer resorti se oli nou Worker’s Union?  Ki zot pe fer pou nou bann stevedors?  Konbyen profi ki Land Marine ek Hunt Deltel pe fer dan sa biznes?  Eski nou konpran konsept en peyman viab e lozik baze lo performans biznes e en partenarya ant anplwaye pou travay dir e kontribye fer biznes prospere, fer plis larzan e anplwayer pou reward sa anplwaye accordingly?

Mr Deputy Speaker, an 1964, letan per fondater mon Parti ti anmenn en lalit kont okenn lenzistis, drwa e kondisyon nou bann travayer Seselwa, nou bann pti dimoun, se sa ki ti an tet.  E sete sa ki ti premye.  E ozordi avek nou bann stevedors, se sa ki an zwe.

Mr Deputy Speaker, si sa bann gran businessmen pe pocket plis ki milyon dan lendistri lapes ton e pa pe redonn ase nou bann doker, si nou Gouvernman pa pe rod a better deal dan lendistri ton ek bann pei etranze oubyen lorganizasyon etranze, si nou Gouvernman pa pe met mekanizm an plas pou lasistans oubyen travay tanporer pou sa bann stevedor pandan letan napa bato, si nou Worker’s Union pa pe vwar lenportans e litilite debat, negosye e trouv en meyer deal pou nou bann travayer, sa enkli stevedor, nou pou kontinnyelman e toultan nou pou koz lo sa menm problenm.  Alor Mr Deputy Speaker, parey mon koleg Onorab Les Mamelles in dir, nou pe challenge sa bann lakonpannyen prive, nou pe challenge nou Gouvernman, nou pe challenge nou Worker’s Union ozordi, donn nou stevedors, donn nou bann doker a better deal.  Lo non tou bann doker dan mon distrik Mont Buxton e aryer, mon solider avek zot e mon pou donn sipor sa Mosyon.  Mersi.

 

MR DEPUTY SPEAKER

Onorab Hoareau.

 

HON HERBERT HOAREAU

Mersi Mr Deputy pou laparol.  Bonn apre midi.  Bonn apre midi tou bann koleg Onorab e en bonn apre midi spesyal tou bann zabitan St Louis.

Mr Deputy, stevedoring/doker se bann zonm for, determinen ki travay lo por ek tou bato, dan lafreser ou lasaler, dan soufrans zot kouraz touzour la, pou rod zot lavi.

Mr Deputy, servis doker i ganny ofer dan por Sesel par 2 lakonpannyen prensipal e sa se Land Marine e Hunt Deltel.  En lakonpannyen parey Hunt Deltel i annan li 12 tim 20 doker e 5 rezervis par tim.  E rezervis i ganny ogmante dapre demann ki sak bato i demannde.  Sa bann doker ki travay lo en baz rotasyon avek bann bato ki antre dan por pou donn en bon servis par ekselan e konpetitiv pou ki nou por i reste vivan e sa lakonpannyen Hunt Deltel i baze St Louis.  Si i annan ki ti’n fer son louraz byen, i ti a konnen.  Sa bann zonm ki ti pli for lontan i annan en problenm ozordi kot anviron 30 poursan zot i annan mwens kouraz e sa i an rezilta bann sibstans ki zot konsonmen, ki pa bon pou zot lasante.  La mon a dir zot juice i pli bon ki tyomityo.

Mr Deputy, la mon a demande ki Minister Lasante i get en pe plis dan lasante bann doker pou ki zot ganny bon advice pou gard zot lasante e kouraz pou travay dir pou nou pei Sesel.  Sa travay i pa fasil e pa bokou nou ki kapab fer.

Mr Deputy, dapre lenformasyon, en doker ki travay byen i ganny li anviron R5500 pou desarz pwason e an azoutan pou disel, anviron R6500 letan zafer i bon.  E sa i reste pou vwar dan larealite.  En doker i travay anviron 4 er-d-tan par zour, setadir 2 er-d-tan travay e 2 er-d-tan repo.  Zot louvraz i bokou pli fasil ozordi, avek bann bato ki’n ganny modernize e pli fasil pou travay abor ki permet bann doker travay pli vit.  Letan en doker i travay lo por, i ganny tou bann lekipman neseser pou li kapab protez li e travay an sekirite.  Pou bann ki kontinnyen pandan lannwit, zot ganny manze e transpor pou al kot zot e sa i ganny peye par bann lakonpannyen ki zot travay ladan.

Mr Deputy, pirat dan nou lanmer in fer bokou bato kit Sesel e pa’n zanmen ganny ranplase.  E mon donn legzanp depi an 2008 a 2012, in annan 5 bato Albakora ki’n kit nou, 2 bato Pevesa in kit nou, 2 bato Antrounsa ki’n kit nou.  Sa i pa bon pou nou lekonomi e sa i pa bon pou bann fanmiy doker.

Mr Deputy, en bato ton dan Sesel i fer li anviron 9 antre par an e azout sa, anviron 2 antre an ka emergency.  Avek letan ki sanze, en bato i deplas li dan diferan parti Losean Endyen tel ki kannal Mozanbik, lakot Somali, dan Nor avek Mae e parfwa antre Madagascar pou ravitayman e desarz zot pwason.  Dan por Sesel zot ganny ravitaye avek bann lakonpannyen lokal doker ki tret zot tre byen.

Mr Deputy, en lakonpannyen ki pe ofer en servis doker pe osi anmas kou ekstra tel ki fuel, elektrisite e kou lekipman ki pe kontinnyelman ogmante.  Menm si reveni in diminnyen, Hunt Deltel i trouv li neseser pou gard son bann doker e aksepte plizyer lannen ki son bann kou loperasyon i reste parey.  En bon servis por se plis larzan pou bann doker ki osi anmenn plis reveni pou nou pei.  Ozordi en doker pe pey li son Pension Fund e Social Security Fund e zot benefisye tre pe avek sistenm.  Zot santi ki zot en group apar.  Ki nou bezwen zot zis letan nou bezwen zot kouraz.  Letan napa bato, zot bezwen tay kot politisyen akoz Welfare i dir zot al travay.  Me si zot tou zot al anploye, kote nou pou ganny doker pou desarz sa bann bato ki antre dan nou por?  Kote nou pou ale si en bato i antre dan por e napa doker pou desarz li?  Eski nou realize ki sa bato pou ale?  Eski nou realize ki travay en doker i neseser dan sa pei?  Mwan, mon pou dir avek bann doker St Louis, zot soufrans mon konnen.  Zot problenm i osi mon problenm.  E letan zot ganny rezete, mon santi, akoz mwan osi mon en travayer e mon annan zanfan.  La mon demann Gouvernman pou fer tou sa ki neseser pou get dan Welfare en doker ki travay dir pou son pei.  Zot travay i anmenn plis milyon roupi pou sa pei.  Annou siport zot e trouv en solisyon pou ki letan i annan bato ou napa bato, zot ganny siporte.  Ed zot akoz bann partener dan sa sekter i dir ki sak fwa eleksyon, problenm doker i monte e apre i desann.  Annou vwar sa vre rezon ou problenm ki nou tou nou a kapab deal avek.  Kart annou met ater lo latab.

Mr Deputy, mon anvoy en mesaz pou tou bann malen.  Annou aret zwe avek sa pti group doker ki nou annan.  Annou gard zot pou ki tou dimoun i a benefisye, ki swa Gouvernman e lakonpannyen prive ki pe deal avek.  Servi zot bolpenn, ekri larealite, fer en pe refleksyon e tras semen kler pou ki tou doker Seselwa i trouv li byen dan son lapo letan zot pe travay lo por.  Mersi Mr Deputy.

 

MR DEPUTY SPEAKER

Onorab Jeannevol.

 

HON BEGITTA JEANNEVOL

Mersi Mr Deputy, bonn apre midi tou Manm Onorab, tou dimoun a lekout.

Mr Deputy, Mosyon ki’n ganny amande devan nou ozordi apre midi pe demann nou koman bann Manm Onorab pou donn sipor nou bann doker par demann Gouvernman ek sekter prive, pou pran mezir pou konsider amelyor zot kondisyon travay.  Sa bann travayer ki pa anploye, ki laplipar i bann zonm, bann papa kot lakaz, bann zenn garson ki serten i annan en rev zot osi pou akonplir, bann zonm avek responsabilite finansyer.  Se zot sa group dimoun ki leve debrouye e reponn lapel pou travay dir e kontribye dan lekonomi nou pei.  Wi, zot fer en louvraz byen enportan pou nou pei ki bokou fwa nou pa realize.  Se zot ki asire ki marsandiz ki’n ariv dan pei i ganny retire lo sa bato pou ki i kapab ariv kot ou.  Se zot ki retir sa pwason ton pou fer sir ki i ariv kot lizin IOT.  Si non, pei pa pou ganny reveni ek son bwat ton ki i enporte.  Wi, se zot ki fer sa bann louvraz lev gro bal, menm anba soley ou lapli.  Zot fer li akoz zot konnen ki se sa travay dir.  Travay dir pa ti zanmen fasil.  Sa bann stevedor, gunway men e winchmen ki bezwen ekout radio pou anons zot zot shift travay, zot bezwen vey selman ler i annan bato pou zot ganny travay e donk ganny peye.  Nou kapab mazinen alors, kimannyer sa i kapab difisil pou en papa kot lakour, ouswa sa enn ki bezwen al depoz larzan kot Tribinal kan i ariv en mwan ki i pa ganny peye.  I enportan note kantmenm, ki en doker byen regilye, ki toultan raporte pou travay e i menm annan en pti group, ki menm si li i pa’n ganny apele, i vini pou li gete si napa enn dan group ki’n ganny apele ki pa’n vini e la li i a ganny sa plas.  Ladmirasyon pou sa group ki olye asiz dan lakour pou esper travay, li i desann pou al kot por pou al ver en travay.  Me oli ankor lankourazman pou li sa zonm ki’n fer sa?  Laplipar sa bann zonm, zot pa vreman anvi ganny anploye.  Petet serten a dir mwan savedir, dir zot al en landrwa kot zot kapab ganny anploye pou zot ganny en lapey tou le mwan ek en meyer kondisyon travay.  Me si nou demann zot tou pou al anploye, lekel ki pou fer sa louvraz?  Parey mon’n dir pli boner, desarz bato i enn bann aktivite ase enportan dan nou por.  Nou pa oule nou ariv dan en sitiasyon kot nou pou bezwen rod travayer aletranze pou fer sa louvraz.  I annan apepre 180 zot ki fer sa louvraz ek Land Marine, me zis 112 zot ki ase regilye.  E alor, si nou dir zot al rod en lot travay zournen pandan sa letan ki zot pa pe ganny peye lo por, me eski i annan en travay zournen pou apepre sa kantite travayer par zour?  Ouswa zot pou ganny demande pou al anploye.  Land Marine i pey sa bann travayer R3 par tonaz pwason e ladan 50 sou i ganny retire pou zot peyman pansyon, ki fer ki zot al dan lakour ek selman R2.50.  Eski sa i vreman sa ki zot vo?  Eski sa sonm i vreman sa ki lakonpannyen i gannyen?  Bann letan ki bato i an abondans, peyman pou sa bann zonm i ase rezonnab.  Dapre lenformasyon kolekte ek Land Marine, en travayer ase regilye i kapab ganny li par egzanp R2100, R1469, R4175.  I osi annan sa enn ki vin toulezour ki pou tous li apepre R19 mil par mwan.  Menm si pa tou le mwan ki i ganny sa, e osi napa bokou zot ki ganny sa sonm larzan.

Ozordi, zot menm ganny en pti bonus alafen lannen, baze lo zot attendance e performans travay.  Lannen pase, Land Marine ti pey sa bann travayer ant R1800 a R2700.  Ankor, sa i byen koman en lankourazman.  Me nou, nou pe demann plis ki sa pou sa bann travayer.  Par egzanp, mon’n aprann ki i annan en pe sa bann travayer ki ek sa bann lakonpannyen pou 10, 15an.  Me okenn larzan konpansasyon zot pa gannyen, kan ozordi tou travayer i entitle en peyman tou le 5 lannen travay.  Alors, eski sa i fair pou bann doker?  Oli zot lankourazman?

Ek aktivite piratri dan nou lanmer sa bann dernyen lannen, lakantite bato ki vin desarz lo nou por in redwir.  Par egzanp an 2009, Land Marine ti rikord 78 mil tonn pwason.  An 2010, 62 mil tonn e an 2011, 50 mil tonn pwason ti ganny rikorde ek sa lakonpannyen.  Sif ki desann gradyelman i osi vedir mwens travay pou bann doker, osi kont letan ki pwason i migrate dan en lot landrwa akoz tanperatir lanmer.  E alors, eski sa bann lakonpannyen pa kapab fer nanryen pou sa bann dimoun pandan sa bann letan?  Sa ki mon pe demande alors Mr Deputy, se ki Gouvernman i liaise ek Land Marine e Hunt Deltel pou konnen lekel sa bann travayer regilye e bann letan ki zot pa ganny en lapey konplet.  Mon demande ki letid i ganny fer e get dan posibilite, san met bokou presyon lo sitiasyon ekonomik pei, pou esey asiste sa bann dimoun anba sistenm Welfare.  Se sa ki Welfare i merit fer.  Asiste nou bann travayer ki travay dir me ki zot lapey pa ase.  Mon demande osi ki Gouvernman i antre an diskisyon ek sa bann lakonpannyen prive, par egzanp Hunt Deltel, ki ankor pe pey sa bann travayer selman R2 par tonaz, menm si kou lavi in ogmante e ki zot, zot in ogmant fre ki bann bato Espanyol i pey zot pou desarz bato.  Nou demande ki sa bann gro profi i ganny pas en pe ek zot bann travayer.  Se zot sa bann doker ki fer zot ganny sa gro ta larzan.  Alors, partaz en pe ek zot.

Mr Deputy, parey mon’n dir pli boner, sa bann dimoun i fer en aktivite enportan dan por.  I enportan alors ki zot travay i ganny rekonnet pou ki nou asire ki sa i toultan ganny fer.  Si non, sa pou annan en reperkisyon lo nou lekonomi.

Se avek sa Mr Deputy ki mon pou donn tou mon sipor pou sa Mosyon, an sipor pou nou bann doker.  Mersi.

 

MR DEPUTY SPEAKER

Onorab Lebon.

 

 

HON LENNY LEBON

Mersi Mr Deputy Speaker.  Mr Deputy Speaker, ozordi dan Sesel i annan anviron apepre 800 stevedors ki travay avek sa 2 lakonpannyen Hunt Deltel ek Land Marine. Dan plizyer lokazyon, bokou bann MNA dan Lasanble Nasyonal in koz fortman lo sor oubyen konsern nou bann doker.

Mr Deputy Speaker, sa Mosyon devan nou Lasanble ozordi in aparet dan en moman ideal.  I ideal akoz ozordi, plis ki zanmen, an fas avek konsern mazorite fanmiy Seselwa, lo kestyon pri lavi e ler nou analiz bann statistik lo size kantite profi ki sa 2 lakonpannyen i kolekte, ki’n sibstansyelman ogmante e dan menm sirkonstans, bann doker pa’n ganny ditou okenn logmantasyon, sa i fer en sitiasyon pa balanse.

Mr Deputy Speaker, Mosyon par Leader Lopozisyon e ki’n ganny amande par Onorab Fideria pe demann Gouvernmn ek sekter prive pou pran tou bann mezir neseser pou amelyor bann kondisyon anba ki bann doker i travay.  I en realite ki bann doker i en group dimoun ki travay tre dir.  E dapre mon resers mon’n aprann ki doker Seselwa i enn parmi bann doker ki travay pli dir ki bann lezot doker dan rezyon Losean Endyen.  I enportan note ki isi Sesel, parey bann lezot Manm in dir, an 2005 nou por ti komans fer marse son loperasyon oubyen devlop son bann aktivite 24 lo 24, 7 lo 7.  Sa sanzman dan limenm, mon konvenki in anmenn nouvo defi ek loportinite.  Alafwa, mon osi konvenki ki in demann serten sakrifis lo lapar bann doker.  Anfen, si zanmen ti annan plis benefis, zafer ti pou ok pou tou dimoun.  Bann anplwayer ek travayer malerezman lekspektasyon in ganny brize.

Mr Deputy Speaker, i annan diferan kalite doker.  I annan bann ki responsab zis pou desarz pwason, sirtou ton parey nou konn zot spesifikman, zot atase avek lakonpannyen sa ki nou apel Hunt Deltel.  Nou annan lezot doker avek Land Marine.  Doker Land Marine, an plis ki tir pwason, zot osi deal avek container. An plis, tou lezot kargo oubyen marsandiz ki bezwen ganny desarze lo por.

Kalite aktivite ki nou bann doker i angaz zot ladan depi le 1 Zanvye ziska le 31 Desanm i en lendikasyon kler lenportans sa group travayer dan nou pei.  E enn nou bann aktivite ekonomik dan Sesel, nou bezwen note sa akoz I tre enportan.  An pasan, i osi enportan ki nou rapel ki an Zen 2006, Onorab Patrick Herminie ti debat lo en Mosyon lo stevedors/doker, dan sa Lasanble.  Mr Deputy Speaker, plis ki 6an plitar nou pe koz lo sor e konsern menm group travayer ki pe desarz en responsabilite ki’n demann en kantite kouraz, en kantite perseverans, apre tou en travay ki pa bokou dimoun ki pare pou angaz zot ladan, akoz i en travay dir, fatigan.  En travay ki epwiz en kantite lenerzi.  Ankor enn fwa, mon oule site ki sa Mosyon i annan relevans donnen, realite ekonomik sosyal ki nou pei pe eksperyanse.  Egalman, pou zabitan Grand Anse Mahe ki travay koman doker.  E pou tou bann doker dan nou pei, mon konnen ki kantite travay dir zot travay.  E kantite zot kontribye dan lekonomi nou pei Sesel.  E sa i en rezon akoz mon pou siport sa Mosyon.

Ler ou donn letan e aprofondi dan tou detay e ler ou lir serten lartik dan zournal resaman, mon dekouver ki bato ki pe lapes dan nou zone ekonomik delo Sesel pe anmas gro sonm larzan.  Zot pe fer anviron 500 mil dolar Ameriken tou le 21 zour e zot pe fer en profi anviron 200 milyon dolar tou le lannen.  Malerezman, dan sa anviron 200 milyon dolar profi, Gouvernman Sesel i ganny peye en pti sonm byen meg, ekivalan zis 90 bilyon dolar pou en license tou le lannen.  Sa i pa normal, i pa rezonnab e i pa akseptab.

Mr Deputy Speaker, si sa i laverite, in ler pou fer en lodit.  En lodit apele value chain analysis. Akoz mon pe koz lo nesesite annan en lodit value chain analysis?  Rezon i senp.  Se ki ava permet lotorite konsernen dan Sesel ganny en benefis ki pli zis e pli ekitab.  Egalman, i ava osi permet Sesel pou anmas e devlop bann mekanizm ki donn posibilite e kree loportinite egal pou tou bann stake holders zouir en benefis ki zis e ekitab, anfen asire ki nou bann lor ki ganny lapes dan nou delo i reisi fer en kontribisyon sibstansyel e direk dan lekonomi Sesel.

Mr Deputy Speaker, mon konvenki ki ler sa zour i arive, mon napa okenn dout ki Gouvernman a pran bann mezir neseser pou amelyor kondisyon travay bann doker.

Lo kestyon health and safety, i enportan ki seksyon lenspeksyon dan Minister Lanplwa i atas en lenportans partikilye e ranforsi prosesis pou monitor byen sitiasyon e asire ki health and safety bann doker i lo standar ki akseptab.

Dan mon resers, mon’n osi aprann ki bokou in ganny fer lo por, an sa ki konsern kondisyon travay bann doker.  Sa in ganny konfirmen par bann statistik aksidan dan travay lo por ki’n ganny redwir.  Egalman, lo kestyon health and safety, responsabilite i partaze an 2.  Land Marine ek Hunt Deltel i annan zot bout e bann travayer i osi annan zot bout e sa konpannyen i bezwen asire ki bann doker pe swiv oubyen respekte bann standar e regilasyon ki’n ganny mete.  En deba ki’n ganny anmennen dan sa Lasanble depi 2006 lo konsern bann doker e ki size ki Mosyon pe osi adrese i lo valer larzan ki zot gannyen lo tonaz.  Mon konpran ki Hunt Deltel i pey bann doker R2 e Land Marine i pey R2.50 pou sak tonaz.  I en fe ozordi ki pri lavi dan Sesel in ogmante.  In ogmante pou tou dimoun, pou tou fanmiy.  E sa i enkli fanmiy tou bann doker.  Si vreman bann lenformasyon oubyen bann statistik i korek, an sa ki konsern kantite profi ki pe ganny fer, i tre enportan alors ki moman in arive pou seryezman get dan posibilite ogmant pri par tonaz pou tou bann doker.  Touzour, anlinny avek lobzektif Mosyon, i enportan ki en prosesis negosiasyon i demare kot Minister Lanplwa i ganny angaze ansanm avek Hunt Deltel, Land Marine e reprezantan bann doker.  Linyon Travayer osi.  Prosesis negosyasyon i annan en sel lobzektiv fondamantal e sa se definir e agree lo en lakor pou donn logmantasyon pri tonaz pou sak doker.

Avek sa Mr Deputy Speaker, mon oule fer serten rekomandasyon.

Premye.  En lekip spesyal pou etablir en dyalog ant bann konsernen avek Lazans Doker.

Dezyenm.  En lekip pou vwar enplimantasyon en proze konzwent sekter prive ek Gouvernman avek bi pou Sesel annan son prop laflot bato lapes.

Trwazyenm.  Devlopman bann progranm kot Lakademi Maritim Sesel, pou bann zenn Seselwa pran sarz laflot bato ton dan lavenir.

Katriyenmman.  Lans en nouvo progranm zenn dirizan kaptenn ek maren pou nou fitir laflot bato ton swa kot Lakademi Maritim oubyen konzwentman avek Liniversite Sesel.

Senkyenm.  Ki bann doker i konsider seryezman zwenn lorganizasyon Linyon Travayer.  An plis, ki zot form en lasosiasyon travayer doker.  Sa ava permet zot annan en forum pu met devan e asire ki zot bann konsern i ganny adrese.

Sizyenm.  Mon osi oule propoze ki sa 2 lakonpannyen i get dan posibilite, parey bann Onorab in dir avan, pou vann serten share dan konpannyen avek bann doker ki ava permet devlop plis sa eleman ownership e kree posibilite reel pou annan plis prodiktivite dan prosesis travay dan por.  Mersi Mr Deputy Speaker.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mr Deputy Speaker, mersi bokou.  Mon pou tre bref lo sa Mosyon.  Mr Deputy Speaker, sa Mosyon pou mwan i en pti pe konfize parfwa.  Mon tande taler la, zot dir Land Marine li i R2.50 par tonnaz.  Hunt Deltel R2.  Apre en bann i dir Land Marine pou li R3, pa kler sa. premyerman.  Me selman letan mon get sa Mosyon, mon vwar osi konmsi ou a krwar i demann ankor en lamannman ladan.  Ki sa Lasanble i demann Gouvernman ek sekter prive, epi mon dir kekfwa i demann avek bann doker tou.  I annan 3 parti la.  Petet devret met koumsa.  Akoz mon dir sa Mr Deputy Speaker?  I annan en keksoz.  Mon krwar mwan, pou lobzektif ki Mosyon pe demande pou revwar kondisyon doker, mon krwar i annan 3 lenstans la.  3 keksoz ki devret vin ansanm.  I vre Gouvernman i annan en rol a zwe, enn parske i share holder dan Land Marine.  De, i en Gouvernman Lepep ki get travayer me osi sa 2 konpannyen prive, Land Marine ek Hunt Deltel ki anploy tou sa bann doker, li osi i annan en rol pou zwe.  E byensir, volonte bann doker i osi konte.  Si napa volonte bann doker, doker pa kapab kontinnyen esper Gouvernman fer tou keksoz pou zot.  E sa i pa zis pou doker.  Mon pe lans en lapel la pou tou travayer Sesel.  Gouvernman li i fer en bout li.  E dan Sesel modern ozordi, i annan en keksoz ki tou travayer i devret pe pran konsyans, sirtou kot i konsern son kondisyon travay e revandikasyon son bann drwa travay.  Gouvernman Parti Lepep in fer en kantite dan sa parkour.  En kantite.  Letan ou kalkile, depi lontan letan travayer ti napa okenn drwa nanryen, depi SPUP, SPPF, Parti Lepep la, in fer en kantite, en kantite.  Enorm.  Me in ariv ler Mr Deputy Speaker, ki travayer i bezwen vin en manm Union dan sa Sesel modern.  Gouvernman i a fer son bout be travayer li i bezwen bouze li osi.  E pou li bouze, i pa kapab asize dir Gouvernman fer sa.  e nou vin dan Lasanble, Gouvernman fer sa pou travayer.  I vre nou a donn sa lapwir, sa sipor, me travayer i bezwen organiz li e sirtou la nou pe koz lo doker, doker i bezwen pran zot responsabilite osi.  Organiz zot lasosiyasyon.  Tou sa letan doker i la, la.  Oli lasosiayasyon doker?  Bezwen bouz devan.  Fer zot lasosiyasyon, anrezistre zot ek union.  Ou pa kapab assize laba, kriye e ou ekspekte tou zafer.  Ou anrezistre ek Union, prezan Union i ava komanse avek doker, anmenn en batay pou meyer kondisyon travay bann doker.  Se koumsa i fer sa.  So sa en premye keksoz.  Alors parey mon’n dir travayer pa kapab esper Gouvernman fer tou.  Me lo lot kote, Gouvernman i annan en bout pou zwe osi.  Gouvernman i devret siport bann doker, parey nou’n dir taler, pou letan ki napa bato, atraver get en lasistans pou zot atraver Welfare. Sa Gouvernman i bezwen get ladan sa.  Ede pou bann doker kapab soutenir zot.  En lot keksoz Gouvernman i devret pe fer, mon’n tann mover Mosyon dir ki bann doker napa lasirans.  Sa kestyon lasirans i devret vin en kondisyon letan sa 2 lakonpannyen Hunt Deltel avek Land Marine, pou zot ganny zot license pou zot operate.  Sa i devret vin en kondisyon e la Gouvernman i kapab zwe en rol, dir avek Licensing pa donnen license si napa lasirans pou sa bann dimoun.  I fasil sa, pa difisil.  I demann en volonte.

En lot keksoz Gouvernman i kapab fer osi, parey Gouvernman in etablir saler minimum, in etablir en minimum rate pou bann travayer zournen, bann casual labour e fer sir ki sa dimoun ki anploy en casual labour i pey son Sekirite Sosyal, son pansyon ensi-d-swit.  Sa Gouvernman i kapab fer avek bann doker, sa 2 lakonpannyen ki anploy doker.  Si ou vwar, i annan diferans dan zot rate per tonn, dan zot tonaz.  Alor Gouvernman i kapab vini, strike la, I dir lala, nou etablir en minimum rate pou tonnaz.  Me doker i kapab pa dakor.  Se sa ki mon ensiste.  Kantmenm Gouvernman pou sey fer sa, doker i kapab kontinnyen dir i pa dakor.  Se sa ki i eportan, doker li i organiz li atraver son Union, i a revandike, i a pouse pou son drwa, pou son rate ganny ogmante dapre ki i ava dakor avek.  Alor, mon krwar poudir Gouvernman i kapab pouse pou bann doker ganny gete, en pe parey mon’n dir bann zournalye.

Me lo lot kote trwazyenmman, rol konpannyen prive, ler ou konpar saler oubyen renimerasyon ki bann doker i gannyen, avek profi sa 2 lakonpannyen ki anploy sa bann doker, i enkonparab Mr Deputy Speaker.  Sa zistans i tro gran.  Ou pa kapab konmsi konpar sa 2 keksoz.  Profi i telman enorm konpare avek sa ki doker i gannyen.  E la alor nou lans en lapel, se sa ki mon dir, konpannyen prive osi i bezwen zwe en rol, sa 2 konpannyen prive i devret pas en pe sa profi avek bann doker an revwar zot kondisyon, konpansasyon e tou sa akoz letn doker in la ek ou dan lafreser, dan lasaler ensi-d-swit, li osi son lasante i ganny afekte.  Cascade nou annan pa mal dimoun ki travay doker, ki’n travay doker dan lepase, mon konn enn mon zanmi la ki i ozordi preske andikape akoz, lasaler/lafreser dan lakal bato, ensi-d-swit.  E sa i fer ki mon krwar en konpansasyon i due pou bann doker.  E sa bann keksoz parey nou pe dir, Gouvernman i a fer son bout e nou lans lapel la atraver so Mosyon, Gouvernman pous son bout, konpannyen prive i a regarde.  I pou tande li, letan Gouvernman pe pouse, me prensipalman i pou tann plis letan doker ek Union i ape large.  La ki pou li.  Doker i bezwen la e pouse, mon pa al dir fer strike konmela.  Avan ou fer strike ou bezwen diskite ou kondisyon ensi-d-swit.  Anmenn en diskisyon.  Apre si pa tande la ou a strike.  Wi, i annan dan lalit travayer sa, letan travayer in organiz li, it’s part and parcel of it sa.  letan pa tande, i annan son bout ki fer tande.  Me nou bezwen anmenn sa lalit propreman.  Pa kapab fer tande left, right and centre. Si alor sa 2 konpannyen i krwar poudir zour doker i anmar bato, i dir i a rod travayer etranze, Gouvernman pou dir li non atraver Imigrasyon dir non, ou pa pou kapab anploye okenn etranze pou vin desarz bann bato.  Ou konpran, se alor dan sa diskisyon, ozordi dan Sesel modern, mon krwar nou kapab asize, tou partners konsernen diskite, pou vwar a way forward pou sitiasyon ki bann doker i ladan.  Mon toutafe dakor zot kondisyon, zot sitiasyon i devret ganny gete me i devret ganny fer dan sa fason.  Pa bliye doker, mon lans lapel e lezot travayer osi organiz zot lasosiasyon, anrezistre avek Union e komans pous sa lager la pou meyer kondisyon tre for e nou Lasanble, nou vot pou sa Mosyon, nou a la deryer zot, nou a donn zot sipor e gidans kot i merite.  Mersi bokou Mr Deputy Speaker, mon ava siport sa Mosyon.

 

MR DEPUTY SPEAKER

Onorab Rose.

 

HON MARIE-ANTOINETTE ROSE

Mersi Mr Deputy.  Mr Deouty, mon pa pou long akoz bokou in ganny dir lo sa Mosyon ki devan nou e mon kontan Leader Lopozisyon in aksepte sa lamannman e konpran rezon det deryer sa lamannman e mon apresye osi bann propozisyon ki’n ganny met devan.

Mr Deputy, i 5.15er e nou bann Manm Lasanble nou’n deside reste ziska apre 5er pou fini sa Mosyon akoz nou santi ki i en Mosyon ki enportan e bann doker ki pe ekout nou i bezwen apresye sa.  Nou’n deside reste e kontinnyen travay pou nou fer sir ki sa Mosyon i ganny pase.

Mon pti lentervansyon Mr Deputy, mon anvi koz avek bann doker e mon pou siport totalman lentervansyon ki Onorab De Commarmond in met devan akoz toultan nou koz lo en change of mindset.  Toultan dan sa Lasanble nou dir fodre i annan en change of mindset. Me mon krwar the change of mindset i osi vin avek en change of reterric.  Sanzman dan lafason ki nou koz avek nou dimoun.  Mon apresye sa Mosyon akoz mon krwar bann doker i enn bann group dimoun ki travay tre dir e fason zot travay limenm i demann en kantite lafors fizik eksetera, zot ganny ekspoze avek en kantite threat, zot pa neseserman ganny byen peye.  Nou konpran tousala e fodre bann doker i apresye tou largiman ki nou bann Manm Lasanble in met devan e fodre zot apresye ki nou sa Lasanble, nou pe kontinnyen lager pou zot.  Depi 2006, kote Parti mazoriter pe met bann Mosyon devan pou kontinnyen lager pou bann doker.  Fodre pa zot oubliye sa.  Me eski, malgre tou sa lager ki nou’n lager, in abouti dan bokou keksoz?  Nou’n lager, nou Lasanble i kapab koze.  Mon konnen in annan en pti logmantasyon lo zot tonaz par serten lakonpannyen.  Me pa gran keksoz ki’n arive e mon krwar i enportan ki bann doker e mon pou zwenn Onorab De Commarmond, ki bann travayer an zeneral i komans realize ki pa zis met en Mosyon devan ki solisyon, oubyen pa zis lager pou zot dan Lasanble ki solisyon.  En kantite fwa solisyon i komans par zot.  I komans par zot, komans organiz zot.  I komans par zot rekonnet ki zot bezwen annan en sense of organization e fodre ki bann doker i osi realize ki pa tou solisyon ki trouve devan laport Gouvernman.  Wi, i annan ki trouve devan laport Gouvernman.  I annan ki Gouvernman i kapab fer.  Me ozordi avek en lekonomi ki’n liberalize, avek bann presyon external lo nou lekonomi, avek bann negosiasyon ki nou Gouvernman pe fer.  There’s so much ki Gouvernman i kapab fer e en kantite i depan lo sa dinamik ant bann travayer ek zot anplwayer.  En kantite keksoz i kapab ganny akonplir dan sa dinamik ki preski a mon ki, pa tro existant ozordi akoz i annan labsans linyon.  Akoz i annan labsans en linyon ki aktiv.  E nou pe demann bann doker pou dir, byen bon ki nou Lasanble pe pouse, me zot kapab rekonnet osi ki nou Lasanble pa pe koz menm langaz ozordi.  Nou pe koz en diferan langaz, nou pe dir wi Gouvernman e nou lo kote mazoriter, nou’n anmenn en lamannman pou dir non, enkli sekter prive.  E Onorab De Commarmond in al pli lwen in dir, be non annou koz ek bann doker osi.  E mon krwar i enportan ki tou le 3 Parti prenan i asize, i rod en solisyon, me mon annan detrwa parol pou bann doker.

Annou move away from, annou bouze, sorti en latitid depandans pou vin en latitid endepandans.  Annou pa ekspekte ki tou keksoz ki pou ariv kot nou, i pou vin par laverti, oubyen i pou vin atraver ou Manm Lasanble, oubyen i pou vin atraver en desizyon politik.  Annou sanz nou latitid dan sa Nouvo Sesel ki nou pe viv e annou rekonnet ki zot osi bann doker, zot annan serten pouvwar pou fer keksoz arive.  Annan zot en striktir organize.  Vin bann group ki tre disiplinen dan zot travay.  Vin bann group ki devlop bann skill negosiasyon avek zot anplwayer.  Zwenn en linyon ki konpetan, ki kapab e la mon osi demann bann linyon travayer dan nou pei, pou zot osi organiz zot akoz i annan en demann e nou bann travayer pe demann fair deal.  Toulezour i annan labour disputes. Nou bann travayer pe demande ki bokou i ganny fer e sa i met en kantite presyon lo nou Gouvernman e parfwa nou Gouvernman i krwar i kapab rezourd sa problenm, kot nou pa kapab.  Akoz nou annan lalwa saler minimum, nou annan minimum rate pou casual labour ki nou’n mete, nou’n met Welfare Agency, nou kontinnyen negosye ek sekter prive, nou pe kontinnyen rod bann meyer deal pou Sesel avek Linyon Eropeen an sa ki konsern bato ton, nou pe kontinnyen fer tousala.  But i pa a solution in itself, it is not an end in itself e mon lanfaz ozordi se lo bann linyon osi pou leve, reponn lapel bann travayer e bann doker ki bezwen zot.  E mon ti a osi demann bann doker to be reasonable dan zot demann.  Mon krwar, Onorab De Commarmond in dir, profi ki bann anplwayer i fer e avek larzan ki bann employee e Onorab Vangadasamy in met devan ki kantite en per-d-fanmiy i anmenn devan li.  Onorab Jeannevol in met devan ki kantite i kapab reach tou le mwan, ki maximum en fanmiy, si i travay tre dir i kapab anmenn devan son laport.  Bann lezot Onorab in koz lo bann solisyon ki Gouvernman/sekter prive i kapab travay lo la.  Me bann doker zot bezwen organiz zot, annan en linyon me osi pa touy sa goose that lays the golden egg.  The industry belongs to Seychelles. Sa lendistri i pou tou dimoun e nou, nou pe donn doker bann sipor e nou pe donn zot lide kimannyer pou avans devan zot case. Me fodre zot travay dir and be reasonable, annan en linyon, organiz zot, zot a ganny sipor politik avek nou bann Manm Lasanble.  Mon asire Gouvernman i pare pou ekoute kot i kapab ganny fer me i bezwen annan en nouvo dinamik ki kick in pou nou kapab trouv en solisyon pou bann doker e Mr Deputy, avek sa mon pou siport the amended MotionThank you.

MR DEPUTY SPEAKER

Right of reply, loter Mosyon.

 

HON DAVID PIERRE

Mersi Mr Deputy.  Mr Deputy mon krwar ozordi i en zour enteresan pou bann doker.  Mon kontan Mosyon kimannyer in sorti.  Mon santi wi, sekter prive i annan en rol enportan e kle pou zwe dan sa ki nou, nou pe rode.  Lasanble an antye i santi poudir travay ki bann doker i fer i en travay ki enportan, i enportan pou Sesel, i enportan pou devlopman ekonomik sa pei.  Egalman Lasanble in santi poudir rekonpans ki bann doker pe gannyen pou sa travay dir e enportan ki zot pe fer i pa commensurate avek sa zefor ki zot pe mete e letan nou get profi ki bann lakonpannyen ki anploy bann doker i fer, konpare avek sa ki bann doker pe gannyen, mon krwar sa bann lakonpanyen i devret santi li zot lobligasyon moral pou fer en keksoz an relasyon avek logmantasyon par tonaz ki zot pe donn sa bann doker.

So, ozordi mon lans en lapel final e mon demann avek sa bann lakonpannyen pou revwar dan en fason imedyat e increase sa larzan ki zot pe donn bann doker par tonaz.  mon demann Gouvernman pou zwe son rol, pou zwe son par kot i santi i kapab zwe son par, mon demann Gouvernman pou seryezman konsider, dan bann letan kot napa bato, pou seryezman konsider donn sa bann doker en sipor atraver Welfare Agency parey bann lezot Manm in fer sorti e mon krwar i annan en kantite keksoz pozitiv, mon pa pou al dan tou, me sa ki sagrinab i se ki letan mon get bann sif ki Onorab Vangadasamy in vin avek, ki in gannyen atraver pay slip serten doker, 2345 Fevriye, 1403 Mars, 2523 Me, 1987 Zen, mon krwar sa bann gran lakonpannyen i devret konpran poudir i pa ase, i pa ase akoz se sa bann menm dimoun ki pe donn zot sa bann milyon ki zot pe fer koman profi.  Alors i fer sans pou remet en pe dan sanmenm sa bann dimoun ki travay pou donn zot sa larzan.

Avek sa Mr Deputy, i reste pou mwan remersye tou bann Manm ki’n entervenir.  Mon krwar zot lentervansyon in a la oter, in bann entervansyon enportan e mon santi ki si sa ki nou’n met devan i ganny ekoute, en solisyon pasifik e enportan i ava ganny anmenn devan pou nou bann doker.  Avek sa mon a dir mersi ankor e mersi Mr Deputy.

MR DEPUTY SPEAKER

Bon, lo sa Mosyon nou pran en vot.  Tou bann ki an faver lev zot lanmen?  Inanim, Mosyon in ganny aprouve.  E nou’n fini nou travay pou ozordi.  Nou ava adjourn ……………

 

(Technical Problem)

(Adjournment)